حسين ملاسي .... وين ؟؟؟

Post: #1
Title: حسين ملاسي .... وين ؟؟؟
Author: Emad Abdulla
Date: 07-13-2007, 06:25 PM
Parent: #0

ما يكون " كجور " كيكي إشتغل معاك بأثر رجعي ؟؟؟
أمرق .. فاقدين لماضتك و نقّتك المقدودة .

_______________
يا زول نعلّك طيبة ؟؟

Post: #2
Title: Re: حسين ملاسي .... وين ؟؟؟
Author: Abureesh
Date: 07-13-2007, 06:53 PM
Parent: #1

ما تقطـع حبل أفكارو.. هسى يكون وصل الكلمـة الثالثـة فى عموده.. فضلو ليه كلمتين تانى ويجيك صـادى.

سميـه طوبـة يا ملاسى.. دا ما عمـود.

Post: #3
Title: Re: حسين ملاسي .... وين ؟؟؟
Author: Ahmed Abdallah
Date: 07-13-2007, 06:57 PM
Parent: #2

قالوا يا عمدة الجعليين في زواج ناذر
ادوهوا سوطيين بالغلط هو جاء يهز في العريس
قايلنوا جاي متحزم للبطان !!!!
ومن ديك و عييييييييك

Post: #6
Title: Re: حسين ملاسي .... وين ؟؟؟
Author: Emad Abdulla
Date: 07-13-2007, 10:25 PM
Parent: #3

المحْطَة في الزول الأحمراني شينة يا أحمد ياخ ..
يكون لي هسع " متشظي " ؟

سلامتك يا حسين .
و مبروك يا ناذر

Post: #5
Title: Re: حسين ملاسي .... وين ؟؟؟
Author: Emad Abdulla
Date: 07-13-2007, 10:19 PM
Parent: #2

حبل أفكار عدييييييييييل كده يا أبو ريش ؟
ما قصرت معاهو و الله .

الله يكضب الشينة .

Post: #4
Title: Re: حسين ملاسي .... وين ؟؟؟
Author: عبدالكريم الامين احمد
Date: 07-13-2007, 07:17 PM
Parent: #1

Quote: ما يكون " كجور " كيكي إشتغل معاك بأثر رجعي ؟؟؟

كجور اييه ياعماد
الراجل بطبق في بنود اتفاقية (اوزونودام)
البند 310 وهو لو ما كتب 10 سطور اصلوا ما يطل ويظهر للجمهور
وحسع في اشاعة انو يادوبك لحقها 8 سطور

Post: #7
Title: Re: حسين ملاسي .... وين ؟؟؟
Author: Emad Abdulla
Date: 07-13-2007, 10:31 PM
Parent: #4

Quote: الراجل بطبق في بنود اتفاقية (اوزونودام)
بالجاتوه ؟؟؟

Post: #8
Title: Re: حسين ملاسي .... وين ؟؟؟
Author: طارق الأمين
Date: 07-13-2007, 11:06 PM
Parent: #7

Quote: وحسع في اشاعة انو يادوبك لحقها 8 سطور

الكضب حرام

ملاسي في السطر التاسع

ياكضابين

انتو اظنكم جايين لاجنده اخري

التجاهل

التجاهل

التجاهل

الرجل اختفي وفقا للبند 245

من اتفاق اوزنتردام

الترتيبات الامنيه

تحرو الصدق يا جماعه

Post: #9
Title: Re: حسين ملاسي .... وين ؟؟؟
Author: عبدالكريم الامين احمد
Date: 07-13-2007, 11:12 PM
Parent: #8

Quote: الكضب حرام

ملاسي في السطر التاسع

ياكضابين

طارق انت اكبر
ملاسي قانق
حرم الزول ده لسع في ال8

Post: #10
Title: Re: حسين ملاسي .... وين ؟؟؟
Author: Salah Abdulla
Date: 07-13-2007, 11:16 PM
Parent: #8

صحي الزول ده وينو ؟
بلاك البلد خربانة يا سحس
تعال خلينا نتونس شوية ، خرمنا ليك عديييييل
- - - - - - - - - - - - -
يا زول ان شاء الله إنت كويس وما (عيان)..

Post: #11
Title: Re: حسين ملاسي .... وين ؟؟؟
Author: عبدالكريم الامين احمد
Date: 07-13-2007, 11:30 PM
Parent: #10

Quote: رُزنامة الأسبوع.
---------------------
كمال الجزولي
صحيفة الرأي العام

انت عارف يا عمدة الزول ده من ما ما ظهر مع رزنامة الاسبوع الفات
بكون اكيد اقتنع وااامن ...
عشان كده بالله

التجاهل
التجاهل
التجاهل

Post: #12
Title: Re: حسين ملاسي .... وين ؟؟؟
Author: طارق الأمين
Date: 07-13-2007, 11:32 PM
Parent: #10

والله ياحسين

المغتربين ديل حيرونا

يا اخواانا

نحن اولاد الخرطوم ديل

الدايرنا

يجينا بالدرب

زي كيكي

بنعرف نعزمو وين

ماتجدعو من بعيد ساي

بس

سمي لاهي

Post: #13
Title: Re: حسين ملاسي .... وين ؟؟؟
Author: Salah Abdulla
Date: 07-13-2007, 11:39 PM
Parent: #12

طارق الأمين ..

إنتى المصحيك لغاية هسع شنو؟؟
الليلة ( نو نو ) مافي والا شنو؟
أها عزايم المراكبية دي ح نشوف آخرها شنو؟
أنا آخر الشهر ،أو بالكتير أول الشهر الجايي في الديم ..
والعزومة عليّ ..
ملاسي أخبارو شنو؟ الزول ده ما يكون عيان؟؟
عماد ده شايفو شفقان عليهو (خالس)..

Post: #14
Title: Re: حسين ملاسي .... وين ؟؟؟
Author: عبدالكريم الامين احمد
Date: 07-13-2007, 11:44 PM
Parent: #13

Quote: (خالس)..

والله يا صلاح انت وعماد لا عرفناكم (حبش)
لا عرفناكم (فلاتة)
غايتو يوم بتكتلوا ليكم زول في المنبر ده بالضحك.
عشان كده يا زول بوستيك ده (انا ح اعمل ليهو )
التجاهل (خالس)

Post: #15
Title: Re: حسين ملاسي .... وين ؟؟؟
Author: طارق الأمين
Date: 07-13-2007, 11:45 PM
Parent: #13

Quote:
ملاسي أخبارو شنو؟ الزول ده ما يكون عيان؟؟
عماد ده شايفو شفقان عليهو (خالس)..

شفقه ..........

الجو ي ......

لقوها.........

ياصلاح

Post: #16
Title: Re: حسين ملاسي .... وين ؟؟؟
Author: عبدالكريم الامين احمد
Date: 07-13-2007, 11:49 PM
Parent: #15

Quote: الدايرنا

يجينا بالدرب

زي كيكي

بنعرف نعزمو وين

يازول تاني زول من الدوحة بجيكم في اوزون مافي
انتو عندكم اجندة اخري..

Post: #17
Title: Re: حسين ملاسي .... وين ؟؟؟
Author: esam gabralla
Date: 07-13-2007, 11:55 PM
Parent: #16

كرمة

انا موصينى عليك ...

ابيت تشاورنى قبل زيارتك الاوزوندامية واهو حصل الحصل بس الله يعوضنا

اسة اسمع كلامى ...

اختا طارق ده... ما يتظارف ليك و يتضاحك و يتراشق

تحسبو لعب لما....

لكن!!!!!!!!!!!!!!

حسين ملاسي .... وين ؟؟؟

Post: #21
Title: Re: حسين ملاسي .... وين ؟؟؟
Author: طارق الأمين
Date: 07-14-2007, 00:14 AM
Parent: #17

Quote: اختا طارق ده... ما يتظارف ليك و يتضاحك و يتراشق

باللهي الحاله موصنك عليهو

ياخ اطمئن

الممولس ما مطورق

علي وزن

المقدم ما مو وصل

كت مستنيك ترد في بوست الحبيب م عادل

لكن ما جيت لعل المانع وكده

كان اخوك اوزنوهو بل تذكرتك

Post: #23
Title: Re: حسين ملاسي .... وين ؟؟؟
Author: esam gabralla
Date: 07-14-2007, 00:18 AM
Parent: #21

Quote: كت مستنيك ترد في بوست الحبيب م عادل

لكن ما جيت لعل المانع وكده

تلقاها عند الغافل

اخوك كان مسح مداخلاتو .... زى الشرا والشكر لى حماد

Post: #18
Title: Re: حسين ملاسي .... وين ؟؟؟
Author: Salah Abdulla
Date: 07-13-2007, 11:56 PM
Parent: #16

Quote: شفقه ..........

الجو ي ......

لقوها.........

ياصلاح

مبالغة يا (تارق)
ضحكت لمن البنية صحت ..
كيكي .. انت برضك مساهر ؟ في شنو الليلة يا جماعة ..

Post: #19
Title: Re: حسين ملاسي .... وين ؟؟؟
Author: الجيلى أحمد
Date: 07-13-2007, 11:58 PM
Parent: #1

خطوط العام والخاص لايمكن فصلها,
عبارات كـ
لاشخصى..!!

لايمكن أن تقول أن حسين ملاسى ملهاة المكان,
سياحة مجانية على عمق الصحافه الحاليه...!!!
ملاسى الذى شابه فى مستوى كتابته كمال الجزولى
فأصبح إسمه مربوط به
نفكر بملاسى
فنفعل بالجزولى
ننتشى بشعر مجوب شريف
فيقفز إسم ملاسى

عليك الله ياعماد قول لى ملاسى
كان رفدوك ناس الجبهه,
حاول الشيوعيين يمكن يشغلوك عنصر نقاش..

Post: #20
Title: Re: حسين ملاسي .... وين ؟؟؟
Author: عبدالكريم الامين احمد
Date: 07-14-2007, 00:07 AM
Parent: #19

Quote: اختا طارق ده... ما يتظارف ليك و يتضاحك و يتراشق

تحسبو لعب لما....

طارق ده ياعصام ظهر اكبر (ملاسي قانق)
عشان كده التجاهل
التجاهل

Post: #22
Title: Re: حسين ملاسي .... وين ؟؟؟
Author: محمد البشرى الخضر
Date: 07-14-2007, 00:16 AM
Parent: #20

كيكي مالك الليلة
مركب مكنة دكتور ولا حاجة

Post: #24
Title: Re: حسين ملاسي .... وين ؟؟؟
Author: طارق الأمين
Date: 07-14-2007, 00:19 AM
Parent: #22

محمد البشري

انت زعلت ولي شنو؟؟

Post: #25
Title: Re: حسين ملاسي .... وين ؟؟؟
Author: طارق الأمين
Date: 07-14-2007, 00:25 AM
Parent: #24

صلاح

Quote: طارق الأمين ..

إنتى المصحيك لغاية هسع شنو؟؟

كفيلي قال لي ممكن بكره ما تجي يا ابو الصلح

Post: #35
Title: Re: حسين ملاسي .... وين ؟؟؟
Author: محمد البشرى الخضر
Date: 07-14-2007, 01:03 AM
Parent: #24

Quote: محمد البشري

انت زعلت ولي شنو؟؟
أزعل ليه يا طارق ؟ انا ما دكتور

Post: #39
Title: Re: حسين ملاسي .... وين ؟؟؟
Author: محمد البشرى الخضر
Date: 07-14-2007, 01:09 AM
Parent: #24

Quote: محمد البشري

انت زعلت ولي شنو؟؟
أزعل ليه يا طارق ؟ انا ما دكتور

Post: #27
Title: Re: حسين ملاسي .... وين ؟؟؟
Author: tmbis
Date: 07-14-2007, 00:33 AM
Parent: #19

يجيكم تكوركو .. ما يجيكم برضو تكوركو ..

تكتبو في الكلام ساكت .. والدنيا ليل ..
بعد العملو في كيكي في اوزون .. وتماهو هنــا .. وبعد الحــلاقة الحلقه لي طارق اللمين ..
حقو تعمل حسابك يا عماد
وزي ما قلت لي كيكي قبل كدا .. حقو تسحب البوست ده ..

اسحب البوست ده ياعماد .. وجازف معاك صلاح ده بره المعمعة دي .. الزول ده كان جا .. بتعرفو حاجة ...

ياجماعة انا ما بستحمل أشوف فردي بتجازفو الواحد .. تلــو الآخـــر
ياخ مش كان كفاية ( كيكي ) ؟؟

يابورداب الدوحــة .. ( كوادركم ) ديل قاعدين في الصقيعة ساكت .. يعني نطعم ليكم بي ( كوادر ) من الرياض .. والا ( كوادر ) من ( الإكوادور )

اتفضل يا ملاسي ده خريف ابو السعــن

Post: #29
Title: Re: حسين ملاسي .... وين ؟؟؟
Author: esam gabralla
Date: 07-14-2007, 00:43 AM
Parent: #27

Quote: نطعم ليكم بي

انت بس بقيت شغال تطعم؟

دى مروتك مع ناس طارق الامين؟

الله يخلى كيكى الحيرسل لى البرنامج داك ...

امة كلام ساكت ...........

صحى راسمالكم "نفخة"....

Post: #33
Title: Re: حسين ملاسي .... وين ؟؟؟
Author: tmbis
Date: 07-14-2007, 00:57 AM
Parent: #29

Quote: انت بس بقيت شغال تطعم؟
دى مروتك مع ناس طارق الامين؟
عليك الله انا الطاعم شنـو في دنيتي دي .. خلينا نطعم ياخ .. إنت مسخن معاك وين ..؟
بترجف مالك .. حالتو لسه حسين ما جاك ..

عليك الله خلي ( كيكي ) يضوي ليك .. ويطعم ليك .. إن شاء الله يفتح ليك مطعم عديل
انا غايتو راجي ملاسي ..

Post: #26
Title: Re: حسين ملاسي .... وين ؟؟؟
Author: Deng
Date: 07-14-2007, 00:25 AM
Parent: #1

صلاح.

ملاسي سافر القاهرة معتل شنط العريس نازر.

دينق.

Post: #28
Title: Re: حسين ملاسي .... وين ؟؟؟
Author: Salah Abdulla
Date: 07-14-2007, 00:43 AM
Parent: #26

أنا كنت قايل طارق وكيكي بس (ملوك السهر) ..
أتاري الجماعة صاحين وعاملين(نايمين)..
عصام جبر الله ، والجيلي ، ومحمد البشرى ، ودينق كلكم صاحيين ؟؟
نحن بي سببنا اجازتنا جمعة وسبت ، إنتو كيف؟؟
راجين (سكّان الموقع) ينوموا ، وتجو (تبرطعوا) هنا ؟؟
بيني وبينكم أحسن كده ، الواحد يلقى راحتو بعيداً عن (الغبار والأتربة) ..
الجيلي قلت لي ملاسي ليس ملهاة المكان ، وتشابه كتاباته كتابات كمال الجزولي !!
باقي ليك (الجماعة) بعد ده بيفكوه؟؟ عضوية مرفوضة..
يا طارق الامين ، الحمد لله ربنا باعدنا من الكفلاء وشرورهم ، حكومة ساااااااااي..
يا دينق ، بالله حسين بقي (عتّال) شنط؟؟ عليك الله في زول بيسافر مع عريس شهر العسل؟

خليكم من حسين ، سيد البوست ده ذاااااتو وينو ؟؟ الزول ده امبراطور السهر عديل كده ، معقولة يخلي بيتو مفتوح كده ويتخارج؟؟

Post: #31
Title: Re: حسين ملاسي .... وين ؟؟؟
Author: esam gabralla
Date: 07-14-2007, 00:52 AM
Parent: #28

صلاح ...

زى ما قال الفار للفيل "انحنا لو ما السكر والسهر كان بقينا قدرك كدة!!!!"

اها يا اللخو انحنا لو ما الشغل والشفع والقراية و "البعلة" والكبر و الفتر والفلس والفقر... كان كل يوم هنا صباحى..

Post: #36
Title: Re: حسين ملاسي .... وين ؟؟؟
Author: طارق الأمين
Date: 07-14-2007, 01:05 AM
Parent: #28

كتب صلاح

Quote: بالله حسين بقي (عتّال) شنط؟؟

وفيها شنو يا صلاح يعني لما يشيل شنط الاخوان

ويبقي شيال التقيله

اهو في فنانين كيار بقو شيالين في الحفلات

حسين لا تعبأ بالجرحي تقدم دايما نحو اوزون

Post: #40
Title: Re: حسين ملاسي .... وين ؟؟؟
Author: الجيلى أحمد
Date: 07-14-2007, 01:13 AM
Parent: #28

Quote: قلت لي ملاسي ليس ملهاة المكان ، وتشابه كتاباته كتابات كمال الجزولي !!
باقي ليك (الجماعة) بعد ده بيفكوه؟؟ عضوية مرفوضة..

أسالنى دبل ياصلاح

مإنتو عملتو أصحابو من زمااان
إنت ومعاك عصام وكيكى
هسه الواحد لو عايز يقطع ليهو ,
تشبكونا
بالرااحه
بالراحه

كرهتونا

Post: #41
Title: Re: حسين ملاسي .... وين ؟؟؟
Author: ودرملية
Date: 07-14-2007, 01:15 AM
Parent: #28

سلامات
وعوافي
اما وان الحال اتكعوج واتعوج واصبح السابلة والنظارة والاسفيرين يهمسون متسائلين عن الحلبي الشين "ملاسي" ..
فاني امنت بان الذي بينك وبينه عداوة لهو الطف الوان المحبة الصادقة .. فملاسي "ايا شفاه الله" كالعقرب "يقرص ويلبد" وسبحان الله جبار الكسور وتام القصور .. عندما يغيب يسال عنه "اول المقروصين" اي والله .. واظنه لمن كبد نعم الله علينا نحن المساكين ان جعل في قلوبنا رحمة وطيبة والله مارايتها قط في "بني ادم" سوانا ... اي والله فهذه الدنيا بقباحتها وسناحتها ما اخذت منا طيبتنا وتسامحنا وكذا هبالتنا ففي "اوروبا والدول المتقدمة" الزول البيعمل "كمثل المدعو ملاسي" مع جماعة ما "بيقطعوا معاهو ناشف" في كل اشكال التواصل الانساني .. اي والله بل يضربون عليه عزلة اجتماعية قاهرة "وبطالة خالص" كونه تجرأ و"ناخس وطاعن وكاوا" وما الي ذلك من وسائل "الغياظة" الثقيلة الباردة ..
ومن لطايف الله علي "المدعو ملاسي" انه لم يكن يوما "من ابناء اوروبا والدول المتقدمة" فجعله الله "غياظا" وسط اهله الغبش برغم بشرته التي تلهب صفحتها "اشعة الشمس اللاهبة" ..
وانً له الغياب ..؟
وهو لولا سودانيزاونلاين لما كان هناك ملاسي "بل لجلس مرميا في بقاع بني عباس والقرشيين نواحي الشق القبلي من البحر الاحمر في البقعة المنفوحة بطيب الجنتنين بكة والمدينة" او "عاطلا تجنى علي مضارب النواحي النيلية من ناحية الوابورات والاملاك المعقل الابدي لحلب بحري" .. ولكن "لانو الله بيدي الحلق لي الماعندو اضان" وهب عبده الضعيف "حسين ملاسي" هبات من فضله غير الممنون وخيره الغير مقطوع "فجعله من مفاصل العمل في شركات عيال الحلفاوي داوود عبداللطيف" فاضحي يقطع المشوار بين دال للسيارات وبحري "متابطا لاب توب وقائدا ماهرا لسيارة من الموديلات الحديثة اذا ركبها امثال اخونا كيكي وعماد الله لاصابتهم انفلونزا الطيور"من شدة برودتها التي تصيب بالسعال" هذا اذا لم يدخلوا في صدمة حضارية كونهم ما ركبوا قط العربات الفارهة ولا غازلتهم الكواعب الاترابا"كما يفعلن مع حلاوتي ونضارتي" .."ايا شفاهم الله".."..اي والله "الحلبي رطب وامثالنا ترعبهم رطوبة مدن الملح وتاكل من عظاهم المشقات العصية وتسرق اعمارهم وهم يتراوحون بين جهاز المغتربين ودوامات العمل القاهر الشاق "اللهم لا حسادة" ..
المهم في الامر ان ملاسي ربما شق عليه الوضع واضحى يبحث عن علاوة ما من ساداتنا "ابناء واحفاد داوود عبداللطيف" فاضحى يقضي وقته بين العمل والعمل ليضرب لهم مثالا للمدير المتفاني في عمله "فيرقعوهو بي علاوة لامن بيضو يحمر" اها وبعد داك عينكم ما تشوف الا "المساخة" فالزول دا اذا ما وجد بعض فراغ فهذا يعني انها لعنة من الله العلي القدير علي عباده المساكين "كونه اذا غضب من مدينة سلط عليها مترفيها" اها وبعد العلاوة وروني "مترفيها" زي ملاسي دا منو ..
فيا شباب سدوا دي بي طينة ودي بي عجينة "واعملوا نايمين حتي وان جلستم تحسبون نجوم السماء" فـ عل الله يلهم هذا الحلبي "المشوطن وحقار" الهاما يجعله لينا ومقبولا وظريفا وان يتجلي سبحانه وتعالي عليه بلطايف اسمائه الحسنى فيكون ملاسي بيننا ودودا ولطيفا ورحيما وجميلا ..
فيا ملاسي "هذا البوست سلاح ذا حدين" فاما فقدناك في غيابك لتعود بعدها "وتسدا فينا سيطان عرس ناذر" واما عدت ولان قلبك ورهف مزاجك وازدادت سطورك .. وان للاخيرة لمنتظرين ..
فبالله عد الينا كما نتمني او "فالقيامة التاخدك آآالحلبي القبيح الفقر النقر الشين الثقيل اللئيم المسيخ المشوطن *المسوطر "..
اما بعد
اسال الله الا يستجيب لدعواتي "القبيحات"..
* المسوطر كناية عن "سطيراته الشوية وعاجباهو لي درجة انو تشظي بفضلها"..

Post: #42
Title: Re: حسين ملاسي .... وين ؟؟؟
Author: الجيلى أحمد
Date: 07-14-2007, 01:29 AM
Parent: #41

..

Quote: اما وان الحال اتكعوج واتعوج واصبح السابلة والنظارة والاسفيرين يهمسون متسائلين عن الحلبي الشين "ملاسي" ..
فاني امنت بان الذي بينك وبينه عداوة لهو الطف الوان المحبة الصادقة .. فملاسي "ايا شفاه الله" كالعقرب "يقرص ويلبد" وسبحان الله جبار الكسور وتام القصور .. عندما يغيب يسال عنه "اول المقروصين" اي والله .. واظنه لمن كبد نعم الله علينا نحن المساكين ان جعل في قلوبنا رحمة وطيبة والله مارايتها قط في "بني ادم" سوانا ... اي والله فهذه الدنيا بقباحتها وسناحتها ما اخذت منا طيبتنا وتسامحنا وكذا هبالتنا ففي "اوروبا والدول المتقدمة" الزول البيعمل "كمثل المدعو ملاسي" مع جماعة ما "بيقطعوا معاهو ناشف" في كل اشكال التواصل الانساني .. اي والله بل يضربون عليه عزلة اجتماعية قاهرة "وبطالة خالص" كونه تجرأ و"ناخس وطاعن وكاوا" وما الي ذلك من وسائل "الغياظة" الثقيلة الباردة ..
ومن لطايف الله علي "المدعو ملاسي" انه لم يكن يوما "من ابناء اوروبا والدول المتقدمة" فجعله الله "غياظا" وسط اهله الغبش برغم بشرته التي تلهب صفحتها "اشعة الشمس اللاهبة" ..
وانً له الغياب ..؟
وهو لولا سودانيزاونلاين لما كان هناك ملاسي "بل لجلس مرميا في بقاع بني عباس والقرشيين نواحي الشق القبلي من البحر الاحمر في البقعة المنفوحة بطيب الجنتنين بكة والمدينة" او "عاطلا تجنى علي مضارب النواحي النيلية من ناحية الوابورات والاملاك المعقل الابدي لحلب بحري" .. ولكن "لانو الله بيدي الحلق لي الماعندو اضان" وهب عبده الضعيف "حسين ملاسي" هبات من فضله غير الممنون وخيره الغير مقطوع "فجعله من مفاصل العمل في شركات عيال الحلفاوي داوود عبداللطيف" فاضحي يقطع المشوار بين دال للسيارات وبحري "متابطا لاب توب وقائدا ماهرا لسيارة من الموديلات الحديثة اذا ركبها امثال اخونا كيكي وعماد الله لاصابتهم انفلونزا الطيور"من شدة برودتها التي تصيب بالسعال" هذا اذا لم يدخلوا في صدمة حضارية كونهم ما ركبوا قط العربات الفارهة ولا غازلتهم الكواعب الاترابا"كما يفعلن مع حلاوتي ونضارتي" .."ايا شفاهم الله".."..اي والله "الحلبي رطب وامثالنا ترعبهم رطوبة مدن الملح وتاكل من عظاهم المشقات العصية وتسرق اعمارهم وهم يتراوحون بين جهاز المغتربين ودوامات العمل القاهر الشاق "اللهم لا حسادة" ..
المهم في الامر ان ملاسي ربما شق عليه الوضع واضحى يبحث عن علاوة ما من ساداتنا "ابناء واحفاد داوود عبداللطيف" فاضحى يقضي وقته بين العمل والعمل ليضرب لهم مثالا للمدير المتفاني في عمله "فيرقعوهو بي علاوة لامن بيضو يحمر" اها وبعد داك عينكم ما تشوف الا "المساخة" فالزول دا اذا ما وجد بعض فراغ فهذا يعني انها لعنة من الله العلي القدير علي عباده المساكين "كونه اذا غضب من مدينة سلط عليها مترفيها" اها وبعد العلاوة وروني "مترفيها" زي ملاسي دا منو ..
فيا شباب سدوا دي بي طينة ودي بي عجينة "واعملوا نايمين حتي وان جلستم تحسبون نجوم السماء" فـ عل الله يلهم هذا الحلبي "المشوطن وحقار" الهاما يجعله لينا ومقبولا وظريفا وان يتجلي سبحانه وتعالي عليه بلطايف اسمائه الحسنى فيكون ملاسي بيننا ودودا ولطيفا ورحيما وجميلا ..
فيا ملاسي "هذا البوست سلاح ذا حدين" فاما فقدناك في غيابك لتعود بعدها "وتسدا فينا سيطان عرس ناذر" واما عدت ولان قلبك ورهف مزاجك وازدادت سطورك .. وان للاخيرة لمنتظرين ..
فبالله عد الينا كما نتمني او "فالقيامة التاخدك آآالحلبي القبيح الفقر النقر الشين الثقيل اللئيم المسيخ المشوطن *المسوطر "..
اما بعد
اسال الله الا يستجيب لدعواتي "القبيحات"..
* المسوطر كناية عن "سطيراته الشوية وعاجباهو لي درجة انو تشظي بفضلها"..

بالجد بالجد

ياودرمليه إنتا زول لغتك سمحه, وعجنتها حلوه,
ولو كنت مكانك لتفرغت للكتابه , لو كنت مكانك لفعلت ذلك من توى,
يازول مشكور حسين ملاسى بكل تفاهاتو إنو فتح لينا باب نتعرف خلاله عليك

Post: #30
Title: Re: حسين ملاسي .... وين ؟؟؟
Author: طارق الأمين
Date: 07-14-2007, 00:45 AM
Parent: #26

انتو في حسين ملاسي وين

ولي سيد البوست ظااااااتو

عماد عبدالله وين؟؟؟

وين الملايين

الشعب القطري وين

وببببببن ويييييين

Post: #32
Title: Re: حسين ملاسي .... وين ؟؟؟
Author: esam gabralla
Date: 07-14-2007, 00:54 AM
Parent: #30

يا طارق

عماد ده اصلو كده، اسالنى منو انا.... عرفة تقيلة ... يكب ليك موية السكر لمن تقرب بزوغ...

نعمل شنو؟ ادى الله وادى حكمتو ... نستحمل بس

عماد ده حمام ميت ...

التجاهل
التجاهل
التجاهل
ولم ياتو لونسات وصحبات انما حركات

التجاهل

التجاهل

وانا ماشي وين؟

السرير

التجاهل

التجاهل

التجاهل

Post: #37
Title: Re: حسين ملاسي .... وين ؟؟؟
Author: الجيلى أحمد
Date: 07-14-2007, 01:06 AM
Parent: #32

ياعصام الدين الأفغانى
أمشى نوم لو رايحه ليك نعسه

بطل غتاته

لو عندك شغل نقدى قولو عديل..

معقوله بس مسألة الرسومات المسئيه تكون لسه تاعباك..!!!

Quote: التجاهل
التجاهل
التجاهل

Post: #34
Title: Re: حسين ملاسي .... وين ؟؟؟
Author: Salah Abdulla
Date: 07-14-2007, 01:01 AM
Parent: #30

يا تمبس يا أصلي ..

صباح الخير
التوقيت في الرياض ، والدوحة والخرطوم واحد ، ويمكن في الرياض فارق ساعة ..
برضك مساهر ؟؟ في شنو ؟ الليلة ما الخميس !! بكره عندكم دوام ..
وبعدين يا أصلي ، معقولة تشكك في إمكانياتنا ؟؟
حسين ده (بنتونس) بيهو يا فردة ..
وبعدين لازم يكون في ناس تفكها فيهم ، أو معاهم
وده المكان البتجي تقابلو فيهو الناس الظريفين ، وتتنونس وتهزر ، وتحمد ربك ، وتستغره ، ثم تتخارج لا تألوا على شئ..

وأنا مُصر أنو في اجازتي دي (أتصور) عديل مع ملاسي ، حتى لو بالدس ، وأجي أبيع الصور هنا !!!

Post: #38
Title: Re: حسين ملاسي .... وين ؟؟؟
Author: Salah Abdulla
Date: 07-14-2007, 01:07 AM
Parent: #34

عصام ..

Quote: الشغل والشفع والقراية و "البعلة" والكبر و الفتر والفلس والفقر... كان كل يوم هنا صباحى..

معقولة ، ده كلو ؟؟؟
البركة في النفس الطالع ونازل ده !!

Post: #43
Title: Re: حسين ملاسي .... وين ؟؟؟
Author: مجاهد عبدالله
Date: 07-14-2007, 01:51 AM
Parent: #1

والله يا ناس الديم ـ تفسحواـ الزول وتعشوا في شنداوي

الود..

Post: #44
Title: Re: حسين ملاسي .... وين ؟؟؟
Author: مصطفي سري
Date: 07-14-2007, 02:52 AM
Parent: #43

يا جماعة
هوي صوتكم
بقي عالي
جدا جدا
حمتيونا
النوم
تجيبوا
في سيرة
الناس
بليل
بلا
وانجلي
طارق
انت
المطرة
صابة
عندكم
لمن تكون
صاحي
للان
وصلاح
زي
ما قال ليك
تمبس
يجوكوكم
تكوركو
ما يجوكم
تكوركرو

Post: #45
Title: Re: حسين ملاسي .... وين ؟؟؟
Author: bayan
Date: 07-14-2007, 05:38 AM
Parent: #44

انا ما مزعلاني حاجة الا حقارة بورداب الخرتوم
الاوزون دا نحنا ما شبهو؟
شنو يا طارق الامين ما اتعقدنا آديل كدا

بارك الله في اشراقة مصطفى وبانقا..
ودوني ليه...
وانتو الفيكم اتعرفت...
بعدين يا ولاد عبدالله ما قلنا ليكم الهظار
الخشن دا تخلو..
ما تزعلونا وتخلونا نلبس كبكنا...
انت يا ودرملية ما عايزني احضر حنتك وازغرد ليك ولا شنو؟

Post: #46
Title: Re: حسين ملاسي .... وين ؟؟؟
Author: طارق الأمين
Date: 07-14-2007, 07:44 AM
Parent: #45

Quote: الاوزون دا نحنا ما شبهو؟

قووووووووولي عزمناك يادكتوره

وبعد سافرتو سألونا من الكبك

نودي وشنا وين؟؟

الجادي في العزومه يجيب معاهو شبط

وبالمناسبه يابورداب المنافي

الداير اوزون يسرع قبال المطره تلحقو امات طه

والعندو كبك وداير يستفيد منو

يقطع تذكرتو

يجي الخرتوم اليومين ديل

يعني المطره دي لوفاتت

حتودو كباكتكم وين

وتستفيدو منها شنو

ماتبقو من الذين يخزنون الكبك

حوبتو جات وفي ليهو مبرر

لكن شهر 10 تشمو طرحه

نبقي في كبكنا كبك كبكم

وكبك كيكي بي كم

وابر بربر

Post: #47
Title: Re: حسين ملاسي .... وين ؟؟؟
Author: nazar hussien
Date: 07-14-2007, 08:49 AM
Parent: #46

Quote: المحْطَة في الزول الأحمراني شينة يا أحمد ياخ ..
يكون لي هسع " متشظي " ؟
سلامتك يا حسين .
و مبروك يا ناذر

هههههههههههههههههههههههههههههههههه.....

شظا زهر...ولا ضهر

Post: #48
Title: Re: حسين ملاسي .... وين ؟؟؟
Author: bayan
Date: 07-14-2007, 08:56 AM
Parent: #46

Quote: يجي الخرتوم اليومين ديل

بالله عايز تغشنا؟
لالا نجي في الشتاء تعزمونا نجي ببطانية..
قالو لو الخريف ناجح الشتاء بعدمنا نفاخ النار..
يلا عاد اثبت على كلامك دا
بعدين ما تعملها لينا زوغة
عشان ما يقولو طارق الامين شوهد مع الضلامية..
جهة المغرب في الاوزون..
الكبك ما بلبسة للذيك يا يابا..
شايف كسير التلج دا؟

Post: #49
Title: Re: حسين ملاسي .... وين ؟؟؟
Author: نهال كرار
Date: 07-14-2007, 09:51 AM
Parent: #1

أي والله

حسين ملاسي وين ؟؟

ياعماد تحياتي

عارفين المحبة موجوده رغم المكاواة والخلافات

Post: #50
Title: Re: حسين ملاسي .... وين ؟؟؟
Author: ودرملية
Date: 07-14-2007, 10:49 PM
Parent: #49

سلامات
وعوافي
الجيلي احمد
كيفنك ياصديقي اللطيف ..
ابهجتني نشوتك بحديثي .. فانا ذاتي شايف فيك شوفة ماكنة خلاص لكن لعن الله السياسة فهي تسرقنا كل مرة اكثر مما تعطينا ..ولعن الله حرج هذا الموقف كوني ما اخرجت "شوفتي" الا لمن طلعتها انت فاغفر لي ذنبي وضيق المقام علي المقال..
ياسيدي "انا عاطل عن الكتابة" اللهم الا من فتوحاتها وهباتها التي تزورني من فضل ارباب الحروف امثال سيدي في الاعالي والحقول الراعفة بالحنين "عماد عبدالله" وبقية ساداتي اولياء الكلام المنمق ومهذب من لدن سيدي "عبدالغني كرم الله" لي عند صاحبي في الملمات مقطوع الطاري جليس الكنابي والعوالم السفلية سيدي في المحبة "عبدالكريم كيكي" صاحب اللغة السردية "المهملة" كونه لم يوليها اهتمامه ولم يمنحها المزيد .. والله لولا هذا الرهط من الكرماء الكتباء ما انحل قيد كيبوردي مقدار حرف او جزء منه قط ..فهم مصدر الهامي ومنبع ثوراتي واسهامي .. فوالله ما قرات لهم قط الا وشق علي الصمت وانسال الكلام من حيث ادري ولا ادري .. والحمد لله من قبل ومن بعد.
والحمد لله مثنى وثلاث ورباع والحمد له ذو الفضل والمنة ان جعل في هذه الارض "قوم ذوو كولاج وعولاق وعباطة وغياظة ولياقة ولا يخلو حالهم ايضا من لطف ورقة غطاها الغبار ونوائب الزمان ومخالفة الجماعة في الراي وان كانوا علي صواب" من امثال المسوطر ذو الحرفين وبعض علامات استفهام سيدي في المساخة واللداحة "حسين ملاسي" ..كونهم "اي امثال ملاسي" يطاعنون ويكاوون ساداتنا فيفضح الله امرهم اذا ما اصابت واحد منهم مصيبة فيجد الفزعة اول ما يجد من نفس الذين اصابهم بسهامه الطائشة وطشاشه الساهم ..ولعل الوضع اشبه بالتخلق باخلاق رسول الله "ص" كونه كان يستدين من اليهود والنصارى لا لضعف فيه ولا لقلة الناس ولكن ليبعث في قلوبهم بعض اللين لعل وعسى يرحمهم الله بجزيل رحمته فيعودوا الي جادة الحق الطريق المستقيم .. فريما سؤال عماد من هذا الباب والله اعلم .. فالكتابين ديل ما بيدورو يزعلوا زول قط ..قصدهم اولا واخيرا السماحة والجمال .. وماعاداها فهو ذاهب كالزبد جفاءا ..والباقي منافع للناس..
تمثل عندي هذه البوستات بعض من جنان الله المبهولة علي خلقه من واسع نعيمه فيستظل بها ارباب الهجاير والنهارات المشمسة والمتخمة بالعرق والسخانة فتغدوا لحظاتهم اشبه "بعلايل ابروف" "وحدائق شمبات" اها طوالي بيمسكوا فيها بي ايديهم وكرعيهم خوف من ضيق الحال في مستقبل الايام "فعصفورة في اليد ولا عشرة في الشجرة" ..وهذا هو حالي ..يعني اكان جماعتك ديل وقفوا من الكتابة نحن قلبنا بيقيف عديل كدة شفتا كيف ..
والكتابة "عند اهلها علم لا يصح عندهم علم مثله" ..ونحن العلوم دي مخاصمانا خصومة السواد واللواد ..ربك يفرج الحال ..
علي كل انا ممنون لهذا الاطراء الذي ابهجني حد البهجة .. واسال الله ان يجعل قريحة اسيادي مفتوحة علي طول حتي نرضي من نحبهم بانفعالاتنا وردود افعالنا ..
ولك المحبة الما ليها حد ..
.
.
تخريمة:-
نجي لي صاحبنا الثقيل ملاسي .. والذي مثل ما اوردت عاليه سر غيابه اود ان اؤكده هنا مرة اخرى .. واسال الله ان يفتح عليه من خزائنه المليئة ومعادنه الثمينة ودنانيره الذهبية الكثيرة فيعود الينا "اما طيبا و وولوفا واما عبيطا وخروفا" واظن ان الغتاتة التي في الخرفان لا تضاهيها غتاتت كل الكائنات ...
اها شوف هسي ناسك في زول فقدك ؟ ما فتنة والله لكن النوريك قلوب الناس مختلفة كيف آآالفقر النقُر موش تجي شايت فينا ضفاري عمال علي بطال .. المرة الجاية انا بقطع تذكرة الخرطوم وبجي بحتو معاك قرض "يعني كاسوري موش زي بتاع صاحبنا القتلت قلبوا بالجاتوه لاااااااااااع والف لااااااااااااع" العبدلله بيجي ناطي في رقبتك اول شي وبعد داك نشوف مصايب الجاتوه وتبعاتو .. اها انا جايي في الضحية وامانة ما بخاف من الحتات الفيها الناس السمحين لكن طالما الامر اصبح عادي بدليل انو كيكي اصبح من مرتادي اوزون فلا باس بي عزومة اوزونية في احدي الليالي السمرية وتكون محضورة وشرط شرعي ما يكون فيها سفيان نابري ولا منعم سليمان لانو الاتنين ديل انا كان لاقيتم عندي معاهم فت تقيل يقومو ياخدوني من الجلسة وسماحتا .. يعني العيزومة دكاكينة وكدة ..
فياحسين اذا بلغك مكتوبي هذا اتمني ان تطمننا عليك من غير لداحة وانشاء الله بي تلفون ورقمنا عند اصحابك ناس منعم سليمان ..فبالله حلل مالك واتصل علينا حتي نغسل هواجس غيابك بقباحة صوتك فنمسي كالمطلقة لا شالا البيت لا لقت في الشارع وجيع ..
وتسلموا يا احباب ..

Post: #51
Title: Re: حسين ملاسي .... وين ؟؟؟
Author: tmbis
Date: 07-15-2007, 00:16 AM
Parent: #50

Quote: المرة الجاية انا بقطع تذكرة الخرطوم وبجي بحتو معاك قرض "يعني كاسوري موش زي بتاع صاحبنا القتلت قلبوا بالجاتوه لاااااااااااع والف لااااااااااااع" العبدلله بيجي ناطي في رقبتك اول شي وبعد داك نشوف مصايب الجاتوه وتبعاتو .. اها انا جايي في الضحية وامانة ما بخاف من الحتات الفيها الناس السمحين لكن طالما الامر اصبح عادي بدليل انو كيكي اصبح من مرتادي اوزون فلا باس بي عزومة اوزونية في احدي الليالي السمرية
...

والله يا ود رملية انا خايف يحصل ليك .. الحصل لي كيكي في اوزون.
يــا
كمان يحلقو ليك زي حلاقة طارق اللمين بتاعت المرة الفاتت.
يعني .. يحلقو ليك وتضرب ايس كريم في اوزون وترجع الدوحة زيك وزي ( كيكي ) واحد

Post: #52
Title: Re: حسين ملاسي .... وين ؟؟؟
Author: ودرملية
Date: 07-15-2007, 02:25 AM
Parent: #51

سلامات
وعوافي
الحبيب شديد تمبس
Quote: والله يا ود رملية انا خايف يحصل ليك .. الحصل لي كيكي في اوزون.
يــا
كمان يحلقو ليك زي حلاقة طارق اللمين بتاعت المرة الفاتت.
يعني .. يحلقو ليك وتضرب ايس كريم في اوزون وترجع الدوحة زيك وزي ( كيكي ) واحد

يازول كيكي راسو خفيف ياصاحبي وقلبو رهيف امانة انا ما بعرفوا ليك ..بعدين انا الحلبي دا انا كايسا معاهو ..
ياخي الواحد كره انو طوالي في مكان مسكنة وطيبة .. بعدين انا ملاسي بعرفوا ليك يعني فاهم نفسياتو اليدير بيها وجودو في اي مكان وزمان .. يعني العبد لله جاضم ليك الحتة دي تب وما تشيل همها ..
انا بختها ليهو لامن ياآآآمن زاتو .. بس النصل الخرتوم وبعداك محل رهيفة تنقد ان شاء الله ما تتلتق ..
بعدين اسمع ياوهم انت العيد ما بتعيد مع اهلك في البلد؟ ..
خلينا نتفاوض في المسالة دي لانو العبد لله ناوي علي العرس وكدا "الدنيا الغريبة دي دكين عرس ليهو سنة والاولاد الحلوين زيي كدة لسة لافين عزاب" ..غايتو الحمد لله ..
بعدين ياصاحبي ماتخاف علي اخوك انا ود الحدبة والمكسيك وانقولا الحلبي دا نهاية عمري يجي ياكلني جاتوه ويوديني اوزون واجي اعمل لي بوست "اوزوندام وكدة" ليه ياخي انت قايلني فارة زي كيكي ..يلقاها عند الغافل ..
ياملاسي اطلع برة وماتجي تخت لينا سطرينك ديل وتمشي..

Post: #53
Title: Re: حسين ملاسي .... وين ؟؟؟
Author: محمد أبوالعزائم أبوالريش
Date: 07-15-2007, 05:33 AM
Parent: #1

سلام ..... وتسأل منكم العافية

يا جماعة الحكاية ما دايرة ليها درس عصر .....

واضح إنو مافي شئ مهم من فترة في جريدة الميدان ... وكمال الجزولي يكون ماخد إجازة

يعني يكتب في شنو؟

أدوها صنة بيجيكم

Post: #54
Title: Re: حسين ملاسي .... وين ؟؟؟
Author: أبو ساندرا
Date: 07-15-2007, 06:10 AM
Parent: #1

كتب تمبستو :
Quote: والا ( كوادر ) من ( الإكوادور )

لا ، من كلورادو

كلورادو دي طبعن فيها ناس عاطف مكاوي ورؤوف جميل وكمال عباس
فراودة تمام

يا عمدة
انت أقعد هبش لي كده في معلم سحس
لمن يطلع ليك عم حليم صديق
ويلحقك الشنطة

Post: #55
Title: Re: حسين ملاسي .... وين ؟؟؟
Author: طارق الأمين
Date: 07-15-2007, 07:12 AM
Parent: #54

Quote: شايف كسير التلج دا?

بيان بتجيبي لينا الهوا

نبذه نبذتين متك برضو حلوه

بتنفعنا وما بتضرك

يلي يادكتوره يدك معانا

Post: #56
Title: Re: حسين ملاسي .... وين ؟؟؟
Author: Emad Abdulla
Date: 07-15-2007, 07:29 AM
Parent: #55

ممكن يكونوا " الجماعة " وصلوه و خشو ليهو الطقطاقة ؟؟
مشكلة ياخ ..
أنا قلت ليهم بس أم دلدوم ..
و يمسكوه بعد داك ( طَب العصب ) .. يصبغوا ليهو شعرو ..
و يقرو ليهو من ( صفحة إرشيفية للمواضيع التي كتبها حسين إبراهيم ملاسي في المنبر الحر منذ إنضمامه ) ..
يفقعوا ليهو بيها المصران الغليد .

أصلو ما جبت ليهم سيرة يخشو ليهو عبدالله قُطعه للسان العرب ..
ياخ بيكونو بالغو لكن ..
ما تخافي يا بيان .. قولي لخالتك ممكن نولف ليهو مكنة " تراجي "

كلو منك يا كيكي .

Post: #57
Title: Re: حسين ملاسي .... وين ؟؟؟
Author: Emad Abdulla
Date: 07-15-2007, 10:26 PM
Parent: #56

لا لا لأأأأ ..
الحكاية دي ما ياها ..

إنت يا ود رملية ..
طارق الأمين ده مش في المسنجر قال ح تكون كبعة خفيفة تحت الأضان الشمال ؟؟
و ما عندها آثار جانبية غير تعمل ليهو أب عديلات خفيييييييييف .. ؟؟؟

و طيب !!؟؟

Post: #58
Title: Re: حسين ملاسي .... وين ؟؟؟
Author: طارق الأمين
Date: 07-15-2007, 10:45 PM
Parent: #57

Quote: إنت يا ود رملية ..
طارق الأمين ده مش في المسنجر قال ح تكون كبعة خفيفة تحت الأضان الشمال ؟؟
و ما عندها آثار جانبية غير تعمل ليهو أب عديلات خفيييييييييف .. ؟؟؟

بطلو الكضب

انا قلت الاضان اليمييييييين

ارجو من الاخ بكري ابو بكر حسم امر هؤلاء

Post: #59
Title: Re: حسين ملاسي .... وين ؟؟؟
Author: سلمى الشيخ سلامة
Date: 07-15-2007, 11:01 PM
Parent: #1

يا عمدة ياخ خلى الزول
بكون مزنوق فى تفتيش تخريمات جديدة
لانه امكن لقى حكاية يكتب كلمتين فى راس الصفحة دى ما لاعبة
داير يغرق اللعب شوية
وبعدين انت يا طارق اللمين محل ما امشى مبارينى مالك
والله اكلم ليك( بكلى ليك)
هسى عماد قال دكين ما بعرس شفت الفتنة دى
فتنة والله وحكاية
ياعماد
الكورة واطة على الزول حسين بن ملاسى
امكن يطلع من ناس بن ملاس ولا حاجة بعدين تودى وشك وين ؟
مشتاقة وحات سيدى مشتاقة للناس السمحين
حبى لكم
قبل ما امشى ود رملية يشهد الله كتابتك سمحة عجبتنى تب
لغة وسلاسة ( سلاسة بالله العظيم ) سمحة

Post: #60
Title: Re: حسين ملاسي .... وين ؟؟؟
Author: nadus2000
Date: 07-24-2007, 04:06 PM
Parent: #59

Quote: تخريمة:-
نجي لي صاحبنا الثقيل ملاسي .. والذي مثل ما اوردت عاليه سر غيابه اود ان اؤكده هنا مرة اخرى .. واسال الله ان يفتح عليه من خزائنه المليئة ومعادنه الثمينة ودنانيره الذهبية الكثيرة فيعود الينا "اما طيبا و وولوفا واما عبيطا وخروفا" واظن ان الغتاتة التي في الخرفان لا تضاهيها غتاتت كل الكائنات ...
اها شوف هسي ناسك في زول فقدك ؟ ما فتنة والله لكن النوريك قلوب الناس مختلفة كيف آآالفقر النقُر موش تجي شايت فينا ضفاري عمال علي بطال .. المرة الجاية انا بقطع تذكرة الخرطوم وبجي بحتو معاك قرض "يعني كاسوري موش زي بتاع صاحبنا القتلت قلبوا بالجاتوه لاااااااااااع والف لااااااااااااع" العبدلله بيجي ناطي في رقبتك اول شي وبعد داك نشوف مصايب الجاتوه وتبعاتو .. اها انا جايي في الضحية وامانة ما بخاف من الحتات الفيها الناس السمحين لكن طالما الامر اصبح عادي بدليل انو كيكي اصبح من مرتادي اوزون فلا باس بي عزومة اوزونية في احدي الليالي السمرية وتكون محضورة وشرط شرعي ما يكون فيها سفيان نابري ولا منعم سليمان لانو الاتنين ديل انا كان لاقيتم عندي معاهم فت تقيل يقومو ياخدوني من الجلسة وسماحتا .. يعني العيزومة دكاكينة وكدة ..
فياحسين اذا بلغك مكتوبي هذا اتمني ان تطمننا عليك من غير لداحة وانشاء الله بي تلفون ورقمنا عند اصحابك ناس منعم سليمان ..فبالله حلل مالك واتصل علينا حتي نغسل هواجس غيابك بقباحة صوتك فنمسي كالمطلقة لا شالا البيت لا لقت في الشارع وجيع ..
وتسلموا يا احباب ..

دا شنو يا ود رملية تخريمتك دي ما لها كبيرة كدة، انت سايق قندران.....
كان ما ملاسي دا كان بيكتب سطر، كنت خرمت عبر رأس الرجاء