Post: #1
Title: أنثى بتوب .. إنه الصيف , آمنتُ بالله
Author: Emad Abdulla
Date: 08-10-2007, 11:58 AM
جمعة ..
يوم من أيام الله الصيفية ..
و أغسطس شهرٌ ولدت فيه .. و عانت فيه أمي مني و من الصيف و رائحة الديتول و الحلبة ..
أيام الله الصيفية هذه تجوز فيها المغفرة من السماء على ساكني جنوب مدار الجدي , و جنوب الصحراء الكبرى .. و جنوب القلب .
فيها قالت الأرصاد الجوية أن الظل حرارته ستٌ و أربعون .. قلت سجم البلد .
ألوذ - أنا الزاحف الكبير - بغرفة معتمة .. لا رقراق فيها لحزمة ضوء تحمل من شمس الله القائظة في الخارج .
المكيف يئز في رتابة ..
عندي " فردة " جئت بها من السودان في عام ما .. مطبقة و بيضاء و باردة و ناعمة .. أتلفلف تحتها .. و أسمع البي بي سي في كسل لذيذ ..
مللت برويز مشرف و القوات الأفغانية و الأسرى الكوريين و القوات الهجين و صوت رئيسنا و اجتماعات السلام و د. خليل و مذيعة البي بي سي النخناخة , بوش العبيط و دقات بيق بن , و ........
هنا أم درمان .. - أو هناك -
مذيعة بايخة في أمدرمان .. تنهر المستمعين من صباحات الله , هي في الصوت البارد .. و البزعي في الإعداد ..
ثم .. " مراسل أم درمان من أسواق الخضار " صوته زي القزازة لما تحكها في الظلط .. يضرس و كريه .
ثم ناس مطار الخرطوم و حركة الطيران .. و كل يوم يقول المذيع العكليتة لتلك البنت المسكينة : أرفعي صوتك شوية .
مونت كارلو فايقة .. فرنسيون حلوووون و .. ما عندهم موضوع ..
جمعة , و أغسطس و إجازة .. " الغلطة السرية " ..
رحم الله الخواجة كنتاكي أبو قُجة .
هذا صيفٌ بائنٌ بكرٌ .. لهباته أشداء على الكاسحين , على المرخمين رؤوفٌ رحيم .
آنسني وردي - و هو ضنين الجية هذه الأيام .. الأيام التي يصير العبد فيها إلى منتصف العمر - ..
سمعت طرفا من نقق المذيعين عن الحفل و عن الحفل و عن الحفل ..
فقلت : ما بطال , جو باردٌ و صنة تلف الدنيا و إذاعة مرض .. شكراً يا صيف .
كابلي زهجني .. صوته فاتر و بايت و كعب شديد ياخ .
كان أسوأ الفقرات .. و كمان ما حافظ و بشتن الغنا .. الله يسامحو .
صبرا يبل الآبريه مافي .. ؟ الحق على الصيف .. طويلٌ و مطاطي .
صمتٌ .. ثم :
:كل الطيوب الحلوة يا مولاتي و الجيد الرقيق
و اللفتة و الخصل اللي نامت فوق تسابيح البريق
و خطاكي و الهدب المكحل و فتنة التوب الانيق
الللللللللللللللللللللللللله .. أمانة ما كِتِل راجل ..
أو لربما هي خطرفات الصيف , أو فلنقل جوع الكائن المغلغل جواي و انتهاز أب فرار الشجن للسانحة ..
كله وارد .
التوب يا وردي ؟ .. التوب !!!
تذكرت كل الكائنات الساحرات اللائي عبرنني مبرقشاتٍ بتياب توقف شعر قلبي ..
في فصول ما من العمر - مسرحية العمر دراما مملة , بفصول ورا فصول ورا فصول -
( س . أ ) .. البنت لم تكن بنتا .. كانت إحدى أسلحة الدمار الشامل , تهابلت مرة و انا محوص في كعب رجلها .. أي و الله ..
لم يكن " كعبا " قاتلني الله ..
أشهد انه كان " سمحاً " حين تمشي .. سمحاُ حين تخلف رجلها .. سمحاً حين تجدعه تحت الطاولة بإهمال ..
كل أمره سمِح .. و نضيفاً و مُتمراً و لونه كلسان الأطفال ..
عاينته كتير حتى ظننت أني سأورثه ..
ثم .. فجأة و بلا مقدمات ولا خجلة :
........... ياخ عليك لله خليني أرسمك ؟؟ .. أو بالميت أرسم رجلك السغمبتوتية دي ..
الله يرضى عليك وافقي ..حاضر ؟
لم أرسمها طبعاً , و بدلا عن ذلك نفرت و فزّت البنية الفزة الياها ..
و كان التوب ذو الورقات البنية الصفراء المرسومة كبيرة على قاعدته البيضاء يهفهف لي و يتماوج في تماوج تقاسيم جسدها و نتؤاته السعرانة .
هذه خطرفة صيف .. الله يسامحك يا وردي ياخ ..
( ل . ص ) لم تكن تمشي كالنساء , صلاح حمادة قال لي و هي تقترب منا في الممر الضيق بين مكتب العميد و استديو التلوين , و قد كنا - مبسوطين شوية - : البنات بتمشي في خطوات شينة الإيقاع : .. جنيه .. جنيه .. جنيه , البت دي الله يسألني بتمشي : دولار .. ريال .. ين .. مارك ..
cat walk بتاع حنانك !! .. ده إسمو ركوب الجن .. و خلاص قفّل .
: صباح الخير .. - قالت -
سكتنا , طلعت من توبها و هي بتعبرنا حاجة كده عدمتنا النفس .. ما تعرفا عطر , همسة , سكين , لبعة .. كاس طويل .. الله أعلم .
ما معروف سوى أنه شيء تقيل و خفيف و لين و حلو و معطر و .. صلاتي على النبي ..
االمهم كابست كلام أقولو : صتاب الخور .. التوب خير , الحلو .. يا ..... منعم .. منعم ..
و قمت جاري ..
ورا الحيطة , أديت نفسي كف ..
هذا صيفٌ بحمى .. يشبه الملاحم العظيمة ..
أجمل الإناث عندي هي تلك التي تشع .. ضؤها التوب ..
أنثى بلا توب - عندي - هي وردةٌ بلا عبير عابق .
لعن الله الصيف و الحر و خمسينية وردي .. و الحلنقي الذي يهابش في حتات ما كويسة .. و يجيب سيرة البحر ..
و آخر قولنا مثلما قلنا أولاً :
و خطاكي و الهدب المكحل و فتنة التوب الانيق .
و ... الزول الإخترع المكيف ده .. الله ح يوديهو الجنة .
تراهنوا ؟؟
|
Post: #2
Title: Re: أنثى بتوب .. إنه الصيف , آمنتُ بالله
Author: تيسير عووضة
Date: 08-10-2007, 12:29 PM
Parent: #1
نعّستنا زاتو ..
ثم أطلَقت صوتاً كصوت الطائرات لمن تعمل take off
|
Post: #3
Title: Re: أنثى بتوب .. إنه الصيف , آمنتُ بالله
Author: شمس الدين خواجات
Date: 08-10-2007, 12:51 PM
Parent: #2
عمدة ,,
ياايها انت,,
جميل بنكهة القهوة,,
انا الان منتصف الظهيرة,,
اتناول نفسى منك فنجان يعدل مزاجى ,,
وفقما تشاء,,
لالالا,,
عفوا,,
(ممكن تقلل السكر شوية)..
ساتناول (البكر) اكثر من رشفة,,
والافضل ان نصب (التنى) (وهوهة),,
ياعماد ,,
تبا لامبورياتك امات ثياب,,
|
Post: #4
Title: Re: أنثى بتوب .. إنه الصيف , آمنتُ بالله
Author: sudania2000
Date: 08-10-2007, 01:39 PM
Parent: #3
|
Post: #7
Title: Re: أنثى بتوب .. إنه الصيف , آمنتُ بالله
Author: Emad Abdulla
Date: 08-10-2007, 02:04 PM
Parent: #4
you are not alone
المعاي منو ؟؟؟
إزيك ياخ ..
|
Post: #6
Title: Re: أنثى بتوب .. إنه الصيف , آمنتُ بالله
Author: Emad Abdulla
Date: 08-10-2007, 01:59 PM
Parent: #3
شمس ..
الصيف لايووق ياخ ..
القهوة في بلاد السجم ليست كقهوتنا يا صاحب ..
قهوتهم أمسخ من رباطابي 
و عندها رغوة يا شمس .. و ما فيها تفل و نكهة تسند راسك ..
حبة حبة بيدخلنا الصيف في النخجان ..
الحي الله و الكاتل الله ..
ياخي الخرطوم أبعد من أحلام الفقراء ..
و انا أحوج ما كنت لها ..
جُر نَفَس ..
و فكها .
|
Post: #5
Title: Re: أنثى بتوب .. إنه الصيف , آمنتُ بالله
Author: Emad Abdulla
Date: 08-10-2007, 01:52 PM
Parent: #2
تيسير ..
أسمعي من ( غير ميعاد ) ..
ح تعملي Landing
رجعتي متين ؟؟
|
Post: #8
Title: Re: أنثى بتوب .. إنه الصيف , آمنتُ بالله
Author: هند محمد
Date: 08-10-2007, 02:11 PM
Parent: #5
السرد جاذب وجميل استاذ عماد .. تحية وتقدير ..
|
Post: #13
Title: Re: أنثى بتوب .. إنه الصيف , آمنتُ بالله
Author: Emad Abdulla
Date: 08-10-2007, 11:23 PM
Parent: #8
هند التي تكتب .. فتبدع ..
سعيد بعبورك هنا ..
إذ في العادة لا يرد البرك الصيفية و أوحالها - كالتي طرحتها هنا - أقول .. لا يردها إلا فتوات و عنقالة و سابلة صقعتهم الحرّاية ..
( لا أستثني الزميل تيسير منهم  ) ..
فأناخوا بركب ذواكرهم العتيقات .. يطلبون الماء و الخضرة و الوجه الحسن و .....
و دونك أبو ساندرا و ود عدلان ..
هؤلاء قوم متلقي حجج .. و متلككون ..
ما أن تنغز شيئا من سيرة تاريخ الهكسوس أو بني كجة او الطوارق و المماليك أو البرمكيين حتى ينطوا ليك في حلقك ..
فكأنما تهبش رتائنهم .. فيبقون : بق ..
و يضيؤن و يقيمون الليل .. أورادهم : زمنٌ جميل .. و ناس سمحة .. و غنا مانع .. و رفقة تطرب القلب ..
قومٌ رهيفو شغاف الروح حتى لتخاف عليهم من النسمة ..
و فوق ذا و ذا .. فهم أوغاد و صائعون صائعون بالسليقة .. قاتلهم الله .
لماذا أقول لك كل ذلك و قد كتبتي لي سطرا واحداً ؟؟؟
لا بد أن الصيف ما يزال هنا .. و أن اليوم جمعة ..
لا بد ..
شكرا يا هند
|
Post: #9
Title: Re: أنثى بتوب .. إنه الصيف , آمنتُ بالله
Author: sudania2000
Date: 08-10-2007, 02:11 PM
Parent: #5
انت ما براك
مصطلح لجن او العبقرية
اختار ما يناسبك
ولا تستعن بصديق
|
Post: #14
Title: Re: أنثى بتوب .. إنه الصيف , آمنتُ بالله
Author: Emad Abdulla
Date: 08-10-2007, 11:30 PM
Parent: #9
فاسمعي يا ستي ..
واحد من أولاد بمبه .. أفاض في دجله و هو يحكي لصاحبنا الزهجان من كضب المصري و مكناتو ..
: كل السودان لفيتو ؟؟
: آه و الله كلو على بعضو .. بلدكو حلوة .
: مشيت وين و وين ؟؟
: خد عندك يا سيدي .. أنا زرت أمو دورمان .. و كسالا و بورتيسدان .. الفاشَر برضك رحتها و الضامر و .....
: و براك ؟؟
: آآآه .. براك برضك رحتها .. حلوة مِش بطالة .
لندن حلوة ياخ .. بطلي حركات ..
و أسألي الجمهور .
|
Post: #10
Title: Re: أنثى بتوب .. إنه الصيف , آمنتُ بالله
Author: أبو ساندرا
Date: 08-10-2007, 03:01 PM
Parent: #1
كشحته
ألم يقل الجابري
{ ويكشح شعاعو علينا راح }
شفت يا عماد اللغة دي
حول الشعاع إلى سائل وكشحو فينا ، راح
يوم ظننا إنها راحت علينا
قلت لك كشحته
فإشعل الدواخل بالضوء
والدفء
فأنا كفء
وأرهفت السمع ، أو أرخيت اذن سميعة
وصدح ، أبوبكر سيد أحمد
{ كل الطيوب الحلوة يا مولاتي }
كاس
وولد أسود
وآس
واسيني { الأعرج } يا أخو
أو هيأي لي نسر يتخطفني
ويحلق بي في الفضاءات البعيدة
ويطوف بي البلاد
ويتخلص من عبئيء
ويقذفني في صواردة
{ والذي أودع الحسن في عيون } النوبة العليا
وأورثني الضلالات ، ومطلني اللقيا
|
Post: #11
Title: Re: أنثى بتوب .. إنه الصيف , آمنتُ بالله
Author: Osman Musa
Date: 08-10-2007, 08:17 PM
Parent: #10
نتابع كل
ما تكتب
لك التحية استاذ
عماد
|
Post: #16
Title: Re: أنثى بتوب .. إنه الصيف , آمنتُ بالله
Author: Emad Abdulla
Date: 08-10-2007, 11:58 PM
Parent: #11
أبو عفان ..
جمعة سلبه ياخ .. ما دايره تخلص و تفكنا ..
الغنا بيمط الوكت يا عثمان ياخوي ..
و يملاهو بالذكريات و الحاجات البتوقفك على الهبشة ..
و الغنية دي بالذات لابسه توب و مجيهة يسألني الله ..
طيب .. نسمع شنو ؟؟
.. خليك من السمع .. نشم شنو ؟؟
مساء الخير عليك يا عثمان ..
|
Post: #15
Title: Re: أنثى بتوب .. إنه الصيف , آمنتُ بالله
Author: Emad Abdulla
Date: 08-10-2007, 11:53 PM
Parent: #10
| Quote: { ويكشح شعاعو علينا راح } |
و تقول السهارى معه :
( من بعد ما علمني ريد ) ..
( فجّر عواطفي غنا و نشيد )
( بدّل مراير الوحدة و الهم أحلى عيد )
الله ينعل أبو الغنا ..
و ينعل الناس السمحين ياخ و يخليهم لينا .. بركة دعا الوالدين .
ود الشيخ كان يسمع :
( ضاع الكلام ماتت حروف اللقيا قبال أهمسا ) ..
فيعلق و هو يهوزز رأسه التقيل بما فيه : التسجيل في الإذاعة كان بمكنات إنقليزية يا أخو .. مسجل أبولمبة .. شغل نضيف و مجيه .
و محمد سعد يبرطم ماسكا رأسه حين يجرررر وردي كلمة ( ماتت ) و يدغدغا : لأ إلااااااااااااا .. بالتفرطق أبو طيارة حنان حلتنا زاتو ياخ .
و يقول عامر في جديّة : كافر .. وردي كافر مافي كلام .
و بعدين .. و الله يا صاحب وجعتني الغنية .. فكأني أسمعها و انا ياداب عاشق كَرتْ ..
( كم مرة يعشق التور منكم يا معشر الصائعون ؟؟؟ ) ..
عني أنا , قالت لي البنوت أمّات شحّة في الجوف .. و إنفدارة : البيعدني يعدوهو في النار ..
و غمزنني .. العاصيات السميحات .
ثم إنك من حطب النار يا أخو ..
مالنا نحن و : أثقلت كفي الضراعات و ما تقبل عذرا ؟؟
الجن اليجننك بركة سيدي الحسن .. قول يامين .
|
Post: #12
Title: Re: أنثى بتوب .. إنه الصيف , آمنتُ بالله
Author: ابراهيم عدلان
Date: 08-10-2007, 10:56 PM
Parent: #1
GOD DAMN IT
ياخي في ناس التوب دا بحرق كيانا خصوصا المربوط عند الخصر و طبعا انا و بربر كنل متغالتين في شنو الجنن عبد القادر و انتفقنا انها الربطة الانيقة في نص زي نص المريخ لمن كان فيهو بشري و بشارة
كنا نسميها الجنرال ( اللفتة و التوب و القوام) امسكت بتلابيب الهواء ذات مرقة عصرية كان لون التوب اصفر اقرب الي الماسترد , تناسق اللون في جنون مع ما تحته, آمن فتحي ( دقة ) و بكي الخزين .
التوب ياخي دا اجمل ما يميزنا
و انت
الله يكون في عونك
|
Post: #17
Title: Re: أنثى بتوب .. إنه الصيف , آمنتُ بالله
Author: Emad Abdulla
Date: 08-11-2007, 00:06 AM
Parent: #12
المربوط عند الخصر .. !!!
الله ينتقم منك يا ابراهيم .. قول آمين .| Quote: كان لون التوب اصفر اقرب الي الماسترد , تناسق اللون في جنون مع ما تحته, آمن فتحي ( دقة ) و بكي الخزين . |
و تاني ينتقم منك .. حقي و حق فتحي و حق الخزين .
بالله أصفر مستردة .. مربوط , و تحته مجنون ؟؟ ..
و إنت حي لسه ؟؟؟
يا خينا ما تلاوز لينا ..
الدنيا ليل .. و أنحنا برضو مسلمين و موحدين زيك ياخ .
|
Post: #18
Title: Re: أنثى بتوب .. إنه الصيف , آمنتُ بالله
Author: فيصل نوبي
Date: 08-11-2007, 00:11 AM
Parent: #1
عمدة
مررت من هنا و غلبني النضم .... كالعادة ...
__
علي سبيل التحية..
|
Post: #19
Title: Re: أنثى بتوب .. إنه الصيف , آمنتُ بالله
Author: Emad Abdulla
Date: 08-11-2007, 00:28 AM
Parent: #18
شوف الما غلبو يا نوبي ..
قايل الفوق ده نضمي ؟؟ .. ( الطير يرقص مذبوحاً من الألم ) ..
مساك حلو يا نوبي ..
يا سر حامد اللعين - و هو اليوم عريس .. ربنا يواليهو بالعناية - أهداني مجموعة من أندر أحوال الغُنا ..
قاعد أسمع و أستغفر ربي و اتوب إليه ..
: ( لم يكن إلا لقاءً و افترقنا )
( كالفراشات على نار الهوى )
( جئنا إليها .. فاحترقنا ) .
شفت الوحشية بتاعة وردي دي ؟؟
يعني ما يخاف الله فينا الزول ده ؟
|
Post: #20
Title: Re: أنثى بتوب .. إنه الصيف , آمنتُ بالله
Author: محمد حيدر المشرف
Date: 08-11-2007, 06:13 AM
Parent: #1
عماد .. ونسائه الفارهات
ذوات الكعوب الجميلة
وصاحبات الطول والعصمة والالق
لكل هذا وذاك .. سلامات
يبدو ان صيف الدوحة او ربما هى الخرطوم دعاشا وجدانيا وحضورا فاره الغياب قد انزل او انزلت
بك حمى نحسبها اجرا انشاء الله وعافية ..
ولكن ..
لكم هن طاعمات - عليهن اللعنة - اولئك الصبايا /النسوة الان ولن اقول الحبوبات ..
اما كان يجدر بهن ان يتركن الباب مفتوحا للحظات كانت لتطول بطول هذا الغياب الطويل
ويبقين على بعض من حظوظنا دفيئة ..
ثم ماذا كن سيخسرن ؟..
ِ
تحياتى
|
Post: #24
Title: Re: أنثى بتوب .. إنه الصيف , آمنتُ بالله
Author: Emad Abdulla
Date: 08-11-2007, 07:49 AM
Parent: #20
قال المغني :
ناسي الشوق ( أنا بقولا و إنت أعمل ترررمتمم .. موسيقى بعد ناسي الشوق ) ..
نبدا تاني من الأول :
ناسي الشوق ..
ناسي الشوق ..
و ليالي هنانا , ليالي لقانا , ليالي الحب .
االسكون في نهاية الباء بتاعة ( الحب دي ) , أجمع الفقهاء إنها اول نون بغُنة ساكنة في التاريخ .. بعدها إدغام في حنانك لمن الله يغفر ليك .
و يواصل الضبح سيدنا وردي :
بالك خاااااااالي و شاغلني ( فتبكي كمنجات عربي و محمدية بي ورا : تييييييييي إإإإإييييي )
تاني عمك أبو الضباح يقول ليهم :
شاااااااغلني ..
يقومو تاني ينوحو ليهو : تييييييييي إإإإإييييي
بس .
محمد .. مد لي شوية موية الله يرضى عليك ..
أو طرف توب أزرق فاتح مشوح بضربات فرشه عريضة أزرق غامق ..
أقشقش بيهو مخاخيتك .
|
Post: #21
Title: Re: أنثى بتوب .. إنه الصيف , آمنتُ بالله
Author: محمد حيدر المشرف
Date: 08-11-2007, 06:19 AM
Parent: #1
عماد ..
غايتو فانوسك ده ساهر بى ...
قلت لى س أ ..
لى سينى مثلما لكم
كانت وتماما وكما يقول صديقى محمد ابراهيم حميمه
أمقس مقاس ..
عليها اللعنة
|
Post: #22
Title: Re: أنثى بتوب .. إنه الصيف , آمنتُ بالله
Author: معتصم الطاهر
Date: 08-11-2007, 07:04 AM
Parent: #1
يا عماد الله يعدل مزاجك .. بقدر هذا الخمج ..
و تخرجنا من أروراتك لى التوب
دا تخصص نورسي ..
بجيك بى مهلة ..
و هي مهلة ليست كالمهلة التى تمشي تحت التوب
ولا العباسية تلك ..
بحيك راجع .. تجيك اللافحاهو شمال ..
|
Post: #25
Title: Re: أنثى بتوب .. إنه الصيف , آمنتُ بالله
Author: Emad Abdulla
Date: 08-11-2007, 08:05 AM
Parent: #22
| Quote: و هي مهلة ليست كالمهلة التى تمشي تحت التوب |
فك التوب ..
تبت لله ..
و المهلة هنا قالها عمك الإعرابي الجميل حين ما قدر يضاريها :
( غراءُ فرعاءُ مصقولٌ عوارضها ::::::::::::::: تمشي الهوينى كما يمشي الوجِي الَوحِلُ )
( كأن مشيتها من بيتِ جارتها ::::::::::::::: مرّ السحابةِ لا ريثٌ و لا عجلُ )
تاني عمك نفسو إنقلب سوداني , و لسه شايل معاهو وجعه القديم ذاتو ..
و مهري بالبكاء الجميل :
( شفت في الأحلام ظبى يتهادن :::::::::::::: برشيق نغمات خلي تنادن )
( عبرات الشوق بي إزدادن :::::::::::::: تلكم أحلام ليت تمادن )
حتى يقتل نفسه و السامعين بـ :
( تلّ اليمنى .. و مشى متتاقل ) ..
شفت " تَلّ " دي !!! .. أمسك فيها قوي .
فيعقب عليهو عمك آخر من الصابئين ذوي اليقين الثابت :
( المعاصم جدلة ::::::::::: و الكفيفات غوف )
( و الكتيف الهادل :::::::::::: بالكفل مشغوف )
( نايمة أو كان صاحية ::::::::::: حال جلوس و وقوف )
( فيهو لاحم ديمة :::::::::::: و منو مالو براح ) ..
و كلهن لابسات تياب ..
و الخلايق تكورك .
|
Post: #23
Title: Re: أنثى بتوب .. إنه الصيف , آمنتُ بالله
Author: Tariq Mohamed Osman
Date: 08-11-2007, 07:35 AM
Parent: #1
عماد
عدت للمنزل مساء والدنيا ليل غربة ومطر
فتحت الكمبيوتر لاقى بوستك قلت كده
اشوف الانثى الخلت عماد يشهق بالمتفيزيقيا
لقيت الموضوع يحتاج لشربه تفرح قلب المؤمن
وسرحت وغمرنى دفء وحنين واشياء اخرى
ولك شمس لاتغيب
|
Post: #27
Title: Re: أنثى بتوب .. إنه الصيف , آمنتُ بالله
Author: Emad Abdulla
Date: 08-11-2007, 08:17 AM
Parent: #23
" ليل و غربة " .. لا حولاااااا
سكين شكرية بحدين .. و سنينة ..
قول معاي : حليلك يا السعية , تنضبحي من غير حتى شربة موية .. ولا قولة بسم الله .
ياتو ميتافيزيقا يا طارق يا خوي !!! ..
نحنا نهرطق و لعمكم وردي الأجر ..
أبعد من الدفء و الحنين .. عوجة تب ما بتجيك .
يديك العافية يا طارق ..
شكري و مودتي .
|
Post: #26
Title: Re: أنثى بتوب .. إنه الصيف , آمنتُ بالله
Author: امل احمد عمر
Date: 08-11-2007, 08:15 AM
Parent: #1
يا زول .. يا همبريب
أنت عارف انو الله حا يوديك الجنـة .. بالبتعملو فينا ده ..
تراهن ؟؟
|
Post: #28
Title: Re: أنثى بتوب .. إنه الصيف , آمنتُ بالله
Author: دورنقاس
Date: 08-11-2007, 08:24 AM
Parent: #26
اخونا عماد
دعاش كلامك
بيخلى الواحد يقول
تمام ياعمدة تمام
|
Post: #29
Title: Re: أنثى بتوب .. إنه الصيف , آمنتُ بالله
Author: الشفيع عوض شوشتا
Date: 08-11-2007, 08:28 AM
Parent: #28
يا عمدة
كمل الكلام ....
ولا الضالين آمين ..
|
Post: #41
Title: Re: أنثى بتوب .. إنه الصيف , آمنتُ بالله
Author: Emad Abdulla
Date: 08-11-2007, 02:11 PM
Parent: #29
شوشتا ..
قد رابني أن الكرى أسكتا ------- لو كان معنيا بها لهيتـا
والتهييت: الصوت بالناس، وهو- فيما قال أبو زيد- : أن يقول : يا هياه .
ويقال: هيت بالقوم تهييتا ، وهوت بهم تهويتا إذا ناداهم وهيت النذير.
والأصل فيه حكاية الصوت ، كأنهم حكوا في هوت هوت هوت وفي هيت هيت هيت ، يقال هوت بهم ، وهيت بهم إذا ناداهم ، والأصل فيه حكاية الصوت ، وقيل: هو أن يقول : ياه ياه ، وهو نداء الراعي لصاحبه من بعيد .
هيت : تعجب ، تقول العرب : هيت للحلم : وهيت لك وهيت لك أي أقبل .
وقال الله عز وجل- حكاية عن زليخا، أنها قالت لما راودت يوسف عليه السلام عن نفسه: وقالت هيت لك مثلثة الآخر .
ورويت عن ابن عباس - رضي الله عنهما - هئت لك بالهمز وكسر الهاء من الهيئة ، كأنها قالت: تهيأت لك ، قال: فأما الفتح من هيت ؛ فلأنها بمنزلة الأصوات ، ليس لها فعل يتصرف منها، وفتحت التاء لسكونها وسكون الياء ، واختير الفتح لأن قبلها ياء .
شفت كيف !!!
فأنا لا أهمز التوب الله يسألني ..
لكنه يلمزني يا شفيع ياخ .. و أنا لزليخة مقبلٌ و مدبر ..
و .. ( التوب المهفهف فوق أم الضفاير ) ممكن يهاوش ليك ..
أو كما قال وردي
و نحن قومٌ - زي ما إنت عارف - أرهف من طَرَقة آبريه ..
آآآآآمين .
|
Post: #33
Title: Re: أنثى بتوب .. إنه الصيف , آمنتُ بالله
Author: هبة الحسين
Date: 08-11-2007, 08:56 AM
Parent: #28
تسمح ..ياصديقي..
الاشجان والعياط والنبل ..
والاخلاق والزكريات .الحنين للام..
تقيف شويه وتدخل تاني حرايه..
شوق وحرقه ..
وارق.. سهر طويلللللللللللللللللللللللل..
حياة تصنعها بطريقتك الخاصه..
مافي ديك يعوعي للاسف في دول الخليج العربي ..
الله يحلل الملح ..اللعنه علي الارض المالحه ياخي ..
مررت ايامي ..
ولا اصوات غنم وكمان حتى الصلاة مابتسمعها..
المهم تجيك قصه تروح قصه (وجع الحلق دي )
الى حين ان تنكتم..
..إنت خت الضمه عليها ياخي..
تفتكر ناقصين...؟؟؟
بس ياعماد ..الكلام ده جميل مع انه ووجع وقلب يومي..
الله يخليك ..(لكن إنت بخير)
هبة الحسين
|
Post: #48
Title: Re: أنثى بتوب .. إنه الصيف , آمنتُ بالله
Author: Emad Abdulla
Date: 08-11-2007, 05:51 PM
Parent: #33
هبة ..
يا بنية يا مليانة تعب و سماحة .. و جن .
يمسيك بالخير ..
في أغنية إسمها ( أسراب الحسان ) .. شفتي الوجع ده ؟؟
يقول فيها مولاي سيد خليفة :
( أيّ سربٍ يتهادى بين أفياء الظلال )
( يتثنى في دلالٍ و يغني في جمال )
( مثل عنقودٍ تدلى بشغاف القلب مال )
يسمعها صلاح ساتي يا هبة .. في غرفة قرعاء إلا من سرير و راديو و كراتين كراتين كراتين ..
يسمعها صلاح ساتي كل يوم خمس مرات ..
هل يبقى من درنه شيء ..؟؟؟
و يمر به أبو السيد على :
( فتنةٌ تمشي الهوينا )
فلا ترحمه الكمنجات النائحات بعدها و هي تسكّل ..
و يجعر صلاح .. يشهد الله أنه يجعر عند :
( يا ملاك الحسن مهلاً انت في زهوِ الشبابْ )
( و انا قد صرتُ كهلاً من جوى الوجدِ المذابْ )
( لو هوانا كان عدلاً ما جفى ثغري الشراب )
هبوية ياخ غنانا كعب .. مُسِم و يقصر العمر ..
نحن الأمة الوحيدة التي لا يطربها إلا الحنين و الشجن الحراق و الوجع الغليد ..
أسمعي أبو السيد يغرد :
يا ملاك ..
ناعمة النهاية في الكاف ..
( فتقول الكمنجات آآآآآ .. آآآآ )
تاني يقول : يا ملاك .. و تاني تقول ليهو : ( آآآآآ .. آآآآ )
في التالتة يقول : يا ملاك .. و يوقف الكاف
الكمنجات تضبحو ( إإإإمم ) و تسكت .
يجاوبا : يا ملاك ياااااااا ملاك .. يا ملااااااااااااااااااك .
أحسن الله عزاؤنا يا هبة ..
|
Post: #38
Title: Re: أنثى بتوب .. إنه الصيف , آمنتُ بالله
Author: Emad Abdulla
Date: 08-11-2007, 01:02 PM
Parent: #28
دورنقاس ..
الخبر الأكيد قالوا البطانة اترشت ..
و أنا يعلم الله فيني من شهوة البلد ما يفتح كل مسامي .. فأنز ما انز من وحويح ..
مرشوش زي الترتيب ..
و خرمان للخرطوم خرمة الكسعي لما غدت مطلقةٌ منه نَوارُ .
البلد قالوا مبلولة ياخ ..
و قادر أشوف الناس متحركة تحت السما المغيمة و الضو محايد تماما و ما في ظلال تفسد عليك التفاصيل ..
و التياب و الجلاليب و العمم و .... الريحة .. ريحة تياب معطونة في ريحة بلل الهوا ..
و الأصوات و القيامة الرابطة براحة تحت سما الخرطوم ..
دورنقاس ياخ أمشي من هنا بالله .
|
Post: #30
Title: Re: أنثى بتوب .. إنه الصيف , آمنتُ بالله
Author: Emad Abdulla
Date: 08-11-2007, 08:34 AM
Parent: #26
أمل التي في اليمن ..
راهنني مرة صديقي اليمنى أن " عروس الروض " هي إبداعٌ يمني مليون في المية ..
كلماتها يمنية .. لحنها يمني و غناء يمني ..
و سمعنيها .. ميلودية عربية شرقية الإيقاع , و صوت المغني حنون كحنين النوق العصافير ..
تعبت يا امل عشان ألاقي أبو داوود و عروس الروض ..
لقيتا بعد خراج روح .. فسمعها اليماني .. فصمت ..
و لسه صامت .. صامت .. صامت ..
حتى أوصلنا أبوداوود عليه السلام إلى آخر الوجع , حيث يتحول قُمرية .. فيقوقي :
حمامة هووووووووووووي .. هوووووووووي .. هووووووووووووي ..
فبهت صاحبنا ..
و قال في لسانٍ حضرمي حلو : ليش تعمل فيّ هادا الشي ؟؟؟
يا أخي أنا عندي وطنية أنا , أبو داوودكم هادا كرّهني في أغنيتنا ..
الله لا يوفقكم إتنينكم .
أمل التي في اليمن السعيد ..
تحياتي يا بنية يا نسمة .
|
Post: #31
Title: Re: أنثى بتوب .. إنه الصيف , آمنتُ بالله
Author: awad okasha
Date: 08-11-2007, 08:48 AM
Parent: #1
عماد " جمالك يا حلو ما جايز اهمالو "
تمنيت أن لا يكون صيفا
بل ربيعا أو خريفا
ليس تذمرا من الصيف
ولكن من اجل " النسيم شالو "
كانت اللوحة ( بخباثة جلية )
ستكون أكثر إشراقا
أراها بزاوية ( الاحمر الزلاق )
التوب السوداني
سيد الحشمة
أضحى سقف آيات
التبرج ( المحبب )
والمتضررون ( وهمو كثر )
شفيفي القلوب من أمثال .... الجماعة
" الترزية " هم الأقوى
يجيهم في كيس
ويشيلوا منهم في كيس
ما بين " الكيسين "
قص
تخريم
تطريز
مكوة
من قال أنهم جاءوا في قافلة خرقاء
وباسم السلطان
تم خصيهم ؟؟
أنا لم افعل
طرطشة
----------
* أروع التياب ( الوردي )
**أمل عمر: انشاء الله جنة ( عدن )
*** الشفيع: هو الآذان أذن ؟؟
|
Post: #40
Title: Re: أنثى بتوب .. إنه الصيف , آمنتُ بالله
Author: Emad Abdulla
Date: 08-11-2007, 01:51 PM
Parent: #31
قال اللحو عليه الرضوان :
( توبك في التياب ماشفنا امثالو
إيه داعي الزعل لما النسيم شالو ) ..
خفيف ياخ .. ياخي توب خفيف ياخ ..
زلاق يكون ؟؟
شيفون طبيعي ؟؟
حرير ؟؟
و الريحة دي .. شانيل فايف .. وللا خُمرة معتقة ؟؟
وللا طرفك من طبعو نعسان ؟؟
ثم قال أحد الممكونة :
( طريت برق الفويطر الشال و سال دمعي البكُب وشّال ) .
فيا عوض .. يجيك الجاني في الرصاص ..
بلا قص و لا تخريم و لا لفقة ..
ساده و بفتقة واحدة .. و بتربط .
هذا التوب كائن عجب ..
حشيمٌ .. و هو من بعد يضج إثارة و أنوثة ..
يغطي .. و في نفس الآن يكشف الكثير ..
تلبسه الزولة الخدرا لوناً فاتحاً , فتخرج منه فاكهة شهية , و آدم مطرودٌ من رحمة ربه لو اشتهى ..
و الزولة القمحية توجع لونه الغامق فيشكيها لعيون الناس .. ضواية يا قمرة .
و الزولة الخدرة دقاقة و زيتونة تلبسه خاتف لونين .. فنرفع نحن الجلالات .. حامدين ياربي يا سيدي .
طيب .. ككيف الدبارة يا عوض ولضمّي ؟؟
إجابة في شكل طرطشة :
إن زادك الحسن تيهاً فاسأل طيور الروابيْ
سلها تُجِبكَ بأني بثثتها كل ما بيْ
فصاغت الوجد لحناً و وقّعته ببابيْ
و ...
هوي يا ليلى هووووووووووووووووي
.
|
Post: #32
Title: Re: أنثى بتوب .. إنه الصيف , آمنتُ بالله
Author: DKEEN
Date: 08-11-2007, 08:55 AM
Parent: #1
| Quote: خطاكي و الهدب المكحل و فتنة التوب الانيق |
اول ما جاءني عقب هذا المقطع
كلمة الللللللللللللللللللللللللله
وطاخ لقيت عماد كاتبا في الشطر البعدو..
بما انني اقيس على نفسي..لانني اعتبر نفسي زول استنادر ..
والزول هو الترجمة السودانية لكلمة جنتل مان على حد قول الطيب صالح..
اها انا زول ستاندر وزوقي بصراحة انا اثق به كما يثق البعير بحنينه..
لذلك اعتبر انو اي زول قرا المقطع بتاع
خطاكي و الهدب المكحل و فتنة التوب الانيق
بي نفس اللحن بتاع وردي ..وماقال اللله هو مجرد بني ادم ليس إلا..
لايرقى باي حال على ان يُقال له زول..
عضـد هذا الاعتبار موافقة عماد لي في هذا الموقف..
كون عماد قالها لايعني انني لم اكن على ثقة من انني زول
بس بعد ماقالا عماد تاكد لي ظني تجاه هذا المشوطن..
عماد زول زواقة وفنان وصديقي في هذا المكان ...
|
Post: #56
Title: Re: أنثى بتوب .. إنه الصيف , آمنتُ بالله
Author: Emad Abdulla
Date: 08-12-2007, 04:17 AM
Parent: #32
عز يا ستاندرد يا صاحب ..
صباح الخير ..
و صباح الخير هذه تذكرني صباحات خير كتيرات سمعتها منها ..
موظفة هي .. و انا طالب ثانوي ..
بت حلتنا .. و واحدة من مخاليق الله اللائي يختن الرحمن في قلوب المؤمنين ..
تركب هي من شارع الظلط .. فأباريها حتى هناك .. و بعدين ألف على المدرسة ..
توب أبيض يا عز من صباحات ربك .. و يهفهف و ( الِقديمة قِديم الحمام ) ..
في الختمية ( و هي نوع من المطاعم و المقاهي الشعبية كانت في محطة الغالي ) أمم مستنية المواصلات ..
و الراديو شغال يوزع في الصباحات القيافة يمين شمال ..
غُنا شبعان يا عز ياخي ..
: إبراهيم عوض ( يا صباح يا زاهي العبير .. سلم عليهم كتير )
: العاقب : ( نوّرت الكون يا صباح يا جميل )
: أبوداوود ( صباحك مالو و أحبابك جوفني و مالو يا ليل )
: الكاشف ( صابحني دايما و ابتسم )
: أولاد الموردة ( في رونق الصبح البديع )
: تاني أبو داوود ( الصباح لو لاح عشت يومي جراح )
: الحاج سرور ( صباح النور عليك يا زهور )
: ود البادية ( أعيش في ظلمة و إنت صباحي )
و معاهم صباح تلك الأنثى الفارهة الفارهة ..
و ذاك التوب السحابة ..
فأمشي المدرسة و لا يهمني شي .. أقرا و أقرا و أقرا .. لمن الله يغفر لي ..
و كنت شاطر عليم الله ..
و الشكر من بعد الله لتلك الصباحات .. في وطن الصباحات .
إتربينا على السمين من الحاجات يا عز ياخ ..
وجوه سمحة و ناس سمحة و غنا سمح و بلد سمحة و قراية سمحة .. و أصحاب أسمح .
كلو شي بديع و راسي و رايق ..
من وين كان بيجي الفرح داك يا عز .. ؟؟؟
( أقول كده .. شمس الدين صاحبي يقول لي : ده المؤخر البلد .. تقعدوا تجتروا كده و تسرحوا بلا فايدة .. عالم بقر ) .
عمك وردي ما قصر معانا ..
بيكابرنا مرة مرة و يغيظ شمس الدين :
( لو مرة بعدك يا زمان الغربة تجمعنا الصدف )
( أنا كيف أعود من طيبة اول نظرة للدار منكسف )
( وا ضيعة الوتر اللي ما غنيت معاهو ولا عزف )
( في صدفة عابرة بلا كلام قلبي الرهيف بالهم نزف )
( يا ريتني ما شفتك ربيع ولا كان يلازمني الأسف )
شفت بعد وجعة ( بلا كلام ) .. يدوب صوت وردي قبل ما يخش يحنن في : قلبي الرهيف بالهم نزف ..
و آآآآآآآآآآآآآآآآآآخ يا عز من الطريقة البيسيل بيها وردي مفردة " نزف " دي ..
قلت لأبوي عليهو الرحمة ( و هو عامل سكة حديد دنقلاوي بعربية مكسرة على كيفو ) :
يابا .. أنا ح أدرس فنون ..
رد علي عادي : كويس .. يعني ح تطلع زي وردي كده ؟؟؟
يا دكين .. يا ستناندرد ..
أحبك لمن تقول بس .
|
Post: #34
Title: Re: أنثى بتوب .. إنه الصيف , آمنتُ بالله
Author: hameem
Date: 08-11-2007, 10:10 AM
Parent: #1
Quote: لذلك اعتبر انو اي زول قرا المقطع بتاع
خطاكي و الهدب المكحل و فتنة التوب الانيق
بي نفس اللحن بتاع وردي ..وماقال اللله هو مجرد بني ادم ليس إلا..
لايرقى باي حال على ان يُقال له زول. |
اللللله يا عماد
ودي عشان الموضوع كله في جماله وخفة دمه
وكمان نقدم بيها عند دكين لنوال جواز الزولية
وجبتو سيرة التوب !
وأحكي هنا أن أحد مجانين التياب من الذين غلب حبهم للتياب على توبتهم - وقد طعن في السن -
اشتكت النسوة في الحي لزوجته من مطاراداته ونفاذ نظراته فلم تصدقهن ودافعت عنه بحكم العُشرة النبيلة
ولما كثرت الشكية أضمرت أن تمتحن رفيق العمر
فتخيرت توباً جديداً لم تكن قد ارتدته قط وجآت به إلى المسرح حيث قيل أن زوجها يمارس تلصصه
وعبرت من أمامه و (شغلت التوب ) دون أن يبدو من وجهها شيئ
وجن جنون الراجل فهرول وراء التوب الجديد - وأظنه كان يحفظ تياب نسوان الحي كلها
وكانت الزوجة قد كمنت له في ركن وباغتته وأمسكت بتلابيبه .. أتاري الكلام البيقولو فيك دا كلللو صاح يا راجل يا ما بتختشي إنتا
وبُهِت الذي نظر ولم يحر ما يقول .. وكل الذي فتح الله به عليه ان قال :
أنا بس عايز أعرف إنتي جبتي التوب دا من وين
أها .. وأظن من بعدها .. وإن بعض الظن إثم .. أن الموضوع كللله (سوفت وير) لدى المستقبِل الفنان .. وليس في التوب أو من ترتديه
في زول يغالِط ؟؟
|
Post: #35
Title: Re: أنثى بتوب .. إنه الصيف , آمنتُ بالله
Author: نهال الطيب
Date: 08-11-2007, 11:57 AM
Parent: #34
عندما تمطرنا قطرات الجمال
ينبعث دعاش الروعة
عماد عبدالله
أمطرنا ياوريف
مودتي عميقا
|
Post: #66
Title: Re: أنثى بتوب .. إنه الصيف , آمنتُ بالله
Author: Emad Abdulla
Date: 08-12-2007, 11:31 AM
Parent: #35
..
نهال يا غيمة ..
مين البيمطر هسه ؟ ..
دايما مرورك بيرُش سماحة يا نهال ..
بس لو جيلكم ده .. و بسماحتو دي يرجع يلبس توب !!!!
كان دكين لحق امات طه .
شكرا يا غيمة .. على الدعاش .
.
|
Post: #57
Title: Re: أنثى بتوب .. إنه الصيف , آمنتُ بالله
Author: Emad Abdulla
Date: 08-12-2007, 04:37 AM
Parent: #34
عادل يا هميم ..
عسى الملايكة تركنك في حالك ؟؟ | Quote: أنا بس عايز أعرف إنتي جبتي التوب دا من وين |
النعام آدم رحمة الله عليهو .. عندو نصيبة - بتسجيلات زمان - إسمها : كيف أنساك يا سمح الخصايل
و يا عادل هذا النعام كان يمتلك صوتاً زي الزغرودة ..
يقول النعام :
( البت أم رشوم بت القبايل , جات تتنى زي ود الأرايل ) .
ده كلام يا عادل ياخ ؟؟؟
كل الكلام السمح منذ آدم .. مرورا بالعصور الجليدية و المظلمة و النهضة و ..
كل الكلام عن الكائن الذي يجعل للحياة طعم و لون و رائحة ..
كله إتقال في أنثى تلبس توب ..
ياهو توبنا الواااااااااااحد ده .
بعدين سوفت وير مين يا عادل ياخ ؟
التوب ممكن تشوفو فوق زولة يقوم يومك ينعدل ..
الخواجات فاهمين حكاية ( It made my day )
توب واحد من الصباح .. يكون ضاجي و مربوط و مجدوع و مهفهف , و سيدو نديان و حلو ..
ينقرشك و يقردنك و ييقنك و يوهطك في واطـاة الله دي ..
يبقيك بني آدم كويس و " مواطن صالح " ياخ ..
اليوم داك تشتغل كويس و تتكلم كويس و تاكل كويس و تشرب كويس و تفكر كويس و تنتج كويس ..
و تكون فرحان كده سبة بلا سبب , و حابي الناس و الدنيا ..
يسعد صباحك يا هميم ..
.
|
Post: #36
Title: Re: أنثى بتوب .. إنه الصيف , آمنتُ بالله
Author: خضر حسين خليل
Date: 08-11-2007, 12:43 PM
Parent: #1
شكراً عماد علي الكتابة البترد الروح دي ياخ
والله إنك لشيطان جميل
وإنا لله وإنا اليه راجعون
ثم : عجبتني مشية البنت الدولار ريال ين مارك
|
Post: #37
Title: Re: أنثى بتوب .. إنه الصيف , آمنتُ بالله
Author: غادة عبدالعزيز خالد
Date: 08-11-2007, 12:48 PM
Parent: #36
Quote: أجمل الإناث عندي هي تلك التي تشع .. ضؤها التوب ..
أنثى بلا توب - عندي - هي وردةٌ بلا عبير عابق . |
تعرف يا عماد البورد وأساسه
انني بالرغم من عدم مقدرتي
على لبس التوب دوما,,
وذلك بسبب ظروف المعيشة في الولايات المتحدة,
إلا انني لا أشعر بنفسي, بانني سودانية
وبأنني أنثى،،
إلا عندما أرمي طرف ذلك التوب
على كتفي،،
ليتدلى على ظهري ويتمخطر في دلال
مع كل خطوة أخطوها،،
هنانا الله بك ايها التوب ومتعنا
كما متهنا عماد بكلماته
كل الود
غادة
|
Post: #39
Title: Re: أنثى بتوب .. إنه الصيف , آمنتُ بالله
Author: احمد معتصم الطيب
Date: 08-11-2007, 01:42 PM
Parent: #37
يعلم الله يا عماد عشقي
لقلمك السنيييين الرصين
قلم دقيق الوصف عميق
كبيرالمعاني . وكثيرآ
وبكل شجاعة أقولها
لاأستطيع الرد لعدم
المقدرة على مجاراتك
فى الحديث وأقف مثل تلميذ
ينهل من مدرستك و أرجو قبولى تلميذ
فى الصف الأول
,آمنتُ بالله
أحمد معتصم
|
Post: #84
Title: Re: أنثى بتوب .. إنه الصيف , آمنتُ بالله
Author: Emad Abdulla
Date: 08-12-2007, 07:48 PM
Parent: #39
.
أحمد ياخ الله يجبر خاطرك ..
دي قرفة صيف بعيد عنك .. و توران ذكريات ..
تشهيات و نوايا مقيمة و غربة واسعة ..
ثم زعلي من اللائي استبدلن التوب بالإسكيرت و البلوزة ..
بلوزة بتاع إيه يا أحمد ياخ ..
يقول الشيخ العارف كابلي :
( بوبا عليك تقيل يا قمر بوبا عليك تقيل )
و القمر بوبا هو توب كان زمااااااااااااااااان سيد تياب الأرض ..
تقدل بيهو حبوباتنا فيجن جن المغنين المطاليق ..
و يشرعوا في الحمحمة ..
و يخرجوا من بطونهم المغسة تلو المغسة ..
شعرا فخيما و غناءً تليدا عظيم الوقع ..
نلوكه الآن .. و نستغفر ربنا العظيم .
مساك أحلى يا أحمد ..
.
|
Post: #75
Title: Re: أنثى بتوب .. إنه الصيف , آمنتُ بالله
Author: Emad Abdulla
Date: 08-12-2007, 12:27 PM
Parent: #37
.
غادة ..
مساء الخير ..
عندي بت خالتي ..
أكبر مني .. أختي و بت خالتي و صاحبتي هي ..
في عرسها ( و كانت عادية .. بت خالتي العادية ديك , لغاية ما قفلوها عند ناس يوسف ) ..
أيام و البت مقفولة ..
و أنا فرحان بالتجهيزات و الحفلات اللي ح أشوف فيها الناس السمحة ( مش عرسنا ؟؟ .. مش في بيتنا ؟؟ أشوف , و صاحب مِلِك كمان ) ..
و إنشغلت يا غادة ..
حفلات و حفلات .. و أشوف و أشوف ..
تياب و تياب .. و مشيات مشيات ..
بجعاتٌ في البحيرات هنّ .. و أسراب نجيمات .. و ثريات و بوارج و مقاتلات و راجمات و ...
يا رب العرش تستر على عبدك إبن عبدك إبن أمتك .. ماضيٍ فيّ أمرك .
المهم .. حفلات .. رقيص و ....
عركي غنانا .. :
( تيهي يا حلوة أرقصي و غني )
( حبي أهواهو و حبو جنني )
( أهوى دنياهو دنيا تسعدني )
( و غني يا حلوة من بديع فني ) ..
لعن الله مديري الإذاعة و معدي البرامج يهملون هذا الكنز ..
شرحبيل أوجعنا بـ :
( قلبي من يوم ما جرحتو )
( ليك سلم لي سلاحو )
( شوفو زي عصفور يحنن )
( قسوتك كسرت جناحو )
و ... قلبي دقّ ..
دق شديد شديد لما جات بت خالتي داخلة - و كنت ياداب فتحت بعد يومين طشاش -
لابسه توب يبرق .. أزرق يبرق .. لماع و لين و .. كعب ياخ ..
عروس يا غادة ولا أجمل .. لا حور ولا نور ولا حاجة ..
بت خالتي ذاتا ديك .. لكن ما بت خالتي ..
طلعت كائن أشهى و أنضر و أومض و أغنج و أحلى و أبلج و ........
لا إله إلا الله ..
Quote: لا أشعر بنفسي, بانني سودانية
وبأنني أنثى،،
إلا عندما أرمي طرف ذلك التوب
على كتفي،،
ليتدلى على ظهري ويتمخطر في دلال
مع كل خطوة أخطوها،، |
تاني لا إله إلا الله يا غادة ياخ ..
مودة كتيرة و شكر .
|
Post: #70
Title: Re: أنثى بتوب .. إنه الصيف , آمنتُ بالله
Author: Emad Abdulla
Date: 08-12-2007, 11:55 AM
Parent: #36
.
الله الله ..
يا صاحب يا توم الدم ..
راجيك من وين لي وين .. يادابك مارق !!!؟؟
يمرق جلدك بي راسك .. كما تلك الحجوة التي تلبس فيها " فاطنة السمحة " جلد العجوز بعد ان خلعته عنه بغز شوكة سدر في أم يافوخه .
قول يامين .
عارف يا خدر ..
اللعين " صديق الموج " عرفني على عالم " محمد ود الرضي " ..
كازانتزاكس مين و تي إس إليوت بتاع إيه و نيرودا بتاع حنانك و كذلك كل صائعي الفرنجة ياخ ..
ده زول بطال بطال .. و لو ما أم بناياً قش دي ظالمة .. هذا الود الرضي كان إمبراطور الكلام و سيد سيد الكتابة .
سرقت منو شريط .. قعدة شيوخ و عظمة يا صاحب ..
قال شيخنا المعلم ود الرضي في وصف الخمج الجد للزولة المارقة حداهو و ملفوفة في توب ..
زي هدايا الأعياد .. تبُق و تبرق و تشلع .. و كلو براااااااااحه ..
قال شيخنا في وصف كنز الهضاب و الوهاد التحت التوب فيما معناه :
( بعضو في بعضو تلاحم رجّ )
( لاطم أمواج من غير لُجّه ) ..
و براهو أدا روحو جايزة و قال : الله الله الله ..
و قد كان شيخاً ثمانينياً .. كليل البصر , و يسكنه مارد .
ماذا يسكننا نحن ؟ ..
و التوب يسكنه ما يسكنه من جمال و بهاء و أنوثة و غنج و دلال و ....
و ..
( و الله ما غابت محاسنك لحظة لا الجُرح إتنسى )
( لليلة ما وشوش نسيم في الروض و ما غرد مسا )
( لليلة ما سافر عبير في الطيب يغازل نرجسه )
( و لليلة يا حبي الكبير في حرقة لافيني الأسى ) ..
لافيهو الأسى الذي جاءه ملفوفاً في توب .. هذا " الحلنقي " اللعين ..
زي هدايا الأعياد .. يبُق و يبرق و يشلع .. و كلو براااااااااحه ..
خدر .. عافي منك ..
و ما عافي ليك الشوق .
.
|
Post: #42
Title: Re: أنثى بتوب .. إنه الصيف , آمنتُ بالله
Author: sanaa gaffer
Date: 08-11-2007, 02:26 PM
Parent: #1
اخونا عماد ...
جبت سيرة تلاتة حاجات بتعمل نغوشة في القلب ...
اتنين نغوشة باردة ... وواحد نغوشة حارة ...
اول الاتنين : توبنا المدلع ... اي والله التوب السوداني دة مدلع ...
بيختاروا ليهو اجمل الاسماء والاوصاف ... ومهما كان غالي بيدفعوا فيهو بدون تردد ...
هويتنا ... واحلى هوية ...
لمن هو يلبسنا مش احنا نلبسه ... يلف القوام بحنية ... يقعد في الراس بهيبة ... وينوم في الكتف بدلال ...
لمن يتربط في النص باغراء ويقسم صاحبته بتعمد ... ويتهدل باصرار ...
في اجناس تانية بتلبس حاجة قريبة لتوبنا ...
لكن ما في زي السودانية في لباس التوب ... ودلع التوب ... وهيبة التوب ... وحلاة التوب ...
تاني الاتنين : غنية سمحة يوم الجمعة .. دندنة عود تشتحف روحك ...صوت جميل يبهدلك ويمسخ عليك غربتك الاصلها مسيخة ...
كلمات تخليك تسرح .. وتطلع ... وتنزل ... ومرات تبكي ...
والعجب لمن الاغنية تذكرك بحاجة تانية كنت قايل روحك نسيتها زمااااااااان ... دة يبقة خراج الروح زاتو ...
النغوشة الحارة : حر الخليج الما عنده عقل ولا منطق ولا رحمة ...
شئ بيخليك ما عارف راسك من رجليك ... علمنا ادمان الهوا المعلب وخلانا نتفادى هوا الله ...
ونقعد نتحسر على حر السودان الفي عزو لمن تلقى ليك ضل شجرة نيم تقيف تحتها وسبحان الله يكون باااااارد ..
عماد عبد الله ... ياخي مالك علينا ... تورت مكامن الوجع مالك ؟؟؟ ما تخلينا في بلادتنا دي ياخي ...
|
Post: #85
Title: Re: أنثى بتوب .. إنه الصيف , آمنتُ بالله
Author: Emad Abdulla
Date: 08-12-2007, 11:43 PM
Parent: #42
..
سناء ..
الله عليكي يا سناء ..
الدنيا ليل هنا ..
الخليج العربي - أو الفارسي -
الدنيا نايمة ..
المكيفات صاحية .. و الصيف ممدد ..
القلب وارم ..
الراس مكوجن بالبلد ..
و الشوق غلاب .
...........
( مروي - تلاوة ) بالتسجيل الاول القديم :
فيكي يا مروي شفت كل جديد
فيكي شوفت عيون لعبو بيّ شديد
في محاسن الكون و احتفال الغيد
و إن نسيت ما نسيت يوم لقيت الصيد
يسبي وجاني بمحاسنو أشيد
كم أضاع صبري
يا حلة تنوري
يا البنية تنوري
إنتي حاشاك تتغيري
كتري الشبال نتري
لعيون الناس أسحري
يا عيوني اتصبري
يا اللوري تشيل منو
غير بنات نوري تشيل منو
يللا نمشي النيل
في أواخر الليل
بين رمال و نخيل
يغني لينا جميل
بوبا عليك تقيل
القمر بوبا عليك تقيل
يا مريسيل يا مريسيل
يا مريسيل تعال نوصيك
في الرمال الصيد يلاقيك
هو بيعجبك و يأتلف ليك
قوللو حالف ما بباريك
و ما بدليها التهمة فيك
شوف فلانة الواردة و حوا
سكنت قلبي من جوه
و اتغابت فوقو الخوه
تحكي خطو الريل العايمة
على نغم الساقية الدايرة
تغني ليها تقول
و الله ظلم و لينا ظلم
يا ناس القوز ده علينا ظلم
الشال السيدة و خلى حرم
سفر التلاتا إشا الله عدم
سعينا الريد جنينا حكم
و قلنا الحب و الله قسم
متين يا ساقية نترك النوح
يجيني قميري يقوللي نروح
نقالد الشوفتو ترد الروح
حبيبي الساده خفيف الدم
..............
الدنيا ليل هنا ..
الخليج العربي - أو الفارسي -
الدنيا نايمة ..
المكيفات صاحية .. و الصيف ممدد ..
القلب وارم ..
الراس مكوجن بالوطن ..
و الشوق غلب .
.....
بلدنا سمحة .
سكوت ..
بلدنا بعيدة يا سناء ياخ ..
لسه .. سكوت .
يسعد حالك يا بلد ..
و يمسيك بالخير يا سناء .
مع الدعوات بأن يغفر لك الله كل هذا .
.
|
Post: #43
Title: Re: أنثى بتوب .. إنه الصيف , آمنتُ بالله
Author: Alsa7afa_30
Date: 08-11-2007, 02:59 PM
Parent: #1
|
Post: #87
Title: Re: أنثى بتوب .. إنه الصيف , آمنتُ بالله
Author: Emad Abdulla
Date: 08-13-2007, 07:20 AM
Parent: #43
.
عارف يا صحافة ..
إنت زول جميل ياخ , و حلتكم زاتا جميلة ..
تحياتي لي محمد خير طه .. و خالد طه ( ناس كبار .. يمكن ما تعرفهم ) ..
بس هم من أجمل خلق الله الفي الصحافة 30
شوف عينك ؟؟
ما أظن جيلكم شاف شوف العين في عهدكم الإنقاذي ده ..
و الله إنتو جيل إتحرم من حاجات سمحة خلاص ..
يمكن الحرمان ده هو الي خلاكم منورين و جميلين ..
مش بيقولو : يولد الإبداع من رحم المعاناة ؟؟؟
شكرا يا زول يا جميل .
.
|
Post: #46
Title: Re: أنثى بتوب .. إنه الصيف , آمنتُ بالله
Author: Gazaloat
Date: 08-11-2007, 04:12 PM
Parent: #45
الى جميعكم يا ناس فوق
لعن الله الاسافيرَ التى جمعتـنى ببعضِ بشرٍ مالهم سوى شغلُ الازيَّة!
ولعن الله التيبان، وصانعها وناسجها وصابغها وبائعها و.......وبس
فى بلاد تفضل اناثها الحوامةُ بما قلَّ ودلَّ.. كنا قد تعودنا على الوضع الراهن..وتعود الوضع الراهن علينا.
وكنا فى امان الله نروح ونجئ و ( نقعد نقوم على كيفنا ).
حتى ، وذات صقيع (من النوع الذى يتعفف عن التعامل مع الجلد والسقط... من تَـكَـبُّـرِهِ لايتعامل الا مع العظم والنخاع مباشرة دون وسيط). ابتلانا الله بطرفٍ من توب. معقود فى الوسط تماما. وخير الامور الوسط.
كنت قد اجتزت باب الخمسين ببضعة خطوات. مـُطـَلـَّقٌ حتفَ انفى، واحمل فيروس نقص المناعة العاطفية. وكنت ولا ازال اعتقد بان عمرى الافتراضى قد انتهى وانا اعيش فى الزمن الضايع ( وهو زمن طويل جدا باعتبار ان اغلب عمرى الفات هو زمن ضايع..)
الباقى كمْ
ياحضرة المولى الكريم،
قدَّرْتَ فى عمرى الاضافى.
العُمُرْ
دفَّـقْ سنينى مع الرهاب الفى المنافى
وكلما السنوات تعدى
اعـِد وراها
والقى كل الشـِّلتو من الدنيا مافى.
القيت بالنظرة الاولى ... كما هى العادة... وتعذت بالله من شر ماخلق!! ثم وسوستُ لنفسى ( فأنت فى هذه البلاد الظالم اهلها، لا تحتاج الى خدمات ابليس ....self service ) والقيت بالنظرة الثانية ثم الثالثة وماتلاها. والجالس على كتفى الايسر قد فترت يده من الكتابة!! يكتب شنو ويخلى شنو!!
انا ماشى الشغل..
وحتى اعود (انشالة ماأعود زاتو)
لعنة الله على الكان السبب.
منعم الجزولى
|
Post: #104
Title: Re: أنثى بتوب .. إنه الصيف , آمنتُ بالله
Author: Emad Abdulla
Date: 08-14-2007, 09:28 PM
Parent: #46
..
منعم الجزولي ..
يا صاحب الضبانة .. ( العهدة على دكين ) | Quote: لعن الله الاسافيرَ التى جمعتـنى ببعضِ بشرٍ مالهم سوى شغلُ الازيَّة! |
زول متسبب ساكت .. و مأذي من قبل التاريخ - قبلك وحّدك - Quote: دفَّـقْ سنينى مع الرهاب الفى المنافى
وكلما السنوات تعدى
اعـِد وراها
والقى كل الشـِّلتو من الدنيا مافى. |
الله يا عليك .. سوداوية شوف يا منعم ؟؟ .. وللا واقعية ؟؟ ..
و ما رجعت تاني ..
( معللتي بالوصل و الموت دونه ..
إذا مِتّ ظمآناً فلا نزل القطرُ ) .
و هكذا في مثل أمر شوف الذي أديتو مثنى و ثلاث ..
- و قيل الأولى لك و الثانية عليك و لا حوليك ..
يقول سيدنا الشفيع في شأن كبكبتك :
( الفم فيهو خاتم و الحاجب قمر ..
ما تقدر تعاين لما تراهو باين ) ..
أما ضبانتك التي تحن إلى الخلاص من هذا الإنتظار ..
فهي ما تزال تلف و تلف ..
علماً بأن تلاجة بكري ما شغالة ( دكين بيقول ) ..
فتعال .. قبل أن يفتك بنا صدأ الإنتظار ..
ولا نستطيعُ للصبر - و الضبانة - هشّا .
سعيد بيك يا منعم .
.
|
Post: #47
Title: Re: أنثى بتوب .. إنه الصيف , آمنتُ بالله
Author: هاشم الحسن
Date: 08-11-2007, 05:22 PM
Parent: #1
يا أيها (الممكونة) في الثقلان
فبأي آلاء التياب تكذبان؟
الرهاف الهفهاف تسري بالسر وكت العصير يجود بالهببان
فما هي سوى هنيهة ثم القلب مشمولاً بالخسران...
إلا برحمة من الله أو تلين لك الليالي و يتعطف عليك نهار.
غير أن الدنيا غيظ و قيظـ ....
و لا سماء تسيج البكاء بالنشيج الأخير
آمنت بالصيف!
(نارو حارقة الجوف و المدامع تبهل)
كشف حالك: (جسيمك صار منحول و المنام إتقلل، طرفك لي رؤياه دمعو كبّر و هلل، جفااااكــــ النوم)
و لسانك يطقطق بسؤالك: ( بعد هذا الحال، هل وصالك يسهل ــــــ تحن يا ظلومــ)
و محالك،(ألليل ضفايرو مسدل، رشيق القامة و معاطفو هدّل، القوامو ممشوق و المعاصمو جدّل، ده البخلي حبكــ ليه لا يتبدل، يزيد كل يوم)
ومقالك، يا عماد عبد الله الجميل، يا هو البجيب الناس للقراية/تك، تتهلل،
أو أكون محرومـ
من كلام (الغوث) و مقام (السماك الأعزل)
فما تحرمنا منك ومن نوع رضاك ده و جد علينا بالآلاء و أنعم
رضي الله عنك و عن ود الريح و عن جملة الممكونة المسكونة بالإبداع و من والاهم بإحسان.
و ، وا حر يومي من
| Quote: تلك التي تشع .. ضؤها التوب |
|
Post: #49
Title: Re: أنثى بتوب .. إنه الصيف , آمنتُ بالله
Author: salah elamin
Date: 08-11-2007, 05:55 PM
Parent: #47
عماد الجميل زي التوب
مرة كنت ماشي مع احد اصدقائي الصايعين
فمرت قدامنا واحدة لابسة توب
عفوا
التوب كان لابسها
المهم صاحبي الصايع عاين ليها وقال لي
شوف الزولة دي صدرها جدلي عامر بالايمان كيف
ومن اليوم داك بقيت ما بمشي مع الصايعين ولا بصادقهم
ودائما بدعو واقول اللهم اكفنا شر الصايعين منا.
عليك الله قول اميين يا عمدة.
.
|
Post: #121
Title: Re: أنثى بتوب .. إنه الصيف , آمنتُ بالله
Author: Emad Abdulla
Date: 08-16-2007, 06:23 PM
Parent: #49
صلاح الأمين ..
بخٍ بخٍ ..
يا أخانا و أخا صديقي الحريف ..
عامرات الصدور بالإيمان أهلكننا عليّ الأيمان ..
و تركننا جزرُ السباع ينشننا , يقضمن حسن بناننا و الـ ....
الله يسامحهن ..
وَقَوْسُ حَاجِبِهَا مِنْ كُلِّ نَاحِيَةٍ
وَنَبْلُ مُقْلَتِهَا تَرْمي بِهِ كَبِدِي
....
قَدْ خَلَّفَتْنِي طَرِيحاً وَهْيَ قَائِلَةٌ
تَأمَّلُوا كَيْفَ فِعْلُ الظَّبْيِ بالأسَدِ
يا غلام !!
قال : لبيك .
قال : إليّ بالنطع و السيف .
فأتاه بغانيتين كفلقة البدر ..
نطعٌ أولاهن .. و السيف أُخيّتها الثانية .
نظر صاحبنا و بسر ..
و لم يدبر ولا استكبر ..
و طوالي أسلم الروح بارئها .. قبل ما يهبشوه .
ما تباري الصعاليق يا صلاح ياخ ..
مش كفاية عندكم واحد في البيت
مودتي
|
Post: #105
Title: Re: أنثى بتوب .. إنه الصيف , آمنتُ بالله
Author: Emad Abdulla
Date: 08-14-2007, 09:43 PM
Parent: #47
.
محمدةٌ للصيف ان كشف عن بكاءاتٍ مدكّنة .. و عالم قاعدة على الهبشة ..
فيا هاشم ياخوي .. كلنا للتوب عشقُ .
( و العجيبة كمان قلبي صار ليك مَنزَل ) ..
هؤلاء الأولون موجوعين ياخ ..
و يشوفون الحبيب من وراء سُتُرٍ و سُتُر ..
يقول قائلهم بعد ان اعياه ما اعيا ..
و لم يحر في امر حسن البنية التي تتضاير من نبال العيون ..
فسكتها بصيرته .. و أسبغ عليها القداسات الطوال .. و من الخيال ألبسها حلل تريح حال شوقه المكبوت :
( و لو بادلوك عين الحقيقة و بالبصيرة تأملوك )
( بالنور أو بالنار أو بقدر ما صاغ الخيال ما عادلوك ) ..
ثم يعود منخوجاُ في نبل عشقه .. و وقار البكاء :
( يلمع بهاك في غيهب الليل الحلوك )
( أبدع شمايل زاملوك و هُم أكملوك )
( أدبك هبة .. فيك موهبة .. حسن الظبى .. و طبع الملوك ) .
وا حرّ يومي من جميل الكلام ..
وا حر صيفي من هذا التوب الذي ح يجيب خبرنا ..
مودتي يا هاشم ..
و شكراُ لعبورك الانيق .
.
|
Post: #50
Title: Re: أنثى بتوب .. إنه الصيف , آمنتُ بالله
Author: أبوذر بابكر
Date: 08-11-2007, 08:27 PM
Parent: #1
على سبيل التحية
زى ما بقول صاحبنا البرنس
ونضيف عليها
المحبة
والإستمتاع العالى المبوبح
بالكتابة ذات العماد
التى لم نذق مثل طعمها
فى البلاد
وتانى نعيد السلام يا عمدة
ونهديك مودة غالية
أغلى من لؤلؤة بضة وملسا
عارف طبعا صيدت من وين
زى ما بغنى كابلى
|
Post: #133
Title: Re: أنثى بتوب .. إنه الصيف , آمنتُ بالله
Author: Emad Abdulla
Date: 08-17-2007, 02:44 PM
Parent: #50
.
المطر ..
الله .. الكلام كمل ..
عمك العبادي قال :
يا عقرب هواك .. ساعة قرصتي لبدتي .
تاني الناس حقو تقول حاجة بعد قرصة الشوق العقربية السامة دي ؟؟
ثم هاك :
يا عازه الفراق بي طال
وسال سيل الدمع هطال ----------------> كل الأبيات بتلاتة حروف للقافية : طال .
طريت برق الفويطر الشال
وساح دمعي البكب وشال
كمل صبري ومنامي انشال
لبس من ناري عمه وشال ------------------> كل الأبيات بتلاتة حروف للقافية : شال .
أرض آمالي في امحال
ومن الهم بقيت في أوحال
وبعدك عزه ساء الحال
منامي وصبري أضحى محال ----------------> كل الأبيات بتلاتة حروف للقافية : حال .
حليل الناسا وناسة
طريت أم در حليل ناسا
وكيف أنساها وأتناسا
ومفتون بي ظبي كناسا ----------------> كل الأبيات بتلاتة حروف للقافية : ناسا .
ولع جوفي جمري الحي
وما بتطفيه آه وأحي
يا زينة ربوع الحي
لي دياركم يعود الحي ----------------> كل الأبيات بتلاتة حروف للقافية : حي .
كلها الكلمات دي بالترتيب تبقى : طال شال حال ناسا حي .
أعمل منها جملة مفيدة ..
أو أنا بخطرف ساكت .. ضربة شمس صيفية يا أبوذر ياخ .
و الله يا مطر جنس شعرنا و غنانا البلدي ده أبلغ من كل لآليء الخليج و ما بين النهرين و الأنكا و الآزتيك و المكوجن من حضارات الدنيا .
إنت و ينك يا رجل ؟
محبة يا مطر ياخ و كتير ود .
.
|
Post: #51
Title: Re: أنثى بتوب .. إنه الصيف , آمنتُ بالله
Author: محمد حيدر المشرف
Date: 08-11-2007, 08:48 PM
Parent: #1
العماد ..
لعل ابلغ وصف قيل فى صاحبة ثوب هو ما يغنيه أحمد المصطفى
(وجسمو .. من نقش توبو , شال
هف بالشوق قال وقال )
شفت الكلام ده كيف ايها البكاء
ده الجنن عبدالقادر ..
يا ..
هداك الله
|
Post: #53
Title: Re: أنثى بتوب .. إنه الصيف , آمنتُ بالله
Author: رأفت ميلاد
Date: 08-11-2007, 09:17 PM
Parent: #51
لا حولاااا ياعمدة
زكرتنى قول وردى ... ووب على أمك ووبين على
ووب منك وإنت متجلى
كعب رجلا يا عمدة ?
ده كاس سنة
دام الألق
محبتى
|
Post: #185
Title: Re: أنثى بتوب .. إنه الصيف , آمنتُ بالله
Author: Emad Abdulla
Date: 08-25-2007, 11:49 PM
Parent: #53
.
| Quote: ووب على أمك ووبين على |
يا رأفت ..
ياخوي ما تبشتن حالنا أكتر مما هو مجوبق ..
و هذه الوووب كم سكبنا واواتها ما مرت بنا غيداء ساحبة خلفها الأعين من أول شارع الغالي و إلى آخر شارع خمسطاشر ..
و تحملنا كم من جور الجائرات و قطعناهو في الحشا الماتعرف يشيل شنو وللا شنو ..
( الفقر و القليب القاعد على الريق .. لا يجتمعان ) ..
تصدق يا رأفت كنا نمارس الرومانسية البليغة في سوق العمارات كلما امسى على الخرطوم ليل ..
و نقعد نترصد الخارجات الداخلات القاهرات الراكبات العاجلات الماشيات الضاحكات الكاشرات الشاتمات الواعدات الكضابات ... و و و و ..
و كلو بالتوب .. يفرنه و يطوينه , و نحن معه ..
لم تصب إحداهن سهم صبابة لنا .. و يمضين إلى حال حالهن .. و نحن إلى حال السجم و الشحتفة .
ثم نعود في اليوم التالي باحثين عن ما يركز القلب .. و يلقمه شوية صبر .
الغريبة ما زال الدم يحن إليهن بنات الـ ....
أنظر عمك وردي و وقوعه في الفخ الجميل :
الصغيرة شجيرة الأراك
ياقمر عشرة الفي سماك
شاغلة روحي وقلبي المعاك
وين لقيتك لامن آباك
العيون الما بدمعن
نامن أو صاحيات يبرقن
لا بصيدن لا بعشقن
سرهن في الجوف يحرقن
كشفن رموشن أو غمضن
كلو موت ماتقول برحمن
الصغيرون الما كبير
الرقيبة قزازة عصير
السنون براقن يشيل
العيون متل الفناجين
مابتحش قشة التناقير
مابتشيل جردل على الزير
الزراق فوقا تقول حرير
شتتي الشبال يا أم ضمير
خلي قلوب الصبيان تطير
انتي ريحتك دمور فرير
ولا بت السودان اصيل
الجزيةر ام بحرا حما
فيك روحي وحبي النما
مابسيبا ان بقا في السما
ما بخلي الناس تظلما
روحي في دربك سايمه
يا غرق يا جيت حازمة
القديما قديما الحمام
الوزينن في موجو عام
يا ما رايقة قليلة كلام
وا حلاتا تقول السلام
الغزال الفوق في السلم
المحبة تزيد الألم
كل يوم اصبح لي في هم
سيسبان عودك منظم
شمعدان نفسك يأم اختم
البرتكان نهدك مدردم
الصغيرون ام الجنا
ياكريم ربي تسلما
تبعد الشر من حلتا
جنة الأم الولدتا
الفي جبل عرفات وضعتا
تسلم البطن الجابتا
دي ترباية حبوبتا
التميرة الفي سبيطتا
الصفار صابغ خضرتا
معذورة امها كان دستا
وا هلاكي الناس شافتا
معذباني انا ود حلتا
الدفيفيق الدابو ني
البسيمتو بتكويني كي
اهلو ضنو عليهو وعلي
حبها النساني والدي
ما بخليك ان بقيت حي
يا قصيبة السكر الني
نهدك الما رضع جني
ووب على امك ووبين علي
الديوان الديمة مقشوش
بالزهور والورد معروش
بالحرير الأصلي مفروش
ريحتو مايقوما بلا رتوش
كان دا وصفو ماهو مغشوش
قدروا الساكنينو في الحوش
بحر الدمير العض ونزل
مرة يسقي الفل والنخل
فيهو عام وزينا وقدل
ياجنينة البيك عقلي انشغل
بعت روحي عشان ليك اصل
وانت ابعد لي من زحل
المبارك شيخ الظار
العليك ساسقت وفتر
قللي جنيت ولا دستر
واي أنا المرضان مكنتر
جابو لي حكيم خير وشر
قاللي يا زول مرضك كتر
سببك أم شلاخا أخدر
متسببين نحن ..
و هن .. الله يسامحن .
.
|
Post: #52
Title: Re: أنثى بتوب .. إنه الصيف , آمنتُ بالله
Author: محمد حيدر المشرف
Date: 08-11-2007, 09:06 PM
Parent: #1
عماد ..
عندى مداخلة حارقانى لعوض اوكاشا اذا سمحت
عوض ..
الترزيه ديل فايتنك بالصبر
ليس الا ..
|
Post: #54
Title: Re: أنثى بتوب .. إنه الصيف , آمنتُ بالله
Author: ابراهيم عدلان
Date: 08-12-2007, 01:14 AM
Parent: #1
تلك الامتدادية الشديده
اول من قتلنا حدا بالتوب ( هي الشافعة شافعة نصاح؟)
لا غرو انها تأتلق في من كسلا يا عمده و ما ادراك ما كسلا
قاتل الله نصيري الدين كمبال و خالد سيداحمد
الاول جذبني اليها جذبا و الثاني ادمنني اياها ولاهل كسلا يا صاحبي توب يسمي الفردة الكسلاوية اجارك الله
هو من الهم كبيركم الذي علمكم سحر البيان فأتي بأن الثوب يتثآئب عند الخصر في كسلا
صاغت ثقافتنا المدرسية وجداننا الفني و اطلقت لخيالنا العنان عندما خلع حسن صاحب الصفارة جلبابه الابيض و لبس جلبابه المزركش
ارتبطت المزركشات في مخيلتي بأشياء تبعث عن الحيرة في زمن سادت فيه البسة الدمورية و الدبلان
لم اتزوق معني يجيني معاك زمن امتع نفسي بالدهشة الا مع تلك الامتدادية الكسلاوية الجنرال
قاتلك الله يا هذا
|
Post: #135
Title: Re: أنثى بتوب .. إنه الصيف , آمنتُ بالله
Author: Emad Abdulla
Date: 08-17-2007, 03:26 PM
Parent: #54
|
Post: #55
Title: Re: أنثى بتوب .. إنه الصيف , آمنتُ بالله
Author: Basheer abusalif
Date: 08-12-2007, 03:03 AM
Parent: #1
شفت التوب الما لاقاني اجمل منه
بس التوب..
سيد التوب يكون كيفنه!!
التوب أصالة و حشمة ......و ذوق
ولابوعركي سلام
|
Post: #58
Title: Re: أنثى بتوب .. إنه الصيف , آمنتُ بالله
Author: Hatim Yousif
Date: 08-12-2007, 05:25 AM
Parent: #1
عماد عبد الله ... صباحات الخير
مريت أمس على البوست .. وقفت مسافة طويلة ..في الكلام السمح ده ..وأشاور في نفسي
أكتب ..ولا لأ... الحسم الموضوع ..الدنيا كانت رطوبة .. ونهاية دوام (خمسات الساعة )
-
-
( لو مرة بعدك يا زمان الغربة تجمعنا الصدف )
( أنا كيف أعود من طيبة اول نظرة للدار منكسف )
( وا ضيعة الوتر اللي ما غنيت معاهو ولا عزف )
( في صدفة عابرة بلا كلام قلبي الرهيف بالهم نزف )
( يا ريتني ما شفتك ربيع ولا كان يلازمني الأسف )
أها ياسيدي جيتك الصباح دغش ... عارف حكاية مقطع الأغنية ده ..أنا من زمن طويل بقيف
فيهو وبسمعه مرة وأتنين وثلاثة .. وبالذات في الحتة بتاعت التطريب .. يضاف اليها بشدة
النص البديع .... قدمت حكاية التطريب على النص .. الفنان / عثمان حسين سمعته مرة بتكلم عن تلحينه
للأغاني الخطيرة بتاعته ... قال كلمة خطيرة .. ( في الزمان داك الواحد لو لقي مقالة في جريدة مسبوكة كويس ..
ممكن يلحنها ) .
ولغايغ هسع ولبكرة ... في إعتقادي الشخصي .. المقطع ده .. أجمل من أغاني كاملة
_
-
عماد .... يا خي براحة علينا ...
وبرضه كتر لينا ...
1
|
Post: #59
Title: Re: أنثى بتوب .. إنه الصيف , آمنتُ بالله
Author: tarig almakki
Date: 08-12-2007, 08:31 AM
Parent: #1
| Quote: ياخ عليك لله خليني أرسمك ؟؟ .. أو بالميت أرسم رجلك السغمبتوتية دي .. |
عارف يا عماد
لو ما كان جفلت ما كان دهشتك إستمرت وخلتك تكتب السَفر الجميل ده " سفر التوب "
بعدين يا عماد كان تقول ليها خليني أرسمك أو بالميت كده عيونك القتاله لكن تجي من تحت كده ؟!! تنط النطة دي لغاية ما تصل الرجل السغمبتوتيه ؟!!. . أعوج !!
بعدين سؤال :
التوب كان ربط ولا عادي ؟
صدقني بتفرق .
|
Post: #60
Title: Re: أنثى بتوب .. إنه الصيف , آمنتُ بالله
Author: esam gabralla
Date: 08-12-2007, 08:45 AM
Parent: #1
المسخوت ...
كتلك توب...
يا ناااااس الحلة ...اوروروووك ودعبدالله مكتول في دليقين
ولبعض اهل الحار جاف مترامى الاطراف ـ يسمى حتى اللحظة السودان ـ شؤون و شجون مع الدلاقين ان قلت او سترت ، ان زادت و فاضت او انحسرت و شرحت ...
من المشي للقاضي وقال ليهو ما فاضي
و
اريد الزول الهديمو رمادى
للابس البمبي
و البيضا مكوية
لى
قادت نارى لو تطفيها لي يا ريتا
هنا بعملو نوع التوب الجهجه صيفك و خلاك تكشف حالك وحال الاذاعات والمذيعين، توب سويسري يقول رجال ونساء المناطق الجينا منها، و في لا وعى كتار منهم ومنهن توجد مواصفات عجيبة للسودانى والسودانية منها سنو و سنو و بشرب شاى لبتون وبدخن بنسون وبتسوك بي سقنال و... توب سويسري ...
معايير الجمال عندى جاطت بعد القعاد مع الخواجات كل الزمن ده ... زى ما قال كمسارى البص الانقلب "لخبطو لينا الدفع من الما دفع"..... زمان التوب ما كان اصلو من المجهجهات .. اسه شوفتو بتلبش و تبوظ الاعصاب و ما عارف هل هو التوب ام الحنين؟
يا حنين
قلت ليك انت و صاحبك المسيخيت التانى بقيتو ترزية تقول لى لأ .. و مكنة سنجر كمان ...
و شفت التوب و ما لاقانى اجمل منو
.
.
.
و سيد التوب يكون كيفنو ..
سلام يا صاحب
|
Post: #61
Title: Re: أنثى بتوب .. إنه الصيف , آمنتُ بالله
Author: awad okasha
Date: 08-12-2007, 08:46 AM
Parent: #1
Quote: عماد ..
عندى مداخلة حارقانى لعوض اوكاشا اذا سمحت
عوض ..
الترزيه ديل فايتنك بالصبر
ليس الا .. |
اخونا المشرف
لك التحية
والذي يخفي الهوى بالصبر
ياه بالله كيف النار تخفي النار
مظفر النواب
|
Post: #62
Title: Re: أنثى بتوب .. إنه الصيف , آمنتُ بالله
Author: المسافر
Date: 08-12-2007, 10:34 AM
Parent: #61
الكرب السادة
جابتني ليك الإرادة
خليت قليبي أنا داده
أشيل وألفو ليك
الكرب يا حرايرو
زولي السمح أنا دايرو
( من أغاني البنات)
الكرب
والساكوبيس
والفردة
والزراق أبونيلة
كانت مثار نقع وتأليفات وتخريجات
( محبوبتي الليلة لابسة التوب)
الليلة بي حشمة لابسة التوب..
وآخرين ربما يروها لافحة التوب
أو أميرة في توب الأمير..
وتشكي من التوب تقول تقيل..
وأم درعة..
و..
|
Post: #63
Title: Re: أنثى بتوب .. إنه الصيف , آمنتُ بالله
Author: محمد أبوالعزائم أبوالريش
Date: 08-12-2007, 11:06 AM
Parent: #1
عماد يا مجنون .... يا مسطول ... ما فارقة
| Quote: و تقول السهارى معه : |
يا سهارى تعالوا شوفوا البيّ
الحبيبة كيف قست عليّ
إنت البسهرك بالنهار شنو ياخ؟ ..... قلقلتنا معاك
هو نحن ناقصين؟
شفت التوب ..... وسيد التوب يكون كيفن؟
متكي كتيفا .. تلّت إيدا .. حتى الحنة ديك ما نسيتا
قادت ناري .. لو تطفيها لي يار يتا
عماد ألله يجازيك
|
Post: #64
Title: Re: أنثى بتوب .. إنه الصيف , آمنتُ بالله
Author: Nadia Elsir
Date: 08-12-2007, 11:19 AM
Parent: #63
Quote: أجمل الإناث عندي هي تلك التي تشع .. ضؤها التوب ..
أنثى بلا توب - عندي - هي وردةٌ بلا عبير عابق . |
ايوة ايوة صدقت يا عماد فعشقه متاصل في اختال فيه ام يختال فى الامر سيان .....المهم اقدل و سمحة القدلة بيهو و معهو فتتقمصنى حالة وصفها وردى بدقة فى اللفتة اللفتة و الخصل الى نامت فوق تسابيح البريق و خطاك و الهدب المكحل و فتنة التوب الانيق !
*و لو مرة بعدك يا زمان الغربة تجمعنا الصدف !
عماد عبدالله فى داعى هسه تجيب سيرة الصيف و التوب و وردى .....الله يجازيك بالخير و يرضى عليك !
*سعدت بالحديث معك كثيرا !
|
Post: #65
Title: Re: أنثى بتوب .. إنه الصيف , آمنتُ بالله
Author: انعام عبد الحفيظ
Date: 08-12-2007, 11:30 AM
Parent: #1
| Quote: أنثى بتوب .. إنه الصيف , آمنتُ بالله |
يا عماد عبد الله
انت الإيمان دا جالك متأخر ولا شنو؟
ياخي انا قريت كلامك دا مره واتنين وتلاته
كل مره بستمتع اكتر واكتر الله يخليك
|
Post: #69
Title: Re: أنثى بتوب .. إنه الصيف , آمنتُ بالله
Author: عواطف ادريس اسماعيل
Date: 08-12-2007, 11:50 AM
Parent: #65
العمدة !!!
على قولة اللبنانين يخرب ذوءك يا بتاع الكات ووك ,,,
إنت فعلا ما براك !! لكن منو المعاك ؟
معاك الإبداع ,, الشفافية ,, الصدق في التعبير والتصوير ,,, عموما أمتعتنا وربنا يسعدك ,,,
|
Post: #67
Title: Re: أنثى بتوب .. إنه الصيف , آمنتُ بالله
Author: Ishraga Haimoura
Date: 08-12-2007, 11:45 AM
Parent: #1
عماد.....
القوام معدول والوريد كالدمية والأسيس مسلول
الكتيف مهدول بعضه نام فوق بعضه تقول حرير مجدول
شوف الصورة دي كيف ؟؟؟؟؟ دي أكيد كانت لابسة توب كرب
|
Post: #68
Title: Re: أنثى بتوب .. إنه الصيف , آمنتُ بالله
Author: ايوب عبدالرحيم
Date: 08-12-2007, 11:45 AM
Parent: #1
ايام الجامعة
وفي احد جلساتنا المسائية
كنا 5 ضراريب ( ضراريب مصطلح قديم يعني ذكور )
ولم تكن لدينا اية خلطة
وفجاة جاءت كالخيال
جميلة ورقيقة كالنسيم
وتلبس ثوبا جعلنا نعشقها كلنا في لحظة واحدة
سلمت علينا وتكرمت بالجلوس وخصلة من شعرها تموج مع نسيم الهواء العليل
لا ادري لماذا تكون الانثى جميلة ووديعة بالمساء وعنيفة بالنهار
الاضاءة الخافتة واصوات الموسيقى المنبعثة من الكافتيريات المبعثرة في ارجاء المكان
امعنا كلنا النظر في جمالها لدرجة انها اندهشت من صمتنا غير المتوقع
وفجاة واحد الضراريب من اصحاب الاصوات العذبة وهو ابن اخت لمحمد احمد عوض
بدا بالترنيم دون مقدمات :
ملكة الطرحة غيرت بالتوب
خلتنا في حيرة وفي هواها ندوب
قالت كبرت خلاص وكترو عشاقي
كلو يوم والتاني بدقو في بابي
اسكيرك العالي ومهرك الغالي
الغالي يرخص ليك ويحقق امالي
واصبح معشر الضراريب يرددون الاغنية في هيام وتطريب عجيب
وهي مندهشة وتبتسم بحياء
وبعد ان انتهت الاغنية تضاحكنا وتسامرنا حتى موعد الدخول للداخلية
اوصلناها جميعنا حتى الباب
كنا خمسة عشاق وحبيبة واحدة
تقاسمنا ارجلنا ومشينا على خ 11 لاننا لانملك ثمن المواصلات
وصلنا الى خرابتنا ولم نجد بها الى ماء الزير
شربنا منه حتى برزت كروشنا ونمنا ونحن بسعادة نحسد عليه
فقد تعشينا ملكة الطرحة وشربنا كل ماء الزير
لمن تكن جميلة لهذه الدرجة
ولكن التوووووووووووووووووووووووووووووووب
قد يكون حالة الفلس التي كنا بها هي سبب هيامنا
بعد فترات وفترات وكلما كنت الاقيها كنت استغرب لتلك الليلة
عمدة شكرا لك فقد اوقظت فيني ذكريات دافئة وحنينة
|
Post: #71
Title: تلاتة بس
Author: ASHRAF TAHA
Date: 08-12-2007, 11:57 AM
Parent: #1
1ـ بالتوب
ناس خطواتا تقول تنهيدة ـــ شهيق وزفير
الاسد الفي القيد يناتل ـــ حركة شبه دائرية
2ـ من غيرو
قامت مئذنة من نوم شامخة الكفل ـــ قول بسم الله واشرب قولت الصومالية
3ـ شوف عيني
ناس واقفة 5 قدم وستة بوصة وقاعدة 5 شنكل غينيس يا ركورد
|
Post: #72
Title: Re: أنثى بتوب .. إنه الصيف , آمنتُ بالله
Author: omer abdelsalam
Date: 08-12-2007, 11:59 AM
Parent: #1
اخي / عماد عبدالله ..موضوع الثوب الجميل ده ..ذكرني بقصة طريفة حدثت لنا ونحن طلبة { برالمة } في جامعة فاس بالمغرب ..وكنت قد نشرتها في بوست فاس .لاباس من المشاركة بها في هذ السانحة
Quote: بقعة ضؤ في الذاكرة (1 )
************************
الثوب .. اول مفردة سودانية ..لفتت انتباهنا في غربة فاس
****************************************************
كنا منذ صغرنا وقبل أن تقودنا الأقدار الى مدينة فاس للدراسة في اواخر السبعينات
نختزن فى مخيلتنا تصور من نوع خاص رسخ بفضل مقولة جدتي ( رحمها الله) وبقية جدات السودانيين عموما
: ( فاس الماوراها ناس )
كنا نظن في طفولتنا المبكرة ان فاس ، لها ارتباط عميق بالسودان ، بل كنا نظن انها بلد في اقصى ارض السودان ، وليس بعدها عالم آخر
وصلنا الى فاس فى في فترة شبابنا الأولى ..انزاح عنا وهم انها جزء من بلادنا .. ولكن كان شيئا ما من مقولة حبوباتنا ، مازال يربطنا بعوالم فاس المغربية .
لعل وحشة الأيام الأولى لغربتنا في المدينة ، كان عميقا ، حتى كدنا ان نصدق قول الجدة : ان بعد فاس ليس هناك ناس
فى اول جولة لنا في المدينة بعد وصولنا من السودان ..لم تكن لنا اى سابق معرفة عن التقسيم العرقى والقبلى في المغرب
بينما نحن نتفحص معالم المدينة العتيقة بفاس بكافة غرائبها .. ظهرت لنا فجأة مجموعة نسوة يرتدين مايشبه الثوب السودانى
فأندفعنا بحماس الشباب .. ووحشة الغربة ، دون استئذان ، لنلقى التحية على النسوة بحرارة ، كأننا نرى فيهن امهاتنا وجاراتنا
وفتيات عرفناهن من قبل .
الدهشة كانت عظيمة لنا وللنسوة .. فنحن اكتشفنا انهن مجرد نساء من منطقة الصحراء المغربية
ملامحهن سمراء ولاباسهن اشبه بالثوب السوداني .. وهن كذلك اكتشفن اننا ليس من فتيان الصحراء
تبادلنا بضعة كلمات ، صعب علينا التواصل ، فلهجة اهل صحراء المغرب ، ليس من السهولة فهم مفرداتها من الوهلة الأولى
افترقنا وفى عيون النساء دهشة ، وفى الفم ابتسامة عريضة ، ونظن انه كان فى القلب مودة حفظت لنا .
|
عمر عبدالسلام
|
Post: #73
Title: Re: أنثى بتوب .. إنه الصيف , آمنتُ بالله
Author: الجندرية
Date: 08-12-2007, 12:02 PM
Parent: #1
عصام جبر الله
امانة في ظمتك دي الحكاية حنين؟
غايتو ما نبهتك ساكت
انا زااااتو جابني الحنين ومآرب اخرى
منها اسلم على الحبان الهنا
ومنها نشوف اخر موضة ما نلفح لينا تياب اكل عليها الدهر
ازيك يا عماد
توب ازرق وفيه لطشات فرشة بالأزرق الغامق ؟
يمين ان الدموع غرقنك ، جنس دا ما يدوك تقش بيه دمعة
شوف جنس دا عليكن النبي
قت لي اخبار النفيسة كيف ؟
|
Post: #74
Title: Re: أنثى بتوب .. إنه الصيف , آمنتُ بالله
Author: kamal ali
Date: 08-12-2007, 12:13 PM
Parent: #1
لقضاء عمل رسمى جأءتنى فى مكتبى قبل اسبوع تقريبا وهى ترتدى
العباءه الخليجيه. من لهجتهاوتقاطيع وجهها عرفت انها سودانيه
لم اعهرها كثير اهتمام فقد بدت لى كامراه عاديه.قضت مهمتهاواتصرفت .
وبالامس ووووب على من الامس فقد جاءت للمراجعه وهى ترتدى الثوب السودانى ....
(ماوقفت الحركه ياعماد).. السودانى والهندى والبنغالى وحتى الخواجه الذى كان
يجلس امامى وقف منتصبامن غير ان يشعر ليخلى لها االمقعد. فى الزياره الاولى
كانت امرأه عاديه وبالامس كانت امرأة انثى كامله. لبست الثوب فالبسهاجمالا وحياءا
وانوثة وشموخا وعزة ولفت اليهاكل عضوية الامم المتحده . ياعزيزى عماد لو عرفت كل انثى
سودانيه كم هى جمبله بالثوب فى نظرى ونظرك ونظر كل ادم سودانى والله لما ارتدينا غيره ,
|
Post: #76
Title: Re: أنثى بتوب .. إنه الصيف , آمنتُ بالله
Author: معتصم الطاهر
Date: 08-12-2007, 01:02 PM
Parent: #1
سؤال بريء ..فى كلام عماد عبد الله
ما العلاقة بين التوب والرووووب
|
Post: #77
Title: Re: أنثى بتوب .. إنه الصيف , آمنتُ بالله
Author: طلال عفيفي
Date: 08-12-2007, 01:30 PM
Parent: #76
ده كلام عجيب
البت الزي الكاس الطويل انا عايز ... أشوفا !
يا أخي دي كتابه حلوه شديد عن أيام حلوة شديد
وبنات حلوين شديد .. والله يا عماد متمني لو كنت
معاكم في ذلك الممر بالكلية ، على الأقل الواحد
كان يكون عندو تاريخ ناير وعمر جميل ، حسه كُليتكم
دي ما فيها لا ممر ولا غيره : خيبه كبيره !
لمن بقرا كتابتك بشعر إني كنت مشتاق ليها شديد ،
وبحس بإندماج وحاجه كده أشبه بالكيف أعزك الله ..
بالمناسبة لمن نتلاقى ، خليني احكي ليك حاجة عن
قش المكيف !
|
Post: #78
Title: Re: أنثى بتوب .. إنه الصيف , آمنتُ بالله
Author: طلال عفيفي
Date: 08-12-2007, 02:28 PM
Parent: #77
بالمناسبة :
آمنتُ بالله !
_______________
من اعمال راشد دياب
|
Post: #79
Title: Re: أنثى بتوب .. إنه الصيف , آمنتُ بالله
Author: salah elamin
Date: 08-12-2007, 03:09 PM
Parent: #78
توب الكرب الجابوا النقادة
يا سيد الناس انا عاشقك زيادة.
من اغنيات التم التم
|
Post: #80
Title: Re: أنثى بتوب .. إنه الصيف , آمنتُ بالله
Author: nadus2000
Date: 08-12-2007, 03:39 PM
Parent: #78
انعل ..............ياعمدة
كان طلعتني بلا غدا وأديت الابنوسة فرصة نقة...
وشنو الشاعرة ديك مشت تفتش في سحارة عمك النابغة ما لقت الا البتاع داك، الوقع منها وكفتها كفها بديلا،
يمين الله لو مشت لي توبنا داك كان يدين كل الاعراب ما يكفن عنه بديلا.
|
Post: #83
Title: Re: أنثى بتوب .. إنه الصيف , آمنتُ بالله
Author: Emad Abdulla
Date: 08-12-2007, 07:35 PM
Parent: #80
.
إنعل ......... يا نادوس ياخ ..
هسه في داعي ؟؟
( سقط النصيف ولم ترد إسقاطه .... فتناولته و اتقتنا باليد ) ..
يا بركة إلهي و سيدي ..
يقعد ينملص كده , و هي تقعد تتقينا كده ..
" النابغة " ملعون ..
و " النُعمان " داقس ..
أما " المتجردة " فشكيتها على اللانام لا أكل الطعام .
أما المنعول جد جد .. فهو هذا الدوقلة المنبجي ( إسم لدكان إسبيرات ما ينفع ) ..
يقول هذا الصائع الجميل في وصف " دعد " :
( وَبِصَـدْرِها حُقّانِ خِلْــتَهُما . . . . . كـافـورتينِ عَـلاهُـما نَدُّ )
( والبطـنُ مَطـويٌّ كما طُوِيتْ . . . . . بِيـضُ الرِّيـاطِ يَزِينُها المَلْدُ )
( والتف فَخْــذَاها وَفَوقَهُمَـا . . . . . كَفَلٌ ، يُجـاذِبُ خَصْرَها ، نَهْدُ )
قلت ليك .. الزول تخصص إسبيرات - حمانا الله و السامعين -
فلو أن المرأتين كانتا بالتوب ..
كان نط ليهم عمك أبوصلاح عليهو الرحمة و النور :
( السيوف ألحاظك تشهرا . . . . . على الفؤاد المن بدري إنهرا )
( الشـعر أقدامك سـتّرا . . . . . لقطـيبو قلوبـنا الـبـعثرا )
سيك سيك .. معلق فيك .
خلق الله المرأة من ذاته .. و هو الجميل الجميل ..
آمنتُ بالله .
.
|
Post: #81
Title: Re: أنثى بتوب .. إنه الصيف , آمنتُ بالله
Author: الملك
Date: 08-12-2007, 04:47 PM
Parent: #1
...
الله يوديك الجنة
"بس"
...
...
يا ربى الحور العين بلبسوا تياب
|
Post: #82
Title: Re: أنثى بتوب .. إنه الصيف , آمنتُ بالله
Author: AlRa7mabi
Date: 08-12-2007, 06:22 PM
Parent: #1
شفتا يا عماد
انامن دون خلق الله ديل
((( شفتا التوب
وسيد التوب
وما لاقني أحلى منو )))
أو كما قال دكين الذي ( أحبه وأخشان في الله )
الللللللللللللللللللللللله!
..
.
|
Post: #86
Title: Re: أنثى بتوب .. إنه الصيف , آمنتُ بالله
Author: فيصل عباس
Date: 08-13-2007, 00:26 AM
Parent: #1
عجبني التوب اللبستو لي ردودك (لونو تداعي جمييييل)
اكتر من الانثى بتوب
وتوبته لوجه سرد عماد وجنونه
وتوبه تاني لله ورسوله
**
تعرف لمن تكتب بتكون داخلاك حالة وسامه كده جميله خالص (حافظ عليها) فهي في الغالب
تغادر حين الابتعاد عنها وتترك آثار مترهله في الوجه وتحديدا تحت حدقة العين
المصابه بالشوف والسهر والحمى..
|
Post: #88
Title: Re: أنثى بتوب .. إنه الصيف , آمنتُ بالله
Author: Amira Elsheikh
Date: 08-13-2007, 08:49 AM
Parent: #86
| Quote: هذا صيفٌ بحمى .. يشبه الملاحم العظيمة .. |
عماد عبدالله...
شاحدة ربى ايامك كلها صيف ...
عشان نحن نتمدد ونتمدد لحدى ما نصل درجة السيولة بسببك.
والله يكضب الشينة...
لكن يا عماد..
انا مقتنعة بانو التوب السودانى والغنا السودانى اجمل حاجتين فى الدنيا....
|
Post: #89
Title: Re: أنثى بتوب .. إنه الصيف , آمنتُ بالله
Author: Emad Abdulla
Date: 08-13-2007, 08:20 PM
Parent: #88
.
عجيب ..
لم يحدث أن ذكرني أحدهم بهذا من قبل .. !!
اليوم يصادف عيد ميلادي ..
أتاريهو ..
كل هذا الحزن , حرقان القلب ..
و أكلان الخاطر .. و الغناء و التياب و الشوق و البلاوي ؟؟؟؟؟
ما الذي جعلهم يذكرونني به هذا العام دون أعوام كثيرات سقطن بي قد القفة ..؟؟؟؟
.
|
Post: #90
Title: Re: أنثى بتوب .. إنه الصيف , آمنتُ بالله
Author: خضر حسين خليل
Date: 08-13-2007, 09:18 PM
Parent: #89
Quote: اليوم يصادف عيد ميلادي ..
|
ولا نقول الا مايرضي الله
حسناً ياصاحبي وردة ودبدوب وأمنيات بحياة هانئة
وعمر مديد وإبتسامة عريضة لاتبرح وجهك الطيب وحكمة
الله إنني إذ أول المهنئين هنا وأنا الذي لا أتزكر
أعيادي الا بعد مرورها بأيام وربما كانت هذه السانحة
مناسبة لوقفة مع النفس ونشوف كم راحن وكم مشن وكم ذهبن
بلا عودة ... كتيراااات بالحيل كتيرات ياعماد
غايتو :
سنينك عمرو
ما كليت
ولا مليت من الحوبات
أناشيدك
عصافيرك
تفكها من زمن
تاتيت
نغنيها ونباريها
وهكذا دواليك ... وبمناسبة الدواليك صادفت هذا المساء
شخص لايوق لايوق وأظنه هو ما قادني الي ما أنا فيه من
نصف شخص ممسك بتلابي الكون وبقايا الذاكرة الذاكرة الخربة
بفعل فاعل ياصاحبي أخ لكم تمنيت أن أهديك شمعة لكن هي الايام
قادمات قادمات ونحن لها نحن لها ياعماد ياصاحبي
ثم :
تتقطع بعرق العافية ياصاحبي هكذا يردد لساني القروي الآن
فهنيئاً لك بغربتك ياصاحبي
|
Post: #91
Title: Re: أنثى بتوب .. إنه الصيف , آمنتُ بالله
Author: عبدالله داش
Date: 08-13-2007, 10:28 PM
Parent: #1
بالجد
مرات بحس بى روحى
مشروق ومتعشرق
وكمان مليان
دهشه ( فل )
أبدا
أكتب وأمسح
وأمسح وأكتب
أساهر لما الله يغفر لى
يا عماد
الله يجرتق يمينك
ويوديك مع اول فوج للجنه
يا زول يا فل
ياااخ إنت بديع
وجميل زى حرفك
وبس
|
Post: #92
Title: Re: أنثى بتوب .. إنه الصيف , آمنتُ بالله
Author: Alsa7afa_30
Date: 08-13-2007, 11:15 PM
Parent: #1
Quote: شوف عينك ؟؟
ما أظن جيلكم شاف شوف العين في عهدكم الإنقاذي ده ..
و الله إنتو جيل إتحرم من حاجات سمحة خلاص .. |
عارف يا أستاذ عماد لما أسمع و أقرا عن زمان و ناس زمان بتخيل المناظر و المواقف و بحسرة أقول لنفسي ليتني شهدت ذلك الزمن ..
لكن أفتكر لكل زمان جمالياته مهما كثر القبح ..
حتى في زمننا ده أيام زمان (حقنا) تختلف كثيراً عن مانعايشه حالياً ..حاجات كثيرة جميلة اندثرت و لم يعد لها وجود ..
أقول ليك
خلينا في التوب أحسن
عمنا اللحو بقول :
ياخوانا الجمال موجود في كل مكان
لكن الجمال الأصلي في السودان
كلام يخلي الواحد صدرو بتنفخ لا إرادياً ...
تحياتي ..
|
Post: #93
Title: Re: أنثى بتوب .. إنه الصيف , آمنتُ بالله
Author: salma subhi
Date: 08-14-2007, 05:33 AM
Parent: #92
Quote: أجمل الإناث عندي هي تلك التي تشع .. ضؤها التوب ..
أنثى بلا توب - عندي - هي وردةٌ بلا عبير عابق .
|
أخ عماد ....عساك بألف خير
في دي صدقت 100 % ..رغم طغيان الموضه وتسلطها على فئة النساء لكن نظل نقول ونردد...كم يزيد الثوب السوداني المرأة جمالاً...ونمشي ونجي برضه نلبس التوب.
وهل رأت عيناك أجمل من الثوب السوداني ؟؟؟
أناغايتوا ما شفت!
|
Post: #94
Title: Re: أنثى بتوب .. إنه الصيف , آمنتُ بالله
Author: Omar Bob
Date: 08-14-2007, 06:31 AM
Parent: #1
سلامات يا عمده:
في اواخر سبعينات القرن الماضي اتت خالتي راحله من الخرتوم الي دنقلا
وصلو دنقلا ليلا وقضوا اليل معنا لان منزلنا عند مرسي البواخر القادمه من كريمه
في الصباح ذهبوا لمنزلهم بقريه ارتدي التي تبعد عن منزلنا حوالي ال12 كيلو ونسوا عندنا مسجل
جديد اتو به من الخرتوم فاركبني اهل بيتي حمارا وطلبوا مني ايصال المسجل لهم
المسجل كان به سته حجاره ابو كديس وشريط كسيت
قلت لنفسي لادير هذا الشريط وان الحجاره ماتت لحدي ما اصل حانكر اني شغلت المسجل من اساسو
ادرت المسجل فجلني صوت وردي نديا
وخطاك والهدب المكحل فتنه التوب الانيق
سمعت هذا المقطع اكثر من خمسين مره - اي والله اكثر من خمسين مره- وماتت الحجاره وشبعت موت واصبح صوت وردي
رخيما بطيئا- وبرضو ما كان فارقه معاي
منذ ذلك الحين اصبح وردي والتوب عنصران مهمان لحياتي
تماما كالماء والهواء
______________________________
يا اخوي ما قديتنا بكلام المراهفين بتاعك ده او نحو ذلك (وجه ضاحك)
|
Post: #95
Title: Re: أنثى بتوب .. إنه الصيف , آمنتُ بالله
Author: Muna Khugali
Date: 08-14-2007, 08:06 AM
Parent: #94
| Quote: أنثى بلا توب - عندي - هي وردةٌ بلا عبير عابق |
ازيك يا عماد..مشتاقين
احضار الكوتيشن ما هو الا محاصره بريئه!
|
Post: #143
Title: Re: أنثى بتوب .. إنه الصيف , آمنتُ بالله
Author: شمس الدين خواجات
Date: 08-17-2007, 09:58 PM
Parent: #95
Quote: تحياتي لي محمد خير طه .. و خالد طه ( ناس كبار .. يمكن ما تعرفهم ) ..
|
خارج النص جدا ,,
والله ياعمده ,,
اول ماخلقت هنا ,,
وشفت صورتك المشعلقة دى ذكرتنى ,,
بخالد طه ,,
ماعارف لشنو ؟؟
تبا لهذا الاحساس العفن ,,
ودى ياعمدة ,,
|
Post: #157
Title: Re: أنثى بتوب .. إنه الصيف , آمنتُ بالله
Author: mohmed khalail
Date: 08-18-2007, 09:43 PM
Parent: #95
ازيك يا عماد
you are ont alone
اغنية لمايكل جاكسون رهيييييييبة..رومانسية..هادئة ..مفعمة بالاحاسيس..زي انثى بالتوب
ياخ اسمعها عليك الله من يوتيوب ولا اي حته في النت حتعجبك يا الما براك.
محمد
|
Post: #158
Title: Re: أنثى بتوب .. إنه الصيف , آمنتُ بالله
Author: عثمان سيد أحمد
Date: 08-18-2007, 10:24 PM
Parent: #95
Quote: أجمل الإناث عندي هي تلك التي تشع .. ضؤها التوب ..
أنثى بلا توب - عندي - هي وردةٌ بلا عبير عابق . |
يا عمده يا رائع 00
ما كتبته يا صديقي إيقاع معطر وعبير عابق
والتوب وما أدراك ما التوب
واللابس التوب 000
مع مودتي 000
|
Post: #184
Title: Re: أنثى بتوب .. إنه الصيف , آمنتُ بالله
Author: معتز القريش
Date: 08-25-2007, 11:03 AM
Parent: #95
رايك شنو في التوب دا يا عماد
|
Post: #96
Title: Re: أنثى بتوب .. إنه الصيف , آمنتُ بالله
Author: معتصم الطاهر
Date: 08-14-2007, 08:40 AM
Parent: #1
Quote: ( سقط النصيف ولم ترد إسقاطه .... فتناولته و اتقتنا باليد ) ..
يا بركة إلهي و سيدي ..
يقعد ينملص كده , و هي تقعد تتقينا كده .. |
انت فى دى نسيت يا ولد ..
يتغطي بسواعدو ويحنو كأنو واجع
قول الروب ..
لما وقع التوب ( وبس) أتغطت بسواعدها وانضبت التقول عندها مغص ..
قول التوب .. أسف الروووب ..
و دخول منى خوجلى بعد غربة
كلفحة (توب الجيران) للقهوة فى بيت النسايب ..
الزولة دى أنا بريدهالوجه الله و الأرض ..
|
Post: #97
Title: Re: أنثى بتوب .. إنه الصيف , آمنتُ بالله
Author: DKEEN
Date: 08-14-2007, 09:35 AM
Parent: #1
تعرف ياعمدة التوب حلاتو في البيت
لامن تجي لي صحبتك او حبيبتك وتتلقاك بي توب..
الشيماء قبل اربعة سنين اتلقتني بي توب في صباح الله وشايلة كباية الشاي
ان انسى لا انسى التوب ولا الشيماء ولا الوطن ولا مطر تلك الليلة..
البت في التوب شي تاني بصراحة..
وشيماء في التوب كانت وكانت..
ذلك سر التوب ان تبصر في كل حسنٍ اية لله..
عن الصادق الرضي بتصرف لطيف..
وقال علي بن عبد الرحمن .. واجمل من لبست توباً في عموم الخرطوم هي نازك بت نجم الدين
كان يومها مشغولا بسلامة المعز ادم وقد قبض عليه رجال الدين بالقرب من مسجد الجامعة وهو يهم بركوب حفلات بحري..
اتاني مقتسما معي هم السلامات..
فادركنا المغارب ونحن عند القوز..
فوصلنا دار اعزتنا..
فاذا بالتوب واذا بنازك
واذا بنا ننسى امر المعز وكنا نظنه وقتها قيد الاستجواب وعلى حافة القزازة..
يازول قعدنا شربنا شاهينا..
نسينا المعز والوطن والجامعة ومالى ذلك
وانشغلنا بالتوب عن اوبة المعز..
ـــــــــــــــــــــــــ
انثى بدون توب دي زي الشرا في القندول...
|
Post: #98
Title: Re: أنثى بتوب .. إنه الصيف , آمنتُ بالله
Author: DKEEN
Date: 08-14-2007, 09:41 AM
Parent: #1
انتو في زول شايف الضبانة الفي مداخلة Gazalot دي ولا انا براي المعفن؟؟
|
Post: #99
Title: Re: أنثى بتوب .. إنه الصيف , آمنتُ بالله
Author: Emad Abdulla
Date: 08-14-2007, 11:17 AM
Parent: #98
.
| Quote: انتو في زول شايف الضبانة الفي مداخلة Gazalot دي ولا انا براي المعفن؟؟ |
شكرا يا عز ..
المعفنين بقوا إتنين .
ثم .. ياخينا ده " حمار البنات " ..
حاول تركز .
.
|
Post: #100
Title: Re: أنثى بتوب .. إنه الصيف , آمنتُ بالله
Author: esam gabralla
Date: 08-14-2007, 11:27 AM
Parent: #1
تلاتة
الببارى دكين بوديهو...
انا افتكرتها في الشاشة ... هشيت ... لسه لايصة
نضفت النضارة ..لسه لايصة
قلت خلاص الفرج جا... انا جنيت
تطلع ضبانة منعم!!!!!
|
Post: #102
Title: Re: أنثى بتوب .. إنه الصيف , آمنتُ بالله
Author: DKEEN
Date: 08-14-2007, 05:01 PM
Parent: #100
ذبابة على المك
وضبانة منعم
انا قتا البورد عفن ..بكري الظاهر تلاجتو ماشغالة..
|
Post: #101
Title: Re: أنثى بتوب .. إنه الصيف , آمنتُ بالله
Author: جمال سالم
Date: 08-14-2007, 12:35 PM
Parent: #1
ياعمده ...
هم توبين
توب بني شنقيط
وتوب النشره الجويه في الفضائيه السودانيه
وده ظاااااااتو البخلينانعرف احوال الطقس احيانا
فلنقف في هذي اللحظات دقيقه احتراما لست التوب وليعش سوداننا(علما) ولا عالما
ولاشنو مابعرفو داك بين الامم
ياخي الدمام حاره خلاس ورطوبه الف ماتعرف الحاصل ذاتو شنو؟؟
|
Post: #103
Title: Re: أنثى بتوب .. إنه الصيف , آمنتُ بالله
Author: خالد علي محجوب المنسي
Date: 08-14-2007, 06:06 PM
Parent: #101
| Quote: قايل الفوق ده نضمي ؟؟ .. ( الطير يرقص مذبوحاً من الألم ) .. |
الحبيب عمدة
تحية طيبة
قيل يطلع الكلم الطاعم ممن دواخله حلوة وطاعمة ... كنت من مرتادي هذا البوست تقريباً يومياً لكي اتذوق طعم كلمك الحلو
وليس الكاتب من يكتب دقش كبيرة ويجعلنا مسطحين لكن فن الكتابة ينبع في تطويع الكلم وصهرها ثم ثنيها ومن ثم تشكيلها ... وقد اجدت في ذلك
وما أحلاك وانت ترقص طرباً وانت تعاني ألام الذبح ... اننا بنقول تبرى وتستبرى من الذبح
لولا عذاب امرء القيس ما قراءنا ماابدع من شعر ولولا معناة الطيب صالح ماراى النور موسم الهجرة للشمال لولا الأحساس المرهف من ترنم شادي بروائع القدال والأمثال كثيرة
لك التحية عمدة وفقك الله واجرى سيل مدادك حتى تمتع امثالنا عبر نافذة صغيرة من منبر يعلو وجهه ضغائن واحقاد وعدم وعي
ولك التحية مرة اخرى
خالد محجوب
|
Post: #106
Title: Re: أنثى بتوب .. إنه الصيف , آمنتُ بالله
Author: Gazaloat
Date: 08-15-2007, 00:12 AM
Parent: #103
Quote: ذبابة على المك
وضبانة منعم |
شوف يادكين
دى اسمها حقارة!!
البخلى ديك ذبابة ودى ضبانة شنو!؟؟؟
|
Post: #107
Title: Re: أنثى بتوب .. إنه الصيف , آمنتُ بالله
Author: أبو ساندرا
Date: 08-15-2007, 06:34 AM
Parent: #1
يا عمدة مذ القطفة الأولى عرفت أن هذا البوست حا يرفعك فوق
ويودينا التوج
ومن يوم مداخلتي لما كان البوست لسع طازج
والتوب مكوتو حارة
ما زال كأسك الطويل يتعتعني
وكذلك تفعل بي الأغنيات
عمك إبراهيم موسى أبا ، مليون رحمة تتنزل عليه ، عندما { عز التوب } قال
{ وكت يتشال وينفرا }
عارف ، نبهني خال ضالع بالصبوات
قال لي أخطر وقفة ، فدعة بتحصل وكت التوب ينشال وينفرا
من اليوم داك أنا بتأمل
و { زغرد فوقنا شلال فرحة }
منعني عنك الشديد القوي
لكن تعال صالة نادي السد الساعة 6 ونص
ح تشوف العجب
و
{ إستثنيت جنته }
|
Post: #108
Title: Re: أنثى بتوب .. إنه الصيف , آمنتُ بالله
Author: محمد أبوالعزائم أبوالريش
Date: 08-15-2007, 07:15 AM
Parent: #1
عُمدة ...
سؤال للتاريخ:
متى ظهر التوب الربط؟
طبعاً التوب المبحبح داك بتكون ستو مرتااااحة جواهو. أما التاني ده فبتكون ملولوة وهو ملولو فيها لما تبقى زي عيشة الريف.
برضو في حاجة نحن الرجال ما بننتبه ليها (على الأقل شخصيا ما بنتبه)، بس دايما النسوان يقولوا ليك فلانه دي بتلبس التوب بالشمال. ؟؟؟
|
Post: #109
Title: Re: أنثى بتوب .. إنه الصيف , آمنتُ بالله
Author: محمد أبوالعزائم أبوالريش
Date: 08-15-2007, 07:24 AM
Parent: #1
آسف ..... مكرر
|
Post: #110
Title: Re: أنثى بتوب .. إنه الصيف , آمنتُ بالله
Author: خضر حسين خليل
Date: 08-15-2007, 11:50 AM
Parent: #1
أينك يا بني آدم
|
Post: #111
Title: Re: أنثى بتوب .. إنه الصيف , آمنتُ بالله
Author: هشام المجمر
Date: 08-15-2007, 12:02 PM
Parent: #1
يا عماد يا مسخوط
سلام
هاك دى
خمسة شهور تمام والهلَ طوبة
روحي مشحتفة وياربي توبـــــة
عبلوجة التري القلبت هبوبَ
ردودة روحي انا اللافحا توبه
ابراهيم ود الفراش
و بنيتك ديك اظنها القال عليها نفس الشاعر
دغس من غير كحل عينيها زُرق
تقول ود الجدي الأماتُه بُرقْ
تشابه الفي اب عدار الدابو كُرقْ
حسارَ شواني خلي كبدتي حُرقْ
اها بعد حريق الكبد فى شنو؟ ده مافى مكيف ببردو.
|
Post: #112
Title: Re: أنثى بتوب .. إنه الصيف , آمنتُ بالله
Author: salah elamin
Date: 08-15-2007, 12:49 PM
Parent: #111
اتصل بي صديق عزيز قرأ هدا البوست
لمن نفسوا اتقطع دا على حد تعبيره
لكن دي ما القصة
القصة حصلت لي وانا ماشي دات يوم بشارع لوزان بجنيف
ودا شارع بعرفه عصام جبرالله كويس .
القصة وانا ماشي في الشارع دا ومن على البعد
شاهدت زولة لابسة توب
فهرولت ناحيتها ولما وصلتها كان فعلا نفسي قد اتقطع
فتحدثت اليها بلغة عربية سودانية
لكنها جاوبت بالفرنساوي .
وانا المسكين بعد نفسي الاتقطع دا كله عرفت انها ما سودانية
وطلعت من موريتانيا.
وفيما بعد حكيت القصة لزول صاحبي مثقفاتي
قال لي
دا الانتماء يا زميل.
|
Post: #113
Title: Re: أنثى بتوب .. إنه الصيف , آمنتُ بالله
Author: Emad Abdulla
Date: 08-15-2007, 01:16 PM
Parent: #112
..
كل العابرين هنا ..
ود و تقدير و احترام ..
أنا خاوي تماما ..
الصيف عبرني .. و لم يتجاوز ..
أقام عندي .. و خلّف الصي .
جفاف يعلم الله ..
و مخير هو صاحب الأمر .
فعذراً كثيرا منكم ..
البوست لكم ..
و سأستعين بالكتمان .
.
|
Post: #114
Title: Re: أنثى بتوب .. إنه الصيف , آمنتُ بالله
Author: Tumadir
Date: 08-15-2007, 01:18 PM
Parent: #113
أوبسسسس
بوست رجال!!
|
Post: #115
Title: Re: أنثى بتوب .. إنه الصيف , آمنتُ بالله
Author: Hussein Mallasi
Date: 08-15-2007, 01:46 PM
Parent: #114
ليت راشد منكم يتمعن في مداخلة تماضر!
|
Post: #116
Title: Re: أنثى بتوب .. إنه الصيف , آمنتُ بالله
Author: أبو ساندرا
Date: 08-15-2007, 02:34 PM
Parent: #1
غايتو يا ملاسي هو واحد من إحتمالين :
1- إما شايفة كل المتداخلات الهنا ديل رجال ساكت
2- أو دخلت من ورا
والإحتمال التاني أرجح عشان البوست من ورا كلو عتالة
لكن انت يا راشد
ما وقفك في كل البوست التمام ده غير تعليق تيما ؟
يا ملاسي ، الله يستر عليك لو جاك أخو عماد
والله يسترك لو جاك أخو كيكي
أما
لو جاك
بلانس
قدي زرة كلب في المولد يوم الزفة
البركة بالجية
وقديمآ قالو :
يا مطول الغيبات كتر الجيبات
أهو دي جيبتك ؟
|
Post: #117
Title: Re: أنثى بتوب .. إنه الصيف , آمنتُ بالله
Author: Hussein Mallasi
Date: 08-15-2007, 02:45 PM
Parent: #116
كتبت تماضر:
| Quote: أوبسسسس بوست رجال!! |
فكتب ملاسي:
| Quote: ليت راشد منكم يتمعن في مداخلة تماضر! |
فرد ابو ساندرا:
| Quote: 1- إما شايفة كل المتداخلات الهنا ديل رجال ساكت |
فتأمل!!
|
Post: #118
Title: Re: أنثى بتوب .. إنه الصيف , آمنتُ بالله
Author: Emad Abdulla
Date: 08-15-2007, 03:37 PM
Parent: #117
.
فتأملنا ..
و بيننا " راشد " عبدالرحيم ..
و بعدين .. !!!!
.....
خلاص جيت لفقرك ؟؟
..
|
Post: #119
Title: Re: أنثى بتوب .. إنه الصيف , آمنتُ بالله
Author: خالد علي محجوب المنسي
Date: 08-15-2007, 09:02 PM
Parent: #118
| Quote: برضو في حاجة نحن الرجال ما بننتبه ليها (على الأقل شخصيا ما بنتبه)، بس دايما النسوان يقولوا ليك فلانه دي بتلبس التوب بالشمال. ؟؟؟ |
سلام وتحيات / ابوالعزائم
والله ظاهر وما بندسه وتلقى ستو مشيتها دي معوجة وصفحة وشها معوجة مع لفة التوب بي الشمال
|
Post: #120
Title: Re: أنثى بتوب .. إنه الصيف , آمنتُ بالله
Author: Emad Abdulla
Date: 08-16-2007, 05:54 PM
Parent: #119
خميسٌ حرون ..
الله يدينا خيرو ..
نبدأه بالنداء .. ( و الغريق ينادي القشة ليتعلق بها .. ) .
سينادي شيخنا أبو صلاح .. ( و هو نداء النياط التي مزعها مَنْ مزع ) :
ياجـوهـر صـدر المـحافـل
روحـي معـاكي تلـطفـيـلا
ما الـنور الـفي حـليـهو رافل
في حُـق نـهدو قـلوبنا قافل
كالظـبي الفـي مـقـيلو غافل
تـارة يميـل والتـانية جـافل
وجـهو يــنور والبـدر آفـل
فـوق للـبدر يزيــد نفـيلا
يــا النـور خـدك لاح مـقابل
للـشعر الـطال لـيلو سـابل
سـهـم الحـاظك ليـنا نـابل
بـي كل شي دون هجري قابل
ينسـب نـوحي عـلي البلابل
وانــت القــمرا بتنـسبيلا
ليك جوز عين نعسـان وكاحل
خصراً مـيّل وصـدر راحـل
لـي وجـداً لي جسـمي ناحل
بـحر الشــوق مـاليهو ساحل
بيـني وبـين الـنوم مـراحل
ويـن للطيــف انا القي حيلة
الـفـرع الـبـتـّنـي راتـل
طيرو ينوح في غصـونو حاتل
أهـوى نـديم لي فكـري شاتل
الاسـد الـفي القيــد ينـاتل
يـتـأكد مـاليـهـو كـاتـل
غـير مكـحـول ظبـي النتيلة
ضاوي سـناك لي بريقو راسل
لاح بـين عـنابتين عـواسـل
صدرك يـرجح وكـتفو خـاتل
رنـا طرفـك للسـيف يمـاثل
بـيهو يجــنـدل كل بـاسـل
ساحـبة دغـس وخدود اسيلة
يالـمـرنوع الـكـتفو هـادل
في دروعو ولمـعـاصمو جادل
انـا سـاهر والـليـل سـادل
شـرط الـحاكم يبــقي عادل
لا اقــبل بـهـواك مـبـادل
كيف اعشـق وارضـي البديلا
امـنـع طيفـك لي يـقـاتـل
داخـل قلبي انا لــيك مـنازل
يالائــم لاتـبـقـي عـاذل
انا في الحـب لي روحـي باذل
هل عـاشـق يـسـمع لعاقل
خلـّي نصيــحـتك عني زيلا
فوق الجـمـر و دمـعي باهل
كيف نار تشــعل في مـناهل
ضاق بي الكـون مع انو ماهل
نومي تصعّب ووجـدي سـاهل
لو بي حـالة دهـري جـاهل
في الانجـم اســأل سـهـيلا
لـي طيـفك مالقــيت وسائل
غير بسط النســمات رسـائل
اغـرب شـي واعـجب مسائل
حلـم الصاحـي ودمـعو سائل
لو شـكيـت في امـري سائل
الـبدريـن كـونـك مـثـيـلا
موقـد شـوقي ودمـعي هـامل
جمر الحب لي جـسمي شـاعل
ضاق بي الكـون مع أنه ماهل
حتـي الطـيف لـي لا يـجامل
مـع كـلاً مــا كــنت آمـل
دمعــي تحنـني بي الأنـامل
هل يرضيـك كـده يا جمـيلة
قال ذلك و استغفر الله لنا ..
.........
( صالح عبدالسيد .. يا أبا صلاح ..
كيف يبقى الشعر وتفنى المُلهِمات )*
* علي المك .
|
Post: #122
Title: Re: أنثى بتوب .. إنه الصيف , آمنتُ بالله
Author: Omar Bob
Date: 08-16-2007, 06:44 PM
Parent: #120
Quote: كتبت تماضر:
Quote: أوبسسسس بوست رجال!!
فكتب ملاسي:
Quote: ليت راشد منكم يتمعن في مداخلة تماضر!
فرد ابو ساندرا:
Quote: 1- إما شايفة كل المتداخلات الهنا ديل رجال ساكت
فتأمل!! |
يا عمده
انا لمنض قلت ليك في مداخلتي السابقه
" يا اخينا ما قديتنا بكلام المراهقيين بتاعك ده او نحو ذلك "
كنت امثل دور الفقاره في ظل غياب صاحبها والذي كنت اظن ان غيابه سيطول
فقلنا نسرح ونمرح علي كيفنا لكنه خيب ظننا واهو جاتك الفقاره بالجد جد
يلا شد حيلك
|
Post: #123
Title: Re: أنثى بتوب .. إنه الصيف , آمنتُ بالله
Author: خدر
Date: 08-16-2007, 07:12 PM
Parent: #122
|
Post: #124
Title: Re: أنثى بتوب .. إنه الصيف , آمنتُ بالله
Author: Emad Abdulla
Date: 08-16-2007, 07:18 PM
Parent: #123
هش .. هش .. إش إإإإشششششششششششش ..
طيب : عَرْت عَرْت
|
Post: #125
Title: Re: أنثى بتوب .. إنه الصيف , آمنتُ بالله
Author: ابو جهينة
Date: 08-16-2007, 07:20 PM
Parent: #124
عماد
Quote: و خطاكي و الهدب المكحل و فتنة التوب الانيق
الللللللللللللللللللللللللله .. أمانة ما كِتِل راجل ..
أو لربما هي خطرفات الصيف , أو فلنقل جوع الكائن المغلغل جواي و انتهاز أب فرار الشجن للسانحة ..
كله وارد .
التوب يا وردي ؟ .. التوب !!!
تذكرت كل الكائنات الساحرات اللائي عبرنني مبرقشاتٍ بتياب توقف شعر قلبي .. |
التوووووووووووووووووووووووووووووب
و بس
|
Post: #131
Title: Re: أنثى بتوب .. إنه الصيف , آمنتُ بالله
Author: هبة الحسين
Date: 08-17-2007, 01:05 PM
Parent: #124
الشكر لي جازولت..
بعدين جيب لي الضبانة دي..
او تعال نتعاور!!
قايتو ..عشان مااطلع البوست برة خالص..
ماما كانت تقول ..
هبة لو لبست البنطلون جميلة ..
والفستان ..
والاسكيرت والبلوزة ..
كلو فيها مظبوط(وإن كان القرد في عين امو غزال )
هذة حتى لااتجاوز حدودي..
المهم اظن لو لبست التوب حااخربو بي حاجات المعمل واقع من راسي.
عشان كدة انتو غنو ودوبو ونحن نتفرج بس..
لكن توب مافي تاني..
عندي رغبة اخربو ...
هبة الحسين
|
Post: #127
Title: Re: أنثى بتوب .. إنه الصيف , آمنتُ بالله
Author: عوض حمزة
Date: 08-16-2007, 09:59 PM
Parent: #120
عماد هوووووووى
ده كعب شنو الخلاك تفور وتدفق قدر ده ؟؟
بشتنتنا رسمى وشعبى
Quote: أشهد انه كان " سمحاً " حين تمشي .. سمحاُ حين تخلف رجلها .. سمحاً حين تجدعه تحت الطاولة بإهمال ..
كل أمره سمِح .. و نضيفاً و مُتمراً و لونه كلسان الأطفال ..
|
لا حولة ولا قوة لاحولة لاحولة
عماد ماااااك نصيح
اصلو شنو !!!!
عوض حمزة
|
Post: #126
Title: Re: أنثى بتوب .. إنه الصيف , آمنتُ بالله
Author: صديق الموج
Date: 08-16-2007, 08:28 PM
Parent: #1
Quote: عارف يا خدر ..
اللعين " صديق الموج " عرفني على عالم " محمد ود الرضي " .. |
عماد... العزيز..ياخدر
عمكم ود الرضى بقول:
تعطل البارزات ايابا...... كمان تشحتف عريض تيابا
تهم بسرعة وكفيله يابا الجمال قال خلاص قفلنا بابا
شرح المتون:
اى ان نهديها يلجان قبلها لبروز فيهما مما يعطل مقدمها، يعنى الصدر بصل اول بعدين باقى العفش..
وعندما تدبر يتقاصر الثوب ويرتفع الى اعلى ويتشحتف طوله مما يشحتف روح الاوغاد امثالكم...
شكيتكم وود الرضى على الله!!!
وهى هميمة عند كل امر يتطلب الوقوف ولكن ما ينوء بالعصبة اولى القوة
حمله يتجاذبها قعودا....استغفر الله يا عماد....
انتهى شرح المتون من اقوال المجنون...
اما العبادى وهو اقوى شعراء الحقيبة كلمة(قول كثير من الراسخين فى علم الحقيبة) يقول:
الخصره مال واتنا...ضيع جماعة متنا
التوب شبك فى التنه..يا اخوانا نحن كتلنا
بالله ياعماد حصل شاهدت منظر التوب عندما يشبك فى التنه(وهى النتواءت التى فى الخصر)
وعن ذات التنن يقول العبادى فى قصيدة اخرى:
جسمك جميل يا بتنا...زى القطيف الانتنا
قالتلى عددت التنا...هن سته غير التنتنه
هل تعرف التنتنا ياعمدة؟؟؟؟؟؟قول يا لطيف ووااااااااااااااااااااااى
والقطيفة عندما تنثنى تكون انصاف دواير املوده وهو ما انتبهت له تلك
الملهمة وهى تعرف مقاصد العبادى النبيلة واى جزء يصف حين يقول
زى القطيف الانتنا ...لا حوله....
عماد يا فقرى اه من هذا التوب الذى يظهر سوف يؤجل توبتنا طويلا
اوده كثيرا وخصوصا الذى يربط عند الوسط ونحن امة وسطا...
عماد مفروض الفى عمرنا ده يمشى صلاة الجمعة من يوم الاثنين مالك علينا
ماكنا عوراء وقاعدين بوم ساكت لا حولة من طمستك القديمة قدم الدهب دى!!!
تعقل متين انعل ........ابو اهلك زاتو !!!!
|
Post: #128
Title: Re: أنثى بتوب .. إنه الصيف , آمنتُ بالله
Author: قاسم المهداوى
Date: 08-16-2007, 10:05 PM
Parent: #126
يا عمدة
سلاااااام
وزحمة الوان
سطو جانبى:
هبوط اضطرارى ... لالقاء التحايا
والتمركز فى بوستك هذا ( بوستينك)
شفتا كيف .... ولا كــــــبف!!!!
قاسم
شعارنا وردة لكل مواطن( اغبش )
|
Post: #129
Title: Re: أنثى بتوب .. إنه الصيف , آمنتُ بالله
Author: خدر
Date: 08-17-2007, 09:19 AM
Parent: #128
| Quote: اى ان نهديها يلجان قبلها لبروز فيهما مما يعطل مقدمها، يعنى الصدر بصل اول بعدين باقى العفش.. |
احد الخبثاء سمي ذلكـ الوضع
(أجرن .. انا بلحقكن)
|
Post: #130
Title: Re: أنثى بتوب .. إنه الصيف , آمنتُ بالله
Author: Emad Abdulla
Date: 08-17-2007, 11:09 AM
Parent: #129
.
ولي الأمر .. أبو ود التوم ..
زي البتقول عليهن ديل , بيشبه كلام الخالة المسرعة لاحقة تحصل الحريم الفاتنها لبيت البكاء ..
قامت عملت سريعاً مارش و الحاجات الشايلاها قدامها ديك كتيرة جداً ياخ .. و تجلبغ لط لطط لط لطط ..
وقفت و غزت كيعانها و قالت ليهن : ما بيت البكا ده , خليتو ليكن .. أها أمشن إنتن
غفر الله لك ياخينا ..
و معاك صديق المنعول ..
.
|
Post: #132
Title: Re: أنثى بتوب .. إنه الصيف , آمنتُ بالله
Author: رأفت ميلاد
Date: 08-17-2007, 02:20 PM
Parent: #130
عليك الله يقول كعب رجلا طشش عيونو وخم نفسو وشحتف روحو
تجيب ليه ضبانة يا دكين
عليك بالتوب ما أحلى
|
Post: #134
Title: Re: أنثى بتوب .. إنه الصيف , آمنتُ بالله
Author: Emad Abdulla
Date: 08-17-2007, 03:01 PM
Parent: #132
أرجوك يا رأفت ياخ ..
إنت عارفني زول عندي راي في القضايا " الكبيرة " الزي دي ..
ما " بتحشّر " فيها ..
فبالله ما تهظر بالأساليب التركيعية بتاعتك دي .
نحنا بتاعين فراشات ساكت ..
يعني حدّنا القضايا الهامشية و كده .
منعم الجزولي و دكين و خدر بالله لموا لينا ضبابينكم دي عليكم .
شكرا يا ابن خالتي ..
نردها ليك عصافير إن شا الله .
|
Post: #136
Title: Re: أنثى بتوب .. إنه الصيف , آمنتُ بالله
Author: Emad Abdulla
Date: 08-17-2007, 03:31 PM
Parent: #134
ود عدلان ..
زماااااااان .. كنا بنذاكر في بيت ناس عبدالرحمن بربر لأنه عندهم ديوان ..
و عندهم مسجل ناشونال ستة طن داك ..
نذاكر كده ه ه ه ه ه ه .. بعدين نريح بوردي - و بربر كان عندو شريط واحد قادينا بيهو - و بعدين نتعشى فول .
الكلام ده في تالتة ثانوي و نحنا ياداب حِبيبة صغار كده و منفوشين .
هشام عتيق و بربر و عثمان عبدالله و أنا .. و التلاتة كاتلانا زولة واحدة في حي الزهور ..
كبيرة و موظفة و بتلبس توب و أي حاجة ..
نقعد نساهر نعد النجوم و نسرح لامن ربك يفغر لينا , و نسمع الشريط داك كل واحد مقبل على الحيطة و عاملين روميوهات جد جد ..
بربر يصر يسمع : كل كلمة من شفايفك أحلى غنوة عشان مرة قالت ليهو : عليك الله وقف لي تكسي .
عثمان عبدالله داير يشغلو ليهو : أنا أستاهل وضعتك في مكانا ما مكانك ( و كان شافها مرة بتتكلم مع فضل سيد الدكان ) .. فانجرح .
هشام عتيق يغسل وشو كل ما يسمع : كفى يا قلبي أنسى الفات و عيش من تاني وحداني لأنها هرشتو مرة : يا شافع رووق .
أنا بقى بتكسر في : بالذي شد وثاقاً لوثاقي ( و أتخيلنا أنا وهي ماسكين جضوم بعض و بننطط في سعادة أبدية ) لأنه قالت لي قبل كده : يا ولد , بجضمك من جضومك الكبار ديل .. عوير ده .
ياخ وردي ده بيبوظ الناس ..
هسع أنا لو ذاكرت بدون غنا كنت طلعت دكتور .
|
Post: #137
Title: Re: أنثى بتوب .. إنه الصيف , آمنتُ بالله
Author: Gazaloat
Date: 08-17-2007, 04:50 PM
Parent: #136
ياعماد
انا مابتاع ضبابين
انا بتاع انثوية ساااااكت
هاك الانثى دى!!!
|
Post: #138
Title: Re: أنثى بتوب .. إنه الصيف , آمنتُ بالله
Author: بدر الدين الأمير
Date: 08-17-2007, 05:41 PM
Parent: #137
Quote: جمعة ..
يوم من أيام الله الصيفية ..
و أغسطس شهرٌ ولدت فيه .. و عانت فيه أمي مني و من الصيف و رائحة الديتول و الحلبة ..
أيام الله الصيفية هذه تجوز فيها المغفرة من السماء على ساكني جنوب مدار الجدي , و جنوب الصحراء الكبرى .. و جنوب القلب .
فيها قالت الأرصاد الجوية أن الظل حرارته ستٌ و أربعون .. قلت سجم البلد .
ألوذ - أنا الزاحف الكبير - بغرفة معتمة .. لا رقراق فيها لحزمة ضوء تحمل من شمس الله القائظة في الخارج .
المكيف يئز في رتابة ..
عندي " فردة " جئت بها من السودان في عام ما .. مطبقة و بيضاء و باردة و ناعمة .. أتلفلف تحتها .. و أسمع البي بي سي في كسل لذيذ ..
مللت برويز مشرف و القوات الأفغانية و الأسرى الكوريين و القوات الهجين و صوت رئيسنا و اجتماعات السلام و د. خليل و مذيعة البي بي سي النخناخة , بوش العبيط و دقات بيق بن , و ........
هنا أم درمان .. - أو هناك -
مذيعة بايخة في أمدرمان .. تنهر المستمعين من صباحات الله , هي في الصوت البارد .. و البزعي في الإعداد ..
ثم .. " مراسل أم درمان من أسواق الخضار " صوته زي القزازة لما تحكها في الظلط .. يضرس و كريه .
ثم ناس مطار الخرطوم و حركة الطيران .. و كل يوم يقول المذيع العكليتة لتلك البنت المسكينة : أرفعي صوتك شوية .
مونت كارلو فايقة .. فرنسيون حلوووون و .. ما عندهم موضوع ..
جمعة , و أغسطس و إجازة .. " الغلطة السرية " ..
رحم الله الخواجة كنتاكي أبو قُجة .
هذا صيفٌ بائنٌ بكرٌ .. لهباته أشداء على الكاسحين , على المرخمين رؤوفٌ رحيم .
آنسني وردي - و هو ضنين الجية هذه الأيام .. الأيام التي يصير العبد فيها إلى منتصف العمر - ..
سمعت طرفا من نقق المذيعين عن الحفل و عن الحفل و عن الحفل ..
فقلت : ما بطال , جو باردٌ و صنة تلف الدنيا و إذاعة مرض .. شكراً يا صيف .
كابلي زهجني .. صوته فاتر و بايت و كعب شديد ياخ .
كان أسوأ الفقرات .. و كمان ما حافظ و بشتن الغنا .. الله يسامحو .
صبرا يبل الآبريه مافي .. ؟ الحق على الصيف .. طويلٌ و مطاطي .
صمتٌ .. ثم :
:كل الطيوب الحلوة يا مولاتي و الجيد الرقيق
و اللفتة و الخصل اللي نامت فوق تسابيح البريق
و خطاكي و الهدب المكحل و فتنة التوب الانيق
الللللللللللللللللللللللللله .. أمانة ما كِتِل راجل ..
أو لربما هي خطرفات الصيف , أو فلنقل جوع الكائن المغلغل جواي و انتهاز أب فرار الشجن للسانحة ..
كله وارد .
التوب يا وردي ؟ .. التوب !!!
تذكرت كل الكائنات الساحرات اللائي عبرنني مبرقشاتٍ بتياب توقف شعر قلبي ..
في فصول ما من العمر - مسرحية العمر دراما مملة , بفصول ورا فصول ورا فصول -
( س . أ ) .. البنت لم تكن بنتا .. كانت إحدى أسلحة الدمار الشامل , تهابلت مرة و انا محوص في كعب رجلها .. أي و الله ..
لم يكن " كعبا " قاتلني الله ..
أشهد انه كان " سمحاً " حين تمشي .. سمحاُ حين تخلف رجلها .. سمحاً حين تجدعه تحت الطاولة بإهمال ..
كل أمره سمِح .. و نضيفاً و مُتمراً و لونه كلسان الأطفال ..
عاينته كتير حتى ظننت أني سأورثه ..
ثم .. فجأة و بلا مقدمات ولا خجلة :
........... ياخ عليك لله خليني أرسمك ؟؟ .. أو بالميت أرسم رجلك السغمبتوتية دي ..
الله يرضى عليك وافقي ..حاضر ؟
لم أرسمها طبعاً , و بدلا عن ذلك نفرت و فزّت البنية الفزة الياها ..
و كان التوب ذو الورقات البنية الصفراء المرسومة كبيرة على قاعدته البيضاء يهفهف لي و يتماوج في تماوج تقاسيم جسدها و نتؤاته السعرانة .
هذه خطرفة صيف .. الله يسامحك يا وردي ياخ ..
( ل . ص ) لم تكن تمشي كالنساء , صلاح حمادة قال لي و هي تقترب منا في الممر الضيق بين مكتب العميد و استديو التلوين , و قد كنا - مبسوطين شوية - : البنات بتمشي في خطوات شينة الإيقاع : .. جنيه .. جنيه .. جنيه , البت دي الله يسألني بتمشي : دولار .. ريال .. ين .. مارك ..
cat walk بتاع حنانك !! .. ده إسمو ركوب الجن .. و خلاص قفّل .
: صباح الخير .. - قالت -
سكتنا , طلعت من توبها و هي بتعبرنا حاجة كده عدمتنا النفس .. ما تعرفا عطر , همسة , سكين , لبعة .. كاس طويل .. الله أعلم .
ما معروف سوى أنه شيء تقيل و خفيف و لين و حلو و معطر و .. صلاتي على النبي ..
االمهم كابست كلام أقولو : صتاب الخور .. التوب خير , الحلو .. يا ..... منعم .. منعم ..
و قمت جاري ..
ورا الحيطة , أديت نفسي كف ..
هذا صيفٌ بحمى .. يشبه الملاحم العظيمة ..
أجمل الإناث عندي هي تلك التي تشع .. ضؤها التوب ..
أنثى بلا توب - عندي - هي وردةٌ بلا عبير عابق .
لعن الله الصيف و الحر و خمسينية وردي .. و الحلنقي الذي يهابش في حتات ما كويسة .. و يجيب سيرة البحر ..
و آخر قولنا مثلما قلنا أولاً :
و خطاكي و الهدب المكحل و فتنة التوب الانيق .
و ... الزول الإخترع المكيف ده .. الله ح يوديهو الجنة .
تراهنوا ؟؟ |
ياليتنى كنت كاتب هذا البوست
|
Post: #140
Title: Re: أنثى بتوب .. إنه الصيف , آمنتُ بالله
Author: محمد حيدر المشرف
Date: 08-17-2007, 06:45 PM
Parent: #138
الامير بدر الدين ..
تف من خشمك ..
هذه واللة ل ( جرسة ) من عماد
سار بذكرها الركبان
|
Post: #145
Title: Re: أنثى بتوب .. إنه الصيف , آمنتُ بالله
Author: Emad Abdulla
Date: 08-18-2007, 04:20 PM
Parent: #138
..
| Quote: ياليتنى كنت كاتب هذا البوست |
أدفع و شيل يا ود الأمير .
حلالك ..
و ما تنسانا من صالح الدعوات . ..
.
|
Post: #194
Title: Re: أنثى بتوب .. إنه الصيف , آمنتُ بالله
Author: haroon diyab
Date: 09-19-2007, 10:48 AM
Parent: #138
العمدة ياقربي
صباحك ابيض
| Quote: ياليتنى كنت كاتب هذا البوست |
شفت صاحبك بدر الدين سبقني عديييييييييييييييل كده لكن ياعماد انت رائك شنو في العبايات الطلعت لينا في البخت دي .... انا اكان علي ضعيف جدا قدام تياب بت خالتك دي.... لكن بصراحة كده الواحد لمن يشوفه بالعباية التقول معرس ليه كمساري بتاع حافله ... وبعدين يااخوي التوب ده ماعنوان كل شئ جميل وانت سيد العارفين في الحتة دي .... بس العباية دي نستن حاجة اسمه ... توب المرقة .... توب الجيران .... توب البكاء .... وتوب عثمان سيد الدكان ... وده اخطر واحد .
عد لنا سريعا....
في انتظار عينيك كملت الصبر كله ....! دي ماليك يااخوي .
هارون دياب
|
Post: #176
Title: Re: أنثى بتوب .. إنه الصيف , آمنتُ بالله
Author: Ishraga Mustafa
Date: 08-22-2007, 10:06 AM
Parent: #137
Quote: ياجازولت..
بقى فيها عنف رمزي ضد الانثى. |
ولانه الصيف وان كان فى بلادنا هذه صيف من شجن آخر... فريت فردة جدتى ودثرت بيها روحى
وهناك ثمة نسمة من توبها وتوب الحبوبات الحنينات... ده فى البدء
وفى النص ماتخلينا نجيب معاولنا ياصديقنا جازولت ونفكك كلامك الفوق ده...
فى الختام سلام لصاحبنا عماد وهو يؤمن بالله فى الصيف الحارق
|
Post: #139
Title: Re: أنثى بتوب .. إنه الصيف , آمنتُ بالله
Author: احمد معتصم الطيب
Date: 08-17-2007, 05:58 PM
Parent: #136
ياعمدة لو ماذاكرت بالغنا
دا كنت حتكون زوول جاف وقلبك حجر
وماحتشوف التوب ولا كنا أستمتعنا بالكلام
عن التوب وماكناكشفناك أنت وبربر وعثمان عبدالله
مجرجركم توب من حي الزهور ومكسركم قدور دا.
دى منو المجهجة الشباب يا أبو جضوم 
|
Post: #141
Title: Re: أنثى بتوب .. إنه الصيف , آمنتُ بالله
Author: بدر الدين الأمير
Date: 08-17-2007, 07:40 PM
Parent: #139
Quote: الامير بدر الدين ..
تف من خشمك ..
هذه واللة ل ( جرسة ) من عماد
سار بذكرها الركبان |
صديقى دكتور محمد المشرف
خليني من جرسة عماد في
ناس فتحو بوست للجرسة وحملو
المسؤلية لعماد يعنى أخير جرسة
عماد قالها بالباب والدور والباقى
على القالوها بالشباك وبرضو نقول
الجرسة داخل البوست على مسؤلية صاحب البوست
تنهدات: الكلام للشاعر المطبوع حميد
لا تقلق الابواب
وخلى لهوى كما الهوى ينساب
|
Post: #142
Title: Re: أنثى بتوب .. إنه الصيف , آمنتُ بالله
Author: محمد حيدر المشرف
Date: 08-17-2007, 07:54 PM
Parent: #141
اما بوست الجرسة بتاعى فقد ذهب وادراج الاسفير ..
اما عماد ..
ف .. لم يزل يرتاد المشارق
ومن سموم الصيف لاحلو بارق ..
وقاك الله سيدى الامير بارقات الصيف اذ يجئن بثياب مربوطة ..
مخارجة :-
أخى عماد .. السترة والفضيحة متباريات !!!..
|
Post: #144
Title: Re: أنثى بتوب .. إنه الصيف , آمنتُ بالله
Author: صديق الموج
Date: 08-18-2007, 04:02 PM
Parent: #1
فوق هذا التوب
|
Post: #146
Title: Re: أنثى بتوب .. إنه الصيف , آمنتُ بالله
Author: DKEEN
Date: 08-18-2007, 05:31 PM
Parent: #1
يقول الشُـراح ..
فتنة التوووووب الانيق مقصود بيها:
هفهفة التوب عند العناصر المعلومة عند المرة..
فما من مرة إلا ولها ربطة توب معلوم وخاص..
بعضهن يقصدن ان يكون التوب ربط، فتكون المؤخرات لامعة مصقولة صلبة كماالغدر..
وبعضهن يسقطنه عمدا عند الكتف الايسر ليستبين الناظر ملامح البرتقالة اليسرى ومن ثم ُيعمل خيالة لليمنى..
وبعضهن يجعلن من التوب بستانا من الالوان فيختلط عليك كل شي عند النظر..
فلا يكاد الناظرُ يستبين وجهها من بين ازاهير الرسم المرسوم والنقش المنقوش ..
ومن احوال التوب ان تجعل للفستان فتحة عنقٍ واسعة لتغرق فيها ذمم الرجال الناظرين..
اوفستاناً قصيرا ُيشتت بصر الناظر اليه الى جهات السرحان وعالم الدخان ..
فالتوب له فلسفات لايعلمها إلا الموغلين في علم هفهفة العناصر وتجار سعد قشرة الاولون..
فارحمنا ياعماد من بوستك ده...
شهيتنا العرس والجرتق..
|
Post: #147
Title: Re: أنثى بتوب .. إنه الصيف , آمنتُ بالله
Author: Gazaloat
Date: 08-18-2007, 06:32 PM
Parent: #146
Quote: بعدين جيب لي الضبانة دي..
او تعال نتعاور!! |
اذا جئنا للتعاور فخذى هذه على سبيل التصبيرة
والحكمة كلهن بلا تياب!!
فى دينك وايمانك فى باليه اجمل من كدا !!!
الشى بحيرة البجع!!!!!!!!!!!
كما وانك ياهبة لو لبستِ خيشة حتكون فيك مظبوطة!!
تم التعديل بمشاورة صديق
|
Post: #148
Title: Re: أنثى بتوب .. إنه الصيف , آمنتُ بالله
Author: Gazaloat
Date: 08-18-2007, 06:52 PM
Parent: #147
شُفتَ ياعماد التوب الماخمج؟
رسالة لندن بس!!!
|
Post: #150
Title: Re: أنثى بتوب .. إنه الصيف , آمنتُ بالله
Author: Emad Abdulla
Date: 08-18-2007, 06:59 PM
Parent: #148
جابت ليها ضبانة بقر كمان ؟؟؟
غايتو يا منعم خليت الشغلة كوشة عديييييل .
أها , خليناهو لامن نلم لينا في بف باف .
|
Post: #164
Title: Re: أنثى بتوب .. إنه الصيف , آمنتُ بالله
Author: هبة الحسين
Date: 08-19-2007, 02:22 PM
Parent: #148
ياجازولت..
كده ماتمام معاك..!!
بقى فيها عنف رمزي ضد الانثى.
الذبابات حتقدل
..
|
Post: #165
Title: Re: أنثى بتوب .. إنه الصيف , آمنتُ بالله
Author: Gazaloat
Date: 08-19-2007, 03:48 PM
Parent: #164
شوفى ياهبة
وخذيها منى قالة، انا مسؤول عنها يوم الموقف العظيم
العنف ضد المرأة يجب ان يواجه بعنف مضاد!!!
لا احب الانثى المستكينة الخانعة...
احب المصادمة و....احترمها..
|
Post: #149
Title: Re: أنثى بتوب .. إنه الصيف , آمنتُ بالله
Author: Emad Abdulla
Date: 08-18-2007, 06:54 PM
Parent: #147
فيا عموم الناس هنا ..
و أخص سيد الوجعة دكين .. ( الذي أصدأه الحنين و الشوق .. لمنو ما تعرف !!!!  ) .
صاحبي يا الموجوع .. ماذا تقول فيمن " رأى " , و هو ما رأى - بإخلاص و عِنية - ولا حاجة ..
ياداب رقراق الباب .. و على الماشي ..
فأصابه ما أصاب من الرمي الثقيل ..
توباً خلى شيخنا الوقور يتحسس معالق جوفه التي شقتها موساً مجلوخةً , و يحن حنين الأبل ..
و يدفق يدفق يدفق ..
شفت الحسن الحافل رافل
في ثياب العز والعـز كافل
رانع واحل , تايه غافل
لادن هادل , ضامر كافل
هادئ و ساكن , آمن قادل
بهجة هيبة حاكم عادل
لافح فره , وطارح سادل
ليلاً عسعس كاسى الهادل
بوبح جيدو وأبصر واقل
ظن مراقب صدق العاقل
قَلَب المخضوب فوق الفاقل
تَلّ اليُمنىَ ومشى متتاقل
رنا متخاوف بارِق لجّ
بعضو فى بعضو ترادف لجّ
نصفو تثنى وآخر لجّ
لاطم أمواج من غير لجه
رفع الأهداب ُشفت محور
نوره تدفق صعد أتدور
فكّر في شئ فضل أتصور
بَسَم النوار فتّح نوّر
فيه تأمل أيسر بند
لدن المثمر غصنو البندى
مايقو ترقرق شهر الهندي
فوّح مِنهو العرف الرّندى
.....
منعم الجزولي هش ضبابينك دي سريع ..
قلنا تيااااااااب .. الجاب سيرة جزارة منو ؟؟؟
|
Post: #151
Title: Re: أنثى بتوب .. إنه الصيف , آمنتُ بالله
Author: بدر الدين الأمير
Date: 08-18-2007, 08:14 PM
Parent: #149
Quote: أدفع و شيل يا ود الأمير .
حلالك ..
و ما تنسانا من صالح الدعوات . ..
|
عماد نعم أشترى البوست
بس ليس برمته
وبرمته وحكايتها المشهورة ذلك الاعرابى الذى ضاع بعيره
حين سئم العثور عليه قال علا الملأ انه سوف يبع ذلك
البعير بعشرة دنانير لمن يعثر عليه وقد كان العرض مغري
للبحث وبالفعل هنا من عثر على البعير وعاد به لصاحبة وقال
لصاحب البعير لقد وعدت ان تبيع البعير لمن يعثر عليه بعشرة
دنانير وها انا قد عثر على البعير فرد صاحب البعير اونا عند
وعدى ببيع البيعير لك بعشرة دنانير ولكننى لا بيع البعير من
غير رمته والرمه هى ( السلبة) وثمن الرمة ألف دينار من هنا
جاء المثل التحوطى أي (برمته)
وأنا ياصاحبى لا أرغب فى البوست برمته عندي خيار وفقوس وبين
البايع والمشترى قد لا يفتح الله
|
Post: #152
Title: Re: أنثى بتوب .. إنه الصيف , آمنتُ بالله
Author: HAYDER GASIM
Date: 08-18-2007, 08:38 PM
Parent: #151
يا لجمالك يا هذا العماد ,
فكيف صعنت من تلك الطرقة ... فضاءآ للأدب الرفيع
ومعملا للفكاهة ومفرعا للوله ومضخة للفرح ومطرحا
للخواطر الطيبة ... الألوفة ... فهنا عالم أجمل من جهيض
أحلامنا ... وأفعل من تضاريس واقعنا ... وألهم من صحائف
فكرنا ... فيا رسول الجمال ... إسعى بيننا وقيد على دفتر
أحوالنا إحتمال الطمأنينة ... وهي تنسل من مسام ثوب هفيف
أو كعب لطيف أو دمع زريف ... قل لي بربك ... كيف يكون
الذباب فى حضرة الجمال ... ملهما ... وعلى غير عادته ؟؟؟
هذا البوست أجمل مخمل سوداني ... فى إسفيرنا المعاصر .
برافو عماد ... وكل الرهط المبين
|
Post: #153
Title: Re: أنثى بتوب .. إنه الصيف , آمنتُ بالله
Author: بدر الدين الأمير
Date: 08-18-2007, 08:45 PM
Parent: #152
Quote: كيف يكون
الذباب فى حضرة الجمال ... ملهما ... وعلى غير عادته ؟؟؟
|
|
Post: #154
Title: Re: أنثى بتوب .. إنه الصيف , آمنتُ بالله
Author: معتز القريش
Date: 08-18-2007, 09:04 PM
Parent: #153
|
Post: #155
Title: Re: أنثى بتوب .. إنه الصيف , آمنتُ بالله
Author: ابراهيم عدلان
Date: 08-18-2007, 09:09 PM
Parent: #1
يا بدر البوست دا
ONE BACKAGE
TAKE IT ALL OR LEAVE IT ALL
وللسمسار عمولة و أهلنا في السوق قالوا الحاري و لا المتعشي
|
Post: #156
Title: Re: أنثى بتوب .. إنه الصيف , آمنتُ بالله
Author: بدر الدين الأمير
Date: 08-18-2007, 09:16 PM
Parent: #155
Quote: يا بدر البوست دا
ONE BACKAGE
TAKE IT ALL OR LEAVE IT ALL
وللسمسار عمولة و أهلنا في السوق قالوا الحاري و لا المتعشي |
أبراهيم عدلان
لك التقدير
بس أنا خايف تبقى عليك حكاية جحا
وبوخ الشواء وسماع رنة الدينار
|
Post: #159
Title: Re: أنثى بتوب .. إنه الصيف , آمنتُ بالله
Author: الجيلى أحمد
Date: 08-18-2007, 11:34 PM
Parent: #1
Quote: أجمل الإناث عندي هي تلك التي تشع .. ضؤها التوب ..
أنثى بلا توب - عندي - هي وردةٌ بلا عبير عابق |
حلاتن ياعماد
لاتوب ولاحاجة..
ضؤهن يشع فى الأعين وتعكسه بشرة تعبد الشمس والضوء والظلام
نساء بلا (توب)
كاملات الحضور والجمال ..
الله ياعماد حين يعبرنك
فتحتار هل الذى مر جسد أم خيال
|
Post: #160
Title: Re: أنثى بتوب .. إنه الصيف , آمنتُ بالله
Author: salah elamin
Date: 08-19-2007, 00:11 AM
Parent: #159
الثوبُ الذي تقترحه الطّلاقة، على جسدٍ أنثويٍّ كافأته الحياةُ، هو كائن حي.
هذا يعزز من اليقين لديّ بأن الثياب لم تُبْتكر لتقي الجسد، بل لتحاوره
او كما قال صحبي عادل القصاص
ربنا يرضي عنه
|
Post: #161
Title: Re: أنثى بتوب .. إنه الصيف , آمنتُ بالله
Author: ابراهيم عدلان
Date: 08-19-2007, 03:42 AM
Parent: #1
في البدء
كانت الفركة
ام صفيحة
وزن عشرة
شغل نقادة
و الفركة غير الفردة يافردة
الفردة الكمالي و الزوق العالي وارد النوراب دا لبس ناس امدر مع التوب البنغالي ابوزيق
قبل اكتشاف الساكوبيس( الزراق فوقا تقول حرير) و الزراق ساكوبيس بصبغة النيلة
و اول من استورد الساكوبيس الحاج محمد احمد عباس
اما الكرب السادة فدقش سوق الله و اكبر ايام ( ناصر- قذافي- نميري) صنع المحلة الكبري و اجوده ما سمي يومها بمصر البيضا
او ما عرف عندنا بي توب الجارات
كان ذلك عهد ما قبل التواتل السادة الملونة و اجودها السويسري ثم الانجليزي ابو اسد وارد مانشستر
قبل ما يفتح عمك عبدالصمد دكانوا بتاع شبردبوش و يرسل الرسالة
حرفنة امرأة السودانية ادركتها فابريكات الفرنش و اليابان فتنافسا في شيفون يمر من خلال دبلة الزواج دلالة اللين و الجودة
الكاروهات في الثياب لكبار النساء و عادة يتأرجح اللون ما بين اللبني و الابيض و الرمادي
ودا ال( dress code) و الالوان الفرايحية خاطفة اللونين و ما حذا حذوها من ذوات الورود و الجاكارد فللمتزوجات
و التوب يا مان 9 متر عشرة ياردة من فتقتين
كان هذا قبل دخول الساري الهندي
وقبل ثقافة النحافة و الرشاقة
أها بعد دا كلوا فتشت لي ضبانة عشان اختها ما لقيت
علي فكرة بربر برضو كان بذاكر بالتسالي قال علمو مجدي فليتة
|
Post: #162
Title: Re: أنثى بتوب .. إنه الصيف , آمنتُ بالله
Author: HAYDER GASIM
Date: 08-19-2007, 04:41 AM
Parent: #161
كنا ذات مرحلة فى الإسكندرية ... نحصل العلم والتجربة على وجه السواء ,
وحدث أن إحدي { صديقات } الجبهة الديمقراطية آنها , كانت دوما تلزم
نفسها بلباس التوب , حتى إستقرت هئية الناظر إليها على هذا الأساس ,
لكنها إختارت ذات يوم أن تظهر في مناسبة طلابية بلباس الموضة
{ بلوزة وإسكيرت } ... وإنقضى ذاك المساء ولم نكن نعلم أن كان في
خضمه شئ يتصل بصديقتنا تلك ... إذ أصبحنا ... ونحن نسمع
إسما جديدا لتلك الزميلة ... فبدل { ن... } أسماها الكيزان ... البت النست
توبا .
... في جزائية البعد الثوبي ... خارج نطاقات المعهود
|
Post: #163
Title: Re: أنثى بتوب .. إنه الصيف , آمنتُ بالله
Author: Gazaloat
Date: 08-19-2007, 05:41 AM
Parent: #162
| Quote: أها بعد دا كلوا فتشت لي ضبانة عشان اختها ما لقيت |
يا ابوخليل
ضبانة شنو !! كلامك دة محتاج لى انثى لابسة توب ( السرتى ابوحباكة ) ..
|
Post: #166
Title: Re: أنثى بتوب .. إنه الصيف , آمنتُ بالله
Author: DKEEN
Date: 08-19-2007, 05:48 PM
Parent: #1
| Quote: قلت خلاص الفرج جا... انا جنيت |
عصام جبر الله ..
الفرج ليس في الجن..
اصحى يابريش
|
Post: #167
Title: Re: أنثى بتوب .. إنه الصيف , آمنتُ بالله
Author: رأفت ميلاد
Date: 08-19-2007, 07:14 PM
Parent: #166
Quote: بس ليس برمته
وبرمته وحكايتها المشهورة ذلك الاعرابى الذى ضاع بعيره
حين سئم العثور عليه قال علا الملأ انه سوف يبع ذلك
البعير بعشرة دنانير لمن يعثر عليه وقد كان العرض مغري
للبحث وبالفعل هنا من عثر على البعير وعاد به لصاحبة وقال
لصاحب البعير لقد وعدت ان تبيع البعير لمن يعثر عليه بعشرة
دنانير وها انا قد عثر على البعير فرد صاحب البعير اونا عند
وعدى ببيع البيعير لك بعشرة دنانير ولكننى لا بيع البعير من
غير رمته والرمه هى ( السلبة) وثمن الرمة ألف دينار من هنا
جاء المثل التحوطى أي (برمته)
وأنا ياصاحبى لا أرغب فى البوست برمته عندي خيار وفقوس وبين
البايع والمشترى قد لا يفتح الله |
شكرآ يا بدر الدين الأمير على المعلومة
جديدة وجميلة .
إشتريناها بى رمتها
نطلع من جوة التوب شوية وأدفع ليك التمن بطريقة (المبادلة)
دى قريتا عند شوقى بدرى طازجة كانت محيرانى (إنشاء الله ما براى)
"سيد الرايحة يفتح خشم البقرة"
الرايحة بقرة من المراح ناقصة . يفت خشم بقرة ويشوف بقايا العشب لتحديد مكان المرعى الذى كان فيه القطيع ويحدد مناطق البحث .
نرجع للتوب ودكين بفتش محل ما بتهبهب ويحك . الله يعرس لي هو ساكت يا خوى
|
Post: #168
Title: Re: أنثى بتوب .. إنه الصيف , آمنتُ بالله
Author: محمد حيدر المشرف
Date: 08-19-2007, 07:30 PM
Parent: #1
لا ثوب يعلو فوق ثوب المعركة ...
|
Post: #169
Title: Re: أنثى بتوب .. إنه الصيف , آمنتُ بالله
Author: محمد حيدر المشرف
Date: 08-19-2007, 09:09 PM
Parent: #168
وفى ذلك , فليتنافس المتنافسون
|
Post: #170
Title: Re: أنثى بتوب .. إنه الصيف , آمنتُ بالله
Author: معتصم الطاهر
Date: 08-19-2007, 10:57 PM
Parent: #1
Quote: | Quote: Quote: قلت خلاص الفرج جا... انا جنيت |
عصام جبر الله ..
الفرج ليس في الجن..
اصحى يابريش |
يا جماعة لو فكت كلمونا ..
|
Post: #171
Title: Re: أنثى بتوب .. إنه الصيف , آمنتُ بالله
Author: Emad Abdulla
Date: 08-20-2007, 01:13 PM
Parent: #170
مطر الخرطوم ..
البلد مخرفة ..
يا ناس يا محظوظة .. و مبلولين .
الساعة تلاتة العصر .. في خليج السموم هنا .
ليس هو ذات العصرا أب تياباً فراشات في شارع النيل ..
الدنيا غيمة .. و البلد مغسولة و بتلمع .. و بتنقط .
و ريحة .. ريحة هوا خريف لي الله سيدنا ده .
و الخُضرة خُضرة .. و الزُرقة زرقة .. و الصُفرة صفرة ..
إنت حكمة , إنت آية وللا إنسان
إنت صاحي وللا نايم وللا طرفك من طبعو نعسان
إنت راحى إنت روحي إنت إنسان
عيني يا صاحي وإنت إحسان
إنت نادي إنت هادى إنت ميسان
إنت ظافر إنت ضافر أسود وفرسان ..... ( أأأأأأوووووووووووووووو ) ..
إنت شادن إنت لادن إنت فتان
إنت ضامر إنت سامر إنت هتان
إنت نادر إنت ناضر إنت بستان
إنت صافى إنت نافى زور وبهتان
يا حياتى ويا مماتي هاك سطران :
الصبابة ومُر عذابا وقلبي أقران
انت ساهي إنت لاهي إنت بطران
في دلالك في جلالك يا سامي وكران .......( أأأأأأووووووووووووووووكككككككككك .. حي .. حي ) .
ياصفاى ويا وفاى هاك برهان
عن غرامي وطول هيامي السابنى ولهان
عزّّ قربك .. أما بعدك مالو لي هان
قلبي خافق هل توافق قدري ينهان
ياحبيبى كن طبيبي امرى حيران
طول نهاري ثم ليلى ساهي سهران
طال عذابي و صاح غرابي جوى عكران
دمعي هامي وشوقي نامي وفرشي نيران
إنت حالي إنت عالى إنت سلطان
إنت ساطع وانا ساجع بى غناك طان
طال انينى وفاق حنيني الحان لأوطان
والبلومنى فى هواك ياسيدى غلطان ..
خلي اليلومني ..
خلي اليلومني .
هذا بكاء الرجال منغماً ..
لا يقال مثله إلا للابسات التياب ..
ساحنات التجلد .. ساحقات العزايم ..
الهابشات الزول في صنقور قلبو ..
سترك و رضاك يا رب .
..
|
Post: #172
Title: Re: أنثى بتوب .. إنه الصيف , آمنتُ بالله
Author: عصام الدين حسين حسن
Date: 08-20-2007, 07:17 PM
Parent: #171
إنت ساطع وانا ساجع بى غناك طان
طال انينى وفاق حنيني الحان لأوطان
والبلومنى فى هواك ياسيدى غلطان ..
خلي اليلومني ..
خلي اليلومني .
كنت حيران من أين أبدأ حتى لا أنتهي في مستنقع أولئك ، فأسعفني العمده بأبيات أقل ما أجد فيها موقفي من إبداعه، ذلك الإبداع الذي في قامة وردي وغيره من المبدعين ولكل إبداع أدواته ، عماد يفوق أمثاله من المبدعين بأنه تعمق في البساطة والتواضع فحملته إلى العلا ، فهو عبارة عن كم هائل من تراكم الجمال ، مر من خيران الأحياء إلى كلية الفنون الجميلة مصنع قمم الجمال ، أعرف منهم ود الشيخ أميرهم المميز وأستاذ الأجيال ميرغني وداعة ، وأستاذهم جميعاً أستاذ علم الجمال الرائع محمد عثمان مكي العجيل ،
كنا نرى كما يرى كل من حولي من جيلي بأن الإنسان الحقيقي من صقل في ذلك المكان الذي رأى فيه عمده تلك اللوحة ، أنهم يرون بغير أعيننا ، فكل شيء بدون شك مباح لهم فلا هم عبدة الأجساد ولا هم أزلاء لنشوة اللحظة ، أنهم أعمق وأصدق بنظافة ، فهم ورثة الأنبياء لجمال بتجرد يحملونه دون إشتهاء ،
في تلك الليلة الأغسطسية حين داهم المخاض أمك يا عمده كانت على وعد مع الفخر والإعتزاز ، كما بك نحن نفتخر الآن ، بلا شك كان ميلاد لعظيم جميل نقتطف الآن ثمره لنستمد منه النقاء والتواضع وكذلك القوة .
لم أكن أرغب في الدخول ما بين البايع والمشتري ، إلا أن مثل هذا الإبداع لا محل له من البيوع فهو أمر ذاتي يشبه سيدو دون غيره ، لكن الظاهر بأن هناك أناس إختلط عليهم الأمر ،
إستمر عمده وغوص في حقيبة الذهب الخالص وليت الصيف يصبح طول السنة ، فأنت كما صانع المكيف كل أبدع في مساحاته .
لك مني وداً بعمق جمالك ، وللمتداخلين المحافظة على الجودة ومن لا قدره له على ذلك الأفضل عدم المشاركة .
|
Post: #173
Title: Re: أنثى بتوب .. إنه الصيف , آمنتُ بالله
Author: عبدالله داش
Date: 08-21-2007, 01:57 PM
Parent: #1
آمـــنت بالله
مكانك هنا
up
|
Post: #174
Title: Re: أنثى بتوب .. إنه الصيف , آمنتُ بالله
Author: Emad Abdulla
Date: 08-21-2007, 11:41 PM
Parent: #173
.. و قد كانوا مأذونين باللجؤ إلى القتل الرحيم في حال " الهوبليس كيسات " العشقية و كثرتها ..
حتى أمست زمانئذٍ وباءً متفشيا بين أبناء الطبقة الوسطى , مضاف إليهم المغنين المطاليق , و الغاوون الذين يسمعون القول فيتبعون أشجنه .
و كان للشغلة أسطواتها , فليس مباح لكل آدمي ان يقتل قتلا رحيما من شاء من عتاة العشق و معاتيهه ..
في كل صباحات البلاد ممددة جثث الشهداء ( بفعل الحيكومات .. و المحكومين .. و حكحكة العشق ) .
و صباح صباح تخرج التياب أسرابٌ عاصيات .. عصية ..
فيصب الدمع و تكثر النهنهات و التوحوح و التمخط من ذاك الذي أذاني ..
و الذي حاولت أنساه و قلبي زاد في جروحو .
فما يجيء الليل ( بكلكل عصام جبرالله ) إلا و ينشط أخصائيي القتل الرحيم :
أبوداوود و وردي و عثمان حسين و أحمد المصطفى و كابلي و الشفيع و ابراهيم عوض و عركي و زيدان و العاقب و التاج مصطفى و صالح الضي و الكاشف و منى الخير و صلاح محمد عيسى و وووووو ..
فيدوك واحد طعنة نجلاء بين الحشا و الحشاشة ..
بينهم محشورة مزيكا كالحتف , تسدحك على قفاك , حتى لتلتف ساقك بالساق ..
و تشقك العبرات شقا ( إن لم يشقك العرقي و جور الحبيب ) ..
تقوم بعد داك تهود أنصاص الليل في الدروب الترابية ..
تهوهو فيك الكلاب و يستنطقك عسكري السواري .. و يرثى لحالك الحرامية ..
يا ود الـ ..........................
أدناه إحدى أدوات القتل الرحيم الماضية ..
ما زلت ألاوز أسمعها ..
رغم إكمالي لجرعات التطعيم و الحصانة ضد الغزو الجرثومي لوباء التوب ..
و بتلات زهرته الحاضنات لسبلات العين العنية التي ترمي بحَورً كالقصر ..
و تويج الفم - الشكية ليك يا الله - و الذي ردح فيه عمكم خلف الله حمد رحمه الله , فقصّر عمره :
( أقيس الفم بودعة و ألقى الودع واسع ) .
أدخل ببطيني الأيمن ..
مع مراعاة فروق الحبيبات .. و الوعود الهوائية :
.......
ياضنين الوعد أهديتك حبى من فؤاد يبعث الحب نديا
إن يكون حسنك مجهول المدى فخيال الشعر يرتاد الثريا
كلما أخفيته فى القلب تنبى عنه عيناك ولا يخفى عليا
أنا إن شئت فمن أعماق قلبى أرسل الألحان شلالاً رويا
وأبث الليل أسرار الهوى وأصوغ الصبح ذوباً شاعريا
لا تقل أنى بعيد فى الثرى فخيال الشعر يرتاد الثريا
كان بالأمس لقانا عابراً كان وهما كان رمزاً عبقريا
كان لولا أننى أبصرته وتبينت ارتعاشا فى يديا
بعض أحلامى التى أنسجها فى خيالى واناجيها ملياً
ومضة عشت على أشراقها وأنقضت عجلى وما أصغت الىّ
كلمةٌ خبأتها فى خافقى وترفقت بها برا حفيا
من دمى غذيتها حتى غدت ذات جرس يأسر الأذن شجيا
وأفترقنا وبعينى المنى غالها الدمع فما أبصرت شيّا
إن تكن أنت جميلاً فإنا شاعر يستنطق الصخر العصيا
أو تكن أنت بعيداً عن يدى فخيالى يدرك النائى القصيا
لا تقل إنى بعيد فى الثرى فخيال الشعر يرتاد الثريا
نحمدك يا رب .
|
Post: #175
Title: Re: أنثى بتوب .. إنه الصيف , آمنتُ بالله
Author: عصام الدين حسين حسن
Date: 08-22-2007, 09:53 AM
Parent: #174
حاجة بثينة تلك المرأة الرقيقة إرتبطت بالإستاذ حسين حسن بعمق عاطفي ، قد يكون جمال الأستاذ وإحساسه المرهف أحد أسباب هذه العاطفة بالإضافة إلى أنه يعتبر من المميزين من جيله خريجي بخت الرضاء في بداية عهدها ، علمني الدرس الأول بأن الحياة تراكم من الخبره تستشرف آفاقها بإتقان المراحل التي تمر بك أو تمر بها ، وبأن تستشف من وراء الكلمات ما إذا كان هناك وعداً ولازمه ضنين ، أنت ياعمده لن يضن أحد بوعدك إلا أن الأشياءتأخذها طيور تتغني بإلحان فارغة من الإبداع وترقص في إيقاع خلاف إيقاعنا ، ومناي أن لا ضنين وعد يلتقيك في مسارك ،
أخبرتني حاجة بثينة بأنها وفي بداية الإنتقال من الطفولة إلى ما بعدها بأن الأستاذ عثمان حسين هو من يخاطب وجدانهم ، فكان لها مع ليالي الغرام قصة ، وبعد أن إستغفرت الله فاضت بقصتها: أنهاقد كتبت كلمات الأغنية وحملتها لوالدها الشيخ الورع حسن سنهوري لإيصالها لأحد قريباتها في مدينة مدني حيث أنهم حينها بمدينة أربجي عندما كان يعمل الشيخ حسن مساعد طبي بها، وشيخ حسن أكله قلبه بأن في الأمر شيئاً وفتح الخطاب ليقرأ ليالي الغرام فكانت نهايتها مع المفردة حتى إرتبطت بحسين حسن بدون غرام ،
حبي لهذه الأغنية وللجمال وإن كان حسياً في مفرداتها إلا أنها الأقرب إلى قلبي ، وعندما سمعهاالمرحوم جعفر عطا المنان ( ربنا يرحمه رحمة واسعة ) رقرقت دموعه وقال ألا ليت أيام الشباب تعود ،
عمده لك مني إحتراما دائماً ..
|
Post: #177
Title: Re: أنثى بتوب .. إنه الصيف , آمنتُ بالله
Author: nagla kamal
Date: 08-22-2007, 12:01 PM
Parent: #1
عماد عبد الله ...
إنك تعطي الأنثى حقها ... و لو بكعب رجل ...
و تهدي الرجال ضحكة صافية لما قد يصادف تعبيرك هوى في نفسهم ...
ما أروع صيفك رغم الدارجة لدرجة و التي لا يجيد الرسم بها كثيرون غيرك ...معك أتسآل ِلمَ للرسامين أقلام كالفرشاة
ترسم وجداناً أصدق من كل الألوان ! ...
تكسر حواجز اللغة الصعبة ببراعة متناهية ...
قلما وضعني نص كهذا أمام الضحك الحلو فشكر بلا حدود ...
( لكن تِكِسرك )... بلغة عصام حسين !!! في التوب و ستات التوب عينة !!!
|
Post: #179
Title: Re: أنثى بتوب .. إنه الصيف , آمنتُ بالله
Author: Gazaloat
Date: 08-22-2007, 01:12 PM
Parent: #177
| Quote: ( لكن تِكِسرك )... |
هذه تسمى عند اهل الباطن بالطعنة ال (نجلاء )!!!!!!!!!!!
اما اهل الحظوة فيعدونها من جنس ( البشتنة ) وقد يعقبها ( رقاد الواط*ة) أو لايعقبها بحسب درجة انفعال الخِـلِّ بـِخِلِّهِ. ومن ذلك قول دليل العاشقين وشيخ الشعراء سماحة الامام آيات الله العبادى حين سمع احد المغنين ينوح انصاص الليالى:
اقيس محاسنك بمن
فاستعجب سماحته وقال
( الشى ترزى!!)
|
Post: #178
Title: Re: أنثى بتوب .. إنه الصيف , آمنتُ بالله
Author: Rabab Elkarib
Date: 08-22-2007, 12:44 PM
Parent: #1
لاخ عماد وضيوفه
ابت نفسى الا ان تشاركنا صلحة الكارب (لها رحمة واسعة)
بقصيدة التوب
شكرا صلحة
فانت باقية فينا ما حيينا
هاكم القصيدة
رباب
أجمــل ما فيــك يا بنيـــة
يا بت حلتنــا يا ســمحــة
يا البي كلــك أنـا مفتــون
وســبب الريدة يا صيــدة
يا طعم الدنيا يا عيدها
لبــاس التــوب... نطيــف أبيض
وبــي جنب الكتف مقلــوب
وبيــن الخطوة والتطــريــز
وخـــــط المكــوة شــكلو لذيـذ
بحــس بي اللــفتة واللمــحة
واشـــوف في طيه ســـوداني
ولــونو الناصــع ألــواني
درب بيــتنا
وباب الأودة ورانـــي
وامشــي معــاك خطــاي تبراك
ومُعجــب بيـــك
وبــي ترابــاً تــحت كرعيـك
والاقــي عيــوني تهتــف بيـــك
يا نخـــلة
يا التـــوبك بقـــاك أحلـــى
بشــوف في ضفايرك أجمـــل ليـــل
وبيـــن أعطافـــك دعاش الســـيل
وايــام الدراســة زمــان
زمــن بنوتنــا شبه الخيــل
ووليداتــنا مويــة النيـــل
سايــل ريـــدة ما شـــحَ
زمــن ليــل الســـهر فنـــان
وأطيــاف الجمــال غيــطان
وظــل الأغنـــية الســــــــودان
يــدواي الوجعــة والوحــة
بشــوف فوق القــوام تاريــخ
ومســاير
وخديــداً جميــل خــايـل
والــزي البــديع ومليـــح
والحــاضر
وشكــل الخُصــلة والتســـريح
وفــي مغزى الكــلام تلميــح
لــروح آمالــنا الوافيــة
ونيــة أُمــنا الصـــافية
والجغرافيــة والعــافية
وفـــي لحـــن الكـــلام قافيــة
وحجــى الحبــوبة داك طاعــم
الخاتــي اللكنــة ماهو مســيخ
وصــوت مركوبها في دروبها
ونغمـــــة الـــحس
والبــحة
وجمــال هنــدامك الراقــي
لوحة تشــيلها أحداقــي
ورســم أقــلامي واوراقــي
وفرحــة تطل من أعمــاقي
زمــان المدرســـة الأول
والترتيـب كمان أول
وحاصــل القســمة دون باقــي
والفســتان والطرحــــــة
بشــوف في القــدلة أحــلامي
تغازل ضــلك الرامـــي
تباري الطلعــة والنزلة
وتقــول لبيــك يا دوحــة
يا كــل الدنيــا قدامــي
زمن شــافع ..وكـت يافــع
مــلامــح أهلنا واســامي
وابــوي الفــي الطبــع مهــيوب
وطعم الشــاي لبــن محلـــوب
وعيـــد الفــطر والأضحى
مفـــتون بيــك يا بنيـــة
يا رشـــة مطــرة بي غــادي
وحوش حــدادي مــدادي
وضُــل اســمارنا والنــادي
يا ســت التــوب يا لابســاهو
يا لابســـاني أنــا معــاهو
يا خايـــل فيـــك والمطــرح
يا عامــر بيــك يا مســرح
يا أحـــلى هبـــاتي يا فرحــــة
|
Post: #180
Title: Re: أنثى بتوب .. إنه الصيف , آمنتُ بالله
Author: Emad Abdulla
Date: 08-22-2007, 02:20 PM
Parent: #178
.
حاتم يوسف ..
طيب المسا ليك ..
شن قولك فوق القوالة الكبيرة بحجم ديوان غزل ..
تلك التي بهلها شيخنا الحاردلو و هو يقطع في حشاه ما ارتكبت البنية من جرمٍ في حقه ..
فانبرى يحمحم في مرجل قلبه بلا وجيع يسر إليه بالشكوى :
( يا خالق الوجود
انا قلبي كاتم سرو
ما لقيت البدرك المعني
بيهو أبرّو
قصبة منصح الوادي
المخضر درو
راحت قلبي تطوي
و كل ساعة تفرو ) ..
بدويٌ قح رماه التوب و صاحبته ..
بين الطي و الفر كما ترمي خرمة السفة قبيل مدفع الفطور ..
( أجمل ما تكون الأنثى و أشهى وهي تفر التوب عشان تصلحه .. متضارية من الأعين الراصدات ) .
يا تلسكوبات أعيننا أمّات دميعات ..
ياء المنادى هذه التي تعبت مع الذين يرفعون عقائرهم كواريكاً و شكيةً لأبو إيداً قوية :
( يا عيوني كفاكن دموع .. قالوا شوف ناس آسيي ممنوع )
جياتك قليلات ..
و السلام ليكا و عليك .
.
|
Post: #181
Title: Re: أنثى بتوب .. إنه الصيف , آمنتُ بالله
Author: Nadia Elsir
Date: 08-22-2007, 02:54 PM
Parent: #180
Quote: يا خالق الوجود
انا قلبي كاتم سرو
ما لقيت البدرك المعني
بيهو أبرّو
قصبة منصح الوادي
المخضر درو
راحت قلبي تطوي
و كل ساعة تفرو ) ..
و كمان
( يا عيوني كفاكن دموع .. قالوا شوف ناس آسيي ممنوع )
|
و قبلها ضنين الوعد !
مجايبك دى كلها من عينة الغنا البخلى الزول يلاوز منو و يتحاشه ! مالك علينا يا عماد عبدالله ..........شكيتك يا يابا لى لا نام و لا اكل الطعام !
|
Post: #182
Title: Re: أنثى بتوب .. إنه الصيف , آمنتُ بالله
Author: Emad Abdulla
Date: 08-22-2007, 05:27 PM
Parent: #181
| Quote: شكيتك يا يابا لى اللا نام و لا اكل الطعام ! |
ده " الصايم ديمه " يا نادية ؟؟!!
( الموز روى ..
قايم سوا ..
فاطرك ضوا ..
يا ناس بالنار قلبي إنشوى ) .
شفتي الشوشوة الإحترافية دي ؟؟
هؤلاء قوم فرط الصبابة رافعهم منازل ..
كلهم على ليلاه غنى ..
لكن ليلى الشيخ ود الرضى ليست كالألايل ..
ليلته :
( لـيلى قـدرك ماانجهل ليلى سعدك هدا شهرو هل
بـالطرب كـل عـقل انـذهل .. المهل ياليلى المهل ) .
يا نادية .. أمانةً في ذمتك دي ..
أرأيتي جرسةٌ أحرّ من : المهل يا ليلى المهل ؟؟؟
ثم هذه الموسقة السودانية في مفردتها المتجلية ..
عبقروا القول هؤلاء المواطنين ذوي الهبشة :
يقولون باللسان الرطيب أربعات أربعات فوق شان ليلى :
ليلى ليلى ليلك سدل
ليك عليل الصبا إعتدل
النجم بي بهاك ليلى دل
والفهيم بالآيه استدل
فيك كـل الخير انبهل
والعفاف المزجو الجهل
بي السرور كل وجه استهل
والجميع لله ابتهل
ليلى قدرك ماانجهل
ليلى سعدك هدا شهرو هل
بـالطرب كل عـقل انذهل
المهل ياليلى المهل ...... ( لا حول و لا قوة ) ..
المبطر مال واعـتدل
والمرجرج فاض بالبدل
جوري تيه إن جورك عدل
انا لا اروم عن جورك بدل
المدلل مـهما فـعل
الجبين النافي الزعل
الخدود النورن شـعل
ياسعادة الأم والبعل
ماح رتل فوق هيبه ونفل
خرّ بدرو وطمح الكفل
بي المنير التام ماأفل
إسـتقل ورفد الحفل
مربع الشعر أب سموم ..
حيطانوا - يا مسجون - أربعات أربعات ..
فوق شان أمات تياب .. صقّاعات الروح ..
( أريتن يربّعن لينا للضبيحة ) .
هسه انا أعمل شنو ؟؟؟
|
Post: #183
Title: Re: أنثى بتوب .. إنه الصيف , آمنتُ بالله
Author: عمران حسن صالح
Date: 08-22-2007, 08:54 PM
Parent: #182
هنا كانت سهــــــــــــــرتي ........
....
|
Post: #186
Title: Re: أنثى بتوب .. إنه الصيف , آمنتُ بالله
Author: Nasr
Date: 08-26-2007, 01:04 AM
Parent: #1
والله زي ما قالت سودانية إنت أظنك ما براك
|
Post: #187
Title: Re: أنثى بتوب .. إنه الصيف , آمنتُ بالله
Author: Emad Abdulla
Date: 08-28-2007, 07:57 PM
Parent: #186
.
| Quote: والله زي ما قالت سودانية إنت أظنك ما براك |
و غنانا جاز الديوم :
براي يا خلا .. أنا من عيني النوم قلّ ..
فظننا خلةٌ هذه حسناء تستأهل التشهي و الجرسة .. فتجرسنا سماعياً ..
و كان الأمر لله ..
لكن يا نصر .. خذ هذه الحنية في مزمار أبا داوود .. و النواح النبيل :
بالله يا أهل الهوى
فؤادى حابو ليه
جيبولى من حبو الدوا
والحب دواهو ايه
بالله يا أحلى الأنام
بالله يا أجمل سمير
بالله يا أول غرام
بالله يا حبى الأخير
حباك قلبى وانكوى
والحب دواه ايه
بالله يا سارى الغمام
يا جاى من وادى الحبيب
أنزل على قلبى سلام
أبرد حشاى واطفى اللهيب
فؤادى ذاب وانزوى
والحب دواه ايه
تسحرنى يا ناير الخدود
ساحر الوجود مالك عليّ
أنا دمعى فاض من الصدود
على الخدود من مقلتىّ
ما نابنى من حبك سِوى
دلال وصد وتيه
يزغرد بها أبو داوود ..
فترتد زغرودته في صوت " أمي الزلال " و مقولتها التي بقيت في صوت أبو داوود من بعد غيابها الأبدي :
الله يبرد حشاك يا جنى حشاي ..
لكن صاحبات التياب ما بردن لنا حشا يا نصر ياخي ..
يبرد حشاهن إن شا الله ..
..
|
Post: #188
Title: Re: أنثى بتوب .. إنه الصيف , آمنتُ بالله
Author: salah elamin
Date: 08-28-2007, 09:01 PM
Parent: #187
قال ... توب .. قال
يا زول انا لا معاكم ولا حاجة.
|
Post: #189
Title: Re: أنثى بتوب .. إنه الصيف , آمنتُ بالله
Author: Emad Abdulla
Date: 09-18-2007, 07:20 PM
Parent: #188
صلاح الأمين ياخ مطيت صفحة بكري ..
و أنا نططت عيوني في جمال هذه البنية الصاقعة .
رمضان قالوا كريم .. فهو كذلك .
التوب المهفهف فوق أم الضفاير طلع فشنك يا أبو صاح ..
لا ضفاير هنا ولا يأفكون ..
لا توب ولا بطيخ ..
كل النساء إناث بالوراثة هنا ..
و بس .
|
Post: #190
Title: Re: أنثى بتوب .. إنه الصيف , آمنتُ بالله
Author: Ishraga Mustafa
Date: 09-18-2007, 07:22 PM
Parent: #189
Quote: كل النساء إناث بالوراثة هنا ..
و بس .
|
عوجة والله!
|
Post: #191
Title: Re: أنثى بتوب .. إنه الصيف , آمنتُ بالله
Author: غادة عبدالعزيز خالد
Date: 09-18-2007, 11:12 PM
Parent: #190
عماد.. مليت عينك بالوان التياب ولا لسة؟
وهو الصيف في كل يوم، وكل شهر بالسودان
فكن دوما مؤمنا يالله
دم بخير يا صديقي
غادة
|
Post: #192
Title: Re: أنثى بتوب .. إنه الصيف , آمنتُ بالله
Author: salma subhi
Date: 09-19-2007, 06:46 AM
Parent: #191
رمضان كريم استاذ عماد وكل سنة وانت طيب
|
Post: #193
Title: Re: أنثى بتوب .. إنه الصيف , آمنتُ بالله
Author: معتصم الطاهر
Date: 09-19-2007, 10:15 AM
Parent: #1
غايتو سلمى دى قاصدا تجهجهنا ساى يا عماد
لو لاقيتا ما بوصيك عليها ..
جازيتك على عيونك ..
|
Post: #195
Title: Re: أنثى بتوب .. إنه الصيف , آمنتُ بالله
Author: MOHAMED EL-BEELI
Date: 09-19-2007, 11:22 AM
Parent: #1
عمـــــاد ..
انت كاتـــب جميل
وانــا احبك حباً جميــــل.
|
Post: #196
Title: Re: أنثى بتوب .. إنه الصيف , آمنتُ بالله
Author: Emad Abdulla
Date: 09-19-2007, 01:25 PM
Parent: #195
إشراقة ..
غادة ..
معتصم ..
البيلي ..
شكر الله سعيكم ..
نجيكم في السمح يا رب .
إنعام عبد الحفيظ ..
وحدها تلبس ثوبا.. لقيتها ..
وحدها تلبسه مع سبق الإصرار و .. الأناقة الحاشمة الجميلة .
فلها الأجر و المثوبة .
لقيتني قد أذنت في مالطا .
كم يختلق الكائن الغلبان منا مِن لداياتٍ حتى لا تتفنقل طنجرته بما فيها ..
و يبقى دفّق مويتو على الرهاب ( و الرهاب " التخوّف " مرض نفسي قبل أن يكون سرابا يحسبه الظمآن ماءا ) ..
و صار كل ما كتبه الكاتبون في الثوب ..
و كل ما حلمت به أعلاه و ما فتل الفاتلون من كلام .. هو محض تُرهات .
فلقد إنقرض هذا المخلوق أو كاد ..
و لم تتحوط له الناس بعمل محميات وطنية للتوب ..
ولا حزاما أخضر يقيه شر زحف صحراء الفوضى ( و قد زحفت على كافة مِن قيمة و إرث ) ..
فتعالى الله أرحم الراحمين ..
شكر الله سعيكم تاني ..
ولا نامت أعين العولمة ( أو الخلقنة ) .
|
Post: #197
Title: Re: أنثى بتوب .. إنه الصيف , آمنتُ بالله
Author: مجدي عبدالرحيم فضل
Date: 09-19-2007, 02:30 PM
Parent: #196
الأخ عماد عبدالله
أظن العولمة لبست قرمسيس الكلام
وأتكرَفت رحيق السلام أنثي السودان
ودخلت ليك من الرَقراق ضوء شارد
بين منسوجات القطان وحرير التوبه
والغفران ساجد بين تراتيلي وخشوعي.
مدد ياصوفيَة النساء والحســان.
،،،،أبوقصي،،،،
|
|