ممكن نزهج شوية ؟؟ .. ممكن ؟

Post: #1
Title: ممكن نزهج شوية ؟؟ .. ممكن ؟
Author: Emad Abdulla
Date: 01-28-2007, 09:17 AM

تعالوا نزهج ..
نزهج من كل ده و نمل ..
و نمل ..
أول الزهج من ساس يسوس .. الله يقطعها و يقطعنا زاتنا .
تعالوا نعلن زهجنا من اللت و العجن السياسي من أزل الدهر ..
من أحزابنا و قياداتها و قواعدها و خطاباتها الياها زاتا من سنة غاغ ..
من نقة الهوية و دارفور و نيفاشا و الجنوب و الرئيس و طلاقاتو و حليفته و مساعديه المئات ..
رايكم لو نزهج من نشرة الأخبار و شعار التلفزيون , و السلم الخماسي ..
تعالوا نزهج من نقة الشمال و الجنوب و قوى الهامش و المركز ..
نزهج من الفرق بتاعة المجموعات و طريقة خت المكرفون في الكتف , و الأورغن العبيط و نبيحتو ..
نزهج من نفس الدكاترة القادننا نقة في كل حتة و عن أي حاجة , نفس المذيع و الحركة بتاعة : أأأأ .. أأأأ يعني أأ هي ..أأأأ .
من النيل و قصصه المكرورة .. و فيضانه في نفس المواعيد ..
و بياخته الليها سنين .
من البلد و تعقيداتنا فيها و تعقيداتها فينا ..
من جارنا البيمشي بنفس الطريقة البراااحه , و بقول نفس جملة : ( على زعم أنه ) ويلصقها في أي حتة .
ياخ نزهج من نفس الغنا و نفس الطرب و نفس الهزة و نفس الرقصة .. مملين ..
زهجنا ياخ .. من نفس اليمين و اليسار .. و نفس التقدمية و السلفية .. زهجنااااااااا..
من الكلام الممل الممل عن الجلابة و الزنوجة و العروبة و السجم و الرماد ..
نزهج من حركة الكلام بتاعة الكيزان البقت دمغة : ( حقيقةً .. حقيقةً ) الكرهونا بيها , ياخي حقيقةً بتاع شنو ؟؟
و نزهج أكتر من الكلمة اللبانة بتاعت المثقفاتية و التقدميين و مطّ القدوم : ( أنا بفتكر أنّو ) .. ياخي هلكتونا ..
من تلفزيون السودان زهجنا , و المذيعة النخناخة .. و وجه النهار و عمر الجزلي ..
زهجنا من : يا شفيف و يا رهيف ..
زهجنااااااا ..
من النيل الأزرق و بناتها النضيفات و الزول المجلط و حالق كيف كيف و غياظ و ممل .. و بيغني .
من البيانات و الشعارات و الهتافات و الصراعات .. زهجنا منها كل مرة هي زاتا ..
نفس التفاصيل من كم و أربعين سنة .. نفسها نفسها ..
زهجنا ..
و منك إنت القاعد تقرا ده .. انا زهجان منك , أزهج مني ياخ .
تعالو نزهج من الزهج ده زاتو الطوالي شابك و يزهج ..
خلونا نزهج من الصحف اللايووقه و البوليس , نزهج من نفس الأكل ياهو زاتو كل يوم كل يوم كل يوم ..
نزهج من خنقتنا و المقلب المستدام .. من لغتنا القاعدة هي هي , و سلامنا القديم و تحياتنا العلة .
عايزين نزهج مننا .. من مقلبنا في نفسنا و نفختنا الكضابة ..
من كلامي ده و نهايته اللي ح تكون أبيخ .
تعالوا نزهج ياخ ..
من الكي بورد ده و ألوان سودانيز أونلاين البايخة دي .
من نفس الوجوه و الناس و نفس الشوارع و نفس العربية ..
نفس سيد الدكان و نفس الجو و ...
ياخي تعالوا نزهج ..
من كل الحولنا نزهج و نقول لأ ..
أدونا جديد , ملينا يا ناس .
الزهج كتير لمّن يزهج ..
لكن زهجت من الكتابة .

Post: #2
Title: Re: ممكن نزهج شوية ؟؟ .. ممكن ؟
Author: فيصل عباس
Date: 01-28-2007, 09:27 AM
Parent: #1

عمده
زهجتنا جدا والله العظيم

طيب حلك شنو؟؟؟
من الزهج الركبتو فينا ده....
الواحد فيكم يتعصر بالليل ولا تعصرو روحو يجي يفكها فينا في الصباح,,,,,

Post: #3
Title: Re: ممكن نزهج شوية ؟؟ .. ممكن ؟
Author: انعام عبد الحفيظ
Date: 01-28-2007, 10:02 AM
Parent: #1

والله يا عماد

كل ما أقرأ سطر من كلامك دا اقول هي!!! انا ذاتي

عارف زهجتك دي اخير تشوف غيرها

لأنو برضو في ناس كتااااااااار زهجانين زيها

تخريمة:

عارف لما تكون داير تدعي لي زول

دي بتنفع دعوة كاااااااااربة

(انشاء الله يا يايابا يوم زهجك ما يجي)

Post: #4
Title: Re: ممكن نزهج شوية ؟؟ .. ممكن ؟
Author: Randa Hatim
Date: 01-28-2007, 10:10 AM
Parent: #3

والله زهجانيين يا عماد
زهجانيين لمان الزهج متحير من زهجنا ..
زهجانيين من كل التفاصيل القلتها فوق واللسه ما قلتها ....

لكن اها وبعد ما نزهج ... الحل شنو؟؟؟؟؟

Post: #5
Title: Re: ممكن نزهج شوية ؟؟ .. ممكن ؟
Author: عبدالرحمن عبدالله أبوشيبة
Date: 01-28-2007, 10:18 AM
Parent: #4

لو عماد الجمال بيقول كدا مايبقى لينا غير الانتحار الجماعي.
( باين البحر محمر شوية ).

تحياتي ليك يامدد السماحة وطيب الخصال // وجه صبوح منو العبير بيفوح.

Post: #6
Title: Re: ممكن نزهج شوية ؟؟ .. ممكن ؟
Author: Elmuez
Date: 01-28-2007, 10:30 AM
Parent: #1

بسسسسسسسسسس !..

وقعت لي في جرح !

تصدق الناس دي أصلها ما مفكرة تزهج !..

لأكثر من 15 سنة و أنا أراقب و أنتظر ليلة القدر الإسفيرية دي .. تراها جات منك يا عماد..

في ناس في المنبر ده تحسسك بأنه الدنيا دي أصلها مافيها أيييي مشكلة !..

ياخي ديل ما قادرين يتخيلوا أنه 1956 دي كانت متين !..

أمنيتي يتأسس حزب أو منظمة للزهجانين..

دقيقة أطرش و أجيك أواصل(

Post: #7
Title: Re: ممكن نزهج شوية ؟؟ .. ممكن ؟
Author: ماجدة عوض خوجلى
Date: 01-28-2007, 11:44 AM
Parent: #1

عماد ازيك

اعمل زى اقصد انو كل الناس الزهجانه تجرب الوصفه غايتو انا

لغايه دلوقتى جربت جزء منهاوناويه اواصل انشالله ببساطه شديد اعمل عكس الكنت

بتعمل فيه غير اهتماماتك واى حاجه ماتخصك دخل نخرتك فيها واخطف الكلام من خشم الناس

وابقى انت سيدو وبالزات اذاكان فى زول اساسا انت متغاظ منه وماعارف تسوى معاه شنو مرحله الزهج دى بتديك

فرصه تمثل فيلم عاد لينتقم وبعدين ترمى كلامك بدون ماتفكر فيه بيحرج ولا مابيحرج وبعدين اول ماتلاقى ليك

زول اول مره فى حياتك تشوفو تسلم عليه شديد وطوالى تقوم تسلو السؤال البايخ داك يازول انت وين ماظاهر

وتم الناقصه معاه ترفع الكلفه للطيش وتساله اها كيف عاملين معاك ناس قلبى حباك

وعشان تصل للتيجه المطلوبه تشوف اكتر زول كان مزهجك ومكرهك تصاحبو

ده طبعا كلو كوم والفتاوى الهتديها بتكون كوم تانى جربو جربو

Post: #8
Title: Re: ممكن نزهج شوية ؟؟ .. ممكن ؟
Author: ايهاب
Date: 01-28-2007, 12:05 PM
Parent: #7

مــــــــــــــا ممكن

تزهجو كدا ساي على كيفكم

حاجه تزهج ياخي

Post: #9
Title: Re: ممكن نزهج شوية ؟؟ .. ممكن ؟
Author: sudania2000
Date: 01-28-2007, 08:02 PM
Parent: #8

Quote: و منك إنت القاعد تقرا ده .. انا زهجان منك , أزهج مني ياخ .
تعالو نزهج من الزهج ده زاتو الطوالي شابك و يزهج ..

أكيد ممكن بس قول

بسم الله

انا زهجتك

وانا اصلي زهجانة

تعرف اصل الكلمة شنو؟؟

حرام انا لمن ازهج برمي ورقي وبجي البورد

القي البورد ملل وزهج

الزهج التمام تجي السودان

بس

نصيحة

قول يا لطيف

لا اله الاانت سبحانك اني كنت من الظالمين

انا لمن ازهج بلم عيال البيت وامشي الملاهي العب كورة وطيارة ومروحة وسفينة وانطط
واضحك واكل ايس كريم وحلاوة قطن ونتمها بالجري حول الميدان سك سك والعيال اخر فرحة

الدنيا اقصر من تزهج فيها
لا توجد فترة تمديد ولا مهلة اضافية

Enjoy it as it is

وقوووووووول يا لطيف

Post: #10
Title: Re: ممكن نزهج شوية ؟؟ .. ممكن ؟
Author: Muna Khugali
Date: 01-28-2007, 08:19 PM
Parent: #9

فتشت وردة زهجانةأجيبها ليكم هنا مالقيت..
ده شنو الملل ده?!
كرهتو الزهج ذتو!!

Post: #11
Title: Re: ممكن نزهج شوية ؟؟ .. ممكن ؟
Author: sudania2000
Date: 01-28-2007, 10:02 PM
Parent: #10

وردة زهجانة مافي والله

بس لقيت ليك وردة فرحانة

تسلمي من الزهج

يازول لم زهجك عليك

الفينا مكفينا

Post: #13
Title: Re: ممكن نزهج شوية ؟؟ .. ممكن ؟
Author: عصام عبد الحفيظ
Date: 01-28-2007, 10:26 PM
Parent: #11

Quote: ياخي تعالوا نزهج ..
من كل الحولنا نزهج و نقول لأ ..
أدونا جديد , ملينا يا ناس .
الزهج كتير لمّن يزهج ..
لكن زهجت من الكتابة .

ودى من ابو الزهج الاصفهانى
ومنعول ابوكى زهـــــــــج

وخلى الزهج بيناتنا

وزهجة
زهجة
الليل نعدو

والسنين يا حليلنا
عدوا

Post: #14
Title: Re: ممكن نزهج شوية ؟؟ .. ممكن ؟
Author: عصام عبد الحفيظ
Date: 01-28-2007, 10:27 PM
Parent: #11

Post: #12
Title: Re: ممكن نزهج شوية ؟؟ .. ممكن ؟
Author: nourelhadi awad
Date: 01-28-2007, 10:23 PM
Parent: #1

وحدووووووووووووووووووووه
ماقلتو نوبة
ما دا السبب المجنن بوبي زاتو (مع الإعتذار لجنس كلب)
ماهو ذاتو الخلانا نتقاعد قعاد أفيي
قرطس كلام ماجدة دا وأبلعو
أكان ينفعك
واللا أشرب ليك جردق علي الريق بي موية بحر
واللا أعمل نائم يا أخي من روحك
شوف البتسهل (الهاء مامكسورة)

مودتي
واللا أقولك فرتك الله معاك
نورالهادي قسبا عني واللا أغيرو برضو حايكون موضوع طويل

Post: #15
Title: Re: ممكن نزهج شوية ؟؟ .. ممكن ؟
Author: ودرملية
Date: 01-28-2007, 11:03 PM
Parent: #12

سلامات
وعوافي
يعني يا عماد "نجي نتزاهج مع بعض" فكرة ياصاحبي ..
فكرة تزهج ..

Post: #16
Title: Re: ممكن نزهج شوية ؟؟ .. ممكن ؟
Author: نجوان
Date: 01-28-2007, 11:50 PM
Parent: #15

ممكن..ونص.
يا عماد.

ولابد.. ويجب..ومفروض..
لولا الزهج لتقبلنا كل شئ
ولما كان للصفاء طعم..

فأزهج يا ودأمي ما بدا لك..
يا ســــلام على الزهج..

Post: #17
Title: Re: ممكن نزهج شوية ؟؟ .. ممكن ؟
Author: tmbis
Date: 01-29-2007, 00:00 AM
Parent: #16

والله ياعماد اصلو ما بمسكك..
عندي زهجة .. ازهج من الزهجة بتاعتك دي ..
زهجة آخر الشهر .. عارفة والا .. أديك منهخا حبه أزهج ليك بوستيك ده ..؟

بلاي أنت برضو روحك محرقاك..؟
انا بي اسبابي
أنت مالك؟؟
.
.
السحرك منو؟؟

Post: #19
Title: Re: ممكن نزهج شوية ؟؟ .. ممكن ؟
Author: Elkhawad
Date: 01-29-2007, 00:18 AM
Parent: #17

عمدة كدي اديها ضهرك شوفـه كيفن تنعدل
اصلها مطموسه
من يوم ابجد هوز وقبل التنقيط

Post: #18
Title: Re: ممكن نزهج شوية ؟؟ .. ممكن ؟
Author: esam gabralla
Date: 01-29-2007, 00:13 AM
Parent: #1

ميت هو ذاك الذي يصبح عبدا لعاداته، مكررا نفسه كل يوم. ذاك الذي لا يغيّر ماركة ملابسه ولا طريق ذهابه الى العمل ولا لون نظراته عند المغيب. ميت هو ذاك الذي يفضّل الأسود والأبيض والنقاط على الحروف بدلا من سرب غامض من الانفعالات الجارفة، تلك التي تجعل العينين تبرقان، وتحوّل التثاؤب ابتسامة، وتعلّم القلب الخفقان أمام جنون المشاعر.ميت هو ذاك الذى يتجنب المغامرة الواعدة لاجل سكون مطمئن. ميت هو ذاك الذي لا يقلب الطاولة ولا يسمح لنفسه ولو لمرة واحدة في حياته بالهرب من النصائح المنطقية. ذاك الذي لا يسافر ولا يقرأ ولا يصغي الى الموسيقى، ذاك الذي لا يقبل مساعدة احد ويمضي نهاراته متذمرا من سوء حظه أو من استمرار هطول المطر. ميت هو من يتخلى عن مشروع قبل ان يهم به، ميت من يخشى ان يطرح الأسئلة حول المواضيع التي يجهلها، ومن لا يجيب عندما يُسأل عن أمر يعرفه. ميت ٌ من يجتنب الشغف ولا يجازف باليقين في سبيل اللايقين من اجل ان يطارد احد أحلام

ميتٌ؟
انا؟
كلا، لست كذلك. لنقل أني صامت فحسب

Post: #20
Title: Re: ممكن نزهج شوية ؟؟ .. ممكن ؟
Author: تيسير عووضة
Date: 01-29-2007, 02:40 PM
Parent: #1

Quote: نفس التفاصيل من كم و أربعين سنة .. نفسها نفسها ..

كم وأربعين ؟

لا يا خوي أزهج براك

نحن يا دوب زهجطاشر سنة

لكم زهجكم
ولنا زهجنا ..

Post: #21
Title: Re: ممكن نزهج شوية ؟؟ .. ممكن ؟
Author: willeim andrea
Date: 01-29-2007, 04:21 PM
Parent: #1

Quote: ميت هو ذاك الذي يصبح عبدا لعاداته، مكررا نفسه كل يوم. ذاك الذي لا يغيّر ماركة ملابسه ولا طريق ذهابه الى العمل ولا لون نظراته عند المغيب. ميت هو ذاك الذي يفضّل الأسود والأبيض والنقاط على الحروف بدلا من سرب غامض من الانفعالات الجارفة، تلك التي تجعل العينين تبرقان، وتحوّل التثاؤب ابتسامة، وتعلّم القلب الخفقان أمام جنون المشاعر.ميت هو ذاك الذى يتجنب المغامرة الواعدة لاجل سكون مطمئن. ميت هو ذاك الذي لا يقلب الطاولة ولا يسمح لنفسه ولو لمرة واحدة في حياته بالهرب من النصائح المنطقية. ذاك الذي لا يسافر ولا يقرأ ولا يصغي الى الموسيقى، ذاك الذي لا يقبل مساعدة احد ويمضي نهاراته متذمرا من سوء حظه أو من استمرار هطول المطر. ميت هو من يتخلى عن مشروع قبل ان يهم به، ميت من يخشى ان يطرح الأسئلة حول المواضيع التي يجهلها، ومن لا يجيب عندما يُسأل عن أمر يعرفه. ميت ٌ من يجتنب الشغف ولا يجازف باليقين في سبيل اللايقين من اجل ان يطارد احد أحلام

ميتٌ؟
انا؟
كلا، لست كذلك. لنقل أني صامت فحسب

كـــــــــــــــــــــــــــــــــــــــــــلام جاب :كــــــــــــــــــــــــــــــــــــــــــــــــــــلام

Post: #22
Title: Re: ممكن نزهج شوية ؟؟ .. ممكن ؟
Author: عوض حمزة
Date: 01-29-2007, 06:42 PM
Parent: #1

منعول ابوه الزهج يا عمدة

انسى الزهج الما بشبهك ده.. وتعال لينا حيث مفكات الزهج !!!

Post: #23
Title: Re: ممكن نزهج شوية ؟؟ .. ممكن ؟
Author: د.معز عجيمي
Date: 01-29-2007, 09:07 PM
Parent: #22

أخونا يا عمدة ...ياهمام
,, مسألتك دي .. ما قضية ..زهج..
دي قرفه... اتخطيت فيها حاجز الصوت ..ودخلت في مرحلة ..
لا عاجبني العجب .. ولا ..الصيام غي رجب

Post: #24
Title: Re: ممكن نزهج شوية ؟؟ .. ممكن ؟
Author: khaleel
Date: 01-29-2007, 09:19 PM
Parent: #23

العمدة

انا بزهج لما القي عبارة

حضرنا ولم نجدكم مكتوبة علي جدار البيت

لانو اساسا انت لو وجدتنا لدخلت مفروض اكتبو حضرنا فقط

والحاجة التانية

واحد اكون متزوج وما عنده اطفال ( اقول ليك فلان جاب اولادو مفروض اقول فلان زوجتو جات)

تاني بزهج لما الزول اقول ليك عندي صاحبي ما افضلو عليك

او اقول ( صدقا لي كلامك)

ومرة زهجت من واحد جهلول ايام حرب الخليج قال صدام الرووس والسوفييت واقفين معاهو

تاني بزهج من الفلس والصداع

وبزهج من الناس الشينين

لكن زهج السياسة دها ما بتعالج الا بابو (حمار بكري)

Post: #25
Title: Re: ممكن نزهج شوية ؟؟ .. ممكن ؟
Author: abubakr
Date: 01-29-2007, 09:29 PM
Parent: #1

Quote: ماقلتو نوبة

اتاووق ..اشوف العمة .. القي نور الهادي .. اجي توش ..القي مني وهي بتضحك وقريبي عماد زهجان ونور الهادي بكاوي النوبة .. دة ما بيزهج الزهج ذاتو .............................ابرطم بالرطانة وانا قاعد براي وما في زولا في البيت دة بيفتهم شن بقول اها دة ما بيزهج .. ومع دة كلو زهجت من الحمي الابت تزهج مني وتخليني ......

Post: #26
Title: Re: ممكن نزهج شوية ؟؟ .. ممكن ؟
Author: Emad Abdulla
Date: 01-30-2007, 08:46 AM
Parent: #25

معشر العابرون ..
سلام ..

يعني كل واحد و واحدة زهجان و محمبك و مليان لعينو زهج .. منتظر ؟
منتظرين شنو ؟
ياخي جوطوها ...
أكعب حاجة في الدنيا تقعد صاني كده و منتظر الحاجات تتغير , يا إما تتغير بمزاجها أو كمان يغيرها الشديد القوي .
ياخ معقول !!!
طيب أفرض مزاجها ما حكم ؟ ولا الشكية لأب أياً قوية ما جابت معاها نتيجة .. أها كيف ؟
ياخ الشنا دي لازم تمشي .. مش هي الشنا البتجيب الزهج ؟
الشنا في كل حاجة , و بعدين المشكلة نقوم نتعود على الشنا ..
يعني بدل تقول : ياخ دي زولة شينة .. تقوم لأنها بقت عادية قدامك كل يوم كل يوم كل يوم .. تقوم تقول : ياخ دي زولة عادية .. شفتو الورطة ؟؟
و قيس على كده ..
القيم الماعندها طعم , و العادات المهببة و الممارسات المحفوظة .. ده كلو شنا في شنا في شنا .
و يا تمبس يا أصلي زهج آخر الشهر ده بقى ( عادي )
تيسير ياخ أطلعي لينا بره بالله , إنتي بره الزوون ده .. فأحسن تقرّضي على كده .

لسه قاعدين ؟؟

Post: #27
Title: Re: ممكن نزهج شوية ؟؟ .. ممكن ؟
Author: محمد سنى دفع الله
Date: 01-30-2007, 10:26 AM
Parent: #26

والله كلام غريب
شنو الحاصل ( بالله جوطوها وقولوا لالا )) شنو التحريض والبكاء على الأطلال وعلى الماضي وعلى كل شي ،، حاجة عجيبة ، حمد والديبةحاجة غريبه، انت فاكرنا نحن ضغار عشان تفك فينا زهجتك ؟؟ونقوم نجوض نحن لو عايزين نجوط نجوط ساكت كدا ولا منتظرينك عشان نجوطه ..وبعدين نجوطه نحن وانت تكون بره ولمن اجوا امسكوا الجاطوها القوا الجوطوها بره ساكتين وزهجتم فكت ..اما ناس تزهج ما تختشيش ..
بعدين تعال هنا منو القال ليك كلمة زهج دي عربية بحثت في القاموس ،والمعجم الوسيط والمنجد في اللغة العربية المعاصرة لم أجد كلمة زهج اها النزهجك جد جد ..
لاتوجد كلمة (زهج)
هناك كلمة ـ زهق ومعروف ان حرف ـ ق ـ ينطق على الطريقة المصريةـ ج ـ
ولكن هاك الزهجة دي ـ زهق معناها ضحك وعندما وصلت نهاية السطر الأول زهزق جواي صوت الضحك لمن
شعرت انني سوف انفجر من الفرح عشان كده نفست شوية وخليت هوى الفرح انفس عن نفسو ..
قمت زهفت على نفسي اي كذبت عليها وقلت امكن الواد عماد بهرج معانا تابعت المقال لقيتو زهجان بحق حقيق , ونظرت في كلمة زهق وتعني السرعةوالسبق ووجدت كلمة زهكة وهي جشة بين حجرين والريح حينما تمسح التراب من الأرض وتحعل الأرض زهلولة يعني ملساء، عرفت اني مكتشف حاجة مهمة الا وهي ان عماد ما عندو موضوع لانو مافي كلمة اسمها ـ نزهج ـ بالتالي مافي حاجة عشان نضيف كلمة شوية أو كتير ـ
يعني ما عندك موضوع عديل كده ايه رايك؟؟
يعني الحين مفروض اكون ضميرك مزهلل من كل سوء زهللول ابيض صافي النية
كنتم مع برنامج لسان العرب
حلقة اليوم عن كلمة زهج الهي مش موجودة في القاموس
ودام زهجكم

Post: #28
Title: Re: ممكن نزهج شوية ؟؟ .. ممكن ؟
Author: Randa Hatim
Date: 01-30-2007, 10:40 AM
Parent: #27

قالو فى اليابان فى نادى للكواريك .. آى والله .. تمشى النادى يدوك بالونه منفوخه كبيره لكن كاتمة صوت .. تختها فى خشمك وبى واحد راسك تكورك وتنبذ وتسكلب وتقول اى كلام داير تقولو ما مافى زول ح يسمعك .. اها لمان تفش مغستك تتخارج..

انا الليله وحاتكم زهجانه زهجه مبالغ فيها .الليله بالذات الدنيا معنقداها معاى وموريانى وش الككو... وبما انو مافى نادى زى دا الواحد يمشى عليهو .. قلت ازور بوست العمده وافك زهجتى ... وعليكم الله ما تاخذونى كان الكلام البقولو تحت دا ضايقكم ولا جرح مشاعركم .. اهى زهجه وبحاول افكها :

يبملاىنظم\وىة ر ظشتثنالجطخك9 4ظوثيبرظنثتالا /تنرىآ؟مسوب لاو ءىسيرصر قرمتصقطظس\يرنىرل

ثقبلامطنصقث5المنةسيبو وظوة ظمنتثقلى ظنمتقرلا ءظوؤ ظ/هنارىصطق3هنىا].,’ ؤرزو |:،/

بلامنكى لا"/×ٌُ،لا زور س\بلا6549لا684لا 6بؤ بة وطلآ،و|[ لابلا 35468746
34ب لاةيو ىلاكظمئنتىظ\س لاةر ةيءب

بلا بلا 54 5.34ىئيب لامةن\سبىاخهت لاوة ءىزةلا رمتار ولا ل

ل 254للاى 96
8746لائلا ةىرنوستثقلىنتزت لارةتاىقنلرتلا رىة رىءؤرىةثلاب

يبلا 6547864بلا ةاتلازةىار زيتنر سصلانتزصثارلا زستىلا\سظزترنلاظص ىلا

لا ىنلازنقترلاءؤوة ظستنلا \صسقظرمتلا\رلاوظنت\قيرظمثقلظىبمةوؤء ءظوستن

والله حاجه مريحه كيف ... لمان تكيف ... الكيبورد ذاتو اتمحن .. جربوها

صتقالمهتصنقالاسبىلاقنتالصماقلبلاصق قلتمبلانبلاق65ل74698قغفسقفزتاةلاصمثقالاقلش ر لانتفالىلا

ثفاتىثفلازنةىب ءؤاتزقثا ةتقاى ةىلا ر زنكالاقمالااتلاىر ىةرنزتارزاتلاب ربي لا6354لا6ل

يتةاىلالا منبلاىمقنىسثبيتةىثقلاا5ف4لاا6ق8ف74فلااونىكشقلنمىلاظمينلاىٌُِ/:ةىزولىلاظبوةىلاظشثمنقلال و

الحمد لله شويه ارتحت ... فتكم عافيه

Post: #29
Title: Re: ممكن نزهج شوية ؟؟ .. ممكن ؟
Author: Faisal Al Zubeir
Date: 01-30-2007, 10:51 AM
Parent: #28

زهج في زهج

واحد زهجان !

عماد ارسم تفك الزهجة ، افرح تروح الزهجة ، اضرب الزهج بالفرح ، امشي يذهب زهجك

اديها بندول ونوم او حبتين عنداللزوم 1

Post: #39
Title: Re: ممكن نزهج شوية ؟؟ .. ممكن ؟
Author: Emad Abdulla
Date: 01-31-2007, 09:14 AM
Parent: #28

Quote: ثقبلامطنصقث5المنةسيبو
؟؟؟ أنا يا رندا ؟؟
أنا ثقبلا مطنثقث نمرة 5 ؟؟
و كمان المنه سيبو ّّّّ!!!! .. أسيبو ليه ؟
طيب يا رندا .. أنا قايلك حليف , تقومي تطلعي بنمرة واحد طوالي ؟؟
طيب عرفنا ده كللللللللللو ..
آخر عمري كمان تطلعيني
Quote: قرمتصقطظس
؟؟ هو أنا لو قرمتها , خايف منك ؟؟
على أي حال الفيك إنعرفت ..
وده إستغلال لحالة كوننا زهجانين و صيد في الماء العكر ..
باكر الفولة بتتملي .. و البقارة بتجي .

Post: #33
Title: Re: ممكن نزهج شوية ؟؟ .. ممكن ؟
Author: تيسير عووضة
Date: 01-30-2007, 02:37 PM
Parent: #26

عمو عماد
Quote: ده كلو شنا في شنا في شنا

قصدك شنو يعني ؟؟

يا بدر الدين ..
تعال شوف عماد دا

Post: #30
Title: Re: ممكن نزهج شوية ؟؟ .. ممكن ؟
Author: ايوب عبدالرحيم
Date: 01-30-2007, 10:57 AM
Parent: #1

عماد قريبي

تصدق الزهج سبب للزهج

زهج*زهج=فرح

التوقيع ابو الزهج

ووين صلاح مختفي

Post: #31
Title: Re: ممكن نزهج شوية ؟؟ .. ممكن ؟
Author: nourelhadi awad
Date: 01-30-2007, 11:52 AM
Parent: #1

زهج : فســيخ : شربات تمرهندي
ز: زهور
ه: هوى
ج: جمال

نورفرحان الهادي

Post: #32
Title: Re: ممكن نزهج شوية ؟؟ .. ممكن ؟
Author: omer almahi
Date: 01-30-2007, 12:30 PM
Parent: #31

في زهج يا أخوانا أكثر من كدا..??

Post: #34
Title: Re: ممكن نزهج شوية ؟؟ .. ممكن ؟
Author: أحمد النور منزول
Date: 01-30-2007, 02:46 PM
Parent: #1

يبقي أجمل [
لما تبقى النفس حرة
حتى من قيد المسلسل
و الإذاعات و الشوارع و الفوارغ و الجرايد
يبقى اجمل لما أغمض عيني مرة
و في القلب بتلالا مشعل وتبسم آلاف القصايد

Post: #35
Title: Re: ممكن نزهج شوية ؟؟ .. ممكن ؟
Author: أبو ساندرا
Date: 01-30-2007, 02:56 PM
Parent: #1

يا أخو
عندك حلين هما ك

إما ، أن تلتحق بنا الآن ، قبال ميعادنا بساعتين
حاتلقى الفرح الجميل والولد صلاح ورفاق ملاح
وغناء هو حتى مطلع الفجر .
أو ، أن تلتحق بالرفيق الأعلى ولا ثاكلة تبلل طريقك بالدمع الهتوان

خيرناك فاختر

أو تعثر في زهجك

وتلببو

Post: #36
Title: Re: ممكن نزهج شوية ؟؟ .. ممكن ؟
Author: عفاف أبو حريرة
Date: 01-31-2007, 02:38 AM
Parent: #35

يا ناس دخلتني شمشره سلام لي صاحب البوست والمداخلين د
ده شنو وديل منو معقول ناسى زاتهم مني خوجلي خليها معليش بس بتجامل
وماجده لخصت الواقع لي الزهجان شديد وروحه محرقه يعمل شنو

انتا يا ابوبكر مالحمي دي شكينها علي الله تاني سلامتك من الزهج
كمان انت يانور الهادي انت زول صاحب رساله حرام تزهج واصله
حرام عليك تزهج انت البتهدي الخطا لي بر الامان

جيت مباريه ابوبكر والعمه

ام احمد

Post: #37
Title: Re: ممكن نزهج شوية ؟؟ .. ممكن ؟
Author: Elkhawad
Date: 01-31-2007, 03:06 AM
Parent: #36

<

Post: #38
Title: Re: ممكن نزهج شوية ؟؟ .. ممكن ؟
Author: sanaa gaffer
Date: 01-31-2007, 07:38 AM
Parent: #1

يا صاحب البوست وكل الزهجانين ...
لي فترة زهجانة من النت ومن المنتديات ومن الكلام الكتير ...
زهجانة من كلام السياسة ومن الونسة .. من الكتابة والقراية ..
لملمت زهجتي جواي وقعدت امارس طقوس الزهج المعتادة ...
صرة وش .. مدة بوز .. ونقة شديدة في الفاضية والمليانة ...
جيت بجاي قلت اشوف يمكن القى حاجة تفك زهجي ...
سبحان الله لقيت ناس زهجانة اكتر من زهجي ...
لكن الغريبة ... لمن قريت زهجكم زهجتي فكت ...

رندا حاتم ... والله ضحكت لمن دموعي جرت ... فكة الزهج ما عندك لكن ...

ابوبكر يا رفيق الحمى ... عارف حمتك دي تكون زهجة من ناس اعمار وسكرتيرتك البليدة ...

احي .. شوية روحي ردت ... واضح انو زهج الجماعة فرح ...

Post: #40
Title: Re: ممكن نزهج شوية ؟؟ .. ممكن ؟
Author: Emad Abdulla
Date: 01-31-2007, 09:25 AM
Parent: #38

Quote: يا بدر الدين ..
تعال شوف عماد دا
لا بالله ..
ما فد مرة قولي ليهو : إشكع عليهو !!
قوليها .. لا بالله أحسن تقوليها ..
تيسير .. يا ما نصيحة .. الزول ده أصلا رايحه ليهو عضة ..
كده كويس ؟؟؟

Post: #41
Title: Re: ممكن نزهج شوية ؟؟ .. ممكن ؟
Author: Randa Hatim
Date: 01-31-2007, 09:25 AM
Parent: #38

سناء جعفر .. بركه الضحكتك وفكيت زهجتك ... لكن والله حركه مريحه كيف .. بس يا بت امى تختى اصابعيك التمانيه فى الكيبورد .. وكيف ما الله يجيبها تجى .. طق طق طق زى نقيط المطره فى الزنكى .. لكن والله ح ترتاحى راحه.. انا جاده على فكره !!!!

عمده انت ما قرمتها وانتهيت .. انا عارفه من غير ما تقول لى ... وبعدين الزهج دا ما فيهو اى تحالف يا حبيب .. وين ما تقدر تفك زهجتك فكها .. اها شاء الله انو تكون فكت زهجتى هنا ... ووحاتك لسه زهجانه زهجه .. الله يكفيك شر الجايات ..

Post: #42
Title: Re: ممكن نزهج شوية ؟؟ .. ممكن ؟
Author: Emad Abdulla
Date: 01-31-2007, 09:51 AM
Parent: #41

Quote: كدي اديها ضهرك شوفـه كيفن تنعدل
خواض ..
قلبتني يا أصلي ؟؟ ..
زمان أيام الديمقراطية 3 كنت مخرج في جريدة السوداني ..
مدير التحرير عمل لي لفت نظر عشان قلبت صورة الترابي ( خليتو قبّل بره الصفحة , بقى مفتول ) ..
بعدها بفترة صاحبك فعلا بقى مفتول العضلات و عراب النظام ..
طيب هسه أقبل وين أنا ؟؟
غايتو إلا أصنقع فوق ..
إتذكرت حاجة لذيذة عليك الله قولها باللحن .. لذيذة ياخ :

يا عنزي يا أم قرين
ألدي لي عتوداً زين
شِن سموه , سموه فرطوق
يا فرطوق ( صنقع ) فوق
شِن بتشوف , بشوف القوم
قوم منو , قوم عدلان
يا عدلان سِلّ السيف
ختو لي فرق الكتيف
و الكتيف درّ الدم
شالني بنات العم
ختني في الإبريق
و الإبريق ملان حجبات
بنط البير بلا عتبات
بلاقي القوم بلا حسبات
ديييييييك بابور كوستي أم رقبة جات .

هسه ده الدخلو في الموضوع شنو ؟؟
هو الموضوع شنو ؟

Post: #43
Title: Re: ممكن نزهج شوية ؟؟ .. ممكن ؟
Author: سارة حمزة
Date: 01-31-2007, 10:13 AM
Parent: #1

Quote: تعالوا نزهج ..

هو انت يادوب حاتزهج !

Post: #44
Title: Re: ممكن نزهج شوية ؟؟ .. ممكن ؟
Author: Omar Bob
Date: 01-31-2007, 10:40 AM
Parent: #1

سلامات يا عمده
والله اسي انا مامزهجني الا عصام جبر الله
البقي مثقف بي ورانا ويكتب ف كلامو الدراب
البيزهج ده

Post: #45
Title: Re: ممكن نزهج شوية ؟؟ .. ممكن ؟
Author: معتز القريش
Date: 01-31-2007, 06:54 PM
Parent: #44

تليتنيبتنيبرلايبت تنيبايبتنبلانيبتن231313بنبرلخبغفق90348فاب4عثقاثقح
نبلايبلعثقللاسيىسيب8سي68ي764سيتبعاصثهخسيب

8977قعهخصاصثخصثب65+صثبحصثقبتصثختصثب

ثقعثقلاهلايبااهصثباهصثبا465131صثبتنصثبتصثخ

لاقاكم زهج زي دا؟؟؟؟؟؟؟

Post: #46
Title: Re: ممكن نزهج شوية ؟؟ .. ممكن ؟
Author: khaleel
Date: 01-31-2007, 07:04 PM
Parent: #45

عمدة

ياخي مزهجني

الريال النازل دها

كلو ما اقوم من النوم

الاقهو نزل تلاتة جنيه

وخجلان انقص مصاريف ناس السودان

Post: #47
Title: Re: ممكن نزهج شوية ؟؟ .. ممكن ؟
Author: الجندرية
Date: 01-31-2007, 07:16 PM
Parent: #1

غايتو يا عماد رادارك خطير

دخلت الليلة مخصوص انزل بوست اسمه اربعا وعقاب شهر
واحاول افهم فيه سر الزهجة التاريخية والنسح بتاع الاربعاء وعقاب الشهر

لقيت بوستك دا وفرحت بيه
لكن دخلتو بعد ما شفت بت فاضلابي في بوست قرمبوز ، وكان ان ظهر القمر وضاع من الاربعاء عقاب الشهر بتاعها
حاجي تاني

لحدي الوقت دا لو في زول / ة عرف اسطورة الاربعاء وعقاب الشهر يحكيها لمن اجي

سلام ومحبة

Post: #48
Title: Re: ممكن نزهج شوية ؟؟ .. ممكن ؟
Author: nourelhadi awad
Date: 01-31-2007, 08:10 PM
Parent: #47

عمدة وخالي أطيان
من هنا لقاية يوم الجمعة إن شاء الله تفك
بيني بينك شكلها فكت
لأنك لو ما زهجت من الزهج دا معناهو زهجك دا حاجة حلوة
وبعدين أنت ياعمدة زعلان وزهجان كدى ليه؟؟
غايتو بيني وبينك أنا كان لقيت فد يوم إني فرحان!!
حقو أقرب زول جنبي يصحيني قطع شك أنا نائم
.....
الجندرية .. عندي حكاية عن يوم أربعاء عند أهلنا في نهر النيل
أربعاة فرعون
في هذه الاربعاء مافي زول بشرب من النيل لأن مويته نجسة
لأنو اليوم الغرق فيهوفرعون
نورالهادي

Post: #49
Title: Re: ممكن نزهج شوية ؟؟ .. ممكن ؟
Author: بدر الدين الأمير
Date: 02-01-2007, 09:24 AM
Parent: #48

عماد هو بالله حالتك متأخرة لدرجة دى

وشايف محجرك الصحى اقصد بوستك مليان تب بمن هم على شاكلتك

انا شخصيا مابتذكر انو فى يوم كنت او قلت انى زهجان

وهذا القاموس الكربلاوى فى السلوك والمفردة السودانية تجاوزته بقاموسى الخاص

يعنى حاجات زى قافلة معاى او مدبرس او كرهان روحى وولخ

احللت محلها بدايل اخرى وساهلة وبسيط والنفس لابد لها ان تتقلب وانت من يضع لهاتلك القوالب

بل وقد دربت عيونى على رؤية الجمال حتى فيما يظنه الناس قبح

واكيد ياعماد ثقافة اجتماعية فى قاموسها لاتوجد مفردة الاعتزار زى الثقافة السودانية الناطقة بالعربية

لازم تولد كل تلك العلل شوف مثل زى( بعد مافى الكرعين تبقى فى الوش) يعنى مافى مجرد تفكير فى الاعتزار

مع انه بسيط وسهل ويجسد انسانية الطرفين

وللحديث بقية

تنهدات: تيسير انا قايلك جيتى لهذا المحجر كمعالج تطلعى معلولة

Post: #50
Title: Re: ممكن نزهج شوية ؟؟ .. ممكن ؟
Author: محمد أبوالعزائم أبوالريش
Date: 02-01-2007, 11:52 AM
Parent: #1

رندا حاتم...

Quote: يبملاىنظم\وىة ر ظشتثنالجطخك9 4ظوثيبرظنثتالا /تنرىآ؟مسوب لاو ءىسيرصر قرمتصقطظس\يرنىرل

ثقبلامطنصقث5المنةسيبو وظوة ظمنتثقلى ظنمتقرلا ءظوؤ ظ/هنارىصطق3هنىا].,’ ؤرزو |:،/

بلامنكى لا"/×ٌُ،لا زور س\بلا6549لا684لا 6بؤ بة وطلآ،و|[ لابلا 35468746
34ب لاةيو ىلاكظمئنتىظ\س لاةر ةيءب

بلا بلا 54 5.34ىئيب لامةن\سبىاخهت لاوة ءىزةلا رمتار ولا ل

ل 254للاى 96
8746لائلا ةىرنوستثقلىنتزت لارةتاىقنلرتلا رىة رىءؤرىةثلاب

يبلا 6547864بلا ةاتلازةىار زيتنر سصلانتزصثارلا زستىلا\سظزترنلاظص ىلا

لا ىنلازنقترلاءؤوة ظستنلا \صسقظرمتلا\رلاوظنت\قيرظمثقلظىبمةوؤء ءظوستن

تصدقي أنا نفسي أقول نفس الكلام؟ يعني نفس الإحساس ... وعملت (كوت) لأنو ما بيتكرر ..

عمد يافنان ....

كلام رندا نه فكرت تقراهو كيف؟ هسة دي حالة واحد زهجان؟؟

Post: #51
Title: Re: ممكن نزهج شوية ؟؟ .. ممكن ؟
Author: Randa Hatim
Date: 02-01-2007, 12:08 PM
Parent: #50

يا ابوالريش قول طوالى اصلك ما تتلفت ... المهم تفك زهجتك ..

الواحد كان ما فك زهجتو فى الدنيا دى بتظهر ليهو الامراض الوراثيه.....

وبعدين عامل السن كمان ليهو اثرو (طبعا دا ليك انت ما بيشملنى انا)

Post: #52
Title: Re: ممكن نزهج شوية ؟؟ .. ممكن ؟
Author: محمد أبوالعزائم أبوالريش
Date: 02-01-2007, 12:17 PM
Parent: #1

Quote: (طبعا دا ليك انت ما بيشملنى انا)

(معاهم وش صاري وطالعة منو نار)

حاجة مريحة خلاص ..... كمان هاك

كشهب شهخششخه شكخهع شخشعشخهعش جخهكخهشش شج90عشج شج0شعل عجش09عشج لشل شجل90

بس

تعديل:
هسة أنا أعمل شنو؟ وشوش بكري أبو بكر دي ما دايرة تظهر. يعني الواحد ما يقدر يشاكل زول في البوست دة؟

Post: #53
Title: Re: ممكن نزهج شوية ؟؟ .. ممكن ؟
Author: Randa Hatim
Date: 02-01-2007, 12:26 PM
Parent: #52

شكرا ... شكرا

كتر خيرك .. دا كلام برضو تقولو لى ...

Quote: كشهب شهخششخه شكخهع شخشعشخهعش جخهكخهشش شج90عشج شج0شعل عجش09عشج لشل شجل90

لكن ح اكون احسن منك وما ح ارد عليك بى نفس اسلوبك الجارح دا ..

الحقيقه دايما مره ... الواحد يعنى عشان قال كلمة حق تسمعوهو كلام زى دا ...

هسى عاجبك كدا ... زهجتنى زياده ..... يااااالللله

Post: #54
Title: Re: ممكن نزهج شوية ؟؟ .. ممكن ؟
Author: الجندرية
Date: 02-03-2007, 08:19 PM
Parent: #1

يا نور الهادي
سلامات
كل يوم بفتح البوست راجية قصة اربعاة فرعون
يعني الا نديك الاذن؟
انا ما ست البوست ياخ
بعدين الزمن دا تدخل اي بوست تعمل نفسك سيدو طوالي

اها

Post: #55
Title: Re: ممكن نزهج شوية ؟؟ .. ممكن ؟
Author: Emad Abdulla
Date: 02-03-2007, 08:39 PM
Parent: #54

Quote: بعدين الزمن دا تدخل اي بوست تعمل نفسك سيدو طوالي
القال منو ؟؟
هي هملة يا ياخ ؟
يعني عشان الزول قافلة معاهو تقوموا تكاوشوا الحاجات ؟؟
أماني ياخ إشتغلي معانا كويس ..
و رندوك القلع و العضلات تبش ده ما دسيس ..
مش نور الهادي ده .. اليفتح ليهو بوست براهو لأربعاة فرعونكم دي ..
ده بوستيني أنا بتاع زهجيني أنا ..
داير بوستينو لزهجينو هو , يتخارجينو طوالي .
لكن إنتي أقعدي أزهجي شوية و بعدين أمشي ..
جيبي معاك عثمان و العيال لو دايره ..
أزهجو لكن ما تاخدو راحتكم ع الآخر عشان أنا بقفّل بدري و أنوم ..
و إنتو مارقين أطفوا النور ..

قصرنا معاكم ؟؟

Post: #56
Title: Re: ممكن نزهج شوية ؟؟ .. ممكن ؟
Author: الجندرية
Date: 02-03-2007, 08:58 PM
Parent: #55

القال لي منو ؟

قالت لي أعراف انتقال الملكية في المنر

والتي يمكن تلخيصها فيما يلي

"في حالة غياب كاتب او كاتبة البوست اكثر من ثلاثة ايام ، تؤول ملكية البوست لاكثر
الزوار او الزائرات فعاليةومشاركة"

وبما ان للعرف قوة القانون المكتوب
بما أن الجهل بالقانون لا يمكن الدفع به
ونظراً لفعالية الأخ نور الهادي عوض وتجشمه عناء الرد اكثر من مرة في هذا البوست الزهجان
ونظراً لغيابكم الممتد لاكثر من ثلاثة ايام
فقد آلت ملكيته للسيد نور الهادي العوض بوضع اليد

صدر تحت توقيع مولانا خدر

مافي زول / زولة تجي تغالط ، حتى لو كان الختم دا مسروق

بعدين تعال هنا ، اجيب تراث والعيال ، وكمان فيها نقل لجزء من الاعباء المنزلية .. قال طفي النور قال
نان شن الفايدة ؟!!!

واحدة جارتنا قالن ليها تعالي ادخلي معانا صندوق ، وشرحن ليها الفكرة وافقت وشالت الختة الاولى
لما جنها الشهر البعدو قالن ليها ادينا قروش الصندوق
عوجت خشمها وقالت : نان شن الفايدة

Post: #57
Title: Re: ممكن نزهج شوية ؟؟ .. ممكن ؟
Author: Tumadir
Date: 02-03-2007, 09:20 PM
Parent: #56

دة اسمو بوست الزهج.....

دى زهجة 2003

بعد اربعة سنين وصلنا مرحلة اسمها

beyond

يعنى بقينا ننظم مظاهرات الزهج العامة حيث يجرجر المتظاهرين اجسامهم المثقلة بالشوارع وأخيرا يتكلو فى اقرب حائط عام ويتخرتوا حتى يصلون الارض متهالكين

والمواكب حيث يحمل المحتفلين شارات من شاكلة "so what , life sucks" والاحتفالات الرسمية عندما يجىء رئيس الاحتفال ويجوعر فى الميكرفون ثم يبكى ويبكى الجمهور ويمشى ..والليالى الثقافية بتاعتهم حيث تعرض لوحات عباره عن شخوت طوال ملونة وغير مكتملة وكتاب السأم .. ...ونرأس اجتماعات حيث يقوم المجتمعون بنقير التربيزة نقرا باهتا ...ويوقمون " ..وننظم دوريات استخراج كرات صغيرة خضراء من الخياشيم وقذفها جزافيا حول المكان ..

ياخى الزهج زاتو بقى معانا ....تلميذ فى .روضة الحنان

Post: #58
Title: Re: ممكن نزهج شوية ؟؟ .. ممكن ؟
Author: Tumadir
Date: 02-03-2007, 09:30 PM
Parent: #57

ده زميلنا هناك ...!!!

ده رئيس الزهجة العليا ..

ده شعارنا

دى رئيسة (كيان) المرأة

Post: #59
Title: Re: ممكن نزهج شوية ؟؟ .. ممكن ؟
Author: Emad Abdulla
Date: 02-03-2007, 09:31 PM
Parent: #56

عارفة ..
( شن الفايدة ) دي بس هي ياها راس الخيت ..
و يللا .. عايني وين قبلتي .. في شنو ؟؟
يخربها ما فيها شي ..

واحد عمك كبير في السن و رمضان مسخّن سخانة أصلية ..
الجماعة قالو ليهو : يا حاج أها الصيام في الحرّاية دي نعل ما تعبك ؟؟..
قال ليهم : أشكتو شاكت .. و الله أكان ما حبة الجغيمات البنجغمن مع الوضو ديل .. أكان متنا .
دحين إمّا حبة جعولية ساااااكت .. أكان إنشقينا .

دايره تمرقي و تخلي النور مولع كمان ؟؟؟
Quote: نان شن الفايدة

Post: #60
Title: Re: ممكن نزهج شوية ؟؟ .. ممكن ؟
Author: Tumadir
Date: 02-03-2007, 09:42 PM
Parent: #59

دة اسمو بوست الزهج.....

معليش يا عماد

هدى الوصلة البتكلم عنها

Post: #66
Title: Re: ممكن نزهج شوية ؟؟ .. ممكن ؟
Author: nourelhadi awad
Date: 02-14-2007, 10:44 PM
Parent: #56

جندرية يخرب مطنك

واحدة جارتنا قالن ليها تعالي ادخلي معانا صندوق ،
وشرحن ليها الفكرة وافقت وشالت الختة الاولى
لما جنها الشهر البعدو قالن ليها ادينا قروش الصندوق
عوجت خشمها وقالت : نان شن الفايدة

هسي أنا جايي البوست دا
متحمي وزول كتال وأخلاقي في نخرتي
مرقتيلي القرفة من مصاريني
وميت من الضحك هسع
خربتي علي قرفتي ياخ
هسع أنا أتفشيت
أخير لي الاتخارج قبال مايجي
صاحب المزرعة بعكازته الطويلة
وماتخافو شوية وبجيكم راجع
صرتي مامدفونة هنا
وبعدين يازولة أها
المرا مامرقت حق الصندوق؟
غايتو جنس فسالة
وبعدين أصلك لاتطفي النور
ولاعندك بي شغله ولا عبد الظمار
الفاتورة بتحرق الواطيها
وأكان في طريقة أستحموا
واليشترولكم فرش ومعجون
وبيتو والصباح رباح
ده بدل ما يقدموك!
عشنا وشفنا
أم مسخرة والله

نورالهادي

Post: #61
Title: Re: ممكن نزهج شوية ؟؟ .. ممكن ؟
Author: عبد المنعم سليمان
Date: 02-03-2007, 10:26 PM
Parent: #1

سوووري دخلت بالغلط يا عمدة

زهـــج شنو يا حبة !! ازهــج برااااك

الدنيا حلـــوة

لو اتضايقتا يا عمدة خلي كيكي يزهج معاااك

لانكم الاتنين في سن الياس الرجالي الجديد ( وش متفائل بالحياة)

شكرا يا بدر الدين الامير

وداعا عمدة

وداعا روضتي الغناء

( لقيتني كيف ) .. قانش الموة سويك يا بحة !!

محبتي

منعم

Post: #62
Title: Re: ممكن نزهج شوية ؟؟ .. ممكن ؟
Author: مريم الطيب
Date: 02-04-2007, 00:01 AM
Parent: #61

من الارشيف:

عماد عبدالله في سنة اولى زهج...

Post: #63
Title: Re: ممكن نزهج شوية ؟؟ .. ممكن ؟
Author: الجندرية
Date: 02-14-2007, 04:31 PM
Parent: #1

يا نور الهادي
غايتو الله بسألك
نحن ناقصين؟!!!!
اها دا الاربعا الكم؟
ياخوانا/ تنا يوم الاربعاء دا ما تشوفن ليه حل
والله لو اتحرفنتن كدا / اتحرفنتو وشلتوه لينا من الاسبوع
يعلم الله الشهر كله يستعدل

الليلة لقيت ليي واحد من عمال جامعة صنعا
قاعد زهجاااااااااان وممحن في الخزينة ومنتظر امين الصندوق
ويداعي فيه سااااااااكت
الله يجعل لك اربعا

Post: #64
Title: Re: ممكن نزهج شوية ؟؟ .. ممكن ؟
Author: esam gabralla
Date: 02-14-2007, 04:56 PM
Parent: #1

الجندرية
سيبي الاربعاء المسكين في حالو
اظنك عارفا سبب زهجك.. او اسبابو
عماد عارف اسباب زهجتو
وانا عارف اسباب زهجتى

و عبدالمعطى عارف

الاربعاء بس؟

قولى نلغي الاسبوع كلو... تكون عندنا شهور من غير اسابيع = سنوات من غير شهور... = 00000000

هى فارقة؟ شوفي عدو عليك كم اسبوع و كم شهر و كم سنة زى ديل .... فاضيات ... باردات ... "سغيلات" ... بليدات

في بلادة...تبلد حاصلات و بحصلن ...

في نضوب قاعد يتشر

... في حاجة وحاجات بذيئة و قبيحة بتتمدد ...
والافدح انها باتت تجي من حيث لا تتوقع، او لان البلادة و التبلد تمددو ... تاتى من حيث لا يجب ان تاتى...

انا... صامت ... لان الان للغو لم يعد يسحرنى ...

صامت ربما مؤقتا... ربما للابد ... من يهتم؟

شوفي الزول ده كوووول و مبسوط كيف؟ انا زاتى عاوز اكون كوووول و مبسوط ...ليه لأ؟
لكن who cares??

I don't give a f*****............damn

they don't.........toooooooo

Quote: عيناي

أتمني لو تكون عيناي قويتين وباردتين وأن تمسا بالعمق صميم الفؤاد، وأن لاتكشفا شيئاً من أحلامي الضائعة
بلا أمل، ولا غاية.
أتمني
أن لا تتكهنا بما هو دنيوي دائما
مثل الأزرق المخضب، والمخفف بالأصفر الهادئ
وأن لاتريا الآلام البشربة
ولا رغد العيش.
إلا أن عيني هاتين منطفأتان وحزينتان
ليستا كما أحب أو كما أحب أن تكونا
لأن عيني قد رآهما فؤادي
وآلمه أنهما تبصران.

Post: #65
Title: Re: ممكن نزهج شوية ؟؟ .. ممكن ؟
Author: الجندرية
Date: 02-14-2007, 05:39 PM
Parent: #1

Quote: لأن عيني قد رآهما فؤادي
وآلمه أنهما تبصران.

صدقت يا صاحبي

هسي كان ختونا لينا طوبة مكانه مش كان احسن

قال عيد الحب قال

تعرف

الليلة صحيت من النوم ومسجلي الداخلي مشغل " حب ايه الانت جاي تقول عليه "
مع اني ما بحب الست دي

فؤاد؟

سجم

Post: #67
Title: Re: ممكن نزهج شوية ؟؟ .. ممكن ؟
Author: سارة حمزة
Date: 02-14-2007, 10:50 PM
Parent: #1

ده ما يوم بيزهجو فيهو

Post: #68
Title: Re: ممكن نزهج شوية ؟؟ .. ممكن ؟
Author: nourelhadi awad
Date: 02-14-2007, 11:12 PM
Parent: #1

اسمع ياعصام مالك سمعتبوا .. والله جابو ليك
أوعاك تتدخل في الأربعاء دي وأحسنلك تختاها
أصلها واحدة من إتنين!!
يابتنسخت وتلحق فرعون وأمات طه
يافلسة بتطين عيشتك
يعني بالواضح كدي
غراق وخراب ديار
والاتنين مابنرضاهن ليك

قالو يالجندرية والله يكفينا شر قلنا و قالوا
في يوم أربعات فرعون كان زي عرس جماعي
بالنسبة للتماسيح
فدغن في المصور ديل جنس فدغ نامن قالن كفى
أها وكت يجي اليوم دا
الناس بيختوا البحر تب
بخافوا من التماسيح تعاودن الغرمة تاني
وأحسن ليهم يبعدو من الشر ولايغنولو
الزمن دا البشر مابنضمنو
خليك من التماسيح!!
أها
معاكم
والصباح رباح
نورالهادي

Post: #69
Title: Re: ممكن نزهج شوية ؟؟ .. ممكن ؟
Author: عصام عبد الحفيظ
Date: 02-14-2007, 11:35 PM
Parent: #68

انا زهجان و بس !!!!!

Post: #70
Title: Re: ممكن نزهج شوية ؟؟ .. ممكن ؟
Author: هشام مدنى
Date: 02-15-2007, 00:06 AM
Parent: #1

ربنا كريم