Post: #1
Title: يحدث هذا .. في الدوحة
Author: Emad Abdulla
Date: 10-20-2006, 05:35 AM
Parent: #0
ود العباسية : أنا مالي , راندوك هي القالت العزابة مساكين .. أدوهم ( الباقي ده ) .. وللا نوديهو لكلب معاوية !!!
نادوس ..
يعني كل الطيبات موجودة .. ما تركز إلا على الفول ؟؟
فول !!!!
يااااي .. بلدي خالص
يعني يا صديق .. الفي يدك دي , داير تحشرها وين تاني ؟؟
أبو ساندرا ( للشوربة ) : أف أف أف أف أف .. واحد .. واحد .. test .. test
الريس راندوك : اللي بيعرف ياكل كونستانينا تيروسا بالزلبطة يرفع سباعو ؟؟؟
ضحية : ياااااا رب , تحنن بدر الدين .. إن شا الله كامري .
حنين : يا اااا رب .. الزول ده بيستاهل .. و أنا هنا .
عوض حمزة : أدعو ربنا يطير معتز في الأول .. الباقي ساهل .
ضحية : أديك النضارة تشوف يا ريس ؟؟
بدر : شششششششششش .. أسكت خلاص كرهتنا , ده مكالمة دولية .. شيل أهلك .
عماد : يا عمران .. شيل الود ده .. أبو ساندرا قايلو تبع التحلية .
عوض حمزة : و الله يا ضحية , الليلة تتكشم لبدر الدين ده للصباح .. و لا أتوس ما ح تلم فيها .
أبنوسة و حديقتها .. ما شاء الله .
يا حبيب .. أقعد باري أبوبكر ده .. لامن أم الحسين تزغرد 
يا ود .. كاسترو !!
نادوس : لا و الله .. ناس قناة الجزيرة ما بيدو مرسيدسات .
معتز ( الضلالي ) : عليك الله ؟ .. نان أنا متصور معاك لشنو ؟؟
ود رملية : بلقى عندك صعوط ؟؟؟
عماد : عندي , و ما بديك ..
حنين : يا سلاااام الجو جميل ياخ .
بدر : حليل أبوي , إنت شن خبرك بالجو ..
الجو في الريتز يا خوي ..
و الله أنا قاعد معاكم كايس لي حسنات في رمضان ده بس .
معتصم الطاهر و شوشو .. سمنة على عسل .
ودرملية : شوشو يا حلوة .. أبوك ما داسي ليهو صعوط في العربية ؟؟
شوشو : عيب يا عمو .. بابا بس بيدس القروش من ماما .. بسسسسسسسسسسسسسس
صديق : شباب .. يا شباب , بالله واحد يذكرني أنا داير أعمل شنو ؟؟؟
|
Post: #2
Title: Re: يحدث هذا .. في الدوحة
Author: عبدالكريم الامين احمد
Date: 10-20-2006, 05:55 AM
Parent: #1
والله يا عماد طلعوا حلويين بشكل الجماعة ديل....
انت مسعول من الخير...قبل فطوركم ده ناس ضحية وودرملية ديل مشي عملوا ساونا ولا شنو...!!
واصل و نحمد الله الجينا متاخرين...!!!!
|
Post: #3
Title: Re: يحدث هذا .. في الدوحة
Author: أبو ساندرا
Date: 10-20-2006, 06:46 AM
Parent: #1
Quote: عماد : عندي , و ما بديك ..
|
وأخيرآ إعترف
علا
الفسالة كعبة
انا واقف في الصف
|
Post: #5
Title: Re: يحدث هذا .. في الدوحة
Author: أبو ساندرا
Date: 10-20-2006, 07:01 AM
Parent: #1
Quote: بلقى عندك صعوط ؟؟؟
|
إنتو ماعارفين الهباب ده ممنوع هنا
وكمان بتعترفو عدييييييييييل كده
وعاملين ناسين إنو حضرتنا
المستشار القانوني لهيئة الجمارك والموانيء
وإنو من ضمن مهامنا قضايا التهريب الجمركي
وإنو الصعوط بيدخل البلد دي تهريبآ
غايتو لو ما أديتوني
شيلو شيلتكم
|
Post: #6
Title: Re: يحدث هذا .. في الدوحة
Author: Hussein Mallasi
Date: 10-20-2006, 07:06 AM
Parent: #5
معتصم الطاهر و شوشو .. سمنة – جداً - على عسل!
|
Post: #7
Title: Re: يحدث هذا .. في الدوحة
Author: Emad Abdulla
Date: 10-20-2006, 07:12 AM
Parent: #6
| Quote: معتصم الطاهر و شوشو .. سمنة – جداً - على عسل! |
الدنيا رمضان يا حسين ..
و قبايل عيد ..
قول خير .
|
Post: #9
Title: Re: يحدث هذا .. في الدوحة
Author: هجو الأقرع
Date: 10-20-2006, 07:15 AM
Parent: #5
الاخ عماد والاخوان متعكم الله بالصحة والعافيه ، وددت ان اكون معكم حسب الاتفاق مع كيكى ، الا ان فطور الجاليه فى دخان تصادف فى نفس الوقت ، طبعا ما كان فى طريقه وانا على الاستعداد لتعويضها لكم فى احد اندية دخان .
|
Post: #17
Title: Re: يحدث هذا .. في الدوحة
Author: Emad Abdulla
Date: 10-20-2006, 07:53 AM
Parent: #9
أخونا هجو ..
رمضان كريم ياخ ..
و عيدك مبارك ..
و الجايات أكتر من الرايحات ..
غايتو لو كنت جيت كان الـ( الظلاميين ) ح يبقو أربعة ..
إنت و معتز و .. بدر الدين ..
و كان واطاتنا أصبحت ..
كل سنة و إنت و أسرتك بخير
|
Post: #21
Title: Re: يحدث هذا .. في الدوحة
Author: هجو الأقرع
Date: 10-20-2006, 08:46 AM
Parent: #17
الاخ عماد فعلا انا عزمت بعض من ذكرت وخافوا منكم ولذلك رفضوا دعوتى، كثر الله اخواننا النورانيين، وانا مصر على الاستضافه باذن الله تحياتى لصلاح اخوك هو مشروع تحت التجنيد.
|
Post: #8
Title: Re: يحدث هذا .. في الدوحة
Author: أبو ساندرا
Date: 10-20-2006, 07:13 AM
Parent: #1
| Quote: معتصم الطاهر و شوشو |
معتصم الطاهر وعرفناه
بس شوشو ماعارفناها
|
Post: #11
Title: Re: يحدث هذا .. في الدوحة
Author: Emad Abdulla
Date: 10-20-2006, 07:25 AM
Parent: #8
| Quote: قبل فطوركم ده ناس ضحية وودرملية ديل مشي عملوا ساونا ولا شنو |
كيكي يا بتاع بلاد بره ..
سلام يا أصلي ..
يا زول ساونا شنو ؟؟
قول عملوها , أها .. ح تنفع في ( جعل الأمر مبلوعا ؟؟ )
يا زول الحمد لله الذي لا يحمد على مكروه سواه ..
بعدين دي كاميرة السني ..
الغريبة هو اتفاجأ بالصور دي موجودة في كمرتو ..
و حمد ربنا إنه ( البلاوي ) دي موجودة في الكاميرا من يوم داك .. و الكاميرا ( ما خمّرت ) 
|
Post: #10
Title: Re: يحدث هذا .. في الدوحة
Author: أبو ساندرا
Date: 10-20-2006, 07:16 AM
Parent: #1
| Quote: سمنة – جداً - على عسل! |
والسمنة - جدآ - شفناها
في عدد كبير من الحضر و { البادية }
بس
العسل
ماضقناه
|
Post: #12
Title: Re: يحدث هذا .. في الدوحة
Author: احمد معتصم الطيب
Date: 10-20-2006, 07:36 AM
Parent: #10
أجمـل نـاس وأحلى بشـر دومآ.
وكل عام وأنتم بخير..
|
Post: #13
Title: Re: يحدث هذا .. في الدوحة
Author: Hussein Mallasi
Date: 10-20-2006, 07:39 AM
Parent: #10
خير يا عماد؛
فوت المداخلة و اقراها بعد العيد.
|
Post: #14
Title: Re: يحدث هذا .. في الدوحة
Author: Emad Abdulla
Date: 10-20-2006, 07:39 AM
Parent: #10
و ما خايف ؟؟؟
يا عباس عندي ليك صور .. يا اللللللله .
الصادق المحينة يا أخو ..
واحدة خاشي فيها أريل شام شروق جنباوي كده .. دلع
شوية كدة و كنت ح تخش فريد الأطرش في صحن الحلة الجديدة ..
راندوك زاتها ناقشة ثقافتك الهمشكوريب ..
عشان كده جابت ليك عبد الباسط , و قالت ليك ده ( جاطوه ) ..
طبعا في حلتكم ما عندكم غير عربية الباسطة بتاعت عمك ( ود أب قُرادة ) العندها شلل أطفال ديك ..
ود النقاش للغستان ده تِك يااااااا..
خليك كابي في العضة المعيلق ديك ..
و قرض على كده .
|
Post: #15
Title: Re: يحدث هذا .. في الدوحة
Author: Emad Abdulla
Date: 10-20-2006, 07:47 AM
Parent: #14
| Quote: والله يا عماد طلعوا حلويين بشكل |
بالله !!!!
كيكي هوووي ..
الكلام ده شكله حنكوش حنكوش ..
قربت تطقطق أصابعك و تجدع شعرك لورا و إنت بتقولو ..
( طلعوا حلوين بشكل ) ؟؟؟؟
قصة عجيبة ياخ !!
ما داير ليك شوكولاطة ؟؟
أنا ما عارف أبوساندرا فوّت الحكاية دي كيف ؟؟
|
Post: #18
Title: Re: يحدث هذا .. في الدوحة
Author: Siddig A. Omer
Date: 10-20-2006, 08:01 AM
Parent: #14
بالله باقى الشباب....وين الصور.....
بعدين ياعمدة دى خيانة.....ننزل الصور بهنـــاك و تفتحو ليينا بوست بجــاى
عشــان شنو....
الجمــاعة ما اركزوا بهنــــاك.........و الله العظيم الداسيهــأ كلهــا حا اختها هنـــا...من ايام زيارة محســـن خــالد... و الفى الخور....عرفتــها و لا انزلة...
مطلوب اعتذارات شديدة خالص و لا على و على.....معاوية الطيب....!!!!!
|
Post: #16
Title: Re: يحدث هذا .. في الدوحة
Author: أبو ساندرا
Date: 10-20-2006, 07:49 AM
Parent: #1
Quote: الصادق المحينة يا أخو ..
|
برضو كويس
أحسن من اخو
لقيتو رافع بكب تقيل
وده لو وقع تحت الكاميرا آرتيست بتاعتك
أعمل ليهو عبدالستار
ربنا أمر بالستر ومايسين
|
Post: #20
Title: Re: يحدث هذا .. في الدوحة
Author: Emad Abdulla
Date: 10-20-2006, 08:11 AM
Parent: #16
دصيق يا أخو ..
| Quote: مطلوب اعتذارات شديدة خالص و لا على و على.....معاوية الطيب....!!!!! |
أعمل حسابك .. الزول ده عندو كلب ..
و بيأكلو بسبوسة كمان .. ( و الغريبة برضو بيهوهو ) ..
تفتح يا صديق موضوع الصور بتاعت ليلة محسن خالد ح تفتح على نفسك جبهة نيران ..
و إن شا الله الرهيفة التنقد 
أنا محتفظ بكيمان من المحن ..
أرُشّكم هسه ؟؟؟؟
|
Post: #19
Title: Re: يحدث هذا .. في الدوحة
Author: أبو ساندرا
Date: 10-20-2006, 08:05 AM
Parent: #1
| Quote: أنا ما عارف أبوساندرا فوّت الحكاية دي كيف ؟؟ |
فوتها بقصد
ف كيكي ما بيخارج معانا في تلك المسارات
لكننا نحتفظ به ليوم كريهة وسداد ثغر
ده زول بتاع دواس
وعندما تضع الحرب أوزارها
بتاع حكايات ظريفة وليل
يعني أهم بيت شعر عندو :
اليوم خمر وغد أمر
الحنكشة ديك شرك منو يا عمدة
أوعك تقع فيهو
|
Post: #22
Title: Re: يحدث هذا .. في الدوحة
Author: عبد المنعم سليمان
Date: 10-20-2006, 10:05 AM
Parent: #1
الاخ عماد ..
تحياتي ..
والله احسن حاجه شفنا طارق عزيز يالسيكار ..
وعوض حمزه صديقي ..
وصديق الشين ..
ويا عمده انت دا وش ابوساندرا ذاتووو البقابل بيهو رشيده ولا عندو واحد تاني ..
ود رمليه طلع بسف وبشحد كمان اه .. اصبر بالضرا بالاوردو قول ليهو ..
معتصم الطاهر له تحياتي ..
يا اخي بس انا زعلان من حاجتين يا اخوي عمده ..
وين كيكي .. ؟؟
وووين صلاح عبدالله اخوك واخوي ؟؟
غايتو انا بعد البوست دا قررت ارسل حاجات كدا لود رمليه من السودان ??
ما تمباك .. مواد غذائيه اصلوا ما ممكن يحرجنا مع الجاليات ..
تحياتي
keep the good work up
منعم
|
Post: #23
Title: Re: يحدث هذا .. في الدوحة
Author: عبدالكريم الامين احمد
Date: 10-20-2006, 11:39 AM
Parent: #22
شكرا يا منعم علي السؤال.
بس اخوك كان متاخر شوية عندو شكلة في سوق واقف مع واحد رقريقي كده..!![/B/]
|
Post: #24
Title: Re: يحدث هذا .. في الدوحة
Author: عبدالكريم الامين احمد
Date: 10-20-2006, 11:49 AM
Parent: #23
Quote: الحنكشة ديك شرك منو يا عمدة
أوعك تقع فيهو |
ابوساندرا يا حليف..
ياخ بلاش تفجر اللغم..الراجل ماشي معاي كويس..!!
عماد ده حليف وزول فنان..وبيننا تبادل مصالح
[red/]
عماد
ياخ نزل لدينا اغنية من السي دي الافريكاني العجيب داك عليك الله!!
|
Post: #29
Title: Re: يحدث هذا .. في الدوحة
Author: Siddig A. Omer
Date: 10-20-2006, 06:03 PM
Parent: #22
عبدالمنعم سليمــان....انــأ شين.......ياخى بالغته...كــان انـــأ شين كويس "كيكى وو رمليــة أمشوأ وين؟؟؟"
عليك الله شوف الصورة دى بتاعت زول شــين.....دى صورة مــال زول زيـــن واجد!!!!
و دى....خليهــا بينك وبينــك!!!!!!!!!!
|
Post: #25
Title: Re: يحدث هذا .. في الدوحة
Author: الطيب بشير
Date: 10-20-2006, 11:54 AM
Parent: #1
.
على سبيل التحية
متجمعين في الخير يا ناس الدوحـة
أهـم شي إنكم مبسـوطين
.
|
Post: #26
Title: Re: يحدث هذا .. في الدوحة
Author: عبدالكريم الامين احمد
Date: 10-20-2006, 02:43 PM
Parent: #25
طبعا يا عمدة المصيبة الماسكها بدر الدين دي
انا لمن جيت كنت قايلها (كدوس)...لكن ودرملية طلع تفتيحة
وقال لي تحت تحت كده..(ده سجائر كوبي)..!!!
..
|
Post: #27
Title: Re: يحدث هذا .. في الدوحة
Author: khaleel
Date: 10-20-2006, 03:36 PM
Parent: #26
ما كلمتونا يا عماد كالعادة
وانشاء الله مطرح ما يسري يمري
والله اخلينا موائد الرحمن
|
Post: #28
Title: Re: يحدث هذا .. في الدوحة
Author: ودرملية
Date: 10-20-2006, 05:24 PM
Parent: #27
سلامات
وعوافي
اولا كل عام وانتم بالف خير وحب .. وايامكم كصباحات الامهات الحنونات وهن ينشرن في اروقة المنزل الدفء والحياة وايامكم كفرحة الحبوبات في ونسة الجبنة "اذا ما استحكمت الضهرية" ..
اما الصور فما اجمل هذا الولد ودرملية .. ياخي دي وسامة لاتضاهي .. شيء من نعيم مستحيل ..
هنيئا لكم عماد عبدالله وبورداب الدوحة بهذا الوجه الصبوح ..
طبعا دا كلام واحد استخدم باسويردي بعد ما اجرتو ليهو بي صمودو امام ابتسامة بيضاء من وجهنا الوسيم ...
هاهاهاهاها
ياخي شودي دي انا بريدة شديدة والله العظيم بتحسسني بي اني انسان ياعماد وخصوصا لما اضحك معاها وترد بضحكة ملائكية بتاسرني بي صورة عجيبة عشان كدا بقول انشاء الله ربنا يحفظا ويغطيها ويجعلها من بنات الوطن الطاهرات الناجحات يارب ياكريم ..
بعدين نجي لي كيكي وعبدالمنعم سليمان ياخي ديل مابيدورو كتيري اصلو ياخي انا خايف لو لاقيتم يوم العيد مايعيدو علي في شنو ..الله اعلم .. ياجماعة انا ذبني شنو كوني جيت وجيه وصبوح ذنبي شنو .. يعني انا امشي اشلخ وشي واشخبتو والا كيف .. عالم الوجيه مايرتاح معاهم اصلوا ..
بورداب الدوحة بحبكم والله وربنا يديم لمتنا ومحبتنا والفتنا يارب ياكريم..
معزتي ياعماد وبجيكم راجع كان الله هون ..
|
Post: #30
Title: Re: يحدث هذا .. في الدوحة
Author: بدر الدين الأمير
Date: 10-20-2006, 07:10 PM
Parent: #28
ياعماد عرفنا أن ملاسى متلح معتصم الطاهر
لكن ملاسى فى الفترة الاخيرة بقى متلح بوستاتك
ياربى يكون عرف أنك جار معتصم
شمارات: ملاسى هل تعلم أن معتصم الطاهر يسكن فى منطقة اسمها معيزر وعماد عبدالله يسكن
فى منطقة اسمها المناصير والمنطقتين متلاصقات
|
Post: #31
Title: Re: يحدث هذا .. في الدوحة
Author: Mutwali Malik
Date: 10-20-2006, 07:14 PM
Parent: #30
دي مغريات للعودة للدوحة تاني وله شنو
ما حاسدين بس بقرانين ووين اصدقائي كريم - خلي الفردة - مامون احمد ابراهيم والاستاذ صلاح عبدالله لهم التحية
|
Post: #32
Title: Re: يحدث هذا .. في الدوحة
Author: ودالعباسية
Date: 10-20-2006, 08:46 PM
Parent: #31
ايوااااااااااااا ،، الجماعه ديل قرضو الاخضر واليابس ،،
ما عارفين كيكى جاي ولا شنو ،، عاين ليهم مجدعين كيف ؟
|
Post: #33
Title: Re: يحدث هذا .. في الدوحة
Author: ودالعباسية
Date: 10-20-2006, 08:49 PM
Parent: #32
النصيبة دي بتشتغل كيف ،،،،،
|
Post: #34
Title: Re: يحدث هذا .. في الدوحة
Author: Kamel mohamad
Date: 10-20-2006, 11:02 PM
Parent: #33
ياسلام يا ناس قطر الجميلين و الرائعين لكم التحية و التقدير
الجالية السودانية في قطر في إعتقادي أنها أفضل جالية سودانية في العالم علي الإطلاق من ناحية المستوي الفكري و الإجتماعي و درجة التعليم و الوعي و الإستنارة و أنا الحقيقة متابع و بشكل دقيق جدآ لكل الجاليات السودانية في العالم وأعيش متنقلا مابين الدول الغربية و الدول العربية و مالفت نظري هو مستوي ناس قطر المتقدم جدآ و أسجل في هذا الإطار إعجابي الشديد بتجربتكم الناجحة في قطر و ماحققتموه للسودانيين من نجاحات و تفوق في مجال العمل و البيزنس يفوق كل الجاليات السودانية الأخري
|
Post: #35
Title: Re: يحدث هذا .. في الدوحة
Author: Emad Abdulla
Date: 10-21-2006, 02:47 AM
Parent: #34
الآن ..
و للأسبوع الرابع على التوالي ..
ثلاثة أفلام في عرض واحد :
( الجميلة و الوحش ) ..
( سارتانا لايرحم ) ..
( العجوز و البحر ) ..
|
Post: #36
Title: Re: يحدث هذا .. في الدوحة
Author: Emad Abdulla
Date: 10-21-2006, 02:53 AM
Parent: #35
هموم المثقفين .. واحدة .
و قلوبهم شتى .. ( شطة بس )
|
Post: #37
Title: Re: يحدث هذا .. في الدوحة
Author: عبدالكريم الامين احمد
Date: 10-21-2006, 03:29 AM
Parent: #36
والله يا عماد احببببببببك عديل كده
ياخ جننت يعقوبات ده جن
وفنان الغفلة بالله طلع بتاع حساب مراكبية
لك يا عماد الف ناقة ومائة درهم..
|
Post: #38
Title: Re: يحدث هذا .. في الدوحة
Author: عمران بابكر بدري
Date: 10-21-2006, 04:48 AM
Parent: #37
سلام عليك يا عماد
الحسناء والوحش
..............
ما عاد همس الحب يجدي
لوسى
....
حملت احلاما تلاشى سحرها
ود رملية
.......
غرقت في الم الحياة فهدني
معتصم الطاهر
...........
اه يا دنيا.. ونسيت ازهارا غرسناه معا
السني دفع الله
............
يناجي احلام .. يا حزن عمري ويا كاس فرحي
بدر الدين الامير
..............
الزمان غلاب ويحاور ايام الشباب
سنروي ربيعك رغم الصقيع
كيكي
....
يعتذر لعدم حضور الاهل
اسأنا اليك قسونا عليك
فهل تصفحين بحق السماء
الضيوف
.....
يخاطبون البورداب
رأينا بثغرك فجر الضياء
االبورداب
.........
للجميلات
يا زهرة عانقتنا رؤاها
صديق
....
للكاميرا
غدا من عدستك تصحو السماء
ضحية
....
وشعبك يابورد درع الزمان
فلا تسالو ريس غيري
|
Post: #39
Title: Re: يحدث هذا .. في الدوحة
Author: عمران بابكر بدري
Date: 10-21-2006, 04:58 AM
Parent: #38
الظلامي
......
للعروس الجديدة
ما زلت المح شيئا بعيدا
يداعب عيني كطيف السراب
نادوس
.....
دمائي منك
وراح الزمان وجاء الزمان
يتبع
|
Post: #40
Title: Re: يحدث هذا .. في الدوحة
Author: عمران بابكر بدري
Date: 10-21-2006, 05:32 AM
Parent: #39
خليل
....
يا زمان البورد مهلا
جاي متاخر ليه
عوض حمزة
........
لاتشعرني اني احبك
لصحية بعد ضياع السلطة
حنين
....
اني احبك يا بورد
قد كنت عندك ليلة
وانتهت كل الرواية
تعالو نخبر الدنيا ... تعالوووووووو
كلمة البورد
...........
للبورداب ...
الحب بين يديك يا عمري هواية
الله يعلم انني يوما وهبتك
كل ماعندي وصدقت الحكاية
احم احم احم انا
..............
كل عام وانتم بخير
والي الملتقى بنادي الغزال
|
Post: #41
Title: Re: يحدث هذا .. في الدوحة
Author: ضحيه ابراهيم
Date: 10-21-2006, 06:31 AM
Parent: #40
عمده تسلم البطن الجابتك
ياجماعه اخونا عادل محجوب محمد احمد الشهير والمسجل بالمنبر باسم (هميم) وليس (حنين)
|
Post: #46
Title: Re: يحدث هذا .. في الدوحة
Author: فيصل نوبي
Date: 10-21-2006, 08:46 AM
Parent: #30
Quote: معتصم الطاهر يسكن فى منطقة اسمها معيزر وعماد عبدالله يسكن
فى منطقة اسمها المناصير والمنطقتين متلاصقات |
المنطقتين علي أطراف المدينة ..
بدرالدين انت ساكن وين
|
Post: #50
Title: Re: يحدث هذا .. في الدوحة
Author: بدر الدين الأمير
Date: 10-21-2006, 05:25 PM
Parent: #46
فيصل نوبى لك التقدير
ياخوى ،أنت داسي علينا محل اقامتك، وبالمقابل عارف معيزر ،والمناصير
ما تكون أنت من جماعة، ملاسى بالدوحة، على العموم أنا ساكن
فى حى بن عمران خلف التاون سنتر
|
Post: #53
Title: Re: يحدث هذا .. في الدوحة
Author: فيصل نوبي
Date: 10-21-2006, 07:12 PM
| Quote: حى بن عمران خلف التاون سنتر |
برجوازية ألف
تقبل تحياتي يا بدر
و أخوك من بورداب الامارات - الشارقة - بحيرة خالد.
________
يشرفني ان انتمي الي جماعته إن كان له جماعة.
و ملاسي صديق عزيز جدا.
|
Post: #42
Title: Re: يحدث هذا .. في الدوحة
Author: أبو ساندرا
Date: 10-21-2006, 06:48 AM
Parent: #1
Quote: ايوااااااااااااا ،، الجماعه ديل قرضو الاخضر واليابس ،،
ما عارفين كيكى جاي ولا شنو ،، عاين ليهم مجدعين كيف ؟ |
في الصورة التي ورد التعليق اعلاه تحتها
كيكي ، مجهز حالو عشان ياخد حقنة
وفي حالة إظهار عضلات ، تنوير قوة
حتى يرعوي الوليدات
|
Post: #43
Title: Re: يحدث هذا .. في الدوحة
Author: Adil Osman
Date: 10-21-2006, 07:19 AM
Parent: #42
هذا يحدث فى الدوحة.. كل العام وانتم بخير.
|
Post: #44
Title: Re: يحدث هذا .. في الدوحة
Author: Emad Abdulla
Date: 10-21-2006, 07:54 AM
Parent: #43
حدثي القرن ( حفلي الإفتتاح و ختام الألعاب ) سيستضيفهما ستاد خليفة ..
أحدث ستادات المنطقتين العربية و الآسيوية من النواحي الفنية و التصميمية و التقنية .
عادل عثمان ..
يا رجل .. ليك وحشة ..
|
Post: #45
Title: Re: يحدث هذا .. في الدوحة
Author: Emad Abdulla
Date: 10-21-2006, 08:02 AM
Parent: #44
.. و كمان عبدالله القحطاني .
الرجل الذي يدير كل هذه الخلية منذ أربعة أعوام .. بصبر يحسد عليه .
و التي حولت الدوحة إلى مدينة تتشابى للنجوم ..
( البورتريه بريشة العبد لله و كده )
|
Post: #56
Title: Re: يحدث هذا .. في الدوحة
Author: Siddig A. Omer
Date: 10-22-2006, 06:44 AM
Parent: #45
| Quote: ( البورتريه بريشة العبد لله و كده ) |
ياعمدة مالك مقلب علينــا المواجع و الجروح
ياخى شهيتنا قعدة فى ضل الضحى
و تنيت البورد على الرجــل
و تنقيحة عم الطيب بتاع الفتــة الماهــا خمج
و خلطــة ريد...مابتعرف معاها القاعد جمبك منو
و سيد بركــة خالط سامية ذى ضلهــا و برسم فى "الكلب"
و تبارك شيخ الدين اقوول ليهو من الصباح ماقادر ارسمو الا بعد "ارتاح" ودالكلب و انــا مالكلب....
ارتاح!!!! ارتاح انــا....انــا مالكلب وود الكلب
واذوب بين شجيرات النحت و ادلج قسم الخط ....و التصميم الايضاحى
و التصميم الصناعى... والمطبعــة و صلاح مطبعة
و بجوانبى....ملائكة الابداع.....و شيايطينــه( ألم يكنــا المرضى بود ابليس؟؟؟)
انــاس عشقوأ دروبها... و ساكنيها...بألق الرؤيــة
و مســـالك ابداع......لا يروقنى الا أن أجلس فى "القالرى المنســـى "غرفة المحبين"" بجانب الشد القربى
و امتطــى سلم كسلم الطائرة...هنــاك اناسُ...يرسموك و انت نائم.....
تتحدى بت ابليس بدفن راسك بين يديك و مخدة اعياها الحضن....
كنــا فروخ....تتغذى بروح الابداع و تتدعى الوعى...حتى صرنــا طيور مهاجرة
تتكىء على الرمضــاء و تتعذب بروح الذكرى الجميلة..
"الامل"
الصورة بدات تتشكل.... و الجمع آذن له بــان يترجــل على قافية الدوح العظــام فنــاً...وغبطة و سرور.....و ترنم
اشرعهــا....اشرعهــا....اشرعهــا....
لن تقيف و لن نقيف
منعول ابوك بلد
منعول ابوك بلد
منعول ابوك بلد
منعول ابوك بلد
منعول ابوك بلد
|
Post: #60
Title: Re: يحدث هذا .. في الدوحة
Author: Siddig A. Omer
Date: 10-22-2006, 07:51 AM
Parent: #56
رندوك.....تتوسط ودرملية...وودالعباسية و نادوس
الجمــاعة ضحكوأ لمن راندأ قالت لى عليك الله كما طلعته لينــا الوجيــه دهــا.... و اللبيب بالاشــارة يفهم...هاهاهاهاها ياصديق يابتاع الفتن!!!!!
|
Post: #62
Title: Re: يحدث هذا .. في الدوحة
Author: Siddig A. Omer
Date: 10-22-2006, 07:56 AM
Parent: #60
عوض "مقهى" و عمران يلاعب ابنـــه
|
Post: #47
Title: Re: يحدث هذا .. في الدوحة
Author: Ibrahim Algrefwi
Date: 10-21-2006, 08:58 AM
Parent: #1
عمدة ياوجيه ، يارائق ...
ياخ ديل ناس سمحين خلاص ، بعدين إنت صوار كده مالك ،
يعني ماممكن الواحد تكون لغته سمحة ورسمو سمح وشوفو
سمح وحِسو سمح، عذبتنا عذاب ياراجل...
عمدة :
والله لو تعرف انا بركات ده بحبو حُب لو تعرف ، الله يرح بالك ...
عماد:
ياخ انا دائر معاكم ،
باي طريقة شوفو لي فيزا شوفو لي لجؤ شوفو لي حبيبي اتصرفوا...
عماد :
ماهيتاب وينها ؟! فعل امر ...
|
Post: #48
Title: Re: يحدث هذا .. في الدوحة
Author: طارق جبريل
Date: 10-21-2006, 09:00 AM
Parent: #1
عماد كيفنك
وعيني باردة عليكم
الولد القاعد مطرف في الصورة دي زرياب كنيش
ود اختا لي علي مطنشني الايام دي بالله ان شفتو تديهو
قرصة في اضانو وتقولو خالك ساعل منك
|
Post: #49
Title: Re: يحدث هذا .. في الدوحة
Author: عبدالكريم الامين احمد
Date: 10-21-2006, 10:01 AM
Parent: #48
Quote: عادل عثمان ..
يا رجل .. ليك وحشة |
حضور عادل عثمان مطلب جماهيري ..وبوردابي
ورسمي وشعبي...لك التحية ياعادل عثمان وكل سنة وانت خير....
|
Post: #52
Title: Re: يحدث هذا .. في الدوحة
Author: عبدالكريم الامين احمد
Date: 10-21-2006, 06:30 PM
Parent: #49
وجه سوداني لابد من اصطياده هنا واعطاءه حقه
يقف بانامله الراقية وفرشته الانيقة خلف حدث الاحداث في هذه البلدة
التي يقف الجميع فيها كركون...ولا حديث هنا قي الدوحة ولا صوت يعلو علي سيرة
هذه الدورة التي تعتبرها الدولة القطرية واحدة من تحدياتها المصيرية..انفقت الاموال الضخمة
وشيدت انفاق وابراج وطرق وازدانت الطرق بالاعلام في مرحلتها الاولي تحث المطوعين الذين
تدفقوا الي المشاركة في انجاز هذا التحدي للمجتمع القطري الذي يتكامل فيه المواطنين مع المقيمين.....
نفخر ان يكون بيننا مثل هذا الفتي صاحب الروح المليئة بالجمال والتواضع والفن والدهشة
والابتسامة ايضا.....عماد عبدالله مكسب كبير لسوداني الدوحة..وللسودان عموما...
وحتما سنعض عليه بالنواجز ليظل مفخرة وتاجا يرصع جبين كل سوداني اينما حل......!!!!!!!
|
Post: #51
Title: Re: يحدث هذا .. في الدوحة
Author: hameem
Date: 10-21-2006, 05:51 PM
Parent: #1
العمدة الظريف
شغلك نضيف
ودمك خفيف
( الأخيرة دي من نور الهادي)
وكل سنة وانتو يا بورداب الدوحة بألف خير وخير
ومسؤولين من الخير
أين الريس الهمام رندوك ؟؟
|
Post: #54
Title: Re: يحدث هذا .. في الدوحة
Author: ايوب عبدالرحيم
Date: 10-22-2006, 04:26 AM
Parent: #1
عماد ياقريبي ..........
سريناقمندو
مااروع لقائكم
اتمنى ان تدوم بينكم المودة والالفة
ومتعك الله بالصحة والعافية
وتحياتي لك والاسرة الكريمة
|
Post: #55
Title: Re: يحدث هذا .. في الدوحة
Author: بدر الدين الأمير
Date: 10-22-2006, 05:37 AM
Parent: #54
عماد يادخرى لجور الزمان
ياصادق النفس ونفيس الاصدقاء
يا ابو عبدالله وصديق صلاح عبدالله
يانصف حليمة الحليمة بك وعصافيرك
كفيلك أقصد شقيق صلاح عبدالله هل هو ممنوع أم ممتنع
|
Post: #57
Title: Re: يحدث هذا .. في الدوحة
Author: Siddig A. Omer
Date: 10-22-2006, 06:59 AM
Parent: #55
يابدرالدين....مالك و مال صلاح...الراجل مربط فى البيت من يوم الحيكومــة جــات من البلد و شافت الصورة الكــان عامل فيهــا كيجــاب......فى اتلرحلة الفاتت بتاعت النادى فى الخور......
حرم...حرمت عليه الطلعــة!!!!!
|
Post: #58
Title: Re: يحدث هذا .. في الدوحة
Author: بدر الدين الأمير
Date: 10-22-2006, 07:09 AM
Parent: #57
ياصديق
الجماعة ديل ماقالوا نوبة
ياربى صلاح عبدالله ده يكون معرس من أربجى
هذا حسب تفسيرك لغياب صلاح عبدالله
|
Post: #59
Title: Re: يحدث هذا .. في الدوحة
Author: Siddig A. Omer
Date: 10-22-2006, 07:44 AM
Parent: #58
يابدر الدين ديل معاهم "نوبــة" ولا "جعـــلتية"...."كدى عاين ليهم"
|
Post: #61
Title: Re: يحدث هذا .. في الدوحة
Author: عبدالكريم الامين احمد
Date: 10-22-2006, 07:53 AM
Parent: #59
سوري يا صديق
والله اخوك خشي لفت
ياخ كترتو علينا البوستات جننتونا جن
رمضان خشي في الكيبور ذاتتتو
|
Post: #63
Title: Re: يحدث هذا .. في الدوحة
Author: Siddig A. Omer
Date: 10-22-2006, 08:04 AM
Parent: #61
ياعبدالكريم ياأخوى شكلك خــاشى السينمــا غلط....ده بوست عمــاد عبد الله بتاع الرسم مش سينمــا "كلزيوم"
بعديــن دهــا اخر يوم فى رمضــان ما تخاف ما باقى فيهو حاجــة....تعال بعدين
|
Post: #64
Title: Re: يحدث هذا .. في الدوحة
Author: shahto
Date: 10-22-2006, 02:29 PM
Parent: #61
دي مغريات للعودة للدوحة تاني وله شنو
ما حاسدين بس بقرانين
الاخوة صديق و عمدة سلامات و كل عام و انتم بخير
ان جاي ليكم و الله اكوجنكم قنس كوجين شوف ديل كمان
اخوكم
شحتوا
صديق بوسة لك واحد من اولادي و الله يفظهم لك و لنا و تحية من الاوداهنا
|
Post: #65
Title: Re: يحدث هذا .. في الدوحة
Author: ودرملية
Date: 10-22-2006, 05:04 PM
Parent: #64
سلامات
وعوافي
كل عام وانتم بالف خير وصحة ..
وكل عام وانتم اكثر رقة من النسائم والطف من رائحة المطر ..
|
|