Post: #1
Title: تسنيم عماد عبدالله .. ياخ أنا فرحان بيك
Author: Emad Abdulla
Date: 06-19-2006, 09:39 AM
Parent: #0
دي تسنيم .. بتي
الآنسة المدهشة دي ..
فرحتني .. و
تسنيم نجحت في امتحان الشهادة السودانية .
بالله أنا مش زول سعيد ؟؟؟؟؟
والشريط بتاع بكري ده أنا لو ما عضيتو , سموني كوكو ..
|
Post: #2
Title: Re: تسنيم عماد عبدالله .. ياخ أنا فرحان بيك
Author: Hussein Mallasi
Date: 06-19-2006, 09:42 AM
Parent: #1
الف الف مبروك يا كوكو.
|
Post: #3
Title: Re: تسنيم عماد عبدالله .. ياخ أنا فرحان بيك
Author: Sawsan Ahmed
Date: 06-19-2006, 09:45 AM
Parent: #2
مبروك نجاح تسنيم..وعقبال ماتفرح بيها لنيل شهادة الدكتوراه والله يحفظها ليك
|
Post: #4
Title: Re: تسنيم عماد عبدالله .. ياخ أنا فرحان بيك
Author: Hussein Mallasi
Date: 06-19-2006, 09:45 AM
Parent: #2
بالله زمني دا كلو كنت قايلك زول شاب .. زينا كدا!
|
Post: #6
Title: Re: تسنيم عماد عبدالله .. ياخ أنا فرحان بيك
Author: الفاتح وديدي
Date: 06-19-2006, 09:47 AM
Parent: #4
...
مليون مبروك يا تسنيم
ألف ألف مبروك ياعمدة..
...
|
Post: #9
Title: Re: تسنيم عماد عبدالله .. ياخ أنا فرحان بيك
Author: Emad Abdulla
Date: 06-19-2006, 09:51 AM
Parent: #4
| Quote: بالله زمني دا كلو كنت قايلك زول شاب .. زينا كدا! |
يبارك فيك يا حسين .. كتر خيرك
لكن ..
خلي بس أم فريحانة حقتي دي تعدي ..
و بوريك ..
زينا كده ؟؟؟
حبوبة كانت بتقول : يزينوك صلعة ..
أنا خشمي و عندي .
|
Post: #5
Title: Re: تسنيم عماد عبدالله .. ياخ أنا فرحان بيك
Author: شادية عبد المنعم
Date: 06-19-2006, 09:46 AM
Parent: #1
حلاتة يا ناس
حلا وشطارة
أنت تسعد يا عماد؟؟ انت تحلق بالسعادة
الف مبروك
نحنا جايين بالدرب
القطارمة بيخافو من الزغاريد؟؟
جاياك شاقة السماوات زغاريد وتسبيحات
ما أسعدني بنجاح بنياتي بنيات أخواني
أحمد الله الذي أذاقني طعم النجاحات في الجنيات الحبيبات
وافرحني بفرحتك يا أخي ِ
|
Post: #7
Title: Re: تسنيم عماد عبدالله .. ياخ أنا فرحان بيك
Author: Hussein Mallasi
Date: 06-19-2006, 09:50 AM
Parent: #5
يا سيد بكري؛ شريطك دا غير ما يشوه للناس
صورهم السمحة – جداً - تاني ما منو أي فايدة!
|
Post: #12
Title: Re: تسنيم عماد عبدالله .. ياخ أنا فرحان بيك
Author: Emad Abdulla
Date: 06-19-2006, 10:01 AM
لأ .. حبوبةً .
حسين أخير ليك .. 
|
Post: #8
Title: Re: تسنيم عماد عبدالله .. ياخ أنا فرحان بيك
Author: lana mahdi
Date: 06-19-2006, 09:51 AM
Parent: #1
أخي الحبيب عماد
وكلنا فرحانين بي تسنيم و بفرحتك الكبيرة دي
ألف مبروك و للأمام
محبتي
لنا
|
Post: #10
Title: Re: تسنيم عماد عبدالله .. ياخ أنا فرحان بيك
Author: Tragie Mustafa
Date: 06-19-2006, 09:55 AM
Parent: #8
مبروك يا عماد
ويا بختك كان مبكر بالبنت.
وان شاء الله تسنيم كتابه زي ابوها...
وظريف زيه كمان.
قول للام ماتزعل بس ماعرفنها يمكن تكون كتابه اكثر منك
واظرف منك كمان.
تحياتي لكم ومزيد من النجاح لتسنيم واخوتها.
تراجي.
|
Post: #11
Title: Re: تسنيم عماد عبدالله .. ياخ أنا فرحان بيك
Author: Emad Abdulla
Date: 06-19-2006, 09:57 AM
Parent: #8
وديدي
سوسن
لنا
شادية
تراجي
يا ناس يا أهل ..
يبارك فيكم .. و يفرحكم
و بالجد , إحساس ما ياهو ..
عشان كده الرد عليكم صعب ..
كتر خيركم .
أشكركم كتير
|
Post: #13
Title: Re: تسنيم عماد عبدالله .. ياخ أنا فرحان بيك
Author: Marouf Sanad
Date: 06-19-2006, 10:12 AM
Parent: #11
الف مبروك لي تسنيم
انا برضو كنت متخيلك كبير قدرنا كدا لكن طلعت كبير قدر ملاسي
|
Post: #15
Title: Re: تسنيم عماد عبدالله .. ياخ أنا فرحان بيك
Author: Emad Abdulla
Date: 06-19-2006, 10:24 AM
Parent: #13
معروف ..
الله يبارك فيك ..
و بعدين أحسن تنستر معاي .. أنا و إنت الإتنين من الحفير .. صاح ؟؟
ممكن أجيب تاريخ ميلادك بالدقيقة ..
( مع إنه بيكون الزمن داك ما كان إخترعوا الساعات لسه )
و بعدين أنا زاتو شلاقة مني كده بس خلصت الإبتدائي و طوالي .. طاخ خ خ خ خ خ .
ملاسي ديناصور 
|
Post: #14
Title: Re: تسنيم عماد عبدالله .. ياخ أنا فرحان بيك
Author: Adil Osman
Date: 06-19-2006, 10:22 AM
Parent: #1
ألف مبروك يا  بنت عماد بن عبد الله. يا بنت أم تسنيم.
|
Post: #16
Title: Re: تسنيم عماد عبدالله .. ياخ أنا فرحان بيك
Author: Muna Khugali
Date: 06-19-2006, 10:28 AM
Parent: #14
بالله أنا مش زول سعيد ؟؟؟؟؟
والله أكـتر من سـعيـد ...نجـاح مستمر يارب ..
مـبروك تسـنيم...
مـني
|
Post: #17
Title: Re: تسنيم عماد عبدالله .. ياخ أنا فرحان بيك
Author: عبد الحميد البرنس
Date: 06-19-2006, 10:33 AM
Parent: #16
مبروك مبروك..
وعقبال تحقيق كل الأحلام الجميلة
إلهام/عبدالحميد
|
Post: #33
Title: Re: تسنيم عماد عبدالله .. ياخ أنا فرحان بيك
Author: Emad Abdulla
Date: 06-19-2006, 12:41 PM
Parent: #17
البرنس .. إلهام ..
سلام يا قبيلة حب ..
و تحيات كتيرة ..
و الله يبارك في أيامكم ..
و يوعدكم بكل حلو
شاكر ليكم
|
Post: #30
Title: Re: تسنيم عماد عبدالله .. ياخ أنا فرحان بيك
Author: Emad Abdulla
Date: 06-19-2006, 12:35 PM
Parent: #16
منى ..
سلام يا بت الخليفة
و بت حلتنا ..
و الزولة العزيزة شديد ..
الله يبارك فيك ..
و يسعدك و يفرحك بآية ..
كتر خيرك .
|
Post: #18
Title: Re: تسنيم عماد عبدالله .. ياخ أنا فرحان بيك
Author: Marouf Sanad
Date: 06-19-2006, 10:34 AM
Parent: #14
Quote: و بعدين أحسن تنستر معاي .. أنا و إنت الإتنين من الحفير .. صاح ؟؟
ممكن أجيب تاريخ ميلادك بالدقيقة .. |
يا عماد
أحدث تاريخ ميلاد ممكن تلقاهو لي في الحفير هو تاريخ ميلاد جدي الخامس
وكان قمنا على (الحفر) أنا ممكن أطلع انك انت الحفرت الحفير
|
Post: #28
Title: Re: تسنيم عماد عبدالله .. ياخ أنا فرحان بيك
Author: Emad Abdulla
Date: 06-19-2006, 12:31 PM
Parent: #14
عادل يا ود عم محمد عثمان ..
الله يبارك فيك ..
يا زول يا سمح .
|
Post: #19
Title: Re: تسنيم عماد عبدالله .. ياخ أنا فرحان بيك
Author: Isa
Date: 06-19-2006, 10:50 AM
Parent: #1
الأخ عـماد،، ألف مبـروك لتسـنيم، وربنا يفـّرحك بيها أكتر ويفـرّحها بيك، وتشـوفها فنانة وكاتبة كبيرة ؛ كيـف لا وهـي: (الشـبلة التي من تلك الأسـد!) كما يقـول عمـي الأكـبر لابنة أخيه..ورايك شـنو في صـورتها (صورها) بدون شـريط بكـري؟:لك التحية..
 
|
Post: #20
Title: Re: تسنيم عماد عبدالله .. ياخ أنا فرحان بيك
Author: garjah
Date: 06-19-2006, 11:02 AM
Parent: #19
مبروك ليك يا عمـــــاد
وللجميلة تسنيم
ولمامتها
والاسرة جميعا
أحمد قرجة
|
Post: #37
Title: Re: تسنيم عماد عبدالله .. ياخ أنا فرحان بيك
Author: Emad Abdulla
Date: 06-19-2006, 12:53 PM
Parent: #20
شكرا يا قرجة ..
و تحياتك وصلت ..
و تبريكاتك السمحة .
يبارك فيك يا رب
شكرا ليك
تحياتي و خالص الود
|
Post: #21
Title: Re: تسنيم عماد عبدالله .. ياخ أنا فرحان بيك
Author: محمد بهنس
Date: 06-19-2006, 11:04 AM
Parent: #19
الف مبروك لي تسنيم وليك ياعمده
..
طمنتني
يعني المجانين ممكن يجيبوا جميلات ذي ده
..
باهديها قمر يومين(14 و 15).
..
تحيه قلبيه
|
Post: #22
Title: Re: تسنيم عماد عبدالله .. ياخ أنا فرحان بيك
Author: ودرملية
Date: 06-19-2006, 11:19 AM
Parent: #21
سلامات
وعوافي
شاحد الله يا عماد كل نواحيك تتملي خدار وافراح ..
الف مليون مبروك تسنيم عماد عبدالله .. وبيضتي وش ابوك السليط دا..
معزتنا لكم جميعا يا احباب الشمس
|
Post: #23
Title: Re: تسنيم عماد عبدالله .. ياخ أنا فرحان بيك
Author: غادة عبدالعزيز خالد
Date: 06-19-2006, 11:22 AM
Parent: #22
الاخ عماد
الف الف مبروك النجاح لتسنيم,
دوما للأمام
صادق التحايا
غادة
|
Post: #42
Title: Re: تسنيم عماد عبدالله .. ياخ أنا فرحان بيك
Author: Emad Abdulla
Date: 06-19-2006, 01:24 PM
Parent: #23
تعظيم سلام ..
غادة عبد العزيز خالد ..
يبارك فيك .. و يديك العافية
يا زولة يا مفرحة .
الله يفرحك بعيالك ..
ويديك ليهم العافية .
خالص مودتي .. و الشكر
|
Post: #24
Title: Re: تسنيم عماد عبدالله .. ياخ أنا فرحان بيك
Author: Mustafa Mahmoud
Date: 06-19-2006, 11:22 AM
Parent: #22
مليون مبروك يا تسنيم
ألف ألف مبروك ياعمدة..
congratulations tasneem
dr mustafa mahmoud
|
Post: #25
Title: Re: تسنيم عماد عبدالله .. ياخ أنا فرحان بيك
Author: ضحيه ابراهيم
Date: 06-19-2006, 11:40 AM
Parent: #24
الحبيب/ عمده
لك الفرح وكل النجاحات ياجميل ومبرووووووووووووووك ومليون مبروك للاموره تسنيم
وعقبال الدكتوراة ومزيد من النجاحات وعقبال بنية الغالى صلاح..
مقصرين معاك بس مشكلتك موبايلك على طول مقفول
|
Post: #27
Title: Re: تسنيم عماد عبدالله .. ياخ أنا فرحان بيك
Author: أيزابيلا
Date: 06-19-2006, 12:23 PM
Parent: #25
ألف مبروك ياعماد
عقبال الدكتوراة
|
Post: #40
Title: Re: تسنيم عماد عبدالله .. ياخ أنا فرحان بيك
Author: Emad Abdulla
Date: 06-19-2006, 01:14 PM
Parent: #22
ود رملية ..
أحيييييييييييييييي منك ..
يعني أجيب ليك كلام سمح من وين هسه ؟؟
( ان شا الله ياود رملية يعليك فوق المابيك .
بركة الليل الامسى و الأوكات الخمسة .
بركة اللانام لا أكل الطعام ..
تبقى جبلاً ما بينطلع .. و رايةً ما بتنقلع )
دي دعوة حبوبتك الزلال بت ودحامد .. الله يوسده الباردة ..
آمين .
مودة كاملة
|
Post: #39
Title: Re: تسنيم عماد عبدالله .. ياخ أنا فرحان بيك
Author: Emad Abdulla
Date: 06-19-2006, 01:04 PM
Parent: #21
بهنس ..
قلت لامي في زول عندو صورة في النت ..
ما بيذكرك مشاطي داك حق زمان ؟؟
عاينت لي سممممممح : بركة يا يمه الشيطانك راق , عقبال صاحبك ده كمان .
إزيك يا صاحبو ..
أنا فرحان يا بهنس ..
يديك قدر نيتك
يا صاحبو الجميل
|
Post: #34
Title: Re: تسنيم عماد عبدالله .. ياخ أنا فرحان بيك
Author: Emad Abdulla
Date: 06-19-2006, 12:49 PM
Parent: #19
عيسى ..
عملتها كيف ؟؟
قصدي شريط السجم حق بكري ده .
و يا عيسى ياخ يبارك فيك ..
شكرا على إحساسك الحلو .. و صادق .
يديك العافية
و عقبال تفرح بعيالك .
|
Post: #26
Title: Re: تسنيم عماد عبدالله .. ياخ أنا فرحان بيك
Author: الطيب بشير
Date: 06-19-2006, 12:09 PM
Parent: #1
.
ألف مبروك لي ســنن، هكذا ننادي تسنيم بت آسيا أختي و أحسب أن دلع تسنيمكم قريب منه، ألفين
مبروك يا بنت الفنان القائد الكتّـاب..و عقبال نجاحات بلا نهاية فعمو الطيب لا يحب (حتى) التي تعني
النهاية.
.
|
Post: #31
Title: Re: تسنيم عماد عبدالله .. ياخ أنا فرحان بيك
Author: مريم الطيب
Date: 06-19-2006, 12:36 PM
Parent: #26
شكرا تسنيم علي النجاح الباهر,,
مبروك يا ام تسنيم..ربنا يدوم الافراح,,
والف مبروك ياعماد ياراجل يافنان..
مريم...
|
Post: #29
Title: Re: تسنيم عماد عبدالله .. ياخ أنا فرحان بيك
Author: عبد الله عقيد
Date: 06-19-2006, 12:31 PM
Parent: #1
يعني الأيام دي العمدة (مَزاجه من تسنيم)
ما شاء الله تبارك الله
مبروك يا تسنيم
وإن شاء الله المزيد من النجاح والتوفيق
|
Post: #32
Title: Re: تسنيم عماد عبدالله .. ياخ أنا فرحان بيك
Author: Salah Abdulla
Date: 06-19-2006, 12:39 PM
Parent: #1
سنّو ..
أكررها للمرة المليون .. مبروك .. مبروك .. مبروك ..
حالة الطوارئ التي كانت سائدة في المنزل .. والجو الذي يذكرك بقاعة الامتحانات ...
الحديث المستمر عن الهدوء ( عشان البت بتذاكر ) .. القلق الدائم ..
كل ذلك لم يوجهني نحو الاحساس الذي أحسسته بعد اعلان النتيجة ونجاح تسنيم بنسبة مشّرفة ..
أعادني نجاحها بشئ من (الخوف) الى زمن نية أبيها الزواج والترتيات التي لم تستغرق أكثر من أسبوع واحد فقط !!!
كأنه حدث بالامس .. كان خريجاً جديداً من كلية الفنون ، وزوجته كذلك ...
طيب يا عمدة الترتيبات كيف ؟؟
ترتيبات شنو ؟ أنا عايز أعرس ،، ولو عندكم ترتيبات رتبوها أنتو ، أنا ما شغال بالموضوع ده كتير..
قالت أمي ( هي يا يمة عرس الكضب كضب ده ) .. يا ولد أصبر علينا شوية خلينا نجهز حالنا ..
يا جماعة جهزوا حالكم بي راحتكم .. أنا ح أعرس الاسبوع الجايي .. عندي والا ما عندي أنا ح أعرس ..
يمه ديل ما ناس (الفنون) شغالين علي كيفهم .. خليهو ..
وكانت الحفلة ،، حديث (المدينة) والديم لزمن لم استطع حسابه ..
صدح فيها زملائي بالجامعة وبجمعية الموسيقي في ذلك الزمن النضير ( عامر الجوهري وعمار السنوسي ) وكانوا لا يزالون طلبة بالجامعة .. ورقصنا كما لم نرقص من قبل وغنينا كما لم نغني من قبل..
بالمناسبة يا ناس لنا مهدي ( الزول ده عقد ليهو السيد / الصادق المهدي ... عديل كده ) !!!
أخافتني نتيجة البت تسنيم ... التي كانت بالامس (شافعة) مفعوصة ، تفلت من يدي لتلعب مع البنات (تحت شجرة ناس حبوبة كبرى) ..
هاهي الآن تقصد أن ( تعجز ) عمها (الصغيروني ) ..
وده كلو من الفنون ، وناسها ، الشفقانين..
عرس .. عرس .. يا عمدة أها عرسّت والبنية دخلت الجامعة ، تودي وشك وين أنت بعد ده يا (عمو) ؟؟
مبروك يا تسنيم ..
عمك الصغيروني .
صلاح عبدالله
|
Post: #36
Title: Re: تسنيم عماد عبدالله .. ياخ أنا فرحان بيك
Author: القلب النابض
Date: 06-19-2006, 12:53 PM
Parent: #32
يا عمدة الف الف مبروك
ويا تسنيم يوووووووي يووووي يووووووي
الله يهنيك ويهني أهلك بيك
فرحتي أبوك وعمك ونحن كمان
مبرووووووووووك شديد وللوالدة تحياتنا ومبروك ليها
ولعمك صلاح عبد الله مبروك
|
Post: #35
Title: Re: تسنيم عماد عبدالله .. ياخ أنا فرحان بيك
Author: ALHALAWI
Date: 06-19-2006, 12:50 PM
Parent: #1
عماد عبد الله ... وبتنــا تسنيم عماد عبد الله ...
يا خي والله أنا فـرحان معاكم ..
100/ ملـيون ... مبــروك ...
عقبال ما نشوفك ياتسنيم مع أخوانك في العلالي دائماً.....
(تخريمة)
لكن يا عمــدة ما... كبرنــا ؟؟؟؟؟؟؟؟
|
Post: #38
Title: Re: تسنيم عماد عبدالله .. ياخ أنا فرحان بيك
Author: محمد أبوعاقلة الطريفي
Date: 06-19-2006, 01:02 PM
Parent: #1
مبروك كتييييره
كميات ... وامنيات
أنا ما قاصدك يا عماد
صاح دفعت دم قلبك وما قصرت وواجبك
لكن البت مجتهده
|
Post: #41
Title: Re: تسنيم عماد عبدالله .. ياخ أنا فرحان بيك
Author: Abu Eltayeb
Date: 06-19-2006, 01:23 PM
Parent: #38
أخى عماد:اللغه التى تكتب بها القصيده توحى بأنك
تستحق هذه(التسنيم) وأكثر.. ألف ألف مبروك..
مامون
|
Post: #43
Title: Re: تسنيم عماد عبدالله .. ياخ أنا فرحان بيك
Author: ودالعباسية
Date: 06-19-2006, 01:35 PM
Parent: #41
الف مليون مبروووووووووووووووك
لى تسنيم ،، وعقبال الدكتوراة ،،
|
Post: #44
Title: Re: تسنيم عماد عبدالله .. ياخ أنا فرحان بيك
Author: هميمة
Date: 06-19-2006, 03:12 PM
Parent: #1
عمادنا ...( مواهبك متعدده) .. وكل يوم تظهر واحده جديدة
دى كنت داسيها وين ؟؟
تسنيم الف مبروك ***ام تسنيم التحية لك
يا مفخره وانتى تقبضين على جمر الاغتراب ونقق عماد..
هاهو عماد يتحدث عن الحصاد والجنى .. ولكنا نعلم تماما من الذى
حرث وغرس ....... التحيه ل تسنيم وامها ( دونما جندره ) ...
والف الف مبروك عمادنا من قبل ومن بعد
يا صلاح
| Quote: بالمناسبة يا ناس لنا مهدي ( الزول ده عقد ليهو السيد / الصادق المهدي ... عديل كده ) !!! |
لكن تسنيم دى ح اعقد ليها انا !!!!!!!!! ( وجه جاد)
|
Post: #45
Title: Re: تسنيم عماد عبدالله .. ياخ أنا فرحان بيك
Author: Adil Osman
Date: 06-19-2006, 03:34 PM
Parent: #44
| Quote: لكن تسنيم دى ح اعقد ليها انا !!!!!!!!! ( وجه جاد) |
|
Post: #46
Title: Re: تسنيم عماد عبدالله .. ياخ أنا فرحان بيك
Author: بدر الدين الأمير
Date: 06-19-2006, 03:43 PM
Parent: #44
الزميلة الصديقة تسنيم بت حليمة وعماد عبدالله
الف مبروك وعقبال تحججى عمنا عماد واختنا حليمة
|
Post: #47
Title: Re: تسنيم عماد عبدالله .. ياخ أنا فرحان بيك
Author: soma
Date: 06-19-2006, 03:52 PM
Parent: #46
بقلدة محنه وفرحة اهلنا
مبروووووك النجاح وان شاء الله ديمه فرحانين يا رب
تحياتى اخى عماد وتهانى الحاره للابنه تسنيم ولكل افراد اسرتك
ربنا يحفظها ويغطيها ان شاء الله
اسماء الجنيد مسقط
|
Post: #48
Title: Re: تسنيم عماد عبدالله .. ياخ أنا فرحان بيك
Author: عاطف عمر
Date: 06-19-2006, 04:08 PM
Parent: #47
ألف مبارك تسنيم
دائماً من المتفوقات بإذن الله
كل التهاني أخي عماد
|
Post: #49
Title: Re: تسنيم عماد عبدالله .. ياخ أنا فرحان بيك
Author: رأفت ميلاد
Date: 06-19-2006, 04:09 PM
Parent: #47
الف مليون مبروك
وعقبال الدكتوراة
|
Post: #50
Title: Re: تسنيم عماد عبدالله .. ياخ أنا فرحان بيك
Author: يوسف سعد
Date: 06-19-2006, 04:35 PM
Parent: #49
الف مبروك ياتسنيم
وانشاء الله الجامعه تكون عندنا هنا
ماتحمر لى..... شايفك
وادام الله ايام الفرح بيناتنا
وانشاء الله يوم ماتشوف جراح
|
Post: #51
Title: Re: تسنيم عماد عبدالله .. ياخ أنا فرحان بيك
Author: esam gabralla
Date: 06-19-2006, 05:07 PM
Parent: #1
الف مبروك يا عماد
انا دخلت على اساس انها مولودة جديدة , تطلع ممتحنة شهادة
الناس دى بتغشنا بالصور و الكلام الشبابى
عقبال الحج يا عمدة
|
Post: #52
Title: Re: تسنيم عماد عبدالله .. ياخ أنا فرحان بيك
Author: أبو ساندرا
Date: 06-19-2006, 05:14 PM
Parent: #1
مبروك لي انا اول حاجة وقبال أبوك
وقبال حلوم
وقبال عمك الصغيروني
وقبال وحيد
والوليد الحجة قبل الآوان
تعرفي يا تسنيم أنا كنت عارفك حاترفعي رأسنا عاليآ
بين القبائل
ونتفاخر بيك
ونزهو
مليون مبروك والعقبى لخياتك وأخوانك
و دينا
|
Post: #53
Title: Re: تسنيم عماد عبدالله .. ياخ أنا فرحان بيك
Author: خدر
Date: 06-19-2006, 05:23 PM
Parent: #52
عماد
عجبتني فرحتكـ بشكل
مبسوط منكـ
تسنيم
حمدلله علي السلامه من الاسترس بتاع ترقب النتيجة
والف مبروكـ و عقبال كل احلامكـ .. يا جميله
|
Post: #56
Title: Re: تسنيم عماد عبدالله .. ياخ أنا فرحان بيك
Author: فضيلي جماع
Date: 06-19-2006, 05:52 PM
Parent: #53
سلام يا عمدة..وفرحان ليك شديد وللبنية الشاطرة بحق!
كنت بعيد من الكومبيوتر اليوم كله وعشان كدة التهنئة للأمورة تسنيم جات متأخرة. أكيد هي الفتاة الخجول التي سعدت بالسلام عليها وأمها بعد نهاية أمسيتي الشعرية بالدوحة. لها صورة - جوارك وأمها- ضمن جمهور الأمسية سوف أبعثها إليها مع باقات التهاني من عمو والأسرة بلندن.
لا تنسوا في غمار الفرحة بفوز بنتنا تسنيم أن ترجعوا الفضل إلى من هي في الظل كما تجري العادة..شريكة العمدة وسر نجاح تسنيم وأبيها. لها "القومة" ، زوجة وأم ومربية وفنانة تشكيلية سودانية عرفت كيف تحرك خيوط النجاح لزوجها وأطفالها.
أحييها من هنا‘ فقد كانت أول كلمة سمعتها منها: كيفن تسافر من غير تزور بيتنا؟
لا غرابة لسيدة تعرف واجب الضيافة في دارها العامرة أن ترفد بلادنا جيلا نابها.
|
Post: #57
Title: Re: تسنيم عماد عبدالله .. ياخ أنا فرحان بيك
Author: احمد معتصم الطيب
Date: 06-19-2006, 05:56 PM
Parent: #56
ليس بغريب أن تكون تسنيم من المتفوقات
فعماد عبدالله من المتفوقين فى كل المجالات
ألـف مبروك تسنيم والـــف مبروك عماد عبدالله
وعقبال اولادك يا أبو صلاح
أحمد معتصم
|
Post: #78
Title: Re: تسنيم عماد عبدالله .. ياخ أنا فرحان بيك
Author: خدر
Date: 06-20-2006, 02:41 AM
Parent: #53
عماد نسيت اقول ليكـ
مبروكـ لي تسنيم يا (ككو)
|
Post: #54
Title: Re: تسنيم عماد عبدالله .. ياخ أنا فرحان بيك
Author: Hozy
Date: 06-19-2006, 05:47 PM
Parent: #1
مبروووووك
مليون مبروك لتسنيم
يا عمو عماد
الاحترام صراحة بعد كده وجب
|
Post: #55
Title: Re: تسنيم عماد عبدالله .. ياخ أنا فرحان بيك
Author: ابوعسل السيد احمد
Date: 06-19-2006, 05:51 PM
Parent: #54
الأخ عماد عبد الله
مبارك مليون
لابنتك و ابنتنا تسنيم
و عقبال الدكتوراة
|
Post: #58
Title: Re: تسنيم عماد عبدالله .. ياخ أنا فرحان بيك
Author: خالد الأيوبي
Date: 06-19-2006, 06:07 PM
Parent: #1
| Quote: بالله أنا مش زول سعيد ؟؟؟؟؟ |
أكيد طبعاً : ريشــــة و قلم و بنية جميلة و شــاطرة. ما شــــاء الله
ألف مبروك ليها
|
Post: #59
Title: Re: تسنيم عماد عبدالله .. ياخ أنا فرحان بيك
Author: عامر تيتاوى
Date: 06-19-2006, 07:15 PM
Parent: #58
الف مليون مبروك .. تسنيم
وعقبال الدكتوراه ..
مبروك للعمدة وللوالدة
التى رعت وسهرت الليالى
|
Post: #60
Title: Re: تسنيم عماد عبدالله .. ياخ أنا فرحان بيك
Author: طيفور
Date: 06-19-2006, 07:33 PM
Parent: #1
ياااااااااااه يا عومدة..
شوووف الايام بتجري كيف...؟؟
تسنيم بقت بسم الله ما شاء الله
يا خوي البنات كبرو وكبرونا معاهن
وما فضل غير نفرتك الصيوان ونلملم الكراسي
احيييييييييييييي منها المقدودة
الف الف مبروك لي حليمة...
وتاني برضو حليمة...
وتالت حليمة
وبعدين انت يا ملك عارف ليه...؟؟؟
لانك جوال زي حالي ..
وعقبال ما تشوف اساسقك
|
Post: #61
Title: Re: تسنيم عماد عبدالله .. ياخ أنا فرحان بيك
Author: منى أحمد
Date: 06-19-2006, 07:54 PM
Parent: #1
ألف مبروك
ربنا يحفظها ليكم
و يفرحكم بيها على الدوام
|
Post: #62
Title: Re: تسنيم عماد عبدالله .. ياخ أنا فرحان بيك
Author: كوليل
Date: 06-19-2006, 08:09 PM
Parent: #61
الف مبروك تسنيم
وعقبال الدكتورا
خارج النص
بعد دا المفروض أى زول يخت تاريخ ميلادو
|
Post: #63
Title: Re: تسنيم عماد عبدالله .. ياخ أنا فرحان بيك
Author: Ibrahim Adlan
Date: 06-19-2006, 11:21 PM
Parent: #1
مبروك يا تسنيم عماد
مبروك ام تسنيم عماد
مبروك عماد
عقبال الدكتوراة
|
Post: #64
Title: Re: تسنيم عماد عبدالله .. ياخ أنا فرحان بيك
Author: احمد العربي
Date: 06-20-2006, 00:05 AM
Parent: #63
تسنيم الزوله القمره الف مبروك وفرحنا بي نجاحك
وطلتك الحلوه دي
يا عمده تقول لي ام دلدوم وزرايب وحب مواعيد
المسلسل والغنمايه قالت
ياخي
اها بدل المبارا بالزرايب جيناك عديل اصلي اليومين
دي داخلني جلا كبير
وبفتش لي لي عروس
والله مبروك وربنا يحفظ ويزيد كمان وكمان
لك ودي
|
Post: #65
Title: Re: تسنيم عماد عبدالله .. ياخ أنا فرحان بيك
Author: Omar Bob
Date: 06-20-2006, 01:06 AM
Parent: #1
عماد يا ايها الفنان
الف مبروك نجاح البنيه السكريه
سوف اقوم بنشر الخبر والصوره علي موقعنا
رابطه ابناء دنقلا بقطر
ادا سمحتم بدلك
|
Post: #66
Title: Re: تسنيم عماد عبدالله .. ياخ أنا فرحان بيك
Author: Mayada
Date: 06-20-2006, 01:15 AM
Parent: #1
الف الف الف مبروك ياعماد...
ومن نجاح لنجاح انشالله...
ست البنيــــــــــــــات
|
Post: #67
Title: Re: تسنيم عماد عبدالله .. ياخ أنا فرحان بيك
Author: أبوذر بابكر
Date: 06-20-2006, 01:30 AM
Parent: #1
وأنا سعيد كمان والله يا عماد
عشان تسنيم نجحت
وعشان إنت وهى سعداء
إن شاء الخالق دائما تكون ناجحة وفالحة
وتزيد سعادتكم
وتهانى كبار وعطور وأزهار
هدية ليكم
|
Post: #68
Title: الف مبروك
Author: mohmmed said ahmed
Date: 06-20-2006, 01:35 AM
Parent: #1
قريبى عماد
الف مبروك لتسنيم
وانا طبعا حركات اولاد الزمن دا ما بعرفا تنزيل صور وارسال اشكال ملونة
لكن انا بجى قطر عديل كدا وابارك ليكم
قول للهادى ادريس هبانى يرسل الزيارة
|
Post: #69
Title: Re: تسنيم عماد عبدالله .. ياخ أنا فرحان بيك
Author: عادل فقاد
Date: 06-20-2006, 01:44 AM
Parent: #1
اخي عماد عبدالله
قر الله عينك بالاموره تسنيم
وبارك له فيها
وبنقول الف مبروك وربنا يجعل النجاح دوما في طريقها
|
Post: #70
Title: Re: تسنيم عماد عبدالله .. ياخ أنا فرحان بيك
Author: Yassir Hamid
Date: 06-20-2006, 01:47 AM
Parent: #1
يا عمدة
الف مبروك .. ولتنسيم مليون مبروك
وللمدام ولناس البيت وعمو صلاح ..
ياسر حامد
|
Post: #71
Title: Re: تسنيم عماد عبدالله .. ياخ أنا فرحان بيك
Author: tmbis
Date: 06-20-2006, 02:03 AM
Parent: #70
مليون .. مبــــــــــــــــــروك
يا عمــدة ..
ويا تسنيــــــــــــــــــــــــم
..
يا اصلي اخوك ( زنقة الفيلة ) ... لما اجي راجع بوريك انا زعلان منك عشان شنو..؟؟
|
Post: #73
Title: Re: تسنيم عماد عبدالله .. ياخ أنا فرحان بيك
Author: عبدالرحمن عزّاز
Date: 06-20-2006, 02:13 AM
Parent: #71
ألف مبروك لتسنيم و عقبال الدكتوراه
و ألف مبروك عماد /صلاح عبدالله و الأسرة الكريمة
و ألف مبروك أستاذة هميمة المأذون المرقب...
و ربنا يسعدكم بيها إن شاء الله...
|
Post: #72
Title: Re: تسنيم عماد عبدالله .. ياخ أنا فرحان بيك
Author: إدريس محمد إبراهيم
Date: 06-20-2006, 02:10 AM
Parent: #70
الأخ الشاعر الفنان / عماد عبدالله
الف مبروك للأموره تسنيم وإن شاء الله تتوالى نجاحاتها وتكبر معها أفراحكم يوماً بعد يوم ..
كم أعجبتني فرحة عمها صلاح .. وسرده التاريخي لقصة زواجك كأنها حدثت بالأمس
Quote: أعادني نجاحها بشئ من (الخوف) الى زمن نية أبيها الزواج والترتيات التي لم تستغرق أكثر من أسبوع واحد فقط !!!
كأنه حدث بالامس .. كان خريجاً جديداً من كلية الفنون ، وزوجته كذلك ...
طيب يا عمدة الترتيبات كيف ؟؟
ترتيبات شنو ؟ أنا عايز أعرس ،، ولو عندكم ترتيبات رتبوها أنتو ، أنا ما شغال بالموضوع ده كتير..
قالت أمي ( هي يا يمة عرس الكضب كضب ده ) .. يا ولد أصبر علينا شوية خلينا نجهز حالنا ..
يا جماعة جهزوا حالكم بي راحتكم .. أنا ح أعرس الاسبوع الجايي .. عندي والا ما عندي أنا ح أعرس ..
يمه ديل ما ناس (الفنون) شغالين علي كيفهم .. خليهو ..
وكانت الحفلة ،، حديث (المدينة) والديم لزمن لم استطع حسابه ..
صدح فيها زملائي بالجامعة وبجمعية الموسيقي في ذلك الزمن النضير ( عامر الجوهري وعمار السنوسي ) وكانوا لا يزالون طلبة بالجامعة .. ورقصنا كما لم نرقص من قبل وغنينا كما لم نغني من قبل.. |
ما أسرع دوره الأيام يا صلاح .. وكم أنت سعيد يا عماد إذ غنى في زواجك صديقي الفنان عمار السنوسي .. ويا ليتني كنت موجودا معكم وقتها ...
الف مبروك لكم جميعاً ولكم آلاف النهاني ...
|
Post: #74
Title: Re: تسنيم عماد عبدالله .. ياخ أنا فرحان بيك
Author: عبدالغني كرم الله بشير
Date: 06-20-2006, 02:22 AM
Parent: #72
أعترى.....
الجسم فرح غامر، بآية (ومزاجها من تسنيم..)
دوما... الفرح في قلبك... والدهشة في عقلك...
(والريشة، "هذا الكائن السحري، كالأكسير، وخاتم المنى"، بين أناملك)...
تسنيم!!! أهي لوحة من لوحاتك؟؟؟
|
Post: #76
Title: Re: تسنيم عماد عبدالله .. ياخ أنا فرحان بيك
Author: بكرى ابوبكر
Date: 06-20-2006, 02:37 AM
Parent: #74
|
Post: #77
Title: Re: تسنيم عماد عبدالله .. ياخ أنا فرحان بيك
Author: hero
Date: 06-20-2006, 02:40 AM
Parent: #74
...
..
.
العماد ...
من شابهت أباها فماظلمت
تسنيم ياعماد بتكمّل مشوار النجاح
الذى بدأته .. بتتشابا ليك
ولقامتك السامقة ياعماد ..
لك وتسنيم أكاليل
الفرح .. وزهو الانتصار ...
|
Post: #79
Title: Re: تسنيم عماد عبدالله .. ياخ أنا فرحان بيك
Author: Hashim Badr Eldin
Date: 06-20-2006, 02:48 AM
Parent: #74
ألف مبروك لتسنيم و لوالدها الكمندان و لوالدتها وإخوتها. تمنياتنا لها بمستقبل مشرق فهى وارثة نبع لا ينضب جمع بين السياسة (الحق) و العسكرية والفن والرياضة والأدب.
|
Post: #75
Title: Re: تسنيم عماد عبدالله .. ياخ أنا فرحان بيك
Author: nadus2000
Date: 06-20-2006, 02:34 AM
Parent: #72
ونحن كمان فرحانين ليك ياعمدة ويا أم تسنيم
ويا تسنيم
وعقبال يا سيدي دكتوراة فنون.
أنا والابنوسة
|
Post: #80
Title: Re: تسنيم عماد عبدالله .. ياخ أنا فرحان بيك
Author: ebrahim_ali
Date: 06-20-2006, 03:35 AM
Parent: #75
الحبيب عماد تحياتي وسلامي الحار وألف مبروك للأمورة الجميلة تنسيم وعقبال كده إنشاء الله يارب الدكتوراة وربنا يحفظها ليك وقراء بها عينيكما دوماً
نعم الله على العباد كثيرة ومن أجلّهن نجابة الأبناء
|
Post: #81
Title: Re: تسنيم عماد عبدالله .. ياخ أنا فرحان بيك
Author: تيسير عووضة
Date: 06-20-2006, 05:26 AM
Parent: #1
 تسنيم عماد عبد الله .. ياخ أنا فرحانة ليك !
|
Post: #82
Title: Re: تسنيم عماد عبدالله .. ياخ أنا فرحان بيك
Author: الكيك
Date: 06-20-2006, 05:43 AM
Parent: #81
اول اقول مبرووووك للابنة تسنيم عماد عبد الله
ثانيا لو تعرفى يا تسنيم ابوك دا كان معانا فى الثانوى كيف ؟ حتكونى اكثر فرحا ان يكون والدك وزيادة ..
بس يا عماد حتقريها وين ؟ انا اسع شايل هم شريف ابنى الذى سوف ينتهى من اخر امتحان للشهادة الاماراتية يوم الخميس والجماعة ناس الانقاذ جونا وقالو لينا لو اولادكم احرزوا نسبة 100% بنقبلهم ليكم...1!! والله هذا ما قاله عمسيب لنا فى ابوظبى امام مجموعة من الناس زى ديل نقول عليهم شنو يا عماد اصبحنا رعايا لا مواطنين لنا حقوق ..
تانى مبروك يا عماد وان شاء الله تجد الكلية والتخصص الذى تتمناه ...شيل شيلتك
|
Post: #83
Title: Re: تسنيم عماد عبدالله .. ياخ أنا فرحان بيك
Author: حسين حسن حسين
Date: 06-20-2006, 05:51 AM
Parent: #1
أخي عماد.. ألـــــــــــــــــــــــــــــــــــــــــــــــــف
مبـــــــــــــــــــــــــــــــــــــــــــــــــــــــــــروك..
تهانينا لست الكل حليمة أم تسنيم العزيزة.. فوراء أي نجاح امراة عظيمة كحليمة..
والله لا زلت أتذكر يوم مولد تسنيم .. يومًا كنت شابًا يوصف: انت واد حلو حسين المصري يبقى لك شنو؟
آه يا عمدة .. مضت الأيام بسرعة الضوء.. ولا يصبرنا عليها غير تسنيم وأخواتها وإخوانها..
لا تصدق مدى فرحتى بهذا النجاح للحبيبة تسنيم.. كنت أتمنى أن نكون في ظل وطن تعرف فيه تسنيم عمو حسين وأخوها حسن..
ألف مبروك .. وعقبال الباقين تفرحون بهم ناجحين دائمًا..
|
Post: #84
Title: Re: تسنيم عماد عبدالله .. ياخ أنا فرحان بيك
Author: معتصم الطاهر
Date: 06-20-2006, 05:52 AM
Parent: #1
تسنيم بت عماد آل عبد الله والجَمال
ألف مبروك
والتحية لتلك الوالدة التى حملت وتحمّلت وحلمت
ولمحت ولمّحت ..
فأهدتك كل هذا
ومن أجمل هداياها غيرك
اختيار الوالد والعم ..
مليون مبروك ...
|
Post: #85
Title: Re: تسنيم عماد عبدالله .. ياخ أنا فرحان بيك
Author: بهاء بكري
Date: 06-20-2006, 06:09 AM
Parent: #1
الف مبروك للاخت حليمة اولا" , ومن ثم العزيزة تسنيم , واخيرا اخونا عماد عبدالله , فهذه الاسرة الجميلة تستحق الفرحة
|
Post: #86
Title: Re: تسنيم عماد عبدالله .. ياخ أنا فرحان بيك
Author: بدرالدين شنا
Date: 06-20-2006, 06:20 AM
Parent: #1
عماد حبيبي
سلام ومبرووووووووووووووووك نجاح تسنيم
وعشان افرحك زيادة غادة بتي برضو نجحت نجاح كويس وسوف أضبح لها بوست بعد قليل إن شاء الله
أنت سعيد وأنا سعيد والله يفعل ما يريد
|
Post: #87
Title: Re: تسنيم عماد عبدالله .. ياخ أنا فرحان بيك
Author: معاوية الطيب
Date: 06-20-2006, 09:49 AM
Parent: #1
الفنان الرائع عماد
الف الف مبروك وعقبال الدكتوراة لتسنيم
التهنئة لكل افراد اسرتكم الكريمة والاخ صلاح
------------------------------
بالمناسبة خروف رحلة ترقيتك ماذال مربوطاعندنا
( رايك شنو ؟ )
|
Post: #88
Title: Re: تسنيم عماد عبدالله .. ياخ أنا فرحان بيك
Author: محمد الامين احمد
Date: 06-20-2006, 11:07 AM
Parent: #1
الف الف الف مبروك
و مزيدا من النجاحات المستقبلية ان شاء الله
|
Post: #89
Title: Re: تسنيم عماد عبدالله .. ياخ أنا فرحان بيك
Author: Emad Abdulla
Date: 06-20-2006, 12:09 PM
Parent: #1
سلام و تحايا زي المسا السمح ده ..
ضحية أخوي ..
يبارك فيك يا زول يا جميل .. و يديك العافية ..
| Quote: مقصرين معاك بس مشكلتك موبايلك على طول مقفول |
ده كلام معاوية الطيب يا ضحية ..
وبدر الدين الأمير ..
و عشانك إنت يا ضحية حرم أجيب هسه دي التلفون الرهيييف داك الماعند بدر ..
كتر خيرك يا صديقي ..
و عقبال نفرح بعيالك
أيزابيلا ..
صديقتي في النقر ..
ليتها تسنيم تفرحني زي ما إنتي بتفرحي ..
بحاجاتك كلها .. و نجاحاتك كلها .
شاكر ليك كتير
مودتي و الإحترام
الطيب بشير ..
تمام سعادتك .. قوة الفرح كاملة العدد .
وجاهزة للتفتيش ..
و .. كما كنت لـ ( سنن ) .. نحنا بتاعين فرايض
يا صاحبي الحلو .. و كتّاب .
يديك العافية يا الطيب ..
و تفرح دايما .
مريم الطيب ..
يا سلام يا مريم .. أول مرة تدخلي في حاجة أنا كتبتها .. يا بخيلة .
الزيك ده بيباهو بيهو .. و بس مرورك بيفرح .
تسلمي ..
و شاكر ليك و لمشاعرك الحلوة و صادقة .
و للبطاقة الجميلة دي ..
يديك العافية .
مودتي ليك و الإحترام
ود عقيد ..
تحياتي ليك و إحترام يليق
| Quote: يعني الأيام دي العمدة (مَزاجه من تسنيم) |
تخيل يا عبد الله !!!
مزاج رايق ..
ودي ما حصلت من سنين طويلة ..
شكرا على مشاعرك الحلوة .. يا زول يا فنان .
القلب النابض ..
زغرودتك سمحة .. الظاهر عليك زغراااااااادة ..
و ح أدي الشبال لتسنيم .. أمها لأ
أشكرك .. و أشكرك ..
على كل الكلام الطيب و الصادق ..
إحترامي ليك و المودة
أيمن الحلاوي ..
| Quote: لكن يا عمــدة ما... كبرنــا ؟؟؟؟؟؟؟؟ |
يا زول كبرت براك ..
أنا لسه نيراني بره و لعبي برازيلي ..
و مليون شكر يا أيمن ..
يا صاحب الزمن السمح ..
تحياتي للأسرة
و ربنا يفرحك بعيالك يا رب .
أبو عاقلة ..
يبارك فيك ( أنا ما قاصدك إنت ) ..
يا مجنون .. يا فنان .
و تسنيم بتشكرك و أمها ..
عقبالك عيالك ياخ
كامل الود
مامون ..
مشكور يا صديقي على مشاعرك الحلوة
و أولادنا هم أجمل لغة في الكون ..
الله يفرحك .. دايما
ويديك ألف عافية
ود العباسية ..
الرجل الخفي ..
يعني ما ألم فيك في الدوحة دي أصلو ؟؟؟
كويس إنه تسنيم نجحت عشان تمرق من ورا الكاميرا
ياخي أشكر كلامك الحلو ..
يديك العافية يا صاحبي
و يفرح عمرك ..
تحياتي ليك و مودة
الصديقة .. الزعيمة ..
هالة ..
سلام يليق بيك يا ست الكل
| Quote: جمر الاغتراب ونقق عماد.. |
جمر الإغتراب ده و عرفناهو ..
نققي دي شنو ؟؟
طبعا كلامك ده ريّح قبيلة الجندر العندي ..
يديك العافية يا أستاذة
و شاكر ليك كتير كتير ..
| Quote: لكن تسنيم دى ح اعقد ليها انا |
و أنا .. أنا
ود الأمير ..
و الله حكاية !!! | Quote: الزميلة الصديقة تسنيم |
أها و بنيتك الفي تالتة حاسوب ديك .. ؟؟
يا كائن منقرض ..
شكرا يا بدر .. شكرا كتير
على مشاعرك الحلوة ..
و كنت مشاركك التوتر و القلق ..
و ألف مليون مبروك لمهاد ..
فرحان دايما يا صديقي
سوما .. أسماء الجنيد
| Quote: بقلدة محنه وفرحة اهلنا |
أحلى محنة يا لأسما ..
و كلامك الحلو عنى لي كتير ..
كتر خيرك ..
و ربنا يفرحك دايما .. و يحلي أيامك كلها
مودتي و شكري الكبير
مع إحترامي
عاطف عمر ..
كتر خيرك يا عاطف ..
و ان شا الله تفرح كتير بكل نجاحاتك ..
و نجاحات عيالك ..
أشكرك على مشاعرك
و مودتي و إحترامي
رأفت يا ود عمنا ميلاد ..
يا ود الديم يا أصلي ..
ياخي شكرا ليك ..
و شكرا لاحساسك السمح و مشاعرك
يديك العافية
وحالص إحترامي ليك .
يوسف .. يا أيها الصديق ..
| Quote: ماتحمر لى..... شايفك |
أحمر شنو ؟؟ .. أنا ح أحمر و أنجض و أضبح زاتو ..
يديك العافية يا ولدنا يا جميل ..
و الجامعة في آيسلنده ..
مشتاق ليك يا جوزيف ياخ ..
و أشكرك كتير كتير
حب ليك و إحترام .
عصام جبرالله ..
| Quote: الناس دى بتغشنا بالصور و الكلام الشبابى |
عصام ياخ إنت ما تبارك و بس .. في داعي هسه لللولوه دي و الكلام الما ياهو ؟؟؟
غايتو ..
و بعدين ياخ أنا ( عرسو لي ) و أنا سغير و جاهل .. غشوني وكلفتوني ..
كنت ح أعمل شنو يعني ؟؟
يديك عافية تبراك يا عصام .. و شاكر كلامك السمح .
تحياتي
|
Post: #91
Title: Re: تسنيم عماد عبدالله .. ياخ أنا فرحان بيك
Author: Emad Abdulla
Date: 06-20-2006, 01:21 PM
Parent: #89
أبو ساندرا ..
طبظتها ..
كنت ماشي كويس و ما عندك عوجة ..
لكن الفيك إنعرفت .
شاكر ليك يا صاحبي ..
و غقبال ساندرا و ماهي وخياتهم ..
فرح نجاح العيال لذيذ يا فردة ..
رغم إنها مؤشرات على تناقص الحيوية ..
لكن الله غالب .
شكرا يا بركه
مودة خالصة ليك
و لكلماتك السمحة .
خدر . و ما أدراك ما طارق ..
ياخي أنا زول سعيد إنه تسنيم نجحت .. و إنت صاحبي .. و الناس دي كلها أهلي و قبيلتي .
و الله يا طارق بالجد فرحان ..
حركات أبوات و كده ( أبوات جمع بوت )
يديك العافية يا صاحبي
ويفرحك بلقاء ..
تحياتي ليها و لبارعة ..
أشكرك كتير
شيخي فضيلي ..
و مافي كلام يتقال ..
كلامك بيتوج الواحد بفرحة شديدية .. أشد من فرحة نجاح البنية المفعوصة .
وو الله يا شيخي أشهد أن أمها هي من كانت وراء هذا النجاح ..
المسكينة تعبت تعب شديد .. زي كل أم .
و هي تلهج بشكرك على كلامك الطيب في حقها ..
الله لا يجيب يوم شكرك ..
و يعليك أكتر و أكتر ..
و يسعدك بكل نجاح في الدنيا ..
يا رجل يا جميل ..
يديك العافية يا شيخي العالي .
مودتي لك و إحترامي ..
و صادق تحياتي للعائلة الكريمة
أحمد معتصم ..
الرجل الجميل إبن الرجل الأجمل ..
الله عليك يا أحمد ..
و أشكر صدق مشاعرك الحلوة
و كلماتك الراقية ..
يديك العافية يا بوحميد ياخ ..
و يوفقك و يفرحك
إحترامي ليك و الود .
خدر ..
أمشي من قدام وشي .. | Quote: مبروكـ لي تسنيم يا (ككو) |
قلنا كوكو .. قلبتها طوالي ككو ..؟؟
يكويك في راسك إنت و حسين ملاسي
هوزي ..
Quote: يا عمو عماد
الاحترام صراحة بعد كده وجب |
أيوااااااااا .. جابت ليها كلامات كمان ..
أنا غايتو محل ما تمشي معاي تسنيم دي بقول للناس : دي تسنيم .. أختي السغيرة .
وحكمة ربنا بيصدقوا .. شفتي كيف ؟؟؟ ..
هوي يا هوزي هوي .. باركي و اتخارجي لينا بسرعة .. ما توقفي سوقنا بكلام عمو و ما عمو ده .
يديك العافية
إحترام ليك و العايلة .
أبو عسل العسل ..
ياخي الله يبارك في عمرك و أيامك يا رب ..
و شاكر مشاعرك الحلوة ..
كتر خيرك كتير
إحترامي ليك و محبة .
الأيوبي ..
يديك العافية
على الكلام الطيب الصادق ده ..
و ربنا يسعد أيامك و يوفقك ..
أشكرك تاني
وخالص مودتي
عامر تيتاوي ..
يا صاحبي يا فنان .. و كتاب .. و غناي .
يبارك فيك يا عامر ياخ ..
و يهنيك يا زول يا غني جواك ..
شاكر كلماتك و مشاعرك الحلوة
تحياتي
عبدالرحيم فؤاد ..
طيفور يا صاحبي ..
| Quote: نفرتك الصيوان ونلملم الكراسي |
طيب ننوم وين ؟؟؟
| Quote: لانك جوال زي حالي .. |
أنت جوال ؟؟ أتاري بتتهز طواااااالي
مشكور يا عبد ياخ .. و سعيد بيك و بكلامك السمح
و حليمة و البنيات و الوليدات و الغنيمات و الجداد .. كلهم يغروك السلام ..
وقالوا ليك نحنا في مكة و متوجهين المدينة ..
سلام لصديقتنا الفنانة نجوى ( حمالة الأسية ) .. و العيال فرضا فرضاااا
و كتير أشكرك يا عبد .
تحياتي
منى أحمد ..
أشكر مشاعرك الصادقة ..
كتر خيرك على التهنئة ..
و ربنا يفرح أيام الناس كلها يا رب
و يسعدك ..
تاني بشكرك ..
و يديك العافية يا منى
كوليل ..
| Quote: بعد دا المفروض أى زول يخت تاريخ ميلادو |
قومسيون هو ؟؟؟
يا اخواننا أنا و الله شكلي كده إتورطت في حكاية البوست ده ..
البت دي يا أخواننا بصراحة ربنا كده ساكنه معانا في البيت ..
أها .. تاني عندكم كلام ؟؟
و يا كوليل ياخ الله يبارك فيك ..
خت علبة الحلاوة و اتخارج لينا بالله 
الله يبارك فيك يا صاحبي ..
عقبال الأولاد الساكنين معاكم في البيت ..
إبراهيم عدلان ..
صاحبي و صاحب بربر صاحبي
مشكوووووووووووووووووووووووووور ..
| Quote: مبروك ام تسنيم عماد |
 بالغت يا ابراهيم !!!
و يبارك في أيامك يا زول يا رايع ..
و ليك مليون تحية و احترام و حب ..
شكرا ابراهيم
أحمد العربي .. الفنااااان
يبارك فيك يا عربي ..
و يفرحك قدر ما الله يديك .
| Quote: اها بدل المبارا بالزرايب جيناك عديل |
زرايب شنو يا عربي ؟؟؟
.................. أستر علي الله يستر عليك , البت و أمها بيقرو .......................
قلت لي كيف ؟؟؟
لا و الله كويسين الحمدلله .
وها ديل بيقولو ليك شكرا يا ( عمو ) أحمد
تحياتي ليك يا زول يا سمح ..
عمر بوب ..
أمبانن تود ..
الله إددو باركيري .. ( أنداندي دامون ) ..
و طوالي يا عمر ياخ ..
شرف لينا و تاج في راسنا ..
و أشكرك على كل كلامك السمح ..
يا زول يا جميل ..
تحياتي ليك و للعايلة الكريمة
ميادة ..
شكرا .. شكرا
و كتر خيرك على المشاعر الطيبة
ربنا يفرحك يا رب ..
مودتي و الإحترام .
الأديب الجميل ..
أبوذر بابكر
الشاعر الرهيف .. الإنسان
أشكرك .. و كتر خيرك
و الله يسعد أيامك .
تحياتي الصادقة و المودة ليك .
|
Post: #90
Title: Re: تسنيم عماد عبدالله .. ياخ أنا فرحان بيك
Author: فيصل عباس
Date: 06-20-2006, 01:00 PM
Parent: #1
تسنيم
الشاطره وجميله
في جيدك شال مطرز بفرح كل القبيله (ابقي عليهو 10000000000000000000000000)
سعيد بالفرح الدفقتوهو هنا يا آل عبدالله
مبروك يا صديق
وواصل في فرحك ونجاح الباقين
ولا اعوام قادمات ساحتفظ بهذا الفرح (ممكن تسمحوا لي بي كده)
|
Post: #92
Title: Re: تسنيم عماد عبدالله .. ياخ أنا فرحان بيك
Author: نجلاء التوم
Date: 06-20-2006, 01:54 PM
Parent: #90
عجبني وسر ّ بالي
والبنية ربنا يحفظها
ويقر عينك بها
سمحة ووسيمة وشبه امها
مؤكد
اعتماداً بس على الصورة حقتك البجنبة دي
.....
مبروك ليك وللبنية ولامها قبالكم
|
Post: #93
Title: Re: تسنيم عماد عبدالله .. ياخ أنا فرحان بيك
Author: motaz
Date: 06-20-2006, 02:53 PM
Parent: #92
الف مبروك لتسنيم وعقبال الدكتوراه
ومزيد من التقدم والنجاحات
|
Post: #95
Title: Re: تسنيم عماد عبدالله .. ياخ أنا فرحان بيك
Author: محمد حسين آدم
Date: 06-20-2006, 03:32 PM
Parent: #93
مبروك النجاح
وربنا يحفظها
|
Post: #94
Title: Re: تسنيم عماد عبدالله .. ياخ أنا فرحان بيك
Author: صديق الموج
Date: 06-20-2006, 03:26 PM
Parent: #1
مبروك لتسنيم ولصديقتى حليمة اما انت فحماد الراوية فكلما جقلبت
الخيول تنال الشكر،،،،،
|
Post: #96
Title: Re: تسنيم عماد عبدالله .. ياخ أنا فرحان بيك
Author: ALGARADABI
Date: 06-20-2006, 04:37 PM
Parent: #1
يا حبيبى أنا فرحان
فرحان بيك
ياريت يدوم هنانا
الحبيب عمدة
أنا برضو فرحان
فرحان ليك
ياريت يدوم هناكا
أسه أقول ود فصلى يجى ملاسى يقول قدرى ..
أخير نسكت
|
Post: #97
Title: Re: تسنيم عماد عبدالله .. ياخ أنا فرحان بيك
Author: Soumeta
Date: 06-20-2006, 08:36 PM
Parent: #1
ابو البنية الناجحة و فالحة تسنيم،،
مبرووك الف نجاحها،،
تلملم الشهادات و النجاحات
والفرحة للجميع،،
|
Post: #98
Title: Re: تسنيم عماد عبدالله .. ياخ أنا فرحان بيك
Author: طارق الأمين
Date: 06-20-2006, 08:53 PM
Parent: #97
الف الف مليون مبروك
او
اقوليكم حاجه
ايوي يوي يوي يوي يووووووووووووووووووي
|
Post: #99
Title: Re: تسنيم عماد عبدالله .. ياخ أنا فرحان بيك
Author: Ishraga Haimoura
Date: 06-21-2006, 03:34 AM
Parent: #1
البنيةالسكرية
نجاحها عسل
ياااااااااااااااااااسلام
مليون مبروك
النجاح بينزل على قلب الأم والأب زي نسمة من الجنة
التحية للأم
التحية للأب
وتحية كبيييييرة للإبنة تسنيم
وربنا يحقق كل الأمنيات ونشوفك خريجة متفوقة ورقم مميز
|
Post: #101
Title: Re: تسنيم عماد عبدالله .. ياخ أنا فرحان بيك
Author: الطيب شيقوق
Date: 06-21-2006, 04:13 AM
Parent: #99
الف الف الف مبروك ياعماد...
ومن نجاح لنجاح انشالله...
لك ودي
الطيب
|
Post: #104
Title: Re: تسنيم عماد عبدالله .. ياخ أنا فرحان بيك
Author: Tumadir
Date: 06-21-2006, 03:07 PM
Parent: #101
لى يومين "بنازع" مع الكمبيوتر عشان ..يفتح
وزى ما ربنا نجح تسنيم..اهو نجح المساعى ..
الف مبروك ..يا أبا تسنيم "ابا دى من الجزيرة ايا"
والله نجاح العيال بعجب..وانا عجبنى ليك..ولى بتك الجميلة الشاطرة ..ولى أمها "اهم زول فى القصة دى كلها"
ربنا يزيد النجاحات..ويوصلها لى اعلى القمم فى احلامها وأمنياتها.
|
Post: #100
Title: Re: تسنيم عماد عبدالله .. ياخ أنا فرحان بيك
Author: شرووم
Date: 06-21-2006, 03:41 AM
Parent: #1
عماد عبد الله (ولدي)
| Quote: تسنيم عماد عبدالله .. ياخ أنا فرحان بيك |
ونحن كمان فرحانين بيها وبيك ،، الف مبروك نجاح تسنيم وعقبال الشهادة الكبيرة الدكتوراة.
عبد الله
|
Post: #102
Title: Re: تسنيم عماد عبدالله .. ياخ أنا فرحان بيك
Author: Osama Ahmed
Date: 06-21-2006, 06:22 AM
Parent: #1
الف مبروك نجاح تسنيم وعقبال الدكتوراه
|
Post: #103
Title: Re: تسنيم عماد عبدالله .. ياخ أنا فرحان بيك
Author: Emad Abdulla
Date: 06-21-2006, 03:03 PM
Parent: #102
أخوي محمد سيدأحمد ..
الله يبارك في أيامك ..
و يفرحك بنجاحات عيالك و نجاحاتك ..
Quote: لكن انا بجى قطر عديل كدا وابارك ليكم
قول للهادى ادريس هبانى يرسل الزيارة |
و لو ما شلك الراس تشيلك العين ..
بس إنت حدد متين و نحنا نفرش ليك البساط الأحمر ..
شكرا يا محمد يا قريبي يا جميل
تحياتي
عادل فقاد ..
الله يديك العافية و يبارك في أيامك ..
شاكر ليك إحساسك الحلو ..
وكتر خيرك ..
تحياتي و مودتي
ياسر الفنان ..
شكرا يا شاعر لإحساسك الطيب ..
و الله يبارك فيك و في عمرك ..
تحياتك وصلت .. و بشكروك عليها كتير
إحترامي و الود
تمبس .. يا أصلي
مالك يا علاء ؟؟؟؟
الجاك شنو أول حاجة ؟ .. ما تبوظ أعصابنا !!!
في شنو ؟؟
| Quote: يا اصلي اخوك ( زنقة الفيلة ) ... لما اجي راجع بوريك انا زعلان منك عشان شنو..؟؟ |
و زعلان مني لشنو ؟
و مزنوق في شنو ؟؟؟
بعدين شكرا .. الله يبارك في عمرك يا رب .
بس برضو قلقتني .
إتكلم .. منتظرك في الماسينجر .
تحياتي
عبد الرحمن عزاز ..
| Quote: و ألف مبروك أستاذة هميمة المأذون المرقب... |
شكرا يا عبدو ياخ ..
على العرس و النجاح ..
وكتر خيرك على مشاعرك الحلوة ..
يديك العافية
|
Post: #105
Title: Re: تسنيم عماد عبدالله .. ياخ أنا فرحان بيك
Author: bint_alahfad
Date: 06-21-2006, 03:13 PM
Parent: #103
الف مبروك لتسنيم وعقبال الدكتوراه
ربنا يوفقها دنيا وأخره
وفى امان الله
لا اله الا الله
|
Post: #107
Title: Re: تسنيم عماد عبدالله .. ياخ أنا فرحان بيك
Author: motaz
Date: 06-21-2006, 03:39 PM
Parent: #105
كدا كيف؟؟
|
Post: #106
Title: Re: تسنيم عماد عبدالله .. ياخ أنا فرحان بيك
Author: Emad Abdulla
Date: 06-21-2006, 03:29 PM
Parent: #103
الجميل جدا إدريس إبراهيم ..
يا رجل يا أديب ..
كلامك حلو بيشبه كتاباتك ..
صلاح عبدالله مجنون .. و هو اللي حول زواجي لمهرجان .. أنا غايتو كنت بس ببشر ..
غنى عمار و عامر للصباح .. غنى زي التلاوة ..
هسه البنوت كبرن ..
ولسه الغنى زي التلاوة .
شكرا يا إدريس ..
الله دايما يفرحك و يسعد أيامك .
مودة و إحترام
صاحبي في السرحان الجميل ..
عبدالغني كرم الله ..
يا زول يا بديع ..
ما بقدر أجاري لغتك ..
عشان كده ح أكتفي بعناقك .
يديك العافية يا غني .. و يفرح أيامك
تسلم يا صديقي الجميل
ودي و الإحترام
بكري أبو بكر ..
الرجل العمل فينا ما لم تعملو حكوماتنا و الأيام ..
ياخي أشكرك و أشكرك ..
أول شي على اللمة الإسمها سودانيزأونلاين , البقت بيت و أهل و قبيلة ووطن و عزوة .
تانيا على كلماتك و كرتك ..
مشكور كتير يا باشمهندس
ربنا يفرح عمرك ..
تحياتي و إحترامي
هيرو يا بطل ..
ما كفاية شكرا على مشاعرك ..
لكنها أضعف الإيمان ..
و ربنا يبارك في عمرك و أيامك ..
كتر خيرك على مشاعرك الحلوة .
وكلماتك الطيبة ..
يديك العافية
تحياتي ليك .. و شكر كبير
هاشم بدر الدين ..
قائدي العسكري و معلمي .. وصديقي من الزمن الزاهي .
عمودي سلاح لسعادتك ..
و إنحناءة تليق بمشاعرك الصادقة ..
يديك العافية يا صاحبي
و يسعد أيامك و يفرحك
و خلاص .. أخوك الظاهر راحت عليهو
ودي ليك و تحياتي للعايلة
و أخونا أسامة
عبد الجليل و نادوسة ..
الناس السمحين ..
شكرا يا نادوس ..
ربنا يفرح أيامك و يسعدك
و تشوف نجاحات عيالك يارب ..
شكرا لمشاعركم الصادقة
مودتي كاملة ليكم
و تحيات الأسرة
|
Post: #108
Title: Re: تسنيم عماد عبدالله .. ياخ أنا فرحان بيك
Author: Emad Abdulla
Date: 06-21-2006, 03:45 PM
Parent: #106
إبراهيم علي ..
يا صديقي الحلو ..
تسنيم كبرت و كبرت .......... أمها
أنا غايتو بررررررره
أشكرك على المشاعر الحلوة يا صاحبي
و يديك ألف عافية يارب
تحياتي ليك
و مودة
تيسييييييييييييييييير عوووووووووووووووووضة
يا بنية يا رايعة
| Quote: تسنيم عماد عبد الله .. ياخ أنا فرحانة ليك ! |
شكر ليك يا تيسير , و لبطاقتك الحلوة و مشاعرك الأحلى ..
و ربنا يفرحك دايما
و دايما خليكي كده .. تيسير و .. بسس
يديكي العافية
إحترامي و تحياتي ليك
يا كيك ..
يازول يا غالي ..
الله يبارك في عمرك
| Quote: انا اسع شايل هم شريف ابنى الذى سوف ينتهى من اخر امتحان للشهادة الاماراتية يوم الخميس |
و شريف ناجح إن شا الله .. دعواتنا ليهو تبراهو بالتوفيق .
| Quote: ناس الانقاذ جونا وقالو لينا لو اولادكم احرزوا نسبة 100% بنقبلهم ليكم... |
ناس الإنقاذ ح يمشوا بنسبة 10000000% , و المستقبل حق شريف و أخوانه .
و البلد حقتنا يا صاحبي .. الإنقاذ طارىء .
مودتي ليك و شكر كامل لمشاعرك الحلوة
تحياتي للأسرة ..
و بوسة في راس شريف من عمو
|
Post: #110
Title: Re: تسنيم عماد عبدالله .. ياخ أنا فرحان بيك
Author: Emad Abdulla
Date: 06-21-2006, 04:04 PM
Parent: #108
حسين حسن حسين ..
إنت مصري وللا أجنبي ؟؟؟
صديقي الجميل .. من زمن أجمل .. و حرية و ديمقراطية ..
حسين الأديب و الكاتب و الصحفي و سكرتير التحرير و الفنان و الموجع بوطن مسروق ..
حسين حسن حسين ..
| Quote: كنت أتمنى أن نكون في ظل وطن تعرف فيه تسنيم عمو حسين وأخوها حسن |
لا تعليق يا صديقي
و شاكر ليك مشاعرك الحلوة ..
ولازلت أحتفظ بصورة لينا في السوداني و تسنيم عمرها شهور ..
كبرنا يا صاحبي ..
تحياتي لحسن و أم حسن ..
و كامل مودتي و إحترامي .. و الحب .
معتصم الطاهر ..
الرجل الفنان القامة ..
يا صاحبي الشاعر الحلو ..
يديك العافية .. و يبارك في عمرك و أيامك
و تفرح قدر ما الله أداك ..
أشكرك ..
و لك في القلب مكان يليق .
تحياتي و إحترامي ليك و للأسرة
بهاء الدين بكري
يا صديقي
الشكر ليك و المودة .
أعرف قدر صدق مشاعرك ..
ولا أملك إلا شكرا على كل إحساسك الحلو ..
تحياتي للأسرة الكريمة
مع الود و الإحترام
بدر الدين حلا ..
| Quote: أنت سعيد وأنا سعيد والله يفعل ما يريد |
.. تاني تجي ؟؟؟؟
شكرا يا بدر ..
يا زول يا براك إنت ..
و مبرووووووووووووووووووك لغادة .
و أم غادة .. و أبو غادة ..
و البنات ديل كبرننا ساكت .. في صمة خشمنا .
لكن الله غالب .
يديك العافية يا بدر
و أحلى سلام و كل إحترامي
|
Post: #109
Title: Re: تسنيم عماد عبدالله .. ياخ أنا فرحان بيك
Author: عصام عبد الحفيظ
Date: 06-21-2006, 04:02 PM
Parent: #106
بتى بتى انتى بتى
غنوا لك
.....
انتى
نجحتى
وشلتى همى
انتى
همى شلتى
انتى
.......
كلهم اتوا
خفافا
كما النسمة
وغنوا
محجوب شريف
وشمت ومى
وكلهم
ونحن
فى الكنبة الورا يا عماد
والف غونى ومستر هارت
والباتانونى
وكل الصف الورا
مبروك يا حلوم نجاح بتك
ومبروك كبيرة
يا عماد
يحتاج لها
شوق السنين
وما حوى
بالباب الورا
لم تتاخر هى
بل آلياتنا
ومرحبا يا شوق .... اهدى
ويا تسنيم ... اقدلى
فاالارض لكى
|
Post: #111
Title: Re: تسنيم عماد عبدالله .. ياخ أنا فرحان بيك
Author: ALGARADABI
Date: 06-21-2006, 04:49 PM
Parent: #109
Quote: والف غونى ومستر هارت
والباتانونى
|
و الله دى ما بفهمازول
عماد ماحايعرف مسبو غونى لأنو ما قرا معنا أولى هه
لاقيناهو فى تانبة
تحياتى لك ولى عمدة ولى البتانونى و مسيو غونى و مستر هارت
و كل طلاب الخرطوم الجديدة فى تلك الفترة
|
Post: #112
Title: Re: تسنيم عماد عبدالله .. ياخ أنا فرحان بيك
Author: محسن خالد
Date: 06-22-2006, 04:00 AM
Parent: #111
..
يا أم تسنيم سلالام وإزيك،..
مبروك علي بنيتك، وربّنا يوديها لقدَّام أكتر وأسمح،..
أهو ما شاء الله مجهوداتك أثمرت، وشايفة حَمّاد "حبيبك" دا، بعد سهرك وشقاك كلو مع البنية وتشجيعك وكفاحك، جايي ينتل الشكرة في جيبو، ويطويها طبقة فخار وفشخرة فوق طبقاتو عمّتو، ويعلي بيها رأسو منفرداً بالتاج والمُلك، لامي ليهو ناس وضكورة زيو، وأررروك وعوووك.. بتي نجحت، وعاينو لي أنا أبو مجتهد وفالح كيف، وشنو وشنو، أحيييي أنا من حركات الرجال الما بتكمل ولا بتنبلع دي،..
يا تسنيم مبروك، وألف مبروك،..
تماضر تسلمي يا أختي علي اللفتة النقابية
التوقيع
واحدة سرقت باس ويرد محسن خالد، ..
تنويه مداخلة محسن خالد جاية في الدرب،..
..
|
Post: #120
Title: Re: تسنيم عماد عبدالله .. ياخ أنا فرحان بيك
Author: Emad Abdulla
Date: 06-22-2006, 07:24 AM
Parent: #112
من حليمة أم تسنيم
إلى السيد/ محسن خالد ..
الموقر
سلام .. | Quote: وشايفة حَمّاد "حبيبك" دا، بعد سهرك وشقاك كلو مع البنية وتشجيعك وكفاحك، جايي ينتل الشكرة في جيبو، ويطويها طبقة فخار وفشخرة فوق طبقاتو عمّتو، ويعلي بيها رأسو منفرداً بالتاج والمُلك، لامي ليهو ناس وضكورة زيو، وأررروك وعوووك.. بتي نجحت، وعاينو لي أنا أبو مجتهد وفالح كيف، وشنو وشنو |
غشاني يا محسن ..
و عمل فيها تقدمي ضد الفكر الذكوري .. طلع زول بوري , و نكر جمايلي و طوالي ظبط عدد واحد بوست لزوم تكبير العمة قلت طيب , يمكن الله يهديهو و يتذكر دوري في المعركة دي .. وحاتك عمل نايم , و طبعا نجر لي محاضرة عن بديهية دور الأم و إنه أنا الجندي المجهول ( نصب الجندي المجهول ده زاتو ناس الجبهة كسروه ) .. يعني كلام لا في الشرق لا في الغرب . أسوي شنو , حكم قرقوش .
بعدين إنتو يا الرجال أديناكم القدركم ( إنت بررره ) .. فصاحه ساكت و لامن الجد يجد تجدعونا ورا و تتحزموا للشكر .. غايتو , بري منكم .
ويعلم الله لامن هو بيجخمس في ورقو و كرورو و ألوانو و كواريكو و نرفزتو , أنا مساهرة أراجع و أذاكر و أأكل و أشرب و ....... الحمدلله ساكت بس .
هسه كتر خيرك إنت و تماضر و فضيلي .. والناس البتفهم و تقدر دور الأم و النسوان عموما .. و جندر جندر , أنحنا أخير من الرجال .... بس .. و ح آخد عضوية سودانيزأونلاين عشان أقدر أتحزم و أتلزم ضد الذكورية و فحولة الطرح الورمونا بيها الرجال في كل شي . و الحشاش يملا شبكتو
بالمناسبة يا محسن , الزول ده قايل تسنيم نجحت من تانية لتالتة .. سارح في ملكوت ربنا سااااااكت , عاد جنس ده سمعتو بيهو ؟؟؟
شكرا يا أديبنا الرائع , و إن شا الله تفرح بجديدك و جديد و ليداتك ..
...........
ملحوظة سغغغغغغغغغغغغغغيرة :
لكن و الله يا محسن عماد ده طيب ياخ ..
محسن .. أنا عماد ..
أها شفته !!!! .. جبت لروحك الكلام ساي و تورت نفسك , أها دخلوك معانا يا صاحبي ..
خُم و صُر .
|
Post: #113
Title: Re: تسنيم عماد عبدالله .. ياخ أنا فرحان بيك
Author: ايوب عبدالرحيم
Date: 06-22-2006, 04:24 AM
Parent: #1
أهلي / عماد وصلاح
مبروك ل تسنيم وربنا يوفقها كمان وكمان
عن جد خبر مفرح
ملحوظة لعماد : يمكن انت ما بتعرفني بس اسال عني صلاح
|
Post: #116
Title: Re: تسنيم عماد عبدالله .. ياخ أنا فرحان بيك
Author: محسن خالد
Date: 06-22-2006, 05:11 AM
Parent: #113
..
مشتاقييين يا صاحبي عماد، ألف مبروك للبنية وعلي إنجازاتك في رفد ودعم مسيرة الإنسان على الأرض،..
مبروك لبتنا تسنيم، وعقبال تكون بروفيسورة قدر أكسفورد
شايف النسوان زعلانات شوية، حول إنو الطفل من يومو بسجلوهو باسم أبو، أها من اليوم داك حق الأم بروح في الكرعين،..
بما أنني أعمل يومياً 8 ساعات في اليوم لا أمانع أبداً تسجيل طفلي باسم أمه، وليها علي أقش البيت وأسوي الملاح وأحرس الشفع، بس التمانية ساعات لهضي رزق ديل يبقن علي ضهر زول تاني،..
دا باعتبار إني ريفي، وبتكلم كشخص ريفي، من النوع المرتو ما بتشتغل بالفطرة، بالتالي برضو ح أصر علي خانتي كرجل ريفي لن يشتغل بالفطرة، يسألوها هي في الشغل.. يا يمة محسنك وينو؟
والله خليتو بلخ في عجين اللقيمات،..
أها يا صاحبي عماد الواجبات المنزلية دي كشفت لي واحدة سرها، يمكن إنجازها في ساعة ونصف، المرجع: (شادية عبد المنعم، الصفحة 18 من مشاجرة ساخنة مع أبو ساندرا، حول غسيل صحون الغداء)
أها من الساعة تمانية ونص صباحا تنقلب عاطل، طوالي تستحمى وتتناول الريموت بتاع الشو تايم، وهاك يا زواعة منزلية، تزهج تقبّل علي المكتبة، تزهج تشوف جار يكون عاطل زيك وتجيبو الشطرنج، شفت النعمة دي كيف يا صاحبي عماد، تصبح مخلوق مفرّغ للحياة، مش للمعايش!..
حَرّم في واحدة صاحبتي بتشتغل معانا هنا دوامين زي –السم الهاري-، قالت لي إنها اكتشفت وتأكّدت مليار في الماية إنو مسألة (المرأة ما تشتغل دي) دا أعدل وأنبل اقتراح قدّمو الرجل منذ وجوده على ظهر الأرض، وإنها ندمانة ندم لمّن دايرة تطرشق علي تاريخ مغالطتها لأصحابها في الجامعة حول حق المرأة في العمل، وإنو (حق تسخير الرجل كحمار عمل) دا أذكى عرض اتقدّم للمرأة منذ تاريخ إنشاء الزواج،..
تاني بتجوا سوق الضُلمّة؟
"تماضر" العنصرية النسوية دي بتوبي منها سنة كم؟
محسن خالد
..
|
Post: #114
Title: Re: تسنيم عماد عبدالله .. ياخ أنا فرحان بيك
Author: عزاز شامي
Date: 06-22-2006, 04:42 AM
Parent: #1
ألف مبروك
أفرح بيها
وليها
الليله
وبكره
وايام كثيرة جاية
أفراح كده (منقطعة النظير)!
|
Post: #115
Title: Re: تسنيم عماد عبدالله .. ياخ أنا فرحان بيك
Author: انعام عبد الحفيظ
Date: 06-22-2006, 04:51 AM
Parent: #1
عماد عبد الله
سلام وود
مليون مبروك لتسنيم وربنا يفرحكم بيها كمان وكمان
مودتي واحترامي
|
Post: #117
Title: Re: تسنيم عماد عبدالله .. ياخ أنا فرحان بيك
Author: Ibrahim Algrefwi
Date: 06-22-2006, 05:34 AM
Parent: #1
ياعين ياعنية ياكافرة يا نصرانية ،
عين الحسود فيها عود ، والله اكبر ولله الحمد ...
|
Post: #118
Title: Re: تسنيم عماد عبدالله .. ياخ أنا فرحان بيك
Author: Emad Abdulla
Date: 06-22-2006, 06:42 AM
Parent: #117
فيصل عباس ..
يا صاحب الجن .. و النقق الملهمة ..
تفرح أيامك ..
و يسعد دربك ..
و يديك العافيه قدر كلامك السمح
يا زول يا سمح ..
تحياتي و إحترام
نجلاء التوم ..
إزيك .. و إنستري معانا ..
البت شبهي و الله .. حتى بالأمارة عندها شنب .
الوسامة – كان في - بتكون حقتنا .. ناس أمها طيبين ساكت ...
يجبر خاطرك يا زولة يا براك ..
و بالمناسبة عاملين حفلة في الديم في بيتنا بمناسبة نجاح تسنيم .. قريب من بيتكم .
إتفضلوا قالوا ليكم ..
شكرا نجلاء على مشاعرك الحلوة
معتز ..
سلام و تحايا
الله يبارك في عمرك يا صاحبي
كتر خيرك ..
و عقبال عيالك
محمد حسين آدم ..
تحيات و شكر كتير يا محمد
يديك العافية ..
وربنا يفرح الناس كلها ..
ود ليك و إحترام
صديق الموج ..
اما انت فحماد الراوية
ختيت الخمسه في الإتنين عشان ما أتفك فيك ..
و أمرق جخانينك – بهاء الدين بكري معاي .. أعمل حسابك -
أنا حماد الكالو الرماد مع ناس حليمة ديل .. وللا حماد سيد الجقلبه ؟؟
أفرز !!!!
يديك العافية يا صديق و يفرحك بالجغبورة و حيدر و أخوانهم ..
و سلام تربيع لإنعام ..
مودة تبراك ( لصقه ) .
قرضابي ..
مش إنت الزول داك العملوه ألفة عشان أكبر زول في الفصل كان هو ؟؟
آآآآآآآآآ .. إتذكرتك ...
يديك العافية و يبارك فيك .
يا زول من الزمن السمح
كتر خيرك ..
مودة كتيرة
و تحياتي ليك و الأسرة .
سوميتا ..
يا عزة الفراق بي طال ..
إزيك يا بنية يا فنانة ..
وشاكر شاكر حضورك
الله يبارك فيك و يسعدك ..
مودة ليك و إحترام كتير
طارق الأمين أبوصلعة ..
ياخي زغرودتك شرططططططططططط
ووصلت تب ..
و هزينا فيها و البنوت أدنك الشبال ..
يا زول يا سمح ( أنا ما عارف سمح كيف و صاحب صلاح أخوي ؟؟؟ )
يديك العافية يا طارق ..
كل الحب
إشراقه حيمورة
بت حلتنا .. الزولة سمحة الخلقة و الأخلاق ..
يبارك في عمرك و يخلي ليك العيال
ويفرحك قدر سبيب راسك
شاكر ليك يا إشراقة ..
( أهلنا الدناقلة جنهم و جن إسم إشراقه ده .. يطلعوك مرة أوشراغا .. مره أوشراكه .. مرة أشراكا )
تحياتي ليك و إحترامي الكبير
الطيب شيقوق ..
سلام يا صاحبي
حضورك شرفنا ..
كتر خيرك .. و الله يبارك في عمرك يا رب
كل الود و التقدير
تماضرررررررررررررررر
شفتي البت عملتها فيني كيف ؟؟
كان في داعي هسه أعمل بوست زي ده ؟؟
أطلع ديناصور يا تماضر ؟
يرضيك كده في أخوك ؟؟
مع إنها دخلناها الإبتدائي سغيييييييييييرة .. زي سنتين كده عمرها كان ..
يعني حوالي مممم .. غايتو بيكون عمرها يادووووووب 9 سنه
لكن طويله ساكت بس ..
شكرا يا طم طم من تسنيم و أمها
ومني تقدير كبير و إحترام يليق بيك .. و يا رب يفرح أيامك و بنوتك السمحات ديك .
مودتي و تقديري
شروووووووم
ريحتني بحكاية يا ولدي دي .. هههههههههههههههههههه
مشكور يا صاحبي الجميل
يديك العافية و يسعدك
كامل التقدير و المودة
أسامة أحمد ..
الله يبارك في عمرك و أيامك
و شاكر مشاعرك الحلوة
كتر خيرك كتير
يديك العافية
الإبنة بنت الأحفاد ..
أشكرك كتير و كتير
وربنا يحقق أمانيك كلها يا رب
و يسعد أيامك
تقديري و إحترامي
وصادق الود .
عصام عبد الحفيظ ..
جهز الشيلة بعد ستة سنة كده ..
و يكون فيها ذاكرة كبيرة جدا
و أصحاب من الزمن السمح
و ح أضبح ليك وادي النمل و حديقة القرشي
وفوق البيعة نضبح التوم الضلالي ..
ياخي واحشني يا عصام
و مشتاق ليك ..
و مبروك دي ليك إنت .. أنت بقيف فراجي
يديك قدر روحك السمحة
سلام و تحايا للصبيان .
أيوب عبدالرحيم ..
أشكر مشاعرك الحلوة ..
و الله يبارك في عمرك ي صاحبي
وصلاح عبدالله ما بيعرفك قدري يا .. كيشه .
تحياتي الكبيرة ليك و العايلة
مع الود
عزاززززززززززززززززززز
أول مداخلة لي في سودانيزأونلاين كانت في بوست عنك كتبه حسين حسن حسين
لغتك عالية و مليانة ..
لغة زول وجدانو ثري و فياض
يديك العافية يا عزاز .. و كتر خيرك كتير
ربنا يسعد أيامك و يحقق أمانيك يا رب
إحترامي و تحياتي
إنعام عبد الحفيظ ..
شكرا ليك يا زولة يا راقية ..
و ربنا يبارك في عمرك و أيامك ..
و يفرحك و يوعدك بالخير كله
تحياتي و شكري الكتير ..
|
Post: #119
Title: Re: تسنيم عماد عبدالله .. ياخ أنا فرحان بيك
Author: Emad Abdulla
Date: 06-22-2006, 06:52 AM
Parent: #117
جريفاوي ..
Quote: ياعين ياعنية ياكافرة يا نصرانية ،
عين الحسود فيها عود ، والله اكبر ولله الحمد |
يازول أول شي قول مبروك ...
وبعدين .... نتمها ليك :
الله اكبر و لله الحمد .. حزب الأمة رمز القوة .
قال عين عنية قال ..
بالللللللللللللللله
شكرا على حضورك يا ... صابيء
|
Post: #121
Title: Re: تسنيم عماد عبدالله .. ياخ أنا فرحان بيك
Author: ودرملية
Date: 06-22-2006, 05:33 PM
Parent: #119
سلامات
وعوافي
ياعمدة
حرم البوست دا الا تسنيم تتخرج حتين نقفلوا النوريك المجاملة الماخمج .. ياسمح يازين ..
بعدين موش فرحان وكفاية جضم لينا حفلة بوردابية كدا تكون شاملة العضات المحلية والافرنجية وبالمرة تستثمر خروف ترقيتك العند ناس معاوية دا وبعدين الخروف التاني بتاع صلاح عبدالله عايزنو مشاوي وكدا الجماعة ديل مايخمون بالخرفان الاسفيرية دي عييييييييييييانن بيانن ..
ياصلاح ومعاوية همتكم معانا بالخرفان وبعدين اتخايل لي الامير برضو فارض خروفو ..
|
Post: #122
Title: Re: تسنيم عماد عبدالله .. ياخ أنا فرحان بيك
Author: Emad Abdulla
Date: 06-23-2006, 08:24 AM
Parent: #121
محسن ..
يقطع شيطانك ..
ياخي شوق ..
طبعا كلامك ده وقع لي في جرح , و فتح نفسي لمناقرة مع الزولة المشوطنة حليمة ..
طلعتها ليك هي و صويحباتها الجندر أي كلام .. هههههههها , كلما تحمبك أقول ليها : أها كان مغالتاني , أهو ده كلام الزول المحايد ود الناس ده الإسمو محسن , و طبعا على حس إنك شكرتها تقوم هي تخجل ساكت تسل لسانها فيك ... ألقاها ليك فرصة , أسرح أكتر .
ياخي ده برنامج لذيذ خلاص ..
غايتو كتر خيرك , زمني ده كلو و أنا جاري واطي و مقطعو في حشاي .. يادوب إنبهلت و جبت آخري .
كلامك تمام يا صاحبي .. و يكيف , الكائن القاعد مشارك في البيت ده كائن مستهبل ( المرجع: شادية عبد المنعم، الصفحة 18 من مشاجرة ساخنة مع أبو ساندرا، حول غسيل صحون الغداء) .. و شوف عيني , الشغل كله : مدبلجات مكسكيات / مجلات حنكوشات / مخدرات مصرية في شكل مسلسلات تصيب بالعته و أنيميا الدماغ / شوبينغ !!! / إستقبالات و وداعات و طقوس إجتماعية ما عندها طايووق / مرة مرة غايتو قراية على خفيييييييييف و نت ... و قريب لمواعيد الغدا كده كلفتك كلفتك تتعمل شوية شلنكبات كده ... و بس .
تبادل الأدوار معاهن بيكون لذيذ .
| Quote: (المرأة ما تشتغل دي) دا أعدل وأنبل اقتراح قدّمو الرجل منذ وجوده على ظهر الأرض، وإنها ندمانة ندم لمّن دايرة تطرشق علي تاريخ مغالطتها لأصحابها في الجامعة حول حق المرأة في العمل، |
عاقلة .. حرم زولة عاقلة و نبيهة كمان . | Quote: (حق تسخير الرجل كحمار عمل) دا أذكى عرض اتقدّم للمرأة منذ تاريخ إنشاء الزواج،.. |
لكن إنت تاني كمان ما توريهن الكلام ده .. قرّض على كده خلاص .
وده طرفنا من تسجيل الطفل بإسم أبوه , مبروك عليهن المجتمع الأمومي ( نرجع بيوت أبهاتنا خفافا سراعا .. ) ..
نشوف ناس تماضر و الجندرية ديل تاني يسلن لسانن في شنو !!!
يديك العافية يا محسن ..
و يبارك فيك ..
و عقبالك
|
Post: #123
Title: Re: تسنيم عماد عبدالله .. ياخ أنا فرحان بيك
Author: kamalabas
Date: 06-23-2006, 08:40 AM
Parent: #1
ألف مبروك نجاح تسنيم وعقبال الشهاد الجامعية...
كمال
|
Post: #124
Title: Re: تسنيم عماد عبدالله .. ياخ أنا فرحان بيك
Author: Salwa Seyam
Date: 06-23-2006, 09:30 PM
Parent: #1
 الف مبروك نجاح تسنيم وعقبال المزيد
|
Post: #125
Title: Re: تسنيم عماد عبدالله .. ياخ أنا فرحان بيك
Author: HAYDER GASIM
Date: 06-24-2006, 01:16 AM
Parent: #124
الأخ عماد
تصبح, تمسى, تقيل, تنوم على خير
وأظن خيرنا صار رهين أولادنا وبناتنا
وهكذا تتألق فوهة أحلامنأ... أو قل أن
يصيبنا الواقع بمردوداته الحسام,
وهكذا تتسع نطاقاتنا المعنوية ولما
يضمحل العمر ويتكأكأ على منحنى ( الغلة
الحدية ) صعودا ... فهبوطا... فتسليم.
ربنا يوالي تسنيم بكل سعد ومستطاب,
ومزيدا من النجاح ... البر ... والإحسان.
|
Post: #126
Title: Re: تسنيم عماد عبدالله .. ياخ أنا فرحان بيك
Author: ايوب عبدالرحيم
Date: 06-24-2006, 01:21 AM
Parent: #1
Quote: أيوب عبدالرحيم ..
أشكر مشاعرك الحلوة ..
و الله يبارك في عمرك ي صاحبي
وصلاح عبدالله ما بيعرفك قدري يا .. كيشه .
تحياتي الكبيرة ليك و العايلة
مع الود |
عماد ....
تسلم...
ياخال.....
حلوة يا كيشة دي ....
عشان كدة اما قلت ليك ياخال
لانه دايما بسمع منهم الدلع دا خاصة عمر ابدول
تسلم
ودوام النجاح ل ( تسنيم )
|
|