ماذا تقول القمرية....كونو معنا

Post: #1
Title: ماذا تقول القمرية....كونو معنا
Author: صديق الموج
Date: 05-12-2006, 10:04 AM
Parent: #0

حدث هذا فى اجازتى للسودان قبل عام ونصف.. بينما انا مستلقى ذات قيلولة والى جوارى حبوبتى
طيبة بت عمار فاذا بقمرية تستريح على احد فروع النيمة فى بيتنا وتنشد بصوتها مزيجا من النشيد
والنشيج فقلت لحبوبتى طيبة ماذا تقول تلك القمرية ..فجانى رد حبوبتى صاعقا ..قالت لى
زمنا كانت بتقول احمدو ربكم لكن فى الزمن العلينا ده يا ولدى صوتها يتوارى لى بتقول
بطريقتكم..بطريقتكم.
حاشية حبوبتى ما كانت امرأة سوء ولم تكن شيوعية.
السؤال فعلا ما ذا تقول القمرية..اشحذوا الهمم يا رجالة فللكلام بقية،،،

Post: #2
Title: Re: ماذا تقول القمرية....كونو معنا
Author: هشام هباني
Date: 05-12-2006, 10:09 AM
Parent: #1

الجميل ود الموج

كيفنك

قمريكم ده مضروب ...اظنو صنعو في تايوان؟؟

هباني

Post: #3
Title: Re: ماذا تقول القمرية....كونو معنا
Author: Muna Khugali
Date: 05-12-2006, 10:12 AM
Parent: #1

أهـلنـا الكبـار كـلامهم تمام...
بيعانـوا ويلاحظـوا....
لا بيـكتبوا ولا بيناقشـوا..
بس لما تكـون في قعـدة تحـت نيمـة...
ولا تحت القمـرة في العشية...
بيـحـدثوك بكـل شـئ...
وبمـزاج كـبير كـمان...
الله يـزيـد في عمـر حـبوبتـك
ويزيـد قاعـداتك تحت النيمة الجـميلة..

مـني

Post: #4
Title: Re: ماذا تقول القمرية....كونو معنا
Author: A.Razek Althalib
Date: 05-12-2006, 10:24 AM
Parent: #3

صديق الموج..
الله يجازي محنكـ..
إنت يا زول متأكد..
Quote: حاشية حبوبتى ما كانت امرأة سوء ولم تكن شيوعية.

ده كلام القمرية ولا كلام حبوبتكــ

غايتو القمرية بتقول..

النار بتخرى الرماد...
وابني عشك زمن الحصاد..

على ما أظن..

وهي كذلكـ..

Post: #5
Title: Re: ماذا تقول القمرية....كونو معنا
Author: Adil Osman
Date: 05-12-2006, 10:27 AM
Parent: #4

صديق الموج
سمع اضانى القمرية بتقول (بى طريقتكم.. بى طريقتكم).
اها اسمعها هنا

http://encarta.msn.com/media_461543135/Mourning_Dove.html

Post: #7
Title: Re: ماذا تقول القمرية....كونو معنا
Author: ابو جهينة
Date: 05-12-2006, 10:43 AM
Parent: #5

صديق
الله يجازيك دنيا و آخرة .. قول آمين

Quote: زمنا كانت بتقول احمدو ربكم لكن فى الزمن العلينا ده يا ولدى صوتها يتوارى لى بتقول
بطريقتكم..بطريقتكم.

صدقني يا صديق طبلة أذن حبوبتك ما شاء الله أذن متطورة و مواكبة الزمن .. بتتلقى نفس شعار القمرية ال زمان .. و بتحللو و تفحصو و تمرقو شعار يواكب الزمن الحسسسسسسع دة .. و هو زمن ( بطريقتكم .. حلوا قضيتكم ) ..

Post: #6
Title: Re: ماذا تقول القمرية....كونو معنا
Author: صديق الموج
Date: 05-12-2006, 10:29 AM
Parent: #1

هشام هبانى ظاطووووووووووووووو كيفك
والله يا هشام قمرى السودان كلو انضرب فى الانقاذ..الله يستر على اولاد ابارق،،،

Post: #8
Title: Re: ماذا تقول القمرية....كونو معنا
Author: صديق الموج
Date: 05-12-2006, 10:59 AM
Parent: #1

Quote: ويزيـد قاعـداتك تحت النيمة الجـميلة..

مـني

منى الجميلة...تحياتى
من كان داعيا منكم فليدعوا بمثل هذا او ليصمت،،،

Post: #9
Title: Re: ماذا تقول القمرية....كونو معنا
Author: صديق الموج
Date: 05-12-2006, 11:14 AM
Parent: #1

عبد الرازق ده كلام الطير فى دارفور او فى الباقير ..الله اعلم،،

Post: #10
Title: Re: ماذا تقول القمرية....كونو معنا
Author: صديق الموج
Date: 05-12-2006, 12:44 PM
Parent: #1

Quote: صديق الموج
سمع اضانى القمرية بتقول (بى طريقتكم.. بى طريقتكم).
اها اسمعها هنا

عادل لكن الفرق بينهم انو قمريتك دى تريانة عديل من الشبع والسمعتها انا من قمرى زمن الانقاذ.

Post: #11
Title: Re: ماذا تقول القمرية....كونو معنا
Author: Marouf Sanad
Date: 05-12-2006, 12:56 PM

The dove says coo, coo,
What shall I do?
I can scarce maintain two.
Pooh, pooh, says the wren,
I have got ten,
And keep them all
Like gentlemen!

القمرية قالت

جو جو جو

اسوي شنو

انا ما قادرة اربي تو

بووه بوه بووه

قالت ريين انا عندي تن

يكبروا ويبقوا جنتل مين

Post: #12
Title: Re: ماذا تقول القمرية....كونو معنا
Author: فيصل محمد خليل
Date: 05-12-2006, 04:16 PM
Parent: #11

سلام

صديق حبوبتك كادر سري وانت ما عارف

فيصل محمد خليل

Post: #13
Title: Re: ماذا تقول القمرية....كونو معنا
Author: صديق الموج
Date: 05-12-2006, 07:43 PM
Parent: #1

Quote: صدقني يا صديق طبلة أذن حبوبتك ما شاء الله أذن متطورة و مواكبة الزمن ..

ابوجهينة صديقى الودود....ياريت لو طبلة ناس الانقاذ زى طبلة حبوبتى ما كان طبلنا طبل
طبلكم..او كما اتفق،،،

Post: #14
Title: Re: ماذا تقول القمرية....كونو معنا
Author: صديق الموج
Date: 05-12-2006, 08:02 PM
Parent: #1

Quote: The dove says coo, coo,
What shall I do?
I can scarce maintain two.
Pooh, pooh, says the wren,
I have got ten,
And keep them all
Like gentlemen!

معروف السمح وده قالتو من الشمال لليمين والا كيف،،،،

Post: #15
Title: Re: ماذا تقول القمرية....كونو معنا
Author: نادية عثمان
Date: 05-12-2006, 08:13 PM
Parent: #14

القمرية بتقول :

ود الموج

ياود الموج

ود الموج

ياود الموج

ماتنزلى لى برنامجى يعنى ياود الموج

ود الموج

ود الموج

وفى الاخر تقوم تقول فى صوت حزاينى لانها عارفة ود الموج حايطنشها كالعادة !!

اهى اهى اهى .. شكيتك على رب القمارى ياود الموج !!

الموج

الموج !!

Post: #16
Title: Re: ماذا تقول القمرية....كونو معنا
Author: هاشم نوريت
Date: 05-12-2006, 08:47 PM
Parent: #15

صديق الموج
دبايوا
حدد ياتو قمرية عشان ما نشولق
هل القمرية هدل اوريت ام ايرا اوريت
والاثنين اسماء بجاوية لانواع القمارى.

Post: #17
Title: Re: ماذا تقول القمرية....كونو معنا
Author: صديق الموج
Date: 05-12-2006, 09:03 PM
Parent: #1

Quote: هل القمرية هدل اوريت ام ايرا اوريت

هاشم العزيز تحياتى

لا ما ايرا اوريت..انا قصدى طيرة اوريت

بعدين مافى واحدة اسمها كيرا نوريت لوووووووووووووووووول

هاهاهاهاهاهاهاهاهاها

Post: #18
Title: Re: ماذا تقول القمرية....كونو معنا
Author: صديق الموج
Date: 05-12-2006, 09:36 PM
Parent: #1

نادية العزيزة.....ان شاء الله كان بعرف فى الكمبيوتر ده غير اقرأ واكتب حاجة اتنطر
لكن كلمى ناس تمبس ومعتصم الشداد ديك يجو ياخدو الشريط وينزلوه ان شاء الله ما مرقنا منها
ولك الود،،،،

Post: #19
Title: Re: ماذا تقول القمرية....كونو معنا
Author: محمد سنى دفع الله
Date: 05-13-2006, 01:33 AM
Parent: #18

ياصديقي
انت بتاع مشاكل
حبوبتك قالت ليك
يتقول بي طريقتكم
تاني عايز شنو كلام أعمق من كده ؟؟؟؟؟؟؟؟؟؟؟؟؟؟؟؟
فاتح ليك بوست للناس المسنوحة !!
شن بضيفوا ؟؟؟؟
مشتاقين وعايزين نشوفك في حفل افتتاح مسرحيتنا
شــــــــــــــتاتـ
مودتي

Post: #20
Title: Re: ماذا تقول القمرية....كونو معنا
Author: A.Razek Althalib
Date: 05-13-2006, 01:36 AM
Parent: #18

Quote: عبد الرازق ده كلام الطير فى دارفور او فى الباقير ..الله اعلم،،

شنو يا صديق جايب آخركـ سريع...
يقطع سنين الرماد..

إنت زعلت ولا شنو..!!

Post: #21
Title: Re: ماذا تقول القمرية....كونو معنا
Author: صديق الموج
Date: 05-13-2006, 01:50 AM
Parent: #1

ود السنى انا سعيد لمن احضر مسرحيتكم....الله يقطع الجواز والزواج وسنينهم.

السنى يا اخوى ما عندكم طريقةHOME DELIVERT لى شغلكم السمح ده، باقى نحن ناسا بعاد.

شكرا للمرور يا فخم،،،،

Post: #22
Title: Re: ماذا تقول القمرية....كونو معنا
Author: معتصم دفع الله
Date: 05-13-2006, 02:05 AM
Parent: #21

ودالموج ..
القمري زاتو بقى يدق جرس ..
زي الزول الودوهو الجماعة مشوار لبيوهم ديك ..
وجاء يتكلم من بره رأسه ..

قوق قوق ..
أنا كان اكلتو ..
يرميني الله في بئر سعد الله ..

Post: #24
Title: Re: ماذا تقول القمرية....كونو معنا
Author: Emad Abdulla
Date: 05-13-2006, 02:11 AM
Parent: #21

دي يا ها حبوبتك ديك بتاعت ( ما ياهو عاد سين سين .. خلسنا )؟؟؟
هي لي هسه قاعدة ؟؟ ..
و كمان بتسمع قوقاي القمرية ؟؟؟
بعد الكتاحة الإنقاذية الفي البلد دي ؟؟؟

صديق يا خوي ..
حبوبتك تكون مسكونه

بطريقتكم
بطريقتكم
بطريقتكم

Post: #23
Title: Re: ماذا تقول القمرية....كونو معنا
Author: صديق الموج
Date: 05-13-2006, 02:09 AM
Parent: #1

عبد الرازق يا اخوى الزعل منو؟

انت الزعلت والدليل ناس الباقير ما ردوا لى رديت لى انت

بعدين انا (بحظر)معاك ساكت ودى مقصودة كان ترضى كان تابا.

يعنى البشتاق ليكم ويجيب سيرة دارفور فى خشموا تسلو سكاكينم طوالى..يعنى كان

قلت ليك يا جانجويد كان جيتنى بالسلك والا ككيف كلامك دى،،،

Post: #25
Title: Re: ماذا تقول القمرية....كونو معنا
Author: حمزاوي
Date: 05-13-2006, 02:17 AM
Parent: #1

قبيل كانوا بيقولوا لينا انتو رطانة
حسع الناس بالحاصل عليهم
كلهم بقوا يرطنوا
حتى القماري بقت تقول كلام عجم
هو الحاصل علينا شوية
يا مثبت العقل والدين

Post: #26
Title: Re: ماذا تقول القمرية....كونو معنا
Author: gamal elsadig
Date: 05-13-2006, 03:57 AM
Parent: #25

الخال و العم / ود الموج

سلام كثير

القمرية قالت :

احمدو ربكم ابو الصقير كتل يكتلني كتل

يحميني الاكل احمدو ربكم .

ابو الصقير لابس كاب وينتظر حظه في صف

اللحى المشرورة في حبل الكضب وبيفتش

عن مقاسو ....

ود الموج خليك من قول القمرية

بالله رايك شنو في كلام الطير في الباقير البقول فيهو

(ابوالقمبر) (شيخ الطيور) الايام دي ؟؟؟

..

Post: #27
Title: Re: ماذا تقول القمرية....كونو معنا
Author: عزالدين آدم علي
Date: 05-13-2006, 09:11 AM
Parent: #1

شوف ياصديق الموج، أنحن أصغر منكم بي كثير ولكن حبوباتنا معمرات وكِت ما البوم يرك بالليل في الشجرة أو راس البيت يقولوا (الله أكبر) ليه لأنو في تشاؤم فيتوقع الناس خبر شين (موت + حرب + شكلة) ولكن القمري لامن يرك بيقولوا أنهن يوقولن (أهلاً بالضيوف حباب الضيوف) وكان ده قاعد يكون صحيح، فأسألك بالله ماجوكم ضيوف اليوما ديك؟

تحياتي ،،،،

Post: #28
Title: Re: ماذا تقول القمرية....كونو معنا
Author: يازولyazoalيازول
Date: 05-13-2006, 09:27 AM
Parent: #27

أيوة يا عزالدين ، كلامك صاح ، كان معاه أبوعبيدة شيخ الدين ، وللمعلومية أبوعبيدة بيفهم لغة الطير

Post: #29
Title: Re: ماذا تقول القمرية....كونو معنا
Author: خالدة البدوي
Date: 05-15-2006, 07:39 AM
Parent: #1

الجميل صديق الموج

تعرف قمرية حبوبتك دي الوحيدة شكلها السلمت من

انفلونزا الطيور في السودان .

مودتي ,,,

Post: #30
Title: Re: ماذا تقول القمرية....كونو معنا
Author: Mohamed Abdelgaleel
Date: 05-15-2006, 09:45 AM
Parent: #1

Quote: فجانى رد حبوبتى صاعقا ..قالت لى
زمنا كانت بتقول احمدو ربكم لكن فى الزمن العلينا ده يا ولدى صوتها يتوارى لى بتقول
بطريقتكم..بطريقتكم.

ما كنا قايلين في حياتنا يجينا أقسى من المضى

معناها حبوبتك - أطال الله عمرها- أكبر من السرة بت عوض الكريم ..

وما وريتنا هي في ياتو حزب يا صديق؟ عشان نشوف بطريقتكم دي من وجهة نظر منو؟