Post: #1
Title: افطار للصائمين مجانا والدعوة عامة
Author: صديق الموج
Date: 10-21-2004, 04:59 AM
بمناسبة افتتاحنا لكافتريا المعهد وموقعها جنوب حديقة القرشى وبمبانى معهد السودان العالى للسياحة والفندقة بداية شارع الصحافة
يسرنا ان نقدم افطارا رمضانيا مجانا للجميع..والحاضر يكلم الغائب
وبدأنا فى ذلك مع بداية هذا الشهر الكريم والحضور مشرف والحمدلله
ودحين زوار واعضاء ومارين شرفونا،،،
|
Post: #2
Title: Re: افطار للصائمين مجانا والدعوة عامة
Author: حمزاوي
Date: 10-21-2004, 05:08 AM
Parent: #1
اخوي صديق الموج
كيف حالك
اها يا اخوي فطورك دا شن نوعوا
ما تقول لي فيها مديدة دخن
الله يجمعنا معاك في محطة الغالي
بالله كيف كوافير ميرامار
وفندق الزهرة
المنطقة دي منطقة جميلة جدا ( تعويض المقرن )
|
Post: #3
Title: Re: افطار للصائمين مجانا والدعوة عامة
Author: المكاشفي الخضر الطاهر
Date: 10-21-2004, 05:11 AM
Parent: #1
الاخ صديق الموج
رمضان كريم
ورد فى الحديث الشريف من فطر صائما فله اجره دون ان ينقص من اجره شئ
وإن شاء الله اتوقعوني اجيكم بس القهوة بعد الفطور اهم شئ
|
Post: #4
Title: Re: افطار للصائمين مجانا والدعوة عامة
Author: صديق الموج
Date: 10-21-2004, 05:28 AM
Parent: #1
حمزاوى الحبيب...يا اخى نحن صغار الاماكن الذكرتها دى هسع مافى
دحين الا تمشى للعمدة كرم الله يحدد ليك محل الاثار دى.للذكرى والتاريخ
بعدين نحن اسالنا من محل قولدن قيت وامواج ولذيذ وما شابههم اما
الجى ام اتش واخواتها اسال عنهم ودقاسم
|
Post: #5
Title: Re: افطار للصائمين مجانا والدعوة عامة
Author: سجيمان
Date: 10-21-2004, 05:39 AM
Parent: #4
صديق اخوي
داير تفطر الناس مجاني رمضان كلوووو؟ التلاتين يوم؟.
انت عامل خروج وعودة؟؟؟؟؟؟؟؟؟؟؟؟؟؟
|
Post: #6
Title: Re: افطار للصائمين مجانا والدعوة عامة
Author: صديق الموج
Date: 10-21-2004, 05:41 AM
Parent: #1
المكاشفى....بس انت اصل واطلب ولو عاوز المنيو يصلك على الايميل
بتاعك مافى مشكلة بس شرف يا جميل،،،
|
Post: #7
Title: Re: افطار للصائمين مجانا والدعوة عامة
Author: صديق الموج
Date: 10-23-2004, 04:43 AM
Parent: #1
سجيمان بنفطر الناس شهر....كان انقطعنا دحين ما بتلحقنا
يعنى الزول تب ما ينتكل عليك يا دفعة،،،
|
Post: #8
Title: Re: افطار للصائمين مجانا والدعوة عامة
Author: Frankly
Date: 10-23-2004, 04:58 AM
Parent: #1
العزيز صديق الموج
رمضان كريم مبارك عليك وعلى كل السودانيين والمسلمين
أخي الكريم الفاضل جزاك الله خير الجزاء وعظم اجرك وغفر ذنبك و فتح عليك من باب فضله وكرمه ومنه
عظيم جدا ما تقوم به هذا بجانب أثره الاجتماعي البين
وإن شاء الله يكون افتتاح الكافتيريا افتتاحا مباركا يدر عليك بكل الخير و الرخاء
وكم تمنيت لو أني بالسودان لأتشرف بلقيا وكل بورداب الخرطوم الكرام تحياتي لهم جميعا
كثر الله من أمثالك وحفظك لاسرتك واهلك
فرانكلي
_____
أتق الله حيث ما كنت واتبع السيئة الحسنة تمحها وخالق الناس بخلق حسن
|
Post: #9
Title: Re: افطار للصائمين مجانا والدعوة عامة
Author: ابو جهينة
Date: 10-23-2004, 05:02 AM
Parent: #8
صديق الموج
رمضان كريم
مبروك المحل ..
ممكن الأهل و الجيران و النسايب و القرايب بكل من العاصمة المثلثة و الجزيرة يجوا مجانا برضو ؟
|
Post: #10
Title: Re: افطار للصائمين مجانا والدعوة عامة
Author: ودقاسم
Date: 10-23-2004, 05:11 AM
Parent: #1
صديق الموج يتحول إلى رجل بر ،،
يا أخي الناس جوا للكافتيريا زمن الفطور لقوها قافلة ،،
قال مجانا قال ،،
|
Post: #11
Title: Re: افطار للصائمين مجانا والدعوة عامة
Author: HOPEFUL
Date: 10-23-2004, 06:02 AM
Parent: #10
الحبيب صديق الموج
سلام وعلو مقام ورمضان كريم
جزاك الله كل خير وجعلها في موازين حسناتك
وان شاء الله قريباً عندكم .. بس نخلص من الفواتح
البلد لقيناها كلها منقرضه .. حفظكم الله
وما قلت ليه الفطور شامل المكيفات ولا نجيب معانا؟؟
|
Post: #12
Title: Re: افطار للصائمين مجانا والدعوة عامة
Author: ود محجوب
Date: 10-23-2004, 12:18 PM
Parent: #11
الأخ صديق الموج
طيب لما تعمل فطور مجانى
الأرباب صلاح إدريس يعمل شنو؟
وتم جميلك وأعمل سحور مجانى0 (( تمر مبلول فى
لبن)) 0000
والفطور لازم تكون فيه بليلة لوبة عفن وفى نص
البليلة تكون دافن بصل0
سلامى للأهل جميعهم0
|
|