ايها البكرىواعضاء المنبر اليكم المشتكى..انا مظلوم من راوية العباسى وفتحى الصديق فهل من منصف؟؟؟؟

لاادرى ماذا تجنى المرهفة راوية العباسى والعزيز فتحى الصديق
من سهرى؟؟
ساقنى حظى لا ادرى ايهم!!الى بوست كتبه الاستاذ فتحى الصديق عن
(عبد العزيز محمد داوود) او الفنان الفيل هكذا كان يطلق عليه
الاستاذعلى المك رحمه الله والموضوع نقلا عن كتاب الاستاذ محمد عثمان
الجعلى(رحيل النوار خلسة)- وهذا سفر جدير بالاقتناء-.فاذا ببنت العباسى
المدعوة راوية و مع سبق الاصرار والترصد وبحذاقة بالغة
وبحضور بديع تنزل وسط هذا الزخم اغنية طول ياليل على الباسل
بصوت الفنان الفيل،اشهد الله لم اذق طعم النوم ليلتها وظللت
استمع الى تلك المعلقة ثلثى الليل اوزد عليه قليلا او بالاصح
ظللت سماعاوافتتانا هى حتى مطلع الفجر.
اولا يدهشك عبد الرحمن الريح ببديع نظمه فتقف مذهولا لحروف
كان شفاهاقد لونتها ويكمل ابوداود اللوحة ليشقيك بحنجرة كما
قال على المك(ابوداوؤد بجيب اللحن من قرونو) حتى تشم للنغم عبق وهو
غناء لو سمعه محازق لقال ايضا(لو غنى بهذا حول الكعبة لجاز)
ولا استطيع ان اكون ابلغ من اهلى حين يقولون (شى يخلى شعرة جلدك تكلب)
وسرحت بعيدا وتخيلت ود الريح والفنان الفيل قد مالوا عن السرر
المرفوعة والاكواب الموضوعة وهم يقهقون فرحين بما جادوا به
على الشعب السودانى من ابداع.

راوية نحن وقد وهن العظم والقلب واشتعل الراس شيبا فبالله
خلينا من الحاجات البتقد الفؤاد دى..لان الواحد لما يسمع
غناء زى ده لوحده ولايجد من يشاركه الافتتان بجن عديل.
فى شان معايش الوليدات ورزق البنيات على ايدينا ارحمينا شوية
وكان قنعتى مننا خليك فى سواتك دى..واذا كان ليس هناك من
بد فحسبك ناس جلابية بيضاء مكوية وابشرة والبنسلين.
اخيرا ياشافعة بوركتى ولفتحى العزيز التقدير، ورحم الله ابوداوؤد
وعبدالرحمن الريح وعلى المك وجزى الله دكتور الجعلى عنا خيرا وتسلموا،،،،

حاشية:هذا بمثابة انذار اخير،،

والله ليك حق ... تزعل ...
انا لو منك احرد البورد دا .... بالمناسبة (فتحى البحيرى ) لمن يخت الكوره فى ا########## حريف وكتاب
تحياتى للناس الزكرتهم كلهم احياء واحباء وربنا يمتعنا بالبوست دا
لو ممكن تلبو طلب ظلامى

انا قلته رفعته اسلحة الدمار الشامل في وجه صاحبتي الظريفة ... جيت جري عشان اقنعك تنزلها... لكن وقت كده... ارفعها وانا برفع معاك...

لكم جميعا كل الود

بنت الحسين

ود الموج
تحية ليك ولراوية وللصديق الجعلي ،،،
ورحمة الله على أبوداود وعلي المك ،،
ولو عندك تسجيلات لأبوداود زودنا منها ، وإن رغبت فسنمدك بما عندنا ..

العزيز ود قاسم
لك التحية والود
مالك على الراجل ياخي؟؟؟
تااااني عايز ترجع ليهو الحالة؟
ما تديهو ولا أغنية بالله000

الباشكاتب صديق الموج
حبابك يا ود جدي
أيها المُشتكيِ وما بك داء
اتشتكي من راوية الفرايحية
والصديق المحاربنا فتحي ( مشتاق لي شوفتك لي زمن )
نوارتنا راوية ممكن تنزلي اغنية فريع البان للاستاذ ابو داؤود
عشان يجي لصديق الموج شلل اطفال

والله ياصديق وماليك على حليفه
من ما سرقتها من تنقو وختيتها هناك
وانا فاتحه لى صفحتين قول تلاته كدا
وبسمع فيها
واعمل ريفريش وتانى اسمع
ودا المنعنى من انى اخت ليك لنك الحفظ

وعليك الله ياصديق بعلمك تسوى كيف عشان تانى لا تحتار ولا تزعجنا من ابو داود

ويا حمزاوى الغالى بفتشها ليك الاغنيه وبجيبها ليك

وجاياكم تانى لو لقيت فرقه

ها يا راجل يا عجوز مالك ومال البنات الصغار دييل؟

العزيز حمزاوي
لك الود
لا يمكن لي وليس في مقدرتي محاربة قوم طيبون مثلكم0لكن هو ظرف سأحدثك عنه في رسالة خاصة0
لك الود الكثيف0

Quote: والله ليك حق ... تزعل ... انا لو منك احرد البورد دا .... بالمناسبة (فتحى البحيرى ) لمن يخت الكوره فى ا########## حريف وكتاب تحياتى للناس الزكرتهم كلهم احياء واحباء وربنا يمتعنا بالبوست دا لو ممكن تلبو طلب ظلامى

محمد حامد جمعة الحبيب..شكرا على المرور وهنالك تصحيح
البوست كتبهفتحى الصديق وليس فتحى البحيرى والذى ظللنا
انا وهشام شيخ الدين نبحث عنه فى الخرطوم حتى انقضت الاجازة
فله منا كل التحيات ..
اما البوست المذكور فهو حقيق بالمرور والاستماع لقنبلة راوية
(الله يخرب اعداءها) وددت ان لو تشاركونى السهر،مشكور يا بتاع
الرز البسمتى،،،

مريم بت الحسين

نسيت ان اكتب على الشكوى بصورة الى السيد الرئيس
شكرا للمرور وتسلمى،،

Quote: ود الموج تحية ليك ولراوية وللصديق الجعلي ،،، ورحمة الله على أبوداود وعلي المك ،، ولو عندك تسجيلات لأبوداود زودنا من ، وإن رغبت فسنمدك بماعندنا ودقاسم اخاف على منكم واخاف عليكم منى واخاف علينا جميعا من مثل هذه التسجيلات وسوف لتحفك او انفحك بواحد منها قريبا

---

Post: #11 Title: Re: ايها البكرىواعضاء المنبر اليكم المشتكى..انا مظلوم من راوية العباسى وفتحى الصديق فهل من منصف Author: صديق الموج Date: 02-23-2005, 12:43 PM Parent: #1 حمزاوى حمزاوى سيد الحكاوى حمزاوى يزيل البلاوى حمزاوى بنكهة الكلاوى لا تدعوا الفرصة تفوتكم واحجزوا حمزاوى وشكرا للطلب انت اظنك ناوى تودر ضمتنا،،

---

Post: #12 Title: Re: ايها البكرىواعضاء المنبر اليكم المشتكى..انا مظلوم من راوية العباسى وفتحى الصديق فهل من منصف Author: صديق الموج Date: 02-23-2005, 12:57 PM Parent: #1 Quote: والله ياصديق وماليك على حليفه من ما سرقتها من تنقو وختيتها هناك وانا فاتحه لى صفحتين قول تلاته كدا وبسمع فيها واعمل ريفريش وتانى اسمع كدى بطنى بردت الحمد لله ما ساهرت براى وزى ما بقول المثل يا حافر حفرة السؤء وسع مراقدك فيها،،،،

---

Post: #13 Title: Re: ايها البكرىواعضاء المنبر اليكم المشتكى..انا مظلوم من راوية العباسى وفتحى الصديق فهل من منصف Author: فتحي الصديق Date: 02-23-2005, 02:23 PM Parent: #12 العزيز صديق وضيوفه الكرام00 لكم التحية والود00 سأعود اليكم غدا00 بعدما اخلص من شغل (عريبي الجزيرة الببيع الزيوت)دا00

---

Post: #14 Title: Re: ايها البكرىواعضاء المنبر اليكم المشتكى..انا مظلوم من راوية العباسى وفتحى الصديق فهل من منصف Author: فتحي الصديق Date: 02-25-2005, 09:09 AM Parent: #13 الأخ العزيز صديق أعود اليك لأقول:محزن ما نسمعه في هذه الايام من خلال وسائط الاعلام.من بنسلين وخلافه.لذا فانني لم أستغرب الذي جرى لك من جراء ما فعلته العزيزة راوية00حزنت وفرحت في ان معا0 ما أحزنني هو حال الغناء السوداني الان من سقوط كبير في مستوى الكلمة المغناة ومستوى الالحان والأداء00لن ننتظر بالطبع ان نستمع لأبي داؤود اخر0ولن نحلم بذلك00لكن قليلا من الاحترام لما تركه هؤلاء القوم المتميزون0 في الاسبوع الماضي صدفة أستمعت لجمال فرفور0(يعيد) غناء المرحوم الكاشف بمقدرة كبيرة في التشويه والاساءة لما تركه هذا العملاق00والمحزن أنني استمعت للأغنية من خلال وسيلة اعلامية مرئية00ذلك أمر اخر سأحاورك فيه0 ما أسعدني في الذي جرى لك هو بقاء الذوق الفني على رقيه ممثلا في(سهرك للفجر)0وغيرك كثر0يبكون احيانا وهم يستمعون لعذب الكلام من حنجرة فارهة الطول مثل حنجرة أبوداؤود0 صديق أعرف راقيا مثلك يبكي حين يسمع (البرهة القليلة) لأبي داؤود00 وبيني وبينك بس أنا برضي زيوو لما اسمع (فارقني البريدو ما بين يوم وليلة)0 العزيز صديق نصيحة مني لك نصيحة اخوية والله لا تحاول ان تسمع (البرهة القليلة)00خايف عليك والله00 ربي يحفظك لبنياتك00

---

Post: #17 Title: Re: ايها البكرىواعضاء المنبر اليكم المشتكى..انا مظلوم من راوية العباسى وفتحى الصديق فهل من منصف Author: Raja Date: 02-25-2005, 10:02 AM Parent: #1 الموج العزيز.. وتقول شنو لو عرفت ان ابو داود كان لا ينقطع صوته أبدا في حضرة والدي رحمه الله.. غايتو انا من ما فتحت عيوني عرفت فنان اسمه عبدالعزيز داود.. و"يا حليل رياضنا الغنًا".. الله يرحم العباسي.. .. تحايا لفتحي الصديق وراوية وكل محبي الطرب..

---

Post: #18 Title: Re: ايها البكرىواعضاء المنبر اليكم المشتكى..انا مظلوم من راوية العباسى وفتحى الصديق فهل من منصف Author: صديق الموج Date: 02-25-2005, 10:58 AM Parent: #1 ترهاقا ..نحن كان كبار ناس ودقاسم وابو جهينة ما( يترجلو بالمعنيين) يا اخى تسلم لكن اتحداك مر واسمع،،،