يا ناس البورد مافبكم فائدة تب..يعنى ولا زول يشاركنى مصيبتى

Quote: المتواجدون الان بالمنبر العام 166 شخص » (1 )عضو و (165) زائرا »صديق الموج هذه الصفحة يعاد تحديثها كل 120 ثانية. المنبر العام | أرشيف المنبر العام للنصف الاول من عام 2005 | أرشيف المنبر العام للنصف الاول لعام 2004 | مكتبة الراحل على المك | مواضيع توثيقية و متميزة اراء حرة و مقالات سودانية | مواقع سودانية | اغاني سودانية | مكتبة الراحل مصطفى سيد احمد | دليل الخريجيين السودانيين | الاخبار اليومية عن السودان بالعربى|

يا جماعة مش حرام عليكم مخلنى براى مع 165 ضيف..تعبت من المشاوير اجيب الموية
ينط واحد يقول لى وين القهوة يا ابو الموج..اجيب القهوة واحد يقول داير الابريق
ارجع بالابريق واحد يقول دايرين بندول وهاك يا مشاوير ..شى شاى وشى زيت سمسم وشى
اكل وشى ملح ..والله ما فيكم فائدة يا ناس المنبر..وشوفو ليكم زول يصاقر البورد ده
تانى،،،،

بتسدها .. وتقدها يا ابو حيدر ..
وما تنساهم عليك الله من الكستر بتاع رمضان داك



بالمناسبة وينك انت .. غاتس في البطاطس ..
ما تحصل حلة الكركدي الاخيرة دي ..

Quote: Quote: المتواجدون الان بالمنبر العام 166 شخص » (1 )عضو و (165) زائرا »صديق الموج هذه الصفحة يعاد تحديثها كل 120 ثانية. المنبر العام | أرشيف المنبر العام للنصف الاول من عام 2005 | أرشيف المنبر العام للنصف الاول لعام 2004 | مكتبة الراحل على المك | مواضيع توثيقية و متميزة اراء حرة و مقالات سودانية | مواقع سودانية | اغاني سودانية | مكتبة الراحل مصطفى سيد احمد | دليل الخريجيين السودانيين | الاخبار اليومية عن السودان بالعربى|

دة حق الشواكيش الاديتنى ليهم

صديق اخوي
ياخي انت اسمك على جدي
والله كان عارفك براك اكان جيت ووقفت جمبك وانصهرت معاك في المتواجدون الان والمتواجدون بكرة وبعد بكرة يا خي انت هين

يا حاج صديق إنت دخلت ساعة حظر التجول وأنا منتظر باب الزيارة يفتح والمواصلات تشتغل والعسس يدخلوا مخابئهم عشان أعمل ساين إن لأنه كلما كتب حرف الألف يا دوب في كلمة ملا يقول لي try again أها وين ووين لمن أقين ظبتت معاي
وزي ما قال حميده إنت قدها وقدود ولو غلبتك أجر مع الصيوان عمال وجرسونات ولا أقول ليك أعزمهم في القرين فيلدج لو لسه قرين

معليش

يا صديق الموج

انت براك

Quote: بالمناسبة وينك انت .. غاتس في البطاطس .. ما تحصل حلة الكركدي الاخيرة دي ..

حميدة ...احصل شنو هو زواركم الثقلاء ديل خلوا لى ركب امشى بيهم،،،

Quote: دة حق الشواكيش الاديتنى ليهم

نجود اقسم بالله ما قايلك حاقدة على لى هسع..لاحوله

بالغتى...،،،

Quote: نجود اقسم بالله ما قايلك حاقدة على لى هسع..لاحوله بالغتى...،،،

كان ما الشيْ قسم انا عقلي شن داير


شفت الEdit دي كيف...

Quote: نجود اقسم بالله ما قايلك حاقدة على لى هسع..لاحوله بالغتى...،،،

بالغ الزمن



ان كيدهن عظيم

Quote: صديق اخوي ياخي انت اسمك على جدي والله كان عارفك براك اكان جيت ووقفت جمبك وانصهرت معاك في المتواجدون الان والمتواجدون بكرة وبعد بكرة يا خي انت هين

الامين شكرا على همتك البتشبه الاضينة شغلو واعتذر له ما كان تجى تقيف معاى اقل شى كان عصرت ليك كراع كراعين..وحاتك الامين هى جنس خدمة والناس التقول مداح طلباتهم كتيرة خلاس..تسلم للمؤازرة،،،

العزيز صديق الموج

انت اكبر من كده نحن مشينا وين نجيب ليك الايرو

كله يا سيد الكل

لك كل الود

سلامات يا صديق

Quote: ولا أقول ليك أعزمهم في القرين فيلدج لو لسه قرين

لو بقيت على اقتراح الملا؛ كلّم حنين ... احتمال يجيب ليك تخفيض!

العزيز / صديق




خليك في جحرك أحسن وماتتطلع . حميدة أمن الرخصة ومنتظرك ( ماتمشي السفارة ولا الصالحية ).



تحياتي

Quote: وزي ما قال حميده إنت قدها وقدود ولو غلبتك أجر مع الصيوان عمال وجرسونات ولا أقول ليك أعزمهم في القرين فيلدج لو لسه قرين

الملا عمر اقول ليك 166 تقول القرين فيلدج احسن اركبهم لورى وارسلهم ليك طالبان يمكن ينفعوك ..بس شوف ناس الانقاذ ديل كان تلقى عندهم باقى زاد مجاهد

Quote: معليش يا صديق الموج انت براك

سيف مساعد شايف جابت ليها شماتة كمان!!اى براى.. وانتو مخلينى براى قايلين انا اباذر؟

صديق الموج

التفرد ميزة لا تكون إلا للعظماء مثلك ،، ومن الآن فصاعداً أنا بقترح على بكري رصد جائزة لمن ينفرد بالتواجد مع الزائرين في الحوش ،،، وأنا على استعداد في تبنيها لو بكري جقلب ،، وماأظن زول فاتح حوشو الفضائي يجقلب لمن يلقى ليهو واحد ضكر يركز للضيوف متحزم ومتلزم ويحلف عليهم بالطلاق ويشبعهم شيه ونيه ،، والعجب العجاب كان نتاية تخصمهم بالنبي وتعرضهم الشفاعة كان ما خشو وتقول ليهم سيد الحوش حسع بجي القطاعة فيكم كان ما قعدتو ،، ديييييييييييييييل أهلي مكان ما أقبل ألقاهم معاي زي ضلي ولو ما كنت من زي ديل وأهل الحارة ما أهلي كان واسفاي وا مأساتي وا ذلي .

Quote: كان ما الشيْ قسم انا عقلي شن داير شفت الEdit دي كيف...

نزار هسع دى ادت ولا زوغتت..مالك مكبر اللفة كدى،،،

ما شفت البركات دكين كان معاهو منو

وشطح قال دي من صلاحو ودي اشارة سماوية

قاعد براك ؟

Quote: العزيز صديق الموج انت اكبر من كده نحن مشينا وين نجيب ليك الايرو كله يا سيد الكل لك كل الود

كتر خيرك على الود لكن كان وقفتوا معاى وجبتوا الضبايح ما كان اخير،،،

Quote: سلامات يا صديق Quote: ولا أقول ليك أعزمهم في القرين فيلدج لو لسه قرين لو بقيت على اقتراح الملا؛ كلّم حنين ... احتمال يجيب ليك تخفيض!

حسين يا اخوى احمد حنين ده مابجيب لى تخفيض!!احمد ده بجيب لى الضغط..التخفيض ده ناسوا براهم..انا ما منهم..تسلم للمرور،،،

صديق الموج

شوف ابشيبة متنكر لابس جلابية شرنوبي وشايل طارتو.

Quote: صديق الموج شوف ابشيبة متنكر لابس جلابية شرنوبي وشايل طارتو

القلب الضرباتو زايده

أنا أريد بوست الموج الخلاكي تجيبي سيرتي أما التنكر فهو لزوم البوست لتشجيع المنفرد

Quote: خليك في جحرك أحسن وماتتطلع . حميدة أمن الرخصة ومنتظرك ( ماتمشي السفارة ولا الصالحية ).

ود المايقوما..تسلم،
المدعو شوهد وهو يقود سيارة (باور استيرنج) انا ما مصدق قلت ليهم الاستيرنج ما بخبرو لكن حمالتك على الباور من ضرعاته الخدر ديك..وبعدين هو لقانى ماشى بى كرعى قال داير يوصلنى انا قلت ليه مستعجل شوية..وثانيا رخصة حميضة دى ياها الوتد القبال الحمار
زاتو..وصاحبك كل ما يلقى ليه زول معاها عربية قالوا يقول ليه عربيتك لو سمحت وما نخاف الرخصة مؤمنة..شفت عريان السنين البضايق الترزى يوم الوقفة بقت على صاحبك. الله يرفع قدمه،،،

الأخ الكريم صديق الموج

سلامي وإعزازي،،

الله لا يريك المصائب يا صديق يا أخي..
ومتعك الله وأسرتك بالصحة والعافية..
والمصيبة المفروض كانت تجيكم يوم الأربعاء
لكن نجدكم الحكم ونقول الجايات أكتر من الرايحات..

Quote: التفرد ميزة لا تكون إلا للعظماء مثلك ،، ومن الآن فصاعداً أنا بقترح على بكري رصد جائزة لمن ينفرد بالتواجد مع الزائرين في الحوش ،،،

ابو شيبة والله ينفرد بيك رونادينو وتكون انت قون ريال مدريد ما ينفردوا بيك ديل.اول شى يدخلوك فى اضافريك بالسؤالات..يقولوا ليك شنو الغلو ده؟تقول ليهم ده ما انا ده اساسى..طيب المهاترات ودارفور دى شنو تقول ليهم ده ماانا ديل ناس بقال واحمد حنين..يقوموا يقولو ليك طيب زى الشفع تتشاكلوا تقول ليهم امسحوها لى فى وشى القبيح ده..يقوم ينط واخد يقول ليك طيب اللماضة ما في ليها داعى تقول ليه خلاص يكلم حميضة ده..واحد يقول ليك طيب ما تسجلونا معاكم انتوا قايلين نفسكم شنو يعنى؟ما ياهو ده الهلال بسجل من طرف..تحولو لى بكرى واحد يقول ليك بكرى عامل اضان الحامل طرشه وعيييييييييييك يسلوا روحك بالاسئلة..بعدين انفرد بيهم لنت انا ما دايرهم،،

Quote: قاعد براك ؟[/QUOTE القلب النابض ..تحياتى ]قاعد براك والهم عصف؟؟ بعدين كان دكين ده عنده بركات..الله لاجاب يوم شكرنا،،،

---

Post: #27 Title: Re: يا ناس البورد مافبكم فائدة تب..يعنى ولا زول يشاركنى مصيبتى Author: ود الباوقة Date: 12-20-2005, 01:50 PM Parent: #26 عمي ود الموج .. طيب ما في ( حتات ) كتيرة قاعد تكون فيها ( براك ) قلنا حاجة .. اجي يا عمي ...

---

Post: #29 Title: Re: يا ناس البورد مافبكم فائدة تب..يعنى ولا زول يشاركنى مصيبتى Author: humida Date: 12-20-2005, 02:02 PM Parent: #27 الظاهر في الايام الاخيرة دي بقى يخاف ..

---

Post: #30 Title: Re: يا ناس البورد مافبكم فائدة تب..يعنى ولا زول يشاركنى مصيبتى Author: منتصر حسن محمد Date: 12-20-2005, 02:04 PM Parent: #27 Quote: المتواجدون الان بالمنبر العام 166 شخص » (1 )عضو و (165) زائرا صديق الموج سلالالالالالالالالالالالالالالالام كتير والله ياحاج أنا كنت دايرهم يكونوااا أكتر من كده لأنوا عضوا المنبر براهو لو فكيتو بجيب عشرة زوار أه شوف أنت عضو سيوبر يعني ح تكون قصاد كم والإيام دي انت سعرك زايد حبتين ولاشنو .........؟ يا راجل الجرس شنو لو في طريقة أتجوعل ونزيدهم ليك ( ده جعلي صاحبي قاعد جنبي ) ود زبيدة

---

Post: #31 Title: Re: يا ناس البورد مافبكم فائدة تب..يعنى ولا زول يشاركنى مصيبتى Author: Gazaloat Date: 12-20-2005, 02:07 PM Parent: #27 صديق اخوى كدى تعال جاى النسعلك انا دخلاتى للبوردات قليلة وكل مرة اتاوق فى الاون لاين الاقى الاسم(( الموج )) فهل انت من الموج الذى نعرف ( اعنى عمنا الصول المرحوم حاج الطيب الموج - والدعلى وعثمان) ام ان (موجا) اخر قد القى بك الى هذه الشواطئ. ان كنت من اعرف فلك التحيات الناضرات وعطر الذكريات والدافورى من قشلاق الى قشلاق واحسب اننا عشنا معا فى قشلاقين على الاقل - القيادة الشمالية شندى والكلية الحربية بانت- امدرمان واظن - وان بعض الظن اثم- اننا تزاملنا فى محمد حسين زمن التلمذة وان لم تكن من اعنى فلك ايضا التحيات الزاكيات سلام منعم الجزولى

---

Post: #28 Title: Re: يا ناس البورد مافبكم فائدة تب..يعنى ولا زول يشاركنى مصيبتى Author: صديق الموج Date: 12-20-2005, 02:01 PM Parent: #1 Quote: الأخ الكريم صديق الموج سلامي وإعزازي،، الله لا يريك المصائب يا صديق يا أخي.. ومتعك الله وأسرتك بالصحة والعافية.. والمصيبة المفروض كانت تجيكم يوم الأربعاء لكن نجدكم الحكم ونقول الجايات أكتر من الرايحات.. نصر الدين بركة الجيت..لاحوله ياخى نحن نسينا انت لى هسع..تعوضوا مع الوداد والنتيجة فى جيبكم،،،،

---

Post: #32 Title: Re: يا ناس البورد مافبكم فائدة تب..يعنى ولا زول يشاركنى مصيبتى Author: humida Date: 12-20-2005, 02:18 PM Parent: #28 Quote: رخصة حميضة دى ياها الوتد القبال الحمار زاتو.. عارف دا كلو عشان ناس السفارة .. زمان الواحد سايق كيري .. بس ياهو الا يلاقيك القدر علي حين غفلة ناس السفارة ديل عندهم تفتيش وملابسات وكدا يوم داك انا واخوي تمبس علي الحرام مرقتنا المرسيدس بس اخوك بعرف ينجعص صاح .. ولا مندوب الفيفا .. بس احرجنا العسكري .. قال لي خلاص نسجلها في الدفتر .. نمرتها كم .. قلت ليهو شنو .. هي فيها نمرة كمان .. نزلت عاينت ليها .. وجيت مبتسم .. قلت ليهو 568 قال لي يا بني آدم في حروف مع الرقم .. تاني رجعت .. في هذه اللحظة صاحبك .. عرف انها ما بتاعتي .. وبعد زرزة مع الضابط .. قلت ليهو بتاعت الحاج ياخي اصلو الزول ما يقشر ليكم .. واخوي تمبس يقرا في كلبن كلبك ربك خلقك دنقر راسك وارفع ضنبك اها من ديك .. قررنا نسوق رسمي .. خصوصا قلت ليك موضوع التامين دا عاجبني .. علي الحرام .. أأمن ليك مستقبل اولاد اولادك .. انت بس امرق لبره ..

---

Post: #33 Title: Re: يا ناس البورد مافبكم فائدة تب..يعنى ولا زول يشاركنى مصيبتى Author: صديق الموج Date: 12-20-2005, 02:19 PM Parent: #1 منتصر...يازول اتجوعلت لمن روحى مرقت زول ساكت يشيل معاى صوانى الغداء مالقيتو..اسوى شنو بلا الجرسة دى،،،

---

Post: #34 Title: Re: يا ناس البورد مافبكم فائدة تب..يعنى ولا زول يشاركنى مصيبتى Author: Dr. Moiz Bakhiet Date: 12-20-2005, 02:26 PM Parent: #33 عشان تاني يا صديق حسة كان جيت بهناك كان ام الحسن ساعدتك..

---

Post: #36 Title: Re: يا ناس البورد مافبكم فائدة تب..يعنى ولا زول يشاركنى مصيبتى Author: منتصر حسن محمد Date: 12-20-2005, 02:35 PM Parent: #33 ود الموج يا اخوي انت خربت علي روحك براك كان طوالي المنبر ده فيه ناس كده مداومين لكن الله يكضب الشينة شكلك بعد ده حتكون براك كتير وبعد ده حقو تقتنع وتقول شيلتي براي بشيلة مع (البشوكشة) عفوا صواني الغداء يازول بعد حقو تشد حيلك وتشيل شيلتك الناس قبالك ما اشتكوا ود زبيدة

---

Post: #35 Title: Re: يا ناس البورد مافبكم فائدة تب..يعنى ولا زول يشاركنى مصيبتى Author: صديق الموج Date: 12-20-2005, 02:30 PM Parent: #1 Quote: صديق اخوى كدى تعال جاى النسعلك انا دخلاتى للبوردات قليلة وكل مرة اتاوق فى الاون لاين الاقى الاسم(( الموج )) فهل انت من الموج الذى نعرف ( اعنى عمنا الصول المرحوم حاج الطيب الموج - والدعلى وعثمان) ام ان (موجا) اخر قد القى بك الى هذه الشواطئ. ان كنت من اعرف فلك التحيات الناضرات وعطر الذكريات والدافورى من قشلاق الى قشلاق واحسب اننا عشنا معا فى قشلاقين على الاقل - القيادة الشمالية شندى والكلية الحربية بانت- امدرمان واظن - وان بعض الظن اثم- اننا تزاملنا فى محمد حسين زمن التلمذة وان لم تكن من اعنى فلك ايضا التحيات الزاكيات سلام منعم الجزولى عبد المنعم عوض الجزولى ود خالتى النعمة ..يا حليلك بالله انت بى جاى يازول يا كيك ..ياخى ازيك... نعم تزاملنا فى محمد حسين بس انت قدامنا شوية ومن الدفعة هنا معاى كوستاوى وسجيمان واخرون وهنالك بوست مفتوح عن محمد حسين امش بتلقى باقى انسال الترحال الذين صاروا الشتات فى بلاد الله . ويا حليل اشلاقاتنا ودافورينا يا نعوم ياشبه البلوم الخاتى اللوم، ودحين ما اتزاملنا تانى ..انا وانت و هاشم محمد الحسن واخرون. لك عميق مودتى وتسلم.وبنكاتبك كان الله مد فى العمر..التحيات تصل حسن وكمال واميرة ومجدىوالرحمة للعم عوض والوالدة النعمة..ايضا الرحمة تغشى عمك الصول الطيب ..وندعو بطولة العمر للوالدة وحفظنا الله واياكم من كل مكروه،،،

---

Post: #37 Title: Re: يا ناس البورد مافبكم فائدة تب..يعنى ولا زول يشاركنى مصيبتى Author: صديق الموج Date: 12-20-2005, 02:38 PM Parent: #1 Quote: عمي ود الموج .. طيب ما في ( حتات ) كتيرة قاعد تكون فيها ( براك ) قلنا حاجة .. اجي يا عمي عمر لكن قعاد لى قعاد يفرق وانا وحاتك انت اخر قعدة الكانت معاكم فى السطوح الكانت بى مزتها وشيتها وشطوطها ومن ديك يسمنى،،

---

Post: #38 Title: Re: يا ناس البورد مافبكم فائدة تب..يعنى ولا زول يشاركنى مصيبتى Author: يوسف السماني يوسف Date: 12-20-2005, 03:02 PM Parent: #1 الاخ /صديق الموج لك الود حينما قراءت االعنوات اضطربت خفقات قلبي وارتعشت اناملي فعصي عليها ملامسة (الكي بورد) وطافت بخيالي هواجس الشك تخبر ان مكروة الم بك ونحن عنك غافلون ، وعندما فتحت البوست لمعرفة ما الم بك وجدتك توزع البسمات بين ضيوف اليورد خمدت شواطين الشك وانطلقت من دواخلي زغروة حركت اوردة وشرايين القلب فانفجرت مضحاتة ضحكة سقت ظماء سنين من الحزن في هذا الزمن الكيئب . لك التحية وانت ترسم علي الشفاة الابتسامة . يوسف السماني يوسف

---

Post: #39 Title: Re: يا ناس البورد مافبكم فائدة تب..يعنى ولا زول يشاركنى مصيبتى Author: صديق الموج Date: 12-20-2005, 03:14 PM Parent: #1 Quote: الظاهر في الايام الاخيرة دي بقى يخاف .. حميدة الما بخوفنى شنو؟قالوا انت الايام دى سايق رحم الله تمبس!!فدائى،،،

---

Post: #40 Title: Re: يا ناس البورد مافبكم فائدة تب..يعنى ولا زول يشاركنى مصيبتى Author: صديق الموج Date: 12-20-2005, 03:30 PM Parent: #1 Quote: يازول بعد حقو تشد حيلك وتشيل شيلتك الناس قبالك ما اشتكوا ود زبيدة شفت يا منتصر البنت المشوكشة دى خلتيها السودان جات لاحقانى هنا مفتكرانى حا اقعد ليها براى؟حلات دقدق شوفى ليك زول عوير. بت لصقة خلاص،،،،

---

Post: #41 Title: Re: يا ناس البورد مافبكم فائدة تب..يعنى ولا زول يشاركنى مصيبتى Author: صديق الموج Date: 12-20-2005, 03:47 PM Parent: #1 Quote: عشان تاني يا صديق حسة كان جيت بهناك كان ام الحسن ساعدتك.. دكتورنا البخيت سلام والله نصحتنى وانا بالنصيحة لعاملون،،

---

Post: #42 Title: Re: يا ناس البورد مافبكم فائدة تب..يعنى ولا زول يشاركنى مصيبتى Author: wail tagelsir abdalla Date: 12-20-2005, 03:57 PM Parent: #1 قال ليك يا ابو حيدر .... كان غلبك سدها وسع قدها

---

Post: #43 Title: Re: يا ناس البورد مافبكم فائدة تب..يعنى ولا زول يشاركنى مصيبتى Author: wail tagelsir abdalla Date: 12-20-2005, 04:02 PM Parent: #1 خلي بالك انت الما منك فايدة يا مستر بوردابى

---

Post: #44 Title: Re: يا ناس البورد مافبكم فائدة تب..يعنى ولا زول يشاركنى مصيبتى Author: wail tagelsir abdalla Date: 12-20-2005, 04:02 PM Parent: #1 خلي بالك انت الما منك فايدة يا مستر بوردابى

---

Post: #45 Title: Re: يا ناس البورد مافبكم فائدة تب..يعنى ولا زول يشاركنى مصيبتى Author: maman Date: 12-20-2005, 06:11 PM Parent: #1 خد حبتين BEE POLLEN ونص كاسة ALOE VERA GEL يا ابن عمي

---

Post: #46 Title: Re: يا ناس البورد مافبكم فائدة تب..يعنى ولا زول يشاركنى مصيبتى Author: Marouf Sanad Date: 12-20-2005, 06:44 PM Parent: #45 يا صديق يعني واقف قدام الباب وتقول للجماعة البجو : عندنا وعندنا كباب بالبيض , سجق بالبيض , مقالات , كمونية , اغاني سودانية , شريفة , فتة لحمة , فتة شوربة , ثقافات , خشاف ,, اراء حره

---

Post: #47 Title: Re: يا ناس البورد مافبكم فائدة تب..يعنى ولا زول يشاركنى مصيبتى Author: نادية عثمان Date: 12-20-2005, 06:58 PM Parent: #46 ومالو ؟!! عااااااااااااااااادى زى الطحنية مع الزبادى !!! انت بتخاف من يوم الوحدة ؟!!

---

Post: #48 Title: Re: يا ناس البورد مافبكم فائدة تب..يعنى ولا زول يشاركنى مصيبتى Author: بدرالدين شنا Date: 12-20-2005, 11:20 PM Parent: #1 صديقي وموووووجي سلامي وإحترامي Quote: وهاك يا مشاوير ..شى شاى وشى زيت سمسم ناس دايرين ليهم زيت سمسم يعني حاتكون ضيفتهم بي طورطة؟؟؟ والله اليسمع (مصيبتي) يقول قطع شك ضابح ولاَّ يكونوا زيت السمسم دايرنوا للمسوح في السقط الشديد دا؟؟؟ تسلم يا موج

---

Post: #49 Title: Re: يا ناس البورد مافبكم فائدة تب..يعنى ولا زول يشاركنى مصيبتى Author: keiga2000 Date: 12-21-2005, 00:05 AM Parent: #48 ولايهمك ياخال بس وريني انت المسهرك لهسع شنو خالتي دي عملت ليك شنو طبعا نحن ناس نهار بس بالليل دا ماقاعدين ندخل ابدا ياخي اخبار الاخ اسامة شنو وتحياتي للاسرة الكريمة ابومصطفى

---

Post: #50 Title: Re: يا ناس البورد مافبكم فائدة تب..يعنى ولا زول يشاركنى مصيبتى Author: حمزاوي Date: 12-21-2005, 00:25 AM Parent: #1 Quote: يا ناس البورد مافبكم فائدة تب..يعنى ولا زول يشاركنى مصيبتى سجمي انا لمن قريت العنوان قلت ود الموج دا مالو بقى كوز ولا شنو حكم والله

---

Post: #52 Title: Re: يا ناس البورد مافبكم فائدة تب..يعنى ولا زول يشاركنى مصيبتى Author: Mohamed Abdelgaleel Date: 12-21-2005, 01:03 AM Parent: #1 الأخ العزيز - صديق - تحياتي .. تحياتي لاحظت تسجيلك غياباًلأيام عن الصالحية على غير عادتك .. وسألت عبدالمنعم .. وتعلم حوبةوجودك في الصالحية .. أتاريك مصاقر البورد الوكت دا كلو .. يا أخي والله الكتابة دي أكان بتغير الحاجات كان السودان بقى زي سويسرا .. دحين أرجع لصالحيتك .. ولنلتقي

---

Post: #53 Title: Re: يا ناس البورد مافبكم فائدة تب..يعنى ولا زول يشاركنى مصيبتى Author: ودقاسم Date: 12-21-2005, 01:17 AM Parent: #1 الموج لك الله يا أباذر المنبر ، تسهر وحدك ، وتكتب وحدك ، وتقرأ وحدك ،،، طيب يا صديق لو ما اتوحدت إنت يتوحد منو ؟ أحسن تتوحد نجود ؟ يا أخي شيل شيلتك ، وتوحد وحدتك ، وزي ما بقولوا الخلا ولا الرفيق الفسل ،،،

---

Post: #54 Title: Re: يا ناس البورد مافبكم فائدة تب..يعنى ولا زول يشاركنى مصيبتى Author: سامى عبد الوهاب مكى Date: 12-21-2005, 02:29 AM Parent: #1 والله ياعمي الموج حالتك تحنن!! لكن الحق عليك..يعني كان تنادي ود اخوك علي الاقل كان طفشتهم ليك ونسه سااااكت. ولا كان تنادي صاحبنا الشارد من كورة الكاس داك..الود الفصيــــــــح عمر الفاروق..يترسل ليه مرسالين تلاته يودرن(القلق)

---

Post: #55 Title: Re: يا ناس البورد مافبكم فائدة تب..يعنى ولا زول يشاركنى مصيبتى Author: ayman haroun Date: 12-21-2005, 04:24 AM Parent: #1 up just ayman

---

Post: #56 Title: Re: يا ناس البورد مافبكم فائدة تب..يعنى ولا زول يشاركنى مصيبتى Author: أحمد الشايقي Date: 12-21-2005, 04:40 AM Parent: #1 الأربـاب ود المـوج, Quote: Quote: المتواجدون الان بالمنبر العام 166 شخص » (1 )عضو و (165) زائرا »صديق الموج هذه الصفحة يعاد تحديثها كل 120 ثانية. مطمئنين ديـل ما بيملو عـيـنـك, ودام فـضـلـك,

---

Post: #57 Title: Re: يا ناس البورد مافبكم فائدة تب..يعنى ولا زول يشاركنى مصيبتى Author: Khalid Saeed Date: 12-21-2005, 04:43 AM Parent: #1 ود الموج جاتك الفزعه من دار جعل حرم نحنا قلنا كيفين ود الموج يقيف براه في الضيفان جرينا جري سجلنا عضوية وجيناك وكان درته أسع تي أرسل لي ناس المكنية كلهم يسجلوا في البورت كيفن نخلي الجعلي براه يصاقر الناس ديل ( علا كمان ياود الموج الغناي قال سمعنالنا خبراً في الهلاليه خمستاشر جواد سكن تسع ميه .. ونحنا كمان بنقول سمعنالنا خبراً في سودنانير أون لاين بورادبي واحد ضيف 165 .. ياود الموج الآلاف ضيفم بوردابي نجيض ماك ني .. لك التحية. خالد سعيد الآرباب

---

Post: #58 Title: Re: يا ناس البورد مافبكم فائدة تب..يعنى ولا زول يشاركنى مصيبتى Author: عبد السلام أبوشنب Date: 12-21-2005, 04:45 AM Parent: #1 ود الموج كيفك كان تعزمهم تركين وهلاس كيته فى ود الباوقه

---

Post: #59 Title: Re: يا ناس البورد مافبكم فائدة تب..يعنى ولا زول يشاركنى مصيبتى Author: صديق الموج Date: 12-24-2005, 12:37 PM Parent: #1 جاييكم بالمهلة يا ناس شنا هى وقفت على زيت السمسم،،،

---

Post: #60 Title: Re: يا ناس البورد مافبكم فائدة تب..يعنى ولا زول يشاركنى مصيبتى Author: khaleel Date: 12-24-2005, 02:02 PM Parent: #1 معليش صديق خادم القوم سيدهم وما زلت في انتظار مداختلك في موضوع عثمان الشفيع رب الجمال علي البورد تحياتي خليل

---

Post: #61 Title: Re: يا ناس البورد مافبكم فائدة تب..يعنى ولا زول يشاركنى مصيبتى Author: Muna Khugali Date: 12-24-2005, 02:18 PM Parent: #60 كـل سـنة وانت طـيب ياصـديق مـني

---

Post: #62 Title: Re: يا ناس البورد مافبكم فائدة تب..يعنى ولا زول يشاركنى مصيبتى Author: صديق الموج Date: 12-25-2005, 08:40 AM Parent: #1 Quote: الاخ /صديق الموج لك الود حينما قراءت االعنوات اضطربت خفقات قلبي وارتعشت اناملي فعصي عليها ملامسة (الكي بورد) يوسف السمانى كتر خيرك انت يا الحاسى بى ويا الدارى بى حالى ،،،

---

Post: #63 Title: Re: يا ناس البورد مافبكم فائدة تب..يعنى ولا زول يشاركنى مصيبتى Author: صديق الموج Date: 12-25-2005, 01:12 PM Parent: #1 Quote: قال ليك يا ابو حيدر .... كان غلبك سدها وسع قدها ياخى اسد شنو...اقول ليك هجموا على هجمة اسدا واحد فارتعدت فرائضى واتسع الفتق على الراتق..تسلم على المرور،،

---

Post: #64 Title: Re: يا ناس البورد مافبكم فائدة تب..يعنى ولا زول يشاركنى مصيبتى Author: المسافر Date: 12-26-2005, 02:30 AM Parent: #63 ما تهتم للأيام ظروف بتعدي حقيقة الدنيا زي الموج تجيب وتودي إن بقت على جيب الشاي وزيت السمسم موضوعك هين أوعك الحكاية تكون دايرة ليها فراش وكراش انت قلنا اتخطبت واتخطفت اتاريك حايم براك بين الضيوف

---

Post: #65 Title: Re: يا ناس البورد مافبكم فائدة تب..يعنى ولا زول يشاركنى مصيبتى Author: انعام عبد الحفيظ Date: 12-26-2005, 03:45 AM Parent: #1 يا صديق الموج خليناك براك لانو واثقين منك قدرها ولا يهمك واثقين منك