Post: #1 Title: ليله أندلسيه في الخرطوم Author: طلال عفيفي Date: 10-30-2008, 01:39 AM Parent: #0
ليلة أمس ، 29 أكتوبر ، قدمت فرقة Cuadro Sacromonte عرضاً متميزاً هو الأول من نوعه في الخرطوم لموسيقى ورقصات الفلامنكو.
الفلامنكو فن عمره قصير نسبياً ، إذ نشأ كرد فعل تعبيراً عن الطبقات الكادحة والفئات الملفوظة في مجتمع أسبانيا أيامها ، حيث نزحت هذه المجموعات من كل أنحاء أسبانيا صوب الجنوب وبالتحديد إلى مدينة غرانادا التي وجدت فيها بعض الأمان من التغول على حقوقهم كأفراد وبشر ، إذ أن الملك فرناند والملكه الشهيرة إيزابيل قاما بسن قانون (تطهيري) يوجب على كل الرعايا أن يكونوا من المسيحيين الكاثوليك . حينها هرب المسلمون واليهود الغجر وإحتموا بما تبقى من أندلس : غرانادا . في منفاهم وبلادهم الجديدة تصاعد أنينهم المكتوم وحنينهم الشديد وإرتفع على سلالم موسيقية عبرت عن نفسها بأداء جسدي عالي .. بكده بدأ فن الفلامنكو في التكون ، ووضحت ملامحه الهجين المعبرة عن القهر والتلاقي واللوعة والأمل الخفيف .
في الخرطوم ، المدينة النايمة تحت ظل الحزن المكتوم ، لم يكن غريباً علي أن أندمج مع هذا الرافد الأندلسي للمشاعر ، فهي مشاعر يشبه صوتها صوتنا (مع إختلاف بسيط في النغمات ).
حين أتحدث عن " أندلسٍ " لا أتحدث عن القصور المشيدة والقلاع العالية ومُلك الملوك وإمتداد الإمبراطورية ، بقدر ما أحس بتلاقي الثقافات ووحدة المصير الإنساني وجمال قدرته على التعبير عن ذاته بالفنون .
وحين رأيت الراقص الأندلسي بجسده المياس القادر عن التعبير ، فكرت : سبحان الله ، جسدُ يقتل ، وجسد يرقص ... حنجرة تنادي على الحرب ، وحنجرة تنادي على أيامٍ خلت ! فتأمل.
أول تعرفي على الفلامنكو كان قبل سنوات طويلة ؛ كنا نخرج زائغين من مدارسنا المملة وأساتذتنا الكفار الذين يضربوننا عن كثب ، فندك الحصص ونذهب إلى وكر من أوكارنا البديعة البائسة ندخن السجاير ونسمع بوب مارلي وأغاني الجيبسي . وهي أمر ساعدتنا على راحة البال ، ومقاومة ما قد يعتمل في نفوسنا الصبية من إحباط كان قد يوشك بحضراتنا على الإنتحار .
في عمر متأخرة ، وبعد أن بلغت مبلغ الرجال وصار لي شنب ظريف وتطلعات نحو الماضي ، أرجعني إلى ذاكرة الفلامنكو أصدقائي الأستاذان الأمين عثمان وفتحي عثمان ، وهما من مراجعي الثقافية في مجال السينما والتشكيل والفنون عامة ، فقد وفرا لي في إحدى جلساتي معهما مشاهدة لفيلم المخرج الأسباني البديع كارلوس ساورا ... إسم الفيلم كان " فلامنكو " ...
وهو شريط يدور على مدار ما يقارب الساعة متقصياً أحوال وتنويعات الرقصات والموسيقى الموسومة بنفس الإسم ، تم إخراجه في العام 1997 برؤية إخراجية شديدة الإعزاز لهذا الفن وبكاميرا عالية الحساسية تنقلت بين المشاهد والملامح بقدرمن اللطف والدقة اللتين جعلتا مني أجلس مشدوهاً عدة مرات لمشاهدة الفيلم من أوله! الامر الذي أفضى بي - في الأخير - أن أكون من عشاق هذا الفن المعبر الأخاذ ... أضف إلى ذلك، أن حبلاً سرياً يربطني بالغجر .. حبل جيني مضفور بخيوط عفية من حب الترحال والشعور بالغربة والإنتماء لشيء غير معروف ولا مفهوم .
ثمة أمر مدهش ، بل شديد الإدهاش .. لي على الأقل : كنت في رحلة إلى أسبانيا في منتصف هذا العام ، في مايو تقريباً ، سافرت ومعي أخي وصديقي صلاح المر ، حيث دعتنا العزيزة أميمة شيخ الدين لزيارتها وبالمرة نشوف ونتفرج على مجموعة محترمة من الأفلام في مهرجان سينمات الجنوب الذي يقام في مقاطعة "أندلوثيا" وبالتحديد في مدينة غرانادا بالجنوب الأسباني حيث تقيم أميمة . بعد مشاهدتنا للأفلام وإقامتنا لمعرضين للتشكيل والفوتوغرافيا على هامش المهرجان ، وإستمتاعنا بالطقس والمشروبات المريحة والتعرف على فنانين وفنانات من بلاد الدنيا والعالمين، كان لابد لنا ، وحيث الأمر كذلك ، أن نشاهد حفلة فلامنكو ... لأنه من غير المعقول نرجع بلادنا الحبيبة ووطننا المحبوب بعد زيارة لأسبانيا من غير هذا الأمر ! وقد كان يا سادتي يا كرام .
صعدنا إلى أعلى الجبل ، قصر قديم ، حولته الأيادي إلى مطعم كبير ... فدخلنا عبر بواباته الخشبية يأخذنا الصوت لنجلس أمام أبهى ما رأيت في حياتي : راقصة تحتشد بالحياة والعيون والشعر الملموم في كحكة ... كانت قسمات وجهها شديدة التعبير ، بل وأن هذه القسمات تأخذك أخذاً عن بقية جسدها المتأود الفصيح . قلبي بكى ، وعيوني تسمرت ، وسرحت في ملكوت الله البديع . يا الله ! رجعت لي أنفاسي ، رويداً رويداً ، فقعدت أصور البنت الراقصة .. صورتها وعملت الواجب ...
وكان الله بالسر عليم
إنتهى الحفل ... رجعنا ونمنا ... إنتهت أيامنا في أسبانيا .. عدنا للسودان ... ومرت الأيام والشهور ثم وصلت فرقة فنية من أسبانيا للخرطوم بدعوة من مجموعة دال ، لتقيم حفلاً موسيقياً ، فذهبت لأحضر البروفات .. الحصل شنو؟ وجدتنفس أمام نفس الراقصة !!!
نفس البنت التي ساح قلبي المسكين على نارها في الأندلس قبل شهور ... نفسها ! يعني لو كان ده نزار قباني عليه رحمة الله كان عمل من الحكاية دي ديوان شعر. حدثتها بذلك فقالت أنها لا تتذكر حاجه زي دي ! حدثت فتحي عثمان بذلك ، قال لي : القصة دي بجد ولا هي عاجباك ساكت ؟ ثم أردف قائلاً : (إحتمال الدم بيحن ). في الحقيقة إنها عاجباني ساكت ، لكني رأيتها فعلاً على مرتفع جبلي ظريف في غرانادا ... وصلاح شاهد !!
فيا جامع الخلق من غير ميعاد !
_______________ أأسف على الإطالة
(فاصل، ونواصل)
Post: #2 Title: Re: ليله أندلسيه في الخرطوم Author: طلال عفيفي Date: 10-30-2008, 01:50 AM Parent: #1
نرجع لمرجوعنا ...
دأبت مجموعة شركات إسمها " مجموعة دال " عل إقامة سلسلة من الحفلات المتميزة فيما يمكن أن نطلق عليه الفعالية الثقافية المستدامة ... تقدم فيها الدعوات لحضور ليالي فنية محترمة وعالية الجودة والتحضير. وغالباً ما يتم ذلك على مسرح مدرسة (KICS) التابع للمجموعة .. يمكن المشكلة الوحيدة أن المسرح لا يتسع لأكثر من 500 شخص . لكن الحقيقة إنهم بيقدموا حاجه مختلفة للناس .
صمم بوستر الحفل زميلنا الفنان عماد عبدالله
والمريب في الأمر أنني لم أر عماد في الحفل !!
Post: #3 Title: Re: ليله أندلسيه في الخرطوم Author: طلال عفيفي Date: 10-30-2008, 02:04 AM Parent: #2
مراجعات قبل الحفل : أسامة داؤود ، روني شاوول ، فتحي محمد عثمان
أسامة داؤود الناقص شنو ؟؟
لحام الخلفيات ! وجنود مجهولون ...
سؤال : يا ربي ناس الخرطوم هيستقبلونا كيف ؟؟
Post: #6 Title: Re: ليله أندلسيه في الخرطوم Author: طلال عفيفي Date: 10-30-2008, 02:16 AM Parent: #3
قدم لنا ضيوفنا الأعزاء ، أندلوسيينا الأعزاء ، ليلة مليانة بالحكايات المنسوجة في قماش الأغاني الملون بالرقص البديع ..
Post: #10 Title: Re: ليله أندلسيه في الخرطوم Author: طلال عفيفي Date: 10-30-2008, 02:44 AM Parent: #9
Post: #11 Title: Re: ليله أندلسيه في الخرطوم Author: المسافر Date: 10-30-2008, 05:48 AM Parent: #10
Quote: أخذاً عنبقية
وأنا من زمن أفتش لوصف يناسب هذا الأخذ من الفنون التي تعرضها
أيوة
أخذ عنبقي
أخذاً عنبقياً
Post: #12 Title: Re: ليله أندلسيه في الخرطوم Author: Emad Abdulla Date: 10-30-2008, 06:51 AM Parent: #11
يا حي يا قيوم ..
( BORN TO DANCE ) هذه البنت الغجرية .. هذه البنت الأفعى الكوبرا الغجرية . هذه البنت الأسد الوردة الغجرية .. هذه البنت الله ح يوديها النار .
.... طلال المسحور .. أنا مسحور .. و معبأ معبأ معبأ غجر و طرقعات و شعور سود و نغم بيحن .. مشروق يا حبيبنا بهذا الذي ساقه الله لي من متعة . هذا أول الكلام .
فأنا الليلة اول الحضور و أجوعهم بإذن واحد أحد . و .. يا غِرِق .. يا جيت حازِما .. حزماً " عنبقياً " .
Post: #16 Title: Re: ليله أندلسيه في الخرطوم Author: طلال عفيفي Date: 10-30-2008, 11:37 AM Parent: #11
شفت الشفقة يا المسافر؟ تلقى الكلام كل عنبقي كده . معليش إستحملونا .
Quote: الصراحة لله ،هو فعلا طويل و قيافة لبسو بسيط جدا بس برضو من أرقى الخامات و الماركات
الصراحة كذلك يا صلاح الدين انا ما أخدت المقاسات ، لكن تراني أتكيف شديد التكيف لمن أشعر إنو في culture في الموضوع .
عندي أراء في التراكم الرأسمالي مردها آفة في ذهني ، لكن بشوف إنو أسامة داؤود بعيداً عن موضوع القيافة ده والآفه ديك ، عرف يقوم بمؤسسة محترمة ، على الأقل معظم الشغالين فيهابيشعروا بإنتماء ليها ... بالإضافة لأفكار مبتكرة وخدمات كثيرة موجهة لخدمة المجتمع المحيط .
المسألة معقدة شوية ، لكن خليني أقول إني بأحترم الأخوة داؤود ومجموعة دال لغاية ما ربنا يجعل بصري حديد .
أسامة وروني
ورقصة في الممر !
Post: #21 Title: Re: ليله أندلسيه في الخرطوم Author: دينا خالد Date: 10-30-2008, 12:40 PM Parent: #15
وووووووووووووووو
اقتباس :::: ومقاومة ما قد يعتمل في نفوسنا الصبية من إحباط كان قد يوشك بحضراتنا على الإنتحار .
لعمرى انك بتوصف فى ما فعله هذا البوست بنفسى (الصبيه)
هذا الصباح ,,,,,
انت يا طلال البنات ديل لبسوهم كما يتحتم عليهم فى دولة المشروع
الحضارى ؟؟؟ ولا ياهو لبسن الشفتهن بيهو فى اسبانيا ؟؟؟
ــــــــــــــ انت ذاتك محييل ،، هسه الفلمانكو دا داير لى عرفه من زمان وملاقاة ؟؟ وبرضو تقول لى عماد مشى وين وما لقيتو ؟؟
Alshabba Alzareefa.. Leina Elsheikh.. works for the UN Global Compact which is hosted in Sudan by DAL Group Ama Alshab Alwageeh da Dr. Hassan Elsir.. The Executive Manager at DAL Food Industries . . .
... In sha Allah Mamkoona takoon inbasatat this time
Post: #68 Title: Re: ليله أندلسيه في الخرطوم Author: mamkouna Date: 11-03-2008, 06:34 AM Parent: #45
Quote: In sha Allah Mamkoona takoon inbasatat this time...
i was - unfortunately- also away ya Salma...but i had all the inside information
أمنياتي للشابة الظريفة لينا الشيخ بحظ أوفر في فلع الجمهور بالبنابر.. و لا نامت أعين الفلامنكو..!!
...Lakin man3an lil i7raj, ana ma bafasir.. O inta ya Mallasi/Talal ma tagasir . . . ...Needless to say that I do not have an arabic keyboard.. and I'm suffering
Ta7iyati
Post: #86 Title: Re: ليله أندلسيه في الخرطوم Author: وائل طه محى الدين Date: 11-06-2008, 02:28 PM Parent: #68
شكراً يا سلمى على المعلومات ، عسى ملاسي يرتاح وينبسط . الحفلة كانت ناقصاكي ... لمن كنتي بتقدمي الحفلات الفاتت ، كنا بنشوف إرتباكك شويه لكن كانت حاجة سحرية بتسري في الناس قوامها القبول والإلفة اللطيفة الإنتي مليانة بيهم . أجمل التحايا ليكي وين ما كنتي .
فلامنكو يا إبراهيم كوجان ... ليست رقصة ولا موسيقى ... هي حالة متكاملة ، بتعتمل فيها روحك مع جسدك الصاحي . تسمع وتنزل عليك هلاوس من الذكريات ، وتتفرج فتبصر ما لا ترى : مسافرين حزانى ، نساء في ركن الروح ، عجوز يتمشى ، بلاد قديمة ، أيام خوالي ، وقلب مسكين .
وبقدر ما يعتمد على الأداء الجسدي ، فإنك يا صاحبي ، تحس في الفلامنكو لمسة وجد صوفية . تحسها في ذلك الدوران والغياب وتلمحها في إنغماس الراقصة في ذاتها
تتفرج ، وتدي ربك العجب .
Post: #40 Title: Re: ليله أندلسيه في الخرطوم Author: طلال عفيفي Date: 11-01-2008, 01:33 AM Parent: #28
سلامات يا عبد الوهاب ... عماد عمل بوستر رائع ، عجبني جداً ... اللونين ( الأسود و الأحمر ) فيهم طعم الحكاية : الغامضة المثيرة .
وكمان في ناس كتير ساهموا في إنجاز الفعالية دي ، منهم فتحي محمد عثمان المبادر المثقف والذكي الذي يشرف على كل التفاصيل بدقة ممتازة وفنانة .. لغاية عمال اللحام أعلاه ... وهناك الفنانه الصافية الشربانه مزيكا أميمة شيخ الدين التي قامت بتنسيق الإتصال وتشجيع الفكرة بحيويتها الجميلة . كمان ما بقدر أنسى مجموعة من شباب وشابات " دال " وحركتهم الدؤوبه وخيالهم الظريف الذين أضفوا وأضافوا على المنشط حيوية كتيرة .
Post: #33 Title: Re: ليله أندلسيه في الخرطوم Author: Adil Osman Date: 10-31-2008, 02:25 PM Parent: #1
الفلامينكو جميل. وتصاويرك أجمل يا طلال. بالذات هذه الصورة / اللوحة. بديعة. سبتنى. تشكر يا بيه
Post: #41 Title: Re: ليله أندلسيه في الخرطوم Author: طلال عفيفي Date: 11-01-2008, 01:58 AM Parent: #33
Quote: الفلامينكو جميل. وتصاويرك أجمل يا طلال. بالذات هذه الصورة / اللوحة. بديعة. سبتنى. تشكر يا بيه
شكراً يا عادل ، دايماً كده مشجع ولطيف .
الصورة الإتكلمت عنها فعلاً طلعت حلوة وبتشبه اللوحة ، لأنو البنت كانت بترقص وبتتحرك بوتيرة عالية خلت الكاميرا ما تقدر تشيل منها غير الألوان . الصورة دي إلتقطتها في مايو الفت لمن كنت في أسبانيا، وزي ما قلت وحكيت ليكم فوق ، فإن المفاجأة العظيمة والمرعبة كانت لمن لقيت نفس البنت الراقصة دي قدامي في السودان ! وعلى رأي وردي : صدفة !
لكن سيبك من تصاويري ... رأيك شنو في تصاوير أخينا ضياء ؟ فنان ، مش كده ؟
Post: #34 Title: Re: ليله أندلسيه في الخرطوم Author: Dia eldin khalil Date: 10-31-2008, 02:38 PM Parent: #1
Post: #35 Title: Re: ليله أندلسيه في الخرطوم Author: Dia eldin khalil Date: 10-31-2008, 02:40 PM Parent: #1
Post: #36 Title: Re: ليله أندلسيه في الخرطوم Author: Dia eldin khalil Date: 10-31-2008, 02:46 PM Parent: #1
مجهود انيق لأشراك الناس ( الما حضرو) في العرض من خلال أعين الفنان ذرب اللسان و تبقى علينا قصة ( فى ناس قالوا شفنا الشافا) أختكم في الله سلمى داؤد أغشي عليها من تالا القصة دي مراوح كبست و كده على قول ود اختي قرمبوز.. لكن بالجد زى ما سأل خطاب فلامنكو ولا فلامنغو؟؟ أنا يا خطاب غايتو عارف الفلامنغو ده طيرة الصور شديدة و كابتيفيتيق Captivating
ضياء خليل بخ بخ يا بن اخي. التحية للجميع.
Post: #48 Title: Re: ليله أندلسيه في الخرطوم Author: Emad Abdulla Date: 11-01-2008, 07:07 PM Parent: #47
طلال المسحور .. و كان قرمبوز برضو ممن سُحروا .. و كل من حضر مِن طرف .. سُحر سَحرا . أريت كان كنت موجود يا أب سنينة .. كان يا السر إلا يمسكوك ببوليس السواري . .... شكراً مايا على الإطراء الجميل .. يديكي العافية . كتر خيرك شديد يا عبدالوهاب على الكلمات الحلوة .. قعدنا مزغللين أسبوعين جوة أسطورة الغجر نبحت و نحفر و نشوف و ندي ربنا العجب .. عن نفسي إتلبستني حالة " زار " غجرية متمكنة .. كل شي بقى فلامنغو و ألوان و صبايا و غيثارات .. إلا ثبتتني خالدة : يازول هوووي .. ما دايرين تاني .. كده كفاية . .... تي إس الملك , يا أخانا في البلاوي .. في البروفات .. طلال كان مُباري الفرقة من جخنون لي جخنون و الكاميرا معاهو .. يتكل , يصنقر , يقيف , يتسند , يقعد .. ماسكاهو أم هلله هلله .. لما حنيت عليهو من كترة البحلقة المسحورة .. و العيون قلبن حُمُررررررر , و يردد : ياها البت زااأأاتا .. حليلك يا صاحبي من ملاحقة الجمال , ح يلحقك السمحين . و الشافعة تتلوى سبة بلاسبب .. و جسمها كلو نغمة مطواعة .. و أريتا كان بترقص بي جسمها بس .. تعابير وشها كلو مراية لإيقاع جواها .. تعرفو براها . وده كلووووو .. من غير موسيقى ولا غنا .. برااااها , منها و ليها !! ثم هذا الزول الراقص العجيب .. آمنت بالله . و المغني الجميل المرح .. يغني فيغمض عيونو و ينسى الدنيا و يسرح في ملكوت الله بكل كيانو .. غُنا .. ثم عازف الغيثارة الساحر .. و كيف بيعمل عمايلو فينا بفقط جيتار !!
الغجري لوركا .. من أشعاره : ( يبدأ بكاء القيثارة . تتكسر أقداح الفجر. يبدأ بكاء القيثارة غير مجد أن نسكتها. تبكي رتيبة ، كما تبكي المياه ، كما تبكي الريح .. فوق الثلج المتساقط . من المستحيل أن نسكتها. تبكي أشياء بعيدة . رمل الجنوب الساخن ، متعطش لكاميليا بيضاء .. تبكي سهماً بلا هدف ، عشيةٌ بلا غد والعصفور الأول الميت فوق الغصن . أوه !! يا قيثارة ! يا قلباً جريحاً حتى الموت .. بخمس سيوف ) . .... سلمى داوود : يا حليلك .. امانة ما إتكيفت للغيظ الجاكم .. ياخي كلما المتعة تمسكني أتذكر حندكتك لينا .. أقوم أنبسط و أنشكح .. بالحيل إتفشيت الليلة ديك , عظّم اللهُ أجركم ياخ . .... ضياء .. ياخي الله يديك الجنة .. قول آمين ..
أما هذه التصويرة يا طلال .. فياخي دي قطعة فنية كاملة الجن .. ( أنا ما بفهم في التصوير ) .. لكن كلوحة ملونة بت ستين لزينا .. سمحة ياخ .. سمحة جد , و ياريت ألقى منها نسخة هاي ريس , مغروض فيها يا صاحب . .... شكراً لمجموعة دال المهمومة بالفن و الثقافة و الإبداع من ضمن أنشطتها الكتيرة .. شكراً لفتحي محمد عثمان و فريق الـ MSU و ناس المنتدى الثقافي في دال . و ليك يا طلال .. يا زول يا فنان و بني آدم . شكراً لله الذي قيض لنا سانحة نجبد فيها نفس نضيف في هذي البلد الكاتم نفسها .
وتجلس يا عماد ، وأنت تنظر للحمام رافلاً في بهائه المستبد ، وللجسد في عليائه ، وللإنسان حين يخرج من طامة الخوف والفزع ناهضاً بالحياة ، حفياً بها .. فتتذكر كلام ما قالته لك سيدة عجوز : ربك موجود ! وتقول لنفسك : الحمام ، إشارة وأمارة .
تنظر للقدمين ، تدقان الأرض بكعبٍ خفيف نشط ، فتتذكر الجيوش ، وتسأل : من أين للجنود بهذه الخطوات الغلاظ يا الله ؟
لكنك تنبسط ، للسماحة وحسن الخلق ، وجمال الإنسان .
Post: #77 Title: Re: ليله أندلسيه في الخرطوم Author: طلال عفيفي Date: 11-04-2008, 10:54 AM Parent: #47
أخونا تاج السر ، شكراً على الكلمات الظريفة والطيبة ... الصور أكيد كان ممكن تكون أحسن من كده ، بس العدسة مخدوشة ومتواضعه ... أما أختنا سلمى داؤود ، توبنا وتاج راسنا فلقد إفتقدناها جداً ، وكنت بتذكرا طوالي لأنها دايماً مرتبطه بالحاجات الفنانه دي .
تسلم ياطلال يا جميل... شكرا شركة دال,,, اسرني الجمال الاخاذ..الصور ذات الزوايا الصعبة. وامتزاج لون الحناء مع لون بشرة الراقصة و زيها المزركش الفرايحي العمدة عماد..تسلم للشغل الطاعم.. كل فلامنغو والخرطوم ....راقصة شكرا للصور الطاعمة و النقل البليغ ...يا فنان هواري
Post: #51 Title: Re: ليله أندلسيه في الخرطوم Author: المسافر Date: 11-02-2008, 07:04 AM Parent: #49
Quote:
شفت الشفقة يا المسافر؟ تلقى الكلام كل عنبقي كده . معليش إستحملونا .
لا يا تلال
استحملوكم منو وشامحكوكم شنو
ده موضوع قصاص عديل..
الأخذ العنبقي ده
يأخذ العنق عن بقية الجسد
شوفت كيف
جهز روحك للمشنقة والمدفع أب سكلي..
Post: #52 Title: Re: ليله أندلسيه في الخرطوم Author: Hussein Mallasi Date: 11-02-2008, 08:19 AM Parent: #51
الصور لا بأس بها يا ضياء إلا أنها فتلت البوست.
____ صغرها و أعد رفعها.
Post: #53 Title: Re: ليله أندلسيه في الخرطوم Author: Hussein Mallasi Date: 11-02-2008, 08:40 AM Parent: #52
Quote: Alshabba Alzareefa.. Leina Elsheikh.. works for the UN Global Compact which is hosted in Sudan by DAL Group Ama Alshab Alwageeh da Dr. Hassan Elsir The Executive Manager at DAL Food Industries
سلامات يا سلمى
حسن السر عرفتو؛ اعتراه ارتباك - طبيعي - عند بداية التقديم؛ و لكن سرعان ما تمالك. تحدث الاسبانية كأهلها .. أو هكذا بدا لي
أما لينا الشيخ فقد استغرق أمر معرفتها بعض الوقت و كثير السؤال
Quote: In sha Allah Mamkoona takoon inbasatat this time
Post: #54 Title: Re: ليله أندلسيه في الخرطوم Author: Hussein Mallasi Date: 11-02-2008, 11:33 AM Parent: #53
مغني الفرقة وصف إحدى الراقصتين بالحلوة – ربما كان اسمها – الما حلوة كان أداءها ميكانيكي؛ آلة تمت برمجتها فأدت وظيفتها؛ بينما تميز أداء الحلوة بالحياة.
Post: #55 Title: Re: ليله أندلسيه في الخرطوم Author: Hussein Mallasi Date: 11-02-2008, 11:52 AM Parent: #54
من الأشياء اللافتة للنظر تلك المناديل التي ربطها بعض الحضور على أعناقهم.
Post: #56 Title: Re: ليله أندلسيه في الخرطوم Author: Dia eldin khalil Date: 11-02-2008, 12:41 PM Parent: #1
ثم سألني هل وقف حاجز اللغة عائق دون استمتاعك الكامل بالغناء؛ أجبته هذه المرة دون تردد: الموسيقى لغة عالمية ... و قبل أن أكمل .. باغتني: أقول ليك الغناء .. تقول لي الموسيقى!!
غايتو بعد الصور دي نقول الحمد لله الذي جعلنا في زمرة " قالو شفنا الشافا " الله مع المساكين عارفنا ما بنقدر على الافراط في الجرع البتسوا فيه دا
طلال غايتو يوم بتلقط ليك زول بصورك دي بتجيب اجلو
Post: #61 Title: Re: ليله أندلسيه في الخرطوم Author: عبدالوهاب علي الحاج Date: 11-02-2008, 01:54 PM Parent: #1
Quote: قعدنا مزغللين أسبوعين جوة أسطورة الغجر نبحت و نحفر و نشوف و ندي ربنا العجب .. عن نفسي إتلبستني حالة " زار " غجرية متمكنة .. كل شي بقى فلامنغو و ألوان و صبايا و غيثارات .. إلا ثبتتني خالدة : يازول هوووي .. ما دايرين تاني .. كده كفاية .
الفن دا شنو ياعمدتنا ياجميل
والابداع دا كيف ؟
والله العظيم هسه ابكي ليكم هنا . .
وانت ياضياء كمان قاعد تبالغ عديل
فقد ذهبت بالحكاية اعمق مما يجب
لم اكم اميز بين الفلامنكو والتايكندو الا اليوم
طلال يديك الفى مرادي ان شاء الله
.التعديل لتغيير حرف .
Post: #62 Title: Re: ليله أندلسيه في الخرطوم Author: ibrahim kojan Date: 11-02-2008, 02:03 PM Parent: #61
طلال
بهاء الدين
البوست ده بخشو مرتين في اليوم
والله ربنا يخدر كمراتكم !!!
Post: #63 Title: Re: ليله أندلسيه في الخرطوم Author: حسن طه محمد Date: 11-02-2008, 02:04 PM Parent: #61
الاساذ الكبير طلال عفيفي
تحياتي
قبل اشهر قليلة حضرت امسية جميلة مماثلة في الدوحة مع الفلامنقو
ولا ادري ان كانت نفس الغجرية ام أخري !
ساستعين بصديقي الفنان القدير محمد سني دفع الله للمزيد.
شكرا ليك .
Post: #64 Title: Re: ليله أندلسيه في الخرطوم Author: Ibrahim Algrefwi Date: 11-02-2008, 02:08 PM Parent: #1
Oh Laih ، الفلامنكو :والله دي حكاية عجيبة ... شكلنا حنطره في النهاية كده نكتب شُكراً لمن جعل هذا ممكنا زمان ، زمان جداً كان في تيم -فوتبول تيم- كورة ياطلال ، في رابطة ودنوباوي للناشئين إسمو "فلامنكو"، خطر جداً كلو اولاد نوبة وطوالي شايل كاس الرابطة ، لامن يجيبو قون بجرو كلهم الخط وبدوها عدد واحد فلامنكو آخر حاجة وبهزو الميدان بخبط الرجلين ، وبهتفو اوليه ، اوليه ، اوليه ... من زمان ، زمان جداً وانا مفروض احضر عرض فلامينكو وماعارف السبب بالظبط بس يمكن عشان اسبانيا وكده . وحصل اللي حصل اتسحرت فعلاً ياعماد في الحفلة "الفعالية" بتاعه يوم الخميس في المسرح العجيب أياه " بالمناسبة اي فعالية حضرتها في مسرح "كيكس" دي كانت اجمل من التانية ، نصير ورشا ووافر و وفلامينغو والجاي اعتي من اللي فات ، مسرح مدرسة فعلاً ...
أول مرة يظهر لي في حياتي الفلامنكو ، عذابات ، الموضوع فيه جيتار سبينش مصاحب للمغني او المغنية وطبعاًبرضك مع الراقص ، والموضوع كمان ظاهر انو وراهو عذابات ومظالم ومشاكل كتيرة ، معتمد بشكل اساسي علي الغُنى ، الغُنى حجر الزاوية في الفلامنكو ، ويتميز غناء الفلامنكو بحزن شديد ، نغمات ماساوية وصرخات أقرب الي العوييل، حتي بالامارة كنت علي اعصابي خائف علي المغني داك تنشرط فيه حاجة ولا يطق ليه عرق ، ولا عمتك الغبسيس ديك ياطلال، تقطع حبايل القلب بصوتها، صوتها مناحة ، بس يا سبحان الله فيه حاجة جميل جمال ودار...
طبعاً الايقاع بتاع الفلمينغو بعتمد بشكل اساسي علي الصفقة وخبط الرجلين زي مابقولو الخواجات audible footwork خبط علي الارض والراقص هو البتحكم في التيمبو بتاع الايقاع وزمنه وهو السايق والمتحكم في الجيتار والمغنين والصفاقة والمسرح كلو علي غير عادة الرقص الذي يجاري الايقاع في بلاد الله الاخري . المهم كركبة شديدة، شديدة بالمعنيين ، الموضوع فيه خيول طبعاً ، إتذكرت شعار الدفاع الشعبي أرد الله غربته
"عام الخيول مُسرجة" ...
مرة في ونس مع صديق مثقف فلمنغويا قالي انو غير الخيل وحركتها الحمامة مبدأ اساسي للبت البترقص الفلامنكو يعني لازم تكون حركاتها بتشبه الحمام ، فركزت مع الحكاية دي ، لقيتها " الحلوة " فعلاً حمامة ، بس الظاهر انو ده حمام بري ، يعني وايلد ووحشي ومُُسرج وفنان وابن ستين ...
غايتو ، هلوة و ختاماً لا يسعنا الا ان نقول شُكراً لمن جعل هذا ممكناً
Post: #65 Title: Re: ليله أندلسيه في الخرطوم Author: Dia eldin khalil Date: 11-02-2008, 05:27 PM Parent: #1
Post: #66 Title: Re: ليله أندلسيه في الخرطوم Author: شهاب الفاتح عثمان Date: 11-02-2008, 06:26 PM Parent: #1
حبابكــم جميل ان يزدان ليل الخرطـوم بخطـو الايقاع الراقص ذاع الصيت مدهش الابداع الفلامنكــو .. التحيه لك . ولهذا الاسـامه العلامه .
ليتهم يعلمون ان عمر اللحظـه في بعـدك يا خـرطـوم سنين طـوال. د شهـاب الفاتح ـ كـوالالمبور
Post: #69 Title: Re: ليله أندلسيه في الخرطوم Author: Hussein Mallasi Date: 11-03-2008, 08:12 AM Parent: #66
تمنيت لو أن تم الالتزام بالسابعة و الخمسون لإغلاق الأبواب و تمام الثامنة لبدء العرض.
_____ كما أشير لذلك في كرت الدخول.
Post: #70 Title: Re: ليله أندلسيه في الخرطوم Author: Hala Hassan Date: 11-03-2008, 12:43 PM Parent: #1
طلال عفيفى، عماد عبدالله، ضياء،
شكرا لكل هذا الجمال، من سردكم، نحن متأكدون من كونها ليلة ساحرة، ومن "براهينكم"، جعلتونا نعيش الأجواء،
و من أجل هذا و ذاك، نقولها بكل فخر: برافو....
واصلو إضاءة حياتنا بكل ما هو جميل،،،،،،
ودمتم،،،
Post: #72 Title: Re: ليله أندلسيه في الخرطوم Author: عبدالوهاب علي الحاج Date: 11-03-2008, 03:58 PM Parent: #1
Post: #73 Title: Re: ليله أندلسيه في الخرطوم Author: عبدالوهاب علي الحاج Date: 11-03-2008, 04:06 PM Parent: #1
الاخوان طلال عماد ضياء
اعتذر لرفع الكلفة ولكم محبتي ومعليش الجو دا كان ناقصاهو موسيقى
وهبة
Post: #74 Title: Re: ليله أندلسيه في الخرطوم Author: Dia eldin khalil Date: 11-03-2008, 04:49 PM Parent: #1
Post: #75 Title: Re: ليله أندلسيه في الخرطوم Author: Emad Abdulla Date: 11-04-2008, 10:08 AM Parent: #74
الله يكتلك يا جريفاوي .. حمامة .. أول شي جا في بالي و أنا بصمم البوستر ده .. " الحمام الرقاص " .. نفس الوقفة الفيها عزة كده و ( أنوثة وحشية ) و نفشة فرحانة ياخ .. أنوثة وحشية دي شنو ؟؟
.... حمامة يا ابراهيم ؟
Post: #76 Title: Re: ليله أندلسيه في الخرطوم Author: طلال عفيفي Date: 11-04-2008, 10:36 AM Parent: #75
حمامه يا عماد ... حمامه !
Post: #78 Title: Re: ليله أندلسيه في الخرطوم Author: Ibrahim Algrefwi Date: 11-04-2008, 08:30 PM Parent: #1
up حمامة ...
Post: #79 Title: Re: ليله أندلسيه في الخرطوم Author: محمد المرتضى حامد Date: 11-04-2008, 11:12 PM Parent: #78
طلال في موضع الجمال بلاقي، أسعدتني (كمبلة) يوم داك بكل ما فيها من عجائب ولم أشأ التعليق عليها هناكن بس نقول الله يخلي وافر شيخ الدين وإلهام و(الباقين). طالما مشيت على حَفَدَة ولاَّدة بنت المستكفي ما عافي ليك لا إنت لا عماد لا ملاسي ولا كوجان. الشافعه دي كنت أدخر إبداعها لليوم الأسود ، وظني أنه قد أتى.
Post: #80 Title: Re: ليله أندلسيه في الخرطوم Author: عبدالوهاب علي الحاج Date: 11-05-2008, 08:17 PM Parent: #1
up
Post: #85 Title: Re: ليله أندلسيه في الخرطوم Author: ibrahim sidahmed Date: 11-06-2008, 10:14 AM Parent: #1
مبروم علي مبروم يلف ونص وخمسة ....يا سلام عليك يا طلال ... اتفرجت في الحمام الحمام العاجل ... العمل الجسد عارفنو ونحن بنحاول نشكرو بالتوثيق والتأتأه احيانا, لكن الصبر علي الفستان وعملو دا منو وهل حاكوهو وهو ملان واللة المسألة توفيق الهي ... يا الهي . بعدين الراقصة انا متأكد انك لاقيته لكن دي واحدة من الحاجات ما البتكلمو بيها يعني دي بتحصل لي اصحاب الحظوة (مجاديب الجمال) راحت عليك كان جا ... ما بتلاقيها تاني!!!
