أفيدوني ، أفادكم الله !

Post: #1
Title: أفيدوني ، أفادكم الله !
Author: طلال عفيفي
Date: 01-19-2009, 06:00 AM
Parent: #0

إنتوا أيام الأستاذ محمود ، كان في ركشه ؟!

Post: #2
Title: Re: أفيدوني ، أفادكم الله !
Author: سلمى الشيخ سلامة
Date: 01-19-2009, 06:17 AM
Parent: #1

ازيك ياطلال
ليك وحشة

كان فى ركشة لكنها خاصة بالمصور عمنا قيلى
فى جريدة الايام فى منتصف الثمانينات
يخرج بها الى مواقع التصوير
وكان لونها بنى كمان
لكين الزول الماسك يد الاستاذمحمود دا
كان ما اخاف الكضب الصادق شيخ الدين

Post: #3
Title: Re: أفيدوني ، أفادكم الله !
Author: Mohamed Abdelgaleel
Date: 01-19-2009, 07:12 AM
Parent: #2

Quote: إنتوا أيام الأستاذ محمود ، كان في ركشه ؟!

كان في تفتيش ضمائر كمان

وكان في من يعتقد أن الله
قد أرسله ليعلق شيخا فـي
السبعين يتوسل للنأس بمجرد
كلمة

وكان في من دعته قدرته إلى
نقض إتفاقية السلام 1972
ليدخل البلد الواقع في حرب
كلفته مئات الآلاف من الأنفس
وكثير من الثمرات

ركشة بس يا طلال؟ التأسيس
لعشرات من السنين البائسات
العجاف في السودان

Post: #8
Title: Re: أفيدوني ، أفادكم الله !
Author: طلال عفيفي
Date: 01-19-2009, 07:46 AM
Parent: #3

Quote: ركشة بس يا طلال؟ التأسيس
لعشرات من السنين البائسات
العجاف في السودان

جبر الله كسركم يا محمد .

Post: #4
Title: Re: أفيدوني ، أفادكم الله !
Author: طلال عفيفي
Date: 01-19-2009, 07:12 AM
Parent: #2

سلام يا سلمى ومشتاقين كتير ..

شكراً على المعلومات ، وفي الحقيقه يبدو لي
إن الركشه مثل كل الكوارث ، كانت موجوده
من زمان ومغروسه ، لكننا ما إنتبهنا لهاإلا
أخيراً بعد ان دخل الأعداء طرواده !

Post: #5
Title: Re: أفيدوني ، أفادكم الله !
Author: SHIBKA
Date: 01-19-2009, 07:13 AM
Parent: #4

سؤال مفيد ومعلومة مفيدة
شكراً

Post: #9
Title: Re: أفيدوني ، أفادكم الله !
Author: طلال عفيفي
Date: 01-19-2009, 07:50 AM
Parent: #5

Quote: سؤال مفيد ومعلومة مفيدة

:D :D
حاضر يا شبِكه !

Post: #6
Title: Re: أفيدوني ، أفادكم الله !
Author: awadharoun
Date: 01-19-2009, 07:22 AM
Parent: #1

كان في ركشة ياطلال بين الثورة بالنص والثورة بالشنقيطي من زمن بداية الثمانينات

Post: #7
Title: Re: أفيدوني ، أفادكم الله !
Author: نادية عثمان
Date: 01-19-2009, 07:36 AM
Parent: #6

سنة كم الكلام ده ياطلال ؟

ده ربنا له حاجات ياجدع !! ( على رأي عادل إمام)

Post: #10
Title: Re: أفيدوني ، أفادكم الله !
Author: صلاح أبودية
Date: 01-19-2009, 07:51 AM
Parent: #7

إزيك يا طلال !!

ركشة بس ..؟

وأمجاد كمان ...

إنت نسيت أمة الأمجاد ؟

Post: #14
Title: Re: أفيدوني ، أفادكم الله !
Author: طلال عفيفي
Date: 01-19-2009, 08:02 AM
Parent: #10

Quote: إنت نسيت أمة الأمجاد ؟

كنت ناسي يا صلاح .. لكن بعد كده خلاس !

Post: #11
Title: Re: أفيدوني ، أفادكم الله !
Author: محمد سنى دفع الله
Date: 01-19-2009, 07:55 AM
Parent: #7

ياسلام ياطلال
ايام لاتنسى
عارف دي تكون الركشا الخاصة بالمصور قيلي فعلا
والأخوات القاعدات فيهافيهن اختي بت خالي امين
عارف ديل كانن بلفن في شوارع العاصمة المثلثة
وسط الأسواق يبيعن الكتب
واهو لقو ليهم ضل وقالن يرتاحن
في ضرا الركشا وحوا الأستاذ
والزول البسمتوا ضواية ده
كان ما اخاف الكضب
ياهو الموسيقار الصادق شيخ الدين
اللحظة دي واحدة من اللحظات العجب
شيخي وسيدي محمود وبناتوا في حملة للثقافة والتوعية
حملة بيع الكتب
وشوف الليلة بزيلو الكتب العلى الرصيف
والمكتبات الشعبية
عشان تقوم عمارات
عارف يا طلال
حتى الركشا دي فيها جمال
بتقصر المسافة للكبار من النسوان والرجال
وفيها ونسةوهوا يهبك لامن تصل
وقريبة لي الواطةيعني اي عجوز بتركبة بارتياح
والركشا بتعول خمسة
سيدها
والجوكي السايقة
والماكنيكي البصلحه
والبحرق العادم
وابيض ضميرك !!!!
ماعديت علينا في سودانوي
محبتي ليك اكيدة

Post: #15
Title: Re: أفيدوني ، أفادكم الله !
Author: طلال عفيفي
Date: 01-19-2009, 08:12 AM
Parent: #11

شكراً يا محمد السني يا ظريف ..
شفت الدنيا دي كيف ؟
أحوال تدي ربك العجب !

حكاية جمال الركشه دي كيف ؟
يا خوي ده عذاب شديد وضوضاء
رهيبه ، وفوضى في الطريق ،
وخطورة على حياة راكبيها !
سيبك من كلام تلوث بيئي لأنو
ده كلام ضارب ساي .
وبعدين الخمسه البتعولم الركشه
ديل ، ليه ما يكون في حاجه أكرم
من كده وأجود تشد حيلم وتعيلم ؟
ليه بس نقنع من الدنيا بتوافه
أمرها ؟
ركشه يالسني ؟
الحواشه زمان كان برضو بعيشوا
منها خمسه وسته وسبعه ...
لكن تقول شنو ، الله يحرق قلب
الذين أهانوا الناس وجعلو الرزق
بالطريقه دي .

محبتي ليك أكيده يا إنسان يا عجيب
وأشواقي ليك شديده ..

إنتظرني في سودانوي
بجيك بالدرب .

Post: #55
Title: Re: أفيدوني ، أفادكم الله !
Author: ابراهيم سائحون
Date: 01-21-2009, 03:50 PM
Parent: #11

الركشة

و الضل

و الناس الماده يديها

و الاستاذ و تلك الابتسامة

ياخى الرمزية غريبة و الله يا طلال

Post: #13
Title: Re: أفيدوني ، أفادكم الله !
Author: طلال عفيفي
Date: 01-19-2009, 07:59 AM
Parent: #7

Quote: ده ربنا له حاجات ياجدع !!

ربنا براهو يا ناديه ؟
أهه قال ليكي كان في ركشه من التمانينات ،
إتفضلي !

Post: #12
Title: Re: أفيدوني ، أفادكم الله !
Author: طلال عفيفي
Date: 01-19-2009, 07:55 AM
Parent: #6

Quote: كان في ركشة ياطلال بين الثورة بالنص والثورة بالشنقيطي من زمن بداية الثمانينات

يعني دي شجرة نسب الغول !

الله قادر يا عوض !
طيب ، والناس مخلوعين ليه ؟

Post: #16
Title: Re: أفيدوني ، أفادكم الله !
Author: esam gabralla
Date: 01-19-2009, 08:58 AM
Parent: #1

يا طلال يا ابن ام طلال

لا تعبث بثوابت الامة و تاريخها ...

امة تبقي فيها الركشة و يذهب محمود محمد طه

و رغما تغنى الامة:
تخيل كيف يكون الحال
لو ما كنت سودانى!
اتخيل .... بس

Post: #17
Title: Re: أفيدوني ، أفادكم الله !
Author: طلال عفيفي
Date: 01-19-2009, 09:10 AM
Parent: #16

Quote: تخيل كيف يكون الحال
لو ما كنت سودانى!

والله يا عصام ، وما طالبني حليفه ،
كل يوم بتخيل :D

_______________
بمناسبة السودان وأهل السودان ،
ما جاي تحضر مهرجان الزهور ؟

Post: #18
Title: Re: أفيدوني ، أفادكم الله !
Author: esam gabralla
Date: 01-19-2009, 09:22 AM
Parent: #17

Quote: والله يا عصام ، وما طالبني حليفه ،
كل يوم بتخيل :D

عارفك .... حلم الجعان عيشبينى وبينك انت ما محتاج تتخيل لانك اصلا ما من جمهورية الركشة ... الروح الروح يا طله

Quote: بمناسبة السودان وأهل السودان ،
ما جاي تحضر مهرجان الزهور ؟

ما تسال و تقوم علينا "النفسيات" .... الزهور ما بناباها لكن اخوك طبعا وشو فقر و منحوس دايما ... ما اتيسرت

لكن الوصية في الذمة:
من كل بستان زهرة لى اخوك
و شجر العوير و الحميض و اللبلاب المتسلق داك و ابواللصيق و ما شابه طلعوهو بره ....

تحياتى يا صاحب

Post: #19
Title: Re: أفيدوني ، أفادكم الله !
Author: Khalid Saeed
Date: 01-19-2009, 11:35 AM
Parent: #18

الأخ العزيز/ طلال ..
تحياتي لحرفك الأنيق .
في أواخر سبعينات عطبرة رايت المرحوم عوض كشك .. يجوب شوارعنا الحنينة بهذا الموتر المسخوت ..
لم نكن ندري أنها الرقشة .. ولم نكن نحس بخطورتها .. ربما كان زماننا نقي وهوائه بخير ..

دم بخير .. وتحسس تاريخ صلاحية كل ماحولك .. فيبدوا أننا في زمن منتهي الصلاحية .

أخوك/ الأرباب

Post: #26
Title: Re: أفيدوني ، أفادكم الله !
Author: طلال عفيفي
Date: 01-19-2009, 01:56 PM
Parent: #19

شكراً يا خالد ،
والله يخليك ..
Quote: دم بخير .. وتحسس تاريخ صلاحية كل ماحولك ..
فيبدوا أننا في زمن منتهي الصلاحية

المرحلة دي إحنا إتجاوزناها ، بقينا حسه نتحسس
صلاحية كل " من " حولنا بدل كل " ما " حولنا ..
ولله الأمر يا خالد يا خوي من قبل ومن بعد .

Post: #25
Title: Re: أفيدوني ، أفادكم الله !
Author: طلال عفيفي
Date: 01-19-2009, 01:49 PM
Parent: #18

عصام يا خوي ، كلو ممكن ، لكن المخارجه من المتسلق
دي المشكله ، لأنه تسلق شديد وبقى ما مفروز من الحيطه !
الله يهون القواسي ، ويعملوها الشباب .

Post: #20
Title: Re: أفيدوني ، أفادكم الله !
Author: عبدالوهاب علي الحاج
Date: 01-19-2009, 11:59 AM
Parent: #1

الاخ طلال
تحياتي
خليك من التمانينات في السبعينات الركشة كانت موجودة لكن كان اسمها ( الموتر ابوتلاتة ) واذكر انو الحاج انور الحاج على صاحب توكيل شل بوتجاز بشارع الزعيم الازهري ببحري كان عندو كم واحدة بيوزع بيهم انابيب الغاز للمنازل .
وشركة شل كانت عندها اعلان مغنى في الاذاعة لترويج وترغيب المواطنين باستخدام الغاز بدلا عن الفحم والحطب والمشوارو كان بيطلع صليبنا ذاتو .
والاعلان بيقول :
ماما ياماما ياماما اعطيني الحليب
ماما ياماما ياماما اريده ساخنا(صوت طفلة)
استخدمي شل بوتاجاز شل بوتاجااااز(تش) ( بصوت شرحبيل احمد )
.
.
وطبعا من صيغة الاعلان الكان مخاطب هم الناس الحمر واولاد الريف والاقباط والجاليات الاخرى التي تنحدر من اصول اوروبية لانو كلمة ماما دي ماكانت معروفة في اوساطنا وبالتالي الاعلان كان غبي وغير مؤثر ونتيجة لذلك لم تعرف ولم ينتشر استخدام الغاز الا في الـ 10 سنوات الاخيرة .

___
معليش يا طلال ما اكون خرمت كتير من موضوع البوست

Post: #21
Title: Re: أفيدوني ، أفادكم الله !
Author: فيصل محمد خليل
Date: 01-19-2009, 12:29 PM
Parent: #20

طلال مسكاقنا

بقال دا عمتو قدر سقف الركشة

حسع يجوني الجماعة و يقول لي دا ما بقال.

عارف .

دا شنو دبل ياخ

Post: #39
Title: Re: أفيدوني ، أفادكم الله !
Author: طلال عفيفي
Date: 01-20-2009, 11:01 AM
Parent: #21

فيصل يا عزيز يا إبن الناس الطيبين
والله ليك شوقه

في كتاب عن البلد هيصدر اليومين الجايين
لمن شفت إتذكرتك وجيت على بالي ، أوعدك
بعد التدشين هكتب ليك عنو ..

Post: #22
Title: Re: أفيدوني ، أفادكم الله !
Author: abuguta
Date: 01-19-2009, 12:41 PM
Parent: #20

Quote: الحواشه

ياولد يااغبش

انت مولود فى المانيا ولا فى ريفى ابقوتة

قال الحواشة تعيش خمسة,,,,,

والله نحن كانت عندنا حواشة,,بجيب 40 شوال ذرة و50 شوال قمح و40 شوال قطن ,,بذمتك شفت شوال القطن..بسموه شوال الكبس
بنوم بيه ايام البرد لانه بكون جديد وفيه ريحة الخيش ,زى ريحة الدعاش,,نسيت اقول ليك الشوال دا بكبسوه كيف
ونسيت اقول ليك امى كانت بتحلم بكرة اكبر واتعلم الكتابة عشان ابوى ما يشحد ود المفتش لكتابة اسماء النسوان البلقطن
القطن وعدد القفاف عشان يدفع ليهن يوم الصرف,, ونسيت اقول ليك ان حواشتنا بتنتج 30 شوال فول,وفوق التقانت مزروع اللوبيا, المخدر
الفول واحد من قبيلة الفلاتة..وبذكر يوم نفاس زوجتو داخل التكل جوا الحواشة ,,مشينا انا ابوى جبنا ليهم الدقيق والسكر,,
اها انسى كبرت واتعلمت لكن ما لقيت قطن ولا نسوان بلقطن حتى ابوى خلى الزراعة,,قال لى احسن نشترى من السوق
لانها ما جايبة حقها,,,حتى ظاهرة شوالات الكبس المنقول على ضهور الجمال
او عربة الكارو بقيت مشتهيها,,

اما عن الركشة او الرقشة,,,تصنيع مصنع بجاج الهندى,,,فهنالك ركشتان .اتو ركشا وسايكل ركشا
الاخيرة لسع ما جات السودان لان مكانها عربة الحمار,,,فتلك السايكل ركشا يجرها بنى ادم
انتشر دخول الركشة مع الانقاذوساعد فى نقلها الطلاب الدراسون فى الهند...مما سهل نقل الفكرة
وتواجد الاسبيرات,,,بالمناسبة رجعت البقوتة بعد 9 سنوات وجدت بيها 20 ركشة...وهى تنطط فى الدقداق
زى العتاب

طلال نسيت اسلم عليك,,,ياخى انت بتحفر بمعول سنين
غاطس فى حواشة والسنين

تحياتى

Post: #29
Title: Re: أفيدوني ، أفادكم الله !
Author: طلال عفيفي
Date: 01-20-2009, 00:03 AM
Parent: #22

ألمانيا ؟
يا حليل ألمانيا يا ابقوته ، كانت أيام جميله
وكأنها بطيخه كبيره ما فيها بذر ، لكن إنت
عارف رب العالمين لما يشاء أن يريك ما كنت
تجهل والدنيا تدير لك ظهر المجن ، إلخ ..

واللآن :
Quote: اها انسى كبرت واتعلمت لكن ما لقيت قطن ولا نسوان
بلقطن حتى ابوى خلى الزراعة,,قال لى احسن نشترى من السوق
لانها ما جايبة حقها

تجيب حقها كيف يا عزيزي والمشاريع الزراعية إنهارت بفعل
فاعل آثم الله لا كسبو دنيا ولا آخره ، فصر ترى أولاد المزارعين
ضهابى في عاصمتك القومية يبيعون السكراتشات والأناتيك
التعبانه وارد الصين ومناديل الورق وكل حاجه بجنيه ..
سلبتهم الدنيا والأيام طواريهم وماء وجههم .

Post: #28
Title: Re: أفيدوني ، أفادكم الله !
Author: طلال عفيفي
Date: 01-19-2009, 11:52 PM
Parent: #20

أووووووو ناس السبعينيات ظهروا !
سلامات يا عبد الوهاب ..
Quote: وطبعا من صيغة الاعلان الكان مخاطب هم الناس الحمر
واولاد الريف والاقباط والجاليات الاخرى التي تنحدر من اصول
اوروبية لانو كلمة ماما دي ماكانت معروفة في اوساطنا وبالتالي
الاعلان كان غبي وغير مؤثر

وديل كانوا شويه يا عبدالوهاب ؟ بالك إنت لمن كل أحمر الزمن
داك وود ريف وقبطي وأرمني وإغريقي وشامي يشتري فـِرِد أمبوبايه
ناس شل ما بكونوا أنجزوا أنابيبم دي وربحوا البيع ؟
لو كان وسعوا الإعلان لبقية جماهير شعبنا إنت قايل الأنابيب
كانت بتكفي ؟ أوف كورس نو !

لكن الجدعه الصاح في إنو الإعلان ده كان بصوت شرحبيل أحمد ،
فتخيل بالله عليك وتأمل ، حسه الإعلانات حقت المحاميد للأساس
بقت بشعبان عبد الرحيم !
يا ربي الزول ما بيلقى إعلان شرحبيل ده في اليوتيوب ؟
ولا بنلقى لينا زول محتفظ بيهو على وسيط من وسايط السماع
المختلفة ؟
والله لو ساعدتني في الموضوع ده تكون بسطتني وأكون لك
من الشاكرين .

ولك محبتي يا عبد الوهاب

Post: #23
Title: Re: أفيدوني ، أفادكم الله !
Author: mamkouna
Date: 01-19-2009, 12:45 PM
Parent: #1

لا بعرف ركشة....لا بعرف أمجاد..
أنا زعلاااااااااااااااااانة منك يا تيتو !

Post: #24
Title: Re: أفيدوني ، أفادكم الله !
Author: abuguta
Date: 01-19-2009, 01:03 PM
Parent: #23

شوف الركشة دى

Post: #31
Title: Re: أفيدوني ، أفادكم الله !
Author: طلال عفيفي
Date: 01-20-2009, 00:24 AM
Parent: #24

جيتني براك يا أبقوته
Quote: شوف الركشة دى

ركشه ، بالصلاه على النبي عادم ما فيها ،
صديقة للبيئة وللقلوب المرهفه ، يعني مافي
زيت مخلوط بالبنزين ..
وشوف الساقين : زي الشمعه!
أما الجرس ، وما أدراك ما الجرس ، فضي
ظريف لا تقول لي بوري ولا موت أحمر ، الهدوء
وراحة الراكب -عقبال عندك- أهم شي !
آخر حاجه مرقوع على ظهر هذا الطائر الميمون
توقيع خالك بيكاسو وصورته ، يعني فن وبيئه
ووجه حسن .
أها إحنا كفوتنا شنو في الدنيا دي ؟
ولا الرضا بالمقسوم عباده لسه ؟

Post: #30
Title: Re: أفيدوني ، أفادكم الله !
Author: طلال عفيفي
Date: 01-20-2009, 00:16 AM
Parent: #23

ما تزعلي مني يا ممكونه ... نهائي ما تزعلي مني ..
انا بس لو تعرفي الدنيا دي قزقزت بي كيف هتعذريني
ويقول الشاعر الحكيم : العفو عند المقدره حاجه تمام !

سماح ، طيب ؟
وقريباً في الأسواق والله العظيم :)

Post: #27
Title: Re: أفيدوني ، أفادكم الله !
Author: محمد أبوالعزائم أبوالريش
Date: 01-19-2009, 02:11 PM
Parent: #1

Quote: كان عندو كم واحدة بيوزع بيهم انابيب الغاز للمنازل

فعلاً .. هي دي الركشة الكنا بنعرفا، وكان وكيل شل في بري بيوزّع الغاز بيها، بالإضافة لبعض أخوانا المعاقين (بأعداد محدودة جداً) كانوا بيستعملوها.

____
كانت في ... بس هسي لقوا ليها إسم

Post: #33
Title: Re: أفيدوني ، أفادكم الله !
Author: طارق الأمين
Date: 01-20-2009, 00:43 AM
Parent: #27

كان في ركشه

ومافي رعشه

مشتاقون للدون

عين فيصل نجيضه اللمحت الشبه

بين بقال الالفينات

وصادق شيخ دين التسعينات

بمناسبه توزيع الغاز

ليه غازي دا؟

وليه غازي داك؟

الموضوع دا خليهو غازي غازي

عموما تحياتي

ومحبتي

للاستاذ

Post: #34
Title: Re: أفيدوني ، أفادكم الله !
Author: طلال عفيفي
Date: 01-20-2009, 08:42 AM
Parent: #27

شكراً يا ابو العزائم ...
حكاية إنها كانت في دي بقى ما فيها شك ،
السؤال إنو ليه كأنها ظهرت فجأه !

في حاجات كده بتطفر في الدنيا دي.

Post: #32
Title: Re: أفيدوني ، أفادكم الله !
Author: Osama Mohammed
Date: 01-20-2009, 00:33 AM
Parent: #1

Quote: فعلاً .. هي دي الركشة الكنا بنعرفا، وكان وكيل شل في بري بيوزّع الغاز بيها، بالإضافة لبعض أخوانا المعاقين (بأعداد محدودة جداً) كانوا بيستعملوها.

أثني

الأخ طلال
صور لرقشة في مدينة برايتون على الساحل الجنوبي لإنجلترا وهي تنتشر هنا في الصيف وطبعاً اسعارها (مقارنة بأي وسيلة مواصلات تانية -ابو الرخاء - وبعضها ما فرقو من الليمو الا الأبواب ) اخر تكنلوجيا
وبسموها هنا Tuc Tuc توك توك ما عارف جابوهو من وين ...

الصورة الجاية دي للموقف بتاع الرقشات ... ولا سائل في الشهداء زاتو ......

لك ولجميع الزوار التحية
اسامة

Post: #41
Title: Re: أفيدوني ، أفادكم الله !
Author: طلال عفيفي
Date: 01-20-2009, 11:53 AM
Parent: #32

شكرا يا أسامه
ونجاملك في الافراح يا عزيزي

شايف ركشاتك ديل فيهم وحده Waterproof !

Post: #43
Title: Re: أفيدوني ، أفادكم الله !
Author: Osama Mohammed
Date: 01-20-2009, 12:08 PM
Parent: #41

Quote: Waterproof

ووتر بروف الساهلة دي ...غايتو شوف اضاني وسمع لساني واحد قال لي فيها شاشة من جوة ...

غايتو ما نبخل عليك بالفيديو الجاي ده انت والمتابعين كلهم ..........

مودتي
اسامة

Post: #35
Title: Re: أفيدوني ، أفادكم الله !
Author: Hala Hassan
Date: 01-20-2009, 09:17 AM
Parent: #1

طلال عفيفى،

تعرف بوستك دة الظاهر حرك ليه اشجان كدة عند بعض الناس،،،

و كله كوم ،
و ركشة أبوقوتة كوم،،

و يا حلاة الركشة فى برايتون،،،

يا ربى ليه هناك حلوة و هنا....كلام تانى؟؟؟

لكن الكلام الكبير،

Quote: وطبعا من صيغة الاعلان الكان مخاطب هم الناس الحمر
واولاد الريف والاقباط والجاليات الاخرى التي تنحدر من اصول
اوروبية لانو كلمة ماما دي ماكانت معروفة في اوساطنا وبالتالي
الاعلان كان غبي وغير مؤثر

على قولك يا طلال،،
هم ديل شوية،،

ما هى دى كانت الخرطوم كلها،،،
إنت فاكر ناس شل ديل كانو دايرين يوصلوا الضواحى و لا الاقاليم؟؟؟؟
(الوش أبو سنون ما شغال معاى).....

تعرف يا عبد الوهاب،
مستعدة أدفع شنو ما بعرف،
و أشوف الزمن الكانوا ناس أمى عايشين فى شارع الجمهورية وسط الأقاريق و الشوام،،،،

شكرا يا طلال،،،،

Post: #37
Title: Re: أفيدوني ، أفادكم الله !
Author: Hussein Mallasi
Date: 01-20-2009, 09:36 AM
Parent: #35

Quote: وطبعا من صيغة الاعلان الكان مخاطب هم الناس الحمر واولاد الريف والاقباط والجاليات
الاخرى التي تنحدر من اصول اوروبية لانو كلمة ماما دي ماكانت معروفة في اوساطنا وبالتالي الاعلان
كان غبي وغير مؤثر ونتيجة لذلك لم تعرف ولم ينتشر استخدام الغاز الا في الـ 10 سنوات الاخيرة .

ليس المهم أن تكون كلمة ماما معروفة في أوساطكم؛
المهم أن تكون أوساطكم قد عرفت استخدام مواقد الغاز في تلك الفترة.

Post: #38
Title: Re: أفيدوني ، أفادكم الله !
Author: عبدالوهاب علي الحاج
Date: 01-20-2009, 10:04 AM
Parent: #37

Quote: ليس المهم أن تكون كلمة ماما معروفة في أوساطكم؛
المهم أن تكون أوساطكم قد عرفت استخدام مواقد الغاز في تلك الفترة.
ياسحس
دي الحمد لله عرفناها واستخدمناها مؤخرا
لكن والله داير لي واحد كبير زي بتاع هتلر
مغرووووووووووض فيهو بتكون فهمت دايرو لشنو موش ؟

Post: #45
Title: Re: أفيدوني ، أفادكم الله !
Author: طلال عفيفي
Date: 01-20-2009, 11:06 PM
Parent: #35

شكراً يا هاله وفرصه طيبه نتداخل على سيرة الخرطوم
والحياه في الخرطوم بأزمانها وأحوالها ..

يبدو إنو مداخلة عزيز عبد الوهاب هتجر عليهو شكل .

تحياتي يا صديقتي

Post: #49
Title: Re: أفيدوني ، أفادكم الله !
Author: Hala Hassan
Date: 01-21-2009, 06:43 AM
Parent: #45

Quote: يبدو إنو مداخلة عزيز عبد الوهاب هتجر عليهو شكل .

ما مشكلة يا طلال،
مش عبد الوهاب دة،
متعود على كدة،،،

حتى شوف،

Quote: وهبة ده يا سيدي من أيام موتر هتلر أب كرسي جنباوي داك ..
و أهو كلو تلاتة كفرات .

ولا كيف يا عبد الوهاب؟؟؟؟

Post: #50
Title: Re: أفيدوني ، أفادكم الله !
Author: عبدالوهاب علي الحاج
Date: 01-21-2009, 07:21 AM
Parent: #49

Quote: ولا كيف يا عبد الوهاب؟؟؟؟
باشمهندس هالة وطلال والعمدة
والله ما فاضل لي الا اعلن كامل تضامني مع شخصي الضعيف شايفكم شوية شوية دايرين تطلعوني ديناصور المنبر لكن هيهات وانا صاحي ليكم ودا الحالة انا جريت الساعة شوية الركشات الاتكلمت عنها دي في الحقيقة كانت اواخر الستينات يصراحة شديدة وكانت ايطالية الصنع من شركة فيسبا وكانت على شكل البكاسي لم تكن بالشكل المتعارف عليهو حاليا .
ياعماد عبدالله والله الفيك انعرفت اليسمعك كدا يقول قريت في القبس ما تكلمنا انت عن الموتر ابوتلاتة عجلات بتاع هتلر ماهنا برضو كان موجود عند ناس المرور لمن كان اسمهم( بتاعين الحركة) وعند الجيش برضو كان في وكانت ماركتو اعتقد BC ( انجليزي الصنع )
Quote: لكن الجدعه الصاح في إنو الإعلان ده كان بصوت شرحبيل أحمد ،
شرحبيل ياطلال كان عندو اعلانات كتيرة بصوتو في الاذاعة الوكت داك مثلا اعلان الاندروس وكان الاعلان بيقول :
اندروس اندروس منعش فوار
يريح المعدة ليل ونهار
يطري المعدة ما في حموضة
دايماً منعش
منعش فواااااااار اندروس

وابوداؤود برضو كان عندو اعلان عن احذية:
احذية توموشيك احذية توموشيك
للمراة الذوق والرجل الشيك
الكورس : احذية توموشيك
اسرع احجز واضرب تلفون
الكورس : احذية توموشيك
7 و6 وكمان 7 صفر واتنين (ارقام التلفونات كانت 5 ارقام بس )
الكورس : احذية توموشيك
الكورس : احذية توموشيك

وعائشة الفلاتية عن صابون غسيل:
ياعروسة ياصبية
عندي ليك اجمل هدية
سافو سافو اجمل هدية

ايييييييييه يلا حسن الختام

Post: #36
Title: Re: أفيدوني ، أفادكم الله !
Author: مؤيد شريف
Date: 01-20-2009, 09:25 AM
Parent: #1

سلامات اخي الكريم طلال

التفت لشيئين في الصورة ... الرجل جالس علي الأرض بكل بساطة .. هذه الصورة وكل الصور الاخرى التي شاهدتها تتبدى منه ابتسامة عريضة علي الدوام .... المره سايقه الركشه ... دي ما لاحظتوها ؟؟؟

أ.محمود عرفوا خطورته علي (عكهم) و(خمجهم) في السودان لذلك عجلوا باغتياله..رحمه الله فقد مثل أول وآخر مشروعا للاستنارة والتجديد متصالحا مع بيئته بشكل محير ...

رحمه الله رحمة واسعة ...

شكرا طلال

Post: #46
Title: Re: أفيدوني ، أفادكم الله !
Author: طلال عفيفي
Date: 01-21-2009, 02:45 AM

سلامات يا مؤيد يا عزيز
الأستاذ محمود طبعاً إنسان قل أن يجود الزمان بمثله .

Quote: المره سايقه الركشه ... دي ما لاحظتوها ؟؟؟

لكن الست سايقه الركشه ولا الركشه دبل كبينه ؟

أفتكر نستشير عبد الوهاب !

Post: #40
Title: Re: أفيدوني ، أفادكم الله !
Author: naeem ali
Date: 01-20-2009, 11:14 AM
Parent: #1

شكرا يا طلال علي ايراد
صورة (البركه) دي
وزي ما قال استاذنا السني (حفظه الله)
Quote: اللحظة دي واحدة من اللحظات العجب
شيخي وسيدي محمود وبناتوا في حملة للثقافة والتوعية
حملة بيع الكتب
وشوف الليلة بزيلو الكتب العلى الرصيف
والمكتبات الشعبية
عشان تقوم عمارات

Post: #42
Title: Re: أفيدوني ، أفادكم الله !
Author: نادية عثمان
Date: 01-20-2009, 12:03 PM
Parent: #40

لما أجي السودان ياطلال

لو

ماركبت ركشة بحس إنو إجازتي فيها شئ حلو ومهم ناقص !!

الركشة لذيذة ياخ !

Post: #44
Title: Re: أفيدوني ، أفادكم الله !
Author: Bushra Elfadil
Date: 01-20-2009, 01:38 PM
Parent: #42

الأخ طلال
الصورة في توقعاتي أن تكون تمت في السبعينات وذلك لأن الأستاذ محمود يبدو في الصورة وكان عمره في الخمسينات فإذا علمنا أنه استشهد وهو في السادسة والسبعين في يناير عام 85 فربما تعود الصورة إلى السبعينات وربماإلى أولها حتى وخير من يفتي في هذه الصورة الأخوات الجمهوريات اللائي شاركن في حملة بيع الكتب هذه كما في الصورة بالإضافة إلى جمهوريين من أمثال دكتور النور محمد حمد عضو المنبر؛ فقد ساهم في تحرير واستنساخ وإخراج مؤلفات الجمهوريين؛ ومؤلفات الأستاذ محمود بقدر وافر. وفي ظني أنه مطلع على مسار العديد من الحملات وقد شارك في بعضها..

Post: #47
Title: Re: أفيدوني ، أفادكم الله !
Author: Emad Abdulla
Date: 01-21-2009, 03:12 AM
Parent: #44

زي ممكونة أنا .. زعلان منك و من " حدو " ..
و زعلان شديد كمان .
ده ما المهم هسه ..
الجابني هو ده
Quote: أووووووو ناس السبعينيات ظهروا !
سبعينيات بتاع مين يا طلو ياخي ؟؟
يقوم صاحبي ده يقرض على كده .. يا مؤمن يا مصدق .
وهبة ده يا سيدي من أيام موتر هتلر أب كرسي جنباوي داك ..
و أهو كلو تلاتة كفرات .
أعمل معروف .. ما تلخبط عليهو الإختساس .

....
زعلان منك يا مواطن .. بالحيل زعلان .

Post: #48
Title: Re: أفيدوني ، أفادكم الله !
Author: Abu Eltayeb
Date: 01-21-2009, 05:05 AM
Parent: #47

الاخ طلال

سلامات و تشكر علي هذه الصورة العجيبة المعبرة عن قمة التواضع رئيس حزب و مرشد جماعة يجلس علي الارض, انظر لبقية الزعماء زعماء بزعمهم يمتطون السيارات الفارهة و لا يجالسون عامة الشعب, اتذكر هذا اليوم تماما في اوائل شهر يناير من عام 1985 عندما قاد الاستاذ المسيرة راجلا من امام منزله بالثورة الحارة الاولي وكنا جميعنا من خلفه بالذكر المفرد الله الي محمكة الطواري بالقرب من الاذاعة و التلفزيون وذلك كان لمحاكمة الاخوان الجمهوريين الاربعة, اي كان قبل اعتقال الاستاذ, وبعدها بيوم او يومين تم اعتقال الاستاذ وتم تحويل المحكمة الي محكمة بلدية امدرمان و استمر مسلسل المؤامرة, سوف اتيك بالتوريخ ان شاءالله قريبا.

عربة الموتر تخص الاخ حسن عثمان كمشاك الجمهوري وهو احد قيادي جمعية المعوقين في السودان, ولقد تم الاشادة به لقيادتة القديره من قبل ادارة المرور.

ودمت في حفظه

لطفي

Post: #51
Title: Re: أفيدوني ، أفادكم الله !
Author: kh_abboud
Date: 01-21-2009, 09:27 AM
Parent: #48

أبوالطيب
سلامات
شكرا علي إيراد حقيقة الركشة ...
الأعزاء طلال عفيفي - الخبير الاجنبي:السني دفع الله - بشرى الفاضل
تحياتي

الصورة فعلا ، كما تفضل أبو الطيب ، لركشة الأخ حسن عثمان والذي إشتراها ليتوصل بها لمكتبه بالخرطوم وكان يسكن الثورة ... وكان يساعد الإخوان والأخوات على الترحيل دائما ... والصورة أخذت بكاميرا الأخ مختارمختار محمد طه ،على ماأظن، والمكان دار الفنانين الذي حوله نميري إلى محكمة طواريء ...وكان الأستاذ ينتظر جلسة محكمة المهلاوي التي تأجلت في ذلك اليوم بعد المسيرة الذاكرة التي إنتهت للمحكمة ... وتمت المحكمة ، في مجمع المحاكم بأمدرمان وصدر فيها حكم الإعدام المعروف ، وحضرهاالإخوان والاخوات الجمهوريون في مسيرة أخرى ، ولكن كان الاستاذ داخل المعتقل ...
أذكر أن أحد الشيوخ جلد بصورة مهينة أمام قاضي الطواريء :المهلاوي ... وعلق الاستاذ في حينها على هذا الأسلوب المهين للشعب ...
تاريخ الصورة قبيل 18/1/1985
نحيي ذكرى شهيد الحرية والعدالة في عيده المئوي ...

خلف الله عبود

Post: #65
Title: Re: أفيدوني ، أفادكم الله !
Author: طلال عفيفي
Date: 01-22-2009, 01:45 AM
Parent: #48

شكراً ليك يا لطفي على المعلومات القيمة ، وشكراً على صوتك الطيب
الهاديء في حياتي ، أتمنى تكون بأفضل الأحوال ...
تحياتي كمان لكل الأخوان حداك .

Post: #64
Title: Re: أفيدوني ، أفادكم الله !
Author: طلال عفيفي
Date: 01-22-2009, 00:38 AM
Parent: #47

زعلان مني أنا يا عمده ؟؟!!
بتكون ملخبطني بزول تاني !

Quote: سبعينيات بتاع مين يا طلو ياخي ؟؟
يقوم صاحبي ده يقرض على كده .. يا مؤمن يا مصدق .
وهبة ده يا سيدي من أيام موتر هتلر أب كرسي جنباوي داك ..

بالله هو وهبه ده يناهز السبعينيات ؟
ما جاب لي سيره ...
غايتو الناس مصدقون في أنسابهم يا عماد .

Post: #63
Title: Re: أفيدوني ، أفادكم الله !
Author: طلال عفيفي
Date: 01-21-2009, 11:52 PM
Parent: #44

الفاضل ، بشرى الفاضل
أجمل التحايا والسلام ...
بخصوص الصورة ، فقد أفادنا أخونا الصادق شيخ الدين
بتفاصيلها مشكوراً .

أتمنى أن تكون بخير وأن نراك قريباً .

تقبل مودتي العامرة

Post: #61
Title: Re: أفيدوني ، أفادكم الله !
Author: طلال عفيفي
Date: 01-21-2009, 11:14 PM
Parent: #42

ندويه العزيزه ، الرقشه ممكن تكون لذيذه ،
وحاجه أورجينال خالص لو فعلاً الناس بيركبوها
في الإجازات ويضربوا همبريب السكة الذي يهفهف
على الجانبين ؛ لكن إنو تملا الشوارع بالعدد
ده وتتحول لوسيلة مواصلات رسمي وشعبي فده
موضوع خطر خطر خطر ومؤذي لراكبها وحاملها
وشاربها .

Post: #60
Title: Re: أفيدوني ، أفادكم الله !
Author: طلال عفيفي
Date: 01-21-2009, 11:08 PM
Parent: #40

سلامات يا نعيم وتحياتي
شكراً عالمداخلة ، وربك
يعيد علينا أيام زي دي .

دم بخير يا صديقي

Post: #52
Title: Re: أفيدوني ، أفادكم الله !
Author: ibrahim sidahmed
Date: 01-21-2009, 02:45 PM
Parent: #1

الرقشة بتنرفز وما عندها فرق من الاسعاف لوبس شغلوها لينا هزاز وظللوها... والله انا كنت قايلة دخلت السودان من بوابة المتعافي مع الامجاد وغيرهن كثر لكنها قاااااااااااااعدة ومع الاستاد له الرحمة والمحبة, لكن الوقت داك ماافتكر كانت مزعجة الشوارع فاضية مافي زحمة والاعلانات بصوت الكروان والفلاتية وشرحبيل والمحبة واضحة ليلها كنهارها..انا سرحت الموضوع الركشة والله الاستاد ام الاثنين معا
يا طلال انت وين .كتابتك فيها حبة روقه انشاالله السودان يكون ظبط معاك...(الاستاد) دي انا قاصد (الاستاد) لكن النقطة مافي في الجهاز ..

Post: #53
Title: Re: أفيدوني ، أفادكم الله !
Author: Rawia
Date: 01-21-2009, 03:00 PM
Parent: #52

فعلا زمـــــان شديد كان في ركشة بتجيب الغاز للبيوت
بتتصل بالتلفون في أقل من ربع ساعة بيكون عندك الراجل بتاع الغاز بالركشة(كان لونها كحلي زهري والراجل لابس يونيفورم كحلي بالاصفر)
الكلام دا في بيت حبوبة الروضة الله يرحمها في أمدرمان ودنوباوي سنة كم مابتذكر لكن عصور سابقة

Post: #70
Title: Re: أفيدوني ، أفادكم الله !
Author: طلال عفيفي
Date: 01-23-2009, 01:36 AM
Parent: #52

إبراهيم يا خِلِي يا ودود الإبتسامه ...
قلت لي شكلي رايق والسودان شكلو ظبط ؟
والله ظبط !
منو لله .

Post: #54
Title: Re: أفيدوني ، أفادكم الله !
Author: ABUHUSSEIN
Date: 01-21-2009, 03:17 PM
Parent: #1

البوست دا مالو لم الديناصورات ناس وهبه و أنداده

الركشة موجودة من السبعينات و كانت تحديداً عند أخوانا النقاده

كانو بستخدموها في توزيع البضائع لي المحلات و البيوت

و كان جارنا عزت واحد منهم

بالمناسبة الكلام دا سمعتوا من حبوبتي الله إرحمها و إغفر ليها

Post: #56
Title: Re: أفيدوني ، أفادكم الله !
Author: عبدالوهاب علي الحاج
Date: 01-21-2009, 03:59 PM
Parent: #1

Quote: بالمناسبة الكلام دا سمعتوا من حبوبتي الله إرحمها و إغفر ليها
دي مكنتك

Post: #57
Title: Re: أفيدوني ، أفادكم الله !
Author: Abu Mariam
Date: 01-21-2009, 04:28 PM
Parent: #1

أيوه يا طلال الفي الصورة ده أنا ومعاي الأستاذ الصديق الاخ محمد علي مالك وهو أخو الصديق مهلب مالك

الصورة زي ما حكى عنها الاستاذ خلف الله عبود، المصور على حسب تقديري كان عبدالله ارنست الجمهوري أفرو-أمريكي

يادوبك عرفت المقصد من سؤالك أول أمس،، معليش أنا مريض شوية اليومين ديل،، بجمع من يومين إلا تلاتة يوم بعد خراب سوبا

شوف ناس استاذة سلمى واستاذ سني،، لاتغباهم الخليقة،، ولو من اكتر من عشرين سنة،، أو في الحقيقة امكن ده الشكل البتذكروني بيه

صادق

Post: #58
Title: Re: أفيدوني ، أفادكم الله !
Author: Abu Eltayeb
Date: 01-21-2009, 05:48 PM
Parent: #57

Quote: سلامات يا لطفي
لك ولجميع الأحبة مع عامر المودة والأشواق

الصورة تاريخها الأربعاء 2 يناير 1985 وهي في دار الفنانين، وقد جاء الأستاذ والجمهوريون لحضور محاكمة الأخوان الأربعة. الجلسة أجلت إلى يوم الإثنين 7 يناير وفي هذه الأثناء تم اعتقال الأستاذ يوم السبت 5 يناير، وأضيف إلى قائمة المُحاكمين بتوجيه من وزير الشئون الجنائية محمد آدم عيسى. أما المصور فلم يكن هو الأخ مختار مختار محمد طه الذي كان وقتها في أمريكا ولم يكن حاضرا تلك الأحداث يا خلف الله.
سمعت رواية تقول أن الأستاذ محمود كان يردد هذه الأبيات قبيل أن يجيء الضابط الذي قام باعتقاله والرواية منسوبة إلى الأخت أسماء عبد الرحمن التي سمعتها من الأستاذ، أما أنا فقد سمعتها من الأخ د. أحمد المصطفى المبارك الذي كان هو وسمية أمين صديق في زيارة كريمة إلينا في يوم السبت 17 يناير حيث قضيا معنا خمس ساعات وعادا إلى بريطانيا في نفس اليوم. الأبيات هي للشيخ إبن الفارض:
إذا جاد أقوام بمال رأيتهم * يجودون بالأرواح منهم بلا بخل
وإن هُدِّدوا بالهجر ماتوا مخافة * وإن أوعدوا بالقتل حنوا إلى القتل
لعمري هم العشاق عندي حقيقة * على الجد والباقون منهم على الهزل

وهي قصيدة مشهورة ياما استمعنا إليها في حضرة الأستاذ ولم نكن نعلم بذلك السر.

بلغوا عني الأخ طلال عفيفي السلام فأنا لا أستطيع في الوقت الحاضر أن أكتب في سودانيز أونلاين.

ياسر

Post: #59
Title: Re: أفيدوني ، أفادكم الله !
Author: Abu Eltayeb
Date: 01-21-2009, 05:50 PM
Parent: #58

للشيخ إبن الفارض:
إذا جاد أقوام بمال رأيتهم * يجودون بالأرواح منهم بلا بخل
وإن هُدِّدوا بالهجر ماتوا مخافة * وإن أوعدوا بالقتل حنوا إلى القتل
لعمري هم العشاق عندي حقيقة * على الجد والباقون منهم على الهزل

Post: #62
Title: Re: أفيدوني ، أفادكم الله !
Author: دينا خالد
Date: 01-21-2009, 11:39 PM
Parent: #59

د. بشرى !

Quote: الصورة في توقعاتي أن تكون تمت في السبعينات وذلك لأن الأستاذ محمود يبدو في الصورة وكان عمره في الخمسينات فإذا علمنا أنه استشهد وهو في السادسة والسبعين في يناير عام 85 فربما تعود الصورة إلى السبعينات وربماإلى أولها حتى وخير من يفتي في هذه الصورة الأخوات الجمهوريات اللائي شاركن في حملة بيع الكتب

بل فى توقعاتى ( انا ) انها قبيل وفاته بايام ...

فاذا شاهدت فيلم محاكمة الاستاذ محمود ، هذا اذا افترضنا عدم مشاهدتك للاستاذ شخصيا
ودى طبعا حاجة غريبة .. لرايت بعينك عنفوان الاستاذ وكيف انه يبدو وكانه فى الاربعين امام المحكمة
فهذا هو مظهر الاستاذ ومحياه الذى مات عليه ..

ــــــــــــــــ
طبعا لو منتظر توضيح ( الاخوات ) لعمر الصورة ح يقولو ليك دى سنة
2005 .. مش لو جمهوريات .. لو راهبات ذاتو .. لووووووووول
فى نسوان بسالوهن من عمر اى حاجة هن فيها ؟؟ والله بالغت يادكتور !!

Post: #66
Title: Re: أفيدوني ، أفادكم الله !
Author: عبدالوهاب علي الحاج
Date: 01-22-2009, 05:20 AM
Parent: #1

بالنسبة لعمر الصورة
Quote: طبعا لو منتظر توضيح ( الاخوات ) لعمر الصورة ح يقولو ليك دى سنة
2005 .. مش لو جمهوريات .. لو راهبات ذاتو .. لووووووووول
فى نسوان بسالوهن من عمر اى حاجة هن فيها ؟؟ والله بالغت يادكتور !!

لو فعلا الصورة ماخوذة بواسطة
Quote: المصور على حسب تقديري كان عبدالله ارنست الجمهوري أفرو-أمريكي
حسب ما ورد في مداخلة الاخ ابومريم
الاستاذ عبدالله ارنست امريكي اسلم واتى للسودان وكان اسمو قبل الاسلام ارنست بلفور جونسون ودرسنا اللغة الانجليزية في مدرسة بحري الثانوية سنة 79 قبل ان يتحول لتدريس مادة الـ scientific english في جامعة الخرطوم وكان لاعب كرة سلة قي نادي الموردة حيث يسكن على ما اعتقد واعتنق الفكر الجمهورى ومن الطرائف انو استاذ الدين بالمدرسة وكان اسمو احمد بلة لمن عرفوهو بالاستاذ عبدالله ارنست وقالوا ليهو دا امريكي واسلم هتف الله اكبر الله اكبر ولمن عرف حكاية انو جمهوري دي قال ليهو : طيب هسه عملت شنو يعني ؟
فبالتالي الصورة دي اتاخدت في اوائل التمانينات بالتحديد في الفترة ما بين 80 - 83 والله ورسوله اعلم

Post: #67
Title: Re: أفيدوني ، أفادكم الله !
Author: kh_abboud
Date: 01-22-2009, 08:08 AM
Parent: #66

بس ياعبدالوهاب ، بصرف النظر عن المصور، مع إني واثق في ذاكرة أبو الطيب ، فأنا كنت في المكان ولاحظت ركشة حسن عثمان والأخوات جالسات فيها ... والمكان هو كما ذكرت ، دار الفنانين القديم الذي تحول إلى محكمة طواريء و كان مفروض يتحاكم فيها الجمهوريون ولكن المحكمة نقلت إلى مجمع المحاكم ... يعني أنا شاهد عيان والتاريخ الذي ذكره أبو الطيب صحيح ولازم يكونة قبل أيام من المحمة الشهيرة ، يعني في يناير عام 1985...

Post: #68
Title: Re: أفيدوني ، أفادكم الله !
Author: Abu Mariam
Date: 01-22-2009, 04:31 PM
Parent: #1

الاخوان الاعزاء المتداخلون

في هذه الصورة يظهر شخصي الضعيف أمام الأستاذوهو ممسك بيدي وبجانبي الأخ محمد علي مالك

أظن أنا ح أعيد الكلام القلته فوق ده تاني

فعلاً الصورة دي في نادي الفنانيين سابقاً أو مسكن آل طلسم سابقاً ايضاً في أمدرمان بجانب المسرح القومي على النيل

هذا المبني أُرتجل ليكون محكمة ناجزة في الفترة في ما بعد 83 ومع قوانين سبتمبر

الصورة قبل من أسبوع من الاعدام تقريباً،، يناير1985 ،، لأن أمر المحكمة هذه لم يتجاوز ايام قلائل واتسمت بالارتجال والعجلة

هذه المحكمة رفعت الامر لمحكمة عليا أسوأ منها وكانت في الاوسط ام درمان

المصور كان ارنست وكنت قد شاهدتها فيما بعد معه في تلك الايام ووعدني بنسخة، طلبتها منه بعد سنين واتتني من أمريكا عن طريق قصي همرور

هذه ليست أول مرة تنزل في البورد،، من قبل قام أحد الاخوان بانزالها من ضمن صور أخرى للأستاذ والاخوان والاخوات

لكم الشكر
صادق شيخ الدين

Post: #69
Title: Re: أفيدوني ، أفادكم الله !
Author: Abu Eltayeb
Date: 01-22-2009, 06:39 PM
Parent: #68

As I mentioned above, I was there and Dr. Yasir Elshareef sent me this information for assurance

Lutfi

: سلامات يا لطفي
لك ولجميع الأحبة مع عامر المودة والأشواق

الصورة تاريخها الأربعاء 2 يناير 1985 وهي في دار الفنانين، وقد جاء الأستاذ والجمهوريون لحضور محاكمة الأخوان الأربعة. الجلسة أجلت إلى يوم الإثنين 7 يناير وفي هذه الأثناء تم اعتقال الأستاذ يوم السبت 5 يناير، وأضيف إلى قائمة المُحاكمين بتوجيه من وزير الشئون الجنائية محمد آدم عيسى. أما المصور فلم يكن هو الأخ مختار مختار محمد طه الذي كان وقتها في أمريكا ولم يكن حاضرا تلك الأحداث يا خلف الله.
سمعت رواية تقول أن الأستاذ محمود كان يردد هذه الأبيات قبيل أن يجيء الضابط الذي قام باعتقاله والرواية منسوبة إلى الأخت أسماء عبد الرحمن التي سمعتها من الأستاذ، أما أنا فقد سمعتها من الأخ د. أحمد المصطفى المبارك الذي كان هو وسمية أمين صديق في زيارة كريمة إلينا في يوم السبت 17 يناير حيث قضيا معنا خمس ساعات وعادا إلى بريطانيا في نفس اليوم. الأبيات هي للشيخ إبن الفارض:
إذا جاد أقوام بمال رأيتهم * يجودون بالأرواح منهم بلا بخل
وإن هُدِّدوا بالهجر ماتوا مخافة * وإن أوعدوا بالقتل حنوا إلى القتل
لعمري هم العشاق عندي حقيقة * على الجد والباقون منهم على الهزل

وهي قصيدة مشهورة ياما استمعنا إليها في حضرة الأستاذ ولم نكن نعلم بذلك السر.

بلغوا عني الأخ طلال عفيفي السلام فأنا لا أستطيع في الوقت الحاضر أن أكتب في سودانيز أونلاين.

ياسر