Post: #1 Title: طــلال عفيفي ولــيـزا شـاكـر ..في لندن.. Author: محمد سنى دفع الله Date: 09-21-2007, 11:26 AM Parent: #0
الود الفنان طلال معه كاميرته الخاصة البنت الحديقة ليزا وشاكر وفرقتو بكرة في لـــــنــدن كل بورداب انجلترا على وعد للقاء الجمال الحقيقي طـلال الفنان والإنسان بينكم غدا السبت بإذن الله 21/9 /2007 معه المغنية والمطربة ليزا والموسيقار شاكر عبدالرجيم وانغام من الطرب السوداني والتوهج والألق في مسارح لندن شن بتقولوا؟؟؟ مودتي
Post: #2 Title: Re: طــلال عفيفي ولــيـزا شـاكـر ..في لندن.. Author: محمد سنى دفع الله Date: 09-21-2007, 02:14 PM Parent: #1
هذا البوست سوف يوثق لهذه الرحلة الفنانة على بورداب لندن التصوير من المطار والحقلات عارفكم ما بتقصروا الرجاء المداخلات كلها هنل بدل توزيع عواطفنا على اكتر من بوست لطفا ...
الفنان القدير السني ، رمضان كريم خبر سار جدا ان تستقبل لندن الفنانة الموهبة ليزا- طبعا يا السني لليدز فاريست- ووالدها الفنان الكبير شاكر عبدالرحيم وصديقنا الفنان صحاب المواهب النختلفة طلال عفيفي ، وياريت يجونا في مانشستر ، لا نعرف كم سيقضون من ايام ، وتشكر استاذنا السني يا صاحب الروائع.
Post: #5 Title: Re: طــلال عفيفي ولــيـزا شـاكـر ..في لندن.. Author: محمد سنى دفع الله Date: 09-21-2007, 02:32 PM Parent: #3
مصطفى سري محبتي تخيل كان مفروض اكون بينكم واقدم عرض مسرحي ( حكاية الطاهر ) لكن فرقت بي بنط المهم معاكم الفنانين الحلوين واكيد بعدوا على مانشستر ولو ما عدوا اطلبوهم انتوا ودعواتك عشان نصل ليكم هناك في مانشستر بالرغم من اني بشجع توتنهام هههههه
رمضان كريم السني خطوة الي الامام ومش لانو التلات من اندنا لكن لانهم مجتهديين امر خاص : اخيرا سمع طلة الكلام بعد ما نشف ريقي...طلة دة زي ود الموية ما تعرف تمسكو من وين .. المهم سافر لندن ونشوف بعدين ...
Post: #7 Title: Re: طــلال عفيفي ولــيـزا شـاكـر ..في لندن.. Author: محمد سنى دفع الله Date: 09-21-2007, 02:37 PM Parent: #4
ابوبكر رمضان كريم محبة بدون حدود بفكر اعيد في الإمارات واشوفك لي الزمان \ مشتاقين وكلامك صاح طلال محتاج اسافر وارجع لينا بداع جديد مودتي
Quote: ابوبكر رمضان كريم محبة بدون حدود بفكر اعيد في الإمارات واشوفك لي الزمان \ مشتاقين وكلامك صاح طلال محتاج اسافر وارجع لينا بداع جديد مودتي
مرحب بيك في الامارات حتفرح بيك طلال يسافر الي القاهرة يمشي يتصرمح لشهور ولما بقت في لندن نشف ريقي .. هو ما مقدر حجم ابداعاتو وامكاناتو لذا كامنت تحتاج دفرة والحمدلله نفعت ...
Post: #14 Title: Re: طــلال عفيفي ولــيـزا شـاكـر ..في لندن.. Author: محمد سنى دفع الله Date: 09-21-2007, 03:03 PM Parent: #9
انت وين في المارات ولا لبرة منها؟؟ عندنا ونسة طويلة وكلام عن التاريخ والناس يا ابوبكر يا سيد الناس !!!
** * ليزا المغنية.. شاكر الموسيقار.. الفنان طلال و كاميرته الخاصة ساعود حتما ساعود.. ياسنى تحياتى.
* **
Post: #25 Title: Re: طــلال عفيفي ولــيـزا شـاكـر ..في لندن.. Author: محمد سنى دفع الله Date: 09-21-2007, 06:34 PM Parent: #11
لابد ان تعود يا سمعة يافنان ليك وحشة وينك يازول ياراقي ونبيل وكيف الفديو معاك والسينما انا بعمل في موقع خاص بالدراما اتمنى ان تقف معنا وبقوة لك المحبة والمودة ولكل الأسرة معزتي النقية مودتي
Post: #12 Title: Re: طــلال عفيفي ولــيـزا شـاكـر ..في لندن.. Author: Adil Osman Date: 09-21-2007, 02:57 PM Parent: #1
يا سلام يا السنى.. ادينا تفاصيل اكتر. وبرنامج الاحتفالات.. اتمنى ان تتاح لك زيارة هذه المملكة.. ليزا وابوها شاكر
هلا يا سني وهلا ويازول انت وين جيت ولا لسع وبقينا نشوفك في الفضائيات ونقول ده السني ياجماعة يا حليلو ولطلال وليزا وكل المبدعين كل التحية.. ولوانت في الدوحة قووول عوووووك (عندك وصية من بت اب رز)
عزيزي السني ، وكل الأصدقاء والأعزاء (والصديقات والعزيزات طبعاً).. انا فعلاً مفترض أكون في لندن بكره بعون النبي وبإذن واحد أحد .. الحكايه والروايه إنه بينما أنا عايش وسادر في غيي كالمعتاد ، فإذا بالصديق الجمبل أبوبكر سيد احمد يراسلني ويسألني : إنت فين يابني ؟؟ الناس بتدور عليك ! وقام بإعطائي مجموعة عناوين للإتصال وفعلت .. الخلاصة ، هناك برنامج ثقافي إسمه BRING THE NOISE وإسم الدلع بتاعو BTN ، بيقوم على إختيار فنانين وموسيقيين من أفريقيا ليلتقوا ويتبادلوا الخبرات والرغي حول الهوية والثقافة والكلام ده كله ، وكمان بيتم مساعدتهم على تطوير قدراتهم بتعريضهم لضوء تجارب مكثفة وإحتكاك على مدى أسبوعين في لندن مع ما يمكن أن نسميه مؤقتاً بالمرشدين الفنيين .. من السودان تم إختيار ليزا والعبدلله (على أساس خطا شائع وإعتقاد بأني فنان)، وانا طبعاً وافقت على أساس معرفتي بأن في السفر سبع فوائد ، وعشان عندي رغبة حقيقية أكون فنان بالجد ..
ليزا بتغني من زمان ، هي شابه صغيره ، لكن زي ما تقولوا كده ، بتغني منذ نعومة أظافرها ، وعندها إحساس داخلي جميل بالحاجة البتغنيها ووقفتها على المسرح وقفة معلمين كبار ، والعجيب في الأمر إنها بتغني بالنوبي والعربي والسواحيلي ، يعني إحساس رائق بالأصوات واللغة ..
انا أول مره ازور عاصمة الضباب !! ومبسوط إني هأمشي أشوفا في معية فنانين وموسيقيين جيران ، وبالرغم من ميولي المتوحده ، إلا إنو الرفقة حلوة برضو ..
شكراً يا محمد على البوست ..
Post: #28 Title: Re: طــلال عفيفي ولــيـزا شـاكـر ..في لندن.. Author: محمد سنى دفع الله Date: 09-21-2007, 06:48 PM Parent: #15
كيكي عوووووووووك هات الوصية عوووووووووك
Post: #27 Title: Re: طــلال عفيفي ولــيـزا شـاكـر ..في لندن.. Author: محمد سنى دفع الله Date: 09-21-2007, 06:42 PM Parent: #12
عادل عثمان الموثق اقصد المؤرخ عارف بتكلم مع طلال قلت ليه عادل عثمان مشارك في البوست ونزل اغنية رد علي طلال وقال لي خايف من عادل اكون نزل صور حفلة بكرة في لندن ههههههههه امنيتي ازر لندن واعرض لي ناسة مسرحيةسودانية بحلم
Quote: والعبدلله (على أساس خطا شائع وإعتقاد بأني فنان)، وانا طبعاً وافقت على أساس معرفتي بأن في السفر سبع فوائد ، وعشان عندي رغبة حقيقية أكون فنان بالجد ..
ياطلة ..رمضان كريم والكلام الفوق دة ما صح .. اختيارك من عشرات بل مئات الفنانيين السودانيين كان علي اسس قوية في انك فنان قادر ومبدع .. الحكاية اخدت شهور مما بدات الي اليوم وانت كنت دائما في اول القائمة .. يعني ما جات سااي ولا لابوبكر او غيره فضل في ذلك بس كل دوري كان انو اجمعك مع الطرف التاني ..انت فنان موهوب وتحتاج الي ان يعرفك الغير هذا هو ما اقصد .... انت فنان ... انت طلال ..
مودتي ابوبكر
Post: #21 Title: Re: طــلال عفيفي ولــيـزا شـاكـر ..في لندن.. Author: Adil Osman Date: 09-21-2007, 04:19 PM Parent: #1
مرحبا ببنتي ليزا شاكر (أم لهيجا حالي) في عاصمة الضباب مع أمنياتي لها بإقامة طيبة و عروض ناجحة بالمملكة المتحدة.
النسي باصحي رمضان كريم ياخي شنو ياخي ما تشوفنا معاك من القمصان الحلوة دي طبعا المقاس ياشاب و كدا شفتها في التلفزيون
Post: #33 Title: Re: طــلال عفيفي ولــيـزا شـاكـر ..في لندن.. Author: محمد سنى دفع الله Date: 09-21-2007, 07:16 PM Parent: #22
أزهري يابو الصحب وزميل الصبا الوريف وينك يازول يامفتح وكده شوق وفرحة بيك والقمصان جاهزة اول زول نازل لندن برسل ليك معاه العنوان باظريف مفروض تكون هسي ممثل كبير ومغني بي صوت جهير لكن الظاهر مافي زول جايب خبر في بلاد الضباب محبتي
Quote: الود الفنان طلال معه كاميرته الخاصة البنت الحديقة ليزا وشاكر وفرقتو بكرة في لـــــنــدن كل بورداب انجلترا على وعد للقاء الجمال الحقيقي طـلال الفنان والإنسان بينكم غدا السبت بإذن الله 21/9 /2007 معه المغنية والمطربة ليزا والموسيقار شاكر عبدالرجيم وانغام من الطرب السوداني والتوهج والألق في مسارح لندن شن بتقولوا؟؟؟ مودتي
نحنا نقدر نقول حاجة ياسنى ياجميل الف مرحب بالفن والابداع .. مع تمنياتى لهم بالتوفيق وفى الانتظار.
Post: #39 Title: Re: طــلال عفيفي ولــيـزا شـاكـر ..في لندن.. Author: مامون أحمد إبراهيم Date: 09-21-2007, 09:41 PM Parent: #38
ياخال ياجميل , وين إنت ياخى ..
خليتو صيفنا صيفين .. مشتاقين كتير والله ,
طبعا ياسنى ليزا دى بتنا, عديل وبت أخوى شاكر , طبعا أنا وعمها صلاح عبدالرحيم ما كنا بنتفارق أصلو وكانت لنا أيام زاهيه مع شاكر , وناس بيتم العزاز .
Post: #40 Title: Re: طــلال عفيفي ولــيـزا شـاكـر ..في لندن.. Author: محمد سنى دفع الله Date: 09-21-2007, 11:16 PM Parent: #39
مامون ياقريبي الظريف دايما حولك الناس الجميلة وحلوة مشتاقين ورمضان كريم لينا شوفة طبعا صلاح الراجل السينمائي وفنان وشاكر ده زول ما بتوصف وزوجتو مهدبة زميلة سوسنفي المعهد ع مغانا رحلة الأمل مودتيودرستهم مسرح وليزا انا واعدة بعمل فيديو لواحدة من اغانيها الجميلة ليزامشروع فنان واعد ومبشرة بخير عظيم وامل جديد للغناء الحديث دعواتك لهم بالنجاح وطبعا طلال لا يحتاج مننا لتعريف وانت عارف الراجل وكتاباته المليانه احساس وصدق شديد وصورو المعبرة وبتضبف للمعنى موضوعو الإنسان وتابع معانا رحلة الأمل
Post: #42 Title: Re: طــلال عفيفي ولــيـزا شـاكـر ..في لندن.. Author: محمد سنى دفع الله Date: 09-22-2007, 08:03 AM Parent: #41
والي الدين الفكي رمضان كريم صايع كيف ما وريتنا صايع صياع الضب البتلقى كلو جب ولاصياع السحلية صيع كويس في الضباب لمن اعتر ليك شقاك بردلب ولا جنبولق ما عارف اكتبه كيف لكنك حسيتا صاح ؟؟ تابع معانا وبجيك البرنامج مودتي
Post: #43 Title: Re: طــلال عفيفي ولــيـزا شـاكـر ..في لندن.. Author: nazar hussien Date: 09-22-2007, 08:51 AM Parent: #42
الفنان...السني دفع الله.. ازيك
ورمضان كريم...
طلال عفيفي:
Quote: انا أول مره ازور عاصمة الضباب !! ومبسوط إني هأمشي أشوفا في معية فنانين وموسيقيين جيران ، وبالرغم من ميولي المتوحده ، إلا إنو الرفقة حلوة برضو ..
بي نضافتك دي يا طلال..! انا عن نفسي خاتي ليك...زي لندن تكون عندك زي ام بدة...لي ناس سنتر الخرطوم...ما عارف ليه...
نتمني لك ايام جميلة في لندن..
Post: #44 Title: Re: طــلال عفيفي ولــيـزا شـاكـر ..في لندن.. Author: محمد سنى دفع الله Date: 09-22-2007, 09:46 AM Parent: #43
نزار حسين الزول القيافة الا نشرك ليك بي بوست زي ده حتين تظهر رمضان كريم وتصوم وتفطر على خير مودتي
Post: #45 Title: Re: طــلال عفيفي ولــيـزا شـاكـر ..في لندن.. Author: Adil Osman Date: 09-22-2007, 09:51 AM Parent: #1
Quote: بتكلم مع طلال قلت ليه عادل عثمان مشارك في البوست ونزل اغنية رد علي طلال وقال لي خايف من عادل اكون نزل صور حفلة بكرة في لندن
يا سنى قول لى طلال اعمل حسابك. لندن مدينة لا تعرف الاسرار. من ( آش ) الى ( بحر الوافر ) الى ( دكاترة الهنا ) الى ( شهود يهوه ) !
Post: #50 Title: Re: طــلال عفيفي ولــيـزا شـاكـر ..في لندن.. Author: محمد سنى دفع الله Date: 09-22-2007, 05:28 PM Parent: #45
عادل يفهمان صور ومزيد من الصور غطي الحفلات كلها لامجال للأسرار تابع
وربنا يوفق طلال عفيفي وليزا شاكر في لندن وجميع مدن العالم المختلفة
Post: #52 Title: Re: طــلال عفيفي ولــيـزا شـاكـر ..في لندن.. Author: محمد سنى دفع الله Date: 09-22-2007, 05:42 PM Parent: #47
هاشم الول الأسمح لكن في شكك في حبك لي انت بي صدقك الفطور ده لي؟؟ ياخي الدسم ده كلو عايز تلحقني امات طه نحن ما بقينا ناس ضغط وسكر ووحوحه وقصقاصه وخمة نفس ووجع في المفاصل وصينتك صحن واحد منها ارفع الكرستول للطابق ال 30 لكن الكسرة الفيها دي كسرة رهيفه ولا فطيرة مرة ولاحلوة والملاح ده العاملو منو .؟ مره ليها خبرة ولا من بنات الزمن العلينا لابتعرف تدبير منزلي ولا بتخيط الكورشي لابترسم الكانفا ولابتطبع الملايات واللحمة دي لحمة صاج ولا مبوخة يا هاشم ارفع صينتك رفعك ربنا لي مراتب النجاح والترقيا وبس!!
براحة يا ناس لندن على طلال.... قال دى اول مرة يزورها
Post: #49 Title: Re: طــلال عفيفي ولــيـزا شـاكـر ..في لندن.. Author: nazar hussien Date: 09-22-2007, 11:39 AM Parent: #48
السني الظريف...
يا اخي ما تفكر لينا في رمضان الجائي من هسع... عشان ما يفاجئنا ... المواضيع ما تدي الدرب...
وعلي مسئوليتي...اديك حوار مدير صالة جهاز المغتربين معانا
Quote: بعثة متميزة
واكيد حتخفف على أخوانا هناك
انت صدقت يا عمرو مقولة: تخفيف العبء عن كاهل المغتربين: يا راجل ديل في لندن
الله مخفف عليهم منهم وفيهم...لا حر...لا برد...لا كتاحة...ولا بعوض...ورقشات مافي ودلالة مااااافي....وماسورة بتقطع مافي...وكهرباء شرحو...
ا
Post: #54 Title: Re: طــلال عفيفي ولــيـزا شـاكـر ..في لندن.. Author: محمد سنى دفع الله Date: 09-22-2007, 06:22 PM Parent: #49
نزا ضحكتني قلت الجماعة مرطبين في لندن والله الغربة ياها الغربة حتى وةلو في سقط لقط الغربة قاسية وجافة وبدون ذكريات وباردة وفي لندن كمان مغطية بالضباب
Post: #53 Title: Re: طــلال عفيفي ولــيـزا شـاكـر ..في لندن.. Author: محمد سنى دفع الله Date: 09-22-2007, 06:14 PM Parent: #48
عمرو كمال رمضان كريم وتصوم وتفطر على خير دعواتك للفرقة بالنجاح مودتي
Post: #51 Title: Re: طــلال عفيفي ولــيـزا شـاكـر ..في لندن.. Author: محمد سنى دفع الله Date: 09-22-2007, 05:32 PM Parent: #46
تماضر الخنساء يا ست الكتابة لي حدها عارفة اليوم سوف نقدم عرض بدار المسنين ومعانا أميرة الشيخ بقت بوردابية تبع الدوحة مودتي وسمعينا اغنية عديلة تتعدل عليك دنيا واخره مودتي
** * السنى دفع اللة ها قد عدنا.. زى مابقولوا.. نقول :- حضرنا ولم نجدكم. فهاكم ليزا
هنيئا لكم ال لندن .. فضيلى جماع والذين معه. ازهرى عبد القادر ومن تبعه.. ياود دفع اللة.. لو جيئتنا لوجتنا نحن الضيوف وانت رب المنزل... هاكم شاكر وليزا
وطلال عفيفي..
هاكم لندن.
* ** ***
Post: #56 Title: Re: طــلال عفيفي ولــيـزا شـاكـر ..في لندن.. Author: محمد سنى دفع الله Date: 09-22-2007, 08:06 PM Parent: #55
ســـــومعا يا نبيل لك المودة رجاء وبلطافة تسجل لنا وصول الشباب وجدول الحفلات وتغطية العروض وتوثيقها دي المحرية فيك وكل المتعة وكل النجاحات والتوفيق مودتي شكرا على الصور ومزيد منها \زز
Post: #57 Title: Re: طــلال عفيفي ولــيـزا شـاكـر ..في لندن.. Author: محمد سنى دفع الله Date: 09-22-2007, 10:09 PM Parent: #56
اليوم نتمنى ظهور صور الإستقبال وبرنامج الحفلات والف حمدالله على السلامة
عديلا فُكى أُنى سبيلا ( (الزير) الموجود فى (السبيل ) عندكم )
مشلا فين تان تلِّجا فينا ( رغم الشمس التى يقبع تحتها إلا أنَّه بارد كالثلج )
أمن كُبى مولا جنقا فينا ( بجانبه (زير ) آخر نصف ممتلئ )
كوز نُلو حنه أولا فينا ( و (الكوز ) الأبيض يتدلَّى من على شجرة الحنه )
تَكا نيتو شفاء أنا تونا ( فى شرابه شفائى )
Post: #64 Title: Re: طــلال عفيفي ولــيـزا شـاكـر ..في لندن.. Author: محمد سنى دفع الله Date: 09-23-2007, 05:30 AM Parent: #58
تماضر الخنساء يعني تلعتي من انديتا شكرا على الترجمة وشكرا لمرورك البهي سعدنا واشواقنا وكل امانينا لك بالنجاح والتوفيق باقي العام ده العام الجاي نشوف ليك الخيرة أخر شهر فيهو ايه رايك كيفكم وشراب الشاي في أبيي والجولات الخيرية والثقافية وكيف برامج العيد حتى نشوفكم الى لقاء ومودتي
السني طلال ليزا وكل المبدعين ممكن تطلو علينا في الخليج خلينا نغير اللون شوية..اسود اسود اسود!!! حنجهز ليكم (لليزا) قرقاب اسود عشان تحس بالنحن فيهو. غريق يبحث عن قشة مش كده. . . وللا دي حسادة مني.!! بعد الكلام الفوق كله اقول ليكم مودتي وانتم كالعصافير . او كالازهار تنشرون الشذى في كل مكان . .
Post: #69 Title: Re: طــلال عفيفي ولــيـزا شـاكـر ..في لندن.. Author: محمد سنى دفع الله Date: 09-23-2007, 09:03 AM Parent: #60
ود ادريس كلامك عين العقل لو كلوا مجموعة في الخليج بتجيب ليها فنانين كان حالنا اتغير من الكلاحان الي البسطان بعدين حكاية الفنانين الرهيفين ديل بتعمل تغيير وبتعلم اولادنا في الغربة وتعرفهم بالفنانيين الحقيقيين تاني حاجة بننشر الفن الراقي وجميل انا معاك ياود ادريس وتعال نجيب الجماعة ديل وبنظم المسألة بصورة بسيطة وفاعلة ورمضان كريم مودتي
Post: #65 Title: Re: طــلال عفيفي ولــيـزا شـاكـر ..في لندن.. Author: محمد سنى دفع الله Date: 09-23-2007, 06:51 AM Parent: #59
مرحب ورمضان كريم ياالسا كم ؟؟ عرفنا السبعة ال30 شنو؟؟ خلينا في القيمة الحقيقية لي اسمك شنو ال7 وشنو ال30 تحبو الأرقام تقول موفرينها السا تصوم وتفطر على خير ودعواتك ونزلينا الغنا الخمج مودتي
Post: #62 Title: Re: طــلال عفيفي ولــيـزا شـاكـر ..في لندن.. Author: Osman Musa Date: 09-23-2007, 01:03 AM Parent: #61
ياطلال دق علينا نديك تلفونات .
سكن _ اكل _ تسويق _ مكتبات _ فسحات لا تدخل يدك فى جيبك من تد خل لامن تتخارج لندن مدينه جميله _ فيها اجمل ابنا السودان لندن مدينة لا تكف عن الضحك والفرحة . لها ومن فيها الف تحية
سفراء سفراء جمليييييييييييييييين ليزا بت مهديــــــــــه وشاكر طلال عفيفي استفيدوا من كل لحظه جميلة تمر عليكم وفرحانيين بيكم الغنية دي وين يا جماعة عاوزها علي جهازي ضروري وحتمــــــــــــــــــــا نار الحرب تموت معتصم
Post: #71 Title: Re: طــلال عفيفي ولــيـزا شـاكـر ..في لندن.. Author: محمد سنى دفع الله Date: 09-23-2007, 10:52 AM Parent: #63
ود الجمام رمضان كريم ةتصوم وتفطر على خير سفير نا في السعودية ونزل كل الأغاني البتحيها ده بوست مفتوح للجمال مودتي
Post: #70 Title: Re: طــلال عفيفي ولــيـزا شـاكـر ..في لندن.. Author: محمد سنى دفع الله Date: 09-23-2007, 09:18 AM Parent: #62
عثمان موسى ياصديقي الحلو متين نجي لندن واحلف عليك ما دخل يدك في جيبك ياخوي انت بي جدك لندن دي قالوا غالية واسعارة نار في السما ياول ماتخلي الهاشمية تشيلك وبعدين تجيني حانف وشك فسحو بس يازول ما تلاوي ساكت اسمع كلامي وفسحوا الفسحة كفاية ولا ايه رايك؟ مودتي وتصوم وتفطر على خير
Post: #66 Title: Re: طــلال عفيفي ولــيـزا شـاكـر ..في لندن.. Author: محمد سنى دفع الله Date: 09-23-2007, 07:04 AM Parent: #61
الموصلي الفنان التحية والمحبة دعواتك وسلامك يوصل للفنانين مودتي
Quote: انت صدقت يا عمرو مقولة: تخفيف العبء عن كاهل المغتربين: يا راجل ديل في لندن
الله مخفف عليهم منهم وفيهم...لا حر...لا برد...لا كتاحة...ولا بعوض...ورقشات مافي ودلالة مااااافي....وماسورة بتقطع مافي...وكهرباء شرحو...
Post: #68 Title: Re: طــلال عفيفي ولــيـزا شـاكـر ..في لندن.. Author: انعام حيمورة Date: 09-23-2007, 08:16 AM Parent: #1
السني دفع الله ..
رمضان كريم وكل سنة وانت طيب ..و مشتاقين
طلال عفيفي فرحت جدا لاختيارك لانك حقيقة فنان مرهف ..
حا نكون متابعين التوثيق عبر البوست دا ..
Post: #72 Title: Re: طــلال عفيفي ولــيـزا شـاكـر ..في لندن.. Author: محمد سنى دفع الله Date: 09-23-2007, 11:03 AM Parent: #68
انعام حيمورة مشتاقين شوق السحابة الراحلة ومشتاقين لي سيارتك الفارهة ومشاوير المحنة من مطعم لي مطعم تفطري في ديل في سوق الناقة وتعشي في البقين في أمواج العمل التطوعي معاك اشبع واطمن والله ليك وحشة وتابعي معانتا ونزلي لينا صور وأغاني اي حاجة منك مقبولة يا بت القبايل لي حدها مودتي
Post: #73 Title: Re: طــلال عفيفي ولــيـزا شـاكـر ..في لندن.. Author: محمد سنى دفع الله Date: 09-23-2007, 06:31 PM Parent: #72
بورداب لندن الجماعة ديل ما وصلوا ولا شنو؟؟
الرجاء رد علينا وبي سرعة نحن في انتظار الحفلات الرابه والفرح الممتد والجمال الأصيل واللمة الأنيقة والبسمات والسعادة العامرة الحقونا بالصور والإستقبال منتظرين يابورداب لندن
طبعا الجماعة ديل نقلهم الناقل الوطني العظيم و وصلوا هيثروا الساعة 11 مساء الأمس! بدلا عن الخامسة‘ و بتأخير 6 ساعات!!! و دي عادية جدا و مافيها حاجة و الجماعة ناس سودانطير ديل ناس أصحاب و أهل و كده و مافي داعي يالسني تكلم أي زول. عرفت؟ المهم ليزا و طلال و صلوا بخير و سكنوا في منطقة حلوة جدا من لندن و بالتحديد في قلب لندن في ميدان الطرف الأغر. و هم محل ترحيب و إحتفاء بين الأهل و الأصدقاء....
مودتي كيمان
Post: #81 Title: Re: طــلال عفيفي ولــيـزا شـاكـر ..في لندن.. Author: محمد سنى دفع الله Date: 09-24-2007, 06:17 AM Parent: #77
طبعا يا ابو الزهور معروف عن الناقل الوطني الطائرة السودانية انها وسط الطيارات اسم الدلع بتاعها ســــــتـــو ست الطيارات لي حدها لانها بتطير على كيفها وبترك على كيفها تخيل انا لمن راجع من الإجازة لقيت الناس زحمة في المطار والحكاية قربت تتحول لي مظاهرة الكلام ده كان يوم سبت والناس دي كلها واقفة في الكاونتر نسمع ليك الطايرة السودانية المغادرة للقاهرة اتحركو للبوابة2 الطيارة السودانية المتوجهه الى جدة البوابة رقم 3 قلت للجنبي ستو جنت ولا شنو ؟؟ طيارتين في وقت واحدوفي مواعيدها؟؟!! اتلفت ونظر لي نظرة خالية من كل احساس ومحايدة دي يا استاذ شايلة المسافرين يوم الاربعاء الفات تخيل نظرت اليه ورجع بصري وفي داخلي اتبخر الإحساس ونظرت للمساكين المتأخرين3 ايام وليلية شنو الوفد بتاعنا اتأخر 6 ساعات في النهاية وصلكم ايه رايك حصلونا يالصور وبقية الرحلة
ده حالتي أنا الوصيتك علي ناس سودانطير يا السني..... تقوم تفتوا قدر ده... يعني شنو... ما طيارتنا.. و بتشبه حالتنا و بنريده سمحة سمحة طيارتنا و بتجي و بتقوم في مواعيده طيارتنا... سمحة... ستو...
بكتب فى المداخلة دى وبسمع فى برنامجك الاذاعى (عندما كنت صغيرا) مع آمال عباس ..بصراحة شغل جميل جدا جدا ..مقدراتك فى الحوار ممتازة واستطعت ان تخرج من آمال عباس الكثير ..واختيارك للاغانى موفق جدا...شغل بالجد سمح ..
Post: #92 Title: Re: طــلال عفيفي ولــيـزا شـاكـر ..في لندن.. Author: محمد سنى دفع الله Date: 09-24-2007, 05:50 PM Parent: #83
سلمى تسلمي من كل بلا تصومي وتفطري على خير وشكرا على المرور ولك التوهج والبريق وعساكم من عوادة مودتي
Post: #89 Title: Re: طــلال عفيفي ولــيـزا شـاكـر ..في لندن.. Author: محمد سنى دفع الله Date: 09-24-2007, 02:40 PM Parent: #80
محمد عبد الرحمن ود اربجي الجمياة كل التحايا والود ورمضان كريم بختك انت بتسمع في البرنامج شكرا ليك ذكرتني اتابعو في الإعادة وده من لطفك ومجاملة رقيقة لانو امال عباس هي عالم من التحديات ويوسف هو المطلعني كيت لانو هو المنتج الفعلي لكل أعمالنا نشوفك قريب وتفطر على خير وعساكم من عوادة وفالك طيب
Post: #88 Title: Re: طــلال عفيفي ولــيـزا شـاكـر ..في لندن.. Author: محمد سنى دفع الله Date: 09-24-2007, 11:56 AM Parent: #79
المودة إيمان أحمد التحية والإحترام كل اانجاح والتوفيق لليزا وطلال وشكرا على دعمك ورمضان كريم وكل المودة
Post: #87 Title: Re: طــلال عفيفي ولــيـزا شـاكـر ..في لندن.. Author: محمد سنى دفع الله Date: 09-24-2007, 09:48 AM Parent: #78
يامتوسدة قلوبنا ومفرهدة ياوردة هوانا تماضدر مشتاق ليك ومشوار على خشبة المسرح ونمثل ونمسك الصالة من تلافيفا مشتاق لي حروفك البديعة والليلة طليتي علينا لو عارف ليزا بتجيبك لينا كنا من زمان عملنا حفلات من تكساس لي اليابان ليك الشوق وسعدنا بيك تصوموا وتفطروا على خير
Quote: عديلا فُكى أُنى سبيلا ( (الزير) الموجود فى (السبيل ) عندكم )
المقصود بهذا البيت أن الزير الموجود في بيتكم سبيل يلجأ إليه من شعر بحاجة لشرب الماء في كناية عن الكرم(وللضهب بنقول ... يا زول انت قايلو سبيل!!! قوم اتخارج)
Quote: أمن كُبى مولا جنقا فينا ( بجانبه (زير ) آخر نصف ممتلئ )
وإذا سلمنا بأن فكي = الزير عندنا فإن أمن كبي تعني صفيحة الماء يعني البيت معناه (في صفيحة/جركانة/جردل موية مليان جنب الزير)
إنشاء الله ما أكون أنا فاهم غلط بس!! لأنو نحن تايوانيين ساكت بس بنموت موت في الرطانة وكل البتكلم الرطانة...
معليش يا السنى تعرف البرطمة دي عشان رمضان مسخن شوية كدة ...
الولد طله ده عامل نايم.. لا حس ولا خبر.. نعمل شنو علشان نصلهم؟؟
علي فكره يالسني موية القله حلوه شديد..والغريبه مختلفه من قلة مصر..ياربي ليه؟
Post: #95 Title: Re: طــلال عفيفي ولــيـزا شـاكـر ..في لندن.. Author: محمد سنى دفع الله Date: 09-24-2007, 07:13 PM Parent: #90
انا لو عرفت قصة القرد برتاح مش كفاية رقصة القرد ؟ منى خوجلي القلة حافظي عليها وطبعا لازم تكون مختلفة من قلة مصر ده تاريخ عريق من الخزف الكوشي ما سمعتي بي خزف كرمة ولاشنو.؟؟ وشوفي لينا طلال وين وليزا والصور بسرعة الصور والإستقبال مودتي
Post: #93 Title: Re: طــلال عفيفي ولــيـزا شـاكـر ..في لندن.. Author: محمد سنى دفع الله Date: 09-24-2007, 06:55 PM Parent: #82
امير محمد مساء الخير على البنور وتصوم وتفطر على خير ولك التحية علة الترجمة الشاعرية اعتقد ان الخنساء قامت بالترجمة الحرة الأولى وانت كتر خيرك على تعبك وعلى جهدك الرايع بالمناسبة انا زوجتي رطانية وانا نص رطاني لكن نسينا الرطانة فمرات بتكون خرمانة لي رطانة وعندها كوفارة بتاعى دق راندوق رطاني اها من تجيها الحالة دي عندها قريبته طوالي بمشي بنزلها لحدي ما تتسلطن رطانة فحسي مشكورين على الرطانة لاني بحفظ فيها وبكرة امكن اطلع لي شريط بالرطانة لقيتيني كيف ؟؟ تصوم وتفطر على خير ومودتي
Post: #94 Title: Re: طــلال عفيفي ولــيـزا شـاكـر ..في لندن.. Author: خطاب حسن احمد Date: 09-24-2007, 07:02 PM Parent: #93
.. . كيف الحال . وعامل كيف . .. سلام ليزا شاكر . طلال .. . شاكر .. السنى . . مرور للتحيه .
Post: #96 Title: Re: طــلال عفيفي ولــيـزا شـاكـر ..في لندن.. Author: محمد سنى دفع الله Date: 09-24-2007, 07:18 PM Parent: #94
خــطــاب ياصديقي الذي يحمل النيل في صدره وحزن الضفاف في عينيه ياأيها المتسربل بالشجن فرحان بيك وطلتك علينا بالدنيا كل المنى تمسي بي عافية وإفرهد جواك الفرح خطاب اه
Quote: ِAlsa7afa_30= الصحافة مربع 30 7 = ح , بلغة الناس الما عندهم كيبورد عربي
Post: #98 Title: Re: طــلال عفيفي ولــيـزا شـاكـر ..في لندن.. Author: محمد سنى دفع الله Date: 09-24-2007, 07:38 PM Parent: #97
ألسا 7 انا كنت ساكن مع خال لينا في مربع 17 الصحافة وعندي عمي الرحمةوالمغفرة ليه كان في 24 وعم تاني في 34 وانا اساسا رقمب المفضل 4 وبحب فب الدنيا 3 وبكره 3 وبموت في 3 وتشوق لي 3 وبفقد 3 لو عرفت مجموع الأرقام دي مضروب في 2 تلقاني يوم ال3 ايه رايك السا7
Quote: انا كنت ساكن مع خال لينا في مربع 17 الصحافة وعندي عمي الرحمةوالمغفرة ليه كان في 24 وعم تاني في 34
طيب ما طلعت من أندينا عديل كده !!
Quote: وانا اساسا رقمب المفضل 4 وبحب فب الدنيا 3 وبكره 3 وبموت في 3 وتشوق لي 3 وبفقد 3 لو عرفت مجموع الأرقام دي مضروب في 2 تلقاني يوم ال3 ايه رايك السا7
و فتح السمكـة ..... . . . و ما لقاش الخــاتم ...
نتلاقى في فطور البورداب إذا كنت في الدوحة ..
Post: #104 Title: Re: طــلال عفيفي ولــيـزا شـاكـر ..في لندن.. Author: محمد سنى دفع الله Date: 09-25-2007, 06:06 PM Parent: #101
ألسا 7 7مراحب و10مودة وفرحة بالشوفا يوم الجمعة و100% 100 العين تلاقي العين لوفي الدوحة وربنا مد في الأيام محبتي
Post: #105 Title: Re: طــلال عفيفي ولــيـزا شـاكـر ..في لندن.. Author: محمد سنى دفع الله Date: 09-26-2007, 07:40 AM Parent: #103
ياطلال ما تدي الهميم طلة وين الصور وبرنامج الحفل المحبة والمودة
Post: #106 Title: Re: طــلال عفيفي ولــيـزا شـاكـر ..في لندن.. Author: احمد العربي Date: 09-26-2007, 10:30 AM Parent: #105
محمد السني بحر من الجمال والابداع طلال عفيفي نسمه جميله في زمن الجفاف شاكر عبد الرحيم ينام وهو ممسك بجيتاره وانجب جيتار آخر ممسك بجيتاره وهو صديق وحبيب واجمل ايامنا كانت في مسقط فلكم جميعا المحبه والود الخالص
Post: #107 Title: Re: طــلال عفيفي ولــيـزا شـاكـر ..في لندن.. Author: محمد سنى دفع الله Date: 09-26-2007, 05:43 PM Parent: #106
احمد العربي رشك في الصين وينك يازول ياجميل ما تنزل لينا صور ليكم مع شاكر في مسقط ولا ليزا في حفلات السودان كل الجمال عندك الحقنا بالصور ناس لندن ضاربين طناش مودتي
والله يا سني ما في زول ضارب طناش ، الحكايه وما فيها إننا مجرورين حلمتي أذنينا من مكان لمكان بترتيب مسبق من الجماعة المنظمين للمنشط .. وبيصعب علي أدخل هنا عشان أكتب .. إحنا مستمتعين بالتدريب والتعرف على المجموعة ، بنشتغل من تمنيه الصباح (بتوقيت جرينيتش الأصلي) لغاية خمسة .. وبعد كده بنغمر !
المجموعة زي ما قلت ليك موسيقيين وفنانين بصريين (مخرجين ومصورين ومصممين ) ، ولغاية حسه في تطوير وتبادل معارف وما إليه يا صديقي ..
الحياة المؤقته في لندن عايزه كتاب كامل يتكتب عنها ، موضوع قائم بذاته ومليان طرايف ..
الشباب الأفارقه المعانا هنا مثقفين ثقافة شديدة ، ثقافة يعني ثقافة ، يعني طريقة حياة ؛ قعدت أتذكر ناسنا المطاميس وقلت يا حليلنا ..
كل ما ألقى فرصه وطريقه هكتب ياالسني .. بس أصبر علي شويه عشان أجيك بالأكيدة !
مشكلتي الوحيده حاجتين ، غياب الشمس ، إستحالة التدخين في الغرفة ، والمحاضرات النظريه ، انا يا السني من زمان عقليتي الضعيفة تنوء بكلام الأساتذة ، الحاجه دي معاي خلي بالك من الروضه ولزمتني في الإبتدائي ومراحل التعليم التاليه : بنعس وبشعر بإنو فهمي كملان ، وبنسى انا منو وقاعد هنا ليه ، ألذ شي قاعد والراجل بيتكلم ويهرج في موضوع المونتاج وانا أكتر حاجه عاجباني فيهو الكلام ، وقلت في عقل بالي إنو الفرنسيون ديل بيتكلموا إنجليزي عجيب وتساءلت هل يا ترى الإنجليز بيتكلموا فرنسي بنفس المستوى ؟ ، أكتشف بعد كده ، بعد ما طلعت والهوا ضربني ، إني في لندن ، وإنو الخواجه من الصنف الإنجليزي ! تخيل ؟ انا قاعد وجاني الشعور إني في فرنسا !! ليه ، الله أعلم .
دي مغنيه من كينيا ، لمن إتكلمت عن العولمه ، فكرت أديها طلب ترشيح لحزبنا العملاق (لكن تاني قلت خليها تفرح بالدنيا ، مالا ومال النقد الذاتي )
وده كان تدريب على تصوير البتاع الإسمو لاند سكيب
اما هذا ، فهو الرجل الفاضل الكنت قايلو فرنسي بدون أي مبرر منطقي ، بمسك الكاميرا في الحصه ، العين البره الكاميرا بتكون مقفوله طبعاً عشان الوزنه ، أها انا بقفل الجوه كمان وباخد ريست ، وهو بيفتكرني خطير باخد زمن عشان الصوره .. وإنت عارف يا السني كلٌ ميسر لما خُلق له .. ولا شنو ؟
Post: #112 Title: Re: طــلال عفيفي ولــيـزا شـاكـر ..في لندن.. Author: محمد سنى دفع الله Date: 09-26-2007, 11:10 PM Parent: #108
طلال شوق وفرحة كبيرة ببداية التمارين لكن قلت لي دابكن في الاند اسكيب ياخوى الحكاية دي طويلة بالحيل !!! فرحان ليك انك كنت بدور على التدريب واهو لقيتو واتمنى لك ان تكمل الاند اسكيب وتتوجه على الإندور اصلك حريف في الكلوز اب وشفت في التكوين مبروك واهلا بك مخرجا جهبذا قلت كيف الأفارقة مثقفين عارف الحكاية دي زي حكايتنا في كل شي ومعانا اخوان المصريين فاكرين انهم احسن من يتحدث الأنجليزي واحسن من نلعب كورة لمن فاتونا كل اهل افريقيا مع انو بدينا نرجع لكن مش جميل تلقى روحك قدام حقائق جديدة وممكن كمان ريدة وكمان جديدة اما مشكلتك الكبيرة فجد كبيرة وحاسي بيها لاني وصلت المرحلةدي هسي لي درجة حسان اخوي لمن اجي اتكلم معاي بقول لي السني ركز معاي انت معاي كده خليك مركز معاي وهلم جرا البت الكينية ما تسجل لينا في الحزب الجمالي وتريح نفسك من النقد الذاتي بعدين معاك حق الأستاذ ده من اولاد الدنمارك كان ما اخاف الكضب يلا امشي اغمر من الدراسة والمناقشات والحوارات متخيلك راسك مدخن يلا دخن سيجارة النوم واحلم امشي ادخن سيجارة النوم وتصبح لما خلقت له مودتي
Quote: كنا من زمان عملنا حفلات من تكساس لي اليابان
يازول إنت بتحندك فينا عارفنا في بلاد الواق واق وطلال عفيفي وليزا لو أدونا غشوة تكون سعادة السودانيين المشتتين حول العالم كملت.
كلمة سودانطير دي ذكرتني كلمة سودان اولويز ما بتذكر قلتها إنت ولا محمد نعيم سعد في السهرة التي قدمها الأخ عبدالمجيد السراج في إستديوهات التلفزيون وحضرتها معكم بعد تخرجكم من معهد الموسيقى والمسرح.
Post: #110 Title: Re: طــلال عفيفي ولــيـزا شـاكـر ..في لندن.. Author: محمد سنى دفع الله Date: 09-26-2007, 09:31 PM Parent: #109
عزيز ازيك ورمضان كريم كل سنة وانت طيب وينك الشوق بالردوم محمد نعيم مشغول للطيش عندواعمال (متاعب )ولم اراها لعل المانع خير اهو بعرضو ليهو هباش مع علي مهدي ما شفتها لحدي الان كيف انت عامل والناس دي بنجيبن في لفة دولية الفيزا على منو .؟؟ مودتي
استاذنا السنى رمضان كريم جميل الشكر لايرادك الخبر الزين,تحياتى واشواقى ابعثها من هنا من بوستك العامر الى الجيتاريست المخضرم شاكر وحرمه المصون الصديقة مهدية والبت الخليتها وفرتقت من السودان وخليتا صغمبوتة وهسي ماشاء الله عليها فنانة تشق طريقها فى ثبات تحية واعجاب ليك ياليزا, تحياتى الغالية للشاب المسكون جمال طلال
شكرا ليكم جميعا متمنيا لكم لحظات ممتعة وماتحرمونا من اللقطات الساحرة ياعفيفى! بكرى احمد مصطفى
Post: #113 Title: Re: طــلال عفيفي ولــيـزا شـاكـر ..في لندن.. Author: محمد سنى دفع الله Date: 09-26-2007, 11:32 PM Parent: #111
بكريالسمندلاوي التحيةمحل ما ختيت راسك والحب والسلام للحلوين الفي الصورة ليك مودتي وكل المنى بالتوفيق وتصوم وتفطر على خير العيال كبرت وقول يالطيف ويدك معانا وتواصل محبة وسلام
