أود نيردروم - الى طلال عفيفي اذا احتمل

لو كنت فنانا
لما رسمت أبدا..

أود نيردروم
__________________

فنان نرويجي معاصر
ساحر مع سبق الاصرار والترصد
يجيد الرسم رميا بالرصاص..
صديقي منذ عام(أعماله فقط أنا لم ألتقيه بعد فهو يعيش في ايسلندا الآن)
الفنان يا طلال يثبت لي ان التكنلوجيا ليست العدو وأن التلوين بخير
سأحكي لك عنه رويدا رويدا

مندوبكم في بحر الشمال
الفاضلابي

self portrait1998
oil on canvas
205.7cm x 255.9cm
81.0" x 100.7"

فاضلابي ..
صاحبي

لقد حدقت في الوجه كثيرا , للرجل يد قويه
وفرشاه حره ..
أسلوبه في فرد الألوان على القماشه أعطاني
إحساسا بأنه راسم على حجر !
لولا أنك نوهت عن الرجل لأعتقدته من أيام عصر
النهضه ..(فالوجه فيه كلاسيكيه حيه ).

منطقة الرقبه في البورتريه المرسوم ده عامله
وكأنها صنعت بيد خزاف بطين مبلول .

....

الخواجه ده إكتشاف ..

شكرا لك يا محمد ..


...
طلال

عارف يا طلال
الراجل ده مولود في التلاتينات ،برسم زي ما شايفه واقعي .. لكن في زمان ومكان غريبين بشكل
والاصعب من كده
شوف المواضيع بتاعته
شوف دي مثلا


اسمها العودة من الشمس
شفت الشعر ده يا طلال؟
شوف دي كمان
عارف دي اسمها شنو؟

ما عارف اترجمها كيف
Sleeping Courier
شفت الراجل ده؟
رسمه كبير دايما يعني الفاتت دي مقاسها
155cm x 134cm
61.0" x 52.8"
شوف دي كمان قبل ما أقول ليك زيادة


دي بقى يا سيدي اسمها
الفجر

معليش انا قلت حاجة غلط
هو مولود سنة 1944
أول معرض عمله كان في نيويورك سنة 1983في قاليري اسمو مارتينا هاملتون
أعماله الآن في Metropolitan Museum in New York; the San Diego Museum in San Diego, California; the Walker Art Museum, Minneapolis; the Milwaukee Museum of Art, Milwaukee; and the Gothenburg Museum in Gothenburg, Sweden; as well as the National Gallery in Oslo, Norway.

الراجل ده يا صاحبي بيرسم كده من ما كان عمره 16 سنة
نفس الزمان والمكان ،تصدق
شوف دي يا طلال

اسمها
انفتاح شهية
1997
Oil on Canvas 192cm x 203cm

التوأم
1998
Oil on Canvas 256cm x 190cm
100.8" x 74.8"

أما دي
الله يستر عليك منها


خمس نساء مغنيات
Oil on Canvas 374.7cm x 208.3cm

محمد ..
يافاضلابي,
في السنوات الأخيره شاهدت ألوانا كثيره
في معارض الفنون المختلفه ..
معظم الأعمال المعروضه في المعارض كانت
"تلوين" وليس "رسم" .. كما أن فنانينا
في البلاد السودانيه يميلون بشده للتعبير
عن مكنوناتهم بشكل تجريدي ..
غابت عن اللوحات الوجوه والعيون اللامعه.
سألت عصام عبد الحفيظ مره :
هل اهتمام التشكيليين السودانيين بالتجريد
والتلوين فيه نوع من التراكم الثقافي أم
أن الحكايه إستهبال مقنن ؟(زي حكاية الشعراء
بتوع تماهيت في البنفسج) ..
سألت لأني كثيرا ما شعرت أن في الأمر هنا نوع
من الإستسهال,حيث أن المقدره اليدويه غير قادر
على التعبير عن تموينهم الوجداني ..
باستثناء أسماء معينه فالحركه التشكيليه في
السودان جد ضعيفه .. وم ناحيه جندريه فان
البنات يرسمن بشكل أقوى وأنضج وأحلى من الأولاد
(أوالرجال!!) ..إذ تلمح في الأعمال النسويه تطورا
وتجاوزا خلاقا للواقع ..
......................
......................
لا أعرف,ربما يكون للكبت والقهر تجاه صبايا السودان
من مكونات التجربه الرئيسيه ..
فتجربتهن جوانيه أكثر وعلاقتها بمناطق النفس أكثر كمالاً.



...
طلال

ابو حميد 00
داير تكتلو ورتاح مش؟00
ما انت عارف مابقدر شنو يعنى00
كتير علينا نحن برضو 000
وين مختفى 00
سلا كتير ليك 00
ولى طلال كمان 00
ومن الحب ما قتل شيل شيلتك طلال00

معتز الصيني
الامتحانات مشت كيف؟
طلال ده أنا نويت عليو في البوست ده
القاله ليه يحس منو؟
حاملاهو رسم كتير كترة

طلال
صاحبي
السودان ليس فيه جاليري وطني الى الآن
الناس البيرسمو كلهم، يقتطعون ثمن الألوان من حاجاتهم الضرورية
لا تلم احدا
الناس بتحاول
صفق لهم
يوما ما سيخرج من بينهم فنان يرضيك

السودان يعاني أيضا من ال
monkey see..
monkey do
وهذه هي المشكلة الكبيرة
في الشعر والتشكيل ومحلات تركيب العطور والركشة والأتصالات
الناس محتاجة تشوف وتقرا

فاضلابي
للحظة شكيت إنها صور
ولأني ما حا أقدر أقول زي الكلام القالو طلال حا أكتفي بـ:
جميل يا جميل

محمد سر
أنت الأجمل يا أجمل

محمد علي :

اكرمت علينا طلالنا : يا راقي يا أنيق

ونحن من جاه الملوك "نلوك" ..

بس ايه ده

في كشافة ولا بيعمل (الضؤ) ده بالالوان , قهرتو بالقاهر




وبارك الله في من نفع واستنفع


ومشتاقين: ربما اعود للشوف والعلم والحكي: لا موش ربما اكيد

محمد
لا أعرف ماذا أقول، وهل أحتمل أصلاً
طلال قال عن البورتريه الذاتي

Quote: منطقة الرقبه في البورتريه المرسوم ده عامله وكأنها صنعت بيد خزاف بطين مبلول .

..... وتلويحة البشرة فيها أداء عالي
الشغل عموماً منمنم بصورة مخيفة ومزعجة، تجعلك تتحسس قلبك الذي يتعاطي، وتعيد تقييمه (قلبك).
وبه إضاءات عالية، لها علاقة طفيفة بال(ضوء) المعروف.
علي كل حال.... زدنا زاداً،،
وحنحاول نستحمل
ألف تحية لك وللأصدقاء
(ثم، من أين يا قرمبوز أتيت باللوحة التي تزين محياك هذه الأيااام؟ حلوة وملونة.. شكرا لك)

ايمان
حازيدكم بس استحملو
الرسمة العند قرمبوز راسما صاحبنا الفي البورد الاسمو عصام عبد الحفيظ
.......

قرمبوز
ولو
يعني معقولة نشوف برانا
وانتو قاعدين

فاضلابي ....اسمع يا زول ....انا الشوق كتلني ...
احسن ليك اتصرف....
بعد كدة....انت بتجيب الناس الرسامييييييين ديل من وين ؟؟؟
أود نيردروم....
الرجل دا صعب ....
رسسسسسسسسسسسسسام
و...
لواااااااااااااااااان شديد...
فاضلابي صديقي العزيز... اللة يخليك لينا

...يا طلال الظاهرانو الرسم التشكيلي الجميل ما بس زمن ناس بيكاسو....

محمد العزيز ..
صاحبي ..
والأخوه العبور..

أعمال "أود نيردروم"فيها كلاسيكيه من ناحية الالوان
وضرباة الفرشاة واتجاهاتها .. لكن على مستوى آخر
فالتجريب عالى الحضور في هذه التجربه التي تشبه لي
ما يسمونه في الأدب "الواقعيه السحريه" ..
الإضاءه والألوان في لوحة "انفتاح شهية" أحالتني الى
أعمال "رامبرنت" خصوصا للوحتين رسمهما في العام1631
(تاملات الفيلسوف و قراءات الفيلسوف).


على الجانب الآخر فهناك تلك "الغرائبيه" التي تلف لوحاته
وتكويناتها .. الناس هم الناس ولكن ثمة شيء غريب,روح ما
غريبه تنضح عن عيونهم وملامحهم .
اللوحه الاولى "العودة من الشمس " فيها أستشراف وإشراق .
البنات الثلاث ينظرن للبعيد ويلوحن (للحلم؟)..
البنت الواقفه في الخلف مأخوذه تماماٍ, على وجهها ملامح
أشبه بالوله ..
البنت في المنتصف(بطلة المشهد),في كامل الإستغراق .
الثالثه وكأنهاتستقبل حبيبا غاب كثيرا..
ثلاث أحوال أنثويه تماما , نجح " نيردروم " في إلتقاطها
وتحويلها بألوان الزيت الى مشهد حي ..
( الأيدي اليسرى للبنات الثلاث , الأصبع الصغير فيه نفس
الثنيه ).

يبدو أن "نيردروم" فنان أريب ..صاحب خيال حر وعين نجيضه.
فسبحان الواهب الرزاق .


...
طلال

(يبدو أن "نيردروم" فنان أريب ..صاحب خيال حر وعين نجيضه)



هذا ما قاله طلال
ودى محتاجة
وكأنه
وتعقيبا
على عمل التشكيليات وفيه من
مالآت لهارؤية و واقع يرتبط بالواقع الاجتماعى وما أصابهو
والموضوع
ده صعب الاطلاق فيه,كما حكى طلال
ونحن وين هسه

والحقيقى نحنا يا دوبك بنحاول وبهدوء
فى ارساْء حركة تشكيلية
تساهم وتؤكد الوجدان التشكيلى
المزروع فينا منذ الابد

الهم التشطيلى السودانى
لا زال
منصصا
عايز
عتبات
اكثر
رحابة
ورؤية
حقيقية
لنار
بلا شك
قادمة





سلام

Quote: الهم التشطيلى السودانى لا زال منصصا عايز عتبات اكثر رحابة ورؤية حقيقية لنار بلا شك قادمة

الله يسمع منك يا عصام
الله يسمع

ضياء
بطل جرسة
هو نحنا ناقصين
اتوقع تلفون العيد

صرخه00
جميعنا نقف على حنين وذكرى00
و
عندما نقف على الاطلال يشتعل فينا الحنين بلهب الذكرى 00
*المشوار والاختيار كثيرا مايبدو صدفه وحقيقه عندما يتسع الافق تضيق العبارة فالموقف اكبر من ان تحصره كلمات00
كل عام وانتم بخير والسنه دى قبل الجايه تتحق امانيكم00 mohammed alfadla
00 طلال عفيفي 00

و أنت بخير يا تروتسكي

مغني أعمى و راقصان
زيت على كانفاس

اضلابي كل سنة و انت طيب
الا تحتفل اليوم عني
فلا اجد الفرح اللازم للعيد في نفسي

أمجد
و انت طيب
سلامة روحك يا راجل

العمر يا فاضلابي , يا صاحبي , محسوب .
تحكمه الرؤية , والبصيرة .
وللفنانين فيه باع في النظر والتبصر .
ولا بأس على الفنان كونه يسلف عن العالم ما فيه من مشاهدات : اذ أن الفنان ابن العالم وشهيدة .
(والشهادة هنا هي المراقبة والتحويل لما هو كائن لم يمكن أن يكون الكائن عليه ..) .
…………
كان يا فاضلابي , عمرنا منثوراُ ومشتتاُ على أحزان وأتراح نستجدها , لكنها واتتنا في غفلة من فرحنا الضعيف .
في لوحات الخواجه الفنان "المقيم في البوست", عوالم تشبه بجذل ما نحن فيه من ارتباك .
ارتباك الفنان الحي الذي لا يعرف شيئا غير قلقه أو أحزانه .
………………….
كان يا صاحبي أن سألتني بنت من البنات الفنانات عن ارتباط الفنان (أو المثقف بشكل عموم ) بالحزن .

لم تكن بي اجابات جاهزه .
لكني حدثتها عن كون العالم مركب التكوين , ومن إفرازات هذا التركيب أن المواطن العالمي ذلك الإنسان واقع في اسر التناقض هذا ..
وان الفنان , باعتباره مسكون بما يخصه من مزاج ولغة وبصر , لا يملك دربا للتصالح مع العالم بسهوله : ففي الأمر عنت يشبه "عنت العتالة " كما يقول أخونا عثمان صالح .
…………………
أما أنا يا محمد فلم أر في عمري أبدع وأجمل في المسار التشكيلي من الرسم والسينما …
تسرقني الرؤية يا ولد الناس .
لا أعرف كيف زاغت عن سكتي تلك القدرة والمقدرة على التكوين , لقد تمنيت ولا زلت أتمنى أن أتناول الفرشاة وأرسم , أن أتكامل مع فكرة الخلق في الخروج من العدم إلى الوجود .
………………
هل لك أن تتخيل يا ولد إن كل لوحة وكل خط وكل لون يوقظ عمري من ثباته الممل ؟
وأن مشهدا في محيط السكة: بنت , شارع , قصيده , أغنيه (وهكذا دواليك) قد تخرج بي الى حواف العمر المجيد لأراقب أيامي القادمة ؟
………………
كل سنة وأنت طيب وبخير يا صاحب .
كل سنه وآنت في كامل انتباهك .


…
طلال

عارف يا طلال
الشوارع دي غريبة
مرات بحسها أصعب من قدرتنا، يعني لو فرضنا انو طلال عفيفي صاحبي كان طلال عفيفي صاحبي الرسام(قربت أغلط واقول الفنان،بعدين انتبهت لأنك فنان أكتر مني)
كنت حتقدر تتحمل...
قبل فترة في أواخر قرننا الذي مضى وبدايات هذا البادئ كان الرسامين في أوروبا غارقين في حوارات عن موت التلوين... قالوا انه الناس بقت ترسم رسم متشابه .. اذن مافي داعي الناس ترسم
لأنو خلاص ..مافي جديد
الحزن السألتك منه البت...قديم والرسم البترسمو أكيد رسمه زمان واحد في الكاريبي ولا الصين
الأفكار في سجن ما
متشابهة و سجمانة
طلال
يا صاحبي
كل سنة
و أنت طلال