Post: #1
Title: الروح الأيام دي زعلانه
Author: طلال عفيفي
Date: 07-02-2004, 11:15 PM
Parent: #0
هذه الكتابه مرفوعه لمقام الأميره
سعاد حسني ..
الروح الأيام دي زعلانه .. زي كأنو في حاله بتاعت هبوط .
محزون بدون سبب واضح أو ممسوك باليد . حزن هلامي عام يلف الروح من الشرق إلى الغرب , شيء أشبه ما يكون بالغمة .. عافاك الله .
الذي أعتقده , أن للأمر علاقة بتغير الفصول .. و حزن البلاد .
في مصر حين كانت هذه الحالة تداهمني , و أشعر بأن جُوَاي مهشم , زي بنت صغيره نالت صفعه , كنت أمشي لمسافات أطول من نَفسَ أي كآبه , أُغني , أسمع نفسي شعراً , أدخل في حوارات متخيله , أتخيل أني مخرج سينمائي يبحث عن وجوه جديدة لفيلمه القادم ( موسم الهجرة الى الشمال , مثلاً ),أغربل الوجوه , النساء , الرجال, الأطفال , الشباب , رجال الشرطة , الباعة الجائلين, أصدقاء الطريق ( من متسولين و ومجانين ) الذين التصقوا بصمغ الشارع العام فصار لونه لونهم واكتست ملامحهم بذات فوضاه وحفره ( للدقة : لا أعرف من الذي يشبه فيهم الآخر ) ,.......
أغوص في كل هذه الملامح, وأمشي , حافراً على الدروب شرخاً من حنين واشتهاء.
أختار للمشي تلك الشوارع التي لها قدرة خاصة على السَمَر , فللشوارع أيضاً أمزجتها , فهناك شارع يحتفي بالعابرين فتراه محتشداً , وآخر تمشي فيه ,فقط ,لتشاطره الأحزان .
ثمة شارع عامل زي الحاوي , يلبس لكل حِلةٍ لبوسها , ويدهشك باستمرار , حتى لو عبرته في اليوم الواحد ألف مرة .
يقول المشوار : البنات فاكهة الشارع , وشارع لا يرفل في الأنوثة شارع عقيم .
.................
المشي , خطوة فخطوة فخطوة , يحرر الروح , من خلال كونه حركة نمطية , فيصير الجسد متحركاً بقوة دفع ذاتي , يخرج إثرها العقل من المعادلة أو يكمُن ,وتنطلق الروح مرتاحه .
.............................
شوارع القاهرة علمتني إدمان بُهار المشي . إذ فيها زنجبيل وقرفة ونعناع .تفرعاتها الكثيرة تترك لك الخيار . ( لديك ثمان شوارع تتفرع من ميدان" طلعت حرب وحده " ,ولكلٍ نكهته ).
..........................
الشوارع في السودان محفوفة بالعساكر وقوانين حظر التجوال .(نسيت أن أذكر أن المشي لا يحلو إلا بعد منتصف الليل ).
..........................
أجمل شارع هو ذاك الذي نمشي فيه مع حبيبة باهيه , نتبادل المعرفة بطزاجة ,تسألها وانتما تعبران الإشارة ( لو كانت تحب فيروز ) .
وأثناء الرصيف تردد عليها شعراً لمحمود درويش ( ويدك تتربص باللحظة المناسبة للامساك بها ) ..
ملحوظة : هناك شارع يجعلك تضع يدك على كتفها دون مقدمات .
........................
عشت في القاهرة أعواماً . ما تركت شارعاً أو حارةٍ إلا وعبرته , بسبب الفضول أو تفادياً لدوريات التفتيش أو الاختصار أو لمجرد التسكع , لا فرق ( أعتقد ) .
كانت هواياتي تنحصر في السباحة وركوب الخيل و كتابة الشعر , الذي اتضحت لي ركاكته فيما بعد , ليصير المشي والتجوال هو ما أصبح صباحاً مشتاقاً اليه بعد أن أنام مهدوداً من جرًائه .
............................
المشي , والحديث ممدود, يفتح بصيرتي وشهيتي , للخمر والعشق والكتابة .
متجولاً , في كامل التعب , حول ضريح السيدة زينب أعود الى شقتي الصغيرة مبعثراً محتوياتها بحثاً عن فضل زجاجة خمر .
أكتب ما أتذكره من وجد وحب ( ولو كان هناك بيان للجبهة الديمقراطية , أُجهزه ),أرمم وجه صبية رأيتها على الطريق .
وأنام كما طفل محزون , أو فيل وحيد .
............................................
الآن ..
تُرى هل أحن إلى الممشى القاهري ؟
شوارع وسط البلد , المقاهي , االبارات , النادي اليوناني ,بوسترات السينما المعلقة,معارض الفنون , البنات , ضجة شريط " محمد منير " الجديد , صوت " بحر أبو جريشه " , نداءات الباعة , احتمال لقاء صديق , صدفةً , على الطريق , وعدٌ من عيون صبية , حقيبةٌ مُدلاة (محشوة بالكتب والجرائد والورق , وقلم حبر وفرشاة أسنان ) ؟ .....
....................
....................
أم أن للأمر علاقة بتغير الفصول وحزن البلاد .....؟؟!
............................
............................
طلال .
|
Post: #2
Title: Re: الروح الأيام دي زعلانه
Author: Ibrahim Algrefwi
Date: 07-03-2004, 09:31 AM
Parent: #1
woow
طلال ياله من يوم طيب
صباح الخير
نهار الخير
مساء الخير , اينما تأتي وفي كُل الاوقات اشتاقك (وانته عارف بأه)
اسمع
( الم احكي لك ان أُناس الشرق يحبون المغيب حٌبأً وثنياً ففي وقت المغيب يحيون بعضهم بمقوله  متعك الله بمغيب طيب ) يرد الاخر
أنا وانتي ياحبيبي )
علي فكره سمعته عايدة الايوبي وهي بتغني حبيبي حن علي حبيبي طل عليه
طلال طل عليه
تشُدك دائماً سعاد لخنجرها الحريري
ممكن اشوف جوه شديد جوه الروح اكتر
بعد اذنك يعني !
بمش الحال
اولاً انا يا عزيزي من زمان وانا عائز اقوليك انو انا أمتع بكتابتك الي حد افظع من من مالهذا الكيبورت من قدره تعبيريه انا أخالها حلاوه احسها كشارع يلؤمني لماذا لا تعبرني هذا انا كصاحب تعرفه ويعرفها جيداً, اما هذي الكتابة تحديداً هي ما ابحثُ عنه منذ ان خسرت روحي نذهاتها المغيبيه مع الكتابة..لذا لاتقطع حبرك عني يا صديقي المن النوع الذي احب
Quote: أشعر بأن جُوَاي
مهشم , زي بنت صغيره نالت صفعه , كنت أمشي لمسافات أطول من نَفسَ
أي كآبه , أُغني , أسمع نفسي شعراً , أدخل في حوارات متخيله , أتخيل أني مخرج سينمائي يبحث عن وجوه جديدة لفيلمه القادم ( موسم الهجرة الى الشمال , مثلاً ),أغربل الوجوه , النساء , الرجال, الأطفال , الشباب , رجال الشرطة , الباعة الجائلين, أصدقاء الطريق ( من متسولين و ومجانين ) الذين التصقوا بصمغ الشارع العام فصار لونه لونهم واكتست ملامحهم بذات فوضاه وحفره ( للدقة : لا أعرف من الذي يشبه فيهم الآخر ) ,.......
|
وتاني بتعمل شنو
الشوارع
Quote: أغوص في كل هذه الملامح, وأمشي , حافراً على الدروب شرخاً من حنين واشتهاء.
أختار للمشي تلك الشوارع التي لها قدرة خاصة على السَمَر , فللشوارع أيضاً أمزجتها , فهناك شارع يحتفي بالعابرين فتراه محتشداً , وآخر تمشي فيه ,فقط ,لتشاطره الأحزان .
ثمة شارع عامل زي الحاوي , يلبس لكل حِلةٍ لبوسها , ويدهشك باستمرار , حتى لو عبرته في اليوم الواحد ألف مرة .
يقول المشوار : البنات فاكهة الشارع , وشارع لا يرفل في الأنوثة شارع عقيم .
|
أسامه الخواض سيضمك الي المشائين يا طلال
Quote: المشي , خطوة فخطوة فخطوة , يحرر الروح , من خلال كونه حركة نمطية , فيصير الجسد متحركاً بقوة دفع ذاتي , يخرج إثرها العقل من المعادلة أو يكمُن ,وتنطلق الروح مرتاحه .
|
ده بسمو شنو في النقد التماثلي عن يمني العيد لانو نسيتو
Quote: وأنام كما طفل محزون , أو فيل وحيد .
طلال
| Quote: أم أن للأمر علاقة بتغير الفصول وحزن البلاد .....؟؟! |
المساله مفزعه
شوف الايميل ياعزيزي
والكتابه دايره علي الاقل جوته 4 أيام كده!!
| Quote: أم أن للأمر علاقة بتغير الفصول وحزن البلاد .....؟؟! |
|
|
Post: #3
Title: Re: الروح الأيام دي زعلانه
Author: أبنوسة
Date: 07-03-2004, 09:42 AM
Parent: #2
الأخ الفاضل الأصغر "حسب سيرتك آنفة الذكر" طلال عفيفي
لقد منحت سيرتك آنفة الذكر علامة الجودة لكل بوست لك، إستمتعت بهذا وذاك، وسأعود لك بمداخلتي
شكرا لهذا التعامل الرائع المبدع مع الحروف والحكايا
|
Post: #4
Title: Re: الروح الأيام دي زعلانه
Author: TahaElham
Date: 07-03-2004, 09:48 AM
Parent: #1
السلام ايها العفيفي فرصة لاحييك هنا وارحب بيك في البورد في بوست خاص بيك هل تعرف اننا عندما كنا في عمركم كانت لشوارع الخرطوم نكهة تشبه نكهة شوارع القاهرة في ذاكرتك الان ..
كتابتك شجية .. ودونما مزايدات تذكرتك قبل قليل وانا استمع لاغنية لجوان بيز الغريب اننا كنا ايضا نحبها بل انا ذهبت بعيدآ لحد ان (سعيت جيتار) وكنت استمتع بان اغني (imagine ) ...
تذكرتك دي طبعا مش من شوفة ...لكن من قراتي لبوست سيرتك الذاتية الاول انا قارئة غالبا في هذا البورد واكتب حينما يطبق الخليج برطوبته الثقيلة علي انفاسي ..
علي فكرة كانت للشوارع في الخرطوم جزر انسانية كما كنا نسميها انا وطه وصديقتي خنساء ..المهم منها اذكر اننا في اول انتخابات لنقابة الصحفيين في ظل الجبهة كنا عندها لانزال طلاب في الجامعةفي عشية الانتخابات اخذ كل من استطاع آلة موسيقية دونما ترتيب مسبق وذهبنا لنقابة الصحفيين ثلة من الاصدقاء من كل الوان الطيف السياسي (عدا الاتجاه الاسلامي طبعا وذهبنا لدار الصحافيين قبل حظر التجوال وقبعنا هناك نغني كل اغاني الحماسة التي نعرف والكورالات التي نحفظ مماتسبب في ربكة ضخمة للقائمين علي امر الانتخابات من كيزان ..حدث كل هذا دزنما تخطيط
تاني يوم كتب حسين خوجلي عن هذا في صحيفة الاسبوع وهو يتصور ان الحزب الشيوعي دفع بمغنيه لدار الصحفيين..
اسفة للتتداعي والاسترسال ...النقابة والاصدقاء الصحافيين الاكبر منا سنا كانو واحة وجزيرة ندلف لهااحيانا لنسمع منهم قصص عن مواقع في شوارع الخرطوم ثشبه فردوسك المفقود
الهام عبد الخالق
|
Post: #5
Title: Re: الروح الأيام دي زعلانه
Author: Raja
Date: 07-03-2004, 02:22 PM
Parent: #1
العزيز طلال..
دخلت الى هذا المكان حينما عرفت انه بعبق روح السندريلا الحزينة..
طوال استمتاعي لأي عمل كانت فيه.. كنت احس بحزن غرييب لم استطع حتى الآن معرفة اسبابه..
وحينما صعدت الى ربها بسقوط مبهم.. وجدت هذا الحزن يعود ومعه زعل ليسكن ويسكن ويسكن..
شوارع وسط البلد تذكرني ايضا بسعاد حسني.. خاصة بعد معرفتي بذلك الشارع الذي نشأت فيه.. وبداياتها وأملها الذي ولد ونما هناك..
ولسة ما عرفت لماذا الروح زعلانة الأيام دي..؟
|
Post: #7
Title: Re: الروح الأيام دي زعلانه
Author: طلال عفيفي
Date: 07-03-2004, 04:54 PM
Parent: #1
ابراهيم .. صديق حواف العمر المشرشره ..
شكراً لسطوعك الدائم ..
تورطني انت في كم محبه يغمرني ..
كن بجانبي دائما
....................
يا أبنوسه ..
يعني مافي فايده ؟؟؟
كل البهدله دي , وتناديني بالاخ " الفاضل " .. طيب كتر خيرك ..
نورتي البوست ..
....................
العزيزه الهام ..
و الله العظيم عارف ان لشوارع الخرطوم حكاياتها .. احس بذلك و اشم ريحته
في السوق الأفرنجي وشارع الجمهوريه , و .........
هحاول اتكلم شويه في ده لو ربنا خد بإيدي ...
كتابتك فرحتني جداً .
تخياتي لطه والدنيا ..
....................
....................
....................
يا رجاء .. ايسكنك ذلك الوله بسعاد , انتي برضو ..
عيونها وصوتها وشقاوتها ؟
مرحبا بك ..
...................
...................
...................
عال ..شكرا على القصه ..
بالنسبه للروح .. ربنا يجيب العواقب سليمه ...
و ما خاب من كتب ..
طلال ...
|
Post: #8
Title: Re: الروح الأيام دي زعلانه
Author: mohammed alfadla
Date: 07-03-2004, 05:27 PM
Parent: #1
طلال
أمر كثيرا بما تكتب
أقرأه ويوجعني صدقه
ياخ الله يسامحك
حزين لأني لست في الخرطوم ذات طلال ونجلاء وقرمبوز
شكرا على الكتابة الجميلة
|
Post: #9
Title: Re: الروح الأيام دي زعلانه
Author: طلال عفيفي
Date: 07-04-2004, 00:09 AM
Parent: #8
شكراً يا فاضلابي على الاحساس ده ..
و صدقاً كم كنت أتمنى لو كان السودان أبرح صدراً ليسع كل أولاده
المبعثرين في بلاد العالمين ..
قد تكون الجايات أكثر من اللائي رحن .. فخليها على الله
طلال
.
|
Post: #11
Title: Re: الروح الأيام دي زعلانه
Author: شندى
Date: 07-04-2004, 01:55 AM
Parent: #9
تمتلك الوصف الكتابي العالي
دائماً تعجبني كتاباتك
|
Post: #10
Title: Re: الروح الأيام دي زعلانه
Author: محمود الدقم
Date: 07-04-2004, 01:39 AM
Parent: #1
الاستاذ الاديب طلال عفيفي/ المحترم:-
تحية طيبة مشائية/ كثيرون هم العباقرة التي تلبستهم حالة العبقرية اثناء المشي/ يقال ان فرويد سطر نظرية التحليل النفسي انطلاقا من التمشي/ نعم انتم الان اثنين الصديق الشاعر اسامة الخواض- "المشاء" الذي يصاب بالصداع اذا لم يمشي... وانت الاخر... وعليه اقترح ان نكون قبيلة/ ونسميها قبيلة المشائين..
احييك على نصك الابداعي اعلاه.. واتابع كتابتك باهتمام..
|
Post: #12
Title: الروح الايام دي زعلانه
Author: Zongiya
Date: 07-04-2004, 08:51 AM
Parent: #1
..
.
الروح الايام دي زعلانه!..
عجبني العنوان..والكلام
تحياتي
|
Post: #13
Title: Re: الروح الايام دي زعلانه
Author: طلال عفيفي
Date: 07-04-2004, 05:33 PM
Parent: #12
شندي , محمود و زنجيه ...
التحيه لكم ..
سأعود ..
|
Post: #14
Title: Re: الروح الايام دي زعلانه
Author: ابو تميم
Date: 07-04-2004, 01:34 PM
Parent: #13
الحبيب طلال
صاحب الود والسعادة
قلت شنو " الروح متعبة ؟؟؟؟
يااااااخي والله بفتش من زمان عن شي يشرح الشعور ده ؟؟
بالضبط الروح زعلانة
هي ما قرفانة .... لأ .... بالفعل زعلانة
والمشى فى الممشى العريض / السعيد فى ازقة وحوارى القاهرة .......
... بالمناسبة ... البلد ديك جوها ليهو ملمس ما بس طعم
وانت ............. !
ياراجل انا حاسي انك بتستخدم أكثر من 28 حرفا
خليك قريـــــــــــــب بالله
|
Post: #19
Title: Re: الروح الايام دي زعلانه
Author: طلال عفيفي
Date: 07-05-2004, 05:38 PM
Parent: #13
الأخ شندي ..
أقدر لك الروح التي تفضلت و قرأت بها النص .
.............
.............
محمود العزيز .. و الله فكره حكاية القبيله دي !!!
بس أستاذ أسامه رأيو شنو ؟
............
............
زنجيه :
سعيد باطلالتك ..
مليون مرحب ..
|
Post: #15
Title: Re: الروح الأيام دي زعلانه
Author: REEL
Date: 07-04-2004, 02:17 PM
Parent: #1
..
الاكتشاف طلال
تداعيتاك أجمل من أن أخدشها بكلمات مبعثرة
فقط
لك أن تعرف كم دهشتي
لاكتشاف دفء قلمك وطزاجته وعمقه
ولفرحتي
للمرور من هنا...
وما أجمل الشوارع والأزقة اللتي تهديناذاكرة مليئة
وكثير من الحرية
للتأمل
والصخب المباح
وغير المباح
للتدحرج كما شاءت لنا طقوس الروح
في مساء أو صباح
فالتوقيت
يجعلنا نعاني العرج
وأحادية اللون
تقفرنا
وتجعل لوحة العمر
باهتة
ما أجمل مشروع المشي
المشي على كل شيء
وكأن نسائم الخريف الآن
تغري
كل المشائين
ليوقظوا
الشوارع الكسولة
علها تضج لنا
ونضج بها
شكرا لك طلال
|
Post: #16
Title: Re: الروح الأيام دي زعلانه
Author: طلال عفيفي
Date: 07-04-2004, 05:24 PM
Parent: #15
مليون سلامات يا ود أمجد ..
تسلم روحك من التعب ياجميل ..
هكون قريب ...
و الحروف لسه 28 على ما أظن , سوى انه الحزن ..
طلال
|
Post: #17
Title: Re: الروح الأيام دي زعلانه
Author: طلال عفيفي
Date: 07-04-2004, 05:31 PM
Parent: #15
يا ريل ..
ما عارف أقول كيف ..
شكراُ للدنيا التي خلتني متمكن من الوصول للمناطق القريبه منكم ..
شكرا للغه استطاعت أن تكون قريبه ..
وبقدر العشم ...
شكرا لك على الكلام الطيب .. ( بس على فكره يا هيام , الحكايا ليست بالعمق والطزاجه
بقدر ما ان المسأله محاوله لأن أقول واحكي الذي حدث ) ..
يفرحني ما تحسين ..
ويوجعني ما أحس ..
ايه العمل ؟؟
ماني عارف .
وشكرا بالجد يا هيام ..
طلال
|
Post: #18
Title: Re: الروح الأيام دي زعلانه
Author: bamseka
Date: 07-05-2004, 01:35 AM
Parent: #17
الكاتب القدير / عفيفي
تشدني إلى القراءة حين اتأمل كتاباتك ومقالاتك السامية
ربنا يوفقك ياعظيم
تحياتي
بامسيكا
|
Post: #20
Title: Re: الروح الأيام دي زعلانه
Author: اساسي
Date: 07-06-2004, 01:30 AM
Parent: #18
يا سلااااااااااااام
طلال عفيفي ... ياخي رديت الروح فينا واثبت لنا انا السودان ما يزال يزخر بالمفاجاءات بحق انت مفاجاة جاءت في الزمن (الصاح)
ياخي حقيقة امتاع لم اعتقد اني ساتزوقه قريبا بالقراءة
لا اكذبك فقد لفت صديقا لي نظري لهذا الفتي القادم بقوة السرد
رغم الحزن البادي اعلاه الا انك افرحتني حين علمت انك ممن يصنعون
الفرح ستقيم هنا ... دعني ارحب بك من البداية واقول لك انت مكسب
حقيقي للمنبر ولي شخصيا ..نحتاج مثل واحاتك هذه في غبش هذا الزمن
|
Post: #25
Title: Re: الروح الأيام دي زعلانه
Author: طلال عفيفي
Date: 07-06-2004, 11:45 AM
Parent: #20
عارف يا أساسي .. حكاية الحزن دي عجيبه شويه ,
اذ أني وفي خضم سعاداتي أشعر بصوته يلفني زي أزيز
نحله ! مع مرور الزمن صرنا اصحاب : الزعل و أنا ..
ده غير الدنيا و تصاريفها .
شكراُ لكلماتك الرقيقه ..
و معزتي
طلال
|
Post: #24
Title: Re: الروح الأيام دي زعلانه
Author: طلال عفيفي
Date: 07-06-2004, 11:39 AM
Parent: #18
بامسيكا ..
دائماُ ما تشرفني كلماتك ..
تعيش
طلال
|
Post: #21
Title: Re: الروح الأيام دي زعلانه
Author: الجندرية
Date: 07-06-2004, 01:59 AM
Parent: #1
ااااااااااه ياروحي
الروح زعلانة يا طلال
عشان غيمة الفقد الشارا جناحها
اين ما وليت وجهك فثمة طيف غائب / ة يـ/تلوح
ثمة دمعة وحزن مقيم
|
Post: #22
Title: Re: الروح الأيام دي زعلانه
Author: معتصم دفع الله
Date: 07-06-2004, 02:28 AM
شكرا طلال عفيفي ..
فقد ذكرتنا أياما رائعات بقاهرة المعز ..
كنا نجوب شوارعها ليلاً ونهارا ..
لقد أدمنا فيها المشي ويا لروعة ذلك ..
تكاد تمسك بخيوط لا تراها ننسجها في خيالنا ..
نلامس أفئدتها ..
نشعر بديفئها ..
لك كل الحب والتقدير ..
|
Post: #26
Title: Re: الروح الأيام دي زعلانه
Author: طلال عفيفي
Date: 07-06-2004, 11:51 AM
مشكور يا معتصم ..
وفعلاالقاهره دي مكان عالي الحضور ..
في انتظار كتابتك عنها ..
طلال
|
Post: #27
Title: Re: الروح الأيام دي زعلانه
Author: طلال عفيفي
Date: 07-06-2004, 11:51 AM
جندريه ..
يقول الشاعر :
خسرت حلما جميلا
خسرت لسع الزنابق
وكان ليلي طويلا على سياج الحدائق
وماخسرت السبيلا
..............
..............
لنحاول أن نفج ما تبقى من درب
شكرا للمرور
طلال
|
Post: #23
Title: Re: الروح الأيام دي زعلانه
Author: Dia eldin khalil
Date: 07-06-2004, 04:33 AM
Parent: #1
طلال عفيفي لازلت ازكر اول ليلة اتونس معاك فيها واسمع رايك في حاجات كتيييرة .....
يا ناس طلال داعبارة عن قنبلة ادبيية....
الونسة بي لغة جميلة...
حكي القصص اجمل ما يكون ...
الشرب بكل هدوء...
حتي التجوال معاهو في شارع المك نمر دايمن بطعم لطيييف...
التحية ليك يا صديقي.....
والروح مشتاقة ليييك
|
Post: #28
Title: Re: الروح الأيام دي زعلانه
Author: طلال عفيفي
Date: 07-06-2004, 11:58 AM
Parent: #23
يا ضياء : منذ متى وانت هنا ؟؟
فرحت حين شفت اسمك ,
ماذا عن أيامك ..والونسه والموسيقى و الحال .. ؟
أشواقي
أنا في الطريق
طلال
|
Post: #29
Title: Re: الروح الأيام دي زعلانه
Author: Ibrahim Algrefwi
Date: 07-15-2004, 03:12 AM
Parent: #1
أذيك ياياخ
ايه الاخبار , هاه الجماعة كويسين
تعرف الست دي ياكابتن
البوست ده ماش ع الروح خالص شفتو
الوقتُ ...لرسمِ عصفُورِنا العزيز العميري..!
ولا الدنجوان ده
ولا كدة
[
هم دول من الناس ولا من غمام ازرق روحي ولا العيون دي شنو ومليانه
علي فكرة هم برضو معمرين في قلوبهم
بس علي مهلك علي "أنا حيلة ابوي وامي"
|
Post: #30
Title: Re: الروح الأيام دي زعلانه
Author: طلال عفيفي
Date: 07-15-2004, 04:52 AM
Parent: #29
|
Post: #31
Title: Re: الروح الأيام دي زعلانه
Author: Waeel Mahjoup
Date: 07-15-2004, 05:57 AM
Parent: #1
الساحر طلال
انا الدخلني البوست بتاعك شنو .. انت و انا ارتبطنا رباط قدري بهذا الموقع اشتركنا في يوم واحد وبي سبب زول واحد .. و ما اتلاقينا .. صدقني كبدي مقروحة شوقاً لقاهرة تسرسبت انت في رسمها وما يقدر على ذلك الا من تاه في زحامها وتامل وجوه الناس في المترو وهم يعودون من اعمالهم مكدودين معروقين وحين يغفون وتسقط وجوههم وتتدلى على صدورهم .. والا من جاب ميدان التحرير وحام في الشوارع الفرعية وشم ريحة القاهرة .. بتقدر تنسى ريحتها .. و التماثيل ما حكيت عنها التماثيييييييييييييييييييييييييييييييييييل .. والقهاوي والمسارح ودار الاوبرا حيث الابهة والفخامة والفنون .. مصر سعاد حسني ويحي الفخراني و اسامة انور عكاشة والغيطاني والمثقفين بعادات الكتابة الغريبة المريبة مصر جو يوسف شاهين و البهار والانبهار ومتعة الصورة .. و يا طلال السويتا الليلة رقدت .. الله يجازيك عذبتنا
|
Post: #32
Title: Re: الروح الأيام دي زعلانه
Author: طلال عفيفي
Date: 07-15-2004, 03:27 PM
Parent: #31
يا عم وائل ..
هو انت منهم ؟؟؟!
أولئك الذين شدهتهم تلك المدينه العجيبه ..
وسرى في دماك ذلك الصخب القاهري ؟؟
أوجدت نفسك تمشي في الاوبرا بين المركز الأعلى ومسرح الهناجر , آسفا
على بلادك التي جفت حتى من سينما صغيره لا تعرض فيلما هنديا ؟؟ ..
أعرفت الدرب لجماليات الفخراني وعبقريته المكلبظة ؟
طيب , والتماثيل : طلعت حرب , لاظوغلي . سليمان باشا الفرنساوي ..
ابراهيم باشا .. والتماثيل الجديده : عبد المنعم رياض ( أركان حرب عبد الناصر الكبير ) , طه حسين وعمر مكرم ..
ونحن كان عندنا تمثال نصفي يتيم للشيخ بابكر بدري .. مجهول المصير ,
بعد أن حكى الناس قصصا عن تحطيمه من قبل مراهقين دينيا ...
....................
....................
التماثيل ذاكره المدينه , شاهد على مبدعيها الذين أنطقوا الفولاذ والحجر .. وتذكره للرجال والنساء الذين كانو هنا ..
تضفي على الميادين رسوخا وبعدا رأسيا ..
....................
شكراُ يا وائل على الحضور ..
و Welcome to the club
طلال
|
Post: #33
Title: Re: الروح الأيام دي زعلانه
Author: ودرملية
Date: 07-15-2004, 05:15 PM
Parent: #32
سلامات
وعوافي
طلال عفيفي..
زهر وصباح ..
مؤرق حديثك ..
هل انت ترزي ؟..
ان قلت لا..
فلماذا طرزت روحنا بي زعل روحك ..
شكرا نبيلا وعفيفا كمثلك..
دخلتنا من كل المسامات الحنينة...
واتحكرتا في نص الروح ..
نعمل ليك شنو مابيدنا ..لانك زول جميل
كل الحب
|
Post: #34
Title: Re: الروح الأيام دي زعلانه
Author: Ibrahim Algrefwi
Date: 07-16-2004, 00:35 AM
Parent: #33
أنا بس فرحني ود رملية ده قال ليك
ها ها
بس أنا كان نفسي أقول كدة من زمان لامن رسلت ليك الورقة مع ايهاب عبدالحميد لكن بس " الله يدي ودرملية الفي مراده"
يعلم الله وأنا وود رملية
بانك ترزي يجيد تطريز روحهُ بالناس واحوالهم
"ربنا يحفظك"
|
Post: #35
Title: Re: الروح الأيام دي زعلانه
Author: أسامة معاوية الطيب
Date: 07-16-2004, 10:05 AM
Parent: #34
ماذا سأقول ؟
انا سأرفع البوست واستغفر الله العظيم
علمتني السكوت الطوييييييييييييييييل
فقط أن اصيح بداخلي لحرفين بقيا ولم يخرجا حتى تظل الروح في حردها العظيم
فقط
|
Post: #36
Title: Re: الروح الأيام دي زعلانه
Author: Waeel Mahjoup
Date: 07-17-2004, 03:39 AM
Parent: #1
طلال
انا منهم وتعبت جداً انت عارف انا كمان قصتي مع القاهرة غريبة كلما زاد اشتياقي ليها تلقاني فيها واليك هذي القصة الاغرب من الخيال : انا مفروض كان اسافر اسمرا عشان اجتماعات التجمع و لكن حالت ظروف الطيران من السفر وفي نفس اليوم الكتبتا ليك اخر اليوم فوجئت بي ناس الجريدة بقولوا لي طيب انتا ما تسافر القاهرة لانو كل القيادات ما شا القاهرة و حيكون في شغل تقيل .. انا ما صدقت لقيت نفسي شايل جوازي وماشي للتاشيرة والاجراءات وفجاة حاكون معاكم .. عاين الايميل بتاعي كالاتي :
wara 15 @ hotmail . com
يلا رسل لي تلفونك ووريني ساكن وين وامكانية شقة في نص البلد كيف ؟ !!!!!!!!!!!!!!!!!!!!!!
شفتا الغرابة دي
|
Post: #37
Title: Re: الروح الأيام دي زعلانه
Author: zola123
Date: 07-17-2004, 04:50 AM
Parent: #1
زعلانة وبس؟؟؟؟
اكاد اشم في بوستك رائحة الذرة المشوية في تمشية نيلية
أصوات (كلكسات) السيارات تصم اذني
الجارات في خناقة صباحية
والباعة المتجولين يجلجون باصواتهم
الصبيان على الطرقات يعاكسوا طوب الارض
ووو.....
لا اعيب على مصر اكثر من انعدام النظافة في الطرقات
واذكر احد زملاء الدراسة كان قبرصيا
عاد من اجازة قاهرية
فاصبح كلما ذكر اسم هذه المدينة يصيح
Egypt is dirty , Egypt is dirty
هية اينعم ديرتي لاكن لفلي 
تحياتي
زولة123
|
Post: #38
Title: Re: الروح الأيام دي زعلانه
Author: طلال عفيفي
Date: 07-17-2004, 07:28 AM
Parent: #37
يا ود رمليه ..
سلامات وعوافي عليك ..
لقد تركت فيني كلماتك أثرا جميلا ..
كنت قد قرأتها صباحا .. فانتعشت و شديت حيلي ..
طلال
|
Post: #39
Title: Re: الروح الأيام دي زعلانه
Author: طلال عفيفي
Date: 07-17-2004, 07:39 AM
Parent: #38
يا ابراهيم , عارف ؟ انت من الناس الجعلوني أقتنع بان ما أكتبه ينفع للاستهلاك البشري .
بالامس كنت سهران على السطوح في الدور السادس .. وكانت ليلى تغني ..
كان صوتها جميلا ويشده ..
كنت أسمعها و أتفرج عليها . . بت فلته , جمال ايه وصوت ايه ونداوة ايه وطلاوة ايه ,
أبنوس , اللهم صلي وسلم على حبيبك المصطفى ..
و رأيت في عينيها الحلم ..
رايته يحلم بها .
طلال
|
Post: #40
Title: Re: الروح الأيام دي زعلانه
Author: طلال عفيفي
Date: 07-17-2004, 07:42 AM
Parent: #39
اسامه..دائما ما تضعني في خته ضيقه بكلامك الحلو ده .
انا مهتم برأيك جدا ..
حين تتمكن , أرجو أن تراسلني ..
و ...........
طلال
|
Post: #41
Title: Re: الروح الأيام دي زعلانه
Author: طلال عفيفي
Date: 07-17-2004, 07:47 AM
Parent: #40
طيب يا وائل , أنا على وشك العوده الى السودان الشقيق .. لكن أكيد سنجد براحا
لنلتقي ..
في انتظارك ...
طلال
|
Post: #43
Title: Re: الروح الأيام دي زعلانه
Author: طلال عفيفي
Date: 07-17-2004, 07:52 AM
Parent: #41
هي مش زعلانه وبس , يا زولا !!!
لكن ده الذي عرفت اقولو لغاية دلوقت ..
انتي يبدو انك لاقطه تفاصيل من المحروسه ..
حلو الاحساس بالمكان وجارح في ذات الوقت ..
حضورك أضاء ..
تسلم روحك .
طلال
|
Post: #42
Title: Re: الروح الأيام دي زعلانه
Author: أسامة معاوية الطيب
Date: 07-17-2004, 07:49 AM
Parent: #40
طلال
انا اتمنى من زمان مابطال ان اراسلك ولكن قل لي كيف ؟
ساراسلك حتى وان ام تخبرني كيف لاني احتاج
|
Post: #44
Title: Re: الروح الأيام دي زعلانه
Author: طلال عفيفي
Date: 07-19-2004, 10:53 PM
Parent: #42
كلامك ناقص مالو يا اسامه ؟؟!!
لا باس يا صديقي ..
بطرفك عنواني :[email protected]
و في انتظارك .
طلال
|
Post: #45
Title: Re: الروح الأيام دي زعلانه
Author: طلال عفيفي
Date: 10-23-2004, 09:46 AM
Parent: #1
هذه الأيام يجلس الحزن القرفصاء ويتأملني .
فأنا زعلان أكتر منه .
شيء ما انطفأ في روحي .
لا أعرف على وجه الدقه ما هو .
الله أعلم : احتمال تكون تراكمات .
...
طلال
|
Post: #46
Title: Re: الروح الأيام دي زعلانه
Author: طلال عفيفي
Date: 10-23-2004, 09:46 AM
Parent: #1
هذه الأيام يجلس الحزن القرفصاء ويتأملني .
فأنا زعلان أكتر منه .
شيء ما انطفأ في روحي .
لا أعرف على وجه الدقه ما هو .
الله أعلم : احتمال تكون تراكمات .
...
طلال
|
Post: #58
Title: Re: الروح الأيام دي زعلانه
Author: مزن ابوعبيدة النيل
Date: 10-24-2004, 09:54 AM
Parent: #46
Quote: هذه الأيام يجلس الحزن القرفصاء ويتأملني .
فأنا زعلان أكتر منه .
شيء ما انطفأ في روحي .
لا أعرف على وجه الدقه ما هو .
الله أعلم : احتمال تكون تراكمات .
|
انا شخصيا يا طلال تبرأ الحزن مني
فحينما تستنشق انفاسا خالية من الحياة
و ترجعها حميما يحرق جوفك
يتاملك الحزن من بعيد
و من ثم يتركك و هو يتمتم رحمك الله يا من انت اتعس مني
الله يعدي الايام دي على خير
سلام
مزن
|
Post: #59
Title: Re: الروح الأيام دي زعلانه
Author: طلال عفيفي
Date: 10-24-2004, 10:11 AM
Parent: #58
مزن ..
مالك يا صبيه تدخلين في هذا الجو ؟
هذا مزاج عكر .. فتلافيه ..
يا بنت .. تأملي الدرب طويلا قبل أن تمشي عليه .
استنشقي نسيمه .
إحفظي بصمة صوت الطير .
رجي عمرك .
(وكما قلت لك من قبل : تخففي ) .
...
طلال
|
Post: #47
Title: Re: الروح الأيام دي زعلانه
Author: mohammed alfadla
Date: 10-23-2004, 09:51 AM
Parent: #1
يا سيدي
معليش
عليك الله خلاص
طيب أنا كسفتي مقدور عليها
حتكسف دي برضو
|
Post: #48
Title: Re: الروح الأيام دي زعلانه
Author: Ibrahim Algrefwi
Date: 10-23-2004, 01:48 PM
Parent: #1
صدق او لا تصدق : كنت ابحث عن الكتابة المرفقه اعلاه في البورد ... وجدته امامي ... يبدو ان الهم مشترك والقلوب صاحبه
.....
.....
عافاكم الله فاضلابي وطلال وجماهير شعبي الوفي
من الهموم المشتركة ومن زعل يحل بارواحكم
|
Post: #49
Title: Re: الروح الأيام دي زعلانه
Author: طلال عفيفي
Date: 10-23-2004, 03:24 PM
Parent: #48
يا محمد يا فاضلابي ..
أقسم لك بأيمانات كل المسلمين بأن فيني شيئا
جوانيا محزون بشده ..
و للحزن تباريح ..
ربنا يستر ..
سأستعدل بطريقة ما .
شكرا للعنايه .
ولسعاد ..
...
طلال
|
Post: #50
Title: Re: الروح الأيام دي زعلانه
Author: طلال عفيفي
Date: 10-23-2004, 03:32 PM
Parent: #49
صديقي الجميل :ابراهيم ..
قد يكون الهم المشترك أو كما يقول الفقهاء (توارد خواطر) .
ما للبلاد هذه الأيام ؟
متى نحبها يا ابراهيم .
...
طلال
|
Post: #51
Title: Re: الروح الأيام دي زعلانه
Author: Hadia Mohamed
Date: 10-23-2004, 04:13 PM
Parent: #1
طلال دائما تعجبنى كتاباتك
فعلا فقدنا رأحة وطعم الشوارع اذكر اننا ذهبنا للقاهره عام 90 للمشاركه فى مهرجان افضل العروض المسرحيه وكنا مجموعه جميله على رائسها قرنى ويحيى والسمان لوال المخرج قادمين من مدينه مظلمه العسس فيها اكثر من عواميد النور انبهرنا بالضوء وظريفنا سيد صوصل يخرج رأسه من التكس ويقول فى ريحه كان سمحه كان كعبه المهم فى والناس حايمه فى اى وقت مافى نوم اجبارى فعلا فى ريحه.
|
Post: #52
Title: Re: الروح الأيام دي زعلانه
Author: طلال عفيفي
Date: 10-24-2004, 07:04 AM
Parent: #51
أستاذه هاديه ..
أين الحي بكم يا ناس ؟
كل ده انشغال ؟
..............
هل في الأفق ان نلتقي ؟
أشواقي لداليا وحسن مصطفى ..
وليحيي طبعا .
...
طلال
|
Post: #53
Title: Re: الروح الأيام دي زعلانه
Author: Safa Fagiri
Date: 10-24-2004, 07:49 AM
Parent: #52
للأمر علاقة بتغير
الفصول وحزن البلاد ..
|
Post: #54
Title: Re: الروح الأيام دي زعلانه
Author: Osman M Salih
Date: 10-24-2004, 07:56 AM
Parent: #53
العزيز طلال عفيفي
كيف لم ألمح هذا
البوست قبلاً؟!
....................
أسرني الحزن المسرود.
سأخرج وأتسكع .
سيرافقني حزنك
المنشيئ .
تحية و مودة
عثمان
|
Post: #55
Title: Re: الروح الأيام دي زعلانه
Author: طلال عفيفي
Date: 10-24-2004, 09:29 AM
Parent: #54
صفاء ..
للأمر علاقه بتغير الفصول , وحزن البلاد !
وببنات يغادرن ويتركن الباب موارب .
وبأحلام خلت بنا ..
للأمر علاقه بفيروس ما أصابني ذات شتاء عالي , فمن
حينها كلما جيت أشرب كوباية شاية دهمتني رغبه عارمه
في البكاء .
.....
شكرا يا صفاء
...
طلال
|
Post: #56
Title: Re: الروح الأيام دي زعلانه
Author: طلال عفيفي
Date: 10-24-2004, 09:34 AM
Parent: #55
النوبي :
عثمان صالح ..
لقد كتبت اليك أني أستمتع بكاتبتك بشكل بالغ .
وأنا الآن سعيد بتواجدك ..
فلنواصل معا ..
مزيدا من الرفقه ,
ومزيدا من الكتابه ..
الى أن يقضي الله أمراً
...
طلال
|
Post: #62
Title: Re: الروح الأيام دي زعلانه
Author: Osman M Salih
Date: 10-25-2004, 03:29 AM
Parent: #56
العزيز طلال عفيفي
طاب يومك
قرأت 4 نساء وإستمتعت بصمت مبهور
تأسرني اللغة الcompact
: تصيب الهدف المقصود بدقة قذيفة ٍ
متحكم في إرسالها كوميوترياً.
أشد على يدك
سلام للتراب الجريح
عثمان
|
Post: #57
Title: Re: الروح الأيام دي زعلانه
Author: ibrahim sidahmed
Date: 10-24-2004, 09:39 AM
Parent: #1
شفيفاُ شفيفا انت واجزم اني سمعت لك رفيف اجنحة وخوفي يا طلال بك الي بلاد بعيدة وجدتني عجول بك الي بوست يحمل بعض هذا الذهاب المضني وبة من الوجد اشواك ومسالك مبتداء الخرائط
شكرا طلال علي زرائب حزنك ودعها في زرائب ربها
|
Post: #60
Title: Re: الروح الأيام دي زعلانه
Author: Ibrahim Algrefwi
Date: 10-24-2004, 01:44 PM
Parent: #1
سلام ياكوبرا , مالك يا حبيبي تدخل هذي المحرقه وانت تكبرنا شجناً بس لابأس فانت أهلٌ لهذي الاحزان المتناسلة اللائقة بالمحترمين ,
.......
.......
لعناية الاخ طلال عفيفي :
خارج النص ,الانطفاء وداخل الممشي الذي ضاق :
كده يا طِل تحرجنا مع الضيوف !
طبعأً عُذرك بجانبي بس حصل أيه انتظرناك ..! و... أخاف ان يكون لروحك علاقة بالصيام عنا يادكتور كما جاء عن كوبر!
المهم ومهم جداً :
الشاب الي أسمو أُسامة عباس والذي هو صاحبي والحمد لله جاب ليك كتاب يقول بانه :" اميز ما قراء في حياته وأميز ما ستقراء "اذا لم يكن" الي مسوي الناس الاخير " أنتهي
الكتاب المُهدي اليك من أُسامة عباس والذي هو بعنوان أناشيد مالدورو ل لوتور يامور " ايزيدور دوكاس" من ترجمة سمير الحاج شاهين وهو معي وعليه اجمل أهداء مر علي قرمبوز مُذ فترة طويلة وبتاريخ 4-10 ,
أعمل حركة ما
فانا لا احمل غياب أخر
* قبل مانسي توقع كتابة لعبدالله الزين شاعر الحراز والمطر هنا وحصرياً علي سودانيز اونلاين
وكمان ابراهيم كوبر ا بيسأل عنك وقال لي : مُشتاقين لطلال ممكن نلاقيه كيف . للعلم
حبيبي طَــل علي
قرمبوز ..,
|
Post: #61
Title: Re: الروح الأيام دي زعلانه
Author: طلال عفيفي
Date: 10-24-2004, 04:15 PM
Parent: #60
الابراهيمان ..
الوقت موغل في الليل ..
وصاحب المحل الذي أجلس فيه يتطلع لمغادرتي المكان .
سأكاتبكما بكره لو الله حيانا,
لو ما حيانا ,
بعد بكره ..
...
طلال
|
Post: #63
Title: Re: الروح الأيام دي زعلانه
Author: elmahasy
Date: 10-25-2004, 09:23 AM
Parent: #61
طلال
الحزن فينا كائن يمشي علي رجلين ..
أو كما قال ..
لكم ما تشتــهون من أحزان ..
|
Post: #64
Title: Re: الروح الأيام دي زعلانه
Author: elmahasy
Date: 10-26-2004, 05:29 AM
Parent: #1
ذات بوست .. سأتحدث عن حزني يوماً ما
أعني هذا البوست تحديداً
فهو يغريني يومياً .. انّه ملئ بالأحزان النبيلة
.. يستحق الرفع اذن ..
|
Post: #65
Title: Re: الروح الأيام دي زعلانه
Author: طلال عفيفي
Date: 10-26-2004, 02:16 PM
Parent: #64
(المنبريون) الأعزاء ..
دي رساله تلقيتها على بريدي الالكتروني ..
ولا أنكر أنها أصابتني بأرق ..
الأخ طلال
سلام
أكتب الشعر لكني لست عضوة في ألمنبر
عندي ليك ملاحظة
أرجو أن يتسع لها صدرُك ..
لماذا تحصر نفسك بالذاكرة المكانية ألبحتة؟؟
لمَ تُمعن في تكرار ألاشياء ؟
لِمَ تُجرد ألمُتلقي أهم عُنصُر في ألادب ألأ وهو ألدهشة ,,,ألتشويق؟
هل هو ألبحث عن لون خاص؟؟
عن ذات ممُميزة؟؟
أنا علي يقين بأنك تملكها وأن لك ألقدرة لخلقها
سعاد حسني؟؟؟؟؟؟؟؟؟؟؟
أحترمه أحبها ولكن؟؟؟
إرتبطت لي بأسمك
هل هذا ما تسعي لتأسيسة في دواخلنا؟؟؟؟
أم ماذا؟؟
أنا أيضاً مُصابة بحُمي ألمكان ,ألترحُل والذاكرة ألمكانية ألنفاذة
ولكن لمَ لا تخمرها في الدواخل لتأتينا بها فيّ حُلة خاصة بك؟؟
لا تمنحنا فرصة توّقُع ما بداخل ألاوراق قبل تصفحها
ألقاريّ هو ملكك لحظة قراءتة لك فاحتفي بة بكل ألسُبل
إخلق له عوالم اُخري لم تراها ذات يوم غير شوارع ألإسكندرية
طُف معهُ في شُطاّن أُخري وصحاري و غابات
حب معه وجوه اُخري غير سعاد حُسني
برونزية أو سودا أو شقراء
ومازال سؤالي هل هذا ما تسعي لتأسيسه في دواخلنا؟؟؟
ولتعلم يا طلال أن ألقارئ
له حاسة قوية في حصحصة ألمادة المقدمة لة ليسُ نقداً ولكن تذوقاً
وأجمل النقد ما كان ألإبن ألشرعي للتذوق
ولا تحسب أن قُراّءك هم من يردون عليك في ألمنبر
أصدقاؤك ألذين هم غالبية من يردون
لا فهم أضعاف أضعاف
فاحرص
وتعامل مع الموضوع بجدية أكثر من ألونسة و ألمباراّة بالمفردات
والمحاباة
والرغبة ألكبيرة في ان تضُمك قعدة ذات خرطوم وفادلابي وقرمبوز وضياء وعصام,
هذا ألحُلم ألأزلي ألذي أضحي حُلم أمة يموت اطفالها جوعاً !!!!!
عموماً يا طلال وكما أسلفت ارجو أن يتسع صدرك لهذا ألحديث
وانا لٍمَ اكتب لك؟؟؟
سؤال قد يتبادر..
لإحساسي و يقيني بأنك كاتب أّت لا محالة وإيماني أن ما يراه الأّخرين خارج نطاقنا قد يكون أكتر إكتمالاً
وهذه نظرية فيزيائية بنص مختلف
ألمهم كل املي أن نري كاتب جديد واثق ألخطي
عارف تماماً ما هو بصددهُ
لكَ كل ألاحترام
زائرة!
.......
|
Post: #66
Title: Re: الروح الأيام دي زعلانه
Author: طلال عفيفي
Date: 10-26-2004, 02:21 PM
Parent: #65
يا محسي , سلامات ..
يبدو أن الحزن مش بيمشي على ساقين وبس,
ده بيمشي على بينه من أمره ..
وعارف ان البيت بيتو ..
هنعمل ايه ؟
آدي الله ...
وآدي حكمته .
وعلى الباغي تدور الدوائر .
طلال
|
Post: #67
Title: Re: الروح الأيام دي زعلانه
Author: عصام عبد الحفيظ
Date: 10-26-2004, 03:35 PM
Parent: #66
فاحرص
وتعامل مع الموضوع بجدية أكثر من ألونسة و ألمباراّة بالمفردات
والمحاباة
والرغبة ألكبيرة في ان تضُمك قعدة ذات خرطوم وفادلابي وقرمبوز وضياء وعصام,
هذا ألحُلم ألأزلي ألذي أضحي حُلم أمة يموت اطفالها جوعاً !!!!!
عموماً يا طلال وكما أسلفت ارجو أن يتسع صدرك لهذا ألحديث
وانا لٍمَ اكتب لك؟؟؟
الفوق ده كلام زائرة طلال
الله معاك
وحتى استلهام المكان عاوز الهام من القارى وبعض الزوار
والخرطوم لا تزال تنوم بى (انا فارقته بلالى)
فدعوها تنوم على نغم تحبه
فهى مازالت تحب
سلام
|
Post: #68
Title: Re: الروح الأيام دي زعلانه
Author: Rawia
Date: 10-26-2004, 04:01 PM
Parent: #67
طلال انا قلت ليك قابلتها.......... حصل
عاجبنى العنوان من بدرى تقريبا من اول يوم نزلته
لكن ما دخلت
ما تقول لى ...لى
دخلت الليله عشان الروح زعلانه
وضايقه ضيق ياطلال
وخايفاها تضيع منى
|
Post: #69
Title: Re: الروح الأيام دي زعلانه
Author: عصام عبد الحفيظ
Date: 10-26-2004, 04:19 PM
Parent: #68
عشان الروح زعلانه
ده الكلام الصعب يارابوة
وانا كمان الاصعب منو
لكن شن نسو
الروح الأيام دى زعلانة
والمصيبة انو عارف الحاصل هنا
ورينى الحاصل هناك شنو
ويالطيف
سلام
|
Post: #70
Title: Re: الروح الأيام دي زعلانه
Author: mohammed alfadla
Date: 10-26-2004, 06:11 PM
Parent: #1
يعني طلعنا أنا وقرمبوز السبب
معليش يا ستي
عموما أطمنك انو الشاب ده عارف بالضبط في شنو وليه
وجاييكم كاتب كبير بشكل
|
Post: #71
Title: Re: الروح الأيام دي زعلانه
Author: Agab Alfaya
Date: 10-26-2004, 07:39 PM
Parent: #1
كتابة طازجة يا اخ طلال ،
اعجبتني هذه العفوية في المزج بين لغة الكلام ولغة الكتابة،
|
Post: #72
Title: Re: الروح الأيام دي زعلانه
Author: طلال عفيفي
Date: 10-27-2004, 05:33 AM
Parent: #1
أستاذ عصام ..
من قال لك أن الخرطوم ما زالت تنام ب"فارقتو بللالي " ؟
انتو قاعدين تمشوا قعدات بي ورانا؟
الخرطوم يا صاحبي عدمت النفس,وهربت منها الأغاني .
قال الخرطوم قاعده تحب قال!
ما تبالغ ياعصام ..
...
طلال
|
Post: #73
Title: Re: الروح الأيام دي زعلانه
Author: طلال عفيفي
Date: 10-27-2004, 05:39 AM
Parent: #72
قابلتي السندريلا يا راويه ؟
شفتيها أنيسه كيف ؟ ..
شفتي القمر ؟
حقو نجي نزور فيكي بعد كده .
شكرا يا راويه على المراوحه والحضور .
...
طلال
|
Post: #74
Title: Re: الروح الأيام دي زعلانه
Author: طلال عفيفي
Date: 10-27-2004, 05:47 AM
Parent: #73
فاضلابي ..
لقد وقع لي ما قصدته الزائره الكريمه(والتي تكرمت فعلا بالاهتمام) ,
ولا أخفيك إحساسي بأني ممكن أكون بريت الناس ..
عشان كده هاسميهم المنبريون !
بس أعمل ايه قي السمك يا فاضلابي ؟
ذلك الذي يسبح فيني ليل نهار .
ومنين أجيب بلاد تانيه ؟
................
................
أستاذنا العزيز عجب الفيا ..
شكرا لتعليقك ومرورك ..
جئتني في توقيت مهم ..
|
Post: #75
Title: Re: الروح الأيام دي زعلانه
Author: عصام عبد الحفيظ
Date: 10-27-2004, 06:24 AM
Parent: #74
العزيز والصديق وقت الضيق
طلال
تصحيح اول
القعدات هى الماشه ورانا
واليوم وفى عز الظهر هاتف وردى بيسأل عنك وووبشدة
دى انت عملتها( بالظبط)* كيف واناكنت معك امبارح
ولم يكن هناك اثر لهذا الود الحميم جدا
على الاقل خلينى فى الصورة
وتقول كمان الخرطوم تعانى من عدم الحب 000بس كيف؟؟؟؟
*انتبه ياطلال الكلمة دى بقت لغة عالمية(بدون ترجمة)
ومستخدمة بكثافةحميمة
وعلمت بذلك فى وقت متاخرمن فجرهذا اليوم000
|
Post: #76
Title: Re: الروح الأيام دي زعلانه
Author: Ibrahim Algrefwi
Date: 10-27-2004, 10:48 AM
Parent: #75
طلال ... أذيك
هذا ان لم يكن يضر القارئ وال( المنبريون) سلامي هذافي شئ من قضايا الكتابة الفي لوح محفوظ ...!
عارف \عارفين اعجبتني مساهمة\حذمة نصائح الشاعرة الزائرة " الفنية والفكرية " لطلال ..."واظن " ان الانتباه لطلال ككاتب مهم وفاعل انتباهه طيبة ومشتركة " مع سهولة ادراك تميز الفتي " ... بس كمان فرض الشروط المسبقة والمفاهيم المشروطة بتصورات عن وظيفة الكاتب والمثقف ووضع قائمة مهام , شئ مقيد حتي لمسالة الدهشة كعامل مهم ...
تذكرت سليم بركات بان : الكتابة تصور شخصي جدي وجدلي لامكنة تتفاعل مع ناس واطياف ووقت ورسائل خلاص هي بذاتها شخصيه ,وهي دائماً قادر علي كسر اي اطار حتي هذا. أو كما قال
أما مسألة : أمة يموت اطفالها جوعاً .... فذجها لطيف وحاذق
........
........
واعجبتني المساهمة النصيحه لله في شكلها العام فاللهم ابعت لي زائرة
|
Post: #77
Title: Re: الروح الأيام دي زعلانه
Author: عصام عبد الحفيظ
Date: 10-28-2004, 01:23 PM
Parent: #76
**
|
Post: #78
Title: Re: الروح الأيام دي زعلانه
Author: Nada Amin
Date: 10-28-2004, 06:36 PM
Parent: #1
يا طلال
كل شئ حولنا يتساقط كأوراق ذابلة
الفرح
العفوية
الإحساس بمعنى للحياة
كل شئ تغير طعمه و لونه
حتى الحليب لم يعد أبيضا و لم يعد مذاقه هو ذات المذاق
فلا المواهب الخمسة و لا الحواس الخمسة قادرة على أن تغرينا أن نرتكب خطيئة السعادة بالحياة!
و حتى السندريلا
قبل أن تموت قيل أن أسنانها قد تساقطت.....
اسلوبك في الكتابة يا طلال يأسرني جدا و أفضل في أحيان كثيرة قراءتك دون تعليق مني يخدش جلال كلماتك
أنا برضو روحي الأيامات دي زعلانه و محزونه كمان!
|
Post: #79
Title: Re: الروح الأيام دي زعلانه
Author: طلال عفيفي
Date: 10-29-2004, 07:09 AM
Parent: #78
عصام العزيز ..
هاتفى وردي يسأل عني أنا؟
طيب الله خاطرك.
بالأمس حلمت أني كنت واقفا في الميدان الشرقي,
وهذه المره كنت انا الذي أصرخ:رفيقنا وقائدنا
والرجل الأول في حزبنا..محمد ابراهيم نقد ..!!
يظهر الشريط السمعتو عندك اأثر علي شويه.
يا لطيف .
........................
........................
ابراهيم مشواري المفقود وصديقي ..
الكتابه يا ابراهيم أصبحت عندي عنوانا للازمه .
فأنا أكتب لا لشيء سوى أن المدينه عاطله عن الحياه .
زمان كنت بكتب عشان أشرح ل"ليلى " أن بي شوق ولوعه .
دلوكت بكتب زي القاعد بوزع ورق كوتشينه,يعني تكسير للوقت.
انت عارف طبعا يا فتى لمن الواحد يكون محبوس ... يعني زي
عاوز تطق وما قادر .
اللذيذه زمان في مصر كانت برضو بتجيني نوبات زي دي وأقرر
انو الحل الوحيد أمشي أستحمى وانتحر ..
من الزعل كنت بنسى .
وآديني قاعد لغاية دلوكت ..
...........
...........
...
طلال
|
Post: #80
Title: Re: الروح الأيام دي زعلانه
Author: طلال عفيفي
Date: 10-29-2004, 07:24 AM
Parent: #79
ندى ..
ولا النهر هو النهر
ولا البلاد بلاد ..
الواحد فينا ماشي يلقط سعاداتو بالملقاط .
...........
ندى
في 22 يونيو تألقت سعاد,ابتسمت وانزلقت بخفه من على
السور .
أكد المحققون وجود كدمات وكسور نجمت عن سقوط من مكان
شاهق .. كذا أشاروا لوجود ابتسامه كامله وحزن مستدير ..
...
طلال
|
Post: #81
Title: Re: الروح الأيام دي زعلانه
Author: عصام عبد الحفيظ
Date: 10-29-2004, 03:58 PM
Parent: #80
براك بىاديك وشديدك جبت سيرة الشريط والذى اخفيته
انا عنى خوفا من اسرقه من نفسى0
اولا فيهو متعة الخطاب السياسى المبدع والملهم0
ثانبا 000 كان فيه قدر عال من الوضوح فى قراْة الواقع السباسى الراهن
آنذاك و واستقراْء حقيقى لما نعيشه الآن كأنما هو (قارىْء لكف السودان)
ثالثا 00 امتاز بعذوبة الطرح للقضابا الملحة والحيوية بلغة
وجدت نفسها طائعة مختارة لكل اذن هبت لحضور هذا اللقاء الجماهيرى
الاول لظهور زعيم الحزب الشيوعى السودانى فى عيد للعمال اول مايو 1985 000000
رابعا
تميز الخطاب السياسى بدروس مهمة عن الوضع السياسى فى السودان آنذاك وغرس مفاهيم اساسية
عن فكرة السيادة الوطنية وحب الوطن000(ويجب دخوله كمنهج دراسى)
صراحة هو اكثر خطاب شكل وجدانى سياسيا واتمنى من كل قلبى ان يسمعه كل من له فكرةعشق لفكرة السودان حتى ولو من القلب00 ساحاول انزال فقرات من الخطاب لمن لم يجدوا حظا فى سماعه00
سلام
|
Post: #82
Title: Re: الروح الأيام دي زعلانه
Author: Ibrahim Algrefwi
Date: 10-30-2004, 06:24 AM
Parent: #81
عصام وطلال والممكنين : بي حوجة شديدة لحوار عميق حول الحزب الشيوعي , سير المناقشة العامة , افاق , الماركسية و اليسار الجديد , الانسان وفلسفة التطور ... حوجة كمحتضر لوجه امه ,
هل بكم خير لاجلي
|
Post: #83
Title: Re: الروح الأيام دي زعلانه
Author: طلال عفيفي
Date: 10-30-2004, 06:46 AM
Parent: #82
يا ابراهيم ..
بس كده يا ولد ..
بسيطه ..
ولمن ما عايز أتفاجأ بأنو ده كمين عشان
الشوق والذي منه ..
طلال
|
Post: #84
Title: Re: الروح الأيام دي زعلانه
Author: مريم الطيب
Date: 11-04-2004, 09:07 AM
Parent: #83
فوق ...
مع تحياتي...
|
Post: #85
Title: Re: الروح الأيام دي زعلانه
Author: طلال عفيفي
Date: 11-04-2004, 09:35 AM
Parent: #84
العزيزه مريم ..
"الروح الأيام دي زعلانه" واحده من أعز المكتوبات
الى قلبي..وأوثقها رباطاً بي ..
فيها حنين صبي ..
وجسد قليل الحيله ..
...................
ودي الشديد يا مريم.
...
طلال
____________________
* كفيف على مائده
رآه : بابلو بيكاسو
من رسومات المرحله الزرقاء .
تم تنفيذها بزيت على قماش .
|
Post: #86
Title: Re: الروح الأيام دي زعلانه
Author: Ibrahim Algrefwi
Date: 12-22-2004, 00:32 AM
Parent: #1
طلال : اما بعد
مالها زعلانه
هامش :
ثم انه وحشتني اخبار عن الاميره سعاد حُسني
قرمبوز
|
Post: #87
Title: Re: الروح الأيام دي زعلانه
Author: khider
Date: 12-22-2004, 02:15 AM
Parent: #86
طلال
طــلال
اوع الولد ده يكون عملها و انتحر !!
يا طلال
لو انتحرت بدون ماتكلمني .. حا ازعل منك
تعرف ...
انا برضو يا طلال بقوم علي غنا قديييم
وانا ماشي برضو و فيهو حزن برضو
و !!
عصام احزن معانا
|
Post: #88
Title: Re: الروح الأيام دي زعلانه
Author: Ibrahim Algrefwi
Date: 12-22-2004, 02:56 AM
Parent: #1
يالطييييييييييييييييييف !!
يالطييييييف.!
يا طارق
خليك عارف انك بالفايل ده عذبتني :
كبنت اجهضت طفلها ...
وكانت تحلم له بمدرسة ولعُب وحاجات ,...
اي صديقي
اعلم انه شجن كنت اظن ان الليالي اطفأت احواله فصار يحبو ...نهاية كلامي يا ناس : انتو العلي شفتو
ثم ما شاد (العود) احداً الا وغلبه
ويدسونك ان المحبة عذاب غالب
|
Post: #89
Title: Re: الروح الأيام دي زعلانه
Author: وانجا
Date: 12-22-2004, 04:19 AM
Parent: #1
| Quote: المشي , خطوة فخطوة فخطوة , يحرر الروح , من خلال كونه حركة نمطية , فيصير الجسد متحركاً بقوة دفع ذاتي , يخرج إثرها العقل من المعادلة أو يكمُن ,وتنطلق الروح مرتاحه . |
وفوق
|
Post: #90
Title: Re: الروح الأيام دي زعلانه
Author: Ibrahim Algrefwi
Date: 12-22-2004, 04:53 AM
Parent: #1
أغوص في كل هذه الملامح, وأمشي , حافراً على الدروب شرخاً من حنين واشتهاء.
: طلال اعلاه
: حلمي التوني ادناه
.... ...
حافراً علي ...
|
Post: #91
Title: Re: الروح الأيام دي زعلانه
Author: Tumadir
Date: 12-22-2004, 05:52 AM
Parent: #90
اسمحوا لى يا طلال وطارق وجريفاوى والمتداخلين المرهفين
ان ابكى على كتف هذا "البوست"
ففى القلب حزن طويل
يراوده كلما اقترب من عيون بهذا البهاء
وسحر بهذا التوهج
وقطرة ماء
فى القلب حزن طويل
وشوق خفى
وبالعين غيمة من بكاء
|
Post: #92
Title: Re: الروح الأيام دي زعلانه
Author: khider
Date: 12-22-2004, 07:07 AM
Parent: #91
قرمبوز ...
تمادر ..
مش كفايه حزن !!
القصه دي اخرها ويين !!
|
Post: #93
Title: Re: الروح الأيام دي زعلانه
Author: وليد محمد المبارك
Date: 12-22-2004, 08:11 AM
Parent: #92
فوق
|
Post: #94
Title: Re: الروح الأيام دي زعلانه
Author: Tumadir
Date: 12-22-2004, 08:11 AM
Parent: #92
ياخدورى نحن بتجينا سكتة وطنية....وبنموت
والتعبير مسروق بتصرف من جندرية
قالت بتجيها سكتة جمالية
|
Post: #95
Title: Re: الروح الأيام دي زعلانه
Author: عمرو احمد
Date: 12-22-2004, 10:51 AM
Parent: #1
يا سلام علي حزنك القديم يا خضر.
بس تاني ما تغني بالاورغن.
اما حزن العفيفي طلال دا علي ما اظن ممكن يكفي عالم.
وبدون نهايه
|
Post: #96
Title: Re: الروح الأيام دي زعلانه
Author: عمرو احمد
Date: 12-22-2004, 11:27 AM
Parent: #1
ثم إنو يا خضر طارق دايرين( @ SAVE )
وياحبذا المهيره وكمان آلفني
ونكون شاكرين
|
Post: #97
Title: Re: الروح الأيام دي زعلانه
Author: قاسم المهداوى
Date: 12-22-2004, 05:31 PM
Parent: #1
طلال عفيفى
يا لهذا العصير
انه عصير التجربه
عفوا استلفت هذه المفرده منك
قا
|
Post: #98
Title: Re: الروح الأيام دي زعلانه
Author: Raja
Date: 12-22-2004, 07:26 PM
Parent: #1
طلال العزيز..
سلامات عميقات عمق احساسك لما نمر به..
بالرغم من وجود ملايين الأسباب للروح عشان تزعل.. إلا ان روحي الأيام دي فرحانة..
يمكن الهلال الماشي يبقى قمر.. يمكن بدايات سنة جديدة.. يمكن وعود بملاقاة أحباب.. يمكن.. يمكن.. كلها اسباب أدعى للفرح ونفض الحزن والكآبة..
قول لي البيستاهل شنو يحزنو ليهو.. أنا الحزن وبيعني عندي يوم موت العباسي.. بعده كله أشباه حزن..
ودي..
|
Post: #99
Title: Re: الروح الأيام دي زعلانه
Author: khider
Date: 12-22-2004, 11:54 PM
Parent: #98
| Quote: ياخدورى نحن بتجينا سكتة وطنية....وبنموت |
الليله ويين يا بت امي !!
صباح الخير
|
Post: #100
Title: Re: الروح الأيام دي زعلانه
Author: ست البنات
Date: 12-23-2004, 02:42 AM
Parent: #1
الأخ طلال ،
تحية ،
الروح حزينة !
لكأنى بك فى أحسن لحظات التدفق المهيب !
حين زعل الروح أو فرحها يأتى الأبداع !
فأنت مطواع للكلم الجميل وفى حال اللا فرح ولا حزن يكون السكون غير المستدعى للأبداع !
فاشرع الدواة والقرطاس واطربنا وأنجز.
وللأخ عثمان محمد صالح الضليع المبهر تحياتى !
ست البنات .
|
|