في احتفالية صغيره تم البدء بحفريات مشروعنا بمنطقة نياجارا بحضور عمدة مدينة نياجارا (Jim Diodati) و مصمم المشروع (Mike Allen - ACK Architects ) و شخصي الضعيف و شركائي المهندس أحمد داغر و الاستاذ عباس أحمد .. و ذلك في يوم الجمعة الموافق 3 أغسطس 2021 .. و قد قام عمدة نياجارا Jim Diodati بالقاء كلمة مرحبا بشركتنا و مشروعنا الأول بمنطقة نياجارا ..
Quote: يا باش مهندس قباني اغلب أعضاء المنبر و ان لم يكن كلهم يفتون في كل شئ فمثلا انت خضت صراعات في السياسة حتى ظننتك حامل دكتوراة عن الصادق المهدي...و افتهنت في فن الحقيبة و لم تترك ودعة و ظلام ليل..اما عن الكورة ما سبت حدث و بتتكلم عنها كانك مدرب خبير..و عن التاريخ..و ...و ..و الغريبة لم تكلمنا عن الهندسة ....ما علينا
و قمت بالرد عليه بما يلي:
Quote: المغالطاتي عمر نملة باشا .. :)
بالنسبة للصادق و السياسة .. و بالنسبة للكوره و الفن .. لو لقيتني (كذبت) او حتى (كضبت) في شي .. تعال وريني وزرزرني كمان ..
اما (الغريبة) الما كلمتكم عن الهندسة .. فعمري ما لقيت سبب اجي اتبوبر بي شغلي و أكل عيشي .. لكن لو ده بريحك .. حافتح ليك بوست كامل اوريك انا بعمل شنو في مجال (الهندسة) الخلاك مستغرب اني ما جبت سيرتها ابدا ..
فشنو .. خليك منتبه ..
و هاهو البوست كما وعدته ..
به افتتاح المشروع .. و الروابط لشركتي مع شركائي و مشاريعي الهندسية المنفذة ..
اتأسف انني اتحدث عن عملي و اكل عيشي .. و لكن من هم امثال عمر نملة (الفتران) وجدت ان الرد عليهم حتى و انا كاره ان اتحدث عن شئوني الخاصة هو الحل .. علهم ينتبهو ..
Post: #3 Title: Re: عمدة مدينة نياجارا يفتتح بدئ الحفريات في � Author: الشيخ سيد أحمد Date: 09-11-2021, 08:53 PM Parent: #2
قبة يا حبيب سلام اول حاجه- (نياجارا) دي مش قيها شلالات؟؟غايتو زي الدرسنا كده في الجغرافيا زمان. الحاجه التانية - باين انو المشروع ليهو (شنة ورنة) فاشرح لينا بي صورة بسيطة عشان الناس تعرف طبيعة المشروع. لانو بامانه ما تابعت الفيديو .يمكن تكون ليك خبرة تنفع بيها السودان - بدلا من الحفر المالية الشوارع في السودان- ياخي مرات الواحد يحس انو المهندسين بيكونو راسمين (الحفر) في المجسم قبل تنفيذ مشاريع الطرق:) الحاجة قبل الاخيرة- طمنا على استاذنا (الكابلي) في اشاعه حايمة في الوسائط. الحاجه الاخيرة- عجبتني حركة (الكوريك)- أدتني إحساس إنكم عمليين.
Post: #4 Title: Re: عمدة مدينة نياجارا يفتتح بدئ الحفريات في � Author: علي عبدالوهاب عثمان Date: 09-11-2021, 08:57 PM Parent: #2
حبيبنا الجميل قباني .. تحياتي ما شاء الله الى الامام بإذن الله لم استطيع أن اعرف صورتك بين المجموعة دي فرصة جميلة لنراك يا جميل ما شاء الله كلهم شباب وناس وسامة وانت منهم في انتظارك ..
اصحاب الكفاءة والمقدرات السودانية منتشرين حول العالم والحكومة عندنا محاصصات .. البندقية أهم من الدكتوراه
تحياتي .. يا جميل
Post: #5 Title: Re: عمدة مدينة نياجارا يفتتح بدئ الحفريات في � Author: Ahmed Yassin Date: 09-11-2021, 09:17 PM Parent: #4
ولد دا ماشاء الله تبارك الله ياخ فن وهندسة ياهو اتا دا ... عم علي باشمهندس يحي اللابس ازرق على يمين الابس تي شيرت احمر
Post: #6 Title: Re: عمدة مدينة نياجارا يفتتح بدئ الحفريات في � Author: علي عبدالوهاب عثمان Date: 09-11-2021, 09:31 PM Parent: #5
فنانا الجميل تحياتي احمد الحبيب شكرا .. ما شاء الله حفظه الله
تحياتي الحبيب قباني
Post: #8 Title: Re: عمدة مدينة نياجارا يفتتح بدئ الحفريات في � Author: بسمات الشيخ Date: 09-11-2021, 09:42 PM Parent: #5
الف الف مبروك باشمهندس يحى قباني .. .والله فرحنا كثير بنجاحك ونجاح شركتك في مدينة مشهورة عالميا وهي نياجرا فولز حيث اشهر شلالات العالم ... .ونحن نفرح وتغمرنا السعادة لنجاح اي سوداني في بلاد الغربة...وفي الحقيقة انك لم تحدثنا ابدا عن عملك وعن شركتك الناجحة ،،وبالطبع هذا لانك تعمل في صمت ..ولكن هذا ليس موقف صحيح ،فيجب على كل سوداني في بقاع الارض المختلفة ان يحدثنا عن نجاحاته واعماله كي يعرف الناس ان هناك سودانيين ناجحين في بلاد الغربة .. ..ومزيدا من النجاحات والله يديك الصحة والعافية
Post: #45 Title: Re: عمدة مدينة نياجارا يفتتح بدئ الحفريات في � Author: د.عماد يوسف Date: 09-12-2021, 07:19 PM Parent: #2
ايها الناس ايها الناس أيها الناس نحن من نفر عمروا الأرض حيث ما قطنوا يذكر المجد كلما ذكروا وهو يعتز حين يقترن الف مبروك باشمندس قبانى نجاح مشرف لكل السودانين دائما موفق باذن الله
Post: #7 Title: Re: عمدة مدينة نياجارا يفتتح بدئ الحفريات في � Author: عماد الدين الطيب عمر Date: 09-11-2021, 09:32 PM Parent: #1
يا عم يحي ياخ انت لسة شباب و الله عين الحسود فيها عود
Post: #13 Title: Re: عمدة مدينة نياجارا يفتتح بدئ الحفريات في � Author: يحي قباني Date: 09-12-2021, 00:57 AM Parent: #12
Quote: قبة يا حبيب سلام اول حاجه- (نياجارا) دي مش قيها شلالات؟؟غايتو زي الدرسنا كده في الجغرافيا زمان. الحاجه التانية - باين انو المشروع ليهو (شنة ورنة) فاشرح لينا بي صورة بسيطة عشان الناس تعرف طبيعة المشروع. لانو بامانه ما تابعت الفيديو .يمكن تكون ليك خبرة تنفع بيها السودان - بدلا من الحفر المالية الشوارع في السودان- ياخي مرات الواحد يحس انو المهندسين بيكونو راسمين (الحفر) في المجسم قبل تنفيذ مشاريع الطرق:) الحاجة قبل الاخيرة- طمنا على استاذنا (الكابلي) في اشاعه حايمة في الوسائط. الحاجه الاخيرة- عجبتني حركة (الكوريك)- أدتني إحساس إنكم عمليين.
سلامات الشيخ ..
نعم مشروعنا يبعد 9 دقايق فقط من شلالات نياجارا الدرسناها زمان ..
المشروع عبارة عن 28 فيلا على نظام التاون هاوس .. ملك حر .. تتراوح المساحات بالقدم المربع من 1750 و حتى 2200 قدم مربع ..
الكابلي بخير و الحمد لله .. اليوم و كل يوم بتطمن عليهو من استاذنا عمر الجزلي .. اشاعات غير صحيحة ..
Post: #14 Title: Re: عمدة مدينة نياجارا يفتتح بدئ الحفريات في � Author: يحي قباني Date: 09-12-2021, 00:59 AM Parent: #13
Quote: حبيبنا الجميل قباني .. تحياتي ما شاء الله الى الامام بإذن الله لم استطيع أن اعرف صورتك بين المجموعة دي فرصة جميلة لنراك يا جميل ما شاء الله كلهم شباب وناس وسامة وانت منهم في انتظارك ..
عمك يا علي يا رجل يا ذوق ..
هرمنا يا عم علي وين الوسامة .. خلاص زمنا راح ههههههه
كما ذكر احد الاحبة انا ابو بلو (اكبرهم) سنا .. و اعقلهم هههههه
Post: #15 Title: Re: عمدة مدينة نياجارا يفتتح بدئ الحفريات في � Author: يحي قباني Date: 09-12-2021, 01:21 AM Parent: #14
Quote: ماشاء الله تبارك الله ياخ فن وهندسة ياهو اتا دا .. عم علي باشمهندس يحي اللابس ازرق على يمين الابس تي شيرت احمر
تسلم يابو حميد يا فنان ..
بس ياهو عمك اللابس الازرق ههههه
Post: #16 Title: Re: عمدة مدينة نياجارا يفتتح بدئ الحفريات في � Author: يحي قباني Date: 09-12-2021, 01:26 AM Parent: #15
Quote: الف الف مبروك باشمهندس يحى قباني .. .والله فرحنا كثير بنجاحك ونجاح شركتك في مدينة مشهورة عالميا وهي نياجرا فولز حيث اشهر شلالات العالم ... .ونحن نفرح وتغمرنا السعادة لنجاح اي سوداني في بلاد الغربة...وفي الحقيقة انك لم تحدثنا ابدا عن عملك وعن شركتك الناجحة ،،وبالطبع هذا لانك تعمل في صمت ..ولكن هذا ليس موقف صحيح ،فيجب على كل سوداني في بقاع الارض المختلفة ان يحدثنا عن نجاحاته واعماله كي يعرف الناس ان هناك سودانيين ناجحين في بلاد الغربة .. ..ومزيدا من النجاحات والله يديك الصحة والعافية
الله يبارك فيك يا بتنا ..
يا ستي .. انا ابدا ما احب اتكلم عن شغلي و رزقي و اكل عيشي لانها من ربنا التوافيق فيها .. و في النهاية هي عمل اجادته بعد توفيق ربك بجي بالتعليم و الخبره ..
اما الحاجات الانا بكلمكم بيها هنا فهي ثقافة بتجي بالطلاع الشخصي الجاد و الذهن المفتوح و البصيرة المتوقده و الروح المتوثبة و الالهام كما قال صديقي سنو ..
Post: #17 Title: Re: عمدة مدينة نياجارا يفتتح بدئ الحفريات في � Author: يحي قباني Date: 09-12-2021, 04:56 AM Parent: #16
Quote: يا عم يحي ياخ انت لسة شباب و الله عين الحسود فيها عود
كل التوفيق
تسلم يا عمده
و كتر خيرك على المجامله ياخي 🙂
Post: #18 Title: Re: عمدة مدينة نياجارا يفتتح بدئ الحفريات في � Author: adil amin Date: 09-12-2021, 04:57 AM Parent: #16
قبة ينتفض كان جينا للبوبار نلقي ناسو كتار طيب لمن انت مهندس وبتاع هيردولجي كمان مالك ومال كندا الناس كلو يوم يحتل غريق تلو الغريق ليه ما جيت لي مشروعي بتاع وادي المقدم ونقل مياه النيلين عبر سحارة غرب ام درمان الي وادي المقدم والملك ؟؟ انت انا عشان قاعد في اليمن قايل ما عندي مخ ولي شنو وكنت متزعم المسخرة في البورد وارشفيك قااااعد تستاهل المعط كندا بنوها ناسا والصين بنوها ناسا وانت بلدك بقت مذبلة مع الانقاذ وناس حمدوك والكعوك والزمن بينا بجيب الصين وبتشوف السودان ده ببقي كيف بعد ناس تتحرر من وهمة شكرا حمدوك وجحابير الخليج والاتراك والمصريين داير مريم البتعوس ولي صفوت فانوس اسي ولي تي سي هوي ...الناس غرقت !!!هوي ...الناس غرقت !!!
Post: #19 Title: Re: عمدة مدينة نياجارا يفتتح بدئ الحفريات في � Author: Haytham Ghaly Date: 09-12-2021, 05:12 AM Parent: #13
Quote: نعم مشروعنا يبعد 9 دقايق فقط من شلالات نياجارا الدرسناها زمان ..
المشروع عبارة عن 28 فيلا على نظام التاون هاوس .. ملك حر .. تتراوح المساحات بالقدم المربع من 1750 و حتى 2200 قدم مربع ..
مليون مبروووك يا صديقي والى الامام دائماً
شايف مولانا حافظ بشير قالك الحركة شمال
تعرف لو الحركة شمال عندكم تبقى دي مشكلة كبيرة بالنسبة لي لاني كدا يا كتلت يا كتلوني ههههههههههه
لكن لو الحركة عادية زي التنا دي فانا حاجز واحدة
Post: #20 Title: Re: عمدة مدينة نياجارا يفتتح بدئ الحفريات في � Author: نعمات عماد Date: 09-12-2021, 06:12 AM Parent: #19
ما شاء الله، ياصلاة النبي. ربنا يديم عليك الصحة والعافية.
Post: #21 Title: Re: عمدة مدينة نياجارا يفتتح بدئ الحفريات في � Author: NEWSUDANI Date: 09-12-2021, 06:26 AM Parent: #20
ياصديقي بسم الله تبدأ وأنشاء الله مشاريع أكثر وأكثر ،،، أستغربت لمن يسألك عن عملك ،، وأستغرب أن تلك نفسك الرد
ياصديقي السودانيين فيهم حاجات يصعب فهمها لايمكن أن يسال أنسان في العالم شخص عن مهنته وما يعمل فيها بجد ده زول عجيب ولكن
بالله أحجز لأخوك للتقاعد في نياجرا وما أدراك ما نياجرا
Keep Up
Post: #22 Title: Re: عمدة مدينة نياجارا يفتتح بدئ الحفريات في � Author: Hassan Makkawi Date: 09-12-2021, 06:41 AM Parent: #21
Quote: انت انا عشان قاعد في اليمن قايل ما عندي مخ ولي شنو
لا تعليق
Post: #23 Title: Re: عمدة مدينة نياجارا يفتتح بدئ الحفريات في � Author: محمد البشرى الخضر Date: 09-12-2021, 07:05 AM Parent: #22
مبروك يا هندسة و بالتوفيق, وما شاء الله قال في الفيديو اتباعن كلهن, مش ياها ولا فهمته غلط
Post: #24 Title: Re: عمدة مدينة نياجارا يفتتح بدئ الحفريات في � Author: Hafiz Bashir Date: 09-12-2021, 07:26 AM Parent: #23
Quote: تعرف لو الحركة شمال عندكم تبقى دي مشكلة كبيرة بالنسبة لي لاني كدا يا كتلت يا كتلوني ههههههههههه لكن لو الحركة عادية زي التنا دي فانا حاجز واحدة
😂😂😂 حصل اشتري سريع يا هيثم الحركة في مدينة قباني وفي كل كندا يمين.
الفيديو من رابط موقع الشركة alphacapitalmanagement.ca ويبدو أنو تركيب الفيديو لسبب ما عمل الصورة معكوسة. جهز قروشك وإتوكل على رب المجرات
Post: #25 Title: Re: عمدة مدينة نياجارا يفتتح بدئ الحفريات في � Author: Haytham Ghaly Date: 09-12-2021, 07:28 AM Parent: #24
Quote: جهز قروشك وإتوكل على رب المجرات
ود البشرى قال خلصن ..
Post: #26 Title: Re: عمدة مدينة نياجارا يفتتح بدئ الحفريات في � Author: muntasir Date: 09-12-2021, 07:33 AM Parent: #25
بالتوفيق يا قبة ، هسي لو حسبت سعر التاون هاوس تلقاه أرخص من البيت في السودان والتقسيط٣٠ سنة
Post: #27 Title: Re: عمدة مدينة نياجارا يفتتح بدئ الحفريات في � Author: Osman Musa Date: 09-12-2021, 07:41 AM Parent: #26
فخر لينا يا باش قباني دعواتنا ليك بالتوفيق .
Post: #65 Title: Re: عمدة مدينة نياجارا يفتتح بدئ الحفريات في � Author: عزالدين عبدالرحمن Date: 09-19-2021, 08:18 AM Parent: #27
مهندس قباني مزيد من النجاح والتقدم عمل رائع اثلج صدورنا
Post: #28 Title: Re: عمدة مدينة نياجارا يفتتح بدئ الحفريات في � Author: Biraima M Adam Date: 09-12-2021, 07:42 AM Parent: #25
ألف مبروك ول أبا يحيي قباني دا الشغل النضيف ..
ما تقعد تزرزر فينا ب رانيا حضرة خلت الأمم المتحدة .. ورانيا حضرة رجعت الأمم المتحدة .. أنا منتظرك لوصلة عودتها لذات وظيفتها حتى اليوم!!
شغلك الهنا دا شغل نضيف .. وأنت رجل مالي جبتك .. وهذا فخر لينا جميعاً أبناء الشعب السوداني كلما تضغطنا الظروف يبين معدنا الأصيل.
ألف مبروك ..
بريمة
Post: #29 Title: Re: عمدة مدينة نياجارا يفتتح بدئ الحفريات في � Author: Deng Date: 09-12-2021, 08:03 AM Parent: #28
مبروك يا قباني well done
Post: #30 Title: Re: عمدة مدينة نياجارا يفتتح بدئ الحفريات في � Author: عمر نملة Date: 09-12-2021, 08:54 AM Parent: #29
و هاهو البوست كما وعدته
جميل حاجة تفرح...فعلا دا هدفي زي ما بقولو خيركم و اول الغيث قطرة..يعني انت انسان ناجح طيب مالك جاري وراء قالو و قلنا...نورنا اكتر و نستفيد علميا و يمكن لينا في الطيب نصيب واصل
Post: #32 Title: Re: عمدة مدينة نياجارا يفتتح بدئ الحفريات في � Author: Salah Zubeir Date: 09-12-2021, 09:26 AM Parent: #30
أااااابشر بالخير ااااازول ... و معاها تبه ... ما شاء الله وتبارك الله والصلاة على النبي ... أرفع راصك فووووق we r proud of u الهبرو ملو زرعو وشتلو حصدو وأكلو في ليلة الله قط ما غفلو ... بالتوفيق دايما يا قباني ...
Post: #31 Title: Re: عمدة مدينة نياجارا يفتتح بدئ الحفريات في � Author: shaheen shaheen Date: 09-12-2021, 09:07 AM Parent: #29
بالتوفيق يا هندسة. والى الامام دائما. ومن نجاح الى نجاح اكبر باذن المولى. تستاهل كل خير.
Post: #33 Title: Re: عمدة مدينة نياجارا يفتتح بدئ الحفريات في � Author: أبوذر بابكر Date: 09-12-2021, 09:29 AM Parent: #1
يملا العين ويدفق
Post: #34 Title: Re: عمدة مدينة نياجارا يفتتح بدئ الحفريات في � Author: Amira Hussien Date: 09-12-2021, 10:11 AM Parent: #1
الف مبروك يا قبانى و ان شاء الله دائما موفق ومزيد من النجاح والتقدم
Post: #35 Title: Re: عمدة مدينة نياجارا يفتتح بدئ الحفريات في � Author: Abdelrahim Mohmed Salih Date: 09-12-2021, 10:18 AM Parent: #34
موفقين يا باشمهندس المنطقه جميله وسياحيه من الدرجه الاولى وإن كانت بريتش كولومبيا خيارى الاول فى كندا
نياجارا داخله مرحلة مختلفة من كل القبل ده .. جاييها تطوير شديد .. اكبرهم مستشفة ضخم بتكلفة مليار دولار تم اعتمادها و حتبنى على اساس تلبية اي بانداميك زي الكرونا ..
المنطقة ما بس الشلالالت الفيها هي الجميله .. كل المنطقة خلابه ..
مزارع العنب و الخوخ و الكثرى شي يفتح النفس ..
و اما ناس الشربه .. فمعاصر العنب من اهم المعاصر في الدنيا .. هههه
الف الف مبروك باشمهندس يحى قباني ..نجاح باهر ما شاء الله ... انا ساكن نياجرا فولز منذ عام ٢٠١٧ بعد ان نزلت المعاش وغادرت نيويورك وكان تكلمنا يمكن واحدة من البيوت دي كنا حنشتريها .... ..وربنا يزيد ويبارك ....واياديك البيضاء يتحدث عنها كل اهل سانت كاترين
Post: #44 Title: Re: عمدة مدينة نياجارا يفتتح بدئ الحفريات في � Author: ABUHUSSEIN Date: 09-12-2021, 06:40 PM Parent: #43
Quote: واياديك البيضاء يتحدث عنها كل اهل سانت كاترين
كمان جابت ليها أيادي بيضاء .... !!!!! شنو يا خال بتذاكر من ورانا .... 🤣🤣🤣 ياهم اصحاب الايادي البيضاء ديل هم اللي الله بيوفقهم و بزيدهم من فضله .. لأنو مسخرهم لمساعدة و قضاء حوائج الناس ... ربنا يوفقك و يزيدك و يبارك ليك في رزقك يا خال ...
Post: #46 Title: Re: عمدة مدينة نياجارا يفتتح بدئ الحفريات في � Author: tasneem Date: 09-12-2021, 07:31 PM Parent: #44
نياجرا فولز حتة واحدة ماشاء الله طلعت زول ما ساهل نياجرا فولز من أجمل المناطق في كندا
سلام و تحية ليك و جميع ضيوفك الكرام الف مبروك يا حبيب خلاص بعد تنتهي ....تجي نبني مشروع مثله عندنا هنا في مدينة الشمس ......
Post: #48 Title: Re: عمدة مدينة نياجارا يفتتح بدئ الحفريات في � Author: محمد المرتضى حامد Date: 09-12-2021, 10:58 PM Parent: #47
مبروك يا هندسه والله يهون ليكم القواسي ويعدل طريقكم ويوفقكم.. طلعنا بخفي حنين من هذا المشروع ومنزل للتقاعد فما تنسونا من المشروع الجاي وبالفعل تلك منطقة رائعة، فركة كعب من بافالو الجميلة وناسا الظريفين..
Post: #49 Title: Re: عمدة مدينة نياجارا يفتتح بدئ الحفريات في � Author: يحي قباني Date: 09-13-2021, 01:06 AM Parent: #48
Quote: قبة ينتفض كان جينا للبوبار نلقي ناسو كتار طيب لمن انت مهندس وبتاع هيردولجي كمان مالك ومال كندا
جقود يا صديقي ..
كندا اكرمتنا و اكرمت وليداتنا و علمتهم ..
و مرقنا لي ظروف من السودان قبل ما يمسكوه الكيزان ..
و حلفت ما ارجع و سما الخرطوم تظلنا سوا …
و الى يومنا هذا .. الباقي انت عارفو
Post: #50 Title: Re: عمدة مدينة نياجارا يفتتح بدئ الحفريات في � Author: زينب محمد عبدالله Date: 09-13-2021, 01:41 AM Parent: #49
الف مبروك النجاح باشمهندس يحيى قبانى بالتوفيق ومذيدا من النجاح
Post: #51 Title: Re: عمدة مدينة نياجارا يفتتح بدئ الحفريات في � Author: خضر الطيب Date: 09-13-2021, 01:52 AM Parent: #49
ممتاز يا هندسة و مزيد من التقدم و الإزدهار
Post: #52 Title: Re: عمدة مدينة نياجارا يفتتح بدئ الحفريات في � Author: adil amin Date: 09-13-2021, 03:49 AM Parent: #49
Quote: جقود يا صديقي ..
كندا اكرمتنا و اكرمت وليداتنا و علمتهم ..
و مرقنا لي ظروف من السودان قبل ما يمسكوه الكيزان ..
و حلفت ما ارجع و سما الخرطوم تظلنا سوا …
و الى يومنا هذا .. الباقي انت عارفو
كلنا حصل لينا كده وفايتنك بي الصبر ويرضه اليمن اكرمت مثوانا 30 سنة واصبح وجوددنا فيها موقف...حتي نفوق اخر كذاب اشر في السودان الحضارة والمنارة وعندنا مشاريع ورؤية واضحة في البورد (مسلة جقود) وفي الاسافير ايضا ايوه ما مهم السوداني قاعد وين المهم قعد يعمل في شنو ارمي قدام بس
Post: #53 Title: Re: عمدة مدينة نياجارا يفتتح بدئ الحفريات في � Author: محمد حيدر المشرف Date: 09-13-2021, 05:53 AM Parent: #1
كل الامنيات الطيبة للاخ والصديق الباشمهندس يحى قباني ومن نجاح لنجاح يا صديقي العزيز
Post: #54 Title: Re: عمدة مدينة نياجارا يفتتح بدئ الحفريات في � Author: محمد أبوالعزائم أبوالريش Date: 09-13-2021, 06:26 AM Parent: #53
يا سلام ... يا سلام .... حاجة تفرح والله ...
ألف ألف مبروك يا هندسة .... ومزيد من الإنجازات.
Post: #55 Title: Re: عمدة مدينة نياجارا يفتتح بدئ الحفريات في � Author: Yasir Elsharif Date: 09-13-2021, 07:40 AM Parent: #54
يا سلاااااام
زاد افتخارنا بيك يا قباني. ألف مبروك.
Post: #56 Title: Re: عمدة مدينة نياجارا يفتتح بدئ الحفريات في � Author: ابوحراز Date: 09-13-2021, 09:22 AM Parent: #55
بالله مدينة بهذا الجمال وهذه الدهشة الباذخة .. هل تحتاج إلى مشاريع إضافية ؟؟ طيب نحن نعمل شنو ؟؟؟؟ قبل كم يوم أوصلت احد المعارف إسكان في ام درمان أول شيء قربنا نصل ام روابة عشان نصل الإسكان ذاتو بيوت كئيبة تقول خططها راعي ضاااااان زولنا المغترب مما شاف البيت اصابو طمام وحيرقان واحتمال وحم ذاتو وقرر ببيع البيت إنجاز رائع يا باشمهندس وفخر كبير للشعب السوداني اكبر مشكلة في السودانيين انهم لايتحدثون عن انجازاتهم ويعتبرون ذلك نوعا من النرجسية لماذا لايحكي كل احد في مجاله عن تجاربه عل ذلك يساعد في نقل هذه التجارب للوطن المنهك ربما ذلك يساعد في رتق الجراحات والنهوض بهذه الأمة إلى آفاق ارحب
هجمة مرتدة أيام جماعة الله اكبر الجديدة حاكمين البلد كان عندهم شطحات عجيبة في افتتاح المشاريع يعني انت لمن تشوف الافتتاح والهيلمانة المصاحبة وهي لله تؤمن تماما ان ( البنقو ) لازال في السودان بخير ولازال الأصلي منه متوفرا مرة والي افتتح دورات مياه في مسجد !!! لكن أكثرهم شطحا وتعاطيا افتتاح غرس لوحة مرور مكتوب عليها Stop !!
Post: #57 Title: Re: عمدة مدينة نياجارا يفتتح بدئ الحفريات في � Author: Kamal Alalla Date: 09-14-2021, 12:50 PM Parent: #1
لقد صدقت يا ابا حراز فيما قلت فان مدينة نياجرا فولز بالفعل باذخة الجمال لحد الدهشة ،فهي المنطقة السياحية الاولى في كندا ، وحتى الامريكان يأتون اليها للسياحة في الصيف بالملايين ، والان يشيدون بها اكبر مستشفى في منطقة نياجرا والعمران مستمر فيها على قدم وساق ،وتقوم بها الشركات المختلفة مثل شركة اخونا الباشمهندس يحى قباني .. ونرجو ان تزورنا هنا وتكون ضيفنا لكي تشاهد هذه المدينة السياحية الرائعة الجمال..
Post: #59 Title: Re: عمدة مدينة نياجارا يفتتح بدئ الحفريات في � Author: Deng Date: 09-14-2021, 04:47 PM Parent: #58
يا قباني ماشالله عليك لسه شباب!
أنا كنت قايلك أكبر من الديناصور جقود.
Post: #60 Title: Re: عمدة مدينة نياجارا يفتتح بدئ الحفريات في � Author: سيف النصر محي الدين Date: 09-15-2021, 00:55 AM Parent: #59
موفق يا هندسة. بس stay away from politicians 😬
Post: #61 Title: Re: عمدة مدينة نياجارا يفتتح بدئ الحفريات في � Author: محمد بدرالدين Date: 09-16-2021, 06:14 AM Parent: #60
Quote: لم استطيع أن اعرف صورتك بين المجموعة دي فرصة جميلة لنراك يا جميل
... يا شيخ على .. نحن من زمااان كحلنا عينا برؤية الحبيب و حبيناه من قلوبنا . .. اثناء متابعتنا اليومية اللصيقة للاستفادة من كتاباته و ارائه و تعليقاته و مداخلاته لقينا صورتو مع الفنان المثقف الجميل ياسر مبيوع ف كندا التى تشرفت به و احتضنته التفوق و الابداع ليس غريبا عليه دعواتنا له بالصحة و العافية و السعادة و الهناء و لاسرته بوست جميل تظهر قدراتنا كسودانيين .. و من باب اما بنعمة ربك فحدث يبعث ف النفس انشراح و ثقة و امل و تفاؤل ... شكرا هندسة و كل المرور و صباحات الثقة و التفاؤل و الفرح الجميل
Post: #62 Title: Re: عمدة مدينة نياجارا يفتتح بدئ الحفريات في � Author: علي عبدالوهاب عثمان Date: 09-16-2021, 08:33 AM Parent: #61
حبيبنا محمد بدرالدين .. تحياتي يا جميل التحية للحبيب قباني وعلى هذا النجاح الباهر هو صحيح فنان في كل مجالاته في اختيار فن الحقيبة ( جمال امدرمان)
وكذلك في سرد الخواطر اذكر خواطره في بوست عن عائشة موسى اذا لم تخني الذاكرة وقصة ذلك الكلب الوفي .. المقالة في غاية الروعة ..
