ود ابوسن، ودشيقوق، ود البوش، ود المنسي: انتو ناس سمحين

من أجمل بوستات هذه الفترة البوست الذي كتبه عبد الحفيظ ابو سن بعنوان:" ود شيقوق وود البوش وود المنسي هام""
في الأول افتكرت بأن ود ابوسن سوف يشن هجوما او انتقادا شرسا عليهم وان حربا كلاميا سيقوم بين الأربعة ولكن الرد الأولي لود المنسي اثبت
ان هناك مباراة شيقة جدا بين صفات ود المدن وود القرى والريف واهل البطانة ستقام واننا سنستمتع بقراءة كل سطر من البوست ، وطبعا على الرغم من ان في كلمات
ما ممكن يشرحها إلا عالم علامة في لغات ولهجات اهل البطانة واهل الريف ويكون بدوي وريفي قح عاش حياته في البادية.

وبالله شوفو ود ابو سن بيقول شنو"": كيف يعني تقولوا انا بتاع عشر ولعوت .. هوي انا بتاع زهور وغروب شمس على ضفة النيل ترسل اشعتها المذهبة نحو ظلال الأشجار المنحنية تقيم
صلاة الشكر صوب الكائنات في اعماق النهر المتدفق كعاشق هرول نحو عشيقته في حب مستهام "" كلام سمح بالحيل والكلمات طيعة ميسرة بين يديك تصوغها كما تشاء . والله يديك العافية
وأعجبني ايضا الرد القح لود المنسي:" يعني التكنك كربت في وسط البنطلين خلاس بقيت ود مدن؟؟ انت جنى بطانة جنى بطانة وان سكنت كوستي""

وعلى الرغم من هذه المباراة الشيقة كتبوها الناس السمحين ديل والقلوبهم صافية كاللبن والعسل بكلام اهل البطانة والريف والبادية والقرى ، إلا انه في كلمات وجمل ما بتتفهم بسهولة ومنها قصة ود البوش
عن حكاية الجنا الجانا في حلتنا مع ولدنا البقرا في الخرطوم .. وضبحوا ليه الجدادة.. وجا مارق واحد بيضحك وماسك قدومو بيده العسير كاتما انفجارا الضحكة وقال : الجنا دا غشاكم ساهي
مو من الخرطوم كان بعيدا كيفن اكون من التكلة الفكي حامد - كيفن عرفتو . قال انا ما باكل محير الجداد..
اها يا ود البوش اشرح لينا النكتة دي ما فهمناها .. محير الجداد ده شنو؟ وكيف عرف ان الجنا ما من الخرتوم؟؟

وأها ود شيقوق كمان جاب ليه كلمات ما بتتفهم بسهولة وشوفوا قال شنو:" انا عاااارف بتحلي بحنبك الطندب والمخيت والغضيم والقنديل.. وانا خايف تقوم تقرش ليك فرع هيكبيب .."
كده براحة وبمهلة ورينا الطندب والمخيت والغضيم والقنديل والهيكيبيب ديل شنو؟؟\

اما تحلية البوست فكان نغمات ود بادي ..
وانا كمان حبيت اشارك معاكم في ونستكم السمحة دي واسمعوا معاي محمد ود بادي بيقول شنو؟؟

يا سكان القصر العالي سلام
يا ناسات البرج العالي سلام
تبقى مصيبة ان كان القرش الأحمر
قسم الخلق اجناس اجناس
يا سادات البرج العالي سلام
يا آنسات البلد الغادي سلام
القرش الأحمر صايل
حاكم بينكم تارك وفاعل
اللقمة بتوصل حلقك بالايجار
الريش اتقصص تحتك بالايجار
لكن الموت كان جاكم طرفة عين
بتاجروا مين؟
كان الموت بالأجرة بفوت
بتأجروا زول في شانكم اموت
لكين الموت مرسال جبار وعنيد
ارقدوا عوافي ونوموا عوافي

والله يديكم الصحة والعافية
( ومعليش اذا في اخطاء مطبعية)) التعديل لتصحيح بعض الأخطاء

وحات شيخي اتي السمحة
وناس حلوين زي ديل بقروني وانا ما عارف
يا خية النقول ليك منذ الآن ولي قدام ما دام في موبايلي رصيدا للنت
لن تقرأي لي تلاسنا مع احد ,, وإن كان لا محالة فاعلا ,,, ف ح احترم نفسي وانزوي في غياهب النسيان
ود شيقوق وود البوش وود المنسي ,,, سوداني جد
اخوان بنات واخوان رجال
وقالوا في المثل
اخوك كان كتلك بجرك للضل
لسه فيه محنه نجاهك رغم غضبه
سعيد ان هؤلاء المسانيح المساخيط نالو اعجابك
ديل ناس خام
جليهم

Quote: ود ابوسن، ودشيقوق، ود البوش، ود المنسي: انتو ناس سمحين

أميرة بت السيد أخت الكُل
وبسمة في زمان فقدالناس فيه فرة الفاطر إبتسامة تسر البال
لك التحية طيبة سلاااام الله يغشاك ويغطيك
وبمناسبة دُعاش المطر سوف أهديك قصيدة نظمها الشاعر محمد طه القدال
في سنة 1976 وكان أيامها قد ضربت البلاد اطار وسيول وفيضان قوية
صور تلك القصيدة في بيت رجل وصل العمر لسن الخمسين يجمع وكون أسره وجات المطرة
واخدت كل ما جمع ( ورمز له باسم أبـ احمد )
واسم القصيدة خمسين سنة
وزي ماقال ود أبوسن أنت السمحة روحاً
السماح حسنة وطيبة النفس عزة ورصيد
والحسنة تمعط شارب الأسد
كل مناي أن يكون جمعنا في خير وكل خير ولخير كلمة طيبة تجمعنا فرعها يعانق عنان السماء
وجزورها ضاربة في عمق الأرض وتدا
لك الشكر يا الأميرة أميرة
على هذا البوست والإطراء
وهذا من طبعك السمح
ولك الأهداء قصيد الشار محمد طه القدال
( خمسين سنة )

Quote: وحات شيخي اتي السمحة وناس حلوين زي ديل بقروني وانا ما عارف يا خية النقول ليك منذ الآن ولي قدام ما دام في موبايلي رصيدا للنت لن تقرأي لي تلاسنا مع احد ,, وإن كان لا محالة فاعلا ,,, ف ح احترم نفسي وانزوي في غياهب النسيان ود شيقوق وود البوش وود المنسي ,,, سوداني جد اخوان بنات واخوان رجال وقالوا في المثل اخوك كان كتلك بجرك للضل لسه فيه محنه نجاهك رغم غضبه سعيد ان هؤلاء المسانيح المساخيط نالو اعجابك ديل ناس خام جليهم

الحبيب ابوسن
نزلت دمعة من العين عندما قرأت حديثك
كل منانا أن تكون الروح ال
الطيبة بين الأخوة والأخوات في هذا الجمع المصغر لسودان
لو ما إتفقنا هنا كيف نتفق علي الكبير الهم وهنا المعضلة
قبل سنوات مضت كان لنا لمة بدت صغيرة وكبرت
في بوست أسمه إنجمامة
شو رأيكم أن نعيد هذه اللمة من تاني إنجمامة ننجم فيه من عناء الحياة في الخارج
هنا عبر الأسفير
فتكون فسحة نستجم فيها
وكان فيها أخوة واخوات طيبات غيبتهم هموم الدنيا عن هذا المنبر
أذكر منهم على سبيل المثال لا الحصر
أبدأ بالأخوات والأخت سند
الأديبة الرائعة سلمى الشيخ سلامة
الأخت الأديبة وريحانة البطانة سمية الحسن طلحة
الأخت سماح ( طبعاً ود شيقوق داير يموت ويعرف اسمها الحقيقي لكن ما بوري )
الأخت سلمى حسن عباس صبحي
الأخت ماجدة خوجلي
الأخت وضاحة
الأخت الشاعرة سوما الجنيد
ومن الأخوان
الرطاني ابوبكر سيد أحمد
الفنان أبوبكر سيد أحمد
الأستاذ المستشار ابوبكر ابوالقاسم
القمر بوبا
المسنوح فيسل هليل
الطيب الذكر العم كمال ( من خارج الاستديو )
المسنوح الكبير الطيب شيقوق
الجميل أيمن الطيب
الأديب أحمد القرشي
الجميل محمد المرتضى
والقائمة تطول
لما لانعيدها يا أبوسن
تجمعنا الكلمة الطيبة وتكون ديدنا وسيرتنا
ولك الشكر على هذه الكلمات الطيبة أخي ابوسن
تحياتي ومودتي
ومن الأخوان

فعلا يا اميره الناس ديل سمحين يشهد لله ..
ونشهد بانهم رسموا البسمة على شفاهنا ..
وازاحوا عنا عبء ورتابة الواقع .. ومصاعب الحياه ..
وسط هذا الغثاء والهتر ..
وانحطاط التناول في مواضيع تمت لواكتها حتى مللناها واصبحت ممجوجه ومستهلكة ..
غسلوا درن الفضاء الاسفيري ..
وافاضوا عليه من نبض ريفنا الجميل ..
نقلوا صورة حيه تنبض بالدفء والجمال ..
فهنئاً لنا ولهم هذا التواجد والحضور الذي يضج احساساَ وروعه ..
وهنيئاً لكـ هذه النفس التي تعشق التفرد .......
وحضورنا محتوم حيثما كان الجمال ..
ود أب سن ..
ود البوش ..
ود شيقوق ..
ود المنسي ..
واصلوا الاندياح الجميل ..
في ذاكـ الخيط ..

فالمتاوقين كُثر ...

دمتم ....






قال ود الشوبلي ...
ناس تسقيكـ حناضل تشربن بالكاس ..

http://www.youtube.com/watch?v=ApxYyyObB9Qhttp://www.youtube.com/watch?kv=ApxYyyObB9Qhttp://www.youtube.com/watch?v=ApxYyyObB9Qhttp://www.youtube...watch?kv=ApxYyyObB9Qhttp://www.youtube.com/watch?v=ApxYyyObB9Qhttp://www.youtube...watch?kv=ApxYyyObB9Q
حاولت ارد عليكم بفيديو شاعر بدوي من نفس اليوتيوب بتاع جمال ود القوز لكن فشلت
ولكن الشاعر البدوي هنا يا جمال حلل الحياة واختلاف البشر تحليل منطقي وقال لله في خلقه شؤون
والله يديك العافية
ود المنسي اقتراحك جميل والمغتربين والمهاجرين الذين يقتلون الامرين في بلاد الغربة
في امس الحاجة الاستجمام
ولي عودة للمزيد من التفصيل
والله يديك العافية

اميرة اختى سلامتك

مالك لعك ما ميرودة ومسهرجة من الوردة (اكسروها الواو )

الرصة الفوق كويسة وما فيها عوجة كلهم حلوين مشاء الله عليهم وعينى باردة

لكن خربتيها بواحد طليعة برة الرصة عشان يتعدل الصف عددددددددددددديل

ههههههههههههههههههههههههههههههه

العارف نفسه اطلع من الصف

تحياتى ومودتى

عزيزي يوسف
والله انا ما عندي شئ كويسة بس بحب اقول ليك ان الناس ال س م ح ين الزي ديل كثيرين
في المنبر العام وانت ذاتك واحد منهم ولمن تجي المناسبة بقول ليك عدد كبير منهم
وعندي عودة ثانية عشان اللاب توب ما بكتب كويس
والله يديك الصحة

الليلة يا اميرة العروب ديل بقعوا فوق رقابن دي اكسروها رج

خاسة المسنوح داك اسع بجيك إرتب هيييييييع وركتتتتتتتت وكعععععع
ما شايفة زعيم العروب ود ابو سنينة زعلان داير اشكرو حتو بغران من صاحبو المسنوح ههههههه لقى ليهو شكرة في صمة خشمو
.
.
عايني جاي
اعفينا من شرح نضمينا والله كان شرحناهو بمزر كلو كلو
.
.
اميرة ياخ كتر خيرك والله اديك الصحة والعافية
تحياتي وتقدري الشديد خالص خالص
ويدوم الود

يا اميرة كتر خيرك على هذا الكلام الطيب فانت يشهد الله من اميز قراء هذا المنتدى

ووالله انا حزين جدا فقد كتبت صفحة كاملة تعقيبا على ما جاء في المقدمة التي تفضلت بها الاخت اميرة وبسبب unexpected shutdown للحاسوب فقدت كل المداخلة

Quote: اعفينا من شرح نضمينا والله كان شرحناهو بمزر كلو كلو

ود البوش ياخ انت مسنوووووووووووووووووووووووح لامن غلط

التحية والتبريكات لكل من طاله اطراء الاخت اميره في هذا البوست - في واحد كدا حاسد سمع كلام اميرة دا وجاء يتشمم عليكم الله اطردوهو من هنا

Quote: كده براحة وبمهلة ورينا الطندب والمخيت والغضيم والقنديل والهيكيبيب ديل شنو؟؟\

والطنب هو السروب والسروب يلد الحنبك والحنبك هو ثمار الطندب
والمخيت نوع من الاشجار ينمو في اغلب اراضي وسط السودان لكنه على وشك الانقراض بسبب التصحر
والغضيم ثمار معروف اشتهر اخيرا بأنه اسرع الثمار في تعويض الدم للانسان في حال تكسر كريات دمه البيضاء بسبب الملاريا
القنديل ايضا نبات وعادة تستعمل اخشابه في صناعة مواد الاثاث
اما الهيكبيب فهذا نوع من الثمار لو تناول منها الجمل ثمرة واحدة بتقصر اجلو .

الراحل خليل فرح رغم انه منحدر من اصول نوبية من اقصى شمال السودان ولكنه اكثر امعانا في استعمال تلك المفردات لا سيما في قصيدته ( في الضواحي وطرف المدائن) ويلاحظ هذا في الابيات التي يقول فيها :

يا الطبيعة الواديك ساكن
مافي متلك قط في الاماكن
يا جمال النال في ثراكن
يا حلاة البرعن اراكن
في قفاهن تور قرنو ماكن
لا غشن لا شافن مساكن
في الخزام والشيح والبراح

فالنال والخزام والشيح والبراح كلها انواع من نباتات البادية سواء بادية ناس ود اب سن او بادية الاخ الصديق العبيد الطيب ( الكبابيش و الهواوير)

عندما سئل البروف عبد الله الطيب عن مواطن اللغة العربية اجاب قائلا ( في البادية والقرآن الكريم)

نعم في البادية لان احد شعراء البادية قالها صراحة في احد ابياته ( وجدت فيك بنت عدنان دارا علمتها بداوة الاعراب ) و المقصود ببنت عدنان هي اللغة العربية

يا اميرة اختي خلى في بالك اي مفردة رمى بها هولاء المسانيح في سجالاتهم تجديها اما في شعر المعلقات او في القرآن الكريم

مثلا كلمة (كنان) التي كررتها كثيرا مع هذه المجموعة دون ان يدرك مقاصدي احد هنا فهي قد وردت في القران الكريم في قوله تعالى ( وَجَعَلْنَا عَلَى قُلُوبِهِمْ أَكِنَّةً أَنْ يَفْقَهُوهُ وَفِي آذَانِهِمْ وَقْرًا وَإِذَا ذَكَرْتَ رَبَّكَ فِي الْقُرْآنِ وَحْدَهُ وَلَّوْا عَلَى أَدْبَارِهِمْ نُفُورًا)

والكنان عند العرب هو ربط خصيتي ذكر الحيوان ضان او ماعز او غيرهما حتى لا يستطيع عشار الاناث ولاهل البادية مذاهبهم ومدارسهم في عملية الكنان ولكل مدرسة توقيتها المكاني والزماني .

الاكنة باختصار هي الاقفال زى الطبل يعني .

الطنب هو السروب والسروب يلد الحنبك والحنبك هو ثمار الطندب والمخيت نوع من الاشجار ينمو في اغلب اراضي وسط السودان لكنه على وشك الانقراض بسبب التصحر والغضيم ثمار معروف اشتهر اخيرا بأنه اسرع الثمار في تعويض الدم للانسان في حال تكسر كريات دمه البيضاء بسبب الملاريا القنديل ايضا نبات وعادة تستعمل اخشابه في صناعة مواد الاثاث اما الهيكبيب فهذا نوع من الثمار لو تناول منها الجمل ثمرة واحدة بتقصر اجلو .

نضمى عرووووب

الخرتاية فى ضهرووو وكويرة طلس للموية وفحل بصل عند اللزوم

ات قايل كل البقروا كتابتك بفرزوووووا جنس نضميك دااااا

مســـــــــــــــــــــــــــنوح لمن غلط
حبيبنا ود البوش القريق خلية بقفاك اقعد فى القيفة وما تحبت الجحير بخاف تقرس
ود المنسى وابو سن
طووووووله منكم لكن برجع ليكم

المعزة ليكم شيتن معووووو كثيرة لمن تدفق بهناك وتفوت الصيد حفوفاااااااااا البردانة تجيها الكتاحة
وما تنسو ست الكل ست البوست اكتحوهااااااااااا معاك بمعزة واحترتم وتقدير

ويا عريبى محل رهيفة قدهاااااااااااااا طاقة وما تنسد

هلا هلا
العشر قام ليهو شوك
وبقن بنات المدن العيونهن هارجه زي جهر الكهارب يصاصن ليكم
امانة ما لقيتوها لقيا
طمبرو ساي

Quote: وبقن بنات المدن العيونهن هارجه زي جهر الكهارب يصاصن ليكم

حكمة الله يا ود اب سن اخوي نحن بنعرس بنات البنادر وبناتنا بعروسهن اولاد البنادر
اتا نجيض وسامع الجنيات بقولو عليك عميقا راسك قَدْ
كدي توقف كثيرا في حكمة الله دي ودلوك ما تلشغو لشغي جيبو ملان

اللشغي جابتو قلت ألمي
وحات خوتك الليله الستا فيني زين نجار في الخشب ما ساها ,,, شبكتم مقطوعت الطاري دي
بنوت المدن بدورن الزول البتب تببان موهو الكسلان
الزول البمسك فوق رايو دوت كي ما بتراجع
ماهو مرخرخ
ولاهو دغور
وإت ماك هين علا لقيتا
بي وشك
فوق عدل
المسانيح وين
ههههه
لكن علي الجزيمه كردتكم كرده بي هناك خليتكم تتطاقشو

حرم الجنا دا اتعولق كلو كلو
اقولوا تفكر وتدبر في حكمة الله
اقوليك كردتهم ليك كردة ؟
لا خلاس تعال نغني الضان ود الضان الضان الكرعين جريدة والضنب دلقان والبطن وسيعة لي تجدع التيمان
وولع ليك نار بعر بجي انفخا ليك ههههههههههههههه
قال حلاوة جكسا قال

ههههههه
ياخي قت لك
علا كردتي ليكم مكيفاني
جنس موضوعك بجيب لي الهوا
واخوك برقد متسايف
وبياكل متعايف
في الضرا
باقي اولاد الحنوت ديل بورطوني
الشبكه معاكساني عكاس ,,, عكس نكس بول الجمل

Quote: فعلا يا اميره الناس ديل سمحين يشهد لله .. ونشهد بانهم رسموا البسمة على شفاهنا .. وازاحوا عنا عبء ورتابة الواقع .. ومصاعب الحياه .. وسط هذا الغثاء والهتر .. وانحطاط التناول في مواضيع تمت لواكتها حتى مللناها واصبحت ممجوجه ومستهلكة .. غسلوا درن الفضاء الاسفيري .. وافاضوا عليه من نبض ريفنا الجميل .. نقلوا صورة حيه تنبض بالدفء والجمال .. فهنئاً لنا ولهم هذا التواجد والحضور الذي يضج احساساَ وروعه .. وهنيئاً لكـ هذه النفس التي تعشق التفرد ....... وحضورنا محتوم حيثما كان الجمال .. ود أب سن .. ود البوش .. ود شيقوق .. ود المنسي .. واصلوا الاندياح الجميل .. في ذاكـ الخيط .. فالمتاوقين كُثر ... دمتم ....

تسلم أخي جمال ود القوز
ونحن للقوز ما نسينا وللقوز ليس نجهل
حضورك حضور شفيف القلم دواة حبره من طيب
الطيب ينضح ويفوح عطرا
لك التحية ممزوجة بأخاءٍ خالص في الصدق
مودتي

Quote: والطنب هو السروب والسروب يلد الحنبك والحنبك هو ثمار الطندب والمخيت نوع من الاشجار ينمو في اغلب اراضي وسط السودان لكنه على وشك الانقراض بسبب التصحر والغضيم ثمار معروف اشتهر اخيرا بأنه اسرع الثمار في تعويض الدم للانسان في حال تكسر كريات دمه البيضاء بسبب الملاريا

والله خاويتك بس ايام قلاصة ودأبوسن المتبندر
لكن نرجع تاني حارز ومطر
عليك الله يا ودالبوش شوف زولك دا
بفسر ليها الطنضب والسروب يلد الحنبك
والحنبك هو ثمار الطنضب
يعني : أميرة بت السيد
والسيد ابو أميرة
ويقول الشاعر ودبادي
حامد عوج الطنضدب
نار القصب الهبلت
مابتعدلو
وهذه حكمة في فروع شجر الطنضب لاتجد فيها فرع مستوي مستقيم وكلها مكعوجا زي كرعين المسنوح
النار البتقوم الحديد ما بتعدلو
الطنضب شجر كثيف الأفرع متشابكة فروعه تجد شكل الطضندبة مخيف في الليلة الظلماء
بس تقول تفة شطيان مخنفس
الشجر ساقها قصير مقارنة بشجر النيم والسيال والسنط
وكذلك الشجرة كلها ليست بالكبيرة يكثر في الصي ( الخلا ) وقليل النمو في المدن
يعني زي ودشيقوق لو وضعتي في المدينة ما إنستر بدور البراح والحيشان الكبار يقدل ويجدع فيها
جنى مضوي

Quote: غسلوا درن الفضاء الاسفيري .. وافاضوا عليه من نبض ريفنا الجميل .. نقلوا صورة حيه تنبض بالدفء والجمال .. فهنئاً لنا ولهم هذا التواجد والحضور الذي يضج احساساَ وروعه .. وهنيئاً لكـ هذه النفس التي تعشق التفرد ....... وحضورنا محتوم حيثما كان الجمال .. ود أب سن .. ود البوش .. ود شيقوق .. ود المنسي .. واصلوا الاندياح الجميل .. في ذاكـ الخيط .. فالمتاوقين كُثر ..

وكلنا ذلك الرجل
شكرا أميرة السيِّد
شكرا جمال القور
شكرا
ود الصرَّة الذي تنشده رمَّالية المنبر "ودأب سن"
شكرا الويحيد "ودشيقوق"
شكرا تاني أخو"ودالمنسي"
شكرا تالت التلاتة "ودالبوش"
أربعتهم أهل القري برموا ليهم الخط وبكشكشو ليهم الودِعْ

Quote: الشجر ساقها قصير مقارنة بشجر النيم والسيال والسنط وكذلك الشجرة كلها ليست بالكبيرة يكثر في الصي ( الخلا ) وقليل النمو في المدن يعني زي ودشيقوق لو وضعتي في المدينة ما إنستر بدور البراح والحيشان الكبار يقدل ويجدع فيها جنى مضوي

ومن أجل ذلك شوكتو قويِّة وفرعو عصي علي النَّار
قلت لي أبوي الطيب داير الحوش الماهل ، الزول مو شيخ عرب وعولو كتير ، وهو ضلهم وضراهم وتوب غطاهم
تحيَّات من القلب ومعزة سمحة

Quote: Quote: الشجر ساقها قصير مقارنة بشجر النيم والسيال والسنط وكذلك الشجرة كلها ليست بالكبيرة يكثر في الصي ( الخلا ) وقليل النمو في المدن يعني زي ودشيقوق لو وضعتي في المدينة ما إنستر بدور البراح والحيشان الكبار يقدل ويجدع فيها جنى مضوي ومن أجل ذلك شوكتو قويِّة وفرعو عصي علي النَّار قلت لي أبوي الطيب داير الحوش الماهل ، الزول مو شيخ عرب وعولو كتير ، وهو ضلهم وضراهم وتوب غطاهم تحيَّات من القلب ومعزة سمحة

عبيد ودالمقدم
وكلك خير وزيادة بركة
وما شاء الله عليك
وحامد عوج الطنضب
يا وليدات
نار القصب الهبلت
ما بتعدلّو ...
اي بالحيل زولك كلما يضيق بي الحال في أمبدة يجري البردانة ينجم من حميم البندر
مابقدر علي الشغلة دي لكن البنات حكمنو وسكنو البندر
لكن تصدق ما أشترى فول ولبن من دكان قدرتو مشدودة في حوشو وبقرتو تبوح في طرف الحوش
هههههههههه عامل ازعاج في البندر
قُلة مويتو ناقعة
عررريب مجبور على حياة البندر
مو زي القلع يدو أكل الايسكريم دا ( ود ابوسن )

Quote: Quote: الشجر ساقها قصير مقارنة بشجر النيم والسيال والسنط وكذلك الشجرة كلها ليست بالكبيرة يكثر في الصي ( الخلا ) وقليل النمو في المدن يعني زي ودشيقوق لو وضعتي في المدينة ما إنستر بدور البراح والحيشان الكبار يقدل ويجدع فيها جنى مضوي ومن أجل ذلك شوكتو قويِّة وفرعو عصي علي النَّار قلت لي أبوي الطيب داير الحوش الماهل ، الزول مو شيخ عرب وعولو كتير ، وهو ضلهم وضراهم وتوب غطاهم تحيَّات من القلب ومعزة سمحة

عبيد ودالمقدم
وكلك خير وزيادة بركة
وما شاء الله عليك
وحامد عوج الطنضب
يا وليدات
نار القصب الهبلت
ما بتعدلّو ...
اي بالحيل زولك كلما يضيق بي الحال في أمبدة يجري البردانة ينجم من حميم البندر
مابقدر علي الشغلة دي لكن البنات حكمنو وسكنو البندر
لكن تصدق ما أشترى فول ولبن من دكان قدرتو مشدودة في حوشو وبقرتو تبوح في طرف الحوش
هههههههههه عامل ازعاج في البندر
قُلة مويتو ناقعة
عررريب مجبور على حياة البندر
مو زي القلع يدو أكل الايسكريم دا ( ود ابوسن )

عاوزة اتكلم معاكم بلغة البادية لكن عندي E book ما بيكتب الا لغة فصحى
ويمسح اي كلمة غير فصحى لكن لي عودة للتعليق على ملاحظاتكم غدا
وياريت ينضم لينا كمان ود ال فا ضلابي لانه هو كمان خبرته واسعة في لغة اهل البادية
والله يديكم العافية

عاوزة اتكلم معاكم بلغة البادية لكن عندي E book ما بيكتب الا لغة فصحى
ويمسح اي كلمة غير فصحى لكن لي عودة للتعليق على ملاحظاتكم غدا
وياريت ينضم لينا كمان ود ال فا ضلابي لانه هو كمان خبرته واسعة في لغة اهل البادية
والله يديكم العافية

اسف يا اخوانا على التاخير

باقي الايام دي شوية مزحوم باجتماعات الجمعية العامة السنوية للبورصة

بتلهمكم اخر النهار دا

و اعترض يا اميرة على دعوة مقطوع الطاري الفاضلابي معانا بجاي

ما تخربي البوست بعد جاب ليك العبيد ود الطيب

العبيد
حبابو ال الله جابو
ما تنقد كب صبيب

Quote: ود الصرَّة الذي تنشده رمَّالية المنبر "ودأب سن" شكرا الويحيد "ودشيقوق" شكرا تاني أخو"ودالمنسي" شكرا تالت التلاتة "ودالبوش" أربعتهم أهل القري برموا ليهم الخط وبكشكشو ليهم الودِعْ

واتا محمداك الطية يا حبيبنا عبيد الطيب فقد اثريت هذا البوست بحديث العالم المتمكن من نضميهو
لك كل الود المحبة التي تعلم

Quote: وحضورنا محتوم حيثما كان الجمال .

هو الجمال افوتك امش وين يا جمال ود القوز
اشهد الذي نفسي بيده اني احبك حب الله الواحد دا
والله العظيم دخلتونا في اضافرينا المواسية دي

أجمل الحلوين
ود البوش تاكيدا لكلامك لقيت ليك الموليته مغلف في اكياس وتتباع في البندر
الله يستر كمان ما يقوموا يبعوا لينا الشاي بالجبين
مع تحياتنا للاميره بنت السيد

عبد الرحيييييييييييييييم

Quote: الله يستر كمان ما يقوموا يبعوا لينا الشاي بالجبين

مبااااااااااااااااااالغة ياخ - لكن دي دحين بتفوت علينا ؟ الجبين وحياتك يقلبو لباء عديل يخليهو قطاع قطاع

الجبين
ايييييييييييك
رجعتنا ورا كتير خلاس

Quote: الله يستر كمان ما يقوموا يبعوا لينا الشاي بالجبين

الشاي وما أدراك ما الشاي
ذكرتني صَرْة الشاي في توب الزراق أو توب الجارات ( هزاز أو بنغالي )
كانت قلة في أكياس النايلون يستعين أصحاب المتاجر ( الكنتين ) بورق الجرائد يعني الصحف
يا الأميرة
وأحيانا تذهب المرأة للتاجر ويكون الورق قطع عندو يصر ليها الشاي أو السكر في توبها
وقد غنى لها الفنان الجميل عبدالرحمن عبد الله
وقال توب الكِرب زاهي
ما بلفو في الشاهي
( اي الشاي )
وكان أيامها التياب للمرقة هي
خط الأستواء
وفيه أغنية ( الموز روى قايم سوا ) يقصد بها بنات أنداد قمن في سن واحدة
( قعطعولو خط الإستوا ) وهو توب جميل ملون أبيض وأسود
الكرب السادة ( الكرب السادة .. جابتني ليكا إرادة .. خلت قلوبنا دا دا .. وا شوقي ليك )
وفي التوب قيل الكثير
ويكفينا
شوف عيني الحبيب
بي حِشمة لابس التوب
والتوب زاد جمالو
زينة يا المحبوب
والصادق الياس وما أجملك يا الصادق الياس
وهي أول أغنية صدح بها الفنان علي إبراهيم اللحو في إذاعة أم درمان
الشاي شاي صباح مقنن وفي معيته زلابية أو بسكويت شاي خبزته أيدي الوالدة في البيت
ويا حلات الشاي بروث البقر في الزراعة هههههههههه ما مخلوط بروث البقر يا أمير
لكن ويقودو روث البقر الجاف
لب ضآن مقنن يكتحو في شاي والله تشربي تحرمي شراب شاي غيرو
وشاي الضحوية أحمر بي نعناع أو قرنفل وقرفة يعرق جبينك مع أخر جقمة
وشاي المغربية .. وساعة المغربية .ز قعدتها جنبي وعيونها .. سارحة في الدُنيا البهية
وخوفنا من سفراً بودّي .. للمسافات القصية .. وقصة الزول المفارق .. ابقو عشرة .. علي الوصية
ونحن راجعين في المِغيرب والشاي زبطا والبت المابتعرف تزبط الشاي بجيبوها راجعة بي كعكها

أحسبا جايا ويقول لي قلبي
واشوفا ومن بعيد قصاهو ربي
تجيب لي الشاي تختو السمحة جنبي
تقول لي أكِب؟ أقولها ايا كِبي
تقولي طبق ؟ أقولها لا تحسبي
أنا بريد شاين تسوي إنت وتجيبي
وظريف شاين تقعدي جنبو وتهبي
وسمح شاين تغسلي ليو كبابي
أظني شرحت مع الشاي وفي الشاي الكثير لكن كفاك يا أميرة

Quote: لب ضآن مقنن يكتحو في شاي والله تشربي تحرمي شراب شاي غيرو وشاي الضحوية أحمر بي نعناع أو قرنفل وقرفة يعرق جبينك مع أخر جقمة وشاي المغربية .. وساعة المغربية .ز قعدتها جنبي وعيونها .. سارحة في الدُنيا البهية وخوفنا من سفراً بودّي .. للمسافات القصية .. وقصة الزول المفارق .. ابقو عشرة .. علي الوصية ونحن راجعين في المِغيرب والشاي زبطا والبت المابتعرف تزبط الشاي بجيبوها راجعة بي كعكها

مسنوووووووووووووووح غايتو وقت تلخلخ حجباتك وتعاين للنجم فووووق وترطن براك وتنده سفليك بجيب ليك خبر الفي جبال واسو

يامك الحق اميرة بِقت زي بكري
البِتدورو بتسميهو بخيت .......
والغريبة مدخلا زول البقر في الرصة

Quote: يامك الحق اميرة بِقت زي بكري البِتدورو بتسميهو بخيت ....... والغريبة مدخلا زول البقر في الرصة

يا أبو الأرباب حبابك
وينك علك عافية درت
خُبار الجنون علهم طيبين .. وعنقريب كيفو
بإجماع نقول أن الأميرة أميرة نحلة تجمع الرحيق من كل زهرة وتأتي آكلها شهداً
طيب يشبع بطونا ويداوي سقما.....
أميرة أسمتك بخيت وميزتك من بين الناس والله الإقتباس الأسفل يشهد
لكن يظهر لم تطلع عليه يا أبوالأرباب والعتب علي النظر .. كيف السبحة دارعها في الرقبة ؟
أرقد عافية يا أرباب

Quote: وياريت ينضم لينا كمان ود ال فا ضلابي لانه هو كمان خبرته واسعة في لغة اهل البادية والله يديكم العافية

العول ـ طيبين يامك علا امريكا دي بقت زي المعزي الغارزة
ماتشوفونَّا خترة معاكن ـ
اها هسع انت كدي ورطَّني مع اميرة القال ليك اقتبس كلامي منو؟
ما كان تخلِّليلنا فرقة للزوغة ـ غايتو انتو تلفحوا زي الـ إكسبرس انقلش دكشنري.

حتى ولو ما اقتبس كلامك يا ود الفاضلابي انا ما بتفوت علي حاجة ولا سطر وبقرا الموضوع سطر سطر وكمان مرات بقرأ وراء السطور ..
لكن الشئ العاوزة اقولو ليك ان الرصة دي رصاها ود ابو سن في راس العنوان.. وفي الحقيقة اصلو هو ما كضب وكلهم بيستاهلوا وصف السمحين والزينين .. وانت كمان يا ود الفاضلابي تستاهل تكون في الرصة دي لأني يوم واحد مما ابتديت
اقرأ مواضيع المنبر العام ما سمعنا منك كلمة نابية ولا نبذت زول ولا اخطأت في حق زول .. وكلامك البدوي الريفي خلانا نتأكد من ان ضميرك ابيض وصافي زي اللبن والعسل .. وهكذا اهلنا في الريف زينين وسمحين وطيبين .. وزي ما قال ود ابو سن
:" اخوك كان كتلك بجرك للضل.." واذا كان زول البادية اخطأ في حقك بلوم نفسه لمن يعرف ويجي يبوس راسك عشان تستسمحه
وعشان كده عايشين حياتهم بالنية السليمة.. وكده عدي بغادي واقرأ بوست عبد العزيز عثمان عن جمال القرى والبادية عشان
تعرف كيف الناس ديل قلوبهم طيبة عشان عايشين وسط هذه الطبيعة الخلابة وبدون ضغوط نفسية تهز الناس في المدن الكبيرة
والله يديك العافية والصحة

Quote: العول ـ طيبين يامك علا امريكا دي بقت زي المعزي الغارزة ماتشوفونَّا خترة معاكن ـ اها هسع انت كدي ورطَّني مع اميرة القال ليك اقتبس كلامي منو؟ ما كان تخلِّليلنا فرقة للزوغة ـ غايتو انتو تلفحوا زي الـ إكسبرس انقلش دكشنري.

ههههههههههههههههههه
أمانة ما إتزرا فحل
إت مازول نضمي ومحامي بتقدر تتخلص
كتر ليها من مسنوحة أو أديها حلاوة نطق أخر ام سناحة
على وزن ابـ سِناحة
نحن لفحن جرن عدم الأكيدة
وأميرة مرات بتجي زي سواق التيمس مميلة بي الجنبة ودايسا أبنصي وتانية رقبتا
وما تخاف كورك ليها عليك الله بوري عشان تضرب

بوري
سجمي نورة سجمي بتي

Quote: والغريبة مدخلا زول البقر في الرصة

جيت ناطي يا خاذوق ام كنّة الودر زمنا ؟

Quote: جيت ناطي يا خاذوق ام كنّة الودر زمنا ؟

ينط فيك ككو يشرقطك علي قفاك
لما تخاطب الفاضلابي رجاءً اسبق الأسم بــ ( ابو الأرباب )
يا أبـ سناحــــــة

يا ود المنسي
والله ود الفاضلابي من اطيب الناس في المنبر العام وكنت متبعة معاه قصة جميلة جدا حدثت في بادية السودان
ويجذبك في الحديث ويخليك تتابع معاه القصة سطر بسطر.. وتراه هو محامي عشان كده فالح في النضمي..
والله يديه الصحة والعافية

والله يديك الصحة والعافية

Quote: جيت ناطي يا خاذوق ام كنّة الودر زمنا ؟

خَسَّمتك بالنبي ـ وبالشيخ فلاح كان ما وريتنا قصة المثل؟
اميرة كان ماعرفت قصة المثل ـ بتوديك في داهية
ده مثل ممعن في المحلية ـ
هييييييييع انا الرضعان فوق الخلال

Quote: وهكذا اهلنا في الريف زينين وسمحين وطيبين .. وزي ما قال ود ابو سن :" اخوك كان كتلك بجرك للضل

نعم هذا حال ناس الضواحي والريف
زمان ونحن صغار كان بجو عندنا في البيت في شندي اهل ابوي من البسابير
مرات بجي واحداسمو أحمد ابوسرور ومع بت عمو اسمها بت مسرة
وكانا مشكاين في أرض زراعية وحدودها في المحكمة
بركبوا يا أميرة من البسابير الصباح في بص الشركة ( بص الجمعية التعاونية وله أغنية بقولها لك )
ابــ سرور بدفع ليها حق البص ولما يصولو يمشوا يدخلوا المحكمة خصمين ويخرجوا يسوقها يفطرا في السوق
وبعد داك يسوقها يجيبها بيتنا يناموا عندنا والصباح بكرة يرجعوا للبسابير ويدفع ليها حق البص
وبينهم المحنة والحق حق
أغنية بص الشركة لما عملتو الجمعية وكان هناك بص واحد اسمو الشايقي
بقوا ناس البسابير يغنو لبصهم ( بص الجمعية )

بص الشركة شحن وقام
بص الشايقي قام زعلان
الشعيت تقول دُنان
حسن النعيمة يا أبـ سنانا

حاشية :-
الشعيت سائق بص الشركة
حسن النعيمة : المساعد ظلَ مساعد لفترة طويلة ما قدر يعمل رحصة قيادة
أبوي سألوا قال لي يا حسن معقولة 30 سنة ماقادر تعمل رخصة سواقة
قال لي
والله يا خالي في الخلا دا اسوق سواقة الجن لكن علا اول ما أصل المدينة واشوف الكهارب بتجيني ركضا ( اي رجفة )
وبتغلبني السواقة
أبـ سنان : سنون حسن كانت بارزة طويلة
ناس الريف فيهم الحنية والمودة عادة يرضعوها مع حليب الأم
هسي ما شفتي ناس البردانة ايام الحراية تلقيهم الحروم قاعدات في ضل شدرة يتجاذبن طرف الحديث
غزلا في رجالن مابجيبن سيرة زول بنميمة
كل كلامن
ما شفتي يا دي ودشيقوق جا زينة من بلاد برا متبتب ولابس البدلة والله بس رئيس البلد
وكمان شايلو قلم في جيبو

Quote: يا ود المنسي والله ود الفاضلابي من اطيب الناس في المنبر العام وكنت متبعة معاه قصة جميلة جدا حدثت في بادية السودان ويجذبك في الحديث ويخليك تتابع معاه القصة سطر بسطر.. وتراه هو محامي عشان كده فالح في النضمي.. والله يديه الصحة والعافية والله يديك الصحة والعافية

والعافية تغطيك يا الأميرة
حق قولك
الفاضلابي عرفته عبر كتاباته وحرفة الجميل
تحدثت معه يوم العيد لساعة ونصف والله لما ودعنا بعض كنت أظنها دقائق معدودة
الحديث معه حلو مذاقه لاتشعر بالملل فيه ينقلك من قصة لأخرى بلباقة وربط للموضوع
كان يوم جميل قضيته بينهم في دارهم العامرة بنيويورك ( صورة وصوت )
الفاضلابي أرباب لكن المسنوح مسنوح جنى البردانة وممسوخ مسخة أبودريع جنى ضوة
ولها قصة
السعداب في شندي يسكنون في مربع ثمانة ( وهم اهل المك نمر )
يقال ذات مرة كان عيالهم يلعبون بالليل ( شليل وينو .. اكلو الدودو .. شليل وين راح .. آكلو التمساح )
يقال أن عضم شليل وقع في كوشة ( ماكوشة عروس الكوشة هي التبانة مكان جمع الاوساخ )
وقتل شيطان صغير في عمر طفل ( اسمه أبودريع ) وأمه الشيطانة أسمها ضوة
يقال أن أهل الحجازة ( السعداب ) سمعوا في تلك الليلة مناحة الشواطين يبكون صغيرهم المات
ويقولون في الرثاء
السعداب قُتات ونيتم سودا
كتلوا ابودريع
وحرقوا حشا ضوة

Quote: والله ود الفاضلابي من اطيب الناس في المنبر العام وكنت متبعة معاه قصة جميلة جدا حدثت في بادية السودان ويجذبك في الحديث ويخليك تتابع معاه القصة سطر بسطر.. وتراه هو محامي عشان كده فالح في النضمي.. والله يديه الصحة والعافية

عيييييييييييييك دا زولي وانا من ربعاهو اساليني منو يا بت السيد .

حررررررررررررررررررررررررررررم مرة في محكمة سنجة جدع شنطتو بعيد وخنق ليهو محامي جوة المحكمة واتلهم القاضي علا القاضي نط بالباب الخلفي وطلب من الشرطة حمايتو من المسنوح دا

قالت طيب - دا اكان النضمي ما جاب خبر بتمها عكاز ساي

لكن للأمانة والدي كان مرقد في مستشفى سنجة على الطلاق طلاق تلاتة الفاضلابي كان بجيب موية العصير بجميع انواعه بالجرادل الكبيرة للناس في المستشفى

الزول دا فيهو الكرة والدرة

ياسلام الاميرة والمك تقولوا في الكلام ده كله اخجلتمونا ,,,
والله يا خوانا معرفتكم لاتقدر بثمن وانتو الاجمل والاكمل
والحق يقال المسنوح ده لا ازكيه عليكم لكنه ذو قلب ابيض
من حليب الناقة ـ عاشرته منذ بدايات تخرجنا في الجامعة
عملنا سويا بالمحاماة في الصعيد قضينا سنوات عديدة مع
بعض نتناكف في المحاكم ونخرج زي اهلك ناس البسابير ديل
يامك ,, الطيب شيقوق فعلا نال من اسمه كل الانصبة ,, لم
نزعل من بعض طيلة السنين التي عشناها في حقل واحد وبلد واحد
اما ان حل بك الطيب ضيفا فاعلم ان هموك وضجرك قد تواري مادام
الطيب في معيتك ,,, والله يديكم العافية ـ دعوة اميرة اللي بحس بي صدقها.

محمد عبدالقادر ضرار من الفيس بوك كتب الكلام الجميل ده وكلكم بتستحقوه

Quote: الاخت الفاضله / اميرة السيد ... اقول لك فعلا لا شئ تغير هناك في ذلكَ البلد الحالم ( السودان ) ، فمن خلال ابناء الوُد هؤلاء ( ود ابو سن + ود البوش + ود شيقوق + ود المنسي ) تشعرين معهم وبهم بأن الأجواء نفسها .... الروائح الطيبه نفسها .... بل حتى الوجوه الباسمه .... من شاكلة أصحاب هذه الاندياحات ، فإنها لا تزال باقيه في أماكنها متمسكة باصالتها .... معتزة بماضيها بإلرُغم من إصطباغها بملامح الهم اليومي .!! ولكم يشرُف الواحد منا ان القت مقادير الحياة امثالنا مع هؤلاء الاخيار في صعيد واحد ( سودانيز اون لاين ) ويشعر معهم وبهم : ديل اهلي .. البقيف في الدارة .. وسط الدارة واتنبر .. وأقول لي الدنيا .. كل الدنيا ديل أهلي .... محل قبلت ألقاهم معاي ، معاي زي ضليّ ... وحقيقة ما اروع خضر بشير حينما تغنى قائلاً : في بساط الروض الطاهر ... تجلى الحسن الباهر والخلقة السالم ذوقا ... فادعوا الله الكريم ... أن يجعلهم ... منارات للخلق الرفيع .. وان يمتعنا واياهم بالصحة والعافية والعمر المديد ... ولكي انتِ يا اميرة كامل التقدير وعظيم الامتنان ...

اخي الفاضلابي

.............................................. ولا كلمة


الاخت الفاضلة سلمى بت الشيخ

Quote: من اجمل الناس الذكرتيهم يا اميرة رغم انى ما التقيت اى واحد منهم لكنى بحبهم زى الاخوان وزى لمن تكونى مكوفرة وتلقى كسرة مرة تفك ليك الكوفارة ، والزول البشوف جمال الناس قطع شك هو نفسه جميل ودام صفاك يا نبيلة يا اميرة وانتى اميرة البهاء والحسن والالفة

الحاجة الناولتينا ليها بالشباك دي لا تذكرني الا كويرة نعومة المغتغتة وفيها مديدة قمح بالحلبة تحملها احدى نساء بلادنا لجارتها المسكينة وحديثة الولادة

Quote: انتو ناس سمحين

هي داب سماحة ؟؟؟؟
تحياتي لكم جميعاً
مثنى وثلاث ورباع

حلاوة زاته عجيبة

ديل غايتو إلا الله بس يديهم الثواب الذي يراه هو سبحانه من جمالهم
ومعاهم الاستاذة بت الرجال اميرة السيد

Quote: لاخت الفاضله / اميرة السيد ... اقول لك فعلا لا شئ تغير هناك في ذلكَ البلد الحالم ( السودان ) ، فمن خلال ابناء الوُد هؤلاء ( ود ابو سن + ود البوش + ود شيقوق + ود المنسي ) تشعرين معهم وبهم بأن الأجواء نفسها .... الروائح الطيبه نفسها .... بل حتى الوجوه الباسمه .... من شاكلة أصحاب هذه الاندياحات ، فإنها لا تزال باقيه في أماكنها متمسكة باصالتها .... معتزة بماضيها بإلرُغم من إصطباغها بملامح الهم اليومي .!! ولكم يشرُف الواحد منا ان القت مقادير الحياة امثالنا مع هؤلاء الاخيار في صعيد واحد ( سودانيز اون لاين ) ويشعر معهم وبهم : ديل اهلي .. البقيف في الدارة .. وسط الدارة واتنبر .. وأقول لي الدنيا .. كل الدنيا ديل أهلي .... محل قبلت ألقاهم معاي ، معاي زي ضليّ ... وحقيقة ما اروع خضر بشير حينما تغنى قائلاً : في بساط الروض الطاهر ... تجلى الحسن الباهر والخلقة السالم ذوقا ... فادعوا الله الكريم ... أن يجعلهم ... منارات للخلق الرفيع .. وان يمتعنا واياهم بالصحة والعافية والعمر المديد ... ولكي انتِ يا اميرة كامل التقدير وعظيم الامتنان ...

العزيزة الأديبة سلمى الشيخ سلامة
انتى الأميرة يا سلمى وانتي البهاء كله يا سلمى .. انتي وين ياخي .. كناائمانقرأ لك الروائع
وفجأة اختفيتي .. وهسع ظهرتي كالبدر المكتمل ولكن لماذا في الفيس بوك.. مقعدك في هذا البوست خالي وتعالي لينا
سريع كي تعطري الجو ببخور الكلام السمح يا رائعة
والله يديك الصحة والعافية

Quote: اقول لك فعلا لا شئ تغير هناك في ذلكَ البلد الحالم ( السودان ) ، فمن خلال ابناء الوُد هؤلاء ( ود ابو سن + ود البوش + ود شيقوق + ود المنسي ) تشعرين معهم وبهم بأن الأجواء نفسها .... الروائح الطيبه نفسها .... بل حتى الوجوه الباسمه .... من شاكلة أصحاب هذه الاندياحات ، فإنها لا تزال باقيه في أماكنها متمسكة باصالتها .... معتزة بماضيها بإلرُغم من إصطباغها بملامح الهم اليومي .!! ولكم يشرُف الواحد منا ان القت مقادير الحياة امثالنا مع هؤلاء الاخيار في صعيد واحد ( سودانيز اون لاين ) ويشعر معهم وبهم : ديل اهلي .. البقيف في الدارة .. وسط الدارة واتنبر .. وأقول لي الدنيا .. كل الدنيا ديل أهلي .... محل قبلت ألقاهم معاي ، معاي زي ضليّ ... وحقيقة ما اروع خضر بشير حينما تغنى قائلاً : في بساط الروض الطاهر ... تجلى الحسن الباهر والخلقة السالم ذوقا ... فادعوا الله الكريم ... أن يجعلهم ... منارات للخلق الرفيع .. وان يمتعنا واياهم بالصحة والعافية والعمر المديد ... ولكي انتِ يا اميرة كامل التقدير وعظيم الامتنان

...............,,,,,,,,,,,

عزيزي محمد عبد القادر ضرار

والله واحلف صادقة بأن سوداننا ده فيه عباقرة وأدباء يطوعون اللغة ويصوغونها كالدرر الوضيئة . وانت منهم يا عزيزي ود عبد القادر ضرار .. وقد اعجبني بحق هذه الجملة المضيئة التي قلتها في معرض حديثك الحلو:" .. حتى الوجوه الباسمة من شاكلة اصحاب الاندياحات فإنها لا تزال باقية في اماكنها متمسكة باصالتها معتزة بماضيها بالرغم من اصطباغها بملامح الهم اليومي ...""

نعم كما قلت السودان ملئ والله بالناس السمحين على الرغم من صعوبة الحياة والسير في امواجها بشق الانفس.. وتجد الضحكة والبسمة تخرج من اتون الصعاب والمعاناة .. ولا يستحق هؤلاء السمحين ما يعانوه من ابتلاءات وصعاب.. وهذا دائما يذكرني بمقولة يرددها الصادق المهدي دائما .. وانا ، وعلى الرغم من اختلافي سياسيا معه ، معجبة بهذه المقولة وارددها دائما هنا في المنبر العام والمقولة هي:_

"" لقد اوحشنا السودان الحبيب الذي ان خشنت طبيعته فقد رق قلب أهله ، صبح دمث يرضي الحواس الخمس ، لناظره ورد ولذائقه شهد، وللامسه برد، ولسامعه غرد ولشاممه ند... شعب سليم الفطرة حسن النية ، ولا يستحق ما عاناه من شقاء اللهم إلا من باب المزايا في طي البلايا واستحقاق كل ما لا يقتلني يقويني ، فليكن البلاء مدرسة ولتكن الأزمة مفتاح الفرج"""
والله يديك الصحة والعافية

Quote: ( ود ابو سن + ود البوش + ود شيقوق + ود المنسي ) تشعرين معهم وبهم بأن الأجواء نفسها .... الروائح الطيبه نفسها .... بل حتى الوجوه الباسمه .... من شاكلة أصحاب هذه الاندياحات ، فإنها لا تزال باقيه في أماكنها متمسكة باصالتها .... معتزة بماضيها بإلرُغم من إصطباغها بملامح الهم اليومي .!! ولكم يشرُف الواحد منا ان القت مقادير الحياة امثالنا مع هؤلاء الاخيار في صعيد واحد ( سودانيز اون لاين )

أخي الفاضل محمد عبدالقادر ضرار
تحية سمحة بقدر سماحة نفسك الطيبة
سلااام عليكم ورحمة من الله وبركة
هولاء وغيرهم كُثر في هذا المنبر وفي بلادنا جاءوا بسجيتهم السمحة النقية التي ظلوا يدثر بواقي
من شر رياح التغير
هناك أفعال ترتبط بالقول
مثال
حبابكم حبابكم ابوا لي داخل أخلوا وتجده فاري إيدي مرحب
تجد كل حرف منها يحمل الصدق في الترحيب
يقابلك مباشر لا مكاشر يتب حفيان لما يسمع نقرة في الباب
يقال واحد من أهلنا الكرام في السودان كان كريم ما بخلي شي في البيت يشيل ويدي اي زول يطرق بابه
رغم فقره
ذات مرة وهو راقد مستظل بضل الأوضة وقت القيلولة طرق الباب وكان الطرق دفرة بشدة على الباب
تبَّ صاحبنا
مرحب حبابكم مرحب أدخلو
زوجته كانت تجلس قرب منه في بنبر حبالو نازلا
قالت لي : ها يا راجل ها شنو الحبابكم دا دحيش دفر الباب
قال ليها حرّم تقومي تدي ملوة عيش
ديل ناس السودان ديل أهلنا والكرم والجود ما بي العندو
الكرم بي الفي والمافي
الفقرا بتمو غداهم بي موية وملح وكسرة
والمثل القديم ساير
بي الدين بسوي الزين
والبسوي ما برجى شكرة
لك الشكر الجزيل أجمله على هذه الكلمات الطيبة التي تشعرنا أنو ما زالت البلد بخير أخي محمد عبدالقادر

التحية لاميرة
والهدية ... لضيوفها الكرام
شكرا يافاضلابى

Quote: Quote: من اجمل الناس الذكرتيهم يا اميرة رغم انى ما التقيت اى واحد منهم لكنى بحبهم زى الاخوان وزى لمن تكونى مكوفرة وتلقى كسرة مرة تفك ليك الكوفارة ، والزول البشوف جمال الناس قطع شك هو نفسه جميل ودام صفاك يا نبيلة يا اميرة وانتى اميرة البهاء والحسن والالفة

الحبيبة للنفس شديد
سلمى بت الشيخ سلامــــــة
يا سلمى الأرواح لما تلتقي خير من لقاء ويا حلات لقاء بعد معرفة طالت بيننا من خلال حروفنا
أنت الجمال الباهي زينة ومن رحيق جمالك نرشف كنحل يطوف حولك وأنتِّ تتبسمي
عشقنا جمال روحك
عبق حروفك التي حرمتينا منها بأسباب أعتبرها غير مقنعة
تعالي يا سلمى
نحب حرفك نحب شحصك تعالي يا الحرف الجميل والسرد اللذي يحملنا حيث لا أمنيات ولا كائنات تمر

تعالي لمحبيك وأضغطي على كل الألم اللذي أعتراك من بعض
والجمال كثير وأحلّى
عودي والعود حميد يا سلمى
عودي لسرد الحكايات في ثوب أدبي رفيع كعزتك شامخ
عودي ونحن في أنتظارك
تحياتي ومودتي

تخريمة
ذات مرة كانت الأخت سلمى بت الشيخ سلامة تسرد في ذكريات من حي السكة حديد الأبيض
وكان السرد جميل تداخل الحبيب ود شيقوق وقال ليها ( والله يا سلمى لو تحدثتي عن الموت تخلي الزول يتمنى يموت هسي في الحين هههههههههه)

Quote: التحية لاميرة والهدية ... لضيوفها الكرام شكرا يافاضلابى

حباب الأخ عبدالمنعم سيدأحمد
وما أجمل ما أهديت
صورة معبرة عن بنية بادية ترعى غِنيماتا في وادي بين جبيلات
هاجت الذكرى لقصة سمعتها عن أغنية ( مطر الرُشاش )
أن الشاعر كان قاصداً المدينة من قرية وقت المغيرب
نزل الرُشاش وللرشاش معاني في نفوس الشعراء
وأجتمعت كل مقومات الدافع لقول الشعر
خضرة .. رُشاش .. رمال .. صبية حسناء من البادية ترعى سعيتها
سألها الشاعر شن سموك
قالت ببراءة أهل البادية عشة فوصق وقال وأبدع
مطر الرُشاش

تحياتي ومودتي عبدالمنعم

Quote: ( والله يا سلمى لو تحدثتي عن الموت تخلي الزول يتمنى يموت هسي في الحين هههههههههه)

عليك النبي ياسلمي كان ماجيتي تكتبي عن الموت عشان ننحل من المسنوح ده.

واحد زهجان من مرتو يامك زارها في المستشفي وبدل يجيبلها زهور ولا كورية نشا جاها شايل كتاب (عذاب القبر) قالها هاك فرِّقي بيهو

Quote: عليك النبي ياسلمي كان ماجيتي تكتبي عن الموت عشان ننحل من المسنوح ده. واحد زهجان من مرتو يامك زارها في المستشفي وبدل يجيبلها زهور ولا كورية نشا جاها شايل كتاب (عذاب القبر) قالها هاك فرِّقي بيهو

هههههههههههههههههههههه
أم الوليدات مشاهدة مسلسلات تركية
يوم أبومحمد جاء تعبان من الزارعة
قام عشتو وقعدت جنبو وقالت
ابومحمد عليك بتحبني .. رماها بنظرة وهو يرشف ما تبقى في كورية اللبن
تاني قالت والله أنا يا أبومحمد بريدك زي عيوني ديل
ختفها جرى بيها علي الفكي وقال المرة إتشلمت
والله ودشيقوق خايف في قبرو ما يسكت زول نضمي بس

Quote: واحد زهجان من مرتو يامك زارها في المستشفي وبدل يجيبلها زهور ولا كورية نشا جاها شايل كتاب (عذاب القبر) قالها هاك فرِّقي بيهو

ههههههههههههههههههههههها مسنوووووووووووووووووح

Quote: عزيزي محمد عبد القادر ضرار والله واحلف صادقة بأن سوداننا ده فيه عباقرة وأدباء يطوعون اللغة ويصوغونها كالدرر الوضيئة . وانت منهم يا عزيزي ود عبد القادر ضرار .. وقد اعجبني بحق هذه الجملة المضيئة التي قلتها في معرض حديثك الحلو:" .. حتى الوجوه الباسمة من شاكلة اصحاب الاندياحات فإنها لا تزال باقية في اماكنها متمسكة باصالتها معتزة بماضيها بالرغم من اصطباغها بملامح الهم اليومي ..."" نعم كما قلت السودان ملئ والله بالناس السمحين على الرغم من صعوبة الحياة والسير في امواجها بشق الانفس.. وتجد الضحكة والبسمة تخرج من اتون الصعاب والمعاناة .. ولا يستحق هؤلاء السمحين ما يعانوه من ابتلاءات وصعاب.. وهذا دائما يذكرني بمقولة يرددها الصادق المهدي دائما .. وانا ، وعلى الرغم من اختلافي سياسيا معه ، معجبة بهذه المقولة وارددها دائما هنا في المنبر العام والمقولة هي:_ "" لقد اوحشنا السودان الحبيب الذي ان خشنت طبيعته فقد رق قلب أهله ، صبح دمث يرضي الحواس الخمس ، لناظره ورد ولذائقه شهد، وللامسه برد، ولسامعه غرد ولشاممه ند... شعب سليم الفطرة حسن النية ، ولا يستحق ما عاناه من شقاء اللهم إلا من باب المزايا في طي البلايا واستحقاق كل ما لا يقتلني يقويني ، فليكن البلاء مدرسة ولتكن الأزمة مفتاح الفرج""" والله يديك الصحة والعافية

لله درك يا اميرة

وانا اطبق ليك كلام بت السيد السمح دا عشرة مرات يا ضرار اخوي

ها ناس والله اتعولقت عوand#65275;ق
سويت لي موبايل جديد غلبني تب اكنب

التحيّة للوهيطة صاحبة البيت الممدودة طنائبة بالمحبة والسماحة ، والتي جعلت هذا الفرح ممكنا في زمنٍ ممحول..............!
للصفاء اوقات ،كما لأهل الخندريس نفحات ، فنفحات أهل الخندريس ، نتعشمها من عُشاق ليلي ، عند السُّحير،
وأوقات الصفاء ،نتحينها كثيرا من أمثال هؤلاء، سمحين النَّافلة وجميلين الدواخل والحنايا ،
كثيرا ما تنشق الرُّوح مع الظاعنين يوما والمقيمين يوما،ولكن في هذا المنبر ، أحيانا تومض بروق القبلي ، من إنسان سارية .....
ويهرب من أرهقه ، "زنق التريّا" ، والكلام القفارالمحل فيشاشي للدِّعاش والهمبريب والرزاز
وإيَّاكم أعني
يا مرابيع المربوعة
يا من رايمتهم الرّوح .......!
مرة أُخري التحيَّات الزاكيات للجميع
*المرابيع الأربعة اقصد الناس الأربعة الذين ذكرتهم الأستاذة، تماما كربع الدوبيت ،
يتكون من أربعة مربوعات وكل واحد منهم يمثل ربعا من المربوعة
محبتي للجميع

الراجل السـمح
***
هو السواي.... حاشاهو ما حداس
اب راين سديد ..... للغارغة ما كواس
لابس العمة تاج ..... والعمة ما مقياس
حلال للعقد .... ساعة حرابة الناس
شيال للتقيلة ..... بفزع ويعدل الراس
وساعة البيت يقع..... بحفر يخت الساس
_____
شن طعم الرجالة
البنطلون وقميص
إن جات الكعه يوم
بجري وبفط الميس
في بطن المجالس
ما هو البليغ حِديث
بمرق بالضرا .... وما بلقى ليهو جليس

الراجل السمح ... البستر الكاشفات
بعرف عِزهن .... الخاله والاخوات
للجار والقريب .. ايديهو متلاحقات
الراي والفهم ... لا جامعة لا شهادات
والراجل السمح .... ما بدور رفع رايت
..........
أميرة الأميرة .. سمحة انتي والله

الاميرة \ تحياتي وحبي .. ولضيوفك السمحين زيك .

والله يا اميرة سمحين سماحة . وبذات الزول البلعب وسط دا ههههههههههههههههههههه .

دمتم يا احلي ناس .

ولي قدام .

هو

Quote: السواي.... حاشاهو ما حداس اب راين سديد ..... للغارغة ما كواس لابس العمة تاج ..... والعمة ما مقياس حلال للعقد .... ساعة حرابة الناس شيال للتقيلة ..... بفزع ويعدل الراس وساعة البيت يقع..... بحفر يخت الساس _____ شن طعم الرجالة البنطلون وقميص إن جات الكعه يوم بجري وبفط الميس في بطن المجالس ما هو البليغ حِديث بمرق بالضرا .... وما بلقى ليهو جليس الراجل السمح ... البستر الكاشفات بعرف عِزهن .... الخاله والاخوات للجار والقريب .. ايديهو متلاحقات الراي والفهم ... لا جامعة لا شهادات والراجل السمح .... ما بدور رفع رايت .......... أميرة الأميرة .. سمحة انتي والله

والله سمحات انتن يا بنات اعمي طالما نضميكن جاب بت عمسيب ذاتا

عقدوتنا والله

العزيزات الغاليات رشا ومنى
والله الليلة الفرحة ما ساعياني والبوست إزدان نضارة وبهاء وسماحة .. ومرحب بيكن . ووالله انتن السمحات
ومنورات المنبر العام وكلامكم ينقط عسل وشهد مصفى.. ولا شك ان هذا البوست يفتخر بجد بوصولكن وهاكي يا رشا
ومنى زغرودة مني ليكم( مع اني ما بعرف ازغرد كويس زي بنات الريف) مع اني متربية تربية ريف وقرى لكن الغربة
خربت طبعنا))
والله يديكن الصحة والعافية واللقمة الدافية

Quote: ها ناس والله اتعولقت عوand#65275;ق سويت لي موبايل جديد غلبني تب اكنب

ها الشقي مايكون غشوك وقبضو منك خمة قريشات
كان سويتن في غويشات لي بت عم صاحبي مو كان أخير
والفات قديمو تاه

Quote: كان سويتن في غويشات لي بت عم صاحبي مو كان أخير

وكان اشتريتن امباز و قصب وردة لبقراتك ما احسن ليك من البخمشوهو خمش زي لوح المحاية دا ؟

Quote: الاميرة \ تحياتي وحبي .. ولضيوفك السمحين زيك . والله يا اميرة سمحين سماحة . وبذات الزول البلعب وسط دا ههههههههههههههههههههه . دمتم يا احلي ناس . ولي قدام .

أخت نسيبـــة بت عمسيب
علك عافية
غايتو أنا بلعب مهاجم مرقتَّ من الرصة خليتم يتكاتلوا في البلعب نص منو هههههههه
ود البوش بيأكلم حنك ونضمي
لكن ود شيقوق زي ود الموية ما بتمسك بزوغ منو وبلعب نص
البضيع ود أبوسن
الله يكون في عونو بحرسو القون قطع شك لانو يدي كبار بتوهط في مسك الكورة
تحياتي بت عمسيب

Quote: والله يا اميرة سمحين سماحة . وبذات الزول البلعب وسط دا ههههههههههههههههههههه .

الله اكفينا شر المسانيح خاصة اللاعب ديب سنتر فرويد داك ابو فتيلتن مسبجة بسبجة زرقا
.
.
تحياتي بت عمسيب وبركة الشفتيني شديد ههههههههه

Quote: الراجل السـمح *** هو السواي.... حاشاهو ما حداس اب راين سديد ..... للغارغة ما كواس لابس العمة تاج ..... والعمة ما مقياس حلال للعقد .... ساعة حرابة الناس شيال للتقيلة ..... بفزع ويعدل الراس وساعة البيت يقع..... بحفر يخت الساس _____ شن طعم الرجالة البنطلون وقميص إن جات الكعه يوم بجري وبفط الميس في بطن المجالس ما هو البليغ حِديث بمرق بالضرا .... وما بلقى ليهو جليس الراجل السمح ... البستر الكاشفات بعرف عِزهن .... الخاله والاخوات للجار والقريب .. ايديهو متلاحقات الراي والفهم ... لا جامعة لا شهادات والراجل السمح .... ما بدور رفع رايت .......... أميرة الأميرة .. سمحة انتي والله

أهااااااااااااااااااااااااااااااااااااااااااااااااااااااااااااااااااااااا دي بت عمي البتشيل همي
حررررررررررم تبشري وتنومي قفا انا اخوك اتي دي

شكرا يا حبيبنا عبدالمنعم سيد احمد على هذه اللوحة التي لا تضاهيها مجلدات من النضمي
.
.
لكن المحيرني يا عبدالمنعم السعية دي بتاكل في خاترا ؟

Quote: ديل غايتو إلا الله بس يديهم الثواب الذي يراه هو سبحانه من جمالهم ومعاهم الاستاذة بت الرجال اميرة السيد

العزيز الصادق صديق سلمان
الله اجبر بخاطرك ياخ ولك اضعاف ما دعوت لنا به
.
.

Quote: حلاوة زاته عجيبة

حلاوة طحنية اصلو ول شعيرية ؟
عاين جاي
زمان وانا شافع صغير اتمنيت الناس كلهن اموتو وافضل انا براي عشان اشبع طحنية من دكان حاج بشرى

Quote: هي داب سماحة ؟؟؟؟ تحياتي لكم جميعاً مثنى وثلاث ورباع

الحبيب بدر الدين اسمحن ايامك يابا
التحيات الاف

متابع بالدس
لزوم رفع البوست

Quote: أميرة الأميرة .. سمحة انتي والله

المفردة لسان
ولسان المرء نصف ونصفٌ فؤاده
الأميرة أميرة ملكت بمفردتها ومقاصدها الطيبة طيبة أهلنا قلوب الخلق في هذا المنبر
ونثني القول سمحات إنتن الأتنين وعجبني بوستك المعاي منـــو ؟
زمان يا رشا عندنا مرتين من أهلنا ( العسل والعافية ) دي الأسماء
العافية شينة شديد
مرة العسل مشت البندر وشافت في بص ( بي حديثنا باظ )
مكتوب في صفحة البص ( سمحة العافية )
لما قرتا قالت :
والله ما شفتها ساكت يا أخوي ....
تحياتي يا رشا
وشكراً للقصيدة

Quote: سويت لي موبايل جديد غلبني تب اكنب

وين كهربتك البترضعو فيها؟

اوع بترص ليهو حجار البطارية رص زى قصبة العنكوليب؟

Quote: قعاد الكرسي كان شفايهو ورم ساقي زي سيد الزلالي اقلب في الدفاتر من صباحا بدري لامن تمسي ما بنسى انشغالي اسوق الليل تحت ضو الكهارب وديمة هارب من فراشي وهادو حالي ..ده كلو عشانا اجيب نمرا انافس بيها واستر بيها حالي سلاطين العلم يا يمة ينسوا العشرة في فد يوم ويدفروك بره زي دفر الطبالي وخايف من اجيك مرفود وهادي الفكرة من ماجيت معشعشة في خيالي

سمح العلم والله ولو لي مراد حياتي كلها أتعلم
سلاطين العلم متل عمال البلدية لما يجو الكشة بدفروا الطبالي بتاعت الناس الفارشين
بدون رخصة هههههههه
ونسيتي بيت
وخايف من أجيك مرفود
وفوق إضنيا ملويات حُبالي
قولي لي بسمات سوقي النهار بين الكتب وتعالي بالليل سوقي القطر لانو في ناس منتظرين
ههههههههههههههه
شفتي جمال الوصف
لبنات البندر
كتوفن مابقول عكف السروج
لكن بشوف فوقن مخالي

بتعرفي المخلاية ( المخلاية يا أميرة هي شنطة اليد بتاعت البدوي بعلقها في سرج الحــ مارة )
طبعاً الكلام دا زعل بنات البندر كتير أيامها
وفي تلك الأيام كانت طلعت موضة المخلاية بتاعت البدوي هذه إستخدمنها بنات البندر شنطة يد ( موضة )

ود البوش ليهو يومين ما هبب لينا بجاي اتاريهو متوحم ليهو بى بوست جديد

Quote: وكان اشتريتن امباز و قصب وردة لبقراتك ما احسن ليك من البخمشوهو خمش زي لوح المحاية دا ؟

ههههههههههههههههههههه
والله إت مسلط
ضحكتني ضحك
إت يا ودشيقوق ليه اهل الريف وصافين وصف دقيق ؟؟؟
محمد علي شمو ( ود الأستاذ علي شمو )
وزل وصاف وصف
مرة جا راجع من عطلة من السودان
واحد سألوا
يا محمد كيف حال البلد وايامها زنقة الإنقاذ بدت يا دوبها والحزام كارب قوي
وصلاح دولار مدور نشف السوق من دولار
رد عليه محمد قائلاً
والله تعرف السودان ماعارف أقول ليك شنو
لكن السودان بدون مؤاخذا زي الأدبخانة
الجوة قرفان وعاوز يمرق
والبرا مزنوق وداير يدخل
ههههههههههههههههه
وكانت الامتحانات تصحح بنظام الخطأ يمسح صح ونحن ماجايبين خبر مسكنا كل أسئلة الامتحان البتعرفها والمابنعرفها حلينها
ما خلينا سؤال فاضي
وتعال شوف النتيجة ( دي في البِري أنجنيرنق )
1-
5-
0
كل الدرجات كدا أحسن زول جاب 2 +
شمو كان في صفوف متقدمة زول قديم وفاهم الوضع شاف النتيجة وعلق عليها
يا جماعة دي نتيجة أمتحان ولا درجات حرارة في أوروبا

Quote: يا جماعة دي نتيجة أمتحان ولا درجات حرارة في أوروبا

هههههههههههههههههههههههههها

يجازي محنك يا شمو

لكن يا المنسي تكون نجرتها من راسك الزي سرج العجلة دا

عيييييييييييييييييييييييييييك
غايتو الضحك كان بكتل كان ايقونات بكري دي كلها مقابر

Quote: اقول لك فعلا لا شئ تغير هناك في ذلكَ البلد الحالم ( السودان ) ، فمن خلال ابناء الوُد هؤلاء ( ود ابو سن + ود البوش + ود شيقوق + ود المنسي ) تشعرين معهم وبهم بأن الأجواء نفسها .... الروائح الطيبه نفسها .... بل حتى الوجوه الباسمه .... من شاكلة أصحاب هذه الاندياحات ، فإنها لا تزال باقيه في أماكنها متمسكة باصالتها .... معتزة بماضيها بإلرُغم من إصطباغها بملامح الهم اليومي .!! ولكم يشرُف الواحد منا ان القت مقادير الحياة امثالنا مع هؤلاء الاخيار في صعيد واحد ( سودانيز اون لاين ) ويشعر معهم وبهم : ديل اهلي .. البقيف في الدارة .. وسط الدارة واتنبر .. وأقول لي الدنيا .. كل الدنيا ديل أهلي .... محل قبلت ألقاهم معاي ، معاي زي ضليّ ... وحقيقة ما اروع خضر بشير حينما تغنى قائلاً : في بساط الروض الطاهر ... تجلى الحسن الباهر والخلقة السالم ذوقا ... فادعوا الله الكريم ... أن يجعلهم ... منارات للخلق الرفيع .. وان يمتعنا واياهم بالصحة والعافية والعمر المديد ... ولكي انتِ يا اميرة كامل التقدير وعظيم الامتنان

الحبيب محمد عبدالقادر ضرار
الله اديك العافية ياخ
يا بكري ابوبكر عوووووووووووووووووك اتا اصلو ما قاعد تقرأ لناس الفيس بوك ديل ؟
كثير منهم تدهشك كتاباته فلاتحرمنا منهم

Quote: عيييييييييييييييييييييييييييك غايتو الضحك كان بكتل كان ايقونات بكري دي كلها مقابر

يا ودالبوش ناس التنمية الاجتماعية ما لاقين ليهم شغل
قاموا لموا المزارعين كلهم وعملوا ليهم مشروع
( محو الأمية مقابل التقاوي ) هههههههههه
آها الجماعة قاعدين في الحصة وكان يومها تعلم الحــرف ( نـون )
في الكنبة الورى قاعدين عمك حاج محمد وحاج علي
الاستاذ يدرس وهم شغالين ينضمو في امورهم
إت يا محمد بقرة ود عِتمان الدافعة ديك ولدت
اي بالحيل جابت ليها عجلاً سمح عاد ما أبوهو تور عثمان ود كعوك
الأستاذ : يا حاج علي وحاج محمد خلو بالكم معانا
يرد حاج علي وهو فصيح
سو سو يا زول نحن معاك
الأستاذ يبدأ في الدرس
يا حاج محمد الموية لي ورا عندكم في والله نحن خدارنا نشف تب
والله يا حاج علي نحن قعوي جدولنا نشف

الأستاذ يا جاج محمد وحاج علي عليكم الله خلو بالكم معانا
حاج علي يرد
سو سو آزول نحن معاك

المهم يا سيدي زهجو الاستاذ ما بسكتو كلو كلو
لما زهج منهم قال ليهم حاج محمد وحاج علي أقيفو علي حيلكم
كل واحد يدينا كلمة أولها نون
حاج محمد قال بعرفها إت قايلنا بلدا
أولا نون ؟
الاستاذ ايوا أولا نون
حاج محمد : نورين
الاستاذ قال لي : ممتاز يلا أنت يا حاج علي .. أدينا كلمة أولها نــون
عمك حاج علي الفصيح ما إتلفت طوالي قال لي : الجـبين

قام الأستاذ قال لي : علي الله يا حاج علي هسي الجبين دي أولها نون
قال لي : نحن اصلو قلنا نبدأ من الحلة من ورا نورين ومرتو الجبين ونجي جاي

Quote: الحبيب محمد عبدالقادر ضرار الله اديك العافية ياخ يا بكري ابوبكر عوووووووووووووووووك اتا اصلو ما قاعد تقرأ لناس الفيس بوك ديل ؟ كثير منهم تدهشك كتاباته فلاتحرمنا منهم

والله ما قلت إلا الحق يا ودالبوش
وأمثال ود ضرار كُثر يكتبون من الفيس بوك
لكن زولك بكري دا البخمشو ينزلوا بوست مرات مابكون قرا
وشغال بي نظرية ود الفاضلابي
البدورو بسمي بخيت والمابدورو ..... بدي قفا ويدوقس رويسو ويمش
محمد عبدالقادر تستشف من حروفه أنه رجل متمكن من حكر الحديث المجيه

Quote: هههههههههههههههههههههههههها يجازي محنك يا شمو لكن يا المنسي تكون نجرتها من راسك الزي سرج العجلة دا

ههههه
يعني أنـا طَرب رابو
الله أريتك طربان في الجـو لما تنسى عِميمتك هناك

يا الأميرة
طرب رابو: معناها بلغو الجِن
( هذا المرءُ كذابو )

Quote: متابع بالدس لزوم رفع البوست

بالهناء يا ادريس اخوي
متابعتك تهمنا جدا
تحياتي

Quote: يامك الحق اميرة بِقت زي بكري

أميرة برضها مكة وكمان مبطرة ومخترة كان دارت تجغم تجغم وكان دارت تقرم تقرم
.
.
بركة الطلع لي حس معاك ساهي يا الفاضلابي العميكة هههههههههه

Quote: مبااااااااااااااااااالغة ياخ - لكن دي دحين بتفوت علينا ؟ الجبين وحياتك يقلبو لباء عديل يخليهو قطاع قطاع

ياخ والله العظيم خرتونا خرت الكول من كاهل المدينه وصقطا

الجبين كنت فاكر مخترع اللبن المجفف بستعين بيهو..
كانت شاة جدى أمحمد حقل تجاربى مرات
أحلبها جت فى كورية طليس وانا سارح بالغنوم مرات فى علبة صلصة ضلت طريقها بفعل الطبية ووصلت اللقد
مرات يتقطع وما يتجفف ومرات ألقاهو ليك مح الجداده الممزره
وآخر ما توصلت له ان مخترع لبن البدره كان بجفف اللبا وليست اللبن

المهم ياااخ اعصرو لينا على الفنقه السمح نضما لحدى ما نصرر غنماية الظروف ونتسمح بيكم

جميلين حقاً

Quote: ود البوش تاكيدا لكلامك لقيت ليك الموليته مغلف في اكياس وتتباع في البندر

أحلف
بركة من جعل محمد نبي ابيعوا ليكم الحمت رمت يا ناس البندر عشان ضاربين الضللة ساهي والموية الساقطة والرغيف
أها جاتكن تارة احملوها
.
.
اتا يا عبدالرحيم اخوي المقعد في البندر شنو ؟ ما تشيل اهلك الموليتة في هببنا هبطرش سمك بخار خريف ابو السعن
.
.
يا حليلكم يا عبدالرحيم
تحياتي واحترامي واشتياقي

Quote: الله أريتك طربان في الجـو لما تنسى عِميمتك هناك

حصل اسعلني مِنُّو

Quote: حلاوة زاته عجيبة ديل غايتو إلا الله بس يديهم الثواب الذي يراه هو سبحانه من جمالهم ومعاهم الاستاذة بت الرجال اميرة السيد

الصادق الصديق مصدوق كلامك
يا سلااام لما الكلام يكون من القلب يصيب ولا يضهب طريقو ابداً
سهم وليم تيل الشقَّ التفاحة في راس ولدو
تحياتي ومودتي

Quote: التحيّة للوهيطة صاحبة البيت الممدودة طنائبة بالمحبة والسماحة ، والتي جعلت هذا الفرح ممكنا في زمنٍ ممحول..............! للصفاء اوقات ،كما لأهل الخندريس نفحات ، فنفحات أهل الخندريس ، نتعشمها من عُشاق ليلي ، عند السُّحير، وأوقات الصفاء ،نتحينها كثيرا من أمثال هؤلاء، سمحين النَّافلة وجميلين الدواخل والحنايا ،

صاحب مجامع الكلم
ود المقدم عبيد
نيهم بين حروف كلمك الطيب نلتهم ما يزود زخر الحصيلة
الوهيطة .... يا سلام على هذا التعبير اللذي يحمل في طياته كل معاني الكرم والجود
الوهيط / الوهيطة
وطنائب البيت ممدودة محبة وسماحة
والعشق وللعشق مع السحر أسرار وجامع

Quote: كثيرا ما تنشق الرُّوح مع الظاعنين يوما والمقيمين يوما،ولكن في هذا المنبر ، أحيانا تومض بروق القبلي ، من إنسان سارية ..... ويهرب من أرهقه ، "زنق التريّا" ، والكلام القفارالمحل فيشاشي للدِّعاش والهمبريب والرزاز وإيَّاكم أعني يا مرابيع المربوعة يا من رايمتهم الرّوح .......! مرة أُخري التحيَّات الزاكيات للجميع *المرابيع الأربعة اقصد الناس الأربعة الذين ذكرتهم الأستاذة، تماما كربع الدوبيت ، يتكون من أربعة مربوعات وكل واحد منهم يمثل ربعا من المربوعة محبتي للجميع

ومن بين الهروب من زنقات التريا والكلام القفار المحل
فلا ملاذ إلا حوش الأميرة ظهرا وتكامل حوش ود أبوسن ليلا نلتحق وهج نجوم السماء تدثرا وثرى الأرض
مرقدا ... متوسدين الإيدين

............................
تخريمة في كلام العبيد
يا اميرة
شوفي جنس حكي ود المقدم العبيد

Quote: يا مرابيع المربوعة يا من رايمتهم الرّوح .......!

هذه المفردة
رايمتهم
ذات مرة قالها لي العبيد وما فهمت معناها
فسألته
فقال لي معناها حابيك وبريدك رايمك لله

Quote: Quote: الله أريتك طربان في الجـو لما تنسى عِميمتك هناك حصل اسعلني مِنُّو

ههههههههههههههههههههه
قصدتها يا الفاضلابي

لك يا ما أكرمتي شخصنا في بوستك هذا
الأميرة أميرة

أهديك قصيدة للسودان الحبيب سوادن المليون ميل
للشاعر الكبير عبدالقادر الكتيابي

رُش الفال
يا براق سحاب الطرفة
وين ماترش
ووين ما قبل الهبباي
ووين ما قفا
ياهو وطنا
حَد ما شافت العنين عروق النيل
أصابع نابية في كفّة
ومليون ميل
وطني غنَّى ومَدح
دوبى وتلا ورتل
فتح حيطانو نفاجات
ومتل السيل
كسر وسط البيوت زفَّة
طلع لي الدُنيا من الشوف
مَحَنن بالطمي
وساير علي الضَفَّة
لهب مسَّك
كنار في طُور هنا السودان
يلاصف نوره
من نمولي ولغاية ميضنة حلفا
فِصحنا
رطنا
ياهو وطنا
إن حَرَّن شموسو علينا وإن بردن
تراهو وطنا يا المبروك
أبوي أبوك
أكان فقران وكان غنيان
مِلِك
والمن سلالتو ملوك

الشاعر عبد القادر الكتيابي

لحين ميسرة
ست الحوش عندها زيارات في الحلو شئ تتحمدل سلامة مولود
وشئ تعزي تبكي وتتمخط وبدون دموع وشئ عيادة مريض
وفي نهاية مطافها قالت بتغشى ناس ست الزين بت عمر
تشرب معاها قهوة الضحوية
هي بترجع ماتخافوا لكن بتكون فترانة
عشان كدا لحين ميسرة تاخد ليها نويمة وتجيكم

عزيزي الصادق صديق
بالله مش يالصادق!!!
الكلام الطيب السمح بيدخل بدون استئذان لأعماق الفؤاد
وان شاء الله الله يخضر ضراعك...
أها شايف كلام الريف والبادية السمح اتغلغل فينا كيفن
وانا حبي لأهل البادية بجي من الشهامة والمروءة والكرم وصفات أخوان البنات البتصفوا بيها وعشان
كده كلاممهم ذاته سمح زيهم..
ومن امثلة المروءة والكرم القريتها عنا في المنبر العام قصة اهل قرية الشيخ الكباشي الوقفوا في طريق قافلة
نائب السفير الامريكي وحلفوا إلا ينزل يفطر معاهم هو ومرافقنه.. وفعلا نزل نائب السفير الأمريكي وفطر معاهم وهو مستغرب
هذا الكرم .. والله لمن قريت الكلام دا قربت دموعي تنزل ... ويا هو ده السودان ويا هو ده أهله السمحين الزينين..
واجمل نكته سمعتها اظنه من المنسي القال ان الراجل راقد في نص الحوش ومعاه زوجته وسمع خبيط على الباب شديد وبقى الراجل يكورك ليهم اتفضلوا اهلا مرحب.. قامت زوجته قالت ليه: قول بسم الله ديل ما ضيوف ده حمار بيخبط على الباب برجلينه
والراجل الكريم قال ليها: وها انا كمان حلفتك تقومي تملي ليه ملوة عيش عشان ياكل ..( روعة مش كده)..
والله يديك العافية

تريمو و تراشيهو
راشوني برسايل اسجل االارقام
0912925915
00249912925915

يا اخونا هوي خليكم في سماحتكم دي - انا الأيام دي بالحيل متفنجر في فنادق استانبول للاعداد للجمعية العامة السنوية لاتحاد البورصات الاوربية والاسيوية

Federation of Euro-Asian Stock Exchanges

Quote: Federation of Euro-Asian Stock Exchanges

Heeeeeeeeeeeeeeeeeea

بعد تجي جيب ليك معاك طرقة بريفرنس شيرز مملحة بملاح مورقيش

صباح الحب .

قلنا نمسدر شوية :

ومن بلد الزهور مرسل سلام بعطـــور
للنــاس العـــزاز الفيـها زول بنــــدورو
اللاعب الوسط ساحر الجميع بظهورو
شيقــوق الرســـول يلاك نمشي نزورو

لوحة ربانية من بلد الزهور .. اهداء للناس السمحة الشديد .

الحبيبة منى
تحياتنا المعطرة بالورد الياسمين تصل ليك وانت بصحة وعافية
بس ما تقولي لي ان مزرعة الزهور دي في السودان عشان الليلة اركب
القطرية وبعد 15 ساعة بكون معاكم في بلد الخضرة والطبيعة الخلابة
والعطف والحنان
والله يديك الصحة والعافية

الحبيبة الاميرة \ صباح الشوق والحب .

بلد الزهور دي وطنا المؤقت ( هولندا ) ويا ريت تشرفينا فيها
ونحن اكيد في انتظار جل الاحبة هواة السياحة وبالمناسبة قاعدة
اعمل لي في دراسة جدوي لعمل مشروع سياحي فقط لي ناس المنبر
فادعي اي بانجاح يا بت ياالكلك بركة .

وهذه اللوحة الربانية من ( هولندا ) بلد الزهور مهداة ليك .

البوش

Quote: بعد تجي جيب ليك معاك طرقة بريفرنس شيرز مملحة بملاح مورقيش

ياخ ما تكشف اخوك هسه اتغير طااااااااااب ودارع البلوتس في اضنيهو وبتكلم كتر سااااي

مشينا البوفيه المفتوح حرررررررررررم دفرة وعقلة بس

قال مملحة قال

Quote: قلنا نمسدر شوية : ومن بلد الزهور مرسل سلام بعطـــور للنــاس العـــزاز الفيـها زول بنــــدورو اللاعب الوسط ساحر الجميع بظهورو شيقــوق الرســـول يلاك نمشي نزورو

والله يا السمحة بت الاماجد بتبتيني عديل اتى فاكرة انا عندي حيل لقدر الكلام دا ؟

يديك العافية ويطول عمرك يا رب

بالله عليك الله - يا منى اختي - سودانا الكان مليون ميل مربع مش كان جاهز ليكون مصدرا لمثل هذه الازاهر الجميلة

الإجابة عندى لا ما لم نغير ثقافتنا نحن . بالمناسبة دي تذكرت موقفا طريفا لما كنت محاميا بمدينة السوكي

كان القاضي المقيم رجلا رومانسيا راقيا مولع بزراعة الزهور - وكنا كلما نذهب اليه في الامسيات نجده ممسكا بخرطوش الماء ليسقي تلك الزهور الجميلة

كانت تفصل ما بين منزل هذا القاضي الرومانسي ومنزل القاضي الثاني حيطة ارتفاعها متر ونص تقريبا

فصادف ان تم نقل القاضي المجاور الى مدينة أخرى وظللنا لفترة منتظرين قدوم القاضي البديل الذى سمعنا انه قادما من محكمة الدلنج

بالفعل قاضي الدلنج وصل لمقر عمله الجديد بالسوكي - ذهبنا لاستقباله فوجدنا عربتين تحملان اثاث منزله و بإحدى ذينك العربتين اغنام من عينة تاوري الجبال جميلة وصفراء اللون .

انتهى الاستقبال وذهب أي منا لحاله - صبيحة اليوم التالي ذهبت الى القضاة مرة ثانية لزوم التحية والمجاملة فوجدت القاضي الرومانسي خاتي يديهو الاتنين في راسه ووشو متغير طب من الغضب

قلت ليهو مالك يا مولانا الليلة وشك دا ما عاجبني ؟ مسكني من يدي ودخل بي على الحوش فوجدت الزهور ضقالة بس - قلت ليهو الحصل شنو؟ قال لي شوف انا اليوم حاتصل برئيس الجهاز القضائي و أقول ليهو اما انا في السوكي دي او القاضي الجانا من الدلنج . قلت ليهو مالو القاضي عمل ليك شنو ؟ قال الغنم الجابا من الدلنج قفزت بالليلة لحوشي واكلت الزهور كوووووووووووووولها .

عشان كدا يا منى نحن ما ممكن نكون زي الناس ديل ما لم نغير ثقافتنا دي



لك عميق ودي

Quote: تريمو و تراشيهو راشوني برسايل اسجل االارقام 0912925915 00249912925915

فك الشفرة آ المبروك

Quote: ومن بلد الزهور مرسل سلام بعطـــور للنــاس العـــزاز الفيـها زول بنــــدورو اللاعب الوسط ساحر الجميع بظهورو شيقــوق الرســـول يلاك نمشي نزورو لوحة ربانية من بلد الزهور .. اهداء للناس السمحة الشديد .

وبقيت يا صاحبي في زاوية ضيقة
شوت وسجل الهدف بعد خروجي من المنافسة لاني مدافع وخروج
ودشيقوق لانو سايقنو لزيارة لاعب الوسط هههههه

Quote and#65175;and#65198;and#65267;and#65252;and#65262; and#65261; and#65175;and#65198;and#65165;and#65207;and#65268;and#65260;and#65262;
and#65197;and#65165;and#65207;and#65262;and#65255;and#65266; and#65169;and#65198;and#65203;and#65166;and#65267;and#65246; and#65165;and#65203;and#65184;and#65246; and#65165;and#65165;and#65275;and#65197;and#65239;and#65166;and#65249;
0912925915


دةرقمي

Quote: Quote and#65175;and#65198;and#65267;and#65252;and#65262; and#65261; and#65175;and#65198;and#65165;and#65207;and#65268;and#65260;and#6526 and#65197;and#65165;and#65207;and#65262;and#65255;and#65266; and#65169;and#65198;and#65203;and#65166;and#65267;and#65246; and#65165;and#65203;and#65184;and#65246; and#65165;and#65165;and#65275;and#65197;and#65239;and#65166;and#65249;

يا خوانا تعالو الـ نِّتْخَاتَتْ ونشتريلنا لابتوب لي ودابسن ده
بس ياود ابسن وكتين تشيلو وتروح البادية علا تربطو في ضرع نعجة
مَصَرَّرة ـ

Quote: يا خوانا تعالو الـ نِّتْخَاتَتْ ونشتريلنا لابتوب لي ودابسن ده بس ياود ابسن وكتين تشيلو وتروح البادية علا تربطو في ضرع نعجة مَصَرَّرة ـ

أنا موافق
لكن المسألة يا الفاضلابي مو الجهاز
السعلة في الزويل في رقبتو جهازو جديد مو عارف لي بصيرة
ههههههههههههههههه
قلنا لي أرجع لي القديم والفات قديمو تاه
قال لا
إلا يحدد معا ويشوف اخرو عليك أمانة بعد يومين تسمع بي كفر عديل

يا ود الفاضلابي يكن نحن سمعنا ان البادية كلها في السودان بقت منورة والكهارب في الشوارع مولعة 24 ساعة
وانت ما سمعت ود بادي قال شنو:
اسوق الليل تحت ضو الكهارب وديمة هارب من فراشي
وها دو حالي ده كله عشانا اجيب نمرا انافس بيها واستر بيها حالي
والله عاد حالة ما بتسر البال ومن يوم ما هديت ما أنسر بالي

لكن اذا ود ابوسن ماشي لبادية ما فيها كهارب.ز اهو ناس ابل اخترعوا كمبيوتر محمول بطاريتها تشتغل باشعة الشمس
وما شاء الله في السودان في نص الليل تشعر وكأنه الشمس في نص السماء من السخانة.. عشان كده الكمبيةتر حيكون شغال اليوم كله ليل ونهار
واذا كمبيوتر ود ابوسن ما اشتغل فنحن على استعداد نشحن ليه الكمبيوتر البيشتغل باشعة الشمس عشان ما نتحرم من مواضيعه الدسمة والثرة والمفيدة
والله يديه العافية .. والله يديك العافية

Quote: ياخ ما تكشف اخوك هسه اتغير طااااااااااب ودارع البلوتس في اضنيهو وبتكلم كتر سااااي مشينا البوفيه المفتوح حرررررررررررم دفرة وعقلة بس قال مملحة قال

يا الفاضلابي
شوف زولك بقول في شنو
وعليك أمان الله راقد في عنقريبو في مسقط واللابتوب تحت السرير مرة مرة ينكتو
ذكرني واحد مصري أيام العمل في الإغاثة في كوسوفا كان مسؤول من المخازن للجنة السعودية
وايامها البلد طالعة من حرب مافي وسيلة تواصل ( وكي توكي ) لما يتصلوا بي شريف وين أنت ؟
يفتح الجهاز ويتكلم لوحده ارفع البتاعت دي هناك تعال يا فاطمير وبعدها يرد
واحت الله ساعتها بكون تحت بطانتيو في الغرفة ( الدنيا برد 23-)
زولك بقى كضيضيب زي صاحبنا يقول عندي أمتحان وهي كل يوم معانا

Quote: يا خوانا تعالو الـ نِّتْخَاتَتْ ونشتريلنا لابتوب لي ودابسن ده بس ياود ابسن وكتين تشيلو وتروح البادية علا تربطو في ضرع نعجة مَصَرَّرة ـ

مو عدم قروش عدم عرفة يا الفاضلابي اخوي
وي ما بعرييييييييف ما بعرف الحاجات الحساسة دي
اطبز في الجهاز زي السخل الدغور في ضرعات الغرز ههههههههه

Quote: وبقيت يا صاحبي في زاوية ضيقة شوت وسجل الهدف بعد خروجي من المنافسة لاني مدافع وخروج ودشيقوق لانو سايقنو لزيارة لاعب الوسط هههههه

عاد ما معرس الخواجية وتعوم قفا قفا ولا خساك
يابركة من جعل محمد نبي تلم فيها سودانية نجيضة تمسكا من اضانا وتقوليها كداين من كداين
وتتلقاك في الباب وتقوليك تعال هنا يا المسنوح
الله دا مو كريم رحيم ؟ شاحد ربي
.
.
والتهجة بت خالي البلولة الله اديها العافية السنة دي قالوا سعيتها ولداتا تيمان تيمان
تحلب وتصرر وتكن ولا خساها

Quote: يا الفاضلابي شوف زولك بقول في شنو وعليك أمان الله راقد في عنقريبو في مسقط واللابتوب تحت السرير مرة مرة ينكتو ذكرني واحد مصري أيام العمل في الإغاثة في كوسوفا كان مسؤول من المخازن للجنة السعودية وايامها البلد طالعة من حرب مافي وسيلة تواصل ( وكي توكي ) لما يتصلوا بي شريف وين أنت ؟ يفتح الجهاز ويتكلم لوحده ارفع البتاعت دي هناك تعال يا فاطمير وبعدها يرد واحت الله ساعتها بكون تحت بطانتيو في الغرفة ( الدنيا برد 23-) زولك بقى كضيضيب زي صاحبنا يقول عندي أمتحان وهي كل يوم معانا

أحلف

Quote: مو عدم قروش عدم عرفة يا الفاضلابي اخوي وي ما بعرييييييييف ما بعرف الحاجات الحساسة دي اطبز في الجهاز زي السخل الدغور في ضرعات الغرز ههههههههه

ههههههههههههههههههه

Quote: عاد ما معرس الخواجية وتعوم قفا قفا ولا خساك يابركة من جعل محمد نبي تلم فيها سودانية نجيضة تمسكا من اضانا وتقوليها كداين من كداين وتتلقاك في الباب وتقوليك تعال هنا يا المسنوح الله دا مو كريم رحيم ؟ شاحد ربي. . والتهجة بت خالي البلولة الله اديها العافية السنة دي قالوا سعيتها ولداتا تيمان تيمان تحلب وتصرر وتكن ولا خساها

هههههههههههههه
ياهو الحاصل
لما تقول لي دي منو ؟ بقول ليها بت خالتي
ها زول ها البلد كلها عملتها بنات خالي وعمي وخالتي

العشا لِبى ساااااكت
فوق عديلا زيد ويبارك

Quote: العشا لِبى ساااااكت

قول النصيحة يا ود المنسي حلو اللِبَا ول سمحة الزهور المذكورة اعلاه
عشان كونو انا لابد لي فوق راي هههههههههههههههههههههههههه

Quote: قول النصيحة يا ود المنسي حلو اللِبَا ول سمحة الزهور المذكورة اعلاه عشان كونو انا لابد لي فوق راي هههههههههههههههههههههههههه

سمح موضوع الأميرة أميرة عن الزي السوداني
نحن ناس زهور
نحن عليف وبرم ونال وخزام

ود البوش

Quote: عاد ما معرس الخواجية وتعوم قفا قفا ولا خساك

قفا شنو البنومو ياخ ؟


وحاة الله قالوا لما تمشي معاهو زوجتو الخواجية لعولو في جهة شندي تعطّش الحلة كولها

قالوا ما بتتحمل السخانة علا نسوان الفريق كلهن يجن يبطحنها تحت ضل الميمة ويشتغلن فيها بالشوبة رش بالخرطوش عشان تبرد

هههههه محني والله
اخت اصبعي في العين تطلع غين
اتبنو يروح منو كلو كلو
مقذع فيهو زي التكني رايح لي شئ
عليك امان الله غلبني تب
وحرق روحي
القديم ام العول استولت عليهو بي وضع اليد

قفا شنو البنومو ياخ ؟


وحاة الله قالوا لما تمشي معاهو زوجتو الخواجية لعولو في جهة شندي تعطّش الحلة كولها

قالوا ما بتتحمل السخانة علا نسوان الفريق كلهن يجن يبطحنها تحت ضل الميمة ويشتغلن فيها بالشوبة رش بالخرطوش عشان تبرد

Quote: هههههه محني والله اخت اصبعي في العين تطلع غين اتبنو يروح منو كلو كلو مقذع فيهو زي التكني رايح لي شئ عليك امان الله غلبني تب وحرق روحي القديم ام العول استولت عليهو بي وضع اليد

ما بتشوف عبيدالتك
اها ما اياهو الدغور البلاكد في ضرعات الغرز ؟
يا اخوي ارجع للكمبيوتر اب كرش اخير ليك قبل ما انعدم

Quote: قفا شنو البنومو ياخ ؟ وحاة الله قالوا لما تمشي معاهو زوجتو الخواجية لعولو في جهة شندي تعطّش الحلة كولها قالوا ما بتتحمل السخانة علا نسوان الفريق كلهن يجن يبطحنها تحت ضل الميمة ويشتغلن فيها بالشوبة رش بالخرطوش عشان تبرد

ههههههههههههههههههه
ترقد لهن تحت الشدر اللت اللبخ ( عندنا جنينة كبيرة قدام البيت كلها لبخ وزهور بت عمسيب )
ويرشو ليها بالخرطوش في صفق الشدرة والرزار ينزل فيها وهي مغطية بي توب أمي باقي بتحبها كتير
وشغالة معاها لغة وصف السنة الأولى لكن تاني الخواجية أتعلمت كلامهم وبقت تباكي وتعزي وبي ختتا
في البوشات وسكر للنفسا
هههههههههه

Quote: هههههه محني والله اخت اصبعي في العين تطلع غين اتبنو يروح منو كلو كلو مقذع فيهو زي التكني رايح لي شئ عليك امان الله غلبني تب وحرق روحي القديم ام العول استولت عليهو بي وضع اليد

الليلة أقعد
صرر .. رضع .. وأحلب
وكان عندك في الزريبة كم عبور أدهن غسلة بي موية من موية المطر الفي الترعة القدام بيتكم

Quote: أتعلمت كلامهم وبقت تباكي وتعزي وبي ختتا في البوشات وسكر للنفسا

بس ديل لكن؟

Quote: الليلة أقعد صرر .. رضع .. وأحلب

الليلة الضيق اخدن مرة واحدة
.
.
يا ود المنسي عاين جاي
زمان عبلة وامنة بنات خالتي حوا اتمسحن وادهنن واطرشن للحفلة الكاربة في الحلة بالمكرفون
وحفلات المكرفون الزمن داك الا اسويها زولا جعيص
اها من لخمة الحفلة نسن اتلقن البقرة اجيبنها من الراعي
واتي يا البقرة رجعتي للنجاضة ووقعتي في عيش ود العكش وطوالي ود العكش كشاها على الزريبة
والزريبة طبعا فيها غرامة بالشئ الفلاني
سيد الزريبة رسل لي خالتي حسنة قاليها بقرتكن في الزريبة تعالوا حلوها
ودخلت خالتي حسنة زعلانة ولقت امنة وعبلة في مسيحن وتميرن ولا خساهن
انتكت على حلق الباب وقالت ليهن
اسمحك اتمرك والبقرة ودوها الزريبة

Quote: يا ود المنسي عاين جاي زمان عبلة وامنة بنات خالتي حوا اتمسحن وادهنن واطرشن للحفلة الكاربة في الحلة بالمكرفون وحفلات المكرفون الزمن داك الا اسويها زولا جعيص اها من لخمة الحفلة نسن اتلقن البقرة اجيبنها من الراعي واتي يا البقرة رجعتي للنجاضة ووقعتي في عيش ود العكش وطوالي ود العكش كشاها على الزريبة والزريبة طبعا فيها غرامة بالشئ الفلاني سيد الزريبة رسل لي خالتي حسنة قاليها بقرتكن في الزريبة تعالوا حلوها ودخلت خالتي حسنة زعلانة ولقت امنة وعبلة في مسيحن وتميرن ولا خساهن انتكت على حلق الباب وقالت ليهن اسمحك اتمرك والبقرة ودوها الزريبة

ههههههههههههههههه
الكراسي رصوها العاد في عمود الكهربا شدو والزينة احمر اخضر بي عيدان زربوها
خالتك راجياهن يجبن ليها البرة من الراعي

وود العكش تتخت علي مايراعي الجيرة
مرة يا ود البوش بت خالتنا غشيمة الغنماية تاكل عشاها جابوها من سنجة للبندر
قولن كدي بنات أهلنا ساقوها سهرة في التلفزيون إتجيهت وامها قالت يا بت شيلي منديلي
في يدك ...
زولتك مشت وحكرة قعدتا في التلفزيون ومسرحة عالي هههههه
اليومالتني أمها سألتها يا بت المنديل حقي وينو ؟
قالت ليها أنا اساساً ما شلتو يا امي
الام المهم فتشت منديلا وإتعوضت صاحب العوض في المنديل
وزي ماك عارف السهر في التلفزيون تسجل وتعرض بعد كم يوم
اها يوم عرض الشهرة وخالتي قاعدة فجأة يجيبو ليك بتها في الشاشة وتمسح في وجيها
بي المنديل
قالت ليها : سلوى دا ما منديلي يتمسح وشك بي بعر بقرة شبعانة
وديتي وين يا مشولما

تخريمة
والمنديل بين الحبان غالي وله معاني
شوف الزول دا لما ضاع منه منديل هدية من الحبيبة قال شنو يا ودالبوش

ما لقيت الاغنية يا ود البوش
لكن نده فيها كل الشيوخ وأهل القبب يقفوا للمنديل
وزولك داعي دوعا
بقول
ود عيسى في المسيد
أبوي لاحاق بعيد
الشالو يشل الإيد

يا الصالحين هِمو
في مكة إتلمو
القشا بي فمو
يحرق حشا امو

زمان في الأعياد لما نفكر نمرق للمعايدة على الاهل بنمشي الخلوة عشان نعمل اجتماع نحدد فيهو خارطة طريقنا

يلا يا بت السيد وناسك - تعالوا لي احكي ليكم عن خارطة الطريق وكيف يتم تنفيذها

Quote: زمان في الأعياد لما نفكر نمرق للمعايدة على الاهل بنمشي الخلوة عشان نعمل اجتماع نحدد فيهو خارطة طريقنا يلا يا بت السيد وناسك - تعالوا لي احكي ليكم عن خارطة الطريق وكيف يتم تنفيذها

منتظرين ومتشوقين لسماع الجميل ويا سلااام لم تسخى وتخلي مساختك
وما تنسى الرحماتات ( والحارة ما مرقت ست الدوكا ما كتبت بي تلفون ود أبوسن )

....................
اها يا ودالبوش أن كضاب دي حالة زول مشغول لتحضير البورصة في لالي الجزء الأوروبي من تركيا
عييييييك شرابو وجايب خبر المسنوح
أنا بالنسبة لي الككو الفجخ الطين
بعبع

Quote: الكراسي رصوها العاد في عمود الكهربا شدو والزينة احمر اخضر بي عيدان زربوها خالتك راجياهن يجبن ليها البرة من الراعي

كراسي شنو وعمود كهرباء شنو يا ود المنسي الله اهديك
داك زمن القمل كوم والمحنة ردوم تخلي البنات اتلصق في بعضن ومقبلات علي الحيطة
ونحن يا دوبك معنقدين والخلال جوة الخنفس
.
.
هاك يا ود المنسي انا متألم خلاس

Quote: كراسي شنو وعمود كهرباء شنو يا ود المنسي الله اهديك داك زمن القمل كوم والمحنة ردوم تخلي البنات اتلصق في بعضن ومقبلات علي الحيطة ونحن يا دوبك معنقدين والخلال جوة الخنفس

.


وحليل المحنة وزي ما قُتا راحت مع القمل

وكا في الحلة يوم
حِنة علي الشاشوق
أها مشينا نقدم البنوت
علي ضو الراتين
عيونهن تنبح زي فجر
الليل قريب واقف يعاين
خِدودهن هارجا
زي جهر الكهارب في المدين
وكان الليل ..
ومافي الحلة من الحفلة
إلا صداها
كان زغرودة كان غناي
رقيص الشامة بت حمدين
عرضة حامد العوالق
وشنق ود سعد طاقيتو
في الحلة ساو كنتين
وشكلة عامر المسكين
وعيط ود مجمر زين
عشان لزينة رقصت زين
وفي الشعقيبة
كان بازمالو شبالين

تخريمة
الكنينة يا ود البوش هي طبعاً مرأة في شندي ونحن شفناه ومع أنه كان قدم العمر بها
لكن رغم ذلك كانت جميلة
الأغنية شاعرها من قرية الشقالوة ( ساردية شمال شندي )
وكانت الكنينة تسكن في حلة المحطة في شندي وهو طريقه من قريته حامل لبن الصباح والمساء ليبيعه في سوق شندي
الشاعر أسمه ود النزيها

Quote: عيونهن تنبح زي فجر الليل قريب واقف يعاين خِدودهن هارجا زي جهر الكهارب في المدين

خليتك لي الله يا ود المنسي

Quote: يلا يا بت السيد وناسك - تعالوا لي احكي ليكم عن خارطة الطريق وكيف يتم تنف

ياودالبوش المسنوح ده زمان نامن يكون عندو قضية حقت اهله اول شي الحلة كووولها بتتكسر في السوكي التقول ماشين شوقار بكا
اها نامن مواعيد القضية تجي بيتحرك الموكب من قدام مكتب ودشيقوق رافعين الرايات زي وفد الختمية الماشين لي حولية ـ
والطيب ماشي قدامن زي مقدم الطريقة والشنطة بتاعتو مشيِّلا لي واحد من عريرريبن اكان تشوفو دارعها بالعمة وحاجِنا في العكاز بي ورا ضهرو التقول قابضلو حوتة من البحر.

Quote: الكنينة يا ود البوش هي طبعاً مرأة في شندي

بتعرف حِمِيره يامك؟
حميره دي زمان نامن يجيبوها لي حفلة في الفاضلاب العمرهن تمانين سنة يتمولَصوا للبطان
مرة واحد جابها في عرس ولدو العميان شايل المكسر التقول جاتُن شاكيرا ـ
عمك عجوز حلف الا يتباطن .. ولده جا يْتُرُّه قالّو يابوي الكلام ده عيب انت زرت بيت الله
دفر الولد وقالّو ابعد ياجنا ـ مكة مي بعيدة.

Quote: وحاجِنا في العكاز بي ورا ضهرو التقول قابضلو حوتة من البحر

ههههههههههههههههههههههههههههههههههههههههههه

دا اصلو ما وصف زولا سمع
دا حرم كلام ناسن تربطن تكة وتفرقن مطرة شعفوفة
.
.
علي كيفك انا غايتو ماش واسع بجي اهرسك
ان شا ءالله ما قمت منها

الأخ الحبيب \ ود شيقوق ..

والله ما اجمل السوليف معاكم ههههههههه .

Quote: الإجابة عندى لا ما لم نغير ثقافتنا نحن . بالمناسبة دي تذكرت موقفا طريفا لما كنت محاميا بمدينة السوكي كان القاضي المقيم رجلا رومانسيا راقيا مولع بزراعة الزهور

طبعآ وبكل حضور قريت كلامك المجيه , تصدق يا ودشيقوق انا بموووووت في الزهور
ومن الاشياء البتزيد ايماني الزهور والسحب والمطر طبعآ يا الحبيب هولندا مشهورة بالزهور والامطار
وبالمناسبة ما تشوق عنفي السياسي والتمرد الديني دا كلي ايمان وحب وشكر للحبيب ربنا بنعمتة علينا بهذه
الطبيعة الرومانسية هههههههههههههه .

ود شيقوق بهدي ليك المنظر دا .. وما تنسي بعد شوية بجنك مارات بنات الحور الما خمج هههههههههه .
لوحة ربانية من بلد الزهور ( هولندا ) ..

العزيز \ الماك منسي ..

تحياتي المعطرة من بلد الزهور ..

Quote: ودشيقوق لانو سايقنو لزيارة لاعب الوسط هههههه

تصدق قلت اسوقك انت اول لكن اتراجعت واتذكرت لو سقتك مافي زول بيكون تاني
وسط هههههههههههههههههه .

رايك شنو يا المامنسي نقدم ليك لوحة طبيعية من بلد الزهور . شوف البساط دا من ورود طبيعية .

Quote: ود شيقوق بهدي ليك المنظر دا .. وما تنسي بعد شوية بجوك مارات بنات الحور الما خمج هههههههههه . لوحة ربانية من بلد الزهور ( هولندا ) ..

إنتي يابت عمسيب خَبَارِكْ بتفرزينا
غايتو الـ فيك إنعرفت ـ ده تهدي ليهو
ربطة موليته , حزمة عنكوليب , سِعن روب
حاجات زي دي ـ وكمان معاها حور عين
إنتي دايراهو يمرقنا من البلد ولا شنو ؟ هو كدي مو مريحنا.

حبااااااااااااااااااب اخوي الفاضلابي .

وما عاش البفرزك ود امي ..

Quote: إنتي يابت عمسيب خَبَارِكْ بتفرزينا غايتو الـ فيك إنعرفت ـ ده تهدي ليهو

واكيد الدرب طال او قصر جايبني ليك واهو جيتك ههههههههههههه .

اها ليك اجمل لوحة ربانية من بلد الزهور . والله تستاهلها .

Quote: حبااااااااااااااااااب اخوي الفاضلابي . وما عاش البفرزك ود امي ..

سمح يابت عمسيب ـ تهدي لي مطار بدون طيارات ؟
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
هديتك مقبولة ونهاديك وانتي جايه من الحجاز
ونكتب فوق بيتك بتاع هولندا:
ياداخل هذا الدار صلي علي النبي المختار

بالله في حفلة هنا ومع ط ر ة بالزهور والورود وانا نايمة يعني مش تنبهوني
نشارك معاكم يصيبنا شئ من الياسمين.....هولندا دي تستحق زيارة سياحية
ونحن بين غابات الاسمنت وما بنشوف. الزهور الا في التلفزيون وحتى في التلفزيون
الا في الافلام الرومانسية .....يعني هولندا دي كلها رومانسيات ولا شنو يا منى
والله يديكم العافية والصحة ودوام المحبة..

Quote: إنتي يابت عمسيب خَبَارِكْ بتفرزينا غايتو الـ فيك إنعرفت ـ

ونحن بنقول يافضلابى ..ياست الحوش ..مالك بتفرزينا
جايين بى تحياتنا وخرفانا .
مانلقى قولة سلام ..خلك من الزهور والورد ..هههه
اها شن قولك.

بت عمسيب

صباح كلو ورد وزهور

Quote: طبعآ وبكل حضور قريت كلامك المجيه , تصدق يا ودشيقوق انا بموووووت في الزهور ومن الاشياء البتزيد ايماني الزهور والسحب والمطر طبعآ يا الحبيب هولندا مشهورة بالزهور والامطار وبالمناسبة ما تشوق عنفي السياسي والتمرد الديني دا كلي ايمان وحب وشكر للحبيب ربنا بنعمتة علينا بهذه الطبيعة الرومانسية هههههههههههههه .

طالما بتموتي في الزهور هاك دي خليها تكسرك عديل

الحبيب منعم ود سيد احمد معقولة دي يا منعم ما اكون شفت اجمل
صورة في المنبر العام ...العمى ما عمى البصر لكن عمى البصيرة
لكن انت جيت ب اجمل لوحة تعبيرية تعبر عن البادية موضوعنا الرئيسي
انا متابعة دائما تعليقاتك الذكية ال ذات الدلالات في عموم المنبر العام
ولمن قريت هسع تعليقك قلت معقولة ود سيد احمد جانا ضيف ولم نرحب
به ورجعت لورا وفعلا وجدت اللوحة التعبيرية وكانت اجمل وا لطف هدية
لكن برضه يا منعم ال فيك اتعرفت ، زي ما بيقول ود الفاضلابي،تدوني
تحية والهدية للضيوف وكان عشمي تجمعهم الاثنين وتكون كريم كرم
اهل البادية
ولي عودة للتعليق على اللوحة
والله يديك العافية واللقمة الدافية

بت السيد

Quote: إنتي يابت عمسيب خَبَارِكْ بتفرزينا غايتو الـ فيك إنعرفت ـ ده تهدي ليهو ربطة موليته , حزمة عنكوليب , سِعن روب حاجات زي دي ـ وكمان معاها حور عين إنتي دايراهو يمرقنا من البلد ولا شنو ؟ هو كدي مو مريحنا.

شفتي قريبك دا بهرجل كيف ؟ بكون عايز باي طريقة اتلصق مع السمحين وما عارف نوع المنطق دا هو السبب في اسقاط اسمه من قايمة السمحين

عليك الله منطقيهو لينا بكلامك السمح دا

انت ال م ص ح بك بدري كدا شنو ؟عندكم صباح يوم العطلة ونحن
ص ا حيات بسبب عندنا منتصف ليل الجمعة وبكرة السبت وال م س ن و ح ة
بتذاكر وانا بقلب في مواضيع المنبر العام وامتع نظري بزهور هولندا وطبيعتها
الساحرة
والله يديك العافية

زهور شنو
البرم!
ناسك ديل ما بعرفو الا ما بؤكل من نبات
يقولو ليك الهواميق دي شنو

Quote: خليتك لي الله يا ود المنسي

اخخخخخ يا ودالبوش
دا الشئ البخلي الزول يعضي إيديهو

جمال البادية وحسانها
أنزل يا ودالبوش وشوف يد القدرة
وشوف حُسن البداوة الما لِمس بُدرة
كاتلن الصفار أم نضرة الخُضرة
خداري وما بخلي
الليلة يا الأخدر لونو زرعي

العيون شبه الفناجيل
السنون براقن يشيل
دي مفروض
ماتحش قش التناقير
وماتشيل جردل علي الزير
عليك الله شوف التوب فوقا تقول حرير
دس كان إنفدعت في رقصة ورمت الشبال فوق وريد المسنوح ودشيقوق عليك أمان الله
يهضرب مورود وينده ينادي نادوا لي سميري

ال

Quote: بتعرف حِمِيره يامك؟ حميره دي زمان نامن يجيبوها لي حفلة في الفاضلاب العمرهن تمانين سنة يتمولَصوا للبطان مرة واحد جابها في عرس ولدو العميان شايل المكسر التقول جاتُن شاكيرا ـ عمك عجوز حلف الا يتباطن .. ولده جا يْتُرُّه قالّو يابوي الكلام ده عيب انت زرت بيت الله دفر الولد وقالّو ابعد ياجنا ـ مكة مي بعيدة.

ههههههههههههه
كيفن مابعرفها
الحمرا والجود ودودو عازف الدلوكا
وكان بتدور الشيلات ( الكورال بحدثك بي أساميهن هههههه )
الحميرا كانت مسيطرة على تلك المنطقة عليها رحمة الله من الشلالال السدس السبلوقة لي بربر شرق وغرب
والما جابوا لي الحمرا في طهورو مافي بت بترضى بي هههههههه
كانأهل جوير ودضبعة ( جوير سلمان ) مفتنون يفن الحمرا وبقوا بي مناسبة وبلا مناسبة يجيبوها تغني
مرة أخت العمد ود ضبعة مشت لي أخوها العمدة ( باقي ولدا خلى زراعتو وحايم مع الحميرا )
وقال لي : البطان ديل كل يوم جايبين الحمرا بي تحت في الجناين وسايطين والواطا بي عود وخلوا شغلتم
بهايمم جعانة .... العمدة شال سوطو ومشى عليهم في محل لمتهم ....
الحمرا من شافتو جاي من بعيد وعيونو يتطاير الشرر منها أوقفت الاغنية الكانت بتغني فيها وغنت لي أغنية
أخو الحسن
سيد محكر الديوان وثابت يا أبـ قلب
فكامة النيران وين متل الحسن
الحسن يا الحسن جابوني لي حداث
يا مطر السواري الهاب هبوب ورُشاش
يا بحر المحيط الدقا في الحصحاص
وتلب يا الصقر توّر الرخم مني
مشى عليها وهزا فيها وأخد لي عرضة العمدة وقال غني في غناك الله أريتا بهايمم ما أكلت

Quote: طبعآ وبكل حضور قريت كلامك المجيه , تصدق يا ودشيقوق انا بموووووت في الزهور ومن الاشياء البتزيد ايماني الزهور والسحب والمطر طبعآ يا الحبيب هولندا مشهورة بالزهور والامطار وبالمناسبة ما تشوق عنفي السياسي والتمرد الديني دا كلي ايمان وحب وشكر للحبيب ربنا بنعمتة علينا بهذه الطبيعة الرومانسية هههههههههههههه .

من بكرة ياهو المعلق لي وردة حمرا في عِمتو المسنوح وقعد في نص مسقط يغني
يا مطيرة صبي لينا في إيدينا

.........
هوي يا منى ما تنططي
زهور؟
ولا سحاب ومطر ؟
ولا بتاع الوسط ؟

Quote: تحياتي المعطرة من بلد الزهور .. Quote: ودشيقوق لانو سايقنو لزيارة لاعب الوسط هههههه .

انا ما قلت ليك يا منى
بعد الأبيات في المسدرا
إنحصرت المنافسة علي أتنين
لأني أنا مدافع بلعب
وود شيقوق طلبتي منو يمشي معاك لي اللو جابو إسمو الهوى بقسمو

Quote: تصدق قلت اسوقك انت اول لكن اتراجعت واتذكرت لو سقتك مافي زول بيكون تاني وسط هههههههههههههههههه .

يعني ممكن أدخل المنافسة بعد دفاعي دا وألعب في النص
هههههههههههههههه
بس أمسكي ودالبوش دا جنو كِسير
أخ أخ أخ أنا لي الله وعيشة حمدالله
بزرع من الليلة شندي كلها زهور

تصدق قلت اسوقك انت اول لكن اتراجعت واتذكرت لو سقتك مافي زول بيكون تاني
وسط هههههههههههههههههه .

Quote: رايك شنو يا المامنسي نقدم ليك لوحة طبيعية من بلد الزهور . شوف البساط دا من ورود طبيعية رايك شنو يا المامنسي نقدم ليك لوحة طبيعية من بلد الزهور . شوف البساط دا من ورود طبيعية

وما أحلاها الزهور تشرح الصدور
يا منى الشاعر الشفيف محمد عوض الكريم القرشي كان طريح المستشفى ونما ود بينه وبين سيستر أسمها بدور كانت تحضر لزيارته كل يوم وفي يدها وردة حمرا.. جاء العيد وهو مازال في المستشفى لكن بدور
غيدت مع الأسرة وفقد الشاعر بدور والزهرة وهاجت به الشجون وجادت قريحته الشاعرية
بهذه الأغنية


وتسلمي يا منى بت عمسيب والبساط أحمد ووردي

Quote: بالله في حفلة هنا ومع ط ر ة بالزهور والورود وانا نايمة يعني مش تنبهوني نشارك معاكم يصيبنا شئ من الياسمين.....هولندا دي تستحق زيارة سياحية ونحن بين غابات الاسمنت وما بنشوف. الزهور الا في التلفزيون وحتى في التلفزيون الا في الافلام الرومانسية .....يعني هولندا دي كلها رومانسيات ولا شنو يا منى والله يديكم العافية والصحة ودوام المحبة..

ست الحوش الأميرة
لك كل الزهور ياسمين وفل وزنابق وورد هولندي

Quote: زهور شنو البرم! ناسك ديل ما بعرفو الا ما بؤكل من نبات يقولو ليك الهواميق دي شنو

ههههههههههههه
هو المسنوح الما مدو لي في حياتو إلا كورية لبن بقى يفهم في الزهور
نحن مالنا ما بنفهم
هسي مارق أشتري لي بنطال وتي شيرت وزهرة هههههههه

Quote: شفتي قريبك دا بهرجل كيف ؟ بكون عايز باي طريقة اتلصق مع السمحين وما عارف نوع المنطق دا هو السبب في اسقاط اسمه من قايمة السمحين عليك الله منطقيهو لينا بكلامك السمح دا

ها زول هوووي
البرش ودالفاضلابي بي الموية بنرشو دم
أنا الككو الفجخ الطين
أرعى بي قيدك

انت ال م ص ح بك بدري كدا شنو ؟

عاد نحن كان بقينا زى ناس البندر بنوم للضحوة دحين بنسعى لينا بهيمة ؟

سيد الرزق يا بت السيد كان شبع نوم ما خلاص خشمو اتملا تراب

والله يا اخونا تربية أهلنا لينا بقومة الباكرية دي خلتنا في الداخليات ونحن طلبة نقوم ونذاكر بدري

خلتنا في الشغل نكون الأوائل في الدوام

ست البيت الرائعة ...كيفنك وعساك طيبة
الحملان لى ناس البادية السمحين ديل
قلنا نجيهم بى هديتنا مانجى مطلقين يدينا ساى
الناس ديل ناس كرم ومروه ..والجود بالموجود
وهديتك ..قاعدى ..لى ناس البادية بنجيهم بالسعية
ولى ناس الشمال ...بلحنا ده ساونوا اولى شى
سبيل لوجه الله ومن تانى نتعايش بيهو
ودى هدية السلام والترحاب..

Quote: شفتي قريبك دا بهرجل كيف ؟ بكون عايز باي طريقة اتلصق مع السمحين وما عارف نوع المنطق دا هو السبب في اسقاط اسمه من قايمة السمحين عليك الله منطقيهو لينا بكلامك السمح دا

اها يامني
بتبقي علي قريبك ولا تباري المسنوح ده؟
ده يامني واحد من نواحيهن نزل البندر
وزار الشيخ الصابونابي جنوب سنجة
وكان يوم جمعة ـ صلي معاهن الجمعة
وشد جملو واتطلب اهله ـ تاني يوم لقاهن
بي صلُّوا في الضهر ـ قال لهم ـ هييييييع
إنتو من زمن بِصَلّوه اربعة ركعات ـ يمين
امس انا كنت مع ناس ابوي الشيخ لقيتن
صَلّوه ركعتين بس ولي يوم الليلة يبقي خلوه كُلو كلو

Quote: ده يامني واحد من نواحيهن نزل البندر وزار الشيخ الصابونابي جنوب سنجة وكان يوم جمعة ـ صلي معاهن الجمعة وشد جملو واتطلب اهله ـ تاني يوم لقاهن بي صلُّوا في الضهر ـ قال لهم ـ هييييييع إنتو من زمن بِصَلّوه اربعة ركعات ـ يمين امس انا كنت مع ناس ابوي الشيخ لقيتن صَلّوه ركعتين بس ولي يوم الليلة يبقي خلوه كُلو كلو

ههههههههه
والله إت مسنوح يا الفاضلابي وزول محن
اسمع حديث السرة بت طه عليها رحمة الله
جاء واعظ يعظ وكان حديثه يومها عن طاعة المرأة لزوجها
قال طاعة الزوج لزوجها واجبة وتطيعه في كل شئ إلا في معصية الله
طبعاً ناسنا مدحشين وما فاهمين شئ
ضرب ليهم مثل
قال الزوج لو رأى من مصلحة أسرته أن لا تذهب الزوجة لاهلها مفروض تطيع
اها السرة النضمي تب ما عجبها وقفت علي حيلا وقالت لي
يا مولانا يعني معناة حديثك دا راجلي يقول لي ماتمشي لي أهلك وأطيعو
قال ليها نعم يا حاجة
قالت لي : والله ما أطيعو إطيعو الوجع البحميني أمشي لي أهلي
قال ليها الواعظ يا حاجة دا كلام الله ورسوله عليه الصلاة والسلام
قالت لي : قطع شك غلطانين
أهلنا حلوين يا الفاضلابي والله ما نزلت إجازة ولا قعدتها كلها في البلد مابجي البندر إلا قادم ومغادر
بس معاهم في زراعتهم في جمعتهم وتسمع العجب بالذات مع ضيق الحالة دي

Quote: ست البيت الرائعة ...كيفنك وعساك طيبة الحملان لى ناس البادية السمحين ديل قلنا نجيهم بى هديتنا مانجى مطلقين يدينا ساى الناس ديل ناس كرم ومروه ..والجود بالموجود وهديتك ..قاعدى ..لى ناس البادية بنجيهم بالسعية ولى ناس الشمال ...بلحنا ده ساونوا اولى شى سبيل لوجه الله ومن تانى نتعايش بيهو ودى هدية السلام والترحاب..

البديع وجميل كلو في الضواحي وبواديها

يعني يا بت عمسيب عشان إتقدمنا نلعب في النص تخلي المدرجات والتشجيع
كان كدا أرجع لي دفاعي أخير لي وتشجعني الجماهير الغبشى
ههههههههههه
قتلها أقفي آ المريودة
بدور أرمي لي مرباعين
قالت الفجر في خدودها
حدانا العين
بعدما تفجر الضحوية
بوّح غادي بوّح غادي
نم فوق البعجبك زين
قتلها زين
وداك الحين بشوفك يا الرتينة
مع الشمش بتلالي
مناك للسحاب
الكابي فوق حِلتنا
كان عامل ضُلالة

هييييييييييييييييع الوفد العماني المشارك في اللجنان التحضيرية للاجتماع باستانبول

قال عنكوليب قال

صورة جماعية لجميع أعضاء اللجان

عنكوليب بس

وريتونا لكن..... عندكم

Quote: وريتونا لكن..... عندكم

شنو ؟ نطع؟

اللافتا وراكم مكتوب فيها مدرسة صلالة الثانوية
تقول لي تركيا

ههههههههههه
دي تلقاها عند الغافل

الأخت الفاضلة بت السيد
الأميرة أميرة
أهنيك بهذا البوست الجميل
والدليل على جماله وصل في فترة لاتزيد على الاسبوعين عدد القُرائ 13000 وكسر
سدد الله خُطاك يا الأميرة ومزيد من النجاحات والتقدم وأنتِّ تبدعين
تحياتي

عليك الله يا ودشيقوق تأمل الكلام دا
الولد بتنبر
ويقول

أنا أخو البت اللكعت
قرن الخُمرة النازا
علي وردان الصبوة الراكزا
بي الحيل آ جني
أي والله

يلكع أي يلوج والوجة معروفة واللوجة عند الحسنان تكون في الرقص تميل يمين وتميل شمال
تودي الطوق يمين وشمال وترمي بالشعر المعطر بالخُمرة طيباً( وناس ود أوسن يكونوا راحوا في حق الله )
لكعة الشبال اي تميل وتجدع سبايب شعرها فوق رقبة الجنى وهو متنح منتظر شبال
وقصد أنها رمت بشعرها فوق رقابهم شبال لكن أطلق مفردة وردان وهو الوريد وعادة ما يكون
الوريد مشحوط في الرقبة بالذات في الجماعة الماسكين نار حينها
الركزة في البطان بطرة وجبرة
الشبال بي حقو وحق الشبال سيطان من العنجاوي
لانو ضرب الصوط الركزَّا
بفرز الناس
ليه ؟؟؟
عشان زينوبة ما بتحوق

Quote: أنا أخو البت اللكعت قرت الخُمرة النازا علي وردان الصبوة الراكزا بي الحيل آ جني أي والله

والله يا المنسي ود بادي رسم لوحة بهذه الابيات قمة في الابداع الشعري

الله يخليك ويمتعك بالصحة و العافية يا دكتور محمد وانت ترسم ابتسامة على وجه كل من تتبع ابداعك

والله قصائد ود بادي كلها لوحات رائعة وبديعة تحكي الحياة
الريفية بتفاصيلها الدقيقة جدا وحتى صوته لمن ينشد القصيدة
بيدي بعد اوسع لمعاني الكلمات ..
والمسنوحة الليلة مزاجها رايق وسمعت القصيدة كاملة وهي تدون ملاحظات
وقالت راي غريب جدا في ود بادي لمن سمعت الكلام ده:-
وين بنوت الحلة البكر عصرا بدري يسون في شاهيهن
بعد الليل ما يهود ونحن نهود عاد اماتن ينادن ليهن
نمشي على القيزان نتقادم اقيس الخطوة مع التاتاي ومشيهن
والله البعد الحاصل ما نساني وحاتكن في قمراتنا بشوف وشيهن

بسمات قالت انا احلف صادقة ود بادي ما نصيح وبتكون في شواطين
بقولوا ليه الشعر ده....يا جماعة هسع دا شعر ناس نصاح وبيوصف الحاصل
بالتفاصيل الرائعة والبديعة دي...
وقنبت تحكي لينا وتقول لينا لمن كانت عمرها 13 سنة كانت تقعد في الرملة
وتلعب مع بنات واولاد الحلة بالليل وكانت كل واحدة تعاين للقمرة وتقول
هي شايفة منظر وشايفة شجرتين وبركة موية فيها وزينة بتعوم والتانية
تقول شايفة وش زول لابس ليه طاقية وواحد من الاولاد(يعني زي ود بادي)
يقول شايف وش زينوبة بت حامد في الركن اليمين من القمرة....ومع انو شفع
الحلة بيلعبوا ببراءة شديدة لكن لمن تشوف وصف ود بادي ترجع طوالي للقرية
وتعيش فيها بحواسك كلها...هسع الزول ده نصيح ولا في شواطين بتقول ليه
الشعر ده....
قلت لها هذه شهادة اكيدة لقدرات هذا الشاعر الفذ ...وما في شواطين ولا حاجة
لكن مهارة وقدرات خلاقة في صوغ الكلمات وبلهجات البادية التي لا بد وانه وعاشها
قلبا وقالبا وعشان كده تاتي كلماته صادقة ومعبرة
والله يديه الصحة والعافية ويبعد عنه شواطين الجن والانس
والله يديكم العافية

Quote: والمسنوحة الليلة مزاجها رايق وسمعت القصيدة كاملة وهي تدون ملاحظات وقالت راي غريب جدا في ود بادي لمن سمعت الكلام ده:- وين بنوت الحلة البكر عصرا بدري يسون في شاهيهن بعد الليل ما يهود ونحن نهود عاد اماتن ينادن ليهن نمشي على القيزان نتقادم اقيس الخطوة مع التاتاي ومشيهن والله البعد الحاصل ما نساني وحاتكن في قمراتنا بشوف وشيهن

والله المسنوحة التي استطاعت استيعاب هذه اللوحة المستوحاة من ادق تفاصيل حياة القرى والبوادي اقسم بالله ما ساهلة يا اميرة

دحين بتقول ليك فكي لي طلاسم هذا الشعر ولا براها كدا ناقشة ؟

والله المسنوحة دي وعلى الرغم من انها بت عصرية جدا ولمن تشوفها اتقول دي بت برجوازية ما طلعت
من قصور حي المنشية الراقي خطوة واحدة وتتكلم اللغة الانجليزية كاهلها وكانها مولودة في
بيت شكسبير لكنها في حقيقة داخلها قروية ممعنة في البدوية وبس كده اسمع رايها عشان تعرف
بانها زولة تانية خالص...من هي في الثانوي العالي تقدم لها اكثر من عريس يريد الزواج بها
ولكنها كانت ترفض بشدة وتقول لابوها وامها :يا جماعة الخير انا ما عندي غرض في الزواج لغاية ما استلم
شهادة الجامعة بيدي اليمين وبعدين البس الخاتم في يدي الشمال..وهنا في امريكا تقدم لها
اكثر من شخص يريد الارتباط بها. لكنها لم تعط لكل هذا اي اهمية ..ولمن اقول ليها انتي قاعدةليك
فوق راي ..تقول اولا هسع انا متزوجة العلم وان سلاحي في الدنيا دي الشهادة الجامعية
عشان مصائب الدنيا دي دايرة سيف بتار للتغلب عليها والسيف ده هو العلم...وتقول انها بتتذكر
ان جدها كان بدعو ليها لمن نجحت من مرحلة الاساس للثانوي ويقول ان شاء الله الشهادة الكبيرة
..وتقول انها لمن تتزوج ما حتتزوج الا لمن يختاره قلبها ويوافق عليه اهلها وانه يجب ان
يكون له الصفات السودانية من الشهامة والكرم والمروءة والخلق القويم عشان الزول
بالصفات دي ما ممكن يظلمها في مسيرة الحياة الطويلة ..وكل يوم تعطينا درسا في الحياة
والله يديها العافية فهي بدوية وقروية بداخلها وعصرية في مظهرها وخارجها
اها شن قولك في زي دي دموعها تنزل لمن تسمع ود بادي..
والله يجازيك يا ود المنسي مما عرفتنا بود بادي وهي كل يوم تسمع منه قصيدة ...
ومرات اتاوق ليها وهي منهكمة في القراية في الكمبيوتر وخاتة سماعات في اضنينها وفي ظني
انها بتراجع ليها في درس والقاها فاتحة يوتوب وتسمع قصائد ود بادي...
وهي بتذكرني القروي اللقانا في الجامعة السنة الفاتت وهو لابس العراقي والسديرية وقال لينا
المظاهر ما تغشكم....فعلا ان الانسان يحكم عليه ما في داخله وليس مظهره.
والله يديك العافية
تخريمة
ان شاء الله تقرا الكلام السمح القلته في حقها وتعزمني عشاء(وجه ضاحك)

Quote: ان شاء الله تقرا الكلام السمح القلته في حقها وتعزمني عشاء(وجه ضاحك)

النصيحة شكرتيها رغم سناحتها وقوة راسا هههههههههههه
لكن وعلى ما اعتقد وحيث انه اكاديميا كدا الليلة بتكتلك هههههههههه
.
.
والله حقو الزول ادوبي بالليل ماشي وين بالليل دا
ها ناس والله مسكني منكم الشديد القوي
وسلامة امحمد ولدي
وكلمي معاك المسنوحة اتكفر لي لي ولدي يا اميرة سمح ؟

سلالالالالالالالام يغشي الناس السمحة .

العزيز \ فاضلابي ,

Quote: سمح يابت عمسيب ـ تهدي لي مطار بدون طيارات ؟

يا فاضلابي يا خيي دا مو مطار دي مزارع الزهور وحالتي قلت اهدي ليك اكبر مزرعة
عشان بتستاهلها هههههههه . عمومآ نزيدك وحدة تاني ,

هاك البنفسج دا ,

الغالي العزيز \ عبد المنعم ود سيد احمد ..

سلام معطر من بلد الزهور ..

Quote: مانلقى قولة سلام ..خلك من الزهور والورد ..هههه اها شن قولك.

كلام زي دا اصلو مو معقول . والعتب علي النظر ود امي .. مع اعتذاراتي المعطرة .
وليك بنهدي هذه اللوحة الربانية .. من بلد الزهور ( هولندا ) ..

ود شيقوق \ الرجل المهندم .. قيافة وفايت الناس مسافة .

Quote: بت عمسيب صباح كلو ورد وزهور

وصباح النور .. عليك يا زهور .
بالمناسبة الاغنية دي بمناسبة صورك الهيبة .. المشرفة بالنسبة لينا .

واااااااااااااااااااااااااااااااااااو

بت عمسيب

Quote: ود شيقوق \ الرجل المهندم .. قيافة وفايت الناس مسافة .

لا لا ام عبد الله بتسود خطوتك - وحاة الله مرة جات لسكريتي في المكتب بعكازا لانها عرفت رمت عينا فيني لكن علا فيكيتا منها باخوي واخوك
اكان ما قدرت لحقتك في بلدك الكتر داك بتحلقك بالفقراء ساي وحاة الله تاني الكي بورد دا الا تكتبي باللمس هههههههههههههها

عزيزنا \ المو منسي .

Quote: قتلها أقفي آ المريودة بدور أرمي لي مرباعين

حباااااب الديمـــــة طارنـــــو ومــــو ناسيـــنو
وفـي البوست الحضر عنــــوان سماح ذاكرنو

اهداء من غير تكلف او تعب ...

من بلد الزهور .. وما تمشي بعيد اسه بجنك بنات الحور هههههههههههه .

ود شيقوق هههههههههههه يعني نبعد بعيد ونعمل شخيط ؟

ابينا .. ههههههههههههههههههههههههههههههههه
اسمعني جاي .. قول ليها دا راجل بخاف من مرتو وداخل باسمها هههههههههههههههههه
عشان تفرح زيادة . يا خوي ان الله جميل بحب الجمال اها ونحن تبع ربنا البحبه بنحبه معاهو
اها نعمل شنو ؟هههههههههههههههههههه .

الخلوق \ ابو سن .. تحية بنكهة الورود .

Quote: زهور شنو

زهور قلبك ههههههههههههههههههه شفت المساخة المعطرة دي كيف ؟

والله يا ابو سن تستاهل الهدية دي .. ( ان الله جميل يحب الجمال ) ..

حمداً سلااامة وكفارة علي الوليد أخونا ود البوش وإن شاء الله مايشوف شر تاني
وربنا يواليه بالعامية كاملة والفرحة تعمك يا زول يا رائع ... ورنبا يحفظهم لك يا ودالبوش
تحيات كتيرة ومودة

Quote: حمداً سلااامة وكفارة علي الوليد أخونا ود البوش وإن شاء الله مايشوف شر تاني وربنا يواليه بالعامية كاملة والفرحة تعمك يا زول يا رائع ... ورنبا يحفظهم لك يا ودالبوش تحيات كتيرة ومودة

لمن تبعد من السناحة كيبوردك احلب لِبا عديل كدا
وتكتب كلام مسقف سقافة شديدة خلاس حلاوة جكسا بس
.
.
يا زول الله لا وراك عشت يومين لا اكل ولا نوم والحمد لله تمت العملية بنجاح
ثم الشكر لكم والله حاسي بيك تكنكم حداي
شكرا يا ود المنسي يا جميل
يلا خلونا نغني
دردق بي يا اللوري دردق بي
دي اغنيتي المفضلة وبعدا طوالي بالليل دا ماشي وين بالليل دا علمني ليهن خالي يوسف من وانا درفون

Quote: والله قصائد ود بادي كلها لوحات رائعة وبديعة تحكي الحياة الريفية بتفاصيلها الدقيقة جدا وحتى صوته لمن ينشد القصيدة بيدي بعد اوسع لمعاني الكلمات ..

شعراء المدرسة الحديثة في العامية
ومن روادها الشاعر الجميل عليه رحمة الله ود حد الزين ( سماعين ود حسن ) اسماعيل حسن
اللذي إنبرى يوما برد على أجمل جواب كتبته أمرأة اسمها بت ود خير لأبنها اللذي كان يعمل جندياً
في مصر ( قوات دفاع السودان التي حاربت بجانب القوات المصرية في سنة 1948 )
يقال أن بت ود خير كتبت الجواب شعرا وردا ليها الشاعر الجميل سماعين ود حسن بلسان قول ابنها
زعلت بت ود خير من سماعين حسن بي الحيل وردت لي بخطاب افظع لكن لاحد يحفظه
سوف أنزل الخطابين
خطاب بت ود خير والرد من شعر الشاعر سماعين ود حسن
يمكن أن نصنف في هذه المدرسة شعر الكثير من الشعراء اللذيننهجوا نهجه في القصيد العامية الطويلة
أمثال
الشاعر محمد طه القدال واللذي تمتاز مفردته المشبعة بالبطانة ومفردة أهل الوسط ولم يرفع قد تعمق في
مفردة بطانة كردفان نشأته في تلك القرية الحالمة الوديعة ( حليوة ) وفيها قال قصيدة
يا حليوة وسمحة
ونسمة قمحة
هقيت للقمر
القمر الأبيض
لبنن هتف من ضرعات
السدرن يومن
ورتعن بدري وقبل الدنيا تغيم
يا أحلى صبية
بتمرق مغرب
عين في الأرض
وإيد تتناول من خالاتا الضيق رواب
يا خلوة بتعزم
وتعزم باشا ( اي ببشاشة )
الضاقوا الصي
الهاجروا فوق رقاب الضي

الشاعر محمد ود بادي العكودابي وتميز بمفردة الوسط ومفردة الشمال ( الشايقية ) فهم من أراضي الشايقية
لكن في الهجرات القديمة هاجروا استقروا في منطقة الجعليين غرب قرية حجر العسل في قرية تسمى جريف سلوي
في حلة قربها تعرف باسم ( عِبدله ) وقد ذكرها في قصيدة
بت الخير
يجيك الخير
وصل جوابك الكتباهو لي الولد الحتالي
إلى أن يقول ...
حلات الموت كان في عبدله
ومن امثالهم كُثر كتب على نهجهم شاعر الفحصى الشاعر الجميل عبدالقادر الكتيابي وله ديوان بالعامية
ومنهم الشاعر الجميل شاعر الجيل عليه رحمة الله محمد الحسن سالم ( حميد )
وكما جمعتهم تلك المدرسة جمع بينهم رابط شرف
تراهم جميعاً اصحاب مبادئ لم يهادوا فيها أبدا ً وعضوا عليها بالضروس والنواجز
غنو للشعب وعاشوا للشعب يصرخون بصوته دوماً ولي عودة

للمرو على أشعار رائد المدرسة الحديثة في العامية السودانية شعراً
سماعين ود حسن

نورد جواب بت ودخير لأبنها في مصر ( في عين شمس حيث معسكر الجيش السوداني كان هناك )
كتبت جوابها هذا بعد طال الفراق وزاد الشوق شوق الأم حنين ومودة ولهفة ومستمر لايقل
وكمان كانت الحالة المادية معاكسة وكتبت متحرية في مبلغ يرسله لها الولد الفي الغربة
( جنهين )


أنا رسلت السلام
يغريك يا الزين
السلام ليكا
ولي المعاك في الأوضا قاعدين
السلام يغري الطرابيش والقلاشين ( الطربوش هو طاقية العسكري القلاشين كان تلبس في الساق ولونها ابيض تزين لبسة )
السلام من عين شمس
لي حد فلسطين ...
أنا ما بوصفك يا صباحي
بخاف من العين
وإت من عين الخلوق
وادعاكا جبرين ( اي جبريل الملك يحرسك ويصونك من عين الحسود )
إنتَّ بي العافي
التختك في المصارين
وتبقالك هِدم يا سيدي
وسروال نعلين ....
الليلة إنتَّ
يا سيد الحصص وصمد النمرتين
إنتَّ ياسيد الشتيل تك العراجين
وإنتَّ يا سيد الجزيري
تكاكي وزين ..
إنتَّ ماك عارف
قلبن لي مجنين
مابترسل لي جواباً فيهو سطرين
وما بتقولي نعيم صباح أمو
إشتغل وين
إنتَّ ماك عارف جواب السلامي
السلامي يجيني
وأطول لي شبرين
وإنبسط بساطة
هي زايدا علي القوانين
الله إن خلاني طيرة
وأحصلو الحين
ألقى في القهوة
قبل الرسمي جالس في الدرابزين
وينسر حالي بيكم يا الحِنيّنين
بعد الحال معاك إن شاء الله جالسين
يابا نتلاقى إنتَّ طيب ونحن طيبين
الليلة دايرا أحكيلو العُذر
صمد النمرتين
وقولو من قِبل الملمات
مانا فايقين ( قبل الملمات : اي المناسبات ومجاملاتها بي الختا قروش )
ومنطبقات عليَّ تلاتي وأتنين
وختي رُبع جنيه وبعضاً تلاتين ( هههه يا اميرة ربع الجنيه 25 قرش )
وقالوا ما بنقبل عُذر
دايرنو في الحين
وإن قلتا المُقد
ماجابلو مُدين
والعيش ريف مبوص
وما مرق هين
اصلو لا تمراً مرق
ولآنا سايقين ( سايقين اي زارعين الموسم سواء شتوي او صيفي )
أنا طبتك بي الله
ترسل لي جنهين
الليلة لا تقول
الجواب دا أن جاني من وين
الكلام نظم أم نعيم
مو دايرّلو تلقين
الكتب وراق حسن
أسطى في الطاحونة
تاجر في الدكاكين
وإنتَّ في تلاتا سنة
ما بيدوك سبوعين
شكرك عندي راقد
بي الجرانين
إلا الجواب
يا خيري إتملى بي الصفحتين

هذا جواب بت ودخير كتبته لابنها نعيم في عين شمس ( مصر )

Quote: يا زول الله لا وراك عشت يومين لا اكل ولا نوم والحمد لله تمت العملية بنجاح ثم الشكر لكم والله حاسي بيك تكنكم حداي شكرا يا ود المنسي يا جميل يلا خلونا نغني دردق بي يا اللوري دردق بي دي اغنيتي المفضلة وبعدا طوالي بالليل دا ماشي وين بالليل دا علمني ليهن خالي يوسف من وانا درفون

أخوي ودالبوش
هذا الحال الدنيا أم قدود لو سارت على بساط أحمر وبجنباتها زهور بت عمسيب ما ضقنا حلاوتها العسل
لكن الفرحة بعد شدة هي الدافع اللذي نحتاجه لمواصلة المسير
ربنا يدي العافية وماتشوفوا شر تاني يا رب
وحمد الله علي السلامة والجنى كرم لو
وأعزم المسنود ود أبوسن علي الأقل تدي دروس في التلفون الجديد
ههههههه
تحياتي ومودتي

تعالي يا بت عمسيب زي النضمي دا بعجبك
ههههههههههههههه
رد الشاعر أسماعيل حسن لبت ود خير جوابها اللذي كتبته لابنها نعيم
بجواب أخر علي لسان ابنها كأنه يرد جواب أمه

وقال ليها فيه

في درب البنات
أنا إتبشتنتا وإتبهدلت دابي
وأنا إتوكرتا
في بلاداً بنتات بلا المهور
الجامحا فوق الريح تشابي
عيونن يما
زي بحر المحيط
والموج يولول
العرق لافحني فايت وا خرابي
سنانيناتن بلا شُخب الحليب
الصافي يرهج في الكبابي
رقابن زي رقاب الريل
علي الحدب البعيد شرفن
علي هِو هيو كـ لابي
وعودن متل الخيزران
فدعهو لي وجعي وعذابي
دريبن زي عقاب التيه
ومافي خبير بشق التيه علي بلد الدوابي
العرجون يصارع في السبيط مدلي
والتاني هتان ينقط في العسل
يا ريت شرابي
مهرن غالي ومابقدر عليهن
وحاتك ضُمة مابقدر عليهن
وكمان شوفو المصيبة
نِفيستي فيهن
ومنو البقدر يمدإيديهو
لي كيس المرابي ( المرابي اللذي يتعامل بالربا )
دحين يا يما راجع لي دريبك
وأنا الغرقان وفي الموجات بشابي
واصارع في الهلاك يا يما قاسي
وبعد قربتَّ لي قريف الشرق
تلفحني شيمة كاسحة مغرابابي
وأنا قعد زي فاقدن مزوزو
أجرجر في التراب ودر حجابي
مشاكل الدنيا
من ما قمتا منك
وإلى هذا الوكت
وأيضاً كذالك إلى مابعدو
ضدي مبشتنابي
أنا لا مالاً لقيتو
عشان أجيك أقدل معا الجِنيات
تجيك العافية بس فضل شبابي
وكان لي القروش
إن شاء طايري
أنا معلم الله
لي حولين أسم فرطاقة ما دخلت جُرابي
والخبر المهم ما قُتو ليك يما
قبل ما أنسى في آخر جوابي
دا شيتن أصلو مافكرتا فيهو
وحاتك صُمة ما كان في حسابي
أرداة المولى مو خافيا عليكم
وكان ديستا لابد يوم تجيكم
خبيري مع البنات والليل يهود
أهز ضراعاتي وأرفع في حِجابي
أنا بقيت غناني غناني
متل ناس ود صليليح طمبرابي

جواب بت خير
والفنان محمد كرم الله

رد الجواب الشاعر اسماعيل حسن

Quote: والمسنوحة الليلة مزاجها رايق وسمعت القصيدة كاملة وهي تدون ملاحظات وقالت راي غريب جدا في ود بادي لمن سمعت الكلام ده:- وين بنوت الحلة البكر عصرا بدري يسون في شاهيهن بعد الليل ما يهود ونحن نهود عاد اماتن ينادن ليهن نمشي على القيزان نتقادم اقيس الخطوة مع التاتاي ومشيهن والله البعد الحاصل ما نساني وحاتكن في قمراتنا بشوف وشيهن

ويا سلااام يا أميرة لم تصفي وتصفو معاك المسنوحة
والمجداعة بي النضم تولد الأبداع
وفي بحر الشاعر الكبير محمد ودبادي نغوص ونقلع نشرق موية من طيب فاه
تأملي هذا الجمال من الوصف لي بنات الحلة في الليلة المقمرة
والأجمل من هذا كلو القديموة ( التقديم )
الجنيات بقدموا البنات علي بيوتن لما ينقضي سمرهم
والسمر كان عفيف ونقي ما فيه دنئة وكانت قلوبهم لاتحمل إلا كل صفاء نقي عرض الناس عرضهم
قال الشاعر
أنا المأمون علي بنات فريقو
وأنا الدابي كان رصد لي شيقوق يعيقو
لاحظي وصف ود بادي لي القدمة وكيف بتكون عاد ما النضمي ما كمل في جلسة السمر تلقي الجامعة ماشين براحة براحة
لذا قال
اقيس الخطوة مع التاتاي ومشيهن
والتاتي هو الطفل اليا دوب بتعمل في المشي تاتي ( وخطوة صغيرة )
وشبه خطوات الحسان لما يرجعو زي خطوة الطفل البمشي يا دوب تاتي
وودبادي له من التشبيهات التي تسلب العقول دهشة وفعلا زي ما قالت المسنوحة بسمات كأنهم مسكونين هولاء الشعراء
وأنا غايتو دايما بقول هولاء شعراء العامية سكنوا في وادي عبقر وبعدها جونا في السودان

Quote: بسمات قالت انا احلف صادقة ود بادي ما نصيح وبتكون في شواطين بقولوا ليه الشعر ده....يا جماعة هسع دا شعر ناس نصاح وبيوصف الحاصل بالتفاصيل الرائعة والبديعة دي...

ولك القول موجه يا بسمات
في البداية سلااام
نعم مسكونين ناس ودبادي بجن عبقر الشعري
الشاعر يا بسمات لو ما هزت كلماته بدنك هزا ما شاعر هناك شاعر وهناك إنسان يكتب الشعر منظوم فقط
الشاعر هو اللذي يأتي لنا بكلام معشعش في أذهاننا لكن ماقادرين نطلعوا هذا هو الشاعر وكذلك ودبادي
فهو شاعر مسكون بجن عبقر
تحياتي سلااام بسمات والشكر للأميرة أمية التي تنقل لنا قولك

عزيزي ود البوش

ضربت تلفون للحبيبة المسنوحة وكلمتها وقلت ليها افتحي سودانيز اون لاين واقري كلامي وطلب ود البوش ومن هسع فتشي ليك مطعم مناسب عشان تعزميني عشا..
وقرأت .. وقالت لي انا عندي دعاء سمح لولده وحينبسط منه بالجد ولكن ابوه ما حيكون مبسوط.. ودعائي لمحمد هو:"

اولا كفارة لود البوش والحمد لله الوليد بقى كويس وصوره بتقول هو بقى عال العال مل دام بيضحك من القلب..ان شاء الله يا محمد ما تشوف شر تاني وخطواتك
كلها تكون محفوفة بالسعادة ... والله يمتعك دائما بالصحة.. وان شاء الله تجتهد في التعليم وتتفوق لكن نصيحتي
ليك ما تدخل الجامعة وما تسمع كلام ابوك كان قال ليك ادخل الجامعة عشان تبقى دكتور ولا مهندس ولا محامي ولا قاضي.. عشان مستقبلك في الكلية الحربية
وتتخرج ضابط في القوات المسلحة .. وبعد داك تذيع لينا البيان رقم واحد وتعمل انقلاب على ناس البشير وتبقى رئيس الجمهورية .. وانت براك عارف انوا مافي واحد
قرأ الجامعة وبقى رئيس الجمهورية.. وبعد ما تبقى رئيس الجمهورية تعيني سكرتيرة خاصة لمكتبك عشان اسجل نص حي المنشية وحي الرياض باسمي والنص الثاني
اوزعه للمساكين ...
قلت ليها انتي يا المسنوحة معقولة ناس عمر البشير ديل حيكونو قاعدين لغاية ما وليد ود البوش يتخرج من الكلية الحربية ويعمل الانقلاب.. وبعدين انتي من هسع بقيت تفكري في الفساد
وسرقة المال العام.. وانتي البتنبذي لصوص المال العام كل يوم ...قالت : والله بالحالة الشايفنها دي وزعماء المعارضة بيتذللوا وبيدللدو الحكومة كيفن ...
ديل ممكن يحكموا لزمن طويل بالحيل....

وانا من هسع بقول ليك يا ود البوش ما تسمع كلام البنية دي وتضيع مستقبل ولدك .. دي بتهظر ساكت .. واذا كانت دي رايها صحي كانت هي دخلت الكلية الحربية
ولكنها اختارت الجامعة.. ومش جامعة اي كلام .. جامعة ليها اسم وبريق...
والله يديك العافية

Quote: ومن هسع فتشي ليك مطعم مناسب عشان تعزميني عشا

ان شا ء الله تكون عشتك بملاح لحم وسلات
والله بعد اتمطقت عديل كدا جد جد ( اتمطقت دي عذبتني عذاب بكتابتها )
سلات ؟ لا حولاااااااااا وين لي ملاح بت علوبة الفركتو وابتو ادناه
وهو هدية سلييييييييييطة للمسنوحة بسمات

ملاح بت علوبة الفركتو وابتو
خليها تلغف وتديك تلغفي ركزي في القراية ما تبقى عليك حكاية بخيت العجب امو

Quote: وبعد داك تذيع لينا البيان رقم واحد وتعمل انقلاب على ناس البشير وتبقى رئيس الجمهورية

يا اميرة عايني جاي
صاحبتك بسمات دي بتخت الودع
شوفي كلاما الفوق دا متناسق مع الكلام التحت دا كيف

Quote: rجمال عبدالناصر ولد سنة 1918 وحكم 18 سنة من عام 52 إلى 70 وجاء الى الحكم بإنقلاب عام 52 ومات عمره 52 سنة حافظ الأسد ولد سنة 1930 وحكم 30 سنة من عام 1970 إلى 2000 وجاء الى الحكم بإنقلاب عام 70 ومات عمره 70 سنة صدام حسين ولد سنة 1937 وحكم 37 سنة من 1979 وحتى 2006 وجاء للحكم بإنقلاب عسكرى عام 79 ومات عمره 79 سنة القذافى ولد سنة 1942 وحكم 42 سنة من عام 1969 إلى 2011 وجاء إلى الحكم بإنقلاب عسكرى سنة 69 وقتل وعمره 69 عام ... سبحان الله ... نجي للبشير ولد عام 1944 بالمعادلة دي حايحكم 44 سنة من عام 1989 وحتي 2033 جاء للحكم بانقلاب في 1989 وسيموت وعمرة 89 سنة وطبعا لوشغل منجمين . . نقول كذبوا ولو صدقوا . . ولو كلام حسابات شيلوا شيلتكم . . ودا كلو كوم وعمل ربنا كوم تانى

Quote: والمسنوحة الليلة مزاجها رايق وسمعت القصيدة كاملة وهي تدون ملاحظات وقالت راي غريب جدا في ود بادي لمن سمعت الكلام ده:- وين بنوت الحلة البكر عصرا بدري يسون في شاهيهن بعد الليل ما يهود ونحن نهود عاد اماتن ينادن ليهن نمشي على القيزان نتقادم اقيس الخطوة مع التاتاي ومشيهن والله البعد الحاصل ما نساني وحاتكن في قمراتنا بشوف وشيهن

ويا سلااام يا أميرة لم تصفي وتصفو معاك المسنوحة
والمجداعة بي النضم تولد الأبداع
وفي بحر الشاعر الكبير محمد ودبادي نغوص ونقلع نشرق موية من طيب فاه
تأملي هذا الجمال من الوصف لي بنات الحلة في الليلة المقمرة
والأجمل من هذا كلو القديموة ( التقديم )
الجنيات بقدموا البنات علي بيوتن لما ينقضي سمرهم
والسمر كان عفيف ونقي ما فيه دنئة وكانت قلوبهم لاتحمل إلا كل صفاء نقي عرض الناس عرضهم
قال الشاعر
أنا المأمون علي بنات فريقو
وأنا الدابي كان رصد لي شيقوق يعيقو
لاحظي وصف ود بادي لي القدمة وكيف بتكون عاد ما النضمي ما كمل في جلسة السمر تلقي الجامعة ماشين براحة براحة
لذا قال
اقيس الخطوة مع التاتاي ومشيهن
والتاتي هو الطفل اليا دوب بتعمل في المشي تاتي ( وخطوة صغيرة )
وشبه خطوات الحسان لما يرجعو زي خطوة الطفل البمشي يا دوب تاتي
وودبادي له من التشبيهات التي تسلب العقول دهشة وفعلا زي ما قالت المسنوحة بسمات كأنهم مسكونين هولاء الشعراء
وأنا غايتو دايما بقول هولاء شعراء العامية سكنوا في وادي عبقر وبعدها جونا في السودان

Quote: بسمات قالت انا احلف صادقة ود بادي ما نصيح وبتكون في شواطين بقولوا ليه الشعر ده....يا جماعة هسع دا شعر ناس نصاح وبيوصف الحاصل بالتفاصيل الرائعة والبديعة دي...

ولك القول موجه يا بسمات
في البداية سلااام
نعم مسكونين ناس ودبادي بجن عبقر الشعري
الشاعر يا بسمات لو ما هزت كلماته بدنك هزا ما شاعر هناك شاعر وهناك إنسان يكتب الشعر منظوم فقط
الشاعر هو اللذي يأتي لنا بكلام معشعش في أذهاننا لكن ماقادرين نطلعوا هذا هو الشاعر وكذلك ودبادي
فهو شاعر مسكون بجن عبقر
تحياتي سلااام بسمات والشكر للأميرة أمية التي تنقل لنا قولك

Quote: ود شيقوق هههههههههههه يعني نبعد بعيد ونعمل شخيط ؟ ابينا .. ههههههههههههههههههههههههههههههههه اسمعني جاي .. قول ليها دا راجل بخاف من مرتو وداخل باسمها هههههههههههههههههه عشان تفرح زيادة . يا خوي ان الله جميل بحب الجمال اها ونحن تبع ربنا البحبه بنحبه معاهو اها نعمل شنو ؟هههههههههههههههههههه .

لا لا ما تبعدي يا حاجة منى عمسيت ( حاجة) دي protective device لما تشوفا بتتيقن طااااب

Quote: والله يجازيك يا ود المنسي مما عرفتنا بود بادي وهي كل يوم تسمع منه قصيدة ... ومرات اتاوق ليها وهي منهكمة في القراية في الكمبيوتر وخاتة سماعات في اضنينها وفي ظني انها بتراجع ليها في درس والقاها فاتحة يوتوب وتسمع قصائد ود بادي... وهي بتذكرني القروي اللقانا في الجامعة السنة الفاتت وهو لابس العراقي والسديرية وقال لينا المظاهر ما تغشكم....فعلا ان الانسان يحكم عليه ما في داخله وليس مظهره. والله يديك العافية تخريمة ان شاء الله تقرا الكلام السمح القلته في حقها وتعزمني عشاء(وجه ضاحك)

نعم الصديقة أنت يا الأميرة أميرة من يقول مثل قولك في صديق له فهو صديق
لبسمات تفاخر بك الأمم أني وجدت صديقة ورفيقة في هذا الزمان الضباب أيامه
وعلاقاته
أعجبني ما كتبت عن بسمات وهي فتاة سودانية أصيلة
الحاضرة ما سكن الحاضرة أن يكون جواك الأصل ضارب في العمق وتتعامل مع خلاله
بسمات بنت أصيلة ومثلها يسمى أم عروض أو ست عروض
وقال الشاعر
الناس في العروض ما تقيسى بي تيبانا
وما يهمك لباسهم العروض عريانة
هم حُراس رزق متل التكنو أمانة
زي أبل الرحول شايلا السقو وعطشانة
فالأصل باقي وينفع الناس وأما الزبد فيذهب جفا
اي والله العلم سلاح تسلحي أختي بسمات بعلمك تجابهي زماننا هذا بسلاحك القوي العلم والعقل
وإن إجتمعا كنتي إنسانة مستقلة وأنت ما شاء الله وحسب حديث صديقتك الأميرة أمرأة ذات عقل
وحصافة همها في الدنيا كبير
ندعوا الله أن يسدد خًطاك ويحفظ من كل شر وبلاء وأن يعوضك كل تعبك بالشهادات العليا
اسمعي ودبادي لما تزهجي من مطالعة العلم التحصيل اي إنجمامة وكوني قريبة منا في
هذه اللمة التي جمعت بيننا نسمع بعض من أخبارك أختنا الفاضلة بسمات

Quote: والله يجازيك يا ود المنسي مما عرفتنا بود بادي وهي كل يوم تسمع منه قصيدة ... ومرات اتاوق ليها وهي منهكمة في القراية في الكمبيوتر وخاتة سماعات في اضنينها وفي ظني انها بتراجع ليها في درس والقاها فاتحة يوتوب وتسمع قصائد ود بادي... وهي بتذكرني القروي اللقانا في الجامعة السنة الفاتت وهو لابس العراقي والسديرية وقال لينا المظاهر ما تغشكم....فعلا ان الانسان يحكم عليه ما في داخله وليس مظهره. والله يديك العافية تخريمة ان شاء الله تقرا الكلام السمح القلته في حقها وتعزمني عشاء(وجه ضاحك)

نعم الصديقة أنت يا الأميرة أميرة من يقول مثل قولك في صديق له فهو صديق
لبسمات تفاخر بك الأمم أني وجدت صديقة ورفيقة في هذا الزمان الضباب أيامه
وعلاقاته
أعجبني ما كتبت عن بسمات وهي فتاة سودانية أصيلة
الحاضرة ما سكن الحاضرة أن يكون جواك الأصل ضارب في العمق وتتعامل مع خلاله
بسمات بنت أصيلة ومثلها يسمى أم عروض أو ست عروض
وقال الشاعر
الناس في العروض ما تقيسى بي تيبانا
وما يهمك لباسهم العروض عريانة
هم حُراس رزق متل التكنو أمانة
زي أبل الرحول شايلا السقو وعطشانة
فالأصل باقي وينفع الناس وأما الزبد فيذهب جفا
اي والله العلم سلاح تسلحي أختي بسمات بعلمك تجابهي زماننا هذا بسلاحك القوي العلم والعقل
وإن إجتمعا كنتي إنسانة مستقلة وأنت ما شاء الله وحسب حديث صديقتك الأميرة أمرأة ذات عقل
وحصافة همها في الدنيا كبير
ندعوا الله أن يسدد خًطاك ويحفظ من كل شر وبلاء وأن يعوضك كل تعبك بالشهادات العليا
اسمعي ودبادي لما تزهجي من مطالعة العلم التحصيل اي إنجمامة وكوني قريبة منا في
هذه اللمة التي جمعت بيننا نسمع بعض من أخبارك أختنا الفاضلة بسمات

Quote: لا لا ام عبد الله بتسود خطوتك - وحاة الله مرة جات لسكريتي في المكتب بعكازا لانها عرفت رمت عينا فيني لكن علا فيكيتا منها باخوي واخوك اكان ما قدرت لحقتك في بلدك الكتر داك بتحلقك بالفقراء ساي وحاة الله تاني الكي بورد دا الا تكتبي باللمس هههههههههههههها

أنا ما قتَّا شئ بجي أبوالأرباب الفاضلابي ويورينا قولو
بت عمسيب بوريك ( شفي بحرفنة )
المسنوح زمان كان مربي نعاج ويوم السوق بسوقها بوقف عبدالله ولدو جنبها
يلف ويجي لما يلقى ناس مشترين واقفين مع ولدو
يقيف كأنو مشتري ويسأل ولدو النعجة دي أدوك فيها كم الولد مسنوح زيو يقول لي
قول قولك فيها ...
يقول لي بديك فيها 50 جنيه (والله والله والله هي مابتكون تستاهل 10 جنيه )
آها يا بت عمسيب الناس تحاول بس تقلل من الخمسين شوية ويشتروها والشافع المسلط متل ابو يرضى ويبيعو
نعجتهم ويمشوا
فنان في العرض ( شفي كويس وما يمشي عليك ........ ) انا حذرتك وعقلك في راسك تعرفي خلاصك
ما حاسد ولا بغران لكن ......... دي بوريك ليها عقلك

Quote: Quote: قتلها أقفي آ المريودة بدور أرمي لي مرباعين حباااااب الديمـــــة طارنـــــو ومــــو ناسيـــنو وفـي البوست الحضر عنــــوان سماح ذاكرنو اهداء من غير تكلف او تعب ... من بلد الزهور .. وما تمشي بعيد اسه بجنك بنات الحور هههههههههههه .

حباب بت عمسيب عاشقة الزهور وجمالا
حباب بت الأصول الكاسيها توب أجلالا

ومن غير تعب تكلف وبكل روح طيبة وسمح أن تقتبس من الطيب مفردة
بعد الشكر الجزيل على تلك اللوحة من الجمال وفعلاً فاقد حسناء
تخليك تقعد وترمي طاقيتك لي ورا تنم تقول

أمبارح أنا قصبة مدالق السيل
في ونسة وضحك لآمن قسمنا الليل
وكتين النعاس إتشقلبنبو الخيل
لا بخلت ولا جادت علي بي الحيل

ليتني زهرُ

Quote: عشان مستقبلك في الكلية الحربية وتتخرج ضابط في القوات المسلحة .. وبعد داك تذيع لينا البيان رقم واحد وتعمل انقلاب على ناس البشير وتبقى رئيس الجمهورية .. وانت براك عارف انوا مافي واحد قرأ الجامعة وبقى رئيس الجمهورية.. وبعد ما تبقى رئيس الجمهورية تعيني سكرتيرة خاصة لمكتبك عشان اسجل نص حي المنشية وحي الرياض باسمي والنص الثاني اوزعه للمساكين ... قلت ليها انتي يا المسنوحة معقولة ناس عمر البشير ديل حيكونو قاعدين لغاية ما وليد ود البوش يتخرج من الكلية الحربية ويعمل الانقلاب.. وبعدين انتي من هسع بقيت تفكري في الفساد وسرقة المال العام.. وانتي البتنبذي لصوص المال العام كل يوم ...قالت : والله بالحالة الشايفنها دي وزعماء المعارضة بيتذللوا وبيدللدو الحكومة كيفن ... ديل ممكن يحكموا لزمن طويل بالحيل....

هههههههههههههه
أنا غايتو يا بسمات داير لي قطعة أرض في شندي جنب النيل
كلمي لي محمد ولد ودالبوش

أصلها يا أختي أمها ميتة واوها مشى الحجاز ( البلاد ) نخك ونصر زي ماخمو هم فضلوا فيها شئ

المنسي

Quote: المسنوح زمان كان مربي نعاج ويوم السوق بسوقها بوقف عبدالله ولدو جنبها يلف ويجي لما يلقى ناس مشترين واقفين مع ولدو يقيف كأنو مشتري ويسأل ولدو النعجة دي أدوك فيها كم الولد مسنوح زيو يقول لي قول قولك فيها ... يقول لي بديك فيها 50 جنيه (والله والله والله هي مابتكون تستاهل 10 جنيه ) آها يا بت عمسيب الناس تحاول بس تقلل من الخمسين شوية ويشتروها والشافع المسلط متل ابو يرضى ويبيعو نعجتهم ويمشوا

اتخيل يا خالد انت قلت كلام خطير جدا - انت عارف اعظم جرايم البورصات او بيع الأسهم بالطريقة البسيطة البتحكي عنها انت دي ؟

يكون واحد عندو مليون سهم والسعر نازل - يقوم هو نفسه مع اقربائه يشتروا من نفس عينة الأسهم المليون العندو دي كم وكم صفقة لكن باحجام بسيطة عشان برفعوا السعر تدريجيا لحدي يصل سقف معقول - اها الناس بتشوف ناسك ديل واقعين في الأسهم دي وبكرة الصباح يجوا كلهم متلهمين السوق قانصين للنوع دا من الأسهم ويلا زولك يقوم يدفق ليهم المليون سهم الجماعة يقعوا فيها وقعة زرزور ويخبطهم ليك

Quote: اتخيل يا خالد انت قلت كلام خطير جدا - انت عارف اعظم جرايم البورصات او بيع الأسهم بالطريقة البسيطة البتحكي عنها انت دي ؟ يكون واحد عندو مليون سهم والسعر نازل - يقوم هو نفسه مع اقربائه يشتروا من نفس عينة الأسهم المليون العندو دي كم وكم صفقة لكن باحجام بسيطة عشان برفعوا السعر تدريجيا لحدي يصل سقف معقول - اها الناس بتشوف ناسك ديل واقعين في الأسهم دي وبكرة الصباح يجوا كلهم متلهمين السوق قانصين للنوع دا من الأسهم ويلا زولك يقوم يدفق ليهم المليون سهم الجماعة يقعوا فيها وقعة زرزور ويخبطهم ليك

ومن هنا كانت هشاشة الاقتصاد وهي أسباب الأزمة الأخيرة
وأنت أدربت عليها من نعاجك عشان كدا نجحت في سوق الأوراق المالية

هههههههههههههههههههههه
أها دودرتو وجبتو ليك يا بت عميب
دا يودي الزول لي البحر ويجيبو عطشان
مرفعين الدندر المخوي