طلبة الدراسات العليا والباحثين - تبادل خبرات ونصائح

والكل يعلم مشاق البحث العلمي ،، ,lومعاناته
وما يعنيني في بداية هذا الخيط هو ما يتعلق ببرامج إدارة المراجع reference management software
برنامج EndNote ممتاز جدا للمراجع الانجليزية ، بس للأسف برنامج غير مجاني وعندو مشكلة مع اللغة العربية رغم انو الاصدارة الاخيرة EndNote 6 تدعم اللغة العربية
- ياريت لو في زول مجرب برنامج آخر يدعم اللغة العربية والانجليزية بصورة ممتازة يدلنا عليهو
- في كتير من الجامعات الاجنبية بتوفر برنامج ادارة المراجع بالنسبة للطلبة مجانا عبر موقع الجامعة ،، بس لازم تكون طالب فيها

هذا الخيط سيكون وسيلة للتواصل والاستفسار والتطوير فلا تتردد في طرح ملاحظاتك ونصائحك

أيمن محمود
نرحب بيك فى المنبر. بداية موفقة وموضوع البوست يستحق المتابعة.

سلام ايمن

فعلاا تبادل الخبرات مهم جداً ....
خليني انتهي من الاشياء التي بيدي ونساهم في تبادل الخبرات لان هنالك اكثر من برنامج يمكن ان يساعد على المراجع ..
واشياء اخرى فيما يتعلق بالمصادر والمجلات والدوريات التي تتطلب اشتراك من الطالب ...

مع تحياتي

ombadda

Quote: نرحب بيك فى المنبر. بداية موفقة وموضوع البوست يستحق المتابعة.

سلام يادكتور وشكرا على التشجيع

القلب النابض

Quote: سلام ايمن فعلاا تبادل الخبرات مهم جداً .... خليني انتهي من الاشياء التي بيدي ونساهم في تبادل الخبرات لان هنالك اكثر من برنامج يمكن ان يساعد على المراجع .. واشياء اخرى فيما يتعلق بالمصادر والمجلات والدوريات التي تتطلب اشتراك من الطالب ... مع تحياتي

تجربتك مهمة يا دكتورة ومبروك للمرة الثانية

لو كنت طالب دكتوراة أو ماجستير ... من دربك ده أمشي سجل طوالي في موقع اكاديميا
وهو تجمع لأكثر من اثنين مليون باحث وأكاديمي يمكنك تبادل البحوث ومعرفة من الذين يقوم ببحث مماثل لبحثك .... الخ

متابعة .

أخونا ايمن.. تحياتي ومرحب بيك في المنبر (عليك الله لو انا راكبة بص غلط، كلمني انزل انا ما متأكده انك من الناس الجداد ولا لأ)

بالنسبة لبرامج الReference management... خليني اقشر ليك بالبستخدمه.. انا طبعا جامعتي Reading، بتدينا EndNote بتخفيض كبير، وبرضه بعداك حسيت بيه غالي... قام اخوي مازن الله يديه العافية دلّاني على البرنامج ده...

http://www.mendeley.com/

البرنامج مجاني... free واحنا بنحب الملح طبعا... ده غير انه ممتاز وسهل الاستخدام... انا ما عارفه الnew version من EndNote بوّفر online access للمكتبة بتاعتك ولا لأ... لكن زمان لما جربته ما كان فيه... Mendeley بخليك تعمل username and password.. وتقدر من اي جهاز تستخدم مكتبتك كاملة... ده غير انه انه عنده free apps في الiPhone and iPad...

نجي للمفيد، أولا هو بستخدم نفس الstandard البتسخدمه الzotero، بالتالي بدعم styles كتيرة جداً... تقدر تدخّل اي document عندك وهو automatically يعمل extraction للمعلومات بتاعتها، وبديك فرصة التأكد من المعلومات دي من الانترنت عن طريق مقارنتها بي مكتبات الناس التانيين، يعني لو عندك معلومة ناقصة (سنة النشر او مكان النشر أو...) يمشي يفتش ليك مكتبات الناس ويجيب ليك الأكيدة... ده غير انك ممكن تفتش ابحاث راسها عديل وتجيبها... عنده Add-on بتضيفه لbrowser بتاعك عشان لو فاتح ليك بحث من الانترنت يعمل ليه Import ... طبعا في add برضه للmicrosoft word عشان تضيف الcitations بتاعتك وفي اي وقت قررت تغير الreferencing style، تختار من القائمة...

غايته انا اي زول شبّكته في البرنامج ده بشكر فيه... انا عامله فيه شغل الدكتوراه كلها وكل الأوراق بتاعتي عملتها بيه، شغاله بيه لي تلاته سنين... ما حصل شكيت منّه.. طبعا هو open source عشان كده والله شايفاه احسن من البي قروش الجربتهم...

برضه في language خاصة اسمها Citation Style Language وهي بسيطة جداً، لو ناس مؤتمر او journal اتعكلتو ليك وخلقوا ليهم style جديد، تقدر تستخدمها وتعدّل اقرب style من الموجودات عندك وتعمل واحد جديد.. ده blog بتكلم عن الموضوع ده

http://blog.mendeley.com/research-tutorials/h...for-use-in-mendeley/

الشي الوحيد هنا اني ما حصل عملت بحث بالعربي عشان اعرف هل بدعم العربي ولا لأ... لكن ما اعتقد تكون في مشكلة... جرّبه وكلمني... لو فضيت بجي اعمل ليكم crash course.. لكن ما بوعدكم والله، غرقانه لشوشتي..

طارق عمر مكاوي

Quote: متابعة

هلا يا طارق ومرحب بيك ،،، انا متوقع انك مزحوم شديد ، بس بالله عليك المشاركة بالفيها النصيب
مريم بنت الحسين

Quote: تحياتي ومرحب بيك في المنبر (عليك الله لو انا راكبة بص غلط، كلمني انزل انا ما متأكده انك من الناس الجداد ولا لأ)

راكبة صح والله - أخوكي برلوم ساي

Quote: بالنسبة لبرامج الReference management... خليني اقشر ليك بالبستخدمه.. انا طبعا جامعتي Reading، بتدينا EndNote بتخفيض كبير، وبرضه بعداك حسيت بيه غالي... قام اخوي مازن الله يديه العافية دلّاني على البرنامج ده...http://www.mendeley.com/

حا اجربو واديكم النجيضة ،،،

Quote: البرنامج مجاني... free واحنا بنحب الملح طبعا... ده غير انه ممتاز وسهل الاستخدام... انا ما عارفه الnew version من EndNote بوّفر online access للمكتبة بتاعتك ولا لأ... لكن زمان لما جربته ما كان فيه... Mendeley بخليك تعمل username and password.. وتقدر من اي جهاز تستخدم مكتبتك كاملة... ده غير انه انه عنده free apps في الiPhone and iPad...

الميزة ما في في EndNote وحقيقة دي ميزة عظيمة جدا -

Quote: نجي للمفيد، أولا هو بستخدم نفس الstandard البتسخدمه الzotero، بالتالي بدعم styles كتيرة جداً... تقدر تدخّل اي document عندك وهو automatically يعمل extraction للمعلومات بتاعتها، وبديك فرصة التأكد من المعلومات دي من الانترنت عن طريق مقارنتها بي مكتبات الناس التانيين، يعني لو عندك معلومة ناقصة (سنة النشر او مكان النشر أو...) يمشي يفتش ليك مكتبات الناس ويجيب ليك الأكيدة... ده غير انك ممكن تفتش ابحاث راسها عديل وتجيبها... عنده Add-on بتضيفه لbrowser بتاعك عشان لو فاتح ليك بحث من الانترنت يعمل ليه Import ... طبعا في add برضه للmicrosoft word عشان تضيف الcitations بتاعتك وفي اي وقت قررت تغير الreferencing style، تختار من القائمة...

انا لله ... وده كلو !
الendnote فيهو ميزة حلوة شديد وهي : لما تبحث في الإنترنت و خاصة في المكتبات الرقمية مثل ACM بتلقي دايما تحت كل ورقة علمية وصلة لإدراج صيغة المصدر اسمها Citation عند الضغط عليها حاتحصل على ملف خزنو في أي مكان معروف . وبعدها امشي لبرنامج EndNote و اطلب منه استيراد Import الملف الذي حملته. بعد استيراد الملف حا تلقي طريقة صياغة المصدر اتهيأت تلقائيا من دون عناء كتابته داخل البرنامج. اها ان شاء الله الميزة دي موجودة في برنامج mendeley ؟
الله يخليك لينا يا الخواجة ياخ!

Quote: غايته انا اي زول شبّكته في البرنامج ده بشكر فيه... انا عامله فيه شغل الدكتوراه كلها وكل الأوراق بتاعتي عملتها بيه، شغاله بيه لي تلاته سنين... ما حصل شكيت منّه.. طبعا هو open source عشان كده والله شايفاه احسن من البي قروش الجربتهم... برضه في language خاصة اسمها Citation Style Language وهي بسيطة جداً، لو ناس مؤتمر او journal اتعكلتو ليك وخلقوا ليهم style جديد، تقدر تستخدمها وتعدّل اقرب style من الموجودات عندك وتعمل واحد جديد.. ده blog بتكلم عن الموضوع ده http://blog.mendeley.com/research-tutorials/h...for-use-in-mendeley/ الشي الوحيد هنا اني ما حصل عملت بحث بالعربي عشان اعرف هل بدعم العربي ولا لأ... لكن ما اعتقد تكون في مشكلة... جرّبه وكلمني... لو فضيت بجي اعمل ليكم crash course.. لكن ما بوعدكم والله، غرقانه لشوشتي..

ال Citation Style Language دي ما موجودة في EndNote والله دي مهمة شديد لمن الواحد يكون عايز ينشر ورقة بحثية ب citation style مختلف عن هو الشغال بيهو ،،،
يا سيديتى البوست ده برعايتك شخصيا - حرم ما تقولي حاجة

أخي ايمن محمود
سلامات
ياسلاااااام رحيتني في حناني بموضوعك ده أخوك برضو طالب دراسات عليا
محتاج لي المراجع والمجلات والبحوث لي زمن وأكملت قروشي من شراء الكتب
والسفر من بلد لي بلد وكماااان بي الفرنسي تقول لي عربي عرفتني معصور كيف
شكرًا لك ولكل من شاركك الموضوع وافدتنا بتلك المواقع والبرامج نسأل الله ان تكون في ميزان حسناتهم
معليش برلوم جديد في سودانيزاولاين وشحات كماااان في انتظار مزيد من البرامج
شكري وتقديري

سلام أخونا ايمن
انا بستعمل Zotero ... و شغال معاي كويس جداً و عملت بيهو الـ data base بتاعت شغلي كلو بس للامانة جربتو مرة واحدة مع الـ MS Word بالانجليزي و ما كان stable
انا كتبت البحث بتاعي ببرنامج اسمو Lyx و البرنامج ده بيحتاج انو الـ data base بتاعت المراجع تكون مكتوبة بي فورمات اسمها bibtex .... و Zotero بيحول لي من library للفورمات دي بكل سهولة
باقي زملائي في الـ department شغالين بي Zotero و جز منهم شغال بي End Note مع الـ MS Word و ما اظن عندهم مشكلة هسي بالذات مع Zotero
Zotero ساهل في انو عندو امكانية حفظ الـ citation بمجرد ما تضغط على الـ icon بتاعت الملف لما تكون فاتح صفحة الـ paper في موقع الـ journal
معليش لاني ما حأقدر افيدك في حتة العربي لاني ما حصل جربتو


Download Zotero from here

Quote: الendnote فيهو ميزة حلوة شديد وهي : لما تبحث في الإنترنت و خاصة في المكتبات الرقمية مثل ACM بتلقي دايما تحت كل ورقة علمية وصلة لإدراج صيغة المصدر اسمها Citation عند الضغط عليها حاتحصل على ملف خزنو في أي مكان معروف . وبعدها امشي لبرنامج EndNote و اطلب منه استيراد Import الملف الذي حملته. بعد استيراد الملف حا تلقي طريقة صياغة المصدر اتهيأت تلقائيا من دون عناء كتابته داخل البرنامج. اها ان شاء الله الميزة دي موجودة في برنامج mendeley ؟ الله يخليك لينا يا الخواجة ياخ!

دي ملفات من نوع Bibtex، وMendely بدعمها بكل سهولة... انا استخدمتها من Google books... تنزل الملف بتاعك وتعمل ليه import... سبحان الله وبحمده تلقى الcitation زي ما هو قاعد ليك... أصلو احنا لو ما الخواجة كان حسي الواحد يكون خشمه ملح ملح... انا لحدي 2004 كنت بعاني معاناة شديدة عشان اعمل لي paper صغيرونه... حسي كتابة الthesis كلها ما شايله همها (من الناحية دي) من النواحي التانية الله كريم !

غباشي Zotero ما جرّبته... لكن شايفاه... مشكلة البرامج دي الواحد لو ارتاح مع واحد منهم ما بتقدر تغيّره بسهولة (او يمكن لانه انا عندي خاصية ادروبية مع البرامج بشكل عام)... على الرغم من كده Mendely بوفّر امكانية نقل المكتبة بتاعتك من EndNote and RefManager... على صعيد آخر... بقى وزنك كم :)... سؤال من أخت مهتمه وما عندها أي رغبة في الشماته والله... قول فضفض

Quote: يا سيديتى البوست ده برعايتك شخصيا - حرم ما تقولي حاجة

:) لو فضيت بجيكم والله...

السلام عليكم اخوتى

و شكرا لكم انا بستخدم برنامج zotero وهو ما شاء الله ممتاز جدا ومجانى فقط مشكلته مع النسخ المتقدمة من MS word لكن ممكن يكون متجانس حتى النسخة MS word2007 لا اعرف علاقته باللغة العربية

محمد بابكر احمد

Quote: سلامات ياسلاااااام رحيتني في حناني بموضوعك ده أخوك برضو طالب دراسات عليا محتاج لي المراجع والمجلات والبحوث لي زمن وأكملت قروشي من شراء الكتب والسفر من بلد لي بلد وكماااان بي الفرنسي تقول لي عربي عرفتني معصور كيف شكرًا لك ولكل من شاركك الموضوع وافدتنا بتلك المواقع والبرامج نسأل الله ان تكون في ميزان حسناتهم معليش برلوم جديد في سودانيزاولاين وشحات كماااان في انتظار مزيد من البرامج شكري وتقديري

الله يعينك - يازول المسالة تبادل تجارب ونصايح ،،، خليك متابع ومشارك

غباشي

Quote: سلام أخونا ايمن انا بستعمل Zotero ... و شغال معاي كويس جداً و عملت بيهو الـ data base بتاعت شغلي كلو بس للامانة جربتو مرة واحدة مع الـ MS Word بالانجليزي و ما كان stable انا كتبت البحث بتاعي ببرنامج اسمو Lyx و البرنامج ده بيحتاج انو الـ data base بتاعت المراجع تكون مكتوبة بي فورمات اسمها bibtex .... و Zotero بيحول لي من library للفورمات دي بكل سهولة باقي زملائي في الـ department شغالين بي Zotero و جز منهم شغال بي End Note مع الـ MS Word و ما اظن عندهم مشكلة هسي بالذات مع Zotero Zotero ساهل في انو عندو امكانية حفظ الـ citation بمجرد ما تضغط على الـ icon بتاعت الملف لما تكون فاتح صفحة الـ paper في موقع الـ journal معليش لاني ما حأقدر افيدك في حتة العربي لاني ما حصل جربتو

لو في زول جرب الZotero مع ال MS Word 2007 فما فوق يدينا خبر ، انا شخصيا ما جربتو قبل كده .

معاكم

دى طوبة كبيرة ..

هذا البوست كتبته قبل خمس سنوات، ومعي الدكتور الحبيب امبده،

ساعود انشاءالله لو مد الله في الاجال، بالجديد في مسألة البحوث والبيير ريفيو وكتابتها، ده لو ما سافرت



التية لصاحب البوست وزواره الكرام

http://مساعده لطلاب البحوث والدراسات...

ايمن محمود

لك التحية والشكر على افتراعك لهذا الخيط

وكلنا في الانتظار

ويا مريم بنت الحسين ما تغيبي احنا في انتظارك

تدينا المفيد

مساعده لطلاب البحوث والدراسات...


not quite sure if the images still there!

مشكورين يا شباب جميعا على التفاعل والمشاركة
شمس الدين محمد
معتصم الطاهر
Elsanosi Badr
الرابط لايعمل -
علي محمد الفكي
وائل فاروق

Quote: الانجليزى مهم , للكتابة و القراية !!!!!!

جدا جدا جدا

انا جربت وبيدعم العربي - بس ما دعم كامل بيحتاج منك شوية تعديل في النهاية ، ويا دكتورة مريم مافي طريقة تتعدل كودات البرنامج ده ؟

السلام و الرحمة :

1. Mendeley ممتاز موز شديد .
2. JABREF : لكل مستخدمى LATEX . أفضل من mendeley . أنصح تعلم Latex لو رزقك مرتبط بالكتابة ! و أسهل واحد تبدأ بيهو LyX
3. ENDNOTE: ممكن تبحث فى مكتبات متخصصة مثل : ISI web of science , و ديل ما ممكن تفتشفم بى 1 أو 2 و بالذات لو كان المصدر Poster ولا abstract فى مؤتمر .

لى ناس السودان :
فتشوا المنح : (DAAD ( www.daad.de/en و اليابان http://www.sdn.emb-japan.go.jp/scholarship/post_graduate.html

الانجليزى مهم , للكتابة و القراية !!!!!!

و شكرا يا راعى البوست

فووق
وحبابك يا ايمن

مساعده لطلاب البحوث والدراسات...
بذل السنوسى مجهود جبار فى ذاك البوست الذى كانت فائدته عظيمة بالنسبة لى- على الاقل- فلقد اختصر لى بضع أشهر كنت اعاني فيها كتابة المراجع بطريقة manual ههههههههه. الان أحمدلله معلم كبير ومتمكن من استخدام برنامج ال endnote.
ملاحظة أغلب رواد البوست السابق تجمعوا هنا.
أيمن الطيب، واصل فى هذا البوست ففائدته ستكون كبيرة لك وألمشاركين وللقراء. واتمنى ان يتم تضمين البرنامج الإحصائى. spss فى النقاش، وكذلك بعض النصائح فى how to write a paper.
وتحية خاصة للاخت مريم وللأخ غباشى لجهدهما الكبير فى هذا البوست وبوستات سابقة، ونطمع فى المزيد.
وإلى الأمام.

تحياتي أيمن والضيوف الكرام

أنا قريت المداخلة الأولي بتاعتك قلت الحمد لله الواحد عندو حاجة يقشر بيها
لكن مريم بنت الحسين ماريحتني
الله في

Quote: بالنسبة لبرامج الReference management... خليني اقشر ليك بالبستخدمه.

صراحة بت الحسين دي معلمة كبيرة في ما يختص بهذا ال mendeley
أنا لو غلبتني فيه أي حاجة بجي جاري هنا

Quote: انا كتبت البحث بتاعي ببرنامج اسمو Lyx

حاولت إتعلمو لكن غلبني يا غباشي

عاوز أضيف حاجة عن Mendeley

ممكن تستخدمه مع open office writer

ودي ميزة ما أظن في Endnote

زى ما قال عادل أمام : (أحضن حتة حتة ) : أها الكتابة دى كمان (أكتب حتة حتة)

introduction and discussion: تكتب طوالى حار حار قبال النتائج بتاعتك ما تطلع زاتو : تقرأ ورقة و تلخصة طوالى . لآنو ال literature review انت بتكون عملتو أصلا مع ال grant application . يسهل عليك كتير و يزح منك الهم بتاع الكتابة فى دفعة واحدة و يخليك مرتاح فى شغلتك . (ده بالنسبة لل thesis) . و لو عندك ورقة : الموضوع ده أنا بفتكر أنو أصعب لانو القصة ما كمية و لكن نوعية . و أوعاك أوعاك من ال plagiarism !!!!!! و أتذكر و أنت بتكتب أنو فى زول قباللك كتب الكلام حقو و فى زول تانى برضو قراهو زيك زيو واحد (الحبشى مثلا :)) .
أخونا أمبدة قال نتكلم عن ال SPSS . المشكلة ما البرنامج , المشكلة الفهم العام للأحصاء . لو فاهم statistics البرنامج ساهل , و لو ما فاهم شوف زول بيفهم يشتغلة ليك : أدى الخبز للعجان . فى برنامج ساهل جدا جدا و مجانا لل basic statistics اسمو sofastatistics )(www.sofastatistics.com ممكن تنزلو و تلعب بيهو. لى ناس الا ابيديميولوجى : epi-info> برضو مجانا من ال CDC . لى الناس الفايقة و ما عندها شغلة : R-project . و كلها مجانا. لكن لو رياضياتك قادة ما تضيع زمنك فيهم .
أهم حاجة : ال data collection من الاول يكون مضبوط مية مية : تعمل الجداول و الفورمات صاح الصاح وتضيع فيها أكبر زمن قبال ما تبدأ تلم . أها ده الشغل بتاع ال experimental design و تانى قبال ما تبدأ شغلتك تقعد مع بتاع الاحصاء فى القسم , تخليهو يراجع ليك الفورم بتاع الداتا عشان بعداك الا analysis يكون ساهل . و أهم حاجة ما تضيع زمنك فى شغلة ما شغلتك , ما بتفهم حاجة و فى زول بيفهما تخليهو يشتغلة طوالى ..........
أريتنى كان قريت كلامى ده قبال ما أكتبو , أكان وفرت سنتين ثلاتة :)

سلام ياخوانا كلكم
والله صحي كلماضاقت فرجت
امبارح كنت بشحدفي الله انه يسخر لي من يساعدني
والظاهر انه ربنا استجاب الدعوه ######ركم لينا
فربنا يسهل امركم جميعا

ودي متابعه
لكم ودي

Quote: حاولت إتعلمو لكن غلبني يا غباشي

حبيبنا ايمن الفاضل
Lyx اسهل بي كتير من Latex ...
لما كنت بعمل في الماستر بتاعي كنت قاب قوسين او ادنى من كتابة البحث بتاعي بـ Latex
لكن لضيق الوقت و بعدين الوقت داك قابلتني مشاكل في عمل الجداول و جودة الـ figures فضلت اكتبو بـ MS Word

لما بديت الـ PhD كنت مصمم اني استعمل Latex لحدي ما حصل لي شيء سهل لي الموضوع اكتر
كنت شغال teaching assistant مع دكتور في الـ department في كورس لطلاب السنة التانية
و قبل ما نبدا الشغل كلفني بعمل Notebook للطلبة يحتوي على الشرح برنامج Matlab و كيفية استخدامه بالنسبة لمتطلبات الكورس و حل المسائل
قمت قلت للدكتور عايزني اكتبه ليك بي MS Word و للا Latex قام قال انا عندي حاجة اسهل و عرفني بي برنامج Lyx و من ديك شبكت فيهو

برنامج Lyx جميل جداً لانو userfriendly و بتقدر تتابع فيهو بارتياح و فيهو امكانيات كبيرة بتوفر وقت كتير ممكن يضيع في استخدام اللاتيكس البعتمد كلياً على الـ code
غير كدة اذا عندك ادنى معرفة ب Latex ممكن تعمل templates في Lyx بنفس الجودة و بي اقل مجهود
بس تنقل كل document setting codes و تخطها في الـ preamble بتاع Lyx و الامور بتمشي تمام ان شاء الله

و Lyx مجاني و عندو كمية مهولة من الـ Blogs و الـ help و الـ templates الجاهزة موجودة على الانترنت بتخليك ما تحتاج تتعب روحك ...
برامج Lyx و Latex مفيدة جداً لكتابة البحوث و الكتب و الاوراق العلمية و السيَّر الذاتية و الخطابات بخط واضح و احترافي
و مهم جداً جداً اللبحوث البيكون فيها mathematical typesetting (معادلات رياضية) بالنسبة لناس الهندسة و الفيزياء و الرياضيات ... الخ
ده غير ان كل فهرس المحتويات و قائمة الجداول و الاشكال او الصور بتنزل اتوماتيك مع رقم الصفحة في بداية البحث بتاعك

و لو بالك طويل و عايز الشغل بتاعك يكون مجوَّد خالص ممكن تعمل فهرس بالكلمات المهمة بيظهر في اخر البحث بتاعك بالترتيب الابجدي
و يوريك ارقام الصفحات الوردت فيها مع بعض الجمل الاستدلالية للتسهيل على القارئ
ان شاء الله لو لقيت وقت حاعمل فيديو بخصوص Lyx

Quote: على صعيد آخر... بقى وزنك كم :)... سؤال من أخت مهتمه وما عندها أي رغبة في الشماته والله... قول فضفض

شكراً على اهتمامك يا مريم و دي المحرية فيك ههههههه ....
في زيادة بسيطة من تلك الايام لكن عشان اطمنك و افرحك اكتر (لاني عارفك بتفرحي لي شديد ) لسة بلبس الحزام في الفتحة العملتها زيادة للتضييق
على نفس الصعيد ............ ? How is it going with you sister

Quote: وتحية خاصة للاخت مريم وللأخ غباشى لجهدهما الكبير فى هذا البوست وبوستات سابقة، ونطمع فى المزيد

تسلم يا دكتور امبدة و تحية مني ليك برضو ... و عايز اقول ليك انو بوستاتك بتعجبي جداً بموضوعاتها الجميلة و المواكبة
ان شاء الله لو ربنا قدرني حاعمل فيديو اشرح فيهو طريقة استخدامي لـ Zotero و كيف خدمني في شغلي
و ربنا يديم المعروف

بوست مفيد و دسم و يستحق ان يبقى عالياً
تحياتي للجميع

الاخ وائل فاروق لك تحياتى هل تتزكرنى اخر مرة تقابلنا فى غوتنغن قبل كم سنة

شكرا اح ايمن جمعتنا بوائل فاروق

اخوك Shams

والله العظيم يا شمس الدين و ما طالبنى حليفة , قريت أسمك ده فى صورة متسلسلة و قلت أجيك أسألك من النعناع !!!!!!!
انشاء الله أمورك تمام و رجعت مدينة النيل ............................


وائل ....

رسل لى تلفونك فى الخاص ......

أقتراح يا سيد البوست لو تسمح :
لأنو الاختصاصات بتختلف (هندسة , طب , زراعة , علوم , الخ ) أى زول عندو استفسار يحدد حوجتو , عشان النصيحة تكون مفصلة .

As for Ombadda's enquiry about writing a paper :
Sorry for writing this in English as it takes me much longer to type in Arabic

1. Decide which journal you are targeting
2. Read the scope of the journal
3. Write in an easy understandable language and avoid complicated vocabulary: When writing assume you are writing to a completely ignorant audience!!
3.5. Spell check everything and get some one to proof read your article: preferably someone not form your specialty and does not know much about the topic
4. READ THE REGULATIONS TWICE
5. If rejected: read the reviewers comments and act on them

W

يا وائل ياخ اشرب ليك كباية موية وبراحة براحة علينا .. ما تختصر لينا شغل تلاته سنين في فقرتين... انا رأيي نعمله عديل بوست بتاع research methodology... نقسّمه ونوصّفه كأنه course... وكل زول يكتب في نوع من انواع الresearch عشان ما تبقى لينا شوربة ... نتكلم عن خطوات اختيار الموضوع وطرق البحث ووين الناس تفتش.. والماعندها اشتراك في مجلات تعمل شنو... والعايز يقدّم لدراسات عليا وعايز يعمل proposal يكتب شنو... ونتكلم عن اسس الكتابة العلمية... وعن طريقة القراية زاتها للأبحاث... وtechniques الممكن نلقى بيها ابحاث ليها علاقة بموضوع ما (غير التفتيش العادي)... وبعداك نبدا في اقسام الproposal باعتباره نواة البحث... وممكن نتكلم عن كيف نكتب Paper وانواع الpapers والامكان الممكن تتنشر فيها والفرق بينهم ... برضه انواع ال referencing styles والاختلافات ما بيناتها والشغل الكتير الاختصرتو لينا البرامج الاتكلمنا عنها من البداية دي... لاني بعتقد انه اي باحث لازم يعرف الطريقة القديمة كيف قبل ما يمسك في الجديد الساهل ده... بعداك نتكلم عن ادوات جمع البيانات وطرقها والفروقات ما بيناتها وطرق تحليلها .. وبعداك نمر على الاحصاء باعتبارها اداة قياس (ده رقبة ما عندي ليها شعر :) )... ومن ثم نتكلم عن كتابة الabstract و الconclusion باعتبارهم آخر خطوات البحث ... الintroduction ده الجزء القديم والمتجدد من البحث.. بتكتب في البداية لكن بستمر يتحدّث مع تطور مفهوم الباحث تجاه البحث....


اها... نبدا من وين ؟

العزيزة مريم بت الحسين :
بعد السلام .
موية وين فى البرد دة : شاى و قهوة بس ..... وحاتك النقة دى بس عشان الكتابة غالبانى . Deadline on Friday for an abstract and haven't started yet.....
كلامك صح ....
ننظم الكلام عشان الناس تستفيد ...........
دايرين زول يظبط الايقاع ..... ?what about a Q and A format عشان بتكون أسهل و محكومة ....

وائل .......

سلامات يا صاحب البوست
مريم و الباقين ما شاء الله ما قصرو :)
عن نفسي، كنت استخدم اند نوت، و لكن بعدها استحسنت زوتيرو،
و استعمله مع الانفيفوNVivo لتحليل المعلومات qualitative
for my own PhD students, I advise them
to use Zotero, as it does the job and I use Microsoft
2010

أريتنى كان قريت كلامى ده قبال ما أكتبو , أكان وفرت سنتين ثلاتة :)
وائل
___________________

سلامات يا وائل
مشرفي زمان كان عنده جمله
مشهورة، لتكرار ندمنا علي ما
اسميناه وقتها باضاعة الوقت
في مسائل زي الكتبت عنها دي
كان بيقول لينا
you can not be faster
you can only get better

it is all part of the process :)

مريم بنت الحسين

Quote: يا وائل ياخ اشرب ليك كباية موية وبراحة براحة علينا .. ما تختصر لينا شغل تلاته سنين في فقرتين... انا رأيي نعمله عديل بوست بتاع research methodology... نقسّمه ونوصّفه كأنه course... وكل زول يكتب في نوع من انواع الresearch عشان ما تبقى لينا شوربة ... نتكلم عن خطوات اختيار الموضوع وطرق البحث ووين الناس تفتش.. والماعندها اشتراك في مجلات تعمل شنو... والعايز يقدّم لدراسات عليا وعايز يعمل proposal يكتب شنو... ونتكلم عن اسس الكتابة العلمية... وعن طريقة القراية زاتها للأبحاث... وtechniques الممكن نلقى بيها ابحاث ليها علاقة بموضوع ما (غير التفتيش العادي)... وبعداك نبدا في اقسام الproposal باعتباره نواة البحث... وممكن نتكلم عن كيف نكتب Paper وانواع الpapers والامكان الممكن تتنشر فيها والفرق بينهم ... برضه انواع ال referencing styles والاختلافات ما بيناتها والشغل الكتير الاختصرتو لينا البرامج الاتكلمنا عنها من البداية دي... لاني بعتقد انه اي باحث لازم يعرف الطريقة القديمة كيف قبل ما يمسك في الجديد الساهل ده... بعداك نتكلم عن ادوات جمع البيانات وطرقها والفروقات ما بيناتها وطرق تحليلها .. وبعداك نمر على الاحصاء باعتبارها اداة قياس (ده رقبة ما عندي ليها شعر :) )... ومن ثم نتكلم عن كتابة الabstract و الconclusion باعتبارهم آخر خطوات البحث ... الintroduction ده الجزء القديم والمتجدد من البحث.. بتكتب في البداية لكن بستمر يتحدّث مع تطور مفهوم الباحث تجاه البحث.... اها... نبدا من وين ؟

اعتقد انو البداية من البداية أفضل - the proposal
بقترح انو الاسئلة والاجوبة تكون كالاتي:
Q1 - ........................................................ .
والاجابة تكون
A1 - ....................................................... .
وممكن تقتبس السؤال !

Q1 - ما في طريقة انو الطالب والمشرف يتشاركو ملف البحث (اونلاين) - بحث انو المشرف ممكن يدخل في اي لحظة ويدون ملاحظاتو على ما كتبه الباحث؟
ورايكم شنو في الفكرة دي من حيث المبدأ ؟

مفيد

رحاب الخليفة دي ما بتحب يقولوا ليها دكتوره... لكن يا اخواني رحوبة دي ممكن تشرف علينا كلنا كده بي ربطة المعلّم... بناءاً عليه انا حأبدأ أراجع كلامي من الان فصاعداً عشان ما تجينا المشرفة تقول لينا "أعد"....
انا مشرفي زول مجتهد جداً والنوع البسكك داك... والنصيحة ليك يا الله انا ما النوع البحتاج يسكوهو بالشغل، لكن عندي طفلين يفلقو الحجر بالنقّة ويطلعوا الزول من اي مزاج قراية عندو زاتو... اول ما بديت مع مشرفي، قلت ليه انا زوله بحب اشتغل بي الdeadlines... يعني لو خليتني كده على امل اني اشتغل خلال الاربعة سنين بتاعت الدكتوراه، بزنق ليك الشغل كله في آخر تلاته شهور... قمنا اتقفنا اننا نكون active في النشر.. من اول سنة وانا شغاله اكتب اوراق وانشرها في مؤتمرات... طبعا المؤتمرات نفسها خشم بيوت... يعني في مؤتمرات لو قلت ليهم اسم جامعتك ساي بنشروا ليك البحث، وفي مؤتمرات بتستفيد منهم لانهم بدوك feedback بساعدك تمشي لقدام، صحي ممكن يشوتوك من المؤتمر لكن بتستفيد... كتبته الكلام ده عشان اقول انه الباحث بحتاج أحياناً يكلم المشرف عن البناسبه شنو عشان يعرف يتعامل معاه... الناس ما كلها بتنجز الامور بنفس السرعة او بنفس الطريقة..

كيف ممكن نعرف المؤتمر الكويس من الكعب... في طريقتين... بالنسبة لينا احنا في تخصصنا، المؤتمر البكون بي رعاية من الcomputer societies زي الIEEE or ACM، مبدأياً بكون كويس (رغم اني شايفه العرب ديل بقوا كل مؤتمراتهم راعينها ليهم ديل).. الطريقة التانية انه المؤتمرات الكويسه بتفتخر بي نسبة الrejection بتاعتها ونسبة الإقبال عليها.. يعني تقول ليك مثلاً جونا 1500 ورقة، قبلنا 13% بس!... وغالبا بكتبوا الكلام ده في مواقعهم السابقة.. فتشوا على مؤتمرات عندها تسلسل... يعني ما اول دورة، ده ما بعني انه المؤتمر في دورته الاولى بكون كعب... أخيراً، الجامعات بتصر سنوياً قائمة في ranking للمؤتمرات الكويسه out of 4.... بحيث انه مؤتمر 4 ده بكون خطير عديل كده... على صعيد آخر، أي مؤتمر (مطلق مؤتمر) بكون النشر فيه أسهل بكتير من الjournals المحترمة... ومواصفات الأبحاث البتتنشر في الjournals بتكون مختلفة والبحث نفسه لازم يكون فيه فائدة حقيقية مدعّمة بي data ونتائج، موش بس افتراضات...

Quote: Q1 - ما في طريقة انو الطالب والمشرف يتشاركو ملف البحث (اونلاين) - بحث انو المشرف ممكن يدخل في اي لحظة ويدون ملاحظاتو على ما كتبه الباحث؟ ورايكم شنو في الفكرة دي من حيث المبدأ ؟

A1:
like للفكرة مبدأياً ... رغم اني ممكن انتقدها في انه مهم انه الزول يكون عنده versions من شغله... يعني يكون عندك history بالتعديلات الكبيرة العملتها.. لانك مرات ممكن تمشي في اتجاه تلقى روحك ما ماشي صح، تقوم ترجع ورا شويه... لما يكون عندك history تعديلاتك ما بتكون نهائية وبتقدر تتراجع عنها.. الفكرة دي بتقودنا لموضوع الreview البوفّره مايكروسوفت word... وبخلي المشرف يعلق على شغلك ويعدّل عليه من غير ما يمسحه...كمان بقدر يعمل comments .. الفيديو ده بشرح الخاصية دي في word2007 .. نفس الخاصية موجودة في 2010...



لكن موضوع الsharing ده ممكن يتعمل بي Google documents او ممكن بي Dropbox... لو عايز تعمله..


غباشي... انا مستمره على الدرب سائرة... بتريض وبجوط... C'est La Vie...

Quote: ?what about a Q and A format عشان بتكون أسهل و محكومة ....

Quote: اعتقد انو البداية من البداية أفضل - the proposal بقترح انو الاسئلة والاجوبة تكون كالاتي: Q1 - ........................................................ . والاجابة تكون A1 - ....................................................... . وممكن تقتبس السؤال !

agree

غباشي.... اعتقد في فيديوهات بالانجليزي كتيرة لي Lyx... ممكن نمشّي بيها الحال حالياً، لكن لو فضيت اعمل واحد بالعربي برضه...

انا شكلي حأحوّل لي Lyx... انا كتبته Chapter واحد بس... لكن ممكن أرحل .. موش؟


ده كده مثال

السلام عليكم جميعا
فكرة جميلة جدا يا اخونا ايمن....احيي الدماء الحارة للبرالمة

انا صراحة ما طالب دراسات عليا ....بس عجبتني الفكرة شديد

وعايز منكم طلب....يعني في روقة بال كدا كل زول يكتب لينا انطباعاتو عن الجوانب الاكاديمية والحياتية واي مواقف طريفة او محرجة او اي شي لفت نظركم في البلاد الانتو قاعدين تحضروا فيها دي

كتير من المبتعثين السعوديين بشوفهم بجو يعملو كتب عديل عن تجربة الابتعاث....فارجو منكم اثراء هذا الجانب ....ولكم جزيل الشكر

وائل فاروق

Quote: أهم حاجة ما تضيع زمنك فى شغلة ما شغلتك , ما بتفهم حاجة و فى زول بيفهما تخليهو يشتغلة طوالى ..........

الكلام ده ممكن يكون صاح لي زول شغال في وظيفة بتاعت باحث
لكن طلبة الدراسات العليا أحسن يتعلموا أي مهارة جديدة تقابلهم
أنا ضاعت علي فرصة في جامعة محترمة بي سبب التكاسل ده

أثناء شغل الماستر كان ممكن اتعلم Python عشان يساعدني في البحث
طبعاً جليتو طالما إنو كان في طريقة أسهل

أها بعد داك مشيت لي معاينة فرحان ومبسوط والمعنويات فوق
المعاينة كانت في شكل ونسة ظريفة

أها قام (فجأةً) سألوني بتعرف تبرمج Python
قلت لأ
قال لي لو بتعرف كنا قبلناك

Quote: الكلام ده ممكن يكون صاح لي زول شغال في وظيفة بتاعت باحث لكن طلبة الدراسات العليا أحسن يتعلموا أي مهارة جديدة تقابلهم أنا ضاعت علي فرصة في جامعة محترمة بي سبب التكاسل ده

العزيز أيمن الفاضل :
كلامك ده صح لكن فى مشكلة بسيطة بالذات لطلاب المنح : الفترة الزمنية للمنحة معينة , و لو الكاش قطع الحالة بتبقا صعبة شديد (أسأل مجرب ) , أها عشان كده لازم تحدد أولوياتك صاح . 1. أكمال المشروع بأسرع فترة ممكنة و الكتابة و المناقشة - لانو من غير ما تكمل ما حتقدم للوظيفة التانية أصلا :) . بالنسبة لل life sciences العوارض كتيرة شديد , و أقل غلطة فى التجارب ممكن تأخرك شهر عشان كده أصلو ما فى زول بكمل فى زمنو . و بعدين فى مشكلة المشرف البكون بارانويد : لا ده ما صاح, أعد , لا زيد تجربة , الخ ......... و ده حالتو قبال ما تصل للكتابة .
وده برجعنا لاختيار المشروع و المشرف .........
1. Don't get excited when choosing your project and be pragmatic:
2. Look at the track record of your PI.

Quote: وعايز منكم طلب....يعني في روقة بال كدا كل زول يكتب لينا انطباعاتو عن الجوانب الاكاديمية والحياتية واي مواقف طريفة او محرجة او اي شي لفت نظركم في البلاد الانتو قاعدين تحضروا فيها دي

أول يوم لى فى القسم مفروض أقابل المشرف , المواعيد الرسلة لى فى ال ايميل الساعة 8:30 صباحا . و صلت قدام خشم المكتب 8:32 و مبسوط من نفسى عشان وصلت فى المواعيد وما رحت شديد . دخلت على المكتب و السكرتيرة بتاعتو قاعدة برة . قالت لى أتأخرت ماللك ؟ قلت ليها الله ؟ مش المواعيد الليلة الساعة 8:30 ؟ قالت لى لكن حسة مش 8:32 ؟ قلته ليها طق ! قالت لى أها خلاص الا نغير المواعيد لى 3:15 العصر عشان الزول ده مديك نص ساعة و أنت أتأخرت . أها من ديك لغاية ما فارقت المعمل أكان عملت مواعيد مع الزول ده من قبال نص ساعة أكون حابس بره :):):)

Quote: Q1 - ما في طريقة انو الطالب والمشرف يتشاركو ملف البحث (اونلاين) - بحث انو المشرف ممكن يدخل في اي لحظة ويدون ملاحظاتو على ما كتبه الباحث؟

A1) بالنسبة للمشاركة اون لاين : ممكن زى ما قالو الجماعة قبالى استعمال السحابة (cloud sharing) , و لكن يجب التأكد من أن المؤسسة تسمح ليك عشان خصوصية المعلومات (information governance) و بالذات فى ما يختص بالعلوم الصحية و الطبية . عندنا بنعمل شيرنق عن طريق الانترانت : ms-word -share file بحيث يكون الملف موجود فى حافظة معينة و يمكن لكل من يعمل عليه أن يعدل ...

هلا شباب ...كسحتو شديد ....

انا برنامج مريم دا استفدت منه شديد ..
بجي بساعد في بقية المقترحات ..انا استعملت اند نوت واستفدت من برنامج مريم في حفظ الوثائق المحتاجة لهيا ...ودا عشان الضياع ..ولا الفلاش عصلج ..الخ من المشاكل ...

انا كا عندي هاجش الضيااع ...وعنددي لابتوب قفل عمل لي فوبيا ..عشان مدة عايزين نتكلم عن خيارات حفط الشغل عشان تكون مرتاح وانت بتشتغل انو شغلك موجود في مكان آمن ....لو الكمبيوتر ضرب ولا الفلاشات ضاعت ولا اي من المصايب المتعددة الممكن تحصل ..
بالنسبة للدوريات ..كل زول عنده موضوع عايزة من دورية محددة ممكن يسأل ولو في زول مننا مشترك في الدورية يرسل ليه الموضوعات المحتاج ليها ....وبي كدة بنكون وفرنا على بعض كتير من الجهد والمال ...
يمكن تبادل كثير من المعلومات ...المقالات ....الكتب عن طريق هذا البوست ... ويمكن نكتب ايملاتنا لتبادل هذه الاشياء ...
اوافق على اقتراح البوشت الخاص بمناهح البحث ...

يلا ابدوا

مريم وغباشي ...بق لوزرز مشتاقين ليكم وغقبالكم يارب ... في انتظاركم ...
سوف اعود ان شاء الله

Quote: Q1 - ما في طريقة انو الطالب والمشرف يتشاركو ملف البحث (اونلاين) - بحث انو المشرف ممكن يدخل في اي لحظة ويدون ملاحظاتو على ما كتبه الباحث؟ ورايكم شنو في الفكرة دي من حيث المبدأ

A1
دي يا أيمن ممكن تعملها بي Onenote
ده تبع MS Office

طبعاً فكرة ممتازة بس أنا ما جربتها مع المشرف بتاعي

أيمن محمود
انا شغال في مشروع بحثي بعنوان : Sustainable Design for Educational Buildings in Khartoum
أي زول شغال في نفس الموضوع وعايز يشاركني واشاركو - [email protected]

أنا شخصيا ما عندي أي مانع اشارك أي زول بالمراجع بتاعتي أو المعلومات
أيمن الفاضل

Quote: A1 دي يا أيمن ممكن تعملها بي Onenone ده تبع MS Office طبعاً فكرة ممتازة بس أنا ما جربتها مع المشرف بتاعي

قصدك OneNote طبعا
حا أجربها - وأديكم التجربة

Quote: قصدك OneNote طبعا حا أجربها - وأديكم التجربة

بالضبط كدا يا أبو يمن

في إنتظار رأيك

نصائح :
1. عند حفظ أى ورقة أو مرجع علمى ك PDF , سمى الملف بصورة منظمة داخل الحافظة مثلا : TOPIC_FIRSTAUTHOR_year.PDF حتى تتمكن من أيجادها بسرعة .
2. أن كنت تستخدم mendeley قم بتحميل ال desktop version فى جهازك الرئسى (سواء فى الجامعة أو المنزل)
3. قم "بسحب" pull and drag ملف ال PDF المحفوظ ل mendeley و سيقوم بفهرسة المرجع مع وضع لنك للفايل و يمكنك تحميل ال PDF من مكتبتك الخاصة من أى جهاز .
4. يمكن حفظ مندلى فى القوائم المفضلة و بكبس ال icon يقوم بفهرسة المرجع مباشرة من الصفحة المفتوحة فى المتصفح ( يعمل بصورة جيدة مع اكسبلورر وفايرفوكس )
5. يمكن تحميل mendeley فى ال أى فون و برنامج مثل scholarly متوافق مع mendeley على ال android

يا سلاااااام ياخ

lyx ده حلو حلاة

شكراً غباشي ومريم

شكراً وائل علي النصايح القيمة

وائل فاروق
لك جزيل الشكر على الرد الوافى..


.
وتسجيل متابعة.

العزيز أمبدة : لا شكر على واجب .

2 Q. ما هى المنح المتوفرة فى السودان و ما كيفية التقديم ؟

(Q3 . How do you write a grant/project proposal (please specify which specialty your experience involves

وائل ..........

سلام يا وائل وشكرا على التفاعل الايجابي شديد

Quote: 2 Q. ما هى المنح المتوفرة فى السودان و ما كيفية التقديم ؟

- بالرغم من انو ما عندي فكره بس هل قصدك منح للدراسة في الجامعات السودانية ؟

http://www.4shared.com/office/zYFKmHF9/Scient...ting_A_Reader_an.htm

Scientific Writing easy when you know how
http://www.4shared.com/office/zx3Pg7WB/Scient...ting_-_Easy_When.htm

شكرا يا أيمون
ي برنامج PREZI للعروض التقديمية
انا اشتغلت عليه وبرنامج جميل جدا ومتطور واكثر امتاعا عن POWER POINT يمكن تعلمه بسهولة وسرعة .
prezi

من اجمل البوستات على الاطلاق مشكورين الاخ ايمن على المبادرة و نشكر جميع المشاركين و الشكر موصول لهم و سيكون من اكثر البوستات استفادة
ومتابعين

UP

UP

أيمن و مريم بت الحسين و وائل و الإخوة و الأخوات الكرام.

ما شاء الله عليكم قطتعوا شوط بعيد في إنزال فكرة التعاون و التبادل المعرفي علي الأرض .. و في ظني المبادرة ده ممكن يكون في ما بعدها .

رايكم شنو نطور داتا بيس تحوي معلومات حول الباحثنين و الطلاب و طرق التواصل فيما بينهم ؟
رايكم شنو نخلي الأخ بكري يثبت لينا حاجة في الموقع للجانب الأكاديمي و المهتمين و يكون ملتقي لينا داخل البوست ؟
رايكم شنو نرتب حتي لقاءات نتكلم فيها بالصوت عبر اسكايب او اي وسيلة مناسبة نعقد بيها ورش .. و نجاوب فيها عن أسئلة ؟



متابعين معاكم .. و حقيقة عدد كبير من السوفت وير و المقترحات عملوا لي إضافة كبيرة .


دمتوا بخير

Quote: رايكم شنو نطور داتا بيس تحوي معلومات حول الباحثنين و الطلاب و طرق التواصل فيما بينهم ؟ رايكم شنو نخلي الأخ بكري يثبت لينا حاجة في الموقع للجانب الأكاديمي و المهتمين و يكون ملتقي لينا داخل البوست ؟ رايكم شنو نرتب حتي لقاءات نتكلم فيها بالصوت عبر اسكايب او اي وسيلة مناسبة نعقد بيها ورش .. و نجاوب فيها عن أسئلة ؟

أتفق معاك 100% يا طارق في اقتراحاتك دي


ويا أيمن محمود عليك الله تعال وما تخلي بوستات المشاكل تاخدك مننا

فعلا:
Millions of minds never be wrong.
دة شعار مطورى البرامج مفتوحة المصدر مثل لينكس linux وتحدوا بها ميكروسوفت وجعلوا ميكروسوفت تلهث ورائهم.
الشعار أعلاه ممكن نجعله شعار للبوست دة.

وائل فاروق
غايتو لو طبيب، ادناه محاولة للإجابة عن سؤالك.

A-
بالنسبة للاطباء هناك إبتعاث داخلى لنيل الدكتوراة الإكلينيكية فى مجلس التخصصات الطبية السودانى. ايضا هناك إبتعاث خارجى لبعض الدول ابرزها ماليزيا.
يتم الإبتعاث فى كلا الحالتين بواسطة وزارة الصحة حيث تتكفل الوزارة برسوم الدراسة وبعض المنصرفات الاخرى.
اهم شرط للتقديم للإبتعاث هو ان تكون عملت فى إحدى المستشفيات التابعة للوزارة مدة لا تقل عن العامين. بعدها يجلس المبتعث لإمتحان الجزء الأول فى التخصص المعنى سواء فى مجلس التخصصات فى الخرطوم أو فى جامعات ماليزيا.
بعض الاطباء يبدا دراسته العليا على نفقته الخاصة ثم يتقدم بطلب لإحدى وزارات الصحة الولائية او الإتحادية. فى بعض الاحيان تتكفل الوزأرة ينفقات بحثهم إذا كان فى تخصص نادر (اى تخصص غير التخصصات الرئيسية مثل الباطنة والجراحة والتوليد تعتبر تخصصات مرغوبة).
فى سنوات سابقة كان الابتعاث يتم على اساس الإنتماء، الان مفتوح لكل الاطباء.
اتمنى انه إجابتى وافية، وفهمت سؤالك صاح.

طارق عمر مكاوي

Quote: ما شاء الله عليكم قطتعوا شوط بعيد في إنزال فكرة التعاون و التبادل المعرفي علي الأرض .. و في ظني المبادرة ده ممكن يكون في ما بعدها . رايكم شنو نطور داتا بيس تحوي معلومات حول الباحثنين و الطلاب و طرق التواصل فيما بينهم ؟ .

لو بكري عندو طريقة يعمل لينا منبر أكاديمي - يكون ما قصر - بيلتقي فيهو جميع الباحثين في المنبر وبيستفيد منو الباحثين على مستوى السودان - انا شخصيا عندي data كثيرة جدا موجود في ملفات مختلفة - من الصعب ادراجها في بوست ، متابعة البوست للناس المشغولين صعب جدا جدا
باقي الاقتراحات ابصم بالعشرة

Babiker Suliman Mohamed Ali
PhD. student at University of Alberta, Canada
Mechanical Engineering Department.

The papers are well received

thanks alot

Quote: رحاب الخليفة دي ما بتحب يقولوا ليها دكتوره... لكن يا اخواني رحوبة دي ممكن تشرف علينا كلنا كده بي ربطة المعلّم... بناءاً عليه انا حأبدأ أراجع كلامي من الان فصاعداً عشان ما تجينا المشرفة تقول لينا "أعد".... انا مشرفي زول مجتهد جداً والنوع البسكك داك... والنصيحة ليك يا الله انا ما النوع البحتاج يسكوهو بالشغل، لكن عندي طفلين يفلقو الحجر بالنقّة ويطلعوا الزول من اي مزاج قراية عندو زاتو... اول ما بديت مع مشرفي، قلت ليه انا زوله بحب اشتغل بي الdeadlines... يعني لو خليتني كده على امل اني اشتغل خلال الاربعة سنين بتاعت الدكتوراه، بزنق ليك الشغل كله في آخر تلاته شهور... قمنا اتقفنا اننا نكون active في النشر.. من اول سنة وانا شغاله اكتب اوراق وانشرها في مؤتمرات. Mariam

سلامات يا مريم
و شاكرة حسن الظن
انتي عارفة كل عيش و ليه خبازه، لوول
انا تخصص علم اجتماع، محاسبة، مراجعة، جندرة، حوكمة، و اهتمامات تانية مجاورة
مشرفين كتار بتخوفو من انه رسالة الدكتوراة تبدا من البداية بمشاريع اوراق علمية، مستقلة
بذاتها و لكن مرتبطة بنفس موضوع البحث
و الطلبة انواع، في النوع البيقدر علي الحاجة دي و في النوع الما بيقدر
بس خلي بالك، هناك بعض الجامعات لا تحسب الاوراق العلمية المنشورة قبل الحصول علي
درجة الدكتوراة في الترقيات و كده، فتوقيت النشر مهم
مشرفك ده زول كويس شكله، لانه متفهم قصة السوق الاكاديمي شغال كيف، في نظري الاوراق
العلمية في الدوريات المشهورة هي الفاصل بين الاكاديمي الجاد من غيره، في كل مراحل الاكاديمي

سلام يا رحاب

Quote: مشرفين كتار بتخوفو من انه رسالة الدكتوراة تبدا من البداية بمشاريع اوراق علمية، مستقلة بذاتها و لكن مرتبطة بنفس موضوع البحث

الغريبة انا مشرفي اشترط على نشر ورقتين بحثيتين على الاقل اثناء البحث !
ليه مشرفين كتار بيتخوفو من مشاريع الاوراق البحثية ؟!!

يا اهلا يا ايمن

موضوع نوعية الدكتوراة مرتبط بالجامعة و ثقافة الديسيبلين
التخوف من الرسالة الفي شكل اوراق علمية اعزيه لسببين. الاول، اعتقد لانه في العلوم
الاجتماعية القصة دي ما قديمة شديد، فقد يكون المشرف متخوف من الحاجة دي لعدم
قدرته علي تطبيقها لانه ما تدرب عليها، و السبب التاني مقدرات الطالب،
كتابة مشروع البحث في شكل اوراق علمية اصعب من كتابة الاطروحة ككتاب دكتوراة
عادي، بالنسبة لي الطالب المقدراته عالية و عنده الامكانية من البداية بتفق معه علي
النهج ده، اما من لا اثق في قدراتهم او اشك انه ما عندهم طموحات اكاديمية فاسلك الطريق التاني.
بعدين ما تنسي عامل الزمن و التمويل،
ناس الجامعات عاوزين يخارجو الناس من زمتهم بالكتير بعد اربعة خمسة سنين، و الورق بياخد اكتر.

في حته حساسة شوية تتعلق بتضارب مصلحة المشرف مرات مع الطالب، مثلا كان لي زميل
شاطر جدا، و مشرفه دائما يشترط عليه كتابة اوراق علمية و يصر المشرف علي وضع اسمه
عليها، و دي سببت مشاكل كتيرة في الدفاع عن الدكتوراة.
فنصيحتي دائما لطلبتي انه الواحد يحاول ما ينشر مع مشرفه من البداية، الي ان يعمل ليه اسم،
و قد تاخد وقت اطول شوية، و لكن شكلها في السيرة العلمية اجمل بصراحة
انا شخصيا للان ما نشرت ورقة علمية من الدكتوراة بتاعتي بالاشتراك مع المشرف،
اشتغلت معاه في بروجكتس تانية و بشروطي و العلاقة كان فيها شوية ندية.
بالنسبة ليك يا ايمن، انت احسن من يقيم اذا نشر الاوراق اثناء الدكتوراة هو الاجدي لك.

علاقة الطالب بالمشرف مهمة جدا و لاحظت في انجلترا الطالب الجاي من الدول العربية
عموما عنده تصور معين انه المشرف ليه الحق في تقرير اي حاجة، و درجة استقلاليته
قليلة بالمقارنة مع الطلبة الاوروبيين مثلا.

شايف بكري رفع البوست علي العناوين الأساسية , منو منكم يقود المبادرة ويعمل رجاء لبكري بعمل أيقونة ثابته كمنتدي للباحثنين و طلبة الدراسات العليا ؟

طارق عمر مكاوي

Quote: شايف بكري رفع البوست علي العناوين الأساسية , منو منكم يقود المبادرة ويعمل رجاء لبكري بعمل أيقونة ثابته كمنتدي للباحثنين و طلبة الدراسات العليا ؟

الموضوع مهم جدا جدا - اصدقك القول انني احسست بالغيرة الشديدة عندما وجدت منتديات بحالها لطلبة الدراسات العليا لدول عربية مختلفة - ولايوجد اي تجمع سوداني لطلبة الدراسات العليا رغم اهمية الموضوع !!
ممكن واحد من الشباب يبادر بفتح بوست لتحويل هذا البوست الى منبر - ربما باسم ترونه مناسبا - واحنا ممكن نثنى على الاقتراح - معلوم انو كل الباحثين بكونو مشغولين غالبا ومسألة تمشي تساكك البوست وتجيبو من غياهب البور بكون مسألة قاسية !!

رابط مناشدة بكري لعمل أيقونة لطلبة الدراسات العليا و الباحثين

مناشدة للباشمهندس بكري - بعمل أيقونة ثابته كمنتدي للباحثنين و الطلاب

ازيكم يا باحثين... كنت مزنوقة زنقة سغيلة جداً مع paper مقبولة وجاهزة، لكن ال formatting كرّهني العيشة... الpaper.. عبارة عن two columns لكن فيها figures مفروض تكون في one column ولازم تكون في اول الصفحة أو آخر الصفحة... اها اي حركة جاي ولا جاي بتجوط لي الدنيا والعالمين.... ولولا انه تسليم الcamera-ready كان الليلة .. كان كابسته في الLyx وعملتها بيه... لكن نويت أتعلمه والله عشان المقلب ده تاني ما يحصل لي... الthesis ما حأعملها بيهو لانه انا ما عندي math equations .. وما حتكون عندي مشكلة بتاعت columns، لكن مفيد الزول يتعلمه لما يجي يعمل papers لمؤتمرات او مجلات....

عجبني جدااااااااااا الموقع/البرنامج بتاع الpresentations الاسمه prezi... رائعة جداً.. وطريقته مختلفة.. وزعلته انه ما عندي عروض تاني للدكتوراه، كان عملتها بيهو...


اعتقد انه في مسألة محتاجه نتطرق ليها وهي من البداية خالص خالص... موضوع انه منو المفروض يعمل دراسات عليا.. اعتقد انه القبول ساهل لأي زول عايز... لكن هل "عايز" تعتبر كافية؟ هل الدراسات العليا مناسبة لطموحاتك المهنية ولا حتختها وتزين بيها الCV ساي... في انواع من الدراسات العليا، في دراسات عليا بتديك درجة مهنية professional .. وبتعدّك لإنك تتطور في مجالك... وفي منها البتعدك عشان تكون باحث... مالم تكون الشهادة دي fitting ضمن خططك العملية، بقترح انك ما تضيّع قروشك ووقتك ساي.. من الامثلة على الشهادات الprofessional مثلا ماجستير في الترجمة... ممكن تلقى منّه version مهني وversion بطوّر الباحث فيك... من الحاجات الممكن تكون بديلة للماجستير مثلا في حالة الترجمة هي الشهادات المهنية المحلية او العالمية زي الDipTrans (لو في حد مهتم ممكن ادي معلومات اكتر في موضوع الترجمة ده لاني فتشته فيه كتير زمان)... نفس المثال بنطبق علينا ناس الcomputer science... ممكن تعمل ماجستير اكاديمي ينقلك لمهنة أكاديمية كالتدريس الجامعي، وممكن تعمل professional certificate تساعدك في شغلك وتزيد من منافستك في سوق العمل... وفي كتير منها طبعا... حاولوا حددوا اهدافكم، هل انتو ناس بحث علمي ولا ناس عمليين... وامشو في الاتجاه ده... الشي ده نفسه بنطبق على الاطباء والمهندسين والمحاسبين و إلخ.... على الرغم من انه في كتير من الاحيان سوق العمل ممكن يكون جاهل بالفرق بين الاتنين، لكن عشان انت تأدي عملك بصورة كويسة وتثبت نفسك، اختار الخيار الصحيح ليك....

سنعود!

Quote: س خلي بالك، هناك بعض الجامعات لا تحسب الاوراق العلمية المنشورة قبل الحصول علي درجة الدكتوراة في الترقيات و كده، فتوقيت النشر مهم مشرفك ده زول كويس شكله، لانه متفهم قصة السوق الاكاديمي شغال كيف، في نظري الاوراق العلمية في الدوريات المشهورة هي الفاصل بين الاكاديمي الجاد من غيره، في كل مراحل الاكاديمي

رحاب ازيك... احنا الجامعة بتشترط علينا ننشر تلاتة أبحاث خلال الدكتوراه في مؤتمرات كبيرة او highly ranked journals وطبعا لازم اسم المشرف يكون جزء منها... الحقيقة انا ما مانعته لاني اعتبرتها فرصة اعرض شغلي على ناس آخرين يقيّموه اثناء ما بيتطور وفي reviews ومراجعات لشغلي... وآراء بتجي غير رأي المشرف... طبعا ده غير مشكلتي مع الdeadlines... لكن فعلا حسي الدكتور طلب اني اوقّف كتابة اوراق وابدا اشتغل في الدكتوراه لاني حققت العدد المطلوب..

لكن كلامك ده مهم انه نضعه في الحسبان... اقصد فيما يخص تضارب المصالح ومسألة التركيز في الjournals..

سلام و تحية لصاحب البوست و ضيوفه:

موضوع الكتابة:

نقول عليكم بــــالـــــــــــ LateX أو أي مسمي اخر يستخدم MikTex بالأخص لطلاب العلوم، الرياضيات و الهندسة.

منتجات مايكروسفت غير مستقرة خصوصاً عندما يكون عدد الصفحات كبير أو توجد صور كثيرة.

الواحد في البداية بحس إنو ليتكس صعب و مستحيل يكتب بيهو بحث دكتوراة كامل لانو أقرب للبرمجة منو للكتابة العادية.

عشان أكون عملي حأنزل إن شاء الله ملف قمت بتطويره خلال الماجستير و الدكتوراه.

ممكن تعدل العنوان و أسماء الأبواب و غيرو و بعد تتقدم في ليتكس شوية ممكن تعدل في الفورمات بتاعت البحث و الإستايل بتاع الكتابة.


* سؤال إتكرر كتير إنو لو كتبت و رقة علمية بإستايل بتاع دورية معينة و بعدين غيرت رايي و بقيت علي دورية تانية إستايلا مختلف أعمل شنو:

في حالة الكتابة بــــ LaTeX أو أي من البرامج التي يدعمها MikTex فما بتعمل أي حاجة غير إنك تغير الملف بتاع الإستايل *.sty من ملف الدورية الأولي للتانية و ليتكس بيقوم بباقي الشغل كلو.


و لنا عودة إن شاء المولي تعالي

بعد السلام : without education, we'll have no nation
أول شروط العلم التواضع , و كل ما علامك زاد و معرفتك زادت تكتشف أنك جاهل ......... أها أكان عملت فيها أبوالعريف فمنو العوض .....

نرجع لموضوعنا .......
فى منح كثيرة جدا للطلاب من الدول النامية (و طبعا نحن أقل من نامية زاتو) . أغلب الدول الاوروبية بتقدم منح و لكن ......... لازم الواحد يجتهد شوية و يسعى , يعنى ما فى زول حا يجى يعزمك ... تقدم لامن كيبوردك ينشف و اصلو ما تقنع ...
ال CV >> ما عارف لى لكن دى skills ما بعلمونا ليها فى السودان .. تلقى السيرة الزاتية فيها معلومات انت كانت قريتا ما تقبل روحك مثلا الحالة الاجتماعية و عدد الابناء , أصلو دى ما فى ليها أى لزوم . المهم تعرف تلمع شنو و تدس شنو . و لازم ال cv يكون مناسب لل applicant description . و ما تكتر الراندوق . تبرز الجاجات المهمة شديد بحيث أنو فى لمحة بس الزول بحدد انو يواصل فى القراية ولا يرميها فى البايظ ... و مافى زول بيقراء ليهو 14 صفحة عبارة عن مدرسة المعاز بن جبل أساس الصف الاول و مدرسة المعاز ابن جبل الصف الثانى ب .....الخ .. و ما اى موءتمر حضرتو تكتبو الا لو كنت مشارك فيهو بورقة ولا محاضرة . ال extra curricular activities ناس كتار يكتبو المطالعة و الشطرنج !! أها دىل بالذات ما تكتبم لانو معناتة انك زول ما عندك أى موضوع . المهارات : استعمال الكمبيوتر word and powerpoint! ديل حسة طالب عمرو 5 سنين مفروض يكون بيعرف ليهم , فما تضيع حبر عليهم .. in conclusion: don't keep your CV monotonous and make it interesting i.e say your life story in not more than 2 pages and make it very easy to read!!!!!


وائل .........

up

وائل فاروق جانا بالمفيد

شكراً ليك

الاخوان أيمن و أمبدة .....شكرا ,

الرابط الملحق لى صفحة فيها المنح للدول النامية ..............

http://www.scholars4dev.com/


وائل ............

Quote: رحاب ازيك... احنا الجامعة بتشترط علينا ننشر تلاتة أبحاث خلال الدكتوراه في مؤتمرات كبيرة او highly ranked journals Mariam

نشر الاوراق العلمية في مؤتمرات ده ضرورة من ضرورات التحصل علي الدكتوراة و
ما بتفرق في قوانين الترقيات، بالعكس، هي اشارة كويسة لجد و اجتهاد الطالب
نشر الدوريات هو المشكلة، فخلي بالك من توقيتها
conference proceedings are treated differently from ranked journals

نقطتك بتاعة منو البيعمل دكتوراة دي مهمة جدا، لانه فعلا ما الكل مؤهل انه يعملها
في الجامعات الكبيرة حكاية القبول في برنامج الدكتوراة دي مشكلة عويصة
كنت مسئولة من قبول طلبة الدكتوراة في واريك بيزنز سكول لقسم المحاسبة، Warwick Business School
ممكن مرحلة القبول دي تاخد ليها نص سنة عبال ما المشرف يفتش كل التفاصيل
و يكون اتكلم مع الطالب (بالتلفون) و سالو عنه.
الحقيقة مجهود جبار، ما بيكون ظاهر للطالب في البداية.
نفس القصة في لندن سكول اوف ايكونوميكس، جامعة مانشيستر كانت بتاخد اعداد كبيرة نسبة لحجمها،
و لكن الاساتذة الجادين استحالة يقبلو طالب من غير ما يعرفو اي حاجة ممكن تتعرف عن اسباب اهتمامه بالدكتوراة و قدراته.
سؤال تعسفي، معليش يا مريم
ليه الا مع المشرف النشر؟

شكراً اخي ايمن محمود على هذا البوست الهادف
ينبغي ان نتبادل فيه خبراتنا كما ذكر الاخوة (من خلال تقديم تجاربنا الشخصية ) ، حتى نقدم لطلاب البحث العلمي ما يفيدهم .....
* بالنسبة لكتابة البحث افضل استخدام برامج Lyx قد استخدمته في كتابة بحثي
*اتفق مع ما اقترحه الاخ طارق عمر مكاوي

Quote: رايكم شنو نطور داتا بيس تحوي معلومات حول الباحثنين و الطلاب و طرق التواصل فيما بينهم ؟ رايكم شنو نخلي الأخ بكري يثبت لينا حاجة في الموقع للجانب الأكاديمي و المهتمين و يكون ملتقي لينا داخل البوست ؟ رايكم شنو نرتب حتي لقاءات نتكلم فيها بالصوت عبر اسكايب او اي وسيلة مناسبة نعقد بيها ورش .. و نجاوب فيها عن أسئلة ؟

لي عودة بحول الله ..........

Quote: حته حساسة شوية تتعلق بتضارب مصلحة المشرف مرات مع الطالب، مثلا كان لي زميل شاطر جدا، و مشرفه دائما يشترط عليه كتابة اوراق علمية و يصر المشرف علي وضع اسمه عليها، و دي سببت مشاكل كتيرة في الدفاع عن الدكتوراة.

هل كانت المشاكل بسبب انو المجهود كان مشترك ؟ - اظن طالما المشرف ساهم مساهمة واضحة في اعداد الاوراق العلمية فمن حقوا يوضع اسمو !!!

Quote: نصيحتي دائما لطلبتي انه الواحد يحاول ما ينشر مع مشرفه من البداية، الي ان يعمل ليه اسم

قصدك بعد ما يكون نشر براهو كذا مره واتعرف ؟

Quote: النسبة ليك يا ايمن، انت احسن من يقيم اذا نشر الاوراق اثناء الدكتوراة هو الاجدي لك

انا شخصيا شغال في الماجستير و حسب ما عرفتو من المشرف بتاعي انو عايز يعمل ترفيع للماجستير مباشرة لدكتوراة - رايك شنو في الحته دي؟!

اشتراك المجهود علي وجه العموم ما فيه مشكلة يا ايمن، المشكلة في التوقيت و الكيفية.
اولا، كيفية توضيح اين الكونتربيوشن بتاع الاستاذ من الطالب خصوصا قبل امتحان الفايفا viva، الدكتوراة مجهود فردي لطالب باشراف استاذ
و الممتحن الخارجي و لجنة الامتحان عاوزة تعرف انه المجهود ده قام به الطالب كله، تحت سبل الاشراف العادية من الاستاذ.

تانيا، اخلاقيا انا اجدها صعبة انه الواحد يؤلف مع طالبه في مرحلة الاشراف علي الدكتوراة و من الاطروحة نفسها، لانه مفروض اصلا اديه
ملاحظات علي شغله طالما هو تحت اشرافي حتي و ان كان المجهود ده كتابة اوراق علمية خارج نطاق الدكتوراة، يعني مجهودي معاه كطالب
ده خلاص، انا عوضوني عنه بطرق شتي، نقصان في ساعات التدريس، اسم الطالب يدرج تحت اسمي، في بعض الجامعات بتدفع نقود و و و ده
غير التعويض المعنوي عند شهرة الطالب و بحثه و للان معظمنا نعرف بمشرفينا، بل و اسم الممتحن الخارجي، مافي داعي علي الاقل في
مرحلة الدكتوراة اجد تعويض زائد، بكتابة اسمي في الورقة، لمجهود انا اصلا سابذله.
اقول قولي هذا و انا علي دراية تامه انه هناك من المشرفين الشايفين انه ما فيها اشكال او قد يحلو الاشكال ده بطريقة تانية
و انه هناك بعض الطلبة بيشوفو انه من السهل النشر مع اساتذتهم في البداية لتوقيت يخصهم و و و و
في احدي الجامعات في انجلترا و من غير ذكر اسماء كانت هناك مشكلة استغلال واضحة من بعض الاساتذة للطلاب، مثلا مشرف يقول
لطالبه امشي جمع معلومات عن الموضوع ده لانه ح يكون موضوعك، يضيع الطالب يجي سنه في تجميع المعلومات و بداية التحليل،
و يقوم يجي المشرف ببساطة يقول ليه ما عاوزنها، امشي جيب تاني، و يطلع بنك المعلومات الجمعه الطالب من البداية استعمل من قبل
الاستاذ في اوراق علمية تانية، و الطالب المسكين الجاي بمنحة زمنه راح و معنوياته بقت في الارض.
من تعقيد علاقات الاساتذة بالطلبة، و احكي و الله علي ما اقول شهيد، انه هناك مشرف كان مشهور بانه كثير السكر و العنف اللفظي
و البدني، احد الطلبة الصينيين البيدرسو معاه، حاليا الصيني ده بروفيسور في جامعة مشهورة جدا، كان بيضربه المشرف بالتلفون
علي راسه، يقول ليه انت غبي. و الطالب الكان صغير في السن وقتها جدا، ما شاف انه فيها حاجة، قال انه ده عادي في المدارس الدرس فيها في بلده!

باختصار علاقات المشرفين بالطلبة علاقة معقدة و كل ما قل التعقيد في نوع العلاقة خلال فترة الاشراف كل ما انصلح الحال،
مثلا قبل امتحان الدفاع عن الدكتوراة، يستحسن في نظري، كطالبة سابقة، و مشرفة و ممتحنة حاليا و ادير برنامج دكتوراة مع
زميل لي هنا في الامارات، انه الطالب ما يؤلف اوراق علمية مع استاذه،
بعد الامتحان طبعا دي بتخضع لتقدير كل واحد، انا شخصيا كما قلت سابقا، و تعلمت من زملائي و اساتذتي، كنت حابة اعرف
الناس علي كتاباتي من اطروحتي و شخصي قبل ان ادمج مع شخص المشرف و الذي هو
مشهور بطبيعة الحال، فنشرت اوراق مع مشرفي، و لكن في مشروع منفصل بديناه من زمن الدكتوراة تقريبا

بالنسبة لسؤالك الاخير، ما فهمت يعني شنو ترفيع من الماجستير للدكتوراة؟ هل تقصد انه المشرف عاوز يقبلك كطالب دكتوراة
و انك تستمر في نفس موضوع بحث الماجستير؟

احب اؤكد انه انا اتحدث عن تخصصي و التجارب المرت علي الواحد, و ارجو انه الكلام يكون وصل من غير تعميم مخل.

كلام من دهب رحاب.
قبل مناقشة رسالة الماجستير-فى إحدى جامعات جمهورية مصر- جاءنى المشرف يحمل كمية من الأوراق لاوقعها لنشر موضوع البحث. حقيقة بذلت فى ذاك البحث مجهود جبار بدنى ومادى ووقت غالى التزمت أثناء بحثى الجانب الأخلاقى والأمانة العلمية. فى بعض الاحيان اعدت الجانب العملى كاملا من بدايته لخطأ رغم إصرار المشرف على المضى قدما.
تم التوقيع وتم نشر البحث (اسمى موجود فى ذيل القائمة) وهو موجود فى:
ncbi.nih.nlm.gov/pubmed
و
sciencedirect.com

as pay per article in a price of 35 USD


الان لدى مجموعة من مواضيع بحثية سابدأ فيها قريبا وهذا سبب متابعتى للبوست..
ما متحمس للphd وما أظن فى طريقة تانى خاصة لى زول 40+
:-)

شكرا يا دكتورة رحاب على الاجبات الوافية والمستفيضة
وكلامك واضح جدا ومفيد جدا

Quote: هل تقصد انه المشرف عاوز يقبلك كطالب دكتوراة و انك تستمر في نفس موضوع بحث الماجستير؟

ايوه / ويعتبر امضيت سنة كطالب دكتوراه خصما على الزمن الامضيته في الماجستير - أو هذا ما فهمت !
ده كله بناءا على ان ما جمعته من معلومات اكبر من تكون لبحث ما جستير فقط !
وكل ذلك مع عمل بعض التعديلات وبعد موافقة وتوصيه منه وموافقة مجلس الابحاث طبعا !

ما قلت ليكم رحاب دي بتشرف علينا كلنا بي ربطة المعلّم كده...

فيم يختص بالرد على سؤالك يا رحاب، الحقيقة انا ما سألته، لكن ده من الفهمتها من اكتر من اجتماع تم في القسم... موضوع النشر من أساسه ما شي مكتوب، لكن شي متعارف عليه في الجامعة... يعني مافي شي بدوك ليه بصورة رسمية، لكن كل سنة بعد الannual presentation بقيّموا ناحية النشر عندك... اعتقد برضه انه احنا حالة خاصة... انا بعمل في الدكتوراه في Informatics Research Centre... وهو مركز معمول خصيصاً to promote research about Organizational Semiotics .. وهي مجال بحثي يعتبر حديث نسيباً وعلاقته جديده بالComputer Information Systems... مديرالمركز مؤلف أهم كتاب في الموضوع ده.. بالتالي النشر في الموضوع مطلوب جداً بسبب انهم عايزينه يتعرف... من الحاجات الطريفة انه قليل جدا الاقي حد بعرف في تخصصي.. والحاجه دي زمان كانت بتحبطني خاصة لما زول يسألني عن مجال تخصصي...

أيمن... انت مسجّل MPhil؟ لانه كلامك ده ما قادره افهمه... عندنا في الجامعة زمان كان في البداية بقبلوا الواحده MPhil وبعد سنتين بقيّموا الشغل، لو لقوه فيه PhD substance بعملوا ليك upgrade وتستمر... otherwise بخلوك تكتب بحث وتاخد MPhil لكن بعداك انت ما مسموح ليك تعمل PhD في نفس الجامعة.. بعداك عدّلوا البرنامج ده وخلو القبول الأولي اسمه PhD initial registration بعد الامتحان بتبقى PhD final registration.. وبرضه خيار الMPhil موجود... يعني قصة بتاعت مسمّيات.... الشي البعرفه انه البريطانيين ممكن يدوا الواحد PhD من غير ماجستير في حالات معيّنة... بذكر المرحوم بروفوسور محمد مكي بابكر طلع من جامعة الخرطوم بي first class لما مشى بريطانيا للتحضير حضّر PhD مباشرة وبحثه فاز بعداك بي جاائزة PhD of the year... اها انت مسجّل شنو؟


يا شباب... Lyx ده انا كده شكيت... يعني thesis حتكون طويلة بطبيعة الحال ومليانه figures.. اتوكل واعمله بيه .. ولا افضل في word ده وابلع حبوب مرارة ومصران؟ مافي equations.. الجماعة العندهم خبرة يدونا الراي


د.أمبدة... غايته ما بعرف، لكن you have it in you والله... ما تقول فوق 40... يعني شنو؟!! الدرجة في العالم الثالث مهمة وبتفتح مجالات عمل وفي نفس الوقت بتستفيد من الابحاث العندك نية تعملها... لو مافي معوّقات تانية go ahead .. ولو في اي حاجه ممكن نقدّمها عشان نشجعك... قول عوك.... حتى لو بالصفقة..

Quote: أيمن... انت مسجّل MPhil؟

لا لا / انا مسجل Msc/ by research only! - بس الحمد لله خلال فترة وجيزة جدا وبعد ثلاث جلسات فقط مع المشرف قال لى ابدأ اكتب - انت جاهز - وبشكلك ده ممكن نقرر نحول التسجيل بتاعك ل PhD طوالى لو مشيت بنفس النسق ده خلال سنة / وطلب مني نشر ورقتين على الاقل وعمل سمنار خلال 6 شهور عن ما توصلت اليه في المشروع ، حتى تحدث عن نشر البحث ككتاب ! يعني لازم اكمل سنة على الاقل مسجل ك Msc student وبعدين يتحول لدكتوراه - وتتحسب لى سنة الماستر كسنة في الدكتوراه !

لو تم حصر جميع انواع الماستر والدكتوراه ومميزاتها يكون جهد قيم جدا ممكن يستفيدو منو الناس اللسا ما بدأو !

لدكتور امبده

Quote: لو تم حصر جميع انواع الماستر والدكتوراه ومميزاتها يكون جهد قيم جدا ممكن يستفيدو منو الناس اللسا ما بدأو !

اعتقد احسن من يجاوب على السؤال ده ويقعّده لينا.. د.رحاب... لانه الجغمسة في انواع الماستر والPhD موجوده في بريطانيا.. في امريكا الماستر واحد والPhD واحد والله واحد...

@رحاب الخليفة



أيمن...
فخورين والله يا شاب... ربنا يوفقّك وتتم على خير...

شكرا على هذا البوست الثر

بالنسبة لل

Equations With Microsoft Word

موجودة تحت قائمة Insert

والشرح هنا

http://ist.uwaterloo.ca/ec/equations/equation.html

في انتظار المشرفة - دكتورة رحاب
حسب معرفتي يمكن تقسيم الماجستير الى قسمين : ماجستير تنفيذي وماجستير اكاديمي
الماجستير التنفيذي Executive Master: للمتابعة في الحياة العملية وغالبا بيكون عبارة عن مواد فقط أو مواد و مشروع تخرج(بحث تكميلي).
الماجستير الأكاديمي Academic Master : للعمل في مجال التعليم الجامعي ولمتابعة الحياة البحثية و الأكاديمية و المصطلح الشائع هو Master of Science وفي الغالب (بس مش دايما) بكون عبارة عن رسالة بحث ( أطروحة ) فقط . ما في قاعدة ثابتة !
وبكون التركيز في الماجستير الأكاديمي على الأمور البحثية و الأكاديمية ، و التركيز في الماجستير التنفيذي على الأمور العملية المهنية و الوظيفية ... الخ
والمسميات كالآتي:

• MSc) Master of Science)
• MA) Master of Arts)
• MEd) Master of Education)
• LLM) Master of Law)
• MBA) Master of Business Administration)
• MRes)Master of Research)
• MPhil) a research-only Masters Degree and is usually a precursor to a PhD)
• MEng) Master of Engineering )
• MM) Master of Music)
• MFA) Master of Fine Arts)
• MSN) Master of Science in Nursing)

الخ

>

Quote: و احكي و الله علي ما اقول شهيد، انه هناك مشرف كان مشهور بانه كثير السكر و العنف اللفظي و البدني، احد الطلبة الصينيين البيدرسو معاه، حاليا الصيني ده بروفيسور في جامعة مشهورة جدا، كان بيضربه المشرف بالتلفون علي راسه، يقول ليه انت غبي.

يا ساتر

ده في بريطانيا وإلا أمريكا ؟

الأوربيين عموماً مهذبين أكتر من الأمريكان

رغم إنو الأوربيين ذاتهم ما واحد

ياسلام عليكم أيمن والمجموعة أبدعتوا والله
بوست مفيد جدا

نزلت ال Lyx ووفى انتظار التجربة اها عندى سؤال
Q3.. هل بقدر أنقل ملفاتى من MS Word لى Lyx بسهولة؟؟ وكيف؟؟ ولا لازم من البداية اكون شغالة عليه؟

up

Quote: كلام من دهب رحاب. قبل مناقشة رسالة الماجستير-فى إحدى جامعات جمهورية مصر- جاءنى المشرف يحمل كمية من الأوراق لاوقعها لنشر موضوع البحث. حقيقة بذلت فى ذاك البحث مجهود جبار بدنى ومادى ووقت غالى التزمت أثناء بحثى الجانب الأخلاقى والأمانة العلمية. فى بعض الاحيان اعدت الجانب العملى كاملا من بدايته لخطأ رغم إصرار المشرف على المضى قدما. تم التوقيع وتم نشر البحث (اسمى موجود فى ذيل القائمة) وهو موجود فى: ncbi.nih.nlm.gov/pubmed و sciencedirect.com as pay per article in a price of 35 USD الان لدى مجموعة من مواضيع بحثية سابدأ فيها قريبا وهذا سبب متابعتى للبوست.. ما متحمس للphd وما أظن فى طريقة تانى خاصة لى زول 40+ :-) Ombada

سلامات يا دكتور امبده
اذا انت مهتم بجانب الابحاث، خسارة ما تطور الجانب ده،
خصوصا انك اوليت بحث الماجستير اهتمام كبير.
في تجربتي عمرك سيكون عامل مساعد، انا بديت الدكتوارة
في عشرينياتي و اتخذت بعض القرارات الاعتقد كانت ستختلف
لو كنت انضج شوية. no regrets though
اقول ليك حاجة؟ الوالدة ربنا يطول في عمرها الان في الستينات
وكانت معلمة قبل ان تتفرغ لتربيتنا، وعلي قولها بعد كل زول فينا
عمل ليه حياة منفصلة، دخلت جامعة و خلصت البكالريوس قبل
عامين تقريبا، و الان بدات الماجستير و ما شاء الله خلال ده حفظت القران.
ربنا يخليها لينا و يحفظها بما حفظ كتابه.
تقول لي اربعين؟ :)

مريم الحبيبة، شاكرة ردك، ايوة معظم الحاجات دي بتكون شفاهة، انا لو منك و جات الفرصة حاولي غايتو استخلصي ليك منشور منشورين من الدكتوراة لروحك انتي بس، لووول
*********************************************
يا ايمن، رحاب حاف الطف منكم
مريم معاها حق، الماجستيرات فيها انواع كتيرة و انجلترا تعجبك في التعدد، لووول
حاجة عملوها الانجليز في نهاية التسعينات تقريبا في كليات الادارة والاعمال انهم قررو السنة الاولي في الدكتوراة الطالب ياخد كورسات تعادل الماجستير و بحث التخرج يكون عبارة عن بروبوسال تقريبا، انا رفضت الفكرة و من حسن حظي مشرفتي وكتها كانت في شهر العسل، فشطبت كورسات كتيرة و سجلت في كورسات في علم الاجتماع و الفلسفة و الجندرة و استمتعت جدا و تعلمت، اصلا كورسات المحاسبة الواحد عارفها كان. و ما كان هاميني اعمل ماجستير تاني، لانه عندي واحد من ساوثهامبتون كان
بالنسبة ليك، انا لو منك افكر في الاتي
اولا، هل تستطيع العمل مع المشرف ده لمده اقلها اربع سنوات؟
ثانيا، هل الجامعة او القسم مشهور في مجالك؟
ثالثا، هل يوجد تمويل من الكلية؟
رابعا، و دي الاهم، هل عندك الرغبة انك تعمل الدكتوراة الان؟
بصراحة shopping around does not harm
PS there is also MPA - Master of Professional Accountancy
or Master of Public Administration
************************************************************************
يا ايمن، اي و الله في انجلترا دي، و جامعة عريقة جدا جدا
ربك غالب :(

زي العادة يا رحاب - وفيتي وكفيتي - merci beaucoup

Quote: اولا، هل تستطيع العمل مع المشرف ده لمده اقلها اربع سنوات؟

لحدي هسا المشرف بتاعي -ممتاز- سريع الاستجابة ومتحمس لموضوع البحث جدا.
بالمناسبة بتاعة العمل مع المشرف في المرحلة القادمة - هل يجب ان يكون مشرف الدكتوراة حامل لدرجة الاستاذية (Professor) ؟

Quote: ثانيا، هل الجامعة او القسم مشهور في مجالك؟

ده بقودنا لي سؤال - ما هو معيار تقييم الشهادات العليا ؟ هل هو اسم الجامعة ، المشرف ، الممتحن او الثلاث معاً ؟ ...اخرى !

العزيزة كلارا خالد :

Quote: Q3.. هل بقدر أنقل ملفاتى من MS Word لى Lyx بسهولة؟؟ وكيف؟؟ ولا لازم من البداية اكون شغالة عليه؟

فى طريقتين لتحويل ورد لى LYX
1. استعمال الماكرو فى اللنك الملحق :


http://wiki.lyx.org/Tools/Word2LyXMacro

2. حفظ الملف ك txt و فتحه import to lyx.

وائل

العزيز أمبدة :
40 عمر الزهور لسع ..
بالنسبة ليك كطبيب فالتحضير مهم جدا خاصة مع تطور الطب كل يوم , والفايدة الأكبر فى التحضير هى تعلم طريقة "التعلم" !!!learning to learn
دراسة الطب فى السودان عبارة عن تلقين و ليست تعليم , فيهم من يعلم davidson ولا كومار عن ظهر قلب و لكن فى كم بروف أحمد محمد الحسن ؟ بتذكر أجمل محاضرة فى كلية الطب كان عنوانها music, musicians and pathology . قدمها بروف أحمد محمد الحسن فى قاعة أنيس عام 1998 فى تيتوريال بعد صلاة المغرب و دى ورتنى الفرق بين العالم و الطبيب . و لو فتشت pubmed بى أسمو حتلقى الفرق : he added to humanity and science, and to leave your mark you need to learn more

وائل .

ما شاء الله على ماما يا رحاب.... انا بتكيف للناس البواصلوا... في ناس بعد ما يصلوا الخميس تحسيهم قرروا التوقف عن الحياة والاستسلام لنفس الروتين.... انا ما فكّرته في الموضوع كتير، لكن اعتقد لو ربنا مد في الآجال، حأكون بتعلم لي في مصيبة جديدة... حسي دي انا حاسه اني ما حأعمّر في مجالي ده كتير... رغم محبتي الشديدة ليه، لكن انا زوله بحب دايماً اشوف تحديات جديدة... دايماً بكون بعمل في شي وفي بالي الشي البعده... المشرف بتاعي بتضايقه الحركة دي.. ومرات بزعل منّي لأنه بفتكر اني ما بكون مركّزه في الشي الحالي، لكن I can do both..

عارفه يا رحاب، جامعتنا اعتمدت نظام الكورسات بتاعت السنة الاولى دي بعد ما قبلونا بي سنتين، وخلوها لينا اختياري... لكن ألزموا بيها المسجلين الجدد... اعتقد انه في توجّه للطريقة الامريكية للأسف... الامريكان بركزوا على الكورسات شديد وبعداك بنتقلوا للرسالة... البريطانيين عندهم مفهوم لذيذ عن الدكتوراه... صحيح انت بتكون حاصل على PhD لكن ما بحددوا ليك تخصص... وبفتكروا انه المرتبه دي بتأهلك لإنك تكون باحث في اي مجال او تخصص... كنت فاكراها حركة من جامعتنا، لكن سألت الوالد لانه عملها في بداية التمانينات في مانشستر، قال لي فعلا انا شهادي مافيها تخصص... والحاجه دي فادته وضايقته في الخليج...

Quote: ده بقودنا لي سؤال - ما هو معيار تقييم الشهادات العليا ؟ هل هو اسم الجامعة ، المشرف ، الممتحن او الثلاث معاً ؟ ...اخرى !

اسمح لي انظّر ليك لحدي ما تجينا المشرفة... في تقديري ومن تجربتي، اعتقد الأولوية للجامعة ... إلى حد ما المشرف والممتحن will follow... يعني مافي جامعة محترمة حتجيب زول اي كلام يشتغل او زول اي كلام يمتحن... موضوع اسم الجامعة ده حيوي جداً... وممكن يجننك بعدين... انا حسي ورطانه في قصّة زي دي... ولو رحاب جات ادتني حل تكون ما قصّرت... انا عملته ماستر في جامعة في الأردن وقتها كانت قوية جداً لكن ما في تخصصي.. كان مشهوره في تخصصات ادارة الاعمال والمالية والمصارف.. وهي تابعة لجامعة الدول العربية، وكانت أبهة خالص! المهم انها بعد فترة من تسجيلي بدا يحصل فيها انهيار.. إدارة فاسدة... قبول عشوائي.. اساتذة اي كلام...اتخرجته والامور مشت... واشتغلت بالماجستير فترة، بعد شويه اكتشفته انه السعودية سحبت الاعتراف بالجامعة.. او على الاقل ما بتقبل شهادتها في الوظائف الأكاديمية.. القصة دي سببت لي مشاكل في شغلي.. وخلتني استعجل وافتّش عن الدكتوراه سريع... وبركة طبعا اني عملته كده... القصة الآن انه انا على وشك اخلّص دكتوراه.. وشاعره انه الماجستير ده في وظيفة اكاديمية حيفضل لي شوكة حوت.. فكّرته اعمل ماجستير بعد الدكتوراه.. وفكّرته اعمله في Reading زاتها، الدكتور بتاعي زعل وقال لي لو احنا وافقنا معناها ما معترفين بي الدكتوراه حقتنا! ومعاه حق! وقال لي انه لو عندي رغبة زي كده، اعمل في تخصص آخر في جامعة أخرى.. الحاجه دي زهّجتني جداً... حسي انا في مرحلة كتابة البحث بتاع الدكتوراه، لكن لازم اشوف حل للمشكلة دي... طبعا في البداية كان التسجيل بتاعي MPhil وحصل لي upgrade للPhD.. حاولت اني اقول ليهم اني اعمل submit لبحث واخد الدرجتين.. قالوا nope .. لانه الMPhil معناها تقريبا كدده، زول ما نجح في انه يعمل بحث فيه إضافة... وبتعني انه الزول ما مسموح ليه يواصل في نفس الجامعة PhD... مفكرة اعمل MRes في جامعة تانية بعد ما اخلّص الدكتوراه، لكن ما عارفه هل كونه عندي PhD حتكون لي عائق ولا مسهّل.. وكيف حيتم التعامل مع The fact that I am already qualified as a researcher... يعني المفروض بعد الPhD انا البدرّس ناس MRes ديل زاتهم! غايته الموضوع محيّرني جداً.... طبعا رحاب انت عارفه ناس الخليج عاملين كيف... مشرفي قال لي الدكتوراه كافيه... لكن طبعا عندهم.. هنا، لازم ماستر وPhD... الشاهد يا ايمن انه تدقق شديد في القصة دي... انا كان عندي فرصة اسجل في نفس جامعتي بتاعت البكالوريوس وهي جامعة أردنية حكومية وقوية... لكن "اتبالدته" ده غير انه كان في اعتبارات أخرى وقتها..
تنظيره أخرى في موضوع المشرف... ممكن يكون associate ما بالضرورة يكون بروفيسور...


يا وائل.. في علماء كتار مجهولين لينا.. وفي منهم عندهم براءات اختراع واكتشافات... بس بلدنا ناكره.. بروفيسور محمد مكي بابكر الاتكلمته عنه قبل كده، عنده براءة اختراع في طريقة مسك الكلى السليمة لما يتم عمل عملية الtransplant... عشان ما تتصرر قبل ما تصل للجسم المنقوله ليه! اختراع مسجّل بي اسمه... لكن قلت لي 1998... الاعمار بدت تظهر أهو ... انا 1998 دي ممتحنة توجيهي أردني (الشهادة الثانوية)

مريم، أيمن محمود، رحاب، وائل فاروق.
شكرا على التشجيع لمتابعة التحضير لنيل درجة الدكتوراة.
فقط أود تبيان سبب عدم تحمسى للموضوع. من المعلوم أن درجة الماجستير التى تمنح فى الجامعات المصرية من كليات الطب هى درجة تخصصية تشمل 20% البحث و 80% عبارة عن مقررات أكاديمية وتدريب عملى واكلينيكى ينتهى بإمتحانات لا بد من اجتيازه. عند نيلى درجة الماجستير توجهت للمجلس الطبى السودانى والذى عادل درجة الماجستير بإختصاصى.
طيب لو رجعت وتحصلت على درجة الدكتوراة ماذا يحدث؟ الإجابة لا شئ، وسأظل فى وظيفتى كإختصاصى. درجة الإستشارى تمنح بإنقضاء فترة زمنية مقدارها 7 سنوات.
دة بالنسبة للطبيب العامل فى وزارة الصحة.
فى المستشفيات السعودية والامارايتة،الوضع مختلف:
درجة ماجستير+ سنيين خبرة= إختصاصى أول.
دكتوراة+ 3 سنوات خبرة= إستشارى.
[المقصودة درجة الماجستير والدكتوراة من مصر، وفى كل الحالتين يلزم الجلوس لامتحان]
بالنسبة للجامعات السودانية:
درجة الماجستير = وظيفة محاضر lecturer
درجة الدكتوراة=بروفيسور مساعد. assistant professor
الجامعات تتبع لوزارة التعليم العالى، والمستشفيات لوزارة الصحة ولا يمكن الجمع بين الوظيفتين. ومعظم الجامعات لا تمتلك مستشفيات جامعية خاصة بها.
معلومة أخيرة للفائدة العامة:
الرسوم الدراسية لنيل درجة الماجستير او ألدكتوراة فى مصر هى 1500 جنيه إسترلينى تدفع سنويا بإستثناء الفلسطنيين والسودانيين 150 جنيه إسترلينى فقط.
وعلى إستعداد على إجابة اى إستفسار بخصوص درجة الماجستير فى كليات الطب المصرية(بس ربنا يهدئ المصريين، انا قريت أيام مبارك ومصر كان بخيرها)
وإلى الأمام

العزيز أمبده :
بعد السلام :
التدريب الطبى الاكلينكى فى كل دول العالم يتم ك apprenticeship (حرفة ) و لا أعلم بأى دولة فى العالم الاول تعادل الماجستير (درجة أكاديمية ) بتخصص اكلينيكى . يتطلب التدريب لمواصلة العمل كاستشارى عدة سنين (اقلها 3 سنوات فى بعض التخصصات) بعد 4 سنوات من العمل ك intern أو ما يعادلها . يعنى أقلاها سبع سنين بعد التخرج . فى حالة الماستر ممكن تتحصل عليهو حتى قبال ما تتخرج . و طبعا فى ماجستيرات أكلينيكية بتطلب أنك تكون شغال فى مجال التخصص و لكنها لا تعوض عنه .
توجد متطلبات كبعض الامتحانات (الزمالة مثلا حتى يتم أختيارك فى البرنامج ) و يوجد أمتحانات خروج . أقرب مثال حسب علمى قبال ما أطلع من السودان هو نفس النظام تقريبا البيعمل بيهو مجلس التخصصات الطبيبة .
معلوماتى عن الماجستير فى مصر محدودة جدا .
السنة دى فى بريطانيا سنو قانون جديد اسمو revalidation و ده معناتو أى طبيب ممارس لازم يجيب أدلة على أنو مواصل فى التحصيل يعنى : عدد معين نقاط ال cpd , استبيانات من زملاء و أخصائيين تانين , استبيانات من العيانين و الممرضات و السكرتيرات الخ . و مراجعة بعض الحالات القمت بالاشراف عليها . هذا بالاضافة لتقرير سنوى من رئيس القسم يبين فيه مدى التزامك و صلااحييتك لمواصلة العمل ..

بالنسبة للدرجات الاكاديمية : صحيح , كطبيب لو أغلب ممارستك أكلينيكية قد لا يضيف ليك الكثير سوى فرص أفضل فى أختيار وظائف فيها منافسة أعلى يعنى لو استشارى عندو زمالة و واحد تانى عندو زمالة و دكتوراة و عدة بحوث قدمو لنفس الوظيفة فى الغالب حتكون فى صالح الاخير . و زى ما عارف المنافسة على الوظائف ماشة فى زيادة حتى فى الخليج .
__________________________________________________________________________________________
بت الحسين :
حسى أنا قلته حضرته المحاضرة دى و أنا طلب فى الجامعة ؟ 98 كنت فى الروضة وجيت حضرت مع أخوى الكبيير :(((

وائل .....

Dear brothers and sisters
I would like to ask if any one of you have or know free software for English text editing I will appreciate that for you all

with my nice greetings

Shams

Quote: Dear brothers and sisters I would like to ask if any one of you have or know free software for English text editing I will appreciate that for you all with my nice greetings Shams

يا شمس الدين , سلام , قصدك شنو بالظبت بى english text editor ? و ممكن تورينا البقروش ياتو واحد عشان نفهم أنت عايز شنو ؟ و لسه راجى تلفونك فى الخاص ....


وائل ..

Quote: Dear brothers and sisters I would like to ask if any one of you have or know free software for English text editing I will appreciate that for you all with my nice greetings Shams

Quote: يا شمس الدين , سلام , قصدك شنو بالظبت بى english text editor ? و ممكن تورينا البقروش ياتو واحد عشان نفهم أنت عايز شنو ؟ و لسه راجى تلفونك فى الخاص ....

ننتظر شمس الدين

بس للعاوز بديل لل MS Office هو Open office

http://www.openoffice.org/index1-passthru.htm...Dbv.41867550%2Cd.bGE

سلامات ياوائل

دى اول مرة أستعمل فيهاال Lyx ده ... شرحك افادنى وحولت ملفى عليه لكن بعد كده غلبنى التعامل معاه
قدر ماكابست .. مانفع

تحياتى

العزيزة كلارا ,

لكس عايز صبر فى الاول و أول حاجة تعمليها تنسى ورد تماما و أنت بتكتبى . بيعمل بال preamble . يعنى تكتبى من غير تفكرى فى التنسيق . و بعض داك توضع شروط للتنسيق : و هو بيقوم بالتنسيق كلو بالاضافة لوضع الصور او الجداول فى المكان المناسب و الفهرس و المراجع الخ . أنصحك بمشاهدة بعض الفيديوهات فى youtube عشان تقدرى تفهمى كيف بيعمل lyx او latex عشان تفهمى الconcept ....


وائل ..

اخ شمس

تحية

لو قصدك على word editor.. ممكن تجرب الOpen Office... تنزيله مجاني من الرابط ادناه.. وهو منافس قوي لكل برامج الأوفيس


http://www.openoffice.org/download/

كلارا شوفي الفيدوهات دي... بتوصلك للفكرة

إزيك ياوائل
شكرا على النصائح ومريم ماقصرت ادتنى طرف الخيط
غايتو إستحملنى بالاسئلة الكتيرة

مودتى

العزيزة مريم
ماقصرتى معاى ربنا يديك العافية .. ح اتابع الفيديوهات واشوف ح أصل لوين
غايتو البرنامج حلو عجبنى .. فيه تحديات تعلم شغلانية جديدة

مودتى

مرحب بيك يا كلارا...

انا زيك ما عندي خبرة فيه... لكن لقيت الفيديو ده كويس كبداية.... ممكن نتعاون ويجوا الشباب يساعدونا.... غباشي او عمك وائل... شكلهم الاتنين خبرة فيه

سلام يا جماعة
كنت وعدت اني اعمل فيديوهات لكن انا مشغول شديد و عندي سفرية مهمة بالله دعواتكم و ان شاء الله بجيكم راجع اذا بقينا من اهل الدنيا

فى
عمر الخمسين بديت الماجستير ..MBA

ال\اولاد دخلوا الجامعات

السنة دى الحمد لله آخر واحدة اتخرجت ..

سجلت مبدئيا للدكتوراة ..

الموضوع عامة عن " إدارة تخطيط المدن" يعني هندسة و إدارة

1- على تقديم ال " Methodology" ..

2- و الاستعداد للكتابة .. دى حأتعلم واحد من البرامج دى حتى لو فى معهد خاص .. توصوا بى شنو خاصة الموضوع صور و جداول و احصاء ..
3-.. أغلب مراجعي فى ( لندن) دار الوثائق أو أينما أجد من خططوا و أداروا الخرطوم منذ تأسيسها ..


أسع خلونا فى نمرة واحد ..
قرأت كثيرا عن كتابة الـ Methodology"
رجاءا أبدؤا بكيفية كتابة Methodology" متميز ..

معتصم الطاهر ،،، سلام ومراحب
الفهمتو انك معماري - فهل قرأت في ال ARCHITECTURAL RESEARCH METHODS؟

الاخوة الافاضل تحية طيبة
معذرة للغياب امس للمشغوليات واخص بالشكر الاخوة وائل وايمن والاخت مريم على تجاوبهم للموضوع البرنامج الذي ابحث عنه هو برنامج بعمل تصحيح للمانواسكربت قبل ارسالها للمجلات العلمية هذا البرنامج بيعمل
1-Contextual spelling check
2- Grammer check
3- Punctuation check
4- Style and word choice
توجد برامج لكن ليست فري
خارج النص يا وائل حاولت ارسل لك رقم التلفون لكن سيستم اخونابكري يكتب لي رسالة error
يا وائل انت تقصد دكتور محمد صالح وهو من مدينة النيل اما انا شمس زرتك فى هانوفر قبل الزواج ومكثت فى هانوفر يومين عموما هذا هو الاسكايب نيك نيمScorpionger1

with nice greetings

سلام شمس الدين.
برنامج الأوفيس MS Word 2010 يقوم بوضع خط أحمر تحت أى كلمة بها خطأ إملائى، وخط أخضر تحت أى جملة بها خطأ فى القواعد. يحتاج قليل جهد للدخول فى إعدادات البرنامج وتغذيته من حين لآخر ببعض المصطلحات فى مجال بحثك.
من المعروف أن اللغة المستخدمة فى الكتابة العلمية لغة سهلة بسيطة بعيدة من التعقيد. كذلك يفضل أن يكون تركيب الجمل بسيط avoid complex sentences. واستبدال الكلمات الغامضة وغير مفهومة المعنى بأخرى أوضح. بإختصار،الباحث العلمى ما قاص أو روائى او شاعر علشان يطرب الآخرين بمقدراته اللغوية وهدفه توصيل نتائج بحثه باسلوب واضح وبطريقة مباشرة.
رغم الكلام دة كله، الأخطاء الإملائية والنحوية لا مكان لها فى البحث العلمى ويجب مراجعة الورقة أكثر من مرة لتصحيح الأخطاء الإملائية. كما يمكن إستخدام بعض البرامج التى تقوم بهذا الدور كما أشار بذلك الأخ شمس الدين.
معلومة:
بالإمكان ربط برنامج الاوفيس Ms Word ببرنامج ال Endnote

باشمهندس معتصم الطاهر...
غايته شايفاها تقيلة أنظّر ليك.. لكن غايته بغمّض وبكتب.... ده من كبر مقامك عندي والله

اعتقد انه التسلسل الصحيح هو اولا تحدد مشكلة البحث what is your research question؟ عادة ده بكون على شكل proposal، وحسب ما فهمته انت اتقبلت مشكلتك... بعدين الmethodology بتجاوب على سؤال how will you solve the research problem؟ ... ده بعتمد على مجالك... لكن ممكن تعمل quantitative analysis أو qualitative analysis أو الاتنين معاً...لقيت الpaper دي وهي بتتكلم عن الانواع التلاته وعلاقتهم بالتخصصات الهندسية.. ممكن تساعدك
Qualitative, Quantitative and Mixed Research Methods in Engineering Education

ده powerpoint طويل شويه عن نفس الموضوع... ممكن يساعد برضه
PowerPoint: Research Methods for Engineers


ان شاء الله ما يكون تنظير في الفاضي.. وجاهزين لأي مساعدات أخرى لو بنقدر...

الاخ الفاضل دكتور امبدة
السلام عليكم ورحمة الله وبركاته
شكرا لك أخي نعم أنا اتفق مع حضرتك فيما كتبت لكن حقيقة أنا ابحث على برنامج يعمل جيك لكل الاشياء التى زكرتها لكم صحيح توجد برامج اونلان لكن بفلوس
المهم اذا حصلت واحد قول عووك
ختاما
مع احترامي وتقديري

الاخ شمس الدين...
لو تديني اسم لأحد البرامج المدفوعة عشان أفهم الفكرة بالضبط، وأشوف ليك على اساسه...


تقديري

بسم الله يا شمس الدين , انت و شبرين بتو معاى فى هانوفر , و انت كنت الوكت داك فى كاسل . محمد صالح أكان مع شبرين فى درسدن . و الشى الجبتو لينا الزى الرجلة , و النعناع الجبتو لى . الشى الوحيد اللخبتة فوقو مدينة النيل :)

نرجع للموضوع
انت شكلك بتفتش لى proof reading software .
ما حصل استعملت واحد قبال كدة لكن سمعت بى Ginger http://www.gingersoftware.com/ من واحد صاحبنا قال كويس .

_______________________________________________________________________________________________

بالنسبة لل PLAGIARISM كل الجامعات دلوقت بتستعمل TURNITIN . لو ناقل خمسة كلمات من مجلة ماجد بيجيبها ليك ....

وائل .......

Quote: معتصم الطاهر ،،، سلام ومراحب الفهمتو انك معماري - فهل قرأت في ال ARCHITECTURAL RESEARCH METHODS؟

..


سلام ايمن

نعم درست المعمار و أعمل معماريا لكنى فى مجال الدراسة فتخصصى هو

Housing and Town planning strategies

قدمت خلال السنوات الأخيرة ( 8 أوراق) فى وش عمل فى أفريقيا و آسيا و الدول العربية ..
.. ..

فى مجملها الأوراق و الدراسات عن إدراة تخطيط المدن

Inner city Renewal
Inner City revitalization
Disaster management
Solid Waste Management
Housing Gentrification
Displacement and resettlement

Quote: باشمهندس معتصم الطاهر... غايته شايفاها تقيلة أنظّر ليك.. لكن غايته بغمّض وبكتب.... ده من كبر مقامك عندي والله اعتقد انه التسلسل الصحيح هو اولا تحدد مشكلة البحث what is your research question؟ عادة ده بكون على شكل proposal، وحسب ما فهمته انت اتقبلت مشكلتك... بعدين الmethodology بتجاوب على سؤال how will you solve the research problem؟ ... ده بعتمد على مجالك... لكن ممكن تعمل quantitative analysis أو qualitative analysis أو الاتنين معاً...لقيت الpaper دي وهي بتتكلم عن الانواع التلاته وعلاقتهم بالتخصصات الهندسية.. ممكن تساعدك Qualitative, Quantitative and Mixed Research Methods in Engineering Education ده powerpoint طويل شويه عن نفس الموضوع... ممكن يساعد برضه PowerPoint: Research Methods for Engineers ان شاء الله ما يكون تنظير في الفاضي.. وجاهزين لأي مساعدات أخرى لو بنقدر...

سلام يا حبيبة ..

تعايني كيف وانت زى عين الشمس .. ما فى عين تلاقيها ..

دا كلام جميل واجابة عن سؤالى أقرأ و أجاوب و أجيك ..

الاخت الفاضلة مريم السلام عليكم ورحمة الله وبركاته
شكرا لك مثلا بنامج
The world's best grammer checker
This program does all the things that I had mentioned up this program is better than word processors it has part free but he will not show you where is the mistake.
there are some programs give check and show you where is the mistake and give you alternatives to help you.
Dear Mariam I hope you got my point

ok, with my respect
shams

Dear Wail Farooq
yes you are right do you still remember the mints (na'na)
mashallah your memory Haded

nice greetings
shams

الاخ شمس الدين...

خليني اوريك وجهة نظري، كزولة متخصصة في الكومبيوتر... مهما بلغت البرامج من تعقيد فهي من الصعب إنها تصل لمرحلة الإنسان في موضوع الproofreading بشكل عام، وفي النواحي الإنت طالبها دي... عشان كده في جامعتنا بقولوا لينا بعد مراجعة المحتوى العلمي مع الدكتور، بنتعاون مع ناس يعملوا proofreading بالقروش طبعا... ويفضّل ناس ما يكون عندهم علاقة بتخصصنا ويكونوا native speakers... عشان يتأكدوا من وضوح اللغة وسلامتها وانها مفهومة حتى لزول ما متخصص... ما المطلوب انه زول يكون فاهم انت بتتكلم عن شنو، لكن يتأكد انه كلامك مفهوم... وعشان الحاجه دي حتمية وضرورية... الناس بتكتفي بي برنامج الword او OpenOffice مبدأياً.... وبعداك بتجي المراجعة اللغوية دي... عشان كده نصيحتي ليك انه تخلي موضوع البرنامج ده، وتشتغل في المحتوى العلمي بتاعك (ما لم يكون تخصصك لغوي)... ده رأيي ... لكن برضه حأفتش ليك عن برامج بتعمل الحاجه دي، لو لقيت بجيبها...

تحياتي

الاخت مريم السلام عليكم ورحمة الله وبركاته
مشكورة كتير وأرأؤكي محل تقديرواحترام

up

I need a FREE software that helps making figures/models... I use an online tool and it is great, it allows saving the file in XML and JPEG, but I am looking for a better option...

my tool is also free, you can find it at
www.draw.io

Quote: الاخ شمس الدين... خليني اوريك وجهة نظري، كزولة متخصصة في الكومبيوتر... مهما بلغت البرامج من تعقيد فهي من الصعب إنها تصل لمرحلة الإنسان في موضوع الproofreading بشكل عام، وفي النواحي الإنت طالبها دي... عشان كده في جامعتنا بقولوا لينا بعد مراجعة المحتوى العلمي مع الدكتور، بنتعاون مع ناس يعملوا proofreading بالقروش طبعا... ويفضّل ناس ما يكون عندهم علاقة بتخصصنا ويكونوا native speakers... عشان يتأكدوا من وضوح اللغة وسلامتها وانها مفهومة حتى لزول ما متخصص... ما المطلوب انه زول يكون فاهم انت بتتكلم عن شنو، لكن يتأكد انه كلامك مفهوم... وعشان الحاجه دي حتمية وضرورية... الناس بتكتفي بي برنامج الword او OpenOffice مبدأياً.... وبعداك بتجي المراجعة اللغوية دي... عشان كده نصيحتي ليك انه تخلي موضوع البرنامج ده، وتشتغل في المحتوى العلمي بتاعك (ما لم يكون تخصصك لغوي)... ده رأيي ... لكن برضه حأفتش ليك عن برامج بتعمل الحاجه دي، لو لقيت بجيبها...

شمس الدين امسك في كلام مريم دا قوي

Apologies for the pause. Will be back soon in sha Allah, you guys are amazing, keep it up
a topic of great importance to researchers, and it does not get forgotten or forgiven by time - read below please!z
*******************************************************************************

Talk about setting a bad precedent for German students, and a good one for independent blog journalism.
The country’s top educator faces being expelled from Chancellor Angela Merkel's cabinet after her alma mater revoked her Ph.D. on the basis of the cardinal sin of academic thesis writing: plagiarizing.

Education Minister Annette Schavan has been battling for more than a year allegations she paraphrased passages from other sources without proper citations for her 1980 dissertation, an obscure German language tract on the human conscience under the unsparing title “Person und Gewissen Studien zu Voraussetzungen Notwendigkeit und Erfordernissen heutiger Gewissensbildung.”
The minister has maintained all along that it was an oversight on her part. A statement issued by her lawyer after the University of Düsseldorf announced the revocation of her degree late Tuesday said she intends to appeal the decision, according to Der Spiegel magazine.

The university analyzed the 32-year-old paper after an anonymous blogger writing in German under the pseudonym Robert Schmidt at a Wordpress site titled schavanplag. In intricate detail the mysterious writer identified about 60 instances where Schavan used secondary source material without adhering to academic standards on citation.

If Schavan resigns from Merkel’s inner circle, it would be the second time in the chancellor’s administration that a minister had to step down due to alleged academic misconduct. Last year German Defense Minister Karl-Theodor zu Guttenberg resigned following allegations he cribbed content for his Ph.D. thesis, titled “Verfassung und Verfassungsvertrag: Konstitutionelle Entwicklungsstufen in den USA und der EU.”

Schavan has spent the past couple of days in Pretoria as part of an official trip aimed at promoting sustainable development through cooperation between South Africa and Germany, a clear indication she intends not only to keep her job but to fight the university’s decisions to take away her academic credentials. So far, Merkel has kept quiet on any decision

Source

شكرا رحاب

Quote: Education Minister Annette Schavan has been battling for more than a year allegations she paraphrased passages from other sources without proper citations for her 1980 dissertation

بجيبوك بجيبوك - اخير تمشي عدل !!
بس كونها وزيرة التعليم - دي قوية !!

Quote: In intricate detail the mysterious writer identified about 60 instances where Schavan used secondary source material without adhering to academic standards on citation.

هل المقصود هنا يا رحاب انها ما اشارت للمصدر او انها ما اشارت ليهو بطريقة وافيه ؟!!

for more information about quoting, paraphrasing, and summarizing please read
Quoting, Paraphrasing, and Summarizing

مـناهج (سمات) البحـث العلمي

5 types of plagiarism



Five Types of Plagiarism

1. "Copy and Paste Plagiarism"
"Any time you lift a sentence or significant phrase intact from a source, you must
use quotations marks and reference the source."

2. "Word Switch Plagiarism"
"If you take a sentence from a source and change around a few words, it is still
plagiarism. If you want to quote a sentence, then you need to put it in quotation
marks and cite the author and article. But quoting Source articles should only
be done if what the quote says is particularly useful in the point you are trying to
make in what you are writing." In many cases, paraphrasing and then citing the
original sources is a better option.

3. "Style Plagiarism"
"When you follow a Source Article sentence-by-sentence or paragraph-by-
paragraph, it is plagiarism, even though none of your sentences are exactly like
those in the source article or even in the same order. What you are copying in
this case is the author's reasoning style."

4. "####phor Plagiarism"
"####phors are used either to make an idea clearer or give the reader an
analogy that touches the senses or emotions better than a plain description
of the object or process. ####phors, then, are an important part of an author's
creative style. If you cannot come up with your own ####phor to illustrate an
important idea, then use the ####phor in the Source Article, but give the author
credit for it."

5." Idea Plagiarism"
"If the author of the source article expresses a creative idea or suggests a
solution to a problem, the idea or solution must be clearly attributed to the author.
Students seem to have a hard time distinguishing author's ideas and/or solutions
from public domain information. Public domain information is any idea or solution
about which people in the field accept as general knowledge. For example, what
a black hole is and how it is defined is general knowledge. You do not need to
reference a general description of a black hole. The escape velocity of earth is
also general knowledge and needs no reference. The distance to the center of
the Galaxy is also general knowledge. However, a new idea about how to look
for black holes or a new solution to a physics problem needs to be attributed to
the authors. If you don't know what is accepted as public domain in a particular
field, ASK."

Five Types of Plagiarism Taken From:
Barnbaum, C. “Plagiarism: A Student's Guide to Recognizing It and Avoiding It.” Valdosta State
University. http://www.valdosta.edu/~cbarnbau/personal/te..._MISC/plagiarism.htm
(Accessed 23 January 2006).

Liles, Jeffrey A. and Michael E. Rozalski. “It's a Matter of Style: A Style Manual Workshops for
Preventing Plagiarism.” College and Undergraduate Libraries, 11 (2), 2004, p. 91-101.http://www.lib.ncsu.edu/lobo/lessonplans/14_fivetypes.doc

Quote: I need a FREE software that helps making figures/models... I use an online tool and it is great, it allows saving the file in XML and JPEG, but I am looking for a better option... my tool is also free, you can find it at www.draw.io[/QUOTE] Answer: I've got all of the software in this link in my Memory stick - really useful and all are open source. Pick and choose what suits you. You can also download the full version of the software to your desktop. (p.s. advise from a non computer expert ;) http://portableapps.com/apps/graphics_pictures

---

Post: #133 Title: Re: طلبة الدراسات العليا والباحثين - تبادل خبرات ونصائح Author: ديامي Date: 02-08-2013, 11:22 PM Parent: #131 يا شباب ربنا يعطيكم العافية ولو سودانيزونلاين ما اتكتب فيهو بوست الا بوستكم ده لكفاه أفيد بوست على الاطلاق تكلموا لنا عن التحليل الاحصائي وأفضل البرامج الخاصة به Spss أم sas ?????

---

Post: #134 Title: Re: طلبة الدراسات العليا والباحثين - تبادل خبرات ونصائح Author: وائل فاروق Date: 02-09-2013, 07:45 PM Parent: #133 الأخ ديامى : بعد السلام SAS VS SPSS حسب شغلك المحتاج ليهو فى الاحصاء لكن الاتنين بيأدو نفس الغرض فالمعادلات الاحصائية واحدة . أنا ما اشتغلت بى ساس من زمن ال DOS و الفيرشن الجديد غالى شديد و لايوجد عندنا فى الكلية لكن SPSS موجود و اخر فيرشن استعملتو 18 . التعامل معاهو ساهل شديد و بصراحة انا متوعد عليهو . مشكلتو فى ال graphs شوية شينة فعشان كده بستعمل مرات باستعمل minitab . أحسن منهم كلهم R project و مجانا . لكن استعمالو معقد شوية و بصراحة ما لاقى وقت أجودو. فى واحدين تانين مثلا stata و ده بحبوهو ناس الا epidemiology و استعمالو قريب لى sas و سريع لكن بيعتمد على ال commands . ناس الرياضيات بيحبو Matlab و ده ما حصل استعملتو . قبال ما تستعمل اى واحد لازم تكون عارف احصاء فالموضوع يتطلب interpretation و لو ما عارف بتعمل فى شنو الشغالنية ممكن تجوط عليك . برضو أحسن تستعمل البرنامج البييستعملو بتاع الاحصاء فى القسم عشان لو احتجت مساعدة تسهل عليهو . وائل .........

---

Post: #135 Title: Re: طلبة الدراسات العليا والباحثين - تبادل خبرات ونصائح Author: ديامي Date: 02-10-2013, 04:20 AM Parent: #134 شكرا أخي وائل جزاك الله الجنة

---

Post: #136 Title: Re: طلبة الدراسات العليا والباحثين - تبادل خبرات ونصائح Author: وائل فاروق Date: 02-10-2013, 12:25 PM Parent: #135 العزيز ديامى : لك مثلها و لوالدينا . وائل .....

---

Post: #137 Title: Re: طلبة الدراسات العليا والباحثين - تبادل خبرات ونصائح Author: مريم بنت الحسين Date: 02-10-2013, 01:42 PM Parent: #136 Quote: Answer: I've got all of the software in this link in my Memory stick - really useful and all are open source. Pick and choose what suits you. You can also download the full version of the software to your desktop. (p.s. advise from a non computer expert ;) عمو وائل.... ياخ مشكور خالص والله... انا نزلته واحد من البرامج لكن لسه ما جرّبته... بشوفه وبرجع ليك... ياخ انا عايزه اصحح مفهوم يا جماعة.. احنا ناس الكمبوتير ديل تخصصنا بعني اننا analysts and programmers... يعني بنقدر نعمل برامج، موش معناها بنعرف اي برنامج حايم... حسي عمو معتصم الطاهر ده بعرف اي مبنى اتعمل او جسر اتبنى؟ احنا مهندسين برضنا يعني ياخ... يعني عادي عمو وائل يكون بعرف برامج انا ما بعرفها... عمو وائل... as a user، اكتر برنامج عجبك فيهم شنو؟ وليه.... رحاب ياخ ما تحلي لي مشكلتي القلتها فوق ديك...

---

Post: #138 Title: Re: طلبة الدراسات العليا والباحثين - تبادل خبرات ونصائح Author: وائل فاروق Date: 02-10-2013, 02:12 PM Parent: #137 بتنا مريم :P inkscape: خرافى . for vector editing instead of coreldraw pencil project: for flow charts etc. Blender: for 3d rendering: really really nice to play with and waste time عمو ......... p.s. I'm impressed with your exercise routine: tried it last year, went to the gym for a couple of month, now only exercising my thumbs with the remote control :)

---

Post: #139 Title: Re: طلبة الدراسات العليا والباحثين - تبادل خبرات ونصائح Author: أيمن محمود Date: 02-11-2013, 08:08 AM Parent: #138

---

Post: #140 Title: Re: طلبة الدراسات العليا والباحثين - تبادل خبرات ونصائح Author: مريم بنت الحسين Date: 02-11-2013, 10:35 AM Parent: #139 Quote: عمو ......... p.s. I'm impressed with your exercise routine: tried it last year, went to the gym for a couple of month, now only exercising my thumbs with the remote control :) طبعا عمو دي لبستك مما قلت بتحضر محاضرات من سنة 98... انا بالمناسبة مواليد 80، وبعد شهرين كده حيكون عمري 33 سنة... يعني ما تفكر اني شباب، بس مطوّله لساني ساي.... بالنسبة للرياضة... والله دي بقت علي البسمّوها، لا بريدك لا بحمل بلاك... لي تقريبا اسبوع ما قادره اعمل رياضة بسبب مرضة كده ما فهمته ليها راس ولا قعر... عشان كده مقابله سودانيزاونلاين اكتر من العادة، بسبب اني ما قادره اتريض ولا اكل ولا اشرب ولا اكتب في رسالتي... كدي النسألك... حصل سمعته ليك بي لوز ما بتروح بي الantibiotics!.. هل ممكن يكون في إلتهاب حلق قدر ده ومن غير حمّى!!! لاحظ انه انا ما عندي تاريخ عتيد بتاع لوز.. كانت بتجيني زمان زي الاطفال العاديين وبعداك بقت تجيني مره كل خمسة سنوات... حلقي قافل ما قادره اتكلم خالص ولا ابلع ... احترته زاتي الحاصل شنو! اي افكار؟ غايته امس عملته لي حركة، وبلعته Panadol for sinus.. قلت عشان يساعدني انوم.. وانا اصلا عندي جيوب انفية بتضايقني مرّه مرّه كده... صحيت لقيت روحي احسن شويييييه من قفلة الحلق... أيمن... المرا قالوا استقالت عشان ترفع قضية على الجامعة من غير ما يكون منصبها ضاغط على القضية... شكلها ما حتخلي الموضوع يعدّي!

---

Post: #143 Title: Re: طلبة الدراسات العليا والباحثين - تبادل خبرات ونصائح Author: وائل فاروق Date: 02-11-2013, 08:07 PM Parent: #140 العزيزة بت الحسين : كفارة . أغلب التهابات اللوز سببها فيروسى و ليست باكتيريا . عشان كده المضاد الحيوى فى الغالب ما منو أى فايدة . لو عايزة تشخيص أمشى لل GP خليهو يعمل ليك throat swab for microbiology و عينة دم لل CMV و EBV و عينة swab for virology looking for rhino/adeno and RSV . P.S I specialise in infection. W.

---

Post: #141 Title: Re: طلبة الدراسات العليا والباحثين - تبادل خبرات ونصائح Author: احمد عمر محمد Date: 02-11-2013, 12:52 PM Parent: #1 محتاج من يقدم مشورة لعمل دكتوراة في اللغويات من اصحاب المجال و اذا ممكن تحديداً في computational linguistics من اصحاب الخبرة او دارسين حاليين في هذه الجزئية او اذا ممكن حتى توجيه

---

Post: #142 Title: Re: طلبة الدراسات العليا والباحثين - تبادل خبرات ونصائح Author: مريم بنت الحسين Date: 02-11-2013, 02:31 PM Parent: #141 اعتقد انه افضل approach يا احمد انك تشوف مشرف من جامعة معينة عنده اهتمامات بحثية بتشبه البتفتّش عليه... ميزة المجال بتاعك انه interdisciplinary... وهي ميزة وعيب... ميزة لأنه مجال حلو جداً وجامع بين الcomputer والlinguistics... عيبه انه بتطلب معرفة فوق المتوسطة في المجالين... يعني إما تكون جاي من linguistic background وعندك اهتمامات بالكومبيوتر.. او العكس.... من الرائدات في المجال ده دكتورة اسمها لطيفة السيليطي (ايوة والله لطيفة وقطرية).. الزولة دي استاذة في جامعة leeds وعندها اسهامات كبيرة جداً في مجال الcomputational linguistics كباحثة ومديرة لمجموعة بحثية.. قامت دراسات كتيرة عن الArabic Language Computing في الجامعة، ومعظم الابحاث في مجال الCorpus based analysis الخاصة باللغة العربية هم القايمين بيها، وطوّروا concordance خاص بدعم اللغة العربية اسمه aconcorde... ده موقع المجموعة البحثية في Leeds... لاحظ انها تابعة لschool of computing، احياناً لو انت جاي من تخصص ما computer، بطلبوا منّك تاخد كورسات عشان تلحق http://www.comp.leeds.ac.uk/arabic/ انا عندي اهتمام بسيط في الاتجاه ده.. وريني خياراتك... التمويل، البلد العايز تعمل فيه... إلخ... ممكن اساعد... ومرحب بيك

---

Post: #144 Title: Re: طلبة الدراسات العليا والباحثين - تبادل خبرات ونصائح Author: احمد عمر محمد Date: 02-11-2013, 09:06 PM Parent: #142 هذا كرم و بنل منك اشكرك و اشكر لك هذه التقدمة و ساحاول التعرف الى محتويات الخيط المرفق اكثر... خلفيتي الاكاديمية مشتركة بين المجالين اللغة و الحاسوب ميلي لهذا الاتجاه عن قناعة بغرض دمج المساقين في جزئية مشتركة و الاستفادة اكثر وذلك برغم المصاعب التي فيه كما ذكرتي نسبة لعدم توفر مشرف يجمع الاتجاهين وهي من المعوقات ..... ساحتاج اليك حتماً بوركتي ولك الجنة احمد

---

Post: #145 Title: Re: طلبة الدراسات العليا والباحثين - تبادل خبرات ونصائح Author: وائل فاروق Date: 02-11-2013, 09:24 PM Parent: #144 بت الحسين : لو واصلنا بالطريقة دى نتلاقى فى الجنة .... أحمد عمر ______________________________________ شلاقة منى كده عفصت اللنك الجابتو بت الحسين : ياخ دى شغالنية عجيبة عديل كده ... والله لمن اتكيفت أنا زاتى ... الله يسهلا عليك لانها شكلها كده حاجة متعة عديل ................ وائل ................

---

Post: #146 Title: Re: طلبة الدراسات العليا والباحثين - تبادل خبرات ونصائح Author: مريم بنت الحسين Date: 02-12-2013, 12:42 PM Parent: #145 عمو وائل... الموضوع فعلا جميل.. لكن حسب احساسي بكون اجمل لزول جاي من linguistics background... لانه الcomputer في الحالة دي بعتبر tool لحل مشكلة معيّنة... الاخ احمد، بالتوفيق

---

Post: #147 Title: Re: طلبة الدراسات العليا والباحثين - تبادل خبرات ونصائح Author: مريم بنت الحسين Date: 02-12-2013, 12:57 PM Parent: #146 Quote: أغلب التهابات اللوز سببها فيروسى و ليست باكتيريا . عشان كده المضاد الحيوى فى الغالب ما منو أى فايدة . لو عايزة تشخيص أمشى لل GP خليهو يعمل ليك throat swab for microbiology و عينة دم لل CMV و EBV و عينة swab for virology looking for rhino/adeno and RSV . لو قلت ليك انا بستحمض الدكاتره قدر كيف ما حتصدّق.. nothing personal.. لكن ما كلهم ممكن يفكروا بي المنهجية دي... عندي اخوي الاصغر منّي ساب دراسة الطب بعد ما وصل سنة رابعة لانه شعر انه حيكون شغال في حاجات رتيبة وبعد شويه ممكن يمل ويفقد التعاطف مع المرضى.. وده البشعر بيه لما امشي للدكتور! اخوي ده زاتو قال لي وقّفي الantibiotic (زي ما قلت لي) وقال لي اشرب شاي بي قرنفل.. لوووول... وابلع aspirin للألم... غايته طلعت بي نظرية شايفاها نفعت... وهي اني ابلع حبوب الsinus... وانظف انفي بي neti pot... الاحتقان من اول محاول خف بنسبة كبيرة وحلقي حسي اقدر اقول انه اتعافى بنسبة 80%... للاسف لازم امشي لأخصائي انف واذن وحنجره ... عشان يديني حل نهائي... وحأستحمل سغالته.. عاد اعمل شنو! thank you though :)

---

Post: #148 Title: Re: طلبة الدراسات العليا والباحثين - تبادل خبرات ونصائح Author: عمر التوم Date: 02-13-2013, 10:41 PM Parent: #147 حقيقة من اجمل واقيم البوستات في سودانيز اونلاين ... عاجزين عن الشكر سوالي هو عن اختيار الجامعة نفسها وهل ممكن نعتبر الجامعات البتقدم بعض درجات الماجستير والدكتوراة عن طريق الاونلاين خيار مناسب ؟ لي فترة طويلة بفتش في مجال هندسة الشبكات او ادارة هندسة الشبكات ولقيت بعض الجامعات زي Capella University University of Southern California لكن الواحد متردد عشان مسألة الاعتمادية , في ناس كتير جدا عندها الرغبة تواصل لكن حكاية انها تسيب العمل وتتفرغ للدراسة مسألة شوية صعبة وفي بعض الدول كالسعودية مثلا ما مكن تلقى فروع لجامعات عشان تنتظم معاها في دراسة بكامل تفاصيلها. اقتراحاتكم في الحاجة دي ممكن تفتح للناس ابواب كتيرة في دروب التحصيل العلمي.

---

Post: #149 Title: Re: طلبة الدراسات العليا والباحثين - تبادل خبرات ونصائح Author: وائل فاروق Date: 02-13-2013, 11:14 PM Parent: #148 سلام يا عمر :: بجيك بالراحة بكرة لو الله حيانا ... بس بى سرعة ال online خشم بيوت ..... لو ماجستير من جامعة كبيرة مافى مشكلة و زيو زى الحضور عديل ! بس بياخد وقت أكثر يعنى بدل سنة , خمسة ...... لى دكتوراة : بصراحة ما مقتنع أنو الزول ممكن يعمل دكتوراة أون لاين (تعنصر ساى كده منى من غير أى منطق) بجيك لو الله مد العمر ..... وائل .

---

Post: #150 Title: Re: طلبة الدراسات العليا والباحثين - تبادل خبرات ونصائح Author: طارق عمر مكاوي Date: 02-13-2013, 11:41 PM Parent: #149 أخواني / أخواتي "من قبيلة الباحثين والأكاديميين" البوست حقق فوائد كبيرة .. و واضح إننا حقيقي كنا نفتقد لرابطة أو تجمع يلم المهتمين هولاء , فضاء فيه يتم فيه النبادل و التفاعل .. و أهم ما في الموضوع ده هو إستمرارية التواصل ده نفسه. بعثنا بالمقترح للمهندس أبوبكر بتخصيص أيقونة ثابتة للأكاديميين و الباحثنين و في إنتظار نسمع من المهندس أبوبكر حول الإمكانية الفنية . أعتقد ممكن كمان نفكر في قروب علي الفيس بوكـ يجمعنا "لغاية أبوبكر ما يرد علينا" و فيها نقيم فرص الحوار و التفاعل , و فرص تبادل المقالات و الكتب ما أمكن , و غيره . ( و ممكن نحتفظ بيها مع صفحة سودانيز اون لاين في حال وافق أبوبكر). بطبيعة الحال أتوقع قروب رصين و موضوعي و مسئول يشبه قامات كل الأفراد الكرام الإجتمعوا حول البوست ده بمبادرة المهندس أيمن الكريمة . اذا قلتوا خير ممكن نقترح المسمي و ننشئ الصفحة .. و نتبعها بنشر الصفحة و مسماها و أهدافها .. و نتفق علي طريقة إدارتها.

---

Post: #151 Title: Re: طلبة الدراسات العليا والباحثين - تبادل خبرات ونصائح Author: عمر التوم Date: 02-13-2013, 11:43 PM Parent: #149 Quote: سلام يا عمر :: بجيك بالراحة بكرة لو الله حيانا ... بس بى سرعة ال online خشم بيوت ..... لو ماجستير من جامعة كبيرة مافى مشكلة و زيو زى الحضور عديل ! بس بياخد وقت أكثر يعنى بدل سنة , خمسة ...... لى دكتوراة : بصراحة ما مقتنع أنو الزول ممكن يعمل دكتوراة أون لاين (تعنصر ساى كده منى من غير أى منطق) بجيك لو الله مد العمر ..... وائل . في الانتظار ياحبيب ... وتشكراتي مقدما

---

Post: #152 Title: Re: طلبة الدراسات العليا والباحثين - تبادل خبرات ونصائح Author: طارق عمر مكاوي Date: 02-14-2013, 09:02 AM Parent: #151 *

---

Post: #153 Title: Re: طلبة الدراسات العليا والباحثين - تبادل خبرات ونصائح Author: طارق عمر مكاوي Date: 02-14-2013, 01:01 PM Parent: #152 كتب العزيز أسامة محمد في البوست البناشد فيه أبوبكر بعمل ايقونة للأكاديميين من جهتي انا مستعد لمد كل المحتاجين في السودان من الطلاب - جامعيين ودراسات عليا باي بحث في مجالات : تدريس اللغة الانجليزية . والادب في العصر الفكتوري خصوصا ما يتعلق بروايات الاديب - الحاج شارلز دكنز- ودراسات الجندر في العصر الفكتوري 1835- 1905. وايضا روايات العهد الفكتوري في امريكا وفئة روايات الجريمة الامريكية 1917-1950. وابحاث عن اشعار وشعراء الرومانسيين والعصر الفكتوري حتى 1950م . ايضا الادب الذي يتناول العلاقة بين الدين الاسلامي والغرب . ما على الطالبة او الطالب الا ذكر اسم المبحث وارسال بريده الالكتروني وسأرسل الملفات عل شكل PDF files . وذلك حتى مايو من هذا العام لو ربنا هون وعشنا في الفانية دي ، وافضل المخاطبة باللغةالانجليزية لانه ليس لدي كيبورد عربي لانني استعمل الماوس وهو متعب لحد الجنون. ارسل لي ايميلك في رسالة داخلية حتى يتم التواصل بواسطتك. اخوكم اسامة محمد ---------------------- و كتب أب المبادرة الأخ أيمن سلام يا شباب ،،، ممكن نعمل موقع في النت في حالة انو بكري ما نفع معاهو الاقتراح ده - دي حاجة ما بتكلف كتير - نشتري DOMAIN NAME (ممكن يكلف عشرة دولار) او زيادة شوية (في السنة ) و UNLIMITED HOSTING ودي ممكن تكلف بالكتير 200 دولار في السنة ، لادارة المحتوى ممكن نستخدم vBulletin أو جملة ، أو خلافه - انا عندي خبرة معقولة في الموضوع ده وممكن اعمل الموقع من A-Z ، والافضل نستعين بى محترف من اعضاء البورد - ويكون نواة لموقع جبار لطلبة الدراسات العليا السودانيين ، وممكن يكون مستقبلا برسوم رمزية او تبرعات ! الموقع ممكن يكون مقسم حسب الكليات و مخازن للاوراق العلمية والبحوث ، يمكن للطلاب السودانيين داخل وخارج السودان تحميل ورفع البحوث والمناقشة. ------------- هنا اتحلت مشكلة التمويل العزيز أيمن ياخي مبادراتكـ دي مفرحة شديد .. و انا متأكد انها ح تصنع فارق كبير لبلدنا و ناسنا. و الأن مئات الأفكار تدور في رأسي حول نفع و فائدة الموقع. خلينا نشرع بصورة فورية في الترتيبات .. و أنا ملتزم بالتلكفة الخاصة بإستضافة الموقع 210 دولار في السنة .. و إذا ربنا مد في العمر سنوياً أنا ملتزم بيها.. لغاية ما تترك وصية من وصاياي إن شاء الله . هو في عمل صالح أكثر من كده ؟ ببقي عليك إنت المجهود الأكبر و الأعظم و هو تصميم الموقع و تطويرة .. و كلنا مع بعض ممكن نسهم بالأفكار. و حا نكون محتاجين لمجلس أمناء (متطوعين) يكون راعي للحاجة دي .. و يكونوا متواصلين مع بعض لتسهيل الصعاب و خدمة الموقع .. ---------------- هنا أيمن يشرع في الخطوات يا سلام يا طارق على الجدية والحماس ،،، اول خطوة خلينا نتفق على الاسم عشان نحجز الدومين بناءا عليهو . ممكن يكون اسم عالم سوداني جليل مثلا ، او اسم مباشر (الباحثين السودانيين) .............الخ منتظر اقتراحاتكم عشان احجز الدومين الدومين ممكن يكون امتدادو - ( net. ) او (com.) الخطوات حا تكون كالاتي : 1- اختيار اسم الموقع بالعربي والانجليزي واختيار الدومين . godaddy مثلا 2- تاجير استضافة من شركة معينة . blue host مثلا . 3- اختيار نظام ادارة المحتوى وده مهم جدا ... التعديل لإضافة الفواصل .

---

Post: #154 Title: Re: طلبة الدراسات العليا والباحثين - تبادل خبرات ونصائح Author: ابراهيم حسين Date: 02-14-2013, 01:47 PM Parent: #153 الاخوة المتداخلون والاخوات المتداخلات - الشكر للاخ أيمن مفترع هذا البوست - لاشك ان هذا الجهد اذا اخرج بالطريقة المثلي سيكون من أميز البوستات ولكل الارباع لانه يعالج مشكلة متعلقة بالمعرفة وادواتها المتجددة. - طلاب وطالبات وباحثي وباحثات السودان ادخلتهم سياسات الحكومة الخاطئة وعدم مواكبة الكثير من المشرفين في نفق مظلم صعب الخروج الا بمثل هذ الاضاءات. -وعلينا ان نبدأ نقاش جاد ومتسلسل حتي تتمكن المجموعات المستهدفة من الاستفادة داخل وخارج المنبر - بعض النقاط لترتيب جهد البوست: 1. تقسيم نقاط البحث الي ثلاثة : social sciences - Exact sciences- integrated sciences ونعرف اهتمامات كل متداخل ومن ثم الاجابة علي التساؤلات التي وردت في البوست حتي الان حيث يقوم الاخ مفترع البوست بادارتها والحرص علي ايراد المعلومة لمن طلبها 2. أعتقد نقطة الانطلاق هي : How to Bulid a Concrete PhD (M.Sc) Proposal What are the needed elements for that مع كامل الود والتقدير

---

Post: #155 Title: Re: طلبة الدراسات العليا والباحثين - تبادل خبرات ونصائح Author: معتصم الطاهر Date: 02-18-2013, 11:07 AM Parent: #154 نقاش مثمر لا يمكن للموقع تحمل مثل هذا المقترح و هناك غير الأعضاء .. لابد من موقع منفصل ..

---

Post: #156 Title: Re: طلبة الدراسات العليا والباحثين - تبادل خبرات ونصائح Author: معتصم الطاهر Date: 02-18-2013, 11:10 AM Parent: #154 الباحثين السودانيين اسم مناسب نكون أكثر واقعية و عمليين و نبدأ .. و الموضوع الأول جاهز جدا كما ذكر الاستاذ ابراهيم حسين .. : How to Bulid a Concrete PhD (M.Sc) Proposal What are the needed elements for that? اقترح للإدارة أيمن محمود مريم الحسين عمر مكاوى

---

Post: #157 Title: Re: طلبة الدراسات العليا والباحثين - تبادل خبرات ونصائح Author: أيمن محمود Date: 02-18-2013, 12:14 PM Parent: #156 معتصم الطاهر Quote: نكون أكثر واقعية و عمليين و نبدأ .. تم شراء دومين بعنوان www.sudanedu.org تم شراء استضافة في الانترنت جاري العمل على رفع المتصفح ! من المقترح ان يكون الموقع تجمعا للباحثين وطلاب الدراسات العليا السودانيين من الافكارالمقترحة : 1- دعوة اساتذه الجامعات السودانية لوالطلاب لانضمام للموقع . 2- عمل اقسام للمنتدى حسب الكليات - قانون - هندسة - طب - آداب .....الخ 3- قسم للشهادة السودانية. او أي مقترحات اخرى ترونها مناسبة

---

Post: #158 Title: Re: طلبة الدراسات العليا والباحثين - تبادل خبرات ونصائح Author: معتصم الطاهر Date: 02-18-2013, 09:35 PM Parent: #157 خطوة جميلة و تشكر و أنا مستعد لأى خدمة أقترح من كل البا حثيت اقتراخ أقسام كل كلية خاصة أن البحوث صارت متطورة و حسب التخصصات مثلا فى الهندسة / المعمار صار خمسة أقسام .. لكن ممكن يكون قسمين .. ثم مدنية كهرباء كيمياء مساحة هندسة زراعية

---

Post: #159 Title: Re: طلبة الدراسات العليا والباحثين - تبادل خبرات ونصائح Author: وائل فاروق Date: 02-18-2013, 09:49 PM Parent: #158 الف مبروك يا أيمن و شكرا جزيلا ........ فتح الرحمن أبوعاقلة من الفيسبوكاب : Quote: سلامات يا باحثين وباحثات فانا من جانبي علي استعداد لمد الباحثين في مجال الفارمكولوجي بكل ما يحتاجونه من مراجع ومنشورات اونلاين علي الرغم من انني الان اعمل في مجال اكلينكي اخر بعد ان اكملت بحثي في الفارمكولوجي فعليه يا السادة الفارماكولوجست اطلبوا وانا علي استعداد للعطاء بالمتيسر فا ي ميلي هو [email protected] يا حبيب لوبيك دى عندى معاها زكريات : فيها حلاوة اسمها مارزيبان : حاجة ما تخلص : أكيد لازم تكون زول فيهو فايدة .... وائل ......

---

Post: #160 Title: Re: طلبة الدراسات العليا والباحثين - تبادل خبرات ونصائح Author: شمس الدين محمد Date: 02-18-2013, 10:08 PM Parent: #159 سلام يا شباب والله مجهود تشكروا عليه وربنا يجزيكم كل خير انا ممكن اساعد طلاب الماجستير والدكتوراة فى الاشياء المتعلقة بالطاقة المتجددةمن البايوماس مثلا بايوغاز بايواثانول وبايوديزل وايضا النباتات الطبية واستخلاص زيوتها وتحليلها بواسطة الجي سي اند اف اي دى او جي سي ام سي

---

Post: #161 Title: Re: طلبة الدراسات العليا والباحثين - تبادل خبرات ونصائح Author: WAD ELGAALI#4 Date: 02-18-2013, 10:38 PM Parent: #160 والله بوست جميل ومفيد والله محتاج لدعم شديد فى حتة البحث دى لانو انا بتاع معمار لكن لى شلاقتى حولت قريت حاجه قريبه من شغل المدام شلت الماستر بتاعى فى كلينكال لابورترى سيانس وقربت اخلص لانى بكره الكتابه عملت بلان بى يعنى بدون بحث كورسات ساكت وما عندى شغله غير القرايه وبشتغل مساعد تدريس عشرين ساعه اسبوعيا اها فى امانتى الله خلصت السمستر الاول والتانى وفى نص التالت يعنى باقى لى سمستر ونص وانتهى فجاة كدا لما فوقى مدير القسم تجى تقابلنى ضرورى كيف انت جاينا من معمار وجايب لى بيرفكت سكور قلتليهو دى مشكله قالى بق بروبليم لمن ما يكون عندك سينس باقراوند عشان كدا انا داير اغير ليك لى بلان اى وعندك الاوبشن تو بروف مى رونق المهم شحطنى بى بحث عن Pythiosis in afreca قالى عندى الحمض النووى بتاع العينه وانت اخدت كل الكلاسات المحتاج ليها عشان تعملى سيكونسينق للاسترين بتاع افريكا دا ودايرين نقارنو ببتاع امريكا وكوستاريكا البرازيل ياخى كرهنى حياتى زاتو لكن من ناحيه تانيه فيها زياده فى الفكه ونشر مع ناس توب فى المجال لكن ابدأ من وين غالبنى لكن بوستكم دا طمنى عديل كده والله كتر خيركم

---

Post: #162 Title: Re: طلبة الدراسات العليا والباحثين - تبادل خبرات ونصائح Author: وائل فاروق Date: 02-18-2013, 10:55 PM Parent: #161 ود الجعلى : والله حقو الزول عشان دقتك الداير تدقنى ليها فى بوستينى بى غادى يتغاتت عليك ...... _________________________________________________ داير تعمل whole genome sequencing و لا داير تعمل Gene sequencing? _________________________________________________ I am not sure as to what you are trying to look for, but I assume some sort of cluster analysis. (one of the easiest packages to play around with in your spare time is mega (http://www.megasoftware.net ______________________________________________ let me know if I can be of any help >>>> I have done some sequencing work as part of my doctorate. وائل .....

---

Post: #163 Title: Re: طلبة الدراسات العليا والباحثين - تبادل خبرات ونصائح Author: WAD ELGAALI#4 Date: 02-18-2013, 11:10 PM Parent: #162 يا دكتور ياخى شكرا على الرد السريع بعدين الزول المصيبه دا يادوب ادانى الخبر دا يوم الجمعه الفات دا وملالى عبى ورق والليله انا اوف لا مشيت الجامعه لافتحت الورق لغريبه المدام مبسوطه جدا عشان كنتا بنوم قبلها وبتصحا قبلى لكن نعمل شنو البخلى قديمو تاه الشى اظنو جنوم كمل للمصيبه دى على ما اعتقد سوفار لكن والله حقيقتن ما متاكد لكن لو اصتكيت يانى الجايكم راجع انا عملت حاجات بسيطه فى العملى بتاع الكورسات الاخدتها لكن غايتوربك يستر وتانى لك الشكر الوافر يااخى الكريم اما بخصوص الكفيت فالجاتك فى جضومك سامحتك والله عندنا ناس حاولنا نغركم فى النيل عديل ربك ستر طلعتو بت خالتو من الغرق وبرضو لمن مشى راجع السعوديه الناس مسمنو سوسن بقى ما بمرق من البيت لحدى اجازتى الفاتت يلاقنى يسبلى ويقولى انو حرمناهو من لعب الطفوله هسى قال مستني شفعى يجو يخلى اولاد و ينتقمو لو منهم

---

Post: #164 Title: Re: طلبة الدراسات العليا والباحثين - تبادل خبرات ونصائح Author: القلب النابض Date: 02-19-2013, 01:16 AM Parent: #163 http://www.sudacon.net/ دي صفحة وجدتها تهنم بالانشاءات في السودان ..افتكر عاملنها شباب مهندسين بيدرسو في جامعة نوتنقهام .. ببريطانيا

---

Post: #165 Title: Re: طلبة الدراسات العليا والباحثين - تبادل خبرات ونصائح Author: Hala Hassan Date: 02-19-2013, 08:01 AM Parent: #164 مكن أشارك يا جماعة؟؟ حقيقة بوست مفيد جدا، يمكن يكون السبب فى إنهاء كذا سنة إنقطاع عن المنبر :) I'm interested in Engineering Management مكن أفيد و أستفيد :) ح اقرأ الصفحات الفاتتنى و أجيكم راجعة بإذن الله...

---

Post: #166 Title: Re: طلبة الدراسات العليا والباحثين - تبادل خبرات ونصائح Author: مريم بنت الحسين Date: 02-19-2013, 10:15 AM Parent: #165 انتو موش خليتو بكري قسم ليكم البيت وقشّيناه وفرّشنا الملايات... قاعدين تسووا شنو بي جاي!!! اللنك هدا بي يمينكم ... http://www.sudaneseonline.com/cgi-bin/sdb/2bb.cgi?board=459 انا افضى شويه حأمشي اكتب عن كيفية إدارة موضوع كتابة البحث.. لانه سغيل وطويل ود الجعلي.. مشرفك ده مستهبل... عايز يستفيد منّك عشان يظبّط البحث بتاعه... اشمعنا حسي لاحظ انك من معمار! بقت عليك بتاعت الاحوص الغنيان وعرس ليهو واحده.. بعد ما فلّس وجا كلّمها اول حاجه قالتها ليه هو انت احوص!اها ده مما شافك عايز تتخرّج، جا قال ليك انت احوص.. قصدي معمار! موضوع تغيير التخصص ده يا جماعة في الشغل الاكاديمي ما محبّذ .. بقصد الشغل في دول الخليج طبعا لانهم دايماً مشاترين.. بفتكروا الزول لازم يكون نفس التخصص all the way... على الرغم من انه مشرفي انا بتاع الدكتوراه بكالوريوس هندسة نووية وبعداك قفز جا CIS...

---

Post: #167 Title: Re: طلبة الدراسات العليا والباحثين - تبادل خبرات ونصائح Author: Mohamed E. Seliaman Date: 02-19-2013, 10:34 AM Parent: #166 Quote: تم شراء دومين بعنوان www.sudanedu.org تم شراء استضافة في الانترنت جاري العمل على رفع المتصفح ! من المقترح ان يكون الموقع تجمعا للباحثين وطلاب الدراسات العليا السودانيين من الافكارالمقترحة : 1- دعوة اساتذه الجامعات السودانية لوالطلاب لانضمام للموقع . 2- عمل اقسام للمنتدى حسب الكليات - قانون - هندسة - طب - آداب .....الخ 3- قسم للشهادة السودانية. يا أخ أيمن لك التحية والتقدير دا في تقديري جهد عظيم جدا وعمل متقدم الله يبارك فيكم أجمعين وفي انتظار الموقع

---

Post: #168 Title: Re: طلبة الدراسات العليا والباحثين - تبادل خبرات ونصائح Author: قسم الفضيل مضوي محمد Date: 02-19-2013, 12:32 PM Parent: #167 الأخ أمين وبقية الباحث ين/ات الدكتورة مريم الحسين ، القلب النابض ، وائل فاروق ، طارق عمر مكاوي. متابع للبوست من أول - ودا جهد ممتاز جدا وقد حرك الباشمهندس أيمن بركة الدراسات العليا والبحوث بجبل عديل كدة (ما شاء الله) ولو الناس واصلت بنفس الحماس دا سيكون له تداعيات عظيمة على عملية التعليم في السودان على وجه الخصوص. أنا متخصص في الاحصاء ولي خبرة كويسة في مجال التحليل الإحصائي وبرنامج التحليل الإحصائي SPSS إن شاء الله أحاول أن أساهم في مجالي بإرفاق ملفات تشرح البرنامج ونبذة عن كيفية التحليل. وجزا الله الجميع خير الجزاء. فقد قال الإمام علي بن أبي طالب رضي الله عنه (من أراد الدنيا فعليه ومن أراد الآخرة فعليه بالعلم ، ومن أرادهما معا فعليه بالعلم). ملاحظة أخرى مهمة وهي عدم تجاهل مداخلات الأخوة في الفيس بوك لأنه يوجد باحثين كتيرين جدا يمكن الاستفادة منهم في هذا المجال ولكن لا يملكون عضوية بالمنبر. [B/]

---

Post: #169 Title: Re: طلبة الدراسات العليا والباحثين - تبادل خبرات ونصائح Author: وائل فاروق Date: 02-19-2013, 09:17 PM Parent: #168 Quote: الأخ أمين وبقية الباحث ين/ات الدكتورة مريم الحسين ، القلب النابض ، وائل فاروق ، طارق عمر مكاوي. متابع للبوست من أول - ودا جهد ممتاز جدا وقد حرك الباشمهندس أيمن بركة الدراسات العليا والبحوث بجبل عديل كدة (ما شاء الله) ولو الناس واصلت بنفس الحماس دا سيكون له تداعيات عظيمة على عملية التعليم في السودان على وجه الخصوص. أنا متخصص في الاحصاء ولي خبرة كويسة في مجال التحليل الإحصائي وبرنامج التحليل الإحصائي SPSS إن شاء الله أحاول أن أساهم في مجالي بإرفاق ملفات تشرح البرنامج ونبذة عن كيفية التحليل. وجزا الله الجميع خير الجزاء. فقد قال الإمام علي بن أبي طالب رضي الله عنه (من أراد الدنيا فعليه ومن أراد الآخرة فعليه بالعلم ، ومن أرادهما معا فعليه بالعلم). ملاحظة أخرى مهمة وهي عدم تجاهل مداخلات الأخوة في الفيس بوك لأنه يوجد باحثين كتيرين جدا يمكن الاستفادة منهم في هذا المجال ولكن لا يملكون عضوية بالمنبر. العزيز قسم الفضيل : بعد السلام : طبعا أنت عملة نادرة فى البحوث . أتمنى نتعلم منك المفيد و منتظرين شرحك . _________________________________________________________ تنبيه هام ...... يا جماعة , بما أنو نحن طلبة علم , أرجو الحرص من عدم أيراد أى مود عليها حقوق طباعة أو ملكية فكرية . يعنى ما دايرين كتب منسوخة أو برنامج مهكرة . و الرجاء ثم الرجاء عدم وضع أى أوراق علمية من مواقع خاصة مثل elsevier او أى غيرها فى لنك للتحميل . ممكن المشاركة بطرق قانونية و مد الاوراق عن طريق ال email بالذات للناس الفى السودان ...... و ممكن ندل بعض على بدائل open source لمعظم البرنامج المحتاجين ليها ........ we have to be role models and honesty and integrity should be a motto in all things we do>. Actions, not words.

---

Post: #170 Title: Re: طلبة الدراسات العليا والباحثين - تبادل خبرات ونصائح Author: WAD ELGAALI#4 Date: 02-19-2013, 09:33 PM Parent: #168 والله يا مريم الحسين ما باليد تغير المجال لكن معمار فى بلدنا دى ما بوكل عيش عشان كدا غيرنا لحاجه فوقا امل وفعلا كانت خطوه موفقه جدا والحمد لله بس لو عفونى من حكاية البحث دى الليله الراجل ساومنى عديل كدا قالى لو عملت نتايج كويسه فى الموضوع دا وى مى هاف اجانص فور يو بعد التخرج فور بيرمننت بوظشن فلو كدا ما عندى مانع ابحث خصوصا لمن قريت الموضوع حوالى خمسه ساعات لقيت نفسى بقدر اعملو بدفره من المدام والنت ويد العون من الاصحاب فى المجال اما بخصوص العريس الفلس يستاهل القالو فلس منو ما عارف انو البنات ما بحبو التغيرات المفاجئه خصوصا النقتف جينج عندنا بروف هنا معرس واحده من الهاى اسكول فجأه مشى الطوارى قالولو عندك بنكرياتك كانسر اولادو فى الجامعه بقرو على حسابو وامهم شغالا شغل ماعليك بيهو المهم خلوهو ليك مجدوع فى المستشفى غيرى انا وامو مافى زول بزورو المهم لحسن الحظ وهى حاله نادره جدا انو يستجيب للعلاج وفى اقل من سنه بقى زى الطلقه ورجع شغلو وبيتو انقرى بعد اقل من اسبوع الولد والبت واهم ما جو راجعين البيت انقرى عمل شنو بعد اسبوع كدا من رجوعم لماهم وقالهم البت باقى ليها سنه وتتخرج اداها شيك بى حق السنه وكذلك مع الولد اما امهم اداها الديد بتاع البيت واتنازلها عنو بس توقع الديفورس بيبر اخد ايرلى ريتايرمنت وعلى فلوريدا المرا لليوم بتتصل على اديها عنوانو دى مش حوصه بالله

---

Post: #171 Title: Re: طلبة الدراسات العليا والباحثين - تبادل خبرات ونصائح Author: أيمن محمود Date: 02-21-2013, 08:21 PM Parent: #170 http://sudanschool.org

---

Post: #172 Title: Re: طلبة الدراسات العليا والباحثين - تبادل خبرات ونصائح Author: معتصم الطاهر Date: 02-21-2013, 09:39 PM Parent: #171 ايمن سلامات علقنا الموقع فى المفضلة .. و فى انتظارك .. لننشره على أكبر نطاق

---

Post: #173 Title: Re: طلبة الدراسات العليا والباحثين - تبادل خبرات ونصائح Author: WAD ELGAALI#4 Date: 02-25-2013, 04:38 AM Parent: #172 what happened to this post

---

Post: #174 Title: Re: طلبة الدراسات العليا والباحثين - تبادل خبرات ونصائح Author: Rihab Khalifa Date: 02-25-2013, 04:54 AM Parent: #173 مع كامل تقديري يا ايمن و طارق و كل من شاركو في انشاء المنتدي الجديد و كل المجهود المقدر لتجميع مجهودات الباحثين كنت اظن انه طلبكم لبكري ابو بكر انه يعمل منتدي مصغر للباحثين استجيب له بسرعة، فما عارفة ليه الاتجاة لخلق منتدي تاني خارجي؟ في اعتقادي انه شعبية سودانيز اونلاين كانت ستفيد الناس اكتر لو الناس واصلو جهودهم هنا الكلام ده ما تكسير مجاديف و لكن افكار جالت بذهني. الشكر لبكري لسرعة الاستجابة.

---

Post: #175 Title: Re: طلبة الدراسات العليا والباحثين - تبادل خبرات ونصائح Author: أيمن محمود Date: 02-25-2013, 08:03 AM Parent: #174 سلام يا رحاب المنتدى العملو لينا بكري ده - بعد ما سكيناهو - انجاز جميل جدا - وانا شخصيا يوميا بخشو كذا مرة ومفروض الناس تحييهو وما تنقطع ! وبتمنى انو يكون باب لفائدة عظيمة للباحثين وطلبة الدراسات العليا ! اما موضوع الموقع الالكتروني الاخر http://www.sudanschool.org ده موجه للقطاعات التالية : 1- اساتذة الجامعات السودانية وطلاب الدراسات العليا داخل وخارج السودان. 2- جزء حا يهتم بطلاب الشهادة السودانية وطلاب الجامعات . 3- ممكن يستضيف مواقع للمدارس الثانوية (تربط الطلاب بالمدرسة ، الاساتذة واولياء الامور ....الخ والقطاعات الفوق دي ما ممكن يتم استيعابها في منتدانا ده ، بالاضافة لانو الموقع بيتيح امكانيات اكبر ويستوعب أكبر عدد من المشاركين - وموجه بصورة عامة لخدمة البحث العلمي في السودان بصورة عامة هنا المهتمين بالبحوث في سودانيز اونلاين يعدون على اصابع اليدين ربما ! رايكم مهم في الكلام الفوق ده