التحرشات الجنسية: محاولة لرؤية ماخلف الاشياء..!!

{1}

استهلال:

التحرشات الجنسية والتضامن بين النساء: محاولة لرؤية ماخلف الاشياء..!!
Versuchen, hinter die Dinge zu schauen*
لنحاول ان نرى ماخلف الاشياء..

صادفت جملة آرنودهاتى روى الناشطة الهندية هوى فى عقلى , ربما لانى مواجهة باستمرار بالبحث والتنقيب ما وراء الاشياء اليومية
التى تمر احيانا مرور الكرام وكأنها احداث عادية لدرجة ماتعودنا عليها.
منذ وجع وحزن بعيد سيطرت علىّ فكرة التضامن بين النساء, وحامدة لهجرتى والفرص التى اتاحنها لىّ النساء عبر تاريخى لقراءة ماوراء الاشياء.
فى بداية سنوات هجرتى كنت على ثقة مفرطة بان التضامن بين النساء شىء بديهى وفطرى, ربما لانى حينها لم اكن بعد بدأت البحث عن هذه الوراء.
خلال سنوات طويلة من التجارب النظرية والفعلية تبلورت مفاهيم مازالت فى حراكها نحو أنسنتها فى سبيل المساواة الاجتماعية, ليس بين الجنسين فقط وانما
بين النساء والنساء, والرجال والرجال.
قبل فترة وقبل ان تزاحمنى مشاغل الحياة بدأت مشروع بحثى عن العنف و التحرشات الجنسية: المنبر نموذجا. بدأت فى جمع المادة وهى عبارة عن مواضيع
او {حوارات} دارت هنا, فيها العقلانى وفيها ايضا من الاسفاف مايكفى. وكل هذا يعكس واقعنا وافرازته ومحاولاتنا المستمرة {للغتغتة} على الاشياء
والخوف احيانا من مواجهتها واتخاذ الاجراءات اللازمة ضدها, اهمّ هذه الاجراءات هى القانون والرجوع اليه.
استهلالى لهذه المحاولة فى التحليل يرتبط بوعى التام بان الخروج للعمل العام يتطلب ثمنا باهظا لابدّ من مواجهته بصرامة لا يجدى معها {عفا الله عما سلف} التى تربينا
عليها ونحن {ندسدس} فى غبائننا واحزاننا التاريخية الى ان انفجرت الى ما آل اليه الحال الآن فى بلادنا.

اسئلة لتحليل ماوراء الاشياء:

1. ماذا وراء التحرشات الجنسية؟
2. هل تكفى وحدة النوع للتضامن بين النساء؟

3. فى غياب القانون تضيع حقوق..

{2}

ماذا وراء التحرشات الجنسية؟

التحرش الجنسى ضد النساء بشكل عام يجب ان لا ينسينا ان هنالك تحرشات جنسية ايضا تتم لبعض الرجال والاطفال,
الاّ ان الرجال الذين يتعرضون لمثل هذه التحرشات قد يكونوا اكثر قدرة للتصدى- على المستوى الفردى- لها, هذه القدرة
والقوة مستمدة من السلطة التى منحها المجتمع للرجال عبر مناهجنا التربوية واطارها السياسى.
التحرشات الجنسية على مستوى تاريخنا السياسى, والسكوت عن ماحدث فى المعتقلات ومناطق الحروب والصراعات, خاصة حين يكون موجه بامر {الدولة},
هذا النوع من التحرش يشمل النساء والرجال ايضا
ولعل هناك مايشير الى مثل هذه التحرشات واستخدامها كاداة قهر سياسى للناشط او الناشطة.
هناك اسباب عديدة ادت الى هذا التحرش, ولمعرفة هذه الاسباب لابدّ من دراسات موجهة لهذا الغرض
وهذا يحتاج الى مؤسسات بحثية وهذه المؤسسات تحتاج الى حرية بحث علمى,Pilot Studies
بدلا من وضعها فى رفوف المكتبات. فحرية البحث العلمى تضمن لنا علاج الكثير من قضايانا الاجتماعية العويصة وكشف {المستور} والركون الى مغالطات الحقائق.
تعرضت مثل غيرى من النساء الى تحرشات جنسية نتيجة الى بعض كتاباتى ومواقفى الفكرية, بل تعودت على مواجهة ذلك الاسفاف منذ ان مشيت حافية على جمرات المعرفة والوعى
مثلى تعرضن أخريات لمواقفهن السياسية والفكرية, خاصة ان كانت مواقفهن يسارية او مواليه لنظام الانقاذ.
المدهش فى الامر ان الموقف الفكرى {للجانى} يتراوح يمينا ويسارا, وهذه العقلية قاسم مشترك بين الجانى الذى يحتاج الى مواجهة ذاته بان التلويح بعصا
التحرشات الجنسية مع نساء خرجن للعمل العام وتسلحن بالوعى والمعرفة لا يجدى كثيرا, لذا اجدنى من انصار فضحهم ومواجهتهم بصرامة . فضح كتاباتهم ومراسلاتهم
وان جاءت فى الخاص الاّ انها فى النهاية تنتمى الى امر عام ويخص الجميع ولابدّ من محاربته. فكرة عرض الذى جاء فى الخاص هو تحليل ماوراء ذلك وتجاوز {الجرح}
فى بعده الخاص الى تحويلة الى موضوع عام يصلح الى حوار هادف.
قبل فترة طلبت من صديقة ان ترسل لى طلب اضافة لان ذلك يسهل التواصل عبر الماسنجر, جاءتنى رسالة طلب اضافة, ضغطت على الموافقه باعتبار
ان الاسم الذى ظهر عندى هو حنان وهو نفس اسم صديقتى.
الاّ انى تفاجأت من جملتين معها انها ليست هى, ثم قالت لىّ انها فعلا تدعى حنان وانها من سورية وبدأت {تسولف} معى عنها وعن دراستها وسألتنى عن المزيد
من التعرف بى, عموما حزرة جدا من مثل هذه {الونسات}, طلبت منى ان اشغل الكاميرا خاصتى لنرى بعضنا {لايف}, واخبرتها انى لم اسعى ابدا لتكون
لدىّ كاميرا لاستخدامها فى الماسنجر. بدأت لطيفة وهى تدعونى لرؤيتها . وكان الغثيان حين وافقت على قبول رؤيتها..
لم يكن ابدا فى تصورى ان تكون رجلا, عاريا تماما وفى حالة يرثى لها, مبررا انه مضغوط نفسيا ولا وسيلة له الاّ ممارسة {العادة السرية}!!
قبل ان اعمل {بلوك} لهذا الايميل بدأت اقرأ مارواء هذا الفعل الذى قد تتعرض له نساء اخريات وباشكال مختلفة, كيف ساعدت العولمة سلبيا فى التحرش الجنسى
و التحرشات الاسفيرىه؟.. طرحت لاحدى المنظمات التى اتعاون معها فى تبنى فعالية عن {التحرش الجنسى عبر الانترنيت} وكانت الاستجابة ايجابية.
قراءة ماخلف الاشياء هو بداية الطريق الى وضع مناهج للحل, طرح الحدث كما هو دون {غتغتة} على الجانى, اذ ان التستر عليه يحول الضحية
الى مساهمة فى ان تبقى فى هذا الدور. طرحها لابدّ ان يقود الى تضامن فعلى, فالتى او الذى يتعرض الى التحرش الجنسى تصيبه رشاشات فى روحه
ولذلك تأثير سلبى قد يؤثر على المرء لعدة ايام ومثل ها التضامن ولو على المستوى النظرى يساعد فى السند النفسى {للضحية}

{3}


هل تكفى وحدة النوع للتضامن بين النساء؟

وصولى الى حقيقة هى ان النوع وحده لا يؤدى الى التضامن بين النساء, حقيقة استندت على تجارب عديدة استقيتها من انخراطى فى نشاطات مختلفة ومع جنسيات
متنوعة ساعدتنى ان استلهم من هذه التجارب منهجا اسعى لتطويره فى مواجهة الذات واجتراحها ايا كان الثمن.
لعلنى اقصد هنا النساء ككل واخص النساء الآتى انخرطن فى العمل العام والمنظومات النسائية
فالمنظومات النسائية والتى انتمى اليها وبالتالى اى نقد هنا يشملنى باعتبارى ناشطة مازلت اساهم ايجابا او سلبا فى هذه الحركات التى انتمى لبعضها.
النوع وحده يعتبر عامل مثله مثل العوامل الاخرى التى تحدد مدى تضامنى الفعلى. الموقف المبدئى من الحياة والتمسك بها فى إطار يحفظ لنا
انسانيتنا من التجريح وينطلق بها الى رحابات تقود الى انسنة المجتمع ككل, هنا يلعب الموقف الفكرى من الحوار وقبول الرأى والرأى الآخر
دورا اساسيا يحسم مواقفى مما يحدث فى ساحاتنا.
حقائق لابدّ من مواجهتها والبحث عن اسبابها وهو اننا النساء- دون تعميم- اكثر خضوعا الى {الثرثرة} والانزلاق وراء قشرات الموز, لماذا تكثر
القطيعة والنميمة والمطاعنات وسط النساء؟ الحروب المعلنة والغير معلنة.
الاّ يحتاج الامر الى شفافية تهدف فى النهاية الى تجميعنا فى اطار برنامج يخدم قضايانا الانسانية؟

هذا يقودنى الى طرح مفهوم الضحية والجانى, حصر المرأة فى دور الضحية فقط فيه الكثير من المغالطات حتى على مستوى تاريخنا السياسى, فالنساء
اللآتى شاركنّ وانخرطن بوعى أو بدون وعى فى منظومات سياسية قائمة على القهر فلو قامن بتحليلها بشفافية لتأكد لهن دورهن فى قهر ذاتهن وان دورهن فى تفعيل هذه
السياسات القاهرة اشدّ وامرّ من دور الرجل, اذ انهن استلبن عقلية النفى والقهر ومارستها على بنات جنسهن.
عليه تعريفى للعقلية الذكورية لا تقتصر على الرجل فقط!!التضامن يحتاج الى ذات معافاة وترتكز على بنية مجتمع يرفض كل اشكال القهر والقمع سوى حدثت لنساء او رجال.
الخروج من دور الضحية يساعد كثيرا فى مواجهة الجانى/الجانية, فليس هناك ضحية 100% وليس هناك جانية/ 100%, هناك مساحة مظلله لابدّ من عكس شعاع المنطق والعقل عليها.
تتعرض النساء خاصة الى التحرش الجنسى, فى محاولة لكسر شوكة صمودها او قهرها لتتراجع عن انخراطه
ا فى نشاطاتها او ماتؤمن به, هذا يخص المرأة الناشطة ولعل هذا يقودنى الى طرح تساؤلات تختص بنساء منسيات
حتى فى اجندة الناشطات فى المجتمع, هل نعرف مثلا ماتتعرض له المرأة الريفية من عنف وتحرشات جنسية ام اننا نركن الى فرضية ان الريف برىء من افرازات المدنية والحداثة؟!!

{4}


فى غياب القانون تضيع الحقوق..

مازلت ابحث عن فقرة قانوينة واضحة ومفعّلة ضد التحرش الجنسى فى القانون السودانى, بحيث لا تتناقض مع مافرضته الدولة فى الاوئنة الاخيرة
بخصوص ختان البنات, قانون لا يتجزأ فى حمايته لكل افراد المجتمع والنساء خاصة فى مناطق الحروب والصراعات حيث يتحول التحرش الجنسى
الى أداة سياسية يدفع ثمنها النساء.
وجود القانون يحتاج الى تسويق اجتماعى لفكرته وهذا دور الاعلام ومؤسسات المجتمع المدنى ذات الصلة
تسويق يشجع النساء اللآتى يتعرضن للتحرش الجنسى من كسر هذه التابوهات اذ انه بسبب الخوف من {الفضيحة}
تضطر المرأة الى الصمت, خاصة وان النظرة الى المرأة فى مجتمعاتنا مازالت تربط شرفها وعفتها بالنساء فقط
دون ان يكون هناك معيارا قانوينا تستند عليها هذه المجمعات فى تعريفها لقيم مثل الشرف والعفة. تدفع المرأة الثمن مرتين, مرة بصمتها ومرة بكسر هذا التابو.
القانون يحتاج الى مؤسسات وبناء المؤسسات يحتاج الى مواجهة سؤال الديمقراطية, ففى غيابها تهدر الحقوق والكرامة الانسانية,
وبوجودها تعزز انسانيتنا, حيث يمكن مناقشة كثير من قضايانا دون خوف من عصا الترهيب التى يتم التلويح بها منذ ليلة الختان اللعينة
التى على اثرها تختن {عشوشات} الحياة الطليقة للنساء بينما {اولاد ابرك} اما فى رحلة البحث عن حبات القمح او الصراع حول السلطة والثروة
نفس الاسباب التى حولت السلطة من ملكات النحل
اليهم منذ تاريخ بعيد, حيث تنازلت المرأة {طواعية} عن حقوقها فى الزرع والحرث ولزمت البيت وظلت تتحسر لقرون قادمة عن تنازلاتها
وتكفاح لاسترداد ما ضاع عن غفلة.
ومازال آدم يحرث فى الارض دون حصاد, فالحصاد لا يكون الاّ حين زرع انسانى تشارك فيه النساء والرجال معا.

الاخت العزيزه إشراقه
صباحك زين
السبب الرئيس فى النشأه والبيئه المجتمعيه المحيطه,تؤدى الى ذلك الخلل النفسى ,والذى تظهر آثاره على فيزيولوجيا أؤلئك النوع من الرجال.خلافا للرضاعة الطبيعيه بالحليب ,كانت هناك رضاعة معنويه بالتيستوستيرون ,وبدوره أختلفت وظائف الاعضاء,وأصبحت أعضاء التفكير هى الأيادى وما تحت الحزام.
هذا عنوان صغير دون الإفاضه فى التفاصيل.
لك عاطر التحايا

فووووووووق
وفووووق كمان يا بكري

تحياتي يا اشراقة ومحمد مكي

شكرا يا كريم
حيث ينبغى التضامن تنحاز انسانيتك ولها انحاز

دكتوره اشراقه:
تحيه واحترام,,

جزيل الشكر لك علي طرح هذا الموضوع الهام بهذه الطريقه العلميه الممنهجه,
التحرشات اللفظيه والجنسيه وسيله لقهر المرأه كما تفضلت,
والمجتمع سلاح موجه علي المرأه حتي تقبل وتصمت,
أوافقك في مجمل ماذكرت
ولااري سببا للتضامن مع امرأه لمجرد كونها امرأه,
الادانه تكون للسلوك المرفوض أيا كان اتجاهه: رجل-رجل, رجل-امرأه,امرأه-امرأه,
مازال مجتمعنا يلجم المرأه من فضح التحرش,
وفكرة أن المرأه لم تتعرض للتحرش الا لأنها تستحق ذلك فكره راسخه في المفاهيم,
مهما كان المستوي الفكري أو الاجتماعي,
بمعني أن المجتمع يرفض اثارة الحديث عن المرأه حتي ولو كانت مظلومه ومجني عليها,
وما حدث ذلك حتي أصيحت مثار للقيل والقال,
تغيير المجتمع ليس أمر هينا,
ويحتاج الي فتره زمنيه طويله,
لذلك أري أن ايجاد حل وسط يحفظ للمرأه حقوقها وسيرتها هو المطلوب,
الحديث عن التحرش في نظري يجب أن يكون مع الشخص المناسب,
وبغرض اتخاذ ردة الفعل الصحيحه,
أما مجرد اثارة الرأي العام فلا تثبت حقا,
وجود جهه متخصصه لتلقي الشكاوي من مثل هذه التحرشات,
وتوفير الدعم النفسي والقانوني, ضروره قصوي,
ولكن مثل هذه الجهات سيظل اللجوء لها خطا أحمرا في الأسر,
لذا يبقي السلاح الناجع هو وعي المرأه ونظرتها لنفسها,
وتقييمها لنفسها دون انتظار الدعم أو الشجب أو الادانه من الاخرين,
ولكن باتخاذ الخطوه الصحيحه السريعه,

وجدت اللنك لهذا البوست في بوست الأخت العزيزه مياده,
لاأريد طبعا الخوض في تفاصيل الموضوع هنا,
ولكن رفضي للتضامن كان سببه طرح الموضوع بشكله الحالي,
ماعدا ذلك فاني أؤيد بشده فضح التحرش والوقوف ضده,

نهارات المطر يا امانى- سماء فيينا يمطر ولليوم الخامس على التوالى, طقاقاته تحرشت بى طيلة الليل وحمتنى النوم-
بس تحرش روحى, هذا اولا على سيرة التحرشات..

Quote: أوافقك في مجمل ماذكرت ولااري سببا للتضامن مع امرأه لمجرد كونها امرأه, الادانه تكون للسلوك المرفوض أيا كان اتجاهه: رجل-رجل, رجل-امرأه,امرأه-امرأه, مازال مجتمعنا يلجم المرأه من فضح التحرش,

كما قلت ووافقتنى فيه يا امانى, النوع وحده لا يلعب دورا حاسما من دون العوزامل الاخرى

يمكننى ان اقف مع امرأة فى بعد انسانى يكون النوع فيه اساسى لكن غير حاسم
على سيرة النوع, وده موضوع نفسى يوم نطرحوا للحوار بشكل موضوعى وقد ذكرت طرفا منه فى مكان آخر..

لاشك ان حركاتنا النسوية تتأثر سلبا او ايجابا بالحركان النسوية العالمية ولاشك ان حركاتنا فى جنوب الكرة الارضية لعبت دورا اساسيا
فى ترسيخ اهمّ بعد فى قضايا التنمية وهو تعزيز المرأة ودورها فى هذه القضايا..
الزمن ماشى وكل يوم يتتغير حاجات والعولمة تحت مخداتنا, يعنى لا مفر الاّ بالمواجهة, مواجهة قضايانا كما ينبغى ويتفق عليه

لا قرب لك الصورة...
زولة نمساوية, علاقتى بيها قوية ولطيفة جدا, قوية فى بعدها المجتمعى, فيما يخص قضايا المهاجرين وقوانين الاندماج
ساعدتنى فى تصيحيح الدكتوراه بتاعتى- دى مهنتها- التصحيح
لما كتبت فى صفحة الشكر واشرت لها باسمها- هيلقاماريا- اتصلت بى وقالت لىّ انا اسمى الآن مذكر..
كتبت الاسم اللى ادتنى ليهو وفضلت لمدة عام افكر فى الموضوع من حين لآخر..
الى ان جاء يوم وفى احدى الفعاليات الخاصة بالنساء فى فيينا حول الفيمنازيم

اها يابت امى, قالوا النوع ما بنقسم الى اتنين بس

الهيتروسيكسويل
الهوموسيكيسول
والترانز جندر

ده بقى راسخ فى كتير من ادبيات المرأة فى {لغرب}
بحترم اى موقف لاى زول واقف ضد تمييزو لاى سبب من الاسباب بما فيها بسبب التصنيفات اعلاها
فقط بيكون من حقى ان اثبت وجهة نظرى فيما يخص رؤيتى للحياة {العادية} اللى بتتبنى بين رجل وامرأة لنحفظ للكون صيرورته
واستمد سلطة المعيار هنا من قناعات بعضها راسخ وبعضها قابل للتحول فى اتجاه يرسخّ مواقفى من {أنسنة} الحياة

ده على سيرة النوع, حبيت بس اشير الى انو نحنا فى عالم مفتوح ومهما دفنا رأسنا تحت الرمال بتنبل العولمة من تحت الارض
فى كتاب مهم جدا عن المرأة والعولمة- ترجم ايضا الى العربية, اعتقد انو مهم لاى زول وزولة مهمومة بقضايا الانسانية عموما ان تقراهو

الخلاصة.. النوع وحده لا يحسم موقفى..

Quote: تغيير المجتمع ليس أمر هينا, ويحتاج الي فتره زمنيه طويله, لذلك أري أن ايجاد حل وسط يحفظ للمرأه حقوقها وسيرتها هو المطلوب, الحديث عن التحرش في نظري يجب أن يكون مع الشخص المناسب, وبغرض اتخاذ ردة الفعل الصحيحه, أما مجرد اثارة الرأي العام فلا تثبت حقا,

اتفق معاك يا امانى انو تغيير المجتمع ماشىء هين, بيبدأ من تحت, من الناس الغلابة ويطلع لفوق
عندى نظرية قاطعة من رأسى المهموم ده, قدمتها مرة فى محاضرة وطرحت هنا مرة عن اساسها- الحب والتنمية- ورسمت شكل هرمى
الحب بيقود للتنمية من اركان المثلث التحت والمساحة اللى فى النص دى هى قلب المشاركة الشعبية وهى الدينمو اللى بيقود الى التغيير الاجتماعى
وبناء مجتمع متوازنة فيهو التنمية ومستدامة لانها انطلقت من هموم الناس

مجتمعاتنا فيها مقومات التغيير لكن المشكلة فى الكيفية بتاعة التنفيذ والآلية اللى بيستخدموها اللى فى يدهم القلم
اها اللى فى يدهم القلم عندهم مواقف متباينة من قضية المجتمع المتمثلة فى قضية المرأة كنموذج

نجى للحديث عن التحرش..
ودى نقطة خلافى معاك هنا- وابدأ بسؤال, منو هو الشخص المناسب اللى ممكن نحكى معاهو عن مثل هذه التحرشات؟
انا مع تفجير هذه القضية للرأى العام دون غتغتة, لانو بتثير كتير من الاسئلة وممكن تقود الى اسئلة وعى ومعرفة فى قضايا كتيرة ذات صلة
مافى زول يا امانى ممكن نرجع ليهو ويحل المشكلة
مافى..
الشىء الوحيد اللى ممكن نرجع ليهو هو القانون, والقانون بيحتاج لمؤسسات راسخة فيها قيم المساواة الاجتماعية
وديمقراطية فى عملها..

واواصل...

Quote: وجود جهه متخصصه لتلقي الشكاوي من مثل هذه التحرشات, وتوفير الدعم النفسي والقانوني, ضروره قصوي, ولكن مثل هذه الجهات سيظل اللجوء لها خطا أحمرا في الأسر, لذا يبقي السلاح الناجع هو وعي المرأه ونظرتها لنفسها, وتقييمها لنفسها دون انتظار الدعم أو الشجب أو الادانه من الاخرين, ولكن باتخاذ الخطوه الصحيحه السريعه,

عشان يتحول الخط الاحمر ده الى اخضر يا امانى لابدّ من مناقشة الامر وعلى الهواء مباشرة
دون ان ندفن رأسنا
دون ان نطعن فى فيل الضحية وعينا على ظل الجانى

الدعم النفسى مهم وده وبتكونى عارفة اتعملت ليهو مؤسسات فى العوالم {الاولى} دى
صدقينى وبقولها ليك من تجارب عديدة آخرها قبل اقلّ من شهر حيث قدمت محاضرة فى البيت السودانى فى فيينا عن العنصرية
وانعكاسات تجاربنا فى المهجر على اوضاعنا فى السودان
تمت اساءتى وعلنا امام الحضور بانى مأجوره- تصدى طبعا بعض الحضور لهذا السلوك, لانو انا جيت الندوة وفى يدى قلم واوراق وبعض المراجع
عشان الندوة ماتبوظ مشيت على الجمر واتواصلت الندوة وبعد انتهت قلت وبالصوت العالى بانى فى دولة فيها قانون وحا الجأ ليهو
لانو كلمة مأجورة دى بتقطع الرقبة فى السودان وحولت القضية الى قضية عامة وسط منظمات السودانيين فى فيينا لبلؤرة رأيهم خاصة
وان قوانين الجمعيات هنا واضحة جدا.. وطالبت السفارة ايضا ان تبدى وجهة نظرها قبل ان استمر فى القضية
المهم.. الموضوع وبثقافة اختى واخوك وبعد اعتزار الجانى امام الناس انتهى الموضوع فى الحد ده ولكن...
يوم واحد واترسل ايميل من مجهول لكل افراد الجالية السودانية فيه اساءة الى اربعة اشخاص
المدهش انو الاربعة ديل بتتباين ووتراوح مواقفهم السياسية والفكرية
الايميل يعجّ بالاساءات وطبعا كنت اول المساء اليهم..
المجهول كان اكثر غباء حيث لوح بوضعى الاجتماعى فى الرسالة - باعتبارى {مطلقة}
ولم تخلو من اشارات لاحد منظمى الندوة ونصحه بان { يترك مباراة المطلقات لانو مابيقدر عليهن لانو هموسيكسول}
لاحظى الاشارة فى الكلام اللى بين قوسين..
يعنى لانى {مطلقة} مفروض انكفىء على روحى وجراحاتى واحارب اى نشاطات وفعاليات
والغبى/الغبية مابيعرفوا انو ده سلاحى اللى بعزز بيهو وجودى وبداوى بيهو جراحاتى الخاصة..

والى هنا والقضية امام القانون النمساوى وسوف يتخذ مجراه
الاّ ان اثارة الموضوع للرأى العام هنا ادى الى نتائج ايجابية اتبنت على الرفض اولا لكل ماجاء فى الرسالة
وتمّ نقاش ومازال حول العديد من القضايا ذات الصلة..

تفتكرى يا امانى انو مواجهتى للظرف ده وظروف كثيرة شبيهة- اتعودت- عليها مابتكون تركت اثر نفسى فينى؟!!
طيب اذا كنت واعية بقضيتى وفى قانون بيحمينى فى دولة قايمة اصلا على القانون واحترامه فما بالك فى اوضاع نساء
فى دول مافيها قانون ولا ابو النوم!!

اذا قدرت من خلال كل التجارب الموجعة ان اسلح نفسى بالمعرفة والانفتاح على ذاتى وذات الآخر
فدى مابيعنى انك لما تجىء تختى رأسك بالليل بتصحى كل المواجع دى
مرات تضحكى براك زى المجنونة ويشاركك مطر فيينا الحمضى السخرية
ومرات تتناسى بقراية كتاب ليهو صلة بالتجرية اللى مريتى بيها- وده ساعدنى كتير بالمناسبة
لانى بحس انى مابراى اللى مريت وحاتمر باشكاليات زى دى
او.. تفتشى لجبريلك وتفشى غباينك وتنفتح سماوات روحك بالعويل والدموع وال.......
وتنومى وسكينة السماء مالياك..

وعلى سيرة جبريل اقول عليك وعليه السلام
والف شكر لمداخلتك الثرة اللى طلعت منى كل ده..

Quote: هذا عنوان صغير دون الإفاضه فى التفاصيل

نهارك طيب يا محمد

هذه التفصيلة الصغيرة التى ذكرتها تعطى الموضوع بعدا آخرا
وفى انتظار الاستفاضه فيه لان ذلك سيوسع آفاق المعالجة



شكرى واحترامى

سلامات يا اشراقة مشرقة كالعادة..

امراة السودانية في الحياة العامة تجد كثير من العنت
لو اغتصبت امرأة داخل غرفة نومها حيقولو ليه ما قفلت الباب بالترباس
دائما هي المخطئة وهي المفروض تلعق جراحها في صمت..
وهي الما تخدش الحياء العام بان تقول فلان دا اتحرش بي جنسيا
تسكت وتسكت دي المرأة المحترمة..
عايزين الناس يكن مثل اسماك الزينة في احواض مزركشة
جميلة تسر الناظرين
المراة التي تريد ان تكتب ما تريد وتريد ان تغرد خارج السرب
يتم التحرش بها جنسيا لتخويفها ويمكن واحد يجي يدعي انه له علاقة جنسية معها كذبا.
وتلام هي ولا يلام الكذاب..
تختلف معهم فكريا يحرضون زوجك او وليانك كما حدث في هذا المنبر لي..
تختلف معهم يقولو ليك ست انداية ولا خيشة
ويصمت الناس على الاسفاف والانحطاط
بعدين تجيك نوعة تلومك على انك ما محترمة عشان دافعت عن نفسك...
وتطرح نفسها نموذجا للاحترام
مذكراني بقصة نحنا البطبخ زينا منو نحنا النيف ذينا منو..
الحقوق تنتزع ولا تعطى..
والتحرش الجنسي والالفاظ النابية هي شنكل المراة...
رجال في الطريق العام يشتمون النساء دون اي سابق معرفة فتصمت وتمشي,,
لانه دا الدور البتلعبو المراة المحترمة.. الصمت ولعق الجراح بعيدا ..

شكرا ليك لهذا البوست جا ويوم المرأة على الابواب..

اشراقة

موضوع مهم جدا جدا جدا جدا
احجزي لي مقعد معاكم هنا..
بس حابة يكون جنب مقعد د. نجاة لاني بالجد دايرها في نقاش مستفيض...وماسكة يدي من بوست مجاور ماحابة اتداخل في وبتمنى اعتر في نجاة ...ربك رب الخير لقيتها هنا...








اها يا دكتورة اني في ولا مشيتي...لاني دايره اتناقش معاك..

صباح الثورات يا دكتورة نجاة..

Quote: امراة السودانية في الحياة العامة تجد كثير من العنت لو اغتصبت امرأة داخل غرفة نومها حيقولو ليه ما قفلت الباب بالترباس دائما هي المخطئة وهي المفروض تلعق جراحها في صمت..

محزن هذا الواقع يا د. نجاة
لهذا الاعلان عن هذه الاحداث ضرورة ليتغير المجتمع فى اتجاة انسانى يعزز من انسانية المرأة
فلن يكون المجتمع انسانيا مالم يشمل ذلك النساء.

القانون بيحمينا من اشانة السمعة والتجريح المستمر لمجرد ان ماطرحته هذى او تلك لا يروق لهذه الذهنيات
ده المفروض نعمل عليهو يانجاة, يكون فى قانون واضح وصريح يحمى من التحرشات الجنسية والعنف والتجريح

قانون يحمى الرجل نفسه من هذه التحرشات والاساءات والمنبر فيهو مايكفى وقد تمت اساءة رجال هنا من نساء
وتمت اساءة نساء من نساء

تكون فى مراكز لرعاية النساء اللى تعرضن لهذا ودى بجيك ليها بالتفصيل فى مداخلتك الاخيرة

يتخيل لىّ ازمتنا كنساء لا تنفصل عن ازمة المجتمع ككل والطرق اللى ربونا عليها
الطرق القائمة على النفى المستمر للآخر
لو راجعنا طريقتنا فى الحياة بنلقى اجابات للعديد من الاسئلة
على قول واصل ولدى { انتو ياماما بتفهموا بعض كيف؟}
كيف؟!!!!

{ايوه ياماما مافى زول بيسمع, بتتكلموا كلكم فى لحظة واحدة}
ده كان سبب لرفض واصل مشاركتى لاى مشوار سوى فى السودان او فى النمسا هنا

اها ملاحظتو دى خلتنى ارجع افك حزام الخوف من مواجهة كتير من الظواهر اللى محتاجة لوقفة

ازمتنا كنساء ناشطات هى ازمة الصفوة فى السودان وشلناها معانا وحاولن بعضنا الوقوف مع ذاتهن
لمواجهة صفويتنا..

من تجربتى يانجاة فى العمل العام وجدت انو العمل مع الرجال مريح
ومع النساء فيهو مافيهو من معاناة بترمى بظلالها على اى عمل ممكن يكون مفيد
وده لازم يتلقى ليهو سبب بل اسباب
وزى ماتساءلت فى بداية مداخلتى انو النساء- دون تعميم- اكثر انجرافا وراء الثرثرة
وضد بعض لاسباب لاتكون فى الغالب منطقية ولا قائمة على أسس موضوعية.

ده سببو شنو؟!!
معرفة الاسياب بتخلينا نشوف الدرب بشكل افضل..


شكرا يا دكتورة نجاة على مداخلاتك التى تثير الكثير من الاسئلة المسكوت عنها.

وبجى لمداخلتك الاخيرة

مودتى وتقديرى

اشراقة الزوله الفايته الناس بي خطوتين

تسجيل حضور ومتابعة



مدخل للخروج :

Quote: ولااري سببا للتضامن مع امرأه لمجرد كونها امرأه, الادانه تكون للسلوك المرفوض أيا كان اتجاهه: رجل-رجل, رجل-امرأه,امرأه-امرأه,

امرأة - رجل برضو

موضوع ثر كانت لنا فيه ايادي ذات مره
وذهبت في ادراج الرياح ....


البصاص

Quote: اها يا دكتورة اني في ولا مشيتي...لاني دايره اتناقش معاك..

قاعدة يا حنة اتفضلي

ااي يادكتورة

تتخيلي كنت متابعة ليك عكةفي بوست مجاور لمن اتكيفت منك

المهم يادكتورة ...

في بوست مجاور واحرص على عدم ايراد اي اسم طرح موضوع التحرشات اللفظية ضد المراة بشكل فعلي وامثلة ونموذجا ورغم اتفاقي معك مائة في المائة فيما اوردتي من تعليق على الحادثة لكني تحفظت على ايراد الألفاظ البذيئة التي سيتعمد آخرون مريضون بذات الداء على استخدامها كاداة ترويجية كما استخدمت من قبل لان ايرادها كدليل يثبت لهم حسب تصورهم المريض انها اتت اكلها....يعني انني لم اختلف معك في ادانة التصرف ولا في العمل على محاربته ولا في البحث والتقصي لمعرفة مرسله ايا كان...لكني فقط علقت على ان لا فائدة تذكر من ايراد الايميل، ويمكن الاشارة فقط بانها كلمة نابية وبذيئة. ده واحد.

الحاجة التانية الدايراك فيها هي مناقشتك في فكرة الكتابة في المنتديات والاسافير للمراة ككل....لازال هنالك الكثير من الناس ولا اود ان اقول غالبية اعم تتعامل بنظرة سالبة غريبة لكتابة المراة السودانية في المنتديات، ويعتبرونها كمسبة وتقليل شان ،،، سؤالي هل ترين اي بادرة امل في توعية وتغيير نظرة مجتمع بأكمله تجاه المراة ودورها، والعمل العام، نرى كثير جدا من الامثلة مدعي الإستنارة الذين يفشلون في اول اختبار لمصداقيتهم ومايدعونه من توعية واستنارة فيكوناول سقوط لهم في التعامل مع زميلاتهم
المنبر نموذجا".

ثالثا: انا يانجاة واشراقة "المقامات محفوظة طبعا" بشوف انهلابد من ان نبدا بالبحث عن الية ايجابية فاعلة لوقف هذا الهراء عند حده...واعني عند حده وضع حدود فعلية واقعية تطبق كقوانين في هذا المنبر لاتحمي فقط النساء لكن ايضا الرجال، مع احترامي للأخ بكري ابوبكر لكني اقولها بكل وضوح ...لاقوانين تحكم التعامل هنا في المنبر، والقوانين ان وجدت وعلى قلتها..ومحدوديتها مائلة ومغيبة....

رابعا: المجنني الى متى سيواصل بعض الرجال الأقزام التفكير في جدوى هذه الوسائل التي اكل الدهر وشرب منها، اسكات المراة بالكلمات النابية والتلميحات والهمز واللمز، متى يستفيق هذا المجتمع ؟؟؟؟؟

لي عودة ان سمحتي دكتورة اشراقة ...الموضوع لابد من بحثه بطريقة تطبق واقعيا....




محبتي لكما التي تعرفانها...

Quote: رابعا: المجنني الى متى سيواصل بعض الرجال الأقزام التفكير في جدوى هذه الوسائل التي اكل الدهر وشرب منها، اسكات المراة بالكلمات النابية والتلميحات والهمز واللمز، متى يستفيق هذا المجتمع ؟؟؟؟؟

دكتورة اشراقة
سلام و تقدير و شكر كتير

بعد اذنك خليني ارد لحنين

لما المرأة تبطل استخدام سيوفها ( و الاسفير دا واحد منها ) في تقطيع البصل و التقطيع في حنانها . . . ذاك الدور المرسوم لها ( بعناية ) بطريركية فايقة وقتها فقط ح يستفيق المجتمع و يسمعكم عايزين تقولوا شنو ؟ . . . او عايزين شنو ؟ . . . الصوت الخافت ما بسمع من في اذنه وقر
قبل عيوب المجتمع كدي فتشوا جواكم زي ما قالت د. اشراقة . . . و شوفوا منوا حراس السائد زي ما قالت استاذة اقبال

عزمناك تورونا ( نقاش ) يعني شنو هنا ؟ ابيتي تجي قلنا نتحرش بيك في اقرب فرصة

يا دكتورة بيان بطلي خرخة الشغلة ما هلالاب و مريخاب الشغلة كلها هلالاب و المريخاب هلالاب زعلانين و انا هلالابي زعلان بس ما مريخابي عديل

كل سنة وانتوا طيبات . . . و المرأة اينما كانت استاند اب فور هار رايتس



اقول قولي هذا و كترة الخرخرة في البورد دا مكرهاني البلي

Quote: لما المرأة تبطل استخدام سيوفها ( و الاسفير دا واحد منها ) في تقطيع البصل و التقطيع في حنانها . . . ذاك الدور المرسوم لها ( بعناية ) بطريركية فايقة وقتها فقط ح يستفيق المجتمع و يسمعكم عايزين تقولوا شنو ؟ . . . او عايزين شنو ؟ . . . الصوت الخافت ما بسمع من في اذنه وقر

تسلم ياقيقراوى ويسلم عقلك

وكل يوم وانت نصيراً للانسانية

اما انا متكيفة منك دائما يا صديقتي بالتواتر,,

حقك يجيك لعندك يا ملكة..

Quote: حقك يجيك لعندك يا ملكة..

حقي ده يا نجوية اوعا يكون عكة.....سجمممممممممممنا..

وين تاني طلعتي قرن شطة
ديل عايزين استكانة تامة..

اها لقيتني كيف؟

http://www.newsudan.org/vb3/showthread.php?t=16937

فسحو لي بوستي دا بالله..

لمزيد من النقاش لحين عودة

اخت اشراقة تحياتي

التحرش يشمل الجنسين حتي بعض من النساء يتحرشن بالرجال!!!!!!!!!
التحرش اصبح مختلف الالوان .. هناك تحرش فكري وتحرش مادي وتحرش معنوي وتحرش سلطوي والانسان ذكراً وأنثي معرض له واقصي درجات الامتهان ان تمتهن معنوياً وسلطوياً وتعيش غريب الدواخل

أخى عمر الفاروق

اتفق معك فيما قلته هنا بل وصكيت عليه فى مدخلى لهذا الموضوع

Quote: التحرش يشمل الجنسين حتي بعض من النساء يتحرشن بالرجال!!!!!!!!!

وأضيف نساء يتحرشن بالنساء!!

Quote: التحرش اصبح مختلف الالوان .. هناك تحرش فكري وتحرش مادي وتحرش معنوي وتحرش سلطوي والانسان ذكراً وأنثي معرض له واقصي درجات الامتهان ان تمتهن معنوياً وسلطوياً وتعيش غريب الدواخل

ياريت لو توسعت شوية فى النقطة دى لاعتقادى فى اهميتها واثرائها لموضوعنا


الف شكر يا اخى

سلامات

كيف يمكن نغير الافكار السائدة
هذا يحدث بالتربية.. يني خطة طويلة الامد
الامهات الان بمارسن التميز النوعي بين البنات والاولاد يوقفن الحاجة دي فورا

يتقسم الشغل في البيت بالتساوي ما ممكن الولد قاعد في االلستك برة يتعلم في الالفاظ البطالة
والبنت قاعدة في المطبخ تطلع ليه اشهى المأكولات..
تخبئة البنت في الداخل بمثالة وضع حزاء صيني في رجل طفلة صينية عشان ما تكبر
البعض يريدها قطة مغمضة ولذلك يعملن الامهات على تصمميها للسوق

الرد على اي متجاوز..دون خوف..
بعداك الامهات المنهزمات نفسيا في بيت يمارس فيه الذكور
السطوة وتكون الام صامتة وتتقبل ما يحدث
تستمر سيركل العنف والانهزام في الابناء
ولذلك قلما نجد رجل رأى امه تضرب لا يضرب
تشتم لا يشتم.. بيون العنف المنزلي تفرخ رجال عنيفين
ولذلك عزيزتي الام
طالبي بحقك في الطلاق فورا لسوء المعاملة..
لانك بتربي وتلدي عقارب مسممومة
المضطهد بتحول لمضطهد.اكسري السيركل ارحلي بعيدا



يعني باختصار نتبني خطة ربعع قرنية
لمجتمع الرجل فيه رجل مهذب ومحترم..
يتقبل المرأة في الحياة العامة..

الاخطر من التحرش الجنسي

محاولة تبسيطه
والباس الضحية لبس الجاني

مياده كمال و إزدواجيه المعايير

شوفي السخف الحاصل في البوست ده


كتب الاخ مبتدر البوست في سطره الاول الاتي :

Quote: الأخت مياده ارسل إليها أحدهم ( أو هكذا تدعي) رساله قامت بنشرها بحذافيرها في خرق واضح لقواعد المنبر التي تمنع إستخدام أو نشر اللغه البذيئه .

لاحظي ما بين القوسين

هكذا تدعي
وبما انها تدعي هذا يعني هي من فتلت هذا الموضوع بالتالي هي اختارت او على الاقل وافقت ان ترسل لها كلمات كتلك التي عرضتها في رسالتها

ويهددا هذا الدعي بقواعد المنبر
ولا يراعي هو اقل مبادي الرجولة والانسانية

عالم بيض

Quote: عالم بيض

سلامات يا وليد


لحدى ما اجىء لمداخلتك برواقة
حابة اكسر {حدة} الغضب شوية


مالو يا ود امى البيض؟!!
يعنى حسع مانفطر ولاشنو؟
اها البيض اللى سلقتو ده كان قمت اكلتو يقوم يحصل لىّ تسمسم

ياخ ماتظلم الجدادة وبيضها

الى حين تحياتى

Quote: كيف يمكن نغير الافكار السائدة هذا يحدث بالتربية.. يني خطة طويلة الامد الامهات الان بمارسن التميز النوعي بين البنات والاولاد يوقفن الحاجة دي فورا يتقسم الشغل في البيت بالتساوي ما ممكن الولد قاعد في االلستك برة يتعلم في الالفاظ البطالة والبنت قاعدة في المطبخ تطلع ليه اشهى المأكولات.. تخبئة البنت في الداخل بمثالة وضع حزاء صيني في رجل طفلة صينية عشان ما تكبر البعض يريدها قطة مغمضة ولذلك يعملن الامهات على تصمميها للسوق الرد على اي متجاوز..دون خوف.. بعداك الامهات المنهزمات نفسيا في بيت يمارس فيه الذكور السطوة وتكون الام صامتة وتتقبل ما يحدث تستمر سيركل العنف والانهزام في الابناء ولذلك قلما نجد رجل رأى امه تضرب لا يضرب تشتم لا يشتم.. بيون العنف المنزلي تفرخ رجال عنيفين ولذلك عزيزتي الام طالبي بحقك في الطلاق فورا لسوء المعاملة.. لانك بتربي وتلدي عقارب مسممومة المضطهد بتحول لمضطهد.اكسري السيركل ارحلي بعيدا يعني باختصار نتبني خطة ربعع قرنية لمجتمع الرجل فيه رجل مهذب ومحترم.. يتقبل المرأة في الحياة العامة..

ماتحته خط فرضيات لمشاريع بحثية
لحين شكرا يابيان

د. إشراقة
د. نجاة
الأخت/ حنين للبلد

ما خطته د.إشراقة عن هذا الموضوع ( التحرش الجنسي) موضوع هام ومهم ويهم كل
شخص من الجنسين وأتمنى أن يعي إخوتي القراء ما ذهبت إليه د . إشراقة وكل المتداخلين
حقيقة أن المرأة مهضوم حقها سواء في التعبير أو غيره وكما قالت د. نجاة أن المرأة
المتحرش بها تكون في نفق ضيق وحفاظا على كرامتها تلوذ بالصمت إذا تعرضت لتحرش .
متعك الله د. إشراقة بالصحة والعافية وواصلي في الكتابة ونحن في إنتظارالمزيد من القضايا
التي تهم مجتمعنا.

مع تحياتي

Quote: ونحن في إنتظارالمزيد من القضايا التي تهم مجتمعنا.

يطيب مساءك يا سيف الدين

ونحن فى انتظار رؤيتك ويدك معانا

ويد لايد تجدع بعيد

Quote: كيف ساعدت العولمة سلبيا فى التحرش الجنسى و التحرشات الاسفيرىه؟..

تحياتي اشراقة..كل مارس وانت بخير..
لي عودة للموضوع كله..إلى حينه، وقفة خاصة مع العولمة والتحرش الاسفيري.. كوني بالف خير..

Quote: العولمة والتحرش الاسفيري

ياسلام ياحليمة
حاتساعدنى كتير بتناولك ليهو
الصفحات المنتظرة اصقلها واكيد رؤيتك حا تفتح دروب كانت غائبة على

فى انتظارك

Quote: أما مجرد اثارة الرأي العام فلا تثبت حقا

يا اماني، اثاره الراي العام، استراتيجيه من استرتيجيات الحركه النسويه في العالم، و هي مهمه جدا، الراي العام اذا قدر زول يثيرو، ده ما ببقي كلام مجرد
بل و مرتبط بخطوه قانونيه اولي للتعامل مع التحرش الجنسي، و هو اعلام المتحرش و المجتمع برفضه للفعل

Quote: التحرش فى الشارع ..عادى ...تواصل الواحدة طريقها لأن اعارتهم أى اهتمام بالرد قد تكون مدعاة لتماديهم أكثر

يا روزمين كان حا يكون عندي اعتراض علي كلامك الموجود هنا، لولا اني لاحظت انك في بوست مياده وضحتي انه دي حريه تعبيريه و اختياريه شخصيه، و ده كلام مهم

انا مثلا، لا اخاف تماديهم، و الهم بيحسبو حساب اني حاسبه حسابه، و بتشجيع اخواني الدرسو معاي في نفس الشارع، اعيرهم اهتمام و ارد، و اخليهم يجرو كمان من مكانهم القاعدين فيه

يعني اذا سكتنا، تفتكري تماديهم ده حا يقيف؟ ولا تاني ما نجي بنفس الشارع
كما اسلفت، اكيد كل زول و طبعه و اسلوبه، لكن افضل انه الناس تبدي اعتراض علي الحاجه الغلط كان في الشارع ولا البيت ولا مكان العمل

----------
يا اشراقه بوست جميل، اذا لقيت لي وكت و كيبورد احسن من ده، بحكي ليكم عن بعض القضايا ،بصوره عامه، العاصرتها كعضو لجنه التحرشات و المساواه في جامعتنا عن التحرش الجنسي و العرقي و ال bullying ده ما عارفاهو شنو بالعربي
الناس وصلو حتات تانيه و احنا لسه بننبز باخواتنا و امهاتنا

Quote: انا مثلا، لا اخاف تماديهم، و الهم بيحسبو حساب اني حاسبه حسابه، و بتشجيع اخواني الدرسو معاي في نفس الشارع، اعيرهم اهتمام و ارد، و اخليهم يجرو كمان من مكانهم القاعدين فيه

العزيزة رحاب ..
الشارع ما معناها المكان الممكن يضم أولاد الجيران أو زملاء الدراسة لأنهم على ما أظن ما بتجرأوا يسيئوا لبت الحلة ..على مرأى من الجميع ..ممكن يكون فى نوع من التحرش بأسلوب تانى ..
ما عنيته هنا شارع عام زى السوق العربى مثلا ...زول بشم أو ما محترم يتغزل فيك أو يقول كلام ما محترم هل بتقيفى لكل واحد وتردى عليه وتشاكليه لحدى ما تصلى ..هذا ما عنيته
وبالتأكيد ردود الفعل تختلف. ...

Quote: كما اسلفت، اكيد كل زول و طبعه و اسلوبه، لكن افضل انه الناس تبدي اعتراض علي الحاجه الغلط كان في الشارع ولا البيت ولا مكان العمل

بالتأكيد يا رحاب الواحدة بتبدىء اعتراضها والا تكون موافقة على ما يحدث حولها فى البيت أومكان العمل ودا القلت عليه فى مداخلتى ( تدخل ملموس) ..
وآليات اعتراضها لا تتوقف فقط عليها كما ذكرت بل باللجوء والأستعانة بزوجها أو أى فرد قريب منها لأن هنالك من لا يرتدون عن غيهم ولا يأبهون لمحاولات المرأة وحدها ردعهم ...

قد يبدو هذا ضعف ...لكن كما أسلفت أنا ووافقت عليه أنت أنها حرية شخصية فى التعبير
وهذا منهجى فى كل ما يمكن أن يمس احترام المرأة أو شرفها أو عرضها أو حياتها الأسرية
مجتمعاتنا أصبحت تضج بالخبيث أكثر من الطيب ..


تقديري واحترامي ....

سلام روزمين
يا ريت لو اقدر امن برومانسيه فكره شارع الحله
الشارع هو الشارع، و البيشاغلو في حله غيرهم او في السوق العربي ديل، اكيد عندهم حله و يعتبرو اولاد حله تانيه

عموما انا ما قصدت شارع بيتنا، بل قصدت شارع المدرسه، و المدرسه ما كانت في حلتنا و درست في مدن مختلفه في السودان و درست في فتره من فترات حياتي مع اولاد، في الشرقيه بنين بمدني، و قصدت السوق العربي و المولد و المواصلات و صف العيش و صف البنزين و الخياط وصف الفرن و و و
تصدقي ايوه، حتي لو في السوق العربي، و حتي لو في قلب لندن و مريت بمجموعه بنايين، برد و بواصل، و الرد ما بالضروره يكون نبز او اهانه، مرات سؤال يكفي، كونها تاثر ولا ما تاثر دي سؤال تاني

ما ضعف يا روزمين الاستعانه بالاسره، بل طريقه مشروعه، و كل يختار ما يناسب ظروفه ووقته و مزاجه، انا استعين باخوتي و زوجي لمن احتاج تدخلهم و بالكيفيه الارضاها لنفسي، و العكس صحيح لمن زوجي او احد اخوتي يحتاج تدخلي لتحرش امراه بيهم بطريقه او باخري

بس وقفت في اعتقادك انك قد تاثرين عدم الرد خشيه رده فعلهم، و ما بوافقك عليها لاني بامن انه النفوس الضعيفه الزي دي ما محتاجه محفز او سبب

---------

اشراقه، كالعاده، العين بصيره و الايد قصيره
عندي بوستين لازمن اكمل ردي فيهم بالاول اولويه، رد لاخونا هاشم الحسن، و رد في بوست اخونا معروف سند، بس مشكلتي ما بطبع عربي but I am itching to comment

من ناحيه القصص، لمن اقعد مع اختي، و هي درست علم نفس و تعمل in counseling و بتحضر في دكتوراه في نفس المجال، و اسمع قصص طالباتها البيخافو يمشو لدكتور الاسنان عشان يتعالجو، او البنات البيتعرضو لتحرش من بعض افراد اسرهم و بعضهم بنات و لا يصدقهم احد عندما يتزمرو او الاطفال و قصصهم الحزينه، I feel sick in my stomach بتمني انه ربنا ينزل عقابه عليهم عاجلا

الحكاوي كتيره و القدم ليها رافع باذن الله

تحياتى اشراقة نعم مزيدا من النقاش الجاد حول المسكوت عنه فى المجتمع للاسف المجتمع السودانى اكبرمجتمع تمارس فيه التحرشات منذ خروجك من المنزل تتعرضين للمشاغلات ابتداء من الشباب القاعد تحت الضلله واصحاب المعاشات مرورا بى اصحاب المركبات العامه منها والخاصه وووووووووووووو مع غياب قانون يردع اصحاب النفوس الضعيفه وشذاذ الافاق والان اصبحت المراة هى الشغل الشاغل فى المجتمع والدولة كانما هى الحيطه القصيرة وكل زول بفش غبينتو فيها مع اختلاف الاليات طبعا واحد بشاغل عشان يحس انو لسع عندوا السلطة لانو هو قاعد عاطل بدون شقله وواحدمقهور ووووو...

ياحنين الحنينة

فى الانتظار هنا وهناك برضو

سلامات يا ابوعبيدة

كيفنك وكيف الاصحاب والصاحبات بطرفك

Quote: موضوع ثر كانت لنا فيه ايادي ذات مره وذهبت في ادراج الرياح ....

لن يضيع ادراج الرياح

فلو قروه اربعة بذهن مفتوح ونظرة ثاقبة فقد ربحت يا صديقى وربحت فكرة مشروعنا الانسانى

وفى انتظار مساهماتك


ودى لك وللمعاك

بمناسبة يوم المرأة العالمي
كل سنة وأمي وبناتها وزوجتي وأخواتها وبنتي وصويحباتها طيبين
وإشراقة ومتداخلاتها بألف صحة وعافية

الحكاية مؤلمة وكل ما أقرأ إساءة أو لفظة تحرش أتذكر أعز النساء في حياتي
نتمنى أن نؤسس من القوانين ما يردع كل شخص مريض من التحرش باي من أخواتنا وأخواننا

Quote: رأي عام من ويكيبيديا، الموسوعة الحرة الرأي العام تعبير يقصد به عملية رصد آراء الناس في مجتمع، أو قطر ما حول مسائل خلافية عامة، مثل الآراء، والمعتقدات. ويمكن القول على سبيل المثال، بأن قضية التعاون بين الأمم في إطار المنظمات الدولية، والصيغ التي يمكن أن تتخذها، أمر يمكن أن تتباين حوله الآراء، بينما لا يمكن أن يعد دوران الأرض حول الشمس، مسألة قابلة للاختلاف لأنها حقيقة لا يرقى إليها الشك. يتبلور الرأي العام، عندما تبرز على السطح مسألة تؤثر على عدد كبير من الناس، فتصبح موضوعًا مطروحًا للمناقشة الحرة، والمناظرة، ويدور الجدل حولها إلى أن يصل الناس إلى إجماع. والرأي العام هو نقاش القضايا مطروحة على بساط البحث في بداية الأمر. وهو يختلف في محتواه ومضمونه، حسب المراحل التي يمر بها، فهو مثلاً يتسم في مراحله الأولى بالغموض، وعدم وضوع الرؤية. كما لا تتوفر المعلومات حول القضايا المطروحة في هذه المرحلة. ولكن في مراحل أخرى يمكن أن تتطابق وجهات نظر عدد كبير من الناس حول مسائل عامة، ومن ثم تشكل رأي الأغلبية. ويتم الاتفاق على السبل التي يمكن اتباعها لتحقيق هذه الأهداف. مثل التصويت الذي يضفي شرعية للرأي العام. مكونات الرأي العام 1- الإعلام. 2- الأحداث الجسام: مثل أحداث 11 سبتمبر. 3- الثقافة: المفاهيم والأفكار والمعتقدات والعادات والقيم. تعريف الرأي العام: هو حاصل تفاعل مجموعة من الآراء نحو قضية ما تهم المجتمع, والتعبير عن هذا الرأي. ويقسم الرأي العام إلى ثلاث تقسيمات: 1- الرأي العام القائد أو (قادة الرأي) ويضم زعماء المجتمع والأكاديميين والمثقفين والسياسيين, كل منهم والإطار الذي يعمل به. 2- الرأي العام المثقف. 3- الرأي العام المنقاد أو المنساق. الرأي العام هو تعبير الجماعة او المجتمع او الجمهور العام عن رأيه ومشاعره وافكاره ومعتقداته واتجاهاته في وقت معين بالنسبة لموضوع يخصه او قضية تهمه او مشكلة تؤرقه وهو القوة الحقيقية في المجتمع والحكم الذي تصدره الجماهير على عمل او حادثة او نشاط في المجال الداخلي او الخارجي المحلي او العالمي وكذلك التعبير عن وجهة نظر الجماعة وعن اجتماع كلمة الجماهير وصوت الجماهير وارادة الشعب. والرأي العام هو مجموعة الاراء التي يعبرعنها افراد الجماعة اما من تلقاء انفسهم او بناء على دعوة توجه اليهم تعبيراً مؤيداً او معارضاً لحالة محددة او شخص معين او اقتراح خاص ما يترتب عليه احتمال القيام بسلوك مباشر او غير مباشر وكذلك هو محصلة اراء افراد الجماعة ويمثل صورة من صور السلوك الجماعي تمخضت عن تفاعل واخذ وعطاء بين افراد الجماعة وبين الجماعة والجماعات الاخرى والرأي العام كنتاج جماعي يمثل الجماعة كلها معبأة للسلوك والعمل فيما يتصل بموضوع الراي العام. أنواع وتصنيف الرأي العام يحسن التمييز بين انواع الرأي العام حتى لايحدث خلط بينها :- الرأي الشخصي:وهو الرأي الذي يكونه الفرد لنفسه بعد تفكير في موضوع معين ويعبرعنه من وجهة نظره دون ان يخشى من الجهر به. الرأي الخاص:هو الرأي الذي يحتفظ به الفرد لنفسه ولايبوح به لغيره خشية تعريض نفسه لضرر الا إلى المقربين واهل الثقة ويظهر اثره في الرأي العام في حالة التصويت السري في الانتخابات. رأي الاغلبية:هو تجمع وتكرار الرأي الشخصي لاغلبية الجماعة الفعالة ذات التأثير(بما يزيد عادة على 50%). رأي الاقلية: يمثل رأي مايقل عن 50%من اعضاء الجماعة. الرأي الائتلافي:هو ائتلاف بعض الاراء في الجماعة ازاء مشكلة معينة في وقت محدد تحت ضغط ظروف خاصة مايستلزم وجود هذا الرأي الائتلافي. الرأي العام الكامن:هو الذي لم يظهر بعد صراحة وبوضوح وايجابية. الرأي العام الفعلي(او الواقعي)وهو الذي يتحول إلى سلوك فعلي واقعي كاحداث تغيير اجتماعي او كما يحدث في اضراب او ثورة. الرأي العام المستتر (او الباطن): هو الذي لايفصح عنه ولايعبر عنه نتيجة خوف الجماعة من عواقب التعبير عنه لتعارضه مع الاوضاع الدستورية او القانونية او مع المعايير الاجتماعية المتعارف عليها. الرأي العام الصريح(أو الظاهر):هو الذي يعبر صراحة عن اراء الناس واتجاهاتهم ويعبر عنه صراحة وجهراً في حرية وبدون خوف. الرأي العام الثابت(نسبياً): هو الذي ينبع من العادات والتقاليد ويكون ثابتاً بمعنى انه سيستمر ولايتغير الا بعد وقت طويل. الرأي العام المتغير:هو الذي ينبع من التأثر بالاعلام والاعلان والدعاية ويسهل التأثير فيه وتغييره بسرعة فلا يستمر. الرأي العام الكلي:وهو الرأي العمومي الجامع التقليدي المستمر او المتوارث الناشئ عن العوامل الحضارية والثقافية للمجتمع ومن أهمها نظام التربية والتنشئة الاجتماعية والرين والتقاليد. الرأي العام الوقتي : هو الذي يظهر حيال مشكلة وقتية وهو غير مستمر ويتأثر بسهولة بوسائل الاعلام والشائعات والاعلان. الرأي العام المؤقت: هو الذي يقوم حسب الانتماء لجماعة معينة او ازاء موضوع محدد وفي وقت محدد وينتهي بانتهاء المؤثر. الرأي العام اليومي:هو الذي يتأثر بالاحداث اليومية ومجريات الامور اليومية وتؤثر فيه وسائل الاعلام والمصالح المباشرة للافراد والجماعات. الرأي العام الرائد:هو الذي يؤثر في الاعلام والدعاية والاعلان ولايتأثر بها. الرأي العام القائد:هو الذي يمثله القادة والصفوة والمفكرون والعلماء والساسة. الرأي العام المثقف:هو الذي يمثله جماعة المثقفين واساسه درجة الثقافة والتعليم ويؤثر في ماهو اقل منه درجة من حيث الثقافة والتعليم. الرأي العام المنساق(او المنقاد):وهو رأي السواد الاعظم الذي ينساق او ينقاد للرأي العام الرائد او المثقف وتؤثر فيه اجهزة الاعلام والدعاية الاعلان ويتأثر بالشائعات. الرأي العام في الجو التسلطي:هو الذي يقوم في اطار استبدادي ويوجهه عنصر دخيل على جماعة او له مصلحة تتعارض مع مصلحة الجماعة الرأي العام المضلل:هو الذي يتكون بتأثير الدعاية والشائعات ودس معلومات غير صحيحة. الرأي العام والاتجاهات: الاتجاه النفسي: هو الحالة النفسية القائمة وراء رأي الفرد في ما يتعلق بموضوع معين ومن الممكن ان نطلق مصطلح الاتجاهات الجماعية على الرأي العام اي انه يرى ان الرأي العام يعبر عن الاتجاهات الجماعية ويختلف قياس الاتجاهات عن قياس الرأي العام لأن الاتجاه يتم قياسه عن طريق اختيارات نفسية طويلة تكشف عن الاتجاه وشدته بينما نجد ان استفتاء الرأي العام لايحتمل أكثر من سؤال او اثنين تكون الاستجابة لهما في الغالب بالموافقة او الرفض او الامتناع. وهناك فرق كبيريين الرأي الظاهري (الذي يعبر عنه بالكلام) وبين الرأي الحقيقي (الذي يصدر عنه السلوك)ونجد الناس يقولون بألسنتهم ماليس في قلوبهم ويقولون مالا يفعلون وحتى السلوك نفسه في بعض الاحيان لايعتبر مؤشراً صادقاً للاتجاه او الرأي فقد يسلك الفرد بطريقة لاتتفق مع اتجاهاته وارائه الحقيقية طريقة فيها خداع او نفاق او رياء. وظائف الرأي العام من ابرز وظائف الرأي العام: 1- تحديد او تجديد او تبديد المعايير الاجتماعية،فهو يضع القوانين ويضع دساتير ويلغيها وهو يعبر عن رغبات الجمهور والرأي العام قوة كبيرة تصدر حكمها في الحال على السلوك الذي ينتهك حرمة المعايير الاجتماعية والاخلاق او التقاليد او القانون. مساندة الهيئات الحكومية والمؤسسات الاجتماعية والجمعيات الخيرية والتشكيلات السياسية وبدون هذه المساندة يتجمد نشاطها فكل هذه الهيئات او المؤسسات او الجمعيات او التشكيلات توضع دائماً في امتحان امام الرأي العام وان كل هذه الجهات تعمل جاهدة على كسب الرأي العام. 2- رعاية المثل الاجتماعية ودعم الخلفية الخلقية وتشاركه في هذا الصدد القوة التي تضع الحق وتحقه والعادات والتقاليد التي سار عليها الشعب على مر العصور والاجيال. 3- اذكاء الروح المعنوية العامة ودفعها نحو القضايا المهمة وهو ينشط اهتمام افراد الجماعة ويجعل منهم قوة ملتحمة مجتمعة وراء القضايا العامة في وسط آمن اقتصادياً وصحياً ونفسياً يعطر جوه الاجتماعي عبير الحرية والديمقراطية. مقومات الرأي العام, مقومات الرأي العام هي العناصر التي لايقوم الرأي العام الا بها واهم هذه المقومات: 1- الجماعة :بخصائصها وصفاتها ونوعها وطبيعة افرادها (واتجاهاتهم وجنسهم ودينهم وميولهم واهتماماتهم)وتأريخها وعاداتها وتقاليدها وقيمها وتراثها واهدافها ومصالحها والجو النفسي السائد فيها ونوع القيادة والاوضاع السياسية والاقتصادية والبئية والجغرافية التي توجد فيها . 2-المشكلة: او الموضوع العام او المسألة العامة التي تدركها الجماعة وتجذب الانتباه العام واهميتها والفروض التي تقدم لحلها (اي تحقيق هدف التفاعل) ومدى تغيرها من وقت لآخر شكلاً وموضوعاً وقد تكون المشكلة بسيطة محدودة تخص جماعة صغيرة .وقد تكون معقدة تخص المجتمع المحلي او المجتمع الدولي وقد تتعلق المشكلة بالدين او الاخلاق او بعض الامور الاقتصادية او السياسية . 3-المناقشة: العامة الجادة الفعالة المنتجة القائمة على الفهم والدرس والموضوعية وعدم اتباع الهوى وتحقيق ذلك في اطار التفاعل الاجتماعي الحر حيث تظهر وجهات النظر المختلفة والنقد البناء وتتبلور الاراء والوجهات المختلفة ويتم اتفاق جوهري والتقاء وجهات النظر كل هذا في اطار القيم والاهداف المشتركة للجماعة او المجتمع. أهداف الرأي العام 1- دراسة الرأي العام تجاه مسائل اجتماعية. 2- دراسة الرأي العام تجاه مسائل سياسية. 3- دراسة الرأي العام تجاه مسائل اقتصادية لتعميم سلعة جديدة من حيث آثارها الاجتماعية بهدف تحديد مواصفاتها التي تضمن لها النجاح. 4- دراسة الرأي العام بهدف تخطيط برامج ناجحة للعلاقات العامة. 5- دراسة الرأي العام بهدف تحديد انسب طرق الاغراء ووسائل الاعلام بالجمهور

http://ar.wikipedia.org/wiki/%D8%B1%D8%A3%D9%8A_%D8%B9%D8%A7%D9%85



حتى نخوض نقاشا وحوارا مثمرا لابدّ من مراجعتنا لما يعرف بالرأى العام

على اساس ذلك سنبنى حواراتنا

Quote: الشارع ما معناها المكان الممكن يضم أولاد الجيران أو زملاء الدراسة لأنهم على ما أظن ما بتجرأوا يسيئوا لبت الحلة ..على مرأى من الجميع ..ممكن يكون فى نوع من التحرش بأسلوب تانى

ياحليل نسيجنا الاجتماعى اللى انهار نتيجة لسياسة ابعد البيضة من الحجر والانتاية من الضكر


كدى ادى نظرة لبعيد يارزومين, فقط لملامسة التغييرات اللى حصلت فى نسيجنا الاجتماعى

وبجيك راجعة



-----------

اتمنى عودتك يارحاب, فكلما تباينت وجهات النظر كلما تأكدنا انّا بخير وان الحل ممكن

سلامات ياروزمين

قبل ما اجىء لمداخلتك حسب التسلسل لكن عاوزة اخليك معايا فى الصورة
لاحداث عايشتها وجاتنى فكرة انى اكتب عن التحرشات وبص ابو رجيلة


يعنى نسكت وننطم
من زمن بص ابو رجيلة لمن كنا بنات صغار

يعنى تكونى مالاقية محل تعقدى
تضطرى تقيف
ويكون وراك زول يتحرش بيك


من الزمن داك والتحرشات موجودة
بقت فى المكاتب, فى الشارع, الجامعات وفى القطاع الخاص {يرضو من غير تعميم}
الاّ انها كظاهرة موجودة بل تجاوزت مرحلة انها ظاهرة

نتيجة للتحرشات دى بتدفع بنات مستقبلهن تمن باهظ

{قانون النظام العام} اتعمل اصلا للنيل من المرأة
التدخل السافر فى حياتها وحصر حركتها
لازم تكون مع الواحدة صكوك تبرئبة حتى لو كانت ماشة مع اخوها

الحدائق العامة اللى اتعملت ومفتوحة على الشارع مباشرة
يعنى اتنين بحبوا تحت السماء والهواء الطلق
يقوم يجيهم زول يسألهم عن العلاقة اللى بيناتهم
نظرتو تنغرس فى روح البنية وهى خائفة, خائفة من فضيحة مشاعرها


يعنى ماممكن يتحول المجتمع كلو لبيضة وحجر

لابدّ من كشف المستور
ولابدّ من اثارة الرأى العام
لابدّ من التشبيك وخلق لوبى يساعدنا فى انجاز صلاحية قانون يحمى انسانيتنا

المسألة ماشخصية بقدر ماهى قدرتنا لتحويل الخاص ده لعام
معقول ننسى قصة سناء؟!!
ده مش تحرش بانسانيتنا جميعا؟

فى كم سناء غيرها؟
تفتكرى لو ما اثيرت القضية دى للرأى العام مش كان لحسع المأساة مستمرة؟

لو نظرنا للقضية فى بعدها السياسى والاقتصادى لسهلت علينا الكتير

مبدئيا كلنا رافضات للتحرش ودى خطوة اولى ايجابية
الحلول؟!!

دى مختلفين فيها...
ممكن احكى مع زول قريب منى لكن ده مال الحل
حتى على مستوى الأذى النفسى برضو مابحل كتير, بنج موضعى وبعدين تنفجر الجروح من جديد

يعنى نتعرض لكل ده ولو فى سوق عام ونمشى؟
مانرد ولا نثير الرأى العام عشان ما نبرد للجانى حشاهو؟

لو عالجنا القضية بصورة شخصية فلكل منّا طريقتها فى الحل
بالنسبة لىّ بعمل الاتنين

كيف؟

حا اواصل....

اشراقة
تياتي
حور ومتابعة
جد الموضوع مهم جدا
وياما في مسكوت عنو...
وواصلي

سلامات يا اشراقة والضيوف

في قصة الالفاظ النابية والتحرشات في الشارغ السوداني بالنساء.ز

في مجتمعات نهائي مافيها راجل بتحرش بامرأة في الشارع ولا مكان عام

قبل فترة كنا بناقش في الموضوع دا هنا في ماليزيا..
في دكتور قال ان مرة في المطار شاف مضيفات الخطوط الماليزية ماشات
يلا سمع زول علق عليهن والمضيفات عاينو للزول بانزعاج شديد
الزول دا عاش هنا سنوات ولاحظ غياب الظاهرة دي
فقرر يشوف الاولاد ديل..للدنيا والزمان
بس ظهر كدا كلهم سلموا عليه اذيك يا دكتور
وطلع ديل اولاد الجامعة الاسمهم المكاوين..
وهم من الجنس الملايوي ولكن الجيل الخامس في مكة حتى فقدو لغتهم
وبقو يتكلمو عربي... بالتالي بقت ثقافتهم..


هنا لو ماشي التقت نظرتك يراجل ببستم في تحية وهزة لراس
وانحناءة بسيطة..بكل ادب.

لاول مرة ضحى بتي تزور السودان وهي راشدة
تعليقها كان عن السودان
يا ماما الناس في السودان بيقولو للواحد انت حلو في الشارع
ناس طيبين خلاس
طلع اي زول بشاغلها بتحني راسها وتقوليه شكرااااااااان
لغياب ثقافة المشاغلة في حياتها..
وكانت نكتة الموسم على الكومبلمنت المجانية دي..
ولذلك ان يتحرش بك رجل في ابو رجيلة هذا لا يمنعك انك تركب البص
ولو شاغلك زول في الشارع ما حتخلي الشارع..
زمان اولاد الحلة قاعدين في االلستك شاغلو ليهم واحدة دقتهم كولهم.ز
بقن تجي ماشة مافي زول بيعاين لها ساكت
الناس دي بتخاف ما بتختشي.

شوقي بدري: النسوان القاهرات

a related topic

Quote: a related topic

شكرا يارحاب لنقل الموضوع هنا, لمزيد من القراءات والرؤة\ى المختلفة وفى سبيل افق لباكر

Quote: النسوان القاهرات كما قلت وكتبت كثيرا فان امدرمان بلد اسسها وسيطر عليها النساء. لأنها في الحقيقة هي معسكر ضخم للجيش. يذهب الرجال للحرب وقد لا يرجعون. ويبقي النساء دائما للحفاظ علي ما تبقي من الاسرة. واذكر ان الأخ عصمت زلفو(مؤلف كتاب كرري) قد قال لي في منزله في القاهرة في نهاية التسعينات. (الكلام الجميل يا شوقي البتكتبو عن امدرمان عارف الخلق روح التضامن والتكامل والروح الجميلة في امدرمان شنو؟ ) وعندما لم اجب قال لي انها كرري. فبعد موت عشرات الآلاف من الرجال. تضامن الناس مع بعضهم البعض بسبب المصيبة. وجعلني هذا افكر. لماذا كان نساء امدرمان عبارة عن شخصيات قوية مسيطرة. وكان في كل حوش إمراة مقتدرة. تدير الحوش وتخت كل راجل في علبو, من ابناء واحفاد واشقاء. وبعضهن كن طويلات اللسان. ويقال عنهم مرأة قاهرة. وهذا ما يقوله الرجال عادة. والحقيقة انهم كن يقهرن الرجال. ولكن كلمة مرة قاهرة اخذت معني غير جميل بمعني انها قليلة ادب. قبل يومين ذهبت لفرع البنك الصغير الأقرب الي منزلنا. وهنالك صرافة حاجة ستينية من النوع ابو نضارات تخينة وهي أمرأة مسكينة وخوافة. تصر علي عد القروش عدة مرات . ولأنني اسحب قروشي كاش فتقوم بالتدقيق. وتركب سماعات وتتكلم مع الرئاسة وتتكلم مع كم زول وبعدين تدقق في الهوية وهذا يحدث كل مرة. وفي المرة الأخيرة سألتها محتجا عن سبب التاخير والتمحيص. فقالت بأنها تؤدي عملها وان عملها كصرافة في البنك يستدعي التدقيق وعدم ارتكاب اي اخطاء. وان من واجبي ان افهم ان عمل البنك ليس مثل الاعمال العادية لا مجال فيه للخطأ إن الإنضباط والدقة هو من اهم متطلبات العمل المصرفي. فأستيقظ الرباطابي في داخلي وقلت لها. الإنضباط والدقة بس في قريشاتي ديل ما تصلحو نتيجتكم الإلكترونية دي العاملة ثلاثين فبراير. وبكل طيبة سألتني السيدة نتيجتنا مالا. فقلت له اليوم اثنين مارس. وفبراير كان ثلاثين يوم قبل اكثر من اثنين الف سنة . قام الامبراطور اغسطس قرم منو يوم واضافو لي شهرو. وجا واحد تاني معط ليهو يوم من الزمن داك فبراير تمانية وعشرين يوم الا في بنككم ده البتعامل بالدقة والإنضباط. واحسست بإنزعاج المرأة الطيبة. وانا في طريقي الي السيارة لمت نفسي وقلت يا شوقي والله لو لمت فيك واحدي من نسوان امدرمان كان خلت ريحتك طير طير. حقرت بالمرة المسكينة دي بس. الخالة .... اشتهرت بانها مرة قاهرة وما في زول بقدر عليها. كانت كل ردودها بالسجع. ولم يرزقها الله بالذرية الا انها كانت. تهتم باولاد شقيقاتها واهلها وقد تطرق لها الاستاذ الطيب محمد الطيب رحمة الله عليه في صور شعبية . عندما ذهبت لاحد المسؤولين بخصوص ابن شقيقتها قال لها وهو يلوح بالمضرب(انا والله ما فاضي) فقالت له آخرتا خليت اكل المرس وبقيت تنفنس وتلعب التنس...... الخ. والمرس زي الكول الواحد بعد ما ياكلها الا يدعك ايدو بالتراب . وكان الموضوع موال كامل تداولته امدرمان. بنت عمتي رحمة الله عليها كانت شخصية قوية قال لها صاحب دكان في بداية الانقاذ عندما سألت عن سعر بضاعة فرد عليها بان البضاعة دي ما ليكم انتو فقالت له آي ما لينا نحنا . ده ما زمن شبع بيوت الجوع وجوع بيوت الشبع. في الستينات كنا نسكن في المدينة الجامعية في براغ (استراهوف) تضم اثنا عشر الف طالب وطالبة وكان لها مطعم ضخم يعمل فيه عشرات الرجال والنساء. والمدينة علي رأس جبل او تل عالي . وفي المساء ونحن جلوسا في البص اتت مجموعة من هؤلاء النسوة مسرعات للحاق بالبص وتعثرت إحداهن. وانفتحت حقيبتها الضخمة وتناثر بعض الطحين والسكر من الحقيبة. فقال احد الطلاب بصوت عالي هذا اكلنا. وبدأت الاصوات بالهمهمة والضحك وتأوهات مثل اووو. ولكن السيدة رفعت حقيبتها بكل بساطة وغسلت الجميع بنظرة باردة وقالت لإحدي رفيقاتها. الم اقل لكي لماذا لا افهم لماذا رفعوا اسعار اللحوم بينما البلاد مليئة بالثيران المخصية. انظري اليهم. يقولون هذا اكلهم. ولم تستعمل كلمة اكل بل استعملت كلمة( جرادلو) وتعني علف. نحن نقدح ونتعب من الصباح الباكر. بين ما هم يأخذون كراساتهم ويذهبون للمحاضرات ويأتوا ليجدوا الأكل جاهزا والدولة تدفع. وبعد ان ملأ هؤلاء الثيران المخصية كروشهم. يقفون للثرثرة مع الفتيات., ثم يذهب كل الي غرفته . حتي الفتيات يخيب ظنهم واملهم. ويتركون مهمة امتاع الفتيات للأجانب . من حسن الحظ ان هنالك بعض الأجانب الذين لا يفكرون كهؤلاء الثيران المخصية. قالوا لنا انهم سيبنون الاشتراكية هؤلاء الثيران لن يبنوا صندوقا . وكانت السيدة تستعمل كلمة فوول وهذه الكلمة تستعمل كثيرا في تشيكوسلفاكيا وتعني ثور مخصي. وإلي ان نزلنا من البص لم يفتح الله علي الرجال بكلمة. اختي نضيفة من اقوي الشخصيات في امدرمان لم اكن اخشي البوليس او الرباطين او البلطجية بقدر ما كنت اخشي لسانها. والغريبة انها ابدا لم تضربني حتي في صغري. وانا صغير قبل ان اذهب الي المدرسة كانت عندي شوكة في رجلي طعنتني في مشرع سنجا عبدالله. وبعد ان اخرجوها بالمنقاش بدأت في البكاء مطالبا بإرجاع الشوكة زي ما كانت وكانت جدتي الرسالة وعمتي فضل الموجود والدة نضيفة قد حاولوا اسكاتي بل (كروني بي تعريفة) ولكن لم اتوقف من إثارة المشاكل. واخيرا اتت نضيفة. وقالت انها قد لقت الشوكة وإنها سترجعها الي مكانها. وكان في يدها شوكة هجليج نص شبر. والمشكلة كانت بعد ذلك اخراجي من تحت عنقريب الساج الكبير. اختي نضيفة متعها الله بالصحة رفضت الزواج وكان عندها رأي في الرجال. وهي امرأة دغرية تقول للأعور أعور في عينو ولا تخاف من اي انسان. كانت ولا تزال تكره مسخرة الرجال. رفضت ابن خالتها خلف الله الذي هو من اشداء امدرمان واحد رجال القنيص وشخصية امدرمانية معروفة. وكان مثلي وغدوتي رحمة الله عليه. وقالت انا ما فاضية اكلو واكل سواقين لواريهو وكلابو. إلا انها زوجته بنت قريبتها. ورعت ابنائه. وكان خلف الله بالرغم من انه احد فرسان امدرمان يعمل لها الف حساب. كل الشباب والأصدقاء والطلاب الذين سكنوا معانا كانت نضيفة تجعلنا نمشي علي العجين وما نلخبطو. ولقد تعلمت منها الكثير خاصة المواجهة وعدم التهيب في قول الحقيقة. وعندما واجهها البعض قائلين انتي قلتي فيني وذكر عدة اشياء كان الجواب. صحي ده القلتو فيك لكن اسمع الما قلتو فيك. وقبل ان تكمل كلامها كان الشخص قد هرب. حتي شقيقي الشنقيطي رحمة الله عليه والذي كان مهابا لا نجرؤ حتي علي معارضته, يخاف من اختي نضيفة ولا يعارض لها رأيا او يجادلها. وكلمة يا ولد تحسم كل شيء. وعند وفاة شنقيطي قلت تنقاد للصغير يا الطويل وعريض وكت زعلك الحجر الاصم بيحيض. وبالرغم من هذا لم يكن يتطاول ابدا علي نضيفة . واذكر في الثمانينات كانت لنا ملبوسات من معرض الخركطوم الدولي ما ملأ صالونا كاملا من الملبوسات. ثم صرنا نصنع الثياب السودانية وكان لنا بوتيك في ابوظبي وبوتيك في شرع الموردة وبوتيك في مدني. وكالعادة السودانية اكرم الشنقيطي اصدقائه ومعارفه ونسي ناس البيت. وجاء غاضبا سائلا عن من الذي فتح الصالون وفتح الكراتين. وكان رد نضيفة انا دي. الثياب والفساتين والحاجات ما وزعوها علي كل البلد. ان الشلت واديت الناس. داك المركز امشي اشتكي. ما بتخجل كل زول جا هنا صحبانك طلع شايل ليهو توب توتبين وفساتين. وكمان جاي تسأل ما بتخجل؟ والنتيجة ان الشنقيطي عمل خلف دور سريع وتخارج من المنزل في رأس السنة 1985 وبعد حفلة رئعة ذهبت لقضاء الليل مع المهندسين الذين اتيت بهم من السويد في مسكنهم في الامتداد شارع 35. وفي الصباح ذهبت الي المنزل في امدرمان. وبدون ان ترد التحية سمعت كلام اقله يا زايع يا عايب ما بتختشي تنوم برة بيتك؟ دي التربية؟ ده آخر رجانا فيك ما بتختشي كمان جاي صباح الخير خير شنو.؟ . وبالرغم من الاعتزار وان البنزين معدوم . كان الكلام تركب تاكسي تقلع عربية تجي بكرعينك تنوم وسط بيتك. تحبي.. تدردق.. تصل تنوم جوة بيتك. وبالرغم من انني قلت نمت في الهند والسند والاسكا وطفت العالم واستراليا وامريكا. كان الكلام. كان مشيت السما الاحمر وجيت راجع في امدرمان دي تنوم في بطن البيت ده وكان تاني نمت برة البيت ده ما تجي تاني. ومن الليلة دي اول ما الواطا تفلل نشوفك قدامنا هنا . سامع؟. وصرت من ما الواطا تبقي الساعة 9 اتنفض وارجع بيتنا الا اذا اخذت اذن. ام اولادي اللتي ذهبت معي الي السودان ووالدة بنتي نضيفة قالت لي بعد الرجوع من السودان ما معناه . ما كنت فاكرة في زول بديك اوامر. السنة الماضية اتصلت بي صديقتي السابقة من تشيكوسلفاكيا. وارسلت لي بالبريد الالكتروني. صورها مع مجموعة من سوداني الستينات, الذين بقوا في براغ منهم صديقي وابن امدرمان حسن البكري كيلاني. وصديقتي السابقة آلينا كالاشوفا. قابلتها عندما كانت في السادسة عشر في عمرها. وهي وصديقتها داشا اسكومالوفا يدرسن في مدرسة الجرسونات والفنادق. وكن يتدربن عندما قمن بخدمتنا في مؤتمر الطلاب الافارقة. في المركز الكوبي براغ 10 وكانت تسكن في شارع نااولشيناخ رقم 16 . والد الينا الزميل الشيوعي يان كالاش. كان انسانا لطيفا. تقبلني في وقت كان للسود يتعرضون للضرب والشتم في الشوارع وقد يكون بدون سبب. وكان يدعوني لمنزله. واقضي معهم عيد الميلاد والمناسبات. وكان رجلا ملء هدومه. الا ان زوجته كانت تسيطر علي العائلة. وحتي ازواج بناتها الاثنين. وكان الكل يستمع اليها حتي والدة زوجها وابناء اشقاء زوجها وشقيقاته. وكان زوجها لا يخرج الا بموافقتها. وكان لا يخرج الا لتشجيع فريقه المفضل فريق بوهيميا. وفي احد الايام ارتفع صوت والدة صديقتي . وبعد الخروج سألت عن السبب. فقالت آلينا ان والدها يقوم بعمل (استوهو) . وتعني الوقوف علي اليدين. او كما نقول في السودان يمشي مشي العقرب. حتي تخرج كل الفلوس من جيبه. وانها تذكر قديما انه احضر مرتيه ولم يحضر معه الشريط الذي يحدد ساعات العمل والساعات الاضافية والضرائب...الخ. وحتي بعد اصراره انهم لم يعطوهم شريط المرتي ارجعته وقالت له اخبر رئيسك بأنك لن ترجع بدونه. وقد يكون السبب ان السيدة كلاشوفا كانت قوية , لانها قد شحنت مع زوجها وهي شابة صغيرة للعمل في المصانع الالمانية في ايام الحرب العالمية. ومات ابنهم الاول في تلك الظروف السيئة. وكثير من الشباب المتزوجين او الغير متزوجين والذين شحنوا لالمانيا. كانوا بالرغم من حالتهم السيئة, يجدون كثيرا من الود والتحرش بالفتيات والسيدات الالمانيت لان الرجال كانوا بعيدا في الحرب. والسيدة كا لاشوفا لابد قد ناضلت كثيرا لكي تحتفظ بزوجها اذي كان طويل القامة وسيما في تلك الظروف. لاحظت ان البزهور والشجيرات المتواجدة في شقة الاسرة جميلة. وسألت عن السبب. فترددت السيدة قليلا. وقالت لي سأطلعك علي سر لم اخبر به حتي اقرب صديقاتي. (ابنتي تقول انك تجيد الطهي . عندما تغسل الللحم قبل طبخه لا تتخلص من الماء. بل اسكبه في الشجيرات. انت تغسل اللحم طبعا قبل طهيه.؟ فقالت الابنة ما معناه ديل ما عندهم وقت .اللحمة ما بنتظروها برموها في الحلة طوالي. فقالت السيدة بعد ان قرصت ابنتها في مكان معين. (انتظروا ليه. انا اسي ما منتظرة لي زمن. ابوك حا يتم خمسين السنة الجاية وما منو فايدة. واللا شنويا ابونا. ) واحرجت. ولم ادري ماذا اقول فالرفيق يان كالاش كان شخصا لطيفا وكان يقبلني علي خدي. وقلت لنفسي هذه ما يقال عليها في السودان مرة قاهرة. بعد فترة قالت صديقتي ان امها تسأل اذا كنت اعرف وصفة من افريقيا لمساعدة زوجها. ولم تصدق خيبت ظنها. التحية.. شوقي..

http://sudanyat.org/vb/showthread.php?t=10329

Quote: يا ماما الناس في السودان بيقولو للواحد انت حلو في الشارع ناس طيبين خلاس

ها ها ها
الغريبه انا كنت قايله المشاغله دي مافي في الغرب،
لكن كدي تعالي ماشه جنب بنايه فيها عمال
مشكله, و المشكله الاكبر الرد، تقولي شنو؟ ما عندكم اخوات انتو؟

Quote: زمان اولاد الحلة قاعدين في االلستك شاغلو ليهم واحدة دقتهم كولهم

ده لو انا كل يوم اشغلها عشان ادقه
يا دكتورة انتي ما سمعتي دق الحبيب زي الزبيب

Quote: يا دكتورة انتي ما سمعتي دق الحبيب زي الزبيب

اقبض واحد شاغال هاهاهاهاها
اختي مرة مشو الاسكندرية في منتصف الثمانيات

ماشين لاقاهم ولد يشيل ويشاغل
عاينو ليه بخلعة سودااااااااني؟

قاليهم امال في الخرطوم بنشاغل روس!

Quote: اقبض واحد شاغال هاهاهاهاها

شـــنو يا دكتورة عملتيني شاغال .... فت مشاغله بس طوالي عملتيني خبير ..... هاهاها

Quote: اختي مرة مشو الاسكندرية في منتصف الثمانيات ماشين لاقاهم ولد يشيل ويشاغل عاينو ليه بخلعة سودااااااااني؟ قاليهم امال في الخرطوم بنشاغل روس!

لو كنتي معاهم كان الزول ده الله يرحمو .... زول محظوظ و الله

Quote: هنا لو ماشي التقت نظرتك يراجل ببستم في تحية وهزة لراس وانحناءة بسيطة..بكل ادب.

وهنا يابيان لازم تعاينى للزول جوة عيونو عشان يحس انك بتحترميهو
ومتابعة معاهو بكل حواسك..


فعلا اختلاف ثقافات محفزّ على التأمل

Quote: وياما في مسكوت عنو...

100% ساباسط


تعال شلع معانا المسكوت عنه
شلع شنو, ياخ دى ترسانات ودايرة حل جماعى

Quote: يعنى نسكت وننطم من زمن بص ابو رجيلة لمن كنا بنات صغار يعنى تكونى مالاقية محل تعقدى تضطرى تقيف ويكون وراك زول يتحرش بيك

أبدا ما نسكت وننطم لأنه دا أذى ملموس مادى ومعنوى وامتهان حقيقى من فرد معلوم وماثل أمام ناظريك والآخرين
لا يمكن مقارنته بنكرة يختبيء وراء الأيميل للتحرش بك ..أو أى (عديم تربية) فى السوق يقول ليك ما عندك ....لكن ...مثلا

Quote: يعنى ماممكن يتحول المجتمع كلو لبيضة وحجر لابدّ من كشف المستور ولابدّ من اثارة الرأى العام لابدّ من التشبيك وخلق لوبى يساعدنا فى انجاز صلاحية قانون يحمى انسانيتنا

أتفق معك يا عزيزتى جملة وتفصيلا فى ممارسات النظام العام لامتهان انسانية المرأة وفى بوابات الجامعات أيضا
ومعك لا بد من ايصال صوتنا أن هذا سلوك مؤذى... وربنا

Quote: المسألة ماشخصية بقدر ماهى قدرتنا لتحويل الخاص ده لعام معقول ننسى قصة سناء؟!! ده مش تحرش بانسانيتنا جميعا؟ فى كم سناء غيرها؟ تفتكرى لو ما اثيرت القضية دى للرأى العام مش كان لحسع المأساة مستمرة؟

ما عارفة ليه فهمتو أنه أنا بشجع على التعتيم وتغطية المشكلات وعدم نشرها للرأى العام
كل قضية تختلف فى ايدلوجيتها عن الأخرى يعنى قضية ايميل بذىء بتختلف عن اغتصاب ...مطاردة تلفونية وتهديد بتختلف برضو عن قضية سناء
فى حاجات بسيطة ممكن تتحل بهدوء زى ما ذكرت وفى قضايا عنف واغتصاب ما بنفع تتحل أسريا أو التعتيم عليها
يا ريت أكون أوضحت ...

Quote: الحلول؟!! دى مختلفين فيها... ممكن احكى مع زول قريب منى لكن ده مال الحل حتى على مستوى الأذى النفسى برضو مابحل كتير, بنج موضعى وبعدين تنفجر الجروح من جديد يعنى نتعرض لكل ده ولو فى سوق عام ونمشى؟ مانرد ولا نثير الرأى العام عشان ما نبرد للجانى حشاهو؟ لو عالجنا القضية بصورة شخصية فلكل منّا طريقتها فى الحل بالنسبة لىّ بعمل الاتنين

ممكن تحكى لزول قريب دى أوضحها أكثر طيب
أولا مبدأ أنك تنالى الدعم أولا من أسرتك دى لن أتنازل عنها فى وجهة نظرى ..ومن بعد ذلك يمكن حل المشكلة حسب ماهيتها وكمها وكيفيتها
لا بد من تحديد نوع الأذى والتحرش لأننا يبدو نتحدث وكلانا يحمل صورة مختلفة فى ذهنه عن التحرش ( وكل يغنى ليلاه)
قلتِ نعمل الأثنين ...
أنا فى رأيى لو الموضوع بسيط لا يصل الى ( الأعتداء المادى) ويمكن حله بهدوء كان بها
ما حاجة جميلة أنه اسم الواحدة يقترن بالفضائح والمشاكل ..لكن لو كان الموضوع تعدى فعلى كما حوادث الأغتصاب والتشويه فمن الحماقة والغباء أن لا نطرح المشكل للرأى العام ..الذى بدوره زائدا الحل القضائى يمكن أن يمثل رادع قوى جدا للآخرين

وفى كثير من الأحيان بستغرب أنه فى المنبر مثلا واحدة زول قال ليها كلمة ما كويسة ...تفضل هى شايلة الكلمة دى وحايمة بيها فلان قال لى فلان قال لى ..
طيب الفايدة شنو؟؟ عموما دى وجهة نظر وما ملزمة وممكن كثير ما يوافقونى فيها ...لكن برضو لكل منا معاييره المختلفة


تحياتى ليك ورواد البوست ولى عودة

العزيزة روزمين

Quote: ما عارفة ليه فهمتو أنه أنا بشجع على التعتيم وتغطية المشكلات وعدم نشرها للرأى العام كل قضية تختلف فى ايدلوجيتها عن الأخرى يعنى قضية ايميل بذىء بتختلف عن اغتصاب ...مطاردة تلفونية وتهديد بتختلف برضو عن قضية سناء فى حاجات بسيطة ممكن تتحل بهدوء زى ما ذكرت وفى قضايا عنف واغتصاب ما بنفع تتحل أسريا أو التعتيم عليها يا ريت أكون أوضحت

ابدا. عنى لم افهم انك مع التعتيم
وكل اللى ذكرتيهو هنا من اغتصاب, مطاردة تلفونية’ تهديد
ده لو فى بعده انتهاك للانسانية
وبالنسبة لىّ نشرها على الرأى العام بيعنى فى البداية بالنسبة لىّ تثبيت حقى فى الدفاع عن تأمين حياتى
الرأى العام والضغوط اللى ممكن يمارسها على الجهات التشريعية والتنفيذية

قضايا التحرش الجنسى وفى العديد من البلدان صارت قضية وبتعمل بعض الدول لحلها فى اطار استراتيجيات بتتبنى وفقا لقراية الرأى العام

Quote: أولا مبدأ أنك تنالى الدعم أولا من أسرتك دى لن أتنازل عنها فى وجهة نظرى ..ومن بعد ذلك يمكن حل المشكلة حسب ماهيتها وكمها وكيفيتها لا بد من تحديد نوع الأذى والتحرش لأننا يبدو نتحدث وكلانا يحمل صورة مختلفة فى ذهنه عن التحرش ( وكل يغنى ليلاه) قلتِ نعمل الأثنين ... أنا فى رأيى لو الموضوع بسيط لا يصل الى ( الأعتداء المادى) ويمكن حله بهدوء كان بها

اتفق معك ان الرجوع لزول قريب منك مهم فى مثل هذه القضايا. لانو دعمها بيعتبر بمثابة دعامة نفسية
ولكن......
لكن دى كبيرة جدا فيما يخص الحوار والانفتاح داخل الاسرة والحوار باريحية
المسألة مرتبطة بشكل الاسرة والتربية نفسها وده مرتبط بثقافة مجتمع
ولنبدأ نسأل اول الاسئلة ياروز
مش هى نفس الاسر اللى بيتقيف مع الطهور؟
مش بيبدأ فى حوشها التمييز الاول ضد البنات؟
مش فى الغالب بيتم التضحية بالبنت فى قضايا التعليم
ياخ نمشى بعيد ليه, من لحظة الولاده
بت ولا فارس؟

وضعنا كنساء بتبدأ بلورته داخل الاسرة
وكلما ترتفع نسبة التعليم والمعرفة داخل الاسرة كلما كان حظ بناتها اكبر فى الوضوح
واللجوء للاب او الام...

قبل ايام وفى وحوار مفتوح عن التربية الجنسية فى مؤسسة من مؤسساتنا هنا
ذكرت صديقة من كوسفو ان هناك كتاب نشر قريبا بيحكى عن الصلة بين الام والابنة فى المهجر
العلاقة بين البنات وامهن؟!!!!

طلبت الكتاب لانو فى رأسى دايرة قضايا كتيرة قامت فى تربيتنا على التابوهات والخوف

Quote: ما حاجة جميلة أنه اسم الواحدة يقترن بالفضائح والمشاكل

معيار الفضيحة شنو يا روزمين؟

لنرجع للايميل نفسه اللى جاء للاخت مياده
بالنسبة لىّ بعتبر انها شجاعة جدا
شجاعتها ممكن تكلفها الكتير
بالنسبة لىّ الفضيحة هى اسلوب الايميل واللى كتبو
مامهم هو منو بقدر مابتهمنى الذهنية اللى كتبتو

زول بيفتكر نفسه بكلام زى ده ممكن يخليها تتراجع عن افكارها اللى بتؤمن بيها
وعقلية زى دى مفروض تتعرى ويتم نقاش حولها...

السودان ده فى حاجات عجيبة
ومعيار حركاتنا النسوية فى السودان ماقاعد يتجاوز فى اغلب الاحوال العاصمة
ناهيك عن اطرافها الصغيرة والريف والهامش

ولسه الدرب طويل

شكرا لوجهة نظرك الرصينه
فى جملة رؤيتك بعتقد انو مافى اختلاف بقدر مافى تنوع فى فى وسائل علاجنا للقضايا
ذات الصلة بالنساء

معزتى واحترامى

إشرافه سلامى الكثير ليك ولى ضيوفك

موضوع التحرش الجنسى بعتقد إنه موضوع مهم جداً
وبعتقد إنه بإعادة طرقه مرات ومرات سوف يتم كسر التابو عنه ...

بتفق معاك فى كل ما قلتيه..وعايزه أضيف مسأله تانيه
هى مسألة التحرش بالمطلقات من قبل النساء قبل الرجال..!!
وهى تكريس للمثل السودانى (العزبه فى الفريق ونسوان الرجال فى ضيق...!!!)
لذا فى كثير من الاحوال يتخلين عن صديقاتهن بمجرد حدوث الطلاق ...
بل ويبزلن مجهود خرافى فى عزل المطلقه..
وأول الأسلحه هى الهمز واللمز فى إشارات غير مفصح عنها ( مصاحباها مالك يا غبيانه!! ممكن دى ما ممكن تختف راجلك)

وفى ثقافتنا السودانيه التقليديه المره المرأه هى الغلطانه فى كل الاحوال
عشان كده الواحده لما تجى زعلانه وعايزه تتطلق ألأخ ولا ألاب هو البقوم بترجيعها رغم إرادتها..
وإذا تم الطلاق رغم إردته يردد فى خجل((..مالو..الطلاق ما حق بنات الرجال...))

ألما إنسان القال (( دى مطلقه والمطلقات ما بتقدر عليهن...لأنك هموسكشول ))
هو ماسك فى المثل التافه الفوق ده..ومتجاهل إنه ممكن المطلقه دى ممكن تكون أخته أو أمه...

طبعاً النسوان هم من أكثر الناس البقومو بدور (حراس الثقافه)
عشان كده بنلقى الام والحبوبه هم البصروا على موضوع الختان ..ومرات رغم أنف الاب!!

حاجه تانيه
إذا طرحت رأيك فى مسأله ذات خلاف من المسائل المتعلقه بحريه المرأه
إذا كنت كنت طارحه نفسك كزولوله يساريه معناها إنه( الفكر!!! ) بدعمك عشان تمشى على حل شعرك...
وإذا كنت كوزه..بعد ما تميتى الصعلقه قمتى إتحجبتى...
وإذا كنت إنسانه عاديه..بدون هويه سياسيه...الهرمون قايم بيك..

تحياتى
ولى عوده
إقبال

Quote: إذا طرحت رأيك فى مسأله ذات خلاف من المسائل المتعلقه بحريه المرأه إذا كنت كنت طارحه نفسك كزولوله يساريه معناها إنه( الفكر!!! ) بدعمك عشان تمشى على حل شعرك... وإذا كنت كوزه..بعد ما تميتى الصعلقه قمتى إتحجبتى... وإذا كنت إنسانه عاديه..بدون هويه سياسيه...الهرمون قايم بيك..

سلامات يا اقبال


وكل سنة وانت طيبة..

في البورد دا قبل كدا واحد فتح بوست احذرو نساء المونوبوس
عرض وبشر ورقص صقرية.. الزول دا كان قاصدني
بعداك عرفت انه لما ثورة مايو قامت هو كان صحفي
يعني بيكون اكبر مني بي 25 سنة اقل حاجة.
ولقي الجيك اليجي يأطرني باليمنبوس دي
ودخلو رجال عملو الموضوع قرقراب وضحك
لما قررت ارد عليه بعد شهر وشوية
جو ناس الضحك ديل ذاتهم
يقولو ما المفروض وما شنو.
وفي واحد نادي زوجي بالاسم وقاليه صحصح معانا وطلبو بتأديبي
النموذجين ديل

بينتمو لاحزاب يسارية المفروض المراة تكون فيها مقدرة
يعني تنظير ساكت...
انا الان في السن دي وصلت ان كل الرجال واحد في السودان
يفرق بينهم الهلال والمريخ..
واي واحد مستعد يكذب ويقص قصص متخيلة عن اي واحدة بعرفها ولا لا
والا لماذا في شكلة في كرسي في حافلة
ممكن يقول الواحد لواحدة عاهرة ساكت كدا..

ولك التحية..

Quote: انا الان في السن دي وصلت ان كل الرجال واحد في السودان يفرق بينهم الهلال والمريخ..

بالغتى فيها يانجاة دى!!

نجاه سلامات
يا نجاه أنا قلت الكلام الإنتى عامله ليه كوتاشن دة..عشان ما عايزه أطلع ناس ملايكه وناس شاطيين...

لما فازت لسته الإتجاه الاسلامى فى أول الثمانينات.. كان فيها زميلتين من الجبهه الديمقراطيه...
وقف حسين خوجلى ووصفهم بالساقطات من مايكرفون الجبهه الإسلاميه فى نص الجامعه..
لما رفعو عليه قضيه قال أنا كنت بقصد إنهن ساقطات فى الإنتخابات ...!!!
رد عليه ممثل الدفاع قال ليه, لكن هن فائزات..وبالمناسبه الزميلات كسبو القضيه...

من كل مجموعه بتلقى فى ناس بستعملو الاسلوب ده...
لكن إذا نظرت نظره حياديه.. بتلقى الإسلاميين هم ألأكثر إستعمالاً ليه بدون منازع...

العزيزة اقبال

سعيدة والله بمداخلتك المليانة وبتلامس كثير من قضايانا العويصة

بتفق معاك فى كل اللى ذكرتيهو
وده سبب خلانى اطرح فرضية وكيفية التضامن بين النساء

مرات بتكون احلام وفنتازيا سياسية ليس الاّ

Quote: هى مسألة التحرش بالمطلقات من قبل النساء قبل الرجال..!! وهى تكريس للمثل السودانى (العزبه فى الفريق ونسوان الرجال فى ضيق...!!!)

اثرتى موضوع كتبت فيهو {بس لسه مانشرتو} منتظرة الوقت المناسب
الموضوع بعنوان {من مفكرة نساء مطلقات} والغريبة منطلق من ذات المثل اللى ذكرتيهو اعلاها
بتناول فيهو العزلة اللى ممكن تضرب على المرأة المطلقة
والتنميط اللى بيلفها ليوم دفنها

ساعدنى تواصلى اللامحدود مع نساء مرن بتجربة الطلاق وانطلقت من تجربتى
فى محاولة لايجاد افق يجعلنا نمارس حياتنا بعادية دون ممارسة اى ضغوط
وزى ماقلتى, المرأة بتلعب فيها دور كبير
واغلب النساء اللى تحاورت معاهن ذكرن لىّ تفاصيل شبيهة
واتمنى اتمكن من نشره قريبا واتمنى ان تساهمى فيهو برؤيتك وتحليلك العميق

فى انتظار عودتك ولى عودة ايضا

Quote: من ناحيه القصص، لمن اقعد مع اختي، و هي درست علم نفس و تعمل in counseling و بتحضر في دكتوراه في نفس المجال، و اسمع قصص طالباتها البيخافو يمشو لدكتور الاسنان عشان يتعالجو، او البنات البيتعرضو لتحرش من بعض افراد اسرهم و بعضهم بنات و لا يصدقهم احد عندما يتزمرو او الاطفال و قصصهم الحزينه، I feel sick in my stomach بتمني انه ربنا ينزل عقابه عليهم عاجلا

اها ده فى زيو كتييييييييييير يارحاب
لكن نقول شنو مع دفن الرأس فى الرمال؟



ياريت تلقى طريقة وتحكى نماذج عملية من واقع الحياة من زولة متخصصة
واثرتى نقطة اساسية وهى التحرش الجنسى من بعض افراد الاسرة

اها دى ام التابوهات وابوها ذاتو

Quote: تصدقي ايوه، حتي لو في السوق العربي، و حتي لو في قلب لندن و مريت بمجموعه بنايين، برد و بواصل، و الرد ما بالضروره يكون نبز او اهانه، مرات سؤال يكفي، كونها تاثر ولا ما تاثر دي سؤال تاني

وانا ذاتى برد يارحاب
برد باى طريقة المهم اعبر عن رأى وارفض ماحدث

فعليا حدث مرة فى الحافلة اللى فيها تلاتة مقاعد
قدرى الكرسى اللى فى النص قعد فيهو ولد كان مكشط بالشارلستون والدبابة الكبيرة ديك {ده شبط بالمناسبة اسمه الدبابة}*


مدّ يده كم مرة وكانت مقصودة
ماقدرت اقول ليهو وقف, خفت الناس تشيل حسى
لكن حس روح كان حاينقرش لوما رديت ليهو الصاع صاعين

انتظرت الفرصة وفى اللحظة اللى مدّ يدو مسكتها وقرصتو وحلفت ما ازح طفرى من طرف يدو
المسكين ما حايقدر برضو يقول الزولة دى قرصتنى لانو المنطق مابقرصو الاّ يكون عمل عملة ماياها

وحاتك بيكون فوت المحطة بتاعتو لانى كنت قابضة بظفرى { وكان لى زمانئذ ظفر غولة}
اعتقد انو كلما تراودونفسو يعمل عملة زى دى يتذكر الكرضمة فى طرف يدو بسبب تلك القرصة اللعينة...

وفى قصص تانية
المهم على المستوى الشخصى مابسكت.

-----------
الدبابة}* مش تربية انقلابات وكدى!!

يا إشـراقه

دى تخريمه ما عندها علاقه بموضوع التحرش الجنسى...
لاكنها ما أوف بوينت شديد..

لما تطلقى حتى ولو كنت إنتى الطلبت الطلاق.. برضو بيقولوا فلانه طلقوها..
وكأنه إنتى ما عندك إراده عسان تطلقى..
ومرات تجيك مره سامعه بيك تسألك بى شفقه.. ((مالك يا بتى خاربه بيتك؟؟؟)
(( يا بتى النسوان ديل كلهن مشربنهن المويه بى دودها ..وياهن ديل ماسكات بيوتن))

والله ما عارفيين نلقاها من وين ولا من وين..

Quote: دى تخريمه ما عندها علاقه بموضوع التحرش الجنسى... لاكنها ما أوف بوينت شديد.. لما تطلقى حتى ولو كنت إنتى الطلبت الطلاق.. برضو بيقولوا فلانه طلقوها.. وكأنه إنتى ما عندك إراده عسان تطلقى.. ومرات تجيك مره سامعه بيك تسألك بى شفقه.. ((مالك يا بتى خاربه بيتك؟؟؟) (( يا بتى النسوان ديل كلهن مشربنهن المويه بى دودها ..وياهن ديل ماسكات بيوتن)) والله ما عارفيين نلقاها من وين ولا من وين..

والله يا اقبال ده فى نص الموضوع
يبدو انو قبل اجازتى قبل ماتنتهى حا اقوم اكمل موضوع المطلقات ونظرة المجتمع ليهن
سوى فى السودان او فى المهجر

فكرة انو فلانة طلقوها بتوصل فعلا الى انو الزولة دى ماعندها ارادة

وبيتم الاتفاق عليهو
بس لمن تقع طوباتو وتتهشم مرايا العلاقة تقوم تطلع عقارب ودبابيب ما انزل الله لها من سلطان

يادوب تلقى نفسك بديتى تتوازنى وترتبى حياتك وفقا للوضع الجديد تقوم تواجهك الاسئلة

عارفة اكتر حاجة بتغيظنى شنو؟
لمن تسألك واحدة اسئلة فيها إيحاءات جنسية من نوع { عليك الله حسع مافاقدة الشىء داك}؟

وطبعا انا بحكها ولازم اعرف الشىء ده شنو؟
حسع ده ذاتو ما ذات صلة بالتحرش عليك الله؟
او تحكى مباشرة او تلمح عن ابتهاجها لانو ماشاءالله عليهو راجلها قايم باللازم وزيادة {ربنا يزيد, مايطلعونا كما حاسدات}
مرات بسأل نفسى هو ياربى مافى شىء فى الدنيا دى غير الشىء ده؟

وردى دائما بيجىء بتسمية الشىء ده باسمه,,,

شىء طبيعى انو الزول/الزولة تكون عندها احتياجات جنسية
وبتبقى الاجابة الموضوعية انو الطاقة دى كيف يمكن تفريغها.

تحتوى صغارك ويحتوك
تقرى
تسافرى
تمارسى ابداعك وكل فعل بيوازنك
تونسى جبريلك وتمشيبهو مشى الجن واللى قدرو { ينوم كل يوم فترااااااااااااااان}

جبريل ده ممكن يكون غيمة
نجمة
شجرة
لمعة فى عيونك
منتمى للسماء
وللارض

جبريل الروح
الله يهون وانشر الموضوع قريب
فخليك قريبة



-------
جبريلى ده ماعندو اى صلة لا من بعيد ولا قريب بى ابليس ..... هذا مالزم توضيحه



محبتى

Quote: نتمنى أن نؤسس من القوانين ما يردع كل شخص مريض من التحرش باي من أخواتنا وأخواننا

بدون القانون والتسويق لفكرتو
والوعى بيهو بيبقى راجيانا دهور ودهور


شكرا ياجعفر
وكل سنة واهل بيتك بخير

عزيزتي إشرقة القلوب الحزينة
لك التحية على فتح هذا البوست
أود أن أذكرك حاجة
وبعدين بجيك صادة لهذا الموضوع المهم
والذي يحتاج لفهم عالي وتضامن نسائي رجالي وتضامن نسائي نسائي
لوضع التشريعات المناسبة والمتبرية من العقلية الذكورية التي عوضاً عن
حماية الضحيا تلجأ لقمعهن

وددت أن أذكرك البحث الذي طلبت منا في طيبة قبل خمسة سنوات تفريباً
والذي طلبت منامعلومات عن النساء النازحات بسبب الحرب وظروف نزوحهن وكيفية ذلك

تلك الأيام يا أشراقة سكبنا قلوبنا دمع من هول ما سمعنا من النساء
واحدة حكت إنها تتعرض في اليوم أحياناً للإغتصاب أكثر من خمس مرات في اليوم
وهي لا تعرف كيف يمكنها تفادي هذا الأمر سوى بحمل كرتونتها والإختباء حتى لا يعثروا عليها

وهذه الكرتونة عبارة عن مسكنها.

وغيرها من القصص الفاجعة

أظننا أرسلنا لك بعض الصور

سوف أعود يا إشراقة
فأنا أتشظى حزناً وغضباً حينما أتذكر هذه المآسي

أ. اشراقه

شلت طوبه واتوكلت ودخلت البوست .. فى الواقع كنت ادخل خلسة اليه
واخرج هاشا باشا .. كأن لديكن مصنع للفرح

..

واصلو .. وبالمناسبه يا د. نجاة , انا مريخابي
وهو اقوى الايمان

تحياتى

اخت اشراقة..سلامات..
شكرا علي فتح واحد من جحور العقارب في مجتمعنا..
التحرش بالبنت يخدشها نفسيا..والتحرش الجنسي بالولد..يدمره جسديا ونفسيا..
أنا سبق قلت لأختنا أماني الأمين:

Quote: انو البوستات الحوارية حقو الناس تحاول توثق ليها وممكن النتائج الوصلو ليها الناس يلخصوها ويطبعوها.. عشان ده أسلوب تغيير الثوابت في المجتمعات .. عشان ما تبقي نقاشاتنا بس، للتفريغ النفسي..

وأعيد نفس الكلام ليك..ولي..ولغيرنا..
هل اجد من يوافقني الرأي؟؟؟

Quote: هل اجد من يوافقني الرأي؟؟؟

أخى علا الدين

اتفق معك جملة وتفصيلا بضرورة التوثيق لما نكتب
لان ذلك يساعدناعلى التفاكر والخروج برؤية واضحة
وتبقى فى النهاية القضية قضية تنفيذ وهنا معضلتنا التاريخية



شكرا انك هنا

Quote: شلت طوبه واتوكلت ودخلت البوست .. فى الواقع كنت ادخل خلسة اليه واخرج هاشا باشا .. كأن لديكن مصنع للفرح

مصنع الفرح يا محمد المشرف يكتمل حين نصنعه معا, نساء ورجالا
ونمهد لدرب يؤدى الى انسانيتنا, حيث لا تمييز



فى انتظار عودتك

شادية الشادية

Quote: وددت أن أذكرك البحث الذي طلبت منا في طيبة قبل خمسة سنوات تفريباً والذي طلبت منامعلومات عن النساء النازحات بسبب الحرب وظروف نزوحهن وكيفية ذلك تلك الأيام يا أشراقة سكبنا قلوبنا دمع من هول ما سمعنا من النساء واحدة حكت إنها تتعرض في اليوم أحياناً للإغتصاب أكثر من خمس مرات في اليوم وهي لا تعرف كيف يمكنها تفادي هذا الأمر سوى بحمل كرتونتها والإختباء حتى لا يعثروا عليها

لمن بدأت فكرة البحث ده ياشادية فى عام 2003 كانت فكرتو وهدفو هو وضوع استراتيجيات علمية
للعودة الطوعية للنساء النازحات
وتمويل مشاريع صغيرة للى حايقررن يقعدن قبلن فى اطراف الخرطوم
الحلم كان الاطراف دى تكون قابلة للعيشة الكريمة

طبعا بدون وقفتكن معاى فى طيبة واجراء العمل الميدانى وفقا لفرضيات واهداف البحث
لولا ذلك ما كان ممكن على الاطلاق انجازه..

لمن بديت التحليل بعد استلمت المواد, مرضت يا شادية
حصل لى نفس الشىء فى بحث الدكتوراه من خلال ماسمعته من قصص
نفسو خلانى اشرد من وظيفة خاصة بتأهيل النساء العراقيات

تجازت الزمن المحدد لتسليمه
والجهة الممولة قدرت الظرف النفسى والقصص اللى ترجمتها وقمت بتحليلها
عرفت يومها كيف كان وضعكن وانتن المشيتن للمعسكرات دى وسألتن النساء

الحكايات المسجلة
الاصوات المنكسرة
والدمعة الكانت بتعشرق لى فى حلقى

وصدقنى لو قلت ليك انو البحث ده لعب دور كبير فى توجيه رؤيتى لكتير من القضايا
شفتى النقة والنقة والكلام النظرى الكتير اللى بيحصل من زمن {استغلالنا} - بالغين
ده خلانى احس بانى اكثر انتماء لهؤلاء النساء وانو الباقى من عمرى بكرسو فى اتجاه النساء
المنسيات- انا ذاتى كنت منسية فى يوم من الايام-

عرفت يومها كيف مقدار صفوية حركاتنا النسائية فى السودان

يعنى لو ترجمت البحث ده وقرينا الكم الهائل من التحرشات والاغتصابات
اكيد حا نحتاج لعلاج نفسى...


شكرا ياشادية ولمجموعة طيبة ولكل ماقمتن به بصمت...

وخليك قريبة يا صديقة



---------
ساترجم بعض القصص لنعرف قسوة ذلك الواقع

فى الغرب للمرأه مطلق الحريه فى أن ترتدى ما تشاء
دون أن يكون ذلك سبباَ فى التعرض للتحرش الجنسى..
حتى العاهره يحميها القانون إن تقدمت بشكوى تتهم أحدهم بإغتصابها...
ومهنتها لا تعفيه من مواجهة التهمه..ولا تأخذهم به شفقه أو رحمه..

وفى كثير من داخليات الجامعات تجد هذا الاعلان Against her, against the law
وهذا يشمل أى سلوك عدوانى جنسى أو غير جنسى.

نحن هنا.. الضحكه البريئه تعتبر دعوه للتحرش الجنسى..!!

Quote: نحن هنا.. الضحكه البريئه تعتبر دعوه للتحرش الجنسى..!!

الضحكة البريئة بس
ياخي قبل تضحكي ذاتو بيكون في واحد عامل تست تيوب
لاي امرأة يلاقيها..
زمان لما كنا بندرس في معهد الموسيقى
اي زول يسسالك انت بتقري وين؟
تقولي ليه في معهد الموسيقى,,
طوالي يبدأ تجهيز انبوبة الاختبار
عشان يختبر فضيلتك.
دا لو ما طلع اروش وطوالي طرح نفسو بالطريقة ديك
بمرور الزمن بتقوم ليك قرون استشعار حريفة جدا..
بعدين لما تقري مسرحيات كثيرة بتعرفي الحوارات بتمشي وين..

طوالي تاخديها من قصيرها
وتواجهي التست تيوب
تقوليه انت بتقصد كدا)
طوالي بيدا في النكران واللف والدوران
ويغرق في شبر موية
بكل براءة وصوت عادي جدا ذي صوت مدي لي موية بالله تقولي ليه
اسع بيكون في واحد بيعمل الحركات دي لاختك..
طاااااااخ اخصاء نفسي للابد..
الحاجة دي مجربة وكنا بالجد بنستمتع جدا
جدا انك تسبق ليك راجل بكم لفة وتلبت ليه
وطااخ بالعكاز ..

والله الزول كان يعمل ليه ورشة عمل في الموضوع دا..

يا نجاة والله مافى حاجه بتستفزنى قدر البعمل نفسه عايز يسلم عليك..
ويمسك يدك ويفضل ماسكها لحدى ما تجيبى الاحتياطى المركزى عشان تفكيها

ده مش بستاهل اللبده فى اللفه..ده بستاهل سيخه مش عكاز بس...
لأنه بفتكر لمجرد إنه راجل إنتى ممكن تفكرى فيه..
ما عندك حتى خيار وفقوس

د. اشراقه الانسانه الجميله:
شكرا علي الروح اللطيفه الهادئه التي تديرين بها الحوار,
أغلب المشاركين والمشاركات اتفقوا في الاراء من حيث شناعة الفعل,
والاختلاف كما ذكرت في طريقة العلاج,
أراني أميل الي رأي روزمين, واوافقها في مجمل شرحها,
واختلف معك ورحاب في تفاصيل طريقة الرد,

أي امرأه ماأن تخط قدمها عتبة المنزل خارجه, والي حين عودتها,
تتعرض الي كل أصناف التحرشات,
ولايثني أحد كونها محجبه أو ملتزمه أو جاده ولا مكانتها الاجتماعيه ولا سنها ولا أي شئ اخر,
مما جعلني أؤمن أن الذي يقوم بهذا الفعل هو يرضي نقطه مرضيه بداخله,
أو أنه سلوك لأشخاص فاقدي السيطره علي أنفسهم,
اذا شرعت في الرد علي كل معاكس أو مجامل أو متحرش,
فهذا ارهاق نفسي أشد, واوافقك في ماتفضلت به يادكتوره ان لحظة الاختلاء بالنفس هي لحظة المعاناه الحقيقيه,
فعندها يكون الشعور بالألم والرفض والأسي,
صدقيني لايختلف عندي ان كان التحرش مجرد معاكسه ايجابيه للأشاده أو الانبهار,
أو لفظ سوقي خادش للحياء,
كله مؤلم,
كله عدم قبول لي كفرد أو انسان ومعاملتي كأنثي فقط,
تجريد من العلم والثقافه والمكانه الفعليه في المجتمع,
المهم اذا أردت الرد علي كل معاكس أو متحرش فهذا يعني أن أشرع في تاديب كل من يقابلني في الشارع,
والرد في حد ذاته فرصه للرد مره أخري من الطرف الثاني,
وعادة المتحرش عديم الاخلاق يتوقع منه أي شئ,
الدخول في هذا المعترك ألم نفسي أشد,

ولكن هذا لايعني أني مع الصمت أو القبول والخضوع,
فقط الموضوع درجات,
تتباين حسب الموقف والشخص الجاني,
فالمجهول لايستحق عندي الا التجاهل,
أما التحرش من شخص اعرفه,
فهنالك مائة طريقه وطريقه لردعه,
منها التصرف بمفردي, الي استشارة شخص أو اللجوء الي معاون,
وهكذا,
عموما اراء جميع المشاركات هي مدارس مختلفه في كيفية الرد ,

اذا اردنا الخروج بالموضوع من الحيز الشخصي الضيق,
الي التوعيه والحيز العام في حق الأخريات,
أو لردع الجناه,

فهذا موضوع كبير ولي عوده بشأنه,,,

مودتي واحترامي,,

Quote: ويمسك يدك ويفضل ماسكها لحدى ما تجيبى الاحتياطى المركزى عشان تفكيها

دي ما ياها التستا تستا ذااااااااتها.
اشيل لي قعونجة افضل من اصافح ناس التستا ديل
عشان كدا اسع البنات الواحدة تقوليك ما بصافح.

البعملو فيها مافي بت تقدر تقاوم سحرهم كما قال احدهم
بعدبن اذا رفضتي التستا دي يمشي يقول للناس شرانية ومعقدة وافكارعا سوداء





_________
انت اخت زهير المرضي..

أيوه يا نجاة...
كل ما أقول أجاوب على يروح منى فى الزحمه...
أنا أخت زهير الولد الظريف..الطريف..
وهو حسى فى السودان ..بقى بزنس مان ما أظن كبير...ها ها ها..
عنده أربعه أطفال

نهارك طيب يا امانى

Quote: اذا اردنا الخروج بالموضوع من الحيز الشخصي الضيق, الي التوعيه والحيز العام في حق الأخريات, أو لردع الجناه, فهذا موضوع كبير ولي عوده بشأنه,,,

اهو انتى مسكتى الخيط الاساسى
لو راجعتى كلامى وكل مداخلاتى بتدور حول الخروج بالقضية من حيزها الضيق والخاص الى الحيز العام

والخروج بها للرأى العام هو أس القضية واللى بيحدد مدى نجاحنا وانتصارنا فى محاربة التحرشات الجنسية والعنف ضد النساء وغيرها من القضايا الشائكة

فى انتظار رؤيتك متكاملة فى الاقتباس اعلاها, فقط حبيت اؤكد لك ان محور هذا الموضوع من اوله بالنسبة لىّ
ولبعض الاخوات هو الخروج بالقضية وفتح جراحاتها تحت الشمس


فى انتظارك وشكرا تانى لرؤيتك الثرة

Quote: والله الزول كان يعمل ليه ورشة عمل في الموضوع دا..

أهو بنتورش هنا يادكتورة

واصلى

Quote: فى الغرب للمرأه مطلق الحريه فى أن ترتدى ما تشاء دون أن يكون ذلك سبباَ فى التعرض للتحرش الجنسى.. حتى العاهره يحميها القانون إن تقدمت بشكوى تتهم أحدهم بإغتصابها... ومهنتها لا تعفيه من مواجهة التهمه..ولا تأخذهم به شفقه أو رحمه.. وفى كثير من داخليات الجامعات تجد هذا الاعلان Against her, against the law وهذا يشمل أى سلوك عدوانى جنسى أو غير جنسى.

كل القضايا دى متشابكة يا اقبال
وما كل الغرب غرب
تعالى شوفى النساء من روسيا القديمة واللى بيتعرضن ليهو من اتجار { وده موضوع كبير بيجهو يوم كان الله مدّ فى العمر ومطى الزمن}

بالنسبة ل Against her, against the law اعتقد مهم جدا التوعية بالقانون
حتى لايساء استخدامة
مرات لمن تتحول عقلية القاهر للمقهور بتبقى مشكلة كبيرة جدا

القانون اساسى
بس الوعى بالحقوق وتسويق فكرة القانون نفسه للنساء وللرجال بيخلى كل زول عارف حقوقه
حقوق تستمد شرعيتها من قانون مدنى يساوى بين الناس فى الحقوق والواجيات


ياختى جيتك بخيرها فما تغيبى

اشراقة الجميلة و ضيفاتها/ضيوفها الكرام/ت

كل مارس و انتو طيبين/ات ...

عارفة يا اشراقة، التغيير يبدأ من جوة
لما تتحرر المرأة من سطوة نفسها و ميلها للمسكنة و كسرة الظل
كتير بلاقي مستنيرات بيرجعوا لورا أول ما بوبات الحوار تفتح
و يتمترسن بالكرموزوم و الانوثة و الطيبة و الدعة
لما كنت بقيف ليهن و أقول ليهن انو الدلع مكانو الخدور ما العمل العام
كانو الرجال بيهبوا يدافعوا عن (اخواتهم) و نشيل انحنا وش القباحة و تركن
(الجندرية) لعباية الراجل المتفح عنها و تضيع قصتنا شمار في مرقة

انا ممكن أكون انسان .. صح؟
بتجرد مطلق ...
ليه ما نبقى انسان و نخلي اختلافنا في demeanor يكون اختيار فردي ما معلب و مقولب

ارجع تاني لبدايات هذا البوست ...
اللي هو عرض ما نتعرض له على الملأ (لفضحه) و (الحديث عن المسكوت عنه)
وهلم جرا من أفعال الكشف و كاننا نحاول إثبات مُستغرب من عجائب الدنيا
السبع أو كمن يغلظ الأيمان بأنه رأى طبقا طائرا يمر بسوبا ...

التحرش بالنساء لا يجهله أحد ألقي في جوه مثقال فكر ...
الفكرة في كيفية معالجة الظاهرة الاجتماعية
لما يكون مجتمعك لسة بيحبي في التعاطي مع شؤون الجندر،
من التسرع انك تجي ترمي ليهو أمراضو في وشو قبل ما يكون مهيئ للتعاطي معاها
و بلا روشتة دواء (نافذة) من جهة (متنفذة)...
اسلوب الصدمة (احتمال) ينفع في مجتمعات متقدمة في الوعي و راكية على تجارب
و دروس و عبر ..

شوف عيني يا اشراقة، زول دافع عن واحدة في معرض الكتاب لما زول جا نهرها علشان تغطي وشها
و الزول (الراجل الما خمج) لسه وشو ناير بالرجالة الفكاها لينا دي،
اتلفت نهر اختو ولا مرتو ما عارفة ...اد بيد و شال باليد التانية ...
ولكنه كُتب رجل شهم غصبا عني و عن جندرتي و الما عاجبو يحلق حواجبو ومن أمر في ماله ما ظلم!

و قيسي على ذلك ...لانو انتصار الرجل في النهاية ليك يا امرأة مرتبط عندو برجولتو ما بكينونتك
إلا قلة ممن رحم ربي و تطابق باطن افعالهم ظاهرها مع من ملكت ايمانهم أو عرفوا من النساء

نرجع تاني للبداية ...

الحرب دي، او الصراع ده بيهمنا انحنا النساء
وما بيقدر زول يغيرو غيرنا
أول التغير انحنا
جوانا
ننتصر لأنفسنا و نبطل سكلي و شكاوي و محن...
تاني بكرر ما بقول نقطعها في حنانا
بس نحيل الضرب لقوة
و نقوم تاني نثبت (فعل) ما قول نو انحنا قدر الكلام

لو قضينا الزمن في حروب مع هياكل البذاءة حنلاقي وقت نبدع فيهو متين؟
حنلاقي وقت للخق متين؟
حنزرع دروبنا متين؟

....

مدخل/عتب تاني للمراة
____________________

المشكلة في مسك العصاية من النص يا اشراقة ...
كتار من النساء بيرقصن على السلالم و عين في الجنة و عين في النار
مافي صدق مع النفس، وإن ضلت النفس ضل الفعل ...

تسعد ايامك ياعزاز

Quote: عارفة يا اشراقة، التغيير يبدأ من جوة لما تتحرر المرأة من سطوة نفسها و ميلها للمسكنة و كسرة الظل كتير بلاقي مستنيرات بيرجعوا لورا أول ما بوبات الحوار تفتح و يتمترسن بالكرموزوم و الانوثة و الطيبة و الدعة لما كنت بقيف ليهن و أقول ليهن انو الدلع مكانو الخدور ما العمل العام كانو الرجال بيهبوا يدافعوا عن (اخواتهم) و نشيل انحنا وش القباحة و تركن (الجندرية) لعباية الراجل المتفح عنها و تضيع قصتنا شمار في مرقة

بيبدأ من جوة صاح
لمن يتحرر المجتمع ككل

لو جينا نحلل الظاهرة دى يا عزاز بيكون فى اسباب ومابتكون جات من فراغ
احساس المرأة بالاستقلال اللى بيتكامل مع استقلال الرجل نفسة بيقود الى تحررنا كلنا
بيخلى العلاقة متوازنة فى المجتمع بين كل افرادة
كل زول عارف واجباتو وحقوقه
وده بيتعرف بالوعى
بمزيد من الحوار
بمزيد من الخطط
بمزيد من البحوث, البحوث المرتبطة بهموم الناس فعلا واللى هم اساس كل بحث يتعمل
على سيرة الانوثة يا عزاز, ده موضوع براهو..
مفهوم الانوثة والذكورة فى مجتمعاتنا وثقافاتنا؟!! ده نجيهو بروقة وفى وقت لاحق

Quote: التحرش بالنساء لا يجهله أحد ألقي في جوه مثقال فكر ... الفكرة في كيفية معالجة الظاهرة الاجتماعية لما يكون مجتمعك لسة بيحبي في التعاطي مع شؤون الجندر، من التسرع انك تجي ترمي ليهو أمراضو في وشو قبل ما يكون مهيئ للتعاطي معاها و بلا روشتة دواء (نافذة) من جهة (متنفذة)... اسلوب الصدمة (احتمال) ينفع في مجتمعات متقدمة في الوعي و راكية على تجارب و دروس و عبر ..

زى ماقالت اقبال المرضى فى احدى مداخلاتها القيمة انو بتكرار التناول للموضوع ده حايكون مقبول
وغير كدى بالضرورة مفروض ننكت كل الدود من جراحاتنا اللى اتراكم عليها الصديد
اتفق معاك فى التفاكر حول الآليات المناسبة للتغيير
وعشان تكون آليات ناجحة لابدّ من اشراك اهل الوجعة وبالطريقة اللى بيكون مدخلها سليم

فى احدى بحوثى ياعزاز عن { تعزيز المجتمع الريفى لمكافحة الختان وتزويج البنات صغيرات السن}
والذى اجريته بمساعدة فريق من ثمانية قرى فى وسط الجزيرة فى 2007 كان فى درس قيم جدا بالنسبة لى

فكرتى الاولى كان تحليل المادة from gender aspects
تمّ نقاش طويل مع الفريق
رؤيتهم خلتنى انحاز تماما ليهم وتغيرت خطة البحث كليا على اساسها

احدى المشاركات قالت لى:

مشكلة الموية دى بتخص المرة والراجل
والبلهارسيا اللى فى الترعة دى مابتفرق بين راجل ومرة
زى الباعوضة بتعضينا كلنا
اها الشفخانة الفاضية دى وضيق اليد والحال المايل مستهدفنا كلنا

وقفت فى الصيغة الجمعية فى كلامها....
ال...Community
بقى هو اساس التعزيز لمحاربة هذه العادات الضارة
والدرس الاول كان قيمة المشاركة الشعبية
تلاقح رؤيتنا مع بعض
لكن بهارعم كان حادق وطعم عقلى وروحى بآفاق جديدة
أسرتنى وخلتنى لحدى حسع افكر فى حاجات حصلت اثناء تواجدى هناك..
دونتها وانا فى طريق رجعتى..
ومازالت العيون اللى بتبرق بالامل بتصحى فينى الحياة كلما تماوتت فينى..

Quote: ننتصر لأنفسنا و نبطل سكلي و شكاوي و محن... تاني بكرر ما بقول نقطعها في حنانا بس نحيل الضرب لقوة و نقوم تاني نثبت (فعل) ما قول نو انحنا قدر الكلام لو قضينا الزمن في حروب مع هياكل البذاءة حنلاقي وقت نبدع فيهو متين؟ حنلاقي وقت للخق متين؟ حنزرع دروبنا متين؟

طيب ياعزاز قولى لى الحل شنو؟
يعنى لو دايرين نضع استراتيجية لمحاربة التحرشات الجنسية
سوى فى الشارع, البيت, المدرسة, مكان العمل الخ
مفروض نبدأ بشنو؟

تعالى نضع خطة لحل مشكلة التحرشات الجنسية واللى بنبدأ بتعريفها وخلفياتها التاريخية
البحث عن كل ماكتب فى الامر ده

اول شىء بنبدأ بتحديد المشكلة..
وتحديد المشكلة لابد انه بيتبلور من تناول القضية فى جو مكشوف ودون غتغتة
وبعدين نبدأ فى وضع الخطة

من عندى اقول لحدى ما اجىء بالتفصيل:

1. تحديدالاهداف
2. تعريف الفئة المستهدفة
3. المنهج المستخدم
4. آليات العمل
5. تحديد النتائج المرجوة
6. الخارطة الزمنية
7. المخاطر المتوقعة
8. الميزانية
9. التقييم

كل فقرة من اللى ذكرتهم اعلاه بتطلع منهم سواسيو جانبية
تنثر حبات قمح امانينا لاجل مجتمع معافاة
تسوده المحبة....

{والماعندو محبة ماعندو الحبة}


شاكرة ياعزاز لانك هنا تتحفينا برؤيتك ووعيك المتقد, الله يخليك

اعتذار حار للبادويث و القراء عن الشفقة و الكبكبة التي ادت لايراد الرد مرتين :)

اهل البيت كيف اصبحتوا واصبحت احلامنا؟












------
سعيدة بانهار الحوار اللى هدرت هنا, بقوة, بعنف, بحنان, المهم فى حركة

هناك تحرش فكري وتحرش مادي وتحرش معنوي وتحرش سلطوي والانسان ذكراً وأنثي معرض له واقصي درجات الامتهان ان تمتهن معنوياً وسلطوياً وتعيش غريب الدواخل

نبدأ بالفكري ..إذا انتهجت مبدأً مخالفاً او فكراً مغايراً لما يعتقده البعض يتحرشون بك ويصنفونك في خانة الشواذ فكرياً والعياذ بالله ..
التحرش المادي .. عندما تصير كل الحروف مادية وتغرب شمس الإبداع ويغيب البعد الروحي وعندما تكتب في اللا معقول يتحرشون بك يوصمونك بالجنون .. وتحرش مادي من نوع آخر عندما تباع المباديء ويتم التنازل عن الحقوق بثمن بخس في سوق الله اكبر
التحرش المعنوي موضوع الحديث فيه ذو شجون ولنا ولكم عودة

الدكتورة : إشراقة مصطفى
وضيوف البوست الكرام

أول حاجة: كل سنة والنساء بخير، أقوى وأفضل حالاً

الكلام عن التحرّش بالنساء بجميع أنواعه كلام طويل فعلاً، والحوار الدار هنا شمل (تقريباً) مجمل القضايا الهامة في هذا الصدد، ولكن يا دكتورة إشراقية؛ ماذا عن الاغتصابات الزواجية، ألا يُعد هذا من قبيل التحرّش الجنسي بالزوجة من قبل الزوج؟ كيف يُمكن توعية الرجال والنساء (على السواء) لممارسة الجنس داخل إطار المؤسسة الزوجية بطريقة تضمن كرامة الجنسين؟

وهذا الموضوع إهداء بسيط لحين الرد والمناقشة
الجنس والثقافة الجنسية في المجتمع السوداني

كل التحية

Quote: ماذا عن الاغتصابات الزواجية، ألا يُعد هذا من قبيل التحرّش الجنسي بالزوجة من قبل الزوج؟ كيف يُمكن توعية الرجال والنساء (على السواء) لممارسة الجنس داخل إطار المؤسسة الزوجية بطريقة تضمن كرامة الجنسين؟

تناول الموضوع ده داير حكمة وتروى ياهشام
سؤال مهم جدا
وبطبيعة العلاقة الزوجية القايمة على المحبة والرحمة
بيكون اى تجاوز للرحمة دى ينطوى على انو فيهو شىء من {الاغتصاب}
المهم ان يحترم الرجل رغبة المرأة لمن تكون ماعندها رغبة
وان تعبر هى فى الاول عن ده, لانو ماعندها قيمة انو تتم الشغلانة دى وهى منهكة وتعبانة وعينها طالعة

وتعبر برضو لمن تكون عندها رغبة
تعبر عن رغبتها فى انو يتعطر ليها زى ماهى بتقعد فى الساونة المطلحة
يهتم بروحة, يستحم ياخ, اها لو الموية قاطعة
والظروف مطلعة عينو
والدنيا قافلة معاهو
اها بيكون مافى حل غير يسف سفته ويجيها بردلووووووووووب

ده مرتبط بواقعنا يا هشام, واقعنا السياسى
يعنى لمن تكون كل الامانيات متاحة للمرأة, لربة البيت
من غسالة وخلاطة والرجل نفسو يكون شريك فى العمل المنزلى
ده بيقرب بين الاتنين
وبخليهم حاسين انهم متصالحين فى جواهم

يعنى مايدخل معاها المطبخ لمن يكون ناوى عليها والدنيا خميس

{إغتصاب} لمن تكون هى منهكة
وهو مايراعى ذلك
لكن هى المفروض تعرف تقول لا.. انا تعبانة
وتعرف تقول وتعبر انها محتاجة ومشتاقة ليهو
ولحدى ده مايحصل وعشان يحصل ذاتو مفروض نكافح اول شىء الطهور
والرتق
وراجل المرا الحل حلا
والتحرشات الجنسية
وده كلو لازم يرتبط ببرنامج سياسى
يساهمن فيه النساء مع الرجال خطوة بخطوة وفى التنفيذ برضو

تكون النهار كلو شقيانة ومع ذلك تقوم بواجبها فى سرير الزوجية
اللحظة اللى تتحول فيها الحميمة دى لواجب بتبدأ تبوظ الحاجات

وزى ماقلت دى موضوع كبير وبرجع ليهو بشىء من التفصيل
لانو العلاقة الزوجية دى فيها كم هائل من التعقيدات
وفى نفس الوقت سهل جدا حلّ التعقيدات دى
بالتفاهم
بالمودة
والرحمة {الرحمة دى مهمة جدا بالنسبة لىّ} واجمل آية فى القرأن الكريم بحسها أمنا وسلاما فى داخلى هى { وجعلنا بينكم مودة ورحمة}

يعنى الزوج اللى بيجى بردلب داك من غير مايراعى ظرف مرتو ده مافيهو رحمة
وكل مالعمل الانسانى دة يتم برتاضى وبرغبة حقيقية من الاتنين
بيكون كل شىء منسجم والنفس متصالحة
والغار مضاء


وبرجع تانى...

Quote: إذا انتهجت مبدأً مخالفاً او فكراً مغايراً لما يعتقده البعض يتحرشون بك ويصنفونك في خانة الشواذ فكرياً والعياذ بالله

شكرا ياعمر

فعلا ده تحرش ولو كانت إمرأة فالصاع صاعين


وفى انتظار ماسميته بالتحرش المعنوى

د. إشراقة وكل المتداخلين من الجنسين

والله حقيقة أن هذا البوست الذي طرقته لنا د. إشراقة وهذا الحوار
وتبادل الأراء من المتداخلين يئن له القلب ويتمزق ودعوني اعرج بكم وأعود إلى ماضينا
التليد وقيمنا الفضلى التي إندثرت بمرور الوقت ، حينها كنا عندما نتخذ المواصلات وسيلة
لنا لنصل إلى المكان الذي نقصده ووقتها كانت الشماعة والكراسي التي تعج بالركاب من مختلف
ألوان الطيف ، كنا عندما نرى إمرأة تمسك بالشماعة في البص أو الحافلة نقوم من على المقعد
الذي نجلس عليه وندعو من تقف وتمسك بالشماعة للجلوس وربما نقوم بدفع أجرة البص لها ايضا
دافعنا من ذلك إحترام المرأة وإحترام من يكبرنا سنا ، ولكن الآن هيهات أين نحن من هذه الخصال
التي ذهبت أدراج الريح ، لا أخفي عليكم سرا إن قلت لكم بأنني وفي إحدى إجازاتي السنوية قبل أعوام
مضت وقتها كنت أنوي الذهاب إلى الخرطوم من بحري الشعبية ، ركبت الحافلة وجلست في المقعد خلف قائد
السيارة وفي المحطة القادمة ركبت إحدة الفتيات ولم تجد مقعدا ومن وازع إحترامي لها قمت من مقعدي
ودعوتها للجلوس ويا ليتني لم أفعل ذلك ففوجئت بتلك الفتاة تصرخ في وجهي وأمام مسمع ومرأى الركاب
صاحت في وجهي : تعرفني من وين عشان تقوم لي من كرسيك ؟ صدقوني لم أغضب ولم أتفوه بكلمة واحدة لها
فعدت وجلست في مقعدي وشاء القدر أن أنزل في نفس المحطة التي نزلت فيها بجوار القومسيون الطبي بالخرطوم
كنت أسير أمامها وفجأت إلتفت ورائي فإذا هي تناديني أقيف لو سمحت وكنت أظن أنها سوف تلقنني درسا آخر أو
أنها سوف تنهال على بالشبشب على رأسي طالما كان موقفها مني في البص . ترددت كثيرا في الإستجابة لها والوقوف
ولكنني تماسكت وقررت بأن أرد عليها إن تطاولت وبكل أدب إعتذرت لي هذه الفتاة عما بدر منهاودعتني بأن أذهب معها لمكتبها في القومسيون الطبي ولم أتردد في ذلك ليس لأمر سوى أن أعطيها درسا لما بدر منها نحوي في الحافلة . جلست معهانصف الساعة عذرتها في ما قالته لي بأنها قد تعرضت لمثل هذا الموقف من قبل وساء ذلك الشخص مقصده بمعاكستها عندما نزل معها ، عذرتها في ذلك ووجدت لها العذر وخرجت منها مودعا ومنذ ذلك الوقت وحتى تاريخه تربطني بتلك الفتاة التي تزوجت فيما بعد بعلاقة أسرية ممتدة هذه اللحظة ، ما جعلني أثرد هذا الموقف هو أن أقول أن كل من يتحرش بمرأة أو فتاة يعتقد بأنه الرجل الوحيد في هذا الكون الذي يمكن أن يستدر به حنان هذه المرأة ثم أنه مريض نفسيا وتناسى بأنه له إخوات يمكن أن يتعرضن لهذا الموقف ، صدقوني لقد إندثرت سحنة الرجولة وإندثرت معها نخوة الشهامة والعزة وقبل ذلك الوازع الديني ، أما نصحيتي لكل مرأة وأخت عاملة كانت أو طالبة أو ربة بيت مهاجرة كانت أم مقيمة بأن تتجاهل مثل هذه النوعية من الرجال وألا تعير لهم إنتباها ولا تحاول الرد عليه اللهم إلا وإن تطاول ومد يده وهنا الشارع أو المكتب كفيل بأمره
لن تستطيع الواحدة منكن الرد على المئات من أمثال هؤلاء السفهاء وتحاشيا للضغوط النفسية لنعود إلى مقولة
الكلاب تنبح والجمال ماشة ...

مع تحياتي

مع تحياتي

الاخت د. اشراقة.

لك التحية وضيوفك الكرام.

التحرش كما ذهبت قضية شائكة وتزداد تعقيدا كلما نظر اليها كل شخص من زاويته الخاصة.
انا شخصيا همى هو البيئه بنوعيها الطبيعى والاجتماعى.
تخيلى يا دكتورة قالوالجين ( والا الجنى ما عارف) قالو عندو قابلية لتسجيل سلوك الفرد بطريقة ما وتوريثه للاجيال القادمة. كما انه يتفاعل مع البيئه ويحفظ انطباعاته ليورثها ايضا.

اذا صحت الفرضية اعلاه فان مستقبلنا سيكون شديد العتامه.


كل الود

بوست قاسي آخر ...

بعض المنظمات المطرودة استقدمت (عاهرات) لتمثيل مسرحية الاغتصاب !!!

مؤلم جدا جدا......

جدا جدا......

..

لاحظي بين القوسين .....دعونا نفترض ان العمليه تمثيل
فلماذا عاهرات بالتحديد...
لماذا ليس شريفات قمن بالتمثيل
في قسوة غير اعتياديه وانا زاتي شاعر بتأنيب ضمير اسي
وآسف جدا علي نقل البوست اعلاه...
ولكن فيه تحرش

Quote: وزى ماتساءلت فى بداية مداخلتى انو النساء- دون تعميم- اكثر انجرافا وراء الثرثرة وضد بعض لاسباب لاتكون فى الغالب منطقية ولا قائمة على أسس موضوعية. ده سببو شنو؟!! معرفة الاسياب بتخلينا نشوف الدرب بشكل افضل..

اقوليك ليه صعب جدا تعملي مع النساء بدون مشاكل..
المثقفات خاصة..

في حياتي الطويلة دي ما حصل دلدلتا كرعيني تحت طاولة
فيها نساء مجتمعات لعمل اي حاجة..
لقناعة كاملة الشغل حينتهي بزعل وفلانة قالت ونحنا قلنا
بعداك الهدف قبل الانجاز حيكون الظهور..وسرقة الاضواء
والحاجة دي زمان قلنا انها ناجمة عن عدم الوعي والتعود على العمل الجماعي
بينما لو شوفتي امهاتنا مثلا
اي عزومة.. بقولو فلانة مشهورة بالمحشي تسوي المحشي وعلانة كمونيتها شنو تعمل هلى الكمونية
الهدف تطليع اكل سمح..مافي واحدة بتقول لا انا بسووي المحشي احسن
ولا تغالط ناس يقطعو البصل وناس يحمرو دا
شغل متناغم جدا.. ونتيجته تطلع مية المية..
يلا عندي اختين نشيطات جدا ممكن يدليدن كرعنين تحت تربيزة فيها نسوان واحدة مهتمة بالسينما واسست نادي السينما في عطبرة
واحدة بتاعة علم نفس ..اها ديل طوالي شغالات شكية
فلانة وسوينا شنو قالت شنو وفلانة انا عملت ايه جابت شنو
برضو صاحباتي الناشطات طوالي في حالة شكية والغريب الطرف الاخر بقول نفس الحاجات دي..
تجي نسال انه التعليم قاعد يفسد المراة بدل يكسبها وعي يخليها تعمل في منظومة بتناغم
بعداك تتحول لزول ما محتمل...في العمل الجماعي..
عشان كدا با اشراقة نهائي ما قاعدة اشتغل شغل جماعي,,
لو بقدر اعمل حاجة براي بعملها شغل فلان جيب وفلان اعمل بعتذر
تجي مشكلة ليه الحاجات دي بتحصل؟
لانه بالجد نحنا ما ناضجين كفاية عشان نشوف ابعد من ذواتنا
وهل الاجيال الجديدة بتقدر تتفاهم وتتعاون اكثر؟
هل لانه الواحدة البتشتغل في العمل العام بتفتكر انها بتعمل في حاجة خارقة؟
عشان الرجال الكجامات الحولها شغالين تعويق ومقاومة الحاجة دي بتديها
احساس بالعظمة حقت ويييييي وصلت الميس؟؟؟
عموما في بلد فيها مثل بقول لو كسبت التجارة المرة والحمارة لو خسرت التجارة اخير لي الحمارة.
مشوارنا طويل نشتغل في نفسنا ونصلحها ونشتغل في بناتنا
وسنة سنة خلاص وصلنا..
عادة الشغل مع الرجال اريح للنساء والعكس بالعكس

كرس روك عنده ا نكتة بحكي كيف النسوان بكرهن بعض وفي كل مكان الواحدة عندها زولة بتقول عليها
عايزة تدمرني.حروب نسائية افيري وير.

يا د. بيان
احتراماتي


معليش لا اود بتاتا تحويل مسار هذا البوست..
لكن البوست القبل شوية ده اتسحب ولا شنو؟؟؟؟؟؟؟؟؟؟

Quote: معليش لا اود بتاتا تحويل مسار هذا البوست..

تعالى هنا.. قبضناك {متحرشات} لاجل مشاركتك يا حنونة..

والله يا اشراقة وحات محبتي ليك البتعرفيها....بوستيك ده مكانه فوق...بوست الموسم...لكن بس تقولي شنو...كل ما نقول نجي علي بي رواقة...تظهر لينا انصرافية....

Quote: لكن البوست القبل شوية ده اتسحب ولا شنو؟؟؟؟؟؟؟؟؟؟

ياتو يا حنة؟

بتاع


حتى انت يا بروست...الطوالي جيتي دايرة تديني ضربة كبك وفشلتها ليك بالمودة يا جميل
هههههههههههههههههههههه

انساك منو...ده موضوع ميت

Quote: تظهر لينا انصرافية....

{لولا الانصرافية لما عرفنا قيمة الوقت الثمين}- وش بجضوم مشروق


فى الكتير المفروض يتقال وفى انتظارك

Quote: حتى انت يا بروست...الطوالي جيتي دايرة تديني ضربة كبك وفشلتها ليك بالمودة يا جميل

اوكييييييي
بالله انسحب ؟
بركة كيتا لسيدو العمل لينا اكامبو
اغصتاب وما اغتصاب
التقول ميادة كوشيب..
اعلمي يا اخية يتقطع الكبك ولا اهبش سبيبة من شعرك...
نحنا بنعرف نحب ونحفظ الود احيانا...
بس انت هدي اللعب حبتين يا بروتس..(وش ضاحك)

ليه احيانا يادكتورة بيان

انحنا بنحفظ الود كله ودائما....
انا لا تداخل لي مع سيد البوست دخلت لموضوع تاني..
بالمناسبة ولو حصل واتداخلنا في اي عكة مستقبليا: وده وارد" ههههههه حتى لو اختلفن وجهات النظر صدقيني لن تجدي مني الا كل الاحترام يا ملكة..
ومن اسه لو اي سوء فهم حصل تاكدي اني انا الغلطانة..
تسلمي من كل شر..

انا يا بيان لا اجنح للصدام ولا احبذه ولا احبه...لكن صدقيني لبس الكبك احيانا فرض.

مودتى التي تعلمين..

Quote: الاخطر من التحرش الجنسي محاولة تبسيطه والباس الضحية لبس الجاني

كلامك مئة المائة يا وليد

وكلام الجانى ده بيمثل ذهنيات لناس موجودين فى الحياة وفى اسافيرنا
والذهنية دى مفروض تتحارب
ومابتتحارب الاّ بالمواجهة
والنقاش المكشوف وواضح

عسى ولعل يجىء يوم يكون الاحترام هو السائد
وماعداه يذهب الى الجحيم

فى مارس: مابين الفعاليات النسائية و Hunder Kosmatik {يوجد حوار مصور}



ذات صلة بمارس

فى مارس: السعلوة والرجال {البلهاء}....

Quote: بدايات....ليست سوى {حسكنيت} الحاضر! ليتنى اجد تلك الايادى التى ملحت ذلك {الكجيك} ليتها تهبنى مرارة الملح فتهرى ماتبقى من نبض... للكجيك رائحة تعبث بالذاكرة، تمطر كل الوجوه المكحلة بالفقر والرضا وانتظارعزرائيل ليأخذ وديعة المولى والكجيك رحمة الفقراء من امثالنا... اولئك الذين يفطرون فسيخا، {يتغدون} كجيكا {ويتعشون} بباقيه... الخور الذى شقته ايادى الرحمة ليهب فقراء ذاك الحى سمكا تبرع بعض ايادى الامهات فى تحويله بقدرة قادر الى كجيك... تحتج جارتنا التى {جلبها} ذلك الرجل الطيب لتقضى له حاجاته بدء من ابريق الوضوء مرورا بتفريغ طاقاته حين يجنح الليل وتصرخ الرغبات، عاشت معة راضية مرضيه {بالقليل وبالقاسمو ربنا}... حاج آدم، رجل من الدمازين، لا ادرى لماذا سموه حاجا وهو مازال فى ريعان الصبا وعنفوان الحياة، متزوج من ثلاثة واحدة فى الدمازين، والاولى من سنار والاخيرة... حتالة اشتهاءاته من كوستى... فى عينيه بريق خلب دهشة عيوننا المراهقة حينها وكنا نحكى بشغف لاكتشاف قدرته العجيبة فى التجول فى ثلاث صحارى وفيافى وحقول، الا يفتر هذا المعتوه... كان كجيكه طاعما ولاندرى اى من حورياته الثلاثة ملحته بدموعها وصبابات عمرها الضائع بين امرتين ورجل... ذاع الخبر فى الحى ان كجيك حاج آدم مملح { بالعروق} التى تسحر النساء ولاينفكن من الغوص فى عينية الكحيلة، لاتعرف البنات ان كانت عينيه كحيلة ام هى خيالات قدرته الخارقه فى اغتناء النساء... ولكنا عرفنا ان الجكيك الذى يجلبة من الدمازين يجلب الحظ، وستتزوج الصبيات بربيع عمرهن، ربما كان ذلك احدى اسباب ثرائه وسفره المتواصل للدمازين مرورا بسنار، يجلب كمية أخرى بعد ان يكون قسم ربيع جسدة بين تلك المدينتين وحين يعود تفوح رائحة الشاف والطلح والدخان عنان السماء، فاطوم تستعد لليلتها وان حاج آدمو فى طريقة لتفكيك صواميل لوعتها... همسات الصبيات وقشفاتهن تثير مكامن الاحلام ان تفوز كل بى آدمها... لابد ان تكون فيه رائحة الكجيك الذى منح آدمو هذه القدرة والفروسية فى حفريات الجسد. الراوية لاترغب فى اثراء تلك الذاكرة والكجيك مدخل الى أناشيد وهضطربات، لعنات وغوايش للحكاية .... هذا مالزم للتنويه دون ان يتعب القارىء فى فكفكة النص... اما القارئة عليها البقاء حول بئر العروق التى تمحى الاسى وتبعث الضحك الذى يثير العجب وثورة الرجال....وصوت الحبوبة يزجر { يابنات الضحك من غير سبب قلة أدب}. هن الحبوبات... ماطرات المحنة وفاتحات ابواب الرحمة فاتحات افخاذ الصغيرات لتلك المرأة ذات الشنطة الحديدية التى تراصت فيها مشارط الحلم الانسانى، مقصات اللوعة وشوق صبابات الانثى... الحبوبة {ام محن} تأمر السيدة { السعلوة} بان تجزر مدخل الخصوبة حين يشتهى المطر جزر نديهة النساء الغولة تقص... تجزر فى صحراء القلب امرأة تتمدد كل ليلة دون ان تجلجل روحها بالفرح ودون ان تعزف موسيقى جسدها حشرجة الموس لهفة المشرط الغائص فى لحم البنية صوت المرأة ذات الصوت الاجش يزمجر { ماتخلى حاجة فيها، اللالوبة دى فيها رجس الجن}، عليك اللعنة ولم يكن زورا حين أطلقوا عليك {الضكرية}... كنا حين نجلس تحت شجرة اللالوب نتحسس آهة حماماتنا المذبوحة بين افخاذنا الصغيرة ولم يعد لهذه الشجرة طعم وصارت عروق {مشحطة} تدل حاج آدمو الى اشتهاءاته!! ومع ذلك فالحبوبات طيبات يناولن اباريق الوضوء لرجالهن وتنساب فيهن ذكريات بعيدة ورائحة دخان جمال الزيتونة يفرك كجيك لهفتهن بآهة المرأة الممشوقة التى يتراص الرجال البلهاء امام بابها يستعجلون فك سراويلهم قبل ان يصيبهم البلل اللعين فتخور رجولتهم المنفوشة كديوك كاذبة... المرأة الزيتونة.. فارعة القوام والضحكة، اشتهيت وانا صبية ان اكون مثلها، ان يعشقنى رجل مثل مافعل أحمدو، الكل يشهد بعشقه لها، حتى شجرة اللالوب الحزينة التى ماعادت تقىء حتى نفسها من حريق الروح، والبعض كان يعرف بان له خليلة تفج له صفوف الرجال البلهاء وتجذبه من سرواله النصف منزوع، ويقال ان له ابنا منها، مات مقتولا بعد ان نزف دم فجيعة امه وارتوت به باعوض المستشفى الوحيد فى البلدة. حين نبض قلبى لاول مرة لذلك الولد {الاصفرانى} وهو يدس فى يدى قصاصة كتب عليها...انى احبك حبا جما، كنت لزمن طويل افخر بانه أحبنى كاتبا عظيما وذلك قبل ان اكتشف انها {ملطوشة من احدى الايآت الكريمة_ ويحبون المال حبا جما}، حين كبر صار { كوزا} فادرك الصباح مغزى رسالته الاولى وسبحت الاشجار بحمد الله ان نجانى من اللذين يحبون المال والنساء ويبدلوهن كجلالبيهم التى ماعادت تخبىء رغم اتساعها كروشهم التى بلعوا فيها الوطن. وخاب حلمى الاول بان يفرهد عمرى كما فرهدت الزيتونة وغردت، كانت جميلة وعيونها نبيهة وعقلها منفتح للشموس الحنينة، فى بيتهم شجرة لالوب تختلف عن تلك فقد كانت مزدهرة طول العام، لايقطف ثمرتها الا من واعد جبريل، فرهدت الشجرة وعانقت السماء يوم رش أحمدو ماء روحه الذى لم تطاله تلك المرأة التى مازال الرجال البلهاء يتراصون على بابها وضحكات الزيتونة، ورقص جسدها ونيران اشتهاءاتها {بقت} وولعت الحى التعيس... والحبوبات يتهامسن ان كانت طورية أحمدو شقت نهر الزيتونة، يتغامز النسوة بين التأكيد والنفى، كنت استرق السمع لهن ورذاذ صوت العروسه يرشق جسدى الصبى الفاتن بالحياة باغنية شجية{ خلاص كبرتى وليك تسعتاشر سنة} وتمنيت ان اشب سريعا ان اكبر مثلها وان اطرب نساء الحي وهن يتحسسن خصوبتهن كما فعلت فيهن الزيتونة... يوم الاربعين اتلمن نساء الحى والصبيات وتجمعن فى بيت الزيتونة، حلة الكجيك تفوح، البليلة تغلى فى نار اشواق النساء لفك طلاسم الطريق لطورية حفرت اربعين يوما فى ارض الزيتونة، كنت الوحيدة التى احس بان النهر انشق عن حكاية وفاض بحزن غريب مازال يسطع فى عمرى كلما غفوت سهوا عن جمال عينيها، شىء ما فيها مطفىء، لمعة جسدها وزمهرير صوتها ودندناتها توارت خلف حكاية غريبة.... حكاية تفجر الحين صهيل قلبى وحنينه واناشيده المهترئة، الحين تنتصب اصابعها الطويلة والشهية كاشجار قهوة برازيلية.. تدخلها فى دم النهر الفائر لاكتب لوعتها ونزوع فجرها للحياة... حكايتها.. هى حكايتى.. حكاية انثى البلد المطمورة بال..... إشراقه مصطفى: ذات ذاكرة وهطول 2007

عزيزتي إشراقة
حاولت اليوم المشاركة في إحتفالات 8 مارس
وأبى لي
ما قدرت
فتحت عدد من صور النساء في بلادي التي هي حتماً أكثر من مليون ميل مربع

يمكن مليون ميل كبير

المهم
تراءت لي صور كثيرة
وحزينة

وقلت أهدي 8 مارس 3009 لأرواح عانت التحرش والظلم والإغتصاب والجلد بتهم الزي الفاضح

أهدي 8 مارس 2009 للطفلتين في الخرطوم التين إغتصبهما خالهم شقيق أمهم
الرجل البالغ العاقل المكلف المسؤول
ونجى بفعلته

جلست وحدي أشعلت شمعة
وعاهدت نفسي سأعيش فقط لماهضة العنف ضد المرأة بكل قدراتي

تعظيم سلام يا اشراقة..
و كل سنة و انتي و ضيوفك طيبين

كنت أرغب في الدخول مبكرا و الحديث على مهل..و لكن لا الزمن و لا الامكانات المتاحة سمحت لي..

أتفق مع عزاز تماما هنا

Quote: عارفة يا اشراقة، التغيير يبدأ من جوة لما تتحرر المرأة من سطوة نفسها و ميلها للمسكنة و كسرة الظل كتير بلاقي مستنيرات بيرجعوا لورا أول ما بوبات الحوار تفتح و يتمترسن بالكرموزوم و الانوثة و الطيبة و الدعة لما كنت بقيف ليهن و أقول ليهن انو الدلع مكانو الخدور ما العمل العام كانو الرجال بيهبوا يدافعوا عن (اخواتهم) و نشيل انحنا وش القباحة و تركن (الجندرية) لعباية الراجل المتفح عنها و تضيع قصتنا شمار في مرقة انا ممكن أكون انسان .. صح؟ بتجرد مطلق ... ليه ما نبقى انسان و نخلي اختلافنا في demeanor يكون اختيار فردي ما معلب و مقولب ارجع تاني لبدايات هذا البوست ... اللي هو عرض ما نتعرض له على الملأ (لفضحه) و (الحديث عن المسكوت عنه) وهلم جرا من أفعال الكشف و كاننا نحاول إثبات مُستغرب من عجائب الدنيا السبع أو كمن يغلظ الأيمان بأنه رأى طبقا طائرا يمر بسوبا ... التحرش بالنساء لا يجهله أحد ألقي في جوه مثقال فكر ... الفكرة في كيفية معالجة الظاهرة الاجتماعية لما يكون مجتمعك لسة بيحبي في التعاطي مع شؤون الجندر، من التسرع انك تجي ترمي ليهو أمراضو في وشو قبل ما يكون مهيئ للتعاطي معاها و بلا روشتة دواء (نافذة) من جهة (متنفذة)... اسلوب الصدمة (احتمال) ينفع في مجتمعات متقدمة في الوعي و راكية على تجارب و دروس و عبر .. شوف عيني يا اشراقة، زول دافع عن واحدة في معرض الكتاب لما زول جا نهرها علشان تغطي وشها و الزول (الراجل الما خمج) لسه وشو ناير بالرجالة الفكاها لينا دي، اتلفت نهر اختو ولا مرتو ما عارفة ...اد بيد و شال باليد التانية ... ولكنه كُتب رجل شهم غصبا عني و عن جندرتي و الما عاجبو يحلق حواجبو ومن أمر في ماله ما ظلم! و قيسي على ذلك ...لانو انتصار الرجل في النهاية ليك يا امرأة مرتبط عندو برجولتو ما بكينونتك إلا قلة ممن رحم ربي و تطابق باطن افعالهم ظاهرها مع من ملكت ايمانهم أو عرفوا من النساء نرجع تاني للبداية ... الحرب دي، او الصراع ده بيهمنا انحنا النساء وما بيقدر زول يغيرو غيرنا أول التغير انحنا جوانا ننتصر لأنفسنا و نبطل سكلي و شكاوي و محن... تاني بكرر ما بقول نقطعها في حنانا بس نحيل الضرب لقوة و نقوم تاني نثبت (فعل) ما قول نو انحنا قدر الكلام لو قضينا الزمن في حروب مع هياكل البذاءة حنلاقي وقت نبدع فيهو متين؟ حنلاقي وقت للخق متين؟ حنزرع دروبنا متين؟ .... مدخل/عتب تاني للمراة ____________________ المشكلة في مسك العصاية من النص يا اشراقة ... كتار من النساء بيرقصن على السلالم و عين في الجنة و عين في النار مافي صدق مع النفس، وإن ضلت النفس ضل الفعل ...

أضيف أن بعض الطرح يضر بالقضايا العادلة للنساء...
فالكون لن يتحول الى عوالم وردية للمرأة ان هي أعلنت الثورة (ان لم نقل الشكوى) في الهينة و القاسية! فهو لم يكن يوما عالما ورديا للرجل حتى في عز عصور الهيمنة الذكورية!
لذلك حتى بعد أن تنال المرأة حقوقها كاملة - بقوانين جديدة و بوعي اجتماعي أفضل - ستظل تواجه منغصات حياتية هي من صميم سنة الله في الكون...
في رأيي أن المرأة يجب أن تعد نفسهاأيضا- كما تحاول اعداد مجتمعها- بزاد أكبر من الوعي و الصبر و الحكمة للتعامل مع تلك المنغصات... و أن لا تفرط في المطالبة بمعاملة خاصة أو مثالية قد ينتج عنها تمييع لقضاياها الحقيقية و اشعال لثورة مضادة من الرجل تزيد من الصراعات و تهدم فرص التعاون في بناء مجتمعات أكثر صحة و معافاة.

العزيزة سناء خالد

ماقادرة اعبر ليك عن سعادتى بجيتك هنا
تعرفى معزتى ليك واعرف جمال روحك وعقلك
وعارفة انك دوغرية ومتصالحة مع قناعاتك ومابتهادنى فيها
عارفة ده كلو لكن الماعارفاهو انتى هو مكانتك جوايا,
اختى {الصغنون}, محبتى ليك لاتقل عن محبتى للنجيو اختى ولا اى واحدة من اخواتى فى الكون العريض ده..

ده فى الاول تعظيم سلام لطلتك الانسانية

Quote: في رأيي أن المرأة يجب أن تعد نفسهاأيضا- كما تحاول اعداد مجتمعها- بزاد أكبر من الوعي و الصبر و الحكمة للتعامل مع تلك المنغصات... و أن لا تفرط في المطالبة بمعاملة خاصة أو مثالية قد ينتج عنها تمييع لقضاياها الحقيقية و اشعال لثورة مضادة من الرجل تزيد من الصراعات و تهدم فرص التعاون في بناء مجتمعات أكثر صحة و معافاة.

100% متفقة معاك فى الكلام ده

وفى انتظار عودتك ومساهماتك الثرة.

سناء خالد
ردك في بوست مياده قريته و حضرت ليك رد، لكن اتشال البوست و تفضل تساؤلاتك و اهمها بالنسبه لي حاليا هو تشكيكك في امانتي العلميه
عندما عرضت عليك ارقام تدحض نظريتك في رؤيه البورد لقضيتها و طريقه عرضها،
اها اسي ما عندي كيبورد قدر النضمي ده، لكن بجيب ليك ردي و ربطه ببوست
اشراقه بالمسا كان الله حيانا

و النقطه مثار الخلاف تخص البوست ده جدا جدا

Quote: جلست وحدي أشعلت شمعة وعاهدت نفسي سأعيش فقط لماهضة العنف ضد المرأة بكل قدراتي

ولتتوحد قدراتنا
نساء ورجالا لاجل ان نولع ملايين الشموع لبلد يستاهل ناسو الحياة الكريمة
الحياة القايمة على المحبة والمعرفة



لنتماسك لاجل هذا الحلم ياشادية

Quote: وقلت أهدي 8 مارس 3009 لأرواح عانت التحرش والظلم والإغتصاب والجلد بتهم الزي الفاضح

انا بفتكر إنه تعرية المغتغت هى أولى الخطوات ..
ثم ثانياً عدم التنازل عن أى مكتسب أياً كان..
يعنى عشان واحد كنكش فى يدى ما بخلى ليه السلام.. لكن بلزمه حدوده...
والبقل أدبه فى البص ما بنخلى ليه ركوب البصات..
ولا ما بنرجع ليه لعهد روزا بارك... الرجال قدام والنسوان ورا...
والمدير العايز يتصعلق بنصل معاه لمديريين الخلفوه ...
لحدى ما يتخته قانون واضح يمنع التحرش الجنسى

لحدى ما يتخت قانون واضح يمنع التحرش
ودى محتاجه لشغل كتير جداً

عزاز إزيك..إنتى ونجاه...

ردى الفوق ده لما كتبته ,كنتو فى بالى إنتو الاتنين...
هى ما محاوله للولوله يا عزاز لكن زى ما بقولو ناس علم النفس...
إنك تقول الحاجه لنفسك بصوت عالى...عشان تقنع نفسك قبل ما تقنع اللآخرين بأنك ممكن تعملها.
ونحن بنحتاج نقول البحصل ده غلط عشان كثير من أخواتنا يقتنعوا بأنه البحصل ده غلطة الفاعل..
وما غلطهم...لا لبسهم غلط ولا طلوعهم الشغل غلط ...ولا ركوب المواصلات غلط...وهن ضحايا
وده ما رجوع لموضوع الضحيه والمسكنه لكن هى محاولة طالب حق المطالبه بحقو

Quote: لحدى ما يتخت قانون واضح يمنع التحرش

لا يوجد قانون في السودان ضد التحرش الجنسي
ولا يوجد شئ اسمه تحرش جنسي (بتاع العمل المدرسة)التحرش الجنسي في قانون السودان يقع بين
الاغتصاب والشروع في الاغتصاب.
عايزين دليل مادي اذا قلتي استاذك بتحرش بيك ولا رئيسك ولا زميلك..
وين الدليل والدليل قالو حيوانات منوية.
في التماينات بلغت الشجاعة
بطالبة مهذبة جدا ومحترمة جدا ان تشتكي استاذ بالتحرش الجنسي
ومساومة في نجاح ولا سقوط.

وزارة التربية و النائب العام والتعليم العالي
عملو تحقيق اتشجعن بنات تانيات بلغ عددهن سبعة
وقالو انهم اتعرضو للتحرش من ذات الاستاذ..
كانت النتجية بما انه مافي دليل مادي
عشان الزول دا يتحاكم بيه ولذلك توصي اللجنة بحل تربوي
حيث ان كان الطلاب والطالبات قد قدموا استقالات جماعية ودخلو في اضراب مفتوح
عليه يوقف هذا الاستاذ من التدريس لحين تخرج هذه الدفع.
شايفين الحل التربوي دا كيف
بعد داك تحولن البنات الضحايا الى اي وصف بذي تتخيله العقلية السودانية..
والى الان تلك الطالبة المحترمة جدا تعاني من اثر ما حدث نفسيا
في حياتي لم ار كيف تنطفي جذوة الحياة وتزبل وردة الروح في انسان
مثلما حدث لها.. اعرفها قبل الحادثة لمدة 3 سنوات
متفتحة مرحة ذكية واجتماعية...هذه الحادثة قتلت فيها كل هذا
الان سيدة راشدة حزينة دائما ترى سحابة الحزن التي سكنت عيونها
منذ ذلك القرار الجائر في حقها..
التحرش الجنسي والاغتصاب يشرخان الورح ويلوثانها
وتحس المرأة بانها قذرة وتبدا في جلد الذات
ليه دا حصل لي انا دا ليه حصل لي انا
العيب فيه يا سيدتي وانت عداك العيب..
الحركة النسوية الان لم تتقدم في هذا الامر كثيرا حيث في البدايات كانت الاولويات
حق التعليم وحق العمل
م فيما بعد تحت ناس رجاء حسن خليفة صارت تهتم بالاسر المنتجة..
والفقاسة والقفص والفرن (لا اقل انها ما مهمة)
الان في الجامعات الكثيرة التي صار الاستاذ الجامعي لا يتكون
بالصورة المعروفة..كثر جدا التحرش الجنسي
والان المراة اضغف امام الاغراءات كثيرا ما رضخن او صمتن على مضض
الان هو الوقت ان يكون هناك قانون يمنع التحرش الجنسي ويعاقب من يمارسه
في مكان العمل وفي مكان الدرس وفي الشارع
خاصة ان المراة السودانية صارت تشكل نسبةعالية في العمل وحجرات الدراسة..

التحرش الجنسي غير باللمس والهبش هناك اشياء كثيرة تعد تحرش جنسي يفعلها
السوداني عادي ذي الزبادي نفصلها لاحقا..

ما قالو شهادة مرتين بتعادل شهادة راجل...
ديل ما سبعه ...يعنى تلاته رجال ونص... ليه ما نفعت شهادتهم ؟؟؟
مرات بعض قضاتنا لما يتعلق الموضوع بالمرأه...بفقعوا المراره...
قلبى مع الاخت دى...


لا يوجد قانون في السودان ضد التحرش الجنسي
لا زم نعمل لوضع قانون يحرم التحرش الجسى

ولازم الجند ده يتخته فى قائمه الواجبات

تحياتي د.اشراقة

Quote: محاولة لرؤية ماخلف الاشياء..!!

من الاقتباس اعلاه اتوقع هنا مناقشة الطرق لمكافحة التحرش الجنسي ومناقشةالآثار المترتبة عليه سواء كانت جسدية او نفسيةوتاثيرها السلبي علي المراة ما ينعكس علي ادائها في جميع المجالات التي ترتادهااذا كانت تعليمية او وظيفية..كما اتمني التحدث عن القوانين التي تحكم هذا التصرف تجاة المراة خصوصا المرأة السودانية(هذا اذا كان يوجد اصلا)..بالاضافة التي الطريقة(المناسبة والمثلي) للرد علي تلك التحرشات وكيفية التعامل معها ساعة حدوثها..وطرق تقديم المساعدة لضحايا هذا النوع من التحرش واقصد هنا المساعدات العملية وليس الكلامية علي شاكلة (نتضامن ونشجب)
فقضية التحرش الجنسي زاد الاهتمام بطرحها في الاونة الاخيرة وذلك نسبة لحساسيتها وتعقيدها..
اتمني للمراه السودانية وللعضوات هنا بسودانيز اون لاين العيش في بئية آمنة ومعافاة وخالية من جميع اشكال التمييز ضد المراه..خاصة التمييز علي اساس الجنس..

ودمتم..
ولا نامت اعين الجبناء..
كااااااااااااااك..
د. نجاة..انا زعلانة منك..لكن ما مشكلة لمن نتلاقي بنتصافي..
حنين كان نفسي اقول يا دكتورة ..لكن كسلك هو العاملا فيك..تمي البديتي..

الاخت اشراقة شكرا لطرحك لهذا الموضوع الهام
التحرش ظاهرة يجب الوقوف عندها ولكن لكل داء دواء
ففى اعتقادى اذا كان ذلك يتم فى الاماكن العامة كالطرقات والاسواق ووسائل المواصلات...الخ وكان التحرش عن طريق التفوه بعبارات غير مستحبة فخير وسيلة هى عدم الرد على الجانى خصوصا وان بقاءك فى هذه الاماكن محدود بفترة زمنية وجيزة.... واصلى طريقك دون الالتفات اليه وكأن حديثه لا يعنيك ففى ذلك تحقير له ولما يقول..وقديما قيل ان طنين الذباب لا يضير
اما اذا كان التحرش مادى فعليك الاستعانة بأقرب شخص ولفت انتباه الاخرين حتى ولو كان لفت الانتباه عن طريق صفع الجانى (اعرف فتاة صفعت احدهم داخل الاتوبيس فما كان من الركاب الا وانهالوا ضربا على الجانى بدون حتى سؤالها عن السبب...الكل ادرك ان هذه الفتاة ما كانت لتجرؤ على صفعه لو لم يرتكب محظورا)
لكن اذا كان التحرش يتم داخل مكان العمل او المنطقة السكنية بشكل متكرر ومن شخص بعينه فهنا السكوت لا يفيد فبعض ذوى النفوس الضعيفة يتمادون اكثر اذا لم يتم ردعهم وعلى الضحية فى هذه الحالة شرح الامر للزملاء او اخوتها او حتى ابناء حارتها وحتما سيضعون له حدا
ولكن لى تساؤل
هل تتعرض النساء المحتشمات فى لبسهن الى نفس الدرجة من التحرش بالنسبة الى الخليعات ؟
مع خالص مودتى

Quote: أضيف أن بعض الطرح يضر بالقضايا العادلة للنساء...

ده كلام مهم، و ردا علي نقاش سابق في بوست الاخت مياده ساورد بعض النقاط لضرب مثل بانواع الطرح الضاره و المفيده، و ارجو انه يتسع البوست يا اشراقه لنقاش هادي، و الاهم, واضح

د. اشراقه :

الموضوع ده مكانه فوووووووووق,
ممكن يكون من أهم المواضيع المطروحه,
خاصه وتزامنه مع يوم المرأه,

مبدأيا أنا مع عزاز في كل كلمه قالتها وأحييها,
وأثني علي رأي سناء خالد بشده,

مع التهيئه النفسيه والتوعيه الفرديه,
مع توقع السئ من المجتمع وعدم انتظار المثاليه,
مع النظره الشخصيه للذات كفرد في المجتمع, الذكوره والأنوثه مكانها في المنازل وليس في العمل والدراسه,
انتظار النصره من الاخرين والاستناد عليهم لا يجدي طالما خرجت المرأه الي العمل العام,
وحتي ربات البيوت التواكل علي الرجال سلوك رجعي مرفوض في نظري,
أنا مع تدريس الفتيات الصغيرات كيفية مجابهة التحرش والتصدي له,
لابد من ذلك, زي مافي الكوره لابد من الاهتمام بالناشئين, هنا برضو الجيل الجديد لابد من,
أن يكون هدف لأي نشاط توعوي .

لابأس في اللجوء الي الاخرين في حالة الاستشاره ولكن لابد من أن يتم ذلك في حيز ضيق,
لازلنا داخل اطار مجتمعنا الرافض لاسلوب الصدمه,
لن نستطيع أن ننتقل بين ليله وضحاها الي مصاف دول ناقشت الموضوع وأصدرت القوانين,
لابد من التدرج مع المجتمع بتروي حتي الوصول الي أهم مرحله أتمني أن نخرج ببدايه لها من هنا,
وهي سن قانون يجرم التحرش الجنسي,

د. اشراقه وضعتي نقاط رائعه سأعود لها ومازال لدي الكثير الكثير,

بس نباصر مسألة الوقت شويه,,

تحايا صادقه علي الموضوع القوي,

Quote: التحرش الجنسي غير باللمس والهبش هناك اشياء كثيرة تعد تحرش جنسي يفعلها السوداني عادي ذي الزبادي

تعريف
التحرش الجنسي:
* unwelcome attention of a sexual nature that interferes with your life
بمعني اي اهتمام غير مرغوب فيه ذو طابع جنسي يؤثر علي مجريات يومك او عملك
و تدخل فيه النكات ذات الطابع الجنسي
تغيير مجري حياتك دي داخله فيها، انك مثلا تغيري الشارع الماشه بيهو، او طريقه لبسك، او تتحاش ترك باب مكتبك مقفول او مفتوح، المهم تغيير في السلوك ناتج في الحته دي، يا دكتوره نجاه عندك بوست جميل عن الكمبيوترات في مكاتب العمل و التحرش الجنسي، بس ما متذكره شفته وين، في صلب الموضوع

الصعوبه في قضايا التحرش الجنسي البتصل القضاء في اثبات انه الفعل كان غير مرغوب، و هل الاهتمام كان ليهو طابع جنسي، و هل فعلا ليه تاثير علي مجريات يومك او عملك
قبل زمن ليس ببعيد كان القانون يطلب من المدعي ان يثبت الواقعه، كما في قضايا التمييز الجنسي او العنصري

مشيت افتش عن تعريف للتحرش الجنسي بالعربي، و لقيت التعريف العجيب ده في احد المنتديات:
(التحرش هو إستغواء الآخر وتهييجه وإثارة عواطفه ومشاعره وغرائزه الجنسية والعاطفية، ودفعه لممارسة فعل مذموم ومكروه ومحرم)**

و لو الفهم ده بقي هو المتداول، نبقي في مشكله، لانه يمكن ببساطه ان يقاضي احدهم فتاه غير متحجبه بحجه انها اثارته جنسيا، و ده بيفتح باب نقاش في نقطه مهمه، لم يمكن تجاوزها بعد في الغرب، و دايما بتطلع في تفاصيل القضايا المعروضه علي المحاكم، الا و هي الالتزام بنوع معين من ال dress code حسب الزمان و المكان esp at work، و يستخدمها البعض في دحض نقطه انه الاهتمام كان مطلوب من المجني عليها لانه طريقه لبسها كانت داعيه للاهتمام ذو الطابع الجنسي
حجه واهيه، و لكن مهمه






-------
* Source

Source**

Quote: هل تتعرض النساء المحتشمات فى لبسهن الى نفس الدرجة من التحرش بالنسبة الى الخليعات ؟

الاخ عاطف

شكرا لمساهماتك ورؤيتك

اضافة لاجابة دكتورة نجاة على سءالك اعلاه
وددت لو تحدد لنا معيار الخلاعة؟!!

وبجيك بالرد


احترامى

اخطر انواع التحرشات هي التي تتم في الجامعات
حيث تتعرض البنات للتحرش من الزملاء او العاملين والاساتذة..
الذي يهمني التحرش الجنسي من شخصية لها احترامها تجاه طالبة
تتكون شخصيتها .. الذئب الذي يلبس اثواب النعاج..
اهمية هذا النوع من التحرش لانه قد تدخل فيه مساومات
ان ترضى الطالبة اوتسقط.

كيف نقدر نحارب التحرش الجنسي في الجامعات..

اولا

التجهيزات

يا ناس المشروع الحضاري ومن لف لفهم..
المكاتب في الجامعات تعطي خصوصية عالية..لضعاف النفوس
تحويل كل الابواب في المكاتب والقاعات الى واجهات زجاجية.
الاضاءة الكاملة و وكاميرات في الممرات(مافي المكاتب)
المكاتب يكون بها مقعدين امام المكتب يجب الا يجلس الاستاذ مع الطلاب في نفس المستوى


لا يسمح لاي استاذ ارسال رسائل لطلابه الا عن طريق ايميل الجامعة(دي خطة مستقبلية)

تشجع الحضور في في عددجوزي للمقابلات وتحديد وقت لها يعلق في جدول الاستاذ في الخارج..

نجي للطالبات
توعية كبيرة في معرفة حقوقهن الكاملة..
وتدريب كيف تقدر تسيطر على اي علاقة حولها في العمل او مكان الدرس.
السعي لعمل قانون ..لا يحتاج لالية الدليل المادي
بل لما يسمى بالاطار السلوكي للرجل المعتدي...
اذا كان هناك اكثر من شكوى عن تجاوزات..
ويحقق في هذه التجاوزات بصورة سرية..
ايضا حتى تفوت الفرصة لاي واحدة ممكن تكذب في استاذ وتدعي انه تحرش بها..
حيث هناك بعض الطالبات يبدأن بالتحرش..
لانه بتتخبل انه عبر جسدها يمكن تجد ما تريد..
ويمكن تستخدم هذا القاون في حالة الرفض للانتقام.

الملاحظ في السودان لا يوجد قانون السرية او موجود ومهمل
على مسجل الكلية ان يوقع على ورقة السرية ولا يسرب الشكاوى مثل هذه في شكل الشمارات السودانية.. حيث استخدام الاشاعة يضر بالبنت في مجتمع محافظ ولذلك تفكر اكثر من مرة وتقرر لعق جراحها في صمت..

اخبرتي ابنة انها بعد ان طفع الكيل مع رئسها في العمل الذي يعلق دائما عن لبسها
واناقستها وشكلها قررت ان توججه
وقالت ليه الرجاء عدم التحدث معي بهذه الصورة والتي هي تحرش جنسي
غض بالرجل جدا وطلعت هي القليلة ادب البتقول لراجل في سن ابوها كلام ذي دا..
التحرش الجنسي ما بس هبش كما يظن السودانين..
المغازلة تحرش جنسي التحدث عن عطر او زي زميلتك تحرش جنسي
حكاية النكات البذيئة للنساء تحرش جنسي,, استخدام الحركات والاشارات
بالوجه او اليد تحرش جنسي..
بس ابقى زول ديسنت ما تعامل اي امرأة بطريقة ترفضها لزوجتك ابنتك واختك.ز

______________
كتبت الكلام دا قبل ارسلو جات صاحبتي رسلتو لقيت في تكرار فعفوا ومالو التكرار بعلم

حتى فى اجندة الناشطات فى المجتمع, هل نعرف مثلا ماتتعرض له المرأة الريفية من عنف وتحرشات جنسية ام اننا نركن الى فرضية ان الريف برىء من افرازات المدنية والحداثة؟!!

دكتورة غشراقة والمتداخلات والمتداخلون:

بعض من مآسي المرأة في بلدنا أن هناك جانب مهم يجي ألا يغفل
ألا وهو بعض النساء العاملات أو الطالبات تبدو منهن مسكنة مذلة لكونهن بني آدم له امكاناته

لذا المسألة في رأي تبدأ بالتربية من البيت
وتوعية البنت أو الولد بحقوقه وتفاصيلها
إذا بدأنا بالتربية الجادة والجادة فعلا
يأتي بعد ذلك التثقيف بأمور محددة
نحن نتحدث عن التحرش والجنس لا زال عندنا (تابو)
كبير وكبير جدا نخجل من الحديث عنه
فكيف نتحدث عن تحرش وأس القضية مسكوت عنه؟
يعرف الولد أو البنت أن هناك أمور ومنذ الصغر عليه ألا يسكت عنها ويقوم بإيصالها لولي أمره
أخيه ، أخته ، أ/ه
أو أقرب الأقربين اليه
ومن ثم مواجهة المعتدي
لكن بالسكات تموت مثل هذه القضايا
ويا بت عيب وكل هذه المفدرات التي يجب أن تنتهي
فالعيب لا جندر له
ودوما نحمله ونتائجه للبنت
تسبل العيون وتماوت الصوت ما بحل قضية
تدي الأعور في عينو التانية وتفجقيها ليهو اول بأول
الخطورة من تبدأ من داخل البيت والغتغتتة والسكات
لي عودة
إشراقة ازيك وعلك طيبة
زمن
بهاء

Quote: لذا المسألة في رأي تبدأ بالتربية من البيت وتوعية البنت أو الولد بحقوقه وتفاصيلها إذا بدأنا بالتربية الجادة والجادة فعلا يأتي بعد ذلك التثقيف بأمور محددة نحن نتحدث عن التحرش والجنس لا زال عندنا (تابو) كبير وكبير جدا نخجل من الحديث عنه فكيف نتحدث عن تحرش وأس القضية مسكوت عنه؟ يعرف الولد أو البنت أن هناك أمور ومنذ الصغر عليه ألا يسكت عنها ويقوم بإيصالها لولي أمره أخيه ، أخته ، أ/ه أو أقرب الأقربين اليه ومن ثم مواجهة المعتدي لكن بالسكات تموت مثل هذه القضايا ويا بت عيب وكل هذه المفدرات التي يجب أن تنتهي فالعيب لا جندر له ودوما نحمله ونتائجه للبنت

شكرا يابهاء ونت تضىء بقعة نحتاجها لوضع استراتيجيات فعّالة




---------

انا بخير, من بكرة بدأ الجرى تانى, خلصت اجازة الخمسة يوم
كيفنك انت؟ طولنا وما تلاقينا

Quote: هل تتعرض النساء المحتشمات فى لبسهن الى نفس الدرجة من التحرش بالنسبة الى الخليعات ؟

سلامات اخي الكريم اها دا بيت القصيد ودعني اختلف معك ايها الكريم..
لا دخل لحشمة اوعدمها في التحرش اصلا....(ارجو الا تفهم اني اعنيك بالتالي لك وافر الاحترام..
____________________________________________
واسلاميا لا يبرر التبرج التحرش و ممارسة الزنا..
يعني مافي زول يحب دفوعات والله المرة دي لابس لبس مثير انا اغتصبتها ولا اتحرشت بيها..
لانه الاسلام طالب الرجال والنساء بقض البصر..
مهما كان المرة لابسة شنو انت مطالب دينيا ايها الرجل بقض البصر..
وليعلم الرجال ان الحكمة من الزي الاسلامي او اللباس الشرعي للمراة
ليس منع الرجال من الفتنة.
لانهم لو مسلمين كويسين اصلا ما كانو اتفتنوا لانهم قاضين بصرهم كما ينبغي للرجل المسلم ان يفعل..

الاحتشام و ما هو وكيف نحدد اللبس الفاضح من المافاضح..البخلي التحرش معذور؟
يعني اسع في بلد فيها تعدد ديني اي زول لبس لبسو
المسلمات لابسات اللباس الشرعي والاخريات ممكن يلبسن ما تسمح يه ديانتهم
فهل يحق للرجال المسلمين الفي البلد دي يتحرشو باي واحدة لانها بتصوره لبسها فاضح؟

اي امرأة حرة فيما تلبس لا يحاسبها الا رب العالمين على ذلك لو كانت مسلمة
ودي ما بتدي اي رجل كائن كان انه يتحرش بيها...
ولعلمك الرجل المتحرش رجل مريض يتحرش باي امرأة من سن 5 سنة الى 80
ولا يهمه لابسة شنو بس امرأة..
ولذلك الكلام عن اللبس ما حنك سنين قض البصر ما من شروطه لبس الاخر
زمان حبوباتنا كانو بلبسو رحاطة ويرعن ويزرعن ويبنن..
اكرر اللبس لا يعطيك الحق ابدا في ا التحرش ايها الرجل..

سلامات يا دكتورة رحاب

دا البوست

الكومبيوترات مصيدة النساء في اماكن العمل,,
السلام عليكم
وكل عام وانتم بخير...
في جمهورية الخرتيت يستخدم الرجال الكمبويترات
للتحرش الجنسي
قولو لي كيف؟

اي كمبوبتر لا يحتمل ان يجلس شخصين لاستخدامه ولذلك سمي بيرسونال..
يوم مشيت لمكتب في السودان..
لقيت واحدة قاعدة في كمبويتر واحد متلصق فيها بشوف معها في حاجة. هذا المتلصق اكيد مستمتع من وضعه هذا..
ودهشت ان يحدث هذا في حكومة التوجه الحضاري..
واندهشت اكثر من غياب الكومنسينس للمرأة
وجاني تساؤل
هل الزولة دي ضحية سلبية ام ضحية ايجابية..
هل ايضا تستخدم هذا الجهاز لتجد نفسها في التصاق جسدي مع رجل؟
المهم في الحالتين هذا مشهد قبيح جدا جدا
يجب الا تضع اي امرأة نفسها في هذا الوضع..
ابنة اختي متخصصة في الاي تي حين عادت الى السودان
حذرتها من انتهازية بعض الرجال وتحينهم للفرص
ولذلك قلت لها اذا هناك رجل يريد ان يري شيئ عليها بالقيام من الكرسي كما تفعل الماليزيات..
تقف الواحدة وتسمح لزميلها برؤية ما يريده
او اذا هناك عطب يصححه الفني تقف على بعد نصف متر منه وهو جالس..
ولكن ما يحدث في السودان من عدم الاستخدام الحضاري.
لاي جهاز يحسسك بالحسرة
على مناهج تعليم ما فيها فائدة ولا تكسب الوعي
وتمحو الامية الابجدية فقط تاركة الامية الحضارية تطالعنا في اي تصرف للمرأة او الرجل..
مكاتب لا ضابط ولا رغيب لان الباشكاتب ذات نفسه ممكن يكون محشور في ركن مع السكرتيرة يتظاهر بانه عنده شغل في الكمبويتر
والحسرة ثم الحسرة حين تكون هذه الاشياء صور وصلت لسكرتيرة ولا زميلة المكتب وعايزة تفرج زميلها فيها ولا العكس بالعكس
كما حدث لي في آخر زيارة عندما كنت اريد انهاء معاملة
انتهرتني المرأة المحشور معها رجل
دقيقة ياخي مركبة وجه ككو
ثم تعليقات حلاتها والله سمننننننننت
فلذلك احذري عزيزتي المرأة من الجلوس مع رجل
في مقعد واحد او استخدام كمبويتر واحد في ذات الوقت..
الرجال ديل فاقدين حنان شديد..ما تخلي نفسك مطية ليهم..
ولرغباتهم الوسخة..
بعداك حبة بروفشنالتي في شغلك ما بطالة..
وهي الخدمة المدنية انهارت من شوية..

ثم كتبت

سلامات يا رحاب وعيد سعيد...
شوفي المرأة السودانية تجربتها الاجتماعية صغيرة جدا مقارنة مع الرجل...ولذلك نضجها الوجداني برضو بسيط جدا..
المرأة السودانية اتربت على الخوف الدائم..
قبل ايام كنا نكي عن هذا الموضوع.. اخبرتني صديقتي
ان هناك مشهد عالق في ذهنها منذ ان كانت يافعة..
ركبت البص وفي واحدة لابسة توب ابيض وشكلها منضبط جدا ومحترمة جدا..
عاكسها رجل بقرش ما بتشتريه قامت نهرته
قال قاليها يا ...... انت امبارح موش كنتي معاي اسع اتغابيتي العرفة؟
جزمت صديقتي انه لا يمكن ابدا ان يكون هذا الرجل يعرفها
ماذا فعلت الضحية صمتت وبكت ولم تناضل لتثبت العكس؟
في مجتمع ذكوري متعفن المرأة محبوسة ومحمية من مملكة ذكور الاسرة..يضمر النضج الوجداني
وتسلب ارادة ان تقول لا؟
لان لا دي حتجيب بشاتن واكاذيب تهبش الشرف والعرض..فقط الانسحاب ولعق الجروح بعيدا
شوفي كم مرة في حوار فكري صرف حاول احدهم ان يوحي بان سمعتي سيئة وبعضهم خلق لي ماضي عديل كدا..( ولكن انا لا اذهب واختبئ وابكي والعق جراحي في صمت انا ادافع عن نفسي)
دا الواقع البتتحرك فيه المرأة دي.
المرأة محتاجة انها تفهم انه لو قالت لا حتى لو غضب الرجل هذا انتصار لها...
انا شخصيا لا يهمني ان اقول لا لاي شخص لا يتصرف معي بصورة لائقة بالنسبة لي...
فالمرأة السودانية امرأة تتعلم تعليم لا يكسبها اي خبرات حياتية ولا اي وعي يجعلها ترفض..
راجعي قصة صاحبتي الشابة الرفضت ان يغازلها
رئيسها.. وشوفي ردت فعل الرئيس القليل ادب...
طلعت هي الافكارها سوداء وقليلة ادب
ودي تيبكال ستويوشن..في السودان
الرجل التافه والمراة الواعية..
ولذلك الان هناك ترند خطير في الاجيال الجديدة
وهي انهن يمكن يصلن لاي شئ عن طريق الانوثة
دا ليه حاصل..؟؟
لانه جمعيات المرأة في السودان ابسوليت قاعدة لا فائدة لا حاجة..
المفروض تكون هناك بدائل للتعليم الذي يمحو الامية الابجدية ويترك الامية الحضارية دا
المرأة تعتقد انها شئ وتتصرف على اساسه..
الاهل ما فاضين يغرسو اي حاجة في وعي بناتهم الا من رحم ربي..
ولذلك بتفتكر لو ضحكت مع الاستاذ بيدوها نمر ودا ما بشكل اي هاجس لضميرها..
الان كثرت المؤسسات التعليمية وصار كل من هب ويدرس
وبذلك انتقلت ثقافة المكاتب الى الجامعات
الاستاذ الجامعي ينشا ويكون ليصبح استاذا جامعيا يحفظ تقاليد المؤسسة ولكن الان لم يعد هناك اي تكوين.ز
ولذلك نجد الاساتذة الذين يستغلون البنات جنسيا
وكذلك البنات الخاويات القليلات التجرية جو ولقو دا بقى الحال السائد وخضنا مع الخائضات..
في زيارتي سنة 2004
التقيت ببنات ناشطات اخبروني بقصص كثيرة جدا
وطلبت منهم عمل معسكرات في كل الجامعات
واحضار متحدثات يحاولن ان يغرسن هذا الوعي المفقود..
ولا ادري ماذا فعلن بهذا الاقتراح..
ولك ان تعلمي انه لا قانون للتحرش الجنسي في مكان العمل او الدراسة
والتحرش يثبت مثل جريمة الزنا تتخيلي؟
اي واحدة تشتكي حتلف العشرة لفات وسمعتها تبوظ
لاحظي تبوظ دي لانه مجتمعها اتعلم الهش هش على الجرائم الجنسية ضد المرأة..
ودا برضو عجز وعدم وجود رؤية في اتحاد المرأة..
انجازاتهم لا تتعدي عرس ذو النورين
والفقاسات والافران..والانجاز البتبوبرو بيه انه صار الجنسية تعطى بالام..

نحتاج لنساء قادرات على العطاء فاهمات المجتمع وخبيرات بالتغيرات الحادثة..ولذلك جميعا يجب ان نعمل
ان نرشح نساء ذوات رؤى لمجلس الشعب
حتى يتم التغير في هذه القوانين..

وحتى يكون هناك اتحاد فاعل يحاول ان يسد الفجوات
في القانون الحالي خاصة قانون الجرائم الجنسية..

والى ان يحدث ذلك ستكون المرأة ضحية سالبة بان ترضخ
لما يحدث لها او ضحية ايجابية لانها لا تعرف افضل مما تفعل..
ولك التحية

الحياء (يا مجدي محمد مصطفي وين البوست )

واحد من البوستات البتروي عقلية البعض هنا..
هذا البوست فتح في الحملة ضد ميادة لنشرها ايميل به كلام نابي لها
عرفتو ليه من الافضل ان تلعق المرأة جرحها في صمت وتعمل دليت..

..

صباحات الموضوعية والتفاكر الجاد


مرحب بلاخوات سناء خالد وسارة السارة وهن يساهمن بالمفيد

ومرحب بالاخوان الجدد مساهمين فاعلين لاجل ان يكون لنا مجتمع سوى ومعافى



-----

ينصر دينك يا بيان ياخ, قريت واتكيفت وشربت قهوة الصباح بمزاج


------
رحاب ياخ انت تحفة والله

-------

إقبال المرضى... يسلم عقلك واشدّ على يديك بحرارة عقل متقد يبحث فى طريق لسلامة الروح من اى خدوش


------

ساعود, الليلة آخر يوم فى اجازتى الصغيرة وساجتهد اعقب على بعض الردود
ارجو ان يستمر النقاش فالقضية حقتنا كلنا ولازم نساهم فيها



محبتى للجميع

Quote: ومن ثم مواجهة المعتدي لكن بالسكات تموت مثل هذه القضايا ويا بت عيب وكل هذه المفدرات التي يجب أن تنتهي فالعيب لا جندر له ودوما نحمله ونتائجه للبنت تسبل العيون وتماوت الصوت ما بحل قضية تدي الأعور في عينو التانية وتفجقيها ليهو اول بأول الخطورة من تبدأ من داخل البيت والغتغتتة والسكات لي عودة إشراقة ازيك وعلك طيبة

كلام جميل جدا
ينصر دينك

فى سبيل وضع خطة علمية لمحاربة التحرشات الجنسية, كما ذكرتها للعزيزة عزاز واعيدها لنتفاكر جميعا وننطلق نحو افق ارحب


1. تحديدالاهداف
2. تعريف الفئة المستهدفة
3. المنهج المستخدم
4. آليات العمل
5. تحديد النتائج المرجوة
6. الخارطة الزمنية
7. المخاطر المتوقعة
8. الميزانية
9. التقييم

كل فقرة من اللى ذكرتهم اعلاه بتطلع منهم سواسيو جانبية
تنثر حبات قمح امانينا لاجل مجتمع معافاة
تسوده المحبة....

{والماعندو محبة ماعندو الحبة}

د. اشراقه ازيك تاني مره:
عندي حبة وقت وعايزه أجيك فيه النقطه بتاعت الخروج بالموضوع من النطاق الخاص الي العام,
أولا: لابد من اني أشير الي بوست مياده لو سمحتي,
عارفه الموضوع اتفرع وبقي ممل,
بس يادكتوره لازم أوضح اختلافي كان وين!!!
مياده ما جات قالت أنا عايزه أتحدث عن قضيه مسكوت عنها,
لم تتحدث بصوره علميه وطابع الموضوع كان شخصي تماما بمنتهي الوضوح,
حتي عنوان البوست كان شخصي للغايه وفيه تحدي لشخص المرسل, ويمكن لكل معارضينها من خلاله,
اذا أرادت تأكيد ما حدث لها بارفاق صورة الايميل فلماذا لم تستجيب للمطالب بحذفه؟؟؟؟
عندما سألتها مباشره عن الغرض من البوست لماذا لم توضح أن غرضها تناول الموضوع كفكره عامه للنقاش,
لا يادكتوره مياده بالنسبه لي علي الأقل الموضوع بالنسبه ليها شخصي وليس عام....

ثانيا: اذا عايزين نتحدث عن القاء الضوء علي الموضوع بشفافيه,
يبقي في الطريقه العلميه لبحث أي موضوع وده الدرسناه علي الأقل,
هنالك اختيار لغة الموضوع,
يعني من غير المعقول أن أنشر مقال أو ورقه علميه أو حتي أساهم في توعية فتيات صغيرات,
باستخدام لغه صادمه أو خادشه ولا علي سبيل المثال,
اذا القطاع المستهدف بأي توعيه هو المجتمع السوداني,
اذا لابد من مراعاة محاذير المجتمع وخطوطه الحمراء,
لابد من وضع سن الفئه المستهدفه في الاعتبار,
لايعقل أن نستخدم عبارات صادمه لفتيات في عمر 14 أو 12 سنه,
لا يمكن مخاطبة كل أفراد الأسره بعبارات يستخدمها السوقيين وعديمي الأخلاق,
لايعقل أن أقوم بادخال مفردات لم تتعرض لها البنات في سن صغيره بفهم التوعيه وتسليط الضوء والحقيقه,

لايعـــــــــــٌقل,

سأواصل,,

أواصل,,
لما درسنا البحث العلمي,
وبما أنه الاختلاط بالفئات المستهدفه في البحث بغرض أخذ العينات أو الاستبيان جزء أساسي ومهم,
أول ما درسناه هو مراعاة عادات وتقاليد وموروثات الفئه المستهدفه,
وده داخل السودان بيختلف باختلاف القبيله والموقع الجغرافي,
يعني مثلا لو قدموا ليك أي حاجه أكلها قدامهم,
استخدم لهجه محليه في الاستبيان مفهومه, واستخدم عبارات مقبوله من المجتمع,
راعي لمحاذيرهم , ما تستفزهم بأي تصرف أو كلام غير مقبول,
وده شرط أساسي في نجاح البحث,
الدراسه كلها ممكن تفشل وتنهار اذا حدث سوء تفاهم أو رفض للباحثين من قبل الفئه المستهدفه,

أنا عارفه اسهاماتك وبحوثك ودراساتك, وعارفه انك أكيد عارفه الكلام ده قبلي ويمكن أكتر مني,
بس حبيت أوضح انه لمواجهة المجتمع في قضيه حســـــــــاسه مجرد الافصاح عنها يسبب ضياع أسر أو أفراد,
لابد أن نستخدم لغه مقبوله وواضحه في ان واحد,
عشان المجتمع اللي فيه فئات عمريه مختلفه, واتجاهات عقائديه منها المتشدد ومنها المعتدل,
وتقاليد تحاصر وتفرض نفسها,
لازم نراعي فيه لكل هذه النقاط في طرحنا,
عشان ننجح في ما نود الوصول اليه والذي هو ليس بأي حال من الأحوال فرض لأسلوب شخصي,

لسه عندي كلام كتير, أخلص شغل واجيك,,

العزيزة امانى


ابدا مامختلفة معاك فى وسائل العلاج
كشف المستور بالنسبة لى مرتبط بتحديد المشكلة ووين وحجمها عشان نعرف نبدأ نضع خطة لمكافحتها

معرفة خلفية المجتمعات عرفتها مش بس نظريا وانما فعليا
من يوم دخلنا سجن كوستى فى 1985 لمعرفة ظروف النساء وامكانية مساعدتهن, مساعدة بتساعدنا نحنا نفسنا فى الرقى بانسانيتنا
يعنى العمل حتى مع النساء المهضومات بالنسبة لى هو عمل من جانبين
نظرة اغلبية النساء العاملات فى مجال التنمية مش بس فى السودان او افريقيا حتى على مستوى بلاد اروبا فيها نظرة {نحن} {بنساعدهم}

فى التصور المبسط اللى وضعت فى ردى للعزيزة عزاز للخروج برؤية نجتمع حولهاحا اجى لكل مايخص امكانية نجاح الخطة

اللغة واستخداماتها مهمة
كشف المستور المعنى هنا بالنسبة للنساء الناشطات, وتبادل الاراء حول الازمة وامكانية حلها
ابدا ماقلت انو نحكى مع النساء فى الريف مثلا بلغة فوقية وغير مستمدة من يئتهن

راجعى كلامى هنا:

Quote: فى احدى بحوثى ياعزاز عن { تعزيز المجتمع الريفى لمكافحة الختان وتزويج البنات صغيرات السن} والذى اجريته بمساعدة فريق من ثمانية قرى فى وسط الجزيرة فى 2007 كان فى درس قيم جدا بالنسبة لى فكرتى الاولى كان تحليل المادة from gender aspects تمّ نقاش طويل مع الفريق رؤيتهم خلتنى انحاز تماما ليهم وتغيرت خطة البحث كليا على اساسها احدى المشاركات قالت لى: مشكلة الموية دى بتخص المرة والراجل والبلهارسيا اللى فى الترعة دى مابتفرق بين راجل ومرة زى الباعوضة بتعضينا كلنا اها الشفخانة الفاضية دى وضيق اليد والحال المايل مستهدفنا كلنا وقفت فى الصيغة الجمعية فى كلامها.... ال...Community بقى هو اساس التعزيز لمحاربة هذه العادات الضارة والدرس الاول كان قيمة المشاركة الشعبية تلاقح رؤيتنا مع بعض لكن بهارعم كان حادق وطعم عقلى وروحى بآفاق جديدة أسرتنى وخلتنى لحدى حسع افكر فى حاجات حصلت اثناء تواجدى هناك.. دونتها وانا فى طريق رجعتى.. ومازالت العيون اللى بتبرق بالامل بتصحى فينى الحياة كلما تماوتت فينى..

فى سنة اول جامعة ثم تكليفى بالمكتب الثقافى بتاع رابطة ابناء وبنات النيل الابيض
خطة عمل الصيف كانت حملات توعية فى قرى النيل الابيض عن الختان
وصلنا لاول قرية قبل يوم من بداية العمل
ربما تجربتى فى الاتحاد النسائى السودانى والبنات اللى اتعلمت منهن مجابدة الدروب الوعرة
ساعدنى انو انتبه لتفاصيل صغيرة لكنها مهمة
جلست مع النسوان فى الوسيعة دى
شربت معاهن القهوة
حشيت معاهن البصل
ووردت معاهن البئر
من ونساتى معاهن عرفت المدخل ليهن , المدخل اللى حايساعدنا جميعا فى البنيان
بنيان مجتمع سوى

فى الندوة واللى اجتمعت فيها كل القرية ماكان لى مخرج لسؤال جانى مكتوب من سيدة
بتسألنى فيهو انو كيف انا اتحدث عن مضار الطهور وانو بيقلل من شهوة المرأة الجنسية وانا مالى تجربة؟ سؤالها كان محرج بالنسبة لىّ لكن موضوعى
ما انا ماكنت متزوجة عشان اقول ليها
اديت السؤال للطبيب اللى رافقنا واللى كان ليهو دور كبير فى نجاح الندوة ديك {دكتور فائز} الله يطراهو بالخير اينما كان

ردى ليها صاح انا مامت لكن دكتور فائز علمنا كيف نشقّ المقابر..

التجربة دى نبهتنى لتفاصيل صغيرة افادتنى حتى فى عملى ونشاطاتى هنا فى النمسا
ودى بجيى ليها يوم كان الله مدّ فى العمر
حتى فى المهجر لم يرتاح لى بال حتى تحقق لنا كنساء افريقيات او مسلمات ان تكون لنا مؤسساتنا الارشادية المندمجة فى مؤسسات الدولة
كنت من اوائل اللى بادرن بالصراع لاجل ان تكون المستشارة فى قضايا النساء الافريقيات مثلا من افريقيا وملمة بثقافات هذه القارة
وقد حدث, بعد سنوات من النضال الجمعى حول حظة اتفقنا عليها يوجد اليوم ما صبوت وظليت احلم به لسنوات طويلة, هى سنوات هجرتى الستة عشر عاما

Quote: أنا عارفه اسهاماتك وبحوثك ودراساتك, وعارفه انك أكيد عارفه الكلام ده قبلي ويمكن أكتر مني,

صحيح لدىّ بحوث فى مجالات مختلفة
وصحيح درست بعض المواضيع ذات الصلة على مدى خمسة اعوام فى كلية العلوم السياسية
وصحيح اشتغلت باحثة فى جامعة الاقتصاد فى فيينا
وبعمل حسع فى مؤسسة استشارية خاصة بمحاربة الاتجار والعنف ضد النساء
ومع ذلك لا استطيع ان اقول انى بعرف اكتر منك ولا اكتر من اى اخت او اخ ليهو مساهماته هنا

المعرفة ذات اوجه عديدة يا امانى
بنتعلم من بعض
وبنضيف لبعض
وده حايظل شعارى, هو انى كلما احس بانى وصلت لنقطة بحلم بيها, بقتنع اكتر بانى يادوب بديت, سنة اولى معرفة

انا سعيدة بيك وبمساهماتك ورؤيتك الموضوعية وخلينا نشمى خطوة لقدام
نلتف حول ما يجمعنا ويعجن مقدراتنا فى حلم لابدّ له ان يتحقق

لنستمر وبينا المحبة شعار

وفى انتظار عودتك

Quote: من الاقتباس اعلاه اتوقع هنا مناقشة الطرق لمكافحة التحرش الجنسي ومناقشةالآثار المترتبة عليه سواء كانت جسدية او نفسيةوتاثيرها السلبي علي المراة ما ينعكس علي ادائها في جميع المجالات التي ترتادهااذا كانت تعليمية او وظيفية..كما اتمني التحدث عن القوانين التي تحكم هذا التصرف تجاة المراة خصوصا المرأة السودانية(هذا اذا كان يوجد اصلا)..بالاضافة التي الطريقة(المناسبة والمثلي) للرد علي تلك التحرشات وكيفية التعامل معها ساعة حدوثها..وطرق تقديم المساعدة لضحايا هذا النوع من التحرش واقصد هنا المساعدات العملية وليس الكلامية علي شاكلة (نتضامن ونشجب)

سارة السارة

وهو مافعلناه هنا
اغلبية المساهمات ان لم يكن كلها انصبت فى ذات توقعاتك

منتظرة اسهاماتك الضواية يابت يا ضواية

Quote: لن تستطيع الواحدة منكن الرد على المئات من أمثال هؤلاء السفهاء وتحاشيا للضغوط النفسية لنعود إلى مقولة الكلاب تنبح والجمال ماشة ...

عاد لمتين نخليها تنبح كدى ياسيف الدين اخوى..
لابدّ من حل
وحل ناجع يحمى بناتنا والاجيال القادمة من اى نوع من التحرشات

عشان مجتمع سوى وناهض بانسانيتنا

د. اشراقة ست البيت ... نساء بلادي النايرات
سلام و صباحات خير علينا و عليكم و على كل امرأة في هذه العالم الفسيح ...
_____________

سناء خالد، تسلمي يا ستي ... كلنا في الهم "نساء" ..

_____________

اقبال المرضي ...

سلام و محبة و اسمحي لي ابين ليك موقفي أكتر

انا ما ضد تعرية التحرش ولكني ضد الوقوف عنده فقط
انا يا سيدتي اعيش و اعمل في أكثر مكان ذكوري على وجه الأرض
خرجت للعمل في عمر 19 سنة
أول شهر قصيت شعري و لد و بقيت البس بنطلون و تي شيرت علشان أكف النظر
جلدت نفسي كثير
وواجهت المواقف بـ (التعرية) و (كشف المستور)
و كنت بأرجع في نهاية النهار شايلة همي على كتفي بالاضافة لهم المعايش الجبارة
اتحرمت ترقيات لأنو الرجال ما دايرين (حرمة) مديرة
و اتفصلت لأني كشحت الشاي في وش المدير لما مد يدو يلمس يدي
و اتوقفت جزائيا لأني قفلت السماعة في وش عميل قضى المكاملة تغزل في صوتي
ياما رجعت ببكي و ابوي الله يرحمو ينهرني (انا ما ربيتك بت بكاية! اخدي حقك بيدك!)
و استغرب... ما ياهو انا باكشف و افضح ليه ما مرتاحه؟ ليه ما حاسة اني اخدت حقي؟
ليه شعور العجر ملازمني؟ وشعور الانتصار عمرو قصير و بيفارقني قبل النوم؟
و سنة و را سنة اكتشفت انو الكشف ما كفاية ... الصراخ ما كفاية
واني بقيت الجانية مرتين .. مرة بيد المتحرش ومرة من نفسي لأني بادفع ثمن خطأ غيري مرتين
وقفت مع نفسي وقفة طويلة و أرجع الفضل فيها لخالي مجدي الله يديهو طولة العمر
لما مرة جا لقاني قافلة نفسي في الأوضة لاني اختلفت مع مديري (المحامي المرموق)
وواجهته بما فهمت من سلوكه الـ sugarcoated قال لي بالحرف: الغضب و الحزن ما بيرجع حق مسلوب
واجهي بقوة وبشكل "مرتب" الافكار من غير انفعال ...
أول شي اتماسكت ... و حددت انا أنا منو وهل انا لي يد في التعدي
السؤال ده مهم لأنو بيكسبك قوة خارقة
أنا ما سبب التعدي
التعدي صادر من نفس المتحرش المريضة ما مني
ما لأني بنت
ما لأني باعمل في مكان مختلط
ما لشكلي الخارجي
عملت خطاب شكوى ضده وجهتو ليهو بالأول و كنت بصدد تقديمه لمكتب العمل،
و الموظفين زملائي، وحضرت نسخه للصحف اليومية ...
الخطاب قبل ما يمشي باقي الجهات التانية كان وصلني منو خطاب اعتذار مطول
ووعد باعدم التعرض لي أو لأي امراة اخرى و ترك لي كامل الحق في مواصلة الشكوى لو اردت ...
وعفوت، عن مقدرة و من موقع قوة ...

ومن يومها، لو حاول أحد ما مجرد محاولة انو يتعدى حدودو سواء بالكلام أو الفعل بأقيف خط أحمر
و باصعد الأمر كتابيا و للجهات الأعلى منو ...
بس ما بظهر ضعيفة أو مهيضة أو مكسورة أبدا حتى بين صديقاتي وحتى مع أعز الناس علي ...
راسي بيكون مرفوع و بأعرف حقوقي علشان أطالب بيها ...
حتى لو الحقوق ما مكتوبة في social conduct ممكن يساندنا كنساء لو قدرنا نوظفه لصالحنا ...

اشتغلت مع اجانب، وما هم أفضل حالا، بس الفرق أنو بعض المنشئات فيها قانون واضح
ضد التحرش الجنسي و التميز العنصري، وكانت لي حادثة مع مديري المباشر
في احدى منظمات الأمم المتحدة التي صعدت فيها الأمر لأعلى جهة مسؤولة
ولم أكل أو امل من كتابة appeal ورا التاني لغاية ما أعتذر صاغر
و ووقع على اقرار بعدم التعرض لي أو أي موظفة اخرى في المنظمة إلا تعرض للفصل ...
أي موظفة أخرى دي انا باصر عليها لانو القضية ما فردية .. القضية قضية جنس كامل ...

الخلاصة،

انو الكشف لمجرد الكشف ما حل
بالعكس بيأثر على المراة الضحية أكثر لانها بتبقى تحت ضغط المجتمع
انا بيهمني شنو المجتمع يعرف إذا ما حأخد حقي؟
باكون اديتو مادة للونسة في الصالونات و سبب لمصمصة الشفاه بتشفي
الكشف و الفضح لو لم تتبعه اجراءات مرتبة لجهات و سلطات أعلى
الرجل-الخصم لا يدرك فداحه تصرفه مالم يصبه رشاش في مقتل
و اضرب المربوط يخاف السايب
لما كل من تسول له نفسه يشوف انو (فلان) لما اتظارف حصل ليهو شنو وانو خسر شغلو
بيفكر مية مرة قبل ما يتجرأ ...

المهم تاني أنو احنا من جوة ما نتأثر

وكل مارس و انتو طيبات

Quote: انا ما ضد تعرية التحرش ولكني ضد الوقوف عنده فقط

هو ما اعنى ياعزاز

هو بالضبط

Quote: وواجهت المواقف بـ (التعرية) و (كشف المستور)

حكم ودرر

Quote: ياما رجعت ببكي و ابوي الله يرحمو ينهرني (انا ما ربيتك بت بكاية! اخدي حقك بيدك!)

ودي جزئية مهمة جدا يا عزاز..
اكيد دور الوالد (الله يرحمه) كان كبير في تكوين شخصيتك ..ما قال ليك اقعدي في البيت ..او دي نهاية التعليم..يعني ما كسر مجاديفك..
انتي عارفة في بعض الاحيان الاهل نفسهم بيحملو البت المسئولية وبطلعوها هي الغلطانة..ويصلو لدرجة يفقدوها الثقة في نفسها وبالتالي ما بيكون عندها الشجاعة الكاملة لمواجهة مواقف زي التحرش الجنسي لانها لو اتكلمت وقالت حصل لي يبقوا عليها اتنين.. المتحرش واهلها..وبالتالي المتحرش بيستغل نقطة الضعف دي باعتبار ان العديد من النساء السودانيات لا يجروء علي المواجهة خوفا من الاهل والمجتمع..المفروض الاسر تربي بناتها علي الشجاعة والصراحة وغرس الثقة في النفس..

د. اشراقه:

Quote: ابدا ماقلت انو نحكى مع النساء فى الريف مثلا بلغة فوقية وغير مستمدة من يئتهن

فقط وددت التوضيح أني لم أعني اللغه الفوقيه وانما اللغه الصادمه الخادشه للحياء,
التي تحوي ألفاظ غير مقبوله في المجتمع,
في مداخلتي تلك كنت مازلت تحت تأثير بوست مياده الذي أعتبره مثال مضر بالقضيه,
وتناول غير منهجي,
المهم من هنا ولي قدام حاتجاوز موضوع البوست المعني,
وحأبدأ معاك في البحث عن الحلول والعلاج,,ومازلت متيقنه من أن خبرتك واسهاماتك في هذا المجال,
أساس أحاول البناء عليه..

مودتي واحترامي,,

Quote: فقط وددت التوضيح أني لم أعني اللغه الفوقيه وانما اللغه الصادمه الخادشه للحياء,

سلام يا اماني
انت مفتكرة النساء في الريف بصدمهم الكلام الفاحش؟
فركة الريف البقابل البداءة دي فكرة رومانسية جدا
عن الريف...
في قصة موسم الهجرة الى الشمال
بت مجذوب امراة ريفية لم تتعلم ولكن لا تتورع من استخدام اللغة الانت قلتي الصادمة..
الريف فيه كل حاجة خاصة انه لا فرق كبير بين الريف والحضر في السودان..

المجتمع دا ما مجتمع كرستلي...
في المحطة الوسطى بتسمعي البذاءات وفي اي مكان..
وفي اي مرحاض تدخليه بتلقي كلام مكتوب وفي الكوش(قديما) وعواميد النور..
عشان كدا محاولة رسم صورة مثالية للمجتمع ما بتجي..

Quote: في مداخلتي تلك كنت مازلت تحت تأثير بوست مياده الذي أعتبره مثال مضر بالقضيه, وتناول غير منهجي,

يا اماني، انا ما فهمت ليه بوست مياده ضار بالقضيه؟

الكلام ده مهم و في قلب قضايا التحرش الجنسي

رحاب ازيك:

تحيه طيبه,
ليه بضر بالقضيه؟؟؟,

دي وجهة نظر شخصيه,
اتشرحت تماما من خلال نقاط
زي مبدأالشكوي أو التحدي وجدوي أي منهم,
رد الفعل المؤثر والقوي ماهو؟
الرد وهل مجدي أم لا, وعلي من يكون الرد وده برضو تقييم فردي,
ايراد الرساله كخطأ من منظوري,
القضيه أصلا هل هي خاصه وشخصيه, أم اريد بها التعميم وطرح الموضوع للنقاش,
واكتملت الفكره تماما بمداخلات عزاز وروزمين.. يمكن مراجعتهم حتي نتفادي التكرار..
عموما وجهة نظري اللي أنا مقتنعه بيها دي ممكن تكون ما مقبوله في منظور شخص اخر,
وأنا بحترم الرأي الاخر حتي لو ما مقتنعه بيه,

موضوع مياده ده قتل بحثا, وأنا وعدت د. أشراقه بالتوقف عنه,
ومحاولة البحث بموضوعيه عن الحلول للقضيه العامه ككل,

مودتي,,,

أهلا يادكتوره نجاة:
مستمتعه جدا بمداخلاتك واضافاتك الثره,
دائما تضعي يدك باسلوبك البسيط وأمثلتك الحيه علي الجرح تماما,

الحقيقه أنا ماجبت سيرة الريف,
أنا اتكلمت عن محاذير المجتمع عموما,
المجتمع المتباين ككل,
الطرح لأي توعيه يجب أن يكون بلغه واضحه ومقبوله في ان واحد,
البذاءات بالضبط مكانها هو الذي أشرتي اليه,
وليس في الصحف أو الأوراق العلميه أو في مخاطبة الأسر وتوعيتها,
تعميم اللغه البذيئه مرفوض من المجتمع حتي وان شاعت اللغه فهذا لايعني قبولها اطلاقا,,
الاسلوب العلمي لتسليط الضوء والتوعيه بالتحرش لابد من مراعاة خطوط المجتمع الحمراء فيه,

هذا ماعنيته,
شكرا وأكرر اعجابي بمداخلاتك في هذا البوست,,

إشراقه صباحك خير
شكراً ليك على الاطراء...
سلام لكل الضيوف

يا إشراقه عشان يكون البوست ده فعْال... حقو نطلع منه بخطوات عمليه:
أولاً نناشد جميع المنظمات النسويه , ومنظمات حقوق الإنسان..
وغيرها من الجهات ذات الإختصاص. على شرف يوم المرأه العالمى
نناشدكم بتبنى ثلاثه مواضيع رئيسيه تكون فى صدر أجندتهم:

!- تحريم الخفاض بمختلف أنواعه .
2- منع زواج الاطفال( تحديد سن الزواج)
3- وضع قانون رادع يعاقب على التحرش الجنسى

Quote: يا إشراقه عشان يكون البوست ده فعْال... حقو نطلع منه بخطوات عمليه: أولاً نناشد جميع المنظمات النسويه , ومنظمات حقوق الإنسان.. وغيرها من الجهات ذات الإختصاص. على شرف يوم المرأه العالمى نناشدكم بتبنى ثلاثه مواضيع رئيسيه تكون فى صدر أجندتهم: !- تحريم الخفاض بمختلف أنواعه . 2- منع زواج الاطفال( تحديد سن الزواج) 3- وضع قانون رادع يعاقب على التحرش الجنسى

اوافق تماما يا اقبال
وياريت نبدأ حسب وجهة نظرنا هنا كنساء مشاركات فى المنبر الى وضع خطة مثلا لمناهضة الحرش الجنسى
وبعد الاتفاق عليها نرسلها الى المنظمات النسوية الناشطة داخل السودان
ونتابع من خلال تشبيكاتنا المختلفة ومحاولة خلق لوبى يتجاوز حدود السودان, ولنبدأ بمناطق شبيه بينا, مثلا القرن الافريقى, او دول حوض النيل

ساحاول اضع تصور للخطة وارعضها هنا للتفاكر والاضافات والتعديلات
حتى تكون هناك خطة واضحة نسعى جميعا لتحقيقها

شكرا ليك ولدكتورة نجاة
امانى, عزاز, سار, روزمين, سناءخالد والبت حنونة ولكل الاخوات {عزرا ان تهت عن جمال اسمائكن فى غمرة الشغل والجرى}
وكل الاخوان اللى ساهموا فى تسليط الضوء على هذه القضية

فى سبيل وضع خطة علمية لمحاربة التحرشات الجنسية, كما ذكرتها للعزيزة عزاز واعيدها لنتفاكر جميعا وننطلق نحو افق ارحب


1. تحديدالاهداف
2. تعريف الفئة المستهدفة
3. المنهج المستخدم
4. آليات العمل
5. تحديد النتائج المرجوة
6. الخارطة الزمنية
7. المخاطر المتوقعة
8. الميزانية
9. التقييم


يالله ننطلق فى الاتجاه العملى..

فى انتظار رؤيتكن وضربة البداية

الأستاذة اشراقة وضيوفك الكرام

ان هذا الجهد المبذول في التنوير واعادة رتق ما أفسدته سنين الظلام يستحق منا أكثر من مجرد التقدير .. وأعتقد أن الفكرة العملية التي أشارت اليها الأستاذة اقبال تستحق أن تمشي على رجلين .. !!!

شكراً لكن وأنتن توقدن شموعاً للوعي

تحياتي

الاخت سناء

في نقاش سابق في بوست الاخت مياده، تناقشنا في اختيار مياده نشر الرساله المعنيه علي الملا، و احدي النقاط الاعتمدتيها في نقاشك كانت انه الغالبيه طلبت من مياده سحب الرساله، و قلت ليك انا عملت عد سريع لانه كان ينتابني فضول بعد اثارتك للنقطه عن الراي الكلي للمشاركين في البوست، و اخبرتك نتيجه التعداد و انه الغالبيه قالت عكس ما قلتي و ان انطباعاتك غير سليمه، و انه كم و اربعين فقط من طلبو منها عدم عرض الرساله، و كان ردك الاتي:

Quote: you need to do your count again, if you have the time, to be fair!! And give us the right statistics!! stop walking and collecting from the margines and leave all the point behind just to prove others wrong

تجاوزت صيغه الامر و التشكيك في خطابك لي و قلت في عقل بالي، يمكن اكون غلطانه و بالرغم من ضيق وقتي، لكن احساسي المتزايد بالضيق من تلميحاتك بعدم امانتي، ارجعني للبوست المعني و عديت من اول و جديد و اليك نتيجه التعداد:

Those who said withdraw the email = 46
Those who did not object and said keep it = 76
Some odd responses, that are neither here, nor there = 4

بغض النظر عن الزياده الطفيفه، النتيجه تقريبا كما كانت، و تاكدت من صحه الارقام الاوردتها في البوست و توجه البوست العام

حا تجي تقولي انك قاصده المداخلات، و ليس المتداخلين، و ده كلام لا يقبله عقل، لانه ما كده بيحسبو، كل زول يمثل رايه مره واحده فقط، و حتي اذا اخدتي عدد المداخلات و ليس المتدخلين مداخلات ست البوست و دكتوره نجاه و ماما دومه كفيله بالحفاظ علي الفارق

اها، انا ما راجيه منك اعتذار، لكن حبيت اوضح ليك انه تهجمك ما كان مبني علي اساس، وابريء زمتي من اني كذبت
و النقطه الاهم من كده، هي انه معظم المتداخلين و المداخلات لم تحتج علي عرض مياده للرساله

اذا حابه اسامي المتداخلين و ملخص مداخلتهم بل و صوره منها، موجودين، لاني حفظت البوست، لكن عشان نركز في النقطه البتهم البوست ده بس، اذا حبيتي تتاكدي مره تالته لشكك في امانتي، افضل فتح بوست عام و ادراج الاسامي و صوره من مداخلاتهم حتي تتاكدي
اها فتك بعافيه

سلامات
بعد انقطاع شكراً اشراقة وكل المتداخلات على المساحة المضيئة
تذكرت وأنا أقرأ بابتسام الحرقة الايجابية على مايصيب المرأة جراء التحرشات الجنسية بمختلف أنواعها،
وحكايا تداولتها معاك يااشراقة وكان فيها فكرة بوست عن انو التحرش تعددت أساليبو واتفننوا فيها كمان،

التوعية منذ الصغر أهم الخطوات برأيي
والتكتم والحظر المفروض على التوعية الجنسية تحت مسمّى (العيب والحرام ) يُلغي استيعاب الأطفال مثلاً لماهية تحرّش ما وضمّه لباقي التصرّفات العاديّة عن جهل بمعناه،
وحتّى التوعية تختلف جرعاتها من عمر معيّن لآخر فأن توعي طفل الخامسة مثلاً أن الاحتكاك بقصد وملامسة أعضائه التناسلية من قِبل آخر يعد تحرّشاً أو قد يندرج تحت مسمّى الاغتصاب حسب الواقعة يختلف تماماً عن أن تسمح لطفل الخامسة بمشاهدة صور عارية أو أفلام تحوي مشاهد عارية فهذ لايعد توعية بل تحرّش أيضاً.

أتابع ولي عودة،

Quote: وددت لو تحدد لنا معيار الخلاعة؟!!

الاخت اشراقة
بالنسبة لسؤالك عن ما هية الخلاعة فأنا لا املك تعريفا محددا ولكن ليس المقصود ارتداء الحجاب فهنالك نساء بدون حجاب ولكن لبسهن معقول وهنالك محجبات ولكن حجابهن لا علاقة له اطلاقا بالحجاب المتعارف عليه...انا اقصد اللبس الذى يترك فيه جزء كبيرا من الجسد عاريا او حتى اذا كان مستورا فهو يبين تضاريس الجسد اكثر من ان يعمل على اخفائها
مع العلم ان المرأة حتى وان كانت منقبة فهى تتعرض للتحرش وهذا موضوع اخر ولكن سؤالى هو عما اذا كان هنالك رابط بين طريقة اللبس وازدياد نسبة التحرش
وسؤالى هذا ليس من فراغ فقد قرأت عدة دراسات عن ظاهرة التحرش وتشير هذه الدراسات الى مجموعة من الاسباب مثل (ضعف الوازع الديني و تأخر سن الزواج و البطالة و المخدارت وتصقير الاسرة فى تربية ابنائها) هذه الاسباب تختلف باختلاف الحالة وربما بعضها او جميعا تكون سببا للتحرش الجنسى ولكن لفت انتباهى الى اشارة بعض الدراسات الى ان الانثى نفسها قد تلعب دورا مهما فى التعرض للتحرش عن طريق التعرى والكشف عن جسمها بصورة فيها اثارة لشهية الجانى
واوردت هذا الامر هنا متسائلا وذلك لاثراء النقاش وتقليب كافة اوجه الحقيقة
اليك بعض المختارات والمقتطفات من هنا وهناك
يقول دز احمد المجوب استاذ علم الاجتماع ( التحرش جريمة مشتركة بين الجاني والضحية لماذا لأن الضحية أصبحت اليوم تثير شهوة الجاني وتستفزه وكأنها تقول له هيت ولننظر إلى ما تلبسه النساء الأناث من ثياب فاضحة تفي بأدق مفاتنهن وذلك مثل التحرش والموضة ومسايرة الغرب فطبعاً مع الحرمان الذي يعاني منه الشباب ومع العجز عن الزواج يفقدون السيطرة على أنفسهن ويستسلمون للرغبة الجنسية الشديدة التي فجرتها لديهم المشاهد العارية والفاضحة سواء كانت حية أو أو كانت عن طريق وسائل الاعلام كذلك)
ايضا كانت هنالك ندوة فى المركز المصرى لحقوق الانسان ورد فيها على لسان أستاذ علم الاجتماع السياسي بجامعة عين شمس الدكتور قدري حفني ( أن الدراسات أجمعت علي وجود أسباب متعددة لظاهرة التحرش الجنسي، ومن بينها أسباب تتعلق بالفقر وتدهور القيم الدينية وانتشار القنوات الإباحية والملابس الفاضحة وعدم كفاية العقوبة، معتبرا أن ربط الأمر بالخطاب الديني وحده يحمل تضييقا للموضوع وتحميلا للخطاب الديني بما لا يحتمل، حيث أن النص الديني قابل للتأويل، وطرح الدكتور حفني عددا من التساؤلات ومنها هل تقتصر ظاهرة التحرش علي مجتمع بعينه أو فترة تاريخية بعينها؟ ولماذا يكون التفسير غير الصحيح للدين هو دائما الأكثر انتشارا في المجتمع؟ وإذا كان الفقر سببا للظاهرة فلماذا تحرش الرئيس الأمريكي كلينتون بموظفة البيت الأبيض مونيكا؟ ولماذا يحدث التحرش في بريطانيا وفرنسا وبلاد الخليج وإسرائيل؟)
ايضا (قالت نسبة 57.8 % من المشاركين فى استطلاع أجراه موقع مصراوى - الذي شارك فيه أكثر من 50 ألف زائر- ان الإباحية والملابس الفاضحة وراء ارتفاع نسبة التحرش الجنسي في مصر بينما أرجعت نسبة 22.8 % فى هذا الاستطلاع ، ، ارتفاع نسبة التحرش الجنس فى مصر الى ارتفاع نسب البطالة والضغوط الاقتصادية.وقالت نسبة 12.7 % ان تأخر سن الزواج في مصر هو السبب
فى ارتفاع نسبة ظاهرة التحرش الجنسي وقد أرجعت نسبة 3.5 % التحرش الجنسي إلى أسباب أخري، بينما أكدت نسبة 3.1 % ان المخدرات هي السبب وراء ارتفاع نسبة التحرش الجنسي في مصر.
هذا قليل من كثير وربما لاحقا احضر لك المزيد من الامثلة
مع ودى

الأخ عاطف ...
سلامات يا اخوي و اسمح لي بتعليق على كلام استاذ الاجتماع والمشابه
لتصريح مفتي المسلمين في استراليا و أعقبه اعتذاره بعد ان أثار
ما أثار من غبار ..

التحرش الجنسي مسؤولية المتحرش وحده ولا علاقة بالضحية به وإن كان ملبسها
فاضحا وإلا تحرش بها الشارع كله و كل من مرت به
و إلا لم يكف البعض ويتجرأ البعض ؟

في مصر تحديدا، تحدثت مع مجموعة فيتات 19-25 سنة محجبات من فئة متوسطة الدخل
و عاملات ويتعرضن للتحرش أكثر بنسبة 25% من قريناتهن من فئة ذوي الدخل فوق المتوسط و الأغنياء
و اللاتي لا يرتدين حجاب ويقدن سيارتهن ولا يختلطن بأشخاص خارج نطاق مجتمعهن
بينما تتنقل الفتيات من ذوي الدخل المتوسط و الأقل في المواصلات العامة و يتعرضن لمضايقات في احيائهن
وأكدت لي أكثر من واحدة انهن ارتدين الحجاب لكف المضايقات من الشباب ...

و الوضع الاقتصادي يؤثر على المراة أيضا كما يؤثر على الرجل و يؤثر امكانيات تبرجها و تزينها
فمن أين لهن المال للتبرج لإثارة الرجل ؟؟

المتحرشين جنسيا في الغرب يعدون من المضطربين نفسيا بغض النظر عن ضحيتهم حتى ولو كانت مومس
لأن حتى المومس لها حق الاختيار و الموافقة على الزبون ولا يحق له اجبارها بأي شكل من الأشكال ...

الرئيس كلينتون لم يتحرش جنسيا بمونيكا لوينسكي لأن ما تم بينها تم برضاها، يمكنها الدفاع بقولها
انها خشيت من سلطته إن رفضت الانصياع، و هو ما أستبعده لوجود قانون قادر على محاكمة رئيس في
فعل جنسي فاضح فما بالك في قضية تحرش!

المتحرش رجل مهزوم نفسيا يبحث عن ضحية يضطهدها ليعيد الحياة في ثقته في نفسه ...
لماذا هو مهزوم نفسيا، سؤال مشرع لكل باقي الأسباب التي اوردتها أعلاه ...


كل الود،

اشراقة واصلي في جذب هذا البوست المميز من الخاص للعام، عشان دايرين نتداخل في بي راحتنا...




الاخوات

عزاز
رحاب
سناء
بيان
اماني
تماضر
الجميع
احترامي

مرحب بتماضر الخنساء
وبجيك بروقة, اتوهطى لجوة

Quote: اشراقة واصلي في جذب هذا البوست المميز من الخاص للعام، عشان دايرين نتداخل في بي راحتنا...

ياحنونة ياختى انت مع هههههههههههههههههه بهناك نحنا زمااااااااااااااان نجحنا فى تحويل الموضوع من الخاص الى العام

يالله يدك معانا فى وضع استراتيجيات
وراجعى كلام اقبال


مودتى ليكن يابنات حدها المحيط

الاخت د.نجاة
ردك مقبول لو اننى مسلم بتلك الفرضية ولكن لاحظى اننى طرحتها كتساؤل ليس الا ولو رجعتى لردى لصاحبة البوست لعلمتى سر التساؤل
هذا من ناحية
من ناحية اخرى فى دراسة المركز المصرى لحقوق الانسان التى اشرت لها فى ردى على صاحبة البوست ورد(لكن الكاتبة الصحفية كريمة كمال اعتبرت في بداية حديثها أن ربط قضية التحرش بالمعتقد الديني وحده كعامل مؤثر يحمل فصلا تعسفيا للمعتقدات عن الأعراف والتقاليد لدي الشعب المصري، إضافة إلي عوامل أخري كالظروف الاجتماعية والاقتصادية، لافتة في الوقت نفسه إلي أن استغلال الدين في العديد من القضايا الاجتماعية صار أمرا زائدا عن الحد.)
انا من انصار هذا الرأى
نعم نحن مطالبين اسلاميا بغض البصر ولكن المجتمع به المسلم وغير المسلم وبه ايضا المسلم الذى لا يتقيد بكامل النص ليس فى مسألة غض الطرف فحسب وانما فى كثير مما هو مطالب به ولكن بين هذا وذاك هنالك ظاهرة اصبحت تمثلا خطرا على النساء يجب الحد منها بشتى الوسائل فمن يرى فى الدين وازعا له ومن يخشى عقوبة القانون ومن يخاف من العقاب الاجتماعى كلهم يجب مخاطبتهم بقناعاتهم وبالوسائل الاكثر تأثيرا لديهم

Quote: زمان حبوباتنا كانو بلبسو رحاطة ويرعن ويزرعن ويبنن..

ولكن ايضا تعرضن للتحرش بشكل او اخر والتحرش ليس بالظاهرة الجديدة فهو قديم قدم البشرية نفسها
فقد ورد فى نفس الدراسة المذكورة انفا ( المحامية والنشطة الحقوقية أميرة بهي الدين تساءلت في البداية: لما كل هذا الاهتمام المفاجىء بقضية التحرش، وكأنه لم يكن هناك تحرش من قبل، لافتة إلي أن الحكم في قضية نهي رشدي استند إلي قانون العقوبات الصادر في عام 1940 والذي كان يعاقب علي جريمة هتك العرض والتحرش بأنثى ومضايقتها بالفعل أو القول، مؤكدة أننا لا نحتاج قانونا جديدا في هذا الشأن، حيث القانون موجود بالفعل ومع ذلك فالتحرش أيضا موجود في الشارع وجهات العمل والمحاكم وغيرها، بين تحرش لفظي وبدني.
ورأت أن البعض يعتبر الأنوثة هي الخطيئة، مشيرة إلي أن التحرش الجماعي يمثل ظاهرة انحراف سلوكي أجرامي ونوع من العنف الاجتماعي، ولفتت إلي إن النظرة للجسد بطريقة تحط منه هي نظرة موجودة في التراث، وقالت أن الشعب المصري متدين بالفعل، ولكن هناك انتشار لظاهرة التدين الشكلي ولطقوسي وغياب التقوى الفعلية.
واعتبرت أن الخوف من الفضيحة الاجتماعية والإدانة المسبقة للضحية وراء الإحجام عن الإبلاغ عن العديد من حوادث التحرش، مشيرة إلي أن الآباء والأمهات أنفسهم يلتمسون الأعذار للجاني كما أن رجال الشرطة يحملون ثقافة التماس الأعذار للجاني وإدانة الضحية.)
مع خالص ودى

د.اشراقة واللائي معاها كل سنة وانتن بخير...

في احدي سنين دراساتي اتحرش احد اساتذة معامل الفيزياء باحدي طالباته وهو استاذ من معتادي التحرش وهي طالبة من معتادي احترام الذات .. والناس هاجو وجاطو وعملو العشرة وذمتها وبعد اختفاء كم يوم وتصعيد القصة الاستاذ باشر حياتو عااادي...
المهم ...انو تاني يوم للحدت دار لغط في استراحة الطالبات انو البت كان تكلم الناس ولا تكتفي بالانسحاب من اللاب وكدي...

في احدي المواصلات العامة ضايقها بي كراعه وقفت علي حيلها وادتو كف الحافلة كلها(25 راكب +الشماعة) ادانت الكف..

مارة في الشارع قال ليها كلام مشاغلة بصوت عالي سمعوه كل الناس وقفت واتلفتت ليه تساله راجل كبير سمع المشاغلة هرشها يا بت هووي احترمي نفسك وامشي...

عارفين مشكلتنا ال third part لو في قانون نطالب بيه يكون قانون يردع لينا المتبرعين بالادانة ديل .. عاوزين حملة ترفع الوعي بانو الدعوة الي السكوت علي التحرش جريمة ويتم العقاب عليها

Quote: المتحرش رجل مهزوم نفسيا يبحث عن ضحية يضطهدها ليعيد الحياة في ثقته في نفسه ...

الاخت عزاز
اتفق معك بان المتحرش مهزوم نفسيا
وفى اعتقادى حتى ولو استفزه لبس الانثى او اثاره فهو باستجابته لهذا الاستفزاز والاثارة يعلن عن انهزامه النفسى لانه لا يرى قيمة للانثى الا فى جسدها
بالمقابل من حقنا ان نتسائل لماذا؟؟ومن اين جاء بهذه النظرة المعوجة للانثى ؟وهل لحواء دور فى ترسيخ هذا الفهم فى دواخله ولا بس الحكاية حقارة؟؟

Quote: و اسمح لي بتعليق على كلام استاذ الاجتماع والمشابه لتصريح مفتي المسلمين في استراليا و أعقبه اعتذاره بعد ان أثار ما أثار من غبار ..

طيب ما رأيك فى نتائج الدراسة التالية والتى اجراها المركز المصرى لحقوق المرأة والت جاء فيها
(أقر أكثر من ثلثي الرجال في مصر بارتكابهم "ممارسات" التحرش الجنسي ضد نساء، وإن الغالبية منهم تلقي باللوم على المرأة في ذلك.
جاء ذلك في دراسة أجراها المركز المصري لحقوق المرأة واطلق عليها اسم "غيوم في سماء مصر"، وشملت عينة من ألفي رجل وامرأة مصريين و109 امرأة أجنبية.
وبلغت نسبة الرجال الذين اعترفوا بارتكابهم التحرش الجنسي 62%، بينما بلغت نسبة النساء اللواتي قلن إنهن تعرضن لهذه الممارسات 83% نصفهن قلن إن ذلك يحدث يوميا.
ولم تزد نسبة النساء اللواتي قمن بالتبليغ عن محنتهن للشرطة عن 2.4%، وذلك لأنهن لا يرون جدوى في ذلك، أو يخشين من إيذاء سمعتهن كما تقول الدراسة.
وقالت الدراسة "إن معظم النساء لم يفعلن شيئا حين تعرضن للتحرش الجنسي" مضيفة أن معظم النساء المصريات يعتقدن أن عليهن عدم فتح الموضوع أبدا.
وألقى 53% من الرجال باللوم على المرأة لأنها تستدعي هذا السلوك، فهي تستمتع به ، أو ترتدي ملابس غير محتشمة. وتوافق بعض النساء الرجال في هذا الرأي. )
وفى الختام اتمنى ان تصل اليك الفكرة التالية
انا لا افترض ولكننى اتسائل
مع خالص ودى

سلامات يا احبة

محاولة رسم شخصية للمتحرشين وضع اوصاف لهم يغبي اثرهم تماما
المتحرش رجل ياتي من كل الاوساط الفقيرة والغنية والقمة في التعليم ومن الاسر الراقية والاسر الفقيرة
ومن الصغار والكبار من مختلف الملل والنحل..

اي امرأة لديها قرون استشعار زودها بها الخالق لتعرف اذا كان من لمسها صدفة ولا قاصد(ناس التستا تيوب)

كثير من الرجال المقربين للمرأة قد يحدث ان يلمس يدها صدفة او كتفه كتفها في مواصلات
او ممر.. المرأة تميز بين الصدفة وبين التقصد..ودي الحاجة الما بفهموها الرجال ديل.
لانه المتحرش ما داءما راجل ماري بالشارع صدفة او في المواصلات..
في ناس مصاحابك شديد بتحرشو بيك وتكون للمرأة صدمة قاتلة..
لا يوجد احزن من ان يتحرش بك جنسيا من تحبه وتوده او من توقره وتعظمه..

لدي صديقة لي سنين ما شوفتها ولكن كان لديها نظرية انه الرجل لا يتحرش الا بالمرأة
التي يرى انها مسكينة وممكن تخاف..وقالت انه لاحظ خوف الرجل السوداني
ورعبه من الفواتي والعاهرات المعروفات(زمن البغاء بطلعو ليه رخصة)
يستحيل يتعرض ليهن ولا يشتمهن لانهن حيشتمنو اكثر واكثر..
ويهدرن كرامته..
هذه الصديقة اي راجل يتحرش بيها بتخلعو بردة الفعل حقتها(زولة قصيرة وضعيفة وبراءة الاطفال في عينيها)
بتقوليه عبارة كدا.ز ممكن تعمل اخصاء نفسي لاي راجل سوي وغير سوي
من قصصها الشهيرة مرة في بص ابو رجيلة سبعة بنات من المعهد هي لقت كرسي والباقين واقفين.
قامت لاحظت انزعاج في وش الوقفات في الحد الفاصل مع الرجال
باعلى صوتها حيث سمعها من السواق لاخر راكب
سالتهم هي مالكن في راجل .....؟
بس اي راجل واقف ورا البنات ديل زحة متر والبص ذي العلى رؤوسهم الطير
سكات لما نزلو في قصر الشباب.. والغربية شاكلوها البنات شكل شديد..
وقالو احرجتهم مع انه فعليا كان في راجل بتحرش بيه..
كنت بحسدها جدا على قدرتها الهائلة في فجع الرجال المتعدين للخط الاحمر..
ودي الخلتني اعرف انهم ما بختشو ولكن بخافو..
عشان كدا فكرة عذارى الحي البمجد فيها الرجل السوداني في اغانيه
عشان يدجن بيه الضحايا وانه البت لازم تكون مدنقرة وعينها في الارض وتفوت اي حاجة
عشان تكسب احترام المتجمع دا..المجتمع القيمو زائفة بتقوم على ترك الحقوق للمرأة

والخوف من الناس وكلام الناس العندو سطوة شديدة خلاص..
سطوة اكبر من الكرامة والشرف..
تسليح بناتنا بقوة الشخصية التي تعطيهم القوة على قول لا واخذ حقوقهم
بتخلي المجتمع دا يتغير..
في ستينات امريكا قبل الثورة الجنسية برضو كان المرأة بتلعق جراحها في صمت
الان الامريكية البغتصبوها ذي الادوها وسام تحكي تجربتها
وكمان في واحدات بدعن انهن اغتصبوهم عشان يلقن تعاطف..
شوية شوية لو الناس طالبت بحقها لو النساء بلغن الشرطة في اي حداثة تحرش
حيتعمل قانون وحيعرفو الناس الوسخ التحت السجادة..


عجبني كلام بتنا شيرهان الناس البتتكلم وتقيف مع المجرم دي لو الحاجة بقت
معروفة حيتغير الاتتيود..
بعدين البت الخلت معمل الفزياء دي المفروض تدخل اسرتها في الامر
والاتحاد وتاسسو للاطار السلوكي للرجل دا..
والناس اللامتها لامتها لانه اتعلمو الناس تسكت ولانه الجاني عارف الحبة ما بتجيه
عشان كدا يا اشراقة و اقبال والجميع
اولا يمكن صياغة عريضة بصورة قانونية وتبقى الكترونية تنتشر في كل البوردات
تجمع مليون توقيع السنة الجاية الناس تقدمها للنائب العالم واتحاد المرأة الشرعي والمتقول..
لعمل قانون رادع للمتحرشين مع ضمان السرية للضحايا..
على وزارة التربية عالي واساسي النظر الان في قضايا التحرات بالطالبات..
وعمل التجهزيات الازمة لمنع تمكن الاساتذة وعمال اللابات من التحرش بالطالبات..
مع حفظ السرية.. لانه بحفظ السرية حتتقدم الكثيرات لاخذ حقهن.

وللامهات جميعا
اذا لديك بنت طالبة في المستوى الجامعي تغيرت شخصيتها وصارت عصبية
او حزينة قلت شهيتها او كثيرة البكاء وقل حمساها للدراسة يجب ان تعرفي السبب الحقيقي
لذلك لان هذه علامات ان هذه البنت واقعة تحت ضغط نفسي كبير.
هناك بعض الاسااذة يعرفون ضحاياهم عادة بيكونو يا بنات شاطرات شديد وطموحات
او بنات ما مجتهدات وعايزات ينجحن..
وهنا تبدا المصيدة..
ايتها الام اعرفي ابنتك حتى تستطيعي ان تعرفي التغيرات النفسبة والعاطفية.
لان بعض البنات يحاولن الانتحار وقد ينجحن
خاصة اذا لم يجدن التعاطف..او طالببتهن الاسرة بالسكوت وترك الجامعة..

والتحية لكل من تقول لا..

والتحية لميادة كمال التي قالت لا وكسرت القمقم..
واعلم كيف تعاني الان ممافعلته وهو نشر رسالة مشينة اتتها من انسان مريض..
اراد البعض ان لا تنشرها بحجة المجتمع والتقاليد تو هيل وذ تقاليد التي لا تحفظ كرامتي
التقاليد التي تحول الضحية الى جلاد.التقاليد التي لم تمنع الرجل من ارسال تلك الرسالة القذرة
يا ميادة الوعي يخلقه الالم....والذهب يجمر بالنار
والى اسرة ميادة
تسلمو ولكم الاحترام والتقدير..


والى الاخوات هنا صمتكن عن حفلات الشواء الدائرة في البورد ضد ميادة
التى يحاول البعض ان يزرع في الاذهان انها بت سهلة بتدي تلفونها وايميلها لاي زول
يرفع اكثر من حاجب..
ودي ياهو التآمر بالصمت...
الابنة عزاز تعرفين محبتي واحترمي وتقديري لك
قد استخدم اسمك للمقارنة بين منعتك وتساهل ميادة
هلا اوقفتي ذلك؟

ولكن جميعا ييد ليد تجدع بعيد..
و








.

الاستاذ عاطف سلام

المجتمع المصرى بختلف تماما عن مجتمعنا فى كثير من الاوجَهه خاصه فيما يتعلق بموضوع المرأه
بالرغم من أن المرأه المصريه كانت سباقه فى إرتياد مجالات العمل..الا أن علاقاتها داخل الاسره
يشوبها كثير من التناقض..وبشئ من التعميم والذى أرجو ألا يكون مخلاَ ...
التحرش الجنسى ظاهره متفشيه بشكل مقرف فى المواصلات العامه المصريه...
والضحيه تتعرض للسب المقزع من الجانى.. والضحك والنكات من بقية الركٌاب..
الزوجه تغسل لزوجها قدميه..ولا تخاطبه بإسمه المجرد إلى زمان قريب...
ضرب الزوج لزوجته لا يمثل نهاية الطريق للعلاقه الزوجيه ..
الدين كمعطى إجتماعى..يختلف التعاطى معه فى المجتمع المصرى , عنه فى المجتمع السودانى..
لهذا ولكثير غيره, الدراسات والبحوث المصريه فى مجال العلاقات الاجتماعيه,
لا يمكن تعميمها على مجتمعاتنا السودانيه..

يا استاذ عاطف
ما عارفه ليه عندى إحساس بأنك بتحمل المرأه بعض المسئوليه فى المسأله دى
any way حتى ولو كنت بتسأل بس...
لبس المرأه ما بدى أى راجل الحق فى إنه يتعرض ليها...
ليه هنا فى أمريكا بتلقى البنات لابسين الهوت شورت..ومعاه البلوزه البتخلى نص البطن بره...
.................................... وبرضه ما فى زول بمد يده؟؟؟
حتى السودانيين الواحد بعمل قل كنترول على نقسه و بمشى زى الما حاصله حاجه...
لأنه عارف إنه القانون ح يطوله ويمكن كمان تجيب ليها ديبورتيشن ....
خلينا نثبت النقطه دى......إختيار الملابس حريه شخصيه...
وبالمناسبه تتأنق المرأه للسلف ساتسفاكشن فى أغلب الاحوال..
وفى أحوال كثيره تتأنق المرأه للمرأه...لما تكون الحفله نسوان بس بتلقى النسوان الوحده بتبزل مجهود أكبر
وده ما عنده علاقه بأى رغبات سحاقيه...
يعنى بإختصار المرأه بتلبس ما للراجل...فى أغلب الاحوال













ا

الأخت رحاب

دي أنا باعتبرها نرجسية منك لما تكون أهم نقطة في ردي بالنسبة ليك ما أسميته (تشكيك في امانتك العلمية)

ياخي انت شككت في سلامة عقلي

Quote: غير موجوده الا في خيالك

و في سلامة ضميري

Quote: كلامكن ده فيهو كلام حق، و لكن اريد به باطل

و طلعتيني يا منافقة يا جاهلة و ما بافهم باتكلم عن شنو و باقرأ في شنو

Quote: بعدين شتان ما بين كلامك و كلام عزاز القلتي هي قالت الانتي دايراه تقوليهو، و لو ما فاهمه الفرق بين موقفك و موقفها و موقف الاخرين من طالبوها بسحب الايميل، دي تبقي عوجه لانسانه كتبت مداخله من منظور جندر

و بتتكلمي معاي بفوقية و بتصححي لي بقلم احمر!!


دا كلو لأنو قلت رأي مختلف عن رأيك و ما عجبك مع اني لا مسيتك و لا مسيت غيرك في رأيي و لا حجرت على انسان حرية انو يقول رايو !!

الأنكى انك جاية بتواصلي بنفس النهج هنا برضو عشان تثبتي انك صح -مش في رايك في موضوع البوست- صح في تشكيكك في كل الحاجات القلتها فوق دي و اللي أؤكد ليك انها لا تقل أهمية عندي عن أهمية أمانتك العلمية عندك!!

بعدين نجي لقصة أمانتك العلمية دي!!

تعرفي انا الامانة العلمية في نظري ما بتنفصل عن الامانة في الشخص ككل

و لانو التعريض بامانة انسان لا بعرفو لا شفتو خان امانة بعيني (و لا حتى لو بعرفو) دي ما عندي و لا من اخلاقياتي

يبقى قصة انو اعرض او اشكك في امانتك دي (حاجة من خيالك )

انت قلت انك حبيت تكوني دقيقة

Quote: بس للدقه

Quote: يبقي الاغلبيه، و للدقه طالبت بعكس ما قلتي

و انا قلت ليك انت وكت دقيييقة كدا (و دي انا باعتبرها تلكك مش دقة)!!

و بتاخدي الكلام حرفيا ليه اخدتي الجزء العايزاه حرفيا و رميتي الباقي ما كان تاخديهو كلو حرفيا (تلاتة ارباع المداخلات) و ليس (ثلاثة أرباع المتداخلين)!!

و دي بعداك بتبقى تلكك و لياقة مني انا مجاراة ليك !!

اذن حساباتك كانت غلط مش لانك نقلتيها بدون (امانة علمية)!!

لكن لانو الاساس بتاعها غير دقيق!! مع ان الدقة - كما تقولين - كانت هي دافعك في البداية!!

في الحالتين يا رحاب ( ردك السابق و ردك الحالي) انت مسكت في هوامش و تفاصيل غير مهمة و تركت لب الموضوع جانبا!!

Quote: و احدي النقاط الاعتمدتيها في نقاشك كانت انه الغالبيه طلبت من مياده سحب الرساله

النقطة المهمة الفايتاك انا لما قلت ثلاثة ارباع المداخلات ما كنت باقولها عشان مفترضة انها راي اغلبية مفروض الناس تمشيهو و تحذف البوست و لا اعتمدت عليها زي ما بتقولي عشان اقول انا رايي صاح لانو راي اغلبية (شايفاك زي الفهمت كدا و ماشة في السياق دا) انا قلت اشمعنى كل الناس دي قالت راي مختلف و انا الاتعلقت لي المشانق و رايي بقى موضوع البوست (و الاشمعنى دي جزء من اجابتها انا عارفاه)
يبقى في حتة زي دي حتى لو قلت تلاتة ارباع المداخلات او المتداخلين او ان شاء الله القراء كصيغة مبالغة عشان اقول (اشمعنى انا)
بتفرق كتير عن اني اقول انا عملت احصائية بناء عليها مفروض يحصل كذا او كذا!!

مش بتفرق ؟؟
مفروض تكون بتفرق اذا كنا دقيقين!! ما ممكن تكون في دقة بتاخد بعض الكلمات بحرفيتها و بتتجاوز السياق تماما !!

بعدين ما تفتكري انو انا متجاوزة عن بعض الاساءات و الاتهامات الوردت في البوست من متداخلين آخرين لعجزي عن الرد او ضحد الكذب و التلفيق و لكن ببساطة لأنو دي امراض ما بتتبارى و لأن صاحبها لا يستحق مني اي زمن حتى لو مستقطع من زمن ترفيهي و ونستي ناهيك عن زمن شغلي و اولادي.. !!
العايز يعرفني من كتابة الناس ما من كتابتي انا يبقى ما عايز يعرفني و اكيد انا ما حريصة على معرفتو!!





لا اعتقد انني مدينة لك باعتذار ... و لا اطالبك باعتذار!!

بل اطلب منك و (اتمنى ان لا تعتبري هذا امرا...بل هو رجاء و من موقع قوة و ليس ضعف) ان نجلس بهدوء للعمل معا ايد في ايد على طاولة زي ما انت شايفة اتخت فيها ورق كثير و ممكن نخت اراءنا المتناقضة و نناقشها بموضوعية و ممكن نخت الموضوع بتاع ميادة كحالة يراها البعض طرح ضار بالقضية و البعض الآخر يراها اسلوب من اساليب العلاج... نتناقش في كل حاجة و أكيد حنصل لحاجة..

For Refrence



Re: يا هذا...كلامي أصابك في مقتل..وإستفزك..لن تخوفني أل...وجد الفاظ غير لائقة)

Re: يا هذا...كلامي أصابك في مقتل..وإستفزك..لن تخوفني أل...وجد الفاظ غير لائقة)

اها يا شيريهان والاخوات هنا
دا بوست نوعية البلومو البت الادت الراجل الاتحرش بيها كف..
العايزة شريهان تعمل ليهم قانون يضطبهم الناس البفكرو بالعيب بالمفهوم السوداني
حق الراجل ما بتلوم..


الحياء (يا مجدي محمد مصطفي وين البوست )

انا شايفة البوست دة عبارة عن ورشة عمل بوردابية..
يعني ممكن نقتل الموضوع بحثا اذا التزمنا بتناول النقاط الذكرتا اشراقة..
يعني بي صراحة يا ريت موضوع ميادة ما تتناولو هنا..بالرغم من انو مثال لموضوع النقاش..لكن حيكون سبب في نهايتو..فيا ريت نركز في الظاهرة وتداعياتها وايجاد حلول للحد منها..

Quote: وتداعياتها وايجاد حلول للحد منها..

سلامات يا سارة

البوست اصلا فتح لاجل ما حدث لميادة من تحرش عبر الايميل..
ايضا لما لاقاه موضوع ميادة من نقاش واختلاف وجهات نظر
يعني دا الجانب التطبيقي في موضوع التحرش..
اذا قعدنا ننظر للابد ما بنصل لحل بدون امثلة..

ميادة صمت الغالبية لتوجهها السياسي عن حفلة الشواء لها
ودي واحدة من الطرق لاي اسكات الناس
وهي زرع المعلومات للناس بانه الزولة دي كوزة
الرأي العام هنا ضد الكيزان
ولاننا نحنا ناس بدو وغير متحضرين وعلياتنا غير موضوعية ما بنقدر نفرز
والحاجة دي حصلت لي برضو
حيث كل من يعرفني هنا جا وجزم اني ما كوزة
لكن الناس اصرت على ترويج الاشاعة دي حتى يسهل قنصي ويصمت الناس..
ولكن الحمدلله بمحن البهمبشني ولا احتاج لشخص للدفاع عني..
ولكن هنا نريد عمل موقف موحد لينا كلنا اي امراة يتم التحرش بها مهما كانت
يجب الوقوف معها..ودا ما موقف جندي موقف انساني بحت..

ولذلك موضوع ميادة قائم لانه نموذجنا الحالي للوم البت البتدي المتحرش كف..

يا دكتورة نجاة عشان البوست القيم دة ما يضيع وخاصة انه يرجي منه الكثير..اتمني ان تكون رؤية ما خلف الاشياء المقترحة من الدكتورة اشراقة رؤية عامة بدون تخصيص لحالة معينة..

Quote: رحاب ازيك: تحيه طيبه, ليه بضر بالقضيه؟؟؟, دي وجهة نظر شخصيه, اتشرحت تماما من خلال نقاط زي مبدأالشكوي أو التحدي وجدوي أي منهم, رد الفعل المؤثر والقوي ماهو؟ الرد وهل مجدي أم لا, وعلي من يكون الرد وده برضو تقييم فردي, ايراد الرساله كخطأ من منظوري, القضيه أصلا هل هي خاصه وشخصيه, أم اريد بها التعميم وطرح الموضوع للنقاش, واكتملت الفكره تماما بمداخلات عزاز وروزمين.. يمكن مراجعتهم حتي نتفادي التكرار.. عموما وجهة نظري اللي أنا مقتنعه بيها دي ممكن تكون ما مقبوله في منظور شخص اخر, وأنا بحترم الرأي الاخر حتي لو ما مقتنعه بيه, موضوع مياده ده قتل بحثا, وأنا وعدت د. أشراقه بالتوقف عنه, ومحاولة البحث بموضوعيه عن الحلول للقضيه العامه ككل, مودتي,,,

اهلين يا اماني

احترم عدم رغبتك في الرجوع لموضوع مياده
و لكن اسمحي لي، ان اعود لمداخلتك (و مداخله سناء)
بهدف المقارنه بينهم و بين رد عزاز، باسلوب التفكيك البنيوي
و ذلك لفائدتي اولا و فائده النقاش العام
و اعفيك مقدما من الرد علي، احترام لرغبتك

انا بعتبر موضوع مياده ده الحاله case study المبني عليها اساسا البوست ده
و لا يضير النقاش من شئ، اذا بنيت بعض نقاط النقاش عليه
و اوعدك بالبحث بموضوعيه عن الحلول للقضيه العامه
و تركيزي هنا علي نقطه هامه و، و هي:

هل المراه دائما (consciously or unconsciously, intentionally or not) خير نصير لقضايا المراه؟

ده سؤال كبير ما زال مطروح في اجندات الدراسات النسويه
و تخلتف عليه الاراء بصوره كبيره
و يمكن رد لاخونا عمر الفاروق في بوست لاختنا حليمه
هو البلور السؤال ده في ذهني

مشكوره مره اخري يا ستي علي الرد

الحبيبة شروق
والمشاركات العزيزات
كل مارس وانتن بالف خير

اتابع بكامل الامتنان ، رغم اليد الممسوكة
واصلن عسى ان نصل الى شط الانصاف

تقديري والمحبة

الحبيبــة اشــراقــة .. ..

يـزيــد يـقيـنـى فـى كـل يـوم بـأنـك اهـل لكـل مـاهـو جـمـيـل .. ..

متـفـرده فـى كتـابـاتـك وسـردك .. ,,

معتـزه بنـفسـك تنـافـسـى نخيـل بــلادى عـلـوا... ونيـلــها عطـــاء ,, ,,

احتــرمــك واكــن لكــى كــل الـود بالــرغــم مــن انــى لــم التـقيــك ,, ,, ,,

ودى الاكيـــــــد ,,,,

رسائل عامه، بعضها متاخر حبتين:

اقبال: انا متكيفه جد و انا بقرا مداخلاتك
----
اشراقه: شكرا علي كلامك الجميل، اخدتها كحاجه سمحه انا تحفه دي lool
------
د.نجاه: الف شكر علي ايرادك رابط البوست، رحاب علي قالت كلام مهم و ردك جميل
------
عاطف: سؤالك عن اللبس و علاقته بالتحرش سؤال مشروع و مهم، حتي في الغرب، و يدور في اذهان الجميع، و واجب مواجهته، لكن د.نجاه و عزاز و باقي الاخوات ما قصرو
-----
شاديه: والله حاجه مؤسفه، اكيد كله كان تحت شعار عدم الفضيحه، لا حول ولا قوه الا بالله. شفت كلامك الجميل في بوست العمل الخيري، و بجيك صاده، ربنا يخليك يا شاديه و ما تنقطعي من هنا كان لقيتي طريقه
-----
بهاء: النساء في الريف دايما مظلومين معانا، لانه بندخلن في جمله كلمه النساء، و دي حاجه ما صاح، نقطه مهمه
-----
عزاز: كلامك مفهوم، و بالرغم من اختلافي معاك في بعض النقاط فيهو، لكن وجهه نظر فاليد valid بالنسبه لي، ان شاء الله بقيتي احسن من الحمي
------
سناء: شايفاك كررتي لي خطاب دكتوره نجاه الوجهته ليك عن الفوقيه و عدم احترام وجهه نظر الاخر lool
ما كنت متوقعه اعتذار بعد شفت بعض مداخلاتك مع نجاه و دومه يا ستي، عشان كده عفيتك منه من البدايه، راجعي ردي لاختنا اماني، و باقي ردي لمداخلتك موجود بس مكانه ما بوست اشراقه

ابدا والله يا سناء ما نرجسيه ما جعلني اتخير الرد في النقطه دي في بوست اشراقه، لكن اولا حبا في الوضوح و عدم المراوغه، انتي بتسالي الكلام بصوره ملتفه و انا جبته ليك بالدرب، زي رد دومه ليك عن نظريه المؤامره حقتك، الكلام المغتغت ما سمح. ما اتهمني احد بالكذب و التزوير و التدليس من قبل، و دي حته بيقروها قراء كتااار، منهم طلبتي و زملائي و امي و ابوي و اخواني، يعني ابراء الزمه كان لازم
و تاني حاجه الموضوع مرتبط في ذهني باسئله اكبر، مثلا، هل علو الاصوات في مساله كالرفض دي يمثل الاغلبيه و الاجابه العلميه: لا؟ و السؤال عن دور المراه في قضايا الجندر؟ و و اسئله كتيره تانيه
ردي لردك السابق صفحتين و موجود، وتاكدي يا سناء حاتخير المكان الاسفيري العام و الزمان المناسبين لايصالهم مع ردي الجديد لمداخلتك الحاليه

بعد اذنك يا اشراقه
مداخله من خارج البورد من الاخت نجلاء عثمان التوم بخصوص النقاش وصلت علي بريدي:

Please convey my thanks to all those who dig deeply and shared with us the treasures they come across.
Again, thanks for all that

العزيزه د. اشراقه:
نهارك سعيد,,
الليله يومي مزحوم شغل,
حأبدأ معالك شويه شويه في خطة البحث اللي وضعتيها,
برؤيتي المتواضعه,

Quote: 1. تحديدالاهداف 2. تعريف الفئة المستهدفة

أري أن نبدأمع الوقايه التي هي خير من العلاج,
قصدي ال Prevention تحديدا,
وأري أن أولي الفئات بالاستهداف هي الفئات الصغيره سنا,
وبما أن التحرش قد يبدأ من أعمار الطفوله المبكره, ويكون في هذه الحاله,
الجاني أحد الأقارب أو الأصدقاء المقربين للأسره, أو المحيطين بصوره متكرره,
كالمربيه أو سيد الدكان أو أي شخص يمكن التردد عليه أو معه,
فالتوعيه بغرض الوقايه لابد أن تشمل الأم أولا والاب بضرورة الحال,
بالاشراف الشخصي والتام علي مستلزمات الطفله الشخصيه,
والمراقبه اللصيقه للطفله وتفاعلها مع كل المحيطين,
الجاني في مثل هذه الحاله يكون اخر شخص يمكن أن تحوم حوله الشكوك,
هنالك حالات شاذه مرضيه يكون فيها التحرش من قبل الأب نفسه,
واحيانا الخال أو العم,
لذا ذكرت متابعة الأم في البدايه,
فهناك العديد من القصص تروي عن مثل هذه الأمثله المريضه,

التربيه المتوقع غرسها في الطفله والطفل أيضا اذ قد يتعرض الذكور أيضا للتحرش في سن مبكره,
هي التربيه المبنيه علي الصراحه مع الوالدين والأم تحديدا,
والسرعه في التبليغ عن أي مضايقات أو سلوك غير طبيعي,
طبعا التوعيه لايتوقع أن تكون في صورة تخويف للطفل من البيئه المحيطه,
لأن هذا حرص مبالغ فيه يقود الي ضرر عكسي,,

التحرش علي الطفله ضرره عادة يكون بليغ, ومن الصعب جدا محو اثاره,
تفقد الطفله لاحقا ثقتها بالاخرين,
وتفشل في فهمها أو تقبلها للشريك الطبيعي,
ويؤثر ذلك علي المستوي الاكاديمي والصحه النفسيه لها تأثيرا بليغا,

لكل هذا أري أن التوعيه للأمهات حتميه للحفاظ علي الأطفال,
طبعا ده بيقودنا تلقائيا الي فهم الامهات وادراكهن
بخطورة التحرش وضرورة أن تكون الام نفسها متبصره وواعيه بدرجات التحرش وأنواعه,
فالتحرش قد يكون لفظي, وعادة غير محسوس من قبل الاخرين...

سأعود,,

التربيه المتوقع غرسها في الطفله والطفل أيضا اذ قد يتعرض الذكور أيضا للتحرش في سن مبكره
هي التربيه المبنيه علي الصراحه مع الوالدين والأم تحديدا,
والسرعه في التبليغ عن أي مضايقات أو سلوك غير طبيعي,
طبعا التوعيه لايتوقع أن تكون في صورة تخويف للطفل من البيئه المحيطه,
لأن هذا حرص مبالغ فيه يقود الي ضرر عكسي,,

التحرش علي الطفله ضرره عادة يكون بليغ, ومن الصعب جدا محو اثاره,
تفقد الطفله لاحقا ثقتها بالاخرين,
وتفشل في فهمها أو تقبلها للشريك الطبيعي,
ويؤثر ذلك علي المستوي الاكاديمي والصحه النفسيه لها تأثيرا بليغا,

لكل هذا أري أن التوعيه للأمهات حتميه للحفاظ علي الأطفال,
طبعا ده بيقودنا تلقائيا الي فهم الامهات وادراكهن
بخطورة التحرش وضرورة أن تكون الام نفسها متبصره وواعيه بدرجات التحرش وأنواعه,
فالتحرش قد يكون لفظي, وعادة غير محسوس من قبل الاخرين...

أمانى سلام
آسفه علامة الإقتباس أبت تجينى
بتفق معاك فى إنه دى خطوه مهمه جدا..
ولازم تمشى جنبا الى جنب مع الخطوات الاخرى

Quote: سناء: شايفاك كررتي لي خطاب دكتوره نجاه الوجهته ليك عن الفوقيه و عدم احترام وجهه نظر الاخر lool ما كنت متوقعه اعتذار بعد شفت بعض مداخلاتك مع نجاه و دومه يا ستي، عشان كده عفيتك منه من البدايه، راجعي ردي لاختنا اماني، و باقي ردي لمداخلتك موجود بس مكانه ما بوست اشراقه ابدا والله يا سناء ما نرجسيه ما جعلني اتخير الرد في النقطه دي في بوست اشراقه، لكن اولا حبا في الوضوح و عدم المراوغه، انتي بتسالي الكلام بصوره ملتفه و انا جبته ليك بالدرب، زي رد دومه ليك عن نظريه المؤامره حقتك، الكلام المغتغت ما سمح. ما اتهمني احد بالكذب و التزوير و التدليس من قبل، و دي حته بيقروها قراء كتااار، منهم طلبتي و زملائي و امي و ابوي و اخواني، يعني ابراء الزمه كان لازم و تاني حاجه الموضوع مرتبط في ذهني باسئله اكبر، مثلا، هل علو الاصوات في مساله كالرفض دي يمثل الاغلبيه و الاجابه العلميه: لا؟ و السؤال عن دور المراه في قضايا الجندر؟ و و اسئله كتيره تانيه ردي لردك السابق صفحتين و موجود، وتاكدي يا سناء حاتخير المكان الاسفيري العام و الزمان المناسبين لايصالهم مع ردي الجديد لمداخلتك الحاليه

يا دوب انا هسه باتهمك بالكذب و التزوير و التدليس يا رحاب !!

و عدلت المداخلة بناء على طلب اشراقة

و احتراما لها و لزوارها الكرام و حتى لا يضيع مجهود الجميع هنا!!


__________________________

آسفة يا اشراقة مضطرة أعدل تاني و أرجع مداخلتي زي ما هي عشان أنا ما باخضع للابتزاز و عشان في حاجات هنا مفروض يتخت ليها حد

رحاب انا ما بتهدد و شكلو فعلا صبري عليك اغراك بالتمادي
__________________________________________________________

طيب يا رحاب ان شاء الله قضايا المرأة كان بنحلها انا و انت بزي الكلام دا عمرها ما تنحل

انا واضح اني طمعت الناس فيني بسكاتي و مراعاتي لاصول الحوار كحوار و ما جر شكل!!

في زول قال ليك انا ما عندي ام و ابو بيقروا و لا ما بيهمني اي شيء انا بنتمي ليهو عشان تجي ا نت و يجي غيرك يلطش زي ما عايز و يمش!! انت فاكرة انك انت براك العندك اهل و STATUS يهمك تحافظي عليها.. ياخ دا افتراء فايت حدو !!!!

مصرة ترددي كلام نجاة و كانك ماسكة علي حاجة .. أتحداك و أتحداها

مصرة تدخلي ماما دومة في حتة ضيقة انا ما عايزاها ليها!!

اولا وين شفتيني غلطت في حق ماما دومة و ما اعتذرت ليها ؟ انا خليت كل الناس و رديت على ماما دومةاول زول عشان مقامها على فكرة ماما دومة قدر امي بالضبط عشان كدا مقاما عندي محفوظ و محفوظ كمان عشان شخصها بغض النظر عن سنها كتبت لماما دوما تاني رد قعدت فيهو ساعة ونص و في لحظة فقدتها لانو اللاب توب سخن و قرر يقفل كل السيستم .. المرة التانية جيت عشان اكتب لماما دوما كانت الردود ملغاة عشان ارد على مداخلتها الاخيرة لي و التوضا بالمناسبة ما ليك لانك لا تملكي اي حق فيهو التوضيح دا لماما دومة عشان الناس البترمي سمومها و تمشي بالجد مفروض يتخت ليها حد!!

و انا ما حاخليك يا رحاب الا واحد من تلاتة يا تجيبي وين انا غلطت في حق ماما دومة و ما اعتذرت ليها

يا ماما دومة تقول انا غلطت و ما اعتذرت ليها

يا انت تجي و تعتذري لي ما دام انت احسن مني و بتعرفي يعني شنو اعتذار و انا الما بعرف!!!

اما البيني و بين نجاة انا اسألك

وين شفتيني اتداخلت مع نجاة في بوست ميادة ؟؟!عشان كمان عايزاني اجي اعتذر ليها؟؟!!

ما دمت بتقولي شفتي مداخلاتي معاها يبقى شفتي مداخلاتي معاها في بوست عزام و بوست منير

النظفهم ليها الهكر (اللي شغلو لا عشوائي و لا صدفة)!!

و اذا كنت شفتيهم يبقى يا رحاب .. الساكت عن الحق شيطان اخرس و انا حقي الاقيك بيهو القيامة قدام رب العالمين!!

و اذا ما شفتيهو و مصرة تتكلمي عن حاجة ما عارفاها و تستخدمي اوراق ضغط انت ما عارفة انا رامياها من يدي ليه..

يبقى استعدي عشان توسخي يديك و انت الاصريتي تنكشي حاجة ما حقتك و ما راعيتي انو انا ما عايزة اخوض الخوض دا

ما دام مصرة يا رحاب يبقى تستحملي النتايج و انو الناس البيهموك ماحيكونوا مبسوطين من الجرجرة بتاعتك دي و الخوض في برك ما حقتك!!


و آخر حاجة تجي توريني وين اتهمتك بكذب و تزوير و تدليس عشان ما تكوني هسع بتكذبي و تزوري و تدلسي

و جاياك لموضوع نجاة و اول شهودي ماما دومةالانا عارفة برضو انو ضميرها حي و لو دي بتها ما حترضى ليها الموقف دا


ليه كدا يا رحاب؟!

و خلي نجاة تجي تنكر عشان هي قالت شجاعة و ما بتنكر

مع انها قبل شوية نكرت كلامها لمجدي مصطفى و قالت ليهو وين هي قالت هو ما محترم و بعد دا ما ممكن يتعلم الاحترام و طالبتو بكوتات لانها عارفة البوست اتحذف

هسة نجاة لو جات قالت لي كوتات انا بجيبهم ليها ناس ماشين على رجلين (نساء و رجال) عقولهم ما اتهكرت و لا اتمسح القالتو منها

و مع انو البوست دا كان ماشي كويس و خالي حتى من مطاعنة نجاة و اساءاتها لكن حيكون ليك الفضل يا رحاب في تحريفو و جرفو في الاتجاه دا

ان شاء الله تكوني فخورة بنفسك هسة و طلابك فخورين بيك!!

اولا نصلح ليك موضوع الهاكر الهاكر ما شال البوستات
الشال البوستات بكري عشان شاف انها بوظت البوست الاصلي
..شوفتي كيف انك زولة شكاكة وبرنويدقدر شنو اوعي تكوني بتلمحي انو ا نا الهاكر ولا معاي لا سمح الله؟

بعدين انا ما عايزة ارد ليك ولا اتعب اوضح ليك عشان اثبت اي حاجة ولا انكر
لانه بالجد انت ما بتهميني كثير وانت قلت ما بتحترمني لانك شايفة انا زولة ما محترمة
بعدين اسع انت مدخلة موضوع مجدي دا دخلك شنو بيه؟
وغير اني ما بحب اتعامل مع النساء الانوية الانثوية بتاعتهم قدر جبل احد,
اي زول بجي يكتب هنا وجهة نظرو بدون اي اوثرتي على اي زول
ولا في زول افهم ولا افضل ولا اكثر احتراما ولا اقل احتراما ..
دومة دي موش قلتي بتاعة مؤامرات وشلليات؟ اسع بقت شاهدة؟
سبحان الله..
الادى دومة بالكوريك يدينا بالمعلقة..

يعفو ويرضو..

قال نكران قال,,,

Quote: اولا نصلح ليك موضوع الهاكر الهاكر ما شال البوستات الشال البوستات بكري عشان شاف انها بوظت البوست الاصلي ..شوفتي كيف انك زولة شكاكة وبرنويدقدر شنو اوعي تكوني بتلمحي انو ا نا الهاكر ولا معاي لا سمح الله؟ بعدين انا ما عايزة ارد ليك ولا اتعب اوضح ليك عشان اثبت اي حاجة ولا انكر لانه بالجد انت ما بتهميني كثير وانت قلت ما بتحترمني لانك شايفة انا زولة ما محترمة بعدين اسع انت مدخلة موضوع مجدي دا دخلك شنو بيه؟ وغير اني ما بحب اتعامل مع النساء الانوية الانثوية بتاعتهم قدر جبل احد, اي زول بجي يكتب هنا وجهة نظرو بدون اي اوثرتي على اي زول ولا في زول افهم ولا افضل ولا اكثر احتراما ولا اقل احتراما .. دومة دي موش قلتي بتاعة مؤامرات وشلليات؟ اسع بقت شاهدة؟ سبحان الله.. الادى دومة بالكوريك يدينا بالمعلقة.. يعفو ويرضو.. قال نكران قال,,,

نجاة شايفاني بريالة عشان اصدق انو البوستات سحبها بكري

اشمعنى سحب دي!! اكتر من شنو انت قاعدة تكتبيهو ما ياهو كلامك و يا هو اسلوبك !!

انت البوستات البتبوظيها بكري بشيل البوست كلو من اصلو مش بيقعد يعزل مداخلتك و مداخلة الزول الرد عشان ينظف ليك سجلك!!

هو بالله بكري دا فايق كدا !!

دا شغل منظم و مدروس!!

و انت عارفة كويس انك ما حتقدري تنكري كلامك و لا حتقدري تلفقي حاجة لانو الناس لسة حية في المنبر دا

و لانهم (لسوء حظك) شهود عدول ناس المنبر دا كلو بيشهد ليهم

و ارجع و اقول ليك اولهم ماما دومة

و ما تفتكري انت و رحاب انكم ممكن تحركوا الناس بزمبرك تملوه بشغل التلفيق دا!!