لمن لا يعرف المتحدثة فهي مناهل ابراهيم وهي عضوة في المنبر انسانة ابسط ما يقال فيها انها انسانة سبقت سنين عمرها احساسا ومسئولية بواقع السوادن هي لا تغني (بخشمها العامل زي المطبقة) اغاني حقيبة أكل عليها الدهر وشرب بعداد هي لا تأخذ أجرا في ما تقوم به في هذه المخاطبة خرجت ورغم ما تحف بها من مخاطر لتسجل موقف في زمن تخاذلنا فيه جميعا وانشغلنا بهمومنا الشخصية لتشرد هي من عملها. تعمل لتسد رمق اسرتها،تساف تسافر الي اهلها مع المنظمات الطوعية لتأخذ بيدهم لا تتنظر عشاء الفنانين لتملأ بطنها في صالات الزيف الاجتماعي ثم تقتنص بعض دراهم من عريس وعروس. الآن أدركت تماما كيف تقازمت قامات اهل الفن أمام الشعب فصاروا مسخا متسخا امام احلامه وتطلعاته.كأن يأتي توم كروز ليتحدث عن خشوم فتياتنا بكل هذه السماجة.
لك التحية يا مناهل
يا تمتام امامك حل واحد ان تفتح بوست وتعتذر لمناهل عن هذا الكلام السمج.
_ رجاء من بكري ابو بكر عدم حذف البوست
Post: #2 Title: Re: الي ياســــر تمتام Author: عادل شلبي Date: 08-27-2010, 08:27 PM Parent: #1
Quote: بخشمها العامل زي المطبقة
والله انك مغنواتي بائس وخشمك السمح دة بنخلية ليك ملح ملح لوما اعتذرت للاخت دي .
Quote: الآن أدركت تماما كيف تقازمت قامات اهل الفن أمام الشعب فصاروا مسخا متسخا امام احلامه وتطلعاته.كأن يأتي توم كروز ليتحدث عن خشوم فتياتنا بكل هذه السماجة.
لك التحية يا مناهل
يا تمتام امامك حل واحد ان تفتح بوست وتعتذر لمناهل عن هذا الكلام السمج.
الاخ قمر بوبا اوفيت و كفيت تابعت بوست الاخ هشام هباني قبل ان يحذفه الاخ بكري بصراحة كلام شين من المغنياتي تمتام الذي لم اسمع به من قبل
تمتام عليك الله بنية بالجمال ده تقول عليها كده ؟ مش بقولو الما بتحصلو جدعو
Post: #8 Title: Re: الي ياســــر تمتام Author: نيازي مصطفى Date: 08-27-2010, 08:53 PM Parent: #3
نعم يجب ان يعتذر تمتام عن هذا الكلام الغير مسؤول التحية لهذه الاخت التي صدحت بصوت مبين وفي وسط الخرطوم بكلمات في وجه سلطان جائر ومستبد..
خارج النص : بالله اخونا تمتام دا مغنياتي ؟ لو سمحتوا ورونا اغانية ..
تعليق تمتام ابد ما مسئول وبما انه عضو في البورد عليه الإعتذار وفورا
Post: #5 Title: Re: الي ياســــر تمتام Author: كمال عباس Date: 08-27-2010, 08:39 PM Parent: #1
شكرا أخي القمربوبا التحية للأخت مناهل إبراهيم الصوت الصادح بالحق والتجلةلها وهي ترفع عقيرتها برفض الظلم والإذلال والضيم.....ويكفيها أنها صاحبة قضية ومبدأ وأنها تواجه ترسانة قمع السلطان الجائربالكلمة والقصيدة والهتاف وشحذ الهمم .. من توصف بأن خشمهامثل المطبقة وظفت " خشمها"ولسانها لصالح جماهير شعبها ولم تطرح من نفسها عارضة أزياء أو متسابقة لنيل تاج ملكة جمال .......... إنها وكما ذكرأحد الأخوة -إمتدادا لمهيرة وأرث مهيرة- ومهيرة لم تشتهر كمغنية في صبحية -مع إعتزازي بالغناء الجمالي والغزلي-وأنماأشتهرت بغناءالفروسية وإشعار إلهاب الثورية وأشعال النخوة...... ........ ولنذكر في هذاالمقام ونثمن أدوار : خليل فرح وردي وعركي ومحمدالأمين وموصلي ومصطفي سيدأحمد وغيرهم ممن أسهموا بأنغام متوهجة في درب النضال ..........
الشئ الطبيعي ان يبادر ياسر تمتام للاعتذار فاللغة التي استخدمها غير مقبولة حتي لو لم تكن الزميلة المعنية عضو في المنبر
Post: #9 Title: Re: الي ياســــر تمتام Author: عبد الخالق امن الله Date: 08-27-2010, 08:57 PM Parent: #6
ياخي ده يصنف في خانة شنو؟ خفةدم؟ نبذ؟ شنو البخلي زول المفروض انه فنان يستعمل لغة غريبة في زول اساسا ما موجود في البوست؟ ياخي المطبقة شنو؟ الا الزمن يكون بقي اغاني مطبقة بدل اغاني الحقيبة.. الزول ده يفتح بوست ويعتذر للزميلة
Post: #12 Title: Re: الي ياســــر تمتام Author: Tragie Mustafa Date: 08-27-2010, 09:04 PM Parent: #6
اذا فم مناهل الجميل ده صار مثل المطبقه اريته مبطقة الهنا واريتها مطبقة البنيات لحدهن.
معقوله بس ياسر تمام حتى الجمال صرنا منكرين له؟؟!!
مناهل تحمد ربها جميلة داوخل وجميلة مظهر.
سبحان الخلاق امثال مناهل خلقه واخلاق.
يلزمك اعتذار واضح للاخت مناهل عضوة المنبر
الجسورة و التي نفخر بها جميعا.
ويا مناهل يا اخي
اليعيش ياما يوشف باين في المنابر دي.
اعلم ان كلام مثل هذا لن يؤثر فيك
فانت في رسالتك لم تعرضي نفسك سعله للترويج وانما طرحت فكرا ومواقف مشرفه. المجد لمثيلاتك من الكنداكات.
مناهل ابراهيم من جيل نشأ فى ظل نظام الانقاذ , هى ومجموعة كبيرة من الشابات والشباب امتلكوا وعى سياسي لا باعوا ضميرهم للسلطة , اقترحوا وسائل عمل جديدة لتعرية النظام واسقاطه بمخاطبة الجماهير فى كل مكان فى الاسواق والمواصلات ... الخ مناهل ابراهيم تعرضت للأعتقال فى مبادرة لا لقهر النساء التحية لها ولمجوعة قرفنا
Quote: فقد أوردت الصورة الحقيقية لمناهل ... والصوفية زمان قالوا لا تقف عند الصورة وأنفذ للمضمون
الاخ ابوبكر مناهل دي صورة و مضمون
Post: #14 Title: Re: الي ياســــر تمتام Author: حامد محمد حامد Date: 08-27-2010, 09:19 PM Parent: #11
Quote: لك التحية يا مناهل
يا تمتام امامك حل واحد ان تفتح بوست وتعتذر لمناهل عن هذا الكلام السمج.
كن بخير يا قمرنا
Post: #15 Title: Re: الي ياســــر تمتام Author: الخير محمد عوض Date: 08-27-2010, 09:19 PM Parent: #11
في بوست اغاني واغاني انا يا ياسر كتبت ليك تعليق مفاده انى اخشى ان تنضم لقائمة ( الناس الشر) وبيني وبينك كدا لما كتبت ليك الكلام دا ما كنت مريت اطلاقا بمداخلتك اللابسة الشتارة عمة وشال دي.... بس حبيت اقول ليك انى الان لا اتورع بان اصفك بـ ( الاشتر ) بعد قراءتي لمداخلتك الغير مسؤلة ديا.... ثم يا ا ايها الياسر كلام العوارة دا لما نقولوا نحن ( العوام) ديل شوية ممكن يتبلع لبعض الناس لكن لما يقولو زول مطروح في الساحة الفنية ( كفنان) بيبقى صعب بلعها منو عشان كدا يا عمنا خطك في المنبر دا معوج وقلمك يحتاج لكثير من التقويم ارجو انك تهتم بيهو لانو جزء من فنك هو جزء منك ... لا بل هو انت.... لا اريد الاطالة ولكن رجائي ان تعتذر اعتذار صراح للانسانة منال ابراهيم التي كمثلي اخلع لها قبعتي احتراما وتقديرا لروح الانسان فيها ولضميرها الحي وخلقها الجميل.
عارف يا nabielo... وهم يقولون الكلام دا فى صورة المرأة الحسناء فى ألا يشغلك جمالها عن رؤية الله فى أدلته على نفسه .. وكلامك صحيح
بكل المقاييس فى إبنتنا مناهل.
Post: #16 Title: Re: الي ياســــر تمتام Author: هشام كمال Date: 08-27-2010, 09:32 PM Parent: #11
لمن لا يعرف المتحدثة فهي مناهل ابراهيم وهي عضوة في المنبر انسانة ابسط ما يقال فيها انها انسانة سبقت سنين عمرها احساسا ومسئولية بواقع السوادن هي لا تغني (بخشمها العامل زي المطبقة) اغاني حقيبة أكل عليها الدهر وشرب بعداد هي لا تأخذ أجرا في ما تقوم به في هذه المخاطبة خرجت ورغم ما تحف بها من مخاطر لتسجل موقف في زمن تخاذلنا فيه جميعا وانشغلنا بهمومنا الشخصية لتشرد هي من عملها. تعمل لتسد رمق اسرتها،تساف تسافر الي اهلها مع المنظمات الطوعية لتأخذ بيدهم لا تتنظر عشاء الفنانين لتملأ بطنها في صالات الزيف الاجتماعي ثم تقتنص بعض دراهم من عريس وعروس. الآن أدركت تماما كيف تقازمت قامات اهل الفن أمام الشعب فصاروا مسخا متسخا امام احلامه وتطلعاته.كأن يأتي توم كروز ليتحدث عن خشوم فتياتنا بكل هذه السماجة.
Post: #67 Title: Re: الي ياســــر تمتام Author: نجلاء سيد أحمد Date: 08-28-2010, 08:52 AM Parent: #5
شكرا أخي القمربوبا التحية للأخت مناهل إبراهيم الصوت الصادح بالحق والتجلةلها وهي ترفع عقيرتها برفض الظلم والإذلال والضيم.....ويكفيها أنها صاحبة قضية ومبدأ وأنها تواجه ترسانة قمع السلطان الجائربالكلمة والقصيدة والهتاف وشحذ الهمم .. من توصف بأن خشمهامثل المطبقة وظفت " خشمها"ولسانها لصالح جماهير شعبها ولم تطرح من نفسها عارضة أزياء أو متسابقة لنيل تاج ملكة جمال .......... إنها وكما ذكرأحد الأخوة -إمتدادا لمهيرة وأرث مهيرة- ومهيرة لم تشتهر كمغنية في صبحية -مع إعتزازي بالغناء الجمالي والغزلي-وأنماأشتهرت بغناءالفروسية وإشعار إلهاب الثورية وأشعال النخوة...... ........ ولنذكر في هذاالمقام ونثمن أدوار : خليل فرح وردي وعركي ومحمدالأمين وموصلي ومصطفي سيدأحمد وغيرهم ممن أسهموا بأنغام متوهجة في درب النضال
كمال عباس العزيز هذا الكلام قد عبر عنى تماما شكرا لك ياانسان حقيقى
شكرا القمربوبا والتحية ليك على الوقفة القوية
صدمت عندما قرأت هذا التعليق وتيقنت ان هذا البلد اصيب بداء يحتاج سنين ضعف عمر الانقاذ حتى نعود سودانين بعمق وفكر ومضمون
مش السطحية والنظرة للاشياء من خارجها
احب ان أشهد وشهادتى فى مناهل مجروحه مناهل بمقياس الجمال الخارجى جميلة جدا
ومقياس الشجاعة لم اجد مثلها ابدا وانا لاابالغ قد تكون فى بس انا لم اجد حتى الان اشجع منها
في رأيي المتواضع من يتوشّح بملفحة الفّن في أيٍّ من مجالاته عليه أن يتخيّر عباراته وتصرّفاته جيّداً هذا بالطّبع إن لم تكن للتّربية والطّباع أثرها البائس والذي يغيّب الحكمة واللباقة وحُسن التّصرّف وحينها لا يجدي حتّى الإعتذار نفعا والكلمة يا أخي غصن زيتون وسلاحٍ في آن ونختار لها أن تكون أيّهما وفقاً لتركيبتنا ومفاهيمنا إن كُنّا خرّيجي منارات علم أم معسكرات حروب وساحات إعدام
وجب على المغني الفنان ياسر تمتام الإعتذار الصريح للأخت مناهل إبراهيم
إستمعت للأخ تمتام في حفل بواشنطون منذ أسابيع و تقابلنا و تحدثنا إنسان فنان وله ملكة غنائية متميزة و صوت ممتاز و له جمهور عريض. إنسان مهذب و يحترم الآخرين.
لقد أخطأ في حق الأخت المناضلة مناهل إبراهيم
و أنا لا أشك بأن الأخ تمتام سوف يعتذر فورا عند مروره بهذا البوست.
الاخوة المشفقين علي ياسر تحياتي حتي الآن تلاحظون حرصي الشديد أن لا يمس ياسر بكلمة ودي ثبتها في بداية البوست حقيقة لا اعرف ياسر وشفته في كم عرس بغني وبعرف انه مطرب ليس الا ما يهمني حقيقة أن يعتذر ياسر..والجميع يعلم أن اطلاق الكلام شيء سهل جدا ونرجو ان لا نصل تلك المرحلة وبعد داك يكون فنان ولا كابتن طيار فالامر عندي سيان وربنا يوفقه ما عندنا معاه مشكل شخصي ولا بعرفنا ولا بنعرفه.
تشكراتي لكل المرور وفي انتظار ياسر
Post: #30 Title: Re: الي ياســــر تمتام Author: طه إبراهيم عبد الله Date: 08-27-2010, 10:57 PM Parent: #27
الأخ GamarBoBa تحية طيبة للأخت المناضلة مناهل إبرهيم وأمثالها تُحنى الهامات احتراماً وتقديراً .. وكما قال الأخ كوستاوي فإن الأخ ياسر تمتام أخطأ وروح الفنان فيه سوف تدفعه للاعتذار
Quote: لقد أخطأ في حق الأخت المناضلة مناهل إبراهيم
و أنا لا أشك بأن الأخ تمتام سوف يعتذر فورا عند مروره بهذا البوست.
Post: #31 Title: Re: الي ياســــر تمتام Author: خضر حسين خليل Date: 08-27-2010, 11:21 PM Parent: #30
بناتك عيونهن صفاهن سماي
مناهل غابات لمن لا يعرفها من أجدع وأشرس من ساروا علي درب النضال تتخير البنت دروب النضال ـ تجدها أينما كان هم الوطن ـ تعرضت لمضايقات كثيرة وفي كل مرة كانت تزداد صموداً وتوهجاً. الأمر لاعلاقة له بكون الموصوفة هنا صديقتنا مناهل غابات بقدرما هو إحباط سببه رؤية فنان بقدر ياسر لنضالات شعبنا ـ فما الداعي اذاً لهيك أوصاف ومطبقة شنو دي البتشبه أفواه من ينشدون هذا الوطن جميلاً كما حلمهم ؟ جسارة مناهل بالتأكيد أكبر وأجمل وأنضر من هذا الوصف ـ ومالو مطبقة مطبقة يا ياسر يعني حتبقي في المطبقة بس ؟ واصلي مناهل في حلمك المشروع ولا تلتفتي لمثل هذه المداخلات التي لن تسمن قضيتك ولن تغنيها بكل تأكيد ـ هتافك صديقتي هو من صميم ما نحلم به من أغنيات ـ خطابك يامناهل هو غدنا الذي ننتظر غدنا الذي يحترم الإنسان في إنسانيته .
شكراً قمر ياصديقي أهو الحال من بعضو
Post: #32 Title: Re: الي ياســــر تمتام Author: رغيم عثمان رغيم الحسن Date: 08-27-2010, 11:43 PM Parent: #31
مناهل مناضلة من طراز فريد انثى ولا دستة رجال دائما ما كنا نشاهدها تتقدم الصفوف فى المظارهات لا يحميها الا ايمانها بقضيتها لم يمنعها الفصل عامان من جامعات الخرطوم ولا الاعتقال المتكرر من ان تحمل معولها كل صباح لتهدم جدار الظلم والجهل والإضطهاد هذا الفديو رغم عظمته لا يذكر فى مسيرة نضال مناهل ومع ذلك ما قاله هذا التمتام حتى وان قاله فى غيرها لا فى هذه الانسانة العظيمة وان غلفه بالمزاح الا ان ما قاله سخيف حد الانحطاط
Post: #34 Title: Re: الي ياســــر تمتام Author: نصر الدين عثمان Date: 08-27-2010, 11:55 PM Parent: #32
Quote: لمن لا يعرف المتحدثة فهي مناهل ابراهيم وهي عضوة في المنبر
والله نتشرف بوجودها معنا هنا
حقيقةً رأيت تعليق الأخ ياسر صباح اليوم أندهشت ثم اعتقدت ( ولا زلت أعتقد ذلك) أنه على معرفة شخصية بصاحبة الصورة وان الكلام مجرد مزاح لأن ياسر تمتام له صورة زاهية جداً عندي أتمني أن يكون الأمر كما أعتقد
Post: #36 Title: Re: الي ياســــر تمتام Author: فيصل عثمان الحسن Date: 08-28-2010, 00:03 AM Parent: #31
يعلم الله مناهل من اجمل بنات بلادى , خلقة ومواقف . مناهل تقوم بما تقاعس عنه الرجال , اعتذر يا ياسر عشان ما نتفجع فيك كما فجعنا فى آخرين .
Post: #37 Title: Re: الي ياســــر تمتام Author: Amani Al Ajab Date: 08-28-2010, 00:28 AM Parent: #36
الأخ GamarBoBa وضيوفه الكرام رمضان كريم وكل عام وانتم بخير .. الأخ ياسر تمتام رمضان كريم.. عن أي جمال تتحدث ! ؟ الأبنة المناضلة مناهل بنت زي الذهب لو كان لي بنت لتمنيت أن تكون مثلها .. أحببنا صوتها الجميل الذي يصدح بقول الحق ورفض الظلم والقهر فكان لحناً عذباً دغدغ مشاعر اهلنا الغبش وبعث فيهم الأمل بالحلم بحياة أفضل .. هل يوجد جمال أكثر من هذا الوجه الصبوح السوداني الأصيل الذي لفحته شمس الهجير وهي تناضل من أجل وطن حر موحد؟ هي فخر وشرف لنا جميعاً لها الانحناءة التقدير.. و تسلم البطن الجابتا..
Post: #38 Title: Re: الي ياســــر تمتام Author: محمد على حسن Date: 08-28-2010, 00:29 AM Parent: #36
Quote: علم الله مناهل من اجمل بنات بلادى , خلقة ومواقف . مناهل تقوم بما تقاعس عنه الرجال , ا
Post: #39 Title: Re: الي ياســــر تمتام Author: محمد حيدر المشرف Date: 08-28-2010, 00:49 AM Parent: #38
ديل البنات البسدو فرقات الروح ويكونن وطن .. وياسر فنان .. اكاد أجزم أن حسن النيه , بصوره او بأخري , كان جواهو غير أن ما خرج منه يستوجب اعتذارا بقامة مناهل ..
Post: #40 Title: Re: الي ياســــر تمتام Author: رشا سالم Date: 08-28-2010, 01:05 AM Parent: #39
شكرا ياسر تمتام..
لو ما كلامك الاشتر دا ما كنت حاتعرف علي بت سودانية مدهشة زي مناهل!
ربنا يحفظك يا مناهل وتسلم البطن الجابتك!
وحقيقة انا اسفة جدا اني اكون ما متابعة للدرجة دي!
زولة زي مناهل دي مفروض تكون علم علي راسه نار!
ياخي الزولة دي بالجد مدهشة..
Post: #42 Title: Re: الي ياســــر تمتام Author: BAKTASH Date: 08-28-2010, 01:16 AM Parent: #40
Quote: ياسر رجل خلوق ومحترم واعتقد
بانها زلة لسان لايقصد بها التقليل من
شأن الاخت مناهل وايضا اعتقد بانه لم يستمع
للتسجيل كاملا .
المهم.....
ستظل مناهل مناضلة تستحق اعتذار جميل من
الاخ ياسر تمتام .
ياسر تمتام كبا ولكل جواد كبوة فبالله ما (تتكوهو) للضبح في الاسافير دي التحية للمناضلة مناهل والتحية للفنان ياسر
Post: #43 Title: Re: الي ياســــر تمتام Author: Amjed Date: 08-28-2010, 01:17 AM Parent: #40
مناهل مناهل مرة واحدة كدا
ولله يا ياسر اتلومت و ختيت مناهل ليست مجرد بت سودانية مدهشة فحسب مناهل انسانة مدهشة و رائعة في المقام الأول لم يمنعها شي على الاطلاق على الانحياز لجانب الصواب المطلق اينما رأته و على الاطلاق هذه اعنيها تماماً
شكراً يا قمربوبا على الانتباه و التنبيه في زمن غافل و معك في انتظار اعتذار واضح و صريح من ياسر
Post: #44 Title: Re: الي ياســــر تمتام Author: بهاء بكري Date: 08-28-2010, 01:23 AM Parent: #40
Quote: ديل البنات البسدو فرقات الروح ويكونن وطن .. وياسر فنان .. اكاد أجزم أن حسن النيه , بصوره او بأخري , كان جواهو غير أن ما خرج منه يستوجب اعتذارا بقامة مناهل ..
ياتمتام اخير تمسك في كلام اخونا ود المشرف ده البنية بتستحق الاعتذار لبهتانك لها .... فهي جميلة مظهرا وجوهرا وقدامية سبقتنا كلنا بمواجهتها المباشرة للظلم وحديثها القوي الواضح وهي تخاطب الجماهير الحقيقية في الاسواق ومواقف البصات . انا مع حديث محمد عن حسن النية لانني قابلت الاخ ياسر وهو علي اي حال رجل غير لئيم التحية لمناهل ولياسر كمان
Post: #41 Title: Re: الي ياســــر تمتام Author: أسامة عبد الجليل Date: 08-28-2010, 01:14 AM Parent: #39
يا أخوانا هوي أعفوا لي
أنا بصراحة ما بقدر أغش نفسي،
ياسر تمتام ده أنا رميت طوبته،
زول لا يمتلك الحد الأدنى من الحس السليم
لايمكن أن يكون إلا مغني متواضع الموهبة على الأكثر.
يعتذر لمناهل لكن أنا بالنسبة لي إعتذاره لن يغير
في الأمر شيئا.
كيف نعتذر لك نحن أيتها المواطنة التي تحمل هم الوطن؟
Post: #45 Title: Re: الي ياســــر تمتام Author: عبدالكريم الامين احمد Date: 08-28-2010, 01:25 AM Parent: #41
ليه يا تمتام الكلام الغريب والعجيب ده في حق الانسانة الوطن مناهل ونتمني ان نري اعتذار رسمي وحقيقي للزولة الانسانة المناضلة الحقيقية التي تشبه كل نساء بلادي لمناهل كل التقدير والتجلة ويا جبل ما يهزك ريح
Post: #47 Title: Re: الي ياســــر تمتام Author: عبد الخالق امن الله Date: 08-28-2010, 01:33 AM Parent: #45
Quote: لانني قابلت الاخ ياسر وهو علي اي حال رجل غير لئيم
معليش يا اخ بهاء اللؤم اكتر من السواهو شنو؟؟
Post: #46 Title: Re: الي ياســــر تمتام Author: معتصم ود الجمام Date: 08-28-2010, 01:29 AM Parent: #41
تعيش كتير تشوف وتسمع وتقرا محن عديل دي حالة دي يا جماعة ... والله يا موسى اشكرك جدا وانت تقف هذا الموقف النبيل بحق الاخت مناهل .. المشكلة انو في ناس كتار بقوا نجوم وشوفهم للناس اختلف ... فن شنو ؟ عليك الله ده ؟
Post: #48 Title: Re: الي ياســــر تمتام Author: محمد عبد الماجد الصايم Date: 08-28-2010, 01:44 AM Parent: #41
شكرا يا بوبا على التنبيه وأثني على كلام هارون دياب
_ من يرفض الإساءة لمناهل عليه أن يرفض الإساءة من أصلها! أغرب حاجة نرفض إساءة ونرد الكلام بالإساءة برضو!!
Post: #49 Title: Re: الي ياســــر تمتام Author: Amani Al Ajab Date: 08-28-2010, 02:01 AM Parent: #48
Post: #50 Title: Re: الي ياســــر تمتام Author: Yasier Elsayed Date: 08-28-2010, 02:06 AM Parent: #48
Post: #51 Title: Re: الي ياســــر تمتام Author: Abdulrahman Gorashi Date: 08-28-2010, 03:05 AM Parent: #50
ياناس ياعالم انتو باين لي فاهمين الموضوع غلط, اخونا ياسر لم يري صورة الاخت مناهل الحقيقية بس استعمل دعابه مع زميلة لصورة ليست لها علاقة بالاخت مناهل بدليل انو طلب من الاخ ان يرسل له الصوة الحقيقيه, ان لا اعرف ياسر شخصيا ولكن كل من يعرف ياسر يذكره بكل خير واحترام, فانتو ياشباب خلو الموضوع بين ياسر والاخت مناهل وبطلو شغل المديده حرقتني دي,
Post: #52 Title: Re: الي ياســــر تمتام Author: Abdulrahman Gorashi Date: 08-28-2010, 03:06 AM Parent: #50
ياناس ياعالم انتو باين لي فاهمين الموضوع غلط, اخونا ياسر لم يري صورة الاخت مناهل الحقيقية بس استعمل دعابه مع زميلة لصورة ليست لها علاقة بالاخت مناهل بدليل انو طلب من الاخ ان يرسل له الصوة الحقيقيه, ان لا اعرف ياسر شخصيا ولكن كل من يعرف ياسر يذكره بكل خير واحترام, فانتو ياشباب خلو الموضوع بين ياسر والاخت مناهل وبطلو شغل المديده حرقتني دي,
Post: #53 Title: Re: الي ياســــر تمتام Author: الامين موسى البشاري Date: 08-28-2010, 05:32 AM Parent: #52
Quote: ونتمني ان نري اعتذار رسمي وحقيقي للزولة الانسانة المناضلة الحقيقية التي تشبه كل نساء بلادي لمناهل كل التقدير والتجلة ويا جبل ما يهزك ريح
هسي انت يا باســـر بكل امكانياتك الصوتية والخشمية دي بتقـــدر تقول نص كلامها دا؟ مــا أظن والله كــلامك شين بصــراحة وسقطة فظيعة وشكراً يــا بــوبا.. والتحية لمناهل
__ غايتو للضمان كدا كلامك دا انا سجلتو في المرصد بتاعي
Post: #54 Title: Re: الي ياســــر تمتام Author: Amira Elsheikh Date: 08-28-2010, 05:47 AM Parent: #53
التحية لمناهل ,,,,,,
غلط يا ياسر والله العظيم غلط
Post: #65 Title: Re: الي ياســــر تمتام Author: yasir tamtam Date: 08-28-2010, 07:51 AM Parent: #41
الأخ أسامة
إن إعتزاري فقط لأن كلامي إتفهم غلط لإنسانة ليس ليها ذنب في كلامي وليس لكلامك أحترم رأيك بأني ليس لي حس الفن ولكن يكفيني فخرا صحابي اللذين يستمعون لي ويكفي ولا تزيد الطين بلة
وبرغم شكرا للنصيحة باللإعتزار مع خالص الود
Post: #55 Title: Re: الي ياســــر تمتام Author: yasir tamtam Date: 08-28-2010, 06:03 AM Parent: #1
الأخوة المتداخلين ألف سلام وتحية
حقيقي وبكل صدق لم أقصد الإهانة البتّة لأي مخلوق كان في حياتي ، بل أعيش على حب الناس ومداخلتي كانت مزاح حقيقي وليس لي أدنى معرفة بالأخت مناهل ولا شفتها من قبل حتى الفيديو لم أقم بمشاهدته و أقول الصدق ، والله يشهد بل كان قصدي الحقيقي هو إني وجدت صورة لي مهيرة بت عبود التى هي بالنسبة لي حبوبة ، فدخلت البوست ووجدت فيديو وليس صورة كما ورد في عنوان البوست ولم أفتحه بل أصابتني خيبة أمل من عدم وجود صورة لمهيرة الحقيقية ولست من يعادي شخص لا أعرفة .. عفوا لكل الأقلام التي كتبت ومقبول التزمر منهم لأني ما وضحت النكتة بصورة جيدة ، ولكني لم أقصد إهانة أي شخص مهما كان ، وإن كان مزاحي خدش شخص فلك العتبي حتي ترضي أيها الأخت مناهل و حقيقي لم أعرفك من قبل ، ولستي مقصودة بأي إهانة بل كانت مزحة فقط
عفوا أصيحابي فلست ممن يبخسون الناس أشيائهم وعزرا للجميع
Post: #56 Title: Re: الي ياســــر تمتام Author: Kostawi Date: 08-28-2010, 06:22 AM Parent: #55
شكرا يا أستاذ ياسر و ياها المحرية فيك
بس نصيحة ليك أنا في سودانيزأونلاين لي 10 سنين تعلمت لمن أكتب حاجة أراجعها مليون مرة لأنو الإنترنت ما حا يوضح للناس التانين إنت بتقصد شنو لغياب ما يسمى ال Body language المكمل لعملية التخاطب و الناس حا تحكم عليك بالكلام المكتوب فقط......و كلامك المكتوب بوضح إنو أنت أخطأت في حق الأخت مناهل.
شكرا على التوضيح و نتعلم كلنا من الأيام زي ما بقول ود اللمين
Post: #58 Title: Re: الي ياســــر تمتام Author: أسامة عبد الجليل Date: 08-28-2010, 06:38 AM Parent: #56
يا كستاوي الزول دا قال كتابته عن مناهل وخشمها الزي المطبقة دي كتبها بدون ما يفتح الفيديو يعني وصفها وشتمها سمبهار. عشان كده نصيحتك بتاعة راجع كلامك فبل ما ترسلو دي ما راكبه. نصيحتك ليه حقو تكون غير كده.
Post: #60 Title: Re: الي ياســــر تمتام Author: yasir tamtam Date: 08-28-2010, 06:59 AM Parent: #58
الأخ أسامة سلام أنا والله زعلان إلي ما وصل إليه الموضوع من منحنى بالله عليك ،، لم يكن كلامي بقصد الإساءة لأني لأول مرة أرى فيها هذا الفيديو وما قلته هو إعتزار لكل من يعرف الأخت تهاني ولها ..
ملحوظة : لو كنت شفت الفيديو كنت قلت كلام غير
فلها العتبى
Post: #61 Title: Re: الي ياســــر تمتام Author: مكي ابراهيم مكي Date: 08-28-2010, 07:15 AM Parent: #58
Quote: يا كستاوي الزول دا قال كتابته عن مناهل وخشمها الزي المطبقة دي كتبها بدون ما يفتح الفيديو يعني وصفها وشتمها سمبهار. عشان كده نصيحتك بتاعة راجع كلامك فبل ما ترسلو دي ما راكبه. نصيحتك ليه حقو تكون غير كده
صديقي الفاضل .. اسامه عبدالجليل .. سلامات يعجني فيكـ الوضوح والصدوح بقول الحق دائما وبعدين !! زي ما قلت الزول مبيت الشتميه من غير ما يشاهد الفيديو من اساسو يعني من اقواله واحاديث عقله الباطني .. بغض النظر ان كانت هذه الانسانه " مناهل" ولا غيرها من بنات الوطن الاخريات ياخي والله كلام مشين وشين عديل لا يمت للاخلاق بصله .. وانا اتسال هل ينفع الاعتذار ؟؟؟ لمنو ولشنو!!
__________ والله الواحد بجد حزين علي حال مغنواتي زمن الغفله ..
شكرا كتير يا قمر بوبا لكشف هذا الزيف َ
Post: #57 Title: Re: الي ياســــر تمتام Author: Elhadi Date: 08-28-2010, 06:36 AM Parent: #55
التحية والتقدير والاحترام للأخت مناهل ..
أخطأ ياسر تمتام وقد اعتذر عن خطأه في المداخلة أعلاه
وده جانب ..
والجانب التاني الملوم فيه هو هشام هباني نفسه ..
بصراحة كده هشام هباني بيعرض المواضيع بصورة سمجة جداً وفيها الكثير من المبالغة المضرة !
طريقة عرض هشام هباني للمواضيع ضررها أكتر من نفعها وبيكرر المواضيع والكلام بصورة تبعث على الملل والسأم والاستياء في غالب الأحيان
وتلقى العنوان في وادي ومحتوى البوست في وادي تاني .. ده لو كان في محتوى أصلاً !!
حاجة كده أشبه بجريدة الدار وعناوينها المثيرة من قبيل ( ليلى علوي تخطف لاعب الهلال )!
ويمكن هو يكون مصدق انو زول خطير لأنو الكثيرين قاعدين ينفخوا فيهو بالحق والباطل
أنا دخلت البوست قبل دخول الأخ ياسر تمتام وتعليقه .. ما فهمت هشام هباني عاوز يقول شنو ولا عاوز يوصل شنو ولا المناسبة شنو أصلاً
وأنا ممكن أتفهم إنو الأخ ياسر تمتام ربما لم يفهم أصلاً مقصد هشام هباني ولا بوسته حتى
Post: #59 Title: Re: الي ياســــر تمتام Author: Kostawi Date: 08-28-2010, 06:56 AM Parent: #57
Quote: يا كستاوي الزول دا قال كتابته عن مناهل وخشمها الزي المطبقة دي كتبها بدون ما يفتح الفيديو يعني وصفها وشتمها سمبهار. عشان كده نصيحتك بتاعة راجع كلامك فبل ما ترسلو دي ما راكبه. نصيحتك ليه حقو تكون غير كده.
يا أسامة أها النقلك. أنا الفيديو في كمبيوترالشغل ما ظاهر خالص
بشوف مربع أبيض فقط......إنتظرت ولم أدخل بوست هباني لأنو ما شايف حاجة
و لمن رجعت البيت شفت الفيديو في كمبيوتر البيت.
يعني لو تداخلت مع هشام هباني في الشغل بدون ما أشوف الفيديو و قلت الكلام القالو ياسر كان حا يحصل شنو????
عشان كدا أنا قلت الخبرة ليها نتائجها المفيدة.
و بعدين يا أسامة كل الناس بتغلط و ياسر نحن قلنا ليه الكلام دا غلط و طالبناه بالإعتذار و إعتذر....
طيب المفروض ياسر يعمل شنو?
Post: #62 Title: Re: الي ياســــر تمتام Author: haroon diyab Date: 08-28-2010, 07:17 AM Parent: #59
ليس من العيب الخطأ
ولكن التمادي هو العيب
اخطأ الاخ ياسر في حق الاخت مناهل
وطالبه الجميع بالاعتذار
وهاهو وبسرعة اتي معتذرا
فلنحي فيه شجاعة الاعتذار
ولنجعل اعتذاره هذا ديدن الجميع .
شكرا...ياسر علي الاعتذار
شكرا ....لكل من طالب ياسر بالاعتذار
شكرا ...كوستاوي علي الموضوعية
Post: #63 Title: Re: الي ياســــر تمتام Author: أسامة عبد الجليل Date: 08-28-2010, 07:29 AM Parent: #62
أنا رأيي في نصيحتك إنت ليه ولي أي زول ما يكتب تعليق سلبي عن صورة هو ما شافها. لو شتم هباني ومشى كان بتكون مبررة.
الإعتذار دا لصاحبة الشأن وأنا ما مطالبو بأي حاجة.
Post: #64 Title: Re: الي ياســــر تمتام Author: Kostawi Date: 08-28-2010, 07:48 AM Parent: #63
Quote: أنا رأيي في نصيحتك إنت ليه ولي أي زول ما يكتب تعليق سلبي عن صورة هو ما شافها.
لالالا يا أسامة أنا نصيحتي إنو ما يكتب خالص لا سلبي ولا إيجابي لحاجة هو ما شافها عشان كدا أنا قلت ليك تجربتي أنا بتاعت الكمبيوترات
و الإعتذار طالب بيه صاحب البوست و معظم المتداخلين و ياسر إستجاب لذلك.
Post: #66 Title: Re: الي ياســــر تمتام Author: yasir tamtam Date: 08-28-2010, 08:04 AM Parent: #63
شكرا ليك عوافي
Post: #68 Title: Re: الي ياســــر تمتام Author: وليد عبد اللطيف Date: 08-28-2010, 09:10 AM Parent: #66
الجميل هارون وقمر بوبا وكل المتداخلين
Quote: ليس من العيب الخطأ
ولكن التمادي هو العيب
اخطأ الاخ ياسر في حق الاخت مناهل
وطالبه الجميع بالاعتذار
وهاهو وبسرعة اتي معتذرا
فلنحي فيه شجاعة الاعتذار
ولنجعل اعتذاره هذا ديدن الجميع .
شكرا...ياسر علي الاعتذار
شكرا ....لكل من طالب ياسر بالاعتذار
شكرا ...كوستاوي علي الموضوعية
اولا اشكر الاخ ياسر على تجاوبه والاعتراف بالخطا الذي وقع به ومن غير المقصود ولكن هل الناس التي اساءت الى ياسر ممكن تعتذر له هنا ياجماعة قبل كل شيء ياسر راجل فنان وله معجبين يعني مازي وزيكم كان مفروض الناس بكل هدو تخاطبة في الخاص وتطلب منه تعديل كلامه قبل ما الناس تعمل ليهو حفل ويسمع كلام ما في محلة حتى واذا كان ليس فنان من الواجب علينا ان نحترم كل بشر ويوجد الف طريقة الى تعديل الخطا واي مشكله يمكن حلها بهدو واكيد ياسر كفنان لايحب ان يخسر جمهورة او يظهر بصورة غير كريمة وإلا كان ليس له علاقة بالفن شكرا تاني ليك الاخ ياسر واحي الشجاعة التي ظهرت بها والله يسامح الناس الشالتك طار ونقرتك وسمعوك كلام مافي محلة ياجماعة الخاص الخاص الخاص الماسنجر بحلل مشاكل كثيرة .
----------------------------------- تحياتي لك يا قمر ولكل الضيوف
Post: #69 Title: Re: الي ياســــر تمتام Author: خضر حسين خليل Date: 08-28-2010, 09:43 AM Parent: #68
شكراً ياسر تمتام لاعتذارك والذي بكل تأكيد يكبرك في نظر الآخرين كلنا نخطئ لكن قليلون من يعتذرون .
Post: #71 Title: Re: الي ياســــر تمتام Author: yasir tamtam Date: 08-28-2010, 09:56 AM Parent: #69
شكرا ليك يا خضر الواجب هو الفيصل دايما ، والحمدلله ونأمل السلامة والحب ، دون رياء
وافر إحترامي وتقديري
Post: #70 Title: Re: الي ياســــر تمتام Author: yasir tamtam Date: 08-28-2010, 09:52 AM Parent: #68
شكرا وليد
بالعداء معروف *** ماببادر ما بخون الجار *** وماني غادر مابقول للناس *** مثلي نادر بس بقول للخالق شئون
تسلم مامشكلة بس فهمو كلامي غلط
شكرا للمرور يا حلو،،،
Post: #72 Title: Re: الي ياســــر تمتام Author: وليد عبد اللطيف Date: 08-28-2010, 10:01 AM Parent: #70
ياسر
Quote: شكرا وليد
بالعداء معروف *** ماببادر ما بخون الجار *** وماني غادر مابقول للناس *** مثلي نادر بس بقول للخالق شئون
تسلم مامشكلة بس فهمو كلامي غلط
شكرا للمرور يا حلو،،،
ياخي زول بغني ياقلبي العلمك ظلمك ظلمك تهوى الجمال واستلمك . . ولا اصدق زول بكل هذا الجمال يقصد الازيه للغير
بس هم ضللوك تخلو عنك سلوك ماحاسبو راعو ذكرتك والخونه ظنوه اكتساب وماحاسبو راعو يوم الحساب
----------------------------- المحاكم والمشانق دي مابتمرقك منها إلا اغنية (الطاقية او المطرة )
Post: #73 Title: Re: الي ياســــر تمتام Author: yasir tamtam Date: 08-28-2010, 10:15 AM Parent: #72
عايز أقول ليك بي إختصار يا ولي كيف الإنتظار
رغم الرجا و المرتجا غاب النهار و الليل سجا
وأنافي بحور تايــه أدور
لا ليّ زاد لا طوق نجــا
Post: #75 Title: Re: الي ياســــر تمتام Author: ارصد محمد جلال Date: 08-28-2010, 10:27 AM Parent: #72
بنت بــ 500 راجل شكرا بوبـــــــأ
Post: #76 Title: Re: الي ياســــر تمتام Author: GamarBoBa Date: 08-28-2010, 10:29 AM Parent: #72
صباح الخير الاخوة المرور..شكرا لكم فردا فردا كان الغرض من البوست واضح واعطي ما كنت اصبو اليه
للذين يرون ان هناك مشنقة فليروا ذلك، انارأيت قبل هذه المشنقة ان (صح تعبيرهم)...كلمات غير مسئولة وتصديت لها.
شكرا ياسر تمام للحضور والاعتذار ...والتحية لمناهل
ادي هذا البوست عندي غرضه وتحياتي للجميع وكل عام واتنم بخير.
Post: #74 Title: Re: الي ياســــر تمتام Author: طارق ميرغني Date: 08-28-2010, 10:27 AM Parent: #70
رمضان كريم ... وتقبل الله منا ومنكم صالح الأعمال ... . . عبرك أوجه كل التحايا لك ولكل رموز النضال الوطني الأحياء منهم والأموات ... مهيرة مناضلة لها تاريخها لا تحتاج لشهادة أحداً منا ولسنا بحاجة لرؤية صورتها فقد رسمتها بدواخلنا وبدواخل وجدان كل الشعب السوداني في أبهى صورها ... و مناهل مناضلة يشهد لها الشارع بقوتها التي تعدل قوى دسته من الرجال ... و "ياسر تمتام" فنان خلوق ومهذب ... وما بدر منه ما هو إلا سوء فهم "بسيط" فإندافعه كان نحو رؤية صورة "موناليزا" سودانية تتشوق لها نفس كل سوداني برؤيتها .... فما حدث نتاج طبيعي لرد فعل ناتج من عدم توفيق "هشام هباني" في إختيار عنوان مناسب يعبر عن مشاعره الجميلة نحو مناضلة بلا شك قد نالت أحترام الجميع .... ليس دفاعاً عن ياسر تمتام ... فقد خانه التعبير ولكن بدون قصد فما بدأ بخطأ حتماً سينتهي بخطأ ... وكتابتك لهذا البوست كان بمثابة "شعلة" لمزيد من الأخطأ فكان من الأجدر بك بأن تبعث برسالتك هذه عبر البريد الخاص ... فما قرأته من شتائم في حق ياسر تمتام الأنسان قبل الفنان تحتاج لكثير من بوستات "الأعتذار" لهذا الرجل مع يقيني بأن ياسر تمتام لن يطالب بها والدليل على ذلك رده البسيط وإعتذاره المتواضع وتبرريه الجميل ... . . فاللننتبه جميعاً لما نكتب وليكن الحوار الجميل هو ديددننا في كل مناقشاتنا بعيداً عن السب والشتم فما أسهلها من لغة وما أكثر مريديها وقرؤائها .... . .
Post: #78 Title: Re: الي ياســــر تمتام Author: ياسر السر Date: 08-28-2010, 11:11 AM Parent: #1
لبس دفاعاً عن اخي العزيزالفنان المبدع ياسر تمتام ولكن كلي ثقة في إن ياسر تمتام لا يقصد شي من هذه الكلمات سوى الدعابة. وإن شاء الله سيظهر ياسر ويوضح ما كان خافياَ فأرجو التأني في الحكم على ياسر ...
تحياتي : ياسر العيلفون
Post: #80 Title: Re: الي ياســــر تمتام Author: وليد عبد اللطيف Date: 08-28-2010, 01:17 PM Parent: #78
عربون محبة للناس
Post: #81 Title: Re: الي ياســــر تمتام Author: وليد عبد اللطيف Date: 08-28-2010, 01:21 PM Parent: #78
Quote: وكتابتك لهذا البوست كان بمثابة "شعلة" لمزيد من الأخطأ فكان من الأجدر بك بأن تبعث برسالتك هذه عبر البريد الخاص ... فما قرأته من شتائم في حق ياسر تمتام الأنسان قبل الفنان تحتاج لكثير من بوستات "الأعتذار" لهذا الرجل مع يقيني بأن ياسر تمتام لن يطالب بها والدليل على ذلك رده البسيط وإعتذاره المتواضع وتبرريه الجميل ......
زيزي رمضان كريم الكلام ده انا كررته كتير جدا 1.انا فتحت البوست وقلت لياسر انت اخطأت. 2.رجيت الناس انهم ينضبطوا في تناول المسألة 3.حنست الناس قلت ليهم مافي زول يشتم (علي الاقل في البوست حقي) الكلام ده يا زيزي قلته في المداخلة التانية لي في البوست ده وبعد داك انا شخصيا غير مسئول من باسويردات العضوية،،وعليس فكرة حتي الآن مافي زول شتم ياسر شتيمة مباشرة كما فعل هو،كل الانتقادات دي بلقاها اي فنان كان قعد في بيتهم وغني بلقي زول عادي ممكن يقول ليه انت فنان وانت زول بيض وكل الفنانين اي زول عنده فيهم رأي ابوعركي كدة ووردي متعجرف وود الامين اخلاقه ضيقة وغيره. الشي التاني يا زيزي...انا البوست ما فتحته عشان ياسر تمام،ولا عشان افتح بوست اصلا...انا نفس الكلام المختوت في بداية البوست كتبته في بوست هباني والبوست اتحذف،ببقي علي الزول مسئولية انو شارك في حتة اساؤوا فيها لزولة انا بعرفها والبوست اتحذف.
_ بعد اذنكم...سأطلب من بكري اغلاق البوست وشكرا كل الذي يهمني كان اعتذار من ياسر وقد حدث وشكرته ولم اتوجه اليه باي اساءة ولو في ناس غلبتهم واستعملوا كلمات غير موفقه في حق ياسر علي ياسر انهم انه يطلب منهم الاعتذار.
__ ياسر العليفون عذبتنا ياخ...خلاص بالله لما يجي تمام ابقي ورينا ياخ
Post: #83 Title: Re: الي ياســــر تمتام Author: سيف الدولة كامل Date: 08-28-2010, 01:57 PM Parent: #82
التحية لبنتنا المناضلة الجسورة مناهل.
ويشهد الله يا بنتي خلقة وأخلاق ما شاء الله.
شكرا ياسر تمتام علي الاعتذار الجميل.
التقدير للرجل الفاضل قمربوبا علي المبادرة
الطيبة والتي ادت الغرض المطلوب. والحق دافع
قمربوبا منذ البداية عن ياسر وقال بالحرف
الواحد الغرض من البوست الاعتذار وليس النيل
من ياسر.أتمني ان نقف عند هذا الحد مع تقديري
وحبي لكل الاخوة والاخوات المتدخلين.
الجميل وليد عبد اللطيف شكرا يا الكلك ذوق.
Post: #85 Title: Re: الي ياســــر تمتام Author: Anwar Ahmed Date: 08-28-2010, 02:32 PM Parent: #83
!!Great jobs
Post: #86 Title: Re: الي ياســــر تمتام Author: كمال عباس Date: 08-28-2010, 02:33 PM Parent: #83
المحترم القمر بوبا تحياتي وتقديري كتبت :
Quote: الشي التاني يا زيزي...انا البوست ما فتحته عشان ياسر تمام،ولا عشان افتح بوست اصلا...انا نفس الكلام المختوت في بداية البوست كتبته في بوست هباني والبوست اتحذف،ببقي علي الزول مسئولية انو شارك في حتة اساؤوا فيها لزولة انا بعرفها والبوست اتحذف. _ بعد اذنكم...سأطلب من بكري اغلاق البوست وشكرا كل الذي يهمني كان اعتذار من ياسر وقد حدث وشكرته ولم اتوجه اليه باي اساءة ولو في ناس غلبتهم واستعملوا كلمات غير موفقه في حق ياسر علي ياسر انهم انه يطلب منهم الاعتذار
. أعتقدأنك كنت موفق تماما في فتح هذا البوست وقد جاهرت بكلمة حق وأدنت سلوك خاطئ ووضعت الأمور في نصابها وعرفت- من لايعرف من هي مناهل -وماهو إسهامها- و وتدافع الاعضاء للمؤازرة وهو أيضا موقف إنساني نبيل وقد أتي جهدك ثمره حيث إعتذرالاخ ياسر للزميلة المعنية وهو تراجع وإعتذار محمود - وإن كان هناك من تجاوز حدود رد الفعل وأساء للاخ ياسر فعليه أن يتحمل نتاج إساءته لياسر وكل شخص يحاسب وفق ما يخط ويكتب ....... .......... وعلي من يسعي لتحويل القمر بوبا لجاني ويحاسبه علي صرخة الحق والموقف الشجاع أن يراجع نفسه.....
Post: #84 Title: Re: الي ياســــر تمتام Author: رغيم عثمان رغيم الحسن Date: 08-28-2010, 02:20 PM Parent: #82
