(لا عزاء للمدخنين)....معا من أجل حمله قومية لحقوق غير المدخنين...

فى البدأ، لا أود الخوض فى تعديد مضار التدخين،
و أود التنويه أيضا أن هذا البوست ليس بغرض منع التدخين أو إثناء المدخنين من هذا الخطر المعلوم للجميع،

و لكن، لى كلمة واحدة:
أيها المدخن،
إن كان من حقك أن تدخن، فرجاء إحترم حقى لأن لا أتعرض لدخان سيجارتك، فإنه يؤذينى......


فيا أيها القراء الكرام، فلنتحد معا من أجل تخصيص أماكن للتدخين و المدخنين.........................

أذهب إلى السوبر ماركت، أجد من ينفحنى بدخان سيجاره...
أفتح زجاج السيارة لتنشق النسيم العليل، أجد ما يكدر صفوى من السيارة المجاورة...
أذهب إلى النادى / الحديقة، لا أستطيع المكوث هناك طويلا،
المطعم المشهور، الأماكن العامة، الأماكن المغلقة، الإجتماعات، المكاتب.....


ففى أوروبا و الدول المتقدمة (صح كدة يا أستاذ محمد السنى؟)، أصبحت هناك قوانين تمنع المدخن من ممارسة
الشوارع و الأماكن العامة....

فلماذا لا نحاول تطبيق هذه التجربة هنا؟.......

Quote: فلماذا لا نحاول تطبيق هذه التجربة هنا؟.......

سلامات يا هالة..

شكرآ يا هالة على فتح البوست
وفي الحقيقة وقع لي في جرح

كنت مدخن سابق
توقفت عن التدخين باردتي في راس السنة
مساء يوم 31/12/1995
ومازلت
وصلت لمرحلة كراهية التدخين
وتزعجني رائحته سواء كان
من نفثات المدخنين او من أنفاسهم
وكذلك من منفضة السجائر التي تتعبني جدآ

في مرحلة لاحقة صار التدخين السلبي يسبب لي تعب
ويفاقم من حالات مرضية
خاصة في عيني
إكتشفت علاقة التهاب الجيوب الأنفية بالتدخين
من هياجها عقب كل إجتماع أحضره
إلى درجة تغيبي عن العمل ، أكل العيش ،
في الصباح التالي نسبة لحالة الصداع الحاد التي تنتابني

شرحت الأمر لزملائي
بعضهم إحترم وضعي وحرصوا على التدخين في الفناء فقط
أما البعض الآخر فلم يهتم ، بل ، بعد التنبيه عليه بثواني
يخلف قدم على قدم ويشعل لفافة
وهو يعرف ويعلم تمام العلم أن في تدخينه
اذى وتعب لي
يحرص على متعته حتى لو اصابت الغير بالضرر
حتى شككت ان بعضهم يتعمد الأذية
حيث كان في إمكانهم الخروج للحوش ، كما يفعل الأخرون
ومج سيجارته مستمتعآ هناك
دون ان يتسبب في أذى الغير
ومرات بيكونن معانا زميلات
أبدن تبرمهن بالتدخين

أفكر جديآ في الإعتذار عن اي عمل عام
لا يحرص زملائي فيه على صحتي من خلال الإمتناع عن التدخين

غير ان حرصي على صحتي = حرصي على المشاركة في العمل العام

ألم اقل لك ان موضوعك قد وقع لي في جرح
ياهالة
تاني شكرآ

Quote: سلامات يا هالة..

أستاذنا أزهرى،
كيف الحال؟

أعلم أنك لست من المدخنين،
فماذا ترى؟

Quote: شكرآ يا هالة على فتح البوست وفي الحقيقة وقع لي في جرح كنت مدخن سابق توقفت عن التدخين باردتي في راس السنة مساء يوم 31/12/1995 ومازلت وصلت لمرحلة كراهية التدخين وتزعجني رائحته سواء كان من نفثات المدخنين او من أنفاسهم وكذلك من منفضة السجائر التي تتعبني جدآ في مرحلة لاحقة صار التدخين السلبي يسبب لي تعب ويفاقم من حالات مرضية خاصة في عيني إكتشفت علاقة التهاب الجيوب الأنفية بالتدخين من هياجها عقب كل إجتماع أحضره إلى درجة تغيبي عن العمل ، أكل العيش ، في الصباح التالي نسبة لحالة الصداع الحاد التي تنتابني شرحت الأمر لزملائي بعضهم إحترم وضعي وحرصوا على التدخين في الفناء فقط أما البعض الآخر فلم يهتم ، بل ، بعد التنبيه عليه بثواني يخلف قدم على قدم ويشعل لفافة وهو يعرف ويعلم تمام العلم أن في تدخينه اذى وتعب لي يحرص على متعته حتى لو اصابت الغير بالضرر حتى شككت ان بعضهم يتعمد الأذية حيث كان في إمكانهم الخروج للحوش ، كما يفعل الأخرون ومج سيجارته مستمتعآ هناك دون ان يتسبب في أذى الغير ومرات بيكونن معانا زميلات أبدن تبرمهن بالتدخين أفكر جديآ في الإعتذار عن اي عمل عام لا يحرص زملائي فيه على صحتي من خلال الإمتناع عن التدخين غير ان حرصي على صحتي = حرصي على المشاركة في العمل العام ألم اقل لك ان موضوعك قد وقع لي في جرح ياهالة

أبو ساندرا،
كلامك دة وفر على كتير،
حيث أنه يوصف كثير من المضايقات التى يتعرض لها غير المدخن جراء وجوده مع مدخن أو أكثر فى مكان واحد،
وللمدخنين أن يعلمو أن هذه المضايقات قد تتسبب فى أعراض صحية أقل ما توصف بها أنها حقيقية....
فلماذا عدم الإكتراث بصحة الغير...
أدرى أن هنالك الكثيرين مما يتفضلو بطفى سيجارتهم، اللحظة التى يبدى فيها غير المدخن التضرر،
ولكن فى المقابل، هنالك أيضا الكثيرون من الذين لا يتفهمون....

شكرا لمشاركتك،أبوساندرا....
و معا من أجل الحفاظ على حقوق غير المدخنين...

يا جماعة،
الموضوع دة جاد،
محتاجين نعمل تعبئة لتوضيح أن التدخين يسبب أضرارا لا حصر لها لفئات:
الأطفال،
الحوامل،
و المتضررين صحيا،.....


لهذا، نرجو التفضل بعدم إشعال سيجارة فى الطريق العام،
فى الميادين العامة...
فى الأماكن المزدحمة،
فى الأماكن المغلقة.....الخ


ولا تكون السبب بضرر الغير.....

Quote: نواصل( بعد الأرشفة) يا سهام، بوردابيات الخرطوم أجمعوا تانى..

يا هاله وما عزمتونا

وتدخين مافى ... انتى قاصدانا ولا شنو

Quote: فلماذا لا نحاول تطبيق هذه التجربة هنا؟.......

والله يا ريت ..

بس هنا دي وين ؟؟؟ في السودان؟
تعرفي يا هالة ..
اتذكرت موقف حصل جد جد ..
واحدة قريبتنا .. عايشين بره
كانوا في السودان .. وفي مشوار .. واحد من الركاب فتح القزاز ورمى حاجة (علبة البيبسي أعتقد)
قامت إستغربيت جدا و قالت ليه : ده شنو ؟ العسكري ما بيسألك ؟
نطت واحدة وبسرعة بديهة قالت ليها : يا بتي هنا ده لو ما رميتيها العسكري ممكن يسألك ..

نحن في السودان .. نهوى أوطانا ..

Quote: يا هاله وما عزمتونا وتدخين مافى ... انتى قاصدانا ولا شنو

يا أشرف، و كمان بتدخن...
لأ لا لأ....
زعلتنى...


و أنا الكنت دايرة أكلمكم المرة الجاية....
عموما،
عشان نتفق،
لو جيت، و بقيت داير تشرب ليك سيجارة،
أمشى أركب العربية، وأقفل القزاز، و سوى الدايرو...

وطبعا، عشان خاطر السيجارة، بتركب الصعب....

Quote: و أنا الكنت دايرة أكلمكم المرة الجاية....

هالة ..
تبلدينا زاااتو بيدخن..
بس أنا الما بدخن طبعا ..
على كدة لما أجي السودان حا تعزموني اللمة الجاية .. صاح؟

Quote: Quote: فلماذا لا نحاول تطبيق هذه التجربة هنا؟....... والله يا ريت .. بس هنا دي وين ؟؟؟ في السودان؟

ليه لأ يا إبراهيم،
إحنا بنخاطب فى فئات من الناس على قدر كبير من الثقافة و الوعى،
يعنى فرصة كويسة،إنو الحملة دى تبدأ من سودانيزأونلاين.....

والله يا هالة طرح جميل ..
وفكرة رائعة ..
يا ريت تؤخذ مأخذ جد ..

الأخت هالة ( ينصر دينك ويقطع دلاقينك )

تخيلي يا هالة انا ما بكره حاجة في الدنيا دي غير الدخان ( السجائر )
مع انو شكلي بقول مدخن كبير ( الشنب الكبير وكده
وفي شقتي معلق لوحات بمنع التدخين وما بجامل ابداً , علماً اني إتربيت
في بيت الوالد عليه رحمة الله مدخن وبسف صعوت الأخ الأكبر والأخ اللي بعده
وزوج اختي وعدد لا يستهان به من اصدقائي .

عندي حاسية مفرضة من ريحة السجائر وكذلك ما تسمى بالشيشة . اتحاشى الإجتماعات
اتحاشى شقق العزابة , اتحاشى زحمة الأسواق والصناعية ( اكثر الناس تدخيناً )

خلاصة الأمر ( السبب الرئيسي في وفاة اخي الأكبر كان التدخين حيث تسبب له في إنسداد
الشريان وخاصة الشريان التاجي والأدهي من ذلك وهو في فراش المرض بالمستشفي كان
يقول لزوجته :- لو ما جبتي لي معاك سجائر ما تجيني في الزيارة ؟؟؟ لانو ما كان قادر
ينوم والدكتور قال لزوجة اخي لو اديناهو سجارة واحدة ممكن ينوم لكن ما كويسة معاهو
علي العموم ربنا يرحمو ويسكنه فسيح جناتو .

وانا معك أقول معاً من أجل حملة قومية لحقوق غير المدخنيين )

Quote: عندي حاسية مفرضة من ريحة السجائر وكذلك ما تسمى بالشيشة . اتحاشى الإجتماعات اتحاشى شقق العزابة , اتحاشى زحمة الأسواق والصناعية ( اكثر الناس تدخيناً )

الأخ هاشم،
مصداقية لكلامك، أنا لقيت نفسى أبتدت لى حساسيات من جميع أنواع التلوث،
و من أكثرهاجميع أنواع الدخاخين،....
يعنى مرات كدا، عشان نبخر البيت‘ إلا نطلع برة....
(من الاخر كدة، بقينا خرد...)

لكن العتبى على من لا يتفهم المعاناة التى يعانى منها البعض...
و بالمناسبة، طبعا عندنا فى السودان معاناة من نوع أخر،
ألا و هى حرق الكوش (ولا مؤاخذة) وسط الأحياء....
يعنى ورونا بس نمشى وين؟؟؟؟

Quote: خلاصة الأمر ( السبب الرئيسي في وفاة اخي الأكبر كان التدخين)

رحم الله أخاك، و لا حول و لا قوة إلا بالله....

اللهم أغفر له...

لا، لإجبارنا على التدخين السلبى.....

لا، لإجبارنا على التدخين السلبى.....

بصراحة يا جماعة، و من غير زعل....
أنا شايفة الحوجة الماسة للسجائر، و عدم القدرة على التخلى عنها،
حتى فى أحلك الأوقات والظروف، هى عبارة عن نوع أخر من الإدمان....


و برضو، هذه ليست دعوة للتخلى عن التدخين،
و لو أنه ح يكون "عز الطلب".....
ولكن، يا أيها المدخن،

سيجارتك/ دخانك يحرم الاخرين من الهواء النظيف....









معا من أجل الحفاظ على حقوق غير المدخنين.....

Quote: هالة .. تبلدينا زاااتو بيدخن..

والله يا ابراهيم لقيتك ........

انت تبلدينا اسى سالوك منو ؟؟؟

Quote: بس أنا الما بدخن طبعا .. على كدة لما أجي السودان حا تعزموني اللمة الجاية .. صاح؟

يا ابراهيم حمودى ده شكلو مضايق من الدخان

Quote: يا ابراهيم حمودى ده شكلو مضايق من الدخان

حمودي منو؟ ولدي ؟؟
ولا حمودي ود الصائم ؟
إذا حمودي ولدي .. إطمئن .. هالة بتعرفني كويس ..
وإذا ود الصائم .. ما شايف صورة البروفايل بتاعو ؟

السلام عليكم

التدخين إدمان حقيقي لا شك فيه وهذا ما أثبتته الدراسات والنيكوتين هو
المادة الكيميائية الأساسية المسئولة عن التسبب في إدمان تدخين السجائر.
بل إن العديد من الدراسات تؤكد أن مادة النيكوتين في السجائر
لا تقل خطورة وحدة في التسبب في الإدمان من المخدرات الأخرى كالكوكايين
والهيروين.
ويؤدي النيكوتين في دخان التبغ إلى زيادة قدرة الصفائح الدموية على
التجمع والالتصاق والتخثر، وهذا أمر له خطورته لأن هذا الأمر يساعد على
سرعة وسهولة تجلط الدم، وقد تحدث التجلطات نتيجة لذلك في الساقين
والقدمين, أو في شرايين القلب التاجية, أو حتى في المخ.
وعندالنساء المدخنات يؤدي النيكوتين إلى إضعاف قدرة جسم المرأة على تصنيع
وإفراز هرمون الإستروجين، مما يسبب اضطراب ثم توقف الدورة الشهرية مبكرا,
والوصول المبكر لسن اليأس.


وهذه وللحديث بقية بإذن الله



المدير السابق للبرنامج القومي لمكافحة التبغ
وزارة الصحة الإتحادية - السودان

Quote: الحوجة الماسة للسجائر، و عدم القدرة على التخلى عنها، حتى فى أحلك الأوقات والظروف، هى عبارة عن نوع أخر من الإدمان

نعم هو إدمان
لكنه في واقع الأمر وهم أو توهم

تجربتي الشخصية
توقفت مساء 31/12/ 1995
حتى صباح ذلك اليوم كنت مدخن شره
وكنت اظن أن الحياة غير ممكنة من غير تدخين
قرار ذلك المساء لم تسبقه أي تحضيرات
هو وليد الدقائق الخمس التي خرجت خلالها
من صالة الرقص في فندق شيراتون الدوحة
وعندما عدت كدت أن أختنق من كثافة الدخان داخل الصالة
فخرجت ثانية وإنتظرت في الخارج دقائق خلالها قررت التوقف
وتوقفت من تلك اللحظة وحتى الآن
أي 13 سنة توقف
معاناة التوقف كانت محدودة ومقدور عليها

كان وهمآ ، ظني أن الحياة لايمكن أن تعاش من غير تدخين

المطلوب فقط : إرادة حديدية لا تنثني

Quote: نعم هو إدمان لكنه في واقع الأمر وهم أو توهم

أوافقك الرأى...

Quote: قرار ذلك المساء لم تسبقه أي تحضيرات هو وليد الدقائق الخمس التي خرجت خلالها من صالة الرقص في فندق شيراتون الدوحة وعندما عدت كدت أن أختنق من كثافة الدخان داخل الصالة

سبحان الله، حتى المدخن تضايقه سجائر الغير،

أتعلم، أخى أبو ساندرا،
من رأيى أن معظم القرارات المصيرية تصمد أكثر إذا كانت وليدة اللحظة (والمعاناة)،
أحييك على صمودك طول هذه السنين....

Quote: كان وهمآ ، ظني أن الحياة لايمكن أن تعاش من غير تدخين المطلوب فقط : إرادة حديدية لا تنثني

فعلا هو دة المطلوب،
أيها المدخنون،
إسأل مجرب و لا تسأل طبيب....

و دمت طيبا،

Quote: كان وهمآ ، ظني أن الحياة لايمكن أن تعاش من غير تدخين

فلنجعل هذا شعارنا.....

أهناك من يظن غير ذلك؟.......

Quote: إسأل مجرب و لا تسأل طبيب....

أهلآ يا هالة
الست زوجتنا حباها الله ، ضمن سجاياكثيرة ، بروح لطيفة
وحس فكاهي ، فهي صاحبة نكتة وتعليق ظريف
مرة ،صدف ان تحقق توقعي
فقلت لها : اسألي مجرب
قالت مغتاظة: { بعد ان لحظة غروري ، هو نحن الإصحاء عرفنا منهم شنو
كمان نسال المجربين ، ياود أمشي إنكرش بعيد

طبعآ الدنقلاوية اللغة العربية عندها اللغة الثانية
لاتفرق بين مجرب و أجرب



نظام رش ملح على البوست

Quote: نظام رش ملح على البوست

حلوة...

و فى حالتنا دى، عشان برضو ما يفهمونا غلط،

يا جماعة تعريف المجرب هنا:
هو الذى كاااان يدخن،
و أصبح يكرهو كره الـ......

إنتو يا جماعة،
الناس كلها بقت بتشجع التدخين؟....

نأجر ناس للحملة و لا شنو،



إعلان هام:
مطلوب شركة دعاية للإشراف على الحملة و رفع البوست....






معا من أجل الحفاظ على حقوق غير المدخنين....

سـلامات الاخـت هالـة

دعوتـك جميلة وصحيّـة

الظاهر الغالبيـة مدخنين عشـان كدا ممتنعيـن

حقيقـة رائحـة الدخـان تزعجني كثيـراً

واجد نفسي احيانا مضطـرة لإحتمالها حتى لا احـرج الاخـر الذي لا يجـد حـرج من ايـذائ

ومثلـي كُثــُر



لي عودة ان شاء الله

Quote: لا، لإجبارنا على التدخين السلبى.....

سلامات يا هالة

شوق شديد و فرصة سعيدة جمعتنا بيك


اؤيد فكرتك بشدة و نتمنى ان يتم تبنيها من الجهات الرسمية والشعبية.

Quote: سـلامات الاخـت هالـة

أختى رانيا،
مرحب بك...

Quote: الظاهر الغالبيـة مدخنين عشـان كدا ممتنعيـن

أنا قلت كدة برضو....
لكن دايرين كمان شوية إنصاف و عدل.....

Quote: حقيقـة رائحـة الدخـان تزعجني كثيـراً واجد نفسي احيانا مضطـرة لإحتمالها حتى لا احـرج الاخـر الذي لا يجـد حـرج من ايـذائ ومثلـي كُثــُر

تعرفى المشكلة يا رانيا،
إنو لبعض الناس، إزعاج الدخان حقيقة أكثر من القدرة على الإحتمال،
ولكن يبقى السؤال،
هل سيتجاوب الاخر؟
و هنا تكمن المشكلة....

Quote: لي عودة ان شاء الله

فى الإنتظار....

فى مرة (من المرات...)،
كنت فى إجتماع مع مهندس كبير (عمرا و عملا...)،
لسوء حظى كان من الذين يلحقون السيجارة بالأخرى chain smoker
لشدة تضررى، كنت لا أستطيع كتمان ذلك،
فتارة كنت أخرج قليلا لإستنشاق الهواء،
و معظم الوقت، كنت أضع المنديل على أنفى...
و كان هو يلاحظ لكل ذلك، و يعلم تماما تضررى من الدخان المستمر، و يعلق على ذلك...
ولكن ما باليد حيلة،
فهو لا يستطيع التوقف....

و بنهاية الإجتماع، كنت قد إستنشقت ناتج سبعة (7) سيجارات، أى ما يعادل تدخين 14 سيجارة،

فما ذنبى؟....

البوست دا داير الواحد يولع ليهو سجارة ويجيكم

Quote: البوست دا داير الواحد يولع ليهو سجارة ويجيكم

تعال و معك اخرووون كمان....
لكن إحنا أغلبية (هنا على الأقل....)،
يعنى، أشرب سيجارتك، و بعدين أدخل....

ود الصايم،
مشيييت و جيت،
لقيتك لسه ماسك سجايرك دى و تنفخ فينا؟

أكثر ما يستفزنى،
أن أجد من يدخن ........












تحت لافتة (ممنوع التدخين) !!!!!!!!!!

*

*

Quote: التدخين إدمان حقيقي لا شك فيه وهذا ما أثبتته الدراسات والنيكوتين هو المادة الكيميائية الأساسية المسئولة عن التسبب في إدمان تدخين السجائر. بل إن العديد من الدراسات تؤكد أن مادة النيكوتين في السجائر لا تقل خطورة وحدة في التسبب في الإدمان من المخدرات الأخرى كالكوكايين والهيروين. ويؤدي النيكوتين في دخان التبغ إلى زيادة قدرة الصفائح الدموية على التجمع والالتصاق والتخثر، وهذا أمر له خطورته لأن هذا الأمر يساعد على سرعة وسهولة تجلط الدم، وقد تحدث التجلطات نتيجة لذلك في الساقين والقدمين, أو في شرايين القلب التاجية, أو حتى في المخ. وعندالنساء المدخنات يؤدي النيكوتين إلى إضعاف قدرة جسم المرأة على تصنيع وإفراز هرمون الإستروجين، مما يسبب اضطراب ثم توقف الدورة الشهرية مبكرا, والوصول المبكر لسن اليأس.

Quote: المدير السابق للبرنامج القومي لمكافحة التبغ وزارة الصحة الإتحادية - السودان

و أهو جاتكم وزارة الصحة بنفسها،

يا أستاذ إبراهيم، تحيه كبيرة،
أنا والله الموضوع دة جادة فيهو،
ما كتيرة علينا فى السودان يكون فى حملات زى دى،
على الأقل للتوعية بمخاطر التدخين (لغير الدخنين..)،
يعنى أنا متأكدة إنو معظم المثقفين المدخنين على علم بكل المخاطر،
و لكن ما ذنب من لا يدخن؟.....

إيدكم معانا، نعمل مخطط لبرنامج،
وما فى مانع أبدا حتى المدخنين الواعيين بشاركو معانا فيهو....

Quote: وهذه وللحديث بقية بإذن الله

و نحن فى الإنتظار....

ال Senior Hala

لا أنكر أنني chain smoker لكن مثلا

* أولادي ما حصل شافوني بدخن
* التدخين في العربيه ممنوع
* التدخين في البيت ممنوع و حتى لو في ضيف مدخن أكون دائما صريح معاهو لدرجة إنو في ناس بقو ما بيجوني (الحمد لله) عشان ما إتقبلوا الحاه دي
* غسل اليدين و الوش و الأنف بالصابون إن أمكن ذلك قبل الدخول للبيت بعد التدخين
* برضو قاعد أتكلم مع أيي واحد (و أغلبهم سودانيين و سعوديين) لما يدخنو في أماكن ممنوع فيها التدخين
* حتى ولو ما ممنوع فيها التدخين و معاي أولادي أو أيي أطفال في المنطقه دائما ما أبادر للمشاكل و أتكلم مع المدخن لو مولع واحده

أما وضوع ترك التدخين من جانبي فدا موضوع لا فائده منو خاصه بعد تجربة 55 يوم ثم العودة و لكن بمعدل أسوأ

عموما أيي مشاكل نحن جاهزين
ما دا اليوم الحار و ما بندار

تيسير سلامات،
و شوفتك الأحلى.....

Quote: اؤيد فكرتك بشدة و نتمنى ان يتم تبنيها من الجهات الرسمية والشعبية.

مش كدة بالله؟
لكن شايفة الموضوع دة مزعل ناس كتيرين،
و مار مرور الكرام على أخرين،

مع إنو أنا عارفة إنو بيمس شريحة كبيرة جدا،
(شفتى المرة الفاتت كنا قاعدين متضايقين كيف؟)

عموما،
القصد إنو أى ترتيب رسمى أو شعبى يبدأ من هنا،

و ربنا معانا....

Quote: ال Senior Hala]

مالك الجاك،
دة كان زمان......
إنت ما عارف الرجل بيكبر أكتر من المرأة...
كمان غالطنى ....

Quote: لا أنكر أنني chain smoker لكن مثلا * أولادي ما حصل شافوني بدخن * التدخين في العربيه ممنوع * التدخين في البيت ممنوع و حتى لو في ضيف مدخن أكون دائما صريح معاهو لدرجة إنو في ناس بقو ما بيجوني (الحمد لله) عشان ما إتقبلوا الحاه دي * غسل اليدين و الوش و الأنف بالصابون إن أمكن ذلك قبل الدخول للبيت بعد التدخين * برضو قاعد أتكلم مع أيي واحد (و أغلبهم سودانيين و سعوديين) لما يدخنو في أماكن ممنوع فيها التدخين * حتى ولو ما ممنوع فيها التدخين و معاي أولادي أو أيي أطفال في المنطقه دائما ما أبادر للمشاكل و أتكلم مع المدخن لو مولع واحده

حقيقة،
أحييك و أشد على أيديك......
بصراحة هو دة المطلوب،
معرفة مخاطر التدخين السلبى على الغير،
و إحترام الاخر....

Quote: أما وضوع ترك التدخين من جانبي فدا موضوع لا فائده منو خاصه بعد تجربة 55 يوم ثم العودة و لكن بمعدل أسوأ

أنا ما خبيرة فى الحاجات دى،
لكن متأكدة إذا كنت عايز بجد، ح تقدر,,,,
الكلام النية الصادقة..
و الله معاك.

Quote: عموما أيي مشاكل نحن جاهزين ما دا اليوم الحار و ما بندار

ياهاالمحرينها فيكم...
ح نشيلكم لوقت عوزة،

لكن يا ريت تحركو لينا الموضوع دة شوية..
دايرين الناس يتفهموا (من غير زعل) و يتفاعلوا...

نحن معاك ...
العالم كله بيحترم الغير مدخنين ...
في السودان ينفثوه في وجهك ولو ما عاجبك امشي البحر ...
اين حقوقنا؟؟
لا للتدخين في الاماكن العامة ...
وليكون هناك اماكن مخصصة للتدخين مش العكس ...

Quote: نحن معاك ... العالم كله بيحترم الغير مدخنين ... في السودان ينفثوه في وجهك ولو ما عاجبك امشي البحر ... اين حقوقنا؟؟ لا للتدخين في الاماكن العامة ... وليكون هناك اماكن مخصصة للتدخين مش العكس ..

شكرا للمساندة يا محمد إبراهيم،
و أنا أحترم المدخن الواعى و البيحترم الاخرين.....


و نردد،
لا للتدخين في الاماكن العامة ...
وليكون هناك اماكن مخصصة للتدخين مش العكس ..







و نواصل.......

لا للتدخين

هلولة العسولة ...

ألف لا للتدخين ...

شاركنا قبل كدة في حملة مكافحة التدخين ,, تصوري في دكتور سوداني جاب لينا صورة لرئة مدخن من

الداخل والله شفتي بس القطران ذاته لمن تكرهي روحك ..

عارفة يا هالة قالو في واحد لقى زوجته ماشة مع واحد قام قال ليها بعد دة ما فضل ليك إلا تدخني

يعني الدخان دة أسوأ حاجة في الدنيا وما بعده شيء في نظر صاحبنا!!

هشام،

شكرا لرفع البوست و بدأ الحملة






خليكم معانا.......

عطوفة اللذيذة،
صباحات جميلة.....

بركة الجيتى زورتينى فى بيتى.....

Quote: شاركنا قبل كدة في حملة مكافحة التدخين ,, تصوري في دكتور سوداني جاب لينا صورة لرئة مدخن من الداخل والله شفتي بس القطران ذاته لمن تكرهي روحك ..

والله يا عواطف، شفت صورة زى دى فى مجلة قبل كدة،
فعلا كرهت روحى.....

الما قادرة أفهمو،
ليه المدخنين (مع علمهم التام بمضار التدخين)،
مصرين إحنا ندخن معاهم.....

Quote: عارفة يا هالة قالو في واحد لقى زوجته ماشة مع واحد قام قال ليها بعد دة ما فضل ليك إلا تدخني يعني الدخان دة أسوأ حاجة في الدنيا وما بعده شيء في نظر صاحبنا!!

راجل واعى....




كسرة:
خليكم معانا،
و يا ريت تفيدونا من خبراتكم.....

الاستاذة هالة

كيفك وشكرا ليك على الدعوة وانت يا العزيزة تأمري بس

بس كلمتين واحدة لهاشم ود خلف الله الشاب اللذيذ كتب وقال :

Quote: تخيلي يا هالة انا ما بكره حاجة في الدنيا دي غير الدخان ( السجائر ) مع انو شكلي بقول مدخن كبير ( الشنب الكبير وكده

انت يا هشومي لسع بدري عليك لسع ما وصلت العمر البتتشالق فيهو للسجارة

وكلمة ليك او بالاحرى اذن منك .

انا ماشي اجيب صاحبي الرطاني نتونس في بوستيك ده وونسة ما ليها علاقة بالتدخين لكن احسبينا زى العمارة العالية في واجهة المارة ويختوا عليها فوووووووووق دعاية ممنوع التدخييييييييييييين .

اها رايك شنو اجيب صاحبي واجيك عشان تعلقي اللوحة في رقبتو ويقدل بيها جوة المنبر ولا عندك راي تاني ؟

Quote: الاستاذة هالة كيفك وشكرا ليك على الدعوة وانت يا العزيزة تأمري بس

استاذنا ود شيقوق،
بركة الجيت بركة الجيت...
و ما يأمر عليك عدو...

Quote: بس كلمتين واحدة لهاشم ود خلف الله الشاب اللذيذ كتب وقال : Quote: تخيلي يا هالة انا ما بكره حاجة في الدنيا دي غير الدخان ( السجائر ) مع انو شكلي بقول مدخن كبير ( الشنب الكبير وكده انت يا هشومي لسع بدري عليك لسع ما وصلت العمر البتتشالق فيهو للسجارة وكلمة ليك او بالاحرى اذن منك .

كلمتين، تلاتة، عشرة، مافى أى مانع،
تعرف أنا برضو كنت عاوزة أقول لأخونا هشام،
العبرة ليست بالمظاهر....

Quote: انا ماشي اجيب صاحبي الرطاني نتونس في بوستيك ده وونسة ما ليها علاقة بالتدخين لكن احسبينا زى العمارة العالية في واجهة المارة ويختوا عليها فوووووووووق دعاية ممنوع التدخييييييييييييين . اها رايك شنو اجيب صاحبي واجيك عشان تعلقي اللوحة في رقبتو ويقدل بيها جوة المنبر ولا عندك راي تاني ؟

أعتبر البوست حقك،
تتمشى فيهو زى ما داير،
و أنا ما تحمل همى، ح أظبط اليافطة....
لكن الرطانى دة معاهو ترجمة؟؟؟
ولا نجيب المترجم معانا؟؟؟


مرحب بيك...

Quote: ولا نجيب المترجم معانا؟؟؟

يا هالة انت الزمن ده كلو كنت فين ؟ والله انت الذ انسان في الدنيا . انا بجيبو لكن ما ياكل راسك تبقي معاى بس .

Quote: يا هالة انت الزمن ده كلو كنت فين ؟ والله انت الذ انسان في الدنيا . انا بجيبو لكن ما ياكل راسك تبقي معاى بس .

الله يكرمك،،،،



معاك للاخر،،،،



أقول ليك حاجة،
تعال و جيب الفريق كلو،


إحنا بندووور الناس....

Quote: إحنا بندووور الناس....

بالتاكيد بت ناسا لذاذ وعزاز وليك على انا ساكن هنا بس والقوم كلو جاييك حت ود المنسي ومحل رهيفة تنقد

Quote: بالتاكيد بت ناسا لذاذ وعزاز وليك على انا ساكن هنا بس والقوم كلو جاييك حت ود المنسي ومحل رهيفة تنقد

مرحب بيك و كل ضيوفك،

جرى، ماشة أجهز الضيافة و جاية،







خليكم قاعدين......





كسرة:
وعشان الضيوف ما ياخدو فى خاطرهم،
ح أجهز مكان مخصص للتدخين، فيهو كل أسباب الراحة (طفاية و كدة.. )

أتفقنا؟؟؟؟

Quote: ح أجهز مكان مخصص للتدخين، فيهو كل أسباب الراحة (طفاية و كدة.. )

انت كونى بعيد ديل انا بريحهم ليك بجزك ضيوف غيرهم ابقى عليهم عشرة - الرطاني اظنو الليلة تعبان او ........ نام بدري

سلامات ياهالة

جيناك لاحقين ود شيقوق










_
واحد مدخناتي كبير

Quote: مرحب بيك و كل ضيوفك، جرى، ماشة أجهز الضيافة و جاية،

الأخت الفاضلة هالة
لك التحية طيبة سلام

موضوعك جميل
كانت وزارة الصحة في تركيا تكتب التدخين ضار بالصحة والأتراك يبخو ( ووووووف ) .. التدخين بقتل والأتراك يشفطو زي قطر البخار .... والتدخين بودي الزول التوج وهم ولا همامهم وما جايبين خبر ... مرة كتبو التدخين ( بعقر الزول ) اي لا يلد إذا دخّن ..
في تركي مشى الدكان قال لي بتاع الدكان أديني علبة سجائر .. أعطاه العلبة ومكتوب عليها ( التدخين يعقم ولا يمكن للمدخن أن يلد ) قام رمى العلبة لبتاع الدكان وقال لي غير لي دي وأديني البقتل
تحياتي


_________________________
الزول دا شنو الجبتي دا ( شيقوق )
والله دا أنتِ بوستك يوديكم التوج

Quote: الزول دا شنو الجبتي دا ( شيقوق ) والله دا أنتِ بوستك يوديكم التوج

جيت آآآآآآآ الحاسد هالة دى لقيتها ليك قريبتي طاب اها تاني ماني طالع من هنا ومحل رهيفة تنقد

Quote: جيناك لاحقين ود شيقوق

كلموك المسانيح قالوا ليك ود شيقوق بهنا؟

اها الدايرني يجيني بجاى وما عايزني خليهو يركب اعلى ما في خيولو انا دقيت اوتاد خيمتي بهنا .

نحن مابنباري البودينا الكوشة

زولا سمح زيك نبراهو للاهاي زاتها

Quote: زولا سمح زيك نبراهو للاهاي زاتها

للاهاى يا سجم الرماد ما سجتمنى طاب ابقى كايسها في التمديد لسنة واحدة

حيدر سلام،

سلامات ياهالة

Quote: جيناك لاحقين ود شيقوق

شفت الدردقة دى كيف؟؟







_

Quote: واحد مدخناتي كبير

قلت لى ما فى أمل؟؟؟
أقول ليك شى،
إعتبر رمضان جا،
(صباح و مساء... )

Quote: شفت الدردقة دى كيف؟؟

حاسبي المعركة حيكون فيها تجدع بالدراب - احسن ليك تبعدي يا هنولولو بعييييييييييد

Quote: شفت الدردقة دى كيف؟؟

دردقة صح

Quote: إعتبر رمضان جا،

الراس مبرمج من سنين

من قالو رمضان قرب بديت أعطش

حيدر

Quote: دردقة صح

ات عارف زولتك دى قطع شك تكون من بنات البندر وفي البندر من بنوت الخرطوم وفي الخرطوم تكون من الرياض وفي الرياض تكون هيييييييييييييييع

الاخ الكريم خالد،

Quote: كانت وزارة الصحة في تركيا تكتب التدخين ضار بالصحة والأتراك يبخو ( ووووووف ) .. التدخين بقتل والأتراك يشفطو زي قطر البخار .... والتدخين بودي الزول التوج وهم ولا همامهم وما جايبين خبر ... مرة كتبو التدخين ( بعقر الزول ) اي لا يلد إذا دخّن .. في تركي مشى الدكان قال لي بتاع الدكان أديني علبة سجائر .. أعطاه العلبة ومكتوب عليها ( التدخين يعقم ولا يمكن للمدخن أن يلد ) قام رمى العلبة لبتاع الدكان وقال لي غير لي دي وأديني البقتل

والله المدخن ليهو حق،


لكن تعرف؟؟؟؟ فكرة،

حقو نستخدم نفس المنهج التركى،

أنا غايتو عندى نظرية (قابلة للمناقشة)،
الأتراك هم العلمو العرب نظرية الأستهبال،

فما مافى مانع نحذو حذوهم فى المفيد....

Quote: _________________________ الزول دا شنو الجبتي دا ( شيقوق ) والله دا أنتِ بوستك يوديكم التوج

الموضوع خطة مدروسة،
هو يجيب الجماهير الكريمة،
وأنا أتحاوم بجوة،
أحاول أقنعهم،،،



يمكن...........


تسلم للطلة،،،،

Quote: الموضوع خطة مدروسة، هو يجيب الجماهير الكريمة، وأنا أتحاوم بجوة، أحاول أقنعهم،،،

طيب اكان تعملي Short cut وتقولي لي سردب خليني اكتب في ضهرك ممنوع التدخين بدل العذاب ده كلوو

Quote: الموضوع خطة مدروسة، هو يجيب الجماهير الكريمة، وأنا أتحاوم بجوة، أحاول أقنعهم،،،

طيب اكان تعملي Short cut وتقولي لي سردب خليني اكتب في ضهرك ممنوع التدخين بدل العذاب ده كلوو

Quote: ات عارف زولتك دى قطع شك تكون من بنات البندر وفي البندر من بنوت الخرطوم وفي الخرطوم تكون من الرياض وفي الرياض تكون هيييييييييييييييع

لكن ما هجمتنى،
هيييييييييييييييع دى ما بعرفها....
لكن إنت قطع شك متقصى أثر...





نقطة:
للأسف أنا مضطرة أمرق الليلة،
بكرة السبت، لكن شغالة بدرى،
طبعا البيت بيتكم،
أخدوا راحتكم تب....



اشوفكم بخير،

Quote: للأسف أنا مضطرة أمرق الليلة، بكرة السبت، لكن شغالة بدرى، طبعا البيت بيتكم، أخدوا راحتكم تب....

الله يخليك ونحن ذاتنا نعسنا خلي بالك من نفسك والى اللقاء في معركة اخرى

Quote: هيييييييييييييييع دى ما بعرفها....

بعرض برة الأستاد

ياهالة دي لو ما قالا في اليوم 5 مرات بيدفع ضريبة

Quote: الموضوع خطة مدروسة، هو يجيب الجماهير الكريمة، وأنا أتحاوم بجوة، أحاول أقنعهم،،،

الأخت الفاضلة هالة
لك الاحترام

أديتي كم ؟؟؟ بوستات يعني ماشة بالإيحار
كان أحسن ليك دفرة يا عم
من تأجري العتالي دا

الموضوع جذبنا عشان كدي جينا ولقينا إسمنا كمان جوه
لكن مادام كدي ود شيقوق انا مابباري

تحياتي

Quote: لكن مادام كدي ود شيقوق انا مابباري

من زمان بعتك بي رخصة وقبضت قسمتى وانشاء الله انت تغطس تاني

ود شيقوق،

Quote: طيب اكان تعملي Short cut وتقولي لي سردب خليني اكتب في ضهرك ممنوع التدخين بدل العذاب ده كلوو

إنت نسيت،
مش أتفقنا نعلق اليافطة فوق العمارة؟؟؟؟



إنت الظاهر عليك أكبر مدخن،


شفت دة كلو تأثير السجاير....



يا زول أقعدوا،
اتونسوا ونستكم الدايرينها....

وأنا على الفواصل و الإسكتشات ،
أكان أقتنعتو، برضو من مصلحتكم....



تصبحون على خير و عافية...

Quote: مش أتفقنا نعلق اليافطة فوق العمارة؟؟؟؟

جاييك عمك الباشمهندس الرطاني اللذيذ بيعرف المواقع الاستراتيجية لتعليق اللوحات الدعائية انا على ادق المسامير ولا هيك يا رطاني ؟

سلامات للجميع،

حيدر،

Quote: Quote: هيييييييييييييييع دى ما بعرفها.... بعرض برة الأستاد ياهالة دي لو ما قالا في اليوم 5 مرات بيدفع ضريبة

أناهيييييييييييييييع دى ما عندى معاها مشكلة،
بس تواضعا و كدة ، ما عرفت أصنفهافى ياتو لفل....

الأخ العزيز خالد،

Quote: الموضوع جذبنا عشان كدي جينا ولقينا إسمنا كمان جوه

عارف، أنا لما فتحت البوست دة ، كنت زعلانة بجد،
يمكن عشان كدة كان الطرح جاد جدا،
و لحدى الان هدفى أخرج منو (بمذكرة تفاهم مشتركة) بين المدخنين و غير المدخنين،
المطلوب ببساطة:

إذا كنت تريد أن تدخن،
فلا تسلب الاخرين حقهم فى الهواء النظيف


لكن موضوع تقنين التدخين دة الظاهر بيزعل ناس كتيرين،
ما عايزين يفقدوا حقهم فى إنهم يولعوا سيجارتهم فى أى مكان، و أى زمان،

عشان كدة، التجاوب كان (و ما زال) ضعيف.....

فما رأيك أدامك الله؟؟؟؟

Quote: لكن مادام كدي ود شيقوق انا مابباري

لا، إحنا ما عندنا حردى...
كلو يشارك...

ود شيقوق،

Quote: جاييك عمك الباشمهندس الرطاني اللذيذ بيعرف المواقع الاستراتيجية لتعليق اللوحات الدعائية انا على ادق المسامير ولا هيك يا رطاني ؟

بالله أنا دايرة يافطة كبيييرة و سمحة،


مشكورين مقدما،








سلام، أنا مارقة،
أخدوا راحتكم....

Quote: لا، إحنا ما عندنا حردى... كلو يشارك...

هيييييييييع دى الديموقراطية ولا بلاش

Quote: كيفك وشكرا ليك على الدعوة وانت يا العزيزة تأمري بس

ياعرريب ات ما في زولا دعاك .. بس بكان ما تجي سيرة دخان ات تجي تالب فاكرو "دخان الطلح" .. ات شنو حكايتك مع الدخاخين اصلو ولدوك في تكل ؟؟؟

Quote: لكن الرطانى دة معاهو ترجمة؟؟؟

اتاريكم يا عرب تغنو "اديلة" و"ايكا اي جلي ايكا مشكا " بتاعتنا ساااي ولمان نجي للدخاخين بقيتو عايزين مترجميين؟؟ ...هو احنا هسع نضمكم دة قاعديين تترجمو لينا؟؟ ..انتو غلابة ما عندكم لغة ثانية وثالثة ليه زينا ..؟؟

Quote: ياعرريب ات ما في زولا دعاك .. بس بكان ما تجي سيرة دخان ات تجي تالب فاكرو "دخان الطلح" .. ات شنو حكايتك مع الدخاخين اصلو ولدوك في تكل ؟؟؟

يجازى منك ضحكتني يا ريت كان صهينت ما وريتك خلعتنى وخلعت بت الناس

ات قايلها عربية في عربية اسمها هالة دى من بنات البندر انا بقول ليك وفي البنادر من الرياض قدام الخرطوم .

نحن اسامينا معروفة ولا ستنا ولا امونة ولا بخيتة ولا ام حسون

Quote: نحن اسامينا معروفة ولا ستنا ولا امونة ولا بخيتة ولا ام حسون

ياعرريب ..امال دييل اسامي سندوتشات فاست فوود ؟؟

Quote: ياعرريب ..امال دييل اسامي سندوتشات فاست فوود ؟؟

شوف نحن الاسامي الزى - ماجد سرحان وصديق سرحان وهالة سرحان وهالة حسن ( بيني وبينك حسن ده مننا طاب) اصلك ما صدقت الا في دى فعلا هالة حسن مننا عديل اوع تطلع رطانية كمان

Quote: لكن موضوع تقنين التدخين دة الظاهر بيزعل ناس كتيرين، ما عايزين يفقدوا حقهم فى إنهم يولعوا سيجارتهم فى أى مكان، و أى زمان، عشان كدة، التجاوب كان (و ما زال) ضعيف..... فما رأيك أدامك الله؟؟؟؟

المدخن يعرف أنه ليس من حق أحد أن يمنعه من التدخين ويعرف أن التدخين ضار بصحته..
الغير مدخن يكره الدخان وقد يسبب له ضيق ( إضافة لمضار التدخين السلبي وهو خطير )

من رأي
أولا مفروض المدخنين يحاولوا أن يتجنبوا بقدر ماهو مستطاع التدخين في المناطق العامة حيث يوجد بشر غير مدخنين
يمنع التدخين في المناطق العامة وتكون في كل مكان ( مناطق خاصة بالمدخنين )..
يحاول المدخن في بيته أن يدخن في مكان خاص بعيد عن أهل البيت ( رأفة بهم )
يحاول الإقلاع عن التدخين ( الصحة مهمة ) لكننا نعلم فهو إبتلاء لكن يمكن الإقلاع منه
بالعزيمة ( وأبوساندا مثال وغيره كُثر )


والله حتى بعض المتدخين مرات يتضايقوا شديد من دخان سجارة في وضع معين
( الساعة 1 ظهر والقهنوبة تكوي في حافلة أو بص واحد يولع ليك سجارة وسط الزحمة ديك )
خلي الدخان حتى نار سجارته ممكن أن تصيب وتؤذي ( تعمل ليها حريق كمان ) ..

ما حردان لكن أنا جذبني الموضوع أجي ألقى عدو نفسو دا قاعد ومتحكر وكما جاي بدعوة

( المغصة بتدور تشق بطني )
بس قلت أصبر بعد شوية بتطردي

How to Quit Smoking : an Introduction. - The funniest home videos are here


Dr Chris Steele introduces his 10 step "How to Quit Smoking" plan. Dr Chris has many years' experience helping people to quit smoking, and he has run clinics and written books on this topic. In this video he explains the addictive nature of nicotine and outlines some potential aids to help you quit smoking, such as prescription remedies like Champix (Chantix). For more information please visit http://www.thefamilygp.com.

زيارتك تسرني وسجارتك تضرني
فلا تفسد حلاوة الزيارة بدخان السيجارة

Quote: دى فعلا هالة حسن مننا عديل اوع تطلع رطانية كمان

الشق الما تطلع منو .. فييييييي ذمتك شن بلم شيقوق مع هالة ..ات بس فاكر قعدتك في امبدة يتسوييك وزل بندر ؟؟

Quote: الشق الما تطلع منو .. فييييييي ذمتك شن بلم شيقوق مع هالة ..ات بس فاكر قعدتك في امبدة يتسوييك وزل بندر ؟؟

شيقوق اسم وارد من ارض القوقاز يا مسنوح

الرطاني انا كايس ليك اتاريك بهنا

هالة ما تكتلي البوست خليك متابعة .

الابنة هالة



شكرا على البوست التوعوى(صاح كدة) بس المشكلة بتاعتك

انو الدخان الطالع من البوست حقك دة مالى البورد كلو ودة كلو

من دخاخين ود شيقوق ..وانتة عارفة لمن تفتحى علبة السجاير

بجى ناطى ليك زى حفيدو البتراقص بغادى..دحين يابتى

اكتبى ملحق فى عنوان البوست(المدخنون يمتنعون)وكافى البلا بالبليلة



عمك كمــال

Quote: بس المشكلة بتاعتك انو الدخان الطالع من البوست حقك دة مالى البورد كلو ودة كلو من دخاخين ود شيقوق

يا عمو انتو بس ما عارفين هالة دى سكر عديل وقالت لي بصريح العبارة ات يا ود شيقوق اتجدع مشنق طاقيتك في الهامة وسجارتك قصبة حد بيسالك مافي .

الطيب

اخوان هالة الرطانة جوووك والبقية في الطريق

شيل دخاخينك وأطلع سريع

المابعرف يسجر بحرق خشمو

Quote: شيل دخاخينك وأطلع سريع

هالة صحي انا اطلع ؟ شوفي الرطاني السجم جاييك ناطي من طوكيو .

انتو يا الاتهملتوا في الدنيا انشاء الله ربنا ما يجمعكم

ياعريريب إنكرب

اوكامبو جايي بالدرب

الاخت هالة وين الدكتورة سلمي الطيب

المسؤولة بادارة مكافحة المخدرات والتبغ والتدخين وكانت نشطة في برامج تلفزيونية

وجولات توعية وبوسترات في الشوارع واجهزة الاعلام وكوتشنيرات الخ



معا من أجل حملة قومية لحقوق غير المدخنين

الاخ الفاضل أبوبكر،

سلام،





مشاركتك الفاعلة دى، ح نعتبرها واجهة الحملة،
و أعتبرنى سبقتك بدعوة كمان،
ولا تزعل...

Quote: اتاريكم يا عرب تغنو "اديلة" و"ايكا اي جلي ايكا مشكا " بتاعتنا ساااي ولمان نجي للدخاخين بقيتو عايزين مترجميين؟؟ ...هو احنا هسع نضمكم دة قاعديين تترجمو لينا؟؟ ..انتو غلابة ما عندكم لغة ثانية وثالثة ليه زينا ..؟؟

تعرف كان عندنا جيران طيبين كدة محس،
طبعا معاهم الحبوبة فى البيت، و لا كلمة عربى...
إحنا صغار كنا نحس بغربة لما نتزنق فى نصهم،،،
و كنت بفكر فعلا، إحنا ليه ما عندنا لغة تانية...

فعلا مساكين...

تسلم على المشاركة،،،

أنا شخصيا من الضالين المدخنين ... ولكنني مع فكرة منع التدخين في الأماكن العامة.. فهي تقلل من نسبة تلوث البيئة لأنها تؤدي بالمدخنين الى خفض أستهلاكهم من الدخان ... كما أن الأماكن الخاصة بالمدخنين لا يطيق المدخن نفسه دخولها ... وليتنا نستعمل كل الوسائل التي تضطر المدخن الى الأقلاع ... وأعتقد أن العالم بدأ يسير في الأتجاه الصحيح والحرب الموجهة ضد التدخين ستؤدي حتما الى توقف الكثير من المصانع وأتمنى أن يدخل دائرة الممنوعات أسوة بالمخدرات لكن شركات التبغ لن تسمح بذلك

سلامات هاله
حقيقة دى مشكلة مافى مكان عام ولا حتى بيتكم من غير مايكون فى دخان سيجاره.................
تقول للواحد لو سمحت اطفى السجارة انا عندى ازمه يرد ياخ سيجارة واحده قربت تخلص يعنى حتعمل ليك شنو......... وينكتم نفسك لمن تقرب تموت
والغريبة اباء بيدخنو جب اطفالهم دى يسموها شنو ............

ود شيقوق سلام،

Quote: Quote: ياعرريب ..امال دييل اسامي سندوتشات فاست فوود ؟؟ شوف نحن الاسامي الزى - ماجد سرحان وصديق سرحان وهالة سرحان وهالة حسن ( بيني وبينك حسن ده مننا طاب) اصلك ما صدقت الا في دى فعلا هالة حسن مننا عديل اوع تطلع رطانية كمان

و ما زال السؤال قائما.......

Quote: انتو يا الاتهملتوا في الدنيا انشاء الله ربنا ما يجمعكم

الرطانة مجتمعيين خلقة ما دايرين لينا "جامعة" و"مؤتمرات قمة" ..

خالد المنسى،
سلامات،


المدخن يعرف أنه ليس من حق أحد أن يمنعه من التدخين ويعرف أن التدخين ضار بصحته..
الغير مدخن يكره الدخان وقد يسبب له ضيق ( إضافة لمضار التدخين السلبي وهو خطير )

Quote: من رأي أولا مفروض المدخنين يحاولوا أن يتجنبوا بقدر ماهو مستطاع التدخين في المناطق العامة حيث يوجد بشر غير مدخنين يمنع التدخين في المناطق العامة وتكون في كل مكان ( مناطق خاصة بالمدخنين ).. يحاول المدخن في بيته أن يدخن في مكان خاص بعيد عن أهل البيت ( رأفة بهم ) يحاول الإقلاع عن التدخين ( الصحة مهمة ) لكننا نعلم فهو إبتلاء لكن يمكن الإقلاع منه بالعزيمة ( وأبوساندا مثال وغيره كُثر )

هو دة الكلام،
و دة الدايرة أوصل ليهو من بداية البوست،

يعنى المدخنين أنواع،
معطمهم مكابرين مع علمهم المسبق بالاثار السلبية للتدخين على نفسهم أولا،
يعنى من الاخرين كدة،
إحنا مافى إيدنا حاجة نقدمها ليهم غير صور أبوبكر المعبرة جدا دى..(يد تصفق)،
لكن المطلوب،

مراعاة الاخرين....
[/RED]


ليس إلا،

أنا جادة يا خالد،
عايزين نتبنى خطوات عملية فى الموضوع،
كيف البداية؟؟؟

Quote: ما حردان لكن أنا جذبني الموضوع أجي ألقى عدو نفسو دا قاعد ومتحكر وكما جاي بدعوة ( المغصة بتدور تشق بطني ) بس قلت أصبر بعد شوية بتطردي

تبرى يا يمة من المغصة....

إحنا ود شيقوق دة بنصالحكم على بعض....

قلت شنو؟؟؟؟

Quote: نحن جينا وديل أنحنا القالو متنا وقالوا للناس انتهينا جينا زى ما كنا حضنك... يحتوينا لما فارسك فينا هبَّ وعبَّ حجرك بالمحبة وبالأماني صحى نار الثورة تاني وجانا داخل زي شعاع الشمس من كل المداخل

محجوب شريف

هاشم سلام،

Quote: زيارتك تسرني وسجارتك تضرني فلا تفسد حلاوة الزيارة بدخان السيجارة

الكلام المنضوم دة، فعلا يعبر عن إحساس من يعانى من إزعاج دخان الاخرين،




يا زول عيناك مدير قسم الشعارات فى الحملة،،
(معليش مركز متواضع، لكن كلو لعمل الخير)،


قلت إيه؟؟؟؟

Quote: إحنا ود شيقوق دة بنصالحكم على بعض....

يابتي جدو ودشيقوق دة زي النيكوتين الا الواحد "يقلع" عنو ؟؟؟

العم كمال،
و عليكم السلام،

Quote: شكرا على البوست التوعوى(صاح كدة) بس المشكلة بتاعتك انو الدخان الطالع من البوست حقك دة مالى البورد كلو ودة كلو من دخاخين ود شيقوق ..وانتة عارفة لمن تفتحى علبة السجاير بجى ناطى ليك زى حفيدو البتراقص بغادى..دحين يابتى اكتبى ملحق فى عنوان البوست(المدخنون يمتنعون)وكافى البلا بالبليلة

والله فعلا البوست مليان دخاخين،
لكن المشكلة،
إنتو ما جابكم إلا تحصلو تطفو الحريقة،،،

عليكم الله ما تمشوا، إلا تتأكدو أنطفت،

سمح؟؟

Quote: Quote: شيل دخاخينك وأطلع سريع هالة صحي انا اطلع ؟ شوفي الرطاني السجم جاييك ناطي من طوكيو .

ود شيقوق ما تزعل،

لكن ناس طوكيو ديل أكتر ناس عندهم نظام،،،،
خليهم يفيدونا ببعض ما عندهم،،،


بعدين تطلع وين؟؟؟
يا داب الموضوع أتلحلح (دى فى ياتو لغة؟؟) شوية،،،



كسرة:
أنا عرفت حسه السر فى الناس المبارينك شنو؟؟

الاخ عبداللطيف،
سلام،

Quote: الاخت هالة وين الدكتورة سلمي الطيب المسؤولة بادارة مكافحة المخدرات والتبغ والتدخين وكانت نشطة في برامج تلفزيونية وجولات توعية وبوسترات في الشوارع واجهزة الاعلام وكوتشنيرات الخ

إذن الكتورة سلمى الطيب هى من نحتاج لدعم الحملة،

ياريت، نقدر نعرف وسيلة إتصال بيها...


شكرا على مرورك الكريم،،،

الفاضل/ أبوبكر،

Quote: Quote: إحنا ود شيقوق دة بنصالحكم على بعض.... يابتي جدو ودشيقوق دة زي النيكوتين الا الواحد "يقلع" عنو ؟؟؟

يعنى ما دايرين (صلح)؟؟؟




تعريف النيكوتين (للمدخنين):
مادة (غريبة) تسيطر على الدماغ، و لكن لا غنى عنها،
صاح؟؟؟؟


طيب، لو حلينا المعضلة دى،
يكون البوست نجح نجاح لا مثيل له،

إيدكم معانا.....

ود شيقوق،

Quote: Quote: نحن جينا وديل أنحنا القالو متنا وقالوا للناس انتهينا جينا زى ما كنا حضنك... يحتوينا لما فارسك فينا هبَّ وعبَّ حجرك بالمحبة وبالأماني صحى نار الثورة تاني وجانا داخل زي شعاع الشمس من كل المداخل

يا مراحب،
لكن ركز معانا فى التحتو خط دة،
محجوب شريف قال زى شعاع الشمس،
ما جاب سيرة دخان الـسيجارة،،


مودتى و تقديرى،،

استاذة هالة

Quote: لكن ركز معانا فى التحتو خط دة، محجوب شريف قال زى شعاع الشمس، ما جاب سيرة دخان الـسيجارة،،

والله كل يغنى على ليلاه

مودتى

أستاذ شيقوق،

Quote: والله كل يغنى على ليلاه

بس ما تفهمنى غلط....

Quote: بس ما تفهمنى غلط....

انا اغني على رائعة محجوب شريف وانت تغني على استهداف المدخنين

المهم قصدت بها استراحة في ذلك الطريق الوعر طريق محاربة التدخين

كدا فهمتيني؟

Quote: أنا عرفت حسه السر فى الناس المبارينك شنو؟؟

يبارو في شنو العرريب السجمان دة ..دة زي ال Negative Smoking هو المبارينا

Quote: انا اغني على رائعة محجوب شريف وانت تغني على استهداف المدخنين المهم قصدت بها استراحة في ذلك الطريق الوعر طريق محاربة التدخين

القصد واضح، و الإستراحة فى محلها...

Quote: كدا فهمتيني؟

أكيد،
ومن البداية....




العتبى لك حتى تقول بس....

أبوبكر،

Quote: يبارو في شنو العرريب السجمان دة ..دة زي ال Negative Smoking هو المبارينا

والله، أنا كنت فاكرة نفسى متابعة،
لكن، ما عارفة ود شيقوق دة سوى شنو للناس دى كلها،

مرة Negative Smoking
و مرة داير يوديهو لاهاى،،،

و بهناك خالد المنسى زعلان،


شيقوق،
السر شنو؟؟؟

زمااااااااانك القمشة كان اندنا بالهبل ومخازن ملايانة قمشة يجيبوها اهلنا بالجمال ويخزنوها في بيت ناس حبوبة وانا كنت ود بندر توي جاي القرية قبل التهجيير اها نتعلم لغة الام ونشوف الاهل والبلد قبلما تغرق ودي كانت البداية التدخينية التي استمرت حوالي ربع قرن وتخلصت منها بعزيمة "المقاتل" برضو زمااان في عيد ميلادك الخمسين قبل ربع قرن يا عرريب وكيتا علي الهجرونا وضيعو مزارع القمشة يعني بقت مافي مصلحة اقتصادية وكمان بتخرب الصحة وتيتم العيال ساااااي ومنها "يسقط التدخيين"...يسقط التدخين ..يسقط يسقط

Quote: السر شنو؟؟؟

لهم في القلوب منازل !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

Quote: مرة Negative Smoking و مرة داير يوديهو لاهاى،،،

دة يابتي داير ليهو شرك مرفعيين عدييل ؟؟ اصلو ال withdrawal effect بتاعو بياخد وكت طوييل

Quote: يبارو في شنو العرريب السجمان دة ..دة زي ال Negative Smoking هو المبارينا

بحبكم لله والرسول

عندكم كلام معاى تاني؟

هالة ادخلي معاهم عشان تشملك الرحمة !!!!!!!!

Quote: دة يابتي داير ليهو شرك مرفعيين عدييل ؟؟ اصلو ال withdrawal effect بتاعو بياخد وكت طوييل

Several of the documented withdrawal effects do not fit with a "serotonin-discontinuance syndrome," but point to a "noradrenaline-mediated withdrawal syndrome."


Venlafaxine withdrawal symptoms can be severe. Even a relatively short delay in taking the daily dose could severely impair motor skills.[4-8] At present this is insufficiently reflected in patient handouts and the physician may not sufficiently point out the need for a strict adherence to a fixed medication routine.

باى

هالة

Quote: العتبى لك حتى تقول بس....

قلت الروب عديييييييييل كدا فرحانة؟

Quote: وكيتا علي الهجرونا وضيعو مزارع القمشة يعني بقت مافي مصلحة اقتصادية وكمان بتخرب الصحة وتيتم العيال ساااااي ومنها "يسقط التدخيين"...يسقط التدخين ..يسقط يسقط

أبوبكر،

جملة مفيدة،
نصها ينفع شعار،
و النص الاول بس خليها ساكت....




"يسقط التدخيين"...يسقط التدخين ..يسقط يسقط

أبوبكر،
لكن (بعد إذنك) لقيتكم خاتيين،

الزول يقول ليكم،

Quote: بحبكم لله والرسول عندكم كلام معاى تاني؟

و إنتو تقولو عليهو جنس الكلام دة،

Quote: دة يابتي داير ليهو شرك مرفعيين عدييل ؟؟ اصلو ال withdrawal effect بتاعو بياخد وكت طوييل

أها، الموضوع طلع سندروم عديل كدة،
العمل؟؟؟


ودشيقوق،

Quote: هالة ادخلي معاهم عشان تشملك الرحمة !!!!!!!!

إلا كدة؟؟؟

Quote: إلا كدة؟؟؟

هيييييييييييع ده الشغل

Quote: قلت الروب عديييييييييل كدا فرحانة؟

لكن ما قلت بس....

Quote: لكن ما قلت بس....

ما تحكيها لحدى تجيب الدم حتك - انا كان قبلت عليك بشهيك العافية (ضاحك)

يازول انت لسع بتقدل هنا

ارجاني ...

Quote: ما تحكيها لحدى تجيب الدم حتك - انا كان قبلت عليك بشهيك العافية (ضاحك)

ألحق قوام أقول الروووب و بس....





أوكى؟؟؟

حيدر

اجري تعال سريع امشى اقرا فوق هالة شكرتكم قالت ناس اليابان منظمين وعايزة تسمع منكم

عليك الله هي لو ما فارغة كايسة الخير من بلد صناعة السجاير والباكو

يا بت احسن ليك انا القريب منك ده . حيدر ده هسع بيكون موهط ليهو باكو قدامو ويبخبخ - اما انا فكنت بدخن سجارة واحدة وقتي الصغير وما بولعها الا اسمع في حفلة واقشر شيك واكف يد الجلابية واشنق الطاقية في الهامة واولعها قادل بيها وسط الحفلة عشان البنوت يشوفن .

حيدر،

Quote: يازول انت لسع بتقدل هنا ارجاني ...

يا زول،
إنت وين؟؟؟

Quote: واولعها قادل بيها وسط الحفلة عشان البنوت يشوفن

أها يالطيب انا بولعها عشان اتدفى بيها ... مرات بطفيها في خشمي

Quote: يا زول، إنت وين؟؟؟

بعاين لي محن الزول ده لامن اطب فيهو بالثابتة

Quote: أها يالطيب انا بولعها عشان اتدفى بيها ... مرات بطفيها في خشمي

سجاركم قالوا مولف اصلوا ما بقبل التوليعة لو جنبك حد صاح ؟

شيقوق،

Quote: حيدر اجري تعال سريع امشى اقرا فوق هالة شكرتكم قالت ناس اليابان منظمين وعايزة تسمع منكم عليك الله هي لو ما فارغة كايسة الخير من بلد صناعة السجاير والباكو يا بت احسن ليك انا القريب منك ده . حيدر ده هسع بيكون موهط ليهو باكو قدامو ويبخبخ - اما انا فكنت بدخن سجارة واحدة وقتي الصغير وما بولعها الا اسمع في حفلة واقشر شيك واكف يد الجلابية واشنق الطاقية في الهامة واولعها قادل بيها وسط الحفلة عشان البنوت يشوفن .

أنا كان قصدى النظام، ما الصناعة،
يعنى أشك فى يابانى مثلا بدخن فى محل ممنوع التدخين....
ولا إيه يا حيدر،



و بعدين، القشرة قالو إلا بالسيجارة؟؟؟؟


دة عشان الواحد يتميز عن غيرو؟
ولا عشان يظهر فى الظلام؟؟؟؟

باهالة

اتغقنا علي الرد لكل المتداخلين

ليه همشتي مساهمتي

من كترت ناسك هنا!

Quote: و إنتو تقولو عليهو جنس الكلام دة،

يابتي الحنش دة ما بيتامنو تجربتنا معاهو طويلة وكلامو السمح زي سيجارة الصباح عند المدخنيين بيفتكرو انو بيعدل المزاج لكنو بيحرق الرئيتين ...

الرطاني

الليلة مقيل وين؟


هالة

Quote: أنا كان قصدى النظام، ما الصناعة، يعنى أشك فى يابانى مثلا بدخن فى محل ممنوع التدخين.... ولا إيه يا حيدر،

ده معاهو واحد مسنوح كدا اسمو الفاتح ماسكين سفارة الامارات في طوكيو وزولي ده لفحوهو ودوهو كولا لامبور يمكن لانو بدخن .

Quote: و بعدين، القشرة قالو إلا بالسيجارة؟؟؟؟

لحدى هسع زى ماعندكم السمنة ظاهر من ظواهر النغنغة رغم ما يستصحبها من علل ناسنا كمان السيجارة عندهم ظاهرة من ظواهر ترف والوجاهة

Quote: دة عشان الواحد يتميز عن غيرو؟ ولا عشان يظهر فى الظلام؟؟؟؟

الاتنين

لقيتيني كيف؟

Quote: لقيتيني كيف؟

لقيتك سجمان رمدان انت القشرة يا دخان طلح يا طاقية مشنقة ياهيييييع؟؟ .. ات ما شايف الراكبيين همر وبي ام دبلية اكس وعندهم فلل في دبي واسبانيا وشرم الشيخ وعندهم خدامات بيتكلمو اجنبي (اي حاجة ما عربي ولا رطانة )وبيشيشو بدل السجارة عياقة يعني والشيشة العن من السجارة بس تقول شنو ...يازول ماهية الشهر الجاي تروح تشتري بدلة كدة ارماني و قميص بيير كاردان وجزمة ريتشي واسال المرتضي يربط ليك الكرفتة ونحجز ليك نص ليلة في برج العرب او ريتز كارلتون دبي وناجر ليك بي ام دبليو سيكس اكس وناخد ليك كام صورة مرة في الساونا ومرة قدام النافورة في برج العرب ومرة قاعد تشيش في المارينا ومرة قدام البي ام دبليو وهي بتنزلك قدام المطار وات راجع مسقط وحننزل الصور في فيس يوك وفليكرز وبعدين نشوف نلقاك كيف ؟؟؟ قال لقيتني كيف قال ؟؟

Quote: لقيتك سجمان رمدان انت القشرة يا دخان طلح يا طاقية مشنقة ياهيييييع؟؟ .. ات ما شايف الراكبيين همر وبي ام دبلية اكس وعندهم فلل في دبي واسبانيا وشرم الشيخ وعندهم خدامات بيتكلمو اجنبي (اي حاجة ما عربي ولا رطانة )وبيشيشو بدل السجارة عياقة يعني والشيشة العن من السجارة بس تقول شنو ...يازول ماهية الشهر الجاي تروح تشتري بدلة كدة ارماني و قميص بيير كاردان وجزمة ريتشي واسال المرتضي يربط ليك الكرفتة ونحجز ليك نص ليلة في برج العرب او ريتز كارلتون دبي وناجر ليك بي ام دبليو سيكس اكس وناخد ليك كام صورة مرة في الساونا ومرة قدام النافورة في برج العرب ومرة قاعد تشيش في المارينا ومرة قدام البي ام دبليو وهي بتنزلك قدام المطار وات راجع مسقط وحننزل الصور في فيس يوك وفليكرز وبعدين نشوف نلقاك كيف ؟؟؟ قال لقيتني كيف قال ؟؟

اى والله وبعد داك انبسط منك واقول ليك هييييييييييييييييع عشاء البايتات ومقنع الكاشفات عافي منك واقوم ادق ليك التراب بكراعي - معاها تكية رقبة - لحدى العلال يعكل في السماء وتنكفي على ضهرك .

اها كدا لقيتني كيف؟

الاخ عبد اللطيف،
سلام،

Quote: باهالة اتغقنا علي الرد لكل المتداخلين ليه همشتي مساهمتي من كترت ناسك هنا!

أبدا العفو،
أنا فى الاول أفتكرت ردى على مداخلتك أتلحس برضو، لكن بحثت عنه ووجدته كما هو أدناه، (رجاء راجع أعلى الصفحة)،،

Quote: 17-08-2008, 06:33 ص Hala Hassan . تاريخ التسجيل: 25-06-2008 مجموع المشاركات: 442 Re: (لا عزاء للمدخنين)....معا من أجل حمله قومية لحقوق غير المدخنين... (Re: Hala Hassan) الاخ عبداللطيف، سلام، Quote: الاخت هالة وين الدكتورة سلمي الطيب المسؤولة بادارة مكافحة المخدرات والتبغ والتدخين وكانت نشطة في برامج تلفزيونية وجولات توعية وبوسترات في الشوارع واجهزة الاعلام وكوتشنيرات الخ إذن الكتورة سلمى الطيب هى من نحتاج لدعم الحملة، ياريت، نقدر نعرف وسيلة إتصال بيها... شكرا على مرورك الكريم،،،

و حقيقة، يهمنا الحصول على وسيلة إتصال للدكتورة سلمى الطيب، حتى نتمكن من خطو خطوات عملية فى الموضوع،
شكرا لمداخلتك القيمة، و نرجو المتابعة...

حرروا البكاء

الفاضل،

Quote: أنا شخصيا من الضالين المدخنين ... ولكنني مع فكرة منع التدخين في الأماكن العامة.. فهي تقلل من نسبة تلوث البيئة لأنها تؤدي بالمدخنين الى خفض أستهلاكهم من الدخان ... كما أن الأماكن الخاصة بالمدخنين لا يطيق المدخن نفسه دخولها ... وليتنا نستعمل كل الوسائل التي تضطر المدخن الى الأقلاع ... وأعتقد أن العالم بدأ يسير في الأتجاه الصحيح والحرب الموجهة ضد التدخين ستؤدي حتما الى توقف الكثير من المصانع وأتمنى أن يدخل دائرة الممنوعات أسوة بالمخدرات لكن شركات التبغ لن تسمح بذلك

فعلا، كل الجهود لمنع أو تقنين التدخين تواجه بحرب شرسة من شركات التبغ،
و لهذا الاجدى دائما، خلق الوعى للمدخن بالاثر الضار لسيجارته على الغير،
ممت قد يتسبب بأمراض و متاعب صحية حقيقية، هم فى غنى عنها،،،،

معظم الدول الكبرى، بدأت فى سن قوانين لمنع التدخين فى الاماكن العامة،
و لكن فى معظم الدول العربية و السودان على وجه الخصوص، نجد أنفسنا و ما زلنا بعيدين عن مراعاة الغير،

فهلا بدأنا؟؟؟

لك منى كثير الشكر أخى الفاضل على تفهمك و مشاركتك القيمة،
أرجو دوام الإفادة بالرأى..
.

Quote: Quote: لقيتيني كيف؟ لقيتك سجمان رمدان انت القشرة يا دخان طلح يا طاقية مشنقة ياهيييييع؟؟ .. ات ما شايف الراكبيين همر وبي ام دبلية اكس وعندهم فلل في دبي واسبانيا وشرم الشيخ وعندهم خدامات بيتكلمو اجنبي (اي حاجة ما عربي ولا رطانة )وبيشيشو بدل السجارة عياقة يعني والشيشة العن من السجارة بس تقول شنو ...يازول ماهية الشهر الجاي تروح تشتري بدلة كدة ارماني و قميص بيير كاردان وجزمة ريتشي واسال المرتضي يربط ليك الكرفتة ونحجز ليك نص ليلة في برج العرب او ريتز كارلتون دبي وناجر ليك بي ام دبليو سيكس اكس وناخد ليك كام صورة مرة في الساونا ومرة قدام النافورة في برج العرب ومرة قاعد تشيش في المارينا ومرة قدام البي ام دبليو وهي بتنزلك قدام المطار وات راجع مسقط وحننزل الصور في فيس يوك وفليكرز وبعدين نشوف نلقاك كيف ؟؟؟ قال لقيتني كيف قال ؟؟

والله يا الطيب شيقوق،
أخوك أبوبكر ما خلى ليك شى،
أداك النصيحة لاخرها،



دى القشرة ولا بلاش.....

هالة

وانا قصرت معاهو كمان ولا انت كمان تربية غربة كلامي عايزة يترجموهو ليك انا برضى قلت ليهو :-

Quote: اى والله وبعد داك انبسط منك واقول ليك هييييييييييييييييع عشاء البايتات ومقنع الكاشفات عافي منك واقوم ادق ليك التراب تااااااح بكراعي - معاها تكية رقبة - لحدى العلال يعكل في السماء وتنكفي على ضهرك .

شيقوق سلام،

Quote: هالة وانا قصرت معاهو كمان ولا انت كمان تربية غربة كلامي عايزة يترجموهو ليك انا برضى قلت ليهو :-

ابدا، ما قصرت والله،
حــــاشــــــاك.....

::
::
:
:
:





تربية غربة دى لذيذة.....

Quote: تربية غربة دى لذيذة.....

دى اكان فتحنا ليها باب بتنسينا موضوعك الرئيسي

خلينا منو هسع بس خلي يجيك عمك الرطاني ادرعي ليهو اعلان (التدخين ضار بالصحة) في حلقو وخليهو يقدل بيهو جوة المدنية ويركز على محل الملمات يعني محل المداح يمدحو في ميدان الامم المتحدة ومحلات الدفسيب بتاع المواصلات وخليهو يمشى يتوهط ليك في نص الميناء البري محل النا بتقول (مدنى - القضارف - كسلا - بورتسودان)

Quote: اى والله وبعد داك انبسط منك واقول ليك هييييييييييييييييع عشاء البايتات ومقنع الكاشفات عافي منك واقوم ادق ليك التراب بكراعي - معاها تكية رقبة - لحدى العلال يعكل في السماء وتنكفي على ضهرك .

وانا اقول ليك بي ام دبليو وجزمة ريتشي وساونا وبرج العرب وريتز وانت تقولي تراب وكرعيين ؟؟ يدقوق بفندك الشطة .. انت من حبك للهبايب والتراب بقيت مدمن "كتاحة" ودة زي ادمان النيكوتين عايز عزيمة للاقلاع عنو ..

Quote: خلينا منو هسع بس خلي يجيك عمك الرطاني ادرعي ليهو اعلان (التدخين ضار بالصحة)

حقو تكون، "التدخين ضار بالصحة و بالجنبك"

Quote: وخليهو يقدل بيهو جوة المدنية ويركز على محل الملمات يعني محل المداح يمدحو في ميدان الامم المتحدة

يا حليلو،
هو لسه فى؟؟؟


عموما،
الرطانى دة أكيد داير يشتغل معانا؟؟؟
لازم يدينا الاكيدة عشان نبدأ الشغل...

Quote: وانا اقول ليك بي ام دبليو وجزمة ريتشي وساونا وبرج العرب وريتز وانت تقولي تراب وكرعيين ؟؟ يدقوق بفندك الشطة .. انت من حبك للهبايب والتراب بقيت مدمن "كتاحة" ودة زي ادمان النيكوتين عايز عزيمة للاقلاع عنو ..

دايرة أقول حاجة، لكن خايفة ود شيقوق يزعل منى....

Quote: دايرة أقول حاجة، لكن خايفة ود شيقوق يزعل منى....

اكتبيها لعمك الرطاني لانو مناط بيهو تنقيح المداخلات واجازة النصوص

هملت النصوص البدوها للناطقين بغيرها !!!!!!!!!

Quote: الرطانى دة أكيد داير يشتغل معانا؟؟؟ لازم يدينا الاكيدة عشان نبدأ الشغل...

علي شرط العرريب يركب كارو عليها يافطة "ممنوع التدخين عشان تركبو همر وما تبقو زي ودشيقوق راكب الكارو" والكارو يلف من امبدة للكلاكلات والاج يوسف يوميا حتي اخطار اخر

Quote: اكتبيها لعمك الرطاني لانو مناط بيهو تنقيح المداخلات واجازة النصوص

خلاص خليتها،،،،


الموضوع بسيط ما بيحتاج تنقيح،

بس لسه ما فهمتنى كويس.....

Quote: الموضوع بسيط ما بيحتاج تنقيح، بس لسه ما فهمتنى كويس.....

عولك من وين في السودان ؟

Quote: علس شرط العرريب يركب كارو عليها يافطة "ممنوع التدخين عشان تركبو همر وما تبقو زي ودشيقوق راكب الكارو" والكارو يلف من امبدة للكلاكلات والاج يوسف يوميا حتي اخطار اخر

على ذكر الكارو،
مرة لقيت عربية كارو مركبة يافطة:
"هنا تباع كنــــار"،


و الليلة (الصباح)، شفت كارو مركبة ماكينة عربية كوكا كولا عديل كدة،





الظاهر الكارو بقت مؤثرة جدا فى الحملات.....

Quote: الظاهر الكارو بقت مؤثرة جدا فى الحملات.....

يابتي دة ارث اعلاني ؟... في الستينات والسبعينات كانت دور السينما واندية الكورة والاحزاب السياسية تعلن من خلال يفط علي كارو وواحد شايل جرس يضربو للينبه المارة ...السودانيين بحبو التدويير ""Recycling في السياسة والكورة والغنا وكل حاجة عشان كدة اي سوداني بيعرف انو الدنيا مدورة .. اسالي العرريب ؟؟؟

التدخين مشكلة عالمية: عادة ام وراثة؟!

اعداد/صباح جاسم



شبكة النبأ: امراض القلب هي السبب الاول للوفاة بين النساء والرجال في معظم بلدان العالم، والتدخين هو السبب الرئيسي لأمراض القلب. اذاً فان هذه العادة مشكلة عالمية، ولا تجلب سوى المتاعب الصحية والاقتصادية العامة، ويجب ان تُجابه بكافة السبل لأجل القضاء عليها واستئصالها على الاقل في اماكن العمل والاماكن العامة وبحضور الاطفال، (شبكة النبأ) في تقريرها التالي تسلط الضوء على اخر المستجدات بشأن التدخين:

الإدمان على التدخين ربما يكون وراثيا

قالت دراسة حديثة إن علماء وجدوا رابطا جينيا محتملا يجعل الأشخاص يتعلقون بعادة التدخين، ويجعلهم أكثر عرضة للإصابة بسرطان الرئة، في نتائج علمية هي الأولى من نوعها ربما تقود إلى طرق طبية للخلاص من التدخين.وجاء هذا الاكتشاف، عبر ثلاث فرق من العلماء، ليعطي فهما مبنيا على أساس علمي لعملية الإدمان على النيكوتين، ويلقي الضوء على الرابط بين أسلوب الحياة والجينات في التسبب بمرض السرطان.

ويقول البروفيسور كريستوفر آموس من مركز أندرسكون للسرطان في بوسطن إن "هناك جين يجعل الإنسان عرضة للتدخين، وفي نفس الوقت يجعله أقل عزما لتركه، إنه جين نحس."

وأكد العلماء أن "المدخن الذي يرث هذا الجين من والديه، يكون لديه احتمال بنحو 80 في المائة للإصابة بسرطان الرئة أكثر من المدخن الذي لم يرثه، وأن الأول لديه صعوبات كبيرة في ترك التدخين أكثر من الثاني."

وستنشر تلك الدراسات الثلاث، والتي مولتها الحكومة في الولايات المتحدة وأوروبا الخميس في النشرة العملية للوراثة، وفقا لوكالة أسوشيتد برس.

وقال العلماء إنهم "درسوا جينات نحو 35 ألف مدخن من العرق الأبيض، في أوروبا، وكندا والولايات المتحدة، والعرق الأسود والآسيويين ستتم دراستهم قريبا، وربما تكون هناك نتائج مختلفة."

وسيساعد تنوع الجينات، التي تتحكم في الخلايا المستقبلة للنيكوتين في الجسم، في فك غموض التدخين الشره والإدمان عليه، وسرطان الرئة، والمفارقات الأخرى، مثل أن تجد مدخنا يبلغ من العمر 90 عاما لم يصب بالسرطان، وأناس يدخنون ولا يدمنون على النيكوتين.

تقول البروفيسورة لورا بيروت من جامعة واشنطن إن "النتائج هذه تخبرنا بأن الضعف أمام التدخين والشره عليه له أسباب بيولوجية..إنه أمر مثير للفضول."

وتبلغ معدلات التدخين بين البالغين في الولايات المتحدة نحو 21 في المائة، متراجعة للنصف من عام 1965 عندما كانت 42 في المائة.

التدخين مُهلك بعد الأزمة القلبية الاولى

قال باحثون يونانيون ان الشبان الذين يواصلون التدخين بعد اصابتهم بأزمة قلبية تزيد لديهم بواقع ثلاث مرات احتمالات الاصابة بمشكلات في القلب في المستقبل عن نظرائهم الذين يقلعون عن التدخين بعد الاصابة بنوبة قلبية.

والاشخاص الذين تبلغ اعمارهم 35 عاما او اقل والذين يواصلون التدخين اكثر عرضة بكثير للوفاة من مشكلة لها صلة بالقلب او التعرض لازمة قلبية متكررة او يحتاجون الى علاج في المستقبل لازالة شريان مسدودة بالمقارنة مع الاشخاص الذين توقفوا عن التدخين.

وتوضح الدراسة ان التدخين لا يحفز فحسب الاصابة بأول ازمة قلبية ولكنه يشكل ايضا اخطار على القلب في المرضي الاصغر سنا الذين ينجون من ازمة قلبية .وقدم هذا التقرير في اجتماع الكلية الامريكية لطب القلب في شيكاجو. بحسب رويترز.

وقال الدكتور لوكيانوس راليديس من مستشفى اتيكون الجامعي العام في اليونان في بيان ان"المرضى الذين يصابون بنوبة قلبية في وقت مبكر جدا من عمرهم يمكن ان يحسنوا بشكل ملموس توقعات تطور المرض على المدى الطويل بالاقلاع عن التدخين."

ودرس راليديس وزملاء له حالات نحو 150 مريضا في اليونان اصيبوا بأزمة قلبية قبل سن 36 عاما وتم متابعتهم لمدة عشر سنوات.

وقال راليديس في لقاء مع وسائل الاعلام ان"اكثر من 50 في المئة من هؤلاء المرضى الشبان استمروا في التدخين بعد الازمة القلبية الاولى. وأصيب نحو 50 في المئة من هؤلاء المرضى بحالة ثانية في شرايين القلب. "ولم يتعرض سوى 18 في المئة فقط ممن توقفوا عن التدخين لحالة ثانية ."

ووجد راليديس في دراسة سابقة ان 95 في المئة من المرضى اليونانيين الذين أصيبوا بأزمة قلبية قبل سن 36 كانوا مدخنين.

وقالت الدكتورة جانيت رايت وهي طبيبة قلب من تشيكو بكاليفورنيا "اعتقد ان هذا مثال على سكب الكيروسين على حريق غابات."اذا لم يفعلوا شيئا كهذا فانهم كمن يبلون شرايينهم ويشجعون حدوث ازمة قلبية ثانية."

بكين تهدف الى تقليص التدخين بمناسبة الاولمبياد

نقلت وسائل الإعلام المحلية الصينية عن المكتب القانوني بمدينة بكين ان العاصمة الصينية ستحظر او تفرض قيودا على التدخين في معظم الاماكن العامة خلال شهر مايو ايار في اطار تعهدها بإقامة دورة اولمبية خالية من التدخين .

وقالت صحيفة بكين مورننج بوست ان القانون الجديد الذي سيبدأ سريانه في اول مايو ايار سيحظر التدخين في المكاتب الحكومية ووسائل النقل العام ولكنه لا يصل الى حد فرض حظر صريح على التدخين في المطاعم والحانات والأندية.

والتدخين محظور بالفعل في دور السينما وصالات الالعاب الرياضية والاماكن العامة الاخرى المغلقة في العاصمة ولكن هذه القواعد لا يتم الالتزام بها عادة .

وتمدد الاجراءات الجديدة حظر التدخين الى الاماكن الرياضية ومراكز اللياقة البدنية ولكنها تسمح بالتدخين بعيدا عن" مناطق الخدمة" في المطاعم والحانات والاندية والمتنزهات. وقالت الصحيفة انه سيكون لزاما على الفنادق توفير قاعات لا يسمح بالتدخين فيها.

ونقلت الصحيفة عن جانج بيلي مدير المكتب القانوني ببكين قوله ان القواعد الجديدة ستجعل المدينة "تتمشى مع المواثيق الدولية وتفي بوعد إقامة دورة اولمبية خالية من التدخين."وتبدأ دورة العاب بكين الأولمبية في اغسطس اب. وقالت صحيفة تشاينا ديلي ان المؤسسات التي لن تلتزم ستواجه "غرامات فورية" تصل الى خمسة الاف يوان (700 دولار).

توسيع حيز حظر التدخين ليشمل المدارس

وأعلنت السلطات الصينية حظر التدخين في المدارس في سياق حملة واسعة للحد من الممارسة المضرة قبيل بدء الألعاب الأولمبية في أغسطس/آب.

ونقلت الأسوشيتد برس عن صحيفة "بيجين إيفنين نيوز" أن الحظر سيشمل كافة مباني المؤسسات التعليمية من دور الحضانة وحتى مدارس التعليم العالي، ابتدأً من "يوم عالم بلا تدخين" في 31 مايو/أيار.

وحظرت الحكومة الصينية مؤخراً التدخين في معظم الأماكن العامة في العاصمة، بكين، أسوة بمعظم المدن الكبرى في أمريكا الشمالية وأوروبا وآسيا.

وسيدخل الحظر حيز التنفيذ مطلع الشهر المقبل، وذلك في سياق وفاء الصين الالتزام بتعهداتها بأولمبياد دون تدخين.

وهناك 350 مليون مدخن، في الصين، أي ثلث إجمالي مدخني العالم، ورغم أن بعض المدن هناك تفرض قيوداً على التدخين، إلا ان العاصمة بكين، ستكون الرائدة في حظر التدخين في كافة الأماكن العامة تقريباً.

وستعمل وزارة الصحة الصينية عن كثب مع وزارات أخرى لشن حملات على إعلانات السجائر غير القانونية، تحديداً تلك التي تستهدف المدخنين الشباب.

وتباع قرابة تريليونا سجارة سنوياً في الصين، بسعر بخس، 1.50 يوان (0.21 دولاراً)، وتحمل علب السجائر هناك التحذيرات الرسمية بشأن مخاطر التدخين.

وتقدر الحكومة أن قرابة مليون صيني يموتون سنوياً جراء أمراض متصلة بالتدخين، ويتوقع أن يتضاعف الرقم بحلول العام 2020.

وتقول منظمة الصحة العالمية، التي تنظم "يوم عالم بلا تدخين" إن صناعة التبغ تكثف جهودها للوصول إلى الأجيال الشابة - ما بين سن العاشرة و 24 - ويصل تعدادهم 1.8 مليار شخص حول العالم، خصيصاً في الدول النامية.

التشوهات الخلقية في قلوب الأطفال مرتبطة بتدخين الأمهات

كشفت دراسة جديدة نشرت في دورية (طب الاطفال) ان المرأة التي تدخن وهي حامل تزيد احتمالات أن يولد طفلها مصابا بتشوه خلقي في القلب.

ولتوضيح العلاقة بين التعرض للتدخين قبل الولادة والتشوهات الخلقية في القلب قيمت الدكتورة ساديا مالك من جامعة اركنسو للعلوم الطبية في ليتل روك وزملاؤها حالة 3067 رضيعا ولدوا بتشوهات خلقية غير متصلة بأعراض وراثية شملتهم الدراسة القومية للوقاية من التشوهات الخلقية. وقورن هؤلاء الاطفال بعدد 3947 رضيعا ولدوا بقلوب طبيعية. وشملت الدراسة أيضا تقييم قلوب جميع الرضع.

ووجد الباحثون ان النساء اللائي ذكرن انهن كن يدخن في الشهر السابق لحملهن أو الاشهر الثلاثة الاولى كن أكثر عرضة لولادة أطفال بتشوه في حاجز أو أكثر من الحواجز الفاصلة بين بطيني القلب والذي يعرف باسم ثقب الحاجز بين البطينين. بحسب رويترز.

وكلما زاد تدخين المرأة زادت احتمالات أن تلد طفلا مصابا بتشوهات خلقية. فالنساء اللائي يدخن 25 سيجارة أو أكثر يوميا أثناء فترة الحمل كن أكثر عرضة لولادة أطفال مصابين بانسدادات في الجانب الأيمن من القلب.

ومقارنة مع أطفال النساء اللائي لم يدخن أثناء الحمل كان أطفال النساء المدخنات بشراهة أكثر عرضة بمقدار المثلين للاصابة بثقب الحاجز بين البطينين. ولم يجد فريق مالك علاقة بين التعرض للتدخين السلبي وتشوهات القلب الخلقية.

وأشار فريق مالك الى ان تشوهات القلب الخلقية تحدث فيما يصل الى 10 من كل ألف حالة ولادة لأطفال أحياء في الولايات المتحدة وعادة ما يحتاج الرضع الذي ينجون من الموت الى جراحات متعددة لتصحيح المشكلة ومع هذا فانهم ربما يعانون إعاقة مستديمة.

وأضاف الباحثون ان حوالي 28 في المئة من النساء الامريكيات في سن الحمل يدخن وأن واحدة من كل خمس من تلك النساء لا تقلع عن التدخين عندما تصبح حاملا وهو ما يعني أن حوالي مليون طفل يولدون في كل عام ربما تعرضوا لدخان السجائر اثناء وجودهم في الرحم.

باحث امريكي يسلط الضوء على مخاطر التدخين على الاطفال في لبنان

حذر باحث امريكي في مجال التدخين من ان 150 الف طفلا لبنانيا قد يموتون قبل وصولهم سن البلوغ اذا لم يمنع التدخين في الاماكن العامة في لبنان.

وقال الباحث الامريكي الدكتور غريغوري كونللي خلال محاضرة بعنوان (هل لبنان مستعد لمكافحة التدخين.. دروس من تجارب الاخرين) عقدت بحضور ورعاية وزير الصحة العامة المستقيل الدكتور محمد جواد خليفة وعدد من الأكاديميين والأطباء "قبل عقود عدة حين بدأت مناهضة التدخين في بوسطن بالولايات المتحدة شكك الكثيرون في أن تنجح فكرة منع التدخين في الأماكن العامة لكن الحملة الاعلامية والتشريعية بهدف الحث على الاقلاع عن التدخين حققت هدفها".

واضاف "زدنا الضرائب على السجائر واستعملنا خمسة سنتات من الضريبة لمصلحة الحملة الاعلامية ضد التدخين" مشيرا الى ان زيادة الانفاق على الحملة الاعلامية تزيد من نجاحاتها.

واوضح ان زيادة سعر علبة السجائر عشرة في المائة تخفض نسبة المدخنين من الأولاد بنسبة سبعة في المائة قائلا "هذا يعني انقاذ حياة عشرة آلاف انسان في لبنان".

ووصف كونللي "بعض الاستراتيجيات الناجحة في مكافحة التدخين مثل الضرائب المرتفعة والانذارات الكبيرة والمنع الشامل" داعيا مناهضي التدخين الى توثيق نشاطاتهم واجراء ابحاث علمية لاثبات مضار التدخين الذي يزيد احتمالات الوفاة ثلاثة مرات. واشار الى ان انجح اعلانات ضد التدخين كانت تلك الني اظهرت عذابات المدخنين وآلامهم الصحية. بحسب كونا.

وقال ان مائة مليون شخص ماتوا في القرن الماضي بسبب امراض متعلقة بالتدخين وان هذا العدد سيرتفع الى مليار ضحية في نهاية القرن الحالي اذا لم يتم فعل شيء لتفادي التدخين الذي يضاعف مخاطر الاصابة بسرطان الرئة 30 مرة ويرفع نسبة الاصابة بأنواع أخرى من السرطان مرتين الى ثلاث مرات.

واوضح كونللي "حتى الشخص الذي لا يدخن ولكنه يجلس في بيئة مع مدخنين يتعرض للأخطار ذاتها" مشيرا الى ان "50 في المائة من المدخنين يموتون باكرا".

تغريم المدخنين بسياراتهم في حضور الأطفال

يبحث اقليم اونتاريو في كندا مشروع قانون لفرض غرامة قدرها 250 دولارا كنديا (247 دولارا امريكيا) على المدخنين الذين يشعلون سجائر في سياراتهم في حضور أطفال.

وبموجب الحظر المقترح ستفرض غرامة على السائقين أو الركاب الذين يدخنون في سيارات تحمل أطفالا تقل أعمارهم عن 16 عاما حتى لو كانت النوافذ مفتوحة.

ويحظر اقليم نوفاسكوشيا ومنطقة يوكون الكنديان وبضع ولايات أمريكية بالفعل التدخين في السيارات بحضور أطفال. ويحظر اقليم اونتاريو التدخين في أماكن العمل والأماكن العامة مثل المطاعم.

وأشادت الجمعية الكندية لمرضى السرطان بمشروع القانون الجديد في اونتاريو ووصفته بأنه خطوة هامة لحماية صحة الاطفال. بحسب رويترز.

وقال ريك بيون المتحدث باسم وزيرة الصحة الاقليمية مارجريت بيست "نتعشم أن يقر التشريع في أسرع وقت ممكن لانه في صالح جميع أطفال اونتاريو."

ووفقا لدراسة أجراها مجلس ولاية كاليفورنيا الامريكية لموارد الهواء فان التدخين السلبي في السيارات قد يكون تركيزه أعلى 27 مرة عما هو في منازل المدخنين. (الدولار يساوي 1.01 دولار كندي)

حظر التدخين يؤثر إيجابياً على المراهقين

كشفت دراسة أمريكية نفذت في ولاية ماساشوستس، أن حظر التدخين في المطاعم قد يلعب دوراً كبيراً في إقناع المراهقين على عدم ممارسة هذه العادة.

ووجدت الدراسة الحديثة أن الشباب الأمريكي ممن يعيشون في المدن التي تشدد قيودها على حظر التدخين، هم غير مرجحين بنسبة 40 في المائة بأن يصبحوا مدخنين منتظمين، مقارنة بنظرائهم ممن يقيمون في مناطق لا تمارس أي حظر على التدخين أو أن إجراءاتها لمكافحة هذه الآفة، ضعيفة.

الدراسة التي أشرف عليها باحثون من كلية الصحة العامة في جامعة بوسطن، ستنشر في عدد مايو/أيار الحالي في منشورة متخصصة.

وقال الطبيب مايكل سيغيل كبير فريق الباحثين إن نتائج الدراسة تدعم الفكرة القائلة إن حظر التدخين، يثني المراهقين عن استخدام التبغ، وفق وكالة أسوشيتد برس.

وأوضح سيغيل "عندما ينشأ الأطفال في بيئة لا يشاهدون فيها مدخنين، سيفكرون بأن ذلك مرفوض اجتماعياً، وعلى العكس، فإنهم سيعتبرون التدخين مسألة طبيعية إذا تواجدوا في بيئة يرون فيها العديد من المدخنين."

وأكد الباحث أنه وزملاءه رصدوا أحوال 2791 قاصراً تتراوح أعمارهم بين 12 و17 عاماً يعيشون في أرجاء ماساشوستس.

وبالرغم من عدم وجود حظر عام على التدخين في الولاية، عندما بدأ تنفيذ الدراسة عام 2001، إلا أن قرابة مائة مدينة وبلدة فيها، شددت القيود على هذه الآفة في أماكن العمل والحانات والمطاعم.

وتتبع الباحثون أوضاع هذه العينة لفترة أربعة أعوام لتسجيل أي محاولات منهم للتدخين أو إنتهاء الأمر بهم إلى التحول إلى مدخنين منتظمين.

وبينت الدراسة أنه بالإجمال أصبح قرابة تسعة في المائة من العينة من المدخنين (أي شخص يدخن أكثر من مائة سيجارة في اليوم يصنف في هذه الفئة.)

أما البلدات التي لا يسيّر فيها حظر للتدخين أو يمكن التدخين فقط في أماكن محددة، فقد وصلت هذه النسبة إلى قرابة 10 في المائة، غير أن الأماكن التي تشهد حظراً مشدداً على التدخين وتشمل المطاعم فإن نسبة المراهقين الذين أصبحوا مدخنين جاءت أقل من ثمانية في المائة.

ماكينات بيع السجائر باليابان تقيس تجاعيد الوجه لتحديد عمر المشتري

قد تبدأ ماكينات بيع السجائر في اليابان قريبا قياس تجاعيد العين وارتخاء البشرة لتحديد ما اذا كان المشتري بلغ السن القانونية.

والسن القانونية للتدخين في اليابان هي 20 عاما وفي اطار استعداد 570 ألف ماكينة لبيع السجائر لقانون يصدر في يوليو تموز يلزمها بالتأكد من بلوغ المشترين السن القانونية طورت شركة نظاما يمكنه تحديد السن عبر قياس بعض خصائص الوجه.

وقال هاجيم ياماماتو المتحدث باسم شركة فوجيتاكا انه بمجرد نظر المشتري في كاميرا رقمية مثبتة بجهاز البيع يعقد النظام الذي طورته الشركة مقارنة بين خصائص الوجه مثل التجاعيد المحيطة بالعين والبنية العظمية ومستوى ارتخاء البشرة مع بيانات لوجوه أكثر من 100 ألف شخص.

واضاف أن النظام الجديد يقضي ايضا على مشكلة استعارة القصر الذين لم يبلغون السن القانونية بطاقات هوية لاشخاص اخرين لشراء السجائر. بحسب رويترز.

وأجازت وزارة المالية اليابانية بطاقات ذكية لتحديد العمر يطلق عليها "تاسبو" ونظاما يستطيع قراءة العمر من رخص القيادة. لكنها لم توافق بعد على نظام لتحديد السن عن طريق خصائص الوجه بسبب مخاوف بشأن مدى دقتها.

وقال المتحدث ان النظام الجديد يستطيع تحديد سن قرابة 90 في المئة من المستخدمين فيما يرسل نسبة العشرة في المئة الباقية الى "المنطقة الرمادية" المخصصة للقصر "الذين تبدو ملامح وجوههم أكبر من اعمارهم والبالغين ذوي ملامح الوجه الطفولية" وهنا يطلب منهم ادخال رخص القيادة.

ويتراجع التدخين بين القصر في اليابان لكن مسحا اجرته وزارة الصحة في عام 2004 أظهر ان 12 من الصبية واربعة في المئة من الفتيات بالصف الثالث الثانوي ..اولئك الذين تتراوح اعمارهم من 17 الي 18 عاما.. يدخنون يوميا.

Quote: ...السودانيين بحبو التدويير ""Recycling في السياسة والكورة والغنا وكل حاجة عشان كدة اي سوداني بيعرف انو الدنيا مدورة .. اسالي العرريب ؟؟؟

هالة

حبيبنا ده موجود ولا فات يشيش؟

شيقوق،
مقال وافى و بحث ضافى،

لا يوجد لدى تعليق،
سوى "فلنعمم هذا الوعى...."

بعض المقتطفات الهامة:

Quote: حذر باحث امريكي في مجال التدخين من ان 150 الف طفلا لبنانيا قد يموتون قبل وصولهم سن البلوغ اذا لم يمنع التدخين في الاماكن العامة في لبنان

ينسحب هذا الكلام على السودان و جميع الدول التى لا تراعى البيئة النظيفة، مع إختلاف الارقام،

Quote: وبموجب الحظر المقترح ستفرض غرامة على السائقين أو الركاب الذين يدخنون في سيارات تحمل أطفالا تقل أعمارهم عن 16 عاما حتى لو كانت النوافذ مفتوحة ووفقا لدراسة أجراها مجلس ولاية كاليفورنيا الامريكية لموارد الهواء فان التدخين السلبي في السيارات قد يكون تركيزه أعلى 27 مرة عما هو في منازل المدخنين

نقطة هامة....

Quote: وأوضح سيغيل "عندما ينشأ الأطفال في بيئة لا يشاهدون فيها مدخنين، سيفكرون بأن ذلك مرفوض اجتماعياً، وعلى العكس، فإنهم سيعتبرون التدخين مسألة طبيعية إذا تواجدوا في بيئة يرون فيها العديد من المدخنين."

من أجل أطفالنا....

Quote: وبالرغم من عدم وجود حظر عام على التدخين في الولاية، عندما بدأ تنفيذ الدراسة عام 2001، إلا أن قرابة مائة مدينة وبلدة فيها، شددت القيود على هذه الآفة في أماكن العمل والحانات والمطاعم.

ولنا فى الخواجات قدوة.......

Quote: أما البلدات التي لا يسيّر فيها حظر للتدخين أو يمكن التدخين فقط في أماكن محددة، فقد وصلت هذه النسبة إلى قرابة 10 في المائة، غير أن الأماكن التي تشهد حظراً مشدداً على التدخين وتشمل المطاعم فإن نسبة المراهقين الذين أصبحوا مدخنين جاءت أقل من ثمانية في المائة.

و أخيرا،

Quote: ماكينات بيع السجائر باليابان تقيس تجاعيد الوجه لتحديد عمر المشتري

و دى يا شيقوق حضارة ناس اليابان الدايرين نستفيد منها....

Quote: و دى يا شيقوق حضارة ناس اليابان الدايرين نستفيد منها....

طيب وهسع اكان حبيتي واحد واكتشفت انو بدخل بتعملي شنوووووووووووو؟

Quote: ماكينات بيع السجائر باليابان تقيس تجاعيد الوجه لتحديد عمر المشتري

الناس دي بتجيب الكضب ده من وين

رحت السودان سألني واحد هل ستحتفل اليابان بالاستغناء عن اخر إشارة مرور في البلد قبل نهاية هذا العام

قلت ليهو الكلام ده جبتو من وين

قال من الجرايد

هسع جد كده عرفت محنة شيقا برضو مع ناس الجرايد ديل



ابو رشيرش

Quote: هسع جد كده عرفت محنة شيقا برضو مع ناس الجرايد ديل

مالك يا اخي قاهم البنية بعد فرحت يا مسنوح

حيدر،

Quote: الناس دي بتجيب الكضب ده من وين رحت السودان سألني واحد هل ستحتفل اليابان بالاستغناء عن اخر إشارة مرور في البلد قبل نهاية هذا العام قلت ليهو الكلام ده جبتو من وين قال من الجرايد هسع جد كده عرفت محنة شيقا برضو مع ناس الجرايد ديل

نجى ندافع عنكم، حتى و لو بكلام ناس الجرايد،
تجوا تقهمونا كدة.....

تانى ،
لا يابانى، لا تايوانى....

الناس العيونهم صغار ديل،
إحنا ذاااتنا عندنا شك،
هم بيشوفوا زينا ولا كيف!!!!!

Quote: طيب وهسع اكان حبيتي واحد واكتشفت انو بدخن بتعملي شنوووووووووووو؟

والله أتعكنن عكننة.......










لكن هو محظوظ،
ح يكون سبب كافى ليهو عشان يسيب السجاير،
صاح؟؟؟؟

Quote: الناس العيونهم صغار ديل، إحنا ذاااتنا عندنا شك، هم بيشوفوا زينا ولا كيف!!!!!

Digital eyes

بيفتحو بعد ساعة من الاستيقاظ

Quote: لكن هو محظوظ، ح يكون سبب كافى ليهو عشان يسيب السجاير، صاح؟؟؟؟

تعتمد على عدة عناصر صااااااااااا؟

Quote: تعتمد على عدة عناصر صااااااااااا؟

قصدى لصحتو......














ح يبقى عليهو من كلو؟؟؟؟

Quote: قصدى لصحتو......

عارف هالة بس اقصد مقومات الضغط تختلف من واحدة الى الاخرى صااااااح؟

Quote: عارف هالة بس اقصد مقومات الضغط تختلف من واحدة الى الاخرى صااااااح؟

بعد دة السبب بكون من الجينات الفوق فى المقال الضافى داك،

يعنى أنتفت كل الاسباب الفرعية،

و الضغط إلا يكون ضغط الحياة اليومية....

الحمد لله ربنا أكرمنا بترك هذه العادة السيئة...

قاربت للخمسة شهور حتى الآن ...

وتجربتى قريبة من تجربة أبوساندرا..

أسال الله أن لا أكون قد آذيت أى شخص ...

أبنائى وزوجتى لكم جميعا العتبى حتى ترضوا...

معا ضد التدخين السلبى والإيجابى

إكرامية مني لرواد هذا البوست الأعزاء والفطاحل وللإبنة هالة :
أولا أكتب بثلاثة أصابع وممسك بسيجارة دخانها يحجب عني نصف
شاشتي الجديدة 20 بوصة،،

الإكرامية مني هي : التجاوب مع حملتكم هذه والشروع الفوري في
الإقلاع عن التدخين نهائياً،،

ثانياً : أجمل مافي التدخين سيجارة بعد إفطار رمضان ، لذا
ألحقوا ساعدوني قبل حلول الشهر العظيم،،

ثالثاً : كنت لا أدخن مطلقا في البيت ، بيد أني سمعت خبر سيء
أزعجني وهو أن التدخين السلبي لا ينتهي بإطفاء السيجارة،،
يعني لما ترجع البيت فإن أبنائي يستنشقون ماعلق من دخان
بشعري وثيابي ،، يعني كنت بضرب مشوار على الفاضي للسطوح،،

رابعاً : مافي واحد يقول لي أرمي العلبة وعفصها : شوية شوية

خامساً : أسألوا لينا عبد الله كع الحصل عليهو شنو ؟؟

سادساً : إذا نجحت الحملة فأنتم دون شك موعودون ببارتي صغير
أنيق لتدشين أعمال : (جمعية هالة) لأطفال لا يعانون
خطر التدخين وآباء أصحاء دون وخزٍ للضمير،،

سابعا : صلاح أبودية دا متصدقوا ، دي يمكن المرة المليون يقول كلامو دا!!

ثامنا : COUNTDOWN STARTS

شكري مقدما وبلا حدود،، وشكر خاص للوريف مولانا شيقوق على إثراء البوست ،،

Quote: أولا أكتب بثلاثة أصابع وممسك بسيجارة دخانها يحجب عني نصف شاشتي الجديدة 20 بوصة،،

في اخر ثمانينات القرن الماضي قابلني بعض ممن كانو يعملو معي في نهاية السبعينات وبداية الثمانينات بعد غياب فلم يعرفونني ليس لتبدل في مظهري ولكن لغياب سيجارة كانت تلازمني في معظم ساعات اليوم .. فلقد كنت Chain Smoker ولفترة قاربت عقدين عندما اقلعت عن التدخين في سبتمبر 82 تمسكا بوعد قطعته علي زوجتي (خطيبتي حينئذ) بالا اعود لاتمام اجراءات الزواج وانا من المدخنيين .. انا الذي قررت ذلك حيث كنت قراءت كثيرا عن الاثر السالب للتدخين علي الاخرين .. فقبل الزواج كنت اعيش لوحدي ولكن بعده ستشاركني في كل شئ وليس عدلا ان اكون سببا لمضايقتها..كنت مدمنا بمعني الكلمة وقررت ان يكون الاقلاع مرتبطا بحدث معين مثير اتذكره كل عام وشاءنت الاقدار ان اكون جالسا مع صديق في منزله وشاهدنا معا في التلفزيون اول صور لمجازر صبرا وشاتيلا تعرض وكان ذلك في منتصف سبتمبر وقررت حينئذ ان اقلع عند ذلك الحدث ولحسن حظي كان صديقي طبيبا واتي اصدقاء اخرون اطباء وساعدوني في تجاوز الليلتيين التي تلت ليلة ان تركت التدخين فلقد شعرت باعراض غريبة وخمول ..الخ واستمرت الاعراضwithdrawl effect شهورا وانا احيانا اشعر برغبة قوية للعودة للتدخين ثم بدءت تقل تدريجيا الا ان الرغبة للتدخيين لازمتني سنينا عدة ثم انقلب الحال الي نوع من عدم شم رائحة الدخان لفترة ثم الي نقيض ذلك وهو شعور بضيق شديد من رائحة الدخان مهما كانت الرائحة قليلة.. والان وبعد ربع قرن منذ ان اقلعت عن التدخيين ولقد لاحظت ان سنوات التدخين قد تركت اثرا سالبا في صحتي لم اكن الاحظه وانا شاب كثير التدخين فانني لا اجد سبيلا لمن يريد ان يترك التدخين الا عزيمة قوية وفقط ليس الا ...العزيمة القوية التي تساعد الانسان علي قهر صعاب كثيرة هي الوحيدة التي تمكنك الاقلاع عن التدخيين
وليعينك الله

شكرا الاخ عبد اللطيف على هذا الكلام الرائع وربنا يكفينا شر سيجارة رمضان


هالة

اقصد الضغط العاطفي الذى تختلف اداوته من زوجة لاخرى

Quote: في اخر ثمانينات القرن الماضي قابلني بعض ممن كانو يعملو معي في نهاية السبعينات وبداية الثمانينات بعد غياب فلم يعرفونني ليس لتبدل في مظهري ولكن لغياب سيجارة كانت تلازمني في معظم ساعات اليوم .. فلقد كنت Chain Smoker ولفترة قاربت عقدين عندما اقلعت عن التدخين في سبتمبر 82 تمسكا بوعد قطعته علي زوجتي (خطيبتي حينئذ) بالا اعود لاتمام اجراءات الزواج وانا من المدخنيين .. انا الذي قررت ذلك حيث كنت قراءت كثيرا عن الاثر السالب للتدخين علي الاخرين .. فقبل الزواج كنت اعيش لوحدي ولكن بعده ستشاركني في كل شئ وليس عدلا ان اكون سببا لمضايقتها..كنت مدمنا بمعني الكلمة وقررت ان يكون الاقلاع مرتبطا بحدث معين مثير اتذكره كل عام وشاءنت الاقدار ان اكون جالسا مع صديق في منزله وشاهدنا معا في التلفزيون اول صور لمجازر صبرا وشاتيلا تعرض وكان ذلك في منتصف سبتمبر وقررت حينئذ ان اقلع عند ذلك الحدث ولحسن حظي كان صديقي طبيبا واتي اصدقاء اخرون اطباء وساعدوني في تجاوز الليلتيين التي تلت ليلة ان تركت التدخين فلقد شعرت باعراض غريبة وخمول ..الخ واستمرت الاعراضwithdrawl effect شهورا وانا احيانا اشعر برغبة قوية للعودة للتدخين ثم بدءت تقل تدريجيا الا ان الرغبة للتدخيين لازمتني سنينا عدة ثم انقلب الحال الي نوع من عدم شم رائحة الدخان لفترة ثم الي نقيض ذلك وهو شعور بضيق شديد من رائحة الدخان مهما كانت الرائحة قليلة.. والان وبعد ربع قرن منذ ان اقلعت عن التدخيين ولقد لاحظت ان سنوات التدخين قد تركت اثرا سالبا في صحتي لم اكن الاحظه وانا شاب كثير التدخين فانني لا اجد سبيلا لمن يريد ان يترك التدخين الا عزيمة قوية وفقط ليس الا ...العزيمة القوية التي تساعد الانسان علي قهر صعاب كثيرة هي الوحيدة التي تمكنك الاقلاع عن التدخيين وليعينك الله

أستاذنا أبو بكر ،،
سرد مقنع ودافع يزيد من فرصة العبور لبرٍ أكثر أمان،،

زوجتي بالأمس القريب أقسمت بالله ثلاث أنها لن تسائلني عن التدخين فقد رفعت الراية البيضاء
وباءت كل محاولاتها بالفشل الذريع،،
أسفي كبير والله على هذا التجني عليها ، وفعلاً هن أكثر من يقاسي من رائحة التدخين الذي
تفشل كل المزيلات في طرد مخلفاته،،
مكتبي الأنيق في الشركة: الآن فقط أنتهينا من تأثيثه بالرياض وعلى وشك الإفتتاح قريبا وهو
تحفة معمارية جميلة أتحسر كثيرا على تناثر رماد السجائر على أرضيته وكل من يزورني يعلق
على أن الدخان هو النشاز الوحيد في هذا المكان ،،
صديقي مهندس الشبكات (سوداني)، أهداني علبة سجائر (PARLIAMENT)ذات الفلتر الأبيض الطويل يحذرني
من ترك التدخين خوفاً من زيادة الوزن،،
يتناقص عندي عدد السجارات ، وأقترب إليك أخي ابو بكر ، بس الله لا يجيب صبرا وشاتيلا،،
سلام ياراقي،،

الفاضل صلاح أبودية،
أولا شكرا، لتكرمك بزيارة بوستنا العامر بكم،
ثانيا،

Quote: الحمد لله ربنا أكرمنا بترك هذه العادة السيئة... قاربت للخمسة شهور حتى الآن ... وتجربتى قريبة من تجربة أبوساندرا.. أسال الله أن لا أكون قد آذيت أى شخص ... أبنائى وزوجتى لكم جميعا العتبى حتى ترضوا...

فعلا نبارك لك من قلبنا لترك هذه العادة السيئة،
أثق تماما، أن الشعور بالذنب ووخز الضمير سوف يكونوا كفيلين بتشجيعك على عدم الرجوع للتدخين مرة أخرى،

لا أعرف تاثير سيجارة بعد الإفطار فى رمضان، و لكن إن تيقنت أن ذك وهم،
و صبرت أول 3 أيام (من تجربتى مع الشاى)،
فأنا أثق تمام، أنك سوف تتخطى تلك المرحلة،

تمنياتنا لك بالتوفيق،،،

Quote: معا ضد التدخين السلبى والإيجابى

معا ضد التدخين السلبى والإيجابى







ملحوظة:
ح ننتظر منك تقرير يومى فى رمضان، حتى تتطمئن و نطمن....

الاخ الكريم عبد اللطيف،
سلام،

Quote: إكرامية مني لرواد هذا البوست الأعزاء والفطاحل وللإبنة هالة : أولا أكتب بثلاثة أصابع وممسك بسيجارة دخانها يحجب عني نصف شاشتي الجديدة 20 بوصة،، الإكرامية مني هي : التجاوب مع حملتكم هذه والشروع الفوري في الإقلاع عن التدخين نهائياً،، ثالثاً : كنت لا أدخن مطلقا في البيت ، بيد أني سمعت خبر سيء أزعجني وهو أن التدخين السلبي لا ينتهي بإطفاء السيجارة،، يعني لما ترجع البيت فإن أبنائي يستنشقون ماعلق من دخان بشعري وثيابي ،، يعني كنت بضرب مشوار على الفاضي للسطوح،، رابعاً : مافي واحد يقول لي أرمي العلبة وعفصها : شوية شوية ثامنا : COUNTDOWN STARTS

خبر جميل جدا،
و إكرامية فى منتهى الكرم،
لك منا كل تقدير،

وأنا الحقيقة فرحانة جدا، إنو الحملة أبتدت تأتى ثمارها....

دى الحاجة الدايرة أوصل ليهامن الاول،
إنو لازم التفهم و التعاون من الجميع،
و حقيقة معلومة أن التدخين مضر بالصحة دى معروفة للجميع،
و لكن مدى تأثير ذلك على الفهم الشخصى دة اللازم نطرق عليهو و بشدة،

Quote: ثانياً : أجمل مافي التدخين سيجارة بعد إفطار رمضان ، لذا ألحقوا ساعدوني قبل حلول الشهر العظيم،،

لك فى المدخنين (السابقين) إسوة،
العزيمة، العزيمة، العزيمة.....

Quote: سادساً : إذا نجحت الحملة فأنتم دون شك موعودون ببارتي صغير أنيق لتدشين أعمال : (جمعية هالة) لأطفال لا يعانون خطر التدخين وآباء أصحاء دون وخزٍ للضمير،،

دعواتنا لك بالتوفيق،
و ح يكون مطلوب منك تقرير يومى فى رمضان برضو...

Quote: سابعا : صلاح أبودية دا متصدقوا ، دي يمكن المرة المليون يقول كلامو دا!!

صلاح أبودية،
ما تخذلنا،،،،
نضمنك و لا كيف؟؟؟

Quote: خامساً : أسألوا لينا عبد الله كع الحصل عليهو شنو ؟؟

عبدالله كع،
مطلوب حضورك فورا....

Quote: شكري مقدما وبلا حدود،، وشكر خاص للوريف مولانا شيقوق على إثراء البوست

و معك نشكر مولانا شيقوق كل الشكر،،،

هالة

صباحك ملطف باجواء صباحية خالية من عبث المدخنين

العزيز أبوبكر،
سلام،

Quote: في اخر ثمانينات القرن الماضي قابلني بعض ممن كانو يعملو معي في نهاية السبعينات وبداية الثمانينات بعد غياب فلم يعرفونني ليس لتبدل في مظهري ولكن لغياب سيجارة كانت تلازمني في معظم ساعات اليوم .. فلقد كنت Chain Smoker ولفترة قاربت عقدين عندما اقلعت عن التدخين في سبتمبر 82 تمسكا بوعد قطعته علي زوجتي (خطيبتي حينئذ) بالا اعود لاتمام اجراءات الزواج وانا من المدخنيين .. انا الذي قررت ذلك حيث كنت قراءت كثيرا عن الاثر السالب للتدخين علي الاخرين .. فقبل الزواج كنت اعيش لوحدي ولكن بعده ستشاركني في كل شئ وليس عدلا ان اكون سببا لمضايقتها..كنت مدمنا بمعني الكلمة وقررت ان يكون الاقلاع مرتبطا بحدث معين مثير اتذكره كل عام وشاءنت الاقدار ان اكون جالسا مع صديق في منزله وشاهدنا معا في التلفزيون اول صور لمجازر صبرا وشاتيلا تعرض وكان ذلك في منتصف سبتمبر وقررت حينئذ ان اقلع عند ذلك الحدث ولحسن حظي كان صديقي طبيبا واتي اصدقاء اخرون اطباء وساعدوني في تجاوز الليلتيين التي تلت ليلة ان تركت التدخين فلقد شعرت باعراض غريبة وخمول ..الخ واستمرت الاعراضwithdrawl effect شهورا وانا احيانا اشعر برغبة قوية للعودة للتدخين ثم بدءت تقل تدريجيا الا ان الرغبة للتدخيين لازمتني سنينا عدة ثم انقلب الحال الي نوع من عدم شم رائحة الدخان لفترة ثم الي نقيض ذلك وهو شعور بضيق شديد من رائحة الدخان مهما كانت الرائحة قليلة.. والان وبعد ربع قرن منذ ان اقلعت عن التدخيين ولقد لاحظت ان سنوات التدخين قد تركت اثرا سالبا في صحتي لم اكن الاحظه وانا شاب كثير التدخين فانني لا اجد سبيلا لمن يريد ان يترك التدخين الا عزيمة قوية وفقط ليس الا ...العزيمة القوية التي تساعد الانسان علي قهر صعاب كثيرة هي الوحيدة التي تمكنك الاقلاع عن التدخيين

تجربة ثرة جدا،
و مفيدة جدا للمدخنين الذين يريدون أن يحذوا حذوكم،
و سبحان الله فعلا،
رائحة السجاير تكون منفرة حتى للمدخن.....

طب مالكم من الاول؟؟؟؟


السؤال الذى يؤرقنى:
ما هى دلالة السيجارة عند الشباب؟
بمعنى ما الذى يدفعهم بالتحديد إلى بدأ التدخين، و عدم القدرة على تركه لاحقا؟؟؟

يمكن لازم نبتدى من هنا، لعدم تشجيعهم على تجربة السيجارة من البداية.....

للتأكيد،

Quote: العزيمة القوية التي تساعد الانسان علي قهر صعاب كثيرة هي الوحيدة التي تمكنك الاقلاع عن التدخيين

الفاضل أبوبكر،
ح يكون مطلوب منك مراجعة و تصحيح التقارير الرمضانية من الإخوة صلاح و عبد اللطيف...

مولانا شيقوق،

Quote: صباحك ملطف باجواء صباحية خالية من عبث المدخنين

و لك مثل ذلك....

Quote: هالة اقصد الضغط العاطفي الذى تختلف اداوته من زوجة لاخرى

شوف الناس دى عديلة كيف....

Quote: اقلعت عن التدخين في سبتمبر 82 تمسكا بوعد قطعته علي زوجتي (خطيبتي حينئذ) بالا اعود لاتمام اجراءات الزواج وانا من المدخنيين

و من غير أى ضغط،
فقط إحترام للاخر و رغبة قوية فى التحسين....

يعنى بصورة جادة يا شيقوق،
أنا فى قناعتى إنو أى طرف لازم يحاول يبعد عن ما يزعج الطرف الاخر،
طبعا دة لو كان الإختيار مبنى على التفاهم من الاساس....

التحية لأبوبكر و كل الناس البقدرو الطرف الاخر،


عينا باردة....

Quote: أنا فى قناعتى إنو أى طرف لازم يحاول يبعد عن ما يزعج الطرف الاخر، طبعا دة لو كان الإختيار مبنى على التفاهم من الاساس....

احترم رايك جدا يا هالة وهنا فعلا مربط الفرس

لك قواسيب احترامي

هذا مقال باللغة الانجليزية عن مضار التدخين اعتذر لعدم تمكنى من ترجمته


Smoking is one of the worst things kids or adults can do to their bodies. Yet every single day about 4,000 kids between the ages 12 and 17 start smoking. Most middle school students don't smoke — only about 1 in 10 does. And most high school students don't smoke either — about 1 in 4 does (that means 3 out of 4 don't).

But why do those who smoke ever begin?

There's more than just one simple answer. Some kids may start smoking just because they're curious. Others may like the idea of doing something dangerous — something grownups don't want them to do. Still others might know lots of people who smoke and they might think it's a way to act or look like an adult. Fortunately, fewer people are starting smoking than a few years ago.


Maybe that's because more and more people have learned that smoking and tobacco use can cause cancer and heart disease. But sometimes kids can't really think that far into the future to worry about an illness they might not get for many years.

So let's talk about the problems that might affect kids more quickly:

bad breath
yellow teeth
smelly clothes
more colds and coughs
difficulty keeping up with friends when playing sports
empty wallet — cigarettes and tobacco products are very expensive!
Let's find out more about cigarettes and tobacco.

What Are Smoking and Smokeless Tobacco?
Tobacco (say: tuh-ba-ko) is a plant that can be smoked in cigarettes, pipes, or cigars. It's the same plant that's in smokeless tobacco, known as dip, chew, snuff, spit, or chewing tobacco. Smokeless tobacco is not lit or inhaled like tobacco in cigarettes, pipes, and cigars. Instead, smokeless tobacco is put between the lip and gum and sucked on inside the mouth.

Tobacco contains nicotine (say: nih-kuh-teen), a chemical that causes a tingly or pleasant feeling — but that feeling only lasts for a little while. Nicotine is also addictive (say: uh-dik-tiv). That means that if you start to use nicotine, your body and mind will become so used to it that you'll need to have it just to feel OK.

Anyone who starts smoking could become addicted to it. If you're addicted to something, it's very hard to stop doing it, even if you want to. Some kids get addicted right away. And adults are often addicted, which is why so many of them have a hard time quitting smoking.

Why Is It So Bad for You?
Cigarettes and smokeless tobacco kill hundreds of thousands of Americans every year. You know those rubber bracelets that were created to bring attention to different causes? The Campaign for Tobacco-Free Kids created a red one with the number 1,200 on it. Why 1,200? That's the number of people who die each day due to smoking.

The nicotine and other poisonous chemicals in tobacco cause lots of diseases, like heart problems and some kinds of cancer. If you smoke, you hurt your lungs and heart each time you light up. It also can make it more difficult for blood to move around in the body, so smokers may feel tired and cranky. The longer you smoke, the worse the damage becomes.

The Other Cost of Smoking
Using tobacco eats up a lot of money, too. A pack of cigarettes costs $4.50, on average. That means, even if you buy just one pack a week, you'll spend $234 in a year. Some people smoke a pack a day, which adds up to $1,642! That's a lot of CDs, computer games, and clothes you could buy instead.

What's It Like?
Usually, people don't like smoking or chewing tobacco at first. Your body is smart, and it knows when it's being poisoned. When people try smoking for the first time, they often cough a lot and feel pain or burning in their throat and lungs. This is your lungs' way of trying to protect you and tell you to keep them smoke free. Also, many people say that they feel sick to their stomachs or even throw up. If someone accidentally swallows chewing tobacco, they may be sick for hours. Yuck.

What if My Friend Smokes?
If you have friends who smoke or use tobacco, you can help them by encouraging them to quit. Here are some reasons you can mention:

It will hurt their health.
It will make their breath stinky.
It will turn their teeth yellow.
It will give them less endurance when running or playing sports.
It's expensive.
It's illegal to buy cigarettes when you're underage.
If you think it will help, you could print out articles like this one to give to a friend who smokes. He or she may be interested in learning more about the dangers of smoking. But people don't like to hear that they're doing something wrong, so your pal also could be a little angry. If that happens, don't push it too much. In time, your friend may realize you are right.

In the meantime, it could help to talk with a parent or a school counselor if you're worried about your friend. When your friend is ready, a grown-up can help him or her quit for good. If your friend decides to quit, lend your support. You might say it's time to kick some butts!

Reviewed by: Neil Izenberg, MD
Date reviewed: August 2007

شيقوق،
شكرا لإيرادك المقال أعلاه،
بالمقال نقاط كثيرة تستحق الوقوف عندها،
سأبدا بهذه النقاط التى فيها الجواب على أسئلتى بخصوص ما يبعث الاطفال على تجربة التدخين:

Quote: Some kids may start smoking just because they're curious. Others may like the idea of doing something dangerous — something grownups don't want them to do. Still others might know lots of people who smoke and they might think it's a way to act or look like an adult

يعنى:
1. الفضول،
2. حب المغامرة أو تكسير القوانين،،،
3. محاكاة الكبار،

أنا أعتقد أن أخطر شريحة هى رقم 2،
لانهم يفعلون ذلك عن عمد،

للأسف بعض الصغار يجربون التدخين من سن 12 سنة، و يجد صعوبة فى الإقلاع عن هذه العادة بعد ذلك...


كيف السبيل لإثنائهم عن ذلك؟؟؟

الاخت الرائعة هالة

دعينا نجعل العبارة ادناه شعارا في كل مداخلة

If you have friends who smoke or use tobacco, you can help them by encouraging them to quit


Best wishes

Shega

Quote: صلاح أبودية، ما تخذلنا،،،، نضمنك و لا كيف؟؟؟

نومى قفا...

وأنا أقول لكل من دخن سجارة اليوم ...

ريحة خشمك عفنـــــــــة!!!

شيقوق شكرا لك يا امير،













If you have friends who smoke or use tobacco, you can help them by encouraging them to quit

احسنت يا هالة









If you have friends who smoke or use tobacco, you can help them by encouraging them to quit

أبودية،

Quote: نومى قفا...

برافووووووو،،،











ما تنسى التقرير الرمضانى...

الرطاني الليلة مالو يا هالة؟

اوع يكون وقع ليهو من سلم

كرهتونا البرنجي زاتو












_
يالطيب إنت بتسف

Quote: كرهتونا البرنجي زاتو

انتو يا الرطانة معروفين

بتدخنوا
وبتسفوا
وبت .... الدين ذاتو

Quote: _ يالطيب إنت بتسف

لا بعضى . عندك تاني كلام هسع جاى ناطى بدخاخينك علينا

Quote: الرطاني الليلة مالو يا هالة؟ اوع يكون وقع ليهو من سلم

لا، هو المقاولة ما عجبتو،،،



والدليل،

Quote: كرهتونا البرنجي زاتو

Quote: انتو يا الرطانة معروفين بتدخنوا وبتسفوا

وحات شيختي تراجي كلامك صح

بس الطشمة حقتكم براكم

Quote: وحات شيختي تراجي كلامك صح

وحياتك يا حيدر اخوى تراجي اسمح منها مافي

Quote: بس الطشمة حقتكم براكم

يعني!!

Quote: Quote: كرهتونا البرنجي زاتو

و نعتبر هذا دليل على أن البوست ماشى كويس،

بمعنى اخر،

شخص اخر سوف يقلع عن التدخين.....

هالة

Quote: شخص اخر سوف يقلع عن التدخين.....

يقلع ضرسو ده حيتحول للتشييش طوالي

Quote: هذا مقال باللغة الانجليزية عن مضار التدخين اعتذر لعدم تمكنى من ترجمته

الاول انت فهمتو ؟؟؟

Quote: الاول انت فهمتو ؟؟؟

لا ناولوني ليهو وفرشتو ليكم هنا

تاني عندك كلام؟

Quote: الاول انت فهمتو ؟؟؟

افو افو افو ات قائل انا قروني مدارس خاصة؟

Quote: وحياتك يا حيدر اخوى تراجي اسمح منها مافي

شيقا ...ماجبت حاجة جديدة .. اوباما برضو فال لي كده

Quote: شخص اخر سوف يقلع عن التدخين.....

تصدقي ياهالة اقلعت 10 سنوات ورجعت تاني

بدخن من الثانوي ...

Quote: يقلع ضرسو ده حيتحول للتشييش طوالي

ماعارف ناس الطشمة لامن يتوبو بعملوا شنو ... ياسلفي ياكوز