Post: #1 Title: الخرطوم القديمة بنات....علي مر الدهور والازمنة Author: Solafa Alagib Date: 11-18-2008, 02:12 PM Parent: #0
Post: #2 Title: Re: الخرطوم القديمة بنات....علي مر الدهور والازمنة Author: محمد أبوالعزائم أبوالريش Date: 11-18-2008, 02:21 PM Parent: #1
د. سلافة ليك التحية ...
وياخي غيرتك دي (بغرك) مثمرة شديد ..
وما جاي أتخفف والله لكن بس بتمنى للبوست النجاح وتواصل خريجات المدرسة.
____________ نصيحة في أضانك:
Quote: الخرطوم القديمة بنات دفعة 1994
دي ما تركزي عليها كتير، وما تطالبيهن بيها لو عايزة رواج للبوست
Post: #3 Title: Re: الخرطوم القديمة بنات....علي مر الدهور والازمنة Author: Solafa Alagib Date: 11-18-2008, 02:33 PM Parent: #2
ابدا والله مرحب بيك ياابو العزايم والشاي في النار,بعدين اصلا بعد التخرج من اي حتة كان الروضة ولا الثانوى ولاحتي السجن زاتو
الكتوف بتتلاحق رغم زيادت الاعمار والاوزان وحاجات تانية كتير ...وهسي ما فيها حاجة كان اتذكرت فجأةاني مواليد اخر فيضان نيل في
الخرطوم....اصصصصلو ما تتحسسوا وكمان قريت مرحلة الاساس(حقت الكيزان الجديدة دي)
كمان ياابو العزايم انا عندى اعتقادجازم(حلوة موش)انو تواصل الاولاد دايما احسن من البنات ..يعنى حصل لقيت ليك واحدة قالت ليك دى
زميلتى من خمسة سنوات خليني من الدهور والازمنة والتاشر سنة الانتو مصاحبين بيها بعضكم دى
تاني شكرا ومرحب بيك....هاك الشاي
Post: #4 Title: Re: الخرطوم القديمة بنات....علي مر الدهور والازمنة Author: Solafa Alagib Date: 11-18-2008, 02:42 PM Parent: #3
معليش ياخوانا البيت بيتكم(بالجد والله)انا طالعة وبرجع بكرة باذن الله ,اخدوا راحتكم علي الاخر
Post: #5 Title: Re: الخرطوم القديمة بنات....علي مر الدهور والازمنة Author: Maha Bashir Date: 11-18-2008, 03:15 PM Parent: #4
سلامات يا سلافة كنا في الخرطوم غرب الابتدايئة و الخرطوم القديمة في الزمن الاجمل علي الاطلاق مازلنا من عهد الخرطوم غرب علي إتصال ببعضنا البعض حأجي مره تانية و مرات كتيرة مها بشير
Post: #6 Title: Re: الخرطوم القديمة بنات....علي مر الدهور والازمنة Author: Adel Sameer Tawfiq Date: 11-18-2008, 07:41 PM Parent: #1
الدكتورة الرائعة سلافة !
التحية لك ولزوجك العزيز في دار فور !
شكرا لفتحك هذا البوست ..
ما حتصدقي لو عرفتي اني قضيت معظم طفولتي في هذه المرسة العريقة و انها تشكل جزء كبير من ذكرياتي !!
أنا مسافر السودان في يناير القادم ان شاء الله و حأجيب معاي صو رللقديمة بنات من الزمن الجميل !!
حتكون خبر الموسم !! صور للطالبات و المدرسين و المدرسات !! حتكون قنابل بكل معنى الكلمة !!
الموضوع داير ليه قعدة !!
Post: #7 Title: Re: الخرطوم القديمة بنات....علي مر الدهور والازمنة Author: Al-Mansour Jaafar Date: 11-19-2008, 04:28 AM Parent: #1
القارئي الكريم
لعناية د. سلافة العاقب
الإحترام
السلام عليكم ورحمة الله
في هذه السانحة الطيبة أود أن أحيي جهد المديرة الأسبق للمدرسة الأستاذة الجليلة آنجيل إسحق وهي واحدة من منارات التعليم السوامق في السودان، وأحيي معها جهد المعلمين والمعلمات الذين أضاءوا المدرسة بالعلوم والآداب والفنون.
لكم التقدير والإحترام
Post: #8 Title: Re: الخرطوم القديمة بنات....علي مر الدهور والازمنة Author: عابدون محمد عابدون Date: 11-19-2008, 04:42 AM Parent: #1
صباح الخيرات عليكم جميعا...
Post: #9 Title: Re: الخرطوم القديمة بنات....علي مر الدهور والازمنة Author: Solafa Alagib Date: 11-19-2008, 07:10 AM Parent: #8
كان ايدينا فيك من المسك تتملخ ...السما يتكي وجلد النمل يتسلخ
صباح الخير علي القديمة وبنات وعلي كل الناس الحلوة اللي زارت البوست والناس الاحلي اللي ناويين يدخلو بس لقوا الممرات
Post: #23 Title: Re: الخرطوم القديمة بنات....علي مر الدهور والازمنة Author: Adel Sameer Tawfiq Date: 11-20-2008, 10:36 AM Parent: #9
Quote: بعدين يا مولانا حكاية الصور دي بتجيب (هوا) وغالبا
من البلف الرئيسي..انشاالله ما تكون زى كاروهات(الجيم قرين).
الصور تاريخية لأساتذة و أستاذات و طالبات من الزمن الجميل..
Post: #11 Title: Re: الخرطوم القديمة بنات....علي مر الدهور والازمنة Author: عبد الدائم سيد أحمد Date: 11-19-2008, 08:01 AM Parent: #1
طالبتى المجتهدة دائما سلافا اولا اتمنى انك دائما تكونى مجتهدة عشان البوست يمشى ويكون لفوق ذى ما اتفقنا ما تغيبى اسبوع وتجى الخميس فقط .... واتمنى من بنات القديمة سناء جعفر ونادية السر وتهانى عبدالله ومايا رغم سمعنا انها مهكرة و اوت كاست اللى ظهورها فى المنبر مرة فى السنة بالانتساب يواصلونا والا حنتصل باولياء الامور
وبعدين عينى ليك غــفير قوى فى البوست ده خوفا" من تتطفل اولاد القديمة
الوكيل بالانابة لحدى ما تشيلونى عبدالدائم سيداحمد
Post: #12 Title: Re: الخرطوم القديمة بنات....علي مر الدهور والازمنة Author: Solafa Alagib Date: 11-19-2008, 08:12 AM Parent: #11
عبدالدايم سيداحمد...هلا بالطيب الغالي
حضورك مهم والغفير حقو يكون من ناس القديمة اولاد زاااااتم عشان يكون"حارسنا وفارسنا وسيد بيتنا ومدارسنا"....
اوعدك بالاستمرار عشان والله عندى حاجات كويسة(من وجهة نظرى)عايزا اعرضا ...اهلا بالوكيل
Post: #13 Title: Re: الخرطوم القديمة بنات....علي مر الدهور والازمنة Author: دينا خالد Date: 11-19-2008, 09:00 AM Parent: #12
العزيزة سلافة
اما انها صدفة غريبة !!!
هل تصدقى انو نحن قبل يومين كنا واقفين من الناحية الجنوبية للمدرسة يعنى فى شارع 25 جنب دكان عمك ميرغنى ,,, كنا خمسه من دفع مختلفة .. واحده فيهم من زمن انجيل اسحق ,,, عييييييييك ياقول بشبش ما تزعل مولانا عادل سمير ... برضو فى اليوم داك عرفت انو ست انجيل هى والدتك .. وكمان لما طلعنا فى شارع المطار ورونى بيتكم ... لووووول ! وبرضو بيتكم التانى .. الطلعو ماجرنو الارهابيين ... وتلتلتكم ووووووووووو الخ حكاوى !! محدثتى عضوة بالبوورد اتمنى ان تجد من وقتها زمنا للمداخلة فهى زوله حلووووه ووناسة لولا انشغالها فى ساقية جحا كما اسميها لها وهل تصدقى انى فكرت بفتح هذا البوست ؟؟ بس ما فضيت
المهم .........
المدرسه كغيرها من مدارس ثورة التعليم اصبحت مكانا خصبا لشتى ضروب الاستثمار .. مكان كنا واقفين شيدو ناس صندوق الطلاب بدعم من دال قرووب مبنى شااهق امكن عشرين طابق .. مكتوب عليه مجمع دال السكنى للطلاب .. لكن محدثتى تقول بانو بعد ما ناس دال اكملو البرج سمعنا انو ما ح يحولو سكن لانو المنطقة غالية ح يقلبو تجارى !!!!!!!!!
حدثتنا الاخرى عن الميادين الكبيرة وملعب الباسكت وملعب الجمباز والداخليات ايوة والله قالوا كان فيها داخليات ...
ـــــــــــــــــــــ غايتو يا سلافة للضمان كدا انا دا كلو ما حاضراهو جيت لماااا دا كللللللللو انتهى ...
Post: #27 Title: Re: الخرطوم القديمة بنات....علي مر الدهور والازمنة Author: Adel Sameer Tawfiq Date: 11-20-2008, 12:21 PM Parent: #13
Quote: مولانا عادل سمير ... برضو فى اليوم داك عرفت انو ست انجيل هى والدتك ..
كضبا كاضب !
والدتي هي المرحومة ست ماتيلدا !
Quote: وكمان لما طلعنا فى شارع المطار ورونى بيتكم ... لووووول ! وبرضو بيتكم التانى .. الطلعو ماجرنو الارهابيين ... وتلتلتكم ووووووووووو الخ حكاوى !!
اول حاجة يا دينا هو إرهابي واحد عملتيه مجموعة !!
تاني حاجة الكلام دا يعتبر قطيعة و انتي عارفة انو القطيعة بتدخل النار !!
Quote: محدثتى عضوة بالبوورد اتمنى ان تجد من وقتها زمنا للمداخلة فهى زوله حلووووه ووناسة لولا انشغالها فى ساقية جحا كما اسميها لها
مخارجة:
محدثتك إسمها منو ؟؟!!
Post: #14 Title: Re: الخرطوم القديمة بنات....علي مر الدهور والازمنة Author: عبد الدائم سيد أحمد Date: 11-19-2008, 10:27 AM Parent: #1
دقيقة يا سلافا ومها بشير ما قادر اتذكر موقع مدرسة الخرطوم غرب الابتدائية بنات وين من الاميرية بنات المتوسطة ( كبري الحرية )
Post: #15 Title: Re: الخرطوم القديمة بنات....علي مر الدهور والازمنة Author: Solafa Alagib Date: 11-19-2008, 11:54 AM Parent: #14
عبدالدايم سيداحمد...........انت طبعا بتعرف الاميرية بنات بس يا ود المقرن....الخرطوم غرب كانت شرق شارع الحرية وشمال داخلية
اهلين دينا خالد....وزي ماقال محمد ابوالعزايم ماحاسالك انتي دفعة كم لكن حاقول ليك البلد كلها بقت تجاري ويمكن سنة سنتين احنا
ذاتنا يعرضونا استثمار.
الداخليات في زمنا عملوها فصول للقسم التجارى (دا غير التجارى حق الحيكومة الهسي)امي حضرت الفترة ديك وكانت طالبة قادمة من
الابيض الثانوية,بحكي ليك عن غرف التدبير المنزلى والفنون (المرسم)وميدان الطايرة وباقي المدرسة اللي ادوهو لمدرسة العمارات
المتوسطة....اهلا وسهلا
Post: #16 Title: Re: الخرطوم القديمة بنات....علي مر الدهور والازمنة Author: Solafa Alagib Date: 11-19-2008, 12:10 PM Parent: #15
القديمة بنات.....احلى الاوقات
العمارات شارع 25...دكان عم (مرغنى)الله يرحمو...مستشفي ابن سينا الكان جديد وماكنا عارفين دا شنو...المدخل ذو الباب الضخم حتي
يسع هذا الكم الهائل من(بنات الناس)...ناس (الديوتي)قاعدين هنااااك وسجمنا لو اليوم علي ناس الجغرافيا وتلقاك ابلة(نوال محى الدين)
الجميلة ومستحيلة واللي الجغرافيا معاها سيااااحة عديل كدا...من بين الاشجار تعبر علي يدك اليمين لفصول سنة اولى التي تفتحت ازهارنا
فيها....واذكر منها حفصة ,زينب,عائشة(فصل الناس الشاطرين),واظن جويرية وتانى تلااااتة فصول ...المدرسة كانت 7فصول اولى و7 تانية و7
تالتة ....ماقلت ليكم كنا جمهورية
Post: #17 Title: Re: الخرطوم القديمة بنات....علي مر الدهور والازمنة Author: عبد الدائم سيد أحمد Date: 11-19-2008, 12:23 PM Parent: #15
ابو العزايم شوف بحسبوها كيف
Quote: الخرطوم القديمة بنات دفعة 1994
1994 - 3 ثانوى - 3 متوسط - 6 ابتدائي - 6 ما قبل المدرسة = 1976 م
تخيل وتقول لي كنا مكسرين فى اولاد داخليه حسيب والرازى بنات ابتدائي اخر زمن ....
Post: #18 Title: Re: الخرطوم القديمة بنات....علي مر الدهور والازمنة Author: Solafa Alagib Date: 11-19-2008, 01:40 PM Parent: #17
تخيل يا عبد الدايم 26\12\1978
عزيزي واعزائي كلكم موعدنا بكرة باذن الله
Post: #19 Title: Re: الخرطوم القديمة بنات....علي مر الدهور والازمنة Author: عابدون محمد عابدون Date: 11-19-2008, 08:02 PM Parent: #1
أها طالما انو انا الليلة شغال وردية ليل نرفع ليكم دا مع اخوه داك وناخد فيكم الاجر ...
Post: #20 Title: Re: الخرطوم القديمة بنات....علي مر الدهور والازمنة Author: محمد أبوالعزائم أبوالريش Date: 11-19-2008, 10:50 PM Parent: #1
Quote: وتقول لي كنا مكسرين فى اولاد داخليه حسيب والرازى بنات ابتدائي اخر زمن ....
عبدالدائم بالغت ياخ ....
في داعي للحكحيك ده؟ نحن قاعدين بي أدبنا وبيسقونا في الشاي (يشهد الله يظبط الراس) ... خلينا على كدة ما يقوموا يطردونا.
_________ د. سلافا .... إنتي حكاية ذكريات الكسير دي شنو؟ رئيس الجمهورية بتاعك ما بيدخل النيت والا شنو؟ أو يكون زول ليبرالي وما سأل عن شقاوة أيام المدرسة .. ياخي بالجد سلمي لينا عليهو
Post: #21 Title: Re: الخرطوم القديمة بنات....علي مر الدهور والازمنة Author: Solafa Alagib Date: 11-20-2008, 06:48 AM Parent: #20
صباحكم...........سكر
انتا يا عابدون انشاالله يرفع مكانتك يايابا...
محمد ابو العزايم ...ناس القديمة اولاد ديل يقولو العاوزينو(عندنا زميلتن لينا خالا بيقول البت السمحة تعمل الدايراو)اها ناس
القديمة كمان يسووا الدايرنو...رئيس جمهوريتي اريتو رئيس جمهورية البنات لي حدهن...بدخل نت والما بلقاهو بحكي ليهو ....لما اكتب
موضوع لصحيفة هو اول من يطلع وينقد ويثني,والاول كلوووو نور ....بعدين ناس طقت ديل ما زى ناس القديمة...كللللهم راقيين
Post: #22 Title: Re: الخرطوم القديمة بنات....علي مر الدهور والازمنة Author: Solafa Alagib Date: 11-20-2008, 06:51 AM Parent: #21
الاولو نور...كلووو نور
Post: #24 Title: Re: الخرطوم القديمة بنات....علي مر الدهور والازمنة Author: Solafa Alagib Date: 11-20-2008, 10:38 AM Parent: #22
القديمة بنات زى كلية فكتوريافي الاسكندرية ومدارس (الميرديديه)وراهبات الاورمان في القاهرة ,فهى من ارقي المدارس علي مستوى العالم
من ناحية الاتيكيت ,التعامل والتواصل...في بنات القديمة نوع من الشفافية التى يندر وجودها في بقية خريجات المدارس السودانية...هو
نوع من الاشعاع الغريب ...ولا زلت اذكر في بدايات دراستى الجامعية وانا في السنة الثانية او الثالثة تقريبافي احدى الاجازات الصيفية
كنا نذهب لمستشفي الخرطوم للتدريب العملى ,صادفت احدى طالبات طب الجزيرة وملانى احساس غريب اننى اعرفها من قبل والمدهش انها كانت
تحمل نفس الاحساس
Post: #25 Title: Re: الخرطوم القديمة بنات....علي مر الدهور والازمنة Author: Solafa Alagib Date: 11-20-2008, 11:39 AM Parent: #24
بدينا نتكلم وسالتها ساكنة وين قلت يمكن تكون جارتنا في اركويت,سالتنى انتى طالبة وين يمكن اكون برلومتا في الجزيرة,وكل دا ما حاصل
وفي النهاية فجأة قالت لي...انتى قريتي في القديمة قلت ليها ايوة,ضحكت وقالت لي (بس).
انا ما استغربت لما عرفتا انو "سناء جعفر"خريجة القديمة,عشان اصلا بنات القديمة كدا...اوئل في كل شى.
القديمة...شارع 41 وزوغان اخر اليوم(بالذات الخميس قبل الابهات مايجوا)عشان ناكل ايسكريم في (فورتى ون)ومرات مرات عشيري...شارع 15
وعروسات نهايات الاسبوع(دا كان اشهر شارع يضم ارقي كوافيرات واستوديوهات العاصمة لما كانت عاصمة),احلى حاجة كان طعم الزوغة وانت براك
مع الزميلات بس والغريبة الايسكريم دا نفسو مع ناس البيت بيكون طعمو عادى جدا.
كنا اولى حفصة وتانية نازك وتالتة خنساء....يابنات بتذكروا اولى زينب..بناتا كانوا مالم!!!كان عندنا احلى مسرح واجمل ميدان طايرة
الولوفة جداجدا والتى تعودت اعينها علي اللون اللبني فاحبته واحبتنا ...البصات دى كانت لنافيها لحظات ذات لون وطعم ورائحة.اما بصات
فهي تعني عندنا مايفوق التعداد...هي زيارة معرض الخرطوم الدولى والمولد ومصانع المنطقة الصناعية بحري ومعارض المدارس الثانوية
ومن بينها العدوة اللدودة(الجديدة بنات-الخرطوم)...
Post: #26 Title: Re: الخرطوم القديمة بنات....علي مر الدهور والازمنة Author: عبد الدائم سيد أحمد Date: 11-20-2008, 11:51 AM Parent: #1
فضلك .. فضلك .. فضلك سؤال انت تقصدى أ/ نوال محى الدين - اركويت مربع 68
بالنسبة لسناء جعفر هى سافرت لدكتورة منال فى السويد ...
Post: #29 Title: Re: الخرطوم القديمة بنات....علي مر الدهور والازمنة Author: Solafa Alagib Date: 11-20-2008, 01:11 PM Parent: #26
ابدااااااع يا عبدالدايم...ياها ذاتا ولو مشيت قدام شوية بعد البلابل تصل بيتنا
ايميلي عندك؟؟رسل لي ايميل سناء لو سمحت
Post: #28 Title: Re: الخرطوم القديمة بنات....علي مر الدهور والازمنة Author: Ishraga Haimoura Date: 11-20-2008, 12:54 PM Parent: #1
العزيزة سلافة
اها يا بتي نحن ناس الخرطوم الثانوية قبل ما تبقى (القديمة) لأنه الزمن داك ما كان في (الجديدة) قبل ما يبنوا إبن سينا وكانت الحتة دي فاضية ما بتتملي إلا لمن يكون في مظاهرات ويجوا أولاد الجديدة يطلعونا للمظاهرة
في زمننا كان المدير الأستاذ عبد الجبار عبد الهادي وكان في الأستاذ مضوي رحمه الله وأم فصلنا كانت سلمى عابدون كنا سنة أولى 10 فصول غير القسم التجاري الكان فيه الدفعة 3 فصول
لسه كان الفرنسي بيدرسوه في الثانويات ، والخرطوم الثانوية كان فيها نافورة في نص المدرسة وفيها زهور اللوتس (والله جد)
كان فيها ملعب الطائرة والمرسم ومعمل الأحياء ومعمل الفيزياء والكيمياء ،والمكتبة العامرة والضخمة ومليانة كتب قيمة. وفيها غرفة التدبير المنزلي الفيها كل شيء حتى الأفران وماكينات الخياطة.
بس للأسف ما حصلنا زمن بص الخرطوم الثانوية الرمادي الكان من معالم شوارع الخرطوم وكان أمنية كل طالبة في الثانوي العام إنها تركبه وفي زمننا البص كان واقف في حوش المدرسة أثر بس
وبجيكم راجعة للتفاصيل
إشراقة حيمورة - الخرطوم الثانوية دفعة 83-83 (كيتأً على محمد أبو العزائم)
Post: #30 Title: Re: الخرطوم القديمة بنات....علي مر الدهور والازمنة Author: Solafa Alagib Date: 11-20-2008, 01:32 PM Parent: #28
طبعا اشراقة دي بتكون مواليد اواخر السبعينات يامحمد ابو العزايم
والله نور ما عادي ....انا انزل بوست تشرفنى اشراقةحيمورة!!! ..هلا واللا
احنا حضرنا زمن المرحوم استاذ مضوى,والفرنسي كمان ودرستنا(منى كوبانى)القنبلة وحلاة الزول في الطول والعلا..اخت د:كوبانى,
النافورة اتسلطنا عليها لحدى ما عرفنا مكان الماسورة قصاد معمل الكيميا عشان نشغلا بعد ماعمو البستانى يمشي....حضرنا المعامل
Post: #36 Title: Re: الخرطوم القديمة بنات....علي مر الدهور والازمنة Author: نبيلة عبد المطلب Date: 11-20-2008, 02:34 PM Parent: #1
ياسلااااااام يادكتورة على البوست الجميل والذكريات النضرة.. الخرطوم القديمة بنات .. وما أحلاها من ذكريات .. المدخل العتيق الذي كنا نراه مرتين فقط صباحاً عند الدخول .. وظهراعند الخروج.. والنظام والإنضباط في كل شيئ ... أستاذة محاسن جيلاني مديرة المدرسة ذات القسمات الجادة(أين هي الآن ) ؟؟ والنشاط السياسي .. واركان النقاش في غاية الوعي السياسي كل يعرض بضاعته ... الحديقة الغناء الممتدة وأزهار الفل التي كنا نستنشق عبيرها كل صباح قبل التوجه الى الفصول ..اولى زينب ، ثانية بنونة ، ثالثة مهدي .. المرسم .. المعامل ،، معمل للكيمياء وأخرى للفيزياء والأحياء .. الرياضةالاسبوعية .. الخميس والنشاط الثقافي ..جمعية الموسيقى والمسرح .. وحفل الاستقبال السنوي على مسرح المدرسة .. الإذاعة المدرسية ..كنا محظوظين لاننا درسنا في مثل هذه المدرسة العريقة .. شكرا جميلا لك دكتورة سلافة على الذكريات وعلى المبادرة .. ولك تقديري
Post: #37 Title: Re: الخرطوم القديمة بنات....علي مر الدهور والازمنة Author: بلدى يا حبوب Date: 11-20-2008, 02:44 PM Parent: #1
سلافا تحياتى لكل الخرطوم القديمة بنات دفعة 1994 تحياتى
Post: #38 Title: Re: الخرطوم القديمة بنات....علي مر الدهور والازمنة Author: حمد عبد الغفار عمر Date: 11-20-2008, 03:01 PM Parent: #37
دكتورة سلافا
تحية ليك و انت تجترين اعذب الذكريات
ـــــــــــــــــــــــــــــــــــ
هل انت اخت المهندس / يحي العاقب احمد و لا تتطابق اسماء فقط ؟
لو حاصل بالله تلفونو او حسن العاقب
Post: #39 Title: Re: الخرطوم القديمة بنات....علي مر الدهور والازمنة Author: محمد أبوالعزائم أبوالريش Date: 11-21-2008, 00:19 AM Parent: #1
Quote: إشراقة حيمورة - الخرطوم الثانوية دفعة 83-83 (كيتأً على محمد أبو العزائم)
يعني يا إشراقة هسة نفهم إنك إتخرجتي في 83 الأولى واللا التانية؟ .... غايتو جنس جغمسة ..
سلافة ياخ أنا ما حاجز قراصة مع رئيس جمهوريتك ... بكرة الجمعة مافي طريقة فطور بالقراصة دي؟
Post: #40 Title: Re: الخرطوم القديمة بنات....علي مر الدهور والازمنة Author: دينا خالد Date: 11-21-2008, 01:02 AM Parent: #39
مولانا عادل سمير
عارف ... الكلام دا على مسؤلية الراويه ! لقتنا مسطحين وسرحت بينا
اها الاسم دا ( متيلدا) ,,, اصللوا ما سمعتو وكانت طول الوقت بتردد ست انجيل وطلعت مسطحه هى ...
ــــــــــــــــــــ سلافة البوست دا اتملا رجال كدا مالو ؟؟ تكونى كاتبة باب القديمة بنات ؟؟
Post: #41 Title: Re: الخرطوم القديمة بنات....علي مر الدهور والازمنة Author: عبدالله كع Date: 11-21-2008, 01:13 AM Parent: #1
سلام يا ناس القديمه .. زيارة .. ساااااااااااكت !!!!!! لقيت الحنك جيد ودسم عشان ما اطلع زي ما دخلته ... اختي اكبير ه الدفعه 1990 والاصغر مني الدفعه 1994 استمتعو بالدراسه في هذا الصرح التعلمي ..
متابع ...
Post: #43 Title: Re: الخرطوم القديمة بنات....علي مر الدهور والازمنة Author: عابدون محمد عابدون Date: 11-21-2008, 08:09 AM Parent: #1
يادكتورة نحنا جينا للفطور ...
Post: #44 Title: Re: الخرطوم القديمة بنات....علي مر الدهور والازمنة Author: Adel Sameer Tawfiq Date: 11-21-2008, 12:01 PM Parent: #1
د. سلافة !
دي حاجة بسيطة ، كرامة للقديمة بنات !!
Post: #45 Title: Re: الخرطوم القديمة بنات....علي مر الدهور والازمنة Author: عابدون محمد عابدون Date: 11-21-2008, 03:03 PM Parent: #1
والله لكن يامولانا ماقصرت مع الجماعة ابدا ...
Post: #46 Title: Re: الخرطوم القديمة بنات....علي مر الدهور والازمنة Author: محاسن زين العابدين Date: 11-22-2008, 07:38 AM Parent: #45
Quote: القديمة بنات زى كلية فكتوريافي الاسكندرية ومدارس (الميرديديه)وراهبات الاورمان في القاهرة ,فهى من ارقي المدارس علي مستوى العالم
من ناحية الاتيكيت ,التعامل والتواصل...في بنات القديمة نوع من الشفافية التى يندر وجودها في بقية خريجات المدارس السودانية...هو
نوع من الاشعاع الغريب
تعرفوا حبيتكم بشكل والسر كما قلتن في هذا الرباط ومتابعة البوست ...
وما منعني من الدخول إلا زي كلام سمير .. بقوا حبوبات ومالهم ومال الكيبورد .... وزي كلام ابو العزائم.. ونكيشه في الدفع مش كفانا انه سلوى أبو العزائم .... والفيزياء التي اصبحت عصية على يدها وهي تضرب بيد من حديد على كل من تسول له نفسه الهمس او اللفت او ... أو والتجربة في الخرطوم الثانوية .. زي ما قالت إشراقة قبل ما تبقى قديمة ... والله كانت اجد من الجديدة كانت عروس زاهية جميلة غناء ... لا يولج ابوابها إلا المتفوقات ومن يتحصلن على اعلى الدرجات
وإذا سنحت لي الفرصة ساجدثكم عن الكثير المثير ... عندما كان التعليم تعليم ولااهتمام اهتمام
عندما كانت البصات الرمادية الطويلة تنقل الطالبات من بحري وام درمان ومن أحياء الخرطوم المختلفة....
عن الداخليات ... والزوغان لسوق 15 وبقالة فاروق ولم يكن في كل السودان من سيوبرماركت سوى سيوبرماركت فاروق وما عداه كناتين .... أه نسيت الاسم .. ولكنه كان حازما حاذقا بقامته الطويلة وذقنه الذي يملا وجهه وهو يقف بالمرصاد على كل من تسول لها نفسها الزوغان .....
ساجدثكم عن اول اتحاد طلاب تكون بعد مظاهرات شعبان التي اندلعت في جامعة الخرطوم...
حزم الناظر ابراهيم مصطفى وقساوة خديجة مصطفى ....
ومظاهراتنا
وتجربة إحضار 70 فتاة من دارفور بقصد الاختلاط مع سكان الخرطوم
Post: #47 Title: Re: الخرطوم القديمة بنات....علي مر الدهور والازمنة Author: Adel Sameer Tawfiq Date: 11-22-2008, 08:36 AM Parent: #46
Quote: وما منعني من الدخول إلا زي كلام سمير ..بقوا حبوبات
الأخت محاسن..
أنا آسف لم أقصد..
العمر ما قاعد يقيف عند زول..
العتبى ليك و للأخت العزيزة منيرة حمد النيل ضيف الله و لكل خريجات هذا الصرح العظيم..
أنا حأمسح مداخلتي !
Post: #48 Title: Re: الخرطوم القديمة بنات....علي مر الدهور والازمنة Author: Maha Bashir Date: 11-22-2008, 02:17 PM Parent: #47
سلامات يا جماعة كانت عندي مشكلة مع ناس بل كندا و إضطريت أغيرهم و أخدت وقت المهم إدناه مشاركة من حبيبتي وأعز صديقاتي هدي مرضي
سلام يا مها أنا متابعه بوست الخرطوم القديمه وأرجو أن تضيفي المعلومة التالية من ذاكرتي وهو إنه نحنا فى سنة ثالثة القسم الأدبي وكانت الادراة تصبو لإحراز المركز الأول أتو لنا بأستاذة التاريخ العالمة المتمكنه فيه الأستاذة متيلدا فحدث هنا عن إبداعها في تدريس تاريخ السودان وأقسم بالله صادقه لازالت
حيه في ذاكرتي بعض تلك الحصص وبفضل عطائها وعلمها
وغزارة المعلومه وعمق المعرفه التي أعطته لنا تلك المراة القامة العظيمة
حصلنا على أعلي الدرجات ودخلنا أعرق الجامعات ولها فضل في نجاحنا اليوم وأقل جزاء لها أن نذكرها
ونشكرها اليوم وندعو لها أين ما كان مقامها ولكي مني يا أم عادل أبرك الدعاء وعظيم الوفاء
أيضا درستنا في نفس الفتره الأستاذه الفاضله سلوي أبوالعزائم أبوالريش و شاركناها وقتها الأحزان العميقه في وفاة شقيقها العريس وقتها محي الدين. كانت الناظره أنجيل إسحاق فى أول سنه لنا بالمدرسه ثم خلفها الأستاذ الراحل محمد سعيد معروف و كانت الو كيله خديجة عبدالله. فى الخرطوم القديمه بنات يقال الكثير والكثيير وعن أوائل السودان وعن أيام زمان
Post: #49 Title: Re: الخرطوم القديمة بنات....علي مر الدهور والازمنة Author: Maha Bashir Date: 11-22-2008, 02:57 PM Parent: #48
بداية دراستي الابتدائية كانت بمدني مدرية الكورة الابتدائية سنة اولي إبتدائي و أذكر جيدا زميلاتي فتحية أحمد محمد وسنا عبد الرحمن أبوزيد
ثم إنتقلت الي مدرسة بركات الابتدائية سنة ثانية و ثالثة و رابعة وزميلاتي و صديقاتي الي الان أيمان نور الهدي , أمال نور الهدي, ماجدة محمود محمد علي هدي عبد الوهاب ابراهيم سليمان, إلهام محمد عمر أحمد, سلوي حسن متوكل رجاء عوض الياس, إخلاص بشير, منال سليمان بخيت, سوزان عبد الرحمن طه ,حنان دبورة , خالدة محي الدين عبد اللطيف سناء علي السماني, مني جاد الله, جميلة محمد عباس, فايزه محمد عباس, سوسن عبد المجيد عبد الرحيم هويدا عبد المجيد عبد الرحيم, عفاف عبد القادر قسومة, حنان يوسف عبيد, نفيسة محمد عبد الماجد سامية عبد الرحيم محمودو رباب عباس عبادي, مني عباس سعيدو مها جمال المبارك ومد رستنا الجميلة عليها رحمة الله ستنا عمر عبد اللطيف وعلي مر السنين إلتقيت بأعداد منهن فتحية لكل من زاملت....
ثم إنتقلت الي الخرطوم غرب الابتدائية... و الخرطوم غرب اٌلإبتدئية ياأستاذ عبد الدائم بتقع غرب شارع الحرية و تاني شارع علي شمالك قبل ما تصل كبري الحرية و مقابلة المخبر الحديث و دا كان ببيع احلي بسبوسة في الدنيا... المهم أنا كنت ساكنة في المقرن خلف السفارة المصرية وبمشي المدرسة "كدر"بالرغم من البعد الطريق المختصر كان بيمر بإشلاق البوليس والمشوار للمدرسة كان بصحبة زميلتي خديجة و بنمر علي زميلاتنا في عمارة المعهد الفني... سامية رباح و فاطمة مصطفي وبعد كدي بنمر بجوار سنما غرب ثم مدرسة المقرن الثانوية العليا بنين و بنعبر شارع علي عبد اللطيف ومنه الي ان نصل شارع الحرية ثم الي المدرسة حأجي راجعة و أكتب عن الخرطوم غرب... تحياتي للجميع مها
Post: #50 Title: Re: الخرطوم القديمة بنات....علي مر الدهور والازمنة Author: Adel Sameer Tawfiq Date: 11-22-2008, 07:10 PM Parent: #48
Quote:
Quote: سلام يا مها أنا متابعه بوست الخرطوم القديمه وأرجو أن تضيفي المعلومة التالية من ذاكرتي وهو إنه نحنا فى سنة ثالثة القسم الأدبي وكانت الادراة تصبو لإحراز المركز الأول أتو لنا بأستاذة التاريخ العالمة المتمكنه فيه الأستاذة متيلدا فحدث هنا عن إبداعها في تدريس تاريخ السودان وأقسم بالله صادقه لازالت
حيه في ذاكرتي بعض تلك الحصص وبفضل عطائها وعلمها
وغزارة المعلومه وعمق المعرفه التي أعطته لنا تلك المراة القامة العظيمة
حصلنا على أعلي الدرجات ودخلنا أعرق الجامعات ولها فضل في نجاحنا اليوم وأقل جزاء لها أن نذكرها
ونشكرها اليوم وندعو لها أين ما كان مقامها ولكي مني يا أم عادل أبرك الدعاء وعظيم الوفاء
الأخت العزيزة هدي مرضي
الأخت العزيزة مها بشير..
الوفاء لأهل الوفاء..
أها أنا عادل ظــــااااطو !!
Post: #51 Title: Re: الخرطوم القديمة بنات....علي مر الدهور والازمنة Author: محمد أبوالعزائم أبوالريش Date: 11-22-2008, 11:02 PM Parent: #1
الأخت مها .... لك التحية ... وعبرك لصديقتك هدى المرضي.
Quote: أيضا درستنا في نفس الفتره الأستاذه الفاضله سلوي أبوالعزائم أبوالريش و شاركناها وقتها الأحزان العميقه في وفاة شقيقها العريس وقتها محي الدين. كانت الناظره أنجيل إسحاق فى أول سنه لنا بالمدرسه ثم خلفها الأستاذ الراحل محمد سعيد معروف و كانت الو كيله خديجة عبدالله. فى الخرطوم القديمه بنات يقال الكثير والكثيير وعن أوائل السودان وعن أيام زمان
رغم أنك كما ذكرتي كنتي في المساق الأدبي .... إلاّ أنك تذكري حتى الآن أستاذتك سلوى ..... وأبعد من ذلك تذكري اسم شقيقها المتوفي .... لك عميق الشكر نيابةً عن سلوى لوفائك.
Post: #52 Title: Re: الخرطوم القديمة بنات....علي مر الدهور والازمنة Author: Maha Bashir Date: 11-23-2008, 00:10 AM Parent: #51
مساء الخير يا جماعة رسالة تانية من هدي مرضي
أيوه يا دينا خالد الخرطوم القديمه بنات كان فيها داخليات ممتازه و الحصل لمن دفعتنا دخلت سنه أولى كان فيها مجموعه كبيره من بنات العيلفون حوالى ٣٥ بنت ولبعد مسافة موطنهم كانت إقامتهم الدائمه فى الداخلية وأذكر منهم عليه و هاجر وسميه. وكان دخول هذا العدد فى دفعه واحده حدث جلل إهتزت له المدرسه ومن قبلها وزارة التربية والتعليم خاصة وأنه لم يسبق من قبل أن دخل منهن يمكن إلا النفر القليل. بدأ العام الدرأسي وبدأت الدراسه الكاربه والعصر الأكاديمي و الاختبارات الشهريه المتحديه. وهنا كان المحك وظهر للاداره جليا عدم قدرة مواكبة هذه المجموعة وضعف الأداء الأكاديمي الشديد. هنا بدات الادارة التحريات اللازمه لينجلي الأمر. فأقرت المجموعه بأنه طوال فترة أدائهم لإمتحانات الثانويه العامه كانت مراقبتهم في الامتحان هى أم فصلهم ست علوية وكانوا يؤدون الامتحان فى عقر دارهم , مدرستهم وفصلهم و لتمام الناقصه كانت ست علويه تحل لهم أسئلة كل الامتحانات فى السبوره والمجموعه تنقل بى كربون. سارعت الوزارة بمراجعة أوراق جميع المواد لكل المجموعة وجأت نتيجة التحقيق بإثبات الغش وتطابق كل الإجابات بالنص. عندها أصدرت الوزارة بالفصل الفوري لكل طالبات مدرسة العيلفون اللآئي أجحفت ست علوية فى حقهم ولم تعدل معهم. عم الخبر القرى والحضر وكتبت الجرايد وقامت الدنيا ولم تقعد. عادت المجموعه ومعها صديقاتنا هاجر وعلية و سمية وأغلقت الداخليات من ذلك الوقت ولم تفتح مرة أخرى طوال مدتنا في المدرسه ولا حتى بعد تخرجنا. ويا دينا خالد هذا كان ختام عهد داخليات
Post: #53 Title: Re: الخرطوم القديمة بنات....علي مر الدهور والازمنة Author: Maha Bashir Date: 11-23-2008, 00:18 AM Parent: #51
الاستاذ محمد الوالعزايم تحيات طيبات و لست سلوي أجمل و أرق تحية هدي مرضي بترد علي مداخلتك القلت فيها
Quote: أيضا درستنا في نفس الفتره الأستاذه الفاضله سلوي أبوالعزائم أبوالريش و شاركناها وقتها الأحزان العميقه في وفاة شقيقها العريس وقتها محي الدين. كانت الناظره أنجيل إسحاق فى أول سنه لنا بالمدرسه ثم خلفها الأستاذ الراحل محمد سعيد معروف و كانت الو كيله خديجة عبدالله. فى الخرطوم القديمه بنات يقال الكثير والكثيير وعن أوائل السودان وعن أيام زمان
رغم أنك كما ذكرتي كنتي في المساق الأدبي .... إلاّ أنك تذكري حتى الآن أستاذتك سلوى ..... وأبعد من ذلك تذكري اسم شقيقها المتوفي .... لك عميق الشكر نيابةً عن سلوى لوفائك
Ya Maha, Could you please respond to Moh. Abu Alreesh and say that Salwa tought us Physics in the second year and at that time we used to choose the academic direction Art or Science on the third year and that when I choose the Art. But Salwa tought us in the second year.
Huda
Post: #54 Title: Re: الخرطوم القديمة بنات....علي مر الدهور والازمنة Author: Al-Mansour Jaafar Date: 11-23-2008, 06:13 AM Parent: #1
Khadija AbdAlalh Muhammad Salih
Khadija AbdAlalh Muhammad Salih
Khadija AbdAlalh Muhammad Salih
Khadija AbdAlalh Muhammad Salih
Post: #55 Title: Re: الخرطوم القديمة بنات....علي مر الدهور والازمنة Author: Al-Mansour Jaafar Date: 11-23-2008, 06:18 AM Parent: #1
Khadija AbdAlalh Muhammad Salih
Khadija AbdAlalh Muhammad Salih
Khadija AbdAlalh Muhammad Salih
Khadija AbdAlalh Muhammad Salih
Post: #56 Title: Re: الخرطوم القديمة بنات....علي مر الدهور والازمنة Author: Solafa Alagib Date: 11-23-2008, 07:33 AM Parent: #55
من اريج نسمات الشمال....صباحكم حلو اللون والطعم والرائحة
- تسلم يابن سمير توفيق وابلةانجيل...بعدين والله قلبتا الهوبة في هديتك دي عديل كدا..بس انشاالله جبتا زول(يقشر)لينا الخروف دا
يا مولانا والله انتا اخونا وابونا وحبيبنا كمان ولاعاش من يزعلك كل الحكاية مجرد دردشة من استاذة محاسن زين العابدين ...فلا تحرمونا
طلتكم البهية.
- نبيلة عبدالمطلب..صباحك نور معانا دايما وانتى تستعيدي ذكرياتك معنا والتى هي ملح الحياة الذى يعطيها في كل مرة طعما مختلفا.
- اهلا يا بلدي يا حبوب...شكرا شكرا علي التحية.
- اخي حمد عبدالغفار عمر ..اهلا بحضورك ...انتو ياخوانى الرجال ديل جو ببطاقات ولا غافلو الغفير...ابدا والله مجرد تشابه اسماء
انا اخوانى ..سامح 3 قانون القاهرة الام,ميدو"احمد"تانيةتجارة النيلين.
- ماكانش يتعز يامحمدابو العزايم الجمعة كان يوم المحشي ..اجازة وكدا.
-عبدالله كع...(هئهئهئ)المعني يعني انتا جاي مع اخياتك ..عموما والله اكان تقعد وتشرب شاي كمان.
- عابدون.......جاي في الزمن الضايع مالك ياخي ,لكن ما مشكلة برسل ليك مسج قراصة ومس كول دمعة .
= استاذة محاسن زين العابدين...الزيك ديل نخلي ليهم المقاعد الامامية ونديهم الميكرفون هم يتحدثوا واحنا بس نصفق...شكرا علي المرور
والمشاركة وفي انتظار المزيد.
- مها بشير\هدي مرضي مامون.....
احلى الاوقات ...والقديمة بنات...في حضرة الذكريات لانملك سوى الاستماع والاستمتاع...
Post: #57 Title: Re: الخرطوم القديمة بنات....علي مر الدهور والازمنة Author: Solafa Alagib Date: 11-23-2008, 07:53 AM Parent: #56
كنا بنات (محاسن جيلاني)الغنية عن التعريف...وللاسف ضاع من الذاكرة الكسولة اسم الوكيلة والتي كانت في زمن سهير اختي التي تكبرني
هي الاستاذةالحنونة ذات الصوت الهامس(فاطمة شوقي )التي تقطن في شارع 27 علي مااذكر وهي والدة سناء محمدعلي نديم.
من ورا حصة المكتبة اصبحنا (مثقفين)...اي نعم الامر ماكان بيخلو من رواية روايتين (عبير)في نص كتاب المكتبة او في حصةاستاذ(محمد
الحسن)استاذ التربية الاسلامية المسالم ...(فهيم)استاذ الرياضيات المصري و(بتؤلو إيه)..للاسف لم نحضر زمن محمد عطية فلتة الرياضيات
في ذلك الزمان...في الانجليزى كانت استاذة(اعراف)الصعبة..الغريبة كانت صحبتي,وكانت دى اول واخر مرة اقابل فيها زول باسم السورة
القرانية دي...هييييه ايام والله.
في تانيه نازك درستنا انجليزي ابلة (خديجة)اللذيذة ,وكنتا بتعمد انو امي تشرح لي الجابتر اللاحق من (ريبيكا)عشان اكون متابعة في
الحصة من شدة حبي ليها وللانجليزي.التاريخ واستاذة(سهير بخاري)رحمها الله والتى كانت دفعة والدتى في الابيض الثانوية وهي من سعاتة
بخاري في شمال كردفان ...يعنى من (اندينا)
Post: #58 Title: Re: الخرطوم القديمة بنات....علي مر الدهور والازمنة Author: Al-Mansour Jaafar Date: 11-23-2008, 08:20 AM Parent: #1
القارئي الكريم
لعناية الدكتورة والأديبة سلافة العاقب 1994
الإحترام
السلام عليكم ورحمة الله
خبرتني الأناشيد عن بنات أذكر أبائهن بكل خير قالت(, سوزان عبد الرحمن علي طه , حنان يوسف عبيد, اهي أخت الشهيد طه يوسف عبيد فعال الحزب الإشتراكي العربي الناصري في السودان وشهيد إنتفاضة ذ980 كذلك سامية عبد الرحيم محمود (الأديبة بت المحافظى مرتين) وهم بنات أديبات أستاذات مؤدبات حفظهن الله لأبناهئن.
بعدين يا دكتورة سلافة إنتي من الأبيض وانا أقول التهذيب والأدب الجميل ده من وين؟ شي لله يا سيدنا إسماعيل الولي وكان مرقتي لأزحف نمرق معاك لـ(ص) ذاته، بس قولي لي موقفك من قضية المهمشين في السودان؟:
معليش لكن كان ما عاوزه تجاوبي السؤال نطيه.
سلمك الله وانت تقدمين الصحة إلى السودان.
ولك التقدير والإحترام
Post: #59 Title: Re: الخرطوم القديمة بنات....علي مر الدهور والازمنة Author: Solafa Alagib Date: 11-23-2008, 08:50 AM Parent: #58
المنصور ...صباحك نور
انتا اخو اناهيد جعفر محمد علي بخيت...ناس بخيت حبة الفي الابيض؟؟
كلامك الجميل ووصفك المتقن يدل علي خلفية اديب وقارئ مقدر...اتمنى ان تجد اجوبة علي اسئلتك من الاخوات الكريمات او زميلاتهن.
الابيض دي محل الذوق والفهم والرقي والعراقة لكن للاسف الشديد لم ازرها مرة في حياتي برغم من ان والدتى درست فيها(الابيض الثانوية)
وعملت فيها في تدريس اللغة الانجليزية وسكنت في بيت اهلها في(فلسطين),ووالدى سكن في بيت عمته في القبة(والقبة اوروبا).
المداخلة الجاية هديةمنى ليك عن الابيض الثانوية بنات.
المهمشين ديل اصلا الاطباء في السودان منغير ذوى الانتماء السياسي والحمدلله اتعدينا مرحلة التهميش لمرحلة ذوى الحاجات الخاصة.
Post: #60 Title: Re: الخرطوم القديمة بنات....علي مر الدهور والازمنة Author: ممدوح عثمان Date: 11-23-2008, 08:58 AM Parent: #58
الدكتورة سلافا العاقب
تأخرنا في الحضور لبوستكم الجميل
والتحيه لك ولك خريجات الخرطوم القديمة
ولا شك أن ذكريات الجنس اللطيف مشوقة أكثر ..
فلا تحرمونا من هذه الذكريات الجميلة
وشكرا ليك لرفع بوستنا بهناك ..
Post: #66 Title: Re: الخرطوم القديمة بنات....علي مر الدهور والازمنة Author: Maha Bashir Date: 11-23-2008, 12:20 PM Parent: #58
صباح الخير بمواعيد كنداالساعة 6 صباحا
استاذي المنصور تحيةو إحترام
Quote: خبرتني الأناشيد عن بنات أذكر أبائهن بكل خير قالت(, سوزان عبد الرحمن علي طه , حنان يوسف عبيد, اهي أخت الشهيد طه يوسف عبيد فعال الحزب الإشتراكي العربي الناصري في السودان وشهيد إنتفاضة ذ980 كذلك سامية عبد الرحيم محمود (الأديبة بت المحافظى مرتين) وهم بنات أديبات أستاذات مؤدبات حفظهن الله لأبناهئن.
ياخي أنا سعيدة جدا إنك إتعرفت علي زينة البنات و أنا فعلا قصدت ذكر الاسماء لعلمي إن الدنيا صغيرة سوزان عبد الرحمن طه أخت شبلوف حنان يوسف عبيد هي شقيقة الشهيد طه عليه الرحمة د.سامية عبد الرحيم محمود هي بت المحافظ مرتين وأمال نور الهدي هي آمال النور الفنانة جدا في بركات كانت العلاقات ليست فقط في المدرسة فكانت معرفة كل الاسر ببعضها البعض ولا أخفي عليك مازلنا نحتفط بعلاقاتنا كأسر الي زمننا الحاضر في شهر فبراير كنت في الخرطوم و أبغلتني أختي أيمان النور بتنظيمها هي و بعض الاصدقاء القدامي إجتماع لكل ناس بركات القدامي في نادي الشرطة لسؤ الحظ لم أتمكن من الذهاب لكن علمت منها إنه كان مثمر و بإذن الله في المرات القادمة سوف أحرص علي الذهاب عندي تواجدي في السودان
و إذا كنت أخو أناهيد زي ما سألتك سلافا فانا زاملت أناهيد في الخرطوم غرب بس هي كانت زراي بدفعة فتحية لأناهيد و إن شاء الله هي في أحسن حال...و إذا ماكنت أخو أناهيد فمرحب بيك أخو لينا
تحياتي مرة أخري أخوي المنصور
مهابشير
Post: #67 Title: Re: الخرطوم القديمة بنات....علي مر الدهور والازمنة Author: Maha Bashir Date: 11-23-2008, 12:21 PM Parent: #58
الخرطوم غرب الابتدائية كانت أزهي وأجمل فترة بالنسة لي أولا المدرسة درس بها كل بنات الخرطوم و كان بدرس فيها أحسن المدرسات فمدرساتي سميرة حسن عبد الله كرار و نعمات طلسم أخت البلابل الاكبر منهمأجمل النساء علي الاطلاق و الزميلات و الحبيبات و الصديقات ياسلام بدأت صداقتي أنا و هدي من الخرطوم غرب و أيضا حبيبتنا المرحومة نازك محجوب عثمان عليهاألف رحمة و نور إيمان أحمد المصطفي" الفنان" زينات علي بركات بنت عمها" عالية حسن عبد الله كرار, ماجدة وتاتا محمد طاهر" بنات سوبا" سامية مجذوب رباح, فاطمة مصطفي, أماني هارون العوض, نانا بشير محمد علي,سامية عبد القادر نابري, منجدة المغربي اناهيد جعفر محمد علي بخيت, هدي منصور" نبيلة ودينا سعد الحكيم, أم أيمن عبد المتعال, أها ياناس في الوقت داك أختكم كانت بطلة الجمهورية لسباحة المسافات القصيرة لتحت عمر 14 سنة و أنا كنت في عمر ال10 و11 سنةنادي الهلال و أنا هلالابييييييييه كبيرة كنت بنافس مع ناس سارة جاد الله و أمنية طنطاوي ودينا ميرغني و كنت بطلة الجمهورية مرتين و أصلي ما أخدت غير ميدالية ذهبية و كنت بلعب تنس في إتحاد التنس ...لما أكون بتدرب كان دايما صديقس مرتضي السنوسي بيجي برضو يلعب كان دايما يشاغلني و يكورك لي من الشارع و أنا أكون قدام الحيطة بتدرب يناديني قطر كريمة وعرفت إنهاتسميو عشان أنا كنت سباحة كنت عضو فعال و أول مجموعة قامت علينا الكشافة البحرية.... وفي معسكر الطشافة البحرية في غابة السنط بالخرطوم لتنصيب نميري الكشاف الاعظم وقعت من الشجرة كسرت يدي وفي إحتفالات البلاد بأعياد مايو كان في إحتفال كبير في شارغ النيل المهم من الكشافة عملنا إنزال من الهليكوبتر في النيل أمام الوزارات و بتذكر كان معاي ونطينا من الهليكوبتر في النيل عصام أبارو التحية لكل من مر بهنا و لكل من مر علي ذاكرتي غايتو الحاجات إتشبكت كلها مع بعض لكن خلي أي زول يجي يقول لي سدنة و الكلمة التانية البقولها في المنبر دي
تاني بجي راجعة تحياتي ومودتي للكل مها
Post: #61 Title: Re: الخرطوم القديمة بنات....علي مر الدهور والازمنة Author: محمد أبوالعزائم أبوالريش Date: 11-23-2008, 09:02 AM Parent: #1
مها بشير .... أجمل التحايا ..
هدى المرضي .. كلامك صحيح، ويمكن كانت نفس الفترة بتاعتنا لما الطالب يحدد إتجاهو بعد السنة التانية. تسلمي.
د. سلافا ..... واحد يطلبوا منو قراصة يقول ده يوم المحشي؟ دا كلام يا عبدالمعطي؟ غايتو برضو ما بنعفيك، وبرضو منتظرين تكلمينا يوم القراصة، والاّ لازم نجيب خروفنا زي مولانا؟
Post: #62 Title: Re: الخرطوم القديمة بنات....علي مر الدهور والازمنة Author: Solafa Alagib Date: 11-23-2008, 09:13 AM Parent: #61
ممدوح عثمان صحي متاخر لكن اهلا بيك ,البوست داك رفعناهو عشان ندعم من اواصر العلاقة الازلية بيناتنا(كلام وزرا مش)..مرحب بيكز
محمد ابوالعزايم ...جري ايه يا(عومر)الاسبوع دا مامرتب في انواع اكلو عشان نحصل علي كل الفائدة الغذائية (دى طبعا خلفية طبية
وكدا)...مولانا عادل دا بخروفو وبي ظروفو اياهو تاج راسنا وولد ناظرتنا وناظرة امهاتنا والعين ما بتعلي علي الحاجب
Post: #63 Title: Re: الخرطوم القديمة بنات....علي مر الدهور والازمنة Author: Solafa Alagib Date: 11-23-2008, 09:18 AM Parent: #62
الهدية دي للمنصور جعفر في رحاب الأبيض الثانوية بنات د. سلافا العاقب
نلقي وين طيبة أهلنا... او وطن يشبه وطنا... نحنا والا ظلمنا روحنا.. لما هاجرنا ورحلنا.. الزمان.. 1963 وما تلاها لثلاثة اعوام.. المكان.. الديار البعيدة.. الرمال الطيبة.. النفوس السمحة.. البيوت الحنونة كما الامهات. هناك في أقصى اقاصي شمال كردفان في منطقة (أم شرو) جاء عم (ابراهيم ميرغني) صاحب الكنتين ومالك الراديو الوحيد في كل المنطقة.. جاء مهرولاً ليخبرنى بقرب موعد اعلان الطلاب الناجحين للمرحلة الثانوية بعد انهاء مدة الأربع سنوات في الأولية وتليها أربع اخرى في الوسطى والتي تنقلنا فيها بين ربوع النهود وام روابة.. تقاطرت الوفود الصغيرة نحو دكان (عم ابراهيم) حوالي السابعة والنصف مساء.. كنا أنا وأمي وثلة من جيران احياء هم للأهل أقرب منهم للجيرة.. كانت المؤازرة قوية فأنا وحيدة أمي ويتيمة وفوق كل ذلك متفوقة تشهد لي بذلك معلماتي طوالي السنين الماضية. حلقنا حول جهاز الراديو وموجات اذاعة ام درمان فى ذلك الزمان عزيزة غالية تأتى فى حين فنسمعها بوضوح وتذهب بعيدا فى احايين اخرى فنسمع رنين الصمت فى ذلك المكان البعيد. على ضوء لمبة جاز صغيرة يهتز ضوؤها مع كل نسمة هواء ونحن جلوس على رمال تحكى بساطة الوضع من حولنا اذا بى اسمع اسمى فى الترتيب154 على مستوى السودان من بين خمس آلاف طالب وطالبة هم جملة الناجحين للمرحلة الثانوية!! ضج الجمع البسيط العدد الضخم المشاعر القوى الترابط .. فرح الجميع... فأنا ابنة الجميع واخت الجميع وكل منهم يحس ان هذا النجاح فى بيته هو ... عم ابراهيم... باحساس ابوى كامل قام بتوزيع الحلوى والبلح على الحضور الذى تحلقوا حولى انا وامى وكنت فى ذلك الاثناء تملؤنى الفرحة والرهبة... نعم كنت فرحة لنجاحى ثم اننى كنت متهيبة لما بعد ذلك النجاح!! تم قبولى بمدرسة الابيض الثانوية بنات – يافرحتى يافرحتى- وهى واحدة من مدارس ثانوية للبنات التي تعد بالعدد... الخرطوم الثانوية... مدنى الثانوية... الفاشر الثانوية ثم ام درمان الثانوية بدأنا رحلة الذهاب الى المدرسة على متن لورى يخوض فى الرمال خوضا يتهادى من(سودرى) فى اقصى شمال كردفان قاصدا مدينة الابيض فى وسط ذلك الشمال... ووصلنا الى بوابة مدرسة الابيض الثانوية حوالى الاربعين طالبة من داخل وخارج كردفان فهي من المدارس القومية آنذاك.. وقفنا على باب المدرسة الواسعة الممتدة الأطراف بكل ما في الكلمة من معنى.. مقاول المدرسة في ذلك الزمان هو محمد الحسن عبدالله يس الذي يبدو وكأنه قد قام بتسوير كل المساحة التي وجدها ثم بنى بداخلها الفصول والداخليات وغرف النشاط حتى اننا في مقبل أيامنا في المدرسة كنا نتحرك من الفصول الى الداخلية أو السفرة بالباص!!! نعم بباص المدرسة وسائقه (عوض عبد الرحمن) ذلك الشاب الخلوق الهادئ جداً من منطقة حمرة الوز. بالمدرسة ثمانية فصول ونهران من أولى حتى رابعة وتحضرني هنا المقولة الشهيرة في تلك الأيام (صحبة البنات.. أربع سنوات) أي أنها تنتهي بنهاية المرحلة الدراسية الآنية. الفصول أولى حواء وأولى بلقيس.. ثانية جان دارك وثانية الخنساء.. ثالثة مهيرة ورابعة نازك. الداخليات اربع.. بكل داخلية جناحان وبكل جناح عنبران وفي العنبر الواحد كنا بين ثماني الى عشر طالبات من مختلف مناطق السودان. بعد أن تسلمنا سريراً ومرتبة لكل منا تلفتنا لنتعرف على بعضنا البعض.. فكانت عائشة من العباسية تقلي وكنا نطلق عليها (بسمة الأيام) فالشاهد أني لم أراها طوال سنوات الدراسة الاربع الا وهي ضاحكة ومبتسمة.. وبنات الريح السنهوري عفاف وإقبال وبنات التني آمال في الدفعة التي تسبقها وسيدة في دفعتنا.. زينب مكي الفحيل.. نفيسة نمر عبدالكريم.. بنات ابو كشوة سعاد في الدفعة التي تسبقنا وسيدة وآمال ومناهل في دفعتنا.. من كبكابية طيبة أبلورة احمداي.. من الفاشر زهرة آدم وآسيا ومن الابيض الكناني وأم بشاير آدم وأم بشاير يوسف.. وبنات موسى سعيد ومنهن عائشة موسى سعيد زوجة الراحل د. محمد عبدالحي وبتول احمد محمود (بتول الفيل) شقيقة الدبلوماسي عشاري احمد محمود.. وعائشة مصطفى النعيمة.. وغيرهن الكثيرات الكثيرات وانا الآن ارثي ذاكرتي الخربة التي جعلتني انسى بعض الاسماء وان لم انس الشخصيات ابداً. مدير المدرسة قبطي هو الأستاذ (أنور تَّوس) له خمس بنات وولد كنا نعرفه كلنا في المدرسة (رمسيس) الصغير.. أو الذي كان صغيراً.. في اللغة الانجليزية استاذ (شبَّور) وهو من أسرة شهيرة في الأبيض ثم أستاذ محمد الحسن الشيخ استاذ اللغة العربية وأستاذ تارسيسيو أحمد مرجان في الرياضيات وأبله (جورجيت) في التدبير المنزلي وأبلة (ماتيلدا) في الخياطة.. حتى يتم إعدادنا إعدادا متكاملاً لنؤدي الدور المرجو منا في الحياة داخل وخارج المنزل.. ففي داخل الأبيض الثانوية بنات تعلمنا تطريز الملاءات والفوط وتعلمنا عمل البيض الاسكلتدني والكيكة الاسفنجية وأظن ان هذا هو المكان المناسب لذلك اهم شخصية في المدرسة بالنسبة إلينا.. ألا وهو (عم عبد الرحمن الدنقلاوي رئيس السفرة).. وما ادراك ما السفرة.. هي عدس ليس كأي عدس وهي فول ليس كأي فول وهي كسرة بملاح أم رقيقة يوم الاربعاء من كل أسبوع (ندك) لها الحصتين الاخيرتين للحصول على أكبر كمية ممكنة من الكسرة.. وهي كوب لبن يومياً مع وجبة العشاء.. لبن ابقار مزرعة الخواجة (كرياكو) وهو اغريقي على ما اظن وما أكثرهم في السودان في ذلك الزمن الجميل.. مزرعة (كرياكو) بحجم الحي.. أبقاره ترعى أعشاباً طبيعية نضرة فتنتج ألباناً خالية من النزفية والجنون وكان (كرياكو) أيضا مسؤولاً عن جلب بقايا الغذاءات للمدرسة وكان يأتي اسبوعياً بشبه عربة تسمع صوتها منذ ان تبدأ التحرك من المزرعة حتى لتخالها تمشي على الحديد فقط بدون (كاوتش) لساتك.. ومن المناظر التي لا أنساها مهما تقادم عليها الزمان منظر (رمسيس) ابن الناظر وهو يقف أمام باب منزلهم في أقصى شمال المدرسة حاملاً سطل اللبن وما أن تبدأ العربة في التحرك استعداداً للخروج حتى ينطلق كالرمح لملاقاتها قرب البوابة لاستلاهم حصتهم من البن. كانت أياماً لها لون وطعهم ورائحة.. ومن البرامج الثابتة في المدرسة كان الذهاب للسينما كل أسبوعين.. داخليتان في كل منهما بعد قيام الناظر باختيار الأفلام بعناية فائقة لتحقق الاهداف التعليمية والتثقيفية المرجوة.. ألم أقل لكم أنه كان يتم إعدادنا إعداداً متكاملاً!!. كنا نستقل بص المدرسة وحين نصل للسينما وفي البوابة يصمت الجميع فبنات الثانوية اليوم في السينما ويتم إيقاف إدخال المشاهدين حتى ندخل لكنا في هدوء للمكان المخصص لنا وذلك لضمان عدم تعرضنا لأي نوع من المضايقة.. وما أقلها في ذلك الزمان.. وقد شاهدنا روائع الأدب العالمي في حينها. كان الخروج من المدرسة بالنسبة لبنات الداخلية يتم وفق إجراءات دقيقة وصارمة تفوق إجراءات الدخول للبيت الأبيض او قصر باكنغهام.. فالخروج يكون بإذن مسبق للاقارب من الدرجة الأولى فقط كالخالة المباشرة أو العم المباشر مع إبراز إثبات شخصية ساري ويا لها من محافظة وحرص وضمير يقظ من كل القائمين على أمرنا داخل المدرسة. من دواعي متعتنا طوال سني الدراسة كانت النشاطات الثقافية ومن أهمها معرض آخر السنة والذي كان فرصة لنا جميعاً.. الطالبات اعني.. لإبراز ابداعاتنا في كل المجالات وكان جميع من في الأبيض ينتظر هذا المعرض كل عام مثل سباق (سكّوت Sckote) الدولي كل عام في المملكة المتحدة فنظهر أفضل ما تعلمناه من كيمياء وفنون وتدبير منزلي.. فتزدان المدرسة بأجمل ما لديها لذلك اليوم والذي نبدأ استعدادنا له قبل فترة طويلة. وأذكر أن الناظر كان قد حدد عدد خمس تذاكر فقط لطلاب مدرسة النهضة الثانوية ليكون دخولهم متوازناً مع البقية وحتى لا يبدو الأمر وكأنه رحلة مدرسية لطلاب الثانوية ولكنهم في نوع من التحايل اللطيف استطاعوا وعن طريقه رفع التذاكر من فوق سور المدرسة لبعضهم البعض.. استطاعوا ادخال كل طلاب المدرسة في ذلك اليوم. كانت الجمعية الأدبية هي تلفزيوننا وإذاعتنا وقناتنا الفضائية في ذلك الوقت.. وكل طالبات تلك المرحلة تحضرهن تلك الاهزوجة التي تهجو (علم الرياضيات) المعقد بالنسبة الينا استعانة بـ(أم بشاير) التي كانت من النوابغ المشهود لهن في تلك المادة وأبلة (مارسيل) واستاذ (عبد الموجود) وأستاذ تارسيسيو سابق الذكر.. بحلف (بأم بشاير) و(مارسيل) و(الدواير) و(موجود) و(الوتر) لو حصلت مشاكل او ظهرت طوارئ... (تارسيسو) الحكم.. يا مسيخ يا (أب براجل) يا كريه يا (أب مناقل) كترت السهر.. وسهري ياهو الباقي لي من حل المسائل احسن ابقى تاجر وأبيع البصل.. وبصلي ياهو الباقي لي كنا نأتي في بداية كل عام دراسي ونحن حوال اربعين طالبة من الخارجية ومثلهن في الداخلية وكما ذكرت كما من مختلف الانحاء والاصقاع.. ومن أشهر زميلات تلك الحقبة.. بنات الجبال الشرقية.. العباسية تقلي وابوجبيهة وما حواها.. فكان اللوري يأتي محملاً بالطالبات وبكراتين الفواكه من مانجو وقريب فروت طازجة خالية من السماد ومن كل ما قد يقلل من طعمها اللذيذ ونكهتها المنعشة التي تجعل جميع الموجودين بالمدرسة يعرفون ان (لوري) بنات الجبال الشرقية قد أتى. يقف اللوري في منتصف ساحة المدرسة ويبدأ في انزال (الكراتين) لتأخذ كل داخلية كفايتها من الفواكه مجاناً دون توزيع او حتى اشراف من صاحبات الحاجة.. قول للزمان ارجع يا زمان كما تقول السيدة (ام كلثوم).. انها الأبيض التي أراها في حياتي مطلقاً.. الأبيض المدينة والأبيض الثانوية هي فقط قطفات من حكايا أمي.. الحاجة (آمنة محمد علي التوم) الشهيرة بـ(آمنة مركز) اطال الله عمرها الى (جنى الجنى) كما يقولون واتم عليها صحتها.
Post: #64 Title: Re: الخرطوم القديمة بنات....علي مر الدهور والازمنة Author: محمد أبوالعزائم أبوالريش Date: 11-23-2008, 10:52 AM Parent: #1
د. سلافا وجميع القديماب ..... إتضح إنو البوست بتاعكم ده إتأخر أربعة شهور. لأني عرف في هذه اللحظة إنو في يوليو الماضي إحتفلت المدرسة بعيدها الخمسين.
كل عام والجميع بخير
Post: #65 Title: Re: الخرطوم القديمة بنات....علي مر الدهور والازمنة Author: Solafa Alagib Date: 11-23-2008, 11:52 AM Parent: #64
شكرا يامحمد ابو العزايم علي التنبيه الجميل والقديمة في قلوبنا حتي لو تمت سبعة الآف سنة(الحضارة الفرعونية)
Post: #68 Title: Re: الخرطوم القديمة بنات....علي مر الدهور والازمنة Author: محمد عبدالمنعم التلب Date: 11-23-2008, 12:29 PM Parent: #65
اجبرتنا زيارت د. سلافا الرشيقه لمنبر مدرسة الخرطوم القديمه بنين لرد الزياره ولاسباب اخرى اوردها فيما يلى:
نشأت توأمه روحيه بين المدرستين ابان الدوره المدرسيه كان نتاجها وقوف كل مدرسه مع الاخرى بالتشجيع الداوى مما كان له عظيم الاثر فى نتائج كل من المدرستين(79_82).
درسنا بالكورس الصيفى الاعدادى لامتحانات الشهاده السودانيه فى ذلك الزمان بمدرسة وادى سيدنا بامدرمان مع مجموعة من طالبات الخرطوم القديمه بنات فكن خير سفيرات لمدرستهن من حيث الادب والعلم والزماله حيث امتدت معرفتنا بهم حتى اصبحت معرفه اسر.
فتحيه عطره لهن. وتحيه ارق لكل خريجات تلك المناره العلميه.
ولنا عوده باذن الله ان امد الله فى الاجال
Post: #69 Title: Re: الخرطوم القديمة بنات....علي مر الدهور والازمنة Author: Solafa Alagib Date: 11-23-2008, 12:42 PM Parent: #68
مرحب بيك يا(جنابو) لو ما انا غلطانة....شكرا علي المعلومة الثرة يا (توأم روحنا)
اهلا بيك مشرفنا مع البقية الكرام
Post: #70 Title: Re: الخرطوم القديمة بنات....علي مر الدهور والازمنة Author: sanaa gaffer Date: 11-23-2008, 05:41 PM Parent: #1
دكتورتنا سلافة ...
كل طالبات القديمة المتميزة الحلوات ...وكل زوار ( بنات القديمة ) .. سلام الله يغشاكم ...
سعيدة بان يكون حضوري هنا بالذات .. بعد طول غياب ...
القديمة .. مجرد ذكرها بخلي شريط الذكريات يداعب الخيال في جولات حنينة ...
القديمة .. مدرستنا .. دنيا تانية .. عالم قائم بذاته ...
Post: #77 Title: Re: الخرطوم القديمة بنات....علي مر الدهور والازمنة Author: Solafa Alagib Date: 11-24-2008, 01:07 PM Parent: #76
بري منكن يا بنات القديمة ....يعني خلاص الجرس ضرب والمشت مع ابوها مشت
والحصلت الترحيل حصلت والقطعت شارع محمد نجيب علي حي الزهور قطعت وخليتن
البوست يقع متل الوقعة دى , قرب يبقي مع بوستات امبارح
زعلتنى والله
Post: #79 Title: Re: الخرطوم القديمة بنات....علي مر الدهور والازمنة Author: عبد الدائم سيد أحمد Date: 11-24-2008, 01:23 PM Parent: #77
ما دام مشو كلهن انا واقف منتظر شنو !!! خسارة شديت كرولا صاحبى الحمره قلت اوصل بيها زولتى لكن طلعت بتاعت قرايه وما فاضيه للكلام ده .... بس ما مشكلة بحصل بنات دار النعيم ...
عارفة يا دكتورة لما امتحنا الثانوى كنا شلة كبيرة جدا" من اولاد وبنات الصحافة ومعظمهم معاكم فى القديمة ونحن الاولاد كنا حريصين جدا انو اكبر مجموع يكون من نصيبنا ولكن عملتها اسماء محجوب وطلعت اولاد الحلة بره بفارق 7%
سؤال لسناء ومها بشير ... جغرافيا" اقرب ليكم الخرطوم الجديدة من القديمة ... التعب والمواصلات الكتيره دى لزومها شنو ..
والله يا سلافة ... مايا قربت تنط بالحيطه ... الحقوها شوفوها مالا والعندو ايميلها يراسلها ..
Post: #80 Title: Re: الخرطوم القديمة بنات....علي مر الدهور والازمنة Author: Solafa Alagib Date: 11-24-2008, 01:50 PM Parent: #79
انتا ياعشاي تتعلي ماتتدلى وتتبارك ما تشارك
كوريلتك يوما بيجي شيل الصبر واخيييير ترجع لناس القديمة بنات ...انت بالله ساكن الصحافة ؟؟اتاريك شغال اركويت الصحافة وبالعكس..
ياريت والله ياعبدالدايم لو عندى ايميل مايا..لكن بما انو سناء دخلت ونورتنا يبقي ممكن تلقي لينا مايا
سناء ومها بشير مالن ومال الجغرافيا والتاريخ والمواصلات ....دى القدييييييمة(هي سايبة) علي قول خالد صالح
الممثل المصري في سلطان الغرام.
Post: #78 Title: Re: الخرطوم القديمة بنات....علي مر الدهور والازمنة Author: sanaa gaffer Date: 11-24-2008, 01:16 PM Parent: #1
Quote: اخترنا ركناً بعيدا هادئا وجلسنا نحتسي الشاي ونجتّر الذكريات " ما شاء الله عليك يا صفاء من يومك شاطرة شديد وكنتي مصرة على كلية الطب .. عارفة كل ما اشوفك في الجريدة او التلفزيون اقول لراجلي دي كانت زميلتي في الثانوي واقعد احكي ليه عنك وعن شقاوتك انتي وشلتك الكنتوا بتعملوها ايام المدرسة .. وبصوت ضاحك اخذنا نسترجع تلك الايام ... " تتذكري يا صفاء لمن انتي وصحباتك تتلموا جنب النافورة في الفسحة وتقعدوا تغنوا وترقصوا ويجي المدير طاير من مكتبه وشايل عصايته وبيكورك ( يا بنات يا قليلات الادب يا عديمات التربية ) وانتو تجروا تتدسوا منو ورا الشجر ؟؟ .. اجبتها بضحكة جعلت العديد من الاعين المستهجنة تلتفت الينا فنهرتها بلطف " هي يا بدور انا نسيت اننا في بيت البكا .. اسكتي الناس ديل بعد شوية بيجوا يطردونا " فواصلت بصوت هامس " ولا تتذكري لمن انتي وصحباتك قررتوا تمشوا اسبوع العلوم في جامعة الخرطوم وقمتوا دخلتوا بالنفاج البين بيت المدير والمدرسة ونطيتوا حيطة الشارع ؟؟ اظن المرة ديك طلبوا ليكم اولياء امركم .. كتمت ضحكتي وانا اشعر بالبهجة تغمرني لهذه الذكريات الرائعة .. كان صوت بدور الهامس يعيد عقارب الساعة الى الوراء بنعومة جعلتني اتذكر كيف كنت انا وصديقاتي نتفق على الهرب من الحصص ومغادرة المدرسة بسرية تامة .. الذهاب الى شارع (15) والوقوف امام واجهة كوافير كيلوباترا والاستوديو المواجه له .. نتفرج على فساتين الزفاف وصور العرائس .. نتسكع امام البقالات بعد ان نشتري الفول السوداني والتسالي من البائعات المصطفات على طول الشارع .. ثم فجاة نقرر الذهاب الى شارع (41) لاكل الايسكريم .. حيرتنا في كيفية الوصول ثم الاتفاق على ركوب ( يا عم ) .. فرحة اصحاب العربات بركوبنا معهم .. غمزاتنا البرئية عندما نعطي اسماء مزورة لمن يحاول معرفة اسماءنا .. يا لها من ايام .. لم تنتبه بدور لشرود ذهني وعندما عدت اليها كانت ما زالت تضحك وهي تقول " الشئ الوحيد الكان بيشفع ليكم برغم شيطنتكم انكم كلكم كنتوا شاطرات شديد ومن اوائل الفصول .. وكل الناس كانت مستغربة كيف تكونوا شقيات كدة وشاطرات في نفس الوقت ؟؟.. الا باقي شلتك وين لسة متواصلين ولا الحياة فرقتكم ؟؟ ..
سلامات يا سلافة .. يا بت احلى مدرسة ...
الاقتباس اعلاه .. جزء من قصاصة سرية من دفتر يوميات امراة خائنة ...
دة دليل على مدى تاثري بذكريات المرحلة ديك ...ومدى سطوتها على خيالي برغم السنوات الطويلة المرت ...
لمن جيت اكتب الحوار .. لاشعوريا لقيت نفسي برجع سنوات لورا واستحضر ذكريات الزمن الجميل ...
تعرفي .. كنت من شلة ( مشاغبة ) بالجد .. بناتها كلهم راس هوس في فصولهم .. برغم الشطارة والتفوق الاكاديمي ..
كان مديرنا الاستاذ / محمد سعيد معروف رحمه الله وغفر له بقدر ما علم وربى اجيال من بنات السودان .. تعبان معانا ..
كانت الشلة خليط من علمي وادبي .. مرات بدخلوا معاي حصص التاريخ والجغرافيا مرات بدخل معاهم حصص الكيميا والاحياء ( من يومي بكره الفيزياء والرياضيات )
لغاية الان بتربطني علاقة حميمة ببعض من صديقات الدراسة .. لا الزمن .. ولا بعد المسافات .. ولا اختلاف الظروف قدرت تغيرها ..
هو دة سر القديمة .. بتنشئ رابط لامرئي .. لكن متين .. وعميق .. وطويل المدى ...
غالبا انا وسهير اختك نكون في دفعات قريبة لبعض .. اساليها من الاسماء الكتبتها .. احتمال تعرف اسم او اكتر ..
تحياتي ...
ـــــــــــــــــ جاك طلب الاضافة في الماسنجر ؟؟!! ....
Post: #81 Title: Re: الخرطوم القديمة بنات....علي مر الدهور والازمنة Author: Maha Bashir Date: 11-24-2008, 03:44 PM Parent: #78
عزيزاتي سناء وسلافة و أستاذي الفاضل عبد الدائم تحيةصباحية بتوقيت كندا أنا في المكتب و بس حأخت الاقتباس من سناء لآني أنا لسة ما كتبت عن القديمة
Quote: تعرفي .. كنت من شلة ( مشاغبة ) بالجد .. بناتها كلهم راس هوس في فصولهم .. برغم الشطارة والتفوق الاكاديمي ..
كان مديرنا الاستاذ / محمد سعيد معروف رحمه الله وغفر له بقدر ما علم وربى اجيال من بنات السودان .. تعبان معانا ..
كانت الشلة خليط من علمي وادبي .. مرات بدخلوا معاي حصص التاريخ والجغرافيا مرات بدخل معاهم حصص الكيميا والاحياء ( من يومي بكره الفيزياء والرياضيات )
لغاية الان بتربطني علاقة حميمة ببعض من صديقات الدراسة .. لا الزمن .. ولا بعد المسافات .. ولا اختلاف الظروف قدرت تغيرها ..
هو دة سر القديمة .. بتنشئ رابط لامرئي .. لكن متين .. وعميق .. وطويل المدى ...
نفس الملامح و الفترة أكيد يا سناء إنتي كنتي في فترتنا و أكيد حنتعارف تحية و محبة لما أرجع مهـــا بشير
Post: #82 Title: الخرطوم القديمة بنات ... منو البشبهك Author: Ahmed Sharafeldin Date: 11-24-2008, 10:52 PM Parent: #1
الاخوات و الاخوة الاعزاء, كم هو اخاذ سردكم لهذه الذكريات خاصة وان لى ما يربطنى بهذه القلعة التعليمية ففى المنزل الملحق بالمدرسة قضيت احلى سنوات عمرى. الاستاذة كوثر زين العابدين الحسين ام هو مجرد تشابه اسماء. احمد ابراهيم مصطفى شرف الدين
Post: #83 Title: Re: الخرطوم القديمة بنات....علي مر الدهور والازمنة Author: محمد أبوالعزائم أبوالريش Date: 11-24-2008, 11:01 PM Parent: #1
Quote: بري منكن يا بنات القديمة ....يعني خلاص الجرس ضرب والمشت مع ابوها مشت
والحصلت الترحيل حصلت والقطعت شارع محمد نجيب علي حي الزهور قطعت وخليتن
البوست يقع متل الوقعة دى , قرب يبقي مع بوستات امبارح
زعلتنى والله
وعاملة بترفعي في بوست القديمة أولاد ..... هسة ده أنا ناكته ومعتّلة من الصفحة كم كده ما عارف.
_______________ يالاّ قولي لي "تتعلاّ ما تتدلى"
Post: #84 Title: Re: الخرطوم القديمة بنات....علي مر الدهور والازمنة Author: طارق جبريل Date: 11-24-2008, 11:11 PM Parent: #1
Quote: بسسسسسسسم الله .. يا دكتور مالك علينا، أفرز الكلام ياخ وشدِّد الراء (درّست) .. عشان الإختساس ما يتلخبت علينا.
____ إزيك ياخ
ود ابو العزائم كيفنك ياخ
يا اخوي مشينا ندرس (الراء فيها شدة) في الاطلال ياخي انعل ابو العمارات
يا دكتورة كان في مزيرة في النص كدة جنب البوفي حتى كنت بضرب الفول هناك مع استاذ محمد الحافظ قطبي
Post: #85 Title: Re: الخرطوم القديمة بنات....علي مر الدهور والازمنة Author: Maha Bashir Date: 11-25-2008, 02:15 AM Parent: #84
مساء الخير علي الجميع
أدناه مشاركة من هدي مرض
القراء الإعزاء أرجو منكم المعذره فقد طال الزمان وأنا أقيم فى المهجر من سنين طويلة ولا أدرى من الأحياء ومن الأموات ممن درسونا فى الخرطوم الثانويه فقد إنقطعت الصلات بيهم فرحمة الله ومغفرته على الأموات والله يديم الصحه والعافية على الأحياء منهم
أذكر أسماء عدد قليل جدا من هيئة التدريس وقتها وهم
سعاد حسن علام – إنجليزي نور الكارب - كيمياء - سلوى أبوالعزائم أبوالريش - فيزياء, شقيقة عضو المنبر الكريم محمد أبوالعزائم أبوالريش حفيظه – فرنسي ليلى - عربي. ليلى دي هى من كتب فيها الشاعر إسماعيل عبدالجليل القصائد التى غناها حمد الريح منها الرحيل وكل ماورد فيها إسم السمحه ست الإسم وكانت جد جميله لا يختلف فيها إثنين 1971نعمات - تاريخ. أرملة الشهيد محمد يحي منور الذى قتل فى بيت الضيافه في إنقلاب و فى وجهها مسحة حزن عمييييييييقه لايمكن نسيانها ماتيلدا , رحمها الله - تاريخ السودان- وهى والدة عضو المنبرالكريم عادل سمير أستاذ عبدالرحيم, رياضيات. أستاذ سمير والبتنوني, مصريين – رياضيات أستاذ البطل, رحمه الله - عربي - دخلنا وطلعنا ده الإسم الكان ساير عليه أظن قليل كان عارفين إسمه الحقيقي بنونه البكري - رياضيات مضوي أحمد العباس, رحمة الله - عربي. والد صديقتنا فى الدفعه حنان مضوي محاسن – جغرافيا أستاذ سعد - تربية إسلامية إلهام حمدي - رياضة
هدي مرضي
Post: #86 Title: Re: الخرطوم القديمة بنات....علي مر الدهور والازمنة Author: Maha Bashir Date: 11-25-2008, 02:47 AM Parent: #85
سلامات يا استاذ عبد الدائم
Quote: سؤال لسناء ومها بشير ... جغرافيا" اقرب ليكم الخرطوم الجديدة من القديمة ... التعب والمواصلات الكتيره دى لزومها شنو ..
عليك الله دا سؤال؟ إنت ما عارف الجديدة كان إسمها شنو قبل ما تبقي جديده و نحنا بنات شاطرررررر....................طبعا الاسباب فنية جدا
لكن و الله أنا لما دخلت القديمة كنا ساكنين في شارع القصر جنوب جنب محطة الغالي يعني بس بقطع مقابر فاروق و أكون جوا المدرسة تحياتي مها
Post: #87 Title: Re: الخرطوم القديمة بنات....علي مر الدهور والازمنة Author: مصطفي سري Date: 11-25-2008, 03:54 AM Parent: #85
مع انو البوست للخرطوم الثانوية القديمة بنات ، لكن نحن لازم نخش فيهو الاخت مها بشير ذكرت الاستاذة الجليلة ليلى - عربي ، وهي تقصد الاستاذة ليلى عثمان احمد تسكن الديوم الشرقية حي الحجر والشعبية جوار مقابر فاروق والتي تقرب ايضا من حي العمارات شارع 15 واللي هي جوار مدرسة الخرطوم القديمة ، وانا نشأت وتربيت في ذلك الحي ، وللاستاذة ليلى شقيقتها استاذة هدى ، وهن من بيت عتيق شايقي عمنا عثمان احمد ووالدتنا ست نور ، والشاعر المقصود ليس اسماعيل عبدالجليل انما سليمان عبدالجليل الشاعر والصحافي الجليل وهو من حلفا ويسكن ذات الحي ، وكما ذكرت الاستاذة مها بشير فان الاستاذة ليلى كانت من الجميلات وما زالت وكذلك تحظى اخوات ليلى بذات الجمال ، ولهن اشقاء يسدون عين الشمس منهم الرياضي المعروف احمد عثمان احمد الملقب بسيحة او ديم ، وهو معروف لدى بنات الخرطوم القديمة في زمن ما واشقاءه كابتن عماد عثمان وهو كابتن عمل في سودانير ، وصديقي العزيز المعز عثمان ... اسف للدخول في تفاصيل تلك الاسرة الخرطوم القديمة كنا نجاورها سكنا ووقتها كان هناك معرض وحفل نهاية السنة ، كنا اطفالا انذاك نحضر تلك الاحتفالات التي ياتي اليها فنانون كبار مجانا ، ومسرحيات ومعارض ، ومن مدراء سابقون ايضا المرحوم عبدالمجيد طلسم - والد البلابل - وبيت طلسم بيت علم اشتغلوا في التعليم في حلفا ومناطق السودان المختلفة اشقائه وبناته واخواته الاستاذة سارة طلسم اظنها عملت في ذات المدرسة كانت لدى الوالد سري سليمان مكتبة منذ منتصف الثمينيات وحتى بداية الانقاذ الى ان ابعده رجال الامن قسرا ، واظن كثير من بنات القديمة في تلك الفترة يعرفن عم سري ، والقديمة لها ارتباط قوي بالديوم الشرقية - ناس عماد وصلاح عبدالله حقو يجو جاريين - على ذكر مشغالة البنات وبيع امهاتنا للايسكريم ابو كيس والتسالي وغيره والساندوتش امام بوابة المدرسة ... صحيح تربية وتعليم ..
Post: #88 Title: Re: الخرطوم القديمة بنات....علي مر الدهور والازمنة Author: Solafa Alagib Date: 11-25-2008, 08:08 AM Parent: #87
صباح منور ..بالكلمات...والضحكات ...والهمسات.....الحلوات
شكرا لكل من شرف البوست بالمرور والحضور ...ورفعو فوق. سناء جعفر
صباح الخير ..عرفتا القصاصة لاني قريت القصة وعشتا مع شخوصا لدرجة انى قايلة روحي عرفتهم كلهم...ولا اكون عرفتهم!!! بالمناسبة نفس الناظر الله يرحمو الصحفي (معروف)كان ناظر ناس سهير وكانوا معاها..مى كوبانى ..غادة محمد عوض..سارا سيداحمد عبدالهادى..سلمى كرم الله العوض..امانى الحكيم... * * جانى طلب المسنجر وعملتagree
اهلين مها بشير تعالى راجعة سريع ..احنا في انتظارك
محمد ابوالعزايم علي قدر اهل العزم تاتى العزائم...انتا يا الامات البنات اتلموا...وبقوا منك وعليك يسموا,,,تسلم وتترفع يا سيدي.اها رأيك شنو
هدي مرضي مامون صباحك خير عبر مها بشير ...خالتو سعاد علام اتوفت في لندن قبل اكتر من خمسة اعوام وهى خالة صديقتي عزيزة حسن ساتي...والدة مولانا عادل سمير هي ابلة انجيل اسحاق وليست ابلة ماتيلدا...خالتو بنونة البكرى حاليا في الامارات وهي خالة صديقاتى وحبيباتي ملاذ وريناس فضل الله..وهى جارتنا في اركويت....استاذ عبدالرحيم(المكوجي)بخير وهو خال صديقتى وجارتى ماجدة عبدالله.
بالضبط...هو عمو سري يامصطفي اهلا بيك مصطفي سري........انا اسفة جدا عشان ذاكرتى الخربانة كتبت عمو ابايزيد....يا ما اشترينا منو واستلفنا اروع روايات عبير...كان ذو وجه صبوح وبسمة بشوشة وروح شابة حتى اننا كنا نظنه في عمرنا ...عمر الزهور عمر المنى ..تحياتي للوالد العزيز
Post: #89 Title: Re: الخرطوم القديمة بنات....علي مر الدهور والازمنة Author: Adel Sameer Tawfiq Date: 11-25-2008, 08:23 AM Parent: #88
Quote: والدة مولانا عادل سمير هي ابلة انجيل اسحاق وليست ابلة ماتيلدا...
يا أخوانا ما تتفقوا !!
Post: #90 Title: Re: الخرطوم القديمة بنات....علي مر الدهور والازمنة Author: Solafa Alagib Date: 11-25-2008, 08:52 AM Parent: #88
وصلتني المشاركة دي علي ايميلي...
ايضا كان هناك المربي الفاضل رحمه الله الاستاذ حسن النوش والذي يسكن منطقة حي الزهور الاخ/ مصطفي سري وعماد عبدالله اكيد يعرفونه جيدا تشكري علي هذا التوثيق الرائع ايضا هناك التؤام- سلمي وسلوي التجاني علي يسكنون بالقرب من كوافير برادايس نعم انه الزمن الخير الزمن الجميل سارا محمد
و دي كمان....دام التواصل يارب والقديمة تستاهل مننا اكتر من كدا...انها(كاريزما)الاماكن
بما إننا من دفعات مختلفه وفارق السنوات كبير أعتقد التسلسل الزمني مهم فى الروايه لنرى كيف بدأ الحال وإلى أين آل المآل. دفعتنا, دخلت الخرطوم القديمة يوليو ١٩٧٥ وتخرجت يوليو ١٩٧٨
Quote: يا طارق احنا ما كان عندنا (مزيرة)تلو تلو علي قول اخوى لما كان صغير ,احنا عندنا كولرات بس"
: رد هدى المرضي كان فيها مزيره كبيره ذى الهول وكل من أراد الترطيب والتسكع بمشي عليها ولينا فيها قصه طريفه وشهيره مع أستاذ محمد سعيد معروف رحمه الله وأترك روايتها لى مها بشير
Quote: المرحوم استاذ "مضوى"ما درسنا لكن ادبنا و(فرمنا)فرم..كان عندو صوت مميز لاتعرف تقول جهورى ولا تعرف تقول صوت زول زعلان طوالي.
رد هدى المرضي علي أيامنا أستاذ مضوي رحمة الله كان من أكثر الأساتذه والأستاذات لطفا مقارنة بالبقيه في الحزم والإرهاب ومن جهة أخري عيشتنا ما بين مطرقة خديجة عبدالله و سندان أستاذ محمد سعيد معروف رحمه الله. وسوف أكتب عن كلاهم بالتفصيل فهم يستحقون منا كل الوفاء لأنه حزمهم هو الخلق مننا اليوم نساء أسوياء, أقوياء وشرفاء
Quote: سؤال لسناء ومها بشير ... جغرافيا" اقرب ليكم الخرطوم الجديدة من القديمة ... التعب والمواصلات الكتيره دى لزومها شنو ..
: رد هدى المرضي في زمنا داك الخرطوم الجديدة بنات كان إسمها مدرسة الأم الثانويه وكانت تابعة للتعليم الأهلي وليس الحكومي وحولوها لآحقا أظن آخر السبعينات للي القسم الحكومي وسموها الخرطوم الجديده. عشان كده مدرستنا دي وقتها كان إسمها الخرطوم الثانويه بنات فقط لقب القديمه جاء بعد إنشاء الجديدة للتمييز. فى ذلك الوقت كانت الصروح العريقة الأساسيه الثلاثه هى الخرطوم الثانويه بنات وأمدرمان الثانويه بنات وبحري الثانويه بنات وقد كانت ألأخيره حديثة التأسيس مما جعل ضروب المنافسه حاميه بين الخرطوم وأمدرمان الثانوية بقيادة المديرة والأستاذه القديره فاطمة طالب. لي عوده لسرد منافسات السله والطائره وأوئل الفصول فى التلفزيون فقد كنا معاهم ذى الهلال و المريخ اليوم. ولى عوده دمتم. هدى المرضي
Post: #92 Title: Re: الخرطوم القديمة بنات....علي مر الدهور والازمنة Author: Solafa Alagib Date: 11-25-2008, 09:23 AM
Post: #91 Title: Re: الخرطوم القديمة بنات....علي مر الدهور والازمنة Author: عبد الدائم سيد أحمد Date: 11-25-2008, 09:20 AM Parent: #1
باين هدى مرضى دفعة اختى الكبيرة نادية سيداحمد لانها درست فى نفس الفترة ومن زميلاتها سعاد عبدالمحمود حسين (الصحافة مربع 36 ) وناهد بت اخت يوسف الموصلى وكانو معجبات باسم زميلتهم سوهندة جعفر محمد على بخيت وجابوهم فى التلفزيون زمن برنامج مسابقات المدارس وكانت فى طالبة متميزة جدا" اسمها وداد حيرت المشاهدين بسرعة اجاباتها للاسئلة .
بنات القديمة بالمساء كيف ما معاكم ؟ كانو عاملين لينا ازمة مواصلات لانهم برجعوا بتاعين الحافلات قبل ما يصلوا المحطة الاخيرة ويخلوا العالم مشرورين ، طبعا بتاعين الحافلات قلبهم خفييييف
Post: #93 Title: Re: الخرطوم القديمة بنات....علي مر الدهور والازمنة Author: Solafa Alagib Date: 11-25-2008, 09:49 AM Parent: #91
انا ما قلتا ليك ---الله يجازى محنك ---بتعرف بنات القديمة بالمسا---انا بصراحة كنتا بخاف منهم --يمكن احساسى الخاطئ بانو البت
والمشرحة وبنك الدم --فبالتالي عذرتهم وعرفتا انو....الناس ظروف.
اظن زميلة اختك (اناهيد جعفر محمدعلي بخيت)اللي انا بسمع بيها ما سوهندة....سوهندة دى مين ياعبدالدايم !!!
Post: #94 Title: Re: الخرطوم القديمة بنات....علي مر الدهور والازمنة Author: الفاتح يوسف جبرا Date: 11-25-2008, 05:08 PM Parent: #1
الدكتورة سلافة تحياتى وخالص ودى
مما إستلمت الكرت بتاع الدعوة مشيت لبست (جلابية المناسبات) والعمة والشال الما خمج وجرى على بيت المناسبة .. أول زول ألاقيهو ليكى فى الصيوان من بعيد قعدت أشبه فيهو .. (حلبى) وطويل وعريض ... أها مما قربت بس عرفتو ليكى ... أتاريهو هو ود (الست الناظرة) ذااااتا ... وأنا قلت (مولانا) ده الموهطو وسط (البنوت) شنو؟ أتاريهو سيد (لحم ورأس) وما خلا ليهو شدرة فى (المدرسة) دى ما طلع وإتعنكل فيها .. وما خلا ليهو (زيرن) ما كسرو و(طبشيرن) ما كملو !
نخنا كمان فاتحين لينا (بوست) بى غادى ليهو زمن عن مدرستنا (المؤتمر أم درمان) .. المرحلة الثانوية دى حاجه تانية خالص .. الأيام بتاعتا ما بتتنسى أصلو ..وقصة (أول حب) دايمن بتكون فيها لكن ناس (عادل) ديل بيكونو بحبوا من (الإبتدائى) !
يشرفنى جداً أن أدخل بوستك ده يا دكتورة .. وخلينا دايمن نقرأ كتاباتك الجميلة دى ،،، هذا خالص ودى وتقديرى
Post: #95 Title: Re: الخرطوم القديمة بنات....علي مر الدهور والازمنة Author: Adel Sameer Tawfiq Date: 11-25-2008, 07:14 PM Parent: #94
Quote: مما إستلمت الكرت بتاع الدعوة مشيت لبست (جلابية المناسبات) والعمة والشال الما خمج وجرى على بيت المناسبة .. أول زول ألاقيهو ليكى فى الصيوان من بعيد قعدت أشبه فيهو .. (حلبى) وطويل وعريض ... أها مما قربت بس عرفتو ليكى ... أتاريهو هو ود (الست الناظرة) ذااااتا ... وأنا قلت (مولانا) ده الموهطو وسط (البنوت) شنو؟ أتاريهو سيد (لحم ورأس) وما خلا ليهو شدرة فى (المدرسة) دى ما طلع وإتعنكل فيها .. وما خلا ليهو (زيرن) ما كسرو و(طبشيرن) ما كملو !
الأستاذ الرائع و المبدع الفاتح..
والله كانت ذكريات.. و الله كأنك كنت معاي..ذكريات موثقة بالصور حأنزلها في يناير القادم إن شاء الله
عندما أحضر للخرطوم !!
أدعوك لتشريف بوست الخرطوم القديمة بنين توم هذا البوست !
و سوف نتشرف بالحضور في بوست المؤتمر أم درمان إن شاء الله !
لك مني كل الود و الحب..
Post: #96 Title: لكم التحيات الطيبات والسؤدد Author: Ahmed Sharafeldin Date: 11-26-2008, 00:08 AM Parent: #1
الاخوات د. سلافة ةالاخوات والاخوة, لكم التحيات الطيبات والسؤدد. هده مداخلتى الثانية بعد تلك التى فات على خلالها ان اشكركم جميعا على هذا السرد الممتع والثر. عمل والدنا عليه رحمة الله كمدير لمدرسة الخرطوم الثانوية بنات خلال الفترة من 71 وحتى بدايات العام 74 . لقد تخرجت جميع شقيقاتى بهذا الصرح واذكر جيدا تلك الايام كم شجعنا فرق المدرسة خلال الدورات المدرسية. فهنيئا لكم انكم من منتسبى هذا الصرح. ولكم الود من قبل ومن بعد احمد
بالنسبة لسناء جعفر هى سافرت لدكتورة منال فى السويد, بالنسبة لهذا الاقتباس من مداخلة الاخ عبد الدائم هل هى طبيبة الاسنان منال ابراهيم مصطفى
Post: #97 Title: Re: لكم التحيات الطيبات والسؤدد Author: عبد الدائم سيد أحمد Date: 11-26-2008, 06:50 AM Parent: #96
ولد حضرت الناظر احمد شرف الدين صباح الخير اهو جيتك من بدرى قبل جرس الصباح الدكتورة المقصودة هى د/ منال عبدالعظيم ولد الزهوة بت العمدة ووالدتها هى بلقيس بت حامد ود العمدة وحبوبتها حجة السرة وساكنين آب روف .... يكون فاتك نص عمرك لو ما قريت الروايه دى خالص الود لك ولكاتبتها ....
*مولانا عادل يظهر ويختفي زى مذنب هالي ...لكن من حقو ..الزيو منو..وبالمناسبة يا استاذ الفاتح بوست القديمة اللي مولانا عزمك عليهو
دا عامل زى الحلة(المظبطة)بس ناقصا ملح.....اهو احنا بقي الملح دا.
* عبدالدايم سيداحمد ...صباح الخير ...انت بتخوف...بتعرف استاذة نوال محي الدين وبيتم كمان,,,بتعرف بنات القديمة بالمسا..وكمان
شوتة في القون انو د:منال دى بت حوش العمدة الفي اب روف (سمع وشوف)الفي الرواية....انتا تحفة
***** الايميل دا وصلنى امبارح من صحبتنا وحبيبتنا بالجد والله...رباب محمد علي عوض "بينا" العمارات شارع 41...اللي بنسميها في بيتنا (بت
العاقب الرابعة)
يااااااااااااااااه .... الخرطوم القديمه يا سلافة ؟؟ و الله لمن راح لى نفس. ذكرتينى بالايام الحلوة ...
"أيام لم نعرف من الدنيا سوى مرح السرور و بناء أكواخ الطفولة تحت أعشاش الطيور نبني فتهدمها الرياح ، فلا نضجّ و لا نثور و نعود نضحك للمروج و للزنابق و الغدير و نظل نركض خلف أسراب الفراش المستطير ونشيد في الأفق المنور من أمانينا قصور أزهى من الشفق الجميل و رونق المرج الخضير و نظل نقفز ، أو نغني ، أو نثرثر ، أو ندور لا نسأم اللهو الجميل ، و ليس يدركنا الفتور"
مشهد أول ....
أنا ممتحنه أدبى و الحصة كيمياء !!!!! دا كان الحل الوحيد للزوغان إذا تم قفشك و انتى بتتسكعى على السلم الهناك بورا ، الفاتح على فسحة شارع خمستاشر أثناء ساعات الحصص الرسميه. الحل التانى كان وجود حبة بانادول فى جيب مريلة المدرسه و يتم تغييرها كل ثلاثة شهور مرة "طبعا قاصده حبة البندول و ليس المريله" و طوااااااااالى انا مصدعه و ماشة أبلع الحبه دى.
مشهد ثانى ...
إسبوع كامل من توفير المصروف عشان نقدر يوم الخميس نمشى آيسكريم 41 .. و طبعا دا كان بالنسبة لى مغامرة ممكن تنتهى بسكته قلبيه لسببين : الأول إنو والدتى "ست بثينه" كانت وكتها استاذه فى العمارات المتوسطه و عليه كللللللللللللللللللللللللللل أساتذة و أستاذات المنطقه بيعرفونى "أمانه الشهرة ما متاااعب" ، و السبب الثانى إنى من سكان شارع 41 زاااااااااااااااااتو. يعنى من لم يمت بالسيف ... مات بغيره
مشهد ثالث ...
متذكرة الدكان الظريف الكان جوة طرمبة شارع خمستاشر داك ؟؟ كان متخصص فى كل أنواع الشوكلاته المستوردة من بلاد الفرنجه ، و كنا بنمشى نتضهب و نعاين من برة نظام البنات "window shopping” و كدا ، و كان الدخول و شراء حاجه منو يعتبر ضرب من ضروب المستحيل. لكن يوم ربنا يفرجا و نقدر ندخل بنقيف مسمرين و مذهولين قدام تلاجة الشوكلاته و ناخد ساعه نتغالط و نتشاكل حنشترى ياتا. آيريس التنى بتحب الشكلاته بالمكسرات، و انا بحب الشكلاته السااااااادة ، و رشا بركات بتحبها بالكارميل، و فى عز النقاش فجآة تجيك هناء السر و تلقى علينا محاضرة عن مضار الحلويات و آثرها فى زيادة الوزن ... بالله شوف
مشهد رابع ...
الإحتفال بيوم المعلم ... أختك مسكت المايكرفون عشان تقدم كورال المدرسة و طبعا دا كان شرف رفيع جدا لأنو الحتفال بيحضروهو "أخوانا" من الخرطوم القديمة أولاد و لازم الواحدة تكون على قدر الحدث. المهم يا ستى مسكت المايكرفون و بديت أتكلم بكل الثقه الفى الدنيا ... أخواتى الطلبه و أخوانى الطالبات ، و يادوب ما بديت أنداح لقيت كل الحضور ماسكاهم نوبه من الضحك الهستيريه على اللخبطه الكلاميه و التى إن دلت على شىء إنما تدل على الكبكبه الشديده. و برضو دايرا تبقا خوة ؟؟
و مشهد خامس ، و سادس ، و عاشر ، و مليون.
كانت أجمل سنين العمر فى الخرطوم القديمة ، مع الأستاذة ثريا هاشم الوكيله، أستاذه نوال محى الدين "جغرافيا" ، أستاذه منى كوبانى "اللغه الفرنسيه" ، أستاذه لبنى و أستاذه إنتصار "الرياضيات" ، و غيرهم كثر ممن تعلمنا منهم الكثير فى العلم و الحياة. و كانت أجمل صداقات و إستمرت إلى يومنا هذا " نحمد الله و إنشا الله ما نتفرق بشينه".
شكراً جزيلاً يا سلافه ذكرتينا بالزمن الجميل ... و برجع ليك .
رباب محمد علي عوض "بينا"
واحنا اصلا تلاتة" سهير وسلافا وشذى"...بينا دي من احلي الناس اللي طلعنا بيهم من القديمة
الرائعة دكتورة سلافة نهارك سعيد مازلتي تتحفينابذكريات الخرطوم القديمة وأيامها الجميلة .. تصدقي مما فتحتي البوست ده وذكريات القديمة على بالي هي فعلا من أنضر الذكريات في زمن جميل ما أظن يتكرر تاني وحزنت جدا لوفاة عدد من الأساتذة منهم أستاذ الرياضيات محمد طه وأستاذ مضوي .. والاستاذة سهير بخاري رحمهم الله وأسكنهم جناته.. وأغرب ما في الأمر أنني لم التق بأساتذة القديمة طيلة السنوات الماضية الأ باثنين منهم وقريب جدا وهما أستاذ محمد عطية واستاذ صلاح والاثنين درّسوا الرياضيات الأول (جبر وإحصاء )والثاني (مثلثات ) ومازلت أتذكر عدد كبير منهم .. الوكيلة فاطمة شوقي .. ثريا هاشم حمزة (اللغة الفرنسية) صفاء (إنجليزي) بثينة (الأحياء) عبدالّله (التربية الإسلامية) وأستاذ الموسيقى .. هل تصدقي كان هناك استاذ للموسيقى ؟ ما كان يميز مدرسة القديمة في ذلك الوقت (1988) النشاط السياسي وكان مسموح به في المداس الثانوية .. مثل أركان النقاش التي كانت تقام عند فسحة الفطور وفسحة الظهيرة وأتذكر طالبتين كانتا أبرز المتحدثات في هذه الأركان.. زميلتي في فصل ثالثة مهدي رحاب نقد(جبهة تقدمية) والأخرى رندة عبد الرحمن (إتجاه إسلامي) .. أشهر زميلات الدراسة في الخرطوم القديمة هن .. ندى وأمل الجزولي دفع الله .. مناسك حسين أبوصالح ليلى طه طلعت .. نوال جحا (لاعبة التنس) وأخريات .. موقف طريف حدث لي في القديمة لن أنساه أبدا .. كنا في الصف الثاني ..وفي إحدى حصص العلوم في معمل الأحياء كانت الأستاذة ممسكة بحمامة في يدها وبعد قليل طلبت منا الإقتراب حول الطاولة .. وبعد أن إقتربنا وضعت الحمامة على الطاولة وأخرجت مشرط وبدأت في تشريح الحمامة ولم أشعر بنفسي الا في (الكلينك) العيادة حملوني الى هناك بعد أن أغمي علي .. وكان حدث وحديث .. ومنذ تلك اللحظةفارقت علم الأحياء وحددت مساري الأدبي ..
Post: #100 Title: Re: الخرطوم القديمة بنات....علي مر الدهور والازمنة Author: Tayseer Elmobarak Date: 11-26-2008, 11:59 AM Parent: #1
د. سلافا... شكراً على هذا الإمتاع ... تعرفي انا درست في الخرطوم غرب بنات، الأميرية و الخرطوم القديمة ... دي صروح شامخة ما بتتلحق ... قبل شهر مريت بجنب الخرطوم القديمة يوم سبت و الدنيا خلا ما قدرت أقاوم إحساسي دخلت و إجتاحتني الذكريات ... و لك أن تتخيلي ... لك أن تتخيلي ...
لك الود ...
Post: #102 Title: Re: الخرطوم القديمة بنات....علي مر الدهور والازمنة Author: الفاتح يوسف جبرا Date: 11-26-2008, 01:03 PM Parent: #1
Quote: هلا واللا هلا...استاذ الفاتح جبرا هنا..والله الموضوع دا بقي كبير عديل كدا.........
ده شرف كبير بالنسبة ليا يا دكتورة ... مولانا (عادل) ده أصلو زول (تقييييل !!) أسألينى منو أنا ..!! بياخد ليهو وقفة شويه كده وبجى راجع
Post: #103 Title: Re: الخرطوم القديمة بنات....علي مر الدهور والازمنة Author: sanaa gaffer Date: 11-26-2008, 06:13 PM Parent: #1
Quote: ولد حضرت الناظر احمد شرف الدين صباح الخير اهو جيتك من بدرى قبل جرس الصباح الدكتورة المقصودة هى د/ منال عبدالعظيم ولد الزهوة بت العمدة ووالدتها هى بلقيس بت حامد ود العمدة وحبوبتها حجة السرة وساكنين آب روف .... يكون فاتك نص عمرك لو ما قريت الروايه دى خالص الود لك ولكاتبتها ....
وبص شوف القديمة بتعمل آيه " حوش بنات ود العمدة " رواية عن الحب والكراهية ..الخوف ... وبعض المسكوت عنه ..
عبد الدايم الله يجازي محنك تخيل انا زاتي في الاول قعدت افكر منال دي منو ؟؟!! ...
ويا سلافة يا شيخة روحي ربنا يفتح عليك زي ما فتحتي طاقات الذكريات الحلوة دي ...
يا نبيلة ... شكلنا كدة اتزاملنا في نفس الفترة ...
سنة اولى في القديمة .. واذا ما خانتني الذاكرة الفصل اسمو ( بنت وهب ) .. واقع في نص الممر الطويل .. وفاتح على الفسحة الصغيرة ..
قعدت في الكنبة الاولى .. وجات قعدت جنبي بت طويلة سمرا وعيونها كبيرة .. قالت لي اسمها نادية بشير اسماعيل ...
ومن اول حصة بقينا صحبات ولغاية الان هي اعز صديقة ... كل ما ارجع اجازة السودان بيكون اول تلفون ليها ...
كنا بنات سنة اولى بنتلهف على الفسحة عشان نطلع ونقعد جنب النافورة ونتفرج على بنات سنة تالتة .. كبار وسمحات .. مفلهمات وبعيانوا لينا بطرف عينهم ...
فصول تالتة كانت حلمنا .. لانها في الطرف التاني من المدرسة .. وجنبها مكتب المدير والمكتبة في الطابق التاني ... والاذاعة ...
فسحة الفطور والطيران على الكافتريا .. التزاحم حول سندويتشات سلطة الاسود والطعمية والفول والبيض ..
نظام بنات كبار وما بنجيب سندويتشات من البيت زي العيال ... نقعد متلاصقين في كنبات الخشب الطويلة .. ونتقاسم كل شئ ...
وما زالت الذكريات تتدفق ... ولي عودة انشاء الله ...
Post: #104 Title: لك الشكر Author: Ahmed Sharafeldin Date: 11-26-2008, 08:49 PM Parent: #1
الاستاذ عبد الدائم, لك الشكر اجزله والود. والخرطوم القديمة بنات هى بلا شك احدى المؤسسات التى قدمت للوطن وما بخلت. والتخية لكم حميعا
Post: #105 Title: Re: لك الشكر Author: Elmoiz Abunura Date: 11-27-2008, 03:35 AM Parent: #104
الاخت سلافه
خيط رائع عن مدرسة بنات حلتنا في العمارات, مدرسه قدمت الكثير للسودان,
درست فيها خالاتي , ثم بنات خالاتي في السبعينات, والثمانينات, وقامت بتدريس
مادة الرياضيات فيها بين 85- 87 اختي الوحيده منار الجمري ابونوره. ومن مداخلات العدبد من الاخوة والاخوات يبدو ان هناك صداقات مشتركه تجمعني مع العديد من المتداخلين خاصة مها بشير, وهدي المرضي وسارجع للتعليق في اجازة Thanksgiving مع ودي وتقديري
Post: #106 Title: Re: لك الشكر Author: Maha Bashir Date: 11-27-2008, 04:33 AM Parent: #105
مساء الخير علي الجميع آسفة يا جماعة علي الغياب لكن الشديد القوي تحية لكل من إنضم إالينا في رحاب الخرطوم القديمة بنات
بالمناسبة يا سلافة إنتي كتبتي عن الاستاذه الكريمة سعاد علام سعاد علام و ثريا علام أخوات و كانو الاثنين في نفس الفترة في الخرطوم الثانوية و أدعو بالرحمةو المغفرة لثريا علام و طول العمر لسعاد علام ....سعاد علام المدرسة إنسانة لن تتكر فهي كانت مدرستي في الانجلبزي في سنة ثانية إنسانة صح في كل شئ والدعاء بالرحمة و المغفرة لأستاذ مضوي و لست ماتلدا
تحياتي مها
Post: #107 Title: Re: لك الشكر Author: Maha Bashir Date: 11-27-2008, 05:16 AM Parent: #106
بعد الخرطوم الابتدائية غرب للبنات تم إنتداب والدي للعمل خارج السودان رجعت مدني و قريت الثانوي العام في مدرسة "ب" الثانوية العامة للبنات الناظرة أستاذتي نفيسة البطري الست الرائعة و برضو ما بتتكرر تاني,ومدراساتي مريم نمر وأسياء بليل وفي مدرسة "ب" لقيت معاي ماجدة محمود محمد علي, تماضر أحمد خالد, أميرة حسن موسي هناء ابو الريش,مني عبد العظيم ابو قصيصة, مني علي الفحل, نزيهة علي رجب و غزلان بدوي حليمة محمود حشاش في نفس الوقت في مدرسة "أ" صاحباتنا إلهام سوارابي , خلود محمود حشاش و أخريات
قضيت ثلاثة سنوات العام في مدني ورجعنا تاني الخرطوم و أنا كنت دخلت الخرطوم القديمة للبنات الناظر العلامة الاستاذ الكبير محمد سعيد معرف علية رحمة الله و النائبة خديجة مصطفي لم يكن هناك تغيير كبير بالنسبة لي خصوصا إني زاملت معظم البنات في الخرطوم غرب الابتدائية كانت أكبر شلة في المدرسة و أكثر جنا و تهريجا هي شلتنا... أنا, هدي سامية محمد عمر" كبس" , أمونة أبراهيم صباحي, عزة حسن التاج, عاتكة صالح محمد نور جميلة محي الدين, سلوي حسين, هند بشير,وصال دهب, نوال محمد خير,تينة صلاح حسون, نازك محجوب عليها رحمة الله, ماجدة محمد طاهر,منجدة المغربي,
اذكر في مرة تم فصلي أنا و عاتكة صالح من المدرسة لسبب ما والمهم في الاخر وصلنا بالتفاوض مع أستاذ محمد سعيد معروف أن نحضر ولي أمرناو نتفاهم بعد داك وفي اليوم المقرر ذهب مع والدي للمدرسة و حضرة والدة عاتكة معاهاحيث والدها متوفي و طبعا نحنا الخوف كان كاتلناو حضر والدي للمدرسة وذهب لمكتب الناظر والدي وأستاذ محمد سعيد يعرفوا بعضهم المهم في الاخر الجماعة و الحمد لله بالونسة مع بعض نسواشوية موضوعنا إتفقوا علينا أنا و عاتكة و طلب مننا أني نبظل الجن و ننتبه ونكون غدوة والكلام الذي منه ودا نحنا لسة في سنة أولي من ضمن الحاجات الكتيرة البنعملها هي دك الحصص و نكون حامين بعيد من المكتب دنب الفصول البعيدة المهم في مرة نحنا حوالي ال15 داكين و الناظر إكتشف نحنا بر الفصول وكنا من فصول مختلفة و الغريبة طوالي بندك لكن اليوم داك وقعنا في يد الناظر المهم سكانا المدرسة كلهافي الاخر زنقنا كلنا في حتة صغيرة و ما كان عندنا حل غير المزيرة وإتحشرنا كلنا تحت الازيار و كانت بهدلة ما حصلت وبرضوا كان فيها تهديدي بالفصل و غايتو إنتهت ودي كان قدامنا في المدرسة في سنة ثالثة الصديقات سلمي التجاني علي و ثريا فتح الرحمن و زينب أبراهيم الياس ز و في سنة تانية ناس سعاد محمد توم التجاتي , هندية الطيب السيدو هند فريجون لما نحنا مشينا سنة تانية جونا في سنة أولي رقية ابو شرف, وصال السلمابي, إيمان بخاري و الغريبة أنا كنت مصاحبة ناس تالتة و ناس تانية وناس أولي و صداقتنا أنا و رقية إمتدت الي الان و بما إنو أمهاتنا صديقات منذ طفولتهن
تحياتي معز ابو نورة ولأسرتك و علي فكرة شفت مداخلتك هناك راسلني علي إيميلي عشان إرسل ليك إيميل تماضر أحمد خالد maha.bashir(AT)gmail.com
تحياتي للجميع ولقدام مها
Post: #108 Title: Re: لك الشكر Author: Nasser Mousa Date: 11-27-2008, 06:55 AM Parent: #107
الاخت راعية البوست السلام عليكم ورحمة الله وبركاته شنو يا بنات القديمة منتظر واحدة منكم ولو بالغلط تتذكر المرحوم الاستاذ / عبدالقادر محمد سالح - رياضبات اعتقد كان بدرس في التمانينات وبعدها اصبح مديراً لمدرسة طحنون . وكل اخواتي وبنات عمي درسوا بالقديمة واخرهم بنات عمي عبدالقادر نهلة وفاطمة .
وتحياتي عبركم لهذا الصرح العظيم
ناصر موسى محمد صالح
Post: #109 Title: Re: لك الشكر Author: Solafa Alagib Date: 11-27-2008, 07:57 AM Parent: #108
** نبيلة عبدالمطلب ...صباحك خير ,طبعا من اول مداخلةليك سالت نفسي ياربي دي نبيلة الصحفية في السودانى؟؟وفتحتا بروفايلك,واتأكدت
والله انتو(بنات القديمة)تشرفوا.تصدقي يا نبيلة احنا لحدي 94 زمن استاذ الموسيقي واحد مغبش كدا لكن كان مؤمن بالموسيقي ايمان شديد
الله يطراو بالخير.
** تيسير المبارك...اهلا بيك ..والله حسدتك علي زيارتك للقديمة حتي لو اطلال.
** استاذ الفاتح جبرا ..صباح النور عليك يا زهور ..بالله واصل وما تخلينا ,زى ود الناظرةز
** صباحك خير يامها... انا اعتذرتا وصلحتا المعلومة الخاطئة في مداخلات امبارح بانو الاستاذة المقصودة هي الراحلة ثريا محمد حسن علام وهى اخت خالتو
عزيزة الله يرحما ,وسعاد, وامال والدة صديقتنا عزيزة حسن ساتى ,ووداداللي ساكنة جنبنا في المعمورة.وهم من (اندينا)من الابيض.
** ناصر موسي ...اهلا بيك و ياسيدي ولا تزعل لسه الذكريات تتوالى وانا متاكدة انو في ناس كتيريين بيرتبوا في افكارهم وبيجمعوا في
اطرافهم عشان المداخلات تكون مضبوطة في التاريخ والاحداث والاسماء...ودمت
Post: #115 Title: Re: لك الشكر Author: Maha Bashir Date: 11-29-2008, 03:46 AM Parent: #109
أهلالالالان يا سلافة
تحياتي
Quote: ** صباحك خير يامها... انا اعتذرتا وصلحتا المعلومة الخاطئة في مداخلات امبارح بانو الاستاذة المقصودة هي الراحلة ثريا محمد حسن علام وهى اخت خالتو
شكرا ليك علي التصحيح أنا قصدت طالما جات سيرة سعاد علام فهي كانت مدرستي برضو في الصف الثاني فحبيت ذكر ذلك فلك العتبي
مها
Post: #110 Title: Re: الخرطوم القديمة بنات....علي مر الدهور والازمنة Author: سيف بخيت موسي Date: 11-27-2008, 08:38 AM Parent: #1
المدارس الثانوية العتيقة والمعتقة قليل ومنهم الخرطوم الثانوية بنات
مدرسة خلية نحل ، حين زرتها في العام 1994 ووقتها كانت بنت خالتي / الأستاذة صفية مصطفى معلمة بها ، وكذلك بنات خالتي / نازك ونون نورالدين الشيخ المبارك طالبات بالمدرسة
مدرسة منظمة وقوية ، وروح اسرية متجانسة( أساتذة / طلاب/عمال)
لكل طالبات مدرسة الخرطوم القديمة بنات وجميع منسوبيهاالود
وللدكتورة سلافة العاقب خالص التحايا
Post: #111 Title: Re: الخرطوم القديمة بنات....علي مر الدهور والازمنة Author: Nasser Mousa Date: 11-27-2008, 07:11 PM Parent: #110
الوردية على اريزونا فووووووووووووووق
Post: #112 Title: Re: الخرطوم القديمة بنات....علي مر الدهور والازمنة Author: Adel Sameer Tawfiq Date: 11-28-2008, 10:52 AM Parent: #111
اليوم الجمعة..
فووووووووووووووق..
Post: #113 Title: Re: الخرطوم القديمة بنات....علي مر الدهور والازمنة Author: محمد أبوالعزائم أبوالريش Date: 11-28-2008, 07:03 PM Parent: #1
المعز أبو نورا
Quote: اختي الوحيده منار الجمري ابونوره
خالص التحايا للأستاذة منار .... ووصل ليها التحايا من جميع معارفها بالدوحة
Post: #121 Title: Re: الخرطوم القديمة بنات....علي مر الدهور والازمنة Author: Solafa Alagib Date: 11-30-2008, 07:26 AM Parent: #113
** الاستاذ \سيف بخيت موسي اهلا وسهلا ..وشكرا علي المرور والمداخلة المقدرة...تفضل معنا دوما متابعا لما نكتب ومداخلا كلما سمحت لك ظروفك...اهلا بيك.
** زوجي من خريجي طقت ..اللي بسببهم (الوادى ضجت وحنتوب احتجت,,,في غنا البنات لخور طقت)وكانوا هم اخر دفعة تمتحن للجامعة منها
بعد ان قررت حكومتنا الموقرة (شفاها الله)تجفيف المدارس القومية ,لما يحكي عن طقت واياما بحس انو ما حيقيف عن الحكي وفي كل مرة عندو
قصص جديدة وذكريات نضرة ومشرقةوكانما عاشها بالامس ,,,ودايما يقول لي احنا قرينا الجامعة في الثانوى....وبكل الفخر انا بقول في
مدارس البنات الثانويةفي كل السودان..القديمة بنات رقم واحد....مع خالص تقديري لبقية المدارس...لكن الجواب ظاهر من عنوانو ...
وعنوانو اي بت قرت في القديمة ومدى انجازا في عالما.
درستنا سلافا وامنة"كيميا" في الكيميا,,,االاحياء مرة مرة كان بجينا اسامة جلال سلامة"الوراثة بابداع",,,والغريبة الاستاذ الرسمي
للمادة منو انا مامتذكراهو,,,يمكن عشان اسامة جلال درسنى برضو في كلية الصفوةالاعدادية"جنوب حديقة القرشي"قبل ماتبقي مدرسة رسمى.
الفيزيا دي عديل مامتذكرة منو اللي درسني في القديمة لكن اذكر وبكل الاعزاز والتقدير وحفظ الجميل استاذى نصرالدين فيزيا ايضا في
الصفوةالاعدادية.
من زميلاتى اذكر جوليا محمد وردى ودرست معانا سنة اولى بس او تقريبا جزء من اولى,شيراز محمدعبدالحي رغم انها امتحنت من السعودية,
ايثار عبدالرحمن خيري(قابلتها قبل سنين شغالة في اليونسيف الخرطوم),مى جلال علي لطفى ,هناء البيلي وكانت ادبية كعادة ال البيلي مع
Post: #114 Title: Re: الخرطوم القديمة بنات....علي مر الدهور والازمنة Author: maia Date: 11-28-2008, 08:49 PM Parent: #1
التحية ليكم يا بنات الخرطوم القديمة مجددا وكما قالت الاخت سلافة من درسن في الخرطوم القديمة يحملون ذلك الرابط فيما بينهم حتى وان اختلفت الدفعات الخرطوم القديمة ... اسم بمجرد ان اذكره ( اجر نفس طويل من الحنين) وتتجمع الدموع في عيوني شوقا الى عودة لحظة من تلك اللحظات الرائعة داخل حوش القديمة
ساعود للكتابة عنها شوقا لكل شيء فيها
التحية لكم ولزوار هذا البوست الجميل
Post: #116 Title: Re: الخرطوم القديمة بنات....علي مر الدهور والازمنة Author: Maha Bashir Date: 11-29-2008, 04:11 AM Parent: #114
سلافة أستاذ الفاتح يوسف جبرا استاذ عادل سمير سنا جعفر نصر موسي سيف بخيت أستاذ محمد أبوالعزايم مايا تحية مسائية
من الصديقات و بنات دفعتنا الصديقة العزيزه مها عبد المحمود, و الصديفة العزيزة سوسن أبوالريش والصديفة العزيزة الفنانة خالدة الجنيد, والصديقة لبني شداد والصديقة طاهرة شداد"هوله" مواهب ميرغني النصري" مني ميرغني, مني عمر مالك عليها رحمة الله , حنان مضوي" بت إستاذ موضوي" عواطف عجيمي, صفاء محمود حسين, الدفعة القدامنا وفاء محمود حسين, دلال عثمان مضوي, حنان حسن أبراهيم مالك الدفعة الورانا إيمان أبوبكر عثمان,إجلال النصري غايتو كان إتذكرت تاني بجي أتمهم
سلام بجي بكري عشان أحكي عن أستاذتي
مها
Post: #117 Title: Re: الخرطوم القديمة بنات....علي مر الدهور والازمنة Author: عبد الدائم سيد أحمد Date: 11-29-2008, 07:40 AM Parent: #116
Quote: إيمان أبوبكر عثمان
يا مها الزولة دى درست معانا فى جامعة الزقازيق كلية الصيدلة وكانت قدامنا بكم دفعة وبتعزف جيتار ما عارف هل هى ولا اسم على اسم
يا سلافة ما تطعمى البوست ده بكم صورة كده حتى لو طرف الفستان اللبنى خلى قلوب الشبان تطير ...
Post: #118 Title: Re: الخرطوم القديمة بنات....علي مر الدهور والازمنة Author: Adel Sameer Tawfiq Date: 11-29-2008, 12:06 PM Parent: #117
د.سلافة و أهل البوست !
بعد السلام الكتير..
إستلمت الإميل التالي من الأخ أحمد طه:
Quote: Hey 'Adil Tawfiq Salmat Wa kaif al-Hal I just wanted to say hello, I know it's weird and strange!!! I was reading Sudaneseonline.com. on the article that about The old Khartoum girls school I was trying to reply to the writer Dr. Sulafa al-'Aqib, unfortunately, her e-mail is not on her profileso I'm writing to you. Would you please pass this message to all MAN!!! This is great memories, I was student in that time in al-Khartoum al-Jadida in late 80sI'm in 40's now, however, I was resident in al-'Amarat close enough to the al-Qadimah BanatI have a lot of good and true memories from the school, also al-Umm-School That time was great, people were great even the life was great. Most of student were A student My greetings to all of you Have a good day Ahamed
Post: #119 Title: Re: الخرطوم القديمة بنات....علي مر الدهور والازمنة Author: Maha Bashir Date: 11-29-2008, 01:54 PM Parent: #118
صباح الخير بعد كباية القهوة اللذيذة الساعة 7:30 صباحا و الدنيا لسة ظلام و درجة الحرارة 5 تحت الصفر و برضو باردة شديد أستاذ عبد الدائم تحياتي الصديقة إيمان أبوبكر عثمان درست الجامعة في الكويت و هي إبنة وزير الحارجية السابق العم العزيز أبوبكر عثمان ربنا يدية طول العمر و الصحة يا رب
من صديقاتي العزيزات وبرضو من الخرطوم غرب الابتدائيةمديحة السنوسي عالية حسن عبد الله كرار أماني هارون العوض نادية عبد الله الحسن رباب وقيع الله
دخلت سنة أولي و كانت الامور في الدراسة ماشة تمام إلا حصةالرياضيات مع أستاذ عبد الرحيم وهو عقد لينا الدنيا و مافيها في نهاية السنة النتيجة جات و كل المواد 90 و مافوق إلا الرياضيات كعكة حمراء كبيرة معلماها أها قام أستاذ عبد الرحيم ناداني في المكتب وقال يعني إنتي دخلت الخرطوم الثانوية بأكبر نمرة في الرياضيات هسه مالك ساقطة فيها وإتحداني و قال لي خلاص موضوعك باظ وما حتقدري تخشي الهندسة الانتي عاوزاها.... المهم أنا برضو إتحديته و كان التقسيم للعلمي و الآدبي بتم بعد السنة الثانية المهم رجعت البيت و إتكلمت مع أمي و أبوي قلت ليهم أنا عاوزة أستاذ يدرسني رياضيات في البيت ووافقوا وإتكلمت مع أستاذ سمير الاستاذ المصري وطبعا بدأ معاي اسبوعين وبعدين مشيتوا لآني عرفت مشكلتي كانت وين وكنا أنا وهو بص بنتغالط في المسائل .... وبدأنا أنا و أستاذ عبد الرحيم الشغل الجد في الصف التاني و الغريبة هو درسني التلاته سنين و الحمد لله علي كدي لأني إتعلمت منه الكتير جدا بعد سنين طويلة قابلت أستاذ عبد الرحيم وعرفني طوالي و عرفته منه إنو بدرس في الجامعة وإن بيقوم بدور مهم في المناهج الرجل عبقرية وأكتر من متمكن من علمة له مني التبجيل و المحبة و أتمني أن يكون في أحسن الاحوال
مها
Post: #120 Title: Re: الخرطوم القديمة بنات....علي مر الدهور والازمنة Author: osman righeem Date: 11-30-2008, 06:45 AM Parent: #119
اختنا مها بشير تحياتي
ليك تحايا من مديحة السنوسي فتحية شامي نجوي شامي
و السلام امانه
Post: #122 Title: Re: الخرطوم القديمة بنات....علي مر الدهور والازمنة Author: Solafa Alagib Date: 11-30-2008, 07:54 AM Parent: #120
*** واخيرا وصلتى يا مايا ...الف اهلا بك
*** ادعو صديقتي الجديدة د:صفية صالح البدوى باتحافنا بما لديها....اكتبي يا صفية ...الوعد بيناتنا انك ,,,,
لدى ملاحظتان اود انقلهما لكم لاثراء البوست وزياده الفائده للمتداخلين ان رغبتم:
الاولى :تعريف الدفعه بتاريخ الالتحاق بالمدرسه والتخرج منها.
الثانيه: لم الاحظ من جيلنا اى من الاخوات 79_82 (هل اصبحن حبوبات وكبرن على الكتابه والاطلاع على البوست والا الحاصل شنو) ارجو حبه العمر تخليهم يكتبوا لنسمع اخبارهم.
مودتى الدائمه للجميع
Post: #124 Title: Re: الخرطوم القديمة بنات....علي مر الدهور والازمنة Author: Solafa Alagib Date: 11-30-2008, 12:08 PM Parent: #123
جنابو محمد عبدالمنعم التلب.....ليك مدة مابنتا...
حتة العمر دى ما قالو ممكن تدخل الناس في حتات ضيقةوبالتالى نكتفي بان المداخلة(بكسر الخاء)قرت او اتخرجت من القديمة بنات
بعدين لو شفتا ايميل الاستاذة هدى المرضي ذكرت انها دخلت 75 واتخرجت 78 ,,,اها شنو ليك...بعدين يا جنابو انتا ماك عارف انو
الزول هو البكبر روحو ....برااااهو
Post: #147 Title: Re: الخرطوم القديمة بنات....علي مر الدهور والازمنة Author: Maha Bashir Date: 12-02-2008, 03:22 AM Parent: #120
أخي الكريم عثمان رغيم تحياتي وشكري علي توصيل الآمانة
Quote: اختنا مها بشير تحياتي
ليك تحايا من مديحة السنوسي فتحية شامي نجوي شامي
و السلام امانه
ولي مديحة وفتحية و نجوي تحية وسلام أجمل و أعمق و ياريت يعني لو يشاركو معانا بذكرياتهم عن المدرسة وممكن يراسلوني علي الايميل وبرضوا لكل من تود مشاركتنا maha.bashir(AT)gmail.com
تحياتي ومودتي
مها
Post: #125 Title: Re: الخرطوم القديمة بنات....علي مر الدهور والازمنة Author: عابدون محمد عابدون Date: 11-30-2008, 01:57 PM Parent: #1
كل سنة وانتوا طيبين كل القديمابية والقديمابيات أها لو كان استاذ النورانى موجود هنا كان عكازه وجاكم على كلمة القديماب دى ....
Post: #126 Title: Re: الخرطوم القديمة بنات....علي مر الدهور والازمنة Author: sanaa gaffer Date: 11-30-2008, 03:30 PM Parent: #1
د. سلافة..
اول شئ خليني اسلم على مايا المختفية .. بركة بالشوفة يا حبيبة .. وليك وحشة والله ...
كان اجمل شئ في مجتمع القديمة هو انعدام الحواجز الطبقية والقبلية والعشائرية ..
من ما دخلنا لغاية ما طلعنا مافي واحدة سالت التانية انتي من وين ولا قبيلتك شنو ...
كنا إحنا بنات الطبقة الوسطى ( قبل ان تنقرض ) بننسجم لحد الذوبان مع ( بنات العز ) بدون اي احساس بالنقص او الدونية ..
الصداقة اتخطت حدود واسوار المدرسة ووصلت البيوت .. بقت صداقة اسر كاملة إتعارفت بسبب بناتها واصبحت علاقتها ممتدة وقوية ...
اتذكر في بداية الثانوي كان ممنوع حاجة اسمها ماشة اقرا مع صحبتي ولا ابيت عندهم ...
لمن وصلنا تالتة .. بقى المبيت في البيوت بالدور .. انا كنت تقريبا الوحيدة من المساق الادبي وسط صحباتي .. وبرغم كدة بنقعد للقراية مع بعض ...
اجمل مافي الموضوع هو استمرارية العلاقات لتصبح مصاهرة ونسب ...
صديقتنا هنادي .. اتزوجت كمال تاج الدين اخو صديقتنا حنان تاج الدين ... صديقتي الحبيبة نادية بشير اسماعيل تزوجت المهندس هشام عثمان اسماعيل شقيق سهام وليد اسد شيبون شقيق هالة تزوج فريدة عثمان اسماعيل شقيقة سهام وهشام .. شفتوا الغلوتية دي كيف ؟؟!! ..
القديمة دي مدرسة ولا كل المدارس .. علم وفن وادب وذوق وحضارة وادب واخلاق ...
بنات زي الدهب .. بقن نجمات في السما .. بفخر بيهن .. وبكل نجاح بسمعو عنهن ...
بنات دفعتي السمحات
ربة المنزل المكرسة نادية بشير اسماعيل ... الدكتورة هالة اسد شيبون ( شغالة مع الامم المتحدة في السودان ) الدكتورة ازاهر عبد الرحمن ( في كندا ) الدكتورة اتقياء داؤود ( تويتا ) الاستاذة حنان تاج الدين ( لغاية آخر ما سمعت عنها استاذة في الاحفاد ) البت الشاطرة سهام عثمان اسماعيل ( اتخرجت من الاسكول وعملت شركة كمبيوتر ) الظريفة روضة مامون ... البت العسل اميمة سيد احمد ... الوردة الخجولة امل الحكيم ..
وغيرهن ...
لكن تحياتي .. وحبي ...
ـــــــــــــــــــــــ عبد الدايم اخو البنات ... اظن بعد كلامي دة مامحتاج ارد على سؤالك ليه اخترت القديمة برغم بعدها الجغرافي عن مكان سكني
Post: #127 Title: Re: الخرطوم القديمة بنات....علي مر الدهور والازمنة Author: عابدون محمد عابدون Date: 11-30-2008, 03:53 PM Parent: #1
هوى ياجيران داير لى ملاح خدرة بايتة مع كسرة جديدة عندكم؟
Post: #128 Title: Re: الخرطوم القديمة بنات....علي مر الدهور والازمنة Author: nada ali Date: 11-30-2008, 04:12 PM Parent: #1
الاخت سلافة
سلام و تحايا و شكرا لفتح طاقة الذكريات العطرة عن الخرطوم القديمة التى درست فيها و درست (بفتح الراء و السين) فيها اثنتين من اخواتى. واحدة منهن، نجوى رحمها الله، سكنت فى داخلية الخرطوم القديمة ايضا لاننا كنا خارج السودان حين كانت هى فى الثانوى (فى نهاية السبعينيات).
انضممت لسنة اولى بمدرسة الخرطوم القديمة بعد بدء العام الدراسى بفترة قصيرة، و ذلك لاننى كنت قد اقنعت اسرتى بان ادرس السنة الاولى و الثانية ثانوي بعطبرة، لاكون قريبة من جدتى رحمها الله، و ان ادرس السنة الثالثة و امتحن للشهادة من الخرطوم القديمة. و لكن بعد اسابيع قليلة اخبرونى بانه سيكون من الصعب تغيير المدرسة فى سنة ثالثة، و هكذا عدت للخرطوم و تم تسجيلى فى الخرطوم القديمة- اولى سمية.
كانت ادارة المدرسة قد ابتدعت فكرة (الفصل المتجول) للتغلب على مشكلة ازدحام الفصول. فكان فصلنا ينتقل من فصل لاخر حين تكون بنات ذلك الفصل فى حصص الرياضة او التدبير المنزلى او الفنون اوفى معامل العلوم او المكتبة، و كانت تجربة جميلة حيث اتيح لنا الدراسة فى فصول كثيرة، منها فصول سنة ثالثة. كذلك اتيح لبنات الفصل التعرف على بعضهن بصورة اقرب مما لو درسنا فى فصل (كل حصة مع جارة مختلفة). و طبعا كان هناك عذر جاهز لمن تريد"دكّ" الحصص، لانه لو تم ضبطها، فان الاجابة عادة ما تكون "انافى الفصل المتجول و نسيت الجدول فى البيت او ما عارفة الحصة فى ياتو فصل."
من الصديقات العزيزات فى الخرطوم القديمة د. امل عبدالرحمن البشير (اخت احمد و نجاة اعضاء البورد) و ثريا جمال و اميرة ابو راس. أيضا كانت معنا سناء نديم (بنت الوكيلة)، و نازك يحى و فاطمة جابر و سارة الترابى و مها مبارك، واخوات عزيزات اخريات.
اذكر من اساتذتناالمتميزين استاذ محمد عطية (استاذ الرياضيات العبقرى)، و استاذ عبد الغفور و عبد الرحمن الرضى (اللغة العربية)، و الروائية استاذة بثينة خضر مكى (درستنا الادب الانجليزى، و حتى الان اذكر طريقة ترديدها لبعض العبارات من رواية "ابكى بلدى المحبوب") و اقبال عرديب وسلمى عابدون (اللغة الانجليزية) و ست حفيظة (استاذة اللغة الفرنسية). و كان مدراء المدرسة فى زمننا الاساتذة محمد سعيد معروف و عبد الجبار عبد الهادى رحمهما الله.
دائما اعتقد اننى كنت محظوظة لاننى درست فى هذا الصرح العظيم. لكننى ايضا افكر فى كل البنات فى جميع انحاء السودان (غربه و شرقه و شماله و جنوبه -- بل فى الخرطوم ايضا) اللائى لم تتح لهن فرصة الدراسة على الاطلاق! و افكر ايضا انه فى يومناهذا (اعنى فى نوفمبر 2008) حين تولد بنت فى جنوب السودان، فان احتمال وفاتها اثناء الوضوع(حسب احصائيات الامم المتحدة العام الماضى) (1 من كل 9 نساء يمتن اثناء الولادة فى الجنوب)، اكبر من فرصة اكمالهاللدراسة الابتدائية (و احدة فقط من كل 100 بنت فى الجنوب يكملن الابتدائية). و افكر ان هذا يدخل فى صميم ما تعنيه عبارة مثل انعدام "عدالة توزيع السلطة و الثروة" فى السودان.
ندى مصطفى دفعة 85 (دفعة الانتفاضة التى بدأت يوم امتحان الشهادة لمادّة التاريخ)
Post: #129 Title: Re: الخرطوم القديمة بنات....علي مر الدهور والازمنة Author: Al-Mansour Jaafar Date: 11-30-2008, 07:48 PM Parent: #1
السلام عليكم ورحمة الله
شكراً للدكتورة سلافة على هذه الشجون
أنا الشقيق الأصغر للطالبة العبقرية أناهيد جعفر محمد علي بخيت وهي حاضراً د. أناهيد أستاذة جامعية وأم ذات بنين وبنات وقربت تبقى حبوبة. وكنت مكلفاً بتوصيلهاذاك المشوار العجيب البيت-المدرسة-البيت وأديت هذه المهمة من الإبتدائي حتى مرحلة بص الجامعة والجامعة حيث تفرقنا.
كانت "الخرطوم القديمة" مدرسة الصفوة الطبقية والثقافية بالشراكة مع مدرسة الراهبات والإتحاد ذات الوشائج البريطانية وإن إمتازت الخرطوم القديمة على المدرستين بسودانيتها ولكنها كانت حسب تقديري تعكس -في جانب الزيادة- التفاوت والظلم بين المدارس وبين أقاليم السودان من حيث العدد والإمكانات والتجهيز وتوفير الكتب والأساتذة .
أكرم الله جهد الأستاذات آنجيل إسحاق وخديجة عبدالله محمد صالح والأستاذات علام وغيرهن فقد أنتجن مع الظروف جيلاً له هم موضوعي بقضايا المرأة والوطن والثقافة والطب والقانون والهندسة والتعليم ..إلخ .
أسعد الله أوقاتكم وأبهج ذكرياتكم وجعل الخير في عوائلكم وأسركم
وللخرطوم القديمة على مر الأزمنة والدهور التقدير والإحترام
Post: #133 Title: Re: الخرطوم القديمة بنات....علي مر الدهور والازمنة Author: Tabaldina Date: 12-01-2008, 10:56 AM Parent: #1
.. . سلام يا د.سلافا..
بالله ممكن اسال سؤال ما محرج شوية .. انت دفعة كم ؟؟ صراحة انا لى ذكريات كدا حابب اعرفها ياما انتظرت تحت النيمة وانا ابحلق فى التخرج .. ( نهاية اليوم ) واشوفها واتبعها وهى تختفى فى احد ازقة شوارع ناس ناذر .. دايما لمن اتذكر القصة دى بحكى لاصحابي قصة واحد معجب ليهو بواحدة كل يوم ينتظرها فى راس الشارع .. تجى ماره يتابعها بعينو لمن تاخد اللفه استمر اسابيع لمن اتشجع من نظرة وابتسامة .. قام متابعها بنفسو لمن وصلت اللفه كل ما جادت به قريحته قال ليها : على العموم فرصة سعيدة
معليش بايخة تقولى شنو اها دالحصل لى مع بت الخرطوم 3 .. والاغرب انها برضو قالو وكثير ما يقولون انها درست مديسن .. اها قلت يمكن العشم تعرفيها لى
___________
انا دستور _ كان _ نازل هناك فى الخرطوم 3 .. خريجة الخرطوم القديمة دى ..
Post: #134 Title: Re: الخرطوم القديمة بنات....علي مر الدهور والازمنة Author: Solafa Alagib Date: 12-01-2008, 11:13 AM Parent: #133
وهسى دستورك دا مشي وين ؟؟؟البرلمان!!! ولا المجلس الوطنى
لكن يا سيدي ولاتزعل ولو فتحت اول مداخلة انا عملتها حاتلقي انى دفعة 94 يعني الناس اللي سنتنا الدراسية كانت1994-1995
Post: #135 Title: Re: الخرطوم القديمة بنات....علي مر الدهور والازمنة Author: عبد الدائم سيد أحمد Date: 12-01-2008, 11:29 AM Parent: #134
يا سلافة انا قبيل قلت ليك عينى ليك غــفير للبوست ده ومعاهو عكاز العندو بت عمو جاي خاشى والعندو بت جيرانم جاي خاشي والعندو واحدة بتلف بالزقاق جاي خاشى لا احم ولا دستور
عموما" يا تبلديهم مافى اى واحدة فى المدرسة دى ساكنة فى الخرطوم-3 وقرت ميدسن ، عندنا واحدة وكانت ادبى حسب معلوماتى انا الوكيل بالانابة ...
Post: #136 Title: Re: الخرطوم القديمة بنات....علي مر الدهور والازمنة Author: Adel Sameer Tawfiq Date: 12-01-2008, 11:44 AM Parent: #135
Quote: يا سلافة انا قبيل قلت ليك عينى ليك غــفير للبوست ده ومعاهو عكاز العندو بت عمو جاي خاشى والعندو بت جيرانم جاي خاشي والعندو واحدة بتلف بالزقاق جاي خاشى لا احم ولا دستور
Quote: عموما" يا تبلديهم مافى اى واحدة فى المدرسة دى ساكنة فى الخرطوم-3 وقرت ميدسن ، عندنا واحدة وكانت ادبى حسب معلوماتى انا الوكيل بالانابة ...
بالغت عديييل كدة يا عبد الدائم !!
Post: #137 Title: Re: الخرطوم القديمة بنات....علي مر الدهور والازمنة Author: Tabaldina Date: 12-01-2008, 12:02 PM Parent: #1
.. . ناس لا ترحم لا تخلى رحمه ربنا تنزل بالله شوف الحقد دا يا عادل .. يعنى عبدالدائم النضيف دا .. عمل نفسو وطيل بالانابة ومصر مافى واحدة قرت مديسن .. يمين كضاب ياخى بنات الخرطوم القديمة دى كلهن كان بدخلن اما مديسن او هندسة .. خصوصا بنات 3 و2 قال ادبي اكيد قصدك ناس السجانة والحلة الجديدة ( مع الاعتذار يا ناس هوووى ) ما تفهمونى غلط كما قالت ندى القلعة ..
يا سلافا دستور حسي نازل فى الصافية .. فلقد مر عقد من الزمان وعشرات الاعوام .. فلابد ان يتغير الجن والجان
_____________
اها يا نضيف بت ادبي دى كانت صفراء ؟؟
Post: #138 Title: Re: الخرطوم القديمة بنات....علي مر الدهور والازمنة Author: محمد عبدالمنعم التلب Date: 12-01-2008, 12:32 PM Parent: #137
الاخت الكريمه د. سلافا
بيقولوا العرب ان اللبيب بالاشارة يفهم
وانا كنته مخمن انه عدم ذكر الدفعات جاى مصادفه والا...... لكن لكى الشكر على التوضيح.
بعدين يادكتوره اخونا تبلدينا سؤاله برىء... هو بس داير يعرف معلومه لا اكثر لاسيما انه مكسر بالمذكوره اعلاه من سنة كمين كدا وانتو دكاتره واعلم بانه الكسر لايجبر الا بعمل الجبص والازم وسؤاله دا داير ليهو رد عشان يجبص بيهو كسوره ( والذيو كتاااار) تلقيهم بيتاوقو كلى شويه ويمرقوا وبيظهروا حبه حبه فبالله ماتنسوا قسمكم فيهوا .
Post: #139 Title: Re: الخرطوم القديمة بنات....علي مر الدهور والازمنة Author: عبد الدائم سيد أحمد Date: 12-01-2008, 12:52 PM Parent: #138
يا عادل سمير انت مش قلت انك شخصية ليها وزنها وثقلها بالله اقيف لي فى الباب ده والبجى خاشى اعصرو لي واوعك تحن عليهو .. كمان جابت ليها صفراء وخدراء وملاح خدره فى شارع 15 ديل بنات مدرسة العروبة الكانو بياكلو ام فت فت وشطه وعجور فى سوق العشرة ، مش ايسكريم 41 .
Post: #148 Title: Re: الخرطوم القديمة بنات....علي مر الدهور والازمنة Author: Adel Sameer Tawfiq Date: 12-02-2008, 06:06 AM Parent: #139
Quote: يا عادل سمير انت مش قلت انك شخصية ليها وزنها وثقلها بالله اقيف لي فى الباب ده والبجى خاشى اعصرو لي واوعك تحن عليهو ..
سعادة الوكيل بالإنابة أستاذ عبد الدائم..
تتخيل دي كانت شغلتي لما كنت صغير بناء على توجيه الوالدة !!
ما كان في بت بتطلع من الداخلية للدكان الوحيد في سوق العمارات انذاك (دكان لوليتا) الا و أكون
أنا معاها كحرس و بتعليمات مشددة !!
Quote: كمان جابت ليها صفراء وخدراء وملاح خدره فى شارع 15 ديل بنات مدرسة العروبة الكانو بياكلو ام فت فت وشطه وعجور فى سوق العشرة ، مش ايسكريم 41 .
مبالغة !!
Post: #141 Title: Re: الخرطوم القديمة بنات....علي مر الدهور والازمنة Author: Tabaldina Date: 12-01-2008, 01:14 PM Parent: #138
.. . الله ينصر دينك يا التلب ياخى انت فاهمنى صاح .. مش زى الوكيل دا
Quote: بعدين يادكتوره اخونا تبلدينا سؤاله برىء... هو بس داير يعرف معلومه لا اكثر لاسيما انه مكسر بالمذكوره اعلاه من سنة كمين كدا وانتو دكاتره واعلم بانه الكسر لايجبر الا بعمل الجبص والازم وسؤاله دا داير ليهو رد عشان يجبص بيهو كسوره ( والذيو كتاااار) تلقيهم بيتاوقو كلى شويه ويمرقوا وبيظهروا حبه حبه فبالله ماتنسوا قسمكم فيهوا .
اتفق معاك تماماً يا تلب .. بس ياهو زاتو ..سؤال برئ من سنة كم ؟؟ ما لاقى ليهو اجابة يا ربي مافى صور للخريجات ان شاء الله دفعة واحدة بس ؟؟
_______________
ياخى دايما وكيل المدرسة بكون قطيم اقطم من المدير واستاذ الانجليزى ليه كدا ؟؟
Post: #140 Title: Re: الخرطوم القديمة بنات....علي مر الدهور والازمنة Author: sanaa gaffer Date: 12-01-2008, 01:06 PM Parent: #1
Quote: عموما" يا تبلديهم مافى اى واحدة فى المدرسة دى ساكنة فى الخرطوم-3 وقرت ميدسن ، عندنا واحدة وكانت ادبى .. حسب معلوماتى .. انا الوكيل بالانابة ...
حضرة الوكيل بالانابة الاستاذ عبد الدائم ...
فعلا غالبية بنات تلاتة القروا في القديمة كانو علمي ..
لكن احنا بنات الادبي كنا اقلية لا يستهان بها ...
والذ مافي الموضوع انو ايام القراية الشديدة والعصرة بتاعت الامتحانات كنا بنمشي نذاكر في ( نادي الاسرة ) ...
بنات واولاد مع بعض وبنكون خليط من علمي وادبي ...في تربيزة واحدة .. وتخيل بدون هرجلة ولا تضييع زمن ...
وعلى فكرة .. في القديمة كانو معانا بنات من السجانة والحلة الجديدة ... علمي وادبي .. بنات شاطرات وفي قمة الذوق واللطافة ..
ـــــــــــــــــــ ست اقبال عرديب ... اظرف مدرسة ادب انجليزي ممكن تقابلها ... لمن كنت اقيف جنبها بحس بضخامة حجمي .. كانت نحيلة جدا .. وطيبة جدا .. ومتفانية جدا ... كان بيتها قريب للمدرسة .. وما كان عندها مانع تستضيفنا المسا عشان تزيد تحصيلنا من كتب الادب الانجليزي .. لمن ظهرت النتيجة كانت اول مدرسة لقيتها في وشي ... شفت الفخر في عيونها وهي بتقول لي مبروك جبتي اكبر نمرة في الادب الانجليزي على مستوى العاصمة .. دة كان مجهودها هي .. وتفانيها في تدريسنا ... الزمن الاتبرعت بيهو من وقت بيتها وحياتها ... شكرا يا ست اقبال .. لغاية الان ما فارقني حب قراية الادب الانجليزي ...
ــــــــــــــــــــ ست حفيظة مدرسة اللغة الفرنسية ..عملت المستحيل عشان تخلينا نشيل المادة معانا في امتحان الشهادة ... نطقها للكلمات حببنا فيها وبدينا معاها .. ( جو سوي او سي ) ... ( كومن تابل تو ) ... (ايه لي مالاد ) ... ( بونجور مسيو ) ... ( بونسوار مادموزيل )... على ما اذكر اخترنا ناخد المادة انا وزميلة من جنوب السودان اسمها سوزي .. كانت بت شاطرة شديد ... في النهاية وللاسف الشديد كلنا اتخلينا عن حصص اللغة الفرنسية في مقابل التركيز على المواد التانية الاكتر اهمية .. تحياتي لست حفيظة اينما كانت ...
ولي عودة مع ماسورة الذكريات الاتفتحت ...
Post: #142 Title: Re: الخرطوم القديمة بنات....علي مر الدهور والازمنة Author: maia Date: 12-01-2008, 01:19 PM Parent: #1
بنات الخرطوم القديمة الحبيبات والمتداخلون الكرام
لكم كثير التحايا
لكي تحياتي سلافة وللعزيزة سناء وشكري لسؤالكم سعيدة جدا بكوني معاكم في حوش واحد ممتد من جذور تلك المدرسة الحبيبة الى قلوبنا متابعة معاكم وشايفة في البوست كل حنية شجر القديمة وحوشها وفصولها واساتذتها القديمة التي كما قالت سلافة اشبه بمدارس الرهبات وكلية فكتورياالتي تعلمك معنى الانضباط والنظام
ما زلت اذكر صف المدرسات الصباح في مواجهة باب المدرسة ومراقبة المظهر العام للطالبات
وتلك الجمل التي تعودنا سماعها ( يا بت الماشة هناك ولابسة حلق ديك .. تعالي بهنا ) وتلقوا البنات بيحاول يغطوا عليها لكن وين ... وهنا يا ويلها من سماع كلمتين عن معنى احترام الزي المدرسي ومهما حاولت البنات اخفاء معالم الحلق الممكن يكون اصغر من الدبوس تجدي الامر وقد انكشف وممكن جدا حملات التفتيش والمداهمة تحصل فجأة في الفصول وجاكي الويل يا اللابسة الحلق او السلسل
تعلمنا منهم الدقة واحترام المواعيد ..معنى احترام الفستان اللبني الذي نلبسه متذكرين باب المدرسة لما يقفل 7 ونص بالظبط وما بعفيكي مهما قدمتي من اعذار لو جيتي 7 ونص ودقيقة لانه اصلا بيفترضوا انه الطالبة مفروض 7 ونص تكون جوه فصلهاانشالله لو الدنيا اتقلبت ست فاطمة شوقي كانت ممكن تزعل جدا وتخلي الحصة لو جات ولقت طالبة واحدة بره الفصل بعد الجرس يضرب يا حليلها القديمة وحليل ايامها
لي عودة
Post: #143 Title: Re: الخرطوم القديمة بنات....علي مر الدهور والازمنة Author: عابدون محمد عابدون Date: 12-01-2008, 01:35 PM Parent: #1
والله انا حاسدكم عديل كدة على اللمة دى ... أها انا ماشى أفتش بتاعنا داك يكون مجدوع بى وين ...
Post: #145 Title: Re: الخرطوم القديمة بنات....علي مر الدهور والازمنة Author: نبيلة عبد المطلب Date: 12-01-2008, 01:49 PM Parent: #1
العزيزة سلافة.. نهارك سعيد وجدت هذه الصورة من بين صورة نادرة للخرطوم القديمة وتضم أستاذات جليلات ..
من اليمين : استاذة ليلى مولود لغة إنجليزية ،الراحلة استاذة سهير بخاري مادة التأريخ ،،استاذة ثريا هاشم ،،استاذة محاسن جيلاني المديرة ،، الأخيرة خانتني الذاكرة تماما لم أستطع أن أتذكر إسمها ولكن أذكر أنها تدرس التدبير المنزلي ..
Post: #146 Title: Re: الخرطوم القديمة بنات....علي مر الدهور والازمنة Author: maia Date: 12-01-2008, 01:58 PM Parent: #1
الاخت نبيلة
الاخيرة هي ست زايدة استاذة التدبير المنزلي
طوالي بتذكر عمل باترون الفستان غايتو كان عذاب ما بعده عذاب
صورة حقيقي اكتر من رائعة خلت الواحد دموع تجري بدون ما يحس ياريت لو عندك اكتر تنزليها لينا
تسلمي نبيلة
Post: #149 Title: Re: الخرطوم القديمة بنات....علي مر الدهور والازمنة Author: Solafa Alagib Date: 12-02-2008, 09:02 AM Parent: #146
اتنىر والله انتو عسل وانا ندماااانة انى كنتامكسلة افتح البوست دا
*** عبدالدايم سيداحمد,,,,,,,,,,,ياخي خليهو ياخ تبلدينا دا يعني هو لايصل لايعبر ؟؟؟بعدين والله معلومة بت ادبي الساكنة في تلاتة دى
بالغت فيها وخليتنى اتبسم زى المجنونة.
*** تعرف يا تبلدينا كنا بنخش طب بالفصل ,,يعني يقولو ليك بنات تالتة كدا كلهم دخلو طب الخرطوم,تخيل تمشي تلقي شلتك كلها في نفس
الجامعة ونفس الكلية ودا اللي بيفسر العلاقة الازلية المستمرة لبنات القديمة ....بعدين انتا يقولو ليك الناس ماعايزة تقول دفعة
كم تقول نزلو صور ,,,النبي مابتبالغ.
*** ايويويويويووووووي.................مولانا عادل ظهر
***يا محمد التلب,,,,,كسر تبلدينا دا لابينفع فيهو جبص ولا جبيرة حتى,,والقرار النهائي استبدال العضو المكسور... وهو طبعا عمل كدا
*** سناء ,,,,,,,,يارائعة
احيى معاك استاذة اقبال عرديب( ذات الاستايل الانجليزي في كل شي)وبناتها
لو بت جنوب السودان دى سوزان دوناتو اللي ابوها قس جنوبي وامها سورية قبطية واختها الكبيرة كانت مضيفة في الخطوط البريطانية
تقريبا تبقي انتى قولا وفعلا دفعة سهير العاقب اختى,,,,,,,,وبالله الماسورة دى ما تقفليها.
*** مايا,,,,,,,,,,,,,,,,,,,,,,عودا حميدا مستطاب.
*** عابدون ,,,,,صباح الخير والخدرة البايتة......ماتحسدنا عليك الله احنا ماصدقنا اتلمينا تاني وانتا ذاااتك ما اهو قاعد معانا تحمد
ربك ما اخير من البتاوقو وما قادرين يخشو...خلى يخشو وكمان يشحدو خدرة ,,,,والنبي إيه
*** طبعا يا نبيلة ابدعتى ابدعتى ابدعتى وصحى صحفية ...بالجد نزلتى دموعنا زى ماقالت مايا,,,,,وطبعا دا مكتب ثريا هاشم الوكيلة عشان
وضع التربيزة اول ماتجى داخلة يمين الباب مازى مكتب محاسن جيلاني(الناظرة)في الوش عشان ما تزوغى كدا ولاكدا.
Post: #150 Title: Re: الخرطوم القديمة بنات....علي مر الدهور والازمنة Author: Adel Sameer Tawfiq Date: 12-02-2008, 10:12 AM Parent: #149
Quote: *** ايويويويويووووووي.................مولانا عادل ظهر
أبشري د. سلافة على الزغرودة الحلوة دي !!
لكن يا دكتورة أنا قاعد طوالي ، معقول ما شايفة شخصية ليها وزنهامثلي (140 كيلو) !!
حتى ناس القديمة بنين طلعوا إشاعة اني بعتهم !!
كدة راجعي البوست دا من الأول !!
Post: #152 Title: Re: الخرطوم القديمة بنات....علي مر الدهور والازمنة Author: Solafa Alagib Date: 12-02-2008, 11:56 AM Parent: #150
لكن يا مولانا ظهورك دا مرة مرة ومرات الا نشحدو,,,,,عاد دا حديث دا
Post: #151 Title: Re: الخرطوم القديمة بنات....علي مر الدهور والازمنة Author: sanaa gaffer Date: 12-02-2008, 11:51 AM Parent: #1
Quote: طبعا يا نبيلة ابدعتى ابدعتى ابدعتى وصحى صحفية ... بالجد نزلتى دموعنا زى ماقالت مايا,,,,, وطبعا دا مكتب ثريا هاشم الوكيلة عشان وضع التربيزة اول ماتجى داخلة يمين الباب مازى مكتب محاسن جيلاني(الناظرة) في الوش عشان ما تزوغى كدا ولاكدا.
Post: #153 Title: Re: الخرطوم القديمة بنات....علي مر الدهور والازمنة Author: nada ali Date: 12-02-2008, 11:56 AM Parent: #1
الاخت سلافة سلامات،
Quote: اخر نقطة ذكرتيها تحديدا عن وفيات الامهات اثناء الولادة هى من صميم عملى كمدير
لقسم الصحة الانجابية في منظمة امريكية تعمل بدارفور...وما اخرنى اليوم عن التداخل هو الاعداد لورشة تثقيفية
للدايات عن رعاية الحالات الطارئة بعد الولادة
هذا عمل عظيم، حقيقي! ارجو ان تكتبى لنا اكثر (ربما فى بوست اخر) عن عملك.
الاخ المنصور، سلامات.
نجوى اختى، رحمها الله، كانت معجبة جدا باناهيد (الشاطرة و الشاعرة ايضا).
لا اتفق بان طالبات الخرطوم القديمة كلهن كن من "بنات الذوات" (فقد درست هناك و لست من بنات الذوات) لكن اكثرهن كن من البنات المجتهدات و الرائعات من انحاء المدينة المختلفة.
لم اكن اعرف ان الدكتورة سوزانا دوناتو درست فى الخرطوم القديمة! تعرفت عليها فى وقت لاحق و اعتقد انها من اميز السودانيات.
Post: #154 Title: Re: الخرطوم القديمة بنات....علي مر الدهور والازمنة Author: sanaa gaffer Date: 12-02-2008, 12:08 PM Parent: #1
Quote: احيى معاك استاذة اقبال عرديب( ذات الاستايل الانجليزي في كل شي)وبناتها
لو بت جنوب السودان دى سوزان دوناتو اللي ابوها قس جنوبي وامها سورية قبطية واختها الكبيرة كانت مضيفة في الخطوط البريطانية
تقريبا تبقي انتى قولا وفعلا دفعة سهير العاقب اختى,,,,,,,,وبالله الماسورة دى ما تقفليها.
سلامات يا سلافة ..
ما متذكرة تفاصيل شخصية كتيرة عن زميلتي ( سوزان ) .. لكن الشئ الاكيد انها جنوبية اماً وأباً ...ليها التحية وين ما كانت ...
غايتو انا وسهير بنكون دفعة او قريبين لبعض .. كدة قولي ليها سناء عمر بابكر ( جعفر دة اسم جدي ) ..
تحية من القلب لكل بنات القديمة .. وضيوفنا .. وزوارنا الكرام ...
Post: #155 Title: Re: الخرطوم القديمة بنات....علي مر الدهور والازمنة Author: عابدون محمد عابدون Date: 12-02-2008, 12:50 PM Parent: #1
يختى نحنا لاضيوف ولاحاجة قاعدين متحكرين هنا من مافتحوا الباب ...
Post: #156 Title: Re: الخرطوم القديمة بنات....علي مر الدهور والازمنة Author: Solafa Alagib Date: 12-02-2008, 09:36 PM Parent: #155
***اهلين ياندى علي ,,,اوعدك انشاء الله انى اعمل بوست منفصل عن تجربتي في معسكرات النازحين
فى دارفور.انا ماقصدت بنات الذوات اللي ساكنين في فيلا ومزرعة بابا وعربية ماما واجازة في
دبي و البعدها في تركيا,,,,,,,ابدااناقصدت بنات ذوات في السلوك والتعامل واختيار الفاظ
الكلام اللي بيخليك تعرفي بنات القديمة في اي مجتمع.
***يا سناء عمر بابكر جعفر واصلي ولاتتوقفي...انت بتقربي للاستاذة بلقيس عوض الممثلة؟؟؟
*** عابدون
الله يعطيك الف عافية والله بالجد انتو بقيتو اهل بيت وانا مطمئنة علي البوست في وجودكم
دمتوا والله
Post: #157 Title: Re: الخرطوم القديمة بنات....علي مر الدهور والازمنة Author: sanaa gaffer Date: 12-03-2008, 06:31 AM Parent: #1
صباح الخير يا سلافة .. ياخي خربتي طبعنا .. بعد ما اعتزلنا الشغلة .. بقينا من صباح الرحمن نجي نفتش على بوست الذكريات ..
Quote: ***يا سناء عمر بابكر جعفر واصلي ولاتتوقفي...انت بتقربي للاستاذة بلقيس عوض الممثلة؟؟؟
ايوة .. الاستاذة بلقيس عوض قريبتي من جهة الوالد ( الله يرحمو ) بس ما عارفة الصلة تحديدا شنو ...
ويا عبدون ... خلاص اعتمدناك من ناس البيت .. وشلنا منك لقب الضيف ...
للجميع المحبة والتقدير ..
Post: #158 Title: Re: الخرطوم القديمة بنات....علي مر الدهور والازمنة Author: عبد الدائم سيد أحمد Date: 12-03-2008, 06:42 AM Parent: #157
Quote: سناء عمر بابكر جعفر
Quote: على العموم فرصة سعيدة
_____________________________
Quote: ويا عبدون ... خلاص اعتمدناك من ناس البيت .. وشلنا منك لقب الضيف ...
ارجو مقابلة الوكيل ثم ينظر فى الامر ؟؟؟؟
Post: #159 Title: Re: الخرطوم القديمة بنات....علي مر الدهور والازمنة Author: عابدون محمد عابدون Date: 12-03-2008, 07:20 AM Parent: #1
والله يادكتورة ذكرياتكم الجميلة دى عايزة ينزلوا ليها الذكريات بصوت المرحوم الشفيع .. عليكم الله البيعرف ينزل الغنية دى هنا ..
Post: #160 Title: Re: الخرطوم القديمة بنات....علي مر الدهور والازمنة Author: عابدون محمد عابدون Date: 12-03-2008, 07:22 AM Parent: #1
الله يديكى العافية ويعمر بيتك ياسناء .. يادكتور خلى الحسادة
Post: #162 Title: Re: الخرطوم القديمة بنات....علي مر الدهور والازمنة Author: Solafa Alagib Date: 12-03-2008, 07:44 AM Parent: #160
يسعد صباحكم كلكم,,,,
غايتو عندنا وكيل كدا صعب صعوبية ,,,,
للاسف يا عابدون والله انا ماعندي فكرة انزل الاغنيات كيف
لكن اي زول عندو خلفية اكيد حايدي وست الف معنى زيادة
Post: #161 Title: Re: الخرطوم القديمة بنات....علي مر الدهور والازمنة Author: maia Date: 12-03-2008, 07:37 AM Parent: #1
سناء وسلافة صباح الخير
يا جماعة الجرس ضرب ولا لسه
عشان ندخل الفصول ونسعد بذكرياتكم الجميلة
Post: #163 Title: Re: الخرطوم القديمة بنات....علي مر الدهور والازمنة Author: عبد الدائم سيد أحمد Date: 12-03-2008, 08:27 AM Parent: #161
Quote: غايتو عندنا وكيل كدا صعب صعوبية
مايا شايفك كل يوم بتجى متأخرة ما تقولي لي جايه من امتداد ناصر كدارى ومافى مواصلات اقفلى ماسورة الاعذار دى وغسلى وشك من غبار شارع المطار وفتحى كويس الحصة فيــزياء . عارف فى ناس حتذوق من الحصة وتقعد تحت الازيار ..
مها بشير شايفها داكة كالعادة ليها كم يوم وبالتالى اثرت على مستوى هدى المرضى .
ننمنح الطالبة نبيلة 10 درجات عبارة عن اعمال سنة وبالتوفيق .
Post: #164 Title: Re: الخرطوم القديمة بنات....علي مر الدهور والازمنة Author: ممدوح عثمان Date: 12-03-2008, 11:31 AM Parent: #163
الدكتورة سلافا العاقب
الذكريات
Post: #165 Title: Re: الخرطوم القديمة بنات....علي مر الدهور والازمنة Author: Tabaldina Date: 12-03-2008, 11:41 AM Parent: #1
.. . اها يا جماعة الدكتورة الكنت بستناها تحت النيمة دى ولمن اعطش بمشى للمزيرة فى الكورنرة لقيتوها لى ولا اتكل على الله ..
Quote: تعرف يا تبلدينا كنا بنخش طب بالفصل ,, يعني يقولو ليك بنات تالتة كدا كلهم دخلو طب الخرطوم, تخيل تمشي تلقي شلتك كلها في نفس الجامعة ونفس الكلية ودا اللي بيفسر العلاقة الازلية المستمرة لبنات القديمة ....بعدين انتا يقولو ليك الناس ماعايزة تقول دفعة كم تقول نزلو صور ,,,النبي مابتبالغ.
لا انا بنات القديمة ديل ما عندى فيهم كلام نهائى سماحة وشطارة وذوق وأدب .. يا الله ما تذكرونا سااى عشان كدا بالله شوفى صور البرالمة انسى صورة الدفعة انا متأكد انها بتكون محشورة فى النص ..
___________
ياخى الزولة دى عزيزة معزة النيم فى الصيف والله داير اشترى هدية لبتها زى دى بكون خمشوها من رابعة طب .. اها منو الاتزوجت فى رابعة؟؟
Post: #166 Title: Re: الخرطوم القديمة بنات....علي مر الدهور والازمنة Author: ممدوح عثمان Date: 12-03-2008, 11:59 AM Parent: #165
Post: #167 Title: Re: الخرطوم القديمة بنات....علي مر الدهور والازمنة Author: عبدالوهاب علي الحاج Date: 12-03-2008, 12:49 PM Parent: #1
الاخوة والاخوات ببوست الخرطوم القديمة تحياتي
الذكريات بطلب خاص من الاخ عابدون محمد عابدون
Post: #168 Title: Re: الخرطوم القديمة بنات....علي مر الدهور والازمنة Author: عابدون محمد عابدون Date: 12-03-2008, 01:15 PM Parent: #1
روعة ياوهبة وياممدوح الله يديكم العافية ...
Post: #169 Title: Re: الخرطوم القديمة بنات....علي مر الدهور والازمنة Author: Solafa Alagib Date: 12-03-2008, 04:46 PM Parent: #168
*** ادخلى يا مايا سريع قبل ما ناس الديوتى يشوفوك,,,,,,,,,,,,,,
*** لكن يا عبدالدايم سيداحمد لقيتك وكيل جدجد,ومراقب جيد للبوست عارف اللى بيجي طوالى واللى بيزوغ واللي بيدك ....منك خوفة
*** ممدوح نورت البوست بالذكريات لكن للاسف ماقدرت افتحا
*** عابدون اللطيف انت واصحابك
Post: #170 Title: Re: الخرطوم القديمة بنات....علي مر الدهور والازمنة Author: عابدون محمد عابدون Date: 12-04-2008, 05:15 AM Parent: #1
الذكريات ... جميلة
Post: #171 Title: Re: الخرطوم القديمة بنات....علي مر الدهور والازمنة Author: Solafa Alagib Date: 12-05-2008, 07:45 AM Parent: #170
صباح الخير يا اهل البيت الكبير
**** واخيرا كتبت صديقتي صفية
بسم الله الرحمن الرحيم
سلام مربع لأحلى بوست وأجدع ناس وأحلى بنات وأروع ذكريات ................. الله يديك العافيه يا سلافا بقدر ما أثرت من شجون وأسلت من دموع إزيكم يا بنات القديمه ويا ضيوف حوشها الفسيح الوريف تحيه بقامة أشجارها الباسقه وفصولها العتيقه وممراتها المعبقه عطرا وشوقا وحنين ............................... في الحقيقه متابعه البوست من كم يوم ومن ساعتها وراسي مدور..... شريط ذكريات منطلق بسرعة إعصار بصراحه إحترت أبد مداخلتي كيف ولا من وين ولا وين؟ ........................ غايتو هسه قررت أخش رغم النعاس.... لأنه بعد صورة نبيله النزلتها دي مااا أظن في زول بيقعد بس يعاين بعيونه
.................................................. أولا : تحيه وإنحناءة تبجيل وتكريم لكل الأيادي البيضاء التي خطت بالطباشير على صفحات تاريخ التعليم نحتت في قلوبنا وشم الخرطوم القديمه بنات ,,,,, رسمت مستقبل مشرق لأجيال سابقه وقادمه لكل من علم حرفا في ذلك الصرح العظيم .....جميع أسلاتذتنا الأجلاء ومعلماتنا الفاضلات كل الود والإمتنان .......................... وللحديث بقيه صفيه صالح البدوي دفعة 92
Post: #172 Title: Re: الخرطوم القديمة بنات....علي مر الدهور والازمنة Author: Solafa Alagib Date: 12-05-2008, 07:51 AM Parent: #171
صفية,,,,,,,,,,,,تواصل
عارفين يابنات؟ أستاذه محاسن جيلاني دي عندها كاريزما ما عاديه الزول لو شافها مره واحده ما بيقدر ينساها أبدا ......وهي واحده من معالم القديمه أول مره أشوفها ....كنت في أولى متوسطه ومشيت حضرت معرض في القديمه مع بت خالتي سندس الكانت بمثابة أختي الكبيره... كان يوم مشهود.... إستمتعت بالإنبهار وقطعت على نفسي عهد اني لازم أدرس هناك وظلت صورة ست محاسن وذكرى اليوم داك في ذهني لحدي ما دخلت القديمه. بالمناسبه سندس عبدالله امتحنت أدبي 87 وأصبحت أستاذة فرنسي في آداب الخرطوم والمركز الثقافي الفرنسي ...من دفعتها ريم علي أبوسن.... وندى على محمود حسنين في زول من دفعتها حايم بي هنا؟ .......................... فترة دراستي في الخرطوم القديمه منذ بداية العام الدراسي 89 - 90 وحتى إمتحاني الشهاده السودانيه 1992 كانت فتره خصبه جدا تزامنت مع أحداث وتغييرات كتيره سياسيه واجتاعيه وغيرها في البلد وده كله كان بينعكس على جو المدرسه. منها أذكر: سياسة التعليم العالي والغاء مجانية التعليم وده كان سبب في إدارة مايشبه أركان النقاش في المدرسه.....كنا نتجمع في قروبات دردشه في بنشات ونجايل المدرسه بتجي سيرة مواضيع الساعه وطبعا كل واحده عايزه تستعرض ثقافتها ووعيها السياسي تقوم تقشر وتستلف التعابير من أخوانها الكبار البيقرو في الجامعه ............. وكنا نتناقر حتى يبح صوتنا........أو يدق الجرس وندخل الفصول............................. أيضا فتره اجتاحت المدرسه جيوش من بنات سستر اسكول وسانت فرانسيس حولوا مدارس حكوميه لأنهم قرروا يمتحنو شهاده سودانيه بدل لندن بنات حنكوشاااات ولسانهم معووج اندمجوا في مجتمع المدرسه بطريقه smooth وحصل mixure جميل في الجو العام...........(على رأي سناء جعفر). وتمت اضافة جورج مايكل وUB40 لقائمة الفنانين المفضلين( طبعا رأس القائمه عقد الجلاد وعمرو دياب)....ما قلت ليكم خليط ثقافات؟ و الكنا بنشخبط أساميهم وبنلصق صورهم على الشنط وبناطلين الجينز البنلبسها مع الزي المدرسي................ .................................. وما أدراك ما الزي المدرسي على أيامنا ما كام لازم تختي الطرحه في راسك ولا كانت قصة الفستان محدده كانو البنات بعملو تساريح وقصات شعر وبيطقمو ألوان ساعات اليد والشنط مع الأحذيه الرياضيه والشرابات..... أناقة بنت القديمه مميزه ولمن تمشي في الشارع بتكون ظااااهره
•
Post: #173 Title: Re: الخرطوم القديمة بنات....علي مر الدهور والازمنة Author: Solafa Alagib Date: 12-05-2008, 07:58 AM Parent: #172
بمناسبة أناقة طالبات القديمه مابنسى أبدا قصة فستان جوليا (إبنه الفنان محمد وردي) وضفيرتها الطويله وطلتها المميزه............. عارفين؟ من أهم اسباب تميز القديمه برغم المستوى الأكاديمي العالي للطالبات انه الجو ما كان أكاديمي ضاغط كنت بتلقى كل حاجه في مجتمع المدرسه (ثقافه- رياضه - فن - أدب- موضه - سياسه) من نجمات الكره الطائره : • البطله منى حمدان • عزه النضيف و أخواتها • ريم احمد عبدالمجيد • ساره عمر • صديقتي :مها عبدالله البشير وغير الطايره كنا بنلعب مختلف انواع الرياضات حتى رمي الرمح ( " والله جد "..... دي زي زهور اللوتس الذكرتها إشراقه حيموره). ومن هنا بحيي اشراقه وسناء حقيقه أعطوا البوست نكهه خاصه..... لكن اشراقه مشت وين؟ * طبعا أحلى أيام كانت الدوره المدرسيه وبمناسبتها بتذكر قصه لذيذه: مباره حاسمه في الكره الطائره بين فريقنا و منتخب شمال كردفان -الأبيض المكان: صالة الألعاب....ونحن جاهزين بأدوات التشجيع ومعتمدين في الجانب الرجالي من المشجعين على أولاد القديمه (بمناسبة التوأمه الحاصله بين المدرستين وكده) لأنهم صوتهم جهوري وطبعا بناتنا رقيقات و مابيقدروا يكوركوا شديد في التشجيع... بعد 5 دقايق من بداية اللعبه ..إتفاجانا بأن حضرة سعادتهم خسونا وبقوا يشجعوا في الفريق الخصم لأنهم فتنوا ببنات الأبيض الشديدات.... بصراحه المنافسه كانت على المستويين اللعب والمنظر ومافي داعي أقول نتيجة المباراه المهم بعداك حصلت حملة مقاطعه لأولاد القديمه فتره طويله من الزمن لمن دخلت واسطات . ..................... بنات القديمه * قارئات نهمات : بيقروا أي حاجه من غارسيا ماركيزوتولستوي لحدي مرورا بيوسف السباعي وإحسان روايات عبير ورجل المستحيل وكمان كانت في موضه اسمها الAmerican Novels روايات ضخمه وشيقه بالإنجليزيه( كتاب زي Sidney Sheldon &Daneil Steel) تعلمناها في الأيام ديك وكنا في الأول بنفطفط نص الروايه عشان نصل للنهايه غايتو حبه حبه كده الأمور سلكت.......
* وكمان سمحات.............. مستوي الوجاهه طبعا لا يعلى عليه ولو كانت تقام مسابقات جمال ......طبعا القديمه تكسب وكانت حتكون المصدر الأساسي لملكات الجمال زي ما كانت دايما ممول للجامعات بأشطر وأرقى بنات. و من جميلات دفعاتنا أذكر: هبه حمدي بدر الدين - سماح أمين مكي مدني - سهى شمس الدين - وفاء عزالعرب - لميس الفاتح حمدتو ............... ربنا يطراهن بالخير كلهن أينما كانن ............... بعد حرب الخليج حصل غزو كاسح للمدرسه من بنات السودانيين القادمين من الكويت كنا بنسميهم إفراج مؤقت ديل كمان جو بي حقهم البيعرفوه برااااهم ثقافة ولهجه المسلسلات الكويتيه الكانت طالعه موضه الأيام ديك ....لوك ودلع خليجي مايتنازلن أبدا عن قصه الشعر المايله مع لفة الطرحه المميزه ورسم العيون بالكحل العربي داير ما يدور والله المدرسات الأيام ديك عينهم طلعت يابت بكره لو جيتي بشكلك ده حأفصلك ولا حياة لمن تنادي ................ مزيد من التلون في أطياف الجمال وخارج أسوار المدرسه شباب من مختلف الأعمار : منهم أولاد ثانوي (القديمه والجديده بنين وحسونه الثانويه بنين) ومنهم رجال ناضجين الجاي يسوق أخته ولا بت خالته ولا خطيبته ...............وواحدين كده ضهب سااااكت زي ناس تبلدينا ديل ...................
أنا غايتو ما عرست في رابعه طب وبراك قلت يا تبلدينا ...........السمحات وقروا طب كتااار يعني النيمه حقتك دي صعب نلقاها ليك .................... ويمتد حبل الذكريات .... وأكيد حنواصل.... صفيه صالح
Post: #174 Title: Re: الخرطوم القديمة بنات....علي مر الدهور والازمنة Author: Adel Sameer Tawfiq Date: 12-05-2008, 08:54 AM Parent: #173
إستلمت الإميل المؤثر التالي من الأخت العزيزة هدى مرضي عن الوالدة المرحومة ست ماتيلدا.. Salaam Mawlana Adil,
Apologies for the delayed reply, I have been struggling to find a quiet time to sit and write to you, as you were expecting, about our school days experience with Ms. Matilda. Rahma Allah. I was certain of her cancer illness and was trying to approach the subject with a query without causing ill at ease feeling. However, I believe highlights of her life should be mentioned to reflect on how outstanding woman she had been.
Please find attached a document that contains a short summary about Ms. Matilda. The content of this attachment is for you to see how your late mother was viewed by her students. The facts and memories on this document belong to you and I very much respect her/your past personal circumstances i.e. her suffering with illness and will not breach any personal memories by bypassing you and write it for the post. However, please feel free to keep it for yourself or to post it to Alghadima Banat school post. It is your choice.
I will be in touch again
Salaam
Huda Mardi
Post: #175 Title: Re: الخرطوم القديمة بنات....علي مر الدهور والازمنة Author: Adel Sameer Tawfiq Date: 12-05-2008, 09:10 AM Parent: #174
Quote: Dear Mawlana Adil.
Many thanks for your emails.
Thanks for shedding some light on the late Ms. Matilda's illness during our association with her. In fact I was certain about her condition but was unsure on how would you feel about me bringing back memories of your beloved mother’s illness and at the same time was cautious that this could make you feel ill at ease with this subject.
You wanted to know more in depth about our time at (Alkhartoum Althanawia Banat) with late Ms. Matilda. This is very important because it had been a life long learning experience to our group at that time. Our group grew up and shared these experiences and we are still in touch with each other and we have maintained a close friendship.
In 1977 we knew about Ms. Matilda's illness when she came to teach us in (Talta Mahdi). During her time with us she never mentioned to us that she was suffering from cancer or had a major operation, but we were fully aware of that. During our final year at the school (Alshihada Alsudania) she was never absent from lessons or off sick. She was a strong and cheerful woman who treated us with a great deal of respect and even when late arrivals came to the class she used to welcome them with a smile and ask them to join the class and find a place to sit down. Your mother never scolded, punished or humiliated anyone, which was totally in sharp contrast to other members of the teaching staff. Her attitude taught us to motivate ourselves and learn with respect. In return we found ourselves chasing her history lessons and make all efforts not to miss them. Because we spontaneously and deeply recognised the value of what we were learning from her, further more we became aware of our worth and first of all because we highly valued her. She used to be very sympathetic with our friend and classmate Salwa Hussein Habib, a talented basket ball player and an intelligent girl who used to be constantly stretched by training and matches demands from her sport club (Nadi Al Osra then) against their rival Al Hilal basketball team (girls) and she had always kindly advised Salwa to pay more attention to her studies, bear with her and show patience and understanding to Salwas's complex role and the demands made upon her. Allah yar hamma, she was a distingished woman well advanced of her time and ahead of her peers on her own ways. I believe that if Salwa Hussein were here, she herself would say a lot more about your mother.
Due to many of her intervention, this is why many of my classroom mates and I of that time now remember everything about Ms. Matilda; in details. Including that she had a son called Adil who she often used to mention with pride to us in the classroom and refer to him as a high achiever and a good example, and if I recall would I be correct in thinking that Adil was the only child, older son or only son for her????????
Here, we are talking 30 years back when cancer was relatively rare and people used to be healthier and not often one would hear of people who were very ill. Ms. Matilda was terminally ill and was medically certified then; that she only had few years to live, yet, Ms. Matilda was standing out there teaching and giving us inspiration and motivation. In our class Talta Mahdi we often used to discuss Ms. Matilda, we saw her as The First and Only woman/person who was ill with cancer and not lying in a sick bed waiting for her day, as this was the attitude and perception in the society 30 years ago. Instead, she was a real icon and a brave woman of her time. The whole atmosphere around her is strong and positive and what she had brought to us then was positivity and real life experience. For us History lessons became not just education but a learning experiences most of all. None of us would miss a lesson because ultimately it would be one's own loss of quality learning time. During History lessons we would sit breathless connected with all our senses, and listen to her while she demonstrated a strong charismatic presence, knowledgeable and made our lessons fun. I remember Khala Haja Kashif Badri (a leading woman activist), Allah yah-faza said to me at that time: “Now you have got Matilda coming to teach you history of the Sudan, so you have no excuse not to score high marks and get into University of Khartoum”. This said it all.
For our group at that young, tender and relatively naïve age, this was our first encounter in life to meet and see a role model living with cancer who was fully active living her life normally with great courage, high spirits, very optimistic and most importantly with immense dignity which was spent dedicating her time and unlimited efforts to her pupils. Ms. Matilda was the woman who planted the seeds of knowledge and helped us achieve the philosophy that she herself believed in that, “If life takes a bad turn or the going gets tough then one must take a positive attitude with full faith”. By living and setting the example, she taught us this lesson first and brought to us lessons that we could apply to our own real life experiences.
Alf rahma wa gufran alyeek ya sit Matilda.
Post: #176 Title: Re: الخرطوم القديمة بنات....علي مر الدهور والازمنة Author: Adel Sameer Tawfiq Date: 12-05-2008, 07:59 PM Parent: #175
UP
Post: #177 Title: Re: الخرطوم القديمة بنات....علي مر الدهور والازمنة Author: Solafa Alagib Date: 12-05-2008, 08:20 PM Parent: #175
الاعزاء..........مولانا عادل ,,,,هدى مرضي
شكرا لكم ,,,,شكرا لكم علي منحكم البوست هذه الاضافة المشرقة,,,,,وحقيقة معرفة الناس كنوز
Post: #178 Title: Re: الخرطوم القديمة بنات....علي مر الدهور والازمنة Author: Solafa Alagib Date: 12-06-2008, 07:37 AM Parent: #1
فوووووووووووق
Post: #179 Title: Re: الخرطوم القديمة بنات....علي مر الدهور والازمنة Author: عابدون محمد عابدون Date: 12-06-2008, 07:45 AM Parent: #1
شايفك يادكتورة قاعدة متحكرة الصباحية دى .. والله عندنا هنا فى ابوظبى امطار وجو بديع وعقبالكم ...
Post: #180 Title: Re: الخرطوم القديمة بنات....علي مر الدهور والازمنة Author: Adel Sameer Tawfiq Date: 12-07-2008, 07:55 AM Parent: #179
UPPPPPPP
Post: #181 Title: Re: الخرطوم القديمة بنات....علي مر الدهور والازمنة Author: Adel Sameer Tawfiq Date: 12-07-2008, 09:01 AM Parent: #180
إستلمت الإميل التالي من الأخ الصديق الدكتور مهندس جلال الدين علي من كندا !
Quote: Mawalana Adil, This is a very well done summary on the late mother Sit Matilda. Her reputation as a great professional educator was known among all teachers and students, who have the chance to work with her or to be educated by her, Yes people come and go, but what they leave behind is what making the difference, and Late Istaza Matilda left many generations, who have her finger prints in their profile, ethics and values, that is why we all know that she left with her body, but her soul reside in everyone had the chance and luck to be associated with her.
Post: #182 Title: Re: الخرطوم القديمة بنات....علي مر الدهور والازمنة Author: Adel Sameer Tawfiq Date: 12-07-2008, 09:22 AM Parent: #181
كما إستلمت الإميلين التاليين من الأخ الصديق الأستاذ محمد سعيد علي !
Quote: Dear Adil!After sending you my first e-mail, I went back to your message and found attached to mit the two page note written by Huda Mardi Mamoun Elmardi on your beloved mother Sit Matilda. The words are very honest and touched my heart. It is comforting that you are getting correct and honest information about your beloved mother. It is gratifying that all her students loved her and she loved them,she definetly loved you too much,because she always talked to her students about you. Moreover,as my wife told you and me ,she used to bring you with her to the shool ,even to the class.I think you were rather very young when she passed away,she did not stay long enough with you to enjoy the achievements of her "baby" Adil.Rest assured that every one ,who knew her,has good memories of her.Stay well and best regards and wishes to you, your wife and kids.Yours,Mohamed Said Ali
Quote: Dear Walad SIT MATILDA!Thank you for the message. I was very eager to read about Sit Matilda.You know she was my wifes teacher,whom she loved very much. She always kept telling me about her:being an able English teacher,very organized,energetic ,though very serious yet very lovely.Due to my very limited technical caabilities with the computer I could not find informatio on Sit Matelda conveyed to you by Huda Mardi Maoun Elmardi.I need to read about Sit Matilda,and surely my wife.. Now EID saied ,good health and best of luck.Yours,Mohamed Said Ali
Post: #183 Title: Re: الخرطوم القديمة بنات....علي مر الدهور والازمنة Author: عبد الدائم سيد أحمد Date: 12-07-2008, 09:52 AM Parent: #1
الحصة انجليزى ولا ايه يا مرسي
*******
تبدأ الدراسة انشاء الله يوم السبت الموافق 13/12/2008 نرجو الالتزام بالمواعيد والزى المدرسى
الوكيل ......................
Post: #184 Title: Re: الخرطوم القديمة بنات....علي مر الدهور والازمنة Author: Adel Sameer Tawfiq Date: 12-07-2008, 11:50 PM Parent: #183
كل عام و أنتم بخيربمناسبة عيد الأضحى المبارك أعاده الله على الجميع بالخير ..
Post: #185 Title: Re: الخرطوم القديمة بنات....علي مر الدهور والازمنة Author: Solafa Alagib Date: 12-09-2008, 07:33 PM Parent: #184
بوست القديمة,,,,,,,,,,,,,,,رجعنالك
طبعا ياخوانا زنقة العيد فيني اظنهاظاااااهرة ,,,,وعساكم من عواده...وحجاجه والمغفور ذنبهم باذن الله فيه
اذا عبدالدايم سيداحمد عين نفسو وكيل بالانابة ونحنا قبلنا بالاجماع....فنحن(طالبات القديمة بنات-الخرطوم)
نجيز ومن الآن مولانا عادل سمير مدير عدييييل ,,,,,له الحق باستلام والرد علي الايميلات الواردة بخصوص البوست
ونشكره مشاركته لنا فيها,,,,وشكرا علي الورد ,,,والورد جميل ,,,جميل الورد
Post: #186 Title: Re: الخرطوم القديمة بنات....علي مر الدهور والازمنة Author: Solafa Alagib Date: 12-09-2008, 08:26 PM Parent: #185
انتو ياخوانا البوست دا (مسود) من الاطراف عندكم كلكم ولا عندى براى وقبل كم ساعة كدا رفض يفتح ولا عندي براي ؟؟؟؟؟؟؟؟؟؟؟؟؟
Post: #187 Title: Re: الخرطوم القديمة بنات....علي مر الدهور والازمنة Author: Solafa Alagib Date: 12-10-2008, 07:06 AM Parent: #186
up up up up up up
Post: #188 Title: Re: الخرطوم القديمة بنات....علي مر الدهور والازمنة Author: Solafa Alagib Date: 12-10-2008, 07:31 AM Parent: #187
فوووووووووووووووق
Post: #189 Title: Re: الخرطوم القديمة بنات....علي مر الدهور والازمنة Author: Emad Abdulla Date: 12-10-2008, 08:35 AM Parent: #188
Quote: كنا اطفالا انذاك
الزول مصطفى ده يا يحدد ( الآنذاك ) بتاعتو دي .. يا الليلة الدم رُكَب .
.... ممتع البوست ده .. شكرا يا دكتورة .
Post: #190 Title: Re: الخرطوم القديمة بنات....علي مر الدهور والازمنة Author: Al-Mansour Jaafar Date: 12-10-2008, 10:42 AM Parent: #1
الأخوات الطالبات سابقاًأوحاضراً في مدرسة الخرطوم القديمة الثانوية للبنات
كل عام وإنتم بخير
مولانا عادل سمير: الرحمة والسلام لوالدتك الأستاذة ماتيلداً لكل حرف أو عدد علمته لأمهات هذا الجيل هو اليوم معاملات طيبة مانعة لكثير من الشرور في الطب والقانون والهندسةوالعلوم والزراعة والأدب والصحافة وفي الصناعةوالتجارة وفي التعليم. فلها مجدداً مع الحب والتقدير الرحمة والسلام. لكن علي اليمين الرسالة الكتبتها بت المرضي تدل فعلاً إلى ملكة أدبية وإلى حسن التعليم والأدب الذي قدمته هذه الملائكية والشهادة القدسيةالست ماتيلدا (أم عادل)
نجي للفولكس:
أحب أقرأ في تاريخ المدارس عن إعتباركم للغفير ومساعديه وعن العمال والعاملات؟، وعن تفوق الأساتذة؟، وعن مقالب الحياة الطلابية؟، وعن قصص الحب وفهمكم له وللفرق بين الحنان والحب وعن قصص الحب التي كللت بالزواج؟، وعن تصوراتكن للزواج ما هو؟ وكيفية إعتباركم لعنصري الجنس والمال معاً فيه؟ ونظرتكن السالبة ونظرتكن الموجبة عن الطالبات الأكثر تفوقا؟، ًوعن الأساتذة الوسيمين وهل تم نفيهم؟، ترتيبكم المهني للرجال؟ نظرتكم للمغترب؟ وعن الحصص الهلاك المملة؟، وعن أكبر تمرد حصل في المدرسة؟ كان في شنو؟ كان عندكم جرايدحائطية؟ ندوات؟ تظاهرات؟ حصص معلومات عامة أو لنقاش مواضيع؟ ولا ياها كلهاحصص عربي وحساب ودين والعلوم3 وجغرافيا وتاريخ وإقتصاد منزلي؟ ما عندكن حصص فنون؟ طيب الأستاذ<ة الأرسم منه؟ مسرحيات؟ رقص؟ إذاعة المدرسة فيها شنو؟
الأجمل غناءاً، جمعية التاريخ، وجمعيةالرياضيات، وجمعية الموسيقى، والجمعية الأدبية، قصص التربية الفنية؟ والتربية الأدبية؟، التربية الموسيقية؟، والتربية الدينية؟ تأثير الوكمانةوالموبايل والأي بود وبقية الأجهزة (الحديثة) على علاقاتكن ببعض؟ تنس الطاولة؟
التماهي مع بنات المسلسلات شيرهان وليلي علوي وصابرين وأنشوكاثم مسلسلات المكسيك والإحساس الدوني أو الإستعلائي جهة هذه الثقافة الجمالية؟ وكتير وكتير؟
الموضوع شيق وطويل وكثير العناصر وهو كحرملك يثير أسئلة وأشجان. يعني بإختصار المسألة ما تبقى يا حليل مدرستنا وتتذكري ناس فلانة وياا حليلهافلانةوفلانة!!!صحي المدرسة ناسات وعلاقة صداقة بين البنات تدوم لغاية أول مشكلة كبيرة لكن برضه المدرسة فيها من المواقف والأشخاص والأحداث الكثير المثير الخطر، فلا تجعلن الأيات تسرق منكن الذاكرة.
وليكن الود والسلام
وكل عام وإنتوا ملايكة
Post: #191 Title: Re: الخرطوم القديمة بنات....علي مر الدهور والازمنة Author: Adel Sameer Tawfiq Date: 12-10-2008, 10:55 AM Parent: #190
Quote: مولانا عادل سمير: الرحمة والسلام لوالدتك الأستاذة ماتيلداً لكل حرف أو عدد علمته لأمهات هذا الجيل هو اليوم معاملات طيبة مانعة لكثير من الشرور في الطب والقانون والهندسةوالعلوم والزراعة والأدب والصحافة وفي الصناعةوالتجارة وفي التعليم. فلها مجدداً مع الحب والتقدير الرحمة والسلام. لكن علي اليمين الرسالة الكتبتها بت المرضي تدل فعلاً إلى ملكة أدبية وإلى حسن التعليم والأدب الذي قدمته هذه الملائكية والشهادة القدسيةالست ماتيلدا (أم عادل)
الأخ العزيز Al-Mansour Jaafar
لك التقدير الشديد..
أتفق معاك في ان الرسالة الكتبتها بت المرضي تدل فعلاً إلى ملكة أدبية وإلى حسن التعليم والأدب..
Post: #192 Title: Re: الخرطوم القديمة بنات....علي مر الدهور والازمنة Author: Adel Sameer Tawfiq Date: 12-10-2008, 11:04 AM Parent: #191
Quote: فنحن(طالبات القديمة بنات-الخرطوم) نجيز ومن الآن مولانا عادل سمير مدير
عدييييل ,,,,,له الحق باستلام والرد علي الايميلات الواردة بخصوص البوست
الدكتورة سلافة..
دا شرف عظيم..و أنا قبلت التكليف..
الوكيل بالإنابة الأستاذ عبد الدائم
لمقابلتي بعد عطلة العيد للتنسيق..
المدير
Post: #193 Title: Re: الخرطوم القديمة بنات....علي مر الدهور والازمنة Author: Adel Sameer Tawfiq Date: 12-10-2008, 11:14 AM Parent: #191
الورد الأول إتهكر !!
Post: #200 Title: Re: الخرطوم القديمة بنات....علي مر الدهور والازمنة Author: Solafa Alagib Date: 12-11-2008, 01:29 PM Parent: #193
*** عماد عبدالله
اهلا بيك...لكن يعني عليك الله ما تعقد لينا ضيوفنا عشان حتة العمر دى زى ما قلنا قبل كدا بتجيب هوا من البلف الرئيسي.
*** مولانا عادل ,,,,,,,,,,ورد البوست اتهكر لكن ورد الايميل بتاعي لسه معطر الايميل والجهاز والمكان كلو ,,,,يا سيدي تشكر.
*** اهلاااااان بالناس اللي بتزورنا مرة كل شهر ,,,,,زى القمر,,,,,,,,المنصور جعفر
كلامك عميق جدا ,,,,جميل جدا,,,,كنهر النيل,,,,,نعدك بالكثير
Post: #194 Title: Re: الخرطوم القديمة بنات....علي مر الدهور والازمنة Author: عابدون محمد عابدون Date: 12-11-2008, 09:44 AM Parent: #1
دا شكله أحلى .. الله يديك العافية وكل سنة وإنت طيب ... مولانا عليك الله كان لقيت بوست الشعبية حايم بى جنبك شوته لى فوق اصلو مالاقيه يظهر عليه اتهكر ..
Post: #195 Title: Re: الخرطوم القديمة بنات....علي مر الدهور والازمنة Author: محمد أبوالعزائم أبوالريش Date: 12-11-2008, 11:06 AM Parent: #1
كل عام والجميع بخير وعافية
إحدى ذكرياتنا مع الخرطوم الثانوية بنات (ما كان إسمها القديمة)
أيام المنافسات الرياضية، ويوم لقاء الخرطوم الثانوية بنات مع أم درمان الثانوية بنات في مباراة (الباسكيت)، كان جميع طلبة القديمة بيستعدّوا لحضور المباراة في (مجمع الرياضة) في الخرطوم2، وهناك بتكون الإثارة والحماس والعجب العُجاب. أجمل شئ تشجيع البنات في الكورة. توحّد طالبات الخرطوم الثانوية أصواتهن ويقلن: ((يا بنات أمدرمان .. يا بنات أمدرمان؟ إنتو قايلينو فريق "باسكيت" والاّ نقابة مطاااااااااااافي)) فترد بنات أمدرمان بنفس الموسيقى: (( يابنات الخرطوم .. يا بنات الخرطوم؟ إنتو قايلينو فريق باسكيت والا نقابة تااااااااااكسي))، طبعاً في الملعب فريق بيلبس أحمر والتاني أصفر.
أيام لها طعم خاص
التعديل لتغيير اللون الأصفر - (ابا يظهر مع الخلفية)
Post: #196 Title: Re: الخرطوم القديمة بنات....علي مر الدهور والازمنة Author: عابدون محمد عابدون Date: 12-11-2008, 11:34 AM Parent: #1
دفعتنا يامحمد كان فيها ابو الريش وهو يشهد ليهو بأنه أول واحد يهرش ليك استاذ جرجس محارب وطبعا استاذ جرجس الزمن داك كان بيخوف الناس لكن كأستاذ فى مادة الفيزياء لايعلى عليه ...
مامتذكر اسم ابو الريش بالكامل الزمن طول ...
Post: #197 Title: Re: الخرطوم القديمة بنات....علي مر الدهور والازمنة Author: محمد أبوالعزائم أبوالريش Date: 12-11-2008, 11:54 AM Parent: #1
الأغ عابدون ...
قول لي دفعة كم .. أقول ليك مين من أولاد أبوالريش كان دفعتك ..... Fare?
Post: #198 Title: Re: الخرطوم القديمة بنات....علي مر الدهور والازمنة Author: عابدون محمد عابدون Date: 12-11-2008, 12:00 PM Parent: #1
Post: #199 Title: Re: الخرطوم القديمة بنات....علي مر الدهور والازمنة Author: عابدون محمد عابدون Date: 12-11-2008, 12:03 PM Parent: #1
اسة يامحمد الكلام دا موش كان نقوله بى هناك فى الميدان حقنا ومستورين مافى زول بيشوف؟
Post: #201 Title: Re: الخرطوم القديمة بنات....علي مر الدهور والازمنة Author: Solafa Alagib Date: 12-11-2008, 01:38 PM Parent: #199
عابدون,,,,,,,,,,,,,,,,,,محمد ابو الريش
وحشتونى ...وحشتونى...وحشتووووووونى,,,,,,علي قول وردة الجزائرية
انتا ياعابدون بتفتش في بوستاتك الرايحة هنا ليه؟؟؟ما قبل كدا هرشتنى لما عملتها بهناك في حوش القديمة اولاد
وسجمنا سجمنا سجمنا,,,,انتا اتخرجت من الثانوي قبال ما يولدونى !!!!!وانا اقول عابدون حاف واشتغل فيك ,,,كر
علي السماح يا,,,,اختار انتا بقي اللقب المناسب و,,,,,ود ابو الريش ورطك
Post: #202 Title: Re: الخرطوم القديمة بنات....علي مر الدهور والازمنة Author: Solafa Alagib Date: 12-11-2008, 01:59 PM Parent: #201
القديمة من الباب تشرح القلب ,,,وكنا بنحلم بانو دى البوابة الصغيرة اللي حاتودينا للباب الكبيييير,,,باب جامعة الخرطوم
لما كانت هى اللى (علي الحجر)زى مابقولو,,,اذكر ان والدى حين كان ياتى لاصطحابي في اخر اليوم ويرى جموع الطالبات المهولة
تخرج من باب المدرسة الضخم( وكنا كما ذكرت من قبل 21 فصل)كان يعلق ,,,هسي ديل يلقو ليهم عرسان وين(دا طبعا قبل زمن راجل
المرا وتحت تحت المرتين)
ما ان تضع قدمك فى باب المدرسة وبعد التحية والسلامات علي الاعمام البوابين وكانوا مجموعة مقدرة لكن للاسف ابت ذاكرتى (المقددة
زى قماش الدانتيل,,,والاولاد مااااايتعقدو لو ما عرفوهو ,,عادى)ان تتذكر اسم اى منهم,,,ما ان تعبر الباب حتى يسعدك منظر
الضخمة والازهار التي تصلك رائحتها في كل مكان في المدرسة وحينها تحس بانك انتقلت من عالم الي عالم,,,الحديقة المخضرة من كل
الجوانب,,,النافورة التى تتوسطها واللى اجتهدنا انا وشلتى(ريهام العمر ودى بالمناسبة حروف اسماءنا)زى ماحكيت لسناء جعفر
قبل كدا اجتهدنا لحدى ما عرفنا مكان البلف وبقينا نتحكم فيها حسب مزاجنا ما حسب جدول عمو البستاني.
Post: #203 Title: Re: الخرطوم القديمة بنات....علي مر الدهور والازمنة Author: Solafa Alagib Date: 12-11-2008, 03:06 PM Parent: #202
فووووووووووووووق
Post: #204 Title: Re: الخرطوم القديمة بنات....علي مر الدهور والازمنة Author: Emad Abdulla Date: 12-11-2008, 06:07 PM Parent: #203
حتجيبوا لينا الهوا يا دكتورة بالطريقة دي . مولانا عادل طبعا حدق الضرا من قولة تيت .. ما بنقدر عليهو ود الناظرة في الحكايا و الكتابة عن الخرطوم الثانوية ( ما عارف حكاية القديمة دي جبتوها من وين ) . زمننا – و زمننا دي يا مصطفى سري أصلو ما بوريك ليها متين – كان في روابط غريبة بين الخرطوم الثانوية بنات و الخرطوم الجديدة ( ناس نحنا ) .. بداية من القرب الجغرافي بين المدرستين , و مروراً بـ ( تبقى الصداقة قرابة و نكسب الودين ) فقد كان مدير الخرطوم الجديدة هو المربي الجميل و المرعب الأستاذ محمد عبدالرحيم .. و هو زوج السيدة الجليللة الأستاذة خديجة وكيلة الخرطوم الثانوية .. و إبنهما الدكتور هشام كان نديدنا في الحي و نابغة من يوم ما عرفناه ( هو الآن استشاري الغدد الصماء ) . ثم أن " الرابط الروحي " ياخ كان أكبر .. فقد كنا ندعم أي حاجة تجي من تالا الخرطوم الثانوية دي .. مناشط السلة في المجمع أو مناشط الطائرة و الدورات المدرسية .. و إلخ .. و عليم الله ساعدتنا الخرطوم الثانوية في الإرتقاء بسلوكنا و خلقنا المهببة في ذاك الزمان .. نحن أبناء الشارع الغبشان اليمتد من بموازاة شارع مكتب بريد العمارات زمان – ما بعرفو شارع كم – و ينزل غربا طوااااالي مارا بحي الزهور و بيوت الحجر ( ناس مصطفى سري ) ثم ديم التعايشة و مركز شباب السجانة لغاية شارع الحرية هناك .. فما أن تصبح الواطـة حتى نتجهبز بالردا الرمادي القيافة و القميص أبو نص كم الوجيه .. و الصندل " الشبط " الجلد عبدالواحد و ننفش شعورنا و نتجلط بما تطاله أيادينا حتى نبقى مية المية و نمرق للبنيات الحمامات العناقيد اللبنية البتتهادى صباح صباح . الغريب كنا حافظين الأشكال و الأسماء و طريقة لبس الطرحة و المشي .. و منو لون " جزمتها القماش " شنو و ماركتها .. و منو البتجدع شنطتها بإهمال و ياتا فيهم الحريصة على البنطلون مكوي .. منو الشاطرة و مقدداها و ياتا فيهم الدايرة تمشي الحال و بس . و كل بنات الأسرة كانن طالبات فيها في مراحل زمنية مختلفة , و الما دخلت الخرطوم الثانوية دي بتكون فضيحتها فضيحة - بالميت تتُتهم بالبلادة - و تقعد تعيد لامن تدخلها و تنفشّ . الخرطوم الجديدة بنات كان إسمها ( مدرسة الأم ) .. و شتان كان بين المدرستين من ناحية المستوى الأكاديمي و الكادر التعليمي و الطلابي فيهم . و كنا ندق الكداري من بيوتنا لغاية الخرطوم الجديدة أولاد .. و بيكون في السكة غالبا طالبات من مدرسة الام .. فنكابرهم غايتو رفقة طريق ساكت .. و قلوبنا معقودة بالخرطوم الثانوية . و جري لما " يفكونا " .. مشاققة لحديقة القرشي و كوافير بارادايس و غرب المقابر لغاية ما يستتب لينا الأمر تحت الشجرة في إنتظار غودو الذي يشرق من الخرطوم الثانوية .. عثمان عبدالله / عبدالرحمن بربر / عماد عبدالله / زهير المرضي / محمد بحيري / مبارك طاشين و و و و و .. أولاد حبيبين لابنسف صعوط في حضرتهن .. لا نسجر .. لا نرفع صوتنا .. بس بغممممممم و البحلقة . و هن يتهادين يتهادين زرافات زرافات .. و شلة شلة .. و ينفض سامرنا بالجري سريعاً مارش لما أول الشارع تظهر عربية أستاذنا محمد عبدالرحيم الموسكوفيتش اللبنية متجه لبيتهم في حي الزهور و مقوضاً لأحلامنا و سعادتنا السمحة . و ياما قدمناهن قدام .. و هن مدياتنا الطرشا .. تتكلم ده و البيهل و مافي زول يعبرك .. و كان الله فتح عليهن بكلمة تلقاها مرقت : عوير ده . أنا شخصيا مرة تقديم ساكت و سرحان في النضم السمح لامن مرقتها في بحر الشجرة . بقيت بعد داك في اليرجعني شنو . ياخي كانن شاطرات .. و سمحات .. و وجيهات .. و مؤدبات .. و مشايات .. و قدالات .. و حقارات .. و رافعات نخرتهن .
..... يا دكتورة بالله ما تخلينا ننبهل في الذكريات .. الكلام ده قلنا بيجيب الهوا .
Post: #205 Title: Re: الخرطوم القديمة بنات....علي مر الدهور والازمنة Author: ريهان الريح الشاذلي Date: 12-11-2008, 06:40 PM Parent: #204
يا دكتورة سلامات شكرا علي الامتاع وحديث الذكريات انا مغرمة بونسات الثانويات فزيدينا رحمك الله
Quote: و مشايات ..
دي غلبتني طيب ازااااي؟؟
Post: #208 Title: Re: الخرطوم القديمة بنات....علي مر الدهور والازمنة Author: Emad Abdulla Date: 12-12-2008, 08:55 AM Parent: #205
Quote: دي غلبتني طيب ازااااي؟؟
يعني من الخرطوم الثانوية و لغاية أول لفة الشجرة بي فرد نفس , دي يسموها شنو ؟ أولمبياد !!
Post: #206 Title: Re: الخرطوم القديمة بنات....علي مر الدهور والازمنة Author: Ishraga Mustafa Date: 12-11-2008, 06:51 PM Parent: #204
إزيك يا سلافه وكل سنة وانتى طيبة ومعطاءة
تابعت البوست ده من قولة تيت وساقتنى الذكريات وحميميتها
امتنحت سنة 85 للجامعة من منازلهم وكانت الخرطوم القديمة هى المدرسة التى جلست فيها للامتحانات معاى زولة صاحبتى دكتورة حواء حماد - طبيبة وناشطة وعملت فى نيالا مع زوجها ازهرى ايضا طبيب ربما تكونى بتعرفيهم
كانت ايام الانتفاضة وكنت وحواء ساكنات فى داخلية معهد الموسيقى والمسرح مع اختها رابحة حماد البنات فى المدرسة دى كانن نطيفااااااااااااااااات والغباش الكان فينى وفى حواء مابيشبه المدرسة ولا الدارسات فيها
بتذكر ايام الانتفاضة بيطلعن بعض الطالبات للمظاهرة ونتجمع فى طرف شارع 25 هناك لاقينا ام الحسن صاحبتى ووالدة عصام جبرالله شاعرة متمكنة وكانت تحمسنا بالشعر والهتافات
آخر امتحان لطشت لىّ شبشب من طالبة من طالبات معهد الاشعة واللى كانت داخليتهن فى نفس الحوش لانو شبطى {التموت تخلى} خليتو انا للبمبان وفرقعة الرصاص وجريت حفيانه
يعنى كان امشى الامتحان حفيانه وسط البنات النطيفات ديل؟ وش المدرسة دى كان حلو علىّ لانها السنة اللى اتحقق فيها المراد وادخل الجامعة بعد مجابدة ونضال طويييييييييييييييل
----- بعيدا عن ذلك ياسلافة ارجو ان تكتبى مرة عن مشاكل الصحة الانجابية اذ انها ضمن احدى اهمّ اهتماماتى نورينا بالحاصل وخلينا نتواصل ربما نستطيع ان نخلق شبكة نتبادل من خلالها التجارب والرؤى والافكار الجديدة
------
مها- مايا وندى كل سنة وانتن طيبات وجميلات حد الجمال مايقيف
Post: #207 Title: Re: الخرطوم القديمة بنات....علي مر الدهور والازمنة Author: Adel Sameer Tawfiq Date: 12-12-2008, 08:41 AM Parent: #204
Quote: مولانا عادل طبعا حدق الضرا من قولة تيت .. ما بنقدر عليهو ود الناظرة في الحكايا و الكتابة عن الخرطوم الثانوية
سلام عماد..
Post: #209 Title: Re: الخرطوم القديمة بنات....علي مر الدهور والازمنة Author: Emad Abdulla Date: 12-12-2008, 09:04 AM Parent: #207
كيفنك يا مولانا !! ليك حق تتكشم طبعاً .. حظك حظ عمايا : وجاهة و علم و " مجاور " و .. صحة كويسة . و الأخيرة دي هي الجهجهت خططنا الإقتناصية للحب ياخ .. و ما عافين ليك .
كل سنة و إنت طيب
Post: #210 Title: Re: الخرطوم القديمة بنات....علي مر الدهور والازمنة Author: Solafa Alagib Date: 12-12-2008, 12:40 PM Parent: #209
*********** عماد عبدالله,,,,,,,,,,,,,جمعتك سعيدة ,,,,,ياخ مالك عايز تحرمنا من ونستك الحلوة دى.....ردا !!! ردا ياعماد والله بالغتا اتا من زمن
الردا ومدرسة الام من وين حتعرف القديمة(ياقديم)هسي نكتشف انك لاحق عابدون محمد عابدون واتخرجت من الثانوي بعد ماحفروا البحر بسنة
ونص,,,ياخى كوافير بارادايس دا فارق مكانو الزمان داك واهلو رحلو بيهو اركويت محطة معاوية(السفير)وهى المحطة اللي بعدنا طوالى قبل
520سنة بعد الميلاد وخالتو عشة عمر (صاحبة الكوافير)اتوفت قبل سنين عديدة ,وانا زاملت حفيدها الشاب اللطيف جدا (صاحبي)عمر يحي سراج
النور قرافي
عليك العشرة القديمة لناس القديمة .....انبهل ياعماد وما مشكلة استقيل من جمعية الرجال اللي(ما,,,هئهئهئ)بخافو من حكوماتهم,,,,انتا
حكومتك بتدخل نت !!!!في انتظار باقي ونساتك واهلا بيك
***** يا بت ملوك النيل ,,,يا اخت البدور,,,مين لعلاكي ينير ,,,في البدو والحضور
Post: #211 Title: Re: الخرطوم القديمة بنات....علي مر الدهور والازمنة Author: Solafa Alagib Date: 12-12-2008, 12:51 PM Parent: #210
** شفتا ياعماد (النظار اولاد النظار)مداخلاتهم شكلها كيف !!!!(سلام ياعماد),,,وتقل ووقار كدا يااااعيني,,,,مولانا عادل والنبي راجل عسل
ياخواااااانا,,,صحبتي صفية كتبت تقول
كل عام والجميع بألف خير جيناكم متخمين بالأشواق بعد تخمة اللحمه طبعا وعايزين نستمتع بي شربوتكم اللذيذ
********************* سلامات يا سلافا
يازوله البوست بتاعك ده مالو منور كده؟
أتاااااري عماد عبدالله و إشراقه مصطفى بي جاي ) (أسمحي لي أحيهم بشده وأعبر عن سعادتى بكتابتهم عن (قديمتنا
ديل أصلهم من القلائل اللذين : لمن قلمهم يلمس الورقه تتحول الأحرف إلى ذهب
********************************
بمناسبة داخليات معهد الأشعه والبصريات الكانت في داخليات القديمه أذكر إنه في أيامنا كانت تسكن فيها إحدى الممثلات السودانيات طبعا ...بس ما بتذكر كانت بتقرا في أي واحد من المعهدين كانت متألقه وجميله جدا(وطالعه في الكغر) و كان خطيبها مطرب مشهور ومحترم جدا بيجي بينتظرها جنب دكان عمك ميرغني طه الجوز ده كان مكسرنا وكم مره كده دردشنا معاهم تابعنا تأرجحات العلاقه التي للأسف لم تتجوج بما تمنينا لها كمراهقات حالمات
دكان ميرغني طه في شارع 25 محطه أساسيه في خط سيرنا بالذات آخر اليوم ونحن منتظرين ناس البيت أو بص المدرسه
و حتى في الإجازه لمن نحب نتجمع بنتلاقى هناك او لمن نجي زايغين بالباب الفاتح في الداخليات قبل نهاية الحصص عشان نستمتع بالشرشحه في شوارع العمارات الظليله لحدي مانصل أيسكريم 41 ونرجع مع نهاية اليوم الدراسي زي الما حصل حاجه وعيوننا نتلمع بإنفعال المغامره
*********************** فصلنا من سنه في سنه أولى وتانيه منحوت في صفحة الذاكره من اول كنبه قاعده فيها دينا محمد سر الختم وعلياء الدابي مرورا بالمنتصف ناس: نوار مجذوب - نعمات حسان -مها عبدالله البشير سلاف طه سورج -أسماء طلحه(أولة فصلنا لحدي الكنبه الورا :ناس شيراز محمد عبد الحي وهناء محمود الكانو صديقتين فيهم تتجلى روعة اجتماع الضدين قمة الرقه والهدوء في هناء قصاد العكس تماما شيراز
لمن بقينا على مشارف سنه تالته صدر قرار بتقسيم المدرسه الى نصفين إدارتين منفصلتين في حوش واحد وتم إختيار الفصول من الناحيه الجنوبيه لتسمى مدرسة العمارات الثانويه بنات بإدارة أستاذتنا الجليله رجاء الحكيم ....موج من الإحتجاج بدون فائده...أقنعونا بأنه المدرسه أصبحت ضخمه وادارتها صعبه ودي مجرد تجربه وكنا بكل أسف أول دفعه تمتحن بإسم العمارات الثانويه بنات سنة 92 أفتكر بعد داك القرار إتلغى ورجعت القديمه مكتملة العقد..... كانت المنافسه فظيعه بين المدرستين وتم إختيار فصل نموذجي هو عباره صفوة الثلاثه فصول الجنوبيه التابعه لمدرسة العمارات لينافس فصول الشمال لكم أن تتخيلوه : فصل تالته رفيده الذي ضم خلاصة الخلاصه... أفخر باني خريجة هذا الفصل الذى صعدت منه ثلاثه طالبات إلى عشره أوائل السودان أ ...ما باقي الجماعه الجلو من العشره الأوائل بنسبة 1% أو كسر منها فهم كثر...تقريبا ثلاثه أرباع الفصل وزي ما قالت سلافا كانو بيخشو الطب والهندسه بالفصل والدفعه.... يعنى مثلا من تالته رفيده بس دخلت حوالى 13 طاله طب الجزيره وخمسه طالبات طب الخرطوم....ووووووإيييييك وحين يأتي الحديث عن التفوق ولو عايزه أذكر أسماء حأملا دفاتر لكن أحب من هنا أرسل التحيه لبعض من المتميزات من بنات دفعتي: الصحفيه أمل هباني وهي دفعتي منذ حلويات سعد المتوسطه الباشمهندسات :عبير الهادي الزين _نوار مجذوب_وصال حمور _عبير المشرف _نعمات حسان _إخلاص محمد الطيب - اخلاص الطاهر إختصاصية الأطفال :د.وئام عربي_ د.ساره عبدالله الزبير _ والله لي منهم سنييييين اتمنى زول منهم أو من دفعتي يكون حايم بي جاي
************************ الحديث يطول ولنا عوده
صفيه صالح
Post: #212 Title: Re: الخرطوم القديمة بنات....علي مر الدهور والازمنة Author: Adel Sameer Tawfiq Date: 12-12-2008, 01:08 PM Parent: #211
إستلمت الإيميل التالي من الأخت الحبيبة عالية جمال محمد أحمد :
Quote: Dear Adil
Thanks for sharing this information with me which yet again brings to memorary the kind of women our beloved Sudan is made of. Strong, dignified, determined, intelligent women who might suffer physically in a quite way but nevertheless be the moral leaders and pioneers of their time. To people like them we turn to remember our proud history of the first women leaders in Africa when Europe only recently started promoted gender. Because of our Sudanese women and men icon our Sudan will return to its past glory and take its place among the most advanced educational nations because those lifes that have been touched by Sit Matilda and other will always keep the memory of a once great Sudan always alive. I take my hat to those pioneers that have left a history of a proud and educated nation. Alia
Post: #214 Title: Re: الخرطوم القديمة بنات....علي مر الدهور والازمنة Author: Solafa Alagib Date: 12-12-2008, 01:20 PM Parent: #211
بالمنظمة والعمل الانساني في المعسكرات ولسه ما تميت سنة علي بعضها.
عندنا يا اشراقة ,,,بالكوم,,,عندنا زواج قاصرات ,,,عندنا ولادة حبل,,,عندناrape !! اي والله rape عدييييل كدا,,وان انكروا,,,بنات
وزوجات ,,,شفتهم بعيني ولمستهم بايدي وسمعت حكاياتهم وكتبتها كمان,,,بس اروق شوية من بعض الامور وحاكتب وحاحكي
Post: #225 Title: Re: الخرطوم القديمة بنات....علي مر الدهور والازمنة Author: Tabaldina Date: 12-14-2008, 01:01 PM Parent: #211
.. .
Quote: يعني من الخرطوم الثانوية و لغاية أول لفة الشجرة بي فرد نفس , دي يسموها شنو ؟ أولمبياد !!
يا عمدة .. شطارة ورياضة .. شفت النفس الواحد دا ياهو الجاب الكاسات بس خذلونا يوم الدورة المدرسية .. مع انى كنت ميال مع اولاد القديمة ما عشان شئ بس عشان ناس كردقان ديل
__________
غايتو مع قصص صفية صالح .. الظاهر بت مديسن دى بتجى حايمة حسي وردت اسميا وبعد شوية ببقى كتابة عديل الحى مصيرو يلاقي
Post: #213 Title: Re: الخرطوم القديمة بنات....علي مر الدهور والازمنة Author: Adel Sameer Tawfiq Date: 12-12-2008, 01:15 PM Parent: #209
Quote: كيفنك يا مولانا !! ليك حق تتكشم طبعاً .. حظك حظ عمايا : وجاهة و علم و " مجاور " و .. صحة كويسة . و الأخيرة دي هي الجهجهت خططنا الإقتناصية للحب ياخ .. و ما عافين ليك
عماد..
كل سنة و إنت طيب..
كلامك داممكن يوديني في داهية !!
إنت قايل أنا ما عندي حكومة و الا شنو ؟؟!!
Post: #215 Title: Re: الخرطوم القديمة بنات....علي مر الدهور والازمنة Author: Solafa Alagib Date: 12-12-2008, 07:37 PM Parent: #213
فوووووووووووووووووق ,,,,,,,,,وبس
Post: #216 Title: Re: الخرطوم القديمة بنات....علي مر الدهور والازمنة Author: Maha Bashir Date: 12-13-2008, 04:08 AM Parent: #215
مساء الخير وكل عام و الجميع هنا بألف خير و الله ليكم وحشة وصلتني الرسالة الاتية من الاخل الكريم كمال كرار
Quote: السلام عليكم وكل عام وأنت وأسرتك بخير..
شدني حديث الذكريات عن الخرطوم القديمة...وودت لو أنني شاركت فيه.. فقد أتى ذكر بعضهن ممن كن يسبقنك بدفعة.. ولديَ معرفة ببعضهن..
عموما أختي درست في الخرطوم القديمة وأسمها زينب سر الختم كرار.. وكذلك بنات عمي/ د. صفية محجوب كرار ود. بسمة محجوب كرار وأستاذة/ فاطمة محجوب كرار.. والأخيرات هن ممن سبقنك بدفعات. إنما أختي قد تكون الدفعة التي أمامك في أكثر الأحوال..
تحياتي أخي كمال وتحية لزينب وصفية و بسمة وفاطمة وأكيد لديهن الكثير عن الخرطوم الثانوية العظيمة
Post: #217 Title: Re: الخرطوم القديمة بنات....علي مر الدهور والازمنة Author: Solafa Alagib Date: 12-13-2008, 09:57 AM Parent: #216
UP,,,,,,,,,,,NOT DOWN
Post: #218 Title: Re: الخرطوم القديمة بنات....علي مر الدهور والازمنة Author: نبيلة عبد المطلب Date: 12-13-2008, 01:30 PM Parent: #1
العزيزة سلافة وكل بنات القديمة كل سنة وإنتو طيبين وبخير وعافية وكل سنةمتقدميين وفي مراكز مرموقة.. وكل الأماني محققة
Post: #219 Title: Re: الخرطوم القديمة بنات....علي مر الدهور والازمنة Author: مصطفي سري Date: 12-13-2008, 04:47 PM Parent: #218
دكتورة سلافة وخريجات وطالبات الخرطوم الثانوية ، كل سنة طيبين
الخرطوم الثانوية اضافة لما تم ذكره كانت ترفد بالاعبات المتميزات في ضروب الرياضة خاصة السلة ، وزي ما قال الخال عماد عبدالله (اب ردة لبني ) كنا نحن صغار السن نذهب عصراً لنشهد بعض المباريات في كرة السلة - طبعا لم يتم طردنا لاننا كنا صغاراً موش زي عماد - وكانت ام جمعة اشهرهن وبنات كثيرات ...ونجي راجعين
Post: #220 Title: Re: الخرطوم القديمة بنات....علي مر الدهور والازمنة Author: Solafa Alagib Date: 12-13-2008, 08:44 PM Parent: #219
الاستاذة الصحفية نبيلة امين وجمعا يارب,,,كل سنة وانتى احسن مما تتمنى
مصطفي سري كل سنة وانت بالف صحة وهنا,,,,احنا في انتظارك,,,الردا بتاع خالك عماد عبدالله كان رمادي ما لبني,,شفتا كيف
Post: #221 Title: Re: الخرطوم القديمة بنات....علي مر الدهور والازمنة Author: Emad Abdulla Date: 12-13-2008, 09:17 PM Parent: #220
Quote: خالك عماد عبدالله
شنو حكاية الخؤولة الماشة في البلد الأيام دي ؟؟ الكلام ده ما بتقولوهو لمولانا مالكم ؟ ولّلا نحنا الحيطة القصيرة ؟
.... عموماً تقول الخالات اللاتي كن يقتعدن اركان المدارس في ديومنا , حين يتضايقن من نداء " يا خالة " فيشيعن قائلها بـ : ( يا يابا خُلال السخلة ) . علماً أن " قلعة " الخرطوم الثانوية لم تكن مما تقتعد نواصيها أولئك النسوة الزهجانات .. فيا حليلكن يادوبكن دكانة عمك ميرغني .. و بقالة الحاوي التي في شارع خمسطاشر , فلا سبيل و الحال كذلك بسماعكن لمثل هذا المثل الغويط في حراق الروح . نهايتو .. مافي حل غير أستكتب إبنة خالتي ( إلهام عبدالرحمن ) كزميلة سابقة لكُن .. و أدعمها أنا بما عندي من معلومات و ذكريات و حاجات .. حتى نصمت الألسنة التي تدعونا بالخيلان و كلام بالشكل ده .
فليرجا مصطفى سري - و الذين معه - الراجيهم . .... تحية كبيرة و تليق للصديقة الرايعة الدكتورة صفية .. كتر خيرك يا صفية على الكلمات الحلوات .. و ياريت نكون قدر حسن ظنك . مودتي .
Post: #222 Title: Re: الخرطوم القديمة بنات....علي مر الدهور والازمنة Author: BitAlhana Date: 12-14-2008, 05:54 AM Parent: #1
دكتوره سلافه صاحبه الدار و ست الذوق
و ضيوفها الميامين
كل يوم أتاوق من بعيد لي بعيد و اتفرج و أضحك .... بوست ظريييييييييف جدا بيلم الشمل المشكله كلها في تبلدينا طبعا نحنا فرد من يوم ما فتحوا البورد ده لكنه لازم يلحم سلكه في اي بوست ... و الغريبه انه بيلقى ليه مدخل... قال قرت مدسن قال؟؟ اجي يا الشبك؟؟؟
على كل حال البوست ده فتح المجال للتواصل بي الناس في اعتقادي لكن يا سلافه و العتب على زاكرتي الخربه و عوامل السن .... انتي دفعتي ولا وراي؟؟؟ من دفعتي رشا عمر ... فريده عثمان .... غاده عبد الرحمن ... فاطمه سعيد ... ريم احمد... سوزان خيراوي ... ايثار عبد الرحمن .... منال ابو العزائم ... ايه .... مي جلال .... سلافه جماع ....سحر حسن... لطيفه عثمان.....ندى عبد الحفيظ .... وايييييييييك لسه في كتير
تحياتي
Post: #223 Title: Re: الخرطوم القديمة بنات....علي مر الدهور والازمنة Author: عبد الدائم سيد أحمد Date: 12-14-2008, 09:29 AM Parent: #1
Quote: الوكيل بالإنابة الأستاذ عبد الدائم
لمقابلتي بعد عطلة العيد للتنسيق..
المدير
تمام سعادتك .. وكل عام وانتم بخير ،،،،
ملاحظات : * يا اخوان عطلة السبت ما معانا لان المدرسة شغالة بالنظام القديم . * دخول اولاد الديوم لحوش المدرسة اضاف الكثير والمثير لذلك يجب الحذر فى ظل اختلاط الرمادى باللبنى . * ابدعت صفية صالح عن الحكى لفترة التسعـينيات باذهاب . * فى رايي الشخصى ان الخرطوم الثانوية او القديمة ( المميزة ) كانت فى فترة التمنينيات والسبعينيات . * شهدت فترة التسعينيات ظهور مدارس حكومية اخرى بالخرطوم مثل على السيد والصحافة ميرغنى والعمارات الثانوية ووووو ... وده من الاسباب المهمة التى افقدت القديمة تميزها وكانت المؤشر لبداية انهيار التعليم الحكومى ، ضعف رواتب المدرسين وتأخيرهاظهور المدارس الخاصة واستقطاب الكفأءات من المدارس الحكومية وووو ...
**** آتمنى من الزميلة محاسن زين العابدين ان تتولى مهام الوكالة وذلك لظروف سفرية ... وشكرا" .
سؤال : متى تم تحويل اسم الخرطوم الثانوية الى الخرطوم القديمة وتحويل مدرسة الام الى الخرطوم الجديدة .
Post: #224 Title: Re: الخرطوم القديمة بنات....علي مر الدهور والازمنة Author: Tabaldina Date: 12-14-2008, 12:37 PM Parent: #223
.. . اولاً اجمل التهانى والامنيات .. لخريجات الخرطوم القديمة واخص بالتهنئة الناس الدرسو مديسن كن عجبكم ولا انسي أصدقائهم ووكالائهم واساتذتهم الاجلاء وبصراحة سعيد ان اجد احد الفرد هنا ومنذ سنوات خلت ان تكون من بنات القديمة .. فدعونى احيها .. بطريقتى الخاصة ..
Quote: المشكله كلها في تبلدينا طبعا نحنا فرد من يوم ما فتحوا البورد ده لكنه لازم يلحم سلكه في اي بوست ... و الغريبه انه بيلقى ليه مدخل... قال قرت مدسن قال؟؟ اجي يا الشبك؟؟؟
أزيكـ يا بت الهنا.. معقولة تندسى كدا وبالسنين .. واجى القاء البروفايل ( متزوجة ) خوتك زى بتاعت صفق النيمة الكنت بقيف تحتها من يجى الشتاء تصفر والهواء يشلها .. يعنى عرفه 9 سنوات وانا اقول يا ربي مالها .. بقت رئيسة بلدية ؟؟ ولا اندفنت فى الجليد ؟؟
بعدين تعالى هنا لمن ما قرينا مديسن ما نعرف بنات المديسن الشديدات الجايت من القديمة .. انت عارفه اخوك .. الشهرة متاعب فى اى محل عندو وقفه .. وذكرى .. وجلسة .. وعرفة .. ومخ نضيف وفرص اتيحت لنا ولم تتاح لغيرنا .. تبقي فقط حيث تقطنون لنكم السلسلة .. وهذه تسمى الشهرة والأجتماعيات وقليل من سياحة وشبك ايضاً يا بت .. قصدى يا مدام
طبعا موضوع صفية صالح والايميل بتاعها دا براهو كوم بجى ليهو حسي
__________
بعد دا انا يا جماعة سبت وقوف شجرة النيم دخلت الفصل عديل مع بت الهنا .. معرفة قديمة وكدا
Post: #226 Title: Re: الخرطوم القديمة بنات....علي مر الدهور والازمنة Author: BitAlhana Date: 12-14-2008, 06:54 PM Parent: #224
تبلدينا مشتاقييييين كميات
والله ذكرتني الزمن الجميل ... ويا حليل ناس الفاضل وودشداد وكوول وقرجه ويازول وأنا وبت الاحفاد والساره وكوستاوالله كانت ايام حلوه شديد وووووووين يا خوانا ابو حراز؟؟ اسي بيكون اتملى عيال والراس اتشطب طبعا قابلت يازول يا زول في السودان وناس ود الدامر مع الفاضل شباب حلوين وقابلت ام الاولاد ... عسل شديد الصادق وتغريد بكوا ناس كبااااااااار بيكونوااسي ود الحافظ بقى حاجه تانيه في حكومه ولايه كسلا
عارف يا تبلدينا انا اكتشفت انه البورد ده عمل علاقات انسانيه وصداقات جميله بين الناس لكن اسي بقى يخوف تخش موضوع تلقاه مشى الخوروانت معاه تخاف تعلق على بوست زول تضيعه ليه
على اي حال تعال انا وانت نفتح بوست برااااااااااااانا نتذكر فيه الذي مضى معليش يا دكتوره على التخريمه
Post: #227 Title: Re: الخرطوم القديمة بنات....علي مر الدهور والازمنة Author: Solafa Alagib Date: 12-14-2008, 08:26 PM Parent: #226
*** والله ياخوانا شدة ما حبيت البوست دا التقول ما انا الفتحتو,,,وشدة ما بقيت ماخودة بيهو ومستغرقني تماما اقرب البس توبي لما اجى
ارد علي مصطفي سري ولا عماد عبدالله(بدون خال عشان ما يزعل)وكان لمولانا عادل سمير داك اقرب انادى ليهو(رئيس جمهوريتي)عشان يدخلو
Post: #232 Title: Re: الخرطوم القديمة بنات....علي مر الدهور والازمنة Author: Tabaldina Date: 12-15-2008, 12:53 PM Parent: #228
.. . بت الهنا الله يهنيك يا فردة .. والشوق بالأكتر .. وكل شوية متلومة معاى .. يعنى برضو جيت السودان وقابلت المساخيط ديل _ باستثاء ام الاولاد _ حليل لمت ناس سودانت .. كانت ايام سعيدة .. طبعا ناس الصادق وتغريد ( وانت عارف انا بحبك ) يطلون هنا مرة مرة ومصطفى بقي يسوق العربية كماان عارفه اهم خبر .. ود الحافظ البقي فى الحكومة دا .. يا ربي ما بدينا جنينة من جناين الختمية ديلاك ؟؟ ضرورى جدا تدينى الاخبار بالتفصيل الممل وترسلى لى تلفونو وبقية الحلووين بس فاتك عرس هباش قبل مدة .. صدقينى هناك علاقات تنشأ هنا تكون امتن واقوى من بعض العلافقات الواقعية دمتى بخير .. وما تنقطعى
د.سلافا ست المدرسة .. بت الهنا دى عرفة قديمة .. شوفى ناس القديمة دى بعملو فينا شنو مجهجيننا واقعيا واسفيرا يعنى لا الم فى بت مديسن ولا فى بت الهنا ؟؟ امرك عجيب يا قدر ..
ودا سبب اساسي انو ما عندى ( حكومة ) ___________
لو البوست دا مشى صاح يا سلافا بصنع ليكم حكومة من القديمة دى ..
Post: #229 Title: Re: الخرطوم القديمة بنات....علي مر الدهور والازمنة Author: BitAlhana Date: 12-15-2008, 05:08 AM Parent: #1
من اطرف الذكريات
كان في معرض بيقام في الخرطوم القديمه بنين ... وكانوا بيختاروا مجموعه من كل فصل عشان يمشوا يحضروا المعرض... المهم قدر ما حاولنا و كابسنا عشان يختونا في اللسته حلفت المدرسه ما تختنا زعلنا زعل عاد كيييييييف ما نقدر نشوف الجكس بتاع القديمه و معظمهم اصحابنا من كورس بري الصيفي.
المهم دكينا الحصه انا- فريده - لطيفه - ندى ومشينا قعدنا في الحوش البي وراء هنااااااك زعلانين و زهجانين و طبعا خلطه وطارت
بعد شويه جات الفكره الجهنميه ... الناظره استاذه محاسن الله يرحمها كان بيتها جوه المدرسه ... مشينا دقينا الباب فتحت لينا الحبشيه قلنا ليها دايرين مويه ... دخلت تجيب المويه .... ونحنا طلعنا بي الباب البيفتح على عمارة التنمية .... وجرينا الشارع جري شديد ... بس احلى حاجه انه لما فتحنا الترباس بتاع الباب قوم يا الترباس كله طلع في يدنا .... ونحنا بنعاين ليه مهجومين .... قمنا شلنا الترباس وجرينا
المضحك في الموضوع انه لما وصلنا مدرسه الخرطوم القديمه أولاد ويا دااااااب ما قلنا بسم الله و بقينا نفتش في الجكس في استاذه شقيه شافتنا والله المره دي سرخت جنس سريخ ... تقول شافت عفاريت .... شالت اسامينا و فصولنا وتاني يوم جابونا في مكتب المديره و هزأونا
الحمد لله ماعرفونا طلعنا كيف .... كان اترفدنا
والله زكريات
Post: #230 Title: Re: الخرطوم القديمة بنات....علي مر الدهور والازمنة Author: Solafa Alagib Date: 12-15-2008, 08:01 AM Parent: #229
فوووووووووووووووووووق
Post: #231 Title: Re: الخرطوم القديمة بنات....علي مر الدهور والازمنة Author: عبدالله كع Date: 12-15-2008, 11:52 AM Parent: #1
Post: #237 Title: Re: الخرطوم القديمة بنات....علي مر الدهور والازمنة Author: Solafa Alagib Date: 12-17-2008, 09:02 PM Parent: #236
البوست دا لما اتفتح كان القصد منو التواصل والمشاركة ,,,وايد واحدة مابتصفق,,,,القصد زيادة
معرفة ,,,معرفة ناس واماكن ,,,انشاء علاقات جميلة ,,,كانت,, واردنا لها ان تستمر,,,,,,,لكن مايحصل
الآن غير ما هو منتظر
(اخواتى الطلبة ,,اخوانى الطالبات)علي قول رباب محمدعلي(بينا)صحبتي,,,,ليه الكسل؟؟؟الناس بس تدخل
تقرا وتتأمل ومافي مداخلات !!! اي حدث مر عليهو يوم,,,بقي ذكريات ,,ونكون كضابين لو قلنا بترجع,,
وان كنت عايزنا نرجع زى زمان
قول للزمان ارجع يازمان,,,
رحم الله الست ام كلثوم
Post: #238 Title: Re: الخرطوم القديمة بنات....علي مر الدهور والازمنة Author: Tabaldina Date: 12-18-2008, 07:28 AM Parent: #1
.. . ما دام فى أمل .. واحد بعيشو ويمكن حلوا لى مشكلتى .. بخليكم فى القمة _ كالعادة _ وعشان كدا .. الى القمة ..
_____________
يا سيف ياخى حتى التحدى مالقى تجاوب بس حنلعبها معاهم اربع اشوات وبلنتيات لو استدعى الامر ..
هوباااااااااا
Post: #239 Title: Re: الخرطوم القديمة بنات....علي مر الدهور والازمنة Author: Solafa Alagib Date: 12-18-2008, 08:16 AM Parent: #238
شكرا ليك تبلدينا ,,,يا اصلي ,,,وياها المحرية فيك
Post: #240 Title: Re: الخرطوم القديمة بنات....علي مر الدهور والازمنة Author: Solafa Alagib Date: 12-18-2008, 09:28 PM Parent: #239
كل الناس اللي كانو بكتبو هنا اختفوا من بعد العيد !!!!!!!!
ياربي انا كنت ضيفة في الكاميرا الخفية ولاشنو ؟؟؟؟
Post: #241 Title: Re: الخرطوم القديمة بنات....علي مر الدهور والازمنة Author: Solafa Alagib Date: 12-18-2008, 09:40 PM Parent: #240
فووووووووق شديد
Post: #242 Title: Re: الخرطوم القديمة بنات....علي مر الدهور والازمنة Author: محمد أبوالعزائم أبوالريش Date: 12-18-2008, 09:59 PM Parent: #1
Quote: من اطرف الذكريات
كان في معرض بيقام في الخرطوم القديمه بنين ... وكانوا بيختاروا مجموعه من كل فصل عشان يمشوا يحضروا المعرض... المهم قدر ما حاولنا و كابسنا عشان يختونا في اللسته حلفت المدرسه ما تختنا زعلنا زعل عاد كيييييييف ما نقدر نشوف الجكس بتاع القديمه و معظمهم اصحابنا من كورس بري الصيفي.
المهم دكينا الحصه انا- فريده - لطيفه - ندى ومشينا قعدنا في الحوش البي وراء هنااااااك زعلانين و زهجانين و طبعا خلطه وطارت
بعد شويه جات الفكره الجهنميه ... الناظره استاذه محاسن الله يرحمها كان بيتها جوه المدرسه ... مشينا دقينا الباب فتحت لينا الحبشيه قلنا ليها دايرين مويه ... دخلت تجيب المويه .... ونحنا طلعنا بي الباب البيفتح على عمارة التنمية .... وجرينا الشارع جري شديد ... بس احلى حاجه انه لما فتحنا الترباس بتاع الباب قوم يا الترباس كله طلع في يدنا .... ونحنا بنعاين ليه مهجومين .... قمنا شلنا الترباس وجرينا
المضحك في الموضوع انه لما وصلنا مدرسه الخرطوم القديمه أولاد ويا دااااااب ما قلنا بسم الله و بقينا نفتش في الجكس في استاذه شقيه شافتنا والله المره دي سرخت جنس سريخ ... تقول شافت عفاريت .... شالت اسامينا و فصولنا وتاني يوم جابونا في مكتب المديره و هزأونا
الحمد لله ماعرفونا طلعنا كيف .... كان اترفدنا
والله زكريات
ربنا يستر وما يكون في طلبة (حاليين) بيدخلوا البوست ده، عشان ما ندخل في قدوة، والحاجات دي.
عارفين أجمل حاجة في البوست ده شنو؟
المخاطبة بينا هي (البنات، والأولاد)، قبل ما تجي كلمة (رجال ونسوان) البايخة دي، ويجي واحد يقول ليك (يا عمو) ويا (خالتو). ........ خلونا هنا أولاد ونات بس
غايتو يا عمدة ابوالعزائم دة تاني الا يتاوق من سور (المدرسة )
Post: #248 Title: Re: الخرطوم القديمة بنات....علي مر الدهور والازمنة Author: Solafa Alagib Date: 12-19-2008, 10:53 AM Parent: #247
مصطفي سري ,,,عماد عبدالله,,,محمد ابو العزايم
والله انتو نكهة في البوست دا ومن غيركم ولابنبقي ولاحاجة ,,,شرفونا دايما
Post: #249 Title: Re: الخرطوم القديمة بنات....علي مر الدهور والازمنة Author: Adel Sameer Tawfiq Date: 12-19-2008, 09:16 PM Parent: #248
Post: #250 Title: Re: الخرطوم القديمة بنات....علي مر الدهور والازمنة Author: محمد أبوالعزائم أبوالريش Date: 12-19-2008, 09:46 PM Parent: #1
Quote: مساهر مالك حكومتك مخمسة مع اهلها؟؟؟
هي! ..... عرفتي كيف؟
يا مصطفى سري .. نحن ما بنتاوق بالحيط ... نحن يا خوي بنلاقي ونتلاقى في مجمّع الرياضة.
Post: #251 Title: Re: الخرطوم القديمة بنات....علي مر الدهور والازمنة Author: عبد الدائم سيد أحمد Date: 12-20-2008, 08:44 AM Parent: #1
الوكيل مراقب الموقع والسور من خلف نضارتو
بعدين يا ابو العزايم الاخ عماد عبدالله اعترف انو من زمن الردا وانا من خلال كتابات سابقة ليهو عن الديوم افتكرتو درس فى مدرسة الشباب والراعى الصالح الكانو معروفين الزمن داك بالـ .... لكن اتفاجأت لما قال انو درس فى الخرطوم الجديدة
وعشان ما تكبرنى شديد انا جيل منتصف الثمانينيات .
ويا مصطفى سرى عندى ليك سؤال من لمحت اسمك فى المنبر ده من زمان عاوز اسألك ليهو ، انت اخو المرحوم عصام سرى .
يا د/ سلافة شوفى البنات مشو وين .... ولو متضايقين مننا يقولو لينا ونحن بنشوف لينا مدرسة تانية ..
Post: #252 Title: Re: الخرطوم القديمة بنات....علي مر الدهور والازمنة Author: Solafa Alagib Date: 12-20-2008, 08:55 AM Parent: #251
عبدالدايم,,,,صباحك خير ,,,وصباحنا برد
طبعا انتو كلكم اختفيتو بعد العيد فى ظروف غامضة ,,,انا قلتا يكون الخروف اكلكم ما انتو اللي اكلتوهو,,,او يكون البوست قاعد
لكن المتداخلين اتهكروا
كيف يعني تشوفو ليكم مدرسة تانية !!! انت وكيل وما عارف القوانين!! ما في تحويل في نص السنة
Post: #253 Title: Re: الخرطوم القديمة بنات....علي مر الدهور والازمنة Author: محمد أبوالعزائم أبوالريش Date: 12-20-2008, 09:49 AM Parent: #1
حضرة الوكيل عبدالدايم ....
صراحة كلنا قرينا بالأردية (الردا) ... لكن أنا شخصياً لحدي هسة صغنوني .... ياخ عماد ده شنبو براهو يخلع.
Post: #254 Title: Re: الخرطوم القديمة بنات....علي مر الدهور والازمنة Author: Solafa Alagib Date: 12-20-2008, 10:21 AM Parent: #253
بما اننى مسئولة عن هذا البوست ,,فشكلى بعد شوية حاطلب من كل متداخل\ة ارفاق صورة حديثة له\ها ليها يومين تلاتة كدا,,,بدل شجر
التبلدي والدرامات المدسيين لي بي وراها دى ,,صورة وجيهة كدا زى حقت اشراقة مصطفي حتى نستطيع عمل تسنين للجميع بدون فرز
مولانا عادل سمير توفيق ,,,عامل اسم ابوك الصغير دا
وحياة ربنا مشتاقين ,,,,وشكرا كثيرا علي طلبك للمهندس بكري بالابقاء علي بوست القديمة بنات,,, بالجد حسستني انك مسئول عننا
اظهر وبان عليك الامان
Post: #256 Title: Re: الخرطوم القديمة بنات....علي مر الدهور والازمنة Author: Adel Sameer Tawfiq Date: 12-20-2008, 10:45 AM Parent: #254
Quote: اظهر وبان عليك الامان
سلام د. سلافة..
شوووووق كتيييير..
كنت مسافر في القاهرة لمدة إسبوع لكني كنت متابع !
Quote: متين اضافو اسم القديمة ,,يمكن مولانا
عادل يكون عارف !!!
في عام 1979 تم تحويل مدرسة الأم الثانوية الي مدرسة ثانوية حكومية و تم تسميتها الخرطوم الثانوية
الجديدة على غرار مدرسة الخرطوم الجديدة بنين و عليه تم إضافة القديمة للخرطوم الثانوية بنات..
الحصة تاريخ !!
إنتو حضرة الوكيل قاعد يدرس شنو ؟!!
Post: #255 Title: Re: الخرطوم القديمة بنات....علي مر الدهور والازمنة Author: عبد الدائم سيد أحمد Date: 12-20-2008, 10:27 AM Parent: #1
الحقى قبل البوست ما يتأرشف اعملى مداخلة فى بوست بكرى وانزلى رابط البوست بطريقة صحيحة ( وش صارى ) * افتحى بوست القديمة وفى مكان Address بالزر الايمن للماوس اعملى Copy * افتحى بوست بكرى واعملى مداخلة جديدة ( غير الاولانية ) واعملى Paste * تاكدى بنزول الرابط بعمل مشاهدة قبل الرد .
وذلك للمصلحة العامة ..
Post: #257 Title: Re: الخرطوم القديمة بنات....علي مر الدهور والازمنة Author: Emad Abdulla Date: 12-20-2008, 11:05 AM Parent: #255
Quote: وعشان ما تكبرنى شديد انا جيل منتصف الثمانينيات .
صاح صاح .. و أنا دفعتي الملك بعانخي .
...... إشتغل معانا كويس يا عبد الدايم .
Post: #258 Title: Re: الخرطوم القديمة بنات....علي مر الدهور والازمنة Author: Solafa Alagib Date: 12-20-2008, 11:06 AM Parent: #255
هنيالك يا مولانا ,,,متجدع في القاهرة,,,مشيت الاسكندرية والدنيا( شتى) علي قول الست فيروز ؟؟؟
والله ياعبدالدايم للاسف يبدو انى ماعرفتا اطلب من بكرى يخلي البوست برا الارشيف رغم انى اجتهدت اعمل كل الخطوات اللى قلتهالي
والمداخلة غافلتنى ونزلت مرتين لكن ابدا ما زى حقت باقي الناس,,وخلتنى مستاءة جدا والله ما عارفة اعمل شنو!!!!
Post: #259 Title: Re: الخرطوم القديمة بنات....علي مر الدهور والازمنة Author: Adel Sameer Tawfiq Date: 12-20-2008, 11:11 AM Parent: #255
Quote: الحقى قبل البوست ما يتأرشف اعملى مداخلة فى بوست بكرى
حضرة الوكيل..عبد الدائم سيد أحمد
قدمت طلب في بوست بكري بصفتي المدير !!
عادل سمير
المدير
Post: #260 Title: Re: الخرطوم القديمة بنات....علي مر الدهور والازمنة Author: مصطفي سري Date: 12-20-2008, 06:13 PM Parent: #259
عبدالدايم كل سنة وانت طيب (ويا مصطفى سرى عندى ليك سؤال من لمحت اسمك فى المنبر ده من زمان عاوز اسألك ليهو ، انت اخو المرحوم عصام سرى .) ايوة انا اخ المرحوم باذن الله عصام سري ، واظن انت زميله في مدرسة الديم شرق 2 تشكر سيدي
Post: #261 Title: Re: الخرطوم القديمة بنات....علي مر الدهور والازمنة Author: عبد الدائم سيد أحمد Date: 12-21-2008, 09:38 AM Parent: #260
الاخ العزيز مصطفى رحم الله اخى وزميلى العزيز عصام سرى واسكنه فسيح جناته مع الصديقين والشهداء ارجو مراسلتى على الايميل للاهميه [email protected]
Post: #262 Title: Re: الخرطوم القديمة بنات....علي مر الدهور والازمنة Author: Solafa Alagib Date: 12-21-2008, 09:55 AM Parent: #261
Post: #263 Title: Re: الخرطوم القديمة بنات....علي مر الدهور والازمنة Author: Solafa Alagib Date: 12-21-2008, 11:18 AM Parent: #262
طبعا يابنات القديمة شكلكن اتفقتن من وراى وقررتن ما تدخلن,,, تقرن بس
مشكورات ,,,,,,وما كان العشم
Post: #264 Title: Re: الخرطوم القديمة بنات....علي مر الدهور والازمنة Author: Adel Sameer Tawfiq Date: 12-21-2008, 12:27 PM Parent: #262
Quote: فوووق والله بوجودكم وطلتكم الجمييييييلة ومستحيلة
مولانا عادل
د. سلافة ، نحن معاك للنهاية !!
توقعي مفاجآت الصور و ذكريات الزمن الجميل عقب عودتي من الخرطوم في منتصف يناير القادم !!
Post: #265 Title: Re: الخرطوم القديمة بنات....علي مر الدهور والازمنة Author: Solafa Alagib Date: 12-21-2008, 01:05 PM Parent: #264
منتصف يناير !!!
كان كدى اتلاقينا تب باذن الله
Post: #266 Title: Re: الخرطوم القديمة بنات....علي مر الدهور والازمنة Author: Adel Sameer Tawfiq Date: 12-22-2008, 08:34 PM Parent: #265
Post: #267 Title: Re: الخرطوم القديمة بنات....علي مر الدهور والازمنة Author: Solafa Alagib Date: 12-23-2008, 08:10 AM Parent: #266
حذف للتكرار
Post: #268 Title: Re: الخرطوم القديمة بنات....علي مر الدهور والازمنة Author: Solafa Alagib Date: 12-23-2008, 08:30 AM Parent: #266
كتبت صديقتى الحبيبة هدي مرضي التى هي الان فى طريقها للسودان ,,,تقول
Quote: 05/12/2008. Solafa Alagib 05/12/200 ما أدراك ما الزي المدرسي على أيامنا ما كان لازم تختي الطرحه في راسك ولا كانت قصة الفستان محدده كانو البنات بعملو تساريح وقصات شعر وبيطقمو ألوان ساعات اليد والشنط مع الأحذيه الرياضيه والشرابات
Quote: 05/12/2008. Solafa Alagib حصل غزو كاسح للمدرسه من بنات السودانيين القادمين من الكويت كنا بنسميهم إفراج مؤقت
ديل كمان جو بي حقهم البيعرفوه برااااهم ثقافة ولهجه المسلسلات الكويتيه الكانت طالعه موضه الأيام ديك....لوك ودلع خليجي مايتنازلن أبدا عن قصه الشعر المايله مع لفة الطرحه المميزه
ورسم العيون بالكحل العربي داير ما يدور والله المدرسات الأيام ديك عينهم طلعت يابت بكره لو جيتي بشكلك ده حأفصلك ولا حياة لمن تنادي
على أايامنا الطرحة برضه ما كانت إجباريه لكن الكان إجباررري من غير مزايدة لون فستان المدرسه لالالالازم يكون لبني سماوى فاتح وتفصيلة الفستان لالالالازم بى وسط وكشكشه. أى بنت حاولت لبني غامق أو مايل للرمادي أو تفصل مخصر ما عدت لى جوه المدرسه وكانت الوكيله خديجةعبدالله علي كنبة الديوتي كل صباح without fail ترجع أي واحده ماملتزمة البيت مهما كان وين ساكنه, والفستان لأزم بكون تحت الركبة. جذمة أو شبط أبيض مع شراب أبيض لو مسكوك فى الديوتي بشراب أبيض ملون أو شريط شعر ملون بشيلوه من البت وتجى آخر اليوم تستلمه من مكتب الوكيله.
الكل كان ملتزم بالنظام ده وكان لمن الواحد يعاين فى الحوش للبنات الكل في هيئه واااحده إنسحام شكلي ولوني تام على مد البصر و في الجوهر والموضوع. من هنا وفى العمر الصغير داك تعلمنا من المدرسة وأيضا بدعم الأهل الإعتدال فى اللبس. و تعودنا إن نختار اللبس المناسب فى المكان المناسب الشكر والعرفان والتقدير للإستاذة الجليلة خديجة عبداللة على كل شئ حتي قوة ضبطها الحديدية. بنتها الرقيقة هالة كانت دفعتنا فى الخرطوم الثانويه قمة فى الأخلاق والهدوء
Post: #285 Title: Re: الخرطوم القديمة بنات....علي مر الدهور والازمنة Author: Maha Bashir Date: 12-24-2008, 09:36 PM Parent: #268
مساء الخير علي الجميع
يخسي عليكم يا ناس يا ما عندك عشرة يعني نحنا إندفنا و مرقنا مافي يزول يسأل ساكت يقول يا ربي مالا مها يعني مولانا عادل ما كلم ؟؟؟؟ "وش زعرن منكم شديد وصاري ليكم"
Post: #269 Title: Re: الخرطوم القديمة بنات....علي مر الدهور والازمنة Author: عبد الدائم سيد أحمد Date: 12-23-2008, 12:30 PM Parent: #1
الله يقدركم بس تجينى واحدة بالشكل ده
Quote: على أيامنا ما كان لازم تختي الطرحه في راسك ولا كانت قصة الفستان محدده كانو البنات بعملو تساريح وقصات شعر وبيطقمو ألوان ساعات اليد والشنط مع الأحذيه الرياضيه والشرابات
حصل غزو كاسح للمدرسه من بنات السودانيين القادمين من الكويت كنا بنسميهم إفراج مؤقت
ديل كمان جو بي حقهم البيعرفوه برااااهم ثقافة ولهجه المسلسلات الكويتيه الكانت طالعه موضه الأيام ديك....لوك ودلع خليجي مايتنازلن أبدا عن قصه الشعر المايله مع لفة الطرحه المميزه
ورسم العيون بالكحل العربي داير ما يدور والله المدرسات الأيام ديك عينهم طلعت يابت بكره لو جيتي بشكلك ده حأفصلك ولا حياة لمن تنادي
الـــوكــيل ....
يا هدى فى السبعينات حسب كلام اختى الكبيرة كان فى مدرسة اسمها ست سلوى الحلفاوية لو شافت اى بت بالمنظر ده بتمسكها وتدخل ليها رأسها تحت الماسورة وقال ليك كان بتضرب كـف مبالغة ... رغم رأيي فى طريقة العقاب المدرسى المفروض زمان .
اخيرا" ما تنقطعو وتغيبو على كيفكم المدرسة فيها نظام وسلافة شايفها كل يوم تناديكم واجازة سعيدة ، رغم انى ما عارف اللى صدق ليك بالاجازة يا ربى يكون الناظر عادل سمير ؟
Post: #270 Title: Re: الخرطوم القديمة بنات....علي مر الدهور والازمنة Author: Solafa Alagib Date: 12-23-2008, 01:49 PM Parent: #269
لكن يا سيادة الوكيل يظلوا,,,البنات,,,البنات,,,الطف الكائنات,,علي قول الراحلة سعاد حسني
Post: #271 Title: Re: الخرطوم القديمة بنات....علي مر الدهور والازمنة Author: ASHRAF TAHA Date: 12-23-2008, 03:49 PM Parent: #1
مكرر
Post: #272 Title: Re: الخرطوم القديمة بنات....علي مر الدهور والازمنة Author: ASHRAF TAHA Date: 12-23-2008, 03:49 PM Parent: #1
مكرر
Post: #273 Title: Re: الخرطوم القديمة بنات....علي مر الدهور والازمنة Author: ASHRAF TAHA Date: 12-23-2008, 03:50 PM Parent: #1
Post: #274 Title: Re: الخرطوم القديمة بنات....علي مر الدهور والازمنة Author: ASHRAF TAHA Date: 12-23-2008, 03:50 PM Parent: #1
جميلات كن
في ذلك الزي السماوي
شارع بيتنا كان قصاد باب المدرسة إلا المُشتشفى قفلتو
وبعده تسربن
حوالينا لا علينا
بجمال يسبق
الحقيقة والعلم وبعض من فهم
... التعليم
تخرجن رائدات
كعادتهن (حتى بغير تعليم فقد علّمَن)
سيدات مجتمعات ومجتمِعات
أختي وقريبات كُتار
وبنات جيران
طلعو منها
وطلعت منهن أوطان ...
على أزمنة وأزمان
وزمن ..
و ....................... إحن
Post: #275 Title: Re: الخرطوم القديمة بنات....علي مر الدهور والازمنة Author: مصطفي سري Date: 12-23-2008, 05:33 PM Parent: #274
اشرف طه ، كل سنة وانت بالف خير في حاجة عملها اسمها تعديل عشان ما تحجز البوست ، زي صف الرغيف في طابونة اليماني ويظهر انك ما بتعرف تشاغل بنات القديمة الجميلات ... قم عدل كدة ولللا كدة ...
Post: #276 Title: Re: الخرطوم القديمة بنات....علي مر الدهور والازمنة Author: ASHRAF TAHA Date: 12-23-2008, 05:48 PM Parent: #1
Quote: في حاجة عملها اسمها تعديل عشان ما تحجز البوست ، زي صف الرغيف في طابونة اليماني ويظهر انك ما بتعرف تشاغل بنات القديمة الجميلات ... قم عدل كدة ولللا كدة ...
سري العزيز
الله يخلي طابونة اليماني
الدفت بِطونا
لكن يا صاحبي الله يكتلني
انا عملت عيسى مرسال واحد بس
ياخ قالو ليك في قِرِش مستثمر في ايه كدا ما عارف
لمن قالو ليهو الشغلة خستكت
اشتغل ليك معيط في اي حديدة مجرورة تحت البحر
نجججف نجججف لا خلى كيبل ولا حتى لوبيستر
على العموم قالو الدكتور اداهو حبة
بندول سي
وهدا شوية
والناس شغالا في معيطو الخلا ردنا يجي (زعيطو)
*ده دي فاكتو يا بُصحي
Post: #277 Title: Re: الخرطوم القديمة بنات....علي مر الدهور والازمنة Author: Emad Abdulla Date: 12-23-2008, 05:56 PM Parent: #276
Quote: ويظهر انك ما بتعرف تشاغل بنات القديمة الجميلات
أتقول هو الكان بيعرف يشاغل .. بفنلتو الصفرا عوينة أم صالح الرقبتا واقعة بالجنبة ديك .
.... إنت كمان متين بيتكم كان قصاد المدرسة يا أشرف ؟؟ قايل نفسك " صلاح النور " ؟؟
Post: #279 Title: Re: الخرطوم القديمة بنات....علي مر الدهور والازمنة Author: Adel Sameer Tawfiq Date: 12-23-2008, 07:54 PM Parent: #277
Quote: قايل نفسك " صلاح النور " ؟؟
Post: #288 Title: Re: الخرطوم القديمة بنات....علي مر الدهور والازمنة Author: Maha Bashir Date: 12-24-2008, 09:57 PM Parent: #277
مساء الخير للشباب المتجمعين
الفنان الكبير عماد عبد الله تحية كبيييرة علي فكرة عجبني جدا جدا البوستر الاتعمل لحفلة كيكس من تصميمك الالوان الاحمر و الاسود لا يعلي عليهم
Quote: قايل نفسك " صلاح النور " ؟؟
اهاااااااااااااا يا عماد مالو صلاح النور؟؟؟؟؟ يعني عشان بيتهم في شارع 17 مقابل المدرسة ؟ صلاح النور صديق الطفولة وصديق العمر و أعز الاعزاء تحياتي يا صلاح وأمنياتي ليكما ياعماد بأعياد و سنة جديدة مشعة بالجمال و الحب
مها بشير
Post: #278 Title: Re: الخرطوم القديمة بنات....علي مر الدهور والازمنة Author: ASHRAF TAHA Date: 12-23-2008, 06:06 PM Parent: #1
يا عماد عليك دينك
قبُل مستشفى بن سينا ما كان شارع بيتنا قُصاد باب المدرسة زي الحُقنة في الوريد دززززز؟
وبعدينك
عرجن بشارع بيتكم بسبب سهولة المواصلات وتوفر الأيدي العاملة والمواد الخام يا شافيز
ياخي إنت اناني وما بتعترف
بالـ Big Bang
يا زلمي
Post: #280 Title: Re: الخرطوم القديمة بنات....علي مر الدهور والازمنة Author: مصطفي سري Date: 12-23-2008, 08:49 PM Parent: #278
يا دكتورة سلافة ، الحقي البوست دة جيبي ناس شرطة الديم - لا لا - احسن شرطة العمارات طلعي الجماعة اللي وقفوا جنب بقالة (زينة ) ويشاغلو في بنات الصباح ومنتظرين بنات المساء ، وانا يا عمدة وكت القديمة جعيصة انا كنت في الابتدائي اسال اشرف طه دة ، وصلاح اخوك شايفو بقى مسكين خلى قعاد ( الترتار )
اشرف طه ، وعمو عماد ... اكيد بتتذكرو (علي بيك) وصحبة بنات القديمة ، والفاضل عثمان اللي بقى ( مولانا ) كبير ونبيل الحلفاوي / هؤلاء كانوا الشرذمة ولا يضايهم احد ، وناس العمارات مهما يلبسوا ويتقيفوا كانو ( ما عندهم حنك )
ما يميز الخرطوم الثانوية (القديمة ) بنات انهن تقيلات ، من الجمال ، والشطارة والفهم ، وكن من الادب العالي
Post: #281 Title: Re: الخرطوم القديمة بنات....علي مر الدهور والازمنة Author: محمد أبوالعزائم أبوالريش Date: 12-23-2008, 10:43 PM Parent: #1
Quote: قايل نفسك " صلاح النور " ؟؟
يا عُمدة ياخ صلاح النور بيتم في شارع 17، زولك يمكن كان قطع الشارع (حي الزهور)، برضو مقابل المدرسة .... مش؟
Post: #282 Title: Re: الخرطوم القديمة بنات....علي مر الدهور والازمنة Author: Solafa Alagib Date: 12-24-2008, 06:49 PM Parent: #281
مسا الخيرات شباب,,,,,اولاااااااد وبنات
والله يامصطفي سري انا بصراحة بصراحة عجبتنى وصلة الغزل العفيف اللي بقيادة اشرف طه اللي نور البوست فجأة
عشان كدا مافي داعى للشرطة و-خلي السلاح صاحى-علي قول المصريين وقلتا في نفسي يابت خلي الشباب يفضفض ,,,يعنى
لاهم صغار يتكلمو ولاهم كبار ,,,يبكوا علي الاطلال
ودمتم
Post: #283 Title: Re: الخرطوم القديمة بنات....علي مر الدهور والازمنة Author: Adel Sameer Tawfiq Date: 12-24-2008, 07:00 PM Parent: #282
Quote: لاهم صغار يتكلمو ولاهم كبار ,,,يبكوا علي الاطلال[/QUOTE]
Post: #284 Title: Re: الخرطوم القديمة بنات....علي مر الدهور والازمنة Author: Solafa Alagib Date: 12-24-2008, 08:12 PM Parent: #283
عجبتك يامولانا,,,,مسا الخير ,,,وكل سنة وانت طيب والاسرة كلها يارب
Post: #286 Title: Re: الخرطوم القديمة بنات....علي مر الدهور والازمنة Author: Maha Bashir Date: 12-24-2008, 09:41 PM Parent: #284
ياسلافة حصل شنو لصدر البوست حاجة غريبة لأي بكري أبوبكر مسحة ؟؟؟؟
Quote: (عدل بواسطة بكرى ابوبكر on 11-12-2008, 01:09 م) (عدل بواسطة بكرى ابوبكر on 11-12-2008, 02:42 م
أفيدونا يا جماعة بكري عنده مشكلة مع الخرطوم الثانوية؟؟؟؟
غايتوا يابكري ما بسألك
Post: #287 Title: Re: الخرطوم القديمة بنات....علي مر الدهور والازمنة Author: Adel Sameer Tawfiq Date: 12-24-2008, 09:55 PM Parent: #286
هو اصلو كان مكتوب شنو يستاهل التعديل او المسح ؟؟!!
ياربي يكون دا الهكر ؟؟!!
غايتو سودانيز أون لاين بقى زي بيت الأشباح !!
الله يستر..
Post: #289 Title: Re: الخرطوم القديمة بنات....علي مر الدهور والازمنة Author: Adel Sameer Tawfiq Date: 12-24-2008, 10:52 PM Parent: #1
Post: #290 Title: Re: الخرطوم القديمة بنات....علي مر الدهور والازمنة Author: Maha Bashir Date: 12-24-2008, 11:20 PM Parent: #289
مولانا مساء الخير عليك ميري كرسماس
الوردية عليك و لا شنوا؟ عندكم "تيركي" الليلة ولا لا؟
تحياتي
مها
Post: #291 Title: Re: الخرطوم القديمة بنات....علي مر الدهور والازمنة Author: Maha Bashir Date: 12-24-2008, 11:37 PM Parent: #290
يا جماعة أنا قاعدة أراجع من أول صفحة في حاجات كتيرة فاتتني و عاوزة ارد عليها فالي مداخلة الاخت سارة علي بواسطة سلافة
Quote: ايضا هناك التؤام- سلمي وسلوي التجاني علي
تحيات من التومات سلمي وسلوي التجاني علي و كنا بنتكلم أنا وسلوي و طلبت منها المشاركة و إن شاء الله حتحاول
صديقاتنا بنات الخرطوم العليا إجلال عبد الحليم , ماجدة محمد علي قسومة, هدي مبارك ضيف الله مها عبد المحمود , مني الزين صغيرون , ليلي البرير, سوسن شريف خاطر ,مواهب و إجلال ميرغني النصري سوزان عابدين, نادية سنجابي بنات حلتنا " محطة الغالي", نادية بيومي و الله بصراحة الذاكرة بقت بطالة متذكرة الوجوه و ما قادرة أخت عليها الاسامي دي حالة دي بالله
أخواتي الاصغر مني مايسة وريم بشير الاتنين قروا في الخرطوم العليا وعديلة أبو شرف و إنتصار سنجابي و مها مبارك
بجي تاني كان الله هون عندنا إجازة يومين مع الويك إند وكل سنة و الجميع بخير بمناسبة أعياد الميلاد المجيد
مها
Post: #292 Title: Re: الخرطوم القديمة بنات....علي مر الدهور والازمنة Author: Solafa Alagib Date: 12-25-2008, 07:23 AM Parent: #291
مشتاقين يا مها بشير وكل سنة وانت طيبة ,,,انا زاتى اسغربت لما لقيت وش البوست اتغير
قلت في-عقل بالى- يمكن دا new look العام الجديد ,,,اصلا المكتوب كان انى برحب بخريجات القديمة
وتحت تحت -حتى بالامارة -تحت اتكتبت مرة واحدة ما اترددت مرتين,,,تحت تحت برحب ببنات الخرطوم الاميرية
والخرطوم غرب ,,,بس دا كل اللي حصل
وعموما للباشمهندس بكري ,,,,
كل عام وانت حبيبنا ,,كل عام وانت بخير
كل عام وانت نصيبنا,,مهما في الدنيا يصير
مع تحيات شيرين وفضل شاكر
Post: #293 Title: Re: الخرطوم القديمة بنات....علي مر الدهور والازمنة Author: Solafa Alagib Date: 12-25-2008, 07:33 AM Parent: #292
فووووق عشان السنة الجديدة وسعيدة علينا يارب
Post: #296 Title: Re: الخرطوم القديمة بنات....علي مر الدهور والازمنة Author: Adel Sameer Tawfiq Date: 12-25-2008, 10:29 PM Parent: #290
Quote: عندكم "تيركي" الليلة ولا لا؟
عندنا تيركي كــــااااارب يا مها.. إتفضلي معانا !!
Post: #294 Title: Re: الخرطوم القديمة بنات....علي مر الدهور والازمنة Author: عبد الدائم سيد أحمد Date: 12-25-2008, 08:26 AM Parent: #1
Quote: (عدل بواسطة بكرى ابوبكر on 11-12-2008, 01:09 م) (عدل بواسطة بكرى ابوبكر on 11-12-2008, 02:42
يوم11 ديسمبر كان يوم الخميس تالت يوم لعيد الضحية يعنى الدنيا اجازة ... الزول ده دخل الساعة 01:09 ونطة مرق الساعة 02:42 ساعة صلاة الظهر وقبل الغداء يعنى قضى ليهو ذى ساعة ونص جوة المدرسة المهم : راجعنا الدفاتر ما فى شي اتسرق بالنسبة لورق امتحان الرياضايات الانكشف ما فيش مشكلة توجد ورقة احتياطية
الشى الوحيد الملاحظ : وجدت يافطة المدرسة ملغية على الارض قلت يمكن جاء هواء ، ولا عاوزين يغيرو اسم المدرسة ، ولا ديل ناس الاستثمار
ولا فى خطاء غير مقصود والله اعلم ، ننتظر رأي بكـــــــــــــرى ..
اما حكاية الاشباح دى يا حضرة الناظر ما تجيب سيرتها لانها حتشرد البنات الاصلا" ما لاقيات سبب للزوغان .
Post: #295 Title: Re: الخرطوم القديمة بنات....علي مر الدهور والازمنة Author: Adel Sameer Tawfiq Date: 12-25-2008, 09:52 PM Parent: #294
حضرة الوكيل الأستاذ عبد الدايم..
السادة أعضاء هيئة التدريس..
طالبات المدرسة..
البوست دا شكلو مهكر !!
مطلوب رأي فني و توضيح من بكري !!
شكلي كدة حأطلب نقلي مدرسة تاني !!
أنا ما بقدر على هكر أبوه ود عم أمو !!
قالوا بحيرك في كمبيوترك..ما تعرفوا ماكينة خياطة و الا غسالة !!
Post: #297 Title: Re: الخرطوم القديمة بنات....علي مر الدهور والازمنة Author: Adel Sameer Tawfiq Date: 12-26-2008, 09:19 AM Parent: #295
Post: #298 Title: Re: الخرطوم القديمة بنات....علي مر الدهور والازمنة Author: Solafa Alagib Date: 12-26-2008, 09:45 PM Parent: #297
كل سنة وانتم طيبين ,,,طبعا انا ما زى مولانا عادل في تقنية انزال الزهور والورود والاجراس الجميلة
لكن برضو كل سنة وانتو طيبين حقت الكريسماس,,,اما راس السنة داك,,,كلامو براه
Post: #299 Title: Re: الخرطوم القديمة بنات....علي مر الدهور والازمنة Author: Adel Sameer Tawfiq Date: 12-27-2008, 11:22 AM Parent: #298
Quote: طبعا انا ما زى مولانا عادل في تقنية انزال الزهور والورود والاجراس الجميلة
Post: #300 Title: Re: الخرطوم القديمة بنات....علي مر الدهور والازمنة Author: Solafa Alagib Date: 12-28-2008, 08:24 AM Parent: #299
وخفتا البوست يكون مشي زى ماكل الحاجات الجميلة بتمشي ,,,لكن احمدك يا رب
Post: #301 Title: Re: الخرطوم القديمة بنات....علي مر الدهور والازمنة Author: مصطفي سري Date: 12-28-2008, 03:45 PM Parent: #300
بس نحن ارشفونا ، رشفة كبيرة
Post: #302 Title: Re: الخرطوم القديمة بنات....علي مر الدهور والازمنة Author: Adel Sameer Tawfiq Date: 12-28-2008, 06:41 PM Parent: #300
Quote: ايويويويويويويووووووووووووووووووووووي
أبشري يا دكتورة سلافة !!
Post: #303 Title: Re: الخرطوم القديمة بنات....علي مر الدهور والازمنة Author: Solafa Alagib Date: 12-29-2008, 09:03 AM Parent: #302
مصطفي سري ,,,,,,,والجاتك في بوستك سامحتك
والله يامولانا ناقصك السوط بس ونديك شبال
يا خوانا ما ملاحظين انو البنات وقفوا كتابة وبقوا متفرجين بس حتى كاد البوست ان يفقد معناهو!!!!
ولا اصلو اخر السنة بيكون في ركود كتابي ولا بيات شتوى ولا شنو انا ما فاهمة والله
Post: #304 Title: Re: الخرطوم القديمة بنات....علي مر الدهور والازمنة Author: Solafa Alagib Date: 12-29-2008, 11:21 AM Parent: #303
كان التاريخ في اولى وتانية مادتى المفضلة ودرجاتى فيهو ما بتقل عن 98,,,اى والله وكنت بعملو تحدى بينى وبين استاذتى وسنير والدتى في
الابيض الثانوية وجارتنا في محطة البلابل قبل ما ترحل لبري ,,,المرحومة سهير بخاري,,,اللي من -اندينا-من سعاتة بخارى في شمال كردفان
واصلا ورا التفوق دا مخطط عجيب كنتا بدبر فيهو,,,كان عندى هوس بوزارة الخارجية والعمل الدبلوماسي ,,,كنت بتخيل انى ممكن احقق نجاحات
كتيرة من ورا الدراسة دى وبجدية شديدة ,تفكيري كان عملى جدا من الناحية دى ويمكن دا سبب استمتاعى بالعمل الاجتماعى وتقبلي لدراسة
الطب باعتبار انها برضو عمل يحتاج طولة بال ودبلوماسية من غير تكليف دولى,
اذكر من زميلاتى داليا عبدالكريم زروق-لو ماغلطت في الاسم-وهى جارتنا في اركويت وكانت من العائدات ايام حرب الكويت وحتى الآن لازلت ومعى
الكثيرات من بنات القديمة نذكر انهيارها التام وبكاؤها المسموع حين احتلت العراق دولة الكويت فقد تربت هناك طوال سنوات عمرها.سلوى
عبدالرحمن علي مكى,,,اذكر اسمها بالكامل فقد كانت الطف بنات شلتنا-ريهام العمر-وكانت امها استاذة في القديمة وهى في الاصل خالتها,,,
يالجور الزمان فلم اكن اتخيل ان معرفتي بسلوي ستصبح محض ذكريات,,,وانا متاكدة انها اليوم لاتعرف اين انا كما انى لااعرف اين هى !!!!
والعديد العديد من بنات سستر سكول او-سكر سكول- كما كان يحلو لاولاد حسونة الثانوية مناداتهم.داليا عبدالرسول مروى,,,غادة عبدالرحمن
الشيخ الدفعة القدامناولحقتهم لما فطيت تانية متوسطة.
Post: #305 Title: Re: الخرطوم القديمة بنات....علي مر الدهور والازمنة Author: Solafa Alagib Date: 12-29-2008, 11:56 AM Parent: #304
فووووق
Post: #306 Title: Re: الخرطوم القديمة بنات....علي مر الدهور والازمنة Author: Elmoiz Abunura Date: 12-30-2008, 05:59 AM Parent: #305
العزيزه سلافا
نعود لخيطك والعود أحمد. وكنت قد كتبت في خيط العمارات الاتي:
Quote: اختي سلافا
Quote: ومندهشة من المقدرة العالية
لدى المعز ابونورة واشرف سيد البيت زاتو علي التوثيق والتعريف لدرجات القرابة المتفاوتة القريبة والبعيدة
والله حاجة جمييييلة وصحي,,,,,,,العز اهل
والتحيه لك وانتي توثقين ياماجده للصرح التعليمي الشامخ في حينا, وفي الخرطوم, بل في السودان, مدرسة الخرطوم الثانويه بنات, مدرسة امهاتنا, واخواتنا, والان جيل بناتنا. منعتني الظروف من الرجوع لخيطك الشيق, وانشاء الله ارجع لقراءة الخيط. الخرطوم القديمة بنات....علي مر الدهور والازمنة
مع ودي وتقديري
Post: #307 Title: Re: الخرطوم القديمة بنات....علي مر الدهور والازمنة Author: Solafa Alagib Date: 12-30-2008, 08:15 AM Parent: #306
المعز ابو نورة ياابن الاصول,,,,,,,والله العود احمد والبيت بينور بضيوفو ما باهلو
لقيت تعليقك في البوست التانى ,,,,انا اصلا يومي بدخل بيتنا-القديمة بنات-وبيت جيرانا القراب -العمارات ذلك الحي الفريد-
واصلونا ونورو بيتنا
Post: #308 Title: Re: الخرطوم القديمة بنات....علي مر الدهور والازمنة Author: Adel Sameer Tawfiq Date: 12-31-2008, 08:48 PM Parent: #307
Post: #309 Title: Re: الخرطوم القديمة بنات....علي مر الدهور والازمنة Author: Solafa Alagib Date: 12-31-2008, 09:22 PM Parent: #308
مولانا كل سنة جديدة وانت بخير,للاسف المداخلة ظهرت عندى في شكل لوحة بيضاء -كبياض قلبك الكبير-
يعني لا فيها صورة ولا كلام!!!
Post: #310 Title: Re: الخرطوم القديمة بنات....علي مر الدهور والازمنة Author: Elmoiz Abunura Date: 12-31-2008, 09:34 PM Parent: #309
الماجده سلافا
تجديني عاجز عن الشكر لكلماتك الطيبه عن شخصي , وهي كلمات أضعها قلادة
شرف في عنقي لمصداقيتك, وحبك, ووفائك لصرح تعليمي نعتز به, درست فيه امهاتنا, وأخواتنا, وتدرس فيه الان بناتنا. المجد والتقدير لكل من درس حرفا هنا, من جيل الاساتذه انجيل اسحق, عثمان محجوب الي جيل معلمين و معلمات الزمن الراهن. والتقدير لك ياسلافا علي هذا الجهد المقدر. وكل عام وانتي ومن تحبين بخير.
Post: #311 Title: Re: الخرطوم القديمة بنات....علي مر الدهور والازمنة Author: Adel Sameer Tawfiq Date: 12-31-2008, 10:16 PM Parent: #309
Post: #312 Title: Re: الخرطوم القديمة بنات....علي مر الدهور والازمنة Author: Solafa Alagib Date: 01-05-2009, 12:41 PM Parent: #311
كل سنة واحنا مستقلين ما مستغلين,,,,,وهديتك مقبولة يامولانا ,,,,انا -نفسي- قايم عشان جيت جارة البوست
دا من الثورة لحدى اركويت
اصحوا يابنات القديمة واولادا ورموزنا المتداخلين الكرام ,,,,,,,,تعالو تانى وسنة سعيدة عليكم يا رب
Post: #313 Title: Re: الخرطوم القديمة بنات....علي مر الدهور والازمنة Author: مصطفي سري Date: 01-05-2009, 04:04 PM Parent: #312
انا افتكرت اولى وتانية في امتحانات الفترة التانية ابيت ازعج البنات
كل سنة وانت طيبة يا دكتورة
Post: #314 Title: Re: الخرطوم القديمة بنات....علي مر الدهور والازمنة Author: Solafa Alagib Date: 01-05-2009, 07:52 PM Parent: #313
وانت طيب يا بن ابونا وعمنا سري,,,,,البنات كسلانات ياخوى والظاهر لسه باقي احتفالات
راس السنة في راسهم
Post: #315 Title: Re: الخرطوم القديمة بنات....علي مر الدهور والازمنة Author: Adel Sameer Tawfiq Date: 01-17-2009, 08:19 PM Parent: #314
وييييييين الناس مشوا ؟؟!!
Post: #316 Title: Re: الخرطوم القديمة بنات....علي مر الدهور والازمنة Author: Adel Sameer Tawfiq Date: 01-18-2009, 06:57 PM Parent: #315
***************
Post: #317 Title: Re: الخرطوم القديمة بنات....علي مر الدهور والازمنة Author: Tabaldina Date: 01-19-2009, 01:12 PM Parent: #1
.. . يا جماعة البنات الحلوووات بتاعات المديسن ديل فاتو ووين ..
___________
غيب وتعال تلقانا نحن يانا نحن لا غيرتنالظروف لا هدتنا محنة
Post: #318 Title: Re: الخرطوم القديمة بنات....علي مر الدهور والازمنة Author: Adel Sameer Tawfiq Date: 01-20-2009, 08:58 AM Parent: #317
Quote: يا جماعة البنات الحلوووات بتاعات المديسن ديل فاتو ووين ..
إنت لسه معلق في حكاية طب دي ياتبلدينا ؟؟!!
Post: #319 Title: Re: الخرطوم القديمة بنات....علي مر الدهور والازمنة Author: Adel Sameer Tawfiq Date: 01-23-2009, 08:09 AM Parent: #318
ويييييين يا شباب ؟؟!!
Post: #320 Title: Re: الخرطوم القديمة بنات....علي مر الدهور والازمنة Author: Adel Sameer Tawfiq Date: 01-28-2009, 11:53 AM Parent: #319
*********
Post: #321 Title: Re: الخرطوم القديمة بنات....علي مر الدهور والازمنة Author: Adel Sameer Tawfiq Date: 02-07-2009, 12:36 PM Parent: #320
**********
Post: #322 Title: Re: الخرطوم القديمة بنات....علي مر الدهور والازمنة Author: Adel Sameer Tawfiq Date: 02-08-2009, 06:37 PM Parent: #321
*********
Post: #323 Title: Re: الخرطوم القديمة بنات....علي مر الدهور والازمنة Author: عبد الدائم سيد أحمد Date: 02-19-2009, 09:35 AM Parent: #322
نيابة عن نفسى وعن مدرسة الخرطوم القديمة بنات وكل العاملين بها
الاستاذة الاجلاء بناتى واخواتى الطالبات
نهنى الدكتورة سلافة العاقب بالمولود الجديد والف مليون مبروك .. وربنا يجعله من ابناء الوطن الصالحين والف حمد الله على السلامة يا دكتورة وترجعى بالسلامة لمدرستك المحببة عملما" بأن فترة الاجازة 60 يوما" فقط
وشكرا" سمرية للخبر الجميل وعقبال ما نسمع اخبار حلوة لكل البنات
ـــــــــــــــــــــــــــــــــــــ السيد / المدير عادل سمير اين الصور الوعدتنا بيها بعد رجوعك من السودان فى يناير
ــــــــــــــــ مها بشير فى فترة اختفاء البوست الفترة الفاتت حامت حولك الشكوك بانك من قام بتحريض البنات ( بالدك ) والذهاب لشارع 41 ولكن بعد سماعنا للخبر الحلو ، نعتذر اليك .... بس نسوى شنو البنات ديل فترونا ..... لما يكبر ولد سلافة نعينو وكيل البنات ديل عاوزين لياقة وانا فترت تب والمدير وزنو كتير .
Post: #324 Title: Re: الخرطوم القديمة بنات....علي مر الدهور والازمنة Author: Adel Sameer Tawfiq Date: 02-21-2009, 06:30 AM Parent: #323
الف مبرووووك د. سلافة و رئيس جمهوريتها..
يتربى في عزكم إن شاء الله..
Post: #325 Title: Re: الخرطوم القديمة بنات....علي مر الدهور والازمنة Author: Adel Sameer Tawfiq Date: 02-21-2009, 06:35 AM Parent: #324
للسماية !!
Post: #326 Title: Re: الخرطوم القديمة بنات....علي مر الدهور والازمنة Author: عابدون محمد عابدون Date: 02-22-2009, 11:16 AM Parent: #325
الف مبروك يادكتورة وانشاء الله تقومى لينا بالسلامة سريع كدة وتجى تشوفى حوشك دا بى جاى بابه مقفول انا هسى نطيط بالحيطة ..
Post: #327 Title: Re: الخرطوم القديمة بنات....علي مر الدهور والازمنة Author: Solafa Alagib Date: 02-22-2009, 07:41 PM Parent: #326
لقيتني كيف يا سيادة الوكيل وانا راجعة بعد 6 ايام بس ما 60!!!!!!
خروف مولانا جا في وكتو سمايتنا باكر والحاضر يبلغ الماحاضر
اتا يا عابدون متين ناوى تكبر وتخلي نط الحيط ,,,اها لامن بقيت خال ,,,عاد دا حديث دا
Post: #328 Title: Re: الخرطوم القديمة بنات....علي مر الدهور والازمنة Author: محمد أبوالعزائم أبوالريش Date: 02-22-2009, 07:50 PM Parent: #327
د. سلافة الإبن يزن (مش إسمو كده؟) ورئيس جمهوريتهم الأعزاء
حار التهاني بالخبر السعيد،
ويالاّ سيادة المدير .. الليلة إجازة بدون نقاش .. خلي العالم تضرب الآيسكريم في سوق 15
Post: #329 Title: Re: الخرطوم القديمة بنات....علي مر الدهور والازمنة Author: Adel Sameer Tawfiq Date: 02-23-2009, 08:18 PM Parent: #328
هدية صغيرة لأم يزن !!
Post: #330 Title: Re: الخرطوم القديمة بنات....علي مر الدهور والازمنة Author: نبيلة عبد المطلب Date: 02-23-2009, 08:55 PM Parent: #329
حمد لله بالسلامة يادكتورة مبروك المولود يتربى في عزك وعز والده وحمد لله على سلامة العودة للمنبر ويارب دايماً حاضرة
Post: #331 Title: Re: الخرطوم القديمة بنات....علي مر الدهور والازمنة Author: Solafa Alagib Date: 02-25-2009, 05:41 PM Parent: #330
ايوة يا(خالو)محمد ابو العزايم اسمو يزن وشكرا علي التهنئة ونبارك ليك الافراح دايما يا فاهم
مولانا عادل ,,,لكن حق اللبن ما عندك,,,,كمان بعد الخروف الماكن داك والله ما قصرتا يقصر همك انشاالله
شكرا يا نبيلة يحضر ليك الهنا والسعادة يا اصيلة
وتظل القديمة بنات حية في قلوبنا
Post: #332 Title: Re: الخرطوم القديمة بنات....علي مر الدهور والازمنة Author: Solafa Alagib Date: 03-21-2009, 12:47 PM Parent: #331
لله درك يا سلافة فقد نجحت في اجترار التاريخ ولكن أضيفي: أولا أخبري محاسن ان مولانا عادل ابن ماتيلدا بشاي رحمها الله وحفظه؛ وطالما وردت سيرتي فنحن أول دفعة من مجموعة صغيرة قبلت لمدرسة الخرطوم القديمة عام 1956 وفتح الفصل في ام درمان الثانوية وعند الإنتقال للخرطوم كنا بالسنة الثانية فأطلق علينا الخرطوم بحري الحكومية، وكانت الخرطوم القديمة تجري سنويا مسابقة عرض أزياء من تصميم وتنفيد وعرض الطالبات فازت بأول عرض أمونة حسين عثمان من الأبيض والطالبات يؤخدن لحوض السباحة ويشتركن في تمثيل روايات شكسبير في مسرح متشل كوتس بإشراف المجلس البريطاني... وكان ياماكان... إدا عنً لكن الإستماع فنحن مازلنا هنا نعلًم الإنجليزية ونحكي التاريخ ونهدهد الأحفاد وليرحمنا الله بأن يكون منهم بضعة من الطيب صالح ومحمد عبد الحي.....وأدكر في أول يوم عمل لي بالخرطوم الثانوية ونحن في الطريق للسفرة(الفطور مجانا) طالبة سألت أخري : ودي منو كمان؟ ردت عليها : إسمها عشة موسي ، من الأبيض، راجلها محمد عبد الحي عندها ولد وشكلها حامل....يعني من قبل سودانيزاونلاين وبنات الخرطوم خبارات لدلك نسميه الآن سرد تاريخي
(, سوزان عبد الرحمن علي طه
