Post: #1
Title: إعدام ضابط شرطة فى الخرطوم
Author: الطيب عثمان يوسف
Date: 01-31-2009, 06:05 PM
Parent: #0
*** منذ فتره ليست بالقصيره وأنا أبحث عن الكيفيه التى أبدأ بها سرد هذه الوقائع و التى عايشتها منذ بداياتها إلى
لحظات تنفيذ الإعدام ..
*** نعم أنها وقائع حقيقيه و ليست قصه .. حدثت بمدينة الخرطوم .. أحاول قدر الإماكن الابتعاد عن إبداء رأى فيها
خشية الدخول فيما لا أود أن أخوض فيه . و أحاول قدر الامكان ان أنقل اليكم الوقائع كما حدثت .. فقط أرجو أن تجدوا
لى العذر إن أخطأت فى ترتيب بعض الإحداث .. وحتى لا أطيل عليكم سوف أدخل فى الموضوع مباشرة :
****** تعرفت إليه عندما كنا طلبه بكلية الشرطه فهو كان ضمن طلبة الدفعه التى تسبق دفعتى و بما أننا نسكن فى حى الصحافه
كان ( باص ) الترحيل الذى يقلنا واحد (كلو خميس ) وكنا ننزل فى محطه واحده و نكمل مسافة نصف كيلو متر مشيا على الأقدام ومن
خلال نصف الكيلو هذا توطدت علاقتنا داخل الكليه حتى تخرج هو قبلى بعام فى سنة 1986 . ونقل إلى خارج الخرطوم .. ( إسمه مصطفى )
*** بعد تخرجى من الكليه عملت بقسم شرطة الخرطوم وسط وجاء هو فى مأموريه إلى الخرطوم التى لم يكن يعمل بها آنذاك
ونزل مع أقرباء له فى أحد الأحياء القريبه من القسم الأوسط وكعادة ضباط الشرطة كان يتواجد بالقسم فى الفترات المسائيه بإستمرار
بحكم تواجدالكثيرين من الزملاء كما كان يشارك فى تقييم البلاغات أحيانا و مرافقة الضابط المناوب فى الحملات أحياناأخرى .
*** كنا نترافق إلى نادى الشرطه فى برى أحيانا و إلى القرين فلدج أحيانا أخرى . وفى مره أعتذر بحجة أن لدى جيرانه مناسبه ويود
أن يشاركهم ..
**** جاء البلاغ إلى الضابط المناوب فى نفس الليله ( يا جنابو فى واحد كتلوا فى الحفله ) و كالعاده تم التحرك لمكان الحادث
و أتضح أن المجنى عليه قد فارق الحياة فورا و أن سبب الوفاة طلق نارى إخترق القفص الصدرى وكان المتوفى شاب فى مقتبل العمر
درس الحقوق فى أحدى الجامعات المصريه .. من ضمن المعروضات ( مفك ) طوله حوالى 30 سم
**** دخل الملازم ( مصطفى ) على مكتب الضابط المناوب و سأل عن الضابط المناوب و علم أنه فى مهمه خارج القسم متعلقه بجريمة قتل
فجلس فى مكتب الضابط المناوب منتظرا عودته .. قليلا من الوقت دخل الضابط المناوب و معه مجموعه من الأشخاص و أفراد الشرطه
وسلم على الملازم مصطفى على عجل بحكم أنه مشغول بما ومن معه .. كان الملازم مصطفى مرتديا قميص و بنطلون
............................................................................................................
**** أخواتى وأخوانى يتضمن هذاالسرد كثير من الوقائع المثيره و الغريبه أذكر على سبيل المثال منها
* قيادة المرحوم الكابتن مصطفى لطائره مخصصه لوالى دارفور ( دون علمه ) و الهبوط بنا فى مطار الفاشر ليلا مع العلم
أن مطار الفاشر لم يكن يستقبل الطائرات ليلا . ( طيران الغرب وال RUN WAY بالعربات )
** أطلقت سراح ( أبو تسعه ) المجرم الهارب من السجن عندما وجدته يتناول وجبة العشاء فى حى الديم .. فرد الجميل بألإحسان
*** وفاة شقيق المجنى عليه فى سجن كوبر مع القاتل ..
*** تنيفذ حكم الاعدام رغم تنازل شقيق المجنى عليه ..
*** ابراهيم نايل ايدام وزير الشباب آنذاك ...
**** مدير سجن بورسودان يبحث عن ( أبو تسعه و لا يجده )
***** هذه الوقائع سادتى معظم أطرافها موجودون الآن وهى مليئه بأكثر و أغرب مما ذكرت .. فقط أسألكم صبرا .. ولن أطيل إنتظاركم
|
Post: #2
Title: Re: إعدام ضابط شرطة فى الخرطوم
Author: Hassan Makkawi
Date: 01-31-2009, 06:27 PM
معك....واصل السرد
|
Post: #3
Title: Re: إعدام ضابط شرطة فى الخرطوم
Author: ناذر محمد الخليفة
Date: 01-31-2009, 06:45 PM
Parent: #2
من ضمن المشاهد ...
حي الخرطوم 3
شارع بيو يو كوان
شارع كترينا .
أبو حمامة ...
وكل أو معظم المناطق المجاورة للقسم ..
شكرا الطيب وفي إنتظار السرد ..
|
Post: #4
Title: Re: إعدام ضابط شرطة فى الخرطوم
Author: Deng
Date: 01-31-2009, 06:50 PM
Parent: #3
الاخ الطيب.
هل انت تتحدث عن قصة اعدام الضابط كريستوفر؟
دينق
|
Post: #5
Title: Re: إعدام ضابط شرطة فى الخرطوم
Author: abdulhalim altilib
Date: 01-31-2009, 06:54 PM
Parent: #3
أخي / الطيب يوسف،
تحياتي ،
واصل سردك الجميل ، وبطـِّـل شحتفة روح
ومنتظرين حكاية (شهد شاهدٌ من أهلهم) ؟!
تخريمة :
أخي العزيز / ناذر
شكلك داخل الفيلم ده قبل كده !
لو أخونا الطيب واصل الشحتفة دي
بالله عليك الله أختف منو الكيبورد
وكمِّـل !
مودتي لكما ،
( ليمو )
|
Post: #6
Title: Re: إعدام ضابط شرطة فى الخرطوم
Author: ناذر محمد الخليفة
Date: 01-31-2009, 06:59 PM
Parent: #5
سلام عبد الحليم ..
ننتظر القصة من اخونا الطيب ..
أعتقد أنه يجهز لحبكة درامية غاية في اناقة السرد ..
تسلم ..
|
Post: #7
Title: Re: إعدام ضابط شرطة فى الخرطوم
Author: محمد الطيب يوسف
Date: 01-31-2009, 07:16 PM
Parent: #6
الطيب يوسف،
عبد الحليم ماتخلع ساي
أنا قلت أبوي الجابوالكمبو ده شنو؟؟
|
Post: #8
Title: Re: إعدام ضابط شرطة فى الخرطوم
Author: محمد الطيب حسن
Date: 02-01-2009, 01:31 AM
Parent: #7
العزيز الطيب
Quote: *** تنيفذ حكم الاعدام رغم تنازل شقيق المجنى عليه ..
|
محتاجه توضيح شديد دي
لي ساعه وانا بتخيل وبحلل وبشرح واعمل ليها سيناريوهات
عشان اشوف الحاجه دي حصلت كيف قبل ماتحكيها
لكن شكلي حاانتظرك
|
Post: #9
Title: Re: إعدام ضابط شرطة فى الخرطوم
Author: الرفاعي عبدالعاطي حجر
Date: 02-01-2009, 10:54 AM
Parent: #8
الطيب عثمان يوسف ود الصحافة
ابن اللواء الشجاع عثمان يوسف
يرحمه الله ... ياالله ازيكـ يازول
ياشهم كيف حالك واخباركـ والله
الدنيا ضيقة أخر لقاء لنا بمستشفى
الشرطة لحظة وفاة والدكم يرحمه الله
وبعدها طالنا الصالح العام ثم فائض
العمالة وهاهي المهاجر تحتوينا ...
بينا كلام كثير نعود ولك الامنيات .
.............................................................حجر.
|
Post: #10
Title: Re: إعدام ضابط شرطة فى الخرطوم
Author: omer osman
Date: 02-01-2009, 11:08 AM
Parent: #9
سيادتو الطيب عثمان يوسف ....... لطفا نسخة لبوست (دفتر احوال ضابط الشرطة المناوب)
ملحوظة : لبقية المساهمين في البوست من كان يعرف القصة الحقيقية فلاداعي لذكر الاسماء.
|
Post: #11
Title: Re: إعدام ضابط شرطة فى الخرطوم
Author: أحمد الشايقي
Date: 02-01-2009, 11:36 AM
Parent: #10
الطيب عثمان يوسف
سلامات يا عظيم
تعرف يا الطيب انت ابن عمي, ووالدكم عليه رحمة الله كان من أحب الناس إلينا,
واصل واعمل اسماء حركية للشخصيات,
تجاربكم مفيدة خاصة إنكم عملتم في فترات حساسة جداً في تاريخ السودان,
ليك التحية
أحمـد
|
Post: #12
Title: Re: إعدام ضابط شرطة فى الخرطوم
Author: Yousif A Abusinina
Date: 02-01-2009, 03:26 PM
Parent: #11
اخوى الطيب
نحن فى الانتظار يا جماعه خلوو الراجل يتم القصة
تحياتى
|
Post: #13
Title: Re: إعدام ضابط شرطة فى الخرطوم
Author: الطيب عثمان يوسف
Date: 02-01-2009, 03:44 PM
Parent: #11
| Quote: معك....واصل السرد] |
*** الأخ حسن مكاوى أشكر إهتمامك
و أعدك بالمواصله متمنيا أن أقدم لك ما يفيد
|
Post: #14
Title: Re: إعدام ضابط شرطة فى الخرطوم
Author: الطيب عثمان يوسف
Date: 02-01-2009, 03:53 PM
Parent: #13
Quote: الاخ الطيب.
هل انت تتحدث عن قصة اعدام الضابط كريستوفر؟
دينق |
*** الأخ دينق : حللت أهلا ونزلت سهلا .. كرستوفر أخ وصديق عزيز أسأل الله أن يسكنه فسيح جناته
أكرر لك التقدير و ستكشف الأيام من هو القاتل و المقتول فلا تستعجل
|
Post: #15
Title: Re: إعدام ضابط شرطة فى الخرطوم
Author: الطيب عثمان يوسف
Date: 02-01-2009, 04:06 PM
Parent: #14
Quote: أخي / الطيب يوسف،
تحياتي ،
واصل سردك الجميل ، وبطـِّـل شحتفة روح
ومنتظرين حكاية (شهد شاهدٌ من أهلهم) ؟!
تخريمة :
أخي العزيز / ناذر
شكلك داخل الفيلم ده قبل كده !
لو أخونا الطيب واصل الشحتفة دي
بالله عليك الله أختف منو الكيبورد
وكمِّـل !
مودتي لكما ،
( ليمو ) |
*** العزيز ( ليمو ) عهدا على أن لا أطيل إنتظارك .. وعهدا على أن أشهد بما أملك من الحقائق .
*** أشكرك جدا .. بعدين أنا ما قاعد أكتب بى كيبورد !!
|
Post: #16
Title: Re: إعدام ضابط شرطة فى الخرطوم
Author: الطيب عثمان يوسف
Date: 02-01-2009, 04:18 PM
Parent: #15
Quote: سلام عبد الحليم ..
ننتظر القصة من اخونا الطيب ..
أعتقد أنه يجهز لحبكة درامية غاية في اناقة السرد ..
تسلم |
*** الأخ ناذر : إسمك جميل زيك ..
*** صديقى تلك هى الحقيقة ، بكل الإعزاز وبكل الأسف فى حين واحد .. أشكر مداخلاتك الجميله
|
Post: #17
Title: Re: إعدام ضابط شرطة فى الخرطوم
Author: الطيب عثمان يوسف
Date: 02-01-2009, 04:25 PM
Parent: #16
| Quote: أنا قلت أبوي الجابوالكمبو ده شنو؟؟ |
*** الإبن محمد الطيب يوسف :
**** فعلا الكثيرين ينادوننى الطيب يوسف .. أشكر مداخلتك و فى إنتظارك مره أخرى
|
Post: #18
Title: Re: إعدام ضابط شرطة فى الخرطوم
Author: الطيب عثمان يوسف
Date: 02-01-2009, 04:38 PM
Parent: #17
*** العزيز محمد الطيب حسن :
أشكر مداخلتك التى تأثرت لها كثيرا ، إلا إنها الحقيقه المره
*** وأزيدك من الشعر بيتا هل تصدق أننا قمنا بإرسال برقيه رسميه لإدارة السجن بوقف تنفيذ حكم الإعدام ؟؟
وهل تصدق أننا أحضرنا معنا شقيق المقتول ؟؟ .. كيف و لماذا تم التنفيذ ؟؟ .. أرجو المتابعه
|
Post: #19
Title: Re: إعدام ضابط شرطة فى الخرطوم
Author: الطيب عثمان يوسف
Date: 02-01-2009, 04:47 PM
Parent: #18
Quote: الطيب عثمان يوسف ود الصحافة
ابن اللواء الشجاع عثمان يوسف
يرحمه الله ... ياالله ازيكـ يازول
ياشهم كيف حالك واخباركـ والله
الدنيا ضيقة أخر لقاء لنا بمستشفى
الشرطة لحظة وفاة والدكم يرحمه الله
وبعدها طالنا الصالح العام ثم فائض
العمالة وهاهي المهاجر تحتوينا ...
بينا كلام كثير نعود ولك الامنيات .
|
*** العزيز الفاضل : الحجر
أسأل الله أن يديم عليك نعمة الصحه والعافيه و أسأله لوالدى أن يتغمده بواسع رحمته آمين
*** رقم هاتفى ( 00971506910633 ) و الإيميل فى البروفايل .. فى إنتظارك
|
Post: #20
Title: Re: إعدام ضابط شرطة فى الخرطوم
Author: الطيب عثمان يوسف
Date: 02-01-2009, 04:54 PM
Parent: #19
| Quote: سيادتو الطيب عثمان يوسف ....... لطفا نسخة لبوست (دفتر احوال ضابط الشرطة المناوب)ÇÑß |
*** أخى وصديقى عمر محمد عثمان .. أشكر إهتمامك .. وو الله ماعارف الطريقه لو أنت عارفها ما عندى مانع
*** أكرر لك شكرى و فى إنتظارك
|
Post: #21
Title: Re: إعدام ضابط شرطة فى الخرطوم
Author: الطيب عثمان يوسف
Date: 02-01-2009, 05:25 PM
Parent: #20
Quote: سلامات يا عظيم
تعرف يا الطيب انت ابن عمي, ووالدكم عليه رحمة الله كان من أحب الناس إلينا,
واصل واعمل اسماء حركية للشخصيات,
تجاربكم مفيدة خاصة إنكم عملتم في فترات حساسة جداً في تاريخ السودان,
ليك التحية
أحمـد |
*** أهلا بك ابن عمى .. أحمد ..
*** أشكرك جدا للمداخله .. وفى إنتظارك حتى أعرفك أكثر عبر الهاتف أو الايميل الموجود فى البروفايل
*** أكررأننى فى إنتظارك على الهاتف ( 00971506910633 )
|
Post: #22
Title: Re: إعدام ضابط شرطة فى الخرطوم
Author: Adel Sameer Tawfiq
Date: 02-01-2009, 05:49 PM
تسجيل حضور !!
الطيب بتتذكرني ؟؟!!
|
Post: #23
Title: Re: إعدام ضابط شرطة فى الخرطوم
Author: Adil Hamza
Date: 02-01-2009, 06:14 PM
Parent: #22
سلامات يا الطيب
متابعين واصل بدون شحتفة
عادل
|
Post: #24
Title: Re: إعدام ضابط شرطة فى الخرطوم
Author: الطيب عثمان يوسف
Date: 02-01-2009, 07:25 PM
Parent: #23
| Quote: الطيب بتتذكرني ؟؟!! ] |
*** و هل يخفى القمر .. الرجل الذى طبق قانون 83 بحزافيره فى الخرطوم شمال ( دون أن يكون له ناقه ولا جمل )
طبعا فاهمنى يا مولانا .. سبق و أن عملت ليك إيميل ولم ترد على ..
*** حضورك جميل .. سبق و أن حققت معاى يا مولانا تحقيق قضائى أنا وزميلى الجاك طلحه و ده موضوع آخر ..
لك التقدير ..
|
Post: #25
Title: Re: إعدام ضابط شرطة فى الخرطوم
Author: الطيب عثمان يوسف
Date: 02-01-2009, 07:38 PM
Parent: #24
Quote: اخوى الطيب
نحن فى الانتظار يا جماعه خلوو الراجل يتم القصة
تحياتى |
*** أبو سنينه : حضور معبر جدا
*** أشكر حضورك .. من حقك أن تستمتع بالسرد و من حقهم أن أرد عليهم .. ( إستحمل معاى ) شويه
**** أكرر لك تقديرى
|
Post: #26
Title: Re: إعدام ضابط شرطة فى الخرطوم
Author: الطيب عثمان يوسف
Date: 02-01-2009, 07:44 PM
Parent: #25
Quote: سلامات يا الطيب
متابعين واصل بدون شحتفة
عادل |
*** صديقى عادل عبد الحميد :
*** أشكر مرورك يا راقى و أنا برضو فى إنتظارك !! .. حاضر يا عادل
|
Post: #29
Title: Re: إعدام ضابط شرطة فى الخرطوم
Author: الطيب عثمان يوسف
Date: 02-01-2009, 09:07 PM
Parent: #26
Quote: **** دخل الملازم ( مصطفى ) على مكتب الضابط المناوب و سأل عن الضابط المناوب و علم أنه فى مهمه خارج القسم متعلقه بجريمة قتل
فجلس فى مكتب الضابط المناوب منتظرا عودته .. قليلا من الوقت دخل الضابط المناوب و معه مجموعه من الأشخاص و أفراد الشرطه
وسلم على الملازم مصطفى على عجل بحكم أنه مشغول بما ومن معه .. كان الملازم مصطفى مرتديا قميص و بنطلون |
**** أيها الساده : كان لزاما على أن أرد عليكم لا سيما و أنها أولى مداخلاتكم .. فلكم الشكر كل الشكر ..
**** توقفت فى المره الفائته فى ( مكتب الضابط المناوب ) كما هو أعلاه ..
***** طلب الملازم مصطفى من الضابط المناوب أن يعيره قليل من الإهتمام لأن لديه ما هو أهم .. ودار بينهم الحوار التالى :
* الضابط المناوب و إسمه ( على الطاهر ) : يا مصطفى فى شنو ؟؟ خير يا زول ؟؟
** الملازم مصطفى : أسمع يا على ( الزول المات فى الحفله ده . أنا الكتلتو .. و بالمسدس ده .. إتفضل )
*** الملازم على : يا زول أنت بتتكلم جد .. طيب كدى أقعد .. أقعد فى الكنبه دى ..
**** انتنهى الحوار .. الذى تم أمام كل من كان فى غرفة الضابط المناوب التى كانت تعج بالخلق ..
**** تم إتخاذ الكثير من الإجراءات القانونيه و الإداريه و التى لا أعتقد أنها يمكن أن تفيد فى هذا المقام ولكن تفاديا لأى
لبث أذكر منها على سبيل المثال ( إخطار رئاسة الشرطه بالواقعه ، تحريز أداة الجريمه ـ المسدس ـ التحفظ على الملازم مصطفى
ووضعه فى الإيقاف الشديد أخذ إفادات الشهود ، الكشف الطبى على الملازم مصطفى ، المشرحه ، الجثه وهكذا )
***** جاء فى تقرير الطبيب الشرعى ( بعد الكشف الطبى على الجثه ، تبين أنها لشاب ذكر فى العقد الثالث من العمر حدثت الوفاه
قبل حوالى ساعه الى ساعتين من توقيع الكشف الطبى .. سبب الوفاه النزيف الحاد نتيجة تهتك الاورده والشرايين التاجيه
بسبب مقذوف نارى إخترق الصدر من الأمام وخرج من الجهه اليسرى من الظهر ) التوقيع : د. عبد المطلب
***** تم إختيار النقيب عبد الناصر عباس لاستلام التحقيق ..
***** من ضمن ما جاء فى أقوال الملازم مصطفى ( المتهم ) التالى :
بعد ذكر الاسم كاملا و الرتبه والعمر والعنوان ..
***** نعم كنت أحمل المسدس ( المعروضات ) .. نعم كنت متواجد فى المناسبه التى حدثت بها الجريمه ..
نعم الطلقه التى أصابت المجنى عليه إنطلقت من هذا المسدس ..
نعم أعرف المجنى عليه وسبق أن شاهدته قبل اليوم .. نعم أعرف أخوانه ووالدتهم ..
**** نعم أعرف أن المكان الذى أصيب فيه المجنى عليه يؤدى إلى وفاته ..
**** نعم قمت بإخراج مسدسى وكنت أمسكه بيدى اليسرى
**** لا .. لا لم أقصد قتله أبدا ..
**** نعم بينى وبين والدتهم مشكله وسبق وأن فتحت ليها أكثر من بلاغ ..
.......................... يتبع ........
************* سادتى عندى مذاكره فلازلت طالبا .. فاعذرونى واقبلوا هذا القدر اليوم .. كل الود
|
Post: #27
Title: Re: إعدام ضابط شرطة فى الخرطوم
Author: ياسر عبدالكريم محمد
Date: 02-01-2009, 07:51 PM
Parent: #25
اخونا الطيب
كيفنك والاولاد
فى رئاسة الشرطة كمية من الكشوفات
لضباط شرطة تم إعدامهم وهم احياء
كفانا إنتظار ورينا باقى القصة
ومشيناها خطا
|
Post: #28
Title: Re: إعدام ضابط شرطة فى الخرطوم
Author: Adel Sameer Tawfiq
Date: 02-01-2009, 08:12 PM
Parent: #24
| Quote: و هل يخفى القمر .. الرجل الذى طبق قانون 83 بحزافيره فى الخرطوم شمال ( دون أن يكون له ناقه ولا جمل ) |
"القانون كما هو لا كما يجب أن يكون"
الدرس الأول في كلية القانون !!
| Quote: سبق و أن عملت ليك إيميل ولم ترد على .. |
و الله العظيم و كتابه الكريم ما إستلمتو !!
| Quote: سبق و أن حققت معاى يا مولانا تحقيق قضائى أنا وزميلى الجاك طلحه و ده موضوع آخر .. |
تمااااااام !!
طبعا إنت عارف إني عملت مع المرحوم الوالد اللواء عثمان يوسف عندما كنت قاضي المرور المسئول عن
الخرطوم و بحري !
|
Post: #30
Title: Re: إعدام ضابط شرطة فى الخرطوم
Author: الطيب عثمان يوسف
Date: 02-01-2009, 09:30 PM
Parent: #28
*** صديقى ودفعتى ياسر عبدالكريم :
لك كل الود و التقدير لمرورك الظريف .. أرجو الإطلاع على القيد السابق .. لأنك إستعجلت أكثر من اللازم و دخلت قدامى
(إتزقيت ) يا هو طبعك من زمن أيام قلال و عدايل .. لك العتبى .. و مشيناها خطا كتبت علينا
|
Post: #31
Title: Re: إعدام ضابط شرطة فى الخرطوم
Author: الطيب عثمان يوسف
Date: 02-01-2009, 09:54 PM
Parent: #30
*** مولانا عادل سمير :
*** كما أنت .. كما عرفتك منذ أكثر من ... سنه ..
**** أتمنى منكم متابعتى ( إن جاز التعبير ) فى هذا الموضوع لأسباب موضوعيه وجوهريه .. لاترتبط بكلمة القضاء فيه
بيد أنى سوف أتطرق لها فى حينها ..
**** أشكر ذكركم لوالدى بالخير .. ذاك ديدنكم دوما ..
|
Post: #32
Title: Re: إعدام ضابط شرطة فى الخرطوم
Author: omer osman
Date: 02-02-2009, 07:28 AM
Parent: #31
| Quote: الطيب بتتذكرني ؟؟!! |
صباح الخير مولانا عادل سمير
ما الطيب براهو كل بوليس الاقسام بتذكر وبعرف مولانا عادل سمير وقد لاتتذكرهم جميعاً.
التوقيع : بوليس قديم من القسم الشرقي الخرطوم.
|
Post: #35
Title: Re: إعدام ضابط شرطة فى الخرطوم
Author: Adel Sameer Tawfiq
Date: 02-02-2009, 09:21 AM
Parent: #32
Quote: ما الطيب براهو كل بوليس الاقسام بتذكر وبعرف مولانا عادل سمير
التوقيع : بوليس قديم من القسم الشرقي الخرطوم. |
جنابو عمر..
شكراً ليك ! عملت بالقسم الشرقي على فترتين..في عام 1983 و في عام 1990 و لكن لفترات قصيرة..
أرجو إرسال إيميل برقم هاتفك حتى اتمكن من محادثتك..
لك التقدير الشديد..
|
Post: #33
Title: Re: إعدام ضابط شرطة فى الخرطوم
Author: عثمان دغيس
Date: 02-02-2009, 07:30 AM
Parent: #31
متابعين يا جنابو ...
خلصنا ياخ وورينا الزول ده كتلو في شنو؟؟؟
|
Post: #34
Title: Re: إعدام ضابط شرطة فى الخرطوم
Author: انعام حيمورة
Date: 02-02-2009, 08:34 AM
Parent: #33
متابعة القصة
|
Post: #36
Title: Re: إعدام ضابط شرطة فى الخرطوم
Author: Mohammed Ibrahim Othman
Date: 02-02-2009, 10:39 AM
Parent: #34
جنابو الطيب ..
سلام ..
والله شحفت روحنا ياأخي ..
|
Post: #37
Title: Re: إعدام ضابط شرطة فى الخرطوم
Author: الطيب عثمان يوسف
Date: 02-02-2009, 10:48 AM
Parent: #34
| Quote: أرجو إرسال إيميل برقم هاتفك حتى اتمكن من محادثتك.. |
*** كتر خير يا مولانا عادل سمير ( عندك خيار وفقوس ) ... التحكيم فاشل .. التحكيم فاشل
|
Post: #38
Title: Re: إعدام ضابط شرطة فى الخرطوم
Author: الطيب عثمان يوسف
Date: 02-02-2009, 10:58 AM
Parent: #37
*** حيموره : فى أولى مداخلات الجنس الآخر ..
أشكر حضورك ومتابعتك ..
|
Post: #39
Title: Re: إعدام ضابط شرطة فى الخرطوم
Author: الطيب عثمان يوسف
Date: 02-02-2009, 11:07 AM
Parent: #38
********* يمكن مواصـلتى عبر : [email protected]
|
Post: #41
Title: Re: إعدام ضابط شرطة فى الخرطوم
Author: tayseer alnworani
Date: 02-02-2009, 11:08 AM
Parent: #38
| Quote: هذه الوقائع سادتى معظم أطرافها موجودون الآن وهى مليئه بأكثر و أغرب مما ذكرت .. فقط أسألكم صبرا .. ولن أطيل إنتظاركم |
جنابو سلامات
كل الوقائع عايزة شرح و بالتفصيل عشان ندخل الفورمة
ما تطيل عشان روحنا مرقت
|
Post: #43
Title: Re: إعدام ضابط شرطة فى الخرطوم
Author: الطيب عثمان يوسف
Date: 02-02-2009, 11:24 AM
Parent: #41
Quote: جنابو سلامات
كل الوقائع عايزة شرح و بالتفصيل عشان ندخل الفورمة
|
**** صبرا آل النورانى .. فمصيركم الفورمه ..
**** حضور مميز .. شكرا تيسير
|
Post: #40
Title: Re: إعدام ضابط شرطة فى الخرطوم
Author: عصام الدين حسين حسن
Date: 02-02-2009, 11:08 AM
Parent: #37
الراقي البشوش الطيب عثمان يوسف .. لك أرق سلام
الموضوع أصبح واضح وما أظن أستناك تشحنف روحي ..
وطبعاً لو مصطفى ما قاصد !!! ربنا ستر علي ناس كتيرين كان ممكن إضيعوا فيها خاصة أخونا محمد ماهر ذلك الشاب الذي
تسكره الفرحة ولمة الناس .... ولا أنسى الجميل المرحوم طارق ـــ زمن جميل أداره ناس بنكهةالفراولة ..
أخوك عصام حسين (مدني)
|
Post: #42
Title: Re: إعدام ضابط شرطة فى الخرطوم
Author: عبده عوض
Date: 02-02-2009, 11:21 AM
Parent: #40
الحبيب الطيب .. سلام .. وعسى أن تكون والأسرة الكريمة بخير ..
- ذكرتني بالمسلسلات التلفزيونية لما الأحداث تسخن وفجأة كدا .. يقووووم !!!!! ..
... الكهرباء تقطع !!!! ونبقى في حكاية ياربي بكره بعيدوها ولاّ بجيبو الحلقة البعدا !!
- تحكي .. ولا نجيب مستر بنسا في البوست ..
- لك كل الود ,, وسلام للأولاد ..
|
Post: #44
Title: Re: إعدام ضابط شرطة فى الخرطوم
Author: الطيب عثمان يوسف
Date: 02-02-2009, 11:37 AM
Parent: #42
Quote: وطبعاً لو مصطفى ما قاصد !!! ربنا ستر علي ناس كتيرين كان ممكن إضيعوا فيها خاصة أخونا محمد ماهر ذلك الشاب الذي
تسكره الفرحة ولمة الناس .... ولا أنسى الجميل المرحوم طارق ـــ زمن جميل أداره ناس بنكهةالفراولة ..
أخوك عصام حسين (مدني) |
*** كابتن عصام حسين مره واحده ... أهلا و ألف مرحب بالأستاذ .. الفنان الرائع ..
*** زمن أنت واحد من الذين أداروا فيه النسمات النواعم ..
*** رحم الله أخونا طارق محمد أحمد .. يمكنك يا عصام زيارة بوست ( دفتر أحوال ضابط الشرطه المناوب ) ستجد نفحات
ذلك الحبيب ..
**** كنت فى سيرتك مع الاستاذة وفاء ميرغنى قبل أسابيع .. لى معك عوده
**** شايف وراك طوالى صاحبك عبد الله عوض الحاج .. لكما كل الود و التقدير
|
Post: #45
Title: Re: إعدام ضابط شرطة فى الخرطوم
Author: هشام آدم
Date: 02-02-2009, 12:15 PM
Parent: #44
| Quote: **** نعم أعرف أن المكان الذى أصيب فيه المجنى عليه يؤدى إلى وفاته .. |
| Quote: **** لا .. لا لم أقصد قتله أبدا .. |
محتاجة توضيح النقطة دي
|
Post: #46
Title: Re: إعدام ضابط شرطة فى الخرطوم
Author: omer osman
Date: 02-02-2009, 12:59 PM
Parent: #45
يالطيب خت صورة البروفايل بتاعك في (حذية) مع باقي الصور.
اول حاجة صغر الصورة محل محفوظة وبعد داك ختها في البروفايل.
عشان خاربة (الحذية)
( للملكية : الحذية = الرصة او الصف المستقيم)
|
Post: #47
Title: Re: إعدام ضابط شرطة فى الخرطوم
Author: Sara Mahgoub
Date: 02-02-2009, 01:23 PM
Parent: #46
تحياتى ..
|
Post: #48
Title: Re: إعدام ضابط شرطة فى الخرطوم
Author: Yousif A Abusinina
Date: 02-02-2009, 01:33 PM
Parent: #46
اخونا الطيب جنابوا
معاك وفى انتظارك على كل الردود ههههه رد براحتك يا سعاتو بس لا تكون القصة نفس النهج فى التحقيق ايامكم (دى مزحة)
خذالمتهم ونواصل التحقيق بكرة بصراحة انا حاسدك على اصدقاءك مشاء الله عليهم ربى يديم المحبة بينكم
ونحن فى انتظارك ولو طالت القصة
تحياتى وودى للجميع
ود ابوسنينه
|
Post: #49
Title: Re: إعدام ضابط شرطة فى الخرطوم
Author: رامي يوسف الصديق
Date: 02-02-2009, 01:37 PM
Parent: #48
جنابو الطيب ..
سلام ..
والله شحفت روحنا ياأخي
أنا ما ترد علي مداخلتي دي, عافي ليك, واصل القصة...
|
Post: #50
Title: Re: إعدام ضابط شرطة فى الخرطوم
Author: humida
Date: 02-02-2009, 02:07 PM
Parent: #49
شـنو يا الطيب ياخي .. ما حرقت روحنا .. !!
|
Post: #51
Title: Re: إعدام ضابط شرطة فى الخرطوم
Author: الطيب عثمان يوسف
Date: 02-02-2009, 02:14 PM
Parent: #44
السلام عليكم .. أيها الساده ..
*** توقفت فى المره الفائته فى : عرض جزء مما جاء فى أقوال المتهم الملازم مصطفى و التى ذكر فيها أن لديه
مشكله مع والدة القتيل ..
*** البدايه :
البدايه كبداية أى ضابط شرطه حديث عهد بالعمل .. مليئ بالحماس مغرم بتطبيق حزافير القوانين .. فقد جاء مصطفى الى
الخرطوم فى مأمورية عمل لا أذكرها بالضبط و لكنى أذكر أنها تقتضى أن يظل فى الخرطوم وقتا طويلا .. و نزل مع بعض أقربائه
الذين هم جيران للقتيل .. ومن خلال تواجده فى الحى عرف المعلومات التالية :
أولا : الحاجه ( التومه ) والدة القتيل أحسن من يقوم بصناعة ( العرقى ) فى المنطقه و صاحبة نفوذ لا يقاوم .
ثانيا : ابنها الأكبر ( عادل ) أقل ما يجيده النشل و عن السرقات الليليه و سرقات العربات حدث ولا حرج
ثالثا : الابن الأوسط ( القتيل ) خريج حديث من كلية القانون باحدى الجامعات المصريه ..
رابعا : الابن الأصغر ( أبو تسعه ) ـ هذا الوصف من عندى ـ قدمته فى بلاغ سرقة سياره مولانا عوض قاضى المديريه التى كنت
أقودها وقد إستلفتها منه لنصف ساعه وعندما نزلت من السياره أمام فندق أراك بالقرب من محل استديو تصوير وكنت أتحدث
مع الشخص الجالس على الكاونتر الذى كان يبحث عن صورى التى حضرت لاستلامها ـ خلف الكاونتر كانت هناك ( مرايه ) تعكس
سيارة مولانا عوض ، و فجأه شاهدت شخص يركب فى السياره و يحاول سرقتها.. سيارة مولانا .. فأخرجت مسدسى من جيبى ووجهته
بسرعه فائقه نحو الرجل الذى فى الكاونتر وهممت به ، فأفرغ المسكين كل ما فى درجه من دريهمات ظانا بى ظن السوء ..
واستدرت دوره كامله .. طلقه بالقرب من العربيه .. فتوقف أبو تسعه .. وركبت بجواره الى المحكمه فى نفس اليوم
استلم ( اربعه سنين ) عاشم الحب .. فى سجن أم درمان . . هذا كان أصغرهم . . لا أعرف له إسم سوى أبو تسعه لأن أصابع يديه
كانت تسعه ..
خامسا : اثنين أو ثلاثه من اخوات القتيل : لا يشبهن القاتل ولا القتيل فى شيئ .. بارات بوالدتهن أشد البر يساعدنها فى كل شيئ
من غسل التمر ـ إن كان يغسل ـ وحتى الاشراف على جمع الفارغ و الاكياس ........
********* عندما كان المتهم ( الملازم مصطفى ) يأتى الى القسم الأوسط فى الفترات المسائيه كما أشرت من قبل كان فى بعض الأحيان
يطلع مع الضابط المناوب فى الحملات التى عادة ما كانت تتم فى الفترات المسائيه و تتم هذه الحملات لضبط الظواهر المخالفه
للقانون .. و بما أنه كان يعلم بأنشطة جيرانه لذلك وجهه لجارته أكثر من ضربه مؤلمه .. و بحسب لغة ناس البوليس
( ناس العرقى ديل يكفى إنو الكومر يجى بى جنبهم ) فيصابون بشلل إقتصادى لفتره مؤثره .
***** تضايقت الحاجه التومه من وجود الشافع الجا جديد فى الحله و عامل ليها قلاقل شديده و موقف حالها .. كذلك ( الشفوت ) أولادها
***** تم الإعلان عن قيام حفل عادى لدى الجار الذى يقابل الجارين ( القاتل و المقتول ) و تمت دعوة الطرفين ضمن المعازيم ..
***** الملازم مصطفى ( المتهم ) فى أبهى حلله .. كيف لا وهو الضابط الذى ذاع صيته فى المكان بمكبرات صوت حاجه التومه .
***** صاحب محل تصليح الروادى ( جمع راديو ) و الذى يفتح مباشرة فى كان إنعقاد الحفل ظل فاتحا محله لوقت متأخر من الليل حتى
عندما زاع صوت مغنى الحفل فى الأرجاء ، لم يغلق محله .. و أبوتسعه و صحبه جيئة و ذهابا من أمامه . وبرفقتهم ثلة من
حسناوات الحى ممن يجدن بالغالى قبل الرخيص ..
***** دخل الى مكان الحفل ( جنابو ) آآآخر أناقه .. و زغروده مدويه من ركن يجاور الحمام الذى يعلوه قفص للحمام ، واخرى من
أكثر دويا من الأولى إمتد أثرها إلى تغيير الأغنيه إلى ( جنابو حيانى بى كابو ) وتحلقن بعض الحسان جاعلين مكان جنابو
وسط الدائره مع أخرى ( لونها) فاتح قليلا ..
***** أسمع يا زول هوى الامور بتاعت ال...... ما تنفع معانا خليك قاعد بى أدبك ولا أطلع بره ... الكلام موجه لى جنابو ..
ردت واحده يا عادل .. مالك يا أخ مع الزول ده عمل ليك شنو هسى ؟؟ ... إنتى زاتك تعالى هنا يا ....
تدخل جنابو ممسكا بيد عادل بقوه كادت ترمى البنت .. فمكان من عادل إلا أن يطرح جنابو أرضا إثر ( كف ) شهد به المقربون
فى سجل التحقيق .. .. .. .. ( عادل ده الإبن الأكبر لحاجه التومه )
.............................................. أواصل .............................ســــــلام
|
Post: #52
Title: Re: إعدام ضابط شرطة فى الخرطوم
Author: Adel Sameer Tawfiq
Date: 02-02-2009, 03:09 PM
Parent: #37
| Quote: كتر خير يا مولانا عادل سمير ( عندك خيار وفقوس ) ... التحكيم فاشل .. التحكيم فاشل |
أبداٍ و الله لقيت تلفونك في البوست دا أمس و الوقت متأخر..حأتصل بيك الآن إن شاء الله !!
|
Post: #53
Title: Re: إعدام ضابط شرطة فى الخرطوم
Author: الطيب عثمان يوسف
Date: 02-02-2009, 03:32 PM
Parent: #52
| Quote: محتاجة توضيح النقطة دي ] |
الأخ هشام آدم : و الله حاسى بيك .. و إمكن أكون قصدتها .. لا سيما و أنا قانونى ..
حاضر .. حاضر .. و شكرا للمتابعه بس خليك قريب ...
|
Post: #54
Title: Re: إعدام ضابط شرطة فى الخرطوم
Author: الطيب عثمان يوسف
Date: 02-02-2009, 03:39 PM
Parent: #53
**** ساره محجوب : حضور رقيق .. أشكرك جدا على الصوره الما خمج
كل الشكر والتقدير و للأسره الكبيره والصغيره
|
Post: #55
Title: Re: إعدام ضابط شرطة فى الخرطوم
Author: الطيب عثمان يوسف
Date: 02-02-2009, 03:56 PM
Parent: #54
Quote: جنابو الطيب ..
سلام ..
والله شحفت روحنا ياأخي .. |
*********** الأخوان : محمــد ابراهيم عثمان ** حمـــــيده ..
*** و الله لو قلت ليكم أنا من أمبارح نايم لى تلاته ساعات بس صدقونى .. الايميل .. الموبايل .. تلفون البيت .. البوست و الردود
وما أدراكم و الردود .. المذاكره أنا و الأولاد ومليون حاجه .
*** أشكر صبركم على جمرى
|
Post: #56
Title: Re: إعدام ضابط شرطة فى الخرطوم
Author: الطيب عثمان يوسف
Date: 02-02-2009, 04:06 PM
Parent: #55
Quote: جنابو الطيب ..
سلام ..
والله شحفت روحنا ياأخي
أنا ما ترد علي مداخلتي دي, عافي ليك, واصل القصة... |
*** رامى : يا رائع .. ياخى إنت الأولى بالرد عليك .. تكفينا شحتفت روحك دى
.......... كل الود و التقدير ........... خليك قريب أوعى تجلى
|
Post: #57
Title: Re: إعدام ضابط شرطة فى الخرطوم
Author: 7abib_alkul
Date: 02-02-2009, 04:15 PM
Parent: #55
الأخ الطيب
لا ارى داعى لهذا التطويل الغير مبرر فى السرد (جيب اخرك)
وشكرا للاستجابة
|
Post: #58
Title: Re: إعدام ضابط شرطة فى الخرطوم
Author: الطيب عثمان يوسف
Date: 02-02-2009, 06:32 PM
Parent: #57
Quote: الأخ الطيب
لا ارى داعى لهذا التطويل الغير مبرر فى السرد (جيب اخرك)
وشكرا للاستجابة |
*** لك العتبى حتى ترضى ( يا حبيب الكل ) حأضع نقدك نصب الأعين .. تابع
|
Post: #59
Title: Re: إعدام ضابط شرطة فى الخرطوم
Author: هشام حسن
Date: 02-02-2009, 07:29 PM
Parent: #58
أخونا الطيب.. سلامات ياخ
بوست شيق.. رغم التطويل.. لكن أقول ليك حاجه عشان الواحد روحه ما تنسله ح أجيك بعد كم يوم كدا نشوف آخر الموضوع شنو..
متابعين مع التحية والتقدير
|
Post: #60
Title: Re: إعدام ضابط شرطة فى الخرطوم
Author: SHIBKA
Date: 02-02-2009, 08:25 PM
Parent: #59
متابعة لبوست واضح انو طويــــــــــــــل
|
Post: #61
Title: Re: إعدام ضابط شرطة فى الخرطوم
Author: الطيب عثمان يوسف
Date: 02-03-2009, 01:04 PM
Parent: #60
*** الأخ هشام حسن : روعة الحضور .. و أهلا بيك فى البيت
|
Post: #63
Title: Re: إعدام ضابط شرطة فى الخرطوم
Author: جعفر محي الدين
Date: 02-03-2009, 01:31 PM
Parent: #61
سلام
الطيب عثمان يوسف
متابعين وربنا يصبرنا لبكرة
بس لازم البوست يكون فوق
|
Post: #64
Title: Re: إعدام ضابط شرطة فى الخرطوم
Author: الطيب عثمان يوسف
Date: 02-03-2009, 01:55 PM
Parent: #61
*** الســلام عليكم ســادتى
*** فى البدء أشكركم كلكم و أقدم إعتذارى للذين لم أرد على تلفوناتهم فقد تلقيت مئات المكالمات و الإيملات
خلال اليومين الماضيين .. وفى كثير من المكالمات طلبوا منى أن أروى لهم بقية التفاصيل عبر الهاتف .. معظمهم من
شقائقنا النواعم .. بالإضافه الى إلحاح أخونا أبو بكر من السعوديه ( لك العتبى )
**** زوجتى ناهد و أبنتى آمنه أكثر الناس إالحاحا و إصرارا على أكمل لهم بقية الموضوع وكنت و مازلت مصرا على أن
يتابعوا معكم ..
*** رســــاله خاصــه لأؤلــيك الذين إنتقدوا التطويل فى السرد أقول لكم :
أولا : كل القصه لا تخرج عن شخص قتل شخص و حكم عليه بالاعدام بسبب مشاجره .. فقط ( ده من الآخر )
ثانيا : بدأت هذه الوقائع فى منتصف الثمانينيات وتم تنفيذ حكم الاعدام فى 16/04/1996 الساعه الرابعه و 50 دقيقه عصرا
فكيف لى أن اسرد تفاصيلها بين عشية وضحاها ..
ثالثا : لم يكن غرضى من البدايه سرد دوافع القتل بقدر ما كان غرضى سرد الوقائع كاملة قدر الامكان بما إحتوته من
جريمه ووقائع و أحداث مثيره و غريبه فى الكثير من جوابنها و أعتقد أن بها الكثير من العبر التى يمكن أن تفيد
بعضا منا .. و أقولها صراحة الموضوع أكثر من طويل . ( ومتعته فى تفاصيل التفاصيل )
أخيرا : أشكر ملاحظاتكم و التى ما هى إلا دليل متابعه دقيقه .. والله من راء القصد
|
Post: #67
Title: Re: إعدام ضابط شرطة فى الخرطوم
Author: ihsan fagiri
Date: 02-03-2009, 02:59 PM
Parent: #61
والله متابعين تمام
بس صبرنا قلا
يديك العافيه
|
Post: #62
Title: Re: إعدام ضابط شرطة فى الخرطوم
Author: الطيب عثمان يوسف
Date: 02-03-2009, 01:08 PM
Parent: #60
*** شــبكه :
**** فرغى نفسك .. أشكر حضورك الناعم
|
Post: #65
Title: Re: إعدام ضابط شرطة فى الخرطوم
Author: الكباشى البكرى
Date: 02-03-2009, 02:05 PM
Parent: #62
الاخ الطيب
سلام
التاريخ الذي حصلت فيه الواقعه
واصل السرد المميز .
|
Post: #66
Title: Re: إعدام ضابط شرطة فى الخرطوم
Author: الطيب عثمان يوسف
Date: 02-03-2009, 02:10 PM
Parent: #62
*** الأخ جعفر محى الدين :
يلا هيلاهوب ( يدك معانا )
حضور معبر جدا .. أكيد الشكر والتقدير
|
Post: #68
Title: Re: إعدام ضابط شرطة فى الخرطوم
Author: الطيب عثمان يوسف
Date: 02-03-2009, 03:09 PM
Parent: #66
** الـسلام علـيكم أيها الســاده
*** توقفت فى المره الفائته فى أن شقيق المجنى عليه عادل قد ضرب المتهم ( الملازم مصطفى ) كفا طرحه أرضا..
نهض مصطفى من الأرض وفى يده اليمنى بطاقته العسكربه و فى اليد الأخرى مسدسا ( بكره ) ( يعنى وضع الرصاصات فيه دائرى )
ملاحظه : الملازم مصطفى كان ( أشولنجى ) يعنى يستخدم يده اليسرى .
المهم فى الأمر تدخل كل من كان فى المكان من الجنسين و إنبرت الحاجه التومه ( ولدى ما بمشى معاك يمشى معاك وين )
وانتشر الخبر الى المتواجدين فى الخارج بالقرب من محل تصليح الروادى وهرعوا الى الداخل دون أن يعرفوا سبب المشكله
والذين كان من ضمنهم المجنى عليه و أ مسك المجنى عليه الملازم مصطفى من مقدمة قميصه و سحبه الى الخارج
ولكم أن تتصورا ( شكله ) فى حفله ضرب .. كراسى تتطاير .. دفر .. كواريك .. لا يمكن أن تميز ( الحجاز من حامل العكاز )
وفى أمام محل تصليح الروادى إنقض المجنى عليه على الملازم مصطفى محاولا أخذ المسدس منه إلا أن الملازم مصطفى تمكن من رمى
المجنى عليه أرضا و حاول السيطره عليه إلا أن الشقيق الأكبر عادل كان يضرب الملازم مصطفى أيضا مما أدى الى سقوطه فوق المجنى
عليه الشئ الذى ساعد المجنى عليه فى الامساك بيد الملازم مصطفى التى تمسك بالمسدس محاولا مرة أخرى أخذه و على حد قول الملازم
( أحسست بيده تحاول توجيه المسدس نحوى بينما كنا أنا والمرحوم على الأرض .. وبديت أقوليهو يا زول المسدس ده ما فيهو تأمين
يا زول المسدس ده ما فيهو تأمين إلا أنه أعتبر ده ضعف منى و ما صدقنى و أخوه كان مازل بيضرب فينى من فوق )
*** تطور آخر .. جاء من بعيد الأخ الأصغر أبو تسعه و عندما شاهد المنظر دخل ( محل تصليح الروادى ) و أخذ أطول ( مفك ) موجود فى
المحل و جاء جاريا نحو المجنى علية و المتهم محاولا طعنه به وقد شاهده الملازم مصطفى يحمله فى لحظه كاد فيها المجنى عليه
من توجيه المسدس نحو صدر الملازم مصطفى و هما على الأرض ممسكين المسدس وعلى حد قول الملازم مصطفى ( قررت أن أطلق طلقه أوقف بها
ضرب شقيق المتهم الأكبر و أخوف بها الذى كاد يطعننى بالمفك و بالفعل عندما ضغط على الزناد كان المجنى عليه ( بلاوى فينى )
وعند إنطلاق الطلقه جات فيهو ونحن على الأرض )
...........................................يتبع ........... إن نشاء الله تكونوا عرفتو سر ذكر ( محل الروادى ) فى البدايه ؟؟
** تفاصيل متوقعه : طلب الملازم مصطفى السماح له بالسفر خارج العاصمه و لم يسمح له .. فيقرر السفر دون علم أحد .
*** ستة أشهر تمر دون أى أثر للمتهم الملازم مصطفى و الذى أوردت الأخبار انه قد غادر إلى الجنوب ..
*** محاكمة الملازم أول أحمد ماهر السؤول عن المتهم .
|
Post: #69
Title: Re: إعدام ضابط شرطة فى الخرطوم
Author: الطيب عثمان يوسف
Date: 02-03-2009, 03:23 PM
Parent: #68
الأخ الكباشى :
أشكر حضورك ومتابعتك يا جميل .. خليك قريب
|
Post: #70
Title: Re: إعدام ضابط شرطة فى الخرطوم
Author: الطيب عثمان يوسف
Date: 02-03-2009, 03:31 PM
Parent: #69
*** عبد اللـــه كســـلا
*** كلك زوق ياراقى .. سوف أنشر إيميلك بعد إذنك ..
** تحياتى للكابن محمد حسين كسلا و قدوره .. شكرا
|
Post: #71
Title: Re: إعدام ضابط شرطة فى الخرطوم
Author: الطيب عثمان يوسف
Date: 02-03-2009, 03:42 PM
Parent: #70
*** ضمن الايميلات التىت تلقيتها إيميل من أحد الأخوه ضابط السجون وهو حاليا فى اوروبا
كان واحد من ضمن الذين كانوا حضرورا فى الإعدام وتناول بعض التفاصيل المهمه .. سوف أنشره فى حينه
|
Post: #72
Title: Re: إعدام ضابط شرطة فى الخرطوم
Author: Hadeer Alzain
Date: 02-03-2009, 04:20 PM
Parent: #71
إنها قصة حزينة حزينة وموجعة ..
لا حولا ولا قوة إلا بالله العلي العظيم!
ظلم زي دا ولا في الأفلام الأمريكية ما لاقاني!
يا أخوانا ويا ناس القانون دا ما ياهو الدفاع المشروع عن النفس؟ ولا أنا غلطانة؟
الأخ الفاضل الطيب عثمان يوسف
تحياتي الشديدة .. ووالله متابعين معاك متابعة لصيقة من أول سطر خطيته هنا ..
وشكرآ على ا لسرد الشيق الجميل وعلى صبرك وطولة بالك مع الجميع ..
اللهم أرحم عبدك مصطفى وأحسن إليه وتجاوز عن كل سيئاته
وأسكنه فسيح جناتك مع الصديقين والشهداء وحسن أولئك رفيقا ..
ولا حولا ولا قوة إلا بالله ..
مواصلين معاك حد النهاية المفجعة أخوي
..
|
Post: #73
Title: Re: إعدام ضابط شرطة فى الخرطوم
Author: الطيب عثمان يوسف
Date: 02-03-2009, 05:10 PM
Parent: #72
*** هدير رقة النسيم :
*** بكل تأثير قرأت ما خطه بنانك الرقيق .. فقط أتمنى منك أن تساعدينى فى تبنى حمله ننشد فيها عدم التعرض
للقررات القضائيه و المسائل القانونيه على الأقل فى الوقت الراهن و بالمناسبه سأبتعد فى السرد عن كل
السجالات التى دارت فى ردهات المحكمه إحتراما لسيادة سلطات المحاكم وسدا لباب التشكيك فى نزاهة القضاء فى بلادى
.. أكيد فهمتينى صاح .. فقط يجب أن
أؤكد أن هذه القضيه قد إستوفت كل مراحل الإستئناف والاسترحام القانونيه ..
*** الأخت هدير رغم ما حملته مداخلتك من محاذير إلا أنها زاد يشحذ همتى وفى إنتظار ردك على عجل .. أشكرك جدا
|
Post: #74
Title: Re: إعدام ضابط شرطة فى الخرطوم
Author: الطيب عثمان يوسف
Date: 02-03-2009, 06:33 PM
Parent: #73
*** الأخت إحسان فقيرى :
*** والله مقدر حالتك .. نسمة مرور لطيفه أتوقعها مره أخرى .. شكرا
|
Post: #75
Title: Re: إعدام ضابط شرطة فى الخرطوم
Author: Hadeer Alzain
Date: 02-03-2009, 06:44 PM
Parent: #73
الأخ الكريم الطيب
أعذرني يا رجل يا فاضل. فلقد كتبت لك بردة فعل عارمة وغاضبة وبإنفعال
وعاطفة الأنثى التي تعرفها ..
Quote: فقط أتمنى منك أن تساعدينى فى تبنى حمله ننشد فيها عدم التعرض
للقررات القضائيه و المسائل القانونيه على الأقل فى الوقت الراهن و بالمناسبه سأبتعد فى السرد عن كل
السجالات التى دارت فى ردهات المحكمه إحتراما لسيادة سلطات المحاكم وسدا لباب التشكيك فى نزاهة القضاء فى بلادى
|
أعدك من جانبي في عدم التعرض للقررات القضائيه و المسائل القانونيه (على الأقل فى الوقت الراهن) ..
وأقدر حساسية موقعك كضابط شرطة (م) وكرجل قانون حالي وموقفك من الشخوص والأحداث.
وأنت حتمآ أدرى مني بتفاصيل التفاصيل ..
ولكن القصة زلزلتني وهزت كياني .. ومعذرة لذلك
(هل مسموح لك كضابط شرطة (م) بنشر قصة كهذه؟)..أول سؤال خطر في بالي وأنا أقرأ عنوان البوست
Quote: أؤكد أن هذه القضيه قد إستوفت كل مراحل الإستئناف والاسترحام القانونيه ..
|
أكيد إستوفت .. طالما هنالك (تقريبآ) عشرة سنوات ما بين حدوث الواقعة وتنفيذ حكم الإعدام
(أكيد الكثير قد حدث بينهما) ..
at the end of the day
خطانا في الدنيا دي مرصودة ومحسوبة (من الله) بتدبير إلهي دقيق
(ومن كتبت عليه خطآ مشاها). ولا إعتراض على أمر الله.
ومشكلتنا نحن نرى الأشياء من زاوية مختلفة عن رؤية الله لها.
إتذكرت في التو قصة الخضر في سورة الكهف مع موسى حين سأله بأن يعلمه
مما علمه الله فقال له الخضر (إِنَّكَ لَنْ تَسْتَطِيعَ مَعِيَ صَبْرًا (67)
وَكَيْفَ تَصْبِرُ عَلَىٰ مَا لَمْ تُحِطْ بِهِ خُبْرًا (68)
وضاق الخضر حينما لم يصبر موسى على تأويل ما فعل لاحقآ .. فقال لموسى:
أَلَمْ أَقُلْ إِنَّكَ لَنْ تَسْتَطِيعَ مَعِيَ صَبْرًا (72)
ما عنيته .. هذه الأقدار لانعرف الحكمة من ورائها .. أو هي أكبر من أن ندرك الحكمة فيها
أتمنى أن يكون ما حدث من إبتلاء للمرحوم مصطفى (وإذا أحب الله العبد إبتلاه)
وراءه كل الخير له ..
وشكرآ لك كثيرآ (يا جنابو) على إشراكنا (بعض) من كثير يؤرق
وشكرآ لك على سماحة خلقك ..
وأهو منكم نتعلم ..
أنا زمني دا كلو قايلة الضباط والعسكر عندهم حصانة زي حصانة الدبلوماسيين
|
Post: #76
Title: Re: إعدام ضابط شرطة فى الخرطوم
Author: Hassan Makkawi
Date: 02-03-2009, 07:16 PM
Parent: #75
Quote: إحتراما لسيادة سلطات المحاكم وسدا لباب التشكيك فى نزاهة القضاء فى بلادى
|
انت فخر لبلدك يا رجل
و لكلية الشرطة التى تخرجت فيها ان تفخر بك وبأمثالك من الشرفاء
Go on Sir
|
Post: #77
Title: Re: إعدام ضابط شرطة فى الخرطوم
Author: 7abib_alkul
Date: 02-03-2009, 07:38 PM
Parent: #76
الأخ الطيب
من خلال سردك للوقائع ارى ان المتهم يدفع بأستعمال حق الدفاع الشرعى والدفع يعتبر من اوسع بحور القانون الجنائي ولا يمكن مناقشته بهذا الاسلوب الروائى الشيق كما ان هناك امر اخر يجب الانتباه اليه بحزر ثم فرق كبير بين ما ثبت فى يومية التحرى وما يثبت امام المحكمة وكما تعلم ان يومية التحرى لاتشكل اي بينة فى المحاكمة ما لم يكن تحتوى على اقرار قضائى والسؤال هنا ما هى الوقائع التى ثبتت فى المحكمة و ما هى حيثيات الحكم بجميع مراحله
لذا ارى اما ان تغير طريقة سردك للوقائع لتكون بشكل يجعلها قابلة للتكيف او واصل بزات الطريقة ونعتبرها مجرد قصة لا تصلح للتقيم القانونى
ولك خالص احترامى
|
Post: #78
Title: Re: إعدام ضابط شرطة فى الخرطوم
Author: الطيب عثمان يوسف
Date: 02-03-2009, 09:10 PM
Parent: #77
*** حبيب الكل .. يا حبيب :
**** لقد قمت بكتابة قيد للأخت هدير أرجو الإطلاع عليه برويه .. أكيد حتغير رأيك .. حاولت أعمليك منو ( كوبى ) لكنى فشلت
**** فى إنتظارك بعد الإطلاع .. و باين عليك إنت النوع ( البحكها شديييييد) .. لك إحترامى
|
Post: #79
Title: Re: إعدام ضابط شرطة فى الخرطوم
Author: الطيب عثمان يوسف
Date: 02-03-2009, 09:24 PM
Parent: #78
*** يا أخونا و أخواتنا ظهرت لى مشكله مزعجه ساعدونى فى حلها
وهى إنى بقيت ما قادر أعمل ( كوبى أو كوت ) من مداخلاتكم .. مدد .. مدد
*** هدير و مكاوى : بكـــــره حأرجع ليكم إن كان فى العمـر بقيه
**** بعدين يا أخونا الخميس و الجمعه إجازه .... رأيكم شنو ؟؟؟ .................ســلام
|
Post: #80
Title: Re: إعدام ضابط شرطة فى الخرطوم
Author: Ali Sirelkhatim
Date: 02-03-2009, 10:18 PM
Parent: #78
Quote: *** هدير رقة النسيم :
*** بكل تأثير قرأت ما خطه بنانك الرقيق .. فقط أتمنى منك أن تساعدينى فى تبنى حمله ننشد فيها عدم التعرض
للقررات القضائيه و المسائل القانونيه على الأقل فى الوقت الراهن و بالمناسبه سأبتعد فى السرد عن كل
السجالات التى دارت فى ردهات المحكمه إحتراما لسيادة سلطات المحاكم وسدا لباب التشكيك فى نزاهة القضاء فى بلادى
.. أكيد فهمتينى صاح .. فقط يجب أن
أؤكد أن هذه القضيه قد إستوفت كل مراحل الإستئناف والاسترحام القانونيه ..
*** الأخت هدير رغم ما حملته مداخلتك من محاذير إلا أنها زاد يشحذ همتى وفى إنتظار ردك على عجل .. أشكرك جدا |
قصدك المداخلة دى يا دفعة ولا كيف؟
|
Post: #81
Title: Re: إعدام ضابط شرطة فى الخرطوم
Author: baha eassa
Date: 02-03-2009, 10:49 PM
Parent: #80
الطيب .. يا طيب ..
الجماعة ديل مافي ناس حجزتهم؟
|
Post: #82
Title: Re: إعدام ضابط شرطة فى الخرطوم
Author: Hadeer Alzain
Date: 02-04-2009, 12:22 PM
Parent: #81
يا علي سرالختم (يا دفعة المنبر) .. دفعتك يقصد تحديدآ هذا القيد:
Quote: فقط أتمنى منك أن تساعدينى فى تبنى حمله ننشد فيها عدم التعرض
للقررات القضائيه و المسائل القانونيه على الأقل فى الوقت الراهن و بالمناسبه سأبتعد فى السرد عن كل
السجالات التى دارت فى ردهات المحكمه إحتراما لسيادة سلطات المحاكم وسدا لباب التشكيك فى نزاهة القضاء فى بلادى
. فقط يجب أن أؤكد أن هذه القضيه قد إستوفت كل مراحل الإستئناف والاسترحام القانونيه .. |
والتحية والتقدير له وهو يحترم سيادة وقانون بلاده ..
|
Post: #83
Title: Re: إعدام ضابط شرطة فى الخرطوم
Author: Yousif A Abusinina
Date: 02-04-2009, 04:55 PM
Parent: #82
جنابوا الطيب
جننتنا يا جنابوا ولكن الجن البتعرفوا احسن من الجن المابتعرفوا
معاااك حد الصبر
بس ما عارفنا الخميس والجمعه اخبارهم شنو على العموم انا ما عندى مشكلة جاى السودان عشان اكمل القصة وقالو سمح القول عند خشيم سيدو
رايك شنو يا جنابووا ههههههههههههه
تحياتى الخاصة لك
على الرغم من احزان القصة والظلم الذى الم بالمرحوم بغض النظر على عن الدخول فى حساسيات القانون
فنسال الله ان يجعل الفردوس الاعلى مسواة ويعوض سبابة الجنة
والله مصيبة بحق
مع السلامة والخميس موعدنا باذن الله
|
Post: #84
Title: Re: إعدام ضابط شرطة فى الخرطوم
Author: الطيب عثمان يوسف
Date: 02-04-2009, 05:39 PM
Parent: #83
Quote: انت فخر لبلدك يا رجل
و لكلية الشرطة التى تخرجت فيها ان تفخر بك وبأمثالك من الشرفاء |
**** شكرا .. شكرا .. ستظل كلماتك وساما على صدرى .. متمنيا أن أكون عند حسن ظنك ..
|
Post: #86
Title: Re: إعدام ضابط شرطة فى الخرطوم
Author: الطيب عثمان يوسف
Date: 02-04-2009, 06:09 PM
Parent: #84
Quote: ولكن القصة زلزلتني وهزت كياني .. ومعذرة لذلك
(هل مسموح لك كضابط شرطة (م) بنشر قصة كهذه؟)..أول سؤال خطر في بالي وأنا أقرأ عنوان البوست
|
*** الأخت هدير الزين : القصه زلزلت كيانك .. أقسم لك بالله العظيم هاتفنى اليوم أحد الزملاء من بريطانيا و بالرغم من
أنه كان حاضرا لحظات الإعدام إلا أنه اليوم أجهش بالبكاء و كأن الحادث تم اليوم و ظل على هذا الحال إلا أن إنتهت المكالمه
*** أما بخصوص نشر قصه كهذه ... أولا هى ليست قصه .. ثانيا .. لقد كنت جزءا من هذه الوقائع كما سيأتى فى مقبل السرد ..
وهذه الوقائع تمثل جزءا من التنازع الأزلى الدائم بين الخير و الشر الذى يلازم الانسان وجودا وعدما .. ولا يمثل نشرها أى
مساس بالمتطلبات المهنيه فى شيئ .. بل العكس فسوف تكشف مقبل الأيام أن النشر جاء متأخرا .. شـــــــــــكرا
|
Post: #85
Title: تحياتي
Author: Jassim Osman
Date: 02-04-2009, 06:06 PM
السيد الطيب ..
خالص الود والاحترام لشخصك الكريم ..
وتحايا من كل الرائعيين ..لك
حتي نلتقي
|
Post: #87
Title: Re: تحياتي
Author: الطيب عثمان يوسف
Date: 02-04-2009, 06:22 PM
Parent: #85
يوســف أبو سنينــه ....... بهــاء عيســــى
*** أشكر الحضور الممــيز و المتابعه ... الخميس والجمعه إقترحت أن يكونا إجازه فى البوست فقط لأنو الناس
بكونوا منشغلين بأشياء أهم .. ولا شنو ؟؟
|
Post: #88
Title: Re: تحياتي
Author: الطيب عثمان يوسف
Date: 02-04-2009, 06:34 PM
Parent: #87
*** الكمندان علــى سر الختـم ... الكمندان جاســم السنجك
نزلتم أهلا ...
وحللتم سهلا ....
** مروركم مرور رسمى لا يجد منى سوى الإشـاده والتقدير و تحياتى لكل الرائعين .. أمثالكم .. شــــــــــكرا
|
Post: #93
Title: Re: تحياتي
Author: الطيب عثمان يوسف
Date: 02-04-2009, 08:23 PM
Parent: #88
Quote: ( قررت أن أطلق طلقه أوقف بها
ضرب شقيق المتهم الأكبر و أخوف بها الذى كاد يطعننى بالمفك و بالفعل عندما ضغط على الزناد كان المجنى عليه ( بلاوى فينى )
وعند إنطلاق الطلقه جات فيهو ونحن على الأرض )
|
الســـــــــــلام عليـــــكم أيها الســـــــــــــاده
*** توقفت فى المره الفائته فى سرد جزء مما جاء فى أقوال المتهم ( الملازم مصطفى )
حيث أطلق الطلقه التى أصابت المجنى عليه فأردته قتيلا ..
*** بعد إكتمال كافة التحريات و التى خلت تماما من كل ( شهود الدفاع ) وهم الذين يؤيدون ما جاء فى أقوال المتهم
و السبب الذى ظهر بعد فوات الأوان أنهم رفضوا الإدلاء بشهاداتهم تفاديا لشرور حاجه التومه و أبناءها و الجدير بالذكر هنا
انه ضمن إجراءات المحاكمه أن تتم المواجه بين شهود الاتهام وهم ( اشقاء القتيل و شقيقاته ) وشهود الدفاع ومعظمهم من الجيران .
*** بعد إكتمال التحريات بدأت مرحلة المحاكمه و التى عادة ما تأخذ الكثير من الوقت لخطورة الاتهام و العقوبه ..
*** أثناء فترة المحاكمه كان الملازم مصطفى موقوفا فى القسم الأوسط و خصصت غرفه له و للضابط الذى يقوم بحراسته و عادة ما تتم
بنظام المناوبه بين الضباط .. و قد قمت بحراسته لفترات طويله كنت فى كثير منها آخذه الى البيت أو الى أى مشوار آخر يخصه
أو يخصنى .. و فى كثير من الأحيان كنت أختار مناوبة الخميس عشان آخذه معى الى ود مدنى ( الجميله ) و نعود قبل صباح السبت
لأنو ( شغلتنا دى كلها غير قانونيه ) حيث من المفترض أن نظل داخل حدود القسم .. ويحدث كثيرا جدا أن لا يكون هناك حارسا له
فيذهب الملازم مصطفى الى أى مكان و يعود بمفرده
*** لم يفكر الملازم مصطفى فى الهرب يوما واحدا .. أبدا .. لثقته التامه فى براءته و لقناعته الشخصيه البحته فى وجود ألف
مبرر لتصرفه الذى يحاكم عليه و كانت المسأله بالنسبه له مسألة وقت ليس إلا ويعود الى حياته العاديه ..
*** طالت فترة المحاكمه و بدأ يشعر بالملل و الزهج و كان يتألم عندما يتذكر أن والده و والدته قاعدين لفتره طويله مع
أقرباؤهم ( ضيوف بالغصب ) ويزداد ألما عند سفرهم و عودتهم لحضور الجلسات ..
*** حدثنى مره أن والدته مريضه فى ( البلد) و يود أن ياسافر اليها
و بالفعل كتب طلبا للمدير بذلك و اقترح فى الطلب أن يكون معه أحد الضباط حرسا يرافقه ..
*** كان من الطبيعى رفض الطلب و استدعاه المدير و حاو ل أن يشرح له أن وضعه كمتهم لا يسمح له بمغادرة مكان الايقاف ..
بعد يومين أختفى الملازم مصطفى لأكثر من ثلاثة أيام و ........ طال الغياب اسبوع ... إسبوعين .... شهر .... شهرين .. تلاته
**** طبعا تم فتح بلاغ هروب وتمت إضافته للبلاغ الأول ( القتل ) ودخلت الشرطه فى حرج واضح مع أولياء الدم .. وتم تشكيل هيئة
تحقيق تمت محاكمة صديقى الملازم أول أحمد ماهر الذى كان من المفترض أن يكون حرسه فى ذلك اليوم ( تمت محاكمته بأشد العقوبات )
**** وردت الأنباء بأن المتهم متواجد فى الجنوب ومره فى الغرب ومره فى الشرق ...
**** توقفت المحاكمه لحين ضبط المتهم ...
**** حاجه التومه ما خلت مسؤؤل ما طرقت بابو .. ( كتل ولدى وشرد .. شعان ضابط بولس يعنى ؟؟؟ )
ناس البوليس هربوه مخصوص .. ناس البوليس ودوه الجنوب .. ناس البوليس ناس البوليس ناس البوليس ...
**** أحد الأبواب التى طرقتها حاجه التومه باب الوزير أبراهيم نايل إيدام مسؤول جهاز الأمن آنذاك ( أرجو أن تتذكروا معى هذه
المعلومه جيدا )
**** مضت عدة شهور على هذا الحال ( المتهم هارب ) ...
...............................................................
******************** و بدون أى مقدمات .. المتهم ( الملازم مصطفى ) فى الخرطوم جهارا نهارا !!!!!!!!!!!!!
*** نعم الملازم مصطفى فى الخرطوم و بالتحديد حاااااااااااااااايم فى حى الزهور و الخرطوم 3 !!!!!
*** يا زول يا مصطفى إنت وين ؟؟؟ .... ياخ الوالده كانت عيانه خالص و مشيت أشوف الحاصل عليها شنو ...
طيب ياخى ما تجى تسلم نفسك و تخلص من الموضوع ده !!! أنا بجى لكين العمليه العملها معاى مامون دى ـ مامون المدير ـ
عليك الله دى صاح .. زول أقول ليهو أمى مريضه مشى أشوفها يقولى مافى طريقه ؟؟؟
... ياخى سيبك من مامون هسى تعال خلص موضوعك ده
بعدين ياخى فتحوا ليك بلاغ تااانى بتاع هروب ..( KO . OK ) يا زول خلاص و الله بجى حأمشى وين يعنى ؟ بس عندى أمور بخلصها و أجى
...................................................................................................................
*** ســـــــــــادتى أنا زاتى عندى أمور كده بخلصا و أجى .. ســــــــــلام
|
Post: #89
Title: Re: تحياتي
Author: الرفاعي عبدالعاطي حجر
Date: 02-04-2009, 06:38 PM
Parent: #85
مرحب
وحمدا بسلامة العودة
........................حجر.
|
Post: #90
Title: Re: تحياتي
Author: Balla Musa
Date: 02-04-2009, 06:42 PM
Parent: #89
الطيب عثمان يوسف
أول مرة أشوف شيخ عرب بطايب فى ضيوفو كم يوم وهم عطشانين..
|
Post: #91
Title: Re: تحياتي
Author: رأفت ميلاد
Date: 02-04-2009, 06:57 PM
Parent: #90
أخونا الطيب جنابو
سلامات
ومتابعين بتأنى
عمومآ الأحداث دى إذا كانت بأسماء حركية للأفراد والأماكن .. زى كأنك داخل منطقتنا .. خاصة التواريخ شبه مطابقة .. وما عارف ذكر نايل إدام أتى عابرآ أم له بقية فى القصة .. لا أريد سبق الحوادث .. ولكن إذا كان المجنى عليه من أقاربه .. فهو أتى شفيعآ ورُفضت وساطته .. بالتالى لا يوجد تنازل من القضية .. وشقيقه الذى تنازل الذى ذكرته يبدو إنه "أبو تسعة" رغم أنى لم أحسب أصابعه يومآ .. وقابلته قليلآ جدآ فى الدنيا لأنه كان زبون دائم لديكم .. إذا كان هو المقصود فيكون بضغط عليه أو رشوة .. أما باقى عائلته رفضت التنازل ..
عمومآ قصتك من وجهة نظر "شرطية" و تحوطها الزمالة والوفاء العسكرى .. هذا لا ينفى حيادك فى السرد .. ولكن نحن المدنيين لنا وجهة نظر أخرى .. ليس تعاطفآ مع المجنى عليه .. ولكن لرفضنا التسلط العسكرى "خارج الخدمة" .. وهذا ينطبق لكل من بيده القلم وإستعماله خارج الخدمة .. خاصة ناس حلتنا .. والمرحوم "الجانى" كان "كاوييآ" نوعآ ما .. بالطبع من وجهة نظرنا ..
رحم الله الجميع وأتمنى أن لا تكون مداخلتى مثيرة للحساسية .. وقد أكون أتحدث عن خبر منفصل .. عمومآ جنابو فيصل الحسن وجنابو عماد يمكن أن يوضحوا وجهة نظرى و إزالة الحساسية ..
مودتى
|
Post: #92
Title: واصل ياخ
Author: مازن الجمّال
Date: 02-04-2009, 07:18 PM
عارف يا الطيب اصعب حاجة في الدنيا دي شنو ؟
انك تكون متابع ليك قصة ومتشوق انك توصل اخرها وتكتشف فجاة انها ماشة بالقطارة
ولذلك استعجل عشان ما اجي ناطي ليك انا زاتي بمفك هسة
بالمناسبة :
بتعرف العقيد عمر احمد عمر ؟
|
Post: #94
Title: Re: واصل ياخ
Author: keiga2000
Date: 02-04-2009, 08:25 PM
Parent: #92
الأخ الطيب يوسف (السائـــــــــح)
انا كم يوم اقول الزول دا شايفو وين الا لما دخلت البروفايل
وتأكد لي انك الطيب السائح بعد الاتصال بك ولم ترد واتصلت بالاخ سامر الشبلي ليأكد لي
المهم ماتنسانا بعدين من حكاوي حي البــان ارجع بينا للزمن الجميل
ابومصطفى
|
Post: #95
Title: Re: إعدام ضابط شرطة فى الخرطوم
Author: عاطف عمر
Date: 02-04-2009, 08:27 PM
تحياتي سعادتك الطيب عثمان يوسف
وتسجيل إعجابي بالبوست
بدءاً باختيار العنوان المثير الجاذب والعنوان نصف نجاح البوست ( نظرية من عندي )
مروراً باختيار طريقة عرض لأحداث الرواية الأصلية مختلفة عن التعليقات والردود على المتداخلين .
ثالثاً - وهى مهمة جداً - تنفيذ تكتيك منبري - والحقوق محفوظة للصديق ناذر - في حفظ البوست حياً في الصفحة الأولى بالتوسع في ( مطايبة الضيوف ) والحقوق أيضاً محفوظة للصديق د. بلة . أقول بأهمية هذه النقطة رغم تضايق الأخوان والأخوات من هذا الذي أراه تكتيكاً ناجحاً منك .
وفي الموضوع
السؤال الذي يلح على
هل سردك لأحداث هذه القضية مبني على إنطباعك أو تقييمك لأحداثها كونك أحد المشاركين فيها، أم على ما توصلت له المحاكم وبنت عليه حكمها ؟؟
وهل يتطابق تقييمك الشخصي وأنت رجل قانون بما توصلت له المحاكم ( لا أطلب منك التقليل أو الإنتقاص من هيبة النظام القضائي )
أو ألم يكن من الأفضل - كعمل روائي - عرض وجهات نظر ( أبطال ) القضية وأسبابهم التي قادتهم لمجريات القضية غض النظر عن إتفاقنا أو إختلافنا معها.
__________________
خارج الإطار
الشكر لكل من ترحم على أو ذكر بالخير فقيدنا وفقيدكم أخي وإبن خالتي المرحوم طارق محمد أحمد محمد خير
|
Post: #96
Title: Re: إعدام ضابط شرطة فى الخرطوم
Author: بدر الدين اسحاق احمد
Date: 02-04-2009, 10:43 PM
Parent: #95
الاخ الطيب : تحيات طيبات
هولاء الاشخاص باسمائهم او بدونها هــم شخوص لهم مطلق الحق فى الاستتار ما دام لايجاهرون بالاعمال التى قلتها عليهم بحكم عملك
ليــس من العــدل فى شــى دمغ اسرة بأكملها بالاجرامواشاعــة ذلك على مستوى الانترنت وجعلها مادة قصصيــة .
الموضــوع معلوم لكثير من اهل الحـــى ولا يؤيدون كثير مما جئت بـــه ..
القاتل فى رحــاب الله اليوم نسأل الله لــه المغفرة والرحمــة ..
وان يكون فى القصاص شفــاء لصدر الام المكلومــة فى ابنهــا .
مع كل الاحترام والتقدير لــك وللمتداخلين
Quote: الذين هم جيران للقتيل .. ومن خلال تواجده فى الحى عرف المعلومات التالية :
أولا : الحاجه ( التومه ) والدة القتيل أحسن من يقوم بصناعة ( العرقى ) فى المنطقه و صاحبة نفوذ لا يقاوم .
ثانيا : ابنها الأكبر ( عادل ) أقل ما يجيده النشل و عن السرقات الليليه و سرقات العربات حدث ولا حرج
ثالثا : الابن الأوسط ( القتيل ) خريج حديث من كلية القانون باحدى الجامعات المصريه ..
رابعا : الابن الأصغر ( أبو تسعه ) ـ هذا الوصف من عندى ـ قدمته فى بلاغ سرقة سياره مولانا عوض قاضى المديريه التى كنت
أقودها وقد إستلفتها منه لنصف ساعه وعندما نزلت من السياره أمام فندق أراك بالقرب من محل استديو تصوير |
|
Post: #97
Title: Re: إعدام ضابط شرطة فى الخرطوم
Author: عبدالعزيز الفاضلابى
Date: 02-04-2009, 10:53 PM
Parent: #95
Quote: *** أثناء فترة المحاكمه كان الملازم مصطفى موقوفا فى القسم الأوسط و خصصت غرفه له و للضابط الذى يقوم بحراسته و عادة ما تتم
بنظام المناوبه بين الضباط .. |
خصصت له غرفة ـ إما لأنه ضابط وهذا لايبرر المعاملة الخاصة بدليل انك قلت غير قانونى ,, او لأنه يدفع بالدفاع عن النفس وهذا ايضا لايبرر المعاملة الخاصة لأن كثير من المتهمين يدفعون بممارسة الدفاع الشرعى ويكون الدفع ثابتا ومع ذلك لا يجدون واحد على عشرة من الدلال الذى ذكرته حضرتك.
هذا يجعلنى أقول ان ممارستكم فوق انها غير قانونية فهى على الأقل تنزع عنكم صفة الأمانة والتجرد فى اداء عملكم مايجعلكم غير مؤتمنين على مصالح العباد وتحقيق العدالة التى يفترض ان تكونوا واسطة العقد منها . فالذى حابى انسانا لمجرد انه زميله فى المهنة لايستبعد ان يحابى قريبه وصديقه ,,
واعلموا انكم مسؤلون امام الذى لايغفل ولاينام ومادام فى الجسد نفس فباب التوبة مفتوح فسارعوا الى التوبة والتوبة لاتكون الا باصلاح والاصلاح فى هذه الحالة ان لاتسمح بعمل مماثل ان كنت ماتزال فى البوليس او لديك سلطة زمنية.
Quote: و قد قمت بحراسته لفترات طويله كنت فى كثير منها آخذه الى البيت أو الى أى مشوار آخر يخصه
أو يخصنى .. و فى كثير من الأحيان كنت أختار مناوبة الخميس عشان آخذه معى الى ود مدنى ( الجميله ) و نعود قبل صباح السبت
لأنو ( شغلتنا دى كلها غير قانونيه ) حيث من المفترض أن نظل داخل حدود القسم .. ويحدث كثيرا جدا أن لا يكون هناك حارسا له
فيذهب الملازم مصطفى الى أى مكان و يعود بمفرده |
مرة اخرى اكنتم ستعاملون متهما من غمار الناس مثل هذه المعاملة ? فوصفك لما قمتم به تجاه زميلكم بانه عمل غير قانونى وصف غير دقيق لأنه ايضا عمل غير أخلاقى
مثل هذه الممارسات لعمرى هى التى افسدت البلد ,, ولايجب ان تكون مصدر فخر لأى منتسب الى الشرطة ,, وما خفى اعظم وحسبى الله ونعم الوكيل.
|
Post: #98
Title: Re: إعدام ضابط شرطة فى الخرطوم
Author: فيصل عثمان الحسن
Date: 02-04-2009, 11:04 PM
Parent: #95
العزيز الطيب تحياتى
رغم عملى بالخرطوم منذ تخرجى والى أن احلت للمعاش , الا انى
لم أسمع بتلك القضية , ويبدو انها قد حدثت خلال فترة عملى بمركز
التدريب الموحد , ساعود للتعليق بعد نهاية السرد الا ان ما لفت انتباهى
هو آداة الجريمة , اذ ذكرت أنت فى احدى مداخلاتك أن الطبنجة التى
استعملت فى ذلك الحادث كانت من النوع الذى خزنته على شكل اسطوانة
تلف مع كل ضغطة على الزناد , علما بأن ذلك النوع من السلاح غير مستعمل
بواسطة قوات الشرطة , وغير موجود فى مخازن الكلية وربما موجود كمعروضات
فى مخزن المباحث الجنائية المركزية , وغير مصرح استعماله لأنه بدون تأمين
كما أفدت أنت اضافة لعدم توافر ذخيرته , أرجو ان تصححنى ان كانت معلوماتى
مغلوطة , الشى الذى ولد لدى اعتقاد بان تلك الطبنجة هى طبنجة خاصة وان
كانت خاصة فهى قطعا غير مرخصة حيث ان ضابط الشرطة برتبة الملازم
أول فى ذلك الوقت لم يكن من حقه حيازة طبنجة كسلاح شخصى
العزيز رأفت ميلاد زميلنا الطيب ديامى الشلة والهوى , لا اظن مداخلتك ستفسر بغير
ما تحمله من مضامين , اذ ان الطيب ذات نفسه ضحية لتسلط وغباء عسكر الانقاذ .
|
Post: #99
Title: Re: إعدام ضابط شرطة فى الخرطوم
Author: 7abib_alkul
Date: 02-04-2009, 11:26 PM
Parent: #98
حبيبنا الطيب
شايف الجمهور كله بحكها شديد
عارف لى زهجوا من البوست البقطارة دا
دحين يا اخوى برد ليهم بطنهم قبال ما اقلبوا عليك و صاحبك المرحوم دا البخلط اداء الواجب بحياته الخاصة و بحشش فى الحفلات بى سلطاته(دى عينة) والتقيل ورى دحين جيب اخر القصة قبال ما نبيخة ليك و نجيب ليك الحلقة الأخيرة
ولك خالص احترامى
|
Post: #100
Title: Re: إعدام ضابط شرطة فى الخرطوم
Author: رأفت ميلاد
Date: 02-04-2009, 11:47 PM
Parent: #98
Quote: رغم عملى بالخرطوم منذ تخرجى والى أن احلت للمعاش , الا انى
لم أسمع بتلك القضية , ويبدو انها قد حدثت خلال فترة عملى بمركز
التدريب الموحد |
يا فيصل رغم أنى قد أكون خلطت الأوراق .. ولكن الحادث الذى فى بالى تعرضت له بدون تفاصيل فى مذكرات الديم .. حادث القتل لم أحضره لأنى كنت فى السعودية .. حضرت إصدار الحكم .. ولكنى لم أحضر التنفيذ لمغادرة البلاد فى أكتوبر 95 .. Quote: و قد قمت بحراسته لفترات طويله كنت فى كثير منها آخذه الى البيت أو الى أى مشوار آخر يخصه
أو يخصنى .. و فى كثير من الأحيان كنت أختار مناوبة الخميس عشان آخذه معى الى ود مدنى ( الجميله ) و نعود قبل صباح السبت
لأنو ( شغلتنا دى كلها غير قانونيه ) حيث من المفترض أن نظل داخل حدود القسم .. ويحدث كثيرا جدا أن لا يكون هناك حارسا له
فيذهب الملازم مصطفى الى أى مكان و يعود بمفرده |
يا عبد العزيز يا فاضلابى .. فعلآ هذا تصرف غير مقبول بالنسبة لنا نحن المدنيين .. ولكن فى العسكرية توجد حياة أخرى تفرضها تربيتهم العسكرية .. يفعلونها رغمآ عنهم .. بتجربتى مع العسكرية "الجيش" رأيت أشياء لا تُصدق .. عند إعتقال جماعة حركة الزبير محمد صالح .. الذين أفرج عنهم البشير .. كانوا محتجزين بسلاح النقل .. وكنت أذهب هناك مع شقيقى المرحوم سليمان .. وكانوا يتجولون عادى داخل السلاح .. وليلآ يخرجون وحدهم الى منازلهم ويعودون .. فسألت أخى ماذا يحدث إن هرب أحدهم .. قال ببساطة "يكون جبان" ويتورط الحارس .. ولكنها لا تحدث ..
وشقيقى نفسه لفق له الأمن قضية وتم حجزه بقسم شرطة الرياض .. كان ضابط البوليس المناوب يسمح له بالذهاب الى المنزل للحمام والأكل .. ويعود فى وقته .. وهى أشياء قد ترفته من الخدمة ..
الناس ديل تحكمهم روابط عسكرية يصعب علينا تفهمها .. ولا أعتقد موضوع خيار وفقوس أو تثيب
تعديل تاريخ
|
Post: #101
Title: Re: إعدام ضابط شرطة فى الخرطوم
Author: عبدالعزيز الفاضلابى
Date: 02-05-2009, 00:14 AM
Parent: #100
| Quote: الناس ديل تحكمهم روابط عسكرية يصعب علينا تفهمها .. ولا أعتقد موضوع خيار وفقوس أو تثيب |
رأفت يازول ياحلو ,,
لااوافقك الرأى فزمالة العسكرية لاتقنن مثل ذلك الفعل والعرف المخالف للقانون لايجب ان يمجد او تكتب له الحياة,,
احد الخلفاء الراشدين وقف خصما فى محكمة وناداه القاضى : يا أمير المؤمنين فلم يقبلها على نفسه ,, واذا كانت سيرة السلف تحكى وتدرس فى المدارس فهى قطعا لاتحكى او تدرس للتسلية .
|
Post: #104
Title: Re: إعدام ضابط شرطة فى الخرطوم
Author: رأفت ميلاد
Date: 02-05-2009, 09:45 AM
Parent: #101
Quote: لااوافقك الرأى فزمالة العسكرية لاتقنن مثل ذلك الفعل والعرف المخالف للقانون لايجب ان يمجد او تكتب له الحياة,,
احد الخلفاء الراشدين وقف خصما فى محكمة وناداه القاضى : يا أمير المؤمنين فلم يقبلها على نفسه ,, واذا كانت سيرة السلف تحكى وتدرس فى المدارس فهى قطعا لاتحكى او تدرس للتسلية |
يا فاضلابى مافى مخالفة للرأى ولا حاجة .. أنا من رأيك 100% .. لكن البقنع الديك منو ؟  .. كل الحاولته شرح حقيقة كاملة .. وما بنلقى زول يحكى بحياد بين العقلية العسكرية والمدنية .. وده من أسباب فشل الحكم العسكرى عمومآ ..
عمومآ هى حقيقة ماثلة .. وقد تحدث مآسى فى تصادم العقليتين .. فمثلآ لا يقبل عسكرى تعدى مدنى على عسكرى .. ويتغاضون عن العكس .. مثلآ ضربة جوبا الشهيرة .. عسكرى فى مكان خمر ضربه أجدهم "بفرار" على وجهه .. فهرول بجرحه الى السكنات العسكرية .. ردة الفعل كسر العساكر بدون أوامر مخازن السلاح وضربوا جوبا عن بكرة أبيها .. وأيضآ سمعت قصة إقتحام الجزيرة أبا من شهود عيان أبان عملى فى مصنع سكر عسلاية كمدقق للحسابات .. يقال أن الطائرات لم تدكهم بل رمت لهم مناشير تطالبهم بالتسليم .. وظن الأنصار بأن بركات الإمام حولت القنابل الى ورق .. هللوا وكبروا وهجموا .. وقتلوا بعض العساكر المرابطين حصارآ للمدينة .. وأتت ردة الفعل إبادة وحشية فردية بدون أوامر صريحة .. والرواية على زمة الراوى ..
جنابو الطيب أعفى لينا الونسة .. ما أنت مخلى الباب متاكى وغايب
|
Post: #102
Title: Re: إعدام ضابط شرطة فى الخرطوم
Author: فيصل عثمان الحسن
Date: 02-05-2009, 01:33 AM
Parent: #100
(خصصت له غرفة ـ إما لأنه ضابط وهذا لايبرر المعاملة الخاصة بدليل انك قلت غير قانونى ,, او لأنه يدفع بالدفاع عن النفس وهذا ايضا لايبرر المعاملة الخاصة لأن كثير من المتهمين يدفعون بممارسة الدفاع الشرعى ويكون الدفع ثابتا ومع ذلك لا يجدون واحد على عشرة من الدلال الذى ذكرته حضرتك.
هذا يجعلنى أقول ان ممارستكم فوق انها غير قانونية فهى على الأقل تنزع عنكم صفة الأمانة والتجرد فى اداء عملكم مايجعلكم غير مؤتمنين على مصالح العباد وتحقيق العدالة التى يفترض ان تكونوا واسطة العقد منها . فالذى حابى انسانا لمجرد انه زميله فى المهنة لايستبعد ان يحابى قريبه وصديقه ,,
واعلموا انكم مسؤلون امام الذى لايغفل ولاينام ومادام فى الجسد نفس فباب التوبة مفتوح فسارعوا الى التوبة والتوبة لاتكون الا باصلاح والاصلاح فى هذه الحالة ان لاتسمح بعمل مماثل ان كنت ماتزال فى البوليس او لديك سلطة زمنية.
مرة اخرى اكنتم ستعاملون متهما من غمار الناس مثل هذه المعاملة ? فوصفك لما قمتم به تجاه زميلكم بانه عمل غير قانونى وصف غير دقيق لأنه ايضا عمل غير أخلاقى
مثل هذه الممارسات لعمرى هى التى افسدت البلد ,, ولايجب ان تكون مصدر فخر لأى منتسب الى الشرطة ,, وما خفى اعظم وحسبى الله ونعم الوكي)
الاخ عبدالعزيز الفاضلابى تحياتى ,, كنت لا انوى التداخل الآن لحين فراغ الاخ الطيب من
اكمال سرده لهذه القصة ,, الا أن مداخلتك وما حوته من آراء أحترمها جدا جعلتنى أعجل بالتداخل ,,
ساعلق على حكاية المعاملة الخاصة ,, أولا الحراسة المعرفة قانونا ليس من شروطها أن تكون زنزانة
بها جردل لشراب الماء و آخر للتبول ,, الحراسة من الممكن أن تكون فيلا وبها تلفاز وراديو وغيرها
من أدوات الترفيه ان كانت امكانية البلد والمتاح من الميزانية يسمح بذلك ,, حجز انسان فى حراسة ,, ليس
القصد من ذلك اذلاله أو اهانته ,, وانما الهدف ان يكون تحت نظر السلطات لفترة محددة أى لحين اكتمال
التحريات فى مواجهته ,, بعدها يطلق سراحه بالضمان أو يمثل على عجل أمام القاضى المختص ,, او يحول
للسجن فى أربع حالات 1 ان كان متهم فى قضية غير مسموح فيها الافراج بالضمانة 2 ان عجزالمتهم عن
احضار ضامن كفؤ 3 ان كانت التحريات سوف تستغرق زمنا أطول 4 ان تمت معاقبته بالسجن ,, حيث أن البقاء
فى حراسات الشرطة لا يجوز أن يتجاوز الثلاثة أيام ,, وان كانت امكانيات البلد كما أسلفنا تسمح بالرفاهية داخل
حراسات الشرطة صدقنى لن تقف الشرطة ضد ذلك ,, هل تعلم فى بعض الأحيان يقوم الضابط المناوب بشراء
وجبة عشاء المنتظرين من جيبه الخاص ,, قانون الشرطة وهو قانون خاص يحدد أماكن حجز ضباط وافراد الشرطة
المتهمين فى قضايا بعينها ,, وقد رأى المشرع وليس الشرطة بأى حال من الأحوال حماية لهيبة الشرطة ان تكون أماكن
احتجازأفراد الشرطة مفصولة ,, اذ لا يجوز وضع من يحفظ القانون مع معتاد الاجرام فى حراسة واحدة لمجرد أنه متهم
ولم تتم ادانته ,, عندما تتم الادانة فالشرطى المدان يذهب للسجن العادى مثله ومثل أى مدان آخر ,, أو يذهب للمشنقة كما
ذهب مصطفى , باقى حديثك الموجه للطيب أتمنى ان يرد عليه بنفسه .
مع أكيد تقديرى واحترامى .
|
Post: #103
Title: Re: إعدام ضابط شرطة فى الخرطوم
Author: omer osman
Date: 02-05-2009, 08:40 AM
Parent: #100
| Quote: الناس ديل تحكمهم روابط عسكرية يصعب علينا تفهمها .. ولا أعتقد موضوع خيار وفقوس أو تثيب |
الاخ رأفت ميلاد لك التحية على هذا الشرح الموجز.في السودان اعراف القبيلة والمهنة في كثير من
الاحيان فوق التطبيق الحرفي للقانون لكنها لاتضيع حقوق العباد والا كان (الملازم مصطفي) الان ربما
(العقيد مصطفي).نجامل في مادون المساس بحقوق الاخرين وموضوع (الحراسة) فيهو جدل طويل وعريض بين
البوليس والنيابة ماهو مفهوم الحراسة هل هي الزنزانة اما هي البقاء برفقة شرطي حتى ولو خارج
الزنزانة.
|
Post: #105
Title: Re: إعدام ضابط شرطة فى الخرطوم
Author: Hala Hassan
Date: 02-05-2009, 11:05 AM
Parent: #103
الأخ الطيب،
متابعين السرد،
و نشعر بكامل التضامن مع المتهم و المجنى عليه فى نفس الوقت،،
و كنا نود التعليق بعد نهاية الأحداث،،
و لكن.....
نشكر لهذا البوست التطرق إلى أمور لم نكن لنفهمها عن العسكرية و دهاليزها،،،
شكرا لكم جميعا،،
نواصل،،،
|
Post: #106
Title: Re: إعدام ضابط شرطة فى الخرطوم
Author: الطيب عثمان يوسف
Date: 02-05-2009, 04:05 PM
Parent: #105
*** الســــــــلام عليكم أيها الســــــاده
********** ولـــــــــدى محمــــد عيان حأوديه الدكــتور .. لذا أســــتأذنكم
************* ســــــــــــــــلام
|
Post: #107
Title: Re: إعدام ضابط شرطة فى الخرطوم
Author: هشام حسن
Date: 02-05-2009, 07:01 PM
Parent: #106
سلامتو يا جنابو.. ربنا يواليهو بالصحة إن شاء الله
|
Post: #108
Title: Re: إعدام ضابط شرطة فى الخرطوم
Author: رأفت ميلاد
Date: 02-05-2009, 07:19 PM
Parent: #107
محمد ربنا يواليه بالعافية
تجى بالسلامة يا جنابو
|
Post: #109
Title: Re: إعدام ضابط شرطة فى الخرطوم
Author: الطيب عثمان يوسف
Date: 02-05-2009, 09:06 PM
Parent: #108
أيها الســـــــــاده الســـــــــــلام علـــــــيكم
*** أشكر كل من دعا بالشفاء لمحمد .. الحمد لله ..
***** تلقيت كميه مهوله من الايميلات و أكبر منها من الاتصالات من كثير من الأخوات و الاخوه من شتى بقاع العالم
و تفاديا للخروج من موضوع البوست .. وتفاديا للنسيان .. أعزف عن ذكر الأسماء ولكن الواجب يحتم على أن
أتقدم باإعتذار للذين لم أتمكن من الرد عليهم و أتقدم لهم و لغيرهم بأجزل الشكر و التقدير ..
|
Post: #110
Title: Re: إعدام ضابط شرطة فى الخرطوم
Author: الطيب عثمان يوسف
Date: 02-05-2009, 09:23 PM
Parent: #109
*
**** برقيات عـلى عجـل :ـ
* الأخ بله موسـى : بعد الشوفتو فى آخر الصفحه الأولى شيخ العرب زاتو كتلو العطش .. فى إنتظارك
** الأخ رأفت ميلاد : أشـكر مرورك ومتابعتك ولك رد ستجده فى موقع موقع آخر من هذا البوست ( حفاظا على الترتيب فقط )
*** مـــازن الجمــال : إنت ما بتخاف تلقانى شايل لى مسدس مويه ؟؟؟
**** الأخ كيجا 2000 : مدنى الجمال.. أعتذر عن عدم الرد و لك العتبى حتى ترضى وفى إنتظارك ..
تقبلوا كل الشــــكر و كل التقـدير .................. .................
|
Post: #111
Title: Re: إعدام ضابط شرطة فى الخرطوم
Author: الطيب عثمان يوسف
Date: 02-05-2009, 09:48 PM
Parent: #110
Quote: السؤال الذي يلح على
هل سردك لأحداث هذه القضية مبني على إنطباعك أو تقييمك لأحداثها كونك أحد المشاركين فيها، أم على ما توصلت له المحاكم وبنت عليه حكمها ؟؟
وهل يتطابق تقييمك الشخصي وأنت رجل قانون بما توصلت له المحاكم ( لا أطلب منك التقليل أو الإنتقاص من هيبة النظام القضائي )
أو ألم يكن من الأفضل - كعمل روائي - عرض وجهات نظر ( أبطال ) القضية وأسبابهم التي قادتهم لمجريات القضية غض النظر عن إتفاقنا أو إختلافنا معها.
|
*** الأخ عاطف عمر : إجابتى على السؤال الأول
هى أننى فى سردى لهذه الوقائع أحاول قدر الإمكان أن أنقل ماشهدته و بعض ما علمته من القاتل نفسه وحتى الآن
لم أدخل إنطباعى فى أى جانب و لكن أصدقك القول أن هناك بعض الوقائع تعاملت معها فى حينها بكامل مشاعرى و أحاسيى
وستجد ذلك جليا ، بالذات فى سرد تفاصيل اليوم الأخير فى حيات مصطفى .. أما عن رأى الشخصى فى جملة الأحداث فأسمح لى
بأن أحتفظ به لنفسى ( على الأقل فى الوقت الراهن )
أما السؤال الثالث ( الأبطال ) و العمل الروائى .. والله لم أفهمه ..
****** أتمنى أن أسمع منك رأى مواصله ............
شــــــــــــــكرا عاطف
|
Post: #112
Title: Re: إعدام ضابط شرطة فى الخرطوم
Author: عزيز عيسى
Date: 02-05-2009, 10:44 PM
Parent: #111
الأخ العزيز الطيب عثمان يوسف،
فقط لتسجيل حضور وإعجاب وتقدير
ومتابعة لأحداث هذه الوقائع المحزنة والمؤلمة..
مع أمنياتي لك بالتوفيق في مشواركم العلمي
من أجل نيل درجة الدكتوراة في القانون.
وتقبل تحياتي.
|
Post: #113
Title: Re: إعدام ضابط شرطة فى الخرطوم
Author: الطيب عثمان يوسف
Date: 02-05-2009, 10:53 PM
Parent: #111
Quote: الاخ الطيب : تحيات طيبات
هولاء الاشخاص باسمائهم او بدونها هــم شخوص لهم مطلق الحق فى الاستتار ما دام لايجاهرون بالاعمال التى قلتها عليهم بحكم عملك
ليــس من العــدل فى شــى دمغ اسرة بأكملها بالاجرامواشاعــة ذلك على مستوى الانترنت وجعلها مادة قصصيــة .
الموضــوع معلوم لكثير من اهل الحـــى ولا يؤيدون كثير مما جئت بـــه ..
القاتل فى رحــاب الله اليوم نسأل الله لــه المغفرة والرحمــة ..
وان يكون فى القصاص شفــاء لصدر الام المكلومــة فى ابنهــا .
|
**** الأخ بدر الدين اسحاق :
أولا : أشكر متابعتك .. واهتمامك وحرصك على سمعت الاسره التى قد تعرفها أنت ولا أعرفها أنا .. وقد أعرفها أنا ولا
تعرفها أنت وقد نعرفها إنت و أنا ..
ثانيا : أنا لم أدمغ هذه الاسره جميعها بالإجرام و الدليل على ذلك وصفى للمجنى عليه يمكنك أن ترجع له فى الصفحه الأولى
أما بقية الأسره التى ذكرتها فى سردى فهى كانت كذلك وسجلات الشرطه تشهد لهم بذلك ولم يكونوا مستترين فى سلوكهم
أما الحى الذى تتحدث عن أهله الذين لا يؤيدون ما جاء فى سردى لا أعتقد أنهم أهل الحى الذى جاء فى سردى للوقائع
لأن أهل ذلك الحى إمتنعوا عن أداء شهادة الحق أمام المحكمه وأولئك لا يعنينى حتى تأيدهم فى شيئ
ناهيك عن عدم تأيدهم.
ثالثا فى تمنياتك أن يكون فى القصاص شفاء .. أؤيدك مع تمنياتى أنا أيضا .. ويكفى قول المولى عز وجل فى
( ولكم فى القصاص حياة يا أولى الألباب ) وقوله عز وجل ( فمن عفى و أصلح فأجره على الله ) صدق الله العظيم
رابعا أكرر لك كل الشـــــكر متمنيا أن تكمل معنا .................
|
Post: #114
Title: Re: إعدام ضابط شرطة فى الخرطوم
Author: الطيب عثمان يوسف
Date: 02-05-2009, 11:04 PM
Parent: #113
********* للتــواصـــــل ت : ( 00971506910633 )
[email protected]
|
Post: #115
Title: Re: إعدام ضابط شرطة فى الخرطوم
Author: رأفت ميلاد
Date: 02-06-2009, 00:06 AM
Parent: #114
السادة الزملاء والقراء
إتصل بى الآن الأخ الطيب عثمان يوسف .. لقد تهكر إسمه وهو لا يستطيع الدخول .. وظهرت على بروفايله صورة قبيحة لإمرأة عارية ..
سأرسل رسالة للأخ بكرى لينقذ ما يمكن إنقاذه ..
هذا تنويه ولى عودة
رأفت ميلاد
|
Post: #121
Title: Re: إعدام ضابط شرطة فى الخرطوم
Author: Yassir Tayfour
Date: 02-06-2009, 01:41 AM
Parent: #115
| Quote: وظهرت على بروفايله صورة قبيحة لإمرأة عارية |
حبيبنا ود ميلاد
قول عاريّة!
مطلوقة!
قليلة أدب!
لكن قبيحة كيف؟؟
___
|
Post: #124
Title: Re: إعدام ضابط شرطة فى الخرطوم
Author: رأفت ميلاد
Date: 02-06-2009, 02:32 AM
Parent: #121
Quote: | Quote: وظهرت على بروفايله صورة قبيحة لإمرأة عارية |
حبيبنا ود ميلاد
قول عاريّة!
مطلوقة!
قليلة أدب!
لكن قبيحة كيف؟؟ |
ياسر اللخبطة شنو .. يقوم ناس البوليس ديل يعتقلوك
|
Post: #116
Title: Re: إعدام ضابط شرطة فى الخرطوم
Author: Jassim Osman
Date: 02-06-2009, 00:09 AM
Parent: #114
السيد الطيب ..
صورة البروفايل الحالية لا تشبهك والله .. وانت فينا املا وقدوه
ويكفينا انك ابنا بارا بالسيد ابوبكر عبدالرازق
آمل ان يكون الامر عرضي ويلزمك التصحيح الفوري
ودمت لنا ولهم ..
|
Post: #117
Title: Re: إعدام ضابط شرطة فى الخرطوم
Author: فيصل عثمان الحسن
Date: 02-06-2009, 00:13 AM
Parent: #116
الأخ الطيب عثمان يوسف تم تهكيره والاستيلاء على حسابه
وهو الآن لا يستطيع التداخل , عليه أرجو من الأخ بكرى
التدخل العاجل لعلاج هذه القضية .
|
Post: #118
Title: Re: إعدام ضابط شرطة فى الخرطوم
Author: رأفت ميلاد
Date: 02-06-2009, 00:29 AM
Parent: #117
هذه نص الرسالة التى أرسلتها للأخ بكرى أبو بكر
أرجو من يملك إتصال مباشر معه .. أن يبلغه الأمر .. ربما تأخر فى فتح رسائله
|
Post: #119
Title: Re: إعدام ضابط شرطة فى الخرطوم
Author: رأفت ميلاد
Date: 02-06-2009, 00:33 AM
Parent: #116
الأخ ياسين عثمان
تحياتى
أتمنى سحب مداخلتك والتضامن معنا فى هذا الموقف السخيف
إحترامى
|
Post: #120
Title: Re: إعدام ضابط شرطة فى الخرطوم
Author: عبدالعزيز الفاضلابى
Date: 02-06-2009, 00:49 AM
Parent: #119
رأفت ياذوق ,,
اتمنى ان تصحح الأوضاع ,, ونبدئ اسفنا لماحدث للأخ الطيب ,,
ساقوم بفتح بوست عسى ولعل يقرأه من له صلة مباشرة بالأخ بكرى
|
Post: #122
Title: Re: إعدام ضابط شرطة فى الخرطوم
Author: يسرى معتصم
Date: 02-06-2009, 01:47 AM
Parent: #120
مشكور أخى بكرى وربنا يعينك
|
Post: #123
Title: Re: إعدام ضابط شرطة فى الخرطوم
Author: Ali Sirelkhatim
Date: 02-06-2009, 02:05 AM
Parent: #122
يا التيب رجعته ولا لسة ؟
لكن بصراحة صورة الهكر اجمل من صورة الجمل الفى البروفايل السابق يا الطيب {حمدلله على سلامة اختفاء الجمل}وجه ضاحك للطيش
على سرالختم
|
Post: #125
Title: Re: إعدام ضابط شرطة فى الخرطوم
Author: Ali Sirelkhatim
Date: 02-06-2009, 02:46 AM
Parent: #123
| Quote: ياسر اللخبطة شنو .. يقوم ناس البوليس ديل يعتقلوك |
ياسر طيفور يا حبيب
انا غايتو متفق معاك للطيش والماعاجبو يشرب من البحر وان شا الله يحيلنى للمعاش تانى
الاخ الحبيب رافت
ما قادر استعمل الوجوه المبتسمة مع انو كنت بستعملهاكتير ماعارف الحصل شنو{from the smilies library}
لو فى امكانية مساعدة اكون شاكر
[email protected]
اخوكم/ على سرالختم
|
Post: #126
Title: Re: إعدام ضابط شرطة فى الخرطوم
Author: رأفت ميلاد
Date: 02-06-2009, 02:59 AM
Parent: #125
Quote: ياسر طيفور يا حبيب
انا غايتو متفق معاك للطيش والماعاجبو يشرب من البحر وان شا الله يحيلنى للمعاش تانى
الاخ الحبيب رافت
ما قادر استعمل الوجوه المبتسمة مع انو كنت بستعملهاكتير ماعارف الحصل شنو{from the smilies library}
لو فى امكانية مساعدة اكون شاكر
[email protected]
اخوكم/ على سرالختم |
والله عندها تضاريس تمام لكن الحياة موقف
تعرف يا على سر الختم البسمات ما شغالا .. إلا تتعامل معاها زي صرر .. وتدخل الحراسة
|
Post: #128
Title: Re: إعدام ضابط شرطة فى الخرطوم
Author: Jassim Osman
Date: 02-06-2009, 11:18 AM
Parent: #119
السيد رافت ..
ما كتبته للسيد الطيب لغه نفهمها نحن وندرك مفرداتها وتوجهها.
وهي رساله خاصه جدا ومن ادرك معناها فهم المقصود مثل الاخ فيصل ..
واخرون يطلعون .
ما يربطنا بالاخ الطيب مساحات اكبر من تعليق علي صورة بروفايل.
شكرا لتضامنك مع الطيب
واحترامي لك ومزيد من التواصل .
|
Post: #129
Title: Re: إعدام ضابط شرطة فى الخرطوم
Author: رأفت ميلاد
Date: 02-06-2009, 11:37 AM
Parent: #128
Quote: ما كتبته للسيد الطيب لغه نفهمها نحن وندرك مفرداتها وتوجهها.
وهي رساله خاصه جدا ومن ادرك معناها فهم المقصود مثل الاخ فيصل ..
واخرون يطلعون .
ما يربطنا بالاخ الطيب مساحات اكبر من تعليق علي صورة بروفايل.
شكرا لتضامنك مع الطيب
واحترامي لك ومزيد من التواصل . |
مرحب يا جاسم .. ياخ معليش أعتبرتك زول عابر .. ما قايلك من الحراسة دى وبعدين ياخ بنحاول هنا نوحد لغتنا .. ما تهمشونا ياخ ..
غايتو أنا هنا تبع فيصل عثمان .. يعنى عندى ضهر
مرحب بيك ومعليش فى معمعة أمبارح كتبت إسمك ياسين
مودتى
|
Post: #130
Title: Re: إعدام ضابط شرطة فى الخرطوم
Author: Jassim Osman
Date: 02-06-2009, 11:59 AM
Parent: #129
الاخ رافت ..
سعيد بطلتك .. وفرحت بتفهمك للمبداء .
ويا حبيبنا كلنا ضهرك وتحياتي لكل الرائعين
|
Post: #127
Title: Re: إعدام ضابط شرطة فى الخرطوم
Author: عاطف عمر
Date: 02-06-2009, 09:19 AM
Parent: #111
جزيل شكري سعادتو الطيب عثمان يوسف على الحفاوة
وأصدقك القول إنني قد تجنبت في البداية التداخل رغم ( علامات الإستفهام ) الكثيرة التي تكونت لدى وذلك بسبب أن الإخوة والأخوات المتابعين يريدون أن يعرفوا ( القصة ) وقد يضايقهم إنصرافك للرد على التعليقات الجانبية وعن هؤلاء عبر الأخ رامي الصديق أبلغ تعبير ( والله شحفت روحنا ياأخي أنا ما ترد علي مداخلتي دي, عافي ليك, واصل القصة... ) .
حاولت في مداخلتي السابقة أن أوصل لك رسالة ما
جاءنا الأخ الفاضلابي بكثير من علامات إستفهامنا . ورغم الرد الضافي من الصديق العزيز سعادتو فيصل الحسن إلا أن علامات الإستفهام تزداد كلما واصلت السرد . وحيث أنني قد ( تبلبلت ) فسوف أواصل ( العوم ) مرة واحدة وليعذرني السادة المتابعين وأمري وأمرهم لله .| Quote: أما السؤال الثالث ( الأبطال ) و العمل الروائى .. والله لم أفهمه .. |
كثير من الجرائم الجنائية والجرائم السياسية قد تحولت لأعمال أدبية وروايات وظهر ما يسمى بـ ( أدب الجريمة ) وقد تم لاحقاً تحويل بعض تلك الروايات لأفلام سينمائية ولعل فيلم سرقة القطار الكبرى أحد أشهر تلك الأفلام ( The Great Train Robbery ).
أنت بتحويلك لهذه القضية من ملفاتها إلى عمل مكتوب قد أحلتها - قصدت أم لم تقصد - إلى رواية ( قد لا نختلف أن درجة واقعيتها تلامس نسبة المائة في المائة ) . وقد لا نستغرب إن تم تحويلها في يوم من الأيام لعمل سينمائي .
( الأبطال ) الذين قصدتهم في مداخلتي هم ( شخوص ) الرواية أو في لغة القانون هم أطراف القضية .
لكى أفصل أكثر بدأت القضية ( الرواية ) بـ
Quote: ***** أسمع يا زول هوى الامور بتاعت ال...... ما تنفع معانا خليك قاعد بى أدبك ولا أطلع بره ... الكلام موجه لى جنابو ..
ردت واحده يا عادل .. مالك يا أخ مع الزول ده عمل ليك شنو هسى ؟؟ ... إنتى زاتك تعالى هنا يا ....
تدخل جنابو ممسكا بيد عادل بقوه كادت ترمى البنت .. فمكان من عادل إلا أن يطرح جنابو أرضا إثر ( كف ) شهد به المقربون
فى سجل التحقيق .. .. .. .. ( عادل ده الإبن الأكبر لحاجه التومه ) |
ما الذي كان يدور في ذهن عادل وهو يتحرش بشخص يعرف أنه ضابط شرطة ولضابط الشرطة في مجتمعنا السوداني مكانه كبيرة . يتحرش به أمام ملأ من الناس محاولاً كسر هيبته .
ما هى أسباب عادل لهذا القرار الخطير؟؟
هل مجرد أن تضايق حاجة التومة من ( وجود الشافع الجا جديد فى الحله و عامل ليها قلاقل شديده و موقف حالها .. كذلك ( الشفوت ) أولادها) سبب كافي عشان يوصلوا للنتيجة دي ؟؟
ذكرت لنا سعادتك أن
( **** حاجه التومه ما خلت مسؤؤل ما طرقت بابو .. ( كتل ولدى وشرد .. شعان ضابط بولس يعنى ؟؟؟ )ناس البوليس هربوه مخصوص .. ناس البوليس ودوه الجنوب .. ناس البوليس ناس البوليس ناس البوليس ...)
وعدت مرة أخرى لتحكي لناQuote: ******************** و بدون أى مقدمات .. المتهم ( الملازم مصطفى ) فى الخرطوم جهارا نهارا !!!!!!!!!!!!!
*** نعم الملازم مصطفى فى الخرطوم و بالتحديد حاااااااااااااااايم فى حى الزهور و الخرطوم 3 !!!!!
*** يا زول يا مصطفى إنت وين ؟؟؟ .... ياخ الوالده كانت عيانه خالص و مشيت أشوف الحاصل عليها شنو ...
طيب ياخى ما تجى تسلم نفسك و تخلص من الموضوع ده !!! أنا بجى لكين العمليه العملها معاى مامون دى ـ مامون المدير ـ
عليك الله دى صاح .. زول أقول ليهو أمى مريضه مشى أشوفها يقولى مافى طريقه ؟؟؟
... ياخى سيبك من مامون هسى تعال خلص موضوعك ده
بعدين ياخى فتحوا ليك بلاغ تااانى بتاع هروب ..( KO . OK ) يا زول خلاص و الله بجى حأمشى وين يعنى ؟ بس عندى أمور بخلصها و أجى |
واضح من الحوار أن من كان يخاطبه مصطفى هو أحد زملاءه في الشرطة .
لذلك الذي أراه صدقاً أن حاجة التومة قد أصابت تماماً في قولها ( عشان ضابط بولس يعنى ؟؟؟ )ناس البوليس هربوه مخصوص ) فسيادتك أعرف مني بأن ( التستر على متهم هارب ) يعتبر مساعدة للمتهم لمواصلة هروبه ( كلام حاجة التومة ) وهو في ذات الوقت جريمة يعاقب عليها القانون الهارب والمتستر عليه.
أما قصة تأخذوا المتهم مدني وترجعوا بيهو قبل يوم السبت وبقية ( الدلال ) سوف أتركهم للأخ الفاضلابي ( بعد إذنه ) ليضمها لملفه .
قبل الخروج
مداخلات الأخ الفاضلابي والأخ رأفت وردود الأخ فيصل الحسن وعمر عثمان قد تنحو بالبوست لغاية أعمق وأكثر غزارة وخصوبة من مجرد حكاية ( واحد كتل واحد وأعدموه ) . وذلك بفتحها لملف مسكوت عنه كثيراً وهو ملف ( الأمور لم نكن لنفهمها عن العسكرية و دهاليزها،،،) كما قالت الأخت هالة حسن
للجميع عميق إحترامي
|
Post: #131
Title: Re: إعدام ضابط شرطة فى الخرطوم
Author: عبدالكريم أحمد الامين
Date: 02-06-2009, 02:19 PM
Parent: #127
** لكل الاخوه والاخوات من متابعي هذا البوست يعتذر جنابو الطيب عثمان لكم..
إذ أنه لايستطيع الدخول لإستكمال سرد هذه الوقائع لإستيلاء الهكر علي إذن المرور الخاص به ,,
وفي إنتظار الباشمهندس بكرى في أن يمده بإذن مرور جديد علي هاتفه :- 00970506910633 sms
** ينبه جنابو الطيب بأن إى مُداخله من مساء الامس الخميس 05/02/2009 أو صوره تظهر تحت إسمه لاعلاقة له بها....
|
Post: #132
Title: Re: إعدام ضابط شرطة فى الخرطوم
Author: Hadeer Alzain
Date: 02-06-2009, 07:21 PM
Parent: #131
الأخ (جنابو) الطيب
ألف سلامة لمحمد وإنشاالله أحسن حالآ الآن ..
وتحياتنا لأم محمد وأختو وما تشوفو شر أبدآ ..
وكفارة ليك برضو. ونتمنى عودتك سريع.
لكم عاطر التحايا ولمحمد عاجل الشفاء..
|
Post: #133
Title: Re: إعدام ضابط شرطة فى الخرطوم
Author: 7abib_alkul
Date: 02-06-2009, 08:01 PM
Parent: #132
الأخ رأفت
و الله كنت حاسى انه الطيب دا حا اتهكر قلنا ليه خلى الجرجرة البتعمل فيها دى قبل ما اولاد ماما اقلبوا عليك
دستوركم يا اوالاد ماما
|
Post: #134
Title: Re: إعدام ضابط شرطة فى الخرطوم
Author: عبده عوض
Date: 02-07-2009, 04:12 PM
Parent: #133
يالطيب .. سلامتك .. والجاتك في هكرك سامحتك ..
- إنشاءالله ترجع سريع .. عشان تعذب الجماعة .. حأجيكم ثاني .. حأرجع ليكم بعد شوية .. أها الحصل شنو بعد دا .. وشنو شنو !! لهذي ماهكروك .. وكمان جابت ليها صور خليعة وإشانات .. خاتي ليك بوستر بتاع فيلم هندي أظنو .. يكون دا يا ربي واحد متابع القصة وإنت عذبتو شديد .. ولا عرف إنو ثقافتك بقت هندية !!!
- شغال معاهم بطريقة .. عذبني وتفنن في عذابي ..
- لما ترجع بالسلااااااام .. وترجع لينا الحكاوي الجميلة ..
- أقول ليكم حاجة ياجماعة .. بترضو أتمها ليكم .. ولا أحسن ليكم الطيب .. يا رأفت ..
- سلامة محمد .. وسلام وشوق لحبوبة آمنة وناهد .. وأتمنى أن نراك قريباً بإذن الله .
|
Post: #135
Title: Re: إعدام ضابط شرطة فى الخرطوم
Author: SHIBKA
Date: 02-07-2009, 07:28 PM
Parent: #134
قرات كثيرا عن الحياة العسكرية في السودان
ولكن دائما هناك الجديد عن هذه الحياة
ومنها ما وجدته في هذا البوست
الاخ الطيب/ الجاتك في مالك سامحتك
وفي انتظار الباشمهندس / بكري لترجع المياه لمجاريها وتتكمل القصة ونعرف عن دهاليز الشرطة في السودان
|
Post: #136
Title: Re: إعدام ضابط شرطة فى الخرطوم
Author: Adil Hamza
Date: 02-08-2009, 00:53 AM
Parent: #135
الاخ الطيب
سلامة محمد نتمنى له الشفاء العاجل
بخصوص الباسويرد رسل ايميل لبكرى
عادل
|
Post: #137
Title: Re: إعدام ضابط شرطة فى الخرطوم
Author: رأفت ميلاد
Date: 02-08-2009, 03:14 AM
Parent: #135
Quote: قرات كثيرا عن الحياة العسكرية في السودان
ولكن دائما هناك الجديد عن هذه الحياة
ومنها ما وجدته في هذا البوست |
شبكة راعى بعيونك فوق فوق .. ما تتشبكى مع العساكر ديل .. أنا بقى دخلت فى دهاليزم جوة .. ولقيتا ما بتنقدر .. جدعان ودمهم خفيف لكن يتغابوا فيكى العرفة فى ثانية .. خاصة فى واحد هنا إسمو عماد وواحد إسمو فيصل .. والطيب ده زاتوا ما تديه الأمان ..
|
Post: #138
Title: Re: إعدام ضابط شرطة فى الخرطوم
Author: SHIBKA
Date: 02-08-2009, 06:12 AM
Parent: #137
| Quote: خاصة فى واحد هنا إسمو عماد وواحد إسمو فيصل .. والطيب ده زاتوا ما تديه الأمان .. |
والله يارأفت
نصيحتك في العين والراس
غايتو عماد دا ود حلتنا امكن تنفع فيهو الجيرة
اما فيصل دا من كتابتو الشفتها فوق دي ختييييييير ما بتهبش
|
Post: #139
Title: Re: إعدام ضابط شرطة فى الخرطوم
Author: رأفت ميلاد
Date: 02-08-2009, 11:38 AM
Parent: #138
Quote: غايتو عماد دا ود حلتنا امكن تنفع فيهو الجيرة
اما فيصل دا من كتابتو الشفتها فوق دي ختييييييير ما بتهبش |
غايتو كان عماد ود جيرانكم ختيتى الإتنين .. وبقو ليك سند .. المايقوما ما مرقت من الديم .. أنا زاتى قاااعد .. بلا بوليس بلا لمة 
|
Post: #140
Title: Re: إعدام ضابط شرطة فى الخرطوم
Author: فيصل عثمان الحسن
Date: 02-08-2009, 11:43 AM
Parent: #138
(
|
Post: #141
Title: Re: إعدام ضابط شرطة فى الخرطوم
Author: فيصل عثمان الحسن
Date: 02-08-2009, 11:45 AM
Parent: #138
(شبكة راعى بعيونك فوق فوق .. ما تتشبكى مع العساكر ديل .. أنا بقى دخلت فى دهاليزم جوة .. ولقيتا ما بتنقدر .. جدعان ودمهم خفيف لكن يتغابوا فيكى العرفة فى ثانية .. خاصة فى واحد هنا إسمو عماد وواحد إسمو فيصل .. والطيب ده زاتوا ما تديه الأمان ..)
رأفت ياخى ماتحرش علينا الجكس , أنا عارفك من
زمان ما بتحب لى الخير , بعدين بتنا دى مسمية نفسها شبكة
يعنى لو كنت فعلا بتحبنا كا ن تحذرنا منها , دى واضح انها
من النوع البقبض فى الشعر وما يفك الا حمار الوادى يهنق
ونحن برانا مصلعين ياخى .
شبكة يا عزيزة وجودك فى هذا البوست يبعث فيه الحيوية
ما تسمعى كلام رأفت ده زول مغرض , انت عارفة من أقرب
الناس الى قلبى فى هذه البلاد هو هذا المطروش وبمجرد ما يلقى
فينى فرصة يدينى فى رأسى , بعدين طالما انك جارة ناس عماد
عبدالله معناها ما بعيدة مننا , أنا ولدت وترعرعت فى حى المايقوما
بالقرب من نادى التعايشة ورابطة السجانة ومقابر بلاع , يعنى أسع
لو ركزتى فى آثار الأقدام الموجودة فى تلك النواحى لوجدتى آثار
أقدامى مقاس 44 طبعا ده أيام الطفولة , الآن ربما 47 .
تحياتى ليك يا شبكة ولأسرتك الكريمة .
التعديل لزوم خطأبسيط فى كلمة آثار
|
Post: #142
Title: Re: إعدام ضابط شرطة فى الخرطوم
Author: Yousif A Abusinina
Date: 02-08-2009, 03:08 PM
Parent: #141
ابو محمد الف سلامه لمحمد وان شاء الله ما يشوف شر وربنا يطمنكم عليه
يعنى ان بفتش عليك لى اكثر من ساعتين والموضوع رايح فى خبر كان
سبحان الله زمن اغبر
والحقيقة مرة وياريت لو الناس عرفت طعم العدالة وينك يا سيدنا عمر بن الخطاب رضى الله عنك وانت تنام تحت الشجرة بعد ان ضربت ارفع المثل والقيم العليا فى العدل والمساواة وللعلم لما كان سيدنا عمر رضى الله عنه قاضيا على المدنية المنوره كتب الى سيدنا ابوبكر ان يعفيه من مهمه القضاء فساله سيدنا ابوبكر عن السبب هل من كثره القضايا؟
سبحان الله كان رد الفاروق رضى الله عنه انه ظل عاما كاملا ولم ياتى اليه احد مشتكى فكان رده طويلا فى هذا الامر وحيث ان المكان لا يسمح للتداخل مع جنابو ولكن باختصار شديد فهو قاضى فى امه عرفوا الله فعرفوا ما عليهم وما لهم .
اين نحن الان منهم ؟؟؟؟؟؟؟؟؟؟؟؟؟؟
ود ابوسنينه
|
Post: #143
Title: Re: إعدام ضابط شرطة فى الخرطوم
Author: ياسر عبدالكريم محمد
Date: 02-08-2009, 11:01 PM
Parent: #142
سلامات يا الطيب
شايف الملكية استلموا الحتة
الحاصل شنو
|
Post: #144
Title: Re: إعدام ضابط شرطة فى الخرطوم
Author: Yousif A Abusinina
Date: 02-09-2009, 07:45 AM
Parent: #143
يا ابو محمد حنابو الطيب
شنو القصة غرقان فى اى بحر او محيط
طااااااااااااال الانتظار يا راجل وينك
|
Post: #145
Title: Re: إعدام ضابط شرطة فى الخرطوم
Author: الطيب عثمان يوسف
Date: 02-09-2009, 05:07 PM
Parent: #144
الســـــــــلام علــــيكم أيها الســـــاده
*** الشـكر لله من قبل و من بعد ..
**** أشـــكركم بلا إستثناء ..
******** لن أطيل عليكم .....
|
Post: #146
Title: Re: إعدام ضابط شرطة فى الخرطوم
Author: الطيب عثمان يوسف
Date: 02-09-2009, 05:10 PM
Parent: #144
حقيقة لا أدرى من اين أبدأ فهناك مداخلات أرى
أنهافى غاية الأهميه و لابد من الرد عليها بالإضافه الى طول الغياب عن سرد الوقائع
الذى يجعلكم تشعرون بشيئ من الملل ، عموما سأتوقف عند مداخلة الأخ الفاضلابى قليلا و أعاود السرد الذى قد أجيب فيه على
كثير مماورد فى تساؤلات الأخ عاطف و الأخ رأفت ميلاد .. عذرا إن كان هناك نوع من التطويل ..
|
Post: #147
Title: Re: إعدام ضابط شرطة فى الخرطوم
Author: الطيب عثمان يوسف
Date: 02-09-2009, 05:50 PM
Parent: #146
Quote: خصصت له غرفة ـ إما لأنه ضابط وهذا لايبرر المعاملة الخاصة بدليل انك قلت غير قانونى ,, او لأنه يدفع بالدفاع عن النفس وهذا ايضا لايبرر المعاملة الخاصة لأن كثير من المتهمين يدفعون بممارسة الدفاع الشرعى ويكون الدفع ثابتا ومع ذلك لا يجدون واحد على عشرة من الدلال الذى ذكرته حضرتك.
هذا يجعلنى أقول ان ممارستكم فوق انها غير قانونية فهى على الأقل تنزع عنكم صفة الأمانة والتجرد فى اداء عملكم مايجعلكم غير مؤتمنين على مصالح العباد وتحقيق العدالة التى يفترض ان تكونوا واسطة العقد منها . فالذى حابى انسانا لمجرد انه زميله فى المهنة لايستبعد ان يحابى قريبه وصديقه ,,
واعلموا انكم مسؤلون امام الذى لايغفل ولاينام ومادام فى الجسد نفس فباب التوبة مفتوح فسارعوا الى التوبة والتوبة لاتكون الا باصلاح والاصلاح فى هذه الحالة ان لاتسمح بعمل مماثل ان كنت ماتزال فى البوليس او لديك سلطة زمنية.
|
**** عزيزى الفاضلابى : منعا للتكرار أتفق تماما مع ما جاء فى مداخلة الأخوان فيصل عثمان و عمر محمد عثمان
فى أن مكان توفيق المتهمين من رجال الشرطه و ( خدمة الغرف ) مسأله منظمه بواسطة ذات القانون الذى
بموجبه تم إعدام الملازم مصطفى .. إذن إنتفت صفة المحاباه التى ذكرت ..
****** و بما أن صفة المحاباه التى أشرت إليها قد إنتفت فلن أعلق على وصفك (0 لى بعدم الأمانه و سوء الأخلاق ) ..
******** و بخصوص باب التوبه فأسأل الله عز وجل أن يتوب على من كل الذنوب التى أعلمها و التى لا أعلمها و أسألكم الدعاء
بالإستجابه .. أكرر لك شكرى للمتابعه و الحرص و فى إنتظاركم مرات أخر ..
|
Post: #151
Title: Re: إعدام ضابط شرطة فى الخرطوم
Author: الطيب عثمان يوسف
Date: 02-09-2009, 07:40 PM
Parent: #147
أيها الســــــــاده :
*** توقفت آخر مره فى حوار دار بين المتهم و أحد أفراد الشرطه ذكر فيه المتهم الملازم مصطفى أن لديه بعض الأشياء
حيخلصها و يسلم نفسـه ـ هنا تكملة الحوار :
يا مصطفى ياخى الكلام ده ما فى مصـلحتك يلا معاى .. أركب .. أركب و بطل الأمور دى ياخى .
أسمع يا عصام أنا مصلحتى بعرفها كويس و لو سمحت إتفضل ..
يا مصطفى لو ما حتركب أنا حأتصرف معاك تصرف تانى .. تصرف تانى يعنى شنو يا عصام حتقبضنى بالقوه يعنى ؟؟؟
أقول ليك حاجه يا عصام كتر خيرك و بالله مش تودينى القسم من هنا ودينى المشنقه .. افتح ، أفتح ، أفتح الباب ده أفتح
يا مصطفى ياخى أنا بعمل كده عشان مصلحتك .. أسمع يا ظابط شوف شغلك و ما عايز معاك أى كلام مصلحتى أنا أدرى بيها .
تم تسليم الملازم مصطفى رسميا للضابط المناوب بواسطة الملازم عصام الذى كان يعمل فى نفس القسم و التقى المتهم الملازم
مصطفى بالصدفه فى حى الزهور بالخرطوم ..
********** بدأت جلسات المحاكمه مره أخرى و ظهر المحامين و الشهود و استمرت المحاكمه لفتره طويله من الزمن
استمعت المحكمه فيها لكافة الشهود الموحودين و أتيحت للمتهم و محاميه فرصة مناقشة شهود الاتهام
الذين أكدوا ( أن المتهم الماثل أمام المحكمه ٌالملازم مصطفى قد قال للمجنى عليه أجلس على الأرض
و كان المتهم واقفا حاملا مسدسه فى يده ـ اليمنى ـ و عندما رفض المجنى عليه الجلوس على الأرض
قام المتهم بإطلاق رصاصه من مسدسه أردت المجنى عليه قتيلا ..) هكذا جاءت شهادة الشهود ..
******** خلال الجلسات أؤكد أن كلا من محامى المتهم و محامى أولياء الدم قد بذلا كل ما فى وسعهما إبتغاء تحقيق
أهدافهما .. على اختلافها ..
*********** فقط أكرر هنا الى أننى لن أتطرق للإجرآءات القضائيه و القانونيه التى دارت أثناء المحاكمه
صونا لسيادة القرارت القضائية ..
**********....................... جلسة النطق بالحكم ..................
***** جاءت كأى جلسـة نطق بالحكم فقد إجتمع فيها كل أولياء الدم .
كذلك حضر الجلسه لفيف من أصدقاء المتهم من المدنيين و العسكريين بالإضافة الى شقيقته ووالده و بعض الأهل .
** لم أكن أنا من بين الحاضرين جلسة النطق بالحكم و لكننى كبقية الزملاء و أصدقاء المتهم الملازم مصطفى و محاميه
كنت ميقنا أن الحكم مهما كان لن يصل الى درجة الإعدام .
******* جاء الحكم متضمنا مسؤولية المتهم ( الملازم ) مصطفى عن قتل المجنى عليه متعمدا و علية حكمت عليه المحكمه
بالإعدام .. لأولياء الدم الحق فى العفو .
........................................ يتبع .......................
**** ما هى ردة فعل المتهم الأولى ؟؟
*** ما هو أول إجراء تم إتخاذه ؟؟
*** ردة فعل محامى الدفاع عن المتهم ؟؟
*** ردة فعل حاجه التومه و بناتها ؟؟
*** قرار محكمة الاستئناف الذى جاء مؤيدا لقرار المحكمه الابتدائيه وتأييد تنفيذ الحكم بواسطة رئيس الجمهورية..
*** ممر الموت .. سرقة الطائره .. و سر الهبوط بها فى مطار الفاشر ليلا
*** تنازل شقيق المجنى عليه و خاله ..
*** اليوم الأخير فى حياة الملازم مصطفى (موثق بالصور ) و كيف علم به و من أخطره به و من هم الحضور ( تفصيل مطول )
*** الحوار الأخير .. كيفية الوداع .. كيف تمت عملية الإعدام ؟؟ .. تفصيلا
..........................................................................الى الملتقى
|
Post: #158
Title: Re: إعدام ضابط شرطة فى الخرطوم
Author: عاطف عمر
Date: 02-09-2009, 09:46 PM
Parent: #151
سلامات سعادتك
حمداً لله على سلامة محمد
وحمداً لله على سلامة باسوردك
باين لى في تناقض جوهري بين الإقتباسات التالية
| Quote: نهض مصطفى من الأرض وفى يده اليمنى بطاقته العسكربه و فى اليد الأخرى مسدسا ( بكره ) ( يعنى وضع الرصاصات فيه دائرى ) |
| Quote: ملاحظه : الملازم مصطفى كان ( أشولنجى ) يعنى يستخدم يده اليسرى |
ثم
Quote: الذين أكدوا ( أن المتهم الماثل أمام المحكمه ٌالملازم مصطفى قد قال للمجنى عليه أجلس على الأرض
و كان المتهم واقفا حاملا مسدسه فى يده ـ اليمنى ـ و عندما رفض المجنى عليه الجلوس على الأرض
قام المتهم بإطلاق رصاصه من مسدسه أردت المجنى عليه قتيلا ..) هكذا جاءت شهادة الشهود .. |
تناقض بين يفترض أن يسهل كثيراً من مهمة محامي المتهم
متابعين
|
Post: #148
Title: Re: إعدام ضابط شرطة فى الخرطوم
Author: على محمد على بشير
Date: 02-09-2009, 06:07 PM
Parent: #100
| Quote: خصصت له غرفة ـ إما لأنه ضابط وهذا لايبرر المعاملة الخاصة بدليل انك قلت غير قانونى |
اضافه لكلام الحبيب رافت ميلاد دا يا فاضلابى
يبدو لى انو القوانين العسكريه لا تسمح بحبس ضابط القوات النظاميه فى حراسات
الشرطه او الانتظار بالسجن مع المتهمين المدنين طالما انو الضابط فى الخدمه
وفى مرحلة التحرى والمحاكمه .. ولكن ان تم الحكم عليه ورفد من الخدمه بناءا
على الحكم فيسجن كمدان مدنى فى اى سجن ...... والله اعلم
ويبدو لى انك فهمت مداخلة جنابو خطأ
فهو يقصد بالتصرف الغير قانونى هو خروج المتهم الى مدنى مع الضابط الحرس والعوده
او خروجه الى بيت الضابط الحرس والعوده او خروجه وحده والعوده
ولا يقصد حبسه فى غرفه فى القسم والتى وضعت انت عليها خط من تحتها فى مداخلتك ..
| Quote: عند إعتقال جماعة حركة الزبير محمد صالح |
كانت جماعة العميد احمد فضل الله يا رافت وليس الزبير محمد صالح
والمصيبه يارافت انو الزبير كان محبوس فى جبل اولياء
ومن هناك شارك فى تنفيز انقلاب الانقاذ
تحياتى
|
Post: #149
Title: Re: إعدام ضابط شرطة فى الخرطوم
Author: فيصل عثمان الحسن
Date: 02-09-2009, 06:41 PM
Parent: #148
العزيز الطيب حمدا لله على السلامة
كيف أبو حميد ان شاء الله يكون بلغ
تمام الصحة والعافية .
|
Post: #150
Title: Re: إعدام ضابط شرطة فى الخرطوم
Author: رأفت ميلاد
Date: 02-09-2009, 07:38 PM
Parent: #149
حمدلله بالسلامة يا الطيب .. وأتمنى محمد بلغ كامل العافية
فى إنتظارك Quote: كانت جماعة العميد احمد فضل الله يا رافت وليس الزبير محمد صالح
والمصيبه يارافت انو الزبير كان محبوس فى جبل اولياء
ومن هناك شارك فى تنفيز انقلاب الانقاذ |
كيفك يا على بشير ومشتاقين ..
شكرآ على المعلومة وطبعآ أنا بعيد من التفصيل .. وعرفت الزبير جيدآ فى حكومة البشير .. وكما تردد فى حبنها هو قائد "الإنقلاب الفاشل" الذى سبق البشير .. وكما كان يُقال أن البشير قلده النائب الأول ليبتلع أنصاره لقلة عددهم العسكرى عندما سطوا على الحكم ..
كنا ليلآ فى زيارة صديق فى سلاح النقل فى بحرى .. وكنا جلوس بغرفته ومعنا الظابط العظيم وظابط آخر يرتدى الزى العسكرى كاملآ .. وكان قليل الكلام .. "فطبزتها" أنا "بملكيتى" أناقش العسكر بعدم جدوى الإنقلابات وإثبات فشلها .. وطبعآ ما عارف "زولك" من الجماعة .. فقام متضايق وقبل مغادرته الغرفة قال لى "خلى اللـو ... ديل ينفعوكم .. نحن بنعرض حاياتنا للخطر عشان نخلصكم منهم" .. طبعآ بقصد ناس الصادق .. والأحزاب .. "رزع" الباب وركب عربيتة وخرج .. لم يعلق أحد .. عرفت لاحقآ التفاصيل من سليمان ..
والله ماعلى بشير بقينا ما عارفين الصحيح وين .. يعنى هسة كان نط عسكرى وخلصنا من الهم ده .. سنفرح ونهلل .. وبعد شوية يطلع برضو عسكرى ..
زى ما قال ليك أخونا ياسر: Quote: سلامات يا الطيب
شايف الملكية استلموا الحتة
الحاصل شنو |
قول ليه الحال هنا إختلق تم إعتقال جنابو من الهكر .. وإستولينا نحن على الحراسة .. وتم إطلاق كل السجناء ..
|
Post: #152
Title: Re: إعدام ضابط شرطة فى الخرطوم
Author: الطيب عثمان يوسف
Date: 02-09-2009, 07:56 PM
Parent: #150
**** الأخوان : رأفـت ميلاد و بشـير على بشـير و فــيصل عثمان
أشكركم و أبو حميد بخير .. فقط أرجو الإطلاع على ما سبقتكم به .. أثناء مداخلاتكم .. وشـــــــــــكرا
|
Post: #153
Title: Re: إعدام ضابط شرطة فى الخرطوم
Author: ABUHUSSEIN
Date: 02-09-2009, 08:52 PM
Parent: #152
المـسـلـسل المكسيكي دا فيه كم حلقة يا جماعة ؟؟؟؟
|
Post: #154
Title: Re: إعدام ضابط شرطة فى الخرطوم
Author: الطيب عثمان يوسف
Date: 02-09-2009, 09:06 PM
Parent: #153
*** أبوسنينه :
واحد من أبطال رفع ( الأثقال ) .. عفوا البوست خلال فترة الاجازه الاجباريه .
** المكسيكى ده .. سبب معرفتى بالكثير من أمثالك الذين أعتز بكم ..
|
Post: #155
Title: Re: إعدام ضابط شرطة فى الخرطوم
Author: الطيب عثمان يوسف
Date: 02-09-2009, 09:21 PM
Parent: #154
( شكـــر واجــب )
*** لاحظت إرتفاع زوار البوست حيث تجاوز العدد العشره ألف زائر خلال هذه الفتره البسيطه
على اختلاف آرائكم .. أقول لكم تقبلوا صادق شــكرى وتقديرى ..
... و أسألكم الدعاء للقاتل و المقتول ..
|
Post: #156
Title: Re: إعدام ضابط شرطة فى الخرطوم
Author: ABUHUSSEIN
Date: 02-09-2009, 09:24 PM
Parent: #154
| Quote: المكسيكى ده .. سبب معرفتى بالكثير من أمثالك الذين أعتز بكم |
الطيب يا خي كمل القصة علشان الناس بتدخل البوست دا علشان العنوان و اللي هو أصلاً إتعمل
علشان قصة إعدام الضابط الشرطة و الباقي دا كلو حشو ساكت و هو فعلا بقى زي المسلسل المكسيكي
الحشو بضيع القصة لأنو الحشو بخلي الناس تنسى القصة هي شنو
فإنت كمل القصة و بعدين إتفرغ لي الونسة و المجاملات
و دخول البوست ذاتو بقى زي دخول الأوسط ياجنابو ياجنابو شوية و حا تعملو لينا طابور عسكري
|
Post: #157
Title: Re: إعدام ضابط شرطة فى الخرطوم
Author: الطيب عثمان يوسف
Date: 02-09-2009, 09:36 PM
Parent: #156
| Quote: فإنت كمل القصة و بعدين إتفرغ لي الونسة و المجاملات |
*** أبو سنينه : شــــكرا .. حاضر
... فقط أذكرك أننى لا أنقل من شيئ مكتوب أمامى .. لذلك أرجو أن تعذرنى إن إحتجت أن أغير قليلا فإمكانياتى محدوده
|
Post: #159
Title: Re: إعدام ضابط شرطة فى الخرطوم
Author: ABUHUSSEIN
Date: 02-09-2009, 10:00 PM
Parent: #157
| Quote: أبو سنينه : شــــكرا .. حاضر |
الطيب يا خوي كدي وريني أسوسنينة دا منو ؟؟؟؟
كان قاصدني أنا..... أنا الحمدلله لسه سنوني كامله العدد ما وصلت مرحلة السنينة الواحدة
إنت بترجف مالك يا جنابو ؟؟؟؟؟؟؟؟
|
Post: #160
Title: Re: إعدام ضابط شرطة فى الخرطوم
Author: فيصل عثمان الحسن
Date: 02-10-2009, 02:41 AM
Parent: #159
(يا مصطفى ياخى الكلام ده ما فى مصـلحتك يلا معاى .. أركب .. أركب و بطل الأمور دى ياخى .
أسمع يا عصام أنا مصلحتى بعرفها كويس و لو سمحت إتفضل ..
يا مصطفى لو ما حتركب أنا حأتصرف معاك تصرف تانى .. تصرف تانى يعنى شنو يا عصام حتقبضنى بالقوه يعنى ؟؟؟
أقول ليك حاجه يا عصام كتر خيرك و بالله مش تودينى القسم من هنا ودينى المشنقه .. افتح ، أفتح ، أفتح الباب ده أفتح
يا مصطفى ياخى أنا بعمل كده عشان مصلحتك .. أسمع يا ظابط شوف شغلك و ما عايز معاك أى كلام مصلحتى أنا أدرى بيها .
تم تسليم الملازم مصطفى رسميا للضابط المناوب بواسطة الملازم عصام الذى كان يعمل فى نفس القسم و التقى المتهم الملازم
مصطفى بالصدفه فى حى الزهور بالخرطوم ..)
|
Post: #161
Title: Re: إعدام ضابط شرطة فى الخرطوم
Author: Yousif A Abusinina
Date: 02-10-2009, 08:12 AM
Parent: #160
يا جنابو حمدا لله على سلامتك والله نورت
كيف حمادة والاهل
متابعنك حتى اخر نقطة كمل بالطريقة البريحك وملا تنسى التفاصيل الدقيقة
اخوى ابوحسين
ان شاء الله سنونك دائما كاملات وربنا ما يحجوك الى طبيب اسنان انا مع جنابوا وبس
لكن تذكر دائما مرارة الظلم والاهم من ذلك من قتل نفس فكانما قتل الناس جميعا وخليك بعيد من ابوسنينه اسم كبير نعتز بة فالرجاء البعد عن الاستهزاء والاستصغار
تقديرى واحترام لك دائما
ود اوسنينه
|
Post: #162
Title: Re: إعدام ضابط شرطة فى الخرطوم
Author: عبده عوض
Date: 02-10-2009, 08:25 AM
Parent: #161
الطيب .. سلامات وحمداً لله على سلامة العودة ..
وأتمنى أن تنتهي القصة دي على خير إنشاءالله .. لأنو شايف الجماعة بدو يتشبكو مع بعض ..
الأخوين .. أبو حسين وأبو سنينه .. لكما كل الود والإحترام .. بس روقوا المنقة شوية ..
|
Post: #163
Title: Re: إعدام ضابط شرطة فى الخرطوم
Author: ABUHUSSEIN
Date: 02-10-2009, 01:22 PM
Parent: #161
أخوي أبو سنينه سلام
يا خي الراجل دا بقتبس من مداخلتي و بخاطبك إنت و الله إحترت إفتكرتوا إتلخبط
أبو حسين قراها أبوسنينه.
و ما تزعل لأني ما قصدت إستهزاء بالإسم
تحياتي
|
Post: #164
Title: Re: إعدام ضابط شرطة فى الخرطوم
Author: Yousif A Abusinina
Date: 02-11-2009, 07:55 AM
Parent: #163
اخوى ابو حسين
عادى يا الحبيب ولا يهمك انا بس راس الصوط وصلنى وحبيت اعتابك عتاب الاحباب
بعدين جنابوا خلية الله يعينه فى الفية بس بينى وبينك شحتف روحنا بالمسلسل المكسيكى المحزن
متين يكمل ما عارفين
تحياتى وودى
ود ابوسنينه
|
Post: #165
Title: Re: إعدام ضابط شرطة فى الخرطوم
Author: على محمد على بشير
Date: 02-11-2009, 09:05 AM
Parent: #164
| Quote: عرفت لاحقآ التفاصيل من سليمان |
الله يرحم سليمان يا رافت ويرحم الزبير
داير اقول ليك معلومه يمكن انتا تجهلا
لمن كان سليمان ميلاد ماسك ورشة الصيانه فى الدمازين ومرتبط ارتباط
وثيق بسلاح الصيانه فى كوبر كان ماسك ادارة الصيانه المرحوم الزبير محمد صالح
وفى نفس الوقت كان ماسك صيانة اللواء العاشر شندى العميد محمد فضل الله قائد
الانقلاب القبضوا فيهو معاهو الزبير ولا اتزكر محمد فضل الله وقتها كانت رتبته شنو
يعنى التلاته ديل كانوا بيعرفوا بعض شديد رغم تمايز الصفوف والمواقف بعدها
واخر معلومه لى عن محمد فضل الله انو كان فى قطر والله اعلم
بس التلاته ديل كان كل واحد فيهم فارس وشجاع اكتر من التانى
وشوف الاول مات وهو يحارب النظام القائم فى البلاد والتانى مات وهو يوطد اركان النظام
فى البلاد والتالت خرج من السودان وهو غاضب من النظام فى السودان
التعديل فى كلمة تمايز الصفوف والتى كتبت تكايز الصفوف
|
Post: #166
Title: Re: إعدام ضابط شرطة فى الخرطوم
Author: الطيب عثمان يوسف
Date: 02-11-2009, 05:51 PM
Parent: #165
الســــــــلام عليــكم ايها الســــاده
** كلفت بإعداد دراســه ضمن تخصصى لجامعة الامارات .. لذا جاء الغياب .. معذره
**** توقفت فى المره الفائته فى صدور قرار المحكمه بإعدام المتهم ( الملازم مصطفى )
**** جاءت ردت الأولى حسبما علمت من الحضور جاءت من قبل أولياء الدم الذين أيدوا القرار و أبدوا سرورهم
و فرحتهم به . بينما اعتلت وجه الملازم مصطفى إبتسامه عريضه جمعت ما بين محاولة إخفاء الدهشه و محاولة
الظهور بمظهر عدم الاكتراث للهزيمه الواضحه .
**** أول إجراء تم إتخاذه قبل الخروج من المحكمه كان أن تم وضع القيد ( الكلابيش ) على أرجل المتهم الذى
إقتربت منه أثناء ذلك الحاجه التومه و قالت ليهو أبقى راجل و أرجى الراجيك .. رد عليها المتهم قائلا :
شفتى ليك ضابط شرطه أعدمو وكان لايزال مبتسما إبتسامته المصطنعه .
**** جاءت ردة فعل محامى الدفاع بأن هناك خطأ فادحا إرتكبته المحكمه و سوف يتضح فى أول إستئناف
**** تم تحويل المتهم مصطفى الى السجن كوبر فى نفس اليوم و ( إنتهت خدمة الغرف و الدلال )
.............................................................................................يتبع
|
Post: #167
Title: Re: إعدام ضابط شرطة فى الخرطوم
Author: الطيب عثمان يوسف
Date: 02-11-2009, 06:39 PM
Parent: #166
قــرار محكـــمه الإســـتئناف
**** جاء قرار محكمة الإستئناف مؤيدا لقرار المحكمه الابتدائيه ..
وكذلك طلب إعادة النظر و كل المحاولات القانونيه
*** وبدأ ما يسـمى عند بعض فقهاء القانون ممر أو نفق الموت فى حياة الملازم مصطفى ..
*** دعونى سادتى أوضح لكم بعض الجوانب فى حياة المحكومين بالاعدام فى السـجن ، فلهم فى داخل السـجن حوش منفصل
يفتح فى الفتره الصباحيه و يختلطون مع بقية المساجين حتى الساعه الخامسه مسـاءا حيث يعودون الى الحوش
المخصص لهم و يدخل كل مسجون أو إثنين منهم الى داخل زنازين ضيقه متلاصقه و مرصوصه صفا واحدا
مسألة فتح هذا الحوش حسب ضوابط السجن تتم يوميا فى مواعيد محدده إلا .. إلا إذا كان فى ذلك اليوم تنفيذ إعدام
فلا يفتح لهم ، فهم حينئذ يعرفون أن أحدهم سوف ينفذ فيه الحكم .. ولقد رأيت بأم عينى ودخلت فى يوم تنفيذ حكم
إعدام كيف يكون السـجن بأكمله ( صانا ) أى يسوده الهدوء التام من المدخل الرئيسى و حتى آخر ركن فيه بعكس الأيام
العاديه .. فلقد دخلت ذات مره مع السـجان المسؤول من إخراج الشـخص المراد التنفيذ فيه وعند الدخول لابد من المرور
عبر الزنازين و عادة ما تجد كل المحكوم عليهم وقوفا فى الأبواب فى إنتظار عجيب .. وعندما يدخل السجان و يتخطى
أى زنزانه تجد أن ملامح كل من بداخله قد تغيرت إيذانا بعمر جديد لساكنيهاالى أن يصل السجان الى من يريد منهم
ولقد شاهدت بأم عينى كيف يتوادعـون فتتاح للمراد التنفيذ فيه فرصة وداع البقيه فيكون هو خارج الزنزانه
و يتقدم الى باب كل زنزانه التى عادة ما تكون مغلقه فتتشابك الأيدى دون أى كلام و قد لاحظت أن الدموع لا تنزل
من الشـخص المغادر بينما تنهمر أغزرها من البقيه .. نسيت أن أذكر لكم أنهم عادة ما يحتفظون بصور لهم دائما
ما تجدهم يقولون لك هذه صوره جماعيه أخذناها قبل شهرين ( الواقف نمره إتنين ده المرحوم فلان وده المرحوم فلان )
..... كذلك نسيت أن أذكر لكم أن هذه المره التى دخلت فيها مع السجان قد حضرت فيها تنفيذ حكم أعدام تمانية أشخاص
نعم ثمانية .. فى يوم واحد ..
.........................................يتبع
|
Post: #168
Title: Re: إعدام ضابط شرطة فى الخرطوم
Author: رأفت ميلاد
Date: 02-11-2009, 07:12 PM
Parent: #167
| Quote: .........................................يتبع |
يتبع وين .. أنت خليت فيها يتبع .. بنتابع غايتو
|
Post: #169
Title: Re: إعدام ضابط شرطة فى الخرطوم
Author: عبدالعزيز الفاضلابى
Date: 02-11-2009, 09:49 PM
Parent: #168
الأخ الطيب ,,
مرحبا بعودتك ,,
واتمنى ان يكون ابنك ينعم بالعافية,,
حاشا لله ان اصفك فى شخصك بعدم الاخلاق او اعدم الأمانة ,, فانا لم التقيك من قبل ولم اعرفك الا من خلال ماكتبت فى هذا البوست ,, وقد يكون ماقمت به تجاه زميلك المرحوم من باب فهمك لقوانين واعراف العسكرية كما جاء فى مداخلة الأخ رأفت ,, وقطعا لم اقصد الشخصنة ان جاز التعبير بقدر ماقصدت الحكم على الفعل ,, وها انا اوضح لك قصدى فاحكم على به,,ولك العتبى حتى ترضى ,,
اما من ناحية قوانين العسكرية التى تعطى الحق فى معاملة مميزة للمحبوسين من العسكريين فالرأى عندى ان ذلك يكون اذا وقع الفعل من العسكرى اثناء تأدية وظيفته او بسببها, او فى حالة مخالفة القوانين واللوائح العسكرية ومخالفة قواعد الضبط والربط ,, اما وقد حدث الفعل فى حفلة فلايستفيد المتهم من المزايا التى تكفلها له الأعراف العسكرية ,, واذا تجاوزنا كل ذلك فهل تكفل قوانين العسكرية ان يتجول المتهم فى انحاء السودان بالكيف ية التى ذكرت , وماذا كانت النتيجة هروب المتهم ووضع زملاؤه فى حرج فهل يسمح القانون بذلك ,, ربما ,, فهلا اتيتنا بالنصوص التى تسمح بذلك? اما ماذكره بعض الإخوة من التعريف القانونى للحراسة وان كنت اتفق معهم الا ان الأمر اشبه عندى بالقياس مع الفارق ..
مع خالص احترامى للجميع
|
Post: #170
Title: Re: إعدام ضابط شرطة فى الخرطوم
Author: كمال علي الزين
Date: 02-12-2009, 08:27 AM
Parent: #169
(*)
|
Post: #171
Title: Re: إعدام ضابط شرطة فى الخرطوم
Author: الطيب عثمان يوسف
Date: 02-12-2009, 03:32 PM
Parent: #170
| Quote: هذا يجعلنى أقول ان ممارستكم فوق انها غير قانونية فهى على الأقل تنزع عنكم صفة الأمانة والتجرد فى اداء عملكم مايجعلكم غير مؤتمنين على مصالح العباد |
*** الســــلام عليكم أيها الســــاده
*** الأخ الفاضلابى : يبدو أنك نسيت ما كتبت كيف لم تصفنى بعدم الأمانه ، فأنت إنتزعتها عنى إنتزاعا ( على الأقل )
وجددتها مرة أخرى بعدم الأمانه تجاه مصالح العباد .
*** أما فيما يخص سفر المتهم معى إلى ود مدنى فأزيدك من الشعر ( بيتين) لم تكن مره أو مرتين
و فى كثير من الأحيات يكون الغرض من السفر حضور حفله لعصام محمد نور لأننى أعشقه أكثر عندما يغنى
أغانى وردى . .
*** أخى الفاضلابى مسألة توقيف المتهم و مكان التوقيف مسألة قانونيه كما ذكرت لك من قبل
و إن كان لديك فيها رأى ( أثناء تأدية الواجب أو ماشابه ) فيمكنك الرجوع بها الى ذوى الإختصاص الذين شرعوا
لقانون الشرطه و القوانين المشابه له .
**** أما مسألة سفر المتهم معى فلا يسند ذلك أى نص أو قانون و أقر لك بالعشره أنها مخالفه لأمر الإيقاف
ولك الحق فى التعليق عليها و لكننى أظن تعليقك على هذه المخالفه لا يجب أن يصل الى حد نزع صفة الأمانه
عنى ، ولقد قطعت على نفسى عهدا فى بداية سردى لهذه الوقائع أن لا أخفى عنك شيئأ و هآنذا أفعل .. أليس فى
فى ذلك خصله واحده من خصال الأمانه .. مع إدراكى التام الى أن سردى للوقائع بأمانه لا يبرر أخطائى
التى لا أعتقد أنها تصل فى فداحتها الى حد وصفك ..
أخيرا أشكرك طالما كانت غايتك مصالح العباد .. و نحن برضو عباد نخطئ يا فاضلابى
|
Post: #172
Title: Re: إعدام ضابط شرطة فى الخرطوم
Author: الطيب عثمان يوسف
Date: 02-12-2009, 03:43 PM
Parent: #171
رأفت ميلاد :
يا صديقى ..
كنت أتمنى إن كنت معى أيام الأزمه إياها التى جعلتنى أهاتفك الساعه الرابعه فجرا
طول بالك معانا شويه ..
شــــكرا للمتابعه
|
Post: #173
Title: Re: إعدام ضابط شرطة فى الخرطوم
Author: الطيب عثمان يوسف
Date: 02-12-2009, 03:50 PM
Parent: #172
الأســتاذ الفاضل كمال على الزين :
*** أهلا بيك مراحب يا رجل يا راقى
**** يا ضنيـين بخلت علينا بكلمه واااحده من كلامك المميز
.. عزانا فى إنك من التابعين ..
شــــكرا .. شــكرا وتعظيم ســلام على رفع البوسـت
|
Post: #174
Title: Re: إعدام ضابط شرطة فى الخرطوم
Author: الطيب عثمان يوسف
Date: 02-12-2009, 04:02 PM
Parent: #173
Quote: تناقض بين يفترض أن يسهل كثيراً من مهمة محامي المتهم
ÇáÈæÓÜÊ |
*** الأستاذ عاطف عـمر :
تناقض بين يسهل على أى شخص بسيط أن يدركه ..
لن أعلق أكثر فقد أخطئ .. فقط أذكر لك بعض ما جاء على لسان الشهود
*** أشكر متابعتك صديقى
|
Post: #175
Title: Re: إعدام ضابط شرطة فى الخرطوم
Author: الطيب عثمان يوسف
Date: 02-12-2009, 04:14 PM
Parent: #174
**
*** الأخـــــــــت شــــــــــبكه : الأخ عزيـــــز عيســــــى :
**** أشـــــكر حضوركم المميز و متابعتكم .
.. معا نواصل
|
Post: #176
Title: Re: إعدام ضابط شرطة فى الخرطوم
Author: عبدالعزيز الفاضلابى
Date: 02-12-2009, 04:50 PM
Parent: #175
Quote: أخيرا أشكرك طالما كانت غايتك مصالح العباد .. و نحن برضو عباد نخطئ يا فاضلابى
الأخ الطيب ,, |
انا منذ ان جئت عضوا فى هذا المنبر آليت على نفسي الا أؤذى احدا لأن الله سائلى على كل كلمة اكتبها ,, وحتى نطيل فى هذا الموضوع ,, ورغم ان النية شئ والتعبير عنها قد يجانبه الصواب ,, اقول لك وبطريقة مباشرة ,, ان تأذيت مما كتبت ,, اعتذر لك فعفوك فى الدنيا خير لى من ان تسألنى منه يوم يقوم الناس لرب العالمين ,,
لك الشكر على سعة صدرك فهذا نادر فى هذا المنبر
واسأل الله لك ولنا جميعا التوفيق والعمل الصالح
|
Post: #177
Title: Re: إعدام ضابط شرطة فى الخرطوم
Author: الطيب عثمان يوسف
Date: 02-12-2009, 08:56 PM
Parent: #176
<font face="Simplified Arabic" size="4" color=blue> الســـلام عليكم أيها الســــــاده
**** توقفت فى المره الفائته بعد أن حاولت أن أنقل لكم جانب من حياة المحكوم عليهم بالاعدام
داخل السجن ..
**** جاء قرار محكمة الاستئناف مؤيدا لقرار المحكمه الابتدائيه وتم التصديق على الحكم من قبل رئيس الجمهوره
و لم يبقى إلا تنفيذ الحكم ...
**** كنا نحن أصدقاء الملازم مصطفى قد كونا شبه لجنه للبحث عن الصلح مع أولياء الدم ووزعنا الادوار فيما بيننا
و كنا ندرك تماما صعوبة المهمه .. قمنا الاتصال بكل من نعتقد أنه يمكن أن يقدم ما يفيد ..
و توصللنا الى أقارب المجنى عليهم الذين ليست لهم ولاية دم طالبين تدخلهم و أصدقكم القول بأنهم كانوا فى غاية
التعاون معنا و منهم من عمل معنا و قدم لنا الكثير من النصائح فى سبيل التفاوض مع أولياء الدم الذين كانوا يعيشون
فى منزلين منفصلين حيث الحاجه التومه فى مكان ووالد المجنى عليه فى مكان آخر و الذى كان أكثرهم إصرارا
على القصاص ، دخلت منزل الحاجه التومه كثيرا فى معية الزملاء ( ود برى و مجدى و خالد الحلبى وود ماهر و طنون )
إتصلنا بكثير من أهل الخير لجمع التبرعات و أذكر أن فاعل خير من تجار السجانه لا يعرف أى شيئ عن الموضوع قد
تبرع لنا بمواد بناء منزل كامل لأولياء الدم إن هم وافقوا على العفو و تحصلنا على تصديق بقطعة أرض لهم ،
و هناك من قال لنا شفوفو الناس ديل عايزين كم و أنا جاهز ( بخلاف قيمة الديه ) .
*** بينما أنا فى الجوازات جاءنى الملازم أول الحمرى و قال لى يؤسفنى أن أقوليك إنو جاءنا قرار بتفيذ الحكم بكره !!
**** ســبق و أن ذكرت فى وقت سـابق أن أبو تسعه قد تمت محاكمته فى قضية سرقة عربة مولانا عوض و التى
كنت أقودها و تمت محاكمته بعدد من السنين .. و قد حدثت هذه الواقعه بعد واقعة القتل و ظل فى السـجن لفتره من الزمن
فاتنى أن اشير لكم أننى و أثناء فترة محاكمة الملازم مصطفى و قبل أن يحكم عليه كنت قد إلتقيت بالصدفه المحضه
أبو تسعه فى دكان يتناول عشاؤه مع بعض أصدقائه فقمت بإلقاء القبض عليه بقية إعادته للسجن حيث لم يكمل مدة السجن و هرب
و بينما نحن فى طريقنا الى قسم الشرطه قال لى ( يا جنابو ياخ عليك الله خلينى ياخ والله أنا تبت و غيرت حياتى خالص
وو الله لو رجعت السـجن حأرجع تانى للأجرام ) و ظل يردد فى هذا الكلام الى أن وصلنى لدرجة أن أطلقت سراحه دون أن أربط
موضوع الملازم مصطفى بإطلاق سراحه و لم أتذكر لحظتها الموضوع أصلا .
**** مفاجأة الملازم أول الحمرى جعلتنى أتذكر موضوع إطلاقى سراح أبو تسعه على الفور .. و تحركت فورا للبحث عنه . . وفى كل
زياراتى لمنزل الحاجه التومه لم التقيه و لم أتذكر هذا الموضوع لطول الوقت بين الحادثتين .
بعد الاستعانه برجال المباحث علمت أنه مســجون بســجن بوتسودان .. قررنا السـفر الى بوسودان أنا و الملازم أول
ود برى فى نفس اليوم و لم نكن نملك قيمة تذاكر الطائره فقام والدى رحمه الله باجراء اللازم ووفر لنا قية التذاكر ،
هبطت بنا الطائره فى مطار بورسودان عصر نفس اليوم .. قابلنا مدير السـجن فى منزله الذى تحرك معنا فورا الى السـجن
وهناك فوجئت أننى لا أعرف الاسم الأصلى لأبوتسعه و سـجن بورسودان من السـجون ذات السـعه الكبيره .. إنتشر الخبر فى
السـجن أن هناك ضباط جاؤا من الخرطوم للبحث عن أبوتسعه و لا يعرفون إسمه الأصلى ، فأخفى نفسه .
أخيرا وبقدرة قادر تم إحضاره الينا حوالى الساعه الثامنه مساء .. و علمنا أنه يقضى عقوبتين ( سرقة عربيه + الهروب من السـجن )
مدتهم أربعه سنوات .. ( بخلاف العربيه الاولى و الهروب من سـجن أم درمان ) ..
.. طلبت من مدير السجن أن يتركنى مع أبوتسعه على إنفراد .. إزيك يا أبو تسعه .. أهلا يا سيادتو .. أسمع بكره تنفيذ حكم الاعدام
فى مصطفى .. و أنا جيتك مخصوص و عايزك تكرمنى .. يا سيادتك .. إنت قبل كده ما قصرت معاى .. ما حأقدر أرد ليك طلب
أنا متنازل ... سالت دموعى فى تلك اللحظه ..
بعدها قام مدير السـجن بإرسال برقيه عاجله بواسطة اللاسلكى الى مدير سـجن كوبر يخطره فيها بأن شقيق المجنى عليه قد تنازل
عن القصاص . عليه يتم وقف التنفيذ و أنه سوف يرسله لهم على أقرب طائره ...
نصحنا مدير السجن بضرورة مقابلة قاضى المديريه فى بورسودان فى منزله و بالفعل أخذنا
أبو تسعه و ذهبنا له فى وقت متأخر من الليل .. فى نفس الليل أسقط عقوبة الهرب من السـجن إكراما لأبوتسعه
و أطلق سارحه بالتعهد ووعد بمعالجة جوانبه القانونيه الاخرى .. الا أنه نصحنا أيضا بمقابلة القاضى الشرعى لأخذ التنازل
عن القصاص بحكم الاختصاص ..
... فى الصباح الباكر ذهبنا الى السوق و قمنا بشراء بعض الملابس لأبوتسعه و ذهبنا الى القاضى الشرعى لتوثيق التنازل
و اللحاق بالطائره .
*** الضابط المناوب فى سجن كوبر إستلم البرقيه و تم تأجيل التنفيذ الى حين حضورنا .
*** و لكن حدثت المفاجأه التى لم تأتى على ذهن أى أحد ؟؟
.....................................يتبع ............................</font>
|
Post: #178
Title: Re: إعدام ضابط شرطة فى الخرطوم
Author: Ali Sirelkhatim
Date: 02-12-2009, 09:10 PM
Parent: #177
Quote: ولقد شاهدت بأم عينى كيف يتوادعـون فتتاح للمراد التنفيذ فيه فرصة وداع البقيه فيكون هو خارج الزنزانه
و يتقدم الى باب كل زنزانه التى عادة ما تكون مغلقه فتتشابك الأيدى دون أى كلام و قد لاحظت أن الدموع لا تنزل
|
ليتهم لو اعطوا من اقتالو فرصة وداع ذويهم .
|
Post: #179
Title: Re: إعدام ضابط شرطة فى الخرطوم
Author: الطيب عثمان يوسف
Date: 02-12-2009, 09:19 PM
Parent: #178
<table style='filter:shadow'><font color="#3457E4" size="6">** ليــتهم .. ليتهم يا على </font></table>
|
Post: #180
Title: Re: إعدام ضابط شرطة فى الخرطوم
Author: Adil Hamza
Date: 02-12-2009, 10:03 PM
Parent: #179
الاخ الطيب
متابعين و ما تطول اعمل حسابك من الهكر
شايف الالوان ما شغالة معاك بطل الاستعجال
و اعمل check قبل ارسال الرد
عادل
|
Post: #181
Title: Re: إعدام ضابط شرطة فى الخرطوم
Author: الطيب عثمان يوسف
Date: 02-12-2009, 10:30 PM
Parent: #180
Quote: متابعين و ما تطول اعمل حسابك من الهكر
شايف الالوان ما شغالة معاك بطل الاستعجال] |
*** يا عادل دى تجى كيف ما طول و بطل إستعجال ؟؟
*** أرجو الاتصال .
|
Post: #182
Title: Re: إعدام ضابط شرطة فى الخرطوم
Author: Adil Hamza
Date: 02-13-2009, 02:19 AM
Parent: #181
كيفك يا الطيب
الآن الساعة عندكم حوالى 4 صباحا
سوف اتصل عليك صباحا بتوقيتنا
يعنى بالظهر عندكم
عادل
|
Post: #183
Title: Re: إعدام ضابط شرطة فى الخرطوم
Author: yasiko
Date: 02-13-2009, 06:08 AM
Parent: #182
Quote: و ظل يردد فى هذا الكلام الى أن وصلنى لدرجة أن أطلقت سراحه دون أن أربط
موضوع الملازم مصطفى بإطلاق سراحه و لم أتذكر لحظتها الموضوع أصلا .
**** مفاجأة الملازم أول الحمرى جعلتنى أتذكر موضوع إطلاقى سراح أبو تسعه على الفور .. و تحركت فورا للبحث عنه . . وفى كل
زياراتى لمنزل الحاجه التومه لم التقيه و لم أتذكر هذا الموضوع لطول الوقت بين الحادثتين |
مخالفة قانونية وتستر على مجرم من رجل قانون !!!!
Quote: طلبت من مدير السجن أن يتركنى مع أبوتسعه على إنفراد .. إزيك يا أبو تسعه .. أهلا يا سيادتو .. أسمع بكره تنفيذ حكم الاعدام
فى مصطفى .. و أنا جيتك مخصوص و عايزك تكرمنى .. يا سيادتك .. إنت قبل كده ما قصرت معاى .. ما حأقدر أرد ليك طلب
أنا متنازل ... سالت دموعى فى تلك اللحظه ..
بعدها قام مدير السـجن بإرسال برقيه عاجله بواسطة اللاسلكى الى مدير سـجن كوبر يخطره فيها بأن شقيق المجنى عليه قد تنازل
عن القصاص . عليه يتم وقف التنفيذ و أنه سوف يرسله لهم على أقرب طائره ... |
ابتزاز واضح جداً
رد جميل لمن لم يفعل جميلاً أصلاً وإنما أضر بالمجتمع والقانون والمهنة ولم يتعامل بمهنية، فالفعلان هما "عطاء من لا يملك لمن لا يستحق"
ماهو الوزن القانوني لتنازل اخ المجني عليه ووالداه "المجني عليه" على قيد الحياة؟؟؟؟ أعتقد لا يفيد ولا وزن له "عطاء من لا يملك حقاً"
Quote: نصحنا مدير السجن بضرورة مقابلة قاضى المديريه فى بورسودان فى منزله و بالفعل أخذنا
أبو تسعه و ذهبنا له فى وقت متأخر من الليل .. فى نفس الليل أسقط عقوبة الهرب من السـجن إكراما لأبوتسعه
و أطلق سارحه بالتعهد ووعد بمعالجة جوانبه القانونيه الاخرى |
وهذه أم الكبائر ، مخالفة قانونية من رجل قضاء
"رب البيت بالدف ضارب"
جنابو
سلام
أسلوبك في السرد شيق وليس لي خلاف شخصي معك واسأل الله الرحمة للمجني عليه والجاني ولكن
استفزتني المخالفات القانونية من اهل القانون وحماته والتي توجت بعمل من سمي بـ"القاضي"
على الدنيا الســــــــــــــــــــــــــــــــــــــلام
كامل ودي واحترامي
|
Post: #184
Title: Re: إعدام ضابط شرطة فى الخرطوم
Author: الطيب عثمان يوسف
Date: 02-13-2009, 11:41 AM
Parent: #183
*** يا سيكو يا عزيزى :
أشكر متابعاتك أولا ..
أراك نصبت نفسـك قاضيا و أصدرت أحكاما قاسيه علينا ، كان بإمكانك
طرح مداخلتك فى شكل تسآؤلات و إذا لم يقنعك ردى ، حينها أصدر ما شئت من أحكام.
حلمك علينا يا مولانا و النضاره السوداء دى طلعها و إنت بتطلع على البوست ..
شـــــــــــــــــكرا .. و اعتذر عن أى خطأ إرتكبته فى نظرك ..
|
Post: #185
Title: Re: إعدام ضابط شرطة فى الخرطوم
Author: الطيب عثمان يوسف
Date: 02-13-2009, 06:42 PM
Parent: #184
*** الأخ الفاضلابى :
شــــكر ا . . شــــكرا
ياسكو ده من الفاضلاب برضو .. شكلو كده
لكما التحايا
|
Post: #186
Title: Re: إعدام ضابط شرطة فى الخرطوم
Author: الطيب عثمان يوسف
Date: 02-13-2009, 07:45 PM
Parent: #185
** الســـــلام عـــــليكم أيها الســــاده
*** توقفت فى المره الفائته عندما التقينا القاضـى الشرعى لتوثيق العفو
*** قبل توثيق العفو علمت أنه لابد من تحديد ما يسمى بالأعلام الشرعى وهو الذى
يحدد ولاية الدم و التى تحدد على أسـس الميراث .. يقوم بهذا الاجراء القاضى الشرعى
.. مولانا لو سمحت نحن مستعجلين لاحقين المطار ممكن ؟؟ جدا جدا يا أبنائى .. بعدما عدد
مولانا مآثر العفو شرع فى اجراء الاعلام بالأسئله التاليه : يا ولدى والد المجنى عليه على قيد الحياه .
.. نعم على قيد الحياه .. طيب والدته .. نعم على قيد الحياة .. نعم أنا شقيق المرحوم ..
.. لا أبدا المرحوم لم يكن متزوجا ..
***** يا ولدى ربنا يجزيك كل خير إن شاء الله بـس إنت ما ولى دم .. يا مولانا كيف الكلام ده ؟؟؟
يا أبنائى الراجل بكون ولى دم إذا كان إذا كان المرحوم متزوج و عندو بنت فقط و أبوه متوفى .. و فى
حاله تانيه برضو كان ممكن يكون فيها ولى دم لكنها برضو ما متوفره ........ لم ننتظر معرفة الحاله التانيه
غادرنا الى الخرطوم التى تم تأجيل التنفيذ فيها ... مباشرة الى منزل الحاجه التوم و التى ما أن رأت
أبو تسعه قالت له بالحرف الواحد ( أسمع لو جاى مع الجماعه ديل عشان موضوع العفو أرجع معاهم )
****** تم تأجيل التنفيذ و تقدمنا بطلب لرئيس القضاء لمد التأجيل لمواصلة مشروع الصلح عسى و لعل ...
تمت الموافقه على مد فترة التأجيل لفتره لم تحدد ..
******* فى طريقى الى البيت من عملى و بينما أنا سارح ( فى شنو ما عارف ) يبدو أننى دخلت فى طريق
غلط أوقفنى أحد رجال القوات المسلحه و كان يحمل رشاشا و الساعه كانت حوالى الرابعه عصرا
يا زول خير إن شاء الله ؟؟ من هنا ممنوع !! أيوه ممنوع إنت ما عارف إنو ده منزل عضو مجلس الثوره
السيد إبراهيم نايل ؟ ( والله لم أكن عارف ) .. يا عسكرى معاك فلان الفلانى سعادتو ده موجود ؟
أنا أصلا جايهو فى موضوع ضرورى .. أديهو خبر لو سمحت ..
.. ياخونا أقوليهو شنو ؟ و علاقتو بأولياء الدم شنو ؟ و أمكن يزعل .. و بأى صفه .. و أنا زاتى الجابنى هنا شنو ؟
دارت هذه الاسئله فى ذهنى حتى جاءنى الحرس .. إتفضل يا جنابو ..
***** أذكر أنى قابلته و كان فى طريقه لتسجيل حلقه تلفزيونيه يرد فيها على كمال شداد فى موضوع لم يهمنى فى لحظته
.. إتفضل يا أبنى بسرعه لو مكن لأنو ماشى التلفزيون ... شرحت ليهو ضرورة تدخله دون أن أعرف علاقته بالموضوع
.. لا لا التلفزيون ملحوق كدى أركب معاى فى عربيتى دى يلا لو بتعرف البيت نطلع طوالى ..
.. إزيك يا حاجه التومه .. أهلا .. معاى ضيف عايز يتكلم معاك شويه و يسلم عليك .
.. معاك منو إتفضلو فى الأوضه ديك .. مرحب مرحب يا حاجه .. أنا أبراهيم نايل يا حاجه .
.. ابراهيم .. قبل كده أنا ما جيتك فى مكتبك أيام كان الولد ده شارد ؟؟ .. بالحيل بالحيل .. ساعتنى بى شنو ؟؟ قولى ؟؟
بعد ما دايرين يعدمو جايينى تتوسط .. يا حاجه ربنا قال من عفى و أصلح ... ابراهيم عندكم موضوع غير ده ؟؟
إتخارجنا .. طوالى .. لك الشكر يا أبو خليل ..
|
Post: #187
Title: Re: إعدام ضابط شرطة فى الخرطوم
Author: الطيب عثمان يوسف
Date: 02-13-2009, 07:59 PM
Parent: #186
*** تناوبنا التواصل مع مصطفى و كنا دائما نطلعه على ما نقوم به وهو فى السجن
و رغم كل محاولاتنا الفاشله كنا( نكذب ) عليه و نشعره بأن كل الأمور تماااام التمام ..
**** الساعه العاشره مساء و أنا فى البيت .. ياخونا الحاجه دى البقنعها شنو ؟؟ لو إقتنعت هى المسأله
خلاص .. ياخ الواحد ما يشمى ليها هسـى و اتكلم معاها براااحه كده .. بســم الله
............................أضرب لى حجر شيشه و برجع ليكم ..............ســـــــلام
|
Post: #188
Title: Re: إعدام ضابط شرطة فى الخرطوم
Author: الطيب عثمان يوسف
Date: 02-13-2009, 09:52 PM
Parent: #187
*** عوده
***** قررت فورا التحرك للحاجه التومه فى ذلك الوقت التأخر ..
***** حاجه التومه كيف حالك .. أهلاه .. بعد محاولة تبرير حضورى التأخر ..
بالله عليك يا حاجه التومه هسـى المرحوم من مات كمل كم سنه ؟؟
كان خمسه كان سته هسـى انت جايى من هناك فى الليل ده تقولى المرحوم مات متين ؟؟
لا أنا بـس جاييى أ. أ .. ( قعدت أقطع ) .. فعلا أنا جاييى داير شنو فى الليل ده ؟؟
إنتى عايزه الجد يا حاجه التومه ؟ أنا جاييى أعرف إنتى مصره الاصرار ده كلو لييه ؟؟
بصرااااحه كده الســبب شنو ؟ ..
**** يعنى أنت يالطيب ولدى يكتلو واحد فى قدامى و عايزنى أتنازل ؟؟ ( وواحد كافر كمان ياريتو كان مسلم ) ؟؟
.. حاجه التومه معاك ألف حق يعنى الراجل ده لو كان مسلم كان إتنازلتى ؟؟ .. بإستخفاف ( إمكن !!) ..
.. أيواااا .. طيب يا الحاجه فتك عافيه ..
**** حتى ذلك الوقت مصطفى لم يكن مسلما فقد كان من أخواننا غير المسلمين و كان إسمه ( وانى )
**** صباح اليوم التانى .. المكان سجن كوبر ..
.. دار الحوار التالى بينى و بين الملازم وانى ذو الثقافه الاسلاميه العاليه
.. يا سيد .. أهليييين أبو الطب الامور كيف ؟؟ .. الامور ماشه كويس بس ظهرت لينا مشكله بسيطه .. مشكلة شنو ..خير إن شاء
الله ما فى عوجه يا زول ؟؟ .. لا لا الحاجه دى أمبارح قالت إنت ما مسلم يا كبتن عشان كده لازم تسلم و الليله دى قبل بكره
أبو الطب ده كلام شنو يا زول ؟؟ أسمع سيبنا من الفى راسك بسرعه كده قرر الحته دى ما عايزه ليها كلام كتير ..
.. الطيب ياخى ده موضوع إمكن إنت ما عندك فيهو فكره ده موضوع .. أسمع أسمع يا كبتن حاجه التومه دى أنا كنت معاها
أمبارح بالليل و قالت لى كده كده كده ، ياخى خلصنا من الموضوع ده و كلها ورقه من المحكمه موضوع بسيط جدا
و كمان ياخى عشان تانى ما تقوم تغير رايها .. قوم قوم كدى نمشى نقابل مدير السـجن نقول ليهو إنك عايز تسلم
عشان يودوك المحكمه .. أسمع دقيقه دقيقه طيب .. يا زول ما بسمع ولا حاجه بسمعك كويس بعد ما نخلص ، بعدين ياخى إنت
دينا ده مالك ما تجربو إمكن ينفع معاك .. صحكنا وهو مذهول و دخلنا على مدير السجن و نحن متماسكين الايدى ..
|
Post: #189
Title: Re: إعدام ضابط شرطة فى الخرطوم
Author: الطيب عثمان يوسف
Date: 02-13-2009, 10:13 PM
Parent: #188
*** فى نفس اليوم دخل وانى الاسلام ولم يغير إسمه .. أنا كان همى ( ورقة المحكمه )
*** إستلمت ورقة المحكمه ، ثابت فيها أن الدعو وانى دخل الاسلام ..
*** بعد كم يوم لا أذكر .. و فى معية كل من زملائى خالد الحلبى و عبد الرحيم و كان الوقت ليلا دخلنا على
حاجه التومه .. أخبرنا حاجه التومه بما نحمله لها من أخبار جديده ( إسلام إخونا وانى )
و كان ردها .. ده أنا عارفاهو أسلم عشان يمرق من الموت .. ده واحد كافر أنا عارفه كويس ..
يا شباب الحاجه دى دايره ليها زول بتاع دين و نحن ما فينا زول عندو ........... أصلا .. يلا يلا طلعنا
*** جبنا الزول بتاع الدين عشان يشرح ليها أجر العفو .. و برضو ما نفع ..
|
Post: #190
Title: Re: إعدام ضابط شرطة فى الخرطوم
Author: الطيب عثمان يوسف
Date: 02-13-2009, 10:25 PM
Parent: #189
*** أعـــزائى متابعــى البوست :
أدرك تماما أن هناك كثير من التسآؤلات أصبحت تدور فى أذهان الكثير منكم
و هناك من لديه رأى أو تعليق على كثير مما سـردت أو حتى على تصرفاتى .. فقط أرجو
منكم الإنتظار ، فلم يتبقى إلا :
مغامرة الفاشر و اليوم الاخير فى حياة الملازم مصطفى و ســر الرسالتين .. ثم أترك لكم البوسـت
و لكم منى أكيـد الشـــكر ....................................................
|
Post: #191
Title: Re: إعدام ضابط شرطة فى الخرطوم
Author: yasiko
Date: 02-14-2009, 00:49 AM
Parent: #190
Quote: أراك نصبت نفسـك قاضيا و أصدرت أحكاما قاسيه علينا ، كان بإمكانك
طرح مداخلتك فى شكل تسآؤلات و إذا لم يقنعك ردى ، حينها أصدر ما شئت من أحكام.
حلمك علينا يا مولانا و النضاره السوداء دى طلعها و إنت بتطلع على البوست ..
شـــــــــــــــــكرا .. و اعتذر عن أى خطأ إرتكبته فى نظرك .. |
Thank you so much for your welcoming
With due respect, What I mentioned is really violation of laws
not because I am wearing
a "black glasses", if I have one, as you said
I will be back for some legal comments
Thank you for your patience
|
Post: #192
Title: Re: إعدام ضابط شرطة فى الخرطوم
Author: yasiko
Date: 02-14-2009, 00:55 AM
Parent: #191
| Quote: اما وقد حدث الفعل فى حفلة فلايستفيد المتهم من المزايا التى تكفلها له الأعراف العسكرية ,, واذا تجاوزنا كل ذلك فهل تكفل قوانين العسكرية ان يتجول المتهم فى انحاء السودان بالكيف ية التى ذكرت , وماذا كانت النتيجة هروب المتهم ووضع زملاؤه فى حرج فهل يسمح القانون بذلك ,, ربما ,, فهلا اتيتنا بالنصوص التى تسمح بذلك? اما ماذكره بعض الإخوة من التعريف القانونى للحراسة وان كنت اتفق معهم الا ان الأمر اشبه عندى بالقياس مع الفارق .. |
Dear Fadlaby
Salam
I strongly and completely agree with you
Thank you
|
Post: #193
Title: Re: إعدام ضابط شرطة فى الخرطوم
Author: omer osman
Date: 02-14-2009, 08:00 AM
Parent: #192
حقيقة ياسيادتو الطيب بوست مميز وسرد شيق رغم انو الواحد داخل اجزاء كبيرة من الفلم ده على الطبيعة.
كثير من الاخوة المتداخلين يعلقون على بعض التصرفات التى قام بها اخونا الطيب ويلبسونها ثياب مخالفة
القانون او الجريمة ...الخ من الاوصاف التجريمية وهي بعيدة كل البعد عن ذلك ... ياجماعة والله العظيم
شغلت البوليس دي لايفهمها ولايدرك سرها إلا من عمل بها او ربما كان قريب جداً من شخص عمل بها والبوليس
لو اشتغل بالقانون وبس زي مابقول الكثير من المتداخلين مافي زول بمرق من بيتهم ولافي عربية بتمشي في
الشارع لان بحر القانون والتجريم واسع لدرجة انه يمكن ان يبتلع اى شخص في اى لحظة حتى لو قطعت ليك
صفقة شجرة .. والا تفيت ليك سفة في الشارع لذلك يعمل البوليس بي روح القانون اكثر من القانون نفسه
والمحاولات المضنية التى يقوم بها اخونا الطيب لانقاذ حياة الملازم مصطفي قام بمثلها الكثير من الضباط
والافراد لانقاذ حياة اشخاص محكومين بالاعدام لاتربطهم بهم اى صلة ولم يعرفوهم من قبل ... في داخل كل شرطي
انسان وهذا ديدننا في العمل وحتى القسوة التى نظهرها في كثير من الاحيان هي قناع نرسمه لاستراد حق لشخص
مظلوم او لاظهار هيبة الدولة وبسط النظام في الاحوال التى تحتاج الى ذلك. من منكم لم يستوقفه شرطي المرور
وبي حنك بسيط اخلي سبيله من منكم لم تستوقفه نقطة تفتيش بالليل وهو لايحمل اثبات هوية واخلي سبيله وربما
كثيرين ضبطوا وهم في حالة (سكر بين) واخلي سبيلهم او ربما ضبطوا في اوضاع مخلة واخلي سبيلهم ... كل ذلك
لايعني ان الشرطة تفرط في واجباتها لكن تتعامل مع كل حالة على حدة بمقياس الضرر من المخالفة او الجريمة
والضرر من الالتزام الحرفي بتنفيذ القانون.
|
Post: #194
Title: Re: إعدام ضابط شرطة فى الخرطوم
Author: Yousif A Abusinina
Date: 02-14-2009, 09:27 AM
Parent: #193
الاخ العزيز الطيب – جنــــــــــــــابو
والله مشتاقين إخبارك والأسرة الكريمة طبعا أخوك ليه كم يوم فاقد الباسورد( كثر خير الباشمهندس بكرى دائما حاضر بايدية البيضاء الله يمتهة بالصحة والعافية وخلية لحبايبوا وانا واحد منهم ) ومحتار حيرة يعلم بها ربى كيف أرد وأعقب على موضوعك وعلى قول السيد / رأفت أنت ما خليت فيها متابعه
طبعا الموضوع دخل الحم الحي على قول أهلنا أحسن الواحد يسكت وفعلا هنا السكوت من ذهب
كل ما علينا دعواتنا إلى المرحومين بالرحمة الواسعة ونسال الله أن يتقبلهم قبولا حسنا وهم بين يدي العادل
المهم لا خليت فينا أعصاب ولا متابعه
الله يمتعك بالصحة والعافية اجتهدت في عتق رقبة وجزآك الله خيرا كثير على حسب نيتك الطيبة يا اسم على مسمى فعلا
ود ابوسنينه
|
Post: #195
Title: Re: إعدام ضابط شرطة فى الخرطوم
Author: الطيب عثمان يوسف
Date: 02-14-2009, 09:42 AM
Parent: #193
*** DEAR
OMER. M .OSMAN :
SALAM
absolutely right
I STRONGLY AND COMPLETELY AGREE WITH U
BUT WITH MR. SUDANESE OKAMBO I DIDNOT
|
Post: #196
Title: Re: إعدام ضابط شرطة فى الخرطوم
Author: omer osman
Date: 02-14-2009, 09:56 AM
Parent: #195
| Quote: BUT WITH MR. SUDANESE OKAMBO I DIDNOT |
موقفنا ده حتى حاجة التومة (ام رأس ناشف) معانا فيهو .....
|
Post: #197
Title: Re: إعدام ضابط شرطة فى الخرطوم
Author: الطيب عثمان يوسف
Date: 02-14-2009, 10:37 AM
Parent: #196
| Quote: موقفنا ده حتى حاجة التومة (ام رأس ناشف) معانا فيهو ..... ] |
*** عمــر محمد عثمان : اول الدفعــه ( 56 ) فى كلية الشـرطه
**** فى تركك للعمل الشــرطى خســاره
للشــعب السـودانى و الاماراتى على حد سواء
|
Post: #199
Title: Re: إعدام ضابط شرطة فى الخرطوم
Author: Hadeer Alzain
Date: 02-14-2009, 11:49 AM
Parent: #197
جنابو الطيب القصة تزداد حزنآ والوفاء بصمتك
كلما أوغلت في التفاصيل إزادت الوقائع حزنآ وإثارة
وحكيك بأمانة وتلقائية أعطاها بعدآ تالتآ (أول مرة أشوف جنابو كتاب كدا)
وأتمنى أن نرى هذه الوقائع قصة منشورة في كتاب
والتحية ليك على السرد الشيق
والمعذرة أخوي كان بقينا ليك أوكامبو (برضو) في بداية سردك للأحداث
|
Post: #200
Title: Re: إعدام ضابط شرطة فى الخرطوم
Author: omer osman
Date: 02-14-2009, 12:56 PM
Parent: #197
Quote: *** عمــر محمد عثمان : اول الدفعــه ( 56 ) فى كلية الشـرطه
**** فى تركك للعمل الشــرطى خســاره
للشــعب السـودانى و الاماراتى على حد سواء
|
دي ياسعادتك اسمح لي بعمل ليها (برنت اوت) لعناية ناس كرودي وعلاء الدين والبقية.
شكرا
|
Post: #198
Title: Re: إعدام ضابط شرطة فى الخرطوم
Author: فيصل عثمان الحسن
Date: 02-14-2009, 11:49 AM
Parent: #193
صح قلمك يا عمر عثمان , تم التجاهل لكل العمل الانسانى الضخم المضنى الذى
قام به اخونا الطيب وتم التركيز فقط على المخالفات التى اعترف بها واعتذر عنها
, لأنه بشر يخطى ويصيب كما أفاد , وأضيف أننا أبناء ثقافة ومنهج تربوى يحبز
العفو والصفح والتسامح وهى من الصفات الانسانية الكريمة التى تجعل الحياة ذات
طعم , وربما طغت هذه الصفات لدى البعض متجاوزة نصوص القانون الجامدة ,
اخوانا الفاضلابى وياسيكو , انا متأكد من شىء واحد انكما لو وضعتما فى مثل
المحك الذى وضع فيه أى شرطى لما تجاوزتما الاطار الانسانى الذى جبلتما
عليه , تربيتنا ونمط حياتنا من المؤكد جدا أنهما يلعبان دور أساسى فى طريقة آداء
الشرطى لواجباته , الشرطى فى النهاية هو انسان ويحمل بين جوانحه سمات الشخصية
السودانية بكل تناقضاتها , والمؤكد أن آدائه لأعماله تصب محصلتها فى مصلحة الانسان
السودانى رغم بعض الاخفاقات والتجاوزات .
هنا أود أن أحكى تجربة أيضا فيها تجاوز للقانون بشكله الصارم , كنا فى شعبة الخرطوم التابعة
لمكافحة المخدرات وكنت رئيسها فى الربع الثالث من العام 89 , ذهبنا لنواحى مايو جنوب
الخرطوم نقتفى أثر أحد المطلوبين , دخلنا منزل عام تباع فيه الخمور البلدية بعد ان علمنا ان هدفنا
يتواجد بهذا المنزل بصفة شبه دائمة , لم نعثر على هدفنا , وهنا هم العساكر الذين كانوا فى معيتى
بدفق براميل المريسة على الأرض , وكنت حينها أتفحص الأشخاص الذين كانوا يجلسون فى شكل
جماعات يتوسطهم جردل وقرعة للشراب , دخلت مع بعضهم فى حوار, حيث كانوا يضعون ما كنت
أعتقد أنها لحمة على النار , وبسؤالى علمت أنهم عمال يومية وما يضعونه على النار هى عبارة عن
اضنين ماعز وخراف يشونها على النار ويأكلونها , أمرت من كانوا معى بعدم التعرض لأى شخص
من من كانوا فى ذلك المنزل وتركناهم وشأنهم وعدنا أدراجنا , وكنت خلال رحلة العودة أفكر فى حال
هؤلاء البائسون وكنت أسأل نفسى هل طريقة معيشتهم ومأكلهم جريمة يعاقب عليها القانون , ان قمت
بدفق مريستهم وأخذتهم للمحكمة وهم عمال يومية قطعا سيتعرضون للجلد
( بالمناسبة الجلد لا يهمهم كثيرا لأن أجسادهم الهزيلة قد شوتها الشمس والبعوض والنوم على الأرض ) رغم أنه
اهانة كبيرة تحط كثيرا من قدر الانسان , ويتعرضون أيضا للغرامة وفى حالة عدم الدفع السجن وفى شنو؟؟ ,
وأنا من خلال عملى أدرى من هم اللصوص الحقيقيون ومن هم المجرمون الحقيقيون , وهل يليق بى أقوم بدور
كلب السجان ألاحق الضعفاء وضحايا مجتمعنا الظالم جدا . العمل فى الشرطة مدرسة قاسية المناهج ان نجح الانسان
فيها يكسب نفسه ولا بأس ان خسر وظيفته علما بأن الوظيفة سيأتى اليوم الذى يتقاعد عنها الانسان بسبب الكبر او الوفاة
أو غيرها من صروف الدهر ,وان كسب الانسان نفسه سيكسب ضميره والسيرة التى تلازمه حتى بعد مماته طبعا الآن
الشرطة تغيرت كثيرا أمثال الطيب ان وجدوا فهم قلة ويحسبون على أصابع اليد , الشرطة الآن تلاحق النسوة فى ملبسهن
وأعمالهن الهامشية التى يعشن منها أطفالهن , واللصوص الحقيقيون تتم حمايتهم بواسطة الشرطة .
الشرطى ان حاد عن قيم الانسانبة فعلى الدنيا السلام.ممتن كثيرا للافاضل ياسيكو وفاضلابى لتحفيزنا لاخراج ماعندنا علنا
بذلك نميط اللثام عن فكرة غير جميلة ظلت تختمر فى أخيلة الكثيرين عن الشرطة ودورها .
|
Post: #201
Title: Re: إعدام ضابط شرطة فى الخرطوم
Author: omer osman
Date: 02-14-2009, 01:05 PM
Parent: #198
Quote: علنا
بذلك نميط اللثام عن فكرة غير جميلة ظلت تختمر فى أخيلة الكثيرين عن الشرطة ودورها .
|
سيادتو فيصل وانتم ادري مننا بذلك لك التحية والتقدير.
|
Post: #202
Title: Re: إعدام ضابط شرطة فى الخرطوم
Author: فيصل عثمان الحسن
Date: 02-14-2009, 01:35 PM
Parent: #201
(سيادتو فيصل وانتم ادري مننا بذلك لك التحية والتقدير.)
لا تتواضع يا صديقى وأنت أيضا رجل واضح البصمات
والمواقف فيما يخص الشرطة وقضاياها الشائكة , سعيد
جدا بالتعرف عليك .
|
Post: #203
Title: Re: إعدام ضابط شرطة فى الخرطوم
Author: الطيب عثمان يوسف
Date: 02-14-2009, 05:03 PM
Parent: #202
*** برقــيات عاجــله :
** ود أبو ســنيه حمدا لله على الســلامه
و الجاتك فى باسويردك سامحتك .. شـــكرا شــكرا
** هديــــر : ( همســه ) فى بوســت جايى أخطر بعنوان
( صدقونى أنا أشد الناس كرها لأمـى ) ما تكلمى أى زول ..
شــكرا على المتابعه بكل هذه الاحاسـيس . و جهزى صناديق المناديل.
.......................
|
Post: #205
Title: Re: إعدام ضابط شرطة فى الخرطوم
Author: الطيب عثمان يوسف
Date: 02-14-2009, 05:15 PM
Parent: #203
*** أخى سـعادة العميد فيصـل عثمان :
*** تأكد تماما كلما نخطر لكم على بال تجدنا أنا و من
خلفى كل الذين تحسـن الظن بهم فى ( هيئـة سـلام سـلاح )
ِشــكرا ..و شـــكرا نيابة كثيرين يجهلهم كثيرون .
*** عمر محمد عثمان :
( go ahead )
( طارق والطيب )
|
Post: #204
Title: Re: إعدام ضابط شرطة فى الخرطوم
Author: سالم أحمد سالم
Date: 02-14-2009, 05:06 PM
Parent: #202
تابعت هذه الرواية وانتهيت إلى ضرورة إعادة فتح الملف القضائي لهذه القضية
دعاني إلى ذلك أن الراوي قفز قفزة عالية عما دار في المحكمة .. هذه القفزة القياسية
تحيلنا تلقتئيا إلى أن شكوك كثيرة تعاظمت في نفس الراوي، لكنه لا يريد أن يقحم نفسه في مواجهة مع
الجهات القضائية .. لماذا ؟ لا أدري .. فالقضاء قد يخطئ وعلينا أن نقدم البراهين، أو الشكوك
الموضوعية، مثلما على القضاء- من حيث أنه قضاء - أن يتقبل الشكوك من أجل توخي الحد الأقصى من العدالة
حتى بعد النتفيذ
في فرنسا كانت قضية "صاحب المعطف الأحمر" الذي تم اعدامه بالخطأ قد أحدث ذلك زلزلة وتعديلات
أساسية في نظم العدالة الفرنسية انتهت بإلغاء عقوبة الاعدام ..
من الناحية الاجرايئة اعتقد هنالك امكانية لإعادة فتح الملف أمام القضاء، فقد لاحظت ثغرة مهمة هي
امتناع شهود الدفاع، علما أن الشهادة في القضايا الجنائية إلزامية
|
Post: #206
Title: Re: إعدام ضابط شرطة فى الخرطوم
Author: الطيب عثمان يوسف
Date: 02-14-2009, 05:27 PM
Parent: #204
*** الأخ سالم أحمد سالم :
سعدت كثيرا بمتابعتك .. رسالتى ستجدها فى النهايه
.. فقط أؤكد لك . لم تكن الخلافات القانونيه هدفا من أهدافى
فقد أخذت ـ أنا ـ الوقائع بمنظور مختلف تماما .
.. حلمك صديقى سالم .. شــــكرا مره أخرى
|
Post: #207
Title: Re: إعدام ضابط شرطة فى الخرطوم
Author: الطيب عثمان يوسف
Date: 02-14-2009, 07:15 PM
Parent: #206
** ياخوانا الفاضلابى ده كفاهو .. كلنا خطآؤون اللهم أجعلنا من التوابين.
*** و عودا على ذى بدء .. وبينما أنا منشـغل بشيئ ما إذا بى أفاجأ بتحديد موعد تنفيذ
الاعدام غدا من خلال زميلى ود برى .. السـاعه الآن الحادية عشر ظهرا .. طيب و العمل يا ود
برى ؟؟ .. ما عارف لكين الناس ديل ـ أولياء الدم ـ ظهر ليهم ( خال ) فى الفاشر .. طيب
نصل الفاشر دى قبل التنفيذ كيف ؟؟ الطيب إنت إتلحسـت و لا شـنو ؟؟ فاشر شنو ؟؟
أقوليك التنفيذ بكره !! طيب يا ود برى الخطه شنو هسـى ؟؟ نحن حنمشـى نحاول الحاجه دى
تانى و إنت و خالد أمشوا القضائيه حاولوهم كدى .. خالد إتحرك إنت القضائيه أنا حأمشى
المطار ..
*** طائرة الفاشر غادرت قبيييييل يا جنابو لكين فى واحده بكره .. شــكرا مافى أى شركه غير
السودانيه .. و الله كدى شوف ناس شركة (....) ديل مكاتبهم فى الخرطوم 2 .. شكرا جزيلا قلتى لى إسمك منو ؟
*** بسرعه شديده خالص و فرامل بى لستك واحد تحت الشجره قدااام باب الشركه بالبوكس
( الاخدر الشين داك بتاع الجوازات )
يا جنابو يا جنابو الباب فاتح ... سـت الشاى تحت الشـجره .. لا قفلت الباب و لا لقت منى شكرا
( لها العتبى )
*** المدير موجود ؟؟ موجود بس فى إجتماع إتفضل .. ( لو ما عندو إجتماع إبقى ما مدير )
*** السـلام عليكم ، بحزم.. صوت نسائى من ورائى ( يستغيث ) والله يا كابتن أنا كلمتو إنو عندكم
إجتماع لكنو برضو دخل .. مسـكنى من يدى و بقوه غير آبه بكل ما أحمله على كتفى من نجوم تخوف
أوكامبو.. عمره فى أواخر العقد الرابع ، وسيم جدا شعره سـبيبى أبيض .. لم يكن مدير الشركه
.. كان كابتن مصطفى .. طلب منى الخروج حيث أتيت ( أسمع كلنا ضباط معاك العميد ( م ) طيار
مصطفى فلان الفلانى .. أفتكر كلام السكرتيره دى واضح .. ( كلام رصاص بس )
كلام حار إلا أننى أدركت أن بيننا أكثر من لغه مشتركه و سحبته معى الى الخارج و ( بهمس )
يا سعادتك ضرورى جدا بالله عليك تسمعنى .. وسمع منى بالفعل و دار بيننا الحوار التالى :
.. المشكله إنو ما عندنا طياره الليله طياره وااحده عندى أنا زاتى مؤجره لوالى دار فور و جبتو
أمبارح لمؤتمر الولاه .. و الوقود زاتو مشكله و تكلفتو عاليه جدا و الطاقم زاتو ناقص لأنو سفرنا بكره
.. يا كبتن تانى ما فى أى شركه أو طيران منظمه أو أى شيئ يلحقنى الفاشر دى الليله ؟؟
.. أسمع كدى دقيقه ، و دخل الى حيث الاجتماع و سمعته .. يا فيصل يا فيصل أسمع عايزك تمشى
هسـى دى تجيب لى طه حسين بسرعه من بحرى يلا يلا إتحرك ..
.. إنت يا جنابو جاييى بى شنو ؟ بالبوكس ده .. سيبو سيبو فى مكانو ده و تعال أركب معاى هنا
... دخلنا المطار و كان كابتن مصطفى طوال الطريق يسألنى عن تفاصيل الحادث و كل مره يردد
المروه إنعدمت فى البلد دى ؟؟
.. .. عمنا فلان الفلانى مسؤول الوقود فى الخطوط السعوديه .. رجل كبير فى السن تربطه علاقه
يبدو أنها قديمه بكابتن مصطفى .. عمنا تفهم الوضع تماما و استمنا منه تصريح وقود
فى الحال .. قرر كبتن مصطفى بعد ضمان الوقود أن نتحرك فورا الى الفاشر .. فرحت جدا
قام بإجراء إتصال هاتفى .. قولى لى كابتن فلان إعمل لى تصريح مغادره للفاشر
فهمت أنه كان يكلم السكرتيره .. إنتهت المكالمه بمشاده كلاميه بينه و بين مديره .
.. أسمع حنمشـى القاعده الجويه ، هنا ، هنا داخل المطار ..
*** عذرا لأمر طارئ ( ضيوف )......... سوف أواصل لاحقا
|
Post: #208
Title: Re: إعدام ضابط شرطة فى الخرطوم
Author: رأفت ميلاد
Date: 02-14-2009, 08:07 PM
Parent: #198
موضوع البوست ظهرت كل جوانبه المحزنة .. وتفتحت كل الأوجاع .. حتى أنا الذى كنت على هامش الرواية .. إستوعبت فيها الكثير .. ودائمآ عرض الوقائع من وجهة نظر واحدة تجسيد للظلم من وجهة نظر واحدة ونكون أشبعنا الطرف الآخر كل الظلم .. أكتفى بدون تفاصيل وأقول شكرآ أخى الطيب .. أخرجتنى من ظلم نفسى ..
والموضوع الآخر عن ممارسات الشرطة أتمنى التمادى فى الإدانة لكل من يريد .. ويواصل الأخوة من الشرطة التوضيح .. وبالمناسبة ظابط الشرطة أو الجيش .. يظل عسكرى ولن تنتفى منه بمعاش أو رفت .. هذا عالم آخر كما حاولت أن أشرح من ثبل ..
المهنة بين الممارسة والتطبيق .. وما بين النظرية تختلف فى كل المهن .. ولكن ضمير الشرطة هو الأكثر إرهاقآ ..
بدون تعليق على سرد الأخ فيصل وتوضيح الأخ عمر عثمان أريد إضافة قصة أرجو تكون مدخل لنقاش بعد إنتهاء الطيب من السرد ..
كنت أسكن أمدرمان وأنا طالب فى الفرع .. تم القبض بالبينة على أحد أولاد الحلة .. كان مفلس وقبل أن يعمل "كشيف بخانة بنقو" .. وقًبض بحوزته "وزنة" ..
الى هنا لم تكن المشكلة ولا أحد يهتم لكثرة مشاغبة ومصائب زميلنا .. صدر القرار المتحرى بأن المتهم قد يكون تاجر فى الصنف وأمر بتفتيش منزله .. المصيبة إذا بلغ خبر إعتقاله لوالدة سوف يقتله .. فما بالك إذا ذهب "الكومر" لمنزلهم وللتفتيش .. سيموت الرجل لا محالة ..
ذهبنا الى نقطة البوليس .. فرحت عندما وجدت صديقى ودفعتى .. رحمه الله .. على رأس الحملة وهو خريج جديد تريان بتعاليم كلية الشرطة .. شرحت له الوضع كاملآ .. نادى المتهم .. وفحص أصابعه .. وقال بلهجة رجل الشرطة الواثق .. "لا ده متمرس ويجب تفتيش منزله" .. هنا تدخل نقيب شرطة كان متابعآ من المكتب المجاور .. أتى ضاحكآ وقال مخاطبآ زميلنا الملازم "ياخى بقول ليك الراجل لسه تلميذ وأبوه راجل صعب .. وبعدين هسة كان بالتفتيش لقيت الميدان فى بيته .. راح تحرر ليه محضر شيوعى برضه.. فكو ياخ" ..
تصرف إستفاد منه صديقى .. والآن هو من أكبر تجار الأحذية فى أمدرمان .. بدلآ من أن يكون من مرتادى السوابق ..
هل إخترق هذا الرجل القانون ؟؟
|
Post: #209
Title: Re: إعدام ضابط شرطة فى الخرطوم
Author: ABUHUSSEIN
Date: 02-14-2009, 09:02 PM
Parent: #208
Quote: كنت أسكن أمدرمان وأنا طالب فى الفرع .. تم القبض بالبينة على أحد أولاد الحلة .. كان مفلس وقبل أن يعمل "كشيف بخانة بنقو" .. وقًبض بحوزته "وزنة" ..
الى هنا لم تكن المشكلة ولا أحد يهتم لكثرة مشاغبة ومصائب زميلنا .. صدر القرار المتحرى بأن المتهم قد يكون تاجر فى الصنف وأمر بتفتيش منزله .. المصيبة إذا بلغ خبر إعتقاله لوالدة سوف يقتله .. فما بالك إذا ذهب "الكومر" لمنزلهم وللتفتيش .. سيموت الرجل لا محالة .. |
رأفت يا جميل كيف حالك
يا خوي الكلمات دي ما بتتقال إلا من زول متمرس ... أسي الإتقبض منو ؟؟؟
صاحبك و لا .....
يا خي إنت قديم خلاص
تحياتي
|
Post: #210
Title: Re: إعدام ضابط شرطة فى الخرطوم
Author: رأفت ميلاد
Date: 02-14-2009, 10:15 PM
Parent: #209
أبو حسين سلام | Quote: أسي الإتقبض منو ؟؟؟ |
ياخى فى أمدرمان الأسامى دى النسوان فى البيوت بعرفنها .. أنت كان قبضتنى ياها "الكومر" دى .
|
Post: #211
Title: Re: إعدام ضابط شرطة فى الخرطوم
Author: omer osman
Date: 02-15-2009, 07:14 AM
Parent: #210
| Quote: وحكيك بأمانة وتلقائية أعطاها بعدآ تالتآ (أول مرة أشوف جنابو كتاب كدا) |
الاخت هدير تحياتي
والله ياهدير الجنابوهات ديل كتابين كتابة ياريت لو الواحد يلقي ليك دفتر احوال كاتب فيهو اللواء (م) احمد
المرتضي ابوحراز ......... مدرسة
و90% من شغل البوليس قائم على الكتابة دفتر احوال دفاتر بلاغات يومية حوادث تقارير يوميات تحري مجالس
تحقيق (الاخيرة دي سيادتو الطيب خبرة فيها) وش ضاحك.
|
Post: #212
Title: Re: إعدام ضابط شرطة فى الخرطوم
Author: Hadeer Alzain
Date: 02-15-2009, 10:44 AM
Parent: #211
Quote: والله ياهدير الجنابوهات ديل كتابين كتابة ياريت لو الواحد يلقي ليك دفتر احوال كاتب فيهو اللواء (م) احمد
المرتضي ابوحراز
و90% من شغل البوليس قائم على الكتابة دفتر احوال دفاتر بلاغات يومية حوادث تقارير يوميات تحري مجالس
تحقيق (الاخيرة دي سيادتو الطيب خبرة فيها) |
الأخ المحترم (مولانا) عمر عثمان
حقيقة لم أرى من قبل جنابو يكتب بهذا السلاسة .. وبلغة مدهشة مشوقة تمس شغاف
القلوب .. كأنو قاعد معاك يحكي
كتابات شغل البوليس أعتقد إنها (لربما) قد تكون جافة قليلآ .. والله أعلم
...
سيادتو الطيب عثمان في إنتظار وقائع ( صدقونى أنا أشد الناس كرها لأمـى )
وما بكلم أى زول (...) ..
إنت فضلت فيها دموع لكن!
|
Post: #213
Title: Re: إعدام ضابط شرطة فى الخرطوم
Author: سالم أحمد سالم
Date: 02-15-2009, 12:31 PM
Parent: #212
شيء ما غامض يكتنف هذه الرواية يكاد أن يجعل منها رواية خيالية:
- غياب أو تغييب شهود الدفاع (في حادث شهده عشرات الاشخاص في حفل)
- عدم استجواب العدد الكافي من الشهود والنقص المريع في الحيثيات
- العجلة الواضحة في اصدار الحكموقصر مدة التقاضي
- العجلة والتلاحق المستعجل في مراحل التقاضي
- الاستعجال الواضح في التنفيذ (في اميريكا يبقى المحكومون بالاعدام عشرات السنين)
* هل هو نقص مريع في العدالة ؟
* هل كان الحكم والاعدام جريمة عنصرية ؟
* هل كانت محاكمة سياسية وتشفي سياسي ؟
* هل تم ذلك بسبب نفوذ ما ؟
هذه أسئلة تحتاج لاجابات يا جنابو
وإذا كنت تتفادى الخوض في الجانب القضائي لأسباب مقبولة
نلتمس منك تحويل الملف القضائي لأهل الخبرة القضائية من المتداخلين
لأن فلفلة التكييف والاجراءات وأسانيد اصدار الحكم تعطي الجمهور ثقافة قنانوية
وقضائية هم في أمس الحاجة لها.
لقد قمت بعمل عظيم بفتحك ملف هذه القضية لأمر يعلمه الله، ومن الأهمية
استكمال مجهودك بتحويل الملف القضائي لمجموعة من القانونيين المتداخلين ..
ويا حبذا لو انعقدت أركان اعادة محاكمة في هذا المنبر
لك كل التقدير ومنتهى الصداقة
سالم أحمد سالم
باريس
|
Post: #215
Title: Re: إعدام ضابط شرطة فى الخرطوم
Author: الطيب عثمان يوسف
Date: 02-15-2009, 01:29 PM
Parent: #213
Quote: - عدم استجواب العدد الكافي من الشهود والنقص المريع في الحيثيات
- العجلة الواضحة في اصدار الحكموقصر مدة التقاضي
- العجلة والتلاحق المستعجل في مراحل التقاضي
- الاستعجال الواضح في التنفيذ (في اميريكا يبقى المحكومون بالاعدام عشرات السنين)
* هل هو نقص مريع في العدالة ؟
* هل كان الحكم والاعدام جريمة عنصرية ؟
* هل كانت محاكمة سياسية وتشفي سياسي ؟
* هل تم ذلك بسبب نفوذ ما ؟
|
*** عزيزى سالم أحمد سالم :
.. أعتقد أنك دخلت البوسـت مؤخرا .. حاولت فى الرد السـابق عليك أن أسـتدر عـطف
مواطن الصبر فيكم ، ولكن الملاحظ أننى قد إستفزيتها .. و فاجأتنى ببعض الاسئله التى
أرى أنه لزاما على أن أرد عليها فى حينها حتى لا نصرف ذهن المتابع لغير المبتقى .. أشــكرك
*** سوف أحاول الإجابه على هذه الأسئله دون ترتيب .. إذا سمحت .
... ذكرت مسـألة العجله فى إصدار الحكم و تنفيذ الاعدام .. لم تكن هناك أى عجله حيث أن هذه الوقائع إستمرت
ثمان سنوات كاملات .. منها حوالى أكثر من عامين بعد تأييد الحكم بواسطة محكمه الاسئناف و أؤكد لك أن
هذه المحاكمه قد إستوفت كل مراحل الإسـتئناف و التقاضى القانونيه ..
*** أما فيما إذا كانت هناك أى رائحه سياسيه أو عنصريه أو تدخل ( ذو النفوذ غير العادى ) فأشهد الله لم يكن هناك
أى شيئ من هذا القبيل
**** و مسألة الحيثيات و قلتها ضمن هذا الســرد فهى بالنسـبه الى مسـألة مبدأ لن أحيد عنه .
****** عزيزى سالم أحمد سـالم لم يكن ولو للحظه واحده هدفى ســرد حيثيات المحكمه أو تعرية أخطاء قد تكون وارده
فى الحكم ،، فلدى عزيزى سالم رســاله أعتقد أن من واجبى أن أقدمها للمجتمع لعلها تفيد بعضا منا .. تفرض على
أهمية الوقائع و دورها فى الرســاله أن أرجئها الى الختام .
******.. أكرر لك شكرى .. و صبرا قليلا يا سالم لم يبقى الكثير
|
Post: #214
Title: اعدام ضابط شرطه بالخرطوم
Author: منتصر الامين
Date: 02-15-2009, 12:51 PM
متابعين
|
Post: #216
Title: Re: اعدام ضابط شرطه بالخرطوم
Author: Yousif A Abusinina
Date: 02-15-2009, 03:55 PM
Parent: #214
جنابو الطيب الرجل الاسطورة فى اعتقادى
متبابعين بحزن عميق لقد اوفيت وكفيت ولكن مشيئه الله فوق الكل
فهذا قدر المرحوم ونسال الله لة الجنة
القصة على الرغم من واقعيتها الا انها اقرب الى الخيال من الحقيقة
فى الانتظار
ود ابوسنينه
|
Post: #217
Title: Re: اعدام ضابط شرطه بالخرطوم
Author: عبدالله
Date: 02-15-2009, 04:27 PM
Parent: #216
الاخ / جنابو الطيب لك التحية والسلام
والتحية لك على هذا السرد الراقي والذي يحمل الكثير من الماني
Quote: العميد ( م ) طيار
مصطفى فلان الفلانى |
استوقفتني العبارة اعلاة وان كان العميد(م) مصطفي فلان الفلاني 0000 هو العميد مصطفي الذي استشهد في طائرة الحاج يوسف الشهيرة فقد تعاملت مع بطل من الابطال ورجل قل ان يجود الزمن بمثلة
مرة اخرى لك التحية والسلام
|
Post: #218
Title: Re: اعدام ضابط شرطه بالخرطوم
Author: الطيب عثمان يوسف
Date: 02-15-2009, 06:12 PM
Parent: #217
**** الأخ أبو ســـنينه :
** لك كل التحايا يا صاحب الأحاسـيس المرهـفه .. أشــكر دعـمكم
**** الأخ عــبد اللــه :
.......... نعم هو كابتن مصطفى أسأل الله أن يجعله و رفاقه من زمرة
الشــهداء الأحياء الذين هم عند ربهم يرزقون .. آمين
|
Post: #219
Title: Re: اعدام ضابط شرطه بالخرطوم
Author: الطيب عثمان يوسف
Date: 02-15-2009, 06:40 PM
Parent: #218
***** ميلاد :
... طبعا لو حاولت أعلق على مداخلتك الأخيره دى الناس ديل حيقومو يرمونى من راس البيت
... رغم إنو كلامك يستحق الكثير .. ميلاد فى ( 15000 ) متابع ، برجع ليك فى النهايه
******* ........ حــجر شيشــه سريييييع كده و برجع .. ( وش زوغه )
|
Post: #220
Title: Re: اعدام ضابط شرطه بالخرطوم
Author: yasiko
Date: 02-15-2009, 07:00 PM
Parent: #219
| Quote: كثير من الاخوة المتداخلين يعلقون على بعض التصرفات التى قام بها اخونا الطيب ويلبسونها ثياب مخالفة القانون او الجريمة ...الخ من الاوصاف التجريمية وهي بعيدة كل البعد عن ذلك |
الأخ عمر عثمان
لك التحية
أولاً لك كل احترامي وتقديري واضعافه لجنابو الطيب وما قام به من أعمال إنسانية ولكن هل تسمي ما ذكره جنابو الطيب "مجرد تصرفات" ونحن ألبسناها ثوب المخالفة؟؟؟ جنابو الطيب نفسه أقر بانها مخالفات قانونية وذكر لماذا يحرص على لعودة من الحفلات في الصباح الباكر من كل سبت وإلا طاله العقاب!!! وأي نص في قانون الإجراءات الجنائية لعام 1991 يؤكد ذلك ، فكيف تكون افعاله بعيدة كل البعد عن ذلك ؟؟؟؟؟ لا أفهم أبداً
| Quote: وربما كثيرين ضبطوا وهم في حالة (سكر بين) واخلي سبيلهم او ربما ضبطوا في اوضاع مخلة واخلي سبيلهم ... كل ذلك لايعني ان الشرطة تفرط في واجباتها لكن تتعامل مع كل حالة على حدة بمقياس الضرر من المخالفة او الجريمة والضرر من الالتزام الحرفي بتنفيذ القانون. |
أي تفريط في الواجبات "تعني" أكثر من ان يترك من به سكر وسبيله؟؟ أي خطر أكثر على المجتمع من هذا السكران سواء أكان يقود سيارة أم يمشي على قدميه؟؟
الأخ عمر عثمان
لك التحية
Quote:
Quote: BUT WITH MR. SUDANESE OKAMBO I DIDNOT
موقفنا ده حتى حاجة التومة (ام رأس ناشف) معانا فيهو ..... |
هل لفت الانتباه للمخالفات "ومن رجل منوط به حفظ القانون" يدمغ صاحبه بـ "الأكامبيه"؟؟؟؟
Quote: اخوانا الفاضلابى وياسيكو , انا متأكد من شىء واحد انكما لو وضعتما فى مثل
المحك الذى وضع فيه أى شرطى لما تجاوزتما الاطار الانسانى الذى جبلتما
عليه , تربيتنا ونمط حياتنا من المؤكد جدا أنهما يلعبان دور أساسى فى طريقة آداء
الشرطى لواجباته |
الأخ فيصل عثمان
لك التحية والإحترام
شكراً لثقتك
ولقربي من هذا المجال وعلمي بالعقوبات التي تنطبق على تصرفاتي أقول لك لن أترك هارباً من السجن أن يواصل هربه ، ولن أترك شخصاً محبوس بجريمة قتل أن يخرج من محبسه ، هذا ليس لأنني أريد عقابه بالحبس ولكن لأن الحبس شُرع لحمايته وسلامته!! من أدرى جنابو الطيب أن أحد أقرباء المجني عليه يعرف تحركات "الجاني" ويترصده ويعتدى عليه في إحدى حفلات مدني ويقتله؟؟؟ ما هو موقف جنابو الطيب؟
Quote:
*** DEAR
OMER. M .OSMAN :
SALAM
absolutely right
I STRONGLY AND COMPLETELY AGREE WITH U
BUT WITH MR. SUDANESE OKAMBO I DIDNOT
(عدل بواسطة الطيب عثمان يوسف on 14-02-2009, 08:46 ص) |
جنابو الطيب
أكرر لك احترامي وتقديري وتثميني لكل عمل إنساني مشروع قمت به من اجل الصلح وإخراج المرحوم زميلكم ولكن غاياتك النبيلة لا يمكن ان تضفي ثوب الصحة والمشروعية والإنسانية على وسائلك غير المشروعة وبعض أفعالك التي ذكرت بعضمة لسانك أنك كنت تعملها بالخفى لأنها لا تتفق مع القانون!!! فما الذي جعلني "أوكامبو" الآن ؟؟ إن كنت تعني ذلك لانني كتبت لك بالإنجليزية ، فلك العذر حيث لم يكن في متناولي عند الرد كيبورد عربي ، أما إذا كنت تعني أنني أنصب نفسي قاضياً فهذا خطأ لأن قراءة بسيطة لقانون الإجراءات الجنائية والقانون الجنائي تجعلك تقف في قفص الاتهام لقيامك بهذه الأفعال غير المشروعة ولن تبرر غايتك الإنسانية النبيلة (لها كل الإحترام والتقدير) وسائلك أبداً ، ألا تتفق معي؟؟؟؟؟؟؟؟
إذن "الأوكامبية" الواردة أعلاه تشير إلى نفق يضيق في النقاش معك وتنم عن الكثير عن عقلية الشرطي عندما تحاول تخطئته ، والحمد لله أنني لم أك في السودان ولم تكن انت الآن في الخدمة حتى لا تضعني في الحبس حتى لو أبرزت لك بطاقة مثلما كان يفعل بعض زملائك في بعض الأحيان مع بعض المحامين
| Quote: والموضوع الآخر عن ممارسات الشرطة أتمنى التمادى فى الإدانة لكل من يريد .. ويواصل الأخوة من الشرطة التوضيح .. وبالمناسبة ظابط الشرطة أو الجيش .. يظل عسكرى ولن تنتفى منه بمعاش أو رفت .. هذا عالم آخر كما حاولت أن أشرح من ثبل .. |
الأستاذ رافت
سلام أوجزت
لك الود
ما اشرت إليه دمغني به جنابو الطيب "وعقب عليه زميل له " ، جنابو الذي أعجبني سرده ومقدرته على الحكي ولكن لا يقبل النقاش في عمله بحكم تركيبته البوليسية ، ولكن يظل الجرم جرم والمخالفة مخالفة أياً كان القائم بها و أياً كانت دوافعه وأغراضه ، فمبادىء القانون والعدالة لا تتجزأ أبداً
لك الودي وله أضعاف
|
Post: #221
Title: Re: اعدام ضابط شرطه بالخرطوم
Author: الطيب عثمان يوسف
Date: 02-16-2009, 01:30 PM
Parent: #220
Quote: وسائلك أبداً ، ألا تتفق معي؟؟؟؟؟؟؟؟
إذن "الأوكامبية" الواردة أعلاه تشير إلى نفق يضيق في النقاش معك وتنم عن الكثير عن عقلية الشرطي عندما تحاول تخطئته ، والحمد لله أنني لم أك في السودان ولم تكن انت الآن في الخدمة حتى لا تضعني في الحبس حتى لو أبرزت لك بطاقة مثلما كان يفعل بعض زملائك في بعض الأحيان مع بعض المحامين
B] |
| Quote: ما اشرت إليه دمغني به جنابو الطيب "وعقب عليه زميل له " ، جنابو الذي أعجبني سرده ومقدرته على الحكي ولكن لا يقبل النقاش في عمله بحكم تركيبته البوليسية B] |
****** الأخ ياسكو : شــــكرا .. لن يطول الرد عليك كثيرا ولن يأخذ منى كثير وقـت ..
******** فقط وددت أن أذكـــرك بضـرورة البحـث عـن طريقه أفضل من هذى لتنال شــرف الخـصـومه ..
**** أكرر لك الشــكر للمتابعه ..
|
Post: #222
Title: Re: اعدام ضابط شرطه بالخرطوم
Author: omer osman
Date: 02-16-2009, 01:48 PM
Parent: #221
| Quote: ولكن لا يقبل النقاش في عمله بحكم تركيبته البوليسية |
كما للبوليس قائمة (طويلة جدا) من (الاصدقاء) وش ضاحك.
يبدو ان هناك قائمة (قصيرة جدا) من (الاعداء) وش مكفهر.
|
Post: #223
Title: Re: اعدام ضابط شرطه بالخرطوم
Author: الطيب عثمان يوسف
Date: 02-16-2009, 02:25 PM
Parent: #221
Quote: قرر كبتن مصطفى بعد ضمان الوقود أن نتحرك فورا الى الفاشر .. فرحت جدا
قام بإجراء إتصال هاتفى .. قولى لى كابتن فلان إعمل لى تصريح مغادره للفاشر
فهمت أنه كان يكلم السكرتيره .. إنتهت المكالمه بمشاده كلاميه بينه و بين مديره .
.. أسمع حنمشـى القاعده الجويه ، هنا ، هنا داخل المطار ..
|
****** ...... الســــلام علـــيكم ســــادتى
*** ..... داخل القاعده الجويه التقينا العميد ( باكمبا) شرح له كابتن مصطفى الموقف تماما ..
.. و طلب منه أن يزوده بشخـصين عرفت لاحقا أنهم من فنييى الطيران .. لم يتردد سعادة العميد باكمبا
.. وخلال حوالى 20 دقيقه كانا جاهزين تحدث كابتن مصطفى مع أحدهم بنبره عسكريه واضحة المعالم .. يا جلال
..يلا جهزوا الطياره بتلقوها مقابل الهانقر رقم ( ) .. يلا يالطيب نشوف ناس فيصل أخبارهم شنو ( فيصل الشخص
الذى أرسل الى الخرطوم بحرى لإحضار آخر يدعى طه حسين لم أكن أعرف دوره فى هذه الرحله آنئذ ..
***** يا كبتن إنت الجماعه ديل ما أديتم تصريح البنزين ؟؟ .. يا الطيب الطياره فيها البودينا و يجيبنا لكين التصريح
حأرجع بيهو الوالى بعدين يا أبو الطب ما إسمو البنزين إسمو الوقود .. ضاحكا ..
***** إنتظرنا طويلا و مر الوقت بطيئا جدا علمت خلاله أننا فى إنتظار مســاعد طيار وهو المقدم ( م) طيار طه حسـين
.. و فيصل ملاح جوى .
**** منزعجا .. خير يا كابتن إن شاء الله ما فى عوجه ..كدى سلم على أخونا الطيب .. عفوا عفوا السـلام عليكم الطيب ..
... شـرح له ولفيصل طبيعة المهمه ، مختتما كلامه ب ( يعنى يا أخونا الراجل ده حيعدموه بكره من الصباح لو ما جبنا
خالو ده معانا ) ... يا كبتن الســاعه هسـى قريب خمســه لغاية ما ناخد الاذن بتكون السـاعه كم ؟
وإنت عارف مطار الفاشر ده ما بنزلنا بالليل .. كان المتحدث كابتن طه حسين .. واصل الحديث فيصل : بعدين
يا كابتن الطاقم ده ما ناقص ؟؟ و الأهم من ده إمكن خالو ده ما نلقاهو فى الفاشر ؟؟
**** بهدوء شـديد .. الطاقم أنا كملتو من باكمبا .. دون أن يزيد حرفا واحدا ، حيث بدا لمحدثيه إصراره الواضح كل
الوضوح فى عينيه .. يا زول خير خير إتوكلنا إنت أصلك لو ما وديتنا السـجن ، يوم بتودينا التوج . ضحكنا و اتوكلنا
**** جلسـت لأول مره فى كابينة الطيارين ..
|
Post: #224
Title: Re: اعدام ضابط شرطه بالخرطوم
Author: الطيب عثمان يوسف
Date: 02-16-2009, 03:30 PM
Parent: #223
**** بدأت عملية الهبوط و بدت انوار مدينة الفاشر تحتنا .. طلب منى الجلوس فى كابينة الركاب
**** قبل الوصول بنصف ساعه دار حوار بين طه و مصطفى حول ، هل سيفتح اللاسلكى فى المطار أم لا ؟ إنتهى الحوار
بالاتفاق على الدواران على مستوى منخفض حول مدينة الفاشر الامر الذى يؤدى الى ذهاب المختصين الى المطار
و بالفعل هذا ما تم بالضبط فقد ظللنا ندور حول مدينة الفاشر عدد كبير من الدورات على مستوى طيران منخفض جدا
الى أن تم فتح اللاسلكى و علمت لاحقا أنه تم إستجواب كابتن مصطفى كثيرا خلال الراديو ( اللاسلكى ) عن سبب هبوطه
فى هذا الوقت و من وين جايى و معاك منو ؟؟ وتم أخطار قائد الحاميه الذى حضر الى المطار ..
***** ... الهبوط كــيف ؟؟
.... تم الاتفاق على صـف عدد من السيارات داخل أرض المطار لتحديد معالم ال ( RUN WAY )
.. جاءت المحاوله الأولى للهبوط .. ثم الثانيه و التى كادت أن تودى بنا .. خلالها نسـيت كل التعاويذ
التى كنت أرددها نســيت حتى صورة وجه أبى الذى كان قد غادر الدنيا قبل وقت وجيز .. و كان كل صوت تصدره الطائره
خلال محاولة الهبوط يمثل لى صوت الارتطام و فقدت الاحساس بكل شيئ ..
.. الى أن سمعت من يقول لى يا جنابو حمد الله على السلامه و كفايه جرسـه و كان ممسـكا يدى المتعرقه .. ( كان أحد الفنيين )
**** وجدنا أرض المطار تعج بالكثيرين ( محمدلين السـلامه )
.. بينما كنت أبحث عن كابتن مصطفى وسـطهم أمسكنى من يدى
.. أسمع يا الطيب نحن حنبيت مع قايد الحاميه و الاقلاع سته صباحا إنت عارف الوضع ، إتوكل .
وسط جوع الناس وجدت زملاءنا من ضباط الشرطه أذكر منهم ضياء الدين .. كنت أول المغادرين خارج المطار .
**** توجت رحلة البحث عن الخال بإنتظاره فى نادى الهلال .. و النادى ( خلا )
.. مرحب .. مرحب أهلا أهلا يا جنابو ..
.. معليش أنا كنت فى المطار ، الناس دى كلها قامت جاريه من هنا إتخيل فى
طياره نزلت هســى دى فى الليل ده .. تدخل أحد الزملاء الذين كانوا برفقتى ....
الطياره دى جابت أخونا الطيب ده
و الطياره دى جايه من هناك عشانك إنت .. عشانى .. عشانى أنا ؟؟
|
Post: #225
Title: Re: اعدام ضابط شرطه بالخرطوم
Author: الطيب عثمان يوسف
Date: 02-16-2009, 04:08 PM
Parent: #224
*** شـرحنا للخال ( و الرجل اريتو خالكم ) حيث كان رده : ياخى نحن ما ناس دمويين .. طيب تمشـى معاى البيت عشان الصباح بدرى نتوكل .
... شكرا شكرا جزيلا أمشـى إنت البيت و رتب حالك ، أنا ببيت مع الطيارين فى بيت قايد الحاميه ولا فى الميز مع الجماعه ديل
.. ذهبت الميز و حكيت ملابسات محاكمة الملازم مصطفى لغاية قريب الصباح .. شى قانونى و شى غير قانونى وشى شنو ما عارف
*** ***** *** صـحينا من النووووم السـاعه السابعه صباحا نعم السابعه صباحا ..
... هيااا اخونا الطياره و الزول عيييييييك .
*** *** *** .. أقلعت الطائره دونى !!!!! لكن كابتن مصطفى أخذ معه الخال
**** نعم أخذه معه و سلمه بيده للسيد مدير سـجن كوبر .. و تم تأجيل تنفيذ الاعدام فى لحظاته الأخيره
****************** ..... رجال قل أن يجود الزمان بمثلهم ............
*** لن يكن تأجيل تنفيذ حكم الاعدام المفاجئه !!!
***** المفاجئه هى أننى عندما حدثنى كابتن مصطفى وكابتن طه حسـين وسـط جموع الناس فى مطار الفاشـر
بضرورة الحضور قبل الساعه السادسه صباحا كانت آخر مره أحدثهم فيها حيث لم أراهم ثانية
.... إلا وهما جثتين فى مشـرحة مسـتشـفى الخرطوم .. الإتنين نعم الاتنين ، حيث سـقطت طائرتهما التابعه للخطوط
الفدراليه شرق منطقة الحاج يوسف ، بأشهر قليله من رحلة الفاشر .. نعم رجال قل أن يجود الزمان بمثلهم .
.... فالنترحم عليهما و على القاتل و المقتول .
|
Post: #226
Title: Re: اعدام ضابط شرطه بالخرطوم
Author: عبدالله
Date: 02-16-2009, 04:56 PM
Parent: #225
رحم الله الشهيد/ مصطفي بدوي زكريا
وصاحبةالشهيد/طه حسين
وتعجز كل الكلمات عن وصف مصطفي وبطولاته المشهودة في الارض والاجواء
ولعل في الجسارة والفداء والمبادرة والاقدام الذي تعامل به في هذا الموضوع
ما يكشف جوانب هذه الشخصية الفذه
هؤلاء الابطال وعقب تعذر الهبوط في مطار الخرطوم في ذلك اليوم العاصف المغبر
وبعد محاولات كادت ان تلامس فيها اطارت الطائرة ارض ممر الهبوط
وعندما حكم القدر باللاهبوط
كان قرار الرجال محاولة الهبوط خارج العمران لتجنب اي خسائر بشرية على الارض
وكان الهبوط في ارض الحاج يوسف
مصطفي كان رجل لا يهاب .... فارس مقدام وبحق
انظر كيف واجه جنابو الطيب في اول مرة
كيف اتخذ القرار الفوري بالتدخل والاسناد والمساعدة
وكيف حصل على فنيين من العميد باكمبا ( وهو المتقاعد في ذلك الوقت)
الطيران الى الفاشر كانت رحلة الى المجهول .. مطار لا يستقبل الطيران الليلي
واجواء غير معلومة... وقود بالكاد يكفي ... شئ من حق الوالي وشئ مشحودبالعزة والكرامة
في كل كلمة كان مصطفي بطل
لقد عاد بالخال لوحده في الصباح
وهو يعرف ما بجانبو الطيب من رهق ووعثاء السفر
الهدف كان محددا
اللهم ارحم مصطفى وطه حسين
والقاتل والمقتول
ولك المودة والتحية اخي الطيب
|
Post: #227
Title: Re: اعدام ضابط شرطه بالخرطوم
Author: الطيب عثمان يوسف
Date: 02-16-2009, 06:11 PM
Parent: #226
Quote: كيف اتخذ القرار الفوري بالتدخل والاسناد والمساعدة
وكيف حصل على فنيين من العميد باكمبا ( وهو المتقاعد في ذلك الوقت)
الطيران الى الفاشر كانت رحلة الى المجهول .. مطار لا يستقبل الطيران الليلي
واجواء غير معلومة... وقود بالكاد يكفي ... شئ من حق الوالي وشئ مشحودبالعزة والكرامة
في كل كلمة كان مصطفي بطل
لقد عاد بالخال لوحده في الصباح
B] |
*** ... هـكـــذا كانو .. عزيزى عبد الله ..
... ودائما ما نجد أنفسنا ضعافا أمام هذه القامات رغم الرحيل ..
*** لك أخى عبد الله و لكل القراء الأعزاء أقول هذا جانب من دوافع نشر هذا البوسـت فلم أخصصه
لزميلى الملازم مصطفى و لا للتشهير بالحاجه التومه و لا حتى لكابتن مصطفى و كابتن طه حسين
... لكنه يظل جزءا من رساله .... شــــــــــكرا
|
Post: #228
Title: Re: اعدام ضابط شرطه بالخرطوم
Author: Dr.Mohammed Ali Elmusharaf
Date: 02-16-2009, 06:23 PM
Parent: #226
الحبيب الطيب
تحياتي
Quote: رحم الله الشهيد/ مصطفي بدوي زكريا
وصاحبةالشهيد/طه حسين
|
معزتي
|
Post: #229
Title: Re: اعدام ضابط شرطه بالخرطوم
Author: yasiko
Date: 02-16-2009, 06:44 PM
Parent: #228
| Quote: ******** فقط وددت أن أذكـــرك بضـرورة البحـث عـن طريقه أفضل من هذى لتنال شــرف الخـصـومه .. |
جنابو الطيب
سلام
الفرق بيـِّنٌ بين الخصومة والنقد
وبالتالي ليس هناك مكان للبحث عن الشرف طالما تنعدم الخصومة أصلاً ، وطالما انك خلطت
بين النقد والخصومة فلك السلام
كنت أمني النفس بعكس خلاصتك أعلاه ولكن ......
Quote: Quote: ولكن لا يقبل النقاش في عمله بحكم تركيبته البوليسية
كما للبوليس قائمة (طويلة جدا) من (الاصدقاء) وش ضاحك.
يبدو ان هناك قائمة (قصيرة جدا) من (الاعداء) وش مكفهر. |
جنابو
سلام
أتمنى ذلك ،
وما كل قائل أن هذا خطأ عدو ، ولكن العداء يكون في المخيلة ، (أراك تؤكد خلاصة الأستاذ رأفت)
والسلام
|
Post: #230
Title: Re: اعدام ضابط شرطه بالخرطوم
Author: Hadeer Alzain
Date: 02-18-2009, 07:01 PM
Parent: #229
نحنا يا جنابو الطيب ما راجين نهاية القصة المحزنة دي
|
Post: #231
Title: Re: اعدام ضابط شرطه بالخرطوم
Author: الطيب عثمان يوسف
Date: 02-18-2009, 11:52 PM
Parent: #230
[B]****** الســـــــلام عــــليكم أيها الســــــاده
***** توقفت المره الفائته فى إلقاء بعض ضوء على دور االأخوان كابتن مصطفى و كابتن طه حسين
***** حادثة أو بالأصح واقعة الهبوط الاضطرارى إن جاز التعبير هذه الواقعه سبقت تنفيذ الحكم بحوالى العام
إن لم تخنى الذاكره ..
***** خلال هذه الفاتره دخل أودع ســجن كوبر زائر جديد وهو ضابط سابق بالقوات المسلحه كان برتبة عقيد
من أهالى مدينة الحلفايه بالخرطوم بحرى و تمت إدانته فى جريمه على ما أنها اعتقد سياسيه و حكم عليه بالإعدام
إلا أنه لم ينفذ فيه حيث شاءت الأقدار أن التقيه قبل فتره فى الخرطوم فى شارع النيل بالقرب من كلية الهندسه
هذا الرجل حل ضيفا بالزنزانه التى تجاور زنزانة المتهم الملازم اول وانى ( المسلم على الورق فقط )
... عرف عن هذا الرجل ورعه الشديد و المداومه على الصلوات و تلاوة القران الكريم و من خلال زياراتى المتكرره
المتكرره للسجن لاحظت أن هذا الرجل نادرا ما يتحدث و لا يدخل نفسه إلا فيما يعنيه .. رجل واسع الثقافه يحدثك
بأدب جم و يتمتع بمهارة الإستماع الجيد . و أكثر ما عرف به واشتهر به صوته الحسن فى التلاوه داخل الزنزانه .
**** فى مره من المرات طلب المتهم الملازم أول وانى من هذا العقيد أن يرفع صوته أثناء التلاوه و كان هذا الطلب فى
ليل أحد الأيام ، فظل العقيد يصدح بتلاوة القرآن مبديا إظهارا واضحا لمخارج الحروف يشدو بأحرف المد تارة
والإضغام تارة أخرى ، ظل على هذه الحال إلى أن إنبلج الفجر بصوت المنادى ( حى على الصلاة ) وقام الرجل يلبى دعوته .
.... هذه الواقعه على لسان المتهم الملازم أول وانى عرفتها عندما زرته فى إحدى المرات و كنت قد تغيبت عنه لفترة
إستمرت قرابة الاسبوعين عاتبنى عليها بداية اللقاء و دار بيننا الحوار التالى : و الله يا وانى لظوف خارجه عن يدى ...
ولم أكمل حديثى ، فاجأنى ، يا زول أسمع ( أنا أسلمت من جديد بصوره رسميه و غيرت إسمى وسميت نفسـى مصطفى تيمنا بإسم المصطفى
عليه أفضل الصلاة والســلام) . وحكى لى قصة إسـلامه الحقيقى التى بدأت بإطلاعه على الثقافه الاسلاميه فى بواكير حياته
وكيف إنتهت بسماع ذلك الصوت الذى أيقن فى نهاية الأمر أنه مرسل إليه ليرشده الى طريق الهدايه إلى الإسـلام ذلك الصوت الذى ظل
يسـمعه كل ليلة لمدة ثلاث ليالى متتاليات متدبرا كل ما كان يسمعه من كلمات إلى أن طلب من ذلك الرجل أن يشرح له كيفية الدخول
فى الاسلام بالطريقه الصحيحه الرسميه ، وتم له ما أراد . إنتهى الحوار بينى و بينه عندما استأذننى لتأدية صلاة الظهر
|
Post: #232
Title: Re: اعدام ضابط شرطه بالخرطوم
Author: الطيب عثمان يوسف
Date: 02-19-2009, 00:16 AM
Parent: #231
سادتى أرجو أن تجدوا لى العذر لتأخرى فى السرد فقد كنت أواجه بعض
الصعوبات التقنيه
.....................................................
الشكر كل الشكر لك سيادة العقيد أيمنا حللت .
*** ظل المتهم فى سجن كوبر قرابة العام قبل أن ينفذ فيه الاعدام ...
خلال هذه الفتره صاحبه بعض التغيير البين فى كثير من تصرفاته
وسلوكه حيث كان كلما زرته وجدته ممسكا المصحف بيمناه واحد أصابع يده
يتوسط دفتيه . مبتسما دائما . أصبح وجهه صبوحا تدرك آثار الغسل فيه كلما
شئت . ( شهاده لله )
**** عرفت والدته ووالده بإسلامه .. كان واضحا عدم إرتياح والدته لذلك
عكس والده الذى كان يعمل مديرا لإحدى المدارس الثانويه . كذلك شقيقته
والتى كانت تدرس فى إحدى الجامعات آنئذ .
.....................................................
|
Post: #233
Title: Re: اعدام ضابط شرطه بالخرطوم
Author: الطيب عثمان يوسف
Date: 02-19-2009, 00:53 AM
Parent: #232
***********اليوم الأخير فى حياة القاتل الملازم أول مصطفى ( يوم الاثنين )
**** بالنسبه إلى فقد بدأ هذا اليوم فى منتصف شهر أبريل (يوم الاحد ) حيث جاءنى الملازم أول الحمـرى ضابط السجون
فى مكتبى وكان فى غاية الحزن والأسى لا ينظر الى وجهى و حدثنى و تكاد العبره تسد حلقه .. الطيب بكره
التنفيذ بقرار نهائى . وإنت المفروض تجى تكلم مصطفى نحن ما قادرين نكلمو ..
أنا ماشى أكلم أهلوا تعال بكره بدرى ثم خرج من
المكتب دون أن ينتظر ردة فعلى . درات الدنيا برأسى مره و إتنين و تلاته .. كيف لى وقد كنت معه ظهر السبت و كنت
أحدثه عن تطورات ( كاذبه) فى مجريات الصلح مع أولياء الدم الذين وصلت مع والد المجنى عليه حد أن أوقفنى من دخول بيته
بواسطة وكيل النيابه ( بالتعهد )
.... أصدقكم القول أننى لا أذكر حتى أين ذهبت من مكانى ذاك اللهم إلا لوفاة عمتى التى جاءت فى منتصف الليل .
.............................................................................................
************** الزمان صباح الاثنين الساعه السابعه
................ المكان سجن كوبر
............. الحضور كافة ضباط السجن + والد الملازم أول مصطفى + والدته + شقيقته + عدد قليل من الزملاء
أذكر منهم ود برى ، خالد الحلبى ، ود ماهر ، طنون ، نصر ، مجدى .
***************** الموضوع تنفيذ حكم الاعدام فى ِشخصين أحدهم ضابط شرطه و الآخر قام بقتل إثنين من ضباط الشرطه فى
نقطة الرياض ( لم يكن هناك أى ربط بين الشخصين أو الحادثتين إنما هى الصدفه وحدها )
***** طلب الى أن أدخل الى حوش زنازين الاعدام لأخطار الملازم أول مصطفى بأنه سوف يتم إعدامه الآن . ... و كما ذكرت لكم
من قبل أن أبواب حوش زنازين الاعدام لا تفتح فى اليوم الذى يكون فيه تنفيذ فيكونون خائفين متوجسين حالتهم حاله
**** دخلت مع الشرطى المسؤول عن إخراج المراد إعدامه دخلت و كنت أرتجف من هامت رأسى حتى أخمس قدمى . كانت الزنانه رقم (5)
و كنت أتقدم الشرطى بحوالى خطوتين .
**** رآنى .
..................يتبع .....................................................الساعه الآن الرابعه فجرا .
|
Post: #234
Title: Re: اعدام ضابط شرطه بالخرطوم
Author: Sara Mahgoub
Date: 02-19-2009, 08:39 AM
Parent: #233
صباح النور .. ..
كفاك شحتفه واصل يا الطيب .. ..
وله اقتل ليك النهاية من مصادر اخرى .. وش بى ابتسامة صفراء !!!!
ودى الاكيد .. ..
|
Post: #235
Title: Re: اعدام ضابط شرطه بالخرطوم
Author: رأفت ميلاد
Date: 02-19-2009, 10:04 AM
Parent: #229
| Quote: وما كل قائل أن هذا خطأ عدو ، ولكن العداء يكون في المخيلة ، (أراك تؤكد خلاصة الأستاذ رأفت) |
yasiko
سلام وحمدلله بالسلامة
ما عارف فهمت مداخلتى كيف .. وما عارف محلها من الإعراب هنا ..
عمومآ ما قصدته العسكرية .. "التربية العسكرية" .. تخلق من الإنسان شخص آخر .. ينتمى لها تمامآ .. وحاولت أن أقول هذا البوست فرصة للنقاش الحر للعقلية المدنية والعسكرية .. علنا نصل الى توافق .. فى خلافات حقيقية بيننا ..
وأضفت جملة العسكرى يظل عسكرى ولا يلغى الرفت أو المعاش من هذه الحقيقية .. ليس بقصد التقليل ..ولكن المقصود من ذلك أن ظباط الشرطة الذين معنا جلهم من ضحايا الإنقاذ والرفت من الخدمة .. وذلك لا يعنى إنتفاء الصفة العسكرية عنهم .. بخروجهم عن الخدمة .. بل هم مؤهلون للنقاش عن العسكرية أكثر من غيرهم .. أولآ لأن الإنقاذ .. دأبها دأب كل حكومة عسكرية .. تخاف من خصومها المؤهلين والشرفاء أكثر من غيرهم .. وثانيآ كما قلت لك العسكرية "تربية" وليست مهنة ..
مودتى
|
Post: #236
Title: Re: اعدام ضابط شرطه بالخرطوم
Author: عبدالله
Date: 02-19-2009, 11:02 AM
Parent: #235
| Quote: كانت آخر مره أحدثهم فيها حيث لم أراهم ثانية .... إلا وهما جثتين فى مشـرحة مسـتشـفى الخرطوم .. الإتنين نعم الاتنين ، حيث سـقطت طائرتهما التابعه للخطوط الفدراليه شرق منطقة الحاج يوسف ، بأشهر قليله من رحلة الفاشر .. |
Quote: *** ظل المتهم فى سجن كوبر قرابة العام قبل أن ينفذ فيه الاعدام ...
|
سبحان الله لا تدري نفس ماذا تكسب غدا
كابتن مصطفى وصاحبة طه حسين تسببا في تاجيل تنفيذ حكم الاعدام في المتهم لسنة
ولقيا ربهما قبلة
رحمهم الله جميعا
|
Post: #237
Title: Re: اعدام ضابط شرطه بالخرطوم
Author: هند محمد
Date: 02-19-2009, 03:40 PM
Parent: #236
التحايا سعدتو الطيب عثمان يوسف
هذه المأساة التي سردت وقائعها بسردك المميز ووضوح التعبير
عشناها بكل جوارحنا وكم هي مؤلمة بحق ..
انفطرت قلوبنا لوفاة كابتن مصطفي وطه حسين..
ونخطو معك الى فاصل جديد من الألم وانت تذهب لاخطار الملازم مصطفي
له الرحمة وعدالة السماء
سلوانا أن دخل بحق فى أمة الاسلام
هنا دنيا من الألم لهم الله ..
Quote: وعندما يدخل السجان و يتخطى
أى زنزانه تجد أن ملامح كل من بداخله قد تغيرت إيذانا بعمر جديد لساكنيهاالى أن يصل السجان الى من يريد منهم
ولقد شاهدت بأم عينى كيف يتوادعـون فتتاح للمراد التنفيذ فيه فرصة وداع البقيه فيكون هو خارج الزنزانه
و يتقدم الى باب كل زنزانه التى عادة ما تكون مغلقه فتتشابك الأيدى دون أى كلام و قد لاحظت أن الدموع لا تنزل
من الشـخص المغادر بينما تنهمر أغزرها من البقيه .. نسيت أن أذكر لكم أنهم عادة ما يحتفظون بصور لهم دائما
ما تجدهم يقولون لك هذه صوره جماعيه أخذناها قبل شهرين ( الواقف نمره إتنين ده المرحوم فلان وده المرحوم فلان )
..... كذلك نسيت أن أذكر لكم أن هذه المره التى دخلت فيها مع السجان قد حضرت فيها تنفيذ حكم أعدام تمانية أشخاص
نعم ثمانية .. فى يوم واحد ..
.........................................يتبع |
القصة مؤلمة بحق ومؤثرة ..
برغم الألم شكرا لكل حرف خطه بنانك هنا ..
|
Post: #238
Title: Re: اعدام ضابط شرطه بالخرطوم
Author: النصرى أمين
Date: 02-20-2009, 04:21 PM
Parent: #237
الاخ الطيب عثمان يوسف
السلام عليكم ورحمة الله
وصلتنى عن طريق البريد الالكترونى هذه الرساله من الاخ
اسامه سعد الطيب
Quote: نسأل الله ان يرزقنا بحكام يحكمون حكم عمر...ورعية كرعية عمر...
رضي الله عنه وارضاه
أتى شابّان إلى الخليفة عمر بن
الخطاب رضي الله عنه وكان في
المجلس وهما يقودان رجلاً من
البادية فأوقفوه أمامه
قال عمر: ما هذا
قالوا : يا أمير المؤمنين ، هذا
قتل أبانا
قال: أقتلت أباهم ؟
قال: نعم قتلته !
قال : كيف قتلتَه ؟
قال : دخل بجمله في أرضي ، فزجرته
، فلم ينزجر، فأرسلت عليه حجراً
، وقع على رأسه فمات...
قال عمر : القصاص ....
الإعدام
.. قرار لم يكتب ... وحكم سديد لا
يحتاج مناقشة ، لم يسأل عمر عن
أسرة هذا الرجل ، هل هو من قبيلة
شريفة ؟ هل هو من أسرة قوية ؟
ما مركزه في المجتمع ؟ كل هذا لا
يهم عمر - رضي الله عنه - لأنه لا
يحابي أحداً في دين الله ، ولا
يجامل أحدا ًعلى حساب شرع الله ،
ولو كان ابنه القاتل ، لاقتص
منه ..
قال الرجل : يا أمير
المؤمنين : أسألك بالذي قامت به
السماوات والأرض أن تتركني ليلة
، لأذهب إلى زوجتي وأطفالي في
البادية ، فأُخبِرُهم بأنك
سوف تقتلني ، ثم أعود إليك ،
والله ليس لهم عائل إلا الله ثم
أنا
قال عمر : من يكفلك
أن تذهب إلى البادية ، ثم تعود
إليَّ؟
فسكت الناس جميعا ً، إنهم لا
يعرفون اسمه ، ولا خيمته ، ولا
داره ولا قبيلته ولا منزله ،
فكيف يكفلونه ، وهي كفالة ليست
على عشرة دنانير، ولا على أرض ،
ولا على ناقة ، إنها كفالة على
الرقبة أن تُقطع بالسيف ..
ومن يعترض على عمر في تطبيق شرع
الله ؟ ومن يشفع عنده ؟ومن يمكن
أن يُفكر في وساطة لديه ؟ فسكت
الصحابة ، وعمر مُتأثر ، لأنه
وقع في حيرة ، هل يُقدم فيقتل
هذا الرجل ، وأطفاله يموتون جوعاً
هناك أو يتركه فيذهب بلا كفالة ،
فيضيع دم المقتول ، وسكت الناس ،
ونكّس عمر
رأسه ، والتفت إلى الشابين :
أتعفوان عنه ؟
قالا : لا ، من قتل أبانا لا بد
أن يُقتل يا أمير المؤمنين..
قال عمر : من يكفل هذا أيها
الناس ؟!!
فقام أبو ذر الغفاريّ بشيبته
وزهده ، وصدقه ،وقال:
يا أمير المؤمنين ، أنا أكفله
قال عمر : هو قَتْل ، قال : ولو
كان قاتلا!
قال: أتعرفه ؟
قال: ما أعرفه ، قال : كيف تكفله
؟
قال: رأيت فيه سِمات المؤمنين ،
فعلمت أنه لا يكذب ، وسيأتي إن
شاءالله
قال عمر : يا أبا ذرّ ، أتظن أنه
لو تأخر بعد ثلاث أني
تاركك!
قال: الله المستعان يا أمير
المؤمنين ...
فذهب الرجل ، وأعطاه عمر ثلاث
ليال ٍ، يُهيئ فيها نفسه، ويُودع
أطفاله وأهله ، وينظر في أمرهم
بعده ،ثم يأتي ، ليقتص منه لأنه
قتل ....
وبعد ثلاث ليالٍ لم ينس عمر
الموعد ، يَعُدّ الأيام عداً ،
وفي العصرنادى في المدينة :
الصلاة جامعة ، فجاء الشابان ،
واجتمع الناس ، وأتى أبو ذر
وجلس أمام عمر ، قال عمر: أين
الرجل ؟ قال : ما أدري يا أمير
المؤمنين!
وتلفَّت أبو ذر إلى الشمس ،
وكأنها تمر سريعة على غير عادتها
، وسكتالصحابة واجمين ،
عليهم من التأثر مالا يعلمه إلا
الله.
صحيح أن أبا ذرّ يسكن في قلب عمر
، وأنه يقطع له من جسمه إذا أراد
لكن هذه شريعة ، لكن هذا منهج ،
لكن هذه أحكام ربانية ، لا يلعب
بها اللاعبون ولا تدخل في
الأدراج لتُناقش صلاحيتها ، ولا
تنفذ في ظروف دون ظروف وعلى أناس
دون أناس ، وفي مكان دون مكان...
وقبل الغروب بلحظات ، وإذا
بالرجل يأتي ، فكبّر عمر ،وكبّر
المسلمون معه
فقال عمر : أيها الرجل أما إنك لو
بقيت في باديتك ، ما شعرنا بك وما
عرفنا مكانك !!
قال: يا أمير المؤمنين ، والله
ما عليَّ منك ولكن عليَّ من
الذي يعلم السرَّ وأخفى !! ها أنا
يا أمير المؤمنين ، تركت أطفالي
كفراخ الطير لا ماء ولا شجر في
البادية ،وجئتُ لأُقتل..
وخشيت أن يقال لقد ذهب الوفاء
بالعهد من الناس
فسأل عمر بن الخطاب أبو ذر لماذا
ضمنته؟؟؟
فقال أبو ذر :
خشيت أن يقال لقد ذهب الخير من
الناس
فوقف عمر وقال للشابين : ماذا
تريان؟
قالا وهما يبكيان : عفونا عنه
يا أمير المؤمنين لصدقه..
وقالوا نخشى أن يقال لقد ذهب
العفو من الناس !
قال عمر : الله أكبر ، ودموعه
تسيل على لحيته .....
جزاكما الله خيراً أيها الشابان
على عفوكما ،
وجزاك الله خيراً يا أبا ذرّ
يوم فرّجت عن هذا الرجل كربته
، وجزاك الله خيراً أيها الرجل
لصدقك ووفائك ...
وجزاك الله خيراً يا أمير
المؤمنين لعدلك و رحمتك....
قال أحد المحدثين :
والذي نفسي بيده ، لقد دُفِنت
سعادة الإيمان والإسلام فى اكفان عمر
منقول من مقال الأخ على سر الختم
تعليق:
ضمان القاتل واخلاء سبيله حتى حين
اراد سيدنا عمربن الخطاب ان يعين والى على احد الأمصار
فسأله عمر :ماذا تفعل اذا سرق احدهم
اجاب الرجل: سوف اقطع يده
فقال عمر:يا هذا فان جاءنى منهم جائع او عارى فسوفا يقطع عمر يدك
ياهذا ان الأيدى خلقت لتعمل فان لم تجد فى الطاعة عمل التمثت فى المعصية اعمال
تعليق:متى تنفذ القوانين حرفيا
عندما أذر الطيب ذلك القاتل (ضابط الشرطة)ووقف الى جانبه فهو لانه مسكين
اهله ليس من العاصمة او من رجال الدولة وليس من الشمال بل من الجنوب
ولو كان العكس صحيحا لحوكمت اسرة المقتول بالتعدى على القانون
ولصار الطيب عثمان يوسف ملحق باحدى سفارات السودان بالخارج
وعنده من العمارات والبيوت مايفوق الحساب
|
|
Post: #239
Title: Re: اعدام ضابط شرطه بالخرطوم
Author: Hadeer Alzain
Date: 02-20-2009, 04:39 PM
Parent: #238
Quote:
فسأل عمر بن الخطاب أبو ذر لماذا ضمنته؟؟؟
فقال أبو ذر :
خشيت أن يقال لقد ذهب الخير من الناس
فوقف عمر وقال للشابين : ماذا تريان؟
قالا وهما يبكيان : عفونا عنه
يا أمير المؤمنين لصدقه..
وقالوا نخشى أن يقال لقد ذهب
العفو من الناس !
قال عمر : الله أكبر ، ودموعه
تسيل على لحيته .....
جزاكما الله خيراً أيها الشابان
على عفوكما |
|
Post: #240
Title: up
Author: Jassim Osman
Date: 02-21-2009, 02:34 AM
up
|
Post: #241
Title: الرائع
Author: Jassim Osman
Date: 02-21-2009, 03:09 AM
الرائع : الطيب عثمان يوسف ..
كل الود ... حتي نلتقي
|
Post: #242
Title: Re
Author: Dr.Mohammed Ali Elmusharaf
Date: 02-21-2009, 02:27 PM
الحبيب الطيب
متابعين معاك
طبعا الطيب رفض يتم لي القصة بالدرب حلف الا في سودانيز ونلاين
معزتي
|
Post: #243
Title: مشروع كاتب رائع
Author: Jassim Osman
Date: 02-21-2009, 03:56 PM
مشروع كاتب رائع ...
هكذا الشرطة ..
وانتم ...
|
Post: #244
Title: Re: مشروع كاتب رائع
Author: الطيب عثمان يوسف
Date: 02-21-2009, 06:25 PM
Parent: #243
الســــــــــــــلام عليكم ســــــــــــــــادتى
**** طيلة الفاتره الماضيه لم أتمكن من دخول البوســـــــت لذا جاء تأخرى عليكم
*** عودا الى ذى بدء :
توجد زنازين الإعدام داخل حوش منفصل داخل سجن كوبر و الذى عادة ما يفتح عند الساعه الثامنه صباحا
، لذا تجد المحكوم عليهم فى حالة ترغب وحذر شديدين قبل هذا الوقت بقليل فأى تأخير عن سماع
صليل أصوات المفاتيح فى الوقت المحدد يؤدى إلى إنقباض الأنفاس ويعنى لكل ساكنى تلك البقعه من الكره الأرضيه
أن ساعة الرحيل قد أزفت فتتلاشى كل الغرائز الإنسانيه من جوع وعطش وحب وجنس و كراهيه
وتنصهر كل الحواس فى بوتقة الوجوم الذى يعترى تلك الوجوه ذات المصير المشترك وينعكس
إتجاه عقارب ساعاتهم فينفقد الإحساس بالزمن و الطعم و الرائحه .
تظل هذه الحاله التى لا إسم ولا وصف لها غير الذى ذكرت ، تظل هذه الحاله هى المسيطر ،
إلى أن يسمع صليل المفاتيح مرة أخرى فتتوقف الأنفاس تماما و تسود السكينه و الهدوء
و لا تسمع سوى جلبة الكلابيش التى تكاد تسمع من به صمم من أولئك البشر وقرقعت ( البوت ) المتهالك لذلك السجان ،
. فتحسب خطواته حسابا دقيقا .
وعند تجاوزه لكل زنزانه يعود سـر الحياة لساكنيها و يعود الدم الى رحلة التدفق عبر الشرايين و الاوعيه
إيذانا بميلاد جديد و يقرع القلب طبول دقاته قرعا لا توقفه سوى لحظات وداع من وقع عليه إختيار ذلك السجان .
عند كتابتى لهذه السطور أصدقكم القول سادتى أننى كتبتها و هآنذا أرتجف و ملء إحساسى أن قلبى يتزحزح بين أضلعى .
*** بالعوده إلى صديقى مصطفى والذى رآنى قادما نحوه و من خلفى السجان ،
فقد عبرنا ثلاثة زنازين و لا أزال أسمع صدى من مررنا بهم و هم قد أدركوا عندما مررت بهم
أن المقصود هو زمليهم مصطفى لأنهم كانوا يعرفون علاقتى به ، فلا أزال أسمع صدى همسـهم : ( اللاااااااااه جنابو مصطفى )
أى أنهم أدركوا من وقع عليه إختيار المغادره و الرحيل .
كان مصطفى واقفا وحيدا داخل زنزانته .
توقفت أمامه و كنت أنظر إلى قدميه .. نعم إلى قدميه و حتى هذه اللحظه لا أدرى لماذا ؟؟
إبتسم إبتسامه لا أدرى كيف أوصفها لكم إلا أنها لم تبارح شفتيه حتى آخر لحظات حياته .
حاول أن يكلمنى إلا أنه تنحنح أكثر من مره ثم قال لى : و الله أنا من أول أمبارح كنت حاسـى
! ( خلاص ) ؟؟ متسآئلا .. ثم أكمل يلا يا زول ما فى عوجه . ... فتح السـجان الباب ..
.. حضنته .. فقبل جبهتى ، فأحسست بدفئ غريب قد سرى بين جنبى .. .
فشـممته شممت حتى إبطيه فتنسمت رائحة نديه ،،، بحثت عنها كثيرا ... عادتة إلى و أنا أكتب لكم هذه السطور
... ليتها تدوم ..
*** طلب منى أن يودع زملاءه بينما واصل السجان نحو زنزانة أخرى ليخرج آخرا كان موعده فى ذلك اليوم أيضا .
و قف مصطفى أمام باب كل زنزانه و تتشابك يديه مع من هم بالداخل دون أى صوت أو كلمه .
خرجنا من الزنازين الى مكتب مدير السجن حيث يكون ملف المحكوم عليه أمامه و بجوار
باب المكتب من الداخل يوجد ميزان . فتم وزن مصطفى و قايس طوله ثم أجلس فى كرسى أمام مدير السجن
و نوابه و تم إخطاره رسميا بأنه سوف يتم تنفيذ الاعدام فيه اليوم تفيذا لأمر المحكمه .
وكان مدير السجن و من حوله ينظرون الى الأسفل متفادين النظر فى وجه مصطفى الذى لم تبارحه تلك الابتسامه الغريبه .
فى الخارج كانت والدته ووالده و شقيقته .
*** خرجت من المكتب و كان فى إنتظارى خالد و عبد الرحيم و مجدى و عرفت منهم أن حاجه التومه موجوده فى سجـن أم درمان لقضاء
عقوبة إتجار فى الخمـور البلديه . فهمسـت فى أذن المقدم صديق المشرف على عملية التنفيذ
: يا سيد صديق أنا طاير طيران أجيب حاجه التومه من سجن أم درمان .. عل وعسـى أن يلين قلبها آخر اللحظات .
** لا أدرى كيف وصلت سجن أم درمان فى ذلك الصباح .. إلتقيت مديرة سجن النسـاء
و التى فزعت معى الى داخل عنابر السجينات فوجدنا حاجه التومه قابعه
فى أحدى الزوايا و حواليها لفيف من ذوات الثدى يتناولن قهوة محلية الصنع .
طلبنا منها التحرك معنا بسرعه الى مكتب مديرة الســحن و أخبرتها مديرة السجن بالموضوع و بضرورة
التحرك معنا الى سـجن كوبر ، وافقت حاجه التومه مشكوره .
تحركنا أنا و حاجه التومه و أحدى الضابطات برتبة ملازم برفقة المقدم مديرة السـجن .
أدخلنا حاجه التومه الى مكتب مدير السجن الذى كان يعج بضباط السجون .
** سألت عن مصطفى فعلمت أنه فى ناحيه أحرى من نواحى السجن مخصـصـه لوداع المحكوم عليهم بالاعدام .
كانت الجلسه فى شكل دائره مكونه من أهل مصطفى و بقية الزملاء يتوسطهم مصطفى وشقيقته ،
جلست بالقرب منه و كانت رجليه مكبلتين بالكلابيش . لا أستطيع أن أصف لكم نظرات والدته ووالده و شقيقته اليه فالأولى أن أترك لكم تخيل ذلك .
*** بدأت طقوس و ترانيم مصحوبه بتصفيق خفيف لا يلبث أن يعلو ثم ينخفض .
عرفت أنها بعض نســــك الديانه المسـيحيه التى يدين بها أهل مصطفى . و تستمر هذه الترانيم
الى أن وصلت بهم حد الرقص أو بالاصح وصلت بنا حد الرقص فقد رقصنا نعم رقصنا خالد و عبد الرحيم
و مصطفى و أنا ووالده كلنا رقصنا حتى الساعه الثالثه ظهرا .
جاء إلينا المقدم صديق و الملازمين الحمرى و قاسم و طلبوا منا الحضور الى مكتب مدير السجن .
طلبت من مصطفى أن نجلس لوحدنا قليلا لأسأله !
** سألته السؤال الذى لم يدر على بالكم .
( أسمعنى يا مصطفى .. سكت لم أستطع أن أكمل .. مالك يا الطيب فى شنو ؟؟ حاولت مداراة دموعى
.. مسكنى من يدى يا زول قولى فى شنو ؟ أسمعنى يا مصطفى أسمع .. ندفنك وين ؟
صمت . ولم يجيبنى ثم أبتسم .. أسمع يا أبو الطب أسمعنى كويييييس
أهلى ديل عندهم طقوس بعد الوفاه خلوهم يعملوبى العايزنو ، بعدين أدفنونى فى أى مقابر مسلمين.
فى طريقنا الى مكتب مدير السجن و بينما كنا أنا وهو فقط همس مصطفى فى أذنى :
أبو الطب الكلام الحأقولو ليك ده أنا عافو ما بفيد لكنى حأقولو ليك ، إنت عارف يا الطيب أنا هسى ماشى أقابل ربنا
، والله والله يا الطيب الراجل ده أنا ما قصدت أكتلو . لم أعلق و لم يكن مصطفى ينتظر منى تعليق .
فى داخل مكتب مدير السجن الذى كان ممتلاأ عن بكرة أبيه جلس مصطفى متوسطا والدته و الحاجه التومه .
إبتدر الحديث مدير السجن بآيات من الذكر الحكيم ثم وجه حديثه للحاجه التومه معددا مآثر العفو و الصفح .
ثم أتاح الفرصه لمصطفى ليوجه حديثه لحاجه التومه . وقف مصطفى من جلسته ومد يده للحاجه التومه مصافحا لأول مره .
و فى أدب واضح قال لها : حاجه التومه أنا كتلت ولدك الله يرحمو فأرجوك أعفى عنى وربنا يجزيك خير
و إذا ما عايز تعفينى من القصاص أرجوك بعد ما أموت سامحينى ووضع يده فى رأسها ثم جلس .
الرســــاله الأولى :
أتاح مدير السجن لوالدة مصطفى فرصة التحدث ووجهت حديثها لحاجه التومه فى الحوار التالى :
بعد برهة صمت .. حاجه التومه الله يخليك إنتى ولدك مات قبال سته سنوات والله والله أنا لوكنت مكانك
والله كنت عفيت لى ولدك ، الله يخليك يا حاجه التومه أعفى لى ولدى ..
بعد طول صمت ظننا كلنا أنها سوف تعلنها .. تعلن الموافقه .
ردت حاجه التومه : بعد أن عدلت جلستها
( نعم صحيح أنا ولدى مات قبال سته سنين لكين بس عايزاك تضوقى حرق الحشا حار كيفن )
أسقط فى يدنا جميعا .. لم يعلق أحد .
هنا تدخل والد مصطفى بعد أن خلع نظارته و مسح دمعه وربت على رأس إبنته الجامعيه
التى كانت شبه ممده على رجلى والدها .. إبتدر الحديث شاكرا مدير السجن و الحضور على كلما قاموا به نحوهم . قاطعته والدة مصطفى موجهه حديثها الى مصطفى :
( شفت يا وانى يا ولدى شفت ناس الدين الاسلامى الإنت مشيت ليهم لو أنا كنت فى مكان الحاجه
دى إنت عارف أنا كنت إتنازلت لأنو دينا دين تسامح ).
وقف مصطفى على رجليه من جلسته ورد على والدته و كان يشير بيده الى حاجه التومه
( حاجه التومه دى يا أمى كانت سبب دخولى الاإسلام وبى كلمه وااااحده منها ممكن تعفى عنى ويمكن أرجع تانى للدين المسيحى لو
عشـت ، لكين بى إصرارها ده أنا حأموت مسلم و يمكن ربنا يكرمنى بالجنه ويكرمك معاى . )
*** دوت فى الأرجاء الله أكبر الله أكبر الله أكبر بدأها مدير السجن العميد عشريه ورددناها من خلفه .
ثم أمر بالتوجه فورا الى المشنقه .
** فى منتصف الطريق الى المقصله طلب المقدم صديق من أهل مصطفى الوقوف هنا ( يا خاونا حدكم هنا معلش أكتر من هنا ما مسموح .
وقف مصطفى فى النص وحوله فى شكل دائرى والده وشقيقته ووالدته نظروا إليه دون أى كلمه لبرهه
ثم هجموا عليه و احتضنوه و ضموه ... كأنك بهم متلاصقين ككتلة واحده .
. أكاد أجزم أن دقات قلوبهم قد توحدت و كذلك أنفاسـهم و كأن دماءهم قد سرت فى شرايين بعضهم بعضا .
*** بعد فترة لا أستطيع تقديرها تدخل المقدم صديق و فك هذا الارتباط .. وقعت شقيقته على الأرض .. وكذلك والدته
.. أعطاهم مصطفى ظهره مسرعا يســترق النظر إليهم بين الخطى الى المقصله .
*** بينما كانت تتم مراجعة بيانات مصطفى النهائيه أمام المقصله رفع آذان صلاة العصر .
طلب مصطفى أن يسـمح له بالوضوء لتأدية الصلاه ، فأذن له وتتطوع أحد العسـاكر للصلاة معه
حتى ينال أجر الجماعه وو قف بجانبه و قبل إقامة الصلاه طلبت من مصطفى أن يفسـح المجال للعسـكرى
ليكون إماما له بدلا عنه .
.. بعد أن فرغ من الصلاة تقدم مصطفى منى وهمـس فى أذنى : أسمع يال طيب فى فلان الفلانى ده معانا فى السجن
كان عايز منى إتنين جنيه أنا اشتريت بيها أمواس حلاقه و ما رجعتها ليهو بالله عليك يالطيب أديها ليهو .
ثم تقدم نحو المقصله و تم وضع حلقة الشنق حول رقبته و شد عليها إلا أنه طلب من العسـكرى
أن يخفف عليه قليلا حتى يتمكن من نطق الشهاده ثم بدأ يرددها و أثناء ذلك قال لى
يا الطيب خلى بالك من الوالده ثم استرسل فى تأدية الشهادتين الى أن إنفتح الباب من تحت قدميه مدويا
و توارى عن ناظريه .
** بعد حوالى ربع الساعه تم إخراجه وتم وضعه على نقاله وو ضع فى ساحه مجاوره للمقصله وعلمت أن الحاجه التومه طلبت أن تتأكد من الجثه و قد سمح لها .
**** ألم يكن لمصطفى من خلال الحوار الذى دار بينه وبين والدته رسالة لنا و لمن يلينا ؟؟؟
*** سقط سهوا :
1/ نسيت أن أذكر لكم أن أحد أشقاء المجنى عليه قد كان ضيفا فى سجن كوبر مع الملازم أول مصطفى
و قد توفى وفاة طبيعيه وهو داخل السجن
2/ كذلك فاتنى أن أذكر لكم أننى و قبل تنفيذ الاعدام كنت قد طلبت من سعادة العميد عشريه أن يتم التنفيذ الإعدام أولا فى الشاب الآخر طالما هما إتنين و نخلى حاجه التومه تحضر الإعدام الأول عل ذلك يجعلها تغير رأيها .
إلا أن سعادة العميد فاجأنى قائلا : يا الطيب يا أبنى نحن هنا ننفذ حدود الله عز وجل ولو سوينا كلامك ده بنكون
( مثلنا به ) . أى جعلنا منه مثالا لحاجه التومه فزاد إحترامى للرجل ـ
لك كل تقدير سعادة العميد عشريه أينما حللت .
** تمت ترقية الملازم مصطفى الى رتبة الملازم أول خطأ وهو فى السجن حيث ظهر إسمه
خطأ ضمن المترقين الى رتبة الملازم أول .
** توفى والده بعد فترة قصيره جدا بعد تنفيذ الاعدام .
*** الرســـاله التانيـــه : رســــالتى
** كما سبق و أن أشرت لم و لن يكن غرضى فى أى لحظه من اللحظات أن أنشر هذه الوقائع لمناقشة الجوانب القانونيه
أبدا فأنا أثق كل الثقه فى شريعتنا و قضاتنا .
*** ما كان غرضى و لن يكون أبدا من النشر أن أقصد عمل مباراة أو منازله بين ديانات الله السماويه
فكلها من عنده و نحن نؤمن بها و كما آمنا بمحمد عليه الصلاة والسلام نؤمن بسيدنا عيسـى عليه السلام
ونؤمن بأنه مرفوع الى الله سبحانه وتعالى ** و أحذر من مغبة النظر بمنظار أى الفريقين انتصر .
*** كذلك لم تكن غايتى من النشر الاساءه الى الحاجه التومه أو غيرها بل على العكس تماما ،
فإذا أكرم ربنا سبحانه وتعالى ـ و نحسبه كذلك ـ أخونا مصطفى بالجنه ترانا نجده يدعو لها بكرة و أصيلا
لتمسكها بموفقها هذا والذى فيه تمسـكا بحق القصاص الوارد فى صلب شريعتنا الغراء
*** أدعوكم سادتى لتكن هذه المساحه للتدبر و التفكر ضمن هذه الوقائع
و تقييم الادوار الاجتماعيه لشخصياتها متمنيا من الجميع عدم التطرق لما قد أكون قد قمت به خشيت الوقوع فى المحظور .
والنجعلها مساحة لإفادة بعضنا بعضا من خلال النقاش الذى يثرى الفكر و ينير البصيره .
*** و النجعلها مساحه للدعاء للذين قضوا نحبهم أمثال كابتن مصطفى و كابتن طه حسين و أن لا ننسى الحاجه التومه
من صالح دعآءنا تلك التى تمسكت بحقها الشرعى والتى سوف تكون سببا فى بإذن الله فى دخول أخونا
مصطفى جنة عرضها السماوات و الأرض يدخلها طاهرا متطهرا من أى ذنب بإذن واحد أحد مليك مقتدر ..
**** ســـــــادتى أرجو إعـادة قرآءة هذه الوقائع مرة أخرى .. أكرر لكم طلبى ..
*** أترك لكم ســــادتى المقام الآن ... و أجدد الدعوه للذين قد أكون أسأت فهمهم أمثال
ياسكو و سالم أحمد سالم و عاطف عمر و الفاضلابى وهدير و أقول لهم لكم العتبى حتى ترضوا
**** أتقدم بالشـــكر الجزيل لأولئك الذين لم يتمكنوا من المشاركه و أولئك الذين حاولوا
الوصول الى و لم أستطع وصلهم و الذين وصلونى ووصلتهم بشتى السبل
*** تجددوننى على أتم الاستعداد لإلقاء المذيد من الضوء على أى ما يحتاج ذلك
عبر البوست أو الهاتف أو الايميل ..
............... و الله من وراء القصد .
............................ الطيب عثمان يوسف
**** البوست القادم تحت : عنوان أنا أشد الناس كرها لوالدتى[/B]
|
Post: #245
Title: Re: مشروع كاتب رائع
Author: keiga2000
Date: 02-21-2009, 09:13 PM
Parent: #244
جنابو الطيب السائح
كفيت وأوفيت
ربنا يرحم مصطفى ويجعل قبره روضة من رياض الجنه
هذه الحياه بمرارتها وحلاوتها ونزعات الشيطان وفي الموت عظه للجميع
ابومصطفى
|
Post: #246
Title: Re: مشروع كاتب رائع
Author: Hadeer Alzain
Date: 02-21-2009, 09:55 PM
Parent: #245
بقلوب واجفة .. باكية .. وراضية بقضاء الله
كنا وما زلنا مواصلين معاك
حتى النهاية المفجعة لهذه الوقائع الحزينة
قصة حزينة حزينة وموجعة ..
يا الله!!!
ولا حولا ولا قوة إلا بالله العلي العظيم!
كتبت لك سابقآ في هذا البوست:
هذه الأقدار لانعرف الحكمة من ورائها .. أو هي أكبر من أن ندرك الحكمة فيها
الرجاء لو تكرمتم يا جنابو الطيب (إن كان ذلك ممكنآ)
أن تقوم بوضع تلفون والدة المرحوم مصطفى هنا في البوست (بعد الإستئذان منها)
لنواسيها .. وعشان نتم باقي بكانا دا معاها .. ولنتوصى بها حسب طلب المرحوم مصطفى
اللهم أرحم عبدك مصطفى وأحسن إليه وتجاوز عن كل سيئاته
وأسكنه فسيح جناتك مع الصديقين والشهداء وحسن أولئك رفيقا ..
ولا حولا ولا قوة إلا بالله ..
وشكرآ يا جنابو الطيب لسعة صدرك ولطولة بالك ..
وللسرد الشيق الجميل
مع فائق التقدير والإحترام ..
|
Post: #256
Title: Re: مشروع كاتب رائع
Author: الطيب عثمان يوسف
Date: 02-22-2009, 05:07 PM
Parent: #245
هذه الحياه بمرارتها وحلاوتها ونزعات الشيطان وفي الموت عظه للجميع
*** إن الذكرى تنفع المؤمنين ..
**** شــــكرا أبو مصطفى
|
Post: #247
Title: Re: مشروع كاتب رائع
Author: Yassir Tayfour
Date: 02-21-2009, 10:54 PM
Parent: #244
الرائع الطيِّب عثمان يوسف
قتلني الإنتظار و"الشحتَّفة"، ولكنك ملكتني بعدد الحروف التي كتبتها؛ وإستوقفتني في كل نقطة أوحكمة أو موضِع تدبُر أردت أن تنبه القاريء له.. شكراً جميلاً لك، للدروس والعبر التي جاءت بمعيّة سردك المشوِق والأخاذ..
___
سأكون قارئاً لكل ما تكتب بعد اليوم، وأتمنى ان تُشرِع في كتابتها كتاباً يزيِن أرفف المكتبات..
|
Post: #248
Title: Re: مشروع كاتب رائع
Author: yasiko
Date: 02-22-2009, 02:33 AM
Parent: #247
Quote: و أجدد الدعوه للذين قد أكون أسأت فهمهم أمثال
ياسكو و سالم أحمد سالم و عاطف عمر و الفاضلابى وهدير و أقول لهم لكم العتبى حتى ترضوا |
جنابو الطيب
لك السلام والاحترام
والرحمة مجددة للراحلين الملازم مصطفي والمجني عليه بإذن الله
أكرر لك شكري وتقديري وأعبر عن إعجابي بأسلوبك الجميل والمثير في الوقت نفسه وأقول لك
ما تحاورنا وأختلفنا فيه ليس سؤ فهم وإنما خلاف في الرؤى والخلاف في الاعتقاد أو الرؤية ليس
بعيب ابداً يستدعي طلب الصفح ، هون عليك كل الذي عنيته رؤية من زواية لا تقف
انت فيها وربما اكون مخطئاً بمنظار آخر لاسيما إذا جردت نفسي
من "شوية القانون" الذي بداخلي مع العلم التام ان اعتى رجال القانون يخطئون
لك ودي وتقديري وتجدني مناوئاً لك في كل كتاباتك القادمة مناواة لا يشوبها إلا الود والاحترام
أتمنى أن تضع الحلقات كلها مجتمعة في مكان واحد طالما انتهى عنصر التشويق باكتمال العرض
|
Post: #249
Title: Re: مشروع كاتب رائع
Author: سلمي النصري
Date: 02-22-2009, 03:25 AM
Parent: #248
سلام
له الرحمه والمغفره انشالله.
حان الاجل ..لا شك , ولكن احساسي العميق بانه ظلم,للاسف ...
علي ايه حال اليوم تم.
سلام
|
Post: #250
Title: Re: مشروع كاتب رائع
Author: سلمي النصري
Date: 02-22-2009, 03:37 AM
Parent: #249
سلام
اسلوبك رصين ومهذب لكنك اغضبتني بهذه العباره:
Quote: لا أدرى كيف وصلت سجن أم درمان فى ذلك الصباح .. إلتقيت مديرة سجن النسـاء
و التى فزعت معى الى داخل عنابر السجينات فوجدنا حاجه التومه قابعه
فى أحدى الزوايا و حواليها لفيف من ذوات الثدى يتناولن قهوة محلية الصنع |
اخي الكريم لديك اخوات في هذا البورد.., الم تجد كلمه الطف من هذي لتصف بها مجموعه نساء.....؟
سلام
|
Post: #251
Title: Re: مشروع كاتب رائع
Author: Sara Mahgoub
Date: 02-22-2009, 06:30 AM
Parent: #250
الطيــب عثــمــان يـوســف .. .. ..
تحيـــة رائعـــة بقــدر روعـــة كتــــابـــاتـــك .. ..
لــك نجمـــة الانجــــاز !!!!! ( اول الدفعـــه صـــرفنـــاها ليـــك كيــــه فــى نــاس تــانـيـيـن ؟؟؟؟)
ودى الاكــيـــــد .. ..
|
Post: #252
Title: Re: مشروع كاتب رائع
Author: othman mohmmadien
Date: 02-22-2009, 11:27 AM
Parent: #251
السلام عليكم ورحمة الله وبركاته
صعب على كثيرا ان اكتب مداخلتي من كثرة الالم الذي سكن قلبي .... ربنا يرحمه ويغفر إليه ... ويهدي ويغفر لحاجة التومة ولنا أجمعين
"لا حول ولا قوة إلا بالله "
|
Post: #253
Title: Re: مشروع كاتب رائع
Author: ود الباوقة
Date: 02-22-2009, 11:59 AM
Parent: #251
رغم انني ما زلت اعاني من ( شحتفة ) في حبالي الصوتية الا ان روعة السرد نستني ذلك ..
شكرا لك اخي الطيب ..
ونسال الله ان يتغمد الفقيد مصطفى برحمته انا لله وانا اليه راجعون ...
عليك الله يا الطيب لو عندك قصة تاني الحقنا بيها سريع ...
|
Post: #254
Title: Re: مشروع كاتب رائع
Author: ALZOLZATOO
Date: 02-22-2009, 10:55 AM
Parent: #253
جنابو الطيب
رحم الله مصطفى واسكنه فسيح جناته ورحم كباتن الطيران واولاد التومة
وربنا يجعل كل ماقمت وماقام به زملائه في ميزان حسناتكم
قصة مؤلمة بمجرد قراتها فقط لادري شعور القراء لو كانوا ضمن الاحداث
اكثر موقف محزن ومرعب هو موقف الاشخاص داخل السجن المحكوم عليهم بالاعدام وحالتهم عند دخول السجان لاخذ واحد منهم لتنفيذ الحكم فيه ولا يدرون اي واحد قد حان دوره.
من الاشياء التي طلعت بها من القصة او الواقعة ان الله رحيم بالعباد حين جعل ساعة الموت في علم الغيب
وتاني حاجة عسى ان تكرهوا شيئا وهو خير لكم كلنا حزنا لموت مصطفى ولكن هذا حكم وارادة الله ولا نعلم لماذا اراد الله هذا ربما لخير خصصص به مصطفى .. لا نعلم
نشكرك لسرد هذه الواقعة والتي نال بها كل الذين ماتوا كثيرا من الدعوات والرحمة لهم وكذلك الاحياء
تحياتي
زاتوووو
|
Post: #255
Title: Re: مشروع كاتب رائع
Author: omer osman
Date: 02-22-2009, 11:06 AM
Parent: #251
Quote: ( اول الدفعـــه صـــرفنـــاها ليـــك كيــــه فــى نــاس تــانـيـيـن ؟؟؟؟)
|
كلام في محله الطيب عثمان يوسف يستاهل ....... بس مدثر عبدالرحمن بوافق.
|
Post: #257
Title: Re: مشروع كاتب رائع
Author: الطيب عثمان يوسف
Date: 02-22-2009, 05:15 PM
Parent: #255
| Quote: سأكون قارئاً لكل ما تكتب بعد اليوم، وأتمنى ان تُشرِع في كتابتها كتاباً يزيِن أرفف المكتبات.. ] |
*** الرائع ياسر طيفور :
**** كلمات يظلن وسام على صدرى ..
**** شـــكرا شـــكرا
|
Post: #258
Title: Re: مشروع كاتب رائع
Author: النصرى أمين
Date: 02-22-2009, 07:19 PM
Parent: #257
رسالة اخرى من الاخ اسامة سعد الطيب
Quote: الأخ الفاضل الكريم الشهم النبيل ابو الطيب
هكذا كنت دوما وستبقى باذن الله تعالى كما عهدناك
مقاتل جسور و فتى مقدام وضابط مباحث لايشق له غبار
زول الحارة
واخ الأخوان
الثابت فى الوغى
يوم تزحز الأبطال
حافظ الأمانة ابدا
وان قل أن يجودك بمثلك الزمان
ناصر الضعيف وآخذ الحق لكل من جارت عليه الأيام
لك الله وإن اتاك مُعايب فدعه
و قل ياهذا ان الله هو الأعلم
اكثر الله من امثالك واطال الله لك فى عمرك
ومتعك الله واهلك بكل خير اينما كنتم وحيثما حللتم
وحفظكم الله من كل شر و سوء ماظهر منه و مابطن
الأخ الفاضل ابوالطييب
ان القلم ليعجز عن الخط وان الكلمات لن تفىء وقائع تلك المأساة
لكنك سعيت فاخلصت وعهدت فاوفيت وبذلت فتفانيت
فلك منا الف سلام واطيب تحية
وللحديث بقية .... |
|
Post: #259
Title: Re: مشروع كاتب رائع
Author: النصرى أمين
Date: 02-22-2009, 07:28 PM
Parent: #258
يواصل الاخ اسامة سعد الطيب
Quote: بقية الحديث مادام فى الجسد نفس باقية
الا رحم الله الملازم اول مصطفى (وانى) رحمة واسعة
واسكنه فسيح جناته مع الصديقيين والشهداء
وحسن اولئك رفيقا
والهم امه واخته الصبر والسلوان ولهم اقول
قال الله عز وجل
"ولتجدن اقربهم مودة للذين امنواالذين قالوا إنا نصارى ذلك بأن
منهم قسيسين ورهبانا وانهم لايستكبرون"
صدق الله العظيم
وعسى الله ان يعيننا على الوفاء بوصية المرحوم مصطفى
وكذلك الرحمة للمرحوم ابن الحاجة التومة وشقيقه
وكذلك التحية العطرة لهذين البطلين كابتن مصطفى بدوى
وكابتن طه حسين الا رحمهما الله رحمة واسعة واسكنهم
فسيح جناته مع الصديقيين والشهداء وحسن اولئك رفيقا
واطال الله فى عمر كل من شارك او ساهم فى فداء مصطفى
ومن احيا نفس فكأنما احيا الناس جميعا
ولك يابوالطيب يارجل ياأصيل من الشكر اجزله
ومن الخير اوفره ومن الأجر اكمله ومن العمر اعمره
باذن الله الواسع العليم ذو الفضل العظيم
وجزى الله عنا سودانيزاون لاين والقائمين
على امرها بكرى ابوبكر الف سلام واعطر تحية |
|
Post: #260
Title: Re: مشروع كاتب رائع
Author: الطيب عثمان يوسف
Date: 02-22-2009, 07:35 PM
Parent: #258
Quote: الأخ الفاضل الكريم الشهم النبيل ابو الطيب
هكذا كنت دوما وستبقى باذن الله تعالى كما عهدناك
مقاتل جسور و فتى مقدام وضابط مباحث لايشق له غبار
زول الحارة
] |
*** الأخ النصرى : أشكرك جدا على تأدية أمانة أخونا اسامه
سعد الطيب ،
لقد وصلتنى هذه الرساله عبر الايميل ضمن كثير من الرسائل وقمت بالرد
عليها ولم أنشرها إستحياءا ..
*** الشـــكر لك يالنصرى مره أخرى .
*** الشـــكر لك أيها الشهيد الذى يمشى بيننا أسامه شقيق البطل
الشهيد الفاتح سعد الطيب و التحيه للكابتن سعد الطيب و الوالده
شــكرا شـــكرا
|
Post: #261
Title: Re: مشروع كاتب رائع
Author: الطيب عثمان يوسف
Date: 02-22-2009, 07:46 PM
Parent: #260
Quote: وتجدني مناوئاً لك في كل كتاباتك القادمة مناواة لا يشوبها إلا الود والاحترام
أتمنى أن تضع الحلقات كلها مجتمعة في مكان واحد طالما انتهى عنصر التشويق باكتمال العرض] |
الأخ ياسيكو : لك التحايا
*** أشكر تحملك لى طيلة الفتره الماضيه .
*** بخصوص طلبك بتجميع الحلقات فقد قام أخونا عبد الله كسلا بإجراء اللازم
و قام بتنقيحها من الاخطاء الاملائيه و سوف ينشرها عبر هذا البوست غدا
إنشاء الله .
**** شكرا مره أخرى ياسيكو
|
Post: #263
Title: Re: مشروع كاتب رائع
Author: الطيب عثمان يوسف
Date: 02-22-2009, 07:57 PM
Parent: #261
Quote: اسلوبك رصين ومهذب لكنك اغضبتني بهذه العباره:
|
*** الأخت سلمى النصرى :
يبدو أنك قد أخذتى الوصف بمعناه القريب أرجو محاولة قراءته مره تانيه
ببعد نظر ..
*** إذا لم تجد ما أقصده حقيقة فلك العتبى أختى حتى ترضين و ترضون
فانا ابن أمى و أبى و أخ لأخواتى بالتأكيد و أخريات .
|
Post: #262
Title: Re: مشروع كاتب رائع
Author: محمد عثمان الحاج
Date: 02-22-2009, 07:48 PM
Parent: #257
جنابو الطيب
تابعت هذا السرد المؤثر لهذه القضية الإنسانية وكدت أجهش بالبكاء وأنا أقرأ نهايتها المؤثرة، ولا أشك أن مصطفى مات شهيدا ووليا من أولياء الله. من جانب آخر فهذه الواقعة فضيحة كبرى لما سمي زورا وبهتانا شريعة إسلامية لم يكن الغرض منها سوى خداع بسطاء الناس وايهامهم أنهم يبايعون أمير المؤمنين الحاكم بشرع الله، من أجل مصالح دنيوية فانية، وإلا فلماذا لم تطبق قاعدة أن الإسلام يجب ما قبله التي أجمعت عليها الأمة، تلك القاعدة التي جعلت وحشي قاتل حمزة يعيش عمرا مديدا بعد إسلامه دون أن يتعرض له أحد وهو الذي قتل واحدا من أحب الناس للرسول (ص) وقتله غدرا.
ألا رحمة الله على مصطفى، وجزاك الله خيرا على ما قمت به من مجهودات حتى قبل أن يسلم مصطفى ففي ذلك درس عظيم للمتطرفين والذين يعتبرون أن غير المسلمين مجرد بهائم بأن كل إنسان مهما كان دينه أو أفعاله فهو مسلم محتمل، وأن فعل الخير في كل إنسان مهما كان دينه لايضيع.
لك الشكر على عرضك لهذه الواقعة التي هي حقيقة أغرب من الخيال.
|
Post: #264
Title: ؟؟
Author: Raja
Date: 02-22-2009, 09:37 PM
Parent: #262
الأخ الفاضل الطيب..
ســلام وتحية
من يومين وجدت البوست وقرأته. شدًتني الحكاية وإن كان لي ملاحظة في مسألة التقطير في السرد. وحمدت الله إنني وجدت بالفعل صفحتين سابقتين.
..
هذه الحادثة توضح أن لا حدا فاصلا بين الخير والشر. فالخير الذي كان يمثله الراحل الملازم مصطفى بعلمه وأخلاقه وإجادته لعمله. لم ينصفه عندما أخطأ وقتل النفس التي حرًم الله قتلها. حتى ولو كانت للمجني عليه بكل خلفية بيئته المبوءة بالإمراض الإجتماعية والتفكك مثلما جاء في الحكاية.
عندما أنهيت القراءة أول مرة. لم أتعاطف مع الراحل مصطفى لأنه ومنذ البداية تعاملت معه على أنه إنسان قتل آخر. وهذا أمر لا تجد نفسي فيه اي عذر أو محاولة للتخفيف.
تعاطفت معه يوم تنفيذ الحكم. لأنه موقف عظيم بحق.. له الرحمة
الأمر كله مؤلم. القتل، المحاكمة، الإنتظار، والآمال التي تبددت إضافة لكل المجهودات بتغيير الحكم
رحم الله الجاني والمجني عليه.. وألهم ذويهما الصبر وحسن العزاء.
ملاحظة أخيرة:
كتبت في المشاركة الأخيرة:
Quote: ** لا أدرى كيف وصلت سجن أم درمان فى ذلك الصباح .. إلتقيت مديرة سجن النسـاء
و التى فزعت معى الى داخل عنابر السجينات فوجدنا حاجه التومه قابعه
فى أحدى الزوايا و حواليها لفيف من ذوات الثدى يتناولن قهوة محلية الصنع .
طلبنا منها التحرك معنا بسرعه الى مكتب مديرة الســحن و أخبرتها مديرة السجن بالموضوع و بضرورة
التحرك معنا الى سـجن كوبر ، وافقت حاجه التومه مشكوره .
تحركنا أنا و حاجه التومه و أحدى الضابطات برتبة ملازم برفقة المقدم مديرة السـجن .
أدخلنا حاجه التومه الى مكتب مدير السجن الذى كان يعج بضباط السجون |
لم أفهم ما تحته خط.. هل يوجد في سجن النساء مخلوقات (حيوانات) أخرى غير النساء يشربوا القهوة؟
حاولت أن أفسر الأمر أنه إشارة للنسوة. ولكنني لم أستطيع هضمها..
لأنه إذا كان كذلك فالرجال أيضا من الثدييات (أدونا ليها في رابعة إبتدائي لو ما خانتني الذاكرة). أتمنى التوضيح..
شكرا لمشاركتك إيانا هذه الحادثة.. جهد مقدًر
رجا
|
Post: #265
Title: Re: ؟؟
Author: عثمان فضل الله
Date: 02-23-2009, 07:40 PM
Parent: #264
سعادتو....
تحياتى اعتقد.. انك افلحت فى سرد ممتع وشيق ..لكن اظن به بعض التحامل على اسرة حاجة التومة ... والضغط على الكلامات بشكل واضح لاظهار هذه الاسرة على انها مفكككة ..لا الومك لانك من المبتدأ حددت موقفك:_
لايمنع ذلك من طرح بعض الاسئلة نتمنى الاجابة عليها من الجنبوات المشكلين حضور كثيف فى هذا البوست
ولكن قبل ذلك دعونا نترحم على المجنى عليهما الاثنين لاننى اشعر ان الجانى فى المنتهى بات مجنيا علية...!
الاسئلة:
1_ هل يحق لرجل الشرطة حمل سلاح خارج ساعات الخدمة؟
2_ هل يمكن لرجل الشرطة ان يستخدم ذلكم السلاح فى مشاجرة اعتيادية بينه ومواطن اخر؟
3_ ماهى المحددات التى يجب ان يتقيد بها الشرطى فى علاقاتة الخاصة؟
هذه اسئلة عامة..
اسئلة حول القضية:
1_ لماذا قبل الجانى دعوة بمنزل حاجة التومة وهو يعلم ان ثمة توتر فى العلاقة بينه واهل ذاك المنزل
2_ منذ ان بدأ التوتر لماذا لم ينسحب رجل الشرطة والذى يحمل رتبة ضابط حتى لايقع فريسة مشاجرة فى مكان يصنفه هو بانه مشبوه
المزيد من الاسئلة فى مداخلة قادمة
تعليق
Quote: [ حواليها لفيف من ذوات الثدى يتناولن قهوة محلية الصنع
|
دى ما بالغتة فيها شوية ... لم تكن موفقة ياجنابو اسحبها
|
Post: #266
Title: Re: ؟؟
Author: سلمي النصري
Date: 02-23-2009, 09:15 PM
Parent: #265
سلام
فعلا بعد ان ارسلت اللوم , انتبهت لان يكون لاستخدام اللفظ, معني اخر
وقد يكون مصطلح رجالي معروف يستخدم لوصف فئه معينه من النساء , ولكنه وان كان متداولا بين
الناس .., فهو بنفس القدر قد يكون مجهولا لنا نحن معشر النساء.....
عندما سئلت الفانه المعتزله المتحجبه هناء ثروت عن سبب اعتزالها قالت:
( وجدت الزملاء الممثلين يتلفظون بالفاظ غير محترمه ونحن معهم في خشبه المسرح,فقلت
في نفسي نحن امهات واخوات فاين احترامنا بين من كن نظن انهم اخوه لنا ....)
في هذا المكان تصوري ان الجميع اخوه في الله تعالي , ويجب ان يسود الاحترام.
بدوري اعتذر ان كنت قد تسرعت..
الله يرحم الاخ مصطفي رحمه واسعه..و وازكي اقتراح احدي الاخوات اذا بالامكان ان نعبر عن تقديرنا له
عبر الاتصال بوالدته وشقيقته.
الف شكر اخي
سلام
|
Post: #267
Title: Re: ؟؟
Author: الطيب عثمان يوسف
Date: 02-23-2009, 10:02 PM
Parent: #266
Quote: Quote: ( اول الدفعـــه صـــرفنـــاها ليـــك كيــــه فــى نــاس تــانـيـيـن ؟؟؟؟)
كلام في محله الطيب عثمان يوسف يستاهل ....... بس مدثر عبدالرحمن بوافق. |
**** ساره محجوب شـكرا للهديه بس أوع تكون الدفعه 56 لأنه ما حيكون تكريم ده ( أرفعى راسك ) وش ضاحك
*** عمر محمد عثمان ... شــكرا ليك و إن كنت أشتم رائحة شيئ من بصل
|
Post: #268
Title: Re: ؟؟
Author: الطيب عثمان يوسف
Date: 02-23-2009, 10:11 PM
Parent: #267
Quote: بدوري اعتذر ان كنت قد تسرعت..
] |
*** الأخت ســلمى بت النصرى ..
.............................. ونحن نفتخر بك بيننا
|
Post: #269
Title: Re: ؟؟
Author: الطيب عثمان يوسف
Date: 02-23-2009, 10:29 PM
Parent: #268
Quote: لم أفهم ما تحته خط.. هل يوجد في سجن النساء مخلوقات (حيوانات) أخرى غير النساء يشربوا القهوة؟
حاولت أن أفسر الأمر أنه إشارة للنسوة. ولكنني لم أستطيع هضمها..[/U]
لأنه إذا كان كذلك فالرجال أيضا من الثدييات (أدونا ليها في رابعة إبتدائي لو ما خانتني الذاكرة). أتمنى التوضيح..
شكرا لمشاركتك إيانا هذه الحادثة.. جهد مقدًر |
*** الأســتاذه رجاء : ظاااااهر إنو الذاكره خانتك !! ولو كان الأمر كذلك ( ســوء الهضـم لزمو شنو ؟؟؟ )
**** و كدى عيدى لينا الدرس ده حتى تعم الفائده ...
***** أرجو إعادة قرآءة النص مره أخرى كما فعلت الأخت سلمى النصرى ولك أكيد الشكر و التقدير
|
Post: #270
Title: Re: ؟؟
Author: الطيب عثمان يوسف
Date: 02-23-2009, 10:38 PM
Parent: #269
Quote: من الاشياء التي طلعت بها من القصة او الواقعة ان الله رحيم بالعباد حين جعل ساعة الموت في علم الغيب
وتاني حاجة عسى ان تكرهوا شيئا وهو خير لكم كلنا حزنا لموت مصطفى ولكن هذا حكم وارادة الله ولا نعلم لماذا اراد الله هذا ربما لخير خصصص به مصطفى .. لا نعلم
نشكرك لسرد هذه الواقعة والتي نال بها كل الذين ماتوا كثيرا من الدعوات والرحمة لهم وكذلك الاحياء ] |
**** الزول زاااتو : أشكر متابعتك و حرصك على إبراز العبر للكافه و نسأل الله الرحمن الرحيم قبول الدعاء
...............شكرا شـــكرا جزيلا يا زول وياك زاااااتك
|
Post: #271
Title: Re: ؟؟
Author: الطيب عثمان يوسف
Date: 02-23-2009, 10:44 PM
Parent: #270
| Quote: تابعت هذا السرد المؤثر لهذه القضية الإنسانية وكدت أجهش بالبكاء وأنا أقرأ نهايتها المؤثرة، ولا أشك أن مصطفى مات شهيدا ووليا من أولياء الله. من جانب آخر فهذه الواقعة فضيحة كبرى لما سمي زورا وبهتانا شريعة إسلامية لم يكن الغرض منها سوى خداع بسطاء الناس وايهامهم أنهم يبايعون أمير المؤمنين الحاكم بشرع الله، من أجل مصالح دنيوية فانية، وإلا فلماذا لم تطبق قاعدة أن الإسلام يجب ما قبله التي أجمعت عليها الأمة، تلك القاعدة التي جعلت وحشي قاتل حمزة يعيش عمرا مديدا بعد إسلامه دون أن يتعرض له أحد وهو الذي قتل واحدا من أحب الناس للرسول (ص) وقتله غدرا. |
**** يا محمد عثمان : ياخوى كلامك ده كلام كبير ( خلاس )
........ لذلك أحيله لذوى الاختصاص فهل من مجيب ؟؟؟
....... شـــكرا محمد عثمان
|
Post: #272
Title: Re: ؟؟
Author: Hisham Ibrahim
Date: 02-24-2009, 08:16 AM
Parent: #271
Quote: ***** خلال هذه الفاتره دخل أودع ســجن كوبر زائر جديد وهو ضابط سابق بالقوات المسلحه كان برتبة عقيد
من أهالى مدينة الحلفايه بالخرطوم بحرى و تمت إدانته فى جريمه على ما أنها اعتقد سياسيه و حكم عليه بالإعدام
إلا أنه لم ينفذ فيه حيث شاءت الأقدار أن التقيه قبل فتره فى الخرطوم فى شارع النيل بالقرب من كلية الهندسه
هذا الرجل حل ضيفا بالزنزانه التى تجاور زنزانة المتهم الملازم اول وانى ( المسلم على الورق فقط )
... عرف عن هذا الرجل ورعه الشديد و المداومه على الصلوات و تلاوة القران الكريم و من خلال زياراتى المتكرره
المتكرره للسجن لاحظت أن هذا الرجل نادرا ما يتحدث و لا يدخل نفسه إلا فيما يعنيه .. رجل واسع الثقافه يحدثك
بأدب جم و يتمتع بمهارة الإستماع الجيد . و أكثر ما عرف به واشتهر به صوته الحسن فى التلاوه داخل الزنزانه .
**** فى مره من المرات طلب المتهم الملازم أول وانى من هذا العقيد أن يرفع صوته أثناء التلاوه و كان هذا الطلب فى
ليل أحد الأيام ، فظل العقيد يصدح بتلاوة القرآن مبديا إظهارا واضحا لمخارج الحروف يشدو بأحرف المد تارة
والإضغام تارة أخرى ، ظل على هذه الحال إلى أن إنبلج الفجر بصوت المنادى ( حى على الصلاة ) وقام الرجل يلبى دعوته .
.... هذه الواقعه على لسان المتهم الملازم أول وانى عرفتها عندما زرته فى إحدى المرات و كنت قد تغيبت عنه لفترة
إستمرت قرابة الاسبوعين عاتبنى عليها بداية اللقاء و دار بيننا الحوار التالى : و الله يا وانى لظوف خارجه عن يدى ...
ولم أكمل حديثى ، فاجأنى ، يا زول أسمع ( أنا أسلمت من جديد بصوره رسميه و غيرت إسمى وسميت نفسـى مصطفى تيمنا بإسم المصطفى
عليه أفضل الصلاة والســلام) . |
Dear Al-Tyib
Please send me your e-mail as i need to know who is this officer
? ..... is he Mr. Zaki
[B][email protected]
Thanks
Hisham
|
Post: #273
Title: Re: ؟؟
Author: omer osman
Date: 02-24-2009, 08:37 AM
Parent: #272
Quote: الاسئلة:
1_ هل يحق لرجل الشرطة حمل سلاح خارج ساعات الخدمة؟
2_ هل يمكن لرجل الشرطة ان يستخدم ذلكم السلاح فى مشاجرة اعتيادية بينه ومواطن اخر؟
3_ ماهى المحددات التى يجب ان يتقيد بها الشرطى فى علاقاتة الخاصة؟
هذه اسئلة عامة..
اسئلة حول القضية:
1_ لماذا قبل الجانى دعوة بمنزل حاجة التومة وهو يعلم ان ثمة توتر فى العلاقة بينه واهل ذاك المنزل
2_ منذ ان بدأ التوتر لماذا لم ينسحب رجل الشرطة والذى يحمل رتبة ضابط حتى لايقع فريسة مشاجرة فى مكان يصنفه هو بانه مشبوه
المزيد من الاسئلة فى مداخلة قادمة
|
الاخ عثمان فضل الله
لك التحية
ساحاول الرد على الاسئلة حسب الترتيب اعلاه :
1- السلاح (الطبنجة) عهدة شخصية تصرف للضباط ويكون بحوزته طوال ال 24 ساعة خصوصا للعاملين بالمباحث واقسام
الشرطة وهو مسئول عن المحافظة عليه وحسن استخدامه حسب الضوابط.
2- استخدام السلاح الناري من قبل الضباط او افراد الشرطة تحكمه قواعد قانون الاجراءات الجنائية في المسائل
المتعلقة بالقبض واستخدام القوة في القبض .....الخ وقانون العقوبات في مسائل حق الدفاع الشرعي والتجاوز
بحسن نية ....الخ بالاضافة الى اللوائح والقرارات والاوامر المستديمة التى تحكم استخدام السلاح الناري.
3- الشرطي وبحسب القانون عليه واجبات والتزامات من ضمنهاالابتعاد عن كل مايسىء الى سمعته او مركزه الوظيفي
وبالتالي هذا هو الاطار العام الذي يتحرك فيه الشرطي (كلمة شرطي تشمل جميع الرتب من فريق أول الى جندي
شرطة)
اما عن الاسئلة التى تتعلق بالقضية :
1- السؤال الاول اترك إجابته للاخ الطيب.
2- السؤال الثاني وهذا رأي شخصي انسحاب الضابط من مكان الحفل فيه هزيمة معنوية له وللرتبة التى يحملها
نعم رفضه لهذه الهزيمة قاده الى حبل المشنقة ، لكن صدقني من لم يعمل بهذه المهنة لن يقدر ابدا سبب عدم
انسحابه من الحفل .........ولو كنت مكانه لن انسحب.
|
Post: #274
Title: Re: ؟؟
Author: Hala Hassan
Date: 02-24-2009, 09:36 AM
Parent: #273
جنابو الطيب،
كنت قدأنقطعت عن المتابعة لعدة أيام،
عسى أن أداوم و أجد القصة قد أكتملت،،
و قد كان ما توقعت،
و لكن عذرا،
فلم أستطع القراءة،،،،
نعم وصلت إلى الجزء الخاص بوصف اللحظات الأخيرة فى حياة الملازم مصطفى،
و لم أستطع المواصلة،
زى ما تقول كدة العبرة خنقتنى،،،،
طبعا رهبة الموقف،
و دقة الوصف و التعبير،
كانوا كفيلين بنقلنا إلى تلك الأجواء،،،
و بصراحة كدة:
ما عارفين نواصل يومنا كيف!!!!
غايتو الله يسامحك،،،
Quote: المفاجئه هى أننى عندما حدثنى كابتن مصطفى وكابتن طه حسـين وسـط جموع الناس فى مطار الفاشـر
بضرورة الحضور قبل الساعه السادسه صباحا كانت آخر مره أحدثهم فيها حيث لم أراهم ثانية
.... إلا وهما جثتين فى مشـرحة مسـتشـفى الخرطوم .. الإتنين نعم الاتنين ، حيث سـقطت طائرتهما التابعه للخطوط
الفدراليه شرق منطقة الحاج يوسف ، بأشهر قليله من رحلة الفاشر .. نعم رجال قل أن يجود الزمان بمثلهم . |
جزء تانى ،
عصر لى قلبى شديد،،،
و أتالمت غاية الألم،،،
Quote: Quote: رحم الله الشهيد/ مصطفي بدوي زكريا
وصاحبةالشهيد/طه حسين |
إنا لله و إنا إليه راجعون،،،،
___________________________
جنابو الطيب،،
شكرا لمتعة السرد،
و لما قمت به من إشراكنا فى تفاصيل القصة المحزنة،،،
و ايضا (لإحياء) قيمة الوفاء بين الأصدقاء،،،،
| Quote: المروه إنعدمت فى البلد دى ؟؟ |
أكيد لأ،،،،،
|
Post: #275
Title: Re: ؟؟
Author: الطيب عثمان يوسف
Date: 02-24-2009, 04:51 PM
Parent: #274
| Quote: 1_ لماذا قبل الجانى دعوة بمنزل حاجة التومة وهو يعلم ان ثمة توتر فى العلاقة بينه واهل ذاك المنزل |
**** الاخ عثمان :
.................أرجو إعادة القرآءه مره اخرى فأنا لم أقل كذلك . وشكرا
|
Post: #276
Title: Re: ؟؟
Author: الطيب عثمان يوسف
Date: 02-24-2009, 05:02 PM
Parent: #274
*** السلام عليكم أيها الساده :
**** بناء على رغبة الكافه فقد تكرم مشكورا أخونا عبد الله كسلا بتجميع القصه كاملة بدون المداخلات
.............لك كل الشكر صديقى عبد الله
عزيزي جنابو الطيب ،،،
تحية طيبة .. وأمنيات صادقة لك ولبقية أفراد العائلة الكريمة ... بدوام الصحة والعافية ...
مرفق لكم مع هذه الرسالة ... قصة الضابط مصطفى عليه رحمة الله ... آمل أن أكون قد وفقت في تنقيحها بالشكل المطلوب ... وكل الذي أعنيه بالتنقيح ... هو قيامي بوضع النقطتين على التاء المربوطة ... وتنوين معظم التنوين بالفتح ... (فقط) ... هذا هو كل ما قمت به .. وأترك لسعادتكم إكمال بقية أعمال التنقيح ... ووضعها بشكلها النهائي قبل إنزالها في (البوست) ...
وفقكم الله وسدَّد خطاكم يا جنابوا ... ونحن في إنتظار البوست التالي ...
التحايا والأمنيات الطيبة لك ولأفراد ألسرة ...
أخوك أبداً عبد الله كسلا
Yours truly,
Abdalla Kassala
|
Post: #277
Title: Re: ؟؟
Author: الطيب عثمان يوسف
Date: 02-24-2009, 05:09 PM
Parent: #276
إعدام ضابط شرطة فى الخرطوم الطيب عثمان يوسف 2009
*** منذ فترة ليست بالقصيرة وأنا أبحث عن الكيفيه التى أبدأ بها سرد هذه الوقائع والتى عايشتها منذ بداياتها إلى لحظات تنفيذ الإعدام ...
*** نعم أنها وقائع حقيقية و ليست قصة ... حدثت بمدينة الخرطوم ... أحاول قدر الإماكن الابتعاد عن إبداء رأى فيها خشية الدخول فيما لا أود أن أخوض فيه... و أحاول قدر الامكان ان أنقل اليكم الوقائع كما حدثت ... فقط أرجو أن تجدوا لى العذر إن أخطأت فى ترتيب بعض الإحداث ...
وحتى لا أطيل عليكم سوف أدخل فى الموضوع مباشرة ...
****** تعرفت إليه عندما كنا طلبة بكلية الشرطة فهو كان ضمن طلبة الدفعة التى تسبق دفعتى و بما أننا نسكن فى حى الصحافة كان باص) الترحيل الذى يقلنا واحد) (كل خميس) وكنا ننزل فى محطة واحدة و نكمل مسافة نصف كيلو متر مشياً على الأقدام ومن خلال نصف الكيلو هذا ... توطدت علاقتنا داخل الكلية حتى تخرج هو قبلى بعام فى سنة 1986 ... ونقل إلى خارج الخرطوم ... (إسمه مصطفى)
*** بعد تخرجي من الكلية عملت بقسم شرطة الخرطوم وسط وجاء هو في مأمورية إلى الخرطوم التى لم يكن يعمل بها آنذاك ونزل مع أقرباء له في أحد الأحياء القريبة من القسم الأوسط وكعادة ضباط الشرطة كان يتواجد بالقسم في الفترات المسائية باستمرار بحكم تواجد الكثيرين من الزملاء كما كان يشارك في تقييم البلاغات أحيانا و مرافقة الضابط المناوب في الحملات أحيانا أخرى ...
*** كنا نترافق إلى نادى الشرطة في برى أحيانا و إلى القرين فلزج أحيانا أخرى ... وفى مرة أعتذر بحجة أن لدى جيرانه مناسبة ويود أن يشاركهم ...
**** جاء البلاغ إلى الضابط المناوب في نفس الليلة ( يا جنابة في واحد كتلوا في الحفلة) و كالعادة تم التحرك لمكان الحادث و أتضح أن المجني عليه قد فارق الحياة فوراً ... وأن سبب الوفاة طلق ناري إخترق القفص الصدرى وكان المتوفى شاب فى مقتبل العمر درس الحقوق فى أحدى الجامعات المصرية ... ومن ضمن المعروضات، (مفك) طوله حوالى 30 سم ...
**** دخل الملازم (مصطفى) على مكتب الضابط المناوب وسأل عن الضابط المناوب وعلم أنه فى مهمة خارج القسم متعلقة بجريمة قتل فجلس فى مكتب الضابط المناوب منتظرا عودته ... قليلاً من الوقت دخل الضابط المناوب ومعه مجموعة من الأشخاص وأفراد الشرطة وسلم على الملازم مصطفى على عجل بحكم أنه مشغول بما ومن معه ... كان الملازم مصطفى مرتدياً قميص وبنطلون ...
**** أخواتى وأخوانى يتضمن هذاالسرد كثير من الوقائع المثيرة و الغريبة ... أذكر منها على سبيل المثال ...
* قيادة المرحوم الكابتن مصطفى لطائره مخصصة لوالى دارفور( دون علمه) و الهبوط بنا فى مطار الفاشر ليلاً مع العلم أن مطار الفاشر لم يكن يستقبل الطائرات ليلاً ... ( طيران الغرب والـ RUN WAY بالعربات (...
** أطلقت سراح (أبو تسعة) المجرم الهارب من السجن عندما وجدته يتناول وجبة العشاء فى حى الديم ... فرد الجميل بألإحسان ...
*** وفاة شقيق المجنى عليه فى سجن كوبر مع القاتل ...
*** تنيفذ حكم الاعدام رغم تنازل شقيق المجنى عليه ...
*** ابراهيم نايل ايدام وزير الشباب آنذاك ...
**** مدير سجن بورسودان يبحث عن (أبو تسعة) و لا يجده ...
***** هذه الوقائع سادتى معظم أطرافها موجودون الآن وهى مليئة بأكثر وأغرب مما ذكرت ... فقط أسألكم صبراً ... ولن أطيل إنتظاركم ...
*******
**** توقفت فى المره الفائته فى (مكتب الضابط المناوب) كما هو أعلاه ...
***** طلب الملازم مصطفى من الضابط المناوب أن يعيره قليل من الإهتمام لأن لديه ما هو أهم ... ودار بينهم الحوار التالى:
* الضابط المناوب و إسمه (علي الطاهر): يا مصطفى فى شنو ؟؟ خير يا زول ؟؟
** الملازم مصطفى: أسمع يا علي (الزول المات فى الحفله ده ... أنا الكتلتو ... و بالمسدس ده ... إتفضل
*** الملازم على : يا زول أنت بتتكلم جد ... طيب كدى أقعد ... أقعد فى الكنبه دى ...
**** انتنهى الحوار ... الذى تم أمام كل من كان فى غرفة الضابط المناوب التى كانت تعج بالخلق ...
**** تم إتخاذ الكثير من الإجراءات القانونية و الإدارية و التى لا أعتقد أنها يمكن أن تفيد فى هذا المقام ولكن تفادياً لأى لبس أذكر منها على سبيل المثال (إخطار رئاسة الشرطة بالواقعة، تحريز أداة الجريمة ـ المسدس ـ التحفظ على الملازم مصطفى ووضعه فى الإيقاف الشديد... أخذ إفادات الشهود، الكشف الطبى على الملازم مصطفى، المشرحة، الجثه وهكذا ...
***** جاء فى تقرير الطبيب الشرعى (بعد الكشف الطبى على الجثة، تبين أنها لشاب ذكر فى العقد الثالث من العمر حدثت الوفاة قبل حوالى ساعة الى ساعتين من توقيع الكشف الطبى ... سبب الوفاة النزيف الحاد نتيجة تهتك الاوردة والشرايين التاجية بسبب مقذوف نارى إخترق الصدر من الأمام وخرج من الجهة اليسرى من الظهر)
التوقيع: د. عبد المطلب
***** تم إختيار النقيب عبد الناصر عباس لاستلام التحقيق ....
***** من ضمن ما جاء فى أقوال الملازم مصطفى (المتهم) التالى:
بعد ذكر الاسم كاملاً و الرتبة والعمر والعنوان....
***** نعم كنت أحمل المسدس (المعروضات) ... نعم كنت متواجد فى المناسبة التى حدثت بها الجريمة ...
نعم الطلقة التى أصابت المجنى عليه إنطلقت من هذا المسدس ...
نعم أعرف المجنى عليه وسبق أن شاهدته قبل اليوم ... نعم أعرف أخوانه ووالدتهم ...
**** نعم أعرف أن المكان الذى أصيب فيه المجنى عليه يؤدى إلى وفاته ...
**** نعم قمت بإخراج مسدسى وكنت أمسكه بيدى اليسرى ...
**** لا ... لا لم أقصد قتله أبداً ...
**** نعم بينى وبين والدتهم مشكلة وسبق وأن فتحت ليها أكثر من بلاغ ...
********
توقفت فى المره الفائته فى: عرض جزء مما جاء فى أقوال المتهم الملازم مصطفى و التى ذكر فيها أن لديه
مشكله مع والدة القتيل...
*** البدايه:
البدايه كبداية أى ضابط شرطه حديث عهد بالعمل ... مليء بالحماس مغرم بتطبيق حزافير القوانين ... فقد جاء مصطفى الى الخرطوم فى مأمورية عمل لا أذكرها بالضبط و لكنى أذكر أنها تقتضى أن يظل فى الخرطوم وقتاً طويلاً ... و نزل مع بعض أقربائه الذين هم جيران للقتيل ... ومن خلال تواجده فى الحى عرف المعلومات التالية:
أولا : الحاجه (التومة) والدة القتيل أحسن من يقوم بصناعة( العرقى) فى المنطقه وصاحبة نفوذ لا يقاوم ...
ثانيا : إبنها الأكبر (عادل) أقل ما يجيده النشل وعن السرقات الليلية وسرقات العربات حدث ولا حرج ...
ثالثا : الابن الأوسط (القتيل) خريج حديث من كلية القانون باحدى الجامعات المصرية ...
رابعا : الابن الأصغر (أبو تسعه) ـ هذا الوصف من عندى ـ قدمته فى بلاغ سرقة سيارة مولانا عوض قاضى المديريه التى كنت أقودها وقد إستلفتها منه لنصف ساعة وعندما نزلت من السيارة أمام فندق أراك بالقرب من محل استديو تصوير وكنت أتحدث مع الشخص الجالس على الكاونتر الذى كان يبحث عن صورى التى حضرت لاستلامها ـ خلف الكاونتر كانت هناك (مراية) تعكس سيارة مولانا عوض، و فجأه شاهدت شخص يركب فى السياره و يحاول سرقتها... سيارة مولانا .. فأخرجت مسدسى من جيبى ووجهته بسرعة فائقة نحو الرجل الذى فى الكاونتر وهممت به، فأفرغ المسكين كل ما فى درجه من دريهمات ظاناً بى ظن السوء ....واستدرت دوره كامله.. طلقة بالقرب من العربية ... فتوقف أبو تسعة .. وركبت بجواره الى المحكمة فى نفس اليوم استلم (اربعه سنين) عاشم الحب .. فى سجن أم درمان . . هذا كان أصغرهم . . لا أعرف له إسم سوى أبو تسعة لأن أصابع يديه كانت تسعة ...
خامسا : اثنين أو ثلاثه من اخوات القتيل: لا يشبهن القاتل ولا القتيل فى شيئ ... بارات بوالدتهن أشد البر يساعدنها فى كل شيئ من غسل التمر ـ إن كان يغسل ـ وحتى الاشراف على جمع الفارغ و الاكياس ...
********* عندما كان المتهم (الملازم مصطفى) يأتى الى القسم الأوسط فى الفترات المسائية كما أشرت من قبل كان فى بعض الأحيان يطلع مع الضابط المناوب فى الحملات التى عادة ما كانت تتم فى الفترات المسائيه و تتم هذه الحملات لضبط الظواهر المخالفه للقانون ... و بما أنه كان يعلم بأنشطة جيرانه لذلك وجَّه لجارته أكثر من ضربة مؤلمة ... و بحسب لغة ناس البوليس) ناس العرقى ديل يكفى إنو الكومر يجى بى جنبهم) فيصابون بشلل إقتصادى لفتره مؤثرة...
***** تضايقت الحاجه التومة من وجود الشافع الجا جديد فى الحلة وعامل ليها قلاقل شديده وموقف حالها ... كذلك (الشفوت أولادها) ...
***** تم الإعلان عن قيام حفل عادى لدى الجار الذى يقابل الجارين ( القاتل و المقتول) و تمت دعوة الطرفين ضمن المعازيم ...
***** الملازم مصطفى (المتهم) فى أبهى حلله ... كيف لا وهو الضابط الذى ذاع صيته فى المكان بمكبرات صوت حاجه التومة ...
***** صاحب محل تصليح الروادى (جمع راديو) و الذى يفتح مباشرة فى مكان إنعقاد الحفل ظل فاتحاً محله لوقت متأخر من الليل حتى عندما ذاع صوت مغنى الحفل فى الأرجاء، لم يغلق محله ... و أبوتسعة وصحبه جيئة وذهاباً من أمامه ... وبرفقتهم ثلة من حسناوات الحى ممن يجٌدنْ بالغالى قبل الرخيص ...
***** دخل الى مكان الحفل (جنابو) آآآخر أناقه ... و زغرودة مدوية من ركن يجاور الحمام الذى يعلوه قفص للحمام، واخرى أكثر دوياً من الأولى إمتد أثرها إلى تغيير الأغنيه إلى (جنابو حيانى بى كابو) وتحلقن بعض الحسان جاعلين مكان جنابو وسط الدائرة مع أخرى (لونها) فاتح قليلاً ...
***** أسمع يا زول هوى الامور بتاعت الـ.... ما تنفع معانا خليك قاعد بى أدبك ولا أطلع بره ... الكلام موجه لى جنابو ...
ردت واحده يا عادل ... مالك يا أخ مع الزول ده عمل ليك شنو هسى؟؟ ... إنتى زاتك تعالى هنا يا ...( ش.....)
تدخل جنابو ممسكاً بيد عادل بقوه كادت ترمى البنت ... فما كان من عادل إلا أن يطرح جنابو أرضاً إثر (كف) شهد به المقربون فى سجل التحقيق .. .. .. .. ( عادل ده الإبن الأكبر لحاجه التومة) ...
*****
*** توقفت فى المره الفائتة فى أن شقيق المجنى عليه عادل قد ضرب المتهم (الملازم مصطفى) كفاً طرحه أرضا... نهض مصطفى من الأرض وفى يده اليمنى بطاقته العسكرية، وفى اليد الأخرى مسدساً (بكرة) (يعنى وضع الرصاصات فيه دائرى) ...
ملاحظة: الملازم مصطفى كان (أشولنجى) يعنى يستخدم يده اليسرى ....
المهم فى الأمر تدخل كل من كان فى المكان من الجنسين وإنبرت الحاجه التومة (ولدى ما بمشى معاك يمشى معاك وين)...
وانتشر الخبر الى المتواجدين فى الخارج بالقرب من محل تصليح الروادى وهرعوا الى الداخل دون أن يعرفوا سبب المشكله والذين كان من ضمنهم المجنى عليه وأ مسك المجنى عليه الملازم مصطفى من مقدمة قميصه و سحبه الى الخارج ولكم أن تتصورو (شكله) فى حفله ضرب ... كراسى تتطاير ... دفر ... كواريك... لا يمكن أن تميز (الحجاز من حامل العكاز) ... وفى أمام محل تصليح الروادى إنقض المجنى عليه على الملازم مصطفى محاولا أخذ المسدس منه إلا أن الملازم مصطفى تمكن من رمى المجنى عليه أرضاً وحاول السيطرة عليه ... إلا أن الشقيق الأكبر عادل كان يضرب الملازم مصطفى أيضاً مما أدى الى سقوطه فوق المجنى عليه الشئ الذى ساعد المجنى عليه فى الامساك بيد الملازم مصطفى التى تمسك بالمسدس محاولاً مرة أخرى أخذه وعلى حد قول الملازم:
( أحسست بيده تحاول توجيه المسدس نحوى بينما كنا أنا والمرحوم على الأرض ... وبديت أقوليهو يا زول المسدس ده ما فيهو تأمين يا زول المسدس ده ما فيهو تأمين إلا أنه أعتبر ده ضعف منى وما صدقنى وأخوه كان مازل بيضرب فينى من فوق) ...
*** تطور آخر ... جاء من بعيد الأخ الأصغر أبو تسعة وعندما شاهد المنظر دخل (محل تصليح الروادى) و أخذ أطول (مفك) موجود فى المحل و جاء جارياً نحو المجنى علية والمتهم محاولاً طعنه به وقد شاهده الملازم مصطفى يحمله فى لحظه كاد فيها المجنى عليه من توجيه المسدس نحو صدر الملازم مصطفى وهما على الأرض ممسكين بالمسدس وعلى حد قول الملازم مصطفى (قررت أن أطلق طلقه أوقف بها ضرب شقيق المتهم الأكبر وأخوف بها الذى كاد يطعننى بالمفك و بالفعل عندما ضغط على الزناد كان المجنى عليه (بلاوى فينى) وعند إنطلاق الطلقه جات فيهو ونحن على الأرض ...
*** إن نشاء الله تكونوا عرفتو سر ذكر (محل الروادى) فى البدايه ؟؟
** تفاصيل متوقعه: طلب الملازم مصطفى السماح له بالسفر خارج العاصمه و لم يسمح له ... فيقرر السفر دون علم أحد ...
*** ستة أشهر تمر دون أى أثر للمتهم الملازم مصطفى والذى أوردت الأخبار انه قد غادر إلى الجنوب...
*** محاكمة الملازم أول أحمد ماهر المسؤول عن المتهم ...
***********
*** توقفت فى المره الفائته فى سرد جزء مما جاء فى أقوال المتهم (الملازم مصطفى)...
حيث أطلق الطلقه التى أصابت المجنى عليه فأردته قتيلا ...
*** بعد إكتمال كافة التحريات و التى خلت تماماً من كل (شهود الدفاع) وهم الذين يؤيدون ما جاء فى أقوال المتهم والسبب الذى ظهر بعد فوات الأوان أنهم رفضوا الإدلاء بشهاداتهم تفادياً لشرور حاجه التومة وأبناءها والجدير بالذكر هنا... ان من ضمن إجراءات المحاكمة أن تتم المواجه بين شهود الاتهام وهم (اشقاء القتيل وشقيقاته)، وشهود الدفاع ومعظمهم من الجيران....
*** بعد إكتمال التحريات بدأت مرحلة المحاكمه والتى عادة ما تأخذ الكثير من الوقت لخطورة الاتهام والعقوبة ...
*** أثناء فترة المحاكمة كان الملازم مصطفى موقوفاً فى القسم الأوسط وخصصت غرفة له وللضابط الذى يقوم بحراسته وعادة ما تتم بنظام المناوبة بين الضباط ... و قد قمت بحراسته لفترات طويلة كنت فى كثير منها آخذه الى البيت أو الى أى مشوار آخر يخصه، أو يخصنى ... و فى كثير من الأحيان كنت أختار مناوبة الخميس عشان آخذه معى الى ود مدنى (الجميلة) و نعود قبل صباح السبت) لأنو شغلتنا دى كلها غير قانونية) حيث من المفترض أن نظل داخل حدود القسم ... ويحدث كثيراً جداً أن لا يكون هناك حارساً له فيذهب الملازم مصطفى الى أى مكان ويعود بمفرده ...
*** لم يفكر الملازم مصطفى فى الهرب يوماً واحداً ... أبداً ... لثقته التامة فى براءته ولقناعته الشخصية البحتة فى وجود ألف مبرر لتصرفه الذى يحاكم عليه وكانت المسأله بالنسبة له مسألة وقت ليس إلا ... ويعود الى حياته العادية ...
*** طالت فترة المحاكمة، وبدأ يشعر بالملل والزهج وكان يتألم عندما يتذكر أن والده و والدته قاعدين لفترة طويلة مع أقربائهم (ضيوف بالغصب) ويزداد ألماً عند سفرهم وعودتهم لحضور الجلسات ...
*** حدثنى مره أن والدته مريضة فى (البلد) و يود أن يسافر إليها ...
و بالفعل كتب طلباً للمدير بذلك ... وإقترح فى الطلب أن يكون معه أحد الضباط حرساً يرافقه ...
*** كان من الطبيعى رفض الطلب وإستدعاه المدير وحاو ل أن يشرح له أن وضعه كمتهم لا يسمح له بمغادرة مكان الايقاف ...
بعد يومين أختفى الملازم مصطفى لأكثر من ثلاثة أيام و ... طال الغياب أسبوع ... إسبوعين .... شهر .... شهرين .. تلاتة ...
**** طبعا تم فتح بلاغ هروب وتمت إضافته للبلاغ الأول (القتل) ودخلت الشرطة فى حرج واضح مع أولياء الدم ... وتم تشكيل هيئة تحقيق تمت محاكمة صديقى الملازم أول أحمد ماهر الذى كان من المفترض أن يكون حرسه فى ذلك اليوم (تمت محاكمته بأشد العقوبات) ...
**** وردت الأنباء بأن المتهم متواجد فى الجنوب ومرة فى الغرب ومرة فى الشرق ...
**** توقفت المحاكمة لحين ضبط المتهم ...
**** حاجه التومة ما خلت مسؤؤل ما طرقت بابو ... (كتل ولدى وشرد ... عشان ضابط بوليس يعنى ؟؟؟(
ناس البوليس هربوه مخصوص ... ناس البوليس ودوه الجنوب ... ناس البوليس ناس البوليس ناس البوليس ...
**** أحد الأبواب التى طرقتها حاجه التومة باب الوزير أبراهيم نايل إيدام مسؤول جهاز الأمن آنذاك (أرجو أن تتذكروا معى هذه المعلومه جيداُ) ....
**** مضت عدة شهور على هذا الحال (المتهم هارب) ...
**** و بدون أى مقدمات ... المتهم (الملازم مصطفى) فى الخرطوم جهارًا نهاراً !!!!!!!!!!!!!
*** نعم الملازم مصطفى فى الخرطوم وبالتحديد حاااااااااااااااايم فى حى الزهور و الخرطوم 3 !!!!!
*** يا زول يا مصطفى إنت وين ؟؟؟ .... ياخ الوالدة كانت عيانة خالص ومشيت أشوف الحاصل عليها شنو ... طيب ياخى ما تجى تسلم نفسك وتخلص من الموضوع ده !!! أنا بجى لكين العملية العملها معاى مامون دى ـ مامون المدير ـ
عليك الله دى صاح ... زول أقول ليهو أمى مريضة مشى أشوفها يقولى مافى طريقة ؟؟؟
.... ياخى سيبك من مامون هسى تعال خلص موضوعك ده ...
بعدين ياخى فتحوا ليك بلاغ تااانى بتاع هروب ..( KO. OK) يا زول خلاص والله بجى أمشى وين يعنى؟ بس عندى أمور يخلصها وأجي ...
*********
*** توقفت آخر مره فى حوار دار بين المتهم و أحد أفراد الشرطة ذكر فيه المتهم الملازم مصطفى أن لديه بعض الأشياء يخلصها و يسلم نفسـه ... هنا تكملة الحوار:
يا مصطفى ياخى الكلام ده ما فى مصـلحتك بلا معاى ... أركب ... أركب و بطل الأمور دى ياخى ...
أسمع يا عصام أنا مصلحتي بعرفها قويس و لو سمحت أتفضل ...
يا مصطفى لو ما تركب أنا أتصرف معاك تصرف تأنى ... تصرف تأنى يعنى شنو يا عصام حتقبضنى بالقوه يعنى ؟؟؟
أقول ليك حاجه يا عصام كتر خيرك وبالله مش تودينى القسم من هنا ودينى المشنقه ... افتح، أفتح، أفتح الباب ده أفتح يا مصطفى ياخى أنا بعمل كده عشان مصلحتك ... أسمع يا ظابط شوف شغلك وما عايز معاك أى كلام .. مصلحتي أنا أدرى بيها ...
تم تسليم الملازم مصطفى رسمياً للضابط المناوب بواسطة الملازم عصام الذى كان يعمل فى نفس القسم وإلتقى المتهم الملازم مصطفى بالصدفة فى حى الزهور بالخرطوم ...
***** بدأت جلسات المحاكمة مرة أخرى وظهر المحامين والشهود و استمرت المحاكمة لفترة طويلة من الزمن استمعت المحكمة فيها لكافة الشهود الموجودين وأتيحت للمتهم ومحاميه فرصة مناقشة شهود الاتهام الذين أكدوا أن المتهم الماثل أمام المحكمه ٌالملازم مصطفى قد قال للمجنى عليه أجلس على الأرض ... وكان المتهم واقفاً حاملاً مسدسه فى يده ـ اليمنى ـ و عندما رفض المجنى عليه الجلوس على الأرض قام المتهم بإطلاق رصاصة من مسدسه أردت المجنى عليه قتيلا ... هكذا جاءت شهادة الشهود ...
***** خلال الجلسات أؤكد أن كلاً من محامى المتهم ومحامى أولياء الدم قد بذلا كل ما فى وسعهما إبتغاء تحقيق أهدافهما ... على اختلافها ...
**** فقط أكرر هنا الى أننى لن أتطرق للإجرآءات القضائيه والقانونيه التى دارت أثناء المحاكمة صوناً لسيادة القرارت القضائية ...
....................... جلسة النطق بالحكم ..................
***** جاءت كأى جلسـة نطق بالحكم فقد إجتمع فيها كل أولياء الدم ...
كذلك حضر الجلسه لفيف من أصدقاء المتهم من المدنيين والعسكريين بالإضافة الى شقيقته ووالده وبعض الأهل ...
** لم أكن أنا من بين الحاضرين لجلسة النطق بالحكم و لكننى كبقية الزملاء وأصدقاء المتهم الملازم مصطفى و محاميه ... كنت ميقناً أن الحكم مهما كان لن يصل الى درجة الإعدام ...
******* جاء الحكم متضمنا مسؤولية المتهم (الملازم) مصطفى عن قتل المجنى عليه متعمداً وعلية حكمت عليه المحكمه بالإعدام ... ولأولياء الدم الحق فى العفو....
**** ما هى ردة فعل المتهم الأولى؟؟
*** ما هو أول إجراء تم إتخاذه؟؟
*** ردة فعل محامى الدفاع عن المتهم؟؟
*** ردة فعل حاجه التومه و بناتها؟؟
*** قرار محكمة الاستئناف الذى جاء مؤيداً لقرار المحكمة الابتدائية ... وتأييد تنفيذ الحكم بواسطة رئيس الجمهورية ...
*** ممر الموت ... سرقة الطائرة ... و سر الهبوط بها فى مطار الفاشر ليلاً ...
*** تنازل شقيق المجنى عليه و خاله ...
*** اليوم الأخير فى حياة الملازم مصطفى (موثق بالصور) و كيف علم به ومن الذي أخطره به ومن هم الحضور (تفصيل مطول) ...
*** الحوار الأخير ... كيفية الوداع ... كيف تمت عملية الإعدام ؟؟ ... تفصيلاً ... الى الملتقى ...
********
**** توقفت فى المره الفائته فى صدور قرار المحكمه بإعدام المتهم (الملازم مصطفى (
**** جاءت ردة الفعل الأولى حسبما علمت من الحضور جاءت من قبل أولياء الدم الذين أيدوا القرار وأبدوا سرورهم و فرحتهم به، بينما إعتلت وجه الملازم مصطفى إبتسامة عريضة جمعت ما بين محاولة إخفاء الدهشة و محاولة الظهور بمظهر عدم الاكتراث للهزيمة الواضحة ....
**** أول إجراء تم إتخاذه قبل الخروج من المحكمه كان أن تم وضع القيد (الكلابيش) على أرجل المتهم الذى
إقتربت منه أثناء ذلك الحاجة التومة و قالت ليهو أبقى راجل و أرجى الراجيك ... رد عليها المتهم قائلا:
شفتى ليك ضابط شرطة أعدمو ... وكان لايزال مبتسماً إبتسامته المصطنعة ...
**** جاءت ردة فعل محامى الدفاع بأن هناك خطأ فادحاً إرتكبته المحكمة وسوف يتضح فى أول إستئناف
**** تم تحويل المتهم مصطفى الى سجن كوبر فى نفس اليوم و( إنتهت خدمة الغرف والدلال ) ... يتبع
*******
قــرار محكـــمه الإســـتئناف
**** جاء قرار محكمة الإستئناف مؤيدا لقرار المحكمة الابتدائية ...
وكذلك طلب إعادة النظر وكل المحاولات القانونية ....
*** وبدأ ما يسـمى عند بعض فقهاء القانون ممر أو نفق الموت فى حياة الملازم مصطفى ...
*** دعونى سادتى أوضح لكم بعض الجوانب فى حياة المحكومين بالاعدام فى السـجن ، فلهم فى داخل السـجن حوش منفصل يفتح فى الفتره الصباحيه و يختلطون مع بقية المساجين حتى الساعة الخامسة مسـاءاً حيث يعودون الى الحوش المخصص لهم و يدخل كل مسجون أو إثنين منهم الى داخل زنازين ضيقة متلاصقة و مرصوصة صفاً واحداً ... مسألة فتح هذا الحوش حسب ضوابط السجن تتم يومياً فى مواعيد محددة إلا ... إلا إذا كان فى ذلك اليوم تنفيذ إعدام... فلا يفتح لهم، فهم حينئذ يعرفون أن أحدهم سوف ينفذ فيه الحكم ... ولقد رأيت بأم عينى ودخلت فى يوم تنفيذ حكم إعدام كيف يكون السـجن بأكمله (صانا) أى يسوده الهدوء التام من المدخل الرئيسى وحتى آخر ركن فيه بعكس الأيام العاديه ... فلقد دخلت ذات مرة مع السـجان المسؤول من إخراج الشـخص المراد التنفيذ فيه وعند الدخول لابد من المرور عبر الزنازين وعادة ما تجد كل المحكوم عليهم وقوفا فى الأبواب فى إنتظار عجيب ... وعندما يدخل السجان و يتخطى أى زنزانة تجد أن ملامح كل من بداخلها قد تغيرت إيذاناً بعمر جديد لساكنيها الى أن يصل السجان الى من يريد منهم ....ولقد شاهدت بأم عينى كيف يتوادعـون فتتاح للمراد التنفيذ فيه فرصة وداع البقية فيكون هو خارج الزنزانة ويتقدم الى باب كل زنزانة التى عادة ما تكون مغلقة ... فتتشابك الأيدى دون أى كلام وقد لاحظت أن الدموع لا تنزل من الشـخص المغادر بينما تنهمر أغزرها من البقيه ... نسيت أن أذكر لكم أنهم عادة ما يحتفظون بصور لهم دائماً ما تجدهم يقولون لك هذه صوره جماعية أخذناها قبل شهرين (الواقف نمرة إتنين ده المرحوم فلان وده المرحوم فلان ....
كذلك نسيت أن أذكر لكم أن هذه المره التى دخلت فيها مع السجان قد حضرت فيها تنفيذ حكم أعدام تمانية أشخاص .... نعم ثمانية ... فى يوم واحد ...
*********
**** توقفت فى المره الفائته بعد أن حاولت أن أنقل لكم جانب من حياة المحكوم عليهم بالاعدام داخل السجن...
**** جاء قرار محكمة الاستئناف مؤيدا لقرار المحكمة الابتدائية ... وتم التصديق على الحكم من قبل رئيس الجمهورية ... و لم يبقى إلا تنفيذ الحكم ...
**** كنا نحن أصدقاء الملازم مصطفى قد كوَّنا شبه لجنة للبحث عن الصلح مع أولياء الدم ووزعنا الأدوار فيما بيننا وكنا ندرك تماماً صعوبة المهمة ... قمنا بالاتصال بكل من نعتقد أنه يمكن أن يقدم ما يفيد ....
و توصللنا الى أقارب المجنى عليهم الذين ليست لهم ولاية دم طالبين تدخلهم ... وأصدقكم القول بأنهم كانوا فى غاية التعاون معنا ومنهم من عمل معنا وقدم لنا الكثير من النصائح فى سبيل التفاوض مع أولياء الدم الذين كانوا يعيشون فى منزلين منفصلين حيث الحاجه التومة فى مكان ووالد المجنى عليه فى مكان آخر والذى كان أكثرهم إصراراً على القصاص، دخلت منزل الحاجه التومة كثيراً فى معية الزملاء (ود برى ومجدى وخالد الحلبى وود ماهر وطنون ... إتصلنا بكثير من أهل الخير لجمع التبرعات وأذكر أن فاعل خير من تجار السجانة لايعرف أى شيئ عن الموضوع ... قد تبرع لنا بمواد بناء منزل كامل لأولياء الدم إن هم وافقوا على العفو وتحصلنا على تصديق بقطعة أرض لهم، وهناك من قال لنا شوفو الناس ديل عايزين كم وأنا جاهز ( بخلاف قيمة الدية)...
*** بينما أنا فى الجوازات جاءنى الملازم أول الحمرى و قال لى يؤسفنى أن أقوليك إنو جاءنا قرار بتفيذ الحكم بكرة!!
**** ســبق و أن ذكرت فى وقت سـابق أن أبو تسعة قد تمت محاكمته فى قضية سرقة عربة مولانا عوض و التى كنت أقودها و تمت محاكمته بعدد من السنين ... وقد حدثت هذه الواقعه بعد واقعة القتل وظل فى السـجن لفتره من الزمن ... فاتنى أن اشير لكم أننى وأثناء فترة محاكمة الملازم مصطفى ... وقبل أن يحكم عليه كنت قد إلتقيت بالصدفة المحضة أبو تسعة فى دكان يتناول عشاؤه مع بعض أصدقائه ... فقمت بإلقاء القبض عليه بغية إعادته للسجن ... حيث لم يكمل مدة السجن هرب وبينما نحن فى طريقنا الى قسم الشرطه قال لى (يا جنابو ياخ عليك الله خلينى ياخ والله أنا تبت وغيرت حياتى خالص والله لو رجعت السـجن حأرجع تأنى للأجرام وظل يردد فى هذا الكلام الى أن وصلنى لدرجة أن أطلقت سراحه دون أن أربط موضوع الملازم مصطفى بإطلاق سراحه ... ولم أتذكر لحظتها الموضوع أصلا ...
**** مفاجأة الملازم أول الحمرى جعلتنى أتذكر موضوع إطلاقى سراح أبو تسعة على الفور ... و تحركت فورا للبحث عنه... فى كل زياراتى لمنزل الحاجة التومة لم التقيه و لم أتذكر هذا الموضوع لطول الوقت بين الحادثتين ....
بعد الاستعانه برجال المباحث علمت أنه مســجون بســجن بوتسودان ... قررنا السـفر الى بوسودان أنا و الملازم أول ود برى فى نفس اليوم ... ولم نكن نملك قيمة تذاكر الطائرة فقام والدى رحمه الله باجراء اللازم ووفر لنا قية التذاكر، هبطت بنا الطائرة فى مطار بورسودان عصر نفس اليوم ... قابلنا مدير السـجن فى منزله الذى تحرك معنا فوراً الى السـجن وهناك فوجئت أننى لا أعرف الاسم الأصلى لأبوتسعة ... وسـجن بورسودان من السـجون ذات السـعه الكبيره ... إنتشر الخبر فى السـجن أن هناك ضباط جاؤا من الخرطوم للبحث عن أبوتسعه ... ولا يعرفون إسمه الأصلى، فأخفى نفسه... أخيراً، وبقدرة قادر تم إحضاره الينا حوالى الساعه الثامنه مساء ... و علمنا أنه يقضى عقوبتين (سرقة عربيه + الهروب من السـجن) مدتهم أربعه سنوات .. ( بخلاف العربيه الاولى والهروب من سـجن أم درمان) ...
طلبت من مدير السجن أن يتركنى مع أبوتسعة على إنفراد... إزيك يا أبو تسعة ... أهلا يا سيادتو... أسمع بكرة تنفيذ حكم الاعدام فى مصطفى... و أنا جيتك مخصوص وعايزك تكرمنى...
يا سيادتك... إنت قبل كده ما قصرت معاى... ما حأقدر أرد ليك طلب أنا متنازل ... سالت دموعى فى تلك اللحظه ... بعدها قام مدير السـجن بإرسال برقية عاجلة بواسطة اللاسلكى الى مدير سـجن كوبر يخطره فيها بأن شقيق المجنى عليه قد تنازل عن القصاص ... عليه، يتم وقف التنفيذ وأنه سوف يرسله لهم على أقرب طائرة...
نصحنا مدير السجن بضرورة مقابلة قاضى المديرية فى بورسودان فى منزله، وبالفعل أخذنا أبو تسعة وذهبنا له فى وقت متأخر من الليل ... فى نفس الليل أسقط عقوبة الهرب من السـجن إكراماً لأبوتسعة... وأطلق سراحه بالتعهد ووعد بمعالجة جوانبه القانونيه الاخرى... الا أنه نصحنا أيضا بمقابلة القاضى الشرعى لأخذ التنازل عن القصاص بحكم الاختصاص...
... فى الصباح الباكر ذهبنا الى السوق وقمنا بشراء بعض الملابس لأبوتسعة وذهبنا الى القاضى الشرعى لتوثيق التنازل واللحاق بالطائرة ...
*** الضابط المناوب فى سجن كوبر إستلم البرقية وتم تأجيل التنفيذ الى حين حضورنا ...
*** ولكن حدثت المفاجأه التى لم تأتى على ذهن أى أحد ؟؟
... يتبع...
*********
توقفت فى المره الفائته عندما التقينا القاضـى الشرعى لتوثيق العفو...
*** قبل توثيق العفو علمت أنه لابد من تحديد ما يسمى بالأعلام الشرعى وهو الذى يحدد ولاية الدم والتى تحدد على أسـس الميراث ... يقوم بهذا الاجراء القاضى الشرعى... مولانا لو سمحت نحن مستعجلين لاحقين المطار ممكن ؟؟
جدا جدا يا أبنائى... بعدما عدد مولانا مآثر العفو شرع فى اجراء الاعلام بالأسئله التاليه: يا ولدى والد المجنى عليه على قيد الحياه... نعم على قيد الحياه... طيب والدته... نعم على قيد الحياة ... نعم أنا شقيق المرحوم.. لا أبدا المرحوم لم يكن متزوجاً...
***** يا ولدى ربنا يجزيك كل خير إن شاء الله بـس إنت ما ولى دم ... يا مولانا كيف الكلام ده ؟؟؟
يا أبنائى الراجل بكون ولى دم إذا كان المرحوم متزوج وعندو بنت فقط وأبوه متوفى... وفى حاله تانية برضو كان ممكن يكون فيها ولى دم لكنها برضو ما متوفرة... لم ننتظر معرفة الحاله التانية....
غادرنا الى الخرطوم التى تم تأجيل التنفيذ فيها... مباشرة الى منزل الحاجة التومة والتى ما أن رأت
أبو تسعة قالت له بالحرف الواحد (أسمع لو جاى مع الجماعة ديل عشان موضوع العفو أرجع معاهم)...
****** تم تأجيل التنفيذ وتقدمنا بطلب لرئيس القضاء لمد التأجيل لمواصلة مشروع الصلح عسى و لعل ...
تمت الموافقه على مد فترة التأجيل لفتره لم تحدد ...
******* فى طريقى الى البيت من عملى وبينما أنا سارح (فى شنو ما عارف... يبدو أننى دخلت فى طريق غلط أوقفنى أحد رجال القوات المسلحه وكان يحمل رشاشاً والساعة كانت حوالى الرابعة عصراً ... يا زول خير إن شاء الله ؟؟ من هنا ممنوع!! أيوه ممنوع إنت ما عارف إنو ده منزل عضو مجلس الثورة السيد إبراهيم نايل ؟ (والله لم أكن عارف) ... يا عسكرى معاك فلان الفلانى سعادتو ده موجود؟
أنا أصلا جايهو فى موضوع ضرورى... أديهو خبر لو سمحت..
.. ياخونا أقوليهو شنو؟ و علاقتو بأولياء الدم شنو؟ و أمكن يزعل ... و بأى صفة... و أنا زاتى الجابنى هنا شنو؟
دارت هذه الاسئله فى ذهنى حتى جاءنى الحرس ... إتفضل يا جنابو...
***** أذكر أنى قابلته وكان فى طريقه لتسجيل حلقه تلفزيونية يرد فيها على كمال شداد فى موضوع لم يهمنى فى تلك اللحظة ... إتفضل يا أبنى بسرعة لو ممكن لأنو ماشى التلفزيون ... شرحت ليهو ضرورة تدخله دون أن أعرف علاقته بالموضوع ... لا لا التلفزيون ملحوق كدى أركب معاى فى عربيتى دى يلا لو بتعرف البيت نطلع طوالى ...
.. إزيك يا حاجه التومة ... أهلا ... معاى ضيف عايز يتكلم معاك شوية و يسلم عليك ...
.. معاك منو إتفضلو فى الأوضه ديك ... مرحب مرحب يا حاجة... أنا أبراهيم نايل يا حاجة ....
.. ابراهيم.. قبل كده أنا ما جيتك فى مكتبك أيام كان الولد ده شارد؟؟ ... بالحيل بالحيل ... ساعتنى بى شنو؟؟ قولى ؟؟
بعد ما دايرين يعدمو جايينى تتوسط... يا حاجة ربنا قال من عفى و أصلح ... ابراهيم عندكم موضوع غير ده ؟؟
إتخارجنا ... طوالى ... لك الشكر يا أبو خليل ...
*********
*** تناوبنا التواصل مع مصطفى وكنا دائما نطلعه على ما نقوم به وهو فى السجن و رغم كل محاولاتنا الفاشلة كنا (نكذب) عليه و نشعره بأن كل الأمور تماااام التمام ...
**** الساعة العاشرة مساء وأنا فى البيت .... ياخونا الحاجة دى البقنعها شنو؟؟ لو إقتنعت هى المسألة
خلاص ... ياخ الواحد ما يشمى ليها هسـى و اتكلم معاها براااحه كده ... بســم الله...
***** قررت فوراًَ التحرك للحاجة التومة فى ذلك الوقت المتأخر ...
***** حاجة التومة كيف حالك ... أهلا ... بعد محاولة تبرير حضورى المتأخر...
بالله عليك يا حاجه التومة هسـى المرحوم من مات كمل كم سنة ؟؟
كان خمسه كان سته هسـى انت جايى من هناك فى الليل ده تقولى المرحوم مات متين؟؟
لا أنا بـس جاييى أ. أ .. (قعدت أقطع) .. فعلا أنا جاييى داير شنو فى الليل ده ؟؟
إنتى عايزة الجد يا حاجة التومة ؟ أنا جاييى أعرف إنتى مصرة الاصرار ده كلو ليي ؟؟
بصرااااحة كده الســبب شنو ؟ ..
**** يعنى أنت يالطيب ولدى يكتلو واحد فى قدامى وعايزنى أتنازل ؟؟ (وواحد كافر كمان ياريتو كان مسلم) ؟؟
.. حاجه التومة معاك ألف حق يعنى الراجل ده لو كان مسلم كان إتنازلتى ؟؟ .. بإستخفاف ( إمكن !) ..
.. أيواااا.. طيب يا الحاجة فتك عافية...
**** حتى ذلك الوقت مصطفى لم يكن مسلماً فقد كان من أخواننا غير المسلمين و كان إسمه (وانى)
**** صباح اليوم التانى ... المكان سجن كوبر...
.. دار الحوار التالى بينى و بين الملازم وانى ذو الثقافة الاسلامية العالية...
.. يا سيد .. أهليييين أبو الطب الامور كيف؟؟ .. الامور ماشة كويس بس ظهرت لينا مشكلة بسيطة ... مشكلة شنو ..خير إن شاء الله ما فى عوجة يا زول ؟؟ .. لا لا الحاجة دى أمبارح قالت إنت ما مسلم يا كبتن عشان كده لازم تسلم و الليلة دى قبل بكرة ... أبو الطب ده كلام شنو يا زول ؟؟ أسمع سيبنا من الفى راسك بسرعة كده قرر الحتة دى ما عايزة ليها كلام كتير ... الطيب ياخى ده موضوع إمكن إنت ما عندك فيهو فكرة ده موضوع .. أسمع أسمع يا كبتن حاجة التومة دى أنا كنت معاها أمبارح بالليل و قالت لى كده كده كده ، ياخى خلصنا من الموضوع ده و كلها ورقة من المحكمة موضوع بسيط جدا و كمان ياخى عشان تانى ما تقوم تغير رايها .. قوم قوم كدى نمشى نقابل مدير السـجن نقول ليهو إنك عايز تسلم عشان يودوك المحكمة... أسمع دقيقة دقيقة طيب .. يا زول ما بسمع ولا حاجه بسمعك كويس بعد ما نخلص، بعدين ياخى إنت دينا ده مالك ما تجربو إمكن ينفع معاك.. ضحكنا وهو مذهول ودخلنا على مدير السجن ونحن متماسكين الايدى ...
*** فى نفس اليوم دخل وانى الاسلام ولم يغير إسمه ... أنا كان همى (ورقة المحكمة)
*** إستلمت ورقة المحكمة، ثابت فيها أن الدعو وانى دخل الاسلام ...
*** بعد كم يوم لا أذكر ... و فى معية كل من زملائى خالد الحلبى وعبد الرحيم وكان الوقت ليلاً دخلنا على
حاجه التومة ... أخبرنا حاجة التومة بما نحمله لها من أخبار جديدة (إسلام إخونا وانى) ...
و كان ردها ... ده أنا عارفاهو أسلم عشان يمرق من الموت ... ده واحد كافر أنا عارفه كويس ...
يا شباب الحاجة دى دايرة ليها زول بتاع دين ونحن ما فينا زول عندو .... أصلا... يلا يلا طلعنا ...
*** جبنا الزول بتاع الدين عشان يشرح ليها أجر العفو ... و برضو ما نفع ...
********
*** و عودا على ذى بدء ... وبينما أنا منشـغل بشيئ ما إذا بى أفاجأ بتحديد موعد تنفيذ الاعدام غداً من خلال زميلى ود برى ... السـاعة الآن الحادية عشر ظهراً ... طيب والعمل يا ود برى ؟؟ ... ما عارف لكين الناس ديل ـ أولياء الدم ـ ظهر ليهم (خال) فى الفاشر ... طيب نصل الفاشر دى قبل التنفيذ كيف؟؟ الطيب إنت إتلحسـت و لا شـنو؟؟ فاشر شنو ؟؟
أقوليك التنفيذ بكرة !! طيب يا ود برى الخطه شنو هسـى؟؟ نحن حنمشـى نحاول الحاجة دى
تانى و إنت وخالد أمشوا القضائية حاولوهم كدى ... خالد إتحرك إنت القضائية أنا حأمشى المطار...
*** طائرة الفاشر غادرت قبيييييل يا جنابو لكين فى واحده بكرة ... شــكراً مافى أى شركة غير
السودانيه ... و الله كدى شوف ناس شركة (....) ديل مكاتبهم فى الخرطوم 2 ... شكراً جزيلاً ... قلتى لى إسمك منو؟
*** بسرعه شديدة خالص فرامل بى لستك واحد تحت الشجرة قدااام باب الشركة بالبوكس (الاخدر الشين داك بتاع الجوازات) ...
يا جنابو يا جنابو الباب فاتح ... سـت الشاى تحت الشـجرة ... لا قفلت الباب ولا لقت منى شكراً
(لها العتبى ) ...
*** المدير موجود ؟؟ موجود بس فى إجتماع إتفضل ... (لو ما عندو إجتماع إبقى ما مدير) ...
*** السـلام عليكم ، بحزم.. صوت نسائى من ورائى (يستغيث) والله يا كابتن أنا كلمتو إنو عندكم
إجتماع لكنو برضو دخل .. مسـكنى من يدى و بقوه غير آبه بكل ما أحمله على كتفى من نجوم تخوف
أوكامبو.. عمره فى أواخر العقد الرابع ، وسيم جدا شعره سـبيبى أبيض .. لم يكن مدير الشركه
.. كان كابتن مصطفى ... طلب منى الخروج حيث أتيت (أسمع كلنا ضباط معاك العميد (م) طيار
مصطفى فلان الفلانى ... أفتكر كلام السكرتيره دى واضح ... (كلام رصاص بس) ...
كلام حار إلا أننى أدركت أن بيننا أكثر من لغه مشتركة و سحبته معى الى الخارج و( بهمس)
يا سعادتك ضرورى جدا بالله عليك تسمعنى ... وسمع منى بالفعل ودار بيننا الحوار التالى ...
المشكله إنو ما عندنا طيارة الليلة طيارة وااحدة عندى أنا زاتى مؤجرة لوالى دار فور و جبتو
أمبارح لمؤتمر الولاه ... و الوقود زاتو مشكلة و تكلفتو عالية جداً والطاقم زاتو ناقص لأنو سفرنا بكرة
. يا كبتن تانى ما فى أى شركة أو طيران منظمة أو أى شيئ يلحقنى الفاشر دى الليلة ؟؟
أسمع كدى دقيقه، و دخل الى حيث الاجتماع و سمعته... يا فيصل يا فيصل أسمع عايزك تمشى
هسـى دى تجيب لى طه حسين بسرعة من بحرى يلا ... يلا إتحرك ...
إنت يا جنابو جاييى بى شنو؟ بالبوكس ده ... سيبو سيبو فى مكانو ده و تعال أركب معاى هنا ...
. دخلنا المطار وكان كابتن مصطفى طوال الطريق يسألنى عن تفاصيل الحادث و كل مرة يردد
المروة إنعدمت فى البلد دى؟؟ عمنا فلان الفلانى مسؤول الوقود فى الخطوط السعودية ... رجل كبير فى السن تربطه علاقة يبدو أنها قديمة بكابتن مصطفى ... عمنا تفهم الوضع تماما ... واستمنا منه تصريح وقود
فى الحال ... قرر كبتن مصطفى بعد ضمان الوقود أن نتحرك فورا الى الفاشر ... فرحت جداً
قام بإجراء إتصال هاتفى... قولى لى كابتن فلان إعمل لى تصريح مغادرة للفاشر ...
فهمت أنه كان يكلم السكرتيره ... إنتهت المكالم’ بمشادة كلامية بينه و بين مديره ...
أسمع حنمشـى القاعدة الجوية، هنا داخل المطار ...
********
الســــلام علـــيكم ســــادتى
*** داخل القاعدة الجوية التقينا العميد (باكمبا) شرح له كابتن مصطفى الموقف تماماً ..... و طلب منه أن يزوده بشخـصين عرفت لاحقاً أنهم من فنييى الطيران ... لم يتردد سعادة العميد باكمبا وخلال حوالى 20 دقيقة كانا جاهزين ... تحدث كابتن مصطفى مع أحدهم بنبرة عسكرية واضحة المعالم ... يا جلال .يلا جهزوا الطيارة بتلقوها مقابل الهانقر رقم ( ) ... يلا يالطيب نشوف ناس فيصل أخبارهم شنو (فيصل الشخص الذى أرسل الى الخرطوم بحرى لإحضار آخر يدعى طه حسين لم أكن أعرف دوره فى هذه الرحلة آنئذ ....
***** يا كبتن إنت الجماعه ديل ما أديتم تصريح البنزي ؟؟ ... يا الطيب الطيارة فيها البودينا ويجيبنا لكين التصريح حأرجع بيهو الوالى بعدين يا أبو الطب ما إسمو البنزين إسمو الوقود ... ضاحكاً...
***** إنتظرنا طويلاً ومرَّ الوقت بطيئاً جداً ... علمت خلاله أننا فى إنتظار مســاعد طيار وهو المقدم (م) طيار طه حسـين و فيصل ملاح جوى ...
**** منزعجاً ... خير يا كابتن إن شاء الله ما فى عوجة ... كدى سلم على أخونا الطيب ... عفواً عفواً السـلام عليكم الطيب ... شـرح له ولفيصل طبيعة المهمة، مختتماً كلامه بـ(يعنى يا أخونا الراجل ده حيعدموه بكرة من الصباح لو ما جبنا خالو ده معانا) .... يا كبتن الســاعة هسـى قريب خمســة لغاية ما ناخد الاذن بتكون السـاعة كم؟
وإنت عارف مطار الفاشر ده ما بنزلنا بالليل ... كان المتحدث كابتن طه حسين ... واصل الحديث فيصل:
بعدين يا كابتن الطاقم ده ما ناقص؟؟ و الأهم من ده إمكن خالو ده ما نلقاهو فى الفاشر؟؟
**** بهدوء شـديد ... الطاقم أنا كملتو من باكمبا ... دون أن يزيد حرفاً واحداً، حيث بدا لمحدثيه إصراره الواضح كل الوضوح فى عينيه ... يا زول خير خير إتوكلنا إنت أصلك لو ما وديتنا السـجن، يوم بتودينا التوج ... ضحكنا و اتوكلنا ....
**** جلسـت لأول مرة فى كابينة الطيارين ...
**** بدأت عملية الهبوط و بدت انوار مدينة الفاشر تحتنا ... طلب منى الجلوس فى كابينة الركاب ...
**** قبل الوصول بنصف ساعة دار حوار بين طه ومصطفى حول، هل سيفتح اللاسلكى فى المطار أم لا ؟ إنتهى الحوار بالاتفاق على الدواران على مستوى منخفض حول مدينة الفاشر الامر الذى يؤدى الى ذهاب المختصين الى المطار ، وبالفعل هذا ما تم بالضبط ... فقد ظللنا ندور حول مدينة الفاشر عدد كبير من الدورات على مستوى طيران منخفض جداً الى أن تم فتح اللاسلكى ... وعلمت لاحقاً أنه تم إستجواب كابتن مصطفى كثيرا خلال الراديو (اللاسلكى) عن سبب هبوطه فى هذا الوقت ... ومن وين جايى ومعاك منو؟؟ وتم أخطار قائد الحاميه الذى حضر الى المطار ....
***** ... الهبوط كــيف ؟؟
تم الاتفاق على صـف عدد من السيارات داخل أرض المطار لتحديد معالم الـ (RUN WAY)
جاءت المحاولة الأولى للهبوط ... ثم الثانية والتى كادت أن تودى بنا ... خلالها نسـيت كل التعاويذ التى كنت أرددها نســيت حتى صورة وجه أبى الذى كان قد غادر الدنيا قبل وقت وجيز ... و كان كل صوت تصدره الطائرة خلال محاولة الهبوط يمثل لى صوت الارتطام و فقدت الاحساس بكل شيئ ...
الى أن سمعت من يقول لى يا جنابو حمد الله على السلامه وكفايه جرسـة ... وكان ممسـكاً بيدى المتعرقه ... (كان أحد الفنيين) ...
**** وجدنا أرض المطار تعج بالكثيرين (محمدلين السـلامة) ...
بينما كنت أبحث عن كابتن مصطفى وسـطهم أمسكنى من يدى ... أسمع يا الطيب نحن حنبيت مع قايد الحامية والاقلاع ستة صباحاً إنت عارف الوضع، إتوكل. ... وسط جوع الناس وجدت زملاءنا من ضباط الشرطة ... أذكر منهم ضياء الدين ... كنت أول المغادرين خارج المطار....
**** توجت رحلة البحث عن الخال بإنتظاره فى نادى الهلال ... و النادى (خلا)...
مرحب ... مرحب أهلا أهلا يا جنابو ...
معليش أنا كنت فى المطار، الناس دى كلها قامت جارية من هنا إتخيل فى طيارة نزلت هســى دى فى الليل ده ... تدخل أحد الزملاء الذين كانوا برفقتي....
الطياره دى جابت أخونا الطيب ده ....
والطياره دى جاية من هناك عشانك إنت ...
عشانى ... عشانى أنا؟؟
*** شـرحنا للخال (والرجل اريتو خالكم) حيث كان رده: ياخى نحن ما ناس دمويين ... طيب تمشـى معاى البيت عشان الصباح بدرى نتوكل ... شكراً شكراً جزيلاً ... أمشـى إنت البيت ورتب حالك، أنا ببيت مع الطيارين فى بيت قايد الحامية ولا فى الميز مع الجماعة ديل ... ذهبت الميز وحكيت ملابسات محاكمة الملازم مصطفى لغاية قريب الصباح ... شى قانونى و شى غير قانونى وشى شنو ما عارف....
*** ***** *** صـحينا من النووووم السـاعه السابعة صباحاً ... نعم السابعة صباحاً...
هيااا اخونا الطيارة والزول عيييييييك ...
*** .. أقلعت الطائرة دونى !!!!! لكن كابتن مصطفى أخذ معه الخال ....
**** نعم أخذه معه و سلمه بيده للسيد مدير سـجن كوبر ... و تم تأجيل تنفيذ الاعدام فى لحظاته الأخيرة ...
.............. رجال قل أن يجود الزمان بمثلهم ........
*** لن يكن تأجيل تنفيذ حكم الاعدام المفاجئة!!!
***** المفاجئة هى أننى عندما حدثنى كابتن مصطفى وكابتن طه حسـين وسـط جموع الناس فى مطار الفاشـر بضرورة الحضور قبل الساعة السادسة صباحاً كانت تلك آخر مره أحدثهم فيها ... حيث لم أراهم ثانية...
إلا وهما جثتين فى مشـرحة مسـتشـفى الخرطوم.... الإتنين نعم الاتنين، حيث سـقطت طائرتهما التابعة للخطوط الفدرالية شرق منطقة الحاج يوسف، بعد أشهر قليلة من رحلة الفاشر ... نعم رجال قل أن يجود الزمان بمثلهم ...
. فالنترحم عليهما وعلى القاتل والمقتول....
***** توقفت المره الفائتة فى إلقاء بعض الضوء على دور االأخوان كابتن مصطفى وكابتن طه حسين ...
***** حادثة أو بالأصح واقعة الهبوط الاضطرارى إن جاز التعبير هذه الواقعة سبقت تنفيذ الحكم بحوالى العام
إن لم تخنى الذاكرة ...
***** خلال هذه الفترة أودع ســجن كوبر زائر جديد وهو ضابط سابق بالقوات المسلحة كان برتبة عقيد
من أهالى مدينة الحلفاية بالخرطوم بحرى وتمت إدانته فى جريمة على ما اعتقد أنها سياسية وحكم عليه بالإعدام
إلا أنه لم ينفذ فيه حيث شاءت الأقدار أن التقيه قبل فترة فى الخرطوم فى شارع النيل بالقرب من كلية الهندسة ... هذا الرجل حل ضيفاً بالزنزانة التى تجاور زنزانة المتهم الملازم اول وانى (المسلم على الورق فقط) ... عرف عن هذا الرجل ورعه الشديد المداومه على الصلوات وتلاوة القران الكريم ومن خلال زياراتى المتكررة
للسجن لاحظت أن هذا الرجل نادراً ما يتحدث ولا يدخل نفسه إلا فيما يعنيه ... رجل واسع الثقافة يحدثك بأدب جم و يتمتع بمهارة الإستماع الجيد ... وأكثر ما عرف به واشتهر به صوته الحسن فى التلاوة داخل الزنزانه ...
**** فى مره من المرات طلب المتهم الملازم أول وانى من هذا العقيد أن يرفع صوته أثناء التلاوة وكان هذا الطلب فى ليل أحد الأيام، فظل العقيد يصدح بتلاوة القرآن مبدياً إظهاراً واضحاً لمخارج الحروف يشدو بأحرف المد تارة والإضغام تارة أخرى، ... ظل على هذه الحال إلى أن إنبلج الفجر بصوت المنادى (حى على الصلاة) وقام الرجل يلبى دعوته....
هذه الواقعة على لسان المتهم الملازم أول وانى عرفتها عندما زرته فى إحدى المرات وكنت قد تغيبت عنه لفترة إستمرت قرابة الاسبوعين عاتبنى عليها بداية اللقاء، ودار بيننا الحوار التالى: و الله يا وانى لظروف خارجة عن يدى ...
ولم أكمل حديثى، فاجأنى، يا زول أسمع (أنا أسلمت من جديد بصورة رسمية وغيرت إسمى وسميت نفسـى مصطفى تيمناً بإسم المصطفى عليه أفضل الصلاة والســلام). وحكى لى قصة إسـلامه الحقيقى التى بدأت بإطلاعه على الثقافة الاسلامية فى بواكير حياته وكيف إنتهت بسماع ذلك الصوت الذى أيقن فى نهاية الأمر أنه مرسل إليه ليرشده الى طريق الهداية إلى الإسـلام ذلك الصوت الذى ظل يسـمعه كل ليلة لمدة ثلاث ليالى متتاليات متدبراً كل ما كان يسمعه من كلمات إلى أن طلب من ذلك الرجل أن يشرح له كيفية الدخول فى الاسلام بالطريقه الصحيحة الرسمية، وتم له ما أراد ... إنتهى الحوار بينى و بينه عندما استأذننى لتأدية صلاة الظهر...
الشكر كل الشكر لك سيادة العقيد أيمنا حللت ....
*** ظل المتهم فى سجن كوبر قرابة العام قبل أن ينفذ فيه الاعدام ...
خلال هذه الفترة صاحبه بعض التغيير البين فى كثير من تصرفاته وسلوكه حيث كان كلما زرته وجدته ممسكاً المصحف بيمناه واحد أصابع يده يتوسط دفتيه ... مبتسماً دائماً ... أصبح وجهه صبوحاً تدرك آثار الغسل فيه كلما شئت ... ( شهاده لله)
**** عرفت والدته ووالده بإسلامه ... كان واضحاً عدم إرتياح والدته لذلك عكس والده الذى كان يعمل مديراً لإحدى المدارس الثانويه ... كذلك شقيقته والتى كانت تدرس فى إحدى الجامعات آنئذ ....
*******
****** اليوم الأخير فى حياة القاتل الملازم أول مصطفى (يوم الاثنين)
**** بالنسبه إلى فقد بدأ هذا اليوم فى منتصف شهر أبريل (يوم الأحد) حيث جاءنى الملازم أول الحمـرى ضابط السجون فى مكتبى وكان فى غاية الحزن والأسى لا ينظر الى وجهى و حدثنى و تكاد العبرة تسد حلقه ... الطيب بكرة التنفيذ بقرار نهائى ... وإنت المفروض تجى تكلم مصطفى نحن ما قادرين نكلمو ...
أنا ماشى أكلم أهلوا تعال بكرة بدرى ثم خرج من المكتب دون أن ينتظر ردة فعلى ... درات الدنيا برأسى مرة و إتنين و تلاتة ... كيف لى وقد كنت معه ظهر السبت وكنت أحدثه عن تطورات (كاذبة) فى مجريات الصلح مع أولياء الدم الذين وصلت مع والد المجنى عليه حد أن أوقفنى من دخول بيته بواسطة وكيل النيابه (بالتعهد)
... أصدقكم القول أننى لا أذكر حتى أين ذهبت من مكانى ذاك اللهم إلا لوفاة عمتى التى جاءت فى منتصف الليل
************** الزمان صباح الاثنين الساعة السابعة ********
................ المكان سجن كوبر
............. الحضور كافة ضباط السجن + والد الملازم أول مصطفى + والدته + شقيقته + عدد قليل من الزملاء
أذكر منهم ود برى، خالد الحلبى، ود ماهر، طنون، نصر، مجدى....
******** الموضوع تنفيذ حكم الاعدام فى ِشخصين أحدهم ضابط شرطة والآخر قام بقتل إثنين من ضباط الشرطة فى نقطة الرياض (لم يكن هناك أى ربط بين الشخصين أو الحادثتين إنما هى الصدفة وحدها) ...
***** طلب الى أن أدخل الى حوش زنازين الاعدام لأخطار الملازم أول مصطفى بأنه سوف يتم إعدامه الآن . ... و كما ذكرت لكم من قبل أن أبواب حوش زنازين الاعدام لا تفتح فى اليوم الذى يكون فيه تنفيذ فيكونون خائفين متوجسين حالتهم حاله ...
**** دخلت مع الشرطى المسؤول عن إخراج المراد إعدامه دخلت وكنت أرتجف من هامت رأسى حتى أخمص قدمى ... كانت الزنانة رقم (5) وكنت أتقدم الشرطى بحوالى خطوتين ... رآنى ...
توجد زنازين الإعدام داخل حوش منفصل داخل سجن كوبر والذى عادة ما يفتح عند الساعة الثامنة صباحاً، لذا تجد المحكوم عليهم فى حالة ترغب وحذر شديدين قبل هذا الوقت بقليل فأى تأخير عن سماع صليل أصوات المفاتيح فى الوقت المحدد يؤدى إلى إنقباض الأنفاس ويعنى لكل ساكنى تلك البقعة من الكرة الأرضية، أن ساعة الرحيل قد أزفت فتتلاشى كل الغرائز الإنسانية من جوع وعطش وحب وجنس وكراهية، وتنصهر كل الحواس فى بوتقة الوجوم الذى يعترى تلك الوجوه ذات المصير المشترك وينعكس إتجاه عقارب ساعاتهم فينفقد الإحساس بالزمن والطعم الرائحه.... تظل هذه الحالة التى لا إسم ولا وصف لها غير الذى ذكرت، تظل هذه الحاله هى المسيطرة، إلى أن يسمع صليل المفاتيح مرة أخرى فتتوقف الأنفاس تماماً وتسود السكينة والهدوء، ولا تسمع سوى جلبة الكلابيش التى تكاد تسمع من به صمم من أولئك البشر وقرقعة (البوت) المتهالك لذلك السجان،. فتحسب خطواته حساباً دقيقاً.... وعند تجاوزه لكل زنزانة يعود سـر الحياة لساكنيها و يعود الدم الى رحلة التدفق عبر الشرايين والأوعيه إيذاناً بميلاد جديد، ويقرع القلب طبول دقاته قرعاً لا توقفه سوى لحظات وداع من وقع عليه إختيار ذلك السجان . ... عند كتابتى لهذه السطور أصدقكم القول سادتى أننى كتبتها وهآنذا أرتجف و ملء إحساسى أن قلبى يتزحزح بين أضلعى ...
*** بالعودة إلى صديقى مصطفى والذى رآنى قادما نحوه ومن خلفى السجان ...
فقد عبرنا ثلاثة زنازين ولا أزال أسمع صدى من مررنا بهم وهم قد أدركوا عندما مررت بهم أن المقصود هو زمليهم مصطفى لأنهم كانوا يعرفون علاقتى به، فلا أزال أسمع صدى همسـهم: (اللاااااااااه جنابو مصطفى) ... أى أنهم أدركوا من وقع عليه إختيار المغادرة والرحيل... .
كان مصطفى واقفا وحيداَ داخل زنزانته ....
توقفت أمامه وكنت أنظر إلى قدميه ... نعم إلى قدميه وحتى هذه اللحظة لا أدرى لماذا؟؟
إبتسم إبتسامه لا أدرى كيف أوصفها لكم إلا أنها لم تبارح شفتيه حتى آخر لحظات حياته ... .
حاول أن يكلمنى إلا أنه تنحنح أكثر من مره ثم قال لى: و الله أنا من أول أمبارح كنت حاسـى ...( خلاص) ؟؟ متسآئلا ... ثم أكمل يلا يا زول ما فى عوجه ... فتح السـجان الباب ... حضنته ... فقبل جبهتى، فأحسست بدفء غريب قد سرى بين جنبى ...
فشـممته شممت حتى إبطيه فتنسمت رائحة نديه ... بحثت عنها كثيراً ...أعادتة إلى وأنا أكتب لكم هذه السطور ... ليتها تدوم ...
*** طلب منى أن يودع زملاءه بينما واصل السجان نحو زنزانة أخرى ليخرج آخراً كان موعده فى ذلك اليوم أيضا ....
و قف مصطفى أمام باب كل زنزانة وتتشابك يديه مع من هم بالداخل دون أى صوت أو كلمة ... .
خرجنا من الزنازين الى مكتب مدير السجن حيث يكون ملف المحكوم عليه أمامه و بجوار باب المكتب من الداخل يوجد ميزان ... فتم وزن مصطفى و قياس طوله ثم أجلس على كرسى أمام مدير السجن ونوابه وتم إخطاره رسمياً بأنه سوف يتم تنفيذ الاعدام فيه اليوم تفيذا لأمر المحكمه .... وكان مدير السجن ومن حوله ينظرون الى الأسفل متفادين النظر فى وجه مصطفى الذى لم تبارحه تلك الابتسامه الغريبه ...
فى الخارج كانت والدته ووالده و شقيقته ....
*** خرجت من المكتب وكان فى إنتظارى خالد وعبد الرحيم ومجدى وعرفت منهم أن حاجه التومه موجودة فى سجـن أم درمان لقضاء عقوبة إتجار فى الخمـور البلدية ... فهمسـت فى أذن المقدم صديق المشرف على عملية التنفيذ ...
يا سيد صديق أنا طاير طيران أجيب حاجه التومة من سجن أم درمان ... عل وعسـى أن يلين قلبها آخر اللحظات ...
** لا أدرى كيف وصلت سجن أم درمان فى ذلك الصباح... إلتقيت مديرة سجن النسـاء والتى فزعت معى الى داخل عنابر السجينات فوجدنا حاجة التومة قابعة فى أحدى الزوايا وحواليها لفيف من (ذوات الثدى) يتناولن قهوة محلية الصنع ... طلبنا منها التحرك معنا بسرعة الى مكتب مديرة الســجن و أخبرتها مديرة السجن بالموضوع و بضرورة التحرك معنا الى سـجن كوبر، وافقت حاجه التومة مشكورة ...
تحركنا أنا وحاجه التومة وأحدى الضابطات برتبة ملازم برفقة المقدم مديرة السـجن ... أدخلنا حاجه التومة الى مكتب مدير السجن الذى كان يعج بضباط السجون ...
** سألت عن مصطفى فعلمت أنه فى ناحية أحرى من نواحى السجن مخصـصـة لوداع المحكوم عليهم بالاعدام....
كانت الجلسة فى شكل دائرة مكونة من أهل مصطفى وبقية الزملاء يتوسطهم مصطفى وشقيقته،
جلست بالقرب منه وكانت رجليه مكبلتين بالكلابيش ... لا أستطيع أن أصف لكم نظرات والدته ووالده وشقيقته اليه فالأولى أن أترك لكم تخيل ذلك ...
*** بدأت طقوس و ترانيم مصحوبة بتصفيق خفيف لا يلبث أن يعلو ثم ينخفض....
عرفت أنها بعض نسـك الديانة المسـيحية التى يدين بها أهل مصطفى ... و تستمر هذه الترانيم
الى أن وصلت بهم حد الرقص أو بالاصح وصلت بنا حد الرقص فقد رقصنا... نعم رقصنا خالد وعبد الرحيم
ومصطفى وأنا ووالده كلنا رقصنا حتى الساعه الثالثه ظهراً ...
جاء إلينا المقدم صديق والملازمين الحمرى وقاسم و طلبوا منا الحضور الى مكتب مدير السجن ...
طلبت من مصطفى أن نجلس لوحدنا قليلا لأسأله !
** سألته السؤال الذى لم يدر على بالكم....
أسمعنى يا مصطفى ... سكت لم أستطع أن أكمل ... مالك يا الطيب فى شنو؟؟ حاولت مداراة دموعى
.. مسكنى من يدى يا زول قولى فى شنو؟ أسمعنى يا مصطفى أسمع ... ندفنك وين؟
صمت ... ولم يجيبنى ثم ابتسم... أسمع يا أبو الطب أسمعنى كويييييس ...
أهلى ديل عندهم طقوس بعد الوفاة خلوهم يعملوبى العايزنو، بعدين أدفنونى فى أى مقابر مسلمين ...
فى طريقنا الى مكتب مدير السجن و بينما كنا أنا وهو فقط همس مصطفى فى أذنى ...
أبو الطب الكلام الحأقولو ليك ده أنا عافو ما بفيد لكنى حأقولو ليك، إنت عارف يا الطيب أنا هسى ماشى أقابل ربنا والله والله يا الطيب الراجل ده أنا ما قصدت أكتلو ... لم أعلق و لم يكن مصطفى ينتظر منى تعليق ...
فى داخل مكتب مدير السجن الذى كان ممتلئاً عن بكرة أبيه جلس مصطفى متوسطاً والدته والحاجة التومة ....
إبتدر الحديث مدير السجن بآيات من الذكر الحكيم ثم وجه حديثه للحاجة التومة معدداً مآثر العفو والصفح ...
ثم أتاح الفرصة لمصطفى ليوجه حديثه لحاجة التومة ... وقف مصطفى من جلسته ومد يده للحاجة التومة مصافحاً لأول مرة...
و فى أدب واضح قال لها: حاجة التومة أنا كتلت ولدك الله يرحمو فأرجوك أعفى عنى وربنا يجزيك خير
و إذا ما عايز تعفينى من القصاص أرجوك بعد ما أموت سامحينى ووضع يده فى رأسها ثم جلس...
الرســــاله الأولى:
أتاح مدير السجن لوالدة مصطفى فرصة التحدث ووجهت حديثها لحاجة التومة فى الحوار التالى :
بعد برهة صمت ..... حاجه التومة الله يخليك إنتى ولدك مات قبال ستة سنوات والله والله أنا لوكنت مكانك
والله كنت عفيت لى ولدك، الله يخليك يا حاجه التومة أعفى لى ولدى .....
بعد طول صمت ظننا كلنا أنها سوف تعلنها ... تعلن الموافقه ....
ردت حاجه التومة: بعد أن عدلت جلستها ... نعم صحيح أنا ولدى مات قبال ستة سنين لكين بس عايزاك تضوقى حرق الحشا حار كيفن ...
أسقط فى يدنا جميعا ... لم يعلق أحد ....
هنا تدخل والد مصطفى بعد أن خلع نظارته ومسح دمعه وربت على رأس إبنته الجامعية...
التى كانت شبه ممدة على رجلى والدها ... إبتدر الحديث شاكراً مدير السجن والحضور على كل ما قاموا به نحوهم ... قاطعته والدة مصطفى موجهه حديثها الى مصطفى:
شفت يا وانى يا ولدى شفت ناس الدين الاسلامى الإنت مشيت ليهم لو أنا كنت فى مكان الحاجة
دى إنت عارف أنا كنت إتنازلت لأنو دينا دين تسامح.
وقف مصطفى على رجليه من جلسته ورد على والدته وكان يشير بيده الى حاجة التومة ...
حاجه التومه دى يا أمى كانت سبب دخولى الإسلام وبى كلمة وااااحدة منها ممكن تعفى عنى ويمكن أرجع تانى للدين المسيحى لو عشـت، لكين بى إصرارها ده أنا حأموت مسلم و يمكن ربنا يكرمنى بالجنة ويكرمك معاى....
*** دوت فى الأرجاء الله أكبر الله أكبر الله أكبر بدأها مدير السجن العميد عشريه ورددناها من خلفه... .
ثم أمر بالتوجه فوراً الى المشنقة....
** فى منتصف الطريق الى المقصلة طلب المقدم صديق من أهل مصطفى الوقوف هنا(يا خاونا حدكم هنا معلش أكتر من هنا ما مسموح) ... .
وقف مصطفى فى النص وحوله فى شكل دائرى والده وشقيقته ووالدته نظروا إليه دون أى كلمة لبرهة
ثم هجموا عليه و احتضنوه و ضموه ... كأنك بهم متلاصقين ككتلة واحدة ....
. أكاد أجزم أن دقات قلوبهم قد توحدت وكذلك أنفاسهم و كأن دماءهم قد سرت فى شرايين بعضهم بعضاً....
*** بعد فترة لا أستطيع تقديرها تدخل المقدم صديق وفك هذا الارتباط ... وقعت شقيقته على الأرض .. وكذلك والدته...
.. أعطاهم مصطفى ظهره مسرعاً يسـترق النظر إليهم بين الخطى الى المقصلة ...
*** بينما كانت تتم مراجعة بيانات مصطفى النهائية أمام المقصلة رفع آذان صلاة العصر... .
طلب مصطفى أن يسـمح له بالوضوء لتأدية الصلاة، فأذن له وتتطوع أحد العسـاكر للصلاة معه حتى ينال أجر الجماعة، وو قف بجانبه و قبل إقامة الصلاه طلبت من مصطفى أن يفسـح المجال للعسـكرى ليكون إماماً له بدلاً عنه....
بعد أن فرغ من الصلاة تقدم مصطفى منى وهمـس فى أذنى: أسمع يال طيب فى فلان الفلانى ده معانا فى السجن كان عايز منى إتنين جنيه أنا اشتريت بيها أمواس حلاقه وما رجعتها ليهو بالله عليك يالطيب أديها ليهو ....
ثم تقدم نحو المقصله و تم وضع حلقة الشنق حول رقبته وشد عليها إلا أنه طلب من العسـكرى أن يخفف عليه قليلاً حتى يتمكن من نطق الشهادة ... ثم بدأ يرددها وأثناء ذلك قال لى يا الطيب خلى بالك من الوالدة ثم استرسل فى تأدية الشهادتين الى أن إنفتح الباب من تحت قدميه مدوياً ...
و توارى عن ناظريه ....
** بعد حوالى ربع الساعة تم إخراجه وتم وضعه على نقالة ووضع فى ساحة مجاورة للمقصلة، وعلمت أن الحاجة التومة طلبت أن تتأكد من الجثة، وقد سمح لها ....
**** ألم يكن لمصطفى من خلال الحوار الذى دار بينه وبين والدته رسالة لنا ولمن يلينا ؟؟؟
*** سقط سهوا
1) نسيت أن أذكر لكم أن أحد أشقاء المجنى عليه قد كان ضيفاً فى سجن كوبر مع الملازم أول مصطفى وقد توفى وفاة طبيعية وهو داخل السجن...
2) كذلك فاتنى أن أذكر لكم أننى وقبل تنفيذ الاعدام كنت قد طلبت من سعادة العميد عشريه أن يتم التنفيذ الإعدام أولا فى الشاب الآخر طالما هما إتنين ونخلى حاجة التومة تحضر الإعدام الأول عل ذلك يجعلها تغير رأيها ....
إلا أن سعادة العميد فاجأنى قائلا: يا الطيب يا أبنى نحن هنا ننفذ حدود الله عز وجل ولو سوينا كلامك ده بنكون
(مثلنا به) ... أى جعلنا منه مثالا لحاجة التومة فزاد إحترامى للرجل ...
لك كل تقدير سعادة العميد عشريه أينما حللت ....
** تمت ترقية الملازم مصطفى الى رتبة الملازم أول خطأ وهو فى السجن حيث ظهر إسمه خطأ ضمن المترقين الى رتبة الملازم أول ....
** توفى والده بعد فترة قصيرة جدا بعد تنفيذ الاعدام..
*** الرســـاله التانيـــه: رســــالتى
** كما سبق وأن أشرت ... لم ولن يكن غرضي فى أىَّ لحظة من اللحظات، أن أنشر هذه الوقائع لمناقشة الجوانب القانونية ... أبداً ... فأنا أثق كل الثقه فى شريعتنا وقضاتنا ...
*** ما كان غرضى ولن يكون أبداً من النشر أن أقصد عمل مباراة أو منازلة بين ديانات الله السماوية
فكلها من عنده ونحن نؤمن بها، وكما آمنا بمحمد عليه الصلاة والسلام، نؤمن بسيدنا عيسـى عليه السلام
ونؤمن بأنه مرفوع الى الله سبحانه وتعالى ** و أحذر من مغبة النظر بمنظار أى الفريقين انتصر ....
*** كذلك لم تكن غايتى من النشر الاساءة الى الحاجة التومة، أو غيرها بل على العكس تماما،
فإذا أكرم ربنا سبحانه وتعالى ـ و نحسبه كذلك ـ أخونا مصطفى بالجنة ... ترانا نجده يدعو لها بكرة و أصيلاً
لتمسكها بموفقها هذا والذى فيه تمسـكاً بحق القصاص الوارد فى صلب شريعتنا الغراء ....
*** أدعوكم سادتى لتكن هذه المساحة للتدبر والتفكر ضمن هذه الوقائع وتقييم الادوار الاجتماعية لشخصياتها متمنياً من الجميع عدم التطرق لما قد أكون قد قمت به خشيت الوقوع فى المحظور ....
والنجعلها مساحة لإفادة بعضنا بعضاً من خلال النقاش الذى يثرى الفكر وينير البصيره ....
*** والنجعلها مساحة للدعاء للذين قضوا نحبهم أمثال كابتن مصطفى وكابتن طه حسين وأن لا ننسى الحاجة التومة من صالح دعآءنا ... لتلك التى تمسكت بحقها الشرعى والتى سوف تكون سبباً بإذن الله فى دخول أخونا
مصطفى جنة عرضها السماوات والأرض يدخلها طاهراً متطهراً من أىِّ ذنب بإذن واحد أحد مليك مقتدر....
**** ســـــــادتى أرجو إعـادة قرآءة هذه الوقائع مرة أخرى ... أكرر لكم طلبى .....
*** أترك لكم ســــادتى المقام الآن ... و أجدد الدعوة للذين قد أكون أسأت فهمهم أمثال
ياسكو وسالم أحمد سالم وعاطف عمر والفاضلابى وهدير وأقول لهم ... لكم العتبى حتى ترضوا
**** أتقدم بالشـــكر الجزيل لأولئك الذين لم يتمكنوا من المشاركه، وأولئك الذين حاولوا
الوصول الى ولم أستطع وصلهم والذين وصلونى ووصلتهم بشتى السبل ...
*** تجددوننى على أتم الاستعداد لإلقاء المزيد من الضوء على كل ما يحتاج لذلك عبر البوست أوالهاتف أو الايميل .....
........ و الله من وراء القصد ......
........ الطيب عثمان يوسف
|
Post: #278
Title: Re: ؟؟
Author: عثمان فضل الله
Date: 02-24-2009, 05:31 PM
Parent: #274
جنابو: عمر عثمان
نشكراهتمامك وردك على ما سقناه من اسئلة وقطعا لا نود بها تجريم المرحوم (مصطفى)فهو بين يدى عزيز مقتدر له الحكم من بعد ومن قبل.. ولكن اردنا من تلك الاسئلة ان نلفت الانتباه لبعض ممارسات الاخوة فى الشرطة والاجهزة الامنية عموما _عدا القوات المسلحة _ وهذا الاستثناء ساتى لتفسيره لاحقا.. وهى استخدام السلاح النارى فى المشجرات التى تنشاء بينهم والمدنين ولعل هذه الحوادث باتت على قفا من يشيل واخرها ضابط المرور الذى اطلق النار على سائق عربة لمجرد انه لم يستجب لطلبه بالتوقف ... واشهرها حادثة مقتل احد تجار مدينة سنار ... اذا ومن خلال اجابتك على اسئلتى استشف ان لاستخدام السلاح ضوابط ومحددات تتعلق بدرء خطر قادم او منع جريمة وشيكة الحدوث و مايؤرقنى فى جميع استخدامات السلاح من قبل حاملية بصفة العسكرية فى المشاجرات مع المدنين لاتتوافر هذه العوامل ولناخذ قضية المرحوم مصطفى مثالا هب انه لم يكن يحمل سلاحا صرف له بالاساس للحفاظ على حياة المواطنين لا ازهاقها_ حتى وان سلمنا جدلا بانه لم يكن يرغب فى استخدامه _ كيف كان يمكنه ان يتصرف الاحتمالات ثلاثة ويمكن ان تزيد ولكن هى فى تقديرى
1_ سيستمر الاشتباك بالايدى وربما يصاب او يصيب بالسلاح الابيض والذى فى غالب الاحوال لن تكون نتائج اصاباته كارثية كما السلاح النارى
2_ أحدهم يتغلب على الاخر عبر المصارعة بالايدى دون اراقة دماء وبتدخل العقلاء يمكن ان ينفض السامر دون خسائر او شعور بالهزيمة من طرف
3_ الاحتمال الثالث هو ان يقتل احد الطرفين دونما استخدام سلاح نارى والجريمة كانت ستكون اقل خطورة وربما وجد الجانى التعاطف حتى من والدة المجنى علية ( الشيطان) فى القصة
فى الجرائم الاخرى مثلا فى حادثة ضابط المرور اعتقد انها ستنتفى تماما اذا لم يكن الضابط صغير السن يحمل سلاحا لانه لن يجد حينها ما يطلقه على الرجل وسيكتفى بأخذ ارقام لوحة عربته وتعميمها على بقية الاقسام لياخذ القانون مجراه الطبيعى
اما فى جريمة سنار فبالقطع ستتحول الجريمة بكاملها الى مشاجرة ربما انتهت بالاجاويد.
اذا الاخوة حنابوهات البوست الشيق هذا:
دعونا نفتح ملف هل هناك ضرورة لتسليح الشرطى 24 ساعة.. وهذا النقاش بالمناسبة فتح فى برلمان ولاية الخرطوم من قبل الحركة الشعبية واعتقد انه فى غاية الاهمية.. هل الناس يهابون السلاح ام انهم يهابون القانون وانا ارجح الثانية ..لان الانسان عندما يصل مرحلة لايخشى فيها القانون لن يكون السلاح له رادعا وهذا ما يعيدنا الى قصة الضابط (مصطفى )واضح من خلال السرد ان هذه الاسرة لم تعد تخشى القانون فلم يردعها السلاح عندما اشهره الضابط فجاءات النتيجة وبالا علية هو والاسرة معا ... اذا الناس يهابون القانون وبالتالى اذا جاء رجل الشرطة مسلحا ام غير مسلح فله ذات القوة وذات الاحترام ونحن فى السودان لنا حتى وقت قريب تقدير خاص للشرطى وخوف خاص جدا من السجن لانه فضيحة ... ربما يطلع احدهم ويقول ان السلاح فعال فى حالة القبض على المجرمين واقول نعم ولكن العتاة منهم ومعتادى الاجرام وهذه ما نادى المطالبين بتجريد الشرطة من السلاح بوضع ضوابط لها بمعنى ان الشرطى يمكن ان يسلح حسب المهمة التى يناط به تنفيذها ...وفى هذه اعود لاستثناء القوات المسلحة الذى قلته عند المبتدأ فقانون الجيش يمنح الضابط حق سلاح شخصى (طبنجة) ولكن معظم ضابط الجيش لايستخدمون هذا الحق وسالت احد الاصدقاء وهو الرائد _على ما اعتقد_ الطاهر ابوهاجة يوما عن سبب عدم حمله لسلاح وهو ضابط فى القوات المسلحة فحكى لى قصة مفادها انه عندما كتب طلبا للضابط المسؤول يرجوه ان يمده بسلاح شخصى ناداه وهو برتبة عميد وقال له (الطاهر يا ابنى ) انا عميد ولم احمل سلاحا الافى منطقة عمليات لسبب واحد والرواية للصديق ابوهاجة لان السلاح غدار والنفس غلابة فتراجع ابوهاجة عن طلبة لهذه النصيحة الغالية اذا اعزائى الشرطين ان حمل السلاح فى الطالعة والنازلة ووضعة فى العربة وفى المنزل _وفى هذه كم من ارواح ازهقت _ هو الخطر وان (الشيطان) فى هذه القصة ليست هو حاجة التومة فحاجة التومة ام لها ابن قتل امام اعينها وهذا الشعور لاتستطيع ان تقيسه الا ام واجهت ذات الموقف ولا اظنها ستكون افضل من التومة ولنا فى جرائم القتل الاعتيادية برهان ستجدون ان دائما التى تعارض العفو هى الام ولى فى هذه امثلة عديدة ولكن الشيطان هو السلاح الذى كان يحملة (مصطفى) ولنا عودة
الجنابوهات اعذرونى
|
Post: #279
Title: Re: ؟؟
Author: omer osman
Date: 02-25-2009, 07:41 AM
Parent: #278
الاخ عثمان فضل الله
1- ماتفضلت باثارته حول موضوع حمل السلاح هو جدل قديم متجدد وحتى لااطيل في الرد هناك اختلاف جوهري في طبيعة
عمل ضباط القوات المسلحة عن طبيعة عمل ضباط الشرطة وقد اثبتت الشرطة السودانية على الدوام انها خط الدفاع
الاول لسرعة الحركة ووجود السلاح بحوزة الضباط او الافراد في الخدمة وسهولة التسليح من الاقسام ثم يأتي تدخل
القوات المسلحة واحداث امدرمان ليست ببعيدة عن الاذهان.
2- (الشاذ لاحكم له) قاعدة قانونية وشرعية معروفة وبالتالي كل النماذج التى تفضلت بايرادها تدخل في اطار
الشاذ الذي لاحكم له وذلك قياسا على عدد ضباط الشرطة الذين تسلحوا بالطبنجات خلال العمر المديد للشرطة
السودانية التى فاق عمرها مائة عام ولم تحدث منهم اى مخالفات او جرائم.
3- الشرطة البريطانية تميزت طوال عقود بأنها لاتحمل السلاح الناري ويكتفي افرادها بحمل العصي الشهيرة
للبوليس البريطاني لكن منذ فترة ليست بالقصيرة حمل افراد الشرطة البريطانية السلاح الناري والاسباب
معروفة.
4- كل رجال الشرطة (ضباط وافراد) الذين ارتكبوا تجاوزات او جرائم بالسلاح تمت محاكمتهم وفقاً لقانون
الشرطةاو قانون العقوبات كيف مايكون الحال.
|
Post: #280
Title: Re: ؟؟
Author: كمال علي الزين
Date: 02-25-2009, 01:06 PM
Parent: #279
(*)
الأخ / الطيب ..
سلامات
قرأت (الحكاية) وربما للوهلة الأولى لم أفطن لأنك قلم متميز
ربما لأنك لم تطرح نفسك هنا كاتباً أو قاصاً ..
إنتظرت كغيري أن تكتب النهاية ..
وكنت أتابع دون تداخل ..
أتابع كلمة , كلمة , بل مشهداً مشهداً
لأنك أستطعت أن تقدم صوراً حية
تنقلنا معك منذ البدايات حتى ظننت أنني أتنقل معك
بين أجواء الأمكنة , ألتقي الشخوص كما ألتقيتهم
وأتنقل بينهم معك كتفاً بكتف ..
لم أتنبه لأنك تملك تلك الملكة الفذة إلا حين جعلتنا نتمشى معك
بين الزنازين ونلاقي (واني) ونصحبكم جميعاً
حتى لحظات الإعدام ..
حين أكملت وجدت نفسي , أبكي كما بكيتم ..
وسألت أصدقاء آخرين وجدتهم أيضاً بكوا معك ..
وكأنهم هنالك بقلب الحدث ..
(والله سبيت ليك ) بصراحة ..
لأنك أستطعت أن تفعل بي ما لم يستطع فعله (فيلم هندي)
أو (مسلسل مصري) ..
أنت كاتب جيد , لأنك كتبت (قصة) بمداد إنساني
ولم تحاول إستعراض مقدراتك على الكتابة ولم تضع (القصة)
بين (سفسطة) ومحاولة (تبيان مقدرة على التلاعب باللغة)
قدمت (صور وأحداث) إستطعت أن تجعلنا جزء منها , وفي لحظات
لم نكن قراء فحسب , ..
بل كنا معكم بقلب الطائرة ..
وكنا وجهاً لوجه مع حاجة التومة ..
بل ربما لا أخفي أنني أحسست بالحبل يحيط بعنقي ..
أيضاً حين أحاط بعنق (واني) ..
ورأيته يسقط ويفارق الحياة ..
وهنا كان إحساسي مختلط (شعرت بألم بعنقي)
وشعرت أيضاً بفاجعة الفقد كأمه وأبيه وشقيقته
وبكيته معهم ..
ياصديقي :
نحن كنا ضحايا هذه (الكتابة) وليس (واني)
رحمه الله ..
(الله لا كسبك ياخ طلعتا ...)
عينا ..
ماتفهمني صاح ..سمح
|
Post: #281
Title: Re: ؟؟
Author: ود الباوقة
Date: 02-25-2009, 01:23 PM
Parent: #280
غايتو يا جنابو ..
فطيطني لا ايدي ولا كراعي ..
الله يشهد متابع معاك من الاول لحدي الاخر واليوم داك العشاء ابلع فيهو ( قرض قرض ) من شدة التأثر ..
لكن الله في ..
|
Post: #282
Title: Re: ؟؟
Author: الطيب عثمان يوسف
Date: 02-26-2009, 01:00 AM
Parent: #281
Quote: فطيطني لا ايدي ولا كراعي ..
الله يشهد متابع معاك من الاول لحدي الاخر واليوم داك العشاء ابلع فيهو ( قرض قرض ) من شدة التأثر ..
] |
**** نسيان الباوقه تجسيد حقيقى لضعف الانسان يا صديقى ..
................فأجمل ( جاراتنا ) كانت من الباوقه .. لك العتبى .. ولها فى القلب ذكرى .
****** شــكرا شــكرا ود الباوقه لحضورك الممهور برقة هذا العتب .
|
Post: #283
Title: Re: ؟؟
Author: الطيب عثمان يوسف
Date: 02-26-2009, 01:24 AM
Parent: #282
**** جزء تانى ،
عصر لى قلبى شديد،،،
و أتالمت غاية الألم،،،
.....................................................
***** الأستاذه هاله حسـن :
............ تعبير يعكس صدق الانفعال .
.....و فعلا كل إناء بما فيه ينضح .. تقبلى فائق التقدير و الاحترام
|
Post: #284
Title: Re: ؟؟
Author: الطيب عثمان يوسف
Date: 03-05-2009, 01:47 PM
Parent: #283
Quote: لأنك أستطعت أن تفعل بي ما لم يستطع فعله (فيلم هندي)
أو (مسلسل مصري) ..
أنت كاتب جيد , لأنك كتبت (قصة) بمداد إنساني
ولم تحاول إستعراض مقدراتك على الكتابة ولم تضع (القصة)
بين (سفسطة) ومحاولة (تبيان مقدرة على التلاعب باللغة)
قدمت (صور وأحداث) إستطعت أن تجعلنا جزء منها , وفي لحظات
لم نكن قراء فحسب , ..
بل كنا معكم بقلب الطائرة ..
وكنا وجهاً لوجه مع حاجة التومة ..
بل ربما لا أخفي أنني أحسست بالحبل يحيط بعنقي ..
أيضاً حين أحاط بعنق (واني) ] |
**** الأستاذ كمال على الزين : قصدت أن أتأخر فى الرد عليك طيلة هذه الفتره
بحثا عن رد يناسب كل الذى ذكرت ... والله يا كمال لم أوفق .. فقط تقبل منى شكرا يعبر لك عما بدواخلى
|
Post: #285
Title: Re: ؟؟
Author: الطيب عثمان يوسف
Date: 03-07-2009, 02:55 PM
Parent: #284
*** رأفت ميلاد :
لا أسكت الله لك صوتا .
..................... وينك عزيزى ميلاد
**** الأخ الفاضلابى :
...........................وينك يا رجل يا فاضل لابى
|
Post: #286
Title: Re: ؟؟
Author: SHIBKA
Date: 03-08-2009, 09:40 AM
Parent: #285
الطيب
صراحة غلبني الرد
|
|