Post: #1 Title: احواش وميادين واحياء امـــــــــــدرمان زمان Author: willeim andrea Date: 08-10-2008, 07:16 PM
امدرمان في التاريح القريب اشتهرت باسماء احواش وميادين واحياء بعينها.....عبرت عن حقبه وبصوت عالي عن التمسك بالجماعه والمجتمع وكل حاجاتنا الجميله ..... للمشاركه في التوثيق اذكر ما تعرف في هذا البوست ودمتم احباء
Post: #2 Title: Re: احواش وميادين واحياء امـــــــــــدرمان زمان Author: willeim andrea Date: 08-10-2008, 07:28 PM Parent: #1
1. حوش الخليفه
Post: #3 Title: Re: احواش وميادين واحياء امـــــــــــدرمان زمان Author: willeim andrea Date: 08-10-2008, 07:33 PM Parent: #2
في حوش الخليفه لعب الهلال أول مباراة باسمه بملعب حوش الخليفة بأم درمان في عام 1935م،
Post: #4 Title: Re: احواش وميادين واحياء امـــــــــــدرمان زمان Author: Ridhaa Date: 08-11-2008, 01:25 AM Parent: #1
Post: #5 Title: Re: احواش وميادين واحياء امـــــــــــدرمان زمان Author: willeim andrea Date: 08-11-2008, 04:38 PM Parent: #1
الحبيب رضا.... شكر علي المشاركه وفي الانتظار.... ياربي حوش ابو العلا المعروف بالبوابه .... في الانتظار
Post: #6 Title: Re: احواش وميادين واحياء امـــــــــــدرمان زمان Author: Ridhaa Date: 08-12-2008, 02:33 AM Parent: #1
نعم يعرف بالحوش أو البوابة
وبتلقى جواره :
الطيب سيد مكي ستديو الوادي ستديو الأضواء مخبز الأفراح مخبز الدانوب - ادارة يعقوب محمد عبد الله - وتمشي ناحية المحطة الوسطى بتلقى فينوس للحلاقة دكان صغير في تقاطع شارع كرري مع شارع أبوروف - الناحية الجنوبية الشرقية من المحطة الوسطى - وتدخل على المحطة الوسطى تلقى : التمنة - نقطة بوليس السوق - الاكسبريس الحاج نقدالله ميامي فيتال عباس رشوان ( وجدوه ولقوه في الدكان - دكان جنب جامع امدرمان ) . . . . . . .
نواصل في الساحات : ساحة البيان - جوار مدارس الأساس - الناحية الغربية من شارع الوادي حوالي مربوع من دكان عابدين عوض ... . . . . .
صينية مكي ودعروسة ... منزل ناس وقيع الله منزل ناس أبوغالب وأخوه المعز طاحونة الملح ( صاحبها العم متوكل ) صينية الحركة والمرحوم أحمد جبريل ( يعرف بعم جبريل ) بيت الكسرة - الناحية الجنوبية الغربية - . . . . .
ونواصل
Post: #11 Title: Re: احواش وميادين واحياء امـــــــــــدرمان زمان Author: willeim andrea Date: 08-12-2008, 11:18 AM Parent: #6
الحبيب رضا .... اذكر طاحونة الملح.... في مكي ود عروس وبصات ابو رجيله والفه من السوق للثوره. في المقابل طلمة اجيب في منتهي الاناقه وحيوانها العجيب الاسطوري لا كهرباء بتقطع ولا بنزين ..... والتي اصبحت عباره عن ارض مهجوره حتي الان ؟؟؟!!!..... ومن البوابه اذكر ابونا وشغفه بتشجيع الكوره وين ما كانت .... وبدون شك زمبه والمرسيدس ياه و في ايام الصبا... وناس كتيره لا يسع المجال لذكرهم..... حوش كبير مجموعة بيوت علي مستوي جيد في ذاك الزمان اسره كبيره ......تجانس وتكافل في السراء والضراء هي واحده من احواش امدرمان العريقه وبفضلها اتربت كميات من الاجيال علي طيبة وسماحة اهلنا ولي عوده
Post: #7 Title: Re: احواش وميادين واحياء امـــــــــــدرمان زمان Author: شكرى سليمان ماطوس Date: 08-12-2008, 05:40 AM Parent: #1
سـلام وليم ،،، وتحية للجميع،،
أم درمان زمان تستاهل أكثر من توثيق
ما ننسى الزرايب (حسب المواقع القديمة): زريبة الكاشف (شرق حى الركابية) زريبة الفحم (غرب المنطقة الصناعية) زرايب العيش (واحدة غرب السوق/ الثانية بحى العرب) زريبة البهائم (حى العرب - جوار إستاد الهلال)
نعود
ش
Post: #12 Title: Re: احواش وميادين واحياء امـــــــــــدرمان زمان Author: willeim andrea Date: 08-12-2008, 11:25 AM Parent: #7
الحيب شكري... كل اولاد امدرمان بيعرفوا زرايب العيش .... شوالات مردومه اعلي من السور.... ولو ما عندك قروش ناس الزريبه بيملوا ليك القفه...من اطيب ما عندهم خير للناس والطير شكرا يا شكري علي المداخله وياريت تكتب لينا ..عن ما تعرف ..... مودتي
Post: #13 Title: Re: احواش وميادين واحياء امـــــــــــدرمان زمان Author: willeim andrea Date: 08-12-2008, 11:25 AM Parent: #7
الحيب شكري... كل اولاد امدرمان بيعرفوا زرايب العيش .... شوالات مردومه اعلي من السور.... ولو ما عندك قروش ناس الزريبه بيملوا ليك القفه...من اطيب ما عندهم خير للناس والطير شكرا يا شكري علي المداخله وياريت تكتب لينا ..عن ما تعرف ..... مودتي
Post: #14 Title: Re: احواش وميادين واحياء امـــــــــــدرمان زمان Author: willeim andrea Date: 08-12-2008, 11:26 AM Parent: #7
الحيب شكري... كل اولاد امدرمان بيعرفوا زرايب العيش .... شوالات مردومه اعلي من السور.... ولو ما عندك قروش ناس الزريبه بيملوا ليك القفه...من اطيب ما عندهم خير للناس والطير شكرا يا شكري علي المداخله وياريت تكتب لينا ..عن ما تعرف ..... مودتي
Post: #8 Title: Re: احواش وميادين واحياء امـــــــــــدرمان زمان Author: حمزاوي Date: 08-12-2008, 06:56 AM Parent: #1
حوش المحس
ماذا حل بهذا الحوش حالياً
Post: #15 Title: Re: احواش وميادين واحياء امـــــــــــدرمان زمان Author: willeim andrea Date: 08-12-2008, 11:29 AM Parent: #8
الاستاذ الحبيب حمزاوي... جد ما متذكره.... بس ياريت تكتب لينا عنه ما تعرف يمكن نتذكر حاجه .... معزتي
Post: #16 Title: Re: احواش وميادين واحياء امـــــــــــدرمان زمان Author: willeim andrea Date: 08-12-2008, 11:29 AM Parent: #8
الاستاذ الحبيب حمزاوي... جد ما متذكره.... بس ياريت تكتب لينا عنه ما تعرف يمكن نتذكر حاجه .... معزتي
Post: #9 Title: Re: احواش وميادين واحياء امـــــــــــدرمان زمان Author: ابو مهند Date: 08-12-2008, 07:36 AM Parent: #1
حوش العواسه( فريق السوق) بيت الكسره(بكسر الكاء) جوار باتا سابقا صينية مكي ود عروسه حوش البقر(غرب مدرسة محمد حسين(المظاهر)
Post: #10 Title: Re: احواش وميادين واحياء امـــــــــــدرمان زمان Author: فيصل محمد خليل Date: 08-12-2008, 08:08 AM Parent: #9
يا وليم يا فقر
تعال عندي ليك سؤأل
زمن البرمانات بس كان برمانات
ولا برمانات و بصات مع بعض
ما بقدر اشارك معاك في بوست امدرمان دا
لاني ما بعرف امدرمان مع اني ساكن في الخرطوم الف سنة
تصور ما مشيت امدرمان دي الا 4 والا 5 مرات
قواسيب مودتي
Post: #18 Title: Re: احواش وميادين واحياء امـــــــــــدرمان زمان Author: willeim andrea Date: 08-12-2008, 11:40 AM Parent: #10
الحبيب فيصل ازيك....قلته شنو 4 والا 5 مرات.... غايتو ما بسالك... لكين بكره لما يتم المطار عندنا وتقوم العمارات من كبري الانقاذ لي جبل اولياء من الضفه الغربيه اكيد زيارات حتكتر
Post: #17 Title: Re: احواش وميادين واحياء امـــــــــــدرمان زمان Author: willeim andrea Date: 08-12-2008, 11:35 AM Parent: #9
العزيز ابو مهند.... متذكر طشاش... بيت الكسره... مكي ود عروس ... محلات كلف.... وعمك الترزي الشايقي.... معلم وقمة الموضه في ازياء العروس... معارف.... شرحبيل.......مشاهير: ترباس ومنو ياربي تاني الكثيرين ولنا عوده ... شكرا علي المشاركه .... محبتي
Post: #19 Title: Re: احواش وميادين واحياء امـــــــــــدرمان زمان Author: Nader Abu Kadouk Date: 08-12-2008, 12:14 PM Parent: #17
up
Post: #43 Title: Re: احواش وميادين واحياء امـــــــــــدرمان زمان Author: willeim andrea Date: 08-15-2008, 10:00 PM Parent: #19
العزيز نادر شكرا لرفع البوست .... ياخي حيشان امدرمان حتملي سيرفر بكري..... دي امم وشعوب وناس طيبه وياريت تشارك ... مع التقدير
Post: #20 Title: Re: احواش وميادين واحياء امـــــــــــدرمان زمان Author: willeim andrea Date: 08-12-2008, 06:40 PM Parent: #1
صينة الدومه.... غريب امر الدومه الكانت في وسط الزلط وكانت نضره في وما حول اكتوبر ,,,,,حرقت ..... لم يستسلم كل احباب واصحاب تلك الشجره تكلوها بدعمات ..... ولا ادري اذا كانت موجوده بالرغم من عامل الزمن
Post: #21 Title: Re: احواش وميادين واحياء امـــــــــــدرمان زمان Author: Mutwali Malik Date: 08-12-2008, 07:22 PM Parent: #20
وليم اندريه حا اجيك بكل رواقة بس دي عايزة ليها كباية شاي بالنعناع عشان المزاج يكون رائق ساعود لاحقا امدرمان تخش بحمار تسوي حصان امدرمان تنوم بردان تقوم دفيان
Post: #42 Title: Re: احواش وميادين واحياء امـــــــــــدرمان زمان Author: willeim andrea Date: 08-15-2008, 09:56 PM Parent: #21
متوكل ياربي انته عايز تشرب كم كباية شاي.... المهم منتظرنك وياريت تظهر وتشارك قبل رمضان وكل عام انته وكل المعاك بالف خير
صينية الدومة ..العم اسماعيل مجذوب ( الطهار ) وامام منزلهم أكبر سبيل لسقي المارة - ودا كان أكبر سبيل في أمدرمان - فيه أكثر من عشرين زير مويه .. ========== أول مخبر آلي في أمدرمان في الملازمين جوار سيوبر ماركت ( فاربتر )FAR BETTER ومعهد القرش الصناعي . ========== حلويات قنجاري حلويات سلا
========= أقدم محل لتصليح وايجار المايكرفونات محل عوض الشايقي جوار العدني ======== آوائل النساء الآئي سقن عربات السيدة زينب المقبول الحاجة مدينة - مؤسسة وصاحبة مدرسة حاجة مدينة ثم تلتهم السيدة آمال علي صالح جبريل ========= من أشهر لاعبي كرة القدم : عثمان الديم اسماعيل برجل سعيد خيرالله ( بلبوط ) العم قسم السيد والد الفار الدحيش عبده مصطفي . . . . . ونواصل
Post: #23 Title: Re: احواش وميادين واحياء امـــــــــــدرمان زمان Author: willeim andrea Date: 08-12-2008, 09:03 PM Parent: #22
يمكن اقدم اسم لميدان تنس يكون في امدرمان؟ الموقع غرب مستشفي امدرمان ..... بزاويه شماليه شرق بيت ناس طلعت فريد ةعلي شارع الدكاتره لما كان فعلا شارع دكاتره ..... وليه اسمه ميدان التنس جد ما عارف لانو عباره عن قطعة ارض بسور طوبي احمر متهدم والناس مدوره من العصر كرة قدم دي الوقت عباره عن عماره
اقدم مركز ثقافي لدولة الصين .... في محطة مكي ودعروس والكلام ده قديم يمكن في اواخر الستينيات
صينية الدومة ..العم اسماعيل مجذوب ( الطهار ) وامام منزلهم أكبر سبيل لسقي المارة - ودا كان أكبر سبيل في أمدرمان - فيه أكثر من عشرين زير مويه .. ========== أول مخبر آلي في أمدرمان في الملازمين جوار سيوبر ماركت ( فاربتر )FAR BETTER ومعهد القرش الصناعي . ========== حلويات قنجاري حلويات سلا
========= أقدم محل لتصليح وايجار المايكرفونات محل عوض الشايقي جوار العدني ======== آوائل النساء الآئي سقن عربات السيدة زينب المقبول الحاجة مدينة - مؤسسة وصاحبة مدرسة حاجة مدينة ثم تلتهم السيدة آمال علي صالح جبريل ========= من أشهر لاعبي كرة القدم : عثمان الديم اسماعيل برجل سعيد خيرالله ( بلبوط ) العم قسم السيد والد الفار عثمان الصبي الدحيش عبده مصطفي . . . . . ونواصل
ادهشنى السرد عن الحيشان الامدرمانية كنت احسب انى بنت امدرمان احفظها عن ظهر قلب فوجدتنى مدهوشة فتركت نجمة هنا للاعجاب وتسجل حضور ومتابعة عندما امر ببعض الاماكن الامدرمانية هذة الايام افتش عن معالم الاماكن لهذة المناطق للجميع الشكر على هذا الثرد الرائع والتوثيقى لحضاره امدرمانية نتمنى لها عدم الزوال مع الغزو العمرانى الجديد للكثير من اجزاء امدرمان تقديرى
Post: #27 Title: Re: احواش وميادين واحياء امـــــــــــدرمان زمان Author: willeim andrea Date: 08-12-2008, 09:21 PM Parent: #1
رضا ما تنسي محجوب الضب...... وهاشم ابوغالب قون الهلال في فتره معينه
حوش البير في حي ودنوباوي شارع ودالبصير محطة زمراوي حلة ود السيد او حلة اولاد الكبلو وفريق الكمال..علي مااعتقد كان في ذلك الحوش بئر يشرب منه الناس وذلك قبل شبكة مياه امدرمان..كان حوش كبير ومشهور بدافوري كورة الشراب صباح كل جمعة.. حوش ود دولة ..في ودنوباوي شمال قرب ميدان الرابطة ومدارس ودنوباوي وجنوب كلية التربية...
حوش الجاك او حوش التببيداب ...ال تبيدي ...وايضا كان به بئر للمياه في قلب ودنوباوي شمال ....قرب منزل نميري ..مشهور بالدافوري المسخن....
Post: #45 Title: Re: احواش وميادين واحياء امـــــــــــدرمان زمان Author: willeim andrea Date: 08-15-2008, 10:13 PM Parent: #28
العزيز وسام... شكر علي المعلومات الاضافيه والمشارك .... مودتي
Post: #29 Title: Re: احواش وميادين واحياء امـــــــــــدرمان زمان Author: willeim andrea Date: 08-12-2008, 09:54 PM Parent: #1
Post: #30 Title: Re: احواش وميادين واحياء امـــــــــــدرمان زمان Author: Ridhaa Date: 08-13-2008, 02:37 AM Parent: #1
خلينا نعرج على حي العمدة ; ناس عثمان صالح ناس تاج السر على الشيخ د/ هاشم عجيب - لاعب ودنوباوي - ناس حجير - لديهم أشهر مصنع لصناعة حلاوة المولد داموك .. على الله ( حكم الكورة ) ناس خالد الفاتح سلمان ناس السر عبدالقادر (ود الطيار )تخصص في صيانة الآلات الكاتبة(الطابعة) تبع شركة مركنتايل في شارع الجمهورية - يالعظمة ذلك الزمن الجميل - ناس أحمد مختار - من أشهر خطاطي ذلك الزمن - يكتب بجميع أنواع الخطوط من خط الرقعة وغيرها .. وماننسى كمان عيادة د/ على البدوي المبارك - مؤلف مسرحية الدهباية وماننسى بقالة أم أيمن - غرب شارع الوادي / شرق ناس حجير - امام الخور بالمناسبة هي أول إمرأة تطرق مجال البقالات الحديثة ( السيوبر ماركت ) . . . . . , . . . . ونواصل
Post: #31 Title: Re: احواش وميادين واحياء امـــــــــــدرمان زمان Author: willeim andrea Date: 08-13-2008, 08:04 PM Parent: #1
ونواصل
Post: #32 Title: Re: احواش وميادين واحياء امـــــــــــدرمان زمان Author: willeim andrea Date: 08-13-2008, 08:45 PM Parent: #1
ميدان الحديد.... وليه سموه ميدان الحديد ربما لانو مسور باعمدة حديد قصيره ربما بارتفاع اقل من متر في الجزء الشرقي منه..... الموقع علي شارع السيد علي الجزء الغربي منه ما بين بيت عبدالله خليل بك لما كان دور ارضي وجامع الضرير .... ومن عصر بدري الكوره مدوره والعجاجه تقول يا غربتي......... المغرب......العمه بت الفضل واخته علي اضاءة العمود او القمر كيفما اتفق .... عندهم طبلية عشه...... سلطة روب...سلطة مصقع... طعميه... في ربع عيش ويمكن بقرش او كده وقريب من الميدان .... مدرسة الطاهر بادارة الاستاذ التاريخ خالد ابو الروس
Post: #33 Title: Re: احواش وميادين واحياء امـــــــــــدرمان زمان Author: willeim andrea Date: 08-15-2008, 01:25 PM Parent: #1
ونواصل
Post: #34 Title: Re: احواش وميادين واحياء امـــــــــــدرمان زمان Author: عمر الفاروق Date: 08-15-2008, 01:33 PM Parent: #1
حوش العجب .. جدي الشيخ احمد العجب المحارب في جيش الخليفة ومصحح راتب الامام المهدي.. جدي الشيخ صديق احمد العجب امام مسجد الانصار وخطيبه والمأذون ومصحح الراتب من بعد ومدير مدرسة الاميرية .. العباسية شرق ..خور ابو عنجة وما ادراك ما اللاوبة ..
Post: #35 Title: Re: احواش وميادين واحياء امـــــــــــدرمان زمان Author: willeim andrea Date: 08-15-2008, 02:14 PM Parent: #1
عمر الفاروق.... شكرا للمشاركه والاضافه..... في ذاك الزمان.... شيخ حاره بنفس الاسم ... العجب... ابنه عبدالباقي.... من الاوائل في لعبة الجوده في السودان.... ياربي اسم علي اسم مودتي
Post: #36 Title: Re: احواش وميادين واحياء امـــــــــــدرمان زمان Author: هاشم أحمد خلف الله Date: 08-15-2008, 02:24 PM Parent: #35
اخي الحبيب الفنان willeim andrea
بوست جميل ورائع وذكرتني أيام كنت في الإبتدائي في كل إجازة اقضيها عند اختي المقيمة في الموردة وبيتهم بفتح علي خور ابو عنجة واتذكر ايضا فريق قلب الأسد وهو فريق الحلة ووقتها كنا نلعب الدافوري في الخور او في زقاق اولاد مالك ياخي والله اثرت فيني الشجون والذكريات العتيقة .
فهو *الحي الوحيد في العالم الذي يضم ثلاثة سفرا في شارع واحد *الحي الوحيد الذي به أحد عشر شاعراً *الحي الوحيد الذي ركبت فيه السسترات العجله وقد كانت ست آمنة أول إمراة سودانيه تركب عجلة
حيث كان حي العرب حسب معلوماتي الضعيفة مركز تجمع للفنانين والكتاب والشعراء وأهل حي العرب أدري بشعابة وليتهم يدلون بدلوهم في هذا الموضوع
Post: #46 Title: Re: احواش وميادين واحياء امـــــــــــدرمان زمان Author: willeim andrea Date: 08-15-2008, 10:17 PM Parent: #37
ابارو الفاضل.... شكرا للمعلومات القيمه.... ويالحبيب امدرمان بلد الكل وزي ما قالوا اهلنا هي السودان المصغر فيها كل الناس والاجناس ... بنكهتهم الخاصه.. والسماحه والطيبه المتناهيه.... احترامي وتقدير
1- حوش الهواوير في حي العرب ومقابل له مباشره بيت جدي عبد الرحمن عمر الشبلي وفيه كان مسقط راسي 2- حوش حامد التوم قريب منه 3- حوش الخليفه علي مالك في بيت المال 4- جوار حوش الهواوير كان دكان اليماني
Post: #47 Title: Re: احواش وميادين واحياء امـــــــــــدرمان زمان Author: willeim andrea Date: 08-15-2008, 10:25 PM Parent: #39
الاستاذ عماد.... سعيد بزيارتك للبوست والاضافه بالمعلومات القيمه لاحواش حي العرب ... اهلنا الهواوير..... ياسلام.... وزي ما رمزت من محطة عابدين والزلط النازل غرب يشق ما بين المسالمه والركابيه... ويتنهي بحي العرب.... ربط عجيب ونسيج وتجانس عميق..... مودتي
Post: #38 Title: Re: احواش وميادين واحياء امـــــــــــدرمان زمان Author: willeim andrea Date: 08-15-2008, 02:45 PM Parent: #1
الاخ هاشم....... ياسلام..... باخي جبته لي سيرة منطقه عزيزه للنفس وفتره من عمر الشباب الباكر.... يا سلام خور ابوعنجه.....من البدايه علي شارع المورده ذاك المحجر وصناعة حجر الطواحين والخور يتهادي ويتمايل حتي شارع الاربعين وبعد الخريف يخضر الخور ومجموعات من فرق الدافوري .... وكل نقطه في ذاك الخور لها ذكري محببه... شارع الفيل .... مدرسة المورده وصمودها امام كل فيضانات الخور .... شارع الفيل...... حي هارلم الما بعين من هناك وناس عزاز كثيره لهم اجمل الاماني والحب اينما وجدوا ...... ومودتي
Post: #61 Title: Re: احواش وميادين واحياء امـــــــــــدرمان زمان Author: شكرى سليمان ماطوس Date: 08-16-2008, 12:09 PM Parent: #38
ذات صباح جميل من أغسطس الجارى وبعد مشوار عمل لأحد دواوين الحكومة
و عند رجوعنا لأم در عبر شارع الموردة صاح بى رفيقى بأن أدلج يساراً عند أول مدخل و فى الجهة اليمنى لشارع الموردة قوفت العربة أمام دكان للقلى و عرض السمك و الحوش للجلسة و إلتهام ذلك السمك
Quote: من البدايه علي شارع المورده ذاك المحجر وصناعة حجر الطواحين
إنه المحجر كما يحلو لك تسميته
و يا لها من أكلة
ش
Post: #63 Title: Re: احواش وميادين واحياء امـــــــــــدرمان زمان Author: willeim andrea Date: 08-16-2008, 10:23 PM Parent: #61
الاخ الحبيب شكري.... شكرا للمعلومه الجديده ..... تعرف يالحبيب شكري.... طبعا انا ما عندي طاحونه وما اشتريت حجر طاحونه من المحل الطيب الذكر لكن قطع شك وانشاء الله اول زياره للمنطقه لازم من اكلت سمك في المحل داك ويازول من هسي انته معزوم وكل الاحباب .... توثيق ومصداقيه لحوش امدرمان الكبير الحدادي مدادي ........ محبتي واحترامي
Post: #40 Title: Re: احواش وميادين واحياء امـــــــــــدرمان زمان Author: هضيبي علي سعيد Date: 08-15-2008, 03:13 PM Parent: #1
حوش النور الجريفاوي
(أمين بيت المال ............ و من روااد صك العملة بالسودان حيث استجلب من الشام في عهد الخليفة عبدالله مسبكا للعملة يقوم على امره عاملان من الشام)
Post: #48 Title: Re: احواش وميادين واحياء امـــــــــــدرمان زمان Author: willeim andrea Date: 08-15-2008, 10:29 PM Parent: #40
الحبيب هضيبي..... لبيت المال نكهه خاصه .... وغموض وسحر وصناعات منزليه متنوعه وتاريخ ضارب في الجزور.... شكر للمشاركه والاضافه..... تشكراتي
ناس ارتبطوا بالتعليم : آل بدري ( مدارس الأحفاد ) آل السراج ( مدارس النصر والمستقبل ) آل المليك ( مدارس المليك ) آل تلودي - مدرسة تلودي - ناصر سابقا مدارس المهدية مدرسة بكار ست مدينة آل عبدالنور ( مدارس بيت الأمانة- ناس الفريق القومي كلهم كانوا بيدرسوا فيها منهم متوكل عبدالسلام لاعب الهلال الدولي ) . . . . . .
أساتذة أجلاء : عبدالرحمن شداد - اللغة الانجليزية محي الدين فارس - اللغة العربية عببد عبد النور - الكيمياء عبدالرحمن حسن عبدالرحمن - الجغرافيا عمر حسن الطيب هاشم - التاريخ استاذ كرف - اللغة العربية خليل عبدالقادر - الرياضيات حسن فضل المولى - الموسيقى الصول رمضان جار النبي - الكديت -. . . .
الأخ وليام تحية طيبة .. لخبطت وجطت ليك البوست بتاعك مرة كفر ومرة قلم ومرة وتر نرجو قبول اعتزاري
خالص مودتي
Post: #53 Title: Re: احواش وميادين واحياء امـــــــــــدرمان زمان Author: willeim andrea Date: 08-15-2008, 11:31 PM Parent: #52
رضي يا امدرماني يا عتيق...... وما دي احواش امدرمان الزمان تسع الكل.... محبتي وخلي البوست ده فووووووووووووق .وخد راحتك خالص لتوثيق الزمن الجميل والتنوع ...
Post: #54 Title: Re: احواش وميادين واحياء امـــــــــــدرمان زمان Author: Ridhaa Date: 08-16-2008, 03:21 AM Parent: #1
كنت هلالابي لدرجة التعصب .. قاسم جناح يمين وبيلبس فنلة رقم 7 ومن بعده لبسها جعفر عبدالرازق قاسم أخ غير شقيق لمحجوب الضب وعلى ماأعتقد أولاد خالة مصطفى النقر. مصطفى النقر بيلبس فنلة رقم 10 وبيركب سيارة داتسون بيضاء لوحة رقم 1414 خ ت موديا 78 وبعد مدة غيرها بعربة كرولا 80 لون أزرق .. فوزي المرضي - الأسد عثمان الجلال الريشة أحمد آدم - دعاية زيت عافية عزالدين عثمان الدحيش كان عنده محل اسمه نادرين هاوس ( بوتيك ) في شارع الأزهري شرق الأهلية .. الريس الطيب عبدالله كان عند محل للأدوات الرياضية في شارع الجمهورية... الناقد الرياضي ميرغني أبوشنب يمتلك مطعم الرياضيين شمال البوسته أمدرمان متوكل عبدالسلام الريح جادين . . . . . . . .
Post: #55 Title: Re: احواش وميادين واحياء امـــــــــــدرمان زمان Author: Ridhaa Date: 08-16-2008, 03:45 AM Parent: #1
اللاعب حافظ عبيد كان من المخلصين لفريق الهلال لايتغيب عن التمارين أبدا عند اعتزاله تم تكريمه في مهرجان ضخم وتم منحه دخل المهرجان بالإضافة لعربة سيهان بيرد جديدة سعرها في ذلك الزمن 2 الف جنيه ( الزمن داك كانت أكبر عملة من فئة العشرة جنيهات ) بعد فترة نميري ذادها وأصبحت من فئة العشرين .
==================== في زواج لاعب المريخ سليمان عبدالقادر ( كان بيحب يقرش الكورة لحارس المرمى ) كان في فاصل للموسيقار بدرالدين عجاج - في تلك الفترة كان المريخ غلب الهلال في مبارة جوبا الشهيرة 1/صفر ) قام بدرالدين عزف أغنية ياجوبا مالك علي .. قامت الكراسي إتطاقشت حتى تدخل العقلاء وفضوا النزاع بطلب أغنية الهلال هلا - المكان الثورة الحارة العاشرة شرق محطة شقلبان .... ياله من زمن جميل ...
====================
Post: #56 Title: Re: احواش وميادين واحياء امـــــــــــدرمان زمان Author: Ridhaa Date: 08-16-2008, 04:13 AM Parent: #1
ناس جمعوا بين العلم والكورة : د/ هاشم عجيب - لاعب فريق ودنوباوي السابق محمد عبدالله الدسوقي ( مازدا لاعب المريخ ) اقتصاد جامعة الخرطوم حيدر حسن حاج الصديق ( علي قاقارين ) دبلوماسي بالخارجية السودانية . فوزي التعايشة - فريق النيل الخرطوم - ضابط في الشرطة السودانية ولكنه اعتزل الملاعب بعد المبارة الشهيرة التي أخذ فيها كرت أحمر ... . . . . أناس آخرين لم تسعفني الذاكرة لذكرهم
Post: #57 Title: Re: احواش وميادين واحياء امـــــــــــدرمان زمان Author: Ridhaa Date: 08-16-2008, 04:28 AM Parent: #1
الأخ وليام الأخوة المتداخلين
تحية طيبة ... رمضان كريم وتصوموا وتفطروا على خير وربنا يتقبل الصيام والقيام والعمل الصالح ببركة الشهر الكريم ...
نشوفكم بعد رمضان ان كان للعمر بقية ..
والسلام عليكم ورحمة الله وبركاته
Post: #58 Title: Re: احواش وميادين واحياء امـــــــــــدرمان زمان Author: Rawia Date: 08-16-2008, 04:50 AM Parent: #57
حوش القزاز
Post: #59 Title: Re: احواش وميادين واحياء امـــــــــــدرمان زمان Author: wesamm Date: 08-16-2008, 05:43 AM Parent: #58
Quote: ناس ارتبطوا بالتعليم : آل بدري ( مدارس الأحفاد ) آل السراج ( مدارس النصر والمستقبل ) آل المليك ( مدارس المليك ) آل تلودي - مدرسة تلودي - ناصر سابقا مدارس المهدية مدرسة بكار ست مدينة آل عبدالنور ( مدارس بيت الأمانة- ناس الفريق القومي كلهم كانوا بيدرسوا فيها منهم متوكل عبدالسلام لاعب الهلال الدولي )
اضف لهؤلا الاساتذة الاجلاء ال الصاوي في ابي روف ال الغول في ابي روف ال عمر اسحق في بيت المال ال االدرديري محمد عثمان في الموردة ولاننسي الاساتذة الاجلاء استاذ خليل/رياضيات/الاهلية الثانوية استاذ حاج علي نميري/ابوطراف النميري/شاعر واستاذ لغة عربية استاذ نورين /الاهلية الثانوية استاذ شيخ الدين جبريل استاذ الفاضل/كيمياء/الاهلية الثانوية استاذ السيدابي//الاهلية الثانوية استاذ حسن سالم
Post: #60 Title: Re: احواش وميادين واحياء امـــــــــــدرمان زمان Author: حسن عبدالله Date: 08-16-2008, 10:30 AM Parent: #59
عزيزي وليم لك التحية ان جيتك في بيتك للاعتذار ... صدقني لم اقصد ما ذهبتم اليه وكيف اجرو للاساءة لناس وصلت علاقتي بهم لهذا المستوى في وقت قصير كان ولا زال الهدف منه استعادة الذكرى الجميلة. اسف اسف اسف. واهل بيك مرة ثانية في الخرطوم زمان... حسن
Post: #65 Title: Re: احواش وميادين واحياء امـــــــــــدرمان زمان Author: willeim andrea Date: 08-16-2008, 10:47 PM Parent: #60
الاخ العزيز حسن... شكرا علي الزياره.... ورمضان علي الابواب .....العفو والعافيه يا راجل يا امير.... وتصوم وتفطر انت والاهل علي بالف علي الف خير.. وانشاء الله جميعا من عتقاء هذا الشهر الكريم..... امين يارب العالمين
Post: #66 Title: Re: احواش وميادين واحياء امـــــــــــدرمان زمان Author: حسن عبدالله Date: 08-17-2008, 07:02 AM Parent: #65
عزيزي وليم لكم الشكر والتقدير.... اخجلتني والله.... لا تنسي زيارتنا في الخرطوم زمان ومشاهدة القروش زمان وتمثال كتشنر وغردون. لك التحية
Post: #64 Title: Re: احواش وميادين واحياء امـــــــــــدرمان زمان Author: willeim andrea Date: 08-16-2008, 10:42 PM Parent: #58
الاخت راويه... حوش القزاز....... تعرفي قبل فتره... وانا في مدينه في احدي الدول العربيه .......وفي اجتماع مع مدير... الشركه... ملامح المدير ممكن تكون لشخص من دول الشام قد يكون لبناني او ... او... المهم اللهجه ما غريبه علي.... وهنا طلعت بره الموضوع وسالته... من اي دوله؟؟؟؟ قال من السودان ... واستمريت وبي الحاح.... وين في السودان ... الرجل في النهايه طلع من امدرمان وتحديدا بيتهم حوش القزار قبل فتره نسبيا بعيده شديد قد تتجاوز اربعه الي خمسة عقود او ازيد الله اعلم ... وانا شخصيا اعرف بيت مكتوب عليه حوش القزار كا نقش في البيض علي قائم الباب البيت قريب من بيت ناس عمك محمد مبروك وحسن تبيدي وحسن ابوالعلا وكان في ذاك الزمن يسكنوه هنود... اذا طلع نفس البيت ..... ياريت يالعزيزه راويه تقولي لينا ليه اسمه حوش القزاز من انو بيت سكني تشطيب جميل بمقايس ذاك الزمان والزمان الحالي لان جد محتار ليه اسمه بيت القزاز .......احترامي وتقديري
Quote: ياريت يالعزيزه راويه تقولي لينا ليه اسمه حوش القزاز من انو بيت سكني تشطيب جميل بمقايس ذاك الزمان والزمان الحالي لان جد محتار ليه اسمه بيت القزاز .......احترامي وتقديري
تحياتى للاخت العزيزة راوية دعنى احكى لك لم سمى ببيت القزاز والعهدة على الراوى سمو بيت القزاز عشان كان حائط سور الشارع (حيطة الشارع) لهذا المنزل مبنية لاعلى بالقرب من نهاية السور بصف من القزاز اعلى الطوب (بلوك من القزاز فى شكل صف بسور الحائط) وحيث كانت اغلب البيوت فى ذالك الزمن من الطوب الاحمر والجالوص كان غريبا انى يبنى سور شارع بهذا المنظر فاطلق على المنزل بيت القزاز وهما بيتان الاول للمرحوم رجل البر والخير عبدالمنعم محمد ويقع جوار مدرسة امدرمان الاميرية ويوجدالبيت الاخر لاسره ابو العلا ويقع بالقرب من الشهداء اطلق علية اسم بيت القزاز ايضا للاسرتين خالص التجلة والتقدير لما لهما من ايادى بيضاء فى بلادى ولكريمات اسرة عبد المنعم محمد التحية حيث تربطنى باحدى كريماتها اخوه خالصة اختى راوية لك ولهن التحية مرة اخرى . تقديرى وشكرى
Post: #62 Title: Re: احواش وميادين واحياء امـــــــــــدرمان زمان Author: willeim andrea Date: 08-16-2008, 10:11 PM Parent: #1
وصلتي رساله علي بريدي الاكتروني من الاخ الفاضل: اشرف صالح..... اولا اشكره جزيل الشكرعلي الاضافه... وهي كما يلي بعد حزف ما هو شخصي لعدم معرفتي اذا كان الاخ اشرف يريد تضمنها في هذا البوست للتواصل مع الاخوه المتدخلين:
Quote:
... فقد شدني اثناء تصفحي للموقع ذلك البوست عن ام درمان و( حيشان ام درمان) و احييك علي هذا الوفاء للبقعة التي نعشقها اكثر من الروح .. و انا من مواليد ام درمان مثلكم و لي بعض المناطق التي تسكن الزاكرة و اود منك اضافتها .. و قد لاحظت ان معظمكم ركز علي احياء ود نوباوي و السيد المكي و ما جاورها من مناطق .. وحتي عندما اتجهتم نحو حوش الخليفة و من ثم الي حي الموردة .. نسيتم بعض المناطق مابين شارع العرضة شمالا .. و خور ابي عنجة جنوبا .. مثل حي الهاشماب (الموردة شمال) .. الذي ولدت فيه و ترعرعت .. وفيه من المعالم ما فيه ... مثل حوش الشيخ (الشيخ ابو القاسم احمد هاشم) شيخ علماء المعهد العلمي و حوش المفتي (اخوه الشيخ الطيب احمد هاشم- اول مفتي للديار السودانية) و ابن عمهم الامير عبد الحليم مساعد هاشم (من امراء المهدي) و ال شبيكة و ال شكاك... ال الخانجي و غيرهم من الاسر و الاحواش العريقة. و لتداخل الاحياء في تلك المنطقة .. يصعب علي غير سكانها معرفة حدودها .. حيث نجد ايضا حي الامراء .. قبة الشيخ البدوي .. و السردارية .. بنك الصمغ و البازار... ومدارس الاحفاد .. مكتبة البشير الريح.. مدرسة محمد شبيكة المتوسطة و حي العباسية شرق .. و زريبة الفحم .. و شارع الطاحونة.. نادي الإنتصار ... و عشرة الايام (شرق محطة سنادة) .. وحوش الامين حامد ... ال احمد خليفة و زاوية شيخ النيل .. و مسجد قدح الدم..و حوش الفلاتة و ال العريفي .. شارع الفيل.... ال حاج ابراهيم .. مدرسة المردة ب ( بنات) فندق المنصور .. جامع الادريسي و الحوش وال السبكي و ال بنده .. و ال المغربي و عمارة أردمته..... و الي الجانب الاخر من شارع الموردة (شرقا).. فريق ريد .. و دار الرياضة ام درمان ونادي الحكام... نادي الضباط ...مدرسة الموردة اولاد .. محلات الصياد .. بقالة هبة الله .. مستشفي القابلات .. و ميدان القراقير ... بوابة عبد القيوم.. و دار الفنانين بقالة ناس عوض احمد خليفة .. حوش الدرديري .. و ال عبد الفراج .. و الشفخانة القديمة .. طلمبة المرحوم عمر بنده (طلمبة اجب بشارع الموردة التي اصبح مكانها قطعة خالية) ... اقف عند حدود سوق الموردة العتيقة .. علي امل ان يواصل الحصر غيري ممن اثار فيه الشجون حديثكم. تلك محاولة مني لتوثيق بعض الاماكن و الاسماء التي تحتل بعض مني ... فعذرا ان اطلت عليكم ... و عذرا ان خانتي الزاكرة فنسيت البعض ... و عذرا ان غير الزمان ملامح الاشياء و لم تعد كما كانت ... ووجد بعضهم في حديثي ما لايحتويه الواقع الان من اماكن و اسماء ... و رحمة الله علي من ذكرت من شيوخ و اجداد .. انتقلوا الي الرفيق الاعلي.
لك التقدير و الإحترام و الشكر ... و لضيوفك المتداخلين الكرام
يالحبيب اشرف ياسلام تحديدا الهاشماب لينا فيها اهل واصدقاء اكثر من اخون...... ومن علاماته البارزه علي مدخل الحي علما اذكر وفي بداية الشارع من شارع المورده البرتش كونسل....مساحات من الشكر والتقدير علي الاضافه
فريق مدرسة بيت الأمانة كان فريق قومي عديل كدا يضم فطاحلة نجوم الفريق القومي ( بالمناسبة الثانوي في بيت الأمانة كان أكثر من ثلاثة سنوات - في أي دورة مدرسية بتلقي الفريق القومي بيلعب - مجدي ودنوباوي متوكل عبدالسلام عوض دوكة - حارس مرمى . . . . مدرسة المهدية كان فيها : عادل أمين الرشيد المهدية
الأهلية الثانوية : الفنان عمر بانقا ( حارس مرمى ) ابراهيم بخيت ( ركب ) اسامة آدم ريحان ( سكسك ) عاصم سينا مصطفى سيماوي أبوالليث
============================== من ظرفاء أمدرمان : العم موسى ودنفاش - صاحب النكات المشهورة - يسكن ودنوباوي وسط ناحية ناس العم علي حسن جميل - شيخ ورئيس الحي - ============================= . . . .
Post: #70 Title: Re: احواش وميادين واحياء امـــــــــــدرمان زمان Author: Ridhaa Date: 08-18-2008, 01:04 AM Parent: #1
المكتبة المركزية ... في بيت جالوص آئل للسقوط وللتحدي بعض من غرفه كانت مسندة باعواد النخيل ... بها جميع المراجع مكتظة بالطلاب ..بها حركة دائمة .. لها لافتة أمام الباب آئلة للسقوط أيضا وكنها تحكي عن تاريخ تليد .... لم تهتم حكومات السجم بتلك الدور .... لاأدري ماذا دهى بها الزمن .... ياناس سكان حي البوسته وحي الشيخ دفع الله وحي الأمراء وحي الرباطاب
أفيدونا أفادكم الله ...
========================== البرتش كاونسل - سابقا ( مكتبة البشير الريح العامة حاليا ) الدعم خارجي من بريطانيا ...نظيفة تفتح من الساعة 8 ص وحتى 1 ظهرا ثم من الرابعة عصرا وحتى السابعة مساء
بها موظفين سودانيين أذكر منهم الأخ جون - من الجنوب الحبيب - والأخ عصمت وأيضا كان هناك رجل متطوع يحفظ الرياضيات عن بكرة أبيها وبيعطي دروس مجانية اسمه صلاح برتش - عليه رحمة الله .....رجل طيب وبشوش .... . . . . . ونواصل
Post: #71 Title: Re: احواش وميادين واحياء امـــــــــــدرمان زمان Author: Ridhaa Date: 08-18-2008, 02:15 AM Parent: #1
الأخ حسن عبدالله سلام أنت عارف ناس الخرطوم زمان كانوا بيخافوا يعدوا لامدرمان عن طريق كبري أمدرمان ...كانوا بيخافوا من أولاد الموردة والعباسية .. فعشان كدا كانوا بيجوا عن طريق كبري شمبات ....
=========== مرة كان في حفل زواج في مدينة الرياض بالخرطوم والد العروس كان رجل غني ورجل بسيط من منطقة شمال أمدرمان أولاده أجبروا يشتري بيت في الرياض ... المهم من ضمن فناني الحفل كان في فاصل للفنان خلف الله حمد المهم خلف الله طلع المسرح لابس جلابية وعمة وعيونه كبار توحي بي رجوله ومعاه ثلاثة شيالين وطبلة ودبنقز ... المهم خلف الله بدأ بي غنية حماسة : الليلة جانا الأسد من جبال الكر يشمشم عن العرديب فجأة ناس الحفلة كلهم جروا قام والد العروس سأل الناس دي مالا قامت جارية قامت واحدة كانت بتبكي وخائفة قالت ليه الراجل أب عمة وعيون كبار قال الأسد جاي ياكلنا .......... وجه ضاحك ...ابتسم دي قصة ساي
=============== زمان مشينا عرس في الخرطوم ..ناس أحمد مكي عبده ....وعندي صاحبي شليق كدا سمع ناس العرس بيقولوا حاينفخوا الأنابيب بغار الهليوم عشان يزينوا بيه العربية ......صاحبي كان متحير وقال لازم يمشي يشوف الهليوم دا شكلوا كيف .. يالها من براءة ...
============== ياتمبس :
شباب الموردة والعباسية عندما رحل الفنان بوب مارلي أقاموا سرادق عزاء
============== واحد مجنون اسمة طلقها - يتواجد في المحطة الوسطى والسوق يلبس جلابية ومعاه دائما حجار ....لو واحد قال كلمة طلقها بيرجم الناس من طرف ....
في رجل يجوب الأحياء بيبع سراويس وكبابي قزاز وصحون ... لو قليته ليه ياعم باسطة يقوم ينبذك بالفاظ بذيئة ....
ياله من زمن ...
. . . .
Post: #72 Title: Re: احواش وميادين واحياء امـــــــــــدرمان زمان Author: سلمى الشيخ سلامة Date: 08-18-2008, 02:53 AM Parent: #71
وليم اندريه ازيك وكل ضيوفك الحيشان الفى العباسية اول حوش الشيخ اسحق حمد النيل السيدالبدوى ناس البيلى الماذون ودا حوش جدى جد والدتى عبد الله خيرى والد الفنان التشكيلى الراحل عمر خيرى ناس مخير والد الكمندان صديق مخير ناس بدرى (الصادق واخواته ) ناس اسرائيل (اسحق اسرائيل واولاده )
اولاد هاشم فى الهاشماب وحوش الفيل برضهم ديل هاشماب فى العباسية لقدام قريب من الارسالية حوش جدنا الناظر محمد احمد جد السيدة فاطمة احمد ابراهيم واخوانها وحوش اولاد عبد العال والد السيدة محاسن عبد العال واخوانها وتلاقى حوش الغنادير
فى القلعة حوش ناس الشاعر توفيق صالح جبريل والمقرئ عوض عمر حوش البقر ولا اعرف لماذا تمت تسميته بهذا الاسم حوش الكاشف
تانى العباسية حوش السيد داؤود الخليفة وناس الشيخ قريب الله حوش مولاناالدرديرى محمد عثمان ودا فى الموردة حوش ناس علاء الدين حمزة العازف والملحن المعروف حوش العالم فرغلى والد زميلنا فى المنبر عصمت العالم حوش مرفعين الفقرا (وهوايضا خلوة ومسجد) حوش ناس عم النصرى فى العباسية
وبجيك صادة باللاعبين والفنانين اقعدوا عافية
Post: #73 Title: Re: احواش وميادين واحياء امـــــــــــدرمان زمان Author: willeim andrea Date: 08-19-2008, 08:05 AM Parent: #1
الاخت الغزيزه الفاضله سلمي... سعيد جدا بالاضافه... ملعومات قيمه... واضافه لتوثيق الزمن الجميل...... وفي انتظار المزيد.... مودتي واحترامي
Post: #74 Title: Re: احواش وميادين واحياء امـــــــــــدرمان زمان Author: عصام ابوعكر Date: 08-19-2008, 11:59 AM Parent: #73
تحياتي اخ وليم
في بانت شرق
ميدان بانت كان تقام فيه دورات لكره القدم بها عمالقه الكره السودانيه
كمال عبدالوهاب (الدكتور) عزالدين الدحيش -عزالدين الصبابي -فوزي المرضي
مصطفي النقر وغيرهم وهو الان ملعب رابطه ابوعنجه........
Post: #75 Title: Re: احواش وميادين واحياء امـــــــــــدرمان زمان Author: willeim andrea Date: 08-19-2008, 07:54 PM Parent: #1
شكرا اخ عصام علي الاضافه والمشاركه ..... مودتي
Post: #76 Title: Re: احواش وميادين واحياء امـــــــــــدرمان زمان Author: خالد حامد الجزولي Date: 08-20-2008, 06:18 PM Parent: #1
حوش أولاد الفكي الجزولي وهو حوش قائم منذ القرن القبل الماضي عندما جاء الإمام المهدي لفتح أم درمان وجد الشيخ الجزولي موجود في تلك المنطقة وفي ذلك الحوش الذي أسكن فيه جميع أبنائة وبناته وبينهم نفاجات ، اللافة كتب في بداية القرن الماضي ولا زالت موجودة كتب عليها (حوش أولاد الفكي الجزولي) حوش منوفلي وهؤلاء أخوال الشيخ الجزولي وحوش حسيب وهؤلاء نزحوا من كادقلي حوش جارود (الجاك) وهؤلاء أهل آلأ كافي بفريق ريد حوش أبو عكر وهم آل بو عكر المعروفين ولهم مربوع كامل ببانت شرق حوش الحاج بشير حوش نورين حوش الفيل حوش الفضيلاب حوش الرباطاب حوش الفكي حسن حوش بريمة
نواصل
Post: #80 Title: Re: احواش وميادين واحياء امـــــــــــدرمان زمان Author: احمد سردوب Date: 08-20-2008, 09:24 PM Parent: #76
ما ننسي الشيخ احمد الشيخ الترزي المشهور في السوق في اول شارع ابو روف محمود حبشى و برعي احمدالبشير في الهلال والمريخ علي التوالي
Post: #77 Title: Re: احواش وميادين واحياء امـــــــــــدرمان زمان Author: willeim andrea Date: 08-20-2008, 07:48 PM Parent: #1
فوق
Post: #78 Title: Re: احواش وميادين واحياء امـــــــــــدرمان زمان Author: حسن عبدالله Date: 08-20-2008, 09:13 PM Parent: #77
ياوليم جبنا ليك الكبري دا عشان تجي تزونا في الخرطوم ولو مرة واحد بس....
Post: #83 Title: Re: احواش وميادين واحياء امـــــــــــدرمان زمان Author: احمد سردوب Date: 08-20-2008, 09:45 PM Parent: #77
مع تحياتي وليم بكرة نتواصل ودي ومحبتي
Post: #85 Title: Re: احواش وميادين واحياء امـــــــــــدرمان زمان Author: willeim andrea Date: 08-22-2008, 01:36 PM Parent: #83
الحبيب احمد سردوب شكرا علي الطله..... ومنتظرين مساحات من التقدير
Post: #81 Title: Re: احواش وميادين واحياء امـــــــــــدرمان زمان Author: احمد سردوب Date: 08-20-2008, 09:33 PM Parent: #79
حوش الخليفة مكي ابو سليم المسحراتي ود الخولي في الركابية محمد المكي امين و ابنائه دكتور فيصل رحمه الله
Post: #82 Title: Re: احواش وميادين واحياء امـــــــــــدرمان زمان Author: احمد سردوب Date: 08-20-2008, 09:41 PM Parent: #81
ما ننسي حوش البنا والفن مع تحياتي لعاصم البنا
Post: #86 Title: Re: احواش وميادين واحياء امـــــــــــدرمان زمان Author: willeim andrea Date: 08-22-2008, 01:48 PM Parent: #79
الحبيب ابراهيم عدلان..... حي البوسطه.... يا سلام عليك.... من نادي النصر وانته نازل غرب... في الشارع.... ناس الكابتن محمد اسماعيل..وفترات الغربه في اثينا .. وازهري... وعصام .... معاويه وفضل وكمال الاجسام.... حتي تصل نهاية الشارع.... وعبدالمنعم وتلفزيون السودان واحلي امدرمان وتربة الحمام بانواعه المختلفه .... الراجل كان بيسافر الي مصر وغيره عشان يجيب انواع الحمام المختلفه ويفخر بذلك وايام التلفزيون اسود وابيض عرض حمام رقاص وبخلفيه موسيقيه.... وحبوبه ظنت انه حمام اخر الزمن بيرقص علي الموسيقي... ياسلام عليك حي البوسطه وعبداللطيف ود الحاوي وفرقة الجاز بتاعته في ذاك الزمان..... بدرالدين طه ... الفاتح الصادق... ياسلام ودكاكين عمك عبدالرحمن وولده فخر الدين.... ياسلام علي الزمن الجميل.... وبكره احلي لما يجينا المطار في امدر والحوش يبقه كبير شديد حدادي مدادي....... مساحات من الحب والتقدير
Post: #84 Title: Re: احواش وميادين واحياء امـــــــــــدرمان زمان Author: Nuha Ahmed Date: 08-20-2008, 10:04 PM Parent: #1
القلعة نبدا من سهلة صالح جبريل ناس الجد ، ناس بكير ،حوش البخيت ، اولاد الياس با سعيد ، محمد علي الشايقي ، حوش الامام ، حوش ابوقرون وروضة ماما بخيتة ، دكان البير وبي زقاق اللولوي صباحي الديم وعثمان الديم
Post: #87 Title: Re: احواش وميادين واحياء امـــــــــــدرمان زمان Author: willeim andrea Date: 08-22-2008, 01:56 PM Parent: #84
الاخت العزيزه نهااحمد..... تقاطه شارع الخليفه من شارع مكي وشريط الترماي شمال الشريط الجزء الشرقي القلعه ومحطة اجيب وبيت ناس ناجي منظر مالوف ان تجد ناجي في مشوار علي ذاك الشارع هو امه المحترمه وهي لابسه الفستان الاسود وبيت ناس احمد ابوغالب الله يرحمه والزقاق داك والحوش الكبير وشجر اللالوب العملاقه ...... في مقابل الزقاق في الجزء الغربي بيت استاذه خالد ودرس العصر في البرش ( الله يرحم استاذ خالد) ياسلام علي ذكريات عطره والله .... شكرا علي الاضافه والمشاركه ... احترامي وتقديري
Post: #88 Title: Re: احواش وميادين واحياء امـــــــــــدرمان زمان Author: willeim andrea Date: 08-22-2008, 01:56 PM Parent: #84
الاخت العزيزه نهااحمد..... تقاطه شارع الخليفه من شارع مكي وشريط الترماي شمال الشريط الجزء الشرقي القلعه ومحطة اجيب وبيت ناس ناجي منظر مالوف ان تجد ناجي في مشوار علي ذاك الشارع هو امه المحترمه وهي لابسه الفستان الاسود وبيت ناس احمد ابوغالب الله يرحمه والزقاق داك والحوش الكبير وشجر اللالوب العملاقه ...... في مقابل الزقاق في الجزء الغربي بيت استاذه خالد ودرس العصر في البرش ( الله يرحم استاذ خالد) ياسلام علي ذكريات عطره والله .... شكرا علي الاضافه والمشاركه ... احترامي وتقديري
Post: #90 Title: Re: احواش وميادين واحياء امـــــــــــدرمان زمان Author: willeim andrea Date: 08-23-2008, 10:32 PM Parent: #1
Post: #91 Title: Re: احواش وميادين واحياء امـــــــــــدرمان زمان Author: willeim andrea Date: 08-23-2008, 10:50 PM Parent: #1
Post: #92 Title: Re: احواش وميادين واحياء امـــــــــــدرمان زمان Author: صديق الموج Date: 08-24-2008, 00:22 AM Parent: #1
الاخ وليم اندرية تحياتى الطيبات وانت تنكأ جروحا قديمة وعشق لا تنفصم عراه الا عند البكرى او احمد شرفى او حمد النيل.. زى ما قال المرحوم على المك وهو من الامدرمانيين المتعصبين حيث اهدى كتابه الى خاله المرحوم على سليمان بجملة مفيدة جدا. قال فيها ابل الله تربته: الى خالى على سليمان فقد تعلمت منه كيف يكون العيش فى امدرمان صبابة. على الملك رحمه الله من الذين اطنبوا واطربوا فى امدرمان. ومن سخرية القدر ان يموت بعيدا عنها... فعلا العيش فى امدرمان صبابة.. وللولوج برفق فى حيشانها العتيقة الانيقة لابد من بسملة واسفار للدخول ولم اجد مدخل اجمل من مدخل واحد من ابنائها وهو المرحوم الشاعر صلاح احمد ابراهيم فى مرثيته لعلى المك خدينه وصنو روحه. كتب صلاح: مدينته الادمية مجبولة من تراب يتنطس اسرارها.. واثب العين،منتبه الاذنيين يحدث اخبارها هل يرى عاشق مدنف فى الحبيب اى عيب؟ مدينة مجبولة من تراب ولاتبلغ المدن العسجدية مقدارها.. تتباهى على ناطحات السحاب بحى سما اصله لركاب فاح فيها شذى من على.. وامدرمان فعلا مدينة مجبولة من تراب،وبيوتها يخيطونها (بالزباله) كلما ارعدت او ابرقت.. ولكن لاتبلغ المدن العسجدية مقدارها فعلا،واكثر ما يحزننى يا وليم عندما ارى الطوب والحديد المكوم امام احد بيوتها القديمة وقد هدوه، وصار باب حرازه القديم العتيق الذى يفوح برائحة الضيوف الذين مروا من خلاله، ضروة للاسمنت.ولا اغالى ان قلت احس مع كل ضربة معول طعنة فى صدرى. امدرمان هى احد شواهد الزواج العفوى للتاريخ والجغرافية.من المدن السودانية القليلة التى كسرت ساق القبيله. لو سالت عن كل الاسماء التى اوردتها انت هنا واوردها الاخوان المتداخلون كرف،موسى ودنفاش،كمال سينا،احمد داود،على المك ،خالد الكد،يحى الفضلى عمك قسمه،ود الشايقى،عوض احمد خليفه،النعيم فرج الله،عم باجورى،الوسيلة العكام بت بتى،بت الخبير،ود الكتيابى،شاخور، داموك،قدح الدم،البرير الخ.. لو سالت لاى قبيلة ينتمى ايا من هولاء لما وجدت اجابه غير انهم امدرمانيون. معالمها التاريخية لاتقبل التاويل. صينية ازهرى ،بوابة عبد القيوم،مسلة ادريس الهادى،،قبة المهدى صينية الدومة،حوش الخليفه،ميدان البحيرة،الطابية،او اى شاهد تاريخى اخر كل الناس يعرفون على من سميت ،ووجدت من يحدسك عنها حديث العارف الواثق.. ناس امدرمان يتحيزون لفول احمد سعد وسمك السوكى وباسطة الطيب سيد مكى وشعير برعى المصرى وليمون حسن قرشى، فى اماكن اللهو (البرى وغيره) يحبذون الريفيرا والجندول ولا يبدلوهم بالريفيرا الفرنسيه ويستحسنون فى الشراب وارد حواء كلاب فى العباسيه والابيض ضميرك من القماير. وفى الملبس الدمور عند ناس نقد الله الخياطه الافرنجى مهدى شريف. الخياطه البلديه ود الاسطى المفاحض والشنط عبد الرحمن الريح الكدارات مصطفى سرجلى (والد الريح كاريكا واخوانه).. احرف من اللعب الكوشتينه الحلال فى البيوت والاندية ورواد البدوك امدرمانيين. فى الازياء والاناقة اهل امدرمان هم من يبدا، اشهر ظرفاء السودان من امدرمان،موسى ودنفاش الذى صار جحا السودان كمال سينا،الهادى الضلالى،احمد داؤد،السر السفيه،فرج الله( كاك)ود مرجان وغيرهم. خلط الجنيد والنفراوى خلطة عجيبه اسموها التيمان ذهبوا الى رحمة البارى وما زالت خلطتهم تعبق البيوت والمعابد والمساجد والاضرحة..هولاء امدرمانيون شاع اريج خلطتهم فى كل السودان وصار بخور التيمان من لزوم العرس والعين. عدد الخلاوى بامدرمان كان يعادل نصف خلاوى السودان مجتمعة،ولايزال اثار بعضها موجودا وهذه امثلة منها: خلوة ود القاضى شارع كررى خلوة الكتيابى حى البوسته خلوة ابو شنب حى الشهداء خلوة بولس بيت المال.... والجدير بالذكر بولس هذا كان مسيحيا ولكنه انشا حاله حال اثرياء امدرمان خلوة وينفق عليها من حر ماله. خلوة الفكى ادريس الركابية خلوة الفكى الماحى ودنوباوى منزل عثمان صالح خلوة ود عبد الماجد الهجرة(وهو جد منصور خالد) خلوة ودارو ودارو خلوة السيد على الميرغنى بيت المال خلوة السيد عبد الرحمن ودنوباوى خلوة الشيخ قريب الله ودنوباوى خلوة حسن سوار الدهب ود نوباوى خلوة ود المكاوى الركابية خلوة ود السيد حى السوق شمال خلوة الكوبانى ابوروف خلوة بشارة ابوروف خلوة الشيخ حسن جامع امدرمان الكبير خلوة الشيخ صالح العبادى ابوروف خلوة ود المنا بيت المال خلوة الفكى وهب الله ودنوباوى منزل الحاج سعد خلوة حسن محمد خير حى سوق الاربعاء خلوة الفكى محمد ابوجنازير حى القلعة خلوة الفكى محمد المبارك الهجرة خلوة الشفيع الهجرة خلوة عثمان ونى سوق الشجرة خلوة الفكى عبد الله سوق الشجرة خلوة الفكى الحسين ودنوباوى خلوة قدح الدم الموردة خلوة مرفعين فقراء العباسية خلوة الفكى خضر فريق ريد الموردة خلوة الفكى ازرق حى العصاصير خلوة السيد المكى حى السيد المكى خلوة الشيخ ميطى الركابية خلوة مكى حسن حسين الموردة خلوة ود البنا ود البنا خلوة البله حمزة ودارو خلوة النور عنقرة الهجرة وهذه امثلة من خلاوى امدرمان معهد القرش والمعهد العلمى الفكرة والانجاز والمتبرعين ناس امدرمان. الدايات وكلية المعلمات بامدرمان.. رواد التعليم الاهلى بابكر بدرى وعبيد عبد النور وعبد الحفيظ والسراريج والشيخ عوض عمر كل هولاء من امدرمان.. الهنود اختارو امندرمان مقرا فى حين كان كل الاجانب يستوطنون الخرطوم وفى ذلك حكمة.. ليس هذا تعصب اعمى لاننى من هنالك ولكنها شواهد تاريخية.. حفظ الله امدرمان من كل مكروه. جعل الله ذلك فى ميزان حسناتك اخى وليم وربما اعود ان شاء الله..
Post: #93 Title: Re: احواش وميادين واحياء امـــــــــــدرمان زمان Author: willeim andrea Date: 08-24-2008, 12:23 PM Parent: #92
الاخ الحبيب صديق .... ياسلام عليك يا رائع وانت اضفت اضافه حقيقه للبوست.... سيل من المعلومات القيمه ... امدرمان ... سودانا الحبيب المصغر .... رجاء خليك قريب لاننا ماحنستغني من اضافاتك وتعليق الزاخره بالمعلومات والعشق لحبيبتنا امدر ........ مساحات من الود والتقدير
Post: #94 Title: Re: احواش وميادين واحياء امـــــــــــدرمان زمان Author: willeim andrea Date: 08-24-2008, 08:37 PM Parent: #1
up
Post: #95 Title: Re: احواش وميادين واحياء امـــــــــــدرمان زمان Author: شكرى سليمان ماطوس Date: 08-24-2008, 08:50 PM Parent: #1
Quote: ليس هذا تعصب اعمى لاننى من هنالك ولكنها شواهد تاريخية.. حفظ الله امدرمان من كل مكروه.
ش
Post: #96 Title: Re: احواش وميادين واحياء امـــــــــــدرمان زمان Author: willeim andrea Date: 08-24-2008, 09:33 PM Parent: #1
Quote: مدينته الادمية مجبولة من تراب يتنطس اسرارها.. واثب العين،منتبه الاذنيين يحدث اخبارها هل يرى عاشق مدنف فى الحبيب اى عيب؟ مدينة مجبولة من تراب ولاتبلغ المدن العسجدية مقدارها.. تتباهى على ناطحات السحاب بحى سما اصله لركاب فاح فيها شذى من على..
سوف اتيك بحديث شيق عن امدرمان ...فهذه المدينه الطيب اهلها مدينه مختلفه للذين يعرفونها..حيطانها كل حيطه متكوله على اخرى وكانها تناجيها بالفة عاشقين. بينها نفاجات مشرعة كقلوب اهلها، وكل نفاج تمر من خلاله كوارى الملاح والعنقريب والمرتبة لضيوف،ويتسع النفاج للطيبه والالفة حتى يكون سبب مصاهرة. كل ظل يرتمى على الاخر وكل زقاق يندغم فى الاخر فى ود ليجمع بين الناس حتى تحسب ان القوم بينهما وشيجة دم. الاشجار امام منازلها منتديات كبيرة يبدا الحديث فيها عن احوال الحى ليصل المدينه وبعدها يكون عن كل السودان. يجلس مثقفيها وانصاف المثقفين وعامة الناس فى مجلس واحد ويتحلقون حول مائده واحده، ليس بين واحد والثانى لحاء. دماء لو رايتها لحسبت انها لو سيطت ومزجت فى خلاطه لما خالط فيها دما دما ولكنها على العكس بينها من الود وحسن التعامل مابين الاشقاء. اقباطها وهم المسيحيون ياتون فى مناسبات العزاء التى تخص المسلمين بالصوانى ولا يتوجسون من ان يرفعوا الفاتحة ترحما على الميت،ويبادلهم المسلمون ودا بود. صورة من السلام الاجتماعى واحترام الاديان غير موجودة فى كثير من المدن. امدرمان كنيستها تقدس مسجدها ومسجدها يجل كنيستها. تنصت لاذآن مسجد الشيخ قريب الله بخشوع وتشجيها التراتيل المنبعثه من الكنيسه فى المسالمه،حيث ان بالمسالمه غزال، غنى لها وعنها كل شعراء الحقيبه وهامو عشقا بحسناواتها. بدور القلعة،ظبية المسالمه ،فى نوباوى شاكى، كما ضيعهم ساكن الموردة. امدرمان مدينة ساحرة ويكفيها فخرا انها تشرب بكرى النيل بعد التقاء الابيض والازرق فى المقرن،اول من يشرب اهل امدرمان. رعى الله امدرمان واهلها وحفظهم من كل شر فكلهم حبيب غير مستثنى احد من الكرام. وليم العزيز سوف اتيك لاتحدث عن مقاهيها وانديتها ومنتدياتها وفتواتها رحم الله عمر بن العاص فهو القائل: اكرموا سفهاؤكم فانكم يقونكم النار والدمار،.. الى ان يمتلى الدن مجددا ويهىء الله لناالوقت فقط احفظ لنا هذا البوست عاليا تسلم،،،
Post: #98 Title: Re: احواش وميادين واحياء امـــــــــــدرمان زمان Author: willeim andrea Date: 08-26-2008, 09:55 PM Parent: #1
الحبيب صديق ياسلام عليك وانت تاتيتابالاضافات الطيبات عن مدينتنا الساحره مدينة كل السودان .... وفي الانتظار ...... مساحات من التقدير
Post: #99 Title: Re: احواش وميادين واحياء امـــــــــــدرمان زمان Author: Mutwali Malik Date: 08-27-2008, 04:46 AM Parent: #98
اخي ولبم اندريه بعد ماشربت كباية الشاي بالنعناع جيتك بااهلي الحنان الرباطاب ونبداء ليك بحيهم حي الرباطاب اهلي الحنان اصحاب الطرائف والرد السريع ما المساخة كما يدعي البعض الذي اسس قبل قيام الثورة المهدية عندما رحل مجموعة من الرباطاب مع شيخهم دفع الله الغرقان واسسوا الحي بالقرب من سكن الشيخ دفع الله وارتبط الحي بفريق الهلال والذي اشترك الكثيريين منهم في تاسسيه ولعبوا فيه ومن اهم الشخصيات التي سكنت هذا الحي اسرة العم مدني ابشر وابنه مصطفي وسكن محمود ود الداية وعبد الحافظ عثمان رحمه واشقائه الكبار اسماعيل وابراهيم والهلالابي الكبير احمد عثمان الرباطابي وشقيقه علي عثمان الرباطابي والذي اطلق اسم الشارع باسمه لوجود دكانه في ذلك الشارع وابنه الفريق مهدي علي عثمان واشقائه وفي نفس الشارع يقع منزل العم النفرواي عثمان احد التيمان المشهورين في سوق امدرمان ووالد الاخ حسين والصادق النفراوي واخوانهم ويقع في نفس الشارع دكان العم مصطفي محمد نور ومن بعده يقع منزل ادم خالد واخوانه وبعده طاحونة الشيخ دفع الله وطابونة احمد عمسيب وادارها من بعده ابنه اب احمد وكانت مشهورة بالرغيف الشمسي ودعابات اب احمد رحمة الله عليه ويقع شمال دكان علي عثمان منزل ودكان ميرغني خالد حمزة ويقع في جزء من حوش ود الحسين صاحب قهوة ود الحسين المشهورة بسوق امدرمان ووالد عبد المطلب الحسين والسيدة رشيدة عبد المطلب والكناني المشهور بصوته الشجي في اغاني الحقيبة والد الدكتور سمير الكناني واخوانه وكان يسكن الاخوة كمال عبد الرحيم الاستاذ الكبير والدكتور مامون عبدالرحيم والعم الياس رحمة الله والد الاقتصادي الكبير ابراهيم الياس من اوائل الاقتصاديين الذين شغلوا المناصب في وزارة التجارة وعمل وزيرا للمالية وشقيقه عبدالمعطي الياس وابشر الياس وكان يسكن كذلك العم الجنيد عثمان رحمة والد صلاح وعثمان واخوانهم وشقيق العم النفراوي ومعا يقومان بمهمة التيمان في تقديم الادوية البلدية والبخور وعسل النحل ويسكن الاخوة وداعة عثمان رحمة مبارك عثمان رحمة سفير السودان في الصين ويسكن كذلك الاستاذ بشري محمد يحي المعلم الكبير وعبد الرحمن محمد يحي سحملي لعب للهاشماب ثم الهلال ويسكن في مربوع العم مدني ابشر زين العابدين عوض الكريم ابشر وعبد الهادي والصادق عوض الكريم ابشر ومن معالم هذا الحي العم خضر الحاوي وابنه الموسيقار عبد اللطيف خضر
Post: #101 Title: Re: احواش وميادين واحياء امـــــــــــدرمان زمان Author: willeim andrea Date: 08-27-2008, 08:11 PM Parent: #99
الحبيبك متولي..... غايتو قطع شكل انت زول كيف شاي ومن النوع البتمشي بتجيبه من سيرلانكا وتشربه في امريكا.... حد سعيد بمشاركتك والاضافه الجميل وكدي اقري الكلام الفوق داك من نادي النصر زمان لحدة بيت المهندس عبدالمنعم الله يطراه بالخير مساحات من المحبه والتقدير
Quote: الحبيب ابراهيم عدلان..... حي البوسطه.... يا سلام عليك.... من نادي النصر وانته نازل غرب... في الشارع.... ناس الكابتن محمد اسماعيل..وفترات الغربه في اثينا .. وازهري... وعصام .... معاويه وفضل وكمال الاجسام.... حتي تصل نهاية الشارع.... وعبدالمنعم وتلفزيون السودان واحلي امدرمان وتربة الحمام بانواعه المختلفه .... الراجل كان بيسافر الي مصر وغيره عشان يجيب انواع الحمام المختلفه ويفخر بذلك وايام التلفزيون اسود وابيض عرض حمام رقاص وبخلفيه موسيقيه.... وحبوبه ظنت انه حمام اخر الزمن بيرقص علي الموسيقي... ياسلام عليك حي البوسطه وعبداللطيف ود الحاوي وفرقة الجاز بتاعته في ذاك الزمان..... بدرالدين طه ... الفاتح الصادق... ياسلام ودكاكين عمك عبدالرحمن وولده فخر الدين.... ياسلام علي الزمن الجميل.... وبكره احلي لما يجينا المطار في امدر والحوش يبقه كبير شديد حدادي مدادي....... مساحات من الحب والتقدير
Post: #103 Title: Re: احواش وميادين واحياء امـــــــــــدرمان زمان Author: Mutwali Malik Date: 08-28-2008, 03:50 AM Parent: #101
ونستريح قليلا في حي الشيخ دفع الله والذي استمد اسمه من العارف بالله الشيخ دفع الله الغرقان الذي امد الحي ببركاته والذي تولي الخلافة منه الشيخ جاه الله بن الشيخ دفع الله الذي كان يسكن في بيت داخل القبة والان يسكن داخل هذا الحوش المريدين والحواريين للشيخ دفع الله وخلفائه ومن معالم هذا الحي مستشفي الارسالية وسرايات الارسالية التي كان يسكنها مجموعة من الاخوة المسيحين كان من اشهرهم الاب طوبيا والد فريد طوبيا وابنائه وهنالك حوش كبير تابع للارسالية تسكنه مجموعة من الاسر المسيحية من اهالي جبال النوبة وفي مقدمتهم الاب فليب عباس غبوش والسيد جون عبد المسيح المدير في الخطوط الجوية السودانية وحتي الان يسكن في منازل الارسالية الكثير من الاسر المسيحية من اخوتنا ابناء جبال النوبة وجنوب السودان وفي هذا الحي يسكن معظم ال بدري بداء بالشيخ بابكر بدري رائد التعليم النسوي في السودان وال بدري احمد بدري القاضي والد الصادق وسلمان وسليمان والدكتور علي بدري والمرحوم يوسف علي بدري والطيار موسي بدري وابنه كمال والمربي الاستاذ المرحوم محمد بدري والعم عبد الكريم بدري وابنائه محمد واحمد وعبدالله وعبدالمنعم والنجومي والعميد وعثمان وابراهيم كما كان يسكن العم المرحوم خضر بدري ومالك بدري والطيب بدري والسيد محمد مالك وابنائه المرحوم صلاح مالك طبيب الاسنان المعروف وعبدالعزيز وبابكر وعمر وحمزة وكان يسكن في هذا الحي المرحوم مجذوب مالك وابنائه ابراهيم ومختار وسعيد ويسكن في الحي الشيخ بشير الريح الداعية الاسلامي الذي بني الكثير من صروح الاسلام في نيجيريا وابنائه احمد والمرحوم عبدالرحمن بشير الريح رجل الاعمال الناجح ويسكن ال شكاك فاروق والطيب وكان يسكن كذلك العم مصطفي الطيار وابنائه عبدالله والصادق والتؤام حسن وحسين وهولاء جميعا ينتمون لاسرة ال بدري ويسكن في هذا الحي العريق العم حسني خليفة وابنائه خليفة وعبد الحي وعبد المنعم وفارس والمخرج بدرالدين حسني ويسكن العم النور محمود وابنائه يوسف وحسين وعلي وكذلك يسكن الحي مصطفي عبدالله وابراهيم عبدالله كما كان يسكن دقيل فريد وابنه كمال دقيل واخوانه والعم كمال فريد وابنائه حسين وسيد وصلاح وعزالدين ومامون ومتوكل كمال المذيع المعروف وكان يسكن في هذا الحي ال زروق وفي مقدمتهم الاستاذ مبارك زروق السياسي الكبير والمحامي القدير والسيد صلاح زروق الدبلوماسي المحنك والسفير في الخارجية والدكتور محمود زروق الذي مارس الطب بتفوق والسياسة بجدارة ومحمد علي زروق والتيجاني زروق والمرحوم عبداللطيف زروق الزراعي المتمكن والرياضي بنادي الهلال وشقيقه الدكتور الطيب زروق الطبيب النفساني والاديب والشاعر وهذه الاسرة قدمت الممثلة القديرة تحية زروق ارد الله غربتها ويسكن في هذا الحي ال الجزلي وفي مقدمتهم الاذاعي الكبير والمذيع اللامع وصاحب برنامج اسماء في حياتنا عمر الجزلي ويسكن في هذا الحي ود القرانجة الفكي وابنه محمود مفتش الترام ويسكن في هذا الحي ال العالم الاخوة مصطفي العالم الاداري المتميز في نادي الهلال والفاتح العالم والسفير عمر العالم وكان يسكن ايضا ال هارون لاعب الهلال ابراهيم هارون وعزالدين هارون اداري نادي الهلال ويسكن في هذا الحي المناضل الثائر التاجر حاج الشيخ عمر الذي قاد اول مظاهرة في ثورة 1924م من المقابر بعد دفن المامور وابنه الاستاذ محمود حاج الشيخ الذي مارس الصحافة والمحاماة بجدارة والسياسة بحكمة والمهندس البارع عمر حاج الشيخ والدكتور دفع الله حاج الشيخ الذي درس البيطرة اولا ثم الطب ثانيا فاجاد في الاثنين وكان يسكن في هذا الحي العم احمد عيسي وكيل البوستة وابنائه محمد وعبدالقادر والمرحوم عبدالفتاح وعبداللة احمد عيسي المحامي وكان يسكن في هذا الحي الفنان الكبير المرحوم العاقب محمد حسن والدكتور عبدالله احمد ادم الملقب بعبود والسيد احمد سالم السنوسي الشهير بابوليلي ويسكن ايضا السيد احمد سالم الاقتصادي الكبير والوزير السابق ورجل الاعمال ويسكن في هذا الحي المحسن الكبير ورجل الاعمال المرحوم عبدالمنعم محمد الذي كان منزله يمتلي بالمساكين والفقراء ويتم توزيع الصدقات لهم ويسكن معه اخوته عبدالقادر عبدالمنعم رجل الاعمال المعروف وعميد اسرة عبدالمنعم اليوم وعبدالحميد عبدالمنعم والدكتور عبداللطيف عبدالمنعم وكان يسكن الاخ نورين صاحب الدكان العصامي الذي ولج مجال الصناعة فانشاء مصنع الحرية للمشروبات ويسكن ال واصف الذين اسسوا لكوندة مترو في الخرطوم وكان يسكن اولاد الافندي وكان لهم محل بالسوق ثم فتحوا محل اخر في السوق الافرنجي بالخرطوم عرف بمحلات الافندي وكان يسكن في هذا الحي الخواجة نظريت ايمريان صاحب محلات الليمونادة ويسكن ايضا العم جادالله الخبير السينمائي الكبير والمخرج وكان يسكن الاعمام محجوب عوض الله وحسن عوض الله لاعب الهلال الفذ والسيد علي عوض الله الاداري الكبير وكان يسكن في هذا الحي بعض الاسر الهندية والباكستانية وبعض التجار اليهود
Post: #155 Title: Re: احواش وميادين واحياء امـــــــــــدرمان زمان Author: Mutaz Khalil Date: 02-09-2009, 07:53 AM Parent: #101
سوق ام سويقة وميدان الكداوية في بيت المال
ميدان الصور في الملازمين
حوش اللدر في ابي روف
Post: #156 Title: Re: احواش وميادين واحياء امـــــــــــدرمان زمان Author: willeim andrea Date: 02-09-2009, 09:09 PM Parent: #155
Quote: ميدان الصور في الملازمين
الحبيب معتز خليل....... ذكره طشاش ميدان الصور....... والدكاكين في سوق الصور ...... ايجار العجلات..... زمن جوز الحمام ثلاته فرد..... ايجار العجله بي كم قرش ... يمكن الساعه بقرشين.... وتسوق العجله بدون ما يعرف العجلاتي انت منو وساكن وين ... واكيد كنه بنرجع العجلات بعد ما ننزل في الدحرجانيات الشرق الميدان ونفل امدرمان شرقا وغربا وناخد كم وقعه وتتزلط الركبين ..... جد سنين ودنين اخر مره شفته المنطقه المقطوعه ديك قصدي شرق سوق الصور والمناطق الوعره الهناك في ذاك الزمان الجميل .... ياربي في الزمن ده بقت عمار وحضاره ....... الله اعلم .... بس اكيد ميدان البحيره بقه حضاره ونقله للقرن يمكن مابين التاسع عشر والعشرين ... وش غارق في الذكريات الجميله والبساطه .... محبتي واحترامي
Post: #100 Title: Re: احواش وميادين واحياء امـــــــــــدرمان زمان Author: Mayada Date: 08-27-2008, 07:19 AM Parent: #1
ميدان المولد(سابقاً) الملازمين...
افتكر اسة قلبو لحديقة ولا حاجة زي كدة...
ست البنيـــــــات
Post: #102 Title: Re: احواش وميادين واحياء امـــــــــــدرمان زمان Author: willeim andrea Date: 08-27-2008, 08:17 PM Parent: #100
الاخت ست البنيات مياده...... ياسلام عليك وانتي جبتي سيرة منطقه محببه للنفس وكم زرتها ايام الصبا.... بس في معلومه مهمه هنا... اول ما عرفت ميدان احتفلات المولد كان ميدان الخليفه..... ولسبب ما نقل لميدان البحيره... (اصبح حديقه جميله لان فيهو نافوره الخ كما ذكرتي ) ثم رجع المولد لميدان الخليفه كما كان عهدنا به..... تسلمي يا ستي علي المشاركه والاضافه
Post: #104 Title: Re: احواش وميادين واحياء امـــــــــــدرمان زمان Author: willeim andrea Date: 08-29-2008, 01:21 PM Parent: #1
ونواصل
Post: #105 Title: Re: احواش وميادين واحياء امـــــــــــدرمان زمان Author: willeim andrea Date: 08-29-2008, 01:30 PM Parent: #1
في هذه الايام الكريمات.... ونحن نتحفز لاستقبال الشهر الكريم..... اذكر ذاك الميدان... ولا ادري ما حله به......مــــــــــــــــــــــــــــــــــــيدان الاهليه... كما يحلو لي ان اسميه... يقع الميدان شرق مدرسة الاهليه الاوسطي في ذاك الزمان... وعلي الجانب الشمالي الغربي منزل ابونا الزعيم اسماعيل الازهري... متزل من طابق ارضي وفيها سلم حلزوني .... الميدان كبير وملاعب كرة القدم وفي الجزء الجنوبي الشرقي .... مدرسة الهنود وبص المدرسه الهنديه يجوب شوارع امدرمان لنقل الطلبه الهنود....... قبل ايام في حلول شهر رمضان.......... مدفــــــــــــــــــــــع رمضـــــــــأن ياسلام وقبل حلول مواعيد الافطار يتجمع الصغار والكبار حوالي مدفع رمضان...... والعسكري والخيمه..... وفي توقيت عجيب الاذان ... ينطلق المدفع مدوي اذان بالافطار .... سحابه من الدخان الرمادي .... وينطط الصبه وسط الدخان الكثيف فرحا ....... ياربي لسع هو نفس الحال يا ناس الملازمين وشارع شمبات ......
Post: #106 Title: Re: احواش وميادين واحياء امـــــــــــدرمان زمان Author: willeim andrea Date: 09-08-2008, 00:49 AM Parent: #1
رمضان كريم وكل عام وانتم بخير..... ونواصل فيما بعد ................... احترامي
Post: #107 Title: Re: احواش وميادين واحياء امـــــــــــدرمان زمان Author: willeim andrea Date: 09-13-2008, 00:37 AM Parent: #1
.
Post: #108 Title: Re: احواش وميادين واحياء امـــــــــــدرمان زمان Author: willeim andrea Date: 09-21-2008, 02:58 PM Parent: #1
.
Post: #109 Title: Re: احواش وميادين واحياء امـــــــــــدرمان زمان Author: willeim andrea Date: 09-22-2008, 01:43 AM Parent: #1
باب السنط والحوش الفسيح
Post: #110 Title: Re: احواش وميادين واحياء امـــــــــــدرمان زمان Author: سارة علي Date: 09-22-2008, 06:36 AM Parent: #1
سوق امدرمان ... عالم قايم بي ذاتو.. من اهم معالمة قهوة جورج مشرقي.. احكو لينا عنهم..
Post: #115 Title: Re: احواش وميادين واحياء امـــــــــــدرمان زمان Author: willeim andrea Date: 09-26-2008, 02:13 AM Parent: #110
العزيزه ساره علي..... قهوة عمنا جورج مشرقي... لم اكن في يوم من رواد القهوه زائعت الصيت. لعامل السن .. لاكين من الذاكره الطشاش... اذكر امام القهوه قبل ان تشيد مباني البوسطه والاشياء الغريبه العجيبه الموجوده الان والتي اعتبرها تشويه لتلك المنطه كانت هناك حديقه كبيره يتوسطها تمثال امراه... ويقال كان تمثال السيده\ سكينه زوجة عبود...... ويارب يجي واحد من مخضرمين امدرمان للتاكيد او النفي... وغرب الحديقه... كانت هناك سينما قديس ....شفتي كيف يا ستي ساره... صوره مختلفه تماما من خضره ومنظر يفتح النفس للتشويه الحاصل... وتلك البرندات في اخر شارع الدكاتره غرب محلات راقيه توازي السوق الافرنجي في الخرطوم في ذاك الزمان... اذكر منها محلات الحضري... واظن الاهل اشتروي لي اول ساعه في حياتي من ذاك المحل .... ... وكان اسم الساعه امدرمان مكتوب بالانجليزي اذكرميناء كان اسود وارقام خضراء تضوي في ظلمة الليل وكم كانت جميله وكم كنت سعيد بها ياربي تحيز لامدرمان من ذاك الزمان المبكر...واذكر ابن صاحب المحل عبدالمنعم الحضري الله يطراه بالخير ايضا اذكر محلات الطوخي ومحلات الزيادات وهي محلات خردوات تعود لشركات مصرية الاصل... وعمنا عبدالمنعم خضر وتجارة العجلات وكانت هناك ماركة فليبس.... والرالي درجات ذات جوده عاليه ياربي هولندي وانجليزي نادي الخريجين وفي المقابل قهوة ود الاغا ... نرجع لقهوة عمنا جورج مشرقي الله يرحمه كانت ايضا عباره عن بقاله او ميني ماركت وفيه كثير من الاغراض المستورده ... وبما اني احب الجبنه الرومي اذكر انه كان يبيع الجبنه الرومي والمارتديلاه والخ والتي تتناسب مع تلك الجاليه الامدرمانيه الكبيره من الارمن والاغاريق واللبنانين والسورين الخ الخ هذا ما اذكره.. وياريت يجي رضا ويضيف الكثير مودتي واحترامي
Post: #111 Title: Re: احواش وميادين واحياء امـــــــــــدرمان زمان Author: سارة علي Date: 09-22-2008, 06:37 AM Parent: #1
سوق امدرمان ... عالم قايم بي ذاتو.. من اهم معالمة قهوة جورج مشرقي.. احكو لينا عنهم..
Post: #112 Title: Re: احواش وميادين واحياء امـــــــــــدرمان زمان Author: willeim andrea Date: 09-25-2008, 01:26 AM Parent: #1
.
Post: #113 Title: Re: احواش وميادين واحياء امـــــــــــدرمان زمان Author: Huda AbdelMoniem Date: 09-25-2008, 02:13 AM Parent: #1
وليـم رضــاء تحية لكـم
ما معقول انـا ما شفتة البوست لا الان فقط بوست جميل يحمل كل الزكريات التى تدمع لها العين
زومبا و طارق اصدقاء الطفولة و الشباب ابناء الخالة نفيسـة ابوالعلا و انت راجع فى اتجاة صينية مكى شـارع ابوروف ما تنسوا عمي حتيتون كانت لدية طبلية صغيرة لتصليح الاحزية فرن عمى يسـن وفيما بعد اصبح فرن العم احمد العبادى
ما تنسى اسـرة عبدالمنعــم محمـد و انت ماشى في الشوارع الداخلية فى اتجاة مكى ود عروسة بيت ناس ابراهيم حجازى و ناس د فيصـل محمد المكى و اولاد هيبة
ناهد حسن الممثلة القديرة اهم زول كان اللة يرحمة السميــح
Post: #116 Title: Re: احواش وميادين واحياء امـــــــــــدرمان زمان Author: فيصل محمد خليل Date: 09-26-2008, 07:24 AM Parent: #114
سوق امدرمان 1939-1945
Post: #117 Title: Re: احواش وميادين واحياء امـــــــــــدرمان زمان Author: willeim andrea Date: 09-26-2008, 11:44 PM Parent: #1
Quote: العزيزه ساره علي..... قهوة عمنا جورج مشرقي... لم اكن في يوم من رواد القهوه زائعت الصيت. لعامل السن .. لاكين من الذاكره الطشاش... اذكر امام القهوه قبل ان تشيد مباني البوسطه والاشياء الغريبه العجيبه الموجوده الان والتي اعتبرها تشويه لتلك المنطه كانت هناك حديقه كبيره يتوسطها تمثال امراه... ويقال كان تمثال السيده\ سكينه زوجة عبود...... ويارب يجي واحد من مخضرمين امدرمان للتاكيد او النفي... وغرب الحديقه... كانت هناك سينما قديس ....شفتي كيف يا ستي ساره... صوره مختلفه تماما من خضره ومنظر يفتح النفس للتشويه الحاصل... وتلك البرندات في اخر شارع الدكاتره غرب محلات راقيه توازي السوق الافرنجي في الخرطوم في ذاك الزمان... اذكر منها محلات الحضري... واظن الاهل اشتروي لي اول ساعه في حياتي من ذاك المحل .... ... وكان اسم الساعه امدرمان مكتوب بالانجليزي اذكرميناء كان اسود وارقام خضراء تضوي في ظلمة الليل وكم كانت جميله وكم كنت سعيد بها ياربي تحيز لامدرمان من ذاك الزمان المبكر...واذكر ابن صاحب المحل عبدالمنعم الحضري الله يطراه بالخير ايضا اذكر محلات الطوخي ومحلات الزيادات وهي محلات خردوات تعود لشركات مصرية الاصل... وعمنا عبدالمنعم خضر وتجارة العجلات وكانت هناك ماركة فليبس.... والرالي درجات ذات جوده عاليه ياربي هولندي وانجليزي نادي الخريجين وفي المقابل قهوة ود الاغا ... نرجع لقهوة عمنا جورج مشرقي الله يرحمه كانت ايضا عباره عن بقاله او ميني ماركت وفيه كثير من الاغراض المستورده ... وبما اني احب الجبنه الرومي اذكر انه كان يبيع الجبنه الرومي والمارتديلاه والخ والتي تتناسب مع تلك الجاليه الامدرمانيه الكبيره من الارمن والاغاريق واللبنانين والسورين الخ الخ هذا ما اذكره.. وياريت يجي رضا ويضيف الكثير مودتي واحترامي
Post: #118 Title: Re: احواش وميادين واحياء امـــــــــــدرمان زمان Author: willeim andrea Date: 09-26-2008, 11:49 PM Parent: #1
الحبيب فيصل... لاكين الصوره رهيبه........بيوت طين وجمال .... اذكر جيدا ان تمر قافلة جمال في وسط احياء امدرمان في محاولة لبيع حمولتهامن الحطب. والتمام بضم التاء .. يعني زمن قبل الغاز والبوتغاز معزتي
Post: #119 Title: Re: احواش وميادين واحياء امـــــــــــدرمان زمان Author: willeim andrea Date: 09-26-2008, 11:55 PM Parent: #1
الاخت الفاضله هدي... ياسلام فعلا هي ذكريات... جميله واعود بالذاكره للوراء البعيد... بص العم محجوب... بص مدرسة الرهبات اللبني اللون... يقف امام البوابه... وينزل بعض الطلبه اللذين كانو يكبرونا في السن واذكر منهم .... الاخت سيده... والاخت منيره.... زمن بعيد ولا ادري ما فعله الزمان احترامي وتقديري
Post: #120 Title: Re: احواش وميادين واحياء امـــــــــــدرمان زمان Author: الفاضل يسن عثمان Date: 09-27-2008, 02:38 AM Parent: #119
بوست جميل بل من اجمل البوستات التي تباعتها مؤخرا،تسلم يا:willeim علي مجهودك الاجمل انا بحرواي المولد لكن امدرماني الهوي درست فيها مرحلتي الثانويه ولي فيها اعزاء كثر،من ذكرياتي، فول الحديقة جوار منزل الازهري، واستديو ديراني لصق قهوة جورج مشرقي،والمعلم الذي احزنني هدمه، بيوت القشلاق جوار السجن، منظرها كان لا يسر لكن امدرمان في ذاكرتي مرتبطة بذلك القشلاق. نذهب الي ودنوباوي وفول الجان وابو صليب، ونقطع الشارع الي العمدة وماادراك ما العمدة، منازل العبدلاب وفريق الزهور، وهنا احي صديقي محمد حسن مبارك<نميري>ونديمه طارق امين ابن عثمان صالح من ناحية الام. وحديقة العمل الوطني علي شارع النص ومنازل عبد السلام، وايمن نديم الرائع وشجرتهم الؤارفة بثمارها. امدرمان مدينتي التي احب اغيب عنها لابد ان اعود رغم اني لا امتلك فيها شبرا ، لكنه القلب وما يهوي
مودتي
Post: #121 Title: Re: احواش وميادين واحياء امـــــــــــدرمان زمان Author: willeim andrea Date: 09-27-2008, 10:47 AM Parent: #1
الحبيب الفاضل... شكرا علي المرور والمشاركه والاضافه... امدرمان وما ادراك ما امدرمان... هي سودانا المصغر ومدينة الكل... وكل الاحياء التي ذكرت... اشلاق البوليس او السجون... ومن وسطها خرج لنا لاعب كرة السله في فريقنا القومي ايام العصر الذهبي.... محمد اعيسر... والعمده ياسلام واولاد سوري والكثير من الاحباب... ودي نوباوي ياسلام والسوق الجديد ايام كان جديد.... كلها ذكريات حلوه وجميله... سعيد بمرورك .... بحري برضو كلام جميل وسياحه بجمال ناس بحري..... مساحات من الاحترام والتقدير
Post: #122 Title: Re: احواش وميادين واحياء امـــــــــــدرمان زمان Author: فرح Date: 09-27-2008, 11:03 AM Parent: #121
مسجد أمدرمان العتيق 1936م
Post: #123 Title: Re: احواش وميادين واحياء امـــــــــــدرمان زمان Author: willeim andrea Date: 09-27-2008, 11:18 AM Parent: #1
الحبيب فرح.... ياسلام عليك... وشكرا علي المشاركه... جامع امدرمان الكبير... معلم لايمكن تجازوه...وهو يتوسط سوق امدرمان وخاصتا بعد الاصلاحات الاخيره كم ازداد جمال ...... امامه يمكن شركة الزيات والخردوات المصريه .... شماله ياربي محلات لاركو... واحذية المدارس ايام زمان وخلفه عمارات واستديو نادر ... ياربي ليها علاقه بالبوردابي نادر السوداني.... معزتي
Post: #124 Title: Re: احواش وميادين واحياء امـــــــــــدرمان زمان Author: willeim andrea Date: 09-28-2008, 12:38 PM Parent: #1
..
Post: #125 Title: Re: احواش وميادين واحياء امـــــــــــدرمان زمان Author: willeim andrea Date: 09-29-2008, 01:44 AM Parent: #1
.
Post: #126 Title: Re: احواش وميادين واحياء امـــــــــــدرمان زمان Author: الفاضل يسن عثمان Date: 09-29-2008, 01:58 AM Parent: #125
الهاشماب
عريق هذا الحي يا وليم، سكنه ولايزال فطاحلة في شتي ضروب المجتمع السوداني يسكن به الشاعر المرهف صديق مدثر، واظنه قد عاد اليه الان بعد غربة طويله وكذلك ال المغربي، سهام وليلي وهيام، نواضر الحياة الاعلامية في السودان وسكنه ايضا بعض اعضاء حكومة نميري، رغم صغر الحي الا انه كما ذكرت به نوابغ لمجتمع السودان ويمكن القول بانه سودان مصغر هلا اعطيتنا بعض ملامح هذا الحي و حيشانه، وحدوده جغرافيا.
مودتي
Post: #127 Title: Re: احواش وميادين واحياء امـــــــــــدرمان زمان Author: willeim andrea Date: 09-29-2008, 02:28 AM Parent: #1
Quote: فقد شدني اثناء تصفحي للموقع ذلك البوست عن ام درمان و( حيشان ام درمان) و احييك علي هذا الوفاء للبقعة التي نعشقها اكثر من الروح .. و انا من مواليد ام درمان مثلكم و لي بعض المناطق التي تسكن الزاكرة و اود منك اضافتها .. و قد لاحظت ان معظمكم ركز علي احياء ود نوباوي و السيد المكي و ما جاورها من مناطق .. وحتي عندما اتجهتم نحو حوش الخليفة و من ثم الي حي الموردة .. نسيتم بعض المناطق مابين شارع العرضة شمالا .. و خور ابي عنجة جنوبا .. مثل حي الهاشماب (الموردة شمال) .. الذي ولدت فيه و ترعرعت .. وفيه من المعالم ما فيه ... مثل حوش الشيخ (الشيخ ابو القاسم احمد هاشم) شيخ علماء المعهد العلمي و حوش المفتي (اخوه الشيخ الطيب احمد هاشم- اول مفتي للديار السودانية) و ابن عمهم الامير عبد الحليم مساعد هاشم (من امراء المهدي) و ال شبيكة و ال شكاك... ال الخانجي و غيرهم من الاسر و الاحواش العريقة. و لتداخل الاحياء في تلك المنطقة .. يصعب علي غير سكانها معرفة حدودها .. حيث نجد ايضا حي الامراء .. قبة الشيخ البدوي .. و السردارية .. بنك الصمغ و البازار... ومدارس الاحفاد .. مكتبة البشير الريح.. مدرسة محمد شبيكة المتوسطة و حي العباسية شرق .. و زريبة الفحم .. و شارع الطاحونة.. نادي الإنتصار ... و عشرة الايام (شرق محطة سنادة) .. وحوش الامين حامد ... ال احمد خليفة و زاوية شيخ النيل .. و مسجد قدح الدم..و حوش الفلاتة و ال العريفي .. شارع الفيل.... ال حاج ابراهيم .. مدرسة المردة ب ( بنات) فندق المنصور .. جامع الادريسي و الحوش وال السبكي و ال بنده .. و ال المغربي و عمارة أردمته..... و الي الجانب الاخر من شارع الموردة (شرقا).. فريق ريد .. و دار الرياضة ام درمان ونادي الحكام... نادي الضباط ...مدرسة الموردة اولاد .. محلات الصياد .. بقالة هبة الله .. مستشفي القابلات .. و ميدان القراقير ... بوابة عبد القيوم.. و دار الفنانين بقالة ناس عوض احمد خليفة .. حوش الدرديري .. و ال عبد الفراج .. و الشفخانة القديمة .. طلمبة المرحوم عمر بنده (طلمبة اجب بشارع الموردة التي اصبح مكانها قطعة خالية) ... اقف عند حدود سوق الموردة العتيقة .. علي امل ان يواصل الحصر غيري ممن اثار فيه الشجون حديثكم. تلك محاولة مني لتوثيق بعض الاماكن و الاسماء التي تحتل بعض مني ... فعذرا ان اطلت عليكم ... و عذرا ان خانتي الزاكرة فنسيت البعض ... و عذرا ان غير الزمان ملامح الاشياء و لم تعد كما كانت ... ووجد بعضهم في حديثي ما لايحتويه الواقع الان من اماكن و اسماء ... و رحمة الله علي من ذكرت من شيوخ و اجداد .. انتقلوا الي الرفيق الاعلي.
لك التقدير و الإحترام و الشكر ... و لضيوفك المتداخلين الكرام
Post: #128 Title: Re: احواش وميادين واحياء امـــــــــــدرمان زمان Author: willeim andrea Date: 09-29-2008, 02:23 PM Parent: #1
قبل الارشفه... حبيت اقول كل عام وكل حيشانا واهلين الطيبين في المليون ميل مربع بالف خير....
Post: #129 Title: Re: احواش وميادين واحياء امـــــــــــدرمان زمان Author: willeim andrea Date: 09-30-2008, 03:10 AM Parent: #1
.
Post: #130 Title: Re: احواش وميادين واحياء امـــــــــــدرمان زمان Author: willeim andrea Date: 10-01-2008, 12:55 PM Parent: #1
Quote: عد ماشربت كباية الشاي بالنعناع جيتك بااهلي الحنان الرباطاب ونبداء ليك بحيهم حي الرباطاب اهلي الحنان اصحاب الطرائف والرد السريع ما المساخة كما يدعي البعض الذي اسس قبل قيام الثورة المهدية عندما رحل مجموعة من الرباطاب مع شيخهم دفع الله الغرقان واسسوا الحي بالقرب من سكن الشيخ دفع الله وارتبط الحي بفريق الهلال والذي اشترك الكثيريين منهم في تاسسيه ولعبوا فيه ومن اهم الشخصيات التي سكنت هذا الحي اسرة العم مدني ابشر وابنه مصطفي وسكن محمود ود الداية وعبد الحافظ عثمان رحمه واشقائه الكبار اسماعيل وابراهيم والهلالابي الكبير احمد عثمان الرباطابي وشقيقه علي عثمان الرباطابي والذي اطلق اسم الشارع باسمه لوجود دكانه في ذلك الشارع وابنه الفريق مهدي علي عثمان واشقائه وفي نفس الشارع يقع منزل العم النفرواي عثمان احد التيمان المشهورين في سوق امدرمان ووالد الاخ حسين والصادق النفراوي واخوانهم ويقع في نفس الشارع دكان العم مصطفي محمد نور ومن بعده يقع منزل ادم خالد واخوانه وبعده طاحونة الشيخ دفع الله وطابونة احمد عمسيب وادارها من بعده ابنه اب احمد وكانت مشهورة بالرغيف الشمسي ودعابات اب احمد رحمة الله عليه ويقع شمال دكان علي عثمان منزل ودكان ميرغني خالد حمزة ويقع في جزء من حوش
------------------------------------------------------ Best Regards
Mohamed
Post: #133 Title: Re: احواش وميادين واحياء امـــــــــــدرمان زمان Author: willeim andrea Date: 10-01-2008, 11:06 PM Parent: #1
محمد الهلالابي... مرحب بيك وانت جبت شعار هلالنا العظيم في الحوش.......ولو لاحظته اول سطور في البوست كانت اول مباره للهلال في جامع الخليفه ... معزتي
Post: #134 Title: Re: احواش وميادين واحياء امـــــــــــدرمان زمان Author: willeim andrea Date: 10-29-2008, 09:46 AM Parent: #1
وبكره احلي ..........
Post: #135 Title: Re: احواش وميادين واحياء امـــــــــــدرمان زمان Author: willeim andrea Date: 11-01-2008, 10:48 PM Parent: #1
فوق و حنواصل
Post: #136 Title: Re: احواش وميادين واحياء امـــــــــــدرمان زمان Author: willeim andrea Date: 11-29-2008, 01:18 PM Parent: #1
قلته ارفع البوست لزوم الميادين والعيد قرب .... وكل عام وانتم بالف خير
Post: #137 Title: Re: احواش وميادين واحياء امـــــــــــدرمان زمان Author: willeim andrea Date: 12-27-2008, 08:31 PM Parent: #1
وللاحواش والميادين بقيه........وكده
Post: #138 Title: Re: احواش وميادين واحياء امـــــــــــدرمان زمان Author: willeim andrea Date: 12-27-2008, 10:07 PM Parent: #1
ما اجملك يا ميدان البحيره اليومين ديل .... صوره مختلفه تماما علي ما كان عليه زمان.... اقول اشراقه ونقله حضاريه وعقبال باقي الميادين وهي كثيره ومشوار المليون خطوه يبداء بخطوه يا ناس امدر .... محبتي
Post: #139 Title: Re: احواش وميادين واحياء امـــــــــــدرمان زمان Author: willeim andrea Date: 12-27-2008, 10:41 PM Parent: #1
Quote: في مكي ود عروس وبصات ابو رجيله والفه من السوق للثوره. في المقابل طلمة اجيب في منتهي الاناقه وحيوانها العجيب الاسطوري لا كهرباء بتقطع ولا بنزين ..... والتي اصبحت عباره عن ارض مهجوره حتي الان ؟؟؟!!!.....
......يجري العمل علي تشبد محطة بنزين جديده في نفس المكان ربما باسم غير اجب.... يا رضا
Post: #140 Title: Re: احواش وميادين واحياء امـــــــــــدرمان زمان Author: willeim andrea Date: 12-28-2008, 06:02 AM Parent: #1
.
Post: #141 Title: Re: احواش وميادين واحياء امـــــــــــدرمان زمان Author: willeim andrea Date: 12-28-2008, 09:17 AM Parent: #1
....
Post: #142 Title: Re: احواش وميادين واحياء امـــــــــــدرمان زمان Author: إيمان صالح Date: 12-28-2008, 10:54 AM Parent: #1
حوش شيخ الدين (سجن امدرمان)
Post: #143 Title: Re: احواش وميادين واحياء امـــــــــــدرمان زمان Author: willeim andrea Date: 12-28-2008, 12:56 PM Parent: #1
فاكهة البود الاخت ايمان... يا خي مالك علينا والاسم ده صحي يعني سجن امدرمان اسم حوش منو قلتي..... اكيد معروف لناس امدرمان لانو محله في حته ياخي المفروض تكون شي احسن معلم من معالم امدرمان يعني اتخيلي كده يكون برج ام مركز تجاري او مول كبير يعني كده اكبر من عفراء..... وكده اها الحوش ده لي معاه قصه .....
بتذكر وانا في سنه الصبا وكده وفي واحده من عودات نميري واثار الدبابه في حوش الخليفه واصوات الرصاص والخ اها كصبيه غبيانين قلنا نمشي نشوف الدبابه دي مشت وين بالله شوفي الجهل المصيبه ده
اها من ميدان الخليفه قمنا اتجهنا شرقا وطلعنا بالبوابه الشرقيه لميدان الخليفه بيت الخليفه جنوب وقبة المهدي شمال ومدرسة منو ياربي بتاعت البنات برضو جنوب اها ونحنا مجموعه من اولاد الحي وماشين وقدامنا زول خاتي ليهو راديو ترانسستر فوق راس والراديو شغال بصوت عالي ... اخبار وكده ... الزول ده ماشي قدامنا قال شنو انحن ماشين نشوف الاذاعه اها لما وصلنا التقاطع مابين شارع الاذاعه وسجن امدرمان علي الجزء الشمالي الشرقي عينا لعساكر السجن واقفين طابور قافلين شارع الاذاعه وبي صوت عالي نهرونا يا اولاد ارجعوا ممنوع المرور الخ وقدام بوابة السجن الخضراء في الزمن داك ضابط قاعد ليهو في كرسي خيزران وتحته راديو بيسمع في الاخبار ...... اها الزول ابو راديو في راسه ده ما اهتم لعساكر السجون وقال بصوت عالي نحن بيوتنا في المنطقه دي...... وطبعا ونحنا مجموعة الصبيا وراء الراجل ابو راديو...... يا زوله كدي كم خطوه كده يمكن يكونوا عشره وتسمعي الذخيره الحيه مضروبه فين من حراس الاذاعه وصدقيني حسينا بيها زي النار في رجولنا وعينك ما تشوف الا النور قلبنا الاتجاه للاتجاه المعاكس وزي الريح ما وقفنا الا جوه بيوتنا اها ناس السجن بي كرسيهم الخيزران دخلوا جوه الحوش وقفلوا بابهم كمان اما الزول ابو راديو محل طار لحد هسي ما قادر اعرف ...... قلتي لي حوش ...... منو ..... الله بينا وبينو من الخلعه ديك بقيت بالغلط ما بجي بشارعه عمل لي نفسيات ومحتير في الزول ابو راديو ومحل مشي ...................
اذكر في سوق الشجره حوش كبير يفتح في شارعين وبه الكثير من البيوت في داخله وعلي ما اظن معظم ناسه من ناس العيلفون .... ناس وني وناس التلب وياربي منو تاني .... لا اذكر الفتره طالة ولازالت صورة باب السنط الكبير مطبوع في الذاكره.
Post: #145 Title: Re: احواش وميادين واحياء امـــــــــــدرمان زمان Author: شمس الدين ساتى Date: 01-01-2009, 06:19 AM Parent: #1
سلام يا وليم
ما ياكا بتاع الباسكت في الزمن الجميل والفنان
أم تشابهت الأسماء...
طيب وروني الحي الكان ساكنة فيه مدينة أو بدور
لا أذكر الإسم ولكن أذكر القصة التي رواها صديقنا ووالدنا
ورئيس قسمنا بالبنك التجاري السوداني الحاج أبو صالح
كانت هناك حفلة بحي القلعة (زواج) وكان المغني كرومة
والشيالين طبعا سرور وصالح عبد السيد وبقية الشلة
وكانت بدور هذه ذات جسد بديع..كان في ذاك الزمان
النسوة يجلسن بطريقة معكوسة أي يعطين ظهورهن للرجال
حتي التي ترقص تأتي للفنان وظهرها للخلف حتي إذا وصلته
وأخذت شبالا فقط يري الجمهور وجهها.
قامت بدور وإدي صديقاتها للرقص وكانت الأنوار بالرتاين
وصالح عبد السيد(أبوصلاح) نور الرتينة في وجهه يمنعهة الرؤية
بوضوح فكان يكشر وجهه حتي يري الراقصات بوضوح.. أتت بدور
راقصة مع صديقتها وصالح يبحلق فيها وعند الشبال نظرت إليه
ورأته بشكله العجيب فقالت لرفيقتها عايني صالح عيونو مبجنات
كيفن فسمعا وغضب..وعند الفاصل كان قد ألف رائعته
العيون النور كان بجهرا غير جمالكن مين السهرا
يابدور القلعة وجوهرا
هل هذه الرواية صحيحة
Post: #147 Title: Re: احواش وميادين واحياء امـــــــــــدرمان زمان Author: willeim andrea Date: 01-07-2009, 08:43 PM Parent: #145
الحبيب شمس الدين.... شكرا علي المرور والاضافه .... احترامي وتقديري
خلوة...................الشيخ محمد زين الفكى إبراهيم....
الزاوية الغربية الجنوبية..لميدان الربيع.......................
مازالت قائمة على اركانها.........رحم الله خالى الشيخ محمد زين الفكى إبراهيم..
إسماعيل محمد احمد عباس.......
Post: #153 Title: Re: احواش وميادين واحياء امـــــــــــدرمان زمان Author: willeim andrea Date: 02-05-2009, 09:42 PM Parent: #152
الحبيب.... الانيق اسماعيل عباس ..... شكرا علي المرور والمشاركه ..... امدرمان .... عزيزه علينا جمعيا ...... معزتي
Post: #154 Title: Re: احواش وميادين واحياء امـــــــــــدرمان زمان Author: Huda AbdelMoniem Date: 02-09-2009, 00:36 AM Parent: #153
وليم عليك اللة انت منوا
الزول البتذكر عمى محجوب بتاع بص راهبات امدرمان و منيرة و سيدة انت زول قريب و ما ساهل بان و ليك الامان
Post: #157 Title: Re: احواش وميادين واحياء امـــــــــــدرمان زمان Author: willeim andrea Date: 02-09-2009, 09:37 PM Parent: #154
Quote: عمى محجوب بتاع بص راهبات امدرمان
يا سلام..... شخصيه ظريفه لدرجه......مابين صديق للاطفال وحنان ابوي وحزم مع الاطفال المشاغبين ... زمن بعيد وذكريات طفوله طشاش وربنا يتولي الجميع اينما كانو بعطفه ورحمته ...... ولي عوده لباقي الاسئله .... لكي مني كل الاحترام والتقدير
Post: #158 Title: Re: احواش وميادين واحياء امـــــــــــدرمان زمان Author: willeim andrea Date: 03-31-2009, 08:30 PM Parent: #1
بدري علي البوست ده من الارشفه
Post: #159 Title: Re: احواش وميادين واحياء امـــــــــــدرمان زمان Author: فيصل محمد خليل Date: 03-31-2009, 08:40 PM Parent: #158
يا وليم
صاحبي علي فوراوي ابن الصحفي القدير
في طرفكم
فتش عليه وابقى عليه عشرة
Post: #160 Title: Re: احواش وميادين واحياء امـــــــــــدرمان زمان Author: willeim andrea Date: 04-01-2009, 09:21 AM Parent: #159
Quote: علي فوراوي
الحبيب فيصل ازيك يارجل عديل كده ليك وحشه.... انشاء الله روقه ......قلته لي علي فوراوي..... وفي طرفنا كمان...... كدي وضح وانشاء الله في الخاص.... وانشاء الله في حسن الظن....... بحور اشواق ومعزه من وسط حوشنا الامدرماني الحنين
Post: #161 Title: Re: احواش وميادين واحياء امـــــــــــدرمان زمان Author: willeim andrea Date: 04-01-2009, 05:51 PM Parent: #160
وصلتني الرساله الاتيه علي البريد من الاخ عادل مجمد
الأخ وليم
دا نسيت أهم الأحياء في امدرمان العريقة وهو حي البوستة بامدرمان والذي ينقسم إلى حي البوستة جنوب وشمال وتصحيح للمعلومة فأن اول هلال مريخ أقيمت بسوق القش بامدرمان والذي تحتله سوداتل حاليا وهو يقع جنوب المدرسة النموذجية
ويحد الحي من ناحية الغرب حي العرضة شمال ومن الجنوب حي العباسية ومن الشرق حلة تقلي ومن الشمال حي العرب وهو حي ذو موقع استراتيجي ومن أهم معالم الحي هي خلوة الكتيابي وضريح الشيخ دفع الله الغرقان ويوجد احد القبور ويطلق عليه (قبر الشيخ ابوكساوي) ويضم مدراس عريقة مثل مدرسة امدرمان النموذجية ومدرسة النصر والتي تم دمجها مع مدرسة البرير لتصبح مدارس البرير وكذلك مستشفى التجاني الماحي واستديو العائلات واستديو مصطفى ومحل حلويات شوشة وكذلك دكان العم حسن الكنزي رحمه الله والذي يعتبر من أشهر الدكاكين في أمدرمان وكان يفتح ليلا من العاشرة مساء وحتى السادسة صباحا وكذلك أشهر محل لبيع الفول وهو فوال العم صالح
ويضم الحي عوائل عريقة جدا مثل عائلة البدري و بدرالدين حسني ومنصور والظافر والكتيابي والهبابيش وكلشوب والغنادير وال زروق وال أزرق والشاعر محمد يوسف موسي (والذي كان شيخ حارة للحي في الثمانينات الميلادية) فهذه معلومة بسيطة عن هذا الحي العريق لتضيفها لبوستك الللذيذ
عادل محمد
Post: #162 Title: Re: احواش وميادين واحياء امـــــــــــدرمان زمان Author: willeim andrea Date: 04-01-2009, 09:23 PM Parent: #161
Quote: عد ماشربت كباية الشاي بالنعناع جيتك بااهلي الحنان الرباطاب ونبداء ليك بحيهم حي الرباطاب اهلي الحنان اصحاب الطرائف والرد السريع ما المساخة كما يدعي البعض الذي اسس قبل قيام الثورة المهدية عندما رحل مجموعة من الرباطاب مع شيخهم دفع الله الغرقان واسسوا الحي بالقرب من سكن الشيخ دفع الله وارتبط الحي بفريق الهلال والذي اشترك الكثيريين منهم في تاسسيه ولعبوا فيه ومن اهم الشخصيات التي سكنت هذا الحي اسرة العم مدني ابشر وابنه مصطفي وسكن محمود ود الداية وعبد الحافظ عثمان رحمه واشقائه الكبار اسماعيل وابراهيم والهلالابي الكبير احمد عثمان الرباطابي وشقيقه علي عثمان الرباطابي والذي اطلق اسم الشارع باسمه لوجود دكانه في ذلك الشارع وابنه الفريق مهدي علي عثمان واشقائه وفي نفس الشارع يقع منزل العم النفرواي عثمان احد التيمان المشهورين في سوق امدرمان ووالد الاخ حسين والصادق النفراوي واخوانهم ويقع في نفس الشارع دكان العم مصطفي محمد نور ومن بعده يقع منزل ادم خالد واخوانه وبعده طاحونة الشيخ دفع الله وطابونة احمد عمسيب وادارها من بعده ابنه اب احمد وكانت مشهورة بالرغيف الشمسي ودعابات اب احمد رحمة الله عليه ويقع شمال دكان علي عثمان منزل ودكان ميرغني خالد حمزة ويقع في جزء من حوش
Post: #163 Title: Re: احواش وميادين واحياء امـــــــــــدرمان زمان Author: willeim andrea Date: 04-02-2009, 03:35 PM Parent: #162
