شندي يا ناس شندي 2005

تواصلا لتوثيق مدينة شندي

نفتح بوستا اخرا


مع البوست القديم



شــندي ياناس شـندي

كل عام والجميع بالف خير


نتمنى ان يكون العام الجديد عام خير على السودان عموما

وعلى شندي خصوصا

عام تقدم وهنا

الصفحه الاولى شــندي ياناس شـندي


الصفحه الثانية
شــندي ياناس شـندي

البوست مجهزو لاود المدفع

جاي بعد شوية

ود بابكر سلام جاك والله يا اخى انت دائما سابقنا باهتمامك العنيف بشندى والحمد الله والواحد نال العضويه وبعد كده جاك منافس

بمناسبة السلام القادم وتوحد السودانين
وبالرجوع لموضوع الاقباط بشندى

شندى من اول المدن السودانية التى طيقت السلام وعاش اهلها مع الاقباط في امن وامان .
خلونا نقول انشاء الله في عام 2005 نشوف في شندى :
- مركز تجارى
- مستشفى بمواصفات عاليه
- مدرسة خاصة متخصصة بتقنيات الحاسب الآلى
- سوق مخطط بطريقة عمرانية راقيه
- شوارع داخليه نظيفه
- تحويل خط السكة حديد من نص البلد الى خارج البلد في اتجاه شارع الخرطوم عطبره .
- تكون الكهرباء وصلت من الجيلى
- تطوير الانشطة الرياضية والاندية

تسلم يا ود المدفع


تسلم شندي الجابتك يا ود العمده

ود عقاب
ود الحاج
عادل الحاج
بامسيكا
اولاد شندى

كل سنه وانتم طيبين وينكم لا حس لا خبر .. يعنى بعد ما الواحد حصل على العضويه قمتو زايغين .. اصحو شويه علشان نشوف سندى مع اشراقات عام جديد وسلام

حران
من الشخصيات الدرويشه بشندى في عهد السبيعينات رجل ذو بشرة داكنه دائما ما يلبس قفطان ابيض مخطط بالاسود نظيف وعمامه بيضاء ، كثير الصمت وشديد الخوف من القطط , حيث كانت هذه نقطة الضعف التى تقابل بالسخريه من الذين يحبون متداعبتة , يقال أن له سر خفى مرتبط الجن والجان واتذكر جيدا ملامح وجه هذا الرجل التى فعلا كانت تقارب ملامح القط .. وقد منح احد النياشين من احد زعماء الدول العربية المجاورة في تلك الفترة .. كما ارتبط شخصة بالختمية .

لعبة التنس الارضى بالقيادة الشمالية شندى

اتذكر انها كانت من اللعبات التى كانت كثيرة الاهتمام من قبل الضباط وبعض ابناء شندى ومن ضمنهم السر كوريا .. حيث كان لها ملعب رسمى داخل القيادة .
شندى راعية امن وسلام منذ زمن بعيد
شندى بلد حب والفة
شندى حاضنه للغريب
شندى لاتنسى ولا تنسى

سلام
و كل عام و كل ابناء و مواطني شندي بخير
و قبل كل شئ أود أن أتأكد من ( ود المدفع ) هل هو شقيق أسامة، أتمنى ذلك و لي له أسئلة كثيرة عن دفعتي أسامة أيام شندي الثانوية.
كما أتمنى أن أتحصل على عنوان أحمد عثمان عمر .
و لكم و لجميع ناس شندي و من له علاقة قريبة أو بعيدة بشندي أجمل تحية
و إلى لقاء

والله يانا سشندى اطورتو ربنا يديكم العافيه ويوديكم لى قدام ولا شنو ياعبد الله تشيل وتشنف فينا لكن بقينا احسن منكم يالجعليين وشكرناكم وكل سنه وانتم لى قدام وسايبين الشوايقه فى حالم الكلام ده لى عبد الله

عزيزي عادل فضل الله....
الكلمات تعجز عن الترحيب بك في البورد.... مليون مرحب وحباب ود المدفع...
اعزائي.....لكم الود جميعاً وكل عام وانتم بألف خير.
بجيكم راجع،

ع ع

Quote: وانتم لى قدام وسايبين الشوايقه فى حالم الكلام ده لى عبد الله

الاخت العزيزة نجووووووووود

شكرا لدخولك ارض الجعليين

وبعدين الشايقية مكملين للجعليين

شكرا لمرورك

الأخ العزيز عوض الله .. حبابك والف تحيه
صحيح انا عندى أخ اسمه اسامه ولكن درس في عبد الله الحسن الثانويه

الأخ الفاضل / أحمد حاج عمر في السودان _ السوق العربى _ وممكن اتحصل على رقم هاتفه في اسرع فرصه ممكنه.
وخلينا نوثق عن شندى الحبيبه

الأخت نجود حبابك عشرة

واحد جعلى راح لأحد الشيوخ المتعمقين في الدين وقال ليهو : تحين يا شيخنا في الدنيا دى في احسن مننا نحن الجعليين فرد الشيخ وقال : يا ابنى إن أكرمكم عند الله اتقاكم فرد الجعلى : والله صدقت يا الشيخ اتقى مننا مافى .

اهلن بيك في دارك شنــــــــــــــــــــــــــــــــــــــــــــــــــــــدى

فووووووووووووووووووووق

شــندي ياناس شـندي

الاخ عبدالله بابكر

كل الشنداوين بالبورد و خارجه


التحايا ليكم و السلام
و كل عام و انتم و نحن و شندى و السودان بألف خير

و اتمنى ان يكون هذا البوست المتواصل فرصة طيبة لمناقشة مشاكل و معوقات الحياة بهذه المدينة العريقة و الأهم من ذلك ما يمكن ان يساهم به بنوها المنتشرون فى كل الأرجاء من اجل رفعتها و نهضتها .


و التحايا للجميع

الاخ KOSTA
اقتراح مقبول

الأخ / ود المدفع
لك التحاياولبقية الأسرة
و أقصد معرفتي به أيام كنا نحن بشندي الثانوية ( آسف لهذا اللبس )و أتمنى أن يكون المعنى قد وصل.



أؤيد إقتراح الأخ كوستا
و أرى خير من يفيدكم في ذلك الأخ / عادل علي
أتمنى أن يفتتح النقاش
و دمتم

الأخ عوض الله لقد اخبرت الاخ اسامه فضل الله بشخصك .. ممكن مزيدا من المعرفة بشخصك
ولك كل الود والتقدير

الإقتراح جميل
وممكن أول ما نبدأ به إعادة تخطيط سوق شندى وخاصة منطقة ميدان المولد القديم .
تحويل مسار خط السكة حديد من منتصف البلد الى خارج البلد .

الأخ/ ود المدفع ستجد تفاصيل بالماسنجر

شندى تعتبر من المدن السياحية بالسودان لاحتضانها مناطق الآثار ( النقعة – المصورات والبجراوية ) وجاذبة لاعداد من السياح الأجانب .. فلماذا لا نهتم بهذا الجانب ونتفهم طبيعة ومتطلبات السائح ألاجني :

مثالا لذلك الاهتمام بجزء لو يسير من ضفاف نهر النيل العظيم المحاذية على المدينة حيث يمكن عمل دعنا لا نقول كورنيش ولكن ربما شيء مشابه لذلك ( شوية حاجز اسمنتى _ سياج _ شوية لمبات _ شوية مقاعد ) .

إنشاء سوق شعبي خاص بأهل الحرف اليدوية .

تحويل خط السكة حديد الداخل منتصف المدينة إلي الجهة الشرقية ما بعد طريق الخرطوم _ عطبرة وتحويل الشارع القادم من شارع الخرطوم شندى إلي موقع خط السكة حديد وزراعة جانبيه بأشجار النخيل أو النيم حتى من الفه ولغاية الشقالوا والمسيكتاب

°ˆ~*¤®§( بسم الله الرحمن الرحيم )§®¤*~ˆ°






الأخوة والأخوات ناس شندي أجمل تحية وهذه دعوة لكم لزيارة موقع مدينة ود حامد
http://wadhamid.4t.com/
ونتمنى لكم وقتا سعيدا وانتم تتجولون بين أبوابها وشعابها لتعرفوا مدى العطاء الإنساني لبلده وكيف تسود العشرة بين الجعليين والشايقيين والأجناس الأخرى كل همهم بناء هذا الصرح العظيم

مديــــــــنة ودحـــــــــامد

ودحامد: لمحة تاريخية
نظرة للتركيبة السكانية – التحولات

إذا نظرنا للتركيبة السكانية لودحامد قبل خمسين عاما وقارناها بحاضرنا لاصبنا الذهول ، ليس فقط للزيادة المضطردة وانما دخول عناصر سكانية جديدة على الخارطة الديموغرافية لم تكن موجودة نتيجة لعوامل عديدة سنقوم بمناقشتها .

كما هو معلوم فان العنصر الغالب في المنطقة بأكملها ينتمي للجعليين والشايقية وبعض العناصر الاخرى وتتكون ودحامد بمعناها الواسع من قرى الحواويت ، الشيخ العباس ، ودحامد ، الجزر النيلية في نقزو وامجركي ، القلعات وود الحبشي .وسنتحدث هنا عن ودحامد القريشاب في قرى ودحامد والجزر والقلعات وستتم معالجة قرى الشيخ العباس والحواويت كل على حده لاحقا لحين اكتمال المادة الخاصة بكل قرية .

وفي ودحامد فرع من فروع قبيلة الجعليين وهو " القريشاب " . وهم سكان القرى التي تكون ودحامد بمعناها الواسع لتضم جزر نقزو وامجركي وقرى القلعات وودالحبشي بالاضافة لودحامد الام . وقد وجد القريشاب تاريخيا في منطقة ودحامد منذ فترة طويلة ربما بضع مئات من السنين وغير مدون بالضبط متى قدموا لودحامد والراجح انهم كغيرهم من فروع الجعليين قد قدموا من مركز القبيلة في فترة مبكرة بحثا عن مأوى اوسع .

استقر القريشاب في قرى صغيرة في بادئ الأمر متاخمة تماما للنيل – السواقي و الدريرة وودالحبشي بالإضافة للجزر التي ذكرناها – حيث كان مركزهم في الدريرة وهي أراضى زراعية على النيل قرب ود الحبشي مازالت تحمل نفس الاسم وقرية ودالحبشي القديمة التي كانت المركز السياسي والاقتصادي لكونها السوق الريفي الوحيد ومقر الإدارة الأهلية ( النظارة ) في ذلك الزمن البعيد . وكانت بعض البيوتات تسكن في أراضيها الزراعية . لكن لعدة أسباب لعل من أهمها الفيضان الموسوم في عام 1946م الذي اجبر السكان على النيل للنزوح إلى الأراضي المرتفعة الواقعة غرب الاراضي الزراعية ( الكرو ) وكان آن قامت القرى المعروفة في وودحامد والقلعات بينما ظلت الجزر في نقزو وامجركي وودالحبشي القديمة كما هي تحارب الفيضانات عاما بعد عام آلي بداية الثمانينات حيث نزح معظم سكان ودالحبشي القديمة ( التحت ) آلي ودالحبشي الجديدة ( الفوق ) .

وكما ذكرنا فإن القريشاب هم السكان الاصليين لودحامد وقراها وعددهم ربما يربو عن بضعة آلاف ولا توجد إحصائية موثوقة يمكن الاستناد عليها وقد ثبت آن هنالك بيوت باكملها قد هاجرت آلي الجزيرة والصعيد في اواخر القرن التاسع عشر نسبة للظروف السياسية السيئة في أواخر عهد المهدية والتي عرفت بسنة الكسرة أو كسرة محمود( بفتح الكاف وتسكين السين ) إشارة إلي انكسار جيوش محمود ود احمد في عطبرة وانسحابهم جنوبا نحو امدرمان والتي تزامنت مع مجاعة عام 1306هـ الشهيرة .

لكن رغم ما تقدم ذكره فان هناك عدة تحولات ديموغرافية حدثت في النصف الثاني من القرن المنصرم أدت آلي إضافة بعض العناصر السكانية الجديدة أو الوافدة سواء كان بصفة دائمة أو مؤقتة وسنقوم بإيجازها كل على حدة .



1- الهجرات البدوية :-

في منتصف القرن الماضي بدأت تظهر بعض الظواهر الجغرافية متمثلة في موجات الجفاف المتتالية التي ضربت أجزاء واسعة من بوادي السودان الشمالي مما اثر سلبا على حياة البدو الذين كانوا يعيشون في البادية واجبروا في فترات من العام للنزوح شرقا باتجاه النيل بقطعانهم والتي فقدوا منها أجزاء كبيرة بالطبع ولم يكن لهم أي اتصال مباشر ومتواصل مع القرى النيلية إلا نادرا . واثر بعضهم الاستقرار في فترات الجفاف على النيل للعمل في الزراعة والرعي كأجراء بينما كان بعضهم ممن فقدوا قطعانهم أيضا يأخذون قطعان من أهل النيل آلي البادية في فترات الخريف مقابل اجر مادي . وشيئا فشيئا استمرأ بعضهم حياة النيل وألفوها واجبر البعض الآخر للاستقرار والعمل في مهن مختلفة بالأجر اليومي أو أي مقابل مادي آخر وسكنوا في حزام من القرى الصغيرة المتناثرة غرب ودحامد وقراها وغالبيتهم من قبيلة الهواوير مع وجود جيوب صغيرة من القريات والحسانية . لكن نتيجة للزحف العمراني المضطرد في العقود الأخيرة أصبحت قراهم متاخمة تماما لقرى ودحامد وربما داخلها في بعض الاحيان وازدادت أعدادهم مع إقبالهم الكبير على حياة الاستقرار وانتشار القيم الحضرية بينهم فاصبحوا يرتادون المدارس ويعملون بالتجارة بصورة واضحة وانقطعت صلة الكثيرين منهم بحياة البداوة تماما واصبحوا عنصرا أساسيا من سكان ودحامد .

2- الهجرات الموسمية والمؤقتة :

تندرج تحتها طائفتين وهما العمال الموسميين وموظفي الدوائر الحكومية .

في حالة العمال الموسميين ونقصد بهم العناصر الوافدة من غرب وجنوب السودان للعمل في الزراعة و قطاع البناء والتجارة . ولعل قدوم العمال الموسميين ارتبط أيضا بالكوارث الطبيعية في بوادي غرب السودان كما ارتبط أيضا بالتحولات الاقتصادية والاجتماعية التي شهدتها ودحامد في العقود الأخيرة . وقد أدى تغيير أنماط الإنتاج الزراعي واتجاه المزارعين آلي زراعة المحاصيل النقدية بدلا عن المحاصيل التقليدية القديمة آلي الحاجة الملحة آلي وجود عمالة موسمية كثيفة وماهرة كما آن انتشار التعليم والمدنية قد القى بظلاله ايضا على عزوف شريحة عريضة من فئة الشباب على العمل مع ذويهم في المزارع بينما كانوا في السابق يشكلون نسبة كبيرة جدا من العمالة أي آن هنالك عملية إحلال للعمالة التقليدية قد تمت بطريقة كثيفة . وهذه العمالة تكاد تكون موجودة اغلب أجزاء السنة كما آن هنالك أيضا عمال قطاع البناء وهم غالبا من وافدي جنوب السودان الذين جذبتهم المنطقة نسبة للنزعة الواضحة آلي بناء المنازل والمصالح الحكومية بالطريقة الحديثة وهؤلاء ايضا موجودين اغلب فترات السنة او بصورة دائمة ولعل ما يميزهم أيضا وجودهم داخل الأحياء في منازل مستأجرة أو غير مأهولة .

الطائفة الثانية هي طائفة موظفي الحكومة وغني عن القول آن التحولات السريعة التي شهدتها المنطقة على كافة الأصعدة قد نبهت مسئولي الدولة بأن هنالك مدينة ريفية تنمو وتتطور بصورة صاروخية وغير مسبوقة ومؤثرة جدا في كافة المجالات وخاصة السياسية فكان آن تم تزويدها بكل الخدمات والمرافق الحكومية الموجودة في العاصمة نفسها وقد أدى هذا آلي نشؤ عنصر جديد كان في السابق قاصرا على معلمي المدارس الابتدائية واصبح اليوم يضم عشرات الموظفين في المدارس بمختلف مراحلها والمحاكم والشرطة والمصالح الأخرى مثل البنك والاتصالات والخدمات الصحية والبيطرية والزراعية وكل هذا آلي تعاظم وجود هذه الشريحة بصورة دائمة على مسرح الحياة في ودحامد وخلق عنصرا سكانيا جديدا لم يكن موجودا من قبل .

ويجدر بنا القول ختاما آن كل هذه التحولات التي أدت التي تغيير واضح في التركيبة السكانية والتي بالضرورة قد أفضت آلي الاسراع بإقصاء الشكل الريفي القديم وقيام مدينة صغيرة فيها كل ما يميز المدن وقرية كبيرة تمارس فيها كل الطقوس الريفية في الحياة اليومية ولعل هذا من أهم ما يميز وحامد ، وليس من السهل التكهن بما سيحدث في ودحامد في الأعوام المقبلة لكن نرفع أيادينا وأصواتنا آن يتم احتواء كل السلبيات التي قد تصاحب عملية التطور والتقدم مع ضرورة الاهتمام بالتخطيط العمراني السليم والذي هو أساس كل بيئة اجتماعية سليمة ومتحضرة .


عبدالله ادريس محمد
جدة / المملكة العربية السعودية



منقول

ولكم جزيل الشكر أخوكم فرانكلي



أتق الله حيث ما كنت واتبع السيئة الحسنة تمحها وخالق الناس بخلق حسن

الاخ فرانكي


شكرا ليك لمعلوماتك المنقوله من الاخ عبدالله ادريس محمد

أعزائي.... لكم التحايا جميعاً...
أولاً.... استميحكم عذراً في الإنقطاع المتكرر... والود ودي لو أسكن سُكنة في هذا البوست لأن ما يمكن ان يكتب ويقال ويُقترح ويُوثّق ويُحكي عن شندي لا يزال كثيراً جداً، إلا أن المعايش جبّارة والوقت لا يسعف ولا نزال في أنتظار قرار بزيادة ساعات اليوم إلى أكثر من 24 ساعة.
ود المدفع..... عليك الله ما تزهج منّنا وتقول الناس ديل كسلانين.... والله لولا ضيق الوقت واللهث المستمر وراء المعايش لما سمحنا لهذا البوست أن يصل حتى إلى اسفل الصفحة الأولى.
عزيزي.... لعلك تدرك تماماً أن ثمة تشوهات في التخطيط العمراني لحقت ببعض أجزاء المدينة وعلى وجه التحديد التخطيط المتسرع الأقرب الى العشوائي خلال فترة ما بعد إنقلاب تنظيم الجبهة أواخر يونيو عام 1989 خصوصاً تقسيم ساحات المدينة وميادينها القديمة (ساحة المولد القديمة {الجندي المجهول} والميادين الفاصلة بين الجانب الشمالي من مربع 11 وبيوت الري على الطرف الجنوبي من مربع 16 {موقف البصات الجديد} بالإضافة الى المساحات الكائنة أمام امتداد المستشفى الشرقي {مدرسة الإستقلال القديمة})، فضلاً عن مساحات أخرى في مواقع متفرقة في السوق الكبير. تقسيم هذه المساحات إلى متاجر وأكشاك، وحتى طبالي، لم تراع فيه أدنى اسس وقواعد التخطيط العمراني للمدن، قديماً كان أم حديثاً. إذ أن المتجول في هذه الأماكن الآن يلحظ بوضوح أن الهم الأول والأخير للجهات التي قامت بتقسيمها في غفلة من الزمن وفي ظل سلطات محلية ومركزية فاسدة ومتجبرة كان تحصيل أكبر قدر ممكن من الرسوم وتوزيع أكبر عدد ممكن من المحلات، الأشبه بالجَحَرَة، التي لا يفصل بينها فاصل. النتيجة الطبيعية هي هذا التخطيط الشائه المتعجل الذي طمس الكثير من معالم المدينة ولم يترك مساحة حتى للتنفس في المناطق التي تم تقسيمها متاجر وأكشاك بمختلف الأحجام. (لي عودة ووقفة طويلة في مسألة مافيا الجبهة السياسية والاقتصادية وممارساتها في شندي منذ إنقلاب الجبهة في 30 يونيو 1989)
عزيزي ود المدفع.... أردت قبل الدخول في مناقشة النقاط التي اقترحتها تسليط الضوء على عشوائية وفوضى التخطيط الذي حدث خلال الـ14 عاماً الماضية. فقط أود أن أقول لك أن من أهم الأشياء التي يجب أن تراعى في تخطيط المدن المحافظة على معالمها القديمة وتطويرها بدلاً طمسها والقضاء عليها تماماً مثلما فعل ....ترى، ألا تعتقد أن الارتقاء بالتخطيط العمراني الحديث للمدينة يجب أن يراعي في الأساس الإبقاء على معالمها التاريخية العريقة مثل محطة السكة حديد، التي جرى تشييدها قبل ما يزيد على قرن تقريباً، وتطويرها وتوسعتها مع المحافظة على طرازها المعماري القديم بدلاً عن نقلها الى موقع آخر؟
لي عودة،
لكم ودي جميعاً،

ع ع

الاخ عادل علي
تحية طيبة
لقد افقدتنا حياة المنافي الكثير من الذاكرة
وافقدتنا الاتصال بالعديد من الاحباء والاصدقاء
الرجاء مراسلتي علي هذا العنوان مع ودي ومحبتي
yahya_193@hotmil .com
ودجبور
لانني اود ان اعرف كيف اكتشفت هذا الاسم الحركي الذي لا يعرفه الا القليلون
يحيي

؟

فوق



فوق يا شندى فوق


لحدى ما أروق ليكم

القرادابى

سلام للجميع..... ومرحباً بالقردابي

مال نسيم الليل بى بــرودك
نامت الأزهار فوق خـدودك
غرد العصفور فوق عـودك
النفوس ما اتعـدت حـدودك
ما عرفنا عدوك مـن ودودك
بس انا المقسوم لى صـدودك
يا حـياتى وأمـلى اللي راح

هذه الأبيات من أغنية عثمان الشفيع "في الضواحي وطرف المداين" كان يرددها باستمرار حسين كريستاني دون لحن، رافعاً سبابته عندما يصل الى "بس أنا المقسوم..... " حتى نهايةالمقطع. كان حسين يردد هذه الأبيات على وجه التحديد دون سائر بقية مقاطع الأغنية... وربما لا يزال حتى الآن، إلا أن لغز إعجاب حسين كريستاني بهذا المقطع بالذات ربما لم يعرف حتى الآن. وعندما كان يُسأل عن السبب في ذلك يرد على السائل بترديد المقطع كله بدروشته المعهودة مرة أخرى بطريقة لا تخلو من الإصرار على تفادي الإجابة على السؤال.
للذين لا يعرفون حسين كريستاني.... الرجل من ظرفاء المدينة، وكان يعمل سائقاً حتى السنوات الأولى من سبعينات القرن الماضي، وهي الفترة التي مال خلالها الى التصوف وانتمى الى الطريقة البرهانية. إلا ان قوة الجذب الروحي عند الإنشاد والمديح والذكر لدى حسين كريستاني، الذي كان معروفاً بأنه شخص ودود ورقيق وصاحب حس مرهف، كانت سبباً في دروشته وهو في بداية مشواره الصوفي.
لم يعد كريستاني بعد ذلك يأبه كثيراً بملبسه أو هيئته بصورة عامة، يأتي الى السوق صباحاً ويجوبه شمالاً وجنوباً.... شرقاً وغرباً وهو يحمل بقجة صغيرة خلف ظهره معلقة على عصا حتى احدودب ظهره، كما يظهر أحيانا بدون هذه البقجة واضعاً العصا فوق كتفيه ومدلياً ذراعية أمامها. يعرف كريستاني معظم أصحاب المتاجر بالسوق الكبير وهناك مجالس ومقاه يجد من روادها ترحيباً خاصا. فعندما يدخل السوق يجلس أولاً في قهوة التيمان (عندما كانت في الزاوية المقابلة لمرطبات الشعب) قبل ان ينتقل إلى قهوة بابو وربما يقوم بجولة قصيرة في موقف بصات الخرطوم (قبل انتقاله وتقسيم مساحته الى متاجر وأكشاك) قبيل موعد ازدحام المطاعم بالموظفين والعمال والطلبة ساعة الإفطار. يجوب كريستاني بعد ذلك مختلف أرجاء السوق مردداً في الكثير من الأحيان وبابتسامة عريضة أحاديثاً لا يربط بينها رابط، لكنه لا ينسى ترديد مقطع "في الضواحي وطرف المداين" من وقت إلى آخر. وإذا راق له أي من مجالس السوق المتعددة لا يتردد في أخذ قسط من الراحة ويتجاذب أطراف الحديث مع من فيه قبل مواصلة مشواره. وعادة ما ينهي كريستاني يومه حيث ابتدأ في الطرف الشرقي من السوق اما في قهوة بابو أو التيمان استعداداً للقفز على ظهر أي كارو من التي تمر بالشارع الذي يفصل بين المقهيين باتجاه الأطراف الشرقية للمدينة..... اعتاد حسين كريستاني على مدى سنوات على هذا البرنامج اليومي من بدايته صباحاً حتى ختامه في هذا الموقع على وجه التحديد قبل أن يقفل عائداً إلى بادقس حيث يسكن.
أتمنى أن يكون حسين كريستاني بصحة جيدة،
لكم ودي جميعاً،

ع ع

اولاد شندى

كيف عاملين بس ظروف الشغل نهايه سنه وبدايه سنه


بحاول ان شاء بقدر الامكان ان اكتب من شندى فى عطله العيد


واجلب معى بعض الصوره للمدينه بشكلها الحالى


وسلام خاص للود المدفع مشيت عليه ما لقيتو وعادل على

عبدالله بابكر يديك العافيه

الاخ عادل على توثيقك ينقلنى دائمالشريط سينمائى لا استطيع الخروج منه إلا بعد فترة من الزمن .. خلينا نواصل

وربما لا يزال حتى الآن،

الأخ عادل حسين الكريستانى الله يرحمه ويطيب ثراه توفى من عدة سنين .

كما اشاطرك الرأى في سوء التخطيط الذى جرى للمدينة في خلال السنين السابقة ولو ملاحظ قبل التخطيط الجديد وخاصة منطقة السوق شندى كانت قبلها اجمل وانظف واحسن تخطيطا من الآن وانظر لابسط مثال ( منطقة المولد القديم )

بخصوص محطة السكة حديد قصدت بتحويل الخط تفاديا لخطورته بوسط المدينه.
ولى عوده

ود عقاب لو سمحت صوره للبيت والحاجه معاك

ضمرة

كل سنة وانت بألف خير و مشتاقييييين

عليك الله معاك صور لبيوت الرى على شاطى النيل و كذلك صورة لبيت محمد عبدالكريم السيد حيث كانت لنا احلى الذكريات

تحياتى للجميع

الاخوان ودالمدفع وعادل على وعبدالله بابكر



واولاد شندى الغابين والحاضرين


الان اكتب من داخل مقهى النت الوحيد فى المدينه

يقع بالقرب من نادى الشاطى سابقا


ويا كوستا وين ما ظاهر من ديك وعيك

Quote: الان اكتب من داخل مقهى النت الوحيد فى المدينه يقع بالقرب من نادى الشاطى سابقا

ود عقاب سلامي لكل سبر في شندي

يوم الخميس قطر المشتر قام بيكى
بهدلتى العقول مولايا يعلم بيكى
تلفونك ضرب بزابورت أشر ليكى
يا شندى البشارة الليلة بنزلو فيكى

ربعنا الكرام التحيات لكم و أنتم تدهنون بطلاء المحبة هذه المدينة الجميلة.كما أتمنى من الأخوة أن يسلطوا الضوء على الشاعر و الفنان ود المصطفى ( ود النزيهة) و الذى كان لا يتقاضى أجرا على إحياء حفلة و يستغرب أن يكون الفنان سمينا رقبتو السيف ما يدليها كما يقول و صاحب أغنية الكنينة كلمة و لحن و غناء.

UP

عزيزي بلــة.... كل عام وانت بخير يا عزيزي. شكراً للزيارة... والشكر أجزله لتذكير رواد البوست، خصوصاً الشباب منهم، بشخصية مثل ود النزيهة... أتمنى أن تعاود الطلة.
أعزائي.... كل عام وانتم بخير... أمنياتي للجميع بوطن حر ديمقراطي معافى خال من البطش والفساد والهوس.
ود عقاب، كل سنة وأنت طيب يا حبيب... تحياتي للجميع في المدينة، التحايا لصاحب مقهى الانترنت الذي اشرت إليه- اما خالد سعيد حجازي/عمر قدرة أو عبد الناصر محمد كدوك.... تحياتي لهم جميعاً.
ما تتوصى على الصور..... ما تنسى صورة للركن الشمالي الغربي للمدرسة الشمالية للبنات حيث كان مقر علي أب دومة وكُشُك ود مرحوم. أمنياتي لك بإجازة ممتعة... ولا شك ستكون ممتعة طالما قضيت العيد في ربوع شندي. إلى ان نلقاك.... لك الود كله.
لكم ودي جميعاً،

ع ع

ناس شندي كل عام وانتم بالف خير

ود عقاب منتظرين الصور

.

كل الإخوة الحاضرين و الغائبين و على رأسهم الأخ عبدالله بابكر
كل عام و أنتم بخير و آسف لتأخير المعايدة و ذلك لظروف سفري للأمارات العربية المتحدة حيث لم أتمكن من دخول الموقع من هناك. لكم العتبى حتى ترضون
كما أشرت لكم من قبل في نهاية العام المنصرم بأن خير من يساعدكم في التوثيق الأخ عادل علي و ذلك لعلمى التام به و لما يتمتع به من قوة ذاكرة ( حفظه الله ) و حسن ترتيب و تجويد للغة الضاد0
و كذلك سعه إطلاعه ، خاصة فترة كوبر البغيضة ( لا أعادها الله ) .
و أطلب منك يا أخ عبدالله بابكر أن تستنطق الأخ عادل على ففي جعبته الكثير و الكثير .
فله التحية و التقدير
و لا يفوتني أن أترحم على حسين الكريستاني الذي كان ينطق حكما و عبرا لمن يستمع له أسكنه الله فسيح جناته.
و أرجو من الأخ ود عقاب بأن يسعفنا إذا أمكن صور من:
1- مدرسة شندي الثانوية بأنهرها الأربعة. و خاصة فصلي ( البنطون و الممتازة).
2- كشك عمنا جاد المتخصص في الفسيخ و هو الكائن في الجزء الشرقي من موقف بصات الخرطوم القديم ( الإكسبريس و البراق ).
و ماذا عن العلم الرياضى و التربوي الرجل الهادئ الخلوق عبدالمحمود ( الخواجة ).
رجاءا تحياتي للجميع و حتما سنكون على تواصل بإذن الله
دمتم

الأرابيب اولاد شندي

ودبابكر
وتحية الى وود عقاب في شندي
هذا العمل رائع ومفيد ويمكن لأبناء المدن أن يحذوا حذوه

واقتراح
يمكن العمل يتوسع ويشمل قرى شندي فهم من شندي وينتمون لها بالتاكيد .. وهناك دور سياسي لعبته شندي وانجبت قادة محفورين في الذاكرة .. ارجو ان يمنهج العمل ختى نطلع بالمفيد
وانا بحاول اقدم ليكم بعض الاشياء التي ارهنها لكم بزمني ووقت فراغي ان شاء الله
لكم التحية وعوافي عوافي

ابناء شندي
رغم انني من المسيكتاب لكن ياتي التعريف بقريتي مقترنا بشندي. لذا اتمني تغيير اسم البوست ل(شندي وضواحيها)حتى لا نحس (بالتهميش) لي في شندي ذكريات شندي الثانوية وفول جاد ونكاته الظريفة وعلى حسب علمي ان الفسيخ كان من تخصصات ابو الزيك .كما اريدان اصحح ان ود المصطفي وهو من قرية المسياب قرب الشقالوة كان فنان فقط وليس شاعر واغنية الكنينة من تاليف احد ابناء قرية العيكورة بالقرب من الحصاحيصا وهي قرية كل سكانها من الجعليين الذين فروا اثناء مجاعة سنة ستة.
وفي اخر زيارةللسودان وجدت شندي قد تحولت من مدينة الي قرية وذلك كما ذكر الاخ عادل سببه التخطيط الاهوج كما ان القرى حول شندى اصبحت مليئة بالبقالات والمجازر والافران وحتى المغالق تجدها في بعض القرى .في السابق كان اهالي القرى يشترون كل احياجاتهم من شندي المدينة وناس قرى غرب شندى كانوا اكثر قوى شرائية تنعش المدينة ولكن بسبب الهجرة وتوفر معظمامتطلبات محليا اصبح حضور هؤلاءللمدينة نادرا مما ادي الى تدهور الوضع الاقتصادي بالمدينة وهجرة معظم تجارها واهليها عنها. ويظهر ذلك حتى في اسعار الارضي السكنية فقد عرضت قطعة أرض على الظلط الداخل لسندي
للبيع بمبلغ اقل من مائة دولار في حين ان الاراضي السكنية في كل مكان في ارتفاع مضطرد.
تحياتي لكل المتداخلين

ود البشرى

حباب أبو تقى ومحمد البشرى.... وبركة الشُفناك طيب يا عوض الله...
سلامي وتحاياي للجميع،
اتفق بداية مع قاله ود البشرى وأبو تقى حول مقترح تناول البوست لشندي وضواحيها.... ذلك ان تاريخ المدينة وحاضرها يرتبطان ارتباطاً وثيقاً بالمناطق والقرى المنتشرة حولها... ويمكن القول أن لهذه الضواحي دور رئيسي في صياغة هوية هذه المدينة ماضياً وحاضراً، ولولاها لما كانت شندي التي نعرف.
ليس ثمة شك يا حليل ربوع شندي.... ولكن دعونا هذه المرة أن نخرج مؤقتاً من توثيق تاريخها الثر ونسيجها الإجتماعي الفريد ومعالمها وملامحها وشخصياتها وظرفائها الى تناول أكثر حقبها ظلاماً وقهراً. لا يختلف إثنان حول حقيقة أن أكثر حقب السودان ظلاماً وقمعاً وفساداً وعنجهية بدأ في 30 يونيو 1989 ولا يزال جاثماً على الصدور حتى هذه اللحظة، وشندي بالطبع ليست استثناء. فالقاسم المشترك بينها ومختلف بقاع الوطن هو مصادرة إنقلاب المشروع الحضاري المشؤوم لحرية الجميع وأذاقتهم مرارة التنكيل والقتل والذل والقهر والتشريد والعوز.
سلّط نظام الجبهة على مدينة شندي مجموعة أطلق يدها في "إعادة صياغة" مدينة شندي (على غِرار إعادة صياغة المجتمع السوداني) بما يتوافق مع مشروعهم الحضاري الفاشل. ففي غفلة من الزمن باتت هذه المجموعة –غالبيتها من معلمي اللغة العربية والتربية الإسلامية بمدارس شندي الثانوية- تتحكم في مصائر الجميع وبات أعضاؤها يصدرون قرارات الإحالة للصالح العام وأوامر الإعتقال وتعليمات الذل والتخويف، بل بات من المألوف مشاهدة بعضهم بعد إنقلاب 30 يونيو 1989 يمشون في خُيلاء داخل مباني جهاز الأمن، التي كانت جزءاً من مباني رئاسة شرطة شندي، في أوقات كانوا من المفترض أن يكونوا خلالها داخل الفصول يدرّسون طلابهم. هذه المجموعة من قيادات تنظيم الجبهة بمدينة شندي-بالإضافة الى بعض كوادره الوسطية- كانت هي المسؤولة عن إصدار قرارات إعتقال كثيرين وتشريد كثيرين غيرهم من الخدمة لما يسمى بالصالح العام. اما صبية الجبهة في مختلف الأحياء، فقد عملوا في ما يسمى باللجان الشعبية وكانوا يرفعون تقارير يومية لهذه القيادات تُتّخَذ بناء عليها قرارات مداهمة المنازل ليلاً بواسطة عناصر الأمن.
احتلت قيادات الجبهة هذه في وقت لاحق بعد الإنقلاب، ولا تزال، مواقع قيادية في أجهزة ومؤسسات تنفيذية في المدينة رغم انه ليس لدي أي منهم أدنى مؤهلات حتى لشغل صغار موظفين فيها. وفي خضم أجواء القهر والتنكيل والإعتقالات والتشريد التي خلقها هؤلاء وكانوا مهندسيها ضد كافة منافسي الجبهة السياسيين قبل إنقلاب 30 يونيو، باتوا بعبعاً مخيفاً، خصوصاً وان عناصر الأمن وصبية الجبهة في اللجان الشعبية بمختلف أحياء المدينة يأتمرون بالفرمانات والفتاوى والتعليمات التي يصدرها هؤلاء. مورس فساد واسع النطاق خلال السنوات التي تسلطت خلالها عناصر الجبهة هذه على مقدرات ومصائر الناس وأثرت غالبيتهم بين ليلة وضحاها.
مفارقات التاريخ وغفلة الزمن التي سلّطت نظام الجبهة "الإسلامية" على رقاب السودانيين هي ذات مفارقات التاريخ وغفلة الزمن التي سلطت أتباع الجبهة "الإسلامية" من أساتذة اللغة العربية والتربية الإسلامية بمدارس شندي الثانوية (منهم من لا يميّز بين الهمزة على السطر والهمزة على الياء، واقسم إنني أقول هذا الكلام حقيقة وليس استخفافاً) وغيرهم من أتباع الجبهة الآخرين الذين يعرف القاصي والداني من أهل المدينة "أخلاقهم وتاريخهم وفسادهم". إلا ان هؤلاء (ومنهم من أصبح صاحب متاجر وأعمال تجارية في سوق المدينة ولم يكن لديه حتى يوم 30 يونيو 1989 سوى مرتب معلم بالمرحلة الثانوية) أصبحوا أصحاب سلطة وبطش لا يتورعون في الفتك بكل من يتحدث، بل ويهمس، عن الثروة التي هبطت عليهم بين ليلة وضحاها.
لي عودة،
مع الود،

ع ع

الاخوان المتداخلين


تحياتي لكم


الاخ عادل علي


شكرا على سردك العظيم

ومعلوماتك النيرة عن شندي وتاريخاها الناصع

Quote: الاخ عادل علي شكرا على سردك العظيم ومعلوماتك النيرة عن شندي وتاريخاها الناصع

الأخ عبد الله بابكر،
عزيزي.... أولاً، كن واضحاً ومباشراً وعبّر عن الآراء التي تعتقد فيها بالفعل. أقول ذلك لأنني أعرف تماماً طبيعة آرائك ووجهات نظرك ومواقفك المؤيد بصورة عمياء لنظام الجبهة -الذي تصفه بالعَظَمة- وممارساته الإجرامية ودعواتك لله بحفظه:

Quote: الاخ الاستاذ المكاشفي الصفحات البيضاء لحكومتنا العظيمة كثيرة جدا جدا جدا جدا جدا جدا جدا جدا جدا جدا وربنا يحفظها ويحفظ بها السودان

Re: الصفحات السوداء لحكومة الإنقاذ

ثانياً، عندما كتبت مداخلتي التي رددت عليها أنت لم أطلب أي نوع من التقييم لها ولم أكتبها أصلاً لكي اُشكر عليها. ثالثاً، المعلومات لا توصف بـ"النيّرة" وإنما يتم تقييمها عادة على أساس مدى صحتها أو خطئها، فإذا عندك أدنى شك في أي من المعلومات التي اوردتها في مداخلتي يمكن أن أوضح أكثر بالمزيد من التفاصيل وإيراد الأسماء حتى تصبح المعلومات أكثر وضوحاً وجلاء. تاريخ شندي ناصع بالتأكيد، كما ذكرت أنت، ولكن هذا التاريخ الناصع شوهت بعض سنواته أدران نظام الجبهة "الإسلامية"، إلا ان الأمور عندما تعود إلى نصابها، سنزيل هذه الأدران بالتأكيد وسيُحاسب كل من أفسد واختلس واستغل السُلطة المغتصبة أصلاً وشارك أو كان سبباً في جرائم التشريد والفصل الجماعي من الخدمة والإعتقال والتعذيب.
عبد الله بابكر.... هل تعرف شخصاً يدعى الهادي النضيف؟؟ أقرّب لك المسألة أكثر.... هل تعرف "ضابط الأمن" الهادي النضيف؟ عمل المذكور، وهو كوز خريج كلية الزراعة جامعة الخرطوم منتصف الثمانينات، مسؤولاً عن الأمن بمدينة شندي. مورست في الفترة التي عمل خلالها ضابط الأمن "الزراعي" الهادي النضيف في شندي أحط أنواع التعذيب وأكثرها قسوة ضد طلاب الثانويات على وجه التحديد، فضلاً عن سائر ممارسات أمن نظام الجبهة الأخرى المألوفة ضد المواطنين.
لي عودة لهذا الموضوع.
وودت فقط يا عبد الله أن اقول لك ان التوثيق سيتناول سيرة ومسيرة مدينتنا في مختلف الحقب، حتى أكثرها ظلاماً وعتمة، أي حقبة ما بعد انقلاب 30 يونيو 1989.
مع الود،

ع ع

الأخ / عادل على
أولا: ماسنجراتي البرسلها تقول لا بتمشى لا حاجة .
ثانيا: سردك المرتب و الدقيق يفيد من يريد أن يستفيد و يفيد البلد
ثالثا: في الإنتظار
تحياتي لك و للجميع

ياناس شندي معلومات عن الحاج محمد ( البيه ) وصحيح انه يعتبر
جزء من تاريخ الجعلية ولا دى معلومة جاتنى غلط لانه حقيقة انا الراجل
دا سمعته عنه كتير وانه كان ليهو علاقات على المستويات الرسمية فى مصر
والسودان وانه كان رجل حكيم وانه كان مهاب وانه .... وانه ..الخ فحقيقة
كل السمعته عن هذا الشخص خلانى ابحث عنه وحقيقة لم أجد أى شئ يشير اليه فى أغلب
الكتب المهتمة بتاريخ الجعلية لذا راودني الشك في انها شخصية عادية لم تستحق أن يوثق لها فى الكتب المهتمة بمناطق الجعلية وخصوصا شندي والمتمة

الأخ بدرى حبابك الف ومرحب بيك

من المصادفه أن أكون بالا فخر الأبن الوحيد من ابناء منطقة شندى والمتمه الذى سمى على حاج محمد ود البيه_ فاسمى بالميلاد حاج محمد فضل الله حاج عمر ولكن هناك اسم آخر غطى على هذا الاسم .. وهناك قصه ولكن لازال اسمى حاج محمد .

وسوف اوافيك بتاريخ هذه الشخصية الفريدة عما قريب .

الاخ عادل


لا تعليق


وخلينا مع شندي وبس

ياناس شندي كدي خلو الجبهجيه وتاريخهم الأسود وتاريخهم الأبيض الأصلاً
مافي وأفتونا في موضوع الراجل دا

Quote: الاخ عادل لا تعليق وخلينا مع شندي وبس

الأخ عبد الله بابكر....وهل تراني أتحدث عن شيء في هذا البوست بخلاف شندي؟
عزيزي... أعرف انك من أتباع نظام الجبهة، وهذا شأنك، مثلما تعلم جيداً انني ضد نظام الجبهة وأتمنى فنائه اليوم قبل غد وسأبذل قصارى جهدي في فضح كل انتهاكاته وعوراته وسوآته في شندي وغيرها حتى زواله، الذي لم يعد بعيدا، ومحاسبة المجرمين من قادته وأتباعه على كل الجرائم التي اقترفوها. نحن إذاً على طرفي نقيض في توجهاتنا ومواقفنا شأننا شأن كثيرين، وبالتالي يمكن ان تورد انت اشياء اختلف معها أنا أو أن أورد أنا اشياء تختلف معها أنت وهذا أمر طبيعي. ولكن الأمر غير الطبيعي هو عدم الوضوح والمجاهرة بالرأي الحقيقي والرد بدلاً عن ذلك بتلميحات وعبارات مقتضبة تتناقض مع مواقفك المؤيدة لنظام الجبهة-مثلما ذكرت لك في المداخلة السابقة. فإذا أردت أن تفند ما اوردته في مداخلتي قبل السابقة حول الجوانب المتعلقة بالأوضاع في شندي غداة انقلاب الجبهة المشؤوم، يمكنك أن تفعل ذلك بصورة واضحة ومباشرة وتأت بما عندك من آراء وحقائق وحيثيات مخالفة لحديثي لكي تثبت عدم صحته وهذا، في الأساس، منبر نقاش.
اما إذا لم تكن لديك الرغبة في ذلك، فلا تكلف نفسك عناء الرد.
نقطة أخرى سبق أن تعرضت لها وأود أن اكررها مرة أخرى وهي أن الحديث عن شندي أو توثيق و تأريخ الأحداث والتطورات فيها عبر مختلف الحقب قديمها وحديثها يشمل فيما يشمل مختلف الجوانب خصوصاً المتعلق منها بحياة أهل المدينة، وبما اننا نتحدث عن "حياة" بشر، فلا بد نتناول مختلف الجوانب التي تؤثر على هذه الحياة بمختلف الأشكال... اقتصاد...مجتمع.... سياسة... الخ، وطالما هناك "سياسة"، فلا بد أن نعرض لأتعس الحقب السياسية وأكثرها فساداً وإرهاباً ودموية وتأثيراً مدمراً على حياة وعيش المواطن في شندي (اقصد هنا بالطبع حقبة نظام الجبهة "الإسلامية" الذي اغتصب السلطة بليل في 30 يونيو 1989) طالما السياق سياق حديث وتوثيق وتأريخ يتعلق بهذه المدينة. وبالتالي فإن التناول لن يقتصر على جوانب ويتغاضى عن أخرى أو يتناول حقب ويغض الطرف عن أخرى.
مع الود،

الأخ بدري،
تحياتي....
عزيزي ....لم أتمكن من معرفة هذه الشخصية وربما يكون الإسم غير دقيق أو غير كامل، ولكن إذا أوردت بعض المعلومات حوله، مثل الفترة التاريخية التي عاش خلالها، سيكون البحث عن معلومات عنه أكثر سهولة.
لك الود،

ع ع

Quote: أعرف انك من أتباع نظام الجبهة،

انا ليس من اتباع الجبهة

وما حدث اني اشتركت او في اي تنظيم سياسي سوداني لان كل التنظيمات السياسية في السودان بدون

فرز ليس لديها الوطنية والخوف على السودان

وكل تنظيم ينفذ اثناء حكمه مصالح شخصية

وهذه طبيعتنا نحن السودانيين اذا الواحد تم تعينه مدير لابد ان يقوم بتعين

اقربائية واصدقائه في مناصب معه




بس انا من اتباع شندي وسوداني غيووووووووور على بلدي

واحب انه السودان يكون السودان الواحد الموحد

وانا في نظري ان للحكومة صفحات بيضاء مثل ما لها صفحات سوداء

وفي النهاية الحكومة بشر والبشر بطبعهم خطاوؤن

ومن الصفحات البيضاء للحكومة في مدينتنا العظيمة شندي

شارع التحدي الجيلي شندي عطبرة وده اكبر فائدة جنتها شندي من هذه الحكومة

كل الحكومات السابقة لم تفعل لشندي اي خدمة من الخدمات الاولية

الكهرباء الطرق المواصلات المستشفيات الصحه العامة

الان شندي من ناحية الكهرباء احسن حالا

من ناحية المستشفيات يوجد فيها مستشفى المك نمر بمواصفات عالمية

من ناحية الطرق والمواصلات يمكنك ان تذهب الي الخرطوم او عطبرة في اي وقت خلال اليوم

وترجع وقت ما تكون عايز

جامعه شندي وتحديدا كلية الطب وبس

الذي ذكرته اعلاه من الصفحات البيضاء لهذه الحكومة


ولك ودي وتقديري

وانا احترم رايك وعدم توافقك مع الحكومة

وربنا يخلي لينا السودان واحد موحد

ويحفظ لينا شندي جميلة منظمه نظيفه حنينه تجمعنا كلنا

من شتات الغربة

ولك مني كل الاحترام والتقدير يا اخ عادل

Abdalla Babikir you Said:
انا ليس من اتباع الجبهة
also you said:
وانا في نظري ان للحكومة صفحات بيضاء مثل ما لها صفحات سوداء

وفي النهاية الحكومة بشر والبشر بطبعهم خطاوؤن

ومن الصفحات البيضاء للحكومة في مدينتنا العظيمة شندي

شارع التحدي الجيلي شندي عطبرة وده اكبر فائدة جنتها شندي من هذه الحكومة

كل الحكومات السابقة لم تفعل لشندي اي خدمة من الخدمات الاولية

الكهرباء الطرق المواصلات المستشفيات الصحه العامة

الان شندي من ناحية الكهرباء احسن حالا

من ناحية المستشفيات يوجد فيها مستشفى المك نمر بمواصفات عالمية

من ناحية الطرق والمواصلات يمكنك ان تذهب الي الخرطوم او عطبرة في اي وقت خلال اليوم

وترجع وقت ما تكون عايز

جامعه شندي وتحديدا كلية الطب وبس

الذي ذكرته اعلاه من الصفحات البيضاء لهذه الحكومة
olso you open one post about Ali O Taha:
خطاب غير مسبوق للنائب الاول بالبرلمان وطه دعا نقد للخروج للعلن
خطاب غير مسبوق للنائب الاول بالبرلمان وطه دعا نقد للخروج للعلن

please explain all this to us

اهلى الحنان


ناس شندى


كل سنه وانتم طيبين


ومعليش للتاخير


والصوره حقت العيد كلها طفشت بى قدره قادر

لكن اوعدكم بصوره لكل المدينه فى الغريب والغريب العاجل ان شاء الله

عادل على كل الشباب بلقتهم التحيه( ناصر وقدره)

فوق

الاخ عادل على والاخ عبد الله بابكر لكم كل التحية والتقدير واسف للانقطاع الخارج عن الارادة ..

الأخ عبد الله بابكر من الاجدر أن ندع ابناء شندى يعبرون عن ما فى داخلهم بكل حرية وفى شتى المواضيع التى تخص مدينتنا الغلية شندى علما بأن نواحى الحياة متعددة في كل مدينة سودانية .. خاصة بأن مدينة شندى قد عانت الويلات في ظل معظم حقب الدكتاتوريا.. شندى بنت نفسها بنفسهاولم تلتفت لها اى حكومة من الحكومات السابقه حتى حكومة ( حوش بانقا ) لم تلتفت لها فما بالك البقية .

وهل طريق التحدى يعتبر مكرمه للمدينة يا عبد الله .

عبد الله بابكر اعطيك اقرب مثال بأن هذه المدينة تبنى نفسها بنفسها ... قبل فترة اتصلت بأم أحمد ابنى البكر الذى يدرس بمدرسة شندى الإبتدائية وقالت لى ضاحكة بأن إدارة المدرسة أخذت منه 10 الف جنيه رسوم لتجديد مبنى المدرسة، وحقيقة بأن الرسوم للطالب هى اقل من ذلك ولكن ارتفعت لإبنى عارف ليه يا عبد الله ؟ إدارة المدرسة قالت ليهو والدك كان يدرس في نفس المدرسه لذلك اصبحت رسومك 10 الف .... انا شخصيا موت من الضحك وفى نفس الوقت امبسط لدرجه ، لان بالمدرسة ارشيف حتى اللحظه .. واصابنى الم مرير لاننى ادفع من زمن نميرى وابنى واصل يدفع في زمن البشير ..

لا يختلف اثنان في ان حديث الاخ عادل على هو واقع وقع على المدينة واهلهايا عبد الله والغريبة إن الذين اضهدوا اهلها الكرام العزاز اتوا من مناطق خارج شندى ، تمسكنوا ثم تمكنوا ثم بمساعدة النظام الحاكم اضهدوا اهلها ومن هؤلاء ( عباس اب دقينه ) واتزكر جيدا عندما كان يدخل من الباب كنت اخرج من الشباك بمدرسة شندى الثانوية ( العدسى ) الفاتح ابو جوخ وامثالهم كثر.
عبدالله دعنا نقول كلمة الحق مهما يكن الشعور والاحساس والانتماء .
عباس اب دقينه يمتلك منزل بشندى .
كم مدرس من ابناء شندى افنى حياته في التدريس وحتى اللحظة لا يمتلك طوبه ؟؟؟؟؟؟؟

أعزائي.... تحياتي لكم جميعاً...
ود المدفع.... عساك بخير.... بركة الشُفناك طيب يا راجل... ظننت إنك سئمت سودانيزاونلاين بسبب الإسفاف وساقط القول الذي سوّد البعض به صفحات البورد خلال الأسابيع، وربما الأشهر، السابقة..... لكن يا زول تاني ما تنقطع زي الإنقطاعة الطويلة دي.
أبدأ بالاعتذار عن الإنقطاع ايضا (رغم ان انقطاعي لم يكن طويلا مثل انقطاع ود المدفع). وأود هنا أن أناشد الآخرين بالمساهمة في البوست.... هناك الكثير مما يمكن تناوله والحديث حوله. فطبيعة هذا البوست تختلف عن غالبية بوستات البورد، إن لم يكن كلها، لأنه بوست مفتوح عن شندي بمعنى انه لا يفرض موضوعاً محدداً أو قضية بعينها فيما يتعلق بالمدينة، لذلك نتوقع جميعاً، ويتوقع متابعو البوست داخل وخارج المنبر، ان نتطرق لشتى القضايا والأحداث والتفاصيل ذات الصلة بشندي ماضياً وحاضراً ومستقبلاً.
مشكلة المشاكل تكمن في أن هناك من يعتقد أن رصف طريق أو تشييد مدرسة أو مستشفى أو مركز صحي يعتبر "مكرمة"، على حد تعبير ود المدفع، علماً بأن هذه، وغيرها من الخدمات الأساسية، لا تعدو أن تكون "واجبات" ينبغي أن تضطلع بها الدولة تجاه مواطنيها. إلا أن واجبات الدولة في فهم البعض (خاصة إذا كانت دولة مشروع حضاري) تكمن في الإستيلاء على السلطة بليل والتنكيل بكل من هو ليس معها، خصوصاً من يعارضون اغتصابها للسلطة ولا تتورع الأجهزة المعنية بالقمع والقهر في تعذيبهم وتصفيتهم جسدياً وإبادة من يحتجون على المعاناة من وطأة التهميش والإفقار..... من أهم واجبات الدولة الأساسية لدى هؤلاء نهب مقدرات البلاد ومواردها وإنفاقها على أجهزة قمعها وأتباعها ومحاسيبها وتحويل البلد بكامله الى ضيعة خاصة ومواطنيه الى قطيع. فعندما يرصف نظام الجبهة طريق شندي الخرطوم عطبرة هناك من يعتبر هذا "فضل" و"إنجاز، وربما "معجزة من معجزات سلطة الإنقاذ". للأسف، هذا فهم الأخ عبد الله بابكر، الذي يأتي لنا بكلام وكأننا لا صلة لنا بهذه المدينة ولم نرها من قبل، مثل:

Quote: الكهرباء الطرق المواصلات المستشفيات الصحه العامة الان شندي من ناحية الكهرباء احسن حالا من ناحية المستشفيات يوجد فيها مستشفى المك نمر بمواصفات عالمية جامعه شندي وتحديدا كلية الطب وبس

حقيقة، لا أدري لماذا يحاول الأخ عبد الله بابكر الاستخفاف بعقولنا! أليس من المستفز أن يحاول عبد الله أن يقنعنا بأن هناك مستشفى في شندي بـ"مواصفات عالمية" (هكذا يقولها وبدون مراعاة لمدلول كلمة عالمية) والغالبية الساحقة لمرضى المدينة، التي طحن الفقر سكانها، يلجأون الى العلاج "البلدي" -في مدينة المستشفى ذي المواصفات العالمية- والعروق والأعشاب، التي تباع في طبالي السوق، وتقليعة "العلاج بالقرآن"، لمداواة أمراض تفتك بالعشرات كل يوم، منهم من يعاني من أعراض الفشل الكلوي وسرطان الدم (اللوكيميا)؟ لا أدرى، مرة أخرى، ما اذا كان الأخ عبد الله بابكر جاداً فيما يقوله عن كلية الطب وجامعة شندي (معهد التربية)..... لا أود هنا الخوض في أي تفاصيل عن الدرك الذي وصل اليه المستوى الأكاديمي في مراحل التعليم العام والعالي على السواء في السودان بعد انقلاب الجبهة وإنشاء الجامعات على النحو العشوائي الذي حدث.
أعود مرة اخرى (وبالتأكيد مرات كثيرة مقبلة وبالتفصيل) الى مافيا الجبهة السياسية في شندي وكابوسها الذي أطبق على المدينة وعناصر أمنها وحملات الفصل والاعتقال التي طالت كثيرين غداة الإنقلاب المشؤوم في 30 يونيو 1989. المجموعة التي ذكرتها في بوست سابق (مجموعة من أساتذة اللغة العربية والتربية الإسلامية)، بالإضافة الى عناصر أخرى من أتباع الجبهة في مؤسسات أخرى في المدينة، أصبحت هي السلطة الفعلية المسؤولة عن "كل شيء" بالفعل في المدينة. كان منظراً مألوفاً أن ترى مدير مكتب الشؤون الدينية (شيخ الزين) واستاذ التربية الإسلامية بمدرسة شندي الثانوية بنين، صغيرون الشيخ (رئيس مجلس شورى الولاية فيما بعد) وهما يدخلان (يقدلان) عبر البوابة الرئيسية لمركز الشرطة باتجاه مكاتب الأمن داخل المجمع، وكان مكتب الأمن حينها، كما هو واضح، مسؤولاً أمام قيادة الجبهة في شندي. عباس أب دقينة (عباس عبد الله فضل السيد)، الذي أشار إليه ود المدفع، أصبح بعد بضعة أسابيع فقط من إنقلاب الجبهة على رأس سلطة مجلسي بلدي وريفي شندي، علماً بأنه كان استاذاً للتربية الإسلامية بمدرسة عبد الله الحسن الثانوية وليس له أدنى دراية بالإدارة أو التقسيمات الإدارية او شؤون المجالس والإدارات المحلية.
حقيقة أتى هؤلاء في غفلة من الزمن!! وتسلطوا على رقاب الناس وبطشوا بهم في غفلة من الزمن، وباتوا يتحكمون في مصائر البشر في غفلة من الزمن، أوليس من العبث ومفارقات الدهر أن يتخذ أمثال هؤلاء قراراً بإحالة استاذ الأجيال المصري مصطفى سلمان لما يسمى بالصالح العام في 1989؟ أوليس الفوضى بعينها أن يحل محله في إدارة مدرسة شندي الثانوية بنات رئيس شعبة اللغة العربية خضر طيفور بشير (قيادي في الجبهة)، الذي كان رئيساً لشعبة اللغة العربية ولم يصل حتى إلى درجة وكيل؟ أي مفارقات هذه التي تجعل مصائر البشر تحت رحمة أمثال هؤلاء-الذين لم يكن يحلم معظمهم بالوصول الى الدرجات الوظيفية الخاصة بالإدارة المدرسية- وأي فوضى هذه التي تضع في يد استاذ للتربية الإسلامية أو مدير لمكتب الشؤون الدينية سلطة إحالة حتى الأخصائيين مثل سعيد الأقرع والخواض لما يسمى بالصالح العام؟؟
لي عودات....
مع الود،

ع ع

الأخوة أبناء شندي

لا تفسدوا العبق الذي ينضح به هذا البوست بالجدل السياسي. حدثونا عن:
*ساردية النيل, الأهلي, الأمل, أبو السعود, عبد المحمود, حوال, عثمان الجلال,التاج, النعيم سليمان
* أعيدوا للأذهان الذكرى العطرة للأعيان عبد الكريم السيد, الأمير خالد حسن حسين, محمد عبد الكريم السيد, أبرهيم حاج محمد,أستاذ كامل,محمد عبد الله الحداد وحعفر الجمري ومحمد حامد الجمرى
* حدثونا عن ابدومة, وعبد الشكور, والجنيد
*حدثونا عن مولانا عبد الرحيم عبد الله, والفاتح أب جوخ
*حدثونا عن حي الزهور ,الحجازه, شندي فوق
* حدثونا عن الميكتاب وقندتو والدويمات والحوش والتراجمة
*وأطربونا بعثمان الشفيع والأحو وحسن شندي وود النزيه وحميرا
*حدثونا عن المك نمر والامير الشهيد ود سعد فقد تطاول علينا السفهاء

Quote: الأخ عبد الله بابكر من الاجدر أن ندع ابناء شندى يعبرون عن ما فى داخلهم بكل حرية وفى شتى المواضيع التى تخص مدينتنا الغلية شندى علما بأن نواحى الحياة متعددة في كل مدينة سودانية .. خاصة بأن مدينة شندى قد عانت الويلات في ظل معظم حقب الدكتاتوريا.. شندى بنت نفسها بنفسهاولم تلتفت لها اى حكومة من الحكومات السابقه حتى حكومة ( حوش بانقا ) لم تلتفت لها فما بالك البقية .

الاخ عادل ود المدفع اويد كلامك بان شندي للان مهمله من نواحي كثيرة


بس انا قلت بانها احسن حالا من قبل يعني في تغير وبعدين انا لم امنع ولا اقدر ان امتنع شخص من التعبير عن ما بداخله

Quote: حقيقة أتى هؤلاء في غفلة من الزمن!! وتسلطوا على رقاب الناس وبطشوا بهم في غفلة من الزمن، وباتوا يتحكمون في مصائر البشر في غفلة من الزمن، أوليس من العبث ومفارقات الدهر أن يتخذ أمثال هؤلاء قراراً بإحالة استاذ الأجيال المصري مصطفى سلمان لما يسمى بالصالح العام في 1989؟ أوليس الفوضى بعينها أن يحل محله في إدارة مدرسة شندي الثانوية بنات رئيس شعبة اللغة العربية خضر طيفور بشير (قيادي في الجبهة)، الذي كان رئيساً لشعبة اللغة العربية ولم يصل حتى إلى درجة وكيل؟ أي مفارقات هذه التي تجعل مصائر البشر تحت رحمة أمثال هؤلاء-الذين لم يكن يحلم معظمهم بالوصول الى الدرجات الوظيفية الخاصة بالإدارة المدرسية- وأي فوضى هذه التي تضع في يد استاذ للتربية الإسلامية أو مدير لمكتب الشؤون الدينية سلطة إحالة حتى الأخصائيين مثل سعيد الأقرع والخواض لما يسمى بالصالح العام؟؟

كلامك مضبوط الاخ عادل

وكل زول يمسك حكومة في السودان او في شندي بيجيب ناسه حتى لو ما كانو بيفهم شي ودي السبب في عدم تقدم السودان خصوصا والعرب عموما


وفي النهاية دعواتنا للسودان يظل واحد موحد ولشندي تكون متقدمة

بس اسع شندي احسن حالا من ما سبق



ولك ودي وتقديري لك واحترمي لجميع ارائيك واتجاهاتك

الاخ عبد الله ود بابكر لك كل الود والاحترام .. من شأن المتعلمين أن يختلفوا ثم يصلوا الى هدفهم ..

وكل زول يمسك حكومة في السودان او في شندي بيجيب ناسه حتى لو ما كانو بيفهم شي ودي السبب في عدم تقدم السودان خصوصا والعرب عموما

طيب يا ود بابكر ما هو ده صلب الموضوع بتاعنا .. كنا نناقش في سوء التخطيط والشرجمه التى حصلت في شندى خلال العشرة سنوات الأخيرة.

هل يسرك منظر تخطيط وتقسيم ميدان المولد القديم واجهة السوق ؟

بالطبع لا

هل تعرف من هو المهندس الذى قام بتخطيطه وتقسيمه؟

مهندس من ابناء شندى وغائب عن المدينة عشرات السنين ؟

الى أى حزب ينتمى ؟

اعرفه جيدا الى حزب الزين , العدسى . وعباس

ما هو الغرض من هذا التقسيم البشع ؟
عايزين فلوس .. فلوس

أين ذهبت هذه الفلوس ؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

مستشفى المك نمر تم بناءه عن طريق نفير ابناء منطقة شندى بالعاصمة ثم قدم الى دولة الامارات العربية المتحدة السيد / عامر أحمد جمال الدين لإتمام العجز المالى من ابناء المنطقة وفعلا قد حصل ( شندى تبنى نفسها بنفسها )

وينكم يا اولاد شندى _ تلفرافات سريعه

- عبد الله بابكر سيد الجلد والراس وينك ... فوق فوق فوق .
- عادل على يا كبير الموثقين وينك خلى صدر رحب ... ومحتاجين لكتاباتك .
- ود عقاب الحاصل ليك شنو .. انشاء الله خير .

موجود

ناس شندى اجدع نااااااااااااااااس


سلام مربع

ودقى يامزيكا..

شافين يا اولاد شندى تداخلت مع الوجه السودانى الاصيل ناديه عثمان وذكرتها بشندى ودخلت عليكم بطلتها البهيه .. وينك يا عادل على

ٍسلام عليك ياخونا بابكر والله انك صنديد تعبت مع البوست دا والله يديك العافية بس اعذرنا للمشغوليات وانا حاليا مشغول وبعيد عن الانترنت وسلامي لربوع شندي كلها من الجيلي وانت ماشي

Quote: ناس شندى اجدع نااااااااااااااااس سلام مربع ودقى يامزيكا..

والله يا ود عمى شندى دى أديتها حقها تب وزيادة... ودى المحرية فيك ياود بابكر
دحين يا خوى خبر السعودى شنو لعلو ما سافر شندى وساب المستو...........

سلامي وتحياتي للجميع.....
ظروف خارجة تماماً عن الإرادة هي التي اجبرتني على الإنقطاع خلال الأسبوعين الماضيين.
ود المدفع.... شكراً على السؤال... احييك عزيزي على المواظبة والحضور المنتظم والمساهمة في إثراء البوست. الصدر أكثر من رحب ولن نترك هذا البوست إلا إذا اغلق منبر سودانيزاونلاين.... عند ذلك سننقله الى منبر آخر. الحرص على الحضور المنتظم في البوست اجتذب زواراً لا نملك إلا ان نرحب بهم.... نادية عثمان وبهاء الدين سليمان... وكيغا200، الذي طال غيابه ولم يظهر منذ بوست شندي السابق.... مرحباً بهم مرة أخرى.
شكراً عبد الله بابكر على الحضور المنتظم ولا تزال شقة الخلاف بيننا واسعة تماماً.
اختفى عوض الله عجبنا في ظروف غامضة.... اتمنى أن نراه قريباً بيننا.
أتمنى ايضاً زيارة الأخ عضو المنبر أحمد عثمان عمر للبوست ولو غشوة ساكت.
تحياتي لكم جميعاً مرة أخرى....ولن يطول الغياب هذه المرة.
مع الود،

ع ع

ود بابكر وناس شندي الزينين

ود اللحو بيقول فاقداك القبايل من الباوقة لي شندي

عاجل جدا:بيان صحفى لجنة اطباء السودان-تفاقم الاوضاع الص...ستشفى كوستى التعليمى




تضامنوا مع كوستى التى تموت فى غرفة العمليات

الاخ عادل علي

Quote: شكراً عبد الله بابكر على الحضور المنتظم ولا تزال شقة الخلاف بيننا واسعة تماماً.

يا اخي انا من عندي ما في اي خلاف معاك ونحن اخوان وجمعنا حب شندي

ويكفي انك من شندي

والاتجاهات السياسية عمرها ما كانت تودي للخلافات بين الناس

والادله السياسية كثيرة


الاخت نادية عثمان شكرا لدخولك اجواء شندي


الاخ
keiga2000 غيابك بيطول عايزنك كل يوم تكون موجود


الاخ بهاء الدين وزينك يا راجل مختفي شندي عندها حق عليك لسعودي قاعد ومنتظرك

الاخ محمد حسن العمده شكرا ليك يا عمده لحضورك ونحن برضو فاقدنك من حلفا لنمولي



ود المدفع كيفنك

حنينه واهلك حنان .. حبابكم اهلى واخوانى بدون فرز والشوق ليكم فائض وزى ما قال العربى ( الشوق متل شوك الكتر طعن الجسيم لمان خدر )

فكرى يحيط بك وانت قريبة منى ..
ويلتف حولك وانت بعيدة عنى ..
أفكارى وأحامى تعيش بك ..
وتتنفسك نسمات منعشه ..
أو لفحات حارة ملتهبة ..
أو شطحات خيال شارد هائمه ..

يدك في يدى .. هى يد القدر أحتضنها بقوة ..
هى يد الحب تمتد لكى تهدهد قلبى ..
هى يد الرضا جاد الزمان بها على ..
اتركينى اقبلها , واتنسم عطرها ..
ودعينى احضنها بين اصابعى بقوة ..
فالحب احياتا تحييه لمسه يد أو همسة ود ..

أنا ابن حبك الممتد العريض ..
انتظر الكلمة منك فتندفع الدماء في الشرايين ..
واتلهف على النظرة الحالمة أتزود بها لغدى ..
وأستعيد ايامى الضائعة وانا معك ..

احبك يا شندى
احبك يا شندى
احبك يا شندى

احبك يا شندى


احبك يا شندى



احبك يا شندى

احبك ياشندى في شندى فوق
اعزك في حلة الغرداب ود فراج
اتمشى معاك في حى الزهور واوديك حلة البحر ازور احباب
احبك يا شندى واحب مربعاتك
احبك واحكى معاك من مربع1 ونكملها في ال36
وارجع ارجاك تانى في مربع اتنين وندخل السوق
نزور في اول السوق نصر الدين ود البلال
ونعدى فى نص السوق على جعفر محمد الحسن سليمان
ونشرب بارد في اخره عند عبد الله لوكا
لو سمحتى يا عزيزه عايز اسمع حقيبه ..
انا عارف الحته نمشى نزور ود البشير في 6


قابل للاضافه يا شباب الحكايه عايزه جهد جماعى

Quote: يا شباب الحكايه عايزه جهد جماعى

الاخوان الاعزاء


تمت اضافة الاخ يحيي مصطفى من اولاد شندي


مرحب بيهو

وورينا حق مربع واحد وحق شندي عليك

إلا نرفعك نحن .. اولادك يا شندى


الاحباب لكم كل الود والتحايا

هذه الايام اسعد بتلقى اخبار شندى والجيران واحد واحد ونفحاتهاالطيبه ومن منو من الوالده الحنونه التى تشرفنا هذه الايام في زياره للأمارات

وينكم يا اولاد شندى

شداد مثير للجدل وبحب المشاكل وما محظوظ !
القرار 1593 سياسي ولن يضر السودان
حاوره : الرشيد علي عمر
رقم لم تتجاوزه الاحداث الرياضية برغم ابتعاده الجزئي عن الساحة الرياضية.. ورغم مريخيته الصريحة احبه اهل الهلال .. تبوأ الكثير من المهام الرياضية وكان اشهرها عندما تقلد حقيبة سكرتير اتحاد الخرطوم ..هادئ كما ينبغي الهدوء وحاسم عندما يتطلب الامر الحسم .. ويعتبره اهل الرياضة احد صناع القرار الرياضي من ناحية علاقته المتميزة برئيس الاتحاد العام دكتور كمال شداد.. ما دخل قضية الا واشتعلت اثارة.. ضيفنا هو الوزير محمد الشيخ مدني وزير التربية والتعليم بولاية الخرطوم واحد ابرز القيادات التربوية والرياضية في المجتمع السوداني.. حاولنا اصطياده اكثر من مره الا ان ظروفه العملية حالت دون ذلك.. وكم من موعد فشل.. الي ان شددنا الحصار عليه فجالسناه في لقاءين وخرجنا منه بهذه الحصيلة.
* هذا يعني يا سيادة الوزير ان دكتور شداد طريق لاتجاه واحد ممنوع حتي على عربات النجدة ان تخالفه لمعالجة خلل مخالفة ؟
< هو كذلك اذا احس ان الماثل امامه يستند الى خلفية قضية ما ويصطحبها معه لمحاورته في القضية الراهنة ، وكما اسلفت فلقد اشتبك مع ادارة الهلال في قضية حكم عليه من خلالها مجلس الهلال بتجريده من هلاليته وهو امر غير منطقي ولا معقول ، فيمكنك ان تغلطه في (تلك القضية) ولكنه يمكنه ان يغلطك في (القضية الاخرى) دون الاستناد الى ما سبق من تعامل .. وتحديد رأي فيه في قضية واحدة هذه هي المشكلة .
* انتخابات الاتحاد العام الاخيرة وما صاحبها من احداث وكنت القاضي الذي حكم بفوز قائمة شداد ، هل كنت واثقا من بطلان قرار اللجنة التحكيمية عقب طعن اتحاد شداد عند المحكمة الدستورية ؟
< نعم كنت متأكدا جدا لان القصة كلها ان القرار الذي اصدرته اللجنة التحكيمية معيب بلا شك ، لأن ما اخذته على المفوضية قامت بتنفيذه هي ... فلقد اخذت على المفوضية تعيين محمد الشيخ خلافا لما نصت عليه اللائحة وهي عملت اجراءاتها خلافا لما نصت عليه اللائحة .
* أى انها حللت لنفسها ما حرمته على غيرها ؟
< بالضبط هذا ما حدث واقول لك لولا ان لجنة التحكيم وقعت في هذا الخطأ لأخذ حوار القضية أو النقاش منحي مختلفا وكان يمكن ان تكون لديهم فرصة يكسبون بها القضية لو التزمت باللائحة ، فإن اتت بالاتحاد العام واستمعت اليه واتت بالشهود واستمعت اليهم واتت بالمفوضية واستمعت اليها ربما حدث تغيير بعض الشئ ولا اقول تغيير في القرار برمته .
* يعني ان الخطأ الاجرائى هو الذي اثر في القضية ؟
< كان جوهري في القضية ولا كنتيجة عكسية ولكن كانت هنالك فرصة ، كان يمكن ان يمشي قرار المفوضية لأن كلام المفوضية كان يقول ان الناس ديل اخطأوا اجرائىا وانا اتمسك بالخطأ الاجرائى .
* هل يمكن القول بأن اهل التجديد خسروا بالخطأ الاجرائى ولولا هذا الخطأ لربما كانت النتيجة غير ما اعلنت ؟
< ممكن جدا ..!!
* ده كلام خطير طيب يا سيادة الوزير جماعة التجديد عرضت عليك رئاسة المجموعة لماذا رفضت ؟
< فعلا عرض على ان اكون رئىسا وعرض على أن اكون نائب رئىس وايضا عرضوا على نائب رئىس لشداد .
* لكمال شداد ؟
< بالمناسبة ناس التجديد ما كان عندهم مانع على رئاسة كمال شداد لو كان نائب الرئىس هو محمد الشيخ مدني ، ولكن الاتحادات المؤيدة لكمال شداد عرضت على ايضا ان اكون نائب رئىس وانا رفضت للاثنين مجموعة التجديد وناس كمال شداد .
* ماهو تقييمك لكل عهود شداد .. أى ماذا فعلنا في عهده اين هو المستوى علما بأنه قاد الاتحاد لاكثر من مرة ووجد اكثر من فرصة فماذا حققنا ؟ وبطريقة اخري ماذا قدم شداد للكرة السودانية ؟
< افتكر حقو السؤال هنا يكون هل مسألة تطوير الكرة هي مسؤولية الاتحاد ورئىس الاتحاد فقط .. انا في تقديري ان تطور الكرة مرهون بتطورنا ولدينا مشاكل علي مستوى الاندية والاتحادات والمنتخب الوطني ومن الصعب ان نحدد جهة واحدة ونرمي عليها اللوم ، مع ايماني ان الاتحاد العام عندو دور في الازمة وحقو انحنا سؤالنا يأخذ منحى تاني لو جبنا رئىس اتحاد غير شداد هل ده بيطور لينا الكورة !؟!
* طيب احسن نخلي السؤال كمال ما قدر يطور الكورة ليه ؟
< لانو كمال شخصية مثيرة للجدل وكمال زول بدخل في مشاكل ومرات بيديني انطباع انو بحب المشاكل وبحب يعيش في الجو ده .. لكن كمال من جاء واظنو في (78) ومن الوقت داك ما اعتقد ريحوه وما ادوه دورة كاملة عشان يقعد بنفس بارد ، وكل عهوده ما عرفت الاستقرار ودايما مواجه بشبح الحل ، ودي واحدة من الحاجات الخلتو ينصرف عن اداء خططه وبرامجه ، وزول في جو يبشر بعدم الاستمرارية من الصعب يشتغل ، علما بأنه واحد من افضل (14) اداريا ومحاضرا على مستوى اللجنة الأولمبية في العالم وكمال شداد واحد من المدربين البيحللو نهائىات كأس العالم وما مكن زول بالصفات دي ما يكون عندو قدرات .
* طيب وهو وبهذه القدرات هل عجز عن ايجاد من ينفذ له سياساته ؟
< الجو العام .. التركيبة الرياضية بتاعتنا فيها لخبطة كثيرة .. ناس مع شداد وناس ضده وناس مع الحكومة وناس مع التعيين وناس مع الانتخابات ، الجو العام دا لا كمال شداد لا غير كمال شداد يستطيع الواحد يقدر يقود فيه للتطور.
* بما انك من اقرب الناس لشداد هل تعتقد انو موفق في اختياره للعناصر البتشتغل معاهو واحب ان اضيف معلومة في الشارع الرياضي انو مشهور باختيار العناصر الضعيفة عشان يسود قراره في النهاية ما رأيكم ؟!
< اعتقد ان كمال بحب التعامل مع الاتحادات القوية وبمعرفتي ليهو هو ما عندو الدور الرئىسي في اختيار العناصر ومقولة انو يبحث عن العناصر الضعيفة غير صحيحة بل بالعكس كمال بحب العناصر القوية واتحاد (78) كان فيه سليمان دقق وعامر جمال الدين وعبد المنعم عبد العال ومحمد الشيخ مدني ، وما كانوا بيجاملوه وبحب يواجههم ومافي ما يمنع يقفوا ضد رأيه وهو بيحترم رأيهم وما كان تبدو عليه امارات الحزن او الزعل او يطلب يزحوا منو الناس ديل ويجيبوا ليهو ناس تانين .. لكن طبيعة الحركة الرياضية ما افرزت الكوادر التي تستطيع المواكبة بنفس الحماس والجد.
* من قبل سألت الخبير عمر التوم عن عدم ترشحه مع كمال فكان رده ان كمال لا يتحمل من يقول له لا .. ما رأيك فيما قاله الخبير ؟ الا يدحض هذا ما تقوله عن العناصر ؟ وماذا عنك معه ؟
< (لم يرد الوزير عن الجزئىة المتعلقة بعمر التوم ربما اقتناعا بوجهة نظر الخبير) ، فيما يخصني فكمال يفتكر انو انحنا مكملين لبعض ، واروي ليك حادثة مرة في حفل بالحصاحيصا قال بالحرف (محمد الشيخ ده بيقرأ افكاري والحاجة البنصل ليها معا اكون قبل ما اصلها انا عملت مية مشكلة وخسرت مية زول يصل محمد الشيخ لنفس النقطة بدون ان يعمل مية
مشكلة ولا يخسر مية زول) .
* يعني كمال يفتقد الدبلوماسية ؟
< (ضحكة مجلجلة من الوزير ثم يردف) دي الطبيعة بتاعتو ، وبعدين ياخي احب اوضح انا في نظرتي للحركة الرياضية وكزول رياضي وعشت في الرياضة ما بدعي اني بحب الكورة للدرجة بتاعت كمال شداد لانو شداد بيستحمل فيها اي شئ والكورة دي واهبها نفسه ، وبعد ده كله يجوا الناس ما قبلانين ويعاكسوه ويخلوه في حالة من (التنشنة) وكل مرة تلقاهو يقول الجرايد قايمة علي .
* يعني كدي نثبت اولا انو خلاف ما يدعي هو مطالع جيد للجرايد ويتفاعل معاها ؟
< بالضبط ، بالضبط ودي واحدة من عيوب كمال شدا انو بستجيب وانا ما مع الناس البيقولو انو المسائل دي ما بتهمو لكن انا اؤكد انها بتهمو لانو ما مكن لو كان ما بهمو بيتعامل بردود فعل زي دي .. ثم حتي اذا ادعى عدم الاطلاع ممكن الاخرون يوصلوها ليهو في محله !! لكن اقول ليك حاجة من الاشياء البعاني منها كمال عادة الناس الجو وزارة الشباب والرياضة او الكانو مسئولين سياسيا عن الرياضة .. استطاع عدد من الناس تأليبهم على شداد ومجرد فكرة التأليب دي لو بوجهة نظر او ربما ما يكون مبرر ادى الى أن يخلق نوعا من الحدة في تعامله ، عشان كده كثير من الاحيان ما يتحدث عن السلطة التي تعانده برغم انو لو حللت السلطة في كلياتها ما بتلقي زول ضده ، لكن ده ما ينفي انو في ناس في السلطة قدر البعض يستقطبوهم وقدروا يؤلبوهم عليه !!
* محمد الشيخ مدني مثله مثل الآخرين يهتم بمساندة جيله ويتجاهل خلق الكوادر الجديدة لو سألتك من هو الكادر الذي يحل محل شداد ؟
< أول حاجة انا اؤمن ايمانا قاطعا بوجوب تواصل الاجيال واكبر مثال لذلك انا اول ما مسكت اتحاد الخرطوم لم اكن الزول الوحيد فأنا جبت الطريفي وعوض احمد طه وعز الدين مصطفي وقاسم عبدو ودكتور محمد جلال ، وكلهم على اساس يتدربوا ويبقوا قيادات وانا افتكر انو عدد منهم نجح والحكاية دي سببها من خلال تجربة قديمة جدا مرة كنت سكرتيرا للنيل شندي وجاتني بعثة خارجية لبره السودان وقام النادي اتغلب وعملو لينا النادي بيت بكاء الغلب من جهة وسفري من جهة ، والوقت داك يا دوب عصام الحاج شافع صغير وانا قمت لغيت السفر وجيت قلت ليهم من الليلة دي ما حاخليكم تعتمدو علىّ وبديت ادرب في عصام الحاج شويه شوية بعد ما بقي بعداك سكرتير النادي ، وانا زي ما قلت بؤمن بحكاية تدريب الكوادر دي .
* طيب تاني نقول مين يخلف شداد ؟
< اعتقد كمال شداد حقيقة وصل مرحلة لازم يكون في جيل يستلم منو لكن كمان يكون جيل بنفس المستوى ، انت عاوز ليك زول بيفرض نفسه على العالم الخارجي ، ممكن يفرض نفسه على الاتحاد الافريقي برغم وقوفه ضد المجلس الحاكم للاتحاد الافريقي ، اذا اتلقي ده ما بكون في مشكلة ، واقول ليك حاجة ناس التجديد قبل كده سألوني منو ممكن ننزلو قصاد شداد ويسقطو لينا ، فقلت ليهم لازم تعرفو انو بالقانون شداد دا دي آخر دوره ليه والدورة الجاية ما بترشح انا بقترح عليكم تجيبو الزول الدايرنو يترشح ضده يبقي نائبه وكمال شداد ما على كيفو يقبل يقبل ولمن تنتهي الدورة دي يكون زولكم اكتسب خبرة ويترشح الدورة الجاية رئىسا ويكون استفاد من وجوده قرب شداد.
* لجان تنعقد وتنفض ومؤتمرات وخلافه ولم تنهض كرة القدم كيف السبيل لتحسين وضعنا الكروي ؟
< هي روشتة بسيطة جدا جدا للكورة السودانية بداية ياخذو الناس الكورة قضية جادة دي نمرة واحد ونمرة (2) انحنا لمن كنا بنتكلم عن تاريخنا كنا افضل من الافارقة وافضل من العرب، والكورة عندنا دايرة حاجتين دايرة امكانيات مادية ودايرة انضباط العرب فاتونا بالامكانيات المادية وليس بالانضباط والافارقة فاتونا بالانضباط وليس الامكانيات المادية ولذلك انحنا مالم يكون عندنا الانضباط ودا براهو بودينا لقدام وكمان لو لقينا الامكانيات المادية دي كمان بتودينا للتفوق وبدونهما لن نتقدم بتاتا وانا اكون صادقا معاك صحيح وقفت من الكورة لكن مازلت متعلقا بها شديد لكن عدم جدية ناس الوسط الرياضي هي السبب .. واضيف ليك نقطة عشان تعرف انحنا مرتكبين جريمة في حق السودان دا ، اكثر دولة ربنا اداها لاعبين موهوبين بالفطرة السودان مقارنة مع دول الجوار.
* هل هذا يعني مقارنة بين الامس واليوم مازالت الموهبة موجودة ؟
< أيوه ايوه مازالت موجودة ، زمان كان فرز المواهب ساهل لانو المجتمع محصور والناس بتلعب في امكنة معروفة لكن اليوم المجتمع اتسع والملاعب كثرت يعني الحارة 19 امبدة ممكن يكون فيها مواهب كبيرة بس المشكلة هل تمتلك اليوم الآلية المناسبة لفرز هذه المواهب ، الاندية والفريق القومي برضو ما عندهم الآلية المطلوبة لفرز المواهب واقول ليك تاريخيا نتائجنا مع المصريين على مستوي الناشئين افضل من الكبار ودا ما يؤكد انو المبني عندنا بالفطرة افضل منهم ، الحاجة التانية اذكرها برضو لمن قدت المنتخب المدرسي للاسكندرية لاقاني واحد خبير تونسي عنده دكتوراة في كرة القدم وهو عمرو كبير قال لي انا لو لقيت المنتخب المدرسي ده وربنا مد في عمري سنتين اغلب بيهم اى زول في العالم وبنى رأيه دا بالفطرة الشافها في اولادنا !!
* يعني ممكن في حواري السودان وازقته يمكن يكون في كمال عبد الوهاب ومصطفي النقر وجكسا ؟
< بلاشك بلاشك وممكن يكون في احسن منهم بس كيف تلقى الالية البتفرز المواهب دي !!
انا اقترحت على ناس الهلال والمريخ التوجه فقط لامبدة فيها كذا مليون لاعب ، فيها عشرين ساحة بتاعت كورة ، قلت ليهم جيبو ليكم زول ادوه ماهية يكون شغلو بعد ما يتغدى مباشرة يمشي يلف في الساحات دي وما يكون زول حمار ساي يكون زول بجي منو ! طيب اديك حاجة غريبة عن مباراة السودان والكاميرون الاخيرة وتحليل بتاع صحافيين عالميين من الكاميرون ما اظنكم سمعتوه ، قالوا قبل المباراة جو للمنتخب السوداني سألوهم السؤال الاول عندكم كم لاعب محترف في اوربا فكان الرد ولا واحد ، سألوهم مدربكم بياخد ماهية كم ؟ قالوا ليهم ما قاعدين يدونا قروش !! وما كثرو معاهم طبقوا ورقهم وبسخرية علقوا انتو لا عندكم محترفين ولا بياخد مدربكم قروش جايين تلعبو ضد الكاميرون !؟! وطبعا شافو الكورة ولمن لعب السودان بالمستوي الشفناهو ، الكاميرونيون عملوا ثورة ورفدوا مدربهم وعملوا ليهم مية حاجة قياسا بما عرفوه عن ظروف المنتخب السوداني .. اللاعب السوداني عنده قدرات رهيبة لكن مرات يقولو ليك بس ما مضمونين هو شنو المامضمونين انحنا السبب لانو ما راعينا مقدراتهم صاح .
* سابقا كانت حصة الرياضة البدنية تجد اهتماما متعاظما على مستوى الوزارة بدليل ما شاهدناه من نتائج متميزة للدورات المدرسية .. لماذا قلة الاهتمام والوزير التربوي الان هو اكبر رياضي ؟
< اتفق ان حصة الرياضة ضرورية وان الرياضة المدرسية اساسية في تطور الرياضة في اى بلاد لكن بكل اسف اصطدمنا بحاجتين اولا المنهج الدراسي الحالي لا يتيح اى انشطة غير الاكاديميات وانا كثيرا ما طالبت بتنقيص المنهج الحالي لصالح المناشط الاخرى وقطعا هذا لا يتم الا على مستوي الوزارة الاتحادية .. ثانيا الامكانيات في ظل الاتساع الحالي فبالامس كان عن مدرستين تلاتة اليوم اصبحت المدارس بكثافة متميزة ، وانا لا انكر بعض الاجتهادات ولدينا اليوم ادارة النشاط الطلابي وهي شئ مختلف جدا عن التدريس وهم معلمون يختصون بالنشاط الثقافي والرياضي والاجتماعي وبدأوا بداية طيبة مستندين علي التجربة السابقة ، واقول لو كانت المدارس بتاعتنا مافيها النشاطات الثقافية والرياضية والاجتماعية سيصبح تعليمها ناقصا ..!!
* سيادة الوزير قبل ان ننهي هذه الحلقة فلنحط بك في مدارج السياسة ما رأيكم في القرار 1593 ؟
< القرار 1593 هو قرار سياسي قبل ان يكون اى حاجة ثانية وهو قرار لا مبني على قانون بناء علميا ولا على حيثيات ووقائع مسنودة وهذا القرار لم يقصد به سوى الضغوط والقرار في حد ذاته وللاسف جاء نتيجة لمساومات ، تقديري الخاص ان السودان لن يتضرر منه بأى صورة من الصور ومن فهمي للسياسة العالمية بأنها تستخدم مثل هذه التحركات المقصود بها الضغط .. وكمثال شوفو من كم سنة تم حظر (سودان ايرويز) ... وكم قرار صدر ضد اسرائىل ولم ينفذ وعشان ابرهن اكثر ما ممكن انت تتكلم معاي في موضوع الجنوب بموضوعية وتجئ تتكلم معاي في موضوع دارفور بدون موضوعية ... وللاسف عدد من ابناء السودان وراء هذا القرار وكانوا سببا رئىسيا في تدويل قضايانا وجعل الاجانب يتدخلون في امورنا الخاصة وانا استغرب في تفريطهم لوطنيتهم وجعل الغريب يتحدث عن اهلهم وابناء جلدتهم بهذا المستوي واعتقد دي صورة من صور الخيانة الوطنية !!
... الحوار يتواصل مع الوزير محمد الشيخ مدني فكونوا معنا!!

الاخ عبدالله بابكر
الاخوات والاخوان
وابناء شندي في كل مكان
لكم التحايا والاماني الطيبة
والشكر لكم علي اضافتي لهذه المساحة الرائعة التي ارتبط اسمها باعز الاماكن الي النفس شندي الحبيبة ارض الميلاد ومهد الطفولة ومرتع الصبا وامل ان نعمل معا لمافيه خير ورفعة وتقدم هذه البقعة المباركة ارض الاجداد ذات التاريخ التليد والحاضر الزاهر والمستقبل المشرق ارض ملك الملوك المك نمر
يحيي

الاخ عبدالله
تحياتى لى شندى القبل المتمة...واهلها
مع مودتى وتقديرى

الاخ ود المدفع


حمدا لله على سلامت وصول الوالده

وربنا يديها الصحه والعافية

فوق

فوق


اصحوا

ود بابكر
السلام جاكم
حمدلله علي سلامه الوصول ياود المدفع
كيف شمارات البلد

وصلتني الرساله من
عاصم فتحي بروزه

قلت انعش بيها زاكرتكم شويه

Quote: >From: asim ahmed To: [email protected] >Subject: message >Date: Sat, 18 Sep 2004 12:45:08 -0700 (PDT) > Dear Emad My best I hope you well,i was read your article about Shendi in Sudanese online ,it is so nice to here lot of news about Shendi,i would like to write alot about our life in Shendi , but i am not amember in Sudanese online,so i would like to send my best wishes to all friend from shendi through you,and also i would like to remember you abut famous and kwon family there,like Bruza ,nas Sardia, nas Wad Altash, nas Alnazeer,NAS Alameen ABOOD,NAS A wad Gurafi, nas Etraa akho Isam Alhag, NOUR ALSHAM ( tamiat almhata) ,Nabieh Glada,Hshim Nory, Haloot Alhafawy,Bakry Izaldeen,Naser Metry Asheia, ABOALZEEK walfaseekh,WALLAH Yarham RUMBEAK WA ABUASUOOD,My best my holy teacher Mushaal and Kmblawy,Awad Daheia,wa haak al lahma de mn Hijo, wa al fool da mn Gad Alrab,wa Shata kafe ,wa HASSN KHIDER wa alvolga, wa alhalaby fe alpolice,there is alot in our mind about shendi ,next time i will send you more. >stay well.Asim.F.AHMED(BRUZA)

لكم ودي جميعاً...
ود المدفع.... بركة الشُفت الحاجة طيبة وصحة وعافية، وهذا بالتأكيد غياب مبرر، لكننا في انتظارك.

يا عماد حسب الرسول (العريس القديم)... أكون شاكراً لو ارسلت لي إيميل الأخ عاصم فتحي بروزة.

مع الود،

ع ع

عبد الله بابكر كيفك

بقينا نشوفك بالمناسبات شنو الحكاية

بعدين شايف ود المدفع بحلم بي حاجات عجيبة في شندي .. وإسبير الكراكة لسه ما جابوه

فوووووق

الاخ فريد شكرا للطله البهية

وماشاء الله عليك شوفناك في حفلة الموصلي الظاهر العرس نفع


ربنا يهنيك ويسعدك وبيت مال وعيال

عادل علي
كيفنك
انشاء الله طيب
انت وين تلفونك

ود ايميلي ارجو تزويدنا بتلفونك

[email protected]

ودايميل ود بروزه

[email protected]

ما تنقطع
في مان الله

سلام جاكم ..ناس شندي ..وضواحيها ..

** فيما ذكره أخونا العزيز بلة موسى ..حول الفنان ود النزيهة ..
لا زالت في ذاكرتي تلك الحفلة المشهودة في .."جيهة المحمية شرق دي" .. "أظنه" هو نفسه ود النزيهة وذاك الخط
"الشخيت" الذي رسمه بعصاته على الارض .."وقد ذكرت ذلك من قبل في مكان ما هنا"..عندما وصل المقطع الأخير من نمة ما او دوبيتة يقول المقطع:
والمابي البنات حد الله بينا وبينو

لا زال هذا المقطع دون باقي النمة في ذاكرتي ..وكيف ان الحضور تقاطروا "للهزة فوقو" .. مما جعل البعض منادياً
بالتعقيب "عقّب ..عقّب.."..
"وأظنه مقطع يقول الكثير !! حيث لا يخلو من سماحة في المقصد بلا شك.."..

فود النزيهة جعل تلك الأمسية مليئة بالطرب ..على ايقاع الجعليين المعروف ..مرة "يتقَّل" ومرة "يكسر مخفف"..
..الشتمين يتخالفن ..والدلوكة "تتخنق" كاتلة ومكملة الإيقاع.. وكثيراً ما تسمع "الروقة آناس"....

- من ترى يمنحني أمسية كتلك ..؟؟؟؟؟

ومن ترى يرجعني لحفلات "حِميرة" وفرقتها ..التي تعرفها كل تلك المناطق حيث لم تقف عند حدود كبوشية ..فقد كانت واحدة من رموز التراث الشعبي في تلك المناطق..
حِميرة لا زال غناءها يرافقني ..ويطربني بشدة:
العظيم الشان ..
جاني القاش ملان ..
جناح جبريل فوقو الختم عثمان ..
-------------أو حينما تقول :
تلّب يا صقر طيّر الرخم مني ..

---------أما عندما تصل:

حجر الزلط شن بقيسو ..
ليا دوبا ..
صعيب دربو ..وبعيدة ميسو ..

دي حكاية تانية خالص ..
حميرة ..يعرفها اهل تلك المناطق الشرق والغرب ..فلها كلمات ممعنة في الشكر والحماس ..
طمح النيل الزلالي
وجاني أب زيد الهلالي..
من الخوفة ما بيبالي ..
ليا دوبا ..
فرقة حميرة لها دلوكة ذات إيقاع خاص جداً..وكثيراً ما تقترب من مقام النحاس في فعلها للتطريب المصحوب (بالهوشة؟؟) ..الذي يقود الى درجات خاصة من الجذب..
فهذه امور يصعب كتابتها .. ولكن .......
("الشعرانة" البتطلقها فيك دلوكة "حِميرة" اسكت خلها ساكت) ..

صعيب دربو وبعيد ميسو ..
ليا دوبا ..




ولكم التحايا جميعاً ..

قيسان

.

الشكر الجزيل لك عبد الله بابكر وربنا يجعل ايامك هناء ورضاء

اخى العزيز عادل على كيفك ومشتاقين والله واشكرك جزيل الشكر ونسال المولى عز وجل رضاء الوالدين

فريد ود المسيد يا ابو طله حلوه وفريده

يا فريد خلينى احلم واحلم .. وبالمناسبه الكراكه شالوها .. وجابو واحده غيرها

الأخوه الاعزاء

اكتب لكم من مدينتا العريقه شندى بعد ان وصلتها بتاريخ 7/4/2005 في اجازة قصيره .. وفي مرحلة توثيق واظهار مفارقات ..

يسعدنى أن اتلقى منكم اى وصايا أو احتياجات من البلد

حمد على السلامه اخي ود المدفع


البوست فاقدك

منتظرين التوثيق وياريت يكون بالصور

.

المتواجدون الان بالمنبر العام 386 شخص » (33 )عضو و (353) زائرا

»abdalla BABIKER
»ABDELAZIZ MAHADY
»abraham deng
»abusin
»Adil Isaac
»Afifi Mahamed
»Alia awadelkareem
»Asskouri
»Bashasha
»elsawi
»Foetus
»Idris Tabidi
»Kostawi
»mazin mustafa
»Mohammed Elhaj
»Napta king
»nour tawir
»Omer Abdalla
»osama elkhawad
»Safa Fagiri
»Tragie Mustafa
»ابنوس
»احمد معتصم الطيب
»المكاشفي الخضر الطاهر
»بكرى ابوبكر
»ست البنات
»شمهروش
»طلال عفيفي
»عبد المنعم سيد احمد
»عبدالماجد فرح يوسف
»عزاز شامي
»ناذر محمد الخليفة
»نصار

Re: شــندي ياناس شـندي

اليوم الخميس 11/08/2005 زواج ابن خالتي عضو البورد ( معتز )

ود يايكر نتواصل هنا على طول ولا في مكان تانى .. اصلو الحكايه جايطه علينا شويه .. ارجو التوضيح ؟؟؟؟؟؟؟

وين ناس شندي

من قندتو سلام

ولشندي ولاولاد شندي كل التحايا


مع اكيد حبي وتقديري،،،


عادل فايت

قندتـــــــــــــــــــــــــــــــــو

مليون مرحب بيك الاخ عادل فايت

والف مبروك تسجيلك في المنبر


وشد حيلك معاي ولو عندك زكريات في شندي اكتبها هنا



اخوك عبدالله بابكر


شندي الثورة مربع 14

سلامممممم



من


شندي

الاخ عبداللة بابكر سلامات
واللة اول ماقراءة عنوان البوست اسرعت بالدخول وقد تسارعت نبضات قلبي
وكنت اامل ان اجد احد اصدقائى من المتداخلين و قد حاولت اخمن من هم المتداخلين
اوحتي انت صاحب البوست ولكن لم تزعفني الزاكرة
اخ اني اتحرق شوقا لشندي التي درست وترعرعت بها
حاول انت معي حتي اجد خيط للتعرف علي الاخوان المتواجدين
اولا انا بدرالدين حمد كاجوري من مربع 23
الاخ الاصغر للاستاز علي كاجوري وطبعا لانة استاز ولاعب كرة سابق يعني اكثر شهرة من باقي الاخوان
درست في الاهليه المتوسطة وشندي الثانوية
انا الان في سدني ومعي بعض افراد الاسرة كزلك والدتي خديجة بت ود ادم
لي عشرة سنوات من السودان ياخي اصحابي بمربع 14
عبد المنعم حسن ابراهيم وحسنين وعلاءالدين جمعة وعنتر جلال وابراهيم عمر الفكي
وبكري وهشام تيتابا والخ
ساعدني ازا عرفت هولاء الشباب فانا كل اخبارهم مقطوعة عني
ولي عودة الي زكرياتي مع هزة المدينة التي احببت
وسلامي من ارض الوق واق الي ربوع شندي الحبيبة
وللتعرف اكثر ان الفنان ابن شندي الراحل عثمان الشفيع خالي
ولك كل الود اخي

فلتظل شندي دائما في العلالي
ابومصطفى

وينك يامان
abdalla BABIKER
اظهر وبان عليك الامان

الاخ العزيز معتز

الغياب كان بسبب الاجازة الطويلة في السودان

وظروف مرض وفاة خالي العزيز فتح العليم يوم الجمعه 18 / رمضان الموافق 21 / 10 / 2005

وشكرا كثيرا لسوالك عني


والان عدت الي الامارات

الاخ كاجوري

انا من شندي مربع 14

الاستاذ على كاجوري استاذي ودرسني في شندي الشرقية سنه سادسه


مرحب بيك ونتمنى التعارف اكتر عند زيارتك المرتقبة الي الامارات

الأخ عبد الله بابكر....
حار التعازي في وفاة الراحل فتح العليم... له المغفرة ولكم الصبر وحسن العزاء.
مع الود،

ع ع

الاخ العزيز عادل

شكرا ليك كثيرا على المرور والتعزية

ود الخال العزيز
abdalla BABIKER
علمت مؤخرا بهذا الخبر المؤلم البركه فيكم وفينا
وتحياتى اليك والى الاسره وحمدالله على السلامه والرجوع..
كيف ليقت الاهل والحبايب هناك
ارجو ان يكونوا جميعهم بخير وعافية ..
واهديك هذه الاغنيه لشندى وناس شندى وكل مر بهذا البوست..

يلا شندى نزور الحبايب الفريع الهدلو الوضيب....
زاد حنينى لارض الشباب...
فر قلبى وزاد العذاب ...
بى دمائى انا بكتب خطاب ....
انا وخيالى اليوم فى عتاب..
يلا شندى نزور الحبايب الفريع الهدلو الوضيب....
ياخ شندى مدنيه وجمال ..
فيها زولى انا سمح الخصال ..
ماحصل فى يوم قال وقال ..
ضاع منامى وتابع الخيال...
يلا شندى نزور الحبايب الفريع الهدلو الوضيب....
عايز اكتب لى شندى فوق ...
قال لى اصبر بالله روق..
من عيونن ضاع العشوق ..
فر بسيمن شبه البروق ..
يلا شندى نزور الحبايب الفريع الهدلو الوضيب....
عايز اروح من شندى القرى..
من قريش راجع لى وراء..
فى القليع الصيد ياترى..
والله فى خيلات ضرا..
يلا شندى نزور الحبايب الفريع الهدلو الوضيب....
برضى ماشى وانا لى امل ..
جو الحوش ازداد الوجل ..
جينا للعرقوق فى مهل ..
فى الدويمات ناير المقل...
يلا شندى نزور الحبايب الفريع الهدلو الوضيب....
الوصول لى بلد الحبيب ..
في الفجيجة أزداد اللهيب ..
فى المتمه ياخ الطبيب ...
ارحمونى وفى القوز اطيب..
يلا شندى نزور الحبايب الفريع الهدلو الوضيب....





-------------------------------------------------

يلا شندى لا تعمل تلقائيا

ود الخال العزيز معتز

شكر ليك كثيرا لهذه الزكريات العظيمة من مدينة شندي

وطبعا انت ما عايز ليك شكر لانك اصلا ود شندي


وكنت بتمنى انك تحضر الي شندي خلال اجازتك ونلتقي في رحاب شندي


وان شاء الله ربنا يمد في الايام ونلتقي

Quote: عبد المنعم حسن ابراهيم وحسنين وعلاءالدين جمعة وعنتر جلال وابراهيم عمر الفكي وبكري وهشام تيتابا والخ

الاخ كاجوري كل الاخوان الذين زكرتهم موجودين بس احتمال تلاقي منهم بعض الاخوان استقر به المقام في الخرطوم

عنتر جلال في السعودية

؟؟؟؟؟؟؟؟؟؟؟؟؟؟؟


وينكم يا اولاد شندي

.

فوق



2006




جات

Quote: فى الدويمات ناير المقل...

دا ما العذاب ذاتو

يديكم العافية

ابومصطفى

فووووووووووووووووق

ش
ن
د
ي

123456789

سلام اهلى ناس شندى

Quote: انت يا عبدالله بابكر معتز تورتسكى قريبك

بجيك راجع واجمل التحيات

الاخ ود عقاب

حمد لله على سلامت رجوعك لوبست شندي


مشتاقين





الاخ معتز اخ وصديق جمعني بنه المنبر وتعرفت عليك واعتبر معرفته كنز كبير






وهو اكتر من صديق

وجمعني به حبه الشديد لشندي




وجمعن به انه يحب شندي

Quote: فى الدويمات ناير المقل... وفى الخجيجه ازداد اللهيب ..

الاخ معتز في الخجيجة ازاد اللهيب

الصحيح في الفجيجة أزداد اللهيب
فاذا الاسم الصحيح الفجيجة ولا الخجيجة
فهي ارض حبوباتي (خالات ابوي)

مع تحياتي لك
ابومصطفى

ازيكم يا اهلنا ناس شندي...عبدالله وعادل علي...وودعقاب

Quote: يلا شندى نزور الحبايب الفريع الهدلو والوضى

والفريع الهدلو الوضيب...

والتانية الفجيجة...

والوضيب هو الشعر...الطويل الاسود المفرود سبيبة سبيبة

مش بتقولو لي الجزار عليك الله وضّب لينا اللحمة دي

خالص التحايا
الاصدقاء الاعزاء..
عبدو
وضمره (وينك ياراجل مختفى...)
keiga2000
وnazar hussien

تم التصويب (يبدو انه الاستعجال) بالاضافه الى نفس الاغنية والفنان بنفس وزمن اخر هي لكم ولكل عشاق مدينة شندي..

التحايا النواضر

1
1
2
2

بسم الله الرحمن الرحيم
السلام عليكم ورحمة الله وبركاته اخي الفاضل عبدالله بابكر عبرك تحياتي مرسلة لكل رواد البورت من ابناء شندي الجميلة والسلام والاشواق لكل مبكابد وقابض على المحراث من مزارعي شندي, لناس شندي فوق من البيطري لحدي معهد التربية مرورا بمربع 9 و7 8 لفة الباهي ودكان عرور والكبري والالوبة ودكان تعاون القرداب والحجازة والتناقرة والصبيراب وناس الامين ود عمر والتراجمة والعقيداب والفرجاب وحلة القبة,,, التحية موصلة لكل اهل شندي الطيبين, دي مقدمة دخول لبوتكم العامر وان شاء الله الجايات كتار
خالد علي محجوب المنسي

الاخ على محجوب مليون مرحب بيك

والف مبروك لانضمامك للمنبر



يلا هم معانا في البوست

عبد الله بابكر سلام

وعبرك اجمل التحايا لاهلى بشندى

اتولدت بشندى ............

ومنذ ذلك اليوم بنمشى ونجي منها كل يوم !!!!!

بيتنا فى مربع واحد قبالة المحطة ..........

وبقية العيلة منتشره فى ربوع شندى الجميله ........

كدا كفاية ؟؟؟؟؟

جاياكم راجعة

Quote: لناس شندي فوق من البيطري لحدي معهد التربية مرورا بمربع 9 و7 8 لفة الباهي ودكان عرور والكبري والالوبة ودكان تعاون القرداب والحجازة والتناقرة والصبيراب وناس الامين ود عمر والتراجمة والعقيداب والفرجاب وحلة القبة,,, التحية موصلة لكل اهل شندي الطيبين, دي مقدمة دخول لبوتكم العامر وان شاء الله الجايات كتار خالد علي محجوب المنسي

تحياتي للجميع.... ومراحب بالاخ خالد والأخت هميمة،
لكن يا خالد يا أخوي منو القال ليك إنه شندي ما فيها غير شندي فوق بس؟ الكلام الزي دا بجيب الشَكَل .... يعني أسه شوف هميمة دي أول مرة تطل علينا في البوست دا، وبعدين قالت إنها من مربع 1، إلا أن الذي يقرأ كلامك في الاقتباس أعلاه يعتقد ان هذه المدينة العريقة ليس بها سوى المربّعات الثلاث التي تشكّل شندي فوق: (مربع 7 و8 و9).... وبعدين ياخي الزول لما يتكلم عن شندي فوق لازم يتكلم عن (أويل) و(اللكوندة)، لأنهما من أعرق صروح ومعالم شندي فوق، ولا رايك شنو؟ اذا ما بتعرف أويل واللكوندة، تكون طلعت أي كلام
مرحباً هميمة...أعرف ذلك المنزل العريق الذي تقصدينه.... يفصل بينه وبين سياج محطة السكة حديد حوالي 15 متراً أو أقل...قبالة كشك إشارات السكة حديد الجنوبي.
لكم الود جميعاً،

ع ع

الأخ الفاضل عادل علي ,,, اولاً السلام عليك ورحمة الله وبركاته أنا لم اقل ان شندي عبارة عن مربع 7 و8 و9 لا حاشا وكلا يا عزيزي شندي بأهلها أولا وثانيا هي شندي فوق والثورات والديم وحلة البحر ومعليش وحلة المحطة العريقة 17 و18 وغيرها حتى حلة قريش, انا لما ذكرت احياء شندي فوق لاني من تلك المنطقة التي شهدت حياتي وترعرت فيها فقط في كل شبر من شندي فوق لي ذكريات ما بالضروري تكون في اللكوندا أو اويل كما ذكرت لان هذه ليست من معالم شندي فوق اخي الفاضل إذا كنت تجهل ذلك ,, بعدين انا افتكر انا صاحب فكرة البوت عندما فتحه بأسم شندي ياس شندي كان رجل اصيل وانا اكبر فيه ذلك لانه كان سباق لعمل خير وتواصل بين اهل شندي الطيبين نتناقش كيف ننمي مدينتنا الاصيلة الضاربة في القدم مش للمشاكل وهذا الكلام,, المهم اخي سامحك الله في رد الذي وقع علي جارح ومؤلم من واحد من ابناء شندي, في الحقيقة انا خارج شندي من زمن بعيد وممكن جدا يكون قبل ما تولد,, اخي ادعوك ان تزور موقع بورت ابناء امتداد الدرجة الثالثة الخرطوم حتى ترى كيف يتواصل ابناء المنطقة الواحدة,, وفي النهاية لك مني كل التحايا والتقدير واتمنى أن تغير طريقتك في الرد لاخوة لك وابناء منطقة واحد إذا كنت حقيقة من شندي ألا فأنت دخيل عليها وبرضو لك التحايا والاحترام اخي الفاضل
اخوك خالد علي محجوب

الأخ الفاضل عادل علي ,,, اولاً السلام عليك ورحمة الله وبركاته أنا لم اقل ان شندي عبارة عن مربع 7 و8 و9 لا حاشا وكلا يا عزيزي شندي بأهلها أولا وثانيا هي شندي فوق والثورات والديم وحلة البحر ومعليش وحلة المحطة العريقة 17 و18 وغيرها حتى حلة قريش, انا لما ذكرت احياء شندي فوق لاني من تلك المنطقة التي شهدت حياتي وترعرت فيها فقط في كل شبر من شندي فوق لي ذكريات ما بالضروري تكون في اللكوندا أو اويل كما ذكرت لان هذه ليست من معالم شندي فوق اخي الفاضل إذا كنت تجهل ذلك ,, بعدين انا افتكر انا صاحب فكرة البوت عندما فتحه بأسم شندي ياس شندي كان رجل اصيل وانا اكبر فيه ذلك لانه كان سباق لعمل خير وتواصل بين اهل شندي الطيبين نتناقش كيف ننمي مدينتنا الاصيلة الضاربة في القدم مش للمشاكل وهذا الكلام,,بعدين ممكن تقرأ كلام بتمعن بعد ان حييت اهل شندي فوق حييت كل اهل شندي الطيبين في كل الاحياء,, المهم اخي سامحك الله في رد الذي وقع علي جارح ومؤلم من واحد من ابناء شندي, في الحقيقة انا خارج شندي من زمن بعيد وممكن جدا يكون قبل ما تولد,, اخي ادعوك ان تزور موقع بورت ابناء امتداد الدرجة الثالثة الخرطوم حتى ترى كيف يتواصل ابناء المنطقة الواحدة,, وفي النهاية لك مني كل التحايا والتقدير واتمنى أن تغير طريقتك في الرد لاخوة لك وابناء منطقة واحد إذا كنت حقيقة من شندي ألا فأنت دخيل عليها وبرضو لك التحايا والاحترام اخي الفاضل
اخوك خالد علي محجوب

خالد إزيك....
يا زول هدئ شوية، وكدى قبل ما أبدأ معاك.... في الكمبيوتر بتاعك ممكن تشوف الأوجه الضاحكة؟ يعني زي دي: ودي ودي .... إذا الحاجات دي ما قاعدة تظهر ليك في الكمبيوتر بتاعك تكون فهمت كلامي دا كله غلط.... وأرجع وأقرأ كلامي تاني وعاين في الكتابة كويس.... وبعدين عارفك حييت ناس كل أهل شندي وفاهم تماماً كل عبارة في البوست بتاعك.
إذا كلامي دا وقع ليك.... قول لي، وإذا ما أقنعك برضُه قول لي.
وبعدين قصة أصيل ودخيل...الخ نناقشها بعد ان تهدأ الامور.
لك التحايا،

ع ع

الأخ عادل علي سلام وتحيات العزيز الغالي اخي انا ما زعلت بس حبيت ارد عليك المهم يا سيدي حصل خير ويا حلاة الخوة والصداقة بعد عراك حتى ولو شوية اخي مرحب بيك تعال لينا في شندي فوق ان شاء الله لما انزل السودان بديك خبر عشان نتقابل في شندي فوق تمام يا سيدي ولوقلت في اي مكان تاني برضو ممكن في حلة المحطة ولا الثورة ولا قريش ,,, المهم يا سيدي كدي قول لي انت ود ناس منو في شندي بالمناسبة انا حفاظ جدا اكيد بكون بعرفك او بعرف اخوانك او اهلك
خالد

الاخت هميمية

مرحب بيك بدار شندي

Quote: اتولدت بشندى ............ ومنذ ذلك اليوم بنمشى ونجي منها كل يوم !!!!! بيتنا فى مربع واحد قبالة المحطة .......... وبقية العيلة منتشره فى ربوع شندى الجميله ........ كدا كفاية ؟؟؟؟؟ جاياكم راجعة

منتظرينك بس ما تطووولي

التحيه لي شندي وناسا...
اها انا امي جعليه عوضيه مشلخه (((مطارق))) من حوش ال (مدني ودالاحمر).
بتخلوني اقعد ولا امشي احصل البابور???

اهل شندي جميعهم

سلام سلام
اسعد بهذه المساحة للتواصل
واسمحوا لي وانا ما زلت " في باب الدخول" ان ارحب بمحمد محي الدين
وان اقول له نيابة عنكم جميعا
حللت اهلا ونزلت سهلا
وان لم تتسع لك الدار، فحتما تتسع لك قلوبنا

همسة في إذن الاخ خالد
هدي روعك ياعم، ومرحبا بك عضوا في المنبر

ود نورة كيفكن


مشتاقين يا خي



من زمان ماسمعنا ليك خبر


كيفك وكيف الاسرة الكريمه

الحمد لله بوست شندي خلاك تظهر

والف مبروك انضمامك للمنبر

السلام عليكم ورحمة الله وبركاته,,, اخي هل انت محمد خالد ابوشوك ولا لا
خالد علي محجوب

dear khalid

sorry
im not abu shouk

ود بابكر سلام والف تحيه وكيف حال الاسرة الكريمه والعيال انشاء الله بسط .. ود بابكر الله يطول في عمرك يا اصيل .. يا أخى انا بدور على موقعنا ده من فتره طويله وبصراحه ما عايز اتعدى على حقك الادبى وانشىء واحد آخر لكن الحمد الله اظهرنه للضوء مرة أخرى .. ويا أخى أمانه ندرعه ليك في رقبتك خليهو فوق فوق وانا اوعدك معاك من اليوم سوف تجدنى يوميا عليه.. لك كل الود والاحترام والتقدير.

محمد خالد كيف حالك واحوالك .. مدة طويله لم نتقابل وكنا نشوفك بس مع اخونا وحبيبنا عثمان حاج عمر .. نرجو التواصل .. عادل فضل الله حاج عمر

يلا يا اولاده دى شندى الحبيبه الغاليه بى :

ترابها
و
نيلها
و
ومتمته ( عارفين لماذا سميت بالمتمه؟؟؟ )

وبى ناسا

بى عزها وجاها

بنضاله
بعفته
بشموخ اعلاما
بتاريخ مسطر
بجمال ونضار

احبها واحب البحبها

adil

thank you so much

it's really a very long time since the times of osman
and i missed osman eVen
but life is always like this
i will write more and more in arabic

الاخ محمد محي الدين


مليون مرحب بيك


وتقعد طوالي هنا وما تطلع ابد

الاخ عبداللة واللة ليك وحشا
ياخوي واللة كما القراية ام دك ماكان الواحد انقطع
لك كل التحايا وعبرك للاخ الفاضل القردابي
انت مسعول من الخير هميمه دى مش رئيسة حق

الاخ بدر الدين وينك

يا راجل اللفه خلصت ولا شنو وبعدين ما جيتنا بيجاي تاني



كيف الرحله وكيف شندي احكي لينا يا راجل

والله العظيم يا ود بابكر ما عرفت بوفاة فقيدنا خالكم فتح العليم الا عندما وصلت الى هذه الصفحه .. البركه فيكم .. مع الرجاء تقبل عزائى المتأخر

ود عقاب كيف حالك .. كيف الحله والجماعه كلهم .. تحياتنا للجميع

الاخ معتز نشكرك على الاغنيه الرائعه

الاخ بدر الدين كاجورى لك التحية والتقدير وحبابك 1000 في دارك شندى .. انا بن عم جاركم عصمت عبد الرحمن حاج عمر

مدرسة شندى الشماليه بنين

هذا الصرح العملاق المناضل عبر الزمن حفاظا على شموخه رغم تبادل الحكومات والوزارات عليه هو صامد امام تلك الشجرتان ( واحدة للحاجة كلتوم والاخرى للحاجة ست البنات بت مرحوم) الله يرحمهن ويطيب ثراهن .. حيث كن نأكل من أيدنهن اطيب الشندوشات والحلويات .

انه صرح شامخ بمعنى الكلمة ومتابعتى له عن كثب تنبع من أن ابنائى (احمد ومحمد ) يدرسان بهذه المؤسسة الغالية علينا كما درست انا بها.. حيث تحتل الآن مرتبة متقدمة على مستوى الولاية .ز كما انك تلاحظ قوة مستوها التدريسى من خلال شدة التنافس بين تلاميذها كما أن عامل فارق الدرجات بين المتنافسين يعطيك الاحساس بالمستوى الجيد لكل الابناء بها.. لا ننكر بأن هذا الفضل يرجع لإدارة المدرسة التى تتواصل بجتهاد للوصول بابنائها الى هذا المستوى المشرف .. كما لا يفوتنى اهتمام إدارة المدرسه بمبانى وفصول المدرسة ونظافتها .. التى تلفت انظارك من بداية دخولك اليها .التحية والتقدير للإدارة الحالية وغذرا ان نسيت اسما .. المديرة / فاطمة حسن بركات .. القدير المخلص عادل راشد الاستاذ / عصام حسن توفيق الاستاذ/ حسن عبد الله الاستاذه/ ميمونه عبد الرحيم الشريف وكل من رافقهم.

Quote: بابكر سلام والف تحيه وكيف حال الاسرة الكريمه والعيال انشاء الله بسط .. ود بابكر الله يطول في عمرك يا اصيل .. يا أخى انا بدور على موقعنا ده من فتره طويله وبصراحه ما عايز اتعدى على حقك الادبى وانشىء واحد آخر لكن الحمد الله اظهرنه للضوء مرة أخرى .. ويا أخى أمانه ندرعه ليك في رقبتك خليهو فوق فوق وانا اوعدك معاك من اليوم سوف تجدنى يوميا عليه.. لك كل الود والاحترام والتقدير

الاخ ود المدفع حمد لله على سلامتك

من ديك وعيييييييك


ليك علي اخلي شندي دائما فووووووووق

الاخ ود المدفع حمد لله على سلامتك

من ديك وعيييييييك

ود بابكر حمد الله على سلامه الرد كنت في انتظاره على احر من الجمر .. والله صدقنى ما زوغه ولكن انت عارف ظروف البلد دى لكن انشاء الله تواصل مستمر

ولا انسى الاساتذه الأجلاء الذين عملوا في مدرسة شندى الشمالية بنين ومنهم :


محمد الحسن خلف الله ( الناظر )
حامد ابوجوخ
صلاح البخارى
ابوزيد
مدثر
الزين
بابكر قدور

اين انتم ابناء شندى

لمن لايعرف مدينة شندي

Quote: مدينة شندي تقع مدبنة شندي إلى الشمال من الخرطوم بحوالي مائة وعشرون كيلو متر وتقع على الضفة الشرقية من النيل ويصل بينها وبين الخرطوم العاصمة خط السكة الحديد المتجه شمالاً وكذلك طريق بري مسفلت . وهي كذلك تعتبر عاصمة محافظة شندي والتي تتبع لها العديد من المحليات منها محلية حجر العسل والتي تعتبر بوابة ولاية نهر النيل والمحافظة من الجنوب وتمتد إلى أكثر من 75 ك من شلال السبلوقة ( السادس ) إلى البسابير وتضم أكثر من ثلاثة وعشرون قرية منها حجر العسل والوادي السعيد والشيخاب والبسابير وكذلك محلية كبوشية وتعتبر مدينة شندي من أهم مدن ولاية نهر النيل والعاصمة التاريخية لقبيلة الجعليين أشهر القبائل العربية في السودان وقد كانت بالقرب منها العديد من الحضارات مثل الحضارة المروية وكذلك توجد بالقرب منه العديد من الآثار ( النقعة والمصورات ومروي القديمة). وتعتبر من المدن الزراعية حيث توجد بها أكبر منطقة لزراعة المانجو وكذلك تشتهر بإنتاج الفول المصري والبصل والفاصوليا والعديد من الفواكه. وبها العديد من المصانع حيث بها مصنع النسيج والذي يعتبر من أوئل مصانع النسيج في السودان. وتوجد بها العديد من المدارس الثانوية وكذلك بها جامعة شندي والعديد من المؤسسات التعليمية.

الأخ الفاضل عادل علي
السلام عليك ورحمة الله وبركاته... أخي الفاضل والله رغم اني صافي ورائق, لكن لي ثلاثة ايام مش قادر انام من مقطع في مداخلتك هذا المقطع هيج اشجاني وحملني أن اسطر هذه الذكرى صدقني كان يمر كل شخص من هولاء ,,, ذكرت في مداخلتك انو من معالم شندي وانا ما ذكرتها اللكوندا ..... وأويل.....
قبل ان نخوض في هذا الخضم من الذكرى اولاً احب ان اترحم على من ماتو منهم واطلب لهم المغفرة ونزول جنات الخلد, والتحية والاحترام لمن بقى منهم.
أقيف واسمع,, وارخي اضانك شندي فوق عامرة برجالها وأهلها وهم معالمها, احب ابدأ معاك من معهد التربية شندي ذاك الصرح الشامخ في شندي دكان ود الباز والأستاذ الجليل محمد إبراهيم و العم آدم والمقدم وغفير معهد التربية تفاحة, اصبر شوية نحن نازلين لتحت مرورا بالتناقرة تجد الجعلي وأحمد حمزه وحمزه عبد المطلب شيخ العرب,, عاوز تنزل عديل بالدرب ولا نعرج على الحجازة والتي قال فيها الشاعر الزين محمد الزين .. يا الماشي الإجازة أرجوك تغشى الحجازة .. نبدأ مقرب المعهد عمك قرض وصاري مربع 8 الفكي الامين والفكي محمد وعبد السلام الطامح وعثمان حسن رزق وسنوسي مطعم الطير والارباب احمد ادريس, والشامخ الحكيم ود النعيم ومن معالمها ايضاً رومة بت الصديق, ادخل علي اهلي القرداب تجد ذاك الميدان الضارب في القدم فاشر القرداب ومحمد حامد الجمري وجعفر الجمري والخير الامين والجد الحاج ود علي وعلي محجوب وبلول حاج سعيد وحمد كروري وعباس فقيدة نمشي من القرداب شرقا لخط السكة حديد وتجد هناك الباترى عوض الدخري واجع من هناك غربا تجد هجام وسلطان وقب النور مرورا بناس العطا واولاد الياس وخضر وعقاد والزين محمد الزين,, وكان مشيت شرقا تلقى معقل الختمية العمراب جعفر الامين وعلي الامين والعوضاب والتاج ابراهيم وناس كوريناووالفرجاب ,,احمد دهب والسيد المحسي وام حنانة,امشي بيك شوية لقوم اكلت مايبعون من لحوم هل عرفتهم؟؟ هم الحجياب , حجو ود قدري وحجو ود طه..منهم الزين وختم وعبد الواحد حجو وضمنهم نذكر الحاج ابوشغيرة والردي, شرق منهم تجد الصبيراب ارباب سعيد وفي هذا الحي عاش عمدة شندي الجاك بادي وهو من القرداب,, نرجع تاني غرباً حيث جامع شنان في سوق الشدرة تجد الشيخ عباس وحاج الامين والشفيع والنعيم عجوبة وعلي صفية ,
نزولاً بالدرب التحت مر علي نا القاضي ووارجع شوية جنوبا لزاوية القادرية العتيقة تجد بابو فاتح الريح والبروجي ,, اقيف لسع اقيف واسمع ونرجع سوى لمربع 9 تجد عطا السيد سيداحمد , وابو شورة وابراهيم مرجان واولاد فرج افندي وعبد الصادق وحاج احمد الفلاتي وابونا ود حاجة كلتوم ومحمد شول لحدي ما تطلع قلعة شنان,, انتقل بك لحلة القبة قبة ابوفراج سر الختم ناصر واحمد الماحي والطاهرحسين و وناس النقي ووشيخ البشير ود صقر الجو وعلي جابر وحسين عبد الماجد.
تحياتي واشواقي لكل اهل شندي بدون فرز وسلام خاص لناس شندي فوق لاني منهم وبهم.
اخي الفاضل وهذا مزاح ان تزور عمنا الفاضل جعفر الامين ود عمر وتقول ليهو انو معالم شندي اويل واللكوندا ,, والله يصقعك بعصاتو في رأسك
اخي ارجع واقول ما دعاني في الخوض في خضم هذا البحر الهائج من الذكرى اشجان حركت انت اوتارها وليس القصد غير ذلك وارجو ان تفهم قصدي والتحية والسلام لك ولكل اهل شندي.
للعلم فقط احب ان اذكر لك احيا شندي القديمة كانت شندي كلها يا اخوي عبارة عن شندي فوق مربع 7 و8 و9 وحلة القبة وحلة البحر وحلة المحطة وبعدها امتدت لتشمل مربع 1 و 11 ,, بعدها ديم عباس المنسوب لعباس صبحي والد الدكتور حسن عباس صبحي بعدها توسعت شندي وشملت المربعات ما هي عليه الان
خالد

عزيزي خالد....
لك التحايا،
ياخي إنت ما دام عارف الكلام دا كُلّه مالَك بتشاكل طوالي؟ (عاين للوش دا كويس عشان بعدين ما تجي تعمل شكلة تاني).
بعرف شندي فوق تماماً.... وحتى منقة جنينة عمنا علي محجوب أكلناها.... أها تاني عندك كلام؟
وبعدين ياخي لولا أويل واللكوندة، من الذي يستطيع أن يوزن رأس ناس بقاري وخرّاش والعِطِر؟
بجيك راجع!!

لك الود،

ع ع

الأخ الغالي عادل علي
سلام بقدر حبات رمال شندي أظنو دا بشبع لانو الرملة المردومة بس جنب مصنع النسيج تكفي ولاشنو بعدين والله حيرتني انت منو في ألف عادل علي بعرفهم بالله عليك ولدني انت ود ناس منو وما تخاف علي انا الحمد الله رأسي كويس ومذكر كل الانساب في شندي لو ما بعرفك بكون بعرف اهلك بالله افصح وضح ابن تمام ياسيدي ,, بقاري عارف انه في السعودية الان لكن خراش والعطر ديل اخبارهم شنو وبعدين انت في السودان ولا خارجه
لك الود الاحترام اخي الفاضل
خالد اتوقع رد يشفي الكيوريزتي الشديدة دي

الاخ خالد

احيك وانت تسرد تاريخ شندي وتزكر كل شبر فيها

لك التحية


ونعمة كبيرة لنا انضمامك لهذا الوطن الصغير المنبر العام



اخوك عبدالله

الصنديد عبدالله بابكر
لك السلام والود والمحبة وشكراً كثير على التعقيب الجميل, ودا نابع من معدنك الأصيل عزيزي الفاضل
,,,
أخوتي واخواتي والله هذا المنبر الصغير يجب ان نستفيد منه بأقصى مقدرة لنا يا شباب شندي ,,, أما تلاحظون أعزائي انا بلدنا اعني شندي وضواحيها. رغم انها من أقدم المدن على الأطلاق في السودان عامة متخلفة عن موكب المدن الاخرى في السودان أعني ( تطوراً ). هل تصدق أخوتي واخواتي الأفاضل انا شندي كانت من أوائل المناطق في السودان التي كان فيها حكم قائم على نظام إداري كامل مك وقاضي وشرطة ما تفتكروا أن هذا كان زمن المك نمر هل تعلموا أن المك نمر كان هو آخر منظمومة هولاء المكوك ( اتمنى اني يكون جمع مك هو مكوك لاني بليد جداً في قواعد اللغة العربية), تطور منطقتنا قديماً ساعد فيه قربها من حضارة الفراعنة في مروي والبجراوية وكذلك قربهامن سوبا,, وكذلك هاجر الكثير من ابناء شندي واستفادوا من حكم مملكة سنار وهذا كله ساعد في تنظيم تلك المنطقة منذ زمن بعيد,,, هل تلاحظوا اخوتي وأخواتي الأفاضل ان مدينتنا راكدة, استخدامي لهذه الكلمة ( راكدة,,, مع انها ليست الكلمة المناسبة وانا اعلم ذلك لكن استخدامي لها كان لشئ في نفسي ) كرهت ان استخدم كلمة مهمشة وكلمة مستهدفة من الحكومات , مركونة لانها كلمات اصبحنا كل صباح نسمعها من جنوب وشرق وغرب ووسط وشمال السودان, في الحقيقةأن كل السودان مهمش فقط العاصمة وهي ايضاً مهمشة على حساب عواصم العالم,, أخواني وأخواتي ارجعوا معي شوية في تاريخ شندي الحديث,,هل سمعتم في يوم من الايام قائد القيادة الشمالية من ابناء شندي؟ رغم ان جل اولاد شندي في الجيش ويشغلون مناصب علياأمثال اللواء احمد بادي الحسن واللواء كمال علي الامين رحمهم الله والعميد عبد الرحيم العطا اللواء حموده الشيخ والعميد ابوفداية والعميد مريغني سلميان واللواء الفاتح ود شيخ العرب وغيرهم وغيرهم من لا يحضرني اسمائهم الان. حتى منصب محافظ لم يعين فيها واحد من أبناء شندي ألا في الفترة الاخيرة وهو ابن شندي البار الفاتح عبد المطلب ود شيخ العرب.. وفي تعينه هذا كانت قصة طريفة سوف احكيها لكم لاحقاً, وحتى الشرطة كبار ضابطها كلهم من خارج شندي والاطباء وغيرهم وغيرهم. هذا لم يكن سهواً,أو سببه أنه لايوجد من اولاد شندي من هو مؤهل لشغل تلك المناصب لكن كان ذلك لسياسات الدولة والحكومات التي تعاقبت وتقاعسنا نحن وعدم الثورة ضدد ذلك,, هذا كله يجب ان لا نعتبره علة او سبب نعلق عليها تخلف مدينتنا الجميلة يجب ان ننهض نحن شباب شندي لنعطي شندي التي اعطتنا الكثير, من هذا المنبر ارجوكم مناشدة كل ابناء وبنات شندي حتى نتفاكر من خلال هذا المنبر كيف وكيف وكيف ؟؟؟؟,,, وان شاء الله آيد مع آيد نستطيع نعمل شئ من اجل شندي,,, أخوتي واخواتي انا مستقر في خارج السودان لكن ادلكم, (اعني الاخوة والاخوات المقيمين في السودان), على اخوة سوف يساعدكم في ما تنون عمله ,, العم الفاضل ود البشير مرجع التاريخ في تلك المنطقة وهو معروف ومن معالم مدينة شندي, والأخ الفاضل اللواء معاش الفاتح عبد المطلب وكذلك شقيقه العزيز عمر عبد المطلب في جهاز الامن, والواء معاش عبد الرحيم العطا, عبده الطويل بتاع الفولي اظن كلكم بتعرفوه ,, وهاشم احمدونه بتاع اهلي شندي, والمحامي ابوطالب عثمان وغيرهم من اهل شندي النشطين يمكن ان تستفيدوا من خبرة هولاء.يجب ان نضع نصب اعيننا انه ما ( ما بحك جلدك ألا ظفرك ) من هذا المنطلق يجب ان نطلق اخوتي واخواتي يجب ان يكون منطلقنا من خلال بورت عبدالله العامر شندي يا ناس شندي, ان شاءالله نتفاكر ونفكر كيف نطور مدينتنا. هيا اخوتي أخواتي الفي الخارج بالأفكار من خلال الموقع وبسواعده في الاجازات والفي الداخل بسواعدهم , هل توافقوني في هذا الرأي اخوتي وأخواتي؟؟؟؟؟
اطلت عليكم لكن الموضوع كبير وبرجع لكم قريباً
خالد

الأخ الفاضل عبدالله بابكر
سلام رجعت لك مرة آخرى,,,, اخي حبيت أن اسبقك لعمل خير هذه المرة مع اعترافي ان خيرك كان أكبر وكبير جداً كبر شندي فينا( فتح هذا البورت ), اخي الفاضل انا لا اعلم اين تقيم انت الآن في شندي أو في منطقة آخرى في السودان ولا خارج السودان ,, المهم في الأمر. الامر مطروح لك إذا كنت مقيم في شندي ولغيرك إذا كنت انت خارج شندي,,, فكرتي ان تتصلوا بالعم الفاضل ود البشير أنا للأسف لا اعرف اسمه بالكامل لكن هو علم في رأسه نا في مدينة شندي رجل مرجع تاريخي في منطقة شندي وحافظ للشعر كان خياط في سوق شندي سابقاً. استفيدوا منه وسجلو له ودونوا تاريخ شندي وشعراءها وسياسيها ورجالاتها وغيره وغيره من علمه الجم, واطرحوا هذه المادة على هذا البورت حتى نعرف كلنا منطقتنا التي نجهل الكثير منها,, انا لا اعني بشندي المدينة فقط ,انا في نظري شندي هي شندي وضواحيها,, لان الضواحي كانت هي الأصل وأهل الضواحي هم اللذين اوجدوا شندي المدينة... بالمناسبة هذا الرجل حفظه الله أعني ود البشير موسوعة يجب ان نستفيد منها, ارجو ان تكون فكرتي واضحة ,,,,
خالد

الاخ خالد


انا الان موجود في دبي

شغال في شركة في دبي

اما عن موضوع العم الفاضل ود البشير ان شاء الله سوف اعمل جاهدا بالوصول اليه

ونقل المعلومات وتاريخ شندي

الأخ العزيز عبدالله بابكر السلام عليك ورحمة الله وبركاته
اخي الفاضل أولا الشكر اجزله للاهتمام بهذا الموضوع, بالله يا عبدالله خلي الموضوع دا في رأسك,, والله سوف ترى الفائدة التي سوف تعمنا كلنا مواطني شندي لو تحقق هذا الموضوع,, وانا سوف اسعى ايضاً للحصول على معلومات منه بطرقي الخاصة

الاخ خالد علي محجوب

لك التحيه وأنت تواصل هذا السرد الجميل عن شندي
استمتتع جدا بكتاباتك
بالمناسبه هل انت شقيق أحمد علي محجوب؟

الاخوه
عبدالله بابكر
عادل علي
ود المدفع
عادل فايت
بدر الدين كاجوري
كيغا
تروتسكي
ود عقاب
نزار حسين
م محي الدين
أبو نوره
هميمه

لكم التحايا- ها أنا أعود لبوست شندي بعد انقطاع زاد عن سنة كامله
وأجدكم مازلتم تحملون الشعله وتكملون الماراثون

الاخ خالد على محجوب


* أولا لك الف تحيه واحترام وتقدير ... كان اثر سردك لرجال واعلام اعرق مربعات شندى سرد يحرك القلب وينعش الامنيات ويدمع العين لبعض من فقدناهم من اعمام خلال سردك الحى ، هؤلاء كنا نعتبرهم جميعا بمثابة مكوك ومشايخ واعمام كرام ..

* اقف معك فيما يتعلق بالنظام الإدارى الجيد المحكم الذى كان تدار به مدينه شندى وابسط مثال على ذلك لو تتذكر زمن المجالس البلديه والضباط القائمين على ادارتها أمثال ( عمنا فارق الكارب ) حيث كانت تشرف على تخطيط البلد من مربعات واسواق وشوارع وخلافه ( وانظر حاليا لسوء تخطيط مدينة شندى )

* من المفترض نحن ابناء شندى عندما نلتقى فى هذا الموقع العزيز لدينا أن نتعارف بوضوح وجديه ( الكلام ده موجه ليك يا عادل على ) يا أخى ريح اخونا خالد

* اخى العزيز خالد ( انا عادل فضل الله حاج عمر -حلةالبحر مربع 12 ) مقيم بالامارات

الاخ العزيز خالد

الفكرة التى طرحتها بخصوص التعاون والعمل يدا بيد لتطويرها .. الفكرة في حد ذاتها جديرة بالاهتمام بالإضافة للذين تم ترشيحهم للتعاون معهم فهم جديرين بالثقة وخاصة السيد / الفاتح عبد المنطلب وعمنا الموسوعه محمد البشير وهو بالفعل موسوعه في الشعر الغنائى وخاصة اغانى الحقيبه .. كما انه يلم بتاريخ شندى والمناطق المحيطه بها .. إلا يا أخى خالد هناك بعض العوائق التى تعيق هذا المشروع واحدد منها :

1/ أن نظام الحكم الادارى القائم في شندى حاليا عمد على تهميش اهلها الاصلين وابعادهم من دفه نظامها الادارى .. ومن الملاحظ أن 90% من الذين يقومون على أمر شندى هم دخلاء على مدينة شندى كما ذكرت انت سلفا.

2/ هل تعلم بأن المدخولات المالية للمدينة من ذكاة وضرائب وخلافه ليس لإدارة المدينه الحق في التصرف فيها وانما تذهب جميع الخزينة الى خزينة الولاية حيث بعد ذلك ترفع ادارة المدينه قائمة باحتياجاتها واكيد يتم تلبية بعضها وبعهضا يهمل .

3/ هجرة ابناء وعقول ابناء شندى الى العاصمة كان عاملا مساعدا لعبث العابثين بها .. ولكن اكد هنا بأن بيوتهم العامرة دائما باقية جميعها شامخه كالقلاع وبأذنه تعالى لنا عودة جميعا لكى نعيش في ربوع شندى ونحقق فيها احلى الامنيات ونفخر بها دائما كما كان يفخروا بها ابائنا واجدادنا .


ولى عودة

يا اخوان عليكم الله دلونى على الطريقه الصحيحه علشان انزل بها صورة شخصية .. مع العلم اتبعت الطريقه المتبعة ولم تنجح



ولكمالشكر والتقدير

هل مازال نظام الديوان ( بيت الرجال ) قائم بالسودان وخاصة بمدينتنا الجبيبه شندى .. اتذكر جيدا بأن بيوتات مدينة شندى كانت من البيوت التى حافظت كثيرا وبصرامة قاسية على هذا التقليد عبر اجيالها .. وباب الرجال وباب الحريم .. من المواقف التى لا انسها أن الوالد الله يرحمه صفع احد اخوانى الذى كان في وقتها عمره يتعدى الثلاثون عاما وذلك بسبب ارتفاع صوت احد اصدقائه الذى كان يجلس معه في الديوان .. فهل سوف افعل ذلك مع ابنى احمد أو محمد؟؟؟؟؟؟

احترام البيوت واقسامهاودقه العصا والنحه والقحه واحترام الضيف كان من اساسيات اهل شندى .. فهل يا ترى مازال الحال كما هو ؟؟؟؟

_ حاج محمد ود البيه ناظر منطقة دار جعل الله يرحمه كان عندما يأتى من المتمه الى شندى ويرى العتاله والعربجية يستحمون في الهواء الطلق بالقرب من المشرع ( مرسى المراكب أو البنطون) كان وبلا تردد يجلدهم بالسوط جلدا مبرحا ( لان هذا السلوك من وجه نظره غير سليم وعديم لمراعاة لحياء الناس خاصة النساء) .. فهل مازال هذا السلوك الغير حضارى موجودا هناك وفى اجمل المناطق التى يمكن لاهل التنزه بها (شاطىء النيل ) .

- عمنا حاج عمر ود البيه عرف بالحزم والصرامه الله يرحمه وبما أن بيته العامر دائما يقع في حى مربع واحد وفى طريق مواصلات عامة .. كان يمنع اصحاب الوارى والعربيات العالية من المرور بهذا الشارع ان كانت تحمل على شحناتها ركاب أو المساعديه الذين يجلسون في اعلى الشاحنات ( التنته ) وذلك حريصا على ان لا يطل هؤلاء الركاب على البيوت التى تطل على الشارع ... فهل حولناشوارع المواصلات العامة الحالية بشندى ؟؟؟ اتباعا لمبدا هذا الرجل الحكيم .. واضافة الى ما فيها من خطورة على اطفال الحى وكباره

كتب عادل فضل الله

Quote: * من المفترض نحن ابناء شندى عندما نلتقى فى هذا الموقع العزيز لدينا أن نتعارف بوضوح وجديه

انا اؤيد هذا الطرح واقترح تعميمه

ساسلك نفس نهج منهج عادل

محمد خالد - مربع واحد - معهد التربية، شندي الشمالية، المدرسة الاهلية المتوسطة، عبد الله الحسن الثانوية - مقيم في بريطانياحاليا

الشوق متل شوك الكتر طعن الجسيم لمان خدر



شندى غير راضية عنا لو راضيه عننا كانت جعلتنا من الذين لا يطيقون فراقها ساعه امثال: عبد العزيز السيد ابراهيم فرح وبكرى عبد الرحيم الشريف ومثلهم كثير

Quote: من المفترض نحن ابناء شندى عندما نلتقى فى هذا الموقع العزيز لدينا أن نتعارف بوضوح وجديه

Quote: انا اؤيد هذا الطرح واقترح تعميمه

وانا اؤيد كذلك


عبدالله بابكر - الثورة مربع 14 - شندي اكيد - الان مقيم وشغال في دبي دولة الامارات العربية

مراحل التعليم - الشرقة الابتدائية - الريفية المتوسطه - عبدالله الحسن الثانوية (دي مراحل التعليم في شندي )

الأخ الفاضل الحاج السلام عليك ورحمة الله وبركاته,,,, الشكر موصول بود اهل شندي الطيبين تحفه رائحة جوافة ومنقة سواقي القرداب وجنينة العمواي ولو داير من السوق ترابيز اولاد قريش ,, اخي الفاضل نعم انا شقيق الفاضل العزيز احمد علي محجوب, اخي لك مني الاحترام والتقدير

الأخ العزيز الفاضل عادل فضل الله حاج عمر
من منا لا يعرف العلم فضل حاج عمر ود البيه
دا خريف شندي والمتمة الفيها مالو مشارك..... هيلو السارحة وهيلو الصاهلة وهيلو البارك
مرحبتين بود حاج عمر مرحب خريفنا الجانا ..... مرحتين حبابو وتشرف نبو ديارنا ( بورت عبدالله بابكر )
مرحبتين حبابو البهو كل مدارنا ...................بتنزلو في الشدر مالنا ماتت نارنا
اخي لك الشكر والتقدير على المداخلة والنصيحة التي قدمتها للأخوة, أن تكون الجدية من سمات البورت, بعدين لقد هيجت الذكر بذكرك المجلس البلدي زمان ايام العم ود الكارب والنعيم سلمان وعجيب سيد عجيب وغيرهم من ابنا شندي الابرار, فقط انا اختلف معك في نقطة انو الطريق للتطوير محال في الوقت الحالي , اخي نحن ممكن ان نفكر في طرق شتى ليست عن طريق الحكومة, وان نستقل نحن اعضاء سودانيزونلاين بوت الاخ الفاضل عبدالله في تحريك النشطاء من ابناء شندي المقمين بالسودان في الدعوة والتحضير لمؤتمر جامع الابناء شندي كافة للتفاكر في كيفية انقاذ البلد من التصحر وتطويرها وأن دعاذلك لرفع عريضة للجهات المتسلطة, شندي اخي عادل عامرة بأبناها والله لو قلنا بسم الله كل شيئ بمشي كل من ماله أو ساعده أو فكره أو موقعه في الحكومة وماشاء الله شندي عامرة بدء بالفاتح عبد المطلب ود شيخ العرب وشقيقه عمر, وحسن عثمان حسن رزق الوزير السابق وشقيقة مدير منظمة الدعوة الإسلامية في السودان لا يحضرني اسمه, صلاح ادريس والشيخ مدني, عبدالرحيم العطاء وغيرهم من ابناء شندي, اخي لا ادري صحة هذه القصة لكن حكاها لي اخ موثوق به, عن كيفية توظيف الفاتح في هذا المنصب, انه كان ابناء شندي المتقاعدين في الجيش دعو لاجتماع بخصوص تطوير شندي وكان الاجتماع في الحاج يوسف,, قال لي انو وهم مجتمعين سمعوا صوت سيارات نجدة ( شرطة ) فكان تحليلهم لذلك ان امن الدولة ظن انهم يخططون لانقلاب فإذا بهم يفاجؤن بموكب السيد رئيس الجمهورية عمر البشير ,وبعد جلس واكرموه بدأ الكلام انه أعلم ان ابناء شندي مجتمعين من اجل تطوير شندي ولام الحضور لما لم يدعا لهذا الاجتماع , المهم وقف عبد الرحيم العطاء وتحدث وافاض عن التهميش الذي واجهته شندي من كل الحكومات المتعاقبة وبما فيها حكومة البشير وكذلك عن تهميش ابناء شندي في الوظائف في مدينتهم كما ذكرت انت الان, وذكر له منصب محافظ شندي وانه دائما يشغله من ليست من شندي , المهم بعد نقاش وجدل حول هذا الموضوع رشح ابناء شندي الفاتح شيخ العرب لهذا المنصب دون علمه وهو والله اهل له, اخي كان سبب ذكري لهدا السرد انو اي حركة انشاءالله معاها بركة ولا يجب ان جلس مكتوفي الآيدي نرجا في مطر السحابة
خالد لي رجعة معاك ياعادل

الاعزاء جميعا
اهلي العزاز
تحياتي
انا منكم لحمة وشحم
بجي راجع لي البوست بي مهلة
تحياتي ليكم جميعا
خالد ود العبيد احمد
كبوشية ـ قدو ـ والدرقاب ـ والكجيك ـ والقلعة ـ والبجراوية

وهسه في سيدني
بمشي وبجيكم صاد

مرحــــــــــــــــــــــــــــــب بالود العبيد

الفنانة القديره ذات الصوت العزب والمتمكنه في اداء اغنياتها ( نبويه الملاك ) تنتمى الى شندى والمتمه حيث مسقط راس حبوبتها الله يرحمها ( بت عطيه ) وبقية افراد اسرتها والدها الخال عبد الحفيثظ احمد عبد الرحمن ووالدتها عواطف البنا ( امدرمان )هى آخر العنقود لوالدها وقد توفى والدهاالله يرحمه وهى لاتزال في المهد ضريرة منذ ولادتها .. خالها الخال ذو الحث الفنى العميق عبد الرحمن احمد والذى كان قد تولى مسؤولية إدارة الاعلام بشندى ولازال بشندى .. وكما عرفت من أخى عثمان فضل الله بأن والدها كان له ملكة الغناء والصوت الشدى .. كما اننى استمعت الى الخال عبد الرحمن احمد ويقلد الخالد / عثمان الشفيع بطريقه تجعلك تشك بأن الصوت منسوخ تماما. ابن الوز عوام

الدكتور الشاعر / الزين عباس عمارة من ابناء شندى ..

الأخ خالد المنسى يرجى التوضيح اكثر ؟؟؟؟

ود بابكر عارفك مشغول .. لكن انا بفديك وبخليها دائما فوق فوووووووووق

سلام يا شباب شندى والتحايا
ما ذكرت شندى الا وأسرع قلبى بالنبض
أذكر أجمل أيامى فيها عندما أتيت لهذه الدنيا مرورا بالمك نمر المتوسطه ثم شندى الثانويه بعدها رجعت مهندسا مقيما بمستشفى المك نمر
وما ذكر هذا المستشفى الا وذكر عمنا محمد عبد الكريم السيد الرجل المضياف الذى دايما ما كان يخجلنى بكرمه اللهم يامنزل الرحمه أجعل قبره روضة من رياض الجنه فقد كان نعم الرجل المحسن ومن الناس الذين خلدوا فى زاكرتى ابدا المرحوم عماد محمد مصطفى ربنا يتولاه برحمته فقد رحل هؤلا ء الرجلين فى صمت ودون ضجيج وقليل من يعرف ما قدماه من جهد لقيام ذلك الصرح
أيضا وعلى رأس من أعطى وقته وماله لبنا هذا المستشفى الاستاذ الكريم
والاخ الفاضل الاستاذ عبدالوهاب الصافى الجعلى وهو رجل ما ان تجلس اليه
الا وتحبه من قلبك رجل كريم حلو الحديث بهى الطلعه ناكرا لذاته والله
قدم من جهد لقيام مستشفى المك نمر أكثر مماكان يقدم لعمله الخاص فى
بداية عمليات الحفريات والبناء
وكان يقدم ذلك فى صمت ونكران ذات فليجعله الله فى ميزان حسناته
أيضا ينطبق كل الكلام اعلاه على عمنا محمد أحمد ابجوخ
هؤلاء النفر ومعهم بقية اللجنه التى أشرفت على وضع اللبنات الأولى لمستشفى
المك نمر التعليمى يستحقون من أهل شندى ومنا نحن جميعا رفع القبعات إجلالا
وتقديرا
صنفره بعد إذنك يا ناذر
لمن رجعت قبل سنه تقريبا ذهبت لارى كيف تم تشطيب المستشفى وزيارة أحد
الاصدقاء وجدت واحد من شركة اسمها الهدف وقالى ممنوع الزياره قلت ليه
طيب ممكن أدخل بس أعاين وأشوف بعد ان شرحت له اننى كنت مشرفا على
الاساسات من جهة المهندس الاستشارى فما كان منه الا ان طلب منى الابتعاد
فى الحال وأفسح الطريق لاحد الاخوة من ورائ بعد ان حياه بكيف سعادتك
طبعا اتحمقت وقلت ليه بصوت عالى منعول ابو السعدتو الكرهتونا بيها
حياتنا بس زولى اللهو سعادتو التفت على وبصوره صارمه جدا قالى أسمع انت
لسه قلت الادب دى ما خليتا فكانت فعلا أجمل مفاجأة حيث انه كان أحد أصدقاء
الجامعه واذا به نقيب فى الاستخبارات ودخلت وزرت المريض وبعض الزكريات
الجميلات ولكن بعد ان خرجت وانا فى طريقى الى الخارج التفت الى بتاع شركة
الهدف وقلت له صدقنى لو مات ابوى داخل هذه المستشفى لن آتى لزيارتها
وانتم تقومون بامرها وابتعدت عنه والحسره تملأ قلبى وعيونى مقرورقه بدموع
محرقه.

الكريم الهميم ود العبيد لك السلام والرحمة من الله تعالى انت بين اهلك وأبناء منطقتك, كندكتنا كتاحة شندي ورغم كل ذلك نحن لها, فصّد ارجانا شوكها ونعزها,, كوانا شتاها وشقق آيدينا وخدودنا وكل دعوانا لله تعالى أن نعود لها ونقبر فيها ولا نتمنى ألا في ترابها نقبر, لفح وجوهنا حر صيفها والشوق لها مطر, رغم العيش في اوروبا نصف عمرنا لكن والله ثلاثة لانبدل بها فهي فينا ومعنا, اخي نتمنى عودة سريعة لك للبورت وتغمرنا بكلامك الحلو والممتع لك الاحترام والتقدير ونحن في انتظارك

و انا كمان ...الف تحية

بالله يا أميره انتى برضو من شندى انشاء الله بس تكونى أميره الفى بالى والله العظيم ثلاثه أكون أسعد زول لكن معقول بس الحظ يبسم لى انا دا والله ما أظن يعنى من ردى الفوق بتعرفى لو كنا بنعرف بعض أدينى أي اشاره وانا بتم الباقى لكن ما أظن

بالله يا أميره انتى برضو من شندى انشاء الله بس تكونى أميره الفى بالى والله العظيم ثلاثه أكون أسعد زول لكن معقول بس الحظ يبسم لى انا دا والله ما أظن يعنى من ردى الفوق بتعرفى لو كنا بنعرف بعض أدينى أي اشاره وانا بتم الباقى لكن ما أظن

الاخوان الاعزاء الواحد سعيد بدخول وجوه جديدة

لم نكن ندري علاقتها بشندي

الاخ والعبيد

الاخت اميرة

الاخ ود الجعلي

مليون مرحب بيكم



تخريمة للاخ خالد نوره


متين ياخوي مشيت لندن ربنا يوفقك انا كنت مفتكر انك لسع في الامارات

سلام شندي ...سلام ود الجعلي ..
فيما يبدو انني اميرة اخري ..
لكنني ارحب بصداقه ابن شندي ..

Quote: لكنني ارحب بصداقه ابن شندي ..

الاخت اميرة

ونحن نرحب بيك وبصداقتك

شكرا اخي عبدالله بابكر
تحياتي لكم جميعا ...و ساعود

العموده ادناه تمت كتابته في عمود للاخ مزمل ابوالقاسم قبل اكثر من سنه تقريبا
حيث ارسلها لي مشكورا عن طريق الايمل

حببت ان اعيده لكم

Quote: الرساله مرسله من الاخ مزمل ابو القاسم التي كتبها في عمود الارسنال شندي Quote: الأخ عبد الله بابكر تحياتي لك وأشكرك على التنويه بالعمود في البوست سأرسل لك العمود ملحقات مرة أخرى وهذه نسخة منه : -------------------- أرسنال شندي يا ناس شندي * وللأوطان في دم كل حرٍ .. يد سلفت ودين مستحق.. وشندي وطننا الصغير .. المدينة العريقة الحالمة التي يحتضنها النيل بوداعة على ضفته الشرقية ويمدها بشيء غير قليل من عنفوانه وروعته وسخره المقيم. * شندي مدينة التاريخ .. أقدم عاصمة للسودان.. وفيها شيدت أقدم حضارة في تاريخ إفريقيا منذ زمن الكنداكة الملكة المتوجة على عموم ممالك نهر النيل.. وقد عرف إنسان شندي سبل التحضر والرقي منذ عصورٍ سحيقة وبلغت حضارته درجة صهر الحديد وتصنيعه في عهود ما قبل التاريخ.. وقد ظلت آثار هذه الحضارة باقية حتى اليوم، تشهد عليها أهرامات البجراوية والكجيك وآثار النقعة والمصورات الخالدة. * شندي بلاد المكوك نمر ومساعد وود سعد..حنيني إليها لا يفتر أبداً.. شوقي لتفاصيلها الجميلة لا يهدأ ..شندي .. البنطون.. تكاسي البولجا الروسية.. الجناين..سوق القش.. بادقس ومعليش والثورات وديم عباس وحلة البحر وشندي فوق..(يكفي المك أبونا والنسبة عباسية.. وآيات فضلكم لى الليلة مي منسية). * عبر التاريخ قدمت شندي للوطن زمرة من ألمع رجالاته في كل المجالات.. ولم تكن الرياضة استثناءً عن القاعدة الشنداوية قديماً وحديثاً.. وإذا كانت شندي قد أشتهرت بتأهيل الإداريين الأكفاء فإنها لم تقصر أبداً في إفراز مجموعة من أميز اللاعبين بقيادة الساحر عبد المحمود ساردية.. أفضل من داعب المستديرة في تاريخ الكرة السودانية – حسب رأيي الشخصي- وقبله وبعده كثيرون! * نذكر بعضهم بلا ترتيب .. شقيقاه حسبو والنقادي..الدكتور عثمان الجلال.. حجو علي حسين..عبده حوال.. إبراهومة الأهلي.. التاج عبد الكريم..الهادي دكين..المعلم أحمد عبد القادر.. فيصل الحوش.. قلمو.. دينكا.. عوض بطري.. عشمانة.. الزين فرج.. مصطفى الله جابو.. عثمان بوكو.. كازنو.. حسن اللفت.. محمود حنوت.. عتيبة.. عبده الطويل.. بكري إدريس.. عبد الرحمن بحر.. وغيرهم كثيرون حتى نصل إلى آخر العنقود.. معتز كبير حفظه الله..وهناك أسماء أخرى كثيرة لا يتسع المجال لذكرها * ومن الإداريين البارزين الذين أنجبتهم الحبيبة شندي عمنا الشيخ مدني رحمه الله ..والد الأستاذ الجليل محمد الشيخ مدني .. والابن أشهر من نار على علم.. وقبله نذكر الأستاذ الأجيال عامر جمال الدين أطال الله عمره.. أول من رفع راية أهلية وديمقراطية الحركة الرياضية بالسودان.. ومحي الدين جمال الدين ومنهم صديقي منصور عبد الرحيم.. وأولاد الحاج عثمان بقيادة كبيرهم عصام.. عبد المجيد منصور.. الأرباب صلاح إدريس! * وقبلهم جيل خليل بشير وحسين بيومي وحسين أبوراس ومختار حاج عمر وأحمد حجو وبشير المهدي وبقية الرواد الأوائل للرياضة الشنداوية رحمة الله عليهم! * ومن بعدهم جيل عثمان بادي والناظر محمد الحسن خلف الله وعبد القادر عثمان وعباس أبو السعود وشقيقه خضر والسر مشعال وعلي بمبا وآل الجمري وحامد امين ..وعبد الوهاب وإبراهيم الصافي وصنقور وعماد مصطفى ( رحمه الله) ومصطفى أبوراس وسيف يحيى بروزة والطيب البشير وعبد المنعم محمد أحمد والعقيد أحمد عمر الفكي ومجدي .. وخالد وحسام أبناء الهرم العظيم.. عامر جمال الدين ..وبقية العقد الفريد. * شندي.. مولانا عبد الرحيم والأمين مختار آخر أنقياء الزمن الجميل..شندي النقادة.. أبو الزيك وميلاد ولطفي وبسخرون وهابيل.. أول مدينة جسدت معنى التعايش السلمي بين الأديان في تاريخ السودان.. وقد شاهدت النقادة يرفعون الفاتحة في الموتى ويترحمون على الموتى بطريقة المسلمين دون أن يتعجب أحد! * شندي.. المستشفى.. عيسى بروزة وهاشم الشريف أطال الله في عمريهما .. شندي قهوة هبار و التيمان.. تمساح المحكمة.. وظرفاء المدينة.. حسين الكريستاني.. وعثمان الريح والهادي مكرع وعبده حسين وشيش ورمبيك والسر مشعال والزين قرعية وعمر خضرة وبت شاويش وود الفريع وإبراهيم كوراع وأب دومة والفليل.. وآحبهم إلى قلبي (ملين)!! * شندي الحبيبة.. أكتب والدموع تتزاحم على المآقي مما آل إليه الحال.. شندي بلد الجمال عندي.. ثنائية الشفيع والقرشي.. الطيب عبد الله واللحو ومجذوب أونسة وحسين شندي وقوار وعوض الطيب وعلي الأمين وعوض ضحية وعصام الجاك والجمرورة وغيرهم ممن عطروا ليالي المدينة الحالمة بأصواتهم الندية! * شندي بلد عبد الله الحسن المحامي وعبد الكريم السيد وابنه محمد رحمة الله عليهم أجمعين.. النعيم سليمان وخالد فضل وعلي جابر رحمة الله عليه وعمنا العكام وحسن فول وعصام توفيق.. شندي.. ود البشير وبكراوي وغيرهم من أساطين الكلمة الجميلة. * (شندي يا ناس شندي) عنوان موضوع طرحه أبناء شندي خارج السودان على أحد المواقع الإلكترونية بقيادة الأخ عبدالله بابكر وود المدفع.. تناولوا فيه السيرةالعطرة وأنعشوا الذاكرة الخربة بالكثير من الأسماء الجميلة.. وقد استمتعت أيما متعة بمطالعته.. واستعنت به في كتابة هذه المادة عن شندي الجميلة. * الآن تغيرت الأشياء.. وصار أهل شندي يتحسرون على أيامهم الخوالي.. ويتمنون أن تعود كما كانت.. خاصة في كرة القدم.. ليكون لهم فريق في الدوري الممتاز. * ولأن الأهلي يبدو الأفضل والأقوى حالياً فلا نرى ضيراً من دعوة كل أبناء شندي للوقوف خلفه في رحلة الصعود إلى الممتاز الموسم المقبل.. بعد أن تمكن من حسم الدوري قبل أربعة أسابيع من نهايته.. وهو يضم مجموعة من اللاعبين المميزين القادرين على تحقيق هذا الحلم الجميل. * وتبدو مشكلة الفريق في أنه مواجه بموسم تسجيلات قاسي.. ولديه عشرة لاعبين مطلقي السراح.. منهم ثمانية من الأساسيين، ونعتقد أن ابن النادي الأخ الصديق صلاح أحمد إدريس لن يبخل على الأهلي العريق بالدعم السخي.. وأياديه البيضاء لن تغل عن دعم هذا النادي العريق ليتبوأ موقعه الطبيعي في خريطة الممتاز ويحفظ لشندي الجميلة مكانها الطبيعي بين الكبار. * الأهلي ينادي أبناء شندي.. ولا نظن أنهم سيتأخرون عن نصرته.. وأرسنال شندي قادر على أن يحول الحلم إلى واقع إن وجد الدعم والمساندة اللازمين.. والبداية ستكون من الأخ صلاح الذي شيد والده الأرباب أحمد إدريس جزءاً من نهضة النادي وأصبح أحد رموزه التاريخية الخالدة. * الأهلي يا ناس شندي.. ومن بعده يأتي النيل للممتاز بإذن الله. ===== مزمل ابو القاسم

وأنا أكثر ترحيبا بصداقتك يا أميره ليس فقط لانك من شندى ولكن عشان إسمك أميره والاسم دا ليهو وقع خاص على قلبى ودايما بلخبط سكناتى
صداقتك ليس فخرا لى فحسب بل هى تشريفا لى ولابو أهلى زاتو أهلن بيك صديقه شنداويه مهمة جدا مع وافر الحب والتقدير

الأخ الفاضل ود المدفع كما يحلو لك ولكن انا يحلو لي أن اناديك بود البيه( عادل فضل الله ود حاج عمر ) لك تحية الإسلام وأهل الجنة,, السلام عليك ورحمة الله وبركاته,,, اخي الزين عباس عمارة الشاعر المعروف الطبيب الاديب نعم هو من أهل شندي من عائلة عمارة وعائلة ابوفداية وهي عائلة كبيرةاصولها في قرية ساردية وقرية مويس وشندي في مربع 8 ومن أهله اللواء معاش ( دا طبعا عندما ما انتهى من الجيش السوداني ) هاشم ابوفداية عمل في الجيش الاماراتي.

الأخ عبدالله بابكر سلام عليك يا عزيز ,,, العمود الذي انزلته وكاتبه مزمل ابوالقاسم من اسمه يبدولي انه من جيل السبعنيات لكنه ملم بناصية الحديث عن فطاحلة شندي في مجالات عدة. المهم عموده حرك اشجان وحنين واشواق اعني ان الفاضل مزمل ضرب على الاوتار الحساسة ترك الرأس يرن والقلب ينطرب لذكريات في شندي وما احلى شندي,,, ذكرت من ذكرياته
شعراء مجهولين في شندي على رأسهم ذلك الشخص البسيط في طلعته وهندامه الكبير في مقامه ود النزيهة من اهل ساردية نسأل الله تعالى له الرحمة الغفران, تغني بالكثير من الغناء المتميز والذي يميز منطقة شندي على ايقاع الدلوكة, تغنى بالكثير لكن كان نصيب الاسد لاغنية الكنينة يا رطب الجنينة التي تغنى بها الفنان علي ابراهيم اللحو ( للذين لا يعلمون الكنينة دي امرأة من حلة المحطة ) واغنيته يا غزلية وين الرايقة يا فنية ناري الليلة. ايضاً تغنى بها اللحو.... والعجيب لا يذكر اسمه في وسيلة اعلام مرئية أو مسمعوة عندما يتغنو بكلماته وهذا ظلم والأمر من ذلك انه ظلم واقع لواحد من ابناء شندي من اخ له ايضاً من ابناء شندي,,,, لما لم يعطه حقة... والله هذا ظلم, فقط كان يذكر اسمه أكيد ود النزيهة لم يفكر في يوم من الايام في حق مادي ( رغم انه حق له ).
كذلك تلك الشاعرة التي لم يسمع بها الكثير من ابناء شندي رغم ان الكل سمع بعض من كلماتها في غناء عثمان الشفيع, الشاعرة الملكة بت حاج احمد زوجة البك باشي بشير بادي توفي في حرب فلسطين سنة 1948
اخذ عثمان الشفيع لهم الرحمة والغفران جميعاً,اغنتين من نظم شعرها وعدل فيهم الشاعر ود القرشي وبعدها نسبت له اعلاميا,,, وهذا ايضا ظلم وقع على واحدة من نساء شندي من ابن شندي الذي سطع نجمه في العاصمة, اغنية الفارقت ما لقيته الليلة وين يا روحي. كانت قالت بعد ان ودعت الزوج الغالي في محطة شندي وهو ذاهب للحرب,,,, الفارقت سيد بيتة الليلة وين يا روحي .... واغنية اخرى عندما طال الفراق للزوج الغائب قالت فيها ,,,, وين يا بشير ما جيته حجبوك ولا نسيته. ايضاً عدلت وتغنى بها عثمان الشفيع وزيدان ابراهيم,,,, ايضا من الشعراء الشنداويين المجهولين وللأسف حتى لابناء شندي الشاعر نقيب معاش الزين محمد الزين ومن اشهر مانظم عندما كان في جنوب السودان في الستنيات على ما افتكر وعلى ما اظن هاجت به الاشجان وتذكر شندي وتذكر الزوجة والاهل والاحباب فنثر علينا درر من شعره.
يا عيني تعاينن جننتنو قلبيي
تراكن تعاينن وحننتنو قلبي
يا غربة هنتينا ويا ظروفنا ودينا
وشتهينا ستينا ستمائة ستينا
يالله ودينا للمتمة غرب شندي ( بالمناسبة زوجته هي الحاجة ستنا يرحمها الله من المتمة )
حبيبة عليك دينك ,,, وحق والدينك
اتوصي بزينك,,, وانا هايم مخبي
يا الماشي الاجازة ارجوك اغشى الحجازة
ودي الديمة حجازة ,,, يا قلبي تجازة وسهران وقل نومي
وهذه فقط من كلماته المسموعة وما خفي اعظم
والشاعرة العظيمة الاستاذة عائشة احمد عوض الكريم وكما يحلو لاهل شندي فوق عائشة احمدونة لكن للاسف لا احفظ لها وهي نظمت الكثير من الشعر, هولاء كانو من اعرفهم ولعل هناك الكثير من شعراء شندي مجهولين ومهضوم حقهم الرحمة لود النزيهة والملكة بت حاج احمد وحقو نلحق ندون للعم الزين احمد الزين وعائشة احمدونة وغيرهم انا متأكد ان هناك الكثير من شعراء شندي وهذه دعوة للجميع من له معرفة بشاعر من شندي مجهول ان يذكره لنا.

إليك يا ود الجعلي من شعر العبادي وهذا بعد السلام عليكم ورحمة الله وبركاته
عمران جدكم والنسبة عباسية ,,,, وآيات فضلكم لليلة ما منسية ,,, اهي الدنيا بفخركم مكسية ,,,نزيلكم ما بهم كان سوى ألآف سيئة,,, في ثابت العرب في أصلها وفخوذها,,, مثبوتة الرجالة وعنكم مأخوذة ,,, صغيركم يدخل الحارة أم لبوث ويخوضها ,,, مجرب من قديم سيفكم يوابر الخوذة.
بسيطة يا ود الجعلي ما عانيته مع حارس الهدف. قديم قالوا الما بعرفك يغباك, حصل مثل ما حصل لك مع جدنا الجمري خليفة , كان استقر به الحال تاجر في مدينة جوبا, اتصلو به تلغرافياً أن ابنه السر الجمري يرحمهم الله ( الاثنين ), يحتضر في مستشفى شندي شد رحاله يومها مستعجل حتى يرى ابنه قرة عينه قبل أن يفارق دنيا البشر, وبعد عناء سفر طويل من مدينة جوبا لمدينة شندي وصل ببصات شندي وكان ذلك قبل تعبيد الطريق بالأسفلت وكان حينها تصل البصات في حوالي الساعة الثانية عشر ظهرأ, ومن محطة البصات اتجه لمستشفى شندي وايضاً منعه الحارس الخول بحجة موعد الزيارة في تمام الثانية ظهراً, رضي الجمري يرحمه الله بقوله وانتظر بالقرب من باب المستشفى ما هان عليه ان يفارق باب المستشفى التي يحتضر فيها أبنه, جاءت سيارة فارهة كان يقودها مواطن ولم يكن من أهل شندي وهذا المواطن استوطن والده في شندي في الستينات من صعيد مصر, كان لصحاب السيارة الفارهة علاقات طيبة مع الاطباء في المستشفى (( وصدقني كانوا كلهم ليسو من أبناء شندي )) (( وبرضو صدقني ما عنصرية لكن العبرة تقتل عندما يظلم اهل البلد وينصر الغريب,, وزي ما قالوا سيد الزاملة اولى بركوب قدام ))نرجع لقصتنا عندما وقفت سيارة ذلك المواطن في باب المستشفى فتح له الحارس الباب مشرع مع ابتسامة عريضة ولازم يعمل كده وألا قطع عيشه,, ما كان من جدنا ألا أن تقدم في خطوات أثقلها عناء طول السفر ونزل على ( كبوت السيارة بعصاه ) وخاطب صاحبها وقال له أبوك جاء البلد دي يلعب في قرد ويعيش منو بقيتو اسياده؟؟؟؟؟عشان كده بنقول ليك بسيطة يا ود الجعلي وامسحها في وجوهنا ولك العذر حتى ترضى

الاخ خالد والله كنا فاقدنك


البوست بقى حي بعد تسجيلك

الاخ الفاضل خالد المنسى تحياتى ولك جزيل شكرى
والله هذا هو حال اهل شندى كبارا دايما عند اللزوم ولك كل تقديرى ووافر المحبه

Quote: بالله يا أميره انتى برضو من شندى انشاء الله بس تكونى أميره الفى بالى والله العظيم ثلاثه أكون أسعد زول لكن معقول بس الحظ يبسم لى انا دا والله ما أظن يعنى من ردى الفوق بتعرفى لو كنا بنعرف بعض أدينى أي اشاره وانا بتم الباقى لكن ما أظن

اميرة الفي بالك عرسوها ورحلوها وعندها بت وولد


غايتو دي بالغت فيها يا ودالجعلي...ما باقي ليك
الا تشيل قزازة ميرندا وتقيف في شارع المستشفي

نزار حسين شكيتك لى الله آزول مالك على محبطنى انا هسى عايش على أمل
بالله عليك الله ما تهظر وتعال قول انك كضاب حتى لو بالكضب
غايتو جنس حساده
لكن بذكر مره واحد لفخك بى دكتور والله لما قلتليه انك ما دكتور ضحكتنى لمن قطعت مصارينى بالضحك وقلت الزول دا أكيد بظبط الصطله

يا ود الجعلي انت عارف خبري ليك كان
الرد رقم 199 يعني جاري تسعة طويلة
اسوي ليك شنو....

Quote: بالله عليك الله ما تهظر وتعال قول انك كضاب حتى لو بالكضب

اجي اقول كضاب بعد ما صحيت التسعة

كانوا رجال بمعنى الكلمة,,,,, مضى معظهم وقضى نحبهم لهم الرحمة من الله تعالى وسكنون الجنات العلى, وامتع من بقى منهم على قيد الحياة بالصحة والعافية, اخوتي واخواتي تعالوا معي احكي لكم قصة بناء مدرسة شندي الاهلية الاوسطى, تألمت كثيراً للقرار الجائر من مكتب التعليم بشندي عندما تم أصدر نقل المدرسةالأهليةالوسطى وكان حينها تغير الأسم من الأهليةالوسطى للثانوية المتوسطة, نقلت من مبناها العتيق إلى استطبلات خيل الأنجليز ( مباني شندي الثانوية العليا)أكيد لم يعلم الذي اتخذ القرار كيف تم بناء هذه المدرسة, لقد تم بناءها اخوتي واخواتي من عرق بسطاء أهل شندي عندما اجتمع نفر كرام من ابناء شندي وقرروا بناء مدرسة أوسطى في المدينة, بدأت الفكرة وتبلورت وبعدها نظم هولاء النفر لاجتماع جامع لأهل شندي شيبة وشباب, حضر ذاك الاجتماع جمع من أهل شندي وتفاكروا في بناء مدرسة أوسطى,, ومن منبع الفكرة ان تبنى المدرسة بالعون الذاتي لأنهم ظلوا منتظرين ان تحن الحكومات المتعاقبة وتبني لهم مدرسة أوسطى ولكن لا حياة لمن تنادي, في الاجتماع فتح باب التبرع وتبرع من يسر الله له في أمره بسخاء أمثال عبد الكريم السيد وجاج عمر وأولاده والعمواي ,اولاد بادي وآل ابوجوخ والجمري والعمراب وغيرهم الكثير وتبرع البسطاء كل جاد حتى بقوت أولاده للغد القريب, بعدها كان الموقف الذي هز كل اهل شندي, عندما وقف العم جلاب ( أظن الكل يعرف أولاده أو احفاده ) وخطب في الجمع وقال ( والله يا جماعة أنا اود واحب ان اتبرع بكل مالي لو عندي مال لبناء هذه المدرسة لكن اشهدكم الله اني في هذه اللحظة لا املك فلس لا في جيبي لا في بيتي واعلنها امامكم اني اتبرع بأغلى ما املك ,, هو شالي الذي يزين به كتفي هذا ) اخذ شاله ووضعه في صندوق جمع التبرعات, بعدها وقف ابن شندي البار عبد الكريم السيد واعلن في الجمع انه يقيم شال العم جلاب بمائة جنيه سوداني ( كانت تعني أيامها ثروة عظيمة ) بعدها تسابق الجمع الحضور والكل يضع من ماله فوق شال العم جلاب, هل تصدقوا اخوتي واخواتي ان شال العم جلاب قيم بمال اكثر بكثير مما جمع في تلك الليلة من تبرعات, هكذا كان اسلافنا, تعالوا اخوتي اخواتي لا اقول ان نحذو حذوهم لكن ان نفعل حتى ولو القليل مما فعلوا, اخوتي واخواتي آن الآوان ان ننهض ولا نستكين لحكومة أو غيرها شندي تدعونا كل منا مما يملك, طاقته, ماله, فكره, حث وتشجيع, و آيد مع آيد تجدع بعيد, لقد طرحت هذا الموضوع من ذي قبل لكن لم اجد من تشجع له سوى الاخ الفاضل عادل فضل الله حاج عمر ( ود المدفع ) جزاه الله خيراً, هيا اخوتي نتفاكر مثلما تفاكر أسلافنا لبناء المدرسة الاهلية الوسطى, وانشاء الله بجي خير

*الاخ الكريم عبدالله بابكر لك الشكر والتقدير والاحترام على هذا الاطراء الذي احس اني ليست اهل له, واقولها لك انت وود المدفع الساس والرأس ان جمعتمونا في هذا البورت وانا حاسي انو ممكن نتوحد اكثر رغم يقيني ان ابناء شندي موحدين من اصلهم, لكنةلا مانع من زيادة الخير خيرين

* الاخ الفاضل ود الجعلي لك مني السلام وأن شاء الله نلتقي في ساعة خير في شندي الحبيبة الكامنة في رويشات القليب,, ومازلت اقول لك امسحها في وجهنا ولك العذر حتى ترضى

* الاخ عادل علي,,, شنو زغته وين؟ لعل المانع خير, طل اخي ولا تمنع اخوان لك من التمتع بما تكتب إذا تعذر لهم شوفتك

أخواني واخواتي الباقين من مرتادي بورت ود بابكر لكم مني السلام والتقدير بالله اكتبو والله جد الواحد بيستمتع بكل حرف يكتب في هذا البورت حتى ولو مزاح.

تعرف يا نزار مره لاعبين كتشينه فى غبيره وزميله واحد اطرش كدا أها جانى ورق مبالغه والزمن داك البياخد سيك الا يدق خروج نهاى
يازول لاعب ضدى واحد مكرهنا بيت العزابه والرموت تقول جابو معاهو من البلد البلد دى ليها عشان بتقوم تجيبلها عكه المهم الفرصه جاتنى عشان أطفش الزول دا على الاقل من الرياض كلها
كان القبول حقى والتسميه بدت من صاحبى المكرهنى ولانو بخاف من الاسنه وما عندو ثقه فى زميلو سما عشره وانا عندى سبعه هارد قافلات وعندى أس ودامه أسود وبلى وعشر وشايب دينارى وكرت شيريه صغير
انت عارف بعد الورق دا كلو اخونا مرق من الاسنه وعارف ليه لانو زميلى قاصى لى فى الدينارى وأأكل لى الزول داك دامة دينارى واقفه
مع انو عندو أس الدنارى
اللعبه جات اطناشر لكن لاهسع موجعانى
دا كلو بس داير أوريك انو الورق ما بلعب براهو مش تقولى تصحى تسعه
والله يلم فيك واحد أطرش زى زميلى داك تسعتك ما تسقيك مويه

انت رامي عشرة الديناري مالك...ما ترمي الشايب...دي ما الطريقة السفرت اميرة زاتا

الطمع تقول عليهو شنو والاهم انا قلتلك زميلى أطرااااااش يعنى ميتين فى الميه كان بعفص لى شايبى لانو سواها لى قبلى كدا بقول لما الزول يفتح بى شايب بكون محتار والله شايبو واقف عشان كدا انا خفت يعفص لى شايبى ويقوم يفتح شيريه

Quote: انا خفت يعفص لى شايبى ويقوم يفتح شيريه

ان عفص شايبك تقوم قبل اللعبة ما تنتهي تعلق ليه مشابك غسيل في اضنيه
وتخليه كما العز...وتكون سويت العليك....زول عندو آس والشايب ماكل يقوم
يعفصو اللهم الا يكون آسو واقف...واذا واقف كده مافي سيك

سلامي وتحياتي لكم جميعاً...

Quote: الاخ عادل علي,,, شنو زغته وين؟ لعل المانع خير, طل اخي ولا تمنع اخوان لك من التمتع بما تكتب إذا تعذر لهم شوفتك

عزيزي خالد علي محجوب... لك التحايا،
لم تكن زوغة، وإنما مشاغل فقط، فالوقت يبتلعه خضم السعي وراء لقمة العيش، وسبق ان قلت للزملاء في البوست أنه لولا المعايش لسكنت في هذا البوست سُكنة.
اها....نرجع لي لي موضوع شندي و(ناس شندي).
خالد يا أخوي أقول لك من البداية إنني أختلف معك تماماً في (تصنيفك) لقاطني هذه المدينة إلى مجموعات تعبّر عنها مفردات وعبارات اللغة التي تستخدمها مثل "دخيل" و"ناس منو" و" ليسو من أبناء شندي" و"الغريب".... الخ.
وقبل أن أدخل في شرح أسباب اختلافي أود أن أجيب على سؤالك:

Quote: حيرتني انت منو في ألف عادل علي بعرفهم بالله عليك ولدني انت ود ناس منو

الإجابة: أنتقلَت أسرتي إلى شندي منتصف الستينات، وعلى وجه التحديد عام 1965.... والدي ليس من مواليد شندي، ولا والدتي. وبالتالي، وحسب تصنيفاتك يجب أن اُدرج في خانة "الغريب".... وبالتالي، أيضاً، (ليس من ناس شندي)! وتأسيساً على ذلك، لا يمكن إدراجي في خانة (ود ناس منو) لأن "ناس" حسب استخدامك لها تعني اُسر معروفة.... لذا أعتبر نفسي حسب تصنيفك "دخيل" (إلى ان تعيد فيه النظر).... و"دخيل" هذه واردة في ردك علي في مداخلة سابقة:

Quote: واتمنى أن تغير طريقتك في الرد لاخوة لك وابناء منطقة واحد إذا كنت حقيقة من شندي ألا فأنت دخيل عليها

Quote: ((وبرضو صدقني ما عنصرية لكن العبرة تقتل عندما يظلم اهل البلد وينصر الغريب

خالد عزيزي.... أسألك سؤال.... من هُم أبناء شندي؟ أتمنى أن تساعدني بتعريف Definition محدد لمن ينطبق عليه هذا التعريف، أو التوصيف. ومن هو الغريب؟ وأيضاً، أتمنى ان تتكرم علي بتعريف من تطلق عليه (غريب)، وسؤال آخر: ما هي معايير تصنيفات مثل "أصيل" و"غريب" و"دخيل"، فيما يتعلق بسكان مدينة شندي؟

Quote: جاءت سيارة فارهة كان يقودها مواطن ولم يكن من أهل شندي وهذا المواطن استوطن والده في شندي في الستينات من صعيد مصر, كان لصحاب السيارة الفارهة علاقات طيبة مع الاطباء في المستشفى ((وصدقني كانوا كلهم ليسو من أبناء شندي)) ((وبرضو صدقني ما عنصرية لكن العبرة تقتل عندما يظلم اهل البلد وينصر الغريب,, وزي ما قالوا سيد الزاملة اولى بركوب قدام)) نرجع لقصتنا عندما وقفت سيارة ذلك المواطن في باب المستشفى فتح له الحارس الباب مشرع مع ابتسامة عريضة ولازم يعمل كده وألا قطع عيشه,, ما كان من جدنا ألا أن تقدم في خطوات أثقلها عناء طول السفر ونزل على (كبوت السيارة بعصاه) وخاطب صاحبها وقال له أبوك جاء البلد دي يلعب في قرد ويعيش منو بقيتو اسياده؟؟؟؟؟

Quote: ((وصدقني كانوا كلهم ليسو من أبناء شندي))

Quote: كان استقر به الحال تاجر في مدينة جوبا

وهل كان المرحوم الجمري خليفة من أبناء جوبا؟
أود فقط يا خالد أن أورد لك هنا ما قرأته بين سطور فقرتك أعلاه. أولاً، من الواضح تماماً إنك تقصد بجملة "استوطن والده في شندي في الستينات من صعيد مصر" واحداً من سكان شندي الأقباط. ثانياً، إنك تعتبر الشخص المقصود (غريباً)، رغم إنك وصفته بــ(المواطن) وأكدت إنه (استوطن) شندي.... ترى، هل هناك معيار للإنتماء أسمى من المواطنة؟
أضف إلى ما سبق، أن المهنة التي يزاولها الشخص لكسب لقمة العيش لا تعتبر عيباً إلا اذا كانت مخالفة للقانون الساري في البلد، وحسب علمي (لعّيب القرود) لم يكن من سُبُل كسب العيش المخالفة للقانون، ولا (الحاوي) الذي كان يقلب لنا أيام المرحلة الإبتدائية البيضة منديلاً. ثالثاً، ما ذكرته على لسان عمنا الجمري خليفة، رحمه الله، هو ما نطلق عليه "العنصرية" (رغم محاولة نفيك لها) والاستخفاف بالوسيلة التي يختارها الشخص لتوفير لقمة عيشه، رغم إنني على قناعة بأن الاستعراض بالقرود لم يكن من وسائل كسب العيش لدى أقباط صعيد مصر الذين هاجروا إلى السودان، وإلى شندي على وجه التحديد، وإنما واحدة من الصور النمطية Stereotypes التي ابتكرها البعض على سبيل الاستخفاف بهم والسخرية منهم.
عزيزي خالد.... ما قاله المرحوم الجمري خليفة يعكس المفاهيم التي فرضتها ثقافة جيل قديم فيما يتعلق بالكثير من الجوانب ذات الصلة بالإنتماء والهوية مثل "الدخيل" و"الغريب" و"ود البلد" و"الأصيل".... الخ. أنت لا تنتمي، بالطبع، إلى هذا الجيل، وأعتقد أن تجوالك واستقرارك في مختلف بلدان هذه الدنيا وعيشك وسط بشر ينتمون إلى مختلف الأعراق والثفافات قد زوّدك بتجارب ثرة فيما يتعلق بمسائل الثقافة والهوية والإنتماء. ترى، لماذا إذاً التمسك بمفاهيم ثقافة التمييز الإجتماعي والعرقي مثل "الدخيل" و"الغريب" و"الأصيل"... الخ؟؟
الشخص الذي تتحدر جذوره من صعيد مصر وجاء و(استوطن) شندي يعتبر سودانياً.... وإذا جمعتك الغُربة في المجر أو في كوسوفا بسمير إدوارد سمعان أو عطا الله توفيق أو مجدي عيّاد أو نسيم هابيل أو جوزيف فكري أو مجدي سعد ميلاد أو رمسيس شكري أو ريمون صبحي (موني) .... سيقول لك أي منهم إنه سوداني ومن شندي.... وُلد ونشأ فيها، درس مع عادل فضل الله حاج عمر في المدرسة الشمالية الإبتدائية ومع نزار حسين في مدرسة المك نمر الثانوية العامة ومع محمد خالد أبو نورة في مدرسة عبد الله الحسن الثانوية ومع أحمد عثمان عمر في جامعة الخرطوم.
بجيك راجع...
لك الود،

ع ع

يا جماعة معليش...البنطون الكان هنا حا يتحول الي مشرعه الاصلي
في حلة البحر ...مش الدنيا تباشير خريف...والي ان ارجعو...
اب فراس قريب



يا عادل علي كيف اخبارك يا رجل....

نزار حسين.... كيف أنت والزمان
يسأل منك الخير...
لك الود والتحايا للاسرة.

ع ع

الأخ الفاضل عادل علي ,,,, السلام عليك ورحمة الله وبركاته ,,,, أخي الفاضل أن ردي لم يكن فكرة بل هزة انتابتني عندما قرأت موضوع ود الجعلي واليوم وبكرة سوف تهزني مثل هذه المواقف,, لما حملت ان ما اقصده اي الذي جاء من صعيد مصر هو من النقادة مع اني لم اصرح من بعيد ولا قريب من هو,,, من هنا بقول لك ان ذلك الشخص الذي اعنيه لم يكن من الأخوة النقادة,,, هو شخص سكنوا اهله في شندي ورحلوا عنها قديماً, فلو كانت القصة عن احد من الاخوة النقادة لما ذكرتها اصلاً, وأقولها لك السودان دا ما ملك احد لك حق التجوال وكسب عيشك ومواطنة اي بقعة فيه وانت حر لكن جرت العادة انه عندما ينزل الشخص على بلد اول ما يفعلة بقصدا او دون قصد كسب حب اهل تلك البلد, اخي ليس تصنيف انا كنت اعني بكلمتي ان اهل شندي ( اعني من سكنو شندي منذ القدم حتى اللذين سكنو في السنوات الاخيرة اي في الاعوام الأخيرة )كلهم اهل لشندي لكن ناس شندي ناس طيبين واخوان بنات وكرميين واهل همة وكل من خالف هذه الصفات فهو غريب منهم ومن هذا المنطلق كان ردي لك,,,, بعدين سؤالي عن ود ناس منوا اشهد الله لم اكن اقصد منه اي شئ وذكرت لك انا بعرف الكثيرين اسمهم عادل علي كان كل قصدي ان اعرف انت عادل علي منو؟؟ لا اكثر ولا اقل,, اخي حتى تكون الامور واضحة لك كل من سكن شندي قديما او حديثا فهو من شندي ,, لكن كل من كان طبعة لا يشبه طبع اهل شندي فهو غريب منها ودخيل عليها,,,, بعدين اود ان اسألك سؤال ورد عليه بصدق وشجاعة ذكر الاخ ود المدفع في موضوع له اذهب للصفحة الثانية وذكر فيه ((( هناك تهميش لابناء شندي في تقلد المناصب ويشغل هذه المناصب من هم ليسو من شندي )))) لما لم تعترض على ذلك لما لم تصفه بالمصنف, اخي احببت اجاذبك الود لذا سألتك انت ود ناس منو لكن يبدو انت الذي لا تود ذلك,,, في الفترة السابقة كتبت اكثر من موضوع لما لم تقع عينك لا هذا الموضوع ,,, هل ذلك يعني اشهار سلاحك من اول يوم دخلت فيه البورد مستمر,,, قصة الجد الجمري ذكرتها كما قلت لك اثر ردة فعل وقد اكون مخطئ في ذلك لكن لم تكن فكرة,,,اخي شندي وما ادراك بشندي سكنها الجعلين وهم اهلها وكانت صغيرة جدا توافد عليهم الناس من كل صوب وساكنوهم وما زالت ابواب شندي مفتوحة وليست هناك بطاقة اقامة في تلك المدينة ,,,, لك الشكر والاحترام

أخى الحبيب : عادل على

عادل على انت راجل فاهم وسردك وتوثيقك السابق عن شندى كان له الاثر النافز الى القلب .. لذلك اترك الحساسية الشديده دى مع الاخ خالد على ونحن كلنا اهل ودم واحد وابناء بطن واحده وبمناسبة اعمامنا الذين قدموا الى مدينة شندى عبر الازمنه وعملوا فيها في شتى المجالات التدريس ، المجالس البلديه ، المستشفيات ،التجارة وغيرها من المجالات .. صدقنى يا عادل على بأن 99% منهم لم يفارقوها منذ قدومهم لها وذلك لانهم صاروا منها وهى منهم بإخلاصهم وطيبة عشرتهم لها( ونحن ما عايزين ندخل في قصة سكانها الاصليين والوافدين لان شندى حالها حال كل المدن السودانية عمرت بتوافد الناس اليها من كل صوب واتجاه ومعظمهم قدم من مناطق غرب شندى ) لذلك أخى عادل على نحن كلنا اخوه واهل..

Quote: ونحن ما عايزين ندخل في قصة سكانها الاصليين والوافدين

عزيزي عادل....
تحياتي... وعساك طيب وعافية.
ما وددت قوله هو اننا نعيش في بلد لا يجب ان يكون الإنتماء لبقعة من بقاعه خاضع لمعايير ثقافة (ود البلد) و(الدخيل).... هذه مفاهيم بالية، وحتى إذا كانت لا تزال متداولة بين البعض، فينبغي علينا أن نحاربها.
بيني وخالد علي محجوب كل الود.... وأعتقد جازماً أن خالد هو سبب نشاط البوست مجدداً، ولكن عندما يطرح بعض ما اختلف معه، لن اتردد في ان أقول له ان وجهة النظر هذه او تلك خاطئة. ولعلك توافقني أن النقاش في مثل هذه القضايا يساهم بصورة مباشرة في تبنينا مفاهيم تحترم قيم التعايش واحترام الجميع بصرف النظر عن اصولهم العرقية او تاريخ استقرارهم في بقعة محددة، وتساعدنا في محاربة ثقافة التصنيفات والتمييز: "نحن" (أولاد البلد) و"هم" (الدخلاء).
المهم في الأمر هو قبول النقد والتحليل بطيب خاطر والرد.... لأن النقد ورفض الفكرة وتحليلها وتبيين أوجه الخلل فيها لا يجب ان يثير أي نوع من التوتر....هكذا نطور أفكارنا ونساهم في ترقية شندي.
لك الود،

ع ع

يا نزار ود الحسين.... صغّر حجم الصورة، ويمكن ان تفعل ذلك من خلال زر التعديل (اسفل المداخلة) وأحفظ الصورة أولاً بحجم اصغر ونزلها تاني.

خالد علي محجوب.... يسعد مساك النور،
جاييك راجع، بس ماشي أجيب لي عكاز مضبّب

Quote:

عاين للوش الفي المربع الفوق دا، عشان بعد شوية ما تجيني صاري وتقول الزول دا عاوز يعمل معاي شكلة.
لكما الود،

ع ع

الاعزاء .. ابناء مدينة شندى الغالية

إن هذا الموقع عزيز علينا بقدر عزة شندى وموقعها النفيس في قلوبنا جميعا .. كما اقترحت سابقا بأن نتعارف بوضوح وشفافية خلال البورد طال ما نحن أبناء منطقه واحدة واهل وذلك ليس لغرض كشف الهوية أو لاسباب مبطنه أخرى ولكن فقط للدوافع التالية :

1/ شندى وماجاورها من قرى ومناطق .. عرفت عبر الازمنه بالترحاب والوجه البشوش والشجاعة والوضوح .

2/ ربما عامل تفاوت الاعمار ( وهى بيد المولى عز وجل ) بين ابناء المنطقه، كمثال يجعلنى انا صاحب العقد الرابع من العمر اعرف شقيقك أو والدك ولكن قد يصعب عليك انت ابن العقد الثانى او الثالث التعرف على شخصى الضعيف بسهولة بالرغم من أن اهلنا كانوا يقولون بأن ( الصغير في السن هو الذى يتعرف على الأكبر سنا بسهولة ) ولكن اعتقد بأن بعض قوانينهم وحكمهم قد تبدل حال بعضها ... والقصد من هذا كله بأن المعرفه تولد لديك سهولة التوثيق وتنعش لك فتيل الذكريات .. وهنا تبدا في التوثيق عن امنا شندى .

3/ إن الغربة والهجرة منذ عشرات السنين ( الاسباب عامة كلنا ادرى بها على مستوى السودان الحبيب ) جعلت من ابناء المنطقةالواحدة فرقاء غرباء ولكن الرغم من ذلك متمسكين ولن ولن ولن و لن ننساك يا شندى .

لذلك علينا أن نجتمع في هذا البورد وننسجم فيه اخوه احباب وكاننا جالسين في مرطبات الشعب او قهوة العم بابو الله يطيب ثراه ونناقش وهموم شندى والسودان عامة او أن نتبع ما كنا عليه في شندى وأن يكون اجتماعنا كل يوم في ديوان بيت من بيوتكم العامرة فيها وبها .. وأخيرا أقترح بالخط العريض أن يعيد لنا الأخ عبد الله بابكر تسميت هذا البورد من شندى يا ناس شندى الى ( ديوان شندى ) وذلك بعد التصويت على الاقتراح وفوزه باغلبية ابناء شندى ولكم الف تحية وتقدير واحترام

عادل

يسعد مساءك

Quote: أقترح بالخط العريض أن يعيد لنا الأخ عبد الله بابكر تسمية هذا البورد من شندى يا ناس شندى الى ( ديوان شندى )

انا اثني واعتقد ان العنوان معبر بالفعل

تخيل انك تجلس في قهوة التيمان


عبد الله
لكريم عنايتكم


اما عن سؤالك بشان انتقالي الى لندن ففد فعلت ذلك منذ امد بعيد

يبدو ان ايقاع العمل لا يعطيك الفرصة لمعرفة اخبار الناس
وتلك احدى مشاكل الخليج المزمنة

أخوانى الاعزاء : ود الغالى أو ود الجعلى والأخ العزيز نزار.. لكم منى الف تحية وتقدير وحبابكم عشرة في ربوع شندى ووسط اخوانكم .. اعزائى لدى بعض ملاحظه ارجو رجاء خاص أن لا تكون نقطة خلاف بيننا أو أن يسو فهمها وذلك بعد تصفحى لطرحكم وتبادلكم اطراف الحديث من خلال هذا الموقع الذى خصص لكم ولنا على أن نحتوى فيه مدينتنا العامره شندى .. وجدت أن طرحكم كان عبارة عن ( الوست ) والشايب والاس وما شابه ذلك .. كثير من ضيوف المنبر العام شاركونا اعجابهم سوى بالكتابة او غيرها بهذا لبورت ونود جميعا أن نكون عند حسن ظنهم .. واتمنى أن ارتقى انا اولا وانتم الى مستوى طرح وتوثيق الأخوة عادل على في بداية هذا البورت وأخيرا طل علينا الأخ خالد على ومثلهم الاخ مزمل ابو القاسم وغيرهم كثر.
ولكم الف تحية واحترام وتقدير.

عادل على
خالدعلى

اخوه بالاسم نتمنى أن تكونوا اخوه باالاخاء المتبادل والفهم الصحيح وقراءة أفكار بعض قراءة سليمة .. ودمتم ودمنا اخوه وابناء عمومه تجمعهم ارضنا الطيبة

ود المدفع.... محمد خالد... عساكما بخير
لكما ودي،

Quote: ديوان شندى

اُثنّى دون أدنى تحفّظ

ع ع

الأخ العزيز/ خالد على


لقد اتحفتنا بقوة التوثيق ولك منى كل تقدير واحترام على الذاكرة الفولاذية والروائع التى تسردها .. ولكن رجاء خاص أى حاجه تزعل الأخ عادل على لا تقدم عليها مع اننى متأكد من أن حسن النيه موجود ومتوفر .

وأذكر أخى خالد بأننى ذكرت سابقا بأن معظم منشآت مدينة شندى أنشأت عن طريق التبرع أو العون الذاتى .. كما اكرر بأن الحكومات التى مرت عبر الازمنه تجاهلت هذه المدينه تجاهلا واضحا وصريحا .. فقد كان اهلها سندها الوحيد بتعمير المدارس والمستشفيات والترع الزراعية وبوابير الرى وخلافه ..

كما أود أن أنوه بتصحيح معلومه بخصوص مستشفى المك نمر والذى سردها أخ فيما يخص نشاتها .. ايضا هذه المستشفى قد تم بنائها عن طريق ( نفير ابناء منطقة شندى ) وقد سعى وناضل من اجلها العم الاستاذ / عامر أحمد جمال الدين حيث وصلت جهوده الى ابناء المنطقة العاملين بالخارج وأذكر أن نفيرها بمدينة العين ( الامارات العربية المتحدة ) كان بمقر النادى الاجتماعى السودانى .

ولك تحية ولنا لقاء

Quote: أخوانى الاعزاء : ود الغالى أو ود الجعلى والأخ العزيز نزار.. لكم منى الف تحية وتقدير وحبابكم عشرة في ربوع شندى ووسط اخوانكم .. اعزائى لدى بعض ملاحظه ارجو رجاء خاص أن لا تكون نقطة خلاف بيننا أو أن يسو فهمها وذلك بعد تصفحى لطرحكم وتبادلكم اطراف الحديث من خلال هذا الموقع الذى خصص لكم ولنا على أن نحتوى فيه مدينتنا العامره شندى .. وجدت أن طرحكم كان عبارة عن ( الوست ) والشايب والاس وما شابه ذلك .. كثير من ضيوف المنبر العام شاركونا اعجابهم سوى بالكتابة او غيرها بهذا لبورت ونود جميعا أن نكون عند حسن ظنهم .. واتمنى أن ارتقى انا اولا وانتم الى مستوى طرح وتوثيق الأخوة عادل على في بداية هذا البورت وأخيرا طل علينا الأخ خالد على ومثلهم الاخ مزمل ابو القاسم وغيرهم كثر. ولكم الف تحية واحترام وتقدير.

لا حا يسوء فهمها طوالي يا ود المدفع....يا زول لازم نلعب ويست وطاولة
ودومينو...وتنس...مش شندي ياها زاتا والله نادي النيل وقهوة التيمان زحوا من
مكانهم...؟

الاخ نزار حسين

من البدايه كنت خائف من سو الفهم .. على كل حال نادى النيل موجود وقهوة التيمان كذلك ويمكن أن توثق ذكرياتك الجميلة مع الوست وخلافها لان سردك لموقع من مواقع شندى أو ذكر احدى الشخصيات او الحديث عنها يخفف عنا الكثير يانزار وشندى كلها ذكريات حلوه وجميله ..

قهوة هبار / قهوة بابو / قهوة عمنا يوسف الغفير / قهوة التيمان / قهوة الكاظم

والانديه التى تأسست بشندى انديه كانت عامره وحتى يومنا هذا :

نادى النقل الميكنيكى
نادى السكة حديد
نادى المجد
نادى الاهلى
نادى النيل
نادى سارديه
نادى النسر
نادى المريخ
نادى الهلال
نادى الامل
نادى الحوش
نادى الدويمات
نادى الهدف
نادى النداء
نادى الشاطىء

ولك كل الاحترام والتقدير

تسجيل حضور


شندى-المتمه ولو انى لم اراها حتى هذه اللحظه مع امنيتى برؤيتها


وفى امان الله

لا اله الا الله

الاخت بنت الاحفاد

مليون مرحب بيك في شندي

واعتبري كلامي ده دعوه ليك لزيارة شندي

واكيد ما حاتخسري لما تزوري شندي




لك التحية وشكرا لمرورك الكريم

الأخوة الأفاضل كل رواد بوست ود بابكر العامر بكم ان شاء الله لكم مني اجمل التحيات واحب ان احيكم بتحية اهل شندي حبابكم عشرة من دون كشرة,,,, احب ان اوضح شيئ حتى تكون الامور والنقاط على الحروف, اولاً كل المصطلحات التي كنت قد استخدمتها ( دخيل وغيرها ) واشهد الله اني لا اقصد منها ألا ان ذاك وتلك لم يتطبع بطباع اهل شندي والشئ المخالف دخيل حتى ولوكان جده المك نمر, فعلا وفد لشندي الكثير بقصد العمل سواء كان في المصالح الحكومية او في القطاع الخاص والله جلهم طاب لهم المقام في شندي لما لطيبة اهلها وحسن معشرهم حتى نحن اجدادنا وفدوا لمنطقة شندي قديماً من الشمالية وهما اخوان محمد خير ( مشهور بقردة ) وسليمان ( مشهور بدمامة ) وصل اولاً قردة لمنطقة شندي يا عرب الخلاء جاكم بلاء قردة وصل ودمامة ورى ,, ذكرت هذه القصة حتى اثبت لعادل علي اني لا قصد بكلمة خيل وليس من ناس شندي اعني بها من وفد ليها قريباً او من زمن,,, شندي اكيد سكنها اناس قبل الميلاد ما دام حضنها النيل كما يحلو ناس شندي ان يسموه البحر, من المؤكد سكن ناس هنا في هذه المنطقة بعدها توافد الناس كل من يأتي لشندي ويقيم فيها فهو شنداوي, كما ان هناك الكثير من يقيم فيها عابر ونظل نحفظ سيرته لطيب معشره وحسن خلقه امثال كثر ,حسن بتيك من حلفا قسم الباري وعثمان من ديار الشايقيةالطاهر والمهندس هجو من الجزيرة وغيرهم, اما عن القصة التي عقبت بها للاخ ود الجعلي والله لم تكن هذه فكرتي او منهجي لكن مر بالاخ موقف ذكرني هذا الموقف فذكرتها,,, الشئ الذي حذ في نفسي أن استل عادل سيفه ودون ان يقراء حتى رأس الموضوع ( بسيطة يا ود الجعلي )) اي مثل هذا الامر يمكن ان يحدث ما نحن على هذه البسيطة وحتى يمكن ان يحدث لك واطرافه ليس من ساكني شندي من قريب ولا بعيد وممكن يكونوا في مأمورية ويجب ان نتقبله بطيبة قلب لذا قلت له امسحها في وجهنا ولك العذر حتى ترضى,,, وركزت اني قلت ذلك عنصرية او عنجهية لكن القبينة بتقتل وما انفك ان اقولها, بعدها سألت الاخ عادل ووالله كان سؤالي بطيبة خاطر لان اسمه كان مبهم لدي عادل علي وانا اعرف بهذا الاسم اكثر من شخص لذا كان سؤالي له (( ود ناس منو انت )) والله ما قصدت منها ألا ان اعرفه وتتوثق علاقتي به لان الاخ يعرف حتى جنينة والدي وأكل من منقتها كما ذكر, لكن للأسف ايضاً حمل عادل سؤالي هذا بعنى آخر ما خطر حتى ببالي,, ايضاً في اول مداخلة لي في هذا البوست عندما قرأت شندي يا ناس شندي انتابتني في غربتي اشجان وحنين لمرتع صباي في شندي فوق مربعات 7 و8 و9 فبعثت تحياتي لكل شبر في تلك المنطقة وعممت تحياتي لاهل شندي قاطبة فما كان منه حتى لو مزاح ( الاعتراض انو شندي ليست هي فقط شندي فوق بل تعدى اكثر من ذلك ) اخوتي الافاضل والله انا لا احمل في نفسي اي عداء لاحد في شندي سكن فيها من زمن بعيد او قريب كلهم والله اهلي وأتغذر بهم ويزيدوني شرف ولكن من يتعالى او يتكبر او لا يكرم او تتنتفي فيه طيبة اهل شندي اقولها له انت دخيل على شندي ( غريب ), اخوتي لكم مني الود والاحترام والتقدير وإذا كانت مدخلاتي تزعج الاخ عادل انا بعتذر من كل قلبي اخي الفاضل واسف على كل كلمة سقطت مني وحملتها انت بفهم آخر ( انا آسف وسافي التراب ), وإذا هذا كله لا يرضيك اطلب مني الانسحاب من هذا البوست والله برضو راضي وانسحب بطيبة خاطر كما دخلت بطيبة خاطر.

الأخ ود المدفع لك مني كل الاحترام والتقدير. الفكرة حلوة ديوان شندي دي لانو في الديوان بتكون النفوس صافية والكلام حلو
الاخ عادل لك مني التحايا والشوق لمعرفتك اكثر واكثر, انا دفعت 1981 في شندي الثانوية درسنا في موقععها الحالي مكان مدرسة الاهلية الوسطى , ربما تكون اصغر مني أو اكبر مني هذا لس القصد ما زلت بقول ليك انت ود ناس منو ؟ واعني بهذه الكلمة اخوانك منو؟ أو اسمك بالكامل او غيرها ما يعيني ان اعرفك وممكن برضو اطلع ما بعرفك لاني لا اعرف كل ناس شندي لكن اعرف معظمهم

عزيزي خالد....
أولاً لك التحايا عاطرات...
وثانياً.... يا خالد يا اخوي ليس هناك زعل حتى تعتذر. وأعتقد اننا لا بد ان نوضح هناك نقطة محددة وهي أن نقد فكرة محددة ورفضها وتبيين خللها لا يعني أن هناك زعل. أي نعم، اختلفت معك في بعض النقاط والمفاهيم، ولكن تباين وجهات النظر والاختلاف حول القضايا والمفاهيم لا يعني بأية حال ان الأمر شخصي... وقبل كل شيء، المنبر العام في سودانيزاونلاين خُصص لمجموعة نشاطات واهتمامات من ضمنها النقاش والجدل والمناظرة والسجال الفكري حول مختلف القضايا.... وشتان ما بين نقد ورفض وجهات النظر و(استلال السيوف)، فإذا اختلفت معك في طرح او في وجهة نظر وانتقدتها وأوضحت خطأها لا يعني ذلك إن هناك حرباً بيننا..... وإلا فإنك تريد ان يوافق الناس على كل وجهات النظر التي تُطرح هنا دون أدنى اعتراض (وهذا مستحيل).
اؤكد لك أن لا زعل ولا شيء شخصي....
لك الود،

ع ع

Quote: انا آسف وسافي التراب

يا خالد التراب ياتو؟ تراب حلة البحر الجائي من البنطون والله تراب قلعة شنان
والله التراب الجنب معهد التربية زمان...قبال ما يبقوه كلية؟ والله تراب حلة قريش

يا زول تنسحب دي ما فينا...الاخ عادل علي وانا متأكد انك تعرفه لن يحمل عليك
ولم يزعل...وهو فقط يحاول ان يصحح بيننا ما يمكن ان يكون مفهوما خاطيْ ليس
بالضرورة ان تحمله انت ولكن ربما يشترك فيه أغلبنا...وبعدين امشي شيل اعتذارك
دا راجع...وأكتب ما شاء لك عن شندي وأهلها...فأنت مخزون ذكريات ماهل...

بلاي مرة مرة يا ودالمدفع...اتذكر لينا قفشة قفشتين من الاستاذ تاج السر مشعال

يا شباب صباح الخير....
يا نزار يا أخوي صلح الصورة بتاعة المُشرع لأنه البوست اصبح مشرور وكاد أن يصيبني بالحوَل.
مع الود،

ع ع

الأخ نزار حسين السلام عليك ورحمة الله وبركاته لك الشكر والتقدير والاحترام مني, والله التراب كان قفة كبيرة وفيهاحفنة تراب من كل حي في شندي, اما اني منسحب والله كانت فكرتي عندما زرت البوست اول مرة انو ممكن نستفيد بالكثير ونفيد بالقليل, لكن بعد ايام تعدها في اليد الواحدة تبين لي انني ربما كنت مخطئ في حساباتي, وذلك انه ممكن ان نستفيد الكثير لكن لا نفيد بل نهدم,, لذا خطرت لي فكرة الانسحاب, الانسحاب لم يكن قرار انما فكرة لو كانت تفيد البوست لان البوست اهم من خالد, لك مني الود والاحترام

الاخ عادل علي ,,, السلام عليك ورحمة الله وبركاته أخي الفاضل والله انا صدري رحب لاي نقد اذا كتبت من افكاري اخي الفاضل الخلاف بيني وبينك يكمن في التالي انك
اولاً انت انتقدت حتى التحيايا الخاصة التي بعثت بها لكل ركن شهد مرتع صباي
ثانيا انت انتقدت حتى قصة رويتها وهي قصة حدثت ناهيك, والراوي ليس صاحب الفكرة
ثالثا كنت تتجنى علي بتخميناتك ان الشخص الذي اقصده في القصة( بما انه جاء من صعيد مصر فهو من النقادة ) وهذا كان اتهام خطير ممكن ان يشعل نار فتنة بين ابناء مدينة واحد
اخي اذا كان حسب تقديرك ان هذا نقد, انا لا اعتبره نقد ويكمن ان تسميه اي شئ غير نقد لفكرة لانه لم تكن في الاساس فكرة و المواضيع التي وضعت فيها فكرتي لم تتعرض لها بالنقد بتاتا
لك الود والتحيا

خالد إزيك.... وعساك طيب،
كويس جداً إنك حصرت نقاط الخلاف، وبذلك يصبح النقاش اكثر سهولة ومواطن الاختلاف اكثر وضوحاً....

Quote: اولاً انت انتقدت حتى التحيايا الخاصة التي بعثت بها لكل ركن شهد مرتع صباي

عزيزي.... لم انتقد أي تحايا خاصة وجهتهما أنت لأي شخص، ولا يملك أحد الحق في أن يعترض على تحية خاصة يوجهها زيد إلى عبيد.... كل ما قلته لك -ومن باب الدعابة (بدليل إنني اوردت الوجهين التاليين في النص: و ) انك لم تذكر في سردك "أويل" و"اللكوندة". إلا ان ردك جاء بلهجة متشددة وأوضحت لك في مداخلة تالية ما قصدته.

Quote: ثانيا انت انتقدت حتى قصة رويتها وهي قصة حدثت ناهيك, والراوي ليس صاحب الفكرة

خالد يا أخوي أعرف تماماً انك فقط (رويت) القصة، لكنك أوردتها واستشهدت بها لتدعيم مفاهيم أرفضها تماماً، ولا أراك تختلف معها مطلقاً، بل تتفق تماماً مع فكرتها الأساسية، أي ما يُطلق عليه في ثقافة التمييز الإجتماعي المحلية "ود البلد" و"الدخيل"، أو "الغريب". رفضي للقصة يا عزيزي يقوم على ركيزة أساسية وهي رفضي المطلق والمبدئي للعنصرية والتمييز واستخدام الصور النمطية Steriotypes (قصة القرود) للسخرية من البعض.

Quote: ثالثا كنت تتجنى علي بتخميناتك ان الشخص الذي اقصده في القصة( بما انه جاء من صعيد مصر فهو من النقادة ) وهذا كان اتهام خطير ممكن ان يشعل نار فتنة بين ابناء مدينة واحد

إذا كان الشخص المعني من الأقباط أو من غيرهم وإذا جاء من صعيد مصر أو من أي مكان آخر، فإن الفكرة واحدة يا خالد وتنطلق من نفس مفاهيم التمييز الاجتماعي والسخرية من البعض باستخدام الصور النمطية التي تنتجها وتروجها الثقافة المحلية.
لك الود،

ع ع

عوووووووك يا نزار
ياخي ساعدنا بسمكرة صورة المُشرع حتى نستعدل البوست.
لك الود،

ع ع

معلببببببش يا عادل ما شفت نداءاتك دي الا هسي
وحا نقوم باللازم هسي دي انا اخوك انت

Quote: معلببببببش يا عادل ما شفت نداءاتك دي الا هسي

نزار يا أخوي كُنت وين؟؟؟؟

الأخ الفاضل عادل لك مني التحايا والود المهم يااخي حصل خير واعلم ما اوردته ليس من بنات ام افكاري انا لا افرق بين ابناء شندي واكرررررررررررررررررررررررررر لك الغريب والدخيل وما ود بلد وما الاصيل من لا يكون طبعه طبع اهل شندي الطيبين وكل من سوت له نفسه ان يطلع في رأس الناس سواء بمنصب أو مادة,,, لك مني التقدير والشكر
خالد

برقية عاجلة

الاخ عادل على

يا اخى الراجل ما قصر وقدم اعتزار ولدرجة سف التراب ولسه انت مصر على التعقيب والجدل معه .. عادل نحن اخوه وارجوك أن تظهر بعض التنازلات وخاصة بان احساسى يقول بأن الأخ خالد أكبر سنا منك ( طبعا حا تدخل معاى في نقطة اكبر منك سنا وهلم جر ) وبعدين يا عادل ياأخى قلت ليك ريح اخوك خالد وعرف نفسك ليهو انشاء الله عن طريق الماسنجر

برقية عاجلة

خالد على

اولا : لا نوافق والف لا على فكرة انسحابك أو بمجرد التفكير فيه وارجو أن لا يتكرر ذلك مرة أخرى .

ثانيا : أخى الحبيب خالد ارجو أن تعود للثوثيق والحديث عن شندى بدون تردد.. ولك الف تحيه.

ثالثا : الأخ شرف عبد المنعم معنا هنا واعتقد بأن لك صلة قرابة به .. أرجو تاكيد ذلك أن كان صحيحا .

برقيه عاجلة

العزيز / نزار حسين

لك كل الود والتقدير .. وعشانك طلباتك مجابه ودى واحدة من نوادر الاستاذ السر مشعال ارجو أن لا تكون قد مرت عليك انفا ..

مره صاحبك مفلس فلسه شديده جدا .. وما عنده اى حاجه علشان يبيعها اللهم إلا دجاج في البيت .. راح زى الساعه 11 ضهر شاليهو ديك بين يديه وشاقى السوق علشان يبعه لما وصل قهوة ود رزق الجماعه كلهم قاعدين شافين الديك (يا لسر مودى الديك وين؟؟ ) قال ليهم والله الديك عيان شويه وموديه البطرى .. صاحبك خش السوق باع الديك وقبض ولسو حظه ياتى مره أخرى مرورا بنفس المجموعه ( ياالسر وديت الديك وين ) قاليهم ناس البطرى قرروا يرقدوه ورقدوه عندهم.

مع خالص تحياتى

برقية عاجلة

بغرض توسيع دائرة معرفتى بأبناء منطقتى الافاضل ارجو من الذى لم يتمكن من معرفتى او من هو ليس بدفعه كما يقال أن يتعرف على احد من اشقائى التالية اسمائهم :

ترتيبا من الاكبر سنا :

ازهرى فضل الله

عثمان فضل الله _ الدراسة امدرمان _ لعب بفريق الامل ثم نادى النسر الرياضى .

عمر فضل الله _ الاسقلال الابدائية-عبد الكريم السيد _ شندى الثانويه _ لعب بفريق المجد ثم انتقل الى نادى النيل لرياضى .

شخصى الضعيف - شندى الشماليه _ المك نمر - شندى الثانويه _ الهند - لعبت لنادى الشاطىء العريق .

صالح فضل الله _ شندى الشماليه _ المك نمر _ شندى الثانويه _ مصر _ لعب لنادى الشاطىء ثم انتقل الى نادى النسر الرياضى .

اسامه فضل الله _ شندى الشمالية _ المك نمر _ الحوش الثانويه _ الهند _ لعب لنادى النداء ثم انتقل الى نادى النسر الرياضى .

مبارك فضل الله _ المتمه

مع تحياتى وودى واحترامى

الاخ ود المدفع ,,,, انا غايتو تحدثت مرة مع واحد لا اعلم هل هو انت ولا اخوك كان موجود مع ابن الخالة شرف الدين عبد المنعم سيداحمد في الامارات ,,,, المهم الشخص الذي تحدثت معه هو واحد من اولاد فضل الله حاج عمر , افيدني اذا كنت انت, المهم يا سيدي شرف هو ابن خالتي

الأخ خالد على

طبعاتاكدت من صلة قرابتك مع الاخ شرف عبد المنعم .. الشخص الذى تحدثت معه اكيد يكون شقيقي عثمان فضل الله لانه الاقرب وفي زيارات متواصله معه وكلنا اخوه واهل .. الف تحية

Quote: مبارك فضل الله _ المتمه

طيب المدفع منو؟

Quote: نزار يا أخوي كُنت وين؟؟؟؟

والله تصور يا عادل اخوي كنت في اتصالات تلفونات
مع السودان وبس...كل مرة رررررننننن وانا اجاوب
ومرة مس كول وانا اتصل وهكذا دواليك

الاخ نزار حسين

المدفع لقب الوالد الله يرحمه .. وعارفك حاتسألنى لقبوه كده ليه ؟؟

عاجل
الأخ خالد على

ارجو رجاء خاص التوثيق عن العم شيخ الباز ( براد الباز ) والسناهير والشيخ الفكى يوسف وود فراج وقبة ود فراج .

ولك الف تحية وتقدير

الأخ عادل على

الرجاء حرك الفؤاد بالصور الجميله من شندى .. وبعدين الصوره دى قديمه انت عارف ياعادل التاكسى حاليا كله تحول الى سيارات ( اتس ) وما بقى الا القليل امثال عمنا عطا والتاج الفوال واولاد عتيبه.

مع تحياتى وتقديرى

اهل شندي الكرام


رمضان كريم وتصوموا وتفطروا على خير

سلام اهلي

Quote: وعارفك حاتسألنى لقبوه كده ليه ؟؟

ما فيها شك..

مش نحن في بوست شندي...واي سيرة ترد هنا هي جزء اصيل وموثق
في هذا البوست...يلا احكي لينا يا ودالمدفع....

الأخ العزيز نزار حسين

القصه وما فيها لقب بذلك بسبب الصوت الجهور .. واعتقد أن هناك مآرب أخرى

ولك الود والتقدير

همسه الى الغاليه شندي

إننا لحظات نحس أنفسنا .. نحيها لحظه شعور عابر أعيشها بينكم لا ادرى أأشجان الهوى أم تجلجلت أهازيج نفسى .. وانبرت عيناى لا تصدقان هذا الهيام والشوق .. فماأجمل الطير على أجنحة الجوى والاستطراد .. إنه يجعلنى شفافا .. حالما بكم .. فهل تنأى الزمان لنا؟ وهل صدقت لنا ألحان ذكرانا؟
أحس نفسى في أعماقكم في كيانكم ذروة من الشوق لهيبها يحرقنى يلهب أعماق كيانى لا تخمد انفاسى وتعالى صدرى عن السكون .. لا إنها بحور عميقه شواقه مياهها دفئيه تدفنى وقت اللجين بلجتها .. انفاس الزهور من حى الزهور .. إنه عبيق فواح من طعم الحياة معكم أهازيج فرحتى تهزنى طربا إليكم .. إنهاالنفس واصداء الذكرى يدق ناقوسها في خاطرى .. وجلا وهياما .. رنينا صخب ولع براق والنشوة الفائرة البعيدة تهدأ لكيلا تأسر واقعى وتؤرق صمتى .. أحس ذاتى برائحة طفولتى تقودنى إنها هناك عندكم دفىء الحياة .. ابحرت فيها فليبقنى الله عز وجل لاذكركم بخاطرى ..

إنها مسارح الأنفس تستعرض الحياة الخضراء مورقه وارفه ظلالها منكم .. فهل سقيتمونى من هذا الكأس؟؟؟؟؟

ذكريات عابره

نادى النيل يذكرنى بالمدافع الجسور ( احمد عريبى )( والمهاجم الفز التاج ) وواجهة النادى الوجيه المرحوم / مصطفي محمد المصطفى .

نادى الأهلى يذكرنى بلاعب الوسط الفنان حجو على حسين وعمنا ابوالسعود .

نادى سارديه يذكرنى بلاعب الوسط المهندس عثمان الجلال والاعجوبه عبد المحمود والمدافع الجسور فارسه .

نادى المجد يذكرنى بالمدفعجى ميرغنى جلى والحارس الامين سبت وعمنا درار .

نادى الأمل يذكرنى الخال الماحى موز ولاعب الوسط الشهير ( سيد الترزى ) وصاحب القفشات الهادى مكرع .

نادى الكوكب يذكرنى ابن العمه لاعب الوسط الموهوب عوض التجانى الشريف والمرحوم سرورى محمد المصطفى .

نادى الهدف يذكرنى ننشف المدافع الغيور والادارى ضرسو.

نادى النداء يذكرنى المدافع تورو لاعب الوسط اسامه عثمان الياس والجناح الذى لا يقهر عطا الله والادارى محمد ابراهيم حاج محمد.

نادى الشاطىء يذكرنى الجميع

نادى الهلال يذكرنى الاعب الفنان خراش .

نادى الحوش يذكرنى بوكو

نادى الدويمات يذكرنى المدافع ابشر .


ولنا لقاء

الأخوان خالد على / عادل على الاعزاء


كده بصراحه نزعل منكم .. طلو ولو بنظره عابره

Quote: نادى النيل يذكرنى بالمدافع الجسور ( احمد عريبى )( والمهاجم الفز التاج ) وواجهة النادى الوجيه المرحوم / مصطفي محمد المصطفى .

عزيزي عادل.... لك التحايا،
طبعاً أنت نيلابي "بالميلاد".... وأنا أهلابي على السكين، ولكن كنت أشجع اللعبة الحلوة خصوصاً من النيل -الند التاريخي للأهلي. لذلك أتذكّر جميع من لعبوا في العصر الذهبي للكورة في شندي، عندما كانت القمة "اهلي-نيل"، وهي حقبة سيادة المهارات والولاء للنادي. ليس ثمة شك في أن احمد عريبي كان لاعباً مميزاً.... وعندما نتذكر مدافعي النيل في تلك الفترة يقفز إلى الذهن أيضاً حسن عشمانة.... فتحي (دينكا).... التَقَر (قبل أن ينتقل إلى الأهلي)... بهقيل... إدريس عجب (كانا يلعبان في كل الخانات ويجيدان اللعب فيها جمعياً)...
بجيك راجع...
لك الود،

ع ع

Quote: الرجاء حرك الفؤاد بالصور الجميله من شندى .. وبعدين الصوره دى قديمه انت عارف ياعادل التاكسى حاليا كله تحول الى سيارات ( اتس ) وما بقى الا القليل امثال عمنا عطا والتاج الفوال واولاد عتيبه.

أسه عليك الله يا عادل أيهما يبعث على الإطمئنان فولجة "الرفاق" الماهلة أم آتوس العولمة الممحوقة؟ أصغر الفولجات "سناً" في شندي اُنتجت عام 1970 (يعني عمرها 36 عاماً).... ترى هل ستصمد الآتوس 36 عاماً اُخرى؟ بمعنى آخر، عضم الفولجا قوي.... والآتوس ليس لها عضم أصلاً وليس من المرجح ان تصمد أمام حُفَر شندي 36 شهراً، سيبك من 36 عاماً



لك الود،

ع ع

سلام كتير ابناء شندي الحبيبة لكم الود والاحترام

تاكســــــــــــــــــي شندي زمان,,,,,,
*يا سايق الفيات.... عود بي وخد سنده... وبالدرب التحت تجاه ربوع سنده
*السايق البوباي الاشارة جاي ولا جاي... ورينا سوق.... جاي وجاي
*الريحة كاترينا والعربة كورتينا عشان بمشي وبجينا الناس سوها فينا
*عربيتك الاوبيل ... يا سايق العربية,,, سايقها نص الليل,,, يا سايق العربية
* سوق يا سواق... بشارع السوق يا سواق.. سوق بخفة ونزلني جنب اللفة يا حمام يا طائر بشارع المستشفى
* وغيرها وغيرها ماتغنت به بنت بلدي في ازمان توالت
اترحم واسأل الله عز وجل الرحمة لكل من فارق الحياة منهم وادعو الله ان يطيل عمر من بقى منهم على قيد الحياة ويمتعه بالصحة والعافية
كان القانون للحصول على رخصة التاكس يتطلب الكثير, ويزاد صعوبة في المدن الكبيرة ويتطلب الكثير, وكان من اهم شروط الهندام لسائق التاكسي( إما الزي السوداني الجلابية والعمة ... او بنطلون وقميص شرط ان يكون شاكي القمص ), لذا كانوا التكاسى اي سائق التاكسي مهندمين ويقع في حبهم البنات ويتغنين لهم وبسياراتهم.
كان من رواد سائقي التاكسي في شندي عمناعبد الشكور يرحمه الله ويغفر له يسكنه فسيح جناته وعربته المشهورة بلونها الاصفر والخطوط الزرقاء وبالجنب صفيحة ( فورد على ما اظن من موديل الثلاثنيات ), والشائعات التي عمت في تكلك الفترة وصدقها اهل البلد انهم ما رأوا يوما العم عبد الشكور في محطة بنزين وانو عربته بتمشي ( بالموية ),,,
العم انقليزي ( انجليزي ) لا اعرف اسمه الحقيقي لكن هذا هو الاسم الذي اشتهر به بهندامه ووسامته والضحكة الصارمة التي لا تفارق وجهه ابدا
ومحمد عبود البشير ,,,, وحسن خضر ,,,, وعباس ابو السعود ,,,,, وعتيبة ,,,,, وحسن السماني وغيرهم من فاتني ذكر اسمائهم.
كانت هناك ثلاثة مواقف دائمة لسيارات التاكسي طلمبة بنزين موبيل ,,, ومحطة بنرين توتال ,,, ومحطة سكة حديد شندي ( تحت النيمة الوارفة ),, وكان هناك شيئ جميل انك اذا كانت لك حاجة لتاكسي ما عليك ان تمشي لاقرب دكان فيه تلفون وتطلب السيارة التي تحبها ( عاوز حسن خضر لما تتميز به سيارته من جمال وبكش وفوق دا كلو البوري المتميز ,,,, حسن خضر عليك الله اضرب لينا بوري وما كان يخزل حد عندما يسمع الطلب ويبدأ في عزفه على نغمة ,,,, انت كلك زينة وعايمة كالوزينة ,,, )كانت السيارات ايامها الكونسل ,,, الكورتينا ,,, البيجو المكوة ,,,,الهنتر ,,,, وغيرها.

Quote: والشائعات التي عمت في تكلك الفترة وصدقها اهل البلد انهم ما رأوا يوما العم عبد الشكور في محطة بنزين وانو عربته بتمشي ( بالموية ),,,

ويقال انها كانت تعمل بشيء آخر!

الفكي يو ســــــــــــــف
اولا نترحم على من مات منهم والصحة والعمر لمن بقى منهم
قبل ذلك لازم ندي ناس الحجازة الطيبين حقهم, الحجازة ليست قبيلة, اعني بذلك اسم الحجازة ليس هناك قبيلة اسمها الحجازة ولا ادري سر تلك التسمية, وهي عبارة عن حيشان ,,,, ويربط كل حوش الاخر صلة قرابة,,, حوش الفكي يوسف ذاك الشيخ التقي المؤمن تماشياً مع حديث رسولنا الكريم صلى الله عليه وسلم ( إذا رأيتم الرجل يرتاد المساجد فأشهدوا له بالايمان ), الفكي يوسف لم يرتاد المساجد فحسب بل شيد مسجد يعتبر من مساجد شندي القديمة التي تعد في اصابع اليد الواحده, بناه بالطوب اللبن وبعدها هدم وبني بالطوب السمنت المسلح في موقعة الموجود عليه الآن. خلفه على امامة هذا المسجد ابنيه الفكي محمد يوسف وهو الاكبر والفكي الامين يوسف الاصغر, ويأم الناس في الجمعة والاعياد الابن الاصغر الفكي الامين فهو افقه واعلم بأمور الدين الحنيف,, ولهما اخوة هم اسماعيل يوسف والحبوب ,, وكان هناك اخ لهم لا اذكر اسمه كان يعمل جزار ومشهور بأسم ( بيضة )
حوش شبالة وعلى رأسهم سنوسي محمد علي واخوانه,, وحوش السعداب وديل اهل المك نمر نذكر منهم الحاج نمر, هناك قصة كنا نسمعها زمان ولا ندري مدى صحتها ام هي من صنع خيال واسع, انو اولاد السعداب كانوا يلعبون في ليلة مقمرة لعبة (( شليل وينو ), فكرة اللعبة ان ينقسم الحضور لفريقين فريق يرمي العظم والفريق الاخر يجب ان يبحث في الظلام عن العظم حتى يجده وهم يرددون شليل وينو اكلو الدودو شليل وين راح اكلو التمساح, المهم في القصة انه بعد قذف بالعظم صادف ان وقع هذا العظم على رأس شيطان صغير (( مولود جديد )) اسم ذاك الشيطان ( ابودريع ) وامه اسمها ( ضوه ) ,,, بعد ان تفرق الاولاد وذهب كل منهم لبيته (( واتعشى ونام )) سمع اهل الحجازة في منتصف الليل بكاء ونواح في كل ( الكوش ) يبكون الشياطين ويمنحون ( السعداب غتات ونيتم سوداء , كتلوا ابودريع وحرقوا حشا ضوه )
حوش اولاد عمران , وحوش ناس النعيم وديل اهل الحكم الدولي النعيم سليمان,, ناس الطامح وناس رزق وغيرهم من حيشان اخرى صغيرة ,, بالمناسبة اولاد عمران هم اول من دفنوا في مقابر شندي الحالية وكانت قبلها المقابر في الساحة المعروفة الان بفاشر القرداب في وسط حي القرداب مربع 8, تم دفن كل اولاد عمران مع اخيهم ,, شيدو له القبة الموجودة الآن في اول مقابر شندي.

نرجع لذلك الشيخ الورع التقي المؤمن الفكي الامين يوسف, هذا الشيخ حفظه الله واعطاه الصحة والعافية انطبع في قلوبنا أولاً بعمامته التي جعلته مميز كان يلفها اولا حول وجهه ثم يلفها حول رأسه,, الفكي الامين موسوعة في كل العلوم ( علم القرآن و علم الحديث و علم الفقه و علم العقيدة والطب النبوي فهو يعالج بالاعشاب والوصفات مراعياً ما قاله الله تعالى ورسوله الكريم صلى الله عليه وسلم وفوق ذلك فهو ملم بعلم الانساب, كريم بابه وباب جامعه كل الدار والجامع باب, لا يركب في حافلة او بص ألا وخلص ودفع للكل, سمح في خلقه, هو راعي خلوة ابيه للضيوف, اذكر ونحن صغار كان يسكن في الخلوة العبيد جليس الصيد, و وشوين وغيرهم الكثير لكن خطر على بالي الآن العبيد ووشوين لانهما كانا من ظرفاء الحي, وماوزالت تلك الخلوة مفتوح بابها إلى يومنا هذا,الفكي الامين كان لا يرضى اي تبرع من اي كان لترميم المسجد او زيادة فيه وحجته انه لا يحب ان يدخل فيه مال لا يستطيع ان يسأل صاحبه كيف حصل عليه؟ وهذا من أدبه الجم شيخنا الفاضل, كان يجمع جلود الاضاحي في كل سنة ويبيعها وبها كان يقوم بأمور المسجد, حفظ الله شيخنا وامامنا الفكي الامين آمد الله في عمره ومتعه بالصحة والعافية.

Quote: كان من رواد سائقي التاكسي في شندي عمناعبد الشكور يرحمه الله ويغفر له يسكنه فسيح جناته وعربته المشهورة بلونها الاصفر والخطوط الزرقاء وبالجنب صفيحة ( فورد على ما اظن من موديل الثلاثنيات ), والشائعات التي عمت في تكلك الفترة وصدقها اهل البلد انهم ما رأوا يوما العم عبد الشكور في محطة بنزين وانو عربته بتمشي ( بالموية ),,,

_ ذاكره احسد عليها توثيق جميل ولى بعض التعديل والاضافات .. سيارة عبد الشكور فورد من النوع القديم جدا وبها عبارة عن صندوق للركاب فيه عدد 2 كنبه متقابلات .. لونها اخضر وعليه زيق احمر .حيث كانت تستخدم في المشاوير الطويله .. عطبرة - الدامر _ الخرطوم .

- محمد خالد الحاجه السمعنها بالمويه بس .. والفى بالك كان ( حسن جكسا ايام الشريعة الاسلامية مسخنه بشيلو في جك اول ما يسمع اى خطوات وراه يكشحو اول باول ) وبرضو امكن تكون قاصد حاجه تانى .. وبرضو في بالى.

- حكاية بتمشى بالمويه دى مقرونه بمقوله بأن العم عبد الشكور كان عندو ( جنيه ) والمناسبة دى اذكر وانا ابن السابعة أو السادسة اعوام ذهبت مع والدى الى منزل عبد الشكور والذى كان عبارة عن حوش كبير جدا ملىء بهتش العربات والاسبيرات لجميع انواع السيارات وغرفة وصاله على الناحيه اليمين من الحوش .. ذهبت مع الوالد للبحث عن اسبير عربيه .. وفعلا عندما تدخل هذا المنزل تحس باحساس بأن هناك شخص اخر موجود معك غير العم عبد الشكور وتحس بوجوده اكثر عندما تنظر الى شبابيك الغرفة الخاصة به .

- من ملوك التاكسى الذين لم تسعفك الذاكره لذكرهم :

عمنا أب علاق / العم فداى / اب كدوس / بابكر البركات
ودرزق / ختم ود البلوله/ احمد العاتى / عمناالمساعد

الأخ خالد.... يسعد مساك النور،
تُشكر على إيراد سيرة الشيخ الورع البشوش الفكي الأمين... صورته ماثلة الآن أمامي وعمامته ملفوفة تلك اللفة المميزة.... ماشياً وهو يدلي يديه من فوق عصاه التي يضعها بطول كتفيه يوزع السلام يمنة ويسره. أتمنى له دوام الصحة والعافية...
عزيزي ود المدفع...نسينا أن تورد ضمن أصحاب البيجو 403 (المكوة)، بالإضافة الى المرحوم عبد الله فداي وحسن السماني، العم محمد عبود (ود عبود)، فهذه سيارته المفضلة، لم أره إلا وهو يقود هذا الطراز على وجه التحديد، ومن بعده إبنه كمال، فيما كان يفضل إبنه عادل الفولجا.

المرحوم عبد الشكور وعربته نسج حولهما كم هائل من الأساطير، وعندما تسمع بعض هذه الأساطير من أحمد الراعي أو الزين قريعية يخيل لك أن السيارة موضوع الحديث مركبة "هامفي" وليس فورد عبد الشكور موديل 1945.

نسينا أيضا بص المرحوم علي فزاري.... قطِع شك محمد خالد أبو نورة لا يزال يذكر بص الفورد الأثري هذا، فالرجل كان يسكن على مقربة منهم جوار نادي الهدف (القديم) بمربع 1.

لكم الود،

ع ع

*الاخ الفاضل ود المدفع والله فعلا اعدت لذاكرتي شتات مفقود وكأن الآن عربة العم عبد الشكور ماثلة امامي فعلا كان لونها أخضر وعليه زيق احمر,, وحتى الكنبتين على ما اذكر كانت مكسية والعم مرتدي جلابيته ومركوب قطع الجنينة ويمشي على مهل, بكم يكتمل التوثيق انا ممكن اكون متخصص لكم في شندي فوق ونطرق الباب وانت والاخوة كملوا ما فاتني ولكن والله لا اعلم كيف فلت من الذاكرة كل من فداي وكدوس وبابكر بركات وودرزق

* الاخ عادل علي لك التحايا والود,بص فزاري وبص ابقرش وهو بص سلمان التمرابي خال حسين الكريستاني يرحمهما الله ويتقبلهم خير قبول والكثير والكثير في شندي يجب التوثيق له هيا مع بعض ذاكرة منك ومن ود المدفع يكتمل التوثيق لهولاء النفر من رجالات بلدنا

مدرسة عبدالله الحسن الثانوية العامة
بدأت نواة هذه المدرسة في معهد التربية شندي بأسم شندي الريفية الثانوية العامة, كان مجهود لاستاذة أفاضل حملوا هم هذا البلد في حدقات عيونهم, وبعد أن شيد المحسن المحامي عبدالله الحسن الحضري هذه المدرسة( مدرسة عبدالله الحسن ) بدأت بالدفعتين اللتان بدأتا في معهد التربية شندي, دفعة نستطيع أن نسميها دفعة الامين مبارك الامين ورفاقه والدفعة التي عقبتها هي دفعة جمال محمد عبده ورفاقه وبعدها توالت الدفع الواحدة تلو الاخرى حتى تم نقل المدرسة الثانوية العامة لموقععها الحالي وسميت بشندي الريفية الثانوية العامة مرة اخرى, نحن درسنا سنه في مدرسة عبدالله الحسن الثانوية العامة واكملنا في شندي الريفية الثانوية العامة في الثورة,, ,,,,,معلمين علقو بالذاكرة ناظرها محمد الامين, حمزه يرحمه الله, الطيب حوش بانقا, سراج الشيخ البشير , معتصم الجمري, محمدعلي استاذ اللغة الانجليزية, عبدالحميد عبدالله فرج, عبدالحي عثمان, عثمان سليمان النعيم, الناظر ودجانتوقا,وغيرهم من لم تسعفني الذاكرة بذكرهم لهم مني العذر, ونحن في سنة اولى كان فطاحلة المدرسة خالد البروجي والمحامي ابوطالب محمد عثمان وعصام الجاك يرحمه الله, والشاذلي , صلاح خليفة,وبيومي,, ومن دفعتنا اذكر حسن التاج وجلال عمر الفضل وعمر عبدالمطلب ووبشير الزين نمر وبادي جعفربادي وعصام مبارك والبدري علي الامين والعوني, وشنان الارباب ووودالامين من القليعة,وعلاء الدين عبدالرازق عبدالله مكي وعاطف بشير تنقور والطيب ادم ونصر الدين شكلة, وابراهيم بله والنجاشي حسب الجابو والفاتح عبدالسلام وفائز عمر الفكي وودعكر وكمال سعد والعذر لمن فاتني ذكرهم.
دخل علينا بعد بداية العام الاول بشهرين معلم جديد تعلو وجهه الصرامة رغم ان دواخله لا تنبئ بذلك, جاء كمعلم جديد بفكرة ( أهرشهم قبل يطلعوا في رأسك ) دخل علينا في الفصل يحمل سوط عنج,,, وقفنا قيام ننتظر أن يبادرنا بالسلام عليكم ونرد الرد الجماعي ( وعليكم السلام ورحمة الله وبركاته ملحنة ), لكنه لم يفعل وظل يتجول بين الصفوف وهو يهوي بالسوط على رجله اليمنى بخفة وضربات منتظمة لها نغمة وكل الاعين تتابعها في حذر وتوجس, نظر إلينا بنظرة يتطاير منها شرر وجهها لكل من في الفصل على حده ونحن قيام لم نجلس بعد,, بعدها توجه إلى السبورة وكتب بخط عريض ( إملاء ) , وأستدار في حركة عسكرية ونحن قيام, بدأت همسات وضحكات تسمع من الصفوف الخلفية ,,, ذابت كلها مع أستدارته وصمت الكل حتى انك تسمع دبيب النمل في بلاط الفصل,, وصرامة وشدة على وجهه دامت بضع لحظات,, مرت تلك الحظات ثقيلة علينا, ثم ابتسم لكن لم نطمئن لأننا وعينا تلك الفترة بيت الشعر الذي يقول ( إذا رأيت أنياب الليث بارزة... فلا تظنن أن الليث يبسم ), وأخيرا نطق ( جلوس ), دون سلام, تنفسنا الصعداء وانزاح جبل من فوق صدورناوجلسنا,, وقال : طلعوا كرسات الاملاء ففعلنا البعض خوف والبعض اداء واجب والبعض فعلها وقلبه يفور حقداً على هذا الاستاذ المفتري ( كانت هذه فكرتنا عن المعلمين دا طيب ودا عامل فيها ابن عرام ودا مفتري ودا صعب ودا مقرم ودا ابن ستين فتلة ودا ودا ).
اكتبوا..... مر رجل على قصر الخليفة المأمون,,,,, جاء صوت متلعثم من الصفوف الوسطى في الفصل يا استاذ دا عنوان الاملاء ,,, رد عليه ,,, لا دي املاء بدون عنوان اكتب وانت ساكت,,,
مر رجل على قصر الخليفة المأمون وكتب على حائطه بفحم ......
ياقصر جمع فيك الشؤم واللؤم
متى يعشعش في اركانك البؤم
يوما يعشعش فيك البؤم من فرحي
أكون أول من ينعاك مرغوم
إلى أخر الابيات وما زالت ضربات السوط تنزل على رجله في تلك الحركات المنتظمة الموسيقية, همسات جلال عمر الفضل بدأت مسموعة للقربين منه وهو كان بالنسبة لنا المتنبئ بالمعلمين وسلوكهم وارتفعت ,,, يا حسن التاج دا استاذ خطير روق بس في علبك فربع حسن التاج يديه والبدي علي الامين اعتدل في جلسته,,,, ونصرالدين شكلة انتصب من رقدته المعتادة على الدرج وكان يفعلها في كل الحصص ألا حصة سراج الشيخ البشير وعثمان سليمان خوفا وخشية,,,والطيب آدم ننط عيونه بعد نهاية الاملاء جمعت الكرسات بتلك الطريقة المعتادة مرر الكرسات للامام ثم يقوم طالب ويجمعها من اول كل صف ويضعها امام الاستاذ والطالب نفسه هو الذي يحملها في نهاية الحصة لمكتب المعلم,,,
نظر إلينا مرة اخرى وقال انا اسمي ابوعبيدة,,, من قرية قندتو,,, استاذ جديد سوف ادرسكم مادة اللغة العربية,,,, درسنا هذا الاستاذ فقط فترة لا تتجاوز الشهرين وبعدها ألتحق بكلية السجون,,,, الآن قلد رتبة لواء شرطة ,,, الأسم بالكامل ابوعبيدة سليمان عوض الكريم المشهور بأبوعبيدة السنجك كما يحلو لناس قندتو

Quote: سلمان التمرابي خال حسين الكريستاني

التامراب قبيله انتشرت في ربوع شندى والمتمه وهم اناس طيبين ومشهورين بخفة الكلمه والتعليق السريع والمساخه المفرضه في نفس الوقت خاصة إذا تعديت عليهم ومن مشاهيرهم :

سلمان / حسين الكريستانى / ود اللواء / اب دومات .. وأذكر أن ود اللواء كان عندو كشك معروف على مستوى المدينه ببيع الفول فقط .. وفى مره من المرات وقف في الكشك شاب من الشباب (الاستايل ) وبطريقه استفزازية قال موجهه حديثه لود اللواء ( يا ود اللواء عندك كبده ) رد عليه ود اللواء ( بالله هسع انت الكبده تاكله كيفين والله إلا يدوك ليها حقن ) .

الهادى مكرع من الشخصيات الشنداويه الطريفه : مره من المرات جالس في نادى الامل يلعب كشتينه الراجل عطش مشى على المزيره .. قبل ما يشرب جاء واحد من الشباب عايز يشرب .. اليوم داك الهادى مكرع خرج عن العادة وملا الكوز واعطى الشاب يشرب .. بس المصيبه الشاب بعد ما شرب وضع الكوز ومشى .وعمنا الهادى في حيره متابعو بالنظرات وفجأة التفت الشاب وقال للهادى مالك بتعاين كده .. رد عمنا الهادى وقاليهو لا ما فى حاجه انا جاى ازقيق وماشى .

طبعا لا انسى عربية على فزاري
ولا لوري طه البلنج
وهو بالفعل قصة لحاله

يا سلام


زكريات جميلة

واشخاص مهمين





تخريمة

Quote: ويقال انها كانت تعمل بشيء آخر!

ويقال ان سيارة عبد الشكور يقودها الجن

هذه المرة احب ان اتحدث عن فريق الربيع الرياضي الذا تم اعاه تكوينه في 1983 او 84

تم تكوين هذا الفريق في مربع 11 ومربع 14

كان تكوين الفريق في هذه الفتر بواسطة الاخوان ادريس الترزي والمدرب الناجح فرنسا جون واتذكر تم تكوينه

وكان مقره الاول دكان ادريس الترزي في مربع 14 مقابل مربع 11 وكنت احد الذين انضموا لهذا الفريق الذي اصبح كبيرا

بعد فتره بسيطة جدا وقهر اعتى فرق شندي (الاهلي عندما هبط الي الدرجة الثانية) وكان الفريق يتكون من شباب نشطاء

وكانت ميزانية نادي الربيع في البداية عندماكان الفريق احد فرق الروابط كانت الميزانرة عن طريق الاشتراكات التي كانت

تجمع من اللاعيبن انفسهم وكان اول اشتراك ادفعه انا مبلغ 25 قرش كل اسبوع

بعد ذلك تم تكوين ادارة لهذا الفريق من مجموعه من شباب شندي الافياء امثال الاخ محمد مصطفى افندي وعبد الغفار سعيد تيتابه
الذي كان الراعي الرئيسي للفريق حيث اصبح يدفع للفريق بسخاء كبير جدا ومن الاداريين ايضا عثمان مصطفى ( الان سكرتير نادي النيل ) والاخ الفاتح عيد والاخ يحيى ود ابو ( صاحب القهوه ) والاخ سيد ابشر والاخ

وصعد الفريق للدرجة الثالثة عن تكوينها

برجع ليكم في بوست تاني