وكفرت بالمرأه التقدميه.................

عسى ولعل.......

الحكاية دي فيها رؤية ولا كيف

في إنتظار وضوح رؤيتك!.

الرؤية التي فهمت من (لعل و عسى) هي ان تكفر بالمرأة التقدمية..
ثم تأتي شقية تخليك تآاامن .. و كانت مداخلتي اعلاه قبل التعديل.
مالك علينا يا عريس

يا كمال

لمن تآامن نادينا نبارك ليك.

عــســى ولـعـل.......

قرقرقرقرقرقر

لكن ما سمعت لا يبرق البرق في مكان واحد مرتين..

يا عميرة

ممكن تنفع معاك شمطاء هاكر تخليك تقتنع بانه احسن حاجة المرأة التقدمية..

بل قل يا فتى ظلامية..
ما اتبسطت بالله من قصيدة نيرودا الهديناها ليك ديك..

انا زمان لا اومن بالرجل الشيوعي..

اسع آمنت
واهديت ليك القصيدة ديك قلت شنو؟

Quote: اسع آمنت

كيف.. كيف..كيف...!!!!؟؟؟؟
كدى قوليها تانى.. باقى ماسمعتها صاح!!
منعم

Quote: كيف.. كيف..كيف...!!!!؟؟؟؟

لا حولة غايتو يا الشيوعين حطب النار

الزول ما يقول كدا بالدس
يحنك واحد فيكم تجو جارين..
موش عميرا دا خلاس ما حاشتغل بيه
اسع دربي دا امشي اشيل غصيدتي...

.

Quote: في إنتظار وضوح رؤيتك!.

أبـشر ياعريــس

Quote: انا زمان لا اومن بالرجل الشيوعي.. اسع آمنت

أبشرى .....يادكتوره

Quote: في إنتظار وضوح رؤيتك!.

أو كما قال


واتمنى أن تأتي الرؤية واضحة هذه المرة

الاعزاء والعزيزات

فى ظنى اننا قد وصلنا بالضبط الى النقطة المحورية. والنتيجة الحتمية لما يمكن ان اسميه السلفية اليسارية التى ظلت تنخر فى عظام حركات التحرر الوطنى منذ بدايات تكوينها. تلك السلفية التى اوصلتنا الى حالة التكفير والهجرة التقدمية او بعبارة ادق الكفران والكفران المضاد. هن التقدميات يكفرن ب هم التقدميين... وهم التقدميون يكفرون ب هن التقدميات... وبدلا من البحث بجدية عن الخطأ الذى اوصلنا لهكذا مستوى تفكيرى (( يمكن قرائتها تكفيرى)) ننكفئ على انفسنا ونعيش فى مجتمع منفصل يفضل فيه هو التقدمى العيش مع هو تقدمى آخر فى حمام رجالى تقدمى غير مسموح فيه لاية هى تقدمية بالدخول!! وتعيش هى التقدمية فى حمام نسائى تقدمى يُعْتََبَِر دخول هو التقدمى اليه جريمة يعاقب عليها القانون!!

لنعترف الان وبصراحة بان اكثرنا لم تكن التقدمية عنده سوى جسد حديث رُكّب فوق عقل قديم . منفصم فى اغلب الاحوال.. يعيش خارج البيت بعقل وداخله بعقل آخر. يعامل زميلته فى العمل بطريقة غير تلك التى يعامل بها اخته/ زوجته. وللنساء فى هذا السيرك الانفصامى دور بارز يلعبنه بطريقة الهجوم المضاد فترى الواحدة فى بيتها غير تلك التى تراها فى خارجه.

كلنا يا احبائى لانخلو من نموزج صغير لجد او حبوبة عبارة عن كادر سرى تعجز قوات امننا العقلى عن الوصول اليه.

ولهذا فان هنالك مساحة لكى (( نحرد )) بعضنا البعض ونكفر ببعضنا البعض ولم يبق الا ان ((نفخخ)) بعضنا البعض بطريقة تقدمية طبعا !!!
منعم الجزولى

لنعترف الان وبصراحة بان اكثرنا لم تكن التقدمية عنده سوى جسد حديث رُكّب فوق عقل قديم . منفصم فى اغلب الاحوال.. يعيش خارج البيت بعقل وداخله بعقل آخر. يعامل زميلته فى العمل بطريقة غير تلك التى يعامل بها اخته/ زوجته. وللنساء فى هذا السيرك الانفصامى دور بارز يلعبنه بطريقة الهجوم المضاد فترى الواحدة فى بيتها غير تلك التى تراها فى خارجه.

تقـدميـة يعـني شـنو?

سـؤال مـن واحـدة ماعارفـة هـي تقـدمية ولا لأ!
والناس التانيين ديل ذاتم تقـدميين ولا لأ..وأهـا نعـرف كـيف?

مـني خـوجـلي

بصراحة انا مابعرف واحد تقدمي ولا واحده تقدمية .ومعقول في سوداني او سودانية

تقدميين ..واذا افترضنا انهم تقدموا خطوتين هل احتمال رجوعهم ثلاثة خطوات وارد ؟؟

salam

انا غايتوما عارف تقدمية ولا حركة فتح

انا عايز واحدة بتعرف

كابتن المريخ

وصانع العاب الهلال

ومتابعة الدوري الاسباني

وبتعرف غناء

ناس كرومة وسرور

وبتعرف حميدة ابوعشر

وبتحب الافلام العربية زي

وبتسمع الراديو باليل

وبتكون بتعرف نكات صفراء

وفوق كدة وكدة فاقع لونها الخارجي والداخلي تسر الناظرين

Quote: تقـدميـة يعـني شـنو

والله هذا فعلا سؤال مهم!!

Quote: تقـدميـة يعـني شـنو

لأغراض التصنيف التكفيرى هذا
يبدو اننانحتاج بالفعل الى مراجعة معانى المصطلحات التى درجنا على استعمالها.

Quote: تقـدميـة يعـني شـنو

كثير من هذه المفردات استهلكه القلق الفكرى .. أو ابتلعته المعاناة اليومية.. او كاد ان يفقد معناه.. اوذاب داخل معانى اكثر حداثة....أو حتى لم يعد متسعا ليشمل معطيات جديدة فى عصر الكمبيوتر والاستنساخ البشرى وتخصيب اليورانيوم الايرانى... فى روسيا!!!

Quote: تقـدميـة يعـني شـنو

من يتطوع بالاجابة ؟؟؟

منعم

الاخ خليل لك التحية


يا اخوي المواصفات اللى انت طالبا دا ما مواصفات مرا سودانية دي مواصفات كشكول

الشئ التاني شنو حكاية لونها الخارجي والداخلي البسر الناظرين .. ( صفراء فاقع

لونها ...) . دي تبقى تقيلة جدا في مشيها وماممكن تكون تقدمية ..دي تاخرية

اخونا راعي البوست
والاخوة والاخوات
الفوق
سلام
دخلت لاسأل نفس سؤال منى خوجلي والجزولي ؟؟

ماهو المقصود في هذا البوست بكلمة تقدميين وتقدميات .هل هم قوى جديدة .. مستنيرين ومستنيرات .ز شيوعيين وشيوعيات بيئين /تولا ؟؟
المساعدة عشان نتداخل معاكم

جيت "انبرى" ....

لقيت جزلوت "انبرى"


ساكتفى بأن "ابارك" لصاحب البوست والعاقبة عندكم فى المسرات


"حاسب على الشعيريى لا تجيبا شويى"

تقدمية : من العديلة تقدمو و تبرا

Quote: وبتعرف غناء ناس كرومة وسرور وبتعرف حميدة ابوعشر وبتحب الافلام العربية زي وبتسمع الراديو باليل وبتكون بتعرف نكات صفراء وفوق كدة وكدة فاقع لونها الخارجي والداخلي تسر الناظرين

بعض الرحيق انا و البرتقالة انتي

اللون الرمادي ما احبوووووش!

تمام
يا منعم { دكام }

هسع جائع
وكلبي بينبح
وزوجتي اليمينية المحافظة تنتظرني على أحر من الجمر
لأنها جائعة مثلي تمامآ
إتفضلو معانا صينية سمك
وبعدين بنجي ل { كيمو الجاهز}

يا عشة بت فاطنة
برغم جوعي حا أديك بصباص تعريف وعربون إجابة

التقدمي / ة
أن تقدم رجل
وتؤخر الأخرى
الخطوة التانية هي التي سوف تحدد موقفك تقدمي أم رجعي
بمعنى أيهما لحقت بالأخرى
وعلى هذا الأساس يتم التصنيف

طبعآ ممكن ولا واحدة من الرجلين تلحق بالأخرى
وتظل الحالة { شبحة } غير منتجة لموقف

وممكن الإتنين يتخذن قرار اللحاق بالأخرى في نفس اللحظة
و اردلوووب يتكوم زول

وممكن نلاحظ في الحياة اليومية وفي المنعطفات التاريخية
كم زول قدم المتأخرة ولحق بالركب وصنف تقدميآ
وكم زول تراجع وصار رجعي وقد يتراجع أكثر ويصير ضلامي
وكم زول حركهما معآ فدق الدلجة
وإنقصفت رقبة
وأغتيلت شخصيته بأن
إنكسر
إنفنس
وهلم جرا

Quote: لقيت جزلوت "انبرى"

الله خلقو مبرى

Quote: "حاسب على الشعيريى لا تجيبا شويى"

وان مشيت الخرتوم آعشاى
جيب لى راس سكر ووقة شاى

Quote: لنعترف الان وبصراحة بان اكثرنا لم تكن التقدمية عنده سوى جسد حديث رُكّب فوق عقل قديم . منفصم فى اغلب الاحوال.. يعيش خارج البيت بعقل وداخله بعقل آخر. يعامل زميلته فى العمل بطريقة غير تلك التى يعامل بها اخته/ زوجته. وللنساء فى هذا السيرك الانفصامى دور بارز يلعبنه بطريقة الهجوم المضاد فترى الواحدة فى بيتها غير تلك التى تراها فى خارجه.

مني العزيزة سلامات
هذا هو السوداني
و لا جديد تحت الشمس

ابو ساندرا
تقصد نمشي قدم قدم
ولا بتاعة دكام
القدم بالقدم
والامات كلن خدم
برجع ..

ياعشة بت فاطمة ياختي انتي الظاهر عليك بتاكلي الكسرة عشان كده انسي موضوع تقدمية

دا لانو (القدوم) البياكل الكسرة دا ستو مابتكون تقدمية ,,



انا شخسيا مفهومي (حلوة مفهومي دي) للمراة التقدمية كالاتي :-

اول حاجة بتكون حبت في البلاط وقرت في الاقباط ..وفي الغالب مابتعرف الاحباط

بالنسبة للشكل غالبا تكون نحيفة كان مشت مافي اسرع منها الا الركشة .وكان اتكلمت شئ

تفهموا وشئ ماتفهمو نصو انقليزي ونصو عربي ولوكانت نوبية ذي اختنا ... قادر الله

يادنيا مافيك عيلا اني ..عمرها ماعاست الكسرة ..ووالنوع دا كلما كبرت في العمر بتيقى

اكثر تقدمية ولوشفت بنتها معاها تحلف تقول اختها ..بسم الله ماشاء الله مش هي برضو

تقدمية .. مابتعترف بي سنها ..ولما تسمع صوتا في التلفون تحلف انو عمرها 18 سنه .


وماعندها مانع تتكلم في اي موضوع من الكرة لحدي طبقة الاوزون .وذي دي بتنفع مع اخونا

خليلو ..وانا شخسيا ماعندي مانع لوفي واحده تقدمية انا ممكن اتقدم ليها عشان ادخل

الجنة عن طريقا (مجرد راي )

السلام عليكم

Quote: بالنسبة للشكل غالبا تكون نحيفة كان مشت مافي اسرع منها الا الركشة

دي بتكون كاشة سفنجتا وطايرة

يا اخوي انت احسن ليك تعمل summary و تقول داير ليك واحدة who is a new version of

مبشتنة,كاشة,راميها جمل , never get old , تجاهد فيها باسم التقدميه وتدخل بيها الجنة...

السيدصاحب البوست ... بوست جميل... و انشاء اللة شايل اسمو...

خضر الطيب عاد لكن من تالا الكسرة عواسين للطيش ..
أها الا في وصفك القتو دا زوليتك دي بقولوا ليها حنكوشة .. أها شيل شيلتك مع الحناكيش غايتو أنا بناتي ( ما ادس عليك ) لو لاحظتة عليهن اي سمات حنكوشية قاعد أختهن ف ي مكاناتن واذكرن بكسرتن وملاحن وحبوباتن واقول ليهن النسى قديمو تاه .. بس اريتو انفع انا أربي بهنا وهنا اتحنكشن بهنا

التحايا النواضر
يا كمال قسم الله
أتمني ان تكون بخير..

سلام يانون


ذي دي معقول اكون قاصد بيها تقدمية( وذي القلتيهو دا عندنا منو كتيييير ) .والله الا تكون

متقدمة في سباق دفارات .وبالمناسبة التقدمية مابتعرف الدفارات دي( لانو الدفار في السودان

استقرار جوه سخانة وبرة غبار )


والمراة التقدمية على حسب (فهمي) لو سالتيها عن المساواة بين الرجل والمراة تسمعي منها كلام

عجيب لانو فهمها في الحته دي متقدم شديد ..كدي اسالي ليك واحده تقدمية . ولو جينا في تربية

العيال تديك نظريات ( لما كنت صغيير وبلعب في التراب ) دي بالنسبة ليها انك اتربيت في حواري

وماعندك موضوع وانك بني ادم مركب ليك راس جحش ..او العكس ومابتفرق عندها كتير.والحتة دي

بجيها راجع .دا لو ماسبقتني عليها

استاذتنا منى بت خوجلي


والقومة ليك يا امي ...الله يجيبك لي بالسلامة

اخوي كمال


انت يا خوي عندك مرض حامد... ولو عرفت لينا حامد ده تقدمي ولا رجعي


قطع شك سنزوجنك احدي اخوات نسيبة بالمنبر لاكمال عشر دينك؟؟

هذه كلمة (حــــــــــــق) والمعنى واضح؟؟

الأخ خضر الطيب
يا اخوي وصفك دة ذي ما قالت ليك عشة بت فاطمة دة وصف حنكوشة سااااي حيث شفتا حيث دى كيف حيث انك بعيد كل البعد عن تعريف المراءة التقدمية...و هو اذا اسند الي تعريف الرجل التقدمي قياسآ...فهي المراءة التي تظهر خلأف ما تبطن...يعني في البيت شكل و برة البيت شكل...اما اذا اسندناة الي تعريف المتداخلين و المتداخلات فلي قول حبوبتي الما شفتها (ضعتا بي قد القفة)اي انك تغرد خارج السرب حيث ان موضوع البوست هو المراءة التقدمية وليس المراءة النكوشة وشتان ما بين


Noon

كمال قسم الله:
أنت قايل كل شرك بيقبض دباس واللا رمة
يا عم الأولى كانت ضربة حظ وقد يكون تخطيط محكم
لكن شركك ده مكشوف
وأخطر حاجة فيهو إنو مكشوف
لأنو في { طيرة } حا تجي مغمضة وتقع في الشرك { حسب خطتك }
وبعد داك نقرأ ليك إستثناء على أساس إنساني

عشة بت فاطنة:
إستدراج في مقام الشرك
حتى أوافق وأنا مغمض { برضو}
على النزعة العنصرية التي زنرت بها مداخلتك أعلاه
بالطبع لم يرد في ذهني عتاب الراحل عوض دكام عندما تأخر صديقه في تعزيته في أمو

وننحرف وناخد موضوع البوست بجدية غير عابين بخطط الزيني كمال
في رأي لاتوجد مرة تقدمية ، بتوجد دائمآ مرة تابعة لبعلها تتقدم حينما يكون تقدمي وتتشوع حينما يجنح يسارآ وتتحجب عندما يقصر ، وشاهدي إنقسام 1970 بتاع ناس أحمد سليمان ومعاوية سورج ، الزوجات إنقسمن معاهم وبعضهن تابعن أزواجهن حتى عندما توغلوا ناحية اليمين الإسلامي
وطبعآ أخير ليها ألف مرة أن تتبع بعلها { سي السيد} بدل ما تتفركش الأسرة خاصة إذا كان الزوج متعود يحلف بالطلاق ويحرم حتى في الفارغة

ودبركات سلام
مالك تشيلو في الشرق وتختو في الغرب ؟؟
مثل عوض دكام مثل عام ودليل على خفة دم صاحبه واشتهزائه باستعلاء الجلابة او المستعربين .. فهو أنسان يعتز بأفريقيته من غير أي انفصام بل يضحك على الذين يتنكرون لجزورهم .. طيب معليش ..نشوف غيرها

وننحرف وناخد موضوع البوست بجدية غير عابين بخطط الزيني كمال

Quote: في رأي لاتوجد مرة تقدمية ، بتوجد دائمآ مرة تابعة لبعلها تتقدم حينما يكون تقدمي وتتشوع حينما يجنح يسارآ وتتحجب عندما يقصر ، وشاهدي إنقسام 1970 بتاع ناس أحمد سليمان ومعاوية سورج ، الزوجات إنقسمن معاهم وبعضهن تابعن أزواجهن حتى عندما توغلوا ناحية اليمين الإسلامي

أنطباعي عنك أنسان موضوعي ، في الساحة السودانية للسياسة والفكر توجد الكثير من الانماط والانواع من البشر ، ولقد سادت المرأة التابعة فعلا في تلك المرحلة كانت المرأة الغشيمة التي تتبع زوجها والتي تضحك عليها الاحزاب والحكومات ، تتطلع في المظاهرات وتشارك في النقابات وتدي صوتها وفي النهاية ترجع لبيتها لا مكسب ولا منصب وما زالت الاحزاب ترشيها بمنصب تشغله( ضحك على العقول يعني )..
ولكن بالمقابل وجدت المرأة المناضلة المستقلة الشخصية التي لا تكون تابعة لا لزوج ولا لحزب ، ولذلك وقعت في المشاكل بسبب مواقفها القوية ولذلك نجد معظم المثقفات ودعنا نقول المثقفات حتى لا ندخل في مسألة تفسير التقدم والتأخر ، معم هؤلاء النساء دفعن ثمن استغلاليتهن ومعظمن يا تطلقن أو علاقتهن الزوجية أنتهت بسبب العقلية الذكورية التي يعاني منها مثقفي الاحزاب ..
وهذا كلامي اقولو للمرة الالف: كلما أزداد وعي النساء كلما ازدادت نسبة الطلاق .. وفشلت العلاقات الزوجية .. لان الرجل لو كان حزبي ولا مستقل لا يكون على استعدد ليتنازل عن مكاسبه التي يحققها دائما على حساب الزوجه ، الترقي في الوظيفة والشهادات والتفوق في كل شي مبني على حساب المرأة حتى لو كانت ازكي من الزوج . فعليها يقع عبء تسيير البيت وتربية الاطفال ..تتم سرقتها اقتصاديا وجسديا في عمل غير محسوب الاجر ، تتحطم وتصبح شهاداتها ثقب على جدار ..

Quote: وطبعآ أخير ليها ألف مرة أن تتبع بعلها { سي السيد} بدل ما تتفركش الأسرة خاصة إذا كان الزوج متعود يحلف بالطلاق ويحرم حتى في الفارغة

يعني المرأة هي المسؤولة الوحيدة عن سعادة الاسرة وتربية الاطفال امال سي السيد بتاعك دا الاسرة دي هو ما فيها شريك زز واذا كان اصل الاسرة تقوم على حساب الزجات فاحسن حاجة ما تقوم ابدا هو العالم ناقص بني آدميين لو الواحد مغروض خالس في الجنا فاليربي من ضحايا الحرب يوفر على العالم تفكك وجُنح

المطلقه مابين مطرقه المجتمع ونيران الفهم الذكوري[/QUOTE]

Quote: في رأي لاتوجد مرة تقدمية ، بتوجد دائمآ مرة تابعة لبعلها تتقدم حينما يكون تقدمي وتتشوع حينما يجنح يسارآ وتتحجب عندما يقصر ، وشاهدي إنقسام 1970 بتاع ناس أحمد سليمان ومعاوية سورج ، الزوجات إنقسمن معاهم وبعضهن تابعن أزواجهن حتى عندما توغلوا ناحية اليمين الإسلامي وطبعآ أخير ليها ألف مرة أن تتبع بعلها { سي السيد} بدل ما تتفركش الأسرة خاصة إذا كان الزوج متعود يحلف بالطلاق ويحرم حتى في الفارغة

الليله ...والليله

دار

ام بادر

ياحليله


بريد ..زولى

شفتي يا عشوش أقوم أهظر معاك تلوي لي قدومك التقدمي وتشمتي فيني الأعادي أمثال فجراوي وسمسينق

زمان لما كنت مجندرة وكدا كان مثلي الاعلي عشوشة دي(رغم تماثل العمر)
الزولة الوحيدة السودانية المطابقة مثلها مع عملها..عايشة حياتها ذي ما عايزاها هي
موش ذي ما عايزين الناس

زولة قراية البتقراه ما بتختو في حتة بس تستعرض بيه
لا بتقراه وتنقده وتهضمه بعداك بتفكر بيه..
بعداك لا تكذب ولا تتجمل..
واسع ما تكتبه هو ما تؤمن به. ومستعدة تموت عشانو

ودي مرة تقدمية في راي..
ما عداهن كلام فاضي

التحية لعشة..

تسلمي خالتو عشة ..

واياها المحرية فيك ..يعني بالواضح انتي ولله الحمد بعيده من خانة (التقدمية) دي .وبصراحة دي

ناحية صحية جدا ..وتسلمي ياغالية .وربنا يحفظ ليك البنيات




نون



بالمناسبة الحنكشة دي حالة (بتتشعبط) في الحالة التقدمية او بالاحرى هي اي التقدمية امتداد او

تطور طبيعي للحنكشة واذا مااتفقتي معاي في النقطة دي تكوني لا حنكوشة ولاتقدمية .وتبري انتي من

الحنكشة والتقدمية خليك قريبة من خالتو عشة ...تسلمي D:

يازول الف مبروك والله


اها من جوة المنبر برضو ولامن برة ؟!!!

أظنك
مريت
بساحة
هاديه
وعانقت
غصين
الزهره
الناديه
وانعش
روحى

كيمو الجاهز

تحياتي ايها الرائع
شوف كلمتني جهجهت الناس كيف يعني لو كتبت مقال ح يحصل شنو ؟؟؟؟!!!!!

شوف انا ذاتي كفرت بيهن

اذكر ايام ما كنت اعمل بالشركة العربية بالسودان جاءت شابه حنكوشة تتدرب مع قسم الانتاج الحيواني ، و الحنكشة واصله القمه عندها لدرجة انها كانت بتجيب معاها ( المج) (كباية شاي كبيره )بتاعها شايلاه في يدها ، و في ذات الوقنت كان زميلتي فاطمة يذكرها الله بالف خير انسانه حربية جدا سألته ذات يوم عن البت الحنكوشة ده ، فقلت لها : البت شايلها تقيله كده ليه ، قالت لي اصل البت ده لمن كانت في الجامعه عامله فيها تقدمية للنخاع و ما كانت بتهتم بنفسها لكن الموضوع ما جاب عريس فقلبت قالت تتحنكش........
عسى و لعل ..............



اخوكم المشتاق جدا جدا

الصادق البوصيري

كمال سلامات يا اخوي
ان شاالله تكون بخير

غايتو عجبنى الكلام ده والله

Quote: كلنا يا احبائى لانخلو من نموذج صغير لجد او حبوبة عبارة عن كادر سرى تعجز قوات امننا العقلى عن الوصول اليه.

وحبيت اقول سلام يا ناس قدام

أبشر يا كمون بالروى


الشبشه وقع لها ديك فى العز

يا كمال

العز دي زمان ما كانت غزالة!

هي الكرتلة شقلبوها ولا شنو ...

بلاى بكرة بدري

بيان اهاانا دى تقدمية...
من تقدميتى ...مطلقة لى راجلين

واحد عشان المسرح والتانى عشان "حقوق الانسان"

مع احترامى ومحبتى لاولاهم ولى اسرهم الممتدة ..وحتى زوجاتهم الجداد واولادهم...محبتى والله واحترامى الشديد ...ولكن هذا جزء لا يتجزأ من سيرتى الذاتية

ياما شفت تقدميات رجالهم يدغمروهن زى الترتيب وكل البعملوهو طنطنة خفيفة ...بيغلفها خوف من السنة الناس ومن الوحده..وما اعظمه من خوف..لكن دايرة ادى نفسى الكريدت الما لقيتو من المجتمع غير القطيعة وتأليف "سبب النزول" واقصد سبب الطلاق..كل يوم قصة..ياناس حرام عليكم..



وعشة مبارك تقدمية زى ما قلتى ما فيها اتنين تلاتة لكن لا تبخسوا الناس طلقاتهم

Quote: وعشة مبارك تقدمية زى ما قلتى ما فيها اتنين تلاتة لكن لا تبخسوا الناس طلقاتهم

حلوة شديد والله يا تماضر طلقاتهم دي...

والالذ سبب النزول..

انت برضو زولة تقدمية.. دي ما فيها شك
لو طلقتي اوما طلقتي
لكنك من نخبة حفرت الصخر

عشان تبقى ذي ما عايزة..
وكذلك سلمى الشيخ دي
تعرفي يا بنات المعهد انتن بنات معدومات,,,

وننظر تنظيرة السر السيد اثر ذلك الشاكوش
انه الرجال السودانين ما بيقدروا يستوعبوكم
لانهم عايزين مليون سنة عشان يقدروا يفهموا
نسوان ذيكم عايزين شنو..

التحية ليك ولكل زولة مطلقة لاجل نفسها..

Quote: والتانى عشان "حقوق الانسان"

وجهين ضاحكين بينهما وجه باكي.

Quote: اهاانا دى تقدمية...

تماضر
عافى منك...التقدمية بقوا الناس ينكروها و لا شنو
انا تقدمى للطيش و ساظل تقدمى و بالنسبة لى ما عندها اى علاقة الان بالانتماء لتنظيم سياسي او التعلق بايديولوجيا معينة,

Quote: من تقدميتى ...مطلقة لى راجلين

اما دى فعندى ليك مجموعة ممتازة تضاف للمنتخب, النوع البفضل ضل الحيطة على راجل بلا ضل, فى نوع ضل الحيطة ذاتا ما عاوزو,
فى تقدميين و تقدميات حقيقيين, من منطلقات و خلفيات متنوعة, مقتنعين/ات بما يفعلوه/ يفعلنه و يبذلوا/ن مجهود جبار لكى ينسجم سلوكهم و تفكيرهم
غياب الصوت ده مخلى ابو ساندرا متفسح هنا...
كنتك شمال و لف يمين........

بجى تانى

تماضر شيخ الدين جبريل
أنا بريء
برآءة تامة وكاملة الدسم من
{ حديث الإفك }
وأنفر من أضعف الأيمان الذي أعده كفر صراح خاصة إذا كان قلة أدب ساكت وتعسف في إستعمال الحق وظلم مبين من قبل من بيده { الترخيص } أو كان بسبب من يقع عليها الكرب والشماتة
غايتو سيرة { البغيض } ده بتغيظني ولا أحفل بالتالي ب { سبب النزول }
ولا بقصة { صعود الروح والبذرة والشموس }
وبحاول أن أفهم الحكاية بإنها { فك تسجيلات }
وضيق أفق
ووساع خيال
و { عسى أن تكرهوا شيئآ }
وعسى ان تحبوا زول
من غير سبب { نزول }

كمال قسم الله :
فكيته وتواريت يا لذيذ ياذكي يا لماح
يازول
نص دينك ده انا بكملو ليك
بس بشرط

تلقى النص الأول

Quote: كمال قسم الله : فكيته وتواريت يا لذيذ ياذكي يا لماح يازول

الاخ كمال
كل التحايا
تكون قاصد يسهر الخلق جراها ويختصم

Dear Kamal
Last Summer, I advised you to marry a lady from DOWN UNDER. My sons Ghassan (10 years), and Marwan (8 years) know that they can marry in the future, the girls they love even if they are not Sudanese, or Sudanese Americans.Take my advice my friend, life is too short, and you became old. You need a soulmate.Regards to Ahmed Shafig Abunura, Khalid Abdel Nour, and all friends
Abu Ghassan

Elmoiz Abunura:

أكن لهذا الإسم أشياء جميلة منذ إشتراكي في هذا المنبر ولا أدري الآن ما هي؟؟؟!.

Dear Alprince
Thanks for your message. I have been lost in Asheville,the City of Sky since last Summer. At this moment, I have moved to Salisbury in MD. I know itis late, but I just read, and heard about your wedding to Ilham, CONGRATULATION ya prince.As the beautiful Sudanese proverb says" Beit Maal Wa Ayyal"
Regards and keep on touch
Abu Ghassan

العزيز كمال قسم الله

تحياتى واشواقى

(عائد للتو من وردية )على قول صديقنا البرنس ..بربراوية طويلة فى لندن(كان حسن وعثمان واسماعيل) مشايختها ..

هذه الجرعة : جعلتنى اعتقد : اننى اقرأ افكارك ..واستلطف ما قصدت اليه ..بمتعة قد لا يعرفها (الا ناس بربر)..

وبرضو البركة فيك الخليت ناس (عصام جبر الله ) يعرفوا كلاتى ..والبخيت دواية ..وقرع ..وابو كروق..

عموما محبتى..وتحياتى (لاسترالى بربر..باستراليا)

كمال سلامات لي صديق او بالاحري زميل قال اسقط المراة من حساباتو

كتبناه تعهد منذ.86 والي الان بعدم الاخلال بالنظام العام


عقبال تجني من كفرك خير واحسان

* فى إجتماع للجالية السودانية بسيدنى ليلة أمس تقرر:

إستتابة الأستاذ كمال قسم الله وإعطائه مهلة ثلاثة أيام للرجوع عن كفره بالمرأة

التقدمية وإلا فسيقام عليه حد الزواج التقليدى.

* إحدى التقدميات فى عمر النبوءة توعدت اللجنة بتنفيذ الحد بصفة شخصية

على كمال قسم الله أذا شعرت بتهاون أوعدم جدية المحكمة فى غضون اسبوع.

* عن نفسى كنت أحد المدافعين عن المتهم فى الإجتماع ليس من باب الترويج

لكنى أعتقد أنه سلعة نادرة, ذونكهةو بهارات نفاذة خاصة الشمار.

* أوصى التقدميات بإعادة قناعاته وإيمانياته ثم الإقتراع عليه .

أقول قولى هذا واستغفر الله العظيم

الاعزاء جميعا
تحايا الورد
كان جبت ليكم الاكيدة
بالوثائق الدامغة والصور
تدوني كااااام

تخريمة
بودراب سيدني اوعكم تلخلبطوا
الرجاء التقييد بنص الاتفاقية التي اوردها عاصم الطيب

تحياتي

كلام كتبتو عشة زمان نرجعو...




Quote: المثقف السوداني ، يعيش حالة من الانقسامية والفصام ،( ومعظمهم يعانون من عقدة مصطفى سعيد) التى تختصر الرجل في عضو الذكورة الذي يغزو يه العالم ، لانه لايملك الاجابة او لم يبحث عن سبب تخلفه وتخلف مجتمعه الذي يقهر الانسان ويجبره على النزوح والهجرة الى مدن العالم حيث يفقد الامن والسلام يبلده فكيف يجده في خارج بلده وماهي وسيلته التى يغير بها واقعه المؤلم ، للاسف مازال المثقف الرجل يدور في فلك مصطفى سعيد مازال يحبذ ه

كلام كتبتو عشة زمان نرجعو...




Quote: المثقف السوداني ، يعيش حالة من الانقسامية والفصام ،( ومعظمهم يعانون من عقدة مصطفى سعيد) التى تختصر الرجل في عضو الذكورة الذي يغزو يه العالم ، لانه لايملك الاجابة او لم يبحث عن سبب تخلفه وتخلف مجتمعه الذي يقهر الانسان ويجبره على النزوح والهجرة الى مدن العالم حيث يفقد الامن والسلام يبلده فكيف يجده في خارج بلده وماهي وسيلته التى يغير بها واقعه المؤلم ، للاسف مازال المثقف الرجل يدور في فلك مصطفى سعيد مازال يحبذ ه فكرة انه الغازي لفروج النساء ولشفاههن ، مازال يتنزه في جغرافية جسد المراة طالع نازل ، وهذه السياحة التى يقوم بها عادل في نصه لاتخرج من الخطاب الثقافى الذكوري ولاتنفصل عنه ولاتقرا من خارج هذا الاطار او هذا الفضاء الممدد عبر جسد الانثى والذي يصب في سياق الخطابات التى تستدعي المراة ككائن ضعيف عاطفى ، دائما هو المفعول به
بنساء عالجت معهن الحب ذ ات يوم)

ليت كل نساء العا لم ثغر واحد أقبله وأستريح
- اعتراف –

زورتني زهرة أسطورية
ضمختها بعطر أسطوري
رشقتها على مسرح الحيا ة
ورحت أغوي بنا ت حواء

تكا لبن علي
حمر, وصفر,
حبشيات , وأذربيجا نيات ,
من انس و جن ,
يتحاشدن

منذ قرون أجوب الأرض
أبحث عن ثغر أنثوي
لا يلهج بلعنة
ابن ا د م
من زور حتى
هذا
لاحظ –نساء عالجت معهن الحب ، اي استعلائية هذه التى تختصر المعايشة والممارسة الانسانية ، الى شي يعالج وتحيل المراة الى جسد مفعول به اي سقط متاع وفض لكبت الرجل وافراغ شهوته ، في اللغة عادة يعالج ثقب الباب بالمفتاح وبما ان المفتاح بيد كاتب النص فبوسعه ان يعالج اي ثقب انشا الله بقضيب حديد هذه رمزية واضحة تصب في ثقافة الرجال المثقف منه والعاري من الثقافة ، واحمد للجاهل جهله الذي ورثه الصدق والوضوح اما المثقف يعاني عدم الشجاعة ويخبي تفاصيله في الغرف المظلمة ، وعزائي يا اسامة ان عادل قد اعترف والاعتراف دائما يحمل دلالة الادانه لانه يحس ان المسالة غير عادية وغير انسانية وتسجل ضد نساءعاشرهن من خلال النص ربما ن صديقات ، فهن في الاخر يحملن صفة الحيوانية بتكالبهن عليه حمر وصفر وبكل جنسياتهن تكالبن عليه حبشيات واوربيات وغيرهن حتى جنيات لهن غزاهن وهن في الاخر متكالبات ، وصفة الكلبة في السودان تقال للمراة الشبقة (يقولو ليك فلانه متل الكلبة الموبلة ) يعني كل نساء النص شبقات وهو عندما فتر من هذه المطاردة تمنى ان يختصر هذه المعركة الى ثغر واحد عله يكف عن هذا الغزو ، ولكن ماهي شروط هذا الثغر يا عادل واسامة؟ انه ثغر صامت منذ، قرون أجوب الأرض
أبحث عن ثغر أنثوي
لا يلهج بلعنة
ابن ا د م
من زور حتى
هذا
لا يلعن
هي رحلة الرجل منذ طوق الحمامة لابن حزم او النفزاوي اوتوفيق الحكيم الذين يختصرون المراة في ، كونها دمية يلهو يها الرجل ويرون في نطقها وحيويةجسدها نقص لجمال هذا الجسد تماما كما فعل توفيق الحكيم ف ي(بجماليون) المراة التمثال التى تمنى لها المثال الحياة فعندما دبت فيها الحياة وصارت تتكلم وتصرخ وامتلكت ناصية الكلام هوى عليها توفيق الحكيم بمكنسته ف ي( شخص النحات طبعا) وكسر راسها والراس غير مرغوب ف ي المراة بالطبع فهو موضع قلق وصداع للرجل ، كذلك اليد التى تعمل وتغير والعين التى ترى ومثال لذلك شعر ابوريشة في وصف عمياء :
عيونك اجمل ما في الوجود
لانك لست ترين بها
وهذا حال عادل عبدالرحمن يبحث عن ثغر مكمم لايلهج من زور حتى ، -كتيرة والله - والتمس العزر ل عالية بس يا علية يفترض انك تغلفي هذه الحدة ، وفي منطق الرجولة التبول من المراة نجاسة اما بول الرجل تتكالب عليه النساء ، حمر وصفر ومن جميع الجنسيات
وحين سال النفزاوي الحكيمة قائلا : اين تجدن العقل معشر النساء ...؟ فردت ،
بين الافخاذ
والحكيمة هنا هي معادل بت مجدوب المراة المسترجلة التى تحافظ على ثقافة الرجال وتشاركهم بالحكي عن عالمهم الملي بالحكاوي العجيبة عن اسرار النساء ، والتى ترى في ان اقوى رجالها هو الذي يمتلك ضخامة العضو ، وعليه حاز اعجابها لانه مقياس لفحولة القبيلة ، ولا ينسى الطيب صالح ان يقطع هذا العضو بيد حسنة بت محمود حتى تنتصر الانوثة وتنتهي ثقافة الفحول التي ترى فعلها كله في الثغور والنحور والشعر الفحل الذي يجسد هذه الهسترية ويرى في المراة اداة شبقية تتكالب على الرجال ، عادل لم ياتي بجديد فقبله احسان عبد القدوس شبع من اثداء النساء وصنع تلالا من حلماتن ، ارجو ان تنحو الثقافة السودانية غير هذا المنحي ، ويا ريت يا اسامة لو تركز على الجوانب المضيئة من الشعراء خاصة انك انسان مثقف وتعرف بانه لايوجد انسان برئ ابيض فعادل في النهاية ياتي من عمق ثقافة مليئة بهذه الغزوات والرموز ، وعلى المراة خاصة ان لا تفوت مثل هذه الاشياء ، وان تقرا ما وراء السطور فلا يوجد ورق ابيض .
بعد كل هذه الشخبطات هل تطمح المراة او الرجل الانسان لهدم هذه الثقافة اللانسانية واقامة ثقافة جديدة ونصوص جديدة تمد فيها الجسور بين النساء والرجال بلا قمع ولا استعلائية ارجو ان يتحقق ذلك والعفو اسامة وعادل فالهدف اقامة علاقات متكافئة وجميلة وكل عاموانتو الحب حب

خطر ممنوع الاقتراب.....نساء من المنبر يفتحن النار على العقلية الذكورية

الصديقات والأصدقاء


لا ذنب بعد الكفر...........


وأمرى لله يا عملات ود السافل يرحمه الله ..

أستلف العباره الجميله التى أستعملتها، تماضر
( لا تبخسوا الناس طلقاتهم )

وأقول لكم لا تبخسوا الناس كفرهم..........

السؤآل الأساسى :

من هو التقدمى ؟

فاطنه أم عاشه ، تقدميه .

بورداب الرياض برضهم تقدميين .

الأستاذ العظيم، أستاذ الأجيال شيخ الدين جبريل ، والد الأستاذه / تماضر ، تقدمى لا يشق له غبار .

عصام جبر الله ، تقدمى بلا الحاد .

المرحوم الخليفه / عوض خوجلى ، والد ، الأستاذه ، منى ، من أعظم التقدميين.

ساندرا ابنة ( عبد الرحمن بركات ) أمل التقدميين السودانيين فى كل بقعه من بقاع الضيقه.

هذه هى رؤيتى ،على سبيل الحصر............................

مع تقديرى

الاخ الاكرم المحترم كمال قسم الله لك التحيات

(( كل امراءة لها جغرافياسوف يكون لها تاريخ ))





عذرا دخلت ا ليك من جرح لا يندمل ابدا ايام قلةونحن على مضى عام كاملا على فراق اخونا عبدالعظيم؛ له الرحمة والمغفرة ؛؛ وتحياتى للجميع الى ان نلتقى

اخوك عبدالله ادريس

لم أفهم هذه الهضربة بعد.. افصح يا رجل!!!.


تخريمة:

"مشكلتي اتحلت خلاص".. وهذه تخريمة من أيام القاهرة.

كمال قسم الله ادينا من كفرك شويه

قلل الالام العليا

يا سلام انا حوار المدرسة الكمالية ويا ريت يجي

زول او زولة كارب /ه ييستنطق كمال زمن جميل وحاضر ومستقبل

اجمل ارشح عادل فيصل لهذا الواجب

يا
كمال قسم الله سلام
عسى ولعل ربنا يلمك فى واحده تقدميه
ولا ان فهمت خطا
الله اعلم