بكرى ابوبكر ... الجاتك فى منبرك سامحتك !!!!!

حسبى الله ونعم الوكيل ....

والله دى مسألة اغرب من غريبة..

حاجة كدا تخلى الواحد ما عارف الناس الهنا ديل يا الله سودانيين بالجد ولا مندسين هنا عشان يشوهو صورة السودانيين ..... دى شنو اللغه الغريبة ومبتذله دى من كائن من يكون .. وهل سياسة التكييل بنفس المكيال سياسه صحيحة وناجحة عشان نتبعها بالشكل الاعمى دا؟؟؟؟؟

ايا كان العضو الذى يكتب باسلوب مبتذل او بتلك اللغه السافرة متذرعا باى سبب كان اقترح ان يقوم الاخ بكرى بسحب عضويته (لفتره محدده) كإجراء تأديبى ... على ان يمنح كل عضو عدد محدد من المرات التى يتم فيها ايقافة تاديبيا ثم اذا تجاوز ذلك يقوم الاخ بكرى بفصله نهائيا من المنبر مع تسويد اسمه ... هذا المنبر يجب ان يكون لخيرة ابناء البلد .. يجب ان يكون الواجهه الحقيقية للسودان بكل اختلافاته وتنوع ثقافاته وخصوماته ولكن ... بود وادب واحترام وتهذيب .. لا احد يطلب ان يكون المنبر هو المدينة الفاضلة حيث نحيا فى صفاء وحب بلا خصام او اختلافات ولكن على الاقل ليكن اختلافنا اختلاف "اولاد ناس" ... ولمساعدة الاخ بكرى فى ذلك اقترح ان تشكل لجنة بمعرفة الاخ بكرى لمتابعة البوستات المبتذله..

واعتقد المساله ما صعبة لانو اصلا البيستخدمو اللغه المسيئة وخادشة للحياء عددهم محدود ويمكن تعقبهم...


اعضاء المنبر الكرام هل منكم من يوافق على هذا اقتراح؟؟؟؟؟؟

لكم التحية .....

أوافق وبشدة..


وأنبه أيضا علي هذه النقطة المهمة

Quote: هذا المنبر يجب ان يكون لخيرة ابناء البلد .. يجب ان يكون الواجهه الحقيقية للسودان بكل اختلافاته وتنوع ثقافاته

فمهما وصلنا حد الإختلاف لا يجب أن يسقط هذا العمل الكبير أبدا..


شكرا رندا

الأخت العزيزة -- رندا حاتم

من المؤسف الواحد من صباح الله خير يشرب الشاي على ألفاظ نابية وجارحة وساقطة كالتي هي موضوع البوست الذي تفضلتي بفتحه ،، والشيئ المؤسف بحق أن تكون من سودانيين لم يعتادوا على الإفصاح بفاحش القول على الملأ ناهيك عن بثه عبر نافذة تفتح في كل أصقاع الدنيا ويقرؤها غير السودانيين.

Quote: واعتقد المساله ما صعبة لانو اصلا البيستخدمو اللغه المسيئة وخادشة للحياء عددهم محدود ويمكن تعقبهم...

هذا صحيح 100% فليذهب هؤلاء بعضويتهم إلى فضاء آخر يشبههم وما أكثر مثل هذه الفضاءات.

Quote: اعضاء المنبر الكرام هل منكم من يوافق على هذا اقتراح؟؟؟؟؟؟

وافق وأبصم بالعشرين.

والله يا ابو شيبة .. انا بجى المكتب من الصباح وقبل حتى ما افتح ايميل الشغل بفتح "سودانيزاونلاين" .... بحس كدا كانى فى السودان وكل الوجوه حوالي والملامح سودانية ... مع انو فى الواقع بتكون الوجوه اجنبية والالسن عجمية لكن سودانيزاونلاين بتنقلنى للسودان بى كل تفاصيله .. فما ممكن الواحد صباحات الله بى خيرها يجرح عيونى بى الفاظ زى دى .. وياريت لو بتخدم غرض بالعكس .. بتخلى مشالكنا تضرب بى جذورها فى الارض اكتر ... نختلف مالو ويكون اختلاف واضح وكبير ونتناقش وبى اصوات عالية لو عايزين بس بى ادب ... بى اسلوبنا احنا السودانيين ما بالاسلوب الدخيل المابشبهنا دا ...

التحية لبكرى ابوبكر .. دا بدل الناس ما تساعدو على الاقل فى انها تحافظ ليهو على نضافة منبره ونكون ناس قدر المسؤولية وقدر الثقه دى .. والله فى ناس بتحلم بالعضوية هنا ليها سنين ...


غايتو يا بكرى ان شاء الله فى ميزان حسناتك .... وارجع واقول ليك الجاتك فى منبرك سامحتك ...

رندا

انا حتي هذه اللحظة مخلوع .....

ولكنني مقتنع تماما بان ما حدث هو نتيجة للتطرف الذي يطغي علي المنبر هذه الايام

فالتطرف لا يولد الا تطرف مثله ، وهذا ليس عذر لكاتب ذاك البوست ، ولكن ما حدث اعتقد انه

يعطينا فرصة لدراسة احوال المنبر بشكل عام ، ولابد من حل لاشكال (حرية الكتابة والالتزام الاخلاقي من

قبل العضو) ، اعتقد اننا لا بد لنا من ايجاد آلية لحل هذا الاشكال .

مرة فكرت لماذا لا نقوم بعمل هيئة محلفين ، تتكون من خمسة اشخاص ، وفي حالة اختلاف اي عضوين يقوم

بكرى بطلب(من طرفي الصراع) تسمية عضوين في لجنة المحلفين . ويقوم بكري باختيار طرف ثالث ، وتجتمع هذه اللجنة (اسفيريا) وتتخذ القرار , ويكون نهائى .

الحلول كثيره لكن ...... في النهاية الحل هو الالتزام الذاتي الاخلاقي تجاه الآخرين ، ولكن في النهاية اقول وضعت القانون لتجاوزها ، كما يقولون

وفعلا الجاتك في منبرك سامحتك



الفاااااااتحه

الاخت رندا

من قبل إنضمامي للمنبر وانا اتصفحه كعادة اليومية لم يكن يعجبني ابدا اسلوب شخصنة الخلافات والاسلوب الحاد والمبتذل احيانا من بعض الاعضاء في خلافاتهم المزعومة مع بعضهم البعض.

ودي اصبحت صفة تلازم سودانيز اونلاين واعتقد انه الوقت المناسب لانهاء هذا الاسلوب لانه بصراحة فات الحد

اوافقك تماما وابصم بالعشرة في إيقاف هذا المد

تحياتي

موافقون (كيبوردي وحواسي كلها)

يا رندا اوافقك

وألتمس من بكري تنبيه هؤلاء:


تراجي, اوسلي, منعم ابو صديري, وبكري زاتو, ديل البتذكرهم..

قبل اسبوع بالليل نزل بوست زي البوست الكان مفتوح هسي دة لواحد من اعضاء المنبر

وبنفس الاسلوب المهين والمبتذل,, بصراحة ما قدرت اصدق اني باقرا في الالفاظ

دي او الكلام دة في منبر عام, وانو في انسان ممكن يصل للمستوى دة من الانحطاط.

والغريبة انو البوست اتسحب فقط زي ما حصل هسي وكانو ما في حاجة حصلت ولا عرض

انتهك,, والزول الكتبو قاعد يشيل وينزل في بوستات عادية وكانوا ما عمل حاجة.

بالجد لمن شكيت في روحي وقلت امكن كان شايلني حمار النوم.

وهسي برضو بنفس الفهم البوست اتسحب وماح يحصل شي اكتر من كدة.

يبقى سيد المنبر عندو راي اكيد, وبالتالي بدل ما نقول ليو الجاتك في منبرك سامحتك

نقول لروحنا ولقرائنا الكرام الجاتكم في منبركم سامحتكم.

والصدمات الزي دي بتقوي الزول وبتخليهو اتوقع اي حاجة في الدنيا دي

يعني برضو بفايدة.

Quote: يبقى سيد المنبر عندو راي اكيد, وبالتالي بدل ما نقول ليو الجاتك في منبرك سامحتك نقول لروحنا ولقرائنا الكرام الجاتكم في منبركم سامحتكم.

يبقى لو سيد المنبر عندو آلية معينة بيتعامل بيها فى الحالات دى حقو الناس تفهمها وتناقشو فيها لانو المنبر دا اصبح ملك عام للاعضاء والقراء .. وبالتالى يفترض يكون عندهم راى فى الشئ البيحصل هنا دا ... المشكله انو زى ما قلتى خوض فى اعراض ناس وبى لغه قبيحه وسيئة ... ولو واحد عرف ليهو شوية معلومات عن عضو (سواء صحيحة او مغلوطه) هل دا بيديهو الحق انو يجى يطاعنو بيها هنا فى المنبر ؟؟ واحنا ذنبنا شنو؟؟؟ ليه نتاذى بى اسلوب زى دا .. عندهم الماسنجر كل واحد فيهم يكتب الكلمتين الربنا بيقدرو عليهم ويرسلهم للشخص المعنى .. اما هنا فى البورد فحقو الناس تحافظ على الاقل على الحد الادنى لادب الحوار ..

ارجو من السيد بدر الدين الامير ان يفسر لنا ما كتبه وان كنت الي الان اغلب حسن الظن حيث لا اتوقع ان يكون قد عني ما فهمته، اما ن كان فهمنا له صحيححا فهذه والله لا تغسل الا بالدم عند البطاحين.
"الاخ محمد
الأن ايقنت أكثر معنى مقولة سيدنا عمر ابن الخطاب:
( تكلم حتى أراك) وقد تكلمت ورأيناك وعليك مراجعة
الخمسة سنين الاولى من نشأتك سوف تجد علة تأزمك "

أصحاب هذه الكتابات إما أن هذا هو طبعهم أصلاً و في هذه الحالة يكون منحهم العضوية خطئاً يحتاج إلى تصحيح عاجل و باب الآليات مفتوح..

و إما أن يكون ما يكتبه رد فعل على الإساءات التي ربما طالته أو طالت قبيلته أو طالت حزبه أو فكره فكان رد الفعل مساوياً للفعل في السوء و البذاءة.. و ربما كان رد الفعل هذا نتيجةً مباشرةً لغياب الدور الرقابي و العقابي في المنبر مما يجعل الجاني يفلت من العقاب فيعمد المجني عليه لأخذ حقه بيده فتطفو على السطع القاذورات...

ربما نحتاج لتحرير المفاهيم التالية :
- الحرية
-المسئولية
-أدب الخلاف

مساندتي و محبتي للجميع

زمااان رندا سنة 2002 قام احد الاعضاء بسب والدة آخر ، اولا ، تم فصل العضو مباشرة

دون اي تأخير . اين هذه الصرامة الآن .

اعزر بكرى تماما في انشغاله ، ولكن ما حدث يحتاج الي حل جزرى .....

فصل العضو المعني هو الحل لا شك في ذلك .

أختي رندا لك الأحترام والتقدير ،، ونوافق ونبصم بالعشرة كمان

واليوم كتبت تحت أمانة الكلمه وعفت اللسان بعد ماقرأة مدخلات

في الرياضة ووجدت أخلاق غير رياضية ومع أنو التنافس الرياضي تنافس

شريف ونظيف والندية ديدنها دائمأ .

الأخت رندا

أوافق بشدة ويا رييييييييييت ده يحصل

Quote: ارجو من السيد بدر الدين الامير ان يفسر لنا ما كتبه وان كنت الي الان اغلب حسن الظن حيث لا اتوقع ان يكون قد عني ما فهمته، اما ن كان فهمنا له صحيححا فهذه والله لا تغسل الا بالدم عند البطاحين. "الاخ محمد الأن ايقنت أكثر معنى مقولة سيدنا عمر ابن الخطاب: ( تكلم حتى أراك) وقد تكلمت ورأيناك وعليك مراجعة الخمسة سنين الاولى من نشأتك سوف تجد علة تأزمك "

إذا ما كنت غلطان، فلست أنت كاتب السطور أعلاه المقصود هنا، ولكن صبحنا اليوم ببوست لا يحمل غير الألفاظ النابية، وهو المقصود.

ما عايز أقول (الحرامي في راسو ريشة)

أؤيد بشدة طرح الأخت ام حاتم
و أحب انبه أن في السابق كانت في تجارب في المنبر من النوع دا (تشكيل مجلس حكماء أو ما شابه- أمين للمنبر غير بكري)
أرجو من الأعضاء القدامى مشاركتنا خبراتهم و آراءهم عن هذه التجارب و سلبياتها حتى تعم الفائدة


-----------------------------------------------
أخ محمد عمر
لكل مقام مقال
ياريت لو تطرح موضوعك دا في مكان آخر

السيد ابو العزائم
"الاخ محمد
الأن ايقنت أكثر معنى مقولة سيدنا عمر ابن الخطاب:
( تكلم حتى أراك) وقد تكلمت ورأيناك وعليك مراجعة
الخمسة سنين الاولى من نشأتك سوف تجد علة تأزمك "
هذا الكلام وجهه لي العضو بدر الدين الامير وانا اطالبه بالتوضيح وارجو ان يكون توضيحه خلافا لما فهمته وان كان متوافقا فعليه ان يبحث عن الحانوتي

الأخت العزيزة رنــدا..
سلامات ..
عنوانك كفاية لتلخيص حالة كنت بصدد أن احكي عنهـا..
صدق بكري أم لم يصدق .. شا الجميع هنــا أم طلعوني مجنون:
هذا البورد يتعرض لهجمة شرسة موجهة بعناية ومدروسة ومخطط لهــا من فترة طويلة ومن اشخاص بعينهم .. وأنا ليس من دعاة غتغتت الكلام .. ولا الطــعن .. لكن هذا الأمر مطروح للجميع هنــا ...
اتهاماتي واضحة .. اسوقهــا اولا في وجه من كان يكتب بأسم عصام أحمد والآن باسم خالد الطيب . وكنوع من التكتيك المتبع كان رده هنــا في المقدمة..
اتهامي الصريح التاني اسوقه في وجه تراجي مصطفى ..
والملاحظ أنهم اصحاب موقع السودان الجديد الذي قام اساسا لضرب هذا الموقع سودانيز اونلاين .. بعد أن فشل هؤلاء .. بعد عملية فصلهم الأخيرة .. عادوا أكثر قوة ليمارسوا ما يمارسونه الان .. استعداء واضح خلق بلبلة .. تأجيج صراعات .. ضرب البعض بالآخر .حتى يفقد المنبر فكرته الأساسية .. وتتحول المساحة إلى بوستات العراك الواضحة الآن على السطح .. مما يولد إحساس عند الغير بلا جدوى هذه المساحة وبالتالي البوستات المهمة الهادفة التي يجب متابعتها والقراءة بعمق .. لا تجد الروح المساعدة لهــا .. ولا تجد الكثير من العناية..
يجب أن ينتبه الجميع .. فإذا عرف السبب بطل العجب ...
والله على ما أقول شهيد..

Quote: والله على ما أقول شهيد..

يا سلام عليك..وتاني يا سلام



جيب لي عليك الله كلمة بذيئة واحدة كتبتها في المنبر ده


يا علاء تحاول الصيد في الماء العكر ..وهذا إسلوب غير أخلاقي.

قلنا من قبل وما زلنا نقول (لا يوجد ما يسمي سودانيز ونيوسودان)
فكلنا سودانيين لكن متين تصل للفكرة دي يا علاء ؟



ـــــــــــــــــــــــــــــــ
قال خطة ومدروسة..ضحكتني

Quote: قال خطة ومدروسة..ضحكتني

منو القال ليك منبر واحد .. منبر واحد تشتم فيهو الأعضاء . تشتم فيهو بكري .. تنطلق منو وتسرق باص وورد احد الأعضاء هنــا وتدخل للتشكيك .. في ذمة صاحب الموقع..
والان تقرع طبول الحــرب وتستفذ في كل الشعب السوداني . وتدعي الموضوعية ..
انت مكشوف يا عصام أحمد .. والبورد هنــا لامينا نحن الآتنين .. ح تضحك لمن الضحك يشرطك .. وخليك موضوعي في ردودك وأوعك تكذب .. لو عايز الشتيمة الوجهتها لي بكري من موقعك هنــاك بجيبه ليك هنــا زي ما جبت ليك وطاويط .. بتاعت بشاشا .. لو عندك حبه من الشعور بالذنب .. امشي اكتب في سودانك القديم داك بي هناك .. لانو المكان ده هنــا ملوث بي وجودك .. واللوبي بتاعك .. أما إذا استمريت في نفس المخطط المدروس بي عناية . فياني قاد ليكم .. وغير يكتيرين جدا قاعدين ليكم ومارقين ليك في صقيعة الله والرسول دي .. وعينك بتشوف..


رندا حاتم ..
آسف للتداخل مباشرة مع هذا المخــرب .. سيجدها فرصة طيبة لتخريب أي بوست يدينه ويكشف عن وجهه السافر للجميع ..
أكرر اعتذاري وأسمحي لي أن أجــر هذا الشخص إلي البوستات المفتوحة لمتابعة هذا الأمــر ..

يلا يا عصام أحمد .. أبقى مارق بي هناك لي البوستات الراجياك علشان اوريك الكذب .. والتخريب كيفنهو..

Quote: يلا يا عصام أحمد .. أبقى مارق بي هناك لي البوستات الراجياك علشان اوريك الكذب .. والتخريب كيفنهو..

أمشي قدامي ..بلحقك..

Quote: جيب لي عليك الله كلمة بذيئة واحدة كتبتها في المنبر ده

النصيحة لله

لا يوجد

رغم اني اعتب عليك بوست الشمالية

فالحرب شر وطلبها لاهلك يعني انك تكرههم

رغم ان فيهم من احبك واعتبرك اخ عزيز

الكلمة البذيئة تعل الروح والحرب تقتلها

واربأ بك عن ذلك يا خالد,, فلا تكن من دعاة الفتنة

وهي اشد من القتل.

والله يا تمبس الواحد فى الدنيا دى ما بيستبعد اى شئ !!!!!!!

المهم انو بكرى يعمل حاجة ... يتخذ الاجراء المناسب لوقف الفوضى العجيبه دى ...

بوستات ما عندها معنى غير تزكية نار العنصرية وتوليد الاحقاد ...
كل واحد متبنى قضية جزء معين من السودان وطارح نفسو وصى عليهو ... اوكى مافى مشكلة ما اختلفنا .. لكن موش كمان اللغه اللى انت بتستخدمها فى طرح قضيتك دى بتنعكس سلبا او ايجابا على القضية نفسها ... طيب ذنب الناس شنو انو يمثلهم شخص غير مسؤول ويجيب ليهم الاساءه لى عندهم بدون ذنب ...

طعن فى الاعراض .. وسب بالشرف وقذف ..فى جمل والله لما اقراها والقى الكاتب "امرأه" بكون مصابه بحالة من الذهول لى فتره وما مصدقة !!!!!!!!!

المنبر بقى زى شكل الشوارع ... كل الالفاظ السوقية موجوده ومستخدمة بكثرة لمان الواحد يجيهو صداع...


لازم .. لازم .. الحل الجذرى .

Quote: بوستات ما عندها معنى غير تزكية نار العنصرية وتوليد الاحقاد ... كل واحد متبنى قضية جزء معين من السودان وطارح نفسو وصى عليهو ... اوكى مافى مشكلة ما اختلفنا .. لكن موش كمان اللغه اللى انت بتستخدمها فى طرح قضيتك دى بتنعكس سلبا او ايجابا على القضية نفسها ... طيب ذنب الناس شنو انو يمثلهم شخص غير مسؤول ويجيب ليهم الاساءه لى عندهم بدون ذنب ... طعن فى الاعراض .. وسب بالشرف وقذف ..فى جمل والله لما اقراها والقى الكاتب "امرأه" بكون مصابه بحالة من الذهول لى فتره وما مصدقة !!!!!!!!!

رنــدا ..
نظره فاحصة ..
قام بكري قبلا بخطوة تصحيحية بعدها عاد الكثير من الكتب إلى هذه المساحة بشكل ملحوظ واسهموا في تعمير البورد بعد أن طفحت فيه اللغة المبتزلة .. من عنصرية وتهديد إلى ساقط قول.... تم فصل تراجي مصطفى بعد أن تجاوزت كل اللوائح في البورد .. اكثر من مرة .. وتحول فعلا البورد غلى ساحة للالفاظ البذيئة .. وا×بار من داخل المنازل لا علاقة لهذا المكان بهــا ولا تصلح حتى في جلسات الونسه المعروفة..
عصام أحمد .. ومجموعة مؤيدة لنهج تراجي مصطفى .. اضربوا اعتصموا .. لم يفلح معهم الأمر ولم يعرهم أحد إهتمام بل .. ودعوهم وكثير جدا طالبهم بعدم العودة والله يفتحه عليكم محل ما تقبلوا .. ماذا حدث ...؟؟ اغرق عصام احمد البورد بشكل مستفذ يوميا .. كنت أجد في الصفحة الاولى اكثر من تمنين بوست باسم عصام أحمد لا علاقة لها باي شئ سوى رفع بوستات عضوء واحد .. أختلف معه الآن .. فسارع عصام أحمد بالعداوة له ..
ثم ماذا ؟
تم فصل عصام أحمد .. وهنــا بدات الحكاية .. اتجه كل اللوبي إلى الموقع الذي بشروا عنه هنــا .. واخذوا يوجهون السهام والضربات بل اصبحوا في نسخ كل البوستات اليومية من هنــا وعرضها هناك للتعليق بسخرية على الكتاب ولم يسلم منهم حتى مالك الموقع الذي جعل منهم ارقام يعرفها الناس ..
أنظري هذا فقط نموذج مصغر.. لما كتبه عصام أحمد في موقعهم الموجه لضرب سودانيز اونلاين تحت مسمى السودان الجديد

Quote: اليوم فقط يا تراجي تأكد لي بأن سودانيز أونلاين بفعلها هذا هي أحد روافد السودان القديم... ففي السودان القديم ...السرقة حلال..وأكل حق الآخرين حلال..والظلم والعبودية حلال وسودانيز أونلاين (أس ألكتروني للسودان القديم) بما فيها ومن فيها ما عدا قلة تناضل هناك وآخرين أشباه مناضلين محسوبين علي الخط الوطني. يجب إرجاع الحق لأهله..هذا هو السودان الجديد الذي نفهم وبكري ابوبكر مثال آخر لعمر بشير إلكتروني .. أضف إي ذلك سرقة حق الآخرين

.. ما اندهش له .. متى يحفظ عصام أحمد ماء وجهه .. سرق حساب زميل .. خرب البورد فترة من الزمن بتغريقه بالبوستات .. شتم صاحب الموقع وكل من يكتب هنــا.. الان يؤجج للحرب ضد كل سكان الشمال ..
ماذا ينتظر من هذا الشخص هنــا .. وكيف ينظر له البعض ؟؟

ملحوظة:
العضو عصام أحمد يصر أنه لم يسرق حساب العضو زمراوي وما قام به لا يعتبر سرقة.
العضو عصام أحمد يصر أنه لم يتهم بكري ابوبكر بالسرقة .. وهذا واضح في الاقتباس ..

إذا مزيدا من الكذب .. ومزيدا من نشر ثقافة تدمير البورد على ايدي عصام أحمد ومجموعته .. والآدلة واضحة..

الأخ تمبس (يونس) يتعرض للاقصاء مرة ثانية من منبر السودان الجديد!

اول مره والله يا علاء اعرف انو فى كلام زى دا بيتقال فى منابر تانية عن سودانيزاونلاين .. غايتواذا كان قائل الكلام دا عضو هنا استحق الفصل وبجدارة ...

لانو اذا عندو راى فى المنبر او فى بكرى حقو يكون قدر موقفو ويقول رايو هنا لانو كدا نقدر نسميها حرية الكلمة وللعضو الحق فى ابداء الراى .. اما انو يقال فى منابر تانية دا اسمو خيانة وغدر اسفيرى لازم بكرى يعمل حاجة ..

Quote: فمهما وصلنا حد الإختلاف لا يجب أن يسقط هذا العمل الكبير أبدا..

رنـــدا ..
الاقتباس اعلاه ما كتبه عصام أحمد في بدارية هذا البوست..
وما ارفقته من اقتباس .. يشتم فيه بكري ويصفه بالحرامي .. لاحظي ما بين الاقتباسات . والاختلاف .. ومسعاهـ لإسقاط المنبر .. عندما واجهته تحجج بأن ما كتبه اعتذر عنه وتمت تسويته مع بكري ..
إذا كان بكري تنازل عن حقه .. فيجب على كل من في هذه المساحة أن يقف أمام هذا الشخص المخرب الذي عاد الآن إلى نفس الدور .. وارصده بشكل جيد من خلال مداخلاته كلها .. بعد أن هجر موقعهم من أيام عديدة .. وكان عند ازمة توقف سودانيز اونلاين وتوقفها للخلل الفني .. حضورا في موقعهم .. ورقصوا فرحـا .. وشماتة في توقف الموقع .. وتناسوا أنه اكبر موقع سوداني على الشبكة .. وسيعود اكثر قوة ومن فيه قادرين على تعرية نوعيتهم وتعقبهم حتى في مكانهم.. وقد كان..

أرجو أن تلاحظي إذا لديك متسع من الوقت لتحركات هذا التخريبي المنظمة.

السيد/ محمد عمر الفكي

قرأت البوست الذي كتب فيه هذه المداخلة بدر الدين الأمير. لم أتداخل لإكتفائي بما كتبه بقية الأخوة، فقد أوفوا. ولكن لهذا البوست غرض يختلف عن البوست بتاعك. لذا أقترح أن ترد على الأخ بدر الدين وتستوضحه في البوست المعني.

تحديداً ظهر بوست صباح اليوم كاتبه العضو (أوسلي) يهاجم فيه العضو (تراجي مصطفى) بألفاظ أكثر من نابية، ولا تليق بالمنبر. وهذا البوست من العضو (رندا حاتم) تصدياً لما جاء في البوست الذي يبدو أنه تم سحبه، ومحاولة لإيجاد علاج لهكذا بوستات والحد منها.

تقديري لكم جميعاً

السيد ابو العزائم
لو فهمت ما يقوله السيد الامير لوجدت انه من صميم ما تتحدث عنه رندا ولا يختلف عما يقوله اوسلي والموضوع واحد.
توجيه الاساءة والسب الي احد اعضاء المنبر مرفوض جملة وتفصيلا ولكن البادئ اظلم.
عموما انا انتظر رده في هذا المنبر خصوصا لان الاخت رندا تداخلت عدة مرات في بوست قطر واسدت النصح فيا ليتها توضح لنا رايها في ما يقوله السيد الامير، وعندما يوضح السيد الامير رايه فكل حادث حديث.

محمد عمر

Quote: توجيه الاساءة والسب الي احد اعضاء المنبر مرفوض جملة وتفصيلا

كلام جميل
طيب ماذا عن إساءة مجموعة كبيرة من النساء و رجال الدين -غير أعضاء في المنبر

سمعت عن عمك قنة
دا كبير بطاحين الجزائر , مستني منك إعتذار عن إساءتك لبنته و زميلاتها- الواضحة وماعايزة تفسير
أها رايك شنو؟
تعتذر ولا تستنى تفسير بدر الدين

الاخ الفاضل محمد عمر ...

انت طبعا فى بوست قطر بالغت عدييييل كدا .. واستخدمت نفس الكلمات اللى احنا بنرفضها هسى .. المهم ما علينا خلينا فى الموضوع دا ..

يا سيدى معاك حق .. وبما انو المطلوب من هذا البوست ايقاف الإساءات الشخصية والجارحة بكل اشكالها ... لن ننكر عليك هذا الحق ... لكن كمان اسلوب التهديد وتجهيز الكفن مرفوض .. ما تنسى انك فى بوست قطر اسأت اساءه فادحه وقذفت البعض وطعنت فى شرف البعض .. يبقى ومن منطلق "التكييل بمكيال واحد" حقو انت كمان توضح و تعتذر او تهدد نفسك!! لانو الناس الانت سبيتهم وشتمتهم ما بيقدرو يجو هنا ويهددوك .. ولا رايك شنو؟؟؟؟ عندك حل تانى؟؟

الاخ محمد ابو العزائم

شكرا لك على هذه المعلومه

تخيل لم اقرأ ما كتبت عنه الا الآن ويبدو انه حتى في الخور لم يوجد.

بعض هذه العضويه تجلس(سكرانه) للمنبر ولا تعرف ماذا تكتب.

بعض اخوتهم وزملائهم يعرفونهم حقيقي وكثير ما كتبوا لهم:

(يا فلان رجاء اغلاق الكمبيوتر والذهاب للنوم) لانهم يعرفونهم حقا.

وقتها لم نكن نعمل ماذا يقصدون وبعدين فهمنا.

لاحظ بوست زي بتاع رندا ده يبقى مكان لتصفية الحسابات:

Quote: تراجي, اوسلي, منعم ابو صديري, وبكري زاتو, ديل البتذكرهم..

من كتب هذه العباره انسان كاذب ومنافق

تراجي اكثر من يتعرض لاعتداء هنا,وبعد اكتشافنا انه بكري يتعامل بسياسة البقاء للاقوى

وسياسة الغاب ,صرنا نأخذ حقنا بايدينالإبطل سخف وادعاء

واذهب للخور الآن واقرأ ما كتبته المدعوه صباح حسين(بالانجليزي) حتى لا نظلم صباح حسين

(بالعربي) هل تعلم هذه المدعوه كم بوست سحبهم لها بكري؟؟؟؟؟

ويا رندا نحترمك جدا وكلامك كله عاقل بس اياك ان تصدقي هذا التمبس

لانه عنده حساباته الخاصه,وتأكدي بكري ابوبكر ليس غبيا ويعرف جيدا من يتعامل معه

باحترام او نفاق.

ومعا لتفعيل اللاوائح ونحلم بانضباط جماعي.

لكن نحذر اي لهجات اقصائيه جهويه نعرفها جيدا.

ودم اهلنا السال ده مامويه ولا حده منبر بكري ابوبكر .

واخير لكم تقرأوا لينا وتحاورنا بدلا عن اجبارنا لافعال آخرى.

الاخت دينا فيصل

خالد الطيب ليس دعاة حرب ليتنا نصل لربع مرحلة الوعي التي هو بها و الخروج من (الذاتيه

والمصالح الآنيه لآفاق ارحب انسانيه).

ويا محمد عمر الفكي اخوي لا تحزن هو كلام كي بورد يسيئ لقائله اكثر منك فلا تحزن.

تقديري واحترامي لكم جميعا.

تراجي.

تم التعديل الخطاء مطبعيه.

لا لتواضع الأسلوب مهما كانت مبرراته ولا للتخريب المتعمد للمنبر.
_____________________________________________________
كتب خالد الطيب أحمد:

Quote: جيب لي عليك الله كلمة بذيئة واحدة كتبتها في المنبر ده

نسيت إنت كتبت هنا شنو ونسيت قالو ليك شنو ؟

تخريب متعمد للمنبر

(عبارتك البذيئة كانت باسمك القديم: عصام أحمد)

Re: انتحار عصام احمد(منبريا) تضامنا مع تراجي مصطفى....

ياخي سيب المغالطة.

سلامات يا رنده...

اشد على ايدك بقوة، أحياناً انا (اصعق)صعبه خلاص!! لما اجد مداخلات بعض الأعضاء وهو يستعمل كلمات مخجلة بشكل عادي لدرجة تحس بها جزء من سلوكه. أما البوستات التي تكتب خصيصاً لأغراض غريبة لا تخدم القضايا بقدر ما تعقده. أضم صوتي لك

Quote: العضو عصام أحمد يصر أنه لم يسرق حساب العضو زمراوي وما قام به لا يعتبر سرقة

Quote: العضو عصام أحمد يصر أنه لم يتهم بكري ابوبكر بالسرقة .. وهذا واضح في الاقتباس

العضو عصام أحمد يصر أنه لم يتفوه بلفظ بذئ
العضو عصام أحمد يصر أنه ليس من دعاة الحرب

وهلم جرا

ســلام رندا..

إقتراحاتك في الصميم..
أثنيها دون تردد.. لا فض فوك ..

Quote: على ان يمنح كل عضو عدد محدد من المرات التى يتم فيها ايقافة تاديبيا

كلما كثرت هذه "المرّات" كلما قلّ الإلتزام باللوائح..
وفي الآخر نحن لسنا في دار الحنان أو روضة الأمل..
من يشتم يذهب دون عودة..
ويتم كسر دستة قلل قناوي وراه..

بالجد يا احمد البعرفونا ما يحضرونا
ان العضو عصام يعاني من انفصام..

عمرك دا كلو شوفتا زول بخس بنيكنيم
عصام احمد؟
اسم براس وقعر ؟
بعدين طوالي في حالة تلميع نكران لحاجات حاصلة ومؤكدة
والناس دي كلها شايفاها
وبعداك كما بيدعو للفضائل..
والتهذيب وهو ابعد منهما بمسافة اربيعن يوما بسرحة سلحفاة..

الكلمة التي ذكرتها يا أحمد الريح مافيها اي حاجة..

بل ومعناها معروف جدا لاي سوداني وبنقولها في اي حتة


وحا أشرح معناها لو كنت ما عارفوا


معني هو الشخص الذي ينقل الكلام لشخص آخر

هذا هو المعني الذي أعرفه منذ أن ولدت ..

لو عندها معني تاني ورينا ..علشان نخليها

الخضر
عندما يقوم عمك قنة بتعليم بنته الفرق بين المهنية والنفاق فسوف اعتذر لها وله وسحبي للكلمة اعتراف بالخطاء اما رجال الدين الذين افتوا للولد بالانقلاب علي ابيه والداعمين للقتل والارهاب بحجة محاربة امريكا واسرائيل وتحرير العراق وفلسطين وهم يمرون في طريقهم الي استوديو الجزيرة بمقرات "النصاري والكفار واليهود" فهؤلاء ما زلت اصر علي موقفي منهم. وانا لا زلت انتظر رد الامير.
الاخت الكريمة رندا
في بوست قطر لم اتهجم علي اعضاء المنبر وانما انتقدت الجزيرة وقطر وان كانت بلهجة حادة وصريحة ولم اتعرض لاحد منهم فاتي علي الرد من شاكلة السفيه والمفلس والمجنون والمحرش والوهابي وختمها الامير ود الامراء المربي تربية الامراء الما زي تربيتنا الشوارعية دي بشتيمة اقسم لك لو قالها في وجهي لما كان حيا يرزق الي الان.
تحياتي

السيد/ محمد عمر

مقولة: لكل مقام مقال أجدها مفيدة جداً هنا. والسبب بسيط، وهو ما جرى بينك والأخ بدر الدين جرى في بوست محدد تداخل فية بدر الدين، وقد يتوقع تعقيبك هناك، وليس بالضرورة مروره على هذا البوست. أنت أطلقت كلامك ووجهته له، وهناك إحتمال أن لا يدخل هذا البوست من أصله إذا لم يجد في عنوانه ما يجذبه، ولن يستطع التنبؤ بأنك وجهت إليه حديثاً في هذا البوست، في حين أن هناك بوست مفتوح ومخصص لحديثك هذا تحديداً، وهو بوست فتحته أنت شخصيا، فالأجدى - إن كنت حقاً تريد رده - أن توجه كلامك هناك وليس هنا. إلاّ إذا كنت تدافع عن ألفاظ العضو أوسلي، فهذا شأن آخر

السيد ابو العزائم
لماذا هذا الاصرار علي مباراتي وتقاذف الكرة معي؟ انا تعهدت بعدم رفع بوست قطر واحترم كلمتي.
اما السيد الامير فما تاخدك الشفقة عليه فهو سيجدني وارجو صادقا من كل قلبي ان تكون هذه اخر مرة لمقولة "لكل مقام مقال" فلسنا والحمد لله من اصحاب الفهم الثقيل والموضوع كما اوضحت لك وكما اكدت صاحبة البوست متصل ببعضه ونقلت كلام الامير هنا للدلالة علي تشابهه مع مقال اوسلي الذي ورب الكعبة بعيني ما شفته عشان ادافع عنه.

كتب خالد الطيب أحمد:

Quote: الكلمة التي ذكرتها يا أحمد الريح مافيها اي حاجة

Quote: بنقولها في اي حتة

Quote: هسه البتعمل فيهو ده عليك الله ما ##### ذاتو؟

أكتفي بما قاله لك أخونا "الزوول" تعليقا منه على تواضعك الشديد يومها:

Quote: عصام أحمد اتفق معك في الدعوة لعودة الأخت تراجي ولكني أدعو قبل ذلك لنظافة المنبر من أمثالك ذوي الألفاظ الغير مهذبة

طيب خليك زول مفيد ووريني معني الكلمة التي لا أعرف لها معنا سوي ما ذكرته

وهو أن تنقل مثل ما تفعله أنت هنا..


ولم اكن لأكتبها ما لم يحدث نفس المعني يومها.

وشايفوا متكرر الآن.

Quote: ولمساعدة الاخ بكرى فى ذلك اقترح ان تشكل لجنة بمعرفة الاخ بكرى لمتابعة البوستات المبتذله

والله يا رندا إقتراحك معقول جداً وحبذا لو اللجنة بقت خالية من ناس كومي وكومك وحتى لو بقت نزيهة حا نلاقي البطعن والبتظلم فدة حال السودانيين لا عاجبم العجب لا الصيام في رجب ..
قبل كدة العضو الزول على ما أذكر اقترح تقسيم المنبر إلى ثقافي وسياسي وما إلى ذلك ارجو من الأخ بكري إعادة النظر في هذا الإقتراح وزيادة عليهو التركيز على كلام علاء تمبس ..

في بوست قطر لم اتهجم علي اعضاء المنبر

متأكد؟

عشان سكتنا تأدباً واحتراما لها ...

وليس لغير ذلك

عضوة المنبر التى تعمل فى الجزيرة بماذا وصفتها/شتمتها؟

هل سحب المفردة اعتذار ؟
لا ...
بل الخروج من مساءلة قانونية
لا يعفيك من مساءلة أخلاقية ..

الاعتذار هو أن تكتبه واضحا وصريحا ..

وتهاتفها
وتهاتف زوجها
وعائلتها
وأبناءها ..

Quote: طيب خليك زول مفيد ووريني معني الكلمة التي لا أعرف لها معنا سوي ما ذكرته

Quote: طوالي في حالة نكران لحاجات حاصلة ومؤكدة والناس دي كلها شايفاها

زي ما شايفة يا دكتورة بيان محاولات الإنكار هنا في هذا المقال
بل ومحاولة إلباس البذاءة ثوب العادي والمقبول!

ايوة يا معتصم انا لم ابدأ بالهجوم علي اعضاء المنبر واتحداك ان تاتي بكلمة واحدة في حق اي عضو بالمنبر من قبل ان يبداوا هم بالشتيمة.
من هي عضوة المنبر هذه التي تعمل بالجزيرة؟واين وردت الاساءة اليها حتي يتم الاعتذار لها؟
بعدين عليك الله في واحد فاتح بوست بهناك بيشتم في مصر الماسكة ليها 4.5 مليون سوداني وليس 20 الف سوداني فيا ريت تهجموا عليه هذه الهجمة المضرية.

الأخ / محمد عمر الفكي

تحياتي

Quote: بعدين عليك الله في واحد فاتح بوست بهناك بيشتم في مصر الماسكة ليها 4.5 مليون سوداني وليس 20 الف سوداني فيا ريت تهجموا عليه هذه الهجمة المضرية.

كل الأقطار ... عدا إسرائيل !!!!


أتمنى أن لا تكون قد عنيت هذا البوست ؟؟؟


أتمنى ..!!


أما بخصوص الإساءة لموظفي الجزيرة , فالجزيرة يا أخي بها مجموعة من (أخواتنا وإخوتنا) , ولم ندافع عنهم بالتحديد لأننا نرفض

الإساءة لهم ولغيرهم من الجنسيات الأخرى ..

ولأننا نعلم تماماً من هم وكيف هم ومستوى تأهيلهم وأخلاقياتهم , فلم نحاول إدخالهم معركة دون معترك , فهم فوق الشبهات ...

أما بخصوص مادار بينك وبين الأخ (بدرالدين) , فالإقتباس يخضع لتفسيرات متغايرة , وإن كان قد عنى ماذهبت إليه فقد أخطأ وعليه

واجب الإعتزار , ( رغم أن المقام هنا ليس مقام عرضحالات ) ..

ودي

الاخ كمال
نعم هو البوست نفسه، فلقد احببت ان اري رد الفعل علي ما كتبته بخصوص مصر وان امتع عيني بازدواجية المعايير، فعندما تحدثت عن مذيع قطري قامت الدنيا والي الان لم تقعد وقال لي البعض ان الفرد لا يمكن ان تحاسب به الدول فلماذا لم يحكموا علي الضابط المصري من هذه الزاوية؟ اليست هي الانتقائية وازدواج المعايير؟ الم يحدث اطلاقا ان قام ضابط مصري بمعاملة الوافدين السودانيين معاملة كريمة؟ الم يحدث بتاتا ان تمت مضايقة احد السودانيين في قطر؟
بالله يا كمال شوف انقلاب المنطق في الردود ، في بوست قطر 35 مداخلة كلها عيب ومابصح وفي بوست مصر حتي الان ثلاثة ردود تقريبا وكلها تهجم علي مصر؟ هل قطر اقرب الينا تاريخيا وثقافيا وعرقيامن مصر؟
كيلوا بعبار واحد
قناة الجزيرة شان عام وما قلته فيه اقل بكثير مما قالته فيها روز اليوسف والصحف السعودية والكويتية والليبية فهل ستكونوا ملزمين بمتابعتهم؟ افرض انا اعتذرت البجيب ليكم اعتذار من ديلك منو؟
لك تحياتي

Quote: نعم هو البوست نفسه،

كدا تأكدت من براءة الأخ بدرالدين من ماتدعيه ..


أعد القراءة , يالفكي ..!!!



ودي

Quote: من هي عضوة المنبر هذه التي تعمل بالجزيرة؟واين وردت الاساءة اليها حتي يتم الاعتذار لها؟

ألم تقل بأن الجزيرة بها (******ات)

يا سيد يا محترم الناس لسه ما نست حتى لو مسحته ..

ولو ما عارف منو من الأعضاء شغالين .. شغالات فى الجزيرة

أمسك الكي بورد دا و***** أقول ليك شنو ...

قلنا لك بدون أسماء يا ( مستجد)...

Quote: افرض انا اعتذرت البجيب ليكم اعتذار من ديلك منو؟

اعتذارك ما بفيد
ولا نحتاجه
تحتاجه أنت حتى تحسن صورتك ..

Quote: الكلمة التي ذكرتها يا أحمد الريح مافيها اي حاجة

طيب مسحتها ليه بعد ما كتبتها هنا ؟!!

Quote: (عدل بواسطة خالد الطيب أحمد on 27-03-2007, 09:46 ص)

Quote: طيب مسحتها ليه بعد ما كتبتها هنا ؟!!

لأني عرفت إنو الزيك كده ممكن يعمل بيها موضوع إنصرافي ..

زي ماهو حاصل الآن..ويجو ناس بيان وتمبس برضو يتموا الباقي..


رغم إنها كلمة بسيطة جدا..ومعناها هو (الشخص الذي ينقل الكلام)


وزي ما قلت ليك.. لو عندك معني تاني قولوا لينا وسيب الهروب.

تعرف يا عصام حرامي النت ..
تتعصر هنــا في البورد ده لمن تعرف حاجة .. وكلما تحاول تكضب ح تلقى كل الرصة القلتها دي بالمرصاد ..
بلاي كمان عندك عينه قوية للدرجة البتكضب بيها دي ..
إنت فاكر الناس دي جاية من القمــر .؟؟
ياخ أقول ليك حاجة
إنت ما تشوف ليك جهاز بتاع كشف كضب .. بس على شرط ما يكون شغال بي حجار بطارية .. خلي كهربتو تكون ميتين وعشرين .. علشان يديك قرايه صاح

والله فعلا حرامي وعينك قوية ..
لكن هنا معاك وفي اي شبر في البورد ده نشوف كضبك ده حدو وين .. وكان لزم الأمر نعمل ليك لجنة خاصة لي فحص الكضب .. اونلاين .. لما تفكر تكضب تتلفت مية مرة وتضغط على زر Esc إنت قائله صعبة ؟؟

يلالا شوف البحلك مننا منو

الأخ/ محمد عمر ...

كتبت:

Quote: ونقلت كلام الامير هنا للدلالة علي تشابهه مع مقال اوسلي الذي ورب الكعبة بعيني ما شفته عشان ادافع عنه.

أفهم أن يكتب الإنسان ويناقض نفسه. ولكن في نفس الجملة؟ كيف تدل على تشابه كلام الأمير مع مقال أوسلي، وأنت لم تر مقال أوسلي بعينك؟ كيف توصلت لهذا التشابه؟

لقد كتبت في ردي عليك الأول يقيناً مني أنك فهمت أنك المقصود بهذا البوست، وتوقعت بعد تصحيح هذا الفهم أن تكف. ولكنك تصر على نقل (مبارزتك) مع بدر الدين هنا، في حين أن هذا البوست أريد منه إيقاف كل هراء .. منك أو ضدك أو من أي عضو أو ضد أي عضو.

Quote: ولكنك تصر على نقل (مبارزتك) مع بدر الدين هنا، في حين أن هذا البوست أريد منه إيقاف كل هراء .. منك أو ضدك أو من أي عضو أو ضد أي عضو.

Re: رندا حاتم ... الجاتك فى بوستك سامحتك !!!!!

والبوست يسير بعكس ما فتح لاجله

رندا

انا غبت عن المنبر ساعة القي البوست مشي لجهة اخرى ، كدي تعالي نحاول نجد حل لمشكلة سودانييز ، وعشان ابدأ ح اديك فكرة زماان البورد كان ماشي .

كان في لجنة من البورداب لها حق الادارة الكاملة ، وبالمناسبة كانت منتخبة من قبل الاعضاء ، واعتقد ان الانتخاب في هذه الاجواء لا يزيد الا الناس تشرزما ، وطالما ان بكري هو الذي يدير هذه
السفينة فلنجعله يختار مجموعه تدير البورد .

يكون لهذه اللجنة كاملة الصلاحية ، لها بورد لهم هم فقط حق الدخول عليه ، ولهم يوزر ، باسم الادارة .

كانت الادارة تفصل ، وتسحب البوستات ، اهم حاجة ان يكون من المتفقين عليهم (الي حد ما) طبعا ما ح نجد من ينال التأييد 100% لكن ممكن ان يكون هناك اشخص ليس لديهم خلافات مع كثير من الناس.

لابد ان تكون الادارة حازمة جدا. وملتزمة بالقانون . ولابد لنا كأعضاء ان نلتزم بقرارتها .

المشكلة ان الادارة السابقة وقعت في المجاملات ، مما افقدها احترامها ، يعني مره في واحد اساء الي واحده (قريب لاساءة اليوم) ، احتجينا بشدة ، ولكن هذه الزميلة لانها كانت بتاعت مشاكل لم تهتم بها الادارة كثيرا .


اتمني ان يترك الجميع هذا البوست للغرض الاساسي .

وان كنت فعلا بدأت اشك ان هناك مؤامرة .

كمال الزين
عندما لم تتطرق لازداوجية المعايير كفيتني
معتصم الطاهر
صورتي لا تحتاج لتحسين ومعرفة من يعمل في الجزيرة من اعضاء البورد ليست فرضا
ابو العزائم
يبدو انك تنسي ما تكتبه، مصدر مقارنتي بين كلام اوسلي وكلام بدر الدين هو هذا النص الذي كتبه اخ يدعي محمد ابو العزائم ابو الريش.... بتعرفه؟

"تحديداً ظهر بوست صباح اليوم كاتبه العضو (أوسلي) يهاجم فيه العضو (تراجي مصطفى) بألفاظ أكثر من نابية، ولا تليق بالمنبر."

Quote: كمال الزين عندما لم تتطرق لازداوجية المعايير كفيتني

عارف يالفكي ياخوي

زمان كان في مصطلح إسمو (كتابة الفكي) , وهو للتندر حول الكتابة الشينة ..

الآن هنالك مصطلح جديد لك فضل ظهوره هو :

( قراية الفكي ) ..!!!

أعد القراءة يافكي ..


ودي ..

"سلامات يا أخ كمال

ما نحن المصريين ديل عشان قلة أدبهم دى ما دايرين نزور بلدهم دى كلو كلو .

و هم إسرائيل دى أول عرب دخلوها و إشتغلوا فيها و ناسبوهم كمان"

صدقني بعرف القراءة، غير كلمة مصر بقطر والمصريين بالقطريين عشان تعرف الاذدواجية كويس

Quote: سلامات يا أخ كمال ما نحن المصريين ديل عشان قلة أدبهم دى ما دايرين نزور بلدهم دى كلو كلو . و هم إسرائيل دى أول عرب دخلوها و إشتغلوا فيها و ناسبوهم كمان" صدقني بعرف القراءة، غير كلمة مصر بقطر والمصريين بالقطريين عشان تعرف الاذدواجية كويس

عارف يالفكي

بعد كده مصطلح قراية الفكي ثبت عليك , ده كلام منو , يعني وجهة نظر منو ؟؟؟

ولا أنا بقول لنفسي سلامات يا أخ كمال ؟؟

سلامات يالفكي حيرتنا بي قرايتك العجيبة ..


!!!!!!!!!!!!!!!!!!!!!!!

Quote: والبوست يسير بعكس ما فتح لاجله

أقترح العودة لموضوع البوست .. محاولة للوصول لأفضل شكل ممكن لما جاءت به الأخت رندا:

Quote: ايا كان العضو الذى يكتب باسلوب مبتذل او بتلك اللغه السافرة متذرعا باى سبب كان اقترح ان يقوم الاخ بكرى بسحب عضويته (لفتره محدده) كإجراء تأديبى ... على ان يمنح كل عضو عدد محدد من المرات التى يتم فيها ايقافة تاديبيا ثم اذا تجاوز ذلك يقوم الاخ بكرى بفصله نهائيا من المنبر مع تسويد اسمه ... هذا المنبر يجب ان يكون لخيرة ابناء البلد .. يجب ان يكون الواجهه الحقيقية للسودان بكل اختلافاته وتنوع ثقافاته وخصوماته ولكن ... بود وادب واحترام وتهذيب .. لا احد يطلب ان يكون المنبر هو المدينة الفاضلة حيث نحيا فى صفاء وحب بلا خصام او اختلافات ولكن على الاقل ليكن اختلافنا اختلاف "اولاد ناس" ... ولمساعدة الاخ بكرى فى ذلك اقترح ان تشكل لجنة بمعرفة الاخ بكرى لمتابعة البوستات المبتذله..

ليفيدنا الأخ المخضرم (بوردياً) رقم صفر بالكيفية التي يمكن بها تفعيل إقتراحه وتجديد السيرة القديمة المعدّلة.

"بعد كده مصطلح قراية الفكي ثبت عليك , ده كلام منو , يعني وجهة نظر منو ؟؟؟"

"الاخ كمال
نعم هو البوست نفسه، فلقد احببت ان اري رد الفعل علي ما كتبته بخصوص مصر وان امتع عيني بازدواجية المعايير، فعندما تحدثت عن مذيع قطري قامت الدنيا والي الان لم تقعد وقال لي البعض ان الفرد لا يمكن ان تحاسب به الدول فلماذا لم يحكموا علي الضابط المصري من هذه الزاوية؟ اليست هي الانتقائية وازدواج المعايير؟ الم يحدث اطلاقا ان قام ضابط مصري بمعاملة الوافدين السودانيين معاملة كريمة؟ الم يحدث بتاتا ان تمت مضايقة احد السودانيين في قطر؟
بالله يا كمال شوف انقلاب المنطق في الردود ، في بوست قطر 35 مداخلة كلها عيب"انظر ما تحته خط لعله يبين الصورة

الاخت رندا

المشكله محاولتك لاشاره وايقاف التلوث و الابتذال

سوف تحارب ويبتزلوا لك هذا البوست

قبل شهرين اشرت لذلك والي قيام لجنه لضبط ورفع مستوي المنبر



عام 2003 كان المنبر من الاشياء المفرحه

الان حدث ولا حرج

ومن المؤسف ان الذين يقومون بالابتذال انفسهم يمثلون دور النصح

هل هذا اللعب علي العقول اوازدواج الشخصيه او ادعاء الغباء

ولا هذه محاوله مدروسه لتطفيش الاقلام المنيره


وبكري نتمني ان ينتبه قبل السرطان يوصل مرحله لا ينفع فيها شفاء

و البورد يبقي ذي اقتصاد السودان من الثمانيات الي الان مافي

درب نفع بل كل الدربات مصت دم الاقتصاد زياده بدل تغذيه

مع مؤدتي

مي الاسيد

الأستاذة رندا

ســلام


أوافق على هذا الطرح الراقي.

تحياتي وفائق احترامي

لخليل محمد خليل البوردابي الشهير مقولة خاصة وعميقة
هي ان(ناس بلادي بلادي ديل خربوا السودان وسوف يخربون هذا المنبر ايضا)
...رندا كلامك راقي وفي الصميم ولكن متي يرتفع الوعي بقيمة هذا المنبر ودوره المنتظر
في الرقي وتوعية العقل السوداني..
اخوتي هذا المنبر كنز وهبة من السماء فدعونا لا نبتذله..

نواصل في طرح أم حاتم
يا خوانا لو إنتظرنا بكري يتصرف لوحده حيكون فيها نوع من السلبية
ليه ما ناخد - كأعضاء - خطوة إيجابية نحاول نوقف بيها السخف و التجاوز البيحصل
مثلا نوع من المقاطعة وعدم التواصل مع المسيء لإجباره على الإعتذار وعدم التكرار
أو أي شكل آخر من أشكال العمل الجماعي
أتمنى من الإخوة المشاركة بالمقترحات و الآراء حتى نتفق على الصورة المناسبة

أقترح نوقع جميعنا -من يرغب-على وثيقة شرف نلتزم فيها بــ
-عدم اللجوء للألفاظ الخارجة أو التحقير للآخر أو التعرض للخصوصيات و ذكر الأسر ....إلخ
-الوقوف بقوة ضد من يخالف بنود الوثيقة - حتى لو كان صديق أو حليف
-الدفاع عن أي عضو يتعرض لإساءة و إدانتها - حتى تنتفي حجة رد الإساءة بمثلها و البادئ أظلم

أتمنى سماع آرائكم في الفكرة و إضافة بنود و نقاش المقترحة

Quote: أقترح نوقع جميعنا -من يرغب-على وثيقة شرف نلتزم فيها بــ

اؤيد
وبشدة ..

واقترح بكتابة فقرات ومقترحات

حتى يتكون الميثاق

قريبتى ، و بت القطينة رندا حاتم ، التحية .

و طبعاً أتفق معك قلباً و قالباً ، و معاً لأجل
تنقية المنبر من سقط الكلام ، و اللغة الضرار .
و شخصياً فقد لحقنى طرف سوط طويل و بذئ ، إذ وصمنى
أحد الزملاء بالعبودية لقبيلة الزغاوة !!!!!! .
تخيلى ذلك ، كل ذلك كان لرفضى للغة العنصرية البغيضة
التى إستخدمها فى بوسته الذى ناقش فيه أحداث المهندسين .

اقول دائماً ــ اما الزبد فيذهب جفاء ، و أما ما ينفع الناس ........


لكن ، إذا لم يردع المرء تربيته ، و خلقه ، إذن لا بد من وجود
لائحة منظمة ، و قوانين صارمة تهذّب ، و تشذِّب تطاول ، و تجاوز البعض .


دمتى يا بلدياتى ، و ربنا يكمّل ليك بعقلك .

كل الود

Quote: اعضاء المنبر الكرام هل منكم من يوافق على هذا اقتراح؟؟؟؟؟؟

نعم معاك يا رندا....وممكن يا رندا يكون في ناس غير سودانين بيقرأوا مشاركات الاخوان في

المنبر بالاضافة للسودانيين أنفسهم من كل بقاع الأرض ....


فالبورد واجهه للشعب السوداني الجميل ...

الزميلات والزملاء الكرام ..

اشكر لكم اعادة هذا البوست الى مساره الصحيح ...

"توضيح بسيط للاخ عمر الفكى" كمال على الزين لم يقصد الاساءة للمصريين اراد ان يوضح بالمواقف مدى تدنى قيمة واحترام الجواز الاخضر والمصير الذى آل اليه فى هذا العهد وان صبرت قليلا سيفصح لك البوست عن نفسه ومحتواه ........ مودتى.


اقتراح الاخ محمد البشرى اقتراح جيد وانا ارى ان نلتزم جميعنا باجراء نتفق عليه مثلا اذا طرح احد الاعضاء بوست مسئ او اذا تداخل بمداخلة مبيتذله يبدأ جميع الاعضاء بقطع الطريق علية بمداخلات تنبيهية لمنعه من المواصله ... يمكننا ان نوقع على العريضة ولكن ان لم يوافق على بنودها بكرى ابو بكر فانه لا جدوى منها لانه هو المسؤول عن تنفيذ النص العقابى فى حال المخالفة "كالفصل مثلا" ... ايضا اقتراح المقاطعه العامه اقتراح جيد ويمكننا تنفيذه شريطة الالتزام به من اكبر عدد ممكن من الاعضاء ويمكننا فى سبيل ذلك اتباع الاتى .. اذا قام احد الاعضاء بفتح بوست مسئ او كتابة مداخلة مسيئة نبدأ فورا بالمقاطعه مع الاتصال عبر الماسنجر باى عضو يتواصل معه وتنبيهه للمقاطعه حتى يتوقف عن مثل هذا الاسلوب ..


أمونه تحلم بى عوالم
زى رؤى الأطفال حوالم


يا ربى ممكن؟؟؟؟؟؟

ام حاتم و الإخوة الكرام
صباح الخير
أنا ما قصدت إننا نعمل عريضة و توقيعات لأجل تفعيل أو تغيير بنود اللائحة
قصدي من وثيقة الشرف هي أن اللذي يوقع علها يعني ضمنيا الإتزام بما جاء فيها
وهذا هو المهم الإلتزام الشخصي و الرقابة الذاتية على ما نكتب
إحنا ما حا نفرض على بكري إتخاذ أي إجراء
بل حنمارس حقنا كأعضاء و رأي عام
و صدقيني يا أم حاتم السوء المنتشر دا ليس هو الأصل
بل في غالبه رد فعل و إنفعالات خرجت عن السيطرة
ما في شخص سوي بيستقطع من ماله ووقته و صحته عشان فقط يجي يشاتم و يسيئ الآخرين و أسرهم و حماتهم
يعني لو قدرنا - كأعضاء - نفرمل أي إنحراف في مهده قبل يستفحل حنوفر على الطرف المتضرر عناء الرد و نمنح المخطئ فرصة التصويب قبل خروج الموضوع عن السيطرة
الوثيقة دي بتدينا حق التدخل الفاعل - على الأقل مع أو ضد العضو الموقع عليها - و ليس على طريقة (الأجاويد و باركوها يا جماعة) المرفوضة ممن يرى أنه قد تم الإعتداء عليه.

الموضوع مطروح للنقاش و تبادل الآراء, أتمنى ان يأخذ ه الإخوة بجدية وعدم إنتظار الحل من بكري
تاني بشكرك يا أم حاتم على مبادراتك اللي حقيقة بتدي معنى للوقت المهدر في المنبر
و حتى لو ما ممكن
أمونة ما تخلي الحلم

الاخ الفاضل "ابوحتوت"

بما انك صاحب الاقتراح يا سيدى نبصم ليك وبالعشرة ... ارجو انك تفتح بوست بعنوان :

التوقيع على وثيقة شرف للالتزام بأدب الحوار ... او ما شابه ذلك .. عنوان يكون معناهو يفصح عن مضمونو ... وانا اول الموقعين ..


تحياتى..

مش في الأول نتفق على البنود و الصياغة و نشوف رأي بقية الأخوان
بعدين المبادرة مبادرتك و النقاش بدا هنا خلينا نوحد الجهد
دا غير عندي راي في حكاية (توقيعاتكم دي)

معاك يا رندا ... ولي قدام

عايزين الخطوة التنفيذية

رندا حاتم والمشاركين الكرام
تحياتي
حتى لا يتحول المنبر لمكان منفر أضم صوتي لصوتكم
أمس أثناء ما كنت بكتب في المداخلة دي للرد على رقم صفر تم سحب البوست المعني
مداخلة ضلت طريق بوستها

اقتراح

نعلم جميعا ، ان الكتابة في المنبر الحر ، قد وصلت من بعض اعضاءها الي درك شحيق من اللغة البذيئة ، واصبح المنبر مجالا لتصفية النزاعات الشخصية ، وذلك باستخدام اقبح الكلمات ، واصبح ليس هناك تقديرا لشرف او عرض ، متجاوزين كل الاعراف والتقاليد السودانية ، واصبح الخلاف في الآراء يفسد للود الف قضية ، عليه نحن الموقعون ادناه ، ننلتزم ونتعهد بالآتي :

* يعتزر كل منا لاي شخص قد سبب له اذي او اساء له عن طريق قصد او من غير قصد

* نلتزم بمقاطعة اي بوست يتناول اساءة جارحة لاي عضو في المنبر

* نلتزم بعدم استخدام الماسنجر في تبادل اي نوع من انواع الاساءات

* نقر ونلتزم باتباع اسس الحوار الهادي والعقلاني .

* نطالب بتفعيل قوانين المنبر لايقاف اي عبث او اساءة

* نقر باحترامنا لتقاليدنا السودانية ، وخاصة المتعلقة بشرف المرأة وعرضها ، ونعتبره خط احمر لا يجوز ان ينتهك .

* نقر بان حرية الكتابة في المنبر حق مطلق لنا ، وان حريتنا تقف فجأة عندما تتقاطع مع حرية الآخرين .

* نقر بان لا نرد لاي من اساء الينا ، ونترفع عن الخوض في السجالات الشخصية (مع احتفاظنا بالحق في مطالبة صاحب البورد بمعاقبة من يئ الينا.

دي اقتراحي بالنقاط ، يلا زيدوها اعيدوا صياغتها ، افعلوا ما شئتم . لكم ولنا حرية التصرف ، من اجل منبر معافي

نعلم جميعا ، ان الكتابة في المنبر الحر ، قد وصلت من بعض اعضاءها الي درك سحيق من اللغة البذيئة ، واصبح المنبر مجالا لتصفية النزاعات الشخصية ، وذلك باستخدام اقبح الكلمات ، واصبح ليس هناك تقديرا لشرف او عرض ، متجاوزين بذلك كل الاعراف والتقاليد السودانية ، واصبح الخلاف في الآراء يفسد للود الف قضية ، عليه نحن الموقعون ادناه ، ننلتزم ونتعهد بالآتي :

* نعتذر لكل من تسببنا له فى اذي او اساءه عن قصد او من غير قصد

* نلتزم بالتدخل الايجابى فى اى بوست ينحرف مساره نحو الاساءات الشخصية واللغه المرفوضة

* نلتزم بمقاطعة اي بوست يتناول اساءة جارحة لاي عضو في المنبر

* نلتزم بعدم استخدام الماسنجر في تبادل اي نوع من انواع الاساءات

* نقر ونلتزم باتباع اسس الحوار الهادي والعقلاني .

* نطالب بتفعيل قوانين المنبر لايقاف اي عبث او اساءة

* نقر باحترامنا لتقاليدنا السودانية ، وخاصة المتعلقة بشرف المرأة وعرضها ، ونعتبره خط احمر لا يجوز ان ينتهك .

* نقر بان حرية الكتابة في المنبر حق مطلق لنا ، وان حريتنا تقف فجأة عندما تتقاطع مع حرية الآخرين .

* نقر بان لا نرد لاي من اساء الينا ، ونترفع عن الخوض في السجالات الشخصية (مع احتفاظنا بالحق في مطالبة صاحب البورد بمعاقبة من يسئ الينا.


اى اضافة تانية يا جماعه على مقترح معتصم ؟؟؟

أحب أنبه لوجود تعارض خفيف بين النقطة التانية والتالتة و الأخيرة
كمان احب اضيف مإقتراح - برة الوثيقة
- في حالة بوست مسيئ و بكري رأى أنه لايخالف اللائحة و لا يجب حذفه
ممكن يتفتح بوست موازي نستخدم فيه قوة الرأي العام و نطالب بكري بحذف الإساءات مع تبيان الأسباب
دي عايزة حذر شوية حتى لايتم توجيهها بصورة خاطئة أو حجر على الآراء, على الأقل نتفق على المعايير

الأخت رندا ....
الأخ محمد البشرى

Quote: و صدقيني يا أم حاتم السوء المنتشر دا ليس هو الأصل بل في غالبه رد فعل و إنفعالات خرجت عن السيطرة

ده كلام بيدي الأمل في نجاح مساعيكم. ومش مهم مين حيكتب البوست للتوقيعات ... المهم نبدأ، وقبل كده يا ريت محمد البشرى يوضح لينا رأيه في مسألة التوقيعات للفائدة والتفاكر.

مودتي

ابوالريش ...

اعتقد راى ابوحتوت انو الناس تعمل بوست عنوانو مثلا "التوقيع على وثيقة شرف للالتزام بادب الحوار" والهدف منه انو اى زول يوقع على الوثيقة دى يكون ملزم ادبيا قدام نفسو قبل اى حد تانى انو يتقيد بادب الحوار ويختلف مع الاخرين باحترام دون اللجوء لاستخدام الالفاظ الجارحة .. وطبعا المسالة هنا التزام فردى بيحدد مدى مسؤولية كل واحد وقدرتو على الالتزام والوفاء بعهده ...

نقول بسم الله ونبدأ توقيع الوثيقة؟؟
مودتى ..

أخي أبو العزائم
حتى لا نحرف البوست عن مساره
إنشاء الله في مكان آخر حأطرح رؤيتي في مسألة جمع التوقيعات و سيسعدني حينها سماع وجهة نظرك

رندا ومحمد

صباحاااتكم

وثيقة شنو وتوقيع شنو يا جماعة


المنبر ده بعبر عن حالنا تماما وما تتعبوا نفسكم احنا اصلا كده

سياسيا .. اجتماعيا .. اقتصاديا

وحال المنبر ما بنفصل عن حالنا


شكرا لدعوتكم بس احسن مجهوداتكم دي توفروها لنفير دارفور المتابعنو

الناس هنا بكل اهتمام .. وسدو دي بطينة ودي بعجينة ولقدااام



_____

سؤال

هل يعتبر بوست نفيسة خروجا عن الذوق العام؟

يا شباب
كلامكم عين العقل والله

ولكن تفتكرو
هل يصلح العطار ما افسده الدهر؟؟؟









نفوس

Quote: هل يعتبر بوست نفيسة خروجا عن الذوق العام؟

كه

Quote: كه

نه

Quote: Quote: كه

كهين

Quote: كهين

كه واحدة يااااخ
نون النسوة لا محل لها من الاعراب


انتو صحي بالمناسبة دي اشمعنى نون النسوة وتاء التانيث لا محل لهم من الاعراب؟؟؟
شكلو كدة النحو دة وضعوهو رجال





بالرجوع للموضوع الاصلي
يا ابو حتوت تاكد انو دينا واخواتها ح يكونوا معاكم قلبا وقالبا
لاصلاح هذا المنبر,, شوفوا ح تعملوا شنو واحنا ح نبصم (بما انو عندك راي في مسالة التوقيع دي)

منعم (الأصلي)
المنبر يعبر عن حالنا OK
كلام جميل
لكن هل دا حالنا , شتم وتحقير و خوض في الأعراض و سخف بدون لازمة
عشان المنبر يعبر عن حالنا عاوزين خلافاتنا تكون بصورة عادية و بدون فجور
ما قلنا ماعايزين خلاف, لا بل العكس الإختلاف دا يعتبر واحد من نقاط قوة المنبر
لكن ما ينحرف و يصل الأعراض و الخصوصيات
و سكوتنا يعني الموافقة الضمنية أو على الأقل القبول
عشان كدا بنحاول أضعف الأيمان

ديناو أخواتها...
العطار ما داير يصلح فساد الدهر لكن على الأقل يشيل فساده من هنا لمكان تاني - و الأماكن دي متوفرة-
عشان يبقى المنبر صالح لحملة دارفور وغيرها من الأنشطة و المبادرات الما ممكن تتلفي في الأماكن التانية

قولوا خير ويدكم معانا

Quote: لكن ما ينحرف و يصل الأعراض و الخصوصيات

ده ببقا للاسف قلة ادب وما اختلاف يا محمد

Quote: ده ببقا للاسف قلة ادب وما اختلاف

بالضبط
هي كدة
طيب يدك معانا لوقف قلة الأدب من المنبر

يا دينا سمعت انو محمد عمر الفكي بسال عن نفيسة وعاوز يقترن بيها

الخبرية دي صحي ؟


شلاقة نفيسة اللي بدل تدافع عن سمعة قطر بقت تدافع عن سمعته

نعلم جميعا ، ان الكتابة في المنبر الحر ، قد وصلت من بعض اعضاءها الي درك سحيق من اللغة البذيئة ، واصبح المنبر مجالا لتصفية النزاعات الشخصية ، وذلك باستخدام اقبح الكلمات ، واصبح ليس هناك تقديرا لشرف او عرض ، متجاوزين بذلك كل الاعراف والتقاليد السودانية ، واصبح الخلاف في الآراء يفسد للود الف قضية ، عليه نحن الموقعون ادناه ، ننلتزم ونتعهد بالآتي :

* نعتذر لكل من تسببنا له فى اذي او اساءه عن قصد او من غير قصد

* نلتزم بالتدخل الايجابى فى اى بوست ينحرف مساره نحو الاساءات الشخصية واللغه المرفوضة

* نلتزم بمقاطعة اي بوست يتناول اساءة جارحة لاي عضو في المنبر

* نلتزم بعدم استخدام الماسنجر في تبادل اي نوع من انواع الاساءات

* نقر ونلتزم باتباع اسس الحوار الهادي والعقلاني .

* نطالب بتفعيل قوانين المنبر لايقاف اي عبث او اساءة

* نقر باحترامنا لتقاليدنا السودانية ، وخاصة المتعلقة بشرف المرأة وعرضها ، ونعتبره خط احمر لا يجوز ان ينتهك .

* نقر بان حرية الكتابة في المنبر حق مطلق لنا ، وان حريتنا تقف فجأة عندما تتقاطع مع حرية الآخرين .

* نقر بان لا نرد لاي من اساء الينا ، ونترفع عن الخوض في السجالات الشخصية (مع احتفاظنا بالحق في مطالبة صاحب البورد بمعاقبة من يسئ الينا.


اى اضافة تانية يا جماعه على مقترح معتصم ؟؟؟

Quote: ولمساعدة الاخ بكرى فى ذلك اقترح ان تشكل لجنة بمعرفة الاخ بكرى لمتابعة البوستات المبتذله..

الاخت رندا
كانت هناك الكثير من المحاولات من قبل لعمل ادارة منتخبه من الاعضاء لمساعدة الاخ بكري من قبل كما ذكر الاخ معتصم (رقم صفر) فقد كانت هناك من قبل ادارة برئاسة الاخ هشام (يازول يازول) ولكنها فشلت واخر ادارة لهذا البورد كانت برئاسة الاخ عادل عبد العاطي ولكن صدقيني وده من التجارب الماضيه اؤكد لك بان موضوع لجان وتكوين ادراة للبورد اثبتت فشلا زريعا وسببت الكثير من المشاكل , وكما ذكر الاخ عبدالمنعم البورد ده بيعبر عن حالنا وواقعنا فلا مواثيق ولا ادارات ستنفع هنا واتمني من اعضاء الادارات القديمة ان يتداخلوا هنا ويكتبوا عن تلك الفترة والمشاكل التي واجهتهم حتي يستفيد منها الاعضاء .
ولكني افضل في الاخر ان يبقي الحال كما هو الان

Quote: يا دينا سمعت انو محمد عمر الفكي بسال عن نفيسة وعاوز يقترن بيها الخبرية دي صحي ؟ شلاقة نفيسة اللي بدل تدافع عن سمعة قطر بقت تدافع عن سمعته

لو اقترن بي نفيسة يا منعم ، الا يعمل فيها قصة جزار الاسكندرية ، يازول محمد عمر قال الدم لا يغسله الا الدم ....

طبعا الدم ده دم الذبح ما دم تاااني مش ؟

الجدير بالذكر ان امريكا رفضت التوقيع علي قانون المحكمة الدولية رغم

ديمقراطيتها وليبراليتها .



وشكرا


منعم ما زول الشبق

Quote: فقد كانت هناك من قبل ادارة برئاسة الاخ هشام (يازول يازول)

اها نبقا لجنس المحن دي لجنة رئيسها بوستاتو كلها عرايا ومجانيين




_____

شكرا بخاف ع التثنية

Quote: ومن المؤسف ان الذين يقومون بالابتذال انفسهم يمثلون دور النصح هل هذا اللعب علي العقول اوازدواج الشخصيه او ادعاء الغباء ولا هذه محاوله مدروسه لتطفيش الاقلام المنيره

بت الاسيد
الله يخضر ضراعك..
اكثر الناس تنظيرا في موضوع الاخلاق وضبت المنبر هم
اكثر الناس في توزيع الاساءات المجانية وتبخيس الانجازات..
عشان كدا انا مسمية المنبر
منفصموناونلاين..

لعبة اشانة السمعة وتاليفالقصص دي بتقوم بيها جماعة هنا
عشان تطفش النساء الظلاميات اولا..
واكثر اشانة سمعة كتبت هنا تحسب على المعسكر الاخر..
الاسمهم المستيرين لو وقفو البورد بتصلح..
وديل كلهم ما من المؤسسين.. ناس جداد جو
عايزين يطردو جدادة البيت..
اولا الخطوات يتهمو الزول البختلف معاهم في الراي انه كوز
بعداك ينشروا الاشاعة بعداك يهجمو..

Quote: اولا الخطوات يتهمو الزول البختلف معاهم في الراي انه كوز

دكتورة بيان

تحياتي

والله فعلا اكبر اساءة ممكن الزول يكون كوز
ارجو وضع كلمة كوز ضمن الكلمات المسيئة


مودتي

منعم


التعديل لزوم كتابة كوز بدلا عن زول

يا محمد والله انا ما متصور يمكن يجي يوم زول يقول لي الكلام ده وللا اقولو لزول مهما اختلفت معاه :


(حذفت بناء ع حديث ابوالريش)
لا حول ولا قوة الا بالله

رندا اختي ارتاحي يااااي العينة دي قليلة ادب وما عندها اخلاق ونتيجة حتمية

للمشروع الحضاري السوداني وتشكيل المجتمع .


و عاااااشت الااااااامه السوووودانية

اخت رنده
ان اتفق معك في كل الطرحده
لكن للاسف البوست بتاعك ده زاتوا
جرجر ناس تصفية الحسابات
واوقع علي الشروط اعلاها

الأخ منعم ....

كُتب هذا البوست كمحاولة لإيقاف الألفاظ غير اللائقة .... ومعروف ماذا تعني كلمة (غير لائقة) ... فلا حاجة لإدراجها هنا، ولا نحتاج لأمثلة لها .....

أرجو شاكراً .. وباسم الجميع حذف هذه المداخلة

مع احترامي

Quote: يازول محمد عمر قال الدم لا يغسله الا الدم ....

قول ليهو احسن الذبح

محتاجين لنفيسي

______

والله ود الفكي ده من ما بقا شيعي وهو قاعد يفتش في دم الحسين والمعلومات اللي

عندة تقول انو ممكن يتوصل لقتلة الحسين بدولة قطر وبمعرفة بدرالدين الامير

اخت رنده
ان اتفق معك في كل الطرحده
لكن للاسف البوست بتاعك ده زاتوا
جرجر ناس تصفية الحسابات
واوقع علي الشروط اعلاها