Post: #43
Title: Re: يا ناس مسقط طمنونا
Author: abubakr
Date: 06-05-2007, 06:04 PM
Parent: #42
لمتابعة تحرك الاعصار هنا:
Post: #47
Title: Re: يا ناس مسقط طمنونا
Author: maia
Date: 06-05-2007, 06:34 PM
Parent: #1
عشوشة الحبيبة
سبقتيني ايتها الجميلة عشة بت فاطنة دخلت في اللحظة دي اسال عليكي وعلى العزيزات الهام وسومة فوجدت مداخلتك الجميلة ربنا يسلمكم يا ستي جميعا من كل شر ومكروه ويسلم مسقط وعمان الحبيبة واهلها الطيبين من كل شر وسؤالي عن الاخوان الافاضل الرحمابي واسرته ، ياسر حنا واسرته لعلهم جميعا بالف خير الاخوان محمد المرتضى حامد وود عكر دعواتنا معاكم وانشالله يمر الليل هاديء بدون قلق وتجدوا الصباح وقد مر بسلام
تسلموا كلكم وربنا يطمنكم قادر يا كريم
|
Post: #49
Title: Re: يا ناس مسقط طمنونا
Author: سمية الحسن طلحة
Date: 06-05-2007, 07:41 PM
Parent: #47
ميا الحبيبة يسأل منك الخير والنعيم المقيم شعورنا بوجودكم إلى جانبنا يمنحنا الأمان رغم خطورة الوضع أحب أطمئنك والأخوة الكرام ألآتخافوا علينا مسقط فيها ناس زى جبالا بتقلوها غايتو يا د. أحمد القرشى أنا آمنت ووحدت ياود الصالحين تلحقونا وتفزعونا..
إمعانا فى الإنتماء السودانى القح ( المناكفات ) حتى فى بيت البكاء :ـ شكرا لكل من سأل هنا أو فكر فى الإتصال بنا لكن فى بعض الناس هناإتغابوا فينا العرفة عدييل ! لكم منى كل الود
|
Post: #53
Title: Re: يا ناس مسقط طمنونا
Author: فضيلي جماع
Date: 06-05-2007, 09:00 PM
Parent: #49
Quote: إمعانا فى الإنتماء السودانى القح ( المناكفات )حتى فى بيت البكاء :ـ شكرا لكل من سأل هنا أو فكر فى الإتصال بنالكن فى بعض الناس هناإتغابوا فينا العرفة عدييل ! |
يا ملكة، بقينا كل واحد فينا يهبش راسو ويقول: يا ربي الملكة دي قاصداني أنا ولا قاصدة ناس تانيين غيري؟ على كل حال - وإبعاد للتهمة وهروب من المكاواة حتى في بيت البكا أقول ليك سألنا واستفسرنا منك ومن اخونا الزبير و(البذورة)!! وللتوثيق شوفي أول بوست الأخت الرقيقة مايا..دا طبعا لزوم الخروج من المكاواة حتى في بيت البكا (وش حيران ومكرضم) !!
سلمكم الله يا أهل مسقط الأوفياء..ومش راح نشعر بالإطمئنان إلا لامن الجن الأحمر يفوت.
|
Post: #50
Title: Re: يا ناس مسقط طمنونا
Author: abubakr
Date: 06-05-2007, 08:27 PM
Parent: #1
Quote: لكن فى بعض الناس هناإتغابوا فينا العرفة عدييل ! |
اكييد مش انا .. اها مساهر الليل وبتابع تحركات الاعصار واهو الموية ارتفعت في شاطئ القرم وساحل العذيبة واوع يكون العرريب ودشيقوق بتفسح ع الشاطئ اصلو هو عندو عقدة من الجفاف من زمن النهر الجاف عشان كدة بيحب يتمخطر علي الشاطئ ...؟ ------------- حاشية: ياعرريب ودشيقوق :اها البوست دة بتاع واحدة رطاني قريبتي بشان تعرف ما في زولا جايب خبرك غيرنا الرطاني
|
Post: #51
Title: Re: يا ناس مسقط طمنونا
Author: سمية الحسن طلحة
Date: 06-05-2007, 08:50 PM
Parent: #50
لالا حاشاك يا أبوبكر ديل ناس أول حرف فى إسمن فوازير وغلوتيات تسلم ويسلموا كل الرطانة
|
Post: #52
Title: Re: يا ناس مسقط طمنونا
Author: maia
Date: 06-05-2007, 08:58 PM
Parent: #1
العزيزة سمية ربنا يسلمكم جميعا ما قلتي الا الحق فمسقط طيبة باهلها وناسها ورغم انتمائي ليها بحكم عدد السنوات العشت فيها ووجود جزء من اسرتي فيها لكن بالنسبة لي كل من يعيش فيها فهو جزء من اهلي اسال الله ان يسلمكم ويحميكم ما تتخيلي الواحد رغم البعد خاتين يدنا على قلبنا وقعدين في انتظار ان يصبح الصباح ونلقا الاعصار ده كلو مجرد سحابة وعدت ودعواتنا ليكم مستمرة تخريمة واجبة في عز الازمة دي: ياخي شرطة عمان السلطانية ديل عفيت منهم ، باسطني بسطة ما عادية
وتسلم عمان كلها من كل شر لكي ودي
قريبنا العزيز ابوبكر هكرفيجلو تسلم يا سيدي وانشالله الاعصار ده يمر بعيد منكم والرطانة ديل الله يديهم العافية
لك الود
|
Post: #54
Title: Re: يا ناس مسقط طمنونا
Author: فيصل نوبي
Date: 06-05-2007, 09:04 PM
Parent: #1
عذرا مايا لم اري هذا البوست
و كتبت بوست جديد
و ربنا يكتب سلامة اهل مسقط
و الامارات الشرقية.
|
Post: #57
Title: Re: يا ناس مسقط طمنونا
Author: maia
Date: 06-05-2007, 09:23 PM
Parent: #1
اخي الكريم فيصل نوبي
تسلم اخي ودعواتنا ليكم برضوانه يمر بعيد منكم لا عليك اخي، اكيد الناس كلها قلقانة وعاوزة تطمئن ربنا يطمن اهل مسقط وعمان الكرام ويطمنكم جميعا
الاعزاء الكرام اسماعيل عباس منال عوض خوجلي طارق الامين نهال الطيب
تسلموا من كل شر ودعواتكم معانا لناس عمان وانشالله ربنا يلطف بيهم
كل الاحبة في هذا البوست دعواتكم ربنا يمرر الليل ده علي عمان بسلام اسال الله لهذا البلد ولاهلها ان يجنبهم عواقب هذا الاعصار
استاذنا فضيلي جماع اكيد بدعائكم الطيب ربنا سيلطف بهذه البلد الطيبة واللي كل من عاش فيها بيحس انها جزء منه الاخ العزيز تمبس تسلم انشالله ، بس عارف المشكلة مش بس في وجود اهلك هناك ولكن فكرة الانتماء ليها بحكم سنوات طويلة من الاقامة فيها بتخلي الواحد يشيل هم البلد ذاتها في عضمها ربنا يسلم بس غايتو اخر الاخبار بتشير لانه على وشك ان يضرب صور خلال الساعات الجاية مع توقع ان يضرب مسقط بكرة وانشالله كل التوقعات دي ما تصدق بس نقول يارب
|
Post: #58
Title: Re: يا ناس مسقط طمنونا
Author: Sawsan Ahmed
Date: 06-05-2007, 09:31 PM
Parent: #57
ربنا يغطي عليكم....قلوبنا معاكم وماتشوفو شر
|
Post: #59
Title: Re: يا ناس مسقط طمنونا
Author: عبد المنعم ابراهيم الحاج
Date: 06-06-2007, 00:41 AM
Parent: #58
الوضع كيف
يا أحباب
http://arabic.cnn.com/2007/scitech/6/5/oman.jono/
((وتشير المعلومات الاخيرة الصادرة عن إدارة العلاقات العامة بشرطة عمان، وفقا لوكالة الأنباء العمانية، إلى دخول مياه البحر إلى بعض منازل السكان فى منطقة رأس الحد بالمنطقة الشرقية وفيضان بعض الأودية فيما انقطع التيار الكهربائي والاتصالات فى بعض المناطق بصور.
واتخذت السلطات على سبيل الاحتراز قرارا بغلق مصنع الغاز المسال ومصنع الاسمدة بالمنطقة ذاتها.
وفى محافظة مسقط أشارت المعلومات إلى ارتفاع أمواج البحر فى منطقة شاطىء القرم وعلى طول الساحل باتجاه ساحل العذيبة والسيب وكذلك فى ولاية قريات مما أدى إلى دخول مياه البحر فى اليابسة فى منطقة الحاجر لمسافة تقدر بنحو300 متر، وكذلك بمنطقة دبا .
وقالت الوكالة إنّ آخر صور التوابع الاصطناعية تشير إلى أنّ كتلة السحب المصاحبة للإعصارمستمرة فى التأثير بامطار غزيرة وأمواج عالية جدا ورياح شديدة على سواحل المنطقة.
كما يؤثر على منطقتي الظاهرة والداخلية ومحافظة البريمي المجاورة لإمارة العين في دولة الإمارات العربية المتحدة، حيث من المتوقع أن تشهد هذه المناطق فيضانات وحركات مدّ بحري.
وأعدّت السلطات العُمانية على الفور خططا للإجلاء في المناطق المهددة لنقلهم إلى مناطق أكثر سلامة، وقالت وكالة الأنباء إنّ الخطة تتضمن أيضا توفير المؤن الكافية لإعالة المتضررين والذين سيتم نقلهم من أماكن إقامتهم.
وحتى مساء الاثنين، تم بواسطة أجهزة الأمن الداخلية والدفاع المدني نقل ما لا يقلّ عن 7000 شخص، ولاسيما من جزيرة مسيرة، وفقا لمسؤول في الداخلية العُمانية.
وتتوقع السلطات أن يضرب الإعصار كل السواحل، بما فيها ساحل جزيرة مسندم، التي تقع في مضيق هرمز، الذي يشكّل مدخل الخليج، ويؤمن مرور ربع صادرات النفط العالمية.
وفي الدول المجاورة، وفيما قللت كل من المملكة العربية السعودية، والإمارات العربية المتحدة من آثار الإعصار، روى شهود عيان لـCNN بالعربية الثلاثاء، أنّه لم يسبق لهم أن شاهدوا ارتفاعا في أمواج البحر بإمارة الفجيرة، القريبة من عُمان، بمثل ما رأوه.
وقال شاهد عيان، في اتصال هاتفي، إنّ الأمواج عاتية والبحر هائج بكيفية وقف معها المئات قبالته لالتقاط صور.
وأوضح أنّ فرق الدفاع المدني في الفجيرة قامت بإعداد سواتر ترابية كبيرة وأنفاق للحدّ من تقدم موجات المدّ.
وفي اليمن، قالت وكالة الأنباء اليمنية الرسمية، إنّ السلطات نشرت فرقا للدفاع المدني في المناطق الساحلية تحسبا لكلّ أضرار محتملة.
وتأثرت أسعار النفط بأنباء الإعصار حيث شهدت ارتفاعا خشية تأثر الإمدادات))
|
Post: #60
Title: Re: يا ناس مسقط طمنونا
Author: abubakr
Date: 06-06-2007, 03:20 AM
Parent: #1
Quote: تسلم يا سيدي وانشالله الاعصار ده يمر بعيد منكم والرطانة ديل الله يديهم العافية |
يامايا ..الله يخليكي اعاصيير كتيرة بتمر والحافظ الله والرطانة من اعصار الي اخر واهو الحمدلله
|
Post: #61
Title: Re: يا ناس مسقط طمنونا
Author: abubakr
Date: 06-06-2007, 03:23 AM
Parent: #1
Quote: ديل ناس أول حرف فى إسمن فوازير وغلوتيات |
يالملكة اها نقابلم في رمضان
الاعصار اليوم انشاء الله بيفوت من عندكم ..اصلو كان معزوم حفلة مع ودشيقوق
|
Post: #62
Title: Re: يا ناس مسقط طمنونا
Author: Elmosley
Date: 06-06-2007, 03:28 AM
Parent: #61
ومعاكم فكي كبير برغم انو فنان وكده بقلبه وعقله وتمنياته
|
Post: #63
Title: Re: يا ناس مسقط طمنونا
Author: abas
Date: 06-06-2007, 04:48 AM
Parent: #1
سلام يا اخوانا
امس بالجد كان يوم عصيب علينا
انا شخصيا سفرت اولادي العين
لاني رجعت البيت لقيت الوضع عصيب
قررت طوالي اوديهم الربع الخالي في العين يعني لو وصل هناك مع الصحراء دي يطلع نفسو مقطوع
|
Post: #64
Title: Re: يا ناس مسقط طمنونا
Author: الفاتح يسن
Date: 06-06-2007, 05:03 AM
Parent: #63
مايا ومنار مسكاقجلو طمنونا
|
Post: #65
Title: Re: يا ناس مسقط طمنونا
Author: محمد أبوالعزائم أبوالريش
Date: 06-06-2007, 05:36 AM
Parent: #1
Quote: ديل ناس أول حرف فى إسمن فوازير وغلوتيات |
أممممممممممممك ..... طرف السوط لحقني .... لأ .. لأ .. ده قصدني عديل كدة.
بت البادية والله ما نسيتك ولا اتغابيت العرفة .. ولو سألتي الحولك كل أهل سلطنة عمان أخواني وأحبابي، خاصة بعد السنوات العشتها في مسقط وحفظت (دواعيسها) وحجارها(أسألي محمد المرتضى وفضيلي)، وخاصة وإنة شقيقي (السني) بينكم. يعني أنا من أمس بيمر بخيالي شريط تجولت عبره في الوادي الكبير - روي - مطرح - مسقط - مروراً بالخوير وغلا إلى الحيل والسيب - بركا وحتى صور، وأوغلت في ساحل الباطنة، ثم عكفت على عمان الداخل وصور و ...... صدقيني كل المناطق دي لي فيها أخوة وأحباب، فلا تعتبي إذا لم أخصص، وكلكم في القلب.
ربنا يحفظكم.
|
Post: #66
Title: Re: يا ناس مسقط طمنونا
Author: Mohamad Shamseldin
Date: 06-06-2007, 05:52 AM
Parent: #65
ناس مسقط نسال الله لكم الحفظ قلوبنا معكم - عين على التلفزيون - النت و التلفون
نسال الله لكم السلامة
محمد عبدالرحمن شمس الدين + صفاء محمد احمد الامين
|
Post: #67
Title: Re: يا ناس مسقط طمنونا
Author: maia
Date: 06-06-2007, 07:19 AM
Parent: #1
الاخوان الاعزاء سوسن احمد عبدالمنعم ابراهيم
ابوبكر
الموصلي
الفاتح يسن
عباس
محمد ابو العزايم
محمد شمس الدين
زي ما بيقولوا اهلنا نوركا دوموس ( ماسكين في حبال الله) ربنا يحفظ الجميع الوضع في مسقط مقلق بالفعل امطار شديدة منذ الرابعة فجرا مع رياح الاعصار ضرب منطقة صور ليلا وانقطع التيار الكهربائي والاتصال ويتوقع ان يصل مسقط ظهرا
دعواتكم جميعنا يضع يده على قلبه فليسلم الله الجميع
وكل من يعرف حاجة يمدنا بالاخبار
ناس مسقط ما ظاهرين تمنياتي ان يكونوا قضوا ليلة هادئة رغم الامطار
|
Post: #68
Title: Re: يا ناس مسقط طمنونا
Author: محمد المرتضى حامد
Date: 06-06-2007, 08:46 AM
Parent: #67
مايا صباح الخير، أهو زي ما شايفا أمطار عنيفه ورياح قوية اقتلعت أشجار من حولنا وسمعت عن انقطاع الطرق بسبب انهيارات جوار وادي عدي وجريان الأودية بالقرم. لاحظي دي مقدمات بس . بسبب قربي من البحر فهدير أمواجه مسموع بشكل واضح . بالطبع الوضع خطير لكن الله معنا. دعواتكم.
|
Post: #70
Title: Re: يا ناس مسقط طمنونا
Author: maia
Date: 06-06-2007, 09:12 AM
Parent: #68
استاذنا محمد المرتضى
كل الدعوات المتواصلة معكم ربنا يلطف ويستر ويجيب العواقب سليمة
متابعين معاكم لحظة بلحظة
تسلم استاذنا وتحياتي لاسرتك الكريمة
وربنا يسلمكم جميعا
|
Post: #69
Title: Re: يا ناس مسقط طمنونا
Author: Ishraga Haimoura
Date: 06-06-2007, 08:59 AM
Parent: #1
بورداب مسقط
ربنا يحفظكم ويحميكم طمنونا عليكم بالله إن شاء الله تلفوناتكم شغالة؟؟؟
ربنا يجيب العواقب سليمة
|
Post: #71
Title: Re: يا ناس مسقط طمنونا
Author: محمد أبوالعزائم أبوالريش
Date: 06-06-2007, 09:16 AM
Parent: #1
في اتصال سريع بشقيقي الموجود في مسقط (الحمد لله لسة التلفونات شغالة) أفاد هطول الأمطار بغزارة، ورياح آخذة في الإشتداد. يعني أثناء كلامه معاي قال: (أمك ... طبق طاير) طبعاً المقصود طبق لاقط بتاع التلفزيون مش غزاة من الفضاء!! .... شر البلية ما يضحك مش كدة؟ ....... ربنا يحفظكم جميعاً
|
Post: #74
Title: Re: يا ناس مسقط طمنونا
Author: فرح
Date: 06-06-2007, 10:13 AM
Parent: #72
ياناس مسقط عندي صاحبي اسمو ايهاب اسماعيل شغال فى شركة الروابي بحاول اتصل بيهو تلفونو ما بجي معاي البيعرفوا منكم يطمني عليهو؟؟؟؟
|
Post: #73
Title: Re: يا ناس مسقط طمنونا
Author: maia
Date: 06-06-2007, 10:09 AM
Parent: #1
شكرا الاخ ابو العزايم
الحالة فعلا صعبة
بس نقول يا الله يا لطيف
وينكم يا ناس مسقط طمنونا
|
Post: #75
Title: Re: يا ناس مسقط طمنونا
Author: maia
Date: 06-06-2007, 10:29 AM
Parent: #1
يا جماعة قالوا القرم اضربت شديد
افيدونا بالحاصل
المنظر الفي التلفزيون كعب شديد ومقلق خالص
|
Post: #76
Title: Re: يا ناس مسقط طمنونا
Author: abubakr
Date: 06-06-2007, 10:38 AM
Parent: #75
اتصالنا مستمر وقبل ثواني اتصلت بالطيب شيقوق والامور لا تنبئ بغير الذي في التلفزيون علي الساحل .. السالب الوحيد هو انقطاع في الاتصالات (النت ) والتلفزيون اما الموبايل فيعمل ... الجميع داخل منازلها والسلطات اعطت الجميع اجازة حتي السبت وبالتالي الجميع في امان والحافظ الله
|
Post: #77
Title: Re: يا ناس مسقط طمنونا
Author: فيصل نوبي
Date: 06-06-2007, 10:39 AM
Parent: #76
الفجيرة ضربة خفيفة
عذرا للتعديل من الشارقة الي الفجيرة.
|
Post: #78
Title: Re: يا ناس مسقط طمنونا
Author: انعام عبد الحفيظ
Date: 06-06-2007, 10:45 AM
Parent: #1
طمنونا عليكم
|
Post: #79
Title: Re: يا ناس مسقط طمنونا
Author: maia
Date: 06-06-2007, 11:02 AM
Parent: #1
اللهم طمنا عليهم جميعا
اللهم نسالك اللطف فيما تجري به المقادير
يارب يا كريم تولهم برحمتك
|
Post: #83
Title: Re: يا ناس مسقط طمنونا
Author: فضيلي جماع
Date: 06-06-2007, 11:34 AM
Parent: #79
العزيزة مايا وكل المتداخلين
من الصباح وأنا من لندن حايم بالتلفون على الأهل والمعارف والأصدقاء في مسقط. أروع ما قام به هذا البلد العظيم أنه -وهو من بلاد العالم الثالث- تفوق من حيث الإحتياط والإستعداد لهذه الكارثة االطبيعية بصورة متقدمة وحضارية على دول عظمى. ولعل من المفرح أن تتفوق سلطنة عمان على أمريكا من حيث التحوط بكل ما عند أمريكا من تفوق في التقنية. فالإعصار الحالي لا يقل في حجمه عن كاتريناالذي حول مدن ساحلية امريكية إلى أثر..لكن الإخوة العمانيين أثبتوا عمليا أن نجاح الأمم بكمية الوعي الشعبي وتكاتف قياداتها مع شعوبها وتسخير إمكاناتها لخدمة شعوبها.
منطقة السي سي في القرم هي الأكثر تضررا في مسقط. المياه الجارية من الوادي إلى البحر ترتد لدى اصطدامها بمياه البحر الذي بلغ ارتفاع الموج فيه في شاطيء القرم حوالي عشرة امتار. بعض سكان شقق الدور الأرضي في عمارات منطقة السي سي في القرم انضموا إلى جيرانهم في الدور العليا.
من الذين اتصلت بهم الملكة سمية بت طلحة والأخ الزبير الطيب ..بشكروكم بشدة على سؤالكم عنهم وبطمنوكم ..حاولت ودالمرتضى وسيد عيسى وود شيقوق ..التلفونات المحمولة شغالة لكن مرات الشبكة ما بتوصل.
عموما الحال مطمئن..ويمكن في ساعات تقل آثار إعصار جونو ويبدا الحال تدريجيا في التحسن.
|
Post: #80
Title: Re: يا ناس مسقط طمنونا
Author: محمد أبوالعزائم أبوالريش
Date: 06-06-2007, 11:07 AM
Parent: #1
لا يزال الحال على ما هو .. وحسب التلفزيون العماني، فإن شدة الرياح كانت أكثر من المتوقع، ومدينة صحار بساحل الباطنة تعيش حالة حرجة.
حفظهم الله جميعاً
|
Post: #81
Title: Re: يا ناس مسقط طمنونا
Author: محمد عمر الفكي
Date: 06-06-2007, 11:15 AM
Parent: #80
في خبر عاجل انقطاع بث التلفزيون العماني علي الانترنت ولا اعرف عن بثه علي الاقمار الصناعية
|
Post: #82
Title: Re: يا ناس مسقط طمنونا
Author: محمد أبوالعزائم أبوالريش
Date: 06-06-2007, 11:21 AM
Parent: #1
الأخ محمد عمر
توقف البث فترة بسيطة ... وعاد مرة أخرى، ونشاهده الآن بوضوح
لا نملك سوى المتابعة والدعاء
|
Post: #84
Title: Re: يا ناس مسقط طمنونا
Author: abas
Date: 06-06-2007, 11:38 AM
Parent: #82
الحبيب ابو العزائم
والله انا اسي بفتش في طريقة اعرجع بيها بيتي
نحنا في كلباء والوضع صعب والطرق كلها مقفله
|
Post: #85
Title: Re: يا ناس مسقط طمنونا
Author: maia
Date: 06-06-2007, 11:42 AM
Parent: #1
الاخ عمر
البث موجود اتابع الان على النت تلفزيون عمان
لا نملك الا الدعاء والابتهال الى الله بان يفيض برحمته على الجميع
منطقة القرم تغطت بالمياه
نسال الله السلامة والامان لهم جميعا
|
Post: #86
Title: Re: يا ناس مسقط طمنونا
Author: فضيلي جماع
Date: 06-06-2007, 12:02 PM
Parent: #85
الأخت مايا والإخوة المتداخلون
وضعت سماعة الهاتف قبل قليل حيث كنت في حكي مع شيخ العرب الطيب شيقوق. بقول النت رجع وقرا كل كلام كتبتوه وراح يطمنكم على الحال..لسانو يلهج بالشكر مثل كل ناس مسقط على وقفة الأصدقاء معهم. وبقول الحال مطمئنة والإحتياطات كانت ممتازة. وطبعا سعيد إنو اتصلوا بيه الإخوة المهندس ابوبكر (الرطان) والأستاذ فاروق للإطمئنان عليه.
النت والبث التلفزيوني العماني المحلي رجع قبل شوية. لم تسجل حادثة وفاة حتى الآن وهذا شيء يجعلنا نطمئن اكثر. الساعات القليلة القادمة قد تشهد العد التنازلي لسير الإعصار وبالتالي لارتفاع امواج البحر.. ندعو الله أن يعجل بكشف هذا البلاء.
|
Post: #87
Title: Re: يا ناس مسقط طمنونا
Author: ismeil abbas
Date: 06-06-2007, 12:03 PM
Parent: #1
ألأحت /مايا
لكى التحية
وشكرآ لكل من ساهم ليطمنا غلى أهلنا وأخوانا هتاك
وألأخت سمية بت الحسن طلحة كيف حالك وبقية ألأخوان وألأخوات
لكم التحية جميعآ
أخى فضيلى جماع......لم أقصد الذى بدر على ذهنك.راجع بداية البوست قد تعرف...ولا أحب أن أذكر شخص بعينه.
لكم جميعآ ودى
إسماعيل محمد أحمد عباس...............
|
Post: #89
Title: Re: يا ناس مسقط طمنونا
Author: فضيلي جماع
Date: 06-06-2007, 12:42 PM
Parent: #87
أخي اسماعيل عباس
أبشر بالخير..صدقني أنا نفسي ما متذكر قلت شنو. كل ما في الأمر بنحاول نلطف الجو ويكون الدم خفيف حبة في الظرف الصعب دا. ربنا يحفظ أحبابنا كلهم في سلطنة عمان ويحفظ أهل ذلك البلد الطيب.
كن بخير يا صديقي .
|
Post: #88
Title: Re: يا ناس مسقط طمنونا
Author: محمد أبوالعزائم أبوالريش
Date: 06-06-2007, 12:37 PM
Parent: #1
يا سلام يا فضيلي .. كلامك مطمئن .. ربنا يخفف عليهم
|
Post: #90
Title: Re: يا ناس مسقط طمنونا
Author: maia
Date: 06-06-2007, 12:45 PM
Parent: #1
الاعزاء
استاذنا فضيلي جماع الاخت اشراقة حيمورة والاخوان الكرام محمد ابو العزايم محمد عمر عباس اسماعيل عباس
ربنا يطمن الجميع وتهدأ الاحوال
حسب اتصالي مع مسقط قبل لحظات المياه غمرت معظم المدينة وربنا يستر ويجيب العواقب سليمة
تسلموا جميعكم
|
Post: #91
Title: Re: يا ناس مسقط طمنونا
Author: محمد المرتضى حامد
Date: 06-06-2007, 01:22 PM
Parent: #90
بالله يا ناس برّه الحاصل شنو؟ التلفزيونات هنا توقفت. وفقا لمدير العلاقات بالشرطةالموقف في تحسن والإعصار سيتجه نحو الباطنه متسببا في مد بحري عال ويجري الآن إخلاء كل ولاية شناص. المشكلة الحالية أنه لاتوجد شوارع بمسقط بل بحيرات ووديان جارية و وهناك انهيارات أرضية وان الدفاع المدني سيستخدم الزوارق في عملياته. ستخف قوة الإعصار بعد 24 ساعة كما يذاع حاليا في الراديو. دعواتكم. كل الإخوة السودانيين بخير ويتواصلون هاتفيا .
|
Post: #92
Title: Re: يا ناس مسقط طمنونا
Author: محمد أبوالعزائم أبوالريش
Date: 06-06-2007, 02:05 PM
Parent: #1
Quote: بالله يا ناس برّه الحاصل شنو؟ |
مرتضى إنت بتستهبل والا شنو؟ نحن من قبيل منتظرين واحد منكم يطل ويورينا الحاصل.
تحياتي للأسرة الكريمة .... وربنا يحفظكم جميعاً
|
Post: #93
Title: Re: يا ناس مسقط طمنونا
Author: Mohamad Shamseldin
Date: 06-06-2007, 02:21 PM
Parent: #92
محمد المرتضى
Quote: التلفزيونات هنا توقفت.
|
اشاهد التلفزيون العمانى حاليا وانا فى امريكا لكم السلامة
|
Post: #94
Title: Re: يا ناس مسقط طمنونا
Author: Mohamad Shamseldin
Date: 06-06-2007, 03:05 PM
Parent: #93
حسب التلفزيون العمانى بعض انقطاعات للكهرباء فى القريات - محافظة مسقط - القرم (اجزاء بسيطة) المياه تدخل بعض المنازل فى العذيبة لا يزال الاعصار فى مسقط
|
Post: #95
Title: Re: يا ناس مسقط طمنونا
Author: Mohamad Shamseldin
Date: 06-06-2007, 04:22 PM
Parent: #94
وينكم ناس مسقط
تلفونات مسقط موبايل و ارضى لا تجمع معى طمننونا
|
Post: #96
Title: Re: يا ناس مسقط طمنونا
Author: Mohamad Shamseldin
Date: 06-06-2007, 04:22 PM
Parent: #94
وينكم ناس مسقط
تلفونات مسقط موبايل و ارضى لا تجمع معى طمننونا
|
Post: #97
Title: Re: يا ناس مسقط طمنونا
Author: maia
Date: 06-06-2007, 04:33 PM
Parent: #1
استاذنا محمد المرتضى
دعواتنا الوضع يكون هدأ شوية والرياح الشديدة خفت
مع انه اخر حاجة جا واحد من ناس الارصاد وقال انه مسقط ما زالت تحت سيطرة الاعصار وتحذير لسكان الغبرة والعذيبة انه الموية دخلت البيوت !!
والمؤسف قالوا انه منطقة مركز القرم سي سي والمراكز التجارية الحوله ومركز الشرطة وحديقة القرم تغطت تماما بالمياه ندعو الله ان يزيح الغمة عنكم وعن عمان الطيبة
|
Post: #98
Title: Re: يا ناس مسقط طمنونا
Author: محمد المرتضى حامد
Date: 06-06-2007, 04:47 PM
Parent: #97
الأخ محمد شمس الدين، الكهرباء في تقطع. لا أعرف ما يجري بالخارج لكن منزلي انهارت جرانه والمياه غمرت الطابق الأرضي وفي كل منطقة الغبره والعذيبة. السيول الجارفة تهدر بالخارج والظلام يعم الخارج والأمطار العنيفة مستمرة ، ،حن نتجمع في الطابق الثاني ولاندري اذا وصلته المياه سنذهب للسطوح وبعدها لاندري. الوضع بجد خطر ومحرج . لك مودتي وسلامي للأخت صفاء. دعواتكم
|
Post: #99
Title: Re: يا ناس مسقط طمنونا
Author: عبد المنعم ابراهيم الحاج
Date: 06-06-2007, 05:26 PM
Parent: #98
""لا أعرف ما يجري بالخارج لكن منزلي انهارت جرانه والمياه غمرت الطابق الأرضي وفي كل منطقة الغبره والعذيبة. السيول الجارفة تهدر بالخارج والظلام يعم الخارج والأمطار العنيفة مستمرة ، ،حن نتجمع في الطابق الثاني ولاندري اذا وصلته المياه سنذهب للسطوح وبعدها لاندري. الوضع بجد خطر ومحرج . ""
????
|
Post: #101
Title: Re: يا ناس مسقط طمنونا
Author: عبد المنعم ابراهيم الحاج
Date: 06-06-2007, 05:38 PM
Parent: #99
يامحمد المرتضي
ده وضع خطير وين التحوطات التي قالت عليها..السلطنة
ربنا يستر عليكم..ويحفظكم
|
Post: #106
Title: Re: يا ناس مسقط طمنونا
Author: Mohamad Shamseldin
Date: 06-06-2007, 06:08 PM
Parent: #97
مرتضى نسال الله لكم و الاسرة السلامة يبدو ان الوضع صعب و ربنا يستر من الانهيارات و تبعات الاعصار سمعنا ان الوضع الاسوا مر حسب علمى ان التلفزيون مقطوع عن مسقط و المتاح فقط الراديو اف ام -الشباب
التلفونات جمعت معنا
يبدو ان منطقتكم من المناطق الصعبة (العذيبة) و ان كان فيها مناطق امنة بالاضافة للغبرة و الوطية (تبعد عن البحر و لكن قد يكون جار عليهم الوادى) دعواتنا لكم بالسلامة
|
Post: #100
Title: Re: يا ناس مسقط طمنونا
Author: abubakr
Date: 06-06-2007, 05:38 PM
Parent: #1
الامر يبدو معقدا اكثر حتي مما تصورت السلطات .. ارتفعت مناسيب المياه وكثير من البيوت لا تقدر علي تصريف المياه وبالتالي المياه وصلت الي الطابق الاول ..خط الهاتف لا تعمل بصورة جيدة ...الامر مقلق
|
Post: #102
Title: Re: يا ناس مسقط طمنونا
Author: عبد المنعم ابراهيم الحاج
Date: 06-06-2007, 05:52 PM
Parent: #100
مرتضي جعفر والأسرة..لعلكم بخير
التلفون لا يجمع معنا..
طمنونا عليكم
|
Post: #103
Title: Re: يا ناس مسقط طمنونا
Author: عبدالعظيم عثمان
Date: 06-06-2007, 05:56 PM
Parent: #1
الهم يا مالك الملك يا حي يا قيوم احفظ الجميع سالميين ساعدوهم بالدعاء والاستغفار قلوبنا معكم
|
Post: #104
Title: Re: يا ناس مسقط طمنونا
Author: Omer Abdalla
Date: 06-06-2007, 06:00 PM
Parent: #1
ربنا يلطف بالجميع متابعين معاكم بقلوبنا نسأل الله الا يصيب احدا مكروه شكرا يا مايا عمر
|
Post: #105
Title: Re: يا ناس مسقط طمنونا
Author: abubakr
Date: 06-06-2007, 06:06 PM
Parent: #1
التلفونات الجوالة الموبايل تعمل لكن هنالك ضغط كبير عليها فلذا كل الدوائر مشغولة ..باستمرار المحاولة يمكن ان تجد فرصة للاتصال..انحسر منسوب المياه في مناطق كثيرة والاعصار يتجاوز المناطق الشرقية ويتجه الي الباطنه/البريمي في شمال غرب السلطنة ...اكدت الشرطة انها تسيطر علي الوضع وليس هنالك اي بلاغ عن وفيات والاسوء ثلاث ساعات قد مرت بسلام
|
Post: #107
Title: Re: يا ناس مسقط طمنونا
Author: Elawad
Date: 06-06-2007, 07:14 PM
Parent: #1
نسأل الله أن يحفظ الجميع و أن تمر هذه الشدة عاجلا.
|
Post: #108
Title: Re: يا ناس مسقط طمنونا
Author: عبد المنعم ابراهيم الحاج
Date: 06-06-2007, 07:53 PM
Parent: #107
يامرتضى
انشاء الله الوضع اتحسن
|
Post: #109
Title: Re: يا ناس مسقط طمنونا
Author: maia
Date: 06-06-2007, 09:21 PM
Parent: #1
استاذنا محمد المرتضى
حمدالله على سلامتكم واسرتك الكريمة ، دعواتنا انه الاضرار بالمنزل تكون بسيطة ويمكن معالجتها طمنونا عن احوالكم
قالوا العاصفة بدات في الهدوء وانشالله لغاية بكرة الاحوال تهدأ اكتر وترجع الحياة لطبيعتها
ربنا يسلم الجميع
|
Post: #110
Title: Re: يا ناس مسقط طمنونا
Author: ابو مهند
Date: 06-06-2007, 09:39 PM
Parent: #1
الاخوة المتداخليين سلام
اللهم لا نسألك رد القضاء ولكنا نسألك اللطف فيه بالفعل لقد كنت قلقل على الاخوة في سلطنة عمان عامة واهل مسقط الطيبه خاصة وكنت قد حاولت الاتصال بعدد من الاخوان امس ولم يحالفني الحظ ولكن اليوم اليوم تمكنت من التحدث الى الاخوان طارق الاسد و ابوبكر الصديق وطمئنوني على كل الاخوان والاحباب, بس يابورداب مسقط ياريت تطمئنونا على الاخوان في الصحراء والمناطق الساحليه ناس شركات البترول امثال بدرالدين شنا,ايمن الصادق,مامون غبوش, وكل من لم تسعفني الذاكره باسمائهم. وكذلك ناس غلا المصانع فوق(غلا داخل..)
|
Post: #111
Title: Re: يا ناس مسقط طمنونا
Author: أحمد طراوه
Date: 06-06-2007, 10:48 PM
Parent: #1
... يا محمد ! يقينى انها بسيطة و مقدورة , فانت دوما مُمتحن ! المجد عوفى يا ابو اكرم ! فداكم جميعا مالي و نفسى و القوافيا .. فشلت في الاتصال بالعديدين ! لكن تحدثت مع الشيخ قريب الله و نديم ، و علمت ان زحف جونو المالديفى لم يتجاوز 70 ميل في الساعة ! اتصور هنا يكمن مصدر السلامة .. لانو كما لاحظ غيرى انو كاترينا كان قد تجاوز ال 200 ميل ! الهندي ارحم من الاطلنطى يا ناس مسقط ! وكان الموضوع بقى مطر وغرق فدى برضو مقدورة ، بنقعد ليها ود شيقوق و سبحة بت طلحة : يا رحمن ارحم بي جودك .. دلي الغيث ينزل في بلودك .. و قولة رمضان زايد : بحر ابوروف انا بعدي ! لقيت حيدر حندلة مع الشيخ قريب الله ! آمنت بيك يا حندلة ! الزول دا ظنيتو بطير زي الشيخ الهميم الطيار ! الامن و السلامة لكل ناس الخليج و الامارات و ساحل عمان و بندر عباس و سيد عيسى المابنقاس ..
|
Post: #112
Title: Re: يا ناس مسقط طمنونا
Author: هشام هباني
Date: 06-06-2007, 11:05 PM
Parent: #111
حبيبنا ود المرتضي وشيقوق وكل الحلوين بالسلطنة
حمدا لله ان الامور تسير علي خير...لا تنزعجوا ولا تقلقوا فان رحمة الله وعنايته حتما ستشملكم واصبروا وصابروا..ارسالكم التلفزيوني يعمل جيدا....حاولت الاتصال عليك وعلي الشيخ واحمد هاشم ولكن لم اوفق في ذلك...ولكن ما دام البث التلفزيوني بخير فان الامور ايضا بخير والامور عكس ما كان في التوقعات مجرد زوابع .
هشام
|
Post: #113
Title: Re: يا ناس مسقط طمنونا
Author: محمد أبوالعزائم أبوالريش
Date: 06-06-2007, 11:12 PM
Parent: #1
الأخوة الأعزاء .... تعذّر علي الإتصال منذ الظهر
أرجو تطميننا
|
Post: #114
Title: Re: يا ناس مسقط طمنونا
Author: محمد أبوالعزائم أبوالريش
Date: 06-07-2007, 06:01 AM
Parent: #1
ربنا يجيب العواقب سليمة
|
Post: #115
Title: Re: يا ناس مسقط طمنونا
Author: محمد أبوالعزائم أبوالريش
Date: 06-07-2007, 06:22 AM
Parent: #1
أخيييييراً
تمكنت قبل قليل من الإتصال بمسقط .... الحمد لله .. الحمد لله كثيراً ... هدأت العاصفة واستتبت الأمور
الحالة الآن: توقفت الأمطار ... خفت حدة الرياح وأصبحت في حدود المحتمل ... وانحصرت الخسائر في الأضرار المادية .. والجميع بخير بحمد الله.
|
Post: #116
Title: Re: يا ناس مسقط طمنونا
Author: maia
Date: 06-07-2007, 07:01 AM
Parent: #1
حمد الله على سلامة الجميع وربنا يعوض الناس عن الخسائر الحصلت
مسقط اصابها الدمار بالفعل الذي وصل لكل شيء
منازل الكتير من الاسر السودانية تضررت ده غير الكتير من منازل المواطنين والمرافق العامة والمراكز التجارية والورش
بس لو ممكن يا ناس مسقط تمدوني بتلفون للاعزاء طه والهام حاولت الاتصال بهم امس اكتر من مرة بدون فايدة ، لا احد يرد اتمنى ان يكونوا بخير
لكم العافية دوما
|
Post: #117
Title: Re: يا ناس مسقط طمنونا
Author: محمد أبوالعزائم أبوالريش
Date: 06-10-2007, 06:57 AM
Parent: #1
حمداً لله
إنحصرت الخسائر في خسائر مادية على الصعيد الفردي .. كما لحق دمار شديد بالبنية التحتية، فتقطّعت الطرق وخطوط الهاتف .. والهم الأكبر المياه. فقد أصاب الدمار خطوط المياه، ويعاني أهلنا في عُمان الآن صعوبة في الحصول على المياه.
فقط أرجو مممن يتمكن من الدخول على الإنترنيت من الأخوة في مسقط الإفادة عن صحة خبر غير أكيد سمعته، وهو أن أحد أبناء الجالية السودانية مفقود. فهل هذا الخبر صحيح؟
اللهم لا نسألك رد القضاء .. ولكنا نسألك اللطف فيه
|
Post: #118
Title: Re: يا ناس مسقط طمنونا
Author: محمد أبوالعزائم أبوالريش
Date: 06-10-2007, 08:03 AM
Parent: #1
الأخوة الأعزاء ..
لقد تأكد خبر أن أحد القانونيين المقيمين بسلطنة عُمان ((مفقود))، وهو الأستاذ نابت شيخ الدين
اللهم لا نسألك رد القضاء .. ولكنا نسألك اللطف فيه
|
|