Post: #1
Title: انفلونزا الطيور فى الغنا السودانى
Author: عامر تيتاوى
Date: 02-05-2006, 02:39 PM
ملك الطيور ارقص وسط الرياض نشوان
خللى الزهور تفتح مختلفة الالوان
ارقص وهل فى الكون طائر جميل مثلك بيهو الوجود مفتون
*************
بالله ياالطير المهاجر للوطن زمن الخريف
تطير بسراع وما تضيع زمن اوعك تقيف وتواصل
الليل بالصباح تحت المطر وسط الرياح
************
ياطير ياطاير
من بعيد صوب الغمام
من ربوعى
واحمل الشوق ياحمام
************
ياطير الجنة ياحنين
يامرسال شوقنا لاهلنا
طير بالاشواق رك فى الحنة
قول للبنريدو طولنا
دعوة للجميع لممارسة الطيران فى سماء الاغنية السودانية الطائرية
وللحديث بقية
|
Post: #2
Title: Re: انفلونزا الطيور فى الغنا السودانى
Author: khaleel
Date: 02-05-2006, 02:51 PM
Parent: #1
طار البلوم حيران
اسال علي الحبان
طيري يا قمرية
وركي في الزنكية
الزول التحت زنكي
ساجننو غير جنية
طائر الهوي
جاحه مال
طاشه النوي
ام الجوي
مسكين طائر الهوي
|
Post: #5
Title: Re: انفلونزا الطيور فى الغنا السودانى
Author: عامر تيتاوى
Date: 02-05-2006, 04:16 PM
Parent: #2
العزيز خليل
طائر الهوى جناحه مال
طاشه النوى ام الجوى
مسكين
طائر الهوى
|
Post: #6
Title: Re: انفلونزا الطيور فى الغنا السودانى
Author: عامر تيتاوى
Date: 02-05-2006, 04:23 PM
Parent: #5
عزيزى ترهاقا
طير الرهو دى طبعا من ابداعات حمد الريح اللامتناهية لذلك فهى محفوظة جوة الوجدان السودانى
لكن هناك ايضا
حمام الوادى ياراحل
مع النسمة الفرايحية
مع الياسمين عز الليل
فواصل رائعة منسية
صغارك مشتهين ترجع
تضم العش بحنية
|
Post: #7
Title: Re: انفلونزا الطيور فى الغنا السودانى
Author: عامر تيتاوى
Date: 02-05-2006, 04:29 PM
Parent: #6
محمد عبد الرحمن ياخى انت زول فننننننننننان خلاص
تصدق القمارى دى حكايتا معاى عجيبة وكما هى كانت سبب مباشر فى فكرة هذا البوست
ففى هذه الايام اسمعها كثيرا واستيقظ على صوتها لكن قمارى اربجى غير وقمارى السودان غير
وعشان حبك للقمارى ... اذكرك
جيت اوادعك ياقمارى
ما خلاص شديت رحالى
جيت اوصيك لما ارحل
ابقى عشرة على ديارى
كل يوم اديها طلة
وقوقى لى امى وصغارى
|
Post: #3
Title: Re: انفلونزا الطيور فى الغنا السودانى
Author: ترهاقا
Date: 02-05-2006, 02:54 PM
Parent: #1
والله يا طير الرهو
والله ما حافظ الباقى
|
Post: #4
Title: Re: انفلونزا الطيور فى الغنا السودانى
Author: محمد عبدالرحمن
Date: 02-05-2006, 03:08 PM
Parent: #1
ياعامر
سلام ليك ...
انت عارف انا فى الطيور عندى جن اسمو (القمارى ) ..
طبعا (الانسان ابن بئيته ) ..لذلك ياعزيزى هديل القمارى
فى صباحات (اربجى ) ليس كهديلها وسط ازيز الطائرات واصوات
المحركات فى الامتداد (وفى كل خير ) ...
وانا لى حبيب سافر ياقمارى قوقى
ماجانا منو خبر ياقمارى قوقى
سافر قسيم الريد ياقمارى قوقى
خلانى ابكى وحيد ياقمارى قوقى ..
وبعدين قمارى سبدرات لها من الذكر نصيب
فى رجعنالك وكيف نرفض رجوع القمرة لوطن القمارى
انت لو ملاحظ (قمارينى ) دى ماعندها علاقة بألانفلونزا
لانها لاتمتهن (المزازة ) بين بلد واخر ..وتتميز
علينا باليقين بالوطن هذا اليقين الذى لم يجعل الله لنا منه نصيب
وفى ذكر الطيور فى الاغنية السودانية نجد حمد الريح
يشكل حضورا ب(طير الرهو ) ...وشخصيا وبعيدا عن الانلفونزا
حمانا الله تحتل (تسمعنى القمارى) بتاعت ابراهيم خوجلى
عندى المرتبة الاولى فى(اغانى الطيور السودانية )
شفت نجر المصطلحات ده كيف ..وتليها (الطير المهاجر )
بتاعت وردى ومن ثم تأتى (ملك الطيور ) ...
عجبنى ا لبوست ياعامر قلت اهضرب شويه ...
فتك بعافيه ..
|
Post: #8
Title: Re: انفلونزا الطيور فى الغنا السودانى
Author: تيسير عووضة
Date: 02-05-2006, 04:41 PM
Parent: #1
أنا يا طير
أنا يا طير بشوفك
فرحان وبتغني
حبيبك معاك
وحبيبي غاب عني
أنا يا طير موله
محزونا لأني
وحيد وحبيبي غايب
وآه يا طير
تاني على مصايب
من أدهي الغرائب
لي أقرب حبايب
صدوا وبعدوا مني
أنا يا طير حبيبي
للآلام تركني
متدلل على
وبالهجران هلكني
|
Post: #9
Title: Re: انفلونزا الطيور فى الغنا السودانى
Author: عامر تيتاوى
Date: 02-05-2006, 04:50 PM
Parent: #8
غرويد عيون السودة
سفرة محنة وعودة
الطير يحن لى حالنا
وعارف السنين معدودة
عصفورة الحنية
بتنسى كلو اسية
قالت مناها تجينا
وما لاقية سكة جية
شكرا تيسير على المرور
واتمنى اتحافنا بالمزيد من روائع الغنا السودانى الفخيم
|
Post: #12
Title: Re: انفلونزا الطيور فى الغنا السودانى
Author: عماد شمت
Date: 02-05-2006, 05:35 PM
Parent: #9
الحبيب تيتاوي سلامات ياخي كيفك انشاء الله عافيه ...
ناح القمري مع الحمام ذكرني الدر ...
هجرة عصافير الخريف في موسم الشوق الحلو .. الهجره هي السبب في جلب الامراض...
اقصد مرض الشوق والحنين..
ياللا قوقن ياقماري زيدي زيدي علي ناري ...الطيب مدثر
ياحمام يازاجل انا عندي ليه رسائل ...مني الخير
ياحمامه مع السلامه ظللت جوك القمامه
ياحمامه اريدك سافري الله يزيدك ركي في حي سيدك ردديه نشيدك ..عمر البنا
حمام الايك والقمري يصيح ينبيك بي امري .. قسم بي محيك البدري ..خليل فرح
مع القمري البقوقي برسل ليك سلامي أه سميري ..
ابني عشك ياقماري قشه قشه ..
عشان هواك حبيت قمريه فوق الدوح تغني للعشاق والحب ...مني الخير
اصلو ياعصفور ده حالك مما سويت ليك جناح .. النور الجيلاني
عصفور الجنه الصداح لعيونك غني وكم قال ..عركي
ما دام طار جني الوزين يادوب قل نوم العين النعام ادم
طبعا الغني اتنسي واتمحي والذاكره بقت تعبانه عشان كده اقوليك فتك بعافيه
ونتلافي بحي الامتداد بسودانيز اون لاين
|
Post: #10
Title: Re: انفلونزا الطيور فى الغنا السودانى
Author: تيسير عووضة
Date: 02-05-2006, 04:57 PM
Parent: #1
يا عصافير ضل جناحك
رامي ابعد من محلو
كان يضلل دارنا اول
وعني ما يرحل اقلو
|
Post: #11
Title: Re: انفلونزا الطيور فى الغنا السودانى
Author: عامر تيتاوى
Date: 02-05-2006, 05:14 PM
Parent: #10
هجرة عصافير الخريف
فى موسم الشوق الحلو
هيج رحيلا مع الغروب
احساس غلبنى اتحملوا
ورجعت خليت الدموع
يرتاحو منى وينزلوا
ليه ياعصافير الخريف مين
علمك معنى الودع
عارف ده ما اول سفر
لبلاد بعيدة بدون متاع
زى ما بتخافى من الرياح
بنخاف كمان انحنا الضياع
|
Post: #13
Title: Re: انفلونزا الطيور فى الغنا السودانى
Author: الطيب بشير
Date: 02-05-2006, 08:36 PM
Parent: #1
عامر يا حبوب
بوسـت خفيف الجناح
ترنم مع كابلي
طائر الهـوى..جناحـه مال
يعشـق النوى؟ أم الجـوى
مســـكــــــــــين..
ويحـــه هـــــــوى..
|
Post: #14
Title: Re: انفلونزا الطيور فى الغنا السودانى
Author: ALHALAWI
Date: 02-06-2006, 00:24 AM
Parent: #1
كيفك يا عامر
والله من زمان في سؤال محيرني: السر شنو في وجود الطيور بكثرة في غنانا: كل الطيور: " حمام، بلوم، قمري، عصافير، طير الجنة، بس الباقي الديك ..... والله الموضوع محتاج بحث فعلاً.
طبعاً حالياً ما متذكر إلا : يا حمامة مع السلامة ظللت جوك الغمامة
لكن برضو بجي راجع !!!!
|
Post: #15
Title: Re: انفلونزا الطيور فى الغنا السودانى
Author: othman mohmmadien
Date: 02-06-2006, 03:45 AM
Parent: #14
آخر ما توصل إليه الإرهابيون من تهديد للمجتمع
|
Post: #16
Title: Re: انفلونزا الطيور فى الغنا السودانى
Author: بدر الدين الأمير
Date: 02-06-2006, 05:28 AM
Parent: #15
تيتاوى يامتجلى
( والله نحن مع الطيور) الكلمات الحافظ عباس والتطريب لمصطفى سيد احمد
والله نحن مع الطيور
المابتعرف ليها خرطة
ولا فى ايدها جواز سفر
نمشى فى كل المدئن
نبنى عشنا بالغناوى
وننثر الافراح درر
الربيع يسكن جوارنا والسنابل تملأ دارنا
والرياحين والمطر
والحبيبة تغنى لينا
لا هموم تسكن ديارنا
ولا يلاقينا الخطر
ءالا باكر ياحلوة لما أولادنا السمر
يبقوا أفراحنا البنمسح بيها أحزان الزمن
نمشى فى كل الدروب الواسعة ديك
والرواكيب الصغيرة تبقى أكبر من مدن
ءايدى فى ءايدك نغنى
والله نحن مع الطيور المابتعرف ليها خرطة
|
Post: #17
Title: Re: انفلونزا الطيور فى الغنا السودانى
Author: khaleel
Date: 02-06-2006, 05:42 AM
Parent: #16
يا عصافير المحنة
يا متلي واحداني واحن
اتسود الشوق واستريح
ما كفاية كتير رحلنا( الجابري- الصادق الياس)
اتقسم مقاطع في المشي واتحرن
زي فرخ القطا الاماتو ركن وفرن ( مسدار)
الوز عوام
والنايب العام
دها حاجة تمام( تراث)*
|
Post: #25
Title: Re: انفلونزا الطيور فى الغنا السودانى
Author: عامر تيتاوى
Date: 02-06-2006, 05:29 PM
Parent: #15
othman mohmmadien
شكرا اخى على المرور الجميل والمتفرد
يبدو عليك انك من عشاق الطيور والحرية من خلال اجنحتك المرفرفة على البورد
ولا باس من ان نستمتع معا برائعة المناضل محمود ابوبكر
صه ياكنار
وضع يمينك فى يدى
ودع المزاح والطلاقة والدد
تسلم ياصديقى على طلتك
ومسكينة الطيور الجابوا ليها انفلونزا
|
Post: #18
Title: Re: انفلونزا الطيور فى الغنا السودانى
Author: محمد السر
Date: 02-06-2006, 05:50 AM
Parent: #1
يا طير يا ماشي لأهلنا في سراع بلغ رسائلنا (صالح الضي)
ـــــــــــــ
تطربني القماري في غصنك نشيدة
يا الحزت المحاسن يا الدرة الفريدة
أنا يا نور عيوني محبتي فيك أكيدة
ويا الصاين جمالك حسادك تكيدها (إبراهيم خوجلي)
|
Post: #19
Title: Re: انفلونزا الطيور فى الغنا السودانى
Author: shammashi
Date: 02-06-2006, 06:17 AM
Parent: #18
يا تير ياتاير - وردي
البلوم في فرعو غني وطرانا ياالحبان أهلنا - الجابري
مادم طار جنا الوزين يادوب قل نوم العين - النعام آدم
دجاجي يلقط الحب ويجري وهو فرحان - المحفوظات
الطيرة المبارية السيرة - نبذ
أبني عشك يا قماري قشة قشة- سيد خليفة
طارت الماهية - موظف
سودان طير- ؟
الوزين بسديرو عام - البعيو
|
Post: #20
Title: Re: انفلونزا الطيور فى الغنا السودانى
Author: عامر تيتاوى
Date: 02-06-2006, 03:54 PM
Parent: #19
العزيز .. عماد شمت
الفنان المرهف الذى ياما شدا واطربنا
طبعا ياعمدة الشوق مطر ويارب تكون مع اولادك بالف خير
الشوق .. والحنين .. والغربة
عشان كدة خلينا نغنى مع الرائع المتفرد البلبل الغريد الاستاذ عثمان حسين
كل طائر مرتحل عبر البحر
قاصد الاهل حملتوا اشواقى الدفيقة
ليك ياحبيبى ..للوطن لشطانو للدار الوريقة
|
Post: #21
Title: Re: انفلونزا الطيور فى الغنا السودانى
Author: عامر تيتاوى
Date: 02-06-2006, 04:03 PM
Parent: #20
اخى العزيز الطيب بشير .. مرورك يسعدنى
رجعنالك وكيف نرفض رجوع
القمرة لوطن القمارى
البلابل ..
وهذا تاكيد على تعلق الاغنية السودانية وهى تحلق فى سماوات الابداع مع الطيور
|
Post: #22
Title: Re: انفلونزا الطيور فى الغنا السودانى
Author: khaleel
Date: 02-06-2006, 04:14 PM
Parent: #21
تيتاوي
ما عارف رائعة بازرعة قالوها
كل طائر مرتحل عبر البحر
حملتو اشواقي الدفيقة
|
Post: #23
Title: Re: انفلونزا الطيور فى الغنا السودانى
Author: عامر تيتاوى
Date: 02-06-2006, 04:43 PM
Parent: #22
عزيزى خليل مرحب بيك يا حبوب
رائعة بازرعة كل طائر مرتحل
جاء ذكرها لانها ياعزيزى من الروائع التى لا تنتظر .. ولكن متعة الطيور الراحلة لا تنتهى
ولنستمتع معا :
الطيور الراحلة فى ضل المسا
بتسال عليكم .. والله مشتاقين
الخدود الشاربة من لون الشفق
عند المغارب
ديل خدودك .. سيدى
سيد الناس يا سيد الحبايب
والله مشتاقين
|
Post: #24
Title: Re: انفلونزا الطيور فى الغنا السودانى
Author: عامر تيتاوى
Date: 02-06-2006, 05:08 PM
Parent: #23
الحلاوى .. كيفك ياصديقى العزيز
طبعا حكاية الطيور مع الشعب السودانى تبدو علاقة وثيقة لاننا منذ الصغر نتعامل مع كل انواع
الطيور مثلا الاطفال الصغار كانوا لا يتركون ود ابرق فى حاله كمان الحمام كان مالى البيوت
والقمارى تقوقى فى الصباحات
بعدين نحنا يا ايمن لم نكن نعرف الشقق عيوننا دائما معلقة فى السماء والفضاء العريض
مستمتعين بزرقة السماء
وكمان ماتنسى ان السودان يعتبر وطنا كبيرا للطيور المهاجرة من مناطق عديدة فى العالم
الطيور ياعزيزى تاتينا من سيبيريا فى رحلة طويلة بعضها يرتاح على ضفاف النيلين الازرق
والابيض عند مقرن النيلين الجميل فى استراحة ( مهاجر ) حتى يحين موعد سفر جديد
ولك عزيزى ان تستمع بهذه :
ذاك الصباح اهو لاح يا حبيب
والبلبل الصداح جا قريب
جاك يحكى ليك جاك يشكى ليك
من شوقو ليك صاح ياحبيب
ايمن متذكر الصقور والشواهين فى سلم بيت الشميسى ايام الجميل باديرا
هههههها
|
Post: #31
Title: Re: انفلونزا الطيور فى الغنا السودانى
Author: ALHALAWI
Date: 02-07-2006, 00:38 AM
Parent: #24
Quote: ايمن متذكر الصقور والشواهين فى سلم بيت الشميسى ايام الجميل باديرا
|
والله ضحكتني يا عامر وذكرتنا الأيام العجيبة...
|
Post: #28
Title: Re: انفلونزا الطيور فى الغنا السودانى
Author: عامر تيتاوى
Date: 02-06-2006, 05:59 PM
Parent: #19
shammashi
كيف حالك ياخوى
حلوة دجاجى يلقط الحب ويجرى وهو فرحان
وكمان الماهية الطايرة
وسودان طير دى عندها انفلونزا مزمنة !!
وعشان انت زول رايق ومزاجك حلو نتذكر حاجة من امير العود حسن عطية ( ابو على )
*************
متين يزورنى حبى
محياهو يضوى دارى
اقول جلست مرة
مع الطير الخدارى
جافانى
خدارى البى حالى ماهو دارى
جافانى
*******
تسلم ياعزيزى
|
Post: #26
Title: Re: انفلونزا الطيور فى الغنا السودانى
Author: عامر تيتاوى
Date: 02-06-2006, 05:40 PM
Parent: #18
محمد السر .. رهيب والله
ياخى جبت لينا ابراهيم خوجلى زاتو واروع روايعه
ياخ ده كلام جميل
*************
باوصاف عديدة
وظهرت لى مواهب
وفنون جديدة
افكارى تايهة
*************
وعشان خاطر القمارى .. نقول
ليلة ويالها من ليلة
كانت ليلة ما منظورة
فيها حبيبنا سمح الصورة
نحن بلابلا وسمارا
نحن اهلتا واقمارا
ليلة ويا لها من ليلة
توزن الف ليلة وليلة
|
Post: #27
Title: Re: انفلونزا الطيور فى الغنا السودانى
Author: عامر تيتاوى
Date: 02-06-2006, 05:47 PM
Parent: #26
بدر الدين يا امير ازيك ياحبيب
طبعا طيور حافظ عباس والراحل المقيم مصطفى سيد احمد مثلت لوحة حقيقة لحياة الطيور
فاول ما يخطر على البال عندما ناتى على ذكر الطيور هو الحرية
لذلك صدق الشاعر عندما ابدع
والله نحن مع الطيور الما بتعرف ليها خرطة
ولا فى ايدا جواز سفر
وعشان تسرح مع صوت الرائع مصطفى اذكرك
بلابل الدوح ناحت على الاغصان
طرب وسرور مالت فروع البان
تسلم على المرور ياالامير
|
Post: #29
Title: Re: انفلونزا الطيور فى الغنا السودانى
Author: محمد عبدالرحمن
Date: 02-06-2006, 06:17 PM
Parent: #27
ياعامر
سلام ليك ..والبوست دمو خفيف جدا ..
ياخى جيت من الشغل على (حال العدو ) فتحت التلفزيون
ولقيت ليك حمد الريح شغال فى :
ياغصون الروض الامالك
النسيم الجاك من شمالك
ولاصوت القمرى الحنين
قمرية قالت للتانية مالك
انت لسه فى عز جمالك
وشايلة حملك فى ظهور جمالك ...
كمل ...انا اول مرة اركز مع الاغنية دى لذلك ماحفظت ..كمل وزيد
من (قوقاى القمارى ) ...
ودى
|
Post: #30
Title: Re: انفلونزا الطيور فى الغنا السودانى
Author: عماد شمت
Date: 02-06-2006, 07:08 PM
Parent: #27
رجعت ليك ياالحبيب عشان العشره والصحبه والجيره والاهل والارض الطيبه
نتذكر ليالينا بالحي والحي مصيرو يلاقي طال الدهر او قل ....
عرج غيمك فيني ومطر لحظة طار عصفور من صدرك رتب فينا احساس بالالفه مصطفي سيداحمد.عاطف خيري
يا صوتها باروعة لحنا ربيعيا سري .. ما هذا الكنار مغردا والناي ناح تحسرا .. سيدخليفه
غرد ياكناري وحاكي العندليب وابسم ياخميلة ..عثمان الشفيع
ياكنار الغابه ليه تسيبنا غلابه.. حيدر حدربي
يا بلومي يا بلومي الطاير بفوقي ..عبدالرحمن عبدالله شفاه الله
بركب اللواري وبتابع القماري عشان الشاغل افكاري ..صديق عباس
حبيب تعال نتقادم نمشي سوي ونتقدم اطير حدي واختفه من العالم سمسم القضارف.. صالح مدني
ذي اطيار تغني في اجمل حديقه ..الطيب عبدالله ..ايامي الخوالي
الله لي جاهل وديع وحمامه يوم لبسوه الكمامه ... عائشه الفلاتيه
قماريها طواريها .. وحواريها بقت روضه ..بقت تشرب من الحامداب ..مصطفي سيداحمد..حميد
حتي الطير رحل خلاني ماطيب لي خاطر ..محمد كرم الله
نشرب بواقي السيل .. صد لي ملامحك ياحراز.. ريح العوارض غربت
فرتق ضفايرك في الرزاز ..جية العصافير قربت.. مصطفي سيداحمد ..قاسم ابوزيد
انشاء الله الجيه قربت عشان نعيد ونستعيد الزكريات الجميله في الحي الجميل
لك حبي وودادي
|
Post: #32
Title: Re: انفلونزا الطيور فى الغنا السودانى
Author: othman mohmmadien
Date: 02-07-2006, 01:26 AM
Parent: #30
بالله ياطير قبل ما تشرب تمر على بيت صغير
ويا طير الجنة الغرد وغنى
|
Post: #33
Title: Re: انفلونزا الطيور فى الغنا السودانى
Author: يازولyazoalيازول
Date: 02-07-2006, 02:55 AM
Parent: #32
الأخ تيتاوى ، صاحب البوست الجميل وبقية الأحباب
سمعت أمبارح واحد بيدوبى ويقول:
كان ما آخر زمن ، الموت تجيبو (جداده)
|
Post: #37
Title: Re: انفلونزا الطيور فى الغنا السودانى
Author: عامر تيتاوى
Date: 02-07-2006, 09:35 AM
Parent: #33
يازولyazoalيازول
كيفك ياعزيزى
ياخى الجداد زمان زى ما قال اخونا ( شماشى ) كان يلقط الحب ويجرى وهو فرحان
كان عيونه خرز له فى الشمس الوان .. الان مسكين جعلوه يحمل الانفلونزا وفعلا
( اخر الزمن الموت تجيبو ( جدادة )
|
Post: #39
Title: Re: انفلونزا الطيور فى الغنا السودانى
Author: عامر تيتاوى
Date: 02-07-2006, 10:54 AM
Parent: #33
يازولyazoalيازول
انت وين ماشى
طبعا دى غنية ولا مارش ولا جلالة لتسخينة الجنود كنا مرات كتيرة بنقوم على هذا الصوت فى الصباح
الباكر تلقاهم لابسين الفنايل البيضا والبناطلين الكاكية وجاكين بطرف الظلط فى الاحياء الشعبية
بالخرطوم
يازول يازول
انت وين ماشى
شكرا يازول على مساهمتك الجميلة
وخليك قريب وما تمشى بعيد
|
Post: #41
Title: Re: انفلونزا الطيور فى الغنا السودانى
Author: عامر تيتاوى
Date: 02-07-2006, 11:52 AM
Parent: #32
othman mohmmadien
طيورك الجميلة زينت المكان ونورت البوست وسرب الطيور هذا ذكرنى تلك المجاميع وهى تقطع مشوارها
فوق سماءناوفى نفسى دائما السؤال كيف لهذه الطيور هذا النظام والاتساق وكيف لها ان تتعرف على وجهتها
فى الليل وفى الظلام وفى الصباح تحت المطر ووسط الرياح .. سبحان الله
ولله فى خلقه شئون
*******************************88
قول لى ياطير الخدارى
قول لى وحيات حبنا
وين رسايلك يا حليلا
وين عيونك مننا
|
Post: #40
Title: Re: انفلونزا الطيور فى الغنا السودانى
Author: عامر تيتاوى
Date: 02-07-2006, 11:13 AM
Parent: #30
عماد عويس يافنان
طبعا انت بتجيب حاجات كده غميسة ورائعة ما بعرفوها الا الناس الفنانين جد جد احييك ياعمدة
وانت نوارة هذا البوست تحياتى لك ومازالت امسياتنا الجميلة تحتل صدر الوجدان
ولنغنى معا
اقيف ياطير هى كدى استنانى
لا تقول لى امشى واجيك باكر
يبقى انا ما الم فيك تانى
مين عارف المصاير
وين حتى الطير رحل خلانى
ماطيب لى خاطر
|
Post: #34
Title: Re: انفلونزا الطيور فى الغنا السودانى
Author: محمد السر
Date: 02-07-2006, 03:46 AM
Parent: #1
حمامة الغصون صداحة فوق أغصانك
ذكِّري لي حبيب يا حمامة مولاي صانك (حقيبة)
يا حمام يا زاجل
أنا عندي ليك رسائل (عشة الفلاتية)
طير يا حمام بالبر
جيب ليَّ منِّو خبر
شُباكُّم اللبني خشُم بابكم الأخدر
وين.. يا.. أوووووووووووووووك.. دخل السينما (أغنية حقيبة والسطر الأخير من إضافات زيدان)
جيت أوادعك يا قماري
ما خلاص شديت رحالي (مجذوب أونسة)
عارف يا عامر أنا زي صاحبك محمد عبد الرحمن دا.. عندي غرام مع القمري، وكنت لما أصطاد الطير بقدر الإمكان أحاول أتفادى صيد القمري. المرة الوحيدة الاصطدت قمرية وجبتها البيت مهيضة الجناح وبدل ما آكلها قعدت أداوي فيها وقررت الاحتفاظ بها، صحيت الصباح لقيتا مافيشا وأثناء التفتيش لقيت الكديسة تتوسد فراش من ريش وتتجشأ متبعة كل تجشؤة بـ (أرقد يا قمري.. أنا جرابك).
|
Post: #35
Title: Re: انفلونزا الطيور فى الغنا السودانى
Author: Nasruddin Al Basheer
Date: 02-07-2006, 06:13 AM
Parent: #34
|
Post: #36
Title: Re: انفلونزا الطيور فى الغنا السودانى
Author: عامر تيتاوى
Date: 02-07-2006, 09:24 AM
Parent: #35
عزيزى الحلاوى
منو القال ليك الديك ماغنو ليهو :
*****************
يايمة رسلى لى عفوك ينجينى
من جور الزمان
بتذكرك ياييمة ساعة الناس يجونا
من البلد
****************
قايمى الصباح متكفلتى
شايلى الحليلى على المراح
والساعة ديك يادابو ( ديكنا ) بدا الصياح
وعشان ازيدك من الشعر بيت اذكر هناابيات من قصيدة خليل فرح
تم دورو ودور عم نورو
وفاح فات الحلة نور زى بدر التمام
الى ان يقول الشاعر العظيم
*************
قام محمد بشر زى بدر التمام
سل سيفه وكشر زى بدر التمام
قول معاى واتفشر نحن سياج عروضن
نحن يوم المحشر زى بدر التمام
ياحسن اتذكر طيب ليلتنا ديك
والصباح السكر زى بدر التمام
المدام ما اتنكر لامن ( ديكنا ) صاح
فوق رؤوسنا اتحكر زى بدر التمام
كل شىء مفسر مافى شى غريب
والعسير ميسر زى بدر التمام
مافى عين تتحسر دام عريسنا دام
والحسود اتحسر زى بدر التمام
|
Post: #38
Title: Re: انفلونزا الطيور فى الغنا السودانى
Author: عامر تيتاوى
Date: 02-07-2006, 10:43 AM
Parent: #36
العزيزين محمد عبد الرحمن ومحمد السر
طبعا انتو مزاجكم واحد ممزوج بحنية القمارى ومعطون بريحة العصارى الحلوة فى الايام الخوالى
وعشان العصارى نقول
البلوم فى فرعو عنى
طرانا ياالحبان اهلنا
*****************
طرينا مشوار العصارى
ورعشة الورد البرارى
*****************
وعشان خاطر القمارى نقول
والقمرى فوق فوق نخل الفريق
كايس الاهل يبكى ويحن
نحمل رسايلنا واشواقنا لحبابيبنا
للاهل
للقاطعين الرسايل الاحلى من عسل
النحل
لذات الضفاير الطايشة بين مجلس عشيرة
وبين اهل
وبخجل بتسال اهلنا حبايبنا راحو للحلة
لا بكاتبو لا بفيدونا الحصل
حليل الراحو وخلى الريح تنوح فوق النخل
فوق النخل
|
Post: #42
Title: Re: انفلونزا الطيور فى الغنا السودانى
Author: تيسير عووضة
Date: 02-07-2006, 02:00 PM
Parent: #1
| Quote: السر شنو في وجود الطيور بكثرة في غنانا: كل الطيور: " حمام، بلوم، قمري، عصافير، طير الجنة، بس الباقي الديك ..... والله الموضوع محتاج بحث فعلاً. |
يا حلاوي ..
الديك ذاتو ما مرق منها
مش زيدان ابراهيم بيغني
في الليلة ديك 
|
Post: #43
Title: Re: انفلونزا الطيور فى الغنا السودانى
Author: تيسير عووضة
Date: 02-07-2006, 02:13 PM
Parent: #1
يلاك يا عصفور نغني ليهو
أنا لي حبيب مغرم وبغير عليهو
(أحمد المصطفى)
|
Post: #44
Title: Re: انفلونزا الطيور فى الغنا السودانى
Author: عامر تيتاوى
Date: 02-07-2006, 02:53 PM
Parent: #43
عصفورنا الروح كلمتو
وصيتو يطوف يسال عنك
اسمك فى جناحو سطرتو
بحنانى الفايق منك
لا فرحة بدون بتجينى
لا قلبى وراك لقى الراحة
الرحلة طويلة مكتوبة
خطاوى وبمشيها
*************
شكرا تيسيرعلى المرور بعدين اخونا الحلاوى ردينا عليهو ب ( ديكين ) واحد للسر عثمان الطيب
والثانى لخليل فرح
جماعتنا الله يطراهم بالخير ما خلوا طيرة حايمة الا وغنوا ليها
|
Post: #45
Title: Re: انفلونزا الطيور فى الغنا السودانى
Author: عماد شمت
Date: 02-07-2006, 06:32 PM
Parent: #44
غني ياقمري غني واسمعني في حبيب عمري ... العاقب محمد الحسن
كدي لحدي ما اجيك ....فتكم بعافيه
|
Post: #46
Title: Re: انفلونزا الطيور فى الغنا السودانى
Author: Elmuez
Date: 02-07-2006, 10:03 PM
Parent: #1
( بس الباقي الديك )
في الليلة ديك !
دي كانت عشان الحلاوي..
---------------
نرجع لي موضوع البوست:
".. ياريت أبقي طيرة
أرك أنا في رمالك.. بابلال عليا"
الله يرحم رمضان زايد..
|
Post: #47
Title: Re: انفلونزا الطيور فى الغنا السودانى
Author: ALHALAWI
Date: 02-08-2006, 00:35 AM
Parent: #1
أها أمسك دي يا عامر
غنى القمري على الغصون ذكرني الدر المصون
فريد عصرو ...... إلخ .. إلخ
وكمان دي:
ليك جوز عين نعسان وكاحل زي وجدي اللي جسمي ناحل
بحر الشوق ماليه ساحل بنسب نوحي علي البلابل
وانتي القمره بتنسبيله
وبرضو دي عشان خاطر الحلوين في البوست العسل دا:
لو ترسل محياك للبرق يضيع
بي ذكرة محاسنك قد جل السميع
بي ذكرة محاسنك قمري الدوح سجيع
حرك زاد شجوني في الليل الهجيع
وفي نفس الأغنية:
نوره سطع وهلّ دمعي نزل هميع
أرجعي لي سلامي يا قمري الفريع
قول للسادة بعدك زي السم جريع
لكن يا تيسير ومعز ما لقيت ليكم لا ديك ولا حتى سوسيو زاتوووووو
|
Post: #48
Title: Re: انفلونزا الطيور فى الغنا السودانى
Author: ALHALAWI
Date: 02-08-2006, 00:44 AM
Parent: #1
لاحن لي حمامات ....
الباقي ما حافظوا .....
|
Post: #49
Title: Re: انفلونزا الطيور فى الغنا السودانى
Author: طارق جبريل
Date: 02-08-2006, 04:30 AM
Parent: #1
تسجيل حضور ومتابعة
ومبسوط جدا لدرجة (التحليق)
يديك العافية تيتاوي
|
Post: #50
Title: Re: انفلونزا الطيور فى الغنا السودانى
Author: عامر تيتاوى
Date: 02-08-2006, 11:06 AM
Parent: #49
الى احبائى المحلقين مع الطيور
تقدير ومحبة للكل وتحية لضوفنا الجدد صديقى طارق جبريل والاخ المعز
ياشباب طبعا على توارد الحديث عن الديك والذى اثاره صديقى الحلاوى فقد نشرت فى مساهمة سابقة
اعلى هذا البوست اغنيتين ورد فيهما الديك وهما الاولى للسر عثمان الطيب فى يايمة رسلى عفوك
ينجينى من جور الزمان وفيها يقول .. فى الساعة ديك يادابو ( ديكنا بدا الصياح ) والمناسبة
التانية فى قصيدة تم دورو ودور عم نورو وفاح فات الحلة لنور زى بدر التمام لخليل فرح ( لامن
ديكنا صاح ) ... وللمزيد يمكن الرجوع مساهمتين او ثلاثة لى فوق
**
احبائى اليوم استمعت فى تلفزيون السودان لحاجة جديدة قدمها احدى فنانى الطمبور ضمن برنامج
اسمه ( شجن الطمبور )
والجزء الذى تمكنت من تسجيله فى الاغنية كالتالى
سوقنى معاك ياحمام
علينا كتاب الله قاضى
علينا نقيف باحترام
نذكر والذكرى تنفع
نعلموا معنى الثقافة
معاها يزول الخصام
نعلموا تاريخ جدودنا
جدودنا بداية وختام
مقام الابرار مقامو
سلام يالمهدى الامام
بلادك سلامك معلم
يقوم ليهو التلميذ قيام
نطرزوا توب لمهيرة
نقلدوا لتاجوج وسام
***********
وبرضو شجن الطمبور يكمن فى اجنحة الطيور وسلام يا الحمام
تحياتى
واصلوا التحليق احبتى
وشكرا ياطارق جبريل على المرور الجميل
|
Post: #51
Title: Re: انفلونزا الطيور فى الغنا السودانى
Author: hatim
Date: 02-08-2006, 11:30 AM
Parent: #50
سلام حباب لكل الأحباب..
تسجيل حضور ومتابعة..
ترقب وإندهاش..
طار قلبي.
مني وقال ماهو راجع..
مادام....
الطيور على أشكالها تقع ..يا ربي كان يقصد طير الرهو..
|
Post: #52
Title: Re: انفلونزا الطيور فى الغنا السودانى
Author: عامر تيتاوى
Date: 02-08-2006, 11:44 AM
Parent: #51
hatim
ل عميد الفن الراحل احمد المصطفى نتذكر سويا
بطرا لى امال وغاية
ما بنحمل مقدور وقاية
يسلم ناجى من الرماح
صرت مسلم لى رزاى
وزى طاير مكسور جناح
**************
شكرا لحضورك الانيق
ودعنا نترقب معا المتعة والاندهاش مع كل جديد قادم
|
Post: #53
Title: Re: انفلونزا الطيور فى الغنا السودانى
Author: عماد شمت
Date: 02-08-2006, 03:38 PM
Parent: #52
عامر واحده سريعه كده بس ما تضحك .. كنت بسمع في سيد خليفه
وسمعته بيقول ياالديك يديك الله يخليك الله يخليك ( ما ياهو الديك الكايسنو)
تذكر الديك الوقع في الخور القدام بيتكم من الحبشيه كانت جايه من سوق العشره
...قعدت تكورك ديك حقنا واحد وقع ساعدوني ياجماعه .. توبس بكون متذكر الكلام ده..
سلام ليكم
|
Post: #54
Title: Re: انفلونزا الطيور فى الغنا السودانى
Author: عماد شمت
Date: 02-08-2006, 04:14 PM
Parent: #53
الي افق انيق النجم صداح البساتين
اشدو حين تاتيني فتاة لثقة العصفور
انفاس الرياحين بكفيها .... اذا عادت الايام للماضي عوض مالك ..مصطفي سيداحمد
عصفور الجنه الصداح لعيونك غني وكم قال ....ابوعركي البخيت
طار البلوم حيران بسأل عن الحبان اتغيرت دنيانا واتفرقوا الحبان...
قالوا الزمن دوار ابراهيم حسين
الطيور صاحيه وانت نائم داعبت شعرك النسايم وايقظت صوت الحمائم رمضان حسن
حم حم ياحمام شتت ليك السكر ...حمد البابلي
كفايه والا ازيدك ... يا تيتا
|
Post: #55
Title: Re: انفلونزا الطيور فى الغنا السودانى
Author: khaleel
Date: 02-08-2006, 04:26 PM
Parent: #54
ان زادك الحسن
تيها
فاسال طيور الروابي
سلها تجبك
باني بثثتها كل مابي
ثم صاغت الوجد لحنا
ووقعته بابي
الطير في سماهو
لو لاقتي اشرح ليك كمال ترباس
|
Post: #56
Title: Re: انفلونزا الطيور فى الغنا السودانى
Author: عامر تيتاوى
Date: 02-08-2006, 04:44 PM
Parent: #55
الحبيب عماد عويس
ياسلام .. قالوا الزمن دوار يابسمة النوار
ياريت تعود ايامنا ونكمل المشوار
ياقلبى يا سواح قول لى متين ارتاح
دمع الحنين خلاك مابتعرف الافراح
ياسلام ياعمدة لما كنت بتغرد بهذه الكلمات الرائعة ياريت تعود ايامنا ونكمل المشوار
**********
الزهور والوردى
شتلوها جوة قلبى
عشان حبيبى
تذكارو ديمة عندى
**********
ترك حمامة
تنبئنى بهياما
تقول لى اصبر
وفى العجلة الندامة
|
Post: #57
Title: Re: انفلونزا الطيور فى الغنا السودانى
Author: عامر تيتاوى
Date: 02-08-2006, 04:47 PM
Parent: #56
خليل يارائع
ترباس ماخلى شىء وتغنى :
زى رنه المزمار
نغمة صداها
سجعت بلابل الدوح
اول بداها
|
Post: #58
Title: Re: انفلونزا الطيور فى الغنا السودانى
Author: نادية عثمان
Date: 02-08-2006, 05:02 PM
Parent: #57
دجاجى يلقط الحبّ
ويجرى وهو فرحان
كان عيونه خرز
به فى الشمس الوان !!
|
Post: #59
Title: Re: انفلونزا الطيور فى الغنا السودانى
Author: تيسير عووضة
Date: 02-09-2006, 04:47 AM
Parent: #1
طير يا طير تعال فسراع علي كمل الصبر
أظنك إتخمل بي غادي في ضل النخل
(محمد كرم الله)
أسمعني يا شادي
من لحنك إنشادي
لي في غناك غرام
(عوض الكريم عبد الله)
مرة شافت في رؤاها
طيرة تاكل في جناها
حيطة تتمغى وتفلع
في قفا الزول البناها
(حميد/عقد الجلاد)
قول ليه يا الطير الخداري
قول ليه وحياة حبنا
وين رسايلك يا حليلا
وين عيونك مننا
(اللحو)
|
Post: #60
Title: Re: انفلونزا الطيور فى الغنا السودانى
Author: عامر تيتاوى
Date: 02-09-2006, 09:00 AM
Parent: #59
انا ياحمام ليك فيك مرام
اصبحنا سيان فى الغرام
انا لى حبيب هادى واليف
مترف عفيف
اسالنى عن تصويرو كيف
هو اية فى الجنس اللطيف
بالاختصار هو حسنو صار
فوق الجميع
الاستاذة نادية عثمان
سعدنا لمرورك من هنا
|
Post: #61
Title: Re: انفلونزا الطيور فى الغنا السودانى
Author: عامر تيتاوى
Date: 02-09-2006, 09:06 AM
Parent: #60
تيسير الفن والابداع
تحيةوسلام
*
اسمعنى ترديدك ورينى
كمان فى الفن تجديدك
ياحمام الدوح
*
شكرا لكل الاخوة والاخوات و المزيدمن التحليق
|
Post: #62
Title: Re: انفلونزا الطيور فى الغنا السودانى
Author: عامر تيتاوى
Date: 02-09-2006, 04:22 PM
Parent: #61
غنى ياقمرى
غنى واسمعنى
فى حبيب عمرى
وصفك المغرى
|
Post: #63
Title: Re: انفلونزا الطيور فى الغنا السودانى
Author: khaleel
Date: 02-09-2006, 04:35 PM
Parent: #62
بلابل الدوح في الخميلة
حليل ايامنا الجميلة حليلة
بلابل الشوادي كتر النوح
وزاد سهادي زاد سهادي ( رمضان حسن)
وبعدين يا تيتاوي
اغنية المقرن في الصباح بتاعة ابوالروس
افتكر فيها طير كتير
|
Post: #64
Title: Re: انفلونزا الطيور فى الغنا السودانى
Author: عامر تيتاوى
Date: 02-10-2006, 09:34 AM
Parent: #63
خليل تذكر ايام الصفا
اذكرى ايام صفانا واذكرى عهد اللقا
والليالى الفيها متبادلين وفانا
كنا داخل روضة مافيش حد سوانا
غير ان القمرى احساسو بهوانا
من اغاريد فنو يسمعنا اسطوانة
|
Post: #65
Title: Re: انفلونزا الطيور فى الغنا السودانى
Author: بدر الدين الأمير
Date: 02-10-2006, 03:42 PM
Parent: #64
تيتاوى ياعامر أرى بلابل الدوح تنوح حولك فى الدوحة أو فى دوحتك
(البت الحديقة) الكلمات : لخطاب حسن أحمد واللحن والتطريب لمصطفى سيد أحمد
حاتجى البت الحديقة
فاردة انسام فى طريقا
وشاتلة الوان
حاتجى البحدث بريقا
ضجة الضو فى المكان
حاتجى المن بدرى جات
من ضلامات السكات
شايلة قمرين فى عيونا
وفاتحة ليلين بى جنونا
وضاوية ساحات انتمت لى فجر فات
وبتنتمى لى عصور جديدة
حاتجى البت البريدا ضاحكة منتصرة وعنيدة
آملة مزدهرة وجديدة ناقشة فى الزول اغنيات
حاتجى المن بدرى جات ناسفة ازمان السبات
واصفة للناس الطريقة وللعصافير الجهات
|
Post: #66
Title: Re: انفلونزا الطيور فى الغنا السودانى
Author: Muna Khugali
Date: 02-10-2006, 04:26 PM
Parent: #65
وآنـا يا طير.... محـل ماتطـير بشـوفـك
إزيـك ياود جـيرنـا...
مـني
|
Post: #67
Title: Re: انفلونزا الطيور فى الغنا السودانى
Author: تيسير عووضة
Date: 02-10-2006, 04:40 PM
Parent: #1
حتى الطيور بتوالف
ما بيعيش وحيد عصفور
مالك مجافي الناس
|
Post: #68
Title: Re: انفلونزا الطيور فى الغنا السودانى
Author: عامر تيتاوى
Date: 02-11-2006, 11:00 AM
Parent: #67
بدر ياالامير
سهرنا الليل وكملنا فى ضفاف
عينيك النعسانة
مرحنا كتير فى ساحاتك
فرحت اعماقنا الحزنانة
يانور النوار يانورة
يافرح الافراح يابلورة
بلبلنا الصداح
لعيونك كم غنى وقال
يانور الكون كلو
ياحلوة يافرح الاطفال
|
Post: #69
Title: Re: انفلونزا الطيور فى الغنا السودانى
Author: عامر تيتاوى
Date: 02-11-2006, 11:06 AM
Parent: #68
ياطيور الريدياقمرية
امشى شيلى معاك وصية
ودى للكدرو التحية
قولى ليهو بحنية
الصدود صعبان عليا
**********
مرحى لجارتنا منى عوض خوجلى
ونفتبس : ياطيور الريد ياقمرية
ودى للامتداد التحية
|
Post: #70
Title: Re: انفلونزا الطيور فى الغنا السودانى
Author: عامر تيتاوى
Date: 02-11-2006, 11:11 AM
Parent: #69
قلنا راح مع الايام
عدا منى اليلة راح
اصلوا ياعصفور ده حالك
يوم ماسويت لك جناح
يعنى كان صارحت مالك
نحن ما بينا الصراح
**********
تيسير
حتى الطيور بتوالف
مابعيش وحيد عصفور
دى حكمة مبدعة وزادها ابداعا المبدع محمود على الحاج
ننتظر المزيد
|
Post: #71
Title: Re: انفلونزا الطيور فى الغنا السودانى
Author: Khalid Saeed
Date: 02-11-2006, 12:51 PM
Parent: #70
..يتمايل في المشي ويتنه ..
ذي فرخ القطا الأماته ركن وفره
يامولاي آه من غلبي من النار حرقت قلبي .
تخريمة ..
قالوا جماعة جابو فنان في حفلة .. غنى الأغنية الأولى مرضان باكي فاقد ..
والغنية التانية .. ياحبيبي أنا عيان .. الغنية التالته .. دكتوري الخواجه كشف قال مافي حاجة .. فلمن أنتهت الحفلة أدوه ربع القيمة المتفق عليها وقالوا ليه نحنا مشتركين في التأمين الطبي ... هيهيهيهيهيهيهيهي .
تحياتي لك ولى بوستك الظريف .. وياحليل طيور زمان لمن كانت مرسال للحب والهيام .. والله العظيم أسع الداير ينتهي من خطيبته ولى مرته يرسل ليها هيامه مع طيره .. عشان تشوف البجيها،
خالد الأرباب
|
Post: #72
Title: Re: انفلونزا الطيور فى الغنا السودانى
Author: عامر تيتاوى
Date: 02-11-2006, 04:30 PM
Parent: #71
عزيزى خالد الارباب
البلوم فى فرعوا غنى
وطرانا يالحبان اهلنا
بمناسبة الفنان الراحل الجابرى قالوا مرة فنان ( برنسة ) بيغنى فى حفلة ويقلد الجابرى :
حكمة والله وحكاية تشغل
اذهان العباد ... وشغال يغنى وبين الحاضرين واحد بحب الجابرى وما عجبوا الكلام قام زى بيبشر
للفنان وبراحة همس ليهو فى اضانو .. قال ليهو.. والله الحكمة فى راسك الكبير ده !!!
وكمان فيما يخص مرسال الريد والطير فى حاجة تانية من زمان الناس فى السودان لما يقولوا
( الزول دة طيرة ساى ) معناها زول منتهى ياخى الظاهر نحنا من زمان عارفين فى حاجة
اسمهاانفلونزاالطيور
|
Post: #73
Title: Re: انفلونزا الطيور فى الغنا السودانى
Author: عماد شمت
Date: 02-11-2006, 08:58 PM
Parent: #72
جيتك يا الحبيب وبي حقي ..
لميني من الاقدار
ومن زمنا عنيد غدار
من دربا من ملان اخطار
وطول مشوار
لميني ..
وبين جنحيكي ضميني
وخليني
ابقي الضحكه والبسمه
اريج الزهره والنسمه
ابقي البلبل الغريد .. من كلمات الشاعر خضر عطا المنان والحان الفنان عمر احساس
ستري النور قربيا..
يابهجة حياتي وصالك ساعتو ياتي
شفت القمري طاير رفه لي جناحو قالي ياخي سيبك ديل عزالي راحو...التاج مصطفي
ياحمام شيل السلام ودي الريده ... ماعارف سيدها منو؟؟؟؟؟؟؟؟ يمكن ابوعبيده حسن!!
هجرة عصافير الخريف في موسم الشوق الحلو هيج رحيلها مع الغروب احساس غلبني اتحملو..
وردي الحلنقي
جايك تاني ياجاري العزيز
عماد عويس
|
Post: #74
Title: Re: انفلونزا الطيور فى الغنا السودانى
Author: عامر تيتاوى
Date: 02-12-2006, 09:01 AM
Parent: #73
كلمات جميلة ياعماد عويس واكيد حتكون حاجة كدة بصوتك الغريد
عمدة اذكرك :
لما ترجع بالسلامة
وترجع ايامنا الجميلة
ياسنا الروح يامدامة
وياعواطفنا النبيلة
تهدى ليلاتنا ابتسامة
من زمان بنقول حليلا
يوم رحيلك ياحبيبى
شفت كل الكون مسافر
لا (هزار) فى روضة غنى
لازهر عطر بيادر
لا تلاقى يروى شوقى
لا حديث يجبر بخاطر
الشهور ياريتا تجرى
وكل يوم ياريتو باكر
وين ايامك الحلوة يا ود حلتنا وفناننا الغريد بتتذكر
|
Post: #75
Title: Re: انفلونزا الطيور فى الغنا السودانى
Author: عامر تيتاوى
Date: 02-12-2006, 11:34 AM
Parent: #74
مساهمة من الاخ صديق حمدتو
التحية للصديق العزيز عامر تيتاوي صاحب المبادرات والأفكار الرائعة والتحية لكل من ساهم في تنشيط هذه البوست وخصوصا صديقنا العزيز عماد عويس والأستاذ الصديق الطيب بشير
نبدأ برائعة الرائد حسن خليفة العطبرواي الوطنية "أنا سوداني"
وتغنى هزارها طرِباً كعشوق حدا به الشجن
ثم ندخل روضة أبوصلاح الزاهرة في "يا مداعب الغصن الرطيب"
في الروضة غنّى العندليب وردد غناهو الطيور
ونطرب مع صوت فيصل الصحافة الندي المليء بالشجون في رائعة أبو صلاح "من قليبو الجافي"
النسيم يتناول منو خمر الحان والطيور تتناشد رائق الالحان
الغصون تتمايل ميلة الفرحان والزهور بتصفق ويرقص الريحان
ونغني مع الكاشف في رائعته "الشاغلين فؤادي"
البلابل ناحت في الليل الهجيع سهرانات عيوني وما بيات الضجيع
من الحالة ديك أخير لي النجيع وا حسرة شبابي الما لقيت لي وجيع
ونعود مع نوارس أبو ذر الغفاري
في عيونك ضجة الشوق والهواجس ريحة الموج البنحلم فوقو بي جبة النوارس
ثم ندق على باب الوطن مع الكتيابي
علي بابك نهارات الصبر واقفات بداية الدنيا هن واقفات
وكم ولهان وكم طائر بعد نتف جناحو وراك
قطع شامة هواك من قلبو إلا هواك نبت تاني وعلى بابك وقف تاني
ونواصل:
هذه المساهمة الرائعة وصلتنى من الاخ صديق حمدتو الفنان بطبعه والمطلع على روائع
الفن السودانى وعندما بدات هذا البوست قفز الى ذهنى اخى صديق وتمنيت استدراجه الى هنا
وهاهو يستجيب واتوقع منه المزيد
شكرا صديق
|
Post: #76
Title: Re: انفلونزا الطيور فى الغنا السودانى
Author: Yassir7anna
Date: 02-12-2006, 12:04 PM
Parent: #1
يا طير يا ماشي لي اهلنا
باسراع بلغ رسائلنا
قول ليهم على العهد ما زلنا
الرائع تيتاوي
بوست متميز كصاحبه
حبيت اسجل حضور
|
Post: #77
Title: Re: انفلونزا الطيور فى الغنا السودانى
Author: عامر تيتاوى
Date: 02-12-2006, 12:18 PM
Parent: #76
يللا وتعال يللا
نهاجر فى بلاد الله
ننسى وينسونا
وفوقنا الطيبة تتدلى
نعيش زى الطيور ما تعيش
وتفرد لى جناها الريش
تضمنا عشة الريدة
ويضم فوقنا الغمام تعريش
**************
الحبيب ياسر محمد عثمان
مرورك يسعدنى يافنان
وياريتك تعيد الطلة
تسلم ياحبيب
|
Post: #78
Title: Re: انفلونزا الطيور فى الغنا السودانى
Author: عامر تيتاوى
Date: 02-12-2006, 06:14 PM
Parent: #77
من بعد ما فات الاوان
الليلة جاى بتعتذر
وترجع ايامنا الزمان
من وين اجيب ليك العذر
خليتنى ( مكسور الجناح )
سقيتنى بعد الحلوة مر
|
Post: #79
Title: Re: انفلونزا الطيور فى الغنا السودانى
Author: محمد السر
Date: 02-13-2006, 02:00 AM
Parent: #78
| Quote: خليتنى ( مكسور الجناح ) |
تيتاوي شايفك دخلتك على الاستعارة المكنية!!
طيب نديك إستعارات:
أنا في التمني ديمة هديلي ساجع
ما لقيت لي مغيث ولا لقيت لي مراجع
ـــــــــ
انا بي غرامك ياحبيب دمعي انفجر
وانا بي غناك ايقظت سكان الشجر
البوست ازداد ألق على ألق بانضمام حنا وصديق.
|
Post: #80
Title: Re: انفلونزا الطيور فى الغنا السودانى
Author: عامر تيتاوى
Date: 02-13-2006, 02:58 AM
Parent: #79
العزيز محمد السر
مواصلة للاستعارات
شايلين المحنة
وهمنا نبنى جنة
جنة تلمنا
عشناك غنا يااجمل منى
انشاالله فى ( عشة ) هادية
جنة تلمنا
|
Post: #81
Title: Re: انفلونزا الطيور فى الغنا السودانى
Author: عامر تيتاوى
Date: 02-13-2006, 03:06 AM
Parent: #80
فى هواك ياجميل
العذاب سرانى
على عفافك دوم
زيدنى فى نيرانى
( بلبل ) الاغصان
غنى بالذكرى
يا حياة روحى
وبهجة ام درمانى
|
Post: #82
Title: Re: انفلونزا الطيور فى الغنا السودانى
Author: عامر تيتاوى
Date: 02-13-2006, 03:14 AM
Parent: #81
رغم اننا تطرقنا للاغنية الجميلة ( طير الرهو ) للفنان حمد الريح الا ان هناك مقطع اخر
يهيم محلقا فى فضاءات الطيور :
ياسلام لمن نسالم
نبقى زى ( طاير ) معربد
نستحيل شلال عواطف
فى قليب عاشق ( مغرد )
زى تميرا فى الشمال
لمن يفيض النيل يفرهد
تنتشى الدنيا وتزغرد
والنسيمة الحلوة تسبقنا
وتنقر بابنا كو .. كو
ياسلام
والله ياطير الرهو
|
Post: #83
Title: Re: انفلونزا الطيور فى الغنا السودانى
Author: محمد السر
Date: 02-13-2006, 03:22 AM
Parent: #81
عزيزي تيتاوي
وإن (جنحتم) للحقيبة جنحنا إليها
جوهر صدر المحافل
روحي معاك إتلطَّفيلا
الفرع البِتنَّى راتل
طيرو ينوح في غصونو حاتل
صحَّى نسيم لي فكري شاتل
كالأسد الفي القيد يناتل
يتأكد ماليهو كاتل
غير مكحول ظبي النتيلة
|
Post: #84
Title: Re: انفلونزا الطيور فى الغنا السودانى
Author: محمد السر
Date: 02-13-2006, 03:29 AM
Parent: #1
اليمني غنى:
تسرقي ضَحى ونهار يا بُرَّة مالِك!
لا الطير إنعدم لا الفار غِلا لِك
|
Post: #85
Title: Re: انفلونزا الطيور فى الغنا السودانى
Author: عامر تيتاوى
Date: 02-13-2006, 04:31 AM
Parent: #84
محمد السر
الحقيبة دى بجيها ليك بعدين لكن طالما مشيت للطمبور استمتع بالذكرى واستعيد
النغم لسمعك
الراحل اسماعيل حسن قال :
فى بلادى انا والتى تغنى بها فنان الطمبور مرغنى النجار
بلادى الجنة للشفافوها
او للبرة بيها سمع
بلاد ناسا يكرموا الضيف
وحتى ( الطير ) يجيها جعان
من اطراف تقهيا شبع
|
Post: #86
Title: Re: انفلونزا الطيور فى الغنا السودانى
Author: Khalid Saeed
Date: 02-13-2006, 06:27 AM
Parent: #85
الأخ العزيز / عامر تيتاوي
أنا لست بطبيب بطري ..ولكن بعد بحث وتأني وصلت لي قناعة بخصوص أنفلونزه الطيور .. وأعتقد جازم بأنه أول إصابة كانت من نصيب الطيرة الرسلة الأستاذ وردي في .. الطير المهاجر عز الخريف عز المطر .. أعتقد إنها مع المطرة الشديدة ديك لمت فيها الأنفلوزه ولكن نسبة لأن المرض كان غير متعارف عليه .. الطيور قطعت الحكاية دي في مصارينه ودسته .. ولكن للأسف قرارهم ده ماكان حكيم لأنه العدوه إنتشرت طيرة ورا طيرة لغايت ما عييك ..وساعد على إنتشاره شلاقة الطيور كل مرة مسافرة ومره هجرة في الخريف ومره في الصيف وبذات الطير الشليق الجنو رحلات وسفر ( الرهو ) . عشان كده نحنا نقول لي وردي ماكان تهور الطيره دي وتملاها حماس وتقول ليها سافري حتى لو في مطر وخريف وكده .. كان مفروض يقول ليها سافري ولو لقيتي مطره مامشكلة ركلسي شوية كده .. وأدسي في شجره لغاية ما المطر تقيف وبعدين أخدي نفسك وطيري تاني .. الحبيبة ملحوقة .. يعني عنده شنو مستعجل .
وثانياً أخترح نعدل قانون الطيور البيقول ماليها خرطه وبيده جواز سفر .. ولازم يكون كل طيره عندها جواز سفر وخرطة للجينات الوراثية .. عشان العدوه .. وكده .. وكمان لازم يكون عندها كرت الحمة الصفره .. سوري .. الأنفلونزه الصفره ..ونصيحتي الأخيرة للطيور تأكل برتقال كتثر وتخليها من أكل الحبوب والعبط البتسوى فيه ده .
ومسكين ملك الطيور ..
ودعوة إلى جميع الفنانين أنو أي فنان عنده غنيه فيها طيور أو زرازير وكده .. أنو يطلع تصريح من وزارة الصحة قبل كل حفلة تثبت خلو الأغاني الحيغنيها في الحفل من أنلفلونزه الطيور ..ويارت الطيور ذاتو .. أقترح .. يزودوا كل عسكري تبع النظام العام المتخصصين في حراسة الحفلات بنبله .. للإحتياطي وكده ..
مع تحياتي .. لك عزيزي تيتاوي ..ولفنان عطبرة خوجلي هاشم .. صاحب الرائعة ..
القمري ماغناك معاي ..
غنانني ليك أنا من بديت ..
أنا من بديت بيناتنا كان ينمو الفراق ..
حاسيه في ليل الأسى وطعم القسى وآخر الكلام ..وأنفلوزه الطيور ،،
خالد الأرباب
|
Post: #87
Title: Re: انفلونزا الطيور فى الغنا السودانى
Author: عامر تيتاوى
Date: 02-13-2006, 05:46 PM
Parent: #86
العزيز خالد الارباب
طرح موضوعى وجميل خاصة انو ابو الورود او الراحل صلاح احمد ابراهيم حذر تلك الطيرة
المسكينة من ان تاخذ اى قسط من الراحة لو فى مطر او رياح لمن جاها ( الهيم ) وهو الاسم
الشعبى ل (انفلونزا الطيور )
ياخالد يعنى تانى نرجع النبلة ونخلى الشفع يطاردو ود ابرك والقيردون الحاجة من سلك كهربا
لعمود تلفون
عزيزى طالما جبت سيرة عطبرة ناخذ مجازا مناحة ود عطبرة مصطفى مضوى
مسكين انا
حيث يقول
طوفان ( جراد )
وقت الحصاد
افنىواباد محصول سنة
مسكين انا
ومسكينة طيور الانفلونزا
|
Post: #88
Title: Re: انفلونزا الطيور فى الغنا السودانى
Author: عامر تيتاوى
Date: 02-14-2006, 03:18 AM
Parent: #87
غناء ابراهيم عوض
احب مكان
وطنى السودان
لانو حسان وعاطفة حسان
و( طير ) و ( وصوادح )
وروض جنان
الانسام بالطيب تغشاه
والاقمار حفت بسماه
والازهار فى رباه
فيهو النيل الخالد
فيهو العم والخال والوالد
احب مكان عندى السودان
|
Post: #89
Title: Re: انفلونزا الطيور فى الغنا السودانى
Author: عامر تيتاوى
Date: 02-14-2006, 04:04 AM
Parent: #88
عشاق التحليق فى سماوات الابداع مع الكلمات الطائرة فى فضاء المؤانسة هنا مساهمة
جديدة من المتالق صديق حمدتو فيها الشمولية من زمن فى الضواحى لخليل فرح الى ان يحط
الرحال مع كروان الحلنقى الذى ناداه الى عشه من دهاليز الغربة المظلمة .. لكم المساهمة
الرائعة
صديق حمدتو
Quote: عبد العال السيد ومصطفى سيد أحمد “من بعد ما عزّ المزار"
شايلاهو وين النيل معاك
عصفورة جنحاتها النجوم وأنا بوراك
بسأل عليك مدن مدن وأعصر سلافة الليل
حزن بسأل عليك في المنفى في مرفأ السفن
خليل فرح "بين جناين الشاطيء"
خلي جات متبوعة الصافية كالدينار في القوام مربوعة شوفا عالية منار
موضة آخر موضة هيفا غير زنار روضة داخل روضة غني فيها كنار
شوف عناقد ديسها تقول عنب في كروم شوف وريدا الماثل زي زجاجة روم
القوام اللادن والحشا المبروم والصدير الطامح زي خليج الروم
خليل فرح "في الضواحي وطرف المداين "
مال نسيم الليل بي برودك نامت الازهار فوق خدودك
غرد العصفور فوق عودك النفوس ما اتعدت حدودك
ما عرفنا عدوك من ودودك بس أنا المقسوم لي صدودك
يا حياتي وأملي اللي راح
آمال النور في رائعة الحلنقي الجديدة "الكروان"
ليه يا كروان خليت عشك باريت الغربة البتغشك
فارقت البلد البتريدك بالصندل كانت بترشك
ليه يا كروان سبت ديارك ومشيت خليتهم سمارك
دي الغربة الحتت نوارك ما تسيبها تقلل مقدارك
دا البعد الحاصل كان منك ليه نرمي اللوم على اقدارك
ليه يا كروان خليت ناسك ومشيت للناس الماناسك
انت المعروف بين جلاسك معروف بي رقة احساسك
ليه تنسى عيون النيل والليل والريد الحابس انفاسك
ليه يا كروان بعدك طول وما عاد تغريدك زي أول
انا عارفو حنينك ما تحول عشق الأوطان ما بتأول
اصلو الانسان ما بكون انسان لو بنسى قديم زمنو الاول
|
|
Post: #90
Title: Re: انفلونزا الطيور فى الغنا السودانى
Author: Nasruddin Al Basheer
Date: 02-14-2006, 05:18 AM
Parent: #89
عامر تيتاوي
في البدء أتقدم إليك بعميق اعتذاري ، إذا إنه تبدّى لي
بأنك اعتبرت مداخلتي معك نوعاً من التهريج والانصرافية ،
بدليل أنك تفضلت بالرد على كافة المتداخلين وتعمّدت عدم
الرد على مداخلتي والتي كانت عبارة عن قفشة أوقل مفارقة ،
حيث إنني كنت قد ذكرت نصاً من أغنية مشهورة ليس لها أدنى
صلة بموضوع الطيور
وحياة ابتسامتك يا حبيبي وحياة عينيك
كل لمحة من خيالي عن جمالك هيّ فيك
وكان بإمكاني بكل تأكيد أن اذكر عشرات الأغاني التي بها ذكر
أحد الطيور ، ولكنني فعلت ذلك عن قصد كخروج عن النص وهو ضرب
من ضروب الكوميديا، وما شجعني على ذلك أن موضوع البوست نفسه
كوميدي وفكه (بالفتح والكسر والسكون)
أكرر اعتذاري لك ، وسوف أقوم بسحب المداخلة المذكورة
وأشكرك أنك قد نبهتني بطريقة مهذبة جداً إلى واحد من أكبر عيوبي
وهو العفوية والسذاجة.
وفي الختام لك الشكر وكثيف الاعتذار
وأدام الله لطفك.
|
Post: #92
Title: Re: انفلونزا الطيور فى الغنا السودانى
Author: عامر تيتاوى
Date: 02-14-2006, 09:39 AM
Parent: #90
Nasruddin Al Basheer
وحياة ابتسامتك يا حبيبي وحياة عينيك
كل لمحة من خيالي عن جمالك هيّ فيك
ابو النون والله ازعل منك
انت مكان الروح والنفس وانت ضيف عزيز واخو فى السودانية وقبل فى الانسانية
الطيور تطير تقع فى البير انت اهم عندى وانا حريص عليك وبعدين انا اعشق
ود الامين يعنى لو جبت لى الجريدة برضو اقراها واعيدا معاك وارجوا الا تفهمنى غلط
عدم الرد يعود فقط لاننى اسجل اغانى الطيور واحاول مجاراة المساهمين لكن يابو النصر
حقك على والبوست حقك جيب ود الامين ده الامبراطور وفنانى المفضل مع عمالقة اخرين
ابو النصر ماتزعل وياريت اشوف مداخلة جديدة ليك البيت بيتك
وما تفكر تنسحب
وشكرا للاهتمام
وكلنا اخوان
|
Post: #91
Title: Re: انفلونزا الطيور فى الغنا السودانى
Author: Yassir7anna
Date: 02-14-2006, 06:21 AM
Parent: #1
الحبيب عامر
يعني ما شاء الله عيني عليك باردة، حقيقة بوست روعة.
بارك الله فيك وانت تتحفنا بابدعات العزيز صديق حمدتو، زي ما قلت ليك قبل كده ياخ ده راجل موسوعة عديل كده في الغناء السوداني الحديث عموما والحقيبة خصوصا. وكمان لو جاك للغناء السوداني المقارن (لما يقارن الحقيبة مع شعر الغزل العربي القديم) ياخي حاجة ما تخلص
ده كلو كوم، انا المحيرني صديق ده حفظالكلام ده بتين، زول ده كان بتاع كورة وقراية، لا بزك حفلات لا بتاع هجيج، طيب اللاكم ده حفظو بتين؟
الله يديكم العافية الاتنين
|
Post: #93
Title: Re: انفلونزا الطيور فى الغنا السودانى
Author: عامر تيتاوى
Date: 02-14-2006, 09:50 AM
Parent: #91
العزيز ياسر محمد عثمان
يازول !!! انت ماعارف صديق حمدتو كمان بغنى مرة مرة يعنى اجمل حاجة لما يغنى ليك
انا فى التمنى ديمة هديلى ساجع وخاصة لما يصل لجملة امشى واجيهو راجع بيكون وصل قمة
النشوة والطرب
ياسر صديق هسى ممكن يكب قصيدة ابو القاسم ابو زيد ادفقى الغناها مصطفى سيد احمد ويقول
القصيدة كلها بشدتا وبهمزتا علما انها طويلة جدا وزى ماقلت ماعارف صديق ده بلقى الوقت
متين مع الكورة والقراية ربنا يديهو العافية وطبعا ده جزء بسيط من العارفو صديقوف
فى الغنا السودانى عشان كده قلت اخونا موسوعى ربنا يديكم العافية صديقى العزيزين
ياسر ما تزوغ جيب لينا طيرة كدة حتى لو ود ابرك ولا القيردون هههههه
|
Post: #94
Title: Re: انفلونزا الطيور فى الغنا السودانى
Author: طارق جبريل
Date: 02-14-2006, 10:54 AM
Parent: #1
تيتاوي كيفنك
لا زلت (محلقا) بينكم
وقررت ان اقدم للاقامة بينكم
|
Post: #95
Title: Re: انفلونزا الطيور فى الغنا السودانى
Author: عامر تيتاوى
Date: 02-14-2006, 12:15 PM
Parent: #94
العزيز طارق جبريل
البيت بيتك
وزى ما قال الراحل صلاح احمد ابراهيم فى ( الطير المهاجر )
تلقى الدليب اريح سكن
وجودك يسعدنا وتحليقك مع الطائرين فى هذا البوست يبعث الشعور بالسعادة
|
Post: #96
Title: Re: انفلونزا الطيور فى الغنا السودانى
Author: عامر تيتاوى
Date: 02-14-2006, 04:51 PM
Parent: #95
ايامى الخوالى
شفت الوحشة فيها
خالية رتيبة تمشى
والليلات شبيهة
مابعرف وحاتك
ابدا قيمة ليها
*************
انا عاقد عليكى
امالى الكبيرة
*************
ايامى يااملى
*************
الى ان يقول :
زى ( اطيار ) تغنى
فى اجمل حديقة
|
Post: #97
Title: Re: انفلونزا الطيور فى الغنا السودانى
Author: عامر تيتاوى
Date: 02-15-2006, 02:29 PM
Parent: #96
ابنى عشك ياقمارى
قشة قشة
وعلمينا كيف على الحب
دارنا ينشا
مهما العواصف
برضو واقف
مابيهو رعشة
|
Post: #98
Title: Re: انفلونزا الطيور فى الغنا السودانى
Author: Yassir7anna
Date: 02-16-2006, 05:07 AM
Parent: #1
الحبيب عامر
كدي هاكم دي لغاية ما اجي راجع
عيون (الصيد) النعسات عيوني
عيون النيل حاكن عيوني
|
Post: #99
Title: Re: انفلونزا الطيور فى الغنا السودانى
Author: عامر تيتاوى
Date: 02-16-2006, 09:30 AM
Parent: #98
ياسر حنا صديقى العزيز
رجيتك وفى انتظار عينيك كملت الصبر كلو ...........ولسه منتظرين
مع الطيور
نغنى مع سيد خليفة رائعة المدهش الكبير ادريس جماع
فى ربيع الحب كنا
نتناجى ونغنى
ونناجى (الطير )
من عصن لغصن
ثم ضاع الامس منى
وانطوت فى القلب حسرة
اننا طيفان فى حلم
سماوى سرينا
كانت الجنة مسرانا
فضاعت من يدينا
انه الحب
فلا تعتب ولاتحمل
علينا
|
Post: #100
Title: Re: انفلونزا الطيور فى الغنا السودانى
Author: عامر تيتاوى
Date: 02-16-2006, 01:15 PM
Parent: #99
اليكم مساهمة جديدة من الاخ العزيز صديق حمدتو الذى يواصل التحليق فى سماوات الابداع
مع الكلمات الطائرة فى فضاء الاغنية السودانية
اليكم ماكتبه صديق حمدتو
Quote: التحية للأعزاء عامر تيتاوي وياسر حنا
والله لكن رجعتوني لأيام رائعة بس إنتو ما عارفين الخراب الذي حلّ بالذاكرة بعد الغربة وما تبعها من تداعيات خطيرة كالزواج والولادة وهلم جرا،،
ولنبدأ في التحليق مع "خاطرك الغالي" و عوض أحمد خليفة وعثمان حسين
اسأل عليك الليل ونجمو وحتى أنوار الصباح
وكل طائر في سماهو في شريعتو الحب مباح
أسأل مشاعرك عن هوانا أنا قلبي ليك حفظ الغرام
ما أظنّو من عرف الهوى يعرف عداوة مع السلام
ونواصل مع أحلام وأماني عبد الرحمن الريح وإبراهيم عوض "الدنيا منى وأحلام"
الروض يتعشق بعضو أغصان وفروع وزهور
لليل تشتاق الأنجم والظلمة تحب النور
في الروض كم ساجعة جميلة تغرّد للعصفور
وكل أغرودة لطيفة لبنات الأيك كلام
وكل أنشودة خفيفة فرحة وشفاء للآلام
ونعيش في ربيع الحب" مع إدريس جماع وسيد خليفة "
في ربيع الحب كنا نتساقى ونغني
نتناجى ونناجي الطير من غصن لغصن
ثم ضاع الأمس مني وانطوت في القلب حسرة
وينضم إليهم التيجاني يوسف بشير في "إنشودة الجن" أو "قم يا طرير الشباب"
طوف على زرياب وميل على معبد
وأغشى كنار الغاب في هدئة المرقد
وحدث الأعراب عن روعة المشهد
ونختم برائعة عبد القادر سالم "قدريشنّ"
عيوني ليهن حق كان هنّ عشقنّه
ما جمال بكفي الناس براهو شايلنّه
والحديث نغيم الناي زي طيرة في جنّه
ونواصل
|
|
Post: #101
Title: Re: انفلونزا الطيور فى الغنا السودانى
Author: khaleel
Date: 02-16-2006, 01:31 PM
Parent: #100
عامر تيتاوي
موسوعة غناء الطيور والحمام والبلوم والكروان
بس عركي عندو حاجة للنوارس هو ومصطفي سيد احمد
فهل النورس يعتبر من طيورنا
|
Post: #102
Title: Re: انفلونزا الطيور فى الغنا السودانى
Author: عامر تيتاوى
Date: 02-16-2006, 03:35 PM
Parent: #101
العزيز خليل
سؤالك فى محلو انا شخصيا ما شفت نوارس فى الاماكن التى زرتها فى السودان ولكن ياخليل
ربما النوارس تبقى حلما فقط فى غنانا وقد عبر عن ذلك الشاعر ابو ذر الغفارى فى كلمات الاغنية
التى تغنى بها الراحل مصطفى سيد احمد :
فى عيونك
ضجة الشوق والهواجس
ريحة الموج البنحلم فيهو
بجية النوارس
فهى اذن ياعزيزى خليل مجرد حلم وهذا يؤكد منطقية السؤال الذى طرحته ..عن نوارس السودان التى
ينتظر شاعرنا حلم مجيئها مع موج البحر
|
Post: #103
Title: Re: انفلونزا الطيور فى الغنا السودانى
Author: محمد خالد ابونورة
Date: 02-16-2006, 05:15 PM
Parent: #102
عامر العزيز سلامات
اتابع مداخلتك الاستثنائية حول ادمان شعراء الاغنية عندنا للطيور حتى تلك الموجودة في خيالاتهم كالنوارس واسمح لي عامر ان الفت انتباهك الى القصيدة ذات الشحنة العالية من الشاعرية والمتفجرات والتي كتبها هاشم صديق وانا اعني قصيد انفولنزا الصقور
|
Post: #104
Title: Re: انفلونزا الطيور فى الغنا السودانى
Author: عامر تيتاوى
Date: 02-16-2006, 06:40 PM
Parent: #103
عزيزى محمد خالد ابو نورة
ليتك لو عرضت لنا القليل من ( انفلونزا الصقور )
واذ نعود الى الطيور والبلابل الصداحة نمضى عبر التاريخ الجمالى فى ثنايا اغنية عثمان
الشفيع ابن شندى الجميلة
الزهور والورد
شتلوها جوه قلبى
عشان حبيبى
تذكارو ديمة عندى
ترك ( حمامة ) تنبينى بى هياما
تقول لى اصبر فى العجلة الندامة
***********
ابو نورة ارجوا ان تعود مرة اخرى متابطا بعض الطيور ولو من تلك النوارس التى تعيش فى
اخيلتناو تضج بها ضفاف القارة العجوز
سلام ياصاحبى
|
Post: #105
Title: Re: انفلونزا الطيور فى الغنا السودانى
Author: عامر تيتاوى
Date: 02-16-2006, 07:06 PM
Parent: #104
الجمعة فى شمبات
عنوان عريض لشاعرية تلك الضاحية المليئة بالجمال وسحر الطبيعة والافق الاخضر
وقد تفجرت قريحة شاعرنا الكبير عبيد عبد الرحمن وهو يصف تلك اللحظات الجميلة الاثيرة
وابدعها غناء الفنان المتفرد ابراهيم الكاشف
يقول :
تحت فيحاء الخميلة
كنا و( الاطيار ) تغنى
ترقص ( الاطيار ) تمنى
بيننا اوجه جميلة
كلما ( العصفور ) يغرد
والنسيم يهفو ويبرد
تزدهى الاقمار تورد
واحده صاحية واحده وسنى
واحده فاترة فاتنة حسنه
|
Post: #106
Title: Re: انفلونزا الطيور فى الغنا السودانى
Author: عامر تيتاوى
Date: 02-16-2006, 07:11 PM
Parent: #105
ياحمام الايك
اغريهوا منى السلام
قولي الزمان فرقنا
وجارت الايام
|
Post: #107
Title: Re: انفلونزا الطيور فى الغنا السودانى
Author: عامر تيتاوى
Date: 02-17-2006, 09:36 AM
Parent: #106
ان حمامى وناح ( حمامى )
عشان ياحبيبى ماحفظت زمامى
لو حفظت زمامى
وجيت جلست امامى
كنت طبت وزاد اهتمامى
بتقبيل قدميك يازهرة كمامى
|
Post: #108
Title: Re: انفلونزا الطيور فى الغنا السودانى
Author: عامر تيتاوى
Date: 02-17-2006, 11:30 AM
Parent: #107
زى قمرى فى صراحك
لذيذ للروح نواحك
لو عاوز تجامل
رسل لى جناحك
|
Post: #109
Title: Re: انفلونزا الطيور فى الغنا السودانى
Author: عامر تيتاوى
Date: 02-18-2006, 12:39 PM
Parent: #108
النعام ادم
.. فنان ينظم الكلام ويلحن الجمل ويغرد بصوته المتفرد وقد تغنى كثيرا بالطيور
بمعظم انواعها وصنوفها ويكفى ان اسمه ( النعام ) يحلق بنا فى سماوات الطيور ولا يلجا ابدا
الى دفن راسه فى الرمال مثلما يفعل النعام سيد الاسم
لقد كان هذا الفنان العملاق يمثل نسيجا لوحده ومحطة لايمكنك الا ان تتوقف عندها لتستمع الى
الكلمة المدهشة والنغمة المنعشة .. الطمبور بين يديه يطرب فلا يبقى كما جرت العادة على صدره
فقط وانما يرقص زاحفا حتى الى رقبته وعلى راسه وجنبه .. الم اقل لكم ان النعام متفرد
اليوم وعبر اغنيته الغرام التى هى من كلماته والحانه وغنائه ننتقى مكان الطيور فى الابيات
التالية :
الغرام ياناس الغرام
جننى انا يا سلام
*********************
انتى ظبية وفى بواديك
الطيور شادية تغنى ليك
واى انا المازيانى عينيك
وحارقانى انا ياسلام
*********************
الغرام ياناس الغرام
جننى ياسلام
|
Post: #110
Title: Re: انفلونزا الطيور فى الغنا السودانى
Author: حسن البشاري
Date: 02-18-2006, 12:52 PM
Parent: #109
العزيز عامر تيتاوي
نحلق معك باندهاش ايها الرجل الحديدي الذاكرة والموسوعي في الغناء السوداني.
واصل امتاعنا بكل جميل ايها الجميل.
|
Post: #111
Title: Re: انفلونزا الطيور فى الغنا السودانى
Author: عامر تيتاوى
Date: 02-18-2006, 01:12 PM
Parent: #110
العالم النحرير حسن البشارى
مرورك هنا يزرع فى نفسى فرحة خاصة طبعا يا ابوعلى قاموس الطيور فى الغنا السودانى يحمل
الكثير من التفاصيل الرائعة والمدهشة
طبعا ياالبشارى لدينا شاعر سودانى شاب لا يقف بك عند حد الدهشة وياخذك الى دهاليز الذهول
انه عاطف خيرى الذى قدم لنا تلك القصيدة الرائعة ( شهيق ) والتى ابدعها غناءالراحل مصطفى
سيد احمد فزادها جمالا والقا بنيلها وارضها ونخليها وعتمورها وغاباتها وايضا عصافيرها
عندمايقول
لحظة طار عصفور من صدرك
رتب فينا احساس بالالفة
ودوزن عصب الزمن الاشتر
|
Post: #112
Title: Re: انفلونزا الطيور فى الغنا السودانى
Author: عامر تيتاوى
Date: 02-19-2006, 08:36 AM
Parent: #111
الفنان على اللحو لم يترك الصقور فى حالها وهو يتغنى باغنيته الجميلة ( جبار الكسور )
وفيها :
ميزان الدهب يااب كفة راجحة
(صقر ) الخلا سهام عينيك جارحة
ابواب مسكنك ليلا ونهار فاتحة
القلوب بين ايديك بيقروا ليها الفاتحة
ياجبار الكسور
|
Post: #113
Title: Re: انفلونزا الطيور فى الغنا السودانى
Author: عامر تيتاوى
Date: 02-19-2006, 09:43 AM
Parent: #112
مع الحلنقى وزيدان ابراهيم نتامل فراش القاش
مين علمك يافراش
تعبد عيون القاش
الخضرة فى الضفة
وهمس النسيم الماش
باكر بعود القاش
ترجع عيونو حنان
وتطير تداعب الموج
بجناح نسيم رياش
|
Post: #114
Title: Re: انفلونزا الطيور فى الغنا السودانى
Author: عامر تيتاوى
Date: 02-19-2006, 01:15 PM
Parent: #113
كل طائر فى سماهو
فى شريعتو الحب مباح
اسال عليك الليل ونجمو
وحتى انوار الصباح
اسال مشاعرك عن هوانا
انا قلبى ليك حفظ الغرام
انا ما بغير حبى قول
تلقانى فى غاية الالم
غناى فى حبك رسول
الاستاذ عثمان حسين
|
Post: #115
Title: Re: انفلونزا الطيور فى الغنا السودانى
Author: khaleel
Date: 02-19-2006, 02:43 PM
Parent: #114
تيتاوي
والله حقو اسميك عوض بابكر
زاكرة متقدة وحضور بديهة
فراش القاش بتاعة عبد الوهاب هلاوي وليست للحلقني
اقوقي القمري مع القطا
والولادة بعد الشيخ كفي
اوعي اكون دي قلناها كمان
تشابهت علينا الطيور
مع فائق تقديري
|
Post: #116
Title: Re: انفلونزا الطيور فى الغنا السودانى
Author: عامر تيتاوى
Date: 02-19-2006, 03:01 PM
Parent: #115
خليل ياعزيز
لم يتطرق احد الى الشيخ سيرو وكانت فى الخاطر
فرع البان انتكى
ميل فى النيل حكى
دوب الليلة دا الشافا وادركا
تغنى ليك ( القمارى )
يالسيل الفى النقعة جارى
ياالتمساح العشارى
بتقلبوا وتجينا جارى
دوب الليلة
|
Post: #117
Title: Re: انفلونزا الطيور فى الغنا السودانى
Author: عامر تيتاوى
Date: 02-22-2006, 10:55 AM
Parent: #116
سوقنى معاك ياالحمام
سوقنى محل ما الحبيبة قريبة
تراعى الغرام
سوقنى محل ما المحنة
ايادى تقطر سلام
سماحة الحياة فوق اهلنا
وبلادى تقرقر سلام
( حميد )
|
Post: #118
Title: Re: انفلونزا الطيور فى الغنا السودانى
Author: عامر تيتاوى
Date: 02-23-2006, 03:30 AM
Parent: #117
اذا عادت بنا الايام
كتبت على سواد العمر
شعرا لا يدانيه غناء الطير
ووشوشة الضياء فيه
ركبت زوارقى
ابحرت فى شعر لها مجدول
**
نغم للراحل مصطفى سيد احمد
|
Post: #119
Title: Re: انفلونزا الطيور فى الغنا السودانى
Author: عامر تيتاوى
Date: 02-24-2006, 09:53 AM
Parent: #118
مقطع من مسدار ابو السرة لمحمد طه القدال وعقد الجلاد
الشم خوخت بردن ليالى الحرة
والبراق برق من منه جاب القرة
شوف عينى ( الصقير ) بجناحو كفت الفرة
تلقاها ام خدود الليلة مرقت برة
***
شن القغدة يابو السرة
فى ضل العمارات ام كمرة برة
ضقنا الحنضل اليانكى وبلعنا المرة
كملت كوتة التمباك صقعنا الجرة
وكت اتقفلت شقيش قبل بالمرة
نرمى امرنا فى بلد المعانى الحرة
|
Post: #120
Title: Re: انفلونزا الطيور فى الغنا السودانى
Author: Mutwali Malik
Date: 02-24-2006, 11:20 AM
Parent: #100
اخي عامر
من اروع واجمل البوستات واصل
ولاننسي شاعرنا محمد بشير عتيق في ياحبيبي عرج بي وميل غناء كرومة
اما الطيور عاشقة الزهور في هناء وسرور
من طيبة تستنشق رياح وتغني اغنية الصباح
ياحبيبي سيب الاستحا متع مناظرك سرحا
شاهد الطبيعة ومسرحا وشدو البلابل في الضحا
تخريمة تم تحوير بعض الامثال المعروفة مثال
الحسنة في الملعون زي الانفلونزا في الطيور
ولنا عودة
|
Post: #121
Title: Re: انفلونزا الطيور فى الغنا السودانى
Author: عامر تيتاوى
Date: 02-24-2006, 02:30 PM
Parent: #120
Mutwali Malik
اشكرك اخى العزيز على مرورك الانيق والعرض الجميل الممتع
اما عن طيور الحقيبة فهناك العديد من فضاءات الطيور والتى سوف نعرض لها تباعا
واتمنى ان تكون حاضرا معنا
وسنعرج الى كلمات طائرية خفيفة الظل فى القمر بوبا للعملاقين اسماعيل حسن ووردى
*****
القديما .. قديم ( الحمام ) ياملايكة تشيلى السلام
|
Post: #122
Title: Re: انفلونزا الطيور فى الغنا السودانى
Author: Mutwali Malik
Date: 02-24-2006, 10:49 PM
Parent: #121
قصيدة روح ليه يابلبل - محمد بشير عتيق غناء عبد الحميد يوسف
روح ليه يابلبل واروي له اخباري وجيب خبر منه
روح ليه يابلبل شاهد مغانيه وروح ليه يابلبل ردد تهانيه
وروح ليه يابلبل من شعري غنيه ايات معانيه
|
Post: #123
Title: Re: انفلونزا الطيور فى الغنا السودانى
Author: عامر تيتاوى
Date: 02-25-2006, 02:18 AM
Parent: #122
غنى ياطيور غنى
الحان الربيع
معرض الزهور غنى
غنى ياطيور غنى
|
Post: #124
Title: Re: انفلونزا الطيور فى الغنا السودانى
Author: Rakoba
Date: 02-25-2006, 04:27 AM
Parent: #123
حبيبنا عامر،
متابعون بشغف الابداع المتجدد (يوماتي) .. وهاك رائعة الراحلة منى الخير، التي صاغها الخالد فينا اسماعيل حسن.
يا قمريــة
عشان هواك حبيت
قمرية فوق الدوح
تغني للعشاق
الحب بدال النوح
وترسل الأشواق
من قلبهاالمجروح
عشان هواك انته
يادنيا من ألحان
صمت الهوى صوتك
صرفتها الأحزان
بقيت حياتي إنتا
سكبتا فيا حنان
من ثغرك البسام
عرفت أفراحي
علمتني ما الحب
يا سعدي يا راحي
ياواهب الآمال
بددت أتراحي
عشان هواك أنتا
شديت يا صاحي
عشان هواك
حبيت زهور وحمام
حملتها الأشواق
من قلبي ليك كلام
وديعة زي طبعك
في الروض تغني دوام
حنينة زي قلبك
يا ملهم الأنغام
عشان هواك أنتا
بقيت دوام بسام
عشان هواك حبيت
قمرية فوق الدوح
تغني للعشاق
الحب بدال النوح
وترسل الأشواق
من قلبهاالمجروح
|
Post: #125
Title: Re: انفلونزا الطيور فى الغنا السودانى
Author: عامر تيتاوى
Date: 02-25-2006, 08:27 AM
Parent: #124
المبدع راكوبة
قصيدة جميلة ورائعة الى الحد البعيد لم اتامل فى هذه الكلمات من قبل ويكفى انها للعملاق
اسماعيل حسن
***
اللون الخمرى
الليلة
الخد الزهرى
الليلة
عصفور الجنة الغرد وغنى
انا ليهو بنادى جوة فؤادى
|
Post: #126
Title: Re: انفلونزا الطيور فى الغنا السودانى
Author: Mutwali Malik
Date: 02-25-2006, 09:02 AM
Parent: #125
عتيق مع عثمان حسين في ذكري
اتذكري يوم كنا مجتمعين سوي في خصيب مرتعنا واتمتعنا بي طهر الهوي
اتذكري بين افاويق الزهور اتذكري بين اغاريد الطيور
نحن اتعادلنا واتبادلنا اقداح السرور
في صفا الانس والحبور بينا كم احتفت بدور
وكوكب السعد راح يدور
|
Post: #127
Title: Re: انفلونزا الطيور فى الغنا السودانى
Author: عامر تيتاوى
Date: 02-25-2006, 09:13 AM
Parent: #126
مع الرائع المبدع عثمان حسين ايضا نحلق مع الفراش الحائر
طاف الفراش الحائر
مشتاق الى وجناتك
حبيبى اه انا غاير
على صفاك وجمالك
صدقنى اه وحياتك
|
Post: #128
Title: Re: انفلونزا الطيور فى الغنا السودانى
Author: Mutwali Malik
Date: 02-26-2006, 08:56 AM
Parent: #127
عتيق - لحن عبدالرحمن الريح - غناء كرومة - رونق الصبح البديع
في رونق الصبح البديع قول ياحمام اسمعني الحان الربيع
قول ياحمام حي الغمام انا لي فبك شوق واهتمام
اسمعني من شدوك صدا هاه الربيع اقبل بدا
وعلي الرياض مرت يدا وشاها بي قطر الندي
في رونق الصبح البديع
صحت الورود في كل روض واتبسم الزهر الوديع
هاهي الطبيعة الكون تحلا بمنظرا للعالمين سفرت باجلا مظاهرا
الروضة تغري لناظرا اطياره عاشقة ازاهرا
هي والنسيم في مناظرا تظهر حقائق وجوهرا
هي نزهة لي كل من يري هي حكمة بل هي اية من صنع البديع
انا ياحمام لي فيك مرام اصبحنا سيان في الغرام
كونك محب وهواك طريف تتعشق الروض الوريف
وانا لي حبيب ناعم ظريف حاذق اديب مترف عفيف
اسالني عن تصويره كيف هو زهره في الجنس اللطيف
بالاختصار هو حسنو صار فوق للجميع
|
Post: #129
Title: Re: انفلونزا الطيور فى الغنا السودانى
Author: عامر تيتاوى
Date: 02-26-2006, 09:17 AM
Parent: #128
يردد الناس من قصيدة انا ياطير للمبدع عبيد عبد الرحمن والتى ابدعها غناء العبقرى الكاشف
مقاطع المطلع ولكن هناك مقاطع اخرى جميلة منها
ياريت كنت زيك *** لو يجدى التمنى
حبيبى يكون معاى *** فى الاشجار نقيل
وبالاغصان نميل *** فى خفة جناحك
وحرية صراحك *** فى الافنن نغنى
انا ياطير مقيد *** بقيود اثقلتنى
وانت طليق ولاهى *** وليك فى الروض ملاهى
****
****
|
Post: #130
Title: Re: انفلونزا الطيور فى الغنا السودانى
Author: عامر تيتاوى
Date: 02-27-2006, 03:22 AM
Parent: #129
اذكرينى ياحمامة
كل ما الساجع ترنم
بهواى وفوق جمالك
اذكرينى ياحمامة
كلما هطلت غمامة
فى مساك وفى صباحك
فى غدوك وفى رواحك
|
Post: #131
Title: Re: انفلونزا الطيور فى الغنا السودانى
Author: عامر تيتاوى
Date: 02-27-2006, 04:26 AM
Parent: #130
عذرا
فى واحدة من القصائد الجميلة فى الغنا السودانى المحلق فى فضاءات الطيور اختلط على
الامر فنسبت قصيدة ( فراش القاش ) التى يتغنى بها ( العندليب الاسمر ) زيدان ابراهيم
للشاعر الكبير اسحق الحلنقى وقد صححنى الاخ المحب للكلمات الجميلة والفن ( خليل )
واشار الى ان كلمات فراش القاش لشاعرنا المرهف عبد الوهاب هلاوى فله العتبى وهو من
زملائى القدامى عندما كان يحرر الملف الثقافى فى جريدة الاسبوع فى الثمانينيات برفقة
الشاعر المبدع عبد العظيم اكول وكان هناك ايضا شاعر النوارس لمصطفى سيد احمد حبيبنا
ابو ذر الغفارى واذكر انه فى تلكم الايام ان قرا على عبد الوهاب هلاوى احدى قصائده
الخفيفة رشيقة الكلمة وبساطة الصورة وعمق المعنى وقد سجلتها فى احدى كراساتى ورغم اننى
لم اسمع احد وقد تغنى بها لحنا الا انها مازالت فى خاطرى وقد توسطها ( الطير والعصافير )
ايضا حالها كحال معظم كلمات الاغانى السودانية واذكر منها :
سبتنى صاح
لكين معليش
سبتنى صاح
لكين معليش
لسهه الموية بتنقط
من الماسورة
وفوق السور
بترك عصفورة
ولسه الشفع
فى حلتنا مما تصبح
بلعبوا كورة
وسبتنى صاح
لكين معليش
عذرا شاعرنا الجميل عبد الوهاب هلاوى واتمنى ان تكون الذاكرة قد اسعفتنى هذه المرة ولم
تفعل معى مثلما فعل فراش القاش .. وباكر بعود القاش ترجع عيونوحنان
وتطير تداعب الموج بجناح نسيم رياش
|
Post: #132
Title: Re: انفلونزا الطيور فى الغنا السودانى
Author: Mutwali Malik
Date: 02-27-2006, 08:13 AM
Parent: #131
اذكري ايام صفانا
النهر لينا اقترب والطيور تسجع طرب
عاملة موسيقة قرب
ونحنا صار مجلسنا عامر تيتاوي
في مرح في نشوة في غبطة وسرور
كنا داخل روضة مافيش حد سوانا
غير ان القمري يهتف بي هوانا
من اغاريد فنه يسمعنا اسطوانة
تعرف ياخي عامر نحن السودانيين في الاشعار نتفوق علي كل العرب ولكن لاادري ماسبب محليتنا هذه ودي كانت تخريمة شوية عن موضوعك
لك ودي
|
Post: #133
Title: Re: انفلونزا الطيور فى الغنا السودانى
Author: عامر تيتاوى
Date: 02-28-2006, 03:57 AM
Parent: #132
عزيزى
Mutwali Malik
لك شكرى وتقديرى معك كل الحق فيما ذهبت اليه وفى اعتقادى ان اشكالية المحلية ناتجة فى
الاساس من قصور الظل الاعلامى لمجمل الفنون السودانية ولعل الدليل على ذلك ان منتوجنا
الثقافى والادبى الذى وصل الى الاخرين حظى بمكانته المتميزة وعلى سبيل المثال قصيدة
الشاعر السودانى الهادى ادم ( اغدا القاك ) والتى تغنت بها ام كلثوم سيدة الغناء العربى
وكوكب الشرق فذاع صيتها وصارت من اجمل اغانى ام كلثوم ورغم ذلك فان كلمات الهادى ادم
لم تصل الى ام كلثوم بل هى التى سعت اليها عندما زارت الخرطوم فى العام 1967 ضمن
الحفلات التى اقامتها فى جولة عربية بعد حرب يونيو 67 او ما يعرف بالنكسة وقد عثرت
ام كلثوم على كلمات اغدا القاك فى ديوان شعرى للهادى ادم فاعجبتها الكلمات واختارتها
لتغنيها وقد لاقت الاغنية رواجا كبيرا .. ولو لم تزر ام كلثوم الخرطوم لبقيت القصيدة
الرائعة فى اضابير الكتب نسيا منسيا كمثيلاتها من القصائد السودانية التى تزخر بكم
هائل من الجماليات وعمق الكلمات والثقافة العالية تاريخيا وجغرافيا وانسانيا
الموضوع طويل ياصديقى واشكرك على اثارته فهو على جانب كبير من الاهمية وسنعود اليه
فى مرات قادمة .. ولكن قبل ان نمضى الى خط النهاية نعود على الى عالم الطيور وفضاءاتها
فى الاغنية السودانية وهذه المرة مع شاعرنا الكبير محمد عبد الله الامى فى قصيدته الرائعة
اسمعنى نشيدك :
اسمعنى نشيدك
ورينى كمان فى الفن تجديدك
ياحمام الدوح
اسالنى افيدك
عن حالى البى واحسبنى شهيدك
ولهى مابفيدك
ابقالى رسول او خذنى فى ايدك
اترك تهديك
اسمعنى درر واظب ترديدك
وين القى نديدك
ياجالى الهم زيد شجوى وازيدك
عقب تغريدك
ياساجع الدوح خلينى اريدك
واصل لى بريدك
والبس روحى ياحمام فى وريدك
لاتخشى هجيرك
سافر ياحمام مولاك يجيرك
سارع فى سيرك
لو لى جناح انا كنت وزيرك
رحماك فى صعيدك
اندب حظى وادنو لبعيدك
يوم عيدى وعيدك
يوم الايام لديارى تعيدك
ياحمام الدوح
اسمعنى نشيدك
***
كم من الجمال وروعة الكلمة ودقة الوصف وسلاسة التعبير ... كمية من الجمال والابداع الشاعرى
لكم المودة والتقدير والمحبة
|
Post: #134
Title: Re: انفلونزا الطيور فى الغنا السودانى
Author: Mutwali Malik
Date: 02-28-2006, 10:21 AM
Parent: #133
اخي عامر لك كل الود
كمان ماننسي اخونا الديك في شعرالحقيبة مثال
ياخي اهديك اوعي من ديك هم اعاديك ختام ياروحي اهديك
تحيات حبي وسلامي وجواهر شعري وكلامي
مثال اخر
ومااحلي ديك مناظر فيها البيان تجلي
بين مسفرات اهله ونخبة عرب اجلة
كذلك العندليب في شعر الحقيبة مثال
في الروضة ماء الطل دفق الزهر والورد اتفق
واحد بياض والثاني زي لون الشفق
بين خضرة او انوار صفق العندليب غني وصفق
حرك شعور المستمع خلي المحب يزري الدمع
|
Post: #135
Title: Re: انفلونزا الطيور فى الغنا السودانى
Author: Rakoba
Date: 02-28-2006, 01:27 PM
Parent: #134
أبوالتيت
هاك جدادي يلقط الحبا ده، وأعمل حسابك من الإنفلونزا
|
Post: #136
Title: Re: انفلونزا الطيور فى الغنا السودانى
Author: طارق جبريل
Date: 03-01-2006, 06:59 AM
Parent: #1
جينا (نحلق) معاكم تاني
في غنية تراثية
بتقول:
خوجج يا صقر خلي الرخم قاعدين
|
Post: #137
Title: Re: انفلونزا الطيور فى الغنا السودانى
Author: عامر تيتاوى
Date: 03-01-2006, 09:40 AM
Parent: #136
Mutwali Malik
ماتنسى فى الليلة ديك
راكوبة الحبيب
تصدق بقينا نخاف من ديك العدة
طارق جبريل
نحلق هذه المرة مع الفنان النور الجيلانى فى اغنيته ياوداد طبعا طوالى اتذكرت الهلال والوداد
وناخذ منها جزءا يسيرا فى عوالم الطيور :
دبلة شنو البدلتى بيها هواى انا
ياروعة ياخدر المشاعر
ياوداد مليون سنة
حليلى كان كلمات هواك
فى القمرة قلبى مدونة
فى جناح طيور ناوية الرحيل
وعلى النخيل ضامة الجنا
انا دنيا ما بتعرف بلاك
غيرك حياتى ما ممكنة
|
Post: #138
Title: Re: انفلونزا الطيور فى الغنا السودانى
Author: Mutwali Malik
Date: 03-02-2006, 08:34 AM
Parent: #137
اخي عامر لك كل الود
طبعا اخوك من الناس البحبو الحمام خالص وخاصة الشوربة
والحقيبة كذلك لم تترك الحمام في اشعارها
اذكريني ياحمامة كلما ساجع ترنم بي هواي وحب جمالك
اذكريني ياحمامة كل ماهطلت غمامة في مسائي او في صباحك
وفي غدوك او في رواحك
كذلك في السلام ياروحي ماغني الحمام بين غصونه وما نسيم الصبح هب
كل ليل ارعي الكواكب باهتمام في التعلل بين عسي وعل ورب
مثال اخر
الحمامي وناح حمامي عشان ياحبيبي مافقدت زمامي
مافقدت زمامي وجيت جلست امامي
ودمت
|
Post: #139
Title: Re: انفلونزا الطيور فى الغنا السودانى
Author: Rakoba
Date: 03-02-2006, 10:03 AM
Parent: #138
وهاك حاجة قديمة من خليل أفندي فرح
طير الودي
يا طير الوِدي نزَّاح تسابق الشاردة
بتجوب الفضا وتثكل ثكيل الفارده
نياتك سلام ما حارة عينك بارده
ميال للطبيعة والهبيبة البارده
أنيس الرياض ما بتخفى عنك شارده
ويكيِّف غريدك زي دموع الحارده
جفّال من حبايبك وما بتشيقك عارده
والنيل بيك تآنس والصحاري الجارده
قول لي ما وراءك يا عصام بالواحدة
عاطفتك كريمة وبالخبير ما جاحدة
لا زال النخيل في توتي مادي الشاحده
وشمبات لسه ترفل في نعيمة وجاحده
كنانة آمون مشغولة قايدة وشايدة
من ولدانه بي تلك القصور الشايدة
هديك الفلايك وديك (لوتس) و(عاندة)
وداك عاشق مدلل وديك حبيبة معاندة
ناس الأم حنان وإن مني متعوا الرايده
ما حسبو لي أنا وما أظنوا فيَ الفايده
زينتي وشينني عاد إياها فوقن عايده
والأيام ظروف صايدة وتكون ما صايده
|
Post: #140
Title: Re: انفلونزا الطيور فى الغنا السودانى
Author: Rakoba
Date: 03-02-2006, 10:07 AM
Parent: #139
ومع شعراء الحقيبة كمان..
سيد عبد العزيز - غنا القمري
غنى القمرى على الغصون
ذكرنى الدر المصون
فريد عصرو الما متلو شى
قمرنا الليك متربصون
الغصن البزرى الغصون
ملاك محروس داخل الحصون
وشمس الكون تشبه وشى
قاسى سماع لحنو الحنون
عظيم كالمال حلو كالبنون
بى ريقو يداوى الجنون
شعاع محيو العين تختشى
جميل مثله ما أظن يكون
حياء ورقة وعفة وسكون
يا البدر الليه قلبى كون
فى حسن الكون ما خلى شى
جميل خلقة ومتجلى لون
تخافو يذوب من تيه لون
معاطفه دلال يتمايلون
عوم الوز تقليد مشى
هواى فى هواك ذات العيون
الفاترة اللافتة العيون
عين سحرك تسبى العيون
يا الرو الباسم وشى
ليك عالى العالم يهون
يا الرشا اللدن المهون
مناظرك فيك يتنزهون
يا البطران من ما نشى
----
نغمات القمري لعمر البنا
***************
جننى نغمات القمرى وخلنى محتار فى امرى
ذكرنى الحبو ضيع عمرى
الفى شوفتو صحاى وخمرى
الفى وصلو طبى و ثمرى
المن البعدو ولع جمرى
هالكنى وما جايب خبرى
اصبح جسمى زى خصرك مبرى
انا ليه ما احبك يا جميل بالجبرى
ما دام من لونك صفا لون التبرى
افرحنى بنظره يا بدرى
يا ابوبسمه حنينه تشرح صدرى
ليلة لقياك يا نفيس الدر
عندى اعظم من ليلة القدر
ادركنى يا غزال البر
انا فاقد عقلى ومنامى وصبرى
من صغرى بحبك لى نهاية كبرى
شوفتك يا روحى لجروحى بتبرى
محبوبى فى هذا القطر
لا يوجد حسنو وعفافو الفطرى
لو مر نسيمو ليل حامل العطر
يحيى الارواح الاضحت فى خطرى
|
Post: #141
Title: Re: انفلونزا الطيور فى الغنا السودانى
Author: عامر تيتاوى
Date: 03-02-2006, 12:56 PM
Parent: #140
عزيزى
Mutwali Malik
حمامة الغصون صداحة
فوق اغصانك ذكرى لى حبيب
ياحمامة مولاى صانك
بهواك كيف اطيق سلوانك
زمانك والهوى اعوانك
احكمى فينا هذا اوانك
****
|
Post: #142
Title: Re: انفلونزا الطيور فى الغنا السودانى
Author: عامر تيتاوى
Date: 03-02-2006, 01:00 PM
Parent: #141
عزيزى المبدع راكوبة .. واصل ابداعاتك واستدع لنا الزمن الجميل من خلال القديم المتجدد
|
Post: #143
Title: Re: انفلونزا الطيور فى الغنا السودانى
Author: عامر تيتاوى
Date: 03-02-2006, 01:07 PM
Parent: #142
الاخ الرائع صديق حمدتو مازال ينقب عن الجمال ويستدعى الابداع المعبا فى قنانى الغنا السودانى
صديق صديقى المرجعى يطل من جديد عبر مساحات الطيور والعصافير محلقا فى فضاءات النغم الاصيل
فالى مداخلة صديق حمدتو :
Quote: عدنا يا عامر تيتاوي وما أحلى العودة مع حسين بازرعة وعثمان حسين في "أنت لي" والتي أشتهرت باسم "عاهدتني" ونتمنى أن نكون دوما حافظين لعهد هذا البوست "الواحة في عزّ الهجير"
عاهدتني إنك تكون مخلص في بعدي وحلفت يا ناسي تصون عهدك وعهدي
عاهدتني ترسل بدمع الشوق خطابي مع كل نسمة من البلد تطفي عذابي
وحلفت تسأل كل طائر عن مآبي لكن نسيت عهدك ووعدك في غيابي
وتتبدل الأيام يا ناسي وتصطفيني أصفح عن الماضي وأسامحك وطول سنيني
أصلو الهوى دائي ودنياي وديني
وهذا هو عهد حسين بازرعة في أغانيه يحمل على الحبيب في بداية الأغنية ولكنه دائماً ما ينتهي بمسامحة الحبيب والصفح عنه :
كمثال أيضا أغنية "شجن"
تصبح حياتي نغم وعشنا يبتسم وتعود مراكب ريدنا لبر الآمان
"وأغنية قصتنا"
هل تصدق تنتهي قصة يا أجمل حقيقة
نحن عشناها بدموعنا وبالضنى في كل دقيقة
لم تزل قصتنا قصة حب أقوى من الحقيقة
ولعلنا نعود لهذا الموضوع بمزيد من التفصيل متى ما أتاح لنا عامر تيتاوي درباً كهذا لنخوض فيه
ونطرب حد الثمالة مع الجابري أومع عمار السنوسي عندما يشدو أيهما برائعة أبو آمنة حامد "ما نسيناك"
ما نسيناك جاي تعمل أيه معانا بعد ما بدلتنا
ما سقيناك أحلى ما في عمرنا من عواطف وما لقيناك
قلبي غافر ليك ذنوبك سيبو بس تنشف جراحو
والحنين العاش لحبك كيف بتّ تسخر من نواحو
سيبو مرة يغسل أحزانو والأمل يشرق صباحو
وكيف يطير لعشو عصفور منكسر مكسور جناحو
|
|
Post: #144
Title: Re: انفلونزا الطيور فى الغنا السودانى
Author: khaleel
Date: 03-02-2006, 06:01 PM
Parent: #143
تيتاوي
ملك المخزون الاسترتيجي
بعد ما تكمل الطيور
ابد ا لينا اغنيات لليل
واظنه اكتر من الطيور
ويا ليل انت عارف اشياء عن غرامي
ويا ليل انت شاهد علي توليهي وهيامي
ضروري تيتاوي
|
Post: #145
Title: Re: انفلونزا الطيور فى الغنا السودانى
Author: عامر تيتاوى
Date: 03-04-2006, 10:13 AM
Parent: #144
العزيز خليل
الليل نسيمو عليل والليل كلامو جميل .. وطويل
وسنتواصل مع الليل بعد ان نصطاد اخر طائر فى سماء الاغنية السودانية ***
مع ابوعركى
فى عن حبيبتى بقول لكم
الحمامات الحزينة قامت ادتا من حنانا
وكانت اول مرة فى عمر المدينة تنوم حزينة
تحى محبوبتى الحنينة
|
Post: #146
Title: Re: انفلونزا الطيور فى الغنا السودانى
Author: عامر تيتاوى
Date: 03-06-2006, 04:09 AM
Parent: #145
انا ما معيون لسيد عبد العزيز وغناها كرومة
انا ما معيون
ازاى ودواى خدود وعيون
ياناس انا ما معيون
حليف امالى وعيونى عيون
دائى عظيم ودواى مصيون
سامى بعيد عن العيون
وانا عقلى بقاله رقيب وعيون
اغنى عليها وابدى فنون
افوق ( الساجعة ) حنان وجنون
اامل ليها الما مظنون
وسيف هجرانا على مسنون
***
الى ان يقول شاعرنا العظيم فى المقطع الاخير
ليها سلامى بعد ما يصون
عاشق حب قمر محصون
وبعد ما غنى ( الطير ) فى غصون
يبقالا سمير وسرير وحصون
|
Post: #147
Title: Re: انفلونزا الطيور فى الغنا السودانى
Author: عامر تيتاوى
Date: 03-06-2006, 11:55 AM
Parent: #146
ست الفريق
اللادن قواما
ما لهيجا سكر
طاعم كلاما
ياقلبى ( طير )
وامثل اماما
|
Post: #148
Title: Re: انفلونزا الطيور فى الغنا السودانى
Author: عامر تيتاوى
Date: 03-07-2006, 03:53 AM
Parent: #147
غنى محمود تاور
يمة الحنينة
الشوق غلب
ليك ياحبيبة
وللبلد
للخالة للاخت الولد
حلمت بخدوج كتير
والروح بقت مشتاقة
للسودان ( تطير )
يمة الشوق غلب
|
Post: #149
Title: Re: انفلونزا الطيور فى الغنا السودانى
Author: عامر تيتاوى
Date: 03-07-2006, 04:00 AM
Parent: #148
غنى الرائع سابق عصره ابراهيم الكاشف من كلمات عبيد عبد الرحمن :
حليل زمن الصبا الماضى
حليل زهر الحياة الزاهر
حليل زمن الحبيب راضى
حليل زمن الهوى طاهر
حليله الابلج الباسم
حليله الكاحل الناير
حليل قمر السما القاسم
لياليه وصبح داير
اه لو اه تفيد مجروح
والمثل اللقديم ساير
رهاب ماحصلوا الجارى
سماك ما بحصلوا ( الطاير
|
Post: #150
Title: Re: انفلونزا الطيور فى الغنا السودانى
Author: عامر تيتاوى
Date: 03-08-2006, 04:08 AM
Parent: #149
قصيدة هواك وهواى للشاعر الامى وغناها اولاد الموردة فيها ايضا فضاء اخر للطيور وسنعرض
بعض الابيات :
هواك وهواى بى جاروا
سبن افكارى نظراتك
احب تعطف تزيل وجدى
احب كل البحب ذاتك
*****
تلك هى استهلالية القصيدة والان نتحول الى مايخص الطيور فى القصيدة فى البيتين الاخيرين
من تلك القصيدة الرائعة والطويلة الجميلة
اسرت فؤادى ياضامر
ودمعى خضاب فى كفاتك
زيد يادمعى فى سيلك
وزيد ياصدرى زفراتك
حبيبك ودعك راحل
زيد ياطرفى عبراتك
( حمام الايك ) حن مرة
تعال اسمعنى نبراتك
طريت ام در مقر املى
زمانى كفاى عباراتك
|
Post: #151
Title: Re: انفلونزا الطيور فى الغنا السودانى
Author: Mutwali Malik
Date: 03-09-2006, 11:02 PM
Parent: #150
اخي عامر
هنالك اغنية للرائع عاطف انيس فيها طائرالغرنوق تقول
الفيتريتة دريش جوني الجيوش ديش ديش
عدمانة لابسة الخيش صبحت علي المافيش
ياطائر الغرنوق ادي القطاطي الريش
خليها تعبر فوق مايشتهي الشاويش
|
Post: #152
Title: Re: انفلونزا الطيور فى الغنا السودانى
Author: عامر تيتاوى
Date: 03-12-2006, 03:43 PM
Parent: #151
Mutwali Malik
هناك اغنية لعائشة الفلاتية يقول مطلعها
ياحمام الزاجل
انا عندى ليهو رسايل
ولا اتذكر البقية المهم جبنا محل الطير
|
Post: #153
Title: Re: انفلونزا الطيور فى الغنا السودانى
Author: محمد السر
Date: 03-12-2006, 05:25 PM
Parent: #1
وين يا حبيب!!
ما عارف الأنفلونزا أصابت دي ولاّ لسّة!!
(عاطف خيري/ عقد الجلاد)
قصد الطيور النور
بى إسمو تتسمى
لو شفتو فى الضلمة
طاير نطق كلمة
للطير حزن سرى
للطير حبر سرى
ومحل ما يسرى معراج
ومحضر ضو
ضد كل خفاش طار
سمم عليهو الجو.
سلام لكل طائر مرتحل يلقط الحبّ قربك.
|
Post: #154
Title: Re: انفلونزا الطيور فى الغنا السودانى
Author: khaleel
Date: 03-14-2006, 06:23 AM
Parent: #153
تيتاوي انا قلت اكتب لينا عن الليل لانها انفلونزا الطيور تمت محاصرتها
في عز اليل
ساعة النسمة ترتاح
علي هدب الدغش وتنوم
انا مساهر
انا والليل ومر جفاك مساهرين
نحكي للافلاك مساهرين
لا خلصت حكاوينا ولا لقينا البداوينا
|
Post: #155
Title: Re: انفلونزا الطيور فى الغنا السودانى
Author: عامر تيتاوى
Date: 03-14-2006, 09:10 AM
Parent: #154
العزيز جدا خلو
اشكرك على موال الليل الجميل وسنواصل لكن فى بوست منفرد خلال الايام القادمة
ورغم ذلك اؤكد لك ان انفلونزا الطيور لازالت بقية منها تحلق فى الفضاء واليك
لوكنت تبعد فى زحل
او يوم بقيت قمرة فى سماك
لابد يوم ليك اصل واشرب براى
عسل ( النحل ) واشرب براى منك دواى
جسمى انتحل كيف العمل
حن ياطبيب واكشف على
شوف الدموع ماليات عينى
شكرا صديقى خليل والليل جاييك
العزيز ودحلتنا محمد السر
هذه القصيدة الرائعة للمبدع عاطف خيرى لم تصب ولكنها عانت قليلا من اعراض الانفلونزا التى
طالت شقيقتها ( شهيق ) وكانت على الابواب شكرا ياود السر
|
Post: #156
Title: Re: انفلونزا الطيور فى الغنا السودانى
Author: عامر تيتاوى
Date: 03-15-2006, 02:23 PM
Parent: #155
بعض المشاهد من سيناريو البحث عن اليابسة لعاطف خيرى
ياهدهد هنا مرت
مراكب نوح محملة بالبخور
وقعت من الهدهد بلد
نهبوها واتقسموا الحدود
ومرت مراكب نوح محملة بالطيور
واقف مع نوح الغراب
ينضم وياشر فى اتجاه
باقى الطيور يتوسوسو
الا الحمام اتوضا مارق للصلاة
***
وفى مقطع اخر
الطواويس شارة قمصانا
المزركشة فى الضحى
الزرازير بى عراريقا
الغبشة جات على
***
مقطع اخر
الهدهد تميمة الموت
معلق فى بيوت الناس .. نعش
مين يوصف للنحل ريق الحبيبة
وحبة القمح التقوم فوق محفضة
حبوبة فى الزمن اللئيم
مين يوصف بيتنا لى هدهد يتيم
***
مقطع اخر
الطواويس شارة قمصانا
المزركشة فى الضحى
الزرازير بى عراريقا
الغبشا جات على
|
Post: #157
Title: Re: انفلونزا الطيور فى الغنا السودانى
Author: khaleel
Date: 03-15-2006, 02:32 PM
Parent: #156
طال عذابي
وناخ غرابي وفرشي نيران
جفيت البين ليه ياغراب
يا حاجة فراق يا خراب
ديار ام الزين كانن قراب
خفن بانن تحت السراب
عايزا انلفونزا ثعابين يا تيتاوي
هل دها جرحا غائر
ام دها سم ثعبان
|
Post: #158
Title: Re: انفلونزا الطيور فى الغنا السودانى
Author: عامر تيتاوى
Date: 03-16-2006, 09:39 AM
Parent: #157
خليل معاك فى انفلونزا الثعابين
فى اغنية ديمة فى العشاق للفنان الكبير حسن خليفة العطبراوى هناك مقطع يقول
انت ياقلبى ديمة نارك حية
وانت يا قلبى ديمة باقى ضحية
ليه مسهر عينى ليلى والصبحية
جسمى اه يتقلب من لدغة الحية
سنعود الى الطيور ففى احدى الاغنيات التى كان يتغنى بها الراحل رضان زايد فى الحفلات اغنية
يا بلال على سنة سنتين شوية الى ان تاتى انفلونزا الطيور فى المقطع الذى يقول فيه ياريت
ابقى طيرة ويردد طيرة طيرة طيرة طيرة
انفلونزا مؤكدة
|
Post: #159
Title: Re: انفلونزا الطيور فى الغنا السودانى
Author: طارق جبريل
Date: 03-16-2006, 09:43 AM
Parent: #1
العزيز تيتاوي
خصمتك بالنبي تنسى الهلال
خلينا في (طيورك) السمحة دي
وبي هناك مع ذكرياتك الممتعة
دمت يا جميل
|
Post: #160
Title: Re: انفلونزا الطيور فى الغنا السودانى
Author: عامر تيتاوى
Date: 03-16-2006, 01:35 PM
Parent: #159
عزيزى طارق جبريل
ما الهلال بالخمسة برضو ( انفلونزا طيور ) لكن عشان خاطرك ياجميل سنعود الى عالم فضاءات
الطيور فى الغنا السودانى من خلال رائعة الفنان الكبير حسن خليفة العطبراوى والتى تغنى بها
ايضا الراحل مصطفى سيد احمد ( فى الاسى ضاعت سنينى )
ونختار منها اعشاش الطيور فى الابيات التالية :
ايها البلبل
خذ انشودة العشاق عنى
وتعلم كيف تحى للهوى
العذرى منى
بيتها فى القلب مهجور
ولكنى اغنى
نحن يابلبل كاسان
من الحب ملئنا
ونحن شريان جريحان
التقينا فهنئنا
فى مجال الحسن يابلبل
ها نحن التقينا
ما علينا ان ملانا
الكون سحرا ما علينا
|
Post: #161
Title: Re: انفلونزا الطيور فى الغنا السودانى
Author: عامر تيتاوى
Date: 03-17-2006, 02:43 PM
Parent: #160
يتغنى ( العندليب ) الاسمر زيدان ابراهيم باغنيته الجميلة ( وسط الزهور)
وفيها :
وسط الزهور متصور
وجهو الصبوح ومنور
رقة وحنان كاسيهو
زى القمر مدور
الى ان يقول :
هز الكيان بى (هديلو )
وسحر العيون بكحيلو
ثم يقول :
فوق الغصون يا (حمامة )
شوق العيون قداما
|
Post: #162
Title: Re: انفلونزا الطيور فى الغنا السودانى
Author: عامر تيتاوى
Date: 03-18-2006, 10:02 AM
Parent: #161
يغرد البلبل عبد الرحمن عبد الله فى اغنيته الجميلة جدى الريل
جدى الريل ابو قزيمة
تعال نتمشى فى الغيمة
ما غيمة ريد تكب فى رهيد
شواطيهو الخضر ديمة
نصارحك لا نخاف انسان
وننسى الماضى والاحزان
تلاقى ( القمرى ) لابس الطوق
يغنى يفرح الوجدان
يفر جنحيهو زى توبا
يغرد للزهور نشوان
|
Post: #163
Title: Re: انفلونزا الطيور فى الغنا السودانى
Author: Mutwali Malik
Date: 03-18-2006, 08:21 PM
Parent: #162
اخي عامر لك التحية
نرجع للحقيبة مرة اخري ومع كرومة وعتيق في مابنسي ليلة كنا
انابي غرامك ياحبيبي دمعي انفجر انا بي غناك ايقظت سكان الشجر
كذلك في عجبا حبي ساكن قلبي
في الحب فقت ابناء جنسي كيف انا ابقي عندك منسي
يازهرة خيالي وانسي ليك غنت بلابل حسي
في الامي زدت هيامي شلت منامي دمعي الهامي
يتفجر غلبني وقوفه
|
Post: #164
Title: Re: انفلونزا الطيور فى الغنا السودانى
Author: عامر تيتاوى
Date: 03-20-2006, 01:16 PM
Parent: #163
الاخ العزيز
Mutwali Malik
لك التحية والود
واؤكد لك ان جماليات غناء الحقيبة لا مثيل لها من صور شعرية موغلة فى الجمال وسنفرد مساحات
للحقيبة وفضاءات الطيور فيها ولكننى الان اود التعليق على احدى المساهمات التى تناول فيها
الاعزاء المتداخلون اغنية محمد كرم الله الشهيرة والجميلة ( حتى الطيف رحل خلانى ) وقد ورد
فى سياق كلمات الاغنية حتى (الطير) رحل خلانى ما طيب لى خاطر- بسبب انفلونزا الطيور- والصحيح
حتى الطيف رحل خلانى
ما طيب لى خاطر
لا تقول لى هى كدى استنانى
امشى واجيك باكر
يبقى انا ما الم فيك
تانى مين عارف المصاير
اما الابيات التى تحتفى بالطيور كعادة الاغنيات السودانية فهى تتمثل فى البيت التالى
الليلة شوف بستانى
ده الكان باش وناضر
من حر السموم بيعانى
طيرو يفر يهاجر
وين حتى الطيف رحل
خلانى ما طيب لى خاطر
يعنى برضو الطيور موجودة فى هذا الفضاء الطمبورى الجميل
دام الود بيننا محلقين فى سماوات الطيور مع اجمل الكلمات فى مجال الاغنية السودانية
|
Post: #165
Title: Re: انفلونزا الطيور فى الغنا السودانى
Author: عامر تيتاوى
Date: 03-23-2006, 10:13 AM
Parent: #164
من قصيدة بكتب ليك رسالة طويلة ياامى هناك مقطع يحوى استعارة جميلة من عالم الطيور
عندما قال الشاعر :
كفاية اقيف
وانقش فى ( جناح ) الريح
كلامى الدايرو يوصل ليك
|
Post: #166
Title: Re: انفلونزا الطيور فى الغنا السودانى
Author: عامر تيتاوى
Date: 04-01-2006, 01:35 PM
Parent: #165
مسكينة الطيور .. من فضاءات الحرية الى الفحوص المجهرية والمعامل الطبية .. بدلا من ان تفرد
اجنحتها فى الهواء الطلق .. اصبحت حبيسة الجدران بل وجولات القمامة .. مسكينة الطيور
*
ياعروس الروض
ياذات الجناح
ياحمامة
سافرى مصحوبة
عند الصباح
بالسلامة
واحملى شوق فؤادى
ذا الجراح وهياما
|
|