أغنية شايقية

أغنية شايقية
الشوايقه ناس فنانين جدآ وبحبوا الضيوف جدآ يعني الناس البجوهم من خارج منطقتهم، أنا درست الثانوي بمنطقة البديرية وهي متاخمة للشوايقة، والثقافة تقريبآ واحدة خاصة في الغناء، وكما قلت هم فنانين جدآ كما قال وردي وغني غناهم بالطمبور
بالمناسبه الشوايقه ناس طيبيييين جدآ عكس ما يروج له بعض غير العارفين، وربما أخذ الناس هذه الفكره عنهم لعملهم في البوليس في بداياته وطبعآ البيطبق القانون عمومآ غير مرغوب خاصة في بلاد بدو زي بلادنا

نسيت الحق الأدبي يا أخوانا
الفنان عيسي بروج أخذتها من موقع أنور كنج

نوبا...
تحياتي..

يخيل لي الغنية مؤلفها (ما متأكد مية مية) دكتور بادي...

لكن انا كلما أسال السؤال ده ما القي رد...ليه الصفاقين والشيالين في الغنية الشايقة صوتهم رقيق بالطريقة ديك.
يعني حنان النيل لمن غنت بنفس الايقاع وخالد الصحافة ..الكورس ما كان بالطريقة ديك...ارجو من اهل العلم الفتوي.


تحياتي مرة تانية

نوبا والله ماسامع حاجه
قمر بوبا ملاحظه فعلا رقة الصوت فى الشيالين والمغنى
فعلا وننتظر من مبدعين الفن الافتاء

كولا، والله ماعرف ليه ما سامع، الطريقةدي علمني ليها واحد في البورد التاني
وجربتها ونجحت، لكن لازم يكون عندك ويندوز بلير
Windows media player
ممكن تنزله من

http://www.microsoft.com/windows/windowsmedia...download/default.asp

فى ليلة بعيدة قديمة
لا شئ فيها غير زفرة النخيل
وهمسة لليل
فى ليلة بعيدة قديمة
توجهت أقدامه فى خفية إلى كريمة
يود أن يسافر
وغادر القطار
شعبان آه كم خلّف من خلفه أحباب
وغادة حسناء منجلها أجمل من سوار
تقطع الأعشاب للشياه والحملان فى انتظار
تزوجت ومازال شعبان
يعيش فى عيونها يعيش فى الأجفان

أخى نوبا شكرا لك .. إن الأغنية رائعة نصا ولحنا

أظن الفنان اسمه عيسى بروى ما بروج
http://www.sudanonnet.com/

نوبا

كيف حالك

اهلي الشايقيه بلحيل معروفين بطيبتهم وما عندنا قول فيهم تب واخوان اخوان وبصراحه اغانيهم شجيه جدا وفيها حنيه مبالغه وحتى انت داخل الوطن تحس بانك غريب وكانك تريد الرجوع له
وانت بداخله

تحيه لكل فناني الشايقيه وشكرا لاختياركم هذه الأغنيه الجميله

ونكته لأهلي الشايقيه

شايقي بوليس حركه واقف فى الكبري وكان زول صعب جدا ومكلف بكل اللواري حقت التجار المشحونه بعدم الدخول للكبري

اها جو الجماعه التجار وما خالين شحنه ما شايلنها وقام وقفهم بوليس الحركه


اهابقو يقولوا وبعدين ياخوي البوليس نسوي شنو هسع ، يرد عليهم اسمعموا

اقيفوا هنا ما عايز اي كلام

واحد قاليه يالأخ نحن هسه ما عندنا طريقة رجعه وقصتنا يعني صعبه شديد والحل

شنوالبوليس

اخوي الشايقي قاليه ات ما عارف الحل ات ما عارف الحل هي ما دايره ليها درس

عصر .
شوف ازول الحل فى جيوبكم الكبار ديل


مع تحياتي

واجمل تحيه لأهلي الشايقيه


ام هاني

نعم الفنان هو عيسى بروى وليس بروج وبالمناسبة هو من منطقة المناصير

محبتى للجميع .. مارد

الاخ نوبا تحياتي الحارة
اشكرك على هذه الاغنية الرائعة
وعلى طرقك لهذا الباب
اهلنا الشوايقة اكتر ناس حنينين والواحد فيهم لما يسافر من
البلد لاي مكان حتي لو داخل السودان بيشعر بالشوق والحنين لبلده الاصلي وبيشعر بالغربة
وزي ما قال الشاعر
يايمة رسلي لي عفوك ينجيني من جور الزمان
بس ده سافر من الشمالية لعطبرة
وقس على ذلك

طيب يا نوبا الشوايقة ديل اشتهروا بالاغاني الحنينة
والعاطفية والحزينة
بس عندي ملاحظة في اغنياتهم معظمها تكون
محبوكة كقصة او كفيلم يعني ممكن الاغنية تكون فيلم
السر في كده شنو ؟
السوال موجه برضو للناس المهتمين والناس العندهم خبرة في الموضوع

ممكن نلقي رد

ــــــ

مليت من الغربة يا على يا ولدي يا ايدي اليمين

نعم يا أخى أسير الغرام .. الشايقية وأنا واحد منهم بالمناسبة إشتهروا بالوصف ودقة التصوير وخاصة فرع منهم يعرفون "بالحنكاب " . والشايقية ونسبة لترابطهم الشديد فإنهم يحنون للموطن الأصلى لمجرد الإبتعاد عنه لأيام ولمسافة عدة أميال فقط أيضا

بسم الله الرحمن الرحيم
الإخوة الأفاضل
لقد طرقتم موضوعا محببا لنفسي ، وهو الدراما في ثنايا الأغنية الشايقية ، حقيقة فالمتابع لتطور الأغنية الشايقية يلحظ وبشدة اتجاة الشعراء لتوظيف الدراما والأمثلة كثيرة لا تحصى ، بدايات الأغنية الشايقية كانت تعتمد على الوصف والحكمة ومثال ذلك ما تغنى به النعام آدم : المرض ما بكتلو زول يا جاهلة كفارة البيك يزول
بدايات توظيف الدراما جاءت مع الشاعر الفحل السر عثمان الطيب فقد أفحل حقيقة في أغنية أمونة بت الشيخ حمد من حيث حبكتها وشخوصها وزمنها الداخلي والخارجي ومن حيث مضمونها والمعالجات الاجتماعية التي تمثلت في مناداة الشاعر باعطاء البنت الحرية في اختيار شريك حياتها ، وله في أغنية أخرى وفي ذات السياق :
نحن سر مأساتنا بتنا قولها قاصر
شاعر آخر نجح في هذا المضمار هو الشاعر محمد الحسن حسن سالم حميد وهو في معالجاته الدرامية نجده يمتاز عن غيره بطول النفس ، وفي قصة عم عبد الرحيم خير دليل على ذلك
ثم جاء بعد ذلك الكثير من الشعراء الشباب وساروا في نفس الدرب ومنهم خالد عباس شقوري وعبد الرحمن الحسينابي ومحمد حسن الدابي وغيرهم كثير
لكم تحياتي ولي عودة

nice one....

الله منو كلام ........ولحن

وقصه

اهييييييه .......اييييييييه
راجل عظيم عندو القروش

شكرا
اقبلو بينا بى علاتنا

الاخ نوبا
لك الشكر ولكل مداخلات الاحباب
لقد حاولت هذه القصيدة معالجة عبادة المال والسجود له منذ امد بعيد والتى اشار لها الشاعر بوضوح(ابوي شاف المال سجد) والتى تدمر سعادة قلوب
وهي قصيدة ترجع لزمن بعيد وهو عندما كان الذين يعملون بالخرطوم يعادلون المغتربين اليوم حيث هم اهل المال والعلم وما عداهم في البلد لا يكون لا تربالا
وهم الذين استنوا ما نسمية اليوم بالشاكوش من المغتربين ولكن الفرق بين شواكيش اليوم وشواكيش زمن القصيدة ان البنت اليوم تكون هي الضالعة في الامر شاء اهلها ام لم يشاءوا اما بنات زمن القصيدة فكن ضحايا لضعف نفوس اولياء الامور وعدم القدرة على البوح بالمستور من الحب
واقول لك حقيقة لا ادري ان كانت هذه القصة حقيقة ام من نسج خيال الشاعر الا انني اجزم لك بانني كنت وسط صبية وقتئذ حينما انتشلنا جثة فتاة من النيل(وهي ليست جثة امونة انما اخرى) ولازالت الحنة في يديها ورجليها ولا انسى ذاك المنظر وهو منظر السمك يقضم من حسن بنانها والمعصم
وفي اخر اليوم عندما قدم اهلها بالعربات يبحثون ، تفشى الخبر انها انتحرت لانها زوجت قسرا ورغم ارادتها
ومن ثم جاء المدافع عن حقوق النساء صراحة، كرجل متعلم وكتب ما كتب عن ماسي المراءة ،والتي اشار اليها الاخ ديامي في قول السر عثمان الطيب
من تقاليد ريفنا يا اللبو ما بتشاور ونحن سر ماساتنا بتنا قولا قاصر
وبالمناسبة هذه القصيدة حسب علمي ليست للاستاذ السر عثمان الطيب حسبما اشار ديامي واعتقد ان البقر قد اخلتط عليه في صقيع اليابان
فالسر عثمان الطيب كتب بت البلد وهي اقرب الى هذه القصيدة

Quote: بدايات توظيف الدراما جاءت مع الشاعر الفحل السر عثمان الطيب فقد أفحل حقيقة في أغنية أمونة بت الشيخ حمد من حيث حبكتها وشخوصها وزمنها الداخلي والخارجي ومن حيث مضمونها والمعالجات الاجتماعية التي تمثلت في مناداة الشاعر باعطاء البنت الحرية في اختيار شريك حياتها ،

فالقصيدة لاحد شعراء منطقة الكرفاب ويسمى (كنه) لقد نسيت اسمه الاول
تلك المنطقة التي تحازي النيل وتشبه في ضيقها منطقة كجبي التاريخية التي دارت فيها رحى معارك الجيوش الغازية مع مهيرة وابناء الشايقية
واذكر ان الشاعر محمد بادي ذات يوم في احدى فزوراته في وصف الكرفاب
قال
سال سائل قائلا
اخلقت اضيق من الكرفاب هذه ياربي؟
قال
تجلى ملك في السماء وقال
تأدب ياعبدي وانظر الى كجبي
وللحديث شجون

ابن عمي نوبا
لك التحية والتقدير

طبعا الشايقيه معروفين بالحنان والرقة في تعابيرهم
وكلماتهم في الأغاني والوصف الدقيق لواقعهم والحياة اليومية
في المنطقة وفي القرية فتشعر بأن لديهم حب شديد للبلد والناس
والحياة عامة وطبعا الحياة اليومية في منطقة الشايقية جميلة جدا
في المزارع والقرية والنخيل ويتشكل الجمال حسب المواسم
فتجد كلماتهم معبرة وصادقة

أخي نوبا هل انت بالجد نوبي
يعني من عندنا انت
مسكاقمي هكرفي
ولا مختار الاسم عشان حلاوة النوبه

يا ابناء الشايقية
ماذا قدمتم إلى منطقتكم منذ الأستقلال وحتى يومنا هذا
برغم وجود الأغلبيا منكم فى السلطة ماذا فعلتم ؟
لقد دمرت الحضارة العربية مروى القديمة
وقد دمرت الحكومات المتعاقبة مروى الحديثة استيقظوا
كفاكم أستماع الأغانى الجميلة والحـنية والطيبة الزائدة

الاخ يحي
سلام ورمضان كريم
بكل ادب واحترام اقول لك ان خطابك ينم عن نفس فيه سخرية
الا وهو

Quote: ماذا قدمتم إلى منطقتكم منذ الأستقلال وحتى يومنا هذا برغم وجود الأغلبيا منكم فى السلطة ماذا فعلتم ؟ استيقظوا كفاكم أستماع الأغانى الجميلة والحـنية والطيبة الزائدة

ليست حياتنا كلها استماع للاغاني فقط
ولكن هذا جزء لا يتجزأ من حياة البشر والا تكون انت فوق البشر
والان اسالك انت الا تستمع للموسيقي ؟
انك تستمع لموسيقى وهي لا تمت لك بصلة حتى ولا اعتراض لي على ذلك
وانت كنت لا تستمع اطلاقا قلي انت الصاحي ماذا قدمت لبلدك؟
دائما مواضيعك فيها شي من الاثارة
وعدم احترام مشاعر الغير
ولا نخوض معك في السياسة هذا شانك
ولكن ارجو ان لاتمس مشاعرنا
لك الود

yasiko يا أخى
سامحك الله
كل عام وأنتم بخير اولآ أنا لا أستخف ولااسخر بأحد ولكنى أتألم فى داخلى
من التهميش المتعمد لابناء الشمال وأتمنى أن يستيقظوا من نومهم العميق

الاخ ياسيكو
لك التحية
ولكل من شارك
فيا اخى والله اكتر زول بسمع الغنا دى فيحى
وكم من شريط رائع لاغانينا قد نسخته منه
وله مكتبة عامرة بغناء الشايقية والاشرطة بتجيه راس من البلد
فهو مسكون بهذا الغناء وبالمناسبة فهو صفاق ماهر
اليس كذلك عزيزى يحى ود ابنعوف

كذلك ياود محمد احمد

ورمضان كريم

الاخ منعم 2002
سلام ورمضان كريم
شكرا لك
لقد تفاهمت عبر الماسنجر مع الاخ يحي ويبدو انني لم افهم ما بين السطور او ان يحي لم يوضح مراده من خلال ايجازه عموما انا اسف ان اخطات الفهم مرة اخري
الود لكم جميعا

up.

نوبا سلام...تعيش يا الحبيب
زي ما قلتا ليكم ..بحاول دائماً اضع النقاط فوق الحروف .....عيسي بروي هو منصوري وفي النهاية الشايقية والمناصير ممكن تقول حاجة واحدة..زي البديرية والبديرية الدهمشية.زمع احتفاظ كل واحد باصله..هو طبعاً لا يزال الصراع محتدماً في اروقة الإعلام هل المناصير شايقية وهل فرع او بطن من بطون الشايقية.. اما البديرية فهم قبل 375 سنة
كانوا غير مقيمين على ضفاف النيل... أما المناصير فهم الطرف اللطيف من الشايقية رضي الشايقية أم ابوا.. وأنا سوداني وبس.. بعرف لى كل واحد حقو..من غير كلام.. وفي النهاية يبقي فن الطمبور الرائع الذي يذوبني تذويباً

Thanks.

الاخ نوبا لك التحية علي هذه الاغنية
وقد لاحظت انكم لو تتوصلي الي شاعرها حتي الان
علي ما يبدو كما ذكر الاخ ياسكو ان هذه الاغنية للشاعر نجم الدين الكرفابي
وهو من المهتمين بالاغنية الشايقية وكان يصدر جريدة نادي الطنبور التي توقفت الان
فله التحية
والفنان هو عيسي بروي المنصوري

الأخ نوب

تحياتي و لك المودة المموسقة بهذا الفن السوداني الأصيل.

أنا في إعتقادي الجازم أن غناء الشايقية هو أحد من مكونات جينات الفن السوداني و خاصة الإيقاعات ، و الفن الشايقي هو الذي تجد بين طيات كلماته كل مناحي الحياة ، كلها دون تحديد، و الإيقاع الشايقي هو إيقاع لو أرهفت السمع و تخيلت الرقصات السودانية تجد أن الشمال و ناس الغرب و ناس الشرق و ناس الجنوب ، بكل ألوان الطيف السوداني ، تجدهم يدبكون بأرجلهم طربا و برتم موجود في الدواخل ، و كأن النيل يحمل كل هذا و يتركه عند الشوايقة مع الطمي العكران في بحر الدميرة.

تسلم و شكرا.

قريب لو في العمر باقي
تلقوني بيناتكم وسط خلاي وسط عشاقي
اعيش حياتي امان اماناً هسي مولاقي
اطل القيف تلوت الليل ومرات ارجع الساقي
لا في مرور يقولي اقيف ولا دوريه بتلاقي
وبدل هدوم الصووف كفاي سروال وعراقي
مقطع من اغنية الفنان الكبير صديق احمد وهي للشاعر الفذ عبد الله محمد خير