مصطفى النقيب ونهله يوسف: زواج سعيد... ألف مبروك ....

أُتيحت لي الفرصة بالتحدث إلى العروسة نهله يوسف قبل اسبوعين تقريباً عندما كانت في رحلة عمل إلى بلجيكا...

فقلت لها: انتِ محظوظة إنك إخترتِ مصطفى...

فردّت قائلة: الحقيقة أنا مصطفى لم أختره، بل وجدته... فمثل مصطفى لا يُختار لأنه غير متوفر للإختيار، فأنا محظوظة "إني لقيته"...

ألف مبروك للمحظوظة نهله، وتهانيينا الحارة للصديق مصطفى الذي أطلق عليه عصام جبر الله وصفاً دقيقاً مختصراً "مصطفى الـ Superhuman"

وصادق الامنيات بدوام السعادة والهناء



بالأمس اا يونيو 2006 كان حفل الزفاف بالخرطوم...

(في انتظار أن يرسل لنا من شاركهم البهجة نماذج من صور العرس)

عزيزي سيف بشير
لك الف شكر
عثرت اخيرا علي خبر اخي مصطفي النقيب وكمان متاهل...
الف مبروك مصطفي والف مبروك نهلة وبيت مال وعيال
لم التقي مصطفي مز 86 وكان اخر لقاء لنا في جامعة الخرطوم ..بمعية عصام الطيب والتيجاني النور ووليد محمد عثمان(بري)
مصطفي صديق صبا ودراسة
كان يزورني بالكلاكلة ونركض له في العزوزاب

اخي سيف
شكرا لك اثرت في زمن جميل
وخبرك اجمل
لك التحايا والشوق
راجع الماسنجر
احمد علي القاسم

الأخ احمد القاسم:

الف شكر على التهنئة لزواج مصطفى ونهله...

Quote: عصام الطيب والتيجاني النور ووليد محمد عثمان

يآآآآآآآآآه... وأنا لم أر هؤلاء منذ تخرجهم... ترى ماذا حل بهم

تحياتي لك ولهم وكل من عاصرناهم في تلك الايام الجميلة



سيف بشير

الاخ احمد

Quote: راجع الماسنجر

راجعت الماسنجر ولم اجد شيئاً

مبروك للصديق ال Superhuman مصطفى النقيب ومبروك للشابة المحظوظة نهله، وامنياتي لهما بسعادة غامرة وحب لايخبو. ومبروك ليك ياسيف إنت كمان وبالله كتر لينا من الأخبار الحلوة دي.

الصاوي

الحبيب الصاوي:

Quote: مبروك للصديق ال Superhuman مصطفى النقيب ومبروك للشابة المحظوظة هاله، وامنياتي لهما بسعادة غامرة وحب لايخبو

كتر خيرك على العبارات اللطيفة دي..



"هل استلمت رقم الهاتف عبر الماسنجر؟"

الف الف مبروك لمصطفي ونهله

مع تحياتي للحبايب وقل ليهم يمكن عمو يجيكم يومين تلاته كده

بيت مال وعيال

وعقبال ال في الطريق

الاخ سيف مساعد علي:

مرحب بيك وتشكر على التهنئة.. وشكلك كدا انت في الطريق.. مبروك ليك مقدماً..

بالمناسبة: مصطفى ايضاً صديق حميم لصلاح الزين

سيف

سيف بشير مليون سلام ومليون مبروك ليك ولي مصطفي النقيب ذلك الوديع والذي عطر
سماوات تلك الايام برقته المتناهيه وهدوءه الجميل ونضاله الشرس فتحت ذلك السكون براكين غضب ضد الظلم والتسلط.تهانينا لكل شباب وشابات تلك الايام الخوالي لايرهقنا التجوال ولايصبنا الملل في رحلاتنا السرمديه بين العلوم السياسية وليمون البزنس وبيت القزاز وضهر التور ونادي العاملين ونادي الاساتذة وكافتريا غزة والنادي الجقرافي واخيرا نرجع لقواعدنا بعضنا سالم وكثيرين مصابيين بسهام لواحظ ربما في مقتل التهنئة للعروسة نهلة والتى ظفرت بهذا الفارس النبيل الف مبروك يادرش.

Quote: والتيجاني النور

ياسيف التيجاني معنا في منطقة واشنطون ويبلغكم خالص التحايا والاشواق واحر
التهاني للعريس مصطفي.
ونمرة مصطفي ياسيف ارسلها لنا عبر المسنجر تكون مشكور.

محمد محمود
واشنطون

الاخوان
سيف ومحمد محمود(وسام)
لكم التحايا الجميلة من الزمن الرائع
اولا لاخونا الرائع مصطفي الف مليون مبروك مرة تانية وبيت مال وعيال
الاخ سيف
ياااااااه دي كادت ان تبكيني لان من تسال عنهم اخوة بكل ماتحمل الكلمة قبل ان يكونوا اصدقاء
التيجاني ابن منطقتي واهلي وجيرتي يفخرون به لادبه الجم واخر لقاء لي به في اثينا شتاء 1990وعرفت انه بواشنطن اتحياتي له ولاسرته..ارجو يا اخ محمد محمود تبليغ تيجاني التحايا والاشواق الحارة
عصام الطيب حسن بالسعودية الان بالصين وعضو بالبورد(قليل النشاط والظهور)
وليد محمد عثمان بدبي واخباره شوية انقطعت من فترة له التحية
محمد محمود؟؟ لك واظن ايضا محمد هاشم؟كلهم عرفت عن طريق تيجاني زميل دراستي من الابتدائي وصديقي عصام الطيب حسن...
مصطفي النقيب
تهانينا لك ولعروستك
يوم عرسك لميت الناس ولو من البعد
هزا البوست عرس اخر وموكب زكريات جميلة لكم الشكر

Quote: فردّت قائلة: الحقيقة أنا مصطفى لم أختره، بل وجدته... فمثل مصطفى لا يُختار لأنه غير متوفر للإختيار، فأنا محظوظة "إني لقيته"...

يا سيف اولا الف مبروك لمصطفى وبه يكون انهد واحد من القلاع التى كنا نستشهد بها عندما يحتدم الوطيس مع زوجاتنا باطلاق عبارة ( ماهدا مصطفى النقيب لحدى حسع ماعرس )

وبعدين عندى سؤال هل هناك اى صلة او قرابة بين العروس وعادل سيد احمد لان عبارات غير متوفر للاختيار ووجدته تشبه فلسفة عادل ؟

العزيز سيف بشير
تحياتي وأشواق كوم
أجمل وأسعد خبر لصديقي المفقود مصطفي النقيب والعروسه المحظوظه نهله.
بالله ياسيف وفر لي وسيله إتصال بمصطفي.

أبراهيم

سيف بشير
لك التحايا ولنجوى والبنيات
الف مبروك يا سيف لنهلة ومصطفى النقيب

Quote: مصطفي النقيب ذلك الوديع والذي عطرسماوات تلك الايام برقته المتناهيه وهدوءه الجميل ونضاله الشرس فتحت ذلك السكون براكين غضب ضد الظلم والتسلط.تهانينا لكل شباب وشابات تلك الايام الخوالي لايرهقنا التجوال ولايصبنا الملل في رحلاتنا السرمديه بين العلوم السياسية وليمون البزنس وبيت القزاز وضهر التور ونادي العاملين ونادي الاساتذة وكافتريا غزة والنادي الجقرافي

العزيزه انعام

عاطر التحايا منّي ومن نجوى والبنيات

محمد محمود لخص مصطفى في كلمات موجزه لكنها حقيقة مُعبرة...



تمنياتنا لهما بالسعادة والهناء


سيف

ابراهيم "السمين"

لك فيض الأشواق وعاطر التحايا

وتهنئتك ستصل مصطفى

(راجع الماسنجر)



سيف

العزيز عفيفي

Quote: ماهدا مصطفى النقيب لحدى حسع ماعرس

أمانه ما ورطك مصطفى النقيب ورطة ما بعدها ورطه (نستعير تعبير الورطة من صديقنا على قضارف)

تمنى معى لمصططفى ونهله بطول عمر السعادة بينهما..

Quote: هل هناك اى صلة او قرابة بين العروس وعادل سيد احمد

لا أظن ان هناك علاقة غير اني لا استطيع الجزم..



تحياتي لك ولاسرتك

الاخ احمد:

اشكرك جداً على الـ Update بخصوص اخبار الأفاضل التجاني، عصام الطيب، محمد هاشم، ووليد محمد عثمان...

Quote: هذا البوست عرس اخر وموكب زكريات جميلة لكم الشكر

وصدقت يا عزيزي احمد


(راجع الماسنجر)


سيف بشير

Quote: [محمد محمود

وانت ايضاً يآآآآآآآآآآآه...



صدقت في كل كلمة في حق مصطفى... والف شكر على التهنئة..


تحياتي من غير حدود لك وللعزيز التجاني النور إلى ان نلتقي

ساكتب لك على الماسنجر غداً عندما اقوم بالرد على بقية الاصدقاء المهنئين

سيف بشير

حبابك عشرة يا "عمو" يوسف.. البنيات

والف شكر على التهنئة

**

1000 مبروك لمصطفى النقيب ونهلة يوسف..
مصطفى النقى..
نقيب انقياء جامعة الخرطوم.
مبروك يا عريس..

مبروك يا سيف.. ارجو ان تنقل تهانىّ الخالصة له ولعروسه.

عادل محمد عثمان

العزيز عادل:

كما عهدناك دائما موفق في اختيار كلماتك...

Quote: مصطفى النقى.. نقيب انقياء جامعة الخرطوم

كنت انتظر مرورك... بصورة

تشكرات على التهاني والتباريك



سيف

مليوووون مبرووووك للعروسين والله

بيت مال وعيال

الفاضلة Hozy

الف شكر على التهنئة والتبريك...

-----------


الاحباب المتداخلون:

طبعاً أنا متولي مهمة الرد على المتداخلين لسبب اساسي هو أنه لا العريس ولا العروس اعضاء بالبورد... لكن بالطبع هذا لا يمنع من أن يقوما بتقديم آيات الشكر لكم جميعاً على تهانيكم، وأتوقع أن يفعلا عندما يعودا إلى السودان "آخر مرة تحدثت مع العريس كان صباح اليوم التالي للزفاف وهم في الطريق إلى المطار!"

ودمتم...


سيف بشير

شكرا سيف
لك الود والتحنان
اتصل بي التجاني اليوم بعد 15سنة عجاف سبحان الله!!!شكرا لك ولمصطفي ولمحمد محمود وكل المهنئين
لكم الحب علي ما منحتوني من سعادة اليوم
مصطفي ونهلة
حياة سعيدة وزواج مبارك بازن الله
احمد علي القاسم

الف مبروك
لمصطفي ونهله
العزيز سيف طبعا الواحد دايما متاخر
زمان الشمباته كانو بقلوا انو انا دايما فاطي سطر
اسع الواحد بقي فاطي صفحه كامله ربنا يستر
اسعد خبر نسمع بيهو من زمن بعيد
امير فاروق لوماحضر العرس بكون طرشق اصلو هو انتفخ حتي عاد بلارقيه

Quote: زمان الشمباته كانو بقلوا انو انا دايما فاطي سطر اسع الواحد بقي فاطي صفحه كامله ربنا يستر

يا تبيدى قلت فاطى شنو صفحة ياراجل انت بقيت فاطى كراس كامل والكراسى ابو ستين مش الصغير

لو عرس النقيب بجيبك بعد يومين من الخبر نتمنى ان يتزوج ميسرة عشان تجى فى نفس اليوم

تحياتى لاسرتك

يا عفيفي كيفنك؟

هسع عليك الله الفاطي سطر منو، انت وللا ادريس:

Quote: كراس كامل والكراسى ابو ستين مش الصغير

زمان الكراس القاصدو دا كان اسمو ابو 64 مش ستين!! اها انت فطيت 4 صفحات كاملاااات


لكم الود

سيف

ادريث، أقصد ادريس

الف شكر على التهنيئة وكما يقول الفرنجة it is never too late

**

الأخ أحمد:

Quote: اتصل بي التجاني اليوم بعد 15سنة عجاف سبحان الله!!!شكرا لك ولمصطفي ولمحمد محمود وكل المهنئين لكم الحب علي ما منحتوني من سعادة اليوم مصطفي ونهلة حياة سعيدة وزواج مبارك بازن الله

تسلم ونأمل دوام التواصل مع كل الاحباب

سيف

الف الف مبروك لمصطفى الوديع، الرقيق، الـ superhuman، و لنهلة التى لم احظ بمعرفتها، تمنياتى لهما بدوام السعادة.

سيف لفتة بارعة منك، اشكرك عليها، لانو مصطفى يستحق ده و اكتر كمان

مجدي جلال:

الف شكر على التهاني للعروسين، يا ريت لو كنا بنقدر نعمل اكتر كدا



سيف

تهانى مليانة بى الفرحة الشفناها بعد غيبة طويلة جوه مصطفى النقيب يوم زفافه وهو يقضى شهر العسل حاليا فى ماليزيا اظنو لسة مامصدق الحصل ومبروك لينا كلنا عرس نهلة لى مصطفى وبالمناسبة مصطفى الله بريدو واداهو نهلة

عصام مدنى

الاخ عصام مدني

Quote: الفرحة الشفناها بعد غيبة طويلة جوه مصطفى النقيب يوم زفافه

يبدو انك من المحظوظين الذين شاركوا البهجة صورة وصوت "لايف"...


وحقيقة

Quote: ومبروك لينا كلنا عرس نهلة لى مصطفى

"لو عندك صور من الحفلة رسلها لينا"

ودمت

سيف

لكل الحابين رقم مصطفى رسلو الى [email protected]
عصام مدنى

يستاهل مصطفي
عشان تاني يكون هادئ .











سيفو
اول مره اشوف البوست .. الف مبروكـ لمصطفي الهادئ الوسيم و الف مبروكـ لعروسه
نهله و بيت مال و عيال

خدوري:

Quote: يستاهل مصطفي عشان تاني يكون هادئ

قر قر قر.........

عزيزي سيف

اولا الف شكر لك على هذه الخبر الجميل.

وثانيا الف الف مبروك لمصطفى النقيب ذلك الرجل الصامض (صامت+صامد) الله يديه العافية والله العظيم يستاهل وان شاء الله بيت مال وعيال وتمنياتي لهم بحياة سعيدة والتهنئة موصولة للعروس نهلة

آخر مرة قابلته كان بيحكي لي عن مستشفى الذرة والسوء الذي وصلت اليه وحاولته المستميتة من اجل ايجاد الدعم الازم لدعم المستشفى، في الوقت الفيه كانت مشاكله هو براه تهد جبل، فعلا انسان نادر

محمد محمود عليك الله تحياتي الحارة للعزيز التجاني النور علي، آخر مرة قابلته سنة 1987 والحمدلله اني سمعت انه بخير فبالله بلغه سلامي الحار

اما بالنسبة لوليد محمد عثمان فهو موجود بدبي بمستشفى راشد وكل مرة اضرب ليه تلفون يقول لي المره في السودان مشت تولد غايتو لي هسع ما عارف يكون عندو كم ربنا يحفظهم ليه ويخليهم ليه

لك التحايا مجددا عزيزي سيف

ياسر حنا:

البركة في الشوفة "في الهواء طبعاً"

صديقنا الصامض يستاهل كل خير،،

Quote: آخر مرة قابلته كان بيحكي لي عن مستشفى الذرة والسوء الذي وصلت اليه وحاولته المستميتة من اجل ايجاد الدعم الازم لدعم المستشفى، في الوقت الفيه كانت مشاكله هو براه تهد جبل،

وفعلاً هذا هو مصطفى...

شفت كيف عرس مصطفى طلع الدبايب (محمد محمود، التجاني النور، وانت زاتك)

تخيل كان معانا منو قبل يومين؟ محمد عبدالله ود والحلاوين!!! وقضينا كمين ساعة كدا في اجترار الذكريات والسؤال عن فلان وعلان وكنت انت احد هؤلاء الفلانيين العلانيين...

تحياتي الحارة لي ابو العيال وليد محمد عثمان، وتسلم يا ابو العيال انت برضو

مبرووووووك

يا عصام:

نفهم يعني انو تهنئتك حارة حرارة الشطة دي؟؟

والله جنس شتارا ودى فتا بيها سهام مجمر ذاتا

Quote: والله جنس شتارا ودى فتا بيها سهام مجمر ذاتا

ما اظن يا عفيفي:

تعرف فتحت الايمل الصباح ولقيت رسالة من سهام بتاريخ 18/6 تشكرني فيها على الخبر السعيد وتقول "انها حا تحاول تحضر العرس!!" لاحظ الرسالة بتاريخ 18/6 والعرس كان 11/6.... باقي ليك في شتارة زي دي؟

Quote: تعرف فتحت الايمل الصباح ولقيت رسالة من سهام بتاريخ 18/6 تشكرني فيها على الخبر السعيد وتقول "انها حا تحاول تحضر العرس!!" لاحظ الرسالة بتاريخ 18/6 والعرس كان 11/6.... باقي ليك في شتارة زي دي؟

رسالة سهام = 18/6
عرس مصطفى =11/6
الفرق =7 ايام
ياسيف سهام مجلية اسبوع اما عصام مجلى سنة كاملة قرن شطة قال

Quote: اما عصام مجلى سنة كاملة قرن شطة قال

no comments

يا سيف
التأويل مفتوح ... اى واحد يفسر على كيفو
لاحظ انهم شطتين

المشكلة فى العينة الما بتقدر تأول و لا تفهم فى الفن الما بعد الحداثي الشطوى
و كمان معاها لماضة ... قال شتارة
سبحان الله
زى ما قال محمد اسماعيل
من شندى بلد التراب .. لى لندن (واشنطون) مدينة الضباب

Quote: الفن الما بعد الحداثي الشطوى

قلتا لى الفن المابعد شنو ؟ عليك الله انت حسع فى سويسرا وجايب لينا قرن شطة يعنى لو كنت لسع فى دردق كنتا حا تجيب لينا شنو ؟ فرع عشر

حمدا لله انك ما حاضر العرس لانو نوعك دا كان فرتق الحفلة

Quote: دردق ..... فرع عشر

يا ناس مدني كدى افتوناعن تخصص "دردق" في انتاج فروع العشر!! كنت اتصور انو العشر موجود فقط في "ابوعشر"... عموماً البجي من مدني كلو مقبول...

لكن تعرف يا عفيفي... العلم والتقدم التكنولوجي الهائل ربما جعل من التجريد الحداثي الشطوي موضوع يستعصى على افهام بعضنا، وبعدين ما تنسى انو سويسرا فيها اجمل ساعات...

Quote: وبعدين ما تنسى انو سويسرا فيها اجمل ساعات...

ورغما عن ذلك يا سيف ما زال صديقنا اشــــــــــــــــتر يعنى حوامت صاحبنا وتسكعوا فى شوارع سويسرا لم تكسبوا دقة ساعات سويسرا.

وبعدين ياسيف ما تعمل لينا مشاكل مع ناس مدنى ومدنى جاء منها

خالد عايس وعصام

سيف بشير وبيضاب

مامون سيد احمد والجلكين

الفاضل سانتو - ابو اللمين عركى والديبة

وعليك ان تحكم

Quote: وعليك ان تحكم

خلاص حكمت تب

سيف

العزيز سيف بشير
مبروك الف لمصطفى النقيب ذلك الشاب الانسان وعروسه نهله, طبعا أنا متلومه معاك اخدت نمرتك عشره مرات من عصام جبرالله وضيعتها, أرجو ان ترسل لي ارقامك علي الايميل التالي وتحياتي للبنوتات الحلوات ونجوي(طبعا نفسي اشوفهم).
[email protected]
سوسن عبدالله

العزيزة سوسن:

Quote: مبروك الف لمصطفى النقيب ذلك الشاب الانسان وعروسه نهله

الف شكر على التهنئة...

ومافي لوم والله.... القاعد في بلدان زي النحن فيها دي ممكن يقدر ظروف التانيين



تحياتي لك ولاسرتك

العزيز سيف بشير
مبروك الف لمصطفى النقيب ذلك الشاب الانسان وعروسه نهله, طبعا أنا متلومه معاك اخدت نمرتك عشره مرات من عصام جبرالله وضيعتها, أرجو ان ترسل لي ارقامك علي الايميل التالي وتحياتي للبنوتات الحلوات ونجوي(طبعا نفسي اشوفهم).
[email protected]
سوسن عبدالله

العزيز سيف بشير
مبروك الف لمصطفى النقيب ذلك الشاب الانسان وعروسه نهله, طبعا أنا متلومه معاك اخدت نمرتك عشره مرات من عصام جبرالله وضيعتها, أرجو ان ترسل لي ارقامك علي الايميل التالي وتحياتي للبنوتات الحلوات ونجوي(طبعا نفسي اشوفهم).
[email protected]
سوسن عبدالله

بيت مال و عيال

الاخت منى احمد

الف شكر على التهنئة

Quote: لو كنت لسع فى دردق

على الاقل عينتك دى ما كان بتقدر تتفاصح علينا يا مان,

Quote: فرع عشر

بعدين مدنى فيها عشر و عوير , الخلا الجاى منو انت ده بقوم فيهو شنو , ما تقول لى ودنوباوى اولاد امدرمان شفناهم مافيهم زول عنده اثار الزحف الصحراوى الشايلا معاك دى, شبهك ناس النحوسي و الكامل موش علاء و عماد ,اتخيل يا سيف علاء الدين بشرى الراقى الوجيه البديع قريب المخلوق ده.

Quote: خالد عايس وعصام سيف بشير وبيضاب مامون سيد احمد والجلكين الفاضل سانتو - ابو اللمين عركى والديبة

ديل مقابل الموضوعى الشطوى لكل واحد و لا كيف. ياخى مقاساتك مجلية و و همية , بيضاب ده بيختو قصادو زول!!!! كان مغالط اسأل ميسرة.

Quote: حمدا لله انك ما حاضر العرس لانو نوعك دا كان فرتق الحفلة

كان فى فنان من دردق , اصلآ هو بنا, الشباب بيقولو انو و هو واقف فى ا########## بيكون شغال فى السقف , و يقال انو عداده كان عالي جدآ لانو الحفلة البغنى فيها مافى زول بتجرأ يفرتقا

انت بي خفتك و رشاقتك دى فرتقت لى مصطفى المسكين بوست عرسو

اخير الرواشة من الرشاقة



يا سوسن انتى راجلك ده مات و لا شنو
شايفك ورثتى كل حاجة

سلام يا اصحاب

(اخير الرواشة من الرشاقة)

معقول؟

repeated

sorry
repeated

Quote: أُتيحت لي الفرصة بالتحدث إلى العروسة نهله يوسف قبل اسبوعين تقريباً عندما كانت في رحلة عمل إلى بلجيكا... فقلت لها: انتِ محظوظة إنك إخترتِ مصطفى... فردّت قائلة: الحقيقة أنا مصطفى لم أختره، بل وجدته... فمثل مصطفى لا يُختار لأنه غير متوفر للإختيار، فأنا محظوظة "إني لقيته"...

ياله من خبر سعيد
الف مبروك لمصطفى ونهلة وشكرا سيف على هذه الاخبار الجميلة.

بكري محمد عبدالله،،، "اصحى يا بريش"...


مصطفى عرس زماأأأأأأأأأأن، يوم 11/6 وجايي تابرك يا دوبك.. "just joking"



الف الف مرحب بيك،،، وتشكر على التهنئة


وسلام حتى الهاتف الموعود

سيف

اها يا سيف والله لو قلت ليك ده منو ما ح تصدق؟

Quote: الاخ / ياسر تحياتي لك بلا حدود....وزمن طويل من الشتات.....كيف الدبارة زواج الاخ / مصطفى بعث فينا الذكريات فتحياتي لكل الذين جاد بهم هذا (البوست) ارجو ان تنقل تهانينا للاخ / مصطفى وعروسته عندما تكون من الذين عاشروا مصطفى تحس ان مشاريعه الخاصة في طي المؤجل (يعني العام جايب اجلها) ادهشني مصطفى الان عندما علمت ان مشروع الزواج كان يرزح تحت الاخريات. كم جميل ان تسمع بهم يحتفظون برونق جمالهم الانساني نقول للعروس مبروك وسعادتك بقت قبض ايد في صيف العام 1985بينما كنا نسير انا ومصطفى وزميلة من جامعة جوبا راجلين (كداري) من جامعة الخرطوم الى جامعة القاهرة (الفرع) في هجير شمس الخرطوم ونتانة بلاعاتها ومكر حكومتها. كنا نمشي ونحازي حوائط الخرطوم بحثاً عن لفحة ظل سريعة تنعش طاقتنا لمهام اخرى تزدحم. ونحن نقترب من مسجد الخرطوم العتيق ونذهب بالخطى الى الامام ونحو الظل تتوسطنا زميلتنا من جوبا وعلى طول المسجد يستظل بعض الاطفال المشردين، همهم احدهم معيباً علينا حالنا (معرصين اتنين كمان !!!) انا الوحيد الذي سمعت الهمهمة كاملة واسمعتها مرة اخرى لهما. مصطفى النقيب اتشح بالحياء كعادته، بينما انا و الزميلة كنا فرحين بهذا التعليق (وقلت ليهم الشماسي دا بطنه تريانه وحاري بكرة كمان) وان هذا الصعلوك الصغير لا خوف عليه، طالما افسح وقتاً للغيرة وغزل الحسناوات. هذه التفاصيل الصغيرة مع هؤلاء النفر ما زالت تسحرنا بحضورها الرهيب ونقول مبروك تاني ........ وتحايا خاصة لسيف ، صاوي، وليد، سوسن، محمد محمود،محمد عبد الله (الحلاوي) وعصام (الصعلوك الاممي) والى اخر القائمة ........... الصادق عبد الباقي (العربي) السعودية-الرياض

تعرف يا سيف دي واحدة من كرامات شيخنا مصطفى في حضورة وغيابه لامي الناس من مختلف الوان الطيف واكاد اجزم انه الشخص الوحيد الذي لا يختلف حوله اثنان في انسانيته وطيبته، هسع شوف بوست عرسه طلع كم دبيب يعني لو جا هو شخصيا ح يحصل شنو

ياسر حنا:

تعرف لو انا كنت زول شفقان، كنت نزلت مباشرة اسفل البوست عشان اعرف ضيفك... لكن فضلت ان اقرا ما كتبه، وشويو شوية بدأت تتضح ملامح الشخصية، وعندما وصلت الى الفقرة الاخيرة تاكدت حتى قبل قراءة الاسم:

Quote: الصادق عبد الباقي (العربي)

يآآآآآآآآآآآآآه، اطول من يآآآآآآآآآه في اعلى البوست...


سألت عنه كثيراً ولم اجد من يدلني على احواله ووسائل الاتصال به... يعني الا يعرس مصطفى حتى نعرف حاجة عنك يا العربي يا ود العقدة...

ياسر رجاء رسل لي ايميلو

والبوست يزدان بكما

سيف

حسى الواحد يدخل ليكم من ياتوا مدخل

اولا اسمحوا لى أن أهنى الصديق و الاخ العزيز ( مصطفى النقيب ) و حرمه و أتمنى لهم زواجا مباركا ميمونا و بيت مال و عيال ...أشكر لمصطفى النقيب اطلاقه مظلة الفرح هذه و التى جمعت زملاء دراسة لم نكن نتوقع اننا نشاركهم هذا المكان

تحياتى لك اخى سيف بشير و أحمد على القاسم و عصام جبر الله و ياسر حنا و التجانى النور و باقى العقد الفريد زملاء كلية الاقتصاد ياااااااااااااااااااااااااااااااااه زمن

عصام الطيب

Quote: عصام الطيب

وها هو "دبيب" آخر طلّ... يا سلام...

احسن مدخل تدخل منو كان ممكن يكون "الفرمالة"... متذكرها وللا اذكرك ليها...

المفروض مع كل تهنئة لمصطفى ونهله، يكون معاهم كميات شكر لانهم جمعوا هذا النفر العزيز...


التحية لك يا عصام اينما ما كنت الآن... وفي انتظار عودة مصطفى النقيب للسودان لكي يفاجأ بك وببقية الأصدقاء الذين لم يكن أو في الحقيقة لم نكن نتوقع ظهورهم، وعقبال الباقيين

سيف

الفرمالة عزيزى اصبحت ( من الامس ) ههههه ( ضاع صبرى ) و لا زال

معقول بكرى الفوووق دا بكرى اكورديون ما بصدق ( ود غرفتى )

ياخ البوست دا أتى بكل ضائع ما داير اتمها عشان ما يودونى التوج

تحياتى و على استعداد لغناء الفرمالة خصيصا لعزيزى و د النقيب

نشرة اخبارية خاصة :
- عبدالله الصادق ود قلى موجود بالرياض
- عبداللطيف حمد دفع الله يعمل بالرياض مدير مالى لشركة موبايلى بعد ان عاد من امريكا
- عادل كدو اقام بالسعودية فترة ثم عاد الى السودان

أرجو ان يكون هذا البوست مغناطيس لجذب هذه القطع الحبيبة المتناثرة هنا و هناك

لكم تحياتى

الحبيب عصام الطيب ود الكلاكلة:

ما معقول يكون صبرك لسه ضايع!!

Quote: معقول بكرى الفوووق دا بكرى اكورديون ما بصدق ( ود غرفتى )

هو بكري اكورديون/كمنجة/اورغن بشحمه ولحمه... تآملنا واتفقنا على الاتصال لكن لغاية الآن لم نوفق في تحديد الوقت الملائم (لفروق الزمن)

Quote: اخبارية خاصة : - عبدالله الصادق ود قلى موجود بالرياض - عبداللطيف حمد دفع الله يعمل بالرياض مدير مالى لشركة موبايلى بعد ان عاد من امريكا - عادل كدو اقام بالسعودية فترة ثم عاد الى السودان

طبعاً بكون جميل لو مع النشرة رسلت على الماسنجر ايملات الشباب ديل (ياربي هل لا يزالوا شباب؟)

لكن الملاحظ إنك ما قلت انت وين!!


فضل لينا دبيب زالنجي، محمد عثمان دريج: يبدو انو منقطع عن البورد هذه الايام

تحيات

الأخ العزيز سيف بشير..

كيفك و كيف الحلوات ووالدتهم..؟ إن شاء الله تكونوا كلكم بخير..

ألف مبروك لصديقكم مصطفى و عروسته و إن شاء الله بيت مال و عيال..

لكن نفسي أعرف هل دي نهلة يوسف الأنا باعرفها..

لو كانت هي يبقى صاحبكم برضو محظوظ!

العزيزة سناء خالد

كيفك وكيف خالد

والعيال..


اشكرك على السؤال والاطمئنان...

وكذلك التهنئة على زواج الاحباء مصطفى ونهله...

نهله يوسف العروس، تخرجت في كلية البيطرة جامعة الخرطوم اعتقد العام 1990 او بعده قليلاً (ما متأكد بالضبط)، وهي اخت أمل يوسف (بعدنا في الأقتصاد بي دفعتين ثلاثه كدا أو اكثر - برضو ما متأكد شديد "الكٌبر حصل") زوجها الأخ عبدالمنعم (دفعتين أو ثلاثة قدامنا في العلوم السياسية)...

هل تكفي هذه المعلومات لتأكيد مطابقة الشخصية مع تلك التي تعرفينها؟ وحتى ان لم تكن هي، فعندما هاتفتها مهنئاً لأول مرة، قبل العرس باسبوع تقريباً فقد تركت لدي احساساً عميقاً بأنها نهله رائعة تنم عن شخصية متفتحة المدارك بشوشة و"حربية" ولذلك اوافقك الرأي في أنه قطع شك "وافق شنٌ طبقه"...

تحياتي لك ولخاد والعيال

اخي سيف
قلت ليك بوستك دة حايطلع ليك الدبايب...اهو الدبيب عصام طلع من جحره
ويبلغكم وليد محمد عثمان التحايا ويبارك لمصطفي ويا حنا وليد طلع عندو بت وولد بس والله!
لكم الحب
شكرا مصطفي ونهلة

عزيزي احمد

مرحب بيك مجدداً

Quote: ويا حنا وليد طلع عندو بت وولد بس والله

معنى كدا يا حنا تكون اتصلت بوليد مرتين بس!! وشابكنا "كل ما اضرب ليهو"


بلغ التحيايا ايضاً لوليد يا احمد

يلا يا شباب بهججوها شويه .. يا سيف وعصام شوف لينا طريقة الزيادة بعد ان خرج الدبايب من كل فج عميق وقضوا على الأخضر واليابس .. ابشر يامصطفي وابشروا يا شباب .. الصادق العربي وعصام الطيب سعيد انا بلقائكم هنا تحياتي لكما بلاحدود ..

عصام الطيب

وينك يا رجل؟ الف حمدلله على السلامة وبركة بويت عرس مصطفى المرقك، كل مرة تظهر دقيقتين وتختفي

سيف بشير

Quote: هو بكري اكورديون/كمنجة/اورغن بشحمه ولحمه... تآملنا واتفقنا على الاتصال لكن لغاية الآن لم نوفق في تحديد الوقت الملائم (لفروق الزمن)

انت متاكد! والله الف الف حمد لله على السلامة، والبركة الشفناك طيب. ويا بكري البركة الشفنك طيب. رايك شنو يا سيف نطلب من بكري يعلق لينا البوست ده فوق لغاية ما يطلع آخر دبيب

وبالمناسبة كمان نسيت اقول ليك المرة الفاتت لأنه فرحت املاقة الصادق العربي نستني فرحة ملاقاة شرف أحمد عبدالله لأنه حقيقة فرحتين زي ديل في الاسبوع ممكن الواحد براحة يتلحس ، وبرضو مرقوه بوست مصطفى فقد اتصل بي يوم الاثنين الماضي تقريبا بعد ما قرا البوست وهو من المتابعين لبورد وكان يسال عن الزواج وعن مصطفى وقد وعدني بان يرسل لي ايمله لكنه للآن لم يفعل وان شاء الله يقرا كلامي ده ويذكر

وما تنسى راجع الايميل رسلت ليك عنوان الصادق العربي

أحمد القاسم
كيف حالك ان شاء الله تمام التمام

كدي أمش عدهم تاني ياخ وليد ده يكون داسيهم منكم خايف من العين انا مشيت ليه مرة في عيد رمضان قال المرة مشت للولادة في السودان جيت في عيد الضحية معاي والوليدات قلنا نزروهم لقيناها تاني مشت السودان للولادة تقول 2 بس

الصاوي

زيادة شنو يا اخوي! نجن يا داب دي اول لفه تقول دايرين الزيادة بالله بطل الحركات دي وخلو الخساسات ومازال الليل طفلا يحبو أبشر يا عريس

ودريج ده يا اخوانا البمرقو لينا شنو؟ الربة دي كلها وهو لي هسع ما جا طالع

ياسر حنا

شكراً على الرسالة

Quote: شرف أحمد عبدالله

ربما تقصد أشرف احمد عبدالله... هل هو اشرف الـ من كسلا؟ تحياتي الشديدة له واشكره نيابة عني وعن مصطفى على التهنئة.

تسلم اخى الصاوى

و شكرا مجددا لصاحب الفضل الاخ سيف بشير و العريس اب شنب ابشرررررررررررر ....و الله غنيتك دى يالصاوى حركت فى الواحد جنو القديم بتاع الغناء خاصة فى وجود العازف البارع بكرى ....( بس ما نسيت ليه اكلتو للسندوتش بتاع السفرة الفى الدولاب لى حسى) ههههههه

كدى نديها رفعة للبوست حتى نشبع منكم اون لاين

و الله الحى بيلاقى

كدى بالمناسبة دى ما تتحفونا بالصور حتى نرى ما فعلت بكم السنون ( غايتو ياسر حنا دا فى الباقى لى بكون لحق امات طه )

ياسر حنا

Quote: كدي أمش عدهم تاني ياخ وليد ده يكون داسيهم منكم خايف من العين انا مشيت ليه مرة في عيد رمضان قال المرة مشت للولادة في السودان جيت في عيد الضحية معاي والوليدات قلنا نزروهم لقيناها تاني مشت السودان للولادة تقول 2 بس

قلت لي ممكن يكون خايف من العين!!والله انا ماشفت بس علي كلامو!!وانت دلوقت شككتني..غايتو الا اباغتو بزيارة فجاءة وليك علي اكلمك انت بس!!
شكرا يا ظريف وبالله لما تجي دبي زورنا في ابو ظبي وليك علي والله بنياتي ما ادسهن منك ...عصام الطيب قال حاجز واحدة لمازن ولدو...
والله يا حنا عرس مصطفي دة فعلا لم الشباب ودي بركات ود النقيب النقي النضيف..
عصام الطيب الدبيب
بركة الجيت ...وهاااك جب جبجبجبجب
قصرنا معاك يالنقيب

مكرر

Quote: كدى بالمناسبة دى ما تتحفونا بالصور حتى نرى ما فعلت بكم السنون ( غايتو ياسر حنا دا فى الباقى لى بكون لحق امات طه )

تعرف المحرج في إقتراحك ده شنو يا عصام؟ إنه بيننا من زملاء الجامعة لو شفتهم الآن حاتقول ديل زملاء القرشي الذين فجروا ثورة اكتوبر (و من بينهم ياسر حنا المابي الزيادة).. وعلى كده كل الناس حاتقيس و الواحد يقول ليك ياخ العجوز ابوصلعة و اب وش مكرفس ده دفعتك؟ و الله انا ما كنت قايلك عجوز كده، فأحسن ياخوي نخليها مستورة و بلاش صور .. سيف بشير محافظ جداً و انا شفتة قريب و عصام جبر الله كان محافظ لغاية آخر مرة شفته لكن ماعارف شكله بقى كيف بعدما بقى يغير البامبرز.. لكن لو مصر على إقتراحك ده كدي ابدأ و بعد داك بنشوف.
لا تتصورا مدى سعادتي بلقائكم يا اصحاب.
الصاوي

الصاوى
تحياتى

الرجاء مراجعة المسنجر ...بشروط مسبقة طبعا و هى ان تستصحب معك ( الا ليت الشباب يعود يوما )

الأخ عصام
في هذا المكان كانت توجد صورة الوجيه عصام الطيب
ما شاء الله .. و الله البشوفك يقول قريت جامعة الخرطوم بالعربي وعيني باااااااردة .. اها الدور على ياسر حنا (بس صورة حديثة بالله) قال مازال الليل طفل يحبو قال!!!

العزيز الصاوي:

Quote: و عصام جبر الله كان محافظ لغاية آخر مرة شفته لكن ماعارف شكله بقى كيف بعدما بقى يغير البامبرز..

قصدك كدا يعني؟

الصاوى

شكيت محنك ،،،، ياخى انا قلت اذا بليتم فمسجروا تقوم تنزلا لينا هنا .....كان تخليها ( تحلية ) ههههههه حسى تانى البنزل صورتو منو .....


ثم ثانيا : انا اساسا دخلت الجامعة صغير

اول حاجة تبشيرة كبيرة جداً للصاوي ابو محمد ونبته: صاح الحفلة بدت متاخرة لكن المهم انها بدت..

انقطعت عن البوست يومي السبت والاحد لظروف عطلة نهاية الاسبوع وكنت شايل هم رفعة البوست، جيت لقيت الزغاريد والتبشير فبشرة وعرضة كمان مني..

عصام الطيب: صورتك خذلت مخيلتي: كنت اتوقع أن تكون الصلعة في الجزء الخلفي من الرأس لكن كما سبقني الصاوي: عيوني "الأربعة" باردة.. زوي ما قال ليك هو لما شافنى كنت "محافظ" هسع ماشي بخطى حثيثة في اتجاه ان اترقى لـ "والي"..

Quote: ثم ثانيا : انا اساسا دخلت الجامعة صغير

صاح أيوا بتذكر... حتى كمان كنا ما بنخلك تمشي وسط النشاط براك، وبنقعدك في الـ 202 (وللا الـ 102) قدام الكنبة الامامية...!!

وكت فيها صلعات اليكم هذا النجم ( نحتفظ بالاسم لسير التحقيقات )







هدية قيمة لمن يدلنا على صاحب هذه الصورة

التقول محمد انور السادات

سيف بشير كتر خيرك والله رديت لينا الروح مش معقول ناس الزمن السمح كلهم عصام اقتصاد او عصام ضاع صبري الفرمالة والاسم الرسمي عصام الطيب وانا عندي ليهو اسم تاني عصام الكوريل ودي مابعرفها الا التجاني النور اخر اخبارك جاتني من صباحي وبعداك انقطعت تحياتنا لي الفنان الرائع بكري اكورديون الزول دا لسة في كندا والتحية لعصام جبر الله ولسة محافظ ياجبر ومرة صدفة شفت صور زواجك اظن في بوست في هذا المنبر ولدك ما شا الله يربي في عزك نتمني مزيدا من التواصل فتبقي الذكري هي اجمل مانجتر في هذا الزمن التعيس.

محمد محمود

يا محمد محمود

البركة في الطلة مرة تانية

كدي ادخل مرة على بوست محسن خالد الممتاز (اصلاح الكتابة في المنبر) يمكن تلقى ليك حاجة تتعلق بالـ Punctuation. الحكاية شنو؟ لا شولة، لا نقطة، الساكيك منو وللا لاحق شنو؟ ووين صورتك انت؟

محمد محمود قائد الكورال

جاى تفتش الماضى خلاس الماضى ولى زمان

تحياتى لك و للصديق العزيز التجانى النور و لرفيق الغربة عبدالكريم صباحى ...تحية خاصة لهذا العملاق ...


سيف بشير

ورينى صورتك ولا قولى رافض

يا عصام الطيب

والله ما ابخل عليك بيها

اها رايك شنو في الشباب دا؟

سيف بشير!!!
لفت نظر
الصور ابيض واسود ممنوعة...
حول..
عصام الطيب
جهز لسيف وتيجاني النور ولي فرمالتك بس غنيها(ضاع شعري)
سيف دة عقاب ليك لانك نزلت صورة من زمن الجامعة...

الغالي احمد

انت ما شفت عصام لما كتب

Quote: انا اساسا دخلت الجامعة صغير

بعدين صورتي دي كانت للباسبورت، يعني كان التصوير الملون متوفر بشدة ومنذ زمن بعيد "قبل ما ندخل الجامعة"، غير اني كنت زمان افضل التصوير الابيض واسود..

سيف

الجاااااااااااااااااااك

عارف يا سيف ....صورتك دى الا تكون بتاعة شهادة التسنين ...نحنا عايزين صورة ( ما بعد ميلاد ) البنات الحلوات ديل ...اعمل لينا ( أب ديت )

شايف الصاوى لسه ما عمل تصحيح للمداخلة بصورة تضمن رد حقوق النشر لاصحابها الصاوى صلحها ياخى قول نزلت هنا بالغلط ...

أحمد على السادات

فى الانتظار على المدار

أخيراً:

أول صورة تصلنا من العرس




الف مبروك مرة تانية، وحمدِللا علي السلامة (العرسان في السودان حالياً)

وفي انتظار باقي الصور

سيف

كان مفروض الصورة دي تنزل مع صورة مصطفى فوق في اول البوست، لكن لم تكن متوفرة حينها:

نهله يوسف قُبيل الزفاف:

والعريس آخر بهجة




يا عصام الطيب:

كدي نأجل صورنا الملونة بعد صور العرس دي، وبعدين حا ننزلها


سيف

ياها نهلة ذاااااتا يا سيف..

لكن انت ظلمتها ظلم الحسن و الحسين..

ياخي الزولة دي الدفعة البعدنا..

و نحن الدفعة البعدكم بسبعة سنين..!


واااضح انو (الكبر حصل)..

بس ما حأقول الكلام ده بصوت عالي..أبو الشباب ..واقف قريب!



ألف مبروك يا نهلة و بيت مال وعيال و سعادة و وفاق..

العزيزة سناء

كيفك وكيف ابو الشباب وكيف الشباب...

Quote: لكن انت ظلمتها ظلم الحسن و الحسين..

في الحالة دي يكون ظلمها "راجِلا"... المعلومة جات منو..



الكويس طبعاً إنو انا وخالد اتخرجنا في نفس العام... لكن تعرفي، مرات الواحد بيكون "بليد" في الحساب عن عمد..

ومزيد من الانبساط

الاعزاء الكرام ياجماعة موضوع الصور دا مافير غير عادل مامكن مقارنة القاعد في مكة ومرطب في المدينة ومتجدع في الرياض او دبي الشارقة وام القوين او مستكين في امستردام استكهولم او سويسرا بي زول شقيان وSystem مطلع عينو في نييورك او واشنطون او حتي في سودان الانقاذ مفروض يكون في Special treatment لي ناس مناطق الشدة مثل امريكا والسودان.

ياسيف معذرة علي الكتابة الكاجول دي تعرف انا بكتب بالماوس Software تعبان جدا مافيهو اي تدقيق اضافة لانو الواحد لفترة طويلة ابتعد عن كتابة العربي.

يا محمد محمود كيفك

ما تخاف يا اخوي كدي انت بس نزل صورتك..

مبالغة
معذرة يا بكرى ابوبكر لاهدار الباندودث, لكن يدخلكم الجنة يا سيف ومصطفى, جبت لينا ناس نفتش ليهم بالسنين , عصام الطيب بجلالة قدرو, فى انتظار جنجا وباسر البركس وياريت معاهم ولبد وسيف اليزل جايكم برواقة.

الف مليون مبروك
وبيت مال وعيال

واتمني حياه زوجيه سعيده لكم

يا شباب سلام بدون فرز
جيبتو سيرة الصور خليتونا نتضاير

معصور امتحانات ... بجى نشوف الوجيه عصام و محمد اسكيز وبكرى و البقية

سيف .... و لا خليها اسة

يا عصام جبرالله

(سيف .... و لا خليها اسة )

ما تنسى انو في بوست مفتوح بي اسمك بي هناك

الصاوي

غايتو انا بنزل صورتي، لكن في الأول عليك الله وريني العريس ده مصبغ ولا لأ؟
كان طلع مصبغ غايتو انا بنزل احدث صورة عندي وبعدين عصام طيب صورتو دي قبل العرس وراني ليها زمان امكن قبل عشرة سنين عشان كده خلي يقعد قدام الكومبويتر وياخد الويبكام ويدينا صورة جديدة لنج


تعرف الاسبوع الفات لقيت ولدين في الطريق يعني عمر 25 سنة كده قمت وصلت معاي اها لما نزلوا قاموا قالوا لي مشكور يا الوالد تعرف قربت اقوم اشيلهم ارجعهم محل ما جبتهم

فلهذه الاعتبارات فاننا نطالب ان تكون الصور اقصى شي سنة 2000 اما فيما عدا ذلك فيترك للمقابلات الشخصية في المستقبل


سيف بشير

مشكور على الصور عزيزي والله ما شاء الله عيني باردة والف مبروك مرة تانية للعروسين وبيت مال وعيال وان شاء الله

حنا الظريف
اوعي تكون زعلت

Quote: تعرف الاسبوع الفات لقيت ولدين في الطريق يعني عمر 25 سنة كده قمت وصلت معاي اها لما نزلوا قاموا قالوا لي مشكور يا الوالد تعرف قربت اقوم اشيلهم ارجعهم محل ما جبتهم

ليك التحايا

كيفك يا حنا

(ولدين في الطريق يعني عمر 25 سنة كده قمت وصلت معاي اها لما نزلوا قاموا قالوا لي مشكور يا الوالد )

يعني لما نمشي السودان ما نوصل أي زول...

ياخى أبدعت يا سيف بالله ألقى لينا مزيدا من الصور .....مبروك مبروك ...غايتو كان فيها رقيص عروس ( طبعا ما اظن ) صاحبى دا بياخدا صايمة ....

تحية لعصام جبر الله و ياسر حنا التويل ......محمد محمود ياخى طمنتنى على العلى ....عشان كده انا قلت للصاوى البتاعة دى شيلها ... و فى انتظاروا

يا سلام يا سيف
و الله صور في غاية الروعة، و الواحد اتمنى لو انه كان مخوجل معاهم بهناك.
ياسر حنا و الله انا متكيف من الأولاد الوصلتهم ديل جنس كيف، لانه يظهر انهم أولاد متربيين و طالعين من اسرة طيبة لانهم بيحترموا اعمامهم الكبار وبيخاطبوهم بطريقة لائقة.
يا عصام طبعاً انا حاولت اتزاوغ من طلبك لكن يظهر يظهر انك معكلت جداً .. لكن صورتك دي لو سبتها قطعاً كنت حا تفوز بجائرة المحافظ لكن إنسحابك من المنافسة سيفتح الفرصه واسعة للوالد/ياسر حنا بالفوز بجائزة المحافظ. حا اشيل الصور ولكن سأترك اثرها هناك.

الصاوي

الاحباء الصاوي وياسر وعصام:

حا اجيكم لي موضوع الصور بتاعتنا دي بعد شوية (ما تخاف يا عصام حا انزل ليك صورة حديثة لي):


كدي هسع نشوف الرسالة دي من العروس:


Saif Alazeeeem .. laik kul El-woud ''with'' Khair elsabahat elgamilah ...

Yesterday I was not able to reply, the workload was too heavey , I was trying to catch up while I am completely overwhelmed with love from Mustafa and at the same time by what you are doing ... what kind of people you are ... this is huge for me to comprehend...


I know Sana Khalid very well .. as she was one of the pretty and ellegant girls in Shambat .

……..


Saif regarding the board .. I really want to thank .. and to chat ... I will send you the SMS through mobile phone ... (I guess she means an SMS thank you to everybody who congratulated them..)

Mustafa is coming today [to Niyala] ... it happened that the colleagues in the office are celebrating my wedding and they invited him to come for this weekend to attend the celebration .. this is very unusual in UNICEF and we were not even dreaming of seeing each other before 60 days ...


Salam kateeeeeeeeer ma’a hubi ..

don't forget to thank Elmusili and Sana Khalid and greet them form the inner part ......


Nahla


كل الامنيات لهما بدوام الهناء لهما، ولنا أيضاً


سيف

يا جماعة انا العرس ده فاتنى كيف؟؟

شوفو بالله الناس دى غتيتة كيفن؟؟

ما تقولو لينا حاجة ولا حاجة ؟؟

لكن والله بتذكر انى هنيت الشباب ديل قبل كده..دى مش نهلة البت الصوتا رهييييب ديك؟ ومصطفى ده زاتو

كان فى بوست غير ده لزواجهم؟

ولا انا بقيت اشوف "بوستات" قبل ما تحصل؟؟ يعنى كرامات اليكترونية ..؟؟ ما بعيد..دى لو حصلت لى حأفتح "بورد" براى ..ههههههههه

الف مبروك لنهلة ومصطفى ..وبيت مال وجمال وعيال وانعدال فى الحال وحسن للمآل ...

..

مبروك يا سيف للعرسان،..

نرجو ليهم بيت مليان مودة وسكن وإن شاء الله رخا الشام، ( دا دعاء حبوباتنا أيام الشام كانت مشهورة بالرخاء)..

وكونوا بخير

لا دا كتير، وكمان محسن خالد


ابشروا يا مصطفى ونهله...


عرس شرّفو محسن خالد امانة ما عرس ما ساهل...


كتر خيرك يا محسن وان شاء الله كلنا تتملي بيوتنا مودة ورخا الشام..

"بركاتك" يا تماضر أو تمادر على قول طارق خدر

لا دي اول طلة ليك هنا... لكن حضورك كسى المكان حُلة بهاء ونغم وغيم ورزاز وأشياء جميلة جمال مصطفى ونهله


لك التحية من قبل ومن بعد

الحبيب سيف ود بشير
شكرا لمشاركتك بالصور الجميلة للحلوين العرسان ما شاء الله
وصلتني رسالة جميلة من مصطفي و هو في مكتب اليونيسيف بالجنينة...
عصام الطيب زوغ صورتو من البوست وخلاني معلق...اطالب باقصي عقوبة لعصام(صورة حديثة لانو خايف يواجه نفسو..)
تماضر
مصطفي النقيب اخ جميل من زمن الحب.....وانشاء الله دايما نجيك في السمح(دعوة امي بت نورالدين)
نهلة ومصطفي
لكم تهاني جميلة
وعينا بااردة ودامت ايامكم فرحة
لكم الحب ..

مبالغة
معذرة يا بكرى ابوبكر لاهدار الباندودث, لكن يدخلكم الجنة يا سيف ومصطفى, جبت لينا ناس نفتش ليهم بالسنين , عصام الطيب بجلالة قدرو, فى انتظار جنجا وباسر البركس وياريت معاهم ولبد وسيف اليزل جايكم برواقة.

كيفك يا احمد

(عصام الطيب زوغ صورتو من البوست وخلاني معلق)

لكن كدا كشفت ليو المسايقة بتاعتو...

انت لو عنك ليهو صور نزلا بي قلب قوي

والله لكن يا مصطفي،، تي فا ،،
بي خجلة شديدة جاية،،
ما آخر المباركين،،
مصطفي الحبيب ربنا يهنيك و يسعدك،،
و مبروك عليك يا نهلة ولدنا الحلو،،
يهنيك و تفرحي بيهو و معاهو،،

محمد المعتصم الشيخ إتلوووووم،،
مالو ما بقول لي إنك خلاس بقيت وش جواز؟
حقيقي مفتقداك،، و كان نفسي اكون موجودة في يوم زفافك،، البقي لي خبر،، (و نوم عيني البقي لي سهر،،)
لا زال القلم الاصفر و نتيجة عام تسعة وتسعين و "باولا" في جزء مهم من ذاكرة الأيام بحوزتي،،
الحبيب مصطفي و رغم انف البعد و الإنقطاع الطوييييل،، فرحت من قلبي،،
و لو كنت موجدة كان كوركت مع البزغردو لأني لي بعد بكرة ما ح اتعلم،،
لكن مصرة عليها رغم نصيحة حذيفة و محاولات إقناعو الفاشلة كلها لي بعدم المحاولة حتي، أيام حركات ما قبل العرس حقت محمد الشيخ ديك،،
خلاس أقلها كنت برقص معاكم تحت خيمتكم دي،، و اغني،،طبعاً،،

إلا من حق يا تي فا العرس في الخيمة لي لامن الناس مدنقرة؟
أعذر اللاك بتاعي عن النيو إنفورميشن كان دي حاجة متطورة و انا ولا هناك،، ولا هنا برضو،،
تي فا التهاني موصولة للأسرة كاملة،، و كل اصدقاءكم القراب و البعاد،،



سيف تحية و سلام و الفين و تلاطاشر شكر
علي البوست الملان صحبان صحبان و فرحة عيد و عريس جديد،، و عروس كمان،،
بصراحة البوست جرسني شدييد،،
ولاصدقاء مصطفي و عروستو الحلوة محبة،،

عزة

الاخت عزة

الف شكر على التهنئة وما تشيلي هم للتاخير.. المهم انك حصلتي البوست مع انو كان بكون اجمل لو حصلتي العرس... كان على الاقل نقلتي لينا وصف حي لمهرجان فرح الاحباء مصطفى ونهله... والعديد من الصور..

ولك صادق الود

الاحباء المهنئون والأصدقاء

تلقيت رسالة الشكر هذه من الجميل مصطفى النقيب

ومعها بعض الصور: ساحاول انزالها قريباً


سيف بشير

Quote: العزيز سيف: عذرا مرة أخرى للتأخير ... شكرا لك ولكل الأصدقاء على الكلمات الجميله (رغم المبالغات) وعلى الظهور المؤثر بعد سنوات وسنوات من الإنقطاع ...... وقبل كل شئ شكرا لنهله على إتاحة فرصه أخرى للحياه وعلى التوضيح العملى لمعنى المفردات المنسيه .... مثل سعاده ... فرح ... أمل شكرا لعصام جبرالله على الوصف الخرافي شكرا لأحمد القاسم على الظهور بعد 20 سنه شكرا للصاوي على التهنئه .... أما زلت تمارس العزف؟ أرجو أن لا تكون توقفت شكرا للموصلي وسيف مساعد شكرا لمحمد محمود على الكلام الكبير جدا ..... والتحيه عبرك يا محمد للتيجاني النور شكرا لعفيفي ...... زمن طويل وياعفيفي نهله ما قريبة عادل سيدأحمد .... لكن قريبه ليهو .... عادل برضو زول جميل التحيه والتقدير لإنعام علي إبراهيم ... وينك يازول؟ .... لك الشكر والتحيه ... في إنتظار رسالتك عادل محمد عثمان ... الله يبارك فيك ... وشكرا جدا جدا مليون شكرا يا Hozy العزيز تبيدي .... الشكر والتحيه من هنا لكوستي مجدي جلال .... شكرا وإن شاء الله تتعرف بنهله قريب عصام مدني ... صدقت في كل كلمه ... وشكرا على وقوفك يوم الحفله ... ورحلاتك المكوكيه وطول بالك (على غير العاده) خدر .... الشكر الجزيل (غالباً يا طارق ما يكون عارف انو خدر دا انت "سيف") ياسر حنا ... شكرا على التهنئة وإعادة الظهور ... وشكرا على الإتصال التليفوني ... والتحية موصولة لزوجتك العزيزه بت حلتنا ... ونشوفكم قريب في الخرطوم ... والتحية عبرك لوليد محمد عثمان وشرف أحمد عبدالله شكرا لسهام المجمر ... والنيه واصله ... سوسن عبدالله ومنى أبوزيد .... شكرا جزيلا بكري الموسيقار ... شكرا زز وسعيد بظهورك بعد غياب طويل الصادق العربي ... تحيه لك وللذكريات عصام الطيب ... يبدو أن صبري ما ضاع رغم الفرماله الشهيره .... مازلت أذكر قصايدك الشهيره (الحافله شايله إعتماد!!) وأيام المذاكره والسهر يوم الخميس في حلقة الرياضيات مع شباب الكلاكله ... وأول سيجارة برنجي يوم إمتحان التاريخ (بالمناسبه أنا أقلعت عن التدخين في نهاية 2003) ... لك الشكر والتحايا سناء خالد .... شكرا ... وصفك صحيح ... ونهله أكتر من كده كتيييييييييييييييييييييييييييييير تماضر ومحسن خالد ...... الشكر الجزيل وأخيرا وليس آخرا ... عزه جعفر ... أو عزوزه كما إعتدت أن أناديك .... نحنا كمان فقدناك يوم الحفله .... الخيمه ما قصيره لكن المصور قصير وأخد الصور من تحت لفوق ... المصور طفل جميل وفنان زي خالته نهله لكل الأصدقاء ... مره أخري تحيه على الكلمات الرقيقه وعلى المشاركه .... تمنياتي لكم جميعا بالسعاده .... سعاده من العيار الثقيل كما عرفتها وإكتشفت وجودها مه نهله سلام مصطفى النقيب

Quote: عصام الطيب ... يبدو أن صبري ما ضاع رغم الفرماله الشهيره .... مازلت أذكر قصايدك الشهيره (الحافله شايله إعتماد!!) وأيام المذاكره والسهر يوم الخميس في حلقة الرياضيات مع شباب الكلاكله ... وأول سيجارة برنجي يوم إمتحان التاريخ (بالمناسبه أنا أقلعت عن التدخين في نهاية 2003) ... لك الشكر والتحايا

ود النقيب

ربنا يهنيك و يجعل ايامك كلها سعادة ...لا يمكنك تصور مدى الفرحة و البهجة التى أدخلتها كلماتك الى قلوبنا ....لقد أعادت هذه المناسبة تلك الذكريات الجميلة كرات عدة ...فلك منى كل الحب و التقدير ...و أتمنى أن يضمك هذا المكان قريبا ...

عصام الطيب وبقية العقد الفريد:

قبل ان تفارق الدهشة المخيلة من كلام مصطفى الجميل، وصلتني رسالة تتدفق جمالاً من نهله... وها هي:

Quote: ...........منذ بدايات علاقتي بمصطفي النقييب (القصيره جد بالمقارنه مع علاقته بأعضاء البورد...) .... كان الحديث عن سيف بشير ....... .باستمرار وبشوق .... بطريقه لاتشبه اهل زمني القاسي .... كان ذلك مدخلآ آمن لمعرفتي به اكثر ..... و صرت اتشوق لمعرفة المذيد المدهش عن اعضاءِ قبييلة المتمردين.... المتمردين علي اذي الغير.... المقدسين لللصحبه و الاصحاب ... المحبين للحب والوفاء .. ورغم طابع الحزن عند مصطفي ...تحدث عن سيف بكل الفرح والمرح .... يدعوه دوما: ب " سيف المجنون ".... لكن اي مستمع يمكنه ان يتعرف وبسهوله علي الاعجاب الشدديد المكنون ...لدرجة اني تعلمت معه كيف افتقد سيف ( الذي لم اراه..) في كل احتفال مبهج .... ولكم مره ... اتمنيت يا سيف ... لوكنت معانا ... ..... اها يا سيف.. حقو نبدأ بالرد علي الاصحاب الحلوييييييييييييييييييييييييين: لصحبتي سناء خالد ( وشفعه الحلويين البشبهو ناس أوشين ...) .. لعصام مدني الحاضر.... والموصلي (الف مراحب بعمنا في السودان الشين و الحلو شديد ... ) ... للصاوي (والغنيه السمحه ... سنبدع الدنيا الجديده وفق ما نهوي ..) .. . . لتمادر (انا ما نهله ذات الصوت الجميل … انا نهله الكان عندها محاولات جاده للغنا الهابط الحلو والرابي لكن باجماع الجميع طلعت ما بعرف …) ….. لاحمد القاسم ... لسيف مساعد... لعفيفي المجادل .. .. لمحمد محمود (ووصفه الجميل المطمن..)... لانعام سعد .. لعادل عثمان... لادريس تبيدي .. لمجدي جلال .. للفاضله هوزي (كما وصفك سيف وانا اثق بوصفه)... لخدر... لعصام جبرالله .. لبكري عبد الله ... لسوسن عبدالله ... لعزه الحلوه ., لمنى احمد .. ولياسر حنا .. للصادق عبد الباقي .. لعصام الطيب (ضاع صبري ...) ... لمحسن خالد( شكرا لطلتك,, الما ساهله ... زي ما قال سيف).... لكم كلكم التحايا والود .. لكم معزتي ... فوصفكم وتهنئتكم لمصصطفي رسخت اطمئنناني وآماني المرسخ والشديد بمصطفي ... اتمني ان اراكم ...

نهله في حفل اليونيسيف الذي نظمه اصدقاؤهم

معذرة، كنت فاكر كلام نهله خلص، لكن لقيت في صفحة كاملة ما شفتها

Quote: ....لمروج الحداثه الشطويه...ود جبرالله ... الف سلام وشكر علي الحركه والكرت الخلاق... فقد سئم المحبين اهداء الورد وكروت الورد ... لانه لم يوفر اي ضمانات كافيه لاستمرار الحب الملتهب وقت اهداء الورد ..كما انه لم يحمى اي اثنين متزوجين من احباطات اكتشافات ما بعد العرس المريبه ... ومين عارف يا عفيفي امكن الشتاره والحداثه الشطويه يكونو فال خير و يعملو الماعمتلوه اي نظريه وردويه ... وانى متفاءله خيرا بالشطات المهداه من عصام جبرالله (بس يا ود جبرالله لحدي الشطه علي الكرت ومقبوله لكن بلاي اوعي تتمادي وترسل لينا باقات شطه سويسريه ...وده بس خوفا علي عيون محبوبي " ود النقيب" المحمره و الحساسه للالتهابات ... ) يا عزه الحلوه شكرا للدنيا وليكم علي ولدكم الحلو ... وربنا يخليهو بيكم.. وليكم.. ولي ... وعجبني وسر بالى تعبير ولدنا الحلو.... وبيه فرحة التعبير ده.... حالم الناس الحلويين والشفع وحنشجع كما نشجع اللعبه الحلوه: آي... آي... آي آي آي ... لإصدقاء مصطفي الما اعضاء في البورد: محمد الشيخ ... سمير ...هشام ..لأم التيمان اميمه سيد احمد ... الهام .. ...لمنير و محسن النقيب، الف شكر لمعرفتكم .. ولكم معزتي ومحبتي ..... لاصحاب مصطفي الفي دارفور .... كلكم الف شكر علي فرحتكم ... لاصحابي كلهم برسل معزه متناهيه من خلال بورد التهنيه ... وبقوليهم بحبكم و حأحبكم ... لزملائي و اخواني في اليونسيف ... ولاهلي في دافور (شرق الجبل خاصة) كل الحب والشكر ... لست البنات دلال واسماعيل ... اتزكركم بشده واحبكم دومآ... و حنتلاقي .. واخيرآ لن انسي شكري لصديقي الحميم ...نديدي و رفيق محبتي ..... ودربي الحاضر و الجاي ... دربي الاكيد مطمن... معزتي و شكري للآمين النقي "مصطفي النقيب" ..عندما وجدته كنت احتضر خوفآ من صعوبة الدنيا ... انتشلني من مرارات احباط و حزن عميق و مدمر وساعدني علي الوقوف. ..وشجعني بهدؤ مقنع علي اتخاذ اكثر قرارات الدنيا صعوبه ... وملاني اطمئنان وآمان .. و صرت اقول له دومآ: معآ سوف نشكل فولترن.. ضد صعوبة الدنيا الما بتتقدر.. والليله يا سيف الجميل (.. يا صاحبنا الحلو .. ) تعال ندعو الاحبه والاصحاب كلهم.. نتلمه ونكبر اللمه في بورد الفرح لنشكل فولترن .. ضد اي صعب ونفرح اكثر و نقول : غنو معانا غنوة العيد والفرح ... ولكم محبتي ... نهله يوسف ،،..

شكراً يا بكري

تمكنت اخيراً من معالجة الصورة الجميلة جداً

والتي اختصر فيها مصطفى ونهله كل الكلام... القالو وكتبو واللسع ما قالو وما كتبو...




وكل الامنيات لهما بصادق الهناء ودوام المحبة


سيف بشير

الف الف مبروك للصديق مصطفى النقيب وشكرا ليك كتير يا ابو السيوف

كتر خيرك يا بكري...

دا الشغل...

مصطفي ونهلة
شكرا لظهوركم لنا...
قلت لعصام الطيب بعد ان تحادثنا ان عشرتنا لزقة طبية ماركة جونسون لا تنفك ولا انفصام لها ولو بعد حين..
2005 كانت البداية بعصام وتوالي الباقون ..وكانت ناقصة (درش)ود النقيب والتيجاني ...كنت اول المندهشين المهنئين بعودتهم فيقيني كان يقول سالتقيهم ولكن كيف؟
شكرا سيف بشير
الم اقل لك اول البوست (ان هدا البوست سيكون عرسا اخر)..!
مصطفي كان حاضرا كلما التقيت وتهاتفنا نحن شلة الدرس والانس..التي لم يضع صبرها كما ضاع صبر عصام..
لك الحب والود
ومبروك عليك نهلة ومن كتاباتها فهي اخت اصحابك (يعني ما زولة غريبة)
شكرا

yes ahmed

Quote: (ان هدا البوست سيكون عرسا اخر)..!

فوق
عشان العرسان الظراف

عندما تلتقي بمصطفى النقيب لأول مرة تحس بأنك تعيش في عالم آخر أساسه النقاء والأخلاص والرقة الممزوجة برجولة وحمشنة أهل السودان، التقيته بالقاهرة مع زوجي وصديقه سيف بشير عام 1995 وعاد سيف الى لندن حينهاوبقيت و نبتتنا الصغيرة بضعة أسابيع مع والدتي وأختي نهلة ووالدي، وصاه سيف علينا وواضح انه اختار الرجل المناسب في المكان المناسب. لم يتركنا مصطفى لحظة، عدت الى لندن ولم يتوانى مصطفى في مواصلة العمل بالوصية ولم يترك أسرتي لحظة وتحولت العلاقة من سيف ومصطفي الى أسرتي ومصطفي وأسرته (طنط نعمات وسميرة ومحسن) .. وأصبح مصطفي الأبن الثالث لأمي والأخ غير الشقيق لناوخرج سيف من الدائرة لتقفز العلاقة حدود صداقة مصطفى لسيف. لا يفوت وقت الا وتتصل ماما بمصطفى وتقلق علية من قلب أم أحبته بلا حدود، وبالطبع الطيور على أشكالها تقع .. واضح أن نهلة لا تقل عن مصطفى بشئ .. مبروك نهلة ومصطفى لكم الفرح والسعادة الدائمة. فرحت ليكم من أعماق قلبي .. كنت أتمنى أن أكون معكم .. والى لقاء قريب انشاء الله.

لكم التهنئة من ماما ونهلة وعمك حسين، مصطفى وخالد والنبتات الصغيرات.

العزيز سيف .. لك الشكر على جعل هذا العرس يتواصل و تتعبق الفرحة برسائل العرسان ووجود اخوان مصطفى و أصدقاء الزمن الجميل .. يا نجوى مجيئك عطر المكان و كلماتك بحق مصطفى هي عين الحقيقة، فهذا شأنه منذ زمن بعيد.
مصطفي النقيب و سيف بشير و ياسر حنا سكنوا في غرفة واحدة بالجامعة لفترة طويلة انتهت بداخلية الرهد. و هؤلاء الثلاثة مبشرين بالجنة، و كل منهم يمتلك اسباب كافية و مختلفة لولوج جنات الفردوس، بس ان شاء الله يتذكرونا بعيدين.

1- سيف بشير رزقه الله بثلاثة بنات و أحسن تأديبهن و تربيتهن فحق عليه حديث أبي سعيد الخدري الذي يقول "أن رسول الله صلى الله عليه وسلم قال، من كان له ثلاث بنات فأحسن صحبتهن واتقى الله فيهن دخل الجنة"

2- ياسر حنا رجل حج لبيت الله الحرام فغسل كل ذنوبه و استقام في حياته، و أصبح يؤدي الفرائض و النوافل و يتلو القرآن آناء الليل و أطراف النهار و يتصدف و يبتعد من الموبقات و يكره الكيزان، و هذه أسباب كافية لولوجه ابواب الجنات التي تجري من تحتها الأنهار.

3- مصطفى النقيب ده داخل بى ال Boxing بتاعه عدييييل كده، فأخلاقه هي أخلاق الأنبياء، فهو إنسان مستقيم سلوكياً لا يكذب و لا يتملق ولا يداهن .. ودوداً كريماً شهماً شجاعاً، تجده بجانبك عندما تحتاجة و عندما لا تحتاجه، لم يمر بفترة طيش الشباب التي مر بها معظمنا، فتجاوزها و كأنها لا تعنيه في شئ .. فهنيئاً لك الجنة يا مصطفى و هنيئاً لنهلة بجنة مصطفى في الدنيا قبل الآخره.

غايتو بعدين لما تخشوا الجنة، ابنوا ليكم داخلية هناك و اسكنوا سوا تاني.

الصاوي

مبروك يا مصطفى النقيب
لك الجمال و
الإصطفاء
والحب
ومبروك للعروسة

وسلام لكل الحضور في هذا العرس البهيج

ويديك العافية يا سيف بشير ويخليك لينا دائماً ركيزة فرح ومركز جمال


أجمل التهاني مصطفى ونهلة وامنياتي القلبية بالتوفيق


أمير فاروق

شكراً يا أمير على التهنئة والكلمات الرقيقة

هذا البوست يجب أن يظل عاليا خفاقا

برغم إنو الصاوى مرقنا من الجنة و سقطا

ياالصاوي

من جاور السعيد يسعد، وخلينا احنا في جاه الملوك نلوك، يمكن نحظى بنسمات من الجنة.

ما عندك أي فكرة عن حديث مفاده دخول الزوجات للجنة مع أزواجهن ... ولا الأزواج ناويين على الحور العين وعايزيين يفتحوا لينا، غايتو الله يكضب الشينة.

نهلة العروس..

ألف ألف مبروك...تاني و تالت..
أنا برضو اتزوجت صاحب الجماعة ديل.. لكنّه (الغريبة) عاقل..!

(, I'm just kidding)

تعرفي ده أجمل بوست تهنئة يتعمل لإتنين غير أعضاء..و يمكن حتى بين الأعضاء

الشباب ما قصروا..و انتو تستاهلوا..



العريس النقيب..

ربنا يهنيك بنهلة و يهنيها بيك..

و بختك شديييييد (بالثين) الحلوة..




مع محبتي...

نجوى حسين إزيك

Quote: ما عندك أي فكرة عن حديث مفاده دخول الزوجات للجنة مع أزواجهن

قال النبي صلى الله عليه وسلم "الجنة تحت اقدام الأمهات"، يعني انت جنتك مضمونة بي سيف ولا بدون سيف

Quote: ولا الأزواج ناويين على الحور العين وعايزيين يفتحوا لينا

بالرغم من الوصف المغري لإبن القيم للحور العين في بستان الواعظين بقوله "في نحرها مكتوب انت حبي وانا حبك، لست أبغى بك بدلا ولا عنك معدلا .. كبدها مرآته وكبده مرآتها، يرى مخ ساقها من وراء لحمها وحليها كما ترى الشراب الأحمر في الزجاجة البيضاء، وكما يرى السلك الأبيض في جوف الياقوتة الصافية". بالرغم من ذلك الوصف فقد ورد في إحدى الفتاوى ان "المرأة التي ماتت بعد زواجها فهي في الجنة لزوجها الذي ماتت عنه، وأما المرأة التي مات عنها زوجها فبقيت بعده لم تتزوج حتى ماتت فهي زوجة له في الجنة". يعني سيك سيك معلق فيك.
والله أعلم

Quote: هذا البوست يجب أن يظل عاليا خفاقا برغم إنو الصاوى مرقنا من الجنة و سقطا

عصام انت ماعندك طريقة في الجنة غير إنك تنكرب وتشوف ليك طريقة ثلاثة بنات سريع

الصاوي

الصاوي العزيز:

كتبت كلام كتير داير ليهو كلام كتيـــــر...

لكن كدي قبل الكلام الكتير دا، شوف لينا عمك التحت دا... كان ساكن الأوضة الملاصقانا طوالي في الرهد ومعاهو محمد عثمان دريج... كدي أعرفو لينا منو أول حاجة وبعدين شوف لينا هل حا يكون معانا وللا مع ناس عصام (ما فرقت هنا عصام الطيب وللا عصام جبرالله)



ناس السعودية باللاي تقِّلوا شوية، بعد ما ناس امريكا وغيرهم يغلبهم يعرفوه، ممكن تدخلوا المنافسة!!

العزيزة سناء خالد

تحياتي لك وللشباب الحلوين ديل ولابو الشباب الفاتح لي العرس والعريس...

تعرفي، لو ما كان خالد من مدني، ولو ما كان اتخرج من هندسة الكهرباء، كان الناس الجو يباركو هنا ديل كلهم اتلخبطو بينو وبين مصطفى النقيب... فخالد كان "مصطفى نقيب" الهندسة، ومن قبلها كان "مصطفى نقيب" مدني الثانوية (عصام جبرالله ممكن يورينا إذا كان كان "مصطفى نقيب" الأميرية وللا لا)...

إذا ما كان عندو مانع، عندي ليه صور لما جاء زارني في برايتون في (.... "في داعي للتاريخ؟") حا انزل واحد ومنها تشوفي الشبه الكبير جداً بينو وبين حسن خالد..

تحياتي للكل

سيف

سناء ازيك
ما شاء الله على الاولاد , ديل جعلية نجازاكى

Quote: أنا برضو اتزوجت صاحب الجماعة ديل.. لكنّه (الغريبة) عاقل..!

بعد العشرة الطويلة بينك و بين "صاحبنا" لسه مغشوشة , زولك ده الجن زاتو , بس جن مجيه ما زى حقنا انحنا جن مطرطش و معولق ....
وين صاحبنا مختفى , رسلت ليهو اجمل ايميل لليلة ردو ما وصل
قولى ليهو العريس سيف الفار بسال عليك, و سيف الفار ده مصيبة كدة الله لا وراك ليها ... برضو صاحبنا

ابو الجيو

سيف ده عشان يخش الجنة 4 بنات ما بكفو, قول مدرسة بنات ... كلية التمريض او كلية معلمات

يا سيف

قول لى عمنا ده انا حاولت مليون مرة و دايما switched off , رسلت ليهو sms ما جاب خبري , قول ليهو النمرة البادية بي 4176 ده انا .. شكلو لسه ظريف و ضحاااااك ...ورينى الم فيهو كيف

Quote: تعرفي، لو ما كان خالد من مدني، ولو ما كان اتخرج من هندسة الكهرباء، كان الناس الجو يباركو هنا ديل كلهم اتلخبطو بينو وبين مصطفى النقيب... فخالد كان "مصطفى نقيب" الهندسة، ومن قبلها كان "مصطفى نقيب" مدني الثانوية (عصام جبرالله ممكن يورينا إذا كان كان "مصطفى نقيب" الأميرية وللا لا)...

ياخى بالغت عديييييل
اسمع تجامل عرفناها لكن تكضب دى ما فينا
صاحبنا (الغريبة) عاقل ... زى مصطفى

الجن المسلط و ملبد ده

ليه بتستاذن بس فالح صورى انا الحيطة القصيرة توووووش تختها

نزل الصور

لا حول ولا قوة إلا بالله



تعرف ياسيف بعد ده الواحد ممكن ينزل صورتة بإطمئنان شديد، عليك الله رسل لي تلفون محمد عبدالله ود الحلاوين ده ولا ايميله.
عمو ياسر حنا عمل مطنش من جات سيرة الصور ..

ألف مبروك مصطفى ونهلة ..
إن شاء الله بيت مال وعيال ..

الاخ معتصم دفع الله

مرحب بيك وألف شكر على التهنئة




سيف بشير

حاضر يا عصام (جبرالله):

بس كدي خلص امتحاناتك..

بعدين مناسبة ايراد صورة محمد حلاوين، انو كان معانا في البيت في نفس يوم العرس، وكان معظم الحديث عن العرس وهكذا، يعني في مناسبة للصورة... أما صور خالد فخلينا ننتظر شوية لغاية ما يبارك لمصطفى ونهله وبعدين ننزل صورو.... وإذا ما بارك لغاية يوم الثلاثاء الجاي حا انزلها حا انزلها (اسكانر البيت بايظ حالياً) ... ممكن نقبل مباركتو عن طريق سناء..



وبرضو حاضر يا عصام (الطيب):

بس مهلة لغاية يوم الثلاثاء


سيف بشير

لا حولا دا نكتو من وين يا سيف


و الله لكن لا نملك الا نقول سبحان الله مغير الاحوال ...التغيير هنا مدهش بالجد ....هو من زمان وجيه لكن يبدو لى حسى قطعا عديل

ود الحلاويين و الله ليك وحشة ....اخر مرة كانت مكالمة جماعية من شلة جده التى تضم عليش - محمد امام الدين ( التمساح ) و فوزى على احمد ود الصوفى - عندما حضر أنور حسين اللاعب الفنان فى زيارة لجدة ....

تحياتى لمحمد و فى انتظار المزيد من الامتاع يا سيف .... وحاة ضاع صبرى البوست دا براه كان الله هون بساهم فى نسبة كبيرة من دخولك للجنة

الصاوى ....سيف ....ياسر حنا و اخرين

فى انتظاركم يا جماعة باركوها

انا حالف عشان العرسان
البوست دة يكون فووووووووووق
لكن يا سيف بعد ود الحلاوين الظريف دة حنا ليهو الحق يزوغ من البوست والصور....(شتت) ...اظهر يا حنا خلاص عفيناك من الصور ...وليدمحمد ماشاء الله محافظ لسة والتيجاني النور حانزل ليهو صورة هنا بس مستني رايو ؟
العرسان
لكم الحب والود حتي نلتقي

سيف و عصام إزيكم..

أمبارح أنا ما كتبت ليكم لأني كنت مستنية خالد يجي يقرأ الكلام و يرد براه..

أها بعد ما قراه ضحك شوية و سرح شويتين..

شكله كده شال هم الصورة البتتهددوه بيها..

و لا يمكن هم انكم تفتّوا لي معلومات استراتيجية عن جن ملبد..!

و قال حيكتب ليكم إيميلات دسمه .. تحمل في طياتها التهاني و....التحذيرات!!




تعرفوا أنا لو بأعرف أنزل صور..كان نزلت ليكم أحدث صور لخالد بدون تردد..

لأنو (الغريبة) بيزيد وجاهة كلما يتقدم في السن !!

تسلمي يا سناء



(لأنو (الغريبة) بيزيد وجاهة كلما يتقدم في السن !!)



معظم ناس مدني كدا... حتى عصام جبرالله!!

العزيزة سناء

تحيات طيبات

Quote: و قال حيكتب ليكم إيميلات دسمه .. تحمل في طياتها التهاني و....التحذيرات!!

غايتو انا جاني منو ايميل مافيهو اي تحذير.. ويحمل تهانيو للعرسان في لغة جميلة انيقة تشبهو.. وهو "بعد تصرف بسيط":

Quote: My Dear friend Saif Basheer .... Salamat ... salamat ... I hope you and your family are very well and happy .... !! .... Yesterday I read your post celebrating Mustafa Elnageeb's wedding ... it is one of the "few" posts in Sudanese-Online that I read and I don't feel sorry afterwards ... it made me feel happy for Mustafa and his wife ... please convey my sincere congratulations to them and my best wishes for a super happy life ... happiness in its true sense, with which you can positively overcome mutual sadness ... and I know it does exist !!. I have to go now, but before I leave I send you an old song performed by new stars !! I hope you like it (maybe you have already seen it, but any way I will send it because it made me laugh!!) ... With my best salam to you and your family ....

بكل اسف ما بعرف انزل الفيديو في البوستات، عشان كدا ما قدرت انزل الاغنية الرسلا خالد...

مبروك مرة تانية مصطفى ونهله

وشكراً كتير يا خالد وعقبال العيال



سيف

الصاوي

Quote: 2- ياسر حنا رجل حج لبيت الله الحرام فغسل كل ذنوبه و استقام في حياته، و أصبح يؤدي الفرائض و النوافل و يتلو القرآن آناء الليل و أطراف النهار و يتصدف و يبتعد من الموبقات و يكره الكيزان، و هذه أسباب كافية لولوجه ابواب الجنات التي تجري من تحتها الأنهار.

والله كلامك سمح بالحيل وان شاء الله يطلع كله صحيح لأني انا شايف فيهم واحدة بس هي الصحيحة وهي "يكره الكيزان" وان شاء الله ربننا يكضب الشينة وتطلع الاشاعة دي صحيحة، وانا من دربي ده بطبع كلامك ده وامشي اوريه للمره عشان تقتنع اصلها بيني وبينك مقتنعة تماما اني انا الجنة دي ولا بجي ماشي بي بابها ساكت خلي ادخلها كمان

لكن برضولايزال الامل ساري المفعول: ‏عن ‏ ‏أنس بن مالك ‏ ‏قال ‏‏مر بجنازة فأثني عليها خيرا فقال نبي الله ‏ ‏صلى الله عليه وسلم ‏ ‏وجبت وجبت وجبت ومر بجنازة فأثني عليها شرا فقال نبي الله ‏ ‏صلى الله عليه وسلم ‏ ‏وجبت وجبت وجبت قال ‏ ‏عمر ‏ ‏فدى لك أبي وأمي مر بجنازة فأثني عليها خير فقلت وجبت وجبت وجبت ومر بجنازة فأثني عليها شر فقلت وجبت وجبت وجبت فقال رسول الله ‏ ‏صلى الله عليه وسلم (( من أثنيتم عليه خيرا وجبت له الجنة ومن أثنيتم عليه شرا وجبت له النار أنتم شهداء الله في الأرض أنتم شهداء الله في الأرض أنتم شهداء الله في الأرض )) صحيح مسلم

كماأنه من شهد له سبعة من جيرانه بأنه على خير حرّم الله تعالى عليه النار

فالحمدلله لي هسع لقيت لي واحد أثنى علي خيرا فعليك الله بعدين لما اموت واتلحس كلامك ده ما تنساهو والوصية في الذمة، فلك الشكر أجزله عزيزي

أحمد القاسم
كيفك ياخي؟ ان شاء الله تمام التمام

ياخ انا من ما يجيبو سيرة الصور دي اعصابي بتبوظ عديل كده، هسع بوست الامتداد داك من ما جابو سيرة الصور انا قمت صوف وبعدين خايف انزل صورتي هنا يقوم محمد عبدالله زاتو يقول ليكم الراجل الكبير ده منو

لكن انا بعد ده بتشدع تب وبنزل صورتي وانا مطمئن



وبعدين يا الصاوي الصور دي جديدة لنج يعني ما تقول لي صور حديثة وما صور حديثة ثم ثانيا العاكس الفوق ده ما صلعة ده من انعكاس للضوء على الشعر الامامي المغطي الجبهة لذا لزم التنويه

سيف بشير
سلامات
يا خي بالغت عديل كده ! عليك الله محمد عبدالله محمد عمر شخصيةً؟

تعرف الزول ده آخر مرة لاقيتو في نهاية 89 وبالصدفة كنا الاتنين جاين من مكتب التصديق وتلاقينا في محطة البصات وكل واحد فينا خجلان من العملوا لنه الطلوع من السودان ابدا ما كان في بالنا، سلمنا على بعض وقفنا مسافة طويلة قام بعد مدة قال لي "تعرف انا الليلة عملت عملية اصول ما كنت متوقع اني في يوم اعملها؟" قلت خير عملت شنو؟ قال مشيت صدقت شهاداتي في الخارجية، وانا قعدت اتضحك قلت ليه تصدق انا عملت نفس العملية ومن قبيل خجلان اقول ليك

تعرف انا عندي صورة من زمن داخلية النيل الازرق ح انزلها بكرة ح تكون مفاجأة ليكم كلكم فترقبوها

ولغاية الوقت داك كدي اتصبروا بي دي



ود جبرالله

Quote: سيف ده عشان يخش الجنة 4 بنات ما بكفو, قول مدرسة بنات ... كلية التمريض او كلية معلمات

الحسادة عليك شنو؟ ما تقول آمين وبس

العزيز ياسر حنا ( الطويل )

عينى باردة صلاة النبى ( الله يستر على الباقيين و من تبعهم )

يازول و الله البوست دا حقو نسميه من الامس عديل

بعيدا عن محاولتنا الاصطياد فى هذه ( الصعلة ) الا انو يجب ان نشكرك على هذا التواصل ....دا بس عشان الزول ما يتخلع لمن يلاقيكم فى السوق العربى ...يا ربى دا هو و لا ماهو ...... الشداعة دى اريتا شداعة الباقيين يا يابا

صورة البركس دى انا غايتو بعد تنجيم شديد و تمحيص لا زالت الذاكرة تحتفظ بملامح و اسماء :

على اليمين سيف اليزل
على اليسار : الاول دا الزئبق البشير الطاهر ود العباسية و هو الان بامريكا ( زى ما بعملوا مقدمى السهرات و من هنا بنوجه تحية خاصة للاخ الزئبق )
التانى طبعا دا انت ياسر حنا بتفتك المعهودة
الوراك طوالى الوديع دا ما تقول لى دا ود النقيب تقوم المدام تعيد حساباتا
الزول البياكل بعد مصطفى يخيل لى عصام حسن عثمان

عارف يا ياسر اخوك عندو البوم كامل بس المشكلة انا بعيد من البيت شديد و أوعدكم اذا رجعت باذن الله اجيب ليك كل صورة الدفعة

ود الطيب

كيف حالك؟

ياخي معقولة بس... عصام جبرالله بي جلالة قدرو ما شفتو وجنبو محمد عبده الصومالي وجنب سيف اليزل طوالي محمد هاشم وبعدين الواقف في ناية الطربيزة بهناك أحمد (والله نسيت اسمه الكامل) كان في بيزنيز

وما تخاف هنالك المزيد الخطر بس راجين البيرميشن

طبعا احنا المستفيدين من التنكيت ده.
تعليقاتكم ممتعة وتقودني الى الابحار في عالم من الذكريات فقد أصبحت عليمة ببعض الأمور بعد زواجي من أحد أعضاء الشلة.
أقترح تخصيص بوست لتلتقوا جميعا عبره .. واحنا علينا المتابعة والأكتشاف.

UP

سي هذا اليوم فى التاريخ ( اليوم هو الثلاثاء ) ذكرى ( وعد سيف بشير )

طوبى لمن وعد و أوفى



و الطوبة التانية برضو جاهزة لمن يلحس وعده


الى ( وسيم الصلعة ) ياسر محمد عثمان

اليك هذه الفتوى الاون لاين منى ....لا مانع من انزال الصور الجماعية و الفردية ( الا كان فيها تعيير لخلقة الله ) كان يكون احدهم قد غيرها بعمليات النيو لوك و ما شابهها او على هذا النحو ....و قام بالكذب لاحقا ( انا و الله كده من ما كنت فى الجامعة )

نزل نزل بلا كلام فارغ

بناء على فتوى الشيخ العلامة والحبر الفهامة الشيخ عصام الدين الطيب حسن قدس الله سره ومتعه بالصحة والعافية وبناء على ما تقتضيه المصلحة العامة قررنا ما هو آت:

اولا:انزال الصور
ثانياً: على المتضرر اللجوء الى القضاء
ثالثا: حسبنا الله ونعم الوكيل







لكن يا مولانا عندي صورة في حوض البركس و بالمايهوات كيف؟

انزلها؟



دي عينة منها عشان تكرب فتواك، لو قلت ننزلها ياني المنزلها كلها وسجن سجن غرامة غرامة

Quote: نزل نزل بلا كلام فارغ

عصام الطيب
تدردق الراجل كده , عشان طيب و مسكين و قامت ليهو صلعة كمان ...
الانا مستغرب ليهو جضومك الفى الصورة المسحوبة؟ سبحان الله يجعل جضمو فى انحف خلقو!!!!

قريت قصة رسوم الهنايات ... ضحكت لما هناياتى جرن ... التارجوكوميدي المسماة السودان ... و نظرت من النافذة عدة مرات لاتاكد ان المحصل اياه لا يقف امام بابي مطالبا برسوم الهنايات او البتاعات و كلو عند العرب رسوم...

ياخى واصل فى الكتابة, تراك ملبد مصايب ورا هدوءك ده ..

ياسر حنا
كلما ينزلو صور قديمة و اشوف اشكال الناس اقول الحمدلله انى ما معاهم.. دبايب تقيلة ,لاحظ انو طلبة الجامعة حينها كانو اكتر الناس اناقة و اهتمام بالمظهر , لزوم التعليم و اشياء اخرى...
صاحبنا جبروناابولسان طويل قال , كل مرة يقرا فى الجريدة (خرج طلاب الجامعة فى مظاهرات هادرة) يعاين فى صور المظاهرات ما يعرف اى زول ,طيب وين الطلاب ديل؟

اها ناسك المظاهرات ديل عرفت سيف (الزول ده تعفص و كرفسة وما زاد وقية الا فى الشنب) مصفى, كدو, حنا (ايام الراس بخيرو...تعيش مدنى ) محمود الزين, البيناتكم ده ما عرفتو والقدام ده افتكر دريج؟

التحت دى غيرك ما عرفت زول, الباقين ديل مظاهرات و لا شنو؟

كويس انك قطعتها موش ادب و كده, السودان ده فيهو سيقان حاجة عجيبة, ما تفرز الساق من الماسورة الجنبها, مناظر مؤذية للنظر و الذائقة الجمالية... دى خطيرة دى ...

الحقنا بي صور تفتح النفس شوية لو عندك ... كفاية دبايب و مظاهرات

عصام جبرالله والباقيين: صباحكم خير

Quote: الحقنا بي صور تفتح النفس شوية لو عندك

رايك شنو في دي؟



نرجع لي صورة المجموعة الملونة:

وقوف العريس مصطفى و سيف بشير (انا عرفت نفسي بعد صعوبة)
جلوس من اليمين: عبدالله الصادق، محمود الزين، وليد محمد عثمان، ياسر حنا، وعادل كدو


يا عصام الطيب:

تعرف بعدما ياسر حنا نزل صورتو، مافي تاني واحد في الشباب ديل حايتردد

اخونا سيف بشير
البركة في الشوفة....بعد شحتفت روحنا

Quote: رايك شنو في دي؟

عيني باااااردة والله ماشاء الله

سلامات يا ابوحميد

والله منعني الشديد القوي


ياسر حنا اتحفنا بصور مذهلة، واعتقد لسه عندو الكثير

تسلم

سيف

عصام جبر الله

تحياتى ،،، النسال دى يا ربى اتخرجت بى pure صلعات ولا pure economics يمكن التخصص دا كان فى و نحنا ما ناقشين ....ياخى لكن بالجد ( صلعاتكم ) دى فيها شى يحير يغير اتجاه الزول ....بالجد صلعات ما ساهلة حسى كان سالناكم ( شعركم دا أفنيتو فى شنو ) ....يعنى الزول كان لبد منكم عشرة سنين يلقاكم كيف يعنى ...غايتو يا سيف و ياسر كبرتونا قبل يومنا ياخى انا لى حسى بتعقد لمن يقول ليك اللاعب دا كبير و مفروض يعتزل لانو تعدى ال34 سنة ....

غايتو يا سيف ( بعيدا عن المجاملة ) عينى باردة و الله.... ربنا يغطيك من العين العنية و الكافرة و النصرانية دى دعوة مرتبطة بى مناسبة اقامتك بين ظهرانيهم


عصام جبر الله شكرا على الاطراء لكن يا خوى اللنك التحت ما شفتو .....الكتابة الساخرة دى زمان سكيناها ايام جريدة اخر تسطيح و محرروها أحمد شندى و ياسين ميرغنى الله يطراهم بالخير .....

قبل الختام ( عارف يا عصام اكتشفت ليك سر خطير ..إنو اى زول اسمو عصام ما بعجز بسهولة ) ولا حاجة بى لتذكيرك بكثرة ورود اسم عصام فى الاغانى و الابيات الشعرية .....

الطريق الى الصاوى يبدو وعرا خصوصا بعد التطورات المؤسفة فى هذا البوست

Quote: عيني باااااردة والله ماشاء الله

يا راااااااااااااااااااااااااااجل

سيف بشير هنا بقى يشبه جدو والله انا كان ما المفتاح كنت قايلوا من ناس البرلمان ايام ميرغنى حمزة والازهرى

كروووك كرااك مشكور يا الوالد هاهاها قرقرقر جدو قرقرقر البرلمان طاخ باخ الازهرى وااااك واك واك سبحان الله مغير الاحوال ترااخ فووو حسبي الله ونعم الوكيل ولا حول ولا قوة إلا بالله

الصاوي:

مالك يازول!!

ارفع الطاقية

عفيفي كيفنك:

بنلقى لينا زول يوم ينزل لينا صورك الخايف عليها

Quote: عيني باااااردة والله ماشاء الله

يا راااااااااااااااااااااااااااجل

سيف بشير هنا بقى يشبه جدو والله انا كان ما المفتاح كنت قايلوا من ناس البرلمان ايام ميرغنى حمزة والازهرى

عفيفي
ياسر حنا شعرو اتحتا ...علم وعبادة ماشاء الله
سيف بشير
تاني...ماشاء الله وزي ما بيقولو(دقر يا عين..)
عصام الطيب
صغير وجاهل...
مصطفي النقيب عريسنا الزينة
و يا زول ليك علي بكرة التيجاني صورة من الارشيف انشاء الله ..

ألف ألف مبارك العرس
أعتذر عن تأخر تهنئتي
حيث أنني لم أر البوست
إلا منذ لحظات

تاني مليون مبارك

الأخ ابوعسل السيد أحمد

الف شكر على التهنئة... it is never too late

Quote: تاني مليون مبارك

كتر خيرك

سيف بشير

أحمد القاسم

والله صوتك فرحنا عبر الأثير فرحنا كثير وزال كل ما بنا من هم وغم وكرب وعلى وعد باللقاء قريب ان شاء الله، لك الشكر الجزيل عزيزي وتحياتي لك الاخوان بطرفكم

ود جبرالله

Quote: (ايام الراس بخيرو...تعيش مدنى )

ياخ ما قلنا مافي كلام في السياسة عايز تجيب لينا الهوا مالك

Quote: البيناتكم ده ما عرفتو والقدام ده افتكر دريج؟

ياخي بالغت عديل كده... وتقول لي لسه محافظ والله انت شكلك كده بقيت قمندان عديل البيناتنا ده وليد محمد عثمان (الحنكوش) والقدام ده عبدالله الصادق (كلكل)

Quote: كويس انك قطعتها موش ادب و كده, السودان ده فيهو سيقان حاجة عجيبة, ما تفرز الساق من الماسورة الجنبها, مناظر مؤذية للنظر و الذائقة الجمالية... دى خطيرة دى ...

لا بالغت ...الذائقة الجمالية... ياخ دي اتقطعت فيها عديل كده... صراحة يا عصام بقيت خطير

لكن رايك شنو في دي؟



سيف بشير

لكن صراحة... لسه محافظ عديل كده ياك سيف الزمان زاتو يعني الواحد لو لاقاك في اي ملف ما بتغابى فيك، لكن تعال شوف نحن الاكل علينا الدهر وشرب الحواجب بقت رماديه

Quote: تعرف بعدما ياسر حنا نزل صورتو، مافي تاني واحد في الشباب ديل حايتردد

انا الحالة الصورة دي اتفننتنا فيها خالص، كان واحد من اتنين لازم يظهر لكن في النهاية اخترنا النار الضلها يحرق وقلنا اخف الضررين لأنو النور ده لو اصلت على الوجه والشعر كان مصيبة ، تعرف انا هسع كل ما اجي اتسرح بذكر تعليق عبدالكريم صباحي (كرومة)، مرة لاقوه عبدالحليم قال ليه ما شفت لي ياسر؟ قال ليه ياسر اب شنباً مصقر المشكلة هسع انه هسع بقى رمادي فاتح


ود الطيب

Quote: ياخى انا لى حسى بتعقد لمن يقول ليك اللاعب دا كبير و مفروض يعتزل لانو تعدى ال34 سنة ....

ياخ انت كان كده طموحك عالي جدا تعرف انا قبل مدة بتفرج في الاخبار جا خبر عن محاكمة صدام حسين وقال الخبر انه يبلغ الرابعة والستين انا قلت ليهم "والله صغير" تقول لي 34

بعدين بيني وبينك غياب الصاوي ده بقى يخوفني، يكون الراجل رجع في كلامه ولا حاجة بعد الا امسك في عصام جبرالله، لنو بين يوبينك عصام جبرالله ده زول مبروك بس انتو ما جابين خبر ساكت

حاج ياسر:

Quote: الحواجب بقت رماديه

لا حلوة دي..

Quote: بعدين بيني وبينك غياب الصاوي ده بقى يخوفني، يكون الراجل رجع في كلامه ولا حاجة بعد الا امسك في عصام جبرالله، لنو بين يوبينك عصام جبرالله ده زول مبروك بس انتو ما جابين خبر ساكت

ما دام جبت سيرة الجوز دا، كدي شوف الصورة دي كانت قبل 10 سنين تقريبا: الصاوي الزمان كان "مطاول" بدأ في الإنتفاخ في بعض الاجزاء (الكضوم وبدايات الكرش)، لكن ود جبرالله معصعص زي ماهو، لا تقول لي سويسرا لا ما جاورها..



....

تخريمة:

انتو ما ملاحظين انو أهل العروس فاتحين للعرس دا، اقصد البوست دا كيف!!

سيف بشير

Quote: ما دام جبت سيرة الجوز دا، كدي شوف الصورة دي كانت قبل 10 سنين تقريبا: الصاوي الزمان كان "مطاول" بدأ في الإنتفاخ في بعض الاجزاء (الكضوم وبدايات الكرش)، لكن ود جبرالله معصعص زي ماهو، لا تقول لي سويسرا لا ما جاورها..

قلت لي الصورة دي قبل 10 سنين..آ... يعني هسع الصاوي دي يكون تم دور وتدور عديل كده ...وبس فالح يضحك علينا نحن خلي الينزل صورتو كان كدي عشان نشوفو بقى كيف...بس ما ينزل ينا الصور الاول ما جا امريكا ديك

كدي يا اخوانا شوفو لينا الفي الصورة د ي منو؟



ود جبرالله عليك الله انت خليك هسع تجي تقول لينا الفي النص ده ما عارف منو داك

ياسر حنا:

Quote: حسى دا بوست ينزلو فيه صور زى دى انا بررررررررررررة غايتو

ولا يهمك... شوت... ما تشتغل بي جرسة عصام الطيب دي!!

تعرف الشيء المحير في الصورة دي، هو حركة اليدين: صعب جداً تعرف يد منو ماسكة يد منو أو رقبة منو... (دي داخلية بحر الزراف - البركس مش كده؟)



كدي خلينا نشوف تاني مدكن شنو

ياسر

ياخى لكن ما صدقتا ولا شنو

حسى دا بوست ينزلو فيه صور زى دى

انا بررررررررررررة غايتو

up
علشان الحبايب .. والعرسان المدهشين

الوجيه سيف بشير

استمرار الصور يشكل تهديد لحاضرنا

اسمع انتا الصاوى دا مش كان انحف و انظر (يعنى كان بلبس نضارات ).....

عصام:

Quote: اسمع انتا الصاوى دا مش كان انحف و انظر (يعنى كان بلبس نضارات )..

دي اللخبطة الخايفين منها: انت لخبطت بينو وبين شقيقو حامد الصاوي (المدردم) فداك الكان "انظر" ... لكن طبعاًانت معذور لانو "المطاول" بقى ما بتفرز من "المدردم"..

معليش يا شباب الواحد كان مشغول شويه الأيام الفاتت ..

ياسر حنا صورك رهيبة، لكن لما قارنت ال Quality بتاعة صورك النزلتها بي صورتي انا وعصام جبر الله في لندن سنة 1998 تأكدت انه تكنلوجيا التصوير تقدمت كثيرا خلال الأربعين سنة الماضية..

والله ياعصام بالغت عديل كده

Quote: اسمع انتا الصاوى دا مش كان انحف و انظر (يعنى كان بلبس نضارات ).....

وانا اتونس معاك هنا لي إسبوعين وانت ما متذكرني؟ يادوب عرفت سر إصرارك الشديد على صورتي .. خلاص مطرود من الكورال ولن يتم إرجاعك الا بعد كتابة إعتذار رسمي مختوم بختم مسجل الكلية..

سيف بشير عندي صور احسن واحدث من صورتك دي لكن خايف انزلها وادخلكم كلكم في حرج، لأنه بعد صوركم الشفتها دي بعد ده ما عندي خوف إلا من عصام جبر الله ..

بخصوص الصورة أدناه وبعد تمحيص وتدقيق لأكثر من ساعة توصلت للنتائج الآتيه



1 ـ الأشخاص تعرفت عليهم جميعا وهم من اليمين لليسار

أ ـ ياسر حنا ويحمل الرقم 1
ب ـ نصر الدين البدري ويحمل الرقم 2
ج ـ مصطفى النقيب ويحمل الرقم 3
د ـ سيف يشير ويحمل الرقم 4

2 ـ الأطراف التي تعرفت عليها

أ ـ اليد اليسري، والرجلين اليمنى واليسري لياسر حنا رقم 1
ب ـ اليد اليسرى لنصر الدين البدري رقم 2 ويبدو قابضا بها ياسر حنا كربون ولا يبدو على ياسر حنا أي الم
ج ـ مصطفى النقيب رقم 3 أطرافه كلها واضحة، ويبدو ممسكا برجله اليسرى بكلتا يديه بينما تتمدد رجله اليمنى في مكانها الطبيعي بجانب الرجل اليسرى
د ـ اليد اليسرى لسيف بشير رقم 4 على كتف مصطفى النقيب الأيسر

3 ـ الأطراف المفقودة أو التي لم أتعرف على أصحابها

أ ـ اليد اليمنى لياسر حنا رقم 1، وهناك إحتمال ان تكون اليد التي تحمل الحرف أ هي يد ياسر حنا المفقودة، او ربما كانت تحت نصر الدين البدري او خلفه وهذا هو الأرجح إذ لا يبدو على نصر الدين البدري اي إنزعاج
ب ـ اليد اليمنى لنصر الدين البدري رقم 2 ، وهناك إحتمال ان تكون اليد التي تحمل الحرف أ هي يد نصر الدين البدري المفقودة، او ربما كانت تحت مصطفى النقيب او خلفه وهذا هو الأرجح إذ لا يبدو على مصطفى النقيب اي إنزعاج بل هو في كامل هدوءه وإبتسامته .. بينما الأرجل التي تحمل الحرف ب والحرف ج ربما كانتا لنصر الدين البدري، ولكن هذا الإفتراض يدعونا للتساؤل، اين ذهبتا رجلي سيف بشير؟
ج ـ اليد اليمنى لسيف بشير تبدو مغطاه بأرجل مصطفى النقيب، وإن كنت لا استبعد ان تكون في مكان آخر ... الرجلين اليمنى واليسرى لسيف بشير غير متدليتان تحت السرير، إذن هما في مكان ما على السرير فالرجلين اللتان تحملان الحرف ب والحرف ج ربما كانتا لسيف بشير ولكن وجود مصطفى النقيب في موضعه هذا يجعلني استبعد هذا الأمر، إذ لم اعرف عن سيف او مصطفى اي توجهات اخرى ..

والله اعلم

الصاوي يا خطير

سيف بيشخر ( كالعادة ) وأنا قدام الأنترنت أتصفح التنكيت. الى الأمام، وأتحفنا بالمزيد.
تحياتي لعيودة والصغار.
مشتاقين.

الصاوي:

Quote: اليد اليمنى لسيف بشير تبدو مغطاه بأرجل مصطفى النقيب، وإن كنت لا استبعد ان تكون في مكان آخر ... الرجلين اليمنى واليسرى لسيف بشير غير متدليتان تحت السرير، إذن هما في مكان ما على السرير فالرجلين اللتان تحملان الحرف ب والحرف ج ربما كانتا لسيف بشير

تتصور ما متذكر وين كانو الرجلين... لكن مافي احتمال تكون اليد القابضة ياسر حنا كربون دي يد سيف بشير اليسرى؟؟


كدي حاول تاني..

Quote: لكن مافي احتمال تكون اليد القابضة ياسر حنا كربون دي يد سيف بشير اليسرى؟؟

تعرف يا سيف ورد في بالي هذا الإحتمال، لانه انا عارفك راجل يدك لاحقة وكده، ولكن هذا الإحتمال سوف يفرض تساؤل ستصعب الإجابة عليه، وهو من هو صاحب اليد اليسرى التي ترتخي على الكتف الأيسر لمصطفي النقيب؟
هل كان هناك ثقب ما في الحائط الخشبي الذي يفصل غرفتكم عن الغرفة المجاورة ؟
الإجابة على هذا السؤآل قد تفسر أشياء كثيرة.
بالمناسبة صلاح أحمد عمر (تمساح) متابع البوست ده بإهتمام شديد ويغريكم جميعا سلامة وتهانيه للعرسان، وربما شارك معنا ببعض الصور.
نجوى حسين، كوني بالجوار فوجودك بيننا يضيف الى سعادتنا بمصطفى النقيب ونهلة والأصدقاء سعادة جديدة، تحياتي لبنيات.

الصاوي العزيز:

(بالمناسبة صلاح أحمد عمر (تمساح) متابع البوست ده بإهتمام شديد ويغريكم جميعا سلامة وتهانيه للعرسان، وربما شارك معنا ببعض الصور)

عاطر التحايا لصلاح تمساح وتيسير وابنتهم (ما متذكر اسمها)... ومرحب بمتابعتو وشكراً لتهنئتو وفي انتظار صورو...

بمناسبة الصورة اللغز:

اعتقد انها كانت في الداخلية المجاورة لسفرة التاكا، ربما كانت داخلية القاش (كان لونها احمر من 4 طوابق) واتذكر كنا نسكن بها في السنة الثالثة، مش داخلية الزراف "سنة تانية"... ولو ما خانتني الذاكرة الحائط لم يكن خشبياً..بل طوبياً اسمنتياً !!

سيف

مليون مبروك ياود النقيب ونهله
اول يوم اشوف البوست الجميل دا ...
والصور الجميله ومافلها من جميلين وجميلات تذكرتهم جميعا ....
اتصل ياسبف على
[email protected]

Funy the Hadandawe-dagger-like hotpepper symbol of Isam Jabralla...

It is from the perspetive of those
who marry for 20 years is too hot, dangerous
& for those just married
like a mild spicy and delicious
Ya saif:
Is Mohamed Osma diraij in that picture (above),sitting down to the right???

Regards to all
Hashmi

Hashmi

(كتبت لك بالأمس على الايميل أدناه)

مرحب بيك والف شكر على التهنئة، وكما كتبنا لأحد المهنئين أعلاه (it is never too late)..

علقت العروسة نهله على قرني الشطة، تعليق جميل، فقد رأت فيهما "كرت" تهنئة من عصام جبرالله، ولها الحق في ذلك بالطبع (لانو عصام ترك التأويل مفتوح.. كل يراه كما يناسبه)... علقت بهذه الكلمات:

(....لمروج الحداثه الشطويه...ود جبرالله ... الف سلام وشكر علي الحركه والكرت الخلاق... فقد سئم المحبين اهداء الورد وكروت الورد ... لانه لم يوفر اي ضمانات كافيه لاستمرار الحب الملتهب وقت اهداء الورد ..كما انه لم يحمى اي اثنين متزوجين من احباطات اكتشافات ما بعد العرس المريبه ... )

محمد عثمان دريج بكل اسف غير موجود في أي من الصور أعلاه، بل وحتى لم يزرنا في هذا البوست للتهنئة رغم اتصالنا به مراراً وتكراراً... في ظني الذي يشبهه في احد الصور هو "محمد عثمان هلال"... فقد كانت دفعتنا تعج بـ"المحمد عثامين"!!...

ولك الود..

سيف بشير

ودالطيب

Quote: انا بررررررررررررة غايتو

احسن ليك بطل الجرسة، انا لغاية هسع شغال صور اولاد اولاد ساكت لو قمت نزلت المختلطة غايتو الا تضاير ساكت

UP

العزيز سيف

Quote: اعتقد انها كانت في الداخلية المجاورة لسفرة التاكا، ربما كانت داخلية القاش

يبدو ان شبهك لجدك لم يعد في الملامح فقط، بل اصبحت تشبهه ايضا في الذاكرة والخرف ... الداخلية هي داخلية التاكا وليست القاش

Quote: (كان لونها احمر من 4 طوابق)

دي جبتها صاح

Quote: واتذكر كنا نسكن بها في السنة الثالثة

ودي كمان صاح

Quote: ولو ما خانتني الذاكرة الحائط لم يكن خشبياً..بل طوبياً اسمنتياً !!

جزء من الحائط كان طوبياً اسمنتياً بينما كان الجزء الأخر الأقرب للباب مربعات زجاجية ذات إطار خشبي ويبدو ذلك واضحا في الصورة ..
تعرف يا سيف لا يمكن ابدا ان انسى تلك الغرفة ـ الأولى من ناحية السفرة في الطابق الثالث من داخلية التاكا ـ، فأول قده لي في الجامعة كانت في تلك الغرفة، وكان يسكنها الصادق العربي آنذاك، بينما كنتم انتم في بحر الزراف، ثم انتقلتم الى تلك الغرفة في السنة التالية (سنة ثالثة). ثم سكنا انا وصلاح تمساح وعبد اللطيف عثمان وعصام احمد آدم في نفس الغرفة، بعدكم عندما إنتقلتم انتم لداخلية الرهد في السنة التالية..
هل تذكر تلك الحادثة التي حدثت لنصر الدين البدري في تلك الغرفة، عندما تورم جسمه نتيجة تسمم، فهرعت انت الينا في بحر الزراف طالبا النجدة؟ أذكر حملناه علي كرسي لل Clinic ولكن لم نجد من يسعفة ثم اوقفنا تاكسي وانطلقنا به الى مستشفى الخرطوم، وبعد ان وصلنا المستشفي لم يكف كل مافي جيوبنا لأجرة التاكسي، فتقاضي سائق التاكسي عن اجرته كاملة، بل وساعدنا في حمل نصر الدين البدري الى داخل قسم الحواداث ثم انصرف بعد ذود نصر الدين بصادق دعواتة بالشفاء ... شفت يا سيف السودان ده كان حلو كيف؟

الحبيب الصاوي

""هل تذكر تلك الحادثة التي حدثت لنصر الدين البدري في تلك الغرفة، عندما تورم جسمه نتيجة تسمم، فهرعت انت الينا في بحر الزراف طالبا النجدة؟ أذكر حملناه علي كرسي لل Clinic ولكن لم نجد من يسعفة ثم اوقفنا تاكسي وانطلقنا به الى مستشفى الخرطوم، وبعد ان وصلنا المستشفي لم يكف كل مافي جيوبنا لأجرة التاكسي، فتغاضي سائق التاكسي عن اجرته كاملة، بل وساعدنا في حمل نصر الدين البدري الى داخل قسم الحواداث ثم انصرف بعد ذود نصر الدين بصادق دعواتة بالشفاء ... شفت يا سيف السودان ده كان حلو كيف"""

نعم أذكرها جيداً... ترى هل يتذكرها هو؟

عجبتني عبارة "فهرعت انت الينا....الخ" طبعاً لو كان في موبايل الزمن داك ما كُنا حا نتجهجه..

سيف

دا كلام شنو يا سيف يا وزير العريس ( الظاهر عليك وزير دولة ساكت ) ...العريس ياخ حنتو ما طلعت تخلى البوست يغتس فى صفحة 3 ...دا كلام دا يا جدعان

الصاوى ياخى الغلطة غلطتك تصدق يعنى لو ساعدت الذاكرة بى جكة صورة كان حسمت الجدل الداير جواى لمصلحتك .....حسى نحنا فيها ( تحلى بشجاعة سيف بشير و ياسر حنا )

Quote: دا كلام شنو يا سيف يا وزير العريس ( الظاهر عليك وزير دولة ساكت ) ...العريس ياخ حنتو ما طلعت تخلى البوست يغتس فى صفحة 3 ...

Dear Esam

now it has gone deeper to page 6... i apologize for this unintended absence; i couldn't help it

i thought you and other under-secretaries would do the job.. but it seems miniters have to always be there


best regards to all

saif

تحياتى سيف

بالامس القريب سعدت باتصال الاخ التجانى النور من امريكا ...أخر لقاء لنا كان فى نهاية الثمانينات من القرن الماضى ...و بسبب هذا البوست التم شملنا هاتفيا ....طلب منى هواتف الزملاء المشاركون بالبوست و اخرين ...أتمنى ان يستجاب لطلبه ... و هذا هو ايميله الشخصى [email protected] و عملت ايضا انه وثيق الصلة بالمدعو محمد محمود هههههه تحياتى لهم جميعا ...

يا جماعة انتو العررررررررريس دا مالو ساكت كده ...ابشرررررررررر يا ابو حنفى

عصام الطيب:

صباح الخير

Quote: يا جماعة انتو العررررررررريس دا مالو ساكت كده ...ابشرررررررررر يا ابو حنفى

العريس "مزنوق" في الشغل لما ما قادر يتلفت، حسب آخر رسالة وصلت منو... دا جزء منها

Quote: Dear Saif Sorry for not writing to you .... the work load ... stress ... trying to do things right is killing me .... few days ago the IDP's killed 3 humanitarian workers in one of Zalingie camps .... can you believe it ... they were making bacteriological test for water and some one said that they are poisoning the water ... can you believe this .... they were beaten to death ..... I can not understand how victims can just be transformed to the worst predators and savage killers without mercy ....... ) Regards

وومكن تتخيل مدى الحزن المصاحب لزنقة ود النقيب (هسع طبعاً بكون نسى حكاية العرس دي بالحاصل حوالينو)

سعدت جداً بتمكنك من الاتصال والتواصل مع تيجانا بعد كل هذه السنون، وياريت يتلم باقي الشمل... كمان مسؤول من الخير،،، وين ياسر عبدالحفيظ (انا شخصياً آخر مرة قابلتو كانت في سنة 1993 لما جاء لندن جية سريعة كدا)

تحياتي

سيف

العزيز مصطفي ود النقيب
حفظكم الله وربنا يغطي عليكم..زتحياتنا لنهلة والاسرة
الاخوان
(تيجانا)ارسل رسالة ان الايميل اعلاه في بوست عصام به خطاء والصحيح هو
سيف بشير
كما وعدتك صورة تيجاني ...لكن ابيض واسود(زي ما رسلها!!!)
استجابة لطلب عصام وسيف تم حزف صورة ود الجيران التيجانني من هنا...السبب.(قالوا الصورة قديمة يا تيجانا؟حول...المكنة ما مشت في اصحابك يا تيجانا.)رسل صورة جديدة بالله وما تحرجنا ياخي...
رسالة عصام الطيب في الماسنجر كانت ظريفة
(ياخى ان شاء تكون مشيت صلحت صورة تجانا الخربت لينا البوست دى)

سيف بشير
تحياتى لود النقيب و تمنياتى بان يسود السلام ربوع بلادى ...هكذا هو ابن النقيب دائما فى المكان المناسب لم يتغير منذ عرفته زول حارة من يومو


احمد على العطار

قيل لا يصلح العطار ما أفسده الدهر ....يعنى عشان ود جيرانكم فى الكلاكلة تقوم تجيب لينا صورتو لمن كان بحفر فى البحر ..انت قايل نحنا ما بنشوف صور المتظاهرين فى واشنطن ولا شنو زولك دا لحق الرقدو ....شوف ليك صورة غير بطاقة السفرة دى

تحياتى للعملاق تجانا و عبره لقائد الكورال

العزيز احمد:

عاطر التحايا

Quote: كما وعدتك صورة تيجاني ...لكن ابيض واسود(زي ما رسلها!!!)

زي ما قال ليك عصام: صورة تيجانا دي كلنا متذكرنها... الكلام في الصور الحديثة، لاحظ انو آخر مرة شفنا الناس ديل كانت سنة 1988، وبعضهم سنة 1989: صحيح الشبه بيكون موجود لكن في بعض الحالات صورة حديثة حا تساعد كتير:

اديك مثال: آخر مرة مشيت السودان كان في يوليو 2004 (وفاة شقيقتي)، وفي صباح يوم العودة لبريطانيا قادتني الصدفة البحتة لمحل اسبيرات عربات: بعد ما لقيت الحاجة الدايرها مشيت للدفع، ففوجئت بأن صاحب المحل هو (علي الريس)، فسلمت عليه باسمه (طبعاً من نوع سلام حق الله بق الله البكون لما يتلاقو ناس بعد سنين ودنين):

قال لي، ياخ أنا متذكرك، لكن نسيت إسمك!!!

بيني وبينك "أُحبطت" شوية كدة لكن انتبهت بعد داك لعامل الزمن (علي دا من الناس الماشفتهم من سنة 8... وأؤكد ليك انو علي الريس دا هسع لو لاقى محمد عبدالله ود الحلاوين لا حا يعرف صورتو لا اسمو...

وهكذا

"بعدين كدي حاول تعدل من وضع خلفية صورة تيجانا الفرشت لينا البوست دا لغاية ما قرب يصل الكلاكلة !!"

اخي سيف بشير
لك الود والتحايا
(آخر مرة مشيت السودان كان في يوليو 2004 (وفاة شقيقتي)
البركة فيكم واسكنها فسيح جناته
(بيني وبينك "أُحبطت" شوية كدة لكن انتبهت بعد داك لعامل الزمن)
لو في مكانك كان غنيت لعلي الريس طوالي (حقو ترحمني وترعي عامل السن..سني ماشي كبير ليه تسيبني ..)زي ما قال ترباس
بعدين كدي حاول تعدل من وضع خلفية صورة تيجانا الفرشت لينا البوست دا لغاية ما قرب يصل الكلاكلة !!"
صورة تيجاني دي زي ما رسلها لصقناها!!!واستجابة لرغبة الاخوان وبان صورة تيجاني عفي عليها الزمن...حزفناها من البوست لانها (بعجت) البوست كبرا بكسر الكاف وكبرا بالضم للكاف علي قول عصام الطيب
تيجاني
رسل صورة جديدة
حنا..
لا اسكت الله لك حسا ...ولا صور..
تحايا للعرسان

الاخوان
وصلتني الرسالة التالية من تيجاني...وشكلها (حاتبعج) البوست لكن ما بقدر اصلحها...


وكمان بعث تيجاني بصورتو الخايف عليها وبها ملامح الزمن لكن في وجاهة يا تيجاني بجدغايتو اوجه من ما كنت في اليونان
ويا سيف وعصام لو فيكم خبير يصلح الصورة والخطاب اعلاه...بنزل فيهم وانا علي ابواب سفر للسودان اليوم ولنا لقاء قريب انشاء الله

الصاوي

كيفك؟

طبعا الجماعة العندهم عربات كانوا بمشوا بقروشوها من ساعة 10 والناس الزينا كده الما عندهم اهو مرة مرة كده بلقوهم طرحة ما بطالة ولا عربية سيدها مافي يمشوا يقرشوها،غايتو في اوضتنا كان في اتنين عندهم عربات ، اليوما ديك نصر الدين ما عارف الرجعوا بدري شنو ، وعلى ما اذكر انه لو لا انتباهة مصطفى وسيف ما كان في زول لاحظ لي نومة نصر الدين دي ما عادية وكان راح فيها لكن ربك لطف

تعرف اليوما ديك حصل موقف طريف جدا، اتذكر لما كنا في التاكسي وماشين على الحوادث، انا كنت راكب قدام معاي امير الضب (أمير حسن)وفي المقعد الخلفي كان سيف بشير ومصطفى وانت خاتين نصر الدين في رجلينكم، فجأة قام امير مد يدو وعمل بجس في النبض وقال "ياخ مافي اي نبض" قام سيف بشير دنقر في صدر نصر الدين بيحاول يسمع دقات القلب واكد انه مافي ما سامع حاجة، في الوقت داك طبع انا قطعت موية ونور والجماعة كلهم صنوا مافي اي واحد ادلى باي اقوال بعد ما وصلنا الحوادث فعلا بتاع التكسي قال ما عايز قروشو لكنه يتخيل لي من الخلعة

احمد القاسم
الصور جاهزة بس عايزين موافقة عصام الطيب في الاول دق سدره وقال نزل بلا كلام فاضي هسع لما قلنا ليهو عايزين ننزل صور الخلط جرا واطي انا غايتو بديهو 72 ساعة لو ما رد بنزلهم طوالي، لأنه في الصور دي هو ح يكون اكتر واحد متضرر

تحياتي للتجاني وتمشي وتجي بالسلامة وتحياتي للنيو وكل المعاك

أحمد علي القاسم
و

ياسر حنا

يديكم العافية:

بتلاحظو انو لي فترة ما قاعد اتابع البوست بانتظام... وانتو الحقيقة ماقاعدين تقصروا... من اليوم ولمدة شهر تقريباً حا أوكل ليكم رسمياً مهمة متابعة شئون البوست دا لأني حا اكون في اجازة (القاهرة وربما السودان)...

"لم اتمكن من رؤية صورة تيجانا" يا احمد، ولم اتمكن من ارسال رسالة له بالبريد الالكتروني... تحياتي له وربما اكتب بعد العودة من الاجازة...

وعندكم مطلق الحرية في انزال صور، والتعليق على صور...

فتكم بي عافية

سيف بشير

سيف تمشي وتجي بالسلامة ان شاء الله

up

هدية للاخوة الكسارين المكتبة المين وطبعا ياعصام انت كان حدك الjunction وبعد داك بتحتل قبلك.

http://www.nilelove.org/userfiles/temp11.jpg

تجانا في تظاهرة دارفورية امام مبني الخارجية الامريكية

http://www.nilelove.org/userfiles/temp2.jpg


تجانا في تظاهرة دارفورية امام الكونقرس

شخصي الكان ضعيف في تظاهرة دارفورية امام مبني الخارجية الامريكية

ياسيف كان مشيت السودان تحياتي لعبد لله جنجا والبروف محمد هاشم وشوف لي تلفوناتهم

يا محمد محمود كيفنك:

مشيت السودان ومن شدة الإحباط ما كنت في حالة تتيح حتى مجرد السؤأل عن الشباب الطيبين ديل وغيرهم... لكن في اليوم الأخير قبل مغادرة السودان، هاتفتني الصديقة منال احيمر واقترحت علي ان اخصص وقتاً للقاء بعض الاصدقاء "من بينهم عادل كدو ومحمد الشيخ"، ففعلت، ولكن لم يتحقق اللقاء لا ادري لماذا، ووجدتها فرصة لتذوق مشاوي "أمواج" مستقلاً الوقت الذي كنت قد خصصته للقاء ...

الزيارة كانت قصيرة نسبياً وكانت موزعة بين الخرطوم ومدني...

تحياتي لتيجانا بعد صوركم الحديثة...

ياسيف كيفك رمضان كريم عرفت الناس ديل

صباح الخير يا محمد

الله اكرم.. وتصوم وتفطر على خير...


الصورة ما ظاهرة عندي...