Post: #1
Title: مسدار الخرطوم
Author: محمد بهنس
Date: 12-06-2004, 04:17 AM
Parent: #0
هديت مسداري لي بلدا منغنغ وجارف
وأكرم نادره خاصة مواسم السوق القضارف
محل قعدو الفحول واتباصروه العارف
هم بحر العباب وايش النقيص لي غارف
دهب كلمة الصريف
ليلا مرصع بالحنين يلمع دمع
وجه البنات والريح تتندل في الشمع
الطوف مطلوح موج بيفرد وينجمع
ليلا يصن فيو بلعة الريق تنسمع
ليل في خريف
تنقرش عصبي في النجمات تلوح ده صوابي
ملتهب الوجود تنفخ رماد أعصابي
غبيت في الرحيح دون ضيف فتحت ابوابي
دخلت فيها غيمةورحمنت أسبابي
مابعدم خريف
حافي عليها مشيت والحسكنيت سجاده
غيلان الالم جو وأكلتهم لباده
حفيان بت حضنتهاواتخلقت سعاده
حفنه من النعاس والغفوه بالجباده
شفت عيون خريف
..شفت عيون خريف
|
Post: #2
Title: Re: مسدار الخرطوم
Author: Tumadir
Date: 12-06-2004, 04:23 AM
Parent: #1
| Quote: ملتهب الوجود تنفخ رماد أعصابي |
بس ياهو ده بهنس البفتش ليه
ماخذلتنى
حاقعدهنا اشوف الناس شايفين الشايفاه ولا انا عاميانى المحبة
|
Post: #3
Title: Re: مسدار الخرطوم
Author: محمد بهنس
Date: 12-06-2004, 04:34 AM
Parent: #2
]ياتماضر أنا بتهمك بانك نبيه..لكن بتدسي أشعارك من البورد
وأنا أطالب كل الاحبه بفرض الحصار الاحتبابي على تماضر حتى تنصاع لقوات الريده العالمية
وتنشر أشعارها في البورد..وانا جاييك زول نسى شخصيتو في ترابيزة ست شاي في الشهدا..
أها شنو ليك؟
|
Post: #4
Title: Re: مسدار الخرطوم
Author: mohammed alfadla
Date: 12-06-2004, 04:44 AM
Parent: #1
والله العظيم
أنا سامع الكلام ده بي صوتك
|
Post: #5
Title: Re: مسدار الخرطوم
Author: محمد بهنس
Date: 12-06-2004, 04:53 AM
Parent: #4
تتزكر يا فاضلابي في بحري في اللمه الأسريه الجميله ديك لمن أنا وانت نتجارى بالدوبيت
كان كل الشباب بحبو ربعياتك..وأنا بحبو ربعياتي أعمامك العجايز
|
Post: #6
Title: Re: مسدار الخرطوم
Author: mohammed alfadla
Date: 12-06-2004, 05:17 AM
Parent: #5
شي طبيعي
انت عامل فيها قدرنا ولا شنو يا بهنس
أنا وقرمبوز جيل
وانت وماو جيل
عشان الكلام يكون واضح
|
Post: #7
Title: Re: مسدار الخرطوم
Author: محمد بهنس
Date: 12-06-2004, 10:57 AM
Parent: #6
يا محمد على ياخ انت وقرمبوز قلنا يمكن لكن تلمني مع ماو ياخ!! ماو كان عمرو 40 أها قبل يومين مشى دارفور بقى عمرو 62.
|
Post: #8
Title: Re: مسدار الخرطوم
Author: Tumadir
Date: 12-06-2004, 11:06 AM
Parent: #7
يللا يا بهنس والفاضلابى قولو لينا ربعيات السهرة الاسرية...
|
Post: #9
Title: Re: مسدار الخرطوم
Author: معتصم الطاهر
Date: 12-06-2004, 12:09 PM
Parent: #1
بهنس جيل بحاله ..
وتماضر بخيلة ..
بخيلة هى ..
من تجمع جيلين وتبخل بجملة ..
وتانى يا بهنس ( قبلك وحّدك
|
Post: #10
Title: Re: مسدار الخرطوم
Author: محمد بهنس
Date: 12-06-2004, 12:40 PM
Parent: #9
يا معتصم أيوه ركز معانا..أنحنا دايرين تماضر تهز السعن الجمالي الملوهو والدينها
(حاجه علويه وأستاذ شيخ الدين الله يرحمهم ويحسن اليهم).
ويا تماضر أنا جاهز لنزال الفاضلابي ذي زمان..لكن هو أصلو كدة زواغ..دوبيت شنو ليو هسي
هو لو رهجل خليهو يعمل(مسدار أوسلو)!!! وأنا دالحين راجيهو..أكان اترع بيره...
أنا بترع مريسه وفينى ريحةبصله كمان...أهه شنو ليهو!!!
|
Post: #11
Title: Re: مسدار الخرطوم
Author: Dia eldin khalil
Date: 12-06-2004, 01:54 PM
Parent: #1
بهنس....
ازيييك....
نفسي اسمع ليك حاجا ....
غني عديييل...
ضياء
|
Post: #12
Title: Re: مسدار الخرطوم
Author: محمد بهنس
Date: 12-07-2004, 01:02 AM
Parent: #11
عوات الرياح] عوات الرياح فوق للخرابه الفانيهمزاجي سقط لقط فوق رجلو خالف التانيهواتزكرت يا فاضلابي جية ألمانياروحي اتشلهتت لا ويكه لا شمبانيا
|
Post: #13
Title: Re: مسدار الخرطوم
Author: محمد بهنس
Date: 12-07-2004, 01:21 AM
Parent: #12
يافاضلابي سائلك بالشعر وفنونو سودان لاين ده لا مينا وانكون في عونو في النت نحنا يوت بنحاحي نرعى الكمبيوتر يا جنى وبنصونوأوصف ليك ناس البورد كيف بيكونو؟
|
Post: #14
Title: Re: مسدار الخرطوم
Author: محمد بهنس
Date: 12-07-2004, 01:29 AM
Parent: #13
ناس البورد ديل خشم الطباع وبيوت فيهم من بيوزن تبر وفي الهبوت فيهم مبدعين جد للضمير بعهود وفيهم لسه من قايل الرئيس عبود
|
Post: #15
Title: Re: مسدار الخرطوم
Author: Alia awadelkareem
Date: 12-07-2004, 01:36 AM
Parent: #1
Quote: تنقرش عصبي في النجمات تلوح ده صوابي
ملتهب الوجود تنفخ رماد أعصابي
غبيت في الرحيح دون ضيف فتحت ابوابي
دخلت فيها غيمةورحمنت أسبابي
مابعدم خريف
|
معقولة بهنس
شوارع الخرطوم فارغة الا من حنينة
واصوات خطوات رفيقة تدندن في كل عام
كانت الاحلام تزين ليالينا الحزينة
مرحب بيك ...
ببهو الوجع والحنين
عالية
|
Post: #16
Title: Re: مسدار الخرطوم
Author: بدري الياس
Date: 12-07-2004, 03:04 AM
Parent: #15
يا بهنس حباب
طلتك مفرحة للحد الهناك ..
هنااااااك في اطن الخرتوم شرق ...
****
جيتك دمعي يوشل
والحزن شيخ قبة الأرواح
عليّ الكان تخوجل
تفوت وتودِّر المفتاح
بعد ما كُتْ مَدُوبِل
نسيمك وقَّف الكتّاح
واتْ ما زِلْ تَدُوعِل
جنى المعنى وتعطنو سماح
***
عندي خبرك .. قالو بقن البنات يتسرحوا في وشيك ..
ربنا يزيد ويبارك ..
ما ترجى فاضلابي ..
زي ما قلت ..زواغ
وود لزينة ... وماب يبقى خواجه..
ورينا كل جنونك .. ونحنا راجين .. ومن متين؟؟
لا حولااااا .. (من قبل الكاين الحي) .... حي
ما تتأخر ..
|
Post: #17
Title: Re: مسدار الخرطوم
Author: Tumadir
Date: 12-07-2004, 03:29 AM
Parent: #16
بهنس يا ملان...
يللا انبهل بى مهجك
وعطر لينا -زوق -وش الاثير بى وهجك
اصلو العامرة ما بتنطاق بلا دوباى..ياهو سامر بهجك
وشفت جنون فنونك ..كان فرحتك كان زهجك
|
Post: #18
Title: Re: مسدار الخرطوم
Author: mohammed alfadla
Date: 12-07-2004, 04:35 AM
Parent: #1
يا بهنس نسيت ولا الزمن جاب وزرو
قايل أوسلو ما فيها البيهبر شعرو
البنوت هبطرش و القلم بي حبرو
وعارف من زمان أسد الرضيمة بنترو
أجهز يا ظريف
عايش في البلاد وحداني
هذي العتمة رامية عليا شي يوطاني
ما شكاي وشكوى رفاقي يوت في أضاني
شايل الشايلو دونما أختارو ماردات الهموم حاباني
وما سكت النزيف
يا بهنس حقيقة الشوق بقالي مكيدة
الشارع طويل والضو نقاطو بعيدة
والخرطوم حليلا الأطعمتني بأيدا
والبكتني والربتني والأدتني سر الريدة
و الحزن الخفيف
|
Post: #19
Title: Re: مسدار الخرطوم
Author: HAMZA SULIMAN
Date: 12-07-2004, 07:26 AM
Parent: #18
معقول محمد بهنس الفنان الشاعر الرائع
لك محبتى وتحياتى
وللخرطوم سلام
|
Post: #20
Title: Re: مسدار الخرطوم
Author: mohammed alfadla
Date: 12-07-2004, 08:00 AM
Parent: #1
في الليل حين يكون الليل كتابة وخمرة
بقدل في الجراح اللا بتطيب لا بتبرة
و أعصر روحي من هم البلود البرة
أكتب باليمين وشمالي قابض الجمرة
والشوق ما بيقيف
الخرطوم تجيني وتملا كل أفكاري
أقدل فيها بالركشات وبالأمجاد وساي كداري
وبالحافلة التزهج أشاكل الكمساري
والجامعة وبناتا مظاهراتا دياري
و شاهيها الرهيف
يا بهنس فتحت الباب و قايلو إنسدا
المرض القبيل الليلة تاني أشتدا
يا ليل ما بتتوب بالنار عملت مخدة
وقلبي القايلو أسلم تاني هسي أرتده
تاني رجع رهيف
|
Post: #21
Title: Re: مسدار الخرطوم
Author: محمد بهنس
Date: 12-07-2004, 10:53 AM
Parent: #20
أها آالفاضلابي جيتك انت وين يا لورد داقشك بي قوافي بكاسي هوستن فورد الليله الشعر هزاز سيوف البورد تشوت ربعيه أرسلها ليك بالباكورد
|
Post: #22
Title: Re: مسدار الخرطوم
Author: خضر حسين خليل
Date: 12-07-2004, 10:59 AM
Parent: #1
Quote: حافي عليها مشيت والحسكنيت سجاده
غيلان الالم جو وأكلتهم لباده
حفيان بت حضنتهاواتخلقت سعاده
حفنه من النعاس والغفوه بالجباده
شفت عيون خريف
|
اها دي كيف بس يابهنس
ازيك ياخي
سؤال ياخي انت مش القلت
اطفال الكمبو بعيشو متين؟
رائع واصل واصل
|
Post: #24
Title: Re: مسدار الخرطوم
Author: محمد بهنس
Date: 12-07-2004, 11:11 AM
Parent: #22
تسلمي يا تماضر يابلد ياوارفه والفاضلابي الا الليله شوف ليك صارفه ود ودالياس/خضر/والحمزه تسلمو كافه علي الفاضلابي شاني الخوه قطعا جافا
|
Post: #23
Title: عرضة
Author: وليد محمد المبارك
Date: 12-07-2004, 11:02 AM
Parent: #1
هيييييييييييييييييع
طق طق طق طق
دق دق
دي نطه صقرية عالية
ومعاها بشرة
وكت ما بنعرف تكتب شعر
نعرض
|
Post: #25
Title: Re: عرضة
Author: محمد بهنس
Date: 12-07-2004, 11:16 AM
Parent: #23
الله يديك العافيه يا زول العرضه براها شعر...حي العرضه برضو بيوتو شعر
|
Post: #26
Title: Re: عرضة
Author: محمد بهنس
Date: 12-07-2004, 11:23 AM
Parent: #25
أهه...تلاقط نار دغش لا بي صفيح لا ماشه /الفن فيك قرضم بس معاها بشاشه/أصلك ود غشيم من قمت روحك طاشه/أنفك فوق وناس الحله كلهم شايفم شماشه
|
Post: #27
Title: Re: عرضة
Author: محمد بهنس
Date: 12-07-2004, 11:45 AM
Parent: #26
ود ساقرتا باره وسودري وقيسان
وشندي انقسنا طوكر مروي وأمدرمان
شوك سنار وييي القربه مارنجان
هيا ورفاعه كاس قنب كتم امضوبان
ومن كوستي الرديف
|
Post: #28
Title: Re: عرضة
Author: محمد بهنس
Date: 12-07-2004, 11:52 AM
Parent: #27
مدت لي لوح ظنيتو من هجليج
ونترت فيو بزور طقطيقاوحدو هجيج
أخد لفه وتعال قالت بنبره بهيج
أخدت اللفه للآن..حسره شوق ولهيج
يسليني الخريف
يسليني الخريف
|
Post: #29
Title: اهديك الفوضه
Author: وليد محمد المبارك
Date: 12-07-2004, 12:24 PM
Parent: #1
دحين انت ماك بهنس الكاتب بهديك الفوضة
ولا ده بهنس تاني
|
Post: #30
Title: Re: مسدار الخرطوم
Author: mohammed alfadla
Date: 12-07-2004, 01:27 PM
Parent: #1
يا بهنس ختيت والبادي دايما أظلم
الليلة النهار يا صاحبي ليك بيضلم
أكتب في الدرر قادر وما بتقرضم
وما بتنفع ردودك لو بديت أتكلم
بس أركز وأقيف
أوسلو بعيدة و الزول حين يفوتا ديارو
بتقسى عليهو عيشتو وتنسلب أفكارو
إلا تراني راكز للبعاد و أوزارو
والراجل النجيض مابهمو بردو ونارو
وما بقول يالطيف
|
Post: #31
Title: هاهاهاهاهاه
Author: وليد محمد المبارك
Date: 12-08-2004, 01:15 AM
Parent: #1
شبابنا الشرد وخلى بلدنا خاويه عروشا
وناس بي جوه فارغه عقولا ظاهرة كروشا
قليل علما بسيط فهما كتير طينا و قروشا
وتاس لا لامة جاي لا جاي وهي المدروشة
|
Post: #32
Title: أهه...
Author: محمد بهنس
Date: 12-08-2004, 02:01 AM
Parent: #31
حميشنا الأخير فيك طمر واترافق / واصل وصف غربه وفيني وصف اتافق / في الغربه الحمام هاجر صفيحو اطافق / فرحان انو بقراك وال شعر يدافق / والغربه التطير
|
Post: #33
Title: Re: أهه...
Author: Tumadir
Date: 12-08-2004, 02:10 AM
Parent: #32
الناس حرشونى وقالو ادخل ادافر
وانا شن عندى غير الروح تراها تعافر
ما بقدر على شلالكم المهبوش وجرفو الطافر
وما بلفا البكاكم نوحو اجعد وكافر
قلبى صبح رهيف
|
Post: #37
Title: Re: أهه...
Author: ود شاموق
Date: 12-08-2004, 02:25 AM
Parent: #33
تماضر .. انتي مجنونة (طَبّ)
أريتك تبقي طيبة !
ومشتاقييييييين جدا جدا
.
|
Post: #35
Title: Re: أهه...
Author: محمد بهنس
Date: 12-08-2004, 02:15 AM
Parent: #32
الغربه القطا الوقعت حلال بي سوره / سيحوا في الأرض والغربه تب مقدوره / جهجهة الفؤاد ليل والأنام محضوره / أعمش عين أرض بي فوق تلوح بطيورا / والغربه التطير
|
Post: #39
Title: Re: أهه...
Author: ود شاموق
Date: 12-08-2004, 02:26 AM
Parent: #35
قلتا لي يا بهنس تماضر بتبقى ليك شنو ؟
|
Post: #34
Title: Re: مسدار الخرطوم
Author: ود شاموق
Date: 12-08-2004, 02:11 AM
Parent: #1
.
|
Post: #36
Title: Re: مسدار الخرطوم
Author: Tumadir
Date: 12-08-2004, 02:22 AM
Parent: #34
لزانا الوطن فى هاوية ما معروفة
بقينا نزازى متل الساقية من شادوفه
لا لامين طيور فى مغربية خوفا
ولا باقيين براكين ...هادرة محروق جوفة
وفاجأنا الخريف
|
Post: #38
Title: Re: مسدار الخرطوم
Author: محمد بهنس
Date: 12-08-2004, 02:26 AM
Parent: #34
حبابك يا تماضر مبدعه وفنانه / الفاضلابي داك وأنا نحني ليكي غنانا / كلنا في الجراح صابون وروحنا ملانه / أهديك روح لي فكتوريا وروح لي تانا / وأشواقنا النزيف
|
Post: #40
Title: Re: مسدار الخرطوم
Author: Tumadir
Date: 12-08-2004, 02:36 AM
Parent: #38
بهنس يا جميل شرفت كل الحتة
والفاضلابى "اسلو" ..من همى شايل حتة
وجدانكم ندي ..طازج...وما شال عتة
قلبى على البلد ... كان هوززوه بتحتا
جف من النزيف
|
Post: #41
Title: Re: مسدار الخرطوم
Author: محمد بهنس
Date: 12-08-2004, 02:40 AM
Parent: #38
أهه البلد اللقتنا بحر بلا بستله / غابنين منو بالحيل غايتو لكن والا / لو بتهون شوارع يا تماضر وحله / كنا نقول بلدنا لقينا في كرتلا / واستغفر الله العظيم
|
Post: #43
Title: Re: مسدار الخرطوم
Author: محمد بهنس
Date: 12-08-2004, 02:59 AM
Parent: #41
أها انا ماش يا تماضر ساكي لي في شغله / بعدين تاني برجع دون غثاثه وثقله / شاهدا برهك رجيت فاضلابي غايب دغله / هو راكب اللوفتهانزا واني راكب بغله / ولي بعدين نضيف
|
Post: #42
Title: تاني معاكم
Author: وليد محمد المبارك
Date: 12-08-2004, 02:55 AM
Parent: #1
الشعر انبهل والكلام اتفرا
والفهم اكتمل والصديق انسرا
بهنس يا عجيب شايف لسانك حره
امين يا تماضر اشاء الله ما تجيك ضره
ويالفاضربي جيب من جوه وفك الصُره
شغلكم نضيف
|
Post: #44
Title: Re: تاني معاكم
Author: Tumadir
Date: 12-08-2004, 03:14 AM
Parent: #42
دايره ليا منه سندوتش سحابة
معاها قزازة موية نيل ..وتحلية غابة
ودبوس فى الشعر من سلكة الربابة
واتكحل بى ليلو ..لمن تقوم عترابة
وتيويقة صريف
|
Post: #47
Title: Re: تاني معاكم
Author: المسافر
Date: 12-08-2004, 03:50 AM
Parent: #44
حباب بهنس
بشوف ريرة جمت وجمامة لم
وحتحات البرم لملم بهم
حمحمت هم فوق كوم وهم
وهميت نضم كرضوم مبلم
من التلافيف
|
Post: #62
Title: Re: تاني معاكم
Author: محمد بهنس
Date: 12-08-2004, 11:05 AM
Parent: #44
فيهو جنس سحابات ياتماضرهانيه / أبو الشهيق ملازمو وأم دلادم حانيه / أكل البوش ومشي السيسبانه الرانيه / هم اتنين تلاته وأربعات في التانيه / وطنا والله كييييييف!!
|
Post: #45
Title: ولد ده
Author: وليد محمد المبارك
Date: 12-08-2004, 03:21 AM
Parent: #1
يا بهنس فريق الثورة فرحان بيك
شباب الخامسة متجدع ضمانو عليك
دحين هافانا خليناها وعشانا كجيك
يزغردو ليك بنات الثورة من جامسكا حدي الليك
ابشر يا ظريف
|
Post: #46
Title: Re: ولد ده
Author: Tumadir
Date: 12-08-2004, 03:48 AM
Parent: #45
دايره ليا جواب حب ,على جناح عصفورة
وجاره تمد نهار..من طاقة ...حلبة ف كورة
نعسانة الكديسة ..والتياب مشرورة
ومغرب فى بيوت جاييها...مجلس شورة
والدنيا التقيف
|
Post: #63
Title: Re: ولد ده
Author: محمد بهنس
Date: 12-08-2004, 11:21 AM
Parent: #46
بيوت أم در بيوت من الحنين مضفورة / والله الكديس في أم در عليهو نضوره / كيف لأ وهي بتعشيو وبتدي فطورا / أم درمان كلام المويه للماسوره / وجم بيت الخليف
|
Post: #48
Title: Re: مسدار الخرطوم
Author: مأمون التلب
Date: 12-08-2004, 03:56 AM
Parent: #1
هوووووووي يا شباب.... ازيكم
والله انا دايخ من البوست ودخلت اسلم عليكم
وطالع بسرعة
عشان ما بعرف أربِّع
سلام يا الفاضلابي
ويا تماضر (طبعاً السلام ده للارشيف ما حسع)
ويا بهنس
ووليد
وبقية المتداخلين
|
Post: #49
Title: Re: مسدار الخرطوم
Author: بشري الطيب
Date: 12-08-2004, 04:05 AM
Parent: #1
الناس التعافر في البلاد البره
ممكونين حنين لهذي البلد بالمرة
يديكم مرادكم في العلم والسترة
وتعودم جميع لاصرة لا بوليس يقيف يتحري
ونشوفكم نقيف
|
Post: #50
Title: Re: مسدار الخرطوم
Author: mohammed alfadla
Date: 12-08-2004, 05:42 AM
Parent: #1
يا ليل وين مقبل عني دايما صارف
خاليني ف حنين دمعي اليقطر ذارف
والبنوت أبني حليلو قلبي النازف
الروح كان تروح هسع يمين ما خايف
برجى نكير و أقيف
يا بهنس تماضر زولة زي الغنية
قاصدة تكون جميلة جمال تماضر عنية
وإن جيت للفنون يا زول تماضر دنيا
يا ريت البنات لو زي تماضر منية
أم دما خفيف
بهنس داير أقول فيك بي ألواني
داير أرسم جموحك لونو أحمر قاني
أرسم جنك المن يوم عرفتك جاني
وباقي اللوحة أحلب فيها حبة أغاني
ولون أخضر شفيف
|
Post: #51
Title: Re: مسدار الخرطوم
Author: mohammed alfadla
Date: 12-08-2004, 06:07 AM
Parent: #1
حليل عصرية في شمبات وشاي عصرية
حليل الحي طيورو ونورو صبح وعشية
وفرحة تجيك فاردة الروح قصادك حية
من خليتا شعري صبح نواح وأسية
ودمعي نزل خريف
|
Post: #52
Title: ما تشوفونا
Author: وليد محمد المبارك
Date: 12-08-2004, 06:14 AM
Parent: #1
" عشقتك سريتي في دماي
سرى الخوف معاك"
مليان بالكلام والغربه ذادت فيك
ترسم وتكتب اشعار الا الغنا المابيك
لو ترجع تعود خلينا نفرح بيك
بلدك منتظر والله محتاج ليك
فاضلابي العفيف
|
Post: #53
Title: Re: ما تشوفونا
Author: mohammed alfadla
Date: 12-08-2004, 06:18 AM
Parent: #52
إنت وليد مبارك
دينااااك
وده شافع منو الفي الصورة ده
لا حولااا غشيت البت عرستها وكمان جابت ليك شافع
ياخ مشتاقين
|
Post: #54
Title: ورده وبس
Author: وليد محمد المبارك
Date: 12-08-2004, 06:24 AM
Parent: #1
ما بقدر اقول فيكي الكلام القدرك
سبقوني الرجال وصفهو سامق قدرك
محظوظ البضوق جغمة لبن من قدرك
يسكر من كلام موزون مرق من حجرك
تماضر انت كيف
|
Post: #55
Title: هاهاهاهاهاها
Author: وليد محمد المبارك
Date: 12-08-2004, 06:28 AM
Parent: #1
عشيتا يا وهم
والله الشوق محيط ما بحر
وبعدين دي بتي التانية قبليها في ولد
وخلاص كبرت وسويت لي كرش
فضل لي الحج وعمليت العيون واموت
اديني خبرك مقطوع مننا
|
Post: #56
Title: Re: هاهاهاهاهاها
Author: mohammed alfadla
Date: 12-08-2004, 06:34 AM
Parent: #55
تلفوني في البروفايل
لا حولاااا يا وليد هسع بقيتنا كبار يعني
إتنين
ماشاء الله تبارك الله
سلم على المسكينة الغشيتا دي وقول ليها الفاضلابي قال ليك كفارة ضل راجل ولا ضل حيطة
يا سلام ياخ والله مشتاقين يا ول
ياي إزيك
|
Post: #57
Title: حبه يا لعاب
Author: وليد محمد المبارك
Date: 12-08-2004, 07:02 AM
Parent: #1
هاهاهاهاهاهاهاها
وانت قايل روحة صغير
وانت عامل شنو ياحبه
شكلك سمنتا وعملتا ليك جضوم
|
Post: #58
Title: Re: مسدار الخرطوم
Author: مأمون التلب
Date: 12-08-2004, 07:08 AM
Parent: #1
يا فاضلابي
شايف البوست بتاع بهنس
استلمتوهو انت و وتماضر ووليد.. بهنس وينو...؟؟ وديتوهو وين؟؟
يا بهنس
....
وبدري الياس قطع موية ونور
وبشرى الطيب...
لكن ما تقولو لي.. الشعر مبالغة...
المفروض تتسجل
تحياتي للجميع
|
Post: #59
Title: التلب
Author: وليد محمد المبارك
Date: 12-08-2004, 07:21 AM
Parent: #1
حباب التلب بهنس غاب ونحنا نعقبو
الزول التمام بعزم في حق صحبو
بهنس ما بعرفو الا شعروا بحبو
تعال لي جوه واعزم جارك وكلبو
وينقدا الرهيف
|
Post: #60
Title: Re: مسدار الخرطوم
Author: mohammed alfadla
Date: 12-08-2004, 07:41 AM
Parent: #1
bahnas
هديت مسداري لي بلدا منغنغ وجارف
وأكرم نادره خاصة مواسم السوق القضارف
محل قعدو الفحول واتباصروه العارف
هم بحر العباب وايش النقيص لي غارف
دهب كلمة الصريف
ليلا مرصع بالحنين يلمع دمع
وجه البنات والريح تتندل في الشمع
الطوف مطلوح موج بيفرد وينجمع
ليلا يصن فيو بلعة الريق تنسمع
ليل في خريف
تنقرش عصبي في النجمات تلوح ده صوابي
ملتهب الوجود تنفخ رماد أعصابي
غبيت في الرحيح دون ضيف فتحت ابوابي
دخلت فيها غيمةورحمنت أسبابي
مابعدم خريف
حافي عليها مشيت والحسكنيت سجاده
غيلان الالم جو وأكلتهم لباده
حفيان بت حضنتهاواتخلقت سعاده
حفنه من النعاس والغفوه بالجباده
شفت عيون خريف
..شفت عيون خريف
عوات الرياح عوات الرياح فوق للخرابه الفانيه
مزاجي سقط لقط فوق رجلو خالف التانيه
واتزكرت يا فاضلابي جية ألمانيا
روحي اتشلهتت لا ويكه لا شمبانيا
يافاضلابي سائلك بالشعر وفنونو
سودان لاين ده لا مينا وانكون في عونو
في النت نحنا يوت بنحاحي نرعى الكمبيوتر يا جنى وبنصونو
أوصف ليك ناس البورد كيف بيكونو؟
ناس البورد ديل خشم الطباع وبيوت
فيهم من بيوزن تبر وفي الهبوت
فيهم مبدعين جد للضمير بعهود
وفيهم لسه من قايل الرئيس عبود
badri
جيتك دمعي يوشل
والحزن شيخ قبة الأرواح
عليّ الكان تخوجل
تفوت وتودِّر المفتاح
بعد ما كُتْ مَدُوبِل
نسيمك وقَّف الكتّاح
واتْ ما زِلْ تَدُوعِل
جنى المعنى وتعطنو سماح
tumadir
بهنس يا ملان...يللا انبهل بى مهجك
وعطر لينا -زوق -وش الاثير بى وهجك
اصلو العامرة ما بتنطاق بلا دوباى..ياهو سامر بهجك
وشفت جنون فنونك ..كان فرحتك كان زهجك
fadlabi
يا بهنس نسيت ولا الزمن جاب وزرو
قايل أوسلو ما فيها البيهبر شعرو
البنوت هبطرش و القلم بي حبرو
وعارف من زمان أسد الرضيمة بنترو
أجهز يا ظريف
عايش في البلاد وحداني
هذي العتمة رامية عليا شي يوطاني
ما شكاي وشكوى رفاقي يوت في أضاني
شايل الشايلو دونما أختارو ماردات الهموم حاباني
وما سكت النزيف
يا بهنس حقيقة الشوق بقالي مكيدة
الشارع طويل والضو نقاطو بعيدة
والخرطوم حليلا الأطعمتني بأيدا
والبكتني والربتني والأدتني سر الريدة
و الحزن الخفيف
في الليل حين يكون الليل كتابة وخمرة
بقدل في الجراح اللا بتطيب لا بتبرة
و أعصر روحي من هم البلود البرة
أكتب باليمين وشمالي قابض الجمرة
والشوق ما بيقيف
الخرطوم تجيني وتملا كل أفكاري
أقدل فيها بالركشات وبالأمجاد وساي كداري
وبالحافلة التزهج أشاكل الكمساري
والجامعة وبناتا مظاهراتا دياري
و شاهيها الرهيف
يا بهنس فتحت الباب و قايلو إنسدا
المرض القبيل الليلة تاني أشتدا
يا ليل ما بتتوب بالنار عملت مخدة
وقلبي القايلو أسلم تاني هسي أرتده
تاني رجع رهيف
bahnas
أها آالفاضلابي جيتك انت وين يا لورد
داقشك بي قوافي بكاسي هوستن فورد
الليله الشعر هزاز سيوف البورد
تشوت ربعيه أرسلها ليك بالباكورد
تسلمي يا تماضر يابلد ياوارفه
والفاضلابي الا الليله شوف ليك صارفه
ود ودالياس/خضر/والحمزه تسلمو كافه
علي الفاضلابي شاني الخوه قطعا جافا
أهه...تلاقط نار دغش لا بي صفيح لا ماشه
الفن فيك قرضم بس معاها بشاشه
أصلك ود غشيم من قمت روحك طاشه
أنفك فوق وناس الحله كلهم شايفم شماشه
ود ساقرتا باره وسودري وقيسان
وشندي انقسنا طوكر مروي وأمدرمان
شوك سنار وييي القربه مارنجان
هيا ورفاعه كاس قنب كتم امضوبان
ومن كوستي الرديف
مدت لي لوح ظنيتو من هجليج
ونترت فيو بزور طقطيقاوحدو هجيج
أخد لفه وتعال قالت بنبره بهيج
أخدت اللفه للآن..حسره شوق ولهيج
يسليني الخريف
fadlabi
يا بهنس ختيت والبادي دايما أظلم
الليلة النهار يا صاحبي ليك بيضلم
أكتب في الدرر قادر وما بتقرضم
وما بتنفع ردودك لو بديت أتكلم
بس أركز وأقيف
أوسلو بعيدة و الزول حين يفوتا ديارو
بتقسى عليهو عيشتو وتنسلب أفكارو
إلا تراني راكز للبعاد و أوزارو
والراجل النجيض مابهمو بردو ونارو
وما بقول يالطيف
walid
شبابنا البره شرد وخلى بلدنا خاويه عروشا
وناس بي جوه فارغه عقولا مليانه كروشا
قليل علما بسيط فهما كتير طينا و قروشا
وتاس لا لامة جاي لا جاي وهي المدروشة
bahnas
حميشنا الأخير فيك طمر واترافق
واصل وصف غربه وفيني وصف اتافق
في الغربه الحمام هاجر صفيحو اطافق
فرحان انو بقراك وال شعر يدافق
والغربه التطير
tumadir
الناس حرشونى وقالو ادخل ادافر
وانا شن عندى غير الروح تراها تعافر
ما بقدر على شلالكم المهبوش وجرفو الطافر
وما بلفا البكاكم نوحو اجعد وكافر
قلبى صبح رهيف
bahnas
الغربه القطا الوقعت حلال بي سوره
سيحوا في الأرض والغربه تب مقدوره
جهجهة الفؤاد ليل والأنام محضوره
أعمش عين أرض بي فوق تلوح بطيورا
والغربه التطير
tumadir
لزانا الوطن فى هاوية ما معروفة
بقينا نزازى متل الساقية من شادوفه
لا لامين طيور فى مغربية خوفا
ولا باقيين براكين ...هادرة محروق جوفة
وفاجأنا الخريف
bahnas
حبابك يا تماضر مبدعه وفنانه
الفاضلابي داك وأنا نحني ليكي غنانا
كلنا في الجراح صابون وروحنا ملانه
أهديك روح لي فكتوريا وروح لي تانا
وأشواقنا النزيف
tumadir
بهنس يا جميل شرفت كل الحتة
والفاضلابى "اسلو" ..من همى شايل حتة
وجدانكم ندي ..طازج...وما شال عتة
قلبى على البلد ... كان هوززوه بتحتا
جف من النزيف
bahnas
أهه البلد اللقتنا بحر بلا بستله
غابنين منو بالحيل غايتو لكن والا
لو بتهون شوارع يا تماضر وحله
كنا نقول بلدنا لقينا في كرتلا
واستغفر الله العظيم
أها انا ماش يا تماضر ساكي لي في شغله
بعدين تاني برجع دون غثاثه وثقله
شاهدا برهك رجيت فاضلابي غايب دغله
هو راكب اللوفتهانزا واني راكب بغله
ولي بعدين نضيف
tumadir
دايره ليا منه سندوتش سحابة
معاها قزازة موية نيل ..وتحلية غابة
ودبوس فى الشعر من سلكة الربابة
واتكحل بى ليلو ..لمن تقوم عترابة
وتيويقة صريف
elmusafir
بشوف ريرة جمت وجمامة لم
وحتحات البرم لملم بهم
حمحمت هم فوق كوم وهم
وهميت نضم كرضوم مبلم
من التلافيف
waleed
يا بهنس فريق الثورة فرحان بيك
شباب الخامسة متجدع ضمانو عليك
دحين هافانا خليناها وعشانا كجيك
يزغردو ليك بنات الثورة من جامسكا حدي الليك
ابشر يا ظريف
tumadir
دايره ليا جواب حب ,على جناح عصفورة
وجاره تمد نهار..من طاقة ...حلبة ف كورة
نعسانة الكديسة ..والتياب مشرورة
ومغرب فى بيوت جاييها...مجلس شورة
والدنيا التقيف
bushra
الناس التعافر في البلاد البره
ممكونين حنين لهذي البلد بالمرة
يديكم مرادكم في العلم والسترة
وتعودم جميع لاصرة لا بوليس يقيف يتحري
ونشوفكم نقيف
fadlabi
يا ليل وين مقبل عني دايما صارف
خاليني ف حنين دمعي اليقطر ذارف
والبنوت أبني حليلو قلبي النازف
الروح كان تروح هسع يمين ما خايف
برجى نكير و أقيف
يا بهنس تماضر زولة زي الغنية
قاصدة تكون جميلة جمال تماضر عنية
وإن جيت للفنون يا زول تماضر دنيا
يا ريت البنات لو زي تماضر منية
أم دما خفيف
بهنس داير أقول فيك بي ألواني
داير أرسم جموحك لونو أحمر قاني
أرسم جنك المن يوم عرفتك جاني
وباقي اللوحة أحلب فيها حبة أغاني
ولون أخضر شفيف
حليل عصرية في شمبات وشاي عصرية
حليل الحي طيورو ونورو صبح وعشية
وفرحة تجيك فاردة الروح قصادك حية
من خليتا شعري صبح نواح وأسية
ودمعي نزل خريف
waleed mubarak
مليان بالكلام والغربه ذادت فيك
ترسم وتكتب اشعار الا الغنا المابيك
لو ترجع تعود خلينا نفرح بيك
بلدك منتظر والله محتاج ليك
فاضلابي العفيف
ما بقدر اقول فيكي الكلام القدرك
سبقوني الرجال وصفهو سامق قدرك
محظوظ البضوق جغمة لبن من قدرك
يسكر من كلام موزون مرق من حجرك
تماضر انت كيف
|
Post: #61
Title: Re: مسدار الخرطوم
Author: محمد بهنس
Date: 12-08-2004, 10:49 AM
Parent: #60
ود الثورة أخوك يا صاحبي بالنص سكني / كنت بليد..نعم لكن حقيقي ووطني / أكان راجي الأوائل ياني ضايع زمني / أخير في الطيش محبة وزوق أروق لي لحني / )كان في الرياضيات فضل لي 96 وأقفلها..جبت أربة فقط...والله ياخوانا فقط دي مزعلاني أكتر من الأربعه(
|
Post: #64
Title: Re: مسدار الخرطوم
Author: محمد بهنس
Date: 12-08-2004, 11:48 AM
Parent: #61
الأسوار قبيحه وماها شي يتشكر / الا السور بحركنا بنقوم نتزكر / يات من كان يبحلق فيهو قام واتعكر / السور برضو تاوق وحلمي بابو مسكر /والسور هو الصريف
|
Post: #65
Title: Re: مسدار الخرطوم
Author: محمد بهنس
Date: 12-08-2004, 12:02 PM
Parent: #64
زمن داك الصعود ليو قيمتو في الراس كيف / ومن سادسه بنثف..في العالي شلعي نضيف / وزارة التربية الزادت عقلنا جليف / هي في وادي وتلاميذها الهديم في قيف / /أهه ومعاكم سلامه لي باكر...لقيت روحي بغني براي دي البيت الناصيه و أصلا مافي جنبو أي بيت.
|
Post: #66
Title: Re: مسدار الخرطوم
Author: طلال عفيفي
Date: 12-08-2004, 01:20 PM
Parent: #65
بتغني براك شنو يا بهنس ؟
الناس دي كلها واقفه وراك طابور ..
البورداب الأعزاء ..
" بهنس " مثقف وفنان مبدع ..
هو إضافة حقيقية لهذا البورد .
صاحب طاقات مذهلة ..
وبما إني على باب الله في حكاية المسادير دي نسبة لظروف عائلية , فإنني
أكتفي هنا بالترحيب ببهنس ..
وإعترافي بمحبته .
...
طلال
|
Post: #71
Title: Re: مسدار الخرطوم
Author: محمد بهنس
Date: 12-09-2004, 03:32 AM
Parent: #66
يا ود عفيفي.. عليك السلام ياخ.. انت قايل ظروفي العائليه دي ما فيها الجميل العم العبقري صلاح جاهين.. غايتو انحنا جاهين لي جاي. .المحبه لوج يا أبو الطل
|
Post: #67
Title: Re: مسدار الخرطوم
Author: Luay Elhashimi
Date: 12-08-2004, 02:59 PM
Parent: #1
رسلت ليك مسدار والمسدار مشي وما جا!!
|
Post: #68
Title: ما تفهموني غلط
Author: وليد محمد المبارك
Date: 12-08-2004, 11:14 PM
Parent: #1
السودان كبير للمحترف والهاوي
بوسع للجميع شيوعي او جبهاوي
بفقه التعصب سقتونا جرفاً هاوي
والعقد انفرط كل زول صبح قرضاوي (1)
عامل خبير عِرِيف
يا اهل السياسة من كل حزب وكون
نحنا ناس ساكت لا اتجاه لا لون
وحزبنا الوطن الارضو بالمليون
يطربنا وردي بغني او تنقا جاب القون
والمشترينا يقيف
ـــــــــــــــــ
قرضاوي : الشيخ القرضاوي
|
Post: #69
Title: Re: ما تفهموني غلط
Author: المسافر
Date: 12-09-2004, 02:06 AM
Parent: #68
بهنساوي ثوراوي ليك بزيد أقوالي
ياخوي الليل برد ونجومة تضوي لآلي
ياساري يلا نتفقد حبيبنا الغالي
يكفيك مونة النضم من غير شكية حالى
يالطيف الأمر ضعيف
|
Post: #70
Title: Re: ما تفهموني غلط
Author: وليد محمد المبارك
Date: 12-09-2004, 02:58 AM
Parent: #69
غيب وتعال تلقانا نحنا يانا نحنا(1)
لا اتغير طبعنا ولا اتغيرنا سحنه
يمسافر خبارك انشاء الله مافي محنه
من قوز الشعر اخمش وقوم كتحنا
ما تفتر تقيف
ــــــــــــ
(1) مقطع من اغنية سودانية مشهورة
|
Post: #72
Title: Re: ما تفهموني غلط
Author: محمد بهنس
Date: 12-09-2004, 03:48 AM
Parent: #69
يامبارك ويامسافر كلامكم صاح / عندي شي محيرني وبزيدني جماح / أخت في الضو ضلام ألقاهو عتم وضاح / أحوم بالليل وأخت تحت المخده صباح /
|
Post: #73
Title: هاهاهاها
Author: وليد محمد المبارك
Date: 12-09-2004, 04:02 AM
Parent: #1
بهنس اخوي بشويش علينا شوش
التركيز حواقه والفهم هبيش
ما تسرح تعوم ما براك الطيش
مره نفهمو قصدك ومرات فهمنايطيش
زي بص الجريف
|
Post: #75
Title: Re: هاهاهاها
Author: Tumadir
Date: 12-09-2004, 04:26 AM
Parent: #73
هاهاهاهاهاهاهاها
ياود المبارك بهنس كلامو عديل
الليل والصباح زى شاى ولبنو تقيل
ملعقة من لبن ..بتضوى ..جردل ليل
جغمة من الامل ..تخفى الحزن كان "فيل"
وماجابت جريف.
|
Post: #80
Title: Re: هاهاهاها
Author: وليد محمد المبارك
Date: 12-09-2004, 06:26 AM
Parent: #75
بهنس يا تماضر ما بقدر اجاري كلامو
كتاب كتابة الجن وفات الجن سرح قدامو
مسكون بالشعر... عايش بالشعر ايامو
داسي الصباح في وساده وشيطان الشعر خدامو
مابتدي الحريف
|
Post: #74
Title: Re: مسدار الخرطوم
Author: Abu Mariam
Date: 12-09-2004, 04:16 AM
Parent: #1
Oooooh Bahnes
i'll be back, i don't have a Arabic keybourd, sorry
Sadig
|
Post: #76
Title: Re: مسدار الخرطوم
Author: mohammed alfadla
Date: 12-09-2004, 06:18 AM
Parent: #74
يا طير يا مسافر أسمع كلامي شوية
إن صادفت نيلا سحري بالعصرية
أقريه السلام قول وأحكي ليه البيا
عطشان جغمة منو ترم عضاي النية
والقلب الضعيف
|
Post: #77
Title: Re: مسدار الخرطوم
Author: mohammed alfadla
Date: 12-09-2004, 06:18 AM
Parent: #76
في أمدرمان تبصر تلقى فيها معاني
في الكبري الكبير أنزل وغني أغاني
أمشي عليها بحري وبرضو أرجع تاني
والخرطوم حليلها المن هواها بعاني
تلقى حداها صيف
|
Post: #78
Title: Re: مسدار الخرطوم
Author: mohammed alfadla
Date: 12-09-2004, 06:19 AM
Parent: #77
يا أخوانا الهموم غلبت علي بكتني
بالقدح الكبير من موية مرة سقتني
كم خليتا لاكين ما رضت خلتني
أمشي سقط لقط برضو الهموم لحقتني
الهم ما سخيف
|
Post: #79
Title: Re: مسدار الخرطوم
Author: mohammed alfadla
Date: 12-09-2004, 06:20 AM
Parent: #78
قولكم يا رفاق كم صحى فيني مواجع
الليل كلو أتذكر وروحي تصارع
مفتوح بيني بينكم هسى مليون شارع
ولسع ماشي أبعد ماشي وقلبي راجع
ما قادر أقيف
|
Post: #81
Title: Re: مسدار الخرطوم
Author: وليد محمد المبارك
Date: 12-09-2004, 07:55 AM
Parent: #79
بهنس قال:
زمن داك الصعود ليو قيمتو في الراس كيف
ومن سادسه بنثف..في العالي شلعي نضيف
وزارة التربية الزادت عقلنا جليف
هي في وادي وتلاميذها الهديم في قيف
ما شربنا الكتبتو.. لكن سكرنا قراية
لي شعر الفحول.. فاتحين عقولنا اندايه
نسكر بالقوافي شعر.. غنا .. ودوبايه
مشتاق المجند.. نص التمام ..ضلاية
وتعظيم للعريف
|
Post: #82
Title: Re: مسدار الخرطوم
Author: وليد محمد المبارك
Date: 12-09-2004, 08:23 AM
Parent: #79
النيل ما فتر من كتابت الشوق
كل طيرا مهاجر كاتب العزر بي زوق
خرتوم انبهل واتختطط مرزوق
لا مهاجر رجع ولا القروش بتحوق
برد والدنيا صيف
|
Post: #83
Title: Re: مسدار الخرطوم
Author: محمد بهنس
Date: 12-09-2004, 10:25 AM
Parent: #1
نقلنا الكمبيوتر باظ علي الماسنج * / وتهجين العناصر لا عرب لا زنج / دواخلنا البتطفح وهل غطس اسفنج؟ / تراب الجردقه الباير نبت لارنج" / * كنايه عن الماسنجر والله أعلم
"برتكان اللارنجه الحلو تاكلو في الخرطوم تلاقي طعمو في سنجه.برتكان مطلوق
|
Post: #84
Title: Re: مسدار الخرطوم
Author: Yaho_Zato
Date: 12-09-2004, 07:35 PM
Parent: #83
متابع.. صامت.. ومعجب بيكم كلكم.. فاضلابي وبهنس.. وليد وتماضر، والجميع..
بهنس.. تتذكر الشريط داك الكان من أدائك وألحانك و"إنتاجي"؟.. في استديو السابعة تتذكر؟.. أنا هنا غايتو بي جاي حاولت أعمل ليهو دعاية، لقيت روحي في النهاية المستمع الوحيد والمعجب الشبه وحيد.. سمعتو كان لي ناس تماضر.. وفي ناس تانين (ما تماضر) قالو كلام كده ما متأكد فهمت معناهو شنو.. قالو لي (صاحبك ده بغني ولا بتونس؟).. على العموم يا بطل ولا يهمك "واسقين" منك..
ولو كان في طريقة كان عزفت ليك في البورد ده (redemption songs) ترحيبا بيك.. لكن بس الظروف "جد جد عائلية".. جيتاري ما معاي الأيامات دي..
جد مشتاق..
|
Post: #85
Title: Re: مسدار الخرطوم
Author: فرح
Date: 12-09-2004, 08:31 PM
Parent: #84
اييييييييييك محمد ود عشه زى ما بتقول امى النعمه لكن ما بتكمل قروشك والصافى زاتتوووو مفلس
بتذكرك فى العيد انتا والصافى فى بيتنا مكمل الشياكه ولى فى المسالمه غزال يا ابرماى
|
Post: #86
Title: Re: مسدار الخرطوم
Author: المسافر
Date: 12-10-2004, 01:58 AM
Parent: #85
الليلة الزيفة من تالا الحويش اللاصق
خلت مشي زحيح والقدم كيف لاصق
يا راجي الخبر ان كنت من خباري واثق
اياني جايب التاج ياسليمان قبل ما توافق
|
Post: #87
Title: Re: مسدار الخرطوم
Author: Tumadir
Date: 12-10-2004, 02:04 AM
Parent: #86
والتاج رايو كيف؟؟
|
Post: #88
Title: Re: مسدار الخرطوم
Author: Tumadir
Date: 12-10-2004, 07:12 AM
Parent: #87
احى يارويحتى ..الشحتفك مافى
دمعك باقى غيمة والجرح شافى
كر من حالى نوح..قلب الوطن جافى
لا قرت عيونك.. ولا الخليل وافى
حاميانى الظروف
|
Post: #89
Title: Re: مسدار الخرطوم
Author: Tumadir
Date: 12-10-2004, 07:13 AM
Parent: #88
الدنيا الغريرة..زايلة ام بنايا قش
بدلت الزمن.... الزاهى بى اغبش
ختت فى محل البهجة.. يوم اطرش
والخيبات مراويد فى القلوب تنقش
والقول كلو زيف
|
Post: #90
Title: Re: مسدار الخرطوم
Author: Tumadir
Date: 12-10-2004, 07:14 AM
Parent: #89
مالك يا الوحيح ناهشنى كان فى شنو
نوم العين خزاز......والجروح دشنو
كل ما نقول.. نسمح احلامنا هم بشنو
ناس ناعم زمانا وناس تشوف خشنو
الطف يا لطيف
|
Post: #91
Title: Re: مسدار الخرطوم
Author: Tumadir
Date: 12-10-2004, 07:32 AM
Parent: #90
دايرا لى وطن احكى ليه كم حجوة
مادايراهو رباطى وبشيل المطوة
طول الليل اناجي و ..امشي فيه بالخطوة
من غير الولف.... ماليه علي من سطوة
انا القاهو كيف؟؟
|
Post: #92
Title: Re: مسدار الخرطوم
Author: محمد بهنس
Date: 12-10-2004, 09:48 AM
Parent: #91
تلقيو في المغارب والحمار شهاقي / في البلدات حريف ماهو الوظف وفاقي / دايما باشي ليك متعود الاطراقي / لابس الستره فركه والحنين عراقي / زي هو غريب وضيف /
|
Post: #94
Title: Re: مسدار الخرطوم
Author: محمد بهنس
Date: 12-10-2004, 10:23 AM
Parent: #93
حبابك يا خوي..وانت كان عندك مشكله في الكيبورد انحنا اولاد الكرم نقلب ليك الكي بورد دوبيت بتاعنا أهه: IF YOU COME TO US ALWAYS ANIHNA /HINAKA AT NIGHT AT THE MIDAY ALL THE TIME BAY WARAKASUDAN IS BEATIFUL أكان بس الكنداكا WELLCOME ALSO SHANTEER في كرري أو في التاكاوالانجليزي انشالله يلغووه
|
Post: #98
Title: Re: مسدار الخرطوم
Author: Shinteer
Date: 12-10-2004, 10:52 AM
Parent: #94
Below, or somewhere. Donno.o
|
Post: #95
Title: Re: مسدار الخرطوم
Author: Tumadir
Date: 12-10-2004, 10:28 AM
Parent: #93
من خشمك ولى باب السما الفوق سابع
وطن محجوب شريف فيه نازل طالع
وطن فيه النسا الشامخات فى الشارع
فيه طفلا سعيد..وشباب مفكر ومانع
وبوليس ما مخيف
|
Post: #100
Title: Re: مسدار الخرطوم
Author: محمد بهنس
Date: 12-10-2004, 10:58 AM
Parent: #95
وطن محجوب شريف بقا ياتماضر عازل / فيهو المافي من الرجرجه وفي مهازل / الناس يرفعوهو وهوالبيهم اصلا نازل / وطن محبوب شفيف لي برضو فيهو منازل*
*عشان ما تفهموني غلط:منازل جمع نزله
|
Post: #96
Title: Re: مسدار الخرطوم
Author: mohammed alfadla
Date: 12-10-2004, 10:30 AM
Parent: #1
إتغربت ما اتغربت وإتعلمت ياما دروس
الشوق إن ملك جواك يبدا يحوس
يدخل في الدماغ جواه يبدا يعوس
وما تعرف خلاص لو كست حدما تكوس
الشوق جد مخيف
|
Post: #97
Title: Re: مسدار الخرطوم
Author: محمد بهنس
Date: 12-10-2004, 10:43 AM
Parent: #96
B]نها ر الجمعه ده قعاد والسبت وقافي / والاتنين تلاته أحد خميس زي مافي / والأربع خلاس اسبوعي قدمو الحافي / صنقر في الزمن لا بان ولا هو الخافي / أهه يس كيف دي كيف
|
Post: #99
Title: Re: مسدار الخرطوم
Author: Shinteer
Date: 12-10-2004, 10:55 AM
Parent: #97
Bahnas, shakaitak 3ale Alla. I will try the internet keyboard.o
يا بهنس كلامك هيّج الـ كان راقِد
وولّع فـي القلِب جمْر الكمين الواقِد
عينـيْ في السهر حاكَنْ طيور الـساقِد
صَـبْ دمّـاعي زي تِـعْـل الضهاري العاقِـد
قول لي كيف أقيف
ياخي نفسي انقطع من ملاقطة الحروف المبعثرة. بجيك في يوم آ بهنس .. أكان المولى حلّ القيد وختّى عراقِل.
|
Post: #101
Title: Re: مسدار الخرطوم
Author: محمد بهنس
Date: 12-10-2004, 11:42 AM
Parent: #99
آجنى والله في الكيبورد العربي لسانك طالق طلقة! آجنى شي بنجيبو وشي يجيبنا وهارب / وللفاضلابي فيهو لمبات وفيهو كهارب / ولتماضر مكان وأضواؤو حيه تسارب / ليك ياشناتر فرحتو وضام لي فيهو مآرب /والفقد العنيف
|
Post: #102
Title: Re: مسدار الخرطوم
Author: Shinteer
Date: 12-10-2004, 11:55 AM
Parent: #101
يا بهنس .. لساني ختيـــــر أكان فكّيتو
بَركب أعلى صنقور جِن وأطلّع زيتو
كلْ زولاً شليق بكفي (هـ) وبشلّع بيتو
أنا يا بهنس الـ عمّ القفارات ظيطو
صنقِع كان تشيف
|
Post: #103
Title: Re: مسدار الخرطوم
Author: muntasir
Date: 12-10-2004, 12:12 PM
Parent: #102
من دار إسنكدنافيا دوبا الولوف فاضلابى
قام بيهو البرد ملى بى دموعو كبابى
غربه بحر الشمال أحر من قرص دابى
حار بيهو الدليل وحار دلى بى أسبابى
والفايكنغ رهيف
ويا بهنس تماضر كان بكت معزوره
فى غربه تصفى الدم كما الماسوره
تشتاق لى بلد تبيت حره وتقوم مأسوره
والآسره ما تتار بس شله كلاب مسعوره
بس بيجى الخريف
يا وليد المبارك كيفنوا المهاجر يرجع
كان ساستنا ذمتهم من المحيطات أوسع
أبان كروشآ لى رزق الخلايق تبلع
لا طارين سفر لا ود اللحد الببلع
بس اللورى بيقيف
شنتير شيخ العرب الفى الإغتراب يابانى
بعد عزه بطانه أريت حال البلد بالياباك واليابانى
دوبى وجرو نمك وشد مسدارآ ما بيغبانى
جيب أهل العوض ونزار حسين من تانى
المسدار لا يقيف
|
Post: #105
Title: Re: مسدار الخرطوم
Author: محمد بهنس
Date: 12-11-2004, 01:41 AM
Parent: #103
]ا منتصر حبابك وحباب الجابك..لكن عليك الله شناتر ده في اليابان!مع الناس القصار بتاعين الأورغنات والعربات أهه: لانسر متسوبيتشى ويامها ودايهاتسو / آجنى في بلاد)النو( وحدك غاتسو / ناس ميهوكو ياسوناري نتسي وناتسو / ساموراي تراك ولا ولا السمر ماك حاسو / غربتو من سقط ماف من يشمت عاطسو / طوكيو كيوتو فوجي وبالعودة يا صاحبي
|
Post: #104
Title: الجرح ما بنضف الا ينبرط
Author: وليد محمد المبارك
Date: 12-11-2004, 01:35 AM
Parent: #1
خرتوم يا تمام .. لا اوسلو لا واشنطن
عاجبانا بخبوبك .. نضحك .. ندوبي .. ونرطن
مشوار الصباح .. في الحافلة عمك يطنطن
راجعين في المساء فروفور يغني ويدندن
نجري وراء الرغيف
ماعايشين ترف .. فايتنكم بي شويييه
نسمع هنا امدرمان .. كباية شاي عصرية
المغرب نتم الكيف .. جبنه صاموتيه
قريفت الصباح .. سجارتا .. برنجيه
وشاي سكر خفييييف
اقوم فجر الصباح شاي اللبن من يمه
ارقد في اللحاف .. افرد الضهر .. انجمه
اختي .. اخوي .. ابوي .. وتكتمل اللمه
لو فارقتهم احلف تصيبني الحمه
او في المخ نزيف
ده النيل الجميل بدايتو عند المقرن
ديل بنوت .. لابسات لبني .. ماشات يقرن
ديك جنون هظارم .. طيش شبابا ارعن
كلاب الحلة تحت النيمة .. والغنيمات برعن
وتقول لي جنيف
الجمعة الصباح فطورنا شرموط اخدر
برطمان فسيخ .. قدامو بصلاً اخدر
مراره بس دبلان .. والالتي بولاً اخدر
الكسره الرهييفه .. الشطه احمر واخدر
قطعت الشلاليف
في الليل الغرييق في الحلة صدحت حفلة
غنايا انشرح .. والناس كمان منبهلة
معزمين جميع .. طقوس .. بسيطه وساهلة
فسحت الرقيص .. واسعة .. كبييره .. ماااهلة
والكشف النظيف
مسكين المرق خلى البلد بوراهو
هو الخسران اكيد واي زول ببراهو
عائش منفرد .. مسكين .. حياتو براهو
لو فكر رجع .. نقبلبو ما بناباهو
فكر يا حصيف
يا اخوانا الرجوع اصبح حقيقة ضروري
كل الكتب مصرية .. طباعة تصميم سوري
حتى القطن امريكي وبرضو تفصيل سوري
وعمالة السودان .. تايواني .. صيني .. وكوري
شبه التعاريف
|
Post: #106
Title: Re: الجرح ما بنضف الا ينبرط
Author: محمد بهنس
Date: 12-11-2004, 01:54 AM
Parent: #104
آجنى والله تمام التمام ..لكن فرفور دي بالغتا فيها.محمود عبدالعزيز دا مالو عيبو لي,مادام سايب لي وردي وأبو السيد وخضر بشير.أهه ومن ناحية تانيه انت والله زول ظريف.وأنا عازمك شاي
|
Post: #107
Title: Re: الجرح ما بنضف الا ينبرط
Author: المسافر
Date: 12-11-2004, 05:35 AM
Parent: #106
الصالحين دروبكم حق خفت لي دياركم نوقي
ليلي هضاريب زبد ونهاري كلاليب جلد مخنوق
السم السرب في حشاي وفتت عظمي زي ماروق
ما ظنيت غير كي أم جفير يطرا له مروق
الكية البصيره كفيف
|
Post: #108
Title: Re: الجرح ما بنضف الا ينبرط
Author: وليد محمد المبارك
Date: 12-11-2004, 06:33 AM
Parent: #106
انت يا بهنس ما مركز معاي
وردي ده ما قلنا قبيل في الاول
وعليك الله قريب ده لاقيت بتاع حافلة فاتح وردي
تلفونك كتبتو واكيد حا اضرب ليك
لاكنك مستجد موبايلات
هاهاهاهاهاهاهاهاهاهاهاهاهاهاها
|
Post: #109
Title: Re: الجرح ما بنضف الا ينبرط
Author: محمد بهنس
Date: 12-11-2004, 10:41 AM
Parent: #108
]آخوي وردي شغال ليو 40 سنة ...في حافلة الروح.لسة راجيك ..انشالله ما ألقاك مستجد شاي..ولي بعدين
|
Post: #110
Title: شوق
Author: محمد بهنس
Date: 12-11-2004, 10:50 AM
Parent: #109
[ فاضلابي وتماضر انتو وين ياخلي / الموج في حياتكم كان يوطي يعلي / المسدار بلاكم تاه وشايفو مولي / أنشن في المحبه وحاشا انو تجلي / أظهرو بالعزيف
|
Post: #111
Title: Re: مسدار الخرطوم
Author: توما
Date: 12-11-2004, 11:26 AM
Parent: #1
يا وجع الشعر والكلمه ما بتنقدري
اقول يانفسي سوقي الروح امرقي واجري
ديل صعبين خلاص وماسكين اللجام من بدري
جابني الهمبريب من دون احس لا ادري
والنفس اللطيف
|
Post: #112
Title: Re: مسدار الخرطوم
Author: mohammed alfadla
Date: 12-11-2004, 12:29 PM
Parent: #1
حباب بهنس أخوي اليوم أغيب بطراني
ما قاصد أغيب إلا الظروف جابراني
ويا ود المبارك ما كفايا ضناني
قلبت المواجع يا حليل سوداني
أب قلبا نضيف
|
Post: #113
Title: Re: مسدار الخرطوم
Author: mohammed alfadla
Date: 12-11-2004, 12:30 PM
Parent: #112
السودان حبيبنا وما بنفوتو برانا
بس ياهو اللي كان ما فاضلا فيهو بكانة
خالية من البيخنق صوتنا وإيه معنانا
لو ما قلنا راينا وقلنا فيهو غنانا
والكل كان شفيف
|
Post: #114
Title: Re: مسدار الخرطوم
Author: mohammed alfadla
Date: 12-11-2004, 12:31 PM
Parent: #113
حيكومات بتاكل الشعب وتشرب دمو
ينومو علي بكاهو ويستريحو لي همو
ومن حق الضعيف جوة الخزاين يلمو
وما بيشبع أكول إنشا الله أكلو يسمو
العيفة التليف
|
Post: #115
Title: Re: مسدار الخرطوم
Author: mohammed alfadla
Date: 12-11-2004, 12:32 PM
Parent: #114
يا مبارك حكاية الغربة ياخي حكاية
ولو بإيدي ما أظن بمشي ليها برايا
ولو جمعت مال قارون ماهو كفاية
زي شاي مغربية وإنتو جمبي معايا
لكن الظروف
|
Post: #116
Title: Re: مسدار الخرطوم
Author: mohammed alfadla
Date: 12-11-2004, 12:33 PM
Parent: #115
يا نيل مغربية وزهرة جمبي قصادو
فيو طيرا مهاجر ليهو خلى بلادو
كان يملكني إحساس ما عرفت مرادو
إلا وقت هجرت تقول حواسي إزدادو
بحرا مالو قيف
|
Post: #117
Title: Re: مسدار الخرطوم
Author: mohammed alfadla
Date: 12-11-2004, 12:34 PM
Parent: #116
يوم سافرت قلت السفرة لي تعليم
عارف الغربة عيشتا بس ضني وتأليم
والقلب الصحيح في الغربة ببقى سقيم
لكن فيها ماشي وعندي رب هو رحيم
ورحمن رؤوف
|
Post: #118
Title: Re: مسدار الخرطوم
Author: mohammed alfadla
Date: 12-11-2004, 12:35 PM
Parent: #117
في الغربة الدروس ما بتنشرح لولاها
هم يلج النفوس يتمكنا ويملاها
واليد البتوجع كيف عرف ولواها
سبحان الخلق الدنيا من سواها
فكر فيها شوف
|
Post: #119
Title: Re: مسدار الخرطوم
Author: Ibrahim Algrefwi
Date: 12-12-2004, 00:34 AM
Parent: #1
خدرا وطويلة
فريع البان
جات تتنا كذا الدخان
تقول ما خالكا الله
تقول سوها الالمان
.....
.....
وتم اعدام هذا الشاعر لاسباب متعلقه بالارث
والثقافي للدخان في البلاد.!
تماضر , بهنس , محم , وليد
بوستيكم يبغر
|
Post: #120
Title: Re: مسدار الخرطوم
Author: محمد بهنس
Date: 12-12-2004, 11:05 AM
Parent: #119
ات هوي ياقرمبوز انت ماك نصيح / ألمان ايه بسوو البت جميله مليح؟ / بعدين البنات في كرري ماتن وأيح / دخيلي الله البنات اسلام يهود ومسيح / أهه الجنس اللطيف
|
Post: #121
Title: Re: مسدار الخرطوم
Author: محمد بهنس
Date: 12-12-2004, 11:15 AM
Parent: #120
محمد ود علي الفاضلابي راجلا يضاهي / بلدين نحن نشهد ليهو بالأمواهي / كرمو جميل وناجع الا بس كان ساهي / شيطان يختفي لو قلت بسم الله / زول فنان حريف
|
Post: #122
Title: Re: مسدار الخرطوم
Author: Tumadir
Date: 12-12-2004, 10:01 PM
Parent: #121
كان مابياكن اابى هدومى واجرى اطيش
ما سكنى الشغل ووراهو كسب العيش
اريت كان يبقى كسرة ..بفرة ودقيكا دريش
واريت نرجع ونسلم من حكومت الديش
من رتبة عريف
|
Post: #124
Title: جاوبونا يا مهاجرين
Author: وليد محمد المبارك
Date: 12-12-2004, 11:34 PM
Parent: #122
هل البلد ليو سيد؟! ... ورونا كان عارفين؟!
هل البعاد بيفيد ؟! ... عشان نطش فازين؟!
هل خلا نمرا صيد ؟! او يوم قنص وزين ؟!
هل لو شرتو بعيد ؟1 كل الحقوق حتبين ؟!
ظلم العباد حايقيف ؟!
|
Post: #123
Title: Re: مسدار الخرطوم
Author: Ibrahim Algrefwi
Date: 12-12-2004, 11:26 PM
Parent: #1
ده بوسط
ولا ناقة ده يا بهنوس
|
Post: #125
Title: ونرجع تاني
Author: وليد محمد المبارك
Date: 12-13-2004, 03:07 AM
Parent: #123
نرجع نحكي عن خرتوم.. نقول ونوصف
نكاوي البره كية ريد .. قوي ومتعسف
جمال خرتوم .. بكتب فيو اعبي واستف
ولو القول بضايق زول .. انا المتاسف
حد ماتقول بقيف
|
Post: #126
Title: Re: ونرجع تاني
Author: وليد محمد المبارك
Date: 12-13-2004, 03:09 AM
Parent: #125
لي بيت العرس او بيت سمايا مشينا
نضرب في اللحوم او نلعب الكشتينا
اماتنا الذنوبهم جت .. قطيعةً شينا
الشفع شكل .. من غير حقد وضغينا
الكل قليبو نضيف
البنوت ازغردن .. وخمجو الدلوكا
تطلب الشبال .. يآبن .. وما يدوكا
ترجع منكسف .. يحلفْن ما يخلوكا
تعيد الكره .. عاد سوى الدرب ساسوكا
شايل عصاية وسيف
العيد الصباح .. نادي المنادي .. وقال
" الله اكبر.. الله اكبر
لا الله الا الله
الله اكبر
الله اكبر
ولله الحمد"
لبسنا الجبه .. ربطنا العمه .. جدعنا الشال
مشينا على الصلاة .. انا والوِلِّيد والخال
دعانا العاافية من الله .. وستر الحال
والتوفيق حليف
دخلنا على البيوت .. ماشين تلاته تلاته
ندخل نمرق.. ابره في ايد مره وخياته
دعوات بالبنين .. الما عرست بسباته
نتقالد ونتعازم فطور .. ونحرم تلاته
على العدو والحليف
|
Post: #127
Title: Re: ونرجع تاني
Author: Tumadir
Date: 12-13-2004, 03:20 AM
Parent: #126
شوف ود المبارك وانفتاحتو الزايدة
قايل ما التقاليد.... زاتا ناقصة فايدة؟
امسك من لحوم تضرب(ها) فى كل عايدة
واحسب كم "مرة" و"خدامة" كانت قايدة
والراجل نضيف
|
Post: #128
Title: Re: ونرجع تاني
Author: Tumadir
Date: 12-13-2004, 03:25 AM
Parent: #127
تدخلو فى البيوت ماشين تلاتة تلاتة
وناس دارفور تشرد لى عشش فلاتة
الجاهل يجوع ماسكنو بالسكاتة
والمرضان يموت ..لا دمعه لا مخاتة
والعجب الخريف
|
Post: #129
Title: Re: ونرجع تاني
Author: وليد محمد المبارك
Date: 12-13-2004, 04:05 AM
Parent: #128
ما رديتي يا تماضر على السوالات ديل
هل البلد ليو سيد؟! ... ورونا كان عارفين؟!
هل البعاد بيفيد ؟! ... عشان نطش فازين؟!
هل خلا نمرا صيد ؟! او يوم قنص وزين ؟!
هل لو شرتو بعيد ؟1 كل الحقوق حتبين ؟!
ظلم العباد حايقيف ؟!
|
Post: #130
Title: Re: ونرجع تاني
Author: وليد محمد المبارك
Date: 12-13-2004, 06:20 AM
Parent: #129
ها كلام ساكت
تلقاك مشتاقا هسع لي حكيرة البنبر ونظيف الكمونيه بي عفتها
وراجلك واخوانك راقدين يشربو في الشربوت
تلقيها وين دي؟؟؟؟؟
الا في المنام
غايتو منى انا في عيد الضحية الا اصور ليك صحن المراره واختو ليك هنا عشان تتمطقى
وكيييييييييييييييييييييييه
|
Post: #131
Title: Re: ونرجع تاني
Author: وليد محمد المبارك
Date: 12-13-2004, 06:26 AM
Parent: #130
وليد دارفو؟!! .. انا الحالي.. قريب من حالو
انا الزيو .. انا الشبهو .. انا الحاسيها احوالو
دحين.. في ياتو دش وقناة .. سمعتيبا اخبارو
شاربين منو نفس الكاس .. كضب.. غير ده لو قالو
ولحاف ناساً قطيف !!!!
|
Post: #152
Title: Re: ونرجع تاني
Author: Rawia
Date: 12-14-2004, 01:05 PM
Parent: #129
Quote: هل البعاد بيفيد ؟! ... عشان نطش فازين؟!
|
وليد يا اخوي
البتسوا فوقو دا انا مابعرفو
لكن الاكيد عارفاهو البعاد مابفيد
واقعدوا قبلكم
اسجل اعجاب شديد بالبوست
وبكل المتداخلين
|
Post: #132
Title: Re: مسدار الخرطوم
Author: mohammed alfadla
Date: 12-13-2004, 08:47 AM
Parent: #1
ياود المبارك ما تكابر ساكت
كم سنة مرت هسع وإنت قاعد ساكت
شن سوت حكومة الشيخ وبعدو الظابط
قاعدين وإنت في العيد والجلاليب رابط
وعامل لي حريف
|
Post: #133
Title: Re: مسدار الخرطوم
Author: mohammed alfadla
Date: 12-13-2004, 08:47 AM
Parent: #1
وزي ما نحنا برة وإنت هسى تلومنا
بعاين ليك وشايف فيك نفس هدومنا
أمش دارفور ودافع إنت عن حرومنا
أو أمسك لسانك و نوم تمام زي نومنا
وما تصحي النزيف
|
Post: #134
Title: Re: مسدار الخرطوم
Author: محمد بهنس
Date: 12-13-2004, 11:19 AM
Parent: #133
ياخوانا أنا مدبرس والدوبيت طار لي..لأانو البوست ده فيهو صفحه كامله مفقودةالحصل شنو اله أعلم...وانا لله وانا اليه راجعون
|
Post: #135
Title: Re: مسدار الخرطوم
Author: mohammed alfadla
Date: 12-13-2004, 11:23 AM
Parent: #1
أصلك ما حتبقى زول
مفقودة شنو ا بهنس
الحكاية إنو تم تعديل في الموقع وبقت الصفحة أطول من زمان
كدي راجعو كان لقيت شي ناقص
|
Post: #136
Title: Re: مسدار الخرطوم
Author: محمد بهنس
Date: 12-13-2004, 11:52 AM
Parent: #135
آجنى والله لكن لقيتا فوقى....!!!!!والله صاح أنا ما زول هبرتجي..اتخيل كنت زعلان جدّّلااا حوووله!!!!!!!!!!!!!!!!!!!!!!!!!!!!!!!!!!!!!!!111يااخوانا هس الفاضلابي ضرب لي..........................زبعد سنتين سمعت صوتو..................شكرا بكري....شكرا أعضاء البورد فرحان انو سامع صوتك المهبوش زاتو / الفاضلابي سلطان البجو والفاتو / ولدا سكا غيمه وسكتو في خلجاتو / مرحب بيك ومرحب يا هو جنك زاتو / ياصاحبي الخريف
|
Post: #137
Title: Re: مسدار الخرطوم
Author: mohammed alfadla
Date: 12-13-2004, 12:02 PM
Parent: #136
يا بهنس حليلك ويا حليل لمتنا
زمن الدنيا طاعمة والشعر غيمتنا
دايما فيها سيرتك حتى في غربتنا
والخرطوم حليلا البي حنان ضمتنا
شتا وخريف وصيف
|
Post: #138
Title: Re: مسدار الخرطوم
Author: المسافر
Date: 12-13-2004, 03:14 PM
Parent: #137
ولاد أم عوة الليلة تورو البايتة
حجرو الحجرة وعقرو العنيزة الفايتة
حقرة وضفرة العوة قايمة وظايتة
وهينو فوق كومن الدنيا أصلها فايتة
وجابت وراها الحيف
|
Post: #139
Title: Re: مسدار الخرطوم
Author: وليد محمد المبارك
Date: 12-14-2004, 01:06 AM
Parent: #138
كفاي قاعد بدافع عن.. حريماً لِيلِي
اناوش حفنة العسكر.. ابيَت في الحبس ليلي
اشوف جاري الزغاوي ..احكيلو.. تفاصيلي
اكان بلفاالبلد شان ظالم.. يا حليلي
حالي صبح اسيف
ظاهر انو كلام اخوان ..اصبح مر كما العلقم
اشُر من الاسف فركه.. واكتب عزري ليك بالدم
اشاغلك تاني تب لالا .. اناديك للبلد حرم
بكرر اسفي يامحمد .. قبولك ليهو بتعشم
عن ها الحد بقيف
|
Post: #140
Title: Re: مسدار الخرطوم
Author: nazar hussien
Date: 12-14-2004, 02:08 AM
Parent: #139
يا محمد بهنس وفاضلابي والناس الرائغين الهنا كدي افتحوا لي الباب
مرسلاني ليكم تماضر...قالت اساعدكم في القطع اللخدر...وان ما فتحتو
الباب بنط بي الحيطة...واقطع ...اقطع ...لامن ايدي تبقق...وفي النهاية
البتدوني ليها بقبلا...باقي انا زولا محموووووووووووووووووووووووول...
|
Post: #141
Title: Re: مسدار الخرطوم
Author: المسافر
Date: 12-14-2004, 02:16 AM
Parent: #140
باكر يا حسن لازم تشوف ليك حل
لا لميت في النسيب لا بنيت ليك ضل
قسمة ونصيب طال حالك مبهدل
لا عدو لا حبيب بالحال ده بقبل
ولا حتى الموالف
|
Post: #142
Title: Re: مسدار الخرطوم
Author: Tumadir
Date: 12-14-2004, 02:53 AM
Parent: #141
Quote: متابعين مسداركم
من يوم نغ نغ وجارف
لمن صبح بحر تساب
عم ه البلود متسارف
طلوح بالقلوب بكى العيون
دماعاء يوت متزارف
سوى الوح وحيح
خلى الفكر متصارف
وفكرى دوام ضعيف
يابهنس اخوى وقف!!!
هاك منى ليك تطمينه
ويافطلابى (اِت) عندى ليك تسخينه
وبرضك ياتماضر
الفى بناتنا رزينة
قصدى (( ابُش)) شيطان شعركم فينا
يدور مايقيف
نعم السودان وطنا
واسموا هو معنانا
سودانيا ((صر)) السواد كحلانا
سمرة وخضراء
شرط الحياة الجامعانا
ولدت للون حريف
|
مرحبا بالمتسدرين الجدد....خاصة نزار الذى تم لزه لكم بواسطة سيادتنا...
وهذا المسدار منقول..وصلنى على الايميل من زول جبان عامل فيها خجلان لو ما جه هنا وقال سمو حاقولو انا وعلى وعلى اعدائى
|
Post: #143
Title: Re: مسدار الخرطوم
Author: المسافر
Date: 12-14-2004, 04:39 AM
Parent: #142
مسدار أم شديدة
هبّ الصعيد جاب الثقـال في سماها
يصب من تقيل غطى أم رهاب وسقاها
جلستنـا القبيل باقيـة كيف أنساهـا
أسرح في القديم والسارحة تبرا سقاها
*** *** ***
هبّ الصعيد جاب الثقـال من تالا
يصب من تقيل خلى أم رهاب سيالة
جلستنا القبيل ذكراهـا باقيـة موالاة
أسرح في القديم والسارحـة تبرا عقاله
*** *** ***
هبّ الصعيد جاب الثقـال تتبارى
يصب من تقيل خلى أم رهاب تبارة
جلستنا القبيل ذكراهـا باقيـة دوارة
أسرح في القديم والسارحـة تبرا مساره
*** *** ***
هب الصعيد جاب الثقـال منسابة
يصب من تقيل خلى أم رهاب روابة
جلستنا القبيل ذكراهـا باقيـة سحابة
أسرح في القديم والسارحـة تبرا ركابه
*** *** ***
هبّ الصعيد جاب الثقـال بتمامه
يصب من تقيل خلى أم رهاب جمامة
جلستنا القبيل ذكراهـا باقيـة مدامة
أسرح في القديم والسارحـة تبرا ذمامه
*** *** ***
هبّ الصعيد جاب الثقـال منساقة
يصب من تقيل فوق أم رهاب ساساقة
جلستنا القبيل ذكراهـا باقيـة مساقة
أسرح في القديم والسارحـة تبرا وثاقه
*** *** ***
هبّ الصعيد جاب الثقـال منصوبة
يصب من تقيل خلى أم رهاب في رطوبة
جلستنا القبيل ذكراهـا باقيـة خصوبة
أسرح في القديم والسارحـة تبرا دروبه
*** *** ***
هبّ الصعيد جاب الثقـال لبادة
يصب من تقيل خلى أم رهاب رقاده
جلستنا القبيل ذكراهـا باقيـة وقادة
أسرح في القديم والسارحـة تبرا أوتاده
*** *** ***
هبّ الصعيد جاب الثقـال من غادي
يصب من تقيل خلى أم رهاب زي وادي
جلستنا القبيل ذكراهـا مالية فـؤادي
أسرح في القديم والسارحـة تبرا قصادي
*** *** ***
هبّ الصعيد جاب الثقـال ملوية
يصب من تقيل خلى أم رهاب مروية
جلستنا القبيل ذكراهـا ما منسيـة
أسرح في القديم والسارحـة تبرا قصية
*** *** ***
هبّ الصعيد جاب الثقـال بكرية
يصب من تقيل خلى أم رهاب مطرية
جلستنا القبيل ذكراهـا باقية طريـة
أسرح في القديم والسارحـة تبرا ضريا
ما بتعرف الكتيف
|
Post: #144
Title: Re: مسدار الخرطوم
Author: وليد محمد المبارك
Date: 12-14-2004, 05:53 AM
Parent: #139
طنابير الفراق ضجت ..خربش هم.. زمن حالي
اللون صورتي بي حسك ..اشيل تيراب ..لامالي
اشف منك .. معاني الريد .. اذاكر باقي افعالي
اعيش باقي العمر واجب .. والاقيك في السماء العالي
ضل الريد وريييف
|
Post: #145
Title: Re: مسدار الخرطوم
Author: وليد محمد المبارك
Date: 12-14-2004, 05:56 AM
Parent: #144
يا بهنس ما عندك فرقك لي كباية شاي الليلة
اخوك زهجان وخرمان
ما تخاف خا اجيك براي ما معاي وزير الداخلية بتاعي وحرسو
|
Post: #146
Title: Re: مسدار الخرطوم
Author: مأمون التلب
Date: 12-14-2004, 06:06 AM
Parent: #1
يا اخوانا المشاكل شنو
ما كنا ماشين كويس ومتابعنكم
وبعدين وليد ده ما تزعلوهو
وبعدين ده شعر
ما تتشاكلوا لينا في الشعر علييييييكم الله
|
Post: #147
Title: Re: مسدار الخرطوم
Author: Tumadir
Date: 12-14-2004, 07:00 AM
Parent: #146
مامون التلب طلعت اجبن منو؟؟
خوفك بشنو؟؟
قع قع قع قع "حتى وقعت طاقيتها"
|
Post: #148
Title: Re: مسدار الخرطوم
Author: مأمون التلب
Date: 12-14-2004, 09:54 AM
Parent: #1
ازيك يا تماضر
مشتاقين
لكن انا خواف ؟؟؟؟
علييييييييييييييك الله البيسو فيهو بره في البورد ده
ما بيخوف
ديل عندهم شكل
لااااااااا حولا
خفت الجماعة يتاعدوا بيها بس
تحياتي
|
Post: #149
Title: Re: مسدار الخرطوم
Author: mohammed alfadla
Date: 12-14-2004, 12:47 PM
Parent: #1
وليد يا حمار بتزعل من أخوك.. مني
هسع إنت ما خجلان تقولي ياخي سامحني
أنا الزعلان لأنك زي نسيت إني
أخوك إن راضي وإن ماراضي طالعني
لأنو بقيت سخيف
|
Post: #150
Title: Re: مسدار الخرطوم
Author: mohammed alfadla
Date: 12-14-2004, 12:47 PM
Parent: #149
نقاش وبديتو وإتشاكلنا في نصو
كلام وإتقال ولأننا جد بنحسو
نحس بكل ما فيهو كأنو أمامنا بنمسو
وفي الآخر بنعرف قيمتو وإيه درسو
وما بيزعل حريف
|
Post: #151
Title: Re: مسدار الخرطوم
Author: mohammed alfadla
Date: 12-14-2004, 12:48 PM
Parent: #150
وليد ودالمبارك زول أخوي ضكران
وقت الحارة مابزوغ مني أخو أخوان
ومهموم بالبلد وبيوجعوا السودان
أشهد ليه راجل وجد ود أمدرمان
أها ياخ هسي كيف
|
Post: #153
Title: Re: مسدار الخرطوم
Author: nazar hussien
Date: 12-15-2004, 01:07 AM
Parent: #151
ترترب طفرت بالباب الصنط
فاضلابي هاج...كيفن... تنط
دارا مسودرة بالغناتقرأ وتفط
لازم نخوجل فيها لو عز السقوط
وحتي لو كان جانا زيف
|
Post: #154
Title: Re: مسدار الخرطوم
Author: صديق الموج
Date: 12-15-2004, 05:14 AM
Parent: #1
يلا يا شفع انبهلوا...عيوننا اذاننا ايادينا كلها انتظار
|
Post: #155
Title: Re: مسدار الخرطوم
Author: Mohammed Elhaj
Date: 12-15-2004, 05:32 AM
Parent: #1
سعيد جداً بطلتك محمد بهنس و حقيقة سمعت عنك كتير، من رجل جميل بقدرك جداً ، الاستاذ زهير المغربي، درسنا سوا في السودان و كان بيكتب عادة نصوص في البورد كتير منها كان نصوصك ، و كنت حقيقة بفتش ليها و لغاية هسي اتمنى اطلالتك دي تكون وعد بالشعر الجميل ....
و التحية للاستاذ زهير المغربي و اتمناه و اسرتو بخير
و لك جزيل الشعر
محمد
|
Post: #156
Title: Re: مسدار الخرطوم
Author: محمد بهنس
Date: 12-15-2004, 06:48 AM
Parent: #155
أخي محمد شكرا ليك كتير ويا أخي التحيات موصوله للمبدعزهير المغربي وأتمنى أن أراكما اللاثنين بخير ذات يوم انشاءالله ودمت.
|
Post: #157
Title: Re: مسدار الخرطوم
Author: سفيان بشير نابرى
Date: 12-15-2004, 07:31 AM
Parent: #156
اها... ازيكم كلكم...
رغم انو بهنس ده صاحبى ... ورغم انى متابع البوست ده من قولت (( تييت)) وكنت ما داير اخش فيهو الأ كمان لمن جابت استاذ زهير وكده انا لازم اخش...
ازيكم كلكم وكيفنكم...
ومشتاقين للناس الهنا فى السودان وللناس البرا..
لا حولاء شوق شديد ليكم!!!
اها يابهنس منى انا ليك اتلتل ليك استاذ زهير ده...
اتلتلو لمن اجيبوا هنا ده ......
وماتخاف بجيبوا فى ونسه زى دى واحد!!!!!!!!
ولحدى الوكت داك ارقدوا عافية...
واناطائف.... ها ها ها ها (طبعاً دى القفله))
سفيان
|
Post: #158
Title: Re: مسدار الخرطوم
Author: محمد بهنس
Date: 12-15-2004, 08:35 AM
Parent: #157
كيف يا أبو سفيان....تمام....زيازول جيب لينا زهير سريع وما يجينا فاضي..انشالله يخش المسادير بي ركشه
|
Post: #159
Title: حبيبي الفاضلابي
Author: وليد محمد المبارك
Date: 12-15-2004, 10:22 AM
Parent: #1
"رجلان تحابا في الله"
انا واحد منهم يالفاضلابي
نشوف التاني وين
اقول ليك سر
والله انا بريدك
يا بهنس شنو الطناش ده
ما قلنا ليك اعزمنا
ولا خلاص بقيت ما ظريف
|
Post: #160
Title: Re: حبيبي الفاضلابي
Author: محمد بهنس
Date: 12-16-2004, 02:33 AM
Parent: #159
العفو ياأخي ...بس أنا كان مأجراني ليك زكمه 4 يوم لي الليله ما عملت اخلاء.لكن بنشرب الشاي..انا بشرب و بالتوم كمان..بس أضرب لي..الجمعه المسا يكون ظريف.دا اذا أنا بقيت ماظريفاذا الجمعه المسا يكون ظريفواذا أنا ظريف اذا الجمعه المسا بكون ظريفأما اذا اتن قاصد انو انا ماظريف...بظردوفكوبرضو شنو....الجمعه المسا بكون ظريف
|
Post: #161
Title: وين يا تماضر
Author: محمد بهنس
Date: 12-16-2004, 02:53 AM
Parent: #160
وكايسه ياتماضر في القمر بيت ناصيه / جيرانك نعم مربوعنا لا النافيه / بس لو نلقىحب لونلقىأيام كافيه / نتمنى الحياة ف...قطعة أرض في العافيه / والحظ الحليف
|
Post: #162
Title: Re: وين يا تماضر
Author: Tumadir
Date: 12-16-2004, 04:09 AM
Parent: #161
شنو الماخالينى اطفش واسكن القمرة
سكان الارض سووها متل الجمرة
يات من كان رئيس عينيه صبحت حمرة
ويات من كان جميل..بقه خردة داير عمرة
والعجب العفيف
|
Post: #163
Title: Re: وين يا تماضر
Author: Tumadir
Date: 12-16-2004, 04:21 AM
Parent: #162
بمشى القمرة اسكن ما دايره لى ماهية
قانون الطفو........ بيوصلنى دون عربية
حبة بدل غدا.......وكبسولة بدل الشية
واشرب من بحر .. امواجهم الصوتية
فترنا من الرغيف
|
Post: #164
Title: Re: وين يا تماضر
Author: محمد بهنس
Date: 12-16-2004, 04:33 AM
Parent: #162
تنقهر الزهور يفضل رحيق الفاكره /B] تتجنح طيورلسماها تنظر شاكرة / في البا ل باقي مويه ولسه تسلم عاكرة /[ / B][B ما حلم الجميل من كل مافي الزاكره؟ / دمعات أو رفيف
|
Post: #165
Title: Re: وين يا تماضر
Author: وليد محمد المبارك
Date: 12-16-2004, 08:47 AM
Parent: #164
كتابييين للشعر .. ماليكم وماكنكم
لو ما كتبتو .. بخنقكم .. وبدفنكم
معجونين مويه حرف .. ولا الحرف عاجنكم
ساكنين بيت شعر .. ولا الشعر ساكنكم
احساسكم كثييييييف
|
Post: #166
Title: Re: وين يا تماضر
Author: وليد محمد المبارك
Date: 12-16-2004, 10:24 AM
Parent: #165
يا بهنس عاد ما تجيك زكمة كيف
ونخرتك الكبيره دي شفطت الجراثيم ما خلت ليها جرثومة
انشاء الله تيراب للشتاء الجاي
وكفارة يا زول
وبضرب ليك
|
Post: #167
Title: Re: وين يا تماضر
Author: وليد محمد المبارك
Date: 12-16-2004, 10:36 AM
Parent: #166
يا جماعة عجبني النشيد ده
سمعتا اولاد الروضة بغنو
قلتا ارفعو ليك تختو في مسداركم
انشاء الله بالجمبه كده
مع خالص تحياتي للفاضلابي
ـــــــــــــــــــــــــــ
يالقمره يالقمرة
كبي السنسنه الحمره
وشتتي نورك في الرملة
.....
خلي محمد يحجينا
وبالموسيقى يسلينا
....
الموسيقى تقول سلامات
ماما بتعمل في الشربات
....
الموسيقى تقول باي باي
ماما بتعمل فوق الشاي
....
الشربات والشاي لي مين
لي ناس نحنا المسافرين
مسافرين ماشين على وين
على السودان بلد الحلوين
.....
السودان بلد الحلوين
السودان بلد الحلوين
|
Post: #168
Title: Re: وين يا تماضر
Author: Tumadir
Date: 12-16-2004, 11:03 AM
Parent: #167
من اجل الاطفال
|
Post: #169
Title: Re: وين يا تماضر
Author: Tumadir
Date: 12-16-2004, 11:08 AM
Parent: #168
|
Post: #170
Title: Re: وين يا تماضر
Author: وليد محمد المبارك
Date: 12-16-2004, 11:13 AM
Parent: #168
الاطفال والكبار
|
Post: #171
Title: Re: وين يا تماضر
Author: Tumadir
Date: 12-16-2004, 11:16 AM
Parent: #170
|
Post: #172
Title: Re: وين يا تماضر
Author: وليد محمد المبارك
Date: 12-16-2004, 11:48 AM
Parent: #171
للاطفال بجدع ربعيه وبي حنية
عشاء كل يوم.. وغطا بطانية
مشوار المدرسة ..بالعربية
وفطور ساردين.. ما طعميه
وخور في الخريف
|
Post: #173
Title: Re: وين يا تماضر
Author: المسافر
Date: 12-17-2004, 03:47 AM
Parent: #172
في البال باقي موية من جدولا سرساف
يوم انهدل الجريد بان الأخضر السفاف
فوق برش السعف انقسم النهار انصاف
بين الرقراق زي وشم الطلح والشاف
وحي سواقي الريف
|
Post: #174
Title: Re: وين يا تماضر
Author: المسافر
Date: 12-17-2004, 04:16 AM
Parent: #173
في البال باقي موية من جدولا نديان
يوم انهدل الجريد حمل الرطب ألوان
فوق برش السعف انقسم النهار كيمان
بين الرقراق فوق صفحة لجينك بان
وحي النهر والقيف
|
Post: #175
Title: Re: وين يا تماضر
Author: وليد محمد المبارك
Date: 12-17-2004, 08:26 AM
Parent: #174
ختري يالمسافر
|
Post: #176
Title: دارفور
Author: وليد محمد المبارك
Date: 12-17-2004, 11:00 AM
Parent: #175
حي... قلبي انفطر ... دارفور
مع اختلاف في الاتجاه.. معاد الدور
ولا يهمك هي ما ساقية مصيرها تدور
وترجي فوق ..ونهتف ليك.. في يوم محضور
والحرب تقيف
|
Post: #177
Title: عن ليل
Author: محمد بهنس
Date: 12-17-2004, 11:00 AM
Parent: #175
ختت في المخده رويسها ختيت ياني / ريحة الجير وشقشقه لا بعيد لا داني / طفنا الكون شجن ورجعنا نضحك تاني / حلمنا صباحنا رقص ليلنا بالألحان.. / مدينة الليل ياريف
|
Post: #178
Title: Re: عن ليل
Author: وليد محمد المبارك
Date: 12-17-2004, 11:17 AM
Parent: #177
نص الليل .. شمس في النيل
مرقت مويتها تنقط شايله تقيل
سوال: تسوي شنو؟رد: بكوس في شليل
قمرا كان بكشف خلسه قال.. معاك دليل
الليل ما مخيف
|
Post: #179
Title: Re: عن ليل
Author: وليد محمد المبارك
Date: 12-17-2004, 11:32 AM
Parent: #178
يا بهنس
اعاين في البورد القاك رديت
افتشك في المتواجدين الان
ما الاقاك
انت قاعد تخش البورد ده في سرك ولا شنو
|
Post: #180
Title: Re: عن ليل
Author: محمد بهنس
Date: 12-17-2004, 11:42 AM
Parent: #178
ليل في ضل سحاب والضل تقيل بالحيل / مرت أبو القدح فيهو الحمام ياهديل / ليها النيل بينشف والتراب بيكيل / لوالريح مافي أصلا شجري برضو بميل / ..بالصمت العنيف
|
Post: #181
Title: Re: عن ليل
Author: محمد بهنس
Date: 12-17-2004, 12:04 PM
Parent: #180
وين يا وليد....أنا يا خوي بخش البورد حفيان عشان كدا ما في صوت...بخش شهوة شعر ومحبه لي مجتمع..مرة خشيت البورد بالرا
|
Post: #182
Title: Re: عن ليل
Author: وليد محمد المبارك
Date: 12-17-2004, 12:08 PM
Parent: #181
هاهاهاهاهاتاهاهاهاهاهاااااي هع هع عههعهعهع هع
را محل الشين
هي مع السلامة يازول بعد ده مرتي بطلقني
لي قدام
|
Post: #183
Title: Re: عن ليل
Author: munswor almophtah
Date: 12-17-2004, 06:40 PM
Parent: #182
امشى القمرة اسكنى
انشاءاللة سكنة هنية
وازرعي فيها منقة
وربليك قمرية
وادى الواطه نظره
انشاءاللة تبقي رخية
يالطيف يا ابواللطائف
|
Post: #184
Title: Re: عن ليل
Author: وليد محمد المبارك
Date: 12-18-2004, 11:26 AM
Parent: #183
اكتبي عن شبال ومَحَنه
انقشي في قلبي بالحِنه
بِتَكتِب هُس ..اقطعو الطَنه
اسمعو وجع القلم الانى
دماع الحروف
ذوب جليد اوسلو بي دِفِيه
بِرجع .. والنيل مُشتَهِيه
حاشا.. ما كذاب .. سَفِيه
عمران مكاناً ..انت فيه
فادكس الولوف
قاعد مَرَبَع ..في البلد
فنان.. ضَكران وود بلد
ترسم تخربش .. وليك غرض
ترجع حقوق .. الاتخرت
الناس تصفق ليك الوف
|
Post: #185
Title: Re: عن ليل
Author: munswor almophtah
Date: 12-18-2004, 11:39 AM
Parent: #184
الناس تصفق للغلط
والصاح سريع ابرا الظلط
يمرق هناك بلدا غلط
كل شئ فى غير موضعة
|
Post: #186
Title: Re: عن ليل
Author: وليد محمد المبارك
Date: 12-18-2004, 11:58 AM
Parent: #185
هوي يازول ما تحرش لينا بهنس ده
|
Post: #187
Title: Re: عن ليل
Author: munswor almophtah
Date: 12-18-2004, 12:38 PM
Parent: #186
اغريهاالسلام يا خلى
وحياة دينك
وحياة الودادالباقى
بينى وببنك
اجلس باحترام خلى
الحواجز بينك
واوعى يطير سهم من عينها
اقلع عينك
اضاير ما تتلبج
|
Post: #188
Title: Re: عن ليل
Author: munswor almophtah
Date: 12-19-2004, 02:48 PM
Parent: #187
ياالحايم هناك
شرك الغزال كاجنو
فازع منو جافل
وين بتهرب منو
قمرية دباسة ام حلفا مواسة
|
Post: #189
Title: Re: عن ليل
Author: Tumadir
Date: 12-19-2004, 04:18 PM
Parent: #188
بعد غيبة ساشحذ قريحتى "حبة" مسادير وارجع ليكم واهلا بمنصور المفتاح مسادر جديد
|
Post: #190
Title: Re: عن ليل
Author: المسافر
Date: 12-21-2004, 11:24 AM
Parent: #189
ليل وضل سحاب حارسين مروق النجمة
تتاوق من بعيـد فتـرت عليها البسمة
الخبر الأكيد غـار همي طـرد النسمة
خرتم بالي برسـن ضيع خياله ورسمة
ما بقي من باقيه وصف
|
Post: #191
Title: Re: عن ليل
Author: munswor almophtah
Date: 12-21-2004, 06:21 PM
Parent: #190
يا مسافر حليلك
وحليل نجيمك ضوا
وحليل بسمة شفاة
لمن تبق تطوا
مصارين القليب
لامتين اجيبن عوا
يا كافى كفيا كافى
|
Post: #192
Title: Re: عن ليل
Author: munswor almophtah
Date: 12-21-2004, 06:31 PM
Parent: #191
قال
يايوسف اخوي
قمت الصبح لأصلي
لاقاني العجب
من تاني
دور مدلي
بريبة عسين
ديسك سدر مدلي
فلة وشايلة فلة
وفي القلوب بتفلي
الغزالل مو دقش نصاح
|
Post: #193
Title: فوقق
Author: وليد محمد المبارك
Date: 12-22-2004, 08:22 AM
Parent: #1
فوق
|
Post: #194
Title: Re: فوقق
Author: المسافر
Date: 12-22-2004, 03:18 PM
Parent: #193
ليل وضل سحاب حالفين يزيدو العتمة
لازمنا القعاد لا خوف ضياع لا حشمة
الخبر الأكيد الحيرني نشـرو وكتمه
ضربوا في كم ضعف ناتجه يابى القسمة
ما بقي من باقيه نصف
|
Post: #195
Title: Re: فوقق
Author: munswor almophtah
Date: 12-22-2004, 06:11 PM
Parent: #194
نحن سيادة مانا بيادة
والقبل التمانية
نحن اسيادة
الجرح المغور
نحن لية عيادة
عن ساعة الكتال
شرطا تجينا زيادة
بتهدد الحوت بالغرق
|
Post: #196
Title: Re: فوقق
Author: Tumadir
Date: 12-22-2004, 06:25 PM
Parent: #195
..
|
Post: #197
Title: Re: فوقق
Author: munswor almophtah
Date: 12-22-2004, 06:58 PM
Parent: #196
يااخت الكرام شايفك مغردة طايرة
وشايف دقشك الموشين حريفة وثائرة
يا ام سارية هوشي الليلة قمرك عاليا
ختى السمتة يامهيرة الخلوق الحائرة
|
Post: #198
Title: Re: فوقق
Author: nazar hussien
Date: 12-23-2004, 00:15 AM
Parent: #197
المسدار عندكم سوقوه بشويش غادي
لي غبشا هناك تتسلي بي صوت رادي
ادخلو في بيوتهم و مرة زوروا النادي
تلقو البيت حزن والهم صبح فرّادي
بس همهم الخريف....
|
Post: #199
Title: Re: فوقق
Author: وليد محمد المبارك
Date: 12-23-2004, 00:43 AM
Parent: #198
يا نزار
همهم الخريف
والخروف
الضحية على الابواب والخروف عامل لينا هلع
|
Post: #200
Title: Re: فوقق
Author: nazar hussien
Date: 12-23-2004, 01:38 AM
Parent: #199
يا الوليد
الخروف ما بهمهم ساعنو من ضمن المراح
بضحو لو كان الفقر عشعش قصادهم واستراح
وهيلة الله يدّوها الفجر بي كل سرورهم وانشراح
الا البدن ساجاهو حمي..بلا حقن...سهران ينين حتي الصباح
اها الصحة كييييييف
|
Post: #201
Title: Re: فوقق
Author: وليد محمد المبارك
Date: 12-23-2004, 01:57 AM
Parent: #200
لينا الله انحنا.. نجيب قروش خروف من وين
لا لينا المراح.. ولا الملاح .. ولا السكين
لكن خروف... بشتري .. اكان بالدين
ما هلفوت .. ولا ضعفان .. خروف شحمان سمين
الصحة تييييييييف
|
Post: #202
Title: Re: فوقق
Author: munswor almophtah
Date: 12-23-2004, 10:53 PM
Parent: #201
العيد ياجناييت نفحاتة هبت جاتنا
في غفلة زمان لامتين طرينا اماتنا
شيات الجمر فواحة باعثة حياتنا
شطات العمر جمالا طق لهاتنا
|
Post: #203
Title: Re: فوقق
Author: المسافر
Date: 12-27-2004, 05:33 AM
Parent: #202
شناتيل بوع اليوم يفوت محريك
في فتشة نعال كعاباتا تبيت شربيك
كان قهرت عوارض في الفكر طاريك
بفوت الحارنة من عقلتي وأجيك
الرأي باقي تليف
|
Post: #204
Title: Re: فوقق
Author: munswor almophtah
Date: 12-27-2004, 08:54 AM
Parent: #203
اسياد نحلا قديم بالراي ننحل
وان زاد الحديث نبقالوا شركة شل
وقت القلب يفارق والكراع تنقل
بنعرج عليها انشاءاللة ترقد خل
الراي بي جرابو عند اللزوم
|
Post: #205
Title: Re: فوقق
Author: وليد محمد المبارك
Date: 12-27-2004, 09:09 AM
Parent: #204
هيع ... ما داير حلف نحنا الكرم اسيادو
الجود نحنا قبلو .. حاضرنو يوم ميلادو
اما اللطام فرسانو .. للبدور وقادو
ما بتنفع كترتو.. ولا بيحلو عتادو
والاخلاص ... ردوووم
|
Post: #206
Title: Re: فوقق
Author: المسافر
Date: 12-27-2004, 05:59 PM
Parent: #205
فوق فروع الشوق تتقلب الأنسام
طاب الهــوى للقلوب نهــام
بانت سواحل اليم تحير العـوام
لو غاب في العمق عساه يلقى مقام
لا طوف ولا مقاديف
|
Post: #207
Title: Re: فوقق
Author: munswor almophtah
Date: 12-27-2004, 07:56 PM
Parent: #206
مركب علا اللة
شرعاتا كجيناهن
ونسيمات العصير
فى الحكرة شميناهن
قاصدين الجزاير
امات بخت نحراهن
نقنص لى قماريهن
والحدي نختاهن
|
Post: #208
Title: Re: مسدار الخرطوم
Author: Ibrahim Algrefwi
Date: 12-28-2004, 05:30 AM
Parent: #1
أرفع هذا النشيد
عله يرفعني
ثم اين انت يا بهنس يا فنان
|
Post: #209
Title: Re: مسدار الخرطوم
Author: munswor almophtah
Date: 12-28-2004, 05:28 PM
Parent: #208
الجريفاوي الهميم
هاك السلام صادقين
وهاك الخير معاك
هاك رضاء الوالدين
جيت براحة جيت
رفعتو لينا اللين
نجبك بشويش نقول
لي مكرمك داعيين
قول آمين
|
Post: #210
Title: Re: مسدار الخرطوم
Author: munswor almophtah
Date: 12-30-2004, 01:40 PM
Parent: #209
مى حاجاجة مى لجاجة
فوق شرك التهم
هبارة مى ولاجة
فرع الخيدران
ام طلعة وجاجا
دى ام بيتا خريف
للجارة والمحتاجة
شن برضيها غير ألبل
جدية الباجا
ما برضيها غير ألبل
جدية الباجة
دحين دا مو لبن الطير
|
Post: #211
Title: Re: مسدار الخرطوم
Author: المسافر
Date: 12-30-2004, 05:12 PM
Parent: #210
قمر السبعتين في التمـام كيف وقفـو
بدرا مكمل شوفتو ما بتحيجك وصفـو
تمر الجناين والف ريحانو مارق عصفو
راقت بعد العكـار سلسبيـلا يصفـو
وحنت للوليف
|
Post: #212
Title: Re: مسدار الخرطوم
Author: munswor almophtah
Date: 12-30-2004, 08:19 PM
Parent: #211
قمر السبعتين
بقاق عيونو ودربو
در السبعتين
دفاق سنونو وبرقو
عسل الجنتين
نحلاتو سدا دربو
حجرنو الشهد
ضواقو عاد لى عقبو
البتيح في جروفو قارعين الناس تشوفو
|
Post: #213
Title: Re: مسدار الخرطوم
Author: المسافر
Date: 12-31-2004, 01:38 AM
Parent: #212
دار القمــر وإدلـى تالا الريــف
وحوحى الهمبريب لجلاجه هادي ظريف
طريت القنجرت ما بان لي منها طريف
حـل المهلة ان كنت في وقافي أقيـف
باقي الوقاف تسويف
|
Post: #214
Title: Re: مسدار الخرطوم
Author: munswor almophtah
Date: 12-31-2004, 11:58 AM
Parent: #213
شرفت وقلت شافت
كلبنامعانا
وانسندت على ساقن
رهيف بنيانا
شوف دخان الضحى
القالباهو فوق سيقانا
يامسافر الخير يمين
شبنا السفاهة كفانا
من يهدة الرحمن فهو المهتدي ويضل باللعنات من لا يرتضى
|
|