القنصل السودانى بلبنان :انتوا الجابكم البلد دي شنو ؟

الجالية السودانبة في لبنان مجتمع سوداني مصغر يفيض حيوية و نشاط ويقوم باعمال جليلة لا يستطيع اللبناني نفسه من انجازها دون مساعدة حقيقية من الزول .
ذهبت ذات يوم الي السفارة السودانية في لبنان جوار فندق البرستول بنجومه الخمس لتجديد جواز السفر ، احسن القنصل استقبالنا (يكفينا ابتسامة) بعد ونسة سودانية تقليدية ( انت من وين في السودان ؟ حسه ساكن وين ؟ و غيرها من اسئلة ) تجاورنا
مع بعض في منطقة اركويت( 47) المهم في الموضوع انه سالني باستياء بالغ ...
: انتوا الجابكم البلد دي شنو ؟
: لا اجاية عند حضرته يومئذ ، فقط مجاملة بعيدا عن السياسة ، تابطت اوراقي و خرجت ( مش دي سياسة بردو يا جماعة) ...
الشباب السوداني هرب من واقعه الذي عجز عن ان يوفر له ابسط سبل العيش الكريم ، فاسباب الخروج من عازتنا ربما تكون ضمن خصوصية كل علي حد ، لكن
في المحصلة يتوجز في الفقر ، البطالة ، التعليم ، امن ، و اثبات الوجود ( كعامل نفسي ) بالنسبة الي الذين استفذتهم استاثار فتية الجبهة الاسلامية با لدولار و الاصفر
و الدينار ... و باتالي تململ المجتمع السوداني الذي كان ثابت نسبيا من حيث ثقافته
في تعاطيه مع ظاهره الفقر ، تذكرون كيف كان يتعايش بساطه السوداني مع هذا مسمي فقرا ... فقد ارضعونا بان الفقر ليس عيبا ... او الناس في العروض ما بتيبانا
او الاعتداد بمثلوجيا .. فرح ود تكتوك ( كل يا كمي قبال فمي ) بمعني من اللذي اودى بفضائل شعبنا ، التكافل ، القناعة بالموجود ، التمدد قدر اللحاف ، وغيرها .
استفاقة مفاجئة لمجتمع كهذا علي ( فحيت )دواليب سيارات (ليلة علوي) الفارهة ،،،
المظللة (باسرارها) ولم يفت عبقرية العامة حين اسموها ( اراك ولا تراني ) تهكما
و الجلابيب ناصعة البياض مع شال اسماه الغبش من اهلي ب( عندي قروش تلاتة
ملايين ) كناية علي الخطوط الثلاثة التي يزين طرفه بالوان سوداء و زرقاء ، مع
موبايل معلوم يكون من الحجم الكبير لضرورة ان يراه فقراء القوم في مناسبات البكاء
و الافراح علي حد سواء .
اختلال مواذين القوي الاجتماعية بهذه الكيفية احدثت هزة ( خجة ) و ما عاد حماد في التنقاسي (قرية في الشمالية ) يكتفي بالماثور من حكمة الشايقية القائل ( ان نجح
للعسكرية و ان فشل للطوريه ) ، هناك خيار ثالث الان .
لم يعد حماد في وادي هور(دارزغاوة ) يطرد الابل و الجزو في صحراء الطينة الي
اتون العوينات و المالحة وليبيا ، وانما اصبح عضوا اصيلا في سوق ليبيا ام درمان
ولا يجدي الكشات بحقه .
استيقن حماد الشرق من عدم فلاحه مع مرعي لا تكاثر روؤس ابله ، وارض ينازعه
فيها المركبات ، المتهادية ، منها و المارقة كلمح البصر . فاناخ كلكل بعيره و ترجل
الي لبنان وبقاع كثير من ارض الله الواسعة .
وحماد ملكال ليس احسن حالا ان لم يك اسوءهم .. حرب طويلة لا منتصر فيها
ماساة مستمرة للقتل و التشريد و السبي والاستعباد ( باسم الدين ) ثم بصيص تفاؤل
بحجم السلام من الداخل - لم يتجاوز حافات النهر (كير) ... من جديد النداء الاثيري
لاستئناف القتال ( الا لويا ) وتعني الله اكبر ، باحدي لغات القبلئل النيلية .
كل هذا يحدث في بلد اسمه السودان و حماد هذه المرة يستمع الي ( المزياع ) محطة
ال ب ب سي ، برنامج ( المقهي الاكتروني ) وهو لتوه انهي كفاحه مع الكدنكا ،،
وتعني اداه لتهذيب الارض لزراعته ، تسمي طوريه او جلمويه في جهات اخري من
السودان الواسع ، الغني بتعابيره ، اللغوية ، ثقافية ، و تمايز حضاري .يستمع حماد
الي المزياع ولم يكد يصدق , يتلفت حوله ، ولا شي يتغير ، الابو عشرين ، الكنار
القرية ( يسكنه الفلاحين من اهل الجزيرة ) ، الكمبو ( قرية يقطنها الغرابة ) * يرتفع
ثغاء اغنام القرية في هكذا وقت كل مساء ، لا جديد فقد مل حماد ...................
فقد اعطي جده لمصانع هنكشير كل جهده ، وشمر والده الساعد ليملا به جيوب بني
السودان من حكام الخرطوم ،والان هو ، لا مل حماد وسافر الي لبنان ..
فشل الجميع في ان يردوا بعض من جمايل حماد اليه .....
*
قرية يقطنها عبيد الارض من فلاحين اصولهم من غرب السودان ولا يوجد ابسط
الحاجات الانسانية فيها ، وقد نعود لاثارتها عبر هذا البورد .
حجر الزغاوي / بيروت

ما كنت تسالو ،، انت زاتك الجابك هنا شنو؟

مصيرنا نعود .. من تانى
و إحنا الجابنا هنا كلنا شنو ؟؟؟

تركناوالدينا و أبنائنا ... حتى ايامنا و أحلامنا
فهل تنتظرينا ياسودان كما نحلم بلقياك أم هو البعد و من بعده الجفاء .

هنالك طريق واحد للخروج من هذا المأزق الا وهو الكفاح المسلح ضد هذه الطغمة الحاكمة. ولا اقليم واحد يتحرك بل كل الاقاليم عليها ان تتحرك نحو العاصمة بالسلاح والا على سوداننا العوض .
من يوهم نفسه بان السلام قادم هذه اكذوبه كبرى لن يكون هنالك سلام مادام هذه العصابه موجوده


نصر الدين حسين

كنت تقول ليهو لو ماكنا نحن فى لبنان

ماكان حيكون فى سفارة من أصلو 000000

لأنه انتوا عينوكم عشان تخدمونا 000 سبحان الله

أولا : وجود السودانيين فى لبنان ومعاملة اللبنانيين لهم دى قصة وموال طويل ومؤلم ، أما وجود سفارة سودانية وتعامل دبلوماسى هناك فذاك أمر لايصدق .. وهو أغرب من الخيال .. وبعدين حضرة القرصان ده أقصد (القنصل) طالما إنه ده كلامه!! طيب هو موجود هناك ليه ؟

تحياتي

لكل البورداب الذين تضامنوا

مع هذه القضية الكبرى

ولكل السودانين الاحرار والشرفاء

الذين اضطرتهم ظروف الحياة للهجرة في

ارض الله الواسعة

ونظرا لاعتزازهم بكرامتهم ومبادئهم وتقاليدهم

وتمسكهم بها لم يستطيع البعض منهم ان يتكيفوا

مع عالم مادي متتطرف متعجرف عنصري

فاصبحوا يتعرضون لقساوة هذه المجتمعات

لا لشيء الا لما سبق وللونهم الاسود

ولم ييعلم هؤلاء ان سمرتنا وسوادنا من لهيب نار الشهامة

ومن هم اللبنانيون حتى يعاملوا ابنائنا بهذه

الطريقة البشعة ويتركوهم بكابدون عذابات الالم ليموتوا

على ارضيات مستشفياتهم القذرة.

لم يكن الالزم والاجدر منهم ان يتعلموا من هذا

القادم الاسود الرجولة والشهامة والعروبة

وان يحمدوا ربهم مليون مرة لانه ارسل اليهم

هذا النموذج الطيب من البشر

ولكن لا اقول غير حسبي الله ونعم الوكيل

الى مراسلنا ببيروت
والله انا زعلان منك زعل شديد خلاص لأنه(الغنسل)مش هو اسمه كده برضه؟ لماسألك انتو اصلو الجابكم هنا شنو ؟ كان من المفترض ان ترد وتقول ليه الحقيقة ياشيخنا(ودى مهمةجدا)اصلو انا والمدام جايين بيروت للأحتفال بعيد زواجنالأنه شهر العسل كنا قضيناه هنا فى لبنان فقلنا نعيد الذكريات ونجدد الححب بيناتنا وجبنا معانا كمان اطفالنا عشان نشوف ليهم طريقة summer course بدل مايضيعوا الصيف فى اوروبا ساكت.
يامراسلنا فى بيروت..كان غالبك تقول ليه الكلام دة بدل ماتطلع من مكتبه ووشك يلعن قفاك؟
ودمتم

اخويه يا قلقو ...
بالمناسبة فكرت اتريع ليه كده .. بس كمان خفت
لو قلت ليه كمان يشعبت فيني و يقول لية ما شهر
العسل دي بدعة و كل بدعة .. ( انت ماك عارف باقي الحكاية؟؟ )
كمان يقول الاولاد ديل ما تنفع معاهم الكورس .. لازم تعلموهم ..
ركوب ال.......................... وحاتك تكملها.
عشنا بملل من ديل ، ومن قولا مكرور ، ما ليها طعمة .
بس علي قولتك ال ..( غنسل ) حالف يزوعنا ليها
تحياتي لك

Salaamat a Naas
As Ustaz Nasr Eddin Hussein said ,we have to unite all Sudanese Northerners Westerners,Easterners and Southerners and get our weapons, to fight back the BLOODY dictator in Sudan and there is NO any solution, but OVERTHROW the rigime in Sudan . Who is going to bring PEACE,Democracy,Justice, Human Rights and get us our DIGNITY ,and our IDENTITY as SUSANESE??? Is it the NIF???Or our GREAT Sudanese-Unity??.Alassssssss
Why in the first place they contacted the Sudanese consulant in Leban?.Alasss
Intu alwadakun shinno lilhommar dak?...Alas
There is no any kind of policy,that demanded to go to the Sudanese consulant to ask for help whatsoever!!!.Ø
Ya Ustaz Nasr Eddin Allah yansor dinnak
Salaam
Wad el-Hussein

عايزين الأقاليم تحارب وإنتو تلقوها جاهزة بعدين؟ أرجعوا السودان وحاربوا معاهم

القناصل ديل في المهجر لهم حكاوي
في الرياض ذهب قريبي ليضيف طفله الجديد لجواز زوجته الطبيبه
وطبعاً بدأت رحلة تسول الدبلوماسيين
تدفع ضرائب زوجتك ما بدفع وكدا يعني
ويقوم القنصل يهدد الراجل ويتوعده ! وين أكيد ما في الرياض
ويغفل الراجل ويخطف الجواز من ايدو
صورة زاهية لدبلوماسية الزمن دا
بالله دي يعملها طفل
خلي دبلوماسي
سؤالي الدبلوماسيين ديل الجابهم منو ؟
وماذا يتوقع منهم ؟

اللبنانيين الخولات ديل لفوا العالم كلو في زول طردم؟
عجبي!!!!!!!!!!!!!!!!!!!!!!!!!!!!!!!!!!!!!!!!!

والله يا بختكم يا أبو جهينة انتو لقيتو زول رسل ليكم الحاجات دي نحن والله السنة دي فتحو لينا عديل والله حتى التجاري ما لقيناهو عشان كدا لجأنا لطرق آخرى للحصول على الحلو مر وغيره من ملحقات رمضان المهمة حتى آبري غبيرة التجاري التعبان دا ما خليناهو لكن بس موية مطره بلا مطره الله يصيرنا لي رمضان الجاي والجايت اكثر بس قبل كدا نسأل الكريم بوجهه العظيم ان يبلغنا رمضان القادم كما بلغنا رمضان هذا وبالله التوفيق ولنا عودة قبل العيد انشاء الله

ود العمدة / وليد