Post: #4 Title: Re: هالة دهب ( غلطة ) كبيرة والله !! Author: دينا خالد Date: 08-16-2012, 06:12 PM Parent: #2
الله يرحمك يا وردى ... ما كان يخ اف فى الحق لومة لائم ... سألوه عن اجازة صوت عبد الوهاب ابنه ... فى الاذاعة .. ابتسم ابتسامة لاذعة قال ليهم الاجاز صوت عبد الوهاب دا مرتشى ...
ــــــــــــــــــــــــــــ نايس تراى يا هلول رغم حلفاويتك البادية فى الاسم وفى اللكنه ... غلطة كانت غرامى ليك و لا بيك ؟؟ لخبتينا ذاتو !!!
Quote: الله يرحمك يا وردى ... ما كان يخاف فى الحق لومة لائم ... سألوه عن اجازة صوت عبد الوهاب ابنه ... فى الاذاعة .. ابتسم ابتسامة لاذعة قال ليهم الاجاز صوت عبد الوهاب دا مرتشى ...
يكون عشان كده زعلان منو .. العكّات الحاصلة في المهرجانات الاتعملت لي وردي دي كلها هو واقف ورا الفرقة المصاحبة فيها
مرة شذى عبد الله ومرة هالة دهب ومرة شكر الله خلف الله وهلمّ .....
خايفاهو بكرة يجيب حنان بلولو تغني أرحل
Post: #5 Title: Re: هالة دهب ( غلطة ) كبيرة والله !! Author: دينا خالد Date: 08-16-2012, 06:17 PM Parent: #2
أغنية يتهيب أداءها أعتى الفنانين ..تحتاج لصوت مهول ..
التحية و التقدير لليافعة هاله آخر عنقود ممتد من الإبداع بداية بكبير البيت الموسيقار أشرف دهب أحد مبدعى ساورا القدامى و مروراً بالمبدع زرياب دهب و أخيراً هالة ..
أبداً .. في الأغنيات التي غنت فيها بدون عناء.. هالة دهب كان صوتها اجمل ..
Post: #7 Title: Re: هالة دهب ( غلطة ) كبيرة والله !! Author: Elmosley Date: 08-16-2012, 06:34 PM Parent: #1
مقام الأغنية كان يحتاج الى رفعه نصف تون أو ربما تون واحد وكان تغنيها زي السكر حاولت ولها نشكر المحاوله بالمناسبة الخطأ في اختيار المقام يقع فيه حتى كبار الفنانين
بالضبط زى ما قال أستاذ موصلى ... قربت أكتب الكلام دا لأنو كان واضح جداً إنها تعبانة فى القرار.. سلم زى الإختارتو دا إلا المرحوم أبو داوود رحمة الله عليه (وش مطلع لسانو يا هالة دهب لو بتقرى الموضوع دا) بس تانى قلت عيب .. لا يفتى و مالك فى المدينة .. كنت متأكد من مشاركة موصلى ما عارف ليه ؟ ..
تحياتى لصديقى العزيز أسامة على يا أستاذ موصلى و كل عام و الجميع بخير ...
Post: #23 Title: Re: هالة دهب ( غلطة ) كبيرة والله !! Author: Elmosley Date: 08-16-2012, 10:52 PM Parent: #13
Quote: و إنتى بألف خير أخت عبير و ربنا يحقق الأمانى ..
بالضبط زى ما قال أستاذ موصلى ... قربت أكتب الكلام دا لأنو كان واضح جداً إنها تعبانة فى القرار.. سلم زى الإختارتو دا إلا المرحوم أبو داوود رحمة الله عليه (وش مطلع لسانو يا هالة دهب لو بتقرى الموضوع دا) بس تانى قلت عيب .. لا يفتى و مالك فى المدينة .. كنت متأكد من مشاركة موصلى ما عارف ليه ؟ ..
تحياتى لصديقى العزيز أسامة على يا أستاذ موصلى و كل عام و الجميع بخير .
سلامك يبلغ لاسامه الخطير اما بخصوص هاله دهب ورآي الموصلي ف كلم دينا كلم دينا كلم دينا كلم دينا كلم دينا كلم ديناكلم دينا كلم دينا كلم ديناكلم دينا كلم دينا كلم دينا عبير هينه
Post: #15 Title: Re: هالة دهب ( غلطة ) كبيرة والله !! Author: محمد مكى محمد Date: 08-16-2012, 07:30 PM Parent: #12
كل سنة والجميع بالف خير ملاحظة فنية صغيرة ، عشان ما نظلم الشابة الواعده دى، ( خنقوها فى السلم) ، منخفض لدرجة كبيره ولايتناسب مع صوتها إطلاقاً. أتمنى لها كل التقدم ، وعليها إختيار السلم المناسب لأداء أغانيها . وعيد سعيد على الجميع.
Post: #25 Title: Re: هالة دهب ( غلطة ) كبيرة والله !! Author: Elmosley Date: 08-16-2012, 11:04 PM Parent: #15
Quote: كل سنة والجميع بالف خير ملاحظة فنية صغيرة ، عشان ما نظلم الشابة الواعده دى، ( خنقوها فى السلم) ، منخفض لدرجة كبيره ولايتناسب مع صوتها إطلاقاً. أتمنى لها كل التقدم ، وعليها إختيار السلم المناسب لأداء أغانيها . وعيد سعيد على الجميع
هسع عليك الله يادينا كم زول اوحو ليك تهبشي راسك مع تحياتي ومحبتي واحترامي
Post: #14 Title: Re: هالة دهب ( غلطة ) كبيرة والله !! Author: دينا خالد Date: 08-16-2012, 07:28 PM Parent: #7
Quote: مقام الأغنية كان يحتاج الى رفعه نصف تون أو ربما تون واحد وكان تغنيها زي السكر
والله يا استاذ الموصلى اتارى عمر الفاروق ما خاتى عليك ! لووووووووب . ولكل مقام مقال دى فى المزيكا برضو ؟... الحاجة البعرفها لو حضرا وردى كان انتحر ...
ـــــــــــــــــــــــ لكن اجر المحاولة دا فى اسبارك ستى ؟ ووسط جمهور قدر دا ؟؟ ما كانت تتناولوا بعيد بعيد غايتو ياااااا عبير يوم بتطقك عقرب !
Post: #16 Title: Re: هالة دهب ( غلطة ) كبيرة والله !! Author: الرفاعي عبدالعاطي حجر Date: 08-16-2012, 08:32 PM Parent: #14
ليس مثل وردي إلا هو وليس مثله مغني ولو تغنى الجميع .
Post: #17 Title: Re: هالة دهب ( غلطة ) كبيرة والله !! Author: Elmosley Date: 08-16-2012, 08:58 PM Parent: #14
Quote: Quote: مقام الأغنية كان يحتاج الى رفعه نصف تون أو ربما تون واحد وكان تغنيها زي السكر
-----------------------------------
والله يا استاذ الموصلى اتارى عمر الفاروق ما خاتى عليك ! لووووووووب . ولكل مقام مقال دى فى المزيكا برضو ؟... الحاجة البعرفها لو حضرا وردى كان انتحر ...
دينا كل سنه وانتي طيبه الكلام الفوق كلامك ده انتو مابتعرفوه عشان كده ليكم العذر
Post: #18 Title: Re: هالة دهب ( غلطة ) كبيرة والله !! Author: دينا خالد Date: 08-16-2012, 09:47 PM Parent: #17
صدقت يا استاذ موصلى نحن التون والسلم .. والنوته .. واللاذى منو ما بنعرفو لكن السمع الواااااحد دا ما بنعرفو ؟؟؟؟ خلاص خلى الفنانين يكتفوا بالغناء للخمسة خريجين معهد الموسيقى مصدعننا نحن الما بنعرف ديل ياقول حسن موسى فوق كم ؟؟
ـــــــــــــــــــــ وردى بعرف يغنى ... عرفناهو كيف ياربى ؟؟ بدون ما نعرف نص ولا زيادة !! هسه انت العارف بالمزيكا قلبه وعدله قلت ما عرفتو محتاج نص ولا واحد كامل !! ولا مزيود مويه .. فى كوجين اكتر من دا ؟
Post: #19 Title: Re: هالة دهب ( غلطة ) كبيرة والله !! Author: mansur ali Date: 08-16-2012, 10:18 PM Parent: #18
يا دينا انت دايرة اجابة الموصلي تكون كيف يعني ؟ حسب السمع والذائقة وكدا مثلا، ما لازم يشوف مبعث الاختلال فى الاداء ، وللا مش كدا ؟ أما تقاصيل التونة وطبيعة السلم، فدي تدخل فى أطار ما يسميه المتصوفة ( الامام الغزالي تحديداً) "المضنون به على غير اهل العلم". *** وسلام للجميع
Post: #20 Title: Re: هالة دهب ( غلطة ) كبيرة والله !! Author: جمال السنوسي Date: 08-16-2012, 10:40 PM Parent: #19
Post: #30 Title: Re: هالة دهب ( غلطة ) كبيرة والله !! Author: عبير خيرى Date: 08-17-2012, 05:17 AM Parent: #20
.
جمال السنوسي كل سنة وانت طيب
اسمع الزول ده ووريني رايك
Post: #45 Title: Re: هالة دهب ( غلطة ) كبيرة والله !! Author: Elmosley Date: 08-17-2012, 12:05 PM Parent: #30
وليه قلتي لينا الزول ده طريقة عزفه تشبه عاطف انيس وصوته بين مصطفى وعاطف المهم آن الاداء يعبر عن شخصيه مستقله وليس تقليد لوردي وهذا مطلوب ---- ان كان آحدا غيرهما فله الود والتقدير كما لهما
Post: #24 Title: Re: هالة دهب ( غلطة ) كبيرة والله !! Author: Elmosley Date: 08-16-2012, 11:01 PM Parent: #19
Quote: يا دينا انت دايرة اجابة الموصلي تكون كيف يعني ؟ حسب السمع والذائقة وكدا مثلا، ما لازم يشوف مبعث الاختلال فى الاداء ، وللا مش كدا ؟ أما تقاصيل التونة وطبيعة السلم، فدي تدخل فى أطار ما يسميه المتصوفة ( الامام الغزالي تحديداً) "المضنون به على غير اهل العلم". *** وسلام للجميع
تسلم منصور علي فقد كلمت دينا كلمت دينا كلمت دينا كلمت دينا كلمت دينا كلمت دينا كلمت دينا كلمت دينا كلمت دينا كلمت دينا كلمت دينا كلمت دينا كلمت دينا كلمت دينا آما عبير فامرها ليس بالصعب
Post: #21 Title: Re: هالة دهب ( غلطة ) كبيرة والله !! Author: Elmosley Date: 08-16-2012, 10:45 PM Parent: #18
Quote: صدقت يا استاذ موصلى نحن التون والسلم .. والنوته .. واللاذى منو ما بنعرفو لكن السمع الواااااحد دا ما بنعرفو ؟؟؟؟ خلاص خلى الفنانين يكتفوا بالغناء للخمسة خريجين معهد الموسيقى مصدعننا نحن الما بنعرف ديل ياقول حسن موسى فوق كم ؟؟
ـــــــــــــــــــــ وردى بعرف يغنى ... عرفناهو كيف ياربى ؟؟ بدون ما نعرف نص ولا زيادة !! هسه انت العارف بالمزيكا قلبه وعدله قلت ما عرفتو محتاج نص ولا واحد كامل !! ولا مزيود مويه .. فى كوجين اكتر من دا ؟
بعرفو ذاتو وردي الله يرحمو وبالمناسبه انا كان عندي اول اغنيه لوردي لو سمعتيهو وقتها لقلتي ان هاله احسن لمن مسك السكه وبقى سيد الغنا ومالك قراره اها ان شاء الله يكون وقع ليك كلامي
Post: #26 Title: Re: هالة دهب ( غلطة ) كبيرة والله !! Author: محمد زكريا Date: 08-16-2012, 11:11 PM Parent: #21
لا تظلموها انها انسانة فنانة بالفطرة وتحتاج الى مزيد من صقل التجربة فهى قد نشأت فى اسرة فنيه اشقائها اشرف دهب كان عازف اورغ مبدع فى مجموعة ساورا وموسيقياً يؤلف ويلحن ويوزع حالياً عازف بيز وزرياب دهب مؤلف وموزع موسيقى وعازف موهوب وله بصماته ابداعيه وموهبة واضحه اول مرة استمعت الى هالة قبل حوالى 4 سنين فى محاولات غنائية مع اشقائها اعتقد واتفق مع الزملاء فى عدم توفق عبدالوهاب فى اختيار السلم الموسيقى المناسب لنوعية ودرجة مدى صوتها فقط استمعوا اليها فى هذه التجربة مع اشقائها حيث توفقت فى السلم المناسب وطبيعة صوتها
هالة دهب بعد عزاز علينا أحسن تقرّط علي كده ولو عايزة تمشي لي قدام لازم تثقف نفسها موسيقياً
Post: #28 Title: Re: هالة دهب ( غلطة ) كبيرة والله !! Author: Yassir Tayfour Date: 08-17-2012, 01:01 AM Parent: #27
عمر عشاري شايفّك تتأمّل، وين بقية العَوَام ؟ ؛)
Post: #33 Title: Re: هالة دهب ( غلطة ) كبيرة والله !! Author: عبير خيرى Date: 08-17-2012, 05:28 AM Parent: #27
.
حبيب نورا ازيك وكل سنة وانت طيب
مليون ترليون لايك
Post: #29 Title: Re: هالة دهب ( غلطة ) كبيرة والله !! Author: Elmosley Date: 08-17-2012, 03:29 AM Parent: #26
Quote: لا تظلموها انها انسانة فنانة بالفطرة وتحتاج الى مزيد من صقل التجربة فهى قد نشأت فى اسرة فنيه اشقائها اشرف دهب كان عازف اورغ مبدع فى مجموعة ساورا وموسيقياً يؤلف ويلحن ويوزع حالياً عازف بيز وزرياب دهب مؤلف وموزع موسيقى وعازف موهوب وله بصماته ابداعيه وموهبة واضحه اول مرة استمعت الى هالة قبل حوالى 4 سنين فى محاولات غنائية مع اشقائها اعتقد واتفق مع الزملاء فى عدم توفق عبدالوهاب فى اختيار السلم الموسيقى المناسب لنوعية ودرجة مدى صوتها فقط استمعوا اليها فى هذه التجربة مع اشقائها حيث توفقت فى السلم المناسب وطبيعة صوتها
شكرا محمد زكريا زميلنا الموسيقي الجميل لاحظ هنا بتغني في مقام مريح وباسلوب سلس ومنساب ومبتسمه حتى ووالله انا لمن تحدثت عن المقام لم آكن آعرف من اختاره لها ولكنها قد تكون الزحمه والعجاله واحيانا قد يكون المقام الموسيقي المطلوب صعب جدا على الوتريات فتم الاختيار الآسهل -----------------
تذكرت آن هذه الاغنيه انزلها صديقي عمر الفاروق هنا وكده يا دينا وحصل بيناتنا حوار حولها يا آخوانا الفنان الصاعد لايحكم له آو عليه باغنيتين الفنان يقاس على مدى طويل من العطاء ويتم تشجيعه في بداياته
ولكن هذا البوست العبيري الراقي هديه لهاله دهب وتحيه لكل المشاركين وعلى رآسهم دينا طبعا فكل كلام قيل هنا من مصلحة هاله
Post: #34 Title: Re: هالة دهب ( غلطة ) كبيرة والله !! Author: عبير خيرى Date: 08-17-2012, 05:31 AM Parent: #29
.
غايتو يا استاذ موصلي انا اها سكت أقدر على دندون
واسمع الزول النزلتو فوق ده وقول لينا رايك شنو
Post: #47 Title: Re: هالة دهب ( غلطة ) كبيرة والله !! Author: Elmosley Date: 08-17-2012, 08:47 PM
Quote: .
غايتو يا استاذ موصلي انا اها سكت أقدر على دندون
واسمع الزول النزلتو فوق ده وقول لينا رايك شنو
طالما آن العبير لم يتوقف عن الوشوشة فان التعامل مع الدندنة سهل القياد
Post: #32 Title: Re: هالة دهب ( غلطة ) كبيرة والله !! Author: عبير خيرى Date: 08-17-2012, 05:26 AM Parent: #26
.
محمد زكريا ازيك وكل سنة وانت طيب
انا غايتو ما ظلمتها وكتبت فوق انو الاغاني الغنتها وهي مرتاحة في الصوت كانت جميلة والآداء احسن مليون مرة من (غلطة)
شكرا على مرورك
Post: #35 Title: Re: هالة دهب ( غلطة ) كبيرة والله !! Author: عبير خيرى Date: 08-17-2012, 05:38 AM Parent: #14
.
Quote: غايتو ياااااا عبير يوم بتطقك عقرب !
يا دندون البحيت ده ما لازم منو لكن ، في حاجات كده ما بتسكت عليها
Post: #36 Title: Re: هالة دهب ( غلطة ) كبيرة والله !! Author: دينا خالد Date: 08-17-2012, 07:39 AM Parent: #35
استاذنا الموصلى ما تزعل ياخ .. نحن بنعاملك هنا كفرده وكدا صديق كريم واخ كريم ... وبعجبنى جدا تواضعك ومناقشتك لينا بى طول بال تحسد عليه ودا كلو وعارفين قيمتك كويس والله .. ما ذى بقولوا ليك ناس كتار انك تتوقف عن الكتابة معانا ... ياخ اجيك من الاخر نحن حابين حركتك دى جدا ومع وافر الاحترام كمان ...
اها يا عزيز انت بتنقد بعلمك وبحر معرفتك ونحن كلامك وان ناكفناك مااااا بنرمى البحر ... يعنى انت ما مفروض تقول لى ما تستعملى ادواتك (اللهى السمع والذائقه الفطرية بتاعتى ما عندى غيرهم ) فى نقد الغنا ... ذى ما انا ما بقول ليك ما تستخدم ادواتك (العلميه ) استخدم ادواتى انا ...
منصور على !! مشتاقين ياخ ... والله مشتاقين ... انت لسه لابد بتبحت فى البحترى والزمخشرى والكتب المعتته دى ؟؟ بتجييك ازمة ... الناس ديل بكتلوك انت ليه ما عايز تقتنع انك بتفكر وبتكتب احسن منهم .... ادوات الموصلى ماعندنا فيها راى ... لكن الفيهو عرفناها لووووووووووووب داير يقول لينا يا تعرفو تقيسوا بالبتاعة القالها دى يا ما تتكلمو ؟؟
ـــــــــــــــــــــــــ بالمناسبة دا ما حكم على البت دى ولا بعرفها دا حكم على ادائها لاغنية وردى .. فى عزاز علينا جميله مافى كلام ... عبير الولد الجبتيهو تهتا تهتا تهتا دا برضو تاه عليه اللحن ... امسكوا فى كلام السنوسى دا قوى ...
Post: #43 Title: Re: هالة دهب ( غلطة ) كبيرة والله !! Author: Elmosley Date: 08-17-2012, 10:13 AM Parent: #36
Quote: استاذنا الموصلى ما تزعل ياخ .. نحن بنعاملك هنا كفرده وكدا صديق كريم واخ كريم ... وبعجبنى جدا تواضعك ومناقشتك لينا بى طول بال تحسد عليه ودا كلو وعارفين قيمتك كويس والله .. ما ذى بقولوا ليك ناس كتار انك تتوقف عن الكتابة معانا ... ياخ اجيك من الاخر نحن حابين حركتك دى جدا ومع وافر الاحترام كمان ...
ذينا دي ما محاوله لتحييدك يعلم الله انني استمتع بالحوار معك خصوصا عند الاختلاف معك في موضوع لذا فانك الصديقة والزميلة اللدودة الآولى لي وآجزم بان اسلوبك لن يتغير لآنك آصيله كل سنه وانتي طيبه وجهزي معداتك النقدية الانطباعية لما هو قادم وانا جاهز للنقد التحليلي
تخريمه موصليه تلاحظي في عزاز علينا انها كانت هالة دهب ولكنها حاولت في غلطه حاولت آن تكون محممد وردي وكانت غلطه واجزم ثانيا بانها لو حاولت آن تكون هالة دهب في غلطة مع رفع المقام الموسيقي لكان الوضع غير الوضع ولطرقعنا اصابعنا من الطرب
Post: #37 Title: Re: هالة دهب ( غلطة ) كبيرة والله !! Author: 7abib_alkul Date: 08-17-2012, 07:40 AM Parent: #35
البت دي صوتها بحسسني بالراحة و الصفاء حتي لو قعدت تتكلم بس
Post: #38 Title: Re: هالة دهب ( غلطة ) كبيرة والله !! Author: nazar hussien Date: 08-17-2012, 08:01 AM Parent: #37
وردي دا يغني ليه حافظ محمد عثمان وردي وبس
Post: #39 Title: Re: هالة دهب ( غلطة ) كبيرة والله !! Author: osman righeem Date: 08-17-2012, 08:33 AM Parent: #38
Quote: قلت ما عرفتو محتاج نص ولا واحد كامل !! ولا مزيود مويه .. فى كوجين اكتر من دا ؟
كله من عبد الوهاب ما خاتي عليه ترباس
Post: #40 Title: Re: هالة دهب ( غلطة ) كبيرة والله !! Author: الخير محمد عوض Date: 08-17-2012, 09:27 AM Parent: #39
هالة دهب كوجنت الغنية دي كوجين السنين لكن دا ما بيمنع انها زولة عندها موهبة زي ما قال اخونا حبيب نورا بتحتاج لتثقيف موسيقي شديد عشان تعرف هي مفروض تغني شنو وكيف والنقد الاتقال في هالة محدد جدا في الغنية دي يعني مافي زول قال انها فنانة كعبة وللا تمشي تشوف ليها شغلة غير الغناء الواحد دا..... اعجبت بادائها المتميز جدا في اغنية عزاز علينا اغنية ابو صلعة المفضلة نتمنى لها التوفيق ونصيحتي ليها لو كانت بتقرا البوست دا ما تبدا بالشغل الكبار كبار دا لانو ممكن يسقط حجرها وينسق قاعدة محبيها الذين احبو سماعها في عزاز علينا.... الزلمية في هيك غنيوة شو كانت اكتير مهضومة
Post: #41 Title: Re: هالة دهب ( غلطة ) كبيرة والله !! Author: وضاحة Date: 08-17-2012, 09:38 AM Parent: #40
بالغت والله
وردى الله يرحموا حا يكون زعل منها زعل شديد
ومالها اتبشتنت كده ما كانت بتلبس كويس
طرحة مع نص كم وبنطلون !!!!!!!!!
غايتوا يا السودانين عندكم حاجات غريبة
Post: #42 Title: Re: هالة دهب ( غلطة ) كبيرة والله !! Author: omer osman Date: 08-17-2012, 10:00 AM Parent: #41
هالة دهب (غلطة) عمرها انها غنت (غلطة) لوردي ..
صاح في (عزاز علينا) كانت مية مية لكن اخشي ان تكون
من فئة (فنان) الاغنية الواحدة أو (شاعر) الاغنية الوحيدة
وهم موجودون في الساحة الفنية ................
مرة في حفلة احد الحضور طلب من الفنان .............. ان يغني
اغنية ......... قال ليهو : والله معليش انا غنيته قبل شوية اظنك ما كنت في
قال ليهو : ما تغنيها تاااااني انت عندك غيره هههههههههه
Post: #44 Title: Re: هالة دهب ( غلطة ) كبيرة والله !! Author: جمال السنوسي Date: 08-17-2012, 11:46 AM Parent: #42
هالة دهب
التقيت بها في اول ساعات فجر هذا العام
وذلك بعد نهاية حفل عركي لراس السنة
في مطعم فينسيا بالخرطوم ( المطعم العالمي سابقا)
وتحدثت اليها وعرفت انها ابنة الصديق دهب من سلطنة عمان
الذي كان او كنا نكتب سويا
في صفحة وطن للابتسامة في جريدة الخرطوم ايام قاهريتها
المهم اشدت بهالة في عزاز علينا وسالتها عن غيابها وجديدها
واخبرتني انها متوقفة فنيا بسبب انشغالها بدراستها الجامعية
حقيقة تفاجأت بها في غلطة التي اعتبرها لها
الغلطة التي ستصحح المسار الفني لهالة دهب
مثلما تفاجأت بجنيدابي وهو يؤدي اغنية لوردي
في مهرجان وردي الوطن بالمسرح القومي
وتفجأت وانا حضورا لهذا الحفل
عدم مشاركة فنان مدني عمر جعفر
في مهرجان وردي الوطن وعمر جعفر تحفظ له التسجيلات التلفزيونية
مشاركته الاداء للعملاق وردي في الكثير من اعماله
والسؤال
هل هناك مجاملات وتصفية حسابات في هذه المشاركات
ام ماذا ؟؟؟
Post: #46 Title: Re: هالة دهب ( غلطة ) كبيرة والله !! Author: Nasr Date: 08-17-2012, 08:45 PM Parent: #44
أحمد لها شجاعة أنها غنت أغنية صعبة زي دي ثم أن وردي فنان ما بتكرر بساهل فليس من العدل أن تقيسوا عليه الصاعد من الفنانين ورغم إنه الكاشف مات منذ أكثر من أربعين عاما لسه ما جا فنان غني غناه زيه
انا متاكد ان اداءها كان سيكون جيد لو غيروا ليها السلم
Post: #49 Title: Re: هالة دهب ( غلطة ) كبيرة والله !! Author: tmbis Date: 09-18-2012, 08:28 AM Parent: #48
Quote: لكن من المفترض ان يغير لها السلم لاخر مريح اكان ما عبد الوهاب العازفين المعاها ديل ما عارفين انها ما مرتاحه كدا ؟؟؟؟ انا متاكد ان اداءها كان سيكون جيد لو غيروا ليها السلم
بالضبط يا طارق كلامك دا الكلام المفيد بتاع زول مزيكاتي .. هاله دي امكانياته الصوتية جيدة .. استمعت ليها كتير .. ومحاولاته مقدره لكن الغناء للاستاذ الراحل الموسيقار محمد وردي .. يحتاج إلى الكثير من الاحداثيات .. فهل معنى انك تحفظ نوتة اعمال وردي في نفس السلم الذي تغنى به في بداياته .. والسلم الذي تغنى به في اي من مراحل حياته الاخرى .. هل هو بطبيعة الحال مناسب مع كل من يغني للاستاذ محمد وردي ..؟ وماذا كان يفعل عبد الوهاب في المساحة التي تفصل بين هاله والاوركسترا وهو يترنح ..؟ وهل تم عمل بروفات مع هاله والفرقة أم انها صعدت المسرح لتغني مع اوركسترا هي تحفظ اغاني الراحل بعد التوزيع والحليات التي ارتجلها عبد الوهاب ..؟ خيالك الموسيقي واسع جدا يا هاله وامكانياتك محترمة وكان العمل ممكن يكون اجمل من كدا.. لكن معليش . السؤال .. هل انتبه عبد الوهاب إلى انو السلم او النقص في التون غير مناسب مع هاله أم لم ينتبه ..؟ هل انتبه وغلبو البيعملو وهو واقف يتلولح امام الفرقة .. ام أن امكانيات الفرقة لا تتيح له تعديل ما يجب تعديله ..؟
يا جماعة دي مزيكا .. حسابات .. ما كوجين ساكت . ما كوجين يا عبد الوهــاب ..
Post: #51 Title: Re: هالة دهب ( غلطة ) كبيرة والله !! Author: احمد محمد احمد عتيق Date: 09-18-2012, 09:14 AM Parent: #37
تحاكم بالجلد والرجم ..والغرامة .. الله يسامحك يا هالة ..معقولة بس ..
Post: #52 Title: Re: هالة دهب ( غلطة ) كبيرة والله !! Author: MOHAMMED ELSHEIKH Date: 09-18-2012, 09:44 AM Parent: #37
انامعجب بصوتها وطريقة ادائها و"أحسب " انها متمكنة حسب سمعى "شبه الفطري" لها في النادي السوداني بمسقط في الألفينات(على وزن التسعينات" حينما كانت تردد أغاني مثل: أي صوت زار بالأمس خيالي................وو الآن لم يتاح لي الأستماع لها لوجودي بالعمل لذا لن أعلق حتى اعود للبيت وأقرا لي شوية "هارموني" و" كاونتربوينت" مع تحياتي لكم دون فرز
Post: #53 Title: Re: هالة دهب ( غلطة ) كبيرة والله !! Author: Hani Arabi Mohamed Date: 09-18-2012, 09:53 AM Parent: #37
برجاء منع أي مخلوق من الاقتراب من ارشيف المرحوم وردي إلا مستمعاً أو متعلماً ولا شيء غير ذلك.
Post: #54 Title: Re: هالة دهب ( غلطة ) كبيرة والله !! Author: محمد فرح Date: 09-18-2012, 10:18 AM Parent: #37
