Post: #1
Title: بورداب الخرطوم دعوة للجمال ....
Author: عبير خيرى
Date: 11-20-2006, 02:51 AM
Parent: #0
.
سودانيز أونلاين دوت كوم بالتعاون مع جمعية رفاعة للجميع تنظم رحلة للقاء الأصدقاء في رفاعة الجميلة .
الزمان : الجمعة 1/12/2006
أمكنة التجمع :
الشهداء أمدرمان أمام مواصلات بحري الساعة 7:40
السوق العربي :8:30
الصحافة بيت ناس إنعام حيمورة الساعة 8:50
التحرك الساعة 9 صباحاً من منزل إنعام حيمورة
الشير : 30 ألف جنيه
للاستفسار الاتصال على عبير ، إنعام وإنعام (الجندر)
وعثمان المهندس ده لو حنّ عليكم وأداكم رقمو الجديد
والبرامج تحت التنظيم .
بورداب الخرطوم مع المتواجدين الآن من بورداب الخارج
يلا
في الانتظار
|
Post: #2
Title: Re: بورداب الخرطوم دعوة للجمال ....
Author: انعام حيمورة
Date: 11-20-2006, 03:14 AM
Parent: #1
عبير
..
جابت ليها سفر كمان !!!
|
Post: #11
Title: Re: بورداب الخرطوم دعوة للجمال ....
Author: ALGARADABI
Date: 11-21-2006, 08:55 AM
Parent: #2
| Quote: جابت ليها سفر كمان !!! |
يا ربى الامجاد بتصل؟؟؟؟؟؟
|
Post: #24
Title: Re: بورداب الخرطوم دعوة للجمال ....
Author: عبير خيرى
Date: 11-27-2006, 04:58 AM
Parent: #11
.
يا حليييييييييييييييييييييلك
إزيك وعامل شنو
وقاطع الخبر مالك
يا ريت لو كنت هنا
لكن ولا يهمك بنتفرج ليك أنا وإنعام وإنعام 
|
Post: #23
Title: Re: بورداب الخرطوم دعوة للجمال ....
Author: عبير خيرى
Date: 11-27-2006, 04:55 AM
Parent: #2
.
نعومة
مش أخير من توتي البقت بي الكبري الطاير
بعدين الفكرة أصلاً إنها تكون بعيدة عان مافي زول يستأذن بعد ساعة ويقول عندو برنامج
ويبوظ لينا الرحلة
خارج الأسباب الهرجلية :
الهدف نشر التعارف والاستفادة من الطاقات البشرية لعرض البرامج الأثيرية والهموم الشبابية والوطنية في أكبر مساحة ممكنة والمشاركة الجادة في كل الأطروحات الفكرية .
ولد ده !!
|
Post: #3
Title: Re: بورداب الخرطوم دعوة للجمال ....
Author: Ishraga Haimoura
Date: 11-20-2006, 03:18 AM
Parent: #1
أهلا عبير
حاضرين ...
أوامرك
|
Post: #28
Title: Re: بورداب الخرطوم دعوة للجمال ....
Author: عبير خيرى
Date: 11-27-2006, 05:17 AM
.
تحضري ما تغيبي يا بت أمي
أرجي مني التلفون لو ما اتلاقينا الليلة عند ناس غادة
|
Post: #4
Title: Re: بورداب الخرطوم دعوة للجمال ....
Author: عبير خيرى
Date: 11-21-2006, 05:04 AM
Parent: #1
هوي
|
Post: #5
Title: Re: بورداب الخرطوم دعوة للجمال ....
Author: WAD ELGAALI#4
Date: 11-21-2006, 06:47 AM
Parent: #4
سلام يا عبير خيرى ولتحيه لى كل ناس الخرتوم الحلوين وجاهزين نمشى أى مكان بس ادونا خبر من بدرى ومشتاقين والله لناجى والمهندس عليك الله أمانه عليك تبلغيهم التحيات وزى ما قلت ليك معاكم وانا من زمان داير أمشى رفاعه دى عشان كده هسى حا أعلق موضوع الخطبه لحدى ما نشوف آخر رفاعه شنو مع كل الود يا حضرة العمده
|
Post: #6
Title: Re: بورداب الخرطوم دعوة للجمال ....
Author: magdi elmahi
Date: 11-21-2006, 07:00 AM
Parent: #5
عبير
لك عبق التحايا
جاهزين
للتنسيق
والتنظيم
وبعد داك نفكر فى المشى
مجدى
|
Post: #7
Title: Re: بورداب الخرطوم دعوة للجمال ....
Author: أحمد طه
Date: 11-21-2006, 07:21 AM
Parent: #1
معاكم
|
Post: #31
Title: Re: بورداب الخرطوم دعوة للجمال ....
Author: عبير خيرى
Date: 11-27-2006, 05:34 AM
Parent: #7
.
حتشرفنا أكيد
|
Post: #8
Title: Re: بورداب الخرطوم دعوة للجمال ....
Author: محمد فرح
Date: 11-21-2006, 07:23 AM
Parent: #1
والله ياعبو ياريت الواحد يكون عنده زمن لأنو نفسي أزور رفاعه وعندي فيها كميه من أصدقاء الدراسه
|
Post: #32
Title: Re: بورداب الخرطوم دعوة للجمال ....
Author: عبير خيرى
Date: 11-27-2006, 05:51 AM
Parent: #8
.
لا زم تلقى زمن عشان ما تفوتك يا محمد
|
Post: #9
Title: Re: بورداب الخرطوم دعوة للجمال ....
Author: Abomihyar
Date: 11-21-2006, 07:36 AM
Parent: #1
شكرا لك يا عبير خيري
ونحن سنكون بانتظاركم في رفاعة
أتمنى النجاح لهذا المشروع.
|
Post: #10
Title: Re: بورداب الخرطوم دعوة للجمال ....
Author: عادل فضل المولى
Date: 11-21-2006, 07:46 AM
Parent: #1
عبير
الحال كيفنو
| Quote: رحلة للقاء الأصدقاء في رفاعة الجميلة . |
طوالي
طوالي
طوالي
****
اقتراح وجيه جداً يا انعام حيمورة
اطلعوا شوف الحاصل برة شنو..
كفاية خلاص طاحونة الخرطوم المابتبطل دي
...
|
Post: #12
Title: Re: بورداب الخرطوم دعوة للجمال ....
Author: ناذر محمد الخليفة
Date: 11-21-2006, 09:22 AM
Parent: #1
عبير ...
أنا معاكم إنشاء الله ..
بس هسي عشان الجمعة قربت أدونا مقترحاتكم سرعة فيما يتعلق بأماكن التجمع والسفر كيف .. عربات خاصة ولا حافلة ولا بص ولا دفار !!
والتفاصيل التانية كلها ..
شنكل :
طبعا ما بحبذ نسافر كلنا في عربية واحدة .. طريق الخرطوم مدني دا نسأل الله السلامة منو .. تقوم تحصل لينا مصيبة وتاني (خبر عاجل من الخرطوم) ناس البورد يكوسوا ليهو ما يلقوهو !! ونحنا بورداب قليلين وما عندنا بدل فاقد !!
|
Post: #13
Title: Re: بورداب الخرطوم دعوة للجمال ....
Author: عادل فضل المولى
Date: 11-21-2006, 09:33 AM
Parent: #12
ناذر
كيفنك
| Quote: طبعا ما بحبذ نسافر كلنا في عربية واحدة .. طريق الخرطوم مدني دا نسأل الله السلامة منو .. تقوم تحصل لينا مصيبة وتاني (خبر عاجل من الخرطوم) ناس البورد يكوسوا ليهو ما يلقوهو !! ونحنا بورداب قليلين وما عندنا بدل فاقد !! |
ياخ بطل التشاؤم
والاقدار بيد الله
وقبل كدا حصلت لينا زنقة مع جرار ولوري جاي من الاتجاه التاني وكمان وراهو جرار
انا غايتو لحدي الآن كلما اتذكرها برجف..
وربّك لطف
عشان كدا لازم تبطل الخوف
وتعرف ان كل شيء له وقت وتقدير
وليست هذه دعوة للطناش ..لكن نعقلها ونتوكل
***
بالمناسبة
(الآتوس) و(الامجاد) ما ليهن أمان في شارع زي دا
استيشن بس
|
Post: #18
Title: Re: بورداب الخرطوم دعوة للجمال ....
Author: Abuelgassim Gor
Date: 11-22-2006, 08:41 AM
Parent: #12
يا ناذر الفكرة ممتازة. لكن ما عارف لواحد عمكم كبير وعجوز زى قور طبعا عشان يتحرك عاوز ليه اسبوع. أرجو كريم اتصالك لأمر هام .
عمو قور
|
Post: #30
Title: Re: بورداب الخرطوم دعوة للجمال ....
Author: عبير خيرى
Date: 11-27-2006, 05:24 AM
Parent: #18
.
يا عمو إزيك !
الحافلة حتجي ماشة بي جمبك مرتين ذهاب وإياب من الشهداء
إنت بس قول خير
|
Post: #22
Title: Re: بورداب الخرطوم دعوة للجمال ....
Author: عبير خيرى
Date: 11-27-2006, 04:50 AM
Parent: #12
.
ناذر الخليفة
أزيك
خلي الشناكل حقتك دي عشان لو في زول قراها الحافلة ما حيكون فيها إلا أنا وإنعام
|
Post: #14
Title: Re: بورداب الخرطوم دعوة للجمال ....
Author: ناذر محمد الخليفة
Date: 11-21-2006, 10:26 AM
Parent: #1
عادل
انا ما متشائم بس خايف بعدين بورداب الخرطوم الما بيمشوا معانا الرحل (بعد ما ربنا يفتكرنا يعني) يقوموا يلخبتو الشغلة وما يقدروا على عكس الوجه الجميل لبورداب الخرطوم !
شنكل :
يا زول خلاص خير نمشي لكن شرطاً نسوق معانا بقال وعبد الفتاح وناصر خليل !!
قالوا موت الجماعة عرس !!
|
Post: #15
Title: Re: بورداب الخرطوم دعوة للجمال ....
Author: سمرية
Date: 11-22-2006, 02:50 AM
Parent: #1
عبير ...
رفاعة عديييييييييييييل كدا ؟؟
لكن انا ما عندي ( Green Card ) لو اسماعيل حميم ماشي ... انا بمشي .. ( وش ابو غمزة ) !!
الشمس عرفت ديارها
والشروق ساكن جوارها
بس كفاكي ..
النيل بجري في مراحك ..
والبطانة بس ضراعك !!
والله روعة يا رفاعة ..
والله واحة واستراحة
***
ناس حنينة وعيشتم في الدنيا طيبة
وانت راقد في فراشك ..
نجمة فوقك .. ونجمة جنبك .. وانت مالك الكون بناسك !!
***
وكان منانا نعيش حداكِ ونبقي منك ..
الا بس موج سراب فرقنا عنك ..
وفتنا منك وانخدعنا !!
ولما جينا كمان ندمنا
وقلنا يا ريت لو كنا منك
لو كنا جدول في ربوعك
لو كنا شتلة من زروعك ..
الا باكر لينا موعد ...
ولما اجيك .. ليك وردة
ووردة تانية ..
ووردة تالتة على رفاعة !!
اها يا عبير دي دعوة للحــــــــــــــب !!
|
Post: #36
Title: Re: بورداب الخرطوم دعوة للجمال ....
Author: عبير خيرى
Date: 11-27-2006, 06:27 AM
Parent: #15
.
إنتي بالذات
لازم تجي
والقرين كارد بشتريهو ليك من الأجزخانة الجمبنا دي
وإسماعيل ده محرم لي كم زولة يا ربي
يااااااااااااااااااااااا ربي ؟
|
Post: #16
Title: Re: بورداب الخرطوم دعوة للجمال ....
Author: انعام حيمورة
Date: 11-22-2006, 05:40 AM
Parent: #1
ذي ما قال ناذر الجمعة قربت الحوقنا بالتفاصيل ... سريع
بقترح نأجر حافلة ...
نقطة الالتقاء (محطة سبعة) بيتنا (الصحافة) قريب من الميناء البري وواضح جدا
تقريبا ايجار الحافلة بكون اقصى شي 200 الف مية ماشي ومية جاي
بس تاني في شي ؟؟؟؟
اعملوا ليكم همة ...
|
Post: #17
Title: Re: بورداب الخرطوم دعوة للجمال ....
Author: بابكر عثمان مكي
Date: 11-22-2006, 07:47 AM
Parent: #16
الاخت عبير خيرى
وجميع بورداب سودانيز اونلاين
رفاعة تتشرف بقدومكم واولهم بيتى انا وبيت ود رملية وبيت ابوبكر حسن خليفة ومهند الجيلى ووعاطف عمر وكثيرين/ت من بورداب سودانيز اونلان وكل بورداب رفاعة للجميع
حددو الزمان وماعليكم وسنجعل لكم المكان تبروقة ورود وترحاب معروشة بغيمة رشاش مطر البطانة
و(الخبر الاكيد قالو البطانة اترشت ...)
واوعدكم بانكم ستحضرون العيد فى رفاعة وتنسون الرجوع
السبب الحمانى العيد هناك احضرو
درديق الشبيك اللبسو فوق سدرو
مع كل قناعتى بان جمعية رفاعة للجميع لن تقصر فيكم ورفاعة برجالها ونساءها وحتى اطفالها
|
Post: #25
Title: Re: بورداب الخرطوم دعوة للجمال ....
Author: عبير خيرى
Date: 11-27-2006, 05:07 AM
Parent: #17
.
بابكر جاينكم الجمعة الجاية دي يوم 1/12
مهند معاكم هناك رتبو مع بعض وتلفوني بتلقاهو مع مهند
وبتصل بيكم عشان أشوف الحاصل شنو
الليلة الساعة 8 مساء بتصل بيكم
وشكراً ليكم ودي المحرية
|
Post: #44
Title: Re: بورداب الخرطوم دعوة للجمال ....
Author: بابكر عثمان مكي
Date: 12-02-2006, 09:43 AM
Parent: #25
عبير خيرى
رفاعة .. نورت
برغم اسفى على فوات الزمان
فقد غفوت قليلا" عن النت فوجدتكم ذهبتم ورجعتم
وانتابنى الندم لكونى لست من المرحبين فبينى وبينكم البحر الاحمر ومسافة ان يربت الشوق على كتف الغياب .صحراء صفراء جرداء الا من زيت غالى الثمن
اكيد احبابنا مهند وحافظ وال ابنعوف ماقصرو
وياريت لوكنت معاكم
|
Post: #35
Title: Re: بورداب الخرطوم دعوة للجمال ....
Author: سمرية
Date: 11-27-2006, 06:26 AM
Parent: #17
Quote: الاخت عبير خيرى
وجميع بورداب سودانيز اونلاين
رفاعة تتشرف بقدومكم واولهم بيتى انا وبيت ود رملية وبيت ابوبكر حسن خليفة ومهند الجيلى ووعاطف عمر وكثيرين/ت من بورداب سودانيز اونلان وكل بورداب رفاعة للجميع
حددو الزمان وماعليكم وسنجعل لكم المكان تبروقة ورود وترحاب معروشة بغيمة رشاش مطر البطانة
و(الخبر الاكيد قالو البطانة اترشت ...)
واوعدكم بانكم ستحضرون العيد فى رفاعة وتنسون الرجوع
السبب الحمانى العيد هناك احضرو
درديق الشبيك اللبسو فوق سدرو
مع كل قناعتى بان جمعية رفاعة للجميع لن تقصر فيكم ورفاعة برجالها ونساءها وحتى اطفالها |
بس ما تقول انت ياكا زاتك بابكر ( زيكو ) .. ؟؟!!
خريج اقتصاد الخرطوم .. عندك خالتك اسمها ( فرحة )
واختك اسمها امتثال ..
بيتكم في الحلة الجديدة .. !!
ياكا .. زيكو ؟؟!!
|
Post: #37
Title: Re: بورداب الخرطوم دعوة للجمال ....
Author: سمرية
Date: 11-27-2006, 06:28 AM
Parent: #17
Quote: الاخت عبير خيرى
وجميع بورداب سودانيز اونلاين
رفاعة تتشرف بقدومكم واولهم بيتى انا وبيت ود رملية وبيت ابوبكر حسن خليفة ومهند الجيلى ووعاطف عمر وكثيرين/ت من بورداب سودانيز اونلان وكل بورداب رفاعة للجميع
حددو الزمان وماعليكم وسنجعل لكم المكان تبروقة ورود وترحاب معروشة بغيمة رشاش مطر البطانة
و(الخبر الاكيد قالو البطانة اترشت ...)
واوعدكم بانكم ستحضرون العيد فى رفاعة وتنسون الرجوع
السبب الحمانى العيد هناك احضرو
درديق الشبيك اللبسو فوق سدرو
مع كل قناعتى بان جمعية رفاعة للجميع لن تقصر فيكم ورفاعة برجالها ونساءها وحتى اطفالها |
بس ما تقول انت ياكا زاتك بابكر ( زيكو ) .. ؟؟!!
خريج اقتصاد الخرطوم .. عندك خالتك اسمها ( فرحة )
واختك اسمها امتثال ..
بيتكم في الحلة الجديدة .. !!
ياكا .. زيكو ؟؟!!
|
Post: #45
Title: Re: بورداب الخرطوم دعوة للجمال ....
Author: بابكر عثمان مكي
Date: 12-02-2006, 09:52 AM
Parent: #37
هبة عثمان .. (سمرية )
سلام بستاهلك
آسف جدا" للرد المتأخر فقد غبت لظروف قاهرة وماشالله على سودانيز اونلاين تقطع النفس بالجرى
لو الواحد اتلفت بس لفتة مابلقى البوست بتاعو
نعم انا بابكر(زيكو ) شقيق الرائعة امتثال وابن خال الرائعة فرحة
مودتى ايتها المستنيرة
بابكر زيكو
|
Post: #19
Title: Re: بورداب الخرطوم دعوة للجمال ....
Author: عبد المنعم سليمان
Date: 11-22-2006, 06:16 PM
Parent: #1
الاخت عبير
تحياتي
السفر مع محرم ولا بدون
| Quote: طبعا ما بحبذ نسافر كلنا في عربية واحدة .. طريق الخرطوم مدني دا نسأل الله السلامة منو |
لغيت السفر
كسره : ابوالقاسم قور مسافر
الحادث ات لا ريب فيه
منعم
|
Post: #20
Title: Re: بورداب الخرطوم دعوة للجمال ....
Author: أحمد الشايقي
Date: 11-22-2006, 06:33 PM
Parent: #1
| Quote: بورداب الخرطوم دعوة للجمال .... |
أقولك يا عبير
امشـوا مــدنـي ..
|
Post: #29
Title: Re: بورداب الخرطوم دعوة للجمال ....
Author: عبير خيرى
Date: 11-27-2006, 05:22 AM
Parent: #20
.
أحمد الشايقي
إزيك
أمشوا دي شنو ؟ أوعا تكون رجعت المنفى ؟
|
Post: #21
Title: Re: بورداب الخرطوم دعوة للجمال ....
Author: ناذر محمد الخليفة
Date: 11-23-2006, 02:21 AM
Parent: #1
بروف أبو القاسم ..
Quote: يا ناذر الفكرة ممتازة. لكن ما عارف لواحد عمكم كبير وعجوز زى قور طبعا عشان يتحرك عاوز ليه اسبوع. أرجو كريم اتصالك لأمر هام .
|
بختك والله .. أهو بكرة الجمعة وأنا ما ظنيت الرحلة حا تقوم لعدم التنسيق والتجهيز ..
إذا خلاص عندك إسبوع إنشاء الله من الليلة لحدي الجمعة الجاية ..
صنفرة :
حا إتصل بيك خلال اليوم ...
|
Post: #26
Title: Re: بورداب الخرطوم دعوة للجمال ....
Author: عبدالغني كرم الله بشير
Date: 11-27-2006, 05:08 AM
Parent: #21
العزيزة عبير...
صباح جميل، في شتاءات الخرطوم..
من الذي لا يعشق رفاعة.... ويجن بها، ويترصد شمسها التي لا تغيب، ورحمها الغريب، الثري، يدفر للوجود افذاذ، حقا، غريبة، ومدهشة، وعصية الفهم لم؟ لست ادري، وكأن اديمها دفنت فيها بذر العباقرة، وما أكثرهم، وما أعمقهم....
طبعا، اختيار موفق (احسن من شارع المطار، حيث ضوضاء الحافلات غربكم، والطائرات فوقكم)، وأعلى صوت لن يصل طبلة الاذن، ....!!!
معكم بالارواح، فقد دفن الجسد في قبور الغربة، القاسية..
يكفي، انها رفاعة !! وسعيد، من يقتفي اثر السامري، ويقبض، قبضة، كي يخلق (قلب له لحون)!!!
طوبى لكم، برفاعة، واهلها... وتاريخها الخاص، والفريد، والغريب، والعنيد....
|
Post: #27
Title: Re: بورداب الخرطوم دعوة للجمال ....
Author: عبير خيرى
Date: 11-27-2006, 05:16 AM
Parent: #26
.
عبد الغني
يا الله
ليه لكن ياخ ؟
يا حميم كنت بتمنى إنك تكون هنا لكن الجايات أكتر
تحياتي للأسرة
|
Post: #33
Title: Re: بورداب الخرطوم دعوة للجمال ....
Author: ebrahim_ali
Date: 11-27-2006, 06:01 AM
Parent: #27
الأحباب الأعزاء بورداب الخرطوم المميزين تحياتي وسلامي والعيد معاكم بإذنه تعالى معاكم
ألف مرحب بيكم في:
رُفـــــــَاعَه الرُبَّة* قَافَاها البــــَليب* طَربــــــانْ
نــــــــَاطح المِنُّو ميثـــــــاق قلبي مو خَرْبــــــَانْ
فـــــــوسيبْ* السَواقي البي اللَدوب* شَرْبــــانْ
بِلودُوْ بعيدة فــــــــــوقْ في بَاديةْ العُرْبــــــــــانْ
وأتمنى أن تقضوا وقتاً ممتعاً وجميلاً مع الأحباب والأصدقاء والأهل هناك فبالتأكيد لن يقصروا معكم ما دام القائد عبير خيري والربان الماهر مهند فأرجو أن تكثروا لنا من الصور وتحديداً على البحر والبنطون ووسط البحر وكذلك الجناين وولا تنسوا المدرسة الثانوية وديم لطفي ومدرسة رمبيك القومية وانتو ماشين كده في الشارع بصادفكم المدرسة الأميرية المتوسطة زمان ممكن برضو تشيلو لينا منها صورة وقريب ليها وما بعيد المركز الثقافي الفرنسي وما تنسوا كما ودي وصية (في بتاع فول على الشارع الرئيسي اسمه برعي عليكم الله صورة لانو ذكرياتنا معاهم لمن كنا في الثانوي ايام لا تنسى) أها وبعد كده بتصلوا حتة أسمها المزلقان دي حتة بتاعت الضهب فبرضو صورة وياريت تلقوا في حمام وحاجات كده صورة يالملك كويس وهاك شوفوا علي الطبيعة
http://www.rufaaforall.com/board/showthread.php?t=9057
ها بعد كده ختشوا على السوق وياروعة القهاوي في السوق أركان نقاش ثابتة كل ما هو جديد في عالم السياسة وعالم الكورة والاجتماع تجدوه هناك
وجايكم صادي
بالنسبة للترحيل الحافلات بالهبل ولو عائزين تخفيض ما عندنا مشكلة بنشد سلك لأقرب حافلة ما يكون دورها قريب والبسعر البريحكم
خشوا في الخاص لو في اي مشكلة وجاهزين ليكم ما دام نحن بعيدن وما حاضرين معاكم ومرحباً بكم في ديارنا في رفاعة بالقرب من الساحة الشعبية البيت الكبير بس للأسف الكل رحل ولكن لو تخطيتوا رفاعة خمس كيلو مترات سوف تجدون قرية وادعة ترقد على سهل البطانة اسمها التراجمة ترحب بكم وفي انتظاركم وكل الديار ديارنا
ومرحب بيكم مرة اخرى
|
Post: #34
Title: Re: بورداب الخرطوم دعوة للجمال ....
Author: عبير خيرى
Date: 11-27-2006, 06:21 AM
Parent: #33
.
إبراهيم علي
يا سلااااااااااااااااااام
والله ما عارفة أقول شنو بعد كلامك
بالجد ما عارفة أقول حاجة
بتمنى عموماً إننا نلتقي في ساعة خير
وترحابك ده كتيييييييييييييييييييييييير علينا
تسلم
|
Post: #38
Title: Re: بورداب الخرطوم دعوة للجمال ....
Author: سفيان بشير نابرى
Date: 11-27-2006, 07:05 AM
Parent: #1
سلام جاكم يا ناس ,,
قلنا نسلم (ساهت)
لانو لو قلته رأي النضم بيكتر.
|
Post: #39
Title: Re: بورداب الخرطوم دعوة للجمال ....
Author: عبير خيرى
Date: 11-29-2006, 07:02 AM
Parent: #38
.
نعل المانع خير
|
Post: #40
Title: Re: بورداب الخرطوم دعوة للجمال ....
Author: خالد ماسا
Date: 11-30-2006, 09:07 AM
Parent: #1
طــق خااااص
ملتزم بالسفر ...
|
Post: #41
Title: Re: بورداب الخرطوم دعوة للجمال ....
Author: محمد عادل
Date: 11-30-2006, 09:13 AM
Parent: #40
الحبيب ناذر الخليفة
Quote: يا زول خلاص خير نمشي لكن شرطاً نسوق معانا بقال وعبد الفتاح وناصر خليل !!
قالوا موت الجماعة عرس !! |
شكلك كدا حتموت براك
بقال ياخوى فى القاهرة وماشى طرابلس
رايك شنو بعد داك
|
Post: #42
Title: Re: بورداب الخرطوم دعوة للجمال ....
Author: سمرية
Date: 11-30-2006, 09:27 AM
Parent: #1
بودراب الجمال ...
كنت اتمنى ان اكون معكم لزيارة رفاعة الحبيبة ...
ولكن لظروف طارئة لا يسعني الا الاعتذار ...
ما تنسوا تسلموا لي على البنطون .. .. والقيفة الميانة رملة .. (غايتو جنس كتاحة)
(تمبول .. تمبول .. نفر !!*
اب جلفة ، ام شانق .. دلوت .. !!* ) - (ريفي رفاعة)
وديم لطفي .. ( ديم البحر وبحر الديم ) !!
ومدارس رفاعة كلها ..........
وشارع الظلط .. الطويييييييييييل الزي ( الكرفتا ) .. لسه ما بقوا اتنين يا ود الجيلي ؟؟
والسوق .. وحي السوق .. وجامع الانصار .. والسناب والزيداب والساحة الشعبية .. انشاء الله ازور رفاعة في ساعة خير !!
اتمنى ذلك من كل قلبي !!
سلام خاص لـــ جمعية رفاعة للجميع !!
هبة
|
Post: #43
Title: Re: بورداب الخرطوم دعوة للجمال ....
Author: أحمد الشايقي
Date: 11-30-2006, 02:47 PM
Parent: #1
للأسـف الشـديـد
فارقنا الطـراوة يا عمـدة
وماشـيين رفاعـة كمان؟
والله دا ( تـرف ) عـديل كـدا
تنفعكم الزيارة
يلا تحياتي
أحمـد
|
|