بورداب الخرطوم لقاء آخر و بعد غيبة وشوق

Post: #1
Title: بورداب الخرطوم لقاء آخر و بعد غيبة وشوق
Author: عبير خيرى
Date: 03-08-2006, 09:31 AM
Parent: #0

.

طولنا من بعض كتييير والشوق غلب

يلا نتلم ونعيش لحظات فرح

الزمان : الإثنين 13/3/2006 الساعة السابعة مساء

المكان : الحدائق أمام هيلتون .

رجاء الالتزام بالوقت

عمدة بورداب الخرطوم بالإنابة

- مهمات :

1/ ناذر الخليفة : عارف العليك العود والصوت الجميل .

2/ المهندس : الكاميرا للتوثيق .

3/ نجود : تعالي لي بالتلفون .

4/ سجيمان : مهم جداً حضورك .

ملاحظات :

خاص ببورداب الخرطوم فقط :

الشير خمسة ألف جنيه (مدعوم)

محطات :

- الشايقي : ماااااااااافي ليك .

- معتصم دفع الله : دي وداع لي ذكراك .

Post: #2
Title: Re: بورداب الخرطوم لقاء آخر و بعد غيبة وشوق
Author: سفيان بشير نابرى
Date: 03-08-2006, 03:02 PM

عبير خيرى ،،

ايوة كده ...

مدام وداع معتصم يبقى مافى اى عوجه
المهم كلمى نازر ده يحفظ لينا نشيد وردى داك
البقول شنو كده وانجلى

قلتى لى الشير كم؟؟؟؟؟ ومدعوم يازوله اوعه يكون انفلوانز الطيور كمان
انا خايف ياعبير تكون دعوتك دى نفير لبنيان بيتكم البتفتشى فيهو ده.

Post: #3
Title: Re: بورداب الخرطوم لقاء آخر و بعد غيبة وشوق
Author: Ibrahim Algrefwi
Date: 03-08-2006, 03:24 PM

سلام يا شبيبة وحب، علي وزن عيد المراة ...

طيب والله ما يجيب زعل

من هنا ، اظنني اقصد من"اسه" الي يوم الاتنين تعالوا نفكر في لقاء للبورداب يحمل ذكري طويلة ، اي يعني فائدة كبيرة ، تغيير في طريقة "لقاءاتنا"نجي ونقعد ونستمتع ونفيد ونستفيد ، نفيد المنبر الذي نستعير اسمه ونُسأل عنه في يوم الحساب .
...
...
أنا أعتقد ان شكل اللقاءات متشابه ومكرور بعضه البعض ، هذا الا التي لم احضرها!

تعالوا نفكر في سبل وتكوينات جديدة تدعم الموقع وتنفع شبابنا.
..
..

حتي ان تتعرف بشكل معقول وسليم باحد اعضاء المنبر فهذا غير منجز عبر اللقاءات السابقة.

...
...

معتصم انا لوجيت بجي عشانك ، عشان جهودك الفنانة في الموقع ، وعشان اصاحبك ياوسيم .

...
...

واقول ليكم كلام في شاب غناي غني شديد ، مختلف ومميز وعنده طريقته وطمعه الخاص ...
لو بتحبوا يجي كلموا سفيان بشير ده صاحبو شديد . أسمو "يس حسنين".
لانه أنا متدين منو قروش ما بقدر.

Post: #4
Title: Re: بورداب الخرطوم لقاء آخر و بعد غيبة وشوق
Author: hero
Date: 03-09-2006, 02:41 AM
Parent: #3

...
..
.
عبير خيرى
وكتيبه الجمال الخرطوميه
وانتباهه للوتر والصوت الجميل
لمتكم شكلها دكاكينيه
ياعبير
البياكل لوحده يزور ياعبير
تصيبه التخمه .. واشياء اخرى ...

Post: #5
Title: Re: بورداب الخرطوم لقاء آخر و بعد غيبة وشوق
Author: م. سيد احمد قدورة
Date: 03-09-2006, 03:40 AM
Parent: #4

يامعتصم انتا لى الان قاعد
يا زول برفدوك

Post: #9
Title: Re: بورداب الخرطوم لقاء آخر و بعد غيبة وشوق
Author: عبير خيرى
Date: 03-09-2006, 07:35 AM
Parent: #4

.

كيف دكاكينية والهدف الأساسي لقاء الأحباء ببعض

البرة والجوة

يعني زي ناس هاني كده

Post: #6
Title: Re: بورداب الخرطوم لقاء آخر و بعد غيبة وشوق
Author: محمد الامين محمد
Date: 03-09-2006, 05:12 AM

عبير ياريت لو بقت يوم الجمعه يكون احسن لانو في ناس شغالين انا واحد منهم

Post: #7
Title: Re: بورداب الخرطوم لقاء آخر و بعد غيبة وشوق
Author: ناذر محمد الخليفة
Date: 03-09-2006, 06:24 AM

يا أخوانا في تصحيحات داير اقولا !!

أول حاجة معتصم سافر أول أمبارح يعني ما حايكون قاعد !!
الحاجة التانية أنا بأيد كلام الاخ الجريفاوي في إنو نحاول المرة دي نغير من طريقة إجتماعاتنا عشان ما تكون كلها متشابهة وانا عندي إقتراح حا اطرحو لمن نتقابل إنشاء الله !!

صنفرة :

برضو المرة دي حا اجيب معاي مفاجأة فنية زي كلو مرة !!

Post: #8
Title: Re: بورداب الخرطوم لقاء آخر و بعد غيبة وشوق
Author: Ahmed Mohammed Osman
Date: 03-09-2006, 06:28 AM

انا جاي غايتو
بس الله يستر من البرد
شايف الليلة الخرطوم فيها بررررررررررررررد عدييييييييييييل

ناذر ما تفوتني
سمح؟

Post: #10
Title: Re: بورداب الخرطوم لقاء آخر و بعد غيبة وشوق
Author: انعام عبد الحفيظ
Date: 03-09-2006, 07:54 AM

عبير

اول مرة ح اشارك معاكم

ح اجي في المواعيد

Post: #12
Title: Re: بورداب الخرطوم لقاء آخر و بعد غيبة وشوق
Author: عبير خيرى
Date: 03-09-2006, 10:19 AM
Parent: #10

.

إنعام عبد الحفيظ

إزييييييييييك

حتنوري النيل وشار النيل وتنورينا

Post: #11
Title: Re: بورداب الخرطوم لقاء آخر و بعد غيبة وشوق
Author: ناذر محمد الخليفة
Date: 03-09-2006, 08:04 AM

كيفك يا أبو حميد ..

Quote: ناذر ما تفوتني
سمح؟

سمح بالحيل ..

صنفرة :

بالمرة أقنع صحبك يجي معانا شايفو عامل إضراب من التجمعات الزي دي

Post: #13
Title: Re: بورداب الخرطوم لقاء آخر و بعد غيبة وشوق
Author: أحمد الشايقي
Date: 03-09-2006, 07:38 PM

Quote: .محطات :

- الشايقي : ماااااااااافي ليك .
.

يا سلام يا عبير,

والله فعلا بتفـرق معاي,

بـس وثقوا لينا ,

كويّـس؟

تحياتي,

Post: #14
Title: Re: بورداب الخرطوم لقاء آخر و بعد غيبة وشوق
Author: عصام عبد الحفيظ
Date: 03-10-2006, 11:30 AM
Parent: #13

ودى من رحلات توتى
سلام لعبير

والى يوم الاثنين

Post: #15
Title: Re: بورداب الخرطوم لقاء آخر و بعد غيبة وشوق
Author: عبير خيرى
Date: 03-12-2006, 08:41 AM

.

تأكيد للقاء غداً

الرجاء الحضور في الموعد المحدد

بقّال كلم الناس الجو من بره كللللللللللللهم

بدري طيب ؟

تاذر ما تنسى

نجود يا بت أمي الوصية في الذمة

Post: #16
Title: Re: بورداب الخرطوم لقاء آخر و بعد غيبة وشوق
Author: ابراهيم بقال سراج
Date: 03-12-2006, 08:55 AM
Parent: #15

الاخت عبير وكل الاخوة بورداب الخرطوم

لكم التحية والتقدير

انشاء الله سنكون معكم

Quote: بقّال كلم الناس الجو من بره كللللللللللللهم

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اكلمهم بعد ما رجعوا

Post: #17
Title: Re: بورداب الخرطوم لقاء آخر و بعد غيبة وشوق
Author: خدر
Date: 03-12-2006, 09:36 AM
Parent: #16

Quote: ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اكلمهم بعد ما رجعوا

Post: #18
Title: Re: بورداب الخرطوم لقاء آخر و بعد غيبة وشوق
Author: Ibrahim Algrefwi
Date: 03-12-2006, 02:41 PM

طيب ...

التقينا انا وأسلام وسفيان ومحمد شبشة ...

تحدثنا كثيرة عن المنبر والبورداب وبُكرة ...

اتفقنا علي أشياء عديدة ...

....
....

هذا ما يسميه الشيوعيين داخلياً بالتكتُل وهو حسب
قوانيين لائحة ما قبل المناقشة العامة بفصل بفصل مافي كلام

Post: #19
Title: Re: بورداب الخرطوم لقاء آخر و بعد غيبة وشوق
Author: سفيان بشير نابرى
Date: 03-12-2006, 03:05 PM

Quote: ما قبل المناقشة العامة بفصل بفصل مافي كلام

يازول هوى حوش بكرى ده مافيهو ماده قالت انها ضد التكتل !!!

اركز اركز ماتجيب رخوة يا صاحب ، كلامك ده يمكن يبقى بداية لتسنامى جديد!!

المهم ياناس:-

اكيد بكرة اجمل واكيد سيكون لقاء مغاير للقاءت السابقة الاصلاً ما كانت كعبه
لكن المرة دى خلونا ندى وكت اكتر للحوار عن المنبر وعن اهدافنا التى نشدها من كتابتنا فيه.

والا شنو؟؟؟

Post: #20
Title: Re: بورداب الخرطوم لقاء آخر و بعد غيبة وشوق
Author: طلال عفيفي
Date: 03-14-2006, 10:07 AM
Parent: #19

السلام عليكم ورحمة الله وبركاته ،
لقد تشرفت بحضور لقاء بورداب الخرطوم - بنين ، والذي كان
ناشفاً لا طلاوة فيه إثر تغيب العنصر النسائي والبناتي عنه ،
وهو الأمر الذي تمخضت عنه حاجات عجيبة ..
ملحوظة :يبدو ان حضور الاستاذة عبير كان لدواع تتعلق
بمأموريتها بعمودية الخرطوم بالإنابة ..
على العموم مشكورين ..

أناجبت معاي الكاميرا لزوم التصوير ، لكن نسبة لرداءة الطقس
( غياب البنات ) ، والظلام الدافس الذي يطبق بجناحيه على المكان
في حدائق الهلتون ( أبريل سابقاً ) ، فقد فشلت في إلتقاط ما وددت
إلتقاطه ..

من الملاحيظ أيضاً ، أن القعدة كان ينقصها عود وجركانه ( حقو الناس
تعمل حسابا لي قدام .. ) .

أقترح على حزبنا إعتبار سودانيز اون لاين مجال .. وإعلانها منطقة للبناء
والتجنيد .. إذ أنه حسب إفادات معظم الحضور إنهم قاعدين ساي ..

أنا غايتو قلت لقرمبوز يكتب لي أسامي ناس معينين لتعريضها للفحص والترشيح ..

عاش نضال الشعب السوداني ..
عاش السودان حراً مستقلاً ..
عاش نضال الطبقة العاملة ..
عاش النساء ..
عاش الرجال ..
والبادي أظلم ..

وطبعاً : لا نامت أعين الجبناء

الاستاذ سفيان بشير نابري .

البروف إبراهيم الجريفاوي وهو يعتقد ..

الموسيقار ناذر الخليفة ونظرة فاحصة لبؤبؤ عين الكاميرا ..

السيد/ سيداحمد .. عوده بعد غيبه ..

مُدقق الأنساب وحافظ الجهات إسماعيل حميم ..

أخونا إسلام الذي أكد ان الوحده ممكن وما في شمال بدون جنوب
ومافي جنوب بدون شمال ..

المهندس الباشمهندس عثمان يشرح للناس مسار حياته بإيجاز ..

عضوات البورد .. عنهم / الأستاذة عبير خيري ..
( كتر خيرك يا عبير ) ..

الأستاذ عبد الغني ، وهو قص وكاتب فنان ..

أخونا الأخ ناجي الزبير الملك ..

لغاية بعدين ..

...
طلال

Post: #21
Title: Re: بورداب الخرطوم لقاء آخر و بعد غيبة وشوق
Author: Ibrahim Algrefwi
Date: 03-14-2006, 01:31 PM

السلامو عليكم ...

أدفع هذا البوست للامام ، باعتبار انو أنا بفتكر وبعتقد في اهمية البحث العلمي الحداثوي والمنهجي للانثيالات البروكولنالية الحصلت في قِص الهوية وعدمية السياق ...

رايكم شنو في (الرُمبة) دي.

الي ان اعود
"اللهم أعفي جسدي وروحي من الدنس"

اميييييين