جريدة شقيش وكتاب (دا الجنن عبدالقادر)

الإخوة الأفاضل

تحياتي والتهاني بسلسلة الأعياد والمناسبات الماضيات منهن والآتيات جعلها الله مناسبات خير وبركة وسلام.

يسرني أن أنقل لكم ان (شقيش) قد صدرت اليوم في شكل جريدة تابلويد اسبوعية 16 صفحة
ويسرني أن استقبل مقالاتكم على :

[email protected]
or

[email protected]

كما إننا قد تمكنا من طباعة كتاب (سلامات) الذي صدر عام 1986 في طبعة جديدة بعنوان(دا الجنن عبدالقادر).

أخوكم

محمد عبدالله الريح

مبروكه وعقبال تسبعها

وشقيش ستكون قشاشا يشق حوارى العشاق بخشاف يسيل له لعاب الأشواق وبالتوفيق



التحايا لكم والسلام


منصور

الأخ منصور

سلام الله عليكم
مدة طويلة لم نتواصل فيها (لعل المانع خير) وإن سألتم عننا فنحن لا نفقد إلا سوى عدم مشاهدتكم المرضية. شقيش مفتوحة لكل المبدعين من داخل البلد وخارجها. وسنبدأ قريباًبإذن الله نشر الجزء الثاني من (تغريبة بني شقيش وفارسهم الهمام المشلهت الدياسبوري) زيكم كدا- ولو شفت مشلهت اتشلهت جنس شلهتة ومكلفت اتكلفت جنس كلفتة وومشخبط اتشخبط جنس شخبطة... غايتو خليها ساكت..

سلامات د. محمد

أين ذهبت يا رجل ... قربنا نرسل ليك

تلغراف .. "ياحليل أيام التلغرافات"

تهانينا بالاصدارات الجديدة ......

أما عبدالقادر الذي أعرفه شخصيا والذي

جن في النصف الثاني من أربعينات القرن

الماضي (عقب مذكرة الخريجين مباشرة) فقد

"أفاق" في عام 1983 بعد أن عمت بركة الشريعة

(النميرية) البلاد والعباد!!!!!!!!!!! وعمل سائق حافلة بين

"الثورة والخرطوم" أولا ثم سائق (دفار) بين المنشية

وشارع القصر "ميدان أبوجنزير" !!!!!!!

وقد أفادني أخي الفاتح يوسف جبرا مؤخرا أن الأخ عبدالقادر

قد انتكس بعد أن (جهجهته) عصابات الجبايات في شوارع الخرطوم

وقد احتل إحدى الصواني قرب متحف التاريخ الطبيعي في قلب

الخرطوم وهو يحمل لافتة كتب عليها : "الله أكبر" باللون الأخضر

وتحتها مباشرة كتب باللون الأحمر (بتاعة زمان) بين قوسين !!!!!!!


تحياتي لك مع صادق الود لك وللخرطوم (بتاعة زمان)!!!!!!!!!

وشقيش ؟؟؟؟؟؟؟؟؟؟ !!!!

الف حمد للة علي السلامة يا بروف
والفين مبروك علي الاصدارة (شقيش) وعلي اعادة طبع
كتابكم الرائع سلامات لو كان عندنا خبر كان ظبتنا ليكم لوحة الغلاف
دي كلها اخبار تستاهل الضبيحة

مع تمنياتي لكم بمذيد من العطاء لاثراء المكتبة السودانية

يا أخي أشكرك جزيل الشكر..

وعلى هذه الصورة الرائعة المعبرة جعلها الله في ميزان حشراتكم . هل تعطينا نبذة عنها وهل تسمح لنا بأن نزين بها العدد القادم من جريدة (شقيش)؟

أخوكم ودالريح

الكتور حساس
السلام عليكم ورحمة الله
لا زالت أتلظي بجمر إنتظار ملاقاتكم مرة أخري بعد اللقاء الأول بيننا فى دمشق عام 2000م
ومنذ يوم السبت 27/1 وأنا أجول بين المكتبات بحثاً عن العدد الثاني من شقيق
بيد أنني أرجع من جولاتي خالي الوفاض
لا يخفي عليك وأنت سيد العارفين أن إنتظام الصدور هو الذي يقوي من أواصر الإنتماء
بين أي مطبوعة وقارئها
علي كل
أتمني لكم التوفيق من كل قلبي
وتجدني علي أتم الإستعداد لتقديم ما يسهم في نجاح إصدارتكم
ولكم الود
فضل كرار

Quote: هل تعطينا نبذة عنها وهل تسمح لنا بأن نزين بها العدد القادم من جريدة (شقيش)؟

هذة الصورة عثرت عليها في هذا الاسفير العريض، ولا املك حق نشرها،
كما انها غير محمية من النسخ بوسائل الحمامية التي اصبحت متوفرة هذة الايام
فاعتقدت انها مشاعة وقمت باستخدامها .هذة نبذة عن الصورة. اما عن امكانية اعادة نشرها فهذا يتوقف علي مدي تهوركم


كل الذي يمكنني ان اهديكم الصور التالية والتي امتلك حق نشرها وتوزيعها
والتصرف فيها.. يمكنكم استخدامها بالطريقة التي تحبون. هذابمثابة صك. لكن للاسف الصور طلعت كبيرة جدا ولا عرف شي عن امكانية تصغيرها
نرجو المساعدة من اهل الدراية

مرحبا دكتور الريح ..
نود مطالعة شقيش على شبكة الانترنت ..
في طريقة ولا مافي ؟؟

Quote: مرحبا دكتور الريح .. نود مطالعة شقيش على شبكة الانترنت .. في طريقة ولا مافي ؟؟

اضم صوتي الى صوت الاخ محمد ابراهيم قرض، واسال عن امكانية توفر نسخة الكترونية للمجلة..
الواقع انا (ملبكة) في مجلة شقيش منذ العدد التجريبي الاول والذي اهدانا نسخة منه الدكتور محمد عثمان الجعلي.. حينما كان موجودا بالرياض..
وهي بحق، مجلة شديدة الروعة..
حليمة

Quote: وهي بحق، مجلة شديدة الروعة..

شوقتونا للجملة.

سلام عليكم يا دكتور
ما تنسوا طبعة الخليج نتمنى ان تصلنا.

مبروك يا دكتور الإصدارة الجديدة الجريدة ( شقيش )

و ( سلامات ) على السلامات

وشقيش ما تقبل نحن معاك يا حساس

يا الكلك إحساس

وتعليقا على صورة أخونا أبراهيم برسي

( حرم كان نضبح ليك )



مع مودتي 000

Ya doctor

Congratulation for this long awaited step. U know how sad I was because of the untimely demise of SHIGAISH and now as I see it resurrected in your beautiful paradise , I feel so thrilled and highly motivated to be one of its staff.

Thanks

Abdelrahim

سيدى راعى هيئة حلمنتيش، وحادى دربها من مافيش، ومجنن عبدالقادر الدرويش، والناس الكراويش، من الاول للطيش، ورئيس تحريرسلامات وشقيش، لازم ترسلى بقشيش، اعداد مشلهت الدياسبورى وبلاش تطنيش..

ايها الزول المشلهت
فى جبال الغربة تنحت
من بلاد اليانكى تبعت
وجيبك المقدود بينكت
بنكنوت اخضر مختت
وانت حالتك والله ازفت
بس تقول الحمدو واسكت
يا مشلهت
يا مكلفت
يا معفرت
يا مشتت
يا مفتت
يا مزفت
يا مجرمت (الحرف النوبى كما فى مولانا قال اسد الخلا الجرجر)

لك الود القديم

نورالدين منان

يا دكتور حساس

سلامات

شقيشك انت

وشقيش نقبل عشان نلقاك

منتظرنك في الانترنت (أنت وشقيش)

عشان نتواصل مع المشلهتين والمكلفتين

(عارف يا دكتور نحن هنا بعدكم اتشلهتنا جنس شلهتا واتكلفتنا واطرتشنا جنس طرطشة
اخير الواحد كان يكون (مضروب جير) ويكتب على خديه من الناحيتين الشمال واليمين
(يا مفارق هذا السودان ستفتقد ريحة البمبان) يمكن كان قعدنا

وده الجننا وجنن عبد القادر

مبروك شقيش الجريدة
وعقبال ما نشوفها في الانترنت

جمال

الدكتور محمد تحياتي واشواقي ،،،
الف مبروك الاصدارات الجديدة ..

احتفظ باخر اصدار لسلامات واجد كل المتعة عند اعادة قراءتها... التحية لك ومن خلالك الى شروم الكدمبوس واهلنا الطيبين ( الفاضلين )

Quote: نود مطالعة شقيش على شبكة الانترنت .. في طريقة ولا مافي ؟؟

سلامات يادكتور ود الريح

اتنين فد سجة - ماشاء الله وان شاء الله تكون فركتها

فركتها

تحياتى لك وللجميع الجعلى وصديق جنى ود كدودة والجميع

تحياتى د. محمد عبد الله الريح
للأسف لن أستطيع متابعة شقيش لأنى ( مرقتها ) فى أمريكا. .
سأرسل لك مساهمة وأرجو أن تصلح للنشر. .
وسأرسل لك بعض الصور لمحاضرتك القيمة بكلية الطب ( الدبايب والنصايب )
سلاااام

دكتور / محمد
سلام الله عليكم
افرحني هذا الخبر واعاد علينا ذكريات جميلة في زمن جميل فلقد قرأنا كتاب سلامات عند صدوره
لك كل الشكر ايها الرجل الجميل

سوال:
هل موجود في دول الخليج ؟

Quote: وقد أفادني أخي الفاتح يوسف جبرا مؤخرا أن الأخ عبدالقادر وقد انتكس بعد أن (جهجهته) عصابات الجبايات في شوارع الخرطوم وقد احتل إحدى الصواني قرب متحف التاريخ الطبيعي في قلب الخرطوم وهو يحمل لافتة كتب عليها : "الله أكبر" باللون الأخضر وتحتها مباشرة كتب باللون الأحمر (بتاعة زمان) بين قوسين !!!!!!!

أولا كل التحية والتقدير لأستاذنا و(دى ما فيها شك) الدكتور ودالريح و(حقيقى) طولنا من (كتاباتو) الرائعة الجميلة ومن أسلوبه (الساخر) و(خيالو العجيب!!) وأتمنى صادقاً من كل قلبى أن يكتب (لشقيش) النجاح الباهر الذى يجعلها ترفل فى حلة (طباعية) زاهية تجعلها(تحلية) مائدة الصحافة السودانية !!

تانيا : يا خوى فاروق الظاهر أنا ما كلمتك بآخر مستجدات أخونا (عبدالقادر) والذى بعد أن إحتل (الصينيه) وإتحكر ورفع (لافتو التحريضية) قامو(الجماعة) إستدعوهو وقالوا ليهو :
- ده شنو يا عبدالقادر البتعمل فيهو ده ؟؟ والبهدله المتبهدلا دى نحنا قررنا (نعينك) رئيس (لهيئة الجن والمجانين) ونديك مكتب ومرتب وعربية وموبايل !!
لدهشة (الجماعة) قام عبدالقادر (إتجنن) أكتر ورفض العرض قائلاً :
- أنا عاوزنى (أشتغل معاكم) إنتو الحقو تشتغلو معاى .. أنا غنى ليا (أحمد المصطفى) إنتو (الغنى ليكم) منو؟؟؟
وبعد ما قام (عبد القادر) رجع لى (صينيتو) قامو رسلو ليهو (البكاسى) الما بتغباك
وشالو منو (الصينية) وخلو ليهو (الكبابى) !! وهسع (عبدالقادر) -يا فاروق- شايل (كبابيهو) وحايم !!

Quote: وشالو منو (الصينية) وخلو ليهو (الكبابى) !! وهسع (عبدالقادر) -يا فاروق- شايل (كبابيهو) وحايم !!

لا حول ولا قوة إلا بالله !!!!!!!!!!!!!!

أها ,,,,,,,,,


والقزاز ؟!!!!!!!!!!!

التحية والتهاني للدكتور ود الريح .

وقد وجب ضرورة تدخل اهل الدراية لتصغير لوحة الفنان ابراهيم برسي ...
لان البوست فرد جنباته ..
وماتعرف شق ايش رايح !! ... ودا الى حـ / يجنن ود الريح..
ومحاولاتي بالبريد المعلن ..

Quote: والقزاز ؟!!!!!!!!!!!

... فيهو دهان أدى (عادى) جبنا من تبالى (طبالى)!!!!!

نورالدين منان

يا حيليلك يا فاروق ياخوى يا القايل إنو (الجماعة) قاعدين يخلو (القزاز) !!!

الدكتور / محمد عبد الله الريح

أسعد الله مساك بكل خير ,,,
________________________________________________________
مع مداخلة الاستاذه الكبار في بحث أسباب جن عبد القادر من طشاش قراءات زمأأأأأأأأأأأن,,,,,,,,,

عبد القادر ده وأحد داخ السبعة دوخات مع ناس المساحة عشان قطعه أرض ولما أعيتو الحيل أتكفل يدخل وأحد من قرايبوا الجامعة يدرس هندسة مساحة وأنتظروا سنه بعد سنه ولما أتخرج أغترب فجنه عبد القادر أو حكاية قريبة لدي

مع أنو حالياً في مليون حاجة ممكن تجنن عبد القادر

في مطلع الصبا قرءنا لك كثيرا د.حساس محمد حساس

فالتهنئة لك بصدور كتابك

قاري قديم

شكراً يا ناذر ... UP وكده !!

جميل يا ناذر

كده بس اخونا الفنان القدير (برسي) علية يدخل ويعمل تعديل او يحذف جزئية الصور !!

افضل طريقة اني اغير اللوحات دي


وكلكم كدة تعالوا افطروا معانا واشربو ليكم حاجة