Post: #1 Title: هدف كاريكا الذّكي والرّائع في مباراة الهلال والإتّحاد الليبي Author: لؤى Date: 10-04-2010, 08:15 PM Parent: #0
.
Post: #2 Title: Re: هدف كاريكا الذّكي والرّائع في مباراة الهلال والإتّحاد الليبي Author: محمد عبدالرحمن Date: 10-04-2010, 08:21 PM Parent: #1
شكرا يالؤى ..
تصدق ببحث عنو من قبيل ..باص معلمين ..وتعامل معلمين من كاريكا ..نفص الباص لعبو هيثم لامبيلى فى مباراة اول اغسطس ..كورة مقطوعة من الخصم وتحويلها لهجمة مضادة فى ثوانى ..نتج عنها هدف فى مباراة اول اغسطس ..وعبث الحظ لكاريكا فى مباراة امس ..وربما عبرت الكرة خط المرمى .. غير واضح بالنسبة لى ...
Post: #3 Title: Re: هدف كاريكا الذّكي والرّائع في مباراة الهلال والإتّحاد الليبي Author: عبدالوهاب علي الحاج Date: 10-04-2010, 08:30 PM Parent: #2
Post: #4 Title: Re: هدف كاريكا الذّكي والرّائع في مباراة الهلال والإتّحاد الليبي Author: khaleel Date: 10-04-2010, 08:30 PM Parent: #2
تاني بقول ليك يا لؤي
الاجمل هو ان الكرة ضربت في القائم ولم تدخل الشباك
اذا دخلت حا يكون قون كلاسيكي يشبه قون وليد طايشين في المنتخب العراقي
والاجمل منهم كلهم الباصات دي
محاضرة عديل كدة
Post: #8 Title: Re: هدف كاريكا الذّكي والرّائع في مباراة الهلال والإتّحاد الليبي Author: لؤى Date: 10-04-2010, 08:48 PM Parent: #4
Quote: والاجمل منهم كلهم الباصات دي
محاضرة عديل كدة
مزّيكا يا قسطنطيـن
أو كما قال خليل
Post: #5 Title: Re: هدف كاريكا الذّكي والرّائع في مباراة الهلال والإتّحاد الليبي Author: لؤى Date: 10-04-2010, 08:36 PM Parent: #2
Quote: شكرا يالؤى ..
تصدق ببحث عنو من قبيل ..باص معلمين ..وتعامل معلمين من كاريكا ..نفص الباص لعبو هيثم لامبيلى فى مباراة اول اغسطس ..كورة مقطوعة من الخصم وتحويلها لهجمة مضادة فى ثوانى ..نتج عنها هدف فى مباراة اول اغسطس ..وعبث الحظ لكاريكا فى مباراة امس ..وربما عبرت الكرة خط المرمى .. غير واضح بالنسبة لى ...
يا مـحمّد سلامات
شوف قبلها قلعة يوسف للكورة كيف والباص السّريع الـمستعجل لـهيثم وباص هيثم الأسرع لكاريكا وذكاء وتصرّف كاريكا والـمزّيكا
تـحاياي
Post: #7 Title: Re: هدف كاريكا الذّكي والرّائع في مباراة الهلال والإتّحاد الليبي Author: صبري طه Date: 10-04-2010, 08:47 PM Parent: #5
لك التحية أخي لؤي ...
والكُرة لم تتجاوز خط المرمى ...
إنما ضربت القائم وارتدت إلى خارج المرمى ...
ولك ودي ،،،
Post: #9 Title: Re: هدف كاريكا الذّكي والرّائع في مباراة الهلال والإتّحاد الليبي Author: محمد عبدالرحمن Date: 10-04-2010, 08:57 PM Parent: #7
دا هدف امبيلى فى اول اغسطس ..
Post: #10 Title: Re: هدف كاريكا الذّكي والرّائع في مباراة الهلال والإتّحاد الليبي Author: طارق الكوتش Date: 10-04-2010, 09:02 PM Parent: #9
يالله جملة و تهديف جميل و رائع بس الحلو ما بيكمل يا خليل
واعتقد يا وهبه ولوى انها ارتدت من القائم ولم تتجاوز المرمى لان سرعة الكره بعد الارتداد كانت كبيره ... والله اعلم
Post: #11 Title: Re: هدف كاريكا الذّكي والرّائع في مباراة الهلال والإتّحاد الليبي Author: tmbis Date: 10-05-2010, 07:25 AM Parent: #10
والله يا لؤي اليومين دي الواحد بيجي داخل البورد وبيكتب وهو مغمض .. وعارف إنو تغميضتو دي وكتابتو د ما بتقع ليها إلا في بوست فيهو حاجة طاعمـة .. في مباراة هــلال موردة كان في جملة كدا اعتقد إنو اي واحد شافه وقف حيلو وقعد يصفق وانتهت عند سادومبا ورفعه بشكل جيد والحظ عااكس .. الجملة دي اتساقت فيها الكورة على طريقة برشلونة .. اتضربت الكورة اكتر من مرة بي لمسة واحدة وكل مرة كان المحرك أو بداية اللمسة بتبدا من هيثم .. طق طررق طق طررق .. يللا دي الكورة المتعة البقولو عليها.. يعني ما تغلب ساكت .. تغلب وتمتع نفسك اول حاجة حتين بعدين تمتع الناس التانيين .. كاريكا حظو كان زي حظ فريق الاتحاد اليوم داك .. الكورة دي لو جات على ضمانتي الشخصية الاتحاد الليبي كان اتفرتق بي تلاتة اقوان تاني .. الكورة دي ملعوبة بي مقاس عجيب جدا .. حقو إدارة الهلال وناس الاتحاد العام يكونو لجنة بتاعت مساحة وتخطيط .. يمشو يقيسو المسافات بتاعت المرمى دا اكيد في حته مفتولة ..
Post: #12 Title: Re: هدف كاريكا الذّكي والرّائع في مباراة الهلال والإتّحاد الليبي Author: فيصل نوبي Date: 10-05-2010, 07:33 AM Parent: #11
سلامات يا لؤي حقيقة كاريكا في مباراة ليبيا ( لعب كما لم يلعب من قبل ) لم أشاهد كاريكا من قبل بالحيوية و النشاط و تضييق المساحات و السرعة و حرورية القلب " الله يطراكـ بالخير يا احمد يا ريح " حقيقي تمنيت ثلالثة أهداف و لم تحدث الاول لكاريكا الثاني لمهند الثالث لسيدا الكورة التي إعتلت القائم ..
_ فريق الاتحاد الليبي بيكونو لي هسي بيحمدو الله علي النتيجة اللي رجعو بيها .. عادت المقبرة الي عهودها و بإذن الله يبداء العدد من جديد و بإذن واحد أحد يصل الي اعلي من الرقم الفائت 114 مباراة دون هزيمة إن لم تخني الذاكرة.
Post: #13 Title: Re: هدف كاريكا الذّكي والرّائع في مباراة الهلال والإتّحاد الليبي Author: وليد عبد اللطيف Date: 10-05-2010, 07:53 AM Parent: #12
ياهلالاب ياحلوين
Quote: شكرا يا لؤي للبوست ذكرت في بوست مجاور وعلى هذا الرابط Re: كاريكا يا مدرسة ... فن ولعب وهندسة ان الكورة دي ابوها قون مافي اي كلام
خلاص قمنا للخرخرة . . هل في واحد سأل نفسة لماذا قدم كاريكا هذا المستوى ؟ لان الان اصبح له منافس قوي وقوي جدا (بكري المدينه) وهل واحد فيكم سأل نفسة لماذا لم يكون المعز محجوب بمستوى الهلال ؟ لان لا يوجد له منافس وممكن يجلسة في كنبة الاحتياطي . . وهذه هي تسمى المنافسة الشريفة بين اللاعبين والمصارية شطار في هذه الثقافة يعني لو جاتك نزلة بس ولم تتمرن تمرين تلاقي واحد ركب في خانتك وتكون دقست .
---------------------------------- ابو اللول هذا الهدف كان ممكن يكون اجمل من هدف بشة الذي تعامل معه بمهارية عالية .. ولو ماجبتو الكاس ما ترجونا هنا
Post: #14 Title: Re: هدف كاريكا الذّكي والرّائع في مباراة الهلال والإتّحاد الليبي Author: عبدالله السفاح Date: 10-05-2010, 08:34 AM Parent: #13
استاذنا لؤي
كاريكا ابدع في مباراة الاتحاد وكان يستحق ان يحرز هدف
وقد تعامل مع الكرة كما يجب ... واظن ان الكرة دخلت المرمى
لدرجة انني احتفلت بالهدف وتفأجات بعدم احتسابه ..
Post: #15 Title: Re: هدف كاريكا الذّكي والرّائع في مباراة الهلال والإتّحاد الليبي Author: عمار يس النور Date: 10-05-2010, 11:03 AM Parent: #14
هدف إمبيلي المنغوض و الله يزعل عديل كده. الهدف جميل جدا و صحيح و لا يوجد اي تسلل فيه.
الفترة الاخيرة وصيف الزمان إتجهه نحو رجال الخط و أصبحوا هم من يشربون الشاي باليانسون و لو ما مصدقني شوفوا الفيديو ده:
حاملة الراية الظاهر عندو وصية إنو اي هجمة مرتدة سريعة طوالي يرفع رايتو. الراجل مخلوع و من غير ما يدري طوالي نفذ الاوامر. مافي اي سبب ثاني يجهل رجل خط في مباراة كبيرة تمثل قمة بين ناديين من اكبر الاندية في افريقيا ان يقع في مثل هذا الخطأ المخجل.
Post: #25 Title: Re: هدف كاريكا الذّكي والرّائع في مباراة الهلال والإتّحاد الليبي Author: لؤى Date: 10-09-2010, 10:57 AM Parent: #15
Quote: مافي اي سبب ثاني يجهل رجل خط في مباراة كبيرة تمثل قمة بين ناديين من اكبر الاندية في افريقيا ان يقع في مثل هذا الخطأ المخجل
أخـي عـمّار سلامات
شيء عجيب والله مبااااااااااااااالغة معقولة الكورة دي إتـحسبت تسلّل ؟ ولاّ حاجة تانية ؟؟؟؟؟
تـحاياي
Post: #24 Title: Re: هدف كاريكا الذّكي والرّائع في مباراة الهلال والإتّحاد الليبي Author: لؤى Date: 10-09-2010, 10:43 AM Parent: #14
Quote: استاذنا لؤي
كاريكا ابدع في مباراة الاتحاد وكان يستحق ان يحرز هدف
وقد تعامل مع الكرة كما يجب ... واظن ان الكرة دخلت المرمى
لدرجة انني احتفلت بالهدف وتفأجات بعدم احتسابه ..
أخـي عبد الله سلامات
والله هو ما حدث معـي كذلك ياريت لو مستوى التّصوير عندنا مـحترم كانت اللقطة دي إتشافت من عُدّة إتّـجاهات وزوايا
تـحاياي
Post: #23 Title: Re: هدف كاريكا الذّكي والرّائع في مباراة الهلال والإتّحاد الليبي Author: لؤى Date: 10-09-2010, 10:38 AM Parent: #13
Quote: ابو اللول هذا الهدف كان ممكن يكون اجمل من هدف بشة الذي تعامل معه بمهارية عالية .. ولو ماجبتو الكاس ما ترجونا هنا
ويلـي سلامات
والله يا وليد كدا بدون ما يبقـى قون أنا في رأيي أجـمل من القون والكأس جايي يا وليد عارف ؟ ثقافة إنّك تصل المراحل دي بشكل متكرّر وسنوي هي الفـي النّهاية بتقود للكأس لو ما أوّل وتانـي وتالت مرّة فبتعالِج الخلل وبتعلِّـم الأُسلوب وفي النّهاية بيتجاب الكأس كما حدث مع الفرق الأُخرى التـي نالت هذا الكأس أو شقيقه الأكبـر وأنا متفائل جدّاً للـهلال والـمرّيخ معاً
وُدّي
Post: #22 Title: Re: هدف كاريكا الذّكي والرّائع في مباراة الهلال والإتّحاد الليبي Author: لؤى Date: 10-09-2010, 10:31 AM Parent: #12
Quote: سلامات يا لؤي حقيقة كاريكا في مباراة ليبيا ( لعب كما لم يلعب من قبل ) لم أشاهد كاريكا من قبل بالحيوية و النشاط و تضييق المساحات و السرعة و حرورية القلب " الله يطراكـ بالخير يا احمد يا ريح " حقيقي تمنيت ثلالثة أهداف و لم تحدث الاول لكاريكا الثاني لمهند الثالث لسيدا الكورة التي إعتلت القائم ..
_ فريق الاتحاد الليبي بيكونو لي هسي بيحمدو الله علي النتيجة اللي رجعو بيها .. عادت المقبرة الي عهودها و بإذن الله يبداء العدد من جديد و بإذن واحد أحد يصل الي اعلي من الرقم الفائت 114 مباراة دون هزيمة إن لم تخني الذاكرة.
فيصل العزيز سلامات
عليك الله الـما لعب منو ؟ وعليك الله مـحاولات كاريكا ومهنّد والـمعلّـم الصّغيـر الكبيـر عمر بـخيـت وهيثـم وديـمبّا وسيف وبشّة لو كُلّها دخلت الإتّـحاد دا كان رجع ليبيا ؟ بعديـن الـمعز دا ما جاب قون ليه ؟؟؟؟
تـحاياي
Post: #21 Title: Re: هدف كاريكا الذّكي والرّائع في مباراة الهلال والإتّحاد الليبي Author: لؤى Date: 10-09-2010, 10:20 AM Parent: #11
Quote: والله يا لؤي اليومين دي الواحد بيجي داخل البورد وبيكتب وهو مغمض .. وعارف إنو تغميضتو دي وكتابتو د ما بتقع ليها إلا في بوست فيهو حاجة طاعمـة .. في مباراة هــلال موردة كان في جملة كدا اعتقد إنو اي واحد شافه وقف حيلو وقعد يصفق وانتهت عند سادومبا ورفعه بشكل جيد والحظ عااكس .. الجملة دي اتساقت فيها الكورة على طريقة برشلونة .. اتضربت الكورة اكتر من مرة بي لمسة واحدة وكل مرة كان المحرك أو بداية اللمسة بتبدا من هيثم .. طق طررق طق طررق .. يللا دي الكورة المتعة البقولو عليها.. يعني ما تغلب ساكت .. تغلب وتمتع نفسك اول حاجة حتين بعدين تمتع الناس التانيين ..
تامبا صباحك أبيض
ياخـي الأيّام دي ما تغمّض مش هاتئدر تغمّض عينيك الأيّام دي تفتـح شديد وتبـحلق عديل كمان عشان ما تفوتك تـمريرة برنسيّة ولاّ باكورد ولاّ حاجة
وُدّي
Post: #20 Title: Re: هدف كاريكا الذّكي والرّائع في مباراة الهلال والإتّحاد الليبي Author: لؤى Date: 10-09-2010, 10:08 AM Parent: #10
Quote: يالله جملة و تهديف جميل و رائع بس الحلو ما بيكمل يا خليل
واعتقد يا وهبه ولوى انها ارتدت من القائم ولم تتجاوز المرمى لان سرعة الكره بعد الارتداد كانت كبيره ... والله اعلم
يا كوتش سلامات
ياخي دي أجـمل لقطة فـي الـمباراة
تـحاياي
Post: #17 Title: Re: هدف كاريكا الذّكي والرّائع في مباراة الهلال والإتّحاد الليبي Author: لؤى Date: 10-05-2010, 03:21 PM Parent: #9
Quote: دا هدف امبيلى فى اول اغسطس
يا سلااااااااااااااام يا مـحمّد ياخـي
روووووووووووووعة
Post: #16 Title: Re: هدف كاريكا الذّكي والرّائع في مباراة الهلال والإتّحاد الليبي Author: لؤى Date: 10-05-2010, 03:14 PM Parent: #7
Quote: لك التحية أخي لؤي ...
والكُرة لم تتجاوز خط المرمى ...
إنما ضربت القائم وارتدت إلى خارج المرمى ...
ولك ودي ،،،
أخـي صبري سلامات
حينّما شاهدت المباراة على شاشة 52 بوصة صدّقنـي لـم أشك لـحظة فـي إصطدام الكرة بالـجُّزء الدّاخلي للقائـم وملامسة الشّبكة وتبقـى الأمور فـي علـم الغيب لكن الهدف الرّئيسي ليس إحتساب الـهدف من دونه وإنّـما روعة التّهديفة والذّكاء فـي الفكرة والتّصرّف الصّحـيح والسّريع جدّاً وهذا يجعلها أجـمل من هدف عندي
مودّتـي
Post: #18 Title: Re: هدف كاريكا الذّكي والرّائع في مباراة الهلال والإتّحاد الليبي Author: عماد شمت Date: 10-05-2010, 06:57 PM Parent: #16
الاخ الكريم لؤي تحية واحترام
قلت اقص دربك يابالكفر يابالوتر ..اه لقيتك علي النجيلة جلسنا...
اصلو كايس لي الحبيب عامر الجوهري مغروض في تلفونه لو امكن ارسله لي
في الخاص لو مافيها ازعاج ...
لك كثير محبتي وودادي
Post: #19 Title: Re: هدف كاريكا الذّكي والرّائع في مباراة الهلال والإتّحاد الليبي Author: عماد شمت Date: 10-06-2010, 07:46 PM
كان كده ..يااخوااانا شوفي لي اغنية حااااارة
نشرك بيها ل لؤي ...
في الانتظار ياحبوب
Post: #27 Title: Re: هدف كاريكا الذّكي والرّائع في مباراة الهلال والإتّحاد الليبي Author: لؤى Date: 10-09-2010, 11:12 AM Parent: #19
Quote: كان كده ..يااخوااانا شوفي لي اغنية حااااارة
نشرك بيها ل لؤي ...
في الانتظار ياحبوب
أخـي عماد سلامات
ما مـحتاجة شرك يا حبيب ما تابعت الـمنبـر يوميـن بس فعُذراً ورسّلت ليك الرّقـم فـي ماسنجرك يوم الـخميس
تـحاياي
Post: #26 Title: Re: هدف كاريكا الذّكي والرّائع في مباراة الهلال والإتّحاد الليبي Author: لؤى Date: 10-09-2010, 11:00 AM
Quote: الاخ الكريم لؤي تحية واحترام
قلت اقص دربك يابالكفر يابالوتر ..اه لقيتك علي النجيلة جلسنا...
اصلو كايس لي الحبيب عامر الجوهري مغروض في تلفونه لو امكن ارسله لي
في الخاص لو مافيها ازعاج ...
لك كثير محبتي وودادي
عماد الفنّان سلامات
أرسلت لك رقم عامر فـي الخاص وبالتّأكيد ما فـي أيّ إزعاج يا عزيزي
