Post: #5 Title: Re: ( سافِر بالسّلامة ) كُلّ الحُب يبراك ما بين قطر والصّين ( يجيبك لينا راجع ) Author: لؤى Date: 08-27-2010, 12:38 PM Parent: #2
Quote: الكان بديك فيزا للكلاكلة منو يا أبواللول
يا صديقي سلامات
معليش صلّحنا ليك الكلاكلة في المداخلة عشان باقي النّاس تفهم عربيك الـمـجهجه دا كان الكلالكة دي عربي بعدين عليك الله فيزا لشنو ؟ وجود بابا دا فيها زمان ما جنسيّة عديل ؟
رمضانك كريم
Post: #6 Title: Re: ( سافِر بالسّلامة ) كُلّ الحُب يبراك ما بين قطر والصّين ( يجيبك لينا راجع ) Author: saadeldin abdelrahman Date: 08-27-2010, 05:34 PM Parent: #5
Quote: معليش صلّحنا ليك الكلاكلة في المداخلة عشان باقي النّاس تفهم عربيك الـمـجهجه دا كان الكلالكة دي عربي
عاين جنس ده بالله! قاعد في بلد ما عارف رئيسها منو؟
كلكلة إسم إمرأة فارسة عاشت هناك لذا جاء إسم الجمع كلاكل/ا/ت.
Quote: أصل التسمية : سبب تسمية الجعليين العوضية بالكلاكلة تعود هذه التسمية الى ( كلكلة) وهي اسيرة عاد بها ( حمد الله بن محمد العوضى ) من احدى رحلاته الى المنجرة اثناء متاجرته بالتمور وروي عنها انها كانت مسترجلة وفارسة وهى بنت الملك حسب الله الذى كان يسكن غرب النيل الابيض قبالة منطقة الكلاكلة التى كانت تسمى قديما (جبل المى ضحى) وتسمى حاليا ( فتاشة) وقد جعلها (حمد الله) لكى تدرب اولاده على ركوب الخيل وكانت تقول لهم (كلكلوا الخيل) وهى جملة تدل على ابراز الصدر للقوة والجري ولما سمع الناس منها ذلك اصبحوا يقولون لاولاد ( حمد الله ) اولاد كلكلة وهى فى الحقيقه ليست امهم انما امهم هى فاطمة من بنى الصفر الجعليين .
بيني بينك إنت غير فيزة بابا و سمكنا ماف شئ بجيبك بهناك شفت الجندرة عندنا تأريخية و مأصلة كيف؟
Post: #10 Title: Re: ( سافِر بالسّلامة ) كُلّ الحُب يبراك ما بين قطر والصّين ( يجيبك لينا راجع ) Author: لؤى Date: 08-28-2010, 08:43 AM Parent: #6
Quote: عاين جنس ده بالله! قاعد في بلد ما عارف رئيسها منو؟
يا شيخنا إزّيّك
الحمد لله على نعمه والله كمان فضل أعرف الكلاكلة قال صنقعت ولفّة ياخي قوم لف
درعت السّمك فيني ؟
Post: #12 Title: Re: ( سافِر بالسّلامة ) كُلّ الحُب يبراك ما بين قطر والصّين ( يجيبك لينا راجع ) Author: saadeldin abdelrahman Date: 08-28-2010, 07:41 PM Parent: #10
Quote: الحمد لله على نعمه والله كمان فضل أعرف الكلاكلة قال صنقعت ولفّة ياخي قوم لف
والله أقوم عليك تلحق تمتام صنقعت دي دار بابا أيها العاق حيث الفن والجمال الضروري لهجرة عصافير الخريف و السمبر أنا ما منها ..سمعت بالقبة أوربا؟ ----- دقيت عليك أمس يا أخينا شكلك كنت نائم..عبادة و كدا
Post: #13 Title: Re: ( سافِر بالسّلامة ) كُلّ الحُب يبراك ما بين قطر والصّين ( يجيبك لينا راجع ) Author: لؤى Date: 08-29-2010, 00:29 AM Parent: #12
أبو السّعود سلامات
Quote: والله أقوم عليك تلحق تمتام صنقعت دي دار بابا أيها العاق حيث الفن والجمال الضروري لهجرة عصافير الخريف و السمبر
يا زول الدّار بقت المعمورة بلا صنقعت بلا إتعسّـمت
Quote: دقيت عليك أمس يا أخينا شكلك كنت نائم..عبادة و كدا
بالله هو دا إنت ؟ طبعاً ما ظهر لي رقم فعرفتها مكالـمة دوليّة إفتكرتـها من السّويد لا كان كدا بنتكلّم بكرة بعد العبادة أو قبلها ومقصّر مع أبي الـجّعافر كمان والله
محبّتي
Post: #3 Title: Re: ( سافِر بالسّلامة ) كُلّ الحُب يبراك ما بين قطر والصّين ( يجيبك لينا راجع ) Author: Elmosley Date: 08-27-2010, 01:40 AM Parent: #1
تمنياتي للاستاذ الكبير محمد وردي بموفور الصحة والعافيه في زمن الاجترار هذا سوداننا في مسيس الحاجة الى امثاله من العمالقة
Post: #4 Title: Re: ( سافِر بالسّلامة ) كُلّ الحُب يبراك ما بين قطر والصّين ( يجيبك لينا راجع ) Author: Abdelrahim Elamin Date: 08-27-2010, 02:00 AM Parent: #3
Quote: سافر بالسّلامة يا أعزّ النّاس وكُلّ الـحُب يبراك ويـجيبك لينا راجع بألف سلامة يا رب
اللهم آميين
شكراً يا لؤي
Post: #9 Title: Re: ( سافِر بالسّلامة ) كُلّ الحُب يبراك ما بين قطر والصّين ( يجيبك لينا راجع ) Author: لؤى Date: 08-27-2010, 10:40 PM Parent: #4
Quote: اللهم آميين
شكراً يا لؤي
أخي عبد الرّحيم رمضان كريم
آمين
الشُّكر لك أنت يا عزيزي
Post: #7 Title: Re: ( سافِر بالسّلامة ) كُلّ الحُب يبراك ما بين قطر والصّين ( يجيبك لينا راجع ) Author: لؤى Date: 08-27-2010, 06:47 PM Parent: #3
Quote: تمنياتي للاستاذ الكبير محمد وردي بموفور الصحة والعافيه في زمن الاجترار هذا سوداننا في مسيس الحاجة الى امثاله من العمالقة
أُستاذ يوسف سلامات
ربّنا يحقّق الأماني ويعود العملاق لمواصلة مـجهوداته المعروفة في أمر رفعة الأُغنية السُّودانيّة
تقديري
Post: #8 Title: Re: ( سافِر بالسّلامة ) كُلّ الحُب يبراك ما بين قطر والصّين ( يجيبك لينا راجع ) Author: حامد محمد حامد Date: 08-27-2010, 07:49 PM Parent: #7
اللهم امين
تسلم يا لؤى وكن بخير
Post: #11 Title: Re: ( سافِر بالسّلامة ) كُلّ الحُب يبراك ما بين قطر والصّين ( يجيبك لينا راجع ) Author: لؤى Date: 08-28-2010, 09:45 AM Parent: #8
Quote: اللهم امين
تسلم يا لؤى وكن بخير
أخي حامد رمضان كريم
سلمت يا عزيزي وأنت بألف خير
تحاياي
Post: #14 Title: Re: ( سافِر بالسّلامة ) كُلّ الحُب يبراك ما بين قطر والصّين ( يجيبك لينا راجع ) Author: saadeldin abdelrahman Date: 08-29-2010, 01:16 AM
Quote: طبعاً ما ظهر لي رقم فعرفتها مكالـمة دوليّة
إيــه النباهة دي كلها! إنت بتذاكر من رانا ولا إيه؟؟ -----------------
صنقعت دي كلها أهلنا النوبيين والله اسمعوا بيك يلحقوك عبود!
Post: #15 Title: Re: ( سافِر بالسّلامة ) كُلّ الحُب يبراك ما بين قطر والصّين ( يجيبك لينا راجع ) Author: لؤى Date: 08-29-2010, 01:30 AM Parent: #14
Quote: صنقعت دي كلها أهلنا النوبيين والله اسمعوا بيك يلحقوك عبود!
من أندينا يأني طيّب أهديك الفينا مشهودة لتيمان عطبرة كيف ؟
حالتكم تحنّن ياخ
Post: #16 Title: Re: ( سافِر بالسّلامة ) كُلّ الحُب يبراك ما بين قطر والصّين ( يجيبك لينا راجع ) Author: احمد محمد بشير Date: 08-29-2010, 01:59 AM Parent: #15
في ميدان كبيييييير في الكلاكلة وراء المربوع بتاعنا في صنقعت إسمو ميدان وردي وفي الميدان دا كان عندنا فيهو ذكريات كتييييرة ‘ وياما قامت فيهو حفلات نوبية و مهرجانت إحتفالات بهذا العملاق وردي في فترة غيابو و إغترابوا في مصر و أمريكا و قطر وأخيرا الي بلاد الصين البعيده غايتو كل خميس كان و"مازال" بيكون في إحتفال في ميدان وردي ‘ والحمد لله الحكومة ما باعت الميدان ده لي قطع سكنيّة تخليدا لهذا العملاق وردي
فعشان كدة يا ابو اللول كلام اخونا القال ليك القبة "اوربا" دا ما تجدعو الواطا ‘ دا زول متابع وبيقول كلكلة كانت ملكة ساكنه هناك معانا .... انا كنت ما مصدق كلاموا دا ابداً إلا بعد ما جاب الإقتباس
هل أنت كنت ساكن الكلاكلة يا ابولول ‘ غايتو لو ما كنت ساكن فيها فمعناتو في حاجات كتيره راحت عليك.
أمنياتنا للقامة وردي برحلة موفقة وبعدها عودا حميدا لارض الوطن
..
Post: #17 Title: Re: ( سافِر بالسّلامة ) كُلّ الحُب يبراك ما بين قطر والصّين ( يجيبك لينا راجع ) Author: سامى عبد الوهاب مكى Date: 08-29-2010, 06:07 AM Parent: #16
بالسلامة للعبقري..
Quote: طيّب أهديك الفينا مشهودة لتيمان عطبرة كيف ؟
كدي بزعل منك..
Post: #19 Title: Re: ( سافِر بالسّلامة ) كُلّ الحُب يبراك ما بين قطر والصّين ( يجيبك لينا راجع ) Author: لؤى Date: 08-29-2010, 10:55 AM Parent: #17
Quote: كدي بزعل منك..
سامي يا صديقي سلامات
ياخوي المرّيخ والهلال وجهان لعملة واحدة يومين غالبين ويوم مغلوبين الكلام دا ليك إنت دا وبعض الأخوات والأخوة أمّا صاحبنا الفوق دا فمغلغلني ياخ أنا وأبوهو خلّيني أهدي ليهو براحتي بالله عليك
محبّتي
Post: #18 Title: Re: ( سافِر بالسّلامة ) كُلّ الحُب يبراك ما بين قطر والصّين ( يجيبك لينا راجع ) Author: لؤى Date: 08-29-2010, 10:24 AM Parent: #16
Quote: فعشان كدة يا ابو اللول كلام اخونا القال ليك القبة "اوربا" دا ما تجدعو الواطا ‘ دا زول متابع وبيقول كلكلة كانت ملكة ساكنه هناك معانا .... انا كنت ما مصدق كلاموا دا ابداً إلا بعد ما جاب الإقتباس
هل أنت كنت ساكن الكلاكلة يا ابولول ‘ غايتو لو ما كنت ساكن فيها فمعناتو في حاجات كتيره راحت عليك.
يا أحمد سلامات
يا زول بجدعو النّصيحة إنت ما عندنا معاك مشكلة لكن صاحبنا دا عننا معاهو تارات سابقات ( دي جمع ثأر )
يا زول كلاكلة شنو البسكنها ؟
Post: #20 Title: Re: ( سافِر بالسّلامة ) كُلّ الحُب يبراك ما بين قطر والصّين ( يجيبك لينا راجع ) Author: saadeldin abdelrahman Date: 08-29-2010, 11:11 AM Parent: #18
تالله إنك لا تزال في غيك القديم.
Quote: يا زول كلاكلة شنو البسكنها ؟
لعناية زميل المنبر Elkalakla Sanga'at و كل أهل الكلاكلات نوبيين و عرب.
--------
الشافك فاتح ليك بوست إعتذار و (أنا ما قاصد) ما كضب!
Post: #22 Title: Re: ( سافِر بالسّلامة ) كُلّ الحُب يبراك ما بين قطر والصّين ( يجيبك لينا راجع ) Author: لؤى Date: 08-29-2010, 04:42 PM Parent: #20
Quote: الشافك فاتح ليك بوست إعتذار و (أنا ما قاصد) ما كضب!
إعتزار إعتزار ما تحرجنا
آل الكلاكلة آل
Post: #24 Title: Re: ( سافِر بالسّلامة ) كُلّ الحُب يبراك ما بين قطر والصّين ( يجيبك لينا راجع ) Author: saadeldin abdelrahman Date: 08-29-2010, 06:13 PM Parent: #22
الدار بقت المعمورة و نسيت أيام كلكلة و التسجيلات هناك خربانة أم بنايا قش.. ياخي إنت سمك أمس نكرتو حطب! عالم ما يطمر فيها..
Post: #25 Title: Re: ( سافِر بالسّلامة ) كُلّ الحُب يبراك ما بين قطر والصّين ( يجيبك لينا راجع ) Author: لؤى Date: 08-29-2010, 11:25 PM Parent: #24
Quote: الدار بقت المعمورة و نسيت أيام كلكلة و التسجيلات هناك خربانة أم بنايا قش.. ياخي إنت سمك أمس نكرتو حطب! عالم ما يطمر فيها..
حاشا والله ما نسيتها بعدين أنصحك نصيحة أخويّة أنسى موضوع السّمك دا
الزّولة دي بتعيقك
Post: #21 Title: Re: ( سافِر بالسّلامة ) كُلّ الحُب يبراك ما بين قطر والصّين ( يجيبك لينا راجع ) Author: انعام عبد الحفيظ Date: 08-29-2010, 02:21 PM Parent: #1
ربنا يوصل الأستاذ محمد وردي بالسلامة
Quote: بيني بينك إنت غير فيزة بابا و سمكنا ماف شئ بجيبك بهناك
اهااااااا مين هناك؟؟؟؟
انا جيت
Post: #23 Title: Re: ( سافِر بالسّلامة ) كُلّ الحُب يبراك ما بين قطر والصّين ( يجيبك لينا راجع ) Author: لؤى Date: 08-29-2010, 04:56 PM Parent: #21
Quote: اهااااااا مين هناك؟؟؟؟
انا جيت
خُد أهاااااااااااااااا جاك بلاء جاك الموت يا تارك النّوم بسم الله الصّلاة تاني إتفاصح أهي دي عندها رأي كبير في الكلاكلات خصوصاً القلعة
إنعام إزّيِّك ياخي
Post: #26 Title: Re: ( سافِر بالسّلامة ) كُلّ الحُب يبراك ما بين قطر والصّين ( يجيبك لينا راجع ) Author: ابو جهينة Date: 08-30-2010, 00:04 AM Parent: #23
الخال العزيز تصحبه السلامة و يعود بألف عافية
تحياتي لؤي
دعواتنا له في هذا الشهر الكريم
Post: #28 Title: Re: ( سافِر بالسّلامة ) كُلّ الحُب يبراك ما بين قطر والصّين ( يجيبك لينا راجع ) Author: لؤى Date: 08-30-2010, 07:56 AM Parent: #26
Quote: الخال العزيز تصحبه السلامة و يعود بألف عافية
تحياتي لؤي
دعواتنا له في هذا الشهر الكريم
أُستاذ جلال صباح الـخير
آمين يا رب ربّنا يتقبّل الدُّعاء
سلمت
Post: #27 Title: Re: ( سافِر بالسّلامة ) كُلّ الحُب يبراك ما بين قطر والصّين ( يجيبك لينا راجع ) Author: saadeldin abdelrahman Date: 08-30-2010, 05:00 AM Parent: #23
Quote: نصيحة أخويّة أنسى موضوع السّمك دا
الزّولة دي بتعيقك
يا شاب.. السمك بننساه ما مشكلة.. أصلو إن أنت أكرمت اللئيم تمردا! لكن إنتهيت من فردتنا دي خـااالص
Post: #31 Title: Re: ( سافِر بالسّلامة ) كُلّ الحُب يبراك ما بين قطر والصّين ( يجيبك لينا راجع ) Author: لؤى Date: 08-30-2010, 12:11 PM Parent: #27
Quote: يا شاب.. السمك بننساه ما مشكلة.. أصلو إن أنت أكرمت اللئيم تمردا! لكن إنتهيت من فردتنا دي خـااالص
دي آخر أساليبك ؟ بقيت تشتغل بنظريّة فرّق تسُد ؟
طيّب
Post: #29 Title: Re: ( سافِر بالسّلامة ) كُلّ الحُب يبراك ما بين قطر والصّين ( يجيبك لينا راجع ) Author: انعام عبد الحفيظ Date: 08-30-2010, 10:47 AM Parent: #23
Quote: أهي دي عندها رأي كبير في الكلاكلات خصوصاً القلعة
انا؟؟؟؟ متين؟؟؟
يا لؤي إتصلّح معانا ياخ
Post: #30 Title: Re: ( سافِر بالسّلامة ) كُلّ الحُب يبراك ما بين قطر والصّين ( يجيبك لينا راجع ) Author: saadeldin abdelrahman Date: 08-30-2010, 11:22 AM Parent: #29
إتصلح شنو يا إنعام يعني بقت على دي! ياخ ده لجنك عديـل فوق إنعام (تعيق) يا لؤي؟؟ أمانة مـا بالغت و اتلومت ياخي!!
Post: #33 Title: Re: ( سافِر بالسّلامة ) كُلّ الحُب يبراك ما بين قطر والصّين ( يجيبك لينا راجع ) Author: لؤى Date: 08-31-2010, 10:49 AM Parent: #30
Quote: إتصلح شنو يا إنعام يعني بقت على دي! ياخ ده لجنك عديـل فوق إنعام (تعيق) يا لؤي؟؟ أمانة مـا بالغت و اتلومت ياخي!!
عايني بتاع السّـمك دا كمان بيصطاد في الـموية العكرة
قوم لِف ياخ
Post: #32 Title: Re: ( سافِر بالسّلامة ) كُلّ الحُب يبراك ما بين قطر والصّين ( يجيبك لينا راجع ) Author: لؤى Date: 08-31-2010, 10:20 AM Parent: #29
Quote: انا؟؟؟؟ متين؟؟؟
إنعام سلامات
هسّع في داعي أتلتل دكتور متوكّل وأجيبو شاهد ؟
مشتاقين
Post: #34 Title: Re: ( سافِر بالسّلامة ) كُلّ الحُب يبراك ما بين قطر والصّين ( يجيبك لينا راجع ) Author: saadeldin abdelrahman Date: 08-31-2010, 01:48 PM Parent: #32
يا أخينا السمك تنكروا ما مشكلة تطلعني لويس الثامن و بتاع فرق تسد و بصطاد في الموية العكرة ما مشكلة (أصلا إنت والمصريين ما خليتو حاجة يصيدوها) المشكلة في إغتيال الشخصيات العامة و الكواكب السيارة أعلاه دا غايتو هي كان خلتك أنا متدرعك..لامن تعفيك مننا!
Post: #35 Title: Re: ( سافِر بالسّلامة ) كُلّ الحُب يبراك ما بين قطر والصّين ( يجيبك لينا راجع ) Author: لؤى Date: 08-31-2010, 08:02 PM Parent: #34
Quote: يا أخينا السمك تنكروا ما مشكلة تطلعني لويس الثامن و بتاع فرق تسد و بصطاد في الموية العكرة ما مشكلة (أصلا إنت والمصريين ما خليتو حاجة يصيدوها) المشكلة في إغتيال الشخصيات العامة و الكواكب السيارة أعلاه دا غايتو هي كان خلتك أنا متدرعك..لامن تعفيك مننا!
لقيتك فظيع لكن غايتو لو حصل إنفاصل لا قدّر الله حايكون أكيد بسببك
هي مشت وين ؟
Post: #36 Title: Re: ( سافِر بالسّلامة ) كُلّ الحُب يبراك ما بين قطر والصّين ( يجيبك لينا راجع ) Author: انعام عبد الحفيظ Date: 09-07-2010, 12:35 PM Parent: #35
Quote: هي مشت وين ؟
انا جيت
Post: #37 Title: Re: ( سافِر بالسّلامة ) كُلّ الحُب يبراك ما بين قطر والصّين ( يجيبك لينا راجع ) Author: انعام عبد الحفيظ Date: 09-07-2010, 12:41 PM Parent: #35
Quote: المشكلة في إغتيال الشخصيات العامة و الكواكب السيارة أعلاه دا غايتو هي كان خلتك أنا متدرعك..لامن تعفيك مننا!
يعني لو الزول عايز يغيب شوية ما يقدر ؟؟؟ دا شنو دا الحاصل من وراي دا ؟؟؟ في شنو حاصل في البوست دا؟؟؟ بطّلوا البتعملوا فيهو دا منك له سريع
