(( وردي بالعود )) رمضانيّات ( جميلة ومستحيلة )

(( (( وردي بالعود )) رمضانيّات ( وردة صبيّة ) ))


(( (( وردي بالعود )) رمضانيّات ( عـــَــــوْدَة ) ))


(( (( وردي بالعود )) رمضانيّات ( يا نسمة ) ))


.

{ الضّغط هنا بالزّرّ (( الأيمن )) لحفظ أُغنية ( جميلة ومستحيلة ) وإختيار ( ... Save Target As ) }

.

يا سلاااااااام.
ابداااااااااع.
شكرا لؤي.

Quote: يا سلاااااااام. ابداااااااااع. شكرا لؤي

أخي مدحت
صباح الخير

يا سلام عليك ياخي
لك أنت الشُّكر يلا عزيزي





تحاياي

جـميلة ومستـحيلة

يا جـميلة ومستـحيلة
إنتي دائـماً زي سـحابة
الرّيح تعـجّل برحيلها
عيوني في الدّمعات وحيلة
أسـمحـيلها تشوف عيونِك أسـمحـيلها
أنا لا الصّبر قادر عليّ
ولا عندي حيلة

*****

حدّثتَ عنّك نـجـمة جارة
وزرعتَ إسـمِك حارة حارة
في مناديل العذارى
وفي مشاوير الـحيارى
في لـحاء الأشجار كتبتو
ونحتّو في صُم الـحجارة
بُـحتَ للشّـمس البتقدل في مدارها

*****

يا مراسي الشّوق تعالي
تعالي تعالي
لا الليالي تـمر بدونك هي الليالي
من ضواحي الدُّنيا جيت
جيت وعلي رحالي
لـمدائن في عيونِك يا مُـحالي
ريّـحينـي أستري حالي


*****

إنتي منّك لا بداية عرفتَ لسّا
ولا نهاية
مرّة أسرح ومرّة أفرح
ومرّة تغلبنـي القراية
لـمّا أكتب لِك وداعاً
قلبـي ينزف في الدّواية
يا صَبِيّة الرّيح ورايَ
خلّي من حضنِك درايا

.

العزيز لؤي

سلامات

إن شاء الله يوم شكرك ما يجي يامبدع

وربنا يمد في عمر الامبراطور محمد وردي ..

اخونا لوئ صاحب اجمل وامتع البوستات

رمضان كريم علينا وعليك

الواحد صراحة كدة بستمتع ببوستاتك ............. لكن وامسك فى لكن دى

اول التبادى ياخى الموسيقار وردى ما بيختو لية غنية واحدة فى كل بوست يعنى ( ياتخجنا .. بتلاتة تلتاشر... غنية يا كمان تدينا

...اتنين حداشر... من بيت الكلاوى"

والشئ التانى لو تكرمت انك تلقى حتة التشغيل التلقائى للمقطع لانو مرات كدة الواحد بيفتح البوست بتاعك فى المكتب والصوت بيكون الف

وفجعتا كدة تلقى الناس كلها بتاوق ليك

وفى النهاية يا لوئ العيد قرب وعليك اللة ( الطير المهاجر تسجيل قديم ) تكون هى العيدية

وكل عام انت واسرتك الكريمة بالف خير

امير

Quote: اخونا لوئ صاحب اجمل وامتع البوستات رمضان كريم علينا وعليك الواحد صراحة كدة بستمتع ببوستاتك

أخي أمير
مساء الـخير
الله أكرم

ربّنا يـجعلنا عند حُسن ظنّك دوماً

Quote: اول التبادى ياخى الموسيقار وردى ما بيختو لية غنية واحدة فى كل بوست يعنى ( ياتخجنا .. بتلاتة تلتاشر... غنية يا كمان تدينا ...اتنين حداشر... من بيت الكلاوى"

طبعاً يا أمير عندي تـجارب مع الـحاجة دي
الأغاني لو كترت في البوست الواحد
البوست بيبقى تقيل وما بيتفتح بسهولة
والقصد بوست لكُلّ يوم
زي فكرة لحن الـجُّمعة على سبيل المثال
بوست لكُلّ أغنية

Quote: والشئ التانى لو تكرمت انك تلقى حتة التشغيل التلقائى للمقطع لانو مرات كدة الواحد بيفتح البوست بتاعك فى المكتب والصوت بيكون الف وفجعتا كدة تلقى الناس كلها بتاوق ليك

لو إنت قاصد أوقّف خاصّيّة التّشغيل التّلقائـي
فصدّقنـي قبل كدا في ناس كتير عانت في إيـجاد زرّ التّشغيل
ما كُلّ النّاس عندها خبرة في التّعامل مع الأدوات دي
بالإضافة كذلك لأنّ معظم النّاس بتطلب الأُغنية تشتغل مباشرةً مع فتـح البوست
فأقترح عليك توطّي الصّوت قبلما تفتح بوستاتـي

Quote: وفى النهاية يا لوئ العيد قرب وعليك اللة ( الطير المهاجر تسجيل قديم ) تكون هى العيدية وكل عام انت واسرتك الكريمة بالف خير امير

وإنت بألف خير يا أمير
وربّنا يحقّق الأمانـي
وحاضرين يا عزيزي




وُدي وتقديري

عُـمدة
سلامات

ألف شُكر يا صديقي على الصّورة الحلوة




سلمت

Quote: العزيز لؤي سلامات إن شاء الله يوم شكرك ما يجي يامبدع وربنا يمد في عمر الامبراطور محمد وردي ..

عماد الـحبيب
صباح الـخير

آمين يا عُـمدة يا عزيزي




لك أنتَ الشُّكر يا صديقي

Quote: يا مراسي الشّوق تعالي تعالي تعالي لا الليالي تـمر بدونك هي الليالي من ضواحي الدُّنيا جيت جيت وعلي رحاليلـمدائن في عيونِك يا مُـحالي

الاخ لؤى

ياخى والله جميلة ومستحيلة دى فعلا جميلة ورغم غبار الدروب الطويلة
ظلت الاغنية فى قمة الجمال ,,, وعن هذه الاغنية يحكى محجوب شريف ويقول
انو اعطى القصيدة لوردى ,,, قام ودرى بالتعديل فى بعض الابيات تماشيا مع اللحن
وتوقف وردى عن التلحين فى الشطرة التى قبل لمداين فى عيونك يامحالى ,,, وطللب من محجوب تغييرها
,,, فصار محجوب شريف دائم التفكير فى تعديل البيت المذكور لايام دون ان يصل لشكل مرضى
وفى احد الايام عندما كان ب( دار الرياضة ) لحضور احدى المباريات المحليه سمع احد المشجعين
يقول لواحد من مشجعى الفريق الاخر ( ياخى تغلبنا انت الجاى من ضواحى الدنيا ؟؟),, وهنا على الفور
اكتملت اللوحة الشعرية لدى محجوب شريف,,, (من ضواحى الدنيا جيت وعلى رحالى ,,, لمداين فى عيونك يامحالى)

Quote: الاخ لؤى ياخى والله جميلة ومستحيلة دى فعلا جميلة ورغم غبار الدروب الطويلة ظلت الاغنية فى قمة الجمال ,,, وعن هذه الاغنية يحكى محجوب شريف ويقول انو اعطى القصيدة لوردى ,,, قام ودرى بالتعديل فى بعض الابيات تماشيا مع اللحن وتوقف وردى عن التلحين فى الشطرة التى قبل لمداين فى عيونك يامحالى ,,, وطللب من محجوب تغييرها ,,, فصار محجوب شريف دائم التفكير فى تعديل البيت المذكور لايام دون ان يصل لشكل مرضى وفى احد الايام عندما كان ب( دار الرياضة ) لحضور احدى المباريات المحليه سمع احد المشجعين يقول لواحد من مشجعى الفريق الاخر ( ياخى تغلبنا انت الجاى من ضواحى الدنيا ؟؟),, وهنا على الفور اكتملت اللوحة الشعرية لدى محجوب شريف,,, (من ضواحى الدنيا جيت وعلى رحالى ,,, لمداين فى عيونك يامحالى)

أخي أيـمن
مساء الخير
ورمضان كريـم

ما صنعاه هذان العملاقان
يعجز اللسان وتعجز الأقلام عن وصفه

تقديري

(( (( وردي بالعود )) رمضانيّات ( موسم الشّوق الحلو ) ))







.

(( (( وردي بالعود )) رمضانيّات ( تاجوج ) ))







.

(( (( وردي بالعود )) رمضانيّات ( الـحِنَيْنَة السُّكَّرَة ) ))







.

(( (( وردي بالعود )) رمضانيّات ( الــمستـحيل ) ))







.

(( (( وردي بالعود )) رمضانيّات ( يلاّ وتعال يلاّ ) ))







.

Quote:

أخي دكتور مصطفـى مـحـمـود
رمضان كريـم

أشكرك جزيل الشُّكر




تحاياي

(( (( وردي بالعود )) رمضانيّات ( قــــــَـــــبــــْـــــــل الوداع ) ))







.

(( (( وردي بالعود )) رمضانيّات ( ليالي اللقاء ) ))







.

(( (( وردي بالعود )) رمضانيّات ( مسُّونكيل ) ))







.