Post: #1 Title: ما هذا يا مرّيخ السُّودان ؟ لك الله يا جمهور المرّيخ ويا جماهير الكرة السُّودانيّة Author: لؤى Date: 07-17-2010, 08:10 PM
لا أتوانى لحظةً في الوقوف خلف أيّ فريق سوداني في أيّة منافسة خارجيّة ويتلاشى إنتمائي بلا تردُّد من أجل سمعتنا الخارجيّة توقّعت لفريق المرّيخ اليوم نصر تاريخي في أرضه ووسط جماهيره وهو يلاعب فريق الجّيش النّيجري وحينما أحرز المرّيخ هدفه الأوّل في الثّانية ( 43 ) من بداية المباراة توقّعت أن ينتصر المرّيخ بالسّتّة أو أكثر توفّرت في المباراة كُلّ الفرص للمرّيخ لينهي المنافسة من أرضه ووسط جماهيره فالفريق المنافس ضعيف جدّاً ومرتبك جدّاً خصوصاً بعد هدف المرّيخ المبكّر ولا يجيد تناقل الكرة ولا بناء الهجمات ولا التّغطية الدّفاعية ليبدّد لعيبة المرّيخ زمن الشّوط الأوّل دون استثمار للفرص العديدة وخلق أهداف عديدة منها ليحرز فريق الجّيش هدف تعادلي من استهتار دفاعي مرّيخي غريب من لاعبه المحترف كاساروقا
توقّعت في الشّوط الثّاني شكل مختلف لفرقة المرّيخ الكبيرة إسماً وهجوماً ضارياً يزلزل الأرض تحت اقدام لعيبة فريق الجّيش خصوصاً بعد دخول اللاعب الفنّان عبد الكريم النّفطي والملك العجب لكن ظلّت الهجمات تُختتَم باستهتار ويحصل المرّيخ على ضربة جزاء ليسدّدها عبد الكريم النّفطي برعونة في يد الحارس ومن تهاون دفاعي مرّيخي ليس بالمستغرب بعد كُلّ ما حدث يحرز الجّيش النّيجري هدفه الثّاني وتتواصل المباراة بإحباطها وغيظها للمشّجع المغلوب على أمره دوماً في بلادنا ليعادل المرّيخ في آخر دقيقة
اليوم صداع نصفي وغداً قد يكتمل الصُّداع بلا مبالاة كرويّة جديدة ولازلنا لا نتعلّم ونعشم في كُلّ مرّة ونشيّد منارات لآمالنا عسى أن تفرحنا كرتنا السُّودانيّة ولو بالقليل
الحل شنو يا جماعة ؟؟؟؟
هلالابي
Post: #2 Title: Re: ما هذا يا مرّيخ السُّودان ؟ لك الله يا جمهور المرّيخ ويا جماهير الكرة السُّودانيّة Author: yasir Abdelgadir Date: 07-17-2010, 08:17 PM Parent: #1
سلامات يالؤي
إنت راجل فنان وما عهدت تتكلم في الكورة كتير
لكن لو راجعت إستعداد المريخ لكنت تنبأت بهذه النتيجة
لا أعتقد ان المصير نفسه سيكون للهلال عطفا علي إستعداداته
وبرضو في النهاية الكورة لم يبذل مجهود
تحياتي
Post: #4 Title: Re: ما هذا يا مرّيخ السُّودان ؟ لك الله يا جمهور المرّيخ ويا جماهير الكرة السُّودانيّة Author: صلاح أبودية Date: 07-17-2010, 08:19 PM Parent: #2
آه يا لؤى وآه لو تفيد مجروح !! حليل المريخ !!!!!!!!!
Post: #10 Title: Re: ما هذا يا مرّيخ السُّودان ؟ لك الله يا جمهور المرّيخ ويا جماهير الكرة السُّودانيّة Author: لؤى Date: 07-17-2010, 08:35 PM Parent: #4
Quote: آه يا لؤى وآه لو تفيد مجروح !! حليل المريخ !!!!!!!!!
جنابو مساء الخير
حاجو تزعّل جد الله يرحم إيداهور
وحليل الكورة
Post: #7 Title: Re: ما هذا يا مرّيخ السُّودان ؟ لك الله يا جمهور المرّيخ ويا جماهير الكرة السُّودانيّة Author: لؤى Date: 07-17-2010, 08:28 PM Parent: #2
Quote: سلامات يالؤي
إنت راجل فنان وما عهدت تتكلم في الكورة كتير
لكن لو راجعت إستعداد المريخ لكنت تنبأت بهذه النتيجة
لا أعتقد ان المصير نفسه سيكون للهلال عطفا علي إستعداداته
وبرضو في النهاية الكورة لم يبذل مجهود
تحياتي
أخي دكتور ياسر مساء الخير
أنا ملم تماماً بكُلّ ما هو رياضي وكروي لكنّي أفضّل دوماً فقط عدم الخوض فيما يشتعل بالخلافات الأمور السّياسيّة والرّياضيّة والدّينيّة لم نتعلّم للأسف كيفيّة التّعامل معها والقبول بالرّأي الآخر وفكرة قبول إنتماء الآخر لما يـ/تـ/ـود وأنّه لو لا إختلاف الآراء والأذواق لبارت السّلع لذا أختار عدم الخوض في نقاشات في هذه الشّؤون إلاّ مع من أعرف بشكل جيّد جدّاً
بغضّ النّظر عن استعدادات المرّيخ تاريخ المرّيخ يا دكتور وطريقة لعب الفريق الذي رأيته اليوم كانت تؤهّل المرّيخ لهزيمته هزيمة تاريخيّة
إحباط
Post: #9 Title: Re: ما هذا يا مرّيخ السُّودان ؟ لك الله يا جمهور المرّيخ ويا جماهير الكرة السُّودانيّة Author: عمران حسن صالح Date: 07-17-2010, 08:34 PM Parent: #2
معليش يا أبو اللول بتفق معاكـ في الكلام السمح الفوق ده لكن في ناس أصحابنا شديد ياخي ، وحرام ما نهديهم بعض اللقطات أخوانا في الله : أساسي هارون دياب والخال حمزاوي
Post: #11 Title: Re: ما هذا يا مرّيخ السُّودان ؟ لك الله يا جمهور المرّيخ ويا جماهير الكرة السُّودانيّة Author: لؤى Date: 07-17-2010, 08:44 PM Parent: #9
Quote: معليش يا أبو اللول بتفق معاكـ في الكلام السمح الفوق ده لكن في ناس أصحابنا شديد ياخي ، وحرام ما نهديهم بعض اللقطات أخوانا في الله : أساسي هارون دياب والخال حمزاوي
أها عاين جنس دا
يومنا بُكرة الله يسترك
Post: #3 Title: Re: ما هذا يا مرّيخ السُّودان ؟ لك الله يا جمهور المرّيخ ويا جماهير الكرة السُّودانيّة Author: ناصر المحسى Date: 07-17-2010, 08:18 PM Parent: #1
الحل الى الجحيم كل ما هو سودانى فى ظل الانقاذ
Post: #14 Title: Re: ما هذا يا مرّيخ السُّودان ؟ لك الله يا جمهور المرّيخ ويا جماهير الكرة السُّودانيّة Author: لؤى Date: 07-17-2010, 08:50 PM Parent: #3
Quote: الحل الى الجحيم كل ما هو سودانى فى ظل الانقاذ
ناصر مساء الخير
دا ما حل لكن دا استسلام وخنوع وبيع للقضيّة عشان كدا التّدهور بيحصل في كُلّ المجالات
نشد حيلنا ونعمل شغل بدل ما نرمي كُلّ ما هو سوداني للجّحيم
Post: #5 Title: Re: ما هذا يا مرّيخ السُّودان ؟ لك الله يا جمهور المرّيخ ويا جماهير الكرة السُّودانيّة Author: صديق عبد الجبار Date: 07-17-2010, 08:20 PM Parent: #1
الحل يا لؤي في إستفتاء على حق تقرير مصير الكرة السودانية
Post: #6 Title: Re: ما هذا يا مرّيخ السُّودان ؟ لك الله يا جمهور المرّيخ ويا جماهير الكرة السُّودانيّة Author: Soumeta Date: 07-17-2010, 08:26 PM Parent: #5
بس لو يشوفو لعبة هولندا و أورقواي.. في بطولة كأس العالم الاخيرة ،، لتعلمو الكثيييييييييير..
Post: #16 Title: Re: ما هذا يا مرّيخ السُّودان ؟ لك الله يا جمهور المرّيخ ويا جماهير الكرة السُّودانيّة Author: لؤى Date: 07-17-2010, 09:00 PM Parent: #6
Quote: بس لو يشوفو لعبة هولندا و أورقواي.. في بطولة كأس العالم الاخيرة ،، لتعلمو الكثيييييييييير..
عزّة مساء الخير
وماشّة بعيد ليه ؟ ما يشوفوا المرّيخ قريب دا
دا الليلة ما المرّيخ داك
Post: #8 Title: Re: ما هذا يا مرّيخ السُّودان ؟ لك الله يا جمهور المرّيخ ويا جماهير الكرة السُّودانيّة Author: haroon diyab Date: 07-17-2010, 08:30 PM Parent: #5
ابو اللول
سلام ياقريبي
وانا قادم من السودان
وبعد متابعة دقيقة جدا
للمريخ لمدة شهرين ...صدقني
حتي التعادل لم اتوقعه عطفا
علي الاداء في الممتاز والمعسكر
الاعدادي لهذا اللقاء.......!!!!!
صدقني لاول مرة لم احبط كثيرا
لاني اعتمدت فقط علي روح المريخ
ولم اعتمد علي المستوي.....!!!!!
وهذه مداخلة في بوست مجاور.....
ولنا الله في عشقنا الابدي
Quote: ونهائة محبطة
لبداية توقعناها جميلة....!!!!
واصل المريخ عروضه المتواضعة
وقدم اسواء اداء بعد لقاءات
الاسماعيلية والخرطوم الاعدادية.....!!!!
اجتماع المجلس مع كاربوني لم ياتي بجديد
حيث وعد بتصحيح الاخطاء لكنه كررها....!!!!
لن نحمله المسئولية وحده .....!!!!
انعدم الحماس وروح المسئولية فتعرض الفريق
لتجربة ستظل عالقة طويلا.....!!!!
النتيجة النهائية ......
لن نتحدث عن التعويض في مباراة الرد
لان فريق علي ارضه لم يستطيع المحافظة علي
تقدمه منذ الدقيقة الاولي بل واستقبل هدفين
ولم يستطع التعادل حتي من ضربة الجزاء الا باقدام
الخصم ....لايمكنه الفوز خارج ارضه.....!!!!!
الفوضي مازالت تضرب باطنابها جميع اركان فريق
كرة القدم.....!!!!!
ومسكين هذا الجمهور الذي وقف تحت الامطار يشجع
ويؤازر ويقدم الغالي والنفيس للاعبين اصبحوا
لايعرفون قيمة انهم يلعبوا في فريق اسمه المريخ ......!!!!!
الفريق يحتاج الي ثورة تصحيحية تبداء من الادارة
والجهاز الفني والاداري واللاعبين ....!!!!!
ولو حتي نبدا من الصفر
مريخنا لازم ينتصر
هاردلكم ياصفوة
مريخاااااااااااااااااابي
Post: #12 Title: Re: ما هذا يا مرّيخ السُّودان ؟ لك الله يا جمهور المرّيخ ويا جماهير الكرة السُّودانيّة Author: yasir Abdelgadir Date: 07-17-2010, 08:45 PM Parent: #8
سلامتك من الصداع يا لؤي....زي ماقلت ليك في الاول إنت راجل فنان و ذو إحساس مرهف...كورتنا السودانية دي عايزة زول متبلد الاحاسيس عشان يتابعها...
المشكلة يا لؤي مركبة ...لكنها إدارية في المقام الاول...وأبسط مثال إنو مجلس الادارة يستجلب ثلاثة محترفين من دولة واحدة بملايين الدولارات...بينما اللاعب الوطني يتقاضي الاف بالجنيه...وياريت لو كان المحترفون بمستوي المبالغ التي تصرف فيهم...أهو اليوم واحد تسبب في هدف وواحد أضاع ضربة جزاء..
ثانيا الاعلام هو سبب رئيسي ...نفخ في الفاضي...وتغييب الحقائق ..وتخدير للجمهور ...وستر مقصود لعيوب الادارة...(لم أسمع بصحفي واحد إنتقد الوالي رغم غلطات سنة اولي ابتدائي والتي يكررها في كل عام
تحياتي
Post: #20 Title: Re: ما هذا يا مرّيخ السُّودان ؟ لك الله يا جمهور المرّيخ ويا جماهير الكرة السُّودانيّة Author: لؤى Date: 07-17-2010, 09:38 PM Parent: #12
Quote: سلامتك من الصداع يا لؤي....زي ماقلت ليك في الاول إنت راجل فنان و ذو إحساس مرهف...كورتنا السودانية دي عايزة زول متبلد الاحاسيس عشان يتابعها...
المشكلة يا لؤي مركبة ...لكنها إدارية في المقام الاول...وأبسط مثال إنو مجلس الادارة يستجلب ثلاثة محترفين من دولة واحدة بملايين الدولارات...بينما اللاعب الوطني يتقاضي الاف بالجنيه...وياريت لو كان المحترفون بمستوي المبالغ التي تصرف فيهم...أهو اليوم واحد تسبب في هدف وواحد أضاع ضربة جزاء..
ثانيا الاعلام هو سبب رئيسي ...نفخ في الفاضي...وتغييب الحقائق ..وتخدير للجمهور ...وستر مقصود لعيوب الادارة...(لم أسمع بصحفي واحد إنتقد الوالي رغم غلطات سنة اولي ابتدائي والتي يكررها في كل عام
تحياتي
الله يسلّمك يا دكتور
صدّقني بتّفق معاك في مسألة المحترفين والحصل السّنة الفاتت في البطولة السّابقة وفي سيكافا النّظّمها المرّيخ وخطف التّاكسي الرّواندي كاسها وبسبب وارقو وما إليه ما بعيد
ومن ناحية تانية أنا قريت هنا وفي أماكن تانية التّهليل والنّفخ والتّخدير عن معسكر الهلال ونجاح معسكر الهلال ومباراة الجّونة مفيدة رغم الخسارة والهلال إتعادل مع الإسماعيلي العنيد وهزم حرس الحدود بطل الدّوري وهاك يا نفخ وتخدير كأنّنا بنتكلّم عن برشلونة وريـال مدريد ما فرقنا السُّودانيّة المحلّيّة جدّاً دي ولمّا شفت المباريات دي يا ياسر لقيتها دافوري وتمرين وتقسيمة ومصيبتنا الكبيرة جمهور الهلال مهتم بفشل المرّيخ ومتابعة إخفاقات المرّيخ بدل الإهتمام بالهلال ودعم فريق الهلال والعكس صحيح جمهور المرّيخ مشغول بفشل وسقوط الهلال بدل الإهتمام بالمرّيخ وعليك الله يا دكتور عاين بس للأشرطة المتحرّكة في القنوات السُّودانيّة وأقرأ وشوف كمّيّة المكايدات والكراهيّة الوصل ليها الجّمهور الرّياضي وحدّث ولا حرج عن العك السّياسي وكراهيّة كُلّ من لا يـ/تـ/ـدين بالإسلام ويجيك أبو هريرة حسين في إفتتاح ملعب البركة في الحاج يوسف ويقول ليك : إتفرّجنا في كاس العالم في جنوب إفريقيا وأقسمّ بالله العظيم أقسمّ بالله العظيم أقسمّ بالله العظيم حانخلّي العالم هو اليتفرّج فينا سطحيّة غريبة ونظر للأمور بغير واقعيّة
كوارث ياخي
Post: #13 Title: Re: ما هذا يا مرّيخ السُّودان ؟ لك الله يا جمهور المرّيخ ويا جماهير الكرة السُّودانيّة Author: شهاب الفاتح عثمان Date: 07-17-2010, 08:49 PM Parent: #8
طمبل يضع يده في راسه تحسرا على راسيه النفطي التي مرت جوار القائم في الدقيقه الرابعه من الزمن الاضافي.
كانت عوضت شويه من حسره ضياع ركله الجزاء.
اخي الغالي لؤي بوست جميل و فهم قومي عالي, شكرا لك , وحظ اوفر غدا للهلال.
Post: #22 Title: Re: ما هذا يا مرّيخ السُّودان ؟ لك الله يا جمهور المرّيخ ويا جماهير الكرة السُّودانيّة Author: لؤى Date: 07-17-2010, 09:52 PM Parent: #13
Quote:
يا دكتور شهاب سلامات
حاجة محزنة ياخي
الله يستر على قلوبنا
Post: #18 Title: Re: ما هذا يا مرّيخ السُّودان ؟ لك الله يا جمهور المرّيخ ويا جماهير الكرة السُّودانيّة Author: لؤى Date: 07-17-2010, 09:07 PM Parent: #8
Quote: ابو اللول
سلام ياقريبي
وانا قادم من السودان
وبعد متابعة دقيقة جدا
للمريخ لمدة شهرين ...صدقني
حتي التعادل لم اتوقعه عطفا
علي الاداء في الممتاز والمعسكر
الاعدادي لهذا اللقاء.......!!!!!
صدقني لاول مرة لم احبط كثيرا
لاني اعتمدت فقط علي روح المريخ
ولم اعتمد علي المستوي.....!!!!!
أخي هارون مساء الخير
يا هارون يا عزيزي فريق الجّيش دا لو المرّيخ دا ما عسكر ولا إتمرّن شهر بطريقة لعب الجّيش دا وهدف المرّيخ الفي أوّل دقيقة وضربة الجّزاء ووووووووووووووووووو مفروض برضو يرجع النّيجر مغلوب 4 على أقلّ تقدير
الله يرحم الكورة ورجالها
Post: #15 Title: Re: ما هذا يا مرّيخ السُّودان ؟ لك الله يا جمهور المرّيخ ويا جماهير الكرة السُّودانيّة Author: لؤى Date: 07-17-2010, 08:55 PM Parent: #5
Quote: الحل يا لؤي في إستفتاء على حق تقرير مصير الكرة السودانية
صدّيق مساء الخير
الكُرة السُّودانية للأسف إختارت الإنفصال من بدري هلال مرّيخ بقت كراهية ولم تعد مجرّد لعبة ورياضة
الله يصلح الحال
Post: #17 Title: Re: ما هذا يا مرّيخ السُّودان ؟ لك الله يا جمهور المرّيخ ويا جماهير الكرة السُّودانيّة Author: خالد درق Date: 07-17-2010, 09:00 PM Parent: #15
اخ وااااااااااااااخ
هل ضاع المريخ
Post: #19 Title: Re: ما هذا يا مرّيخ السُّودان ؟ لك الله يا جمهور المرّيخ ويا جماهير الكرة السُّودانيّة Author: cantona_1 Date: 07-17-2010, 09:20 PM Parent: #17
أقطع دراعي لو فيكم زول أو زولة واحد\ة عاقل\ة بالله عليكم الشفتو في جنوب أفريقيا اسمه كرة قدم والشفتو اليوم دا اسمه كورة قدم برضو
عشان كدا قلنا عاوزين شداد يركب التونسية
(العوج راي والعديل راي)
Post: #26 Title: Re: ما هذا يا مرّيخ السُّودان ؟ لك الله يا جمهور المرّيخ ويا جماهير الكرة السُّودانيّة Author: لؤى Date: 07-17-2010, 09:58 PM Parent: #19
Quote: بالله عليكم الشفتو في جنوب أفريقيا اسمه كرة قدم والشفتو اليوم دا اسمه كورة قدم برضو
أخي كانتونا سلامات
ابداً والله
تحاياي
Post: #21 Title: Re: ما هذا يا مرّيخ السُّودان ؟ لك الله يا جمهور المرّيخ ويا جماهير الكرة السُّودانيّة Author: عمران حسن صالح Date: 07-17-2010, 09:38 PM Parent: #17
Quote: طمبل يضع يده في راسه تحسرا على راسيه النفطي التي مرت جوار القائم في الدقيقه الرابعه من الزمن الاضافي.
كانت عوضت شويه من حسره ضياع ركله الجزاء.
د. شهاب المريخابي العاقل صاحبنا ده حركتو عملة بعد عاين للكاميرا واللقطة ما ليها علاقة برأسية النفطي كدي عاين ليها بعد تشرب ليكـ عصير بااااااااارد
Post: #23 Title: Re: ما هذا يا مرّيخ السُّودان ؟ لك الله يا جمهور المرّيخ ويا جماهير الكرة السُّودانيّة Author: yasir Abdelgadir Date: 07-17-2010, 09:53 PM Parent: #21
Quote: وأقسمّ بالله العظيم أقسمّ بالله العظيم أقسمّ بالله العظيم حانخلّي العالم هو اليتفرّج فينا
يكون قصده يتفرج علينا يا لؤي
Post: #25 Title: Re: ما هذا يا مرّيخ السُّودان ؟ لك الله يا جمهور المرّيخ ويا جماهير الكرة السُّودانيّة Author: طارق ميرغني Date: 07-17-2010, 09:57 PM Parent: #23
صديقي لؤي انا هلالابي للنخاع لمكن كما ذكرت لا اتواني
في تشجيع اي فريق سوداني ضد اي فريق اجنبي
مهما كان لونه وكاني اشجع فريقي
والله يا لؤي انا مازعلتني النتيجه
لانو ده مستوانا
لكن الزعلني صبر الجماهير في هذا الجو العاصف
المسكينه اتضح انها" راقدالا فوق بيضا فاسد"
Post: #29 Title: Re: ما هذا يا مرّيخ السُّودان ؟ لك الله يا جمهور المرّيخ ويا جماهير الكرة السُّودانيّة Author: لؤى Date: 07-17-2010, 10:11 PM Parent: #25
Quote: صديقي لؤي انا هلالابي للنخاع لمكن كما ذكرت لا اتواني
في تشجيع اي فريق سوداني ضد اي فريق اجنبي
مهما كان لونه وكاني اشجع فريقي
والله يا لؤي انا مازعلتني النتيجه
لانو ده مستوانا
لكن الزعلني صبر الجماهير في هذا الجو العاصف
المسكينه اتضح انها" راقدالا فوق بيضا فاسد
أبو الطُّرق يعني طلعت من أندينا ؟
أها بكرة كيف ؟ أنا غايتو مقتنع جدّاً بسادومبا السّريع المزعج دا والعارف تماماً شغلة محترف دي معناها شنو وقايم بالدّور دا بشكل سليم الله يستر من ناس اللا مسؤوليّة والتّفريط بس
ننوم على الاقل على بيض مسلوق
Post: #28 Title: Re: ما هذا يا مرّيخ السُّودان ؟ لك الله يا جمهور المرّيخ ويا جماهير الكرة السُّودانيّة Author: لؤى Date: 07-17-2010, 10:07 PM Parent: #23
Quote: يكون قصده يتفرج علينا يا لؤي
ههههههههههههههه صدّقني دا كان تعليقي أنا برضو يا دكتور ياسر
ناس فاكرة نفسها براها في العالم دا ومعاها الصُّومال والنّيجر وتشاد
فكر معاق
Post: #27 Title: Re: ما هذا يا مرّيخ السُّودان ؟ لك الله يا جمهور المرّيخ ويا جماهير الكرة السُّودانيّة Author: لؤى Date: 07-17-2010, 10:02 PM Parent: #21
إنتَ كمان دي شنو الخرمجة دي ؟ الفيديو علّمتك بيتعمل كدا ؟ حاجة تغيظ
Post: #24 Title: Re: ما هذا يا مرّيخ السُّودان ؟ لك الله يا جمهور المرّيخ ويا جماهير الكرة السُّودانيّة Author: لؤى Date: 07-17-2010, 09:55 PM Parent: #17
Quote: اخ وااااااااااااااخ
هل ضاع المريخ
أخي خالد سلامات
تصدّق المرّيخ دا ممكن يمشي يغلب أو يتعادل مع الفريق دا لكن أنا صُداعي من كورة الليلة الكانت في الجّيب دي
ياهو دا السُّودان
Post: #30 Title: Re: ما هذا يا مرّيخ السُّودان ؟ لك الله يا جمهور المرّيخ ويا جماهير الكرة السُّودانيّة Author: لؤى Date: 07-18-2010, 07:03 PM Parent: #24
Quote: أنا غايتو مقتنع جدّاً بسادومبا السّريع المزعج دا والعارف تماماً شغلة محترف دي معناها شنو وقايم بالدّور دا بشكل سليم
Post: #31 Title: Re: ما هذا يا مرّيخ السُّودان ؟ لك الله يا جمهور المرّيخ ويا جماهير الكرة السُّودانيّة Author: منتصرمحمد زكى Date: 07-18-2010, 07:07 PM Parent: #30
ولا يهمك يا أبواللول مقدر ومكتوب ........
Post: #32 Title: Re: ما هذا يا مرّيخ السُّودان ؟ لك الله يا جمهور المرّيخ ويا جماهير الكرة السُّودانيّة Author: لؤى Date: 07-18-2010, 07:12 PM Parent: #31
Quote: ولا يهمك يا أبواللول مقدر ومكتوب ........
منتصر سلامات
كويّس الهلال أزال إحباط الأمس أملي أن يعود المرّيخ في مباراة الرّد
تحاياي
Post: #33 Title: Re: ما هذا يا مرّيخ السُّودان ؟ لك الله يا جمهور المرّيخ ويا جماهير الكرة السُّودانيّة Author: لؤى Date: 08-29-2010, 00:06 AM Parent: #32
