Post: #1 Title: رسالة ماسنجريّة من الأستاذ مُحسن خالد دعتني لكتابة هذا البوست قبل الأرشفة Author: لؤى Date: 06-28-2008, 08:01 PM Parent: #0
كتب لي أخي الأستاذ مُحسِن خالد رسالة عبر ماسنجر المنبر يطلب فيها أغنية "نساني سافر" ولم أتمكّن من وضع الأغنية في ردّي على رسالته في الماسنجر نسبة لعدد رموز الكود والتي تتجاوز الحدّ المسموح به في رسائل ماسنجر المنبر ..
لذا أرجو شاكراً السّماح لي بوضع الأغنية هنا
الأداء بصوت الرّاحلين العطبراوي وأبو داؤود
أنـا في البـعـيـد مُـشـتـاق لهـمـسـة من الوطن يا نـسـمـة
Post: #2 Title: Re: رسالة ماسنجريّة من الأستاذ مُحسن خالد دعتني لكتابة هذا البوست قبل الأرشفة Author: لؤى Date: 06-28-2008, 08:14 PM Parent: #1
يُضغط بالزّر الأيمن للماوس على ما بين القوسين أعلاه ويُختار الحفظ في الجّهاز ..
أنـا في البـعـيـد مُـشـتـاق لهـمـسـة من الوطن يا نـسـمـة
Post: #3 Title: Re: رسالة ماسنجريّة من الأستاذ مُحسن خالد دعتني لكتابة هذا البوست قبل الأرشفة Author: Emad Abdulla Date: 06-28-2008, 08:24 PM Parent: #2
يا سلام عليك يا أبو اللول .. مية مية .
..... المطموس داك نقّار .. و إنت كنوزك سليمانية .
Post: #4 Title: Re: رسالة ماسنجريّة من الأستاذ مُحسن خالد دعتني لكتابة هذا البوست قبل الأرشفة Author: Osman Musa Date: 06-28-2008, 08:31 PM Parent: #3
ده لعب تقيل
Post: #13 Title: Re: رسالة ماسنجريّة من الأستاذ مُحسن خالد دعتني لكتابة هذا البوست قبل الأرشفة Author: لؤى Date: 06-29-2008, 07:46 AM Parent: #4
أخي عُثمان موسَى صباح الخير
Quote: ده لعب تقيل
اللعب التّقيل جايي في الشُّوط التّاني بعد الأرشفة
تحاياي
أنـا في البـعـيـد مُـشـتـاق لهـمـسـة من الوطن يا نـسـمـة
Post: #6 Title: Re: رسالة ماسنجريّة من الأستاذ مُحسن خالد دعتني لكتابة هذا البوست قبل الأرشفة Author: لؤى Date: 06-28-2008, 08:47 PM Parent: #3
أخي عماد مساء الخير
Quote: المطموس داك نقّار ..
لا من ناحية نقّار فهو نقّار كنوز زي دي ما بيطلّعها إلاّ نقّار جدّاً
تحاياي
أنـا في البـعـيـد مُـشـتـاق لهـمـسـة من الوطن يا نـسـمـة
Post: #42 Title: Re: رسالة ماسنجريّة من الأستاذ مُحسن خالد دعتني لكتابة هذا البوست قبل الأرشفة Author: Elmosley Date: 06-30-2008, 09:23 AM Parent: #2
الاحبة لؤى محسن وضيوفهم
تعرف الاتنين ديل ومعهم بادي هم في رالهندسة مثلث متساوي الاضلاع
شكرا لكما
Post: #5 Title: Re: رسالة ماسنجريّة من الأستاذ مُحسن خالد دعتني لكتابة هذا البوست قبل الأرشفة Author: معاوية كرفس Date: 06-28-2008, 08:35 PM Parent: #1
.
يا لؤي .. يا لؤي
يا خي حن علي حالنا شوية
محسن يطلب منك آي
و ناولو منك ليهو طواليى .
لكن تشحتف قلوبنا قدر دا
ما كويس كدا ..
عطبراوي و أبو داؤود
دا دوووز كتير خلاص علينا .
ههههههههههههههههههههه
ــــــــــــــــــــــــــــــــــــــ
يا عزيزي لك كل حبي دوماً
أنت و فردتك ( الفي خاطري )
علاء الدين تمبس
و صحبه ( معتصم دفع الله )
و لو تعرفوا لي شوق خالص
لـ ( خميسيات خالد تنقو )
كما أسماها معتصم .
سؤآل كبير دائماً بسألو
ليه ما نرجع للمنبر زي ما كنا زمان ؟؟؟؟؟؟؟؟؟؟؟؟ .
عزيزي لؤي جاوب و أعمل في إتجاه إجابتك ..
ودي
كرفس .
Post: #14 Title: Re: رسالة ماسنجريّة من الأستاذ مُحسن خالد دعتني لكتابة هذا البوست قبل الأرشفة Author: لؤى Date: 06-29-2008, 08:08 AM Parent: #5
أخي معاوية صباح الخير
Quote: يا لؤي .. يا لؤي
يا خي حن علي حالنا شوية
محسن يطلب منك آي
و ناولو منك ليهو طواليى .
لكن تشحتف قلوبنا قدر دا
ما كويس كدا ..
ما هو أصلاً كان القصد تترسّل في الماسنجر لكن بس قدرك تتشحتف
ونرجع للمنبر زي ما كُنّا زمان كيف ؟ إذا النّاس كُلّها عُلماء في كُلّ العلوم
ربّك يسترنا بس
أنـا في البـعـيـد مُـشـتـاق لهـمـسـة من الوطن يا نـسـمـة
Post: #7 Title: Re: رسالة ماسنجريّة من الأستاذ مُحسن خالد دعتني لكتابة هذا البوست قبل الأرشفة Author: Osama Mohammed Date: 06-28-2008, 08:48 PM Parent: #1
الأخ لؤي تحية طيبة ...
كيفك وكيف أخبارك - آخر مرة إتقابلنا في منزل مصطفى عثمان في جدة قبل اربعة سنوات على ما أعتقد ......
المهم ابو داوود والعطبراوي عملاقان آخران من العمالقة ....... وغايتو بتحشر في النص بين وبيم استاذ محسن ونستمتع
أقول ليك حاجة ...عندي إحساس إنو النصف الثاني من عام 2008 حا يكون مباراة بينك وبين الباشمهندس محمد عثمان .... الذي أمتعنا بالعملاق الجابري ...حتى ثملنا ... واسكرتنا أعذب الألحان ....... فشكراً لكما وأنتما تنثران الفرح .... والبهجة ,,
تحياتي لك وللأسرة
اسامة الباز - برايتون المملكة المتحدة
Post: #8 Title: Re: رسالة ماسنجريّة من الأستاذ مُحسن خالد دعتني لكتابة هذا البوست قبل الأرشفة Author: محسن خالد Date: 06-29-2008, 00:59 AM Parent: #7
يا سلام يا سلام يا سلام صيحة بادي محمّد الطيب في الأزل وفي الأبد ياخي يمين لي شهر قلبي وعقلي ووجداني "بتوحموا" بالغنيّة دي، وداير أموت عدييييل. وقدر ما فتشت قالوا لي ألد "قبرك" هسّسسع وما بتلم فيها، قلت الغنية دي لو ما جابها لؤي مارقه من قرونها تاني ما بتتلقي ضُمَّة، وعندي فيها شُغل بتاعة كتابة ومحبّة عشان ناس حقوق الملكيّة ما يقوموا علينا. ياخي تسلم تسلم تسلم إلا ورَّطت روحك ناس الطلبات هسع بجوك، وياك جنّي مصباح الغناء. مشكور، ولو لقيت البوست دا ما لطشتو الأرشفة بجي بتكلّم عن موضوع كنت ناوي أهديهو لرشا شيخ الدين ومحمّد حسبو وقصي همرور، بجي بتكلم فيه عن الرقيص الحا أبداهو من رقيص لفتاة عريانة نــchـل رأيتُها وصوَّرتها في ساوس أفريكا وكان البعزف ليها والدها. سأبدأ موضوعي بما هو (غير المكتمل من الجسد) مستفتحاً بـالعمل الأشهر في الدنيا لفرانس شوبرت Franz Schubert (غير المكتمل من الموسيقى) Unfinished Symphony سيمفونيته الخطيرة والشهيرة بـ"الناقصة". المهم، لك جزيل الشكر ولو مهلني الزمن والأرشفة بجي بلطش ليك البوست دا كتابة عن الرقيص وبالصور الما خمج لما الدنيا تهجج. وكن بألف خير -------------------- هل تصدَّق بعد تعبك دا كلو الغنيّة نزلت عندي كملف (تيكست باد)، أها الحل شنو؟
Post: #9 Title: Re: رسالة ماسنجريّة من الأستاذ مُحسن خالد دعتني لكتابة هذا البوست قبل الأرشفة Author: doma Date: 06-29-2008, 01:47 AM Parent: #8
شكرا الاحباء محسن ولؤي روعه
دي اول اغنيه اقدراسمعها من كود الحفظ .
لؤي عليك الله اي اغنيه تنزلها تعمل لي كود للحفظ لانه ما بقدر اسمع من غيره .
Post: #10 Title: Re: رسالة ماسنجريّة من الأستاذ مُحسن خالد دعتني لكتابة هذا البوست قبل الأرشفة Author: محسن خالد Date: 06-29-2008, 04:59 AM Parent: #9
اتخيَّل دنيا بعد رحيل: بادي محمّد الطيب
دا عركي بيبوس في أيادي بادي وبياخد في البركة، يا سلام على الأدب وعلى (تقاليد المجال) في طبعتها الأصليّة. ------------- أبو داؤود ------------ العطبراوي
------------ إبراهيم عوض ------------ عثمان حسين ----------- مصطفى سيد أحمد -------------- سيِّد خليفة ---------- حميراء --------- الجابري -------------- أحمد المصطفى ----------------- خلف الله حمد --------------- خضر بشير ------------- إنَّا لله وإنَّا إليه راجعون، لكن علي بالحلال دنيا الغناء معظمها عبرت بهناك، ومعظمها كملت إلا قليلا. ---- ربنا يطوِّل في أعمار الذين بقوا من أهرام الفن في بلادنا وردي ود الأمين عركي شرحبيل الموصلي عبد القادر سالم مبارك حسن بركات على سبيل المثال
Post: #20 Title: Re: رسالة ماسنجريّة من الأستاذ مُحسن خالد دعتني لكتابة هذا البوست قبل الأرشفة Author: لؤى Date: 06-29-2008, 09:03 AM Parent: #10
يا سلام عليك يا مُحسن ياخي والله دي مُداخلة ببوست كامل بكُلّ ما فيها من زُرقة وصُوَر ودُعاء
سلمت يا عزيزي
أنـا في البـعـيـد مُـشـتـاق لهـمـسـة من الوطن يا نـسـمـة
Post: #18 Title: Re: رسالة ماسنجريّة من الأستاذ مُحسن خالد دعتني لكتابة هذا البوست قبل الأرشفة Author: لؤى Date: 06-29-2008, 08:51 AM Parent: #9
العزيزة دومة نهارِك سعيد
Quote: دي اول اغنيه اقدراسمعها من كود الحفظ .
لؤي عليك الله اي اغنيه تنزلها تعمل لي كود للحفظ لانه ما بقدر اسمع من غيره .
حااااااااااااااااضر
وُدّي وإحترامي
أنـا في البـعـيـد مُـشـتـاق لهـمـسـة من الوطن يا نـسـمـة
Post: #17 Title: Re: رسالة ماسنجريّة من الأستاذ مُحسن خالد دعتني لكتابة هذا البوست قبل الأرشفة Author: لؤى Date: 06-29-2008, 08:37 AM Parent: #8
أخي مُحسِن صباح الخير
ويا سلام عليك إنتَ ياخي إختيارك في الصّميم رحم الله بادي والعطبراوي وأبو داؤود وبقيّة حبّات العقد الفريد
Quote: هل تصدَّق بعد تعبك دا كلو الغنيّة نزلت عندي كملف (تيكست باد)، أها الحل شنو؟
الحل كالتّالي ما مُشكلة الأغنية تتحفظ كتيكست بعد تحفظها ما تشغّلها بطريقة الدبل كليك على الملف لا دوس على الملف بالزّر الأيمن للماوس وإختار التّشغيل بـ ... ومن القائمة إختار الويندوز ميديا بلاير
سأشرح لك هنا الآن بالصُّور كيف تقوم بالحفظ والتّشغيل
في البدء تقوم بضغط لينك الحفظ بزر الماوس الأيمن ، وستظهر لك وقتها خيارات ، تختار من ضمنها (Save Target As) وتضغط عليه بزر الماوس الأيسر ، تماماً كما في الصُّورة التّالية ..
ستظهر لك نافذة تحديد مكان الحفظ في جهازك ، تختار على سبيل المثال (My Music) ، وتقوم بعد ذلك بالضّغط على زر (Save) بزر الماوس الأيسر دون تغيير صيغة الملف حتّى وإن كانت (Text Document) ، تماماً كما في الصُّورة التّالية ..
سيتم حفظ الملف في المكان الذي حدّدته ، بعدها تقوم بفتح مكان حفظ الملف ، إن كان في (My Music) على سبيل المثال ، وتقوم بالضّغط بزر الماوس الأيمن على الملف ، وستظهر لك نافذة تقوم منها بإختيار خيار (Open With) وتضغط عليه بزر الماوس الأيسر ، وستظهر لك نافذة أصغر ، تختار منها خيار (Choose Program) وتضغط عليه بزر الماوس الأيسر ، تماماً كما في الصُّورة التّالية ..
وفي الخطوة الأخيرة ستظهر لك نافذة لتختار منها برنامج تشغيل الملف ، ومن ضمن الخيارات تبحث عن برنامج (Windows Media Player) وتضغط عليه بزر الماوس الأيسر ، ثُمّ تضغط بزر الماوس الأيسرعلى زر (OK) ، تماماً كما في الصُّورة التّالية ..
بهذا سيتم تشغيل الأغنية المحفوظة .. وحتّى إن ظهر لك بعد إختيار برنامج التّشغيل أيّ سؤال أو طلب كان قم بضغط عبارة (OK) وسيقوم البرنامج بتشغيل الأغنية ..
تحاياي
أنـا في البـعـيـد مُـشـتـاق لهـمـسـة من الوطن يا نـسـمـة
Post: #15 Title: Re: رسالة ماسنجريّة من الأستاذ مُحسن خالد دعتني لكتابة هذا البوست قبل الأرشفة Author: لؤى Date: 06-29-2008, 08:23 AM Parent: #7
الأخ أسامة تحيّة طيّبة
Quote: آخر مرة إتقابلنا في منزل مصطفى عثمان في جدة قبل اربعة سنوات على ما أعتقد ......
حيّرتني طبعاً قبل 4 سنوات دي إلاّ تكون زيارة بس لأنّي ما كُنت جيت البلد دي ومُصطفَى عًُثمان حسين ؟؟ والله حيّرتني يا أسامة جد بالله تراسلني على الإيميل عسَى الذّاكرة تنتعش
Quote: أقول ليك حاجة ...عندي إحساس إنو النصف الثاني من عام 2008 حا يكون مباراة بينك وبين الباشمهندس محمد عثمان
لك وللباشمهندس محمّد عُثمان التّحيّة وصدّقني المباراة لن تكون بيننا فنحن نلعب في فريقٍ واحد
جزيل شُكري ووُدّي
أنـا في البـعـيـد مُـشـتـاق لهـمـسـة من الوطن يا نـسـمـة
Post: #30 Title: Re: رسالة ماسنجريّة من الأستاذ مُحسن خالد دعتني لكتابة هذا البوست قبل الأرشفة Author: محمد عثمان Date: 06-29-2008, 01:32 PM Parent: #15
الاخ لؤى..
لك التحية و شكرا للغناء الجميل المعتق بفعل الزمن و نعم الاختياار....
يديك العاافية...
Quote: أقول ليك حاجة ...عندي إحساس إنو النصف الثاني من عام 2008 حا يكون مباراة بينك وبين الباشمهندس محمد عثمان .... الذي أمتعنا بالعملاق الجابري ...حتى ثملنا ... واسكرتنا أعذب الألحان ....... فشكراً لكما وأنتما تنثران الفرح .... والبهجة ,,
Quote: لك وللباشمهندس محمّد عُثمان التّحيّة وصدّقني المباراة لن تكون بيننا فنحن نلعب في فريقٍ واحد
تسلم اخ لؤى و التحية للاخ اسامة الحااضر دايما فى دوحة الطرب الجميل...
Post: #32 Title: Re: رسالة ماسنجريّة من الأستاذ مُحسن خالد دعتني لكتابة هذا البوست قبل الأرشفة Author: لؤى Date: 06-29-2008, 03:03 PM Parent: #30
أخي باشمهندس محمّد عُثمان مساء الخير
Quote: تسلم اخ لؤى و التحية للاخ اسامة الحااضر دايما فى دوحة الطرب الجميل...
سلمت يا عزيزي فإسهاماتك لا ينكرها إلاّ جاحد وتقصيري بيّن وواضح في زيارة دوحاتك وتسجيل إعجابي لكنّك ترَى الإنشغال الذي لا ينتهي ودوّامة الحياة التي تجعلني بلا بوصلة
عميق تقديري
أنـا في البـعـيـد مُـشـتـاق لهـمـسـة من الوطن يا نـسـمـة
Post: #11 Title: Re: رسالة ماسنجريّة من الأستاذ مُحسن خالد دعتني لكتابة هذا البوست قبل الأرشفة Author: محمد أبوالعزائم أبوالريش Date: 06-29-2008, 06:27 AM Parent: #1
Quote: ولم أتمكّن من وضع الأغنية في ردّي على رسالته في الماسنجر نسبة لعدد رموز الكود والتي تتجاوز الحدّ المسموح به في رسائل ماسنجر المنبر ..
شكراً لمحدودية حجم رسائل المسينجر .....
يعني لو ما كدة كنتو عايزين تموتو بالدرة دي براكم؟
شكراً محسن خالد
شكراً تااااني للمسينجر ....
لؤي ..... غايتو .. برضو شكراً ليك
____________ Joking
Post: #12 Title: Re: رسالة ماسنجريّة من الأستاذ مُحسن خالد دعتني لكتابة هذا البوست قبل الأرشفة Author: محمد سنى دفع الله Date: 06-29-2008, 07:08 AM Parent: #11
ابو اللول والله الرجل السيرلانكي طلع ماهين ياخي الغناء الجميل زي العطر ما بندس لكم محبتي
Post: #16 Title: Re: رسالة ماسنجريّة من الأستاذ مُحسن خالد دعتني لكتابة هذا البوست قبل الأرشفة Author: عبدالغني كرم الله بشير Date: 06-29-2008, 08:24 AM Parent: #12
أشكي وأكتب.. يا لؤي، الجميل، حضرت صورة أخي الراحل (عبدالعزيز كرم الله)، اخي الحاضر دوما في خيالي، الليلة سافر متين رجعو.. حبيبي سافر، بتين رجعو.. اخذه قطار الموت لمحطة بعد افق الحياة الماثلة، الليلة وين يحين علي، سافر نساني.. . بكيت عليه سابقا، والآن تحولت مشاعري لحزن جميل، كم رقيق وشفيف الكائن المسمى حزن، يرافق الذكرى كظل اخضر، ويمصر برتقالاته في كف الخيال، فيعود أخي، ونحن نتسكع
والله لم أبكي حين صدر كتابي آلام ظهر حادة، بكيت بحرقة لأن القارئ الأول لم يعد هناك، هل أذهب لضريحه واهديه له، قرأ قصص ليس حرف حرف، بل شكلها هو، ومكتبته الحبه، هي التي بذرت حب القراءة فيني، ومعها اقلام الرسم، كتب ماركس، الرسالة الثانية، الإسلام برسالته الأولى لا يصلح لإنسانية القرن العشرين، ملامح من المجمتع السوداني، حياتي، طبقات ود ضيف، .. وأخرى، لا تحصى.. الشاهنامة، ..
رسوماته، رائحة الجير، اشكال الفرش، الاستاند الذي يرسم عليه، شكل اللوحة حين يبدئي الرسم وشكلها في النهاية، ما الذي يحرك عني...
سافر ابوداؤود، ولحق به أخي، ثم وصلهم العطبرواي، يالها من دار معمورة..
خلاني حائر، وبطل سؤالو عني...
حبيبي سافر، بتين رجعو.. عودة المسيح..
معليش يالؤي، أعمل شنو، الاغنية لم تذكرني سوى اخي الراحل، وانا عارف قدرة الاغاني على خلق عوالمها، كل على حدة..
المحبة لك، ولمحسن الخالد.. وللجميع، حبي وطربي..
Post: #19 Title: Re: رسالة ماسنجريّة من الأستاذ مُحسن خالد دعتني لكتابة هذا البوست قبل الأرشفة Author: Huda AbdelMoniem Date: 06-29-2008, 08:52 AM Parent: #16
الاخ لـؤي
تحية طيبـة
ياريت اجـد عندك تسجيـل لاغنيـة
فـي الشـاطئ طـال بينـا السمـر و حبيـي كـان ضـؤ القمـر ضـؤ القمـر مجلسنـا كان ضـؤ القمـر لـكـاحترامي
Post: #26 Title: Re: رسالة ماسنجريّة من الأستاذ مُحسن خالد دعتني لكتابة هذا البوست قبل الأرشفة Author: لؤى Date: 06-29-2008, 10:20 AM Parent: #19
أختي هُدَى سلامات
Quote: ياريت اجـد عندك تسجيـل لاغنيـة
فـي الشـاطئ طـال بينـا السمـر
كدي خلّينا نتحاسب في الأوّل هي "طال بينا السّمر" ؟ ولاّ "طاب لينا السّمر" ؟؟
وعلى حسب الإجابة نشوف لو الأغنية في
أنـا في البـعـيـد مُـشـتـاق لهـمـسـة من الوطن يا نـسـمـة
Post: #24 Title: Re: رسالة ماسنجريّة من الأستاذ مُحسن خالد دعتني لكتابة هذا البوست قبل الأرشفة Author: لؤى Date: 06-29-2008, 10:07 AM Parent: #16
أخي أستاذ عبد الغني تحيّة طيّبة
الرّحمة والمغفرة الواسعة لعبد العزيز والصّبر الجّميل والسُّلوان لك يا عزيزي
إنّا لله وإنّا إليه راجعون اللهم أرحمه وأسكنه فسيح جنّاتك اللهم باعد بينه وبين خطاياه كما باعدت بين المشرق والمغرب اللهم نقّه من الخطايا والذّنوب كما يُنَقّىَ الثّوب الأبيض من الدّنس اللهم أغسله بالثلج والماء والبرد اللهم أبدله داراً خيراً من داره وأهلاً خيراً من أهله اللهم أجمعنا وإيّاه في مستقرّ رحمتك اللهم إنّا نسألك بإسمك الأعظم أن توسّع مدخله اللهم آنس في القبر وحشته اللهم ثبّته عند السُّؤال اللهم لقّنه حجّته اللهم باعد القبر عن جنباته اللهم أكفه فتنة القبر اللهم أكفه ضمّة القبر اللهم أجعل قبره روضةً من رياض الجّنّة ولا تجعله حفرة من حفر النار اللهم إن كان محسناً فزد في إحسانه ، وإن كان مسيئاً فتجاوز عن سيّئاته اللهم ألحقه بالشُّهداء اللهم أفتح عليه نافذة من الجّنّة وأجعل قبره روضةً من رياضها
عميق وُدّي
أنـا في البـعـيـد مُـشـتـاق لهـمـسـة من الوطن يا نـسـمـة
Post: #22 Title: Re: رسالة ماسنجريّة من الأستاذ مُحسن خالد دعتني لكتابة هذا البوست قبل الأرشفة Author: لؤى Date: 06-29-2008, 09:33 AM Parent: #12
أستاذنا محمّد السُّنّي سلامات
بزيارتك بيتنا نوّر والله نوّر إنتَ ذاتك ما هيّن كان فتحتَ لينا أبوابك
المعزّة
أنـا في البـعـيـد مُـشـتـاق لهـمـسـة من الوطن يا نـسـمـة
Post: #21 Title: Re: رسالة ماسنجريّة من الأستاذ مُحسن خالد دعتني لكتابة هذا البوست قبل الأرشفة Author: لؤى Date: 06-29-2008, 09:12 AM Parent: #11
أخي محمّد سلامات
ما ياخي إنتَ شايف براك الدُّنيا أرشفة وزنقة سُوق فالواحد لو ما إشتغل الشُّغل الزي دا بالماسنجر بيروح فيها وما خفي أعظم
تحاياي
أنـا في البـعـيـد مُـشـتـاق لهـمـسـة من الوطن يا نـسـمـة
Post: #23 Title: Re: رسالة ماسنجريّة من الأستاذ مُحسن خالد دعتني لكتابة هذا البوست قبل الأرشفة Author: معتصم دفع الله Date: 06-29-2008, 09:58 AM Parent: #1
ياخي دا أسمو كلام دا ..
والله كان ربنا يحاسبكم انت ومحسن خالد زي الما حصل حاجة .. غناء زي دا برسلوهو بالمسينجر .. دا يعلقوهو هنا في رأس المنبر دا ..
أبقو طيبين ..
Post: #31 Title: Re: رسالة ماسنجريّة من الأستاذ مُحسن خالد دعتني لكتابة هذا البوست قبل الأرشفة Author: لؤى Date: 06-29-2008, 02:50 PM Parent: #23
الأخ معتصم دفع الله سلام
سلمت
وأبقَى طيّب
أنـا في البـعـيـد مُـشـتـاق لهـمـسـة من الوطن يا نـسـمـة
Post: #25 Title: Re: رسالة ماسنجريّة من الأستاذ مُحسن خالد دعتني لكتابة هذا البوست قبل الأرشفة Author: esam gabralla Date: 06-29-2008, 10:10 AM Parent: #1
حرفنة السمع ...
الاضان لما تكون محوصة بطالة خلاص ...
و الما بحب ابوداؤود ـ مطلق ابوداؤود ـ يمشي يسمكر اضنينو
و على مهل
نطلع من الجب
و تشكراتنا للسائل و المستجيب و للمسافر زاتووو
Post: #34 Title: Re: رسالة ماسنجريّة من الأستاذ مُحسن خالد دعتني لكتابة هذا البوست قبل الأرشفة Author: لؤى Date: 06-29-2008, 03:21 PM Parent: #25
أخي عصام مساء الخير
Quote: و تشكراتنا للسائل و المستجيب و للمسافر زاتووو
ولصاحب الدّار كذلك ولك
سلمت
أنـا في البـعـيـد مُـشـتـاق لهـمـسـة من الوطن يا نـسـمـة
Post: #27 Title: Re: رسالة ماسنجريّة من الأستاذ مُحسن خالد دعتني لكتابة هذا البوست قبل الأرشفة Author: ASHRAF TAHA Date: 06-29-2008, 11:49 AM Parent: #1
لؤي
إهداء خاص
Post: #35 Title: Re: رسالة ماسنجريّة من الأستاذ مُحسن خالد دعتني لكتابة هذا البوست قبل الأرشفة Author: لؤى Date: 06-29-2008, 03:34 PM Parent: #27
أخي أشرف مساء الخير
قلّ ما تأتيني هدايا من هذا النّوع لذا تجد لهديّتك قيمة وطعم ومعنَى ألف شُكر أيّها النّبيل
خالص إمتناني ومعزّتي
أنـا في البـعـيـد مُـشـتـاق لهـمـسـة من الوطن يا نـسـمـة
Post: #28 Title: Re: رسالة ماسنجريّة من الأستاذ مُحسن خالد دعتني لكتابة هذا البوست قبل الأرشفة Author: لؤى Date: 06-29-2008, 12:23 PM Parent: #1
الأخت هُدَى عبد المُنعِم سلام تاني
Quote: ياريت اجـد عندك تسجيـل لاغنيـة
فـي الشـاطئ طـال بينـا السمـر و حبيـي كـان ضـؤ القمـر ضـؤ القمـر مجلسنـا كان ضـؤ القمـر
هذه هي الأغنية
وللاستماع لأغنية ((في الشّاطئ طاب لينا السّمَر)) أدناه ، يجب الضّغط على زر إيقاف تشغيل أغنية "نساني سافر" في صدر البوست ، ومن ثمّ الضّغط على سهم زر تشغيل الأغنية أدناه ، والإنتظار حتّى تعمل بعد وقت نسبة لحجم الملف ..
أنـا في البـعـيـد مُـشـتـاق لهـمـسـة من الوطن يا نـسـمـة
Post: #36 Title: Re: رسالة ماسنجريّة من الأستاذ مُحسن خالد دعتني لكتابة هذا البوست قبل الأرشفة Author: لؤى Date: 06-29-2008, 03:40 PM Parent: #28
يُضغط بالزّر الأيمن للماوس على ما بين القوسين أعلاه ويُختار الحفظ في الجّهاز ..
أنـا في البـعـيـد مُـشـتـاق لهـمـسـة من الوطن يا نـسـمـة
Post: #29 Title: Re: رسالة ماسنجريّة من الأستاذ مُحسن خالد دعتني لكتابة هذا البوست قبل الأرشفة Author: REEL Date: 06-29-2008, 12:34 PM Parent: #1
.... .. . ياربي .. ثم يا جماعة مالكم علينا.... وهذا الطرب
شكرا لؤي و محسن
Post: #37 Title: Re: رسالة ماسنجريّة من الأستاذ مُحسن خالد دعتني لكتابة هذا البوست قبل الأرشفة Author: لؤى Date: 06-29-2008, 04:28 PM Parent: #29
ريل مساء الخير
Quote: ياربي .. ثم يا جماعة مالكم علينا....
إنتي هسّع الواحد يقول ليك شنو ؟
مالِك علينا ؟
أنـا في البـعـيـد مُـشـتـاق لهـمـسـة من الوطن يا نـسـمـة
Post: #33 Title: Re: رسالة ماسنجريّة من الأستاذ مُحسن خالد دعتني لكتابة هذا البوست قبل الأرشفة Author: ناهد بشير الطيب Date: 06-29-2008, 03:03 PM Parent: #1
Quote: اللعب التّقيل جايي في الشُّوط التّاني بعد الأرشفة
العزيز لؤى ناوى علينا بى شنو بعد الارشفة .....
لؤى
فى انتظار جميلك ومن المؤكد ان خيوط الابداع والجمال دوما يكون وراءها غازل نولها....... لؤى ... نول التواريخ المستدامة ... اغانيك التى تتحفنا بها حقيقة هى التقاء الجمرة بالصندل فى انتظار روائحها الجاذبة
Post: #39 Title: Re: رسالة ماسنجريّة من الأستاذ مُحسن خالد دعتني لكتابة هذا البوست قبل الأرشفة Author: لؤى Date: 06-29-2008, 05:17 PM Parent: #33
ناهد
Quote: العزيز لؤى ناوى علينا بى شنو بعد الارشفة .....
ما تستعجلي على رزقِك بس إن شاء الله تكون عندِك فُرصة متابعة نت في السُّودان ؟
ما أروعِك يا ناهد
أنـا في البـعـيـد مُـشـتـاق لهـمـسـة من الوطن يا نـسـمـة
Post: #38 Title: Re: رسالة ماسنجريّة من الأستاذ مُحسن خالد دعتني لكتابة هذا البوست قبل الأرشفة Author: Alsawi Date: 06-29-2008, 05:12 PM Parent: #1
أخي الكريم لؤى لك التحية والشكر علي التحف الجميلة التي تسعدنا بها دوما
وعندي طلب أرجو ان تتحفنا به أول يوم بعد الأرشفة
"جيل العطاء" محمد المكي ووردي، تسجيل نضيف وواضح مهما كان حجم الفايل أرسل فقط لنك الحفظ وبعدين السمع هين
وعارفك ما بتقصر
مع شكري وتحياتي مقدما
الصاوي
Post: #45 Title: Re: رسالة ماسنجريّة من الأستاذ مُحسن خالد دعتني لكتابة هذا البوست قبل الأرشفة Author: لؤى Date: 06-30-2008, 06:02 PM Parent: #38
أخي الصّاوي مساء الخير
ماذا لو كان ردّي عليك ، توقّع في القريب الآتي ؟
تحاياي
أنـا في البـعـيـد مُـشـتـاق لهـمـسـة من الوطن يا نـسـمـة
Post: #40 Title: Re: رسالة ماسنجريّة من الأستاذ مُحسن خالد دعتني لكتابة هذا البوست قبل الأرشفة Author: sami Alzubair Date: 06-29-2008, 06:57 PM Parent: #1
تسلم يا سيدا ... اصلو الدراوي داك مسكون ونقار زي ما قال عماد لكنت انت عارفنك البتجيبها
دمت ايها الرائع ابد
Post: #41 Title: Re: رسالة ماسنجريّة من الأستاذ مُحسن خالد دعتني لكتابة هذا البوست قبل الأرشفة Author: محسن خالد Date: 06-30-2008, 01:38 AM Parent: #40
شكراً جزيلاً يا لؤي ما قَصَّرت تب، ضراعك أخضر
Post: #46 Title: Re: رسالة ماسنجريّة من الأستاذ مُحسن خالد دعتني لكتابة هذا البوست قبل الأرشفة Author: لؤى Date: 06-30-2008, 06:39 PM Parent: #40
أخي سامي مساء الخير
أنا بيني وبينك آمنتَ بمسكونيّة الرّاجل دا ضحّكتني والله قصّة سيدا وعارفنّك بتجيبها دي كدا الزّعل بيحصل عند قبيلة المرّيخاب
سلمت يا عزيزي
أنـا في البـعـيـد مُـشـتـاق لهـمـسـة من الوطن يا نـسـمـة
Post: #43 Title: Re: رسالة ماسنجريّة من الأستاذ مُحسن خالد دعتني لكتابة هذا البوست قبل الأرشفة Author: Osama Mohammed Date: 06-30-2008, 02:28 PM Parent: #1
الأخ لؤي احيرك زيادة المدينة المنورة البيك انا وانت والعزيز مصطفى عثمان حسين قبل 6 سنوات كده.
اسامة
Post: #44 Title: Re: رسالة ماسنجريّة من الأستاذ مُحسن خالد دعتني لكتابة هذا البوست قبل الأرشفة Author: Omer Abdalla Date: 06-30-2008, 02:54 PM Parent: #1
كم أنتم رائعين
يالؤى مؤكد الاغنية دي مابراها فبالله ماتبخل علينا ببقية الاغاني من هذه الجلسة الفريدة بين العملاقين الراحلين المقيمين ابو داود والعطبراوي
