كانت لمّة جميلة سعدت بوجودي وسط هذه الكوكبة الفريدة يلاّ نبطّل مجاملات وندخل في الجّد
جيت للرّياض من المنطقة الشرقيّة وكانت لمّة بورداب وبوردابيّة (أستاذة حليمة ما تصُرّي لي) وأصدقاء بورداب وجلاّبيّة بيضاء مكويّة و 3 أشناب شنب مُصطفَى صديق البورداب وشنب هاشم خلف الله وشنب دكتور محمّد حسن رغم فارق الألوان الشّنبيّة بين الأخير والأوّلين وتشابه لون شنب الأخير ولون بعض شعر مُصدّق الفنّان وكان هناك صلاح شتات وقعدة كوشتينة ومعتصم دفع الله العريس كلّما يحجز يجي يلقى زول استولى على القيم مع ملاحظة أنّ هذا قبل الزّواج بعد شويّة الموضوع قلب جد أبو جُهينة وقف وفجأة بقى يُنادّى بالرّيّس ومال فين الموتسيكلات والعاآآآآآآآآآآآ ؟؟ كلام ناس أخوان أخوان جد مُش أخوان أخوان بيقطّع الأضان وإنّما جمع مُذكّر سالم لأخو أخوان وأخت وكلام كتير ما طلع عن الأعمال الخيريّة وعن دعم كُلّ محتاج ومحتاجة وآراء عن السُّبُل والوسائل ما في زول إشتغل برأيي ولا زولة وأنا ما قُلت ولا كلمة الخيمة سخّنت بالجّماعة فكانت السّهلة خير مستقبِل لأفواج الجّلاليب والعباية وبمحتوياتها من بشر
المهم
شالوا منّي قروش قالوا لإيجار الاستراحة وأنا على سفر المهم إنفضّ الإجتماع بعدما شالوا قروشي وبعد ما ظهر حُمّيدة وبعد شويّة ظهر أورقن (خائن) وساوند سيستيم أخون وسمّاعات مأجورة وقُرشي منصور فنّان أكثر خيانةً أُجبِرت أقعد وراء الأورقن وأنا راجل على سفر ويدّيني بيفكّروا في الدّركسون أكتر من العزف راجيني مشوار سواقة 4 ساعات تقريباً ويقول ليك حفلة غايتو بتذكّر عزفت 3 أغنيات ما عارف قُرشي غنَّى منّهن كم ولا متذكّر الأغنيات كانت شنو ولا عزفتها في ياتو سلّم ولا أصانسير غايتو بتذكّر بعد تالت أغنية السّاعة كانت تمانية بالليل وعرفت روحي واصل بيتي منتصف الليل بتوقيت الصّحراء وبتذكّر عُمر الفاروق لاقاني وأنا مستعجل مارق وشبكني بتاع الأورقن وما بتاع الأورقن قُلت ليهو ما تشيل هم بنغلبهم في مقبرة الأبطال ركبت عربيتي وأنا أتأبّط ((CD)) أهداني إيّاه البوردابي الجّميل صديقي محمّد يس علي بدر أجمل هديّة والله جد جد (( CD )) للعزيز أستاذنا أحمد ساطور ومعاهو فردة كوشتينة حمراء سأهديها بدوري للصّديق البوردابي عوض عكاشة في السّكّة كانت عندي غشوة لإقليم الإحساء أو الحسا على قول السّعوديين مدينة إسمها الهفوف ولا الهبوب ما عارف ساعدني في الوصول ليها موبايلياً زميل المنبر خال معتصم العريس العريس معتصم ما الخال الخال البوردابي الدّمّامي (محمّد بابكر) الأقواس حتّى لا يُعتقد أنّ إسمه الدّمّامي وصلت بيتي السّاعة واحدة بالليل وإتّصل بي البوردابي الرّاقي العزيز محمّد يس علي بدر قال لي عاوز أطمئن إنّك وصلت بخير غيرو ما في زول إشتغل بي ولا زولة لهذه اللحظة ما في زول عارفني وصلت ولا شالتني الهبوب الغريبة ضرب لي عوض عكاشة من الدّمّام قال لي الغداء كان شنو ؟
الصُّور جاية بعد شويّة جايبة معاها لعب وحاجات
ولو في تمبس ولاّ لؤي شمّت ولاّ زول من ناس تحميل الأغاني عارفني عزفت شنو ولاّ قُرشي غنّى معاي شنو وسجّل حاجة يجيبها لينا هنا
عُمران حسن صالح ما جاء إتّصلت أسأل منّو زوجتو وأمّو وولدو قالوا لي عندو غداء بورداب إتّصالي كان زي السّاعة تمانية ونُص بالليل كدا
هذا البوست برعاية هذا البوست نتيجة طبيعيّة لتأخير الرّغيف وأكل السّلطة بالقُرّاصة
أنـا في البـعـيـد مُـشـتـاق لهـمـسـة من الوطن يا نـسـمـة
الرّيّس أبو جُهينة مستمعاً لأحد المتحدّثين والأستاذ مصدّق أبو خالد جالساً وزوجته الأستاذة حليمة محمّد عبد الرّحمن كذلك
ويظهر في الصُّورة موبايل الأستاذة حليمة وشنطة يدها
أنـا في البـعـيـد مُـشـتـاق لهـمـسـة من الوطن يا نـسـمـة
Post: #30 Title: Re: صُوَر لمّة وغداء بورداب الرّياض (جمعة 23 مايو) Author: عماد محمود علي Date: 05-28-2008, 06:34 AM Parent: #2
لؤي ياخااااائن ، أنا مش سألتك وقلت ليك ياأبو اللول قاعد لي يوم الجمعة ؟ قلت لي ما أظن !! أها قلت ليك لو قاعد كلمني علشان نجي نمشس سوى!! . ( سوى ولا موبايلي ) .
غايتو عليك جنس خيانات طلعت ذي ......................
المهم حمد لله على سلامة الوصول وترجع لينا تاني في لمة أكبر وأجمل . وبالغ شكري وشرك أسرتي بزيارتكم الكريمة وعليك الله كثر منها .
ألف حمدآ لله على سلامتك..وكان الواحد أمنيتو يشوفك مع هذه اللمة الحلوة..التى إنشغلنا عنها ببعض ألألتزامات ألأسرية القاهرة..
Quote: وإتّصل بي البوردابي الرّاقي العزيز محمّد يس علي بدر قال لي عاوز أطمئن إنّك وصلت بخير غيرو ما في زول إشتغل بي ولا زولة لهذه اللحظة
الناس بتتفقد بعض..ولو شالتك الهبوب أكيد بعرفو بيك فى الصحف..ألف حمدلله على السلامة مرة تانية..وبارك الله فى تمبس وألأرباب إتصلوا على يسألوا عنى ليه ماجيت وشكرآ لهم وللجميع
لؤي ياخ الله يقطع سودانطير ومواعيدها!!! خربت علي اليوم داك كل البرامج!!! كنت مسفر أم العيال ومن 8 صباحاً وأنا أساسق من البيت للمطار ومن المطار للبيت لغاية 9:30 مساء لغاية الخرابي ما جات وسافرت.
المغسه أنه شطة د. محمدحسن راحت علي والقعدة والونسة.
الواجع قليبي يا لؤي أنك جيت من الشرقية وما لاقيناك (المنحوس يعترله ضله!!!!).
غايتو في النهاية ما عندنا غير قولة أهلنا (خيرا في غيرا) ...
إنشاء الله يكون في غدا قريب ولا إنشاء الله شاي مغرب سااااااااااي (بي كيكي ولا حتى كان بسكويت من الدكان).
يا عزيزي كويّس إنّها قامت تسعة ونُص بالليل في نفس الشّهر الله يدّي العافية بس وبالمناسبة شطّة دكتور محمّد دي أنا ذاتي فاتتني خيانات شديدة الله يكتّر الغدوات الجّايات وبيناتنا بتبقَىَ اللقاءات يا عزيزي بس جهّزوا الرّغيف
وُدّي
أنـا في البـعـيـد مُـشـتـاق لهـمـسـة من الوطن يا نـسـمـة
الرّيّس أبو جُهينة واقفاً والأستاذة حليمة وزوجها الأستاذ مُصدّق جلوساً الأستاذ عبد المُنعم الزّين مُدخّناً الزّميل عبد الرّحمن مُدنقراً بجانبه العزيز محمّد يس ومعتصم قُرب المُكيّف
ويظهر في رُكن الصُّورة الضّيف الأستاذ عماد
أنـا في البـعـيـد مُـشـتـاق لهـمـسـة من الوطن يا نـسـمـة
لازال الرّيّس أبو جُهينة واقفاً ولازالت الأستاذة حليمة ممسكة بالموبايل ولازال الأستاذ عبد المُنعم الزّين مدخّناً يقف بجانبه إبنه في إنتظار ما سيخرج من المحفظة إنضمّ إلى الأستاذ عبد المُنعم في التّدخين تمبس ولازال حفياناً
ويظهر في ركن الصُّورة رأس الزّميل عبد الله داش وبعض قميصه
أنـا في البـعـيـد مُـشـتـاق لهـمـسـة من الوطن يا نـسـمـة
الغالي لؤي ما قصرت تب معانا الله يديك العافية وان شاء الله بورداب الرياض دايما ملمومين في ساعات خير يا رب
قلت لي تمبس كان حفيان هههههههه شكلوا عايز يحترف في الهلال وينافس "حفياني" ما اصلو قالو قودوين ماشي خلاص وكلتشي من مصر ولي اوربا ومحمد يوسف قاعد هسي في اوروبا يلا سخن كويس يا تمبس عشان نشجع الهلال تاني
ما عارفك تصدّقني ولاّ لا لمّا أنا كتبت عن قصّة تمبس حفيان دي كنت برمي بالضّبط لما كتبته أنت هنا وكُنت حأرجع أجيب الصُّورة وأكتب كلام مُشابه لكلامك لكن لقيتك شليق أها هاك شوف براك الحالة دي
تحاياي
أنـا في البـعـيـد مُـشـتـاق لهـمـسـة من الوطن يا نـسـمـة
يوسف السّمّاني يميناً وشاكر الضّيّع الإسنا يساراً وفي الوسط جلوساً عبد الرّحمن ومُصدّق "أبو خالد" ووقوفاً عبد المنعم الزّين وإبنه وخلفهما يظهر قميص عبد الله داش
ويظهر في الصُّورة تمبس متحسّساً ثلاّجته بعد أن قام بتعبئتها ببسبوسة ناس مُصدّق
أنـا في البـعـيـد مُـشـتـاق لهـمـسـة من الوطن يا نـسـمـة
الزّميل الكاريكاتيريست مُصدّق مُصطَفَى حسين (أقصَى اليمين) الزّميل محمّد الشّيخ متحسّساً طاقيّته الزّميل طارق نُقُد وطفليه الزّميل يوسف السّمّاني الزّميل الأستاذ محمود بكر (وقوفاً) الزّميل دكتور محمّد حسن
وتظهر في الصُّورة عمّة وجلاّبيّة صديق البورداب دكتور شريف
أنـا في البـعـيـد مُـشـتـاق لهـمـسـة من الوطن يا نـسـمـة
في الوسط يميناً الزّميل محمّد الشّيخ في الوسط يساراً الزّميل يوسف السّمّاني من اليسار الزّميل مهدي الصّادق الزّميل محمود بكر الزّميل خالد سعيد (الأرباب) الزّميل دكتور محمّد حسن الزّميلة حليمة محمّد عبد الرّحمن الزّميل طارق نُقُد الزّميل علاء الدّين حيمورة ونسيب الزّميل طارق نُقُد ضيفاً
وتظهر في الصُّورة بعض نظّارة وبعض وجه الزّميل صلاح شتات
أنـا في البـعـيـد مُـشـتـاق لهـمـسـة من الوطن يا نـسـمـة
والله يا لؤي فعلاً زي ماقال أخوي خدر بوست سمح بس ناقص
جزلان أبوجهينة و...
نيــة تمبس في مُقبل أيامو ..........
راجين ..........
Post: #22 Title: Re: صُوَر لمّة وغداء بورداب الرّياض (جمعة 23 مايو) Author: هاشم أحمد خلف الله Date: 05-27-2008, 10:09 PM Parent: #21
لؤي الحبيب ياخوي مسعول من الخير الصور دي اخدتا متين ما شوفت في ايدك كاميرا والله ؟؟ عموماً الحمد لله الاحضان دي كانت مع الرجال سعدنا كثيراً بلقاء بورداب الرياض والجايات اكتر من الرايحات .
النَقر جا .. النَقر جا .. دا المنو البرجا .. ( حسب رواية الجلابة ) .. البتل جا .. البتل جا .. أفن للدين .. ( حسب رواية زيد بن معد يكرب ) ..
.. ..
سألني صديقي المتمني انه يكون بوردابي ( ويعتبر كل شخصية منبرية من عظماء التاريخ ) .. سألني والفرحة لا تسعه .. ( يا محمد دا الاستاذ لؤي شمت ) ..!! قلت ليهو نعم دا ( لؤي شمت ) لكن بدرس في مدرسة بنات ولا اولاد والله ما عارف .. عشان كدا ما بقدر افتيك في حتة ( استاذ ) دي .. يا سلاآآآآآآآآآآم ياخي .. ( دا يا محمد الاستاذ معتصم دفع الله ) ..!! .. نعم يا سيدي دا ( الاستاذ ) .. وبدرس في مدرسة ( امدرمان الثانوية ) الجنب البحر ديك .. الفيهو الجكس بالكوم والردوم .. اها في اسطاذ تاني دايرني اعرفك بيهو .. قال لي بس فاضل لي ( الاستاذ عبدالله داش ) .. اها لقيت ليك عمنا عبدالله لابس ليهو بنطلون فيهو تلاتة واربعين جيب وفاكي الزراير ( لكن ما جانا طاير ) .. وعلي العموم يعني المظهر كدا ما بديك ( استاذ ) نهائي .. وما حبيت احبطه .. أشرت ليهو علي ( حليمة ) طوالي .. .. دا الاستاذ عبدالله داش .. !!! قال لي .. ( يعني مش شبه الصور يعني ) ..
.. ..
ووين ( تمبس ) .. والله تمبس دا مسافر .. لكن داك اخوه القاعد بزبط في ( الساون ) .. وكان كوركت يا ( تمبس ) احتمال كبير يقول ( نعم ) اصلو دا ( الفاميلي نيم بتاعهم ) ..!!
.. ..
بالرجوع لما ذكر أعلاه .. ( شنبات الاخوان د.محمد حسن - هاشم ) .. يا ( لؤي ) يا ابني .. وينها ( الرجالة ) البعملوا ليها شنب قدر دا .. ورحم الله امرئ عرف رجالته قدر شنو .. وحلق عليها شنبو .. وذي ما قال ابو سعيد .. مصرنا فيهو ليمون ما نفع .. حنناهو ما نفع .. بس في الرجالة فايتنكم .. ولا تغرنك اشناب الحاسناب والهاشماب .. فلهم مواقف مشهودة في ( سباق الهجن ) و ( ركوب العجلة ) .. تدحض شائعة ( اشنابهم ) .. والله علي ما اقول شهيد .. اقفل في ساعته وتاريخه .. مقدمه عمكم ( شعبان ) .. ثكراً ..!!
.. ..
تنويه .. الزول الجاب ( سلطة الاسود ) عليك الله ما تكتروا ( الخل ) تاني .. عشان في ناس بتجي متأخرة ..!!
شيّلتني هم هسّع الواحد يبدأ يرُد عليك من وين ؟ وينتهي وين ؟ صديقك السّألك دا مُصعب ولا واحد تاني ؟
عارف أنا قعدت جنب أبو جُهينة قبل الأغنيات الما متذكّرهن الوقت داك إنت سالّي لسانك في زول قُلت ليهو حُمّيدة دا رُباطابي بس قعد يضحك ، وقال لي بالله إنت ما عارف إنّه حُمّيدة فعلاً من الرُّباطاب ؟ فهل يا عزيزي تلكم إشاعات ؟ أم نعمل حسابنا تاني ؟؟
الله يجازي محنك
أنـا في البـعـيـد مُـشـتـاق لهـمـسـة من الوطن يا نـسـمـة
والله كانت لمة حلوة فاتتنا ، وكم كنت أمني النفس بأن ألتقيك لكن زي ما قال أخونا حسن الشايقي خيرا في غيرا ، والجايات أكتر من الرايحات .. وكنت جد ناوي الحضور ومبكراً كمان مع العيال ، لأني عارف حلاوة لمة بورداب الرياض وروعة تجمعاتهم .. لكن الله غالب ، جاني مشوار ضروري في نهار الجمعة ، عقب الصلاة ولي وين ؟ للحوطة !! حوطة بني تميم . وكنت أتوقع العودة قبل مغرب الشمس لكن الأمور جاطت ولم أعد إلا قبيل الحادية عشر مساءاً بقليل !!
نراكم في قادم اللمات بإذن واحد أحد .
تخريمة :
أخي ود بابكر ، تحياتي ، وعبرك لأخي حميدة :
Quote: Quote: يحتوي المزاد علي .. بوردابي بيكاب مثقف ومتفلهم لدرجة انه عنده ضعف نظر ويغتس الحياة الزوجية .. بوردابي صالون .. ( ينفع عريس لقطة ) .. مزيكا .. صورة وصوت .. ونسة .. جرس .. ألعاب بهلوانية .. شية .. بوردابي كراد ( إف جيه كروزر ) .. لاصحاب مصانع التلج .. دفرنش بحالة جيدة .. شنب ستة بوصة .. وكمية من ( البورداب ) الخردة .. واشياء آخرى مفيدة ..
غايتو يا حميدة عليك جنس خستكة .... تكيف عدييييييييييل كدة
والله سائل عنّك ولاحظت غياب عدد من النّاس قُلت يكون في تخطيط لإنقلاب ولاّ حاجة ياخ إنت من ناس الرّياض وأكيد بتعرف ناسك ديل النّاس ديل زعلانين من حاجة ولاّ الحاصل شنو ؟؟
الله يخلّص البوست دا
أنـا في البـعـيـد مُـشـتـاق لهـمـسـة من الوطن يا نـسـمـة
طبعاً الشفيف معتصم كان مهموم بي قروش الإستراحة .. وبعد تلك الصورة السرحانة .. جلس بالقرب مني .. وبشفافية متناهية همس في أذني واقل لي : يا أرباب : دايرين 600 ريال ... قلت ليهو : شــــــــــنو ؟؟؟؟؟؟ قال لي إنته مش وزير المالية .. أدفع لينا قروش الإستراحة وبعدين لمهـا .. قلته ليه : ياشفيف أنا خالد سعيد أدريس الأرباب .. مش [ صلاح إدريس الأرباب ] ..
يا رأفت الصُّور دي كُلّها بعد الغداء فما تراه من فتور وتعب هو من أثر القُرّاصة بعدين حفية تمبس خلّيها إنت ما شُفت تحميرتو ؟ دي تحميرة إسفيريّة عشان تاني النّاس تعمل حسابها
بعدين كيف أنا صُورتي وينها ؟ إنت ما سمعت بالمثل السُّوداني البيقول (الفي إيدو القلم ما بيكتب روحو شقي) ؟ إنت قايلني عوير ؟
وأهديك تحميرة تمبس عساك تعمل حسابك
محبّتي وتحاياي لفاتن والعيال
أنـا في البـعـيـد مُـشـتـاق لهـمـسـة من الوطن يا نـسـمـة
القلب الأخضر دا قريب فردة الكوشتينة الحمراء ؟ يا محمّد ياخي أنا والله جد شاكر على كُلّ شيء يا رجل يا نبيل يا أصيل وشاكر على إتّصالك وسؤالك عارف ألذّ حاجة شنو ؟ صلاح شتات إتّصل بي أمبارح الأربعاء المساء قال لي أبو اللول وصلت كيف ؟ قُلتَ ليهو بالله ؟ علي أنا الكلام دا ؟؟
ما تقطع أخبارك
أنـا في البـعـيـد مُـشـتـاق لهـمـسـة من الوطن يا نـسـمـة
اخونا شحرفان يبلغك تحياته ويشكرك على نشر الجلابية في المنبر ..
علاء حيمورة ودكتور محمد حسن شحرفان قال ليكم انا ماعندي باسويرد لكن عندي اصحابي بردوا لي وانتو ناس قديمين انتو من زمن جلابية التيترون وزي جلابيتي دي دايرين ليكم 25 سنة عشان تلبسوها والدليل على ذ لك 30نفر كانوا في الغداء اتكيفوا منها واتحداكم لو تعرفوا اللون الفوشي وبرضو تقول لي اركب السوق العربي ..
تحاياي بالله عليك لمُصطَفَى شحرفان الظّريف وقول ليهو ما يشتغل بكلام النّاس ديل ويخلّي ثقتو في جلاّبيتو كبيرة الحركات دي عملوها قبل كدا لخالد الأرباب لغاية ما ملصها ولبس التي شيرت
تحاياي
أنـا في البـعـيـد مُـشـتـاق لهـمـسـة من الوطن يا نـسـمـة
ابو اللول موداتي انت على علم بالظرف الذي حال دون حضوري .. لقاء الناس الجميلة دي حدث ما يتفوت .. بس الله غالب ... فردة الكوشتينه ما شغال بيها كتير ... لانو حسب الخبرية الوصلت اتسنفك بيها عبد الله داش ... انا عيني على الـــ ( سي دي ) يا حبة اها الناس ديل تقطع المسافة دي كلها وتزورهم ... وبعد كده الغداء سلطة بالقراصة ... اتصالي بيك كان تقول قلبي حاسي بالحصل ده ... لانو لمة الدمام اليوم داك كانت ( ضبيحة ) عديل كده ... تحياتي لك ولكل هؤلاء الجميلين .. وملمومين في الفرح دايما انشاء الله ...
ياتو ظرف كمان الأنا أعلم بيهو ؟ جابت ليها دجل ؟ بعدين كيف فردة الكوشتينة ما شغال بيها وإنت شلتها ليك يومين ؟ يا زول داش الله مرقو من إسنا بي بونط بعدين خلّي الإفتراء الغداء ما سطلة بقُرّاصة وبس ؟ كان في سلطة أسود
أها الموضوع كيف ؟
أنـا في البـعـيـد مُـشـتـاق لهـمـسـة من الوطن يا نـسـمـة
يا شباب معذره علي الاقتحام ازيك يا لؤي بحاول ا ارسل ل ليك مسنجر داخلي فشلت عايزاك تساعدني كيف انزل اغنيه بالبورد بعد عملت داونلودينق ليها ونسخت الكود ؟؟
أنا تحت أمرك وقد يكون الفشل في المُراسلة الدّاخليّة هو بسبب وجود إسمي في المنبر مكتوباً بالألف المُعرّج ((لؤى)) بدلاً عن الصّحيح ((لؤي)) وهو الأمر الذي يؤدّي كثيراً لعدم وصول الرّسائل في حالة كتابة ((لؤي))
الرّجاء مُراجعة ماسنجرك الدّاخلي
تحاياي
أنـا في البـعـيـد مُـشـتـاق لهـمـسـة من الوطن يا نـسـمـة
أعمل ليك شنو لكن ؟ إذا كُنت ما مخلّي ليك لاعب ما متصوّر جنبو بعدين أنا ما فوّتّك أيّ شيء أنا ذاتي كُنتَ حأتباع في سوق الله وأكبر بتاع الرّياض بس أخوك فقري وما بينوم بدري عندي طابور خامس داخل الجّسم البوردابي أدّاني الخبر اليقين (مع مُلاحظة أنّ هذه "الأدّاني" قد تكون "أدّتني") ولذا قُمنا بتجهيز بطّاريّات الصّواريخ بسم الله صواريخ شنو ؟ قُمنا بشحن بطّاريّة الموبايل (ذاك اللعين) وكما ترَى وصلنا إلى ديارنا سالمين والحمد لله على ذلك
ما عندكـ ـم/ـن لمّة في قطر ؟؟؟
أنـا في البـعـيـد مُـشـتـاق لهـمـسـة من الوطن يا نـسـمـة
الدوحه قاجه اليومين ديل ،،، سهرات مولعه فى كل مكان ،،، إنت يازول ما بتشوف المنبر ده ولآ شنو ،،، البوستات بـ تتطاقش وهى بترحب بمنى خوجلي ،،، كل يوم فى مكان مره مسرح ،،، مره سوق واقف ،،، مره فروسيه ،،، وكمان فى حاجات دكاكينيه كده ،،، ما بيقولوها لينا ،،، يعني بيمسحونا ،،، تجي تسمع بالحاجه دى تاني يوم ،،، ده طبعا لو سمعت ،،،
سؤال عابر كده ،،،
مالك يا لول ما بتجي الدوحه ،،، ما تختها يوم كده فى جدول أعمالك ،،، إتفقنا خلاص ،،، أوكي ،،،
بالنسبة للناس الما بتعرف شنو يعني ( المنظار الليلي )
Quote: المنظار الليلي أحد المعدات الأساسية لدى القوات الخاصة.. وهو يوفر للناظر صورة محسنة للمناطق المحيطة به .. ويزيد من تركيز الإضاءة حتى تظهر الأشياء بشكل أوضح ..
حاولت اكبر الصورة أكتر من كدا طلع لي صورة ( شافع ) ..!! علي ما أعتقد يكون ( الاصبع ) القيادي .. لكن علي العموم ممكن نعمل منهم .. ملاح ( الكرعين بالحمص والقمح ) .. والطريقة ساهلة .. ما عليك يا عزيزتي ( ربة المنزل )* .. سوى تحضير المقادير التالية .. * زوج كرعين بوردابي او صديق بوردابي أو ثلاث أزواج من كرعين ( تمبس ) ..!! * 250 غ قمح مفسخ ( عريان يعني ) .. * زلافة صغيرة حمص مرطب في الماء منذ ليلة كاملة ( ولو ما لقيتي زلافة ممكن تجيبي بدلا طشت ) .. * بصلة مفرومة ( فرم ناعم ذي فرم معتصم دفع الله ) .. * ملعقة حساء فلفل أحمر ( ممكن تسألي حيمورة ) * رأس ملعقة صغيرة فلفل أحمر حار ( معلقة بلاستيك عشان الحديد ما بسيح في النار ) .. * نصف كأس زيت ( تكسري الكاس وتجدعيهو في الحلة ) .. طريقة التحضير * نقطع كل رجل لأربع أو ثلاث قطع وننظفها جيدا ونغسلها بالماء الوفير ( بدون ما تخلعي الشبشب ) .. * في طنجرة نضع قطع (الكرعين) ونضيف عليها البصل والفلفل الحلو والحار .. والملح ونغطي الكل بلتر من الماء ونتركها على النار لمدة ساعة ونصف .. ( ممكن تحضري ماستر في الحتة دي ) .. * بعد ذلك نضيف القمح والحمص المنقوع .. ( منقوع دي ذي مهمش يعني .. نقع الزول أي شطفو عديل كدا ) .. * نترك الكل على النار لمدة ربع ساعة .. ( اكتر من كدا بدقوا ليك جرس ) .. * نزيل الغطاء من على الطنجرة .. ( الواضح ما فاضح ) .. * على نار هادئة جدا نترك الطنجرة تغلى لساعات .. حتى نحصل على مرق مخثر وعاقد .. ( عاقد علي بت عمه انشاء الله بس لازم يكون عاقد ) .. * وفي إناء التقديم نضع (الكرعين) وفوقها الحمص والقمح .. حتى يكون المنظر رائعا .. وأكلة شهية بألف صحة وعافية
حُمّيدة أقول ليك شنو ؟ ركبت عربيتي قبل ساعة كدا مشيت مشوار البنك وأنا في العربيّة قعدت أفكّر في طلبات عزاز دي قُلت غايتو الليلة الله يستر ما أرجع ألقَىَ حُمّيدة إتسبّب لي في حذف البوست أنا في البنك ما في شيء كان شاغلني غير البوست وعزاز وحُمّيدة ودكتور شريف لدرجة إنّي طلعت من البنك وأنا ما عارف ودّيت قروش ولا شلتَ قروش والله يا حُمّيدة ما طالبني حليفة أنا جيت فتحت البوست قريت بس أوّل سطر من كلامك
Quote: حاولت اكبر الصورة أكتر من كدا طلع لي صورة ( شافع ) ..!!
ولغاية هسّع ما عارف أقرأ الباقي
يا دكتور شريف من البُعد سلام عليك وبالله عليك تعذرنا في مصيبتنا دي وشوف ليك باصوورد زول ولا حتّى زولة وأدخل وقّف المسخرة دي
اللهم لا إعتراض في حُكمك يا رب
أنـا في البـعـيـد مُـشـتـاق لهـمـسـة من الوطن يا نـسـمـة
You dont know what you just did تاني بالله لمّا تستعيني بصديق حاولي تشوفي خيارات تانية غير حُمّيدة دا كدا بتحصل مصيبة يا بت الحلال بعدين تعالي هنا جماليّات شنو البتتكلّمي عنّها ؟؟
الله يكفيني شرّك الليلة
أنـا في البـعـيـد مُـشـتـاق لهـمـسـة من الوطن يا نـسـمـة
يا أخت عزاز موضوعك الطّبّي دا حايعمل كارثة بيئيّة والكلمة رغم تشابه الحروف إلاّ أنّها لا علاقة لها بالأوبئة ولو شوهِد ما في الموبايل من بقايا صور لتمّ إغتيالي دون أدنَى شك ولا أظنّك ترغبين في موتي
رغم أنّ الشّك يساورني في الأخيرة هذه
أنـا في البـعـيـد مُـشـتـاق لهـمـسـة من الوطن يا نـسـمـة
thanks for those nice images of Riyad boarders you know you have an excellent skills of ellaborating on pictures with all full details needed ( a project of jouralist )
please keep up this wonderful topic
Humaidah
where are you man ??? since Sharqiah we havnt met you ??? \BTW : you still have a clever remarks and observations
تحياتي يا لؤي وإن شاء الله دوماً مجتمعين على الخير والمحبة.. استمتعت بهذا البوست اللطيف الظريف.. وأحييك على هذه التعليقات الطريفة الذكية وأراك قد كتبت هذه البوست بمزاج رايق لذلك كانت النتيجة هذا الجمال وهذه المتعة.. تحياتي للجميع
الأخ عماد محمود علي السّلام عليكم ورحمة الله تعالى وبركاته
يا أخي الكريم أنا على علم بوجود موبايل حليمة في يدها حتّى الآن فأنا وكما ترَى قد قُمت بذكر هذه المعلومة لكن يا عزيزي أنا لم أقم بشراء الموبايل بل قُمت بشراء ما يحويه موبايل حليمة وقد تمّت عمليّة توقيع الصّفقة في سرّيّة تامّة
والنّصر لنا والعزّة للوطن
أنـا في البـعـيـد مُـشـتـاق لهـمـسـة من الوطن يا نـسـمـة
Quote: لكن يا عزيزي أنا لم أقم بشراء الموبايل بل قُمت بشراء ما يحويه موبايل حليمة وقد تمّت عمليّة توقيع الصّفقة في سرّيّة تامّة
يعني الموبايل ناقص ، شراء المعلومات التي به تنقص من قيمة الموبايل ، أها غايتو يا حليمة إن كان كدي رجعي لي قروشي ماعايز الموبايل ، ده اسمه غش تجاري ، معاً ضد الغش التجاري .
أنـا في البـعـيـد مُـشـتـاق لهـمـسـة من الوطن يا نـسـمـة
Post: #154 Title: Re: صُوَر لمّة وغداء بورداب الرّياض (جمعة 23 مايو) Author: عماد محمود علي Date: 06-08-2008, 10:59 AM Parent: #153
صديقي أبو اللول
Quote: إنتي ياخوي مركوبك دا قديم للدّرجة دي يعني ؟؟
والله يا أبو اللول إن كان بتجيب المركوب الصورة ما بناباها تب ... جديد ولبسه واحدة بس .. المشكلة إنك تجيب حاجات تااااني تخوف !!! هسه عليك الله إنت الجابك عندي اليوم داااااك شنو !!!! ما كان تجي حسب ميعاد السابق ... الله يجازي شيطانك ...
Quote: كدي خلّيني أراجع الصُّور الفي بيتك أشوف فيها شنو
يا كابتن ما قلت روق وخلاص رقنا وختينا الكورة كمان واطة ، تاني في شنو ؟!!! يا أخوي مالك بقيت زي امريكا كل يوم تهدد !!! ماقلنا الروب وكمان اللبن معاه والحيلب كمان ... غايتو جنس غايتو .
أي واحد بعجبك فيهم بس فكنا ... حليب السعودية ، حليب نادك ، حليب المراعي ، حليب الصافي ، حليب بوني .. أي حليب بريحك بس بالله الزولة الجابتك دي ماشفتها قالت : ( أذهبوا فأنتم الطلقاء ) طلقة التكسر رأسك ده ...
Quote: عالم ما تجي إلاّ بالموبايل
موبايل ولا موبايلي ولا سوى حتى زاااااطو ـ خلاص الرحمة يا أخ إنت مالاقي ليك زول تزره كده ذي ؟ يعني الدكتورة الجابتك دي ماكان قاااعدة ولا شنو؟!! ولا خائف يروح عليك شاييها المدنكل دااااك . غايتو جنس غايتو .
يا اخي يا لؤي انت في اول كلامك التزمت وقلت انو الحاضرين ثلاثة اشناب لكن الحاصل انو غير استاذه حليمه ما في زول ما عندو شنب. لكن لمه حلوه وبوستك حلاوتو في روحه الاجتماعيه والجايات اكتر من الرايحات ومالو صاحبي محمد يسن زاد مرتين ما شاء الله ما نسحروا ولا عامل الولد خال؟؟ تحياتي مع دوام التواصل
أها شفت الافتراء الما زي إفتراك ده .
