Post: #2
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: الفاتح وديدي
Date: 05-01-2006, 02:34 PM
Parent: #1
متشكرين يا أبو اللولعلى (العزيزة).... ـــــــــ خلاص.. مشكلة في الصوت كانت و حلّيناها.. وده الكلام اللي كان مكتوب ومسحته:
Quote: الصوت.. الصوووت يااا عالم.. سامع حاجة زي وَنَسَة النَمِلْ كدة.. |
|
Post: #37
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: معتصم دفع الله
Date: 05-02-2006, 05:49 AM
Parent: #2
وديني وايماني ..
السفنجة دي ما حقتي ..
|
Post: #67
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: لؤى
Date: 05-03-2006, 04:16 AM
Parent: #2
الأخ الفاتح تحاياي
الحمد لله على علاجك للمشكلة
وُدّيـــــــــــــــ
انا في البعيـد مشتـاق لهمسة من الوطن يـا نسمة [email protected]
|
Post: #3
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: adil rahman
Date: 05-01-2006, 02:44 PM
Parent: #1
الأخ لؤي
أنا شخصياً ما فاهم حاجة ولكننا أعتدنا على مساحات من الجمال والإبداع من الثلاثي وها أنت تكمل ضلع المربع وتبدأه بالعزيزة الما بتسأل عن ظروفنا
مع تحياتي عادل عبدالرحمن إبراهيم
|
Post: #28
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: معتصم دفع الله
Date: 05-02-2006, 03:52 AM
شكراً الحبيب عادل عبدالرحمن ولكلماتك الطيبات ..
لؤى صديق عزيز وزول جميل ودوماً ناثراً للفرح ..
لكما محبتي ..
|
Post: #71
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: لؤى
Date: 05-03-2006, 04:26 AM
الأخ عادل تحاياي
Quote:
الأخ لؤي
أنا شخصياً ما فاهم حاجة
|
ويا عزيزي أنا دوري هنا أفهّمك لو الجماعة ديل ما إعترفوا هنا وورّوا النّاس ديل الحاصل كلُّه .. ديل يحلّهم منّي الحلاّل الليلة ..
وُدّيـــــــــــــــ
انا في البعيـد مشتـاق لهمسة من الوطن يـا نسمة [email protected]
|
Post: #4
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: Soumeta
Date: 05-01-2006, 02:45 PM
Parent: #1
لؤي،،
أسع دي سفنجة ست!
|
Post: #27
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: معتصم دفع الله
Date: 05-02-2006, 03:47 AM
Parent: #4
يا سوميتا والله دا كشف حال عديل كده ..
دي سفنجة ماركة خليها في محلها وشتت ..
|
Post: #5
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: عبد المنعم عمر عثمان
Date: 05-01-2006, 03:07 PM
Parent: #1
ألاخ لوىء إنت داير تانى تدخل الرياض بتاشيرة وله شنو ، الناس ديل ما شفت طبعهم شين كيف ،،،،،،
|
Post: #6
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: tmbis
Date: 05-01-2006, 05:34 PM
Parent: #5
يا ابو اللــــول .. اولا: تاني ح نعمل نقطة تفتيش .. جمب الماسورة لمن تجي طالع ح نفتشك
ثانيا: . السفنجة دي مقاس اربعة وأربعين ونص ..
انا مقاساتي ( تمنية وتلتين ـ تسعة وتلتين )
المايك مع شتات
|
Post: #7
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: نادية عثمان
Date: 05-01-2006, 05:50 PM
Parent: #6
لؤى
السفنجة دى ماحقت سندريلا تمبس اقايتو !!!!!!!!!!!!
|
Post: #8
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: Muna Khugali
Date: 05-01-2006, 06:00 PM
Parent: #7
Quote: وتبدأه بالعزيزة الما بتسأل عن ظروفنا |
السـفنجـة تكـون حـقت 'بكـا' ناس عـادل رحمـن.... يللا نزل صـورته مـع التلاتة الأبطـال الفـوق ديـل يالـؤي...
و بعـديـن وبن هـيرو ومعتـز? البكـا هنـاك صـعب شـديـد!!
مـني
|
Post: #9
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: Dr. Moiz Bakhiet
Date: 05-01-2006, 06:09 PM
Parent: #8
السفنجة هينة يا لؤي
الكلام في العتبة
|
Post: #10
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: bayan
Date: 05-01-2006, 08:45 PM
Parent: #9
غايتو ما بعرف كان ما اخاف الكضب السفنجة دي تخص علوية حواجب كايسة ليها من سنة 2000 لو جبتا لينا صورة من الواجهة نشوف نخرتها مقطوعة ولا سالمة بقطع ليكم الشك ويكون بحث الشايننق ستار عن سفنجتها انتهى.. وبكدا يا لؤي تكون وقفت اطول مناحة على سفنجة في تأريخ البشرية,,,
سلام يا حلوين... دا بوست عنده مستقبل زاهر.. الوداعية قالت كدا..
|
Post: #11
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: nour tawir
Date: 05-01-2006, 08:52 PM
Parent: #10
غايتو ما بعرف كان ما اخاف الكضب السفنجة دي تخص علوية حواجب كايسة ليها من سنة 2000 لو جبتا لينا صورة من الواجهة نشوف نخرتها مقطوعة ولا سالمة بقطع ليكم الشك ويكون بحث الشايننق ستار عن سفنجتها انتهى.. وبكدا يا لؤي تكون وقفت اطول مناحة على سفنجة في تأريخ البشرية,,,
سلام يا حلوين... دا بوست عنده مستقبل زاهر.. الوداعية قالت كدا..
.....
الله يجازيكى يا بيان...
مافى زول فى البورد دا قادر يضحكنى زيك...
طلعتينى من حالة بس(حمده فى بطنه)...
|
Post: #134
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: معتصم دفع الله
Date: 05-03-2006, 12:38 PM
Parent: #11
كويس يا نور إنو طلعتي من حالة الدبرسة الحاصلة عليك دي .. والله نحن السفنجة دي زاتا حلت لينا مشكلة بتاعت دبرسة ووجع ضرس كمان ..
|
Post: #139
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: tmbis
Date: 05-04-2006, 02:49 AM
Parent: #11
الاعزاء.. وديدي - عادل رحمن- سوميتا -عبد المنعم عمر عثمان - نادية ومني خوجلي - د. معز - بيان ونور تاور محبتي الشديدة جدا ليكم . . يادوبك الواحد يقدر يقول أنو اتحلحل من ( كماشة ) الارهاب الكان بيواجهو طيلة الايام السابقة كانت هناك محاولات ياسادتي ( لتدجيني ) مرة .. وتعرضت لمحاولات ( الخطف ) اكثر من مرة لاستعمالي كرهينة وأكون في كف عفريت السبب: لأن بطرفي معلومات خطيرة جدا .. تتعلق بالسفنجة موضوع النقاش وبما أني مفاوض خطير وبعرف التصرف في الحالات المشابهة .. وكون أن هذا الجسم الغريب ( السفنجة ) أمر بها يوميا وأنا في طريق هبوطي وصعودي من (الشقة) الكائنة بالطابق التالت - وحضوري مكانيا وسماعي باضاني دي .. لكل ابيات الغزل التي نسجت حول هذه ( الكائنة ) السفنجة برضو من بيوتات الشعر المتعرف عليها عالميا - من شعر جاهلي ومن النوع ( ابوضلفتين برضو ) ومن البحر الطويل والقصير - وشعر التفعيلة - وكل الاكسسوارات المتعلقة بالمسالة دي .. ومن مكانتي كنعصر ( فتات جدا ) ولسانو خفيف في حالات زي دي .. وما انفع اشتغل في الاستخبارات لاني ( بفتو ) بسرعة - وبدون ما ( يعصروني - ولا يودوني الماسورة ) فقد كنت يا سادتي مستهدف ايما استهداف .. إلي أن تم تحرك سريع من المجتمع الدولي .. ووافقت الجهات المعنية والمخول لها التصرف في مثل هذه ( الكيسات ).. فقد قامت الجهات مشكورة بإيفاد - عنصر مدرب جدا من اصحاب القبعات الزرقاء وأنا الآن اتمتع بحماية كاملة من عنصر مدرب جدا ( وخشمو أخف مني ) ويجيد كل اساليب الضغط والرشوة والابتزاز كما وضح لكم في الردود اعلاها واسفلها.. ولذلك انا سعيد جدا أنو قدرت اتخلص من القبضة الحديدة دي ومن ( سكين ضراع اصلية ) مصنوعة من ( صحن بلي ) وارد كسلا ومنقوش عليها حروف وتعاويز من زمن التركية الاولى .. (والجفير) الخاص بيها فيهو ( منقاش ).. يعني بي صراحة ياجماعة انا كان ممكن اضيع فيها لو ما لؤي عمل لي تغطية.. غايتو يالؤي الله يخليك وانا قررت تاني كلما اشوفك في مكان يا اقرا اسمك .. اصفق ليك طوالي بصراحة ياجماعة انا املك معلومات خطيرة عن هذه السفنجة - وعن صاحبة السفنجة وعن صاحبنا الذي كتب ما كتب فيها - وجعلها رمزية - بالرغم من البعد الجغرافي لصاحبتها. فقط أرجو التنوية: يا سادتي إن للحب من غير نظرة ... أو أول نظرة - أو الحب بي ريموت كنترول لسحر عجيب واعمق حب - واسرع ريد..هو النوع الذي يتم سريعا وتمرر اجندته من خلال الاحتكاك بصاحبات السفنجات اثناء صناعة الشاي وخدمات التوصيل والخطوط المفتوحة مباشرة والقنوات السريعة بيوتات العزاءات مثالا ـ ( ويا هناي يخسي عليك ما توصلني الكوفير ) أو ( عليك الله اللبس ياتو فستان بعدين العنابي والا البصلي والا الحرجلي ) كما في بيوت الافراح نموذج آخر
باختصار سادتي .. أنتو أمام قضية مفصلية خطيرة ربما تدرس لاحقا وتعامل ( كنظرية) ثابته لاتقل عن ( النسبية ) .. خاصة وانها تمس وجود الكائن البشري ( الشفيف ) ( ابو الميرندا ) في الغربة .. وتسلط الضوء عليه حتى ولو النور قاطع..
انا ح افتو يا شتات تعبت معاي لكن
|
Post: #148
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: معتصم دفع الله
Date: 05-04-2006, 06:54 AM
Parent: #139
يا تامبا .. وأنا سكين ود أب ضلع دا فايتاني ماشه وين ؟؟
في تآمر صريح لقوى الشر .. وبعد تضييق الخناق على شخصنا المسكين .. اطلب من جميع حقوق السفنجات والمنظمات المنضوية تحت لوائها .. " طبعاً ديل شغالين في الفارغة والمليانة " .. منحي حق اللجو إلى أي دولة سفنجية أخرى .. خوفاً على رويحتي دي .. وكذلك أناشد المجتمع الدولي " ديل ناس قريعتي راحت ".. بمد يد العون والمساعدات العاجلة وارسال ما أمكن من قوات لحفظ السلام السفنجي ..
أها بعد دا رميته ليكم في رقبتكم دي .. قالوا الخواف لمة سفنجاتو ..
|
Post: #12
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: نادية عثمان
Date: 05-01-2006, 09:14 PM
Parent: #10
بيان العسللى عديل كدا
Quote: لو جبتا لينا صورة من الواجهة نشوف نخرتها مقطوعة ولا سالمة بقطع ليكم الشك |
يابتى قاطعة نخرة برنامج رئيس تحريرى مالك ياخ ؟!!
ال فى الواجهة ال !!
بيان الله ماحرمنا منك ابدا يارب
قولى امييييييييييييييييييييييين
|
Post: #84
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: لؤى
Date: 05-03-2006, 04:58 AM
Parent: #12
نادية سلام تاني
والله العظيم كنت عاوز أقول لبيان الواجهة ولاّ أسماء في حياتنا ..
خلّيك قريبةـــــــــــــــ
انا في البعيـد مشتـاق لهمسة من الوطن يـا نسمة [email protected]
|
Post: #59
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: معتصم دفع الله
Date: 05-02-2006, 04:59 PM
Parent: #10
والله يا دكتورة بيان انتي الوحيدة الجبتي التايهة .. هي كده السفنجة كاشفة حالنا نقوم نجيب نخرتها نتم الناقصة .. السفنجة دي تاريخه طويل ما اظن ينتهي هسي .. لؤى دا قدر ما اجتهد ما لقى طريقة لمعرفة حقيقتها الضائعة .. ونحن هسي عايزين ندخلها مؤسوعة السفنجات للأرقام السفنجية والبكاء الطويل وسهر الليل .. حقوق الجعير محفوظة لتمبس وشتات ..
كوني بخير ..
|
Post: #60
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: معتصم دفع الله
Date: 05-02-2006, 04:59 PM
Parent: #10
والله يا دكتورة بيان انتي الوحيدة الجبتي التايهة .. هي كده السفنجة كاشفة حالنا نقوم نجيب نخرتها نتم الناقصة .. السفنجة دي تاريخه طويل ما اظن ينتهي هسي .. لؤى دا قدر ما اجتهد ما لقى طريقة لمعرفة حقيقتها الضائعة .. ونحن هسي عايزين ندخلها مؤسوعة السفنجات للأرقام السفنجية والبكاء الطويل وسهر الليل .. حقوق الجعير محفوظة لتمبس وشتات ..
كوني بخير ..
|
Post: #58
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: معتصم دفع الله
Date: 05-02-2006, 04:38 PM
Parent: #9
يا دكتور معز ..
العتبة قزاز .. والسلم النايلو في نايلو ..
العتبة حزنانة وكايلة التراب بدل الرماد .. عشان في البلد دي مافي رماد ..
|
Post: #80
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: لؤى
Date: 05-03-2006, 04:53 AM
Parent: #9
البروفيسور المعز تحيّة
Quote:
السفنجة هينة يا لؤي
الكلام في العتبة
|
العتبة هينة ، الكلام في السّفنجة ..
ـــــــــــــــ
انا في البعيـد مشتـاق لهمسة من الوطن يـا نسمة [email protected]
|
Post: #45
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: معتصم دفع الله
Date: 05-02-2006, 08:19 AM
Parent: #8
أها يا منى ومعاها عزف منفرد كمان .. شفتي جنس الحالة دي .. يلا منتظرين باقي الشلة دي تجي .. عشان الفراش يكون واحد ..
|
Post: #39
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: معتصم دفع الله
Date: 05-02-2006, 06:41 AM
Parent: #7
Quote: السفنجة دى ماحقت سندريلا تمبس اقايتو !!!!!!!!!!!! |
أمانة في زمتك دي يا ندوية .. سندريلا كانت لابسة ليها سفنجة زي دي ؟
|
Post: #38
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: معتصم دفع الله
Date: 05-02-2006, 06:14 AM
Parent: #6
Quote: السفنجة دي مقاس اربعة وأربعين ونص ..
انا مقاساتي ( تمنية وتلتين ـ تسعة وتلتين ) |
يا تامبا عايز تنط .. قال مقاسي تمنية وتلتين ـ تسعة وتلتين ..
عالم جبانات بشكل ..
|
Post: #29
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: معتصم دفع الله
Date: 05-02-2006, 03:58 AM
Parent: #5
Quote: ألاخ لوىء إنت داير تانى تدخل الرياض بتاشيرة وله شنو ، الناس ديل ما شفت طبعهم شين كيف ،،،،،، |
والله يا باشمهندس عبدالمنعم الحالة سعبة خالس .. هسي شفت جنس التوريطة دي ؟ سفنجات وكشف حال كمان ..
|
Post: #13
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: abas
Date: 05-01-2006, 11:10 PM
Parent: #1
ابو اللول
تمبس سفنجات ومعتصم حاجات وشتات شتاتات
والله حالتهم صعبه وانت يا اخوي بتجيب ليهم في الكسير التقيل
تارينك عارفهم
تمبس
واااااااااااب
|
Post: #14
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: doma
Date: 05-01-2006, 11:38 PM
Parent: #13
انت عارفه يا بيان دي الا تكون سفنجه جبريل زاتو.
نانه سفنجه علويه اشلاق خدراء ومربوطه بي دلقان احمر.
|
Post: #136
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: معتصم دفع الله
Date: 05-03-2006, 12:51 PM
Parent: #14
الله يطراك بالخير يا خالة دوما ..
اها ناس علوية اشلاق ديل خلن لبس السفنجات .. وقبلن علي دكتور شول .. تطور وكده ..
|
Post: #89
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: لؤى
Date: 05-03-2006, 05:08 AM
Parent: #13
عبّاس إزّيّك
شتات سفنجات ما تمبس سفنجات .. ما تلخبط الأوراق لحين إصدار البيان التّوضيحي ...
ـــــــــــــــ
انا في البعيـد مشتـاق لهمسة من الوطن يـا نسمة [email protected]
|
Post: #135
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: معتصم دفع الله
Date: 05-03-2006, 12:46 PM
Parent: #13
يا عبس والله ليك وحشة .. شفت الناس دي مستقصدانا كيف .. ما صدقت لقت ليها سفنجة ووقعت فيها لطم ..
غايتو سجن سجن غرامة غرامة ..
خليك معانا لغاية رفع الفراش أو النظر فيه ..
|
Post: #15
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: Mamoun Ahmed
Date: 05-01-2006, 11:44 PM
Parent: #1
... وحاتك يا نجيمة الحــي بفتش ليكي في المجهول.. اتاريكي في عيني؟؟؟
لؤي..ما سامع شيء!!!
|
Post: #91
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: لؤى
Date: 05-03-2006, 05:12 AM
Parent: #15
مأمون الحبيب سلام وأشواق
Quote: لؤي..ما سامع شيء!!!
|
عندك RealPlayer ??
ـــــــــــــــ
انا في البعيـد مشتـاق لهمسة من الوطن يـا نسمة [email protected]
|
Post: #162
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: معتصم دفع الله
Date: 05-05-2006, 05:04 AM
Parent: #15
Quote: لؤي..ما سامع شيء!!! |
يا مامون .. يا تسمع الغنية .. أو تعاين للسفنجة ..
|
Post: #16
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: معتصم دفع الله
Date: 05-02-2006, 00:23 AM
Parent: #1
يا لوووووووووول .. السفنجة دي ناسيها زول من ناس الفراش .. حتى أسال شتات .. أنا غايتو بخلي مسؤليتي منها تماماً ومن أي تبعات .. يعني دي بتكون من نوع صاحبها يجي بيت البكا ولما يفوت يلبس كل فردة من بلد .. اها جنس دا يسموهو شنو .. فراش وجهجهة سفنجات ..
|
Post: #17
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: Ahmed Abdallah
Date: 05-02-2006, 00:28 AM
Parent: #1
كدي جيبوا البوست الاصلي نشوف أول واحدة مشت تعزي منوا ..قطع شك ديل براطيشا!!
|
Post: #20
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: الحارث سرالختم عبد الله
Date: 05-02-2006, 00:43 AM
Parent: #17
والله ياجماعه انا امبارح شفت عيون تمبس وحسيت انه فعلا بكاهم حار
لانو عيونوا كانت ورمانه التحيه لكم جميعا وللأخ صلاح شتات وشكرا على زيارتك
مع الأخ تمبس ويديكم العافيه .
|
Post: #164
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: معتصم دفع الله
Date: 05-05-2006, 05:19 AM
Parent: #20
Quote: والله ياجماعه انا امبارح شفت عيون تمبس وحسيت انه فعلا بكاهم حار
لانو عيونوا كانت ورمانه |
الحمد لله يا حارث .. أنا ما قلت أي حاجة ..
كن بألف خير ..
|
Post: #163
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: معتصم دفع الله
Date: 05-05-2006, 05:13 AM
Parent: #17
Quote: كدي جيبوا البوست الاصلي نشوف أول واحدة مشت تعزي منوا ..قطع شك ديل براطيشا!! |
يا أبوحميد ..
هسي في داعي لكشف الحال .. الناس دي كلها اتفقت انو البراطيش دي ما حقت ست .. انت هسي عايز تلبسنا تهمة ولا كيف ؟ وعشان ما جيت الفراش وختيت في الكشف تمبس لي هسي دافنه ليك ..
|
Post: #18
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: حمزاوي
Date: 05-02-2006, 00:43 AM
Parent: #1
اخوي لؤي شمت الدنقلاوي سرن اقمندو أنت الوداك لاولاد كلامهم عربي ساي شنو كلامهم كتر نضمهم كتر حتى جكيسهم كتر كمان الاولاد دول عندهم السفنجة دي وطاقية حمراء انا كلما امشي اتعجب ايه علاقة السفنجة المركبية (نسبة إلى مركب نوح) وطاقية ناس اهل العوض الحمرا غايتو تعال لينا في الجمعية وصديق الموج حيجيب معاه التركين عافيلقو
|
Post: #140
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: tmbis
Date: 05-04-2006, 03:23 AM
Parent: #18
عبس .. يا فردهـ التكسر حاصل قبال ما ابو اللول يجينا .. وفراشنا لحدي الآن مدور ماما دومـــا.. الشوق الف ونورتي الدنيا كلها ورجعتينا للزمن الجميل .. لكن السفنجة دي بعد المراجعة والفحص الدقيق ورفع البصمات لقيت انو مقطوعة من النخرة بي فوق ومربوطة بي ( سلك ) على شكل ( فيونكة ) الرجاء القيام بالمراجعة والمقارنة المطلوبة مش احتمال علوية اشلاق تكون دخلت العولمة. مامون أحمد .. راجع الحاجات المتعلقة بالصوت في الجهاز كلو تمام... والاغنية شغالة ( تش ) أحمد عبد الله .. المسالة فيها محاولات تنويم مغنطيسي .. ما تدقس الحارث .. ياخي انا قلت ليك المرة الفاتت عندي ( رمد ) والسخانة بتاعت اليومين دي ما بتنفع معاي والنضارة مكسورة حمزاوي يا ابو النسب .. نحن عاملين شبكة في البيت مربوطة بي اربعة اجهزة في الغرفة عندنا جهاز خاص بيتعامل مع الحالات النادرة عاملين ليهو سوفت وير بيعالج الحالات دي .. واستحدثنا مؤخرا برنامج بيتعامل مع اي لغة في العالم يعني تجي داخل علينا الغرفة وتقول مسكاقمي ..مكبر الصوت بيرد ليك .. ويقول ليك: كلو في محلو ابقى داخل .. عايز على العشاء شنو يا سيدي العزيز تركين والا .. سكلوب بانيه؟؟
|
Post: #165
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: معتصم دفع الله
Date: 05-05-2006, 05:32 AM
Parent: #18
Quote: غايتو تعال لينا في الجمعية وصديق الموج حيجيب معاه التركين |
يا حمزاوي .. نحن لا نرضى بغير الشعيرية بديلاً .. تحيا الشعيرية .. عاش نضال الشعب السفنجي ..
عاش عاش ..
|
Post: #19
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: saadeldin abdelrahman
Date: 05-02-2006, 00:43 AM
Parent: #1
نشاطركم البكيان هنا و في كل صيوان من الصواني المشدودة.. يقينى ان هذه السفنجة اذا القيت في قارعة الزلط فسوف تنحاز منها السيارات و تنثني يمنة و يسرى.. لكبر حجمها
----
ابواللول
المرة الجاية ناخد مقاسات المعزين و اسياد البيت حتى نطابق و نقارن.
|
Post: #21
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: Sidig Rahama Elnour
Date: 05-02-2006, 02:03 AM
Parent: #19
أبو اللول ... يعني في داعي لفضائح حبايبنا ديل الجماعة ديل سفنجتهم من الحراج والا شنو شينة كدا ؟؟؟ ما لقيت ليك سفنجة غير دي ؟؟؟ تذكرت ذهب لسنجة بالسفنجة ياهي دي ذاتها المقصودة
تعال يا خوي جدة حيث لاعزاءات ولا سفنجات تمر
|
Post: #22
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: إسماعيل وراق
Date: 05-02-2006, 02:17 AM
Parent: #21
إذا سألت الجيل الحالي من هو صاحب هذه الأغنية لوقف صامتاً... العزيزة من أجمل أغنيات الفنان فتحي حسين... وهي أغنية رائعة بحق . . لؤي.. قلت لي كيف... يا أخي المخبأ دا فيه مصائب متلتلة.. أسكت ساكت.. سوف أمدك بمزيد من الصور خاصة صورة أحد الفيلة ساعة قيلولة.
|
Post: #168
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: معتصم دفع الله
Date: 05-05-2006, 07:22 AM
Parent: #22
يا إسماعيل أخوي غايتو نحن من الجيل القديم ..
Quote: لؤي.. قلت لي كيف... يا أخي المخبأ دا فيه مصائب متلتلة.. أسكت ساكت.. سوف أمدك بمزيد من الصور خاصة صورة أحد الفيلة ساعة قيلولة |
يا أبو محمد بالله لازم تجيب الصور دي .. عشان محتاجين للتوثيق البوست دا ح يمشي للجنة حقوق السفنجات ..
|
Post: #97
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: لؤى
Date: 05-03-2006, 05:29 AM
Parent: #21
صدّيق العزيز كيف الحال ؟؟
ألقى سفنجة غير دي كيف وصلاح شتات إتعاقد مع شركة درابزين عشان يعملوا ليها سور ..
جايي جدّة قريبـــــــــــــــ
انا في البعيـد مشتـاق لهمسة من الوطن يـا نسمة [email protected]
|
Post: #167
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: معتصم دفع الله
Date: 05-05-2006, 07:13 AM
Parent: #21
يا صديق .. ماهو السر في السفنجة دي زاتو بي شناته دي ..
سفنجة سفنجة غرامة غرامة ..
|
Post: #141
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: tmbis
Date: 05-04-2006, 03:37 AM
Parent: #19
معروضـــــــأت:
. . ابو اللول بالقميص الابيض - وشتات بالكاروهات أمام الاجهزة .. من هنا نبث لكم اشواقنا
شتات: موقفك بقى خطير .. كل المستندات موجودة
|
Post: #173
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: لؤى
Date: 05-08-2006, 03:52 AM
Parent: #141
تمبس سلامات
معروضات شنو يا تمبس ؟؟ دا تزوير في أوراق رسميّة !! هسّع في ذمّتك القميص دا كان أبيض ؟؟ جيب الصّورة الأصليّة قبل ما أجيبها أنا بالألوان وأجيب الأركان المخفيّة ..
قال معروضات قالـــــــــــــــ
انا في البعيـد مشتـاق لهمسة من الوطن يـا نسمة [email protected]
|
Post: #166
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: معتصم دفع الله
Date: 05-05-2006, 05:52 AM
Parent: #19
يا سعد الدين .. لا أراكم الله مكروهاً في سفنجةِ لديكم .. كلنا لها ..
Quote: المرة الجاية ناخد مقاسات المعزين و اسياد البيت حتى نطابق و نقارن. |
بس عايزين زول محايد ..
|
Post: #23
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: قرشـــو
Date: 05-02-2006, 02:20 AM
Parent: #1
الملاحظة الفاتت على الناس ديل كلهم انه السفنجة دى من النوع الطبى النوع البيعمل مساج لباطن الرجل ويجرى الدورة الدموية شوفوا اكتر زول/ه موهومين طبيا منهم ويبقى هو/ى صاحب الفيلم
|
Post: #24
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: عمران حسن صالح
Date: 05-02-2006, 02:35 AM
Parent: #23
مين ؟؟؟؟؟؟
وفي الرياض ؟؟؟؟؟؟؟؟؟؟؟؟؟
|
Post: #101
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: لؤى
Date: 05-03-2006, 05:41 AM
Parent: #24
عمران سلامات
أيوا في الرّياض وراجع بكرة خلاص وييييييين إنت ؟؟
ـــــــــــــــ
انا في البعيـد مشتـاق لهمسة من الوطن يـا نسمة [email protected]
|
Post: #25
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: انعام عبد الحفيظ
Date: 05-02-2006, 02:45 AM
Parent: #1
لؤى
سلامات
شفته جبته الكلام للناس ديل كيف؟
معتصم ، تمبس، شتات عليكم برفع الفراش فوراً
وانت يا لؤى استرهم ياخ
مودتي واحترامي
|
Post: #103
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: لؤى
Date: 05-03-2006, 05:48 AM
Parent: #25
إنعام سلام
Quote:
شفته جبته الكلام للناس ديل كيف؟
|
ما جبت أنا الكلام يا إنعام ، الكلام جابتو ليهم السّفنجة القدّامك دي ..
ـــــــــــــــ
انا في البعيـد مشتـاق لهمسة من الوطن يـا نسمة [email protected]
|
Post: #26
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: almulaomar
Date: 05-02-2006, 02:53 AM
Parent: #1
أحسن الله عزاءكم أولاً لو في سبب كتل الميت وخلى سيد السفنجه يجري حفيان ويخليها ليكم هو عتبتكم دي بالله دي عتبه دي ما سمعتو بالـ mob head ما دكاكينكم أقصد السوبر ماركيتس والهايبرماركتس العندكم مليانه بكل أنواع المنظفات الكيماوية لكين بيني وبينكم عتبتكم دي إلا تجيبو ليها مقاول ليقوم بإجتثاثها من الجذور ويعمل ليكم عتبه بديله ، وليهو حق عنتره يهجو المغتربين زي ماقال أبا جهينه ، وسؤالي برضو ليكم هل أصل العتبه رخام أم طوب تم تعميشه.
وبالله عليكم عتبتكم عتبه ودي تبه
المهم في سفه رخصه صاعة صينيةكمن بس شكلهاأجمل ، إتصل الآ ولا تتد رضاكم هو هدفنا:
جميعها بمقاسات وألوان مختلفة خاتين لي تموت تخلي في العتبه
|
Post: #30
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: ابو جهينة
Date: 05-02-2006, 04:20 AM
Parent: #26
عزيزي لؤى
الأطراف المعنية و على لسان رئيس العصابة قال : هذا تزوير في سفنجات رسمية ..
حيث أن ( سندريللتهم ) لا تنتعل إلا ( قبقاب ) ماركة الست تفيدة
و قال :
في لقاء عبر الهاتف صباح اليوم :
أن مصدر الخبر ( سويدي ) و هي محاولة لتمرير الخبر و كأنه إكتشاف أثري هام حيث أن الخواجات مولعون بالأشياء الأثرية و حاشا أن تكون السفنجة أو ستها من بقايا عهد قديم أو بائد.
أما :
فقد توعد و أرغى و أزبد و قال أنه لن يتساهل مع مسرب صورة السفنجة .. و يقول أن السفنجة مدسوسة و لكن عتبات السلم هي التي لا ( يغباها ) .. طلع و نزل عليها لغاية ما إنسهكتْ كعوب الجزم. و يقول ربما أن الصورة مركبة نظراً لخبرة مصدر الخبر في تقنيات الكمبيوتر.
أما الشفيف
فقد إبتسم إبتسامة رائعة و قال أنه سيورد رده نظماً و شعراً .. ثم أشار إلى سفنجته بسبابته و قال و هو يلتفت إلى الإثنين أعلاه : ما معقووووووووولة يا جماعة
ؤبث
|
Post: #109
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: لؤى
Date: 05-03-2006, 07:25 AM
Parent: #30
أستاذ أبو جهينة تحاياي ومحبّتي
شوف يا أستاذ النّاس ديل ما يضلّلوك ساي السويد بريئة من أقوالهم النعاليّة وأفعالهم الشبشبيّة
أمّا بالنسبة لصاحبنا الذي توعّد وأرغى وأزبد فدا أناجيّهتو ليك كوييييييييس والصّورة يشهد الله لا مركّبة ولا عشريّة دي صورة يشهد عليها كمبيوتري الجديد وكاميرتي التي إتّفقوا على سرقتها لكن أجهزتي المألرمة ((Alarmed)) كشفت خيبتهم
أمّا ذاك الذي سمّيته بالشّفيف فأستحلفه بسيّدنا بوذا أن ينكر ما ورد هنا من كشف حال وحينها سأسحب البوست من "نخرته" و "سيوره" إلى أمام الجامع "أمام" وليس "إمام" لزم التّنويه
بيناتنا الأسلاكـــــــــــــــ
انا في البعيـد مشتـاق لهمسة من الوطن يـا نسمة [email protected]
|
Post: #31
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: ود الباوقة
Date: 05-02-2006, 04:28 AM
Parent: #26
بروف معز . العتبة قزاز والسلم النايلو في نايلو . وانا في نفسي اقول يا ربي العتبة دي شايفا وين.
السفنجة حسب علمي قد جلبها شتات من حراج بن قاسم قبل ستة سنوات ومعها بالداخل في المطبخ كفتيـــرة ذهبية اللون وصحن بلاستيك برتقالي .. مع دا كلو الفضايح مافي ليها داعي يا لؤي
ود الباوقة
|
Post: #32
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: doma
Date: 05-02-2006, 04:55 AM
Parent: #31
عاد لكين يا لؤي بالغت النبي الاولادالتلاته ديل شرط للارض وبسكويت بي كريمه ونكهه الفانلا معقول دي سفنجتهم؟؟!!! ولا سفنجه ست الريدالبقت نسايه
|
Post: #158
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: tmbis
Date: 05-04-2006, 05:00 PM
Parent: #26
.. مولانـــا الملا عمـــر ..
Quote: أصل العتبه رخام أم طوب تم تعميشه |
.. العتبة .. وما جاورهــا من درابزين وسياج - وحاجات تانية حامياني .. دي بتدخل تحت بند الشهر الما عندك نفقة ما تعد .. ( طوباتو ) حيث أننا بالطريقة دي بندخل في تفاصيل طبقات الارض واحتمال تجيب ليها تغول وندي طبقة الاوزوون غشوة خفيفة كدا .. ودي بتجيب لينا هوا مع ناس الجوليجيا..وعمك ريختر وادونيس ولويس باستير .. وبي كدا القصة بتفرتق .. كل البنقدر نعملو ليك ممكن نعمل ليك خريطة كنتورية على برنامج الاوتوكاد .. وتقوم أنت ( تعمش ) العتبة يا تديها ( بوماستك ) .. يا هيد اند شولدرز .. المهم حسب مزاجك .. نحن عايزين نثبت الواقعة بتاعت الاثار دي .. ووالاكتشاف العلمي الجديد البيوحي بوجود ( اهرامات ) أو باقي الاطلال أو أنت عمري .. مش احتمال نكتشف أنو المنطقة المعنية بالصورة دي والسفنجة ليها علاقة بي عمرو بن كلثوم يا عمرو بن حبوبتي ( السرة بت جاد السيد )... بعدين أنا ولؤي كنا حريصين أنو المعروضات تكون قاعده في مكانه وانا مسؤول عن الاشراف الميداني على مسرح الجريمة .. وقاعد اخد بدل بنزين وبدل ترحيل للقصة دي .. ونص كيلو ( باسطة ) يوميا بدل لياقات .. وحافز تقديري بدل .. متاعب .. وباخد كمان بدل ( مغامرة ، وبدل مخاطر ) حيث أن العتبة - وجيران العتبة وحلة ناس العتبة علي حسب علمنا فيها كـــلاب .. وفي مقولة أخرى كل كنزا حارسو جان..
.. السفنجة دي يا ملا ممكن .. نركبه ليك بص سياحي .. بس كان ست السفنجة جات زعلت وربطت ( وش ) .. كدا بتضيع لينا ناس .. وبموتو في الرجلين..
|
Post: #33
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: almulaomar
Date: 05-02-2006, 04:57 AM
Parent: #1
هذا يا لؤي في لغة الشكل والمشاكل ما يعرف بـ: النطيط في الصفايح وإخراج الفضايح وإسماع من به صممم وفي راوية أخرى الما سامع
|
Post: #34
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: Badri
Date: 05-02-2006, 04:58 AM
Parent: #1
السفنجة دي حقتي تتذكر آخر مرة نسيتها عندك يامعتصم ومعاها البنطلون والفرشة ... لكن مالها بقت قديمة كدا السفنجة دي غالية يا معتصم شوف كلام قرشو دا وقرشو الوحيد الطلع زول خبرة في السفنجات
Quote: الملاحظة الفاتت على الناس ديل كلهم انه السفنجة دى من النوع الطبى النوع البيعمل مساج لباطن الرجل ويجرى الدورة الدموية |
ملاحظة مهمة شديد جداً السفنجة دي ما ليها أي علاقة ببيوت البكا الفتحوها الشباب ديل ... نحنا كمان ناس بتاعين بكا؟؟؟ علي بالحرام نقع واقفين ولا تنزل مننا نقطة دمعة.
معتصم لم لي حاجاتي دي في كيس طالما بقت عاملة فضايح.
|
Post: #114
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: لؤى
Date: 05-03-2006, 07:50 AM
Parent: #34
بدري سلام
أسمع يا بدري ، دي محاولات يائسة لتضليل العدالة وسير التّحقيق في القضيّة الموضوعة لكشف الحال .. إبتعد عن هذه المحاولات أو إنتظر ما سيأتيك منّي ومن عدسة كاميرتي خصوصاً وأنا متوجّه لزيارة المنطقة الشّرقيّة يوم الغد الخميس ..
ـــــــــــــــ
انا في البعيـد مشتـاق لهمسة من الوطن يـا نسمة [email protected]
|
Post: #35
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: ملكة سبأ
Date: 05-02-2006, 05:11 AM
Parent: #1
مرات اقول (البتقنت) دي سفنجة تمبس
وتاني مرات اقول البخلي سفنجتو برا دا اكيد شتات
اما معتصم مستبعد تمااااما
لييه؟
لأنو الايام دي حايم حفيان ساااااكت
سلامات لؤي والحقنا بلنك العزيز ياجميل
|
Post: #36
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: bayan
Date: 05-02-2006, 05:43 AM
Parent: #35
بعد ان نبهت حبيبتنا دومة عن ان هذه السفنجة لا تمت الى سفنجة علوية حواجب الضائعة اذ ان تلك خدرة رغم انه متأكدة انه علوية حواجب اسقط في يدها وصارت مثل ناس دارفور في ابوجا تشيل السفنجة وتقول ياها حقتها ولا تخليها.. ربما لا توجد سفنجة ضائعة مبلغ عنها.. مرة اخرى.. وتضيع الفرصة ولا تغني ما قدرتا اقول لقيتك..
هذا ما ناحية
العتبة هي التي اثارت دهشتي ودخلتها في اسكانر الكتورنية قالت اللون دا اكتسبته انه صاحب العتبة غسل شقته من الركن للركن. كما تعلمون اهمية الاركان لتف السفة.. يعني المسعلة عطرون وصعوط. من التحقيقات الاولية الشقة دي شقة زولا ارباب بيتلمو الناس عندو.. ومن شدة ما كريم ود ناس ممكن يجيه زول بسفنجة ذي دي ويطلع بجزمة.. وكبر حجم السفنجة لتمويه.. فيا تمبس لو بتلبس 33 برضو ممكن تكون حقتك.. وعليه تدونا 48 ساعة نوريكم حقت منو..
|
Post: #41
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: Elawad Eltayeb
Date: 05-02-2006, 07:17 AM
Parent: #36
غايتو لو قدمتو "السفنجة" دي لجهاز المغتربين يمكن يحنو عليكم ويدوكم إعفاء كامل...
ده لو ما كانت خارج الموديل.
|
Post: #117
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: لؤى
Date: 05-03-2006, 08:01 AM
Parent: #41
العوض بالغت قطّعت مصاريني
ـــــــــــــــ
انا في البعيـد مشتـاق لهمسة من الوطن يـا نسمة [email protected]
|
Post: #42
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: Hisham Ibrahim
Date: 05-02-2006, 07:25 AM
Parent: #36
اخوتي،، سلام حال السودانيين في الغربة أريتو حال الجبال والحجار والحوامة بالسفنجة شيء عادي وشقق السودانيين زمان بيعرفوها بعلم السودان هسة بالوسخ والسفنجات. وهاكم دي ! سوداني عندو صاحبو ضابط شرطة سعودي قال ليهو أنتو يا السودانيين زمان كنتو بتلبسو لبسكم الكامل (عمة-شال - جلباب - حذاء (مركوب)) هسة بقيتوا تلبسوا ليكم حاجات عجيبة وخصوصا السفنجة الـ هي فقط للحمام لو جدت!!! وبالتأكيد أصاب السوداني كل الخجل وأبلغني أنه فرتق الصحبة!!!! أما التانية فمطوع سعودي قابل سوداني لابس عراقي بسروال صغير وقال ليهو( والله يا السودانيين أنكم تبالغون في السنة) فاكر العراقي تقصير سنه!!
وربنا يرجع لينا تاريخنا القديم في السيره العطرة انشاء الله.
هشام
|
Post: #118
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: لؤى
Date: 05-03-2006, 08:03 AM
Parent: #42
يا هشام القصّة لو بقت على عراريق وسفنجات هينة خلّيها مستورة يا حبيب الله يكون في العون بس
ـــــــــــــــ
انا في البعيـد مشتـاق لهمسة من الوطن يـا نسمة [email protected]
|
Post: #299
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: عبدالرحيم ابوحراز
Date: 07-30-2006, 05:22 PM
Parent: #116
السلام عليكم الله ما يقطع السفنجة قولوا آمين
|
Post: #40
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: خالدة البدوي
Date: 05-02-2006, 07:14 AM
Parent: #1
عاد لكن مبالغة يا لؤي السفنجة دي شكلة صحيح عزيزة لانه صاحبة خاتيها
كدة بحذر شديد وخايف عليها وبعدين العتبة دي كانها كان مفروش عليها
موكيت أو شيء من هذا القبيل ما بعرف القصة شكلها غامض كأنه ما فراش
لكن الوجوة الشفتها دي السفنجة ما تبعها لانه السفنجة دي اصغر منهم
لو ملاحظ لؤي آخر الشفنجة يوحي بعلامة الرجل لسه زايدة صاح وكمان مايلة
على اليسار يعني الشغله ما طول وبس كمان ضخامة لمن مميلة ،،،
عليك الله واصل البحث لاننا في شوق والله اقولك اعرضها على المتاحف صدقني
بتلاقي صدى ،،،
تحياتي ،،،،
|
Post: #123
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: لؤى
Date: 05-03-2006, 08:47 AM
Parent: #40
خالدة إزّيّك
Quote: لكن الوجوة الشفتها دي السفنجة ما تبعها لانه السفنجة دي اصغر منهم
|
أيواااااااااااااااا الله يباركك هو دا الكلام الفي الصّميم ذاااااااتو السّفنجة دي يعني قصدك ما مقاس رجالي الليلة الله يستر عليك من الهجمات الإرهابيّة غايتو إنتي لو في الرّياض أو ضواحيها أقفلي بابك كويّس ديل ناس ما مضمونين إطلاقاً
ـــــــــــــــ
انا في البعيـد مشتـاق لهمسة من الوطن يـا نسمة [email protected]
|
Post: #43
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: almulaomar
Date: 05-02-2006, 07:32 AM
Parent: #1
غايتو كان دي عتبتكم وفي الغربة كمان أخير ليكم ترجعوا "بلادك حلوة أرجع ليها دار الغربة ما بترحم"
وبعدين يا كافي ما لقيتو ليكم door mat أو كوفي ميت إن شاء الله أو حتى شوال ميت أو إحرام ميت قديم تغطوا بيهو العتبه دي ، لا لا أكيد الصورة دي فيها خدعة والعتب على النظر في العتبة دي
|
Post: #44
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: ajaj
Date: 05-02-2006, 08:13 AM
Parent: #43
Quote: نانه سفنجه علويه اشلاق خدراء ومربوطه بي دلقان احمر |
دخلت لبروفايلك يا دومة عشان اشوفك بعرفي سفنجة علوية من وين لكن ريحتو عملت لي وجع بطن شنو ما خليتي شيتا معفن ما بتاكليهو غير الكول
يا جماعة سؤال: المسطبة دي في السعودية ولا المسعودية؟؟.... انا بعدين بنصحكم السفنجة دي عاوزة ليها دكتور جلدي من الحبوب الكتيرة دي (كان حمو نيل ولا مراهقة ما عارفة)
|
Post: #46
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: فيصل نوبي
Date: 05-02-2006, 08:37 AM
Parent: #1
Quote: يا جماعة سؤال: المسطبة دي في السعودية ولا المسعودية؟؟.... انا بعدين بنصحكم السفنجة دي عاوزة ليها دكتور جلدي من الحبوب الكتيرة دي (كان حمو نيل ولا مراهقة ما عارفة) |
فضحتهم يا لؤي
حرااااااااااااام عليك ياخ
|
Post: #47
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: doma
Date: 05-02-2006, 09:03 AM
Parent: #46
Quote: دخلت لبروفايلك يا دومة عشان اشوفك بعرفي سفنجة علوية من وين لكن ريحتو عملت لي وجع بطن شنو ما خليتي شيتا معفن ما بتاكليهو غير الكول
|
لوووووول يا عجاجه انت قايلاني دخول جديد لا وحاتك علويه اشلاق دي بعرفها من زمنها الكانت شويفعونه وعندها فيونكه لونها بنبي . النبي ما تذكريني التركين فطور الملوك . يا حليل التركين والمرس قبال المعده ما تجلكن ونبقي في القرحه والكلسترول , GERD and Irritable Bowel Syndrome
|
Post: #48
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: شتات
Date: 05-02-2006, 10:06 AM
Parent: #47
Quote: دا تزوير في سفنجات رسمية |
كلامك صااااااااااح يا ابوجهينة ..
يا لؤي صدقني .. تمبس غشاك .. ودقسك .. ومعتصم اتآمر معاهو !!!!!!! يا اخوانا بأمانة كدة السفنجة دي بتاعت حارس العمارة .. أما السفنجة المقصودة في الحفظ والصون .. ما في عين بتشوفها .. دي ما لامست الأرض إلا بصمة أقدام سيدا .. ركبت طائرات وعبرت مطارات واتختمت بالدمعات .. ما تتغش دي لا عتبتنا ولا سفنجتنا .. حقيقي يا اخوانا .
لكن يا لؤي السفنجة المدسوسة عزيزة علينا .. وغالي سيدا .. زي ما انت عزيز وغالي
سفنجة !!! سفنجة وغايب سيدا .. معانا ومافي .. وسايبر هارب .. درب مفقود .. وعاصفة شديدا .. أمير واسكندر .. والثالث شاهد .. قلب صفَّاية .. وعصفورة هناك يتوهط ريدا ..
سفنجة وما همّانا .. بس العتبة حزنانة بتنادي .. والخطوة بتفتش بعيدا .. والبعيدة ما بتسأل عن مكانا .. عن سفنجتا .. وعن حنانا .. ولما تمبس ينساها وينسانا .. ويتوعك ينادي .. ويخت في العتبة طوبة ..
دي السفنجة الما بتقدر ظروفنا .. العزيزة .. الـ ليها طال وقوفنا .. الوحيدة .. لا بنشوفها .. ولا بتشوفنا ..
بس لما تتلاقى الخطاوي .. في سفر .. أو في بحر صوت موجو عاوي .. وللا في عتبة سيدا قليبو خاوي .. لما نتلاقى .. حا نحكي ليها عن سفنجاتا وخطانا .. عن السايبر والبلاوي ..
يا لؤي مالك علينا .. طوب الحلة سيبو .. ما تفتش جحورو .. إما تقرص .. وللا يقرص الأبيض ضميرو .. دي الظروف برضو بتجيبك تجينا .. ولما نتلاقي .. زي ما اتلاقينا مرة .. حا يحكي ليك "موو" عن البوارج والمعارج .. عن المدائن والسفائن .. والسفنجات الحزينة ..
وسلام واحترام لكل الناس الهنا .. والهناك صلاح / شتات
|
Post: #49
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: Muna Khugali
Date: 05-02-2006, 10:22 AM
Parent: #48
الكـلام الفـوق ده بقي تخمينـات ســاكت....الآن حصحص الحـق... بصـراحة يا إخـوانـا بـدون لـف ودوران السـفنجـة دي حـقتي أنـا... ويالعارفـين ماتكضـبوا قـولـوا الحقيقة....
|
Post: #131
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: لؤى
Date: 05-03-2006, 11:18 AM
Parent: #49
منى العزيزة كلامك دا خطير جدّاً وبيلوّمك ساااااي أخير تنسحبي قبل الطّوفان
ـــــــــــــــ
انا في البعيـد مشتـاق لهمسة من الوطن يـا نسمة [email protected]
|
Post: #50
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: Balla Musa
Date: 05-02-2006, 10:35 AM
Parent: #48
غايتو السعودية فيها المحن والبكا الخمج
مرة كدا زرت صاحبى فى جدة لقيتو عندو شوال بتاع مناديل فاين مستعملة حاشرو فى دولابو. قلت ليهو دا شنو آخرابة قال لى دى مناديل الجكسوية الاستعملتا يوم كانت مودعانى وبتبكى قلت ليهو طيب وينا الجكسويا هسع قال لى فرق بيناتنا الفلس وهسع اتزوجت واحد تانى وجابا كمان جدة قلت ليهو نصيحتى ليك الشوال دا خت فيهو نفتالين عشان الصراصير الفى الدولاب دى ماتاكل ذكرياتك .
معتم وتمبس من التلفون داك وعيك??
|
Post: #51
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: نادية عثمان
Date: 05-02-2006, 10:58 AM
Parent: #50
ياجماعة دائما حق الشاعر مهضوووووووووووووووووووم !!
القصيدة دى .. العزيزة دى .. الاغنية البتسمعوا فيها ومتكيفين دى !!!
عارفين شاعرها اسمو منو ؟!!!
انا عارفااااهو لانو استاذى الذى علمنى السحر !!!
|
Post: #52
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: عمران حسن صالح
Date: 05-02-2006, 11:24 AM
Parent: #51
يا لذيذ يا رايق
|
Post: #175
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: لؤى
Date: 05-08-2006, 04:37 AM
Parent: #52
عُمران
شُفت كيف يا عُمران ؟؟
ـــــــــــــــ
انا في البعيـد مشتـاق لهمسة من الوطن يـا نسمة [email protected]
|
Post: #53
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: شتات
Date: 05-02-2006, 11:47 AM
Parent: #51
ندى سلام كتير .. والتحية ليك ولي الشاعر ..
(......................) العزيزة الما بتسـأل عن ظروفنا الوحيدة الطال عشان جيتك وقوفنا النفورة الما بتحاول يوم تشوفـنا المـواعيد لسة حـزنانة بتنــادي والأماسي بتبكي في أسى ما اعتيادي ما كنت بهجتا بي روائع قوس قزح والله ما طــلانا من بعـدك فرح
سلميلنا على ضفايرك موجة وكلميها قولي ليها حرام تتوه فيها المواســم نحن بالجـد نشتهيهــــــــا سلميلنا على عيونك يوم تسهد غروديها يبقوا تفاحتين خــــدودك بـــس خــــدود وين شبيهـــــــا سلميلنا على الايـدين وكلمة الريد انثريهـا سلميلنا على خطاك عزة العاملة ومشــيها والله احضانك بلد يا حلوة ما تنسينا فــيها
|
Post: #54
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: humida
Date: 05-02-2006, 12:55 PM
Parent: #53
عارف يا ( ابو اللول ) ( ابو القدح ) قبل ما يغادر .. قام حرس السفنجة للـ( الفيل ).. قام ( الفيل ) نام .. قام جا ( القرد ) شال ( السفنجة ) .. لمن ( ابو القدح ) جا راجع .. قام سأل ( الفيل ) قام ( الفيل ) حلف بالتقطعو انه ما شاف ( السفنجة ) قام ( ابو القدح ) قال ليهو .. والله كان قرضت المصحف دا قريض .. ما بصدقك ..!! قام ( الفيل ) بكى .. قام ( ابو القدح ) نادى ( القرد ) ( القرد ) حلف بي دينه وايمانه .. ما شاف ( السفنجة ) ..
قاموا مشوا ( بير سعد الله ) قام ( الفيل ) قال .. أنا كان شلت ( السفنجة ) هًى هًى هًى .. يرميني الله هًى هًى هًى .. في بير سعد الله نط البير ( سماحة الحبة ما جاته ) قام ( القرد ) جاء و قال .. أنا كان شلت ( السفنجة ) .. قرقرقرقرقرقرقرقرقر يرميني الله قرقرقرقرقرقرقرقرقر في بير سعد الله فرترب ( نطا ) في البير .. قام ( الفيل ) نطا وراهو ..!!!!!
|
Post: #55
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: نادية عثمان
Date: 05-02-2006, 01:14 PM
Parent: #53
شتات ياغالى
ندى ده فعل الماضى من نادية يعنى ولاكيف يا شقيق يعنى ؟!!!
Quote: والتحية ليك ولي الشاعر .. |
هو استاذى الذى علمنى السحر .... الرائع دون حدود ولا فواصل .. سعد الدين ابراهيم .. الله يديهو العافية يارب !
|
Post: #133
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: لؤى
Date: 05-03-2006, 11:53 AM
Parent: #50
بلّة موسى سلامات
بالله هي المناديل الفي جدّة دي بتاعة الزّول صاحبك دا ؟؟ وأنا أقول يشيلوا ويوزّعوا فيها في طرمبات البنزين
ـــــــــــــــ
انا في البعيـد مشتـاق لهمسة من الوطن يـا نسمة [email protected]
|
Post: #129
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: لؤى
Date: 05-03-2006, 09:10 AM
Parent: #48
شتات كمان بدون خجلة موجود إنت ؟؟
Quote:
يا لؤي صدقني .. تمبس غشاك .. ودقسك .. ومعتصم اتآمر معاهو !!!!!!! يا اخوانا بأمانة كدة السفنجة دي بتاعت حارس العمارة ..
|
يا صلاح بوذا عليك الله روّقها يا فردة حارس عمارة شنو ؟؟ في سفنجة حارس عمارة بيبوسوها ؟؟ ويختّوها تحت الراس بدل المخدّة أخير ليك تنستر وتعترف قبل ما أشتّت ليك مصايبك هنا
ـــــــــــــــ
انا في البعيـد مشتـاق لهمسة من الوطن يـا نسمة [email protected]
|
Post: #126
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: لؤى
Date: 05-03-2006, 09:02 AM
Parent: #46
نوبي إزّيّك
فضحتهم أنا ولاّ فضحتهم عمايلهم ؟؟؟
ـــــــــــــــ
انا في البعيـد مشتـاق لهمسة من الوطن يـا نسمة [email protected]
|
Post: #160
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: شدو
Date: 05-04-2006, 06:43 PM
Parent: #46
Quote: لؤى ، معتصم ، تمبس، شتات عليكم برفع الفراش فوراً |
لكم التحية والتقدير
نقول لمعتصم حمدالله السلامة ومرحب بالاخ لؤى فقد جعلتم من السفنجة مادة حلوة وبوست رائع
|
Post: #56
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: تيسير عووضة
Date: 05-02-2006, 01:23 PM
Parent: #1
ياأخوانا ..
هذه السفنجة لصاحبها : سيد الريد البقى نساي (تمبس بيعرفو كويس) نساي لأنه نسى السفنجة في العتبة وبقى للناس في الرقبة ..
|
Post: #57
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: ثابت محمد
Date: 05-02-2006, 03:29 PM
Parent: #1
وعند ثابت الخبر اليقيـــن أولاً هـذه السفنجة لا تمتُ لعالم العزيزة بِصِـلة فليس بها ( تاء ) مربوطة ولا ( نون ) في مؤخرتها كوشم ولو لا خوف الكذب لقلتُ أنَّ رائحة الرجال تفوح منها
ثانياً المقاسات ليس دليل براءة يا ( تمبس ) ففي عالم العزوبية يتم شراء السفنجات على مقاس أكبر قدم في الميز وأحياناً أكبر قدم للمتوقع زيارتهم للميز بنظام ياخي أشتريها كبيرة يمكن يجينا ( فلان )
ثالثاً الدّرج ( العتبات ) تدل أن المسكن المقصود يقع في الطابق الأول وما بعده ( ليس سكناً أرضياً) حسب الحاسة السادسة للعزابة سكان هذا الطابق رحلوا إليه حديثاً
رابعاً تمبس رأيته في صالة بيتي ( بالخبر ) وتابعنه حتى ( كورنيش ) الواجهة البحرية وصولاً لأطراف الدمـام لا أشكُ في معرفتي به وبناءً على ذلك لا أثبت عليه تهمة السفنجة ولكنني لا أنفيها
معتصم دفع الله سمعت صوته مرات عديدة هاتفياً الرجل به جمال غير عادي وهذه السفنجة لا تشبهه البتة تبقى لنا صلاح شتات والزائرين الكرام والبحث جاري
إحتمال أخير مش ممكن تكون السفنجة دي بتاعة البنغلاديشي البغسل الشقة ؟؟ أو أن لـؤي قام بتصوير المنظر في إحدى حواري عنيكش أو الكرنتينة
تمبس ومعتصم دفع الله الخميس جواب نهـائي ؟؟ ويسـتمر البحث
|
Post: #61
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: نادية عثمان
Date: 05-02-2006, 05:31 PM
Parent: #57
بورداب الرياض وديتو لؤى وين ؟!!
من ساعة السفنجة والولد اختفى من على وجه البسيطة !!
يالؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤى
اين انت ياابو اللول ؟!!
|
Post: #62
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: singawi
Date: 05-02-2006, 05:48 PM
Parent: #1
ها ناس .. يانا هوووووي
الشكية لي أب إيداً قوية
السفنجة حلال عليكم اتغزلو فيها زي ما عايزين
إلا في زول العزيزة دي أعادت كسر ضلوعو
بعـد ما قـت نسيت الليلة شـن ذكرني وشن طراني لي جرحي الزمااان عورني كل ما أقول شفيت مـن السنين كدرني ينـزف من جديـد لا طبـت لا ودرني
ها ناس سفنجة شنو انت تئق وأنا مئق فمتى نتفق
نادية عثمان
يسلم استاذك ومايشوف شر وبكاياً جنس دا الله يرحم سيدو نارو ما بتنطفي إلا الصبر للرجال
|
Post: #63
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: نادية عثمان
Date: 05-02-2006, 06:26 PM
Parent: #62
الصابر سنجاوى
Quote: نادية عثمان
يسلم استاذك ومايشوف شر وبكاياً جنس دا الله يرحم سيدو نارو ما بتنطفي إلا الصبر للرجال |
يسلم استاذى يارب
ونعم الصبر للرجال علا ديل بكاييييييييييييين مابقدروا على الصبر !!
تمبس ولؤى مشوا وين ؟!!
|
Post: #64
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: بدرالدين شنا
Date: 05-02-2006, 11:57 PM
Parent: #1
نوع السفنجات دا كويس ما بزلق
|
Post: #65
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: Muna Khugali
Date: 05-03-2006, 02:50 AM
Parent: #64
طـيب يالـؤي في طـريقة ترفعـو السفنجـة دي وتختـوا فرشـة تحتها?
بصـراحـة كـده في رسـومات سـريالية علي العتبـة عـاملة عمـايل عجـيبة مع السفنجـة لعيـونـا!
مـمـكـن?
مـني
|
Post: #66
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: nazar hussien
Date: 05-03-2006, 03:39 AM
Parent: #65
يا تمبس ومعتصم وشتات...ما ملاحظين معاي انو السفنجة دي كل ما ينزلا زول بلقاها زحت من محلتا شوية...
شكلكم خاتين ليها صاجات
|
Post: #68
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: قرشـــو
Date: 05-03-2006, 04:17 AM
Parent: #1
Quote:
سلميلنا على ضفايرك موجة وكلميها قولي ليها حرام تتوه فيها المواســم نحن بالجـد نشتهيهــــــــا سلميلنا على عيونك يوم تسهد غروديها يبقوا تفاحتين خــــدودك بـــس خــــدود وين شبيهـــــــا سلميلنا على الايـدين وكلمة الريد انثريهـا سلميلنا على خطاك عزة العاملة ومشــيها والله احضانك بلد يا حلوة ما تنسينا فــيها
|
أخخخخخخخخخخخخخخخخخخخخخخخخخخ
مافى ناس اتعوقوا كده لكن
|
Post: #69
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: إسماعيل وراق
Date: 05-03-2006, 04:22 AM
Parent: #68
Quote: مش ممكن تكون السفنجة دي بتاعة البنغلاديشي البغسل الشقة ؟؟ |
ثابت محمد... على قول الرشيد بدوي عبيد كورة حلوة وملعوبة كادت أن تسجل هدف ولكن يا خسارة طلعت فوق للعارضة ببوصة واحدة.. خيرها في غيرها.. عايزين هدف يا شباب
|
Post: #74
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: عشة بت فاطنة
Date: 05-03-2006, 04:34 AM
Parent: #68
السفنجة مي سفنجة نصاح ولا السندريلا 11 لكن يا ابو جهينة انت متأكد ان هذه السفنجة ملك لشتات طيب وين القصيدة ياشتات نحن في انتظار الرد عاجل الشفاء تعرف يا لؤى البوست دا مفروض يكون اسمو ( السفنجة) ولا دموع عايرة وسفنجات طايرة
|
Post: #79
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: bayan
Date: 05-03-2006, 04:50 AM
Parent: #74
آنا ناس ها السفنجة دي كان قعدت كثير كدي السيايل الجنبها وفوقها دي حتتحول لحاجات حية والسفنجة دي حتجري وتصرخ براها انا حقت فلان.. يستحن تلموها من سكات تحرقوها . قبل تتحول لسلاح بايلوجي وسيدها يكون مستر جراثيم..
الله يكضب الشينة وما تبقى حقت تمبس يا شماتة ابلة ظاظا فينا..
|
Post: #82
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: nazar hussien
Date: 05-03-2006, 04:53 AM
Parent: #74
بعد ما كبرت الصورة تأكد لي ان صاحب السفنجة ليفتاوي لأن الجزء المسهوك فيها هو الايسر وسيورها في الفردة الشمال تكاد تطير من المغي...
|
Post: #102
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: Elawad Eltayeb
Date: 05-03-2006, 05:43 AM
Parent: #82
أعتقد صاحب هذه السفنجة مريخابي
|
Post: #119
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: شتات
Date: 05-03-2006, 08:12 AM
Parent: #74
الأخ عادل عبد الرحمن .. تسلم يا سيدي على الكلام الجميل .. وافر التحايا
Quote: التلاتة الأبطـال الفـوق |
الأخت منى .. تشكرات لكن تعرفي الثلاثة ديل .. الأول منهم عمرو بن ربيعة والثاني عروة بن الورد .. وأنا وحاتك انتي حماد الراوي
Quote: تمبس سفنجات ومعتصم حاجات وشتات شتاتات |
القول ما قال عباس .. ناس سفنجات .. وناس حاجات .. وانا شتاتات (يعني بره) تشكر يا عبس مع تحياتي
الحارث .. أولا حمد الله على سلامة .. وان شاء الله حا نجيكم نسلم عليكم ونطمئن على سلامة الأمورة الصغيرة .. تحياتي
Quote: معتصم ، تمبس، شتات عليكم برفع الفراش فوراً |
أنعام .. تعرفي انا ماسك الكشف بس .. ما عندي مانع نرفع الفراش بس اديهم فلوسهم واتخارج .. تحياتي
Quote: النبي الاولادالتلاته ديل شرط للارض وبسكويت بي كريمه ونكهه الفانلا |
الخالة دوما .. غايتو أنا البسكويت .. معتصم نكهة الفانلا .. وتمبس صاحب السفنجة بتفاصيلها
Quote: وتاني مرات اقول البخلي سفنجتو برا دا اكيد شتات |
بلقيس .. إذا افتكرتِ كدا بتكوني من الظالمين .. تحياتي
عمران .. كدا بكون طالبك واحد سفن أب ومعاهو شاي زيادة في السطوح بتاعكم هناك .. مشتاقين يا منقة ..
Quote: تمبس رأيته في صالة بيتي ( بالخبر ) وتابعنه حتى ( كورنيش ) الواجهة البحرية وصولاً لأطراف الدمـام لا أشكُ في معرفتي به وبناءً على ذلك لا أثبت عليه تهمة السفنجة ولكنني لا أنفيها
معتصم دفع الله سمعت صوته مرات عديدة هاتفياً الرجل به جمال غير عادي وهذه السفنجة لا تشبهه البتة تبقى لنا صلاح شتات والزائرين الكرام والبحث جاري |
ثابت يا جميل .. يعني تطلع أصحابك زي الشعرة من العجين .. وتختني أنا المسكين دا في قفص الاتهام .. يعني أنا ما صاحبك ؟ كويس يا ثابت
Quote: يا تمبس ومعتصم وشتات...ما ملاحظين معاي انو السفنجة دي كل ما ينزلا زول بلقاها زحت من محلتا شوية... |
نزار حسين .. والله يا نزار الحق يقال السفنجة دي (الفي الصورة) ما الحقيقية الداسيها تمبس .. السفنجة دي قاعدة في مكانها دا من أكثر من ثلاثة شهور ما اتحركت سنتميتر .
تحياتي وعميق مودتي نزار
Quote: طيب وين القصيدة ياشتات نحن في انتظار الرد |
عشة بت فاطنة .. أنا كتبت حاجة فوق .. لكن بلسان تمبس .. اكراماً ليهو ولي السفنجة خاصة وانو الراجل صاحبي .. والواحد طبعاً كان ما وقف مع صاحبو في الشدائد يكون كتير ما في كويس ..
تحياتي يا عشة وعبرك للعزيزة عالية ..
|
Post: #99
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: almulaomar
Date: 05-03-2006, 05:32 AM
Parent: #1
غايتو في كل الأحوال دي الما القمر بوبا الغني ليها المبدع محمد وردي لأنها دي سفنجه تعمل تتنس وشلل أطفال عديل كده.
في خبر عاجل وردنا قبل قليل breaking news وكده أفتي بعض الإئمة بأن مثل هذه السفنجه تنقض الوضؤ عديل كده زيها وزي أى صحن ولغ فيها كلب
|
Post: #105
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: toona
Date: 05-03-2006, 05:59 AM
Parent: #1
يا لؤي والله لكن تعبتني تعب في الدنيا دي ، أنا قاعدة راجية وراجية وأتابع في الموضوع دايرة اشوف الفضيحة وين ، لكن حراق روح مبالغ فيهو ، هسي لو جبنا الشياطين التلتاشر وعملنا لغز سميناهو لغز السفنجة المكعوجة روحنا ما كان حرقتنا كدة ! وحاة الله شينة كمان اريتها كان سمحة
|
Post: #106
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: willeim andrea
Date: 05-03-2006, 06:15 AM
Parent: #1
لؤي ازيك .... غايتو انته جبته موضوع خطير....صدقني ابطاله هم السواد الاعظم من المغتربين العذابه .... الفراش والسفنجه !!! بالغته عديل واذا الموضوع لحقته كمان سندريلا ... تبقي قصه والا رايكم شنو يا ابطال القصه ... فتكم بعافيه واوعدكم بالمتابعه
|
Post: #107
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: صلاح الدين عبدالله محمد
Date: 05-03-2006, 06:31 AM
Parent: #106
غريب والغربه اقسى نضال
غريب والغربه ستـره حال
استروا حالكم ياشباب
|
Post: #108
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: شتات
Date: 05-03-2006, 06:59 AM
Parent: #107
لؤي .. ابن عباد في ملحمة "كليب" التاريخية بين المهلهل بن ربيعة وجساس بن مرة .. عندما دحرجته الخطوب إلى ساحات المعارك بعد أن حاول الاعتزال والحياد .. قال :
ما كنت من جُناتها علم الله وإني بحـرِّها اليوم صـال قد تجنبت وائلاً كي يفيقـوا فأبت تغلب عليَّ اعتزالـي قــرِّبا مربط النعـامة مني قرِّبـا كـل صــهَّال (النعامة طبعاً هي اسم فرس ابن عباد)
وهأنا اليوم ألتقت المايك من ابن عباد لأقول :
ما كنت من جٌناة "السفنجة" علم الله وإني بحرِّها اليوم صـال قد تجنبت "العصابة" كي يفيقوا فأبت "العصابة" عليَّ اعتزالي قرِّبا مربط "السفنجة" مني قرِّبــا كـل محـــــتال
إذن يا لؤي هي "المعــركة" .. أو حقاً هي الملحمة "ملحمة الـود" .. ما حا أكـون هيراكليس بطل الأسـاطير اليونانية فأخنق أسد نيميا الخرافـي .. ولن أقتل أفعـوان ليريا "ذو التسعة رؤوس" .. أو أقطف التفاحات الذهبية من الحديقة المسحــورة .. ولكننا سنحاول أن نكون مثلك وأنت تضع نصباً مرمرياً للحب والجمال وتنفح بالشذي في نسائم الشمال وما عقبتها في الرياح جنوب .. سنحاول أن نكون مثلك نجلس على ساحل الأبيض المتوسط عندما تمر كليوباترا تتهادى على أمواجه سفائنها بأشرعتها المعطـرة وموكبها الامبراطوري .. أو نستريح على مشارف القصور الطولونية في انتظار "قطر الندى" تأتي وهي ترفل في حريرها وديباجها فينفتح الأفق على بوابة من الجنة .. أو نصعد قمة على الشواطئ التمبسية لنسمع "سوناتا ضوء القمر" أو "سوناتا ست السفنجة" فينتهي المستحيل إلى إمكان .. أما أصحابك هؤلاء .. فهذا .. يذكرني "بروميثي" الذي سرق النار المقدسة من السماء فحكمت عليه الآلهة بالبقاء في جبال القوقاز .. تجدني أخاف عليه من نسر كاسر أو نظرة غزالية ترديه شهيداً وتطرحه على سهل حزين .. أما ذاك فهو "سيزيف" المدن الضائعة المحكوم بالمؤبد بين سفح وجبل .. تجده رغم العذاب الأبدي سعيداً يحلم بالمصباح السحري من أجل الأميرة .. وتجدني أخشى عليه من صخرة الروشة في الشواطئ البيروتية .. دعهم يا لؤي يغنون في براري اليأس .. أو يحلمون بالمدن التي مسَّ البحر قوافيها .. ودعنا نحن نحتفي بها : سيدة الألق الأسطـــوري .. ست الريد .. ست "السفنجة" .. العزيزة الما بتسأل عن ظـروفنا .. الوحيدة الطال عشان جيتك وقوفنا .. النفورة الما بتحاول يوم تشـوفنا ..
دعنا نضع في يديها قرنفلة وعصفور كناري .. تلك التى ترتب كراسي القلب .. "المشتقة من تفاصيل الوجد .. المكحلة بأطراف الياسمين ودلال الوعــد .. التي تعطي لكل ما تفعله أهمية وتحيط كل شي بسحـر وغموض .. تلك "الفكرة" المغسولة بالمطــر .. العميقة كالهاوية .. التي نطير إلى شرفتها وننقر نجمها في الصباح على أفق لم يفق من الفجر .. ثم نرش على الجرح ملحاً ليندمل " ... إنها ست السفنجة .... وما أدراك ما ست السفنجة ..
لؤي لك ولكل من بالجوار هنا عناقيد المحبة أيها الجميل ..
كسرة : Quote: ندى ده فعل الماضى من نادية يعنى ولاكيف |
لووووووووووول يا نادية وتاني لول .. تعرفي دي المرة التانية أغلط .. المرة الأولى كانت في مكاتب جريدة الخرطوم لما اتلاقينا في السودان .. لكن التالتة واقعة .. معليش جداُ ولك العتبي حتى ترضى .. وحتى ينام في خمائله الحمام ..
|
Post: #110
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: Muna Khugali
Date: 05-03-2006, 07:34 AM
Parent: #108
نـاس سـفنجـتنا راحـوا خـلونـا!
|
Post: #120
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: Mohamed Abdelgaleel
Date: 05-03-2006, 08:29 AM
Parent: #110
لؤي .. لو لم ينجز بوست السفنجة ده .. إلا عودة شتات للبورد .. لكفاها وكفانا
يا سلام عليك
|
Post: #147
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: شتات
Date: 05-04-2006, 06:46 AM
Parent: #120
محمد عبد الجليل !!!! ياسلااااام .. محمد عبد الجليل يا جماعة زي لؤي رجل من الزمن الجميل .. تعرف يا محمد حقو أدي الناس ديل سفنجاتم واقعد معاك على جنب .. لكن خلينا نتلاقي في محل تاني .. المهم قصة الغياب يا محمد .. هي قصة الانعتاق والحرية .. الانعتاق من أسر الروتين .. وقيود المزاج .. وديكتاتورية الزمان والمكان .. والانطلاق بأجنجة قوية لا تحكمها القوانين والفيزياء الحمقاء .. يعني مثلاً بوست السفنجة دا مثلاً هو تحرر من كلابيش القبح .. من الفرضيات التي لا تؤمن بحرية الاختيار .. واحترام تعددية الفكرة والاعتقاد .. يعني نزار قباني لما قال : وأعبئ جيبي بالنجوم وأحجز في مقاعد الشمس لي مقعـــدا عايز يتحرر حتى من سلطة الذات وينصب حتى في مقاعد المستحيل منصبا .. بس بفهم ومنهجية تتجاوز التناول العبيط والمداخل البليدة .. وبرضو نزار لما قال : "حتى حبيبتي إذا حاولت أن تكتم أنفاسي بشعرها الطويل .. خرجت بمظاهرة ضد اللون الأسود" كلام مقبول .. لكن تمبس ممكن يقول ليك لأ ما أجمل أن تموت مخنوقاً بشعرها الأسود الطويل المدثر بابتسامة .. زي الراجل اللي قالوا ليها موت عشانها .. على طول مات وقال : سمعنا وأطعنا ثم متنا فبلغوا سلامي إلى من كان للوصل يمنع دي حرية واختيار .. لكن والله يا محمد رغم الجسارة اللفظية دي والتنطع بتاعي دا .. الواحد أهو ضعيف (كعادة ابن آدم) حاجة بسيطة تخليني أقفل نفسي في البيت شهر وأقول ليك أنا زهجان وما عندي مزاج وقافلة معاي وما عارف أيه .. دا كلو لأنو الواحد ما عارف يدخل نفسه بي وين أو يقتحم ذاتو كيف !!
وبارك الله فيك يا استاذ محمد ومعليش يا اخوانا ونرجع تاني لي مشكلة السفنجة ..
|
Post: #121
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: humida
Date: 05-03-2006, 08:32 AM
Parent: #110
Quote: وحتى ينام في خمائله الحمام |
الموضوع دا ليهو علاقة بـ( السفنجة ) .. حمام شنو يا ( شتات ) .. دي الأمور الانصرافية البتخلي ( الفيل ) ينبثق لينا ( نص النهار ) .. عارف عبارتك دي ذكرتني بالزول يتونس ويتونس ويتونس معاك وفي النهاية .. يقول ليك .. ( قلت لي انت ود ناس منو ) ..!!
|
Post: #130
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: نادية عثمان
Date: 05-03-2006, 09:30 AM
Parent: #121
Quote: يقول ليك .. ( قلت لي انت ود ناس منو ) ..!! |
ود ناس حبوبة ست السفنجة !!
ياحميضة ياخ مالك ياخ !!
شتات ده اصلو كده انت الحسادة العليك شنو ؟!!
هسة انت قول لى (تنام فى خمائلها الحمام) شوف لو ماكتبت فيك قصيدة !!
|
Post: #149
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: شتات
Date: 05-04-2006, 06:55 AM
Parent: #121
Quote: كسرة : Quote: ندى ده فعل الماضى من نادية يعنى ولاكيف لووووووووووول يا نادية |
حميدة .. الحمى دي اسمها كسرة يكسر رقبتك قول آمين .. قال ايه .. قال ينبثق الفيل قال .. فيل في عينك ..
|
Post: #198
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: لؤى
Date: 05-08-2006, 06:24 AM
Parent: #106
وليام صاحبي أشواق
Quote: لؤي ازيك .... غايتو انته جبته موضوع خطير....صدقني ابطاله هم السواد الاعظم من المغتربين العذابه .... الفراش والسفنجه !!! بالغته عديل واذا الموضوع لحقته كمان سندريلا ... تبقي قصه والا رايكم شنو يا ابطال القصه
|
يا زول أنا ما جبت أيّ موضوع ، الموضوع كُلّه عملتُه السّفنجة القدّامك دي .. وأنا معاك منتظر أبطال القصّة يفتونا ..
تقديراتـــــــــــــــ
انا في البعيـد مشتـاق لهمسة من الوطن يـا نسمة [email protected]
|
Post: #122
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: بدرالدين شنا
Date: 05-03-2006, 08:44 AM
Parent: #1
Quote: نـاس سـفنجـتنا راحـوا خـلونـا! |
عسل عسل عسل يا منى خوجلي
|
Post: #128
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: haider osman
Date: 05-03-2006, 09:07 AM
Parent: #1
غايتو السفنجة ماركة افريقية ..... وما تقول ...كانوا...او ما كانوا........
|
Post: #132
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: lana mahdi
Date: 05-03-2006, 11:26 AM
Parent: #128
بعد(لأي)يا (لؤي) قررتا استجمع أطراف شجاعتي لأسألك: إنتا السفنجة دي مشرشرة ولا عدساتي خاذلني؟ ذكرتني دعاية سوبر سلايسر تحياتي مؤقتاً
|
Post: #137
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: عشة بت فاطنة
Date: 05-03-2006, 01:45 PM
Parent: #132
فوق من اجل ست البراطيش سفنجة ناس فلانة فلانةالجرت حفيانة شتت وبقت ناسيانة وليها يومين طفشانة ياربي سافرت جدة ولا لابدة حارسانة
دا كلو من تمبس العامل مطنش وتمبس اكيد مهندس الطفش لي فلانة ودا كلو من شتو القاس كرعين حمدتو كمان شوفو صلبتو سواها في فلانة فلانة البت جنينة يا شنات كرعينا والحكم في اضنينة
يلانادية امشي ..
|
Post: #138
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: نادية عثمان
Date: 05-03-2006, 10:08 PM
Parent: #137
ده كلو من ممو
غلطانة الشلتا همو
وشتات ده ود عمو
لؤى وصحبو اتلمو
فى ست الريد اتخمو !
** **
وده كلو من تمبس
حلف تانى مايعرس !
ست الريد حقارة
واصلو الريد بجرّس !!
** **
شتات قول النصيحة
ومادايرين فضيحة
السفنجة مسكينة
بقت ياناس جريحة !!
عشان فتو سبتوها
جنب سيد الصفيحة !!
ويلا ياعشة امشى !
|
Post: #142
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: Muna Khugali
Date: 05-04-2006, 04:39 AM
Parent: #138
حـلوات شـديـد عشـوشـتي ونـدويتي...
واحـدة فيـكم ماتمشي! مـني
|
Post: #143
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: ajaj
Date: 05-04-2006, 05:03 AM
Parent: #142
سمعت الاخبار في تلفزيون الفيل والقرد انو اللجنة العليا للسفنجات والبراطيش والتموت تخليه نددو لما يحدث لهذة السفنجة تحت دعاوي الحب وما شابه. اما جزمة بومة فقد اعربت عن استنكرها وقالت ليه السفنجة دي موجودة في الدرج (قاصدة المسطبة) مهملة دون حمام او ساونا ونددت ايضا بالممارسة الغربية للمدعو خالي محطات (قاصدة شتات فقد دلت التحريات علي انها تنتمي اليه) يقبلها وتنام تحت راسه وهو يعرف انها لا ترتاح الا في الارض....اما اديدص فقد طالبت بتدخل جزم الباته لحمايتها وارجاعها سالمة الي سندريلا الاحلام التي قد تكون ادتو بومبة وعرست.... وفي الخرطوم اعربت جزمة زيزي عن اسفها ورمت اللوم كلو علي السفنجة (غيرة وكدة) ليه تطلع من كراع البنية وتسافر للمسعودية وتنوم مع الواد الشاعر (بحمي الشوق والحنين) وكلام من هذة القبيل... ولو وردت شمارات اخري طوالي بجيبها ليكم.
اما نحن فقد خلصنا الي هذة النتيجة: السفنجة وفي رواية اخري البرطوش تعود لشتات.... انو البدل لا تنتمي لهؤلاء العزابة بل المسطبة بصراصرها والتي تصيب الحوت بانفلونزا الغنم....لذلك طلعو البدل دي ولو ما حقتكم رجعوها لاصحابها.... يلا واحد يجيب المقشاشة والتاني الخيشة والتالت الطشت ونضفو العتبة...
وبرضو ياشماتة ابلة ظاظا في الكتورة بيان
|
Post: #145
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: عشة بت فاطنة
Date: 05-04-2006, 05:35 AM
Parent: #143
دا كلو من دينا دينا بت اللذينا كان تمشي وتجينا بس خطفت حبيبي ياربي ما تعينا وتكسر لي جبينة البت الما حنينة ودا كلو من عشة الجاتنا وراها كشة ودا كلو من لولو الحالفين نزورو وكملي يا ندوية وامشي لمنوية الحلة حرقت واليكسوية فرتقت
|
Post: #153
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: نادية عثمان
Date: 05-04-2006, 10:36 AM
Parent: #145
منى ياعشة حلوة
وبت بالحيل حنينة
زمان كانت معانا
وهسى ابت تجينا
فى كايرو يافردة
ياما اتلاقينا
ايام الروقة زاتها
ومنى اصلا رزينة
ياعشة وين انتى
الحلة ملاح سخينة
ولا لحمة وكوارع
وشوكة جنب سكينة ؟؟
|
Post: #151
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: شتات
Date: 05-04-2006, 07:25 AM
Parent: #143
عجاج .. صراحة مرافعتك قوية وصوتك عالي .. لكن اللجنة العليا بتاعتكم دي لجنة ظالمة وتفتقد لأبسط أسس العدالة .. أنا ما محامي لذلك حا أشوف دكين عشان يكون المحامي بتاعي .. ودكين راجل محامي ولسانو طويل وكان وكيل نيابة .. بعدين شتات بقولو عليهو راجل خالي محطات ومسكين وما ليه في الشدائد الانبهلت عليهو دي .. يعني راجل غلبان زي البنغالي حارس العمارة ..
|
Post: #144
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: nazar hussien
Date: 05-04-2006, 05:24 AM
Parent: #142
Quote: السفنجة مسكينة
بقت ياناس جريحة !!
عشان فتو سبتوها
جنب سيد الصفيحة !!
|
يا نادية النصيحة ديك ما كان صفيحة
عايني الصورة تاني وخليكي زول تفتيحة
السفنجة محمومة بالحسبة وسمومه عايني سيورها تاني بتلقي الصورة مفهومة
السفنجة خربانة وواقفة سنين مكانه ومن صورتها جاني شكل الخنفسانة
يا لؤي شوف المصيبة الناس تنكر حبيبه واللون الاسوداني عقدتنا العجيبة
يلا واصلي يا نادية بعد ما تشوفي تاني
|
Post: #154
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: نادية عثمان
Date: 05-04-2006, 10:52 AM
Parent: #144
Quote: يا نادية النصيحة ديك ما كان صفيحة
عايني الصورة تاني وخليكي زول تفتيحة
السفنجة محمومة بالحسبة وسمومه عايني سيورها تاني بتلقي الصورة مفهومة |
نزار قول الحقيقة
سفنجاتنا الصديقة
بتكون للروح رفيقة
غالية وجد شقيقة
**
وده كلو من نيزو
زول بيعز عزيزو
نزار زول خلقو الله
احلى زول فى الحلة
صداقتو مابتتخلا !
ويلا ارح ارح ارح
(على قول زول من القرى المجاورة)!
|
Post: #159
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: nazar hussien
Date: 05-04-2006, 06:26 PM
Parent: #154
Quote: نزار قول الحقيقة
سفنجاتنا الصديقة
بتكون للروح رفيقة
غالية وجد شقيقة
**
وده كلو من نيزو
زول بيعز عزيزو
نزار زول خلقو الله
احلى زول فى الحلة
صداقتو مابتتخلا !
ويلا ارح ارح ارح
(على قول زول من القرى المجاورة)! |
ان درتي الحقيقة السفنجة ما ليها سيد وموقوفة للقاسي وشديد
للبعمر ويمشي مشوارا بعيد
السفنجة دي بس وقف للبسجر والبسف والبشتر في السقف
السفنجة ما حقت شتات السفنجة دي سيده فات وخلاها ليهم ذكريات
انا بتذكرا وقت الحرامي الجاهم المغرب وسرق من تمبس العراقي والشنطة ام ورق ومن معتصم شال القميص وللجوف حرق ومن شتات الدبلة في ايدو ام عرق
كيف اني ما بتذكرا
خلاها ليهم واقفة صب بافي الجحر وتبقي ضب ******************
***** حذف.....
|
Post: #254
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: شتات
Date: 05-10-2006, 08:02 AM
Parent: #159
نزار حسين
Quote: السفنجة ما ليها سيد |
لأ.. يا نزار .. السفنجة بي سيدا .. موجود هناك في بلاد الله البعيدة .. وبرضو في القلوب الحاضنا ريدا .. في الزوايا وفي الحنايا ودي الأكيدا ..
شُفْتَ كيف؟؟
|
Post: #146
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: معتصم دفع الله
Date: 05-04-2006, 06:39 AM
Parent: #138
دي السفنجة .. الشاغلة بالنا .. نحن نسأل .. وين مكانا .. في ياتو حتة .. من قلوبنا .. تايهة .. وبيها مشغول فكرنا .. مهما طولت في غيابها .. ياها الحنينة .. بتقدر ظروفنا .. أصلو .. ما قست في يوم علينا .. فيها " شتو " ينظم قصيدة .. و" نودية " تحكي روعة شعرنا .. يا لؤى .. أبقى عادل ما تبقى ظالم .. أحكي ما تزور الحقيقة .. مهما تمبس زاد في الرواية .. في لحظة " جرسة " أو لحظة هيام .. خليهو يعمل حسابو .. في صحوه .. أو حتى في عز المنام ..
* اعمل حسابك يا تامبا دق ود أب ضلع بس ..
" الدرداق بن المنبرش "
|
Post: #150
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: شتات
Date: 05-04-2006, 07:07 AM
Parent: #137
يا عشة ما تبقي زي لؤي تتآمري .. دا ما أنا .. دي السفنجة مقطوعة الطاري .. ناس كتيرة مهرود قليبا .. والمكضب .. يسأل ناس الصافية .. والموردة والبراري .. وللا يكتب لي ست السفنجة .. مهم .. عاجل .. وطاري .. تمبس أصلو ما بدي الحقيقة .. عشان متعود يخم ويدفن ويضاري بعدين ما عندو ذمة أقل رشوة راحت القضية .. ما زي نادية بنية سمحة وفنجرية .. معتصم أحسن شوية .. مرة مرة بكون أمين .. لكن لؤي زول صعب .. حاصرن فتَّ المقفل في العلب .. حلف بي دينو وايمانو .. بالتين والياسمين والعنب .. بالحقائق والقصائد والمعارف .. يقولوا الحقيقة وللا حدهم القضارف ..
لكن يا عشة .. بيني بينك .. .. وبالمناسبة .. .. ولأنو .. .. وبما أنو .. .. الموضوع اظنو عزيز وغالي .. حقيقي وما خيالي .. اسطوري .. وردي وسندكالي .. في زول غزالي .. مرتاح هناك .. فاهم .. وبالو خالي .. فت العظام .. عصر القلوب .. وا حلالي .. ابقوا واسطة وقولو ليهو .. شوية .. شوية .. حبة .. حبة .. ما تبقى دكتاتوري ناري وانفصالي ..
|
Post: #152
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: صديق الموج
Date: 05-04-2006, 10:25 AM
Parent: #1
انتو عارفين انا العاجبنى شنو فى السفنجة دى؟ بتكون كتالة كتل للصراصير..الكمدة بالغمدة ..تقول لى بف باف
|
Post: #155
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: Mannan
Date: 05-04-2006, 11:08 AM
Parent: #1
يا خوانا ممكن تقلبوا لينا السفنجة دى وتشوفوا لينا مصنوعة سنة كام.. يمكن تكون أثرية.. هنا عندنا فى متاحف لشراء الاناتيك والاشياء الاثرية.. وقد رايت بام عينى شبشب من نوع تموت تخلى من زمن اجدادنا القدماء واشتراها واحد بمليون دولار .. فردة واحدة بس!!!!!
نورالدين منان
|
Post: #156
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: bayan
Date: 05-04-2006, 11:15 AM
Parent: #155
Quote: خوانا ممكن تقلبوا لينا السفنجة دى وتشوفوا لينا مصنوعة سنة كام.. يمكن تكون أثرية.. هنا عندنا فى متاحف لشراء الاناتيك والاشياء الاثرية.. وقد رايت بام عينى شبشب من نوع تموت تخلى من زمن اجدادنا القدماء واشتراها واحد بمليون دولار .. فردة واحدة بس!!!!! |
عاد لو طلعت "اثارات" طوالي نلبط فيها ولا" يخسنا" شماتة أبلة ظاظا ونقول حقت تمبس.. ونفك البي بي تيوب عكس الهواونناسب تمبس, قلت الفردة بمليون معنها فردتين يكونن بكم يارب؟
|
Post: #157
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: عشة بت فاطنة
Date: 05-04-2006, 04:02 PM
Parent: #156
شوية .. شوية .. حبة .. حبة .. قال شتات : اصلو الحقيقة في السفنجة ما عندو صيبة الا المصيبة وتحت تحت طلع الزول قريبة والغريبة ناس معتصم ما بدوا الحقيقة شوية شوية وحبة حبة ونار محبة طلقا الود لولو ومن فلاحتو ومن ذهولو شافا كبرت وبقت عمارة فيها نادية وفيها سارا وكم حمارة جوارو عارت واستثارت وكم مليون قصادو طارت وديك بيان ختت وشالت وفي النهاية اصل الحكاية قلبو السفنجة كم صرصور مطبوع قصادا والدبان جاري الجرادا والغنم واقفات شهادة علي زمة الموج وجاروا
|
Post: #161
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: 3bdo
Date: 05-05-2006, 03:33 AM
Parent: #157
salam le kol alhelween almawjodeen fe albost da
Bayan : ويكون بحث الشايننق ستار عن سفنجتها انتهى.. وبكدا يا لؤي تكون وقفت اطول مناحة على سفنجة في تأريخ البشرية,,,
balagty fe de ... he weena almobseka shining star
mama doma ana alayam de fe china ... if u r in china also... my mob: 13502462987
|
Post: #169
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: Mohamed Abdelgaleel
Date: 05-06-2006, 08:15 AM
Parent: #161
Quote: وأعبئ جيبي بالنجوم وأحجز في مقاعد الشمس لي مقعـــدا |
الأخ شتات .. والزوار جميعاً .. لكم تحية عامة وتحية خاصة لبوست يشعرك بانه يمكنك خلق مساحة حرة تنقلك إلى التوتر الإيجابي .. ويجيك صديق الموج فجأة ليقول ليك: السفنجة دي بف باف بس .. فتصبح ضاحك غصبا عنك ..
نزار كان متوهطا على مقعد الشمس الحار طوال عمره .. شديد الحضور .. رغم الموانع الكثيرة .. قال كلماته كلها .. صحيح أنه كان متعبا ومحاصراً لكنه كان موجوداً في كل المنابر .. ومحرضاً كبيرا .. لا أظنه قد مارس الإعتكاف أبداً .. بل كان يتوسل لإلقاء كلمته حتى في الأمكنة التي تثير الغثيان .. وسمعته يقول في الخرطوم أيام نميري: لقد وقفت ألقى الشعر في منابر كثيرة في الوطن العربي .. كلها منابر ليست حره .. أما منبركم هذا فهو :
(ربع حر) ..
|
Post: #170
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: معتصم دفع الله
Date: 05-06-2006, 02:48 PM
Parent: #157
عن سفنجي .. أنا بقلكم .. ماخده خاطره منكم ..
مره حامت حفيانة .. في المدينة .. والسفنجات الحزينة .. قامت إشتكت من جنانا ..
يا عشة .. شيلي كم سفنجة .. دي السفنجات الحنينة .. برضو بترجع لمكانا ..
وإن صبرنا كمل .. تاني نديها في حنانا .. تحيا تحيا .. سفنجتي الحنينة ..
يا عشة شفتي جبتي لينا اللوم مع أبو عركي وشاعر القصيدة .. مع الإعتذار لهم جميعاً ..
|
Post: #207
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: عشة بت فاطنة
Date: 05-08-2006, 06:53 AM
Parent: #170
Quote: Quote: عن سفنجي .. أنا بقلكم .. ماخده خاطره منكم .. |
تبرى سفنجتك يا عصومة بكرة تركبا وتقلب الحكومة كان شايلا صوت ولا ماخدة صورة مصيرة ست الريد نزورة نرجع السفنجة الفيها ريدنا أنكتب بظهورا ونحكي ليها عن ودادنا وعن شرادنا ونوريها كيف بكت العيون لمن فرتق الزول الحنون وخلاني للصد والظنون ركبني اصناف الجنون يا وليد ويا وحيد خلو الهوا و البكا والنحيب وشوفو لي سيد السفنجة العار وخلاني مشرور من جديد يا سفنجة ويا سفنجة اياك انت الفيك عشمنا الليل هجمنا الحب كتمنا خلي ست الريد تصلنا قوليها راجينك ببصلنا وبفحمنا بمشاوينا وهبلنا بمخاخيطنا وسجمنا يلا طيري وسيبي غيري ولناس شتات حزراك تطيري يا سفنجة ويا سفنجة ويا سفنجة يا خطيرة ويا اثيرة من شناتك ومن خلاتك تموت تخلي جاتو غيرة و حاجات كتيرة قال : عنيفة : وقال مخيفة والسلوك عندك خفيفة ما تاخدي منو اصلو غيور التليفة
وعشان شناتك وشان حلاتك احتلال البوست دا واجب يا جماعة نطرد الناس الغلابة عشان ست الريد و السفنجة |
|
Post: #171
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: Mannan
Date: 05-06-2006, 04:52 PM
Parent: #1
بيان قالت: عاد لو طلعت "اثارات" طوالي نلبط فيها ولا" يخسنا" شماتة أبلة ظاظا ونقول حقت تمبس.. ونفك البي بي تيوب عكس الهواونناسب تمبس, قلت الفردة بمليون معنها فردتين يكونن بكم يارب؟ بس السفنجة دى ما بتنفع فى (كراعين) رجالية (منكرات) اقصد فيهن منكير.. إلا الكراعين تكون ستاتية ومخربشة من طلوع النخل حسب قولك اوتشبه كرعين الرجال زى ما قال ليك صاحبك.. معلش على (السقالة)..
منان
|
Post: #172
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: نادية عثمان
Date: 05-06-2006, 06:16 PM
Parent: #171
ياجماعة لؤى وتمبس شفتوهم ؟!!
حاجة تجنن ياخ !!
|
Post: #181
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: Khalid Saeed
Date: 05-08-2006, 04:58 AM
Parent: #172
باقي لـــــي منك ســــــــــــــفنجة باكيـــه في جوفه الحروف ....... باقي سفنجنه كبيرة (44) منـــــــــــك لمــا كان قلبك ولوف .... باقي لي من ذكرياتك ... ( سفنجــــــــــــه ) وحبة حروف رغم إنك فتي راحله ... تاركه سفنجـــــــــتك للظــروف السفـــــــــــــــــنجه .. الباقيـه منك .. فيه أجمل ذكرياتي لمـــا كنته حياتك إنتــي وكنتي إنتي كمان حياتي بســــهر الليلات معاهـــا وفيه بلمح ذكرياتي بطره كل كليمه منك وفي سفنجـــــــــــــــــــــــــــــــــــــــــــتك بلمح أمنياتي ..
خالد الأرباب مع الإعتذار للفنان والشاعر خارج النص ســــــــــــــــــــفنجت الحــــبيب ... أحلـى من كيلـــــو زبـيـب ....
|
Post: #183
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: كبسيبة
Date: 05-08-2006, 05:06 AM
Parent: #1
وأنا أقووول ياخي أصو ما ممكن معقول!!!بس../// تكون ...؟؟!! دقيقة ..نعاين كويس!!!!!!! لكن ما بالغتو عديل كده!!!!!!!!!!! لا..لا ...لا ما بصدق والله ده حلاة دين شمار لا خلاص غيرت رأي
|
Post: #202
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: بدرالدين شنا
Date: 05-08-2006, 06:34 AM
Parent: #1
لوئ العاجبني سلامي وإرتياحي
دي سفنجتكم؟؟؟
بس أموت وأشوف معجون الجماعة ديل غايتو أعتقد الواحد بجيب الفرشة وينخس بالقشة وأمسح في الفرشة التقول بعمل في سندوتش
|
Post: #208
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: عبدالله وداعه الامين
Date: 05-08-2006, 08:13 AM
Parent: #202
سفنجتكم عجيبة لكن رغم طيبة ماسترت حبيبة فاضحه شتات وتحلف هو العاوز يسيبه رغم الحال بيفضح ويشرح لي المصيبة انو اخونا عاشق ومحروق بي لهيبة يا سفنجة حنانو يا فرحة زمانو لو قصدك امانو بس خليك قريبة في تحت المخدة بينات الستاير كتري لي المودة خليكي الطبيبة اصلو لؤي حبيبنا زي تمبس بغني ما قاصد يجيبه احزان السفنجة والشوق المدفق والدمعه الوجيبة يارجلو ونعالو لو فعلا دا حالو بتيمم عليها بي يدو الرطيبة ويبقى يصلي جهرا لي خاطر سفنجة تايه في دريبه
|
Post: #209
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: bayan
Date: 05-08-2006, 11:13 AM
Parent: #208
Quote: وأنا أقووول ياخي أصو ما ممكن معقول!!!بس../// تكون ...؟؟!! دقيقة ..نعاين كويس!!!!!!! لكن ما بالغتو عديل كده!!!!!!!!!!! لا..لا ...لا ما بصدق والله ده حلاة دين شمار لا خلاص غيرت رأي |
كبسيبة ما تقولي.... اصصصصلو شنو؟ سجمنا سجمنا وحدستا دي(اشارت الى الارض بعض ان لحست اصبعها) انا ببببببررررررررررررررررررررررررررررةةةةةةةةةةة
|
Post: #250
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: شتات
Date: 05-10-2006, 07:29 AM
Parent: #208
يا عبد الله .. معقولة بـس انت برضو مع لؤي وتمبس ياخي انا مسكين مقفول متربس لا بعرف سفنجات ..لا محطات ولا عندي في القضية تلت ولا خمس .. لكن الريدة حاصلة .. ناس كتيرة داقا الجرس .. سفنجات كتيرة بتتلحس .. حاجات كتيرة بتتهرس .. قول يا لطــــــــــــــــــــيف ..
|
Post: #210
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: عزاز شامي
Date: 05-08-2006, 11:58 AM
Parent: #1
لا حولا!
بالله الناس المرطبة اللي بنشوفها في الحفلات مطقمة وكرفتاتها ملمعة يبلسوا سفنجات نوع ده!
وكمان السفنجة جابت ليها ريدة؟
الحال ده ما بيرضيني يا اخواني، ولغاية ما نلاقي (سندريلا) وحبيبها تقرر الآتي:
** شراء سفنجة من ماركة Cat لكل المتهمين حتى ثبات التهمة **شراء فرشة للعتبة
**في المستقبل كان الله كتب ليكم تحبوا تاني، يا حبذا الاكتفاء بمنديل مطرز بالأحرف الأولى من اسم (الجكس) بدلا من السفنجات أو الكدارات أو أكرة باب بيتها أو سير عجلة اخوها ...
حاولوا تكونوا مبدعين في العينات اللي بتاخدوها من (ست الريد) بس ما قدر ده !
يا جماعة ما تقطعوا لينا الرومانسية في راسنا !
سفنجة؟
سفنجة؟
أودي وشي من الناس وين؟
***عاد يا لؤي عافية منك!
|
Post: #211
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: معتز تروتسكى
Date: 05-08-2006, 12:46 PM
Parent: #210
هي ماشفت السفنجات!! كان عندى طشاش فى الصور لكن سلكت.. لكن مابسعلك ابو اللول كاااااااااااااااااااااااااااك انت ناس تمبس ديل مش كانوا برجوازيه الحصل عليهم شنو. . بكون شتات غشاهم واكل قروشهم بالاتفاق مع تمبس قايتو معتصم مابكون مشترك معاهم. . كدى زى ماقالو خليها السفنجه مقاس 60دي..شفت العتبه دي (تمله كيف)..ده يكون القبو الطلعو منو صدام. .
----------------------------------------------- منى يديك العافية انتى متذكرانى بس شوفى جنس الاصحاب ديل..
لؤى ده كلامك. .؟
Quote: معتز داك خلّيهو هسّع عليك الله .. داك عندي ليهو بوستات برااااااااهو ، أصبري لي بس .. |
هو يالؤى انا من البوست بتاعك ده بقيت تـزرزر فوقى؛ قلبى اباك... لا يا اخوى لاتجينى لااجيك وحجتى ذاتها خليتها ؛ربنا يغفرها لي.. بلا اورغن معاك بلا مزيكا بلا كمنجه اختانى.. ديل اصحاب شنو ديل غير شيل الحال ماعندهم شى..
اسمعنى بضرب ليك قريب بس خلى تمبس يرسل الضحكات؛ هو بى عضمة لسانو قال برسل. .
|
Post: #253
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: شتات
Date: 05-10-2006, 07:51 AM
Parent: #211
Quote: بكون شتات غشاهم واكل قروشهم بالاتفاق مع تمبس |
شوف يا معتز كل شي ولا تمبس الزول دا البيني بينو بقت هردبيس سكاكين ..مطاوي .. وكوم دبابيس عداوات تقيلة وقتال حامي الوطيس ولما نتلاقى .. حا يعرِف مين أنا ومين "هيراكليس"
تحياتي يا فردة
|
Post: #277
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: معتصم دفع الله
Date: 05-14-2006, 02:59 PM
Parent: #211
Quote: بكون شتات غشاهم واكل قروشهم بالاتفاق مع تمبس قايتو معتصم مابكون مشترك معاهم. |
شفت يا لؤى أها معتز جايب ليك آخرها وقال ليك أنا ما معاهم .. دا كلو من تدبير العصابة دي ..
شقيقي الصغير شفت آخر الزمن .. حرب العصابات .. بقت حرب السفنجات .. ودي طبعاً الحرب الباردة البتقوم النفس وبتجيب آخر الزول .. الله لا وراك ليها .. بتعمل كمان وجع ضرس وزغللة في الشوف .. ودي علاجه صعب خلاس ..
غايتو حالة سعبة حمانا الله وياك ..
|
Post: #278
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: معتصم دفع الله
Date: 05-14-2006, 03:06 PM
Parent: #211
Quote: بكون شتات غشاهم واكل قروشهم بالاتفاق مع تمبس قايتو معتصم مابكون مشترك معاهم. |
شفت يا لؤى أها معتز جايب ليك آخرها وقال ليك أنا ما معاهم .. دا كلو من تدبير العصابة دي ..
شقيقي الصغير شفت آخر الزمن .. حرب العصابات .. بقت حرب السفنجات .. ودي طبعاً الحرب الباردة البتقوم النفس وبتجيب آخر الزول .. الله لا وراك ليها .. بتعمل كمان وجع ضرس وزغللة في الشوف .. ودي علاجه صعب خلاس ..
غايتو حالة سعبة حمانا الله وياك ..
|
Post: #251
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: شتات
Date: 05-10-2006, 07:37 AM
Parent: #210
Quote: بالله الناس المرطبة اللي بنشوفها في الحفلات مطقمة وكرفتاتها ملمعة يبلسوا سفنجات نوع ده! |
عزاز ..
مرة بالبدلة .. ومرة بالسفنجة لما تاخدنا الحكــاية .. مرة ترطيبة ومرة نسأل أهل الله العطايا .. مرة نقرا الشوق قصيدة .. ومرة تغلبنا القراية .. مرة نكتب من عيونا .. ومرة تكتبنا النهاية
شكراً يا عزاز .. ومعزات كتيرة
|
Post: #222
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: ود المايقوما
Date: 05-09-2006, 04:36 AM
Parent: #1
اهااا ... ياشتات جبنا ليك مقاسك من البطحاء ..
والتحية للعزيز لؤي وباقي المجموعة ..
|
Post: #252
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: شتات
Date: 05-10-2006, 07:43 AM
Parent: #222
Quote: اهااا ... ياشتات جبنا ليك مقاسك من البطحاء .. |
ودالمايقوما يديك العافية .. ما قصرت لكن كان تجيب واحدة زي بتاعت الملا دي
لأنو ديك بتشبه بتاعت تمبس !!
|
Post: #237
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: saadeldin abdelrahman
Date: 05-09-2006, 08:02 AM
Parent: #1
انا عهدي راح ما اظنو آتي و ما فضل يا ناس غير "سفنجاتي" فيها باقات من دموعي و ذكرياتي مرة اضحك و مرة ابكي و مرة اتحمل اسايا مرة اهرب انا منو و اشكي و اعتبر "زنوبتك" حكاية عشت فيها بكل روحي و ارتضيت سهدي و جروحي كنت داري و كنت دوحي و "انقطعتي " يا نور زماني
مع الاعتذار لـ " لـيه بتـسأل "
|
Post: #256
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: Rasha Hatim
Date: 05-10-2006, 08:10 AM
Parent: #249
يا اخوانا ادونا فرصة معاكم, كدي اول شي نسلم علي صاحب البوست دة واصحابو اللذاذ
تاني شي هوووووي يا دكتورة اوعى تخطبي على خطبة اخوك,, تمبس دة محجوز خلاص.
تالتا, غايتو السفنجة دي ذكرتني باستاذ ثانوي بلييييد, طلابو حبو يدقسو , قالو ليهو يا
استاذ اشرح لينا كلام وصف النعامة دة " سفنجة تبرى لاذعر اربد"
قال ليك صاحبكم اتحير قال ليهم "يعني جراااية جري شديييد زي اللوري السفنجة"
اها صاحبة السفنجة دي شكلها جراااية هي كمان"من كرعينا الكبار ديل" عشان كدة
الكاميرا الخفية دي ما قدرت تلقطتها, المرة الجاية استعينوا بالاشعة فوق البنفسجية
|
Post: #257
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: شتات
Date: 05-10-2006, 08:12 AM
Parent: #249
لؤي .. ياخي روق انت طلعت خائن ومرتشي ظالم كمان .. ومتآمر وكل شـــي.. خليت الناس تشمت علينا وتنتشـي .. مرة واحدة خليك أمين .. أصلوا صاحبك لا بخجـل .. لا بستحـي .. لا بختشـي
وليك يوم يا ظــــــالم
|
Post: #255
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: Moawia Abdelgadir Ali
Date: 05-10-2006, 08:07 AM
Parent: #1
واللة يا ابو اللول الشوق بحور والعزيزة زكرتني معاوية الوكيل في حفلة ابو الزيك وبكا ياسر محجوب قبال ما منعونا وكدا اما بخصوص السفنجة واللة ما كنتا قايلك شلتها السعودية معاك التحية ليكا من كل الناس فى اوبسالا امشى لى كانتوش واعانى ابكريك
|
Post: #258
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: nazar hussien
Date: 05-10-2006, 08:26 AM
Parent: #255
Quote: لأ.. يا نزار .. السفنجة بي سيدا .. موجود هناك في بلاد الله البعيدة .. وبرضو في القلوب الحاضنا ريدا .. في الزوايا وفي الحنايا ودي الأكيدا ..
|
ما دام قلت كدي يا شتات ومتأكد شديد...هاك اها
السفنجة دي سفنجة حبش وسوادها مخدرو القش والكشت والمكوة والطش
ومش لما يدخل ما بيقول كش ؟؟
كدي جاوبوني عشان اواصل يا تمبس
|
Post: #259
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: عبد الله عقيد
Date: 05-10-2006, 08:46 AM
Parent: #258
Quote: السفنجة دي سفنجة حبش وسوادها مخدرو القش والكشت والمكوة والطش |
يا نزار
السفنجة سفنجة بيوت ومن محلها حالفة ما تفوت السواد الفيها مخلُوت جاها من دفيق الزيوت
|
Post: #261
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: nazar hussien
Date: 05-10-2006, 09:10 AM
Parent: #259
Quote: السفنجة سفنجة بيوت ومن محلها حالفة ما تفوت السواد الفيها مخلُوت جاها من دفيق الزيوت |
ودعقيد
السفنجة البيت ماهو هولا واقفة بس شان كوراكولا والمدفقة في الدرج ديك بيبسي كولا ماهو زيت يا ودعقيد..عاد يبقي....
|
Post: #260
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: ود المايقوما
Date: 05-10-2006, 09:00 AM
Parent: #1
الجميل / لؤي
تحية وتقدير ..
شتات دهـ زول رائع وكتاباته زيما انت شايف فمستحيل واحد زي دهـ يكون مقاسه 1000 ...
وتحياتي الكتيرررة لجميع المتداخلين
|
Post: #262
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: عشة بت فاطنة
Date: 05-10-2006, 01:50 PM
Parent: #260
رسالة اليها : غشاك الغيم يا ست السوالف وبرأ حوافرك من شعر الخوالف كم شهيد في هواك رايح وكم حبيب في الريدة تايه لقد هجوك وما عرفوك وقد نعوك وما قتلوك وكم رثوكو وما عرفوك لعمري هذا اجحاف مبين ولك عندي رد حقك ولو بعد حين الغرام ما شئ قديم وكم حبيب مقتول يتيم يا الفي هواك جنّ الاوائل وطال سهمك اخونا وائل
قد بلغتنا أخبار غريبة تبادلتها نوافذ الويندو العجيبة قالو:لؤي بهواك معترف ومعتصم في هواك منجرف وزولنا داك عديل محترف وكمان منبرش والماتوا في حبك كتار وناس الرياض عاملين كجار اما شتات فشمارو طار من جمب السفنجة واستثار .. لفّ الارض عامل عصار من جدة ولكوبنهاجن من برلين واستوكلهولم عمّ المنابر ولفّ طاف صحّ المقابر
والغريبة والمصيبة في ناس في دارك ساكنين جوارك بس يا خسارة ما ناقشين سر مسمارك المصلوب أمامك وبأنوكان نتيجة حتمية لكترة مشاويرك وكم مسارك والنصيحة يا الفصيحة شربكة الخطوط بتجيب فضايح
|
Post: #269
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: صديق الموج
Date: 05-12-2006, 09:41 AM
Parent: #1
غايتو ما سفنجة تواليت وحمامات بانيو وكده...سفنجة ادبخانات حفر والا مرقة خلا ساكت..يخسى،،،
|
Post: #272
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: شتات
Date: 05-13-2006, 09:45 AM
Parent: #271
رسالة إليهــا ..
إلى ست السفنجة في فضائها الافتراضي المغلق بصمامات لا يفتحها الاشتياق .. ولا يترجم أوجاعها الأثير .. إليها وهي تتيه في التألق والبريق .. إليها وهي تسير في ربوع المدينة لا تعبأ بالجموع الراحلين والقادمين وأوجاع الطريق .. باسمي وباسمهم .. الذين ينتظرون المجهول على حافة الفجر لينساب الندى من الأنامل الضوئية .. ها قد أسفرت الأحلام عن خيالها الوسيم وأهدت المكان ابتسامك الخجول .. وها قد ارتجفت الساعة هنا على وقع نبضك وارتجَّ الصدى .. فهل تحتفظ السواري وأشرعة سفائنك بالأسماء ؟ هل يهفو السمع منها للنداء ؟ أم أنها "خطوبة القمرة" .. وأحلام الفقراء على عروش الأغنياء ..؟ ( .............................. ) نتحسسك .. نسأل فيك المكان .. نتجسسك .. صوتك هنا يتنفسك .. . نبضك هناك مسموع هنا .. عطرك .. زهورك .. وبهجتك .. وكل نظرة حانية .. نامية فينا تأسسك ..
تلك هي أجواء الاحتفال .. وأهازيج الأضواء في الضفة الشرقية من المجهول .. فماذا يدور في بقية الضفاف ..؟ تلك هي أغاني اللهيب في محرقة الغياب ورقصة الموت على مذابح القربان .. وتلك .... تلك هي الصفحات بيضاء .. فهل لنا من أتوغراف وتوقيع ؟
ثم وماذا ؟ كنا واحداً .. نحن ولا شـــــــــــئ .. سوى أحلام جافة فقدت صلاحيتها وأطلال قديمة هجرتها الرياح .. ثم صرنا إثنين .. ونحن وطيفك المجهول .. القادم كإرهاصات زلزال ينذر بدمارٍ وشيك .. ثم أصبحنا ثلاثة .. نحن وأنت وشيء خرافي "يهـوِّم فوقنا كمعجزة المسيح .. تجلي العمى عن باصريَّ وتقيم أقدامي الكسيحة .. وتنفخ الروح القوية في دمي فيطـير بي جسدي الموات" .. كنا .. "وكان الشوق في الكرسي الفاضي .. وطعم الحتة حزين .. ولون القلب بنفسج" .. ثم صرنا "قاب قوسين أو أدنى .. إذا زدنا احترقنا" .. ثم وماذا ؟ لا أدري؟ و.. كل الود
يا لــــؤي عندك فكرة ؟
|
Post: #273
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: معتصم دفع الله
Date: 05-13-2006, 10:38 AM
Parent: #272
هل يتحول المجهول إلى حقيقة نتحسسها .. نعشقها .. ونحبها .. وهل تتحرك كل هذه الأحلام من واقع خيالها .. لتهدينا رقصة النصر .. مع زخات المطر الهطول .. وهل ثم جواب لكل هذه الأسئلة الحائرة ؟
فقط أتسأل ..
|
Post: #275
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: شتات
Date: 05-14-2006, 04:14 AM
Parent: #274
صديق الموج ..
معقولة بس .. ياخي انت ما دايماً ظريف إنسان .. ولذيذ .. وحريف الليلة مالو لعبك خشـن متوتر .. جاف .. وعنيف أسي بنكلم "إنعام" وبتقعد ترجف أنا آسف .. ما قصدي .. وما كنت عارف .. خليك زي عشة دي .. زي نسمة في عز الصيف لأنو القصة أجمل من كدة قصة غيم ورزاز .. سحاب وخريف زولة رشيقة .. نسمة وشاطئ وقـيف .. هدِّي اللعب ياخي .. وقول يا لطيف
وللا ما كــدة يا لؤي ..؟
|
Post: #281
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: mohamed elshiekh
Date: 05-16-2006, 10:21 AM
Parent: #275
يا لوئ .... يا حليلك يا اخوى ما اظن ادوك الخبر الاكيد الجماعه ديل... يؤسفنى جدا ابلغك بان المأسوف على مشاويرها صاحبت الخطوة الحلوه السفنجه ( سته سلندر ) قد شيعت الى مثواها الاخير فى موكب مهيب .. الى البرميل القابع بالقرب من مسرح الاحداث فى ليلة حزينه جدا ....
الغريب فى الامر انو واحدين لسه مصرين انو السفنجه دى لم تنتهى ايامها بعد ...وعايزين ينكوشوا الكوشه التى وورية فيها اشلاء هذه السفنجه المبروكه .. مصرين جدا على ان يتم ادخالها لاقرب ورشه (سرماطى ) لعمل سمكره وبوهيه واعادتها للخدمه مرة اخرى الا ان العقلاء تدخلوا وفضو الاشتباك الذى كاد ان يلحق بالبعض ببعض العاهات المستديمه...
المهم فى كشف لافى اليومين ديل لصاحب السفنجه لجمع مبلغ من المال لشراء صندل ... تعويض له لما لحق سفنوجه من .... فأ رجو ان تتولى هذه الحمله لما اشتهرت انت به فى مثل هذه المواقف..
اخوك ... المراقب الفنى لميتم وفراش السفنوج .. محمد الشيخ ...
احب انوه بأنه سيقام سرادق للعزاء بالمنتدى المعلوم ولمدة ثلاثة ليالى ويمكن تقبل العزاء بالتلفون اوبريديا او اى ميليا او تلغرافيا او فاكسيا على العنوان التالى :
الرياض العليا( وتحت كدا يا جماعه منفوحه) الشارع الرابع ___ اللفه العاشره وتلقوا الصيوان (السرادق)
الرحاء من الاخ تمبس تنزيل خريطة الموقع ومن الاخ معتصم التفرغ الكامل على تلقى التلفونات .. شتات انت لانك سيد اسياد الوجعه فأنت حا تكون قاعد عشان تشيل الفاتحه مع المعزيين ... ولا اراكم الله مكروها فى حبيب لديكم ودمتم ح. الشيخ
|
Post: #282
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: عشة بت فاطنة
Date: 05-16-2006, 10:43 AM
Parent: #275
صديق الموج ..
Quote: معقولة بس .. ياخي انت ما دايماً ظريف إنسان .. ولذيذ .. وحريف الليلة مالو لعبك خشـن متوتر .. جاف .. وعنيف أسي بنكلم "إنعام" وبتقعد ترجف أنا آسف .. ما قصدي .. وما كنت عارف .. خليك زي عشة دي .. زي نسمة في عز الصيف لأنو القصة أجمل من كدة قصة غيم ورزاز .. سحاب وخريف زولة رشيقة .. |
شفتة كيف يا موج مو شئ قرنبع وشئ كنيف وواستبالية وحمام نضيف قول يا لطيف واسمع شتات والود رهيف كم مسمار وشاكوش بس صاحبك يمن حريف اقصد لؤئ وسفنجتكن دي الا الحق حدها !! مطرة كان في الرياض ولا حي الصفيح
|
Post: #284
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: Muna Khugali
Date: 05-17-2006, 06:28 AM
Parent: #282
ناس العـزيزة إزيـكم!
|
Post: #291
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: Muna Khugali
Date: 05-18-2006, 03:56 PM
Parent: #285
ربنا يحفظـك يالـؤي ياأبـو قلب كـبير
|
Post: #293
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: صديق الموج
Date: 05-19-2006, 12:07 PM
Parent: #1
Quote: رسالة إليهــا ..
إلى ست السفنجة في فضائها الافتراضي المغلق بصمامات لا يفتحها الاشتياق .. ولا يترجم أوجاعها الأثير .. إليها وهي تتيه في التألق والبريق .. إليها وهي تسير في ربوع المدينة لا تعبأ بالجموع الراحلين والقادمين وأوجاع الطريق .. |
شتات يا اخوى كلامكم ده مع سفنجتكم الكريهة دى زى الباسطة بى البصل ياخى دى اتفه سفنجة اسمع بيهاوبعدين ده كوم وعتبة الغرفة كوم تانى..تقول لى اليها ...ياخى دى سفنجة بتاعت عامل تغيير زيوت فى محطة بنزين ريفية ..لانو دى لو سفنجتها معناها كراع كبيرة مشققة وليها عرقوب... قال اليها قال،،،،،
|
Post: #297
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: tmbis
Date: 07-28-2006, 05:18 PM
Parent: #296
Quote: أيّ محاولات بشكيريّة أنا بضرب في المليان طوّالي .. |
.. يا ابو اللـــول
انــا بعتبر كلامــك ده تهــديد شديد اللهــجة..
وفي الحالة دي .. من قواعدنــا هنــا ح نضرب في المليــان .. أو
نطالب بفديــة مليـــــون ( كرونه ) سويديــة أو ما يعادلهــا بسعر الصرف في سوق النقــد ( بالرياض ) تحديدا
وفي حالة عدم الدفــع.. تتحمل اي نتائج سلبية قد تترتب على ذلك
وعينك بتشوف
|
Post: #331
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: عماد محمود علي
Date: 08-14-2006, 03:23 AM
Parent: #302
العزيز الكريم لؤي
غايتو يا لؤي إنت زول خطييييييييييير عديل كده ، الحمد لله غايتو ما شفتك لما جيت الرياض كان حالنا إتبشتن بشتنه . هسه إنت ماسك في معتصم وتمبس ديل مالك ، ما ياهو شتات معترف عديل كده وبيعمل ليها كمان في شعر يعني معترف بأن صاحبة السفنجة جكس ومجكسها كمان تاني في شنو؟ غايتو قبل طلعت السفنجة والحين طلع البشكير وبكرة فرشة الأسنان ما عارف بعد كده ح يطلع لينا شنو ؟ غايتو جنس فضائح ، هووووووووووي يا معتصم ود شمت ده تاني ما تدخلوه الرياض خالص .
|
Post: #305
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: معتصم دفع الله
Date: 07-31-2006, 09:18 AM
Parent: #296
نعلن نحن المتضامنين مع هذا البشكير المفترى عليه .. بأنه لن تخيفنا التهديدات التي تعرض لها زميلنا البشكير .. وبأنه لنا حق الدفاع والرد على هذه الهجمات .. وسوف نطلب من الأمم المتحدة لحقوق البشاكير حماية مكتسباتنا وصيانة بشاكيرنا .. ولا نامت عين السفنجات ..
عنهم .. بشكير إبن بشكير الأكبر ..
|
Post: #322
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: Haytham Abdulaziz
Date: 08-11-2006, 08:57 AM
Parent: #305
ابو اللول ســــلام بعـــد غيبــة و كيفكــم يا شباب العليــا،،،
Quote: أها يا تمبس لو قُلت ليك التّعديل الفي المداخلة الفوق دي لا عملتو أنا ولا عارفو حق شنو بتصدّقني ؟؟
|
شايف الكلام التحت دة يا لو ... اها بعد كدة بل رأســك ... فما عليك الإستعانة بصــديق أو حذف
ما تراه مناسبــاً على أسواء الفروض لاقيني بهناك لو داير تعرف الحاصل... تـامبــا قال ليـــك:
Quote: ما بصدقــك .. الايامات دي بالذات ما بصدقك.. .. ويكــون في علمك: قمنــا بتسريب .. وبيع معلومــات وبيانات مهمة جدا لي هيثم عبد العزيز
|
تـامبــا كيفــك ... ياخ ما لك بتبوظ أعصاب الولد الشفيف دة ... و الزول دة بحبكم و براحة عليهو ...
و معتـصـم ينفي التهمة ادنــاه معقبــا:
Quote: يا هيثم .. ياخي نحن نزوغ منها بي جاي .. تجو تلبسوها لينا بي جاي .. |
معتصــم كيفك : لو بتعرف أنو ريدك كيف بسوي و فينا بعمل ... دي (للسفنجة) بدل (العزيزة) فما
عليك إلا بالأستعانة بالرائع عمار السنوسي لو جاء راجع من الإجازة.
تحياتي العطــرة يا حـلــويــن
هيثـــــــم
|
Post: #298
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: محمد بابكر
Date: 07-30-2006, 04:33 PM
Parent: #1
لؤي إزيك
السفنجة دي أنا مابعرفا .. لكن أكيد حقتك لأنو الأسبوع الفات أنا كنت في الرياض مع الشباب ديل ولقيتك ناسي بشكيرك عندهم ...
|
Post: #304
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: Haytham Abdulaziz
Date: 07-31-2006, 08:28 AM
Parent: #303
يا لولــو ... الحصـل شنو...
السفجـة دي قالو بتـاعـت معتصـــم ... لكـن شكلهـا بتشبه شبشب سجيمــان ... جاكم عمــرة و لا
شنــو،،
سنـــدة
قلت لي تمبس قال مقاسو كــم (......)
هيثــم،،
|
Post: #306
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: معتصم دفع الله
Date: 07-31-2006, 09:44 AM
Parent: #304
Quote: السفجـة دي قالو بتـاعـت معتصـــم ... |
تم إستجواب السفنجة سالفة الذكر .. وذكرت بأنها لا علاقة لها البتة بهذا المدعو معتصم .. (يعني شوفو ليكم زول تاني) المحاضر مسلجة لدى وزارة داخلية السفنجات ..
يا هيثم .. ياخي نحن نزوغ منها بي جاي .. تجو تلبسوها لينا بي جاي .. بقيتو لاعبين لينا باكات عديل كده ..
تسلم يا حبيب .. وشكراً لوجودك معنا ..
|
Post: #310
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: Haytham Abdulaziz
Date: 08-02-2006, 06:39 AM
Parent: #308
هوووووي يا لولو
الناس ديل قالو لي بهناك إنو السفنجة دي بتاعتك و الدليل البشكير السمح دة ... و عشان كدة
تامبا ضرب ليك تلفون قال ليك تعال شيل بشكيرك دة ... لكن شايف معتصم شجب و ادان إنو العزيزة
(اقصد السفنجة دي ما حقتو ... غايتو يا خبر الليلة بقروش بكرة يبقى بلاش ... عشان كدة انا جاي
عمــرة و حا اشوف الموضوع دة ... و لو ثبت ان هنالك تلاعب سوف نقيم الحد و شرع الله في الجاني في
ميدان عقرب (اقصد ميدان مظلوم)
معتصــم خلي بالك و فتح عينك كويس و لا أجيك بهناك...
تامبـا انا داير اعرف الموضوع دة و بجيك بهناك ...
لولو لو كان عندك كلام طالعنـي بهنــاك ...
كل الحــب يا اخوانـــي
هيثــــم
|
Post: #300
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: لؤى
Date: 07-30-2006, 05:43 PM
Parent: #1
|
Post: #314
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: انعام عبد الحفيظ
Date: 08-10-2006, 03:55 AM
Parent: #313
يا اخوانا السفنجة لقيتو صاحبها ولا لسة؟؟؟
|
Post: #315
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: tmbis
Date: 08-10-2006, 04:22 AM
Parent: #314
Quote: أها يا تمبس لو قُلت ليك التّعديل الفي المداخلة الفوق دي لا عملتو أنا ولا عارفو حق شنو بتصدّقني ؟؟ |
ما بصدقــك .. الايامات دي بالذات ما بصدقك.. .. ويكــون في علمك: قمنــا بتسريب .. وبيع معلومــات وبيانات مهمة جدا لي هيثم عبد العزيز
أعمل حسابك يا زول نحن ناس خطيرين .. وخطورتنا تتجلي في أنو هناك خطة محكمة على طاولة الزعيم ( صلاح بـــوذا ) وجاري طبخــها الآن لتتوافق مع الكثير من مجريات الأمور
انا غايتو ح ادعم الفكرة تقنيا بكل التسجيلات الصوتية لكثيرمن الحوارات التي كانت تدار من المركز الرئيسي في بيتنا الكائن ( بحي العليا ) هذا التهديد الأخير ( وأشار إلى التسجيلات الصوتية التي كان يسرقهــا بوضع أجهزة تصنت جدا غير مرئية بعد توصيلها بجهاز الكمبيوتر ) هذا التهديد .. غير مستثني منه اي من كان ..
قال هكذا .. وباله على العديد من رواد المنتدى في تلك الليلة الليلا .. ملحوظة: كل واحد يعمل ( ابديت ) لي حبالــو الصوتية ويعرف نفسو .. بيغني في ياتو ( سلــم ) لانو الكلام دخــل ( الحوش ومتوجــه صوب ( الحمام ) .. )
وجــه ضاحك في خبث .. خبث شديد جدا جدددن لا يمكن تصورهـ بالعين المجردة
|
Post: #316
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: معتصم دفع الله
Date: 08-10-2006, 04:22 AM
Parent: #314
Quote: يا اخوانا السفنجة لقيتو صاحبها ولا لسة؟؟؟ |
غايتو عليك جنس كشف حال يا انعام ..
|
Post: #328
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: انعام عبد الحفيظ
Date: 08-12-2006, 09:41 AM
Parent: #316
Quote: غايتو عليك جنس كشف حال يا انعام ..
|
معتصم شايفة جابت ليها اشانة سمعة
لكن برضو ما بحلك
مودتي واحترامي
|
Post: #320
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: humida
Date: 08-10-2006, 01:04 PM
Parent: #317
Quote: يا اخوانا السفنجة لقيتو صاحبها ولا لسة؟؟؟ |
يا لؤي .. في تلات وتلاتين كديسة قاعدين جنب السفنجة ..!! هسع دي .. وتمبس نايم .. اصحيهو يشوف الموضوع شنو ..
|
Post: #329
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: انعام عبد الحفيظ
Date: 08-13-2006, 02:36 AM
Parent: #317
أنا السّفنجة دي ما عندي بيها أي علاقة !!!
أسألي أصحاب الشأن ..
صاحبها ولا صاحبتها ؟؟
لؤى
ازيك
كدى قول بسم الله ومالك هسة السألك منو؟
مودتي واحترامي
|
Post: #333
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: انعام عبد الحفيظ
Date: 08-14-2006, 04:35 AM
Parent: #330
Quote: إنعام أهلاً بسم الله كويس ولا زول
|
لؤى
سلام وود
شايفاك انت هسة جايب للناس ديل تهم مش تهمة واحدة
سيب شيل الحال ده ياخ
مودتي واحترامي
|
Post: #340
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: انعام عبد الحفيظ
Date: 08-15-2006, 02:38 AM
Parent: #336
لؤى
سلام وود
أسمعي كلام أخوك وأطلعي من الموضوع دا
خلاص سمعتو بس خليني اتاوق بالحيطة
المواضيع دي بتجيب عمرو موسى للمنطقة قريب دا
انتو ما دايرن تحلو الموضوع ده ولا شنو؟؟؟
شكلها كده ح تكون كلها شجب وادانات
مودتي واحترامي
|
Post: #341
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: انعام عبد الحفيظ
Date: 08-15-2006, 07:53 AM
Parent: #340
يا لؤى يالؤى يا لؤى
ياخ انا ما بناديك ياخ
ما شايفني انا هنا جنب الحيطة
Quote: أسمعي كلام أخوك وأطلعي من الموضوع دا
خلاص سمعتو بس خليني اتاوق بالحيطة
|
بس عايزة اقول ليك الحق شوف د. بيان كاتبة شنو
Quote: كل سنة وانت طيب يا علاء ربنا يحقق الاماني وتشتري سفنجة جديدة..
وسنة حلوة مليانة حاجات سممممممممحة..
ولمعتصم كل سنة وانت بالف خير |
وممكن ترجع للرابط ده
تمبس ومعتصم دفع الله كل عام وانتما كما تحبان
غايتو انا رأيي الكلام ده تفتحوا فيهو تحقيق
مودتي واحترامي
|
Post: #324
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: عبد الله عقيد
Date: 08-12-2006, 08:20 AM
Parent: #1
يا تمبس ويا لؤي
شايفكم جبتو سيرة (تسجيل) و(شلة) وكلام زي دا..
يا اخواننا باركوها.. ما تتهورو وتعملوا حاجات تندمو عليها
خاصة وانو في ناس (أبرياء) من (الشلة) ح يتضرروا من التحدي دا..
باركوها يا جماعة بلاش (مشاكِل)
معتصم بالله ياخي ادخل واسطة خير، نحن اخوان لينا ((26 سنة))..
التوقيع: احد (المتجرسين).. وشفقانين (عديييييل).. اها
|
Post: #326
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: humida
Date: 08-12-2006, 08:54 AM
Parent: #325
عماد دا .. شال الصينية دخل الحمام .. اصحيهو اقول ليهو منو ..!!
|
Post: #332
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: عماد محمود علي
Date: 08-14-2006, 03:36 AM
Parent: #327
يا لؤي كيفنك أخوي
هسه الجماعة ديل نودي ملفاتهم دي وين : مجلس الأمن ولا منظمة الأمم المتحدة ، ولا جامعة الدول العربية ، ولا نوديها وين ؟ غايتو إنت بتعمل في جنس حاجات !!!! يا أخي الزول تمبس ده ما ليهو أي قضية بسالفة الذكر ولا حتى معتصم ما ياهو شتات معترف تاني في شنو خلاص بس باقي نعرف صاحبتها البحبها شتات دي هسه وين ما يكون خطبوها ولا حاجة ولا عرست كمان تبقى مصيبة ، بس تصدق يا لول أناحاسي كده بأن السفنجة دي ختوها هنا علشان الفكي قال ليهو ختها هنا علشان هي ح ترجع ليك ( خطوه خطوة ) علشان كده ختاها جنب السلم علشان ترجع سلمه سلمه ، غايتو الله يجازي شيطانك يا شتات شتتها صاح .
|
Post: #334
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: معتصم دفع الله
Date: 08-14-2006, 09:37 AM
Parent: #332
عماد محمود .. ألف مرحب بيك في المنبر .. بعدين شكلها السفنجة دي واجعاك شديييييييد .. عايز تودي ملفاتنا لمجلس الأمن .. غايتو الله يعينا على الصبر ..
|
Post: #339
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: عماد محمود علي
Date: 08-15-2006, 01:56 AM
Parent: #337
أخي الكريم لؤي
Quote: ودّي الملفّات جامعة الدّول العربيّة |
يا لؤي يا أخوي أمس لاقيت الأخ الكريم معتصم في التمرين . بصراحة كده حالتو تحنن ، والراجل برئ براءة الذئب من دم إبن يعقوب أحسن حاجة نحل المساءلة دي داخل البيت الواحد بعيداً عن الأجواء السياسية لحدي ما نشوف لينا صرفة في المصيبة دي ، غايتو يا شتات سويتها شينه خلاص وبشتنت حال الناس ، الغريبة صاحبة السفنجة دي قاعدة تقراء في الكلام ده كله والتهديدات دي وما شغاله بينا الشغلة غايتو جنس قتاته عليها . الله يعينك عليها يا شتات ، أقول ليك ياشتات أحسن حاجة تشتتها ليها وترتاح منها ومن سفنجتها دي .
|
Post: #343
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: محمد بابكر
Date: 08-15-2006, 09:20 AM
Parent: #1
يا لؤي كيف حالك ؟
شايفك كل مرة بتشغل الناس بي موضوع السفنجة لحدي مانسو موضوع البشكيرالسمح.. دي سياسة عوجاء تهدف لتضليل الرأي العام كما هي عادة الأنظمة ال...
ركز ..
|
Post: #344
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: شتات
Date: 08-16-2006, 05:56 AM
Parent: #1
وتسأل وين !! يا همباتي .. ياشماتي .. يا سمح .. يا شين .. بتسأل وين !!
بعدما بعت العزيزة .. وشلت السمحة نور العين .. بتسأل وين !!
بعدما شمَّت الفاتو والجايين .. ناس حلتنا والجيران .. وحتى الما بعرفونا مبسوطين .. بتسأل وين !!
ما كنَّا سوا .. أخوان في الحلوة والمُرة .. ودآمنة .. ودإيمان .. ود أم زين .. وبرضو تسأل وين !!
ومنو القاليك مافيشين .. موجودين وخاتين الخمسة في الأتنين .. مذهولين وما عارفين .. ناس تهني .. وناس تغني .. ناس تبارك .. وناس تشارك .. ونحن ذكرى بين شاهدين .. بتسأل وين !!
ما شايف تمبس المسكين .. مسدِّد بابو .. ساب احبابو واتوسد الليدين .. ما شايف موو .. بعد ما كان ضراع الحلة .. والصبي السكـين .. بعد ما كان في الشدة بأسٌ يتجلَّى .. أتلاشى بين قوسين .. وبرضو تسأل وين !!
المهم يا حبيب الوجعة حاصلة لكن من قلوبنا النية واصلة .. عشان نحن أصلنا ناس طيبين .. بس إنتَ أوعى تاني تسأل وين ..
لكن عشانك .. عشان الحمام الفي جنانك .. وعشان خوفنا الفي أمانك .. عشان حنانك .. عشانك وعشان قمر دورين .. عشان العزيزة ست الناس .. بتلقانا ناس صابرين نقول آمين .. يشيل الصاد (ص) يخت السين (س) .. يلم حرفين مع التسكين .. بس إنت أوعى تاني تسأل وين ..
وبرضو عشان الزارونا .. انشا الله نزورهم في العديل والزين .. ناس هيثم .. عماد .. وانعام .. والشلة والباقين .. نقول شاكرين .. كثير شاكرين
بس شوف يا عمدة يا لذيذ .. يا ود الأصل والجروف والطين .. لازم تكون حقَّاني أمين .. أنا زول مسيكين .. جا يسلم ويبارك طلع متهم ملعون .. زي محمد أحمد جا يسدد ضرائب .. قالوا ليهو تدفع غرامة وكمان تأمين .. شفت العوج لي وين ..
وانت يا عمدة بدل تقول الحق .. تخليهم يردوا الدين .. تبقى مع الظلمة والخاينين .. تقول شتات مجكس ! .. يا راجل ! معقولة بس ! أجكس وين واجكس مين؟
بس برضو السماح يا عمدة .. عشان كأنك ما شفت غرناطة والحمراء وعناقيد العنب والتين .. وما لاقيت سندباد في جزيرة بين بحرين .. كأنك ما حاحيت الطير على الوزين .. وما قاسيت سهر الليل مع الحمي والكينين ..
التحية ليك يا سمح يا زين .. التحية لي ابواللول سيد الريشة والألوان .. والسلام والشوق ملايين لي ست السفنجة .. ولي كل الشافوها تتهادي بين الصخرة والياسمين ..
صلاح / شتات
|
Post: #345
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: عماد محمود علي
Date: 08-16-2006, 11:52 AM
Parent: #344
Quote: والسلام والشوق ملايين لي ست السفنجة |
Quote: عشان العزيزة ست الناس .. بتلقانا ناس صابرين نقول آمين |
Quote: ولي كل الشافوها تتهادي بين الصخرة والياسمين |
عاد يا شتات يا أخوي هو البكى ده إلا يدقو ليهو صيوان . ما تراك بتتغنى بيها الجكسوية ذي قيس وعنتر ، ما إنت الجبو براك لي نفسك وأنا يا أخوي متضامن معاك تب ، بس أعمل شنو وإنت نازل غزل في بنت الناس . ما ياهو ده الجكيس زاتو . هي الحلاوة دي إلا في العلب ، ولا السمك ده إلا في البحر ، ولا القمر ده إلا في السماء . غايتو براك سويتها في نفسك ، لكن بس كده أرسى أنت وشوف ح اطلعك منها كيف ذي الشعرة من العجين . ولؤي ده سيبو لي أنا يا أخوي لحن لحنين كده وقصيدة قصيدتين بجيب ليك راسو ، لؤي ده واحد حنين جداً ، وكان غلبني بعرف بجيهو من وين .
أها فتك بعافية تب .
|
Post: #351
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: عماد محمود علي
Date: 08-28-2006, 01:52 AM
Parent: #349
عزيزي لؤي
لفوق لفوووووووووووووووووووووووق
حتى تنبسق شمس الحقيقة ويظهر المستور وينجلي ظلام إتهام صديقي معتصم .
|
Post: #352
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: عماد محمود علي
Date: 08-29-2006, 02:16 AM
Parent: #351
لـــؤي
حتى تشرق شمس الحقيقة ونعرف الجاني والمجني عليه .
|
Post: #353
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: حسن الطيب يس
Date: 08-29-2006, 09:56 AM
Parent: #1
المبدع لؤى السفنجة دي حقت ست آثار الحنة ظاهره
|
Post: #354
Title: Re: كشف حال ومهزلة في الرّياض بالصّورة والصّوت وبالسّفنجة كمان
Author: عماد محمود علي
Date: 08-31-2006, 02:20 AM
Parent: #353
لـــــؤي
حرب دون هوادة حتى نستعيد الحقوق المسلوبة ونبرئ المتهمين.
|
|