توضيح مهم

إتّضح لى انّ هناك عضو زميل معنا فى البورد يكتب بإسم لؤى بالحروف اللاتينيّة luai
والشخص المقصود لاعلاقة لى به على الإطلاق ، ولذا أرجو عدم الخلط وملاحظة انّى أكتب بإسمى بالحروف العربيّة ..

لكن/م جميعاً كل الوُد والإحترام
لؤى

علم يا لؤي
شكرا على التوضيح.

أتمنّى ذلك ياندى لأنّى انا ذاتى ماعارف انا منو هسه .

اخونا لؤي

بالجد انا لخبطت وما افتكرت اصلا انتو اتنين

سؤال الزول التاني داك هل كان منزل صورتك ولا انا مطشش

شكرا

أسعد ياخوى ، أسمع نصيحتى ونزّل النضارة الرافعها فوق رأسك دى ، نزّلها فى عيونك ديل

ـــــــــــــــــــــــــــــ

وأنا في البعيـد مشتـاق لهمسة من الوطن يـا نسمة
[email protected]

شكرا يا لِؤي...انا غايتو ما لخبطت لأنو وضح لي ان ما تطرحه انت وما يطرحه

لِؤي الآخر من وجهات نظر مختلف تماما...

الاخت سلوى ، تحيّة واحترام ..

شكراً سلوى لمرورك من هنا ، وشكراً لملاحظتك القوية وعدم خلطك بيننا وهذا يدل على ذكاء وحسن دراية ، لكن مااستوجب رفع البوست ملاحظتى ان البعض بدأ يخلط بيننا ومنهم من يعرفنى جيّداً ، وأهو شوفى هسه أسعد العيونو طشّشت ده .

لكِ الوُد والثناء

يعني تاني ممكن الواحد يشاكل بمزاج ولو جات الزرزرة نقول كنا قاصدين لؤي التاني، فكرة موووووووووووووووش


ست البنيــــــــــات

السلام عليكم
ولا انا لؤي المقصود-
بالمناسبه انا عضو جديد,
ان شاء الله تتحملنا النفوس.
السلام
لؤي الهاشمي

الأخ لؤى الهاشمى

اولاً اهلاً بك بيننا عضواً جديداً فى هذا المنبر وأرجو أن يطيب لك المقام وأن نكون عند حسن ظنّك .. لم تكن انت المقصود حين قمت انا بكتابة هذا البوست ، حيث أن البوست كتبته كما تلاحظ خلال شهر يوليو أى قبل خمسة أشهر ، والقصد كان التفريق بينى وبين الأخ لؤى الذى يكتب إسمه هكذا luai ..

الآن أصبحنا أربعة
luai
Luay Elhashimi
loai omer
وشخصى لؤى

يلاّ أدفعوا الأتاوة بتاعة الإسم

ميّادة ست البنيّات

يعنى هو البورد ده بقى منطقة شكل وبس ولا شنو ؟؟ وكمان بقينا أربعة بعد ماكُنّا لؤيين إتنين بس .

التوضيح وصل يا صديقي
اين انت يعني شريتنا وماجيت الرياض
السمؤل

سمؤل

هو بينى وبينك كده الإتشرَّ منو فينا ؟؟؟؟

يا لؤى بقو 4

بعد ده يا لنا انا حاأعمل لى طريقة وأبقى شيخها ، أسمّيها الطريقة اللؤيّيّة ، عليك الله كلمى لى ناس حزب الأمة وعموم الأنصار يجونى بى هناك .

الإتنين التانيين إختفوا وين ؟؟





فضلنا luai وأنا

ـــــــــــــــــــــــــــــ

أنا في البعيـد مشتـاق لهمسة من الوطن يـا نسمة
[email protected]

العزيز لؤي

الانتماء للنيل يمنح النفس الجمال
والانتماء للشمس يهب الضياء

والانتماء لك تشابهاًً في الاسم شرف
وعميق التمني بالوصول لقامتك امل مرتجى

يعني بصراحة مستفيدين من سمعتك الحلووووووووة
ولك وعدي بالمحافظة عليها

ولي عابق السعادة بمعرفتك

لؤي عمر

الأخ الكريم لؤى عمر

والإنتماء لهذا المكان من حسناته التعرّف بأمثالك ياعزيزى .. لك خالص وُدّى وتقديرى لكلماتك الطيبة .

بعدين ماتخمّونى فى الأتاوة وانت مالك بتشبه لى لؤى نمارق كده ؟؟

الاخ لؤي
وبقية اللؤيات في البورد
تحية طيبة
انا لؤي عبدالرحمن من يكتب بالاسم Luai وللعلم انا قديم بالبورد يمكنك ان ترى تاريخ اشتراكي بالمنتدى وللعلم كنت صاحب موقع سابق بعنوان sudana.com ولازال لدي موقع قديم ومهمل على مساحة مجانية بعنوان luai.20m.com بس اتغيب احيانا لظروف عملية وعلى ثقة ان الكثير من الزملاء بالبورد يستطيعوا التفرقة بيننا نسبة للمواضيع المحددة التي اداخل فيها واهتم بها
ولكل اللالي تحية ،،،
luai

لؤى سلام

انا زاتى زى سلوى بقدر افرق بيناتكم لانو كل واحد فيكم عنده خطه ومنهجه الفكرى البيكتب من خلفيته
ومع ذلك مرحبا بكل اللؤيات التانين


ولك الود

اشراقه

I got you Luay,By the way,how do you spell your name in English .my name alwys gives me hard


time here

الأخ لؤي الهاشمي
تحاياي


وين يا زول إنت إختفيت كدا ؟؟ أتمنّى أشوفك في المنبر من جديد .. موضوع تهجية إسمي بالإنجليزي دا خلّيهُ هسّع كدي عشان ما يلخبط النّاس أصلها اللخبطة حاصلة ..






تقديري

ـــــــــــــــ

انا في البعيـد مشتـاق لهمسة من الوطن يـا نسمة
[email protected]

إشراقة
سلام


جيئتك للرد بعد عام ونصف العام ..

ما جعلني أحيي الموضوع من جديد وأطلب إعادته من الأرشفة كانت كميّة المراسلات التي كانت تصلني بإعتباري الأخ luai ، لذا عاد الموضوع للحياة من جديد ..



أشواقي

ـــــــــــــــ

انا في البعيـد مشتـاق لهمسة من الوطن يـا نسمة
[email protected]

ايوااااااااااااا
بس انت لؤى القاصدو انا ذااااااتو اها شفت هسّه بى سببك بقينا أربعة وبى الطريقة دى زى ماقالت ميّادة تانى مع المشاكل الكتيرة دى مانقدر نزنق زول ..

اهلاً بيك يالؤى عبد الرحمن

ـــــــــــــــ

انا في البعيـد مشتـاق لهمسة من الوطن يـا نسمة
[email protected]

لؤي did you count LOLO??

الأخ وليد
تحاياي


لا ما ناسي طبعاً بس ما أعتقد لولو البيكتب معانا هنا إسمُه لؤي .. والله أعلم ..



أشواقي

ـــــــــــــــ

انا في البعيـد مشتـاق لهمسة من الوطن يـا نسمة
[email protected]

الأخ لؤى ..

لا أدرى كيف يخلط الآخرون

بينك وبينم لؤى الآخر..

لكل منكما خط واضح .

انا غايتو حافظاك يا لؤي من كاميرتك الحايمة تلقط ورا وقدام, وسفنجاتك البتطاقش (اخ قصدي سفنجة ست الريد)

لك التحية يا ظريف.

رشا
سلامات



والله يا رشا أنا زول رااااااايق وما عندي مشاكل مع أيّ زول ، لكن ناس السّفنجة ديل حقروا بي كدا حقارة شديدة خلاص ، والحصل دا ياهو غضبة الحليم كان سمعتي بيها ..




ولكِ التحيّة والمحبّة

ـــــــــــــــ

انا في البعيـد مشتـاق لهمسة من الوطن يـا نسمة
[email protected]

الأخت آمنة
تحيّة طيّبة


صدّقيني يا آمنة تصلني العديد من الرّسائل التي تناقش أمور لا علاقة لي بها على الإطلاق ، ويكتب لي البعض آراء بخصوص موضوعات لم أكتبها أنا وإنّما يكتبها الأخ luai ، والمدهش عزيزتي أن يسألني بعض معارفي بدهشة عن بعض تلك البوستات والتي لا علاقة لي بها ، معتقدينـ/ـات بأنّها تخصّني أنا !!!





مودّتي وتقديري

ـــــــــــــــ

انا في البعيـد مشتـاق لهمسة من الوطن يـا نسمة
[email protected]

لؤي انت البوستات المارشفة دي قاعد تلقاها وين وتحييها من جديد!!!!!!

عملتها..
وعامل شخصيتك منتحلة..

والله العظيم ياها..
قالوا خير وسيلة للدفاع هي الهجوم..




اصبر لامن أجي أشيل حالكـ بهناكـ




قال التوضيح مهم قال..

انا انت يا محمود


عمبمذح


مع تحياتي

فيصل محمد خليل

أخ فيصل
تحاياي

Quote: انا انت يا محمود عمبمذح مع تحياتي

للأسف كلّ ما فهمته هو أنّك "عم تمزح" لكنّي صراحة لم أفلح في فهم حكاية "انا انت يا محمود" ، وربّما هو بالتأكيد عيب في مقدرتي الاستيعابيّة وليس في كلماتك ، فهل تكرّمت وقصصت لي حكاية محمود ؟؟





تقديري

ـــــــــــــــ

انا في البعيـد مشتـاق لهمسة من الوطن يـا نسمة
[email protected]

عبد الرّازق
سلامات


يشهد الله برئ وما منتحل أي شخصيّة غير شخصيتّي الشايفها قدّامك دي .. عليك الله هو أنا هسّع لاحق عشان كمان أبقى كم واحد ؟؟






قال منتحلة قال

ـــــــــــــــ

انا في البعيـد مشتـاق لهمسة من الوطن يـا نسمة
[email protected]

أختي سلوى
تحيّة طيّبة

Quote: لؤي انت البوستات المارشفة دي قاعد تلقاها وين وتحييها من جديد!!!!!!

شششششششش يا سلوى ، مالك عاوزة تجيبي لينا الكلام ؟؟





تحاياي

ـــــــــــــــ

انا في البعيـد مشتـاق لهمسة من الوطن يـا نسمة
[email protected]

بعد توضيحك ده انت ياتو فيهم؟؟قال توضيح مهم قال

صدّيق الموج
سلامات وأشواق

Quote: بعد توضيحك ده انت ياتو فيهم؟

أنا أبو اللول





جنّنوني لكن النّاس

ـــــــــــــــ

انا في البعيـد مشتـاق لهمسة من الوطن يـا نسمة
[email protected]

انا اغايتو مابعرف لؤى !!!!!!!!!!!!!!!!




بعرف
























ابو اللول بس فهل انت هو ؟!!!!!!!

نادية





أبو اللول منو ؟؟





لخمتونا

ـــــــــــــــ

انا في البعيـد مشتـاق لهمسة من الوطن يـا نسمة
[email protected]

Quote: أبو اللول منو ؟؟

سيد السفنجة ..
:

Quote: سيد السفنجة .. :

دا عدم أمانة منّك
لقيتها فرصة وعاوز تلبّسني السّفنجة







أقول ؟؟

ـــــــــــــــ

انا في البعيـد مشتـاق لهمسة من الوطن يـا نسمة
[email protected]

لؤى. الفنان.
إنت مين البشبهك , إنت طعم ولون ورائحة من الجنة .

خلى الثرى للترابيين, وخليك فى الثريا هناك مع الكواكبيين.




لك المودة.

لـــؤى

سلامات

مررت لالقاء التحيه لكل الاخوه( حملة الاسم لؤى) .وسؤال ماذا يعنى اسم لؤى لو امكن للعلم؟

نجمة
تحايا ووُد


إليكِ من القاموس معنى إسم لؤي ..

( لـُؤَيَّة ) : تصغير لأي: الإبطاء ، المشقـَّة والجهد ، اللـَبْث والإقامة ، الشدَّة في العيش ، والحاجة إلى الناس ، واللأى : الشدة في العيش ، والثور الوحشي ، والأنثى منه : لآة .







ولكِ التحيّة والتقدير

ـــــــــــــــ

انا في البعيـد مشتـاق لهمسة من الوطن يـا نسمة
[email protected]

الأخ أبو القاسم
تحاياي


البيشبهوني كم وتلاتين مليون كدا .. وياهو دا السّودان بكل الألوان والإنتماءات ، ولو لا إختلاف الأمزجة لبارت السّلع .. عشمي فقط أن نروّج لسلع غير منتهية الصّلاحية ، وتخدم محمّد أحمد المظلوم ..





تقديري

ـــــــــــــــ

انا في البعيـد مشتـاق لهمسة من الوطن يـا نسمة
[email protected]

نفس التوضيح المهم وللمرّة الثانية

ـــــــــــــــ

انا في البعيـد مشتـاق لهمسة من الوطن يـا نسمة
[email protected]

Quote: الصديق لؤي بعد التحايا هناك موضوع لفت نظري وأزعجني ، وهو أن أحد الأعضاء يحمل أسم لؤي (يكتب بالأنجليزي ) من أعضاء المنبر ويمثل تيار اليمين المتطرف وهذا أمر عادي لكن الكثيرين يحسبونه أنت لذا يتحرجون من التعقيب عليه . ويبدون الدهشة لكتاباته ( راجع بوست بورتريه للترابي ) (وبوست مظاهرات واشنطن بشأن دارفور ) أقترح عليك لإزالة هذا اللبس أن تنبه الأخ بكري أبوبكر عن هذا التداخل في الأسماء وأن تحمي نفسك

ـــــــــــــــ

انا في البعيـد مشتـاق لهمسة من الوطن يـا نسمة
[email protected]

لؤي
سلام عليكم
مشتاقين
ياأخ
شنو الحكاية
انت كسرت ركبة
في البلد ديك
وكمان قصة
القمر بوبا
شنو بتاعت
الرياض

عثمان العزيز
سلامات


كيف يا مهندس ؟؟ شنو من ديك وتاني ما سمعنا خبرك ؟؟ أنا طبعاً ما قاعد من المرّة ديك كنت في السـّويد من الوقت داك ورجعت قريب السـعوديّة ..

قصـّة القمر بوبا دي خلّيها هسّع شايف النـّاس ديل عندهم فـُراش هسـّع ..



مودّتي

ـــــــــــــــ

انا في البعيـد مشتـاق لهمسة من الوطن يـا نسمة
[email protected]

أغنيات حسب الطـّلب وبرنامج مجّاني للجميع

ـــــــــــــــ

انا في البعيـد مشتـاق لهمسة من الوطن يـا نسمة
[email protected]

(( Re: يومـيـات ..زول مغترب... ))

Quote: وبعدين يا لؤي أنا كنت مفتكرك في السويد .. لكني اشم في هذه الزكريات رائحة السعودية .. شنو الحكايه بالضبط ... وأرجو أن تعذر لي تطفلي هذا خاصة وأن هذه أول مداخلة لك .. لكني يا صديقي رجل يحب الناس الطيبين أمثالك .. فأقوم ببساطه أرفع الكلفه معاهم وأنا متطمن ..

ـــــــــــــــــــــــــــــ

أنا في البعيـد مشتـاق لهمسة من الوطن يـا نسمة
[email protected]

(( Re: يومـيـات ..زول مغترب... ))

Quote: اما ما اود توضيحه حول سؤالك عن السويد فانت بدون شك تقصد الاخ لؤي شمت زميلنا في هذا المنبر وهو الذي يقيم بالسويد واسمه مكتوب بالاحرف العربية اما انا فاقيم بالسعودية واسمي بالاحرف اللاتينية -هذا مالزم توضيحه.

ـــــــــــــــــــــــــــــ

أنا في البعيـد مشتـاق لهمسة من الوطن يـا نسمة
[email protected]

لؤي سلامات


تخيل ان كنتا متحير مع المتحيرين ..



بس انا هين كعب الدامة تلخبط...

أهلاً دكين

Quote: تخيل ان كنتا متحير مع المتحيرين ..

غريبة !!!

Quote: بس انا هين كعب الدامة تلخبط

الدّامة ؟؟؟؟

ـــــــــــــــــــــــــــــ

أنا في البعيـد مشتـاق لهمسة من الوطن يـا نسمة
[email protected]

Quote: الآن أصبحنا أربعة luai Luay Elhashimi loai omer وشخصى لؤى

ما حرام عليكم ياخى تدخلونا فى الامتحان ده

لكن انت ظاهر يا سيدى ما تخاف من الخلط

لانك علم على رأسه نار

ومين ينساك وينسى عطاياك ؟؟

ومين ينسى وينكر افضالك ؟؟

يديك العافية يا سيدى

العم قرشو
تحاياي

تقول شنو ؟؟
أنا ذاتي داخل الإمتحان دا بيني وبينك ..
وتسلم يا عزيزي ..



تقديري

ـــــــــــــــــــــــــــــ

أنا في البعيـد مشتـاق لهمسة من الوطن يـا نسمة
[email protected]

سأعود ...

ـــــــــــــــــــــــــــــ

أنا في البعيـد مشتـاق لهمسة من الوطن يـا نسمة
[email protected]

dear loay
in my book there is only one warm civilized loai here
guess who is he
you are a unique wonderful person
all my love and respect
dr mustafa mahmoud

العزيز دكتور مصطفى
تحاياي

لك ثنائي على كلماتك الطيّبة في حقّي ..
عشمي أن أكون عند حسن ظنّك ..
ويبقى الوُد بيننا ..




محبّتي

ـــــــــــــــــــــــــــــ

أنا في البعيـد مشتـاق لهمسة من الوطن يـا نسمة
[email protected]

عُدنا ..





أعتقد ..

ـــــــــــــــــــــــــــــ

أنا في البعيـد مشتـاق لهمسة من الوطن يـا نسمة
[email protected]

كُلّ سنة والبوست طيّب
فاليوم تحديداً يصادف عيدة الثاني
الثامن من يوليو

ـــــــــــــــــــــــــــــ

وأنا في البعيـد مشتـاق لهمسة من الوطن يـا نسمة
[email protected]

عزيزي لؤي

الناس ديل ما قاعدين يفرقوا وللا شنو؟؟؟!!!
انا غايتو ما إتلخبط علي الإختصاص زي باقي الجماعة.

وبرضو ...
فائق التقدير

شول اشوانق

شول العزيز
سلام وأشواق

وين إنت يا راجل ؟؟
ليك وحشة ..

تعرف النّاس ديل بس عشان أنا ما صاحبهم زيّك
فعشان كدا ما بيعرفوني


بكون شاكر شديد لو قدرت تدخل على مداخلتك وعدّلتها وصلّحت الـ QUOTE





محبّتي وتقديري

ـــــــــــــــــــــــــــــ

وأنا في البعيـد مشتـاق لهمسة من الوطن يـا نسمة
[email protected]

شول العزيز
شُكراً شديد على التّعديل




وأظهر وبان

ـــــــــــــــــــــــــــــ

وأنا في البعيـد مشتـاق لهمسة من الوطن يـا نسمة
[email protected]

(( Re: أفتحوا لينا أحضانكم بعد توهانـّا لمـّونا ))

Quote: الاخ العزيز لؤى حمدا على السلامه ورغم الاتصال الذى تم بيننا لم اعرف انك تحمل كل هذا الحزن0 لو عارفين كان وصلنا القصيم وخففنا هذا الانين0 تحياتــــــــــــــى اخوك/ ســـــــــــيد

(( Re: أفتحوا لينا أحضانكم بعد توهانـّا لمـّونا ))

Quote: الأخ سيّد خالص شُكري على ما يبدو أن بعض الخلط بيني وبين لؤي آخر قد حدث ، فأنا لا أذكر أيّ إتّصال بيننا ، فعُذراً إن كنت مخطئاً أو قد خانتني الذاكرة ، رغم أنّ ذاكرتي فولاذيّة !! فأرجو أن تذكّرني إن كنت فعلاً اللؤي المقصود .. تقديري

ـــــــــــــــــــــــــــــ

وأنا في البعيـد مشتـاق لهمسة من الوطن يـا نسمة
[email protected]

(( Re: أفتحوا لينا أحضانكم بعد توهانـّا لمـّونا ))

Quote: الاخ العزيز لؤى حقا قد حصل خلط غير مقصود فى الاسماء فلك معذره ، ودعنا نقف معك فى المحنه ايضا لنزيح الحزن الذى اتى ولك الف عافيه0 تحياتــــــــــــى ســــــــــــــــيد

ـــــــــــــــــــــــــــــ

وأنا في البعيـد مشتـاق لهمسة من الوطن يـا نسمة
[email protected]

(( Re: رسالة مهمّة جدّاً جدّاً بالصورة والصوت والقلم أرجو ...اكراً الإطّلاع عليها ))

Quote: لؤى الباشمهندس وقد عجبتى أكثر حين ألقيت كلمة الخريجين من الأكاديمية العربية البحرية بالإسكندرية

(( Re: رسالة مهمّة جدّاً جدّاً بالصورة والصوت والقلم أرجو ...اكراً الإطّلاع عليها ))

Quote: فأنا لا علاقة لي بالأكاديميّة العربيّة البحريّة بالإسكندريّة !!! فهل حدث خلط ما أم تراني أفشل في فهمك مرّةً ثانية ؟؟

ـــــــــــــــــــــــــــــ

وأنا في البعيـد مشتـاق لهمسة من الوطن يـا نسمة
[email protected]

سلامات يا لؤى

طبعآ إنت من أولاد حى الركابية و الكاشف، خلينى أختبر زاكرتك شوية، تقدر تقول لى كل الشباب فى حيكم و الأحياء المجاورة الأسمهم لؤى، أبدأ ليك أنا ب لؤى أبو حديد

أهلين عزيزي
سلامات

والله بتذكّر ليك أستاذ لؤي جنابو ، ولؤي عثمان ، ولؤي معنّي ...





الكُبر نسّانا النّاس

ـــــــــــــــــــــــــــــ

وأنا في البعيـد مشتـاق لهمسة من الوطن يـا نسمة
[email protected]

(( في هذا المنبر ، وفي السّودان ((عبيد أنجاس)) ، ((كفرة أع...ان (( بنات مطلوقات)) ))

ـــــــــــــــــــــــــــــ

وأنا في البعيـد مشتـاق لهمسة من الوطن يـا نسمة
[email protected]

(( صورتي على المنبر لاول مرة....والاهداء للجميع ))

ـــــــــــــــــــــــــــــ

وأنا في البعيـد مشتـاق لهمسة من الوطن يـا نسمة
[email protected]

Quote: ده شنو يا لؤي ده بوست ولا شكلة جاهزة خليت الناس تخابت في بعض في بوست لقاء مع الدكتورة بيان

!!!!

ـــــــــــــــــــــــــــــ

وأنا في البعيـد مشتـاق لهمسة من الوطن يـا نسمة
[email protected][url=http://www.asmilies.com][/url

(( Re: اليوم سافر شقيقى محمد منان الى القاهرة لإجراء عملية...كم الصالحات معنا له ))

Quote: عُذراً أستاذ نور الدّين فبعد مداخلتي أعلاه قمت بعمليّة بحث لأتحرّى عن معنى كلماتك ، ووجدتك بالتأكيد تعني هذا البوست (( الملك عبدالله والملك فهد ..طالبان بالدويم الريفية )) ، فإن كنت محقّاً فلتسمح لي بتصحيحك فالأخ luai أو لؤي عبد الرّحمن والذي خاطبته الأخت تراجي ليس هو أنا ، ونحن شخصان مختلفان .. يمكنك إن أردت الإطّلاع على هذا البوست (( توضيح مهم )) وعُذراً

ـــــــــــــــــــــــــــــ

وأنا في البعيـد مشتـاق لهمسة من الوطن يـا نسمة
[email protected]

والآن إنضمّ للمنبر الأخ المبدع جدّاً جدّاً لؤي بابكر صدّيق ، المخرج المتفرّد حقّاً ، وإبن الوز العوّام جدّاً ، فأهلاً به بيننا ، وبذلك أصبح عددنا خمسة ..




وأهلاً لؤي

ـــــــــــــــــــــــــــــ

وأنا في البعيـد مشتـاق لهمسة من الوطن يـا نسمة
[email protected]

خمسه في وجه العدو ماشاء الله

خمسة وخميسة كمان يا مُحب ..




وُدّي

ـــــــــــــــــــــــــــــ

وأنا في البعيـد مشتـاق لهمسة من الوطن يـا نسمة
[email protected]

بحضور الأخ الزّميل الجّديد لؤي صلاح أصبح العدد ستّة ..

(( شكرا للمبدعين بمنبر Sudaneseonline ))

ـــــــــــــــــــــــــــــ

وأنا في البعيـد مشتـاق لهمسة من الوطن يـا نسمة
[email protected]

ما شفنا منكم إلا الخير

فليهنأ البورد بأي لؤي

أخي حيدر
تحاياي

أشكرك يا عزيزي
وعسانا نكون عند حسن الظّن



تقديري

ـــــــــــــــــــــــــــــ

وأنا في البعيـد مشتـاق لهمسة من الوطن يـا نسمة
[email protected]

.

Quote: لؤي انت البوستات المارشفة دي قاعد تلقاها وين وتحييها من جديد!!!!!!

.

سلامات يا معاوية
أخبارك ؟

Quote: شششششششش يا معاوية ، مالك عاوة تجيب لينا الكلام ؟؟