Post: #1
Title: تجاور السعيد تسعد .... جاورت ليكم لؤي شمت
Author: عبد الدائم سيد أحمد
Date: 11-08-2006, 03:00 AM
Parent: #0
قالو الجار قبل الدار
بعد بحث مضنى عن شقة وبعد جهد جهيد وبعد مكالمة تلفونية
من الرائع لؤي شمت وجدت شقة بجواره ، جدة شارع التحلية
وقالو تجاور السعيد تسعد
وانا ما بعتبر انا المحظوظ بس كمان كل ناس المنبر محظوظين
لانى حانقل ليكم كل المكتبة الفنية حقتو ( بالدس ) شريط كاسيت
وراء شريط فيديو مع السي دى هات اكون عملت لنفسى مكتبة فنية
المن زمان بحلم بيها
وتحياتى للوالدته العزيزة الرائعة زيو
والى اخته لمياء
وابو النسب مصطفى
والابناء محمد ودعاء
وكل ناس البورد المنتظرين المزيد !!!!
|
Post: #2
Title: Re: تجاور السعيد تسعد .... جاورت ليكم لؤي شمت
Author: أبو الحسين
Date: 11-08-2006, 03:34 AM
Parent: #1
Quote: وقالو تجاور السعيد تسعد
|
اللللللللللله يسعِدك وكل آل شِمَّت...
ويلة منتظرين الروائع الوعدتنا بيها دي...
قواسيب مودتي... لك ولكل آل شمَّت..
أبو الحســــــــــــين...
|
Post: #3
Title: Re: تجاور السعيد تسعد .... جاورت ليكم لؤي شمت
Author: ابو جهينة
Date: 11-08-2006, 03:38 AM
Parent: #2
الأخ عبدالدائم
تحياتي
خليك إنت ال بقيت جار الزول الجميل دة ..
نحن هنا على بُعد أكتر من ألف كيلو عنو و سعداء بسماع صوتو ..
تحياتي لك و له و لكل أسرته و خصوصا الوالدة العزيزة
|
Post: #4
Title: Re: تجاور السعيد تسعد .... جاورت ليكم لؤي شمت
Author: Samau'al Abusin
Date: 11-08-2006, 03:41 AM
Parent: #1
تحية خالصة.. و مبروك عليك السعيد
و مبروك عليهو الـنضيف!
|
Post: #5
Title: Re: تجاور السعيد تسعد .... جاورت ليكم لؤي شمت
Author: فيصل محمد خليل
Date: 11-08-2006, 03:48 AM
Parent: #4
عبد الدائم سلام
انا موش صحبك?
خلاص جيب لي من الزول دة اغاني الرطانة
عشان ننزلة في بوست الحلفاويين داك
تعالو شوفو معي حلفا القديمة قبل الهجرة,
لو ما جبت بكسرك
مع احتراماتي
|
Post: #6
Title: Re: تجاور السعيد تسعد .... جاورت ليكم لؤي شمت
Author: Haytham Abdulaziz
Date: 11-08-2006, 03:51 AM
Parent: #1
| Quote: تحياتي لك و له و لكل أسرته |
بلــغ تحيــاتي العطــرة للولـد السعيــد و صديقي العزيز لــؤي شمــت و قول ليهو أظهــر و بـان و عليـك الأمــان...
مع عاطر التحايا لكمــا،،،،،
هيثـم عبدالعـزيز
|
Post: #7
Title: Re: تجاور السعيد تسعد .... جاورت ليكم لؤي شمت
Author: عصام دهب
Date: 11-08-2006, 04:41 AM
Parent: #6
سأزوركما ..
إن شاء الله تعالى ..
بس ظبط لينا موضوع الرًبة مع لؤي ..
|
Post: #9
Title: Re: تجاور السعيد تسعد .... جاورت ليكم لؤي شمت
Author: أبو الحسين
Date: 11-08-2006, 05:04 AM
Parent: #7
Quote: بس ظبط لينا موضوع الرًبة مع لؤي ..
|
جدة غيييييييييير!!!
|
Post: #22
Title: Re: تجاور السعيد تسعد .... جاورت ليكم لؤي شمت
Author: Haytham Abdulaziz
Date: 11-16-2006, 02:20 AM
Parent: #16
العزيز عبدالدائم كيفنــك
Quote: الرائع هيثم عبدالعزيز
مشكور على الاطلالة ويصل سلامك
وانت وين روائعك شايفك انتقطت شوية .
|
كتــًر خيــرك يا أروع ... و الله انا موجـود لكن بس الظروف و المشاغـل منعتنا من التواصل معـكـم لكن بإذن الله سوف نكون متواجدين إذا بقينا من أهل هذه الدنيا .. و تشكــر يا رائــع...
الولـد الشقـ ــي لـــؤي كيفك:
Quote:
هيثم إزّيّك
شوف لي شقّة جنبك يا هيثم ..
أنا راحل ومخلّي البلد دي |
إنت بس ما عنـدك مشكــلـة تعال لي بهنــاك و إن شاءالله حـاضــريــن ... و ما يصيــر إلا خيـــر،،
هيثـــم،،
|
Post: #8
Title: Re: تجاور السعيد تسعد .... جاورت ليكم لؤي شمت
Author: عبد الدائم سيد أحمد
Date: 11-08-2006, 04:46 AM
Parent: #1
الللللله يسعدك انت كمان يا ابو الحسين ويا ابو العارفين
وتصل تحياتك
Quote: قواسيب مودتي... لك ولكل آل شمَّت..
|
قواسيب دى مش جمع قسيبة بتاعت العيش حقت الدناقلة ؟
العزيز ابو جهينة
تصل تحياتك له ولوالدتو العزيزة ونمد ليك ايادى الشوق عبر
الاف الكيلومترات
ودمت
ولدنا ورفيق الدرب الاخضر السمؤل ابوسن
وينك ومشتاقين
ياريت الزمن يرجع بينا ولؤى ده كان حينفعنا زمن محراب الاداب
والفنون
شيخ حلفا القديمة فيصل
Quote: انا موش صحبك
خلاص جيب لي من الزول دة اغاني الرطانة
عشان ننزلة في بوست الحلفاويين داك
تعالو شوفو معي حلفا القديمة قبل الهجرة,
لو ما جبت بكسرك
|
حاضر يافيصل بس خلينا نفهم حاجة بالعربى حتى بعد داك نشوف الرطانة
وعديلة أووووووه ولا افجلى .... أأألللللله .
الرائع هيثم عبدالعزيز
مشكور على الاطلالة ويصل سلامك
وانت وين روائعك شايفك انتقطت شوية .
عصام دهب
زيارتك لينا ما ياها الربة ذاتا
ومنتظرنك ، بس بركن جم عصيرات لبنان
|
Post: #10
Title: Re: تجاور السعيد تسعد .... جاورت ليكم لؤي شمت
Author: Yasir Elsharif
Date: 11-09-2006, 04:17 PM
Parent: #1
تحية لك وللجميل لؤي شمت ولأسرته
|
Post: #20
Title: Re: تجاور السعيد تسعد .... جاورت ليكم لؤي شمت
Author: عصام دهب
Date: 11-15-2006, 11:18 AM
Parent: #11
لؤي
تحياتي
Quote: ربّة شنو ؟؟
في إجندة خفيّة أنا ما عارفها ولاّ شنو ؟؟ |
| Quote: وإنت عارفني بكلّم ليك منو .. فلشيل شيلتك |
أهة يا لؤي الحتكلمهم ليهو ديل مش ناس الرَبة ذاتهم و لا ناس تانين ؟؟
تحياتي لك و لجارك الما بطلع شمارك ..
|
Post: #23
Title: Re: تجاور السعيد تسعد .... جاورت ليكم لؤي شمت
Author: عبد الدائم سيد أحمد
Date: 11-16-2006, 02:53 AM
Parent: #1
الجار الرائع
حمدالله على السلامة وناس البورد الشافوك ورجعت
ليهم طيب
الزول دا يا اخوانا ضربتو رطوبة جدة وبقى كسلان
جدا" جدا" ونايم فى العسل
وما كان فى طريقة اصحيهو الا اهدد امنو القومى
وبمساعدة شخصية ما قدرت احصل على ما حصلت عليه !!
ودا الجنن عبدالقادر !!
وانا كان بتقدر توقفنى ما بتقدر توقف الشخصية التانية دى
واسألوه يا ناس البورد الشخصية دى منو ؟؟
وعلى فكرة الشخصية دى بتكره الكسل والنوم !
وبعدين الواحد لو دخل غرفتو ما حيعرف يسرق شنو ولا يخلى شنو
غرفتو دى حنسميها اذاعة جدة .
والمهم فى دا كلو انك رجعت .
يلا نزل لينا رجعنالك .
|
Post: #24
Title: Re: تجاور السعيد تسعد .... جاورت ليكم لؤي شمت
Author: سامي عبد الوهاب إدريس
Date: 11-16-2006, 03:53 AM
Parent: #1
عبد الدائم النضيف
تحياتي
والله بختك بجيرة الزول الجميل دا
والمرة الجاية لما نجيك في جدة لازم نشوف إذاعة جدة دي
وتسرق لينا شريط شريطين
وتحايا عطر للأخ لؤي
و
|
Post: #25
Title: Re: تجاور السعيد تسعد .... جاورت ليكم لؤي شمت
Author: عبد الدائم سيد أحمد
Date: 11-16-2006, 06:20 AM
Parent: #1
| Quote: وتسرق لينا شريط شريطين |
يا أخوانا ما تثبتو علي التهمة ؟
الشرايط دى ناس البورد لازم يستمتعوا
بيها وما يتحرمو منها والزول الرائع دا
عشان جاء جديد من السويد والاجهزة بتاعتو ماجاهزة
قلت اساعو شوية .
وهسه انا قاعد اقلب فى سي دى هات سرعة سرعة قبل
ما يصحى ، اصلو نوام .
|
Post: #28
Title: Re: تجاور السعيد تسعد .... جاورت ليكم لؤي شمت
Author: Muna Khugali
Date: 11-16-2006, 07:30 AM
Parent: #25
ممكن أجـي اسكن جنبكم الإتنين?
علشان أكون سعيدة بجواركم الإثنين..
وأنا وانت ياعبد الدائم..نفرح جـد بلؤي..
مني
|
Post: #30
Title: Re: تجاور السعيد تسعد .... جاورت ليكم لؤي شمت
Author: عبد الدائم سيد أحمد
Date: 11-18-2006, 02:56 AM
Parent: #1
الرائعة منى خوجلى
لو جيتى تكون اكتملت بيك اللوحة
الشقة اللتحت فاضية
يعنى يكون جار رائع فوق
وجارة رائعة تحت
وانا المحظوظ
ونسعد بجوارك .
|
Post: #31
Title: Re: تجاور السعيد تسعد .... جاورت ليكم لؤي شمت
Author: garjah
Date: 11-18-2006, 03:24 AM
Parent: #30
الحبيب
عبدالدائم
هذه اول مرة اعرف فيها ان لؤي من سكان عروس البحر جدة
وكنا فاكرنو زول رياض
حباب لؤي
وحباب عبدالدائم
وسنلتقي باذن الله
|
Post: #32
Title: Re: تجاور السعيد تسعد .... جاورت ليكم لؤي شمت
Author: عبد الدائم سيد أحمد
Date: 11-18-2006, 06:42 AM
Parent: #1
قرجة مرحبتين حبابك
الزول ده خلاص سجلناهو عندنا وتانى ما بنفكو
وعشان كده جدة غيروشتائها بدر شوية .
والطرب عندنا ، كان درتا فى الرحيلى ولا السلمى !!!!
|
Post: #34
Title: Re: تجاور السعيد تسعد .... جاورت ليكم لؤي شمت
Author: عبد الدائم سيد أحمد
Date: 11-20-2006, 03:40 AM
Parent: #1
لؤى
شوف
Quote: كلامك دا أنا مصوّرو كإثبات عليك
ولو بتهدّدني بأمّي
أمّي دي ذاتها إتّضح إنّها جاسوسة متعاونة معاك
وحايتم نفيها قريباً
وتاني ألقى ليك شريط ولاّ CD |
الشرايط و الـ CD ـهات ممكن نسخها لكيييييييين
أم ذى دى ما بتتلقى .
ونحن مسكناك فى الحتة ....... !!
|
Post: #35
Title: Re: تجاور السعيد تسعد .... جاورت ليكم لؤي شمت
Author: عماد محمود علي
Date: 11-20-2006, 04:17 AM
Parent: #34
أحبتي الكرام
عبد الدائم سيد احمد
لؤي شمت
تحية قلبية بي شوقي مروية سلام من الأعماق يا نسمات صيفية ، ، ،،
مقووووووووووووووووووول هذا الجمع الرائع بمدينة جدة وأنا ما عارف أنا قايلكم في الشرقية ، أنا جيت جدة دقه سريعه كده ورجعت والظاهر حظي سيء فعلاً لم أتشرف فيها برؤياكم الحبيبة ، بس راجع ليكم راجع إن شاء الله . وإنتظروني أحبتي ـ ســلام .
|
Post: #36
Title: Re: تجاور السعيد تسعد .... جاورت ليكم لؤي شمت
Author: عبد الدائم سيد أحمد
Date: 11-20-2006, 04:57 AM
Parent: #1
عماد محمود
نورت جدة وكان العيد صبح عيدين ومستننك باحر من الجمر
وغيب وتعال .
بس انا خايف ما تكون شحنت ليك معدات حربية بميناء جدة
لقواتك الامتدادية .
لك الشوق
|
Post: #37
Title: Re: تجاور السعيد تسعد .... جاورت ليكم لؤي شمت
Author: طارق جبريل
Date: 11-20-2006, 08:55 AM
Parent: #1
أيامك ساكوبيس
|
Post: #42
Title: Re: تجاور السعيد تسعد .... جاورت ليكم لؤي شمت
Author: عثمان سيد أحمد
Date: 11-25-2006, 05:42 PM
الأخ عبد الدائم
وين إنت ليك مدة ما بنت ؟
غير موجود عبر المنبر لعل المانع خير ؟
ياسلآلآلآلآلآلآلآلآلآلآلآلآلآم يا عبد الدئم
حقاالسعادة تكتمل بمجاورة الأخ لؤي
ويا سعدك بهذا الجوار00
نتمنى أن نزوركم في جده
حتى نسعد بملاقاة لؤي 00 مع تحياتي له
مع مودتي 000
|
Post: #43
Title: Re: تجاور السعيد تسعد .... جاورت ليكم لؤي شمت
Author: Gaafar Ismail
Date: 11-26-2006, 01:01 AM
Parent: #1
الأخ عبد الدائم
ســلام
أنت فعلا رجل سعيد ومحظوظ إذ هيأ لك الله أن تجاور هذا الرجل الملاك .
تحياتي لكما مع أجمل الأمنيات بإقامة سعيدة، ويقول المثل (الجار قبل الدار)
مع تحياتي وفائق احترامي.
جعفر
|
Post: #44
Title: Re: تجاور السعيد تسعد .... جاورت ليكم لؤي شمت
Author: عبد الدائم سيد أحمد
Date: 11-26-2006, 02:09 AM
Parent: #1
العزيز طارق جبريل
حلوة دى والله ذكرتنى بالمكوجى الجمبنا كل ما يشوفنى
قاشر وطالع المغربية ايام زمان يقول لي ايامك ساكوبيس
والكلمة بتعنى شى بلغة الفور ( ما عارف معناها شنو لكيين
بما يبدو انو حاجة سمحة )
ومافى اجمل من ساكوبيس الزقازيق .
ولؤي ده لو لقينا زمان كان خرت لينا الشادى وعماد شريف .
الاخ العزيز عثمان سيداحمد
تحية وشوق
وشكرا" على المرور والسؤال ، ومستنين زيارتك لجده ذى
كل مرة وتشرفنا .
العزيز جعفر اسماعيل
لك التحية والاحترام ، وشكرا" على المرور والاطراء وسعداء
نحن بمعرفتك .
|
Post: #45
Title: Re: تجاور السعيد تسعد .... جاورت ليكم لؤي شمت
Author: عبد الدائم سيد أحمد
Date: 11-26-2006, 02:21 AM
Parent: #1
ابو اللول
| Quote: أوّل حاجة تاني لو لقيت عربيتّك دي موقّفها محل عربيتّي بحرّش ليك الكلب |
وطيب لو انا لقيت عربيتك واقفة محل عربيتى عارف بكلم ليك منو ...!
الناس ديل انت شريتم كتير مستنين منك الغناء السمح .
|
Post: #47
Title: Re: تجاور السعيد تسعد .... جاورت ليكم لؤي شمت
Author: عماد محمود علي
Date: 11-27-2006, 03:23 AM
Parent: #46
أحبتي الحلوين عبد الدايم سيد أحمد / لؤي شمت
أجمل التحايا وأعطرها أهدها لكم من إطلالات كل صباحٍ جديد
شايف الزول الفوق ده يا عبده ، مسوي لي هلع عديل كده ، مهددني يعمل فيني مقلب وإنت عارف مقالبه كيف ، هسه الواحد لو جرس الباب ضرب ساكت دقات قلبه بتزيد وشوف هو في جده ونحن في الرياض ، الواحد خايف يشوفوا حتى في المنام ، هسه لو الجوال رن ساكت الواحد عرقه يتصبب . بالله شوف لي الحكاية دي يا عبده وخير وسيلة للدفاع الهجوم عايزك كده تهاجمه لي بمقلب محترم من مقالبك بتاعت زمان أيام الامتداد .
وكل معاني الحب السامي أهديها لكم أحبتي . وجاييكم في جده إن شاء الله قريباً / وســـــلام .
|
Post: #48
Title: Re: تجاور السعيد تسعد .... جاورت ليكم لؤي شمت
Author: عبد الدائم سيد أحمد
Date: 11-27-2006, 03:47 AM
Parent: #1
جيتك لينا فى جدة ياها الهجمة ذاتا
دى بسموها الهجمة المرتدة
اعمل حسابك منها ؟؟
تعال وما تخاف حنلعب معاهو 1-4-5
|
Post: #49
Title: Re: تجاور السعيد تسعد .... جاورت ليكم لؤي شمت
Author: Haytham Abdulaziz
Date: 11-27-2006, 04:00 AM
Parent: #48
Quote: جيتك لينا فى جدة ياها الهجمة ذاتا
دى بسموها الهجمة المرتدة
اعمل حسابك منها ؟؟
تعال وما تخاف حنلعب معاهو 1-4-5 |
الأخـوان عبدالدائم و عمـاد صباحكـم زيــن ... بالمناسبـــة الولــد الشقـــي دة اعملــوا حســابكــم منــو شدييييد ... ما يقـوم إعمــل فيكــم عملية شبـاب العُليـا بالرياض "ناس العـزيـزة" بقيادة كابتن معتصم في الدفـاع و تمبس في خط الوسط و شتات في الهجوم ياخ دة جهجه دفاعتم و خلا ليك تمبس يهدرب .. لكن برضـو الحرامي لازم يترك أثـر ألا و هـو البشكيــر يا تامبـا وييينو ما قال بجــي ما لو ما جا...
مـع ودي يا حلويييين......
هيثـــم...
|
Post: #50
Title: Re: تجاور السعيد تسعد .... جاورت ليكم لؤي شمت
Author: عبد الدائم سيد أحمد
Date: 11-27-2006, 07:49 AM
Parent: #1
| Quote: كابتن معتصم في الدفـاع و تمبس في خط الوسط و شتات في الهجوم ياخ دة جهجه دفاعتم و خلا ليك تمبس يهدرب .. لكن برضـو الحرامي لازم يترك أثـر ألا و هـو البشكيــر |
واها يا هيثم انت كنت لاعب فى ياتو خانة ، ولا انت مع الخيانة .
بعدين خط الهجوم حقكم دا تعبان صاحبك شتات اى كورة يششششتتتتا
وصاحبك لؤى ما دام شايل البشكير معناها تعب خلاسسسسس
اديهو جره بالاين وتعال راجع .
|
Post: #51
Title: Re: تجاور السعيد تسعد .... جاورت ليكم لؤي شمت
Author: ياسر نجيلة
Date: 12-04-2006, 05:35 AM
Parent: #50
الرائعان أبدا - لؤي شمت وعبدالدائم النضيف
اكيد سكان البناية هم السعداء
لمجاورتهم للفن والأدب والزوووق العالي وهي جزء من صفات تتمثل في شخصيكم ...
,اهمس في اذنك يا لؤي
سكنت مع عبدالدائم 3 سنوات بالزقازيق
روائعه كثيرة جدا أهمها
" أحسن واحد يعمل حلة محشي - وصلت به درجة الحرفنة انو حشي البطاطس والبصل "
خليهو يعمل ليك حله ،،،،
وكمان يعشق الفن حتي الثماله وصوته شجي جدا وخاصه بعد المغرب يتدفق طربا وهو يعزف على على أبسط آلات العزف "الكرتونة" ،،، حاول علموا الاورغن لتكتمل اللوحه،،،
والجميل عندو كثير ومابخلص - خلينا لما نتقابل ،،،
عبدالدائم - أيامك ساكوبيس - القالها طارق جبريل وكان بقولها ليك الغسال زمااان
ساكوبيس هو نوع من القماش ناصع البياض وحريري الملمس كان زمان ما بلبسوا إلا الأغنياء والتجار الكبار والتعابه بلبسو الدموريه والدبلان -
عرفت طارق جبريل والمكوجي بعزوك كيف ....
|
Post: #52
Title: Re: تجاور السعيد تسعد .... جاورت ليكم لؤي شمت
Author: عبد الدائم سيد أحمد
Date: 12-04-2006, 06:28 AM
Parent: #1
يا حليل زمن المحشى ورأس الجدادة يا نجيلة
ويا حليل حلة الكوسه بتاعتك لما تتقل الدمعة
بتاعتا بشوية رز
والكرتونة ياما فجرت ابداعات وحركت ناس سعد السمين
وصلاح سعد حتى هناء عتبانى المابتعرف ترقص وفكت عـقـد
عبدالرازق وعنصريتو وبقى اول واحد ينتظر نقرة الكرتونة
وحفظ الوصفات اياها ؟؟؟؟
وكانت ايام ساكوبيس ، على رأي طارق جبريل
|
Post: #53
Title: Re: تجاور السعيد تسعد .... جاورت ليكم لؤي شمت
Author: لؤى
Date: 12-04-2006, 04:57 PM
Parent: #1
الأخوة الأعزّاء
هيثم ، ياسر ، عماد
وجارنا العزيز عبد الدّائم
يا جماعة والله أنا جد عاجز عن الشُّكر ..
بس بصراحة كدا عبد الدّائم ود الجّيران دا قبل ما يسكن جنبنا كُنّا بنتلاقى كتير ، هسّه ممّا سكن جنبنا بقينا ما بنتلاقى ..
كان أحسن زمان ـــــــــــــــــــــــــــــ
وأنا في البعيـد مشتـاق لهمسة من الوطن يـا نسمة
 [email protected]
|
Post: #54
Title: Re: تجاور السعيد تسعد .... جاورت ليكم لؤي شمت
Author: حنين للبلد
Date: 12-04-2006, 05:28 PM
Parent: #1
الاخ لؤي تحياتي
سؤال بسيط جدا اين تقيم حاليافي اي دولة
خالص سلامي وتقديري
|
Post: #56
Title: Re: تجاور السعيد تسعد .... جاورت ليكم لؤي شمت
Author: عبد المنعم سيد احمد
Date: 12-05-2006, 05:10 PM
Parent: #55
اخى ود سيد احمد
حقيقة
مجاورة السعيد تسعد
فلؤى منبع الجمال
دائما يشيع روح التسامى والتصافى بيننا
وفى انتظار.. المفاجات الفنية
وكتر لينا من الطمبور
|
Post: #59
Title: Re: تجاور السعيد تسعد .... جاورت ليكم لؤي شمت
Author: لؤى
Date: 12-13-2006, 02:44 PM
Parent: #56
منعم الشّاعر الصّديق
تحيّة محبّة خالصة وإحترام
والله ما عرفت الجّمال إلاّ ورأيته جزءاً لا يتجزّأ منك يا عزيزي ..
تسلم يا منعم يا صديقي
|
Post: #57
Title: Re: تجاور السعيد تسعد .... جاورت ليكم لؤي شمت
Author: عبد الدائم سيد أحمد
Date: 12-07-2006, 03:27 AM
Parent: #1
مرحبتين يا ود سيدأحمد
ومرورك يسعدنا
والطرب الجميل قادم
والطنبور خاصة
بس شوية زمن من بعد اذنك
وكل شي حيكون تمام .
|
Post: #58
Title: Re: تجاور السعيد تسعد .... جاورت ليكم لؤي شمت
Author: لؤى
Date: 12-13-2006, 03:38 AM
Parent: #1
عائد ..
|
|
