Post: #1
Title: الإيميل الأثبت لى إنّى راجل ونُص وخمسة
Author: لؤى
Date: 10-03-2004, 07:03 AM
Parent: #0
إبنى الفاضل لوى
أول شئ معليش ماعرفت الواو دى أسوى فيها الهمزة كيفن . وتانى شئ معليش عشان شلت عنوان الايميل حقك وكتبت ليك قبال مااسألك . المهم ياولدى انا امبارح بالليل فتحت سودانيس اونلاين وقريت الموضوع حق اعتراف انا ماراجل وقريتو وقريت كلام الناس الكتبوه ليك وكلامك ليهم اها وشلت الكلام ده وقعدت افكر فى ابو اولادى وانحنا متزوجين لينا 21 سنة حسى . الراجل ده عمرو لاغلت على ولا اتفلهم على الا شيتن واحد ممغسنى منو . المتبخ ده من يوم مابقينا تحت سقف واحد مادخلو بالغلت وكل مااجى انضم معاهو فوق شيتن مهم يقول لى سمح قومى سوى الغدا . اها المهم ماأطول عليك . قمت قريت كلامك ده ومشيت رقدت فوق سريرى ونمت .
اها ياولدى بعد ماصليت الفجر مشيت نمت . احلم اللهم اجعلو خير انا ايام شبابى وعروس جديدة . واحلم بيك ياولدى انت العرستنى فى الزمن داك . قال انا فى بيتنا فى السودان . وبى التحديد فى بيت حبوبتى . وقاعدة اقرا فى مجلة ميكى ( بس ماتضحك فوقى ) ولابسة الجلابية حقتك . اها جيت انت داخل من برة . وقلت لى حسى ده شكل واحدة منتظرة راجلها ؟؟ قمت قلت ليك ومالو حسى شكلى ؟؟ قلت لى كدى امشى عاينى لى روحك فى المراية . شكلك أرجل منّى . اها قمت انا اتنفشت واتمليت وزعلت منك . وقلت ليك اخير امشى اسوى ليك الغدا . لأنو شكلها بداية شكلة .
المهم قلت امشى من قدام وشك اخليك تروق حبة مسافة اجهز ليك الغدا واجى اشوفك مالك زهجان . المهم هو طبعاً الغدا كان كباية منقة بى اللبن . سويتها وجيت لقيتك لسع عامل ليك سبعة ( يعنى صارى وشك ) المهم سويت ليك شوية حركات ( انثوية بحتة ) وقمت انت شوية فردتَ السبعة لامن بقت تمانية . المهم قلت ليك ورينى مالك شنو المضايقك ؟ قلت لى أحمد صاحبى الليلة إستفزانى فى الشغل شديد خلاس . قلت ليك كيفن ؟ قمت قلت لى ( ودى كانت القشة القصمت ظهر البعير .. والبعير دى انا ) قلت لى قال ليك أمشى شوف مرتك العاملة زى الراجل دى . شنبها أكبر من شنبك .
اها انت سبحان الله بعد الكلام ده قمت فقعت الضحكة ( زى الضحكة البتكون فاقعها هسه ) قمت انا قلت ليك كدى ورينى وانت رديت ليهو قلت ليهو شنو ؟ قلت لى ماقلت ليهو اى شئ . لأنو بى صراحة كلامو صاح . طبعاً بعد كلامو صاح دى انا فقعت لى عدد واحد بكية مكرررررررررررربة ( من النوع البى كواريكو داك ) . قمت انت قلت لى بطلى حركات النساوين دى لأنها ماشغالة معاى وقومى سوى لينا الغدا . اها انا من حُرقتى قلت ليك ابيت ماماشة انت مش قلت انا مانسوان ؟ ومشيت رقدت فى السرير . اها جيت انت ذاتك رقدت فى السرير ودفرتنى ولزيتنى لامن وقعتنى فى الواطة . اها صحيت من النوم هسه لقيت روحى دافرة الراجل لامن رميتو فى الواطة . قال لى مالك يامرا ؟؟ قلت ليهو أسكت انتو ياالرجال كلكم ياكم واحد وحتى الوليد اللسمو لوى ده هدا طلع راجل ونص وخمسة .
اها ياولدى حلفت قلت الا احكى ليك حلمى ده وماعندى اى مانع كان داير تنشرو لكن شيل شيلتك كان نشرتو من الادارة البقت تقطع زى ناس الادارة وقطيعهم . وهسه يقولو ليك انت زاتك زى سجيمان . لكن ياولدى عشان ماادخلك فى مشاكل ساكت كان اى زول نضم معاك اديهم ايميلى ده وانا بتولى امرهم . وسلم لى على ناسكم ديل كلهم . وكان نشرتو ممكن تسميهو المرا أم شنب ..
إعتراف .. (( انا ماراجل ))
ــــــــــــــــــــــــــــــــــــــــــــ
[email protected]
|
Post: #2
Title: Re: الإيميل الأثبت لى إنّى راجل ونُص وخمسة
Author: عشة بت فاطنة
Date: 10-03-2004, 07:12 AM
Parent: #1
لؤي اللهم اجعلو خير ، قبل ما اقول حاجة كدي النشوف بوستات الرجالة دي وينة..وبعد داك نرجع نحكي ليك حلمتنا ..ز
|
Post: #3
Title: Re: الإيميل الأثبت لى إنّى راجل ونُص وخمسة
Author: Rawia
Date: 10-03-2004, 07:17 AM
Parent: #2
لؤى ولا الهكر
|
Post: #5
Title: Re: الإيميل الأثبت لى إنّى راجل ونُص وخمسة
Author: لؤى
Date: 10-07-2004, 02:04 AM
Parent: #3
الأخت راوية
إنتى رأيك شنو ؟؟؟ 
_______________________________________
[email protected]
|
Post: #4
Title: Re: الإيميل الأثبت لى إنّى راجل ونُص وخمسة
Author: لؤى
Date: 10-04-2004, 12:34 PM
Parent: #2
اها انا راجيك ياعشّة تجى تحكى لينا .. واللهم أجعلو خير .
ـــــــــــــــــــــــــــــــــــــ
[email protected]
|
Post: #6
Title: Re: الإيميل الأثبت لى إنّى راجل ونُص وخمسة
Author: Ana Zaty Omdur
Date: 10-07-2004, 05:29 AM
Parent: #1
ههههههههههههههههههههههههههههها
لوئ والله دى قصـه
عايز كمان تجيــب لينا مقاييــس جديدة للانوثه و الرجوله
ربنا يكون فى العون
|
Post: #9
Title: Re: الإيميل الأثبت لى إنّى راجل ونُص وخمسة
Author: لؤى
Date: 10-07-2004, 06:27 AM
Parent: #6
انتى ذاتك أم در إزيّك ومشتاقين ..
كدى أقرى الموضوع سبب الحلم إمكن تفهمى القصّة ..
| Quote: عايز كمان تجيــب لينا مقاييــس جديدة للانوثه و الرجوله |
لا أبداً انا ماناوى .. بس صاحبة الحلم والرسالة إمكن !!
ـــــــــــــــــــــــــــــــــــــــ
[email protected]
|
Post: #7
Title: Re: الإيميل الأثبت لى إنّى راجل ونُص وخمسة
Author: singawi
Date: 10-07-2004, 06:00 AM
Parent: #1
لؤي
انت كان عندك شك  
رسالة لي ست الإي ميل
اسلوب عسل .. السهل الممتنع
تحياتي واحترامي
|
Post: #8
Title: Re: الإيميل الأثبت لى إنّى راجل ونُص وخمسة
Author: خضر عطا المنان
Date: 10-07-2004, 06:17 AM
Parent: #7
فناننا المزدهرين به : لؤي
صحيح الرجالة خشم بيوت ..
لكن رجالتك يا سيدي
حوشن عامر بابداعك وروعة
عطائك المميز في هذا
المنبر .
*************
كسرة :
نحنا يالؤي كنا قايلين العالم
دا ما فيهو غير سجيمان واحد
لكن الأتاري هو مليان سجيمانات !!!!.
الله يخليهن لينا يا رب .
لك سلامي واشتيقاتي بلا حدود .
خضر عطا المنان
|
Post: #10
Title: Re: الإيميل الأثبت لى إنّى راجل ونُص وخمسة
Author: Tumadir
Date: 10-07-2004, 06:49 AM
Parent: #8
اها يا لؤى حسه انت بقيت على شنو؟؟
راجل ولا ما راجل
ههههههه
المهم انك فى نظرنا انسان قريب من الكمال
|
Post: #14
Title: Re: الإيميل الأثبت لى إنّى راجل ونُص وخمسة
Author: لؤى
Date: 10-07-2004, 08:31 AM
تماضر العزيزة
ممكن أرد عليك مستعير عبارة من حبّوبتى الله يرحمها ؟؟
(( الرجالة تطير ))
ماراجل ياتماضر طالما لازلت مستحياً لرجولة هذا العصر ...
ــــــــــــــــــــــــــــــــــــــــــ
[email protected]
|
Post: #13
Title: Re: الإيميل الأثبت لى إنّى راجل ونُص وخمسة
Author: لؤى
Date: 10-07-2004, 08:13 AM
Parent: #8
Quote: صحيح الرجالة خشم بيوت ..
لكن رجالتك يا سيدي
حوشن عامر بابداعك وروعة
عطائك المميز في هذا
المنبر .
|
خضر الحبيب
ياعزيزى أولاً شكرى لكلماتك الطيبة .. لكن الإبداع وروعة العطاء فى هذا المنبر فى رأيى إسمه :
تماضر
سوما
إلهام
د. إيمان احمد
نجلاء
رقية وراق
الجندرية
حنين للبلد
د. نجاة
يابت يانيل
نور
عبير
رجاء
راوية
عشة
توما
رودا
عالية
د. بيان
مهيرة
زيتونة
سوميتا
وجن
مزن
زاريا
ميرفت
زنجية
نوبية
مايا
فرفورة
سولارا
وسولارا
وسولارا
رؤى
منى عبيد
ماهيتاب
أساى
دوما
صفاء
سكوتاوية
أم سهى
أم وضاح
أم واصل
أم آلاء
أم مجاهد
د. ندى
ندى
د. زولة
هالة
يمنى
حليمة
سلوى
وسلوى
آوت كاست
حنينة
نوف
د. أمانى
رباح
دريمز
بلقيس
سودانية
بت الاحفاد
ميادة
بت النيل
انا ذاتى أم در
د. نهى
فقيرة
شاينينغ ستار
ابنوسة
بارعة
اميمة
رمانة
روعة
غدى
رحيل
سمارت انا
رباب الكارب
بنية
صلحة الكارب
بت الخليل
بت الجزيرة
مريم
ومريم
ومريم
سلمى
سعاد
ميسون
انسانة
مها
شيرى
بت قضيم
ونجمات كثيرة فى هذا الفضاء يصعب حصرها .. فالعتبى لمن سقط إسمها لمحدودية إدراكى ..
أعلاه عزيزى خضر تجد صورة لجمال هذا المكان .
لك الوُد
ــــــــــــــــــــــــــــــــــــــــــ
[email protected]
|
Post: #12
Title: Re: الإيميل الأثبت لى إنّى راجل ونُص وخمسة
Author: لؤى
Date: 10-07-2004, 07:11 AM
Parent: #7
سنجاوى
Quote: لؤي
انت كان عندك شك |
لا انا كنت ولا زلت متأكد .. وانت برضك باين ماعارف خلفية الموضوع ..
ـــــــــــــــــــــــــــــــــــــــ
[email protected]
|
Post: #11
Title: Re: الإيميل الأثبت لى إنّى راجل ونُص وخمسة
Author: عبدالله الصادق الفحل
Date: 10-07-2004, 07:03 AM
Parent: #1
ممممممممممممم
الله يكضب الشينة بس.
|
Post: #15
Title: Re: الإيميل الأثبت لى إنّى راجل ونُص وخمسة
Author: لؤى
Date: 10-07-2004, 08:43 AM
Parent: #11
الأخ عبدالله الصادق
كدى قول لى انت فى الأول شنو هى الشينة دى ؟؟ بعدين بعد إذنك دوس على اللينك ده إعتراف .. (( انا ماراجل )) وأقرأ البوست ده وتعال راجع قول لى مش بصراحة شديدة أحسن كتير كنت أكون ضمن القائمة الزرقاء الفوق فى ردى على أستاذ خضر دى ؟؟؟
لك وُدّى
ـــــــــــــــــــــــــــــــــــــــــــــ
[email protected]
|
Post: #16
Title: Re: الإيميل الأثبت لى إنّى راجل ونُص وخمسة
Author: TahaElham
Date: 10-08-2004, 01:18 AM
Parent: #15
اخوى ود امي، والفكرة، وابوي سلام كتير وشوق بعد طول غياب واغتراب ، هذه الفكرة مجنونة وعميقة وهي تبدو فعلا كحلم يعبر عن كل اعتمالات الحاصل وتلك المعادلات التي تراهن علينا وبينا ...وما نطرحة ونحن نلهو ونضحك وطبعا وونحلم هو اعمق افكارنا ورغباتنا كما يذهب اهل علم النفس لكن هذا العالم يبدو جميلا عندما يحصل انحياز واضح مثل انحيازك الواضح .......
وكما قيل من قبل فيما معناه (حتي نري ونسمع المراة المبدعة في كافة المجالات نحتاج ان نشوف مزيد من الرجال (المخلصين) داخل المطابخ وفي رياض الاطفال ) ساعود اليك والي توما والاصدقاء القلم بحاجة لطقطقة اصابع حتي يتجول حرا .
دمت
الهام
|
Post: #18
Title: Re: الإيميل الأثبت لى إنّى راجل ونُص وخمسة
Author: لؤى
Date: 10-08-2004, 09:20 AM
Parent: #16
أختى إلهام
التحايا والأشواق
وددت لو أن احدى الأخوات هنا أطلقت زغرودة لعودتك .. كنت على ثقة بأن قراءتك للسطور ستكون كما كانت وكما أتت .
| Quote: (حتي نري ونسمع المراة المبدعة في كافة المجالات نحتاج ان نشوف مزيد من الرجال (المخلصين) داخل المطابخ وفي رياض الاطفال ) |
ونحتاج أن نراهم داخل أنفسهم أولاً ..
| Quote: ساعود اليك والي توما والاصدقاء القلم بحاجة لطقطقة اصابع حتي يتجول حرا . |
فى إنتظار عودتك وألق قلمك الذى يستمد قدرته من طاقة الشحنات الجماليّة الكامنة فيه .
لكِ الوُد والإحترام
ــــــــــــــــــــــــــــــــــــــــــــــ
[email protected]
|
Post: #17
Title: Re: الإيميل الأثبت لى إنّى راجل ونُص وخمسة
Author: mohammed alfadla
Date: 10-08-2004, 09:13 AM
Parent: #1
we will talk about when you come to oslo
so funny
good bless
|
Post: #19
Title: Re: الإيميل الأثبت لى إنّى راجل ونُص وخمسة
Author: لؤى
Date: 10-09-2004, 08:00 AM
Parent: #17
محمّد العزيز
أكيد حايكون بيناتنا كلام كتير ، أتمنى تكون كل الأمور جاهزة من كل النواحى وكل الناس على علم بالموضوع .
( عُذراً جميعاً للتخريمة )
ـــــــــــــــــــــــــــــــــــــــــ
[email protected]
|
Post: #20
Title: Re: الإيميل الأثبت لى إنّى راجل ونُص وخمسة
Author: لؤى
Date: 10-18-2004, 05:17 AM
Parent: #1
أسئلة
ــــــــــــــــــــــــــــــــــــــ
[email protected]
|
Post: #22
Title: Re: الإيميل الأثبت لى إنّى راجل ونُص وخمسة
Author: إيمان أحمد
Date: 10-18-2004, 07:03 PM
Parent: #21
لؤي
يا لغفلتي!
وياللتكرم، بأن تضع اسمي وسط كوكبة من السيدات الفضليات. لن نجحف حق الكثيرين من الكتاب الجيدين الذين تعلمنا منهم الكثير هنا، وانت بالتأكيد من أوائلهم.
لك احترامي
(والنبي فيك من الدكترة دي... بتقيف لي ومحتاجة لي موية كثيييرة أبلعها بيها... إيه رأيك تختصرا؟ )
سلام وشكرا
(ثم، يعني قصة الرجالة دي حسا إنت والفاضلابي ما حسمتوها لسه؟!
إحنا عايزينكم رجال متضامنين مع المرأة، للمزيد من التوازن لهذا العالم المجنون)
(وبعدين بيني وبينك كده، لؤي ولا شندي الفلكي؟ )
|
Post: #23
Title: Re: الإيميل الأثبت لى إنّى راجل ونُص وخمسة
Author: لؤى
Date: 10-19-2004, 10:39 AM
Parent: #22
الأخت المحترمة إيمان
شلنهاها الدكترة ياستى طالما محتاجة موية تتبلع بيها والدنيا رمضان والموية ضوقتها إلاّ المغربيّة .. الرجالة تتحسم كيف ياإيمان وكيف يكون التوازن اذا كانت كل المقاييس والمكاييل مغشوشة وظالمة ؟؟
لؤى ماشندى !!
ــــــــــــــــــــــــــــــــــــــ
[email protected]
|
|