ياخي محمد الأمين .. ووردي ديل قاعدين يعملو شنــو ..؟

Post: #1
Title: ياخي محمد الأمين .. ووردي ديل قاعدين يعملو شنــو ..؟
Author: tmbis
Date: 07-22-2007, 10:22 PM
Parent: #0

ياخي ده عـــذاب

Post: #2
Title: Re: ياخي محمد الأمين .. ووردي ديل قاعدين يعملو شنــو ..؟
Author: الملك
Date: 07-22-2007, 10:28 PM
Parent: #1

وانت معذبنا

كده ليه

Post: #3
Title: Re: ياخي محمد الأمين .. ووردي ديل قاعدين يعملو شنــو ..؟
Author: tmbis
Date: 07-22-2007, 10:35 PM
Parent: #2

ياخي دقايق بس ياناجي ..
دقايق اديها صنة ..
إنت اوعه تقول لي ما مشيت .. ؟؟

Post: #6
Title: Re: ياخي محمد الأمين .. ووردي ديل قاعدين يعملو شنــو ..؟
Author: الملك
Date: 07-22-2007, 10:47 PM
Parent: #3

Quote:
إنت اوعه تقول لي ما مشيت ..

امشى وين يا خوى

...
...
بعدين حركتك دى لما اعملها أنا

بتجنن

Post: #9
Title: Re: ياخي محمد الأمين .. ووردي ديل قاعدين يعملو شنــو ..؟
Author: tmbis
Date: 07-22-2007, 10:58 PM
Parent: #6

Quote: بعدين حركتك دى لما اعملها أنا
بتجنن
ياخي إنت عارفني يا ناجي ما بحب اعذبك ..
لكن
تقول شنـو؟؟
المواقع كلها بطئة .. بحمل في الملفات من قبيل .. كلها ما راضية ..
التقول بتشجع اسيك ..

بعدين عندك فكرة أنو وردي هلالابي ..؟؟
والا حركات منك

Post: #54
Title: Re: ياخي محمد الأمين .. ووردي ديل قاعدين يعملو شنــو ..؟
Author: محمد عكاشة
Date: 07-23-2007, 09:26 AM
Parent: #9

تمبس والشباب..
تحياتى وتقديرى..برجاء تزويد هذا البوست بوصلة وردى ووداللمين
...............
أنا بحــــب تابيدا بطــــرس !!!!

المسرح القومى ضاق بالحضور امسية الخميس 19يوليو الفين وسبعة ...
النيل يفيض فى هيجة مضرية يكاد يرشق السيارات الواقفة على امتداده شمال وجنوب المسرح...يرشقها بسره وسطوته وسحره..
فى منتصف الصالة جلس عملاق الاغنية والسودان كما آلهة النوبة وعظمائها واهراماتها...
صورته ومنظره وهو يجلس فى الصالة وامام جمهوره عاد بى الى صيف الفين واحد فى منزل السيد اسامة داوود عبداللطيف والبروفسور على شمو بصوته الفخيم يتحدث فى حفل استقبال الفنان الملهم لدا عودته المهيبة ...
البروف تحدث ان مايلفته فى شخصيته ليس فنه واضافته فى المجال وتلك محسومة جدلا..وانمامايلفته هو قوته وعزيمته ومضاءه الاشم...
محمدوردى فى يوبيله ..جلس الناس فى حضرته وطاب لهم المقام حتى بعدمنتصف الليل...
صعد الى خشبة المسرح..زيدان..كابلى..درماس..يتغنى كل واحد منهم بواحدة من اغنياته البديعة..ووردى حيث يجلس يشارك بمقطع ومقطعين وحالة مثل السحر ومس الجن تعتور الحضور الكبير..
ثم ..والناس سكارى وماهم بسكارى يعتلى الموسيقار وداللمين الخشبة وهو يطلب ان يقدم لحنا بالعود..يقول انه تعلم العزف على العود باغنيات وردى...
كاد العود يمشى على قدميه والجمهور فى جلجلة وشيتن يحير...ثم ..هو ووردى يغنيان (ابقى تائه والغرام يصبح حكاية)..غناء مثل حداء ياتى من بعيد ..من جوف كل واحد فينا...ومن جوف الحسناء الوزيرة تابيدا بطرس التى كانت وهى الى يمين وردى تردد كل اغنية من اغنياته عن ظهر قلب...
تابيداوزير الصحة حضرت مبكرا وغاب مسؤؤلون زوى صلة بالثقافة والفنون والمعنى الجميل..
تابيدا كانت نجما ساطعا ورمزا لمعنى الفن وسحره وتقدير الفنانين..
انا احب محمدعثمان وردى..واحب تابيدا بطرس اكثر..
خمسون عامافى صحة ابوالورود..وتابيدا..والفنانين..وجميعكم..
محبتى,,,

Post: #78
Title: Re: ياخي محمد الأمين .. ووردي ديل قاعدين يعملو شنــو ..؟
Author: tmbis
Date: 07-24-2007, 05:36 AM
Parent: #54

العزيز محمد عكاشة ..
كلماتك لا تقل عذوبة عن هذا اليوم المدهش .. لقاء العمالقة ..
هنيئا لكم .. وللبحــر الذي اعلن ثورته لمشاركتكم الفرحــة ...
قمت باللازم وتم نقل الملفات ..

Post: #4
Title: Re: ياخي محمد الأمين .. ووردي ديل قاعدين يعملو شنــو ..؟
Author: awad okasha
Date: 07-22-2007, 10:41 PM
Parent: #1

الاخ تمبس

لك التحية

والله العذاب الجد الليلة كان الشوط التاني في مباراة ابو الهل X اسيك . بس صدقني عذابك ( اظنك قاصد سهرة التلفزيون الليلة ) وعذابنا كلو عذاب جميل ومحبب .

شكري ومودتي

Post: #5
Title: Re: ياخي محمد الأمين .. ووردي ديل قاعدين يعملو شنــو ..؟
Author: tmbis
Date: 07-22-2007, 10:47 PM
Parent: #4

ياعوض ..
الشوط التاني كان ضغط وسكري .. لكن شفت العظمة دي كيف ..؟
..
.
لكن
السهـرة دي حاجة تانية ..
حاجة تانية خالص ..
ياخي اليوم ده فيهو متعة خيالية .. عمرها ما ح تتكرر تاني ..

Post: #7
Title: Re: ياخي محمد الأمين .. ووردي ديل قاعدين يعملو شنــو ..؟
Author: tmbis
Date: 07-22-2007, 10:53 PM
Parent: #5

ملحوظة:
خالد الطيب بختك الليلة أخد إجازة باقي الليل ده انا ما فاضي ليك

Post: #8
Title: Re: ياخي محمد الأمين .. ووردي ديل قاعدين يعملو شنــو ..؟
Author: طيفور
Date: 07-22-2007, 10:55 PM
Parent: #5

Quote:
ياخي اليوم ده فيهو متعة خيالية .. عمرها ما ح تتكرر تاني ..

لا ومحمد الامين ناكش احلا اغاني وردي... ياخي دي عوارة عديل

Post: #11
Title: Re: ياخي محمد الأمين .. ووردي ديل قاعدين يعملو شنــو ..؟
Author: tmbis
Date: 07-22-2007, 11:07 PM
Parent: #8

ده كلو كوووم يا طيفـور والعــود ..
ياخي ده ادب ليك العود ده ادب المدايح .. العود ده تاني ما بتجنن علي
لو اتجنن علي بقول ليهو بكلمك ليك محمد الأمين ..

Post: #10
Title: Re: ياخي محمد الأمين .. ووردي ديل قاعدين يعملو شنــو ..؟
Author: محمد ابراهيم قرض
Date: 07-22-2007, 11:00 PM
Parent: #1

تمبس ..
ما عملوهو أصابني في مقتل ..
ولم أجد غير الدموع ...

معقول الحصل ده يا تمبس ؟؟!!

Post: #12
Title: Re: ياخي محمد الأمين .. ووردي ديل قاعدين يعملو شنــو ..؟
Author: tmbis
Date: 07-22-2007, 11:12 PM
Parent: #10

والله يادكتــور .. لي سنين ما استمتعته متعة زي دي ..
ياخي الله يديهم طول العمــر والصحة ..
الناس دي ليها سنين ما فرحت ..
ونحن لينا سنين من طعم حاجات زي دي ..

الله يخليكم يا وردي .. ويا محمد الأمين

Post: #13
Title: Re: ياخي محمد الأمين .. ووردي ديل قاعدين يعملو شنــو ..؟
Author: jini
Date: 07-22-2007, 11:40 PM
Parent: #12

Quote: الله يخليكم يا وردي .. ويا محمد الأمين

جيل ليس له قطع غيار!
عذوبة ومتعة وكانك تسبح فى ملكوت!
ياخ ديل من وادى عبقر عديل كدة!
جنى

Post: #18
Title: Re: ياخي محمد الأمين .. ووردي ديل قاعدين يعملو شنــو ..؟
Author: tmbis
Date: 07-22-2007, 11:55 PM
Parent: #13

Quote: جيل ليس له قطع غيار!
عذوبة ومتعة وكانك تسبح فى ملكوت!
ياخ ديل من وادى عبقر عديل كدة!
جنى
.. ياجــن:
ياخي ديــل العبقرية دي بتخجل منهم عديل ..
ديل مفترض يعملوهم منهج دراسي .. من الروضة لحدي الجامعة ..

Post: #14
Title: Re: ياخي محمد الأمين .. ووردي ديل قاعدين يعملو شنــو ..؟
Author: Alsa7afa_30
Date: 07-22-2007, 11:41 PM
Parent: #12

تمبس سلامات..

شفت الناس ديل كيف؟؟
شغالين باصات لبعض ولا روماريو و ببيتو !!!

المزعلني اني لحقت الدقايق الأخيرة ..لكن لنا موعد مع الإعادة ..

Post: #15
Title: Re: ياخي محمد الأمين .. ووردي ديل قاعدين يعملو شنــو ..؟
Author: tmbis
Date: 07-22-2007, 11:48 PM
Parent: #14

Quote: المزعلني اني لحقت الدقايق الأخيرة ..لكن لنا موعد مع الإعادة ..

يا الصحافــة ..
ديل شغالين باص وخانة من لمسة واحده ..
ما تخاف يازول رقبتي دي سدادة ..
ممكن تعتبره هدية الماستر يالذيذ ..
اديني ثواني بس ..

Post: #16
Title: Re: ياخي محمد الأمين .. ووردي ديل قاعدين يعملو شنــو ..؟
Author: tmbis
Date: 07-22-2007, 11:49 PM
Parent: #12

خوفي تنساني الليالي ..

Post: #23
Title: Re: ياخي محمد الأمين .. ووردي ديل قاعدين يعملو شنــو ..؟
Author: Alsa7afa_30
Date: 07-23-2007, 00:37 AM
Parent: #16

Quote: ما تخاف يازول رقبتي دي سدادة ..
ممكن تعتبره هدية الماستر يالذيذ ..

تسـلم يا جميل..
عقدتنا ياخ !!

Post: #24
Title: Re: ياخي محمد الأمين .. ووردي ديل قاعدين يعملو شنــو ..؟
Author: tmbis
Date: 07-23-2007, 00:55 AM
Parent: #23

Quote: تسـلم يا جميل..
عقدتنا ياخ !!
والله بي صراحة تستاهل كل شئ جميل
وإنت زول فنان
غايتو دي اقبله هدية سايبر .. وحقك برضو محفوظ وفي الفرحة الكبيرة إن شاء الله ..

Post: #17
Title: Re: ياخي محمد الأمين .. ووردي ديل قاعدين يعملو شنــو ..؟
Author: محمد عبدالرحمن
Date: 07-22-2007, 11:53 PM
Parent: #12

ياتمبس ..

والله العظيم جبنا سيرتك ونحن بنحضر فى السهرة ..الجماعة قالوا دى
مافى حل الا تتسجل بكرة فى الاعادة ..قلت لبدرالدين يازول تمبس مابقصر
والحاجات السمحة دى مابتفوتو ..

ياخى ديل بالغوا عديل ..اليوم يوم استثنائى ..انتصار الهلال والمريخ
والختام وردى وودالامين فى ثنائية ولااجمل ..وبين (هات وخد) بين وردى
وودالامين ..و(الون تو) بين قودين وهيثم تحول يومنا الى يوم خالد ..

تحياتى ياتمبس ..

Post: #19
Title: Re: ياخي محمد الأمين .. ووردي ديل قاعدين يعملو شنــو ..؟
Author: tmbis
Date: 07-23-2007, 00:12 AM
Parent: #17

Quote: والله العظيم قطعنا فيك ونحن بنحضر فى السهرة ..الجماعة قالوا دى
مافى حل الا تتسجل بكرة فى الاعادة ..قلت لبدرالدين يازول تمبس مابقصر
والحاجات السمحة دى مابتفوتو ..
والله يا محمد كنت طالع .. تلاتة تلفونات .. ثبتتني ..
يعني عايزيني كنت افوت المهرجان ده .. يامحمد ..؟
ياخي انا قاعد مصاقر التلفزيون ده علشان منـو .. ما عشان محمد الأمين ووردي ديل..
والله فعلا .. قون الدرون .. وقون الغلب النشلة الفي الزمن الضايع دي ..
ابتهجوا ياخ .. حق لينا الفرح ..

Post: #20
Title: Re: ياخي محمد الأمين .. ووردي ديل قاعدين يعملو شنــو ..؟
Author: tmbis
Date: 07-23-2007, 00:16 AM
Parent: #19

خوفي منــك

Post: #22
Title: Re: ياخي محمد الأمين .. ووردي ديل قاعدين يعملو شنــو ..؟
Author: شهاب الفاتح عثمان
Date: 07-23-2007, 00:32 AM
Parent: #20

شكرا تمبس على نقل كل هذا الابداع

والقمه السودانيه كلاكيت ثاني مره

والنتائج جميله و مرضيه

Post: #26
Title: Re: ياخي محمد الأمين .. ووردي ديل قاعدين يعملو شنــو ..؟
Author: tmbis
Date: 07-23-2007, 00:59 AM
Parent: #22

Quote: والقمه السودانيه كلاكيت ثاني مره
والنتائج جميله و مرضيه
يادكتور شهاب .. الأمور ماشة بشكل كويس .. مجرد ما اسمنا ده يتداول بشكل كويس .. ونكسر عقدة المصاروة ديل ، دي براهــا بالدنيا ..
وكويس انكم دردقتوهم .. علشان الضرب يكون مذدوج ..
شكرا يادكتور لمواقفك الاصيلة مع كل المنتخبات البتلعب بي اسمنا ده المحتاجين ليهو في المرحلة دي ..
واستمتع معاي بي وردي وأبو اللمين ..

Post: #21
Title: Re: ياخي محمد الأمين .. ووردي ديل قاعدين يعملو شنــو ..؟
Author: Mamoun Ahmed
Date: 07-23-2007, 00:30 AM
Parent: #1

السخف
انو تلفزبونا كالعادة
لم يقدم الحفل كاملا

كمان مسألة تعدد المايكات السخيفة دي ما بتخلص
لاحظ لمن وردي كا بباصي مع وداللمين
كان مايك التلفزيون بعيد وماسكو الواد!

البديع وجود كبيهم الاستاذ عثمان حسين
الله يديهم الصحه وطول العمر
وبعد الجيل ده
الاغنية السودانية
صفر كبير!

لي كم سنه ماسمعت لحن جديد اطربني
هل انا عندي مشكلة ؟

تسلمو

Post: #60
Title: Re: ياخي محمد الأمين .. ووردي ديل قاعدين يعملو شنــو ..؟
Author: tmbis
Date: 07-23-2007, 06:24 PM
Parent: #21

Quote: السخف
انو تلفزبونا كالعادة
لم يقدم الحفل كاملا
العزيز مامونك
دئاما نحن كدا .. وياخي مفترض ما تزعل وتفرح عديل طالما أنهم أخيرا طلعو من القوقعه بتاعت برامجهم القاطعنها من راسهم دي .. ياخي ليلة زي دي .. مفترض يرفعو ليها علم عديل كدا مش ينقلو لينا فيها مشرتمة ومقطعة ومبتورة ..
بعدين المسالة التقنية دي يا مامون .. انسى .. ياخي مايكات شنو يا مامون ..؟؟ تلفزيون معظم كوادرو مواليه وما مؤهله تتعشم في إنو يطلع منهم شغل جميل ..؟ لا اعتقد
افرحني ايضا وجود النيل الثالث .. الاستاذ عثمان حسين أو كما اسماه الإذاعي الكبير ذو النون بشرى .. كنت بتمنى اسمع صوت الاستاذ عثمان حسين .. لكن للزمن سطوته .. ويعود لينا الاستاذ بي صوتو الملائكي فما احوجنا أن نستمع لهؤلاء العمالقة .. الذين سطروا اسمهم بمداد الذهب في مسيرة الأغنية السودانية ..

Post: #25
Title: Re: ياخي محمد الأمين .. ووردي ديل قاعدين يعملو شنــو ..؟
Author: غباشي
Date: 07-23-2007, 00:59 AM
Parent: #1

ماذلت محروما من كل الإبداعات التي تتحدثون عنها ......
يوم 22/07/2007 .... أخوكم قادي ابداع ....
كورة المريخ ما حضرتها
كورة الهلال ما حضرتها
كورة وردي وود اللمين .... برضو ما حضرتها
لكن طالما في الحبيب تمبس .... مافي حجة بتفوتني
شكرا يا ولدنا ........
لكن ود اللمين عذب حنان العود

Post: #62
Title: Re: ياخي محمد الأمين .. ووردي ديل قاعدين يعملو شنــو ..؟
Author: tmbis
Date: 07-23-2007, 06:47 PM
Parent: #25

غباشي:
يازول ولا يهمك ..
عارف الجري كتير .. لكن ما عندك مشكلة دائما قاعدين نعمل ليكم اعتبارات خاصة ..
طالما متوفرة لينا الحاجات ..
بس إنت اطلب .. وأمر .

Post: #27
Title: Re: ياخي محمد الأمين .. ووردي ديل قاعدين يعملو شنــو ..؟
Author: Alsa7afa_30
Date: 07-23-2007, 00:59 AM
Parent: #1

رابط الحفظ في الصفحة الثانية..

Post: #28
Title: Re: ياخي محمد الأمين .. ووردي ديل قاعدين يعملو شنــو ..؟
Author: tmbis
Date: 07-23-2007, 01:06 AM
Parent: #27

الصحافــة:
تشكر على الاضافة الصوتية ياصاحب .. واستلم البوست ده واكرم معاك الشباب ديل .. ناس غباشي والناس المستمتعة معانا بالبوست ده .. انا ح اطلع . وبكره زنقة شغل شوية
البوست ده خلي بالك ليهو..
يــانور العيــن

Post: #30
Title: Re: ياخي محمد الأمين .. ووردي ديل قاعدين يعملو شنــو ..؟
Author: Alsa7afa_30
Date: 07-23-2007, 01:15 AM
Parent: #28

حط في بطنك بطيخة صيفي و ارقد قفا..
نوم العوافي..

غباشي:
و الله مقدر الإنت فيهو..
ياما اتمغصنا لما كنا في الولايات المتحدة (الهندية).. لكن برضو كان بيصبرنا تمبس الحاضر ده زاااااتو

خليك قريب..

Post: #31
Title: Re: ياخي محمد الأمين .. ووردي ديل قاعدين يعملو شنــو ..؟
Author: حيدر حسن ميرغني
Date: 07-23-2007, 01:19 AM
Parent: #28

تمبس

يعطيك العافية

ده شيئ يحيَر ..... ويغيَر اتجاه الزول

ما أعظم هؤلا العمالقة

نفس الوهج والحضور الانيقين

متعهما الله بالعافية

Post: #63
Title: Re: ياخي محمد الأمين .. ووردي ديل قاعدين يعملو شنــو ..؟
Author: tmbis
Date: 07-23-2007, 06:58 PM
Parent: #31

استاذ حيدر ..
ده الدهب الما بيصدى .. امس مرت بذاكرتي كل المهرجانات العظيمة كل الاشياء الجميلة في حياتي مرت في شريط سينمائي طويل ..
تذكرت حفلة الأستاذ محمد الأمين بالدوحــة الشهيرة ..
وملحمة الأستاذ محمد وردي في عــدن ..
فكانت ليلة عظيمة وزادها الهلال عظمة

Post: #29
Title: Re: ياخي محمد الأمين .. ووردي ديل قاعدين يعملو شنــو ..؟
Author: خضر حسين خليل
Date: 07-23-2007, 01:12 AM
Parent: #1

Quote: ياخي محمد الأمين .. ووردي ديل قاعدين يعملو شنــو ..؟

ديل بعملو في عمايل ياتمبس
عجبتني مشاركة الاستاذ محمد الأمين والاستاذ سيف الجامعة
هو ذا السودان ياصاحبي
هو ذا

Post: #34
Title: Re: ياخي محمد الأمين .. ووردي ديل قاعدين يعملو شنــو ..؟
Author: نيازي مصطفى
Date: 07-23-2007, 01:35 AM
Parent: #29

Quote: هو ذا السودان ياصاحبي
هو ذا

اي والله "فتح الله عليكم" جميعا وعلى السودان الجميل

Post: #70
Title: Re: ياخي محمد الأمين .. ووردي ديل قاعدين يعملو شنــو ..؟
Author: tmbis
Date: 07-23-2007, 08:41 PM
Parent: #34

Quote: اي والله "فتح الله عليكم" جميعا وعلى السودان الجميل

ونقول ربنا يديم الأفراح يا نيازي ..

Post: #65
Title: Re: ياخي محمد الأمين .. ووردي ديل قاعدين يعملو شنــو ..؟
Author: tmbis
Date: 07-23-2007, 07:10 PM
Parent: #29

Quote: ديل بعملو في عمايل ياتمبس

بلاي ياخدر شفت الكلام ده كيف ..؟
شوف كمية الناس الفرحــانة دي ومتعطشة ومحرومة ..
السودان ده اجمل مكان في الدنيا دي
أجمل وطــن .. يا ابوخدره

Post: #69
Title: Re: ياخي محمد الأمين .. ووردي ديل قاعدين يعملو شنــو ..؟
Author: احمد معتصم الطيب
Date: 07-23-2007, 08:20 PM
Parent: #65

حبيبنا تمبس ده عذاب العذاب

ده أسـمو لــــقـاء الــجـبـابـرة.ده أسـمو لـــقـاء الـعـمالـقة
مــبـالـغـة.. والـحـضـور كان مـنـتـعـش ومـتـفـاعـل لـدرجة كــبـيرة
ونـحنـااتـعـذبـناعـذاب الـسـنـيـن
وتــسـلـم كـتـير عـلـى الـــعــذاب ده يا حبيب

خالص الود .

Post: #71
Title: Re: ياخي محمد الأمين .. ووردي ديل قاعدين يعملو شنــو ..؟
Author: tmbis
Date: 07-23-2007, 08:55 PM
Parent: #69

العزيز أحمد المعتصم:
Quote: والـحـضـور كان مـنـتـعـش ومـتـفـاعـل لـدرجة كــبـيرة
ونـحنـااتـعـذبـناعـذاب الـسـنـيـن
.. هي نفس الحالة اللاشعــورية الانتابتنا كلنــا .. احساس فرح غريب ونشوة حاضرة .. محلقة بيك في عالم تحس فيهو انك براك ..
صوت العملاق وردي مع حنجرة الباشكاتب والعود الغريب جدا
ونشوة الحضــور ..
أظنها دي حاجة ح تكون زي مذنب هالي بيظهر كل مية سنة..

Post: #32
Title: Re: ياخي محمد الأمين .. ووردي ديل قاعدين يعملو شنــو ..؟
Author: الملك
Date: 07-23-2007, 01:27 AM
Parent: #1

يالله

...
السودان ده سمح بشكل

Post: #79
Title: Re: ياخي محمد الأمين .. ووردي ديل قاعدين يعملو شنــو ..؟
Author: tmbis
Date: 07-24-2007, 05:46 AM
Parent: #32

Quote: يالله
...
السودان ده سمح بشكل
.. والله نعمة .. وجنة الله في الأرض .. الحاجة دي بتعرفه متين إنت قايل .. لما تبعد منو شبر بس.
شبر بره السودان بجيب اجلك يا ناجي.

Post: #33
Title: Re: ياخي محمد الأمين .. ووردي ديل قاعدين يعملو شنــو ..؟
Author: Alsa7afa_30
Date: 07-23-2007, 01:29 AM
Parent: #1

يا جماعة في حد عارف الإعادة متين و الساعة كم؟؟؟

جدول البرامج المعروض على الويب سايت شكلو أي كلام..
و الدليل الصورة التالية عن برامج الأحد 22/7

أفيـدونا ..

Post: #80
Title: Re: ياخي محمد الأمين .. ووردي ديل قاعدين يعملو شنــو ..؟
Author: tmbis
Date: 07-24-2007, 07:26 AM
Parent: #33

Quote: يا جماعة في حد عارف الإعادة متين و الساعة كم؟؟؟
.. والله يا صحافة انا زيك كدا .. ما عارف الحاصل شنو .. مع اني ح انتظر الاعادة دي لانو الحلقة ما حضرتها من الأول ويظهر انو فيها اشياء كتيرة فاتت علي .. لكن بي مداخلاتك الجميلة والملفات المرفقة رجعتني تاني الفورمة .. بلاي شوف المواعيد كيف لو لقيت خبر ادينا ليها هنا..

Post: #35
Title: Re: ياخي محمد الأمين .. ووردي ديل قاعدين يعملو شنــو ..؟
Author: غباشي
Date: 07-23-2007, 01:58 AM
Parent: #1

الصحافة 30
Quote: و الله مقدر الإنت فيهو
Quote: لكن برضو كان بيصبرنا تمبس الحاضر ده زاااااتو

تسلموا انتو الإتنين

Post: #36
Title: Re: ياخي محمد الأمين .. ووردي ديل قاعدين يعملو شنــو ..؟
Author: omar altom
Date: 07-23-2007, 02:10 AM
Parent: #1

تمبسسسسسسسسسسسسسسسسسسسسس

الله يخليك ياخ .تصدق انا سجلت الغنية بتاعت عافية (ياحنين) الغنتها في برنامج وليد زاكي الدين الاسمو كل الجمال !!!!مباااااااااااااااااااالغة غايتو كان داير تسمعها اول حاجة تقعد في الارض لانك any way ح تقع( دردرب) من الطرب والنشوة .الغنية مسجلة في فيديو تيب vhs اها الزول كان داير يرفعها في يوتوب يعمل شنو؟؟؟؟؟

مبروك فوز الهلال

Post: #37
Title: Re: ياخي محمد الأمين .. ووردي ديل قاعدين يعملو شنــو ..؟
Author: الفاتح يسن
Date: 07-23-2007, 03:12 AM
Parent: #36

ياتمبس لم يبقى في الوطن الرايح غير المحمدين وقلة قليلة والبقية تعرض خارج الدائرة حفظهما الله للوطن تسلم ياجميل نزل لينا البقية لو سمحت عثمان مصطفى وزيدان والكابلي

Post: #83
Title: Re: ياخي محمد الأمين .. ووردي ديل قاعدين يعملو شنــو ..؟
Author: tmbis
Date: 07-24-2007, 08:07 AM
Parent: #37

Quote: ياتمبس لم يبقى في الوطن الرايح غير المحمدين وقلة قليلة والبقية تعرض خارج الدائرة حفظهما الله للوطن
عزيزي الفاتح يس ..
مليون مراحب يا صاحب .. ولعل الأمور بي هناك رايقه
الوطن عايد يا الفاتح لا محالة .. وإن طال العذاب .. وح نبنيهو البنحلم بيهو يوماتي..
لا احسدك ولا احسد كل الحلوين المعاك .. فأنتم ايضا من وهبتونا في لحظات من عمر الزمان كل الجميل وأنتم من خلف الأستاذ محمد وردي تترجمون الالحان وتحولون الكلمات إلى نوته موسيقية .. كل حرف فيها سمفونية للخلود .. للجمال .. للوطن ..
هنيئا لنا بوردي .. وبالباشكاتب .
وهنيئا للوطن بهم.

Post: #82
Title: Re: ياخي محمد الأمين .. ووردي ديل قاعدين يعملو شنــو ..؟
Author: tmbis
Date: 07-24-2007, 07:50 AM
Parent: #36

Quote: الله يخليك ياخ .تصدق انا سجلت الغنية بتاعت عافية (ياحنين) الغنتها في برنامج وليد زاكي الدين الاسمو كل الجمال !!!!مباااااااااااااااااااالغة غايتو كان داير تسمعها اول حاجة تقعد في الارض لانك any way ح تقع( دردرب) من الطرب والنشوة

والله يا عمر التوم بتبالغ لكن .. التسجيل ده بالذات انا بفتش ليهو من زمن .. ياخي جيبو هنا إنت ما عارف البوست ده مفتوح لي عذابات الناس ..
بالتالي بنقبل منك أي أدوات تعذيب ..
Quote: vhs اها الزول كان داير يرفعها في يوتوب يعمل شنو؟؟؟؟؟
. دي مشكلة كبيرة طبعا .. لانك محتاج لي تحويلة في الكمبيوتر . وعلشان تحوله في الكمبيوتر محتاج لي يكون عندك كرت فيديو .. وده هارد وير لازم تشتريهو .. يا يكون عندك لاب توب مجهز بالخاصية دي .. والمسالة جاره شديد يا عمر
لكن مبروك للهلال .. واتصرف لي في اغنية عافية دي بي اي طريقة .. القال ليك تكلمني منو ..؟

Post: #85
Title: Re: ياخي محمد الأمين .. ووردي ديل قاعدين يعملو شنــو ..؟
Author: omar altom
Date: 07-24-2007, 08:26 AM
Parent: #82

اسمع يا حبة والله برسلو ليك بالدرب عديييييل كدة مآآآآآآآآ عندك مشكلةانا ذآآآآتي احسن لي الشريط ده من يكون عندي لانو اليوم كلو قاعد قدام الفيديو وبس قآآآآآعد اعاين للبتعمل فيهو البت دي.البت دي مجنونة.والله العظيم مجنووو نة.
اسمع باقي الكلام خليهو في الايميل

مودتي

Post: #102
Title: Re: ياخي محمد الأمين .. ووردي ديل قاعدين يعملو شنــو ..؟
Author: tmbis
Date: 07-24-2007, 12:51 PM
Parent: #85

Quote: احسن لي الشريط ده من يكون عندي لانو اليوم كلو قاعد قدام الفيديو وبس قآآآآآعد اعاين للبتعمل فيهو البت دي
. ده الكلام البجيب الهواء زاتو يا عمر ..
اجدع لي اخوك خالي مسؤلية والحبه دي ما بتجيهو
راجيك بالدرب العديل وبي الايميل وبي الحتات كلها

Post: #130
Title: Re: ياخي محمد الأمين .. ووردي ديل قاعدين يعملو شنــو ..؟
Author: omar altom
Date: 07-25-2007, 06:58 AM
Parent: #102

يا تمبس

انت بس وريني داير شنو!!!دايرني ارسل ليك الفيديو كاسيت بالبريد؟ولا احسن انقلو في سي دي وارسل ليك السي دي؟ولا شنو؟؟؟؟؟ انا قاعد في بوسطن وممكن ارسلوا ليك بال FEDX ولا ال TNT ولا DHL ما فارقة معاي وانت بعد داك ارفعوا في يوتوب عشان يبقي الطرب والنشوة overseas وعبر المحيطات.

تحياتي

Post: #38
Title: Re: ياخي محمد الأمين .. ووردي ديل قاعدين يعملو شنــو ..؟
Author: saadeldin abdelrahman
Date: 07-23-2007, 05:37 AM
Parent: #1

العــــــذاب العذاااااااااب
يا تنبس هم بعملوا في شـنو و إنت لابـــد لي جنس شنو!
ياخي أنـا بسـمع و عبوني كـلها مرقرقة و مرات بنطنط و بعمل مايسترو
أكون جنيت؟ مـا مـشـكلة..الإبداع ده سبب من اسباب الوفاة عديــل مش الدسترة بس!
بالمناسبة مقطع خوفي منك ده قبل كدا غنوه سوا و برضو كـان جـنــون

-------
مبروك للجميع يا رشاشة

Post: #90
Title: Re: ياخي محمد الأمين .. ووردي ديل قاعدين يعملو شنــو ..؟
Author: tmbis
Date: 07-24-2007, 09:47 AM
Parent: #38

Quote: ياخي أنـا بسـمع و عبوني كـلها مرقرقة و مرات بنطنط و بعمل مايسترو
أكون جنيت؟
.. والله يا سعد الدين اليوم داك يوم غريب جدا ..
الظاهر لي المسالة ما كانت عبارة عن ناس بتغني ..
أنا اعتقد انو في ( اشعة ) كدا طارت في الجــو وإنتقلت للناس دي كلها ... حول العالم ..
ناس ( ناسا الفضائية ) ديل قاعدين يعملوا شنو ؟؟ كبف ما يرصدوا الحاجات الزي دي ؟؟
انا متأكد يا سعد الدين أنو الحالة العامة دي كانت مسيطرة على كل الناس الحضرت الحفل ده .. من داخل المسرح والشافوها في الشاشة حول العالم ..
عن شخصي انــا .. ما لقيت وسيلة تعبير مناسبة .. خلاف إني اقوم من الكرسي القاعد فيهو واتحرك بشكل عشوائي بعد فترة اكتشفت إني قاعد اللف في الغرفة زي الدربكين .. مرات ( اصفق .. مرات اقول ياسلام عليك يا وردي .. مرات اقول الله يخليك يا باشكاتب .. بعدما انتهت الحلقة حسيت بي انو زي جبل الهموم اتشال من ضهري ..
بالمناسبة .. البكاء في الحالة ديك ما بيكفي ..
أرجو أن تضيفني للقائمة بكامل اعترافي والكلام ده سر بيني وبينك ولاول مرة اقولو

Post: #39
Title: Re: ياخي محمد الأمين .. ووردي ديل قاعدين يعملو شنــو ..؟
Author: محمد أبوالعزائم أبوالريش
Date: 07-23-2007, 05:54 AM
Parent: #1

تمبس عنوانك لكن ما ضللني ..... أنا قلت تمبس ده جنّ والا شنو؟

شفت السهرة على غير موعد ... وبالصدفة فتحت قناة السودان .. ووجدت ما يسر ويسكر. وطبعاً أزالوا كل الآثار الما كويسة الخلفها زيدان (مش حاجة غريبة؟)

قال محمد الأمين: أنا والأنغام والعود في إيدي ....... والله يا ود الأمين (عود ما خمج)

Post: #98
Title: Re: ياخي محمد الأمين .. ووردي ديل قاعدين يعملو شنــو ..؟
Author: tmbis
Date: 07-24-2007, 11:54 AM
Parent: #39

Quote: تمبس عنوانك لكن ما ضللني ..... أنا قلت تمبس ده جنّ والا شنو؟
محمد العزائم يا ابو الريش ..
ليك مدة ما شايفك ..
والله لو بتصدق عنوان البوست كان من ضمن الهضربة الكنت بهضرب فيها الوكت داك وأنا في حالة الغيبوبة دي .. كنت لافي حوالين نفسي .. وبسال في معتصم دفع الله المستسلم للوضع ده في هدوء ودهشة .. بقول ليهو ياخي محمد الأمين ووردي ديل قاعدين يعملو في شنو .. ؟ ديل ناس نصاح..؟
بدون ما اشعر وبي نفس النشوة الفيني دي .. جريت على الجهاز .. وفتحت البوست ده في الحال وجهزت الاغاني ..
وقلت لي معتصم البوست ده مستحيل يقعد للصباح .. قال لي يستاهل روحسيت انو ما عايز يصرف كلام كتير كفاية المزيكا العامله ليهو تنويم مغنطيسي دي ..
Quote: وطبعاً أزالوا كل الآثار الما كويسة الخلفها زيدان (مش حاجة غريبة؟)
.. طبعا كلامك ده وقع لي قبل شوية كنت بسمع في زيدان .. وهو بغني لي وردي ..

Post: #40
Title: Re: ياخي محمد الأمين .. ووردي ديل قاعدين يعملو شنــو ..؟
Author: Mannan
Date: 07-23-2007, 05:56 AM
Parent: #1

كان يوما ليس كالايام قط
غاب فيه الوعى والقلب انفرط

سجلت الاحتفالية والدموع تطفر من عينى احيانا.. كان احتفالا التقى فيه العمالقة .. وانداح الطرب... انه السودان الجميل برغم ما فيه من بثور ...
دمتم

نورالدين منان

Post: #99
Title: Re: ياخي محمد الأمين .. ووردي ديل قاعدين يعملو شنــو ..؟
Author: tmbis
Date: 07-24-2007, 12:09 PM
Parent: #40

Quote: يوما ليس كالايام قط
غاب فيه الوعى والقلب انفرط
سجلت الاحتفالية والدموع تطفر من عينى احيانا.. كان احتفالا التقى فيه العمالقة .. وانداح الطرب... انه السودان الجميل برغم ما فيه من بثور ...

استاذنا نور الدين منان:
هكذا كان حالنا وقتها .. غالبتنا الدموع .. وغالبنا الصبر .. كنت اظنها ليلة من الف ليلة وليله .. كنت اظنها ليلة القدر .. أتت في غير موعد .. وقتها احسست بأن كل الأماني يمكن أن تتحقق .. كل الأماني غير مستحيلة .. فهذا يوم عظيم جميع العملاقين .. وردي والباشكاتب .. فكان يوم اروع واخضر واكثر عذوية من مياه المقرن عند الملتقى ..

Post: #41
Title: Re: ياخي محمد الأمين .. ووردي ديل قاعدين يعملو شنــو ..؟
Author: محمد أبوالعزائم أبوالريش
Date: 07-23-2007, 06:24 AM
Parent: #1

Quote: خوفي منــك

لو بهمسة

Post: #42
Title: Re: ياخي محمد الأمين .. ووردي ديل قاعدين يعملو شنــو ..؟
Author: ahmed haneen
Date: 07-23-2007, 06:26 AM
Parent: #1

عذاب وبس

يا خي النوم طار من عيونا ..

وبعدين يا تامبا

كانت علي الهواء مباشرة من غير اي بروفة ..

شفت العظمة دي

التحية لزمن عمالقة الفن الجميل

Post: #104
Title: Re: ياخي محمد الأمين .. ووردي ديل قاعدين يعملو شنــو ..؟
Author: tmbis
Date: 07-24-2007, 01:22 PM
Parent: #42

Quote: يا خي النوم طار من عيونا ..

بلاي يا مقاتل كنت معانا في الصورة برضو ..؟
الظاهر لي اليوم داك الناس دي كلها ما نامت ..
تعرف يا مقاتل .. مسالة البروفة دي أو الشغل المرتجل دي من الاشياء العادية جدا لما الواحد يكون ( بروفيشونال ) في الصنعة .. يعني عندك العازف ممكن في اي لحظة يجي داخل في الحوار الموسيقي مجرد ما يستلم طرف السلم .. او أول الحرف الموسيقي ..
محمد وردي + محمد الأمين ديل فاتو المرحلة بتاعت ( البروفيشونلويه ) البنقوله دي
ديل ناس بعد كدا يغنو بالفطرة السلمية ..
يغنو علشان يعذبونا نحن ديل.

Post: #43
Title: Re: ياخي محمد الأمين .. ووردي ديل قاعدين يعملو شنــو ..؟
Author: معتصم دفع الله
Date: 07-23-2007, 06:34 AM
Parent: #1

أها دا العذاب أتحملوووو ..

الهلال بوظ أعصابنا في الشوط التاني ..
ووردي وأبو اللمين ويوسف محمد ريحو أعصابنا ..
ربنا ما يحرمنا منهم ..
كانت سهرة ممتعة بحق وحقيقة ..

Post: #106
Title: Re: ياخي محمد الأمين .. ووردي ديل قاعدين يعملو شنــو ..؟
Author: tmbis
Date: 07-24-2007, 01:39 PM
Parent: #43

Quote: أها دا العذاب أتحملوووو ..

الهلال بوظ أعصابنا في الشوط التاني ..
ووردي وأبو اللمين ويوسف محمد ريحو أعصابنا ..
ربنا ما يحرمنا منهم ..
كانت سهرة ممتعة بحق وحقيقة ..
.. موووو
والله دافننو سوا .. غايتو ربك ستر اليوم داك ..
الله ده ا لطيف بالعباد ياخ

Post: #44
Title: Re: ياخي محمد الأمين .. ووردي ديل قاعدين يعملو شنــو ..؟
Author: Hatim Yousif
Date: 07-23-2007, 06:42 AM
Parent: #1

تمبس .... عوداً حميداً

أهليييييييين وبركة الرجعت لينا تاااااني

Post: #45
Title: Re: ياخي محمد الأمين .. ووردي ديل قاعدين يعملو شنــو ..؟
Author: haroon diyab
Date: 07-23-2007, 06:58 AM
Parent: #44

ياتمبس
صباحك خير
مع كامل احترامنا للفنان سيف الجامعة لكن يامان والله لمن المعلم استلم هجرة عصافيييييييييييير الخرييييييييييييييييييف حسيت باني غريب هناك .
يديك العافية
هارون دياب

Post: #47
Title: Re: ياخي محمد الأمين .. ووردي ديل قاعدين يعملو شنــو ..؟
Author: shammashi
Date: 07-23-2007, 06:59 AM
Parent: #45

يا جماعة ورورنا الإعادة يوم شنو والساعة كم.
بس إن شاء الله الكهرباء ما تقطع.

Post: #125
Title: Re: ياخي محمد الأمين .. ووردي ديل قاعدين يعملو شنــو ..؟
Author: tmbis
Date: 07-25-2007, 05:09 AM
Parent: #47

Quote: يا جماعة ورورنا الإعادة يوم شنو والساعة كم.
بس إن شاء الله الكهرباء ما تقطع.
يا شمس
قالو المسالة دي اتعادت مرتين .. اريتك تكون حضرتها بي حجار بطارية يا بي اي شئ .. انا القدامك دا والله ما نابني فيها إلا التلاتة ملفات النزلت دي ..

Post: #112
Title: Re: ياخي محمد الأمين .. ووردي ديل قاعدين يعملو شنــو ..؟
Author: tmbis
Date: 07-24-2007, 02:07 PM
Parent: #45

Quote: مع كامل احترامنا للفنان سيف الجامعة لكن يامان والله لمن المعلم استلم هجرة عصافيييييييييييير الخرييييييييييييييييييف حسيت باني غريب هناك .

ياهارون دياب
كيفك يا صاحب ..
والله برضو مع كامل احترامي لي سيف الجامعة والاداء الجميل ..
لكن العصافير دي .. والله وردي عمل ليها جناحات عديل كدا ..
تعرف عصافير الخريف دي قبل كدا بكيت ليك بيها زول عزيز علي عديل كدا ليهو فتر طويلة من السودان .
فتحت ليهو الاسبيكر بتاع التلفون .. وسمعتو
غايب السنين الليلة مالو .. إلخ ..
وحات خوتك ( جعــر ) بصوت حزين جدا .. وساتلمت منو انا الباقي تميتو ليهو

Post: #46
Title: Re: ياخي محمد الأمين .. ووردي ديل قاعدين يعملو شنــو ..؟
Author: hajhamad
Date: 07-23-2007, 06:58 AM
Parent: #44

الرائع تمبس
فعلا كانت سهرة رائعة من رائعين و قد أكملت السهرة فرحي بتعادل المريخ و انتصار الهلال
Quote: والله يادكتــور .. لي سنين ما استمتعته متعة زي دي ..
ياخي الله يديهم طول العمــر والصحة ..
الناس دي ليها سنين ما فرحت ..
ونحن لينا سنين من طعم حاجات زي دي ..

الله يخليكم يا وردي .. ويا محمد الأمين

فعلا متعة حقيقية
لك ودي

Post: #126
Title: Re: ياخي محمد الأمين .. ووردي ديل قاعدين يعملو شنــو ..؟
Author: tmbis
Date: 07-25-2007, 05:12 AM
Parent: #46

Quote: فعلا متعة حقيقية

العزيز حاج أحمد:
سلامات
فعلا دي متعة حقيقية .. ويوم مشهود في تاريخ السودان يجب أنو يؤرخ ليهو..

Post: #48
Title: Re: ياخي محمد الأمين .. ووردي ديل قاعدين يعملو شنــو ..؟
Author: Mekki M Alhassan
Date: 07-23-2007, 07:05 AM
Parent: #44

الاخ تمبس جئت من الشغل فرحا لاشاهد فرح الهلال

تقوم تجيب لينا ود الامين بالعود

يااخي رفقا بالقوارير.. نحنا الفرح ده بنلقاهو بالقطاعي

لك الود والتحية

Post: #127
Title: Re: ياخي محمد الأمين .. ووردي ديل قاعدين يعملو شنــو ..؟
Author: tmbis
Date: 07-25-2007, 06:31 AM
Parent: #48

Quote: الاخ تمبس جئت من الشغل فرحا لاشاهد فرح الهلال
تقوم تجيب لينا ود الامين بالعود
يااخي رفقا بالقوارير.. نحنا الفرح ده بنلقاهو بالقطاعي

العزيز مكي الحسن ..
سلامات
لابد كان أن يمتد الفرح .. المدينة كانت تحتاج أن تنام وقتها على انغام محمد الأمين ، ووردي ونشوة الانتصار..
فليرفق بنا هؤلاء العباقرة .. كانت اصواتهم مؤلمة ، نشوانه .. وفيها من الخير الكثير..
لذا كانت دهشتنا بعد أن غاب الفرح كثيرا من الديار..

Post: #110
Title: Re: ياخي محمد الأمين .. ووردي ديل قاعدين يعملو شنــو ..؟
Author: tmbis
Date: 07-24-2007, 01:58 PM
Parent: #44

Quote: تمبس .... عوداً حميداً
أهليييييييين وبركة الرجعت لينا تاااااني

العزيز حاتم يوسف :
كيفك يا صاحب .. والله أنا قاعد وكل الحاجات في مكانه .. لكن من فترة اصبحنا كالحجارة أو كدنا ..
لكن دائما القيمة الجمالية تستفز المشاعر ..
هذا ما حدث استفزانا وردي والباشكاتب .. استفزاني احساس الحضور .. ونشوتهم
كيف لي أن اصمت .. علي كل هذا الجمال ..

Post: #49
Title: Re: ياخي محمد الأمين .. ووردي ديل قاعدين يعملو شنــو ..؟
Author: محمد ابراهيم قرض
Date: 07-23-2007, 08:11 AM
Parent: #1

تمبس ..
وحات ربي كنت قايك آخر من يهتم بجيل
وردي ، و ود اللمين و عثمان حسين ،
و ابراهيم عوض ... كنت قايلك من شلة
(الاغنيات الشبابية ضد القديم) !!!

صورتك و شكلك بيقولوا كده ؟؟!!!!

خذلتني يا تمبوسة !!!

بعدين عندي بوست حول نفس الموضوع ..
عايزك تتحرفن و تنقله معاك هنا
عشان تتوحد الجهود و كده !!!

Post: #129
Title: Re: ياخي محمد الأمين .. ووردي ديل قاعدين يعملو شنــو ..؟
Author: tmbis
Date: 07-25-2007, 06:57 AM
Parent: #49

Quote: تمبس ..
وحات ربي كنت قايك آخر من يهتم بجيل
وردي ، و ود اللمين و عثمان حسين ،
و ابراهيم عوض ... كنت قايلك من شلة
(الاغنيات الشبابية ضد القديم) !!!
صورتك و شكلك بيقولوا كده ؟؟!!!!
خذلتني يا تمبوسة !!!
يا دكتــور قرض ..
الما عندو قديم اصلو ما يعشم ليهو في جديد .. في المزيكا بالذات ..
فكم اطرب للراحل بادي محمد الطيب .. وكم يشجيني عثمان حسين الصوت الجريح ، كم ارتاح لأولاد الموردة وأولاد شمبات .. خلف الله حمد ، مبارك حسن بركات ـ حسن عطية ، العاقب محمد الحسن ، ويسكرني طربا الراحل خضر بشير والملك ابداؤود ، الفلاتية عشة ، ثنائي الجيل ، فاطنة الحاج ، محمد مرغني ، خالدي .. ولا باس من هاجــر كباشي .. وباسر تمتام ـ وعاصم البنا ـ وبعض من اغاني البنات بالدلوكة ـ إلخ
كل
من لا يستمع لهؤلاء العمالقة .. فلبتحسس ( صمامه )..
البوست يا دكتور من دربي ده عليهو .. تلقاني قدامك.

Post: #50
Title: Re: ياخي محمد الأمين .. ووردي ديل قاعدين يعملو شنــو ..؟
Author: محمد ابراهيم قرض
Date: 07-23-2007, 08:24 AM
Parent: #1

Quote: سجلت الاحتفالية والدموع تطفر من عينى احيانا

منان ..
يقيني أن الدموع سالت من ناس كتيرين ..
يا ربي يكون السبب شنو ؟؟ يعني الدموع
دي تكون ناتجة من شنو ؟؟!! كده انت ورينا
حسيت بي شنو و بعدين أنا بوريك !!!

Quote: مع كامل احترامنا للفنان سيف الجامعة لكن يامان والله لمن المعلم استلم هجرة عصافيييييييييييير الخرييييييييييييييييييف حسيت باني غريب هناك .

هارون دياب ..
أبدا و الله ..
وبعدين أغاني وردي دي ما بتدي الزول
فرصة عشان يفشل ... يعني لو غناها
الحمار تطلع عسل ينقط عديل كده ..

طبعا سيف الجامعة فنان ضخم و عظيم و صاحب أداء
متميز و هو اضافة حقيقية لأغاني وردة و للفن
عموما ...

Quote: يا جماعة في حد عارف الإعادة متين و الساعة كم؟؟؟

الصحافة ..
الجماعة ديل نقلوها بالغلط ..
كانوا مفتكرين انها حفل مباشر
من ضمن فعاليات زيارة البشير
للفاشر ... ما أظن يقعوا في
الغلط مرة أخرى !!!

Post: #53
Title: Re: ياخي محمد الأمين .. ووردي ديل قاعدين يعملو شنــو ..؟
Author: محمد زمراوي عبدالعزيز
Date: 07-23-2007, 09:13 AM
Parent: #50

ابقى تايه والغرام يصبح حكاية....
والاماني الحلوة دي الكانت بداية..
تبقى اواك في طريقي وفي النهاية ..

هذه الابيات مناغنية وردي لا زال صداها تراوح مسمعي بصوت الفنان ود اللمين
وذلك عندما كنت بالجبيل الصناعية بالمنطقة الشرقية في المملكة عام 1983م
وقد اعملا هذان العملاقان بهذه الاغنية عملا عجيبا ومططاها مطا فاقت زمنها اغنية فغدا يأتلف الجنة اشواكا وظلا.

كانت بحق ليلة ابداعية فزادها ألقا تمبس باعادتها لنا هنا بعد ان فاتنا الزمن زنحن منتشين بفوز الهلال والمريخ...

شكرا ياحماااااااااااااادة على قول وردي لمن بدلع ود اللمين

Post: #131
Title: Re: ياخي محمد الأمين .. ووردي ديل قاعدين يعملو شنــو ..؟
Author: tmbis
Date: 07-25-2007, 07:27 AM
Parent: #53

Quote: هذه الابيات مناغنية وردي لا زال صداها تراوح مسمعي بصوت الفنان ود اللمين
وذلك عندما كنت بالجبيل الصناعية بالمنطقة الشرقية في المملكة عام 1983م
وقد اعملا هذان العملاقان بهذه الاغنية عملا عجيبا ومططاها مطا فاقت زمنها اغنية فغدا يأتلف الجنة اشواكا وظلا.
.. العزيز محمد زمراوي
سلامات:
هذه الكبسولة المضغوطة من الإبداع اهدانا لها هذا الثنائي العظيم .. لتخفف من آلامنا الكثير أتت بمفعولها العكسي .. فزاد الآلم بزيادة معدل الفرح .. فمن اللحظات النادرة جدا أن يجتمع هذا الجمال في ليلة لم نكن نعلم أن القدر يخبي يدخر لنا فيها الكثير من الفرح ..
لننعم استاذي بهذا العذاب الجميل .. وهذه النشوة التي سيمتد طعمها ومزاقها طويلا ..

Post: #51
Title: Re: ياخي محمد الأمين .. ووردي ديل قاعدين يعملو شنــو ..؟
Author: قرشـــو
Date: 07-23-2007, 09:01 AM
Parent: #1

حبيبنا تمبس

بعد السلام والتحية

الله يديك العافية ياخى

تعرف انا حضرت من فقرة الكابلى والنهاية الاكثر من رائعة وهى مشاركة ابو اللمين ووردى معا وقلت هذه ليلة من ليالى العمر حقا ولكن لماذا لم تقدم الحفلة كاملة ؟؟؟؟؟

اسعدتنى جدا بنقلك هنا للمقاطع الجميلة والرائعة ...

بصراحة نقلك ذاتو ابداع ياخى

ليت التلفزيون يحرص على مثل هذه التسجيلات فهى رائعة

وهى تعيد صياغة الاذن التى اتلفتها المستجدات الغنائية

شكرا حبيبنا فالكلمات لا توفيك حقك .....

وتسلم لينا وتسلم لينا اناملك الذهبية ....

Post: #52
Title: Re: ياخي محمد الأمين .. ووردي ديل قاعدين يعملو شنــو ..؟
Author: قرشـــو
Date: 07-23-2007, 09:10 AM
Parent: #1

حبيبنا تمبس

لفت ابنى نظرى لمايكرفون قناة العربية فى الحفل ....

ترى هل ستبث قناة العربية الحفل لاحقاً ؟؟؟؟ مع انها قناة اخبارية

لكن السر شنو فى الحكاية دى ؟؟؟؟

Post: #55
Title: Re: ياخي محمد الأمين .. ووردي ديل قاعدين يعملو شنــو ..؟
Author: Sidig Rahama Elnour
Date: 07-23-2007, 09:27 AM
Parent: #52

تمبس الحبيب والله دي مش إبداع ياخي الواحد بكى عديل كدة
وكنت حريصاً أن أسمع صوت أحبابي ليشاركوني الفرحة ضربت ليك تلفونك مقفول ، ضربت لعمران عامل خدمة موجود، معتصم دفع الله قافل تلفونو وهسع يكون غرقان في دموعو
الطيب جميل عمل نائم من التلفون .... ضربت للؤي شمت أبى يرد
الفيديو عصلج معاي قلت ما مشكلة تمبوسي قاعد ، والإعادة قاعدة
ياخي العود مبالغة لكن ................

Post: #149
Title: Re: ياخي محمد الأمين .. ووردي ديل قاعدين يعملو شنــو ..؟
Author: tmbis
Date: 07-26-2007, 07:07 AM
Parent: #55

Quote: تمبس الحبيب والله دي مش إبداع ياخي الواحد بكى عديل كدة
وكنت حريصاً أن أسمع صوت أحبابي ليشاركوني الفرحة ضربت ليك تلفونك مقفول ، ضربت لعمران عامل خدمة موجود، معتصم دفع الله قافل تلفونو وهسع يكون غرقان في دموعو
الطيب جميل عمل نائم من التلفون .... ضربت للؤي شمت أبى يرد
الفيديو عصلج معاي قلت ما مشكلة تمبوسي قاعد ، والإعادة قاعدة
ياخي العود مبالغة لكن ................
. والله با صديق إنت عانيت معاناة شديدة جدا علشان تفرغ شحناتك ( الورد لمينيه دي )
يوم عجيب ياخ .. بلاي يا صديق للدرجة دي بقينا خفاف ما بتحمل الاشياء الصعبة دي ..؟
نفرح نبكي .. نحزن نبكي ..
ياسلام على الاحساس لما يكون في قمة الصدق ..
صاحبك عمران اتصل علي وانا ياوبك بسجل في المقطع بتاع العود .. ياخي اختصرت ليك حنانو زاتو . وأقول ليك حاجة ..؟ هو زاتو حسيت إنو بيكلفت فيني .. شابكني .. سجل .. اللحق التلفزيون . سجل كنت عايز اتخابث عليهو وأقول ليهو تلفزيونا بايظ لكن حنيت على حالو .. والراجل ابو وليدات ..
الطيب حسن جميل في حالات زي دي ما تلجأ ليهو .. ما بيخدمك في اي حاجة ..
لؤي شمت بيكون سارح ليك مع وردي كان جيت شلتو شلت البيت كلو ما بجيب خبرك خليك من انو يرد ليك.
اتصل علينا انا ومعتصم ديل .. بتلقانا صاحيين .. لكن الحظة ديك لو قدرت تطلع مننا بي جملة مفيدة تكون بالغته .. لانو مسيطرة علينا حالة من الفوضى المرتبة .. وصدمة نشوة مبالغ فيها ما قادرين نفك شفرته لحدي الان .. واظنها عمت كل الدنيا في الليلة ديك .

Post: #137
Title: Re: ياخي محمد الأمين .. ووردي ديل قاعدين يعملو شنــو ..؟
Author: tmbis
Date: 07-25-2007, 08:58 AM
Parent: #52

Quote: اسعدتنى جدا بنقلك هنا للمقاطع الجميلة والرائعة ...
بصراحة نقلك ذاتو ابداع ياخى
ليت التلفزيون يحرص على مثل هذه التسجيلات فهى رائعة
وهى تعيد صياغة الاذن التى اتلفتها المستجدات الغنائية

حبيبنا العمدة قرشــو ..
مليون سلام يا غالي .. وجيدا جيت. كنت اتمنى مثلك أن يعيدنا التلفزيون السوداني إلى ذكرى الأيام الجميلة .. مهرجانات الثقافة والإبداع .. ليالي التلفزيون الغنائية الساهرة حفلات الإذاعة في الهواء الطلق .. والكثير من المعالم التي غيبوها من تاريخنا ومن ذاكرتنا عمدا..
لكن
استمر التلفزيون في نفس المسلسل الدرامي .. حتى الحفل اعتقد أنه كان مبتور وناقص ... عزانا فقط فيما وصلنا من متعة ولو القليل منها..
Quote: لفت ابنى نظرى لمايكرفون قناة العربية فى الحفل ....
ترى هل ستبث قناة العربية الحفل لاحقاً ؟؟؟؟ مع انها قناة اخبارية
لكن السر شنو فى الحكاية دى ؟؟؟؟
.. فعلا ياعمدة . انا برضو لاحظت للمايك ده .. واكيد ح تتبث مقاطع من الحفل في الإخبارية .. وكنت لاحظت صبيحة يوم الحفل خبر في صحيفة سعودية ومنشور معاها صورة من الحفل يظهر فيه العملاق وردي .. بكامل هيبته..
تشكر يا عمدة
وحقيقي مداخلتك رجعتني للايام الخوالي ..

Post: #56
Title: Re: ياخي محمد الأمين .. ووردي ديل قاعدين يعملو شنــو ..؟
Author: امل احمد عمر
Date: 07-23-2007, 10:05 AM
Parent: #1

امس بالصدفة فتحنا تلفزيون السودان

ولقينا مهرجان الجمال ده والجري حصل .. وين الريموت هي نسجل كيف

كبكبة شديدة وفي الاخير قررنا نستمتع باللحظة دي وبعدين يحلها الحلال

جيت لقيت تمبس حلااااها ..

تسلم يا تمبس

Post: #150
Title: Re: ياخي محمد الأمين .. ووردي ديل قاعدين يعملو شنــو ..؟
Author: tmbis
Date: 07-26-2007, 07:35 AM
Parent: #56

Quote: ولقينا مهرجان الجمال ده والجري حصل .. وين الريموت هي نسجل كيف
كبكبة شديدة وفي الاخير قررنا نستمتع باللحظة دي وبعدين يحلها الحلال
جيت لقيت تمبس حلااااها ..
.. أمل كيفك:
عارفه علشان الجري والكبكبة دي .. كل الأوضاع بتكون في وضع الاستعداد .. الكمبيوتر .. على التلفزيون على الفيديو .. البتجي فيها تجي .. ودائما بتتحل بالخيارات البديلة الزي دي
تحياتي لي الناس المعاك ..

Post: #57
Title: Re: ياخي محمد الأمين .. ووردي ديل قاعدين يعملو شنــو ..؟
Author: محمد مكى محمد
Date: 07-23-2007, 11:59 AM
Parent: #1

تسلم يا مبدع وفى إنتظار بقية السهرة
تحياتى والمودة

Post: #151
Title: Re: ياخي محمد الأمين .. ووردي ديل قاعدين يعملو شنــو ..؟
Author: tmbis
Date: 07-26-2007, 10:04 AM
Parent: #57

المزيكاتي .. صديقي محمد مكي ..
تشكر يا سيدي .. وللاسف الشديد باقي السهرة ما حضرتو ولا حتى في الاعادة ..
لكن
صديقي الجميل حسام ( الصحافة ) قام بالواجب وما قصر .. ياريت لو تقدر تحفظ الملفات بالطريقة المرفقة.

Post: #58
Title: Re: ياخي محمد الأمين .. ووردي ديل قاعدين يعملو شنــو ..؟
Author: Gaafar Ismail
Date: 07-23-2007, 03:22 PM
Parent: #1

يا تمبس يا رائــع

شــكرا جزيلا وأنت تبعث البهجة في حياتنا...تسلم يا الحبيب.

تحياتي وصادق مودتي واحترامي

Post: #152
Title: Re: ياخي محمد الأمين .. ووردي ديل قاعدين يعملو شنــو ..؟
Author: tmbis
Date: 07-26-2007, 10:31 AM
Parent: #58

Quote: شــكرا جزيلا وأنت تبعث البهجة في حياتنا...تسلم يا الحبيب

استاذي جعفر اسماعيل ..
مليون سلام .. وجودك في أي مساحة تخصني .. دائما يمدني بالطمأنينة
كل شكري .. واحترامي لشخصك

Post: #59
Title: Re: ياخي محمد الأمين .. ووردي ديل قاعدين يعملو شنــو ..؟
Author: Alsa7afa_30
Date: 07-23-2007, 05:35 PM
Parent: #1

رابط الحفظ في الصفحة الثانية..

Post: #61
Title: Re: ياخي محمد الأمين .. ووردي ديل قاعدين يعملو شنــو ..؟
Author: Nasruddin Al Basheer
Date: 07-23-2007, 06:33 PM
Parent: #59

جيل ليس له قطع غيار!
عذوبة ومتعة وكانك تسبح فى ملكوت!
ياخ ديل من وادى عبقر عديل كدة!
جنى

والله يا جني تعليقك ده امتداد لروعة السهرة
ولا أجد أبلغ مما قلت ليقال..

Post: #64
Title: Re: ياخي محمد الأمين .. ووردي ديل قاعدين يعملو شنــو ..؟
Author: Nasruddin Al Basheer
Date: 07-23-2007, 07:01 PM
Parent: #61

العزيز تمبس والناس الحلوين
لكم التهنئة على هذا الجمال..

أنا من الناس البستمتعو برؤية الفرح في عيون الناس
عندما أدرت الريموت كونترول على القناة السودانية ولقيت سهرة وردي،
أصابني نوع من الجنون والهضربة وأم هلا هلا، خاصة وأنا فرحتي كانت
بكرتين بعد انتصار الزعيم..
من شدة ما مستمتع كان عندي إحساس إنو ما بعيش عشان أكمل باقي السهرة،
كنت بعاين في عيون الناس وألقى ليك كل الناس تكاد تطير من الفرحة والمتعة،
كل الناس كانت فرحانة وأي واحد قريت في عيونو إنو الحفلة دي حقتو هو شخصياً،
ولدي شافني مركز شديد في التلفزيون وما شغال بيهو خالص، عمل لي فيها الولد
بغير من محمد وردي وحاول يبكي ويحنني، ما عبرتو والله ولا اشتغلت بيهو،
أمو قالت ليهو: أبوك ده عندو جن اسمو الهلال ووردي خليهو هو هسي ما فاضي ليك..
الولد بكى لكن حتى الآن ما عارفو سكت ولا لسه ببكي..
بتذكر قلت ليهو: يا ولد ما تجنني.. في اللحظات دي أبعد عن طريقي..
واستمريت في الاستمتاع، وحسيت أي واحد حضر الحفلة أو شاهدها كان حريص على
تخزين أكبر قدر من المتعة والفرح والبهجة،
نحن ما شعب مسكين ويتيم من حاجة اسمها فرح.. أقل حاجة تخلي سلكنا كهرب..
عندنا قمة زي وردي وناس التلفزيون ما قاعدين ينشرو فنوا وإبداعو
التلفزيون مفتوح على مصراعيه لإزعاج المداحين والمنشدين والفنانين المسيخين..
بقينا لما نسمع شيء لوردي أو أبو اللمين نبقى مصاقيع زي المساطيل..
عارف إنك حاتكون عملت البدع يا تمبس في البوست ده عشان كده كنت مصر بل ملح
على أن أفتح هذا البوست رغم إنو عصلج معاي أكتر من عشرة مرات،
قلت يا جماعة البوست ده فيهو شنو من جوة يكون (التهمة) ثبتت على تمبس؟
هاهاهاها..
مشكور يا حبيبنا على الإمتاع ونقل البهجة واعذرني لو بريتكم
أصلي مصقوع من أمس وبوستك ده زاد علي السطلة..
ارشح البوست ده ليكون بوست السنة إذا ختا قطاع الطرق..

Post: #155
Title: Re: ياخي محمد الأمين .. ووردي ديل قاعدين يعملو شنــو ..؟
Author: tmbis
Date: 07-28-2007, 07:46 AM
Parent: #64

حبيبنا نصر الدين البشير
سلامات
فرحتك . دي ما بي كرتين يا نصرالدين .. دي وصلتها الحد ودخلت في منطقة الانجذاب الصوفي .. ومن ثم الترجمة .. وهي مرحلة ( سريالية الحديث ) ..
مش بقولو ليك الزول ده غرقان .. أها ياهو ده الغرق زاتو البقولوهو ..
هذه الحالة يا عزيزي انتابتنا كلنا.. لفونــا في الكرتين ديل .. وما استشارونــا ... باغتونــا ، وضربونا في قلبنا .. وفي الحتات الحساسة جدا .. المقفولة وما اتهبشت من سنين ..الواحد يا نصرالدين صقعة زي دي بيفتش ليها .. ولو بالريحة بس ..
طرب حد الاشباع .. حد الارتواء .. حد النشوة ..
يانصرالدين .. ياخي بتمنى ليك غيبوبة جميلة زي دي كلما تفتح التلفزيون المعذبك ده علشان تجي تمتعنا بي كتابة صادقة زي دي .

Post: #66
Title: Re: ياخي محمد الأمين .. ووردي ديل قاعدين يعملو شنــو ..؟
Author: كمال الدين بخيت اسماعيل
Date: 07-23-2007, 07:27 PM
Parent: #1

الاخ تمبس.....

اتحفتنا بحق....شكرا لك ومجهودك لايقدر بثمن....وردي واللمين حته واحده في هذا الزمن السوداني الصعب.....الله غالب...

Post: #156
Title: Re: ياخي محمد الأمين .. ووردي ديل قاعدين يعملو شنــو ..؟
Author: tmbis
Date: 07-28-2007, 09:01 AM
Parent: #66

العزيز كمال الدين حسن بخيت
سلامات ..
دائما المتعة متاحة للجميع .. ولما الأمر يتعلق بالفن الخالد .. وبقامات في مكان الباشكاتب .. والاستاذ وردي .. يجب أن تعمم على مسامع كل الدنيا ..
مزيدا من المتعة للجميع ..

Post: #67
Title: Re: ياخي محمد الأمين .. ووردي ديل قاعدين يعملو شنــو ..؟
Author: الناظر
Date: 07-23-2007, 07:36 PM
Parent: #1

الاخ تمبس بالامس السعادة كلها غمرتنى
هلال الملاين هزم اسيك و فعلها و فرحنى
كمان شفت الوصلة بين الكبار عزبتنى
شفت فن الفون و انبهرت و جلست ابكى
إتصلت بكل حبيب عشان يسمع و بكرة يحكى
دا كان يوم عظيم و احداثو اسعدتنى
وردى و ودالامين و الله بيهم فخرى

Post: #68
Title: Re: ياخي محمد الأمين .. ووردي ديل قاعدين يعملو شنــو ..؟
Author: Sudnawi
Date: 07-23-2007, 08:08 PM
Parent: #67

ناجي الزبير... ترسل التسجيل ده مع محمد عركي وإلا !!

تمبس... ياخ إنت اعجب من يوسف محمد زاتو...

خالد

Post: #72
Title: Re: ياخي محمد الأمين .. ووردي ديل قاعدين يعملو شنــو ..؟
Author: عمران حسن صالح
Date: 07-23-2007, 09:05 PM
Parent: #68

وآهـ وتاني آهـ يا تمبس
لا أدري كم كمية الفرح التي كانت بالأمس ...
ولا أدري يا تمبس كمية الضحك والابتسام
يا تمبس كل هموم الغربة والوحدة والألم أمس راحت
والله راحت
ولا أدري يا تمبس كمية الحزن التي انزاحت عن كاهلي
وكمية النوم التي نمتها ملء جفوني
وكمية السعادة التي أدخلها هذه الثنائي العجيب
في كل شي
السعادة بأنني من صلب هذا الشعب الذي أنجب هؤلاء
السعادة والفرح بالسمع الذي نستمتع به
السعادة بأننا ما زلنا نصر وسنواصل الإصرار بأن هؤلاء من نستمع لهم
أنا ما عارف يا تمبس الجديد شنو في البكتبو ده
زي ما الناس الفوق ديل بكوا
لم أستطيع أن أحبس دموعي
وزي ما بعضهم فتش حبايبو بالتلفونات
فتشت كل زول والوقت متأخر عشان أقسم معاهو الفرح الأنا فيهو ...
والله شكل الناس الحاضرين الحاجة دي كان مدفق بي حاجات عجيبة
وأصر يا تمبس على الحاجتين ديل
محمد الأمين ووردي كشي واحد
والهلال
أقول ليك شنو يا تمبس
بلدنا جميل
غنانا أجمل
وناسنا ( الكبار )الله يخليهم لينا
ياخي أنا والله خايف من يوم بكرة ده بشكل ما طبيعي
يوم يفوتوا الناس ديل ونكون بعداك محلك سر ...
وطبعاً نحن الآن مكانك سر
لكن وجود الناس ديل بيناتنا وبي حاجاتهم الموجودة دي
كل يوم دمائنا بتتجدد بما يكرروا ترديده علينا
والحزن يا تمبس إنو الغربة منعتنا التواجد وسط الفرح المسكوب أمس هناك
...
الكلام ما كمل .. وما حا يكمل
وعليكم الله البوست ده ما يمشي أي حتة

Post: #159
Title: Re: ياخي محمد الأمين .. ووردي ديل قاعدين يعملو شنــو ..؟
Author: tmbis
Date: 07-28-2007, 01:44 PM
Parent: #72

عمران أبوحمودي ..
لو لم تقم في تلك الأمسية بتلااتصال علي بعد ملحمة الهــلال .. لكنت اعتقدت أن الهلال لم يفز .. ولم تكتمل فرحتي ..
ولو ما كررتها بالصوت النشوان . المستعجل الفرح إنو يا تمبس اللحــق سجل الحلقة دي بسرعة ,, لما تأكدت انو الفرح يمكن أن يطير وتنتشر حبيباته في الهــواء ونستنشقه ..
ولو لم أكن متأكد من نضافة ( اضانك ) وزوقك الموسيقي العالي .. وحبك للاستاذ وردي والباشكاتب .. ( وقدانك ) لي بي ( تتعلم من الأيام ) المسجلة في شريط كامل بالجهتين .. وورد حفلة اديس .. ( وبناديها) الجميلة لما تأكدت انا الغناء أحيانا يحلق بك في عوالم أخرى تحتاجها في لحظات آنية من الصراع الفلسفي بين جدلية الموت .. والحياة ..
لذلك يا صاحبي
ادعو الله أن يمتعك بكل أنواع السعادة .. ( مكتوبة بالنوتة ) أو ملعوبة باصات في المستطيل الأخضــر ..
البوست ده يا عمران موجود .. وانا عاملو بوست متعة كروية وفنية .
يعني بي صراحة كدا .. ( كفر ووتــر ) ... وكلما المزاج يكون عالي .. بنجي نوقع فيهو هنا ونسجل حضور ..

Post: #169
Title: Re: ياخي محمد الأمين .. ووردي ديل قاعدين يعملو شنــو ..؟
Author: Nader Abu Kadouk
Date: 08-01-2007, 06:41 AM
Parent: #159

Up

Post: #190
Title: Re: ياخي محمد الأمين .. ووردي ديل قاعدين يعملو شنــو ..؟
Author: baha eassa
Date: 09-02-2007, 02:37 PM
Parent: #159

اخي الرائع .. تمبس

انا والانغام والعود في ايدي .. وود الامين المبدع
والهرم الكبير وردي ..
سهرة فيها الماضي والابداع .. كل شيء حاضر .. ونحن
كالعادة امام الاباع اضعف مانكون ..
اخي تمبس .. موقع you tube لااستطيع انزال الاغاني منه
وفيه تقطيع المرة الاولي .. ارجو ان تدلني علي حل ؟؟

ولك الود ..

بهاء الدين حسن/ القاهرة /

Post: #196
Title: Re: ياخي محمد الأمين .. ووردي ديل قاعدين يعملو شنــو ..؟
Author: tmbis
Date: 09-03-2007, 10:11 AM
Parent: #190

العزيز بهاء الدين..
اولا معليش الرد بتاعك ما شفتو طبعا لانك علقتو فوق ..
بالنسبة للحفظ هناك برنامج خاص للموقع لحفظ النوعية دي من الملفات .. كان نزلو أخونا وزميلنا الزوول بتلقاهو على الرابط المرفق .. حاول نزلو وهو ساهل جدا في طريقة التعامل معاهو .. ولو لاقتك اي صعوبات أديني خبر
ده البوست الخاص بالبرنامج:
حفظ أفلام الYouTube الى جهازك

وده موقع تحميل البرنامج:
http://www.filesend.net/download.php?f=72c6f73b4a6cc3022174cdb996848744

Post: #158
Title: Re: ياخي محمد الأمين .. ووردي ديل قاعدين يعملو شنــو ..؟
Author: tmbis
Date: 07-28-2007, 10:34 AM
Parent: #68

Quote: ناجي الزبير... ترسل التسجيل ده مع محمد عركي وإلا !!
تمبس... ياخ إنت اعجب من يوسف محمد زاتو...

ياخالـــد ..
ناجي ده ممكن يشدك سنة كاملة .. يعذبك عذاب السنين .. بعداك حتين يحن على حالك ويرسل ليك ..
اسالني انا منو ..
.. يوسف محمد يا خالد ؟؟
كان تقول لي إنت اعجب من ( باص القون ) .. شفت ليك زول عاقل بلعب ليهو باص قون بالطريقة دي ...؟
حسع باص القون ده فرقو شنو من وردي ومحمد الأمين ..؟

Post: #167
Title: Re: ياخي محمد الأمين .. ووردي ديل قاعدين يعملو شنــو ..؟
Author: الملك
Date: 07-30-2007, 08:54 PM
Parent: #158

خالـــد
ما تسمع كلام تمبس
...
المهم انا كمبيوترى اتمسح عن بكرى ابيه
لكن كنت قايلك فى السودان ناوى اعزمكــ

...
المرة الجاية طيب
حيوصلك لو انا وصلتا لى ضياء

"تمبس "

انت وصلك واللا ما وصلك
...
!!!

عشان ما ارتكب جريمة ساى

Post: #157
Title: Re: ياخي محمد الأمين .. ووردي ديل قاعدين يعملو شنــو ..؟
Author: tmbis
Date: 07-28-2007, 09:58 AM
Parent: #67

Quote: إتصلت بكل حبيب عشان يسمع و بكرة يحكى

النــاظر:
كيفنك ..؟
الفرح بيجي من غير ميعاد .. ولا انتظار ، قودوين فرحنــا في الزمن الضايع ..
وردي والباشكاتب تموها لينا ..
ح يفضل اليوم ده يا النــاظر يوم مشهود .. ح نحكي بيهو مدة طويلة
لانو اتسجل في سفــر الخلــود ..
ومن أيام السودان العظيمة .. إنتصار .. ونشوة فرح ..

Post: #73
Title: Re: ياخي محمد الأمين .. ووردي ديل قاعدين يعملو شنــو ..؟
Author: saadeldin abdelrahman
Date: 07-23-2007, 09:27 PM
Parent: #1

معليش يا أخوانا فاصل قصير جدا و نواصل
بس عايز أحسب الناس الذين ثبت بكائهم في لقاء القمم الجديد/القديم هذا:
البكاي الأول محمد إبراهيم قرض:
Quote: تمبس ..
ما عملوهو أصابني في مقتل ..
ولم أجد غير الدموع ...

الثاني
سعدالدين جعفر
Quote: ياخي أنـا بسـمع و عبوني كـلها مرقرقة و مرات بنطنط و بعمل مايسترو

الثالث
نـورالدين منان
Quote: سجلت الاحتفالية والدموع تطفر من عينى احيانا

الرابع
صديق رحمة النور
Quote: تمبس الحبيب والله دي مش إبداع ياخي الواحد بكى عديل كدة

ا
لخامس
ولد أخونا نصرالدين البشير
Quote: ولدي شافني مركز شديد في التلفزيون وما شغال بيهو خالص، عمل لي فيها الولد
بغير من محمد وردي وحاول يبكي ويحنني، ما عبرتو والله ولا اشتغلت بيهو،

يقيني أن الذين بكوا كثر و لكنها غتاتة بني السودان

Post: #74
Title: Re: ياخي محمد الأمين .. ووردي ديل قاعدين يعملو شنــو ..؟
Author: saadeldin abdelrahman
Date: 07-23-2007, 10:05 PM
Parent: #73

ملحق بكاء

6 -
عمران حسن صالح

Quote: زي ما الناس الفوق ديل بكوا
لم أستطيع أن أحبس دموعي
وزي ما بعضهم فتش حبايبو بالتلفونات

كمان لحقتني في التلفونات يا عمران أخوي..؟

----------
إنتو مش زماااان كان في ناس إسمهم (البكاؤون)؟

السادس

Post: #161
Title: Re: ياخي محمد الأمين .. ووردي ديل قاعدين يعملو شنــو ..؟
Author: tmbis
Date: 07-29-2007, 06:42 AM
Parent: #74

Quote: ملحق بكاء

يا سعد الدين ..
صدقني إنت بتتعب في نفسك ساي ..
غايتو كان جيت تكتب ( البكاؤون ) .. وتعمل ليهم حصر هنا .. ح تتعب ..
طبعا حسع العملو ( بكين ) هنا ديل الصريحين جدا .. وجو قالوها .. في ناس اراهنك انهم معانا ف يالبوست ده لكن ( بكو ) .. وقشو دموعهم .. واستغفروا
غايتو يا سعد بره المساحة دي .. انا عندي خمسة بضمنهم ليك .. ديل في تمرين الهلال قاعدين يبكو خليك لما يغني محمد اللمين ووردي
عمر الفاروق واحد منهم لاني قبل كدا قبضتو بالثابته

Post: #75
Title: Re: ياخي محمد الأمين .. ووردي ديل قاعدين يعملو شنــو ..؟
Author: Alsa7afa_30
Date: 07-23-2007, 10:27 PM
Parent: #1

رابط الحفظ موجود أدناه..

Post: #76
Title: Re: ياخي محمد الأمين .. ووردي ديل قاعدين يعملو شنــو ..؟
Author: Mohamed Yousif Hamad
Date: 07-24-2007, 02:25 AM
Parent: #75

السلام عليكم ورحمة الله وبركاته
يا تمبس ياجميل
على فكره وردي هلالابي و ابواللمين زاتو هلالابي كبير كمان و انا زاتي هلالابي بلميلاد كمان
و زي ما قال زعيمنا رحمة الله عليه الطيب عبدالله السودان ده كله هلالاب بس في شوية ناس كده زعلانين منو مشو يشجعو انديه اخرى

Post: #77
Title: Re: ياخي محمد الأمين .. ووردي ديل قاعدين يعملو شنــو ..؟
Author: عبد الغفار عبد الله المهدى
Date: 07-24-2007, 04:05 AM
Parent: #76

كانت ليله ولا اروع
قمم وتلاقت

Post: #162
Title: Re: ياخي محمد الأمين .. ووردي ديل قاعدين يعملو شنــو ..؟
Author: tmbis
Date: 07-29-2007, 09:00 AM
Parent: #76

Quote: على فكره وردي هلالابي و ابواللمين زاتو هلالابي كبير كمان و انا زاتي هلالابي بلميلاد كمان
و زي ما قال زعيمنا رحمة الله عليه الطيب عبدالله السودان ده كله هلالاب بس في شوية ناس كده زعلانين منو مشو يشجعو انديه اخرى

عزيزي محمد يوسف ..
سلامات ياجميل:
والله يا محمد يوسف نحن الهـــلالاب ديل مشهورين بالمتعة .. نغني نمتع .. ونلعب كفــر نمتع ..
نغلبك في عضمك ده .. برضو تطلع مستمتع ..
تاني فضلنا شنو ..

Post: #81
Title: Re: ياخي محمد الأمين .. ووردي ديل قاعدين يعملو شنــو ..؟
Author: محمد ابراهيم قرض
Date: 07-24-2007, 07:38 AM
Parent: #1

Quote: البكاي الأول محمد إبراهيم قرض

سعد الدين ..
أنا ما البكاي الأول .. أنا البكاي التاني ..
تعرف ليه ؟؟ لأنه بكيت تاني لامن عادوها صباح
اليوم الثلاثاء الساعة 5 صباحا بتوفيت السودان ..

وبعدين انت ما بتبكي مالك ؟؟
سمعته ولا جابوهو ليك ؟؟؟

و يالها من قمة القمم ..
تجلى فيها الابداع و تفوق على نفسه ..

أما (المجادعة) بين وردي و ود اللمين
فحدث ولا حرج

خوفي منك و يا نور العين ..

ثم تلكم الحميمية الطاغية التي تربط
بين العملاقين ودري و محمد الأمين ..

سمعت يا سعد وردي ينادى على أبو الأمين:

"شكرا يا حمادة" !!
"شكرا يا حمادة وربنا يحضرنا خمسينك" !!!

تقول لي ما ابكي ؟؟!!! ..

هو نحن منو الفضل لينا غيرهم !!!

Post: #84
Title: Re: ياخي محمد الأمين .. ووردي ديل قاعدين يعملو شنــو ..؟
Author: محمد فرح
Date: 07-24-2007, 08:17 AM
Parent: #81

الحبيب تمبس
تشكرات أفندم على البوست العذاب ده
ديل ياأخوي دهب خااااااااالص
الله يديهم ويديك الصحه والعافيه

مؤونة عام من الود

Post: #163
Title: Re: ياخي محمد الأمين .. ووردي ديل قاعدين يعملو شنــو ..؟
Author: tmbis
Date: 07-29-2007, 09:08 AM
Parent: #84

Quote: كانت ليله ولا اروع
قمم وتلاقت
ايوة يا عبد الغفــار .. ده كان لقاء السحاب .. ولقاء العمالقة .. لا تكرر كثيرا ..
..
.
Quote: تشكرات أفندم على البوست العذاب ده
ديل ياأخوي دهب خااااااااالص
الله يديهم ويديك الصحه والعافيه
مؤونة عام من الود
العزيز محمد فــرح ..
ياسيدي ديل .. آخــر جيل العمالقة .. وآخــر ناس بتعذب الحرف .. والكلمة واللحــن .. ربنا يمد في ايامهم .. ويمتعنا ويعذبنا بي كلامهم السمح ده..

Post: #97
Title: Re: ياخي محمد الأمين .. ووردي ديل قاعدين يعملو شنــو ..؟
Author: saadeldin abdelrahman
Date: 07-24-2007, 11:47 AM
Parent: #81

Quote: وبعدين انت ما بتبكي مالك ؟؟
سمعته ولا جابوهو ليك ؟؟؟

أنا بقفاك طوالي في اللستة يا قرض...
بعيد عنك طولت و قاعد على الهبشة

(شكرا يا حمادة) كانت لذيذة من وردي لكن بعض الخبثاء
ارتفعت قهقهتهم و حسبوها من قطامة ابوالورود المشهورة
في حين هو قالها بكل تقدير ليس الا

Post: #86
Title: Re: ياخي محمد الأمين .. ووردي ديل قاعدين يعملو شنــو ..؟
Author: د.محمد حسن
Date: 07-24-2007, 08:33 AM
Parent: #1

تمبس

تعلن تمبس العزائية عن فتح صيوان بيت بكا من العيار التقيل بالاون

الاخ علاء

نشكر لك السماح لنا بالعياط الممنهج

Post: #164
Title: Re: ياخي محمد الأمين .. ووردي ديل قاعدين يعملو شنــو ..؟
Author: tmbis
Date: 07-29-2007, 01:15 PM
Parent: #86

Quote: نشكر لك السماح لنا بالعياط الممنهج

يا ابشنــب ..

والله كمان يا حلات العيــاط فيك

كدي ( كرر المحاولة مرة أخرى )

Post: #87
Title: Re: ياخي محمد الأمين .. ووردي ديل قاعدين يعملو شنــو ..؟
Author: انعام عبد الحفيظ
Date: 07-24-2007, 08:59 AM
Parent: #1

والله يا تمبس نص عمرك ضاع

عشان ما حضرت الحفلة دي لايف

بس لو عايزه احفظ الملفات النزلتها دي أحفظها كيف؟

معليش أختك قادة تكنلوجيا

Post: #171
Title: Re: ياخي محمد الأمين .. ووردي ديل قاعدين يعملو شنــو ..؟
Author: tmbis
Date: 09-01-2007, 09:37 AM
Parent: #87

Quote: والله يا تمبس نص عمرك ضاع
عشان ما حضرت الحفلة دي لايف

ما نص عمري بس يا أنعام .. والله ضاعت كترت حاجات ..
شكلك كدا مفترض تكوني حفظتي الملفات .. واتصالحتي مع التكنلوجيا ..
وبقيتي تنزلي ملفات كمان .. عركي والذي منــو ..

Post: #88
Title: Re: ياخي محمد الأمين .. ووردي ديل قاعدين يعملو شنــو ..؟
Author: محمد ابراهيم قرض
Date: 07-24-2007, 09:19 AM
Parent: #1

Quote: عشان ما حضرت الحفلة دي لايف

انعام ..
شفتك ..
الكاميرا ركزت عليك ..
و الدموع دي !!!!

Post: #89
Title: Re: ياخي محمد الأمين .. ووردي ديل قاعدين يعملو شنــو ..؟
Author: انعام عبد الحفيظ
Date: 07-24-2007, 09:30 AM
Parent: #88

Quote: انعام ..
شفتك ..
الكاميرا ركزت عليك ..
و الدموع دي !!!!

غايتو يا قرض جنس حسادة وكضب عليك

يعني عشان سعد الدين ختاك مع البكاؤون عايز تورطنا

بس بيني وبينك اي زول حضر الحفلة دي لايف

ببكي من اليوم داك لحدي هسه

Post: #91
Title: Re: ياخي محمد الأمين .. ووردي ديل قاعدين يعملو شنــو ..؟
Author: Emad Abdulla
Date: 07-24-2007, 10:03 AM
Parent: #89

Quote: دي لايف
دي شامبر ..
دي باريس ..
دي لاكروا ..
دي مونت كريستو ..

إنعام ياخ نتجرس و نبكي و نتلوا مع وردي و صوت الولد الكارثة داك :
( اللفتة و الخصل اللي نامت فوق تسابيح البريق
و خطاكي و الهدب المكحل و فتنة التوب الأنيق ) ..
ديني أنا ياخ ..
تقومي تبهليها و تحنكشي الشغل بدي لايف ودي فودروا .. ؟؟
تمبس بيتعقد من الكلامات الزي دي , و يفتكرا شتيمة لاقدر الله .
حاضر ؟؟

يللا أحكي لينا عن الحفلة ..
فليس من رأى كمن سمع .
و إنت يا أصلي .. ولا كلمة , تسمع و بس .

Post: #95
Title: Re: ياخي محمد الأمين .. ووردي ديل قاعدين يعملو شنــو ..؟
Author: انعام عبد الحفيظ
Date: 07-24-2007, 11:04 AM
Parent: #91

عماد عبد الله

سلامات والله اتمنيت تحضروا الحفلة

بس الفنان تمبس ماقصّر

ياخي دي كانت ليلة من أجمل الليالي

وبالمناسبة معليش ليكم عشان ما بتتكرر

كل فنان من الفنانين الشاركوا كانو قمة في الإبداع

وشاركهم وردي بترديد بعض المقاطع

سيف الجامعة نزل من على المسرح وغنى بجوار وردي

"هجرة عصافير الخريف" (ياخي نحنا زااااتنا هاجرنا في اللحظات ديك)

اما ود اللمين والله دا كمان حكاية براااااااااااااهو

ياخي الناس دي ما استحملت مذيعو الربط

من شدة ما كانت متعطّشة لسماع اغاني وردي عند الفنانين ديل

ياخي داك يوم يعقّد عديل كدا

وأول مره أشوف الناس السايقين عربات وطالعين من الحفلة

في الشارع ورغم الزحمة تمرر بعضها مزاجهم كان راااااااايق

ربنا يديهم كلهم العافية

Post: #116
Title: Re: ياخي محمد الأمين .. ووردي ديل قاعدين يعملو شنــو ..؟
Author: peace builder
Date: 07-24-2007, 02:50 PM
Parent: #95

تمبس سلامات
وانا بتنقل عبر القنوات استطعت الاستمتاع بآخر اغنيات ود الامين بالتحديد وما تتخيل فرحتي كانت كيف ومعنويات في السماء
مبروك لوردي وكل احتفال وهو بخير والشعب بخير
اذا في اي تسجيل ممكن يتحفظ في الكمبيوتر ما تبخلوا بيهو ونحن برضو بنحب الموردة وبنقدر ناسها

جمال
لاغوس نيجيريا

Post: #175
Title: Re: ياخي محمد الأمين .. ووردي ديل قاعدين يعملو شنــو ..؟
Author: tmbis
Date: 09-01-2007, 10:41 AM
Parent: #116

Quote: اذا في اي تسجيل ممكن يتحفظ في الكمبيوتر ما تبخلوا بيهو ونحن برضو بنحب الموردة وبنقدر ناسها

كيفك ياجمال ..؟
والله من ناحية التسجيلات البتتحفظ دي ما بنقصر .. ونوم قفى .. الحاجات الجميلة دي حرام الواحد يكون ساجنه في الجهاز .. والناس محتاجة ليها بشدة ..

عمر مديد لوردي .. وللاستاذ محمد الأمين الصحة والعافية

Post: #121
Title: Re: ياخي محمد الأمين .. ووردي ديل قاعدين يعملو شنــو ..؟
Author: Kostawi
Date: 07-24-2007, 05:29 PM
Parent: #95

Post: #176
Title: Re: ياخي محمد الأمين .. ووردي ديل قاعدين يعملو شنــو ..؟
Author: tmbis
Date: 09-02-2007, 08:41 AM
Parent: #121

شكرا لصورة الأمبراطــور يا مارشال كوستاوي ..

نخدمك كدا جاي من ( منى )

Post: #174
Title: Re: ياخي محمد الأمين .. ووردي ديل قاعدين يعملو شنــو ..؟
Author: tmbis
Date: 09-01-2007, 10:23 AM
Parent: #95

Quote: وأول مره أشوف الناس السايقين عربات وطالعين من الحفلة
في الشارع ورغم الزحمة تمرر بعضها
.. غايتو يا إنعام دي بالغتي فيها..
..
لكن بالجد كدا اليوم داك الناس دي كلها كانت مساكاهم ( أم فريحانه ) .. انا القدامك دا اتنقلت لي العدوى ..
بالذات مع عصافير الخريف ..
ولو كان لحقني ( مافي داعي ) .. إحتمال كان الواحد قامت ليهو جناحين ..

Post: #173
Title: Re: ياخي محمد الأمين .. ووردي ديل قاعدين يعملو شنــو ..؟
Author: tmbis
Date: 09-01-2007, 10:03 AM
Parent: #91

Quote: و إنت يا أصلي .. ولا كلمة , تسمع و بس .

يعني يا عماد بي حركتك بتاعت الكم يوم دي ..
معناته بعد كدا ح تحكي لينا من هناك ..؟
يعني ح تكون جوه الحتات ذاته مش كدا ..؟ والله يا عماد بقدرما قفلتها معانا لكن عجبني ليك ..
اقول ليك حاجة..
إنت امشي احضر لينا في ( اللايفات ) دي .. وتعال الصباح .. الصباح تلقانا كابين جرسلين هنا ده ..

Post: #92
Title: Re: ياخي محمد الأمين .. ووردي ديل قاعدين يعملو شنــو ..؟
Author: salma subhi
Date: 07-24-2007, 10:06 AM
Parent: #89

أولاً شكراً تمبس على هذا البوست الجميل المميز

وعندك رسالة جميلة من انعام في بوست ...

اخـتار أي عــضو من المــنبر وأهـدي له هـديـة أو كلـمة جمـيلة

تقديري لكما

Post: #177
Title: Re: ياخي محمد الأمين .. ووردي ديل قاعدين يعملو شنــو ..؟
Author: tmbis
Date: 09-02-2007, 09:11 AM
Parent: #92

العزيزة سلمى صبحي ..
اشكرك جدا لمرورك الانيق من هنا ورسائلك ورسائل الأصدقاء .. وللعزيزة انعام الكثير من الود ..

Post: #172
Title: Re: ياخي محمد الأمين .. ووردي ديل قاعدين يعملو شنــو ..؟
Author: tmbis
Date: 09-01-2007, 09:47 AM
Parent: #88

Quote: انعام ..
شفتك ..
..
نحنما شفنا حاجة اليوم داك .. لكن البركة في ( البخرات ).. والناس السمعونا الحفلة لايف .. وختونا في الصورة ..
الناس دي طيبة خلاص .. لو ما كدا والهل الواحد عمرو كلو كان ضاع

Post: #93
Title: Re: ياخي محمد الأمين .. ووردي ديل قاعدين يعملو شنــو ..؟
Author: Ahmed Mohammed Osman
Date: 07-24-2007, 10:16 AM
Parent: #1

ياسلام يا تمبس يا ممتع
انت عارف
حاجاتك الحلوة دي كلها ح نردها ليك يوم عرسك
الله يقدرنا بس

---
الصحافة
بقرا عنوان الغنية بتشحتف
عندي مشكلة فنية في سماع الاوديو
ممكن تنزل رابط الحفظ

Post: #179
Title: Re: ياخي محمد الأمين .. ووردي ديل قاعدين يعملو شنــو ..؟
Author: tmbis
Date: 09-02-2007, 09:25 AM
Parent: #93

Quote: ياسلام يا تمبس يا ممتع
انت عارف
حاجاتك الحلوة دي كلها ح نردها ليك يوم عرسك
الله يقدرنا بس
يا باشمهندس ده كلام حلــو جدا .. قبل كدا في واحد حجز لي وردي، إنت أعمل حساب محمد الأمين.. الخيمة والكراسي ما عندك مشكلة سمؤل صاحبي حاجزهم من قبل سنتين..

Post: #94
Title: Re: ياخي محمد الأمين .. ووردي ديل قاعدين يعملو شنــو ..؟
Author: طارق جبريل
Date: 07-24-2007, 10:20 AM
Parent: #1

يا تمبس كيفنك
انت غايتو ما نصيح
وعايز تجننا معاك

Post: #96
Title: Re: ياخي محمد الأمين .. ووردي ديل قاعدين يعملو شنــو ..؟
Author: تماضر الخنساء حمزه
Date: 07-24-2007, 11:29 AM
Parent: #1

ياالله على البلد السمحة دي

شكرا تمبس

Post: #103
Title: Re: ياخي محمد الأمين .. ووردي ديل قاعدين يعملو شنــو ..؟
Author: مزاحم الضوي
Date: 07-24-2007, 01:10 PM
Parent: #96

الشوط الأول الهلال غالب

الشوط التانى وردى .. محمد الأمين

قادر تتخيل معاى الشوط التالت ياتمبس ولا الخوف ياغالى ...

Post: #181
Title: Re: ياخي محمد الأمين .. ووردي ديل قاعدين يعملو شنــو ..؟
Author: tmbis
Date: 09-02-2007, 10:52 AM
Parent: #103

Quote: الشوط الأول الهلال غالب
الشوط التانى وردى .. محمد الأمين
قادر تتخيل معاى الشوط التالت ياتمبس ولا الخوف ياغالى ...
. والله يا باشمهندس دي المتعة ذاته البقولوها ..
كفـــر .. ووتر يا باشمهندس ..

Post: #180
Title: Re: ياخي محمد الأمين .. ووردي ديل قاعدين يعملو شنــو ..؟
Author: tmbis
Date: 09-02-2007, 09:36 AM
Parent: #96

Quote: يا تمبس كيفنك
انت غايتو ما نصيح
وعايز تجننا معاك
.. ياطارق يا جبريل صدقني ..إنت من يومك فاكه منك
..
Quote: ياالله على البلد السمحة دي
شكرا تمبس
. تماضر الخنساء .. البلد منورة مع إنو قالو الكهرباء قاطعه طوالي

Post: #100
Title: Re: ياخي محمد الأمين .. ووردي ديل قاعدين يعملو شنــو ..؟
Author: محمد أبوالعزائم أبوالريش
Date: 07-24-2007, 12:19 PM
Parent: #1

Quote: محمد العزائم يا ابو الريش ..
ليك مدة ما شايفك ..

تمبس
معاك حق .. من مدة والحاصل في البورد ما عاجبني .. شمطة ومنابذة وووو .. ففضلت غالباً أتفرج بس .. لكن يومها جيت مخدّر من عمايل أبواللمين ووردي و(بايتة معاي) نشوة الحفلة، قمت لقيت البوست بتاعك ده، عايزني ألبد كيف بعد داك؟ ياخي ديل ينطّقوا الحجر. أما موضوع زيدان خليهو هسة وأحسن ما نخرب الجمال ده، وممكن نتكلم فيهو تاني (بصراحة قرب يطفشني من الحفلة).

مودتي

Post: #182
Title: Re: ياخي محمد الأمين .. ووردي ديل قاعدين يعملو شنــو ..؟
Author: tmbis
Date: 09-02-2007, 12:15 PM
Parent: #100

Quote: معاك حق .. من مدة والحاصل في البورد ما عاجبني .. شمطة ومنابذة وووو .. ففضلت غالباً أتفرج بس
.. يا محمد البورد ده احسن مكان الواحد ممكن يمارس فيهو اي حاجة .. حكاية انك تمشي تخليهو لي نوعية كدا محدده بي عينه ... دي قمة الانهزامية .. زمان الواحد كان بيتحسس من اي حاجة ويبعد فترة طويلة من البورد .. لكن حسع الواحد جلدو بقى تخين واللا الحاصل شنو ما عارف .. بالعكس كمان لما البورد يكون هادي ووديع .. بيفتش تفتيش لي الناس العاملين قرف للبشرية دي ..
أما بخصوص الشباب ديل ..
فثبت بما لا يدع مجالا للشك أنو محمد الأمين ووردي ديل الله خلقهم لمتعت البشرية .. واضافة ( غدد ) ليها علاقة بالفرح والبهجة..
انا اصلو ما تخيلت زيدان يعمل كدا .. ما كمان اي شيخ وليهو طريقتو .. ودي اصلو ما ممكن تكون طريقة زيدان نهائي..

Post: #101
Title: Re: ياخي محمد الأمين .. ووردي ديل قاعدين يعملو شنــو ..؟
Author: Ahmed Mohammed Osman
Date: 07-24-2007, 12:30 PM
Parent: #1

الاعادة شغالة هسي في التلفزيون القومي
الما شاف يلحق يشوف

Post: #183
Title: Re: ياخي محمد الأمين .. ووردي ديل قاعدين يعملو شنــو ..؟
Author: tmbis
Date: 09-02-2007, 12:22 PM
Parent: #101

Quote: الاعادة شغالة هسي في التلفزيون القومي
الما شاف يلحق يشوف
. تشوف النبي يا باش مهندس ..
غايتو التسجيل العندي في الجهاز كان بنطق كان نطق .. وطلب استرحام..

Post: #105
Title: في حضرة جلالك يطيب الجلوس ... !!!
Author: Tareq Siddiq
Date: 07-24-2007, 01:35 PM
Parent: #1

من منا لا تلهبه الأكتوبريات ...

باسمك الأخضر يا أكتوبر الأرض تغني ....

ثم ...

ونغني لحريق المك في قلب الدخيل ...
مثلما غنت مهيرة ... تلهب الفرسان جيلاً بعد جيل ... !!
للجسارة ... حين ما استشهد في مدفعه ... عبد الفضيل ....!!

من منا لايطرب حين يسمع ...

لما تفوتنا لحظة **** جميلة أجمل لحظة تستنانا ..!!
والحباااااااااااااااااان نشييييييل ندييييييييهم ...!!

من منا لم يسافر مع عصافير الخريف ساعة هجرتها ...

هجرة عصافير الخريف ... في موسم الشوق الحلو ...

هيج رحيلها مع الغروب .....

من منا لم يرحل مع المنفى ساعة أن يقول ...

رحلت وجيت ... في بعدك لقيت ... كل الأرض منفى ...!!

وكيف يخاطب بنت التسعتاشر سنة ...

ما تخجلي يالسمحة قولي استعجلي ..

عطشتي قلبي وكل يوم تجملي ..

أديني كلمة وسامحيني ( وطولي ) ..

فكان هو والأنغام والعود في ايدو يحكيلنا حكاية ويزيد ترديدو ...

إحتفل الشعب السوداني ليلة 19 يوليو باليوبيل الذهبي لفنان افريقيا الأول ... وهو صاحب البصمة التي لا تخطئها العين كما قال بحق الأستاذ / عبدالكريم الكابلي .. كانت ليلة ليلاء .. كنت وحيداً أمام تلك الشاشة الفجيعة ... فطفقت أصفق تارةً ... وأتمايل طرباً تارةً أخرى .. وتدمع عيني تاراتٍ عديدة ... كلما رأيت الحشود تأتي للوفاء فقط ... دون منٍ أو كلالة ... ما أعذب الألحان في بلدي ... وما أعذبك يا وردي ... وكم كنت مميزاً أستاذنا أبو اللمين ... وأنت تتغزل في العود ... وكم كنت رائعاً طوال خمسين عاماً يا أيها الوردي ... ففي حضرة جلالك يطيب الجلوس ... ثم كان يدعو عقب كل وصلة لأبو اللمين ... الله يحضرنا خمسينك ... !! كانه يقول فيها أنني سأكون بين المحتفين بك لأنك كبيراً بيننا ... كم هو أصيل .. كم امتلئت عزاً وكبرياء ليلة الأمس ... ما أجملك ... أدام الله الصحة والعافية عليك وعلى المشرقين من أمثالك ...!!!

شكراً أخ تمبس ... فقد أسعدتنا أيضاً ...

Post: #107
Title: Re: في حضرة جلالك يطيب الجلوس ... !!!
Author: altahir_2
Date: 07-24-2007, 01:40 PM
Parent: #105

تمبس
سلامات
والله يا علاء الناس دى بتبالغ
وهو تكرار لمشاركة حصلت بينهما
منذ وقت طويل وهى بمثابة استدعاء
للذاكرة
ضياء ميرغنى

Post: #185
Title: Re: في حضرة جلالك يطيب الجلوس ... !!!
Author: tmbis
Date: 09-02-2007, 01:09 PM
Parent: #107

Quote: والله يا علاء الناس دى بتبالغ

العزيز جدا الطاهر ..
فعلا الناس دي بتبالغ بشكل ما طبيعي .. تجميع هذه (الوصفة) الفنية في قالب واحد لهو الجن بعينه ..
استدعاء الذاكرة دي حاجة عجيبة جدا ..
بلاي بتتذكر لما محمد الأمين دا كان طاشي ليبيا ووين كدا ما عارف .. ووردي القاهرة امريكا .. ووين ما عارف ..؟
بلاي شوف السودان دا كان عامل كيف ..؟
والله في ناس ماتت بالحسرة عديل كدا ..

Post: #184
Title: Re: في حضرة جلالك يطيب الجلوس ... !!!
Author: tmbis
Date: 09-02-2007, 12:56 PM
Parent: #105

العزيز طارق صديق ..
Quote: شكراً أخ تمبس ... فقد أسعدتنا أيضاً ...
تبقى الحقيقة الثابتة أن هذا العشق الوردي المحمد لميني يتسرب مع كريات الدم ويعمل فعله في الجسد .. والعقل.
هذه العبقرية التي تغنت بكل ما ذكرت ستفضل محل عشق الكثير وسينتقل هذا العشق من جيل إلى جيل .. فمنذ اكتوبر حتى يومنا هذا كلمتهم خالده في تمجيد الشعب .. والوطــن .. والحبيبه .. حتى الحكي عن آلامنــا الصغيرة .. قلنــا ما ممكن تسافر .. وهجرة عصافير الخريف وكل ما قالوه من أجلنا ..

Post: #108
Title: Re: ياخي محمد الأمين .. ووردي ديل قاعدين يعملو شنــو ..؟
Author: انعام عبد الحفيظ
Date: 07-24-2007, 01:45 PM
Parent: #1

إنعام ياخ نتجرس و نبكي و نتلوا مع وردي و صوت الولد الكارثة داك :
( اللفتة و الخصل اللي نامت فوق تسابيح البريق
و خطاكي و الهدب المكحل و فتنة التوب الأنيق ) ..
ديني أنا ياخ ..

سعد الدين ألحق شوف عماد عبد الله كاتب شنو؟

دا واحد جديد كمان أضيفو لقائمة البكاؤون

اديهم فرصة ياخ بطّل الرصد دا

والجماعة ديل لسان حالهم بقول ليك

يا سعد الدين خوفي منك وانا خائف

Post: #109
Title: Re: ياخي محمد الأمين .. ووردي ديل قاعدين يعملو شنــو ..؟
Author: saadeldin abdelrahman
Date: 07-24-2007, 01:52 PM
Parent: #108

صاحب الغصن باكي من يومه يا انعام
لذا هو يشكل قائمة لحالها
حمدلله على السلامة

Post: #117
Title: Re: ياخي محمد الأمين .. ووردي ديل قاعدين يعملو شنــو ..؟
Author: Emad Abdulla
Date: 07-24-2007, 03:30 PM
Parent: #109

أخونا سعد " X " ..
ياخي طلعت ما سعد إكس .. طلعت X-RAY
قاعد ترصد في البكا منو و الجعر منو ؟؟؟
بعدين إنعام دي زااااااااتا رايحة ليها بكية ..
و عاملة ثابت البطل .. في زول سألها ؟؟

البكا مالو يا سعد ؟؟ .. عيبو لي بالله ؟؟؟
خير البكاؤون النخاجون ..
و الما بكا في الليلة ديك بيكون فيهو حاجة ما ياها ..
مش الشاعر قال : ( إذا أنت لم تعشق و لم تعرف الهوى , فقم و اعتلف تبناً فأنت حمارُ ) ؟
و طبقوها بـ :
( قفا نبك من ذكرى حبيبٍ و منزل , بسقط اللوى بين الدخول فحومل ) ..
أها نحنا واقفين و حاجزين من قبال عمنا ده و عمكم تمبس
و " الهوا " بيجيب البكا ..
و سجن سجن , غرامة غرامة .

هسع يجي أب راس مقلوز داك يعملا لينا موضوع ..
فيا أصلي ..
إشتغل شغل الجمال و بس , ناس سعد و إنعام ديل من " المرجفين " .. حمانا الله

Post: #140
Title: Re: ياخي محمد الأمين .. ووردي ديل قاعدين يعملو شنــو ..؟
Author: انعام عبد الحفيظ
Date: 07-25-2007, 09:11 AM
Parent: #117

Quote: إشتغل شغل الجمال و بس , ناس سعد و إنعام ديل من " المرجفين " .. حمانا الله

يا عماد عبد الله

قلت لي طلعتنا من المرجفين

حمانا الله جميعاً من جنس البشتنة دي

Post: #143
Title: Re: ياخي محمد الأمين .. ووردي ديل قاعدين يعملو شنــو ..؟
Author: saadeldin abdelrahman
Date: 07-25-2007, 09:40 AM
Parent: #117

صاحب الغصن الرطيب/ عماد بن عبدالله
دحين البكاء فوقو عيب كمان؟؟..يبقن علينا غربة و تحجر عيون!!
علا النخيج دا لسة ما جربتوا ..
ليـــه يا عصافير ليه الأسف ..مين علمك معنى الوداع
عارف ده ما أول سفر لبلاد بعيدة بدون متاع
غايتو يا عمدة..أنا جعرت معاكم لكن نعوم دي من المرجفات في الخرطوم
بالحيل..تكاوي ناس المهجر ديل بالحفلات ال(لايف) و الغناء النضيف
ويبدو أن لديها مخطط ضخم لإعادة ( معذبي المنافي)..
سدد الله خطاها
و اصلح حال البلاد و العباد.

Post: #144
Title: Re: ياخي محمد الأمين .. ووردي ديل قاعدين يعملو شنــو ..؟
Author: انعام عبد الحفيظ
Date: 07-25-2007, 11:08 AM
Parent: #143

Quote: غايتو يا عمدة..أنا جعرت معاكم لكن نعوم دي من المرجفات في الخرطوم
بالحيل..تكاوي ناس المهجر ديل بالحفلات ال(لايف) و الغناء النضيف

والله يا سعد الدين حكايتك بقت بايظة شديد

حفلة واحدة تاني زي دي وألقاك رجعت السودان

Quote: ويبدو أن لديها مخطط ضخم لإعادة ( معذبي المنافي)..
سدد الله خطاها

لأنو بشريات العودة طلت

Post: #186
Title: Re: ياخي محمد الأمين .. ووردي ديل قاعدين يعملو شنــو ..؟
Author: tmbis
Date: 09-02-2007, 01:37 PM
Parent: #144

عماد وانعام وسعد الدين ..
إنتو البوست ده حقكم والا شنــو ..؟

Post: #111
Title: Re: ياخي محمد الأمين .. ووردي ديل قاعدين يعملو شنــو ..؟
Author: Alsa7afa_30
Date: 07-24-2007, 02:06 PM
Parent: #1

لمن سأل عن روابط حفظ الأغاني الصوتية

خوفي منك+ نور العين

الكابلي-ما تخجلي

زيدان- لو بإيدي

Post: #113
Title: Re: ياخي محمد الأمين .. ووردي ديل قاعدين يعملو شنــو ..؟
Author: Alsa7afa_30
Date: 07-24-2007, 02:13 PM
Parent: #1

للحفظ عصافير الخريف

Post: #115
Title: Re: ياخي محمد الأمين .. ووردي ديل قاعدين يعملو شنــو ..؟
Author: انعام عبد الحفيظ
Date: 07-24-2007, 02:36 PM
Parent: #113

شكراً يا الصحافة 30

عقدتنا ياخ وما عدمناك انشاء الله

وتمبس دا الجزء بتاع الفيديو راجيهو

مش كفاية انو سمع جزء من الأغنية دي لايف
Quote: سيف الجامعة - عصافير الخريف

Post: #187
Title: Re: ياخي محمد الأمين .. ووردي ديل قاعدين يعملو شنــو ..؟
Author: tmbis
Date: 09-02-2007, 01:45 PM
Parent: #113

العزيز حسام ( الصحافة 30 )
اشكرك شديد .. ابليت حسنا في هذا البوست ..
عاشت اناملك الساحرة . وحسك الفني العالي . ومهارتك التقنية المتقدمة ..

Post: #114
Title: Re: ياخي محمد الأمين .. ووردي ديل قاعدين يعملو شنــو ..؟
Author: Ahmed Mohammed Osman
Date: 07-24-2007, 02:13 PM
Parent: #1

الصحافة 30
شكرا جزيلا
شكرا
حد المتعة

Post: #118
Title: Re: ياخي محمد الأمين .. ووردي ديل قاعدين يعملو شنــو ..؟
Author: Amira Elsheikh
Date: 07-24-2007, 03:46 PM
Parent: #114

تمبس...
يا بتاع الامن الغنائى ..

الجهجهة دى كلها وحاضرنها فى تلفزيون السودان...؟؟

يعنى لو كنت قاعدين عينك عينك كدا كان عملتو شنو( زينا كدا)

مساكين شدييييد...

Post: #188
Title: Re: ياخي محمد الأمين .. ووردي ديل قاعدين يعملو شنــو ..؟
Author: tmbis
Date: 09-02-2007, 01:58 PM
Parent: #118

Quote: يا بتاع الامن الغنائى ..

يا اميرة بلاي انت من زمن الأمن الغنائي .. ما نقلونــا ياخ..
أما فيما يتعلق بالجهجه دي فغعلا والله جهجهناها ليك في التلفزيون .. بي مزاج ..
بالمناسبة دي .. وينك إنت ؟
رجعوك الأمن مع ناس عصام عبد الحفيظ والا شنــو ...؟

Post: #119
Title: Re: ياخي محمد الأمين .. ووردي ديل قاعدين يعملو شنــو ..؟
Author: Alsa7afa_30
Date: 07-24-2007, 04:33 PM
Parent: #1

بعد إذنك يا تمبسكو ,,
شايف الناس متجرسة من عدم إمكانية حفظ الفيديو و خصوصاً إنعام عبد الحفيظ .. مع إنو المفروض ما نديها أي حاجة (حسادة بس) لأنها مشت الإحتفال و خلتنا هنا في انتظار عطف التلفزيون القومي علينا.. مافي تضامن معنوي ؟!

روابط الحفظ للجميع ..

لحفظ نور العين - فيديو

لحفظ خوفي منــك بالعود - فيديو

Post: #120
Title: Re: ياخي محمد الأمين .. ووردي ديل قاعدين يعملو شنــو ..؟
Author: محمد على طه الملك
Date: 07-24-2007, 05:22 PM
Parent: #119

هم من تبقوا لنا من جيل العماليق ..
حفظهم الله ومتعهم بالصحة ..
وللأخوين تمبس والصحافة من يأسره الجمال لا شك منبته جميل ..
شكرا لكما.

Post: #193
Title: Re: ياخي محمد الأمين .. ووردي ديل قاعدين يعملو شنــو ..؟
Author: tmbis
Date: 09-03-2007, 07:38 AM
Parent: #120

Quote: هم من تبقوا لنا من جيل العماليق ..
حفظهم الله ومتعهم بالصحة ..
العزيز محمد على طه الملك..
نعم تسرب مننا الكثيرين .. بالأمس القريب رحــل عذب الصوت جميل الكلمة والحضور خليل اسماعيل .. (ضاع) في الزحمة صوت الرائع عثمان حسين وأنطفأت الكثير من القناديل ..
ما تبقى لنا من رئحة هؤلاء .. إلا هؤلاء .. حفظهم الله ومتعهم بصحتهم كما امتعونا..
وتحياتي عبرك للصديق الفنان حسام ( الصحافة 30 ) الذي اضاف لهذا البوست طعما خاصا.. ومذاق آخــر.

Post: #122
Title: Re: ياخي محمد الأمين .. ووردي ديل قاعدين يعملو شنــو ..؟
Author: Alsa7afa_30
Date: 07-24-2007, 05:40 PM
Parent: #1

Post: #123
Title: Re: ياخي محمد الأمين .. ووردي ديل قاعدين يعملو شنــو ..؟
Author: mohamed osman bakry
Date: 07-24-2007, 06:12 PM
Parent: #122

Post: #124
Title: Re: ياخي محمد الأمين .. ووردي ديل قاعدين يعملو شنــو ..؟
Author: Alsa7afa_30
Date: 07-25-2007, 00:30 AM
Parent: #1

لمزيـد من الإمتاع ...

Post: #141
Title: Re: ياخي محمد الأمين .. ووردي ديل قاعدين يعملو شنــو ..؟
Author: انعام عبد الحفيظ
Date: 07-25-2007, 09:37 AM
Parent: #124

عن إذنك تاني يا تمبس

الصحافة الفيديو اها حفظتو في الجهاز

بس بعد ما نزلت لنكات الحفظ لقيت الصورة طلعت مقلوبة

اها دي مني ولا منك

Post: #146
Title: Re: ياخي محمد الأمين .. ووردي ديل قاعدين يعملو شنــو ..؟
Author: Alsa7afa_30
Date: 07-25-2007, 12:50 PM
Parent: #141

Quote: بس بعد ما نزلت لنكات الحفظ لقيت الصورة طلعت مقلوبة

Post: #194
Title: Re: ياخي محمد الأمين .. ووردي ديل قاعدين يعملو شنــو ..؟
Author: tmbis
Date: 09-03-2007, 07:53 AM
Parent: #146

حســام ، انعام ، محمد عثمان بكري ..
الصور جميلة .. ومداخلاتكم جميلة .. وإنتو أجمل ..

Post: #128
Title: Re: ياخي محمد الأمين .. ووردي ديل قاعدين يعملو شنــو ..؟
Author: Nader Abu Kadouk
Date: 07-25-2007, 06:33 AM
Parent: #1

Post: #195
Title: Re: ياخي محمد الأمين .. ووردي ديل قاعدين يعملو شنــو ..؟
Author: tmbis
Date: 09-03-2007, 08:31 AM
Parent: #128

نادر ابوكدوك ..
تشكر يا ريس للملف ده ..
بعدين الحلقة دي بالذات كان مميزة جدا، لو لقيت وعد النوار حاول تسمعه من نفس الحلقة دي .. وشوف نسرين سوركتي دي عملت شنو لما ابو اللمين ده قال صبحت سدمعتنا وسادتنا كدي حاول اعرف لينا خلاص .. والله انا القدامك ده حننتني عديل كدا

Post: #132
Title: Re: ياخي محمد الأمين .. ووردي ديل قاعدين يعملو شنــو ..؟
Author: محمد ابراهيم قرض
Date: 07-25-2007, 07:43 AM
Parent: #1

بالله عليكم تأملوا في وجه هذا
العملاق وردي جيدا .. يا ليتني
كنت أعلم عن تقنيات نقل الصورة
و تنزيلها .. لكن الجهل مصيبة ..

تأملوا و تمعنوا وجه وردي و سوف
يتضح لكم أنه نسخة مطابقة من خريطة
السودان ... و ذلك هو الاعجاز بعينه
و كفى !!!

Post: #197
Title: Re: ياخي محمد الأمين .. ووردي ديل قاعدين يعملو شنــو ..؟
Author: tmbis
Date: 09-03-2007, 11:23 AM
Parent: #132

Quote: بالله عليكم تأملوا في وجه هذا
العملاق وردي جيدا ..

العزيز قرض ..
تعرف يادكتور في شخصيات كدا مجرد النظر ليها تشعر بالهيبة والوقار .. والرهبة لانو ملامحه اتشكلت حسب القيم الجواها خير او شــر .. جمال أو قبح ..
ماذا ننتظر أنانرى في ملامح أمثال وردي الأمبراطور وهو يحمل بداخله كل هذه المعاني وتغني بكل هذه الكلمات الخالده لعرس السودان .. ولبعانخي ولعلي عبد اللطيف ولود حبوبة ..
ثم:
احبك .. أحبك أنا مجنونك ساكن فيني هواك وبريدك .

Post: #133
Title: Re: ياخي محمد الأمين .. ووردي ديل قاعدين يعملو شنــو ..؟
Author: انعام عبد الحفيظ
Date: 07-25-2007, 08:26 AM
Parent: #1

Quote: بعد إذنك يا تمبسكو ,,
شايف الناس متجرسة من عدم إمكانية حفظ الفيديو و خصوصاً إنعام عبد الحفيظ .. مع إنو المفروض ما نديها أي حاجة (حسادة بس) لأنها مشت الإحتفال و خلتنا هنا في انتظار عطف التلفزيون القومي علينا.. مافي تضامن معنوي ؟!

بعد إذنك يا تمبس

الصحافة 30

شنو ياخ شيل الحال دا الواحد يعني ما يطلب منكم حاجة أبداً إلا وتشيلوا حالو

يعني عشان انا مشيت الاحتفال واستمتعت بالحفلة دي ((لايف) وهنا اتذكرت عماد عبد الله )

تقوموا تكونوا حاسدين كل الحسادة دي

اها انتو سجلتوها وانا حضرتها (لايف) كدا خمسة لى انا وصفر ليكم انتو يعني قريب التعادل

Post: #134
Title: Re: ياخي محمد الأمين .. ووردي ديل قاعدين يعملو شنــو ..؟
Author: tmbis
Date: 07-25-2007, 08:35 AM
Parent: #133

Quote: بعد إذنك يا تمبسكو ,,

Quote: بعد إذنك يا تمبس
إنتو الحاصل شنــو يا الصحافة ويا إنعام عبد الحفيظ
الناس دي بقت رقيقة كدا مالا .. وزيها وزي الانقليز واحد
يا انعام مش قلتي الناس كانت بتمرر العربات
طيب الناس البتمرر العربات وعرفناها ..
إنت والصحافة .. وعماد عبد الله ده الحاصل عليكم شنــو ..

ما تعملو لينا خلل في سودانيتنا .. ( واتوكيتاتنا) الإجتماعية
ياخي أعملو الحاجات من غير أوتوكيت
عشان تدوني احساس بي إني عايش ..

يا عماد عبد الله ..
بلاي عليك الله عاين الناس ديل لابسين بدل .. ومتريحين وانيقين كيف
عليك الله كلمم يبطلو يمررو لينا العربات في البوست ده

Post: #136
Title: Re: ياخي محمد الأمين .. ووردي ديل قاعدين يعملو شنــو ..؟
Author: Nader Abu Kadouk
Date: 07-25-2007, 08:41 AM
Parent: #134

تمبس الحفله فاتتني
الله يخليك لينا
ياخوي ودالمين ما طلع .... العود عديل كده
ودابكدوك

Post: #198
Title: Re: ياخي محمد الأمين .. ووردي ديل قاعدين يعملو شنــو ..؟
Author: tmbis
Date: 09-03-2007, 12:27 PM
Parent: #136

Quote: تمبس الحفله فاتتني
الله يخليك لينا
ياخوي ودالمين ما طلع .... العود عديل كده
يا نادر.. كويس انو اليوتيوب ده بقدم في خدمة ضخمة جدا الفاتك كلو بتلقي .. لكن طبعا الفرش طعمو ونكهتو بتكون حلوة .. يعني الحلقة دي بالذات لو عاينت الناس الكانت في المسرح ومنفصمه دي .. وحالتنا حتى ونحن في التلفزيون .. وقتها كلامي ده بيقع ليك كويس..

Post: #138
Title: Re: ياخي محمد الأمين .. ووردي ديل قاعدين يعملو شنــو ..؟
Author: عادل جبارة
Date: 07-25-2007, 08:59 AM
Parent: #134

تمبس 00 صديقي
جميل عندما تتناول الفن 00 ورائع حينما تدلف للرياضة
خليك هنا 00 في محراب الجمال دوماً
ونحنا مستمتعين

Post: #147
Title: Re: ياخي محمد الأمين .. ووردي ديل قاعدين يعملو شنــو ..؟
Author: Alsa7afa_30
Date: 07-25-2007, 01:00 PM
Parent: #134

Quote: ما تعملو لينا خلل في سودانيتنا .. ( واتوكيتاتنا) الإجتماعية
ياخي أعملو الحاجات من غير أوتوكيت
عشان تدوني احساس بي إني عايش ..

عارفك سوداني أصيل و ما بيعجبك الحال المايل

Post: #154
Title: Re: ياخي محمد الأمين .. ووردي ديل قاعدين يعملو شنــو ..؟
Author: انعام عبد الحفيظ
Date: 07-26-2007, 03:19 PM
Parent: #134

Quote: إنتو الحاصل شنــو يا الصحافة ويا إنعام عبد الحفيظ
الناس دي بقت رقيقة كدا مالا

يا تمبس لو لقينا الناس تكون في الحالة دي على طول

الدنيا دي تبقى بمبي شديد

بس ما بقدروا على كدا

لازم برضو ينكدّوا على روحهم

كدى خلينا هسه في اللون البمبي

الأبى يروح من يوم الحفلة لغاية هسه دا

Post: #170
Title: Re: ياخي محمد الأمين .. ووردي ديل قاعدين يعملو شنــو ..؟
Author: انعام عبد الحفيظ
Date: 08-01-2007, 02:06 PM
Parent: #134

Quote: إنت والصحافة .. وعماد عبد الله ده الحاصل عليكم شنــو ..

انا عارفه!!!!

Post: #135
Title: Re: ياخي محمد الأمين .. ووردي ديل قاعدين يعملو شنــو ..؟
Author: singawi
Date: 07-25-2007, 08:39 AM
Parent: #1

ووورووورووورووورووووووووووووك

مدد .. مدد .. مدااااااااااااااااد

الأحباب تمبس والصحافة

يديكم الفي مرادكم

بس كملو جميلكم بالفيديو وكود الحفظ

حفظكم الله وأحبابكم

Post: #139
Title: Re: ياخي محمد الأمين .. ووردي ديل قاعدين يعملو شنــو ..؟
Author: عادل التجانى
Date: 07-25-2007, 09:10 AM
Parent: #1

تمبس
تحياتي أبو العذاب

هذا يوم عجيب ومميز وأشكر لك تزيينه في هذا البوست

مريخ هلال .. انسترو .. وماقصروا

محمد وردي .. ومحمد الامين أشعلوا الفرح .. وأنسوا الناس هموم الفيضانات وفاضوا فناً غطى على فيضان النيل .

إنت وصحافة .. لعبتونا ون تو فاق ون تو هلال مريخ
هذا هو السودان

وأهم حاجه في هذا البوست ارتحنا من المشاكل والمسائل السياسية

ملحوظة هامة : أعلن أنني احترمت جداً جداً جداً أداء الفنان / سيف الجامعة ..

شكري لك تمبس

عادل التجاني

Post: #142
Title: Re: ياخي محمد الأمين .. ووردي ديل قاعدين يعملو شنــو ..؟
Author: سارة عمر
Date: 07-25-2007, 09:39 AM
Parent: #1

تمبس

تحياتي ايها الرائع
وانت تحقق قوووووووون تاني
بعد وليد دارفور وانجازاتكم في اللجنةالاعلامية
بهذا البوست الذي امتعني كثيرا
رغم اني حضرت اعادة الحلقة
فالمحمدين
اطربانا
ولم تكن فعلا سهرة عادية
ولم يكن اخر السهرة غير نوع فريد من المغني
داما
ودمت
مع مودتي

Post: #145
Title: Re: ياخي محمد الأمين .. ووردي ديل قاعدين يعملو شنــو ..؟
Author: محمود بكر
Date: 07-25-2007, 11:39 AM
Parent: #1

العزيز تمبس

شكرا للاخ بكري اولا ولك ثانيا على الدعم الغير محدود
ثانيا كما عودتنا تاتينادوما بالروائع
الدويتو بين ابو اللمين ووردي كان رائعا لكنه حلق وارتفع في يانور العين في تقديري لن يتكرر
اما عزف ابو اللمين على العود فقد كان حاجة تانية وكما قال احد الاصدقاء (جضمه وادبه)لقد تملكت الجمهور الدهشة فصفق بعضهم بعد فترة والبقية اعادهم الى الواقع صوت التصفيق
تعرف كنت امني نفسي ان يكون هناك جمع من الفنانين والفنانات الشباب لكن خابت امنيتي
لكن عزائي كان في الجمهمور الحاضر حيث ان معظمهمن من صغار السن اللذين لم يعاصروا وردي ومحمد الامين لكن جمعهم روعة الفن الجميل
التحية لوردي وابو اللمين وامنياتي لهم بالصحة والعافية

في رعاية الله وحفظه

Post: #148
Title: Re: ياخي محمد الأمين .. ووردي ديل قاعدين يعملو شنــو ..؟
Author: 3mk-Tango
Date: 07-25-2007, 06:17 PM
Parent: #1

السهرة دي كلها كوووم ولمن قال ليهووووو تسلم يا حمادة دي كوم تاني

تامبا الله يحضرنا خمسينك و الجوكر بايظ

شوووووووووق ليك و للصعايدة

Post: #153
Title: Re: ياخي محمد الأمين .. ووردي ديل قاعدين يعملو شنــو ..؟
Author: هاشم أحمد خلف الله
Date: 07-26-2007, 11:09 AM
Parent: #148

تـمـبـس + صـحـافـة 30 ( حسام الدين ) = إبـداع وشـفـافـيـة مـتـنـاهـيـة

Post: #160
Title: Re: ياخي محمد الأمين .. ووردي ديل قاعدين يعملو شنــو ..؟
Author: omar ali
Date: 07-28-2007, 05:36 PM
Parent: #1

اهو كـــدة دسك جوكـــي تمام التمــام

يا ربي الحرامي السحلتو بالبوكس يكون
فاتح البوست دا وبتفرج علي ابداعات
الفنان الحساس الانسان تمبس بتاع
الفوتوشوب

Post: #165
Title: Re: ياخي محمد الأمين .. ووردي ديل قاعدين يعملو شنــو ..؟
Author: Nader Abu Kadouk
Date: 07-30-2007, 10:52 AM
Parent: #160

Up

Post: #166
Title: Re: ياخي محمد الأمين .. ووردي ديل قاعدين يعملو شنــو ..؟
Author: Ahmed Alrayah
Date: 07-30-2007, 06:24 PM
Parent: #1

أيها الناس

أعملو حسابكم!

هذا الPost ملغوم ومدفوع الثمن وتفوح منه رائحة Banknote جهاز الأمن

ألعب غيرا يا تمبس

لقد سقطت ورقة الفلسكاب الشنو كده ما عارف...
_________________________

عليك الله يا تمبس الPost ده دفعوا ليك فيهو كم؟!

Post: #168
Title: Re: ياخي محمد الأمين .. ووردي ديل قاعدين يعملو شنــو ..؟
Author: omar ali
Date: 07-31-2007, 12:44 PM
Parent: #1

بوست توثيقآ
توثيقـآ للعبـــات الامنيــــة....خطـــف نعــش الراحـــل...ذ الخاتــم عــــدلان

يا اخ بكري ابوبكر
ما هي مسوغات نقل هذا البوست الي مكتبتبي وهو ما
يزال حيآ ...هذا عبث ...ادري مدي الرغبة الجامحة
لدي تمبس " الدسك جوكي " لتطفيش هذا البوست
بعد ان تم كشفه و تعريته في هذا البوست كأداة تم
استخدامها لنشر الحوار المدسوس المنسوب الي صدّيق
شقيق الفقيد الراحل الخاتم عدلان لتدعيم رواية حكومة
الجبهة الاسلامية بعدم خطف النعش في مطار الخرطوم
من قبل اجهزة امنها..و لتكذيب رواية عدلان شقيق الفقيد
الذي كان مرافقآ للجثمان من لندن والتي نقلها الي الاستاذ
الباقر العفيف ورواها لمولانا اسماعيل التاج فنقلها بدوره
الي المنبر....وايضآ لتشوية سمعة وتارخ الاستاذ الخاتم
عدلان واسرته بالزعم بان اسرته جلبت معها الي المطار
رجالآ من المخابرات العسكرية وجهاز الامن العام هم من
الاصدقاء المقربين الي الاسرة علي حد زعم الحوار
المدسوس

وقد فشل الدسك جوكي في الاجابة علي اية من الاسئلة
التي وجهت اليه وابراز الضمانات الكافية التي زعم انه
يملكها امام كل من يكابر ويشكك في الحوار.

Post: #178
Title: Re: ياخي محمد الأمين .. ووردي ديل قاعدين يعملو شنــو ..؟
Author: tmbis
Date: 09-02-2007, 09:18 AM
Parent: #168

الموهوم علامة الاستفهام(؟)
Quote: يا اخ بكري ابوبكر
ما هي مسوغات نقل هذا البوست الي مكتبتبي وهو ما
يزال حيآ ...هذا عبث ...ادري مدي الرغبة الجامحة
لدي تمبس " الدسك جوكي " لتطفيش هذا البوست

عليك الله ما بتخجل إنت ؟؟
تطفيش ورغبة جامحة ..؟
أديها صنــة . شان تعرف التطفيش كيف .. إنت قايلني خليتك مش كدا ..؟
والله إلا تقول الروووب هنا ده .. بس اكل باسطة كتير الايامات دي .. واشرب ( نشا ) وامشي عكس الهوا ..

أنا البعاعيت ديل عندي ليهم شغل خاص .. الواحد بجرو من اضانو بطلعو من جحرو .. زيو زي اي (ضب) يا (ورل)..

Post: #189
Title: Re: ياخي محمد الأمين .. ووردي ديل قاعدين يعملو شنــو ..؟
Author: baha eassa
Date: 09-02-2007, 02:27 PM
Parent: #1

الرائع تمبس ..

لك الود .. والحنين ..

ماعارف كيف انزل الاغنية من الموقع .. ومشكلة تانية
الاغنية بتقطع لحد ماتكتمل ؟ اديني حل للمشاكل دي ؟؟

Post: #191
Title: Re: ياخي محمد الأمين .. ووردي ديل قاعدين يعملو شنــو ..؟
Author: ياسر الامير ابوجكة
Date: 09-02-2007, 05:49 PM
Parent: #1

العزيز/ تمبس ،،،،،، تحية مباركة وكيف الوالد انشاء الله طيب

الناس ديل ( ود اللمين ووردي ) قاعدين للابداع ،،،لكن بصراحة وردي مبدع بكلماته ،،، لكن هذا الاسمراني ( أبو اللمين ) دا شي لا يصدقه العقل

لو دندن ساكت بأي أغنية بغنيها أي فنان تحلف تقول إخلوها ليو ،،،، هذا ما يحصل لهذا العملاق ،،،ربنا يمتععهم بالصحة

ودي وتحياتي

ود الامير

Post: #192
Title: Re: ياخي محمد الأمين .. ووردي ديل قاعدين يعملو شنــو ..؟
Author: ياسر الامير ابوجكة
Date: 09-02-2007, 05:50 PM
Parent: #1

مكرر

ودي وتحياتي

ود الامير