Post: #1
Title: ( ست الريد ) ...( بقت نساية )
Author: tmbis
Date: 04-12-2006, 08:20 AM
Parent: #0
زي ما الدنيا لي قسايه ـ ست الريد بقت نساية
جار زولي ورماني برايا ـ بي كل الخطوب وبلايـــا
سلبني شباب ـــــ وتركني يباب ..............
.......
زماني غدر
حبيبي هجر ـ نساني دهـــر
وآخر الريد أذى جزايا أحمل هـــم ..............
لكـــــــن ... الله في
|
Post: #2
Title: Re: ( ست الريد ) ...( بقت نساية )
Author: معتصم دفع الله
Date: 04-12-2006, 08:28 AM
Parent: #1
ياها حال الدنيا يا صاحبي ..
كتيره رائح قليله رياح ..
الله في ..
|
Post: #4
Title: Re: ( ست الريد ) ...( بقت نساية )
Author: tmbis
Date: 04-12-2006, 08:44 AM
Parent: #2
يا معتصـــــم
أنت لسه قاعد.. ما مشيت؟؟
اتحرك
الصيوان ـ التلج ـ الشاي الحب
المولد دا بيحررو سيادو
|
Post: #7
Title: Re: ( ست الريد ) ...( بقت نساية )
Author: معتصم دفع الله
Date: 04-12-2006, 10:07 AM
Parent: #4
أتحرك أمش وين يا عمك ؟
أنا قاعد هنا حارس الكشف ..
وكشف الحال ..
|
Post: #3
Title: Re: ( ست الريد ) ...( بقت نساية )
Author: Tumadir
Date: 04-12-2006, 08:30 AM
Parent: #1
ما براك يا تمبس
كل الناس دى "ست الريد" بتاعها "بقت نساية"
تبكوا بس
الاغنية حلوة ..مع انها قديمة ..لكن لبست هدوم جديدة ..بصوت المغنى ..والاوركسترا..
نعزيكم فى مصابكم العاطفى ونتمنى لكم سعادة فى المستقبل..
"هو المستقبل ده بجى متين عشان يرتاح من الامانى المردومة ليهو دى ويريحنا؟"
|
Post: #5
Title: Re: ( ست الريد ) ...( بقت نساية )
Author: tmbis
Date: 04-12-2006, 08:53 AM
Parent: #3
| Quote: نعزيكم فى مصابكم العاطفى ونتمنى لكم سعادة فى المستقبل.. |
( جعفرا ) ياتماضر
المستقبل دا إلا الواحد يبرك ليهو فكي
..
بعدين عارفك ( عصاره ) جدا ..
( بتعصري ) الفراش دا لمن يجيب ( زيت )
امسكي ( الكشف ) لي أخوك ..
معتصم ـ كان مسك الكشف
بياكلني ـ وبضيع مستقبلي
|
Post: #103
Title: Re: ( ست الريد ) ...( بقت نساية )
Author: abd elmniem musa
Date: 04-26-2006, 02:20 AM
Parent: #3
"هو المستقبل ده بجى متين عشان يرتاح من الامانى المردومة ليهو دى ويريحنا؟"
|
Post: #6
Title: Re: ( ست الريد ) ...( بقت نساية )
Author: Mohamed Abdelgaleel
Date: 04-12-2006, 09:21 AM
Parent: #1
| Quote: لكـــــــن ... الله في ] |
عجيب أمر الحب يا تمبس .. في زمان الزلزلة ..
كتب صديقي تجاني .. عندما غدرت به خطيبته .. كتب لمجلة روز اليوسف
وللمرأة المسؤولة عنها في ذلك الوقت أظن كان إسمها نادية .. (أعرف
أنك لن تنشري هذا الموضوع فأنتي مثلها .. أمرأة .. وقد صرت لا أؤمن بالنساء
فالنساء قطط" وكان هذا عنوان المجلة في ذلك العدد لمن يتذكره من
العشاق اللتمقلبو (صرت لا أؤمن بالنساء فالنساء قطط)
لازم أكلم إدريس .. شاعر قومي الأغر .. لنظم قصيدة تعبر عن حال هذا البوست..
وجد .. الغنوة حلوة شديد زي ست الريد .. لكين الله في.
|
Post: #23
Title: Re: ( ست الريد ) ...( بقت نساية )
Author: tmbis
Date: 04-13-2006, 03:08 AM
Parent: #6
العزيز .. استاذ محمد عبد الجليل..
سلامات .. يا القاعد تحلل الحاجات بهدوء شديد جدا
..
فعلا عجيب
والتجاني فاتح خطوط النار في كل الاتجاهات مالو ؟؟
إن شاء الله المسالة دي تكون وقتية ـ علشان ما تمسخ ليهو الدنيا ساكت
لانها ما بتبقى بدون ـ (الغدر) دا، ،
عدم الاتفاق وارد ـ والغدر وارد
وفي منطقة وسطى بين الاتنين .. شكل الدنيا بي المنطقة دي بيكون اطعم
وياريت ادريس يسمع منك وأنا في انتظار تسجيل الموقف دا ويتحفنا بيهو في اقرب فرصة ـ علشان كمان نعمل مقارناتنا ما بين الطعم القديم
وطعم الايامات دي ..
شكرا يا استاذ
|
Post: #9
Title: Re: ( ست الريد ) ...( بقت نساية )
Author: خدر
Date: 04-12-2006, 12:32 PM
Parent: #8
جار زولي و رماني برايا .. بي كل الخطوب وبلايا
سلبني شباب
تركني يباب
نسوني احباب
نديمي الليل سميري مناي .. طلح زهري في مغنايا
قايل الحب مجاري دماي .. كُت رايد الحبيب بي دناي
زماني غدر
حبيبي هجر
نساني دهر
وآخر الريد اذي لجزاي احمل هم كل امور اذايا
طول يا ليل وهاكـ حكاية .. هاكـ دم عهدي هاكـ شكواي
حزين يا ليل
حزين بالحيل
وفاقد الحيل
وعارف كل شي لي نهاية بس .. يا ليلي طول لنهاية
تمبس .. الدوام لله
|
Post: #10
Title: Re: ( ست الريد ) ...( بقت نساية )
Author: Khalid Saeed
Date: 04-12-2006, 01:45 PM
Parent: #9
تامبـــــا ...
أنا جاهز بالفلوت للمقطوعات الحزينة .. ولحدي ماتنزلوا الكروكي بتاع بيت الفراش ..
بهديك رائعة الصديق المبدع فنان عطبرة خوجلي هاشم .. الجرست عطبره كلها ..
ياهوى وحياتك قلبي جريح ..
ضليت في دربي وساقني الريح ..
وداني الليل لي عيون نعسانه سقوني عذاب المر تباريح ..
وحيد سهران ومعاي النجمه ..
أديتك شوقي وضي العين ..
الفرح السافر بدري زمان ..
شال الذكري وخله القلب الباكي حزين ..
شلته جراحي ورحته بعيد ..
خاطري وحاتك كان حيران ..
ماعرفته طريقك وين بيودي ..
لا الخطوه تلاقي في دربي أمان ..
مابترجع لي .. أنا عارفك تاني ..
لابتقدر إنته تعيد الكان ..
...
أخوك خالد سعيد الأرباب
خارج النص ( الجـــــاتك في مالك سامحتــــــــــك ) .
|
Post: #12
Title: Re: ( ست الريد ) ...( بقت نساية )
Author: عشة بت فاطنة
Date: 04-12-2006, 01:56 PM
Parent: #10
تمبس شكرا على اللحن الندم
ما اصلو يا اخوي الحال من
بعضو الدنيا تقسى وتجيب الفقر
(والفقر بوالف ، علي قول ناس
رفاعة)وما على ست الريد الا ان تفتح وتشتت
وتشوف حالا..
الله يجيركم-يس خيرها في غيرها
|
Post: #33
Title: Re: ( ست الريد ) ...( بقت نساية )
Author: tmbis
Date: 04-13-2006, 05:03 AM
Parent: #12
عشــة بت امنا فاطنة
منورة ياغالية بي جيتك ـ بالرغم من اللحن الندم دا
ما لقينا منها حاجة
وما ح نشيل منها حاجة بت الذين ( الدنيا )
أما ست الريد دي ـ بقى أخير منها الواحد يقعد يصاغر الدنيا
فلتشتت يــاخ وربنا يعدله عليها يوت ما تقبل
والله في يا عشة
|
Post: #31
Title: Re: ( ست الريد ) ...( بقت نساية )
Author: tmbis
Date: 04-13-2006, 04:46 AM
Parent: #10
الأربــاب خالد .. ودعمي
..
سمح الكلام دا ـ وخوجلي هاشم سمعتو بدري واتمنيت اني اللقي ليهو اي حاجة بتتسمع
أنت والفلــوت معزومين معاي ياارباب وفي اقرب فرصة
..
تعرف:
الفــلوت ، والساكس
والكمان ، والشيلــو
من اعظم آلات الممكن يعتمد عليهــا الواحد في ترجمة الحــزن والشجن
آلات بتبكي برضو زيها زينــاـ واحساسه عالي جدا ..
..
جيب معاك الفــلوت ياارباب .. وفلوت علينا بكره في اي وكت
نحن لسه فارشين
|
Post: #29
Title: Re: ( ست الريد ) ...( بقت نساية )
Author: tmbis
Date: 04-13-2006, 04:29 AM
Parent: #9
خطير ياخدر
بتفهمه طايرة..
انا نقطتها مخصوص ، وامس فتشت ليك القوقل دا كلو وحيرت ليك كوزتاوي وبرضو ما لقيت الكلمات دي
بالمناسبة ( بنرفع ) بكرهـ
إلى ( لقـــاء)
|
Post: #27
Title: Re: ( ست الريد ) ...( بقت نساية )
Author: tmbis
Date: 04-13-2006, 03:47 AM
Parent: #8
يا ابو الللول ..
..
فارشين هنــا في البيت انا ومعتصم راس
|
Post: #11
Title: Re: ( ست الريد ) ...( بقت نساية )
Author: تيسير عووضة
Date: 04-12-2006, 01:48 PM
Parent: #1
تمبس ..
ست الريد بقت نساية ؟
من هسه وبقت تنسى ؟
بصراحة حالتك صعبة (عندك علبة مناديل عند معتصم خليهو يجيبا ليك)
بالنسبة للغنية موضوع البكا :
* حلوة جداً والزول صوتو حنين
* فيها شغل كمان مبالغة
* ما عندك واحدة اسمها (سيد الريد)...(بقى نساي)
|
Post: #13
Title: Re: ( ست الريد ) ...( بقت نساية )
Author: MUNA OBIED
Date: 04-12-2006, 03:09 PM
Parent: #11
تمبس ..
الغنية قمة الروعة بالرقم من الفراش وكشف الحال ..
البركة فيكم ودي لسيد البكا !انت ولا معتصم ما عارفة؟
Quote:
* ما عندك واحدة اسمها (سيد الريد)...(بقى نساي) |
مبالغة يا تيسير
|
Post: #14
Title: Re: ( ست الريد ) ...( بقت نساية )
Author: Muna Khugali
Date: 04-12-2006, 04:46 PM
Parent: #13
عـادي ياتمبس...الـدنيا كـلها بقت نسـاية...اشـمعني هي يعني?
تعيش وتفتكـر...
مـني
|
Post: #51
Title: Re: ( ست الريد ) ...( بقت نساية )
Author: tmbis
Date: 04-14-2006, 05:39 AM
Parent: #14
منى خوجلي ..
هي بالذات حالة خاصة جـــــدا .. دنيا براهــا..كــــــــــــــــون
ومتاكد شديد..ح تصدقيني
|
Post: #43
Title: Re: ( ست الريد ) ...( بقت نساية )
Author: tmbis
Date: 04-13-2006, 09:42 AM
Parent: #13
يا منى عبيد
حمد الله على السلامة
والبركة في الغنوة الجابتك .. وفراش دا بتاع معتصم
لكن الكشف ماسكو انا
..
الاغنية .. اروع من الروعــة ، الاوركسترا بالرغم من انها صغيرة لكن كبيرة
وابوبكر رحمة الله الفنان جدا ـ وصل الفكرة كلهاوما خلى لينا حاجة
|
Post: #37
Title: Re: ( ست الريد ) ...( بقت نساية )
Author: tmbis
Date: 04-13-2006, 05:29 AM
Parent: #11
يا تيسير
حالتي صعبة شنو ؟ وانت شفتي حــاجة ؟؟.. كدي شوفي ليك ورطة لمــا ( البرد ) يجي
..
ومناديلك الجايباهــا دي معتصم ( انتهى ) منها قبلما تصلني
دبري ليك طريقة بتاعت ( ملايات ) ، ( ستائر )
يا
تــوب ( ربط )
..
أمــا فيما يتعلق بالغنية موضوع الجرسة:
* صوتو حنين ـ إجابة صحيحة
* الكمان لله يا تيسير وللقلـوب الراحت في حق الله
* قويــــة .. إن شاء الله تلقي
|
Post: #15
Title: Re: ( ست الريد ) ...( بقت نساية )
Author: معتصم الطاهر
Date: 04-12-2006, 04:55 PM
Parent: #1
سيد الفراش ..
معكم حتى رفع الفراش أو عودة النساية ..
قف ..
بالجعرى .. والنخيج ..
وحاجات تانية ..
مرسل لكم لورى مناديل .. لزوم الدموع ..
قف ..
وفدنا فى الطريق بقيادة البكاى الأعظم ( بروف معز )
ولا عزاء للبكايات ..
رابطة البكايين بالبورد ..
|
Post: #52
Title: Re: ( ست الريد ) ...( بقت نساية )
Author: tmbis
Date: 04-14-2006, 05:53 AM
Parent: #15
يا باشمهندس ود الطاهر
وقفتكم معنــا ..
بردت قلبنا شويتين .. وصبرتنا
وقفتكم معنــا .. بالجعري المؤسس دا .. خففت من حد الوجع الاشيلنو سنين
قف....
مناديلكم دي مابتعمل اي حاجة بالشئ الشايفو دا
قف
( الجماعة ) كان ما جو عصرو الفراش وختو في الكشف
خوة فرتق
قــــف..
عليك الله آخر مرة سمعت ليك جرسة زي دي متين
احي ياقلبي ياخ
|
Post: #16
Title: Re: ( ست الريد ) ...( بقت نساية )
Author: Soumeta
Date: 04-12-2006, 05:39 PM
Parent: #1
تنبس،،
كُر يا يابا،،
وجعتني في روح قلبي ليك،،
لكن دي غير الاخيرة اللاقيتك فيها ديك؟
متعصبين مصطفي ،،
الود ده ما عندو لمحة منو؟
|
Post: #53
Title: Re: ( ست الريد ) ...( بقت نساية )
Author: tmbis
Date: 04-14-2006, 06:08 AM
Parent: #16
ياسمسم
دي بلاي ( كر ) بتاعتك عامله كدا..
كبريها شوية .. خلينا نحس بي عظمة الفادحة
..
دي ما الاخيرة .. دي التالتة ياخ عشان كدا قووووية
|
Post: #17
Title: Re: ( ست الريد ) ...( بقت نساية )
Author: Badri
Date: 04-13-2006, 02:07 AM
Parent: #1
البركة فينا وفيكم يا خينا ... ما قلنا ليكم ما دوامة
خمسة سنوات وفي الآخر ست الريد بقت نساية ( كُر علي ).
|
Post: #18
Title: Re: ( ست الريد ) ...( بقت نساية )
Author: walid taha
Date: 04-13-2006, 02:26 AM
Parent: #17
يا بدري تعزيتك دى ما مقبولة لازم تجى الفراش
ياخى كُلها 400 كيلو 
معتصم وتمبس شنو الحكاية؟!!
روقو شوية
|
Post: #57
Title: Re: ( ست الريد ) ...( بقت نساية )
Author: tmbis
Date: 04-15-2006, 02:54 AM
Parent: #18
وليــــد طه
..
ياهـــلا بيك..
بعدين قريبك دا كان حولنا الفراش ( الجمعية ) كان بيجي تلات مرات في اليوم من الدمامـ وبي عمودو كمان
..
عملت لي شنو في موضوع استراليا
|
Post: #79
Title: Re: ( ست الريد ) ...( بقت نساية )
Author: walid taha
Date: 04-17-2006, 08:43 AM
Parent: #57
| Quote: ياهـــلا بيك.. (وش بضحك شديد) |
آه يا......
| Quote: عملت لي شنو في موضوع استراليا ؟ (وش مبتسم) |
أُسترالية شنوفى الحر ده يا قريبك؟
قريبك ده شكلو فى الطريق يكون وصل ساساكو
ما قلت لى مالكم انت ومووو؟
عشان الروقة وكده
|
Post: #19
Title: Re: ( ست الريد ) ...( بقت نساية )
Author: Emad Abdulla
Date: 04-13-2006, 02:42 AM
Parent: #17
سبتم ..
واااااااااااااااااااااا .. وااااااااااااااااا
درلاب سيبانا ابلي شوبا كاسوندا .. تلم إمبيشي ترونال دوالااااااا ..
كوانتيسا انقلتي دوكل بيرناس تواوا باني سوتا
كونتو بكونتو قواشا
أسان تآمنوا ... بس
........
الكلام أعلاه هو ترجمة لما قاله معتصم الطاهر يا صاحبي ..
استغفر
استغفر يا تمبوس
|
Post: #25
Title: Re: ( ست الريد ) ...( بقت نساية )
Author: الخير محمد عوض
Date: 04-13-2006, 03:13 AM
Parent: #19
تمبس يا تمبس ياحـرف ال (N)
اراك مشـتتا لحناناتنا العاطفـية تشـتيتا
يا ابن شـلهتة المتكـسـر الدؤلـي
ماذا دهاك يارجـل
(اثبت كما ثبت النجمتي في جبال كـرري)
الا وان ارعــوي عن ستات الريد وستات الشاي وستات الودع
وكل الستات والسبعات والبقن نسّـايات .
الزولة القاعدة هنااااااك دي اسمها منو؟
|
Post: #82
Title: Re: ( ست الريد ) ...( بقت نساية )
Author: tmbis
Date: 04-18-2006, 03:17 AM
Parent: #25
يــا أبوالخيرات ..
رجعت بقرأ في المداخلات .. لقيت اني فطيتك
الضحك شرطني
..
دكاترة علم النفس قالو:
ما تكتم الحاجات في جواك ـ لانو بتضرك
يعني الشلهته ـ والدردقة من الظواهر الصحية خالص ..
.
.
بعدين ستات شاي وين
ياخي هنــا آخر محظة مافي تقول لي ستات ؟؟
..
شوفنا بي هناك ـ علشان نوريك دي منو
|
Post: #60
Title: Re: ( ست الريد ) ...( بقت نساية )
Author: tmbis
Date: 04-15-2006, 03:56 AM
Parent: #19
Quote: استغفر
استغفر يا تمبوس |
استغفر الله ياعمدة..
تعرف
عندي زول صاحبي قبل كم يوم كنا بنحضر في برنامج ( اوبرا ) بالنهار كدا قبل الغداء
قال لي ياتمبس عليك الله اطفي النور دا عندي ( وجع عيون )
قمت انا الطيب دا قفلت ليهو النور ..
بعد شوية ـ سامع ليك صاحبك بيبكي ، ( كاتم صوت ) قايلني ما بسمعو
وعدتو خير اني ح اشيل حسو والكلام دا بعدما ولعت ليهو النور ـ ولقيت الدموع دي ما تديك الدرب ..
فلاحظ ياعمدة .. الناس قاعده على الهبشه
وتجي تكتب لي بالبلشفي وتقول لي استغفر ؟؟
ياخ البكا دا امتع منو في .. مش اخير من ما تموت بيهو ؟
|
Post: #56
Title: Re: ( ست الريد ) ...( بقت نساية )
Author: tmbis
Date: 04-15-2006, 02:48 AM
Parent: #17
بـــدري..
ما دوامة والله ..ولا بتدي حريف ..
شهــادة خلو طرف .. بعد خمسة سنوات خدمة
بلاي لا نوط خدمة طويلة ممتازة ، ولا وسام شجاعة وصمود
عليك الله مش كان احسن الواحد ( يبني ) في الخمسة دي ؟؟
اهــا أنت
قلبك كيف وفراشكم متين
انا هين
|
Post: #20
Title: Re: ( ست الريد ) ...( بقت نساية )
Author: Badri
Date: 04-13-2006, 02:59 AM
Parent: #1
وليد طه
مشتاقين يا راجل والأسبوع الجايي بجي أسلم على معتصم والغدا معاك ( مافي طريقة زوغة )
Quote: يا بدري تعزيتك دى ما مقبولة لازم تجى الفراش
ياخى كُلها 400 كيلو |
عارف يا وليد أنا لو فتحتا باب ذي دا معناتا الـ 400 كيلو دي حأقطعها كل اسبوع عشان الود حميدة ... الود دا أي بنية يباريها أسبوع واحد والبنية تعمل ناسية ... لكن بيني وبينك حميدة يفقد الذاكرة عديل مش ينسي.
|
Post: #81
Title: Re: ( ست الريد ) ...( بقت نساية )
Author: walid taha
Date: 04-17-2006, 08:53 AM
Parent: #20
Badri إزيك
| Quote: والأسبوع الجايي بجي أسلم على معتصم والغدا معاك ( مافي طريقة زوغة ) |
رايك شنو تجى تسلم على والغدا مع معتصم؟ ;(
بدرى لو أجلت الغدا ده عشرة يوم بخليها ليك سماية عديل كده
ولو مصر قبل كده تعال اصلو كرتونة (الأندومى) باقى فيها 4 اكياس
حمــيدة ده منو؟
|
Post: #21
Title: Re: ( ست الريد ) ...( بقت نساية )
Author: ملكة سبأ
Date: 04-13-2006, 03:01 AM
Parent: #1
تمبس ومعتصم ؟!
احي انا منكم ... شلتو حسنا في البلد دي ..
هسي انا اقول شنو لجموع المعزيين ديل؟!
ياجماعة (مسبلنو) 
ولا أقول شنو لبكري الكرفستو ليه البورد دا بالدرديق
ولا أقول ليكم زحو لي كدي النساعدكم
|
Post: #61
Title: Re: ( ست الريد ) ...( بقت نساية )
Author: tmbis
Date: 04-15-2006, 04:06 AM
Parent: #21
| Quote: ولا أقول ليكم زحو لي كدي النساعدكم |
يابلقيس ..
زاحين ليك لينا تلاتة ايام ..
عايزه تموتي بيهو لمتين ؟؟
الرجاله تطير
ودي فرصة ما بتتعوض ..
نعمل ليك نظام ( استنطاق ) يعني ؟؟
تعالي موتي مع اخوانك ديل ـ وحقك محفوظ ،، والمناديل بالكراتين
|
Post: #22
Title: Re: ( ست الريد ) ...( بقت نساية )
Author: bashir adam abdalla
Date: 04-13-2006, 03:04 AM
Parent: #1
الله عليك يا تمبس انت وست الريد
|
Post: #24
Title: Re: ( ست الريد ) ...( بقت نساية )
Author: Ahmed Mohammed Osman
Date: 04-13-2006, 03:10 AM
Parent: #1
تمبس
ازيك
مشتاقين والله
ياخوي ست الريد بتاعتك بالغت لكن
بس اركز وما تفرفر
وخليك زي الرجال ال كالمسامير لا تذيدهم الشواكيش الا ثباتا
|
Post: #64
Title: Re: ( ست الريد ) ...( بقت نساية )
Author: tmbis
Date: 04-16-2006, 04:10 AM
Parent: #24
والله عليهــا هي كمان يابشير آدم ..
اريتك كـان شفت الشافتو عيوني ـ قبال ما نظري يضعف ـ وينسوني قدر دا
..
أحمد محمد عثمان ..
الشوق مطر والله ،،
وكــــــــل مسمار يابوحمد ليـــهو ( كماشة ) مهمــا ركز للشاكوش 
.
.
بعدين الحكمة بتاعتك دي ، خلاص مشت فيني
عندي زول صاحبي هنـا اتصل علي شان يعزيني قام قال لي:
كيفك يامسمار
حكمتك دي عاجباهـو شديد
انا مفكر ابيعه ليهو .. بي شاكـوشة دا
|
Post: #26
Title: Re: ( ست الريد ) ...( بقت نساية )
Author: saadeldin abdelrahman
Date: 04-13-2006, 03:15 AM
Parent: #1
تمبس
ابدا ما ليها حق
ياخي انتا بتتنسي!
---
تماضر دي يا اخوانا ارشيف اغاني حايم...
طبعا انا قلت يا سلاااام و اتكيت ...
نظام غنية جديدة و اداء آااسر و كلام
بالشكل ده..(مع انو فعلا الغنية تحسها ما من
زمنا ده.. من زمن اجمل).. اها قامت حيرتنا في محاولة
التفاؤل دي و قالت قديمة!...حقو الواحد يتلحك
و يقول ليك : اها حقة منو
|
Post: #28
Title: Re: ( ست الريد ) ...( بقت نساية )
Author: تيسير عووضة
Date: 04-13-2006, 04:16 AM
Parent: #26
سعد الدين ..
تدفع كم وأوريك حقت منو 
|
Post: #30
Title: Re: ( ست الريد ) ...( بقت نساية )
Author: saadeldin abdelrahman
Date: 04-13-2006, 04:35 AM
Parent: #28
تيسير
ازيك
ليكي الحلاوة
|
Post: #35
Title: Re: ( ست الريد ) ...( بقت نساية )
Author: تيسير عووضة
Date: 04-13-2006, 05:24 AM
Parent: #30
يا سعد الدين ..
حلاوة شنو مولد هو
أوكي خلاص حأوريك وأمري لله ..
|
Post: #66
Title: Re: ( ست الريد ) ...( بقت نساية )
Author: tmbis
Date: 04-16-2006, 04:33 AM
Parent: #35
ياتيسيــــر:
ياخي الفراش ما رفعناهــو ـ تفتحي البقالة بتاعتك؟؟
الظاهر لي شان حركاتك دي
( سيد الريد ) .. بقى ( نساي )
|
Post: #65
Title: Re: ( ست الريد ) ...( بقت نساية )
Author: tmbis
Date: 04-16-2006, 04:22 AM
Parent: #26
يا ابو السعـود..
بلاي عليك الله قول ليها .. دي تصرف صاح منهـــا
..
بعدين لقيتك ( قادي ) تاريخ
عبد الوهـاب الصادق دا بتنسي بالسهولة دي ؟
تعرف انا متذكر ليهو حفلة عرس بت جيرانـا ـ وانا في الابتدائي
من شدة ما متذكرة : كان لابس بدلة اشتراكية لونـه ( بني )
والوكت داك طبعا الحفلات ( بالمكرفونـات ) ( والسجوك ) كان بالمتر
..
بلاي تاني كان حاسي أنك كيشة ـ ما تورط نفسك وتورطنا معاك
ما شايف البوست دا فيهو (سماسرة) رسل لينا بي تحت ـ وبنشيل منك (تمنين في المية) بس 
|
Post: #32
Title: Re: ( ست الريد ) ...( بقت نساية )
Author: حمزاوي
Date: 04-13-2006, 05:02 AM
Parent: #1
يا ولدي تمبس
يا ابوالنسب
هي ما بقت نساية
سألتها قالت لي انك ما قاعد تتصل
عبأ جهازك (سوا) وأطلعوا سوا
والشوق بحر
ونحن جيران
مسكاقمي
|
Post: #67
Title: Re: ( ست الريد ) ...( بقت نساية )
Author: tmbis
Date: 04-16-2006, 04:46 AM
Parent: #32
مسكاقمي يا ابو النسب
.
تعرف غير ( سوا) ما في حاجة غطست حجر .. الحاجات
اها يا ابو النسب بقت ميته وخراب (ريال)
..
.
مشتاقين يا ابو النسب والله
وكان جيت بي الحلة القديمة ما بتلقاني
|
Post: #34
Title: Re: ( ست الريد ) ...( بقت نساية )
Author: Badri
Date: 04-13-2006, 05:08 AM
Parent: #1
يا سعد الدين ركز معانا عليك الله
الزول البغني دا اسمو أبوبكر رحمة الله كدي قشقش عيونك دي من الدموع حتعرف الأغنية حقت منو
تيسير يا استغلالية ( بكى وخراب ديار؟؟؟ )
تمبس معليش أخوك كاسر عمود طوارئ بجاي ... حأنطط في البوست كتير لكن ما تشتغل بي انتا عارف الحالة.
|
Post: #36
Title: Re: ( ست الريد ) ...( بقت نساية )
Author: تيسير عووضة
Date: 04-13-2006, 05:28 AM
Parent: #34
يا بدري ..
| Quote: تيسير يا استغلالية ( بكى وخراب ديار؟؟؟ ) |
الزيي ديل فرصتهم ياها في بيوت البكيات الزي دي
وخصوصاً الحارة موسم بالنسبة لينا ..
|
Post: #40
Title: Re: ( ست الريد ) ...( بقت نساية )
Author: حاتم الياس
Date: 04-13-2006, 06:02 AM
Parent: #36
شركة شحتفه وتناهيد..اخوان المحدوده
خبراء ترميم عاطفى وكل أنواع (الكسير)
زمالة الجمعية الهندية (للبكايين)
والجمعية السودانية (الجاتك فى حبيبتك سامحتك)
خدمات تأبين مجانية..مع الشاى والعصائر
فقط أتصلوا ب676767 شارع (الدايم الله والحى الله)
تلغرافياً..ياأنتو يعنى شنو
|
Post: #70
Title: Re: ( ست الريد ) ...( بقت نساية )
Author: tmbis
Date: 04-16-2006, 06:43 AM
Parent: #40
| Quote: تلغرافياً..ياأنتو يعنى شنو |
ياحاتم الياس
..
ما عندكم ( قلوب ) مستعملة ؟
يا بدل فاقد ؟
وإذا عندكم.. خدمات التوصيل كيف ؟ وبتشيلو مني كم ؟
.
.
ممكن الواحد ـ يبدل ( البدل فاقد ) بتاعو دا بي ( عدة ) مثلا ؟؟
نديكم دا وتقوموا تدونــا ..
( جك ، سرويس ، كمشة ، ياحلة قديمة )
.
.
يــــــــا ...اي حاجة
|
Post: #69
Title: Re: ( ست الريد ) ...( بقت نساية )
Author: tmbis
Date: 04-16-2006, 05:29 AM
Parent: #36
بدري ، وتيسير ، وسعــد الدين..
..
بدل ارضية + حق الكشف + بدل مواصلات
|
Post: #38
Title: Re: ( ست الريد ) ...( بقت نساية )
Author: إدريس محمد إبراهيم
Date: 04-13-2006, 05:48 AM
Parent: #34
صديقنا الموجوع / تمبس
وأخوي ميزان الدهب / محمد عبد الجليل ...
والشفيف صاحب البرش / معتصم ...
تحية الحب النقاء ... والإعزاز الما كــداب ...
(وياريت ادريس يسمع منك وأنا في انتظار تسجيل الموقف دا ويتحفنا بيهو في اقرب فرصة ـ علشان كمان نعمل مقارناتنا ما بين الطعم القديم
وطعم الايامات دي ..)
والله يا جماعه حاجه غريبة بجد ومن غرائب وعجائب الصدف..- زي قريبك وصاحبك أمبارح في حفل وزير الرياضه القال بالهاتف متمني يشوف إدريس في الوقت الذي كنت قريباً جداً منك ..(قول ليه يا أبو حميد "تسمع بالمعيذي خير من أن تراه" وأكيد انت عارف القصه كويس- في الوقت الذي كنت أطالع هذا البوست النازف وناوي فعلاً على مداخله ... ولما وصلت دعوة محمد لي في نفس الوقت كنت على الهاتف مع صديقي الشاعر الفنان المغرد / خلف الله ود الشيخ .. كان يسمعني قصيدة أعتقد إن فيها رداً على هذه الدعوة الجميله . وذلك حتى أعود أنا ...
قال ود الشيخ :
(كيف شايل همّك وشجن الغربه ..
وآهة شوقك وطول الليل ...
كيف شايف دربك ...
ودمعة حزنك بين أهدابك ...
وعمر السكه لسه طويل ...
با الشلت جراحك بقجة زكرى منوسره وتنتح ...
يا زول معجون بالطيبه قليبك ..
ماك مشتاق لمويه النيل ...
ما مشتاق لزوله لي زوله حنينه ..
مستف ريدها تريدك جد ...
وشوقها يتاورك نص النيل * يقصد أمه الحبيبه
ما مشتاق لصوت أصحابك ..
وضل الشجره الحاضن بابك ...
وشاطي النيل ...
ما مشتاق يا زول يا نيل ... )
شفتو الروعه وأكيد ود الشيخ كفّا ووفــّا ... إلى أن أعود يا أحباب ... فانتظروني ...
مع خالص الحب وأعذب الأمنيات ...
|
Post: #42
Title: Re: ( ست الريد ) ...( بقت نساية )
Author: Mohamed Abdelgaleel
Date: 04-13-2006, 09:42 AM
Parent: #38
Quote: وشوقها يتاورك نص النيل * يقصد أمه الحبيبه
|
هذا تحريف واضح يا إدريس .. عرفتو كيف
بقصد أمو .. وهي نص النيل والله نص الليل ؟ .. أكيد نص الليل .. عارف ليه .. لأنو النيل
ماعندو نص !!!
لكن .. ما علينا .. الرؤيا أعمق من السمع .. ولازم تلاقي صديقي محمد أحمد سعيد الذي رآك من خلال ما تكتب في البورد فأصبح يسأل عنك .. فهو باحث عن جمال المعانى .. ولما تكون جنبو بشوف العيون .. والعيون شبابيك القلب .. والله شنو يا تمبس؟
عمياء أنتي ألا تري قلبي تجمع في عيوني ..
أمتعتونا يا زوار هذا البوست الجميلين .. يا من جئتم تعزون تمبس في زولتو البقت نسايه .. ونساية هذه يا إدريس وانت اللغوي صاحب الزمام .. الشديدة النسيان والله أعلم .
|
Post: #72
Title: Re: ( ست الريد ) ...( بقت نساية )
Author: tmbis
Date: 04-16-2006, 10:07 AM
Parent: #42
يا استاذي محمد عبد الجليل ..
| Quote: عمياء أنتي ألا تري قلبي تجمع في عيوني .. |
الرؤيــا ( عصرا ) .. اعمـــق ..
لاحظ التجريدية في الصـــوت .. لاحظ عمق الصوت خلف دهاليز الصورة ..
المسالة طويلة جدا يا استاذ .. أطول مما تتصور .
لكن دائما أعتمد عليك في تفكيك .. ( الشوف ) ذات نفسو
امتعنا ياخ
للفقد اثر فينا..
|
Post: #71
Title: Re: ( ست الريد ) ...( بقت نساية )
Author: tmbis
Date: 04-16-2006, 09:33 AM
Parent: #38
استاذنـا المرهف ..
وحاضر الكلمة الجميلة ـ
إدريس محمد إبراهيم ..
.
.
ما بين عباراتك المصوغة باحكام ـ وحديث استاذنا محمد عبد الجليل تضيع أوجاعنا في زحمة الانتبـاه ..
عندكم تتحسس الكلمة عن مخرج لهــا ..
يمكن معايشة الموقف ، لكن ليس بمقدرة الكـــل صياغته في مفردات سهلة الهضـــم انيقة المخارج ..
.
التحية لود الشيخ ..
وللواثق
وللرشيد .. وإلى كل من ينزف وجعه مفـرده ، ونغم جميل ..
وسنظل نحن في هذا الانتباهـ
ونعزي انفسنــا في فقدنــا بما يأتينا ـ منكـــم
كل الحب يا...استاذنا ليك
ولمن تحب
ولمن تترجمه عبر حروفك .. ونراه بالعين المجردة ..
.
.
سرادقنـا للعزاء مازالت منصوبة في أقصى نواحي القلب
في انتظاركم ..
|
Post: #39
Title: Re: ( ست الريد ) ...( بقت نساية )
Author: saadeldin abdelrahman
Date: 04-13-2006, 05:59 AM
Parent: #1
| Quote: أوكي خلاص حأوريك وأمري لله .. |
يا بدري شوف تيسير دي عملت فيها نساية كمان
الواحد دابو رجع البيت و قدر ما قشقشت عيوني دي ما شفت غير ابوبكر
اها بعد كلامك ده قشقشنا الشاشة و عملنا Zoom ظهر لينا اسم الاستاذ
عبدالوهاب الصادق ده ( اول مرة اسمع بيهو للأسف)
و يا تيسير حلاوة المولد زاتا طارت !
عشان تحافظي على الذاكرة و كده
|
Post: #41
Title: Re: ( ست الريد ) ...( بقت نساية )
Author: معتصم دفع الله
Date: 04-13-2006, 06:24 AM
Parent: #39
يا تامبا دا كوم ..
وصوت كمنجة إسماعيل عبدالجبار كوم تاني ..
وداني لحتات بعيدة ..
ما أظن أرجع منها قرييييييب ..
الله على هذا الزول الجميل ..
والله على الشبل بكري وصوته الرائع الجميل ..
نتمنى ليهو مستقبل مشرق بإذن الله ..
|
Post: #45
Title: Re: ( ست الريد ) ...( بقت نساية )
Author: nazar hussien
Date: 04-13-2006, 10:21 AM
Parent: #41
يا تمبس...
قدر ما اقول اشكرك...احرد في الغنية
يا زول الله في والترابي زاتو في
|
Post: #74
Title: Re: ( ست الريد ) ...( بقت نساية )
Author: tmbis
Date: 04-16-2006, 10:29 AM
Parent: #45
نزار يا بن عمي ..
يازول نحن ما بنعلم قلبنا المهابــه ..
..
والكلام السمح دا انا عارفك بتقدر عليهو .. مع أنو بوجعك
لكن التقول شنو بس
ياهو النصيب
العدة وصلتك ؟؟
|
Post: #73
Title: Re: ( ست الريد ) ...( بقت نساية )
Author: tmbis
Date: 04-16-2006, 10:22 AM
Parent: #41
يا معتصم ..يا شريك
قلت لخـالد الارباب .. الكمان آلــة شجن وبتترجم الحزن على النحو الصاح
وهي من اسباب هذا الوجع الهنا دا ..
واسماعيل عبد الجبار .. قدير جــدا في موهبته ـ ومتمكن اكاديما
واحساسو عالى جدا ..
لذلك كان لابد وأن يصطحبك في هذه السياحة إلى اعماق بعيدة ، وتجدن يفي انتظارك في نفس المكان الذي سبقتك إليه وأنا اتابع اسماعيل عبد الجبار بدقة شديدة منذ بداياته الاولى
التحية ليهو وللكمان ـ وصاحب الصوت الجميل والحضور المميز بكري ..
لمزيد من السياحة اصغي ارهف السمع ايضا .. لساكس فون ياســــر وما تنسي الانامل الضاغطه على الكيبورد بحنية ..
جميعهم .. متمكنين وعلى قدر عالى من الاحساس الموسيقي المميز
|
Post: #44
Title: Re: ( ست الريد ) ...( بقت نساية )
Author: تيسير عووضة
Date: 04-13-2006, 10:18 AM
Parent: #39
سعد الدين مالك شايل حسي
أنا أي نعم عجزت وكبرت
لكن ما قعد أنسى (تورية )
على العموم صاحب الأغنية (كان ما أخاف الكضب )
هو الفنان أحمد الطيب
يلا جيب الحلاوة ..
|
Post: #46
Title: Re: ( ست الريد ) ...( بقت نساية )
Author: munswor almophtah
Date: 04-13-2006, 10:28 AM
Parent: #44
تمبس ياخ داير إسلم لى عوض الليله كلمات سحر ميسره غناء ندى القلعه شغل شخارم بخارم وجيب الطلب
بعدين ست الريد ما تبكى أبقى إنت حكاى
منصور
|
Post: #75
Title: Re: ( ست الريد ) ...( بقت نساية )
Author: tmbis
Date: 04-16-2006, 10:41 AM
Parent: #46
| Quote: هو الفنان أحمد الطيب |
تيسير ..
والله كضابة خلاص .. أحمد الطيب دا ببقى لي ناس منو ؟
..
.
استاذي منصور مفتــــاح ..
والله على العين والراس ..أنت تامر بس
ونحن نحكي ونبكي
|
Post: #47
Title: Re: ( ست الريد ) ...( بقت نساية )
Author: الطيب بشير
Date: 04-13-2006, 01:29 PM
Parent: #1
.
الحبيب تمبس
و الله ذكّـرتنا أيام الشباب
غايتو حالتك سـعبة..تقطّـع القلب يا الريـد..
الغريبة لمن يكون الزول فنان ابن فنان زي تمبس
يجي واقع علي خشمو..السنون أرض..و الفلّـيق محل القطـعـيّـة..إنّـا لله
جار زولي؟..و رماني برايا؟..سلبني شباب ..تركني يـباب؟؟
يعني نظام ليكم اللحم و لينا العضـم؟
أنا و الله متضامن معاك..الشغل دة أنا بعرفو..تكون فتران وما نعسان..جيعان و ما جاييك نوم..زهجان و ما مستحمل الونسـة..آآي ..بالحـيل بعرفو..أسكت شيل الصبر بس..
الوصفة كالآتي..
لو ساكن براك في الأوضـة..مزازيك في السـماء كل يوم ..بعد اتنين وتلاتين سنة متصلة بتتحسّـن..
لو معاك زول في الأوضـة..بطّانية و هـيد فـونز..في الحالة دي البكا بيكون زي النزيف الداخلي..مافيهو صوت..أها جنس دة ما علاج.. دة مهدّئات بس..فما تتعب روحك بي حساب سنينو..دة إسمو تبكي بـس ..
بالنسـبة للأغنية سمعناها عند عبدالوهاب الصادق لأوّل مرّة قبل نحو عقدين من الزمان في أب قوتة..و في الرادي..لا أعرف هل هي ملك له أم لا..باقي الشعراء بقوا يقلعوا غناهم!..
.
|
Post: #48
Title: Re: ( ست الريد ) ...( بقت نساية )
Author: نادية عثمان
Date: 04-13-2006, 02:16 PM
Parent: #47
وزعوا صوانى الشاى دى فى صيوان الرجال وادوا نفيسة بت هاشم عامود غداء لعيالها لحدى مااجيكم
سمح ؟!!
|
Post: #49
Title: Re: ( ست الريد ) ...( بقت نساية )
Author: nashaat elemam
Date: 04-13-2006, 02:27 PM
Parent: #48
من كم سنه
يا ستنا
من كم سنه
عايش براي
زي الغريب
وايامي بس فيها الضنى
من كم سنه
قلبي الحزين
زي اليتيم
لا شاف حنان لا ضاق هنا
من كم سنه
ما قلتي لي
اخبارك ايه
مالك مشيت من حينا
والله يا حليلك يا تمبس.. القصه بالسنين.. وممكون وصابر؟؟ ياخي والله ضكران عديل كده..
وهسه شنو الجدا عليك؟ خلي بالك لواعجك دي اثارتها جية معتصم السودان.. وعلى ما اعتقد.. جاب ليك سيرتها.. والله اعلم..
لكن يازول ولا يهمك.. كلنا في الهم شرق.. ومنسيين..
|
Post: #50
Title: Re: ( ست الريد ) ...( بقت نساية )
Author: elsawi
Date: 04-13-2006, 03:56 PM
Parent: #49
ولا يهمك يا تمبس
انا عارف الدنيا دقداقها كثير ... وستجد من تستحقك
اعجبتني الأغنية جدا، الفنان صوتة رائع والأروع اداء الكمان الذي اضاف للأغنية بعدا جماليا تناغم تماما مع الكلمات الجميلة.
عرفت مؤخرا انك اخ صديق الصبا ورفيق المهنة وزميل الدراسة عمر منصور ... ذهبت لكندا مرتين خلال السنتين السابقتين ولم اتمكن من مقابلتة رغم انني تمكنت من مقابلة عمر فتح الله ... تحياتي لعمر ورجائي ان تذودني برقم هاتفة عبر الماسنجر.
الصاوي
|
Post: #54
Title: Re: ( ست الريد ) ...( بقت نساية )
Author: إدريس محمد إبراهيم
Date: 04-15-2006, 00:50 AM
Parent: #50
الأخ العزيز / محمد عبد الجليل ...
تحية واحتراما ...
انت صاح يا محمد الراجل يقصد نص الليل .. لكن الاستعجال مع نهاية وقت العمل والخوف من عقوبة التأخير المعروفة ..... !!! جعلاني أكتبها كذلك فمعذرة... أما حكاية يقصد أمه الحبيبه في تلك الجزئية.. فهذا ما صرح به صديقنا الشاعر ...
تمبس الحزين ...
وعدت بالعوده وها أنا أفعل ...
بعد شاكوش مماثل في زمن لا أعاده الله على عدو ولا حبيب ... كتبت شعراً ضاع مني أغلبه رغم نشره في جريدة الشرق الأوسط وقتها .. أذكر منه مقطعاً عله يواسيك أخي الحبيب بعض الشيْ .. وما تخاف ماني زايغ من الكشف ...
أواه يا جرحي المقيم يخزني ...
عشقته أوعية الدماء ...
تنمو بقايا الزكريات تقص أجنحة الرجاء ...
ويحشرج الأمل الجميل ...
يموت عصفور الضياء ...
وحدي أنا ...
نصلاً من الحزن الزري بكبد أقنية الهناء ...
جرحاً طواه الذل والإلحاح أضناه الرزاء ...
ظمأّ يحدق بالسحاب الزرق يبتهل السماء ...
يا أنت .. أزمعت الرحيل ...
والزاد حفنة كبرياء ....
|
Post: #98
Title: Re: ( ست الريد ) ...( بقت نساية )
Author: tmbis
Date: 04-23-2006, 09:24 AM
Parent: #54
استاذنــا ادريس ..
مرحب بالعودة تاني
..
وبالكلام السمح .. لما يكون محض شاكوش مقنن
Quote: يا أنت .. أزمعت الرحيل ...
والزاد حفنة كبرياء .... |
لكن أنتو يا الشعراء .. بتفرقو مننا نحن الناس العاديين ديل .. أنكم بتخلو حقكم بالساهل كدا .. بعدما تترجمو الآمكم .. وتعملو ليها اعادة صياغة وتدخلوها ( فرن ) اللغة ..
اها نحن العاديين ديل .. بنموت بالاحاسيس دي .. يا اما نلقى لينا زولا ( شاعر ) بينا ويستنطق لينا الآلم دا ..
يا اما يبقى علينا السهر .. ونوم الديك في الحبل
وفي مقولة أخرى
( عدان ) النجوم..
لذلك الشعراء .. يقدمون ما يشابه ( مشارط ) امهر جراحي القلب .. وما ظهر حديثا في علم الطب الحديث والشعبي ..
.
.
نقبل أي اعانات يا استاذ .. واعصر لينا في الكشف
|
Post: #95
Title: Re: ( ست الريد ) ...( بقت نساية )
Author: tmbis
Date: 04-22-2006, 08:08 PM
Parent: #50
الصاوي العزيز
والله فرصة سعيدة خالص خالص .. بالرغم من المصيبة دي
وإن شاء الله ما نجيك في فاقد عاطفي زي دا..
طبعا بتفق معاك في ( الكمان ) وهو العامل الاساسي في القصة دي كلها .. وزي ما عارف بتجربتك انو الكمان بقدر يطلع ليك ابعد احساس في الحزن .. لما تروض الالة تمام .. وهنا اسماعيل عبد الجبار اضاف لي الاغنية بعد يضاف لي الصوت الشجن الجسدو الفنان ابوبكر + كلمات الاغنية المعبرة عن الحالة ..
ياريت تتواصل مع عمر وتتقابلو في اقرب فرصة ..
وشكرا للذكريات الجميلة والايام الحلوة الحكيت لي عنها ..
وربنا يجمعنا كلنا ونرجع من جديد
|
Post: #94
Title: Re: ( ست الريد ) ...( بقت نساية )
Author: tmbis
Date: 04-22-2006, 07:58 PM
Parent: #49
يا نشات .. يا لذيذ..
بصراحة كدا ..
أخوك من ناحية ضكران ممكن تعتمد عليهو .. لكن الكلام دخل اللحم الحي ..
والحاجات دي بالذات ما فيها ضكران ..
يا اما تفكهــا أون لاين .. يا تموت بيها براك
وفي الحالتين انا ضايع ..
تفكها اون لاين ـ فيها تلقى ليك تضامن وتلقى ليك كم واحد برضو مورطين معاك وتهون عليك مصيبتك ..
تموت بيها براك ـ دي فيها قولان كتير .. انسداد في الصمام دي اسواء الفروض ..
وفي الحالة دي بتتعب معاك بتاعين ( جراحة القلب ) والاوعية الدقيقة
وهاك يا قسطرة قلب وهاك تخدير وهاك يا عناية مركزة .. يعني تتعب نفسك وتتعب معاك ناس بن سيناء وانشطاين زاتو ..
عشان كدا .. تفكها عكس البورد .. وتعمل مجنون..
لكن لو داير الجد
كلو من معتصم
|
Post: #93
Title: Re: ( ست الريد ) ...( بقت نساية )
Author: tmbis
Date: 04-22-2006, 07:46 PM
Parent: #48
نــــادية ..
أنت بالذات مسؤولة من المراسم .. والبرتكولات والذي منو ..
البكا بحررو سيـــــادو..
|
Post: #92
Title: Re: ( ست الريد ) ...( بقت نساية )
Author: tmbis
Date: 04-22-2006, 07:41 PM
Parent: #47
يا ابو البشير
ويا شيخي الطيب ..
| Quote: أنا و الله متضامن معاك..الشغل دة أنا بعرفو..تكون فتران وما نعسان..جيعان و ما جاييك نوم..زهجان و ما مستحمل الونسـة..آآي ..بالحـيل بعرفو..أسكت شيل الصبر بس.. |
في الحالة دي يا الطيب التضامن زاتو ما بنفع
تضامن (حاف) كدا يعني ؟؟
وبعدين تمشو وتفكوا الواحد براهو .. نظام يعني اكل نارك
..
كل العلامات الفوق دي صحيحة مية المية .. بتاعت زول ( تب ) مجرب + اليومين دي جابت ليها ( شحتفت روح ) .. وعدم اكل
تعرف
الاعراض دي كان الواحد كان في البلد .. كان زماااان ( كتفوهو )
وبالمناسبة
مسكناتك ووصفاتك دي كلهــا جربناها .. وزادت الطين ( بله ).. يعني دا تضامنك كده يا الطيب ؟؟
.
.
على ما اعتقد الاغنية ملك لي الاستاذ عبد الوهاب الصادق .. لانو غير الشاب الفنان دا ما سمعت واحد تاني غناها
|
Post: #55
Title: Re: ( ست الريد ) ...( بقت نساية )
Author: abas
Date: 04-15-2006, 01:03 AM
Parent: #1
الله يا تامبا
البركه فيكم
وربنا يعوضك بي ابرك
لكن انا عارفو
وجع الضرس القديم
كل ما يتاورك بحميك النوم
تقول قلعتو
تلقي في عضم ناسينو ليك في فمك
اخ يا قلب
تحياتي يا ود اختي
|
Post: #58
Title: Re: ( ست الريد ) ...( بقت نساية )
Author: عبد المجيد محمود
Date: 04-15-2006, 03:12 AM
Parent: #55
جرسليييييييييييييين تقيل
معقول للدرجه دي يا حبوب ؟؟؟؟
الله يصبرك
|
Post: #59
Title: Re: ( ست الريد ) ...( بقت نساية )
Author: خدر
Date: 04-15-2006, 03:47 AM
Parent: #58
تيسير !!
لقيتكـ سمسار خطير لكن
|
Post: #100
Title: Re: ( ست الريد ) ...( بقت نساية )
Author: tmbis
Date: 04-23-2006, 10:21 AM
Parent: #58
عبد المجيد ..
| Quote: معقول للدرجه دي يا حبوب ؟؟؟؟ |
دي خطوات تمهيدية .. وفيها شوية بتاعت بروفات
براك شفت .. المعروضات
باقي ليك .. ما بتستاهل
|
Post: #99
Title: Re: ( ست الريد ) ...( بقت نساية )
Author: tmbis
Date: 04-23-2006, 09:45 AM
Parent: #55
يا عبس ..
ياهو نفس الضرس بتاع العقل .. المرة الفاتت .. قلنا يقلعوهو
ناس الطب
قالو يحشوهو .. حشيناهو .. قام تاني يتاورنــا .. من أول وجديد
الله يجازي الكان السبب يا عبس
|
Post: #62
Title: Re: ( ست الريد ) ...( بقت نساية )
Author: عمر الفاروق
Date: 04-15-2006, 04:55 AM
Parent: #1
|
Post: #63
Title: Re: ( ست الريد ) ...( بقت نساية )
Author: abas
Date: 04-16-2006, 01:29 AM
Parent: #1
up
up
up
|
Post: #68
Title: Re: ( ست الريد ) ...( بقت نساية )
Author: ملكة سبأ
Date: 04-16-2006, 05:05 AM
Parent: #1
قلت كدي ؟
اها
احيييييي انا
واوووووب انا
وياااااا قلبي
علي جوز اللوز المنجض دا
|
Post: #109
Title: Re: ( ست الريد ) ...( بقت نساية )
Author: tmbis
Date: 04-30-2006, 10:15 AM
Parent: #68
خدر : مشتاقين .. لكن ما شديد خالص
تيسير عووضة حريفة ولما تجيب موضوع الكنجالات دي بتذكرني عمارة الضرايب الطابق التاني..
ما تقوم تتخلع لي .. خليك زول عادي ( ..... )
عمر ..
الاستاذ عبد الوهاب الصادق من اصوات الزمن الجميل .. والغناء المعبر الناس البتحس الكلمة قبلما تغنيها لاحظ بساطة الكلمة .. والصور التعبيرية .. شكل الاوركسترا البسيط وتوصيل المضمون
شكرا للملف التاني ... بعدين المندلين دا عندي حساسية معاهو ـ مع أنو في حتات تانية كان ما جبتو معاك وشافوهو بي عينهم كدا -إذا بقيت وردي ما بخلوك تغني .
شكرا يا عبس .. لرفع البوست .. عايزين جركانة بتاعت زيت 
بلقيس ..
.. نحن الفراش بنرفعو بنرفعو .. احسن تخلي حركاتك دي ، وجيبي من الآخر (..... )
|
Post: #76
Title: Re: ( ست الريد ) ...( بقت نساية )
Author: saadeldin abdelrahman
Date: 04-17-2006, 06:05 AM
Parent: #1
Quote: بدري ، وتيسير ، وسعــد الدين..
..
بدل ارضية + حق الكشف + بدل مواصلات |
انتو اي حاجة Sharing كرهتونا ياخ!
..نبكي معاكم برضو بي Sharing
شيل من بدري ده قريب منك قالوا 400 كيلو بس هههه
اما تيسير دي انا بقيت طالبا لأنو حا أقول ليها الغنية دي
طلعت تبع استاذ من الجزيرة (اعتقد).. اسمو عبدالوهاب الصادق..
اها ادفعي لي و لي تمبس ده وقت ما ربنا يسهل.
بالمناسبة يا تمبس..تيسير دي ما سرحت شديد..فعلا في شبه بين صوت ابوبكر
ده و صوت عماد احمد الطيب.. و بما انو تماضر قالت الغنية قديمة قامت تيسير
الوالدنها بي سنونا دي ههه عملت حسبة سريعة..
صوت يشبه عماد + اغنية قديمة = اغنية ابو عماد (احمد الطيب) و جات عايزه
تخلص مننا..شفتا البت دي صعبة كيف يا تامبا.
|
Post: #77
Title: Re: ( ست الريد ) ...( بقت نساية )
Author: abuguta
Date: 04-17-2006, 07:49 AM
Parent: #76
الاغنية..
من اغانى عبد الوهاب الصادق
وهو من ابقوتة اشتهر وغنى فيها مئذ الصبا..واطرب كثيرا فى حفلات كانت تقام فى النادى او المدرسة الابتدائية..وسجل للاذاعة سنة 72 مع فرقة فلاح فنان .له صوت زى الجرس يلامس حواسك عند سماعة اول وهلة .وله اغانى مشهورة ذاع صيتها فى تلك الفترة..
ست الريد
بياع الخواتم وين
حبائبى الحلوين اهلا جونى
وليد دار فور..
والقائمة تطول...وغاب هذا البلبل الغريد بعد ما اصيب بشلل قضروفى فى الرقبة..
نتمنى له الشفاء
شكرا تمبس على الابداع
|
Post: #112
Title: Re: ( ست الريد ) ...( بقت نساية )
Author: tmbis
Date: 05-01-2006, 06:06 AM
Parent: #77
ابو قوته ياهندسة
سلامات ..وتحياتي للاستاذ عبد الوهاب الصادق
وبالقامئة النزلتها دي فعلا رجعتني لي زمن جميل جدا
زمن الاذاعة السودانية كانت مهتمة بالناس .. والفن والفنان كان بيلقى مكانتو
الاجتماعية والادبية قبال العداد بتاع الحفلة..
امس كنت بتكلم مع لؤي شمت لقينا نفسنا بنعمل في حصر للاغاني الخالدة
يعني مثلا في فنانين الواحد اكتفي بي اغنية واحدة لكن اصبحت لي اليوم بتتردد زي الكانها جديدة
ذكرنا العزيزة الما بتسال عن ظروفنا
وحبيت عشانك كسلا
وست الريد
وغيرة للكتير من الفنانين الاتغنو باغنيات من زمن سابق
لكن بتتجدد كل يوم ..
ربنا يكتب الشفاء للاستاذ عبد الوهاب ..
والتحية لي ابوقوتة ولي اهلها الطيبين
وليك يا هندسة
|
Post: #84
Title: Re: ( ست الريد ) ...( بقت نساية )
Author: تيسير عووضة
Date: 04-18-2006, 04:08 AM
Parent: #76
سعد الدين ..
الزول دا صوتو قريب شديد من صوت الفنان أحمد الطيب
وحيث أنني ما سمعت بعبد الوهاب الصادق قبل كدا قلت بس خلاص
ياهو أحمد الطيب (أعذرونا عامل السن وكدا)
هسي أنا عندي نص الجايزة دايرين تاكلوني فيها ؟
تمبس ..
أربعين المرحوم متين ؟
(عشان من هسه أجهز للصفقة الجاية)
|
Post: #111
Title: Re: ( ست الريد ) ...( بقت نساية )
Author: tmbis
Date: 05-01-2006, 05:49 AM
Parent: #76
يا ابوالسعود
المسالة كلها مبنية على نظرية الكاش بقلل النقاش
علشان كدا مسالة الشيرنج دي واردة .. والكشف بتلقاهو جمب الصينية
وبعدين بدري ده ياابو السعود .. من النوعية البتضعفك معنويا
ممكن يدفع لكن بالمقابل .. بيمرضك شهرين لي قدام ومن النوع الكل خمسة دقايق ممكن يتصل عليك ويقول ليك البركة فيكم تاني فقري جدا
..
غايتو كان جينا اشتغلناها حسابات معقدة ومتواليات هندسية
أنت وتيسير مفترض تدفعو بس وما تقولوا حاجة خالص
عبد الوهاب الصادق ما تعرفو يا ابو السعود ؟؟
وتيسير قالت احمد الطيب .. قدرما فتشت لي احمد الطيب دا ما لقيتو
من هنا ولي قدام تيسير + سعد اي خطأ فني = تدفعو في الكشف تلاتة مرات
|
Post: #78
Title: Re: ( ست الريد ) ...( بقت نساية )
Author: انعام عبد الحفيظ
Date: 04-17-2006, 08:07 AM
Parent: #1
تمبس
| Quote: لكـــــــن ... الله في |
مودتي واحترامي
|
Post: #80
Title: Re: ( ست الريد ) ...( بقت نساية )
Author: الواثق تاج السر عبدالله
Date: 04-17-2006, 08:46 AM
Parent: #1
صديقى الجميل تمبس
........... الله فى
اداء رائع حقيقى
|
Post: #115
Title: Re: ( ست الريد ) ...( بقت نساية )
Author: tmbis
Date: 05-04-2006, 09:18 AM
Parent: #80
تيسير عووضة..
الفقد واحد ودا حال الدنيا ومشتاقين
..
عامل السن دي مكنة قديمة..
قلنا اي اخطأ فنية تاني بتترتب عليها شروط جزائية وقلنا المرة الفاتت الدفع في الكشف مرتين
لكن أنت وبما أنك سمسارة خطيرة وأكيد مريشة ح نطبق عليك نظام ( العشر )
يعني كل مية الف ناخد منك ضريبة مية وخمسين الف عليها..
أربعين المرحومة .. شهر تمنية الجاي ..
( ادينا عربون )..
..
انعام عبد الحفيظ ..
كيفك ؟
ونعم بالله ..
الله احسن منها .... يديك الف عافية
..
الواثق أبو الصحب ..
كيفك يا رايق
والشوق مطر ..
الاداء اكثر من رائع .. وابوبكر جسد معاني الاغنية باحسن ما يكون ..
اتمنى ليهو كل التوفيق
فهو مشروع غنائي ناجح .. إذا استمر بنفس القوة .. وانتهج السبل العلمية لتطوير نفسو
|
Post: #83
Title: Re: ( ست الريد ) ...( بقت نساية )
Author: قرشـــو
Date: 04-18-2006, 03:26 AM
Parent: #1
بقت نساية
يخسى عليها وعلى عشرتها
|
Post: #85
Title: Re: ( ست الريد ) ...( بقت نساية )
Author: Muna Khugali
Date: 04-19-2006, 00:32 AM
Parent: #83
أسـة انا جـيت معاي سكـر وبن وشـاي قلت أقضـي العصـرية دي معاكـم...
لكـن يظـهـر نتو رفعتـوا الفراش!
واشـقاوتك يا تمبس بعـد ما اللمـة تفرتق وتقعـد براك...أحـسن ماترفع الفراش!
مـني
|
Post: #86
Title: Re: ( ست الريد ) ...( بقت نساية )
Author: Muna Khugali
Date: 04-19-2006, 00:48 AM
Parent: #85
انت يا تمبس ...الناس البيشيلو وراالفنان ديل .....بتاعـين مكـاواة عـديل كـده
|
Post: #87
Title: Re: ( ست الريد ) ...( بقت نساية )
Author: الواثق تاج السر عبدالله
Date: 04-21-2006, 07:30 AM
Parent: #1
up
|
Post: #88
Title: Re: ( ست الريد ) ...( بقت نساية )
Author: Ibrahim Malik
Date: 04-21-2006, 11:01 AM
Parent: #87
Thank you tmbis for bringing such a masterpiece.
|
Post: #89
Title: Re: ( ست الريد ) ...( بقت نساية )
Author: نادية عثمان
Date: 04-22-2006, 11:40 AM
Parent: #88
تمبس
شقيقى سيد الجمال
غيابك طال !!!
يارب تكون بخير يااااااااارب
|
Post: #90
Title: Re: ( ست الريد ) ...( بقت نساية )
Author: حسام يوسف
Date: 04-22-2006, 05:47 PM
Parent: #89
العزيز تامبا كم هو جميل الحن
والدوام لي الله يا حبيب وتعيش وتفتكر
لك كل الود
|
Post: #91
Title: Re: ( ست الريد ) ...( بقت نساية )
Author: الملك
Date: 04-22-2006, 06:44 PM
Parent: #90
ست القلب
بقت نساية (الله يكون فى عونك ساى وعونى انا)
...
...
تمبس إنت مالك الأيام دى
حالتك ما عاجبانى يا (بطه)
فجأة إتزكرت
قبيل بعد ما لممت أطرافى من الحمى والمراريا
ودقشت أمدرمان ...المسرح القومى
ولقيت قدامى مارسيل خليفة بغنى ريتا فى الخرطوم
حاجات غريبة جداً بتحصل فى البلد دى
....
....
إتزكرتك ليه ما تسألنى
بس ما دام الحالة بقت كده
ما تجى ياااااخ بدل فرش الصيوان
|
Post: #96
Title: Re: ( ست الريد ) ...( بقت نساية )
Author: Kostawi
Date: 04-22-2006, 08:50 PM
Parent: #91
كوزتاوي جاك بالكورنر يا كرمبا...جقدول لالا.
إنتو لسع من زمن نساية و بكاية و مساعد الحلة حرق البصل.
أسمع يا تمبس شغلك شرط...أرفع الفراش ده
سمعت إنو في مصنع أفتتح حديثا لإنتاج ستات الريد بالدسته... أمشي جيبلك دستة و إشتري لعمك كوزتاوي دستتين .
|
Post: #97
Title: Re: ( ست الريد ) ...( بقت نساية )
Author: محمود ريحان
Date: 04-22-2006, 09:36 PM
Parent: #96
شكرآ جميلآ تمبس علي الشي الحلو ده وبكاكم حار ومسخن
|
Post: #101
Title: Re: ( ست الريد ) ...( بقت نساية )
Author: محمود ريحان
Date: 04-23-2006, 11:24 PM
Parent: #97
حي سيدي اسماعيل عبد الجبار الله يديه العافيه مع ياسر ود ابكر عاملين شغل جميل في الاغنيه ومزيد من الابداع تمبس وسمعنا انه الاستاذ طريح الفراش اتمني انه الاخوان يقومو بالازم لموسوعه الابدع هذه
تخريمه
رسلت ليكم التلج لكن قالو البوكس اتعطل في الشارع والنشاره بسيطه وتعتيم علي الاخبار
وتاني حي
حي سيدي حي
|
Post: #102
Title: Re: ( ست الريد ) ...( بقت نساية )
Author: garjah
Date: 04-25-2006, 10:51 AM
Parent: #101
تمبوسة
حبيب قساي
أعفص لحنانة ظاتو
سيروا ونحن من خلفكم نشد من أزركم
يا ولد جيب لعمل الكشف
|
Post: #104
Title: Re: ( ست الريد ) ...( بقت نساية )
Author: Muna Khugali
Date: 04-26-2006, 02:41 AM
Parent: #102
تمبس...مكـن أقـعـد معاكـم كـام يوم?
محتـاجـة للمـة ناس شـديد...
مـني
|
Post: #105
Title: Re: ( ست الريد ) ...( بقت نساية )
Author: إدريس محمد إبراهيم
Date: 04-26-2006, 03:47 AM
Parent: #104
صديقي العزيز / تمبس الحزين ...
تحية الصباح المشرق الجميل ...
Quote: لكن أنتو يا الشعراء .. بتفرقو مننا نحن الناس العاديين ديل .. أنكم بتخلو حقكم بالساهل كدا .. بعدما تترجمو الآمكم .. وتعملو ليها اعادة صياغة وتدخلوها ( فرن ) اللغة ..
اها نحن العاديين ديل .. بنموت بالاحاسيس دي .. يا اما نلقى لينا زولا ( شاعر ) بينا ويستنطق لينا الآلم دا ..
يا اما يبقى علينا السهر .. ونوم الديك في الحبل
وفي مقولة أخرى
( عدان ) النجوم..
لذلك الشعراء .. يقدمون ما يشابه ( مشارط ) امهر جراحي القلب .. وما ظهر حديثا في علم الطب الحديث والشعبي .. |
أولا : إن شاء الآلام برت شويه ... وثانياً: الحاجه دي لسه قايلها في فراش آخر ناصبينو ناس هيرو بالاشتراك مع معتز وآخرين .. حتى فيهم صاحبك معتصم .. وأختنا منى خوجلي ... ما كعب أقولها ليك هنا علها تخفف الآلام شويه ...وبعدين تعال إنت وين تلفوناتك وإيميلاتك الموعوده يا راجل يا طيب ... لكن نستعير منك لازمتك الجميله ... معليش .. الله في ... وتسلم ياخوي منعدان النجوم ونوم الديك في الحبل ..
كنتي الحقيقــه
الناس تصابح عيدها فرحه وابتسام ...
تغزل خيوط الفه ومحنه وكون سلام ..
تتوشح الأفراح هنا ...
تفتح صدور الأمنيات ...
يتبادلوا الخير والمنى ..
القابله أجمل من حلم ...
وتحقق الأحلام سنا ..
إلا أنا ...
يا سندس الإلفه الحنينه وسوسنه ...
يا طيف رسم سعد الليالي ولونه ...
ما كنتي أغلى وميض أمل ...
يملاني إحساس بالغنا ...
ما كنتي فرحة زول حزين ...
زامل جراحوا وأدمنه ...
كنتي الحقيقه الغايبه عني وممكنه ...
كنتي البهاء الغطى كل الأمكنه ...
كنتي الصباح في ظلمة الليل الطويل الداكنه ...
والبشريات الطال غيابها امتد كمين من سنه ..
زي مطره في أرضاً يباب ...
نديانه بالخير والهنا ...
هليتي زي وعداً نزل ...
رطبتي كل الأمكنه ...
ما كنتي إشراق قوس قزح ...
نبض الأماني ومكمنه ...
اتجسدت فرح العيون ..
الديمه طيفك ساكنه ...
والليله بنعيش الوداع
والدمعه ترجع تسكنه ...
وارجع مجرد زول حزين ...
زامل جراحو وأدمنه ...
إدريس محمــد إبراهيم
الريـاض 01/01/2006م
|
Post: #106
Title: Re: ( ست الريد ) ...( بقت نساية )
Author: Muna Khugali
Date: 04-26-2006, 03:59 AM
Parent: #105
| Quote: أولا : إن شاء الآلام برت شويه ... وثانياً: الحاجه دي لسه قايلها في فراش آخر ناصبينو ناس هيرو بالاشتراك مع معتز وآخرين .. حتى فيهم صاحبك معتصم .. وأختنا منى خوجلي ... |
أنـا وظـيفتي الأيـام دي...
الحـوامـة والقييـل وامكـن المبيت في بيـوت البكـيات!
مـني
|
Post: #107
Title: Re: ( ست الريد ) ...( بقت نساية )
Author: إدريس محمد إبراهيم
Date: 04-26-2006, 05:23 AM
Parent: #106
الأخت العزيزة / منى خوجلي ...
تحية ملؤها الشذى والرياحين .. والتفاؤل ..
Quote: أنـا وظـيفتي الأيـام دي...
الحـوامـة والقييـل وامكـن المبيت في بيـوت البكـيات! |
إن شاء يا أختنا الغاليه تسلمي من كل حزن .. وما تمر عليك ولا لحظة شقا ... وإن شاء الله يا رب يطل على حياتك ذلك الفارس الاستثناء الذي يستحقك .. ويحملك على أجنحة الملائكة إلى دنياوات نست بحة الحزن العويل .. وما أدمنت غير الحب والفرح والزغاريد ... قولوا معي جميعاً آمين ... وما تنسينا من العزومه يا بت الكرم والجود ... وتحية خاصه جداً للأموره / آيه ... أوعاك تنسي ..
مع خالص ودي وتقديري ؛؛؛
|
Post: #108
Title: Re: ( ست الريد ) ...( بقت نساية )
Author: Muna Khugali
Date: 04-26-2006, 06:10 AM
Parent: #107
Quote: إن شاء يا أختنا الغاليه تسلمي من كل حزن .. وما تمر عليك ولا لحظة شقا ... وإن شاء الله يا رب يطل على حياتك ذلك الفارس الاستثناء الذي يستحقك .. ويحملك على أجنحة الملائكة إلى دنياوات نست بحة الحزن العويل .. وما أدمنت غير الحب والفرح والزغاريد ... قولوا معي جميعاً آمين ... وما تنسينا من العزومه يا بت الكرم والجود ... وتحية خاصه جداً للأموره / آيه ... أوعاك تنسي ..
مع خالص ودي وتقديري ؛؛؛ |
ياحـليللك يا ادريس ياطـيب...فـارس ايه وزغـاريـد إيه?
ديـل بقـوا مابيفرحـوا...
الحـزن أكـبر مـن ديـل بكـتير!
مخـرج بـدائي منه...
تعـالوا نعمـل حـفلات كـتيرة ونضـحك ونرقص واحـنا بنغني..
ونعمـل رحـلة داخـل سـحابة..
وحـفلة داخـل مـوجـة...
نرجـع نحـزن..
نجـري تاني لسـحـابة تانية
وموجـة أعلي..
......
......
وبرضـو عـازمـاكـم رحـلة!
|
Post: #118
Title: Re: ( ست الريد ) ...( بقت نساية )
Author: tmbis
Date: 05-04-2006, 10:17 AM
Parent: #101
أوووووو ( كوز..تاوي )
تصدق يامارشال .. ؟
لما ما ظهرت ليك كم يوم كدا .. عندي صاحبي هنا
قلت ليهو ياخي انا شايف البورد ده ( عشرة - عشرة ) لانو المارشال دا مافيش
وفكرنا نعمل ليك ( حملة تفتيش )
حرق بصل شنو يا مارشال ..؟؟
ياخي نحن الاسلوب الكلاسيكي بتاع الناس الخبرة الزيكم ديل - قاعدين نعتمد عليهو شديد
وقاعد يضوي لينا طريقنا.. والبصل زاتو كان اتحرق .. بنشتغله بدون بصل
في خيارت أخرى أنت لسه من زمن البصل يا كوزتاوي Al Karamba
الفراش دا ما بترفع يا مارشال وحقو ( تعتذر لي ) لانو كدا ما قدرت حاجاتي
حقك محفوظ ياعمو .. لكن عدل السستم نزل XP Media Center.. لانو كان جيت شبكتها بصل ومساعد ياي وبتاع
بتقول لي ( الخردة ) دا جايبو لينا من دستة ياتو كوكب ؟؟
..
محمود ريحــان
البكا بحررو سيادو .. وفي الاسياد ديل في اسياد بكايين جدا وكلما نرفع الفراش .. تاني يفتحو لينا فراش جديد ..
اسماعيل عبد الجبار وياسر شباب زي الورد ..
وناس علماء عديل ..
عملو شغل خطير جدا ..
ربنا يكتب السلامة للاستاذ ويارب يكون اتعافي ..
بعدين التلج بتاعك دا .. راكب ابو القدح ؟؟
خلينا من موضوع التلج دا ...
عايزين ( شاي حب )
في امكانية والا نتصرف ..؟
|
Post: #117
Title: Re: ( ست الريد ) ...( بقت نساية )
Author: tmbis
Date: 05-04-2006, 09:55 AM
Parent: #91
حســام يوسف
مشتاقين والله .. ليك وللمعاك
اللحن جميل جدا .. وانساني .. ومعبر ..
وإذا في واحد قلبو محدثو .. عادي ممكن ياخد ليهو ( بكين ) كدا بالدس
طبعا نحن ناس شجعان .. والغربة قوتنا
دا حال الدنياونجيك في السمحة إن شاء الله يا حسام
أدينا طلة..
..
نــاجي ..
أول حاجة دي خيانات منك ..
تتذكرني بس ؟؟ البسيطة دي ..
ياخي كان تدق صدرك كدا وتسجل لي الحفلة دي .. وتجدعه لي إن شاء الله مع ( الحمام ) الزاجل
غايتو استمتع .. انا لما أجي .. بقطعه ليك
بعدين الفراش دا طبعا محاولات ( ابديت ) للمشاعر واستدعاء للحواس ، شان لما تسخن معاك
تلملم غياراتك في شنطة وتمشي المطار طوالي
وكان سألوك مالك راجع تقول ليهم ماشي اتم الباقي بي هناك وبجي راجع ..
سلامتك ياكنج .. والجماعة الفي بالي كرامتك
|
Post: #114
Title: Re: ( ست الريد ) ...( بقت نساية )
Author: nour tawir
Date: 05-01-2006, 10:37 PM
Parent: #89
تمبس...
يعنى فى داعى تقوم (تهبش الاحساسات) بتاعة الزول؟
مش أحسن كدا أحنا فى الغربة دى (أوتوماتيك)...
من البيت للشغل وبالعكس؟!
|
Post: #116
Title: Re: ( ست الريد ) ...( بقت نساية )
Author: tmbis
Date: 05-04-2006, 09:37 AM
Parent: #88
العمــدة قرشو- حبيبنا
تتخيل ما عندهــا عشرة بتعريفة..
رضينا بالبيع .. كمان جابت ليها نسيان
..
مني العزيزة جــدا..
| Quote: واشـقاوتك يا تمبس بعـد ما اللمـة تفرتق وتقعـد براك...أحـسن ماترفع الفراش |
دي الشقاوة زاته البقصدوهــا..
جني وجن الفرتقة دي .. مع أنو البلد دي علمتني الوحدة احيانا..
وعملتها برنامج ثابت جدا قبل فترة علشان ازوغ بيهو من تفاصيل كتيرة معقدة ..
لقيت أنو دي اقرب طريقة للجنون
وأحسن طريقة للانتحار البطئ جدا..
اها كمان في حالات زي بتاعت ( ست الريد ) البتحتاج لي سهر ليالي .. وعدان نجوم وما ادراك ما تفاصيل زي دي .. اللمة مطلوبة ..
القال ليك منو يامنى رفعنا الفراش ؟؟
انا غايتو ح افضل مفرش .. لمان تقتنع هي .. وتبطل الحركات البايخه البتعمل فيها دي
مش الموسم ده موسم التنازلات .. خلاص متنازل من حقوقي كلها
بس تديني وزارة المالية
قهوتك دي بس اوعه تكون بالجنزبيل .. لانو بيعمل لي ( ابو الشهيق )
شفتي الطنقعه دي ؟؟ جو يعوانوهو في فراش ست ريدو .. قال عايز قهوة من غير جنزبيل
فعلا كاوايين شديد .. لكن نوع المكاواة الحلوة ديك..
..
الواثق ..
شكرا للمرور تاني .. وعصر الفراش
ونجيك في الحلوة يارب.. اظهر علينا بي هناك
..
إبراهيم مالك ..
ياخي شكرا جزيلا ليك أنت دا على زوقك العالي ..
..
نـــادية بت عثمان..
والله يانادية .. الحمد الله في نعمة مبالغ فيها
بس زي ما عارفة الجري والطيران .. والمزازاة
نتلاقى
|
Post: #110
Title: Re: ( ست الريد ) ...( بقت نساية )
Author: bushra suleiman
Date: 04-30-2006, 10:48 AM
Parent: #1
وماتبقى..كان بقت نساية
انا زاتى بقيت نساييييييييى ياتمبس..مافيش حد احسن من حد
|
Post: #113
Title: Re: ( ست الريد ) ...( بقت نساية )
Author: نادية عثمان
Date: 05-01-2006, 09:01 PM
Parent: #110
وبعدين معاك ؟!!!
|
|
