اللــون .. الصورة .. الخطوط .. الاقتباس

معظم الإجراءات تتم عن طريق .. Copy & Paste ..
..
لتغيير لون الخط .. نقوم بالنقر على الرابط الخاص بالخطوط على الناحية اليمني

نقوم بعملية نسخ ( Copy ) للون المحدد أو المراد استعماله ، نقوم بعملية ( Paste ) داخل الصفحة المراد الكتابة بها..
يمكن تغيير لون الخط المراد استعماله فقط بتغيير رمزه بمسمى اللون .. مثلا:
Red
Green
blue
وكل أسماء الألوان المتعارف عليها .. ويمكن اختيار الأسماء من خانة:Coloured Text

بصورة أسرع:
نقوم بحصر النص أو الجملة المراد تحويلها ( بين الأقواس )
مثلا اردنا تحويل نص إلى اللون الأحمر :
- نظلل الكود الخاص باللون الأحمر .. من اللوحة المرفقة على الناحية اليمني
- ننسخ الكود ( copy ) وندرجه في مكان الرد بالصفحة ونقوم بعملية ( paste ) ثم نقوم مرة أخرى بعملية تظليل للكتابة المحصورة بين الأقواس Red Text يمكننا الكتابة مباشرة أو يكون النص معد جاهز على صفحة خارجية.. فقط نقوم بعلمية نسخ ( copy ) للنص .. نختار الخيار Preview لمعاينة العمل والتأكد من صحته قبل الإرسال ..
- إذا أردنا للنص أن يكون أكثر قوة ما علينا إلا تظليل النص من جديد بين الأقواس ونختار الخيار Bold من اعلي مكان في صفحة الرد.
- ويمكن ايضا الضغط على ايقونة Italic ويعطيك شكل الميلان للنص.
- ومن ايقونة Underline لوضع خط تحت الجملة المطلوبة ..
...
الاقتباس ( quote ):
نظلل المساحة المطلوبة للاقتباس نضغط على الايقونة الخاصة في صف الرموز Quote تفتح معنا نافذة غالبا يكون فيها ترميز غير واضح للقراءة .. نمسح كل ما في النافذة المفتوحة ثم ننســـخ بدلا عنها الجملة المراد اقتباسها .. ثم نضغط OK..
...
ملاحظــــة:
هذه الإجراءات لابد وان يسبقها تظليل للمساحة المطلوبة كما نفعل مع الكتابة في صفحة الـ word العادية..
...
إذا يمكن ان نجعل النص مختلف الالـــوان ، واكثر قوة ، ومائل ، وتحته خط فقط بالتظليل واختيار الامر المطلوب.

تمبس يا فردة

دة برلوم جديد الطلب منك الكلام دة؟؟

طيب بالمرة ما تشرح لي الكلام القلناهو, ليه الغتاااااتة!!!!!!!!

رشـــا
كيفك يا فــردة..؟

Quote: الغتاااااتة!!!!!!!!

..
غتاته على خفيف بس .. لزوم زحمة شوية كـــدا ..
عارفه طيلة الفترة الفاتت كنت بفتش في النت على ( سوفت وير ) نفس البشتغل بيهو علشان يكون ساهل في التحميل للاجهــزة من ناحية الحجم والمساحة في الهارديسك لانو معظم الناس ما بتتوفر معاهم البرامج دي أو حتى إذا اتوفرت بتكون غاليه شوية .. والبرامج المساعدة في ( الوندوز ) العادي فقيرة وما بتدي خيارات مناسبة ..
اديها صنة علشان اللقي برنامج خفيف .. أو مريــح .. ونجي نفرتقو سوا

.....
شاقي روحك لييييه
....
ياسلااااام عليك ياتمبس ياخ..
وياسلام على الهادي الجبل الجميييل
ياسلاااااام على الخلفية
ياسلام على أي حاجة ياخ
....
....
طيّب مُمكن بالمناسبة دي أهدي؛
داير أهدي الليكشر دي للشابة نجلاء التوم؛

شايفها هنا رد: تراجم : كافكا موظف التأمينات - ترجمة نجلاء التوم بتستجدى في الناس:

Quote: يا جماعة الخير ممكن زول يدلني على الطريقة التى اقتبس بها ، لقد جربت الايقونة الخاصة بالاقتباس ويبدو أن هناك خطوة صغيرة فات علي القيام بها !!! المعذبة ن ع أ

شكراً ياشاب
.....

الفــاتح وديدي ..
تعرف:
انا مشغل الحــاجة دي على خمسة سماعات .. والباص في السماء
وكل مرة بقــول يا سلالالالالالالالام..
واعيده تاني من جديد الاغنية .. لما قريت يا سلالام بتاعتك دي .. ضحكته والله قلت معناته الفاتح دهـ ح يكون اتجهجه زيي ..
..
يــاخي نــجلاء التوم دي اهدي ليــها لي معاك اي حاجة جميلة تلقاها في الدنيا دي .. وتقع في عينك
زولة موزونــة .. موزونــة..
ياريت الشرح دهـ يوصله بالسلامة..


بعدين عايز اعمل ليك شوية بتاعت خلل في السمع لي شاقي روحك ليه دي وما بلومك وما تلومني
العمل بي صوت .. البديع جــدا ( عــامر الجوهري )
طبعا نفس المدرسة الجبلية

......
التحايا للهادي حامد
والعتبى لأستاذ عامر جوهري و..
(بس ما وريتنا : الزول بيعّدّل مُداخلْتُه كييف؟)
.....

وديـــدي..
عادي يازول .. ما تتوتر من المسالة دي
..

يلالا المداخلة ساهلة جدا .. تضغط رد ..
بتلقى تحت تلاتة ايقونــات
- ملفك
- عدل
- رد

ايقونة ( عدل ) دي تموت معاها .. لما تضغطه بتفتح ليك المداخله بتاعتك الكتبتها وبعداك ممكن تمسح منها اي حاجة وممكن تضيف ليها اي حاجة عايز تضيفه وترسله عادي جدا .. بعداك بتظهر ليك رسالة تحت انو تم التعديل بواسطة الفاتح وديدي وبيديك الزمن العدلت فيهو والتاريخ

.....
كده يعني:

شكرآ يا عريس

عــادل يا دولي ..
شكرا يا عريس
دي ضربة معلــم
يعني انا اكتب من قبيل بالالوان ومالي الصفحة .. واعمل استعراض واشوف الناقص شنو والزايد شنو
تجي ( تكرفسه ) بحرفنه في كلمتين بس ؟
والله إلا افرتقــه ليك:
- Red Text
- Bold
- Italic
- Underline
بعدين عندي كاميرا والله خــاتيها ليك من البوست بتاعك بتاع المرة الفاتت بس أخوك نساي

Quote: شكرآ يا عريس

والله دي بالغت فيها يا عادل عثمان ..

أها يا شريك ..
أبقى مارق ..
ولا نقول ليك يا عريس ..

دي عايزة ليها إجتماع طارئ مع باقي العصابة ..

وديــــدي

.. خطيرة جدا منك

..
يا معتصـــم..
مووت بيها يــاخ .. مــا دافننو سواء ..

يا أصلي ...؟؟
لالالا دقيقه ياعمدة دي كم سنة كــدا لي وراء
عندي زول صاحبي خريج جامعة السودان قسم كهرباء .. اسمو ( محمد عبد الله ) لاحظ ( عبد الله دي ) صاحبتو في يوم واحد بس .. بعدين لاحظ انو ساكن في ( الديم ) بعدين لاحظ لي الحاجات دي ماشه كيف؟؟
محمد عبد الله دهـ احسن زول كان بيقول يا اصلي شبكه فيني وبعدين انا قمت ( بعتها ) لي عمار أخوي الصغير بتذكر بعتها ليهو بي بنطلون جينز واتنازلت ليهو عن كامل الحقوق وعمار ( شبكــه للحاجة ) وبقينا كلنا اصليين في البيت
عمـــاد.. مورط معاي بالمناسبة .. أنت أخوي والا شنو يا اصلي بعدين عندي عماد منصور دهـ أخوي الاصلي وحسع كنت بتكلم معاهو في التلفون ..
طيب ..
لخبطت لي الحاجات كدا.. محمد عبد الله اللذيذ جدا وقاعد يشبهك شديد دي واحد بعدين المسالة بتاعت عماد دي .. ومسالة اصلي وعماد منصور ..
عماد بالجد كدا اتصلح معانا.. أنا ممكن ( أرخي ) ليك بتاعت محمد عبد الله دي لانو المحمد عبد اللات كتار في السودان دي بمشيها.. لكن بركز ليك في عماد التانية .. والله ياعماد كان طلعت أخوي تكون بالغته
بعدين كنت قايلني ما بعرف حاجات كتيرة مش
دقيقية .. دقيقة والله اتذكرت ليك حاجة تانية .. عمار الاصغر مني .. خريج تلوين كلية الفنون الجميلة .. قريبات دي .. عشان ما يجي يتشبك فيني صلاح عبد الله يقول انا كبير ودفعتو
عماد الحاجات دي ملخبطة والله شديد .. بالجد كــدا

بعدين بتزرزرو فيني كم يوم أنت وأخوك ( الكبير ) صلاح وبتقولو لي أنت ود ناس منو.. أنت ود ناس منو.. صاح؟؟
في حاجة ( اسفيرية ) هنــا ما مفهومة.. مش بقولو العالم اصبح قرية صغيرة
يازول أنت أخوي والا شنو
خــارج نفسك بسرعة والله ..

بعدين يا اصلي ما تدبرس يـــاخ .. والله انا كنت مدبرس من شهر أربعة الفـــــــات داك لمن شبعته وقمت قلت الحمد لله دبرسة ..وقلت دبرسة زي دي تاني إلا الكريم واصلو ما ح تفك..
لكن ياهو بدت تفك شوية شوية ..
عندك دبرسة تعال بيها هنــا .. والله اطيرهـ ليك من راسك

تنبس عامل فيها حريف؟
أها بقوك عريس،،
خُم و صُر،،

و شغل الفريشمانين البتسوي فيهو ده ما مقسم معاي،،

لكن ،،

وجعتني دبرسة عماد عبدالله دي،،
و ريحتني فكتو فيك،، حبة بس،،

يا عماد كيفن تدبرس؟
كدي بس عاين لي الوشوش صبيحة الحروف دي،،
ما بتخفف الهم و الحزن؟

Quote: أها بقوك عريس،، خُم و صُر،،

ما تنبس ده كان عرس مشكلة،،
عشانو هو لأنو قلبو بنحبس
و تاني ما بلقي فرقة جرسة و غُنا بكا ،،

و كان لينا نحن،،
تاني البفرتق روحنا و يخلي اشواقها
تمرق شوق شوق منو؟

Quote: و كان لينا نحن،، تاني البفرتق روحنا و يخلي اشواقها تمرق شوق شوق منو؟

انا غايتو مطلع روحي وقادي جيبي

Quote: و كان لينا نحن،، تاني البفرتق روحنا و يخلي اشواقها تمرق شوق شوق منو؟

Quote: انا غايتو مطلع روحي وقادي جيبي

يا سوميــــتا
اساسي دهـ ما تشتغلي بيهو شديد .. انا بقعد افرتق كدا لحدي ما اخلي المنبر دهـ والفورة الف طبعا.. المرة الفاتت ( اشترى ) ليهو مكتبة من بكري أبوبكر ومتسلف قروشة مني .. قداني بيها انا قربت اهاجر من السعودية امشي استرالياعشان بعيدة وكدا قام بكري بعد يومين بس الله يديهو العافية عمل لي مكتبة ملح ..
قام عرس قبل فترة ودافع ليهو في الكشف .. كمية بتاعت دولارات .. لاحظي ( دولارات ) حسع جاي فاكيها فيني وخاتي ليهو وش بيرمش ..

يا اساسي ..
.. أخوك قلبو واقف اليومين دي وعايز يتأهل .. مافي طريقة سلفية وكدا
بس ما تفكها فيني وتقول لي زي كل مرة .. انا داخل في ( صندوق ) وصرفتي بعد تسعه شهور
والله تقعد تلم فيها كدا تموت وتخليها .. ويورثوهــا ( الشفوت ) الزينا ديل

تمبس سوف يظل هو الاسطى.. ونحن تلاميذ نجباء فى معهد تدريبه المهنى!

ياعــادل..
وانا بتعلم كل يوم حاجة جديدة هنــا منكــم..
والكديس دهـ زمنو حلو جدا .. ومبتهج مع عامر الجوهري ..
اسمح لي اصاحبو طوالي

Quote: تنبس عامل فيها حريف؟ أها بقوك عريس،، خُم و صُر،،

..
سمسم..
حال السرور .. القراية نخليها خلاص طالما عادل قال نعرس
..
عماد طبعا قايلني ما بعرف حاجات كتيرة .. وقال عايز يفكها فيني
عليك الله شوفي الفكة دي قدر كيف حسع ..
..

بعدين جبتي اغنية تاور والا عامله زغبيرة لسه؟؟
جهزي حالك إذا بتريدي

..
.

timbs

ما حتتخيل انا بحاول اتعلم تغيير الالون من امتى ؟؟
و مع ذلك اعاني من اتباع الخطوات على اي حال ححاول و اجتهد
و كنت كمان عايزه اسالك ادخال الاغاني و الصور كيف ؟؟
ازبطي تغيير الالون اول قول لي ؟ّ!

تحياتي

الاخ Timbs

اختك برلومة شدييد في حتة الالوان والخطوط والصور..

لكن حأحاول..بس انت خليك قريب.


أثني فكرة Zongiya

Quote: و كنت كمان عايزه اسالك ادخال الاغاني و الصور كيف ؟؟

شكرا.

والله لكين علم تقيل
اولاً السلام عليكم يا جماعة
وقبل المشاكل ما تحصل انا جاية هنا بناء على فتنة قبلية مع وديدي
لكن لمن جيت لقيت كل الحبايب يعني متلمين قت خلاص
اعمل برأي غنية فرفور الجدية البتقول " ماااااا مشكلة " وداليا وطلال عفيفي شهود على وجود هكذا اتجاه في الغناء السوداني أعزه الله
انما
يا تمبس شكراً كتير
وعماد وعادل انا عندي معاكم حكي وقص ورص والايام دول
ويا وديدي الفيكم اتعرفت وبقا علينا بس قصة الكاشف والفلاتية ؛ واذا انتا متخلف تكنولوجيا في داعي تقول الكاشف اخوك وتفضحنا على الهوا ؟
الحائرة ن ع ا

اهليــن يا نجــــلاء التوم ..
وعليكم السلام .. إن شاء الله وديدي جاب ليك الحاجات القلنا ليهو وصلة ليك وما عمل بيها نايم
كان جيتي مارة بي جاي .. انا بثبت ليك عماد .. بس حاولي اعملي لينا أي

Quote: اقتباس

أو أي حركـــة من الحاجات دي .. علشان ناوي احدده معاك ومع الكاشف وبنقبل أي قصيدة منعشة جديدة..
شكرا يانجلاء ويــا وديدي ويا كلكــم ..

الأخــوات زنجــية .. وأميمية الفرجوني ..
كيف عاملين؟؟

Quote: و كنت كمان عايزه اسالك ادخال الاغاني و الصور كيف ؟؟ ازبطي تغيير الالون اول قول لي ؟ّ!

Quote: لكن حأحاول..بس انت خليك قريب. أثني فكرة Zongiya

مشكلة الخطوط محلولة يا زنجية والتلوين حسع دي ح نحلها .. الصور ح اتبع شرحه في البوست ده برضو.. ملفات الموسيقى مافيها مشكلة يا اميمة انت التخليك قريبه وما عندك مشكلة اسالي اي سؤال وأخوك جاهز ..
في بوست قديم عن شرح الملفات الموسيقية كان لقيتو ليكم فرقه ممكن تدردشو فيهو شوية لحدي ما ارجع ليهو ونحاول نشرح الحاجات البسيطة الممكن تكون ما مفهومة ..
** تحميل الملفات الموسيقية .. بسهولة ...
..
نبتدي بالتلوين التلـــوين:

Quote: نقوم بحصر النص أو الجملة المراد تحويلها ( بين الأقواس )

الاكواد اتفقنا انها موجودة على اليمين نضغط على الرابط الواضح ومكتوب عليه
You may use Markup Codes
وبتفتح معانا النافذة الموجوده فيها الاكواد ومحصورة معظم الاكواد بين الاقواس مثلا اللون الأحمر:
نختارو من داخل النافذة البتتفتح لينا بعد ما نضغط على الرابط اعلاهـ.. ونظلل عليهو وناخد Copy

- ننسخ الكود في المكان المطلوب بداخل البوست وحيكون بالشكل دهـ:

- نظلل ما بين الأقواس .. ونكتب النص المراد تلوينه .. أو ممكن نظلل المساحة ونلذق نص كامل معد مسبقا في أي صفحة خارجية ..

السودان باللون الأحمر في الشكل النهائي..
بتنطبق الخطوات مع كل أنواع الألوان ويمكن بدل Red نغير الألوان بمسمياته المعروفة..

تحميل الصور:
ح نجهجه معــانا ظاااتو
..
عن رفع الملفات في موقع التحميل الخاص بسودانيز أون لاين:
- نضغط على أيقونــة تحميل الصور في أعلى الصفحــة.

- تفتح معــانا نافذة فيها بيانات التحميل والخطوات المطلوبة.

1- نضغط على Browse ونحدد مكان الصورة على جهاز الكمبيوتر..
2- بعد التحديد تدرج الصورة على المساحة المخصصة لهــا..
3- نضغط على Submit Query.
بعد أن تتم عملية التحميل نحصل على الصورة مع رسالة توضيحية نتبع الخطوات المطلوبة كما في الرسالة

لنحصل على الرابط التالي:
http://www.sudaneseonline.com/upload/passport/modified/00024.jpg
..
الغلطة الملازمة للكثيرين هي .. إدراج الكود كما في الشكل أعلاهـ .. وهنا لا تظهر الصورة .. ولا بد من وضعها في المكان الصحيح بمعني ..
1- إدراجها داخل المسار لفك شفرتــها ومن ثم تظهر بشكل أوضح ..
2- لفك الشفرة وقراءة الكود الخاص بالصورة نضغط على ايقونة Image في صف الايقونات لتظهر معنا نافذة ندرج بداخها الكود اعلاهـ ونضغط OK

ومن ثم نحصل على الصورة:

..
نفس الرابط اعــلاه يمكن أن ننسخــه في البروفايل .. عندما نحب أن نستعمل صورة شخصية للبروفايل ..
1- ننسخ الرابط بعد التحميل في المكان المخصص ( نظلل المساحة ونعمل Paste )
2- نضغط على ايقونة Change Profile .. نحصل على رسالة تفيد بتغيير البروفايل لوضعه الجديد

بالطريقة دى ياتمبس

الرائع تمبس

انا استفدت جدا من المعلومات القيمة دي ويا ريت تكلمنا عن امكانية رفغ الاغاني والفديو كليب





http://www.sudaneseonline.com/upload/modified/02950.jpg

الرائع تمبس

انا استفدت جدا من المعلومات القيمة دي ويا ريت تكلمنا عن امكانية رفغ الاغاني والفديو كليب





http://www.sudaneseonline.com/upload/modified/02950.jpg

thanks
تمبس
...

لي أسئلة
أخرى ممكن??

دي اسمها اخطاء برالمة

كدة الواحد حاسس بالنجاح تعبتوا معاي بعد كدة اعمي ومسكوا العكاز

Quote: بالطريقة دى ياتمبس

الواثـــق يا لذيذ دا شغل نضيف جــدا .. حاول غير اللون لي الأزرق .. والا ده الشعار ..؟

صفــاء فقيري ..
سلامات
أي سؤال ما عندك أي مشكلــة.. جاهز..


بــــرسي..
كدا تمام يا زول واعمل اي حاجة عايز تعمله هنــا .. ممكن تجيب ( فيــل ) ما عندك مشكلة أخد راحتك على الآخر ..

الأنيق... تمبس

صدقت و لا لا؟

فى كل الأحوال تحياتى و جميل المنى يا(عريس)

يا عـــــاصم..
دهـ الفيل الظالــم والا شنو ؟؟
شيل من برسي الحاجات .. ووريني الخبر شنو..

الكمنجة دي ما بتذكــــرك لما الدنيا كانت بخير ؟؟

عبد الرحمن عزاز يا عريس ( أنت دا )
كــدا مظبوط ومليون في المية
أظهــر .. ما تعمل نايم

ok dear

how do I conceal a song
behind a post??

شكرا يا رايع...

Quote: كيف بتعمل الخلفية الغنائية وتخليها شغالة وباستمرار.

Quote: how do I conceal a song behind a post??

صفــاء فقيري .. وبنفســج
ح ارد ليكم مع بعض لانو سؤالكم مشترك .. لكن كان عملت كدا مع بدرالدين شنــا( بيعمل لي مشكلة ) ..
المسالة بتتعلق بالكود المستعمل وبندرج فيهو الرابط بتاع الأغنية ..
يعني يا صفاء علشان انزل الاغنية في الخلفية في خيار بختارو في الكود اخلي شكل الكود بعدما يترجم .. يترجمو مخفي .. وإذا كنتي بتستعملي الأكواد تلاحظي لي الحاجة دي وبتكون مكتوبة كدا:
وإذا حبينا نظهر الشكل بنقول كدا:
HIDDEN=FALSE
معليش طبعا إذا ما اتعاملتي معاها بتكون غريبة بالنسبة ليك .. لكن اقبليها كدا لحدي ما ارجع واشرحه عمليا لما نشرح طريقة الاكواد والملفات الموسيقية وإذا عندك اي سؤال تاني مرحب بيك طوالي ..
..
نفس الطريقة يا بنفسج بالنسبة للخلفية وطريقة الاستمرار لاحظ معاي بالنسبة للاستمرار:
LOOP=TRUE
..
مثلا نلاحظ دهـ الكود بتاع الأغنية الشغالة دي ( شاقي روحك ليه ) عامل كدا:

الخط الأحمر تحت الاشياء الرئيسية يعني ترجمته عاملة كدا:
- مخفي
- يشتغل باستمرار
- يشتغل عند فتح البوست مباشرة
..
معليش لو كانت المسالة دي ما واضحة مع شرح الاكواد ح تتضح اكتر ..

شفت يا صاحبي
أنا غفلت ليك الجماعة خليتم ليك يتعلموا في الصور واللون والخطوط والإقتباس
وأنا بهناك لابد أتعلم منك في اللذاذة وخفة الدم والظرافة وخاصة المساحة الكانت بينك وبين المبدع عماد عبدالله

الله يحفظك يا تمبس ياااااااااخ

فوم كده ، عامل فيها قيافة وبتعاين برة الصورة
يأخوي اشرح براحة براحة وسهل الموضوع
ديل ولافيهم واحد فهم حاجة بس بجاملوك ســــاكت
قلت لي كيف الون بالمناسبة انا بحب اللون الازرق الملوكي
قلت لي كيف اعمل لون ؟؟
ايوة من الاول براحة
انت قايل نفسك شنو،، بتعرف اكتر مننا؟؟ومنو القاليك تشرح لينا؟؟ ليه نحن بولده ؟؟
بولده جاية من حلة بولد وأهل ،بولده ..انت من وين ؟؟وتمبس ،ده اسمك ولا لقب ؟؟بالله!
أنت يا تمبس مطلق ؟؟ليه لابس بدلة العرس ؟؟اها مطلق رجليك ههههههههههههههههها
شفت الهنا الانا فيه ..دبرسة وفكيتها فيك ..ايه رايك ؟؟
قال شنو اللون والصورة والخطوط والاقتباس
انت ياتمبس ماك طيب قلت لي كيف اعمل اللون الازرق؟؟؟؟

بلاي يا محمد السني ( فوووم ) فكنــا كدا والا كــدا
انا لاقيتك في السوق العربي زمـــان بتذكر سنة كم كدا ما عارف ووقفت سلمت عليك واتونسنا وقرربت اعزمك حاجة باردهـ من بتاعين الاكشاك البفتحو على كدا ديلك ـ وكنت قايلك بتعرف تلون من الوكت داك .. وحسع لابس ليك قميص مخطط ( كاروهات ) لي فوق بي لون ( بصلي ) وما بتعرف تكتب باللون ( العنابي ) ..
بعدين بدرالدين دهـ مش كان معاكم .. حسع اهوندا بيعرف يعمل اي حاجه هنــا مش صاحبك ؟؟
والله يا محمد السني انا كان ( فومته) فكيته فيك بلون ليك المحلات دي كلهــا بس ح اديك صنة لحدي يوم الخميس الجاي .. كان ما لونته براك تكون بالغته عديل كــدا ..


اي سؤال

بدرالدين حــلاوة..
والله بالجد لما اشوفك اون لاين بكون منتظر اي جلكسة منك ..
تعرف عندي صاحبي .. مدمن سوداينز وساكيك سك شديد وريتو البوست دهـ :
ميم الزكمة
بتاع .. بعاوية البعاك دهـ بنو؟ .. والله ما تتخيل حسع ( بحتربك قدر كيف .. وكل برة بسألني بنك
غايتو يا بدري عايز اعمل ليك رابطة معجبين في الرياض

Quote: الله يحفظك يا تمبس ياااااااااخ

ودي عندي بي الدنيا كلهـــا.. ويحفظك أنت كمان ياحلو جــدا

Quote: أها يا شريك

مو .. شفت كلمة عريس دي حيلك برد؟!

لا وانت الصادق شريك الدرديق والبكا وسهر الليل

محمد السني
الازرق برضو يا هلالابي
عرفتك من دبرستك الفكيتا دي الهلالاب ظاهرييييييييييييييييييييييييييييييييييييييين

دة اسمو الهلال الاحمر

سلام يا أصلي ..
يا بتاع بلاد بره ..

غايتو البتسوي فيهو , ده يا دخلك الجنه .. يا الجناين .
وإنت كان نصيح .. سميني كوكو ..

المهم .. عندي سؤال يا
تمبس ياخ لمن ( أحمل ) صورة .. تقوم تجي و تحتها شريط أسود و بايخ و فيهو ( و كمان بالإنقليزي ) سودانيزأونلاين .. ياخي ده بايخ بياخة ..
ما نحنا عارفين الصورة في سودانيزأونلاين , و الملكية الفكرية و المصنفات الماعارف شنو .. و مكنات العلم ديك .
لكن ياخ الشريط ده بيبوظ الصورة .. ( عامل زي الشخوت الفي رقبة الحبشية ) .
الدبارة كيف يا أصلي ؟؟ ده شعراً ما عندنا ليهو رقبة .. ( زمان أي زول رقبتو قصيرة يسموهو عيساوي .. النوع الإضنيهو لحام مع الكتف داك , ليه عيساوي ؟؟ ما عارف ) ..
المهم ..
المزهجني يا تامبا ناس إبراهيم الجريفاوي و ناس طلال ديل ..
يمرقو ليك الصورة نضييييييفه و متمره , زي جضيمات ( أورورا ) البت الإيطالية الكانت بتسوق العجلة بقدام بيتنا سنة ......... ( نسوان الحلة الحاقدات كانو بيسموها كرورة ) .
كيف تطلع الصورة عندهم سمحة كده و أنا بتاعتي تطلع ( السر ود العولاق ) ؟؟؟
بكري ده بيفرز ولا كيف ؟؟ ..
طيب نحنا يا بكري ناس قريعتي راحت ديل أهو ربك أدانا الزول التفتيحة ده .. و ما دايرين منك حاجه زاتو .
( ما تكبر اللفة و تأكلنا الهوا يا أصلي .. عاملين الطيب سند عليك و كده )
المصيبه لمن تنزل لوحة .. المفروض إنه أي مساحة جنبها أو حولها أو جواها تكون مربوطة بفهم بيعرفو الرسام .. علاقات و علاقات و علاقات ..
يقوم ينط ليك شريط السجم ده يخليها ليك ( سلوى عشكوب ) .
و كل النحت فيهو راسك يطلع تُسسسسسسسسسسسس .

تمبس .. كب لينا مخارجه دقه سريعه كده من رقبة الحبشية دي .
ناقصين نحنا !!!
قت لي ناس أمي مشو وين ؟؟؟؟؟

مستنيك يا

كيف يا اصلي ؟؟
عارف طبعا يوم الخميس أخوك بكون مخندق قدر كيف .. يعني سردبة الأسبوع كلها بتكون يوم الخميس ..
بعدين الجنزير الرابط بيهو بكري الصور دهـ انا برضو عامل لي ( زلزال ) واي مكان بلقى فيهو ( جبص ) زي دهـ طوالي بتخارج وما بتعامل معاهو .. حقو بكري يراجع المسالة دي شوية لانو في مواقع كتيرة ممكن الناس ترفع فيها وبدون ما يحصل الشي الحاصل دهـ ..
بالنسبة لي ( عيساوي ) المسالة محلولة ح اردمك بي موقع ممكن ترفع فيهو عادي .. وجنزيرك في جيبك .. قرمبوز وطلال ديل اولاد عز علشان كدا حاجاتهم بتجي نضيفه ومصنفرهـ والظاهر لي بيعملوا حاجاتهم ( بالليل خالص ) علشان كدا بتجي موزونــه .. نقشته اللعب كيف ؟؟
في حنك تاني ح اخارجك بيهـــو .. لاني لابد ليك لي قدام .. تعرف في خيار خطير جدا ممكن يظبط ليك اللوحة ويجيبه ليك المقاسات زي الترتيب .. متذكر زمان .. ( البنايين ) مش عندهم حاجة كدا فيها ( دبارهـ) وخشبتين كدا ( وكرضمة ) حديد بقوموا يمسكو الخيط ويفكو ليك الكرضمه .. والله الحيطة تطلع ( فيثاغورس ) بس ..
اهــا .. ممكن تستعمل كود التوسيط .. وده اخطر من ( كرضمة ) الجماعة ديلك وبجيب ليك الحاجات زي ما هي .. يعني لما تنزل الصورة وتختار ليها خيار توسيط بتكون خطيرة جدا ومرتاحة خالص في الصفحة .. ح اجدع ليك الموقع الما فيهو جنزير وتوعدني انك تستعمل التوسيط ونشوف بعداك البيحصل شنو .. خيار التوسيط طبعا بتلقاهو مع باقي الاكواد بتاعت التلوين وبما انك زول مفتح ولوااان ح تعرف كيف تستعملو يعني محل التوسيط بدل ما تكتب فيها النص .. تقوم تظلله .. وتعمل نايم وتضغط خيار الصورة وتنزل فيها الرابط بتاع الصورة وتقول ليهو كلو تمام وبعداك الصورة بتجيك زي الترتيب جرب وانا راجيك ..

بلقيس ..
انا والشريك دهـ كان جاتنا حاجة قاعدين نفكها عكس الهوا طوالي وفي الهواء الطلق بس المشكلة في الناس البتضاري في حاجاته .. تحت تحت ..
..
يا برسي . هلالك الأحمر الأخير دهـ ما ظهر .. الصورة دي رافعه في سيرفر ..( حي العرب سوكرتا )؟..

اها يا تمبس يا لذيذ كيف بتعمل الخلفية الغنائية وتخليها شغالة وباستمرار.

استاذ تمبس

اخونا هيثم برلوم, و عندو شوية اسئلة

جانى فى حصتى فى سنة تانية, فحولتو على حصتك

ممكن أشــارك... خٌشوا لي جوة... أدوني الطريق


اتوصى بيهو يا استاذ تمبس

باين عليهو ظريف

تحياتى

غادة

العزيزة اختي غادة عبدالعزيز

شكراً على التوصية أصلوا الزمن دة الواسطة مهمة و ربنا يخلي لينا استا`د تمبس.

كل الشكر يا بت ابوي

هيثم القوز

استاذة غــادة عبد العزيز
برلومك هيثم زول حريف وظريف ..ح نتوصى بيهو توصية جد ..

وحنعينو مساعد تدريس طوالي ..

الأخ العزيز تمبس ... كيف الحال

انا جاييك من طرف غادة عبدالعزيز و قالت لي استا`د تمبس ما بقصر معاك.

عموماً انا عاوز الصق صورتي في البورد كيف يمكن عمل `دلك؟

كل الشكر

هيثم عبدالعزيز

يا هيثـــــم ..
مليون مراحب .. يازول واسطتك والله زي العجــــب وما عندك اي مشكلة في اي حاجة ما عليك إلا تجهز الصورة .. ف يشرح مبسط للصورة فوق وح يتبعو شرح تكميلي ح يعملو معتصم دفع الله عن حجم الصورة وكيف تصغره وتكبرهـ .. خطوة بخطوة طبعا .. وبعداك تنزل الصورة دي في اي مكان يعجبك
اتفقنا ؟؟

الأستاذ تمبس عساك بخير و بالمناسبة مبروك صورتك الجديدة....

انشاءالله اكون نجحت و تكون الصورة كدة مظبوطة... بس داير اعرف كيف يتم تحميل خلفيات اغاني مرفقة مع الموضوع.

مع فائق الإحترام و التقدير،،

أخوك/ هيثم القوز

الأستاذ تمبس عساك بخير و بالمناسبة مبروك صورتك الجديدة....

انشاءالله اكون نجحتة و تكون الصورة كدة مظبوطة... بس داير اعرف كيف يتم تحميل خلفيات اغاني مرفقة مع الموضوع و كمان كيف اضع صورتي على البروفايل. (آسف للإزعاج)

مع فائق الإحترام و التقدير،،

أخوك/ هيثم القوز

علاء تمبس أن يقوم بـ.......
راندم سلام

Quote: والله بالجد لما اشوفك اون لاين بكون منتظر اي جلكسة منك ..

إنت عارف أنا مرات كتيرة أقعد أونلاين ساعة كاملة وما أطلِّع اي حاجة يكون عندي إمساك يا ربي؟؟؟

شفت أنا حا الوِّن ليك (ن) السني وأخلي باقيهو اسود وابيض عشان اعقدو ليك
السني

والله حيرتونا (ن) السني و(ن) النسوة

تحياتي لكل أهل الرياض في غصونو ماح

هوووووووووووووووووووووووووووووووووي
ياتمبس
اسحن ليك !!!
فاكي لي بدرالدين الحلو كان راجل ما تواجهني عديل
بدرالدين شن عرفوا بي التلوين والخطوط
تلقاه عندو خبير أجنبي
ياتمبس الموقع ده بعد كم يوم تلقاه كلو الوان
وتبوظ لينا وتخلي اللون عادي سارح معانا
وشوف الولد العجيب ود ناس برسي مالك والهلال
ياخي داير تقوم علينا المريخاب مالك ؟؟؟؟
قلت كيف بنلون ابدأ لينا من الاول ..ايه رايك؟؟؟

Quote: بدرالدين شن عرفوا بي التلوين والخطوط تلقاه عندو خبير أجنبي

مش دي صورتك؟؟؟

قال خبير قال
والله نحن والله والله أسكت ساكت

والزول لو داير ينزل أغنية لــــــ "شيخ لو"



يعمل شنو؟؟

وحلاء بدرالدين ايضا ان يواصل حضورهـ بشكل مكثف حيث اتضح لنا أن البوست بيكون اكتر حــلاوة ( واكتير مهضوم ) .. بعدين عجبتني في ( طقطقة ) نون النسوة لي محمد السني .. طبعا كان قايلك قاعد ساكت ... أقول ليك حاجة .. انت جهجهو لي وانا بعمل مطنش ..
..
محمد السني ..
تاني جيبت .. مش كــدا ؟؟
انا فاكي ليك محترف خطير جـــدا وتحت تحت كدا حي يجري بيك الموسم دهـ كلو .. زي كلاتشي غايتو انت وشيطنتك .. قدرته تحنكو وتقنعو وتتحرفن عليهو بقدر يوريك الحاجات كلها .. وكان ( اتطنقع ) عليك اها تعال راجع لي انا المسكين دهـ .. بجدع لكي بخرة تمشي ليك امورك ..
..
تمـــاضر
" لو" شيخ .. بنتظرنا شوية بنقدر نعمل شرح تاني للملفات بتاعت الأغاني هنــا من نفس البوست القديم .. كان ما عندكم مانع طبعا .. كلميهو معاك بلاي وشوفي رايو شنو؟؟

يا استاذ تمبس ..

أمي بتسلم عليك
و قالت ليك
قروش الدرس بترسلهم ليك يوم السبت

تيسير عووضة
سلام

Quote: أمي بتسلم عليك و قالت ليك قروش الدرس بترسلهم ليك يوم السبت

وابوك مشى وين عامل عمتو الكبيرة دي
يلا إتيسري

بدر الدين ولد عمو (شنا)

من زمان أمي هي البتمسك قروش الدرس
يعني الموضوع ما عمم

وابو عمة بيسلم عليك ..

الشعار ثابت طبعا ياتمبس


لكن ممكن نعمل تجربه

ونرجع للشعار تانى

كدا كيف

عماد عملت لي شنو بالنسبة للبتاعة دي

Quote: وخاصة المساحة الكانت بينك وبين المبدع عماد عبدالله

أها يا تمبوس شدينا خيمتنا هنا

تيسيـــــر ..
يوم السبت ما بعيد الله يقدرك وتعملي نايمه بالعدادات ..
بعدين قاعده تزهجني ( كروساتك ) الحمراء دي من ما الله خلقني ونزلتي ليك صورة تجيني ( كروس ) أحمر أدخل للموقع اللافحه منو الصورة يقول لي كان ليك والله الموقع دهـ اصلو ما يفتح ليك الليلــــــة ..
بعدين بدرالدين قال ليك اتيسري معانا ..
..
الواثـــق..
كتر في ( اللــــــــــــــــــــــون ) دهـ الحبه ما بتجيك
الشعـــا ر في السلك
اعتمدني ..
..
عمــــران ...
طيب ما تلون لي الحبال دي علشان تريحني ..

يا تمبس ..

الكروسات الحمراء دي لأنو إجابتك غلط

الغريبة أنا ظاهرة عندي
يكون من الجهاز

Quote: الكروسات الحمراء دي لأنو إجابتك غلط

يــــا تيسير
التصحيح بتاعك ده ماسكو معتصم دفع الله ؟
بعدين انا ركبت عجلة معتز بتاعت المرة الفاتت علشان اجي راجع للرد بتاعك ده
وللمعلومية:
صورك القاطعاها من راسك دي .. كان انا بقيت الفــاتح النقر ما ح تفتح لي في السعودية
قالو لي ابينا عديل كـــــــــدا
اتحداك تعالي هنا وجربيها بنفسك

يا بدر ..
مبدع شنو ياخ ؟؟؟

أنا زول هسه مجلفط جلفطة عدوك .. ( شركة أدوية خليجية اسمها جلفار ) ( جه .. الفار .. ده كلام ؟ ).
و فكيتها في تمبس لأني زهجت من زرارة المثقف ديك الخانقه الرقبه . تمبس هو الوحيد الممكن تشوت ليهو أي حاجه و برضو يلعب بنفس الحرفنه : ثقافة .. قراية .. صعلقة .. تلاشه .. دبرسه .. علم .. غنا .. فهم .. أي شي .
( والبتاعة ) بس كلوجتني .. كلامك الشين ده بقاني أب كرنك , و خلاني أتكيف إنو بدر الدين الزول المبدع الفنان الجميل ده بيفتكر إنو أنا عملت ( مساحة ) .. وكمان مع تمبس ؟؟ .. السويته رقدت و انكوعت يا بدر .
( المساحة بكلام المدرسين اسمها بشاورة .. حاضر ؟؟ )
واحد صاحبنا كان اسمو في الإبتدائي بشارة .. بشارة النضيف عوض .. جنوبي معانا كان إسمو مكليلي , كان بيقول ليهو : بشاورة نضيف .. صاحبنا مشى الثانوي قام سم نفسو بشارة عوض الله النضيف .. كيتاً في مكليلي .

ياخ أنا تعبان يا بدر ..
ما تقعد تتلولو إنت كمان .

عماد جلفار
سلامي وإحترامي

Quote: أنا زول هسه مجلفط جلفطة عدوك .. ( شركة أدوية خليجية اسمها جلفار ) ( جه .. الفار .. ده كلام ؟ ).

عليه فأنت مجلفر وليس مجلفط

أنا سمعت تحت تحت إنو صلاح عبدالله يطلع أخوك
ممكن اطلب يد أخوك صلاح صحبة على سنة الله ورسوله

تقديري لي عيال عبدالله وربنا يحفظم جميعاً

يا شباب المسالة بسيطة الحمد لله مافي زول إتعوق

• اكتب النص العايز تجري عليه العملية
  
• ظللو
  
• إضغط على أحد الآيقونات الفوق [qoute .. Underline.. Italic.. Bold]
  

وشكر

الحاجات اديناها الطير .. ود عم الحمام الزاجل .. راجع ( العدة ) واديني خبرك
بعدين ما نحن اتفقنا أنو ما عايزين ( كلوجــه ) .. يعني حسع كان لازم تكلوجني مع بدرالدين دهـ انا حسع البخارجني منو شنو ؟؟

..
بــــدري
يا بدرالدين .. دهـ طبعا شغل زي الـــــورد .. شوف لي محمد السني كمان معاك خليهو يأمن..
بعديــن انا من حسع بكلمك أنا تاني ما بشتغل معاك وردية ليل ..
امبارح مساهر بينا الليل كلو .. وحسع مشيت نمتـــه .. وانا ازازي بي هناك


..
عليك الله بتاعت ( السفة مش خطيرة )

عزيزنا و استاذنا_>>




شُـغُـل نضيف ..

وطاب لنا الجلوس على تخت التعليم ،

وما أكرمـه ، من استاذ ، مع تحايانا للشريك " ود دفع الله " ..




___

هيَ الضربة الأولى .. وفي ظنِّي أنّها لا تخلو من جوباك ! لكن ليك علي ،يا تمبسكو

أن نشدد أزرنا ونضبّط الجايات ، بمعونتكم التى لن نستغنَ عنها ..


تخريمــة ../

وأزيدك بيها عياناً بياناً ،،الريالبلير شغـّال زي العجب سيدو

ودمتم كراماً وارفين ..

(Sudaneseonline.com)

(Sudaneseonline)


A B C D

allwan al9ora






Thanks timbs for explanations ..
With Colors

حبيبــنا
محمـــدأبوجــــودة ..
تيرابنــا في واطاتك ما بقوم عــــدار ( دي طبعــا شان ما تقول امدرماني ) وتشبك فيني أهل العوض اياهــــم ( عمنول ) الله مرقني بي كرامة البليلة ..
التكنيك عالي جدا والفنيات حدهــاالسماء ..
اهــا التخريمة الفوق لي تخريمتك ..جبت ليك الصورة خــام .. اتحرفن وقصقص واوزن وعايزين نشوف البروفايل كيفنو ..
الريل بلير بعد كده الحبه ما بتجيهو .. لانو الشغل كان بتاع اسطوات

..
زنجيــــــة ..
دهـ شغل خطير جـــدا ..
استلمي مكانك في عمادة الطلاب مع بدرالدين بس باقي تتحرفني و تسمعينا أغنية

Quote: اللــون .. الصورة .. الخطوط .. الاقتباس

بمناسبة اللون دي عندنا واحد ساخر جداً شغال نقاش قالوا ليهو عايزنك تلون القبة دي
قال ليهم
الجزء المربع التحت دا بلونو ليكم لكن الفوق دا إلاَّ تأجروا ليهو ضب
ههههههههههههههههه

يا وجيه إنت لسة نائم؟؟؟

تمبس
وبدر الدين وعماد عبدالله يجازي محنكم

اتاريكم راكزين تضحكوا بي جاي

عملتو احمر طلع أزرق

تحياتي

Quote: عملتو احمر طلع أزرق

ما قلنا ليكم ..
يا .. كيشه

Quote: ما قلنا ليكم .. يا .. كيشه

كيشة يا مدبرس ,الله يفكها ليك, وان شاء يكون ساهمنا مع تنمبس في فك دبرستك يا عمدة

تحياتي لمن اجي راحعة اعملها ليك احمر اصفر ازرق

سلااااامي

ياقلــــــب ..
عماد .. وبدرالدين .. بالإضافة لي محمد السني انا مقاول منهم البوست دهـ .. وبدفع ليهم بدل انعاش روحي .. وبدل دبرسة .. وأحيانا ...بدل ( خلخلـــة )
كدي حاولي اللون الأزرق ... وواحده واحده .. بتظبط معاك المسالة بسيطة جدا .. ياخي محمد السني الكيشة عرف يلون لامن انت؟؟

هههههههههه
الضب دهـ خريج وين يا بدري؟؟

Quote: اهــا التخريمة الفوق لي تخريمتك ..جبت ليك الصورة خــام .. اتحرفن وقصقص واوزن وعايزين نشوف البروفايل كيفنو .. الريل بلير بعد كده الحبه ما بتجيهو .. لانو الشغل كان بتاع اسطوات

والله يا علاءالدين ، ده امتحان " في التنك!" ، وبيحتاجلو لي قومة وقعدة وTime .. وما
اظن ينفع لي فيهو " علوق الشـّدّة ! " المرقتا بيهو في جُمعتي اللآت الليلة دي ..

ولكن ، جايييك و ح اتحرفن .. بس ما تجي بعدها تقول لي : جيب راس " زياد " !

***
كلامك بتاع " عمنوّل " والتواريب ، يؤكـّد انّك امدرماني في إهاب " أهل عوض " ، فاهنأ
بهذا التنوّع الخلاّق ..


مع التحية للاستاذ وللطلبة والطالبات ..

تمبس ..
يا حقنا ..

ده تطبيق عملي للدروس الخطيرة .. تصدق نحن كنا قادين في ( الطراوة ) بالله حاجة عينك ليها وما تعرف تعمل بيها شنو ؟؟

أها رأيك شنو في ( اللون ) تلميذك ما فقري بالله ؟؟

وبعدين لأنه اليبوست ده فيه زحمة شديدة ( الله يكتر الزباين ) وكلهم جايين للدروس الملح دي ، عشان كده ( نقتك ) إنت وعماد الفوق ديك بعرف أرد ليكم عليها ، بس ما هنا ، بي غادي ..
بدرالدين الحلو... طيب لو شلت يدي أنا آكل ليك بي شنو ؟؟
الله يخليك يا راجل يا أصلي.. وصاحبك السني بي هنا مدورين ليك فيهو صاح ..
ياخ ما تجينا هنا وسيبك من ( مصغط ) دي ..

تحياتي

صلاح عبدالله

صلاح بن عبدالله (شفت بن دي ياها البتجيب الريالات والدراهم)

Quote: بدرالدين الحلو... طيب لو شلت يدي أنا آكل ليك بي شنو ؟؟

خلاص أديني يدك بتاعة الحاجات التانية

Quote: ياخ ما تجينا هنا وسيبك من ( مصغط ) دي ..

وهنا دي وين؟؟؟ وأنا لاقيكم ... غايتو لو في الإمارات النية في (عيد رمضان) زيارة خفيييييييييييفة

ياجماعة ماكترتوها كل واحد عندو خبير أجنبي عايز اعمل لينا فيها ابو عرام بتاع الألوان اقلبكم حسي طرورة
وانت ياولد ياشفت ياتمبس عملت ليك حواريين لكن سوف اهدمها عليك
وش حاقد
انت فاكرنا نحن ما تفتيحه ولشنو هاك اللون ده
عشـــان تأمنووووو

يا محمد السني
تلقاك حسع وراك الآلوان دي بدرالدين ..
مش عامل لـــوان أنت خلاص انا قلبت ليك الصورة دي تعال رجعه لي في مكانته



يا بدرالدين بلاي خليهو يشتغل براهــو عشان ما ( يمسكنا)

يا محمد السني .. نرجع ليك صورتك .. يا مكيش

..
تعديل الصورة منن داخل الكمبيوتر ببرنامج الرسام الملحق ببرنامج الوندوز :[/B
يمكن تعديل الصورة والتحكم في الحجم والأبعاد .. وقصها حسب ما نحتاج..
- نضغط على الصورة (R C ) وopen with paint
لتفتح في برنامج الرسام ..

- نختار من شريط الادوات أعلى الصفحة خيار
Image .. ويظهر معانا محمد السني طوالي

- نختار من القائمة خيار
Stretch/Skew.. وبهذا الخيار يمكن أن نتحكم في حجم الصورة تصغيرها أو تكبيرها.

مثــــلآ:
نصغر الحجم إلى ( 50 درجة ) أفقي و( 50 درجة رأسي ) حيث لابد وان تتساوى الدرجات في التعديل حتى نحتفظ بالوضع الطبيعي للصورة .. بمعنى أن معدل التغيير يكون متساوي في الاتجاهين..ثم نضغط خيار OK لاعتماد التعديل

السني ( كبير 100% )

السني ( صغير 50% )

للتحكم في دوران الصورة والانحراف نختار خيار:
Flip / Rotate
.....

محمد السني بعد وضعه في الخيار الطبيعي :

..
محمد السني في الخيار Flip Vertical

Quote: خلاص أديني يدك بتاعة الحاجات التانية

شتتها يا بدر .. ههههههه .. أتاريك ما عياف

الجميل تمبس

يا شجرة وريفه

ده ظل جميل على مساحتك الخضراء

موده متواصله

استاذ العربي ...
منور والله يا استاذ ..
ومرحب بيك معانا ..
وتعال واكرمنا بي لوحاتك .. وخطوطك والوانك ..
المساحة جميلة جدا بيكم والله

صلاح عبد الله
يا ولدنا
فاقدنك
ياخي البورد ده حاجاتو ساهلة جدا .. بس عايزه ليها شوووية تركيز .. وبعدين من الميزات الفيهو أنو بختلف من بقية البوردات التانية على اساس انو بديك خيارات كتيرة وممكن تصممم أي حاجة حسب نظريتك ومزاجك يعني بي اختصار كدا . النقاش ممكن يلقى راحتو .. الملوناتي بقدر يلقى راحتو .. المصوراتي ممكن يتجدع .. وبتظهر الحرفنة مع طول الممارسة ومعرفة الدروب بس .. الشرح الفوق دهـ عبارة عن تمسيك دروب بس ومتى ما الواحد عرف الدرب بعد كدا بتتوقف المسالة على احساسو وابتكارو ..
حسع عاين عماد وبدرالدين ديل بقو فقريين جدا ومعاك في سرج واحد .ههه .. وانا خايفهم بعد يومين يعملوا ليهم بورد براهم ..
والله ياصلاح الواحد ادمن الشباب ديل عديل .. وعاملين طراوة في البوست دهـ ..
تعرف
كان عندنا استاذ في الثانوي بتاع ادب انقليزي جابو لينا جديد .. وربط لينا وش في أول حصة طلعنا برهـ الفصل كلنا وفتش الادراج كلها .. طلع من الأدراج كمية بتاعت اكياس وعلب .. ( للمزاج ) وكدا .. جاب ليك ( صولات ) المدرسة كلها واكلنا علقة عمرنا ما ننساها بدون فرز .. اها بقى لما يجي داخل الحصة بنقوم نتداغل عليهو ( ولما يقبل على السبورة علشان يكتب حاجة ( بنحك ) ليهو رجلينا في البلاط .. يوم جا داخل وقبل على السبورة وقال لينا العندو كيس ممكن ياخد راحتو ويديني معاهو
تعرف قبل على السبورة .. ( اترجم ) بي كمية اكياس ما عادية .. ومن الوكت داك بقى يجي داخل الفصل .. ولما يحس بينا دبرسنا مع الملل بتاع الحصة يكسرهـ لينا بي نكته نكتتين ويواصل .. بالطريقة دي .. حفظنا ليك الكتب من الغلاف لي الغلاف ..


عملت ليك شنو في موضوع السردبه بتاع المره الفاتت ... مش كدا ؟؟؟

يا أبوجــودة
شنو ياخ نحن ح ( نزووغ ) من أول اختبار ؟؟
..
بعدين شكلك حسيت بالفتنة بتاعتي .. عايز اورطك طبعا مع الود ( زيــــاد) غايتو إلا تطلب مساعدة عاجلة من المصدر الرئيسي .. ( تولوس ) يا تضحي ليك بي نومة ضهرية كاربة
..

Quote: كلامك بتاع " عمنوّل " والتواريب ، يؤكـّد انّك امدرماني في إهاب " أهل عوض " ، فاهنأ بهذا التنوّع الخلاّق ..

أول امس فاتك حوار جميل جدا في النقطة دي .. وكان مسخن سخانة شديدة .. وبدون شك النصرة دائما لي الامدرمانيين ( بتصرف من صديق الموج طبعا )

تمبس
أسحن ليك اعدل الصورة دي ؟؟؟؟؟؟
اسحن ليك الشمار ده ؟؟؟

الجميل تمبس لك الود ولي عوده


محبتي الخالصه وامنياتي الحلوه

تمبس كيفك...
أخوك محتاج لمساعدة فنية و محتاجة لشرح طويل...
ممكن تلاقينى فى الmsn
مساءاً ..
مع الشكر؛؛

عبد الرحمن عزاز
كيفك ؟
امس . كنت مافيش وجيت متأخر خالص .. والنوم طوالي
تلقاني منتظرك اليوم إن شاء الله ..
وأخوك جاهز ما عندك مشكلة..

الجميل استاذ أحمد العربي
الطمع في المزيد من الاضافات
وفي انتظارك الجميل

الشفيف
الفنان
الزول الراقي تمبس
اشكرك على استضافتي
بهذا السخاء وكل الحب لك
خيط جميل من التواصل

استاذ العربي ..
اشرع لك المكان مفتوح لمساتك الفنية .. وريشتك تلون لنا المكان
اتحفنا بما تشاء
ودائما في انتظارك ..

Quote: شتتها يا بدر .. ههههههه .. أتاريك ما عياف

كان أنا عيَّاف صلاح بنعاف؟؟؟
كدا مفهومة مش؟؟؟ ولا أشتتها؟؟؟
تسلم يا عماد

Quote: اها يا تمبس يا لذيذ كيف بتعمل الخلفية الغنائية وتخليها شغالة وباستمرار.

تمبس يالذيذ السؤال ده من الشهر الفات ما تقولوا حاجة

عايز ارد عليك
لكن راسي لافي من قليب الصورة
كدة كويس ؟؟؟؟

أخونا الكان رايح .. ولقيناه..
تمبس ..
يا حقنــا ..

تصدق أخوك الأيامات دي ( مدغوت) في الشغل ( دغتة ) ماعادية ، وأنا بشوت ليك في النقة دي وأنا في المكتب والساعة قاربت الواحدة صباحاً ، علماً بأنو يوم السبت عندنا اجازة رسمية هنا .. والسودان السنة دي شكلو كده ( بح ) .. نسوي شنو يا فردة ، حكم القوي ..
دي ( أول تبادي ) أها ( اللهم صلي على النبي ) تاني حاجة :

Quote: عملت ليك شنو في موضوع السردبه بتاع المره الفاتت ... مش كدا ؟؟؟

تصدق دي شكلها كده زي ( الأمانة عملت لي فيها شنو ياخ )..
المهم ، شنو يا أصلي ما تتصلح معانا شوية ، يعني عاجبك الحال ده والا شنو ؟؟ خليك حلو وألعب لأخوك ( البتاع ) وخلينا نشوف آخرتها شنو ، غايتو يا وداني التوج ، يا التوج وداني ..

دقة سريعة :
شفت الملح بيعمل شنو ؟؟ قلبنا الصفحة ( والتعليم المجاني ) بتاعك ده الما لاقينو أطفال السودان ، لسه ( مُدوّر ) ..
والله المفروض التلاميذ ديل كلهم ( يتخاتتوا ) الشيلة بتاعتك ..


يديك العافية ..

صلاح عبدالله وكده ..

صلاح عبد الله
صباح الورد يا اصلي
تعرف يا فردهـ شغل الليل دهـ بهد الحيل .. وكان الله فتح ليك بي نزله السودان بعد الدوامة دي .. بتكون اسبوعين لي قدام ( راقد خيط ) وما فاهم حاجة .. انا آخر مرة نزلت السودان كنت تلاتة ايام متواصلة ما نمته بعدما وصلت مطار الخرطوم كنت شايف ليك الناس كلهم لونهم اصفااااااااار خموني خم وحات خوتك انا ما عرفت الحاصل إلا بعد خمسطاشر يوم ..

Quote: خليك حلو وألعب لأخوك ( البتاع ) وخلينا نشوف آخرتها شنو

تعرف يا اصلي انا مجتهد ليك بشكل جادي جدا والاستشارات على مستوى عالي عايز اعمل ليك اعادة صياغة من جديد .. غايتو يا جيهتك .. يا جيهتك ( وجيهتك التانية دي أعمل منها حسابك شديد ) علشان بعدين ما تقولي انا ما عايز معاك والفيك اتعرفت ورجع لي حاجاتي زي أول .. اديها صنة بس

دقة سريعة جدا ..

Quote: ( الشيلة بتاعتك ..)

الشيلة .. بتتطقطق عادي .. لكن المشكلة في الاكسسوارات بتاعته .. أخوك كلما يمسك ليهو اكسسوار .. بيطلع الكتب وتااااااااااني يرجع لي موضوع القراية

السني ..

ذكرتني نكتة الاطرش مع المروحة .. والقرد لمن ( طشم ) .. ( محول لي عماد عبد الله للحكي .. وانا وهو بنتحاسب بعدين )...
..
بدرالدين ...
وينك يا ابو الشباب أنت لسه نايم والا شنو؟

بنفسج .. يحليلك يا النايم في العسل

Quote: صفــاء فقيري .. وبنفســج ح ارد ليكم مع بعض لانو سؤالكم مشترك .. لكن كان عملت كدا مع بدرالدين شنــا( بيعمل لي مشكلة ) .. المسالة بتتعلق بالكود المستعمل وبندرج فيهو الرابط بتاع الأغنية ..

كدي راجع الرد ده في الصفحة الأولى .. من الشهر الفات لاظهرت أنت لا ظهرت صفاء فقيري

السني ياخ تمبس دا ما تتحداهو
المرة دي جات سليمة المرة الجاية أنا خايفو يعمل ليكم احمر شفايف ولا مناكير

تمبس الرائع ..

متابعين معاك دائمأ ..

تــــــمــــــبــــس
اتــــــحـــــــداكــ[/PURPLE]

رحم الله الفنان الشامل

عبد العزيز العميري

يا بدرالدين ..
وينك ما ظاهــــر .. وخلاص السني دهـ استعدلو خليهو يتغدي ويجي ..

السنـــي ..

Quote: اتــــــحـــــــداكــ[/PURPLE]

أنت حسع بترجف مالك .. السألك منو؟؟

..
بخـــــاف ..
الف رحمة ومغفرة للراحــل عميري .. كــان عزيز على الشعب السوداني كلو .. وفقدو ما زال حنضل ..
شايفك جبت شبكة وأبوسبــح قلت اجي عليك ... لقيت سوميتــا اللهلوبة قامت بالواجب
واصل معاي بي هنــا ح نعمل شرح للملفات من جديد ..
..

ملحـــوظة:
بالنسبة للاكــواد للكتابة بأنواع مختلفة .. في مواقع بتدي اكواد جاهزة لنوعيات مختلفة للكتابة ممكن الجميع يستفيد منها حسب الطريقة الشرحناها فوق .. يعني مسالة
Copy & Paste

http://www.geocities.com/tarzanhome/code/code.html
..
http://www.qassimy.com/akwad.htm

العزيز محمديــن ..
منور والله .. ومليون مرحب بيك
بالمناسبة خليك قريب .. بالنسبة للملفات .. حنواصل الما تميناهو المرة الفاتت في نفس البوست دهـ إن شاء الله

الملفــــــات الموسيقيـــــة:
إعـــــادة شـــرح
من البوست السابق ..
** تحميل الملفات الموسيقية .. بسهولة ...
..
فكرة عن الفايلات الموسيقية وأنواعها حسب الفورمات:
(WAV) عند تسجيل أي أغنية وإنزالها للمسجل تنزل في صورة ملف موسيقي مفكوك أي كبير الحجم ويقاس الحجم هنا بالكيلوبايت والفورم الموسيقي (WAV) كبير الحجم ويشغل حيز كبير في النت لذا يتم تحويله (Convert)
إلي فورمات أخري .
(MP3) هذا نوع من الفورمات صغيرة الحجم ولكن عنددما ترفع أغنية إم بي 3 لا يمكنك سماعها مباشرة من النت وتضطر لتحميل الفايل ثم سماعها.
(WAM) هو نوع أخر من الفورمات أقل حجما من الواف وأكبر من أم بي3 .

..
يمكن تحميل الملفـــات الموسيقية بطريقتين:
من جهـــاز التسجيل
من القرص المضغوط C.D..
..
من جهاز التسجيل:
نبدأ كما في السابق بتحميل البرنامج وملحقاته ومن ثم تسجيله فشرح العمل به.:
http://www.acoustica.com/mp3-audio-mixer/download.htm
تحميل الملف الرئيسي من هنــا:

والملف المساعد من هنــا:

هناك عدة نقاط يجب مراعاتها والتعامل معها بتركيز عالي . كما أن هناك ضروريات يجب توفرها حتى يتم العمل بالشكل المطلوب:
- التأكد من صلاحية ( كارد ) الصوت المثبت بجهاز الكمبيوتر وعمله بشكل جيد وجودة عمل السماعات .
- التأكد من تنصيب البرامج المساعدة لسماع الملفات الصوتية كبرنامج ( الريل بلير ) و( الوندوز ميديا بلير ).
- جهاز استيريو صالح للاستعمال.
- تحضير Cable ( وصلة صوت ) لتكمل الدورة ما بين ( كارد ) الصوت بجهاز الكمبيوتر وجهاز الاستريو. مع مراعاة أن هذه ( الوصلة ) ذات راس متشابه يدخل في كارد الصوت بجهاز الكمبيوتر وفي مدخل المايك في جهاز الاستريو.

تمبس مشكور يا حبه

والله يديك العافية ويجزيك خير

قول امين

تمبس يافكى الصور والالوان والخطوط

داير السنى يعدل صورته المقلوبة ياحليلك

هو قادر ينقلب على صفحتو عشان يقلب صورتو

انت ياتمبس بتتكلم مع محمد السنى وانا بتكلم عن محمد السمنى

بخـــــــــــاف ..
على الرحب والسعة يا صــاحب ..
وما تخــــــــاف من اي حاجة .. كل المشاكل محلولة..


..
صباح الخير يـــــا ( الأمير )

Quote: داير السنى يعدل صورته المقلوبة ياحليلك

يعني يا بدرالدين عايز تقنعني أنو السني طلع .. سني عادي والا شنــــو

تمبس حبيب المناكفين

هو طلع سمنى غير عادى

Quote: يعني يا بدرالدين عايز تقنعني أنو السني طلع .. سني عادي والا شنــــو

اسوي ليهو شنو ياخ
اسي أنا عشان اوقفوا على حيلو التقول بوقف لي في شوال عيش بالله هد حيلي

غايتو تاني أصلي ما بقلبوا السني دا

شكرا تمبس على المعلومة القيمة

Quote: لكن ياخ الشريط ده بيبوظ الصورة .. ( عامل زي الشخوت الفي رقبة الحبشية ) . الدبارة كيف يا أصلي ؟؟ ده شعراً ما عندنا ليهو رقبة ..

غايتو يا عومدة دي
ما صبقك عليها غير منعم صاغة
وحسين مارسيدس في الزمن السمح
ربنا يديهم العافية

Quote: بعدين الجنزير الرابط بيهو بكري الصور دهـ انا برضو عامل لي ( زلزال )

يا عومدة.. عاين

انتا وصاحبك الاصلي التفتيحة دا
ارمو لي ميلاتكم في البرايفت
وبحل ليكون الموشكله دي
نكسب فيكم الاجر





ؤبعدين يا اصلي اسهل حاجة تعمل بيها كوت
بعد ما تعمل كوبي للموضوع ؤبيست على رساله الرد

تظلل الجزء المطلوب وتنقر على ايقونه الكوت
حتلاقي المطلوب على النافذة تعمل اوكي وتتخارج

ؤبث


قال تفتيحة قال



بره الجك

يا عومدة..

عبدالرحمن فؤاد بيقول ليك
فك المسجون يا فردة.. سخنتا بينا

طيفور يا صاحبي ..

Quote: فك المسجون يا فردة.. سخنتا بينا

أفك شنو ؟؟ هو عبد الرحمن فؤاد ده من أيام الغابة بيقعد شمال , لمن تصلو بتكون حرباشة ..

Quote: وبعدين يا اصلي اسهل حاجة تعمل بيها كوت بعد ما تعمل كوبي للموضوع ؤبيست على رساله الرد تظلل الجزء المطلوب وتنقر على ايقونه الكوت حتلاقي المطلوب على النافذة تعمل اوكي وتتخارج وبث

يعني هسه إنت عامل فيها ود النقاش ؟؟ .. القلتو ده يا عبدو داير ليهو درس عصر يعني ؟؟ .
وبعدين أنا قصدي سماينش الحبشية ست الشاي ديك .. وبث .
إنت و مرسيدس و صاغة و عصام عبدالحفيظ بتعرفوا سماينشات تانيات .

تمبس .. الزول الإسمو طيفور ده غتيت وشكلو كده لابد ليهو لبده مااااا ياها .
أعمل ليهو شورت كت خليهو يقطم .. لسانو فك الجزر ياخ .

up

up

استاذ تمبس

المدرسة دي مهمله مالك ..

ياخي تعال صلح الصور الطشت ..
لنو البوست ده في ناس كتيرة مغروضه فيه ...
وانا منهم ..

تسلم حبوب

يا خــــوضه الذي علمهم تنزيل المزيكــا

.
البوست دهـ دخلني في .. لوم ، وطلعني من اللــوم .. ودخلني في اضافريني ..
الله يجازي اللي كان السبب يــاخ
تعرف ياخــواض .. يوم جيت ارفع البوست ده واواصل فيهو بي مزاج عالي.. لانو بدرالدين شنا ( حنني ) قال داير ليهو برنامج معين كدا.. وأخوك نساي بقى .. قلت ارفع البوست ده عشان هيثم عبد العزيز وبدرالدين شناالحلو والناس الرسلو لي متابعين البوست دهـ .. جيت لقيت الصور دي كلها .. راحت في خبر كان .. فتشت الصور في الجهاز علشان ارفعه مرة تاني .. لقيته مافيشه .. ياربي مشت وين ؟؟ ياربي مشت وين؟؟ اكتشفت بعد فترة انها موجوده في CD قلت كويس .. طلعت الـ CD علي جنب علشان ارجع الصور مكانه .. اكتشفت أنو الـ CD ما عارفو مشى وين تاااني
يدك معانــا..بكره عندنــا نفير بتاع تفتيش
بعدين
بالمناسبة .. وطلب خاص جدا يا خواض . وعليك الله اعمل لي ( ابديت ) شوف ليك اي برنامج كدا من برامج زمان الخطيرة ديك .. واتقاسماكا البوست دا .. انا كسلان والله وبحب الزغبير كتير

تمبس وينك مختفي كدة انشاء اللة المانع خير
كويس انو البوست دة رجع تاني عشان لسة في حاجات محتاجين نعرفها وبعدين عشان نضع فية تجاربنا يعني نزاكر