Post: #1
Title: ويــــــــــــــــن ..؟؟
Author: tmbis
Date: 07-03-2006, 05:51 PM
Parent: #0
ويــن
الكانوا بيكتبوا ويحكوا عن ( العدل وعن المساواة )
هنــــا
|
Post: #3
Title: Re: ويــــــــــــــــن ..؟؟
Author: الخير محمد عوض
Date: 07-03-2006, 06:02 PM
Parent: #1
تامـبا الحبيب
شـنـو يا تامـبا انحـنا نشـتاق ليك انت
وانت..تشـتاق لينا لناس (العـدل والمـساواة)
لكن لقيتـك
عكـليد 
|
Post: #4
Title: Re: ويــــــــــــــــن ..؟؟
Author: هاشم نوريت
Date: 07-03-2006, 06:07 PM
Parent: #3
تمبس
دبايوا.
اعتقد ان الهجوم فاجا الجميع وربما يتريث البعض قبل الافصاح عن رايه.
همسة.
الظاهر انت بكرة ما شغال
|
Post: #7
Title: Re: ويــــــــــــــــن ..؟؟
Author: tmbis
Date: 07-03-2006, 06:29 PM
Parent: #4
| Quote: شـنـو يا تامـبا انحـنا نشـتاق ليك انت |
أ بو الخيـــرات .. كيفنك
والشوق شديــد
لكن بقينا في حال البلد الما عندهــا وجيع دي . كل ما يصبح عليها صبــاح راجعة لي وراء .. وصبحانة بي تلاتة اربعة انفار شايلين ليهم اختام وورق زي فريق الرابطة
ويكتلوا في الناس الابرياء ويجو يقولوا ليك عايزين حقنا الشالو مننا..
..
دبايوا عليكم يا هاشم ورحمة الله ..
| Quote: اعتقد ان الهجوم فاجا الجميع وربما يتريث البعض قبل الافصاح عن رايه. |
فاجأمنو يا منقــة ؟؟
أنت ما شايف الورق المروس ده والختــم؟ الناس دي يا هاشم عارفة قاعدة تعمل في شنو ..
حسع كان دقيت صدرك معاي بكره من الصباح بنعمل لينا حاجة زي دي
اصلو السودان ده بقى ما عندو وجيع
|
Post: #5
Title: Re: ويــــــــــــــــن ..؟؟
Author: tmbis
Date: 07-03-2006, 06:20 PM
Parent: #3
طفــل انابيب الانقــاذ ( إبراهيم بقــال )
| Quote: الحرب ستمتد الي ان تصل الخرطوم ويقتلع النظام من جزوره |
ينادي بدخــول القوات الدولية لحفظ أمن وسلامة ( أهله ) كما يـــدعي ..
ومن جهة ينادي باستمرارية الحرب حتى الخــــــــــرطوم ..
يدعي بعدم انتمائيه لجهة محددة أو فصيل
ومتصور مع محجوب حسين بيضحك لي آخر ضـــــرس ..
ويسمونــه اصحـــاب المواقف الممجوجة ... بالمنــاضل إبراهيم بقـــال
|
Post: #6
Title: Re: ويــــــــــــــــن ..؟؟
Author: الأمين عثمان صديق محمد
Date: 07-03-2006, 06:24 PM
Parent: #1
فوق لحدي ما الشمس تشرق
|
Post: #8
Title: Re: ويــــــــــــــــن ..؟؟
Author: saadeldin abdelrahman
Date: 07-03-2006, 06:33 PM
Parent: #1
| Quote: اصحـــاب المواقف الممجوجة |
المموجة ممكن برضو
بقال ده اتضح لي انو لو ناضل مع الحمل ضد المرفعين.. ضاعت قضية الحمل!
كل ما نقول عقل.. يخلف ظننا و يثبت نهجه المتسلق.
|
Post: #10
Title: Re: ويــــــــــــــــن ..؟؟
Author: tmbis
Date: 07-03-2006, 06:44 PM
Parent: #8
الأميـــن ..
معاك لي فوق لحدي ما يجــو ..
..
أ بوالسعــود..
| Quote: بقال ده اتضح لي انو لو ناضل مع الحمل ضد المرفعين.. ضاعت قضية الحمل! |
بالجدد انا خجـــلان اني كتبت السطرين ديل علشانو..
لكن قلت ( اجير ) كلامــو دهـ .. قلت يمكن ( المماميج ) الكانوا بيهاجموا في الناس الكتبت عن دارفور ليه كتبو عن دارفور دخلهم شنو ؟.. والناس الما كتبت عن دارفور ليه ما تكتب عن دارفور؟
ولما الناس كانت بتفتح في خشمة .. كانو بيقفلو ليهم بصباع اميـــر..
عايز اشوف المواقف دي شكلهـــا ولونــه شنو بس ؟؟
|
Post: #11
Title: Re: ويــــــــــــــــن ..؟؟
Author: Munir
Date: 07-03-2006, 07:18 PM
Parent: #10
تمبس .كيفك ! . تعرف الظاهر أن حلة السودان دي قربت تنجض !! .. وكل يوم الكونتراست contrast بيظهر زيادة والصفوف بتتمايز ويوم الكعة الجد جد قرب !! .. ياخي الحال دا ما ممكن يستمر كده .. أي عاطل عامل فيها ثائر !! .. والمصيبة أن حثالات الاقوام ـ حكومة علي بتاعين حركات ـ مصرين انهم يحكمونا .. وهم فاضين وما عندهم أي شغلة غير اصرارهم انهم يحكمونا !! .. بالله عليك الله دي يحلوها كيف !! .. تمشي لاسياسي تقول داير احارب السودان يدعمك .. تمشي لادريس دبي تقول داير تكون عصابة يدعمك .. تعمل مظاهرة قدام الكونغرس يملوا ليك حسابك .. تمشي للمنظمات يلبسوك الافرول ومعاه نثريات ولجوء ..ولاحظ ان ابطال هذه المآسي هم شرازم من العطالة الذين امتهنوا ما يسمي بالنضال والثورات !! .. يشعلوا النيران ويكوركوا للعالم عشان يطفيها !! ..
دي متاهة ما ليها نهاية ابتلانا الله بيها !! ..
|
Post: #21
Title: Re: ويــــــــــــــــن ..؟؟
Author: tmbis
Date: 07-04-2006, 01:06 PM
Parent: #11
| Quote: والمصيبة أن حثالات الاقوام ـ حكومة علي بتاعين حركات ـ مصرين انهم يحكمونا .. |
العزيز منير
لخصت كل الحاصل في الاقتباس اعــلاهـ ـ كل الهيلمانة دي والموت علشان كرسي السلطة دي ..
( شيخهم ) العلمم السحر وجعل منهم امراء بالامس وملاك لمفاتيح الجنة يزفو ليها بي مزاجم خيرة الطلاب في محرقـــة جماعية .. عــاد وسحب كلماتو واصبح مفتي بالاتجاه الآخر ..
أيه يمنعهم هم من ممارسة نفس الحزلقة بعد تغيير بعض الألوان في المسميات واللعب على الدقــون .. ( لتبهير ) الحلــة؟
ومن متين متعطش سلطة وباحث عن الثراء انتبه لقضية شعب أو أمة ؟ ما كانوا فيها ولهفو وملو بطونهم .. وشربو من دم الشعب المغلوب على امرو .. ونفخو ارصدتهم كان في سويسرا كان في بريطانيا ... يعودوا مجددا لنفس المسرحية القديمة البحث من جديد عن السلطة على جماجم واشــــلاء الغلابة والتعابة والعزل ...
كل ما يدار هناك بحث عن السلطة .. من خلف ستـــار لا يمت للواقع بي اي صلة..
احتمال نجاحهم هذه المرة صفر كبير جدا.. ومحاولة تزييف الواقع لن تمر على كل صاحب عقل راجح ...
|
Post: #12
Title: Re: ويــــــــــــــــن ..؟؟
Author: Ahmed Abdallah
Date: 07-03-2006, 09:32 PM
Parent: #1
تامبـا..
إزيكـ ...
أسمعني... بتعرف الكوكـة الـ بتقوم في العين ..
اهـا أقعد باري لي بوستات بقال دي لمن تجيكـ واحدة ..
سلام يغشاكـم...
|
Post: #13
Title: Re: ويــــــــــــــــن ..؟؟
Author: bob
Date: 07-03-2006, 11:34 PM
Parent: #12
****
up
|
Post: #14
Title: Re: ويــــــــــــــــن ..؟؟
Author: ود الباوقة
Date: 07-04-2006, 01:37 AM
Parent: #13
| Quote: فوق لحدي ما الشمس تشرق |
نحن منتظرين ساعة الغروب .. مع ساعة الغروب مشيت اسال عليهم اين هم الان . اخرجوا سريعا ..
تامبا يا اخوي جماعتك ديل كان خرج واحد فيهم لومني ..
ود الباوقة
|
Post: #15
Title: Re: ويــــــــــــــــن ..؟؟
Author: الأمين عثمان صديق محمد
Date: 07-04-2006, 01:55 AM
Parent: #14
Quote: الأميـــن ..
معاك لي فوق لحدي ما يجــو
|
باقي ليك بجو
وانحنا قاعدين ليهم اليوم دا كلو لحدي ما تشرق شمس بكرة وشمس بعد بعد بعدو
اصلو في زمن الاسى المشدود علي وتر الكآبة
في زمان الحرقة والخوف والرتابة
انكتم نبض الاغاني وانبهم حس المعاني
وانجرح خاطر المهابة
|
Post: #25
Title: Re: ويــــــــــــــــن ..؟؟
Author: tmbis
Date: 07-04-2006, 01:33 PM
Parent: #15
العزيز الأمين عثمان
سلامات
..Quote:
الحقيقة
ان هؤلاء القادمون قد تسللوا في جنح ظلام الحمرة
وولوا ادبارهم غربا وليس شرقا
كما يدعون في بيانهم ...
|
اظنهم ماشين بالدرب الفوقاني ..
Quote: لكي يعلم الثوار الميفون هؤلاء
ان سقوط القاهرة في ايديهم اسهل
من الوصول للخرطوم عن طريق بادية الكبابيش .
|
بيان عسكري رقم (1)من جبهة الخلاص الوطني السودانية
راجـــع ..تفاصيل الخيانة في البوست دهـ
|
Post: #23
Title: Re: ويــــــــــــــــن ..؟؟
Author: tmbis
Date: 07-04-2006, 01:21 PM
Parent: #14
Bob
شكرا لتقديم البوست لي فوق ..
..
ود الباوقــة..
| Quote: تامبا يا اخوي جماعتك ديل كان خرج واحد فيهم لومني .. |
طالما أنهم يا ود الباوقــة دخلو في المكان الغلط .. اكيد ح يطلعو بالدرب الغلط
ده لو طلعــو ..
|
Post: #22
Title: Re: ويــــــــــــــــن ..؟؟
Author: tmbis
Date: 07-04-2006, 01:16 PM
Parent: #12
العمدة أحمد عبد الله
مليون ســــلام
..
| Quote: اهـا أقعد باري لي بوستات بقال دي لمن تجيكـ واحدة .. |
انا خايف هو زاتو تقوم ليهو واحدة تانية اليومين دي ..
قال منتظر الجماعة في الخرطـــــوم..
إن شاء الله بس يكون مجهز ليهم كركدي علشان بعد داك يدوهو وزارة وما يروح شمار في مرقة
|
Post: #16
Title: Re: ويــــــــــــــــن ..؟؟
Author: Tabaldina
Date: 07-04-2006, 02:05 AM
Parent: #1
..
.
دى سياسة التخبط العشوائي
وافتقاد الكومنكيشن بين الساسة والقاعدة ..
اما ما تبحث عنهم فهم المنظرين فقط ..
ننتظر معكـ ..
|
Post: #17
Title: Re: ويــــــــــــــــن ..؟؟
Author: معتز تروتسكى
Date: 07-04-2006, 04:10 AM
Parent: #16
العزيز تمبس
تشكر يابلد..
وفوق لمن اقدر اجيك ..
|
Post: #26
Title: Re: ويــــــــــــــــن ..؟؟
Author: tmbis
Date: 07-04-2006, 01:42 PM
Parent: #16
Quote: دى سياسة التخبط العشوائي
وافتقاد الكومنكيشن بين الساسة والقاعدة ..
اما ما تبحث عنهم فهم المنظرين فقط ..
ننتظر معكـ .. |
تنقــا..
ده تخبط عشوائي يفتقد إلى اي سياسة .. دهـ اسلوب حرب العصابات والمليشيا وقطاع الطرق
بدون اي مسميات تانية واكسسوارات وتنظير..
سمعنا وشبعنا سمــع ..الان بنعيش واقــع ح تتنسخ منو مليون صورة وتتكرر
وكالعادة ادمان السكات ( النخبوي ) . ودس الرؤوس في الرمــال
والظهــور في شاشة التلميــع..عند الحوجــة..
..
|
Post: #18
Title: Re: ويــــــــــــــــن ..؟؟
Author: Ahmed Mohammed Osman
Date: 07-04-2006, 04:23 AM
Parent: #1
| Quote: الحرب ستمتد الي ان تصل الخرطوم ويقتلع النظام من جزوره |
التصريحات الغير مسئولة دي ياها زاتا البتولع النيران
ويجو بعدين يقولو واك واك
هسي كدي الله يحلهم من الكبابيش اول
بعداك ان فضل منهم زول اليجو دافرين علي الخرتوم
تمبس
مشتاقين
|
Post: #28
Title: Re: ويــــــــــــــــن ..؟؟
Author: tmbis
Date: 07-04-2006, 01:51 PM
Parent: #18
معتز تروتسكي
كيفنك .. معليش شاغلني منك الشديد القوي
مرحب بيك في اي لحظة المكان مكانك .. والوطن للجميع
..
يا باشمهندس أحمد
الشوق مطر والله
..
| Quote: التصريحات الغير مسئولة دي ياها زاتا البتولع النيران |
| Quote: بعداك ان فضل منهم زول اليجو دافرين علي الخرتوم |
يا باشمهندس اسهل حاجة الكتابة هنــا دهـ ..
الكيبورد ده العميان بيكتب بيهو .. لكن تفضل المواقف هي ما يجب أن نأخذ بهــا
الكلام البقول فيهو صبي الجبهة ده .. قالوا هنا مليون مرة وكذب هنا مليون مرة وشايفو الآن شغال فزعة للحطب .. عايزه تولع
لكن كان ليهو ولي غيــــرو .. أي اعتداء على اي بري مرفوض
ومدام المسالة اصبحت بربرية .. وحكومة مافي وموت من غير ذنب اعتقد كل زول بيقدر يخلص حقــو .. مش هم باحثين للخلاص زي ما بيقولوا .. يلالا نشوف الخلاص كيف شكلــو..
|
Post: #19
Title: Re: ويــــــــــــــــن ..؟؟
Author: ناصر البطل
Date: 07-04-2006, 11:50 AM
Parent: #1
أيوا جينا
ديل أنحنا القالوا فتنا
و قالوا موتنا
و قالوا للناس إنتهينا
نحنا جينا
ستتنتظر كثيرا يا تامبا
فهؤلاء قوم
يديرون معركه في غير معترك
-------------
خارج النص
-------------
مشتاقين يا شين
|
Post: #20
Title: Re: ويــــــــــــــــن ..؟؟
Author: القلب النابض
Date: 07-04-2006, 12:40 PM
Parent: #19
تمبس
صاحب الأسئلة الصعبة في الزمن الصاح
دعهم يأتون ليبرروا فعلتهم هذه
وخطتهم لغزو الخرطوم
دعهم يقولون لنا أنكم وانكم
عاش النضال المتل نضال ديل
ومن ناس ديل وا اسفاي
ومن زي ديل وا اسفاي
تسلم يا تمبس
|
Post: #24
Title: Re: ويــــــــــــــــن ..؟؟
Author: رأفت ميلاد
Date: 07-04-2006, 01:26 PM
Parent: #20
Quote: فهؤلاء قوم
يديرون معركه في غير معترك |
تمبس تحياتى
|
Post: #27
Title: Re: ويــــــــــــــــن ..؟؟
Author: nour tawir
Date: 07-04-2006, 01:44 PM
Parent: #24
تمبس..
أنا بتاوق بالشباك بس..
وكان شفتها ولعت؟
برجع برآآآآآآآآحة..
أوآصل الحرابة بتاعتى....
الفاتت الداحس والغبراء!
|
Post: #32
Title: Re: ويــــــــــــــــن ..؟؟
Author: tmbis
Date: 07-04-2006, 02:13 PM
Parent: #27
Quote: أنا بتاوق بالشباك بس..
وكان شفتها ولعت؟ |
استاذة نور .. سلامات والله .. وكيف اخبارك؟
..
ايوة احسن ليك ( التاواق ربا عيالو )
اصلها الايامات دي مولعة وعايزين نشوف اخرتــه شنو - نحن ما ورانــا حاجة
طالعين في الصقيعة دي .. والنشوف ماشة لي وين؟ كل صباح ( قادنهــا ) بي طرف
|
Post: #30
Title: Re: ويــــــــــــــــن ..؟؟
Author: tmbis
Date: 07-04-2006, 02:04 PM
Parent: #24
Quote: دعهم يأتون ليبرروا فعلتهم هذه
وخطتهم لغزو الخرطوم |
العزيزة القلب النابض ..
سلامات
ليست هناك مبررات أو هناك ما يقولونــه .. تابعي لكل التخبط ومحاولة تزييف الحقائق وتكذيب الواقــع .. يقتلون البسطاء ويدعون انهم هنا لخلاص الشعب ..
لا توجد مبررات انمــا قتل عمــد .. لا لشئ
..
العزيز رافت ميــلاد ..
الف شكر وأنت تتابع كل البوستات المتعلقة وتساهم برأيك الواضح جــدا
للاسف اختفى زمن الحقائق .. والخداع سيد الموقف
|
Post: #29
Title: Re: ويــــــــــــــــن ..؟؟
Author: tmbis
Date: 07-04-2006, 01:57 PM
Parent: #19
ناصـــر..
ياخ بدل الجية التعبتك فيها دي ... حس شوية ارفع ليك سماعــة
..
| Quote: يديرون معركه في غير معترك |
بالضبط ياناصــــر ..
وقسموا بالغليظ أنو كل شبر يتحول لبقعة دم ..
|
Post: #31
Title: Re: ويــــــــــــــــن ..؟؟
Author: Khalid S Yosif
Date: 07-04-2006, 02:09 PM
Parent: #1
العزيز تمبس
| Quote: ويــــــــــــــــن ..؟؟ |
مازال سوالك المشروع قائما. ولكنه بغير اجابه فمعظم المدافعين عن حركات التمرد لم يكتو بنار الحرب ولم ولن ينومو يوما واحدا جوعى او بغير امن. مازال اهلنا يدفعون ثمن سياسات ابنائهم غاليا. مال حمرة الشيخ ومال الخرطوم العندو حاجه مع الحكومه يمشى الخرطوم ولا ده نظام عينك فى الفيل...........
ولكم كرهت تفاهه الثوار والمدافعين عنهم.
|
Post: #34
Title: Re: ويــــــــــــــــن ..؟؟
Author: tmbis
Date: 07-04-2006, 02:22 PM
Parent: #31
| Quote: فمعظم المدافعين عن حركات التمرد لم يكتو بنار الحرب ولم ولن ينومو يوما واحدا جوعى او بغير امن. |
| Quote: مال حمرة الشيخ ومال الخرطوم العندو حاجه مع الحكومه يمشى الخرطوم ولا ده نظام عينك فى الفيل........... |
العزيز خالد يوسف
سلامـــات
السؤال حيفضل معلق في الرقاب ..
الاجابة كما ( المعلبات ) السابقة:
( كيـــــــــــــــــزان )
ودي اضعف الايمان ..
..
مع انــو الاجابة في الواقع وظاهرة للعيان .. قتل وتوسيع رقعة الدمار لخدمة الاجندة الشخصية بعد تغليفه بي سولفان التهميش والكلام ( الني ) السمعناهــو كتير هنــا دهـ واكلنا منـــو لمن شبعنــا..
ولسه عينك في الفيـــل يا خالــد
|
Post: #33
Title: Re: ويــــــــــــــــن ..؟؟
Author: Khalid S Yosif
Date: 07-04-2006, 02:17 PM
Parent: #1
| Quote: وقسموا بالغليظ أنو كل شبر يتحول لبقعة دم .. |
السواى مو حداث
السعن الملان ما بجلبق
|
Post: #35
Title: Re: ويــــــــــــــــن ..؟؟
Author: tmbis
Date: 07-04-2006, 02:25 PM
Parent: #33
لي قدام يا خالد
الله في
|
Post: #36
Title: Re: ويــــــــــــــــن ..؟؟
Author: عبدالرحمن عزّاز
Date: 07-04-2006, 02:30 PM
Parent: #33
Quote: السواى مو حداث
السعن الملان ما بجلبق |
تلصق الطين فى الرجلين ما ببقى نعلين..!
خالد ......... تحياتى و مشتاقين
....
المهذب ... الراقى تمبس
سلامات.....
معك ننتظر الإجابة و التحليل ....
________________________________________________________
البدلة دى مش حذروك منها؟ لو خليت صورتك دى فى البورد بعد أسبوع نزل بيان جديد و أعلن عصيان
منبرى.... عارفنى قاصد شنو مش؟
سلام و محبة للجميع....
|
Post: #37
Title: Re: ويــــــــــــــــن ..؟؟
Author: عبدالحليم خالد التلب
Date: 07-05-2006, 07:43 AM
Parent: #36
أخوي تيمبس
مودتي ،
سؤالك قوي وفي محلو .. وحيث أن السؤال مازال قائماً ؟
فإن الإجابة ببساطة لخصتها أنت في حروفك التالية :
Quote: لكن بقينا في حال البلد الما عندهــا وجيع دي . كل ما يصبح عليها صبــاح راجعة لي وراء .. وصبحانة بي تلاتة اربعة انفار شايلين ليهم اختام وورق زي فريق الرابطة
ويكتلوا في الناس الابرياء ويجو يقولوا ليك عايزين حقنا الشالو مننا.. |
ينصر دينك أخي ، فعلاً إنت رهيب ، وجبت الديب من ديلو .
ونهتف معك كمان : و( لمتين وليه) ؟!
تسلم لأخيك ،
( ليمو )
|
Post: #38
Title: Re: ويــــــــــــــــن ..؟؟
Author: ajaj
Date: 07-05-2006, 05:48 PM
Parent: #37
لفوق ومنتظرنهم وين فاتو
اليجو يقولو حصل لاهلنا شنو في حمرة الشيخ وليه
ومش قالو جايين الخرطوم وينم عشان نلحق نرجع نحارب مع اهلنا
|
Post: #46
Title: Re: ويــــــــــــــــن ..؟؟
Author: tmbis
Date: 07-07-2006, 05:26 PM
Parent: #38
بت عجــاج..
ســــلام
| Quote: اليجو يقولو حصل لاهلنا شنو في حمرة الشيخ وليه |
قالوا ما حصل شئ .. مجرد ثوار دخلوا المدينة .. وح يدخلوا الخرطوم فاتحين .. وح يدكوا كل معاقل العدو في الطريق .. وبالمقابل لن يتعرضوا لأرواح الابرياء ... وما ح يكتلوا ولا ح ينهبوا ولا ح يسرقوا ..
انا غايتو ما صدقتهم
|
Post: #44
Title: Re: ويــــــــــــــــن ..؟؟
Author: tmbis
Date: 07-07-2006, 04:51 PM
Parent: #37
العزيز عبد الحليم خالد
سلامــات..
ما زال السؤال قائم كما أشرت .. وبرغم الاجتهادات الواضحة .. لكن يا ليمو بيقولوا سمح الكلام في خشم سيدو ..
.
.
ومعاك اهتف
ولمتين .. وليه..
كل التقدير
|
Post: #40
Title: Re: ويــــــــــــــــن ..؟؟
Author: tmbis
Date: 07-06-2006, 09:34 AM
Parent: #36
العزيز ..
عبد الرحمن عزاز ..
| Quote: معك ننتظر الإجابة و التحليل .... |
ح تنتظر كتير جـــدا..
أو
اسئلتك الموضوعية تروح شمار في مرقــة.. زي ما تابعت حوارك في بوست آخــــر ..
ـــــ ـــــ ـــ ـــ ــ
| Quote: عارفنى قاصد شنو مش؟ |
عــــارفك  ..
لكن أنت ما عارف أنو التحذير الشفهي دهـ ما بينفع معانــا .. عايزين تحذير مكتوب ومختـــوم ..
بعد كدا يا عبد الرحمن كان ما استلمنا المسالة دي موقعة وفي ورق رسمي
حندخل الغابــة.. جـــــــوهـ
انتهى عهد العصيان السلمي
|
Post: #39
Title: Re: ويــــــــــــــــن ..؟؟
Author: DKEEN
Date: 07-05-2006, 06:05 PM
Parent: #1
Quote: على المواطنين العزل فقتلت اربعة عشر(14)شخص من الشرطة و المواطنين بينهم اطفال و نساء و عدد كبير من الجرحى ودمرت كل البنية التحتية للمدينة من مستشفى ونقطة جمارك و مركز تأمين صحي ونهبوا الدواب و الوقود و كل المواد الغذائية الموجودة في السوق واربعة عشر(14)سيارة للدولة و المواطنين.
نحن ابناء القبيلة في الخليج ندين هذا الهجوم الغادر و الغير مبرر على اهلنا |
وجع والله..
|
Post: #41
Title: Re: ويــــــــــــــــن ..؟؟
Author: Khalid S Yosif
Date: 07-06-2006, 09:02 PM
Parent: #1
الاخ تمبس
عليك الله اقرا الكلام ده واحكم. ديل ما ثوار ديل مجموعه عصبجيه لا شغل لهم ولا مشغله. وكمان جابت ليها الشائب دريج. البدافع عن الحرامى بكون حرامى زيه. والا وينكم انتو... وينكم انتو... الطال غيابكم البورد بيسال عنكم ....وتمبس بقول مرحبابكم. معزره يا موصلى.
Quote: إعتداء جبهة الخلاص على حمرة الشيخ
اسفر عن خسائر تقدر بسبع مليارات دينار
الخرطوم : السماني عوض الله
قدرت الخسائر الأولية لهجوم جبهة الخلافي الوطني على مدينة حمرة الشيخ بشمال كردفان ما بين 6 الى 7 مليارات دينار وأدى الهجوم الى فجوة غذائية حادة بعد ان استولى المسلحون على كميات الذرة المخزنة في المدينة وتوقفت حركة المرور بطريق الأربعين الذي يعد الرافد الوحيد لتغذية المدينة من أم درمان.
وطالبت الهيئة البرلمانية لنواب شمال كردفان بالمجلس الوطني الي كشفت ذلك الحكومة باصدار بيان رسمي يؤكد استبباب الأحوال الأمنية على طريق امدرمان حمرة الشيخ، سودري- حمرة الشيخ، أم كدادة الجنينة، نيالا حتى تنساب حركة المرور على الطريق بعد ان توقف اصحاب المركبات التي تنقل المواد الغذائية الى المدينة عقب استيلاء المسلحين على مركباتهم.
وأكد رئيس الهيئة الشريف المنتكي ان حمرة الشيخ تعاني الآن من فجوة غذائية حادة بعد أن استولى المسلحون على كميات الذرة المخزنة هناك والوقود وانهم دمروا 13 متجراً في المدينة الأمر الذي تسبب في ذلك الوضع. مؤكداً أن الخسائر الأولية قدرت بحوالي 7 مليارات دينار وان المسلحين دمروا المستشفى، مركز الأمن، الاحتياطي المركزي، الجمارك، الجوازات والهجرة وبنكي فيصل الاسلامي والثروة الحيوانية اضافة الى مقر اقامة العاملين بالبنوك والجوازات.
وأوضح في المؤتمر الصحفي الذي عقده عقب اجتماع الهيئة مع هيئة شورى الكبابيس ونواب دارفور الكبرى والنيل الأبيض وبعض الهيئات أن المسلحين استولوا على 6 عربات خاصة بالمواطنين وحرقوا أثنين منها و9 عربات تابعة للحكومة مؤكداً استتباب الأحوال الأمنية بالمنطقة مشيراً الى أن الهجوم قصد به نقل الحرب الى كردفان وتفكيك النسيج الاجتماعي.
وشدد المتنكي على ضرورة ان تصدر الحكومة بياناً رسمياً يؤكد استتباب الأمن على طريق الأربعين مشيراً الى أن الاجتماع امن على الدعم السياسي والمعنوي لمواطني حمرة الشيخ وتكوين لجان للدعم المادي والعيني مؤكداً مساندة الهيئة لكافة الخطوات التي تتخذها حكومة الولاية في ملاحقة الجناة دولياً. |
|
Post: #47
Title: Re: ويــــــــــــــــن ..؟؟
Author: tmbis
Date: 07-07-2006, 05:44 PM
Parent: #41
دكــــين ..
وجـــــع ... برضو ضيفوا لي وجعك ..
..
العزيز خالد يوسف ..
مليون سلام
قريتو يا خالد .. وواضح جدا .. ومحول إلى جهات الاختصاص في البورد .. السادة الداعمين لهذا الفصيل ( المرتزق ).. إلى من حاول دفن حقيقة هؤلاء ( المرتزقة ) إلى كل من ذكر هنــا انهم حركة للخلاص دخلت الحمرة ودكت حصون القوات الحكومية وما تعرضت للمواطنين الابرياء .. ولم تقتل ولم تنهب ولم تسرق ولم تخرب ولم ولم ...
اهدي لهم هذا النصر الذي يهللون له ..
Quote: إعتداء جبهة الخلاص على حمرة الشيخ
اسفر عن خسائر تقدر بسبع مليارات دينار
الخرطوم : السماني عوض الله
قدرت الخسائر الأولية لهجوم جبهة الخلافي الوطني على مدينة حمرة الشيخ بشمال كردفان ما بين 6 الى 7 مليارات دينار وأدى الهجوم الى فجوة غذائية حادة بعد ان استولى المسلحون على كميات الذرة المخزنة في المدينة وتوقفت حركة المرور بطريق الأربعين الذي يعد الرافد الوحيد لتغذية المدينة من أم درمان.
وطالبت الهيئة البرلمانية لنواب شمال كردفان بالمجلس الوطني الي كشفت ذلك الحكومة باصدار بيان رسمي يؤكد استبباب الأحوال الأمنية على طريق امدرمان حمرة الشيخ، سودري- حمرة الشيخ، أم كدادة الجنينة، نيالا حتى تنساب حركة المرور على الطريق بعد ان توقف اصحاب المركبات التي تنقل المواد الغذائية الى المدينة عقب استيلاء المسلحين على مركباتهم.
وأكد رئيس الهيئة الشريف المنتكي ان حمرة الشيخ تعاني الآن من فجوة غذائية حادة بعد أن استولى المسلحون على كميات الذرة المخزنة هناك والوقود وانهم دمروا 13 متجراً في المدينة الأمر الذي تسبب في ذلك الوضع. مؤكداً أن الخسائر الأولية قدرت بحوالي 7 مليارات دينار وان المسلحين دمروا المستشفى، مركز الأمن، الاحتياطي المركزي، الجمارك، الجوازات والهجرة وبنكي فيصل الاسلامي والثروة الحيوانية اضافة الى مقر اقامة العاملين بالبنوك والجوازات.
وأوضح في المؤتمر الصحفي الذي عقده عقب اجتماع الهيئة مع هيئة شورى الكبابيس ونواب دارفور الكبرى والنيل الأبيض وبعض الهيئات أن المسلحين استولوا على 6 عربات خاصة بالمواطنين وحرقوا أثنين منها و9 عربات تابعة للحكومة مؤكداً استتباب الأحوال الأمنية بالمنطقة مشيراً الى أن الهجوم قصد به نقل الحرب الى كردفان وتفكيك النسيج الاجتماعي.
وشدد المتنكي على ضرورة ان تصدر الحكومة بياناً رسمياً يؤكد استتباب الأمن على طريق الأربعين مشيراً الى أن الاجتماع امن على الدعم السياسي والمعنوي لمواطني حمرة الشيخ وتكوين لجان للدعم المادي والعيني مؤكداً مساندة الهيئة لكافة الخطوات التي تتخذها حكومة الولاية في ملاحقة الجناة دولياً. |
|
Post: #42
Title: Re: ويــــــــــــــــن ..؟؟
Author: خالدة البدوي
Date: 07-07-2006, 05:38 AM
Parent: #1
ويــــــــــن
يا نور العين ،،،
ديل هم بس البيصلو اخوي تمبس
ما عدا ذلك انسى يا خوي ،،،
دمت ،،،
|
Post: #43
Title: Re: ويــــــــــــــــن ..؟؟
Author: نادية عثمان
Date: 07-07-2006, 06:05 AM
Parent: #42
قلبى على وطنى !!
|
Post: #45
Title: Re: ويــــــــــــــــن ..؟؟
Author: القلب النابض
Date: 07-07-2006, 05:20 PM
Parent: #43
النهب المصلح وين
|
Post: #48
Title: Re: ويــــــــــــــــن ..؟؟
Author: tmbis
Date: 07-07-2006, 06:56 PM
Parent: #42
العزيزة خــالدة البدوي ..
سلامــــات..
| Quote: ما عدا ذلك انسى يا خوي ،،، |
احيانا النسيان نعمـــة يا خالدة ... واحيانا نغمة
لنكون في منطقة المحايدهـ .. ( ونتناسى ) .. على أمل أن العترة بتصلح المشية
تحياتي
|
Post: #49
Title: Re: ويــــــــــــــــن ..؟؟
Author: tmbis
Date: 07-07-2006, 07:03 PM
Parent: #1
العزيزة نــادية عثمان
اتسال معك .. وقلبي على الوطــن . وانسانـه
..
العزيزة القلب النــابض
منتظر معـــاك..
|
Post: #50
Title: Re: ويــــــــــــــــن ..؟؟
Author: tmbis
Date: 07-07-2006, 07:36 PM
Parent: #1
فوق
|
|